ARJIT BY Angeli Lalmawizuali Fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

ARJIT BY Angeli Lalmawizuali Fanai (Completed)

Unread post by Ngaia » January 4th, 2023, 11:21 am

zzlko6ye.jpg
ARJIT

#completed

Lalruatsangi : Nula pangngai ve mai , Mizo hmeichhia ah chuan a sang pawl tih theih tur fit 5'7 lai a sang , vun ngo lam deuh , thingtlang a awm . chhungkaw harsatna a vang a phai a in hlawh tur a kal , chu ta tang a a hmangaih tak tawng ta .

Arjit Choudhary : Choudhary company nei tu fapa upa zawk , a hma chuan ram dang a awm char char thin . India lam a an sumdawnna en kawl tur a rawn haw . Mipa hmeltha leh chhelo tak , nelawm loh em em . Zaithiam tak , ram pum huap khawp a zaithiam lar leh mite hriat hlawh tak

Lalmalsawma : Chhungkaw hausa tak a tang a seilian , a chhungten an duat sual ve zeuh zeuh thin . Kawlhrawng tak mahse hmeltha leh pian nalh em em .

Akash Choudhary : Choudhary company nei tu fapa naupang zawk , sual ve tak , hmeichhe hrang hrang kawp kual thin , sum ren na chang hre lo . Chhelo ve tawk tak .

---------------------🎀------------------------🎀----------------------------------

ARJIT

#Prologue

" I thil sawi hi i hrechiang a maw? I la inchhir dawn tih i hre lo em ni ? Mizo society pawn a remti lo tih i hre ve vek . Mizo mipa duh tu che kan awm lai a a ni kher i thlang hi ila inchhir ngei ngei ang , ngaihtuah chiang rawh , a pek theih che chu ka pe ve thei vek che , ka hmangaih che ka tih kha ," Ti pah in Malsawma chuan ka ban chu a hmer vak a .

" A na a nia min thlah rawh ," Ti ve hlar in a ban chu dahthlak sak ka tum a , a hmer nghet viau leh nghal . Thinrim tak a en let ve kar in " Ni e i sawi kha chu a dik vek , Mizo mipui in min ngei vek dawn tih pawh ka hria mahse he ka feelings hi ka duh duh a ka tih reh theih a ni miau si lo a ni . I that loh bik na ka hre hek lo mahse a ni nen saw chuan in tehkhin ngai suh . Ka chung ah i fel in i tha thin em em a hetiang a ka chet vang pawh hian ka tihpalh ," Ti in a tawp lam phei chu a ri chhuak cheng cheng chauh .

------------------🎀----------------------

" Bawihi kha ti khan sawi ziah suh , tun ah te chuan mihring kan changkang tawh lutuk a lawm kha i ngaihdan hmanlai lutuk ang kha tuman an nei tawh lo , eng chu nge i hlauh viau a . Kan hnam leh sakhua a in an loh vang hi em ni ? ," Ti a min en tu chu rilru na lutuk in ka thlir reng a .

" Arjit nang leh kei chu in tawng tur a ruat mahse awmdun tur a duan kan ni si lo a ni . Kan Mizo society hi i hrechiang lo a ni , kan tan chuan tiang hi a theih ve loh ," Ti in mittui tling pam in ka hma a beidawn hmel zet a min en reng tu chu ka en let ve kar a .

" I kal dawn maw ?min kalsan dawn maw ?Kan thutiam leh duhthusam te kha i kal bo pui vek dawn em ni ? tiang hian ti suh ," Ti in hriat theih mang loh hian a phun sup a .

" Ka tihpalh a ni , kan piang nawn leh te a nih chuan i tan chiah ka lo piang ve tawh ang , tun a tan chuan mangtha ," Ti pah in ka hmangaih chu ka chhuahsan ta a .

A thil rawn sawi leh a vang chuan ka ding leh chawt a " Engtiang a rei pawh nghah ngai mah la ka nghak reng che a nga , khawi hmun ah pawh awm la ka lo zawng chhuak zel ang che ," Ti a a sawi a vang chuan ka mittui chu dan rual loh in a luang nghal zawih zawih a , a hmel ka hmuh duh tawhloh a vang in chak zet in ka pen sawn hlawk hlawk bawk .

A ni kha ka duhvang a kalsan ka ni lo , ka chhungte nen a in mi hran ai chuan , a ni kalsan hi ka thlang ta a ni . Na lo ka ni lo a , ka na takzet .



ARJIT


Chapter - 1


Edit lo aw


" Bawihte zuk in enkawl uluk viau la , fimkhur bawk ang che aw , kan harsat zia chu i hriat vek hi . Mi fate ang a awm thei i ni lo tih pawh i hriat a ngai a nia , i nun zuk uluk viau la i theih chin chin ah zuk in khawm ang che ," Tih pah in ka Nu chuan bawhlawi rep vel chu bag ah a khung mawlh mawlh a .





Ka hming chu Lalruatsangi a ni a tun ah hian kum 20 na ka hmang ve mek bawk , unau 3 kan awm a kei hi a upa ber ka ni bawk . Ka pa hian motor accident a vang in a ke leh lam a chan a , hna a thawk thei tawh lo ka Nu ringawt chu in nghah chi a ni tawh lo hrim hrim .



Kum upa lam kum 50 dawn a nih tawh bak ah a hrisel lo ve em em a , in enkawl ngai reng a nih ve bawk a vang in kan harsat a zual tak zet . Ka Nu leh Pa thla tin in check up ziah an ngai bawk nen keipawh in 12 ka pass hnu ah school kal zawm lo in phai lam ah hlawh tha zawk beisei in ka kal ve dawn a ni .




Kan khua hi a lian lo a a te chhe lutuk lo bawk , khawpui tih ai chuan thingtlang tih a sawi a la hlawh zawk . Tun a ka kal na tur pawh hi kan thenawmnu Nu Hmuaki min sawipui a ni a , a fanu upa zawk a kal ve. a vang a fak deuh chiam pawh a ni bawk .



A tir ah ka chhungte chuan rem ti vak lo mahse kan harsat lai a lo ni bawk nen Nu Hmuaki'n a fak thiam bawk nen lungsi zan lo chung in ka kal ve dawn chu a nia hei , engtak ang ang maw .



Ka nau te hi an la naupan chu thu hran nise an ni hi chu school kal tir zel a sang tak thleng kal tir ka duh a ni . An nih chak te an nih ngei ka duhsak bawk a vang a tun ah pawh inti pachang lui hram hram ka ni bawk .



Chutiang te chu ni lo se ka Nu leh Pa bul ah lo ka la awm ngailoh a vang in ka chhungte hi kalsan ka hreh tak zet , thih hreh in ka hreh . Mizoram chhung mai ni lo Mizoram pawn a ni bawk nen a ruk tak chuan ka huphurh in ka hlauthawng a ni .




Sumo ticket te kan tih fel hnu chuan kar thar lam ah Aizawl ah ka chhuk thla a nga ka Nu thiannu te in ah zan khat riak in a tuk lam ah Goa ka pan nghal dawn a ni . Ka zuk in hlawhna tur ten kal man vel min tum sak vek dawn a vang in harsatna em em ka nei lo tur ah ka ngai .




Naktuk lawk ah ka chhuk tawh dawn a vang in ka Pa chuan a arpui tui lai chu min talh sak a , chhungkaw kim in chaw kan ei a , kan chhung leh khat ten ar an thawh ve liam liam bawk a , an theih ang tawk chuan min thlah ve in ka hria .




Zan ah chuan birthday lawm ang mai in chhangban te kan kang a , ka thiante bak ah kan thenawmte ka nau thiante , kan chhung leh khat te kan awm kim viau . Ka thian te chuan min ngaih tur thu an sawi malh malh hlawm a , keipawh in ka ngai lawk hlawm viau .




Zing ah chuan ka hriat zin em em ngai a ka neih deuh tawh chu ka Nu in a ngai te bawk in a sawi leh dap dap a , tun tum erawh ka ngaithla uluk viau thung , thinglung leh tih tak zet in ka ngaithla ve ni in ka hria .


Tawngtaina a min thlah in zo artui chhum hi ka Pa chuan min pe a , zin dawn a zo artui chhum hlut danglam bik zia hi chu kei ai a hrechiang an awm bik kher in ka ring lo .



Sumo a tang chuan ka bye bye lauh lauh a , ka Nu chu a mittui a tling pam nimai in ka hria . Keipawh ka bang bik chuang lo ka chhungte chu ka ngai nghal em em ringawt mai a ni . Ka nau te bul ah chuan thu tha chu hrilh in ka Nu leh Pa duat tur leh an thu awih tur te chuan ka chah ve nual a , an awih a ngem tih erawh ka hre bik mai lo thung .



Kan tlan chhuah chuan ka chhungte lan theih na thleng chu thlir in ka bye reng bawk a , an lan theih loh chin ah erawh ka hnuk a ulh nghal ringawt mai , hmeichhe tahbelh tak hi chu ka ni ve hrim hrim a ka chhungte lak ah ngat phei chuan ka tahbelh leh zual a , ka thiante chhan nan erawh ka insual fo a ka tap ngai bik miahlo thung .





Phone pawh chu ka en peihlo motor ka chuang khat bawk nen ka rui in ka hria phone ka en phei chuan ka luak dawn a ka hriat vang in ka vawikhat en kha ka duhtawk , ka en nawn duh tawh lo hrim hrim .




Motor a an hla play chu ngaithla pah in ka lo muhil a ni mah na kan driver Pa Siama chuan min rawn sawi dat dat pah in " Ruati Aizawl kan thleng tawh a nia ," A rawn ti a , chiang mang lo in ka lo bu ve nghauh ringawt bawk .




Ka dak chhuak chu ka ka ka ang nghal pam ringawt , ropui ka va han ti tak . Thil reng reng chu hmuh chuanloh hlau em em in ka thlek dak dak hlawm a , kan tlan pelh tawh ho pawh ka en zui hram hram zel .




Min hmu tu te hian àt hmel min ti ngawt ang tih vel ngaihtuah chuan mahni in ka nui ka nui ringawt a , phone a tang ringawt ai chuan hmun leh hmun ah chuan a pui zawk nge nge a lawm te chu ka ti ta vel mai mai .




Ka Nu thiannu chuan Sumo stand ah Bazar ah chuan min lo hmuak a , min hmuh ve leh lo nui sang in " Motor i rui em , i lo thleng tluang thei maw ? " Ti chuan min lo be nghal siam siam a .



Keipawh chuan reilo te ka ruih thu te chu ka hrilh ve zel a . Taxi ah min chuanpui leh nghal in an in lam chu min pan pui a , a ruk tak chuan motor chuan leh chu ka peih tawhlo tak zet ka luak a chhuak ru em em bawk .




Chanmari kawn ah chuan min chhuk pui in an in lam chu min panpui a , in lian tak pawn lam a tang pawh in a changkang tih hriat reng ah hian min luhpui a , ka zam ru nghal viau .







In a kan luh chuan an nu la bul ah thingpui lum tur in a hrilh nghal a , a ni pawh chu rang tak in a che nghal vat bawk . Mikhual room ah chuan min hruai lut a , zankhat lek riak tur ka ni bawk a a harsat loh dan ber a khawsak chu ka duh a ni .




Inti fai tur a min tih chuan bathroom ah chuan lut nghal in ka inbual nghal sawk sawk a , kan in ah khan inbual tawh tho mah ila in bual nawn ve hrim hrim ka chak ve tlat a tin ni .




Ka inbual zawh chuan choka lam ah chuan ka lut phei ve a ka Nu thiannu chuan thingpui a lo in mek a in ve nghal tur in min lo hrilh nghal vat bawk .




Keipawh chu ka thu thla ve nghal vat a . Ka Nu thiannu hming chu Nu Siamtei a ni a , a fel in a tawngduh a nu nelawm tak a nih ka ring nghal hmiah bawk .





Tlai rawngbawl lai chuan an nula chu ka pui ve a , pui a ngaihloh thu sawi viau mahse puilo a lo awm bik mai mai kha ka duhlo hrim hrim .





Chaw ei a hun tep tih ah chuan Nu Siamtei pasal chu a rawn haw chiah a , min hmuh chuan min nuih suk a ka lo nuih let ve ringawt bawk . Nu Siamtei chuan lo chiauau vat in a bag te chu a dahfel sak nghal vat a , a in thuam dan a tang reng reng sawn hna zahawm tak a thawk tih chu a hriat nghal em em a , a zahawm ru nghal viau bawk .




" Khawnge Mama hi ? A lo la haw lo em ni ?" A tih zawm nghal zat a . Nu Siamtei chuan " Malsawma chaw ei ah ka sawm dawn e a tia , a chhuak a nih kha an rawn thleng tep ang ," Ti in. alo chhang ve vat bawk .




Chaw hmeh te kan tih lum lai chuan an fapa chu a nih ka ring kawngka ah chuan rawn lut in a rawn ri nghal hlut a , a harh ve viau ka ring thawm a dim lo emai . A hnung ah chuan tlangval sang deuh , hmeltha leh pian thiam deuh mai , mitmeng cool zet nei hi a rawn lut ve bawk a .



Chaw kan ei lai chuan Nu Siamtei chuan Malsawma chu a be siam siam reng a , a ni pawh chuan tha tak in a chhang ve mai bawk a , a chezia nen chuan a in mil lo ka lo ti viau thung .




Nu Siamtei chuan ka Nu leh Pa chanchin te min zawt a keipawh chuan ka chhang ve zel bawk , sawi zawm zel in " I Nu hi chu a tuar a chhel ve ngawt mai , ipa hi I Nu chhungte hian an duh lo thei lutuk a , a neih luih chuan tuithlar ah hian an vo a mahse i Nu chuan i Pa kha a thlang lui a .



Chuti ni lo se awmthei tak an ni ve thin a nia , nangpawh in i Nu i chhun a nih hi a nulat lai nen in in ang lutuk ringawt ," Tih pah chuan min fak zawm nghak zat a , ka lo lai ve viau thung .




Ka hma zawn a thu chu ka melh palh a kan thil sawi eiloh hmel zet hian alo ner nawk a nih chu , ka ei lo nghal viau , a in lak sial hmel tlat ka ngainat chi a ni lo .



Zan ka mut hnu ah ka tuihal lutuk vang in ka tho chhuak leh a choka ah lut in tui ka va in nghal khawlh khawlh a " Em em a ," Tih ri a vang chuan ka phu hlum lo chauh .



" Min ti phu a lawm ," Ti vak in a lam chu ka va melh a , khapa bawk kha Malsawma bawk min eiloh hmel zet hian a lo ner leh nang tawh a nih chu , ka huat tawk a tling leh viau thung .




Room lam pan a ka kal lai chuan " Thingtlang," Ti a a phun sup chu ka hria a ka va han ngei tak , ka chhang duh ta em bik lo a a hnung lam a tang in ka melh rum viau thung , in melh hlum theih chu nise a thi chiang viau ang .




A tuk ah chuan zingkar ah ka tho a rawng te ka bawlpui ve nghal a , dar 10 ah ka thlawh chhuah dawn a vang in hma tak ah chaw ei in ka insiam chhunzawm nghal sawk sawk a .



Dar 9 ah chuan airport lam pan in taxi ah chuan ka chuang vang tawh . Airport ah chuan ka hnathawh na tur te hnuai a mi in min lo nghak a engkim min buaipui sak vek bawk .



Goa ah pawh airport ah midang in min lo nghah tur thu an lo sawi luam a , chhang lo in ka lo bu nghat thung .


Thlawhna ah chuan ka muhil char char ani mahna information an puan chuan ka phu zuk a , ka harh nghal . Goa kan thleng tawh dawn hi a lo ni , airport ah chuan ka hming ziak a minlo hmuak tu te lam chu ka pan phei ve nghal vat a .




An ni pawh chuan min hre nghal a ni mahna ka bag vel chu min lo laksak nghal vat a . Ka thawhna tur lam chu min panpui nghal a .



Hotel kan thlen chuan thla khat chhung training ka neih phawt tur thu leh chu mi zawh a hna ka thawh tan theih dan tur te chu min hrilh in an dan te chu min hrilh nghal vek bawk .


-----------------------------🎀-----------------------------------



Thla khat lai chu awm in training pawh ka zo tawh bawk . Naktuk lam ah hna ka thawk ve tan tawh dawn a ni . Tun a ka thawhna te hnuai ah tho an hotel pakhat ah hna min pek a vang in ka lawm ru viau .




Kar khat lai chu ka thawk ve der tawh a , kan buai theih em a vang in lunglen pawh ka hre mang lo a ni e . Ka thian te phun sep sep chu va melh zeuh in " Enge in sawi ka hre ve duh ," Ka va ti haw a .




An ni chuan " Kan Pu fapa upa zawk mawle US a tang in a rawn haw a helam ah sundawnna a enkawl chhunzawm dawn an ti , a chhelo teh mai a nia ," Ti chuan an nui nghal thaw a , ka lo hmu chak ve em em ringawt .



Tuk in ka tho nuam lo khawp mai , ka lu ana bur a ka lu a hai bawk nen , hnathawh chu ka phur teh chiam lo khawp mai .


Eng em em ngaihtuah lo a thil ka ziah lai chuan ka pen chu ka ti per lawp a tu emaw a duh zui . A hmel ka en chuan hmeltha ka va ti tak , vai hmel pangngai pawh a pu lo , a hmeltha tih hian a sawi fiah zo pawn ka hre lo .





Chutia ka en reng lai chuan " Hnathawk tha lo chu he lai ah hian kan mamawh lo in ka hria ," Tu in a kal zawm nghal daih a nih chu . Mak ti leh la hamhaih lutuk chung chuan ka din na ngai ah ka la ding char char a .



Ka thiannu in min sik neuh neuh pah a " I à em ni , jha kha kan boss fapa upa zawk chu a nih kha a hming chu Arjit a nia , vawiin a tang in helai hi a enkawl dawn . A vawikhat hmuhna che a tang in i fhe chhe nghal ringawt a , a fuh vak lo a nia fimkhur tawh rawh ," A tih chuan ka harhchhuak ve chiah .


Mahni chu in beng in " Fimkhur lo lutuk , hna i thawk ve chauh a an ban leh nghal che chuan i hawi lawl lawl dawn a nia Lalruatsang " Tih pah chuan ka in sik leh thul . À ka va han in ti tak .




Mahse khapa bawk kha ani ka ngaihtuah zawm leh nghal chu vai ka hmuh tawh zawng zawng ah a hmeltha ber hial in ka hria , ka ngaihtuahna a vang chuan zak lo ka in leh viau thung .



(Ngaihawm dawn a i hriat chuan like , click leh comment kha aw 🤗 chuan in ngaihdan in lo sawi dawn nia )



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 4th, 2023, 11:21 am

ARJIT - 2


Chapter - 2




Kan in luah a ka luh rual chuan Susana-i chuan min lo beng nghal thawr in " Vawiin ah iva che chhe awm ve a Mary'n min hrilh vek . Kan boss pawh a hre lo a ti che a nia ," Tih pah hian min lo nuih vur vur a . Rum zet a melh in " Sawi tawh suh , mahni tawk ah ka in thiamloh ve mah nak lai a ," Tih pah in room ah chuan ka lut nghal zat a .




Ka inbual lai chuan vawiin a ka hun hman dan te chu ka ngaihtuah let a , a chang in ka lai a , a chang in ka zak thul ka in chhir leh viau thin bawk . Min ban a ngem ? Tih vel bak lo chu ka ngaihtuah thei der lo leh nghal , mahni tawk ah rilru a hah duh viau .



Rawng kan bawl lai chuan ka Nu te ka han bia a , ka biak khat thu an lo sawi chuan ka in thiamlo nghal viau , ka be khat ve bawk em a tin ni . Mahse kan buai ve thin lutuk hi a ni pakhat , chawlh kan nei mang lo bawk nen hun awl kan nei lo tlang viau .



Kei , Susana-i leh Mary te hi training rual vek kan ni a , kan training zawh khan in in luah tawm in kan 3 hian kan khawsa ho a ni . Susana-i hi Khasi mi ni in Mary hi chu Naga mi a ni thung . Kawm an nuam in ka mize milpui ka tawng ka ti lo thei lo , kan khaw lam a ka thiante tih loh ah chuan ka thian tha ber an ni .




Kan thawhna tak ah hi chuan Mizo an awm lo , ka hnam pui midang tal chu awm ve se tih chang ka nei fo , mahse an lo awm vat ka ring hnathawk tur an lak belh reng miau a . Mizoram ah hna a vang bawk nen he lam ah hlawh a lo tha zawk bawk a kan tan chuan malsawmna a ni ringawt .



Chaw kan ei lai chuan kan tawng duh tlang leh viau , vawiin lam thil thleng an sawi ka hlau ru viau a an sawi leh tak tak e . Kan boss an star vang tih ka her vek , a chanchin sawi nuam an tih dan ah hian ka manthiam ve nghal vek sia , min chhaih min chhaih vang chuan an 2 chu ka dem fiam a , an pha nasa viau thung , kan nui thaw ringawt .




Zan ah chuan mut hmun ah kan tawng tui leh hlawm viau , ka thawhna te chhungkua hi an chanchin lam engmah ka lo ngaihtuah ngai loh a vang in ka hrelo viau a , ka thian te 2 chu ka zawt ta nge nge a . An chanchin ka hriat vak loh ka sawi chuan mak tih hmel fee hian min en a nih chu , ka va han kuk chak dun tak .



Mary zawk chu rawn tawngchhuak hmasa in " Choudhary nei tu kan pu ber hi India mi a nia mahse Arjit-a Nu erawh Pakistan a ni thung . Engtia in tawng nge an nih ka hrelo , an in hmangaih viau thin tih erawh ka hria . In nei tha lo in an awm reng a mahse Arjit-a Nu hian nau a pai ta sia , in neih pawh an tum .




Mahse Arjit-a Nu te chhung in an lo duh lo a . India leh Pakistan in mil loh vang ah tupawn kan ngai vek . US a college an kal lai a tang a in tawng an nia , chhungkaw hausa an ni ve ve . An chhungte ber in in neih an remti si lo a an in kawl lui a , mahse Arjit-a Nu chu an rawn lam leh rang viau .




Kan Pu hian Pakistan lam a awm pawh pawi a tih loh thu a sawi a mahse Arjit-a Nu te hi Muslim an nia kan Pu te hi Hindu an ni bawk sia , an in rem thei ngang lo a lawm . Kan Pu hian a sakhua em kalsan chu a duh bik bawk si lo a , ti hian an awm phah a nih hi ," A tih chuan ka lo ngaithla uluk viau .



" Mahse kan Pu hian tun ah nupui a nei sia ," Ti in hrethiam lo zet in ka melh dun zak zak a . Susana-i zawk chu rawn thaw hawk in " Ih e , englo a nia ka Pu hi mipa chhelo ve pangngai tak a ni tih chu i hriat ve tho ka ring , hmeichhe chhelo tak film star a tawng a chu nu nen chuan tun thleng in an la in nei a nih hi . Fapa pawh 1 an nei a sin , an duat viau bawk .





A ni pawh a chhelo lutuk nakin lam ah ila hmu ve mai ang . A hma chuan Arjit hi India ah a awm ngailo . US ah lehkha a zir a , a zai thin bawk company tih vel ai chuan zai hi a ngaina fee zawk , mahse kan Pu hian a chah haw tlat a , enge a chhan kan hre bik lo .




A nau nen hian an in mil lo ve sia , a Nu hrawn in a en hrang em chu ka hrelo mahse ka lo khawngaih ve tawp . Arjit pawh hian a Nu leh Pa chungchang engkim a hria a , chuvang in sakhaw dang bia hmeichhia a date awm kan la hre lo . E....... ni leh lo hman ah tawh khan Christian hmeichhia nen an in ngaizawng tih thu chu kan hre tawh .




Tu nge kan hrelo , an thup thiam viau a niang . Engvang a inthen nge pawh ka hrelo ka hriat zawng chu hmeichhe vannei tak a ni ," Tih pah in thil ngaihtuah muk deuh hmel hi a pu a , a in hmeh lo ka lo ti ru viau .



Ka ngaihtuah neuh neuh a Arjit-a chu ka khawngaih nghal ringawt a nih chu , mahse ka ngaina lo . Min la ban lo anih chuan a hlat a awm zel a ngai dawn a ni , a bul ah hi chuan ka che chhe thei emai ka hna hi ka chan ka hlau ve tho bawk nen mahni in control ka ngai nasa dawn viau in ka hria .




A tuk ah chuan mut kham lo deuh chung in hna chu ka kal ve leh ta hnak hnak a , nizan ah ka muhil har vei lutuk a mahni leh mahni ka in ti hrehawm ringawt chu a nia , chawh ka in ti viau .



Ei tur pek kual leh a chang a reception a lo awm deuh zawng ni mahse ka ke hi a na vek zel , mahni tawk ah hah ka in ti ve thin viau bawk . Chawhnu lam ah chuan kan boss in ka thawhna Hotel chu a rawn tlawh a , a fapa te 2 chuan an rawn zui bawk .



Arjit ni lo zawk chu ka hmuh vawikhat na a ni a ngaihdan han siam mai dan ka hrelo mahse a lerh hmel ka ti nghal viau . A che zia leh a mitmeng lerh deuh saw ka hmu thiam nghal vek , mahse a fel ka ring chuan a chhelo viau bawk mahse a u erawh a la tluk lo deuh a nih saw . Ka ngaihtuahna a vang chuan ka nui suk a , ka hawi chhuak chu Arjit-an mawl min tih hmel fee a min lo en a vang chuan hnuai lam ka bih leh nghal vat .





Tinge maw mahni a ka nuih vur vur reng reng ni , ka àt hmel lutuk hi ka in duh hlawl lo . Kan khua a kan awm lai pawn a à pawl ka ni ngai lo hrim hrim . Midang phei chuan ka chhiatloh thu an sawi a modelling lam a kal tur ten min ti ve fo mahse pawisa kan neilo chu thu hran ni se , lar vel hi ka chak lo hrim hrim , chutiang khawp a mahni tawk a kei ka ni inti ve tawk ka ni thin .




Tun a ka awmdan hi chu keipawn atthlak ka ti viau . Ka thiante 2 hian in enkawl an peih bawk a keipawh in an tihdan ka la ve tawh a , a hma ai in ka vun pawh a nung in ka ngo ve sarh bawk a mahni tawk ah ka mam nalh viau bawk . Mahse chutiang ho chu tun ah chuan engmah lo mai a ni , mi à treat in min treat ni mai hian ka hria .



Kan boss chuan a office a coffee dah chho tur in min ti a , ka kal nghal vat bawk . An office a ka luh dawn chuan thawk ka la leh te te a , chumi hnu chuan kawngka chu kick in ka lut ve nghal a .


Kan boss chuan lo la in lawmthu te chu min hrilh luam a , kei in fel ka lo ti viau thung . Hetiang khawp a hausa si a nun hi a in ngaitlawm ka tih bak ah a bul a awm hi a nuam hrim hrim bawk , a hahdam thlak ka ti in Pa zaidam tak a ni tih ka hre nghal vek bawk .




Ka chhuah leh dawn lai chuan Arjit-a nau chu kawngka zawn ah a lo ding tlat a , ka hamhaih a vang in a awmdan chu mak ti zet in ka en reng ringawt . A mit a ka melh chuan min lo nuih suk a , ka biang rawn khawih a tum chu ka lo awm sawn nghal vat thung .



A pa chuan engtin mah a tih loh a vang in pawi a ti lo a nih ka ring ve tawp a mahse a chetdan a vang chuan ka lungawilo ru viau thung . A mit a melh deuh pah in " Ka Pu khawngaih taki ka lo chhuak ang hmiang ," Ti in hawihhawm fee hian ka bia a .



Engtin mah la awm sawn lo chuan min melh ngar thung " Enge i hming min hrilh phawt la ," A tih a vang chuan " Lalruatsangi ," Ka ti zawi deuh sup a , min rawn nuih ver ver in " Khawi a tang in nge i lo kal ?" A ti leh zat a , zawhna a ngah ka ti viau thung .


Chhan tum a ka ka ka an zuau lai chuan " Akash ," Chang deuh tak hian Arjit chuan a rawn ti nghut a , ka lo lawm ru viau thung . Akash chuan " Okay okay ," Ti a ban phar hluai pah hian a kalsawn ve hram a .




Rang tak in ka chhuak nghal vat thung , an bul a awm chu boruak duh ang a dawn tur ka nei ngailo a a hrehawm ka ti viau , an mi dip a na ka ti . Ka hnathawna lam a ka let leh chuan ka thiante chuan chanchin min lo zawt nghal vat a , chhan na mumal erawh ka pe lo thung .



Sawi pawh ka sawi peih lo , mahni tawk ah hrehawm ka ti em em ringawt . Tlai lam ah chuan Akash chu ka bul ah a rawn ding run a , melh pawh ka lo melh duh lo hrim hrim , buai awm tak in tih tur chu ka zawngkual sek a . A nui ri hawk leh nghal mahse ka ngaihsak duh chuanglo , ka zak deuh tlat tawh .



" Baby ka be duh che ," A tih sup chuan tunge a biak tih hre lo mah ila ka hawi chhuak duh chuang lo . Chutia ka ngaihsak duhloh a vang chuan a lungawilo a ni mah na pai deuh tak hian " Lalruatsang ," A ti hrawk a , ka thil tih lai tawp san in a mah chu ka melh ve nghal vat a .



" Enge ni ta ?" Ka han ti ha a " Ka bia che ," A lo ti nghut thung . Min tihbuai a peih ka tih em a vang in ka ngei ru riau tawh " Baby-i ka ni hleinem ," Ka tih chuan min lo nuih leh suk tawh .


" Okay , i mizia hi a duhawm ka ti dawn riau ," A tih leh phei chuan ka chhang ngam tawh lo hrim hrim . Kan lam pan a ke pen thawm ka hriat chuan ka lo la ru viau , chutah " Akash , he ta awm tur hi i ni hauh lo ," Ti deuh nghut ka hriat chuan ka hawi chhuak nghal vat a .



Kan hma a kekawr inte zen a min lo melh run tu chu ka hmuh zawm nghal zat , a coat suit hak te chu a in hmeh leh viau tawh mahse a hmel hi a nelawm thlawt loh , engtik lai pawh hian a mengrum em em reng ringawt . In lam hlauhawm a tum vang nge pawh ka hre lo , tiang hian meng lo mahse a hlauhawm tawh viau in ka hria .


Akash chuan " Ka awmna tur chu ka thu thu ni in ka hria , nge ni a he hmeichhia hi i hauh deuh bik ," Mei nei zet a a tih chuan ka lo ip nghal chawih thei . " Chutiang a ni lo , mi hna thawk lai tihbuai fo hi a tha lo , mize thing lutuk leh nghal phei chu ," Tih pah a min en chuan ka lo na viau .



Chhe tak a min sawi tel kher a tul a ka hriat loh teh lul nen mi rilru tihnat a hreh lo lutuk chu ka la na tlat mahse engtin mah ka chhang lo thung , ka tawng a nih chuan ka tah chhuak aw hi an hriat ka hlau bawk a ni pakhat .




Akash a kal sawn hnu chuan ka hma a mi chu ala ding reng , kalsawn duh viau mah ila ka ngam bik mai lo thung . " Khawi a tang in maw i lo kal ?" Ti a min zawh a vang chuan a mah chu ka melh nghal vat a .



" Mizoram ," Ti a ka phun sep chuan a mitmeng a danglam nghal zawk , mahse rei a ni lo thung . In siam tha leh vat in " A nih chu i hna thawh tur hrechiang ang che , a bak engmah ngaihtuah suh . Tin , hnathawh lai a mipa lo biak vel kha a mawi vak lo a nia ," Ti sup pah in a kalsawn nghal nal nal a nih chu .



Enge maw a hriat a khatiang a min tawngkhum ringawt le , ka thiamloh ni lo in a nau thiamloh a ni tih pawh a hre ve reng sia , ka ngei ru viau . Mahni chuan ka thinrim ve tun ringawt , tih thei ka neilo lutuk chu ka in haw hlur thei .





Pawn a ka chhuah chuan khua a lo thim tawh a , auto chang in pawn ah chuan ka ding reng . Ice cream ka hmuh chuan ka thinrimna te kha Len bo ang mai in an bo nghal vek in ka hria , hmanhmawh tak in ice cream zawrh na lam chu ka pan phei nghal vat a .


A man te ka pek fel chuan auto chang tur chuan ka phei leh nghal vat a , " zan in hi engvang a auto pawh hi vang em em nge maw a nih le ," Mahni leh mahni chuan ka ti rilru mawlh mawlh a .




Chutia ka ngaihtuahna ka kawm neuh neuh lai chuan thil rit deuh hian min rawn su dawr a nih chu . Min su tu lam chu ka hawi nghal vat a tuemaw hian thio lian deuh deuh hi a lo pawm bawr vak a , a kalna pawh a hmuh theih ka ring lo . Thinrim viau tum mah ila a buai em a vang chuan ka thinrim duh ta bik lo .



" Ka Kal na tur ah lo awm mah ta che ," A rawn tih a vang chuan a hma a ka ngaihtuahna kha ka paih bo leh nghal vat . " Engmaw i sawi , mi awm hle hle lai min lo su ringawt tu chu nangmah i nih kha ," Ka ti let ve nghal sak a .


A kal sawn nghal nul nul leh nghal a tukum chu ka melhrum nghek ringawt . A rawn let leh chuan ka lo melh ling hlar a , mahse ka mi hmuh vang chuan ka mengbial kawk kawk in ka ring " Malsawm ," Ti in ka phun sep a .


A ni pawh chuan min rawn hmu chiang ani mah na " Nangbawk maw , harsatna bul pui ," A la ti zui , ka lo lawm lo viau . Harsatna ka siam sak lai vawikhat mah ka la hre miau lo .



" I zak lo a nih chu , nichin ah pawh tunge min rawn su ringawt tu chu nangmah a nih kha ," Ka ti ve hlar a , min lo nuih suk leh nghal , ka ngei tawk a tling leh viau thung .


Engmah sawi tum lo a min melh ngur a vang chuan kalsan daih chu tha in ka hria a . Ka hma ah chuan car nalh zet mai hi a lo ding a a glass a down a ka mi hmuh vang chuan mak ka ti viau .



Akash chuan min nuih suk pah hian " Lo chuang rawh , ka thlah ang che ," A rawn ti a , a thil sawi chu mak ka ti viau . ka hre sual emaw ka ti hman lek lek zawk a ni .


" A ngai lo , mahni in ka haw thei a lawm ka lawm e ," Mawi hnai tak chuan ka ti a , mahse a lungawi hmel loh khawp mai . " Rawn chuang rawh ," A tih leh nghut chuan ka melh nghal ngar mai , engtin nge ka chhan dawn pawh ka hre mai tawh bik lo .



Ka ngawih reng lai chuan ka hnung a tang a tawng thawm lo chhuak ah chuan ka hawi let vat a Malsawma chuan " Keiman ka lo thlah haw mai ang ," Ti nghut in min kaisawn nghal daih a nih chu .




Ka ban chu vai vak in " Enge maw i hriat le , min thlah phawt teh ," Ka ti vak a , min melh zawk in " Tun ang thim tawh ah chuan hnam dang mipa thlah ai in i mizo pui ngei in ka thlah che hi a him zawk , chuvangin tal tal suh chuan hnam dang mipa hi hnaih suh ," Ti in min kalpui leh nghal daih a nih chu , enge maw a hriat reuh ni .



Mahse a awm ka ti ve tho , tiang teh nuai khan min rawn hmu bawk sia keipawh in ka hnial zui duh ta bik lo . Ka ngawih reng a vang chuan a mah bawk rawn tawng chhuak in " Ka ngainat vang che emaw a ni kher lo a nia ," A rawn ti leh a nih chu , chhang chhunzawm tawh lo in ka melhrum ringawt thung .



( In duh dan te kha rawn sawi ru aw🤭in hmeltha hlawm si , like , comment leh click kha aw 🎀)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 4th, 2023, 11:22 am

ARJIT


Edit loh aw

Chapter - 3



Car ah chuan thu in a tlan chhuak nghal a , engmah erawh kan sawi lo . Kan in luah kan thlen chuan mawi hnai ah ti in lo lut kawi ve tur chuan ka sawm a , a lo remti mai zui , chutiang a a rem ti mai chu mak ka ti ru viau bawk mahse ka ti lang lem lo .





Ka thiante 2 chuan rawng an lo bawl mek a , midang nen a kan lut rual an hmuh chuan mak an ti tih an hmel ah a hmuh theih vek , mahse rei erawh a ni lo thung . Malsawma chu an lo be nghal bawrh bawrh a , a chhang bung thei viau thung , a nelawm loh ka ti ve khawp mai , mi in ah a leng a , a la nelawm loh em em zui .



------------------🎀-----------------------



Kan buai viau a nia nge hun pawh a kal ve mawp mawp a , ka thawhna ah pawh tluang tak in ka la thawk ve zel . Ka thiante nen hian kan in kal chhawk thung , ka hlawh lak hmasa ber chu a chanve pawh la lo in ka Nu te ka thawn vek a , in rin na tur erawh tlem chu ka kawl ve .




Arjit ka hmu ngai lo a Akash erawh nitin a rawn lang thung , a tir a min biak ang khan min be tawh ngailo a ngainat loh tum viau mah ila a ngainat loh theih loh , a bul a awm a nuam in fiamthu a duh viau , mahse a mitmeng lerh lutuk erawh mil har ka la ti .



Kan boss chuan hotel a thawk sa thenkhat hi a company lam ah min sawn dawn thu a sawi a , mak kan lo ti hlawm viau bawk . Hotel a tang a company pangngai a thawh daih chu a in ang lo ve em bawk a ni .




Weekend ah chuan ka thiante nen chuan kan leng chhuak ve a , kan vawikhat chhuah ho na a ni hial maithei a ni , hlawh pangngai tak kan neih hnu ah kan duh zawng then khat chu kan lei ve thei ta lawm .




Parlour a kan kal chuan ka sam rawng thlak tir ve tur in min ti a , pawisa ka ui a vang in ka duhloh thu ka hrilh a , a man min pek sak tur thu an sawi chuan ka thlak ve dawn mai a lawm hei . A buang deuh hring deuh hi a ni a ni sa ah lo chuan a rawng chu a hriatloh viau bawk , min kap eng in ka thiante chuan inhmeh min ti viau .




Hna kan kal chuan kan boss chuan a company lam ah thawk tur in min ti ve a , mak ka ti bawk si ka lawm bawk si chu ka khi thawh reng , eng ber tih ngai erawh ka la hre lo thung , ka zawt ngam miau lo a ni .




A tuk a tang chuan company lam ah chuan ka kal ve ta a , computer pawh ka thiam ve tawh a vang in hna tul an sawi vel lo en fiah tu chu ka ni hrih phawt a , enge ka tih leh zel dawn erawh ka hre hrih lo .



Kan boss hian a sumdawnna hi a enkawl chiah tawh loh a vang in office ah chuan Arjit ber chu a thu thin a . Ka hmu lo rei ve ta bawk nen chutia nitin ka hmu tur chu ka huphurh rual in ka lawm ru viau .



A hmeltha ka ti thar leh ziah leh nghal , mahse han duh erawh chu ai thui lam chu ka ngaihtuah bik hauh lo thung .


Ni khat hna an ruahman vel ka en vel lai chuan office chhung a tang a thil ri bur ka hriat chuan ka tlan lut nghal vat a , ka thil hmuh a vang erawh chuan ka ding nghal chawt thung . Arjit-a chuan a dawhkan chu a lo hnek keh a nih chu , a kut a tang in thisen a chhuak reng bawk .



A lam chu pan phei vat in " Sir i kut kha a thi nasa lutuk a nia , tuam vat a ngai ang ka lo tuam ang aw ," Tih pah a a kut lak sak ka tum chu a lo vai vak a nih chu . Enge maw a hriat reuh ni , ka duh vang pawh ni lo a hliam a pun ka hlauh vang chauh a tuam sak tum ka ni reng sia , a awmdan chu ka ngei tawk a tling leh viau tawh .



Ka luhlul ka chhuah laklawh tlat tawh , ka lut ta sa sa , a kut pawh saw ka tuam sak ngei ngei tur a ni ti rilru chung in a kut chu ka lak luih sak tho a , engtin mah a lo ti tawh bik lo . First aid box chu la chhuak in a hliam chu ka ti fai a , damdawi ka hnawih leh nghal bawk .




" Doctor emaw i in ti em ni ?" A tih chuan ka thil tih lai chu ka tawp dat a , chhunzawm leh nghal vat in " Doctor chu ni lo e , mahse hetiang hi chu ka enkawl ngun ve a lawm Doctor ah min ngai mai rawh ," Ka ti leh ve sep , engtia chutiang a chhang ngam nge ka nih pawh ka hre lo e a .



Ka che vel chu min en tih ka hrethei , ka zam viau bawk . " I thil tih a vang hian i la in chhir dawn a nia , nakin ah chuan duh lo viau mah la awmzia a awm lo ang ," A ti hniam ruih a . A sawi awm zia chu ka hre lo viau thung .



" Nakin ah chuan enge thleng dawn ka hre lo a , ka la inchhir viau a ngem pawh ka hre lo mahse tun ah chuan ka tanpui i mamawh tih ka hria ," Ti chuan ka chhang ve vat a , a lo nui suk ringawt .



Ka tuam sak zawh chuan a kut a tih nat chhan chu zam ru tak si in ka zawt a . " I hnathawh lai chiah ngaihtuah rawh ," A lo ti hmuk anih chu , nichin lawk a a mizia nen kha chuan a in ang lo leh viau tawh , engtia han danglam hma viau nge a nih pawh ka hrethiam lo .




Chhang tawh lo in ka chhuak nghal vat a . Pawn ah chuan a assistance ni ngei tur chuan min lo vuan nghal vat in " Engtin nge i luh mai ngam zawk a ? Tumah kan lut ngam ngai hleinem , vawitam tiang hian a awm thin , tumah luh a phal ngai lo hrim hrim . Engtin nge maw i ngam le ," Hlauthawn hmel feee hian a lo ti vat a , ka nuih mai thung .


" Enge hlauhawm awm a ? A kut kha ka va tuam ringawt a lawm ," Awlsam fe hian ka ti a , mak a tih hmel em em mai leh nghal , a hmel chuan nuih ati za lek lek zawk . Ngaihsak zawm duh lo ka hna chu ka thawh zawm nghal a .




" In ei puar ila ," Tih thawm ah chuan ka hawi chhuak nghal vat a , ka hma ah dawhkan bawh deuh run chung hian Akash chu a lo nui suk a , hna ka la neih thu ka sawi pawh chuan min lo nghah tur thu a sawi tlat leh nghal , hna a thawk ve ngai lo em maw ni le ka ti rilru neuh neuh ringawt .




" Hna i thawh peihloh pawn mi hnathawk lai hi chu tibuai suh ," Tih ri ah chuan a lo chhuah na lam chu ka hawi vat a , Arjit-a chu kan lam ah a rawn pen phei mek hi alo ni . Akash chuan nui suk pah hian " Engtik lai in nge ka U hian hmeichhia ka bia hi a lo ngaihtheih loh tak em em ," A ti chhuak a , mak ti fee in ka lo en thung .




Thawk la hawk in " I hmeichhe biak vang a ni lo , hna i thawh peihloh pawn ka hnuai a hnathawk te hi chu rawn ti buai suh ka ti mai a ni ," A ti chang vak a , ka lo ip ru vat thung , a hlauhawm ka ti ru riau , bak ah an unau in kar a awm hi nuam ka ti lo hrim hrim bawk .



An in melh reng a vang chuan kalsawn ka tum a , ka ban a lo kai in Akash chuan " In ei puar pui tur in ka nghak char char tawh che , min kalsan tum ringawt suh ," Tih pah chuan min pensawn pui nghal daih a .



Arjit-a ruk ri hawk chu ka hre hman hram , hawi let tawh lo in Akash min kalpui ang ang chuan ka kal mawl ve tawp a , midang chuan min en duh viau a nuam ka ti lo lutuk ringawt , zahthlak ka ti .




Kan company bul ah chuan dawr changkang zet hi a awm a tah chuan min luhpui in ei tur chu kan order nghal a , ka vawikhat kal na a nih vang in order tur ka hre lo a Akash lam ang chu ka lam ve hmiah bawk . An thil siam chu a man a to hlawm bawk a an siam tui viau mai .



Thil chu kan ei dun mawp mawp a , ka rilru a ka ngaihtuah reng chu zawh tawp ka rilruk a " Tinge min ngainat em em a ? kei lo hmeichhia pawh an awm teuh sia , min ti buai peih bawk si ," Ka ti chhuak phawng a .




Rawn nui che dawt in " Hmeichhe dang tam mahse i danglam a lawm , a mak lutuk i danglam bik tlat a ka hre biklo keipawn , ka ngaina nghal ringawt che ," A tih chuan " Lerh vang nih chu ," Ka lo ti vat thung .



A lu thing nawk nawk in " Ni lo e , ka U pawh hian tiang chuan a ngai ve tih ka hria chuan a ngaihsak ru che tih pawh ka hria , a mah hian a hrethiam lo mai mai a nih hi , a la hrethiam mai ang ," Ti chung in a ei zawm leh nghal zat a .


Awih lo fe in ka en thung , ka awihlo hmel a hmuh chuan in sawi fiah nghal vat in " Ka thil sawi kha i awihlo a nimaw , ka sawi dik tak tak a lawm . Hetiang a hmeichhia a care leh a en dan che a midang a en ka la hre lo hmeichhe pakhat tih loh kha chu , kha hmeichhia leh nangmah chiah hi tiang khan a la en ," A ti lehe mai a .




Ka hriat zawm chak viau thung mahse ka zawt duh ta bik em lo . Kan ei zawh chuan hmanhmawh deuh in hna ka thawh zawm leh nghal char char a , ka ngaihtuah na ah chuan Akash a hmeichhe sawi ringawt chu a awm bawk , tunge a nih ka hre chak viau .



A ngai te te in ni chu ka chhiar liam ve zel a , hman ni a Akash thil sawi vang kha nge Arjit hian min en duh bik riau in ka hre leh nghal a , ka in ngaihbel mai mai pawh a niang . Kan thawhpui ah hian vai hmel pu lo deuh mai Sanjit hi a awm ve a , a fel in mi biak a peih bawk a ngainat awm viau .



Chhun ah chuan kei , Sanjit leh Camilla te chuan thil hi kan ei ho deuh bik thin a , kan nitin tih dan a nih tawh a vang chuan kan in ngaina tawh hlawm viau bawk .




Kan hna a laklawh a vang in kan haw har deuh bik a , khua pawh a thim ruai tawh pawn ah chuan taxi chang in ka ding reng a Sanjit chuan min thlah tur thu a sawi a , a tlai ve deuh tawh bawk nen ka lo remti mai bawk .



Garage lam pan chuan kan in zui phei a , a thim deuh ruih mai . A motor bul a ka din lai chuan Sanjit chuan enge a hriat pawh ka hre lo , a hawi kual ruai a midang an awm lo bawk nen ka kut chu rawn vuan in " Ruatsang ka duhna che a rei tawh lutuk a sin , min duh ve la hlim deuhin ka siam ang che ," A ti ta mai a nih chu .



Ka kut chu lak sawn ka tum a , a chelh nghet viau leh nghal , ka hlauthawng ru viau tawh " Sanjit thian ang in ka en che a chubak a en che chu ka tum lo , thian ang chauh bak lo chuan ka en thei lo che . Chutiang rilru pawh chu ka pu ngai hek lo ang ," Ka ti chang ve ta hmak a .



A mitmeng chu thinrimna in a in thlak hlawk nimai in ka hria , bang ah chuan min nawr bet rawk rawk in " Ni lo ka duh che a lawm , ka duh chu ka nei thin , nangpawh hi ka nei ngei ngei ang che , i duh loh chuan ka khawih lui hreh hauhlo che ," A ti ta mai a nih chu .



A chet dan a vang chuan ka hamhaih lek lek , harhchhuak zawk in " Min thlah nghal rawh , hetiang a min ti ngam ngawt tur hi i ni lo hrim hrim ," Ka ti ve tlat a , a la nui suk zui , ka rap lek lek tawh . A awmdan hi a mak ka ti dawi àt a ang te ka ti rum rum bawk .


Min rawn fawh a tum chuan ka lo indag ve tang tang a , theihtawp a au in " Min pui ru ," Ka ti vat a , ka biang a ri nghal sawk bawk , min beng ngam a nih chu . Mahse hlauhthawnna ka nei tawh , min khawih lui dawn in ka hria .



Min fawh bawk chu a rawn tum leh a ka lo in dang ve tang tang thung , mahse tuemaw ni hian Sanjit chu a rawn phih leng lawp nimai in ka hria , ka en chuan Arjit a lo ni , a hmel chu a rum viau a , a thinrim hmel lutuk ringawt .



Sanjit chu a hnek a , a tlawh nghal pawp bawk , a chet dan chuan min rap lek lek hial . Sanjit chuan Arjit-a hmel a hmu chu a mitmeng a pha nghak dai mai . Arjit-a chuan " Hmeichhe duh lo chung khawih lui duh mipa chu mipa a chhiar tlak an ni teh hrep lo e , hmeichhia in ka duh lo a tih kha i hrelo em ni ? Engvang a la khawih lui nge i nih a ," A ti vin nghal that a .



Arjit-a chuan min kai pah hian " Tun ah chuan chance ka pe ang che mahse a thleng nawn a nih ngat chuan i thi ang ," A ti chang bawl a , Sanjit erawh a kun ngal a engmah a sawi tawh lo , a zak a ni mahna .




Arjit-a chuan min kalpui hlawk hlawk in a car ah chuan min nawr lut nghal a , engmah ka sawi ve hman lo hrim hrim . A rawn thut luh chuan chak zet hian a tlanchhuak nghal a , a hmel chu a chang tak zet , thawk pawh ka thaw tha ngam mang lo a ni .


In lam min panpui dawn emaw tih lai in kawng dang ah a tlan daih leh nghal . Hawi chhuak vat in " Kan awm na lam a ni lo ," Ka ti nghal chul a " Ka hria ," A lo ti nghut zui . " I hriat chuan kan awm na lam ah kal ta che ," Ka ti leh hram a .



" I tawng tam lutuk , tawng lo in awm ve tawh teh , hmeichhe tawng tam deuh hi ka ngaina lo ," a la ti mai thung ka melhrum nghek ringawt . Nichin lawk a min lo chhan tu a ni tih ka hriat ve kar a vang in ngawih ka chuh ta zawk a .


Hmun reh ruih kan thlen chuan car chu a ti ding ve hram a , a hmalam chu melh ngur in thawk a la vang vang a , tik pawh ka lo ti ngam lo hrim hrim . Tun ah hi chuan a thinrim hmachhawn ka chak thlawt lo a ni .


A tawp ah chuan rawn tawng chhuak ve hram in " Engvang in nge tiang hian min siam ?" A ti a , ka hawi à hu thung , min be lo emaw ka ti hman hial a " Engmaw ? Min bia a mi ?" Ka tih chuan chal ti chuar tap pah hian min lo en a , a lu a bu nghut bawk .



" Engtin nge ka siam che , tih sual ka nei em ni ?" Ka ti bah nawk nawk a , a lu chu tuai puat in " I thil tih a vang in ila inchhir ang tih ka sawi kha ila hriat reng ka ring ," Tih pah chuan min rawn en a . Ka la hria tih hriattir nan ka lo bu nghat thung .


Thu hawk in " Huat che ka duh viau a nia , engvang a hetiang a min siam nge inih ?" Tih bawk chu a sawi leh a , a thil sawi awmzia ka hriatloh em a vang chuan ka hmui ti pawrh vak in ka lo in siam chhe vak thung .


" Hrep tak che hian ," Ti hrawi pah in min rawn fawp nghal. anih chu , min fawp buan buan a , a na lam lek lek hial . Min fawh thut a vang chuan ka hamhaih in chet mai nachang pawh ka hre lo , khawvel te chu a tawp vek nimai in ka hria .


Harhchhuak thut in " Min thlah rawh ," Tih pah chuan a awm ah ka nem tang tang a , ka hmui ah ala seh zui a va han na tak . A in lak hran hnu chuan ka hmui chu ka khawih a , a lo thi a nih chu , hepa hian ka hmui a seh thi ringawt " Enge i hriat a ," Ka ti vin hlar a .



" I hmui ti pawrh tawh suh ," A lo ti duh lek zui , ka ngei tawk a tling leh viau tawh . Engmah sawi tawh lo chuan min thlah a , ka lawm lo lutuk chu ka tum tluan parh in ka hria , khatiang a in fawh thut kha ka ngaina lo , min la seh zui , lawm lo tak hi ka ni .



Arjit pov :


Mut hmun ah chuan ka ngaihtuah neuh neuh a , kha hmeichhe duhawm leh mi hip na ngah lutuk bawk khan a ni ka ngaihtuahna luah khat leh vek tawh ni . Tlai a thil thleng ka ngaihtuah chhuah chuan ka thinrim thar leh viau bawk .


Garage a te deuh that ka hriat kha chianglo viau mahse mangang au ri a ni tlat in ka hria a hmanhmawh tak in ka pan nghal a nih kha . Ka thil va hmuh vang khan ka thinrim lutuk kha ka puak keh lo chauh .


Kha pa Sanjit-a khan ka hmeichhe ngaihven ruk chu a duhlo chung a lo khawih lai ka hmuh khan ka insum hman tawh lo a pawt sawn vat in Ka hnek nghal thuai bawk a nih kha . Ruatsangi kha chu awm lo se na tak a ka sawisak ngei ka ring . Mahse a mitmeng a hlauh na ka hmuh a vang khan ka ti thei ta bik lo .


A hmui a ka fawh lai a a hmui thlum leh fawh nuam lutuk kha ka la feel thei . A chet ve dat dat phei kha chuan ka fawp lui char char chak viau , ka ti lui duh ta bik lo a . A hmui ka seh a vang a a lungawilo hmel kha ka la mitthla thei , he nu hi ngaihtuah loh tum mah ila a ngaihtuah loh theih thlawt loh .



A thinchhe reuh hlir hler si a mizia engkim hian min hip vek . Ka ngaihtuahna a vang chuan mahni in ka khi suk suk a . Ka hmuh hmasak ber ni a tang a khan keimah ah engtin emaw tak a thawk tih chu ka hre tawh mahse ngaihsak loh luih ka tum viau a , ka hlat bawk .



Ka zep lo he nu hi ka duh ka hlau a ni , tihsual leh a nat lwh ka hlau in ka hria . Dawizep in tih chang ngah viau mah ila Christian nula vang a nat chu ka tum tawh lo hrim hrim . Hlat dan ka zawn a ngai leh zual dawn in ka hre bawk .


-------------------🎀-------------------------



" I va ngaihtuah nasa awm ve ," Tih ri ah chuan ka harh chhuak vat. a, ka bul ah chuan Akash chu nuihzat hmel deuh hian a lo ding leh reng tawh chu ni in . Tunlai chu ka hmu khat riau in ka hria , a lo lang khat tlat .



" I va reh ve ," Ka ti ve mai bawk a " Min ngai a nih kha ," Rang zet hian a rawn ti a , ka lo ner nasa viau thung . Ka ner hmel a hmuh chuan nui suk pah in " Zan in chu ka birthday party ah lo kal ve tur in ka lo sawm dawn che a , min hnial suh ka Pa bul ah ka sawi vek tawh , min hnial chuan i hna i chan ang ," A ti nghal zat zat a nih chu .



Engmah pawh ka sawi hma in a chhuak nghal nul nul a "Dar 7:30 ah ka lo sawm ang che , i lo insiam dawn nia ," A la ti lung lung zui , mahni chuan ka nui tawp ringawt . A mizia a inthlak chak ka ti , ka hriat tirh a a mizia leh tun a a mizia hi chu lei leh van a ni ringawt tawh .



Ka thiante bul ah chuan thil awmdan chu hrilh in ka insiam pah nghal sawk sawk a . Min lo phur pui viau leh nghal , ka vanneih zia thu hlir an sawi a ho dun ka ti viau bawk , ka in thuam Dan chu an duhlo dun ngang mai , ner nang in an thuamhnaw bawm hi an hai a , an kawr min hak tir an tum a ni mah na .



Mary kawrdum tight a sir kak chho , sexy tep chu min hak tir a , han hnial viau mah ila min tihluih tlat a vang chuan ka ha ve ta nge nge a , make up thleng in an mahnin min hnawih vek , kei ai in an phur zawk ka tih kha maw .


Akash chuan min rawn sawm a " I nalh lutuk ," A tie sup zui , ka melhrum nghal vak ringawt , a nui duh lek chauh leh nghal . An in chu pui tak ani , a sawi a sawi mai hian a fiah zo lo , ka en char char ringawt , a ropui dan chu puie tak a ni , a thianghlim viau bawk .



Mipui pawh an tam viau , ka awm a nuam lo lutuk ringawt ka kal ve chu ka in chhir nghal rum rum bawk . A thian mipa dang bul ah chuan min hruai a min melh dan a vang chuan ka ngei hlawm viau thung , an lerh hmel si , an hmel hi ka ngaina lo .


An boruak chu ka zo lo deuh a ka hriat vang n pawn lam ah chuan ka chhuak a , thli lo thawh heuh heuh chu ka dawng a , ka awm a nuam huai bawk in ka hria . " Engzat nge i in chhiar ?" Tih ri a vang chuan ka hawi phei nghal vat a . Akash-a thiante zing a mi 1 kha a lo ni .



A thil sawi chu ka. haw viau a " Nawhchhizuar ah min ngai em ni ?" Ka vin ve that a , lo nui suk in " Akash-a hmeichhe kawp ho hi chu tiang vek chu a lawm ni ," A ti leh mai a . " A hmeichhe kawp ka ni lo , a thian ang a lo kal mai ka ni ," Tih pah chuan ka kalsan a .


Bang ah chuan min nawr bet in min fawp nghal ringawt bawk , ka beng a ka hneke ve chiam bawk , engvang a hetiang tawng duh lutuk hi nge ka nih pawh ka hre tawh lo .



Arjit-a chuan a rawn hnek leh nghal hmiah bawk , engtik lai in nge a lo thlen ka hre lo . Min kai in pawn ah chuan min chhuahpui a tum nghal a . Akash chuan lo dang vat in " ka hmeichhe hruai a nih kha hi , thu rawn neih tum suh ," A lo ti run a .


Arjit chuan " I hmeichhe hruai chu ngaihsak chhunzawm ta che , i thian lak tlak loh zet khan khawih luih a tum tih pawh i hre tawp nang ," A ti ve bawk a , a aw chu a nelawm loh leh viau .


" Chu chu buaina tham a tling lo , keiman ka lo ngaihtuah chhunzawm ang ," Tih pah a min kaih a lo tum chuan Arjit chuan a lam ah min pawt nghal vat in " I bul ah hian a him lo , lo in rawlh suh ," Ti hrawk in min penpui nghal pawk pawp a .


Akash-a thil lo sawi vang chuan Arjit chu a ding nghal chat a " Engmaw i sawi ," Ti heawk in Akash lam chu a pan phei a , Akash-a chu a lo nui suk duh chauh a nih chu , a hmel chu a ngeiawm duh viau in ka ring .


Arjit chuan thinrim tak in " Kha thil kha sawi chuak lo tur in ka hrilh ngun viau che in ka hria ," Ti rum ul in Akash chu a melh nghal run a . Kan boss chu a rawn in rawlh nghal vat bawk .


Arjit-a Nu hrawn thil rawn sawi a vang erawh chuan ka meng bial nghal kawk thei Arjit pawh a mit ah natna ka hmu thei nghal .

( Ti hi ni leh phawt se , in duh dan te kha lo sawi zel ula aw hmeltha ho😗🎀)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 4th, 2023, 11:22 am

ARJIT


Chapter - 4

Edit lo aw



" Chhungkaw thil tih khawm ah engvangin nge buaina i rawn siam ?" A ti a nih chu! Nu hrawn mah ni se Arjit hi a fapa ang a a en kha kalo ring ve a , mahse a en loh zia chu ka hre chiang chiah .



Kan boss chu a tawng chhuah ve ka ring a , a fapa a rawn chhan ve ka ring a nia mahse engtin mah a ti lo . Nep ka lo ti ru hman viau , Arjit chuan engmah a sawi lo ka bul ah chuan a rawn phei a , ka ban ah bawk a rawn kai leh nghal chat .



Min kalsawn pui a tum lai chuan Akash chuan " Nakin ah kha hmeichhia ang khan natna bak a pe dawnlo che , chutiang chu hre lawk vek tur i ni . Engvang a tiang lam hmeichhia hlir in ngaihsak nge inih ?" A rawn ti leh vat a .



Arjit-a erawh chuang nui suk in " I in rawlh loh na tur ah i inrawlh tam tawk viau e , ka nun ah lo buai duh ," A tih chuan a Nu hrawn chu a rawn tawng leh vat a mahse Kan boss chuan " Sushmita ," A rawn tih ve that a vang chuan a ngawi nghal mai bawk .



Min kai chhuak nghal dawr dawr in car ah chuan min nawr lut nghal a . Hlau tur ka nih lai in engvang a hlau lo a lainat tlat nge ka nih pawh ka hrethiamlo , nichin thil thleng a vang kha a nih ka ring . Hmun leh hmun a in tawngkhum nan em chuan keipawh in a tawngkam kha na ka lo ti .



Hma lam a melh ngur a vang chuan a mah chu ka en leh zeuh zeuh thin , ka be ngam mai lo thung . Anu a ngai ve thin ngawt in ka ring a.... ni leh lo a ngai lo maithei , a rilru a puitlin hmel emai lunglen tih vel a hriat ve pawh ka ring lo .



Kawng reh thiap ah hian car chu a ti ding a pawn ah a chhuak nghal thurh a ka chhuak ve vat bawk . Thinrim in control tum ni awm tak hian thawk chu ala vang vang a , van lam a melh tlat bawk . Ka en reng tih a hria nge " Khatiang mitmeng khan min en suh ," A tih chuan ka phu zuk thei hial .



" Engtin nge ka en che a ?" Ka ti let nghal vat a . " Min khawngaih hmel deuhin min en , khatiang a in en kha ka duhlo , khawngaih nih ka duhlo chuvangin min khawngaih hmel deuh khan min en tawh suh ," A ti leh sup a . Nui thaw hian " Ka khawngaih che pawh a ni chiahlo ," Te chu ka ti ta vel mai mai a , khawngaih tho mah ila a mah ber in a duh miau si lo a lawm le .




Min thlah tur thu a sawi chuan ka lo bu ve nghal vat a , car a kan chuan lai chuan hla hi a rawn play a . " Awi ... avan zaithiam em em , a aw a nalh ropui sia , a hmeltha ngawt ang ," Ka ti chhuak hliai a , a lo nui suk a nih chu , a nui hmel ala tha em em zui .



Nui chhuak hawk in " A hmelthat chu i ring tak tak em ?" Nuihza insum deuh hian a ti a , lu ka lo bu rang viau " A hmeltha dawn tih ka chiang , ka duh nghal ," Ka ti vat a . Car ti ding meuh a min en in " I duh maw ? I chiang maw ?" A ti nawn leh sup a .



" A aw hian min zem à ," Ka lo ti awlsam viau thung . A nui reng mai , nichin a a thinrimna mitmeng leh a hmel kha chu abo vek tawh . A play lai mek hi a mah a ni tih hrelo ka nilo , ka hre sa vek mahse tih hlim ve hrim hrim ka duh vang a hrelo der ka ni .



Ka thianten zai a ngaina an tih khan a hla vel chu ka enkual nghal vat a nih kha , chuan tun a a play lai pawh a hla zing a ka duh leh ka ngaihthlak uar ber a ni tlat . Engvang a tih hlim tum a engvang a a hlimna chu duh nge ka nih ka hrelo , nichin thil thleng vang ah Khan ka la puh vek , dawt ka sawilo ka khawngaih ve tak tak a ni .



Kan in zawn kan thlen chuan a ding nghal chat a , engtin nge a hriat pawh ka hrelo . Tihian in ah khan a let leh a ngem ? nilo a let miahlo ang , khawi ah nge a kal ang tih vel daih chu ka lo ngaihtuah a . Engvang a ngaihtuah ve chiam chiam nge maw ka nih ni , a hausa a kalna tur a baihchham dawnlo hrim hrim . Ka ngaihtuahna a vang chuan ka lu ka thing nar nar a .




" Atthlak ," Ti a phun sup ah chuan ka harhchhuah leh chiah , a bul ah ka la thu reng à ka inti viau , ani pawh in à tih hmel zet hian min lo en reng " I kawr hak ang kha ha chhuak tawh suh , a lang tam lutuk . Mipa sual in an zuam zel ang che ," A ti ve dut a , ka lo nui hawk hawk thung .


Ka nui chu duhloh hmel zet hian min melh ngur a " Enge nuihzathlak ?" A ti leh hmuk bawk . " Engmah mawle , misual i ni ve lo em ni ?" Ka ti leh hram a . " I hre duh em ?" Tih pah in min hnaih nghal , rang deuh a chhuah tum in ka in her a mahse min man hman tho , a lam ah min kuai her in min fawp leh nghal hmiah .



Tiang a mi fawh phut phut a ching lutuk hi a buaithlak , ka in ring hman ngailo nen ka à vek zel . Min fawhna chu a duhthawh tulh tulh a , a tir a na em em a min fawh ang kha a awm tawhlo , tun ah chuan dam dap leh ril em em hian min fawp a .


Zun a nei nimai in ka hria , engtik lai in nge ka chhan let ka hrelo , ka hmui ka tih chet chuan a phur zual sauh a a duhthawh sawt bawk . Ka awmbawr a rawn dap fuh chiah tih ah harhchhuak zawk in ka in la hrang nghal vat a . Ka zak bawk si chuan a hmel pawh ka hmu ngam tawhlo hrim hrim " Muttui ," Ti sep in hmanhmawh deuhin ka chhuak nghal a .



A nui thawm ka hre hman hram , ka va han zak tak . In ka thlen chuan room ah ka lut tlang nghal a, khum ah chuan thu in ka in beng nghal nawk nawk . " Lalruatsang i à em ni engtin nge i vawh let ve ngam zawk , a ngai hniam vek tawh dawn che a nih kha , a hmel pawh i hmu ngam tawh dawn a mi ," Ti in mahni leh mahni chu ka in hau mawlh mawlh a , a sawt viaulo thung .



Kha zan a tang khan ka duh vang ni miahlo in Arjit chu ka vei a , ka duh em em bawk . Inthup ka tum nasa a , duhloh dan mawlh ka zawng a ka in thiamlo bawk , zaklo ka inti viau bawk , mahse ka duh a ka duhloh ngawt theih a ni tawh der bawk si lo . A ni ve chu a reh hian a reh nghal hmak bawk si . Company te chu kal ve bawk thin mah ila a hmel ka hmu ngailo .



A hmel hmu dawn chiah ila ka ngam angem ka hrelo mahse a hmel hmulo a awm tawp chu hrehawm ka ti viau tawh thung bawk si . A zun a uai nan vawihnih min fawh lek kha a tawk viau a , mahse a zun a uai hi min rawn hre leh tawh chuang bawk silo .


A ngaihawm tawk lekin a awm thiam a han ngaih viau dawn lah in a ngam awm bawk siloh . A tan chuan khatia bawlkual tawk lek kha ka ni a , a ni chuan vawihnih min fawh zawng kha a duhtawk a mahse kei erawh chuan kha thil a vang khan namenlo in kalo duh tawh bawk si .



Ka theih ang a hlat a duhloh chu ka tan a tha berin ka hria a , a mah ngaihsak miahlo a awm pawh ka tum tan a , ka hmu khat ve deuh ta bawk nen ka zia ve fu . Malsawma a rawn lang tam a kan in ah a li leng deuh ziah thin , ka hnampui a nihna ah ka ngaina tawh in a bul a awm pawh nuam ka ti viau tawh .



Ka thiante lah chuan fel an tih thu leh a chhiatloh thu hlir min hrilh chamchi reng a , nia Malsawma hi chu a chhelo , luck pawh a luck viau ka ring mahse ka kit ah chuan mi pakhat chiah duh ka nei tawh tlat a , thian ang bak a en ka tum lo a ka theih pawh ka ringlo .



Vawiin chu kan buai viau zing a tangin engmah kala ei bawk silo nen ka chau ru viau tawh . Chutia buai tak a kan awm lai chuan midang ho chu an reh nghal thap a , ka hawichhuah chuan kan hma zawn ah Arjit leh hmeichhe pakhat chhelo deuh , sang leh pian nalh bawk si , hmeltha deuh nen hian an rawn in zui lut a . A hmeichhe rawm hruai saw model a ni tih chu ka hria mahse a hming ka lo theihnghilh leh daih tawh .



Ka hma zawn an thlen chuan an ding dat a , coffe pe tur a min hrilh in an kal leh nghal a . Hma ka sawn viau tawh emaw ka tih lai in a hmel ka hmu leh chiah chu hma ka la sawnloh zia ka hre thar rum rum mai a lawm .



Coffe ka pek chuan ka che te chu a khawr ru riau in ka hre leh nghal , ka chetsual ka hlau ru viau . Kal leh nghal mai ka tum chu " Tah khan lo awm la , kan in zawh hun lo nghak rawh ," An tih a vang chuan phurlo deuhin ka awm ve ta reng a . Kha hmeichhia khan Arjit chu a duh hmel hliah hliah khawp mai , a kuah deuh tai reng a lawm . Arjit-an kuah let ve lo mahse a lo hnar bik miahlo thung .



Chu chuan min tina ve ringawt bawk , melh pawh ka melh duh tawhlo hrim hrim . An in zawh ve leh chuan an in na chu la in ka chhuak leh nghal a , pawn ka thlen chuan thawk ka la nghal ham ham bawk . Ka awmzawn na lutuk chu ka chum leh ringawt thin , awmzia a awm teh chiam lo leh nghal .




Hna ka thawh lai chuan phone call rawn kal in sir in a file pawimawh a motor a a theihnghilh thu an rawn sawi a , chu chu pe turin min ti bawk . Tinge kei kher min tirh chhan pawh ka hrelo ," ka huphurh tawh viau a sin le ," ti nung nung pah chuan a office lam chu ka pan chho a .



Kawngka ka kick dawn lai chuan hmeichhe nuam tuar thawm ka hria a nih chu! ka ban chu ka la thla riai riai a , ka kick mai ngamlo . Kawngka tlem a in hawn a vang chuan ka bihthla tawp , eng in nge min mawlh ka hrelo mahse enge an tih hmuh ngei ka duh ani , an thil tih chu hrethiam tho mah ila ka mit ngei a hmuh hi ka duh ve miau sia , ka in control hmanlo ani ber .




Bihthlak ngawt chu a fuh ka rinloh a vangin kawngkhar chu hawng thuai in ka lut tawp a , ka thil hmuh a vang erawh chuan ka ding nghal chawt thung . Arjit leh khanu khan duhthawh lutuk in Arjit-a dawhkan ah sex an lo hmang a nih chu! Ka ding à rengin ka hria .


Harhchhuak vat in " Ka tihpalh, hei i file chu aw sir ," Ti in couch bul a dawhkan ah chuan lehkha chu ka dahthla a " Tih zawm ru ," Ti leh in ka chhuak nghal vat . Ka chhuah dawn a Arjit mitmeng kha ka chhiar thiamlo , mak a ti nge a in thiamlo ve . Mahse engvang ngawt in nge a in thiamloh ve ang .



Ngaihtuah zawm duhlo in ka kal nghal sawk sawk a , ka thin zawn thip lutuk erawh chuan thawk a ti harsa tep .Ka nalo ka tih chuan dawt ka sawi chiang viau ang , ka na ve tak zet mahse lo na ve ngawt thei ka nihloh zia ka hriat erawh chuan zaktheilo ka inti thung .




Tlai a taxi ka chan lai chuan ka hma ah Malsawma hi nui vur vur hian a rawn ding a . Arjit-a te rawn chhuak ka hmuh a vang chuan hmanhmawh deuhin Malsawma car ah chuan ka lut nghal ringawt a , nui thaw hian minla en zui , a awm ve reng tiang hian ka awm ngailo miau a . Engmah sawilo chuan a tlanchhuak ve nghal mai bawk .




Side glass a tangin Arjit-a chuan min en zui reng tih ka hmu thei a , ka then nghal sak . Malsawma chuan ka awmdan minlo en reng chu ni in , ka zak hnuhnawh viau mai , chhuanlam ah kan nuih leh ringawt a , a lo khi ve leh suk tho , ka awmdan a hriatthiam ka hlauh dan chu pui tak a ni .


" Naktuk ah lengchhuak ila ," Ti tu lam chu ka hawi vat a , minlo en ve lo thung , " Mut ka duh a sin ," Ka ti vat a ka nui tel bawk . "Thil ka lei ang che , bak ah mut i duh lutuk ," A ti leh mai a , ka lo nuih vak thung .



" Ka fiamthu a nih kha , chhuahpui ah min sawm sia ka kallo phal biklo ," Kan ti zaih a " Phakar nu ," Tih pah in min la kuk fawk zui , ka lu ka tuai ka tuai ringawt . " Tak tak in maw enge itih ?" Thutak deuh hian ka ti a . " College ka kal a chuan coaching ka kal pah bawk , ka final year tawh ," A tih chuan " Iva titha ve ," Ka lo ti ve vat a .



" Nakin ah ka nupui tur hian hna thawklo a nuam deuha a awm ve nan ka heih tang tang a ngai a lawm , ka nupui tur hian pawisa a duh hmel riau a ," Tih pah a min rawn siai zeuh chuan ka lo chum vak ringawt .



Hetiang a min fiam hi a hrat riau , nupui tur hi min ti ve ziah nghal , han huat vak theih ni nik hek suh kan in chum pawp a , a tawp ah chuan kan nui leh nge nge zel .



A tuk ah chuan casual deuhin ka inchei a Malsawma ka lo nghak ran mai , a ni pawh a in chei simple khawp mai . Khua a lum bawk a a inhak tup peih ka ringlo kha a nia , a dik chiah bawk .


Dawr ah chuan min kal kual pui nasa khawp mai , a chauh hnawk theih , ka sam te chu ka ti danglam a , a hma a ngil siau thin kha tlem a roll deuh in ka ti kawi deuh a , mahni tawk ah inhmeh ka inti fu .


Tlai lam a nih tawh a vangin in a haw ngailo in kan in hnawh puar nghal a , kan chawlhna dawr a mi lo lut te a vang chuan ka thil ei lai ka dahthla leh riai riai a . Arjit pawh chuan min rawn hmu ve nghal chat , a mitmeng chu a nelawm loh leh viau tawh .



Ka hmui a thil kai Malsawma'n alo hru a hmu chuan kan lam pan in a lo pen phei nghal pawp pawp a , ka lo tim ru er er thung . Kan bul a rawn thlen chuan a ding run a , rum zet hian Malsawma chu a en bawk , ege maw a hriat teh hrep ni .


A hnung lam a tang chuan hmeichhe inla no zet hian " Babe ilo kal sawn daih a , ka hrilhhai hman a lawm ," A ti nem duai a , ka lo eilo viau thung . " Hmeichhe dang leh bawk ," Ti in ka hriat tawk lek chuan ka phun sup a .


Malsawma chuan hriatthiam loh hmel deuh hian min lo en hu a , a hmel awmdan in ka nuih a tihzat e a vang chuan a biang ah ka va piai zeuh a , ka nuih suk bawk . Arjit-a runluih ka chak a ni ve pakhat .



Chutiang a ka chet a vang chuan Arjit chu a lungawilo tih hriat zet hian min kai tho lawp a , min chhuahpui a tum chu Malsawma chuan " Ka hmeichhe hruai lai hi engvang a hruai hran tum nge inih ?" A ti chang ve fak a . Arjit chu nui suk in " I buaina tur a nihloh chu Mama ," Ti pah a min pensawn pui a tum chuan ka ban lehlam ah Malsawma chuan minlo kai ve vat thung .


Arjit chu thinrim tih hriat tak in a thaw hrawi a , Malsawma chuan " Lalruatsang hei hi enge awmzia ? hepa nen hian in inkar ah enge awm ?" A rawn ti fak a , kei chuan " Ka thawhna a kan hotu pa a nih hi , kan Inkar ah chutiang engmah a awm lo , a hlauhawm si min thlah mai rawh , hna a tang in min ban palh ang ," Ka ti ve nghal vat a .


Chutiang a ka tih mai loh chuan tihdan tur ka hrelo a ni , mi ho hian min en duh mah mah , a zahthlak ka ti tan riau tawh . Arjit-a chu rawn phun hlukin " Khatiang tawng hriatthiam har lutuk khan tawng suh u ," A ti sup a , ka melhrum viau thung . " I insawi fiahna ka phut a nia ," Ti nghut in Malsawma chuan min chhuahsan nghal a .



Min kai tu chu ka melhrum viau " Min thlah rawh , engvanga min tibuai ziah hi nge inih ?" Zawi sap chang fak hian Ka ti a , a nui duh lek chauh leh nghal . Pawn ah chuan min kaichhuak dawr dawr in a car awmna lam chu min panpui nghal a .



Kan tlan chhuah dawn chuan a hmeichhe rawn hruai khan a rawn um dawr dawr a " Babe ," A ti reng bawk , lo eilo viau mah ila ka khawngaih ru phian bawk si . A mipa hruai in ngaihsak lo in hmeichhe dang a buaipui daih a nia , hrehawm a ti ve ngawt ang .


In pakhat lian pui ah hian min kai lut in room lam min panpui nghal dawr dawr a , room kan luh chuan kawngka chu kalh nghal in khum ah chuan min nam thlu nghal pawp bawk . Engvanga hetiang a che ziah hi nge a nih ka hrethiam lo .


" Enge i hriat a , i duh duh a min tih buai hi sim rawh . I eng pawi nge ka sawi ?," Ka ti vin nghal tuar a , ka in sum hman tawh thlawtlo a ni . A sam tuai nawk nawk in " Keipawn ka hrelo , engvang a hetia awm hi nge ka nih .



Tinge ka ngaihtuah tlat che ? Ka peh hel nasa viau che a sin , tinge ka nun ah i rawn luh ?" A ti chhuak tuar a nih chu! A thil sawi awmzia hi ka hrelo tak zet . " I nun ah ka rawn lut lo , rawn luh i duhloh chuan min tibuai tawh bawk suh . in company a tang in ka bang anga , engtik ah mah min hmu tawhlo ang , tiang chuan a tha anga buaina a awmlo animai ," Ti ve nghatin chhuah ka tum. a.



Ka hnung lam a tangin min rawn kuah vat thung , ka ding khawng reng ringawt , tinge a chet thut thut zel ni . " Enge i hriat a min thlah rawh ," Ka ti vat a , " kal suh ," A tih sup a vang chuan ka thaw hak ringawt .



Min kuahna phelh tum a ka tal lai chuan ka hnute ah a rawn tham vak a , ka tawp chiang viau bawk . " Nghala , i duh duh a i khawih theih ka ni em ni ?" Ka ti vin leh tuar a .


" Ka duh duh a ka khawih theih i nilo , ka tan chuan i sang lutuk mahse ka duh miau che sia ," Dam dap a a tih chuan ka che lai chu ka tawp nghal chawt bawk . A thil sawi hi ka hrethiam thei ngai dawnlo a nih hi .


A tan hian ka sang lo nasa lutuk a ka nuih aza zawk chubak ah min duh thu a sawi a nih kha , awihlo lutuk a ka en chuan ati lawm vak lo a ni mahna , nur nang hian min melh a " Eng kha nge i awihloh ," Tum deuh bar hian a ti a , a hmel awmdan a in hmehloh em vang chuan ka nui chhuak hak thung .




" Kei hi min duh a maw ?" Tih pah chuan ka in kawk vel a , ka awmdan chu a duhlo a ni mahna " Aw duh e , nang hi ka duh che ," A ti leh nghut a . A hmel ka hmuh a vang chuan ka nui tawp nghal riai riia , a hmel a thutak lutuk ringawt .




Thutak deuh zawkin ka zawt nawn leh a , tha tak in min chhang leh bawk . Mak ka tih em a vang chuan ka zawt nawn leh thin , a ning a ni mahna " Zawhna ngai min zawt nawn reng suh ," A tita hmuk a . " Engtik a tangin nge min duh ?" Ka ti leh hram chu nin hmel zet a min en in " Ka hmuh hmasak ber ni che a tangin ," A ti hap a .




Mak ti lutuk in kalo en thung " Mahse i office ah pawh ," Ka tih lai chuan " Ka duhna che kha paih bo ka tum a , kar tam tak pawh ka hmu ta lo che , hna tul pawh in lam a tangin ka khawih vek phah .


Mahse hmulo che a awm reng chu a dik in ka hre si lo a , ka rawn kal tawp a nih kha , hmuhloh che duh mah ila ka hmuhloh che chuan ka awm a nuam bawk silo a , chuan khanu kha chu pawn a ka hmuh anih kha . Ka hmelhriat sa tho a nia , sex kha chu hmanpui lawh ka tum lo .



Ka hnathawk lai min khal kual reng a, duhtawk tur in ti mah ila a ti lui zel . Hmeichhia kutthlak ka duh bawk silo a , kha tia min khakh reng a vang khan keipawh in ka chak vat bawk a , nangmah theihnghilh nan a ka hman theih tak in ti in tikhan ka chetpui tawp. anih kha ," A ti dap dap a .



Ngei in a tullo ti viau mah ila tihtheih a awm tawhloh a vangin ka sawi zawm duhlo , lungawi vaklo mah ila a insawi thiam vang hrim hrim pawh chuan tlem in ka hmin deuh .



Min kuahna chu ka kuah let ve chial a , thu in ka duh thu sawilo mah ila ka chezia ah hian ka duh a ni tih a hriat ka ring .


Arjit pov :


Ruatsangi thinglung chu ka hmin ta phawt a mahse keimah ah hian enge maw tak hlauhthawn ka nei bawk si . kha hmeichhia vang kha a ni tih ka hria , khanu kha lo tawng lo ila tun ang hian ka awm pawh ka ringlo , natna mai a ni . Ani kha ka hmangaih thin tak zet mahse na tak a min siam in min kalsan kha a nia .


Rei tak ka mumal lo bawk , hmeichhia ngaihsak ka tum tawhlo a in fiamnan bak ka duh hek lo , one night stand a tan bak hmeichhia hi ka ti tawh ngailo kha a nia . Ruatsangi a lo lang a engkim a ti danglam vek .


A engkim hian min hneh em ani . Model tam tak aiin a pian a mawi zawk a mahse chupawh chu hre awm pawhin a awm lo . kha Mizo pa khan a duh tih ka hria , sawi lo mahse mipa ka nih a vangin a mitmeng a tang khan a duh tih ka hre vek , ka thinrim viau bawk. anih kha .



Mahse tun ah chuan ka ta a ni tawh , ani pawh in min pawm . Thu in sawilo mahse a chezia in a tilang thung , ka lawm viau bawk . mahse min kalsan be mai ka hlau a ni . A ni tal hi chu chan ka duh tawhlo .


Phone ri a vang chuan ka ngaihtuahna a tang chuan ka harh zawk a , ka lak ve leh chuan " Sawi rawh ," Ti nghut in ka ngaithla nghal .


" Ruatsangi a hmu tur a ni lo , office vel ah pawh a hmel rawn lan tir suh ," Ti sup in call chu ka dah nghal. a. Ka thaw zui hawk , engvang a tun a tak a rawn in lan nge anih kahri

" Kum 5 chuang kha ka zawng che a , ka nghak reng bawk che ,. i duh thu in min kalsan tih hre mah ila i rawn let leh ka rin vangin ka beisei reng thin che kha a nia , mahse i rawn langlo a i reh tlawk tlawk a . Tun ah tinge i rawn lan ?" Ti in mahni chuan ka phun sep a .


Ruatsangi ka ngaihtuah nghal vat bawk , ka rilru chu a buai nuaih nimai in ka hria . Ruatsangi'n a hmuh chuan a buaithlak leh vek dawn tih ka hre sa vek .


( In ngaihdan te lo sawi leh liam liam ru aw hmeltha ho🤗❤️)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 4th, 2023, 11:23 am

ARJIT


Chapter - 5



Arjit-a ka pawm a tangin nitin chu ka tan ni special ani nghal zel a , min ngaihtuah in min ngai pawimawh em em a chu chuan ka hlu ve angin min in ngaihtir thin .




A ruk tak chuan midangin an hriat ka hlau viau bawk , a bikin ka Mizo pui ten an hriat ka hlau em em a , ka thil tih hi dik lo mahse Arjit-a lo duh lo tur khawpin ka in control thei ngang lo a ni , a theih chin ah ka zepin ka thup viau chuan ka hria .




Vawiin chu enge maw tak hian min mawlh a , enge a chhan erawh ka hre mai lo thung . Ka thil khawih lai pawh chu ka ngaihtuah tha thei meuh lo a ni . Tlai ban dawn chuan Arjit-a chu zan a chhuahpui tur chuan min rawn sawm a , ka awm a nawmloh em a vang chuan ka lo hnial thung .




In ka thlen chuan inti fai lo in ka mu nghal thlawp a , ka dam lo dawn a nih ka ring khawsik tur intham ang hian ka awm a , damdawi chu ei in ka mut zawm nghal zat bawk . Ka hmai zawn a thaw lum ham ham chu ka manghriat ruai a , chiang mang lo a ka men chuan ka hma ah Arjit-a chu alo thu hniam run a nih chu .




Rang zetin ka tho nghal a min lo nuih suk ringawt . " Engtin nge hetah ilo awm theih ?" Ka ti bah deuh nawk nawk a , min nuih suk pahin " I awmna hre lo tur khawpin ka ngaihsak lo chein i hria em ni ?" A lo ti let hà bawk a ka nuih ve tawp ringawt .




Tho chhuakin choka lam chu ka pan phei a Arjit-a chuan ka hnung ah min lo zui ve zel bawk . Ka thiante ka hmuhloh a vang chuan ka au vak a Arjit-a chuan " Au vak vak suh an leng chhuak ve ve ," A lo tih a vang chuan ka ngawi nghal hmak bawk .




" Chaw ila ei lo tih ka hria a nia , keipawn kala ei lo a kan pahnih in kan ei dawn nia ," A tih chuan ka ril a tam tih ka hrechhuak ve leh chiah bawk . A mah chuan eitur vel chu a siam a , keiin a che vel chu ka lo thlir reng thung .



A eisiam ka ei chuan mak ka ti viau , hetiang hian eisiam a thiam ka ring lo hrim hrim , a siam ho chu a tui hlawm viau a ka ei hnem hle bawk . Thil ei lai chuan " Engtin nge ka thiante chu an awm lo tih i hriat a ? engtin nge ka room ah ilo luh theih ?" Ka tih zawm nghal mawlh mawlh a .




" Vawiin lam ah khan i nawmloh hmel lutuk a ka ngaihtuah che in ka rawn ngaihven che mawle , ka call che a ila thei si lo a ka lo kal tawp ," Nuih deuh suk pah hian a ti a , ka lo lawm leh viau thung . Min ngaihtuah vangin min rawn pan vang vang chu a nia .



Ka khawsik a la awm leh awmloh chu a rawn ngaihven a , a lo awm tawhloh a vang chuan min pawm nawlhin khum lam chu min panpui nghal a . Ka lai deuh tut ringawt Arjit hi duh in ngai viau mah ila hetianga kan pahnih chauha awm dun hi kan neih loh em a vangin ka khawr tut nimai in ka hria .



Khum ah chuan min mut in ka bul ah chuan a rawn mu ve nghal a , a lam chu hawiin a hmel chu ka thlir reng a . Zep rual a ni lo a hmeltha ve chiang a ni , a mithmul buk leh dum tak hlarh mai te , a mitmeng mawi tak zun nei em em leh a hnar ngul sang vah mai te hian a ti perfect em em a , a hmui engmah hnawih loh mah se sen deuh chek thin leh a hnuailam chhah deuh tap fawh nuam em em te hian a zun a uai lo thei lo in min siam a ni .




Ka chal a rawn fawp vang vang in hahdam hmel zet hian a thaw chhuak ham ham bawk a kei ka lo mur sung sung thung . Chutah rawn tawng chhuak in " Engthil pawh lo thleng se min ring rawh aw , ka hun kal tawh in min rawn tibuai a nih pawhin nangin min awmpuiin min beihlet pui rawh aw ," A ti dam dup a .


Engvang a chutiang thu tun a tak a lo sawichhuak nge a nih ka hrethiam lo mahse ka lo bu ve nghat tho . A mit a ka en reng lai chuan min rawn en ve chiah a mah se ka hmui lam ah a mit chu a in sawnthla a , mitmeng si sap hian min en bawk .



Keiin chil ka lo lem khalh thung , muangfan raih hian min rawn fawp a ka lo chhang let tha viau , a duh thawh tulh tulh a keipawh ka bang bik lo . Ka hnute chu a rawn dap nghal chat bawk , ka dang lui duh ta bik lo , ka pangngai bik miau lo a tin ni .




A thawk chu a rangin a awmdan chu a mumal tawh lo hle a , a kap lam ruh tungin min do pawh chu ka feel ve vek thei a min ti zauthau zawk viau . A kekawr chhan ah chuan min rawn dep euh euh a ka lo za mer mer thung .



Hei ai thui kal chakna min neihtir a , ka rilru chu a nue bulh nimaiin ka hre bawk . A mitmeng mawi em em a min en in " Bawihi ka mamawh che ," Ati thawp sat a , engtin mah ka chhang lo thung .



Keipawhin ka chak ve tho , chak lo ka ni lo mah se thil dik a ni bawk si lo . Ka lu chu thing nar nar in " Ni lo ala hun lo , a la hma mah mah ," Zawi tak hian ka ti a . Ani pawh in control a tum hle tih a awmdan a tang chuan ka hrethei .




Harsa tih hmel zet a rawn mu tha in " Ka tihpalh ," A rawn ti leh sup a , a pawiloh thu ka lo hrilh nghal vat bawk . A hmel a in thlahrunna hi ka hmuh hmaih thei bik tlat lo a ni .




Zan a ka bula riah a tum chu ka lo hnial rang viau , min en run run a keiin ka lo melh ve Kar bawk . Ka thiante ka hmai zah chu thuhran nise ani nen a zankhua a khum khat a mut dun ka ngam lo hrim hrim . Rawn nui chhuak hawkin " Min hlau em mawni le ," Ati chhuak tawp a .



Ka thiante rawn haw hma chuan a haw ve ta hram a , ka thian-i te pahnih chu an rawn haw har ka ti viau mah se ka dem lo thung , an chhuak khat ve em a ni . An rawn haw chuan lo hauh vak ka tum kha a nia , ka hau lo chiang khawp mai ka duh aiin an rui tlat .




Ka bul ah chuan rawn thu thla in " Ruatsang fimkhur rawh aw , kan boss hian a duh viau che chuan kan hria mah se a hmangaih hmasa ber alo let leh tawh a engtik lai pawh a chan thei ini ," Tawng fiah mang lo hian Mary chuan a rawn ti a .




A thil sawi chu hriatzawm ka chak nghal em em bawk , a bul ah chuan insawn hnaiin a awmzia chu ka zawt tha leh a ," A hma a kan sawi Christian nula bialnu a nei tawh kan tih kha a nia . Kan boss hian a duatin a hmangaih lutuk mah se khanu kha chhan awm lo in a reh tawp a tun ah a lo lang leh , kan boss chu chan thut thei dinhmun ah i ding ," Bu luk luk hian a ti a .


Ka thin chu a tawt nghal vek nimai in ka hria , chu ai chiang chuan ka zawt nawn leh ngat a " Engvang a inthen nge an nih ?" Tih chu ka zawt mawlh mawlh a , min hmel fe a min en in " Ka hre lo , khan boss khan a at phah lo chauh zel , ngai a awh har a lawm ," A tih leh phei chuan hlauthawng tak hi ka ni tawh .





A tuk ah chuan mood off deuhin office chu ka kal ve ta hram a , ka awm nawmloh sa nen ka awm dan chu ka hne hluah hluah . Arjit-a ka la hmu miah lo bawk nen ka mood chu a chhe lutuk ringawt .




Office chhung a rawn pen lut chu ka lo thlir reng , a bawp sei nalh em em lang thei tur chuan thawmhnaw chhing zet hi a rawn ha a , a pian chu a mawi ka lo ti leh hman viau , a vun a nungin a senno chek mai . Vai hmel a pu lo ka ti viau bawk , khawchhak lam hmel a pu Thai actress ah an deuh a nei in ka la hre leh nghal .





Chutia ka en reng lai chuan ka hma ah rawn ding in " Khawnge Arjit ?" Zawi deuh tak hian a rawn ti a , office a lo la kal loh thu ka sawi lai chuan kawngka ah Arjit-a chu a rawn pen lut ve chiah bawk . Ka lam chu a rawn hawi a ka lo nuih suk a mah se min nuih ve miah lo thung .





A awmdan chu mak ka ti viau a ka lungawi lo dawn dawnin ka hria , keimah min en lo in ka hma a hmeichhe ding chu a en a , a hmuh tirh khan mak ti hmel a pu bawk enge maw sawiin a phun sup bawk nen a awmdan kha mak ka lo ti ru viau a , Arjit erawh a insiam tha leh vat thung .





Ka hma a hmeichhe ding chuan Arjit chu a hmuh ve leh a pan nghal vat a " Boo " Ti in a ko bawk , chutiang a a koh a vang chuan ka lo lungawi lo viau thung . Arjit-a bul ava thlen chuan a kuah ringawt anih chu! mak ti lutuk in ka en reng ringawt .




Arjit-a chuan kuah let ve lo mahse a lo nam sawn hauh lo , ka thin a rim viau tawh bawk . Khanu khan a ban ah a kai a duh hmel deuh hian ala en zui , ka en reng ringawt . Arjit-a chuan " Hetah enge i rawn tih dawn ? Haw la rawn kal tawh suh ," Ati nghut a , chu chuan ka awm a lo ti nuam huai bawk .




Chunu chuan " Boo khatiang khan awm suh ka thil tih sual ka hria mahse ka siamtha leh thei ," Ti in tah a tum nghal ringawt a nih chu , zak lo ka lo ti ru viau . Arjit-a chuan a kalsan daih a mah se melh pawh min rawn melh eih lo , a chung ah ka lungawi lo sa nen tun ah chuan lungawi lo tak ka ni tawh .





Khanu khan Arjit-a chu a um a , a office ah a luh chilh ve a nih ka ring a rawn let loh dan ah . Lungsi zan lo chuan hna chu ka thawk ve reng tho a , ka rilru leh ngaihtuahna erawh office a awmte ah chuan a awm vek . Ka bul amite thil sawi ah chuan ka harhchhuak zawk a , ka beng chu ka tun nghal hra bawk .





Ka hriat chhunzawm chak em a vangin ka va zawt ve ta nge nge a , nichin a mi kha a hmangaih hmasa ber a bialnu hlui kha a lo ni chu ni in . Ka nghilh nghal dup nimaiin ka hria , chawp leh chilh in ka thik nghal bawk . Hmeichhe tan pawh a chhe lo a nia mipa tan phei chuan a chhe lo dawn lutuk tih ka hria .




Ka na a ka hlauthawng bawk , tinge a rawn la chhuah loh tih te chu ka ngaihtuah a . Tu hriatpui si lo in ka rilru chu a hah ve viau . Chhuanlam siam a va luh mai te chu ka duh rum rum tawh . Chutiang vel ka ngaihtuah lai chuan Arjit-a chu thinrim hmel zet hian a rawn chhuak a , a hnung ah chuan khanu bawk khan a rawn zui leh tawh .




Ka bul ah chuan rawn dingin " Khawi ah emaw chhuak lawk ang hmiang ," A rawn ti sup a , " Maw ?" Ka lo ti haw thung . Engmah sawi tawh lo in min kai chhuak nghal daih a , midang ho chuan min en duh viau bawk . Khanu khan au tawn tawn in Arjit-a chu a au reng a , ani erawh chu engmah hre awm pawhin a awm lo .




Min tlanchhuah pui chuan an in lam min panpui nghal a , enge a tih dawn pawh ka hre lo , zawh pawh ka chak lo ka be ngam lo e a , tun a awmdan I a raoawm ka ti . A thinrim hi ka hmu khat a ka bul ah phei chuan a thinrim ngai lo tluk ani .





An in kawt kan thlen chuan a chhuak nghal thurh a ka chhuak ve nghal vat bawk . In ah chuan lutin Akash chu a ko nghal vat a , a aw a tang pawhin a thinrim tih a hriat . Akash chu in chung lam a tanga rawn chhukin " Enge nita chiam chiam ka unau pa duhtawk ," Ngeiawm tak hian a rawn ti a .





Arjit chuan engtin mah chhang lo in a melhrum viau thung , a bul a rawn thlen chuan Arjit chuan alo hnek nghal hmiah a , ka lo au that thung . Hetiang a a chet hi ka ring miah lo , thinrim viau pawh nise hetiang em em a a chet hi ka ring lo kha a nia .




Akash chu nui suk in a rawn tho chhuak a , a chil a chhak phurh bawk . Arjit chuan " Melody-i kha ilo khawih a maw ? engtin nge ilo khawih ngam zawk a ?" Tih pah in a hnek leh a . Akash chuan a hnek let ve nghal hmiah bawk " Khanu kha khawih luih a ngai lo hrim hrim , engtin nge i bul ah a sawi ka hre lo , mahse a mah zawk a rawn in barhlut a a mah zawkin min thlem tih kha lo hre ve mai mai rawh ," A ti vin ve that bawk .




Tu chungchang nge an sawi ka hre lo a hetiang tak a Arjit a thinrim a nih chuan a pawimawh viau a nih ka ring ve tawp bawk . Arjit-a chuan " I thil sawi hi a dik ngei a ni tih chian ang che , chuti a nih loh chuan min hriatchian kha ," A ti chang leh fak a .




Nu Sushmita-i chu hmanhmawh deuh a rawn tlan phei in Arjit-a chu a rawn beng nghal thuai a nih chu ! Mak ti lutuk in ka lo em reng thung . Engmah thu bulbal pawh hre lo in a fapa a rawn tan ringawt chu a nia , ka lo thinrim viau . Chutah rawn tawngchhuak in " I duh duh a ka fapa hi kutthlak thei emaw i inti em ni ? Mi hurherh fapa i nih hi i hria em ? vawikhat mah ka fapa hi kutthlak tawh suh ," Thinrim tih hriat lutuk hian a ti khur dar dar a .




Akash chuan " Ka Nu engmah a ni lo , thil hriasual palh vang a nih kha ,$ A rawn tih chuan mak ti lutuk in ka en thung . Arjit-an kut a thlak pawhin a chhan a nia mak tihloh chi a ni lo hrim hrim . Nu Sushmita-i a kalsawn hnu chuan Akash-a chuan " Kha hmeichhia khan eng dawt nge a hrilh che ka hre lo mah se hmeichhe duh lo chung khawih lui duh khawp a hmeichhe rawp ka ni lo tih hrechiang tur i ni ," A ti leh sup a .




Arjit chuan " Thudik ka la hria ang ," Tih zawngin a chhang thung . Nu Sushmita-i benna vang khan a mizia a inthlak nghal vekin ka hria , a mit ah chuan natna bawk a ni ka hmuh chu ni .




Kan chhuah dawn chuan Akash chuan " Kha hmeichhia pawh khan bansan vat rawh nge ni a keiman ka neih sak dawn che , engkim a hre ve tawh em ?" Nuihzat hmel fe hian a rawn ti a . Chhang let lo in min chhuahpui daih thung .





A in lam min panpui a , a tu a mah kan tawngchhuak lo ve ve , thil tamtak zawh tur ka nei a engtia han sawi tan tur nge tih erawh ka hre lo thung . A lak ah ka lungawi lo viau a mah se tun ah chuan ka khawngaih leh tawh bawk si , a Nu hrawnin a tawngkhum vang a a rilru na hi ka hmuhhmaih thei bik si lo ani .





A in kan thlen chuan room lam a pan nghal daih a , ka lawm lo viau , a duh duh na ah min hruai a min ngaihsak chhunzawm bawk si lo . In ah pawh chuan ka lut ve mai duh lo , ka haw dawn nge dawn lo tiin ka in ngaihtuah buai viau . Chutih lai a ka thil hriat a vang erawh chuan muangchang in ka lut a .




Zai ri lo chhuahna lam chu ka pan zel bawk . Arjit-a room zawn ka thlen chuan kawngka bul ah chuan dingin a zai chu ka ngaithla char char a , hmun leh hmun a a zai lai ka vawikhat hriatna a nih vangin a nalhin zaithiam ka ti viau .





A thu awmzia chu hre chiah lo mah ila thinlung na lampang a nih ka ring ve ringawt bawk . A zai zawh hnu chuan ka lut ve ta chauh a , alo ngawi leh ngul tawh , ka ngaihdan a nih tawh loh em a vang chuan ka chhuahsan hmak a .





Min ngaihsak lo hian min tina ber , vawiin a awmdan hi ka hrethiam lo , min ngaihsakna pakhat mah a nei lo . Khanu vang kha a nih ka ring tawp bawk , hetiang tur te chu min hruailoh law law tur hi ania , ka thinrim lutuk chu ka in hunruh nasa viau . Phone chu la chhuakin Malsawma ka call a , a lak rual chuannmin rawn hruai turin kati nghak a . Ka that leh thatloh min zawt nghal vat bawk .





Ka that thu sawiin ka awmna lai vel chu ka hrilh bawk a , min rawn lam tur thu sawiin call chu a titawp nghal a . Kawng ah chuan ke in ka kal ngat ngat ringawt Arjit-a khan min rawn ngaihtuah ka ring ve deuh kha a nia , ka ringsual chiang lutuk te chuan ka tah a ti chhuak hlur tawh . Mahni chuan phunin ka pen tau sawk sawk bawk a , vawiin hi ka tan chuan ni chhe ber ava ni chiang tak .





Kawng zau deuh lai ah chuan dingin Malsawma chu ka lo nghak a , rei lo te ah bike nen ka hma ah chuan a rawn ding chat bawk . Ka lo nuih nghal var var a , ka hnar ah piai zeuh pah in " Buaina i tawk emaw ka ti hman a lawm ," A ti sup a , a bike ah chuan ka lawn zawm nghal zat bawk .





Kan tlanchhuah dawn lai chuan ka hnunglam a tangin " Bawihi ," Tih ri ka hria a ka hawi let vat bawk . Arjit-a chu car atangin a rawn chhuak a ka lam a lo pan phei mek hi alo ni . Malsawma bul ah chuan " Tlan rawh ," Kati nghal vat a , a tlanchhuak ve nghal vat bawk . Arjit-a mak ti leh hawihai lutuk chu ka khawngaih lek lek , mah se tun ah chuan ka haw hrih ani , hmuh tam ka duh lo .




Kan in a min dah a tum chuan ka haw duhloh thu ka sawi nghal vat a , a chhan min zawh chuan ka thiante nen kan intih thiamloh thu ka sawi rinagwt . dik tak chuan Arjit kha a rawn kal dawn tih ka hriatchian em vang a ni , chu erawh chu Malsawma heilh ngai in ka hre lo thung . Arjit-a nen a kan inkar hi hre lo se ka duh , hnamdang a hmuh dan ka hriat chian em a vangin a hriat hi ka duh lo tak zet .





A in luah ah chuan min hruai ve ta tawp a hostel a tangin engtik laiin nge a in awn chhuah ka hre lo hrim hrim . Room a a in tihfai lai chuan Susana-i chu call in thil awmdan te ka hrilh a . Arjit-a a kal pawhin ka awmna an hriatloh thu a lo chhang turin ka ti bawk . Ka biak zawh chuan ka phone chu ka switch off nghal hmak bawk .





Malsawma'n thil min zawh chik loh dan ah Arjit-a kha a hmu ve lo a nih ka ring , ka awm a nuam sawt bawk mah se Arjit-a bawk chuan ka ngaihtuahna a luah leh tawh . Kan in ah kal in min zawng awm sia min hmu awm bawk si lo a a thinrim viau in ka ring , min call a tum ngei anga min call tlang thei bawk si lo anga a che buai ve viau ang .





Che buai ve hrim hrim turin ka duh vawiin lam ah min ngaihsak lo emai . A bialnu hlui rawn lan a vang maiin min be lo in min kal pel hmak hmak ania , ka ngaihtuah chhuah apiangin ka thinrim thar ziah leh nghal ka ning lutuk .



Malsawma awmdan hi ka hrethiam lo , a hmaa min ning a min thinrim khum ziah thin ang kha a ni tawh lo . Min duatin min ngaihtuah tawh lutuk rinahwt , a awmdan hian ka awm a ti nuam lo zawk hial , a hma ang khan awm se keilawhin ka nelin ka ngaina zawk . Bak ah a hmaa a sual kha a kalsan nimai in ka hria , tun ah hi chuan fel tak hi a ni tawp .



A tuk lam ah chuan phur lo zet in office chu ka kal ve ta hram a , kal duh lo viau mah ila ka hna hi ka chan phal bik reng reng lo , ka phuloh hna ka hmu a ka chan phal lo hi a ni tawp . Nuih luih chu har tak hi a ni .




Thil ka ziah fel lai chuan ka lam pan a Arjit-a rawn pen pawk pawk chu ka lo en reng a , enge ka tawrh ang ka hre lo a , ka huphurh ru viau thung .




Ka bul a lo thlen chuan min melhrum viau , ka en tha ngam lo thung " Min rawn zui rawh ," A ti hnuk a , ka chet mai loh a vang chuan a lungawi lo animahna ka ban ah chuan min kaiin a office lam min panpui nghal hlawk hlawk a , min en duh hlawm viau mah se zah a sawi theih miau siloh a ni .




Office chhung kane thlen chuan min thlah a ,ka hma. athitna awm ah chuan thu thla in min melh run bawk a ka lo melhrum be viau bawk , a lak ah hian zam tur ka ni lo hrim hrim a thiamloh hmasak ani miau a .


Arjit pov :


Rum tak a min melh tu chu ka en reng a , enge maw a hriat reuh ni a lungawiloh hmel em em mai leh nghal . Nimin ah kha chuan ka thiam lo ka hria , a adan pawh kha ka hriatthiam pui lutuk ringawt mah se khapa bula a kal erawh kha chu ka lawm bik hauh lo .


A bike a a chuan pawh khan a lungawi lo sa nen an in hmu fuhin an haw rual ah ka ngai a ka umzui duh lo kha a nia . Zan ah a mah thlem Nan pangpar leh thildang ei tur te nen an in ah ka kal a alo awm lo a nih kha .


A thianten a awm loh thu an sawi a ka thirnim zia kha , ka lo nghak a mahse a rawn haw thei lo . Rei tak ka nghha hnuah a rawn haw theih loh a vangin ka haw ve ta kha a nia , a la call tlang theih loh zui , khawiah nge a awm? tu bulah nge a awm ? chubak chu ka ngaihtuah thei lo .


Zanah a mah vangin ka mu miah lo tih pawh a hre ve tawp nang , kei hi thinrim tur ka nih laiin a mah zawk min thinrim khalh chu a nia , ka ngaihtna avang chuan ka nui chhuak hak a .


Ka hma a ding chuan rum zet hian min lola melh reng chu niin . A hmel ka hmuh hian ka lungawilohna te kha an bo vek nimaiin ka hria mahse tih lan erawh ka tum hauh lo thung , tun ah chuan nem tak a awm ka tum hauh lo , a thil tih hi hre ve se ka duh .


Tawng tum a a ka a an zuau lai chuan kawngka a rawn in hawng thuai a Melody-i a rawn lut nghal chiah bawk . Ka assistant chuan a rawn um zui vat a " Ka Pu luh ka phal lo chung a rawn kal lui a ," Ti in a kun lap a .


Melody-i chuan min rawn kuah nghal thlawpin " Babe ka ngai tawh che min ngaidam ve mai la ," A ti nghal tuau a , keiij Ruatsangi ka en vat thung . a hmel a lungawi lohna chu ka hmu nghal zut zut a , mittui tling piau chungin a chhuak daih bawk .




Buaina kan chingfel dawn chauh a buaina dang bawk hi a awm zel mai . Melody-i min kuahna chu paih thla thlawpin ka chhuak ve nghal a , khawnge amw a kal hman hrep ni .



Pawn a ka thil hmuh a vang chuan ka thinrim nghal viau , in hum ruh vakin an lam chu ka pan phei a . An ni pawh chuan min hmu ani mahna min lo en ve reng a , enge ka va tih dawn tih hria se chu tah sawn ana wm reng ka ring hauh lo .


( Ti Chen hi nimai rawh se aw , he chapter hi boring ka ti🤧ka ning lutuk )


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 4th, 2023, 11:23 am

ARJIT




Chapter - 6




Ka lam pana rawn kal mek chu melh pawh ka melh that peih nek lo e a , ka luhlulna a cho chhuak vein ka hria . Midang hriatah in ngaizawng angin awm lo mah ila khatiang ah kha chuan min care na tlem te tal a neih ve ka ring kha a nia , a la hre lo a niang ti chungin ka dawh zela mahse min namnul mah mah a ni .




A mah pawh ngaihsak duh lo in Akash min biakna chu tha deuhin ka chhang zel a , nui hmel ka pu reng bawk Akash pawhin mak min ti deuhin ka hria min melh leh hà thin . Akash pawh chuan ka awmdan chu a hrethiam ve nge ni , kan bul Arjit-an a rawn thlen chuan ka Akash chuan Ka sam chu rawn hui zauhin ka beng ah a rawn zep a .




Ka lo nuih sang thui , kan bul a mi erawhin min en reng tih ka mitsir atangin ka hmu mah se ka melh duh lo hrim hrim thung . " I hna thawh chhunzawm rawh ," A rawn tih chuan ka ngaihdan a lo ni lo leh hman viau , chhan tuma ka an zuau lai chuan Akash chuan " Hei dinner ei chhuahpui ah te ka lo sawm a , a tlai ve deuh tawh bawk nen kan kal mai ang ," a rawn ti a .




Mak ti zetin ka lo en thung , mahse mitmeng awmze nei deuha min melh tak ah chuan ka hrethiam ve leh chiaha , a bike ah chuan ka lawm ve nghal hmiah bawk . Arjit-a chuan engmah a sawi lo chupawh chu ka ngei tawk a tling leh viau . " Arjit ," nem duaia rawn titu chu rindan ka nei thiam nghal , ka rin ang chiahin Melody-i a lo ni chiah bawk .




An hmel ka hmu dun chu ka luak e a chhuakin ka hria , engmah ni lo mah ila zahawmna ka nei ve a duh aiin min namnul mah mah bawk , chuvangin keipawhin ngaihsak viau ka tum tawh bik tur a ni lo tiin ka in fuih mawlh mawlh a . Akash chuan Melody-i a hmuh chuan " I dam a maw ?" Hawihhawm tak hian a ti mai a , Melody-i erawh chuan chhan pawh a chhang lo Arjit ringawt chu a en ngar mai .



Akash pawh chu a nuih a za tih ka hria chutiang bawkin keipawh . Melody-i awmdan hi a naupang chhia mah mah a ni . Arjit-a chuan engmah ala sawi ta chuang lo Melody - in a kai tih hria ang pawhin a awm lo , Akash dara ka vawnna chu a melh ngur ringawt , ka ngaihsak peih bik nek lo e , " Kal tawh ang ," ka tih sep chuan kan bula ding chu a rawn rum nghuta , ka bana rawn vawn mai a tum chuan ka ban ka lo dahsawn rang viau thung .





Akash chu tlanchhuak vat se ka ti tak zet , signal nan ka sik zeuh bawka a hrethiam a ni mahna rawn nui nghawr datin a tlanchhuak nghal a , kan hnung a mite chuan min thlir zui reng tih ka hria , hawilet tumna erawh ka nei lo thung , an duh dan danin awm mai mai teh se . Ka na lo ka tih chuan dawt ka sawi ngei ang nat chu ka na ve a lawm mah se khatiang khawpa ka pawimawh lohna ah khan awm reng ka duh lo a , khatiang vanga nat pawh kha ka duh lo , ka in ui ve tlat tawh .






Restaurant changkang zet ah hian Akash chuan min hruaia , hepa awmdan hi hriatthiam a har ka ti thin . A changin a ngeiawm viaua ka mil lo lek lek thin mah se a chang hian a felin a nelawm leh em em thin lawi si , ka chhehvela awm ho hi an mizia ka hrethiam thei ngai dawn lo ni in ka hria .



Chhun ah engmah ka ei lo bawk nen insum miah lo in ka ei a , ka ei hnem viau Akash pawh chu min en pah in a nui leh suk thin , tlem chuan ka zak ve deuh mah se zah ngaihtuah thei kha ka ni miau si lo a ni , riltam laia duhtawka eitur a awm a nia ka insum phal lo hrim hrim .



Eitur dang a chah lai chuan Melody-i chanchin chu zawh ka chak em a vangin ka zawt ta nge nge a , a tir ah chuan min chhang tha duh vak lo mah se ka zawt lui tlat a , ka hrechak tih a hrethiam a ni mahna that tak chuan min hrilh ve mai bawk a . A u nen an in kar erawh a sawi tha duh vak lo thung , ka hriat chak ber zawk a nia sin mawle .



A thil sawi ho chu a ngai vek animai ka thiante min hrilh ang bak kha thildang min hrilh lo , mah se Melody-in hmanni khan dawtin a puh tih chu a sawi tel zuai bawk , kha kha anih ka ring Arjit-an thinrim taka Akash a hnek chhan kha . Arjit ka ngaihtuah chhuak chu ka duh lo viau , enge antih ang ? an awmdun a ngem ? tih vel bawk a ni ka ngaihtuah leh tawh hi ni .



Kan in lam pan chuan kan tlanchhuak leh nghala, nichin a tang tawhin ka phone hi a ri reng Arjit a nih ka rin a vangin kala duh lo kha a nia , a rik ngun em a vang chuan ka la chhuak ve ta nge nge a . Arjit ni lo in Malsawma a lo ni , a missed call a tam em a vangin thil pawimawh a nih ka ring nghal hmiah bawk .




Ka lak dawn chuan a tawp leh nghal chiah a ka call back nghal vat bawk , a lo lak ve leh chuan " Phone call iva la thei lo ve , eng em em nge itih a ?" A rawn ti nghal ringawt a , a rawn tawng hnem hman em a vang chuan a inhmeh lo ka lo ti viau thung .




" Ka lo buai deuha phone call pawh ka lo hre hleinem , ege nita ?" Ka ti ve nghal vat a , rawn thaw hakin " Ka Pa damdawiin ah a awma ka rawn hrilh ve che ," Zawi deuh sup hian a rawn ti a , a aw chu a in thlahrun hmel viau bawk . Ka in thiam lo nghal rum rum thei .



" Khawi damdawiin ah nge ni a? ka rawn kal ve ang , lo hlauthawng lola ," te chu ka ti ve luam a , an awmtheia thenrual pawh an ngah viau ka ring , chutih laia kei min rawn hrilh hre ve pawh chu ka lawm viau , min ngai pawimawh ve thawkhat tih a hriat em a tin ni .




An damdawiin awmna te a sawi chuan Akash-a bul ah chuan kan in ah ni lo damdawiin lam ah kal tlang turin ka hrilh a , zawhna mitmeng a min en avang chuan thil awmzia te chu ka hrilha a bu ve nghat bawk . Damdawiin kawt ah chuan Malsawma chuan min lo nghaka Akash a hmuh erawh chuan a hmel chu a rum nghal viau .





Ka lo ip ru teu thung , engmah erawh a sawi bik lo Akash pawh chu a kal leh nghal vata , a chhung lama kan luh dawn chuan Malsawma chuan " Tinge hnamdang mipa hi i hnaih em em ?" A rawn tita chiah a , ka rindan sa mah nise nuam lo ka ti viau .




" Mizo dang hmelhriat ka nei lo a nangmah ini mai ," Tha deuh chuan ka ti ve mai a , engmah a sawi zawm ta bik lo . Apa chu a lung a tha lo hi a lo ni a , ka rindan ang ngeiin hmelhriat pawh an ngah viau a tlawhtu an nei awl lo , a nawm viau ka ring chubak ah Mizo dang pawh hmelhriat ka nei nual , thian siam ka thiamloh em a vangin sawi tur erawh ka hre ve lem lo thung .



In ah chuan zanlai pelh tawh ah ka haw ve chiah a , tunlai chu ka thiante nen pawh kan inbe tam lem lo , in ah kan awmrual thei lo chu thuhran nise tunlai ka thiante awmdan hi ka hrethiam lo , min hlat nimaiin ka hria Arjit-a nen a kan inkar am hriat vang nge ka ngaihbel pawh ka hre lo .



Ka in ngaihtuah neuh neuh a , tuna ka thawhna a tang hian bang ila hna dang zawng ta ila a tha zawk a ngem ? mahni chu ka in zawt mawlh mawlh a , ka training chhuahna certificate ka nei tho bawk nen hna chu ka hmuh vat ka ring .



Ka thawhna hi hlawh chu a tha bik tih pawh ka hria mah se nitin Arjit-a hmuh chu ka ngam lo ani , a hmel ka hmuh hian ka rilru ana thar dawnin ka hre tlat , chubak ah Melody-i a rawn lang ve chhen bawk nen an 2 a hmuh dun hi ka in peih chiah em ka hre lo .




A tuk ah pawh chuan hna ah kal lo in damdawiin lam ah ka kal ta zawk a , min lo hre ve tawh bawk nen min lo be nghal seuh seuh a , nizan ai chuan tlemin a nuam ve ta deuh Malsawma hmel chu ka en thina mut a kham lo tih hriat tak hian a mitmeng pawh a sen ram a dark circle tlem a lang bawk .




Malsawma bul ah chuan hna thawhna tur dang min lo kawh hmuh deuh turin ka ti a , a chhan min zawt vat bawk . Hna dang thawh ka duh thu chu tha deuhin ka sawi ve maia , min pawmpui hmel viau bawk .



A lo zawn tur thu a sawi chuan ka thaw huai thei mah se banna thehluh te ka ngai ve awm si a , thawk chu ka la leh hak thin . Ka thiamlohna pawh ni lo ah engvabga hmuh hreh nge ka nih ? min hmu hreh tur chu an mahni zawk kha an ni .



Ni 3 lai ka kal loh hnu chuan banna lehkha keng chungin company lam chu ka pan a , ka kal loh chhung khan Arjit pawhin min biak a tum fo min call renga a call erawh ka la ngai lo thung .


In ah pawh a rawn kal fo , ka awm loh thu an hrilh thin a vangin beidawng zetin a haw leh thin . A lak ah hian ka nem leh mai ka hlauh vanga a mah pawh hmu duh lo ka ni , kan awmdan in a zir tawh miau loh a vangin a hlata ka awm mai a ngai a ni .




Office chhunga ka luh chuan Arjit-a chu a lo chhing vang vanga, ka kal ani tih a hre lo pawh a ni mahna . A dawhkana lehkha chu dah pahin " Sir banna lehkha ka rawn thehluta min pawmsak ngei ka beisei ," Ti in a mah chu ka en nghal ran a .




Ka tawng a hriat veleh rawn mengchhuak in " Bawihi ," a rawn ti sup a , engtin mah ka chhang lo thung a mit ah tak chuan ka melh ngara , rawn tho chhuakin min rawn pan a , ka lo tawlh hnung vat thung .




" Bawihi tinge hetia i awm? min hlat suh ," ati zawi supa , ka khawngaih lek lek mah se tihlan erawh ka tum hauh lo thung . " Ka pu ka banna lehkha saw min pawmsak ngei ka beisei ," ka ti nawn leh ngat a , thawk a lo hak thung .




" I bang lo ang , a theihloh khawi ah mah kei min kalsanin i thawk dawn lo ," a ti rum al a , keiin nhei zetin ka lo en reng thung . " Ka duhthlanna hi min zahsak nhei ka beisei ," Ti in chhuah ka tum a .



Min lo man chiang viau thung " Khawi ah mah i kal dawn lo ka ti a ni lawmni ," vin taka a tih chuan ka che lai chu ka tawp chawt , hetiang em ema a vin hi ka la hre ngai miau lo a min thawng ve deuh a ni mahna .



A mit ah en chho kar in " I duh duha itih kual tur ka ni lo ," Ka ti ve sak a , a hmai tuai puatin " Bawihi tinge engmah hi i hriatthiam duh loh , hetiang hian min awmsan lo teh ," hniam deuh ruih hian a ti a , ka en reng thung .



Chhan mai dan tur ka hre lo chu ka ngawi renga , kawngka chu in hawngin Melody-i a rawn lut leh chiah bawk , a hmel te hi ka hmu hne hluah hluah . A duh hun hun ah a lutin a kal renga ti chung hian minla dang chu a nia sia , eng ah nge maw min ngaih ni .



" Boo ," A rawn tih pawh chuan ka lo ei lo leh viau tawh . Arjit-a pawh chuan a biakna chu hria ang pawhin a awm lo keimah chu min la en ngur a , " Lo va chhuak rawh ," ti rum ul in Melody-i chu a melh nghal khui a .




A men nghal pur pur leh nghal , ka lo lawm ru viau thung . " Mah se ," a tih leh chuan Arjit-a chuan " Tun ah ," ti nghut pahin a melh leh a , ani pawh chuan a chhang ngam ta bik lo a nimahna a kal tau nghawng nghawng mai , ka lo nuih suk thung .



" Min kal tir ve tawh rawh ," zawi sep hian ka ti a , min melh runin " Ka kal tir ringawt dawn lo che , enge i buaina tha deuhin min hrilh rawh ," dam deuh tak hian. ati a , chhan tumna erawh kala nei chuang lo .



A inchhir tlai emai , a hma te khan kan buaina kha ngaihtuah vek tawh tur ani , tuna taka ngaihtuah thar leh chu a tul pawhin ka hre lo . Chhang tawh lem lo in min vawnna chu ka dahthla a ka chhuak nghal hmiah bawk .



a bula ka awm reng chuan ka danglam leh tlat thin , ka rilru hi a nem leh dawna ka hriat a vangin ka hnaih duh tawh lo . Pawn ah chuan dingin thawk chu kala nghal ham ham a , vanlam chu hawiin ka awmdan tur chu ka ngaihtuah neuh neuh bawk .



Ka bul ah Melody-i chu rawn kalin nuihsawh hmel zet hian min en a " Nang anga mi thing lutuk hi engtin nge Arjit-a hian a duh tlat theih che a chhan ka hre lo ," Mizo tawng fiah lutuka a rawn tih chuan ka mengbial nghal kawk thei .



Vai pangngai a ang lo chu ka ti thin mahse mizo a nih ka ring ngai hauh lo thung . " Mizo maw inih ?" ka ti zawi sep a , min nuih suk pah hian " I awmdan chu mak itih hmel hle mai ka hrethiam tho che mah se Arjit-a hi ka ta ani . Ka ta chu ka nei let leh bawk ang .



Min la theihnghilh bik lo tih pawh i hriatthiam ve mai ka ring ," nui paha ti chungin min kalsan nghala kei erawh ka din ngaiin kala ding reng thung . Mizo alo nih vang hi em ni Arjit-an ka pianna ram min zawh a ka chhan khan mak ti hmel a put ? tih te chu ka ngaihtuah let leh neuh neuh a .



Thaw hawk in in lam chu ka pan nghal daih bawk , ka sil thum nimai hian ka hria ka thil tawn teh nuai hi ka ning . Hna ka dil kual chuan enge maw an hriat hlawm ni tuman min la duh hauh lo , ka beidawng lutuk chu ka tah a chhuak tun tawh .



Arjit-a hnen a tangin phone call ka dawnga lak tum lo mah ila ka la ve ta nge nge , ka lak ve leh chuan " Bawihi ka ngai tawh che , min hmu duh bawk si lo tih buai che ka duhloh a vangin ka rawn kal lui lo mai mai a mahse ka ngaihtuah lo thei lo che , hna dang i hmu dawn lo ka be kual vek tawh ," a tih chuan thinrim lutuk in ka phone chu ka melhrum vak a .



Awmzia a awm lo thung " Engvanga chutianga lo ti chu nge inih ? Iva nunrawng ve ," ka tichhuak nghal tuara , rawn nui sukin " ka hmuh theihloha i awm chuan ka thla a muang lo , chuvangin rawn let vat rawh i chhungte pawh i ngaihtuah lo em ni?" a tih chuan ka thaw hake thung .



A ngaihtuahna tawi lutuk hi egtia tih chienge ni dawn ni , ka Nu hnen a tanga call ka dawn a vang chuan ka la nghal vata ka Nu chuan tap deuh tiau hian min rawn bia a , ka hlauthawng nghal viau . Ka Pa chu wheelchair a tangin a luma a ban lehlam chiang lo sa chu a sawh khaw lo leh zuala zai a ngai dawn hi a lo ni .


Ka thejh ang tawkin ka hnema pawisa pawh ka lo ngaihtuah tur thu chu hrilh in call chu ka dah a , ka thaw leh hak thin tun ah hna ka nei hrih bawk si lo , tihtheih dang ka nei lo a ngaia kal leh chu a nimai .


A tuk ah chuan Arjit-a hmu tur chuan ka lut tlang nghal a , min hmuh chuan min rawn pan nghal vatin min kuah nghal hmiah bawk , ka kuah let lo a ka dang hek lo , min thlah chuan chiang deuh hian min en a . " Bawihi rilru hhana i nei em ni ," dam dup in a ti a .



Hrilh ka tum hman zuau nangin ka hrilh duh ta bik lo " Ka rawn thawh zawm leh dawn ," tih zawng sawiin ka chhuak leh nghal a , a thaw ri hrawih chu ka hre hman tho . Ka awmdan hi mawi ti chiah lo mah ila ani kha ka tibuai duh lo ani ve pakhat .


Arjit pov :


Bawihi kal liam chu ka thlir reng ringawt , ka laka a inla hrang hi ka lungawi lo viau mah se ka hnaih thei hrih si lo . Ka thil chhui lai hi chian phawt ka ngai . Chumi ka chian hun ah chuan duhtawkin ka hnaihin ka duat thei tawh ang .




Melody-i hi engtia han tih chienge ka hre lo , ka duhin ka hmangaih thin tak zet mah se tun ah chuan ka nun ah hmeichhe dang an awm tawha a hma ang kha chuan ka tan a pawimawh tawh lo , min tibuai hneh lutuk hi ka buaina ber pakhat a ni .




A thil sawi mak leh in kawkalh nuai hi rin tur ber pawh ka hre tawh lo , ka ngaihdamna a phut vang tih hre tho mah ila hei hi chu ka tan a pawimawh em a vangin a thu ka zawm phawt chu a nia .





Ka Pa hi a inrawlh ka ring hauh lo , nge ni a ka ring chhe phal lo zawk nge pawh ka hre lo . A thil tih a nih chuan ka ngaidam thei bik kher lo ang , chu erawh chu uluk taka chhui ka ngai tih ka hria . Engtin nge Melody-i hian a hriat ka hre lo zawh pawh ka tum hek lo .




Tun ah hi chuan mahni tawk ah ka chau ve viau ani , lehlam ah ka Pa chungchang ani a lehlam ah Ruatsangi a ni bawk si . Ka rilru a hah ve tak zet Ruatsangi hian min hlat phah tih ka hria mah se tun ah engmah ka la hrilh thei bawk si lo .


A hriat hun ah engtin nge a awm ang ? a nat viau ka ring . Chutiang vel ngaihtuah chuan ka thaw leh hak thin , awmzia erawh a awm lo thung .



-------------------🎀--------------------

Malsawma Pa damdawiin a tanga a chhuah tawh a vangin an in lam ah lawmna hun an nei dawna keipawh min sawm ve nghe nghe kal chu ka phhrtlo viau mahse Malsawma berin min tih luih tlat a vangin phur lo zet chungin kal tur chuan ka in siam ve ta a .



An in ah chuan mi pawh an lo awm tam viau mizo chu tlem te chauh an ni thung . Malsawma chuan a bul ah min awmtir a ka in thlahrun a hlau ani mahna , ka ngaih ang em em in a nuam lo lo a , a zia ka ti phian . Inchhung lam ah chho in beer chu kan in dun a .




A hmain beer ka jn ngai lo tun hi ka vawikhat in na tur ani nghe nghe , ka in ngai loh vang nge mawni ka rui deuh nghal derin ka hre leh nghal , beer a ruih theihloh an lo tih thin hi a dik lo ka hre chiah .




Malsawma an rawn koh a vang chuan hnuailam ah kan chhuk leha , ka ruih deuh vang nge ka awm a nuam lo em em mai leh nghal . Kawngka a rawn pen lut te chu ka lo en reng a , an Inhmeh kati mah se ka na thung si .




Melody-i chuan Arjit-a ban ah in tihtheih hmel zet hian a. rawn kaia , ani chu a zak ve lem lo ani mahna in thlahrung hmel pawh a pu ve lo . Arjit-a chuan min en ngur thung , Malsawma min vawnna chu a melh reng tih pawh ka hria .




Ngaihdam min dil a keipawhin ka ngaidam tep kha a nia , in tih thiamloh na em em kan nei lo chung pawn hmeichhe dang a kalpui leh nghal tho sia . Vawiin lama Melody-i thil sawi te kha ka ngaihtuah chhuak a , a sawi dik viauin ka hria ka te chem chem in ka hre leh nghal .



Malsawma'n ka bianga a ra wn fawh chuan ka phu zuk mah se ka rui deuh nen pawi tihna ka nei bik hauh lo , nuih var var pahin a mah chu ka en chho a . Ka bana min phih lawp tu ka en chuan Arjit-a chuan thinrim tih hriat lutuk hian ka ban hi alo vuan a , a meng rum viau bawk .


Kei in ka lo nuih sen sen thung , tiang em em a beer a ruih theih hi ka ring ngai lo ania beer chauh ka in ka ring ta lo enge maw an pawlh ni in ka hria . Malsawma leh Arjit chu rum deuh hian an in melha ,insual mai pawh pawi an tih loh hmel khawp mai .


( Awi thui deuh dah ka tum a tui a rawn haw a chhungkaw chhehchhawl chu ka tlan buai renga ka duh ang pawn ka type hman lo . A ngaihnawm loh sia mah se min lo chhiar sak zel ru aw 🎀)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)