THE UNWANTED MARRIAGE BY Mangili Vasilenko (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

THE UNWANTED MARRIAGE BY Mangili Vasilenko (Completed)

Unread post by Ngaia » January 4th, 2023, 8:24 pm

#Phuba #Hmangaihna #Fahrahnun
#PROLOGUE
" I hriatsual a ni ka khawih a nilo ", ka tih pawh chuan min ringlo hle a, ka thusawi te chuan a nuih a ti za zawk si !! tun ah tak hian min dawi bo theitu chu awm se bo daih ka chak tak zet .
" Thiamthu i sawi ngam a ni maw.. khawih suh ka ti a ni lawm ni , ka thu kha awih ta che " a ti khur khur a,a in hrosa a ni ber , a bek leh a nghawng ah te chuan thisenzam a pawng chhuak hial a,,a hmai a sen chhuak vek bawk.
Vawi lehkhat ah a hmel chu inthlak thutin rapthlak ti lutukin min en a nih chu..!! kan mutna khum chu suasamin blanket kan sin lai te bedsheet te chhuat ah a theh thlah ṭhuai a,, khumbula drower kan hun chu a nam tlu ṭhuai a ,,ka hlauh em avangin ka tiril a khur a ,,ka rilru na leh ka hlauh luat ah ka ṭap chhuak hak a,ka hma a bungrua sawisa chiam chu Ramhuai ang chiahin ka ngai tawh .Rawn lehhawi thutin ka lam ah chak lutukin a rawn pen zui a , ka lungphu rang lutuk avang chuan ka sa chhuak vek thei hial . Hlauhna , manganna , thlabarna in min tuam a ni ber .
" Khawngaihin minti na suh ..ka duh lo..ka hlau..min that lo hram rawh ka pu ..ka pa ang khan min that ve miah suh aw...i thu ka awih tawh ang.." kutsuih meuhin ka ngen a , naupang chhuak lutuk a an ṭap ang maiin ka ṭap chhuak nghal hawk hawk .



Chapter - 1

THE UNWANTED MARRIAGE


Zirtawpni chuan nilengin in ah ka awm a,uthantei hian sekrek khawih hi a harsat a,a hrisello bawk nen,bedroom lam ah lutin hmun chu ka hawl a, khumbula kan naupan lai thlalak chu ka en reng a,kekawrbul uk leh t.shirt sen ka ha a,ka sam lah chu ka beng chen ala a ni zui,uthantei lah kekawr tlawn dum leh t.shirt var ha in,a sam a sei a, a inhmeh lutuk ringawt,kal hnaiin khum ah chuan ka ṭhu a,thlalak chu ban nghalin hnai tak ah ka en chiang a,ka khup pilh alang chiang hle bawk, slipper kekar cheh kan bun dun ve ve bawk.

*Flash back*

" Nu bawih,,,lo kal teh " rang lutuk in ka lehhawi a,ka kekawrbul ipte ṭet chu ka zen rak rak a,ka tlan zui nghal vat.
" Aw...uthante eng nge ni ta..." ka ti nghal vat .A khumbul ka thlen khan a lo ṭhu chhuak ve chiah bawk.
" Nubawih...kum18 i nih hunah he hmun hi i chhuahsan ang a,,ka bulah ilo awm dawn nia aw...tunah kum14 chauh ila ni a,chuan nitin ka lo tlawh ṭhin ang che,," ka dar tawn tawn ah vuanin min en a, mit khap lek lo in ka en ve ran bawk.
" Kal i tum tawh a maw !..i awm loh chuan tu in nge min duat ta ang a..ka mut theih loh in leh ka ṭah te pawh in tu in nge min thlem ang a.."pangchang tak leh hmel tumbur chung a ka sawi chuan ka chal ah min kuk fawk,ana ka tih em avangin ka ṭhen zui tlawk tlawk, ka chal chu ka tuai zui nghal mawlh mawlh bawk.
" Naupang chhia ini tawhlo..zirna lam ah nasa takin ṭan ila ang a,chuan,,,kum i tlin ve leh ka bulah i awm dawn a alawm,fel deuhin lo awm la,ṭawngṭai kha thlahthlam hauh lo la,thu lo awih ang che aw...ka naute.." Ka biangah a piai vak a,a thip ka ti lutuk ringawt.
Nilengin ka awm a nuamlo a,chu pawh uthantei vang vek,min chhuahsan tur thu ka hriat khan ka lungngai nghal em em a,eng a ti nge Orphanes home ah te hian ka lo awm ve ngawt le,,tih te ka ngaihtuah a,naupang ni siin thil tam tak ka hrethiam a,ka man chak hle bawk,ka rualpui te aiin thil ka hrethiam hma em em bawk,zan a pawh mut hmun ah ka kuahbet tlat a,ka lu a chul hiau hiau a,chu chuan ka mut a ti chhuak thei lutuk ringawt.
A tuk a lo nih ah chuan uthantei chuan min chhuahsan a,,ka khua ahar ṭhin lutuk.Ka ngai a,zan alo thlen a piangin ka bulah a mu ṭhin a,tunah a mu tawh bawk silo.Gate chung sang tak a intar Care & Love Orphanes tih lianpui in ziak chu ka en dauh dauh a,ka mittui lo luang nghal zung zung chu ka hru zui tawk a.

Nu/Pa ti a auh tur nei ve ta lo chu heta hnathawk te hi nu,pa tiin kan ko mai ṭhin a,min duatin hmangaih takin min enkawl bawk.Naupang ṭhenkhat chu fa atan an lo la ṭhin a,,min la ve se ka ti thei lutuk ringawt.Awt tak leh ngai tak chung siin kan in thlah ṭhin a nih kha.

*End of flash black*

" Nubawih,,i ṭap leh tawh a ni maw !..nula ini tawh dawn tuar chhel taka awm tur ka tih kha.. !" Uthantei lawmloh hmel chu ka en zuk a,ka inhru zui nghal vat,ka chhungril natna a hrethiam tih hriat takin min rawn pan hnai nghal vat a," Lo kal teh" tih pahin ka ban ah min vuan a,min pawt hnai hret a,min kuah zui vawng vawng a,ka hnung a chul hiau hiau pah bawk.

" Hun kal tawh ka lo ngaihtuah let a, min chhuahsan dawn te,nu leh pa awt tak a ka awm ṭhinte..." ṭap aw lek lek a ka tih chuan..
" Mai mai ah..ka awm alawm .. khatiang kha ngaihtuah tawh hauh suh ang che.Kal ang.." a ti deuh hmuk a,
" Khawi ah nge kan kal dawn..." ka ti deuh hu a,,mak ka ti tih a mitmeng ah chuan ka hre thei.
"Ka bazarpui dawn che,,chuan maw,, vawiin chu school kan chawl a,ka teacher pui te pawh an nupui/pasal fanau te kiangah hun an hmang ang bawk in ka fanu ni bawk,ka naute ni bawk kiangah hun ka hmang dawn a nih hi..." nui vur vur pah a,a sawi chuan ka lo hlim ve em em ringawt,ni e,,ka tan nu,u a ni bawk,lungngai a awm turin min duh ngailo a,phur tak leh tha tho tak siin min fuih mai ṭhin.

Mihausa te ang a,in changkang tak leh bungraw changkang tak neilo mah ila,a fai in hmuh a nuam hle thung.Kan inbual dun fova,hnung te kan in nawh sak ṭhin a,engkim a ka engkim ni ta chu ka tan englai pawhin a awm fo bawk.
Bazar lampan a kan kal lai chuan Traffic police hian mipakhat a lo hau mawlh mawlh chu ka hmu a,helmet a khumlo lehnghal ! chu chu a hauh chhan ni in ka hria,,Two wheeler khalh chung si a,helmet khum loh hi a pawi tih ka hria,,accident emaw tawk ta se,,a lu kha ...a pawi dawn em a sin, thluak per chhuak khawp a accident hi sawi tur leh hmuh tur hi a nual ṭhin.
" Nu bawih..." Ha chip hmuk chung a hmui ti che in min lo auhna lam chu ka lehhawi vat a, footpath a unthanteiin min lo hui zeuh ka hmuh chuan ka kâ ka ang huau a,ka che lai tak zet,ka pen dawn chiah tih ah horn a ri tuarh a,ka va han phu nasa tak,ka lungphu a phu nghal thum dut dut, rangtakin ka awm zawn ah ka kut phah nghat in ka thaw kawk a,ka hnunglam ka melh zeuh chu Scorpio dum tliang lutuk ka hmu nghal a,ka tlan chiam zui,ka zak tak zet,
" Awiii...i va han che chukchu tak, engtin nge horn ri te kha i hriat loh theih,,mottor in a su per lawp lo che a, a lawmawm lutuk ringawt.Fimkhur tawh ang che,Aizawl mai nilo,mizoram
ah hian lirthei a tam lutuk a,a hahthlak kan ram a zim bawk si.." ka u tak hi chu aw..a ṭawng tui thei lutuk ṭhin hi buaithlak ka ti fo reng a ni.Mahse..a sawidik ka ti tho bawk si,a ruk tak chuan ka zak chem chem.

Dar3:00am a rik chuan inlam kan pan a,,Luangmual ah kan awm avang hian haw hma pawh ni ila,,a lo tlai leh duai ṭhin.In kan thlen chuan uthantei a kekawr mawng pawp aṭanga a underpant senduk lo sen va va ka hmuh chuan ka nui chhuak hak a,a ngaihna a hrelo lutuk ringawt.A mitko min san khum vak vak a,sawi mai ka tum chu ka sawi hlei thei der lo,
" Eng nge i nuih,,,nangte reuh hi min nuih a ni maw..." a lawmlo hmel te chuan ka nuih a ti aza zual,,mahse ka hrilh chuan a zah ka hlau ru ang reng bawk sia,
" Engmah...i sam dum hi inhmeh ka ti lutuk,,chuan i ngo a,i hmui a senno chek a,i mithmul lah a tam lutuk lo a,,"
" hahaa...nubawih min bawl suh aw,i hmelṭha a,i smart a,sam dum hi i inhmeh zawk daih,i hmui lah mite ang a,, kuhva leh sahdah,tuibur,shikhar ei leh hmuam te ang nilo a,a senno mawi tawk chauh te ang hi mizo hmeichhia te hi ni vek thei ila,,mipa in an it lutuk ang che tih ka hlau ru ṭhin,mahse...feet
5 leh inch-3 chiah i ni bawk si,aaa,,,,, pawilo te mah la,,i pian hi mawi e mai ahh.." a ṭawng duah leh tawh,, khabe sai hlarh hlar in a mit ah ka en kiau a,min melh rum em em ringawt bathroom ah rang lutukin ka tlan lut zui vat a,insum na tel hauh lo in ka nui chiam chu darthlang a ka hmel ka inhmuh chuan ka nuih aza zual sauh,
keimah leh keimah inkawkin ka nui vak vak ringawt.
" Regina malsawmzual..hawng vat teh." ka nui tawp chiang lutuk,chutah kawngkhar a chum ri bur bur zui a,ka mengphawk hru mai,inthlahrung ru tak chung si in kawngkhar chu ka hawng a,kawng dawm meuh in alo ding teu a, kekawr bul pawl thla lem leh arsi lem chuanna an ha ngei a..
" Ka kekawrte sen kha alang tih sawi ta che,,ka zak lutuk hi ka hmui ka seh pilh a,a thi ser ser hi i hmu em,," a lungawi dawnlo emaw ka tih laiin a thinrim hauh lo,adang ka la lei dawn che nia te ka ti ta vel mai mai a,pawisa ka nei tawp silo,a ni pawn a hrechiang, ei leh in kan rel a,a changin min hau a,a changin kan nui dun leh ṭhin.A ni hi chu ka tan a hlu tak zet a ni.
" Nubawih T.V en ang,,tunlai chu News thar lam a tam thei lutuk.." a tih chuan T.V chu on in,NEWS thupuan chuan ka beng a verh zar mai,mak ka ti hle bawk.
" Nubawih...fimkhur rawh aw...misual an tam si a,mihring a sumdawnna te pawh tunlai ah a hluar an tih kha.." a tih chuan ka hlauthawng ru nghal ringawt.Nitin College kal ka ni a,mahni chauhin ke in ka haw mai ṭhin bawk. Pawisa hi ka ui a,thawh chhuah ka la neilo bawk nen uthantei hrisello nen a tan phurrit nih hi ka hlau tak zet a ni.
" Uthante..eng a ti nge fahrah kan nih le ??!
kan nu leh pa te hian min duh lo nge min boralsan tawh le..nu,pa ti a auh eih ve tur neih hi ka chak thei lutuk,,"
ka sawi zawh chuan ka lung a chhe nghal ringawt,ka rilru no a chhuak a ni ber.
" Khawvelah hian mal bik leh rethei ber ah hian kan in ngai tur a nilo,mi hausa ber pawh dinhmun chhe ber ah a awm thei tih hria la..lungngai zawngin leh a hreawm zawngin engmah ngaihtuah tawh suh aw...nubawih.Mutthilh tum la naktuk class i tlai ang,,chuan ṭawngṭai kha aw..." min fuih thiamin min zilh fo a,ka tan hian a awmlo ang tih ka hlau tak zet a ni.Ka kuah chiai a,ka thla a muang lutuk ringawt.

"Awiii..vawiin hi ni engzat nge a, ka kekawr kawng hi ka thawl a nih hi ..pawilo ka ha tho ang,,ka tlai dawn a nia,,uthante..." ṭawng ul ul chung chuan uthantei mutna lam chu ka pan phei vat a,a mit a chhing tlat.Mahse..a muhillo tih ka chiang,a thaw ri hrawih a,a chang leh a rum hulh leh ṭhin,tukin pawh khan ka nuamlo a tih tak kha mawle,,
" Uthante...uthante,,i nuamlo viau em?"
a mutna bulah ṭhu in ka ṭawng pawh chu hrelo ang maiin a awm a,min chhanglo,
"Uthante...meng teh,,engtin nge i awm?" ka sawi deuh a,a chal ka khawih chuan alo sa vur a,a nghawng lah chu thlanin a bual huh ban deuh chat a,a blanket sin chu ka keu a,a kawr pawh thlantuiin a ti hnawng vek, ka ngaih a ṭha lo tak zet,ka rilru a lo lang hmasa ber chu Damdawiin a ni.
" Awiiii..uthante damdawiin ah kal ang aw,,tuar hram hram rawh,min lo nghak la,Taxi ka va chang ang e,," tih leh tlan chhuah ka rual a,,ka tha lah a khur der der a,ka chiai lo chauh,hlauhthawnna hi ka ngah em em a,ka phili buai fo bawk.
Taxi lo tlan lai chu phar ding vat in,kan inlam ah ka hruai a,uthantei lah a zawi em em a,khur dar dar chungin a thuamhnaw a hak thlak tur chu bag ah ka khung mawlh mawlh,Almira chu hawngin pawisa dahṭhat awm chhun chu ka la nghal vek a,driverin uthantei chu a pawm a,keiin an hnungah ka um ve bawk,hmanhmawh tur in ka tur sek a,puan chuan uthantei chu ka khuh a,,a seat hnung ah muttirin ka mal chungah a lu ka nghat a,engkim ṭha tur leh min pui turin Pathian chu ka rilru in ka au zui mawlh mawlh bawk.

Civil Hospital kan thlen chuan nurse ten min lo buaipui nghal sup sup a, tihfel ngai leh buaipui tur ang ang pawh hnathawk te chuan min tihsak vek a,,ngawirengin ṭhutna lo awm ah chuan ṭhuin damdawiin a hnathawkte buai zia leh hah tur zia ka ngaihtuah a, damlo khum a mu te ka hmuh chuan ka vanneih zia ka hre thar a,chutih rualin chhungte neih ve a, tun ang hun a min thlamuanpui tur leh ka thlamuan na ber uthantei damdawiin ah meuh a awm tak ah chuan ka in khawngaih thar a,ka mittui lo luang leh ṭhin chu mite hmuh hlau ru tak chung siin ka hru leh zeuh ṭhin a.

Nurse pakhat chu ka lampan in hman hmawh takin alo kal a,ka ṭhutna a ṭangin ka tho chhuak vat,
"Damlo hi i u tiraw" a tih chuan aw ka ti rang hle a,ka hlauthawng lehnghal der,
"Dr in a addmit che u a,chuan naktuk ah test result a chhuak dawn a,tah khan lo nghak lawk la,,kan rawn ko ang che" a tih chuan awle ka lo ti ve mai bawk,a ruk tak chuan hreawm ka tiin kan khawsa ve ṭawk ṭawk bawk nen ka rilru hah tak zet.Mahse..pawisa aiin nunna hi a hlu tih ka hre ve bawk.


Class ka kal chhunzawm thei ta lova, college a ka kawm ve ṭhin te chuan kan chanchin chu hria in min lo be ve zeuh zeuh ṭhin a,status ah te ka up ve a,kan lecturer te pawn min hrethiam hle.

Zankhatna chu kan hmang zo ta der a, vawiin hian result a chhuak dawn tih ka hre kiau a,mahse,,,ka huhphurh hle ringawt,uthantei lah drip zankhua in an khaisak a,engmah ei thei lo a,a luak chhuak leh zel bawk si,bei a dawng tak zet tawh.Dr chu lo kalin ward a mite chu pakhat te te in a en a,,kan zawn alo thlen chuan a chal chu a hiat zeuh a, nurse pakhat nen english a inbia in eng emaw an sawi a,chutah ka lam lo hawiin min ko hrang ta mai a,corridor ah chuan kan ding dun a,ka zam em avangin ka kut chu a awm hle hle theilo.
"I u hi..a thluak ah thisen a tlin mai bak ah bawk a awm a,,a ranglamin kan zai nghal a ngai.Chuan kan hlawhtling dawn nge dawnlo ka sawi theilo a, chuan result kha chu a ṭha aw,,hlauh thawnna tur a awmlo, mahse..en nawn leh pawh a ngai mai thei a, in chhungte nen lo in rawn khawm ula,,min hrilh hre vat dawn nia,," a tih chuan ka lawmna leh ka hlauhtawnna a in zat vel ka ring.
Chhungte rawn tur ka nei bawk silo,,ka van mangang tak,,ṭawngṭai na ngaitha tu ka nei a lawm tiin damdawiin hnunglam ah ka tlan phei a,ka thaw ipik lutuk boruak khamlo ang mai a ka thaw leh vak ṭhin te chuan min tih hahdam phah chuang der lo.Mittui tla zawih zawih a ka ṭawngṭai chuan ka hnunglam a ke penri khep khep ka hre zui a,engah mah ngailo in ka ṭawngṭai ring zual sauh sauh.

" Aw Lalpa...ramhuai te leh a apawl ten min tihbuai tum mahse..ka hlau lo ang,, nang ka hnenah i awm si a,,," tiin ka sawi ring sauh sauh a,nui ri huk thawm ka hre tel tlat in ka hria,mahse ka ṭawngṭai laklawh tawh,thawm dang ka hriat tak loh ah chuan ka Amen zo ka meng chu engmah ka hmulo,,ka sir lam a kawrdum vek a inthuam mipa pakhat kal liam lai chiah ka hmu a, ward chhunglam ah lut lehnghal in uthantei khum a mu chau em em chu a kut ah chelh in a hmel chu ka thlir reng ringawt.


Dar10:am a rik meuh chuan dr chu hmu in zai tur in thu ka ti tlu a, chhungte ka neih lem loh avangin ka ṭhiante ti a ka ngaih college a ka kawm te ve ber pahnih Muanzuala leh Rempuii chu ka sawm a,,an nin operation an neihchhung zawngin min awmpui a, an thiam ang tawkin min hnem ve bawk.
An ni an lo kal chu ka thla a muang ve deuh,mahni chauh chuan a hreawm tak zet dawn a ni tih ka hre thei.
Rei tawk tak ka ṭhuthnu chuan an rawn zawn chhuak a,,ward lam ah nawr lut nghalin an check zui vat a.
Tlailam ah dr lo kalin a endik zung zung bawk a,,eng emaw a awm chuan hriattir nghal vat turin min ti bawk.
"Dr..a hlawhtling em?" hlauthawng aw tak chuan ka ti a,,ka zam ru lutuk ringawt.
"Pathian thu thu a ni " tih chiahin min chhang a nih chu,,beiseina kha beidawnna ah ka lut leh a,,ava hreawm tak em.

Nili lai kan awm tawh a,engmah hlauhthawnna tur a awm lemlo bawk a, a ni pawh vawiin chu a harh ṭha reuh phian a,ei chak te a neih ringin dawr lam ka pan a,Gate ka pel chiah tih in ka hma a Maruti dum nalh zet mai chu muang changin a lo tlan chho a,,hmanni a ka hmuh nen a in ang chiah chiah,mi pawimawh tak a nih ka ring ve hmiah bawk.Ding meuhin ka en a,,a khalh tu hmel ka hmuh chuan a Man ka va han ti tak,,a hmelṭha hle mai tiin ka phun chhuak sup a,,min rawn melh zeuh chuan ka hawisawn rang hle,dawr chu ka pan nghal vat bawk.


Ka let leh chuan an lo ri luih luih a, nurse in min hmuh rual rualin uthantei chu I.C.U ah an dah luh thu min hrilh ta mai a,,chhuat char lai ah chuan ṭhu thla hnawk in zah pawh dawnlo in ka ṭap ta mai a,min kalsan dawn a hriatna ka neih te chuan minti lungchhe zual hle ringawt.Ka thilpek tur te chu ka en a,ka na ngawih ngawih,leilo in a bulah awm zawk ta ila tih te ka ngaihtuah a,ka awm chhung chu na lutuk chu thawk harsa ka ti tak zet.

Ka piah lawk a,mipa leh hmeichhe kawr dum vek a inthuam chuan min lo thlir reng a,hmeichhia zawk chuan min lainat hmel ve khawp mai,ka en leh zeuh ṭhin a,a mipa chuan eng emaw sawiin hmeichhia chu a hrilhru a,ka hawisawn chhung chuan ka piah lawk a mipa a dum bawk a inthuam palian tak feet5:11 vel a nih ka ring a rawn phei zel a,nichin a ka hmuhpa kha a ni tih ka hria,a hmalam chauh a melh a,chutia ṭhu meuh a ka lo thlir reng a vang chuan ka tho thut a,ka ke a mur deuh chem chem avang chuan ka ding ngil lawk theilo,,ka tlu ṭep nghe nghe,ka zawn alo thlen chuan second3 vel a ding zawk a,ngeiawm tawk lekin a nui seih lehnghal ka run reuh lutuk ringawt.

I.C.U room kawngka aṭang a dr lo chhuak chu rang tak a pan nghalin chanchin ka zawt vat a,beisei a san loh thu in min chhang a nih chu!!
" Maw...engmaw i sawi kha ! a hlauhthawn awm loh iti a ni lawm ni,, chhanhim rawh,a ṭhat thu min hrilh a nih kha,tunah beisei a awm loh thu in min hrilh leh a,,khawngaihin min ṭanpui rawh ka neihchhun a sin,a tello in ka awm theilo ang,a ni kha ka chhungkua ka neih chhun a sin..dr min chhanhim sak rawh..khawngaih tak in" a ngen in ka ngen a ,ka in phah hniam lutuk ringawt, ka ngen tak meuh meuh a ni.

" Theih tawp chhuah ka tum ang,a bak chu chunglam rorel dan a ni tawh ang, natna te hi kan duh vang reng a nei kan nilo a,kan tan a ruat pawm thiam hi a ṭha ber a ni,pachang tak in awm tum hram hram rawh" a sawi zawh rual chuan min kalsan zui a,rilru siam thiam a har tak zet. Theihse chu anat ai nat ka duh tak zet.



Tlai dar5:30pm ah chuan ka u duhtak ka neihchhun in min kalsan ta,tuar thiam har ka ti a,hreawm ka ti tak zet, keimah chauh chuan he khawvel hi ka hma chhawn ngam lo.I.C.U ah chuan tlan lut in ka awrawl tak meuh meuh in ka ṭap a,ka ko mawlh mawlh a,mahse..min chhang tawh hauh lo.
" Ka u tho rawh , ka la mamawh che a sin,,min kalsan leh tur si chu eng ngati nge i bulah min awm tir...lo kir leh hram rawh...ka phallo..." ka tih chuan ka bula nurse in sut ri sup chu ka hria a,ka dar ah min lo kuah a..ka lu chu a hai riai riai a,vawi lehkhat ah a thim mup a,engmah ka hre zui tawh lo.

Ka harh chuan zairi ka hria ,khum ah ka lo mu reng a,,tho chhuak thuai in uthantei kuang a an dah lut tur chu ka hmu zui vat,rang tak a tlan in ka va kuah a,,ka awm chhung na lutuk leh ka hrawk thip lutuk pawh ka ngai pawimawh thei tawh lo. Ka bul vel a,ṭap thawm chu ka hriat chhun a ni leh mai.


Kan veng chhung leh min lainat tute an ṭha a,ka ṭhian te pahnih lo kal ve in an ni pahnih in theih tawp in min thlamuan a,ka kiangah an awm reng bawk.Uthantei vuiliam a nih thleng pawh khan inleng ka nei a,ralna lah ka dawng ṭha hle a,mahse ka hmang phallo.A tan tiin ka dah ṭha ta zawk a.

Mal leh khawharna in min tuam a,
class lah ka kal chhunzawm thei hek lo,nitin ka ei leh in tur leh mamawh ka thawhchhuah angai a,ka ṭhianpa in min lainat a zarah Muanzuala te Caffetteria ah ka thawk ve a,ni hnih chu ka thawk ve tawh nghe nghe.


Damdawiin bill awm man min ṭhin
avangin ka rilru hah hle a,nitin hian hlim hmel put hi har ka ti tak zet.
" Muan engtin nge ka tih ang,,damdawi in awmna bill ka la pe thei silo,,ka pek ngei ngei a ngai a nia,,ka thawh chhuah hian pe pawh ni ila,,kumkhat a ngai " rilru hah tak a ka tih chuan thil hrechhuak thut in min hrilhru su su a, a sawi lai te chuan ka ner sak,a mah lah chuan kawngdang a hre bik bawk silo.
" Iti anglo e mai,,chutiang engtin nge k tih theih ang,mizoram ah chutiang te chu alo awm a ni maw..! avan mak em em,ka thei lo " ka ang deuh buan buan a,rilru hah reng reng a nitin hun ka hman ṭhin vang a ni ngei ang,ka vun a thim a,dark circle a lang kulh bawk.
" Chu chu tuman an hre dawn lo che, duhthlan tur dang ka hre bik lo a nih hi,puih che ka duh lutuk a,mahse heilo kawngdang ka hrelo,zankhat ah pawh nuai2 i hlawh thei var var.." inkuangkuah pah a phawk tak a meng chung chuan a sawi bawrh bawrh a, mahse...ka theilo hlawm tawp.
" Aih.Ka ti awmlo" ka ti hmuk,ka kalsan zui vang vang nghal a,min lo auh pawn ka eih peih hlawllo.



Mahni chauh a awm ta chu ka khuahar ngawih ngawih.A ni kha ka la mamawh chauh a sin le..mutna ah te chuan ka in ngaihtuah lungpuam a,a chang leh ka ṭap ṭhin.Unaunu emaw unaupa ka rinchhan tur tal awm ve se ka ti ngawih ngawih.Uthantei khan ka nat te,ka hlimloh te a phal ngailo kha a nia,mahse min kalsan daih a,,ka dem lek lek ṭhin.

Muanzuala min hrilh kha ka ngaihtuah chian chuan ngamlo hle mah ila,,lo theih lohna avangin ka tih a ṭul tlat si, kan inhmun hi chhuhsak ah min vau tlat bawk nen,rethei leh hreawm ti reng rengin ka nun hman ngai ta chu Pathian ka dem lek lek a,a chungah pawh ka lawm tawh hlawllo.

Orphanes home ah te khan uthantei nen lo awm hle hle ila kan tan a ṭha zawk tur te ka ti a,ka rilru hah lutuk chu ka thaw leh hak ṭhin,ka mangang tak zet,ka lu te hi ana vek tawh.Ka phone ri ka hriat chuan ka mutna khum aṭang ka ṭhu chhuak hlawl a, caller id ka en chuan Muanzuala a lo ni, a sawi tur pawh rindan ka nei nghal,

" Immm sawi rawh.." ka ti thawp sap a, ka chau a ni zep lo ah chuan,rilru leh taksa hi alo chau thei tak tak a nih hi.
" Vawiin khan.." a ti dek dek a,rang tak a lo chhang nghal in ka lo ṭawng khalh zung zung,
" Ka duh,ka ti ang,chuan tuman min hre dawn lo iti bawk a,a dik tiraw" ka ti nghal vat,hlauhthawnna leh hreawm ka tih a in zat ngei ka ring.
" Hre dawnlo...chuan pawi ka ti lutuk aw...i duh chuan zan in ah pawh a theih,gold digger i nilo nia aw.." a ti ve mawlh mawlh a,ka ṭah a chhuak tak zet,ka ṭah mai loh nan ka hmui hnuai chu ka pet fan fan a,thih daih te ka chak rum rum.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 4th, 2023, 8:24 pm

Chapter - 2


THE UNWANTED MARRIAGE


"Muan tumah hrilh suh aw,," ka ti vat a, ka aw a lawi lutuk ringawt.
" Hrilh lo ang,i duh phawt chuan kan let leh thei a nia,," a tih chuan ka lu ka thing rang chiang hle,mitmeng ti zim sar in min en a,min khawngaih tih chu ka hria,
" Ka thei em em ang,,mahse..mipa tih lawmdan ka hrelo,engmah hi ka zeilo in ka thiamlo bawk sia,,tuman min thlang duhlo ang" ka ti ang lawi a,min thlangtu an awmloh mawlh chu ka hlau hle tawh.
" Duh ang,,i chhelo a,i hmelṭha a,i vun a mamin i vun a ngo a,chu chu mipa duh chi, lut tawh rawh,," a tih chuan La La Bar tih in ziak eng phe zeuh zeuh chu ka en a,, ka bag hrui chu hum nghet sauhin ka lut ve ṭhuai a.Ka lungphu a phu dup dup a,ka sa vek in ka hria.


------------------------------------------

" Khawngaihin min that suh..nupui fanau nei ka ni a,ka tello in engtin nge an khawsak tak ang,,min that lo hram rawh"
" Aih.Zahngaihna leh khawngaihna hi a awmlo !! chutiang ang chu a awm ngailo ang." ka ti chang fak.Ka pa rual ni mahse..ka tum chu ka ṭhulh ngailo.Zahngaihna leh khawngaihna, lainatna hi ka hrethiamlo a,engtik ah mah ka hrethiam ngai hek lo ang.
" Sir..engtin nge ka tih dawn?" ka hnuai a thawk Peka chuan a ti hmuk a,
" Bawlhhlawh chu a bawm ah paih ṭhin ang in,ka hma a bawlhhlawh hi paih ang che.Phatsan tu chuan phatsanna chiah a hmu ang" ka ti ram hmak,a hlauhthawnna a hmel ah leh mitmeng a lo lang chuan minti buai eihlo bawk.Inchunglam ah chhauhsan nghalin silai puak ri ka hriat chuan ka nui suk, " Mangṭha phatsan tupa" ka phun chhuak nghal sap.Ka awmna hi ka villa a ni a,nu ka nei tawhlo a,ka pa nen erawh kan in mil viau hranlo a,a thu erawh ka awih hle thung,ka zah hle bawk.Mottor ah ṭhu lut nghal thuaiin ka duat leh ka uluk em em ka nu hriatreng nan a ka lei mottor Maruti ( Bolero)chu ti nungin ka tlan chhuak zui vat.

Company ah kal nghalin,manager in min hmuh chuan zah tak in chibai min buk nghal a,eng ah mah ngai lemlo in ngawi rengin ka kalsan zui hmak.
staff meeting room ah lut zui nghalin
ka pa mitmeng thip lutuk hmachhawn chu ka hreh ru lutuk ringawt.Chair ah ṭhu nghal vatin midang erawh an ṭhu ngawi reng thung.
" Company hi i kut ah engtin nge ka dah ngam ang.Ti tur a ka tih pawh tlin lo hian ka company ah a thawh reng hi ka rem tilo" Ka pa thu sawi chuan min ṭhawng tak zet.Staff dang awmlai a min hau fo hi ka ti thei ṭhaklo.
" Company enkawl hi ka tumlo.Thawk tur a min tih chin chiah ka thawk. Chuan he company a President ka nih na angin ka hna chiah ka thawk ang, chuan Chairman hian President hi staff awm laiin zahlo tak a ṭawngkhum a tum tawh tur a nilo" ka ti ve hma . Ka thusawi chu a khauh in a chang hle bawk.Ka pa kut inhum ruh pawh ka mitsirin ka hmu nghal chat.Mit chhing zui nghalin ka nui suk,Michael Zoremsanga hi namnul chi ka nilo tih hi ka pa pawhin a hre chiang hle.
"Marketin a hralh chhuah kha record thlap u la,,company dang aiin kan ṭha hle tur a ni.Vawiin atan chuan duhtawk phawt ang,inhna ah kir leh tawh rawh u" ka tih chuan ka pa leh a body guard chu an la ding reng.
"Ka pa,hna chu hna chuan pawisa bak ngaihtuah i neilo,i sumdawnna hi engtia kalpui zel nge i tum,tunah Delhi ah Hotel i sa mek a,,chu pawh khang mifing vervek ho te nen a rorel nan khan maw...!! " ka lungawilo tih a hre chiang ngei ang,
" Lo buai suh,ka fapa i ni a,i tan vek a ni.i pa hi mindo suh ang che , chuan hei hi hrereng rawh ka fapa i ni tih hi" a tih chuan ka mit ka chhing sawk.. kan sawrkar hian eiru leh thil diklo tiru ṭhin a humhim zel hi ka ngai thei hauhlo.
" Damm it..!" ka thil ngaihtuah avang chuan dawhkan chu ka hnek chawrh a,ka thisen zam leh ka thluak hian tualthah chakna in min tur a ni.Ka mit chhing vang vang in muang changin thawk ka la a,ka rumri leh hrawih ṭhin te chuan Sakeibaknei thinrim in bengdaih tum hi ka inteh khin ber. Company chu ka chhuahsan zui vat. Peka chu phone in Maria lo hruai tur leh ka lo nghah tur thu ka hrilh zui vat.


Ramreh leh tuma kal ngai lohna hmun tlang pahnihin in a tan tlang ruam ah kan ding reng tawh a,Truck pakhat lo tlan chu kan zawn ah dingin kan hmai chu kan tuam vek a,ngawirengin kan inthiar chhuak a,pawisa pe in an ni pawh an tlan chhuak zui ve nghal mai bawk.Kan chhakkawng kawi a ka pa body guard leh a ṭhuihhruai pathum te chuan bawm ah lo khung zelin kan villa lam ah an tlan liampui zui nghal vat.
"Peka, Maria-i nen khan villa lam ah min zui ang che u" thupe aw tak a ka tih chuan an lu bu zeuhin min zui nghal vat bawk.
" Sir,ralthuam mai bak ah drugs.."
" Shihhh..kha lam chu sawi rihlo ang, engkim hi inla hrethiam chho zel ang, kan thiltih hi a diklo tih ka hria,mahse ka tum chu ka ṭhulh ngai hauhlo in hriat kha' ka tih chuan an ngawi dun reng a, min zah in min hlau hle tih pawh ka hria,ka thu sawi an awih hle bawk.

Villa lam kan thlen chuan alo eng kuar a,hmanhmawh tak a inchhunglam ah lutin ka pa leh a ṭhuihhruai pali an lo awm bawk,min hmuh rual rual chuan kan lam a lo pan nghal chat a,a nui hmel leh a mitmeng verther te chuan ka pa nilo se tih chang ka nei fo mai .

" I thawk ṭha lutuk e ka fapa..in duh phawt chuan zan in hian La La Bar ah nuam in chen thei ang" ka dar ben thuak thuak pah a a sawi chuan ka ner sak,
"Aw le,,pu ber" Peka a ni,a ṭawng rang hle bawk,ka nuih aza ru hle a,,ka nui suk ,a chak zawng tak a ni ngei ang, ngawi rengin ka room lam ka pan a,an ni ho kha chu ka ngaihsak chhunzawm teh chiam lo .

Balcony lam ah pheiin chair lo awm ah chuan ka ṭhu a,ral lehlam a tlang in bawh thuah leh khaw ṭhenkhat eng vak lemlo lang te,van lam a chhum kal zut zut leh thla eng var bial pup mai te chuan ka chhungril khawharna a chawk tho chiang hle a, mal leh khawharna,he Zoremsanga thinlung khawharna,a mamawh tak pawh a hriat loh a tan a ding ngam mi pangngai ang a nun hman chak ve fo hian he thinlung khawharna neitu chu Michael Zoremsanga chiah hi a ni.

Inhnuailam ah chhuk thla in Peka leh Maria-i lo ṭhu dunin games an lo khelh a,min hmuh rual in an dah ṭha nghal sawk sawk ,
" A ṭha e,,hlim chang te chu awm tur a lawm" tiin ka chhuak zui nghal a,min rawn zui ve nghal chat bawk.


La La Bar kan thlen chuan VIP room ah lut nghalin Whiskey an chhawp chu ka tlak pap a,ri luih luih leh thawm bengchheng hi ka ngai thei hauhlo , room hran midang awmlohna hi ka thlang fo bawk.

Kawngkhar chu in hawngin hmeichhe pahnih chu an rawn lut hlawl a,pakhat erawh azam hauhlo,pakhat ve thung chu a zei loh hmel,,a khawr ṭut in ka hria.A make up hmandan chu ka duh teh chiamlo, heng ang hmeichhia hi chuan sum bak an beisei ngailo.

Pakhat lah in min kuah thuak thuak a, ka ngaihsak teh chiamlo.Peka lah chuan alo beiseiin a titi pui luam a,maria erawh games a khelh thung.Ka piah lawk a ṭhu nula lian lemlo tak chu ka en ran a,ka hmuh hnu ang ka ti tak zet,a mitmeng pawisawilo tak a min en chuan a hmelṭha ka ti tak zet .Zak theilo ang tak a lan a tum a,ka bulah rawn ṭhu in whiskey glass a min thlitsak chu nui sen sen in min rawn pe a,amah en reng chung chuan ka in a,a zak nge a zam pawh ka hrelo,a biang a tai tek a, a duhawm thlawt.Ka en reng avang chuan hawisan thuaiin mitchhing zuiin thawk ka la hluai a,

" Ka tih lawm i duh chuan nuai1 leh singnga a tawk chauh ang,"
ka bula ṭhu thusawi ka hriat chuan la maimichhing ran chungin ka kiai suk .
Ka bengbul set a asawi avang chuan a a aw tham chiai leh a mah hrim hrim hian engtin emaw ka thisen a ti lum tlat,in thunun ka tum a,mahse,,ka thisen lum in min fan chhuak hneh lutuk tlat.

Ka ṭhutna aṭang ka ding thut a,ka bula mi chuan min rawn en chho haw a, mak a ti tih ka hre thei.Ka lu thle zeuhin ka nui suk a,a ban ah vuanin ka man chawt a,ka chhuahpui nghal vang vang.Peka khan " Good luck " chu a tih ve ngei kha.

Room lam ah ka kai phei hlawk hlawk a,kawngka ka hawn chiah chuan ka theh leng lawp a,a hlau a ni ngei ang,a meng bial kawk mai.Kawngka chu kalh vat in,ka pan hnai zel a,a ni lah a hnung tawlh hret hret a,chu chuan minti phur zual sauh.A kawngah man chat in duhthawh lutukin ka fawp a, min chhang let hauh lo thung..a tukhum sam ah ṭhamin ka fawp nghek a,rang lutuk in min namsawn dawr nih chu,reuh tak hian ahhh...thaw hlawp hlawp a min en chuan min melh no lo nasa mai,ka kamsir hnawng chap chu ka kut zungpuiin ka tuai zeuh a,mitko san meuh a ka en chuan insiam ṭha nghalin a mitmeng chu chakna a khat in min rawn en reuh nih chu,min rawn pan hnaiin min rawn fawp ve bawrh bawrh reuh a,a zeu viau lo, a vawikhat na a nih ka ring a,mahse chu chu ka duhdan a ni hlauh zawk si.

A mawngah dawmin a rawn zuang kai reuh a, a mal pahnih chuan ka kawng ah a kherh bet reuh a,a thiam ang ang chuan min fawp a,chu chuan minti phur hle bawk, khumlam chu panin muang changin ka nghat a,ka la fawp reng tho muang chang a thlah riai riai in a thawk lak a rang hle a,a mal chu zut hiau hiau in a meng sen ram a,mit chhing zuiin a si hlarh hlar zui,ka kawr phelh tur chu min lo pui reuh a, mitmeng si sap a min en in,a kawr chu hlip ve nghalin sa ruak ngal ngatin kan awmdun a , a in zahpui hauh lo lehnghal, dim ligt hnuai a a taksa landan chuan duhtawk a khawsakpui ka chak tak zet , minti phur hle bawk,a vun mam tak chu chulin ka taksa ah ka kuah bet thlawp a, a awmbawr nalh zet chu en in duhtawkin ka khawih zui a,
"hmanhmawh teh,,,khawngaihin " mi hur aw ang mai a, a tih chuan phurna nasa tak minpe, zan in hian i duh chu i hmu khawp ang, ti rilru chungin a mal chu ka kuai kak a, a chhung a ka luh dawn chuan a tim deuhin ka hria,a mal pahnih inkar a ka kut ka dah chuan a rum ri hrawih a, ka mipatna in ka nul thuak thuak zui ,

" i chhung a hian ka luh i duh em?" ka tih chuan a lu a bu nghauh a,ka duh tawk mai lo tlat !
" sawi rawh " ka ti deuh hrawih a," aw ka duh " a tih chuan nui sukin dimna tel hauh lo in ka lut zui a, a ṭe ṭhawt a,ka ring sual hauhlo,a virgin tlat !! engtin nge a theih zawk le !! a hmasaber ka ni..mahse..sum hi tunlai ah heng ang ho hian an duh tlat tih ka hria.

" Chhunzawm turin min duh em ?" a bengbul liak zeuh pah a ka tih chuan
" Ti zel rawh " a ti reuh a..engtin nge a dawnsawn lam reng ngaihtuah hauh lo in ka duhdan leh nuam ka tih ang chuan ka che chhunzawm zui vat .

Kan tlakfel hnu chuan thaw hlawp hlawp in a sirlam ah chuan ka muthla a,a ni erawh a mu kawm chiai thung.A ngik feih feih a,,a ṭap ni in ka hria, ngaihsak tehchiam ka tum hauhlo, engkim a thleng vek tawh,a duhdan leh ka duhdan ang thlapin,bathroom ah luhsan in ka inbual a,ka chhuah chuan alo mu tawhlo,ka kawr chhuat a tla chu chharin ka thing zui chiam a,ka ha nghal vat.

Kawngka aṭanga lo lut chu amah a ni,a mit a sen ram a,engmah a sawi hauh lo thung .
" Kan duhthlanna ah hian tumah inpuh tur chuang kan awmlo " ka ti zui hmak a,pawisa ka ah lai chu la chhuakin khum ah ka theh thla a,ka kalsan zui nghal.Hmuh leh pawh ka duh lo hulhual.

***********************

" Sir Kingdom Company hian hma kan zauh zel a,ram hrang hrang ah thawn chhuah kan nei bawk a,kan ram in kan siam chhuah hi a ṭha ber ber a nihna ang in,competition a tel tur zing a thlan chhuah kan nia,,design thiam tak kan mamawh dawn a ni" ka seretary sawi chu dik mahse ka rilru ka pe thei hauh lo!! ngaihtuah tur tam lutuk ṭhin hian minti chau fo mai .

" Ok..i kal thei tawh ang " ka tih chuan rangtakin a chhuak nghal a,ka office chhung ah leh pawnlam ah buaina ka ngah lutuk hi ka kham tak zet !! Ka phone chu en in thlalak pakhat lo lang chuan ka mit ala nghal chat .

" Hmelho mai mai chuhhh " drugs an in hlan chhawn lai a ni tlat, kan sawrkar pawh hian a rukin a kalpui tih ka hria,, mihausa thil ti thei tak tak ho hi ka haw tak zet .Kan ram changkan loh chhan te pawh a ni ve mahna !

" Lo en zui zel rawh ..i mit leh beng kha chhi kar ang che.Kan hmaih hauh loh tur chu i hriat kha.." phone dah zuiin Peka min lo thawn chu ka en leh ṭhin a, ka pa hian drugs hi a tawlhruk ka rinhlelhna a rei tawh a,mahse fiahna tak erawh ka la neilo zel chu a nia !!



Nidang a ka tih ṭhin ang bawkin La La Bar ah ka kal a,,Whiskey um chu la in ka in khawlh khawlh a,ka thaw ipik lutuk chang hian ka kal fo a,,hmeichhe hmelṭha leh chhelo tak tak hian min hel reng bawk nen,,ka chakna chu an ni lak ah ka hrithla mai ṭhin.Mahse natna kai ka hlauh em avangin indanna ka hmang ṭhin bawk . Lamtual a hmeichhe pakhat lam chuan ka mit ala nghal chat,,kal hnaihin a bul ka va thlen chuan ka rin loh daih a ni thung,, hmanzan a ka hmeichhe mutpui emaw ka tih kha alo ni hauh lo !! chu nu lah chuan mak tih hmel tak in min en a,, min beisei tih hriat takin ka awm bawr chu rawn chulin min nuih sen sen a,, keilah chutiang lam tunah tak chuan ka phur lo nasa..
" Thlawk bo teh !" ka tih chuan a katnawk a,, hmel nur nang chung chuan a kal tau sawk sawk chu eng ah mah ngailo in La La Bar chu ka chhuahsan zui hmak.

Ka phone ri ka hriat rual a caller ka id ka en chuan Maria a ni,rang takin ka pick zui vat.
" Sir .. fiahna tak a awm theilo, chuan pu ber khan ka record sa ho a ti chhe vek a,vawiin khan office ah an lo kal a " a tih chuan mit chhing zui vang vangin ka thawk lak asak ṭalh a..kawng dang ka zawn mai a ngaiin ka hria.
" Ok..ka hria e" tih pah a phone ka dah zui chuan stearing chu chum ṭhuaiin ka thinrim hle a,inlam pan chuan ka inkhalh chhuak zui vat.


In ka thlen chuan hmanhmawh lutuk in ka tlan lut zui vat . Room lam chu panin tukverh lam hawia in kuangkuah chung a ding ka pa ka hmu nghal chat.
Ka lam chu muangchang a lo hawiin a kiai suk in ka lam a rawn pan zui a,

" I tih a ni em ?" ha sehchilh nawk a ka tih chuan a mitmeng a danglam eih lo!!

" Mimal nun a inrawlh loh kha kan ti in ka hre si a..!! thil diklo i tih tawh loh hram ka beisei ka pa " ka chhunglam a ka thinrimna chu up bo hram hram a ka sawi chuan hnunglam min chhawntu ka pa chu ka en reng a, a rumri hrawih a, chutah muang changin ka lam lo hawiin min rawn en a,
" Ka fapa i nih chhung chu min man tir theilo ang,,chuan thil diklo tak ka ti ṭhin, minpui ve bawk a.Mahse...a ṭul tlat si !
ka ti tawh dawn hleinem , ka fapa zahna thlentu nih ka tum lo " zaidam tak a, a tih chuan ka awihlo lutuk ringawt.Mahse..ringhlel ang a lan ka tum lo bur.
" Ti tur a min hrilh leh ti tur a min tih chinchiah ka thawk ṭhin . A ṭha e i fapa rinna chu ti thlawn hauh suh," ka tih chuan rang tak in ka chhuahsan zui .


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 4th, 2023, 8:25 pm

Chapter : 3


THE UNWANTED MARRIAGE


" Khawngaihin...reh rawh..min pui hram teh u " Shower hnuai ah chuan ka taksa chu ka tuai vak vak a, ṭhu sawp nuaiin theih tawpin ka au a,,mahse.. awmzia a awmlo !! engkim a thleng vek tawh . Darkar1 dawn chutia ka awm hnu chuan muang changin ka tho chhuak a,,darthlalang a ka hmel ka hmuh chuan ka makeup hman zawng zawng a pherh vek . Tunge ka nih tih hai theih khawpin ka lang ..ka pawr fep a,,chawllo a ka mittui luang tak ngial pawh hru turin chakna ka neilo . Ka lu ana hle a,mahni inkhawngaihna chuan min hneh lutuk ringawt .


Ka thil tih tenawm zia ka hria, mahse.. duhthlan tur ka neilo a nih kha !! Ka nun chu hremhmun tlukzet a ni in ka hria a, chanchin engkim ka hrilh leh khan Muanzuala khan lainatna leh khawngaihna a min en khan minti hreawm zual..ka tan ṭhianṭha tak a ni in ka hre bawk. Kha zan ka ngaihtuah chhuah a piangin ka in ten ngawih ngawih a.Hospital bill pawh ka pe fel vek tawh a,,thlamuang tak in ka awm thei tawh ang tih nak a laiin ka thla a muang thei der lo !!


Nitin hian ka luak a chhuak a, ka lu a hai fo a,ka chau em em a,ka mut a chhuak reng zel bawk nen, in entir duh mah ila..nitin ka ei leh in thawhchhuah a ngai a,,inentir na tur ka nei hauh lo tih ka hre chiang lutuk tlat.

Kha thil thlen aṭanga karli hnu chuan dawrlam bawk ka let leh a,milar an lo chawl hnem khawp mai, Guru Gee pawh lo chawl ve a,tleirawl ho hian ahla hi an sakpui chiam zel a,,a nalh reuh phian lehnghal ,hralh pawh kan in hralh tam hle..ka thawhna Caffetteria te hi an thianghlimin an dawr lah afai in a rimtui hle a,,customerte pawh hian nuam an ti khawp mai. Mahse ..rimna lutuk ka hriat hian ka pum hi a ni nghulh a, ka uak deuh ṭhât chu customer te tan hriat a nuam dawnlo tih ka chiang, ka inthlahrung tak zet.

" Ms..nang hi...!!! " Muanzuala chuan a kutzung ṭang a min kawk meuhin a meng phawk nasa mai..melh rum em em in ka en haw haw a,,ka mitmei zeuh a,,pawnlam ah kan in zui chhuak vat,
" Ngawi teh ..nang hi ..Ms a ni theilo..!"
a ṭawng ring bawk si chu ka ngei lutuk ringawt.
" Ṭawng ring thei si ..mi in an hria ang, keipawn ka in ringhlel ve tho,,hmanzan khan damdawi engmah ei na chang ka hrelo..min hrilh mai tur che a nia.." thinrim lek lek a ka tih chuan a hmui a hup vat a,ka rai a nih ka inring a,mahse ka in ring ngamlo,
" Damdawiin ah.... nilo ..test kit ka va lei ang,, chuan a thuhrimin in venna chang te hre ve ta che..puitling kum 22 ini tawh." min la vin ang deuh deuh a, min hnem te hi a tum miah lo emaw ni..
" Awle...a ṭha e,, ka in test ang a,,ka rai loh hram ka beisei,ka rai chuan ka thi a ni mai.." ka ṭap lek lek tawh,,bo thut thei ila ka ti tak zet.

Hmanhmawh lutuk a test kit lei tur a tlan chiam chu ka thlir zui vang vang a, keilah ka vei tawn sek tawh . Thaw hlawp hlawp a ka bul a rawn thlen chuan ka kut la in minpe nghal vat .
Hmanhmawh lutukin bathroom ah kan in zui lut a , alo lut ve zel chu ka ngei hlur tawh . Ka melh hrek hrek a, engah mah min la ngailo zui chu nia !!

" Kha...!! hnunglam ka hawi ang " a tih rual chuan a inher nghal vat.Test kit chu mitchhing zui vang vang in ka lek kang a,,ka en ngam thlawtlo..ka thawk a rang hle a,,boruak hi duh aiin a lum in ka khamlo in ka hria .

" I rai ta emmm..? " zawi deuh tak chuan a rawn ti sar sar a,,kawngka bulah a ding reng bawk si,ka kham lek lek !

" Ka la en lo,,ka ning lutuk ,,min lo tur sek suh " ka tih chuan a chek tlak tlak zui a,,ka ngei tawk a tling em em zel tho.
Thih leh thih ti a ka men chuan rinsen pahnih chiang em em chu ka hmu a, test kit chhuat a ka thlauh ri chu hria in Muanzuala lo hawi pheiin a chhar a, a ni pawh a ṭhawng a ni ngei ang..

" Ms..min ngaidam suh aw,,ka thiam loh a ni, kal lo tur che a ti tur zawk che ka ni a sin ..a pawi e mai..!!" a ti vawng vawng a,,ka melh ngai melhin ka mittui luang pawh ka hru chak lo.

Ka hrawk chhunglam aṭang ri mak tak alo chhuah chuan insum ka tum hram hram a,mahse...ka theilo insum hauh lo in ka ṭap chhuak a,ka awm chhung chu a thip lutuk ringawt, khawvela ka lo piang ve kher kher chu pawi ka ti a, uthantei ka ngai a,,home a ka awmlai ka ngai bawk a,,ka nun harsa ṭhin lutuk te chuan thih minti chak a,,dam hi ka tan hian hreawmna a ni.Muanzuala chuan min kuah thlawp a,,ka hnung chul hiau hiau in, sawi tur reng a hre bik lo.

" Muan ..damdawiin ah kal mai ang,,ti tla mai ang,,ka vanglai ka hmang dawn chauh a,,sawnpai miin minti ta se,, chu pawh fahrah ka ni lehnghal.Muan thih daih ka duh ,dam hi ka peih tawh lo " ka insut nghal hlawp hlawp a,,awmdan tur hriatthiam avar tak em.!!

" Tunge a pa ,,ka sawi awmzia chu naute pa ka tih na.." a tih chuan a hmel chiah ka hria a, tunge a nih chiang takin ka hre bawk silo ! ka hriat loh thu a ka chhan chuan buaithlak a tiin van va dak meuhin boruak a hip kawk a, chutiang bawk in kei ka ni.
" Eng pawh nise ..haw phawt la, thil ṭha lo lam kha ngaihtuah hauh suh ang che,,zan ah kan lo kal ang " a tih chuan in ah keimah chauh a khawsa ta chu home a luh leh ka beisei a,,home ah let leh ila ka nu,ka pa te ho kha hrilh hriat ka duh a ni.



Zan dar 8:00pm ah pawh engmah ka la eilo,,ei chakna pawh ka neilo,, uthantei khan ṭawngṭai thlahthlam hauh lo turin min ti fo a,mahse tun a ka nun hman dan ka ngaihtuah hian dam hi ka chak lo ! Ka thaw ipik lutuk chu vawilehkhatah ah tlan chhuak thutin thlanmual lam ah ka kal a,hlauh tur reng ka hre lo,, misual rual lo kal in min that daih se pawi tihna ka neilo.

Thlanmual ka thlen chuan Lalthanpui kum 27 tih in ziak ka hmu hmasa ber, thlan chungah chuan ṭhu in ka duh tawk in ka ṭap a,,ka ṭap ri chu a khawk rum rum thei hial.
" Pathian hnenah khan hei hi min zawh sak rawh,,engvangin nge fahrah ka nih? Engvangin nge ka nun hi a harsat bik em em..? eng ngati nge mite ang a ka nun ve loh ? " ka au nghek a, khawpui ri leh thi thaw vuk vuk chuan ka tawn mek he ka nun hreawm hi an hre ve ni ngei ang.

Ka hming a min ko ri ka hriat chuan ka hawi chhuak a,,kawngchhak a, Muanzuala leh Rempuii min ngaihtuah tih hriat tak a hmanhnawh em em a, an rawn tlan thla ka hmuh chuan ka ṭhutna aṭang ka ding chhuak a,min au zui mawlh mawlh bawk.

" Awii...ka hah lutuk,, kan lo kal a,i awm bawk silo,min ti mangang hman a alawm...ti rawh i haw tawh ang " tih pah in Rempuii chuan ka ban ah min kai a,an tih ang ang chuan ka awm mawl tawp,
" Kan zawng nasa lutuk che a,,kawrlum i ha bawk silo,,kawrfual var i ha a,i sam a ngilin i thlah deuh chhap bawk sia,,kan rawn hmuh hmasak che chuan Ramhuai emaw kan...." a tih chuan Rempuii chuan a kiu in a nghawk sawk a, an in melhno lo nasa..
" Chutiang sawi a ṭullo,,hmanhmawh in kal vat vat ang,,ruah a sur palh ang "
a tih chuan min kal pui hlawk hlawk a,, "misual an tam si,,tunlai chu fimkhur a ngai " ti niah niah chung chuan min pen pui hlawk hlawk a, ngaihtuahna mumal pawh ka nei meuh lo, ka rilru in vanduaii min tih chiah ka hria.


Kan in kan thlen hma kawngkawi ah chuan mipa ni in ka hria, pahnih an ni, kan ding dawt a, ka ṭhiante chuan an hlau deuhin ka hria,,eng nge maw hi an in hlan chhawng a, ding meuh a kan en reng avang chuan misual an nih kan ring ve tawp.

" Muan ngawireng in kal ang u,hmulo der ila min hmulo a ni mai,," a tih chuan kan kal a,,rilru hah leh na pawh ni ila,,hlauhna hi ka neih tlat ṭhin avangin engtin emaw ka awm a, ka ṭhiannu ban chu ka hmer chawt, ngawi rengin kan kal pel a,,ka tukhum erawh a za mer mer,,ka hawi let hram a,,rei ka en lo,ka tha a khur der der a, inthunun luiin inchhunglam ah kan lut zui vat, ka thaw kawk kawk a , ka ṭhiante chuan min buaipui nghal vat.

" Awii ..i van tuar nasa tak em , kan awm tawh hi aw..tihdan kan ngaihtuah dawn nia," tiin min hnem zui mawlh mawlh a,,mahse ..chu chu a chhan dik tak a nilo,,khapa...khapa..kha ka hmu a ni !!

" Nilo...nilo...khapa kha a ni,hmanzan a mi kha,,tunah khan a dum vekin a inthuam a,,a kekawr ipte zen meuhin min lo thlir a lawm...khapa ngei kha a ni " ka tih chuan a ngaihna an hrelo hulhual,ka aw a khur chhe lek lek,
" Tu khapa maw ..?" an tih chuan ka mittui a tla zung zung nghal.
" Ka pai mek pa a ni..ka hre chiang lutuk.Min zawng a ni ngei ang,, min that dawn a niang, a landan kha..a mitmeng kha..." mangang lutuk a ka tih chuan mak ti lutukin an pahnih in min en reng a, chutia ka hlau chu mak ka inti hle bawk.

" Ka va um zui a nge...engkim kan hrilh a ṭha in ka hria" Muanzuala'n a tih chuan chhuah a rual nghal a, ka dang hmanlo.
" A pawilo...Ms hlau suh,misual a nilo ang, hausa hle mahse...a fa chu a thlahthlam hauh ka ring lo,hrilh hriat kha a ṭha alawm...ibulah kan awm reng ang" dam thlup a atih chuan tlemin ka zia a,ka lungphu pawh a zia awm sawt a, ka talbuai ang tih kha ka hlauh ber a ni.

" An kal hman chiah, nidangah hmuh hun ala awm leh em em ang," a rawn luh rual a atih chuan ka thaw hluai a,
" Ni e,,,mahse..tunge a nih kan hre silo" Rempui'n a tih chuan ka mithla ah khapa kha alo lang a,,
" Msi'n a hria a lawm,chuan tihdan kan ngaihtuah zel dawn nia.." a ti zung zung a, ka ṭhiante hi an fel in an hlu ngawt mai,ṭhian hlutna ka hriat phah a,,an pawimawhna ka hriat phah bawk.
Zan ah in ah chuan lo riak ve nghalin min tih hlim dan lah an thiam em em a,a changin kan nui a,a chang leh kan lungngai em em a,min fuihin,min zilh mawlh mawlh a,,keipawn chu chu ka pawm bawk.


---------------------------------------

" Kal chhuahna tur ka nei a,chuan min hmu duh an awm a nih chuan tlai ah lam ah chiah ka lo let leh ang " ka seretary chu ka hrilh zawh chuan Hotel lam ah ka let leh nghal vat a,ka pa Delhi ah a zin a,chu chu remchang ah la in Minister pawimawh tak ka hmu dawn a ni.

Hotel ka thlen chuan Peka leh Maria ka hruai tel ve a, hnathawk te chuan min zahthiam ve hle,V.I.P room kan luh chuan a lo ṭhu fel diam tawh.
" E khai ..lo ṭhu rawh,i pa Delhi ah a zin daih bawk si.." a tih chuan bawp khawkherh meuhin ka en reng a, ka bula ding Peka chuan a aw a thian kharh kharh a,a awmdan a enchik leh hle tawh nih ka ring.
" Sumdawnna i kalpui niin ka lo hria a.." ka tih chuan zam hmel pu hauh lo in a nui deuh huk a,chik em em in ka en reng bawk .
" I pa hi miṭha tak a ni . Khang Weapon kha chu ti tur a ka tih vang chauh a ni. Kan ram hi han en teh,,kan into delh lo em em a,,hetiang kan tih pawh hi kan ramtan vek a ni .Sawrkar thu chhuak a ni,,mahse...secret thil a ni. I pa hian min pui zeuh zeuh bawk . Keini ang chu min mantir tum buai suh, fin fiahna ṭha tak i nei a nih loh chuan..ka kalsan phawt ang che " tih leh chhuah a rual a,,tih theih vak ka nei lo.

" Sir...a fin hmel khawp mai.Chuan pu ber hian pui tawh lo se a ṭha ang..a thangah kan awk ang tih a hriat miah loh " Mariai thusawi chuan minti phur zual hlauh . Company ah hian rilru sawrbing a ngai ta niin ka hria..

" Kan chhui zui tawh lo ang,,ka pa kha kan pui nasa tih ka hria,,kha kha Orphanes home ah sum lo lut kha ka chhunglut tiin min hrilh a, mahse...a nilo ! " bumin kan awm tlat in ka hria.. mi hausa thil ti thei an ni tlat . Hengho hi hmingchhiat hlau ho an ni.Chutiang ang bawkin ka pa pawh..sum chiah a duh .

" Sir..kan chhuizui tawh dawn loh chuan a rukin kan chhui tho dawn a mi ?"
" Mawl hmuar...sakeiin a sa seh tur hnunglam leh sir lam ah thawm nei miahlo a,a veh ang hian a ni mai lawm" Mariai'n peka lu ah ben pah ah atih chuan ka nui suk ,


Ka pa ang hi ka chhun hle tih chu ka hria,,mahse..khawngaihna leh zahngaihna awmlo tur khawp a min zirtir khan chhia leh ṭha chu ka ṭhliar ve theih daih tawh . Ka nu kha engtia thi nge thi nge a nih tih hi ka hre chhuak theilo a nih chuan ka nu fapa ka ni ngailo ang !! A chanchin hrelo leh a ruang hlawm tur awmlo kha ka hrethiamlo hulhual .

* Flash back *

" Nu...ilo haw tawh dawn em ..? " tih pah in ṭah ka rual nghal a,,ka kiu pilh chu ka kekawr in a tai zeuh a,a thip ka ti lutukn ringawt .
" Bawiha...naktuk ah ka lo haw ang aw..i duh ber ka lei dawn che a nia.." a tih chuan ka hlim lutuk ringawt.Kan inbiak zawh chuan inchhunglam ah ka lut a,,ka pa leh mipa pakhat chu lo ṭhudunin an lo inbia a,ka pa in min rawn en chuan room ah awm turin min mitmei zui vat.Ka hlauh em avangin ka tlan vat a, khum ah mu in ka in lu khup zui vat.

Rei vak lo ah ka pa chu room ah rawn lutin min hau ta nghek a,,hreawm ka ti tak zet.
" Zoremsang..ipa ka nih hi aw...khawih suh ka tih chu khawih tawh lo ang che. Ka thil reng reng i khawih tawh tur a nilo.Ṭhian kawm ka rem tilo bawk.Ipa Zama te fanu pawh i be tawh tur a nilo." a ti khur khur a, ka hlau lutuk ringawt.

" Eng ngati nge i phalloh ? " ka tih chuan min beng hawi sawk .
" Min chhang suh .Zawhna ngah viau loh tur ,Ka thu hi awih hle ang che. Thil tam tak zirtur ila ngah lutuk " a ti khur khur a, en pawh ka en ngamlo .


Tlai ah chuan kawt a ka pa mottor chu ka ti fai a, hnunglam a min ko tu aw ka hriat chuan ka hawi duhlo lui,ka hrelo der tlat a, mahse..min ko reng a,tlan ri khep khep ri ka hriat chuan ka hawi chhuak zui vat.
Thaw hlawp hlawpin ka bul ah a rawn ding a,,min en chuan a nui sen sen ..
" Zorem..ka ko char char che a,i hre thei silo a,ka lo kal tawp," a ti reuh a,ka pa min hmuh hlau ru tak chung chuan mottor phen ah ka kaiphei a,naupang kum 7 mi chauh ala ni a, kei kum 14 ka ni thung .

Thlakhat dawn kan vengah hian an awm ve tawh a,,karkhat vel chu kan inkawm tawh,,

" Nubawih..englo ka...ka pa in a hmu ang che,haw vat rawh " ka ti tawp a,a ngaihna a hriat loh hmel lutuk,
" Tinge...ipa in a hau leh che mi,,a sawisa leh che a mi " a ti hu hu a,,a ṭawng ring bawk si,ka pa a lo kal ka hlau hle tawh . Ka chal ka tuai puat a, chutah ka ban chu rawn vuan chatin ka kiu pilh chu a chhem ta mai a,,a chil a tat ta thut a,ṭhen zui chiamin ka ban chu ka thing zui vat .
" A thi a mi.." a tih chuan ka lu ka thing thuai a,,
" ZOREMSANG..." ka va phu nasa tak. Ka hnungah ka pa chu rawn pen chhuakin min kai dawr dawr a,, nubawihi chuan ṭap lek lek in min lo thlir reng a,,

" Pa sai ..i sual lutuk iti na leh a nih chuan police ka man tir ang che" tih pahin a tlan chhia nih chu ..a huaisen ka ti reuh lutuk chu ka hlim ru veng veng .Ka pa chuan ka sam ah ṭhamin kitchen lam ah min hnuk lut a,,a kawnghren chu phelhin min hlap ta hrep a,,ka ṭap ngamlo,na chu ka ti, ka pum ana hle bawk .

" Thusawi hi zawm ṭhin ta che..i hmu leh tih ka hriat chuan a pawi viau tawh ang " a ti khu khu a,,ka hlauh em avangin ka tha a khur a, zun ka cheh bawk.

Zan ah lah nise ka mut a piangin ka phu zuk zuk a,,manglam ah thlengin kut min thlak ṭhin.Ka nu chu ka bulah awm se, min hnem se ka taksa na lai te duat takin a chul awm si a, damdawite a hnawih ang a,ka inhnit faih faih a, ka nu chu ka ngai lutuk ringawt .

Nilengin in ah ka awm a,,ka nu lo haw takin tiin ka nghak a, Varanda ah ka ṭhu hle hle a,, naupang infiamte,,an nu leh pa ten an kut a an kaih ka hmuh chuan ka awt lutuk ringawt.
Tlai thim thleng pawh chuan haw zai a rel theilo . Ka pa Car ka hmuh chuan ka room lam pan vatin khum ah ka ṭhu zui vat, kawngkhar chu ka en reng a,a rawn hawn hun phur lo tak in ka lo nghak ve tawp .

Chutia a rawn luh tak mai loh avang chuan kawngka chu dimte in ka hawng a,tlem ti kau in ka bihthla de de a, mahse...tumah ka hmulo.Ka pa ka hmuh mai loh avang chuan a room lam panin ka kal a, kawngka lehlam in hawng ah chuan ka pa in..breif case chhung a pawisa awm chu la chhuak in a chhiar ta mai a,,a tam khawp mai, phur tih hriat tak in nui vur vur chungin a kut a pawisa chu a keng vu vu a, min rawn hmuh chuan a ding thut a,rang takin kawngkhar chu a khar ri ṭhuai a, ka phu nasa lutuk ringawt .


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 4th, 2023, 8:25 pm

Chapter - 4

THE UNWANTED MARRIAGE


" Nu ilo haw har tawh e " van a arsi lo lang tuarh chu en dauh dauhin ka phun sap a,ka mit a parawl nasat em avang chuan ka hmu phe..Ka hnunglam a ke pen ri ka hriat chuan ka lehhawi vat a, ka pa alo ding reng tawh.Ka hlauh rual rualin ka chhungril khawharna avangin hmel ngui bam in ka en a, a mit a ka en chuan min lainatna ka hmu ve hman kha a nia,,mahse...rei a daih lo !!
" i nu a lo haw dawnlo " a ti hmuk a,a ngaihna ka hrelo lutuk ringawt .
" Tinge ..a lo haw dawn loh a?? " ka ti zui vat .
" I nu chu..." a tih chuan a chawl det a, a sawihreh hmel tak zet. Ka bulah rawn ṭhu thla ve in,van lam chu a thlir ve a, a rilru a buai hmel lutuk ringawt.
" I nu chu ..misualin an that . I nu chu a thi tawh engtik ah mah a lo haw ngailo ang " a ti ta chher chher a,,a au zui chiam a, kei lah a thusawi maltin te chuan min ṭhawng lutuk.
" Dawt i sawi ..a thilo ka pa ..ka nu a thih ka phallo .." ṭap deuh pur chung a ka tih chuan mit meng rapthlak tak in min en a,,ka hlau hle bawk.
" A thi..tun aṭang chuan i nu lam ri tawh suh ang che . Ka thusawi i zawm vek zel tawh ang . Phuba ila duh a nih chuan Sawrkar a ni ngei ang . " a tih chuan a thusawi awmzia ka hre lo lutuk ringawt .

Kha ta ṭang khan ka pa thu chu a kip a kawiin ka zawm ta a,,ti tur a min tih a piang chu ka ti mai zel ṭhin . Nubawhi erawh a chanchin ka hre ta lo . Ka pa min hrilh dan in U.S ah an pem tiin min hrilh kha a nia .

Hun leh ni a kal zel a,,ka kum pawh alo tam ve zel a,,Sawrkar chu ka haw ta reng bawk a,,ka pa ka pui ṭhin a thil tih a piang ah,,mahse ...eng nge maw aṭang khan ka pui lo ta zeuh zeuh a, Company ah hna ka chelh ta a,, ka pa anglo takin sum ka atchilh ve ngailo . Ka pa erawh chhunna lai ka nei viau mai..thil ṭha lo tak langsar takin a ti ngailo a,,a ruk a ka hriatpui erawh a beitham hle a,,mahse...naupang chhia ka nih tawh loh avangin ka pa chu zah in hlau thiam viau mah ila . . eng nge maw diklo awm tlat a ka hriatna hian min neih tir tlat si . Ka pa ang em em a misual nih hi ka tum hauh lo bawk .

* End of flash back *


" Sir ..hmeichhe pakhat alo kal a,hmuh che a duhthu a sawi a, mahse... appointment a neih awm ka hre silo a " ka secretary lak tlak loh tak a ni.
" Rawn luh tir suh . I chhuak thei tawh ang " ka tih chuan min hlau tih hriat tak in hmanhmawh takin a kal chhuak nghal vat . Ka phone ri ka hriat chuan ka en vat a, caller id a Maria lo lang ka hmuh chuan ka pick zui vat.

" Sawi rawh " ka ti hmuk a,
" Aa....sir pu ber hi a fihlim tawh a ni ngei ang,,engmah hnut chhiah lo.CCTV ah pawh hmuh tur a awmlo.Mahse... mak deuh chu kha minister kan hmuh kha vawiin ah Delhi a kal tih ka hria, chuan ....a fanu chu..."
" A tawk ..ka hria, theihtawp kan chhuah a ngai, game khelh te chu ka thiam zawng tak a lawm.." ngeiawm tak chuan ka tih chuan phone chu ka dah zui hmak,,kawngka in hawng ri leh ke pen ri ka hriat rual chuan ka hawi chhuak vat a,ka rin loh lutuk mikhual ka nei ni in ka hria.

Ka hma a ding chu ka en reng a,,a ni erawh a mitmeng aṭang chuan a thinrim hmel tak zet .

" Wow...kan inhmu leh ta maw..hmuh che ka duh tawh lo ka tih kha i hrelo em ni.. " ka ti chang fak,,a thawk lak a rang hle a, mahse a sawi tum a sawi thei hauh silo.
" Nangmah avangin ka nunna ka la hman ṭep a,mahse ..ka tilo. A chhan i hre duh em? a chhan chu maw...kha .. kha zan khan kha ta ṭang chiah khan a inṭan a sin " a sawi zawng pawh chuan a ṭap lek lek tih ka hre thei,intih khawngaihthlak a tum a ni ngei ang,

" I duh ka hria alawm...khatia sawi kher a ṭullo.I duh phawt chuan hetah pawh...kan ti thei a nia " tih pah a, a pen sawn hlek in a lam ka pan hnaih chuan , a ni erawh a hnung tawlh hret hret.Min hlau tih ka hre thei a awmdan ah mahse...chu chu ka pawisa hauh lo.
" Nang pa hi ..eng nge tih i tum a,rawn kal hnai tawh suh " mangan hmel tak a tih pawh chuan engah mah ka ngai lo, ka hnaih zel a,ka din chilh meuh chuan en pawh min ṭha ngam lo.
" I mamawh chu ka hria a lawm .." tih leh fawh ka rual a,,min namsawn dawr a nih chu ! reuh tak chuan ahh..!
" Eng nge i hriat a..i hmeichhe hriat ṭhin leh kawp ṭhin ang mai mai ka nilo aw..i tenawm tak zet . I pawisa kha eng ah tan mah ka tilo . Hmu tur a ka lo kal hi ka inchhir tak zet . Ramhuai i nih hi .! " a au tawn tawn a,,a ṭawngri chu ka office pawn a awmte hian an hriat vek ka ring . A sawi zo chu a thaw hlawp hlawp a.Mak ti tak in ka en reng.


---------------------------------

" Eng nge i duh ? keihi min hre ngai em? min hre lawk in ilo kal a ni tiraw..
nangni ang hi chu sum chiah in duh.."
Hmuhsit hmel tak a min ṭawngkhum chiam chu ka na tak zet . Mi tenawm tak ah min ngai tih ka hrethiam .

" Huhh..i pawisa ka mamawh hauh lo.
Nangni ang mipa,duh duh kawp thei sum hmang a mi tih lawm tum ching ho hi chuan maw...hmangaihna in hrethiam ngai hek lo ang ." ka ti hrawk a, mitmeng dur lutuk a min en chuan ka zam duh hauh lo . Ka thusawi chu engah tan mah min ngailo a ni ngei ang,a nui huah huah a,a sam tuai puat in a nui tawp tap lehnghal. A fa ka pai a ni tih hi hrilh pawh ka chak teh hrep lo .
" Mithianghlim ang tak a lan tum buai suh..kan hre ve ve kan pahnih in kha zan khan ...nuam iti a ni lawm ni,, keipawn nuam ka ti,a vawikhatna ka nih lehnghal..." atih chuan a hmai ah ka beng chawrh . Engah mah ngailo in a nui duh lek chauh a nih chu !! Rapthlak lutuk .

" Ramsa tenawm lutuk " zawi si khauh tak si chuan ka ti a, a mitko min san khum duh lek chauh .
Kal mai ka tum a , pen thum vel ka pen tih chuan ka ban ah min vuan a,min kuai her pawp a , ka ban rek a vawnna chu a hmer na ut ut thei hial .

" Ka zawhna min la chhang hauh lo " Ngeng tak leh nelawmna tel hauh loh chuan a lu thle zeuh in min en a,ka thinrim luat ah ka khabe ruh kual chu a kham tak zet tawh .
" Chhan che a ṭullin ka hrelo . chuan min thlah rawh ." ka ti hrawk a,,a hmer na telh telh zawk .
" MIN THLAH RAWH " ka ti leh chuan zamna tel hauh in ,rapthlak ti lutuk a ka en chuan, kiai suk in ka ban a hmerna chu a thing zui vak a, a thlah chawrh a,,na ka ti tak zet .
" Thlawk bo rawh " a ti chang fak a,, rang lutuk in ka chhuahsan zui vat .


Company kawt a ka din chuan ka ṭap lo chauh tawh . Khatiang ramsa hlauhawm lutuk kha ka hmachhawn dawn tih reng ka ring pha lo kha a nia..
ka ka tisual hulhual . Muanzuala chuan min lo pan vat a,chanchin a hre chak khawp ang chu le...huhh !!

" Mi hausa thil ti thei ho hi ka haw tawp , chuan maw...a chanchin min hrilh khan maw..kan lo ring sual chhia va chiang lutuk ringawt , a rilru chu bawngek khawro ai pawh a khawro zawk a ni . Ka pum chhung a fa ka pai mek avang hian tunge a nih tih kan lo zawng ve em em kha a nia .. hmu tur a min ngen avang a hmu chauh ka nia,, ka lo hmu chu ka in chhir tak zet a ni."
a au in ka au khum nghek a , a ngaihna a hriat loh hmel tak zet .

" Engtin nge a tih...Naute chungchang a sawi em ? " a tih chuan rum lutuk in ka melh a ,,a ngaihna a hriat loh hmel lutuk ringawt .
" Eng nge...mi melh nasa thei si..en ngam pawh i ni lo " hawisawn vah chung a, a tih chuan a lawmlo lo zawk ah ala ṭang zui emaw ni !! hahthlak hian ahhh...
" Ka hrilh lo ." ka ti hmuk a, mak ti lutuk a min en chuan ka thinrim thar leh hle tawh .
" Hrilh tur che lawm..ka rindan sa kha a nia,,ka lo kal ve ang ka tia,i phallo tlat a nih kha...va han buaithlak tak " a ti nghal bawrh bawrh a,,sawi tur viau a awm pawh in ka hrelo.
" Ramsa hlauhawm lutuk fa ka pai chu a nia..! dam pawh hi ka chak lo . Ka kham tak zet ka nun hi . " ti khur khur chung chuan ka kalsan zui hmak .
" Ms...lo ding teh,min lo ngaithla teh "
a tih pawh chuan ka ding duh hauhlo.
Ka kal chak zual sauh sauh .


" Aw....ka pathian ka nun hi ava han hreawm tak em ..min thih tir ve mai rawh .He khawvel ah hian damchhan ka nei tawh lo ." ka rilru mangang lutuk chuan ka ti mawlh mawlh a,,keimah leh keimah chu ka inbia ni ber ..
khawnge ka awm a,,khawi ah nge ka kal pawh ka hrelo . Ka thil hmuh te chu a phe ruai a,,ka mittui luang ngiai ngiai pawh dan ka chak lo ..


Foothpath a ka kal lai chuan thawk lehkhat ah thil ri bur ka hriatna lam chu ka hawi let vat . Ka thil hmuh chu rapthlak ka tih em avangin ka ding khawng reng a..mipui tlankhawm zi hut hut leh ka ri hriatna te chu a hla tial tial ni mai in ka hria..Car accident aṭang a mipa pakhat an lo zawn chhuah chu ka en reng a,ka che theilo..
Ka ke te chu a khawngin a rit em em a, a sak vek ni in ka hria,,hlauhna in min man a,,ka la en reng lai chuan nupa pakhat an lo zawn leh a nih chu..ava rapthlak tak,tih chawhmawlh in ka awm a ni ber..

Vawi lehkhat ah ka lu chu arawn na ta vak mai a,ka mit chhing sawk in,anat em avangin lei ah ṭhu thla hnawkin ka ka beng chu rang lutukin ka hup nghal a, a kiu nghal vung vung .

Ka ban ah tu emaw in min rawn vawn thut chuan meng chhuak riai riai in a hmel chu ka hmu chiang theilo . Ka thil hmuh a phe riai a , vawi lehkhat ah a rawn thim mup a, engmah hriat ka neilo zui nghal.


----------------------------------------

" Ala harh lo em ni " tih ri leh eng nge an sawi hriat thei si loh hian an phun bul bul a..ka men chhuah chuan a eng pup a, mahse...ka mengrei ngam lo,ka mit ka chhing zui lehnghal .

" I phu tawk chiah a ni . I chantur dik tak a nih hi .." patling nui ri huah huah leh a banrek a tattoo rinbial pathum lian lemlo tak chu ka hmu a,a hmai atuam tlat avangin tunge a nih ka hre theilo .

Thisen rawn chik chhuak chuan ka hmai arawn per a,,ka hlauh luat ah ka ka au chhuak thut a ,,min rawn pan hnaiin a silai ken chuan min tin ta mai a ,,ṭap pur chungin ka hmai ka hup a ,, ka kut kar aṭang a ka en chuan alo awm tawh lo ..midang thawm chu hriaiin ka ṭap chhuak nghal hawk hawk a,,min rawn hmuh rual chuan ka lampanin an rawn tlan zui vat .

" Ms..harh teh..awii...Lalpa..ms harh rawh.." ka meng chhuak kawk a ,ka thaw chhuak nghal kawk kawk mai ,ka lungphu a phu dup dup a , thlanin min bual huh vek bawk..Muanzuala chuan tui min rawn pe vat a,,ka in nghal khawlh khawlh ..

" Lalpa chu fakin awm rawh se... mintih hlauhthawn zia chu aw..! i thi dawn emaw kan tia lawm..dr a ko mek a,an lo thleng ṭep tawh ang " a ti nghal zung zung a, ka sam chu chulin ka bek leh ka hmai chu a hru zui mawlh mawlh a , a hmel ka en chian chuan a hlauthawng tak tak a nih ka ring a che vel reng reng chu a hmanhmawh hle a,,ka mumang kha mak ka ti hle bawk .

" Dr ahh.. engtin nge hetah ka awm theih a,,? chuan tunge dr chu tunge ko a ?"
aw lawi tak a ka tih chuan puan min sin ṭhat tir pah chuan ka mutna bulah a rawn ṭhu a ,,
" Nikhaw hrelo in i tlu a lawm.. chuan khapa khan a pawm che a,,ka rawn hmu thut bawk si che u a,,mak ka tih zia chu...damdawiin kan panpui vat che a lawm..ka hlauhthawn nasat zia chu maw..ka chhungril hi a khur der der .."

A sawi zawh rual chuan kawngkhar rawn in nam hawng thutin hman
hmawh lutuk a Dr leh kha Ramhuai paliana kha an rawn lut hlawl a nih chu !! Mak ti lutukin ka lo en reng a , min hmuh rual rual khan a ke pen a tawp chat bawk . Dr chuan min rawn check nghal zung zung a , kan ramhuai paliana erawh kawngka bulah a ding ngawi reng thung .

" I taksa a chak loh mai bak ah , nau i pai bawk si a , indim rawh eitur ṭha ei la,,chuti lo chu nang leh i naute tan a pawi thei a nia .." a tih chuan min va han ti hlauthawng zual tak !

" Dr ..kan lawm e " Muanzuala chuan a lo ti vat a ,,dr chu chhuak nghalin ka bulah eng khaw sawi set set lo in Muanzuala chuan min hau nghal tawn tawn a ,,min hnem leh min duat a nghek in min la vin ang ta deuh deuh zawk a , mahni pawh hreawm tih tawh nak alaiin ka ṭap lo chauh .

" Eng maw i sawi kha ?" rawn ti tu lam chu kan hawi nghal vat a ,,kan Ramhuai paliana chu alo la ding reng chu niin..!! ka thawk lak a rang in mit ka chhing zui nghal vat .

" iihhhh....ilo la awm . .a ni maw,,, hehe,,," za lo tak chuan Muana chuan an nuih tlawn vel a ,,mahse awmzia awmlo .. rang lutuk a ke penri rawn hnai zel ka hriat chuan ka in sangmar nghal ṭun a ,,ka hah tak zet , vawt silo, lum silo chuan ka awm reng a,ka hne lutuk ringawt .

" Engmaw...i sawi kha ..ka fa a ni chiah em ?" hmai si lek lek a an in dinchilh chuan ka tiril a khur nghal ti tih tawh .

" Ka...ka..ka hrelo.." bah nawk a atih chuan ka kut ka hum ruh vak a , ka melh rum lutuk ringawt .

" Sawi rawh..ka fa a ni em ka tih chu ?" au chhuak nghek a atih tak ah chuan Muanzuala chu zun a cheh lo chauh a ding khur hlak hlak a ,,ka hlauh ai mah in ka thinrim lutuk tawh .

" Aw...aw ifa a ni . Kha zan khan maw kan phnih khan ...i hrethiam em. Nang RAMHUAI palianpa ifa ka pai ka ti a nih chu..!! " thei leh theilo a inbeng kangin ka au khum nghek a . Mak ti lutuk in min en reng nih chu !! ka mittui lo luang nghal zung zung chu hruk pawh ka chak teh hreplo !!

Vawi lehkhatah ka biang tawn tawn chu a kut dinglam in a rawn hmet sawr vak a,,duh ang tak a ka che theilo chu ka in haw hlur . Ka dar chu ka ti che vak a,ka thleksawn dawn pawn ka biang chu a dawm nghet tak zet .

" Nang hian...ka fa i pai a maw !! dawt, a theih loh.Nangni ang hi chuan dawt in sawi fo a lawm. " a tih chuan ngeng lutuk a min en in ,a lu chu muang changin a thle tawn sek a , ka rap tak zet . A kut chuan min tuai thlesawn pawp a ,,ka lu chu a hai chem chem a, ka ṭah a chhuak tak zet .

" Nangni ang hmeichhe bawlhhlawh lutuk ho hian ka sum chiah in duh.
Induh ang inhmuh tawh pawh duhtawk lo in inla duh belh cheu a.Ka fa a ni chiah em tih pawh hriat va ni suh !" ngeiawm lutuk a atih leh chuan mit ka chhing sawk a, ka men chhuah leh chuan hnai lutuk ah min lo en reng a nih chu ..a mitmeng chu a rapthlak tak zet . Pawisak neilo ang chiah in ka hmu , a mitmeng nelna awm hauh silo in a khi suk a , a chhuak zui nghal vat .

" Awiiii...ka hlauh zia kha , ka lungphu hi a su dup dup mai , Rempuii awmlo chu pawi e,,,henu lah hi buai lai laiin ka zin e atia,,, awiiiiii...mu hahdam rawh, i rilru hah lutuk nih kha,,hnute tui i neilo thuai ang tiang chuan .." a ṭawng tam lutuk chu ka hne lutuk ringawt . a uang tel ziah lehnghal .

" Lung iti zim...ka thi lo chauh a nih hi.
Sawtahhhh...va au teh " ka vin hrep a, nuamlo a ti deuh a niang, engmah sawi lo in a chhuak ve mai bawk .


A tuk ah chuan dr lo kal hnen ah chhuah ka dil ta ngawt a , remti chiah lo mahse,,ka dinhmun in a zir emaw zir lo emaw ka chhuah ngei a ngai a ni .
Damdawiin bathlar a mi veivak te chuan ka lung anti zim a ,, ka thaw ipik tak zet , na lutukin ka thaw chhuak kawk a ,heti em em hian a ni maw mite hi an lo buai ve tho ni , ka pum chhung a ka naute hi engtin nge he khawvel ṭawp lutuk ah hian ka awm tir theih ang , lo piang pawh nise a duh ang ka tihsak thei ang em , keihi awmlo ta ila i awm silo , fahrah ka ni a ,ka naute lo piang lehzel tur chu fahrah ka nih tir thei lo a ni . Ka ngaihtuahna avang chuan ka ṭhutna aṭang a tho thut in damdawiin chhungah ka tlan lut a ,
Ultrasound an tihna room lam chu pan vatin dr lo ṭhu chuan min rawn en kawk a , mak min tih hmel lutuk ringawt ,

" Hmanhmawh suh , tah hian lo mu la," a ti ve mai bawk a , a entur list a mi ka ni tih a hrelo a ngei ang . Ngawirengin ka mu ve mai bawk a , Ka dul la thep ve tak chu ka hlim lang a , ka dul chungah chuan a nawr kual a , room chhung lah chu a hit tak zet .

" Naute a ṭha e,,hlauhthawn tur a awmlo a nia...i ngaithla ve duh em ? naute lungphu " a tih chuan aw ka ti vat a,,min ngaihthlak tir chuan ka ṭap chhuak lo chauh , ka hmui chu hup in ka ṭap khur tlawk tlawk a , ava han hreawm zual tak em !! min en zo ta maw tih ah tlan chhuah ka rual a , khawilam nge ka pan tih erawh ka hre hauh lo . Ka rilru a rawn fim chuan kham sang tak bulah ka lo ding reng tawh . Ka theih tawp a ringin ka au a, mahse...awmzia awmlo .

" Eng ngati nge..eng ngati nge...ka lo pian ve a..engvangin nge fahrah ka nih . Ka nu , ka pa tunge in nih ka hrelo eng ngati nge min hrin ..min duh loh chuan eng ngati nge min hrin a , ka nu, ka pa in thi tawh a nih chuan van aṭang khan min rawn hmu em..min pui hram teh u...ka chau tak zet a ni.. min rawn hruai ve hram teh u .. khawngaihin ....maww...khawngaih takin..." Lei ah ka ṭhu hnawk a, au chhuak leh tur pawh in tha ka neilo .Ka awmna hnuailam ka zuk en chuan awi hlir a lo ni a , a mawngtawp pawh a hmuh theih loh .

" Awiii.... Ms..ka zawng nasa lutuk che , hetah tinge i kal a ,," minti tu chu Muanzuala a ni .Ka hmel a rawn hmuh chuan a ṭawng tawp chat a , ka bulah rawn ṭhu thla ve nghalin ka hnunglam aṭangin min kuah a ,,ngawirengin min thawhpui a , Taxi chu phar dingin inlam ah min hruai haw nghal vat . Ka mittui luang chu duat takin min hruk sak a , glass down in thlifim thaw heuh heuh chuan ka hreawmna te chu lenbo daih se ka ti lutuk ringawt .


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 4th, 2023, 8:25 pm

Chapter - 5

THE UNWANTED MARRIAGE


" Kalsan lo in awm chilh reng rawh .. chuan kha hmeichhia kha enthla reng ang che ..eng nge a tih,khawnge a awm tih thlengin ? " thaw chhuak kawk in stearing chu nghet lutuk in ka hum zui vang vang a..

Ka thu hriat khan min ṭhawng tak zet .A pawimawh ber chu DNA test a ni . Mahse ..tunah a rai chauh a,,engtin nge ni ta ang..ava han buaithlak tak..!

Kingdom Company ah pawh rilru pek harsat tawh tehreng nen buaina dang lo awm leh bawk chu buaithlak zo vek .

" Mai mai chuan lehhh..!" ka phun chhuak sap a..engvang a kha Car pawh kha accident thei nge maw a nih le ! fimkhur lo lutuk..black ship ho an ni tih ka hria ..kan company car an hmuh khan an umzui a chu chu ka seretary in min rawn hrilh khan ka tlan chhuak zui ve vat kha a nia ..mahse ka thlen chuan a nih tur ang a ni vek tawh chuan kan him hlauh bawk . Police lam pawh thleng zui nghal in an tih tur ang ang an ti nghal kha a nia .


Khanu lah kha na tuar hrep ang maiin a awm a , hliam a nei emaw tiin ka panhnai a,mahse...min hmuh khan
" Ka pa " tiin min ko kha a nia , apa emaw minti nge pawh ka hre nek lo e .
Damdawiin ah ka hruai ta ngawt kha a nia

" ka hlau..minti na lo hram rawh " kha nu thusawi leh awmdan ka mitthla a lo lang chu duh lo in ka lu ka thing sawk a,,eng nge a chungah thleng ? engvang a khatia awm nge a nih ?

"Aishhhh......ka kham ka ngaihtuah tur pawh a nilo,a awm awmin awm teh se ..ka tan a pawimawh lo . " phun niah niah chung chuan ka inkhalh chhuak lehnghal vat .



In ka thlen chuan ka tih ṭhin ang tho in ka room lam pan vatin ka inbual nghal a,,dinner ei tur a kitchen lam a ka chhuk chuan eireltu alo awm a,keimah chauh chuan ka ei mial mial a..mahse ka eitui ngailo,,ka chhungril khawharna hi tu in nge min hnem thei ang . Mahni chauh a khawsak chang awm mahse ka hlim ṭhin lo . Ka pa hian min hmangaih emaw min ngaihsak aiin min nghaisa tam zawk .

" Michael " zaidam tak a ka dar a vuantu chu ka en zui vat .
" Bawiha ..pawnlam khauh tlat si .. mahse..chhungril a hmangaihna ngah mi khawhar i nihna hi iti lang thei a sin..i naupan lai aṭang tawhin ka hria che a,,mahse...i nihna i pawm tlat lo "
a tih chuan rang lutukin ka kuah zui vat . Naupang in an nu te an ngai ang a an thlakhlelh ang mai ka ni . Ka sam chu a chul hiau hiau a,,

" Ka hria a ni . I tuar tam tak zet ..thil ṭha tam tak iti thei reng a lawm ..ipa hnung zui hi tum hauh suh aw .." a ti zui vawng vawng a,,ka nu kha vawiin ni hian a thar takin ka ngai tak zet .Ka pa hi ka chhunfuh tak zet a,mahse...amah ang nih erawh ka tum hauh lo .


" Hotupa hi engtik ah nge alo let dawn..?" Peka'n a tih chuan ka chhanglo,
" Aw..a hun ah ni mai lawm.." Mariai chuan alo ti vat,,
"Iti awmin iti anglo ." pakhatin alo ti hmuk,, an in hnial chu a ni der,,games khelh chauh lo ah pawh an lo inhnial ṭhin a nih dawn hi !!

" A tawk,,naupang chhia in ni tawhlo,, ka office aṭang hian chhuak phawt teh u..chuan thil pakhat, kha hmeichhia kha vawiin ah engkim hriat ka duh,a chanchin." ka tih chuan lu bu nghutin an in zui chhuak vat .


-----------------------------------

" Ehe ....Regina ilo va nula tawh ve,, i dam ṭha zel em ?" Nu Zorini chuan min hmuh rualin min rawn kuah nghal thlawrh a, inchhunglam ah kan inzui lut nghal mai bawk . Chair lo awm ah chuan kan ṭhudun a,,min en vang vang a,,ka kut chu la in a hum lum veng veng zui .

" Nubawih...i tuar nasa hle a ni tiraw.. Thantei chu ka ui ngawt mai,,keimahin ka inenkawl thei tawh ang ati kha a nia,,i u chu ngaiin i zui ve ta kha a nia, mahse...tun dinhmun hi i thleng ta a,, harsatna te kan tawh loh chuan kan hrethiam ṭhin lo a,,nun awmzia hi kan hriat phawt hi angai ṭhin reng a ni.."
awm dam thlup a atih chuan ka rilru no a kai tho chiang lutuk tlat .

" Lo kal chhan i nei ngei ang,,helai a chhuak tawh kan fate an lo kal tawh chuan chhan ṭha tak a ni ṭhin..min hrilh teh le..." a tih leh chuan sawi mai ka tum a,,mahse ka sawi chhuak thei lawk lo..ka hnuk a ulh ṭun mai .

" Nu..." ka ti dek dek a,,insum na tel hauh lo in ka ṭap chhuak zui ham ham.

" Sawi rawh...ka naute, i tan a harsa a ni tiraw.." mi rawn kuah a,ka hnung a chul hiau hiau zui a, chu chuan minti pangchang zual .
Ka duhtawk ka ngah hnu chuan duat takin ka sam a chul zui a,,a kiangah chuan ka hahdam sawng sawng in ka hria..

" Englo...ka..kei hi ka rai..a ni. Chuan maw ..tih tlak ka tum a sin,,,mahse alungphu ri ka hriat khan ka thei thlawtlo a ni..." ka in sut nghal hlawp hlawp a,a ṭhawng a ni ngei ang,,sawi tur reng a hrelo. Thil thlendan engkim ka hrilh zui mawlh mawlh a,,a chang leh kan ṭap dun a, a chang leh kan nui leh hak ṭhin .

" Nubawih...Pathian hian min hmangaih em em a,,kan tan ṭha turin engkim min ruatsak ṭhin,,chutiang bawkin i harsatna , i manganna ,kha inhneh tir lo la.. engtik ah emaw chuan ila hlim em em ang , i hma ah hlimna in a hmuak che tih i hrereng dawn nia.." a tih chuan thil tam ka ngaihtuah a,,ka tan a khuanu ruat a nih chuan chu chu ka pawmthlap bawk .


Tlailam boruak chu a vawt ṭan tawh a, muang changin ka kal a,,ka pum chu khawihin ka nui suk a,
" Ka naute...nakin ah chuan ilo la ṭhang lian zel ang a,,khawvel eng i hmachhawn hun ah chuan zawhna tam tak ila nei ang a,,chutih hun ah chuan ka chhan sen loh zawhna min zawt miah suh aw..i nu hi min dem lutuk loh nan theih tawp ka chhuah ang " ka tih chuan van va dak meuhin ka mittui a tlak mai loh nan ka mit chu ka khap sak sak a, chutia ngawi reng a ka kal lai chuan mipa pakhat hmanhmawh lutuk a lo tlan thla mek chuan min rawn su lo chauh ,

" Zawngiiii lehhh ..!" tih pah chuan atlan zui chiam a,,ka thin zawn chu ka dawm vang vang,,phawk lutukin ka en zui a , ka lehhawi leh chuan mipa bawkin a rawn umzui a,,mak ti lutukin ka en haw ringawt . Khapa kha Ṭawngkam mawilo a hman dan ah miṭha tak chu a nih ka ring lo ve hmiah .

Kan in ka thlen hma chuan ka ding khawmuang te te a,,kan in ti ṭhin mah ila,,tunah chuan ka in a ni ta, kawtkai a grass hring ṭo fur chuan a ti lang nawmhmel reuh zek a,,kawngpui ân ni mahse thingkung dinglai pathum a awm a,,kawt ah chuan uthantei pangpar duh ber Derhken chu apar vul chuk lehnghal .

" Nubawih...Derhken hi mizo ka nihna ang tak in ka ngaina a,,a mawi ka ti a sin, "
" Awiiii...mite chuan Rose emaw a aia mawi an thlang ngei awm si a... ka hre ta,,,Derhken i duh chhan chu a par i pawt ṭil vek ṭhin a,,a chhung a abial mum i ei ṭhin..." ka tih chuan a nui vak vak ringwt .

Ka ngaihtuahna avang chuan ka mittui a parawl leh ṭun tawh .. ka kal leh dawn chiah tih chuan ri sur sur ka hriatna lam chu hawi chhuak zui vatin, kawngchhak aṭang mipa pakhat lo tawlh thla zal zal chu ka hmu ta thut a,,ka ṭe chhuak lo chauh . Kawngpui sir a kal ka nih avangin ka piah lawk ah a rawn ṭhu sawp nuai a,,che changlo a ka en reng avang chuan a kut lehlam a ken dawl hnah chuan a hmai hliah ta daih a,,a hmel ka hmu hman chiang lutuk ringawt . A kut lehlamin Camera ala keng ang deuh deuh a,,misual a nih ka ring hmiah tawh .

" Tunge i nih..?" tih pah chuan ka pheikhawk bunlai chu ka phelh rawk rawk a,,ka tin hmiah .
" Sawi rawh .. min enthla chiang lutuk tiraw..?" ka tih leh chuan a che hrut hrut a,,ding meuhin a mawng bal a beng thuak thuak a,,a tlan chhe ta phut mai , ka pheikhawk khing lek chung chuan ka um ve nghal chat a,,mahse rei ka tlan theilo..ka tai ana riai riai a,,ka tai chu dawm vang vangin ka ṭhen deuh tlawk tlawk a,,ka in lampan chuan ka let leh ringawt , inchhung ka luh chuan ṭhutthlengah ka mu nghal vat . Ka ziaawm ta maw tih ah rawng ka bawl a,,thim thet thet ah chaw ka ei ve mial mial a,, mahni chauh a awm chu khua ahar duh tak zet .


Zirtawpni chuan a ngaite bawkin dawr ah ka awm leh a ,, mite raino ang a hahdam ve ka chak lutuk ringawt . Ka tan chu chu a theih ve si loh chawlh ka dil tawh kha a nia,,thlakhat dawn ka thawk tawh silo a,,bak ah pawisa ka thawh chhuah ngei ngei a ngai . Phur lo leh tha tho lo tak chung chuan ka thaw chhuak hak a , nui lui sak in customer ho chu ka biak hram hram zel an ngai .

" Ms..ka zun a chhuak lutuk ka ip thei tawhlo,,Table tawp ber a mi sawn Coffee no1 ka duh atia,,va pe lawk teh" tih leh rang lutukin kal a rual nghal a,, a sawina lam ka va thlek chuan min hnung chhawn zawng a ṭhu mipa leh hmeichhia chu ka hmu nghal chat .
An lampan chuan ka phei a,,dawhkana Coffee ka dahrual a mipa hmel ka en chuan rang lutukin a kun zui daih . Ka hmuhhnu ni ngeiin ka hre bawk ,

" ngawiteh...nang hiiii..kan inhmu tawh em,,,?" bah deuh nawk a ka tih chuan a lu thing zui chiam a,,a bula ṭhu hmeichhia lah khan min lo nuih vur vur lehnghal . A hmel chu mipa a ang lek lek zui ..!

" aaa,,,,ila hmulo ang, kan vawikhat rawn kalna nia,,chuan kan lawm e," a tih chuan biak zui chi niin ka hrelo, avan mak em em ti rilru chung chuan ka letsan zui mai bawk .


------------------------------------------------------

" Mawlaaa...fimkhur ve tur che a lawm
i hmel a hmuh reng kha..i enthla tih pawh a hriat reng kha aw.." Peka chal a ka ben pawp pah chuan a thip a ti ve ni tur a ni,a tuai zui mawlh mawlh ,

" Ninawm..kut hi min thlak ziah suh ,ka accident palh a ni ve mai lawm ."
a tih chuan an insuallo chauh .
" i phone ringtone ṭhing lutuk ti ti ik ik..
a rik leh tawh kha.." Peka melh hruk hruk pah a ka tih chuan a pick rang teh sin .
" Sir...sir a nih hi...shihhhh..." a hmui a lian si , aha abal thei si , ṭawngtam se chu sir hian a ten thei ngawt ang chu..


" A ṭha e..min lo thawn rawh " tih leh off ka rual a,,Peka min lo thawn ho ka en chuan a chanchin kimchang chiang tak a hriat tur a awmlo .

A thawhna Caffetteria lam pan chuan ka in khalh chhuak nghal a , ka fa a nih rinna ka nei lian hle bawk . A mitmeng a ka en piang khan nubawihi minti hre chhuak a , hunrei nilo mahse,,a ni kha ka tan a hlu tak zet . US ah kal in ka zawng chiam tawh a ,mahse,,,hmuh tur a awm hauh lo . Ka pa khan dawt min hrilh tihna em ni .

A hmun ka thlen chuan an lo buai ve hle a , ka piah lawk a rawn kal chu a mah ngei a ni . Min hmuh rualin a ke pen a tawp chat a , va kal hnaih in a kut ah kai zuiin pawnlam ah ka hruai chhuak nghal nalh .

" Min thlah rawh ,ana ania,,, " a tih pawh chuan ka la pawt kal reng tho .A fal deuh ah chuan ka dinpui thut a , a in ringlo nge maw ni ,a lu te reuhte chuan ka dar a tauh zui nghal a ,a ṭhen tlawk tlawk leh ana tiin a tuai mawlh mawlh a ,ka en reng avang chuan a hmel chu huatna a khatin min en reuh a nih chu ...! tak zet chuah ahhhh...

" Hmuh leh che ka duh hauh lo a sin " a tih chuan hnuailam a bih nghal zat .

" Ammm...engpawh nise,,naute enkawl nan leh i intun nun nan kha hei hi la rawh " tih pah a ,cheque pek ka tum chu ka kut benthlak a rual a ,mipa ni mah ila ,,ka dawhtheihna nen ka hma chhawn ve a , a duh lo khanglang chuan minti thin ur lek lek .

" Khang lang chuan .. engmah i neih loh kha,,ka khawngaihna ka lantir lai hian la mai rawh . " ka ti chang fak ,
min rawn en leh chuan thip lutuk in min melh reuh a nih chu !! a mit a sen ram bawk .

" Tunge i nih . Ka chung a hetiang ti tur hian dikna i nei em . I fa a nilo ,ka fa chauh a ni . Ni e,,,engmah neih ka nei lo . Kei fahrah ve mai hian . I hausa pawh a ni mahna..mahse..hei hi hre rawh ,mi nunrawng i nih kha ." dak meuh a thinrim lutuk a min ṭawng khum chuan ka ha ka sehchilh nawk a , ka thah mai loh nan ka insum ṭang ṭang .

" Aaaa...saw michaela" tih ri ka hriatna lam ka hawi phei chuan School naupang tleirawl rual an rawn tlan ta mai a ,,an phone lek kangin ka thla anla mawlh mawlh ta mai !! Sun glass chu la chhuakin ka vuah ta hmak a ,

" Michael...selfie dun ang ,," chu ringawt pawh chu an inchuh , ava han hahthlak tak !!

" Sir...." Maria min auhna lam chu hawi vat in Peka nen chuan min rawn hruai a , kan mimawlnu erawh ngawi rengin dawr chhung ah a lut zui hmak .

" Eng thu tak phuah chawp in post leh ang mawww..!! "
" Peka nilo in Pheka ...lu pheka nila ṭha ang , "
" Engvangin maw..ka lu a phek awkawng lo aw..a mum em hi " a tih chuan Mariai chuan a chalah a seh sak ni tur a ni ,a ṭe chiam a ,an in melhno lo nasa mai .

Company ka let leh chuan mikhual min dawrtu lam an ṭha hnem hle a , kan company president ka nihna angin welcome chu ka hna a ni . Project thar duang chhuakin thawh dun chu kan remti a , ka pa duhdan ngei pawh a ni.


" Sir ..en teh .." tih pah a Peka'n a phone ka hma a, a lek kan chuan ka thaw chhuak hak . Duhaiin social media hi a chak mah mah in ka hria .

" Chhuizui rawh .A ranglam in ." ka ti hrawk a,,an kal zui nghal mai bawk .

Ka phone ri ka hriat a ka en chuan ka pa a ni .
" Eng nge awmzia ..eng thil nge thleng hi ,, mualpho tak in min siam a ni . Ka hming iti hliau a ni . Siamṭhat dan ngaihtuah ang che ! " A thinrim in a lungawilo tih ka hria .

" Min chhang rawh..Zoremsang !! nei ang che ,i nei ngei tur a ni " tih leh dah a rual a ..ka rilru ava han buai tak !!

" Hmeli mai mai chuhhh...awle,,a ṭha e ka nei ang , ka nupui nih chu nuam iti emaw chu..! tihpah a file pawimawh ka table ka dah ho chu ka hnawl thla ṭhuai a..ka rum chhuak zui hak .

Rilru hahna tam lutuk hian min ti â zo tak ngial dawn in ka hria .
" Sir..minister in..."
" Thlawk bo rawh !" ka ti hrawk a , he secretary lah hi lak tlak loh lutuk mai .




Ward kimlo a awm pawh a sawisel lo a ,min chhiarsak ṭhintu te chungah ka lawm tak zet . Sawisel bawrh bawrh rawh u .. chuan minti phur thiam hle bawk a ,ka lawm tak zet a ni tih min lo hriatsak dawn nia ..🥰


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 4th, 2023, 8:26 pm

Chapter - 6

THE UNWANTED MARRIAGE

Khanu chenna in lampan a ka kal chuan hmanzan a Black ship hruaitu nen a kan inhmuhna bul lawk a ni tih ka hre nghal chat . A chenna in chu lian lem lo tak a ni . Kawngka chu kik mai lo in ka chum ri ṭhuai a , rang lutuk a rawn hawn chuan a ṭhawng a ni ngei ang , mak ti lutuk in min en kawk a , a hmel chu rang lutuk a inthlak in huatna mit in min melh reuh nih chu.. reuh tak chuan ahhh..!

" Eng nge i duh ?" nelawmna tel hauh lo a , a tih chuan ngeiawm lutuk in ka khi suk . Engmah sawilo in ngawi rengin ka pen lut a , zaktheilo min tih hmel tak zet .

" Iv va ngam zawk ve..engtin nge ilo luh ngam a !? " vin lutuk a , atih chuan chair chu pawt dawkin ka ṭhu nghal thlawrh . Kawngkhar chu khar ri ṭhuaiin kawng dawm meuhin min en reuh a , a kekawrbul hak tawi lutuk leh a kawrhak tunlai ṭawng tak in kawr thindeng alai lang vu vu chu ka en a , ka chhan mai loh avang chuan ka melhna lam chu enin rum em em in min rawn reuh a.. " Hur lutukkk.." tih pahin a piah a ṭhutthleng Showl chu la in a bat hmiah . Ka nuih huk a mitko min san khum reuh nia .

" Eng nge i duh ..?" a tih leh chuan lu thlesawn meuhin ka nui suk .

" Nangmah chauh a khawsak zel hi tumna i nei em . Chuan ka fa kha a pian hun ah ka kut ah a awm ngei tur a ni. I enkawl zo lo ang . Pasal neihte ila duh ve ang a , ka fa chuan pahrawn a hrawn ka remti hauh lo bawk !" ka ti nghal khur khur a , a ke sai hlarh hlarh chu ka mitsir in ka hmu zui nghal chat .

" Nang ..nang hian thu minpe em ni a , ka in chhung a nih hi..min zahlo takin min ṭawngkhum suh aw..!!" aw khur chhe lek lek a tih chuan engah mah ka ngailo tak ka ni .

" Chuan ..tunge ka nih i hria . Ka thu hi zawm la..kan pahnihin kan innei ang ."

" Maww...!! ka nei ang che maw.. huhhh .. ka nei ngailo ang che ." nui za hauh silo a tih chuan ka rum chhuak hak a , ka nuih aza ve hauh lo .

" Kan pahnih a chanchin hi athang nasa tih pawh i hria .Ṭha te te a ka sawi lai hian pawm ang che . Chuan thil pakhat ka fa i pai tih hi tu in hre ve?" thinrim hauh silo a , thupe aw tak a ka tih chuan a mitmeng buai nak chu ka hmu zui vat .

" Neih che ai chuan thih pawh ka duh zawk ..chuan chhuak rawh..ro i rawn rel na tur pawh a ni bawk lo !! ka ...ka fa a nih hi..ka enkawl thei .Ka chungah thuneihna i neilo ." thinrim lutuk a atih chuan ka tho zui vat .
" Wow...ropui khawp mai . Kan la hria ang chu ." ngeiawm lutuk a ka tih chuan chhuah ka rual nghal zui vat .


--------------------------------------------

" Mai mai chuan lehhh !! tenawm lutuk.
A mottor chawp te sawn ka vawm nghek dawn emaw ni le.." ka phun zui hlak a , Fridge a Apple ka lei chu la chhuak zuiin ka keih nghal pawp a , room lam chu pan nghalin khum ah ka mu a , ka phone chu en zui nghalin IG a ka luh chuan Milarte News ah kan lo lang nghal var var ..ka chek tlak zui vang vang a ,, hahthlak hiah ahhh !!
Fb ah ka luh leh chuan chutiang tho bawk chu !! comment lam ka scroll chuan an inneih ka ring tih mai mai te , henu hi ka hria dawrah a thawk tih ang reng, henu ai chuan ka ṭha daih zawk tih te a ni duah , huhhh...mai mai chuan ahh !!



" Ms..milar ini tawh nia .. khawi hmun ah pawh kal la ..an hre chat chat thei tawh ang che .. " Muanzuala' n a tih chuan a ke ah ka rahsak nghek a ,a ṭhen zui tlawk tlawk chu ngaihsak duh lo in customer lam chu ka pan zui vat ,
Min en deuh hrek hrek a hriatna ka neih chuan ka awm an ti nuamlo lek lek .

" Min zui zel suh , ka kham lutukkk " a bengbula ka tih chuan ala nui kerh kerh zui nia .
" I number pawh ka pe hmmm !!" tih leh pawnlam chhuah a rual nghal a , ka va han sawisa chak tak .

Nilengin dawrah kan awm a , dinreng te hi ka thei bawk silo ,ka kawng hi na ṭhum zel , tleirawl rual lo lutin an duh an rawn sawi sap sap a , an ṭhutna lam panin tray chawi chung chuan ka kal a ,an dawhkan ka thlen chuan eng nge maw ka ke in a pal a ka tray chawi chu ka thlauh chhe vek ta mai ! keilah ka tai ka sawh lo chauh ,
" Awi ..a zia lo e , adang ka lo lak leh dawn che u nia ," ka tih chuan an zing a pakhat chuan nelawmna tel hauhlo a min ṭawngkhum ta mai chu ka haw tak zet .

" Pawi ka ti khawp mai , " ka tih pawh chuan min kawk sawk sawk a ,kei aiin ala naupang tih hriat reng reng,aia upa zahna chang a hrelo chu ka ngei lutuk ringawt .

" Fimkhur ta che , i customer te ti khan a mi itih ṭhin , ka ṭhiannu pheikhawk bun lai pawh itih balh vek hi..a man i thawk chhuak zo dawn em ni , nang ve mai mai hian ahh . Kingdom Company neitu fapa pawh ilo bum thluk theih dawn hi ahh !. " a tih chuan ka thin a sa phat mai , midang awm ve ho pawh an mit kan lam ah a fu ṭhup ngei ang .

" Engmaw i sawi kha naupang , min va hmusit ve , ka nun ah thu rawn neih tum buai suh . Ka duh leh ka bum ang a, ka duh chuan tunah hian ka pasal a ni thei thut a sin . " thaw deuh hak a ka tih chuan a thinrim kut humruh chu ka hmuhrualin ka nui chhuak hak .

" Engthil nge thleng " rawn ti thum dut na lam chu hawi phei vatin, khapa bawk chuhh . Khawvel hi a zim hret in ka hre pek . Hmanhmawh lutuk a kan awmna lam ah a rawn kal chuan a hmel chu atak run a ,eng nge arawn tih dawn lah ka hre hek lo .

" Tun aṭang chuan ka nupui tur hi zah lo tak a ṭawngkhum a piang chu a nghawng ruh ka herh tliah sak hreh hauh lo ang ." a ti khu khu a , chu ve leh chumi te ṭhianho chu hlauh nei tih hriat takin an inkai chhuak zui nghal sap sap .

Min rawn melh zawk a , dawr aṭang bawkin min kai chhuak leh ta .
" Naktuk aṭangin ka bulah i khawsa tawh ang , chuan i pum chhunga ka fa hi a pian ve leh kan inṭhen dawn nia . " a ti nghal thlawr a , ava han zamlo tak zamlo hi ka ti lutuk ringawt .
" Huhhh...mai mai aa.. ka neih duh che i ring reng reng em ni , min kal san vat rawh." ka ti hmuk , mitmeng dur lutuk a min en chuan ka ban lehlam lehlam ah min hmer in a thawk ri hrawk a, minti hlau ṭhelh dawn dawn a lawm le .
" Ka neih duh che i ring bik em ni. Ka thu chu zawm la ,itan a ṭha a ni mai , i nuamsa bawk ang a ,i duh duh ka pe ang che , pawisa i duh pawn pawilo ." a tih chuan min thing nawk a,min thlah zui ve mai bawk .
" Aih.min umzui tawh suh." tih leh a awm ah nam ka rual a, inchhungah ka luhsan zui hmak .


" Nangnu tereuh hi..in duhtawkna i va nghah ve , itan a ṭha tur vek a nih hi , i nawmsakna tur mai bak ah , tunah in hmangaih lo mah ula ,ala hmnagaih thuai ang che tih pawh hriat va ni suh. Inbul ṭan danin a zir lo a , nei ang che , i neilo a nih chuan i â niang , amah nei duh tam tak an awmlai a ,neih ah a sawm che a nia,,finglo ropui si " Muazuala kal tau sawk sawk chu ka en reng a , hahthlak lutuk hian ahh .

" Chungho chu nei se ti nia " tih leh ka kawr hak lai ka phelh rawk rawk a , ka chhuak zui nghal vat .

Kan in thlen hma hret a ,kan in aṭang a mipa pathum lo inzui chhuak ka hmuh chuan bihrukna tur ka zawng ruai a , saron kung lian lemlo tak phen ah ṭhu zui thawrhin ka bihthla nghal zat .Mak ka ti hle bawk . Bag an khai a , ka inchhung bungrua an thiar chhuak ni ka hria , kawngpui a pickup te ah chuan an hlang ta hmak mai a , bihruk hian awmzia a neilo ,ti chungin ka tlan chhuak zui ..va hauh hrep ka duh a ni.

" Hey....nangni ho kha ,ka thulo in engvang a ka bungrua thiar chhuak nge in nih " tih leh an zawn lai mek ka khum tlang chu vuanin ka pawt ṭang ṭang a , mahse..an ngawireng , kei a tha chu nepte ,an phih lawk a ,an hlang kai leh ta mai , ka hrilh hai lek lek ,ka awm ve ti pawh hrelo ang maiin an awm nia mawle..!

" Tawp rawh u,,misualho..." tih leh ka bula lei chu ṭhamin ka vawm ta nghek a , an rawn hawi rual ṭhap nia mawle , ka hlau letling hial tawh ,
" Pu ber in ti tur a min tih angin kan ti a ni ," tih chiah an sawi ,chu pawh anla sawi rual em em zui a ,ramhuai an nih ka ring hmiah . An hna chu an ṭan leh ta mai a ,mak ka ti tak zet . Ka phone ri ka hriat rual chuan ka en zui vat . Number hlang a ni . Engkim mai hian min ṭhawng tak zet .Thinphu dep dep in ka pick hram .
" Hello..tunge ni aw.." Ka tih chuan mipa rumri hak chiah ka hria ,
" Min namnul tawh hauh suh ang che . Zanin aṭangin ka nupui i ni tawh ang , chuan khangho kha rawn zui ang che ." tih leh off a rual a ,engmah pawh ka sawi hman ve lo . Ka rilru va han buai tak .
" Ka pi.. kal tawh ila " lo ti tu lam chu phur lo takin ka zui ve tawp .

Kan tlan zel a , an ni lah an ngawi renga thung . Rilru siamfel ava harsa tak .


" Kan thleng tawh ,pu in alo nghak che" a tih chuan ka va han hreh tak . Ngawi rengin ka kal ve mai a , an niho chu ka zui a ,an hnungah muangchangin ka kal ve bek bek ,

Inchhung kan lut chu ka rin aiin a lian in a changkang , mizoram a ka la hmuh ngailoh te pawh a awm nual .Ka rin aiin an khawsa thei daih ,mahse.. mihausa nunrawng an ni ngei ang .Ka hawi kual hu hu lai chuan ka piah lawk a Pa pakhat tiang hawlh meuh chung a lo kal ka hmuh chuan ka hamhaih lek lek , ka piah lawk a ke pen ri khep khep awmna lam ka hawi leh chuan a mah a ni . Ṭhutthleng ah chuan ṭhu zui nghalin ka pa rual ni ngei a ka hmuhpa pawh chuan min rawn kal pelin single sofa ah a ṭhu zui hmak .
" Ṭhu rawh " a tih chuan ka che hrut a ka ṭhu zui ve mai bawk ,

" Zan in aṭangin room in inṭawm tawh ang .Chuan hei hi hre reng ang che u , minti hmingchhe tur a nilo . Nau ilo pai laklawh tawh nen , i duh phawt chuan secret thil takin in inneih thei tho a nia.
Inhmangaih lo mah ula , mite hmuh ah hlim takin in awm tur a ni " a tih chuan ka kut ka sik hrep a ,zahawmna ka nei a ni tih an hre ve lo emaw ni .

" Min rawn eih lo in ka in insuasam a , in in ah min hruai bawk a, ni e... duhthlan tur ka neilo , ka pawm mai niang chu .Mahse...hei hi ka phut ve , ka mimal nun ah in in rawlh tur a nilo . Naute a pian ve leh he in hi ka chhuahsan ang .Chuan ka in leh lo engkim min pe let leh tur a ni . " Ka ti ve fak .
" Chu chu ka thu thu..aṭha lawm.Mimal nun inzah sak kha ka pawm zawng tak,inneih buai vel kha ṭullo ang ." Tih leh thawh a rual a ,a chhuak zui nghal daih .

"Malsawmzuali maw i nih kha " ka pa tur chuan a ti zui vat, aw tiin ka chhang zui vat a,
" Immm aṭha e,,hming mawi tak a nih chu, chuan ka thusawi min zah sak a, min zawm sak ngei ka beisei " tih leh a ni pawh room lam ah a lut nghal daih bawk .An mizia chu mak ka ti hle bawk, a nawmloh hmel ropui si ,ka tawrh chhel a ngai hle dawn a nih hi, ti rilru chungin kitchen lam ah ka phei nghal a , eirel tu a ni ngei ang ,kum lam a la upa vak lo, ka nu ang rual tur hi alo awm a ,min hmuh chuan min nuih suk a , ka ei duh zawng te min zawt a, mahse ka eichak lo.

" He in chhung a fanu ka nei tur chu ka lawm tak zet , mipa hrawn ai chuan hmeichhia han ti tipui tur te ka duh ve a. Hreawm ti hle mahla tuar hram hram rawh , ila tuar chhuak mai ang, hetia i hmuh ang an mizia hi a nilo a nia,, mahse...an khauh hle thung . A thleng thut bawk nen,,i awm rei ang a , ila hrethiam chho ve mai ang, Michaela room chu inchungah khian a awm ,," a fel hmelin a zaidam tih a hriat ,a ni alo awm ve hlauh chu ka lawm ru tak zet .


Inchunglam ah chho nghalin room ah ka lut zui a,,engkim mai chu a felfai in hmuh a nuam a,mahse...a rawng ngainat ho chu a dum leh a ni tlat , parda erawh a vut buak rawng niin a khum pawh chuti tho , ka bungrua ka thuamhnaw ho chu chhuat ah alo awm nuai a,ka hmuh ve leh rang lutukin ka la sawk sawk , mai mai chuan ahhh !
Khum ah ka theh kai ṭhuai a, a thawmhnaw dahna leh ka dahna tur a awmloh hlan chuan ka thliar hrang nghal vek . Ka kut chu beng thuak thuakin bathroom lam ka pan a, ka inbual nghal hmiah .

Ka chhuah rual chuan , a ni kawngka rawn hawng ve chiah nen kan in hmachhawn ta siah mai . Towel chhing tak bih chung a lut ka nih avang a niang , min hmuh rual a ,a din thut dan ah khan , engah mah ngailo in ka vei kual vel a , a nih lah min hmulo ang hmak in a kawr a phelh sawk sawk a, a inbual ve zui mai bawk . Ka kawr ha mawlh mawlhin khum ah ka mu than a, ka phone ka bih nghal zat .A rawn luh leh pawh chuan ka ngaihsak teh chiamlo..ka ṭhiante chu bia in kan in chat kual hlawm a,

"Khawnge ka kawr ?" thinrim lutuk a , atih chuan drower lam ka kawk va a,, pen hlawp hlawp in a kawr chu a ṭham chhuak a,,chhuatah a theh thla ṭhuai zui .

" Hetah nilo in,a ngai ah dah leh ang che, eng ang hmeichhia nge maw i nih le..kawr chuar tak ka ha ngailo . " thaw chhuak huk a ,a tih chuan engmah sawilo in ngawirengin ka thlak thleng zui mawlh mawlh ,
" Ka thu lo in ka thil i khawih tawh tur a nilo .Naktuk ah nawt mar leh vek ang che, chuan awlsam tur ah min ngai hauh suh, min zuam sual palh hlauh a nge " atih leh chuan chil lem ri khawlh in ngawi rengin inhnuai lam ah ka chhuk zui daih .

" Hetiang kan thleng ta sa sa..khatia min tih chu le..!! eng ang hmeichhia nge i nih..da da daaa..de de dei deiiii.hmm !!" a tih dan chu zirin in ka kal hmawk hmawk ..in chhung chu a reh tak zet , eirel tu pawh a haw tawh a ni ngei ang , tumah hmuh tur an awm lo . Bang a intar thlalak intar hi chu ka en a,,khawi ram aṭang emaw an lei a niang,mihausa ho hian sum an ngah a lawm..tih leh sitting room bul lawk kawngkhar hawn chu ka rual a , wine hrang hrang alo awm chu niin,, " rilru hahna leh natna hre changlo lek in in ṭeuh teh ang , " tih leh lak ka rual a ,ka nghal khawlh khawlh .

Ka duhtawk a ka in hnu chuan in chunglam ah chho in kha Paliana bul ah khan ka mut a ngai chu ni si a !! a hriat hlau tak chung chuan thawm siamlo in ka in thawlh zal zal a ,

" Tho rawh..chhuatah mu rawh ." A rawn tih chuan ka tawp chiang lutuk ringawt .
"Eng ah..!! chhuat ah ka mu lo ang , va mu zawk rawh ," ti a ka chhan chuan tho thut in khumbula sofa chu a nawr rem te te a,,a puansin lai chu la in ava dah thlawrh a ,kut zung chal meuh a min kawkin " MU RAWH '' a ti chhum hmuk ,
" A ṭha alawm ka mu ang, nang mi lawilo bulah ka mu peih reng reng lo" tih leh sofa lam chu ka pan a,,vawi lehkhat ah min kuai her lawp in min hnim den den a , min pawt dawr a ka in pal tlu lo chauh .

" Zu i in a maw..nau ipai tih intheihnghilh ta em ni.. wow...duh aiin kan in kawl rei dawnlo in ka hre tlat . Ka fa chu thah i tum em ni a " thinrim lutuk a , atih chuan ka khawng nghal vek .

" Ihhh...tlem chiah ka in," bah deuh nawk a ka tih chuan a awih loh lutuk ringawt .
" A thleng nawm tawh tur a nilo !" tih leh mut a rual nghal zat .Nuamlo chu ka ti ru ve reng , keipawh mu ve nghalin , thil tam tak ka ngaihtuah a ka in sut ri leh hak ṭhin , ka in khawngaih lutuk ringawt .

Mutthilh ka tum pauh leh ka harh tulh tulh . Tumah hmangaihtu leh khawngaihtu neilo ah ka in ngai a , ka pum chhung a naute ka ngaihtuah chhuah chuan keimah ang a awmlo tur a ka duh vang chauh a , he in a awm ka ni tiin ka in fuih ve ngat ngat .

Ka chung a pathian remruat dan chu pawm harsa ka ti tak zet ,mahse ka tan chu chu kawng awm chhun niin ka hre bawk si ,ka hna ka chan a,ka in leh lo ka chan bawk . mahni induhtawkna leh in rintawkna ka neih phah thung .


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)