FREEDOM OF MY HEART BY Lin kholhring (Complete)

[Ngaia]

An kalna kawng chu a zim bakah a chhiat bawk avangin a rual pawhin an kal thei lova,tawng pawh an tawng tlem hle a. Chupa hlimthla chuan a zui zel ni ber hian Leona chuan a hre tawh a. A kalna apiangah a lo awm ve zel ni mai hian a hriat a, a hmu chu a lawm e tih na phei chu a ni chuang lo.


Engvanga a bula kal tura sawm nge a nih? Amah chauhva awm chu a ning leh tan der tawh pawh a ni mahna ina a awm lai chuan zan tina a khum luah lum pui tur hmeichhia a nei ngei ta ve ang. Grace leh George te chu kalsan duh viau mahse Adam Wild a bulah ber kher a kal chu a thei lo. A infiamna hmanrua nih chu a tun hauh lo.


Dar 1:45 chiahah car parking na chu an thleng ta a. Leona thaw chu a chham lo chauh a, a biang te chu a tai hlar mai a. Adam Wild erawh chu chawhnu boruak nuam tak chhim a leng khawthawng mai2 lek hmel hi a pu a. A in fit lo hle ni te khan a sawi si a.


A hmaa a kal deuh zel avaangin a rawn nuihsawh pawh hlauthawng hran lovin a taksa chu a duh tawk hian a en thei a ni mai a. A pian a mawii in a dik thlup mai a, thahrui a ngah tih a hriatin, chu chuan a nundan nia a puh ang ngawt kha chuan a hun a hmang lo tih a tilang chiang a ni, hmeichhia te chu a ngai khawlo hle nain chu chuan a rilru chu a ei chhe chuang lo. A chiang ngam tawh a ni. Mipa hmeltha tak leh mi hip thei tak, hmeichhia ten an umzui reng ning tawk tak a ni ringawt, an tum a hriat phei chuan. A camera thiamna hmanga ti hmingthang tur ringawt ni lovin amah hrim2 pawh chu hmeichhia te umzui tur khawpin a tha a ni tih chu han inhria sela chuan!



Leona chu a inthing harh a. A dik thei lovang, chupa chu tha a ti tur a nilo. A tan chuan a upa lutuk tawh a, a kum aia tam experience pawh a nei bawk ang, chubakah, hmeichhe mamawh tak2 leh zahna pawh a nei lo. A tan chuan in awm lemna hmanrua mai an ni, a nin hunah a dangin a thlak leh hmiah mai thin a ni.


Khawiah nge maw i awm daih chu le? a bul lawk atang hian Grace chuan a rawn ti a, a mit hring nghalh mai han det dan sar sarah chuan a thinur hle tih pawh a chiang hle bawk a. Kan nghak rei lutuk tawh che alawm. Darkar khat chuang laiin i rawn tlai a ni, a lo ti nghal bawrh2 a.


Inthiamlo deuh hian a pheikhawk bal tak chu Leona chuan a en a. Ni e, awle....


Keimah vang a ni ang tih ka hlau hle mai, tiin Adam chu a rawn inrawlh ta vat a. Ka ti khawtlai ta alawm mawle, tiin


Grace chu a lo meng phar awk a, chupa chu tunge anih hria in ringhlel deuh tak hian Leona chu a en a. Mr. Wild, i hmuh tur thu hi min hrilh hauh lova, a ti ta nghat a.


Oh, mahse, ka....


Sawifiah chu tum buai duh lo mai rawh, tiin a laizawnnu chu a lo thaw huai a, Leona biang tai tak leh pawr deuh pang chu a chhan a ring dik hauh lova. Saw lamah sawn kan lo nghak ang che, tiin camper a lo thu fel tawh, Georgelam chu a pan ta nghawng2 a.


Whoops! tiin Adam chu a nui suk a. Leona hmel ngui deuh bar chu a rawn en chhuk a. Hey, intihlim rawh, darkar khat chauh anih kha ,a ti a.


I hrethian lo em ni, a lo ti sap a.


Hrethiam e. Tun atang chuan i nun an ti hreawm tawh hle ang,tiin a khabe ah chuan dawmin dimte hian a kuai dak a. Ka bulah lo kal mai rawh, Leona, tiin a sawm nawn leh a. Ka bulah chuan i hlim zawk daih ang,chu2 ka chiang ngam a ni, a ti a.


Leona chu a sen ap2 a. Ka hlim zawk ngei chu ka ring, tiin a inher a. Ka kal tawh mai ange. Ka.... vawiin ni avang hian lawmthu ka hrilh che ani.


Dar san awk chung hian Adam chu a tawlh sawn a. Keipawh le, a lo ti hul hak a. Kan inhmuh leh chu a rinawm tawh chiah lova, chuvangin London i lo thlen leh hunah theihnghilh hauh lovin min rawn be pawp dawn nia. I taksa chungchanga ka ngaihdan kha Jud chuan min tawmpui a ni, a ti a.


Leona chu a lo thaw halh a. I hrilh a maw? Oh Pathian,ava zahthlak em! tiin a rum hak a.


Jud chu i hmuh leh a rinawm tawh chuang hleinem, hmu leh dawn ni la chu thu hran ania.


Pathian hnenah lawmthu awm rawh se. I dangdai ve ngawt mai. Hmeichhia te hi tisa ang bakin i hmu ngai lovem ni? a ti tha leh a.


Adam a hmel chu a vawt ta raih a. Han fakna tur dang hi an nei lo em bawk a ni, a lo ti a.


A lawmawm takzet mai! ti hmak pahin a inher a, a kal ta daih a. A va huatthlala chiang tak em! Rei an inrem a ring lo reng a ni.


Camper an thlen atang mai pawh chuan Grace leh George te lungawi lohna chu a hriat theih a, an camp na hmun an thlen hma zawng chu an ngawi reng tho a,an thken veleh, thinur zet hian Grace chuan, kha pa hmuh leh i tum hunah chuan min hrilh hmasa tawh ang che. Chairlift a buaipui tute hnen atangin tlang lamah i chho tih kan hria a, mahse i lo chhuk leh an hre si lova. Rawn chhoh ve hial kan lo tum hman tawh a, a ti bawrh2 a.


Ke in kan rawn chhukthla alawm, Leona chuan a ti sap a,a chunga an thinurna chu a phu ve reng a ni tih pawh a hria a. Innghah tur reng ta sela ani pawh a thinur ve tho ang. Mahse in hmuh tum sa chu kan nilo, kan inhmu fuh hlawl a ni ber mai, tiin a thiamthu chu a sawi ve hram a.


A awih loh zia tilangin Grace chuan a hnar a lo tum dat a,Leona chuan hnial pawh a tum hauh lo. A hotel room a thil awmdan khan thil a tikhawlo zo vek tawh ani. Hetah hian zan kan riak leh dawn em ni? tiin thu dang a sawi kai ta daih a.


Riak leh mai ila a tha ang. Radium Hot Springs pan leh nan chuan a tlai tawh lam a ni, tiin George chuan a lo chhang a.


Chu pawh amah vang. In tui cheng chu a nuam bawk em? a ti leh a.


A nuam khawp mai. Naktuk lam chu ti ve tawh la a tha ang, awka zangkhai deuh zawk hian Grace chuan a ti a. Ka la ti ve mahna, tiin Leona chu lawmin a thaw deuh huai a. Canper chung zau lo taka Grace leh George te nena intih thiam loh chu a duh hauh lo. Ama thiam loh hmasak a ni bawk si.


Grace ten mut an tum chuan ani chuan lenvah rih a thlang a. A kir leh hun chuan an lo muhil tawh mahna. Kawngah chuan kalin thing hmunah chuan a kal zel a, zan lam anih avangin a reh raih bawk a. Sazuk tla a hmuh chuan hmuhnawm ti tak hian a thlir ta reng a. A awm ve tih hre lo leka ramsa infiam velte chu hun theihngilh thakin a thlir ta a.


A kir leh meuh chuan a tlai tawh hle a, a tirah chuan an camper chu a zawng hmu mai lova. A lo thim ve tawh a,a u te a pehhel danah chuan lawmthu inhrilh chungin zawite hian a lut ta a. Kil khata a sleeping bag tel that diam a lo awm leh a mutkawr hmuh tur a awm lo chu a lung a awi chiah lova. George a fiamthu thawh ve dan a ni ngei pek ang. Nuihza hauh lo chung chuan thim zingah chuan a chw vel a. A ngaihdan a fah ta deuh anih pawhin an phu tawk chiah tihna a ni mai!


A rawn harh leh chuan lunch ei a lo hun dawn tawh a. Inthun puar natur hmun George chuan a hmu fuh a ni ngej ang. Ham bai2 chung hian a thu chhuak a,a pum ri raih2 chuan a riltam tawh zia a hriattir a. Chumi zing chu George a mood a fuh deuh aniang, a faifuk rat2 a, coffee rim te hria hian a inhria a.


Kawngka kim thawm ah chuan a harh chiang ta sawt a. Lo lut rawh, tiin a inkhuh tha sawk2 a.


Kha le, a hmaah chuan coffee no hi a rawn lang a. I duh tawkin in rawh.... vawiin tih loh chuan ka khuma coffee min oe turin ka beisei dawn che ania.


Leona hmai chu a dang nghal sawp2 a, Adam Wild a hmel hmu tur chuan zawi muang hian a dak chhuak ta a.


A ni thei lo, Adam Wild chu a ni thei lovang! Mahse a ni tkat si, a kawr paw hak chu a denim kekawr kawngah chuan thunin nidang ang bawkin a lang nalh leh hle tho a.


Leona kut chu a khurh nasat lutuk avang chuan a coffee ken te chu a chawina lamah a tibua a. Enge hetah te i rawn tih? a ti ta a.


Adam chuan a dar san awk chung chuan,a sleeping bag hnuaia a saruak chuan a mit a lakzia chu a thup hauh lova. Hetah hian ka cheng alawm.... rih ania,a ti a.


Hetah hian maw? chiang lo riai hian a lo ti a. Mahse Grace leh George te.....


Chu Banff lamah an la awm hial ta ve ang, ning awka tak hian a lo ti a. Come on, thatchhenu, lunch ei a hun tawh ania. Nge ka ei che i duh zawk em ni? tiin a mit paw raih chuan a rawn melh a.


Teuh lo lutuk! tiin a puan sin lai chu Leona chuan a chelh nghet sauh2 a. Engtinnge Grace leh George te chu Banff ah an la awm reng theih ang? Awm ni sela chuan keipawh ka awm ang chu. Engahnge min kalsan a min thlahthlam mai loh? a ti ta a.


Ka umzui che em ni? Leona duhtak, kan inhmuh tirh atang khan min tihbuai loh chu thildang tih i nei hleinem. Tunah pawh hian thil i ti khawlo leh ta ngei niin a lang. Kawia awmah nge maw i inngaih reng2 le? hul deuh hak hian a ti a.


Radium Hot Springs ah mawle! beisei tak hian a ti a.


Dawhtheilo zet hian Adam chu a lo thaw hawk a,a sam sei tak chu a tuai puat a. Chu2 ka sawi tum ani hleinem. Tunah tak hian khawiahnge awma i inhriat? tiin a zawt leh a


Camper kan hire a ka khumah, tiin a ngaihna hre vak lo hian nur nang hian a lo en a.


A chanve chu i ti dik e. Oh, God, hneichhe a tak chu i va ni em! tiin van lam hawi chuan a meng rang vel a. Khuma i mut chungchang chu a dik e, mahse hei hi chu ka camper..... Jud a camper anih hi, heta ka awm chhung atan min hawh ania,a ti a.


Hlauthawng tak hian Leona chu a meng phawk deuh hra a. I.... Camper maw? Mahse ka... a ni thei lovang, a ti lai ta rat a


Mahse a ni miau si alawm, a lo ti nghut a. Khum atang khan tho la han en chiang teh. Pindan lian ber chu danglam i ti viau ang, i laizawnnu camper chu ru a khawi hmunah emaw anmahni kalsan a min ring lo tur khawpin, a ti a.


Leona biang chu a sen leh ta tawn2 mai a. Ka.... i kal phawt loh chuan ka tho thei nang,ka ....thawmhnaw engmah ka inbel si lova, a ti bah nak a.


Chu chuan min ti buai hauh lo mai, sweetie, ti a nui chung hian a lo en uluk leh zual a.


Awle, keimah ka buai thung alawm! Thawmhnaw ka hak lai chuan a fala awm ka duh tlat, pawi i tih lem loh chuan.... pawi i tih pawhin,a fiam hman hma chuan a ti leh a.


Okay, tiin a dar a lo san ak a, hmeichhe pakhat dang taksa ma2 chu eng huah a ngai lo ni hian a lang bawk a. Mahse rei suh ang che, a ti zui a.


A thawmhnaw a inbel zawh hmaa Adam chuan kawngka a rawn hawn hman mai hlau chuan Leona chu a in ha sawk2 a,thawmhnaw a inbel tawh a zawnga a ran ber tum a ni hial ang chu hei hi Jud Turner a camper a ni lovang, a ni thei lovang! Mahse a ni ngei a hriatna a nei ru tlat bawk si, a sleeping bag intel tha leh a mutkawr awm lo daih pawh kha fiamthu thawhna hmanrua ni chuan a lang ta lo.


Pindan lian ber a thlen chuan Adam a sawi ang chiah khan a hmu ta reng a, choka te chu a dang vek a, an camper nen a inang hauh lo. Bang awm zawng2 chu poster hian a lo khat vek deuh thaw a, a then phei chu hmeichhe saruak thla te a ni lehnghal a.


A ke chuan a zo tawh dawn lo emaw tih mai tur hian sofa ah chuan Leona chu a thu ta hnawk a. Oh God, tiin a rum hak a. Jud Turner a camper chu a lo nih chiah hi! a ti ta ringawt a.


Saruak thla te thleng hian mawle, Adam chuan a lo ti a, Coffee hi a lo pe leh nghal bawk a. Ka lo tihsat sak che anih kha, a ti a.


Leona chuan a in nghal a, a la sa tha bawk aniang, a hrawk chu a kang thla ram2 hian a hria a. My God, eng thil nge i telh a? tiin a nur ta deuh nang a.


Whisky mawle, nui deuh chung hian a lo ti a. Ka lo ti sa ka tih tawh kha. I shock tireh nan whisky kha i mamawh tel ka ring bawk a.


Lungawi lo tih hriat zet hian Leona chuan lo enin a no chu dawhkanah chuan a dah a. Engmahin min shock lo. Thil tihsual engemaw chu a awm a niin a lang....

Nangmah alawm

[Ngaia]

A lo melh nghek a. Anih hmel khawp mai. Khawiah chiah nge kan awm? a ti a.


Red Deer panna kawng bul lawka restaurant kawtah
Petrol thuin ka ding lawk a, thil kan ei nghal ang chu ka ti deuh bawk a.


Red Deer maw? a lo ti ngui deuh raih a. Mahse chungte chu.....

Radium Hot Springs awm lohna lam daih a awm a ni, a lo tih khalh a.


Oh, nilo! tiin Leona chu a rum leh hawk a, chutah a chal a chuar ta deuh nang a. Thil kan ei ang kha i ti a.... hetah hian ka rawn awm tih i hre reng tihna em ni? a ti ta a.


Hria e, tiin a lo bu nghut a.


Engatinge i hriat?


Nizan a bedroom a i che vel thawm kha ka hria alawm. Dribing area a double khumah ka mu a, khum lianah ka mu thang a, a lo ti a.


Ka thawm i hria a maw? Tichuan engmah i sawi chuang lova? awki ring tawk hian a lo ti a.


Rilru thlak leh chu hmeichhe dan a ni alawm.


Eng chungchangah nge ka rilru chu ka thlak le?


Adam chuan thawk a la hawk a. Holiday i hman chhung zawng ka bula hman chungchangah mawle, a lo ti a.


Leona chu a sen tan2 a, thinur avangin a mitmeng chu a de sar2 mai bawk a. Ke in ka leng kual alawm, tiin a hrilh a. Ka bo deuh a, kan camper lo zawkah ka lo lut a ni ngei ang, i ruala kal chungchangah chuan ka rilri ka thlak hauh lo.


Ke in i leng kual a maw? ring tawk hian a lo ti a,a thinur zia chu hai theih chi rual a ni lova. Khawiah? a ti leh a.


Leona chu a lo meng phawk hra a. Thing hmunah thui lo te ka kal mai2 alawm. Sazuk te ka hmu a....


Ramhnuaiah i kal a maw? a hmel te chu a rum ul tawh mai a. Sunday chawhnu lama England Park a i len ang mai2 in helai ramhnuaiah hian i kal a maw?

Ka him tawk alawm.


Him maw? a lo ti nghut a. A banah chuan rawn dawmin a pawt tho ta a. Savawm hlauhawm tak a awm laiin him hle ah i la inngai ania. I tidik zawk maithei ania,tunah tak hi chuan ka bulah aiin ramsa te zingah chuan i him zawk ta ve ang. Thil tih azawnga attthlak....... My God,Leona! tiin a rum hawk a, tihnat tum tih hriat tak hian dim lo zet hian a rawn fawp ta a, a tina reng bawk a.


Savawm chungchang a sawi khan Leona chu a ti zawi zova, nghet zeta kuaha a rawn fawh pawh chuan a lo tang chhin eih lo reng2. Adam a kut lehlam chu rawn chein a hawisawn theih loh nan a samah chuan thamin a pawt dak a, a kut lehlam chuan na deuh hian a banah chuan la vuan rengin dim lo zet hian a fawp bawrh2 a.


A thlah meuh chuan a mitmeng chu a de sawr sawrin a thawk dan pawh chu a mumal bik lova. Ten hmel zeta en chung hian a nem sawn ta a. I himin i hre tak2 nge savawm chungchang an sawite kha fiamthu emaw i lo ti zawk? a ti leh khur2 a.


Leona chu a vai riai mai a, savawm chungchang a sawi vang ngawt zawng a nilo. Ka..... hriat chu ka hria a, mahse... M


I ngai pawimawh lo mai chauh a ni, Adam chuan a lo tih khalh leh a. Hetiang hmunah chuan chutianga ngaih pawimawh loh mai2 tur a nilo, a tak vek asin an nih. An kawng atanga inthiarfihlim bawk tur, a ti leh a.



Mahse mi a sawisakna kha Banff hmunah a ni hleinem, Lake Louise zawkah anih bakah.....



Chu chauh chu park a savawm awmchhun emaw i ti a maw? tiin a lu a lo thing nu2 a. Helaiah hian savawm za tam an awm asin, nang ang lek phei chu vawkhat hmawm vel chauh i ni ang chu. Zan lama leng vak pakhat chuan a ke a hloh asin, a ti a. A denim hak chhana a ke sei thlarh lo lang chu a en vang2 a. Ke pakhat chauh nen chuan i lang nalh vak thei hauh lovang, rawng zet hian a ti a.


Leona chu a dang leh lap tawh a. Nizan khan darkar khat chuang lai a leng si a, khatih chhungte khan savawm chuan rawn beihna hun a nei reng dawn tihna a ni..... Oh God, a damlo thei takngial dawn!


Hetah chuan ni love. Bathroom lamah kal rawh! khawngaihna neilo zet hian Adam chuan a lo ti leh a.


A tih deuh nghulhna chu do turin Leona chuan a chil a lem khawlh a. Ka tha leh tawh e, a ti zawi sap a.


Tha lo tawp zawk tur i ni asin! An thuchhuah te kha i chhiar ve lovem ni? Tuman khuanu rorel an cho ngai lo.


A tha e! tiin a sam hnawk deuh niaih chu a tuai a, han khuih pawh a duh viau nain hetiang mood a Adam a awm lai chuan a che chang ngam chiah si lova. Lo kal chhuah loh tawp tur hi ania, i sawi tum chu i ti lang chiang tawk tawh alawm, a ti a.


Ka sawi chian tawk ka kha a ngai tlat a ni, rum deuh tak hian lo lo ti leh nghut a. Zan zanah eng tiin nge chu chen2 i kal reng2? Engvanga..... Ah,ka hrethiam e, a ti leh a. I laizawnnu leh a bialpa te phun thawm vel kalsan i duh vang a ni ang maw?


Leona biang chu a sen leh awp2 a. Boruak thiang dawn ka duh mai2 ania. Camper nilo ah ka lut chu ka hrethiam thei lo, a ti niap2 a.


Awlsam te ah kei chuan ka ngai. Camper hi chu pawn lamah chuan a lang inang fur a. Zan thimah lehnghal, a chhung danglam dan i chu i hre lo aniang,a ti a.


Midang daih pawh i lo ni thei a, tiin a ngaihtuah ngawt pawh chuan Leona chu a khur thei hial a.


Ka ring chiah lo. Adam chuan a lo ti hul hak a. I thawm rin danah khan. I duh reng vanga lo kal i nih ka rin vang chauhva awmtir che ka nih kha.


Tunah chuan ka duh reng vang a ni lo tih i hre ta em? tiin a lo zawt a,a bag chhunga samkhuih chu la chhuakin a sam chu a khuih ve ngam ta a. A handbag a lo keng tel hlauh a, a pawisa leh incheina thil a awm tel bawk a.... incheina thil vel chu hman a tum pawh a ni chuang lova. Englai pawha inchei nalh thlarh reng chi lo chu Adam Wild chuan a hmuh ngai chiah pawh a ring lo. A nula kawo te reng2 chu model an nih loh leh actress te an ni hlawm thin a, make up inbel lo chuan chung ho chu an awm ngai pawh a ring lo bawk a.

Adam chuan a dar a lo san leh awk a. Ngaihtuahawm i nih loh thu hi thuneitute kan hriattir vat chu a ngai dawn a ni. I awm loh hi an hriat chuan zawn dan tur che an ruahman ngei dawn tih i hria ang chu maw? hriam deuh hraih hian a ti a.


Oh, nilo!


Oh, ni e. Hmeichhe ngaihtuahna neilo zet chu i va ni chiang tak em, Leona Harris. Hmeichhe a tak2 hi ka lo tawng fo ve tawh thin a, mahse nang ang hi chu a pakhatna i niin ka hria. Adam chuan leather jacket dum hak ngun tawk tih hriat tak hi a ha a.


Khawiahnge i kal dawn? tiin a lo zawt a, a phu bawk a ni tih hriain a hmusitna chu a haider tlat a. A thiltih kha a atthlak reng a ni.


Telephone hmang turin mawle. Radio ah nula bo chungchang an puan ka hre lova, mahse ka lo hriat hmaih pawh a ni thei thova. I lo loh zia hrilh turin ka va bia ang chu, a ti leh erh a.


Pawna an chhuah chuan public telephone hmun li a mi chu an lo hmang vek a ni tih an va hmu a. Chhung lamah min lo nghak rawh ,thli a rawn thawt takah chuan Adam chuan a ti a. Ka rei lovang, tiin telephone awl awmna lam chu a pan ta a.


Mahse......


Lut rawh, Leona, a lo ti thawt a, a atna chuan dawtheihna a neih tir hleithei tawh lo a ni tih a hmelah chuan a lang reng a.


Tih thinur zual a duh loh avangin a tih ang chuan Leona pawh Chu a kal ve ta hram a. Building pakhat kawtah chuan artist pahnih, lem ziak a lo thu hi a hmu a, an kut vawh na tur chu hriain a khawngaih hle a. Chulai vel tlang chu vurin a khuh nasat deuh avangin boruak pawh chu a vawt zual bik hle a. Chulai Canada ram mawi takah chuan thlasik thleng hma bik riau ni hian a lang thei hial a.


Coffee no hnih man pein Adam a nghak chuan a thu ta ran mai a. An lo zawng anih vaih chuan Grace leh George te lakah chauh lo pawh a tlangtla lo hle dawn a ni.


Cafe a a rawn luh chuan Adam a hmel chu hmuh a nuam ve deuh tawh a, a mit paw raih chuan pindan chhung chu en kualin kil khata a lo thu chu a rawn hmu ta a, Leona lam pana a kal chu hmeichhe thenkhat chuan mit tla lo chauh hian an lo en a, chu2 Leona chuan mak pawh a ti hran lo. Chu pindanah chuan mipa zinga a tha ber a ni hiak ang chu, enghleh neih loh hmel fe hian a kal a, pa fing leh remhria a ni a, mi a tak chu a ngaithei hauh lo reng ang chu.


Ka lawm e, tiin Leona in a Coffee tur a lo laksak chu a in ve nghal mai a. Awle, nangmah zawn chhungchang ah chuan i lo la fihlim hlauh e, a ti zui nghal a.


Leona chu a thaw huai mai a. Min zawng lo hrim2 tihna em ni? a ti zui nghal a.


Chutiang tih na hun an la nei hman lo alawm, tiin Adam chuan a lu a lo thing a.


Bangbo deuh tak hian Leona chu a lo nur nang a. Hun an nei lo....?


An buai lutuk ka tihna a nilo, dawhtheilo zet hian Adam chuan a ti a. I bo tih report an dawn leh ka hmuh thu che ka sawi inkarah nangmah zawnna hun che an nei hman lo zawk a ni.


Mahse darkar tam tak ka awm tawh si lova.


I laizawnnu leh a Romeo chuan chu2 an hre hauh lo tihna a ni. Tukina i pindan kawngka an kika i chhan tak lovah chuan i thinur anih ringin an ngaihtuah zui mai lo che a. Chu2 anmahni sawi dan ania,a ti a.


Leona chu a lo meng phawk a. Anmahni chu i bia a maw? alo ti ha a.


Grace ka bia a, a lo ti sam et a.


A lo awm a maw?


Mmm.... Tunah rih chuan i laizawn nihna rilru a pu vak rih lo anih hmel.


Mahse khawiahnge an awm a?


An kal tumna, Radium Hot Springs ah, tiin Adam chuan Coffee chu a in zo a,a no chu a nawr sawn nghal a. Restaurant ah kalin lunch kan ei dawn nge hetah hian inhnawh puar i duh zawk? a ti zui ta daih a.


A engamah mah chu ka duh lo. Grace leh George te chu fin ka duh a ni.


Chu zawng thil awlai a ni hauh lovang, muang charh hian a lo ti a.


Engatinge? ringhlel zet hian a lo ti a.


He thu hre tur hian i in peih ka beisei. An bula awm turin an duh tawh lo che a ni, Leona, a ti ta a.


Min duh tawh lova.... Ka awih thei thlawt lo, dang lap chung hian a ti a.


I laizawnnu chuan,I duh tawkin i ngaihven thei ang, a rawn ti a ni.


Chu kher chu midang ngaihtuahna neilo, mahni hmasial Grace sawi awm tak reng a ni a. Canada an thleng tawh a, an nu leh pate laka phen turin Leona chu an mamawh tawh lo a ni chuvang in a chunga thil thleng pawh chu an ngaihven tawh hek lo. Chutiang chuan a sawi tak2 a maw? a ti leh a.


A kutah chuan rawn vuanin Adam chuan,Sawi e, a lo ti duam a.

Leona chuan a kut chu a la sawn vat a. Enge ka tih leh tak ang? a ti dul raih a.


Lunch kan ei ang.

Tunah ka ti hleinem, ka sawi awmzia chu....


I sawi awmzia chu ka hria alawm, tih nghut pahin Adam chuba ding chhuak a. Ka kiangah i awm ang, tiin a pawt tho a, Restaurant ah thil i ei teh ang, ka ril a tam viau tawh ania.


Leona chu a la tawi khaw muang a. I bulah ka awm dawn lo, a ti a.


Midang awm ve ho ten an lo chik deuh pawh chu ngai pawinawh awm chuang hian a lang lova. Thlan tur dang enge i neih chuan? rawng tak hian a lo ti a.

[Ngaia]

Ka... awle, ka... Ka


Engmah, tiin a lo chhan sak a,restaurant ah chuan a luhpui ta a. I muthilh laia i hnar loh hram erawh ka beisei. Tun lai hian mut ka hmu tha chiah lova, chuvangin hnar loh chu a tha ber ang,a ti a.

Leona chu a hawi kual ta ruai a. I thusawi chu midangin an lo hria ange, tawng ring ngam silo, thinur deuh hian a ti a.

Eng chu maw? tiin a thuttir a, a ep chiah ah chian chuan a thu ve nghal a. I hnar thin em? a ti leh a.


Teuh lo lutuk.

I hnar lo tih engtinnge i hriat?

Ka... awle, ka hre....

I bialpa te zinga pakhatin a hrilh che em ni hmmm?

Leona chu a sen leh awp2 a. Hrilh lo, teuh lo mai. Ka hre ve mai a ni,lungawi lo zet hian a lo ti ve hlar a.


I sawi dik ngei ka beisei. Reilote tal ka muthilh loh chuan tih ka har nasa ania.


Tih i har sa reng2 alawm mawle, Leona chuan a lo ti ve ngat a.

Adam chu a lo nui mai a. I pangngai leh ta deuh chu ka lawm ngawt mai. Thil reng2 chhanna i neih loh chuan ka ngai dawn tlat ani.


An eitur order lai chuan Leona chuan hnuai lam a melh reng a, engmah a ei theih pawh a in ring lo va. Mahse chumi hnu lawka sa kan leh salad te an rawn chhawp takah chuan a hnar thei ta nang lova.


A ei lai la la chuan ziawm deuh sawt2 hian a inhria a. A thil ei chuan thil engkim mai chu ti tha leh ta hian a hria a. Adam Wild thleng chuan!

I ei tui viau kha maw? lungawi aw zet hian Adan chuan a ti a, an thil chhawp chu a tam em avangin an ei zo thei nang lova.


Ni e, sen deuh tan2 chung hian Leona chuan a lo ti ve mai a.


Ka sawiselna che ani lo ania. Thlaihnah leh coffee ringawt ringa khawsa nula hi ka hre hnem lutuk tawh a. Khatia tui ti taka thil i ei lai han hmuh kha a lawmawm dangdai viau a ni, a ti a.

Oh, tiin a lo thaw hliai a. Hmeichhe thil ei thei deuhte hi i nhaina lovin thil sual ka lo ti ta emaw ka ti hman asin, a lo ti fiam ve a.


Ka ngainat leh ngainat loh chu i ngai pawinawh lem em ni? tiin chik deuh tak hian a rawn en a.


Ka... Nilo... A pawimawh vak chuang ka ring lo. I thin tih ur ka duh lo mai ania,a ti ta vel mai2 a.


Tih thinur belh i tihna anih chu, a lo ti hul hak a. Thlawhna a kan intawn atang khan hling a chhun ang mai ka ni reng alawm.

Mahse thlawhna kan chuan chhungte kha chuan i muhil deuh reng alawm.

Ani chuan a lu a lo thing a. Ka muhil hleinem. Ka hahchawl anih kha. Ka chau takzet a ni! tiin a mit chu a tuai a.

Engatinge?

Engatinge a? tiin a lo ngaihven chu mak ti awm tak hian a rawn en a. Engvanga chau nge i nih thin? Mut ka hmuh tam loh vang a ni mai alawm, a ti bul hmak a.


Leona chu a lo nur deuh nang a. Thlawhna ah khan darkar 72 i mut loh thu kha i sawi a. Engvang nge? tiin a zawt leh a.

Adam chu a lo meng nur nasa mai a. Engvanga hre duh nge i nih tak? A chhan tur awm chu i hre vek emaw ka ti a. Min hre chiang ta deuh a, chu chen2 hmangaihna chen rhei turah min ngai leh ta si mang nange? a ti a.

Ka hriat chian deuh tak avang che hian chutiang thil chu i tih theih ngei pawh ka ring tawh zawk mawle. Mahse chuvang a mut i hmulo a nih chu ka ring lo mai zawk chauh a nia, duhtawka hmangaihna chen hmel a pu tlat lo. Hna i thawk em ni?

Aw, hmai rum deuh rut hian a lo ti hlur a, hla tak ngaihtuah hmel hi a pu bawk a, a ngaihtuah pawh chu thil hlim awm tak anih hmel loh hle bawk hian Leona chuan a hria a.

Khawiah nge? Eng thil ah nge?

A rit phurh nghat ta niawn tak hian a dar chu a sawi deuh nak a, a nui hmel chu hmuh tur a awm leh ta a. Engvanga hre duh nge i nih a, Leona?

Ka lo rindan.... a nuam vak lo chu a ni tiraw? aw dam thlap hian a lo ti a.

Adam a hmai kawr chu tla in a hmel nihna tak chu a lo lang a, a mitmeng pawh chu a muk zual sauh a. Rapthlak tak a ni. Sawifiah pawh a harsa a ni.

Khawiahnge tih min han hrilh teh, a lo ti a. A hmun a sawi chuan Leona chu a lo thaw hawk a, a hmai pawh chu a dang ve hle a. Sawi tawh lo mai rawh. Television ah ka lo hmu alawm. Naupang riltam thih hmabak zozai te kha...

Indona hian chutiang chu a thlen tlat zel, a lo ti a. Pawisawi lo ten an tuar bawk si. Naupang ho chu han hmi ve la chuan maw, Leona, a hmelah chuan hreawm tihna a lo lang a. Naute, naupang,i hmuh laia an han thi tur chu.

Television ah khan ngenna an rawn siam a. An mamawh ang tanpuina chu an hmu ngei ang.

Chutih hunah chuan a tam zawkte tan a tlai lutuk tawh anh. Eitur lah ruk bo a ni deuh vek bawk si a. An mamawh te lain tlang lam atangin sakawr chungchuang ho an lo chhuk thin a, a bak chu an hralh bawk a. Naupang pakhat, kum 3 mi vel tur niawm tak.... chaw kaw puara an ei thin loh avangin eng rual chiah nge tih pawh hriat a har... chu phei chu ka pawm laiin a thi a ni, tiin a hawisawn nghal daih a. Muthilh na hun neih loh vang a ni lova, ka muhil theilo zawk a ni. Kha naupang kha ka mithhla ah hian a cham reng tlat a ni.

Mahse thlawhnaah khan....

Ka hahchawl mai2 ka tih tawh kha. Helam pana ka chhuah leh hma ni 2 ah ka lo thleng a. Chutih chhung pawh chuan tumah ka hmu lova, hmuh lah ka peih hek lo. Thlawhna ah pawh khan chutiang tho chu a ni, tumah ka ngaihsak lova, khang naupang khawngaihthlak zia hre lo leh ngaihsak lo tute bawh buai nih chu ka duh lo ber a ni, nui hmel niawm tak chuan a hmai chu a rawn kap eng a. Hmeichhe pakhat, mit buang thang leh caramel sam rawng pu erawh ka lo chhut tel lova. Ngaihven loh theih lovin i awm ta tlat a, a ti a.

Tihluih chu a ni hauh lo ania,a lo ti vat a. Hepa hi mahni hmasial leh midang ngaihtuahna nei lovah a lo ngai hman anih kha. A lo tisual Chiang hle mai. Engvanga chung thlalak chu mamawh nge i nih a? tiin a zawt zui a.

Sunday chanchinbu belhchhah natur a ni. Tu hnuai ah mah ka thawk lova. Thawh tur ka neih apiang ka thawk mai thin a ni,dar san awk chung hian a ti a.

Mahse chuting thla chu i la ve thin tih ka lo hre miah lova.

Hmeichhe saruak thla chauh la turin min ngai a. Awle, hetah pawh hian hna ka thawk tho a, hmeichhe saruak ka la hmu hauh lo, a lo ti kher a.

Camper chhunga poster pakhat tih loh kha chu.

A lo ner sak a. Jud a hmeichhe duhzawng chu ka duh zawng a ni ve kher lo. A chhunglam ngah deuh chi chu ka ngaina ve lo, a ti a.

Leona chu a lo tai tak a. I rawtna kha Grace leh George te chuan pawm thei turah min ngai a, a ti a. A hma lam thla chauh a lak dawn phawt chuan, a hnung lam chu a lak tlak si lohva.

Adam a hmel landan chu a dang ta daih a. Ka rawtna kha ka hnukkir leh e, tiin a tho a, an thil eina man chu dawhkanah chuan a dah a. Kal ang, hla deuh hlek vawiin hian thlen hman ka tum a ni, a ti ta daih a.


A ruala kal tur chuan Leona chu a tlan deuh dawr2 a ngai hial a. Thlalak ah ka that i ring chiah lovem ni? a ti a, a rilruba thlak leh chuan a khei deuh a.


I tha ang tih chu ka hria alawm.

Chuti si angvang...

A rawn leh hawi tak thut avang chuan a ngawi nghal hmak a. Ka rilru ka thlak a ni mai. Tunah chuan chulam chu i sawi tawh lovang, a ti ta hmak a.

A awka chhuak chu han hnial chi a nilo reng2 a. Hetah chuan eng lam hna nge i neih a? tiin a zawt leh ta zawk a.

A mitko a lo san awk a. Enge ni a i rin?

Awle, thlalak a ni tih chu ka hre ngei a, thinur taka tih pah hian passenger seat ah chuan a thu lut a. Mahse eng thil nge i lak tak?


Jasper National Park a ni deuh ber, a ti a. Kawngpui ah chuan motor chu a khalh chhuak a, a khalh dan thin loh zawnga motor khalh chu harsa ti hmel pawh a pu chuang lova. George erawh chuan tum hnih ngawt hlau thlabarin a siam hman anih kha. Banff Sulphur Mountain atanga ram lo lang mawi takte pawh ka la thei tho bawk a, tiin nimin lama a bula a lo lan ve nachan kha a sawifiah zui nghal a.

Leona chu a lo nur nang a. Chu pawh chu i thawh fo thin anih hmel chuang loh, a lo ti a.

Thawh thin ka nei hran lo. Ka hrilh tawh che ang khan, thawh tur awm apiang ka thawk mai a tunah rih chuan Canada ram mawi tak hi ka mamawh tak niin ka hria a. Engemaw kawng zawng chuan i sawi pawh chu a dik thei tho, Jud vanga he hna hi thawk ka nia, a ti a.

Jud maw?

Thil i zawt chik hle mai maw? tiin a lo melh ralh a. Helai vela B
National park chungchang hi Jud chuan a ziak a. A chhan leh vang lam chu sawi lo mai ila, thlalak ka lo neih tawh sa te chu tihchhiat anih nual avangin la tha leh turin Canada ah hian ka kal ta a ni, tiin a hrilh fiah ta a.

Hmeichhe thikthu chhe ho! a tih kha Leona chuan a la hre reng a. Airport ah khan, thikthu chhe ho lakah Pathianin min hum rawh se, i tih kha ka hri a. I nula te zinga pakhatin i thlalak film chu a tichhia anih chu, a ti a.

Khawi school ah nge maw i kal chu le? tiin Adam chuan a lo chhaih a. A tha hle ani chawk ang. Laura thlalak emaw tiin Tanya in a tichhia a ni. Laura thlalak chu a ni lova, darkar tam tak senga ka hnathawh chu a ti chhe ta bawk a,nui deuh pah hian a ti a.

Tichuan Tanya chu hnawl a ni ta a.

A dik chiah, tiin a lo bu nghut a.

A aiah Laura chu lakluh a ni ta a?

Nilo, Leona zawk a ni.

Keimah hi maw? lai tak hian a lo ti a.

[Ngaia]

Website a chhiat avangin thil khawlo a awm nuam a ka theih ang2 chu ka siam tawh emaw ka tia mahse buar chuar lai alo la awm a ni awma, min lo hrethiam hram2 dn nia, ka tihsual ani miah lo ania hahaha. Add click kha oo... Chhiar nuam ule...



Lo theih loh avanga hetia awm hi kan ni tih Tanya chuan a awih thei ngai lovang. I mitmu kher chhuah tak kha ania a duh dawn ni.

Lady duhawm tak anih dawn chu!

Hunlai zawng a nei ve alawm. Mahse engemaw changa han awm hahdam ve hi ka duh thin a. Tanyai lahin awm hahdam awmzia pawh a hre si lo. khumah leh khum lovah pawh hun ka hmapui theih hmeichhia ka la tawng lo tih ka hrilh tawh che kha. A tam zawk chuan party na hrang2 a min hruai an duhin an thiante hnena min show vel chu an tihtur emaw an ti a. Hun fal neih awmzia pawh an hre nek lo, kha deuh tak hian a ti a.

Ka bulah chuan i titi reng alawm, Leona chuan thawp deuh sat hian a lo ti a.


Makti hmel a pu deuh a, chutah, nui hmel a pu leh a. Nang chu i danglam a ni, Leona. Hmeichhe, nula tleirawl nilo chungchang ania ka sawi, a ti zui a.

Indona hmuna naupang te dinhmun a hriatchhuah tir avanga thupha chawi tum a ni a, mahse a hawisawn ta daih a. A ngaina tan dawn chauh tih hiab thil huatthla deuh hi a rawn sawiin a ngai te bawkin a hriat phah leh mai thin.

A bula a awm rih chu a ngai tlat bawk si nen. Grace leh George te lah chuan an hlat san tual2 niin a lang a, an bula awm ve atan pawh an duh lo bawk nen. An tenawm dun takzet hian a hria a, an bula hnaia a awm loh chu atab pawh a tha zawk daih bawk ni hian a hria a.

I tau thin ngei zawng alo nih dawn hi, nuihza aw deuh tak hian Adam chuan a rawn ti a. I laizawnnu khan a sawi uar mai2 anih ka lo ring deuh a. A lo sawi uar hauh lo anih hi.

A zahna tizual tur hian Leona mittui chu a lo tling pam a. A dik chiah. Min ngaina in ka bula awm pawh nuan i ti ve tho niin a lang! tah aw tiau hian a ti a.

Mittui maw, Leona? Mittui tak2?

Ni ang chu, tiin a in sut hraih a. Hmeichhia i ngaihsan loh avang maia min elsen rengna tur a awm lo.

Chutiang ka lo nih pawhin, hmeichhia vang ani tih na ani mai. Thla rei vak lo chhung chu chenpui pawh ka nei a. Model a niin a hming pawh Angel a ni.

Eng thil nge thleng? tiin ngaihven tak hian a lo zawt a.

Thil a kal dik lo zo ta a ni. Hmeichhe nasa, zawhte ang maia mi tihnat nuam ti chi a ni. Chu2 ka tih ve dan a ni lova, ka chhuahsan takah chuan, kan affair chungchang chu newspaper ah a lo hralh a.

Ka va hre love, tiin Leona chuan a chal a lo chuar nang a.

Chu zawng a mak hauh lo, khatih hunlai kha chuan kum 10 vel chauh i la ni ang chu, a lo ti nghut a. A chanve vel chu phuahchawp a ni a, mahse chung chu bedroom a tih chi a ni lo tih proof i tum dawn nia. Chuta tang chuan hmeichhia, tumah ka ring leh tawh ngai lo. Ka hruai chhuakin ka mutpui a, mahse ka nun chhungril an tawh a an rawn inrawlh chu ka remti ngai lo, a ti ta a.

Min warning lawk tih na em ni?

Chutiang chu niin a lang em ni?

Aw, tiin a lo bu nghat a. A chapo thlakin a induhtawk thlak hle mai. I nuna inrawlh chu duhin ka ngen hauh silo che a, a ti a.

Min ngen lo mahla ka nunah chuan i bet rih niin a lang tho si anih hi, tiin Adam chuan campsite ah chuan motor chu a tiding a. Zanin chu hetah hian kan riak ang, naktukah Jasper lam kan pan ang, a ti a.

Mahse.....

Nikhat atan motor ka khalh thui tawk tawh, Leona, a ti ta tlat a..

Ei tur i nei lawk em? tiin Leona chuan a zawt a.

Jud an engkim a lo dah lawk sa thlap alawm. Tunah hian mei neiin chu ka chhem hngal anga, eitur kan siam dawn hunah a lo ling tha hman dawn a ni. Vawksa i ei duh angem? tiin a zawt a..

Engpawhnise, ka pawi ti lo.

Ngawi rengin thil anti dun ta mawlh2 a. Adam chuan an mei a chhem lai chuan an eitur lam chu Leona chuan a lo buaipui ve thung a.

Adam..... inthlahrung deuh tak chung hian a ti a.

Mnn? tiin thing tuah belh chung chuan a rawn hawi chhuak a.

Adam ka.... ka tawmpui lo.... ka sawi tum chu....

Nizana I mutna khumah tho khan i mu ang, a lo tih khalh a. Kei pawh ka mutna ngaiah ka mu ang. I duh loh thil chu ti turin ka nawr lui lovang che. Mu dun ila chuan thil awmdan a fel zawk ang tih chu ka pha hauh lo, mahse kan la mutdun loh avangin..... a dar a san ak a.... a theih ang anga kan hman tangkai a ngai ani mai. Hmeichhe duh lo na na na chu ka khum min tawmpui turin ka duh lo, i duh loh zia lah hotel ah khan i tilang chiang tawk tawh bawk a, a ti a.

Banff ah lah chumi hetiang hlauh chuan a awm bawk si a. Chu2 Adam chuan a hre ngei dawn lawm ni? A hria anih pawhin a hre lo der a ni ngei ang. Awle, chutia i tih theih te chuan.....

Oh, ka hria alawm, tiin za vaklo hian a nui a. Sa chu i hem thei tawh ang, a ti zui a.

Pawn lama ei siam hi Leona chuan a la ti ngai lova, thiam pawh a thiam vak lo reng a, mei chu a hlauh thin avangin a intih kan mawlh chu a hlau a. Reilote ah Adam chuan a rawn chhawk ta a, a laka a dawtheih loh dan chu a lang chiang hle a. Ngui deuh raih chung hian an dawhkan dawh bula thutthlengah chuan a thu ta a.


Inti hlim rawh, tiin nui chung hian Adam chuan a rawn en a. Helamah hian lo kal bawk la, khatah chuan vawt tiin i khawng mai ang, a ti a.

A vawh em avang chuan hreh deuh tak chung chuan Adam a sawi ang chuan a va kal hnai a. Waterproof jacket,lukhum nei a hak chuan a intuam tha sauh2 a. Engvanga Banff aia heti taka vawt nge maw anih le? Khur deuh hlak2 chung hian a ti a.

Adam a chu a lo nui nasa sauh a. I awmna i hi i hrw nange?

Athabasca Glacier anih hi, a lo ti hluai a.

Vur khawn! Vawt a lo ti viau pawh chu a mak ta love! A mak hle mai! then deuh sak chung hian a lo ti ve mai a.


Zing lamah ka la kawhhmuh dawn che nia, tiin a sa hem chu a her a. Plate ka lak chhungin mei hi lo en ang che, tiin a kalsan nghal a.

Thiam neilo tawp ang maia a cheibawl avang chuan thinur tak hian a kal chu a melh zui a.

Khawi atangin nge tih pawh hriat loh hian hmeichhe pakhat, chulai vela thawk te thawmhnaw suit buang ha hi a lo lang hlawl a.

Fee ka rawn khawn a ni ma'am, tiin a rawn nuih a. Leona i rual vel tur, nula hmelchhe lo tak hi a ni a, a sam chu a buangin a vun rawn pawh chu a nalh hle a.

Oh... oh yes, tiin Leona chuan a sam hnawk deuh niaih chu a tuai a. Ka....

Ka le, tiin Adam chu camper atang chuan a rawn chhuak a, dollar tlem hi a rawn pe a. Ka rawn kal hmasak tum ai khan helai chu a vawt zawk niin a lang, chu nula lam hawi a nui chung chuan a ti a.

Nula pawh chuan a lo nuih let a. A ni alawm. Tun tum chu i nupui pawh i rawn hruai tel tawh alawm. Tlai nuam leh hlimawm tak in hmang dawn nia, tiin a kalsan ta a.

A hneltha reuh hlemai, zam ru deuh tak chung hian Leona chuan a ti a, Adam a mitmeng chu a duh zawng a ni hauh lova.

Ni e, a lo ti ve mai a,a lam pan chuan a rawn kal a. Mei engah chuan a kut vei lam chu a chawilang ta a. He thil hi enge ni teh hrep? tiin a kutzungtang pathumna a zungbun chu a kawk a.

Leona chuan a kut chu a la sawn vat a. Ka zungbun a lo inher danglam anih hi. I hmu em? tiin a ner deuh sak a.

Engvang nge? meng zim sun hian a ti a, vur ang maia vawt leh nelawm lo a ni bawk a.

Awle, a chhan chu ka.... cheng dun satliah anga miten min ngaih ka duh loh vang a ni! a hriatthiamna ngen a en chho hau chung hian a ti a.

A sawifiahna chuan a hmel chu a ti danglam hauh lova. Nupa anga miten min ngaih chu ka duh bik lo, thinur zet hian a lo ti a. Inneih zungbunin a entir leh a kawh zawng2 huam a ti i nih loh chuan. I huam em?

Teuh lo, rang zet hian a lo ti a.

Chuti anih leh thuneihna lam chi ka lakah lantir tum suh, engti kawng zawng pawhin. Ka sawi chiang tawk em? a ti vin hlur a.

Chiang khawp mai, mangang tak hian Leona chuan a lo ti sap a.


Leona chu a kun a, a zungbun chu a kut lehlamah chuan a bun ta daih a. Pawi ka ti takzet a ni. A tha ber tura ka rin angin thil ka lo ti ve mai a nia, a ti leh sap a.

Tha berah ka ngai ve lo! Adam chuan a lo la ti a, a la thinur hmel hle bawk a.

A hmeltha angreng bawk si a.

A hmeltha a? tiin a lo nur nang a.

Kha nu kha mawle. Ka thil tihin i tan thil a tih khawloh phah anih chuan a pawi ka ti takzet a ni. I lo hre tawh thin a ni tih ka hre lova.

Adam chuan thawk a la hawk a. Ka hre hleinem. Jud nen kan awmdun laia ka hmuh ania. Engmah tih khawloh pawh i nei lo, Park warden thahrui ngah tak pasal a nei tawh alawm, a ti a.

Oh!

Plate hi a rawn pe a. I chaw kha ei rawh, a ti zui a.

Ka ril a tam pawhin ka hre lo.

Ei ringawt rawh! tiin thu a pe a. Ei tur thehthang mai2 lo turin i nuin a hrilh ngai lo che em ni?

Leona chu a inthiam lo ta hle a. Pawi ka ti ngawt nai, ka lo ngaihtuah lo.... ka lo ei ange, khang naupang ei tur neilo riltam chanchin a hrilh hnuah chaw ei loh a lo tum a! Mi a tawp a niin a hmusit pawh a phu hliah2 a ni.

An vawksa hem hmin chu a tuiin chutiang chu a ei awm pawh a la hre lo. Tui ti tak zet hian a ei zo ta vek mai a.

Ti kha chuan a ziaawm deuh, Adam chuan a lo ti a, fiamthu pawh a thawh ve leh thei tawh ni hian a lang a. I in eipuar hian i dam berin ka hria, a ti zui a.

Nang pawh, a lo ti let ve nghal zat a.

Nih pawh aniang. Eitur kha ka siam a ni bawk a, kan eina kha chu i sil ve tawh ang.

Chutia tih ve theih a nei chu a lawm zawk a. A tan phurrit ani ngawt thei lovang, chuti lo zawng a bulah a awmtir duh lo mai ang.

Camper chhunga a buai lai chuan Adam chu meilum bulah chuan a thu a, khua a thin tan tawhin mei eng chuan a hmai vel chu a chhun a. A Mihring puite thatna pawh manawh lem lo mal leh khawhar tak hi a ang hle a. Mahse a duh vanga chutianga awm chu a ni a, a thil tawh a hriat atang phei chuan demna pawh Leona chuan a nei tawh lem lo.

Mut hma deuh ka duh a, Leona in a va fin ve chuan a lo ti a. God, muhil thei ila ka ti ngawt mai, tiin a rum hawk a.

La mu mai rih lo deuh la a tha hial zawk mahna. Titi nih ila, chu chuan a ti hahdam deuh mahna che, dam diai hian Leona chuan a ti a.

Okay, tiin Adam chu a thu tha leh a. I chanchin min lo hrilh teh, a ti nghal a.

Zak leh zam deuh tak hian a lo nui sak a. Sawi tur vak pawh a awm lo.

Sawi tur awm apiang chu min hrilh mai la.

A pa doctor anih thu leh a receptionist a nih dan te chu a hrilh a. Hlawh phei chu a tam lova. Mahse a nuam ka ti ve khawp mai. Mi thar han hriat a han biak te chu nuam ka ti hle thin a, tiin a chanchin tlem chu a hrilh a.

Hmun dangah i la thawk miah lova maw?

Thawk lo.

Tunhmain i chhungte i la kalsan ngai lova maw?

Ngai hauh lo,chuvang chu ania Grace in he hmelhriat ngai loh kuta a han dah ta pawh a lak nat em2 nachhan.

Adam chu a tho ta a. Han puitlinna hun tak2 i nei lo anih chu, Leona.

Engvanga thinur awka chhuah nge a nih chu le? Ka hlim alawm, tiin a dar a san ak a, a ngaihna hre lovin a chal a chuar nang bawk a.

Mahse i nu leh pa thlazar hnuaih chuan i awm kumkhua thei dawn si lova. Mahni thu a awm pawh zir ve deuh tur alawm.

Saruaka ka thla lak tir che in maw?

Kha rawtna kha ka hnukdawk leh ka tih tawh kha! tiin thinurin a meng de deuh sawr a. Rawtna dang ka lo siam tawh reng2 pawh. Inchhung lum leh chhungkhat ngaina mi nang ang hi chu ka kawp tur chi i nilo. Khawiahnge ka awm tih pawh ka hriat hmain min neiin min hling ngei ang, a ti ta a.

A thik sawi awm lo lutuk avang chuan Leona chu a nui deuh sak a. Nu te chauhvin alawm apron te chu feng thin, a lo ti a.

Ka nu'n apron a fen ka hre ngai lo reng2. Pasal leh fa a nei tih chu a hriat chhun a ni mai. Chutiang thil ti tur chuan chhiahhlawh an tam bawk a. Adam chuan a lo ti kha fak a.

Fa mal i ni amaw?

An tihsual ka ni alawm? tiin za lo zet hian a nui bawk a. Thla kua lai a taksa in a tuar a ngaih avangin ka nu chu a thinur nasa alawm.

Oh, nau pai chuan taksa a ti khawlo a ni hleinem. Raipuar te hi an nalh hle zawk a ni, tiin Leona chuan a lo hnial a.

Chuti em ni?

Ni e! a lo ti leh hmiah a.

Chu2 ka nu han hrilh han tum chhin teh, ka hmuh leh hunah keimah ngei hian ka lo hrilh ang. Chu chuan inhnial na chance tha tak a pe ngei dawn alawm. Kan in hnial reng mai a ni, chuvang chi ania kan in hmuh khat em2, tiin a hrilhfiah a.

Anih leh i pa?

A thi tawh,a lo ti nghat a. Ani chuan tel vena a nei lo, tiin a inher a. Shower hmangin ka inbual dawn. Mipa saruak hmuh i duh loh chuan minute nga chhung hun min pe dawn nia. Pyjama ka ha ve ngai lova, a ti a.

Minute nga hun ka pe ang che, zak hmai sen tan2 chung hian a lo ti a.

Min pek chu ka ring reng a. Mei lum kha kal hlat san suh ang che, tiin a hrilh lawk nghal a.

[Ngaia]

Helaiah hian savawm an awm ve em ni? a lo ti thuai a, a hlauhna chu a lan lutuk loh a beisei a.

Awm pawh a awm ang, chuvangin mei lum hnaiah khan awm rawh, a ti a, dar san awk pah chuan a kalsan ta a.

Chu2 a tum dan chiah a ni, chumi ni chuan Adam chuan a chanchin a lai lang deuh teuh a, a tam zawk chu a ti tih pawh a inhre hauh lovang, tun ang a lo nih nanchhan a hriat takah chuan a hma ai thlawt chuan a ngaina tawh zawk bawk a. Mipa naupang, a nuin a ngaihsak ngai loh leh khawhar tak,chhiahhlawh te enkawl na hnuai seilen dan tur chu a suangtuah a, a puitlin hnua a hmeichhe kawo te chunga a rilru put dan tur leh a ngaihdan awmsa an sawh ngheh zel dan tur pawh a hre ta in a in hria a. Kum 36 lai a ni tawh a, a ngaihdan sawhsawn tur chuan beisei a bo hle bawk,amah a khakna chuan hmeichhe tan hnaih a ti harsa a, tum chhin turin huaisen tawk hmase.

Camper chhunga a luh chuan sleeping bag chhunga Adam a ruangam chu a hmu thei a, camper hma lam chu a thim tawh a. Shower hmang chuan a inbual ve a, a underwear te chu su in bathroom lian lo takah chuan a zar a.

Good night, Adam a ti sap a.

Night, leona, a lo ti ve mai a.

A room a eng a thim takah chuan camper chhung chu a thim ta hle a, a reh hian a reh tlawk2 bawk a. A muhil mai thei dawn lo emaw Leona chuan a ti tawh a, mahse reilote ah chuan a muhil zui ve ta mai a, a buaina te pawh a hrechang ta lo.

Mumang a neih chuan a in ring hman lo a ni ber. A mumangah chuan ramhuai a lo hmu a, sazuk infiam lai te... Chutah sazuk emaw a tih chu savawm lian tak2 hlir hi an lo nia a, an tin te lah chu an sei em2 mai lehnghal a. Savawn chuan a rawn pan tlat mai lehnghal a. Au chhuah a tum a, mahse a hrak chu reh tlat ang mai hian a phuiin a au chhuak thei tlat lo mai a. Chutah, a rawn tapin a te chhuak ta a...

Harh rawh, Leona, Pathian hmingin, tiin kut chak tak hian a rawn thing nawk2 a. Leona,harh rawh! thunei aw deuh hian a rawn ti a.

Khap deuh sak2 chung hian Leona chu a rawn meng chhuak a. A bangbo chuan a mitmeng chu a ti vai riai a. A mutna bulah chuan Adam chu a lo thu a, denim kekawr hi a ha a, thawnhnaw dang erawh a inbel lova. A mutna avangin a sam dum hlap chu a thur deuh chhawp a, mahse a muhil thei lo tih hriat tak hian a chauh hmel hle a.

Adam.... tiin a chil a lem khalh a. Ka.. A... pawi ka ti ngawt mai. Savawm kha alawm mawle, a ti bah niai a.

A lo thaw huai a. I suangtuahna a kal thui lutuk anih dawn kha

Leona chu a khur dar2 a, Adam chu a ngheng a. An taksa a han innawk chuan loh theih lohna avangin thawmhnaw inbel lovin a mu a ni tih Leona chuan a hrechhuak leh chauh a. Tawlh sawn a inkhuh a tum a, mahse Adam chuan thlah duh lovin a lo kuah nghet sauh zawk a. A taksa lumna leh hriatthiamna chu mamawhin Leona pawh chuan tal chhuah chu a tum chuang lem bik lova.

Min rawn pan a, tiin a mumang chu a hrilh tan ta a. A ke hnung lam chauh ring hian a kal a. A sangin.... a lian em2 a.... Oh, God, a rapthlak takzet a ni, tiin a mumang a savawm a hmuh chu a mitthla chuan hmuin a khur tha leh a.

Rindan ka nei thiam mai e, hul deuh haka ti pahin Adam chuan a nem sawn ta a. I muhil leh thei tawh angem?

Hlauhna avangin Leona chu a meng bial kal mai a. Min kalsan lovang chu maw? tiin kalsan lo tur chuan a ngen a, a mumang chu atan chuan a tak ang tluk deuh thaw a ni a.

Dawn lo, ka kalsan lovang che. Mahse hetah chuan kan pahnih tan hmun a awm lo,ka khumah kan mu dawn nia.

Oh, nilo, ni lul love, ka thei lo...

A hnialna chu haiderin a sleeping bag nen chuan a pawm kang nawlh a, driving apartment lam chu a pan pui ta a. Min hnial lo mai rawh, Leona, tiin a bulah chuan a rawn lawn ve nghal a. I mit kha chhing bawk rawh,ka kekawr ka phelh dawn a nia.

Oh, tiin Leona chu a hawisawn nghal a. Thim zingah chuan Adam chu hlimthla ang maiin a lang chiang lova. A bulah chuan thil che hi a hria a, a sleeping bag ah Adam chu a mu ve ta a ni tih a hre thei a.

Tunah chuan i lo hawi leh thei tawh ang, nuihsawh deuh hian a rawn ti a.

Lukham ngheng chuan a lam chu a rawn hawi a, thim zingah a awm rei takah chuan Adam pawh chu a hmu thei ta a. I sleeping bag chu a lian zawk anih kha, tiin a nur ta deuh nang a.

A zip na pahnih a awm alawm. Tunah chuan muhil tawh rawh le.

A vawt hle mai tiraw? Khabe inkhawng ri bauh2 chung hian a ti a.

Vawt khawp mai.

Titi i duh lo a ni maw? tiin a thaw deuh halh a.

Duh lo, muthilh ka duh, mahse ka muhil thei silo.

Tun thlengin maw?

Aw.

Pawi ka ti ngawt mai. Tih theih ka nei angem?

Zawhna atthlak lutuk anih chu i phuh chhuah! Ngawi la muhil ringawt rawh, rum hawk chung hian a lo ti a.

A pawi hle mai, tiin Leona chu a sleeping bag ah chuan a in thlawh sawt2 a. Mahse a mu lum thei thlawt lova, chutia a harh leh chuan khaw vawh dan chu a hma ai in a zual hian a hria a.

A muthilh theih tak hlauhvin tih thuah Adam chu tih harh a hlauh avang chuan che lova mut a tum hram2 a, mahse a khurh nasat lutuk avang chuan che lova mut chu a har nang mai a. Adam chu rawn che ta thutin a sleeping bag zip na chu a pawt pelh ta a.

Eng thil nge maw i tih le?

In beng dai rawh, Leona ka bulah i lo mu dawn a ni.

Ka mu dawn hauh lo, tiin a kut chu nemsawn a tum a. I sleeping bag chhungah chuan ka mu dawn lo reng2! a ti a, a ngaihtuah ringawt pawh chuan a khur thei hial a.

I mu dawn khawp mai. Hetia harh dun reng hi a tulna a awm lo. Vawt i tih vang ania.... a tha e, ka lo kuah lum ang che.

A theih loh, tiin a lo la dang tang2 a. Thawmhnaw engmah ka ha hleinem.

Adam chu a chawl deuh dat a. Ka lo let leh vat ang.

A hma lawka thil var han phe zeuh ah chuan leona chu a te chhuak leh thleh a. A bula Adam a a rawn lan leh tak ah chuan a hahdam leh ta huai a. Kha2 enge? a lo ti nghal a.

Ka kawr mawle, nui chung hian a lo ti a. I khup chu a khuh pha ngei2 ang, tiin a bulah chuan a rawn lawn leh a. Hmun dang i en theihnghilh daih alawm, tiin a fiam zui a.

Chance pawh min pe hleinem, lungawi lo zet hian a lo ti a. Mahse i kawr ka hak chhung hi chuan i lo hawisawn thei ang, a ti zui a.

Rei pawh a ngai lova, a khup chu a thleng chiah lo nain a khuh thui hle tho a, a nghawng chu hawngin a ban chu a thlep chho bawk a.

Adam chuan thim zingah chuan a rawn melh a. Sexy lutuk, tia then deuh suk chung chuan a puan sin chu a theh hlim a. Lo lut rawh le, a ti a.

A thim deuh khup chu Leona chu a lawm hle a, chiai zak deuh tak chung hian a bulah chuan a inthlawh lut a, a darah chuan lo vuanin a lamah chuan a lo kuah a. A dulah chuan a ban chu nghatin an ke lawng chu a intawh theih bawk si avang chuan Leona chu a in thlahdul thei mai lova.

Che lo khan mu hle2 rawh, Adam chuan a rawn ti a. I charm hi.....hre lo ka ni lo ania. Chungte chu hre ve daih tawh tur i ni asin, a ti zui a.

Sorry, a ti sap a, a khawng nghal lah a.

Keipawh, Adam chuan a lo ti ve a. Mahse a chhan chu a dang daih, a ti a. Leona in tawlhsawn a tum chuan a lo kuah nghet leh sauh a. Zam a ngai lo, chutia han zuan mai che chu ka tum hleinem.

Ka awmdan hi a nuam lo alawm.

Awle, a th e, i chance chu i hmang zo ta, tiin a ban chu a la sawn a. Muthilh i tum dawn lo anih chuan, keiman ka tum mai ang, tiin a tawlh hniam a, a awmah chuan a lu chu nghatin a kawngah chuan a kuah a. Good night, tiin mutchhuak awm deuh hian a ham bawi2 a.

Minute reilote hnuah chuan a thawk dan atang chuan Adam chu a muhil a ni tih a hre thei nghal a. Leona chu a lawm rilru hle a. A thil tawn rapthlak tak chu theihnghilh turin Adam chuan muthilh a mamawh a ni. A muhil tih a hriat chuan amah pawh inthlahdul in reilote ah a muhil ve thei ta mai a.

A tuk zinga a harh chuan zan lam aiin an lo inkhan kual nasa zawk a ni tih Leona chuan a hre ta a. Adam a ke chuan rawn khanin an taksa chu a lo insi chial bawk a. Eng hun nge ni tawh a hre hauh lo nain muthlih chu a mamawh tih hriain Adam chu a tiharh duh lova.

A hmuia a hnute bul vel a rawn nawk chuan a harh a ni tih a hre ve ta chauh a. A lo thaw hakah chuan Adam chu a rawn dak chhuak a. Good morning, a rawn ti a, chimawm chhuah duh hmel hi a pu a.

Hello, zak deuh tak chung hian a lo ti a.

A hmuiah chuan a rawn fawp zauh a. Ka lawm e, Leona, tiin thutak deuh zawk hian, I chungah ka lawm takzet a ni, a ti leh a.

A angchhungah tui taka a muthilh avangin chutia lawmthu a sawi nachhan chu hrilhfiah leh kher pawh a ngai chuang lem lo. A tha alawm, mahse engtinnge heta tang hian kan chhuah tak ang? a ti a. Adam a nena awm an nih avang chuan camper chhung chu zim leh zual hian a hria a.

Chhuah kher a ngai em ni?

Ka... ngai e. Kan chhuah ngei a ngai a ni, a lo ti tlat a.

Adam chuan a ban a la sawn a. Chuti anih chuan chhuak hmasa zawk la a tha ang. Bathroom a i awm laiin thawmhnaw ka lo inbel ang, a ti a, a aw chu a cool raih bawk a.

A tih aiin a sawi chu awlsam tak a ni, a kawr hak lah chu a kilhna lo phelhin Adam chuan a taksa chu thui tak a hmu thei tawh a, chu2 remchangah a lo hmang tih hriat tak hian a lo nui lehnghal a.

Min lo en reng suh! chhuat a rah hnu chuan thinur tak hian Leona chuan a ti hmak a.

I kawr hak chungchang ka sawi kha ka lo ti dik a ni, a sexy lutuk.

[Ngaia]

Lerh bawk si! tiin dak deuh vah hian bathroom lam chu a pan a, Adam a chek ri tluk2 chu a hre zui a.

Intihfai pah chuan Adam chu a ngaihtuah a. Tukin chu a hmel a lang hahdam zawkin a hnar leh hmui bul vel thlur pawh hmuh tur a awm tawh lova. A bulah zankhuain a mu chu a ni si a! A ngaihtuah let ringawt pawh chuan a la sen tan2 thei hial a.

Lo chhuak tawh rawh, chuti anih loh chuan ka rawn lut ve nghal ang, vau chungin bathroom kawngkhar chu a rawn kik kauh2 a.

Leona chuan a kawr chu a hum nghet sauh a. Mi pahnih tan hmun a awm hleinem.

Oh, chu zawng ka hre lo le. A nuam phian zawk maithei asin.

Ka lo chhuak thuai ang,tiin Leona chuan a thiam a.

A underwear chu a la hnawng deuh a, mahse a dang a nei miau si loh avang chuan a hak leh tho a ngai a. Nihnih ngawt a hak tawh avangin a denim leh jumper te pawh chu a chuar deuh tawh a. Thlakna tur dang a neih chuan loh avangin chu pawh chu a hak leh tho a ngai a.

A chhuah meuh chuan Adam chuan thawmhnaw a lo inbel vek tawh a, a khabe vel dum deuh chuan hmul meh a mamawh tih a tilang a. Bacon ram deuh leh coffee sen ka duh ania,kal pelh pah chuan a ti a. Fridge ah khan i mamawh tur ang chu i hmu vek mai ang, tiin bathroom kawngka chu a har nghal a.


Leona chu a ka hau mai a. A zan mut hmu tha chuan a rilru a tifim ting mai a ni hmel. In phihfai a hmul met fai diama a rawn chhuah chuan bacon leh coffee sen chu a lo peih sa diam tawh a.

Ei siam thiam lo tak chu i nih loh hi. Tangkaina pahnih chu i lo nei ve a nih chu, a ti a.

Pahnih maw?

Lukham delh nuam tak i ni a. I taksa thenkhat lai chauh chi. Khatiang a mut nawm zia kha ka lo la hre ngai lo reng2 a, a ti a.

A sawi zawh meuh chuan leona chu a sen nasa tawh hke mai a. Tunhma pawhin i ti fo tawh ang tih ka chiang a ni, a lo ti ve keuh a.

A dik alawm, tiin chhang chu a ei a. Mahse a thn a dup lutuk loh leh a chang lutuk a.... nang erawh chu a dik thlap a ni, a tawh chiah. Nang chu, ka tih awmzia chu....

I sawi awmzia chu ka hriat ngei ka ring, Leona chuan a lo tih khalh thuai a, an thil ei velna a seng nghal a. Sawi zui pawh ka duh hek lo. Tih leh a awm tawh dawn lo bawk a, sawi zuiin awmzia a nei dawn chuang lo a ni.

Vawt i tih leh pawhin maw?


Leona chu a lo in pet ruh a. Vawt pawh ti leh mah ila, a ti hmiah a. I silfai ve hun a ni tawh, a ti zui a.

An tlan chhuah leh chuan hmelhriat ngailoh ang maiin leona chuan a cheibawl a, an tlan pelh ram mawi zia te chu sawiin a fak a. Kum tam tak kal tawhah khan vur hlawm chuan kawng te chu a khuh thei hial a ni tih Adam chuan a hrilh a.

Motel a awm i duh zawk em? tiin Jasper an thlen chuan Adam chuan a zawt a.

A pawisa neih zat chu a'n chhut a, thawmhnaw dang a leia a hman ral turte a chhut chuan Leona chuan a lu a thing ta na na a. Chenna tur kan neih tho laia motel a awm leh chu a tulna a awm chuang hleinem, Grace hnena George sawi ang chiah khan a ti a.

Nangmah ka ngaihtuah deuh vang zawk che ania,a rawn tih chuan Leona chuan mak a ti deuh hle a.

Keimah maw?

Heta kan pahnih chauhva awm kha i chiai phah nasa si a.

Ngaiah ka nei ve mai ang, sen tan2 chung hian a lo ti ve tlat a.

A kut tang a var pap thleng chuan steering wheel chu a vuan a. Nizan anga thianghlim khan zantin thil a awm thei ang tih ka tiam thei lo che a ni, hriam deuh hruih hian a ti a. Nizan kha chuan ka chau a, min han kuah khan tui takin ka muhil thei ngal mai a, mahse tunah chuan ka thar leh sar tawh a, tiin thaw a la hawk a. Hmeichhia ka mutpui loh na chin a rei tawh bawk nen, a ti leh a.

Chuti teh lawnga thil a sawina chuan Leona chu a thawngin a thaw hak mai a. I i thunun theihna kha ka ring tawk alawm, vawt raih hian a lo ti a, hmeichhia dang nena an han mu tur chu a ngai ngam chiah lova....a tibuai tel tlatna chu a duh lo lehzual a. Hepa hi a hnim hnai tur a nilo, a tawpah a rilru a nat phah mai2 ang, ani chuan hawi let hauh lovin a kalsan vang2 thei dawn si a.

Chu zawng ka neih bak a ni. Mahse i duh dan anih erawh chuan..... a ti sup a.

Thlan tur dang nei chuang hek lo. A ni alawm, a lo ti sap a.

Okay, Jasper ah hian kan innghat anga, heta tang hian duh leh hmundang chu kan tlawh dawn nia, chu2 tha i ti ve angem?

I camper alawm, dar san ak hian Leona chuan a lo ti a.

Holiday hmang i ni bawk a, dawhtheilo zet hian a ti a. I muthlih avangin thil tam tak i chan a ni. Thla ka la deuh zel a, Maligne Canyon leh Lake chauh a ni ka la neih loh, a ti a.

Leona chuan a dar a lo san ak a. Ka hmuh chhunte kha mawi ka ti khawp mai.

Chu2 a pawimawh ber pawh a ni lo. I hmuh hmaih te kha kan la tlawh leh dawn nia, tiin campsite lam chu a pan ta a.

Engtikah nge kan haw leh ang?

Englang i pan lehna thlawhna nang hman turin aniang.

I haw vel nghal dawn lovem ni? tiin phawk deuh hra hian a lo en a.

La cham rih turin Jud an min sawm a. Holiday hman ve ka tum ta deuh a ni, vur tleng tur pawhin ka awm nghal maithei.

Oh...

A lam chu rawn hawiin Adam chu a nui a. Kum 2 chhung chu chawlh ka nei tawh lo reng2 a, a ti a.

Ka sawisel hleinem che.

Okay, min sawisel lo anih chu. Min sawisel a ang deuh atin ni. Hetah hian zan hnih kan riak anga, tichuan khuaah kan lut dawn nia. Lunch ka leisak ang che, a ri zui nghal a.

Ka lunch ei tur chu ka lei ve thei tho, a lo ti nghauh a. Ka rawn tibuai tawh che chu sawi loh, ei tur thleng a min tum sak zel chu a tihchi lovang, a lo ti ve a.

I taksa ni lovin lunch alawm ka leisak dawn che. Inhnial buaina tham ni pawhin ka hre lo. Lawm takin pawm mai rawh.

Mahse....

Lunch chauh alawm ,Leona. I rilru a nawm phah dawn anih chuan,dinner tur leiin i siam bawk dawn nia. I remti em?

Remti e, hreh deuh tak chung hian a ti ve ta a.

Gate a nula pakhat a biak lai chuan ngawi reng hian a bulah hian a lo ding a, a hipna in chu nula a effect dan chu a lo hmu reng a.

A taksa khawimaw lai chu na riau a hriain Leona chu a hawisawn ta daih a. A a ta a ni ngei ang! A hma lawkin Adam chu hnimhnai lo turin a in hrilh a, tunah chuan a ngaihven satliah mai pawh a nilo.... a hmangaih a ni tih a inhrechhuak ta tlat! Eng laiin nge chu thil chu a lo thlen!?engtinnge a thlen? Hmeichhe ngaisang lo leh rilru sak, khirh tak a ni a. Hmangaih tur khawpin a lo a zui leh ngahl!

I ngawichawi hle mai, khua an panna kawng ah chian chuan Adam chuan a ti a.

Chuti em ni? a lo ti a, chu aw chu ama aw a ni takzet mai?

Ni e, tiin a rawn en a. I tha ang chu maw? a ti zui a.

A thil hriatchhuah thar chuan ti chawmawlhin Leona chu a nui lui sak a. Nuka tleirawl tir ang maia awmin khawvel milar chu a la hmangaih zui a. Aw, tha e, tiin a daw zui a. Lunch chu eng ang nge min leisak i tum deuh a? tiin phur awm tak hian a zawt a.

I duh ang ang a ni mai ang chu, tiin a lo nui ve a, a inthlahdul nghal a.

Engtinnge chaw chu a ei luih theih tih pawh a hre zui lo reng2. Enge a ei pawh a hre chuang lo, a la chawmawlh tlat.

Adam a hmel landan leh chetdan tinreng mai chu a a en chuan chiang zual a. Nizana a bula a mut hmaa a rilru dik tak a lo hre lo chu a lawm hle a. A hmangaih tih hre reng chunga a bula a mut chu! A tuar zo teuh lo mai.

Leona?

Leona chu inting harhin Adam a hmeltha tak chu a en chhona. Yes? tiin a zawt a.

I dang riau mai, i tha takzet maw?

A nula awmpui chuan atthlak takin a lo hmangaih reng a ni tih hre ta se chuan ani pawh a hmai a dang ve ngei ang! A lamah chuan at vang liau2 a ni a, Adam a duhdan a ni dawn hauh lo a ni. Affair neih satliah leh thinlung kaihhnawih thil chu danglam tak a ni.

Leona! dawhtheilo tak hian a lo ti leh a.

A pawi hle mai. Ka la chau deuh a ni maithei a ni. Ka... ka mu tha vak bawk si lova, a ti niah2 a, naute ang maiin a mu siai2 a ni si a.

Chu zawng ka hriat dan a ni ta hauh lo mai, nuihsawh deuh tak hian a lo ti a. I hnar leh hnar loh chungchang ah khan i sawi dik tak asin. I mutthilh laiin i hnar hauh lo, chaih deuh pah hian a ti a.

Nang chu chutiang i ni ve hauh lo. Vawk ang maiin i hnar bur2 a ni, a chiai leh zak bawk si chuan a lo ti ve a.

Dawt anih chu. Ka hnar ngailo tih chiang takin ka hrw tawh.

I nula te zing a miin an hrilh che a ni ngei tak ang! Hmeichhe za chuang lai i mutpui tawh a ring a... chungho zawng2 chu a haw vek bawk.

Pakhat aia tam mah in mawle, chuvang chu ania ka chian ngam viau.

Dim lo zet hian Leona chuan a thutna chair chu nawr tawlhin a tho a. I rapthlak lutuk!! tiin a inher a, restaurant atang chuan a chhuak nghal daih a.

Reilote ah Adam chuan a rawn umpha in a kuai her a, a chal a chuar deuh nang bawk a. Engvanga khatia ti nge maw i nih hrep chu le? a ti a. Thinur ai mahin a ngaihna a hriat loh hmel zawk a.

A ban chu thing tlain a lo melh tur khai a. I nula te chungchang ka hriat peih tawh loh vang a ni. I sawi reng ringawt mai a. I hneh tawhte chanchin sawi chu i ning ngai nange?

Leona.... tiin Adam chu a bangbo hmel tulh2 a.

Oh, ngawi chip cham rawh. Min ti damlo thei takngail dawn, a lo tihsan a.

Leona! tiin a lam hawi chuan a kuai her leh a, a thawk ti chham raih khawp hiam dim lo zet hian a rawn fawp ta a. Kalkawng sirah dingin mi kal velin enin an nui tet2 a ni tih hriain Leona chu a tang nasa mai a.

Adam an a luna kan meuh chuan a thinur na chu a nasa tulh2 a. I lungawi tawk em? I chakna hmanga i theihzia lantir khan, a tilawm tawh che em?

Eng thil nge maw i hriat chu le? a ti hluai a. Pangngai taka thil kan ei dun laiin i....

Pangngai! awih lo zet hian a lo ti nawn ve ngat a, kan thil ei kha a pangngai viau pawh a ni thei e, mahse i titi kha chu a pangngai lo alawm. Mipat hmeichhaitna kawnga i theihna thil ngawt sawi kha titi pangngaiah ka ngai ve lo, ti lo ti nghek a.

Adam chuan a lu a lo thing a. Hmeichhe chungchang a hriattur awm zawng2 chu ka hre hneh hle tawh ah ka lo inngaia, mahse i mood han inthlak thut hian min ti bangbo hle a ni. Enge ka tih dik loh tih chaih min han hrilh teh, a ti a.

Ka hrilh zo chiah che alawm! I bialnu te chungchang emaw chanchin pawh ka ngaithla peih lo.

Okay, chu lam chu kan sawi tawh hauh lovang, i lung a awi tawk tawh em?

Tawk lo!

Leona chu dawrah lutin hmu hauh lo hian denim vel chu a keu lawr a. Mahni thu duh, chapo leh... oh, a van haw tak em! Kar khat leh a chanve ngawt a bulah chuan a awmzui thei tawh lovang, a tuar thei tawh lo. Adam chuan lo....

Heng hi enge a an? tiin dawrah chuan a rawn zui ve zel a ni tih a hriat tak hian velvet kekawr hi a rawn lek kang a.

Ka thawmhnaw tur chu ka thlang ve thei e, ka lawm e, ngaihawmna nei miah lo, hawihhawm tak si hian a lo ti a.

Okay, a tawk e! Adam chuan a ti ve ta a, a mitmeng chu a paw muk raih a. A inher thut a, a chhuak zui ta nghal a, Leona chuan a en zui reng ringawt a.


Chulaiah chuan dahin a kalsan ngawt ang maw? Chutiang thil a tih chu rin har a ti khawp mai. Mahse a kal daih chu a ni lawm ni? Ama thiam loh vek a ni bawk! Naupang ang maia khawsa in, a lo hmangaih tak avanga a chiai chu amah, Adam a chungah a tuan a ni. Mipa a hmangaih theih tur, tlangval fel leh ngaihawm tak a nilo chu Adam a thiam loh a ni reng2 lo. A naupan lai atanga a puitlin thlenga a hmeichhe tawnte a fuh thei lo chu a thiam loh a ni hek lo.

Velvwt kekawr chu dah lehin hmawnhmawh tak hian a zui chhuak ta a. Hla deuh taka dawr atanga a lo chhuak hi hmuin a pan ta vat a. Adam!! tiin chutia a hmu leh chu thawveng huai tih hriat tak hian a mitmeng chu a de sar a. A banah chuan kuahin, Min kalsan lo chu ka lawm ngawt mai, a ti nghat a.


I la kal ngai loh na rama tum khat kalsan i ni kha a tawk thawkhat viau ah ka ngai, a lo ti sam et a.

Leona chuan theh chu a pet deuh fan a. Ka awmdan avang khan pawi ka ti hle a ni. Adam, i chungak ka hawihhawm lo hle a ni, tiin thupha a chawi a.

I hawihawm lo reng a ni.

Min ngaihdam thei angem?

I thawmhnaw tur chu i lei em? a zawhna pawh chhang chuang lo hian a lo ti daih a.

Leo lo, ka...

Chuti chu va lei rawh, tiin a ban a vawnna chu a phelh a. Darkar khat hnuah camper ah ka rawn hmu leh dawn che nia, a ti ta a.


Oh mahse, Adam....

Darkar khat hunah, Leona,tiin a kal ta daih a.


Tha taka thil a tih tum na chu a lo hnial miau avangin chutianga a kal ta daih chu a dem hauh lo. A bula awm chu a duh lem lo tih chiang taka lantirin khawiah emaw a kalsan ta a ni.

Zung hrual nei chi kekawr pahnih leh jumper pahnih bakah underwear set hnih a lei bawk a. Canada a a awm chhung chu a daih tawh mai ang,daih lo pawh nise a baknleina a nei tawh chuang lo. Adam a nena an inbiak remna kha ka hre rengin an dinner atan arsa a lei bawk a.

A sawi ang ngeiin Adam chuan a lo nghak a, a lehkha chhiar lai chu a dah a. I mamawh engkim i hmu thei maw? aw cool raih hian a lo ti a.

Thei e, ka lawm e, tiin a sa lei chu fridge ah chuan a dah a. Adam, pawi ka tih thu ka sawi tawh a, tiin zam deuh tak hian a kut chu a nuai deuh nauh2 a, ka ti takzet bawk. Sawi tur dang pawh ka hre chuang lo, tiin mitmeng a khawngaihna dil chung hian a ti a.

Eng thil nge diklo tih chiah min lo hrilh teh? tiin a lo zawt a, a aw chu chuti taka nelawm lo chu a ni tawh lova. Ka bula i awm hi i dinhmun derthawn zia i hre ta thut em ni? a ti leh a.

Derthawng a? tiin Leona chuan a heh chu a lo liak zauh a.

Ni e, bung deuh nghut hian a lo ti a. A chhan chu, tukin khan nangmah a muttir zui che ka theih dawn leh dawn loh ka hriat loh thu ka hrilh tlat si che a, a ti leh a.

Chuvang chauh chu ni sela aw! Ni e, a lo ti thuai a. Ka... min ti hlau alawm, a ti a.

Ka lakah chuan i him lutuk. Nangma khumah i mu thei ang, a lo ti nghut a.

Muthilh theih chu a duh ber a,mahse harsa a ti hle si. A tal chhen a, vawt a ti leh tan hle bawk a. Adam a bula muta a taksa lumna han chhim leh chu a chak ru hle a.

A lukham ah chuan hmai phumin a rum hawk a. Hmeichhe nikhua lo ang maiin a khawsa a ni! Adam a khum chu tawm in hmangiahna chenpui pawh nise, a hmeichhe kawp tawh te zinga pakhat a ni ve ringawt mai dawn a ni.

Mahse Adam a chu a mamawh in a thlahlel a ni. A chhungril khak na ten a kalsan laia mipa naupang ang mai hmel puba nizan lama a muthilh ang khan engmah hre lovin a muhil tawh em niang? A muthilh laia a hmel landan, tihnat sam hmel a put dante chu Adam chuan a hriat a ring hauh lo,hria nisela chuan tumah a mutpui duh hauh lovang. A bula mu anih loh chuan amah chauhva mu turin Leona chuan a duh a, hmeichhe dang reng2 mamawh tawh lo turin a duh a ni.

Oh, God, chutiang ringawt mai ngaihtuah chu a thei tawh lo. A thawh a, thawmhnaw inbel a, pawn lama vah chhuah a mamawh a ni. A lenchhuah hnuhnun tuma Adam a thinur dante kha a ngaihtuah a. Mahse tunah chuan khua a la eng a, a kal chhuah chu Adam a hriat tir kher pawh a ngai nang.

Living room a a thil hmuh chuan a thil tum chu a theihnglih tir nghal a. Adam chu lehkhabu keng chung hian a lo thu a, a kawr hak te chu a chuar hle bawk a.

Mitmeng sen deuh ram hian a lo en a. Khawiah nge kal i tum? tiin a lo zawt a.

Ka... er... a thinurna cho chhuah chu duh lovin Leona chuan a heh chu a pet fan a. Ka muhil thei lo a ni, a ti a.

Chu zawng thil chiang sa anih chu. Zankhua in i tal vel reng alawm, a lo ti et a.

Ka ti hrah che chu a ni em lovang chu maw?

Ni love, tiin a nur nang a.

Chuti chu.... zankhua in i harh ani maw?

Ni e, tiin a tho va, chau awm tak hian a zi deuh tuah2 a. Ka lukham tello chuan ka muhil thei lo tih ka hria a. Thawmhnaw ka thlak anga, breakfast ei turin khua ah kan kal dawn nia, a ti zui a. Lukham chungchang a sawi khan Leona chu ti zakin a lo sen tan2 a.

Adam....

Yes? tiin a mitko a lo san a.

Ka... engmah a ni love. I muhil thei lo chu pawi ka ti ngawt mai.

Kan in ang rengin ka hria,za vak lova nui chung hian a ti a. Hmeichhia ka mamawh tlukin mipa i lo mamawh ve ani maithei a sin. I ti ve lo maw?

Ti lo, hetiang chuan ni love, a lo ti a.

Ka rindan vel a ni. Ka intifai anga, kan inrhlak ange. Coffee lo siam ta che, hmmm?

Lawm takin Leona chuan coffee chu a siam mai a. Amah chu a inpe thei lo anih pawhin a ngaihsak thei tho alawm. Mahse a hmangaih a ni tih chu a hre ngai reng2 tur a nilo!