MARRIAGE WITHOUT LOVE BY Te-i MrsAmbrose (Completed)

[Ngaia]

Marriage Without Love
By; Te-i Mrs Ambrose


Chapter 19





(Zanin chu ti ve pawp a, ka ziak inthlahrung vek, hetiang lam hi ka ziak ngai miah lova, ka khur vel sia, ka chhungten ka zak awmngaihna hre lo hi ka â emaw an ti leh tawp tawh a a buaithlak ve nia aw)



(Ninin khan kan khua aṭangin zing dar thum bawr velah kan lo chho a, ka chauh lutuk vangin nimin khan story ka rawn dah ta lo a, nimin piah lam lah khan kan khuaa signal kan neih chhiat em avangin ka rawn dah leh ta lo kha a nia, min hrethiam dawn nia, ka rawn insawifiah hmasa a ni e)






Zan kan mu a, Zosangliana chuan a ngai te-in zantin a tih ziah angin a ban min khamtir leh a, kei pawh a ban kham lo chuan ka mu thei tawh lo. Min rawn kuah a, ka chal fawp vang vang phawtin "Sawmsawm nupa kan nihna hi nemngheh ka duh tawh" a rawn ti a, ka hrethiam lo lutuk chuan ka en mawl tawp.






"ka man miah lo" ka tih chuan pa lutuk hian min nuih a, a nui hmelah hian ka tuiral lo chauh "hrethiam tur hi chu i ni mawle, ka nupui duhawm te" a rawn ti a, mahse ka hrethiam miah lo "ka hrethiam maiu hleinem" ka tih leh tawp a






"ka ta a siam che mawle, nupa kan ni a pumkhat kan ni bawk, a tichiangtu atan ka taa siam che ka duh, i hrethiam loh fo chuan LAWIṬHAT ZAN, ka bawiha hian i kawchhungah khan luh a duh" a rawn tih chuan a dar ka beng vak, khatianga tlang lutuk taka min hrilh kher.






"i sawi tlang chiang emai a" ka ti ringawt, nupa kan ni a, zak tur pawh ka ni tawh lo, mahse ka zak em em ringawt, zep buai miah lova a sawi khan min ti zak lehzual "a tirin zep ṭit ṭetin ka sawi a, mahse i hrethiam lo anih kha" a rawn ti a, a sawi dik ang lawi bawk sia.






"Aw, ka hrelo ve a mi mai a" ka tih a, ka hmai hi a sa hat hat min rawn fawp a, a tir chuan ka chhang mai lo, mahse a hma aia uar leh ngenngawl zawka min fawh tak si ah chuan ka thiam ang ang chuan ka chuanglet ve tan tan.






Ka chhan letna chuan a ti phur zual sauh tih hriat zetin a hma zawng aiin min fawhna chu a uar a, ka hmui hnuai petin ka ka chhungah a lei a rawn chettir a, a zei lutuk chuan awm ngaihna pawh min ti hre der lo, ka kawchhunglam thleng hian a za chhuak vek.






Kan inthlah fel meuh chuan kan lo ṭhu fel der, min nuih suk a, ka bekah dawmin min rawn fawp leh a, a kut lehlam erawh ka kawngah a nghat thung, ka thiam ang ang chuan ka lo chhanglet ve zel a, thawk a sa ham ham tawh a, ka kawnga a chelhna chu a rawn sawn chho a, min zut kual zaih zaih.






Ka mur uai uai a, ka taksa te chu a za chhuak vek hian ka hria, ka hmui a fawhna chu a sawn thla a, ka nghawng a fawp a, a kut ka h**te zawnah a tawp chawt, bra chhan aṭang chuan a ṭham tawn tawn a, ka thawk te hi a buai vek.






Ka ngawng a fawhna chu a rawn sawn chho leh a, a rawn sawn chhoh pahin ka ngawng vel a la liak tel kher zui, a za bawk si, ka awm dan hi a dik lo vel vek tawh ka hmuiah a rawn fawp leh a, a kut lah a hlei telh telh.






Ka kawrah rawn zen lutin ka bra kilhna chu a rawn khawih a, ka bra a belh chuan ka zak deuh, ka pasal mah nise hetiang hian kan la awm ngailo a, ka tan chuan thil thar vek a ni miau a, ka zam em em ringawt. Min hmangaih thu min hrilh tawh a, kei pawhin ka hmangaih ve chuan ka hria, hei vang renga a mi sawmna leh a mi khawihna hi hnar lo ka ni, nupa kan ni tawh a, mamawh inphuhruksak chu kan tihtur ve ve a ni.






A kut lawng chuan ka taksa chu a chul kual a, a hmui pawh kw hmuiah a la bur chat reng tho, ka h**te chu a rawn hrawm tawn tawn a, ka thawk chhu a rawn ran bleh sauh, ka kawr a phelh a, min en ta ran mai, a kiai suk a, ka hn*te chu a rawn hmuam nghal chat a lehlam a khawih pah reng bawk.






Ka insangmar ṭeuh a, ka awmdan hi ka hrethiam lo a kut a rawn chettir leh a, min zut kual hauh hauh a, tunah tak hi chuan insumtheihna ka nei pan hle tawh, a kut chu ka kap lamah a sawn thla a, ka mur uai uai mai.






Ka kekawr a rawn phelh a, ani erawh boxer nen chauh a awm, zantin hetiang hian a mu ziah, ka panty chhanah chuan ka hmeichh**tna chu a rawn hum chat a, ka mitah tak min rawn en a "i rem ti tiraw?" a rawn tih chuan hmui pet fan fanin in lu ka bu nghat a.






Ka panty chhanah chuan ka hmeichh***na chu a rawn nuai nawk nawk a, ka eu ngawng ngawng ringawt, ka thawk te hi a sa huam huam tawh, Zosangliana chuan ka panty chu a pawtthla a a hmaah ruak ngal ngatin ka ṭhu ta reng, rawn ṭhuchho-in ka hmui a rawn fawp leh ax a kutin ka hmeichh***na a la nuai pah reng bawk, a hnu chuan a boxer chu a phelh a






Ka k*p zawn lamah chuan a bur leh chat a, awm ngaihna hi ka her tawh meuh lo ka hmeichh***na a khawih leh phei chuan a samah ka ṭham vak ringawt tunah tak hi chuan ka mamawh takzet tih chiang takin ka hria, a mi**na chuan ka taksa nem lai deuh chu a nawr kual a "Bawihi, i kawchhunga lut tur hian min ngen rawh" a tih chuan ka ṭawng mai thei lo.






"Zosang, khawngaihin" a hnu chuan ka ti sep, chutia ka tih chuan ka hmui rawn fawpin a mi***na ruh ṭung tawh mai chu ka taksa chhungah chuan a rawn nawr lut a, ka rak ,hat, a na takzet, ka mittui a rawn luang nghal a, Zansangliana chuan ka hmuiah rawn fawpin "tawp turin min duh em? " a tih chuan lu ka thing a, a rawn che zawn leh a, min dim hle a, ka nat a hlau takzet niin ka hria.






A hnu chuan ka bula a rawn let thla hnawk a, a kur dar dar bawk, rei tawk fang a liam hnu chuan min rawn kuah a "Sawmsawm, a hmasa ber ka nih avangin ka lawm e" a rawn ti sup a, ka nuih seih ringawt.






Ka chau ngawih ngawih, men pawh ka meng hleithei tawh lo "mittui le ka hmangaih" rawn ti supin ka hmui a fawp leh a, kei pawh ka chhing zui nghal mai.






Zing ka harh chuan Zosangliana chuan min lo kuah bet run a, a muhil hmel ṭha zet chu ka en reng, a ṭhatna hi nitinin ka hmuhbelh zel zawng a nih hi. Ka thochhuak a, ka thawmhnaw ka inbel a, nimin lama kan chetna hnuhma ka hmuh chuan ka sa awp awp.






Khum ka en phei chuan ka zak lutuk takzet "Zosangliana tho rang rawh" tiin ka sawi vak, peih lo zetin a rawn meng a "tho thuai rawh ka ti" tiin khum aṭang chuan ka pawtthla tawp, khuma bedsheet chu la hlim nghal mawlh mawlh, ka la zak chem chem.






Bathroom lama ka luhpui dawn lai chuan ka hnung lama atangin min rawn kuah a "zak mah ta che, i thianghlim tih ka hriat khan min tilawm takzet, chuan zak lo la, khatiang thil kha chu nupa inkara thleng tur réng a ni a, ka chhuang takzet che" tiin a lamah min kuai her a.






Hnuai lam ka en chuan ka rak ṭhat thawmhnaw a lo la inbel hauh lo "Zosanglian, thawmhnaw i inbel lo" tiin ka bedsheet kenlai ka thlauh pawp a, ka mit ka hup nghal, a rawn nuichhuak hawk hawk a, "Duhawm lutuk mai, nimin pawh khan i hmu vek a ni lawm ni?" a rawn ti a, leia bedsheet tla chu chharin bathroom lamah ka luhpui nghal vat






Ka biang ka dawn vang vang, pawm lam aṭang Zosangliana pek chuan "Ka nupui duhtak Sawmsawm, ka hmangaih lutuk che, duhawm si" tiin a rawn au lawng lawng a, inhnuai lamah awmpui te leh a chhungte an awm ve reng a, a ti zahthlak lutuk, mahse ka hlim em em lawi a.






Inhnuai lama kan chhuk chuan min lo en hrek hrek hlawm a, thil ṭhalo a thleng ta emaw ka ti hial Nupuii chuan min rawn pan a "Enteh pu Zosanga thusawi kha kan hre vek a, mak an ti hlawm rapthlak" a rawn ti a, ka hlauhthawn ruk vena chhan chu a lo ho khawp mai.






"thil ṭha lo a thleng ta emaw ka ti alawm" ka ti a min nuih var var chung hian "Pu Zosanga hian a hmangaih dawn che sia, a nuam ngawt ang, tukin zing phei chu min ṭhawng hlawm vek, u Rosy phei chu tum hmuk chungin u Rohlu-a pindanah a lut daih alawm" a rawn tih chuan ka nui sak.






Ka sual hmel viau pawhin ka ring, chaw ei dawnah Rohlu-a leh Rosy chu an rawn chhuak ve hram a, Rohlu-a a chauh hmel viau laiin Rosy erawh a rawn meng lingin min melh thip ṭha khawp mai, ka en a ka nui sak.






Chu chu a ngei tawk a tling ngang a ni ang "Ms, khati khan nui reng suh, i hlimna khan rei a daih hauh lovang" a rawn ti a, "nang hi hlimna in a zui che ka phal hauh lo, tunge ka nih i ka hria ang, kei hian i nun kha ka tichhe vek ang" a rawn ti leh a, a thinrim luatah hian kan bulah mi an awm tih hi a theinghilh leh ṭhin a ni ngei ang.






"Rosy, i va sawi ngam zawk ve hetah a pasal ka awm ve reng a, khatianga ka nupui ti ngam tur kha i ni em ni? Mihring chu hlimna hian min kalsan hun a awm ṭhin, mahse chu kan hlimna rawn tichhetu emaw tichhiat theihna chu siamtu chauhin a nei ang, nang ni lovin kan inkarah lo inrawlh phet tum suh






anih loh chuan hmeichhia i ni tih theinghilh ṭhak khawpin i chungah ka che ang, ka nupui nena kan inkarah hian tumahin inrawlh theihna dan in nei lo a, in inrawlh ka duh hek lo. Kan nupa inkara hnawmhnawk anga lo inham tan ṭal in tum chuan ka dahbo hreh miah lovang che u" Zosangliana aw chu zawi ruih mahse hlauhawm tak a ni.






Rosy chu a chip hmak a ka bula ding ka pasal chuan ka kuta kaiin dawhkan bula ṭhutna awm chu min oawhchhuah sak a, ka bulah a rawn ṭhu ve nghal "khawiah nge pa Zama hi" ka tih chuan "a zin lawk anih kha" tiin min chhang a zin tura a chhuah lai awm ka hre hauh lo.






Zosangliana chuan min ngaihsak em em a, a ruala hna ka kal ve ṭhin kha tunah chuan kal tawh lovin in lam hna ka pui ta zawk. Ani Zosangliana chuan a khat tawka min rawn call-pin min ngaih thu a rawn sawi leh ṭhin a, ka nun hi a hlim takzet.






Kan pindan tihfai tuma ka kal laiin Rohluzuala thaw hrawk hrawk thawm ka hriat avang chuan a pindan lam chu zawi muangin ka pan a, ka luh chuan Rosy chu khum bulah a lo ding reng a, ka lut tih min hmuh chuan a rawn hawi phawk hru a.






A kuta a ken damdawi chu a thlauh deuh vek a lehlamah damdawi saranga intuam hi a keng bawk, a hmel a tlanchhen nghal ringawt a, ka ringhlel nghal em em bawk.







Damdawi tla chu a chhar thuai thuai a "U Rohlu damdawi hi ei rawh le" tiin damdawi chu sanrang aṭang chuan a phawrh a, ka en reng a, henu hi ka ring miah lo. Nupuii thusawi kha ka bengah a rawn ri nawn bawk a Nupuii kha chuan 'Rosy hian Rohluzuala hi a control' nimai a hriat thu kha a sawi reng anih kha.






Rohluzuala buai thaw kawk kawk kha a rawn zia dueh a, a muhil nghal mai bawk, Rosy chuan thip ram hian min melh a "i chhuak thei tawh ang" a rawn ti hmak a, mahse chhuah ka tum lo nasa mai.






"awm rih duh ta ila" ka tih chuan thip zet hian min melh a "ani hi i enkawl duh lo a ni lawm ni? Eng vanga rawn hnaih ta thut nge i nih,i pasal i kham khawp lo chu a ni lo maw" a rawn ti a, ka nui lui hak "ka tan chuan a tawk lutuk alawm, mi pakhat, thinlung pakhat nei, he khawvela vawikhat chiah par chhuah tur ka nih zia ka hre bawk






chuvang chuan engkima thil pakhat vek nei ka nih tak si-ah chuan ka tan pasal pakhat kha a tawk viau, midang ka mamawh lova, amah Zosangliana pawn kei tih loh duh a nei hek lo" ka tih khum salh a, mahse chhuah erawh ka tum lo bur.






"Khawi maw damdawi kha lo la teh" tiin ka ban a, mahse a lo phal hauh lo. "lo keng vat rawh" ka tih chuan a la phal lo fo, kei erawhin ka ringhlel tulh tulh thung.Chutia damdawi kan inchuh lai chuan Rosy chuan min nam tawp a, dawhkan kil intauhin chhuahtah ka tlu tawp a ka khawhmuh a rawn fiahlo vek.






Ka men chuan min lo bial ṭhap a, ka bulah Rosy pawh pem nuaiin a lo ding ve bawk, engtia pem ngawt nge maw a nih reng reng ni? Pa Zama pawh a lo ding ve ran a, Zosangliana erawh ka mutna khum bula ṭhutnaah ṭhuin ka kut ka harh tirh aṭang khan a la hum reng.






Pa Zama chuan "Engtin chiahin maw hetiang thil hi a thlen a? " a rawn tih chuan sawi tumin ka ang zuau, mahs Rosy chuan "Pa Zam, sawi chu a nuam lem lo khawp mai, mahse Ms-i hian u Rohlu-a damdawi ka pek zawh khan ka hnung lam atangin min rawn kek vak ringawt a u Zosanga ka chuhpui angin a sawi tlat a, kut min thlak reng a, hei ka kut vel pawh a ham thil deuh vek, indawh reng chu ka duh bikloh avangin mahni inven nan ka lo namsawn a, mahse dawhkan sirah khan a lo intauh thi reng a, a intauh dawn tih chu hria ila, kut minthlak kha ka indawh mawl tawp mai tur" inla khawngaihthlak fe hian a ti a.






A awmdan en chuan dawt a sawi tih pawh a hriat theih meuh lo. Ka nui hak ringawt "chutiang chu a ni lo, ani hian u Rohlu-a damdawi kha a thlak chiang alawm enfiah ka tum a, mahse a lo phallo a, ka rinhlehna a nasat zual sauh avangin damdawi kan inchuh a, min nam anih kha" ka ti ve fak a, Rosy hmel chu a tlanchhe nghal ruai mai.







"Ms, kha lam zawng kher kha chuan molin puh lo la ka duh, kut min thlak ngawt chhan kha chu ka hrethiam che, u Zosanga hi ka lo nel mah mah ṭhin pawh ni thei, mahse hetianga U Rohlu-a chungchangah lehzel dawta inpuh chu ka duhlo" tiin a mittui a rawn tla nghal a.






Ka eiloh zia chu pui tak a ni. "Dawt ka sawi lo, in duh chuan damdawi pawh kha damdawiin lamah va check tir rawh u" ka ti leh ngat a, a hmelah hlauhthawnna ka hmuh chuan ka nui sak.






"Chuti taka i chian si chuan damdawi chu va check tir rawh u" Pa Zama chuan a ti a, Rosy erawh a changin a hlauhthawn hmel a, a changin a pangai leh ang thlap lawi a. Ka hrethiam der ṭhin lo.






Tlai lam anih chuan damdawi an check tirna result kha a chhuak a , kan kim thlap, Pa Zama chuan a la chhuak, kei leh Rosy chu min en tawn ta sek, a hmelah thinrimna a rawn lang nghal a






ka lam a rawn hawi a"hetiang hian mi i puh hmingchhiat tawh lo ka beisei" tiin a paper ken lai chuan min rawn vawm a, ka hamhaih hle, Rosy chuan ila fel hahran hian "Pa Zam, a hresual a nih kha" a rawn ti a, mahse pa Zama erawh a thinrim hmel a, kei lah mak ka ti bawk, henu hian eng emaw a ti hman chiang alawm.






Rosy chuan ka lam lo hawiin "Ms, he ti taka min huatna tur thil ka tih lai ka hrelo, U Zosanga chu ka hnaih ngei mai, mahse u ang chauhin ka en, mahse min ngaitheilo tih ka hre chiang tawh bawk a, ka chhuak mai ang,






kei chuan ka laka i rilru put hmang tur ka lo hriatthiam ṭhin loh vanga min haw viau anih chuan ka chhuak ang, mahse ka laka khatiang rilru chhia i pu erawh chu i mak ka ti takzet" a rawn ti a, ka haw lutuk lemchan lah a thiam viau lehnghal






"Rosy, i chhuah a ngailo, chuan Sawmte, Rosy hi ngaihdam dil rawh" pa Zama chuan a ti chang fak, Rosy chuan hnehtu chang inti zet hian min melh a, a nui hmel chu ka haw takzet. "Pa Zam, a ngai kher lo, ka ngaidam nghal alawm, ka va chhuak tawh zawk ang e" tiin chhuah a tum der tih hriat zet min hian nuih a.






"awm rawh, a ka ngei hian ngaihdam a dil phawt tur che a ni" pa Zama chuan a ti leh a, ka inhum ruh nghek, Rosy hian damdawi kha a thlak chiang alawm, "Malsawmsang, ngaihdam dil rawh" pa Zama chuan a rawn ti that a






Rosy chuan min nuih a, midang chuan an hmu ve kher lovang, hnehtu chang hi a inti hliah hliah "Ngaihdam chu dil rawh" Zosangliana'n a rawn ti ve leh a ka tah hi a chhuak tun tawh "ka tihpalh a ni" tiin kan room lamah ka chho nghal a midang zawng aiin Zosangliana hi ka hua. Min ṭan ve tlat tur a ni asin.

(Nimin lamah khan rawn dah ka tum a, mahse ka lo mutthluk san daih a, ka inthiam lo tak* a ni)


Show post links
Top

[Ngaia]

Marriage Without Love
By; Te-i Mrs Ambrose


Chapter 20


(Happy Christmas & Merry New Year new year kha a advance in aw

Chuan naktuk hi Christmas ni a lo ni ta reng mai a, zaikhawmte in chak ka ring deuh a, story hi awn se in tih chuan sawi ula aw, in sawi lem loh chuan naktuk chu ka dah lo mai ang, chuan Christmas nuam taka hmang ṭheuh turin duhsakna sang ber ka hlan a che u.)





Pindan ka luh chuan ka sa pup pup, engtin nge Zosangliana khan khatianga min tih theih, ka thlavang tal chu hauh ve tur a ni asin, amah ka ngaihtuah chuan ka sa pup pup , Rosy nui hmel ka mitthlaah a rawn lan phei chuan va pan lawk a keh vak mai ka chak.






Ka thinrim awmngaihna hre silo chuan bual înah lutin tui vawt lutukin ka in leih pawp, mahse ka thinrimna erawh a beng dai lo nasa mai , thlasik a ni bawk nen ka khur bauh bauh.






Mahse Rosy hmel ka ngaihtuah chhuah zel avangin vawt pawh ngaihtuah lovin tui vawt chuan ka in leih pawp pawp, engtin nge damdawi kha a dik thlap theih, ani khan eng emaw tihrûk chu a nei chiang alawm.





A thil tihruk ṭhin hi ka la haichhuak khawp ang, bual în aṭanga ka chhuah hnu pawh chuan ka khur a la reh thei mai lo, mahse ka thinrim lutuk erawh kha chu a reh tawh khawp mai.






Zosangliana chu a lo vai thuk thuk a, min hmuh chuan min kuah nghal "I khur vek anih hi" min ngaihtuah tak hian a ti a, mahse chhan pawh ka chhang peih lo. "Sawmsawm, ka chungah i thinrim em ni?" ti a min zawh pawh chuan ka la chhang lo fo.






Ka thawmhnaw bawm ka hawng a, ka inthlak mawlh mawlh, ka inthlak zawh rualin hnung lam aṭangin rawn kuah a "ka nupui hmelṭha, thinrim tawh suh le nichin kha chuan ka pa a thinrim si a, in inkara buaina a awm ka duh loh vang anih kha" a rawn ti a, ka thinrim thar thut.






"Ka thlavang i hauh theih loh pawhin khati khan min tih kher a ngai em ni?" ti hmakin khumah ka ṭhu a, ka hmaah a rawn ṭhu ve nghal , ka la khur reng a, ka lu a rawn na riai riai bawk "Rosy thusawi kha ka awi bik hleinem, mahse in intihbuai reng chuan a chan chhe zawk chang thei i ni miau a, buainaa i inrawlh loh nan khatiang khan ka ti mai alawm






thinrim tawh suh aw, kha i khur reng lehnghal, kei chuan ka ring che a, Rosy pawn dawt a sawi man chu a la hmu ang, mahse nichina i chet ang kha chuan ti buan buan tawh suh, nangmah zawk i awk hlauh mai ang" a rawn ti dam thlup a, a thusawi chu a dik ve pah reng.






Rosy khan a inveng lawk ve ran dawn tih kha ka theinghilh a ni, khatia Pa Zama a thinrim viau a keiin a thu ka lo ngaihpawimawh loh bawk kha chuan Rosy tan remchang ka siamsak reng a ni mai. "Thinrim tawh suh aw, tui vawt i inleih tih ka hria, i dam loh hmain ka lo kuah lum ang che" Zosangliana chuan a rawn ti a.






Ka chhanna pawh nghak lovin min rawn kuah nghal a, a taksa lumna chuan min rawn ur a, a nuam veng veng, Rosy vanga ka thinrimna pawh a reh duak mai, mahse zanina a chet dan tenawm ru zet erawh theinghilh ka tum hauh lo.






'I chunga an tih tura i duh chu mi chungah pawh ti ve rawh' tih a ni ngei mai, mi tam zawk chu ṭhatnaa hneh hram ka tum ṭhin, mahse Rosy erawh chu ṭhatnaa hneh chi pawh a ni lo. Kan chunga a tih ang chiah hian tih let ve mai tur. 'Mit aiah mit, ha aiah ha' tih alawm a nih chu le.






Zosangliana'n nghet tak chuan min kuah a "ka nupui i ni lovang tih hi ka hlau" rawn tiin ka beng a rawn nul a, "a tir kha chuan ka nun kha ka ning, ka nung mawl tawp a, tu hmeichhia mah ka hnaih ngai hek lo mahse nang kha chu ka huat em em lai che pawh khan mak tak maiin min hip riau ṭhin






nupa a insiam hnu hi chuan a hmaa huatna awm kha nitina inhmuh reng nafam kha chu a reh telh telh ṭhin, nang chu maw, huat theih pawh i ni meuh lo, min cho ar ar reng a, mahse kha i mizia tak khan min hneh leh em em lawi si a






hmeichhia chu nu hnap ni se, ṭawng tlemin amah zahawm se tih ka duh ṭhin, mahse nang chu ṭawng tlem ni si lovin ngawih hun i hria a, nangmahah zahawmna a inphumru kiau a, en chet chetin nangmahah hian nu rukna riau a awm ṭhin, min hneh viau pawh hi a awm ka ti, hmeichhe dang ngaihtuahin i danglam em a ni" a rawn ti a, ka nuih ver ver.





Kan in piaha tlangval rual ṭhukhawm ho chuan woofer play in Christmas Hla an zaitir a, an zawm dial dial bawk, lung a lengin nunhlui a ngaihawm rum rum






"Christmas kan thleng ṭep a, dawhthlak zana bialnu leh bialpa dawhthlak tum an awm fur laiin nang chu ka dawhthlak ngai lovin ka ta i ni sa a, a nuam e" ka tih chuan a rawn nui huk. "Tu-in nge dawhthlak zana ngaihzawng dawhthlak tum, a thlengah a leng awm der si lo, a lo leng ta anih pawhin mi tê (Elf) ho emaw, rannung bak an dawhthla awm si lo" a rawn ti a, keipawh ka nui ve ringawt.






Kumin hi ka pa tel lova Christmas ka hman vaiwkhatna tur a ni a, ka ngai tak zet, thil ka ngaihtuah let a, ka naupan laia ka pa in Christmas an hman dan min hrilh te kha ka hrechhuak thar uai uai mai "Ih maw, ka pa chuan an naupan lai hetiang hian min hrilh ṭhin






chhungkaw harsa tak tê te awmkhawmna khua a piang niin an nun a la hmanlai a, changkanna in an khua a thlen loh mai bakah eng nge changkanna tih pawh an hre lo , an hun laia Christmas a thlen ve kha chuan eng thil thar mah an nei ve ngailo a, ka pa te ngat phei kha chu chhungkaw harsa tak an ni






an ram kalna leh an inkhawmna kawr a in ang reng a, keini-in kawr changkang leh ṭha, inkawmna tur a hran, lenna kawr a hran, îna awmna tur kawr a hran leh khualzinna thawmhnaw pawh a hran ṭheuhin
kan nei a, mahse kan lungawi mai theilo fo a, mahse ka pa te erawh kha chu maw thawmhnaw pakhat lek nei si khan an lungawi pui em em a






keini-in hunpui lo thlen dawna thil thar kan ngen fo ang hian an ngen ve ngailo, an nun kha rethei in mawlmang hle mah se, an nun a hlim a, keini-in kawrthar leh thil thara Lal lo pian kan hmuah laiin an ni chuan an thinlungah Isua an piantir a, chu an thinlungah chuan Lal thar piang chu an lawm mai ṭhin, kan tunlai nun nen chuan an inthlau-in an nun kha a awhawm ka ti" ka ti a, an hunlaia cheng ang maia in feel chang ka ngah.






"Kapa te hun lai kha chuan maw tunlaia kan Christmas hman ang hian an hmang ngailo, thianghlim takin an hmang hova, mahse keini ve erawh chuan hun fal neihnan te mai mai kan hmang a, zaikhawmna in pawha awm lovin khawi lai dai kil karah emaw kan ngaihzawng te nena awm falna tur kan melh a, a ṭhen lo rui nawi leh buaina zawng phet ho lah bo lo, hunpui hi s*x nen hman phet an tum a, kan tana lo kal, kan tana Kalvari a thi ta kha tuna kan ṭhalaite awm dan avang hian na a ti ngawtin ka ring" ka ti chhuak sep.






Nun a changkang a, mahse kan ze ṭha lai a bo telh telh a, aia upa zahna chang kan hre tawh lova, hman laia mizo nun timawitu, hnam dang ina mizo an ngaihsanna chhan kha tunah chuan a bo telh telh tawh anih hi, kan hnam zemawi kha hmuhtur a vang tawh a, pi puten lu chhum ban chhum huama an lo sual chhuah he ram hi keini ṭhangtharte hian kan tichhe mek zel anih hi.






Zosangliana chuan ka thil sawi chu a ngaithla reng a "Ni e, kan nun hian kan nu leh pate nun kha chu a tluk tawh lo alawm, hunpuia inkhawm tura chhuak si, mahse biakin thleng erawh an vang pharh tawh asin, mahni ngaihzawngte nen hun fianrial neih phet an tum a, hun fianriala mipa leh hmeichhe awmdun na nâ na chuan mipat hmeichhuatna sualah an tlu mai ṭhin,






heti hian Lal lo piang kan hmuak ta mai ṭhin chu a nia, a ṭhen lahin ruihna hun emaw tiin 'nun ka chen' tiin an in nghek mai a, an thil tih chu an inchhuang emaw tih turin an status zut zut bawk, mahse khang ho khan an mawlzia an hre hauh lo,






'thinlungin Bethlehem lam a hawi lo' an ti a, kan tana kraws a an khenbeh tak fak a hnekin fiamthu thawh nan an hmang mai mai a, a ṭhenin suahsual chhuah hun emaw an ti nge, kan hunpui hman dan hian kan hmuah ber lal thar chu a ti lawm hauh lovang" a rawn ti ve a, ka bu nghat nghat mai.





Christmas hi s*x tello hian a hman theih tho asin, mahse tunlaia ṭhangtharte ngaihdan erawh a dang, he hunpui hi suala tlukna hun a ni lo a, mahni inhmuhchhuahna hun, sual sima, min tlantu fak tur kan nih laiin sim a hnekin a aia sualah kan tlu lut zawk a.






Naupang, kum sawmpanga tlir awrh ho pawhin hunpuiah chuan zak map lovin an rui ngam tawh a, tinge kan Zoram hi a chhiat tak em em mai le? Kan changkang ta lutuk hian nundan mawi min theinghilh tir ta vek mai anih hi.






Urlawk zana ruih phet tum an tam a, an status sup sup a, a ṭhen lo over falin 'Zanin chu biak tlak ka awm lovang' te hi an ti a, khatiang kha chapopui chi a ni lo asin le, an ruih pawhin a sawngnawi zawng leh buaina siamlo zawnga awm tur an nih laiin a ṭhen erawhin chapopui man an lo hmang, khatiang thil kha chu chapona chi a ni lo, thil zahthlak, mahni mawng hlim ang lek an ni.






Zosangliana chuan min kuah a, a kut lehlam pawh ka khan leh chial tawh, ka ngaihtuahna erawh a la kalthui viau mai. Hunpui a herchhuak chiah a, Siamtu fak lam ai mahin sual kawnga kal a, suahsual rawng bawl phet tum an tam tawh zawk a, he hun hi kan naupan lai chuan kan nghakhlel a, kumpui litleng chhunga kan nghah kha a ni miau a






a hun a lo thlen kha chuan thinlung a lama hawiin hunpui kan hmang a, kan nun a hlim a, khatiang hun kha a ngaihawm, tunah chuan hunpui lo thleng hi kan ni pangai hmuh ta mai mai a, a common ta emaw tih tur hi a ni.





A heti tur hi chu a ni lo a sin, hman hun ang khan hunpui hi hlut ila, thinlung takin amah fak zawk ila, khawi khawi emaw a ruih aiin chhungkimin Lal piang hi lo hmuk zawk ila, hunpui hi hlut ila, kumpui linglet chhunga kan nghah kha ho lam taka hmangral mai lovin, uhrsun takin hmang zawk ila





'I lalṭhutthleng leh lallukhum i rawn kalsan, khawvela ka tan i lo kalin; nimahsela Bethlehem-ah hmun a awm lo, nang mi thianghlim pianna atan' tih ang khan tunah chuan kan thinlungah Lal pianna tur hmun a awm tawh meuh hlawm lo.






Kan tana a lalṭhutthleng leh lallukhum rawn kalsan tu tan khan kan thinlungah hmun a awn ta lova, nâ a ti ve ṭhin ngawt ang, a mi siamte kan lo sual tak em avangin khan a inchhir hial anih kha, sual fa, chatuan nun chang thei tawhlo keimahni ho avangin a ropuina meuh rawn kalsanin keini suala tlu tawhte tlan turin tlawm takin ran chaw pekna thlengah a rawn piang a,






kha a ropuina meuh pawh keini hringfa suala tlu tawhte avanga thlahlel zo lo khan a lo pianin lawm a hlawh lova, tunah keini lehzel pawhin kan hnar a, kha kan tana Lal lo piang kha Juda-te ang khan kan lo hnar leh mai dawn em ni?





A tan kan thinlung a lamah hawn i la, chu tluka hlu chu a awm dawn em ni? Chatuan nun neithei tawh lo tur, suala tlu tawhte min chhamdam turin a lo piang a, kan thlarau nun thlenga min chhanhim sak duhtu, van lalber ni si a, tlawm taka kan tana lo piang hi kan fak ve dawn lawm ni?






Lal Isua hi hawisan tawh lo ila, tun hunpui tal hi chu amah fak nan hun hi hmang ve tawh hram i la, kan nun a hlim zawk ngeiin ka ring, hun fal ngaihzawngte nena neih aiin amah amah fakin zai ho zawk ila, ruih nana hunpui hi hmang lovin amah chawimawi zawk ila, Lal Isua chu eng ang takin lawm ve ang maw.






Zing ka harh chuan Zosangliana chu amah anglo takin a la mu a, ka kawngah a kuah reng bawk, ka en a, hmelṭha lutuk tiha sawi chi chu a nilo, mahse zun erawh a nei viau lawi, a sang ṭha-in a sek lutuk lem lova, a taksa chu a inphut mawi viau.






A hmel chu ka en a, a hmuihmul leh khabe hmul to siar siar te chuan a tilang pa zual a, a har ngul sang lam leh a mithmul dum tak lap te chu a inhmeh em em bawk, ka en a, a hmai ka tawk de de, "I ṭha tih hi chu i hrechiang ve ngawtin ka ring" ka ti sep.






Ka kut lakthlak leh ka tum chuan a rawn man chat , ka phu zawk lehnghal "min ti phu alawm" tiin ka melh ram ram, min nuih suk a "duhawm chhing chheng reuh lutuk" a rawn ti a ka hmuia fawp zeuhin khum aṭang chuan a thochhuak a.





Keipawh rei mu lovin ka tho ve nghal a, Zosangliana chuan kawngka a rawn hawng dek dek a, ka tho tih a hmuh chuan a rawn chhuak a, ka kuta min pawtin bathroom lamah min pawt lut a, "i mak, i rawn chhuah hunah ka lut ve mai ang" ka ti a, mahse min la pawt zel tho.






"Kan nupa in engkim kan ti dun ang" a rawn ti a, ka toothbrush min laksak a, a over hi ka ti tak tak "i nun a over e" ka ti hap a, "nawt ang le" tiin toothbrush chu min lo pe a, ka nui ringawt a, toothbrush chu lain ka ha ka nawt a, min nuih vur vur zui.Eng vanga hlim em em nge maw a nih le?






Kan chhuah hnu pawh chuan a mood a dik viau nge, a nui leh suk suk zel. Inhnuai lamah kan va chhuk a, Pa Zama pawh a lo tho tawh a, mahse a hmel erawh nimin lam vang kha nge, a la dik chiah lo, biak pawh huphurhawm tak a ni.






Choka lamah ka tlang a, Rosy chuan thingpui dawt kalh kalh chung hian awmpui ho chu hnathawh tur hrilhin a kawk kual zat zat a, a bawp khawkherhin tu mit lak tum nge tih pawh hriat loh hian a inla sexy em em ringawt.





Henu hi ka ngaina lo mai pawh a nilo, ka haw tawp "kawk kual zut zut lo khan thawk rawh, thiam neilo tih takah i kawk i kawk mai" ka tih chuan min melh no viau lo, kei pawhin ka melh no peih teuh lo "ngawi mai mai rawh, nimin aṭang khan ka chan ṭhat zawk zia chu i hre mai lo em ni?" a rawn ti a






"Vawikhat vanneihna-in i lam a ṭan avang khan i vannei rengin i ring em ni? Teuh lo mai, vanneina hian min kalsan khat viau ania" tiin awmpui ho chu ka pui ve nghal a. Tukṭhuan ei dawn thleng chuan Rosy nen a khat tawkin kan inkhak fak fak reng.






Tukṭhuan kan peih chuan Pa Zama leh Rohluzuala an rawn lut a, dawhkan an kil hnu-in Zosangliana a rawn lut ve a, mahse a la insiam miah lo, nidangah chuan inpeih sa diamin a awm ṭhin kha a ni si a.






Chutia mak tih hmel reuha ka en reng avang chuan a ṭhutthlak hmain ka bulah a rawn ding a,, lo kunhniamin "vawiin chu hna ka kal dawn lo, kan pahnihin kan chhuak dawn nia" a rawn ti a, ka bu zeuh ringawt a, a ṭhut hnu-in keipawh a bulah chuan ka ṭhutthla ve nghal a, kan zavai chuan engmah sawi lovin kan ei mial mial hlawm ringawt a, kan chhunhkaw boruak chu a rit luk ringawt.


(Ka sawi ang khan naktuk story dah in duh leh duh loh chu comment lamah lo sawi ula, in comment a zirin ka rawn dah ang aw)


Show post links
Top

[Ngaia]

Marriage Without Love
By; Te-i Mrs Ambrose



Chapter 21






Chaw ei kham chuan thleng seng vel ka pui a, Zosangliana erawh ṭhutkhawmna lamah a awm thung, ka sengpui zawh chuan pindan lamah ka lut a, ka luh hnu reiloteah Zosangliana pawh a rawn lut ve nghal a






"hna chu i kal dawn lo tak tak em ni?" tiin ka en a, min nuih sukin "Inrinni anih hi, chuan inrinni nilo pawh ni se, vawiin chuan kan pahniha chhuah kan ngai hrim hrim" a rawn tih chuan ka chal ka beng thek ringawt, Inrinni a ni tih ka lo theinghilh daih.






"Duhawm ṭhin lutuk mai, insiam la, kan chhuak dawn nia" a rawn ti a, lu bu nghatin ka thawmhnaw bawm ka hawng a, haktur ka en kual dan dan "A var kha ha rawh" tiin kawrfual var chu a rawn kawk a, ka en a, la in ka en vang vang "a ṭhat hi" tiin bualin lamah lutin ka inthlak a.






Zosangliana hmaah ka inthlak ngam teuh lo mai, ka chhuah chuan min lo en reng a, ka lai ṭut mai "i nalh lutuk" rawn tiin ka hmui a fawp zeuh a, ka nui ver ver "Ka nu leh pa thlan tlawh nghal ang aw" ka tih chuan min en vang vang a, a hnuah rawn bu nghatin "i thu vek alawm, chhuak phawt ang aw" tiin ka kutah a kai a, inhnuai lamah kan inzui thla a.







Pa Zama'n kan chhuak tur min lo hmuh chuan mit a lo kân zeuh a Zosangliana chuan "Sawmsawmi ben hian kan chhuakvak dun tlem si a, vawiin chu ka va len thawven pui lawk ang e" a ti a, Pa Zama chu a rawn bu nghat a, engmah a sawi lem lo.







Pawn kan chhuah chuan ka kut a kaihna chu thlahin motor a va la a, ka lo nghak reng, ka hmaah tak motor chu a rawn ti ding a, ka lut nghal a, ka ṭhutfel rualin ka kut a rawn hum a, ngaihtuah zui vawng vawng tham hian min nuih suk.







Kan tlanchhuak a, "I nu leh pa thlan kan tlawh phawt ang a, chuan i tana ka surprise tur che chu tlai lamah ka hmuh ang che" a ti a, a ngaihna ka hrelo, vawiin hi eng vanga dah pawimawh viau nge maw a nih le?







Pangpar dawrah min luhpui phawt a, ka nu leh pa thlana dah atan tiin Daisy bawr kan lei a, a man a pek chhungin keiin motor awmna lam ka va pan hmasa a, ka luh hnu reilote-ah a rawn lut a, a ṭhutfel hnuin rose senduk nalh zet hi min pe a, "a nalh lutuk, ka lawm e" tiin pangpar chu ka hnim vang vang.








Rose hi chu ka dawng ve tawh ṭhin, mahse vawiin ang hian ka la hlimpui ngai lo, "Vawiin hi a special viau nge?" ka tih chuan a khi suk a, "Special lutuk mah mah, i hre lo hi a mak, mahse, lehlam zawng tak chuan a ṭha" a rawn ti a, ka nui ringawt a, a zat vang nilovin a ngaihna ka hriat hlawl loh vang a ni.







Ka nu leh pa thlan hmaah chuan kan ding dun reng a, pangpar chu ka dah a, ka nu leh pa ka ngai takzet "Nu pa, chhum zinna piah lam aṭang khan min lo thlir reng ṭhin em? Ka ngai lutuk che u, nangni hi hun reilote chhung atan tal pawn hmuh leh che u ka chak,






mahse hringmi danah chu chu thil theih a ni si lo, in tel lovin hunpui leh kumhlui ka thlah vawikhatna tur a ni a, hmana chhungkima hmang ho ṭhin kha tunah chuan hmang ho tur kan awm tawh si lo" tiin ka mittui chu ka hru zeuh a, Zosangliana chuan min rawn kuah a, ani hi awm lo se chuan, ngaihtuah pawh ka ngaihtuah ngam lo zawk.







"Nu pa, in awmnaah chuan natna leh lungngaihnate'n thla an zar tawh lo ang a, a nuam viau ang tiraw? In fanu hi min lo thlir ve reng ṭhin rawh u aw, in kal hma em a, mahse kal hmasate chu in vannei zawk a, lungngaihna leh natna, mittui tlakna awmlohna ramah in awm tawh a






in tan chuan a hahdamthlak tawh ngawt ang, mahse keini a la chambangte erawh chuan kan ngaih che u a bang thei lo va, in kal ta chu in chawl hahdam tawh dawn tih hre reng mah ila, la awm ve-in min la dampui turin kan duh che u a, mahse chu erawh duh thu mai a ni. Ka ngai takzet che u, hlimna in ro a relna hmun aṭang khan min lo thlir reng ru aw, chuan maw






in fanu hian hmangaih a nei ve tawh a, chu pawh ka bula ding ka pasal hi a ni, pa i chungah ka lawm e aw, awm lo la chuan tunah hian min dawmkângtu tur pasal ṭha tak hi ka nei dawn si lova tunah chuan ka nuna mi awmchhun a ni tawh a, kan kawng lo awm zel turah nangni-in mal min lo sawn ang che u aw," tiin ka nu leh pa thlan chu ka en a.






Kan chhoh kawngah chuan Zosangliana chuan min kuah chho a, "I nuna mi awmchhun ka ni chu ka lawm e" a rawn ti sup l, ka nuih seih, "awmchhun i ni a, i ni reng bawk ang, a awmchhun i nihna hi tichhe lo hram ang che aw" ka tih chuan a ding dat a,







"Ka tichhe hauh lovang, ka nuna mi pawimawh ber i ni tawh a, i innghahna awmchhun ka nih miau avangin he i innghahna hian ka ti beidawng ngai lovang che a, i tana awmchhun ka nih ang hian ka tan a pawimawh ber i ni ve tho a, chu thil chu eng mahin a thlak danglam dawn lo,







Ni leh thla in an ênna an chhuah chhung chuan Zosangliana leh Sawmsawmi kan inthen ngai lovang" tiin ka chalah a hmui a nawr vang vang, a hnu chuan kan chho leh, kawngpui kan thlen chuan kawngpui kama dawr bula nu pakhat leh a fa ni ngei tur ding hi ka hmu a.







Ka en reng a, anni nufa chuan an hmaa dawra thil chu an en dauh dauh, naupangté chuan a nu chu thil a ngen a ni ngei ang, a nu kawrhmawr a pawt ne ne a, a nu chuan a fanu chu a pawt deuh dawr dawr, mahse naupang chu a ṭang ve tlat a, kan kalhnaih chuan thil chu an lo inngen tak tak niin.







A nu chu a mittui a tling pam a "Bawihte nidangah kan la lei dawn alawm, tunah chuan pawisa kan la nei lo" a ti hap a, naupang lah chuan "nu khawngaihin, nidangah engmah ka ngen tawh lovang" tiin leiah a ṭhu thla hmak.







A nu chu a thaw hawk a sir lam hawia a mittui a hru lai chu ka hmu hman hram a, "tho rawh" tiin a kaitho a, mahse a fanu lah a tho duh si lo "Bawihte, pawisa kan nei rih hleinem, hna ka thawk ang a kan la lei dawn nia" a aw a khur deuh a, ka khawngaih ve em em ringawt.







"Ka ṭhiante pawhin thil thar an nei vek alawm ,ka duh ve, min lei ve rawh" naupang chuan a ti ve ṭang ṭang a, an hnen kan thleng a, "Bawihte, thil i lo ngen em ni?" ka tih chuan dawra kawrfual sen chu a kawk a, "kha, i kawr duh chu i lei dawn nia aw" tiin pawisa ka pe a, a rawn nui sen sen.







A nu chuan "Mami, a ngailo" a rawn ti a, a hmel ka hmuh chuan ka mittui a hnai kuar mai, a la tar lo, mahse hna a thawh tam vang a ni ngei ang, a hmel a zur a, a landan chu a upa reuh hle . "kan tihtheih tawk alawm, ka pi pawisa tam chu ka pe theilo che, mahse hunpui kan thleng dawn a, in chhungkuaa hlim taka chawhhmeh eng emaw tal in ei tur lei nan la hram rawh aw" tiin a kutah ka purse a pawisa ka ah ang ang chu ka pe a.






A mittui a rawn tla a, "kan tan chuan Vantirhkoh in ni ringawt, hnar tur chu kan ni a, mahse kan retheih em avangin pawisa min pek hi kan la leh mai zel, retheih hi chu a lo pawi a ni, thil man a sang si a, keini tan chuan kum khat chhunga kan thawh vena sum tlingkhawm pawn kan lei zo meuh si lo






fate'n thil thar awt reng rengin nun an hmang a, nu leh pa tan an thil duh leihsak theih loh hi a nat dang a dang em a, kan hauh phah fo a, thinrim vang a ni lo, kan nei miau lova, hauh bak tihtheih kan nei ṭhin lo a ni.







Vawiina kan chunga in thiltih avang hian kan lawm takzet, kan theinghilh tawh hauh lovang" a rawn ti a, a hmelah a hlimzia pawh a lang reng, an kal fel hnu chuan an nun harsat dan tur ka ngaihtuah a, ka mittui a tla ringawt.






Zosangliana chuan "nupui fel leh rilru ṭha lutuk ka nei che a ni maw, ka chhuang lutuk che ania" tiin ka chal a rawn fawp zeuh a, "Keini in kan duh duh kan nei theih laiin an ni chuan thlantui nen nasa taka an thawk chung pawhin an duh an nei theilo ania, rethei an chep tual tual a, hausa an lian telh telh zel a nih hi" ka tih chuan a rawn bu ve nghat a.






"Kal phawt ang aw, i ṭah leh hmain" tiin min kai a, motor awnna lamah kan phei a.Kan hmusit em em ṭhin Vai te hi keini Mizo ho ai chuan an chhuanawm zawk daih asin, keini lamah chuan hunpui lo thlenin thil man a sang duai a, leina tur pawisa nei ve lote tan chuan lungngaihna leh rilru hahna bak kan thlen ṭhin lo.







An fa, naupang té te thil thar awt ve reng reng a phusa te kha thil thar lei chu an chak ve lutuk, mahse an sumin a tlin lova, an fate enin vawi engzat nge a ruka an mittui an hruk, neiin a tlin miau loh avangin an fate'n thil thar ngenna an ṭah vak vak lai pawhin tihtheih nei mang lovin an en liam tawp mai ṭhin.







A ṭhen phei chuan an fate an hauh phah hial a, hauh kha an duh vang a ni lo, an nei miau lova, thihngaihna a awm miau lo a tin ni. Kan hmusit a kan ngaihhniam em em ṭhin Vai te hi rinna lamah chuan sawi loh, hunpui lo thlen dawn reng reng hian keini aia hnam ropui an nihzia a lang leh nge nge ṭhin.







Mi rethei bakber te pawhin hunpuiah na nã na chuan thil tharte neiin hlim takin an nun hmang ve se an tih avangin keini Mizo ho angin thil man an tisang ve ngailo, rethei zawkte pawhin an neih ve nan tiin thil an tlâwm a, an hunpui chang ni lo, keini hunpuiah lehzel pawh an titlawm em em a, keini hian lehlam kawng aṭanga thlira ngaihtuah chuan kan hmusit phak pawh an ni lo a, kan ngaihnep phak an ni hek lo.







"Sawmsawm, eng nge i tih?" Zosangliana chuan ka hmaa kut rawn vaiin a ti a, ka ngaihtuahna a lo vak thui viau a ni ang, motor-a luhna chang pawh ka lo hrelo "Sermon tenau tur ka lo ngaihtuah a" ka tih chuan ka chal a pen keuh a, "Duhawm viau ṭhin suh, lut rawh le" tiin kawngka min hawnsak a, ka luhfel hnuin a rawn khar a, motor kalhualin a rawn lut ve a.







Mizo ho hian kan nun kan hlauh mek zel zawng a nih hi. Kan tunlai nunah hi chuan rethei tan kan ram ngei hi a chep ta em em a, politician aṭanga VC ho thleng hian eiruk tur an dap a, mipui chuan central aṭanga pawisa rawn kal pawh engmah dawntur an nei tawh ngai lo.







Pi pute nun kha a awhawm ṭhin asin Christian an nih hma aṭang reng khan an nun kha huai an hlauhna leh leido an nei tih lohah chuan a hahdam a, rukru an awm ngailo a, nun kha a nuam a, hlo thlawh a lo hunin lawmte nen an thlo hova, khang nun kha a nawm hmel takzet.







An kawngka kalhna pawh thingfak pakhat tè lek a ni, mahse a thlamuanthlak em em a, keini ve chu self a kan kalh khung a, chu mai duhtawk lovin pindan kawngka kan kalh leh a, kawngkharpui pawh Tala ṭha tak takin kan kalh a, chuti chung chuan kan thla a muang thei meuh lo anih hi.







Hmanah kha chuan ṭhenawm khawvengte an inngaihsak tawna, pahmei te, hmeithai te pawh an pui liam liam a, an eitur an chhek khawl sak kha kumkhat ei te a tling hial ṭhin anih kha, mahse tunah chuan thenawm khawveng inngaihsak tawnna kan nei tawh lova, reithei zawkte puiha ṭanpui ai chuan mahni a kan thawhrah pumbilh kan duh ta fur hlawm anih hi.







Motor a din avang chuan Zosangliana chu ka en a, "Le, chhuak ang aw" tiin kan hmaa gate awmna lamah chuan a hawi a, khawchhungah kan awn tawh miah lo "kan awmna hi khawi hmun nge?" tiin ka zawt a "kan in ka nin changa ka tawm bona ṭhin anih hi, a hmu hmasa bertu i ni" tiin gate a hawng a.







In chu a hlui tawh viau nangin a nawm hmel hle a, in sir lamah chuan min kalpui a, shed a lo awm a, hnim zâm chhin a chung leh a ban vel chu a lo zâm vek a, a nalh takzet, shed chhung lamah chuan ṭhutna leh dawhkan a lo awm a, dawhkan chungah chuan eitur leh pangpar hi vase ah nalh takin a lo inkhawi bawk.







"A nuam lutuk" ka ti hluai, shed awmna lam chu kan pan a, ṭhutthleng chu Zosangliana chuan min pawhchhuah sak a, ka ṭhut hnuin ani pawh ka hmaa ṭhutnaah chuan a ṭhu ve nghal a.







Ka hmaa eitur tuihmel zet chu ka en a, "Nangma tihtir vek em ni?" ka tih chuan bu nghat chungin, "I tan" a rawn ti a, "ka lawm lutuk e" tiin ka nuih sen sen, a lo tlailam ve deuh tawh nen a boruak chu a nuam takzet.







Eitur kan ei zawh chuan Zosangliana chu a rawn dingchhuak a, ka bul lamah lo kalin ka hnung lam atang ka nghawngah a rawn khawih a, a za mer mer a, thil sin zet hian min zar nimaiin ka hria, ka en chuan ṭhi min lo awrhtir chu niin, a nalh lutuk.







Ka beng bulah lo kun hniamin "Happy birthday ka Duatbikte" a rawn ti sup a, ka birthday a ni tih ka hreve chiah. "ka lawm lutuk e, ka piancham a ni tih ka theinghilh chiang lutuk" tiin ṭhi chu ka khawih a, ka piancham ka hrilh kher pawh ngai lova min hriatsaktu pasal ka nei chu ka lawm takzet.







Zosangliana chu ka hmaa a rawn ṭhingṭhi a, "khawvela hmeichhe ṭha leh nunnem, rilru ṭha ber mai nupuiah ka nei che a, i pasal hian i tan vawiin i lo pianna niah hian hlimna zawng zawng pek che ka duh a ni" tiin ka kut a la a, a fawp zeuh.







"kei pawhin pasal tṭa ber ka nei che tih ka hria, min chikin ka chungchang i hre tam ang tih ka hre mai, vawiin ni a ka piancham min lawmpui tura ka bula i awmbhi ka lawm a ni" tiin ka kuah a, rawn thochhuakin nghet takin kan inkuah a, ka hlim takzet.






"Hun hian kan hlimnate hi liampui mai lo se ka ti" ka ti sep a, ka chhip fawp vang vangin "Khuanu khian zah a ngai ang a, nang leh kei chu kan hlim zual zel zawk ang" a rawn ti a "Vawiin chuan haw lovin hetah kan riak dawn nia" a ti leh a ka phur takzet.






"Yes, ka chak lutuk, a nawm hmel si" tiin pan ka phar hliai a, Zosangliana chuan ka hmui a fawp zeuh a, "Duhawmnu, keima Duatbikte, ka hmangaih lutuk che" a rawn ti a "keipawhin ka hmangaih lutuk che" tiin kan innuih dun ver ver


(Ka lo sermon tam deuh anih chuan min hrethiam mai dawn nia... Vei neuh neuh hi ma ngah thei lutuk a, Kumin Christmas leh kumthar inkar phei chuan ka lo sermon tam deuh pawhin in lo hrethiam mai dawn nia)


Show post links
Top

[Ngaia]

Marriage Without Love
By;Te-i Mrs Ambrose




Chapter 22





Zosangliana nen chuan în lam pan chuan kan inzui a, kawngka bulah chuan kan ding a, Zosangliana chuan a ipte a zen rak rak hnuin chahbi (key) min pe a, a chain lah chu a duhawm em em zui, Barbie hmelṭha lutuk tak mai hi a inkhai a, ka nui ver ver, inla puitling ve viau mah ila, Barbie hi chu ka lawm em em reng.






"A barbie mawlh kha" ka tih chuan a rawn khi suk a, "he in chahbi hi a ni a, hna avanga ka zinsan hun che pawh a la thleng ang a, kan in saw i nin chang apiangin hetah hian i d7h chuan kal ṭhin dawn nia, ka neih engkim chu i ta ve vek an ni" a tih chuan ka nui sang tawh mai.







"Nangmah ngeiin hawng rawh le" a tih chuan ka hawng a, a chhung ka hmuh chuan ka ang pam mai, a chhung chu a changkang hle a, chuan kan inneih thlalak kha lian tak maiin bangah a intar bawk. Zosangliana lam chu ka hawi a "A nalh lutuk takzet" ka ti hluai a.







Inchhung kan luh chuan vir kual vak a, inchhung hmun tin chu tlan chunga thlirkual a fan ka chak, mahse ka insum hram ang, Zosangliana chuan ka awmdan chu min enin a nui leh suk suk zel tih ka hria, mahse ka ngaipawimawh peih lem lo.







Kan inneih thlalakte mawlh chuan ka mit an la a ni.Amah ka pasal ka tawng hi ka lawm a, a tira haw em em si khan tunah chuan ka hmangaih tawh em em a, a hmel hmu lova rei ka awm hian ka ngai ngawih ngawih zel mai a, ka hmuh lai reng pawhin ka ngai em em reng.







Zosangliana chuan ka hnung lam atangin min rawn kuah a, ka en lai kan inneih thlalak lo en ve pah chuan "kan inneih thlalakah hian i langṭha ngawt mai" tiin ka ngawng a rawn nul a, "kan lang ṭha ve ve alawn" ka tih chuan a nui sup.







Khua a lo thim a, pindanah kan awm dun reng, hakthlak a awm miau loh avangin ka inbual ta lova, ka phone enin ka nui leh suk suk zel, Zosangliana chuan ka thil enlai a rawn en chuan a rawn nuichhuak hawk hawk.







Ni e, ka en naupang chhia ve em a ni "romantic deuh i en ang tih nak laiin Tom and Jerry maw i lo en a" a rawn ti réng a, "a hmuhnawm lutuk, kei chu Jerry hi ka duh lutuk" ka tih chuan a rawn ner ru sak mai, "Khatiang mouse mai mai ai chuan min duh zawk rawh" a rawn ti a, ka nui ringawt.







"Aw, Jerry chu ka duh ai mahin ka ṭan zawk a, nang chu ka hmangaih che alawm" ka tih chuan ka hmui a rawn fawp a, ka lo chhanglet rang kher mai, minute hnih kan infawh meuh chuan thlasik laia boruak vawt zet kha a lum pup a, thawmhnaw inbel thei pawhin kan awm meuh tawh lo.




------------------





Zosangliana chu ka bula a rawn bawk thla tawp a, ka mut hi a chhuak ngawih ngawih, lungawi hmel zetin Zosangliana chuan min en a, ka chal fawp zeuhin "Ka hmangaih che ka Duatbikte" a rawn tih chuan ka nui ver ver mai.






'Ka Duatbikte' min tih hian ka special bik hliah hliah hian ka hria, a hma pawh khan 'Sawmsawm' midang min koh loh dan daihin min ko a, a nuam ka ti veng veng ṭhin kha ania, tunah 'Ka Duatbikte' min tih leh phei chuan min duat bik ngawih ngawih hian ka hria.






"Keipawhin ka hmangaih che" tiin ka chhing zui a, a ban ka kham tawh hi chuan ka thla a muang em em ringawt, ka sam ka thlan vanga huh hliam chu min huikian sak a, inbual pawh ka peih meuh lo. Rei ka chhin hmain mutchhuak chuan min rawn zem a, ka muhil ta siai siai.







Zing ka harh chuan Zosangliana pawh a lo la mu a, a hmel chu indawmkang meuhin ka en, a ṭha thlawt a ni, ka phu lo zawk hialin ka hria, heti khawpa mipa hmelṭha si hi engtin nge hmeichhe dang lakak a insumtheih viau tih ka ngaihtuah a ni.







Ani hi chuan a duh duh a thing thei dawn tih a hriat a, mahse hmeichhia a hnaih ngailo kha a nia, hmeichhia hrim hrim hnaih ngailo a hnaih chhun pawh Rosy chauh kha a ni, ani ang mipa hmeichhia ngaihsak lo lutuk ina min hmangaih hi ka hlim takzet a ni.







A biang ka fawp zeuh a, a hmui fawp leh zeuhin chhuata kan thawmhnaw tla chu ka chhar a, Zosangliana thawmhnaw ho pawh khum bula dawhkanah ka dah sak hnuin insil turin bualin lamah ka lut a, mahse sahbawn emaw, shower gail takngail pawh a lo awm lo.






Tuiin ka inleih ringawt a, a vawt em em lehnghal, ka thawmhnaw chu ka inbel a, ka chhuah chuan ka khur bauh bauh, Zosangliana pawh a lo tho tawh a, boxer chauh a lo inbel a,, ka khur bauh bauh min hmuh chuan min lo kuah hlun a, "a vawt a ni maw?" a tih chuan ka lu ka bu nghat nghat ringawt a.






"khumah hian lo mu lum rawh" tiin khumah min mutthlak tir a, ani pawh bualin lamah a va lut a, a lo chhuah leh chuan vawt a tih ve hmel khawp mai, khum aṭang ka ban pahnih chu ka phar chhuak hluai a, "lo kal rawh ka lo kuah lum ve tawh ang che" ka tih chuan a rawn kiai suk, khumah lo inthawlin ka lo kuah nghal a, a vawt thler si a, ka phu lo chauh.






Mahse reilote ka kuah hnu chuan a rawn lum ṭan a, a rei deuh hnu chuan ama taksa lum zawkin min ur ham ham tawh, "te viau si hian kuah i nuam em em lehnghal" a rawn ti a, midang sawi chu ni se, 'te' tih lai tak kha ka la na-in ka haw viau ang, mahse Zosangliana sawi erawh ka haw miah lo.






"Thlasik lai hian kuah i nuam bik, pangtilum i ngah si" ka tih chuan a kiai suk a, "thlasik chhung zawng hi chuan i mu thei viau dawn a, mahse nupuiah chuan min hne ang e" a rawn ti a, fiamthu mah ni se, lu ka thing rang nasa mai






"ning lovang, nangmah i nih chhung chuan ka ning phal dawn hleinem che, zana i ban kham lovin ka muhil thiam tawh lova, i pangtilum tel lo chuan ka muttui thei tawh hek lo" ka chuan ka hmui a rawn fawp zeuh a, "ka nupui duhawm lutuk nu, hei vang hian alawm i hlata awm a har ṭalh tawh ni" a rawn ti a.






Rei mu lovin kan thochhuak a, chawlhni zing a lo ni bawk nen, inkhawm hman ngei tum chuan kan haw hma a, in kan thlen hnu reiloteah chaw kan ei nghal a, eikham zawhin inkhawm turin kan insiam mawlh mawlh.






Kan inpeih chuan kan chhuak a, pa Zama chu a lo inpeih tawh, mahse Rosy leh Rohluzuala erawhin inkhawm an tum lo a nih hmel e. Pawi ka ti vak lo, mahse inkhawm tam deuh se an nun hi a ṭhat phah zawk ka ring.






Chuan Rohluzuala hi enthlak tam a ngaiin ka hria, ani hi a rilru a kim lo ru reng nge ni? Rosy thu thu hian a awm nimaiin ka hria, a hma ai maha chik ka tum a, a sawi dan takah min lo duh anih phei chuan ani hian a awmdan kha lemchan nge a tak tih ka hre thei thuai ang.






Pa Zama leh Zosangliana te nen chuan biakin lam panin motor-in kan kal a, kan in hi biakin nen hla lutuk lo se chuan ke a kal mai pawh ka duh zawk, khawpui lamah chuan nun a dang a, thingtlang ang mai mai a ni ve lova, thingtlang nun hi ka hrehnem vak lo na a, mahse hrelo hlawm tawp erawh ka ni lo.






An khaw lamah chuan biakin motor-a pan an awm mang lo, chu chu a nihna tur rengah an ngai a,motor keng an awm chuan chapopui angah an ngai mah zawk, mahse keini khawpui-ah erawh kan letling tawp, biakin hnaih te tê te pawn motor kan keng fur mai a, a nei velo ho tan chuan inthlahrun a na a, rual awt ṭheuh ṭheuh mihring kan ni a, a nei velo ho tan chuan inkiltawih a nâ a, a ṭhen phei chuan an inkhawm loh phah fo ṭhin.






Kei pawhin hei vang renga ke a kal thlang zawk ka ni, mahse kan în a hla em a, ken loh theih pawh a ni si lo. Biakin kan luh hnu chuan Zosangliana chu mipa ṭhutna lamah a ṭhu nghal a, keipawh ṭhutna ruak lam ka pan a ka ṭhu ve nghal.







Thusawitu thusawi chuan ka beng a fah a, ka inkhawm chu inchhir lo tak ka ni, 'inkhawm leh inbual tluka inchhirawm loh thil hi a awm lo' an lo tih hi awm ka ti hliah hliah, kan thusawitu chuan hunpui lam hawi hlirin thu a sawi a,






"Enteh maw ka unau, boruak a lo inthlak zel a, favang hun nuam tak mai chu thlasikin a rawn thlak a, Ber thla a kal bek bek a, Lal pian hun pangpar a han vul a, tlangsam pawhin a kianga dipdal ṭhintu te hliah vek khawpin par a han chawi a, a siamtu a fak vena a ni







tlangsam a han par meuh hi chuan Christmas rim a nam chuk ṭhin a ni tiraw? Hawi velin lunglen a kaitho chiang ngang mai a, rual duh kal hmasate ngaih a na a, a then an kiau ruai hlawm a, kan naupan lai khan ti ve khanglang ila, tun ang hunah hi chuan ṭhenrualte nen Mas kan hmuak nuam ṭhin asin aw, lengleng awmzia kan hriat hma kha a ni a,







in khatah pitar leh putar ten khuang beng chung meuha hla an sak tawh kha chuan kan ngaih hre si lo khan kan lung a leng ve em em ṭhin, mahse an zai zawh erawhin kan theinghilh mai zel bawk a, lusun hlimte inah khan rualduh kal ta te ngaihtuah chung leh Lal kan tana lo piang chan tur ngaihtuah rana an zai kha chuan lunglenna awmzia pawh hre map lo keini pawh kan kiu leh ruai mai ṭhin






mahse kan tun hun erawh a danglam ta hle, Lal thar lo piang leh kumhlui kan thlah dan a dang ta zar, khawvel a changkang a, khawvel hmasawn rualin kan Mizoram pawn ram dang tihdan entawnin hmalam a pan ve bek bek a, kan nun kan hlauh phah ta hial a,







hmalam pan hi a ṭha lo ka tihna a ni lo, hmalam pan chu a ṭha lutuk e, khawvel a vir chhung chuan keini a chhunga che te pawh kan dinna ngaiah ding reng tur kan ni lo, hmalam chu panin changkanna chu kan ban ve tur a ni na meuh mai, mahse changkan tak em avanga nun hlauh erawh chu a hlauhawm a, mihring chhungril nun hnentu hi kan incheina leh kan hmel a ni hauh lo, chhungril hnentu chu nungchang a ni chawk a, mahse keini Zofa, changkanna uma intlansiak mek te hian chhungril nun hnehtu ber nungchang chu kan hlauh lo chauh tawh a nih ber hi.







Zahna neilo naupang an tam tawh, nu leh pa ten kan duat sual vang leh kan zilh hau loh vang a ni chawk, tun ang hunpuiah phei hi chuan e, Zoram, hnam dang tihdan entawna hmasawn ta nafam chuan kan naupan laia kan tihṭhin ang lo takin kawn chei hmuh tur a tam a, mi lah a hip narawh e, mahse hei hian eng nge tangkaina a neih le?






Min dem em bik lo ula, kei chuan tangkaina a neih awm ka hre hauh lo, zana inkhawma ṭhut aiin khang kawnchei hmuh chak avanga zaikhawmna leh biakin awm tleirawl an awm ta mang lo, a ṭhen inngaizawng te tan lah kawn chei chu fan a man hla em a, biakin lam reng reng a hawitir thei ta hauh lo zawk anih hi






Hunpui a liam ang a, kum thar kan kai mai dawn, kumhlui liam tur hian kan sualna ṭhin, kan thiltih engkim, a ṭha leh a chhia, kan hlim hun leh kan lungngaihna hun kha Ni tla chuan a herliam pui vek dawn, kumtharah chuan maw ka unau, nun bul ṭan ṭhain nunhlui in delh beh tir tlat lo la






hmalam pana kalin Krista hi lo nei ve tawh la, amahah innghatin a kutah tlulut la, i thiltihtur leh i lo ruahmanna chu amah kawltir tawp rawh, tlai ngai lo Pathian a ni a, ruat sual a nei hek lo, thilṭha lo kan tawhin kan dem ngawt ṭhin, mahse Ani chuan maw, engkim a duan sa vek a,






Kan Pathian khian amah kan hriatchiana kan hnaih nan khawdur kan hmachhawn a rem ti a kan nat a phal bawk, mahse a phal avang maiin kan nat hlen a rem ti tihna erawh a nilo,






Engkim a duang sa vek a, a ruat sual ngailo, kan duhdana thil a kal lovin kan dem a, mahse ani erawhin kan hmahun atan thil ṭha min lo ruahman sak zawk a, kan tih ang leh kan dem fo ang hian kan chunga ti ve se chuan dam tlak pawh kan awm tawh lovang, mahse Hmangaih Pathian kha a ni miau a






vawitam kan phatsan chung pawhin min la ngaidam a, kan inlamlet hun a nghak reng asin, a nghaktu che Pathian kha i awmbo san reng dawn em ni? 'Ka fa, i inlamlet hun ka nghak reng che' tiin a rum ve ngawih ngawih ṭhin hian ka ring, hei hi ka chah duh che u, kumin kum liam hian Amah Isua hnaih nan kawng thar lo hawn che sela, amahah tlu lut la, kumthar chuan i nunah Isua lo thlenin a hnenah tlu lut ngei ang che aw






Nang mipa, kum a liam hma ngeia i ngaihzawng thianghlimna lak sak phet tum lo la, nang hmeichhia pawhin a i ro hlu ber chu i pasal lakah bak hlauh tum suh, kum a liam hma ngei hian inhmuchhuak la, a Siamtu lam che chu hawi la, a hnen pan rawh






Kumhlui thlah zan hi s*x nen khera hman tum suh, s*x tello pawh hian a hlim theih lutuk, i insum zo ngang dawn lo ni a i hriat chuan hei hi ngaihtuah chhuak ang che,
tun hun thlenga i nunna zuahsaktu che, kum tir aṭanga kum tawp thlenga hruai che a, damna pe tu che, a lam i pan hun nghaka tlir reng ṭhintu che Pathian chu a rilru a va na dawn em!






Amah kan Pathian hre rengin kumin hun thlemte la awm hi hmang ila, kumthar i hmuak ang u aw"






"Hmangaihna lamah kan peng lawk ang a, lo ning su aw, ka sawi zo ṭep ania, kan tunlai hmangaihna leh Bible-in hmangaihna min hrilh hi a dang ta zar mai, hmangaihna chu a dawh thei a, ngil a nei a, a itsik lova, a uang lova, a chemawi lo lova tih anih kha, mahse tunah chuan kan hmangaihna hi Bible-in hmangaihna a sawi nen chuan a danglam ta hlawk






kan tunlai hmangaihna chu a dawhthei lo va, a itsik bawk, a hmangaih a neih theih loh ro ro chuan midangin an neih a phal lova, a thikthu a chhe hle bawk, thikthu hi chu tihtawp tawp theih a ni lova, ka dem hran lo, chuan kan tunlai hmangaihna chu a uang lo tih lekling thawkin a uang zauh zauh a, a hunin a zir chuan a chemawi lo duh mai ṭhin






kan tisa in ît tawnna hi hmangaihna hming kan vuah mai ṭhin, hei vang reng hian alawm hunpui s*x nen kher a hman a lo hluar tak, hmangaihtu chuan a hmangaih lakah chuan a insum thei hle tur a ni.






A tawp nan, Zurui chung, lungawi lo chung leh thinrim chungin muhil suh, zing khaw var tur hian eng nge a lo herchhuahpui dawn kan hrelo, nun hi a rei lo ania, zankhat mitchhin tawk thei vek kan ni, chuvang chuan thinrim chung leh lungawi lo chungin muhil suh, zing khua var huna tho tur i awm lo hlauh palh ang e





Zan i mut dawnin a kutah inkawltir la, zing ni chhuak i hmu leh anih chuan a hnenah lawmthu sawi leh ang che, a chhan chu chhum rei lote lo lang a, ral leh mai ṭhin ang chauh hi kan ni si a"






(Kumthar chibai vek u aw Story ka dah loh chhan pawh fb lama comment section-ah ka dah kha aw phur thut chawl ka ni lo ania)


Show post links
Top

[Ngaia]

Marriage Without Love
By; Te-i Mrs Ambrose



Chapter 23






Inkhawm kan ban chuan Zosangliana nen kan în hlui lam kan pan a, kan in chu a lo inkalh ṭhiap a, ka lung a chhe lutuk chu ka insût faih, a hma kha chuan hetah hian kan chhingkaw kimin, kei ka pa leh ka nu kan cheng a, kan bengchheng hle ṭhin anih kha.






Mahse tunah chuan luah loh Rûn mai chauh a ni tawh a, ka nu leh pa chuan van kohna chhangin thlamuang takin an chawl tawh a, kan în ve erawh hi chu ti hian luah loh leh in ruak mai chauh a ni tawh si a.






A chhung aṭang hlim nui ri chhuak tur a awm tawh lova, infiam tur an awm tawh hek lo, tifaitu a nei lova, luah lumtu tur a nei tawh hek lo, kan in ka hmuh hi chuan ka nu leh pa ngaih an na lehzual, kawngkapui Tala-a an kalh chu ka hawng a, a chhungah chuan kan pen lut a, a balin a lo chul rup hman tawh.






Kan în ah hian kal ka duh deuh thut avanga Zosangliana hian min hruai a ni. Kan în chu ka en vel a, hawina hmun tinah kei leh ka pa sulhnu hlir a awm a, kan chhungkaw thlalak lian taka kan tar chu ka en a, hetah hi chuan naupang kum sawm mi lek ka la ni a, nu leh la hlutna pawh ka la hrethiam tak tak lo.






Mahse, tunah chuan nu leh pa hlutna ka hre tawh a, mahse nu leh pa ka nei tawh si lo. "Ka nu leh pa hi an hmelṭha tiraw? Nu leh pa hlutna ka hrefiah ta cheng a 'nu pa' ti a koh tur ka nei tawh silo" ka tih chuan Zosangliana chuan min rawn kuah a, "I puma kan naute tur a awm tawh hnu chuan i nu leh pa i ngaih pawh a reh deuh mai ang, kan fa lo piang tur tan nu leh pa ṭha ber kan ni dawn nia" a tih chuan ka bu nghat nghat a.






A sawi takah chuan fa neih vat pawh chu ka chak "kan in hi hluihhlawn mai atan chuan ka ui deuh a ni, luah lumtu lah a nei si lo, kan in chul rup a ka hmuh hian ka lung a chhe takzet" ka tih chuan min en a, "engtikah emaw chuan kan la indang ang a, hetah ngei hian kan chhungkua-in kan cheng ho dawn nia" a tih chuan tlemin ka phur ta deuh.






Kan în hlui aṭanga kan haw meuh chuan dar hnih a lo pel fel der tawh, Nupuii nen pangpar leh a pot vel kan tifai a, Nupuii chuan min en leh zeuh ṭhin, sawi duh a nei nimai hian ka hria, "Nupui, sawi duh i neih chuan sawi la" nui sangin ka ti a, a thaw halh a, a hawikual te tê phawt






"Ih, eng lo ania, u Rohlu-a hi ania" a tih chuan amah chu ka en a, mithmul ka kan euh bawk "In inkhawm chhung khan mi â ang maiin a che a, u Rosy-i'n damdawi a pek pawh khan a chhawk lo, chuan a rukin a ipte aṭang khan damdawi a phawrh a, chumi a ei hnu lawkah khan a zia chauh a,






a hmaa u Rosy-i'n damdawi a thlak tih i sawi kha a dik niin ka hria a, ka sawi mai mai" a sawi zawh chuan a thaw halh mai, "Rosy hi a lan ang ngawt chu a nih ka ring lo, nang chu ka ring che a, hei hi ka hrilh ang che, a hma pawh khan Zosangliana hi dawt hmangin a lo bum tawh a,






ama rawn sawidan kha chuan natna a vei niin a sawi a, chu pawh HIV, Zosangliana nen pawh kan inkar a hlat phah a, mahse, a kai ka rin miau loh avangin kan pahnihin kan va test dun a, a lo negative sia, kha mi hnu aṭang phei kha chuan Zosangliana hian a ring tawh lo bur,






hemi ka hrilh chhan che hi ka rin tawk vang che a ni a, nang pawhin min ring la, i hriat ang ang chu min hrilh ṭhin ang che, Rohlu-a hi i hmangaih tih ka hria a, a tan chuan engkim i titheih sak em em ang, mahse kei min rawn lo chuan engmah ti suh, i che phelh anih chuan i chungah hian a ṭha lo ber thlengin a thleng palh ang" ka tih chuan a bu nghat nghat a.






"ka hriat ang leh rinhlelh ka neih ang ang chu ka hrilh vek zel ang che, chuan maw, nang chu ka thik dawn lo che a, u Rohlu-a hi tlemin hnaih deuh la, a duh che a, a lak aṭang Rosy chungchang hriat belh i nei thei mahna" a tih chuan chu chu ka lo tum lawk ve dan tho a ni a, ka bu nghat.






Zanriah kan bawl a, tunlai kan inchhung boruak chu a ni tehnuai tawp mai, kan tlat tlatin kan tla a, tumah kan inbe lo bawk a, chhungkua hi chu kan ang lo ve takzet a ni. Rohulzuala a pindanah a tawm chawrh chawrh a, pa Zama lah library-ah a inkhung char char bawk






Rosy erawh hnathawk ho an hna hrilhin a inla buai hle a, tunlai tak chu Rosy hian engtin min ti lem lova, a zia tak a la awn deuh. Mahse rei a rial ka ring lem lo khawp mai, chhimthlipui ang maia a rawn tleh huk ka ring.



☆♡☆




Hun a ral a,, ni a liam a, kar a ral a, thla a liam leh meuh chuan kumthar kan kai ta der, tunlai kan inchhung boruak chu mak tak a ni, chuan Rohluzual a be tam a, ka ngaihven bawk a, a chhan chu ani hi mi â ang lek anih tawh vang a ni.






Thil tamtak hriat thar ka nei a, Rosy hian Rohluzuala damdawi a thleng ṭhin ngei a ni tih ka hrechiang tawh a, mahse finfiahna tur erawh ka la nei hauh lo thung. Zosangliana pawh engmah ka la hrilh lo, a nau chunga thil thleng hi a hriat chuan a thinrim hle-in ka ring.






Amah Rohluzual tak sawn a bialnu hlui kha ka ni emaw a ti tlat ṭhin a, Rosy hian nitin deuh thawin chu thil, a bialnu hlui ka nih thu a hrilh thin vang a ni. Kar thar lamah chuan finfiahna pawh ka nei thei ngei tawhin ka ring.






Rohluzuala ka ngaihven viau chhan hi ka pasal nau a nih vang leh Nupuii tana a pawimawh viau vang a ni, kei chu min ngaina hle a, a damdawi ei ṭhin pawh hi kan thlak sak a, a tir kha chuan buai tak te-in a buai a, mahse tunah chuan a pangai viau tawh.






Chuan a bialnu angin min en tawh lova, a ṭhian ṭha tak angin min en tawh zawk a ni.






"Sawmsawm" tih ri-ah chuan ka hawichhuak a, Zosangliana chuan min en reng "Aw, eng nge ni ta?" tiin ka dingchhuak a, "Ka zin a ngai dawn a" a tih chuan a ngaihna hrelo zetin ka en reng, ka lamah a rawn pen hnai a, "Min insiampui rawh le" a tih chuan






"Tinge i zin kher a ngai mi?" tiin ka en a, ka ngai riau lehnghal, heti em em hian tumah ka la thlahlel ngai lo, "Imm,, lunglei lamah dawr thar kan hawng dawn a, ka kal ngei a ngai alawm, ka nau lah tunlai chu a buai si a" tiin min chhang a "Anih engtia rei nge i cham ang?" tiin ka zawt leh.






"Thlakhat zen zawn" a tih chuan ka hreh em em ringawt "i awm loh chuan" ka ti niah niah ringawt a, kal lo se ka ti takzet "i kal lo thei mai lo em ni?" ka tih chuan min nuih sup a, "i tan alawm ka kal dawn, nang chawm che ka ngai a, ka chawm nan che chuan ka hna hi ka dah pawimawh a ṭul alawm, min insiam pui la, ka kal a hun ṭep ania, chuan ka lo haw leh vat ang" a ti a.






Min thlahlel lo sawt riau-in ka hria a, chu chuan ka ṭah a tichhuak ṭeuh lehnghal, eng vanga ka rilru hi no ta viau nge maw a nih le? Zosangliana chuan a luggage chu a la a, a che mawlh mawlh, ka ṭah hi a chhuak takzet lehnghal. Ka mittuite hi a tling pam mai.






Zosangliana a rawn hawi chuan min en reng a, ka lam a rawn pan a, min kuah hlu hlu a "Tinge a, ka Duatbiktei hian min ngai nghal em ni?" a ti thum dut a, "min ngai loh hmel bik lutuk" ka ti ṭiau a, a nui nghawr dat.






"Ka ngai lutuk che alawm, ka hmuh leh vat nan che rim takin ka va thawk ang a, ka rawn let leh vat dawn, i rilru hi a no sawt lutuk, ka thlahlel loh che anga i ngaih avang ngawtin i ṭap ania" a tih chuan keipawn ka in hrethiam der lo.






"Ka hrethiam tawh bik lo" ka ti ringawt a, "ka ngai che alawm, ngaitu che nupui i nei hi lawm hle rawh" ka tih chuan a nui huah huah a, "Nang ka nei che hi ka lawm viau reng a, kan tan hna thawkin ka kal ang a, ka rawn let thuai ang, min insiampui tawh rawh aw" a tih chuan ka bu nghat nghat a.






Tal hran ka tum a, mahse min kuah nghet sauh a, "ka insiampui dawn che alawm" ka tih chuan a nui sup a, ka hmui a rawn fawp nghal, min fawh lai reng chuan "ka ngai che, i hria tiraw, ka ngai lutuk che" a tih chuan ka chhunglam a fan chhuak nghal vek.






A lei ka ka chhungah a rawn hawl kual a, ka sa chhuak nghal vek, hetiang hian tu tu mamawhna mah a sang ngai hauh lo. min fawhna a thlah hnuin ka ngawng vel a fawp dan dan a"theinghilh ngai suh, nang chu englai pawhin ka ngai ang che" a ti leh a, ka mur uai uai tawh.






Amah insiampui tum si khan nupa nun kan hmang leh ringawt, chuan mak lutuk tak mai chu keimah zawk hi a koham zawkah ka ṭang a, Zosangliana pawn a tir khan mak min tih hmel viau a, mahse a hnu erawh kha chuan kiai sukin ka mamawh min phuhruk sak ta reng anih kha.






A thawnhnaw tur vel ka thun sak w, ani erawh a inbual thung. A rawn chhuak a, a insiam nghal mawlh mawlh, a inpeih meuh chuan ka ṭah hi a chhuak leh ṭun tawh, a luggage nena a chhuah dawn meuh chuan ka insum zo meuh lo.






A hnung lam aṭangin ka kuah tawp a, a rawn inher a, ka chal a fawp vang vang "Ka Duatbikte, ka kalsan thei lo mai dawn che ania" a tih chuan "Reilote chiah" ka ti ringawt a, ani pawhin min kuah letin ka chhip a fawp leh vang vang.






Rei tawk fang kan inkuah hnuin ka thlah ve ta hram a, "Tluang takin thleng la, chuan lo haw leh thuai rawh aw, nghakhlel takin i rawn haw hun tur ka lo thlir ṭhin ang che" ka tih chuan ka hmuia fawp zeuhin "ka rawn haw thuai ang" a ti a, a chhuak chu ka zui ve nghal a.






Pawna Bolero lo ding rengah chuan a luggage chu a va khung a, ka ngai nghal veng veng, a bolero chhungah chuan a lut a, a inkalh chhuah dawnin pa lutuk tak mai hian min rawn nuih a, a tlan liam thleng chuan ka thlir reng.






Inchhung lama ka luh leh chuan ka hnim ruih mai, lo let leh se tih te chu ka duh, ka awmdan hi ka over ka ti ve tho, mahse ka in thunun thiam miau lo. Nupuii nen eirawng kan bawl a, eirawng kan bawl lai mawlh nawlh chuan Rosy-i a lo lut a, a hmel ka hmuh chuan ka luak a rawn chuak ut ut a, ka insum zo lo ṭhelh a ni.






Amah hrim hrim saw a ka ngei tawh tehlul nen, tunah phei hi chuan ngei tak tê mai pawh a ni lo, ngei tak puiin a ni ka ngei ni, ka mithmuah hian awm tam lo se tih chu ka duh em em ringawt.



☆♡☆



Zosangliana zin aṭang kar khat zet a ni tawh a, ka ngai lutuk te hi kan inbiak ṭumin ka ṭahkhum leh tawp ṭhin, a rilru a hah thei lutuk hi ka khawngaih zawk, "Ka Duatbikte, ka rawn haw mai dawn em ni?" te hi a ti leh ngawt zel a, mahse a kal ta ro ro, a hna zawh hmaa a rawn let leh ngawt erawh ka duh mang si lo.







Mi ka ngaih viau hian ei ka thei ngai mang lo va, mahse tun ṭum erawh ka eiin ka in ṭen ṭen reng, mak ka inti zawk, chuan Rosy-i ka hmuh hian ka luak a la chhuak reng a, Nupuii phei hi chuan mak min tih hmel tawh lutuk.






Nupuii nena pangpar tui kan pek laiin Rosy-i a lo lang a, amah ka hmu chuah chuan ka insum zo lo ṭhelh leh a, ka uak deuh ṭhat mai "Hmeli, khati khan min hmuh apiangin awm der vel ṭhin suh" thinrim tih hriat lutuk hian a rawn tichhuak a, ka ngei tawh nak a laiin






"ngawi mai mai rawh, nangmahah setana pangang ho rim kha ka ti thei hlawl lo anih hi" ka tih chuan kut a lek uaih mai, "tum miah suh, Zosangliana'n a hriat chuan i nuamsa hauh lovang" ka ti nghal, a kut a la let riai riai, "ka la tichhe vek ang che" tiin a kalsawn a.






Nupuii chuan min en vang vang hnu-in "U Ms, tunlai chu i mak riau" a rawn ti a, "nia, keipawn mak ka inti" ka ti ringawt, ka awmdan hi ka hrethiam miau lova, "ih maw, ka sawi chi a ni em ka hre lo, mahse i rai anih ka ring, thil i ei duh sawtziate, chuan u Rosy-i i hmuh apianga i luak chhuak ṭhin te hi, i raihuat anih ka ring" a tih chuan ka ngaihtuah let ve a.






Anih thiehna chance a awm ve chuan ka hria, ka indang lo hrim hrim a, kan inneih aṭang thla li dawn lai a liam tawh lehnghal, chuan thla hmasa khan ka period hauh lo bawk, inrinhlehna chang pawh ka hre lo kha ka mak ka inti zawk.






Ka mizia mak ta lutuk te, ka rilru no viau te ka ngaihtuah phei chuan ka rai ka ring nghet nghal bur tawp, ka lo rai anih chuan Zosangliana chu a hlim ve viau-in ka ring, "awii, Nupui inrinhleh nachang pawh la hre lo reng reng" ka tih chuan a nui hak a.






"Ka chhuak lawk dawn" tiin ka chhuak nghal a, damdawi an hralhna hnai ber lam pan chuan ka kal nghal, test kit chu pahnih ka lei a, a dikloh ka hlauh vang a ni. In lamah ka let leh thuai a, kan pindan
lam ka pan nghal.






Lo rai ngei ta ila, nu ka ni ve tawh dawn a, ka ngaihtuah zawng ringawt pawh hian ka khi ver ver thei. Bathroom-ah ka lut a, ka in test nghal. Ka ṭhu reng a, ka thil hum lai chu thin phu dep depin ka en a, rin sen pahnih ka hmuh chuan ka auchhuak lo chauh.






Ka rinngam chiah loh avangin ka test ṭha leh a, rin sen pahnih bawk, a chiang e, kei hi ka rai ngei a ni. Nu ka ve tawh dawn, ka hlimnaa min lawmpui ve tur hian ka pa kha la dam ve se aw, ka ṭah a rawn chhuak ṭun a, mahse a hlimawm lam ka ngaihtuah hram hram a, ka pa pawh khan van aṭangin min lo hlimpui viau maithei asin.







Zosangliana chu hrilh ka tum thawt thawt a, mahse ka insum hram, a rawn thlen hunah ka surprise ang a, a ṭhawng chiangin a hlim viau ka ring, tuna ka hlimna hian van a tawng hial awm e.






"Naute, anu hian hrisel taka i lo pian ngei theih nan ka theitawka ṭha-in ka enkawl ang che aw" tiin ka pum chu ka chul zeuh a, thisen hlawm mai chauh a la ni, mahse ka thisen ringin a rawn insiam puitling ang a, kei leh ka pasal tana hlimna thlentu a rawn nih ngei ka beisei a ni


(regu em em kha ka tum leh tawh dawn a, mahse comment in hnutchhiah dan a zirin aw )

Story kan chhiar zawh rualin a hnuaia ads hi kan click theuh dawn nia aw, ads kan click hian writer ten hlawh an neih phah ve zel a nia



Show post links
Top

[Ngaia]

Marriage Without Love
By; Te-i Mrs Ambrose



Chapter 24






Nau ka pai tih ka hriat aṭang khan nihnih a liam tawh a, ka in dimin ka che ka fimkhur a, nau pai tirh lai hi indim hun a ni tih ka hriat vang a ni. Tumah hnenah nau ka pai thu ka la hrilh lova, a chhan pawh Zosangliana'n hre hmasa ber se ka tih vang a ni.






Chuan ka naupai hi rinhlehna chang hria an awm ka ring kher lo bawk, kei ngei pawhin inrinhleh nachang ka hre lova, raino luakchhuak tih vel ka nei lova, a lawmawm lamah ka ngai mai, mahse ka ei theih sawt lutuk vang hian mak chu min tih ve hlawm tho ka ring.






Phone aṭanga hrilh lah ka duh lova hmaichhan ngeia hrilh a, a hmel lan dan zawng zawng nena hmuh ka duh vang a ni. Phone call a lo lut a, ka mi ngaih em em hnen aṭangin a ni. Ka lak rual deuh thaw-in"Ka ngai che" a rawn ti ril ruih.






"Keipawn ka ngai che" ka ti ziau, amah ka biak tawh hi chuan ka pangchangin ka rilru a no em em reng a, hahthlak ka intih chang lah a tam, mahse ka sawi tawh kha ka awmdan hi ka duh vang a ni lova, ka in control thei miau lo a tin ni.






"I lo haw ṭep tawh em?" ka ti leh a, "Imm, ka rawn haw ṭep, ka Duatbiktei khan min lo ngai tawh em ni?" a tih chuan "imm, ka ngai lutuk che a, lo thleng vat vat rawh" ka ti a, lehlam ami a rawn nui ri suk, ka pangchang ve em a, a nuih pawh hian ka ngai haw hran lo.






Kan inbiak zawhin kan pindan aṭang ka chhuak a, Rohluzuala room lamah ka va luh chuan a khumah a ṭhu reng a, a pangai ve viau tawh nangin a la chiang kuang meuh ṭhin lo.






"Hey Rohluzual" ka tih chuan min rawn nuih sup a, duh chu ni se hmeichhe tam tak lakah ram a la duai duai thei ang "I ṭha maw?" ka tih chuan lu a bu zeuh a, "ka buai khat tawh khawp mai, ka veng hawk tawh hian ka hria, a hma ang khan thil theinghilh ka ching tawh lova" a rawn ti a, ka nuih sak ringawt.






"hun a ral leh deuh ang a, i pangai vek tawh mai ang, chuan star tu che ka hria a nia" ka tih chuan atthlak tih hmel zetin a rawn nui a, "Kei chuan nangmah ka star che alawm" thutak zeta a rawn tih chuan ka en ha mai.






Mak ka tiin min ṭhawng chiang em a ni, ani hian a damdawi dik lo a ei emaw ka ti hial engmah ka sawi lova, sawi tur ka hre hek lo, chutia ka din reng avang chuan min en a, a hmelah nuihza a insum tih chiang takin a lang.






A hnu chuan a rawn nui chhuak ta nge nge a, "Ka fiam che anih kha, fiamthu aw, fiamthu, i ngai serious lutuk" a rawn tih chuan ka thaw huai mai, "I sawi awm ang em alawm" ka ti ve ta ngawt a.






Rohluzuala pindan aṭanga ka chhuah leh hnu-in choka lam ka pan leh a, Rosy a lo awm reng, ka hmuh tawh hi chuan luakchhuak, thinrim leh ka huatna hi a inpawlh nuk ṭhin, Rosy chuan min en vang vang a, a hmelah sawn ngaih chu tihṭhat mai chi a ni hauh lo. Tum eng emaw chu a ni chiang alawm.





☆♡☆





Karhnih meuh a liam leh tawh a, Zosangliana pawh a rawn thleng ṭep tawh, ka inbiak zatin "lo thleng thuai rawh" ka ti ziah a, a lo thlen vat tawh tur thu-in min chhang a, ka ngai tawh lutuk hi awm ngaihna ka hre der tawh lo.






Zanriah eikham chuan mutchhuakin min zem chiai chiai a, pindan lamah lutin khumah ka inthlawh sat sat, Zosangliana ban kham tur awm lo leh min kuahtu tur awm ta lo chu ka mu thiam ṭhin meuh lo.






Ka mu kha ka lo muhil tlang tak tak nge, thawm ri set set avang chuan ka harh a, hlauhthawnna ka nei ringawt, ka tho them them a, thawm chu choka lam aṭanga lo chhuak a niin ka hria, chulam pan chuan ka phei a, ka mi hmuh avang chuan ka meng deuh kawk, Rosy bawk.






Damdawi ni awm tak hi a rawt melh melh a, a dip chu tuiah phulin a phulna tui chu bottle ah a thun leh a, Rohluzuala pindan lam panin a kal ta daih. Ani hian Rohluzuala damdawi a pek ṭhin kha kan thlak tih a hria a ni ngei ang, ka sa zak mai.






Rohluzuala chu a mu tho a, nakinah ka thlak mai ang tiin kan pindan lamah chhoh leh mai ka tum a, mahse ka pum a rawn ri rak rak a, ka mitthla-ah ice cream ngawt a la lang zui. Choka lamah bawk chuan ka let leh a, fridge chu hawngin ice cream chhun lama ka lei khawl ka dah vawt chu lain ka ei nghal mial mial.






Naktuk hian Zosangliana a rawn thleng tawh dawn a, phur tak te-in ka phur. Ice cream ka ei zawh chuan Rohluzuala room lamah ka va lut a, puan pawh a sin mumal hauh lo. Puan ka sin ṭhat tir a, tui bottle lo awm chu lain ka chhuak leh them them. A pindan hi kalhtir ve tawh a ngai anih hi.






Tui chu ka paih vek hnu-in kan pindan lamah ka va lut a, khum ka deh hnu rei lo te-ah ka muhil leh nghal mai. Tun ka naupai hi ka ngeih em em mai a, mut ka awlsamin ei ka thei si a,, ka vun phei chu mar ṭha tawh tak a ni.






Zing ka harh chuan ni a lo tlangsang tawh hle a, thawh ka hai leh ta tih chiang takin ka hre mai, inthlahrun chu a na ve zhin khawp mai, mahse nau ka pai avang hian mut ka thei em em a, ka harh ngai lo hrim hrim zawk.







Vawiin niah Zosangliana a rawn thleng tawh dawn a, phur tak tein ka phur, inhnuai lamah ka inphih fai hnuin ka chhuk chauh a, ei an lo peih fel diam tawh, ka thawh hnu rei lo teah tukṭhuan kan ei nghal a, tunlai chu kan chhungkuaa tukṭhuan ei hmasa ber ka ni ziah. Tho lai ber ṭhin miau hek hi, inthlahrun a nat nen chaw erawh ka ei thei ber reng tho.






Tlai lamah Zosangliana chu a rawn thlen theih mai ka ring a, mahse a rawn thleng har hle, phone call a lo lut a, Zosangliana a ni, ka chhang nghal thuai a, "khawi lai nge i rawn thlen tawh?" ka ti nghal, lehlam ami chu a thaw hawk a,






"Sawmsawm, ka rawn haw lo, karkhat vel ka cham leh a ngai dawn a" a rawn ti a, ka hnual nghal rawih rawih mai. "Ngati maw, ka lo hmuak ve char char che a" ka tih chuan "ka tihpalh" a rawn ti ringawt a.






"I sual emai, min bum a ni ang" ka ti leh a, "ka ti tak tak" a rawn tih leh chuan phone chu ka off hmak, a rawn call nawn leh a, ka la lo chiang kher mai, a rawn call tluk tluk takah phei chuan ka phone ka switch off hmak.





Ka ṭah hi a chhuak ṭeuh, ka nghahhleh tawh teh reng nen, Kei leh a fa lo piang tur ai chuan a hna a hmangaih zawk anih hi, nau ka pai thu pawh ka hrilh lo tawp mai tur asin.






"Zosanglian, misualpa, i sual si" tiin mahni chuan ka phun mawlh mawlh, ka ṭah a rawn chhuak leh et et a, Rai hi chuan rilru a no sia, a lo buaithlak ve khawp a nih hi. Khumah ka mu hlun a, Zosangliana lo thlen loh tur thu ka ngaihtuah ngut ngut a, ka biangah mittui a rawn luang ringawt.






Khatia khuma ka mu kha ka muhil a ni ngei ang, ka harh leh chuan khua a lo thim fel der tawh a, thawh mai ka tum a, mahse eng emaw hian min kham run mai a, ka hlauhthawng nghal vek. Tunge ka bulah hian mu?






Ka inher a, ka bula mu, min kuahtu leh a ban min khamtirtu ka hmuh chuan ka meng phawk chiang lutuk, "Zosanglian" ka ti chhuak sep ringawt, ani chuan ka rawn thleng dawn lo a ti si a, kei hian ka ngaih luatah ka mumangah ka hmu tihna emaw ni le?






Ka insik vak a, mahse Zosangliana erawh a la awmin min kuah chungin a mu reng si. Ka ṭhu hluai a, Zosangliana chu ka beng nghal vak, a rawn meng a, min nuih sup "ka rawn thleng dawn lo i ti a ni lawm ni?" ka ti nghal a, "Ka fiam che alawm, mahse i lo la thutak sia" a tih chuan ka thinrim thar thut.






Ka hnungchhawn nghal hmak a, "I sual hi, ka be peih lo che" ka ti hmak, ka hnung lam aṭangin min rawn kuah a, "Tihpalh, thinrim suh aw, i thinrim chuan i thinrim rey hma ka pawm ang che" a rawn ti, chutia a tih chuan ka ner nawng mai.






"Khatianga infiam kha ka duh reng reng lo, nghakhlel takin ka hmuak ve che a, dawt min hrilhin min tihnual em em a, ka thinrim loh i beisei a mi?" tiin khum aṭang ka chhuk nghal a, mahse pen khat pawh ka pen hman lo.






Zosangliana chuan la banah a rawn vuan chawt a, a mal chungah min pawmin ka tal theih loh nan mon kuah bet nghal hlun mai, naute pawm ang maiin min la insawi pui hluai hluai zui.






"Ka Duatbikte, thinrim tawh suh le, ka ngai tawh teh mai che nia" tiin ka chal a fawp a, ka biang leh hnar a fawp leh a, a tawp berah ka hmui chu zawimuang hian a rawn fawp leh bawk "thinrim tawh suh aw, ka Duatbikte-i i nih kha, ka rawn hawna kawng a chhe si, ka taksa te hi a na, nangman min tihtauh khum phei chuan" a rawn ti a.






A chauh tur zia ka lo ngaihtuah miah lo "i chau viau tak tak ang a" ka tichhuak sep, "imm, ka chau, i thinrim tawh loh erawh chuan ka chauh a reh nghal mai ang" a ti leh a, min pawm tirh khan ka thinrimnate chu a reh daih tawh, amah chu ka en chiang a, a cher sawt riauin ka hria, a thawk rim hle a ni ngei ang, ka khawngaih thar viau.






"Imm, ka thinrim tawh lo" ka tih chuan a kiai suk a, a hmelṭha chiang alawm, "I va thawkrim awm ve, i rawn cher vek alawm" ka ti a, "ka ngai che sia, chaw ei a har a, ka meng rim bawk nen" a ti ṭha ve mai a, a hnuah






"keiin ka ngaih vang che in chaw ka ei hlei thei lova, mahse nang erawh i vun a mar sawtin i vun a rawn nalh viau a, min ngai vak lo a ni ang" a tih chuan ka nui tet tet mai, "Nui bawk suh, min ngai hlawl lo anih dawn kha" tiin a hawitau hmak.






Titau rual a ni tawh lo asin mawle, "I tau ami?" ka tih chuan "Ai" a rawn ti bung nghut "ih maw, ka ngai ṭhin lutuk che, mahse naute avangin ka chaw ei a tui alawm" ka tih pawh chuan "anih tak chu" a lo ti leh hmuk.







Mahse rei lo teah a rawn inher vut a, "Naute i ti em ni?" a rawn tih chuan ka nuih seih a, "aw, nu leh pa kan ni ve tawh dawn" ka tih chuan khum aṭanga chhukin min chawi kang nawlh a, min virpui chiam.







"Pa ka ni ve tawh dawn, Kei Zosangliana hi pa ka ni ve tawh dawn, a ni lovang, kei hi pa ka ni ang maw!? Aw, pa ka ni dawn" a phur zia ka hria a, ka lo hlim ve em em, chhuatah min nghat a,






"Naute kha a lu a hai em, anu lu pawh a hai em? aawh, kan naute chuan lu a la nei kher nang" a rawn ti a, lu ka thinga, ka nui ringawt, ka pasal ka nei hi khawvela hmeichhe vannei ber ka ni chiang alawm, a hlimzia a hmelah a lang reng a, a fa paitu tan chu tluka lawmawm chu a awm dawn chuang em ni?







"Duatbikte, i in check up tir tawh em? " a tih chuan lu ka thing leh ringawt a, "nangmah ka lo nghak che a, hre hmasa bertu ni la ka tia, Doctor ten a hriatkhalh ve che pawh ka phal lo" ka tih chuan min nuih sup a.






"Ka awmloh chhung zawng khan engtin nge i awm? A hreawm em? Naute chuan a tihah che em? A, ala ti hah thei rih lo che, zing luakchhauk te i nei em? Raino chu i haw viau em? Ehh,,i haw leh lo, i ngeih zawk emai, eng tik khan nge nau i pai tih i hriat a, kan fa chu mipa nge hmeichhia a nih i rin, a nu leh pa hi min chhun ang a, a hmelṭha ngawt ang tiraw?"






Ka pasal Zosangliana chu ka en a ka nui ringawt. A khawi ber kha nge ka chhan dawn tih pawh ka hre lo, a hlim lutuk chuan keipawh min ti nui tawp, heti taka naute ka pai avanga a hlim phei chuan han piang se, a hlim dan tur mawlh a ni ka ngaihtuah tawh ni


(Naktuk atang puak leh tek *(trek) ang u aw push duhin duh ti ula, duh lem lo chuan duh lo ti ve thung ula aw )

Story kan chhiar zawh rualin a hnuaia ads hi kan click theuh dawn nia aw, ads kan click hian writer ten hlawh an neih phah ve zel a nia



Show post links
Top