MARRIAGE WITHOUT LOVE BY Te-i MrsAmbrose (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

MARRIAGE WITHOUT LOVE BY Te-i MrsAmbrose (Completed)

Unread post by Ngaia » February 16th, 2023, 8:35 pm

vx7j8ksz.jpg
#Prologue

"I kianga hlim taka reilote ka awm man anih kha" tiin ka hmaah chuan pawisa chu a rawn teh thla a, ka lo en reng. Amah bawk chuan "Pawisa i hmuh chuan i lawm hle a ni maw? Nia,, a ni ang, gold digger ang vel alawm inih" a rawn tih leh chuan ka mittui ka khap per sak.

A pawisa rawn tehthlak chu ka chhar a, pawisa tam tham tak a ni. Ka en reng a, "Heti hian maw i nupui hi min tih dawn a, hmeichhe inzuar ṭhin emaw, gold digger angah min ngai em ni?" ka ti vak, a rawn nui a, a nui hmel erawh a ngainobei lovin a hlauhawm hle.

"Nang hmeichhia hian pawisa avangin min nei a ni lawm ni?Eng nge gold digger nena in in an lohna?" a rawn tih hrawk chuan ṭawng pawh ṭawng theilovin ka pasal chu ka en reng. Amah bawk chuan "Nang hmeichhia avang teh hrep
hian ka nun pawh ka duhdanin ka hmang theilo a nih hi. Nang leh kha i pa sum duh zet khan ka nun hi tanin angah in chhuah a nih ber hi"a rawn tih chuan thinrim lutukin a pawisa min pek chuan ka vawm chawrh.

"Nang...nang hi ka neih duh viau che i ring bik em ni?" ka tih leh chuan a khi suk a, min en dan chu ka hua, a tan chuan gold digger ang lek ka lo nih chu. "Min neih chu i duhlo tih ka hreve reng alawm, kei nilovin ka sum leh hauhsakna hi neih i duh a ni lawm ni?" a tih leh chuan ka mittui ka hru a, ka thaw hawk.

"A ṭha e, keimah avangin i duh danin i nun i hmang theilo a ni tiraw, tun aṭang chuan awmlo ang maiin min ngai la, keipawn awmlo angah ka ngai tawh ang che, ka pasal i nih avanga i tihtur engmah i tih a ngai tawh lo. Kan pahniha thutiam kha chu kan tiam lo angah ka ngai ang a, min phuartu awmchhun chu he inneih zungbun chauh hi a ni tawh ang. Nang chuan i tlangval nun i chen leh thei tawh ang, i zungbun pawh i phelh thei tawh ang" tiin ka pasal chu ka hnungchhawn nghal.

🌼_________🌼_________🌼

Ka hmaah chuan ka pasal leh a unaupa chu an ding dun vang mai. Ka pasal unaupa zawk hi ka pasal tura an tih kha a ni, mahse ani hian kha inneih maichamah khan keimah a zahna leh mualphona hmachhawn turin ram dang min pansan anih kha.

Ka pasal unaupa chuan min lo panin ka banah a vuan a, a chet danin min thawn em avang chuan ka en reng, chutah ka pasal chuan min lo pan a, a hmel ka chhiar thiam lo. A unaupa darah a rawn vuan a, "Ani hi i nei thei ang" a unaupa hnenah chuan a ti a, a thusawi chu awilo lutukin ka nui ta tawp.

"Kei hi toys emaw min ti em ni? Nangin 'hnaih rawh' min tih apiang ka hnaih ang a, nei tura min tih mi chu ka nei ang maw? I nupui ka nih hi, a hming tal chuan min zah ve ta che" mittui tling pam chuan ka ti a, ani ka pasal erawh a ngawi reng.

Kan nupa room lamah min kaiin kawngka a kalh nghal a, save chu a hawng rawk rawk, pawisa tamtham zet la chhuakin ka hmaah a rawn thehthla a "I lak ata ka intlanna tur anih hi, i la duhkhawp lo chuan ka pek belh ang che" tiin cheque a phawrh a, thil a ziak mawlh mawlh, ka kutah min hmehbel a, a chetdanin min thawn em avang chuan ka en reng.

"I pa khan sum a duh bawk a, kei nilo makpa hausa tak a nei leh ang, ka unaupa saw i pa chuan a makpa atan a duh khawp ang, tuna in nun ang hian engtia rei thleng tlawn zuar ang che u maw" tiin min chhuahsan nghal



Marriage without love
By; 🌼Te-i Mrs Ambrose🌼
Chapter 1







"Pa, pasal ka nei duhlo, pasal ka nei anih chuan ka mipa hmangaih ngei ka nei ang" ka ti hmak, ka pa chu a thaw halh "Bawihte, i neih ngei a ngai a ni. I neih loh chuan he kan intunnunna hi ka chan dawn" a rawn tih chuan ka nui ro halh."Chuan i fanu leh i dawr chu i thleng tihna ania" tiin zalo lutuk chuan ka nui a. Ka pa chuan beidawn hmel zetin min en reng.







"I neih loh chuan ka tuithlar ang che" a tih chuan ka pa chu ka melh ngawt ngawt. Ka mit aṭang mittui a luang thla nghal. Kapa pawh chhang tawhlo chuan ka chhuak a, ka pa min auhzuina pawh ka chhang tawhlo a, ding lutukin kawngka lam ka pan a, ka chhuak a, taxi lo tlan chu ka phar nghal, ka pa min auhzuina pawh ngaithla tawhlo chuan taxi-ah lutin taxi chu ka tlanchhuah tir nghal bawk.







Ka mittui chu ka dang hram hram a, hmeichhe chaklo ber ang maia mi hmuh laia ṭah ka duhlo. Ka sir lam chu ka en a, taxi driver ina "Khawi lamah nge kan tlan zel ang" a tih chuan kal mai na tur hmun pawh ka hrelo. "Mipui tam lohna awm a i hriat apiangah tlan mai rawh" ka ti a, driver chu a bu nghat a.







Kan tlan zel a, a hnu chuan thlanmual piaha park an sakah chuan ding a, ka chhuk nghal pawisa pek mai tum chuan ka ipte chu ka zen a, mahse pawisa ka lo akchhuak hauh lo. Vanvadakin ka thaw hawk. "ka pu min lo nghak lawk aw" tiin ka sir lama mipa thu lam chu ka pan a "thianpa khawngaihin sum min lo puk lawk,, a letin ka rul leh ang che" ka tih chuan min en reng.







Min rinloh hmel lutuk. Ka ke hmawr aṭanga chhip thleng chuan min thlek a, ina ka awmna thawmhnaw ka hak avangin ka ṭhing hle ang tih ka hria, ka hmaa mipa chuan "Engzat maw?" a rawn ti a, "Zanga( 500)" ka lo ti vat. A wallet aṭang chuan pawisa chu a phawrh a min pek lai pawh chuan min la awiloh hmel lutuk.







Pawisa chu lain taxi driver chu ka pe a, nichina pawisa min puktu awmna lamah chuan ka lawmthu hrilh tumin ka let leh a, mahse a lo bo hman daih. Ka thaw leh hawk, vawikhat mah ka la tih ngaihloh mi pawisa ka puk a, ka zak ru chem chem.







Ka thlang lam ka thlir a, thlanmual lama chhukna kawng chu ka en a, ka nu thlan lam pan chuan ka kal nghal. Ka nu thlan ka thlen chuan ka ṭhu nghal hnawk.







Kan hausa chu ka tilo, mahse mi pukchawp ngai leh nghei chuan kan la awm ngai lo. Mi pawisa ka puk ta mai chu keima ka nilo emaw ka inti hial. Leiba neih ka duh ngailo. Mahse nichin khan ka hmelhriat ngailoh lakah lei ka ba der mai a nia.







Thil ka ngaihtuah zel a, ka paah a tawp vek, ka pa chu ha haw takzet. Ani khan pasal min neihluih tir tumlo sela chuan in aṭang khan ka tlanchhuak lo ang a, ka thil ngaihtuah zel avang chuan ka ṭah a rawn chhuak et et.







Ka nu kha chu awm ve se, tuna ka pa in pasal min neihtir a tum hian a phal miah lovang. "nu ka ngai che, awm vela ka pa hian pasal min neihluih tir a tum pawn i phal lo ang a, ka thlavang hauhin pasal ka neih i phal miah lovang tiraw, ka hnena min hrilh thin kha, 'i hmangaih lo mipa chu ka neihtir ngai lovang che' i tih ṭhin kha,







Nu lo thochhuakin kapa hi pasal ka neih loh nan min lo hrilhsak rawh. Maw nu...khawngaihin kapa chuan a hmangaih em che kha," tiin kanu thlan chu ka be mawlh mawlh. Mahse chhangtu awm lovin a reh hmak a, thli thaw vuk vuk ri bak hriattur a awm hauh lo.







Kan dawr kha ka nu dam laia ka pa nena an din chhoh a ni tih ka hria a, kapa pawn a ro em em tih ka hria. Mahse kha dawr avang khan kei hi pasal min neihtir a tum a. Min hralh ang tlukah ka ngai. Heti em em hian em ni kapa tana ka lo pawimawh lo le?







Tlai thim ṭhak thleng ka nu thlanah chuan ka ṭhu a, mi lo pen thawm ka hria, mahse hawi pawh ka hawichhuak peih lo, ke pen thawm chu a lo hnai zel a, ka hmaah tak a tawp ta chat, ka dar a rawn hmer chuan ka hawichhuak a, ka pa a lo ni.







Rei pawh en duhlo chuan ka hawisawn a, ka pa chu ka bulah a lo ṭhu ve a, ka nu thlanlung chu a chul hliau hliau a, "Hetah hian i awm ka ring reng a ni. I rilru a fim huna lo pan che kha ka tum reng a, tunah chuan ka sawi tur hi fim taka i ngaihtuah thiam tawh ka ring" tiin a thawchhuak hak a.








"Bawihte, i pa hian ka hmangaih loh vang che a pasal neihtir tum che ka nilo. Kei chuan i nu awmna lam ka pan a hun ṭep tawh a, chuti hunah chuan mal taka i awm ka hlau a, chuvanga pasal neihtir che tum ka ni. Pasal i neih chuan thlamuang takin ka chawl thei ang a, nangmah hmangaihtu kutah leh duat taka enkawltu kuta i tlu lut tawh tih ka hria ang a, khawvel ka chhuahsan dawn pawhin thlamuang takin ka chawl thei tawh dawn a ni.







Chuti nilova pasal i neihloh chuan ka ngaihtuah reng ṭhin che ang a, thlamuang takin ka chawl thei dawn lo a ni" a rawn ti a, ka pa chu ka en reng. "Pa, rei tak min dampui dawn alawm, ka nu kiangah min kalsan daihte chuan engtin ka awm ve ang, chuvang chuan ka tan hrisel taka i awm a ngai a, chuan rei tak min dampui bawk ang" ka ti a, ka pa chuan a lu a thing nghut nghut.







"Bawihte, i hriatthiam a ngai alawm, kei chuan rei ka dampui tawh dawn lo che. Tunah hian ka damlo mek a, rei ka tlin tawh dawn lo. Zantin ka mumangah i nu hian a lama kal turin min sawm ṭhin, mahse nangmah vangin ka hnar ṭhin a, nangmah vang liau liau hian" tiin ka dar chu a rawn hmer a.







"Min tiam rawh, pasal i nei ang a, chuan chu i pasal kiangah chuan kumkhuain i awm ang tih hi" a rawn tih chuan ka bing chuk chuk mai. "Pa, pasal neih ka la inpeih lo. Ka mipa hmangaih tawn a, ani neih chu ka phu lo em ni?" tiin mittui tling pam chung chuan ka pa chu ka en a. Ka pa erawh a thaw hawk.







"I pasal chu i la hmangaih chawpchilh mai dawn alawm, kei erawh chuan rei ka dampui thei tawh lo che.I pa hi thlamuang taka ka chawlh theih nan pasal chu i neih a ngai a ni" a rawn ti a, a aw lah chu a chauh hmel em em hian ka hre tlat lehnghal.







"Ka pasal tur pawh ka hrelo a, eng mizia nge a neih ka hre hek lo. Chu mi chu kei hian pasalah ka nei ang maw!?" ka rin aiin ka awiki a sang. "Mipa ṭha tak i nei dawn alawm, i pasal tur hi ka ṭhianpa fapa a ni a,,ka hrechiang a, ani aia tha chu an awm hauh lovang" a rawn tih pawh chuan ka lung a la thlu thei zan lo.








"Pasal neilo pawh ni ila mahni ka inchawm thei tawh a, ngaihtuah ka ngai tawh lo" ka ti a, ka pa chuan min en reng a, a ngaihna hriatloh hmel zetin a thaw hawk. "Anih Bawihi i va haw phawt teh ang. Ka tlin lo lam lek lek a ni. Thli a thaw nasa emai" ka pain a tih chuan ka tho chhuak a, ka pa chu kai chung chuan thlan chu kan chhuahsan ta a.








In kan thlen chuan ka pa chu room lamah ka hruai a,tar lam a hnaih tawh bawk a, a chau titih der. Khuma ka pa chu ka mutfel tir a, chhuah ka tum chiah chuan ka banah vuanin a bula ṭhu tur chuan min ti a, ka ṭhu ve mai. "Bawihte, ka pawhdawha lehkha, file pawl a intuam kha lo la teh" tiin pawhdawh lam chu a kawk a, file pawl a sawi chu lain ka pa chu ka pe a.








File aṭang ka pa chuan lehkha chu a rawn phawrh a, min pek chuan a ngaihna hrelo lutukin file chu ka en a, ka meng kawk "Pa, tinge ka lakah hetiang thil puitham lutuk hi i zep a" ka ti a, ka mittui pawh a tling pam.








"Bawihte, i hriatloh khan a ṭha zawk, u hriat chuan inenkawl i ti ang a, sum kan seng hnem mai mai ang, i intun nunna tur zawng zawng ka damdawi manah a ral vek ang" a ti a, ka mittui tla tur chu ka dang hram hram.








"Pa, keimah chiah min ngaihtuah lovin nangmah kha inngaihtuah ve ta che. Lo awmlo thut tala ka mangan leh hamhaih tur zia i ngaihtuah lo em ni?" ṭahchhuah insum lutuk chuan ka ti a, ka pa chu rawn ṭhu chhuakin ka samah a chul hliau hliau "Bawihte, khawvel ka chhuahsan vat dawn vang alawm i tana ṭha ber tura ka ngaih anga pasal neih tir che ka tum" a tih chuan engmah pawh ka sawi tawh lo.








"Bawihte, ka thih hmain duhthusam pakhat chiah ka nei, chu chu pasal fanau neih a hlim taka i awm hmuh hi a ni, ka duhthusam hnuhnun ber hi min tihpuitlin sak dawn lo em ni?" tiin min en a, chhan ngaihna pawh ka hre tawh lo. Pasal neih ka duh lo, mahse ka pa lung vanga thi lek lek tawh duhthusam hnuhnung ber chu pasal ka neih hi a ni si.







"Bawihte, hei chiah hi ka duhthusam a ni.Min tiam la, nang hian pasal chu i nei ang a, chuan a kiangah i damchhungin i awm tur a ni. Min tiam thei ang em?" tiin min en ngar a. Harsa ti lutuk chuan ka lu chu ka bu ta ringawt a.








Ka nun chu thawnthu ang ni mai hian ka hria, pasal neih inring ngailo khan kapa vangin pasal ka nei tawh dawn chu a ni si a. Ka pa mitmengah chuan lawmna leh thlamuana ka hmu a, "Pa pasal ka neih dawn chuan phut ka nei ve" tiin ka pa chu ka en a, a lo bu nghauh nghauh.







"Pasal ka neih dawn chuan nang pawhin inenkawlna i la ngei tur a ni. I fanu hi pasal min neihtir a ka nu hnena min kalsan tum miah suh ang che" tiin ka pa chu ka en a, a rawn nui sup. "I thu vek alawm" tiin a mu thla a, keipawn ka pa room chu ka chhuahsan ta nghal a.







Ka pindana ka luh chuan ngaihtuahna a bing mup a, ngaihtuah ber hre silo hian ka ngaihtuah chu a chawl meuh lo. Tunah kum sawmhnih pali (24) ka tling chauh a, pasal neih nan chuan nikhua ala hma lutuk, mahse ka nei dawn ta reng chu ania.







Ka pasal tur hmel hmuh chu sawiloh, a hming takngial pawh ka hrelo ania, mi chuan engtin nge min sawi ang le? Ka pasal tur chu mi ṭha nge mi ṭhalo. Eng ang mizia nge a neih a, a hmeichhe mi em tih thleng chuan ka ngaihtuah vek, mahse a chhana engmah ka hrelo.







Zing ka harh chuan ka pa chu a lo tho tawh a, thingpui no a lo dawm mek a, a lama kal tura min hui chuan engmah sawi lovin ka va kal ve mai, "Bawihte, in inneihna tur kan relfel tawh a, karleh Zirtawp hian inneih chu ni se kan ti a, palai pawh zaninah an lo lang ang a, inneih ni lam pawh kan rel tawh a, a mawiah kan tia, palai rawn tirh hrim hrim kha thain kan hria a, zaninah kan inrem fel nghal bawk ang" a tih chuan ka meng phawk nasa mai.







"Pa, tehthut chuan, ava hma ve" ka ti ringawt. Ka pa chu a nui mai mai a, keia tan erawh nuih a har ṭalh thung. "Pa, inhriatchiana pawh kan nei hmasa dawn lo em ni?" ka tih chuan ka pa chu a nui leh a, "I pasal tur hi an dawr lam bungrua lain ram dangah a zin a, in inneih dawn hnaiah a lo thleng chauh dawn" a ti a, chhan ngaihna pawh ka hre ta lo.







"Ka pasal hmel pawh ka hmu hmasa dawn lo a mi?" ka tih chuan a phone a rawn phawrh a, mipa pakhat thlalak hi min hmuh a, "Rohluzuala a nih kha" a rawn ti a, ka en reng, a hmel chu a chhe lo, chhe lo pawh a nilo, a ṭha lutuk, mahse, ka tan chuan hmelhriatloh hmelṭha pakhat ve mai a ni.







Pasal ka neih chuan ka mipa hmangaih ngei ka nei ang ka ti kha ania, mahse kha kha chu ka suangtuahna mai a ni. Ka mipa hmangaih chu sawiloh, hmelhriatloh pasalah ka nei dawn chu a ni ta mai si.







Ka pa chuan "Bawihte, insiam la, tukṭhuan chu i pasal turte in lamah kan ei ang" a rawn ti a, ka bu nghat a, insiam tur chuan ka room lamah ka chho a, nuam tihna engmah ka neilo a, ruang chethei ni ber hian ka inhria.







Ka pasal turte in an tih kawtah chuan ka pa nen kan ding ta vang a, an in chu ropui tak a ni.An in chu an hung chhuak vek a, chu chu ka ngaina lo takzet. Gate ropui zet chu min lo hawnsak a, kan lut nghal a, in kawtah chuan ka pa rual vel awm hi a ding reng a, min lo hmuh chuan a rawn pan nghal







"Hei hi maw kan monu tur chu, a hmelṭha hle mai" a rawn ti a, ka pa pawn min chhuan hmel zetin a thusawi chu a tuihnih a, "hei hi ka ṭhian, i pa ni ve mai tawh tur a nih hi" ka pa in a tih chuan ka chibai a, "Malsawmsangi ka nia" tiin ka nuih lui sak a, a hnunga mipa lian leh zahawm tak, coat suit haa induang zaih ka hmu chuan ka meng phawk nasa mai.







Nimina pawisa ka pukpa kha a ni. Min melh dan aṭang chuan min ngainepin min hmusit hle tih a hriat a, a rawn kiai suk. "Pa, office lamah ka kal ania" tiin kan lamah a rawn pen hnai a ka beng bulah "Gold digger" tiin a rawn phun sup. Kei ka sa zak a, ka ngei hle. Ani lah chuan min kalsan hmak.







A duh duh a gold digger a tih mai mai tur ka nilo.Kan hausa lo a ni thei.Mahse mi awt reng rengin ka awm ngailo. Min kalpeltu lamah chuan ka va hawi a, a lam pan chuan ka kal nghal. A kallai chu ka pawt her a, a kutah chuan cheng 1,000 chu ka hmehbel chawt.







"Ka leiba ka tlak fel chiah e, chuan nang ina Gold Digger i tih mai mai tur ka nilo, ka chungchang engmah i hrelo, ka lakah hian ngaihdan siam ringawt suh" tiin kal mai ka tum , mahse a thu rawn sawi avang chuan ka ding chat.







"Mi hausa monu nih dawn takah chuan sum pawh i ren lo sawt hle a ni maw. In renchem takin awm rawh, he in aṭanga petchhuah i nih hunah sum hman tur i neilo ang e. I pa sum duh vanga ka pa deal lo siampui avang khan he in aṭang hian i chhuahloh inring suh. I lo hunah hremhun ka tem tir che ang a, chuan mualpho takin i la chhuak bawk ang" tiin min kalsan hmak a nih chu.








(zankhatna te ania, a boring pawn lo hrethiam hram hram ula🤗 chuan comment kha min hnutchhiah sak hram dawn nia🙈)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2023, 8:35 pm

Marriage without Love
By; 🌼Te-i Mrs Ambrose🌼
Chapter 2






Ka lêt leh chuan ka pa leh ka pasal nimai tur pa chuan min lo en reng. "Bawihte, in inhria em ni?" ka pa chuan a lo ti a, lu ka thing a, "Receipt a thlauh a, ka va pe" tiin dawt chiang lutuk ka sawi, engtin nge khatiang dawt kha ka ngaihtuah chhuah theih tih pawh ka hrelo.







Inchhung lamah chuan kan inzui lut a, ka pasal tur nu chu ka zawng ru deuh a, mahse ka hmu hauh lo. Mak chu ka ti ru ang reng khawp nai. Chaw ei an siam nghal mawlh mawlh a, chaw chu ka ei ve ngei mahse ka puar nge puarlo tih pawh ka hrelo.






Ka pasal tur pa chuan "Pa Zam min ti dawn nia" a ti a, a nelawm lutuk, mahse a fapa pakhat erawh kha chuan nelawmna chhetè mah a neilo, a nuih ngai pawh ka ring nek lo. Ka pasal tur chu eng ang mize pu nge ni ve ang le?






Kan haw chuan damdawiin lama kal turin ka insiam a, ka pa pawh dawr lama kal turin a insiam ve bawk. Kei hi nurse ka ni a, ka pa damloh thu pawh ka hre lo leh a awmdan aṭanga a damlo tih takngail pawh ka hriat theihloh avangin nep ka inti takzet.






Damdawiin ka thlen chuan Muanpuii'n min lo pan nghal a, "Ms, en teh, Rohluzuala'n nupui a nei dawn, a nupui tur an la tlangzarh lova, hriat kan chak hlawm lutuk, tunge hmeichhe vannei chu ni ang le? Mahse thu lawmawm deuh chu a u in nupui a la nei dawnlo a, a U kha a men si, awi, ka duh emai" phur lutuk hian a ti a, keiin ka ngaihnatloh tehreng nen






"Sawi pawh sawi suh. Mipa vawt leh rilru zim lutuk anih kha, nakinah 'Don't judge a book by it's cover' tih banner lianpui a oianchamah ka la pe ang" ka ti hmak, tukina min tih dan avang khan ka ngei hluah hluah.






Ka ṭhiannu Muanpuii chuan "Chutia i tih, i pawi sawi awm hrim chuan a" a ti nang nang, sawi pawh ka sawi peihlo e, chuan Rohluzuala ka pasal a ni dawn tih hi ka ṭhiani hian hriat a phu ve, ka mipa hmangaih nena kan inneihna tur chu ni sela, nuam ti leh hahipin ka sawi ngei ang, mahse tunah chuan sawi pawh ka sawi peih lo.







Chutia Muanpuii nena kan ṭhut lai chuan Dr Hruaizela a lo kal a, a rawn nui leh sang tawh, "Morning ule, nurse hmelṭha bik riau te u" a rawn ti a, kan pathum hian kan inkawmngaih hlawm a, engtik lai pawhin hna awmloh lai chuan kan fuan khawm reng mai ṭhin.







Dr Hruaizela chuan ka bulah lo ṭhuin "Muanpui, kal teh, thu pawimawh ka sawi dawn" a ti a, Muanpuii chuan "Hmm,,ka ṭhu ngat ngat dawn maw ni le" ti chung chuan a kalnghal a, a thusawi leh a awmdan inperhsan lutuk vang chuan ka nui ringawt.






Dr Hruaizela chuan Muanpuii kalliam hnu chuan ka kut chu a rawn chelh a, "Ms, i laka ka feeling hi i hrethiam mai ṭhin lo em ni? Kei hian i lo thawhtirh aṭang khan ka ngaina tawh che asin" a tih chuan ka en reng. "Thu sawimawi ka thiam lova, ka pehhel thiam hek lo, nang nen hian bul ṭan ka duh, ka ti beidawng che in i rilru ka hliam ngai lovang che" a rawn tih chuan min ṭhawng hle






Ṭhian chauh kan ni emaw ka lo ti ṭhin, ka lakah hetiang feeling hi a neih ka ring ngailo. Ka kut a chelh chu ka la a, ṭawngkam ka thiam silo nen, engtia han hnar tur nge tih pawh la hrethiam der lo. Amah hi ka hrechiang a, mipa fel tak leh innghahna tlak tak a ni tih ka hria, mahse a lakah eng feeling mah ka nei tlat lo.







"Tunah mai chuan chhanna ka phut lo, fim takin ngaihtuah la, min chhanna tur chuan min tihbeidawn loh hram ka beisei ania" tiin nui sak chung chuan min kalsan a, a kal rual deuhtawhin Muanpuii a lo lang nghal.






"Ms, a duh che ka ring ṭhin reng a ni. A sawi har ka lo ti thei lutuk, chhanna ṭha pe ngei ngei rawh aw" a rawn ti nghal a, "a lakah eng feeling mah ka neilo" ka ti ringawt, Muanpuii chuan min en reng a, "Feeling te mai mai, a piang chawp ve mai ang" a rawn ti leh a, Hruaizela chu ka ṭhian chauh a ni, a aia thui kalpui ka tum lo bur.






"Ngaihzawng atan chuan amah ang kha chu ka duh mi a nilo. Ka mipa duhzawng chuan min zahthiam tho siin a thuhnuaiah min dah thei se. Ka thuhnuaia ka dah theih mipa chuan ka lung an dum lo. Mipa chuan hmeichhia aia chungnung anih zia inhria se, hmeichhia a duat thiamin khuahkhirh thiam se, chu chu mipa dik leh rintlak angah ka ngai. Hruaizela ang saw chu an nem lutuk." ka ti a, Muanpuii a ner nang nang mai.






"Chutia i tih, i mipa duh chuan a khuahkhirhna lamah che kutte a thlak hial maithei che asin" a rawn ti a, keiin a ngaihtuahna leh ka ngaihtuahna in ân loh zia ka lo ngaihtuah daih. "Mipa diktak chuan hmeichhia kut a thlak ngai hleinem. Ka mipa duhthusam chuan hmeichhe derhdep zia a hria ang a, pangpar ang maia uluka enkawlin a chawm ṭhin ang. Pi pu hun lai chuan 'mahni nupui pawh vaw ngamlo mipa chu mipa a chhiar tlak an nilo' tih a ni ṭhin.






Mahse tunlai khawvel erawh a dang, hmeichhiate derhdep zia hria a, a enkawl thiam a, duat thiamtu chu mipa diktak ang a ngaih an ni tawh zawk, hmeichhe kut thlak ṭhin mipa chu mipa ang pawhin kan en tawh meuh loh hi. Chutih laia ka mipa duh ina kut min thlak chu a hla lutuk.






Ka mipa duhzawng chuan a tana ro hlu ber anga min ngaiin min ngaihsak ang a, amah thil hlu ang ka nih dawn miau avangin a ta ka nihzia tihlan hun a hriaiin min thuhnuaidah thei ngei ngei tur a ni" ka ti a, Muanpuii chuan min en reng ringawt.






"I hahthlak emai, Hruaizela chu ti beidawng lo la a ni mai" a la rawn ti leh hram a, ning lutukin "Pasal ka nei thuai dawn, ngaihzawmg lam min sawipui suh, karleh zirtawpah pasal ka nei dawn" tiin ka tumloh lutuk chuan pasal ka neih tur thu ka sawichhuak ra ringawt.






A ṭumkhatna atan pasal ka nei tur chu ka lawm, Muanpuii 'n ngaihzawmg lam min sawipui dawn lo tih ka hriat chian vang a ni. "Enga!! Malsawmsang i â em ni? Ngaihzawmg pawh neilo hian pasal i nei ang maw!?? Thu awiawm deuh zawk sawi tur i hre lo em ni?" a ti a, keiin ka lo uksak tawh lo nasa mai.






Ka haw meuh chuan khua a thim der tawh, Hruaizela chu ka ngei lam lek lek a ni. Vawiin nilengin a ngaihzawmg treat hian min treat titih a,, chhanna pawh ka pek hmain a bialnu emaw min ti nge ni? Ka ṭhian phei chu nilo se ka tihzah(k) hrep ka ring hial a ni.






Zanah chuan palai chu an lo kal ta ngei a, a mawihnai mai mai a ni bawk a, eng nge an sawi tih pawh ka ngaihthlak pui lo. Zan ka mut hmun chuan Muanpuii'n min lo bia a, ka pasal neih tur kha min lo zawt chiang a, keiin ka neih tur thu chuan ka chhang a. Ka pasal tur hming min lo zawh erawh chuan ka lo theinghilh pek a, ka la sawi duhloh thuin ka chhang ta ringawt.






A tuk damdawiin ka thlen rual chuan nui sang chung hian Hruaizela chuan min lo pan a, "Eng nge ka chhanna tur chu" a rawn ti a, a khi sang mai, ka chhana tur avang hian a hnual lutuk loh hram ka beisei.






"Hruaizel, min hrethiam la, nang chu ka ṭhian ṭha tak i ni a, ṭhian nih zel duh zawk, ka ṭhian hi chan che ka duh lo, khawngaihin min hrethiam hram dawn nia" tiin kalsawn mai ka tum a, mahse ka banah vuanin min pawt let a, "Eng nge ka ṭhatlohna, ka miziaa i duhloh lai chu sawi la, ka insiamṭha zel ang, i mipa duhthusam ang chu ka ni ngei ang" a rawn ti a.






Chhan mai dan tur ka hre leh ta lo. Ṭawngkam thiamloh lutuk hi chu a pawi a ni. "Hruaizel, min hriatthiam ka ngai, i lakah hian eng feeling mah ka neilo a, ka nei thei ngai dawn hek lo, kei aia ṭha i tawng em em ang" ka ti thla rawk. Ka hmaa mipa chuan min en reng a






"Chance vawikhat tal chu ka phu lo em ni?" a rawn ti a, "Kei chu ka rem tawh lo, kar thar mai hian pasal ka nei dawn, midang ṭha tak tawng ngei ang che" tiin min chelhdin leh hlau lutuk chuan ka kalsawn ta vat.






Ka thawmhnaw hak chu ka thlak a, ka inthlak zawhin Muanpuii kha a lo lang a, "Hruaizela chu ka khawngaih khawp mai, a hmel aṭang rengin a hriat mai" a lo ti a, ka khawngaih ve pah reng. "Pasal neih i tum thla rawk mai chu ania" a rawn ti leh a, engmah pawh ka sawi tawh lo.







Chhun chawlh a hun dawn chuan kha ka pasal tur unaupa khan hmeichhe pakhat a rawn hruai a, a hmeichhia chu chhan leh vang pawh awm lovin ka ngei em em ringawt. Hmeichhia mipa pak huam huam thin ho hi ka ngaina ngailo a, a hmeichhe rawn hruai pawh hian a hmel leh chetdan en hian a mipa duhzawng chu a kherh ngat ngat peih ka ring.






A hmeichhe rawn hruai chuan a kut chu na tih hmel lutuk hian a dawm a, a kut ka en chuan ka ner ru sak. Na em em pawh a nilo. Thil hriamin a tai tih chu ka hria, mahse damdawiina kalpuina khawp a ni hauh lo.






Mahse damdawiin lo pan ta nafam chu kan enkawl nge nge a ngai si a, a kut chu tihfai sakin pemthar damdawi ka hnawih sak a, na hi a tih hmel em em khawp a, ka buaipui pah chuan ka ner ru leh sak sak ṭhin. Damdawi ka hnawih zawhin ka tuam sak a, amah zawk chuan "I kut chu a nem fahran lo anih hi, nurse i ni ve a, min dim ve tur che alawm. Engtin nge nurse inih theih zawk le? Damlo chu dîm taka enkawl tur" a rawn tih chuan ka ngei hle.







Mi ka enkawl reng reng hian ka kut a dam thu min hrilh ṭhin. Henu tihloh hi chuan "Ka pi, nurse ka training chhuah ve tak siah chuan hei nurse chu ka ni mai alawm" ka tih chuan min melh vak. "I pi rual ka ni em ni?" a rawn ti let vat a, "nang hi Sailo chhungkaw zinga i lawi dawn avang ringawt hian i chapo em ni?" a rawn tih leh chuan ka pasal neih tur vanga khatianga rawn ṭawngchhuak kha a ni tih ka hrethiam nghal mai.






A thusawi chu uksàk lo zet hian "Damlo dang an tam si a, kha ka enkawl zo tawh bawk che a, midang ka buaipui mai ang e aw Ka pi" ti leh kherin ka kalsan hmak.






Ka pasal neihtur avanga chapo angah min chhuah ringawt a, a zamlo hi ka ti ngawih ngawih. Chuan kha mipa pawh khan ka chevel engkim kha uluk takin min en reng kha a ni. Khapa khan thilṭha a ngaihtuah hauh lovang.







Kha a thluak mi ngaihtheihlohna leh mi hmusitnaa khatah khan eng tak ngaihtuah ang maw!?? Ngaihtuah pawh ka ngaihtuah zawk peih lo.






Chhun chawlh a hun a, Muanpuii nen chuan dawrah kan ṭhu dun a, eitur kan chah kan nghah lai chuan Muanpuii'n "Nichina hmeichhia kha Rosy anih kha, ani khan a lo hruaitupa kha a zar reng a, vangvat ang mai hian a mi kherh tawhte lakah a bet kak zel. Laksawn theih loh emaw ka ti hial zawk" a rawn ti a.






Ka ngaihven zawng pawh a nilo. Mi ṭha angin ka ngai lo ve ve bawk a, tikhan lo inkawp mai mai teh se. Ka thengthawngah an thawk lo nasa mai. A bikin a mipa phei kha chu. A hming pawh kala hrelo. Sialo thlah an ni tih leh a chungkaw ho bak engmah hriatbelh ka neilo.






Hna ka ban chuan inah ka haw a, in ka thlen chuan kapa chu a lo thaw kawk kawk a, a tir chuan ka chi ai deuh a, mahse insiamrem vatin ka pa chu ka buaipui a, chutia minute sawmhnih dawn ka buaipui hnu chuan ka pa chu a rawn pangai deuh a.






"I pasal neih ka nang hman lovang tih a hlauhawm hle mai" fiamthu titak deuh hian a lo ti a, ka lung a awilo dawn dawn "Pa, dam leh turin i bei dawn alawm, beih hmaa beidawn ngawt tur a ni ngailo, mi chuan a bei ṭang ṭangna avangin a tawpah lawmman a hmu ṭhin, nangpawn i beih hma hauhin beidawng mai suh." tiin ka pa chu ka en a. A rawn nui sup.






"Ka fanu pawn min zilh ve thei tawh ania, i lo puitling ve tak tak tawh anih dawn hi." a rawn ti a "Bawihte, pasal i neih hunah chuan he lamah hian lo chuangkai tam lutuk suh la, i pasal tur în chu i în thar angin en ang che, hmeichhiain pasal a neih hnua a a nu leh pate in lama a kal reng chuan a pasalte în a în tharah chuan a bet lova, în danga awm ang mai hian a inhre ṭhin. Chuvang chuan i pasal în chu i în anga i ngaih theih nan i tâp chawt a ngai a, chu lovah mo ṭha chuan a în thar aṭanga chhuah a, a nu leh pate în lama chuankai reng a mawi ngailo ania






Tunah chuan pasal nei tawh tur i ni a, nitinin i pasal te îna i awm dan tur ka hrilh tawh ang che" fiamthu pah hian a ti a, ka lo bu ve nghat nghat ringawt.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2023, 8:36 pm

Marriage without Love
By;🌼Te-i Mrs Ambrose🌼
Chapter 3






A ni telin ka pasal neih ni tur chu a hnai deuh deuh zel a, ka huphurh telh telh, ka pa hnena thu ka lo tiam ta kher kher kha ka inchhir lam lek lek a ni tawh.






Inneihna chu nikhat chiahin a dang tawh a, ka nu thlan lam pan chuan ka kal a, ka nu thlanlung chu ka en a, thlan chungah chuan ṭhu thlain, van lam ka thlir chho a, "Engkim i ruat ang zelin ni rawh se" tiin ka phun chhuak sup.






"Nu i fanu hi malsawmna min hlan dawn lo em ni? Naktuk mai hian he i fanu hian pasal ka nei tawh dawn asin. Engkim ka pasal neih hnua ka awmdan tur leh ka nun chu Pathian kutah ka nghat tawp a, a rorel dan apiang chu ka pawm zel ang, chak taka ka awm theih nan min pui la, chhel taka mi min selna pawh ka tawrh theih nan nangin min pui ang che aw" tiin ka nu thlan chu ka kalsan a.






Zingah chuan ka tho chhuak a, hmeichhe tana kan damchhung zawnga ni ropui ber tur nî chu ka thleng a, mahse ka hlim lo a, ka lungngai chuang hek lo. Ka awm mawl tawp hi a ni ber.






Mo ṭhian tur takngial pawh ka hrelo. Ka ṭhian Muanpuii kha mo ṭhian atan chuan sawm ka duh, mahse ani ang ka ṭhian fing lutuk khan ka hmel aṭang engkim a hrevek dawna ka hriat avangin ka ṭhian atan ka hmanglo kha a ni a, mo ṭhian tur pawh ka pa ka zawntir ringawt.






Chaw ei kham chuan min siamtu turte ho an lo thleng a, min chei mawlh mawlh a, min chei zawh chuan ka in en a, keimah pawh ka anglo hial zawk. Kawrfual var ka han ha ta mai chu mumang a ang lek lek.






Ka pa a rawn lut a, min en vang vang. "Bawihte, i nalh takzet. Mo hmelṭha ber i ni. Hlimna chuan zui zel che rawh se" a rawn ti a, ka banah kaiin kan inneihna tur hmun lam chu min panpui a, kan inneihna tur hmun kan thlen chuan ka en reng a, a ropui takzet.






Mipui chu biakin chhungah chuan an khat hnur a, kei chu car-ah ka la ṭhu reng, chutih lai chuan Pa Zama a rawn chhuak a, ka pa bulah chuan "Rohluzuala a awm lo. A hmaa inneih thu kan hrilh lai kha chuan a pawm ngei a, mahse tukin an inneih coat suit ha chunga in aṭanga chhuak khan biakin a lo thleng hauh lo. Ram dang panin a thlawk tih a ticket cut-na lam aṭanga hrilh hriat kan ni" a rawn tih chuan ka bing chuk chuk mai.






Ka pasal tur hi ka hmangaih lova, a thlalak bak ka la hmulo. Mahse inneih maicham kalsana ram dang lama a kal bo daih chuan mi chu a ti hrilhhai chiang alawm.






Mipuite'n engtin nge min sawi ang 'a pasal tur chuan a neih duhloh avangin ram dangah a tlanbosan' min ti ngei ang, eng ang mipa nge ni ngai!? Inneih a duhloh chuan tinge inneih kha a tira a lo pawm ve mai. Vawiinah mualpho taka ka awm nan inneih dawn tukah ram dangah a thlawk ta vang vang chu ania.






Hetia ti leh tho tur chuan inneih kha lo pawm lo se, keipawh zalen takin ka awm ngei ang, kha mipa mize nghet lo leh dawizep zet khan inneih maicham kalsanin a nupui tur hi mualpho takin min siam a ni. Inchhung lama mipui ho hnenah sawn eng chhanna nge ka pa leh pa Zama hian an pek ang.






Chutih lai chuan Pa Zama chuan "Ka fapa Zosanga nen hian innei mai rawh se, i fanu pawh a mualpho mai dawn alawm" a ti a, a thusawi chu ka awilo zawng tak a ni. Ka pasal tura an tih chuan min kalsan a, tunah hian ka pasal tur unaupa hi min neihtir an tum a maw!






Kei hi infiamna mai mai ka ni em ni? Anni in 'neih rawh' min tih chu lungawi takin ka nei ang maw! A hnai lo. Pa Zama biakin lama a luh leh hnu chuan ka pa hnenah "Pa ka pasal tura an tih ber a awm tawh lo a, pasal ka neih kher chu a ngai em ni?" tiin ka pa chu ka melh a.






Ka pa chuan "Bawihte, vawiin nî a mipui lo kalkhawm ho hi nangma pasal neih hriatpuitur che an ni, pasal i neih loh chuan i mualpho dawn lutuk" a rawn ti a, "Mualpho ang hmiang, khatiang mipa laktlakloh zet kha min neihtir in tum miau alawm, chu lovah vawiin hian lo mualpho pawh ni ila, mite chuan an theinghilh leh thuai mai dawn" ka ti a, ka pa chuan chiang taka min enin






"Vawiin ni hian pasal i nei ang, i nei ngei ngei ang" a rawn ti a, ka pa chu ka melh ngawt ngawt. "I fanu hi infiamna ka nih loh hi" ka ti vak. Ka pa chuan "I nilo, infiamna i nilo, mahse pasal chu i neih ngei a ngai a ni. Ka laka i thutiam kha ala ngai reng. Rohluzuala pasalah i nei ang tih thu i tiam lova, pasal i nei ang tih thu i tiam zawk a, chuvang chuan i thutiam avang talin pasal i nei tur a ni" a tih chuan sawitur reng reng ka nei ta lo.






Ni e, ka thutiam avang khan pasal chu ka neih ngei a ngai dawn ta anih hi. Ka pasal tur lah chu ka mi huat leh min haw ve em em tu a ni lehnghal. Van lam ka thlir chho a, "Hei hi maw ka tana i remruat chu" tiin ka nui ro halh.






Biakin aṭang chuan kha mipa, min ngaina lo em em tu kha a rawn chhuak a, a lang zahawm khup a, kei aiin kum li (4) vel tal chuan a u hrim hrim ang. Apa chu a en a, "a falin ka be lawk ang a chuan inneih chu kan ṭan dawn nia" a tih chuan ka meng bial kawk. Hepa hian inneih chu a rem a ti ve mai maw!







Biakin sir lamah chuan min kalpui a, kan thlen chuan min enin "Inneih hi ka duhlo" a ti tawng mai, "I duhloh chuan i pa hrilh la, kan innei lo a nimai" ka ti let nghal, min enin a lu a thing nghut. "Ka theilo. Nang hian inneih i duhloh thu sawi la, saw in dawr saw in chan lovang a, saw dawr man hu zet sum ka pekbelh ang che u" a tih chuan ka en a, ka kiai suk.






"Sum hmanga min thlemna angah ka ngai, kei chuan pasal ka neih ngei ngei a ngai, nupui i neih duhloh chuan nangmah zawk hian nupui i neih duhloh thu sawi rawh" ka ti khum a, mi a ngaihnep zia a ṭawngkauhchheh khan a tilang chiang a, chuan sum duh hle angin min ngai tih ka hre bawk a, ka huatna a nasa telh telh.







"Saw i pa vervek zet sawn deal ṭhing lutuk ka pa siampuiin inneih hi a tu a lam ve ve pawn kan duhloh chuan kan company emaw, in dawr saw a chave chu inneih duh lotu ten an chán ang a tih kha, vervek lutuk mai" a rawn ti a, ka sa pup pup






"Kapa kha khatia i tih tur a nilo.Sum duh viau angin min ngai a tiraw, eng nge i nih bik, in company chan hlauin nupui pawh neih i hre bik lo ania, sum chu i lo duh ve tho anih hi" ka ti let sak a, mitmeng ling vur hian min en a, keipawn ka chhoh en kar.






"Hmeichhia, ngawi la, pasal i neih duhloh thu chu sawi mai rawh" a rawn ti hrawk. Ka phu nghek lo chauh a ni."i duh chuan nangman sawi rawh, ka sawi tawh kha, kei chuan pasal ka neih ngei a ngai" ka tih chuan ten hmel lutuk hian min melh a






"Mi hausa monu nih pawh chu i va chak ve, hmeichhe lawilo leh bawlhhlawt zet chu i nih dawn hi" a tih chuan ka kurmt ka hum khur ngar ngar. "Ngawi hmak rawh, engmah hriat i neilo, i thlirna ruam aṭang khan engmah teh ngawt ngai suh" ka tihkhum a, min en a, rawn kiai sukin






"Chutia pasal neih i duh tak tlat siah chuan inneihna chu a awm mawlh ang, i pasal hian engtianga rethei leh nun hrehawmah nge a dah che lo tlir reng rawh. Hremhmunah ka lo lawmlut ang che.






Chuan hei hi hria la, mualpho tawpkhawkin in aṭang sawn kala hnawtchhuak bawk ang che. Hremhmun kawngka i hawng ta rau rau, hremhmun chu i tem dawn khawp" tiin a kaih hian min kai kal a, Pa Zama zawn kan thlen chuan






"inneih chu rem kan ti ve ve e" tiin min en a, a nui suk. Biakin lamah chuan a lut hmasa a, a hnu chuan kapa kut vuanin biakinah chuan ka pen lut a, mipui chuan min lo en ṭhap, ka pasal tur chuan min en a, a rawn nui suk.






Setana ang tlukah ka ngai, ka kut chu ka pasal tur chuan a rawn vuan a, kan inkarah chuan meiling a ṭek chhawk chhawk ti ila a dik ber ang. Kutsuih program kan hman lai chuan a hming ka hreve ta chiah *Zosangliana Sailo* a ni.






Ka sir lam ka hawi chuan kha Rosy-i khan thip lutukin min lo en a, min pawhsawm vek a chak hmel takzet . A mipa duhlai ka nei ta daih mai chu a tan chuan a run thlak dawn em a ni. Damdawiinah khan min ṭawngkum vak lo sela chuan ka khawngaih viau ang.






Mahse in hriat tan dan fuh hek lo le, khawngaih chu khawi lamah a ni ringawt. Pastor-in thuchham tur a sawi ang apiang chu ka sawi ve zel a, Zosangliana pawh chuti tho chu . A ṭawngchhuah dan lah a la tihtak hmel em em zui. Hriatpuitu mipui zingah tel ve ngat ila chuan a thuchham chu a thinlung takin a chham emaw ka ti ngei ang.







Kutsuih program a zo a, zungbun kanin buntir zawh chuan a mitmengah thil ka hmu zawk, mahse ka chhiar hmain a bo leh a, ka beng bulah chuan rawn kun hniamin "Vawiin tun hun aṭang hian i natna tur meiling i chunga i chhek khawl sa chuan a kang ṭan ang che. Pasal i neih hi i damchhunga i tihsual lian ber leh i natna inṭanna a ni ang" tiin ka biang a fawp zeuh a, mipuiin kut an lo beng dar dar a, kei erawhin ka pasal ni ta Zosangliana mitmenga huatna meipui alh hluah hluah chu ka thlir reng.






Biakin aṭang kan chhuak a, pawn kan thlen chuan ka ṭhian Muanpuii chuan min lo pan a, min melh no hran lo "Inzep thei leh lutuk mai" a rawn ti vin ru hlar a, mahse min huat vang a nilo tih ka hria a, ka thla a muang. "Sorry, ka ṭhawng chak che a, tuna a shock ang che hian" tiin ka nuih lui a, a rawn nui ve ta hram.






"Ka lawmpui lutuk che ania, mahse Zosanga zawkin nupui a neih tur thu kha an puang miah silo a, Zoram mipui chu inṭthawng chiang khawp mai" a rawn ti a, za lo lutukin ka nui ve ringawt. Kapa ka en chuan pasal ka nei chu ka lungngai lutuk ta lo. Kapa hmela hlimna saw a der a nilo tih chiang takin ka hria.






Nu leh pa tana hlimna thlentu nih chu tu fa pawhin kan duh vek a, kei chuan ka nu tan lawmna leh hlimna ka thlen thei tawh lo a, kapa hlimna ka thlenna tur anih chuan engthil oawh ka ti mai ang, a chhan chu kapa hi ka neihchhun a ni tawh si a.






Zanah chuan nu leh pate tel lovin party tenau kan nei a, a dera nuih ngai reng hi ka ning. Hlim miah lo chungin hmeichhe hlim ber anga ka nuih a ṭul a, kapa awmlai chuan ka pasal neih vanga ka hlimlohna kha a reh a, mahse ani a awmloh hnu erawh hi chuan ka lu chhungte hi a na ngut ngutin ka hria.






Kan haw chuan dar sawmpakhat a pel fel der tawh a, kan nupa room-ah chuan ka luggage chu a lo awm vang a, a chhung aṭang chuan ka thawmhnaw tur phawrhin bualin lamah la lut nghal a, ka chhuah meuh chuan a tlai belh duai tawh.






Zosangliana chuan min melh ngur a, "Rei lutuk mai" tiin bualinah chuan a lut ve nghal a, khumah chuan ka ṭhu hlun, ka ngaihtuahnaah hian eng nge awm tih pawh ka hrelo. Zosangliana chu mipa tih takah bualin aṭang a lo chhuak har lo kher mai.







A rawn chhuah chuan towel thianghlim var zet hi a rawn veng a, a sam pawh towel dangin a rawn hru phei pah bawk, chutia khuma ka thu reng min hmuh chuan min lo pan a, "zanin hian ka nupui i nihna chu i tichiang ngei tur a ni, inphelh rawh" a rawn tih chuan a thusawi chu awilo lutukin amah chu ka en reng. A hnu chuan






"Inhmangaih vanga innei pawh kan nilo a, nanga thu zawm tur ka ni hek lo" ka ti hmak a, ka kawr awm a rawn pawtin "Hre rawh, ka thuhnuaia awm ka sal ang i ni, ka nupui nih i hnialloh aṭang khan ka salah i inpe tawh, ka thusawi chu a kawi a ngilin i zawm vek tur a ni, thi tura ka tih hma che chuan i thi lovang a, thi tura ka tih che pawhin i thi mai tur a ni, i nunnah chuan kei lo thuneitu dang an awm lo" a rawn tih chuan zamlo ti lutukin ka en reng.






Amah bawk chuan "Sum vangin min nei a, i nulat nun pawh i hralh phalna sum chu i rin aia tam ka pe ang che, mahse nang hian ka duh ang chu min tihsak tur a ni." a rawn ti leh a, "Duhlo ta ila, engtin nge min tih ang" tiin cho lutuk chuan ka melh a, rawn kiai sukin






"Tihluih dan tur che chu ka hre tam lutuk tlat Bawihte, Zosangliana Sailo hi eng ang mi nge ka nih i hrelo a ni tiraw? Ka thusawi kha zawm la chuan hetiang hian i chungah ka che hauh lovang" tiin la kawr chu a thler kawk.






"Engtia min tih nge i tum? " hlauthawng ru taka ka tih chuan a rawn nui sup a, "I pasal ka nihna ka lantir dawn anih hi" tiin ka kekawr a pawt thla leh nawk. "engtin mah min ti suh, khawngaih ka duhlo ania, hetia intih ka duhlo.Ka phalna tel lovin ka taksa hi a sik pawh rawn si suh" a tir lam chu zawiin hlauh aw ka lang mahse a tawp lam erawh ka aukhum a ni ber.






"Zosangliana hian tu phalna mah a mamawh love" a rawn tih chuan rapthlak ti lutukin ka melh, "min hlat ang che, khawih pawh min khawih suh, nang ang Ramhuai, setana fapa ang maia chapo leh rilru chhia khan i kut sir pawhin min tawk suh." ka tih khum fak.






"Ka khawih che chu i va hlauh hmel ve, hmeichhe thianghlim ber awm ziazanga i ṭawng a, i taksa pawh chu khawih i hlauh viau, khawi lama putar hausain nge lo chul ṭhin che tih pawh hriat loh, ka khawih duh che hi lawm hle rawh" a rawn ti rum ul, keiin thin phu dep dep, mahse a hriat hlau tak si chuan amah hlauh loh hmel zetin a mit takah ka en ve kar.


(comment kha aw, 🤭🙈😆,, naktuk dah leh dahloh chu comment-ah ka nghat tawp e😆😂)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2023, 8:36 pm

Marriage without Love
By;🌼Te-i Mrs Ambrose🌼
Chapter 4






"Hre rawh, kei hi i pasal ka nih hi, ka sawi ang apiang chu i zawm vek ang" tiin min kuai dakin ka hmui a rawn fawp buan buan, rang lutukin ka namsawn dawrh. "Vawikhat, vawikhat mah ka phalna tellovin min tawk tawh suh ang che" thirim lutukin ka kawk khur hlak hlak.






Min en a, a thinrim hmel phen aṭang chuan a rawn la kiai suk tho anih chu, ka ngaina lo mai pawh a ni tawh lo. Ka ten hluah hluah hi a ni ber. "Kha i mize ṭhing ru zet kha ka hmaah phawrh tawh suh, chuan i hmeichhe kawp ṭhin ho ang kha ka ni velo, an taksa an hlan phal che a ni thei, ka lakah chuan engmah beisei suh, duh reng vangin ka nei biklo che" ka tihkhum hrawk.







"Duhvang rengin ka nei lo che ti chhen suh, duhlo la thih huam pawhin min neihloh dan i ngaihtuah khawp ang, chuan i thusawi phakhat kha chu i dik e, nang chu ka hmeichhe kawp ṭhin ho ang i ni lo. I danglam lutuk takzet, ka hmeichhe kawp ṭhin ho chuan kei min duh vangin min kawp a, nang erawh chu sum avanga min nei i ni, anni nen chuan inkhaikhin reng reng suh, an lakah chuan ui pawh i tluk dawn em ni?" chu a tawngkam zet chuan min vilh ngut ngut.






Engmah pawh ka sawi belh tawh lo. Hmeichhe rapthlak ber leh nasa berah min chhuah hian ka hre ber. A mitmeng thim khup leh hlauhawm ru zeta enin "Ka lakah i duh dan danin thutlukna siam suh ka ti ziah che, he ka laka i ṭawngkam chhakchhuah ṭhin rapthlak zet ho avang hian ngaihdam min dil chu tum ngai suh ang che, nang ang mipa, mit ina a hmuh pawh nilo, thu chiang sawi pawh awmlo, i thlir dan aṭanga mi teh ngawt ṭhin hian i tehfung hi a diklo tih i hriat hunah ka hnena ngaihdam min dil miah suh ang che, nang ang mipa thutlukna siam hma lutuk leh mi thinglung pawh tawngkam tlemt, mahse a dawngtu tana theinghilh theihloh, sèr siam thei tur i chhahchhuah fo avang hian ka ngaihdam ngai dawn silo che a" tiin khum aṭang chuan ka chhuk a.






Ka thawmhnaw ber a thler miau avangin ka luggage bawk chu ka phawrh leh a, engmah ka sawi tawh lo a, Zosangliana pawh chuti tho chu, ka thawmhnaw ka thlak a, Zosangliana chu che vutin drawer aṭang a thawmhnaw lachhuakin a inha mawlh mawlh. Eng nge a ngaihtuah ang a, eng rilru chiah nge a put ang tih ka hrethiam lo.






Ka thawmhnaw ka thlak zawh chuan khumah ka inthawlh nghal a, mit ka chhing nghal hmak, a hmel hmuh ka peih lo, reilote hnuah chuan room kawngka inkhar thawm ka hria a, ka men chuan room-ah keimah chiah ka lo awm tawh a, ka thaw suai suai. Kha mipa kha ka hua a ni. Eng vanga min hmuh tirh phat aṭanga ka laka rum nghal run leh min diriama min hmusit nghal em em nge a nih!?






Mi hi an landan aṭanga kan teh fo chuan eng tikah mah kan teh tling ngai lovang, mi chuan an pawn lam landan aṭang an teh hmasa ber a, ni e, pawnlam landan chu a pawimawh na meuh mai, mahse pawnlam ai chuan chhungril hi a ni zawk. Lehkhabu pawh 'a kawm atang ngawtin teh suh' tih a nih laiin tinge mihringte hian pawnlam landan aṭanga kan teh leh fo ṭhin.






Mihring chhungril hnehtu chu chhungril hi a ni chawk a, mahse a chhungril nun pawh eng nge tih kan hriat hma hauhin a pawnlam lan dan avangin kan teh tling lo nghal a, kan hlat mai ṭhin anih kha.Tuna ka pasal lo ni ta Zosangliana hian a mi thlirna aṭang min teh ringawt a, eng vanga nei nge ka nih tih hre silo khan min hmusit hle anih kha.






Ani pawh hi lehkhabu a kawm aṭanga teh mai ṭhin ho zing ami a ni chiang alawm. Naktukah ṭha takin ka bia ang a, chuta a ngaihthlak duhloh chuan a lakah engmah ka sawifiah tawh ngai lovang ti rauh rauh chungin ka muhil ta a.






Zingah chuan ka harh hma khawp mai, ka mut ngailohna a mu ka ni bawk a, mut chu a har lam a ni. Ka tho chhuak a, inhnuai lamah ka chhuk a, awmpui ho chuan min lo be siam siam hlawm. Chutih lai chuan Zosangliana a rawn chhuak ve a, zing zingah coat suit nen thlap a rawn chhuak a, min lo hmuh chuan mak a tih hmel deuh. Mahse insiam rem thuaiin "Hna ka kal dawn ania" tiin min hnungchhawn nghal a, a chhuak zui ta daih.






Kei áng pamin ka lo ding reng. Thil sawi ka tum pawh ngaithla lovin a chhuak daih ania, a pawilo tlai lamah ṭha taka kan inbiak theih mai ka ring. Chutia ka din reng lai chuan ka iptê a ka phone ah(k) chu a lo ri a, ka en chuan ka number hriat ngai a nilo. Mahse zing zinga min lo call ta chu a pawimawh a nih ringin ka chhang a.






"Hello" ka tih rualin mipa aw thian kharh ri hi ka hria a "Tunge aw? Pawimawh a awm em ni?" tiin ka zawt a, a reh deuh vang hnu a "Keimah, Zosangliana" a rawn tih chuan ka phone chu ka en reng ringawt. Amah a nih ka ring lo em a ni.






Kan ngawih dun vang vang hnu chuan "Nimina ka chet dan avang khan ka tihpalh a ni." a rawn ti a, keiin awilo lutukin ka phone chu ka melh ngawt ngawt. "Ihh" ka ti chiah tihah "Nupa kan ni tawh a, in hriatchian ka duh, nimin ang kha chu kan nih tawhlo ka beisei, chuan ngaihdam dillo tur che in min ti mahla ngaihdam chu dil che ka duh tho" a rawn tih chuan Zosangliana ka be lo emaw ka ti hial tawh.







"Tunge ka biak? Ka pasal Zosangliana chu ka be meuh a maw!!" ka tih chuan lehlam ami chu a rawn nui a, a nui ri ka vawikhat hriatna a ni. Mak ka ti lutuk! "Zosanglian i nui ania!!" ka mak tihna awka chu ka thup thei meuh lo. Chutia ka tih chuan a rawn nui hawk hawk a, chhan leh vang pawh awm lovin ka lungphu a rang ringawt lehnghal.






"Min ngaidam dawn em, nimina ka chet dan avang khan? " a rawn tih chuan ka ngaihtuah rauh rauh. Mak lutuk tak maiin min rawn biak tirh khan nimina ka chunga a thilsawi avang leh engkim avanga ka thinrimna kha a reh fel hmak. Nimin khan a ṭhen a zar chu a reh tawh zawk.







"Sawmsawm" a rawn ti thum dut a, ka hminga a vawikhat min kohna a ni a, chupawh tu mahin min koh loh dan an lehnghalin. "Imm, ka ngaidam ang che" ka tih chuan a reh leh vang vang a, "Hna aṭanga ka lo haw hunah engkim ṭha takin kan sawifel ang a, kan buaina ṭhin kha chu kan theinghilh dawn nia" a rawn ti a, ka khi ver ver.






Zosangliana Sailo POV







Ka nupui ka biak zawh chuan ka thaw hawk, a vawikhatna atan ngaihdam ka dil ta mai chu a nia, ka nupui hi hmeichhe mak leh dangdai tak chu a ni ngei ang. Nimin zana ka chetdan kha a diklo tih ka hria a, a lakah thutlukna ka siam nghal avang mai pawh khan ka thiam lo a ni.






A mitmenga natna avang khan a chunga ka nunrawng mah mahin ka hria, ka thusawi kha ka sawihnu reiloteah ka inchhir nghal a nih kha. Ngaihdam pawh dil kha ka duh a, nimin kha chuan ka chapona in min hneh em a, engmah pawh sawi lovin ka chhuahsan mai kha a nia.






Tun aṭang chuan a lakah eng thutlukna mah ka siam mai mai tawh dawn lo. Mipa â ber ang maia thutlukna leh ngaihdan ka siam kha keipawh hian ka in zahpui a ni. Tu hmeichhia mah ka la hnaih ngailo a, mahse tuna ka nupui Sawmsawmi erawh hi chu a dan a dang. Park a ka hmuh hmasak ber pawh khan engtin emaw tak hian ka awm a, mahse ka awmdan kha ka hrethiam lo.






Ka nau nupui tur anih tih ka hriat khan amah kha ka haw nghal em em, a chhan chu ka nau nupui tur pa leh ka pa hian deal an sign a, an deal ka hriat khan ka thin a rim a ni. An inneih ngei ngei theih dan a tu lam zawk zawk pawn inneih kha an remtih loh chuan an thil neih a chanve zet chu inneih pawmlotu lamin an chan dawn tih ka hriat vang a ni.






In hmu ngailo, in hmelriat pawh ni hawt silova inneih a rem tih mai avang khan leh kan inhmuh tirh oawha sum min puk nghal ngawt avanga a laka ngaihdan siam ka ni. Mahse nimin zana a mitmeng khan a laka ngaihdan ka siam ringawt kha ka thiam lo a ni tih ka hriat ohah a. Nimin ang boruak kha chu kan tawn tawhlo ka beisei.






Malsawmsangi POV;






Chhunah chuan chhan leh vang pawh awm lovin ka khi leh vur vur zel, Muanpuii chuan "pasal neih hi a nuam viau em ni? I khi reng mai" a rawn ti a, keipawn a chhan ka hre bik lo. Bante chu chak zek zek.







Ban a rawn hun chuan kan in lam panin ka haw a, in ka thlen chuan kapa a lo awm reng a, "Eh, Bawihi eng nge i rawn tih dawn a!?" mak ti lutukin ka pa chuan a rawn ti a, "aw, hna ka bang tawh a, ka rawn haw antih hi" ka ti a, ka room lam ka pan nghal.







Kapa chuan min lo zui lut a, "Bawihte, i pasal inah va haw ta che" a rawn ti a, ka wardrobe ka hawng fel chiah bawk a, ka thawmhnaw pakhatmah a lo awm lo. Ka pa bawk chuan "Bawihte, pasal nei tawh ini a, he lamah chuan lo chuangkai tam lutuk tawh suh" a rawn tih chuan ka harhchhuak zawk.







"Awhh, pa ni tak e, pasal ka nei tawh tak , ka thenghilh daih alawm" ka tih chuan ka pa chu a rawn nui a, oasal ka neih tih ka theinghilh tak tak chu le? Ka pa chuan haw vat tura min tih tlat avangin ka kuah vang vang phawt a, ka haw san ta a.







In ka thlen chuan Pa Zama chuan min lo nuih var a, a ngainatawm chiang alawm, "Vawiin lamte i hmang nuam maw?" a rawn ti a, ṭha takin ka lo chhang ve mai. Zosangliana chu a lo haw har em avangin chaw kan eisan ta ringawt a.







Zan dar sirih bawr velah chuan a rawn haw a, zu rim a rawn nam deuh lehnghal, room lama a tlang nghal avangin ka zui chho ve a, room kan thlen chuan "I lo va haw tlai ve" tiin ka pan a, zanin hian engkim ka neih chhan zawng zawng ka hrilhvek ang.







Zosangliana chuan rum lutuk hian min rawn melh a, "Hmeichhe tenawm lutuk, min rawn hnaih suh, hmeichhe dang ngaihtuah chuan i danglam ka lo ti a, i lo danglam zawk ngei e, nang ang hmeichhia ka lo ring hman che leh ṭha taka kan awm theih ka ring kha ka lo â hle a ni" a tih chuan ka hrethiam lo takzet.







"Vawiin tlai khan in în lamah i kal em?" a rawn tih chuan ka bu nghat a, "Ka rin dan chiah a ni, tenawm lutuk mai" a rawn ti a, thu ṭha taka sawipui ka tum laia chutia min tih chuan min khei zak. "Kan în lamah ka kal tih i hriat dan a,ang chuan min lo zuitir a ni maw? Kan în ania, duh leh ka kal ang chu" ka tih chuan a rawn nui suk.







"Hmeichhe pangai tak i ni emaw ka ti hman tawh, pawisa ngawr ngawr a lo duh biklo a nih hi ka ti che a, mahse nang aia duham leh sum duh hi an awm tawh hauh lovang, hmeichhe pangai anga ka lo ngai ringawt che pawh kha ka diklo a ni.






Tukina ngaihdam ka dilna zawng zawng che kha ka sut let vek e, sum chauh ngaihtuah hmeichhia hi chhuak nghal rawh" a ti hrawk a, ka phu nghek lo chauh a ni. "Sum, sum, sum, he sum avang hian vawi engzat chiah nge puhchhiat ka nih tawh, sum chu ka duh viauin i ring a mi, nang hi mipa mawl, mahni thlirna pawh tizau tum lo, mi chaldelh ching leh mi humsit taka ṭawngkhum bak engmah i thiam lo em ni?






Eng ang mipa nge i nih? I sum i chhuan leh sum i sawi reng ṭhin avang hian vawi engzat chiah nge sum duh hmeichhe gold digger angah ka chhuah ngai dawn, he i sum sawi chhen hi eng atan mah ka tilo" ka tihkhum tawn tawn, "Sum duh vanga min nei i nih kha" a rawn ti leh a,






"Sum vanga nei che ka nilo tih vawi engzat nge ka sawi ngai dawn, ka neih chhan che chu" ka sawi hmain kut a rawn vai hluk a, "ngawi rawh, engmah sawi suh, i thusawi kha ka rin beisei miah suh, min neih chhan pawh engmah sawi suh" tiin oindan aṭang chuan a chhuak nghal a, kawngka a rawn khar ri bur bawk.






A ṭha, a ṭha, ka thusawi nghaithla duhlo tu chu eng atan nge ka biak reng ang a, engmah hriat tumlo tu leh min rinna nei hlawllo tu lakah chuan eng nge ka hrilh ang, chuan ka insawifiah ang maw!Hnai love, ka thusawi ngaithlak tumlotu lakah hian eng thil mah sawi ka ba love.



(Zinga inngeih hmel tawh tak si te kha eng vanga hetianga awm leh ta hi nge an nih ang le? 🙈🙊 han ring chhin ula🤭 in rin dan hian ziahchhuahtur thar leh thluak thar, ngaihtuahna thar min pe ṭhin ania🤗)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2023, 8:36 pm

Marriage without Love
By; Te-i Mrs Ambrose



Chapter 5







Zosangliana chu room dangah a riak leh a ni ngei ang, ka men chhung zawngin thawm pawh a rawn nei tawh lo. Tukina ṭha taka inbia a, tlai pawha ṭha taka inbiak tum si kha eng vanga khatianga awm kha nge anih.






Aman 'kan buaina ṭhin ang kha chu a thlen tawhloh ka beisei' a ti a, mahse amah ber khan buaina a chawk chhuak leh ringawt a nia, tukina ka biak kha Zosangliana a nilo a ni ang ka ti rum rum tawh, tukina ka biak kha chu vantirhkoh ang maia zâidam hmel kha a ni a, zana ka hmachhawn erawh kha chu ramhuai ang mai a ni thung.






He mipa hian mize inang lo hlawk pahnih a nei em ni? A, chu zawng ka buaina tur a nilo e, mu phawt ila, engkim a ṭha a nimai. Ka ngaihtuahna ka sen tam pauh leh ka chauh blelh ting a ni mai.






Zing ka harh chuan inhnuai lamah ka chhuk a, Zosangliana leh pa Zama chu an lo ti ti mawlh mawlh a, pa Zama'n min lo hmuh chuan min hui nghal a, ka va kal ve mai bawk, Zosangliana'n a bula ṭhu tura min hui chuan pa Zama chu ka va en a, min lo en ve reng avang chuan Zasangliana bulah chuan ka va ṭhu a, Zosangliana chuan ka kawng a rawn chelh ringawt a






a tirin mak ka ti deuh, mahse rei a nilo, ka melh rum hrep a, a lo la mui duh lek chauh lehnghal. Pa Zama chuan "Sawmte, pasal nei tawh i ni a, I pasal Zosanga hian i hna chawlhsan tur chein a duh che niin ka hria a, kei pawn ka lo pawmpui mai a, Sailo monu i ni a, nitina hnathawhna lama i liam reng pawh hi kan chhungkaw tan chuan mualphona chikhat a ni, tin, ninim zanah Zansanga hian a sawipui tawh che niin ka lo hria a






Nangin i lo pawm tho bawk nen, tukinah Zosanga hian i banna lehkha a thehluh sak che ania" a tih chuan ka meng bial nasa mai, Zosangliana ka va en chuan min nuih suk a, pa Zama hi awmlo ngat se chuan ka aukhum tawn tawn ang.






Tukkhat thilthuah hna neilo ka ni ta der mai ania, engtin nge hepa Zosangliana hian a ngam zawk? Ka phalna tel lovin ka hna chungchangah a lo inrawlh a, chu mai pawh duhtawk lovin damdawiin lamah ka banna tur a thawn der mai ania, ka haw so hluah hluah.






Pa Zama hmai ka zah avangin engmah ka sawi lo a, aw pawh ka tilo a, ai pawh ka ti hek lo. Ka ṭhu ngawi chawrh chawrh ringawt. Chutah Pa Zama chuan ka rinloh lutukin "Sawmte, hna neihloh tawpa ina tap reng chu i tan pawn a thaw ipik thlak dawn a, Zasanga hi karkhatah vawithum tal i zui ṭhin dawn nia, kan thil neih zawng zawng chu i ta ve tho an ni a, i hriatchian ve te pawh a ngai alawm" a rawn tih chuan Zasangliana nen chuan kan phu dawrh lo chauh ani.






Ani pawh apa in khatiang a sawi kha a ringlo a ni ngei ang, min lo en a, amah ka hmuh chuan ka sawitumloh lutuk ka sawichhuak phawng, "Ni e Pa Zam, Zosanga kianga awm theihna hunṭha leh thildang pawh hriatchianna hun a ni mai a" ka tih chuan Zosangliana'n min melh rum khawp, keiin nui sangin ka lo en thung.






Kei ina hna nei lo va ka awm laiin ani hnaah kalin a duh dan danin a awm bik ang maw? Teuhlo, hetiang mipa hmeichhe dang laka min dah hniam ngawih ngawihtu hi eng hmeichhia chiah nge ka nih a hria ang, a nupui hian engthil nge ka tihtheih a hria ang, tukkhat chhung lekin ka hna min tihtawp sak a, kei chuan a hna lam chu ka tihtawp sak lovang, mahse a nun erawh a nuamsa bik miah lovang.







Room lamah ka chhoh chuan Zosangliana chu thinrim insum tih hriat zet hian a thaw kawk a, kei pawh ka thinrim lo bik chuang em ni? A lamah ka hawi a "Eng vanga ka hna chungchanga lo inrawlh a, banna lo thehlut nge i nih? Khatiang thil ti tur khan tu nge ni a i inhriat a, ka nunah leh ka hnaa inrawlh turin tu chiah nge inih?" thinrim insum, ṭawng rin hlau si chuan ka ti zawi fak.






"I nunah leh i hnaa inrawlh turin i oasal ka ni, hmeichhia in pasal a neih chinah chuan a pasal kuta tlu lut a ni a, mahni pasal kuta tlu lut ta nafam chuan pasalte thu leh hla chu a zawm mai tur a ni" a rawn ti a, "Chuan nangpawh khan vawitekhat mah ka hna chungchang min enpui ka ngai lo a, chuan i lo kal hauh tur a nilo" a tih chuan ka nui suk.






"I hmeichhiate ka hmuh a, i pa hi ka hrilh i hlau em ni?" ka tih chuan min melh puak lo chauh. "Ka pasal i nia, buaipui che chu ka hnapui ber a ni tawh alawm" a huat ber tura ka rin danin ka ṭawngchhuak a, a lo haw nangiang mai.






"Ka nupui i nih avanga i tihtur engmah ti suh" a ti hrawk "Nangpawn i ti tho alawm, mahni nupuite hnathawh hlau ber ni awm ziazangin ka hna min tihtawpsak a ni lawm ni?" Nui sang chu si, mahse kha fak chuan ka ti a, min melh ngur a, keipawn ka melh ve kar tho.






Ka phone a lo rik avang chuan ka kalsawn a, ka phone screen a hming lo inziak ka hmuh chuan ka ner ru sak, mahse ka la ta tho a, "Hello" ka tih chuan Zosangliana'n min melh reng a, ka che zawng zawng chu a chhinchhiah vek emaw ka ti hial a ni.






Lehlam aṭang Hruaizela chuan "Zosangliana maw i pasal chu, teh daih chuan!" a rawn ti a, sawi tur pawh ka hre lem lo khawp, kei pawhin ka neih ka rinloh vai nen, ka pasal a ni ta der chu ania, amah bawk chuan "Ka rin i ang lo khawp mai, pasal hausa lutuk i nei a, chuan hna pawh i bang nghal bawk a, i pasal sum ngawt ringin i khawsak reng theih i ring ami? Hmeichhe khawloh hmel tak i ni" a rawn tih chuan ka sa pup pup.






Lalhruaizela hi mipa ṭha tak a ni emaw ka lo ti thin, mahse mi ṭha nih chu khawi lamah, pasal ka neih pawh tih tawh nak laiin ṭawngkam chhe tinreng ka dawng a, tunah lah ka ṭhian hnen aṭangin elhsenna ṭawngkam leh diriamna ka tawk leh bawk a.






Hetia pasal ka nei ringawt pawh hi ka ipik tawh nak laiin ṭawngkam chhe pui pui ka dawng reng a, ka tlin tawh meuh lo zawng a ni. "Lalruiazel, ngawi la i ze ṭhalo i thup a nimai, mipa pangai tak emaw ka ti ṭhin che, mahse mi pangai pawh phalo i nih hrep hi" ka tih fak chuan a lo nui a,






"Ka duhna che i hnawl chhan mipa khan i nun kha hremhmunah chhuah ngei rawh se" a rawn tih chuan ka phone chu Zosangliana'n min rawn chhuh a, a bengah chuktuah nghalin "Tunge i nih ka hrelo. Mahse ka nupui khatianga ti ngam tur khan tu chiah nge i nih a i inhriat? Khatianga ka nupui i rawn ṭawngkhum leh anih chuan kan in hmachhawn tawh ang" tiin phone chu a cut nghal hmak.






Amah chu ka en reng a , Hruaizela thu rawn sawi kha a hre pha em ni!? Chuan ani khan ka thlavang a rawn hauh bawk a, hepa hi ka hrethiam hrep lo. Min rawn en a,






"Hmeichhe buaithlak tak zawng i ni ngei anih hi, par tin lawr kual dun dun lo la khatiang ṭawngkam kha i dawng hauh lovang" a rawn ti a, amah chu ka melh kar, "I lak aṭanga ka dawn ngaihtuah chuan a nep alawm" tiin ka chhanglet vat.






"Englai pawhin ka pawnlam landan chauh i teh ṭhin, chhan leh vang pawh awm lovin ka lakah i thinrimin ṭawngkam chhe tinreng ka lakah i chhakchhuak fo a, kha i ṭawngkam kha a lo dawngsawngtu tan engtia chiaha na nge tih i ngaihtuah ngai lo, midang ka aṭanga dawn belh leh pawh ni ila, ka tuar thiam vek zel mai alawm" tiin ka hnungchhawn a.







Inhnaui lamah ka chhuksan ta daih, chaw ei a hun ṭep tawh a, hnathawk ho chu ka pui ve mawlh mawlh, mahse duh anga puih theih pawh an nilo. Hnathawh min phallo vek hlawm a, mahse ka pui lui tho.






Chaw ei kan siam a, Pa Zama te pafa pawn dawhkan chu an lo kil a, pa Zama chuan "Sawmte, vawiin chuan Zosanga hi a hna lamah va zui la, in lo haw hma dawn nia, ṭhenrualte nen chaw ei khawmna kan nei dawn ania" a rawn ti a, Zosangliana lam chu hawi lehin "Bawiha, i nupui hi lo duat la, miin i nupui an zah i duh chuan nangin i zahthiam hmaksak a ngai a, vawiina hruai ve tura ka tih chhan che chu






engtik niah emaw kan company lama a rawn lan a ngaih hun a awm ang a, chumi huna miin Sailo monu a ni tih an hriat a an zah theih nan leh chinchang a hriat theih nana hruai tura ti che ka ni. Lo duat la, hnalam pawh kha a thiam zawng lamah chuan uluk taka hrilhin i zirtir dawn nia" a ti leh a, keini pahnih erawh kan en in reng thung.







Pa Zama bawk chu rawn ṭawng lehin "Sawmte, nang pawhin i pasal zai ngai thiam la, a thu i ngaichang reng ṭhin dawn nia, inhmelhriatna pawh awm lova innei ni mah ula, nupa ṭha tak leh inhmangaih tak in ni thei ania, inngeih takin in awm dawn nia" a rawn tih leh chuan ka lo bu nghauh nghauh ringawt.






Chaw kan ei kham a, kan nupa chuan room lamah bawk kan chho leh, apa in min hruai ve tura a tih tlat avangin engmah a sawi ta bik lo va, keipawn sawi tur ka hre hek lo. Kan insiam zawh chuan in aṭangin kan chhuak a, an company lam pan chuan kan kal ta a.






Motor a din chuan ka chhuk hmain Zosangliana chu a chhuk vut a, kawngka min hawnsakin a kut min rawn pe a, driver leh pawn lama niin min en reng avang chuan a kut chu ka vuan ve ta hram. Company chhung lamah chuan kan lut a, thawmhnaw nalh tak tak a tam ngang mai.






Ka naupan lai chuan designer ka ni ang ka ti ṭhin, mahse ka nu in min boral san hnu a,ang khan designer nih ai chuan doctor emaw, nurse nih kha ka duh ta ania, ka nu damloh laia kan inenkawl lai khan doctor leh nurse ṭha leh fel tak tak awm ve fur mahse a ṭhen chuan min ngaihsaklo em em anih kha.






Kan Mizoram zimtea doctor leh nurse ṭhenkhat biak huphurh awm khawpa inhmuam ûp te an awm fur a, thingtlang lam aṭanga enkawlna ṭha beiseia lo kalte chuan ngaihsak an hlawh vak lo, chu mai pawh nilvovin nurse ṭhenkhat phei chuan hnaih pawh an hnaih ṭha duh meuh lo ṭhin a nih kha .






Nurse leh Doctor te hi mipui tana thawk an ni a, mahse mi ṭhenkhat chuan mipui tana thawk an nihzia inhre lovin a mipui inentira lo kalte chu kan lo ngaithah mai mai thin a, doctor leh nurse zawng zawng khatiang mi kha an ni ka ti vek lo mahse a ṭhen a zar chu ka sawi aia rapthlak pawh an la awm ang.







Khang ho avanga nurse nih chak ta pawh ka ni, kei chuan nurse ka nihtheih chuan min lo pantu apiang chu ka theih anga puih ka duh a, an tan malsawmna thlentu ka ni thei ve mial mahna tih rilru pu a nurse training ta reng kha ka ni.







Kha hmaa kut an lo vai chuan ka harhchhuak zawk, Zosangliana chuan chiang tak mai hian min lo en kur a, ka zam lek lek lehnghal "I ngaihtuahna aṭang khan lo chhiakin mipui hmaa thusawina tawi i neih duhloh chuan lut ang" tiin min kai kal nghal.






An company a thawk ho chuan min lo chibai sap sap a, a ṭhen an phun mur mur ṭhin bawk, eng nge an sawi tak hrelo mah ila, keima chungchang chu an sawi ngei niin ka hria, mahse ka hrelo der hmak.






Ama office bik kan thlen chuan ka kut a vawnna chu a thlah ve ta hram a, keipawh couch lam panin ka ṭhu nghal hnawk. "I duh hunah i haw mai dawn nia" a rawn tih chuan a lam chu ka hawi a, "Pa Zama'n mak a lo ti lutuk palh ang" tiin mit ka chhinsan daih.






Reilote hnuah kawngka inhawng thawm ka hria a, hmeichhe aw hian "Zosang, ka thuhriat kha a dik em?" a rawn ti nghal bawk a, ka men chuan Rosy kha a lo ni. Henu hi a nasat hmel takzet, min hmuh chuan min lo pan nghal a "Hmeichhe zaktheilo tak i ni, Zosanga tan hian vangvat ang maia laksawn har leh ninawm i nih ka ring" a rawn ti a, ka nuihluih sak







"Nupa inkarah chuan vangvat tih vel mai maiin hmun a chang nang" awiki dam lutuk hian ka ti a, Rosy erawh a thinrim hmel hle, "Zosanga hi a hnathawhnaah lehzel i lo zui a, zak ve ta che, hmeichhia sum duh lutuk i ni tih i rawn pholang mai mai" a tih chuan kut ka lek vut, mahse Zosangliana chuan a rawn man chat.






"Rosy hi kutthlak mai mai tur a nilo" a rawn tih chuan ka nui ro hlah. "hmeichhe buainaah lo inrawlh suh" ka ti fak, Rosy lam chu hawiin "ka chungchang hriat i neilo, i hrelo anih chuan hre ber awma ṭawng kha sim hmak ang che, ka ze chhe lai ber ka hmuh che chuan dam i chaklo rum rum ang, a hman hman hian sum duh min ti ringawt ṭhin suh ang che u







Sum duhlo mihring i hre ngai a mi? Nang hmeichhe leplerh zet hian ka chungchang sawi tawh miah suh, i chungchang hi ka hrelo emaw i ti ang e, i rin ai daihin ka hre tam ania, nikum lam pawh khan" ka tih chiah chuan tuiin min theh ṭhawt.






A thinrim lutuk vangin a khur hlawk hlawk a, keipawh ka bang bik chuang lo. "ka nunhlui kha vawikhatmah sawi tum tawh suh" a rawn ti kha fak, "i duh duhin min puh tawhlo la, ka sawilo a ni mai" ka ti let ve nghal, Zosangliana chu a ngawi reng.







A lamah ka inher a, "Nang hi ka haw hluah hluah che, ani chu kut ka thlak i hlau ngawih ngawih a, kei ve chu, ni e, min duh vanga min nei nilo mahla, ka pasal i nihna avang tal pawha ka thlavang chu hauh ve tur i ni asin,
minute leh darkar tin,nitin hian ka huatna che hi a zual chho telh telh tih hria ang che







Mipa laktlak loh lutuk, huatloh che tum mah ila, ka huat zawng tur hlirin i khawsa a, i chetdan engkim hi ka hua a, ka ten takzet che, i hria em Zosanglian, ka haw lutuk che" ti khum nghekin office chu ka chhuahsan a, ka chhuah rual chiahin hmeichhe natuar ri ka hre nghal. Mahse ngaihven tawhlo chuan ka kal lui ta tho.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2023, 8:36 pm

Marriage without Love
By; Te-i Mrs Ambrose


Chapter 6







Hnathawkte chuan min lo thlir nasa mai a, a ṭhen an phun mur mur a, hetiang ze ṭhing lutuk hi ka hua. Mi rela kan phe buai peih hi chu kan chhuanawm ka ti ngawt mai, kan mi relte kha eng mi nge an nih kan hrelo a, mahse kan rel tui em em tho.







Kan rel avang khan an ze chhelai a ṭhat phah dawn pawh a nilova, ,hat a hnekin aṭthen chuan an nun a ze ṭha lai an hlauh phah thei bawk, huizz,, a hahthlak a ni e, mi rel a phun sep sep lo hian kan tuhtur hi ṭha takin ti ila a tawk. Mi miziaa lo buai chhen ai chuan keimahni miziaah buai ila, tumah zilh ngai kan awm lo a ni mai.







Ka chhuak ve rawih mai chu kalna tur ka hre tawh silo a, ka lawina in lam pan ngawt ila, Pa Zama'n mak a tih ka hlauh avangin kan in lam pan chuan ka kal a, ka pa hian dawr a hawn ka rin loh avanga kan in lam pan ka ni.








In ka thlen chuan ka pa chu a lo awm ngei a, min hmuh chuan mak a tih hmel khawp mai, "Bawihte, eng nge i rawn tih dawn" a rawn ti a, a chakloh hmel viau hian ka hre tlat lehnghal. "Pa, i thutiam i hlen ve a hun tawh alawm" ka tih chuan min en vang vang a. "Bawihte, ka inentir dawn alawm, chuan damdawi min chawh pawhin ṭha takin ka ei mai ang, i rawn lan zut ten, mite'n engtin nge an ngaih ang che" a rawn ti dam thluam a.








"Nangmah avang chuan engpawh ka tuar thei alawm" ka ti awlsam mai, "Pa khaw nge Rote-i chu, a lo awmpui che niin ka hria" ka tih chuan "Bazar lamah a chhuak anih kha" a rawn ti a, "Naktuk chuan keiman damdawiin lamah ka hruai ang che, checkup pawh ka neihpui nghal ang che" ka tih chuan a rawn thaw hawk.







"Lo kal tamlo la ka duh asin" a rawn ti a, ka melh no lo viau "I fanu hian apa hi a rawn pan loh chein" ka ti a, min rawn kuah a, "Fanu fel tak ka nei che a, ka inchhuang a ni" a rawn ti a ka nuih sen sen.Kapa kiangah chuan ka ṭhu a, ka naupan deuh lai chungchang sawiin kan nui dun leh ṭhin.







Ka pa chu ka en vang vang a, "Pa, ka pasal kianga ka damchhung zawnga awm tawh turin i hnenah thu ka tiam a, mahse kha ka thutiam kha lo ti puitling thei ta lo ila engtin nge min ngaih ang?" ka rilrua zawhna awm reng chu ka pa hnenah ka zawt ta tawl.







"Bawihte, eng vanga chutiang lam chu sawi ta daih nge inih? I pasal hi i hmangaih vanga nei nilo mahla, engtik niah emaw chuan inhmangaih hun in la nei thei a, in inkarah hmangaihna piang kher lo mahse, nupa inrem tak in la ni dawn alawm








tunah hian i hreawm viau a ni thei a, mahse tuar la, i tuarchhuak ang, i tawrhna zawng zawng hi i phaw-ah hmang la, nangmah tichaktu che an la ni ang. Tawrh hmasak phawt loh chuan hlimna awmzia a hriat fiah theih loh a, 'mihring siamṭhat nan khawdur a ngai' tih a nih kha, mihring siamṭhat nan pawha khawdur a ngaih chuan mihringin hlimna awmzia a hriat nan tawrhna leh natna pawh a tawk ang. Chumi a tawrhchhuah hnuah chuan amah aia hlim nawmzia leh hlimna awmzia hrefiah an awm kher lovang








A tirin Pathianin lei leh van a siam tih a ni a, kan chhiar thlak zel chuan Pathian mihring a siam hmain mihringin a mawmawh a siam vek phawt a, tichuan mihring a siam chuah a nih kha.







Kha Pathian hmangaihna a khat kha a mi siamten kan phatsan avangin chatuan nun nei thei tawhlo kan lo ni ta a. Khata ṭang khan mihringin thlan luanga a thawh a ngai tawh, engkim hian man a nei vek tawh a, eitur nei duh chuan a thawh hmasak phawt angai a.







Hlimna pawh hian man a nei a, khawvelah hian man neilo eng thil mah a awm lo. Chumi chu a hrechiang apiang chuan hlimna hun a hlut thiam a, lungngaih hun a tawn chang pawhin a vui mai ngai lova, a hmaa êng chu a thlir tlat a, thimin min tuam ṭhin mahse, thim chu êngin a rawn thlak hun a awm ngei ṭhin.








Mihring chu nat chang leh lungngaih chang awm mahse, chu hun chuan min kiansan hun ala awm ang, mihringin kan nuna kan nat lai ber kan tawn chang pawhin Pathian hi bel tlat ila, Ani chuan min chhanchhuak ngei a, Pathianin kan nat a phal a, mahse kan na hlen dawn lo.







Tawrhna min petu hian kan tawrhna pawh min lak kiansak thei a, engkim kan tawrh a phal, Ani kan hriatchian theih nan kan tawrh a phal a ni. Nangpawh Bawihte, tuna i tawrhnate kha midang tawrh ngaituah chuan a nep lutuk ania, i tawrchhuah hun ala awm ang a ,i tan ni éng ala chhuak ang" a rawn ti duah.







Pawm lam aṭang pen thawm a rawn awm a, a hmel a lo lan chuan ka melh no hran lo khawp mai, "Kapa, i damṭha zel maw?" a rawn ti lut a, kapa a lo bu nghat nghat. "Sawmsawmi ipa i hmuh duh chuan min hrilh la, ka zui mai dawn che alawm" a rawn ti a, eng rilru tak pu ang maw ka ti rilru mawlh mawlh







"I hna lamah i buai em alawm, hna in a bawm che pawh nilovin a zar reng zawng che khan ka hria" kapa hriatthiam loh tur mahse Zosangliana'n a hriatthiam ngei tur chuan ka sawi a, a rawn khi suk a, "I tan chuan hun awl ka insiam dawn alawm, hna chuan eng ang pawhin min lo zar nasa mahse, i tan chuan ka hnawl sawn zel mai ang" a rawn ti a, ka melh hrep ringawt.







"Kapa, i zahawm viau nangin Sawmsawmi ka haw pui tawh mai dawn em ni? In lamah chaw eikhawm an ti si a" a rawn ti a, lan pawh ka peih velo a sin le. "Aw, va hruai haw teh khai, keipawn haw turin ka lo ti ve mek alawm" a rawn ti a, ka ner nang nang mai.







"Zosang, ka fanu hi i kuta tlulut a ni a, kei chuan kehthei dawm tak meuh meuhin ka dawm ṭhin a, in înah a rawn mo a, ka fanu hi nâ taka in siam ngai ka ring lova, khawngaihin ka fanu hi pangpar anga uluk leh duatin lo enkawl rawh aw,







pawn lamah hmeichhe chak tak angin lang mahse, a chhungril nun a nem ania, a chaklohna laia in tawk fuh tawh anih chuan thochhuak tur awmlo khawpin ala kehchhia ang tih ka hlau a ni. Pawn lama chhel takte hi an nun chhungril midang zawng aiin a nem ṭhin ania" a tih chuan ṭullo ti lutukin ka pa chu ka en.







Khang thu kha sawi kher a ngai lova, sawi lo tawp zawk tur a ni. Zosangliana chuan "Lutuk e ka pa, ani ang hmeichhe nunnem lutuk hi chu ka tina phal nang, a nun hi nuam takin ka siam ngei ang. Eng hmunah nge ka dah ang tih pawh ka sawi mai theilo" a rawn ti a, a mipa hi hmeichhia zawk hian kutthlak ka chak zet zet.







"Sawmsawm, kal ang le" tiin a kut min rawn pe a, ka lo vuan ve mai, kan chhuah hnu chuan a kut ka thingthla hnawk. A rawn chelh leh nghal a "I pa-in min la thlir reng ania, awm ṭha hle hle rawh" a rawn ti a, hnunglam ka hawi chuan kapa in min lo en reng tak tak a. Mak ti ru zetin Zosangliana chu ka en reng.







Car-a kan luh hnu chuan ka kut chu ka la sawn a, engtin mah min tizui tawh bik lo. "Eng vanga chhuak ringawt nge i nih?" a rawn tih chuan zalo lutukin ka nui a, "In kianga awm ka chaklo tih chu hre tur i ni asin, in pahnih kianga awm ai chuan sakeiin a seh atan pawha inpek ka duh zawk" ka ti fak.







"A ngai kher lovang, ka nupui hi sakeiin a seh a mai mai atana nei ka ni hleinem" a rawn ti a, ka haw so bawrh bawrh . "Thi pawh nila, ka mittui farkhat pawh ka sengin ka ring lo" ka ti leh fak.







"I pasal min ṭah lovin, tu nge i ṭah chuan ang, kan thilsawitur hi ngaihtuah hmasak a ṭha" a rawn ti a, alam hawi chuan ka nui ro halh, "I ngaihtuah hmasa bik em ni? Kei erawhin ka ngaihtuah bik a ngai a maw!? Ka pasal hi chhun loh i har em a, ka chhun chho telh telh dawn che anih hi" ka ti a, a mitmeng a rawn danglam zawk mahse engmah a sawi tawh lo.







In kan thlen chuan kan room lamah kan lut nghal a, kan inbe lo hrim hrim. Inhnuai lamah kan va chhuk chuan Pa Zama chuan min lo nuih sup a, "Sawmte, a nuam bawk maw?" a rawn ti a, Zosangliana chu ka ve melh zawk a, "A nuam lutuk pa Zam, Zosanga hian min duat lutuk a, ka kut leh ke balh mawlh a hlau a, ka kut vel sil turin min ti reng a, min bual lo chauh" ka tih chuan Zosangliana chuan min rawn melh zawk.







"Ava ṭha ve, nitin kaldun ula a ṭha ang" a rawn ti a, engmah pawh ka sawi tawh lo a, ka nui ringawt. "Insiam hma ula, kan kal hma dawn nia, program tenau a awm dawn ania" a rawn ti a, ka bu ringawt.







Zosangliana nen chuan room lamah bawk kan lut leh a, ka inthlak mawlh mawlh, "Sawmsawm" a rawn ti a, a lamah ka hawi a, mitko ka san zeuh ringawt a, "Tihpalh" a rawn ti a, awilo lutukin ka nui chhuak hak.








"Engvang chuan maw?" tiin ka en kar, "engvang pawh khan" a rawn ti a, "hmelma angin min en zawk rawh, ngaihdam min dil suh la, ka chan tawk rèng angah ngai mai rawh, ka tan chuan ka mi huat pakhat leh ka hmelma chauh i ni" ka tihkhum a, a mitmeng ka chhiar thiam ṭhin lo. "'I hmelma chu hmangaih la' tih anih kha" a rawn ri a, amah bawk chuan "i hmelma angin min en a, min la hmangaih i tum em ni? Ka nupui hmangaihna dawn chu a nuam khawp ang le" a rawn ti a, "i mumangah le" ti hmakin ka thawmhnaw chu la chhuak a.








Chaw ei khawmnaa kal tur kan nih avangin thawmhnaw mawihnai zawk hak tur ka zawng a, Zosangliana chuan ka hnung lam aṭangin "Kawrfual senno kha ha rawh" a rawn ti a, ka en a, a sawi avanga hak tum lo zet khan a dang ka hmuh hlawl loh avangin ka ha ta nge nge.








Jipper ka la jip theilo zui ka phun hluk, Zosangliana chuan min rawn pan a, "Ka lo ti ang" a rawn ti a, "A ngailo, ka thei ve reng" tiin ka hnungchhawm hmak, darthlalang aṭang chuan ka zuk en a, khumah ṭhuin min lo en reng. Mahse hrelo ang hmakin ka awm.







Ka thawmhnaw jipper lah chu ka la jip theilo zui, ka thinrim ṭeuh tawh. "Ka lo ti ang" tih leh ka hnung lama ka jipper chu rawn vawn a rual a, "luhlul ṭhin lutuk suh, puih i ngaihna laia chuan ka pui thei reng che ania" amah anglo tak chuan a rawn ti a, a hmaa ka biak, Zosangliana mize pakhat zawk kha a chhuak nimaiin ka hria.







Ka jipper chu awlsam tak hian a rawn jip mai a, ka beng ala nul thuak zui. Ka ṭek chhawk. "Chhuk ang le" tiin inhnuai lamah chuan min kai thla a, Pa Zama chuan min min lo nuih leh vur vur tawh. "Kal nghal mai ang u aw" a rawn tih chuan kan inzui chhuak hlawm a.







Chaw ei khawmna tur kan thlen chuan mi an lo tam ang reng a, Pa Zama chuan a thiante chu min hmelhriattir zel a, pa pakhat min hmelhriattir lai chuan Rosy-i chuan Pa Zama in min hmelhriattirpa kha a a ban a rawn vuan a, "Pa" a rawn ti no em em. Keiin kan lo ngei hluah hlauh.







Mipa hmaa duhtawka inphelh ngam si kha a pa kiangah chuan a inla naute em em ania, Zosangliana'n ka kut a chelh a rawn hmuh chuan a mitmeng a rawn danglam nghal vek.







"U Zosang" tiin a ban a rawn chelh nghal a, "Sawtah sawn va kal ang" tiin a banah a rawn pawt a, ka lo ngei hlur, lehlamah Zosangliana ban chu nghet takin ka chelh a, Rosy-i tih thinrim ka tum a ni ber. "U Zosang, sawtah sawn va ṭhu ang mawhh" a rawn ti leh a, "Rosy, i ṭhianpain a en reng che saw" tiin a bialpa lam chu ka hawi a, a thinrim hmel nasa ngang mai.







Aman Rosy-i hrim hrim hi a mak ka ti, bialpa nei reng chungin Zosangliana a zar reng peih ania amah Zosangliana pawh a dik bik chuang lo. Rosy chuan thinrim hmel zeta min melhin a kalsawn a a ban ka en chuan ka phu deuh zawk, a banrek vel chu a lo duk thluah mai.







Zosangliana office aṭanga ka chhuah khan hmeichhe ṭe thawm ka hre rêng kha ania, a tlu tih dawnin tluk avang ngawtin khatiang khan a ban a duk kaul thei hauh lo ang le? Zosangliana chu ka en reng a, ani nen chauh an awm dun a, engkim a hre vek ngei ang tih ka hria, ka ngaihtuahna ami ang hi chuan Zosangliana hi a chet ka ringlo hrim hrim.







Keiin kut ka thlak a hlauh em em laia amahin kut a thlak ngawt chhan tur ka hrelo.Mahse, mahse amah lo puh tur dang an awm mawlh silo.'Rosy-i chungchanga buai tur ka nilo' tiin lu ka thing nghut nghut.Mahse tuna ka ban chelh mektu hi hriatthiam a har tawlh tawlh dawnin ka hria, 'ze inang lo lutuk a nei' tih tawh sa nak alaiin, amah hi ka hrethiam hrep lo.







(Zosangliana hian ze pahnih a nei nge ni a? Eng avanga danglam thut thut ṭhin nge a nih ang le??)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)