HMANGAIHTU BY Chhephaki Muani Muani (Completed)

[Ngaia]

HMANGAIH TU











CHAPTER-8













BY CHHEPHAKI MUANI









Thawk ka la leh hawk thin, eng ngati nge hmeichhe dang a ngaihven ang leh a duat ang kha ka dawn ve theih loh, hmeichhe dang a duat a, a ngaihsak a, a ngaihven bawk, mahse chung thil chu engvanga a bialnu laka ti ve ngailo nge a nih, a lak atangin ngaihsakna emaw, tawngkam nem ka dawng ve ngailo, ka beidawng lek lek fo ta mai.















Miin a min zawh a, chhan harsa ka tih ber in hre duh em? ni e hei hi a ni, 'bialpa i nei ve tawh em?, a hun ve tawh a nia" an tih a, ka nei alawm ti ila, a mah min zawh changa, sawi ka hreh tlat thin hi a ni, thlakhat lai kan ni ve tawh, mahse mi zinga ka bialpa anga chhal te, thiante bula ka bialpa anga chhal te hi ka ngam ngailo, ka pawh theih in a awm ngailo a, ka biak nel theih in a awm heklo.














"Ram enteh, a mak ka ti e, in pa awm dan hi" ka thiannu chuan a ti niap niap a, kei erawh za vak lo in, ka nui thung "Sangzela hi chu a mak ve ngawt mai, then mai rawh, tiang reng chuan nangmah pawh i hreawm mai mai zawk, pasal neih i hun mai dawn" a ti leh a, engmah ka la sawi chuanglo.










Ni e, Sangzela hi ka duh lutuk, ka hmangaih hial zawk, eng tin tin emaw kan ni chho ve a, mahse keimah zawkin ka biak hmasak loh chuan mi chhang ngai lo, a rul tawk a min chhan dan a thiam hle bawk, veng thawnawm ni mah ila, kan in hmu khat hle, khawlaia tawh pawn, a changin min be hmasa a, a bak chu keimah vekin ka pan hmasa a ka be hmasa bawk.









Ka hmangaih avangin ka dawh hram thin, hmangaihtu hian nakinah chuan hmangaih letna a dawng ve ngei ang, kan ni tih ka chhungten an hre vek a, a chhungte pawn an hria, mahse hi a awm leh thin, in nei tur in min ngai vek thin, tunah chuan a dang tawh, ni e, ka kalsan a hun tawh ni in ka hria, hmangaih let ve nih hun nghak tu hi a beidawng tawh a, a nat luat vangin na leh tur chuang a awm heklo.
















Tap turin chakna a nei tawh lo a, nikhat lek pawh a mah nghak tu tan chuan rei tak a ni, a tan chuan engmah lo mai ka nih zia ka hre tawh a, a lak ah chuan ngaihsakna chhe te pawh ka dawng thei dawnlo tih ka chiang ta bawk, tunah chuan kalsan mai tha in ka hre tawh a ni, mahse chung thil chu duh mah ila, khawi emaw lai ber atang hian, I bialpa a ni a, ila nghak chhuak mai thei sin, tih duhthusam a awm leh thin si.















a harsa takzet a ni, "Ruatpui ka beidawng ve ta takzet ni ta ber in ka hria, ka kalsan mai hian a tha zawk angem?, ka kalsan hian a tan a nuam zawk ngei ang, ka tan chuan harsa hle dawn mahse, ka tuar thei mai ang, kha chen beiseina nen ka lo nghak tawh a, ka tuar leh thei mai ang" ka ti malh malh a, Ruatpuii mitmeng a, min khawngaihna chu ka hmuh hmaih hauhlo.















Chu chu ka duh loh ber a ni, "mate i u a hna ah a buai a, i cousin Kima a rawn awm rih dawn kha, a rawn thleng trep tawh ang, counter ah lo va hmuak mai teh, i u in damlo ala ngah lutuk a ni awm e, lo va kal mai tur che in a ti che a" ka thiannu haw chiah tih in a ti a, keipawh chuan ka aw ve mai.














Scooty chahbi chu la in, ka helmet chu ka la leh nghal a, ka chhuak nghal mai bawk, counter lam pan chuan ka kal a, Kima te khaw sumo pawh ala rawn lang lo, hman hmawh ve nen nen, rawn la thleng der silo a, thutna tura an siam ah chuan ka thu ran a, ka ning tan tawh hle, mahni a awm ta reng chu mahni in khawngaihna bawkin min tuam leh nghal a..














ka mittui a hnai leh nghal kuarh tawh, mahni in tih nat duhna bawk chuan min hual leh ka ti mai, hmangaihtu nei velo angah min in ngaihna in min chenchilh leh a, mahni a ka awm a, ka ngaihtuahna ka kawm chuan tiang hian ka awm thin, hmanrua a awm hnaih chang lah in, mahni in tihnat mai ka tum thin, mahse Pathianin min la veng a, ka harh chhuak leh thin.

















Engvang nge hrethiamlo mah ila, ka bei let ang, ka theih chhung chu tumah hriat tir loh ka duh a, ka thiannu Ruatpuii chiah in a hre thung, chutia ka thut lai chuan Sangzela ka hmu thut a, ka en lai reng chuan min hmu tih hriat zetin min melh ve reng, ka cousin Kima pawh alo thleng ve chiah bawk, a rawn nui nghal vur vur a, min kuah ang nawk nawk leh nghal a.














Sangzela chu ral leh lam kawng sirah a awm reng a, rum zeta min melh chung chuan a kal sawn daih, min biak ka rin ve nen, ngati nge hepa mizia hi hriat thiam a har em em mai le, ka thaw chhuak hawk ringawt, "I tap elaw" tiin min melh hu a, ka lu thing nak nak chung chuan "ilo thleng har sia, a khu sia ka mit a ti mim a niang" ka ti sup a, a awih vaklo nangin, engmah a sawi chuanglo.
















Scooty chu haw lam chuan a khalh ve thung a, a rawn awm chhan tur te chu a sawi ve mawlh mawlh, college rawn kal tura rawn awm a nih thu a sawi chuan ka lo phur hle, member kan tam leh sawt anga, a nuam viau ang, ka u lah hna vangin in ah a awm hman mang lo a, kawm tur nei ta lo chu ka ngaihtuahna kawmin, mahni in tihnat duhna leh mahni in khawngaihna ka neih phah nasa ka duh lo vang a ni.















In kan thlen chuan ka nu chuan a lo lawm deuh hlut a, a ri le lu mai, ka nu hi chu a chhungte emaw ka pa chhungte lam pawh nise, an lo kal tawh chuan alawm thei lutuk hi nuih a za thin, "mate i nau room tur mikhual room kha ka siam vek tawh kha, han hruai rawh" ka nu chuan a ti a, in chunglamah hian room pathum a awm a, kei leh ka u room a nia, pakhat chu mikhual neih changa, an awm nan kan ti thin a.















Mahse mikhual hi kan nei ngailo khawp a, luah loh in a awm reng a, Kima alo awm dawn takah chuan a mah hi awm se a tha ber, ka u lah a room ah a hna lama bungrua vel a tam bawk nen, han awm tir ve ngawt dawn in, eng eng emaw kha a dah ve nual bawk nen, ka u tan a buaithlak kan hlauh vang a ni pakhat .













A room tur lamah chuan ka hruai a, ka room hi a lai a nih vangin, ka room sir a room ah chuan ka luh pui a, "room dawt chiah hi keima room a nia, chuan in hnuai panna step hnaih ber saw ka u room aw, mamawh i neih chuan sawi hreh lo la, naktukah min bazaar pui nghal thei" kan tih pang kha, vawiin ah min ti buai bawk a, naktuk chu ka hruai kual hrep khawp ang.














Ka room lamah chuan ka lut a, tunah hian ka hriatna khawi emaw lai ber ber hi muangchangin, ka hrelo tan tih ka hria, engvang nge tih pawh hriat tul ka tilo, ti hian ka theih chhung chu zep a, ka chhungte kianga hlim tak anga lan ka duh a ni, ka hmelhriat thenawm te ah pawh hriat loh lah ka nei tan taeh bawk, tiang reng a nih chuan ka chhungte pawn an hriat thuai ka ring.















An mahni ngei pawh ka hriat loh hun a thleng ngei ang, chumi hunah a thlen hunah chuan an hmuh phakloh ah ka kal San anga, an fanu hi a tlanbo angin hria se ka duh, a chhungte ngei pawh a hre tawh lo, tia rilru na taka an awm ka duh lo a ni, ka tan Sangzela a awm ngailo a, ka theih tawp chuan ka chhuah ve alawm.















SANGZELA POV*








"Bro ngati nge tianga i tih tlat, I duh te chuan ngaihsak la, be tha ve ta che, tianga awm lo hian" ka thianpa chuan an sofa a thu thla pah chuan a ti a, ka rum nghut, ka duh alawm, mahse engvang nge ka hrelo, hnaih tuma rilru ka siam lai mekin, kha mipa kha a rawn lang a, "tianga i awm reng chuan i chan mai ang" a ti leh a, dik ka ti viau.














A hnaih ah ka awm ngailo a, a bialpa ka nihna angin, engmah tih ka neilo, message tak ngial pawn ka be ngailo a, khawlaiah lah ka hrelo der bawk, mipa nep tak ka ni, kan pahnih hian thlakhat lai chu kan in zui ve tawh, mahse kan chanchin sawi dun tur pakhat mah kan la neilo ti ila ka sawi sual lo ang, ka in chhir a, tunah hian ka tlai mai angem? tih chu ka in zawt nawn tluk tluk.














Thlawk ka la hawk thin a, "bro engvanga tianga awm hi nge ka nih ka hrelo, ka hrelo takzet, ka tho chhuak a, " ka haw dawn" ti nghut in, ka chhuak nghal vut, tunah zan dar9 a ri tawh a, rui chhia chu nilo mah ila, lu chu a ti hai tawk ve hle, ka nunah a vawikhat nan hmeichhia an rawn lang a, kawp mai mai nilo, ka hmeichhe duh hmasa ber leh mipa dang laka ka thik thu ka pek chhiat theih tur in.















Ka nunah mawl mang takin alo lut a, a tir kha chuan ka ngaihtuahna leh ka rilru engkim a luah khah vek thin avang khan ka hua a, a hmel hmuh kha ka chak ber a ni thin, a hmel hmuh a nuam a, a nui reng thei te kha ka mitthla ah a lang a, khangte avang khan ka thil tih ah rilru pek theih loh chang ka ngah avang khan ka hua a.















A chhan hriat tumin, ka hnaih a, tunah ka hre chhuak a, mahse ka tlai tawh angem ka hrelo, a rilru na takin ka hliam ang tih pawh ka hria, mahse ka bei ang, a beih zatve pawh ka la tum em hlei nem, min hmangaih ve a nih chuan min ngaidam in min ngaidam mai ang, an in kawt ah chuan ka ding vang a, a number chu ka hmet chhuak nghal vat.














A muhil tawh pawh a ni maithei, a la lawk theilo a, mahse ka ti nawn leh ngat, a ring tawp dawn lamah chuan ala ta hram, "pawnah ka awm, lo chhuak lawk teh" tiin ka dah nghal daih a, a rawn call nawn leh zat pawh chu ka la duh tawh lo, a lo chhuah duh dawn loh vang a ni, ka bike ngheng chuan an kawngka chu ka thlir reng a.
















A hnu rei vaklo ah, thawm a rawn awm rak rak, a mah in kuangkuah hlun chung chuan a rawn phei hlawk hlawk a, min hmu chu mak a tih hmel hle, a muhil tawh a nimahna, a hmel chu tho phang hmel a pu, a hmel ah chuan eng nge ka hmuh thar thut ka hrelo, ka hmu tha em em leh nghal a, en ning har ka ti thar hle a nih chu, mak tak a ni, kei hi hmeichhe te ve tak, thinchhe ve tak zunah ka uai ta mai hi.











(a dawt leh tang buainaa awm tawh ang, a boring e mai)


Show post links
Top

[Ngaia]

HMANGAIHTU













CHAPTER-9














BY CHHEPHAKI MUANI












"Eng nge ilo tih dawn a, a tlai tawh teh reng nen" a ti sup a, an in light in a chhun phak loh na ah chuan min kai phei dat dat a, " vawiin a mi kha tu nge? "ka ti hmuk, hriat thiamloh hmel zet chuan min en hu a, " hrelo der suh? "ka ti leh hmuk, a dawh thei ta vaklo nge, " ka hre nang kha pa kha tu nge tih ngawt"a ti deuh hluk a.















"I ruih vang a nih kha haw rawh" min ti leh hmak bawk, ka rum nghut a, "rui chhe hmelin min hmu em? " ka ti deuh hmuk, ka tawng nem lo hle, ka chhungril a thik na leh tu nge a nih hriat chakna chuan min tur ka ti mai, "naktukah kan sawi tha dawn nia, umm tunah chuan haw phawt rawh, I rui a nih kha" a tih chuan "ka ruilo" ka lo ti nghal hmuk.










RAMSANGI POV*



"Khapa kha hmu tawh suh ang che" ti hrawk Tu chu ka melh kar, a hma zawngin ka mipa biakah thu neih a tum ngailo a, a sawisel ngai heklo, tuna taka han thinrim chupawh ka cousin leh nghal, "engvang chuan" ka lo ti ve vat, " ka hre thiam vek tawh, tunah chuan in then ang, kan pahnih hian in kawp tura ruat kan nilo tih hi ka hre thiam ve tawh.












Tunah chuan ka ti buai tawh lo ang che, i duh duh ti thei turin i za len tawh, ka lo tih buai reng thin che vang khan min hre thiam dawn nia" ka ti sap, a har lutuk mahse tunah dawh hram hram mah ila, kan in then hun ala awm ang, a ni hian min duh lo tih ka chiang em a ni.











"a theihloh ka thu a ni, chuan tu mipa mah be bawk suh ang che, ka ta i nih hi" tunlai a mize dang ta lutuk hi eng nge maw a hriat ni, a thik thu a pe chhia in, nim be tam hle, mipa pa ve tak leh in sual thiam tia, veng chhung a lar a ni, a lar dan hi chu tha vaklo mahse, sual tih tur a ni chuanglo.













Ni e, keiin kha chen ka duhna leh hmangaihna hmangin, ka dawh tawh a, tunah chuan kan in kalsan a ngai tawh a nih hi, min hmangaih lo leh min duhlo pawh hi pathian remruat zel a ni a ni mahna, nakinah chuan ka hriat chhuah zawh loh hun ala thleng anga, tu nge a nih a, eng nge a hming, ka tan engchiah nge a nih thin tih, pawh ka hriat loh hun a thleng ang, chutih huna a nat loh nan, Pathian hian rem alo ruat tih ka hre thiam ta chiah.















"Bul tan tha ang, nangmah leh keimah nen, engkim ka siam tha ang" a ti sup a, tunah tak hi chuan kei hian chu thil chu duh hle mah ila, ka theilo, nakin lawkah ka la theihnghilh lo ang tih tu nge sawi thei, ka lu ka thing a, "a theih tawh loh, kan in karah hian, engmah thlenglo tur a ni zawk a, a tir khan ka lo hre thiam lo a" tiin harsa ti zet chuan ka nui deuh suk a.















"Nakinah kan sawi tha dawn nia, lut phawt rawh" thawk la hawk chung hian a ti a, a mah chu melh vang vang in, kan in lam ka pan nghal vut, ngati nge harsatna lian tak tawk tur ang maia ka awm, ka chhungte hi ka hrilh tawh mai dawn nge, tiang ringawt hi chuan ka thi thei mai ang, thih ka la duhlo, thih ka hlau.















Thi tur ang maia, ka in ngaihtuah chuan ka lung a chhe ngawt leh nghal, anxiety ka nei bawk a, rilru hah a awm thei ka ni bawk silo, ka hriatna thenkhat theihnghilh ka ngah tawh bawk si, nitin zantin a zual zel ni mai hian ka hria, ka thil tih ngei ngei ah leh ka tawng tawh ah pawh hriat loh ka nei ta pheuh pheuh bawk si.















Engpawh tawk dawn mah ila, ka chhungte hrilh chu ka duh ta zawk, in chhungah chuan lut in, a tlai deuh duai tawh, dan lai dar12 a ri der tawh, mut nan hun ala tam bawk nen, room lam bawk chu ka pan leh khumah chuan mu in, in ngaihtuah duh tawh lo chuan mutthilh leh tum in, hla ka ngai thla a.














Mahse rilru ah a lut thei chuang lo, ni chin lawka Sangzela thusawi ringawt kha ka ngaihtuah a, a ruih vanga sawi mai mai ah ngaihtum mah ila, a ruih vang mai mai nilo a sawi ni se ka tihna chuan ka taksa pum hi a fan chhuak vek, ka mit ka chhing vang vang a, thawk ka la leh hawk thin, tunhnaia harsatna ka tawh nasat tawh zia hi ka ngaihtuah a.















Mi hlim thei ve tak, engmah enghelh neilo leh nuih duh ve tak, harsatna leh rilru natna hre thiam ngailo khan, tunah chuan chutiang chu ka tawk a, engtin nge hun ka hman zel ang tih ngaihtuah buai duhlo thin leh vei ngailo khan, ka vei a, ka rilru hah lutuk chu ka thaw leh hawk thin, Sangzela hi ka nunah lo lang lo tawp se tha tur.
















Ka lo muhil ve ta niang, ka harh leh chuan alo tlai ve tawh hle, in hnuaiah chuan an ri nak nak hlawm a, chaw ei a hun dawn tawh vangin, ka chhuk thla ve nghal thuai, dawhkân ah chuan an lo thu deuh thap a, ka u pawh alo awm, tun hi sawi hun tak ni in ka hria, kan chhungkaw kim thap lai hian sawi ila, a tha ber ang.













"nu, pa, u sawi duh ka nei a" tiin chair ah chuan ka thu thla ve a, "aw mate sawi la eng nge ni ta hluai a" ka nu chuan a rawngbawl lai dah in, kan lam a rawn hawi ve a, ka thutak em vang pawh a niang, ka thu sawi tur chu an ngaichang thap, "u kha i hria em?, a hma a, hmeichhe pakhat kan thenawmnu in tiin a, min lo biak a, ka hriat loh kha" ka tih chuan a bu nghat a.















"kan thenawm nu, nu Ruati kha" ka u chuan a ti a, "ka pa kha ka chawhmeh chhuan lai, ka theihnghilh hmin thak a, ka tih ut vek a, min hauh kha" ka ti a, a bu leh nghat, ka thusawi dan chu mak an ti tih ka hria, mahse engmah an sawi biklo, "nu kha a hma a, ka hming ka zawh che kha" ka tih chuan a bu nghat, Kima chuan min melh reng thung.















"Engvang nge ka hrelo, ka hming ngei pawh ka hriat loh chang te, ka hmelhriat thenkhat ka hriat loh chang te, ka thil tih ka theihnghilh chang ka ngah in, keimah ah ngei pawh hian theihnghilh ka nei thin, mahni in tihnat tum chang ka nei thin bawk, anxiety ka nei tel bawk, engvang nge ka hrelo, ka hriatna thenkhat hi nitin zantin ka theihnghilh telh telh a" tiin ka mittui tla chu ka hru a.














Ka awmdan dang pawh ka sawi ta malh malh, ka nu chuan a mittui a hru leh thin, ka u pawh chuan min ngaihtuah hmel hle, "kan in enkawl anga, I tha leh mai ang, vawiin lamah doctor ka lo be dawn nia" ka u chuan a ti a, ka bu nghat "mate tiang tr chu sawi vat tur che lawm" ka nu chuan tap deuh tiau chung chuan a ti a.















Nui luih deuh suk chung hian" nu engmah a ni hlei nem, ka tha leh mai ang" ka ti sup, ka pa chuan min melh ngawih ngawih a, engmah a sawilo, "mate vawiin ah Kima nen hian min zui ula, Kima nen in haw leh mai anga, in entir ve reng reng a tha" ka u chuan a thutna atanga tho chhuak pahin, ka lu a a rawn chul a, ka bu nghat.














Ka tawng chhuak a nih chuan ka tap mai ang, Kima leh ka nu chuan chaw ei chu an siam a, min han duat thar khawp a, chaw ei pawh siam ve an la phallo zui, thu chung chuan an che vel chu ka melh reng a, Kima leh ka pa chu an in be zeuh zeuh, "mate lo kal ru le, a ei theih" a tih chuan ka u nen chuan kan thutna tang chuan kan tho chhuak a.














Chaw ei lai chuan tu mah an tawng lo a, kei pawh tawng lam a lang tawh lo, ka ei lai chu ka ei mial mial a, mahse ei chu a tui duhlo khawp mai, "mate vawiin chu kalpui i duh em? " ka nu chuan a ti a, "aih angailo mai ang, Kima hian min kalpui mai rawh se, bazaar pah ka duh tho a" ka ti a, a bu leh nghat ringawt.














Ka nu hmelah chuan min khawngaihna ka hmu thei, chu chu alawm ka hrilh mai loh chhan chu, min khawngaih hmel taka min melh hi ka duh loh ber a ni, chaw pawh kan ei tam lo tlang khawp mai, kan ei kham thuai a, ka u in siam turin a chho nghal a, kei leh Kima pawh in siam tura ka nu in min tih vangin, kan chho ve nghal a.


Show post links
Top

[Ngaia]

HMANGAIHTU














CHAPTER-10














BY CHHEPHAKI MUANI











Damdawi em em a awm lo bawk nen, mahni in uluk a nih mai thu an sawi a, thawk khat chu veng ta phawt a, mahse zual zel ta ang se, tih ka ngaihtuah chuan ka tawt leh tun tawh, Kima chuan min tih hlim tum tak hian fiamthu a thawh reng a, a bula awm a nuam hle, a hahdam thlakin, nuihna tur a tam bawk nen, a mamawh tur ang lei sak ve ka tum vangin, kan kal kual a.















"I mamawh tur ang kha chu sawi hreh lo la, I nu te an thawk hah ve si, ka lo lei ang che u hausa vak silo, in khawl ve deuh nual tawh i neih hi, hmanna tur ka hre tak tak chuanglo, in thlahrung lo khan, i duh kha lam khawm rawh, ka lei vek ang che" ka ti a, a ni pawh chu a phur hmel hle, a hmelah chuan alawm zia alang chiang hle.















"U hei hi ka mamawh a, ka nu in a man a rawn la thawn silo a, hei hi a ni mai" tiin a college kalna tura a pawimawh chu a kawk a, "hei chiah hi maw, ka ringlo, ka kal ve tawh thin tho a, thawmhnaw hi a pawimawh hmasa ber a nia, ka en sak ang che" tiin a duh a sawi chu lei fel in, mipa thawmhnaw leh mamawh zawrhna lenah chuan ka kai dawt dawt a.















A ngaih loh thu sawi mahse, a rawn kal khan thawmhnaw a rawn keng mang lo tih ka hre chiang bawk a, ka nau a ni a, ka hlawh te hmanna tur em em ka nei chuanglo bawk nen, tih sak ka duh a ni, "nangman mamawh lo mah la, college ah chuan an in cheina a sang thin, chuvang chuan neih ve deuh nual a ngai" ka ti hmak a, engmah a sawi tawh bik lemlo.
















College ka kal khan, thawmhnaw duh uluk lo tak leh ngai pawimawh vaklo ka nihna khan hreawm min tih tir a, nuih ka hlawh a nih kha, kan dinhmun chu in hriat kha, ka pa hlawh kha kha mi lai kha chuan kan rin ber kha a ni bawk nen, ka u doctor training hun lai a ni bawk nen, dil ila chuan min pe dawn tho mahse, alo ti hek belh Tu nih ka duh loh vang khan ka sawi ngailo.














Mahse tunah chuan ka hlawh ka hmang vek thei tawh a, chhungte pek tum mah ila, khang hun chhung zawnga, engmah ka dil ngam ngailoh zia leh ka mamawh ngei ngei pawh ka sawi ngailoh kha an hria a, kan dinhmun a lei kâng deuh hnu leh mahni a hlawh ka neih hran atang hian, ka hlawh chu ka tana hmang turin min ti a nih kha.













Thawmhnaw ah pawh ka duh uluk ve ta hle a, mamawh ka neih chuan ka lei ve mai thin tawh, hei hi ni lawm ni, rim taka kan thawh chhan leh kan dam ve chhan te chu, khawvela mihring nih chhung hi chuan hausa ber nih tum mah ila, a theih ngailoh a, rethei ber nih tum pawh in a theih chuang loh, chutiang bawkin, sang bera awm tum mah ila, kan ni thei chuanglo.
















Kan mamawh leh duh zawng lei thei turin hna kan thawk a, ren vak kha kan hma hun kan hrelo, kan thawk chhuah vawikhat lek chhung pawh a thi thei vek kan ni, kal thut thei kan ni, kan thih hnu ah fit ruk a thuk, zim te bak chan kan nei dawn lo, chuvang chuan in ren hian awmzia a neilo, khawvel kan chen phal Tu hian min dem ka ringlo, mahse a tha zawnga chen turin a ni min duh ni, a tha lo lam nilo in.














Kan chungah ro a rel leh dawn tih hre reng in chen turin min duh a ni, "u veng veng a che, thawmhnaw i en lai renga, i pending char char, saw sawlaia mipa sawn a en duh rap mai che, nichin atang khan a en char char che" tiin kan hma lam chu a kawk zeuh a, ka en ve nak chuan Sangzela lek a lo ni, mak ka ti hle, eng nge hetah te a tih ve ni.














Kan in kar tih tawp ka tum tawh bawk nen, biak ka tum tawh lo, natna mai mai bak ka tawng leh dawn chuangloh vang a ni, tunah rih chuan keimah chiah in ngaihtuah a, hun hman ka duh tawh a ni, ka theihnghilh thei in ka ringlo a, mahse harsa mahse a ni tan chuan kei ve mai hi ka tling tawk hian ka hrelo a ni.













Nakin lawkah a ni pawh hi ka hrelo vat lo ang tih Tu nge sawi thei, ka hriatna bo chak zia hre Tu ka ni a, hahdam taka awm ka duh rih a ni, kan lam chu thinrim hmel tak leh hmel dur khup chung hian min lo pan a, Kima nen chuan kan lo en reng ringawt, kan bul chu a rawn thleng thuai mai reng bawk a.















"in be lawk ang" ti hmuk in, engmah ka sawi ve hman hma hauh in, min kai nghal dawr dawr a, "eng nge maw I hriat le min thlah teh" tiin ka tal ve laih laih, mahse hneh lo tak ka ni, mipa ah pawh tha ngah tak tih hriat reng reng, a taksa pian atang ringawt pawn a chak tur zia chu a hriat, "hmu tawh lo tur che in ka ti a ni lawm ni" a ti hmuk, a hmelah chuan a thinrim hmel hle.
















Hepa hi eng nge nizan atang khan a hriat reuh ni, "Tu chu maw" ka ti ve ta hmak, a duh duh huna, a vin a a hauh tur pawh ka nilo, "khapa kha" a ti deuh hmuk a, ka nuih a za letling zawk, mahse nuih erawh ka tum hauh lo, "tu khapa, nangpawh khapa ve tho kha i nia, khapa te chu an tam e" tiin ka lo fiam zeuh a, mahse ka fiamthu tih chu a hre hauh lo thung ang.














"Nichina mi pa kha" a tih takah chuan ka hre thiam chiah "ka nau kha maw, engvang chuan maw, ka hmuh tawh loh chhan tur" tiin ka melh ram ram a, a hmelah chuan hahdam huai hmela pu, nichin lawka thinrim vanga, hmel chang tawlh tawlh kha a bo leh vek tawh"aw ka bialnu te hian mipa dang alo hnaih emaw ka tih vang alawm, I unaupa a nih chuan a that chu" a ti leh ang lawi a.















A hma zawng a, a bialnu ka nih tih pawh sawi chhuah duh ngailo khan, chutiang a rawn hmang chu ka thin a rim em em ringawt, "nizan khan ka sawi tawh kha, kan tawp tawh, ka thei tawh lo, kan pahnih hian tawp ila, bul tan tha ve ve zawk ang, kan kawng veve zawh tawh zawk ang, kan tan a tha zawk" ka ti hap a, a hmelah chuan engmah a ngaihtuah na ka chhiar thiamlo.

















"A theihloh ka tih kha, mipa dang tumah i hnaih dawnlo, kei tih loh chu keima ta, Lalsangzela hmeichhia i nih hi, tuman an hnaih tur che a nilo, chuan ka bialnu kal ang le, thil ei ang, I ril a tam ang" te chu an ti leh vel a, a awmdan in mi run lutuk chu ka melh rawm rawm a, " chutiang ngawt ka hmanlo, ka nau ka bazaar pui" ka ti hmak a.














Ka kal nal nal bawk, ka hnungah chuan min zui tih hriat zetin, a pen ri khup khup ka hre ve nghal zat, hawi let in "min lo zui zel suh, I kalna turah kal rawh" ti vin deuh hrak in, ka kal zawm leh nul nul, " aw ka bialnu hian ka kawr tur min en sak ve se ka tia chuvang alawm, ka zui che" hepa hi a â deuh tak tak tawh ni in ka hria, tih vak ngaihna hre tawh heklo.















Ka hnungah min zui ve zel a, a luhlul zia ka hre chiang bawk nen, sawi sawi mah ila, a zawm dawn chuanglo tih ka chiang, bakah kawr kha a mamawh dawnlo tih hi ka chiang lutuk tlat, Ruatpuii nau hnen atangin a chanchin tr chu kan in ngaihzawn hma pawn ka hre hneh lutuk tawh, "Kima i kawr ngainat ang te kha en la, kekawr pawh en rawh, kan lei nghek dawn nia, I lei khat e mai" Kima a hma kan dina bula lo la ding reng bulah chuan ka ti a.
















"ti khan thlang rawh, ka lo en pui tho ang che, hei hepa hian kawr hak tur lei ve dawn nih kha, en dun ru" ti hmak in Kima lo thutna, kawr an khai tlar dul bul lawk ah chuan ka thu hnak a, "nangman min thlan mai rawh, duh em em pawh ka neilo" a tih takah chuan ka tho chhuak vut a, "keipawh i duh duh kha ka duh a ni mai" ti ve sup in, ka thutna thuthlengah chuan a thu thla zat.
















Hepa hi ka khawng chak tawh lutuk, ka lo hmangaih thei hi ka eng ber hi nge diklo ni, a â deuh hial hian a nia ka rin tawh, tia a awm reng a nih chuan ka hlat theih ka ringlo, keimah zawk hi ka in thiar fihlim a hun ni in ka hria, an kawr tur chu ka en malh malh a, Kima chu ka laksak nual a, a ngailo ti mahse ka tih tawh chu ti tlang mi ka lo ni bawk nen.















Sangzela erawh pakhat chiah ka thlan sak a, an hak tawk tur ang tr chu en thiam tak ka ni, ka in fak ve na zawng tak a nia, "kekawr ho hi ha chhin la, kawr hi chu i ha tawk chiang sa" confi zet chuan ka ti hap a, Kima in thlakna room a awm lai chuan thutna ah chuan kan lo thu dun reng a, showroom ang em chuan changkang lo mahse a awm dan chu a kim vei phian.














Kekawr vel a hak chhin kual zawh chuan haw kan thei ta hram a, "ka lo thlah ang cheu, in lei hnem bawk si, tiang hi chuan haw kawngah in buai palh ang" Sangzela chuan a ti a, "a ngailo" ka lo ti hmuk thung, luhlul veve tih takah kan han in hnial leh fe, Kima pawh a hawihai lek lek, a tawp a tawp ah chuan Sangzela chuan a ning ta deuh nge, ka thil khai lai chu a la lawk a.
















A kalpui nal nal a nih chu ka en zui vung vung ringawt, zui loh theih ni talo chu a hnungah chuan kan kal ve zel a, thui vaklo ah, parking lot alo awma, tah chuan a car alo dah reng chu ni in, kan thil lei vel chu a car hnung lamah chuan a dah lut mawlh mawlh a, carah chuan kan chuang lut ve ta ringawt.








.






A hma ah min la thut luih tir tlat zui a, ka tum bur tawh, Kima nen chuan an in be reng a, an sawi ho dun ropui si, thawk ka la leh hawk thin, a motor khalh te reng reng chu a hneh sawh tih hi a hriat ngawih ngawih, ka melh leh zeuh thin, kha leh chen ka lo hel tawh, hmeichhia ka nih pawh pawisa zolo a, ka duhna ka tih lan thin, kha tunah ka beidawn San tawh a, ka theihnghilh tum tawh hnu ah, ngati nge tiang hian alo awm leh si.
















Ka tawt leh tun tawh mai, "Kim i u hi ka hawh lawk anga, ka lo dah let leh ang" tiin kan in kan thlen chuan a ti a, ka hnial lemlo, sawi fel law law ila, a tha zawk Kima chuan kan thil lei ho chu a khai lut a, a luh hnu thleng chuan kan la ding reng, a hnu deuh fe ah a tlan chhuak ta chauh, Tu mah kan tawng lo a, kan ngawi dun chawrh chawrh ringawt.














in tlem deuhna laiah chuan a ding a, "I sawi duh chu sawi vat rawh, hun ka nei vak lo a nia" ka ti hap, tianga ka tih khum lo a nih chuan tuna a awm ang reng hian a awm reng dawn tih ka chiang, tunah ngaidam ta ila, harsatna lian tak ka nei tawh a, ka in thup theih loh hunah min kalsan leh dawn tho, bakah min fiam mai mai pawh a ni thei.
















In ngaizawng reng mah ila, min duh loh zia ka hre chiang a, chuti chung pawh chuan ka hmeichhia nihna laia, ka zahawmna thin leh ka chapo na dah tha in, ka pan bawk, mahse beidawnna bak ka dawng let lo a nih kha, tunah chuan hmangaihtu pawh hi a beidawng ve ta tak tak tawh alawm, ka in lam let chu ka ti thei lo, mahse a tawk chin ka tih hun a thleng ve ta ania nge.









ZAWMNA







HMANGAIHTU















CHAPTER-11












BY CHHEPHAKI MUANI













Thil reng reng hian tawp chin a nei vek ang bawk in, hmangaihna pawh hi a tawk ta e kan tih chinah chuan a tawp thin, hmangaihna chu a ropui a, khawvela ropui ber leh thil ti thei ber a ni, "i ngaihtuahna ila kawm char char a nia aw" ka in ngaihtuah kual lai mek mek chuan ka hna thawhna dawhkân rawn in nem khalh chung hian, Ruatpuii chuan min hmachhawn ran a.















"Tu emaw alo kal a nia" a tih chuan hre thiam lo zetin ka melh a, "hrethiamlo thei mai sia maw, Sangzela mawle" a ti hluk a, ka thin a phu leh nghal dup dup tawh mai, "eng nge alo tih dawn" pangai tak chuan ka ti ve mai a, "ka hre lo rawn kal chhan tur a neih awm pawh, rawn hmuh che a tum a niang chu " tiin min han fiam pah zeuh leh nghal a.















"kal teh, i hna va thawk rawh" ka ti deuh vak, ka duh aiin ka tawng rin leh si, ka zak lutuk chu Ruatpuii chu kan melh rum ngawt thin, tiang building ah chuan thawm a ring hma bawk si nen, an hre fur awm sia, hawi kual pawh ka hawi kual ngam lo, ka computer ah chuan chhut luh ngai chu ka chhu lut mawlh mawlh hlawm a, chhin chhiah ngai leh copy ngai ho chu ka ti zung zung.
















Ka hma ah chuan ding reng an awm tih chu a thim deuh khup danah ka hre thei mai, mahse ka tih laklawh em vang chuan Ruatpuii turah ngai in, "Lalruatpui i hman lutuk, I hna va thawk rawh, rawn kal reng suh" hawi pawh hawi chhuak lo chuan ka ti hlak hlak a, chhanna ka dawng lo, chutia chhanna ka dawn tak loh ah chuan ka hawi chhuak a.















Awii ka phu zawk thei, Sangzela alo ding kur a nih chu " eng nge ilo tih dawn? "ka ti deuh hu a, a nui suk duh chauh leh nghal a, a ding reng ringawt, ngaihsak duh lo chuan ka tih lai chu ka khawih zawm leh ta daih, " thil ei dun ang hmiang ka bialnu" a rawn tih chuan ka thil tih lai ka chawl chat, "i bialnu pawh ka nilo" ka ti deuh hmak.














"ka sawi tawh kha" a ti hmuk, a tawngkam atang chuan a lungawi hmel vaklo, ve leh ngawt a, hmangaih viau mah ila, tunah rih hi chuan ka ngei tlat, a mizia hi ka ei thlawt lo, mipa ve si, tawngthei si, message a min rawn biak lah hian, mi hi a hnial dang ziah leh nghal, ka duh hneh em vang hian, ka be lo thei thin bawk silo.















Zantin min rawn bia a, min hmuh tum in, kan hna thawhna ah a rawn kal ziah bawk, eng nge a hriat ni, a tho â han ti dawn ila, a rei tawh em em lutuk bawk si, a thiante nen in chawi in, min ngaihsak der mai mai nge. Awii Lalramsang a story lutuk chutiang, thawnthu i chhiar ngun lutuk a nih kha, tiin kan in hau rilru leh thin.













"I hna ah let rawh, I hman lutuk" ka ti deuh hmak a, a nui ri ka hre zawm zat, "an pu ber ka nia, tih tur vak ka nei ve hlei nem" a ti a nih chu, min duh tak tak lo a nih chuan let leh ka tum tawh lo, bakah nakin lawkah, duh na mai mai chuan in, kei hriatna theihnghilh pheuh pheuh hi, min kalsan thuai dawn tih ka hre chiang, chuvang chuan Pathian in khang ka nun ka lo hman tawh zawng zawng a, ka hlimna kha a tawk a ti a nia nge.

















Vui thei ka nilo a, vui ngam tur pawh ka ni heklo, ka piantirh ata, hlimna min pe a, hmangaihtu nu leh pa, unaupa tha tak min pe bawk, hriselna tha kha chen ka dil lo chung pawh a in, min pe a, tawngtai na a, kan ei khawp in chaw min pe ang che tiin kan dil thin a nih kha, kan ei khawp bak bak leh kan mamawh bak bak a, min vur tu lakah hian vui ngam a tur ka nilo a ni.















Ka that lai ka chen tam ve tawh a, ka duh tawk viau, tunah chuan ka chhungte kiangah hun ka hmang tawh anga, an hmangaihna ka dawng ang, thalai kan nih chuan kan that lai chen turin phalna kan Pathian in min phal sak a, mahse a mah hre tel tur leh kan chungah a rorel tur hre renga chen turin min ti a, kha kha vawng rengin, ka fel famkim ka tilo, mahse a duhloh zawng ni a ka hriat chu ka tlansan thin.














Khawvel kan chen lai ngei ngei pawh hian, a lawm tluan theih loh a, hlimna tluan a neih theih loh bawk, lungngaihna leh tah na te, natna te a keng tel ve tho thin, "ka sawi chu" beisei nei zet aw ri chu tu nge a nih ka hre chiang hle, ka ngaihtuahna hi ka kawm leh hman ziah nia, "ka hman lo tih i hmu thiam lo em ni" ka ti deuh hmak a, ka melh rawm rawm bawk.














"I mit a khalh ang nge" ala ti zui, ngei tawh sa nen, a zia hi nge maw a dang thut le, a nghal sawt bawk si, tiang mizia a nei tih ka lo hrelo reng reng, "Ram va kal ru, ka lo ti mai ang" Ruatpuii chuan a ti a, a thutna lam chu rum mang kheng hian ka melh run, min la nuih tlawn ang vur vur zui a, "ka peih hlei nem" ka ti hmak.
















Sangzela thaw hak ri pawh ka hre reng, hrelo ang hmak chuan ka awm, midang ho chuan min en duh tawh khawp mai, a mak reng bawk ang chu, an pu hlui an pu ni thin, kha ka dawhkân bulah ding reng miau hek, eng nge a hriat ni, chutia ka peihlo ka tih tawh chung pawh chuan zawi sup hian "ka pawm chhuak hreh dawn hauh lo che a nia" a rawn ti thum dut a.
















A tih leh duh tak tak ngei ang, a thu a duh ropui si, tianga hel reng hi ka duh dan a ni, chutih rualin, tiang renga min biak that a, min hnaih zel chuan ka tum loh deuh in, ka nem leh mai ang tih ka hlau a ni, hmeichhia chapona neilo ka nilo a, chapona leh in duh tawk na nei ve ka ni, mahse chung zawng zawng dah tha a, zah pawh dawnlo a, ka pan in theih tawp ka chhuah chung pawh a.

















A tan engmah ka nih loh zia ti lang tu a, chuvang chuan ka zahawmna tlemte neih chhun leh ka chapona tlem la neih ve hian a duh tawh lo a ni pakhat, mahse he ka thinlung leh chu ka rilru chu in per san tak a ni thung lawi si, ka computer chhut mawlh mawlh lai chuan ka banah chuan a rawn vuan chawt a.
















Ka melh chho nghal haw, "ka thu zawm la a tha a ni mai ka tih kha" a ti a, a aw ah chuan dawhtheihna a thlak chham hmel tawh hle tih a hriat, engmah ka sawi ngam tawh teuh lo, a thinrim vawikhat ka hmu tawh a, a thinrim mai ka hlauh vang a ni, a thinrim a a chet dan a rapthlak lam mah vang a ni, keimah ngei pawh hi min ti na duh ang, tih tur vel a ni.
















Thinrim har tak a ni a, mahse a thinrim a chhuah tawh chuan khua a hmu tawh ngai lo, a thinrim thin thawk a na lutuk tih ka hre tawh a, chhang rih lo ila kan him a ni mai, "thu lut rawh" a tih chuan hna nei lai ka ni bawk nen, kal hlat ka thei bawk silo, chhawn chawlh a hun trep tawh dawn vanga, pawm kha ka ni a, hnai te a min kalpui ka rin vang a ni.















"mahse, hna ka nei, ka kal hla hman lo" ka ti sup, thawk la deuh hawk chung hian "in pu ka be vek tawh, lut vat rawh" a ti leh a, ka lut ta tawp, ka awmna lam chu ka luh fel hnu chuan a khar ri bur a, ka la phu zuk sui, amotor chu kal hual in, driver seat lamah chuan a thu lut nghal zat, ka lo melh reng a, a thinrim leh rim loh a hriat theih loh.


Show post links
Top

[Ngaia]

HMANGAIHTU













CHAPTER-12














BY CHHEPHAKI MUANI









"Khawi ah nge kan kal dawn a? " ka rin aia kan tlan rei tawh vang chuan ngaih tha zan lo chuan ka zawt ta tawp a, hma lam a melh run a, ka biakna chu hre awm pawn a awm lo reng reng, "ka zawh che chu khawiah nge min kal pui i tum" ka ti vin deuh tuarh a, ka ning tawh, keimah chiah pawh hian ngaihtuah tur tam tak ka nei a.














Mahni pawh in buaipui zolo ka ni tawh a, chhungte buaipui ngai khawp ka ni tawh, tunah lah ka rilru ti buai belh turin a ni hi ka nunah alo lang leh a, a hma zawng kha chuan ka nuna lo lang a, hmun pawimawh ber chang tur khan ka duh thin, khawvel a in her danglam kual ang bawk hian, kan lo danglam ve thei a nih hi.















"Min melh zawk a, mahse engmah a sawi chuanglo, hma lam bawk chu a melh leh run tawh, a khawsa zia chuan min ti thinrim ka ti mai, engmah ka sawi tawh biklo, ka taksa chhung leh ka awm ah te thleng hian min hnawh deuh ut ut ka ti mai, hmun fal deuh, in ding pawh hmuh tur awm mang lohna hmun ah kawngsir deuh ah chuan min ding pui a.
















Pawn lam ka hmuh theih chin chu thing vek a ni mai, a chhuak nghal a, keipawh vhu ka chhuak ve vat, a motor hma lam chu ring in a ding a, a ipte tang chuan zial a phawrh chhuak nghal zat, "engvanga min hlat tum tlat nge i nih, ka rilru leh ka thinlung in a, a hriat thiam tawh hnu leh a in lung rual tawh hnu a, engvanga min hlat tum tlat nge i nih? " a ti deuh hrawk a.

















Mak ti lutuk in ka en haw, "eng..... engmaw" ka ti hu a, thawk lak hawk pah hian, " ka duh che ka tih khan ka ti mai mai lo, nang hi ka tan hian ka eng chiah nge i nih tih ka hre tawh, ka engkim ni tur leh ka hmeichhe hmangaih hmasak ber i ni tih hi, a tir chuan ka hre thiam lo a, nangmah pawh ka huat phah reng bawk che" a ti hap a.
















Kei erawh chuan a thusawi chu awih tur nge awih loh tur ka hre thiam lo, ka ngawi reng a, a hma ah chuan ka ding zum reng hi a ni mai, hnuailam ka melh reng a, naupang fel ang mai chuan ka kut hma ka suih tat bawk, ka awmdan chuan ka nuih a ti za lek lek, " I thiannu in I hna zawng zawng alo ti dawn, in pu pawh ka phone tawh, vawiin chu kan leng ang" a tih chuan ka hre thiamlo kher mai.
















"Eng nge maw I hriat le?, kan in atangin ka duh lo chung min pawt chhuak a, chuta karah ka thiannu te I tia, tu nge ka thiannu chu, eng hna nge I sawi" ka ti vak, a mawl deuh a ni ngei ang, mak ti lutuk in min melh run run a, tawng lawk na chang a hrelo, eng nge maw a awmzia ni, "ka tan eng nge I nih? " tiin ka zawt leh zat.
















"i bialpa" a ti hmuk, maw bialpa ka nei maw, ka ngaihtuah ngial pawn ka hrelo e a, "a nih chuan engpawh nise, ka haw duh, ka lu a na" ka ti hap, a ni pawh chu hrilh la hai hmel tak chuan a bu nghat ringawt a, min melh zeuh in, car lama lut tur chuan min mit mei zeuh, keipawh chu ka thu lut ve nghal zat, motor chu a her kual pawp a, a hneh sawh hle, kawng a en pah chuan a khat tawkin, min melh leh zeuh thin, eng tak a hria ni maw.
















Kan in kan thlen rual rual chuan ka chhuk nghal vat, a ni pawh chu a rawn chhuak ve nghal, "naktukah ka rawn lam dawn che nia, ka thlah ang che, lut rawh zanah ka lo bia ang che" a ti a, eng tak naktukah chuan ka tih dawn ni maw, ka hre der lo, engvanga chhuah ngai nge ka nih ang, engmah chu ka zawt ta lo.
















Ngaihtuahna phir zet chuan in chhung lam chu ka pan a, "nu, nu " ka ti nghal chiam a, "nu naktukah eng nge chhuahna tur ka nei em ni, hna ka nei bawk em? " ka ti lut vat vat a, hriat vat ka duh, ka rilru hi a buai nuah mai, hriat ang deuh nei siin, mahse a chhanna erawh ka hre thei bawk silo, ka nu chuan mak tih hmel taka min en na chu in thlak thuai in.
















"Bawihi lo han hahdam la, chuan ipa leh i u lo haw hunah, kan sawi tha dawn nia aw" a tih takah chuan hahdam deuh tum in, ka thaw hawk a, Sangzela kha ka tan engchiah nge a nih, a hming chiah ka hriat mipa chuan engvanga ka bialpa ka ni ti nge a nih ang, ka thluak chhung te thleng hian a hai kual vel vek tawh ni ber hian ka hria.














In chunglamah chuan ka chho a, ka room ah chuan ka lut zat, khumah chuan ka thu thla nghal hnawk a, in thlak pawh ka peih rih lo, khumah chuan puan chu ti pharh in, ka mu nghal kak a, ka mut a chhuak ber tunah chuan mut hahdam ka chak ber, rei vaklo ah ka muhil nghal aniang, ka room in kik ri ah chuan ka harh a.















SANGZELA POV*









Engvanga khatianga awm thut kha nge a nih ang, ka hre thiam theilo, a tan Tu nge ka nih chiah a hre lo a, a thiantha tak pawh a hre heklo, a hna thawh tak ngial pawh hrelo in a awm ang maw, nge a hrelo der zawk ni ta ang, nge ni anga, a chungah hian thil eng emaw ni tak a thleng zawk ni ta ang.















In ah chuan haw tlang nghalin, a la hma bawk nen, ka room ah chuan ka awm ta reng a, tunlai chu hna em em a awm rih lo bawk nen, kan awl viau, bakah kei chuan sign ngai leh an hna thawh vil bak tih tur ka neilo, chu lah min hlau a, hna thawh hun chhung chuan an in ngam ngailo.














Ka phone chu la chhuakin, ka sana bun lai ah chuan dar zat kan en hmasa leh phawt a, hna thawh ngawrh chhoh hun lai a nih vangin, Ruatpuii chu a buai ring in, massage in zana ka hmuh lawk duh thu ka hrilh a, a seen hun hun ah seen mai rawh se, biak ka duh a ni, a ni hian eng emaw tak chu hriat a nei ang.















Tlai lamah chuan room chu ka chhuah San ve hram a, eng em em tilo mah ila, ka room hi ka ngai na hrim hrim a, ka awm reng thin, hei hi nia ka chhungte min hauh tam na ber, an rualin chaw ka ei khat hle a, ka rui haw ve thin chang hian min hau nasa fhei hle bawk, mahse Ramsangi vang bawkin, zan chhuah leh zu in ka ti ngai meuh tawh lo.















A chhan ka hrelo, tawngkâm a min control silo hian, a tha lam kawng zawh min ti chak a, a kiangah chuan mi tha ber anga lan ka duh a, ka nihna bak bak a, lan that ka duh bawk, mipa ah pawh kei ka ni in ti chin leh in la pa ve tak pawh hi, ka mizia chu in thlak khawp mai, "mama ilo haw a ni maw, in va bang hma ve, pot khu i awm ro ro chuan pawnah min han dah chhuah teh" ka room a rawn dak lut pah chuan ka nu chuan a ti a..

















Engmah sawi buai ta em biklo chuan ka tho chhuak ve mai a, "nu i pangpar ho hi, a ninom e, a hnawk" ka ti deuh hluk a, a ni reng a, in chhung a ti hnawk bawk si, ti fai viau in, rem nalh viau thin mahse ka hmu mawi thei ve lo ka mit ah chuan, a hnawk vel vek, "ve che, nang ai pawn ka hlut zawk a nia" alo ti hlar mai, a pangpar sawisel Tu hi chu kan chawh thei nia..














Mi hi a ti let nek zel, keimah ni zawk hi kan tlawm leh zawk zel, ka nu mizia kha a ni miau a, ka pa pawh hian, a tet lai chuan zawng a ni mai, mipa thingkung lawn theih lohna ah te khan a awlsam thei thin a nia, in sual lah chuti bawk, a lo tel ve hman ziah zel, bakah tumah hian an hnial hneh lo, a ti thin a, kan unau nuih tam ber a ni.














"Pa ka nu tleirawl lai sawi leh teh a" phur deuh tak chuan chaw ei kham, chhungkua kan kim lai chuan ka ti a, ka pa te zin tur an tulh leh bawk nen, an rawn haw hma ta ringawt kha a nia, chutia ka zawh takah chuan ka pa pawh a phur hmel khawp mai, "I nu a tum bur lo tur ah ngai ila" an ti hmasa tete a, ka nu pawh chu a nui ringawt.














A hma ang kha chu nise, a thinrim anga, a âng leh vak kha a Nia nga, mahse engmah a sawilo, ka u pawh chuan ngaihthlak chak hmel takin a awm, an mizia a dang tih chu ka hria, a chhan pawh keimah vang a ni tih ka hailo, ka ngaihtuahna ka kawm tluk tluk leh nilo nilo ka ngaihtuah an duhloh vang leh ka hlim an duh vang tih ka hria.














A hnual zawngin ka ngaihtuah hman trep tih in, ka harh chhuak thut a, ka chhungte tih hnual duhlo in, ka pa thu sawi tur chu ka ngaichang kar, "I nu te chu a bawn thei alawm, vengchhung sual huai an ti thin a, a pawi sawi an hlau thei teh mai Nia, veng chhung emaw, veng thenawm ah in sual awm se, a thiante nen an lo tel ve hman ziah zel,















Apa pawn mipa tur hi hmeichhia ah alo piang a nih hi a ti tawh an in a, kan len laiin, veng chhung thil chhia awm se, a tel ve hman ziah a, chutiang bawkin, vengchhung ah, thei lam leh an thil chin ho bo se, a tel ve thei ziah, a thinchhiat zia leh a kawlh zia vengchhungin an hre vek a, hmeichhe ho hlauh rawn a ni an ti thin, mipa thenkhat pawn, an ti buai ngam ngai hlei nem" q tih chuan ka nu chu kan nuih nasa mai.


















"a harh bawk nen, school ah pawh a harh ber a ni ziah a, lehkha thiamlo ah a lang ziah bawk, mahse a rilru a chhe lo a, thian a mah anga mawl te nen, in kawp khawm in, an nghal thei hle, han huat vak dawn leh han tih vak dawn a, ho tham si ang hi an khawih thiam a, zirtirtute bawl an tum ziah leh nghal, an thiam thei bawk silo, zirtirtute bei dawng hian, pawisa pek an tiam thin, an pass chuan pawisa pek an in tiam tawp zel".














A tih leh lek phei chuan kan awmpui lak thar, chen chilh tura kan lak pawh chu kan bula rawn thu thla ve in, a nui ve nasa mai, tunah pawh hian, a mize tam tak chu ala nei tih hriat reng, "pa engtin nge ka nu hi I duh theih zawk, chutiang a nih si chuan? " tiin ka zawt ha a, a nui zuk "bawihte khawvel ila pal thuilo a, I hre thiamlo mai thei, bakah i tana khuanun a ruat ila tawn loh vang a nih kha i hriat thiam loh,















Hmangaihna hian mizia leh nungchang, dinhmun leh nihna, hmel ah leh pian ah a en ngailo a, thinlung zawk hi a en thin, thin lungthianghlim tak nei chu kan hmu mawi vek thin, tin hmangaihna chuan an tlin loh na lai zawng zawng kha kan hmu dik vel vekin, kan hmu tha vek thin, sawisel tur a dap ngailo a, hausak na leh retheihna a thliar ve ngailo,
















Kan duh tak te bulah, that ber tum mah ila, kan tha ber thei ngailo, kei ni aia tha an lo awm zel a, chutiang bawk in, chhe berah pawh in ngai la, kei ni aia chhia an awm leh zel thin, chuvang chuan nangma tana khuanun a ruat loh chuan i that lai ber pawn, I chhiatna lai a hmu anga, nangmah ah tlin lohna sawi tur a hria in, a hmu ang, mahse I hmangaih tak I tawn hunah leh nangmah hmangaih tak tu che I tawn hunah chuan a sawisel ngailo ang che" a ti a, mak ti zetin ka en.
















Kha tiang sawi chhuak thiam a, hre ve thei hmel pawh a put loh vei nen, ka pa nge nge, ka pa pian hi chu ka chhun ang tih ka hlau ngawt mai, ka nu ka chhun hlauh zawk a, hmeichhia ah chuan a sang pawl leh a pian dik ve pawl ni mah ila, ka hmel erawh, tha han tih em em dawn in, a ni biklo a, mahse a vantlang pawl chu a ni pha, ka nu leh pa chhia an awmlo bawk nen.















Kan thlah ho hi, kan vun ngo tih tur ni silo hian, mizo vun rawng a êng lam a pawl a, ngo tih hi chu kan hlawh ve chawk zel, ka pa hi a lian lutuk lo a, hmelah erawh ka nu leh ka pa kan chhun kawp, ka u hi kei aiin a lian trawk a, mipa lian lutuk chu a ni biklo, mahse a hmel chu a tha ve pangai tho, hmeichhia ah pawh a tla na ve thei lutuk, mahse a star tute an chhe thei a ni.

















"veng veng zel a che, mu ang zanin chu I bulah ka riak dawn" ka u chuan a ti a, ka lo phur viau, ka u hi chu hna a neih tang hian a buai thei lutuk a, kan mu dun khat tawh khawp mai, kan mut dun tawh chuan thawnthu min hrilh thin a, hei hi chu ka nuam tih ber a ni thin, "yess thawnthu min hrilh leh thei" Ka ti nghal pang a, nui hawk chung hian a bu nghat.















Tunlai chu ka hriatna chianglo a zual ka ti mai, hmanni teng te kha, Sangzela khan min hre trelh a nih kha, mahse ka muhil ka harh leh hnu ah, ka hre leh vek ang lawi a, ka â thei mai dawn te hian ka hre thin, tunah chuan lehkha bu te ah, ka hun hman dan leh ka hun kal tawh te ka ziak thin a, nakinah hrelo in, lo theihnghilh mah ila, ka chhiar kir leh atan ka ti a ni.















Sangzelan min biak a tum reng a, mahse ka hmu duh ngailo, ti khan nun bul tan se, ka tel lo in, hlim takin, awm se chhungkaw hlim tak nei turin ka duh a ni, na viau mahse a hlimna a nih chuan pawi ka tilo, ka hna atang in ka bang a, nitin in ah ka nu nen kan awm thei anga, a nuam zawk ka u leh ka pa in min chawm zo rih tho, kan dam anga, hna an thawk thei em em ang.
















Bakah ka hlawh kha ka lo in khawl ve treuh hman tawh nen, mahse chung chu Kima college kal chhunga, a mamawh leh a hman atan ka pa in a ti hmiah a, ka pek ka tum a, ka pa in, Kima hi chu heta kan bula a awm chhung chu kan mawh a ni, chutia min pek I tum tho chuan a tan dah ila a tha ang, nangin kawl tho la, a mamawh a sawi chuan in pe zel dawn Nia a ti kha a Nia.
















Kima hi ka nu lam a ni a, ka nu pawh a lawm hmel viau, chhungte nge nge chu hmangaihna alo na a Nia nge, bakah an harsa ve a, keini pawh chuti lua lo mah ila, kan nghei bik lo a, school kal chawm lai kan nei tawh lo bawk nen, Kima hi chu kan bula a awm chhung hi chu ka pa hian a kutah a dah hmaih a ni, Kima bulah pawh a sawi.















Bakah Kima hi chu lehkha zir taima chi a ni bawk nen, a hun awl neih apiangin lehkha a zir ka ti mai, room ah awm in, a chhiar ri hi hriat tur a awm reng mai ni, zanah lah 11 velah pawh exam lai leh test lai tih chauh lo pawn hriat tur a awm reng mai ni, zing thawh a har ngai chuang bawk silo, nakinah a tih dan zawh ve chi ni, em em bik thin an a, kei dar9 a ka mut pawn, ka tho hma theilo a Nia.














"pa ngati nge in zin tur chu in thulh leh si a" ka chu tiin ka zawt a, an hna thawhna lama an pu ten ti ila, sorkar lamin zin turin an rawn ti a, a chhan lah hriat ni heklo, mahse ka pa khan an thulh leh a ti meuh mai sia, a chang hian a khat mawi tawk hian zin ve deuh hi a ngai thin, a zin chu vawi5 vel ka hriat chin ah ka hria, "kan chhuah hma in, an thulh leh ta a nih kha" a ti mai, engmah ka zawt zawm tawh lemlo.





(Nizan ka lo dah loh vangin thupha ka chawi e, ka buai ve lutuk a, ka lo mang nghilh daih a ni e)


Show post links
Top

[Ngaia]

HMANGAIHTU













CHAPTER-13












BY CHHEPHAKI MUANI









Zingah chuan hma takah ka tho a, tunlai chu mut lam hi ka harsat thei khawp mai, Sangzela ka vei tulh tulh a, a hreawm a hmel chu hmu chak thin mah ila, mahse tih hi a awm leh thin, "bawihi kha i va rawn tho hma ve" ka nu choka a ei rawngbawl chuan a ti a, ka harh laklawh thu in ka chhang ve mai, ka u chu a walk daih tawh ang, zingah hian a tih ber a ni thin.















Mahse a hna vang erawh chuan zing tin tih theih loh chang a nei thin, a hmel hmuh ka chak rual rualin ka hreh deuh bawk si, keimah zawk a nia hmu duh lo tu leh thu tawp siam hmasa tu, nakin lawka ka awmdan a hriat hunah min kalsan leh mai dawn tih ka hriat vanga, in thiarfihlim ka ni, ka tan chuan chuthil chu tuar zawh a har tawh dawn lutuk.














Hmangaihtu hian tuar theih chin a nei ve a, hmeichhia zawkin, ka dawh a, ka nghak zawk bawk, a ni chuan min pehhel in, min tlan chhiatsan a nih kha, tuar har viau mahse ka dawh a, na ti chung chungin ka chel bawk, kha tiang leh tur chuan ka theihna hian a tlin tawh biklo a ni.












Hmeichhe derdep tak leh mahni hma sial tak nih pawh huam in, ka zui a, hmeichhe dang a kawp reng thin tih hre chungin ka chelh a nih kha, "Bawihi veng veng zela che, hei i u in a biak reng che hi" kei hi dawhkan bawh in, ka lo in ngaihtuah leh veng veng tawh tih hriat reng, ka u lo haw lai pawh ka hrelo thei a niah, ka in ngaihtuah tui lutuk pawh a nia nge.














"u eng maw I sawi" ka ti hu a, ka pa leh ka nu an lo nui hak, "aw i tho hma a awih lo lutuk a nih kha" ka pa in a tih chuan ka ner nasa ngang mai "hmm ka tho hma ve thin tho aw, ka room ka rawn chhuah san har mai chauh alawm" ka ti vei pang pang a, ka u awih lo chu a nui deuh hak hak, mi hi chu a awih lo ve thei chiang alawm.














"u nupui hi nei ve tawh teh, mo chhawr ve te pawh a chakawm alawm" ka ti a, ka nu alo nui hak, "I u in a neih phawt chuan ropui thei ang berin kan ti ang" a ti a, a nui deuh hak hak bawk, ka u chuan nupui a neih chu ringlo ve tak a ni, tunah pawh hmeichhia hi a hnaih lo tluk a ni a, a buaithlak a ni e, a ruk chuan alo nei ve pawh a ni mai thei a, kha chu ka hre tawh biklo.














Kan bulah pawh a sawi zak pawh a ni ve thei tho, "nu ka ril a tam tawh e" ka ti deuh nang nang a, " aw hei kan ei thei a ni mai, Manun chaw ei lo siam tawh la, bawiha han in thlak se, kan ei nghal thei a ni mai" ka nu chuan a ti a, kan awmpui a ni Manuni a tih chu, a fel in a zuan a zang hle a, biak a nuam thei hle, fiamthu a duh ve bawk nen, kan pahnih phei chuan kan in kawm ngeih tawh khawp mai.















A bialpa chung chang te kan sawi a, ka chung chang te kan sawi thin, nuam kan ti thei khawp a, bakah ka nu hian tirh dan tawk hi a thiam ve a, in chhung chet lah a tih pui vek tho bawk si nen, tih tur chu tam tho mahse nileng chetna tur kha a awmlo bawk nen, kan in kawm thin a, kan nui ring thei khawp mai.














Chaw kan ei lai chuan ka phone ka kekawr a ka âh chu a ri a, a pawimawh takin tiin, ka la chhuak a, Ruatpuii alo ni, engtak chu ni ang maw, ti rilru chung chuan ka kham nghal a, phone lak pah chuan ka beng ah chuan ka dah nghal vat, ka chaw eina kut chu lehlam chiah chuan ka sil a, hru hul thuak pah chuan "Ruatpuii eng nge ni ta, zing zing ah" ka ti sup.















"ihhh Sangzela khan a hma in chhuah dun a, I awmdan vel kha a vei lutuk a, min zawt chhen a, ka hrilh ta mai" a tih chuan ka maw vak "ngati nge ilo hrilh" pawi ti lutuk chuan ka ti hak a, ngaihdam min dil nghal zat bawk, "rawn biak che a tum a, mahse i no I thlak daih sia, zanah an in a, ka kal tur thu lo hrilh rawh a ti" a tih chuan ka chal ka dawm vang vang.














Min nuih turin nge min ngaihnep zia ti lang tura lo kal a nih ang, tih chuan ka ngaihtuah na a ti buai nghal hle, "awle a pawilo, ka dah phawt aw" tiin ka dah nghal zat a, ka zawi nghal vek ni mai hian ka hria, "nu room ah ka awm dawn a nia" ka ti a, ka chho nghal daih, an chaw ei lai thulh meuh a, min en hlawm pawh la hre reng, mahse ka eng tih mah a tui tawh rih lo, mahni a awm ka duh rih.















Khumah chuan ka thu thla a, ka phone a, wallpaper a ka hman, a thlalak ka neih chhun, a ig account a a post la screen shot chu ka en vang vang a, "ngati nge ka hmangaih ni tura ilo pian, engvangin nge beiseina thlawn mai min siam sak" ka ti sup ka thiamloh vek a ni, engkim mai hi ka thiam loh a ni, thil ti buai chuar Tu mai ka ni.















Sangzela nunah lo in lan lo ila chu tiang em em hian Sangzela pawh a buai lo anga, a hna ah rilru a pe bawk ang, ka phone ri ah chuan ka harh zawk, number hlang alo ni, la duh lo chuan ka ring ral tir thak a, mahse a rik tawp rual rual chuan a rawn tih zawm leh zat, Tu tak chu ni ang maw, ti bal bal chung chuan ka la a, ka bengah ka hmeh bel nghal chat bawk.














Lehlama rawn tawng thawm avang chuan ka phone ken chu ka thlauh thelh a ni, "engvangin nge ka lak ah i zep" a rawn ti nghal hmuk a, "min nuih zat turin em ni ilo call" ka ti hap lehlama mi erawh a rum nghut thung, "chutiang zawngin ngai hauh suh" a ti bul leh hmuk, "tunah ka rawn kal dawn, in biak kan ngai" tiin a dah nghal daih.














Khawi atangin nge ka number a neih tih chu sawi ngailo in, Ruatpuiin a pe tih ka hre nghal mai, ngati nge maw a ni pawh chu alo pek ve ngawt ni, nakinah a chaklo ang chu aw, "nu ka chhuak lawk dawn a nia" ka chhungte Sangzela hmuh tam tir ka duh loh vang chuan a rawn thlen hma a, lo awm lawk kha a fuh ber ang.













"Aw lo haw harlo la aw" a ti ve mai, ka u leh ka pa erawh ka hmu tawh lemlo, an hna lamah an kal tawh a ni mahna, kan in kawt piah deuh laiah chuan ka ding reng a, rei pawh a rial hmanlo tih ah a car ka hmu nghal zat, ka bulah chuan a rawn ding chat a, a rawn chhuah loh vang chuan keipawh ka thu lut ve mai.














Min melh vung vung a, a hmelah chuan eng mah ka chhiar thiam lo, a lang lo a ni mah zawk, eng emaw ngaihtuah muk tak a nei tib erawh a hriat viau thung, "I sawi duh chu sawi vat la, ka haw leh vat angai dawn a nia" ka ti deuh sap a, min melh deuh vung vung vang awm nuam lo sawi a ni tih ka hre chiang hle, a harh chhuak thut a ni mahna.















Motor chu a tlan chhuah tir nghal a, aizawl khawchhung nilo, in din tlem na deuh laiah bawk chuan min din pui leh, "eng nge sawi rawh" a din rual rual chuan ka ti nghal tawng a, "a mak ka sawi dawn reng, ngun deuh in lo ngaithla ang che" a ti deuh hmuk a, motor hma lam chu ka en reng ringawt, "min then i duh chhan ka hria, nilo se min kalsan i duh hauh lo ang" a ti nghet deuh charh a, a in dah sang lutuk chu la ngei lek lek, a dik tho rualin, chutiang anga lan chu ka duh bik hauh lo.

















"I hriat chuan alawmawm ah ngai ang, sawi tur ka neilo, i sawi duh chu hei te chiah a nih chuan engvanga helai thleng thleng min hruai nge i nih" ka ti hmak a, a thaw deuh hawk, "ka enkawl ang che, min ring rawh, nang hi ka hmangaih che a, I tello in ka awm theilo" a tih chuan ka nui chhuak hak, "enteh min khawngaih kual vela, kha tia tih kha a tul kherlo, keimah ka in enkawl thei, nang chuan hlim takin I nun chen la, hmang bawk rawh" ka ti deuh hmak a.
















A thaw zui deuh hak, "ka fiamthu in I hria em ni? " a ti deuh hmuk, "min khawngaih vang a ni tih a chiang reng lawm ni, kha chen hmeichhia ka nih pawh pawisa lo in, ka zui che a, ka chelh bawk che" khang thla reilote kha ka tan chuan rei tak a ni reng a ni, " min ring rawh, nang hi ka hmangaih che, ka kalsan ngailo ang che ka tih kha, ka thusawi chu ka ti ngei bawk ang" a ti nghet deuh charh.















"Ka duh bawk lo" kan ti thla rawk a, nuih suk pah hian "I duh leh duhloh ka zawt lo che, ka nun hlim taka hmang turin min duh a, ka hlimna tur hmeichhia chu ka pan dawn reng alawm, chuan chu chu nang hi i ni bawk, tun atang chuan engkim a hma ka tih sual kha ka siam tha vek tawh ang" a ti nghet leh charh.














Ka chhang buai peih tawh lo, a luhlul zia ka hria a, hnial hnial mah ila, a thu in a kal leh dawn tho tih lah chiang reng, "haw ka duh tawh" ka ti sup a, "okk zanah ka lo leng ang, tunah chuan hna ka kal a ngai tlat, chuan lo in enkawl tha la" a ti deuh ngei a, ka melh zeuh ringawt, a tlan chak bawk nen, kan in kan thleng thuai, kan tlan chhung zawngin kan in be lo a, kan ngawi dun kar mai ni.















Min biak loh chuan keilah tawng ka tum der silo a, ka chhuak hmak a, kan in lam ka pan nal nal, in chhungah chuan ka nu leh kan awmpui lak thar chu an lo titi tui nasa ngang mai, ka lut min hmuh rual rual chuan "khawiah nge i kal a, kan ngaihtuah hman che lawm" ka nu chuan alo ti vat a, "ka tei kual mai mai, nu room ah ka awm dawn a nia" ka tih zawm zat.
















Ka room ah chuan chho in, khumah chuan ka mu nghal hmak, tunlai phei chu ka lu a na ngun bawk nen, ka mu reng mai a ni, phone ah chuan thlahrang flim en ka tum deuh uk tawh a, mahse computer chu la in, ka en ta zawk, thlahrang hi hmuh nawm hi ka ti mawl ve tawp, ka hlau lo bawk a, ka en kar zel, ka u hian thlahrang flim chu a hlau, in ti pa hle si hian, thlahrang hi a hlau tlat a.

















Ka lo in en muhil a niang, ka room kawngka in kik ri ah chuan ka harh a, "lo lut ru" ka ti nghal zat, ka u chu a rawn lut a"ti nge i nuam lo deuh em ni" a ti nghal zat, " nuam lo lo e, ka movie en ka lo mutthilh san a, a van tlai tawh awm em em" ka ti sap, parda ka zar vek avangin, pawn lam ka hmu thei bawk silo a.















"tlai tawh e, chaw kan ei trep tawh" a tih chuan ka chek tlak tlak, ka nu te pawh hi min auh thawh ve awm a nia, chutia ka u in chaw ei a sawi takah chuan ka pum a ri rawk rawk mai, ka u chu a nui hak a "lo tho la, chaw kan ei dawn nia, kan va in thlak phawt ang lo zuk chhuk la" a tih chuan ka lu ka bu rang ngang mai.















tho chhuak nghalin, room atang chuan ka chhuak nghal a, in hnuaia ka pa leh ka nu in be ri pawh ka hria, ka chanchin a ni an sawi ni, chhuk thla lawk duh lo chuan, step tirah chuan ka ding reng a, an thusawi chu hre kim lo mah ila, hriat chen ka nei, an rilru ka ti hah ngawt ang, tlan bo daih ta ila, an tan a nuam zawk angem tih te ka ngaihtuah kai, ka pawisa ka lo thawh hlawh ve a tam tham ve tho a, rei tak chu ka in enkawl thei ngei ang, tih tr ka ngaihtuah kual a.
















Tullo ti zetin ka lu ka thing nawk nawk, "ava mak vak vak ve mawle, ngati nge ila chhuk loh a? " ka u chu ka bulah alo ding reng tawh chu ni in, "ele ka nghak che" tiin ka nui nghal sang a, nuih deuh hak pah hian " a nih ti rawh chhuk ila" a tih takah chuan kan unau chuan kan in zui thla a, chaw ei an lo siam mek tawh, ka nu chuan chhun thil ei dawnah pawh, kan rawn au che a, min chhang theilo a nih kha a tih chuan mak ka ti hle.
















Ka va han muttui awm em em, ka harh vang ve hle khan ka hre sia, a tha lamah ngai teh ang, muttui te chu a thlamuan thlak e mai, mut ka duh sa hrim hrim a, ka thiante pawh hian khum hi i van ram a ni ringawt an ti thin, mut te chu a nuam e, taimak vak a ngailo a, hahna tur awm bawk silo, mutthilh phei chu a nuam hi a ni mai.










(huizzz a thui theilo a ni e)

ADD CLICK KHA AW


Show post links
Top

[Ngaia]

HMAMGAIHTU














CHAPTER-14














BY CHHEPHAKI MUANI











Chaw ei na vel kan tih fel zawh chuan sitting room ah kan chhungkua chuan kan thu deuh thap a, ka u hi tunlai chu lenna a nei chiang alawm, a chhuak deuh reng mai, ngaihzawng a nei anga, aleng ve thin ah ka ngai hmiah, ka chhiah deuh thin a, a duh lo ber ber a ni bawk sia, " U zanin chu tu emaw in ah i leng dawn lo a mi" ka tih chuan ka pa leh ka nu an lo nuih hak a.
















"Lenna tur pawh ka nei hlei nem, ka thiante in ah alawm ka len" a lo ti deuh hmak a, a thinrim lo tih ka hre chiang bawk a, ka nuih deuh hak hak, a mah lah chu a nui tha duh derlo leh nghal a, a hnu deuh chuan ka pa leh ka u chuan an hna chungchang vel an sawi kai a, keini nufa erawh an bulah kan thu ngawi reng thung, sana chu ka en reng a, dar6:30 chiah ala ni.
















Ka hnaih theih ni tawh lo mahse, ngati nge ka thinlung hian hnaih a chak tlat hi ka hre thiam theilo, a lo len ka duh loh rualin, alo leng lo ang tih ka hlau ru tho bawk si, ka awmdan pawh hi ka hre thiam zo zai tawh biklo, ka in enkawl tha bawk nen, ka zia viau a, ka in enkawl that a, rilru hah a ka awm loh chuan doctor te khan, a hlauhawm loh thu an sawi a.















Chutiang tur chuan ka in enkawl uluk ve in, ngaihtuahna kawm ngut ngut pawn, thil hlimawm lam leh a tha lam chiah ka ngaihtuah lui tlat a, ka hlawk pui viau, kawngka lam ka bih sek tawh, 'a tawngkam mai mai a nih kha hre ta che, alo kal lo ang, a ni chuan nang lo hmeichhe tam tak a nei alawm' tih ten ka ngaihtuah thul.
















A lo len ring tho si, ring ngam chiah lo in ka awm a ni ber, Kima erawh a lehkha zir turin a in khung bo leh hmiah tawh, a ni hi zawng ala zir chhuak khawp ang, kan bulah hian awm reng se, ti hian kan tan pawh, a nuam a, kan tlem lutuk hi a nawm loh chang a tam, ka u lah naktuk zan atangin a night duty leh daih emaw a nia nga.
















Kan pathum chiah in kan awm leh emaw kha a nia nga, mahse tunah chuan a zia tawh lutuk, kan awmpui a awm bawk a, a fel in, ala nau ve bawk nen, a tawng duh em em bawk, Kima lah tawng duh ve tak, fiamthu duh tak alo ni bawk nen, kan in chhung chu a nuam ve tawh khawp mai.















Kawngka kik ri ka hriat chuan thawh ka tum deuh zuai hman tih ah "keiman kan hawng ang, ka chhuah lawk a ngai tho" tiin kan awmpui chuan a ti a, ka thu tha ve leh mai, Sangzela a nih ka rin rualin ka ring ngam chiah bawk silo a, "hei u Ramsang an hmu duh che a" tiin Sangzela nen chuan an rawn in zui lut a, min biak chhuan lamin, a rawn lut tih hriat reng.
















Ka u lah chu hrawk za mang hlei lo tih hriat zet hian alo khuh der vel a, ka va melh rum lah chuan min melh duh hauh lo leh nghal a, "e kha lo leng thu rawh, mate I thianpa em ni?" ka pa chuan alo ti nghal sawk sawk a, ka bu deuh nghat, in chung panna step hnung chhawn zawngin ka thu a, ka pa te ka dinglam sir ah an ka nu nen an thu a, ka u erawh a veilam thut thleng ah a thu thung.

















Sofa ah ka ke ka lo thluang zuar bawk nen, ka la thla thuai a, ka thu rem nghal sawk sawk, ka melh zeuh zeuh a, min melh run run chung hian a rawn thu thla nghal zat, "eng nge i sawi duh chu? " hrethiam lo der tlat chuan kan ti vel a, sawi tur a hre leh silo nge a ngawi hmak, ka nuih a za ru riau thung
















"Nu ka chhuak lawk dawn a nia" tiin ka u chu a tho tharh a, "kha maw, nu bialnu a nei ka tih kha in awihlo vel a" ka ti nghal zat, " nau nghal ringawt zel a che, kha i thianpa pawh alo len kha kawm mai mai rawh"tih pah chuan a chhuak nghal daih, ka ngei dan em em hi, ti hian keimah zawk ka mood a off hmasa leh ziah zel, "keini pawh thenawm ah chuan va kal ve ila" ka nu chuan a ti a.















"ni dawn tak maw, va leng phei ve reng reng ila" ka pa chuan a ti a, a tho deuh tuih tuih bawk, thenawm nula senior lam kai tan tawh, in pasal a nei dawn a, an fa neih chhun a ni bawk nen, an lawm viau a mah a fel in, a pasal tur lah, police a ni leh zel bawk nen, a vannei tak zet, "ka thu sawi kha ka ti mai mai hauhlo" ka nu tr chhuah rual chuan a ti nghet deuh charh a, ka melh vut.















Sawi mai tur pawh ka hrelo, "min ngaidam la ka tih sual ka siamtha vek ang" beisei nei tak hian a ni ti, ka pawm leh a nih chuan ka hlim ngei ang, mahse ka hlimna ka pan chuan ka hma ka sial lutuk angem? "keichu engmah hi ka hre thiam tawh lo, hlat che ka duh a, mahse ka thei bawk silo"ka ti ta thlawt a, a mah hma chhawn zawng chuan min kuai hnai in.















" Min ring rawh, engkim ka kut ah dah la, ka kut vuan la, chu chiah chu i tih a ngai ang, engkim keiman ka ti vek ang" a ti sup a, engmah ka sawi lo, a hmel ka en ngam lo a, hnuailam ka bih reng ringawt, Ka khabe ah chuan dawmin, a mah en thei tur chuan min siam rem a, "tun atang chuan nang chiah hi ka nuna hmeichhe awmchhun i ni tawh ang" tiin ka hmuiah chuan a hmui chu a rawn sik tir a.













A hmui a ti che a, chet lawkna chang ka hre lo, "min chhang let rawh bawihi" a ti thawp sap a, ka hmui ka tih chet rual rual chuan a duh thawh zual hle, ka kut chu a zut chho a, ka biang tawn tawn ah, a vuan nghal chat, a tawp thut a, min thlah deuh thut bawk, thlawk la deuh hawk in, a mit a chhing vang vang a, a bek leh a chal velah chuan thisen zam a pawng tawlh tawlh bawk.















A awmdan teh thut chuan min ti ham haih zo vek, ka melh char char a, muang changa lo meng chhuak in, a nui deuh suk, "thingpui te min siam i tum lo mi? " a tih takah chuan hre chhuak zawk in, a duh leh duh loh te an zawt leh hnahnawh a, "ka duh lo ni mai rawh se, coffee in nei zawk em?, thingpui ka in ngailo" a tih takah chuan kan neih thu ka sawi a.














"ti khan ilo thu dawn nge, choka lamah ilo phei ve dawn" ka tih chuan a ding chhuak nghal a, choka lamah chuan kan in zui phei dat dat, "damdawi ei lai i nei em? " tih min zawt thut, "neilo, rilru hah leh na a awm a ngeih loh thu leh thil a hlimawm zawng a ngaihtuah turin min ti a" ka ti a, a bu nghat ringawt.















Thingpui ka pek hnu chuan a mah hma chhawn zawng chuan ka thu thla ve a, "eng nge ilo tih leh dawn, ka sawi chiang viau tawh, nang chuan hma hun eng tak i nei, midang tha tak tawng turin ka duh che" ka ti sup a, engmah sawilo in min melh run run, a tawng tawh dawn lo emaw ka tih hnu ah, "midang tha tak ai chuan ka hma lawka thu, hi chung mi tha tak ai chuan ka duh zawk" a ti sup a, sawi mai tur pawh min ti hrelo.















Hepa hi a in la zei nge, "tunah chuan kei hian ka chelh tlat tawh ang che, eng ang mi pawh lo ni la, tawngtheilo emaw, eng ang pawn lo piang sualna lo nei in, lo awm mah la, ka thlah tawh ngai dawnlo che, min theihnghilh a nih pawn, ka hriat chhuah tir leh zel che anga, I kiangah ka awm reng ang" a tih hnu phei chuan engmah sawi tur ka hre tawh lo, ka lawm rual rualin, ka kianga awm tur chuan ka la ngaingam chiah bawk silo.















Mipa ah pawh, mipa tha tak a ni a, hmeichhe tam tak a hmu ngei ang, kei ve mai hi min kawp chuan midang hmuh dan tur pawh eng nge niang, a chhe lam bak in an ngaihtuah dawn lo, an sawi sep sep anga, selna nen, chutiang tur chuan ka duh loh rualin, ka lawm tho bawk si, ka lo chelh tang tang na kha Lalpan min chhang ah ka ngai, mahse min chhan rual hian, hlimlohna tur leh a kianga ka awm theihlohna tur chhan a lo awm zel bawk si.
















Sawi tur dang ka hre tawh silo chu ka thu ngawi reng a, dawhkân a ka kut chu rawn vuan in, "min ring tiro, engkim ka kut ah dah rawh ka tih che kha, keichiah min buaipui la, min ngaihsak bawk rawh, min theihnghilh a nih pawn, min hriat chhuah theihna turin, ka che zel ang" a ti sup sup a, ka bu nghat ringawt, ka mipa duh hmasak ber leh hmangaih hmasak ber a nia, kalsan a harsa a ni..














"Lalramsangi tih hi tu phuah nge? " a rawn ti thut a, "ahhh...... ka pi, ka pa nu phuah" ka ti a, a bu nghat "nge chu chu min zawh chhan" ka ti let ve leh kan awmdan vel chu naupang chhe in ngaizawng kan ang tawp, "engmah mawle, a in remkhawm millo em a" tiin a nui hawk, ka melh ngar a, "sorry a mak ve em a, naktuk eng nge i tih dawn" a tih zawm zat, "engmah ka tilo ang, hna ah ka bang tawh sia, in a awm a ni mai" ka ti tha ve mai, mak tih hmel takin min melh a.















"Ngati nge i ban a, an ban zawk che nge? " a tih chuan ka lu ka thing a, "keimah hi ka buai, ka sawi thiamlo, ka thil tih ngei pawh ka theihnghilh a, midang hriat tam ka duh loh bakah, midang hna thawk leh an hun ka tih hek sak a, ka in thiam theilo a, ka bang" ka ti malh malh, chutia ka sawi chhuah leh takah chuan keimah ah, nghawng a nei nghal zat.















Hnuailam ka melh run a, "i nawmlo tih nana sawi ka nilo a nia, sorry ka zawt leh tawh lo ang che, naktukah kan leng dawn a mi niang" a ti sup a, ka phur leh tawh viau "aw a nuam dawn lutuk, mahse khawiah nge kan len ang" ka ti nghal zat, "leng han tih ah, kan department kan picnic dawn a, ka hruai ve ang che" a tih chuan ka nur nang, "naaa chutiang te, hna thawk ho picnic na a lo kal ve te chu a" ka ti deuh nang nang a.















"a ho lutuk ka thu ber dawn lawm, an pu ka nia, ka thu ber" in ti thei deuh tak chuan a ti kual vel a, ka nuih hak, "zing dar9 ah ka lo sawm ang che, lo in siam la aw" a ti a, picnic nuam ka tih zawng tak a ni bawk nen, ka aw ta nge nge, dar8 vel chiah chiah a ni a, ka nu leh pa pawh hi an lo va haw har em em tak, "ka haw phawt mai ang, naktukah thawh hma ka ngai a, ka nu in a pangpar huan a mi tur min thiar tir a tum hmel sia" a ti zeuh a, ka lo nuih hak, pangpar ngaina mi tak a ni tak.















"awle, muttui" tih pah chuan ka tho chhuak a, a rawn tho ve nghal zat, "I thut hmun atang chiah hian maw I bialpa te I thlah thin" tiin min fiam zeuh a, "ve che nang anga, ex ngah ka nilo, ka la nei ngai thlawt lo" ka ti deuh vak a, a mah ber ber a nuih a za emaw tih mai turin a nui deuh hawk hawk, pawnah chuan kan in zui chhuak a, khawlum hun lai a ni bawk nen, pawn pawh a lum reuh zek.















"lut rawh, ka kal dawn keipawh" tiin ka chal ah chuan a fawp vang vang a, ka lo lai leh hmanhmawh tawh, awmdan tur ka thiamlo nghal ngawt pek a, ka bye bye lauh lauh a, a car a, a luh thleng chuan ka thlir liam ta reng, a tlan liam hnu chuan ka lut ve ta chiah, mahni a han awm chuan a nuam vak duh lemlo khawp mai, Sangzela kha chu titi pui tur em em awmlo mahse, a awm ve khan thla a muang bik hliah hliah.













(ka duh ang in ka rawn dah hma theilo a, chapcharkut a mi tur kan zir a, kan bang har reuh lutuk a, in tih fel vel nen, ka hman velah ka lo dah a nih hi aw, min lo hre thiam dawn nia)


Show post links
Top