HEIHAM! : ANOTHER LOVE BY Un Sammy (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: HEIHAM! : ANOTHER LOVE BY Un Sammy (Completed)

Unread post by Ngaia » March 12th, 2023, 5:45 pm

HEIHAM!
by Sammy







Bairabi lama ka chhuk leh dawn ni chuan ka nu chuan min zui ve a tum ut ut a, mahse ka pa bawkin rem a tih loh avangin keimah bawk chuan ka chhuk leh a.



Zingkar tho a chhuak ka nih vangin hmanhmawh lem lo takin ka tlan zel a, kawngah ka chawl ve zeuh zeuh bawk nen dar 10 dawnah Kawnpui ka thleng thla chauh.




Kolasib ka thlenin Tracy ka phone a, a la lawk thei lo lehnghal.


Vawikhatmah kan inbe lova, ka haw dawn thu chu hrilh ve hrim hrim ka duh vanga call ka ni.




Mahse vawithum ngawt ka call hnu pawh chuan a la thei lova, a buai anih ka ring.




Frozen food leh eng eng emaw ei chi ka lei hnu chuan ka inkhalh thla leh nghal a, dar 11 pelh hretah Bairabi ka thleng thla.



Tracy te in chu a lo inkhalh țhiap mai a, an in a chahbi ka dah avangin ka lu thak lo pui chu ka hiat ka hiat ringawt.




Tracy chu ka call leh a, a la la thei chuang lo. An ni chhung hi an zin ve vek emaw.




Ka hawi la hawi a, ka bike chu hung țhain kawngpui lamah chuan ka va kal a, țhenawm hnai ber inah cbuan Tracy te kalna chu an hriat leh hriat loh ka va zawt ve thawr a, an lo la hre lo zui.




Țhenawm dangte zawh leh ka tum lai chuan Tracy call ka dawng hlauh a, rang zetin ka la.




"Hello Tracy, khawnge in awm vek a ?"
ka ti nghal a, "School-ah ka naute fee ka pe a. I rawn haw tawh em ni ?" a rawn ti let veleh.



"Aw, tumah in lo awm si lo va" ka tih leh chuan, "Kan lo haw mek e. Min lo nghak lawk rawh" a rawn ti a, "Khawi laiah nge in awm? Ka rawn hruai ang cheu" ka ti let veleh chu, "Kan rawn thleng țep tak tak, kha ka hmu thei tawh che" a ti a, ka hawi kual nghal vual vual.




"Khawnge...." ka ti hman chiah tih chuan a dah daih a, ka phone chu ka melh vung vung tawp.




In lam pana kal leh ka tum lai chuan, "Min lo nghak rawh" ka hnunglam ațanga chuan Tracy chuan a rawn ti a, ka hawi let vat.




A bag ah hrui chu vuan țai chungin a rawn nui phei ver ver a, a hnungah a nau Zoi a rawn kal ve hnak hnak bawk.




Ka bul a rawn thleng a, ka lo en reng chu ka nakah a rawn piai zeuh a, "Ana" tiin ka lo sirthlek nghal.



"I rawn haw tur te chu rawn sawi ve ta che" a ti a, in lam hawi chuan a kal zawm nghal.




"Sawi kher loh pawn ka rawn thlen thlak tho hi" tiin ka zui a, chek hlukin, "Thil ka chah duh che lawm" a rawn ti.




"Kolasib a ka awm laiin ka rawn call che a i la thei lo nih kha" ka tih chuan, "I call vawikhat chiah ka hmu. Chupawh nichin deuh lawk ami" tiin a bag ațang chuan chahbi a phawrh chhuak a, kawngkhar chu a hawng.



"Awihawm loh, vawithum vel ka rawn call che" tiin ka phone chu ka hmet nuap nuap a, ka call na chu ka hmuh.




"Awwww...... min rawn call lo pawh ka tih chuan loh kha. Lo kal rawh, rawn țhu ve rih rawh" tiin min kai lut a, fan hnuaiah chuan a țhu deuh nghiai.




Fan thaw aia a chhing diar diar chu ka en reng a, a bek ațangin thlan fim a rawn luang a, a lum a tih vang nge a biang a tai tek mai. A hmui te fel at chu a kau deuh tiar a, ka jacket hak te chu phelh thawl vein ka nui suk suk.



He hmeichhia hi ka nei anih loh chuan ka hlimna hi a tawi viau ang. Heti taka a landan mai pawhin min tih hlim hi maw.




"I nu chu enge a an a? A dam țha tawh em ni ?" tiin min rawn en kiau va, "Aw dam țha tawh a ni mai" tiin ka chhang țha mai.



Ka thil hawn chu hrechhuak zawkin ka tho thurh a, "Engeeee ?" tiin Tracy chuan min melh chho ha.




"Ka thil rawn hawn ka lak theihngilh" tihpahin ka chhuak vut, a va haihawt theih ngai ve le.




Ka bike a ka thil dah chu ka la lut a, dawhkanah ka dah darh nuai.




"Kolasib a ka awm lai khan min chah duh i neih takin tiin ka rawn call che a, mahse i lak theih siloh vang khan heng hi ka duh duh ka rawn lei" ka ti a, "Sa bawk em ni i lei ?" tiin Tracy chu a rawn tho chhuak a, "Aw ka duh duh mahse j duh tur ang ka rawn lei țeuh mai" ka ti a, ka nui vur vur.




"A țhen hi ka leichhawng ang" tiin a phawrh vek a, "Angai lo, ka rawn lei che anih kha" ka ti a, "Hmmm.... mi ta tur zawk hi ania nga kan mit te hi a uihlit mai law'ng maw ?" a rawn ti.




"Nang lo midangin an ei anih ngat zawk chuan an mit a uihlit zawk ngei ang" ka ti veleh ngat a, a mitko min san khum ak ak.
.
.
.

A dan pangngaiin nitinin office a ka va in report zawk tih loh chuan inah ka awm chawt a, Tracy pawh ahma ai chuan hnaih sawt tak ka ni.




A nau teah țan ka la nasa viau a, Hmangaihsangan a u nena min chhaih zuk zuk a ching chu ka lawm rilru em em lehnghal.




Rindiki hnenah Tracy thil duhzawng leh a ngainat zawng te, a mize duhzawng te ka zawt a, induh tir chu ka tum ruh hle.




Ahma ai thlawt chuan a ni pawhin min nel ve sawt tawh chuan ka hria a, ngeiawm deuh deuha min fiam erawh a ching viau thung.




Dan ngaiin office-ah in report turin ka kal a, Tracyin, 'ar in min kilh țhat pui rawh a ti a, chumi atan chuan perek te ka lei haw leh te te.




In ka thlen leh chuan Tracy chuan a kilh țhatna tur thing a lo la chhuak a, "Helamah hian lo kal rawh" tiin min lo au.




"I kilh thiam dawn mi le ka ti leh deuh" ka va thlen phei rual chuan ngeiawm zet hian a rawn ti leh a, a chalah ka pen ri kawr.



"Ana" tiin a tuai vut vut a, "A pawi hawl zawng hlir hian țawngthei suh" ka ti chu, "Min duh tho tho che chuan a pawi em ni ?" a rawn ti.




"Nang hi....." ka ti hman chauh tih chuan, "Kilh țha vat ang, ka mut chhuak ania" tiin a che nghal vut vut.




Nui vur vur chung chuan ka kilh pui a, "Zawhte hi ka ngei lutuk, kan ar a ei zo țep tawh. Rawn kal se vuak hlum ka duh" tiin a ang ve hmuar hmuar a, a ang ka vawikhat hriatna ni.




"I vaw hlum ngam dawn em ni ?" ka lo tih chuan, "Ele nang i awm a, i vaw hlum ang" a rawn ti.




"Kei sualna nei lo tlangval rilru thianghlim hi tual min thah tir i tum amaw ?" tia ka chhang chu min en raw raw a, "I chhe hri hre" tiin a lut daih.



Perek leh tuboh chu kengin ka zui lut ve a, a awmna ngaia ka dahțha thlap. An bungrua, leh an inchhung hrim hrim hi chu ka in ai pawh sawn ka hrechiang tawh zawk.




"Ka lo țhu ve ?" tiin Tracy mutna mawng lamah chuan a ke pawmin ka țhu that a, "A dangah sawn țhu rawh, a chep chepah kher" a rawn ti.




"Ti hian i mutthilh hun ka chang anga ka pawngsual dawn che" ka tih chuan a meng awk a, mahse insiamțha vatin, "Nang ang tlangval fel leh rilru thianghlim te chuan pawngsual awmzia pawh i hre ringawt em ni ?" ahma ka țawngkam ngei chuan min kap let sawk.




"A na lutukkkk" tiin ka awm chu ka âwm chu ka dawm a, "Kha ai silai te deuh khan min kap ta che. Ka lungphu a dik lo nghal" ka ti chu ngei hmel zeta min enin min tlawh thle lawp.




"Tracy Bawihte...."



"Khatin min ko suh"




"Lo ngaithla teh ka thusawi hi"




"Ka ngaihthlak hi"




"Bialpa i nei chuang lo a tinge min duh ve mai loh ?"



"Ka sawi tawh kha bialpa neih hi ka tum tawh lo. Mipa hi ka ring lo che u"




"Tupawhin lo ti nain lo bum tawh che se mahse kei chu an ni ang ka ni ve dawn lo. Ka rilru hi i ti thlabarin neih loh hlau che hian ka mangang tawh teh ania" amah en ngur chung chuan ka ti a, mipa dangte hian engtin nge an hmeichhe duh te lakah hian an duh thu an sawi ka hre lo va, engtin nge an tih lan țhin lah ka hre hek lo. Mahse Tracy hneh theih nan chuan ka kâ ațanga chhuak thei apiang hi mawi leh mawi lo pawh thlu lovin a chhuak zel ang.




"Khatianga thu i sawi khan i inhnuh hniam zia i hria em ?" a rawn ti a, "Aw....Ka duh em em vang che anih hi....." ka sawi zawh hmain, "Min duh tawh suh" a rawn ti hmuk.




Sawi tur hre lovin ka en tawp a, mutthilh tum niawm chuan a mit a chhing zui hmak.




A chezia hian min hnar si lovin min pawm chuang si lova, a țawngkam lahin min hnar chiang em em lawi si.




Min be țha ringawt țhin te hi kei, amah duh em ema a nui ringawt pawh beiseina min pe theitu tan hian a beiseiawm hliah hliah a, han hnaih dawn tak tak hian a inkhar phui leh hmak zel bawk si.




Ka țhu ngawi bém a, ka rilru chu a na. Mahse a na tih bak hian sawi dan dang ka hre lo.



Tiang em em hian mi hi an inveiin an induh țhin angem tih te ka ngaihtuah a, an mi duh hmasak ber te hian an lo duh let ve țhin nge an lo hnawl ve țhin zawk ni ang. Lo hnawl ta ang se, kei ang hian na ti deuhin sawi thiam si loin an awm ve tho angem?




Ka beidawn tawh dan hi a rapthlak zawk, Tracy nei lo tur anga ka inngaihtuah hian, duh dang neih leh theih pawh ka inring tawh lo. Ka hlimna te hi a va han tawi dawn tak.



"I țap elaw Victor ?" a rawn ti thutah chuan ka hawi a, ka mit hnuai chu ka khawih a, a lo hnawm chep.




"Țap lo, a lo tla chhin anih hi" ka ti hmuk a, ka hawisawn leh daih.




"Min lo en teh" tiin a thokang a, ka en duh lo.



"Min lo en teh" hnai taka rawn țhut pah chuan a ti leh.




"Țap suh, ka sawi hi ngun deuhin ngaithla rawh" tiin a kut pahnih chuan ka biang a dawm a, ka mitah tak a en.




"Nang hi ka duh lo miah lo che. Mahse ka phu lo em che a, nang ang tan chuan kei ai țha, nang phu deuh che hi an....." a tih lai chuan, "Mahse nangmah an ni dawn hleinem, nangmah kher hi ka duh che lawm" ka ti.




"Min duh suh, min duh chu bansan rawh. Engmah hi i hre si lo a" tiin a kut chu a la sawn a, "Ka hriat loh chu min hrilh reng ta che" ka tih chuan ahma ai chiang zawk mah hian min rawn en a, "Ka thianghlim tawh lo" a rawn ti.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 12th, 2023, 5:46 pm

Ka rin loh lutuk lam rawn sawi anih vang chuan ka en tawp a, chhan leh ngaihna pawh ka hre lo.




"Zahawmna pakhatmah ka nei ve tawh lo a. Lehkhathiam ka ni lo va, thingtlang nula a nau te ngaihtuaha khawsa vel mai mai ka ni. Ka inchhuanna leh ka zahawmna tur ber pawh ka patea ngeiin min khawih chhia a, tutan maha natna nih hi ka duh lo...."




"Mahse ka laka inlakhran tlat i tum hian ka na zawk dawn asin" ka lo ti vat. Min en a, "Engmah hi i hrethiam chuang lo tihna em ni ?" beidawn hmel zet hian a rawn ti a.





"Engmah hi hriatthiam ka duh lo, ka duh che a, i tel loin ka awm thei lo chu zawng chu ka hria. I nunhlui zawng zawng nen ka pawm che a, a hma chuan engpawh tawngin tupawhin lo tinain lo hliam tawh chein, i thinlung chu zawm theih loh khawpin lo ti keh sawm tawh mahse; thinlung thar ka pe ang che.




Thil thlir thui mi inih ka hria a, mahse tun atan chuan kei min duh ve takzet anih chuan keimah chauh min ngaihtuah turin ka duh che" tiin ka en a, ka hmelah chuan ka thutak zia chu a hre ngei ang.





Eng rilru nge ka put ka hre lo, mahse hmeichhia tena an neih hlu ber pawh a hlut zawh ve loh thu a sawi hnuah pawh ka ta anih loh mawlh chu ka hlau a, a rinngam leh a innghahna tlak nih chu ka duh.





"I mawl tih chu ka hria a, mahse tiang tak hian i â ang tih ka ring ngai lo" a ti sep a, chu aia thu pangngai deuh a rawn sawi hun chu ka lo nghak ran.





"Remsangi û khan i number min dil tak asin" kan thusawi lai nena inperhsan lutuk chuan a rawn ti daih a. A thu rawn thlak daih dan chuan min ti tlawmin bei a ti dawng chiang hle.




Ta neih mai chu i har dawn hle mai maw ka ti rilru rauh rauh a, ka tho thurh.





Ka kekawr ipte zenin, kawngka lam chu ka pan a, "Duh leh ka number chu pe la" ti nghutin ka chhuak zui.




In ka lut chu ka ding ngawi vang vang a, ka lung phu nasa leh thip zawk zawk țhin chu a reh hun ka nghak.




Tuna ka awmdan hi thinglung/ rilru na an tih ang kha anih ka ring.





Ka nu ka call a, ka beidawn zia ka hrilh.





"Nu i fapa hian hmangaih ka nei a, mahse ka taah pawh ka siam thei lo anih hi" ka ti a, ka mit chu ka khap fuk fuk.




"Dawhtheihna ka sawi kha Bawiha. Hmangaihna vanga thih chak hial khawpa i beidawn hun thlengin bei la, amah vanga i mittui tla ahmu anih ngat phei chuan a țang rei lo ang. A dinhmun a hreawm em a, a hnaih ngam lo mai zawk che a ni ang" ka nu chuan a rawn ti dap dap a, ka nu țawngkam ka hriat leh meuh chuan beiseina thar ka nei leh a, ni e min duh thu chu a sawi ve ngei kha maw, tun ai hian amah ka hriatthiam zia lantir zel ila min hnar reng thei bik lo ang.





Ka bawp phut hlarh hlarhin eng eng emaw ka ngaihtuah a, Remsangi u chu ka number chu pe se, han be vel chhin ila a țha ang.




Min duh ve takzet anih ngai chuan a thik ngei anga, alakah lungawi lohna nei angin ka awm bawk anga, chu chuan kan inkarah eng boruak emaw a siam ngei anga. Awwww, a va han țha dawn tak em.





Ka ngaihtuahna chuan mahni ka inti lungawi leh mai a, tlaiah pawh mahni chuan rawng ka inbawl ta ngat.





Rindiki chaw ei puiah ka sawm a, a rawn phei ve leh ka chawhmeh siam thiam loh ka lo siam tir a, a u hrilh lo turin ka ti bawk.





"Tinge i in bawl hran kher a ?" a tih chuan, "Ka gas te hi hman hek ve hrim hrim ka duh" ka ti a.




"Eeee..... In inhau em ni? AuTracy pawh ni dang ang lo takin a țawng bawrh bawrh lo reng reng" a rawn ti leh.





"I u hian min duh thlawt lo alawm. Min duh loh pawn min duh luih tum ve tal se. Kei ang em em a duhtu hi chu an awm lovang maw le" ka lo ti hmuar hmuar a, Rindiki chu rawn nui ta hak hak.




"Enge ?" ka ti hu a, "A hmeichhia zawk niawm tak hi i ni" a rawn ti a, "I cute ka ti...... a hmain bialnu i nei tawh em ?" amah bawk chuan a rawn tih zawm leh a, hmaichhanah zep lem lova chutia han intih tawp chu ka zak deuh.





"Nei ve tawh e" tiin ka chhang a, bialnu nei lo, luck lo deuh angin min ngai lo se ka duh.





"Mahse i u aia duh ka la nei lo" ka tih zawm leh.




"Han bei țang țang la, i hneh thei em em ang. Ka û hian hmel velah hian a en lo teh mai ania. Ti hian a hnar phawt ang che nga, mahse a hnar chung che pawha i duh zia i lantir fo chuan i duh tak tak zia a hrethiam dawn chauh a ni. A bialpa hlui khan a ti na in a bum nasa em a, mipa rin mai mai hi a harsat tlak tawh alawm" a ti a, "I û bialpa hlui chu tunge ?" ka lo ti vat.




"Rema nia, ka û hian a duh thei lutuk. Khatih lai kha tunaia kan la berh lai a ni a, phone pawh ka û hian a la nei lo. Ka û hian țhian pakhat kawmngeih em em mai hi a nei a, ka û chuan a țhian satliah pawh ni lo, a unau ang chiaha a en, kan dinhmun leh kan chhungkaw chanchin zawng zawng min hriatpuitu pawh a ni.
Mawimawii ania, a phone ațang chuan ka û te pawh chu an inbe ve țhin...." a tih lai chuan, "Hemi khua ami hi a ni lo em ni ?" ka lo ti a.





"Ni e, mahse ka û kha keimahni ho avangin a chhuak hman ve ngai lova, Rema chu a rawn leng țha duh vak lo nen phone ațang chuan an inbe deuh ber țhin"





"Engtin nge chutiang te chu a duh em em theih a ?" ka lo ti leh.




"Ka hre bik lo. Mipa pawh hmeichhia pawh, kan nunah vawikhattal mi nun țha lo atchilh tlat hi thil nih dan tur ve reng a ni mahna.




Ka û khan Rema kha a duh hneh em a, Reman vawi tamtak a kawp chung pawhin a ngaidam zel a, "Ka duh ber che lawm" a tih kha chuan ka û kha chu a lungawi em em zel.





Chuan ka û chuan Rema chu a duh telh telh a, kan bul mai bakah Mawimawii bulah pawh chuan a duh zia a sawi fo țhin a. Mahse Rema bulah erawh kan bula a insawi duh ang em em in a cheziaah leh a țawngkamah a duhna a ti lang tam ngai lo va, Reman a duhna a tihlan ang zat vel lek khan a ti lang țhinin ka hria. Tun hnua ka ngaihtuah let hian ka û chapona kha a lo țha ka ti.




Mahse Reman a treat dan ang anga treat let ve ta na na na chu an inbe khat ta pharh a, Reman a rawn biak loh chuan be hmasatu nih kha a tum ta hauh lo. Chutiang an nih deuh vang chu nge Rema chu a rawn leng ve ta fo a, an inkar pawh a țha chho leh viau. Mahse Rema kha Mawimawii tel lo khan a rawn leng duh ngai hauh lo a, a hnuah Mawimawii nen chuan an inru ta reng a..." a ti chu, "I û țhiannu chuan i û bialpa chu a inruktir maw ?" ka lo ti.





"Aw...... Ka û in a biak țhat duh lohah khan Rema khan Mawimawii chu ka û chanchin a lo zawt țhin hi a lo ni a, Mawimawii lah chuan engtin tin emaw an inkar kha lo sawi hnawng țalh a lo tum țhin kha a lo nia. Tichuan ka û hriat lohin an lo inngaizawng ta daih a, Mawimawii tel lo a a rawn leng ngai lo te pawh kha Mawimawii nen inhmuh nan hun an lo hman țhin vang zawk a lo nia" a rawn tih leh chuan ka chek hluk.





"Ka û sawi dan chuan Reman a bumna ai mah khan a țhiannu a rin em emin chutianga a ti duh mai chu a rilru a nat zawk thu a sawi a, tun thleng hian țhianțha leh kawmngeih em em a neih ka hre tawh lo. Mipa pawh, vawikhat a hnar a beidawng nghal ho hi a lo duhruk ve pawh ni se a duh lo nghal hmak thei.





Induatna țawngkam hi a ten a, Rema kha a lo zei pherh zek a, ka hmangaih che te kha a lo ti nasa ve nen tuna a awmdan hi chu ka hrethiam khawp mai" a tih chuan ka chal ka dawm vang vang a.




"A va beidawnthlak ve Rinte" ka ti hap.





"Engah chuan maw ?"




"I u khan Remsangi û in i number min dil atia, ka thinrim khan pe turin ka ti a" ka tih chuan min nuih a, "A țha nih chu... Remsangi û nen hian an inhaw lutuk" a rawn ti.




"Anih chuan Remsangi û ka biak chuan min be duh tawh lo anga" ka ti a.





"A be duh ang che...." ngaihsam hmel deuh hian a rawn ti a, mahse keiin a thusawi te ațang khan runluih zawnga ka awm anih vaih chuan min duh ve thu a sawi te kha a ral zo mai ang tih ka hlau.





"In ngaihtuah hah lutuk suh, chaw hi ei phawt teh ang" tiin chaw ei chu a siam nghal mawlh mawlh.





Zanah pawh chuan leng phei lovin in-ah chuan ka awm a, an thawm erawh ka ngaithla reng.





Mapuia te lah hi ka len loh hun hi an hre thei lutuk, an rawn leng ve ziah lehnghal.




Rindiki chu ka text a, "Mapuia khan enge a lo tih" ka va ti.





"A rawn leng mai mai" tiin min rawn reply a, "Anih Te-a hian bialnu nei em ?" ka ti leh. Mapuia chu nupui a nei țep tawha lo dahțha ta ila Te-a hi tlangval ve tho ania. Tracy țha a ti ve tho bawk a, rilru hahna tham chu a la ni lutuk.





"Ka hre lo, ninawm lehkha ka zir dawn. Mu hmak rawh" tiin min rawn reply a, data a off ta aniang ka reply leh na chu a in double tick thei tawh lo.





Remsangi û lah chu Tracy chuan ka number chu a pe tak tak nge ni min rawn text ve a, rawn insawi viau mah se, "Ka hre lo che" tih chu ka chhanna a ni deuh tawp.





"Henu û hi ka nia" tiin Remsangi thlalak te chu min la rawn thawn ta deuh deuh a, a nau pawh khan a û hi anih hi a chhun chiah ni, duh aiin a over hret.





Mahse tum nei ran chuan ka bia a, hlawh neiin chhun lama ka in tifel tur ang chuan ka sawm ta zaih a, ani lah chuan a lo duh nasa.




"Naktuk ațangin ka rawn kal țan ang aw" a rawn tih chuan, "Aw" tih zawngin ka reply a, a message rawn thawn leh pawh chu reply tawh lovin t.v ka on a, ka hmet sawn kual ta vel mai mai.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 12th, 2023, 5:46 pm

Remsangi û chu ka inah chuan hna chu a rawn thawk ta pauh a, a mizia chu ka ngaina lo, a rawn thawh țan ațangin Tracy chanchin chhe lam leh an chhungkaw chanchin chhe lam hlir chu ka hre lo ang tih hlauin a sawi a, ka ngaina hauh lo. Mahse Tracy tiel nan ka duh bawk si.





Chhunah chauh a rawn kal țhin a, achang chuan office-ah te ka awm nilen țhak țhak phah țhin a, a ninawm ve hle țhin nain Tracyin eng enge emaw zawtin min rawn text ve leh zeuh zeuh țhin a, Remsangi û chanchin chu keiaia hrechiang tur hle siin min rawn zawt deuh chhen.




Keilah chuan a rul tawk te te bakin ka chhang lova, an inah ka leng lut tawh ngai lo bawk a, keimah tak chuan a hreawm ka ti ru viau.




Tracy landanah danglamna hmuh ka nei lova, Remsangi û nen chuan lo inkawp dawn ta ila pawi a tih vak loh hmel viau nain a status-ah erawh min tih chhan ni ve awm tak hian thu hi a hmang țhin reuh a, mahse chupawh ka inngaihbel țha ngam lo.




Engmah ngaihtuah hah lo ang mai hian a hmel hmuh hi a hahdam em em reng mai a, vei leh ngaihtuah nei hmel pawh hi a pu ve ngai lo.





Han hriatchian viau ka tum hian Rindiki min hrilh mizia ang bak kha amahah hian phawh chhuah tur hi ka hmu lo. Nge ka la hrechiang lo mai mai zawk.





Engpawhnise kum a liam leh hma hian ka nei ngei ngei dawn hi a ni tawp.
.
.
.


"Tinge i va induh ve a ?" vawiin chhun lama a message tawh a ni a, tunah zan dar 9 a ni tawh, mahse enge ni vak ka buai a ni ve mai a, reply loh aiah ka reply ta tho.




"Chutiang vang te mai mai, Remsangi û nen khan in inzui ve deuh reng mai" rei vak loah chuan a rawn ti leh a, ka nui suk.




"Nia, min duh em a, duh let ka zir mek e" ka va ti ngat.





"Engtiang em em in nge a duh che a ?" tia a rawn reply-na chu ka en reng a, enge hetiang em em khera min zawh chîk kher ni.




"Aaaa.... keiman ka hriat chuan a tawk mai lawm" tiin ka reply leh.




"Nia" tiin a rawn reply.




Ka chhang zui tawh lova, ani pawhin min rawn be zui tawh lo.




Khumah chuan mu zangthalin ka ban lehlam chu ka lukham a, ceiling chu ka en reng.




Remsangi û chu a thik ve deuh tihna ania ngem? Ka duh dan angin thil a kal țan dawnin ka hre tlat.




><><><><><><><><><><><




Min rawn biak zan ațang khan a reh ta hmak mai a, an in ka lutchhuak tawh ngai si lova, ani lah a pawn chhuak hi ka hmu ngai tawh miah lo a, an țhenawmah ka awm tih a hre tawh lo zawk nge ni.




Min duh ve tak tak lo anih chu ka ring a, mahnia rilru siama duh tawh loh tuma ngaihtuah loh ka tum pawhin ka hriat loh lai hian ka lo ngaihtuah leh reng țhin.





Hmuh te chu ka chak zek zek a, ka duh thu te pawh chu hrilh mawlh mawlh ka duh. Mahse ahma ang bawk khan min la hnar chu ka la ring fan a, va be rengtu nih chu ka duh bik lo.





"UVictor chaw ei tui aw" tia min thlah deuh thlapin Remsangi û chu a haw a, pindan ațangin ka chhuak ta chauh.





Pawnah ka chhuak a, kalna tur em em pawh nei lem loin kawngpui lamah chuan ka chhuak phei a, chulai vela țhenawmte chuan ka kalna tur min lo zawt a, khawia ka kal dawn loh thuin ka chhang phei ve zel.





Ka awm rei ve tawh bawk a, țhenawmte nen pawh kan innel bakah Tracy te in a ka chuan tam loh ațang khan henglai vela len ve zeuh zeuh hi ka ching a, nutling nuih duh zet zet an ni hlawm nen nel an har lo viau. Mahse Tracy engpawh sawi ila Tracy chanchinah an tla thla zel a, a changin an khawngaih a, a changin an hmelma ang maiin an sawi bawk a, heivanh hi nimaw ka nel tak tak thei lo.





Chutia kawngpui ka thleng phei chu Te-a te awmna veng peng lam ațanga Te-a leh Tracy nau Zoi rawn inphur chu ka va hmu a, mahse Te-a chu rawn inkhalh thleng ta lo chuan a peng bulah chuan a ding a, Zoi chu rawn chhukin eng emaw hi an sawi a, Zoi chu amah chuan a rawn kal nul nul.





"Khawnge i kal a Zote ?" ka lo ti chu min hmu lo nge a phu zawk.




"E! Nang elaw! Sawtah ka kal lawk a" tiin kal leh mai chu a tum a, a bakah ka lo man vat.





"Engeee ?" a ti vak a, a țawng ring lutuk chu min ti hamhaih.





"Aaa ka tihpalh, ka chau deuh a" a inthiam loh deuh chuan nge a rawn ti leh a.




"I û hi....." ka ti hman chauh ti chuan, "A dam lova, damdawiinah a awm lawm" a tih chuan ka meng awk a.





"A enge na? Engtin nge damdawiinah a awm theih ?" ka ti vak a, keipawh chu ka duh aiin ka țawng ring.





"Aaa.... A BP hniam a, mahse a țha leh tawh lutuk" a ti a, "Tunah damdawiinah chuan a awm em ni? Tunge awmpui ?" ka ti a, a pawn chhuak takngial pawh ka hmuh ngai loh chhan chu ka hre ta chiah.





"Tunah tak chuan tuman an awmpui lo, ngaihtuah ngai a ni lo" a ti a, "Awmpuitu neih loh chu a țha lo, ka han kal ang" tiin ka pen let vut a, ka bike chahbi lain inkhalh chhuah mai ka tum chu damdawiin awmna ka hre reng reng lo.





Zoi rawn kal phei chu damdawiin awmna ka zawt a, "Kal angai lo, a țha lutuk" a lo la ti.





"Ka kal duh lawm maw le, i û hi ka duh tih i hria em? A damloh thu ka hriat hian ka buai zo vek anih hi, a țha ti eng ang mah la ka hmu ngei anih loh chuan ka hahdam dawn lo" ka ti a, ni e ka buai vek. Engtin nge hrisel hmel em em in BP hniam tea a awm theih zawk ni.





"Vawihnih i vei lamah peng la, vawikhat dinglamah i peng leh anga i thleng mai ang" min hrethiam ve niawm chuan a ti a, bu nghatin ka tlan chhuak nghal.





Damdawiin ka va thlen chuan pawna mi pathum vel lo ding chu Tracy an hriat leh hriat loh ka zawt a, staff zawh tur awm ang dang ka hmu hlawl lo.





"Aw Tracy maw, tahsawn lut la, vei lam room-ah khan a awm" tiin nu pakhat chuan min lo chhang a, lawmthu hrilhin a sawina lam chu ka pan nghal.



Tracy awmna word ka va luh chuan Tracy chu ka va hmu nghal a, a bana venflon invuah chu ka hmu nghal. Khumah chuan țhu mu deuhin a phone a lo en a, enge a en ni a nui lek lek țhin.






Ka aw ka then kharh takah chuan ka lam chu a rawn hawi a, min hmuh thut vang chuan nge a meng buai deuh a, rei loah pangngai tak chuan a awm leh a, mahse thawm ka va neih hma ang khan a hlim hmel tawh hauh lo.





"Tinge i lo kal a ?" khum bul ka thlen rual chuan a ti a, "Chutiang zawhna ai chuan 'țhu ve rawh' te min ti ta che" ka ti a, a țawng leh hun pawh nghak chuang lo chuan chair awmah chuan ka țhu a.





"I dam lo tih te chu min hrilh ve ta che" ka ti nghal a, zah loh theih chu Tracy bula ka awm chhunga ka thil tum ber a ni.




"Dam lo pawh ka ni hleinem, BP hniam satliah alawm" a ti a, "BP hniam satliah damdawiina admit ngai, zan tam riah ngai ka hre ngai lo ve" ka ti a, "Nia" a ti ringawt.





" 'Nia' ..... NIA tih chiah hi mi i sawi thiam ?" ka ti a, a mitah chuan ka en ngur.





"Enge i hriat a ?" te chu a la ti hu.





"Engmah ka hre lo, engmah ka hriat loh vangin ka thinrim anih hi. I țhenawm lawkah, insi châtin, ka hnar ri leh ka thaw ri hial pawh hriat theih ang tih tur khawpa inhnaihin kan awm a, chuti chung chuan i dam loh thu i sawi lo a....." ka tih lai chuan, "Tah chuan enge thinrimna tur awm a ?" a rawn ti.





"I tan te chuan awm love, mahse ka tan a awm alawm. I dam loh thu i sawi loh bakah vawikhat pawh min rawn be ngai lova, leng tur pawn min sawm tawh ngai hek lo. Chuan i dam loh thu ka hria a, ka buai vek a, mangang zetin ka rawn tlan nghal a, chuan khumah hian ka rawn hmu che a, i lo hlim em em a ka rawn lan hma kha chuan. Chuan he chair-ah hian 'khatianga hlim a siamtu chu enge ni ang le' tih rilru puin ka rawn țhu a, tunah chiah hian mipa dang thlalak enin i hlim tih ka hre ta chiah a, ka thinrim anih hi. Min....." ka chawl dat a, min lo en kiau avang chuan sawi zawm tawh lovin thaw hawkin ka tho chhuak.




Hetiang taka thinrim hi ka tum bik ko, mahse mipa dang thlalak kha a phone screen-ah khan ka zuk hmu chiang tehkel em a, kha thlalak en khan a lo hlim em em bawk kha ania, ka insum thei thlawt lo.






"I rilru tak ka hre lo chung pawh hian ka lo ta neih ve tawp che a, i mitmei ka hmu hauh lo chung pawh hian mipa dang thlalak i en ringawt pawn ka thinrim em em thei anih hi. Ka duhna che hi hmu thiam ve ta che" ka ti a, ka țawng ring hran lo a a chiang hle thung.





"Ngaihzawng nei rengin enge ka lakah beisei i la neih cheu a ?" a rawn ti.






"Ngaihzawng ka nei maw? Keimah hian maw !?" tiin keimah chu ka inkawk a, tunge maw lo fiam ni.






"I sawi kha" a rawn ti a, chiar-ah chuan țhu thla lehin dam deuh zawkin, "I awih em ?" ka ti zawm zat.





"Aw" a rawn ti, ka ngawi ta daih a. Engmah sawi zawm tawh lovin ka țhu hle hle.





"Engmah i sawi dawn lo em ni ?" kan ngawih vang vang hnu chuan a rawn ti a, ka melh zeuh.




"Enge ka sawi anga ?" hahdam hmel deuh chuan ka ti a, "Bialnu chu i nei em ni ?" a rawn ti.




Ka chhungril chu a nui vur vur.





"Enge ka neih leh neih loh pawh chu i va hre chak ve ?" ka tih chuan a hmui chip hmakin min en a, "Ka ka... ka..." ti bah nakin engmah sawi lo chuan a ngawi ta daih.






"Dam lo pawh ka ni lo, haw tawh rawh" a ti a, ka nui ta hak.





"Remsangi û nen chuan lo inkawp tak tak ila enge i tih ang ?" ka ti a, "Induh leh inkawp ula in thu lawm" a rawn ti veleh vei hmuk a, awww a thik chiang alawm.





"A hmel chu țha ka ti lo, mahse a fel em a. Inchhung enkawl a hnehsawh sia, nupui...." ka tih lai chuan, "Sawtah va fak rawh" tiin min rawn tlawn a, nui chungin a ke chu ka lo man.





"Min ngaithla zo phawt la....... mite tan thlannaawm viau mah se ka tan erawh nang, ka lung dum zo ber hi ka thlang che. Chuvangin min hnar reng hi bansan la, ka ta ini tih inhre tawp rawh" ka ti a, min en duh tawh hauh lovin a ngawi ta reng.





"Min en teh" a bianga dawmin min en thei tur chuan ka kuai her a, a biang ka dawmna chu a lum vung vung.





"Tinge min duh tlat? Midang ang ka ni ve lo tih hi i hrethiam thei thlawt lo em ni ?" mittui parawl țeuh chuan a ti a, "Midang ang i ni lo tih ka hriatchian lutuk vang zawk hian alawm nang kher hi ka thlan che" a mittui rawn luang lum pap chu a hru a, "Duh tawh lo tur che hian min ti suh, duh loh che hi vana arsi lak tum angin ka tan a har asin"





"Ka lawm e..." țap chhuak hawkin min rawn kuah a, ka let ve vawng vawng.
.
.
.


"Ka nunah hian midang tel ve tumna ka nei tawh lova, hmangaih leh duh hi ka neih pawh ka inring tawh lova, neih leh pawh ka duh lo..." chawl datin min rawn en chho a, "Mahse i rawn lang a, a danglam ta vek anih hi" tiin a nui seih.





"Ka lawm e aw. Min bansan mai loh avangin" a ti a, a țap leh ţep.






"Țap ringawt tawh suh aw" tiin ka kuah a, min neih vanga lawmin a țap a, ka ta anih theih avanga ka lawm zia hi a hre si lo. Ka tan chuan hei anga hlawhtlinna hi a awm leh tawh chuang lo.






Thlamuang tih hriat hliah hliah a, min ngheng ar ar tu chu a kut vuanin ka chul hauh hauh a, mite chuan engtin pawn lo sawi se, Hmangaihna mita an thlir ve miau loh avangin ka dem hran lova, kei tih lohin a țhatna an hmuh ve loh chu pawi ka ti hauh lo zawk. Ka hmangaih tih ka chiang a, a bula ka awm chuan ka hlim a, kan kar a țhat phawt chuan a tawk mai.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 12th, 2023, 5:47 pm

Dam takin damdawiin ațangin kan chhuak fel a, lawm loh hian ka nui deuh reng tawh mai ni.





Remsangi û chu ka ban tir ta a, ka ban tir dawn chuan ka buai mai mai asin. Sawi dawt dan ka hre si lo, ka nu ka phone a, phone hmangin ka nu ka sawi tir tawp.





Hna kan buai leh deuh tawh avangin zingah chhuakin zan tlaiah bak ka haw hman mang lo a, mahse in haw apianga min lo hmuak tu, ka hah leh hah loh te min lo zawt țhintu neih chu nuam ka ti a, hah man hi awm hliah hliahin ka hria a, nupui leh fate neih min ti chak em em mai.





"Vawiin tlai chu ka rawn haw hma ve tawh ang" tiin hnathawh thawmhnaw chu ka inbel mawlh mawlh a, tunah ka inah kan awm a. Tracy a nau te school an kal liam vek tawh avangin ka hnathawk chhuak tur min rawn insiam pui a ni.




"Naktukah chuan in awl thei tawh ang tiraw ?" a tih chuan, "Thei tawh ang, enge min tirh duhna i nei deuh em ni ?" ka ti a, "Nei lo e, i hah theih lutuk hi ka khawngaih che a in chawlh theih hun ka lo nghahhlehpui che" a rawn tih chuan ka nui suk a, "Ka duh lutuk nu" tiin a biangah chuan ka fawp vak a, "A na thei emai" tia min nam sawn chu ka nuih leh rih.





"Mi hi i ngaihtuah leh lutuk țhin a, mipa ka nih hi ka tuarchhel ve lutuk" ka tih chuan, "Ngaihtuah lo che i la hmui kawh luahin i vui leh nga" a rawn ti a, ka nui hawk hawk.




A hnunglam ațang chuan kuahin, "Min ngaihsak tur chuan ka duh che a, mahse thil zawng zawng hi mahnia ngaihtuah leh chinfel vek tum tawh lo turin ka duh che. Doctor pawn rilru leh taksa hahdam taka awm i mamawh atih che kha" ka ti a, "Ka hria, khawmaw kalsan teh" tiin min nam sawn leh.





A che lai ta vek chu nui hawk hawkin ka en a, ka phone rawn ri chu ka la vat.





"Han fimkhur rawh aw" tiin ka chhuak tur chu min thlah a, keipawn ka fimkhur hle tur thu sawiin ka fawp zauh va, ka inkhalh chhuak ve nghal.





Phai kawng lamah kan thing man sa kan rem a, ka hnathawh pah te chuan hah vang ni lo hian ka hui leh pap țhin.





Tracy chu neih ngei ka duh a, amah pawhin min neih a hnial lo. Mahse a unau te hi a kut vek an nih avangin pasal a nei mai thei bik si lova, a harsatna te min hrilh turin ka han ti ve tak na ka han hriat pui meuh hi chuan taksa hah hi chu rilru hah hian a lo nek pil hneh khawp mai.





Ka rilru hahna ber chu Tracy nau hmeichhe pahnih te hian kum tharah pawl 12 an han zo anga, Tracy hi zirna ngaisang tak mi anih avangin College kal zawm tir ve ve a tum ngei bawk anga, chu bakah a nau mipa te pahnihin kumtharah highschool an han kai bawk anga, a chhan hi ka hre lo. Mahse tunah hian chhungkaw pa ber rilru hahna ang hi chu ka nei vein ka hria.





Kan chhun chawlh lai chuan ka nuin min rawn call a, adan ngaiin ka damțhat leh țhat loh min zawh hnuah Tracy nena kan inkar min zawh zawm zat.





Ka nu hi ka hrilh hmasak ber leh thurawn ka lakna ber a ni bawk a, hetianga em em a a fapain ka atchilh chu min duhpui thiam a, Tracy pawhin 'nangai paw'n i nu'n min duh' a tih fiamthu phah țhin.






MCS interview vel chu min zawt leh a, mahse engmah information ka dawn loh thu ka hrilh chuan a țha turah ngai ang tiin min hnem a, keipawhin interview loh chu pawi tihna ka nei tawh hauh lo.





Rei ve fe kan chawlh hnuah thing chu kan han rem leh zung zung a, dar 1 leh chanve velah chuan kan zo thei ta hram.





Thil zawng zawng kan tihfel hnu chuan ka inkhalh haw nghal a, in ka thlen chuan a lo reh țhap mai.





Ka in pawh lut hmasa lovin Tracy koh pahin an inah chuan ka lut a, mahse țhutthlenga a lo muhil ka hmuh chuan thawm dim zetin ka lut.





A muhil hmel chu ka en a, țha ka tiin sawisel tur reng ka hre lo.





A muhil lai chu thla lak sakin a biangah chuan ka fawp a, thawm dim tak bawka chhuak lehin ka inah ka lut a, ka intifai nghal.





Ka intihfai zawh chuan Tracy te inah chuan ka lut leh a, a chhuak ngang aniang a lo la muhil.




Kawngka ka va kalh a, dim taka pawmin a khumah ka va mut a, a bulah chuan ka inthawlh ve țat.




Ka ban lukham tirin a mut dan te chu ka siamrem a, mahse a harh miah lo.





A muhil hmel chu duhtawkin thla ka laksak a, mahse ka en ning thei thlawt lo.





"Ka duh em em nu" tiin a biangah te, a chalah te chuan ka fawp leh zeuh țhin a, ka awmdan hi ka insawi fiah thiam lo.





Ka duhtak nei ka nih vang nge phun nawina tur reng ka hre lova, a bula ka awm hi chuan khawvel hi țah leh rumna ram a ni tih reng ka hre chang lo, amah chiah ka hmu a, chutah a la hmelțha em em zui.





A hmai bawr ka chul ka chul vang chuan nge a rawn rum deuha, a chal chu a ti chuar tap tap. Mahse rei loah thaw siai siaiin a muhil nghet leh nghal maiin ka hria.





Kuah hnai deuhin rem lo zetin a awmah chuan ka han bei a, ka duh lutuk hi amak ka ti. Achang chuan tlawm ka inti a, mahse keimah avanga a nui ka hmuh hian ka inchhuang țhin thung.






Mutthilh ve tum chuan ka chhing a, ka mit ka chhin apiang hian kan inneih huna kan awmdan tur te, fa nei ta ila tunge a chhun ang tihte ka ngaihtuah a. Heihi tuten emaw suangtuahna an tih ang kha anih chuan suangtuahtu nih reng hi ka duh.

.
.
.


Tlaiah rawng kan bawl dun a, Hmangaihsanga leh Hmingsangpuia chu in nghah tirin Zoi leh Rindiki chu an study camp naah chaw kan ve pe a, mamawh an neih ang te chu an chaw ei chhung chuan dawrah te kan kal leh lawp lawp bawk a. Kan haw chuan a thim deuh chhulh tawh a, kut inkaia insi rial chuan kan kal a.





"Kan inneih hunah inkhuaah hian em ni awm i duh ?" ka tih chuan, "Teuh lo, i awmna apiangah ka zui ang che" a rawn ti vat.





"Hetah hian thawh ngheh dan ka ngaihtuah ang" ka tih leh chuan, "MCS officer i tum a ni lawm ni ?" a ti a, "Nia ka tum viau a, mahse information engmah ka dawng leh si lova ka tling lo anih hmel" ka ti zuai raih.





"Kumthar lamah i tum leh anga, i theih a i chak țhat lai hian i duh ang apiang chu ti zel rawh" a rawn ti a, "Hmmn...." a dang ka sawi hman lo, "Chup, engmah ka ngaihthla peih tawh lo" tiin ka kaihna țang chuan a kal hrang a, a kut kuangkuah thenin ka hmaah chuan a kal nulh nulh.





Ahma lamin MCS exam chu try tawh lo a Forest department a thawh ngheh dan ngaihtuah ka duh zawk thu ka sawi a, mahse ka nu'n MCS officer nih ka tum ruh zia a lo sawi vang khan ka duh ang chu ni a, beidawng lo turin min fuih sauh sauh a, amah ngaihtuah lo tur tein min ti a. Chumi țum chuan kan inbakaih lek lek a ni.




Engmah sawi ta lo chuan, a hnungah chuan a ka kal ve bek bek.





In kan thleng a, chaw te kan ei kham hnuah a nau te pahnihin pindan lamah lehkha an zir a, kan pahnih te chuan țhutthlengah kan țhu rul.





Țhutthlengah chuan ka ke hlang kangin Tracy chu ka kham phei zawr a, a ni erawhin t.v chu a en reng.





A darah bei thakin t.v lam chu ka en ve a, korean film bawk.





A nghawngah chuan fawp zauh zauhin a kawr chu ka zen chho da da a, a hmel ka en ru zawk zawk a. Mahse t.v lam chu ngunthluk deuh hian a la melh reng.





A hnute chu ka țham salh a, mahse engmah hre lo ang hmakin a la awm.





Inti pangchang taka 'hmmm' leh dut dut țhinin min ngaihsak hun chu ka nghak a, mahse t.v chu min ngaihsak lovin a en char char.





A hnute chu a hma ai na chuan ka han sawk a, "A na nia" a rawn ti ve hluk.





"T.v ringawt i en a, min ngaihsak lo emai" ti vei hmukin ka țhu țha hmak.





"Amak lo titau lo la, khi a tawp țep" tiin ka kutah chuan a rawn vuan a, t.v lam ringawt chu a en.




"Min ngai lo emai" tiin keimah bawk chuan ka kuah leh a, a titau bur bur țhin zawk mah ila ka titau rei thei lo. Kan awmduna insi miah lova awm hi hreawm ka ti a, a chang chuan ka ngaih anga min ngai ve lo lutuk te hi ka thinrim a, ka thinrim vang hian ka ngai bang thei chuang si lo.





A dara bei reng chung chuan ka lo muthlu a, a rawn chet hrutah chuan ka harh a, "A tawp tawh em ni ?" ka ti nghal.






"Aw... i chau anih hi. Mu daih zawk la" a rawn ti a, "Aihhh.... tihian ka awm duh lawm" tiin ka kuah hnai.





"Eee... i bedsheet ka phah theihnghil, vawiinah ka su a. Va phah lawk ang" tiin ka darah chuan a rawn beng a, "I tiahpui kutthlak hian min thlak ziah suh aw" ka ben apianga a tihdanin ka dar tuai pah chuan ka ti a, "I chhe hri hre emai a" tiin a tho thurh a, ka in lamah kan lut phei.





"Zanin chu ka lo riak mai ang" tiin a phah tur chu ka dang leh rih a, "Aww lo riak dawn pawh nila hei hi phah tho angai lawm. A lawng hian nakinah i mu duh em ni ?" a ti a, ka lu thing mat matin ka phah pui ta vat zawk.





Phah zawh veleh chuan ka mu nghal tual a, Tracy lukham rem țha chu ka pawt mu ve nghal.





"Ti hian mu rih ang" tiin ka kuah bet tlat a, a mu țha ve mai.






"Tun ațanga kum 5 hnu velah chuan kan inneih ve tawh anga" tiin a hnute chu ka țham leh chawt a, hei hi ka ze țha lo ber, hnute khawih hi nuam ka ti!





"Min nghak reng thei dawn em ni ?" a rawn ti a.





"Khuanu hian nang chiah hmangaih tura min ruatin kan intawn hma kha chuan duh dang reng reng min neih tir lova, ka hmangaihna zawng zawng kawltu leh ka hmangaih awm chhun i ni a, eng kawng pawh zawhin kumkhua pawhin nghak dawn che ila ka nghak ang che. I tel lo hian ka hlim dawn lo tih hi ka inhre chiang em a, ka hmangaih reng theih loh che ring reng reng lo la, nangpawhin min hmangaih hi bansan ngai suh. Ka thinlung berin min phatsan chuan ka dam zo dawn si lo" ka ti a, engkim chu ka chhungril ber ațanga sawi ka ni.





"Sawi tur reng reng....." a tih laiin, "Ka hmangaih che min ti la a tawk mai" ka lo ti a, "Ka hmangaih che" min nui ver ver chung chuan a rawn ti a, a biangah chuan hmerin a hmuiah ka fawp zauh.





Inkuah riala muin Tracy chuan eng enge maw a sawi a, keiin thuawi hmel takin ka lo ngaithla dauh dauh.





A nghawng ka nul kual vel chu, "A za nia" a rawn ti leh țhin a, mahse ka ngaituah kil chho zel mai.





Mipa ka ni a, thisen chak țha lai ka ni bawk. Chutia mipa leh hmeichhia kan han mu chu a tirah pangngai viau mah ila dan a dang chho țan a, keimah tak pawhin chutiang ngaih dan ka nei chu a mak ka ti. Ahmain hetiang hian kan mu dun fo tawh a, mahse rilru sodom ka la pu ngai hauh lo.






Tracy chu ka en a, min lo en ve kar. Ka fawp a, a awmdan chu a dik bik mawlh lo tih ka hria.






Dip dal tu awm ta lo leh duh ve ve ta chuan angel te fan ngai loh ram chu kan han fang ta ziai ziai a.







"Ti hian riak tlang rawh" a sam huiman pah chuan ka ti a, min chhang lovin puan chu a sin țha sauh sauh.






"A lum i ti lo em ni ?" ka tih leh chuan, "Ka zak alawm" aw lai râtin a rawn ti a, ka nui hak.






"Ka duh em em zia che hi i hria tiraw ?" tiin ka kuah hnai sauh a, "Fan ngai loh ram thleng fang a zinkawng zawh dun tawh kan ni a, kan karah zah leh țit țet tur a awm tawh em ni ?" ka ti dam dap a, a chalah ka fawp zauh.






"Mipa leh hmeichhia kan in an lo hi" tiin min nam sawn a, puan hnuaiah chuan a che sat sat.





Ka en a, a engkim mai hian ka lung a dumin sawisel tur reng ka hre lo. Ka chhungril ber ațang hian ka hlim a, hetiang a hlim zel pawh hi ka duh.





"Ka thîk" ka han ti ngawt a, "Engmaw !?" puan sin țhat leh pah chuan a ti a, min melh kar.





"Ka duh lutuk che hi ka che pa zo lo fo ta mai" tiin ka hmai ka tuai puak a, ka sam chu ka tuai chho leh puat.





Mut hnaih sauh sauhin ka ban chu ka lukham tir a, eng emaw sawia a phun sep sep chu ka fawp leh zauh a, min mut hnaih ve talh talhin ka awmah chuan a bei kak.






><><><><><><><><><><><




Hun a liam zung zung a, ber thla kan chuangkai țep tawh.





Tracy nau te pali chu exam chawlh hmangin an zin a, kan pahnihte chuan in awm țhinin tih loh loh te pawh kan ti ta fo.





Ka rilru chuan a dik lo tih hre kar mah ila, ti lo tur hian eng thil dang mahin mi nep zo tlawt lo.





A bialpa hlui leh a țhiannu te nupa an rawn kal ni ațang phei kha chuan ahma aiin ka thikthu chhia a, a bialpa hlui a duh țhin dan te ka hriat ve miau avangin min ngaihsak lo deuh nia ka hriat te, midang a be țha riau nia ka hriat te hian kil khatah ngawi rengin ka lo titau ve ngat ngat a, ka thinrim chhan min zawh lahin ka țawngkam thiam loh a leiah ka insawibah nawk zel lehnghal.





Vawikhat chu keimah hian inah ka awm a, Tracy chu a nau te school thil velah a chhuak.






Tlai rawngbawl hunah pawh a la rawn haw lova, zinga a chhuak tawh kha a ni a, eng em em nge a tih ni.





Titau bur bur chung chuan rawng chu ka lo bawl a.





Achang hi chuan keimah hi ka inning a, mahse ka in-control theih piah lam a ni ka awmdan hi.





Rei lo te a chhuak te hi rei ka tiin ka ngai hman em em zel a, kan awmdun lahin min kalsan mai ang tih hlau niawm hrim hian ka zui zel bawk a. Naupangchhia ang maiin ka khawsa a, Tracy rilru hahna tur belh chhah nimai te hian ka inhria a, ka awmdan lah hi ka duhdan ka ni bik mawlh si lo.





Ka hlauthawng a, kei aia țha dang an tam tih hi ka hre si. A luck tih hi vawikhat a phone ka khawih sakah khan ka hre chiang si a, a bialpa hlui thleng khan a la rawn bia zuk nia.





Ka chan mai ang tih hlauna nen nitin hun ka hmang a, kei lo mipa dang a han nuih a, min en anga a en tur ka ngaihtuah phei chuan ka na tawp. Ka ngaihtuah zawng ringawt pawhin ka na ngawih ngawih thei.





"Ka lo haw eee" a rawn tih riah chuan kawngka lam chu ka hawi nghal vat a, "Sangha ka ei chak i ti sia sangha ka rawn lei" tiin a sangha khai chu min hmuh a, "Aaa.... i țap em ni ?" tia rawn kal hnaiin ngun thluk deuhin min rawn en a, chhang lovin nghet zet chuan ka kuah a.





"I rei lutuk a, ngaihtuahna țha lo pui pui ka lo nei hman a" ka ti a, ka thaw hawk.





"Hmanah khan i bialpa hlui kha 'ka hmangaih che' te kha i ti ve awm si a, ka ngaihtuah leta ka rilru a ti na. Kei lo mipa dang lo hmangaih thawt thawt loh tur che nia" ka ti a, "Amak thei ee..... Thil kal tawh, țul lo deuh deuh ngaihtuah hian lo țap ziah suh" tiin ka darah chuan a beng taih a, "Ka țap lo! Ka ngaihtuah hian ka mittui hi a lo chhuak tawp zel" ka ti a, "Ngaihtuah tawh suh ka ti reng che lawm" tiin a inla hrang a.






"Mahse ka ngaihtuah lo thei si lo alawm. Ka hmuh phak loh a i awm hlek chuan ka buai zova, ka rilru a hahin ka thla a muang lo, hun te hi...." ka sawi laklawh lai chuan ka hmuiah a kut zungchal a dah a, "I inngaihtuah hah țhin lutuk anih kha. Ka kalsan dawn lo che, nang lo duh dang tumah ka nei lo. I rinawm chhung chuan keichu ngaihtuahawm ka ni lo. Dawhthei taka innghak zelin kan tih kha" a ti dam dap a, min kuahin ka awmah chuan bei thlapin, "Thlaphan na tur a awm reng reng lo, sawi sawi lo mah ila nang aia duh hi ka nei bik miah lo ania" a ti leh sap a, ka kuah let vawng vawng.






Ka kuahna țang tal thawl deuhin min rawn en chho a, nui chungin, "Ka bialpa nge la bialnu inih pawh ka hre lo e a" a rawn ti a, a thusawi chuan min ti zak ve det.






"I bialpa ka nih hi... ni leh lo pasal hual" ka han ti a, "A lo ni maw Țahbelhpa" tiin ka mawng chu a beng vak vak a, "Ana niaaaa" tia nui hawk hawkin a kut chu ka man sak a, "I beng ve ziah khawimaw ka'n tiahpui ben che nge" tia ben ka tum chu a kut lehlam chuan a hliah a, a ding eu zak zak.





Infiam pah zawm zelin rawng chu kan bawl dun ta a.





2months later..............




"Monu ai sawn i hmelțha zawk daih" Tracy beng bulah chuan ka ti deuh sa sa a, ka banah a rawn sik vak.





Mapuia te inneihnaah kan kal a, Tracy hi vawikhatmah incheiin ka la hmu ngai lova, vawiina a inchei ve hi hmuhnawm ka ti.





Inneih hunserh a zawhin thla te kan han lak pui ve a, thlalakna lam ațang chuan kan inthiar fihlim nalh.





Tlema hun a thawl deuh hnuah Mapuia te chu kan va hmu leh a, reilote bazar lawka haw nghal kan duh vang ni.





Kan bazar a, tlai lutuk loha in lam panin kan inkhalh haw veleh.




In kan thlen chuan Hmangaihsanga leh Hmingsangpuia chuan lehkha an lo zir a, nula pakhat ahma ka hriat ngai miah lo hian thleng a lo sil mek.





"Awww i lo tifel vek duh anih kha..." Tracy chuan a han ti a, "A hahthlak hleinem, kha in va rawn thleng hma" nula chuan a lo ti ve a.





"Nia, i nau te ho hian thusawi an lo awih loh ka hlau a" Tracy chuan a han ti leh a, kei erawhin ngawi rengin kan thil lei te chu ka lo phawrh mawlh mawlh.






"Hahaa... An fel lutuk, kha sawi ngai miah lohin lehkha te an zir a" nula chuan nui chungin a lo ti ve bawk.





"Ka va intifai ve nge aw" tiin min chhanna pawh nghak lovin ka in lamah ka phei a, ka intifai sawk sawk.






Ka phei leh chuan nula chu a lo awm tawh lova, Tracy hnenah tunge anih ka zawt vat.






"Mama bialnu anih kha" tih ngawtin min chhang.




"Tunge Mama chu ?" ka ti a, ka âw-ah chuan ka thikna chu a hrethiam nghal teh chawk aniang, "Titau leh dawn em ni ?" nui chung chuan a rawn ti.





"Sawi țha mai mai teh" ka lo ti hluk.





"Ahma khan ka hrilh ngai lo che a, Mama chu ka chhang chiah hi nia. Kei aiin kumkhat lekin a upa, vawiina nula kha a bialnu anih kha" a rawn ti dam dap.





"Anih khawnge i nau chu a awm a ?" ka ti a, "Tunah Delhi a awm mek a, kar tharah a rawn haw ve thei tawh ang" a ti leh.





"Chutiang tiat tiat nau nei si chu ahma khan sawi tawh ta che" ka tih chuan, "Aw ka hre reng bik hleinem, kan awmdun chuan nangmah chauh ka ngaihtuah țhin bawk che sia" a rawn ti a, "I phakar anih chu a" ka ti let hluk.





A nau chanchin chu min hrilh a, sipai anih thu leh nupui neih a duh vanga chawlh rawn la anih thu te a sawi bawk.





Mak tak mai hian nau mipa, innghah ngamna a nei tih ka han hriat chuan ka thla hi a muang ru suai suai mai a, a chhan erawh ka hre lo.





"I nauin nupui aneih chuan nichina nula kha in inah hian a awm ve dawn em ni ?" ka han ti chu za zeta min nuihin, "Awm ang chu, kan monu a ni dawn lawm le a" a rawn ti a, ka thusawi nawi ziah ka hre chawpchilh nghal.






Thutak deuh zawk hian, "Vawikhatmah ka la hrilh ngai miah lo che leh nangpawhin a min zawh ngai miah lo chu ka pa chanchin" a rawn ti a, a sawi belh nghakin ka lo en kar.





A sawi ngai loh avangin ka zawt duh bik ngai lova, hriat erawh chu ka chak viau.






"Ka pa hi a la dam ve a, mahse nupui fanau dang neiin chhungkaw thar a din tawh a, hei vang hian han pur buai ka tum ngai lova, min ngaihtuah tur pawhin ka duh ngai hek lova, hlim a phu ka ti a, keini min rawn ngaihtuah miah lo hian awm se tiin ka be ngai lo" a rawn ti, mahse a țawngdan ațang chuan a dik mawlh lo tih ka hria a, ka kuah hnai vat.






"Mahse i pa ania, i harsatna a hnena i thlen ngam tih a hriat chuan i rin zia a lang anga, a lawm zawk dawn asin" ka ti a, "Nia, adik lutuk. Mahse ka pa chhungkua te nena keini unau inkarah hian hun kal tawh duhawm lo zet zet kan nei a, i ngaihtuah thiam phak bak hian khawvel hi a hreawm. Ngaihtuah loh tum fo mah ila keimah avanga ka nu leh ka pa inhauhna te leh ka nuin an ințhen tawh hnua ka pa a han tihbuai tawh zawng zawng te vang hian ka zak a, ka hnaih ngam lo" a rawn ti leh.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 12th, 2023, 5:47 pm

Ka kuah tawp a, hnem dan tur ka hre lo a, a ti lungpuam zawnga ka țawng hlauin engmah sawi lo chuan ka ngawi ta reng.






"Achang hi chuan ka mize nelawm loh lutuk hi ka inhaw ve țhin. Chhuan tur nei si lova ka chapo lutuk te, tlawm ka hreh lutuk na nun hi ka hne" a rawn ti hap a.






"Mahse ka țhan hnan, ka hun tawn avanga keimaha rawn piang a ni a, mi ngainat beisei vanga a der a țhat ka thei ve lova, ka mi huat te be țhain an hmaah ka nui thei hek lo. Ka nihna ang angin ka lang a, ka țhatna lai hmu thiam chuan min nel ve mai" a ti leh sep sep a, ama chungchang a vawikhat sawina a ni a, ngun deuhin ka lo ngaithla.







"Engtin nge min duh theih tih ka ngaihtuah țhin a, ka in en a, midang aia țhat bikna ka neih ka hre lo. Thingtlang nula mawl ve tak, school pawh kal sang lo, hmel lah țha bik lo hi; khawvel ka mi tawn tawha a zawnga țha leh famkim ka tih berin ka duhna zat aia nasain min han duh ania. Awih har hi ka ti" kan i kar lam hawi hret chuan a rawn țawng chhuak leh a, ka nui sak.







"Midang ang i nih loh vang tak te hian alawm, a țha dang zawng zawng hmuh kan a nang kher ka duh che ni. Ka duh leh hmangaih zia che hi nitin i hre zel anga, kan tar kun khup bih thlengin, kan tute hnenah intithei takin kan inhmangaihna hi ka sawi țhin ang" ka ti veleh a, a chalah chuan ka fawp zauh.







"Nang aia ka lo thi hmasa anih chuan midang nei suh aw, hmangaih dang nei tawh suh" a ti leh sepah chuan ka en a, "Chutiang sawi suh, kan pahnihin....." ka tih lai chuan, "Min ngaithla teh.... Mihring kan ni a, eng ang pawhin tunah hriselin chak țha mah ila kan dam reng dawn lova, chutah chuan nang aia ka lo kal hmasa zawk anih chuan midang nei tawh lo turin min tiam thei angem? Kei lo hmangaih dang nei leh tur leh, kei lo hmeichhe dang melh leh turin ka duh lo che. I thinlung leh i hmangaihna zawng zawng hi ka tan chauh nise, vana arsi te khi a zat i hriat hma zawng min hmangaih hi bansan ngai suh" ka mit taka min en chung chuan a ti a, a mittui chu a parawl kuang mai.







"Midang ka neih loh zia min hriatpuitu inih kha, min hmangaih hi i bansan anih ngai chuan kei chu....."






"Shhh.... Chutiang sawi suh, engtikah mah ka phatsan dawn lo che" tiin ka kuah a, a rawn țap chhuak hawk.






"Palai rawn tir rawh Rinsangpui" țap chung chuan a rawn ti a, "Ka rai ania aw" engmah ka sawi hmaa a rawn tih leh chuan min ti harh kawk nimaiin ka hria.





"I rai amaw !?" ti phawk vakin chiang tawk chuan ka melh a, "Aw ka rai, thla hnih a ni tawh" chiang fek fawk chuan a rawn ti veleh.






Ka kuah leh thlawp a, ka beng thleng thleng bawp khai chunga lam ka chak lutuk.






Ka duh em em a, neih loh hlauin ka phi cheng a, ka bialnu a ni ta reng a, chutah ka fa a la pai zui! Awiii..... Hei lo liama dam man awm.






"Tinge engmah i sawi loh a ?" la inhnit chung chuan a ti a, "Ka lawm lutuk hi sawi mai tur ka hre lo anih hi. Ka duh em em che piah lama ka fa i la pai zui ania, ahma chuan pa ni ve tur hian suangtuah pawh ka suangtuah chhin ngai lo. Engtin nge tun ai hian ka hmangaihna ka lan nasat tir theih ang ?" tiin ka awm a bei chu ka en a, "Palai rawn tir la, min nei la a ni mai" a rawn ti a, a chhanna chu a mawiin a va hlu teh lul em.






"Ka nei ang che, vawi sarih thu kan tiam nawn anga, dam chhung a ințhen lo....... ni leh lo, run lui a lehluan hman zawng ințhen lo turin kan tiam ang" ka ti a, a hmel en chiang turin a ka kuai dak a, a mittui avang chuan a mit leh a biang te chu a hnawm chap.





"I hria em? Vawi sarih anih chu kan tiam nawn dawn" ka ti a, mawi zeta rawn nuiin a lu a bu ta nghat nghat a, a hmuiah chuan ka fawp ta vang vang.
.
.
.


"Tinge khatia in awm a ?" Zoi chuan za vak lova nui chung chuan ati a, Tracy nen chuan in en in kan nui hak.





Tunah hian inneih kan duh thu leh a rai thu a nau te hnena sawi tumin Zoi leh Rindiki pawh hostel ațangin zankhat riak turin ka la chhuak a, sawi dawn tak tak chuan Tracy chu a hlauthawng deuh ni hian ka hria.





"Mama lo haw dawn tih sawi in tum chuan kan hre tawh" Rindiki chuan a lo ti a, "Ka rilțam ania chaw ei vat ang u" amah bawk chuan a ti leh hlur.





Tracy chu ka en a, a kut chu ka vuan a, a sa vek. Chutia a rai thu leh pasal neih a duh thu sawi chu thil awlsam tak a ni hauh lovang. Keiin ka chhungte hnenah zam map lovin hrilh thei mah ila ka tana awlsam tak chu Tracy tan a harsa thwi tlat.





"Aaaa...." sawi țan ka tum chiah ti chuan, "Keiman" tiin Tracy chuan min lo pawt chat vat a.





"Hmana ka sawi tawh țhin kha inhria anga, tunah awmpui cheuin ka thlazarhnuaiah thlamuang takin awm mah ula hmeichhia, nula ka nih angin nakinah chuan pasal ka la neih san ngei dawn cheu a, zep rualin tun hun chu a lo thleng ta reng bawk a....."





"Pasal i neih tur thu sawi suh, i tello a awm ka la ngam lo" Zoi chuan a lo ti a, ding hluaiin, "Ka û rilru hi i ti buai vek anih hi. Ka û hi kalsan rawh" min melh kal chung chuan a ti ta hmuk mai.





"Țhu phawt teh Zoi" Rindiki chuan dam zawk a tiin nelawm hauh si lo hian mi a melh kal mai.





"Inneih lo thei anni lo tih kan hriat kha, thil hi a țha zawng zela lak i tum teh ang. Engtikah emaw chuan min kalsan hun a la awm dawn tho tho alawm" Rindiki vek chuan a ti zawi sep, a țhuthan hnuai chu keu keuin lehkha a rawn dah chhuak.





Ka en a, Tracy inentirna lehkha a lo ni. A awmzia chu sawi kher ngai lovin a rai tih chu he lehkha hmang hian an lo hre tawh anih chu.





"Ka kalsan dawn hleinem che u, pasal ka nei mai dawn a ni" Tracyin a tih leh chuan, "Pasal i neih te chuan engtin nge kan bulah i awm theih tawh anga? Mama'n nupui a nei bawk anga, tu hnenah nge kan mamawh kan sawi anga, engtin nge kan awm anga" Zoi chuan a rawn ti a, a țap ta țuau.





Ka ngawi reng a, an rilru tur chu ka țawmpui thiam hauh lo mahse ka dâwnpui thiam khawp mai.





"Țap suh, i rilru no lutuk avang hian lawm engmah hi hre ve tlak pawh inih loh ?" Rindiki chuan a ti vin vak a, a ai a vinin Zoi chuan, "Kan û, kan engkimin min kalsan thu a sawi anih hi. Engtin nge ka țah loh theih ang" a rawn ti veleh a, boruak chu a rit takzet.






"Pasal i neih chuan Aizawlah, UVictor-a te inah i awm daih awm em ni Aû" Hmangaihsanga chuan a lo ti ve a, "Dawn lo e..... Hetah kan awm reng dawn alawm. I û te pahnih hian thu an hre fuh lo anih hi" Tracy chuan a ti dam dap a, mittui tla ve tur a dang hram hram chu ka lo hmu vek. "Aizawlah i awm dawn loh chuan UVictor-a nena inneih chu a țha ka ti, a fel sia. Mama pawhin 'ka û hian pasal aneih vat loh chuan a senior chhe mai dawn a ti che" Hmangaihsanga bawk chuan a ti a.






Tracy chuan nui chungin, "Ni e, i û kha thlem teh u. A țahbelh si a hahthlak" tia hui papin a tho a, choka lamah lutin engmah sawi lo chuan chaw ei a siam mawlh mawlh.






A siam zawh chuan, "Ei ang u" a ti a, amah chuan a ei nghal mawlh mawlh.






Ei loh theih ni ta si lo chu chak lo zet chuan kan han kil ta poh a, rei pawh kan țhut hmain kan tho chhuak deuh sap sap.






Tracy chu a ei kham veleh a chhuak nghal daih a, chaw ei hmun te chu a mipa pathum te chuan kan tifel a, thleng te chu ka sil leh ang lawp lawp a.





Kan tihfel vek hnu chuan sitting room lama an lo țhu ngui nghiai lam chu ka pan a, an unau chuan en kual dan danin, "In û hian kalsan che u a tum reng reng lo ania, keipawhin pawh hran cheu tumna ka nei hek lo. Kan lo innei anih pawhin in bulah kan awm anga, nupui pasal inneih thlengin kan awmpui dawn che u. Khawngaihtakin i û rilru ti hreawm zawng leh mahni inthiamlohna rilru a put lohna tur ti lo hram hram ang che u" ka ti veleh a, tho chhuakin Tracy awmna lam chu ka va pan ve.





Pawn țhutna kan siamah chuan țhuin a melh ngai hi a lo melh reng a, a bulah chuan ka va țhu ve vat.





Ka ngawi reng a, tunah hian a nau te lo chhan dan avang khan a rilru a buaiin ana dawn tih ka hria a, engmah ka sawi hmasak pui duh lo.





"Ka kuah ang che aw" tiin min chhan hma chuan ka kut chu a a dar lamah ka rawlh phei zal zal.




Thaw hakin min rawn ngheng a, "A hahthlak anih hi" a ti hap.





Ka kuah bei hle hle a, a rawn thaw leh hak zel chuan min lo ti hah ve zova, ka lo thaw veleh hawk țhin.





"Ka unaute hian inneih phal ta lo tlat se engtin nge itih ang? Ka lo rai tawh bawk si" a rawn ti zawi sep a, "Kan innei emaw, nei lo emaw, ka fate nu i ni dawn tawh tho tho a. Ka tan chuan a pawimawh hran lo. Ka ngaihtuah ber zawk chu i unaute i ngaihtuah lutuk na lamah hian i duhdan, hmeichhia zawng zawngte sam țhin ang i duhthusam ve zawng zawng hi i ti thei lo mai ang tih ka hlau a ni" ka ti a, ka thaw hawk.






A unaute a hmangaihna hi a țha ka tiin ka ngaisang, mahse ama duhdan leh suangtuah ve țhin nun ang pawh nei ve thei lo tur khawpa a indah pawimawh lo hi ka duh lo takzet.







"Anih min ru mai rawh, i telloa awm ka duh tawh bik si lo. I thu ang angin min awmpui la, ka pawm vek mai ang" a rawn ti a, a beidawn hmel takzet.






"I rilru tihah mah ta che, helaia naute hi ngaihtuah la, hahdam tum hram hram rawh. Min ring tawp la, engkim a fel mai ang" tiin a pum chu ka dawm ran a, a chalah chuan ka fawp zauh.




"I chhungte hian min lo pawm duh lo ang tih ka hlau" ahma ai zang deuh chuan a rawn ti a, "Hlauhthawn tur a awm love, min ring tawp rawh ka tih kha" ka ti dam dap a, "Rin tawp mai lo che hi tih theih dang ka nei tawh lo anih hi" tiin a pum ka dawmna ka kut chu a rawn vuan a, ka lo hmer vawng vawng.





><><><><><><><><><><><><><><






A nau te chuan ahma ang lo takin min be bawrh bawrh tawh lova, min hlat deuh tlat mai.





Mahse ka dem hran lova, kawng lehlam taka ngaihtuah chuan awm ka tiin, ka chan ni ve se ka tih dan tur ve tho a ni.





Țawngkam thiam lo leh pehhel vak vak thiam lo ta chuan ka chhungte hnenah nupui ka neih duh thu ka sawi tawp a, Tracy a rai thu chu ka sawi tlang pawp.





Mahse a hnua ka hlauthawng veleh deuh si chuan ka nu chu biain ka rawn a, helaia kan dinhmunte ka sawi vek bawk a, engkim mai chu mahniin puitling takin ka la hmachhawn thei lo.





Tracy ang lo takin ka nu leh pa thlazar hnuaiah ka la awm tih ka inhriatchian viau vang nge, thlamuan rukna ka nei a, ka ngaihțhat rukna vang ringawt chuan Tracy tan nuam lo ka lo ti ngawt a.





A rai vang chuan nge nidanga a tih ang a tih pawhin a hah țhin ta bik riau te hian ka hria a, engkima min ring tura ti si hian rin ngam loh hian ka khawsa leh dawn lek lek țhin.






A nau te alakah an la lungawi lo nen a dinhmun chu hreawm ka tih pui a, a nau te ho chu ben liam liam ka duh hial mai.






A pa a rawn zin dawn thu a sawi avangin a pa rawn zin hun chu ka lo nghak ve tawp a, a pa chu pangngai taka ti ti pui ka duh vang a ni.





><><><><><><><><><><><><><><





Khawvar țan tirhin ka harh hlawl mai a, mut leh tumin ka chhing lehnghal.





Mahse mutthilh leh mai chu har tak a ni.





Ka phone enin dar zat ka en a, dar 4 leh chanve chiah.




Inlet inletin mutthilh chu tum leh viau mah ila ka thei tawh der lo.





Khua a var țep tawh tho tiin ka tho a, tui lum in tur ka chhuang nghal. Heipawh hi Tracy min tih hmuh bawk ania, zing ka thawh a tui lum ka in loh hian ka awm nuam lo vek tawh.





Kawngkhar hawngin pawn ka chhuak a, pawna hnawk bawm ka hun lo tlu te chu ka tung țha.






Kawngpui lamah chuan motor tlan thawm ka hria a, rei loah hmeichhe țawng lang lang thawm ka hre zawm.







Ka hawi kual ruk ruk a, zawhte rawn ngiau thut chuan min ti phu ve zawk.






Tracy te ar ei tum anih ringin ka hnawt a, inah ka lut leh.





Ka tui lum chu thli daiin țhutthlengah chuan ka țhu a, t.v chu ka on zat.





Bang lehlamah thawm ka hria a, ka ngawi nghal hra. Ka t.v on chuan ka ti harh anih ka ring a, t.v chu ka off lehnghal.





Engmah chhuak lo t.v chu ka thlir reng a, eng eng emaw ka ngaihtuah.





Mihring nun hi hetiang hian duh duh hunah on in off theih ni se. T.v ang hian kan nuna rawn lang tam zawk hi thim bo pui hmak zel thei ila, tumah hi rilruna leh hreawm tiin hun kan hmang reng lo tur ania.





Tracy nena kan chungchang te chu ka ngaihtuah kai chho a, puitlin lam kawng zawhin inhre mah ila ka nung ho riau tih chu ka inhre kar a.






Ka nu thu min hrilh leh duh loh dan hlirin ka nun ka hmang chho bawk. Mahse hmangaihna tuifawnin mi len vel a, a lo tawng tawh ka nu chuan min hrethiam lutuk tlat.






Nakinah chuan fate kan nei ve anga, heti mai mai ka la nih chuan fate tan pa țha nih a va har dawn em.





Pa ka ni tur ka ngaihtuah hian nuih leh suk suk țhin loh hi chu ka lawmna tih chhuah dan ka hre lova, damtea a lo pian huna a landan tur mawlh te leh mi enge anih ang tih te mawlh mai chuan ka rilru hi an luah a, anu lah ka ngaihna bang hek lo.





Amah ngaihtuah hi ka hna pui ber a ni tawh anih hi!
.
.
.


Ka tho hma bawk a, Tracy rawn thawh hmain kawnah chawhmeh leiin ka bazar a, Tracy ei duh zawng nia ka hriat te chu ka lei tawp tawp.





Ka haw leh chuan Hmingsangpuia pawnah a lo awm a, puan a lo pho.






"Sangpui i û a tho tawh em ?" ka tih chuan a lu min bik khum nghat.





Ka in a lut hmasa lo chuan an inah chuan ka lut a, Hmangaihsanga chu rawngbawl niawm tak hian a lo che buai lutuk.






"Enge itih? Khawnge i u ?" ka tih chuan, "A khuasik a, a mu" a ti a, "Damdawi a ei em ?" tiin chhan pawh min chhan hma chuan pindan lamah chuan ka lut phei a, Tracy thawh lo tum mek chu ka hmu.





"I na viau em ?" tiin ka pan hnai a, a chal leh a nghawng vel te chu ka'n dek kual vel a, a sa vur mai.







"I sa vek anih hi, damdawi i ei lo em ni ?" ka tih chuan, "I hlauthawng anih kha, chhunah chuan a reh mai ang" a ti dam diai a, thawh a tum.






"Țhu teh, i țha mai lo ang, damdawi ei rawh" tiin ka nam țhu leh a.






"Damdawi ka ei thei hleinem ?" a rawn ti.





"Tinge ?" ka ti deuh haw chu a pum lam a melh thlak zeuhah chuan ka hrethiam nghal.






"I rai tak! Engtin nge i dam loh theih reng reng a ?" ka ti a, ka za vekin ka hria.





"Vawiinah inentir ila damdawi ei theih a awm ang ?" ka tih leh chuan, "Thil pangngai alawm. Naupai te chuan tawrh dan hrang hrang an nei țhin a, naute hi a insiam pum hma chu ka dam lo zeuh zeuh ang" a rawn ti lehzel.





"Chutiang chu damdawi a awm lo em ni ?" ka ti a, a lu a thing leh mai.






"A û chawhmeh kan siam thiam lo ania" Hmangaihsanga chuan a rawn ti lang lang.






Tracy thawh leh tum chu nam țhu lehin, "Lo awm rawh, keiman rawng chu ka'n bawl ang. Lo mu hahdam rawh" tiin a chalah chuan ka fawp zauh a, rawng bawl tur chuan ka chhuak nghal.






Ka thiam leh theih ang ang chuan rawng chu ka bawl a, Hmangaihsanga leh Hmingsangpuia chuan lehkha an zir leh.






"AuVictor auZoi te tiffin pek angai ania aw" Hmangaihsanga'n a rawn tih chuan Rindiki leh Zoi camp chaw pek an ngai tih ka hrechhuak zawm a, ka lo siam kep tawh si lo, ka va han buai tak.






Pindan lamah thawm ka hriat avang chuan ka lut phei a, Tracy chu puan a lo insin țhat tir mek.






"I țha em ?" ka tih chuan, "Vawt ka ti deuh a ?" a ti a, "I zia deuh tawh em ?" tia a pang ka dek leh chu ala ngai reng.







"I hlauthawng lutuk nih kha, nakin lawkah rawn reh mai ang" a ti a, ka chawhmeh siam mek rim ka hriat chuan pindan ațang chuan ka tlan chhuak nghal a, ka bai siam lo so liam mek chu ka chawk vat.






"Dar engzat nge ni tawh ?" ka tih chuan, "Dar 8 a ni tawh" an lo ti rual a, "Insiam tawh rawh u.... Tiffin in pai ve dawn em ?" tiin tiffin chu dawhkanah ka dah khawm a, "Aw pai ve dawn....." an rawn ti.







Rindiki leh Zoi pek tur nen tiffin pali chu ka siam a, Tracyin artui an duh thu a sawi tawh avangin artui ka dah vek a, Rindiki leh Zoi ta tur erawhin tiffin hranah bai te ka dah bawk.





An insiam zawh chuan chaw ei ka siam a, engmah sawisel loin an ei nghal mawlh mawlh.






"AuVictor artui min kan sak em ?" Hmangaihsanga chuan a rawn ti a, ka lu ka bu nghat.





"Keichuan a chhungmu nen ka ei thei a, mahse Sangpuia hian a chhungmu telin a ei thei lova" atih chuan ka en a.





"A pawi lo... ka ei lui thei tho" Hmingsangpuia chuan a ti a, "Ka'n kang țha leh nge" tiin tiffin pakhat chu ka siam țha leh a, Hmangaihsanga te unau an tiffin lain school turin kan chhuak zui.






Dar zat ka en a, dar 8 leh tlem chauh a ni.






Pindanah chuan lut lehin Tracy dinhmun chu ka en a, hahdam hmel deuhin a lo muhil siai siai.






A pang vel chu ka han dek leh a, a lo zia deuh tawh. A chala fawp leh zeuhin ka chhuak a, Hmangaihsanga te unau sulhnu leh tihfel ngai ang te chu ka tifel leh zung zung.






Kawng kham urin pindanah bawk ka lut leh a, Tracy chu a lo la muhil.






Ti harh lovin ka chhuak a, Zoi te tiffin tur chu kawng kham urin ka khai chhuak a, an camp lam panin ka inkhal chhuak nghal.






Tracy ni lova kei zawk min hmu chu an hamhaih deuh a, mahse thil awmzia ka sawi hnuah erawh Tracy chu an ngaihtuah ve ta viau a.






Zoi chuan inthlahrung tak hian, "UVictor lei ngai kan nei a" a ti a, a âw chu a khawngaihthlak zawk.






"Aww sawi ula, in chaw ei chhungin ka lo va lei ang" ka ti țha mai. An û ang tak taka min en a, an mamawh leh an duhzawng ka bula an ngen ve ngam chu ka duh a, engtikawng pawha unau kan la nih dawn tho tho avangin inpawh taka awm zel chu țha ka ti.






An mamawh ang te an sawi hnu chuan dawr lamah ka inkhal lehnghal a, ka lamkhawm zung zung.






Tracy muhil ka kalsan avang chuan ka rilru a hmanhmawh ang reng viau a, ka thil lei te ka pek leh hnuah ka haw vat.






Kawngka ka khar țhat thlap lo inhawng hiau chuan ka ngaih a ti țha lo a, ka bike hung țha sawk sawkin Tracy ka ko nghal.








Tracy ka hmuh mai loh avang chuan pindan lam ka pan a, "I harh tawh em ni, kawngka...." tia ka lut chu ka ding chawt a, ka thil hmuh avang chuan ka mit sulh thei.





Tu emaw nen hian an lo inkuah vawng vawng a, an inkuahna ațanga Tracy chuan thei leh thei loin min rawn en te chuan ka thin hi a thip sa zak zak a.






Amah ngaihtuah em emin ka buai phili a, chuti taka mipa dang nen inthlakhlelh hmel taka an lo awm mai chuan min ti keh sawm vek. Rilru, thinlung na lutuk vanga thih tawp theih nise vawi sarih ka thi tawh ngei ang.






"Tracy!" ka dang a ro nghulh a, kut ram leh thinchhe tak ni ila chuan chu mihring chu a let tawp tawh ngei ang.






"I lo let tawh a" tiin Tracy chu a inlahrang a, a mipa chuan min rawn en ve chiah.






"Tunge ?" tiin keimah chu min en a, "Tuna i lo kuah ngawih ngawih fa pai mek pa leh a pasal nimai tur" ka ti a, ka lawm tehchiam loh zia chu ka mitmeng leh ka țawngkam ațang chuan a hrethiam ngei ang.






"I thinrim em ni aaaa ?" tiin Tracy chuan min rawn pan a, ka banah rawn kuahin, "I chau em? Zingkar ațangin i la che char char si a" a rawn ti dam diai.






"Aw ka chau, engvangin nge he mihring nen hian khatiang taka inhnaih khan in lo awm nachhan?" ka ti a.







"Khawmaw lo inchibai ila, Tracy chhang chiah hi ka nia. Ka rawn thlen ve chiah nih hi, thik tur ka ni lo ve" kan hmaa ding chuan a kut rawn phar pahin ati.






"Aaa aw...." ti bah niaiin ka chibai a, ka letling hial mai.








"I u nen hian kan lo inbe fal lawk ang chu" ka tih chuan hriatthiam hmel takin a lu a bu nghat a, a chhuak nghal.








"I nau a ni tak tak em ?" ka tih chuan, "Aw.... Min ringhlel tihna mi ?" a rawn ti let heu.






"Tun second rei lo te chhung pawh khan thihpui tham khawpin helai hi a na hman" tiin a kut chu ka la a, ka lung phutna zawnah chuan nghatin ka dawm vang vang.







"A phut nasat zia hi" tiin ka en a, min nuih seih ringawt.






"Lo kal teh, i khua a sik tawh lo em ni ?" tiin ka kuah a, a pang vel chu ka dek kual zat.






"I khawsik chu a zia tawh hi" ka ti a, "Nia, ka la dam lo chak. Min duat hman vak si lo a" inti pangchang takin a rawn ti ve a, ka nui hak.






"Office-ah in report turin ka kal anga, ka rawn haw hunah ka rawn duat dawn che nia" tiin a chalah chuan ka fawp zauh.






"Ka lo thleng hma deuh lo a aw.... Bawihtea te thil tur ka rawn hawn asin" sitting room lam ațanga Tracy nau rawn ti lang lang ri chu kan hria a, in-enin kan nui hak.






"Va chhuak teh ang" tiin kan chhuak phei ve a, chhuatah chuan a lo inphawrh darh nuai.







"Hruaii chu i phone em ?" Tracy chuan a ti a, "Aw phone e, a rawn thleng țep ang" tiin a nau chuan a lo chhang.






"Office chu ka han kal lawk nge aw" ka ti a, Tracy chuan pawn thleng min rawn zui chhuakin office lam panin ka inkhalh chhuak veleh nghal.






><><><><><><><><><><><><><><






Pawn țhutthlengah Tracy nau nen chuan kan țhu a, cigarette a zu khu hlat hlat a, keiin bawp ka phût hlarh hlarh thung.







"Ka u hi a rai tawh si a, i thlathlam leh mai angem ?" kan ngawih vang vang hnu chuan rawn ti hlawl.







"Ka hmangaih alawm" tihzawngin ka lo chhang.






"Mahse hmangaihna pawh hi hmachhuan reng theih loh hun a awm țhin. Ka lo hriat danin khawpui tlangvalah pawh Zoramin a kan hriat ziakmi Zorema fapa i ni a. I chhungte hian thingtlang nula mai mai hi an pawm ang maw ?" a rawn tih leh chuan, "A fate nu ngei atan pawh a thingtlangnu thlangtu ka pa leh ka chhungkaw dangte hian iaina an nei lo ve. Keimahah hian enge dik loa nangni unau ina min pawn thei tlat loh tih ka inenfiah mek e" ka ti a.






Kan ngawi zui vang vang.







"I hrethiam ve kher lova'nga, keini unau tan hian ka û hi kan û chauh ni lova, kan nu leh pa, kan engkim ani a. Kan hriatchian ve miah lo hnena hlan tawp chu a har. Mahse ka û ve meuhina a fak mipa chu i țha tawk tih ka ringhlel lo. Hre reng rawh, rilru naa i siam anih chuan nuța pathum anei tih i hre reng dawn nia" a rawn ti a, ka en reng ringawt.






"Vawikhat pawh rilru naa ka siam anih ngai chuan a nung chungin min phum dawn nia" ka ti ve ta a, sawi thiam si loh hian ka thla a muang nghal huai mai.







"Kan nu ka va rim ve nge" tiin a tho thurh a, a kal zui nal nal.






Ti khan Tracy ka neih an rem ti tawh tihna ania. Tunah chuan Tracy nena inneih chiah kan ngai ta.
.
.
.
.


"Inchhungah lo țhu lut daih la" ka hnunglam ațanga rawn ti tu chu en pawh en lem lovin ka bula awl chu beng thak thakin, "Rawn țhu teh" ka ti a, a rawn țhu ve mai.







"Kan inneih hunah pawh hetah kan awm reng anga, tihian kan nupain thla leh arsi indi dan kan en dun țhin ang" tiin ka kuah hnai a.







"Teh thut thut zel ache" tiin min nam san deuh a, mahse ka kuah hnai leh sauh.







"Min hmangaih tawh loh thu hi i kâ ațanga achhuak anih ngai chuan a di ngai Thangzawra iangin ka zawr hnep hnep anga, artui pawhin lungtum chan achang ve mai ang. Min hmangaih hi bansan ngai suh aw.






" Lalhniangi dungthulin ka lo thlir țhin che anga; rawn lan tikni i neih loh zawng erawhin ka tan tuisik pawh tûrah achang mai ang. Thangzawra dungthul mi zawng rawn ni suh ang che"








"Ka hmangaih che"
"Ka hmangaih che"


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 12th, 2023, 5:47 pm

HEIHAM : ANOTHER LOVE
by Sammy♤



Ch☆12





Jerome-a Pov.






"In a lian tho a, nangni pafa in awm loh diakin engtin nge kan awm anga ?" Ka ti nu chuan a ti hluai. Tunah hian in luah ka fate pahnih, Alfred leh Lilian nena in luah hran ve ka duh thu ka sawi a ni a, ka rin ang ngeiin ka nu chuan min hnial nghal phawt.






"Bawiha naupang hi chu ngaihtuah lo la, inti tlangval țha leh la nupui nei leh rawh" ka nu bawkin a rawn ti leh chuan ka nui suk ringawt a, naupang ngaihtuah lova hmeichhe ngaihsak a, nupui nei leh tur hian min ti fo, chhan vak ngaihna ka hre lova, nuih ringawt hi chhan dan țha ber a ni mai..





"I unau ten kawppui an rawn nei sap sap hlawm anga, i dawng lel zel mai ang. Nula i hmuh zawh loh pawn nuthlawi tal..." a rawn ti chiah chu Sangbawihin pawr fahranin, "I mit a hniam thei lutuk nu! AuBawihpuia chu a hmelţha a, nula ngaizawngtu a la ngah lutuk, chutihlai kara nuthlawi lo tih. Hmannia a phone ka check sak pawn ka hmu vek" a rawn ti a.





"Be tu a ngah lam kha apawimawh, a mit la tu an awm em tih zawk a ni" ka nu chuan a ti veleh.






"Aaa inhnial lo teh u. In luah tur chu ka zawng hrim hrim anga...." ka ti leh dek dek chu, "A ţullo. Han luah hran pawh ni ta tehreng ula naupangte hian nuam an ti dawn chuang lo" ka nu chuan a lo ti leh hmak a, hnial rengin awmzia a awm dawn lo tih ka hria a, ka ngawi ta rih.





Tlai lamah naupang school bang hruai turin ka kal a, an school ka va thlen chuan an lo bak tawh a, gate bulah an pate Christian-a te nen min lo nghak țhap.






Motor hun remna laiah ka inhun hnuah ka va pan a, an bul ka thlen rualin tleirawl pakhat hian naupang ho chu, "Kha u le" tiin ice-cream a rawn sem diat





He tleirawl tê hi ka hmu fo mai, min be ngai em em lova, ka be ngai em em bik lo bawk a. Mahse naupanghoin min lo nghah chang hian a lo awmpui ve fo mai a, hmuh chu kan inhmu zing khawp mai.






Ka wallet phawrhin ice-cream man chu pek ka tum a, mahse a lo la duh bik lo.






"Thil pek an inrul ngai lo. Hemi school-ah hian i thawk tawh lo em ni ?" tiin school compound chhung chu a kawk a, "Thawk e" ka ti tawi tak.





"Ka va hmu ngai tawh lo che" a rawn tih leh chuan, "Chawlh ka la a" ka ti țha veleh mai.






"Anih chu...." a rawn ti veleh hmuk reuh a, "Kan lawm lutuk e" tiin naupang ho chu ka kalpui a, chu tleirawl nen chuan an in bye bye a, kan kal lohna lam hawi zawng chuan a kal ve nghal nal nal.





Kan haw kawngah chuan Christian-a chuan, "U kan miss khan AuVictor-a chungchang min zawt a" a rawn ti a.






"Chuan engtin nge i chhan" ka tih chuan, "Nupui a nei dawn ka ti" a rawn ti a, a nui zui kur kur.




"Ka khawngaih reuh, a ngaizawnge ve sia" a ti a, ka nui ve hak.






Ka hnung a rawn zui ka ti dawn nge piangtlaia pui hian ngaihzawng lam hi rawn hre hma reuh riau a, kum 6 lek ni si hian mi a fiam duh dan te hi a puitlingin a țawngkam pawh a puitling lutuk tlat.





"Nangmah nen inngaizawng daih ula" Christian-a vekin a rawn tih chuan, "Țhu la i ice-cream kha ei mai mai rawh" ka ti a, min chhaih niawm taka nui pahin a ice-cream chu a liak zawm zat.






"Apa motor hi chak deuh deuhin khalh ve la" Alfred-a chuan a rawn ti a, "Chak deuh deuha khalh chuan kan accident anga, kan kut te kan ke te na nga, damdawiinah te awm angai dawn sin" ka ti a, "Nia tiraw" tia thaw hapin a ngawi zui mai.





Eng lirthei pawh hi khalh ila chak tak tak ka khalh tawh ngai lova, ka hlau tlat tawh a ni. Ka fate ka phurh ngat phei hi chuan ka fimkhur zual a, hmana thil thleng ang kha thlen nen tir ka duh tawh lo.






Ka fimkhur loh luatah an nu ka chan tawh a, an ni hi chu ka theih ang anga enkawl a, dampui reng hi ka tum tlat.





Zan lamah Victor-a te nupain an rawn call a, nupa ti ila an la inneih chiah lo nain inneih tho tur an nia, kan sawi sual chuang lo.







Victor-an ka nu bulah inneih chungchang vel bawk a sawi pui a, ka nu chuan an mahni duh hun hunah a nimai tiin a chhang.





Ka nuin in luah hran a phal lohna chhan tak pawh hi Victor-a hian nupui nei dawn mahse annu te khaw lama awm a ngai dawn a, a hna mai bakah annu te khaw lama awm chu a duh hrim hrim zawk bawk a. Chumai bakah ka pa a hna vangin hmun dangah a awm a, Nubawihin ka pa a zui ve daih bawk si. Chuvanga ka nuin 'pun lam aia kiam lam pan zel mai' tiin a phal lo kha ania. Mahse ka pa bulah ka sawi anga, ka pain a sawi chuan a fel mai turah ngai teh ang.
.
.
.
.



Naupang ho ka tih mut hnuah second term exam question tur ka set a, chawlh la ve teh mah ila a awl tak tak theih loh.






Nursery ațanga Secondary thleng a awm avang hian a hahthlak zual bik a, a chang ban daih a, hna dang zawn te ka duh rum rum ţhin.





Mahse ka fate ka thlithlai phah thei reng a, kawng lehlam takin ka hahdam tho mai.






A tukah in luah tur ka zawng țan a, a la vang pherh hrep zui.






Hmuh ve mah ila a man a to ang huin a țha tawk țhin si lo, in luah tur zawn hi tih mai mai a lo ni lo.






Tlaiah chau hnepin naupang ho school-ah ka kal a, nimin ang bawkin gate bulah tleirawli te nen khan an lo țhu a, eng nge an sawi ni an nui hak hak.






Ka va pawh phei chuan Liliani chuan min lo kuah nghal chung chung a, tleirawli chuan engmah sawi loin kal nghal mai a tum a, ka fate a lo awmpui ziah avang chuan lawmthu sawi nan thlah haw ve chu țhain ka hria a, ka ko ding.





"Hey" ka han ti ngawt chu, "Hey ka ni lo" a rawn ti a, "Ka lo thlah haw ve dawn che em ni ?" ka tih chuan, "Tinge tlangvak senior zei lo uluk lutuk ang maiin i țawng a" a rawn ti a, ka chal ka ti chuar tap.





"Aw min thlah duh dawn te chuan" amah bawk chuan tiin Christian-a leh Alfred-a chu a kai a, ka motor hunna lam chu an pan nghal.






Kan inkhalh chhuak nghal vat a, kawng a tawt lutuk lo a a zia hlauh.






Mahse chutia ka tlan lai chu tleirawli chuan thaw hakin, "Enteh ka pu, i tlan chak hlau em ni ?" a rawn ti a, ka chhang lo.






"I hmelțhat tehreng nen i chut deuh emaw ni le ?" a rawn ti leh chu amah en chuang loin ka chal ka ti chuar leh tap a, amah zawk hi a chut deuh emaw ni. Ka hmai chhanah chutiang chuan min sawi ngam ania.







"Ding teh ding teh ding teh" ti chulin a kut chu a beng vak vak a, a remna laiah chuan ka ding vat.






"Ka lawm lutuk, mahse ka thei thlawt lo. Keimahin ka lo va haw mai ang" tiin a chhuak nghal a, "Naupangte u naktukah kan inhmu leh dawn nia aw" tia naupangho bye bye in a kal nghal nal nal.





☆ A hrethiam lo deuh tan, Chapter 11 thleng kha Victor-a Story deuh bik ania (Mahse a tir lamah Jerome-a kum naupangtea nupui nei leh annu accident a thih thu vel chu a tel kha) Chuan 12 ațang hian Jerome-a story angin kan rawn ti anga, mahse Victor-a te an lang zeuh zeuh dawn bakah, Victor-a Pov. pawh kan la ziak dawn



☆ Comment leh Ads click kha aw 😘


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)