74'75 BY Un Sammy (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

74'75 BY Un Sammy (Completed)

Unread post by Ngaia » March 26th, 2023, 3:46 pm

r9d8dshb.jpg
Mut ka tum lai takin kawngkhar chu a rawn ri rek a, Christian chu a rawn lut.

Khuma ka thu chu min rawn melh zawk a, abak chu min hre lo ang hmakin a che zawm mial mial.

A che zia chu haw viau mah ila ka insum hram hram angai tih ka hria a, pangngai taka biak tumin khum atang chuan ka tho a, lam chu ka pan.

Mahse a zu rim nam chu ti thei lovin khum lam bawk chu ka pan leh a, "Christian..." ka ti zawi sap.

"Inbiak kan ngai ania" ka tih chuan ka thusawi hre lo ang hmakin a inthlak mawlh mawlh a, bathroom a lut hmak.

A awmdan chu ka ngei hle a, ahma ang chu ni se pawisak nei miah lovin ka inhauh pui leh buan buan tawh ang.

Mahse tunah chuan ka pum chhungah hian keimah min control tlattu a awm tawh a, ngaihtuah chiang hmasa lova engmah ka tih a thiang lova. Chumai piah lamah Christian hian ka pum chhung a ka thawk ruala thawk lo la ve thin hi a pawm dawn kher em ka hre hauh lo.

Bathroom atanga a lo chhuah hun chu nghak ranin ka thu ngawi kar a, darkar khat dawn hnuah chuan a rawn chhuak hram.

A inthlak chu ka nghak reng a, min runluih emaw tih tur khawpa muangin a inthlak lehnghal a, ka thaw hak.

Khum atang chuan tho chhuakin drawer a ka dah pregnancy test kit chu ka la a, "Inbe lawk ang hmiang" tiin ka pan hnai leh a, mahse min ngai pawimawh eih lo chuan a che zawm ngat ngat a. Ka dawhthei ta bik lo chuan thinrim zetin test kit chuan a hnungah chuan ka vawm a, pangngai taka ka pum chhungah hian a fa a awm mek thu hrilh pawh a phu nek lo ve.



74'75
by Sammy🦋






Christian >< Sasha




Ch><1





"Mahni pawhin ka inenkawl thei" lawm lo zet chuan ka ti a.




"Nangmah chauh i ni hleinem, ka pa buaipui reng angai dawn bawk a. Ka pa hi a tha chhuak leh dawn kher em tih pawh i hria em ni ?" a ti a, ka form hak tum mek chu thulhin ka thaw hak a, ka u chu chiang zetin ka en.




"Ka pa chungchang chu engpawh lo ni se, in bula chen ve chu khawvela ka thil tum loh leh duh loh bur a ni" tiin ka insiam zawm nghal mawlh mawlh. Ka u chuan engpawh sawi se ka bengkhawn duh tawh eih lo.




Ka room atang chuan chhuakin garage chahbi ka la a, ka chhuak tur chiah chu Marnie chuan min lo au ding a.




"Sasha eng emaw tal hi rawn ei la" a rawn tih chuan ding datin ka leh hawi a, inthlahrun hmel taka Marnie lo ding chu enin, "Tukin chu ka hmanhmawh deuh a" tiin thu dang sawi tawh lo chuan ka chhuak nghal.




Garage chu ka hawng a, car chi hrang hrang zingah chuan ka pa duh leh ro em em mai Jaguar hlui lam tawh chuan damdawiin lam panin ka inkhalh chhuak ta a.




Damdawiin ka thlen chuan hmanhmawh lo takin ka pa room lam chu ka pan phawt a, Dr. Noelle a lo check mek a, pawnah chuan dingin a lo chhuah hun chu ka lo nghak rih a.





Chhungkaw pangngai leh hlim tak kan ni ve thin a, accident rapthlak tak kan tawn hma kha chuan.





Kum khat lai liam tawh mah se kha thil thlen dan kha nichin lawka thleng ang mai hian ka la hria a. Kha accident avang khan ka nu ka chan a, tunah ka pa dinhmun tha lo takin a awm reng bawk a.





Pawn atang chuan ka thlir reng a, ka pa chu engtikah a rawn harh leh ang. Kum khat lai chu engmah hre lovin a awm reng tawh a, diktak a sawi chuan heng khawl hmang hian kan la dam tir ve reng zawk ni berin ka hre tawh.





Ka pa-ah chuan beiseina ka nei tawh lova, mahse a theih chhung chu thawk min lakpui ve reng turin ka duh.






Ani lo innghah leh chuanna ka neih loh avangin ka chan chu ka hlau ngawih ngawih.





"Morning Honey" Dr. Noelle chuan ka biangah rawn fawp zauh a, ka harh deuh zawk.





"Morning... Ka pa chu enge a an a" tiin room chhung lam chu ka en a.





"I hriat kha" tih zawngin min chhang a, ka thaw hak.





Ka inher a, staff room lam panin Dr. Noelle chu ka kalsan.





London-ah business studies ka graduate hnuin ka awm ta vel mai mai a. Hna thawh te kha duh ve viau thin mah ila ka pa khan a hnuaiah lo chuan ka thawh a phal tlat thin lova, keiin pate thlazar hnuaia thawh ka duh bik der ai lova fanu duatsual ang maiin ka awm ta vel mai mai a.




Accident thlen hnuah he damdawiinah hian damdawi lam thiam engmah nei hauh lovin Brianna vang liau liauin ka thawk a, ka pa bula ka awm reng duh vang a ni.




Staff room ka luh hma chuan ka lam panin Nurse Betty chu hmanhmawh zet hian a rawn tlan a, "Oh Sasha! Vawiin hi ka vanneih ni a va ni tehlul em. Christian Roths ka hmu dawn ania" hah thaw hlawp hlawpin a rawn ti a.





A thu rawn sawi a ho(h) em avang chuan staff room luh mai chu ka han tum a, mahse min pawt her nawkin, "En rawh, an lo kal ania" tiin nghet zetin min pawt ding ta tlat.





Corridor lehlam atanga kan lam rawn pan mek te chu ka en a, Christian Roths chu a rawn lang a, a hnungah Leo leh Antonio chuan an rawn zui bawk a. An inthuam dan atang chuan sakawr khalhna hmun atanga rawn kal an nin ka'n ring ringawt a.





Christian hmuh hi a ropui viauna ka hre lova, mahse hmeichhe tamtak tan chuan vanneihna chu a ni lawm. Spain ramchhungah na na na chuan a lar a, thil ti theiin a hausa a, chu mai piah lamah a hmelthain a pian a nalh a, Betty pawh ina vanneih a inti viau pawh hi ka dem hran lo ve.






Kan dinna zawn an rawn thlen chuan Leo chuan mit min siai zeuh a, chu thil ngai theilo zeta ka hawisawnna lamah Christian nen chuan kan inmelh fu chat lehnghal a, a mitmeng pawl ram mai chiang chiang zetin min en a, min en chhung chu ka lo en let ve ngar.






Min kalh pelh hnu chuan staff room-ah chuan ka lut ta a, Betty pawh chuan min zui lut ve nghal.





Ka bag atang chuan ka phone la chhuakin ka bag chu locker-ah chuan ka dah a.





"Nichin khan Christian khan min en ve niin ka hria.... Awii" tiin a thu a.





"Sasha a hnunga kal nen khan in inhria em ni ?" a rawn ti nghal zat.






"Aw" tih zawngin ka chhang a, anni chungchanga thu tam sawi ka peih lo.




"Anih Christian-a hmeichhe duhzawng hi i hria em?" a rawn tih leh chuan ka thil tih lai chawl datin mit meng lian kel kawl a min lo entu Betty chu ka en a, "Hmeichhe lep chiah tak te pawh a ni maithei ka hre bik lo" ka ti a, ka chhan dan avanga lawm lo tih hriat zeta a ner ru sak chu ka hmu.





"Roths family nen hian in inzawmna a that tehlul nen tinge...." a tih lai chuan a sawi zawh pawh nghak lovin report file chu ka la a, Dr. Nas office lam panin staff-room chu ka chhuahsan lehnghal.





Tupawh mai hian Brianna vang hian Roths chhungkua nena kan inzawmna nghet viau turah an ngai a, mi hmuh theih chinah pawh a ni ngei ang. A tak tak erawh chuan chhungkaw pahnih inhre ngai miah lo ang zawk hi kan ni.





Dr. Nas office ka thleng hma deuh chuan Leo message ka dawng a, cafeteria a kal turin min rawn ti.





Report file ka pek hnu chuan damdawiin bul lawka cafeteria lam chu ka pan nghal a.




Ka va thlen chuan Leo chuan coffee a lo order fel diam tawh a.




"Thu pawimawh tak i sawi dawn hran loh chuan ka buai ania" ka ti nghal a.





"Thu phawt teh.... Thu pawimawh lo ka sawi ngai lo tih i hriat kha" tiin ka thutna tur chu a pawt chhuak a, keipawh chu ka thu ve mai.





"Coffee i duh lo tih ka hria a lemon tea ka order che nia" a ti a, amah vek chuan, "Rei tak kan inhmuh tawh loh hnuah pawh nui hmel min hmuh dawn lo em ni a" a rawn tih leh chuan ka nui ve seih a.





"Ka pa bulah Brianna a rawn kal a" coffee dawt rik khawlh pah chuan a ti a.




"Mahnia awm chu hreawm i ti lo em ni ?" a tih chuan, "Tlang takin, kan in hi chhuahsan ka tum lo. A bik takin Brianna te chhungkua ka pawh duh lo chhan pawh i hriat kha" ka ti a, lemon tea chu in in ka lem ri khawlh.





"Okay....Tupawhin i luhlul zia kan hria lawm. Engpawh chu nise ka zinna atangin engemaw ka rawn hawn che a," min ko san zuk zuk pah chuan a ti a, ka nui leh hak.





"Surprise nan che hun ka nei ngang lova, nangman i rawn lam mai angai ang" a ti a, "Chutia buai viau chu helaiah na nei lovin i rawn kal tho si a" ka tih chuan a chal a chuar tap a.





"I hriat kha. Amber in a kut a ti kang palh a, Christian tel lo chuan damdawiin a rawn kal a duh tlat lova" a ti a, nin hmel zetin a ner nawng.





Roths chhungkaw fapa upa ber hian a tleirawl laiin fa a nei a, chu chu Amber hi niin Roths chhungkaw duat rawn a ni a, Roths chhungkuaah fanu nei dang tumah an awm loh avangin Amber chuan a unaupa te leh a pate a te chu a toys ang lekin a ti kual thei reng a ni.




"Mahse Christian hi i ngaih ang em em chu a ni lo ania" kan thusawi lai nena inperhsan zet chuan a rawn ti a, "A chanchin kan sawi loh lai pawhin tan viau ringawt zel suh" ka ti a, a rawn nui deuh hawk mai.





Eng eng emaw kan sawi leh hnu chuan damdawiin lam kan pan leh a. Mahse ka duh loh deuhin
Christian leh Amber chu kan tawk chiah a, kal pelh mai ka han tum chu Amber chuan min lo be tlat.





Ka ding a, inherin ka nui deuh sang a.





"Hi Amber"





"Sasha zanin ka birthday party-ah i rawn kal ve ang tiraw ?" a ti a, nui deuh sang chung chuan, "Night shift ka nei si a, ka theih ka ring chiah lo" ka ti a. Kal ka tum miau loh avangin a der pawha kal tur angin ka insawi peih lo.





"Hee hey heyy hhaa..... A rawn kal ang" Leo chuan a rawn ti hluai a, Leo zawk chu ka en phawk hra.






Engmah ka sawi hma chuan Amber chuan, "Lo kal ngei ngei rawh aw Sasha, i tel lo chuan a kim dawn lo teh ania" a ti a, a sawi zo hman tawk tihin Christian chuan a kal pui nghal a, Leo pawh chu biak leh hlau zetin a kal nghal vat.





Mercedes dum mawi em em mai a an tlan chu ka thlir liam a, thaw hakin damdawiin chhung lamah chuan ka lut veleh a.





Dam lo check ngai ka check zawh hnuah counter lam ka pan a, report ka va ziak tha malh malh.





"Sasha Dr. Noelle nen hian engtikah nge in inneih ang" counter a thu head nurse Emily ka nu rual zet tawh chuan a rawn ti a, nui seih chungin amah pawh en chuang lo chuan, "Mipa zawkin hma an la thin a ni lawm ni" ka ti a. Damdawiina thawk zawng zawng deuhthaw hia Noelle nen kan inkawp thu hi an hria a. Inneih tawh mai tura min ti tu leh min chhaih zuk zuk tu an awm nuk thin.





"Anih chuan propose thut ta che se i yes nghal dawn tihna ania" a tih chuan ka nui a, report ka ziahna chu ka khup thak.





"I lo hria maw Dr. Noelle, thu thar hriat vat ka inbeisei viau dawn ania" tiin ka hnung chu a en a, ka lehhawi ve vat.





Noelle chuan min lo kuah nghal that a, ka chalah chuan a fawp zauh.





"I ril a tam em. Thil kan ei lawk dawn em ni ?" a ti a, ka kuta min kaiin cafeteria lam bawk chu kan pan leh.





Order nghah chhungin restroom ka kal hmasa a, kan dawhkan lam ka pan leh chuan Betty chu a lo thu ve reng tawh.





Noelle hnaih takah chuan a lo thu a, dawhkan bawhin Noelle chu nui sang chungin a lo thlir ngawih ngawih a ni ber e.






Pan pheiin ka aw ka thian kharh a, Betty chu che sawn eih lovin, "Oh.... I lo awm ve nimaw ?" min ti duh lek a, engahmah ngai duh bik lo chuan ka thu a, order pawh chu a rawn thleng zawm a.





Betty chuan nghah beisei niawm tak hian, "Keichu ka order rawn thleng lova" a ti a, "Counter lamah sawn va lam mai ta che" tiin ka hmaa eitur awm chu ka ei nghal mawlh mawlh.





Ka awmdan atang chuan ka lawm lo a ni tih chu Noelle chuan a hrethiam tih ka hria a. Aw han thian kharhin, "Betty Sasha nen hian hun thawl kan va mamawh" mimawl ber tan pawha hriatthiam theih tur tak hian a han ti a. Betty chuan zak map lo hian, "Ohhh....Ka hrethiam che u. Mahse ka puar hma chu kalsan ka tum lo ania" nuih awrh awrh pah chuan a ti a, Noelle tan pawh chuan tihngaihna a awm hlawl lo ni e.






Kan puar hma chu a puar bik lo aniang chu cafetaria kan chhuahsan rual chuan a chhuak veleh tho a, Brianna call ka dawng avangin damdawiin luh hmain call chu ka chhang a.






"Sasha zanin party-na a i hak tur ka rawn thawn che nia. Tun tum chu khawngaih takin rawn kal hram teh" aih tia ka chhan hlau zet chuan a rawn ti nghal a.






A beisei ang ngei chuan ka kal dawn lo thuin ka chhang a, phone chu ka off nghal hmak bawk.






Party tih vel ka ngaina tehchiam lo a, intihthawven nana bar a kal zeuh erawh nei tho mah ila ka birthday takngial pawn party huaihawt ka peih ngai lo.






Damdawiin chhung lam chu pan lehin counter lam chu ka pan leh chawt a, nurse Emily tak ngial duty a lo awm loh avang chuan lut pheiin ka lo ding ve ta ngawt.





Dik taka sawi chuan khawilai hmun mah hi nuam ka ti tak tak thei lo. Ka ni nghulh a, nitin angai renga hun ka hman vang nge naktuk lo awm leh tur hi ka phur hlawl thin lova, thil eng emaw tak, ka chhungril atanga phurna min pe thei tur ka mamawh ni.





Thawm a rawn awm huk a, counter hmaah chuan nu pakhat hi chiai hmel zet hian form fill up sak tur chuan min rawn ti a. Chutia a hlauthawng leh tap tur hmel ka hmu chu ka lungphu hi a chawl nghal vekin ka hria.





Ka nu hmel mawlh chu ka mitthlaah rawn lang a, thei leh thei lova car atanga chhuak tura min tih lai te chu ka bengah chuan a ri ruai ruai a, a thin zawn chu rawn na hlein ka dawm a, ka hmaa chiai hmel taka ding ai pawh chuan keimah chu ka buaipuiawm tawh zawk.





"Kalsawn teh" tiin Betty chuan min rawn nam sawn dawrh a, ka inrin loh em avangin ka tlu a, chair tlangah chuan ka chal ka zuk toh in a thip zawk mai. Mahse an buai em avangin tumah chuan min rawn ngaihsak lo.





Ka tho a, ngawi rengin ka awm dawm chung chuan staff room lam chu ka pan a. Staff room ka thlen hma chuan ka thi hman dawn hialin ka inhria.




Staff room ka luh chuan hmanhmawh zeta ka locker hawngin ka bag atang chuan damdawi ka la chhuak a, ka ei nghal hmak.





"Enge thleng a Sasha, i tha em ?" tiin Nurse Emily chu rawn lut a, ka locker ngheng chuan pangngai taka thawk tumin chhan pawh chhang lovin ka lo en tawp.






"I lut lai kha ka rawn hmu che a, i tha em... Tinge i chal te chu" tiin min rawn buaipui nghal a. Hahdam taka awm turin thawk min lakpui suai suai a, ka damdawi ei pawh chu rawn thawkin ka thawk chu a rawn pangngai chho ta.




.
.
.
.




Ka awm a nawm zan loh avang chuan ka haw ta ringawt a. Ka tangkai nep bawk a ka awm lo pawh chu a hriat viau ka ring lem lo.




In ka thlen chuan ka room pan tlang nghalin ka inthlak a, bath tub-ah chuan tui vawt zetin ka inchiah a, hahdamthlak viau mah se ka taksa tan a that loh miau avangin ka chhuak vat a. Shower a ka inphuh tir leh hnuah bathroom atang chuan ka chhuak ta chauh.




Ka khumah Silk evening gown hring nghalh lo awm chu ka en a, a bulah chuan box lian vak lo a awm tel bawk a, Brianna in zanina ka hak atana a rawn thawn chu a ni tih ka hrethiam mai.





Box chu hawnga en ka tum zet a, mahse khum atang chuan theh thla ta zawkin gown pawh chu ka theh thla a, ka puan chu hlimin bathrobe nen chuan ka mu zan mai.





Hahdam tak chuan ka mu a, muthilh mai erawh chu a har hle.





Chutianga minute 30 dawn ka awm hnu chuan ka tho chhuak leh ta nge nge a, keima peih thlak ngei box leh gown chu chhar kang lehin ka khai tha a. Ka lo ti duhdah lutuk chu a rawn thawnthu pawh a zahawm zawk lawm le.





Thawmhnaw inbel mawlh mawlhin eng emaw ei tumin room atang chuan ka chhuak a, vanduaithlak takin Leo leh Brianna chu an rawn inzui lut chiah.





Hmu lo derin choka lam chu ka pan ta tho a.





Thil ei tuma kal ni mah ila engmah eitur ka hmu hauh lo a, ka hmuh zawng chu cheese burger, Marnie in ei tura min tih laia ka ei peih loh ka dahthat hmuar chhe tawh chauh chu a ni.





Marnie chu ka au a, he in a hnathawk dang dang hming ka hriat zawng zawng chu ka au va, mahse tumahin min chhang lo.






"Au au mah la tumahin an hre thei lo che" Brianna chuan a rawn ti a, "Engthil nge i tih leh tak. Engpawh ti la ka rawn insawn dawn chuang lo" ka ti nghal a.






"I in a ni tawh lova i duh duh dana rawn khawsak hi bansan hmak rawh" lawm lo zet chuan ka ti zui hmuk a, Brianna lah chuan engtinmah min chhang duh eih lo.





"Sasha!!" Noelle au thawm chu ka hria a, choka tanga ka chhuah chuan ka room atangin a rawn chhuak chiah.





"I tha em? Emily hnen atangin i nuam sam lo tih ka lo hria a" tiin min pan vat a, ka chal hliam te chu enin na dang ka neih leh neih loh min zawt bawk.





Ka that thua ka chhan hnu chuan date tura chhuah a rawt nghal zat a, aw nghalin ka room-ah ka lut a, ka insiam nghal malh malh.





Comment leh ads click kha aw 🦋


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:46 pm

[74'75
by Sammy🦋






Ch><2








Ka that thua ka chhan hnu chuan date tura chhuah a rawt nghal zat a, aw nghalin ka room-ah ka lut a, ka insiam nghal malh malh.




Kawrfual sendang a bahna sin tak chu hain ka sam chu hair clip chuan duhdah zetin ka kilh a. ka hmaiah chuan powder tlem hnawihin ka hmui chu mawm ringawt ka hnawih bawk a, nasa taka make-up hman aiin hetiang lek hian tha ka inti zawk tlat.




Ka nu hi English mi a ni a, ka chhun in ka vun hi a ngo viau a, ka sam chu a buang deuh thang a, sam dum ka awt thei viau lawi a.




Ka kawr rem zet bag chu ka dara batin sandals ka bun a, room atang chuan ka chhuak.




"Wow wow wow..... Ka unaunu hi mawi taka lang turin uchuak taka inchei a mamawh ve lem lo anih hi" Leo chuan a lo ti hluai a, Noelle pawh chuan min lo en uluk hle a, Brianna erawh lawm lo tih hriat zetin a ding run thung.





"Brianna hlim hmel pu ve teh" ka tih chuan a ner sak a, "Khawngaihin ka thusawi hi vawikhat tal i ngaithla ve thei angem ?" a tih chuan, "Ka ngaithla reng lo em ni" ka ti a, ka lawm tehchiam bik lo.





Ka u min treat dan chu hmeichhe sual tak, lepchiah, duhdan taka nunga thunun theih loh thunun tum ang hrim hian min biain ka hria a, a duh dan a min awmtir phet a tum chu ka lawm bik miah lo.





"Brianna ti buai lo mai teh ang. Hun hlimawm tak hmang ang che u" tiin Leo chuan Brianna chu a hruai chhuak ta daih.





"Min en reng dawn nge kan kal dawn" Noelle chu ka en a, "I mawi lutuk tlat" tiin ka kut a la a, fawp zauhin ka inzui chhuak veleh.





A luxury car zawng zawnga a duh ber Ashton Martin nen chuan kan inkhalh chhuak veleh a.




Kan kal fo na restaurant-ah kal lehin nidang ang bawkin kan hun chu kan hmang a. Noelle hi sawiselna ka nei em em hran lova, ka duh ve viau pawhin ka hria. Mahse kan awmdun hian phurna ka nei lova, min chawh phur dan hi a thiam lo nge keimah hi ka dik lo pawh ka hre tawh lo.





Vip room a awm kan nih avangin pawn lama tawng lang lang thawm chu kan hre pha a, wine chu tem hlek hlekin kawngkhar lam chu ka melh zak zak.





"Ka apartment a rawn insawn ve mai i duh em. I in lian taka mahni chauha chen ai chuan kan pahnihin kan awm dun thei anga" Noelle chuan a rawn ti a, wine chu thlit belhin ka in leh hlak a.





"Ka hre lo, ka buai a ni" thawk chhuah hawk pah chuan ka ti a, a thil ei lai chawl meuh chuan min en a, "Doctor ka biak sak dawn che em ni. Phychiatrist tha tak hmelhriat ka nei asin" a tih chuan lawm lo zetin ka melh run a, "Phychiatrist pan tur khawpin mi a ka ni em ni ?" ka ti ram hmuk.





"Thinrim suh, ka ngaihtuah vang zawk che nia" a tih chuan ka ding hluai a, "Toilet kal lawk ka mamawh" tiin room chu ka chhuahsan.





Kut ka sil lai chuan hmeichhe pakhat hi a rawn lut a, darthlalangah chuan in enin a lipstick pherh nian chu a hru fai a, a inhnawih tha mawlh mawlh.





Chu nu chu ka chhuahsan a, mahse pawnah chuan ka rin loh deuhin Christian chu ka hmu hlawl. Tun hunah chuan Amber party-na hmuna awm turah ka ngai a, helai hmunah hian enge tih tur a neih ni.




Ka be lova, min be bawk hek lova. A kekawr ipte zen tutin chiang fahran chuan min en a, a mitmeng paw ram maia nem fahran loa min en reng chuan min ti zam ve hial mai.




A mitmeng hmang chuan min lip vek dawn emaw tih mai turin ka ke ler atanga ka chhip thleng chuan min en a, keipawh chu enge maw ka hriat a kalsawn mai nachang ka hre hauh lo.




"Sasha!" Noelle min ko ri vang chuan ka harh zawk a, ka bag khaiin ka lam panin a rawn phei a, phone a rawn hmang phei bawk.




Ka bul a rawn thlen chuan Christian chu a melh zawk a, kei min en lehin, "Emergency case a awm a, kan kal nghal vat angai" a ti a, hmanhmawh deuh chuan kan inzui chhuak.




Restaurant kan chhuah chiah chuan Betty chu car nen inring takin a lo awm tawh a, Noelle chu a lut mai a. Thut luh ve mai ka tum chu, "Rawn kal ve lo mai rawh. In ah lo hahdam zawk rawh" tiin Noelle chuan a car chahbi chu min pe a, "Ni e, tangkai mang si lovin i lo vei hah mai mai ang" Betty chuan ngeiawm zeta rawn ti vein a tlan chhuak zui a, ka en zui ngawt ngawt.




Thu dik lo ni lo mah se Betty min rawn khum dan chu ka ngei hle a, bakah Noelle nen hun kan hman dun dawn apianga a rawn inlar zat zat thin chu ka haw ru viau.




Noelle-a car chu lak chhuah tumin parking na tang chuan ka tawlh chhuak zal zal a, mahse tum loh deuhin parking ti ve mek tur nen chu ka va nek chawrh.




Car ti ti thi nghalin ka chhuak nghal a, ka car nek khalhtu pawh chu a rawn chhuak ve bawk.




Car chu ka en a, inthiamloh takin ngaihdam ka dil nghal mawlh mawlh a, "Miss Brown..." chupa in a a rawn tih chuan a hmel chu ka en chiang a, Antonio lek.





"Hetah enge itih ?" ka ti ha a, Antonio a ni hlauh chu ka lawm rilru hle.





"Tun tum chu Jaguar hlui zet tawh kha i khalh lo a ni maw" ka zawhna nen inperhsan zet chuan a ti a, ka hamhawih lek lek zawk.





"Enge thil nge thleng a" ka bul lawkah chuan a rawn ri thum chhak a, Christian leh Toilet a ka hmuh tak hmeichhia kha an lo ding ran mai.





Antonio chu ding sawn hlekin, "Buaina tlem a awm deuh lawm maw le" tiin car innekna lai chu a thlek zauh a. Christian chuan thlek zeuhin kei min rawn en leh a, a mitmeng nelawm lo zet avang chuan ka kun deuh lap.





"Pawisa pe la kal ang u" Christian chuan a ti leh nghut a, a kalpuinu chu car-ah chuan a luhpui nghal a, a chezia chu ka haw takzet.





"Miss Brown hei hi la la, a rang leh hem lai chu...." a tih lai chuan, "Ka mamawh lo e" ka ti ve nghat a, carah chuan lut lehin ka start a, chutia ngai pawimawh bik lo na na na chu tiin dim lek lo chuan Christian chuan mekna range rover chu ka mek phei pawk a, ka tlan nghal vawk vawk.





A mize ngeng leh chapo zet chu ka haw hle a, kha mihring kha chu ka damchhunga ka huat ka ring hial mai.





In ka thleng tep tawh tihah chuan nurse Emily call ka dawng hlawl a, kawng sir rem laia car ti ding te tein call chu ka chhang ta chauh.





"Hello! Sasha damdawiinah rawn kal nghal rawh, i pa a harh ania!" phone ka benga ka nawr beh ruala ka thu hriat hmasak ber a ni.





Phone chu dahin car chu ka her a, damdawiin lam pan chuan ka tlan nghal vuk vuk mai.





Damdawiin ka thlen chuan hmanhmawh zetin ka tlan lut a, ka pa room lam ka panin luh ka tum chu nurse Emily-in min lo dang a, pawn atang chuan mittui parawl kuangin room chhung lama Dr. Nas in a en mek ka pa chu ka thlir reng a, tuna ka lawmna hian van a tawng hialin ka ring.





Dr.Nas rawn chhuah veleh chuan ka pa chanchin chu ka zawt vat a, a thaw hak.





"Thil mak a ni tih loh chu sawi tur ka nei lo!" a ti hap a, "Ka pa chu a tha tawh tihna em ni ?" ka tih chuan a lu a thing.





"Tun atan chuan a tha a, mahse a la chiang chuang lo. I hmu thei anga, mahse tawng a la harsat deuh dawn a, thu tamtak sawipui loh hram i tum dawn nia" a ti a, Dr.Nas chu lawmthu hrilhin room chhungah chuan ka lut nghal a, ka pa chu harh tawh mah se a la that loh em avangin oxygen pek reng a la ni a. Min hmuh chuan thei leh thei lo hian a lo nui ve a.





"Pa" tiin ka kuah a, a bulah chuan thuin a kut chu ka chelh ran a, ka pa chu tawng miah lo mah se a mit a meng leh ka thusawi hre thei a a awm hrim hrim chu ka lawm lutuk.





Ka sam chul heuh heuhtu vang chuan ka harh a, ka pa chu lo thu harhin ka muhil lai chu mi lo en reng hi a lo ni.





"Pa" phak chuat chuan ka ti a, ka pa thumal sawi hmasak ber erawh, "Ka tihpalh Bawihi" tihzawng a ni.





"Engmah tihsual i nei hleinem.... Tunah chuan i lo harh leh tawh a, tha takin ka enkawl che a, hlim takin kan awm thei tawh dawn alawm" ka ti a, ka pa erawh chuan lainatna mitmeng hian min en thung ni hian ka hria.





Thawm a rawn awm a, Brianna leh a pasal Micheal bakah Christian te chu an rawn lut a, an hnungah Brianna driver chuan basket rawn khaiin Brianna pawh chuan pangpar dahna basket a rawn khai bawk a.





Brianna rawn kal chu mak ka ti hran lova, ka pa hi a pa a la nih ve miau avangin a rawn kal ngei angai a. Micheal leh Christian rawn tel ve chu mak ka ti zawk.





Micheal a nupui pawh ngaihsak tha hman lo khawpa mihring buai hi helaia ka pa rawn kan tura rawn kal hi ka awih lo hial zawk a, Christian a monu pa damlo hmu tura rawn kal ve ringawt pawh chu chhan ka hre hauh lo.





Brianna chuan ka pa chu kuahin a bulah chuan a thu a, mipa pahnihte erawh chu kekawr ipte zenin an ding tlawn zuah.





Brianna in hriat seng loh thil tam tak a sawi chuan ka lo khap a, Doctor in tawng tam lo tura a tih thu ka sawi chuan a ngawi ve mai.





Chutah Micheal chuan a nupui pa bia lo awmin businessman ang taka tawngin, "Mr. Brown i lo harh tawh a ka pa nena inthu tiam chu hlen a hun tawh e" nelawmna tel hauh lo chuan a ti a.





"Putar dam lo chak lo tak hmaah hian kha aia nem khan i tawng thei thlawt lo em ni a ?" a tawng ki ang chiah chuan ka ti ve a.





Ka pa dam lo la chak lo tak a ni a, chuvang piahlamah a nupui pa anih vang pawhin zah leh nem tak a be tur chu a ni.





Micheal chuan min melh zawk duhtawk chauhin ka pa bawk chu a en leh a, "He nula hian engmah a la hre lo niin a lang a, i lo hrilh hre thuai dawn nia" a ti leh nghut a, min melh leh zawkim Brianna nen chuan an chhuak nghal.





"Pa enge inthu tiam chu ni a. Tinge Roths chhungkua nen khera intiamna i neih a ?" ka ti nghal a, ka pa dinhmun chu hrechhuak thutin inthiam lo zet chuan, "Tihpalh" ka ti leh hnuhnawh a.





Ka pa chuan ka hnunglam chu en daihin a thaw hawk a, "Ka fanu hi tha taka enkawl turin min tiam rawh" a ti zawi sup.





Ka pa sawi awmzia chu hre lovin hnunglam chu ka hawi nghal a, Christian chuan min lo melh chhuk run a, enge a ngaihtuah hriat a har hle mai.





"Ka tiam thei lo che, mahse i fanu hi a damchhungin ka thlazarhnuaiah a awm ang tih erawh ka tiam ang che" a ti a, ka pa chu hahdam hmel hian a thaw suai suai.





"Lawkin.... Pa ani hi ka neih angai tih sawi hlek suh" ka pa leh Christian melh tawn chung chuan ka ti a.





"Ka rin aiin i hrethiam hma hle mai" Christian chuan a rawn ti a, mangang zetin ka pa chu ka en.





"Pa i fiamthu em? Inneihna hi maw Roths chhungkua nena intiamna chu. Ka nei duh lo!!" ka ti chul a, ka pa dinhmun pawh chu ka ngaihtuah chang tawh lo.





"Bawihi..." ka pa'n a ti dek dek chu, "Ka duh lo.... Hetiang mihring hi ka duh lo" ka ti vak a, ka pa chu rawn thaw kawkin vawilehkhatah a mu zawi ta hnawk mai.





"Pa... Pa..." tiin ka sawi a, a harh lo. Tap chungin ka pa chu ka au a, a harh thei lo.





Ka mangang ka phi ruai a, Doctor leh nurse rawn luh lai chu ka hre lo.





Ka pa chu room atanga la chhuanin ER ah an nawr lut nghal a, zui ve ka tum chu Christian chuan min lo man bet.





"Min thlah rawh... Paaa!!" tiin ka pa chu ka au zui a.





"Harhfim rawh.... I pa hian tha taka a dampui zel che i duh chuan a thu hi tha takin zawm tawp la, chu chu i tan leh i pa tana tha ber a ni" Christian chuan chiang fek fawk hian a rawn ti a.





"Min thlah rawh!!" ti thawt thawtin min vawnna tang chuan ka tal chhuak a, a hmaiah tak chuan beng sawkin a tawngkam ang chiaha chiang fek fawk chuan, "Nang mihring hi engtikahmah ka nei lo ang che" ka ti a, ER lam pan chuan ka kalsan nghal.





ER pawnah chuan ka ding reng a, ka mittui chu ka hru seng mawlh lo.





Ka pa chuan min kalsan mai ka hlau a, mal takin khawvel hi ka hmachhawn ang tih ka hlau ngawih ngawih.





Nurse Emily chu rawn kalin min rawn thlamuan ve a, mahse engmah chuan ka thla ati muang zo lo.





Noelle chu hmanhmawh takin a rawn tlan thleng ve bawk a, ani pawh chu inzaina room atanga rawn chhuak chiah a ni tih ka hre thei.





Min kuahin ani pawh chuan a thiam ang chuan min thlamuan ve mawlh mawlh a.





Darkar tam fe hnuah Dr. Nas rawn chhuak chu ka hmu a, "Ka pa chu a tha em, a thi dawn lo tiraw ?" ka lo ti nghal vat a, ka hlauthawng lutuk chu Noelle chuan min lo bengdai.





"I pa chu a tha a, mahse chutih rualin thu lawmawm loh a awm bawk a" a ti a, a chawl dat.





"Enge sawi teh...." ka lo ti chul a, Doctor chuan, "A lung hi a nihdan tur pangngai aia zawi daiha a phut bakah a muang a, mihring pangngai lung hi minute khatah vawi 60 atanga 100 thleng a phut laiin i pa lung hi chu aia muang daih chuan a phu a. Chu chuan a thawk lak ti harin thawk lamah buaina a thlen bawk a...." a tih lai chuan, "Chu chu tihdam dan a awm lo em ni!!?" ka lo ti a.





"Awm lo, i pa hian accident tawk loin hrisel tha tak la ni se chuan a lung thlakin rei tak a la dam thei ngei anga mahse...." tiin a chawl leh dat a, a sawi tum chu ka hrethiam vek tawh. Ka pa hian ka duh leh beisei angin rei tak min dampui reng tawh dawn hauh lo.





"A lo harh chhuah leh hunah pawh heng thu hi hrilh lo ula, chhunglam leh pawn lama dim ngai a la nih avangin thu thinthawng thei chu ang phei kha chu hrilh hauh suh ang che u" a ti a, kan bul atang chuan a kalsawn nghal.





Noelle chu tapin ka kuah a, ka khawvel chu a tawp vek nimai hian ka hria.





"I kiangah ka awm reng dawn alawm..." tiin Noelle chuan min kuahin min thlamuan bawk a.





Nithum lai a liam leh hnu chuan ka pa chu a harh tha leh tawh hle a, mahse dam tha tak erawh a ni thei tawh lo.





Ka pa hmuhah chuan ka nui lui hram hram a, mahse ka nun hi a nguai.





Inneih chungchang chu sawi leh a ni tawh rih lova, mahse chuvang ringawt chuan ka thla hi a muang tur ani lo.





Noelle lakah chuan inthiamlohna ka nei lian hle a, Christian chu eng ang pawhin duh lo mah ila ka neih ngei angai dawn tih chu ka hria.





Chu tak chu harsa ka ti a, ka mi duh em em thlauh thla a ka mi huat ngawih ngawih neih tum chu thihna nena insual aiin a nep na ka hre lo.




Kar tam a liam hnu chuan ka pa pawh damdawiin atang chuan a chhuak ve ta a, in lamah nurse leh doctor in an vil reng thung.




Ka pa damdawiin atangin a chhuak tih an hriat veleh Micheal leh Christian chu an rawn lang leh nghal a, tun tumah erawh zahna an rawn lan tir tawh thung.





Pangngai takin ka pa chu an bia a, an rawn kal chhan ang takin tlang takin inneihna chung chang pawh chu an sawi ngei.




Christian nen chuan inbiak falna hun min pein in hnunglam huanah chuan kan kal a, ngawi rengin Christian kal chu ka zui a ni mah zawk.




A ding tih hre lek lova ka kal chu ka va toh dawt a, min lo melh chhuk leh run tawh.





"Engvanga min neih hreh em em nge i nih ?" a tih chuan chhang lovin hmun dang chu ka en a.





"I luhlul tam pauh leh neih che min ti chak zual a ni mai" nui hak paha a tih ka en a, a nui khi sawng.





"I hmeichhe kawp thin te ang lek chu ka ni dawn lo tih hi i hre ang maw ?" ka ti a, a mitah chuan ka en ve kar.







Christian Pov.






Ka hmaa hmeichhia, cho zet a min en reng tu chu ka en a. A landan ringawt chu nelawm viau mah se a mitmeng buang thak erawh chuan a zuamawm viau loh zia a tilang chiang viau.




He hmeichhia hi eng ang nge a nih chiah ka hre lova, mahse ka hriat theih china a mize ngeng leh induhtawk larh hian a lamah min pawt hnai ka ti lo thei lo.




Hmeichhe tamtak ka kawp tawh a, chung zingah chuan mahni nihna chhuang leh induh tawk tak chu an awm nual. Mahse henu ang renga min dek zar tu hi ka la tawng lova, a mitmeng lian kelkawl a min en te chuan engtin emaw tak chhungrilah phurna riau min pe a. Chu chuan ka taa siam ngei duhna min pe bawk.






End of Christian Pov.






"A tha e, min chhang suh" tiin ka inher mat a, Christian kalsan zawng chuan ka pen nghal thauh thauh.





"Kha i ngaihzawngpa kha ka chinfel i duh loh chuan titawp vat ang che" a rawn tih chuan ka ding a, lehhawi lehin ka lam pana a rawn pen ngauh ngauh chu ka thlir.




Ka bul a rawn thlen chuan chiang taka enin, "Ka hrilh ang che, ka mimal nunah inrawlh lo la, i nunah inrawlh ka tum hek lo...." ka sawi lai chuan a kut rawn phar chhuakin min ti tawp a.




Ka sam chu ka benga zep thain, "I mimal nun chu ka zahsak che" tia chawl datin ka beng bulah chuan a rawn kun a, "Mahse ka ta inih tawh dawn miau avangin ka ta chu midang nena intawm ka duh lo ni" zawi fiah em em mai hian a ti a, ka bekah chuan fawpin a ding ngil a, min enin a nui suk. ]



🦋 Comment leh ads click kha aw🦋


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:46 pm

[74'75
by Sammy 🦋






Ch><3






Events pakhat Roths chhungkaw buatsaih a tel tura sawmna lehkha ka dawng a. Kal tum viau lo mah ila Noelle pawhin sawmna a dawn avangin kal ve chu ka tum ta zawk a.





A tih thin dan thoin evening gown pangngai tak ka ha a, high heels bunin make up tlem ka hmang a, ka sam erawh chu ka thlah thung.






Clutch chu lain room atang chuan ka chhuak a, ka pa hmu lehin Brianna car rawn thawn hmang chuan Events neihna lam chu ka pan ve ta a.





Ka kal tur thu Noelle ka hrilh lawk lem lo a, a kal ve tho dawn tih ka hriat avangin ahmunah kan inhmu mai turah ka ngai tawp.





Events na hmun ka thlen chuan media lam mi an tam hle a, camera chu a de chuai chuai reng mai a ni e.





Ka hma chiahah chuan Noelle a kal tih hriain a car atanga a chhuak chu ka hmu pha a, mahse ka beisei loh lutukin car atang chuan Betty a rawn chhuak ve.





Betty chu zei fahran hian camera hmaah chuan a ding vel a, tuna a landan velah saw chuan model emaw actress lar tak ni lova nurse a ni hi rin a har hial mai.





Car atanga ka chhuah ve chuan mipui chu an thum huk a. Ka kawr hakin a khuh loh chin ka hnung a kut lum thur thurin a rawn tawh chuan ka phu zuk a, ka thin chu a phu zawk zawk.




A rim atang chuan tunge anih chiang takin ka hria a, mipui chuan kei ni lovin ka bula ding chu a ni thawm an chhuah huk chhan tih pawh chu ka hrethiam nghal.




Christian chu ka beng bula rawn kunin, eng emaw a sawi a, ka taksa pum chu ka sa chhuak vek nimai hian ka hria.




Ka bekah chuan fawp zuiin, "Amour!" a ti sap a, nui sukin hmalam pan chuan min pen pui.




Spain ram chhunga thil tithei tak nena kan kal dun meuh chuan kan hmaa mi te chuan kawng min kian sawt sawt a, Noelle te chu pawh an bang lo.




Noelle chuan 'enge awm zia' tih melh hian min melh a, mahse amah chu en kanin Betty chu ka en a, Noelle ban chu vuan ranin hnehtu chan chang inti zet chuan min lo melh kar a, chu chuan ka chapona a kai chhuak nimaw lu zo ve vawh tak chuan ka hawi sawn a, Christian chu nui sangin ka han en.






Christian Pov.





Duhawm zeta nui chunga min rawn entu chu ka en a, a hmeltha takzet.




Min cho zeta thu a chhah chhuah thinna hmui chu ka en a, a senno chek a, a ha var rual tha zet rem tak chuan a nui sen sen.




Insum hman lo chuan ka fawp ta ngawt a, hamhaih deuh mahse kan awmna hmun avang chuan aniang chu awm tawp a, keipawh chu ka inla hrang nghal.




Hall chhung kan luh hnu chuan a tal hrang nghal hlawk a, a hmui chu a tuai nghal nawk nawk.




"Min khawih tawh hlek suh ang che" tia kal mai a tum chu ka pawt let a, lam tual lamah chuan ka pawt lut a.




"Mi tenawmpa" tia a phun sap chu ka nuih pui suk.





End of Christian Pov.







"Kha kha mi i vawikhat fawhna a ni em lo ang chu" a tih chuan ka ngei hle a, min fawh lai khan kan pahnih chauha awm chu ni ngat ila ka that duh ngei ang.




"Relax Baby.... I ngaihzawngpa pawhin nuam a tih em saw maw" tiin a thle bak a, a thlek na lam ka en chuan Noelle chu Betty nen bawk chuan ka hmu a, hlim hmel zet hian an la nui zui.




Ka thaw hak a, chutia Betty hlim hmel ka hmu chuan min ti thinrim hle a, Noelle pawh chu engvanga Betty hnaih taka awm reng nge anih ka hrethiam lo.




Music a tawp hnu chuan rang zetin ka kal hrang a, manhattan tray an rawn chawi chu lain vawilehkhatah ka in fai vek a, no dang chu la in ka in fai leh vek.




Mipui che vel chu ka thlir reng a, Noelle chu zawng ru viau mah ila hmuh tur a awm hauh lo.




Betty bula nui har har lo khan thinrim taka inbiak a duh thu a sawi te ka lo ring a, Christian an min fawh ringawt nachhan te leh thil thlen dan sawifiah tura min tih te chu ka ring a, ka laka thinrim viau tur pawhin ka ring a, mahse chutiang chu engmah a thleng hauh bawk si lo.




A reh hmak a, a call ka dawng lova, a message ka dawng hek lo. Be hmasa tur erawhin ka chapona hi a inhnuk hniam thei hauh lo.




Engahmah min ngai lo tihna ania, ka biak hmasak chhan tur ka hre tlat lo.




Wine no hnih ngawt ka in belh leh hnu chuan ka meng phelh phang tawh a, haw tumin pawn lamah chuan ka chhuak a, Antonio cigarette zu khu hlat hlat chunga a ding chu ka hmu a, ka pan hnai.




Min hmuh chuan a cigarette chu a peih thla nghal a, "Tikhan awm lo teh" ka tih chuan, "Mrs. Roths nimai tur chuan zah a phu lawm" a tih chuan ka ner sak a.




"I boss duhtak chuan hmeichhia a awmpui leh tawh em ni ?" ka tih chuan a meng awk a, min chhan tum a a ka ang zuau chu a chip leh hmak mai.




"Ti teh i boss awm loh lai hian bar-ah ka hruai harh ang che" tia a banah kuah mai ka tum chu hnunglamah pawh let zawk ka ni a, ka te ve that.




"Min thlah teh!" tiin ka kawng a vawnna chu phelh ka tum a, mahse a ni tha chu kei wine rui zawi zet hian ka hneh hlawl lo.




Antonio chu a kalsawn nghal a, Christian chuan amah hmachhawn zawngin min tuai her vut a, a hmel nelawm loh lutuk nen chuan ka inhmachhawn ran mai.




Ka tum loh deuhin ka irh uk a, Christian ner sak chu ka hmu.




"Min ten anih chuan engvangin nge min kuah bet reng a ?" ka ti a, ka melh chho ha.




"Mipa pakhat vang leka hetia awm chu a tlawm i ti lo maw ?" a tih chuan, "Hmeichhia min haw ngawih ngawihtu neih luih tlat tum te hi enge i ngaih ve dan" ka ti let a, nui ar arin a biang tawn tawnah chuan ka han dawm a.




"I duh duh ti la, ka chunga i chet dan apiang chu i chunga ka chet dan tur a ni mai" ka ti a, ka sawi zawh rual deuhthaw chuan a darah chuan min pu lawp a, ka te that.


.
.
.
.


Kut beng ri chuan min ti harh hlawl a, Brianna tawng ri ka hre zawm zat.




Ka thu chhuak a, room bang leh ceiling zawng zawng var vek chuan ka mit a ti vai a, ka chhing sawk.




"Engthil nge ni Brianna ?" ka tih chuan, "Tho rawh, inneih ceremony tan nan darkar 6 chiah a awm tawh" a tih chuan ka harh kawk nimai hian ka hria.




Ka meng kawk a, ka awmna room chu ka en kual a ka room a ni lo tih ka hre thei.





"Khawilai hmunah nge ka awm? Enge awmzia !!" tiin Brianna chu ka en a, beidawn hmel zetin min en.




"Vawiin hi Christian nena thutiam inlak ni a ni tawh. Tho vat la, Christian pawh hmu tur chein a rawn kal tep ang" a tih leh phei chuan ka buai vek.





"Thutiam, inneih... Enge awmzia... Pasal neih ka duh reng reng lo!!!" ka ti vak a, khum atang chuan thoin tlan chhuah tum chuan kawngkhar lam chu ka pan a.





Mahse kawngkhar ka hawng chiah chu ka hmaah Christian, Leo leh Antonio chu an lo ding reng tawh.




"Nang hian engthil nge i tih a !!!" ka ti tuar a, Christian midang chu a melh kual a, kan pahnih tih loh chu an chhuak diak.





Christian chu room chhungah chuan rawn kutin kawngka chu a khar ri khap a, ka lam pana a rawn kal chu kei ka lo tawlh hnung hrat hrat.





Khum a awm avang chuan ka ding dat a, Christian chuan engmah sawi lovin chiang zetin min en a, min pan hnai zel.





"Min rawn hnaih tawh hlek suh" ka ti tuar a, a engahmah chuan a thawk eih lo.




Min rawn pan hnaih zel avang chuan kawngkhar lam pan chuan ka tlan leh thut a, mahse ka banah chuan a ban leh hman tho nia!




"Min thlah rawh!!" tiin ka ban a vawnna chu ka seh sak a, a kut pakhat chuan ka khabe hmer vakin amah en thei tur chuan min kuai dak a, ka hmuiah chuan na zetin a rawn fawp.




Duh lo zetin a hmuiah chuan ka lo seh a, inla hrang vutin min en a, "Mi tenawm...." ka sawi zo hman lo ka hmuiah bawk chu rawn fawp lehin ka khabe chu a hma ai na chuan a hmer a, ka hmui chu chip tum eng ang mah ila a theih hlawl lo.




Ka ka chhungah chuan a lei a rawn hawl lut a, a hnuah chuan ka khabe a hmerna chu thlah dul deuhin dam deuh zawk chuan mim fawp ta a, mahse chutah tak chuan a leiah chuan ka seh sak.




"Fuckk!!" a inla hrang vut a, rum zetin min rawn melh zui.





"I ha kha phawi sak vek i duh anih loh chuan ching tawh hauh suh ang che" a ti ram hmuk a, ka bana kaiin bathroom lamah chuan min kai kat nawk nawk a. Bathroom chhungah chuan a theh hian min theh lut a, "Darkar khat hun i nei" ti leh hmukin bathroom kawngka chu a khar ri bur.





Thinrim zetin ka thawmhnaw hak chu ka hlip sawk sawk a, shower chu inphuh tirin ka ding reng a, number chu chhiarin darkar khat tlin hma chu ka ding reng dawn a ni ringawt.






Christian Pov.






Ka hmui kak hlek chu ka en a, ka khi suk. He mihring luhlul leh pawisak nei miah loin min hip tlat hi mak ka ti a.





Hmeichhe dang ang lo taka min sual let ve kha kha thin hian phurna nasa tak min pe a, ka ta siam hlan min ti nghakhlel tawh viau.





Darkhat chiah chiah hnuah bathroom kawngkhar chu a rawn ri rak a, Sasha chu rual ngal ngat hian a rawn pen ta thauh thauh mai.





A sam buang thang chu huh kir chiatin a darah chuan a liam a, a hmawra tui far chu a awmbawr kawh lahah chuan luang thlain a hnuailam a pan zel a.





Godd!!! Tunah hian hmangaihna chenpui mai lo tura ka insum nasat zia hi.





Ka taksa a danglamna nasa tak thlen mektu lah chuan a taksa ruak kung chu zak map lo leh a chhuang zawk emaw tih mai tur chuan a rawn pen pui thauh thauh a.





Chhuang pawh ni se a awm viau e, a mawng bawr vawng lah leh a kawng fek te, a bawp sei thlerh thlawrh hmanga a pen dan te thleng chuan zun an nei emaw tih tur khawpin lung a ti awi miau alawm.





"Min en reng dawn anih chuan i lo va chhuak thei ang" a rawn ti khauh va, ka aw thian kharhin ka che lai lek lek mai.






End of Christian Pov.






A thutna atang chuan a ding hluai a, hawisawn pah chuan a aw thian kharh a, a awmdan chu mi a ber tan pawh a hai der theih lo.




Hetia ka chhuah hi a ring miah lo tih chu ka chhuah tir a min en dan atang khan a hriat a, hmeichhe mamawh tak nia ka hriat Christian Roths hian tihluihna hmang pawha min khawih a tum eih lo chu mak ka ti hle bawk.




A bana sana chu thlek vutin, "Darkar 5 hun i la nei a, nangmah buaipui tur ka rawn tir ang" a ti nghut a, chhuah tum chuan kawngkhar lam a pan zui.




A chhuah dawn tepah chuan rawn lehhawi lehin, "Tha takin awm ang che" a ti leh nghut.




Ka hnar tum datin khuma underewear set lo awm chu ka hmu a, a sen tha vawt vawt hle mai.




Ka'n ha a, ka size dik thlap a la ni zui.




Chu roomah chuan hmeichhe thil a kim phian a, khawilai hmunah nge ka awm hre hauh lo mah ila tuna ka awmna room hi chu ka duhthusam a ni.




Ka sam ka chhem ro tir lai chuan Brianna bakah hmeichhe pahnih leh mipa pakhat an rawn lut a. Christian mi rawn tirh te chu an ni ka ring.





Brianna tih loh zawng chuan min buaipui nghal sap sap a, Brianna chuan inneihna kalpui anih dan tur te min hrilh a, Spian mai bakah ram dang atanga thil ti thei tak tak an rawn tel dawn thu sawiin atthlak taka che lo turin min ti a, min chhuahsan zui.





Eng ang pawhin duhlo teh mah ila Christian chu ka neih tho tho angai dawn tih ka inhre chiang a, mahse tunah tut tut a ni erawh hi chuan min ti hamhaihin inrinna hun min pe lo a ni e.





Inneihna hmunah chuan media lam sawm an ni ngei dawn a, zanin atang chuan Sasha Brown atangin Sasha Roths tih ka ni dawn a, he inneihna hi ti ti tam ber a ni ngei ang.





Chung zawng zawng aia ka rilru a awm ta chu Noelle a ni.





Vawikhatmah min be lova, ohh.. tunah hian ka phon khawiah nge a awm pawh ka hre lo.





Ka phone chu ka'n zawng leh nghal chuk chuk a, ka mutna khumah chuan a lo let bal.




Ka en chuan a battery a lo thi hmak zui a, tih ngaihna a awm loh avang chuan khumah bawk chuan ka theh thla leh tawp.





Inneih chungchangah hian reaction ka nei lova, thil thleng ngei ngei tur a ni tih ka chianna hian eng emotion mah min neih tit thei hek lo.




Engatan mah ka ngaih loh ang bawk hian Christian hian min ngai pawimawh lo ve se ka duh ber a ni mai.





Darkar hnih zet hnuah make up chu an khawih zo hram a, ka duhdan ni chiah lo mah se hun a duh rei em avangin ka sawisel hran lo.





Ka kawr hak tur a rawn thlen chuan ka duh lo leh pek viau a, ball dance kawr ang maia a puk hluai vang a ni. Mahse..... Engmah chu ka duhdan a thleng ta lo sa sa tiin chupawh chu sawi sel lovin ka ha leh mai.





Darkar khat zet keimaha ka thut leh hnu chuan Christian chu a rawn lut a.






"I nalh hle mai" ti a min rawn pan hnaiin ka biang chu a rawn chul a, "I sawi kher ngai lova ka hriat sa a ni" tia ka hawisawn chuan a nui hawk.





"I lei hriam dan en hian khum laizawl a i chet dan tur hriat a chakawm hle mai" a tih chuan ngei zetin ka melh a.





"Inneihna hi ka pa ka ngaihtuah vang chauha thleng tur a ni. I nupui chu ka ni ngei anga, a tak ram thlen pui tumna che rawh ka nei lo" ka ti ram hmuk a, min nuih khum suk duh lek.





"A tha lawm, mahse ka nupui inih hnu a mipa dang an awm anih chuan..." tiin a ngawi a, engmah sawi zui lovin a chhuak nghal.





Minute 30 dawn velah chuan Leo a rawn lut leh a,



"Khawvela hmeichhe vannei ber i ni!" tiin ka chalah chuan a rawn fawp a, "Tha takin awm la, Christian hi ring tawp la a nimai" a tih chuan a thusawi chu ka bengkhawn tha duh eih lo.





"Ka unaupa nge Christian thiantha ber i nih zawk pawh ka hre lo" ka ti hap.





"Lo kal rawh le, mi zawng zawngin an nghak tawh che a, inneihna tan a ni tawh dawn" a tih chuan ka en ha a, "Ka pa a awm ve em ?" ka tih chuan, "Awm ve e....mahse vanduaithlak takin keiman ka hruai dawn thung che" a ti a, ka thaw hak.





Ka pa chu a ke ding tur pawhin puih ngai a ni a, a thut hmun atanga midang kuta hlan ka nih lai chu thlir thei chauh tur a ni.



]


🦋Ads click leh comment kha aw 🦋


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:46 pm

74'75
by Sammy 🦋







Ch><4






Mi zawng zawng mit chu keimahah chuan a fu thup a, Christian pawh tiamin.





Ka pa lam ka hawi a, chhuan hmel zetin min lo en a. Ka rilruah chuan khawvel a ka mihring huat ber neih ngai tur khawp hian eng thu chiah nge ka pa hian a lo tiam ang tih a rawn lang a. Mahse chu chu lo hre ta pawh ni ila tunah chuan a tangkai ber tawh hauh lo. Christian dinna hmun kan thlen chuan chu thu tiam chu tih hlawhtlin vek a ni tawh dawn tlat.





Inneih hunserh chu tan a ni a, ka tana ni pawimawh leh hlim ber ni tur ni si-ah hian hlim hmel ka pu hleithei der lo.





"Nui rawh tum vuau lo khan" Christian chuan ka beng bulah a rawn ti sa sa a, ka ngaipawimawh eih lo thung.





Zanah tui takin ka mu a, zing ka harh leh chuan pasal ka neih ni a ni der. Tunge nuiin hlim thei ang?





"Nupa in ni tih ka puang e" tih ri ka hriat chu ka awih lo rum rum hial a, "Tunah chuan mopa khan monu i fawp thei tawh ang" a tih phei chuan ka ner ru sak. He inneihna aia lem hi a awm chuang hian ka ring tawh lo.





Ka hmai khuhna veil chu hlipin Christian chuan min en vang vang a, "I hmeltha zual hle mai Amour" a tih chuan zawi fiah tak siin, "I tih tur chu ti rawh" ka lo ti nghut a, nui suka rawn kun hniamin ahma a lo tih tawh loh dan ang tak chuan dam leh zei zet hian min rawn fawp ta a.





Chutia min rawn fawh takah chuan mak tak maiin ka chhungrilah hian engtin emaw tak a awmin ka inhria a, mahse a inlakhran ruala a reh leh nghal avang chuan ka hriat sual anih ka ring e.





Pawnah chuan nui sanga lawmpuina min lo hlan tu an awm nuk a, tute nge an nih erawh ka hre hlawm lo.





Thla la tute hmaah chuan inhmangaih tak angin kan ding a, min lo hmu tute tan chuan inhmangaih viau te pawh kan ang ve ang.




Brianna, ka pa leh Leo lo ding reng chuan min rawn kuah a,
mercedes dum mawi em em in a min lo nghahna lam chu panin car chhungah chuan tum vuau chungin ka lut a, kawngkhar pawh chu na zetin ka khar bawk.




Driver awm tura ka ngaih laiin a awm hauh lova, car seat hnung zawka thu chung chuan driver seat a rawn thu Christian chu ka lo melh rawm rawm a.




"Kha doctor kha i ngaihtuah anih chuan i thluak tereuhte atang khan paih bo nghal ang che" a rawn ti nghut a, Noelle chu ka hrechhuak veleh chiah a, inneih hunserh chhung zawng khan ka lo hre chang tawh hauh lo.




"Car kha khalh la kawng chiah en rawh" ka tih chuan min rawn melh zawk a, "I sawi ang chuan le Amour" ngeiawm zeta nui chuan a ti a, car chu start in kan tlan chhuak nghal.





Noelle chu ka rilruah awm a, tunah chuan pasal ka nei a ni tih a hre tawh ngei anga. A hamhaih a, a hrilhhai ve viau ka ring.




Anih loh pawhin kha Betty nen khan an nui leh maithei bawk!





Hah.... Engemaw ka ngaihtuah ni. Betty nen lo nui pawh nise sawi theih ka nei lo, ka phenah khan inkawp reng thin pawh nise a rinawm zawk pawhin ti hian pasal ka nei a ni a, mahse thiam loh chang hul hual tur erawh chu ka ni bik lo.




"Khawnge kan kal dawn ?" reife ngawi reng a kan thut hnu chuan ka tawng ta nge nge a, min chhang dawn lo emaw ka tih hnuin, "Ka Villa-ah zanin kan awm anga...." a rawn ti a.





"Honeymoon hmang tura hmun dang kal tih vel kha a ngai lovang. Ka sawi tawh te atang khan honeymoon hman chu tul ka tih kher loh zia i hria ang chu" ka ti duah a.





"Ni mai lo e Amour.... Ka duhna hmun apiangah ka hruai che anga, ka ta i ni a, zanin hian ka ta i nih zia ka fiah bawk ang" zam map lova a rawn tih chuan, "I zak thei lo!!!" ka ti hluk a.






A tawngkam hman duhdan chu ka ngei viau a, a thuhnuaia min dah a tum lutukna chu ka haw nghal hlur.





Kan tlan zel a, kawng sir a sign board intar atang chuan Malaga lam kan pan tih ka hre thei.





"He car-ah darkar tam fe chuangin Malaga lam min pan pui i tum thu sawi hlek suh!!" ka tih sawi 'ka sawi tum tak a ni' ti niawm hrim hian a rawn nui chhuak a.





"I Jaguar hlui tawh zet ai kha chuan han thut vel pawh kha a la nuam zawk tal alawm tiraw ?" a rawn tih chuan chhan pawh ka chhang peih lo.




Thu tum hmukin kan tlan pelh tak te chu ka en zui a. Hetiang car hmang hian Madrid atanga mel tamtaka hla Malaga lam min panpui a tum chu a ni a, he mihring ni lo ramsa zawk a ni. A anpui ramsa ang chiaha min enkawl a tum emaw ni.




Ka lo muhil a ni ngei ang ka kang delh delh nia ka hriat chuan ka harh hlawl a.




Ka ke ka han mat awt chu ka phu zawk a, Christian min pawmna atanga tlak hlau chuan a dar pharh hlai zet chu ka vuan nghal tang mai.





Christian chuan pangngai takin min nghat tha a, kan awmna hmun ka han en vel chuan airport a ni tih ka hre thei.





Thlawhna atanga chhuah chiah nge lut tir chiah zawk kan nih pawh ka hre lova, tun ang dinhmunah hian engtin nge tuitakin ka muthilh theih zawk ni.





Christian chu ka en a, "I duh tawk i en zawh tawh chuan kan kal dawn em ni ?" a ti a, ka hnar ka tum dat.




A kal chu a hnungah chuan ka zui a, airport chhuahsan zawnga kal kan nih avangin thlawhnaah tang chuan kan chhuak chiah anih hmel. Hah... Thlawhna kan chuan chhung zawng pawhin ka muhil ania, rapthlak zawk hian.




Ka mihring hmuh te atang chuan French-ah kan awm tih ka hre mai a, Malaga lam kan pan kha a ni a, helai kan thleng leh daih chu amak zawk.




Airport kawt a Ferrari 250 GTO leh a bula mipa, keia upat hmel fe tur lo ding chu ka hmu a, ka rin dan chiahin Christian chuan chu lam chu min pan pui ngei bawk.




Car bula lo ding chuan zah hmel takin chibai a buk a, min hmuh chuan a hamhaih hmel deuh nain Christian ang chiah chuan zah hmel takin a lu min buk khum a.




Christian chuan car kawngkhar chu min hawn vel thlap mah se car chu ka hel kual a, a inkhar lam atang chuan keimah ngei inhawnin ka lut thak.




Christian thaw hak ri chu ka hria a, a rawn thu lut ve nghal bawk.





Ngawi rengin kan thu a, darthlalang atanga driver in min rawn en leh zawk zawk thin chu ka hmu.




"Ka nupui anih hi Martin!" Christian chuan a rawn ti nghut.





Christian lam chu ka hawi a, lawm lo tih hriat lutuk a min lo en reng avang chuan ka hawisawn leh vat.




Car chu Hotel kawtah a ding a, Christian a chhuah rual chuan ka chhuak ve nghal.





Hotel building chhunglam pana a kal chu ka zui a, Martin atih driver pa chuan kan bungrua chu a rawn keng thung.





Hotel staff thenkhat chu hmanhmawh takin kan lam pan chuan an rawn kal a, Christian chu zah takin chibai an rawn buk hlawm.





Hmeichhia pakhat chuan kun nachang pawh hre lovin Christian chu a en reng a, "I mit kha i la duh anih chuan hawisawn vat rawh!!" ka lo tih bul hmuk takah chuan a kun nghal lap a, an zinga thu ber tur niawm tak chuan ngaihdam a dilsak nghal bawk.





Enge khatia ka tih kher chhan kha ka hre lova, mahse khatia mit tla lek lova Christian a en khan min ti lawm lo hle ringawt mai ni.





"Mrs. Roths ni tur chuan a tha mah mah lo maw" Staff ho zawng zawng hnung atang chuan a rawn ri lang lang a, tu pawh ni se a aw ki atang chuan boruak ngam tak a ni phawt mai.





Rawn au lang lang tu ngei ni tur chu kan lam pan chuan a rawn phei a, martini no a ken chu a lem leh hlek.





Tunah chawhnu lam dar 3 chauh a ni a, zu lam ngaina tak anih ka ring.




Kan bulah chuan rawn dingin ngun thluk zet hian min en a, nui sukin Christian lam chu a en leh a, "Nupui i neih thu ka lo hria a, khawngee ?" tiin a hawikual a, a chet dan chu ka ngei kher mai.




He mihring hmelhriat ho hi amah ang a chapo leh inlavung tak vek an ni ngei ang.




"Uang lo teh Roland, thlawhnaah kan rawn chuang chau viau ania" Christian chuan nui chung hian a ti a, engah nge nuihna tur a hriat bik ni.




"Bienvenue frère" tiin midang chu an rawn lang leh a, Christian chu rawn kuahin a nuih huah huah mai.




"Hei hi en mi ?" tiin min rawn chibai ve a, pangngai taka min chibai avang chuan ka chibai let ve hram.





"Sasha ani hi Lance anih hi. Ani hi Roland..... Chuan hei hi ka nupui Sasha" tiin ka kawngah chuan a rawn kuah a, min rawm fawh leh thut hlau chuan ka lo inveng deuh.





"In chauh viau ka ring e, kan mikhual te hi an room tur lamah inhruai dawn em ni?" Lance a tih pa chuan a hnunglam hawi zeuh pah chuan a ti a, a nuih reng vang chuan nge ka hmu hmeltha vei phian lehnghal.




Kan room tur lam pan chuan min hruai nghal a, Christian lah chuan ka tlanbo hlau niawm hian ka kut chu a kai tlat.




Room kan luh veleh chuan room dang ka duh thu ka sawi nghal a, mahse ka rin lo deuha a rem tih nghal avang chuan ka hamhaih lek lek zawk.




"Engmah i sawi buai dawn lo em ni a ?" a tih chuan, "I mimal duhdan ka zah sak che ka tih tawh kha" a ti a, "Room dang chu ka'n buaipui nge" tiin a chhuak zui vut.




Ka en zui a, a awmdan chu ka rin loh dan daih a ni.




Ohh! Hriatchhuah ka nei. Room khata kan awm anih te chuan tu hmeichhia mah a rawn hruai lut thei dawn hleinem maw le! Inneih hma lam khan a tak ram ka thlen pui loh tur thu kha ka sawi chiang viau a, chutiang anih te chuan hmeichhe dang a mamawh dawn reng a. Tenawm hian!!




Rei lo ah hotel staff pahnih an rawn kal a, ka bungrua vel chu chu room bul chiahah chuan min dah sak ta a. Christian awmna tur room nen chuan inhnaih viau mah se pawi hran lo. Zan lamah a hmeichhe rawn hruai nena thawm an nei ring viau anih tak leh ka beng te pawh ka hnawh tawh nga nimai. A bula ka awm lohna tur anih phawt chuan atha vek e.






Room chu a nuam viau a, miin a duhdan taka ama room tur a chei tir a ang mah zawk.





Khum sir ding lamah chuan sofa pahnih a inhung a, a hung bangah chuan sana lian leh man yo hmel zet a in tar bawk a. Closet lian tha tak leh curtain zar hlai pui te chuan he room hi mi mai mai thlen theih lohna room a ti chiang a, a room te hi a rimtui veng veng hialin ka hria.





Ka thawmhnaw ken te chu ka han phawrh a, mahse thawmhnaw tih tur pawh a ni lo. Lingerie sexy zet zet, mut kawr pan sexy zet zet a ni a. Ka suitcase chu ka zip phui leh hmak.





Keimaha ka khung chu ni se heng hi ka khung hlawm lovang, tu lo khung hlawm nge maw ni.





Christian chu a lo let tawh ringin a room-ah chuan ka lut phei a, mahse a lo la let hauh lo. Hepa hi(h)!!! Nawm chenna hmun lam a pan nghal a ni lo maw!??





Aaa... Chutiang ka ngaihtuah peih lo, ka thawmhnaw hak tur zawk chu a ni.




Pawisa engmah ka nei lova, ka purse emaw phone pawh engmah ken ka nei lo.





Christian chuan shirt te deuh leh boxer emaw pyjama tal a keng ang tiin a suit case chu ka hawng a, boxer chu a awm ngei a, mahse shirt lam reng ka hmu lo.





Kamis, silk blouse, linen blouse bakah kawrlum phiar te ni ka hmuh ni. Hepa hian engatan nge kawrlum phiar te hi atih ni.




Tihngaihna a awm ngang loh avang chuan silk blouse chu ka la ta ngawt a, ka room lam chu ka pan leh.





Ka duh tawka rei bath tub a rei ka inchiah hnu chuan ka intifai pangngai a, bathrobe nen bathroom atang chuan ka chhuak.





Staff pakhat hian khum a lo siam a, min hmuh veleh chuan a thil tih lai chawlin a kun nghal a.





"Tih zawm rawh" ngai pawimawh lo fe chuan ka ti a.





Dressing table a hair dryer lo awm chu ka sam tih ro nan chuan ka hmang a. Ka vun a hnawih tur tal chu an lo dah dik tawh ang tiin ka suitcase chu ka hawng leh a, an dah dik ta hram e.





A tawp berah chuan Christian sik blouse ka lak chu ka ha a, a kawr anih vang nge a rim a nam chak hian ka hria a. A rim nam chu ka duh hauh lo. Room a awm sa lost cherry chu ka inkap ta ngawt a, mahse a inchhirawm loh viau.





A rimtui chem chem a, a rim chuan mi a hip veng veng nimaiin ka hria.




Ka inthlak zawh vek hnuah khum bul dawhkan a dah land line chu ka en a, ka damchhung hetiang khawvel changkang tawh lutukah hian hetiang hi ka hmang ang tih ka inring pha lo.





Kan in a ka room-ah khan awm ve tho mah se hun mawi angah bak ka ngai ngai lo kha nia, dinhmun a zir miau lova tunah chuan a tangkai dawn ta zek mai.





A tir atanga ka tum danin Noelle number chu ka chhu ta malh malh a, mahse phone chu a ring ngei a, Noelle zawk chuan a la thei lo thung.





Vawi thum ngawt ka call hnu chuan a la la lo cheu a, phone chu ka dan chawrh.





Biak hmasak hreh viau mah ila kan inkarah awm a la awm tlat a, mahse biak tuma biak theih loh na na na chu engmahah ka thiamloh a awm lo ve.





Khumah chuan ka mu duai a, ceiling chu ka en reng.





Pasal nei ka nih tawh si chuan ka nun chuan phuartu a nei tawh tihna ania, aaaa.... engvangin nge maw he inneihna hi ka ngaih pawimawh tehchiam ang ni. Ka duh vanga inneih chu ni ta ila thu hran, mahse he inneihna hian zah pawh a phuin ka hre lo.





Phone ka nei bawk si lo, kawm tur, biak tur takngial pawh an awm lova, chhuak dawn ila hetiang thawmhnaw chauh ha a chhuah chu a ni thei ngang si lo nen mahni a awm cherh cherh chu a khawharthlak ve lam hret zawng a ni e.





Khum atang chuan thoin curtain zar hlai chhah tha zet chu ka pawt kiang a, french window ngei mai chu dim taka hawngin balcony-ah chuan ka chhuak a, ka han hawi kual chuan room balcony dang reng reng ka hmu lova, a plain phei vek. Ka room-ah chauh hian a awm nge ni a side view dangah an dah zawk pawh ka hre lo.





Ka han hawi kual leh deuh chuan ka hnuai chu hotel parking tihna a ni tih ka hre bawk a, hnuailamah kan luh tirh a Christian en rengtu hmeichhia leh Lance chu ka zuk hmu.





"Ka thawmhnaw a hek heuh heuh dawn hle mai a" ka hnunglam atanga rawn ti tu chu ka hriatchian em avang hawi pawh ka hawi let peih lo.






Christian Pov.







"Khawilam atanga i thai chhuah nge ni reng reng ?" Roland chuan la ring chiah lo ni awm hian a ti a, ka nui suk ringawt.





"Hmeichhia hi thutak khuk a khukpui i neih ka lo ring ngai lo va" Lance erawh chuan a rawn ti thung a, hemi te unau hian Sasha ka nei hi an awih hlawl lo a ni ber e.





Lance hi ka thiantha tak a ni a, tuna kan awmna hotel pawh hi a enkawl lai a ni.





"A danglam alawm..." tiin ka nui leh suk a, Sasha thinrim hmel duhawm zet chu ka mitthlaah rawn lang.





"Lalpa leh!! Nang hian i hmangaih a ni lo maw ?" Roland chuan a rawn ti hluk a, chhang lovin ka no chu ka chawi kang zeuh va, whiskey chu ka in fai ta vek.





"Ka han chho nge" ka tih chuan, "Han chho rawh, inneih tharte dinhmun chu ka hria ania" Roland chuan mit min siai zeuh pah chuan a ti a, nui chunga lu thing mat matin room lamah chuan ka chho.





Sasha room-ah chuan luh mai duh mah ila ka room-ah chuan ka lut hmasa ta zawk a, shower zuai zuaiin ka suitcase chu ka hawng a, tu emawin a hai tih chiang takin ka thleh loh dan taka awm avang chuan ka hre thei.






Inthlakin Sasha room-ah chuan ka lut phei a, balcony-ah chuan pawnlam hawi hian a lo ding a, a thawmhnaw hak atang chuan ka suitcase haitu chu amah ngei a ni tih ka hre mai bawk.





Ka va biak chuan a rawn hawi duh thak lova, ka thusawi hria ang pawhin a awm lo. Henu ngeng ngalh thin mai hi chu engtia tih chi nge maw ni.






A bul hnai deuh ka va thlen chuan a rimtui chem chem
a, ka va kuah ta nge nge.





A che chuang miah lova, chutia ka khawih tawh chung pawh chuan ka awm ve tih hre lo ang hmakin a la awm thei nia!!






"Sasha..." a beng bulah chuan ka ti zawi sap a, mahse min la chhang chuang lo.






"Hetia i awm reng dawn chuan hmangaihna chenpui i inhuam angah ka ngai dawn ania!" ka tih chuan, "Enge i duh aaa???" nin hmel zetin en pawh min en chuang lo chuan a rawn ti.






A kawngah chuan kuahin a bekah chuan ka fawp a, ngaitheilo zetin min lo nawr sawn.






"Kan pahnih chauh kan nih lai te hi chuan min hnaih vak thin lo teh" ten hmel zeta min en chuan a ti a.





"Anih chuan midang hmuh zel a fawp che a, midang hual vel kara hmangaihna chenpui che i duh niang maw!?" ngeiawm lam lek lek hian ka ti a.






"Chu thil chauh chu em ni i hriat a i sawi reng. Neng nen kan karah hian hmangaihna pawh a awm hek lo.... Tisa lam taka i mamawh phuhruk lam chu mahniin lo inbuaipui mai ta che. I tih loh dan pawh a ni hleinem tiraw ??" ahma ang chiah a min ten na mitmeng nen chuan a ti a, ka hrilh hai lek lek zawk a ni.






"Enge maw i sawi le ?" ka tih chuan, "Mi thianghlim angin awm suh, mi thianghlim kan ni lo ti kan inhre ve ve alawm" a rawn tih leh lek phei chuan ka bo hu mai.





Henu te hian enge sawi a tum chiah ni.





"Tlang takin sawi rawh!!" ka tih hmuk takah chuan a kut a kuangkuah at a, "Nang hi engtikawng mahah tisa nawmna pek che ka tum lo, ka pasal ang pawhin ka en hek lo che a. Ka duh zawng chu zalen...." a sawi zawh chu ka nghak thei lo. Pu lawpin khumah chuan ka va theh thal thuai. "I pasal ka nih zia ka hriattir ang che!!" amah en ngur chunga ka tih chuan, "Enge maw i sawi le!!" tiin a au nghal tuar tuar.






🦋Ads click leh comment kha aw hmeltha ho🦋


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:47 pm

74'75
by Sammy 🦋






Ch><5





Sasha Pov.





Ka ke pahnihah chuan manin khum mawng lamah chuan min pawt dawr a, hlau zet chuan ka lo rak tuar tuar thung.





"Min thlah rawh!!" tiin tal chhuah tum chuan ka sapatal a, min man nghet em a awmzia a awm hlawl lo.






"I lakah hian dawhtheih leh zaidamna hian awmzia nei lo!!" ti hmukin ka boxer hak chu a pawt thla pawp.





"Christian!!" ti thatin thei leh thei lo chuan ka lo inhup a, it hmel zeta min en na mitmeng chu ka ten lutuk. A duhtawka hmeichhe a zuk awmpui hnuah ka chungah a duh duh dana rawn chet leh a tum ania, tenawm hian!!





"Min khawih suh" tia vawikhat ka tal phat chuan ka tlawh chawrh.





Rum nghutin a kawr hak chu a phelh a, min rawn phih leh lawpin ka kut pahnih chu a la a, a tawn hmak.





"Min thlah rawh.... Christian!" ka ka tanga chhuak tawh phawt kha chu a bengkhawn lo hrim hrim.





Ka bawp pahnih chu man leh lawkin a lamah chuan min pawt hnai hrawk a, engtin pawhin awm ila he mihring hian min khawih lui dawn tho tho.





"Christian duhtawk teh!!" ka la ti ve tang tang a, mahse a kut hrawlpui maiin a ka hmeichhiatna dim baksak lova a rawn khawih chuan a duhtawk dawn loh zia a ti lang chiang viau.





Ka bawp pahnih inkarah chuan rawn inrawlh chhoin a kut erawh ka kap bawrah chuan a la awm reng a.





Min rawn fawh a tum chuan ka hawi sawn a, na zeta ka khabe a hmerin amah en thei tur chuan min her sawk.





Chiang em em a min enin ka hmuiah chuan a rawn fawp a, ka chhang let lova, ka awm tawp.





Ka kap lama a kut a tih chet reng chuan ka ngaihtuahna fim a phatsan tial tial a, eng emaw hian min fan chiai chiai tawh.





Ka lo tal ve leh sek chu, "Awm tha hle hle rawh!!" a rawn ti ram leh hmuk a, ka nghawng leh dar ruang kung te chu a fawp a, a kut pakhat chuan ka awmbawr chu a chul ruai.






A tih ang ang chuan ka awm tawp a, lo tal vel ai chuan a mi khawihna vanga ka taksa danglam tan chu lo dan ka duh.





Ka ngaihtuahna chuan fim takin hre mah se ka taksa erawh chuan min phatsan tual tual mai a ni.





Chutah insawn thla hlekin ka hnute hmur chu a zuk liak zeuh zeuh a, a kut pakhat lah chuan ka mal leh khel bawr vel chu a chul za riai riai a, ka tum hauh lo chuan ka ngik chhuak a. Christian nui suk ri chuan min ti tlawm hle hian ka hria.





Rawn insawn chho lehin a hma ai daiha dam zawk leh ngenngawl tak chuan min rawn fawp a, thiam taka a lei hmanga ka ka a rawn hawl vel takah chuan ka fawp let ve ta nge nge.






Ka fawh let vang chuan nge a hma aia uar sawt chuan min rawn fawp a, ka kut a phuar chu a nghawng a bat chhoin a dar pharh hlai zetah chuan rem lo zetin ka man bet bawk a.





Insawn thla leh hlekin ka awm bawr chu a khal leh a, kan thawk pangngai anga rang leh ring mah chuan kan thaw ham ham tawh.






Hmui huh deuh hlap a rawn hawi chhoh chuan a hmel chu ka hmu chiang hle a, a mitmeng paw ram mai chuan min mamawhna a ti lang chiang viau a, chu thil chu ka mitmenga lang chhuak ve tho anih ka ring.







A thleng ngei dawn!! Christian chu ka en a, "Christian ka la thianghlim ania!!!" ka tih chuan mit meng buai nak hian min en a, mahse a rei lo.





Rawn tawlh hnaiin ka hmuiah chuan dim leh dam zet hian a rawn fawp a, ka beng bul cheta kunin, "Ka dim viau ang che!!" a ti sup.





Mak tak maiin a thusawi chu ka ring nghal thlap a, min tihnat duhna nei lo tur angah ka ngai nghal thlap mai.





Ka kut a phuarna chu a phelh a, amah chu ka lo kuah vat.





A khelah chuan ka bawp pahnih chu min kherh beh tir a, nupa tak tak a insiam hna chu a tan ta.





Na ti anga lan chu duh viau mah ila a na miau bawk si. Te chhuak mai lo turin ka hmui chu ka pet fan fan a, Christian lah chuan a sawi ang takin dim viau mah se a na tho bawk si.






"Christian" ka ti tham tuak a, "Hahdam rawh" tiin duatna mitmengin chuan min en a.






Lukham pakhat chu lain ka kawng zawnah chuan a rawlh lut.




.
.
.
.



Ka sirah chuan rawn muin a lamah chuan min pawt hnai a, ka hmai zartu ka sam chu chul mam thuak thuakin ka biangah chuan a rawn fawp.






"A lehpekah chuan a na tawh lo ang" a ti sup a, kei ka ngawi reng thung.





"Tinge dawt min hrilh ?" a tih chuan ka la ngawi reng a, "A tirah tlang takin sawi la chuan i inpeih hun ka nghak ngei ang che" a rawn ti leh.





"Hmeichhe luck lo leh hmu zo miah lo ah min ngai ang tih ka hlau alawm" ka ti a, a rawn nui hawk.






"Nupa kan ni alawm!!" a rawn takah chuan ka thawl deuh huaiin ka hria. Ni e, nupa kan nia, nupa kara thleng tur ania lawm. Ka chapo lutukna hi tih reh dan ka ngaihtuah a ngai dawn anih hi.






Ka lo muhil a niang ka harh leh chuan khua a thim vek tawh a, khum bula lamp chauh chu a lo engin Christian pawh chu a lo mu tawh lo.






Ka kiu chuan indawm kangin ka hawi kual a, room chhungah chuan Christian chu a awm hauh lo.





Thoin bathroom ka lut a, shower nei leh zuaiin bathroom atanga ka chhuah chuan Christian chu khum bulah, hmeichhe kawrfual khaiin a lo ding vang tawh.






"Bonsoir Mon Amour" ka thawm a hriat rual chuan tiin ka lam chu a rawn pan a, ka biangah chuan fawpin min thlek vang vang.






"Enge ni ?" min thlek nasat em avang chuan keimah in en kual chung chuan ka ti a, a rawn nui ringawt.






"Zaninah kan hminga party a awm a" tiin khum lamah chuan kan inzui phei a, "Mahse chumi hmain dinner pangngai tak kan kil dun dawn nia" tiin a kawr khai chu khumah chuan a dah.






"Lo inthlak la, eitur ka rawn la dawn nia" tiin a chhuak leh daih.






Khuma thawmhnaw hak tur ka hmuh hmuh chu ka inbel ve tawp a, Christian pawh chu a rawn let har lo.






Hotel trolley hmang chuan eitur a rawn nawr lut a, hepa che zia hi ka man thiam thlawt lo.






A changin min thah duh mai awm takin a awm a, a changin italian duke ang maiin a che leh thin bawk a.






"In tur lam chu kan phal vak lo ang" tiin trolley atang chuan ei tur chu a rem sawn mawlh mawlh a, a che chu ka lo en reng ringawt.






Ei tur ka ei mawlh mawlh lai chuan min en reng maiin ka hria a, ka en lahin a plate a lo bih ngur zel bawk si.





"Eng party nge ni a ?" a reh lutuk avang chuan ka ti ta nge nge a.





"Lance leh Roland te buatsaih ania, kan inneih lawmpuina a ni e" a ti tha mai.





Kan tawng zawm leh tawh lova, room kan chhuahsan dawn thleng chuan.





Hotel hall bawk chu party na hmun a ni a, Christian nena kan thlen ve chuan an lo awm nuk tawh mai.






Tumah chu hriat ka nei ve lova, Christian bulah ka ding ve tawp a ni e.





Roland chuan min lawm hlein ka hmuh tirh ang bawk khan a kutah chuan zu no a awm leh vang tawh.





Christian bul atang chuan min hruai hrang a, midang bulah chuan a nupui zawk ang maiin min hmelhriattir zel a.Nui huah huah reng mah se a bul a awm a nuam a, a hahdam thlak riau.





"Zanin chu mikhual kan neih belh dawn tlat" tiin Roland chuan kawngkhar lamah min hruai a, ka rin loh leh beisei loh lutuk Leo, Brianna te nupa leh Amber, Antonio te chu ka va hmu.






Amber chu kan inneih hunserh lai vel khan ka hmu hauh lo a, helaia ka hmu thut chu mak ka ti.





Midang zawngin a English ho inchibai dana min chibai laiin Amber erawh chuan min rawn kuah a, "Ka lawmpui lutuk che Sasha..... Ka awih thei lo hial zawk" tiin hlim hmel zetin min en a.






"Khawnge Uncle Christian hi?" tia min kuahna thlahin a hawikual nghal a, hawi kual pah reng chung chuan min kai hrangin, "Uncle Christian hi amaha thlah fal tur i ni lo asin" champagne no pahnih lak pah chuan a ti a, pakhat chu min pe ve zat.






"Helaia honeymoon hmang tura a hruai nachhan che hi i hria em ?" a no ken lai sawi kual pah chuan a ti a, "Chhan a nei lem em ni ?" chal chuar tap chuan ka ti a, Amber chu a nui hak.






"I hre lo chu a lawmawm viau zawk rualin ka hrilh lo thei lo che" tiin a champagne ken lai chu a in fai vek a.






"Va zawng rawh, Christian chu..." a sawi dawn emaw tih laiin a kalsawn leh daih.






Ka en zui ringawt a, a sawi awmzia chu pakhatmah ka hrethiam lo.






Brianna chu ka bulah chuan a rawn ding zat a, "Hun hreawm tak anih loh ka ring a, tha taka awm i tum dawn nia" a ngaite bawkin a rawn ti leh tawh.






"Naupang ka nih tawh loh hi!!" ka ti a, "Ka hria e... Ka ring che lawm" a ti a.






"Ka pa a tha em ?" kan thusawi thlak thawk chuan ka ti a, "Ani chu a tha e, ngaihtuah suh" a ti a, music chu a rawn ri chhunzawm riai riai.






Brianna chu Micheal chuan lam pui a rawn sawmin lam tual lam chu an pan nghal a, Leo rawn lang veleh zatin lam tualah chuan kan inkai lut veleh nghal.






Leo chu hlim hmel tak hian a nui sang reng a, ka nui lo thei bik lo.





"Eng thil in nge hetiang khawpa ti hlim che le ?" ka tih chuan, a nui ri hawk a.






"Tu emaw ka tawng a..." tiin a ngawi zui leh daih chu mit hmul ka san khum ak.






"En rawh" tiin kan sir lam chu a thlek a, lam pah reng chuan kan sir lam chu ka melh zeuh.






Christian chu hmeichhe pakhat nen hian an lo lam dun ve a, a hmeichhe lampui nen lah chuan an in ei dawn emaw tih tur khawpin an la inhnimhnai zui.






"Christian hi nula mi tak a ni thin a...." Leo in a rawn tih chuan, "Tunah a ni tawh lo tihna em ni ?" ka lo ti vat.






"Hmeichhe tamtakin Christian hi an duh a, an zinga nang a thlang che hi i vanneih asin, chu ai mah chuan ani'n a nei che hi a vanneih takzet" a tih chuan ka thaw hak a.






"Tinge tupawh hian Christian chanchin ringawt hi min sawipui a ?" ka ti a, ka hrethiam lo tupawh maiin Christian chanchin ringawt min sawipui an tum a, eng hi nge ka hriat loh hre tura min duh fako ni.






"A tha lawm ka sawipui lo ang che" Leo chuan a ti ve ta hram a. Mahse hriatchhuah zawk ka nei. Amber khan helaia min kalpui chhan a nei a tih kha maw le. Leo hian chu thil chu a hriat ve ka ring a, mahse hria pawh ni se min hrilh duh angem tih hi a ni.






Lam tual atang chuan kan chhuak a, Roland leh Lance chu an rawn lang ve zat.






"Party chuan i lung a ti awi ang chu maw ?" Lance chuan a rawn ti a, aw tih nan ka nuih seih.






A nui a, hepa hi a hmeltha a, a nuih phei hi chuan a tha lehzual kher mai.





Eng eng emaw fiamthu sawiin kan nui hak hak reng a, Roland bula awm chu a landan aiin a lo nuam ta ber mai.





"Good evening Gentleman..." English aw phawi tih hriat zet hian Christian hmeichhe lampui nu khan a rawn ti a, min hmuh chuan, "and miss..." tiin a nui zui seih a, tuna inti neitu zeta aban a vawn sak mek nupui ka ni tih a hre hauh lo a ni awm e.






"Mrs Roths!!" ka lo ti deuh hmak a, a nui hmel chu tawp riai riaiin mak ti hi a pu ta zawk. Hah... A bula ding ve reng pa pawh hian nupui a neih thu a la sawi bik lo a nih dawn hi.






"Ka nupui anih hi Monica... Chuan Sasha ani hi Monica Baldwin" English chuan a rawn ti a, a english aw phawi chu a la mawi hrep zui.






"Oh!! Ka lo hre lova, ka lawmpui hle mai che u" tiin Monica chuan a ti a, nui sangin Christian chu a melh a, Christian pawh chuan a nuih ve anih chu!!






Ka thik hauh lo, mahse a nupui ka awm ve reng laia hmeichhe dang duh hmel zeta a en chuan min ti tlawm ngawih ngawih.






"Hetah hian in lo awm vek a ni maw ?" boruak ngam zetin Amber chu a rawn lang a, "Kan American nu pawh" lawm teh chiam lo tih hriatin Monica melh chung chuan a ti zui a.






"Sawm loh a rawn kal zinga hmahruaitu i ni em lo ang chu maw ?" Amber bawkin a tih leh chuan Christian chuan a lo khap vat a, Amber hian Monica hi a a ngaithei lo hle tih ka hre mai.





"Sasha i duh duh ti turin zalenna i nei ania" tiin mit min rawn siai khum zeuh a, henu hi ka man thiam hlawl lo.






Lance chu lam puia sawmin lam tual lam chu an pan ta daih a.






"Titeh Sasha.... Zanin atan ka nula-ah han tang teh" tiin Roland chuan a kut a rawn phar chhuak ve a, lo vuan ve vatin Christian ngai pawimawh eih lo chuan lam tual chu a vawihnih nan kan pan veleh.







Christian Pov.






Roland bula Sasha nui hak hak chu ka hmu a, atir atang reng khan an inkawm theih hi ka ring reng a ni.






Ka hnunglam atang chuan tu emaw hian min rawn kuah a, ka hawi let vat.





"Christian..." Monica chuan min lo en kal a, Sasha chuan min rawn hmuh hlauin a thim laiah chuan ka kalpui vat.





"Hetah enge i tih ?" ka tih chuan, "Hotel-ah hian ka awm ve alawm. Lance hnen atangin engkim ka lo hria a" a tih chuan chiang zetin ka en a, "Aw le engmah min hrilh lo, mahse news atangin ka hria" a rawn ti vat. Lance hi ka hrechiang a, tu chanchin pawh hi zawh pawhin sawi mai mai ngai lo a ni a, zawh loh leh lek phei chuan ka chungchang hi engmah a sawi dawn lo tih ka hrechiang lutuk tlat.





"A tha anih chu!" tia kal mai ka tum chu min pawt ding a, "Engtin nge ti hian i awm hmak theih a ?" a tih chuan ka thaw hak a, min vawmna chu ka thing thla a. Ka pen sawn zui.






Mahse ka pen rei lo kher mai, ka hnunglam atang chuan min rawn namin lam tualah chuan kan lut a, kan lam lo thei ta lo.






"Ka hmangaih che Christian!!!" a rawn tih chu ka nui a, mahse lawmna vang a ni hauh lo.





A beng bulah chuan kun hniamin, "Zanin bak i hmel ka hmu leh anih chuan i duh aia rapthlakin i chungah ka che ang" ka ti a, a khawng deuh at.





Thlahin Sasha te dinna lam chu ka pan a, mahse rei loah ka banah chuan rawn kuahin zam map lovin a tawng nghal lang lang.





Sasha mitmeng atang chuan Monica chu a lawm hauh lo tih ka hria a, a thik emaw ni reuh ni.






Ka nupui a ni tih hriat theih ngei tur chuan a inhmelhriat tir a, a inringtawk hmel chu a lawmawm letling zawkin ka hria.


.
.
.
.



Ka rooma shower ka neih hnuin Sasha room lam chu ka pan a, khumah chuan amahin a lo mu ngât mai.






"Enge i rawn tih dawn ?" ka luh veleh chuan a lo ti nghal hmuk a.






"I bulah ka rawn mu dawn maw le" ka tih chuan a rawn tho chhuak zawk a.






"Helaia rawn kal lo hian kha English nula kha zu ngaihven zawk la i hlawhtling zawk ang" a ti nghut a, he nu thluakah hian enge awm thin ni.






"Hetiang hian i thik viau turah ka ngai lova" ka tih chuan a ner nawng a, "Thik aaa!!! Khatiang kha thik thamah pawh ka ngai lo ve" a ti leh hmuk chu ka nui chhuak ta hawk.






"Thik tham a ni lo reng e ka nupui kawlh te" tiin khumah chuan ka thu a, "Roland ka call hmain i room-ah kal rawh" a tih chuan awih lo zetin ka en a, duh aiin a inkawmngaih mah mah dawn niin a lang.






"Roland chuan kei aia thil a tih theih zawk i ring em ni a ?" ka tih chuan, "Lo ti thei lo zawk pawh ni se nang angin a bialnu hlui hmu turin hmun hla tak min hruai ve lo tal alawm" a rawn ti a, henu te hi Monica vang khan a lawm lo hle anih hi.






"Lo kal teh" tiin a inrin hma chuan ka pawt thut a, a chet theih loh nan a ka kherh nghal vek. A khawlh ve ang reng si a, hetia ka tih loh chuan kan insual buai mai dawn tlat.






"I thinrimna chu sawi rawh le" dam deuh zawk chuan ka ti a, "Thinrimna ka nei lo, min thlah rawh" tiin chhuah tum chuan a tal tho tho.






"Tunah hian tihluihna hmanga hmangaihna chenpui i duh a nih loh chuan tha takin mu rawh" ka ti hmuk a, dawhtheih leh zaidam hian awmzia a nei rei thei thlawt lo.



🦋ads click leh comment kha aw hmeltha ho🦋


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:47 pm

74'75
by Sammy 🦋







Ch><6





Sasha Pov.








"Tenawmpa !!" ka tih chuan a nui hak a, "Muttui le Amour" tiin ka hmuia rawn fawp zauhin engmah hre lo ang chuan a mit a chhing zui hmak.





Tang tung chung chuan ka mu a, Roland thil min hrilh te chu ka ngaihtuah.





Hmeichhe dang reng reng laka ka ven a ngaih viau thu kha a sawi a, Roland chauh ni lo an zavaiin chu thu chu an sawi niberin ka hria.






Monica kha a bialnu hlui a ni ngei awm a, helai min hruai chhan pawh hi amah ngei kha anih ka ring.





Chutiang khawpa induh si chuan kei min nei lo hian Monica chu engvangin nge a neih mai loh ni. Ka duh loh zia a inhrechiang a, nge ni a hetia a ruka affairs neih ang chi hi nuam a ti viau zawk.






"Mut hahdam tum rawh" a rawn ti dut a, chhang chak zawk zawk mah ila chhang ta bik lovin muthih tum chuan ka mit ka chhing ta vang vang.






Dar ri niawm tak hian min ti harh a, room chhung chu a eng mah mah.





"Morning Amour" Christian chuan a rawn ti sup a, ka biangaha rawn fawp zauh.






"Eng thawm nge ni ?" amah awm hlat deuh pah chuan ka ti a.






"Roland in mikhual ta tan infiamna a buatsaih a" tiin khum atang chuan a tho a, a lo inthuam nalh leh tawh bik hle.






Shirt body fit a ha a, jeans hain boot a bun bawk a, a landan chu misual rothap pa bawk si ang vel a ni.






"Min en reng lo khan rawn tho rawh le" a rawn tih chuan ka harh zawk a, khum atang chuan ka inperh tho awt.






"Lo intifai la eitur ka rawn lak ang che" tiin a chhuak zui leh nghal a, amak vut vut thin khawp mai.






Bathroom room lut zui nghalin hmanhmawh lem lo chuan ka inbual a, ka chhuah leh chuan Christian chu a lo awm leh reng tawh.






"I suitcase-ah khan thawmhnaw tih tlak a awm si lova..." tiin underwear leh bra a rawn lek kang va va a.






"Dah thla vat teh!" ka lo ti hluk.






Ka laksak sawk sawkin khuma ka hak tur niawm tak a dah chu ka la a, bathroom lam ka pan leh.






"Khang i hmanrua ka hmuh vek tawh kha biruk pui i tum tihna em ni ?" nuihza tih hriat zeta a rawn tih chuan na zetin bathroom kawngka chu ka khar a, ka inthlak nghal sawk sawk.





A te sep chu ka size dik chiah chiah a ni a, hepa hi engtin nge maw ka hak tawk chiah chiah hi a hriat theih ni.





Hnuai lamah chuan a hak ang tho jeans chu hain chung lamah erawh linen blouse a ni hleuh thung a, a thui dan chu mipa lian tak hak tur niawm tak a ni a, a ta a rawn phawrh chhuak leh tawh te pawh a niang.





Bathroom atanga ka chhuah chuan a boot bun ang chu bun atan min lo pe nghal vat a. Hepa hi enge maw a hriat a, in ang taka inthuam tih vel chu amah nen hian a inhmeh lo lutuk.





"Tinge hetia kan inthuam kher a ?" ka tih chuan, "Hetiang inthuam vel te pawh hi kan pahnih inpawh nan vek maw le" a ti a, ka kuta kaiin darthlalangah hmaah chuan min din tir a, ka hnung atang chuan min rawn kuah.






Ka nghawngah chuan a nul thuak thuak a, "I rimtui hman nge nangmah hian min hip pawh ka thliar thiam tawh lo ve" tiin ka nghawngah chuan na zet hian a rawn fawp a, mak tak maiin a thusawi chuan ka awm a ti nuam ringawt.






"Min ngaihsak hi zir deuh la chuan nupa inhmangaih takah kan chhuak ngei dawn maw le" a ti a, chutia a sawi vang chuan ka inthiamlo ringawt bawk a. Nupa chu kan ni ve tawh na a, duhna mita en ka tum ngai lo hrim hrim a, amah hi ka haw hlur anih kha.






"Chutiang sawi reng suh" ka ti hluk a, engpawh nise ka tuang la tih chhah tlat ka tum bur tho. Ka thinlungin amah duh hi lo zir mah se ka thluak erawh hi chuan fim takin a ngaihtuah reng a, helai hmuna min kalpui nachhan zawng zawng nen.






"Breakfast lam chu...." tiin a lak atang chuan ka tal hrang a, engmah sawi zawm tawh bik lovin kan pahnih chuan breakfast chu kan ei nghal mawlh mawlh.






"Kal duhna i nei em ?" a tih chuan ka neih duh loh thuin ka chhang a.






"Roland in mikhual tana intihhlimna a buatsaih chu kan tawiawm ve ka lo ring a" ka ti a, min rawn en zeuhin, "Vawiin chu kan pahnihin hun kan hmang ang ka ti a. I thawmhnaw leia bazar bakah Paris khawpui kan fang kual vel ang chu" a rawn ti a, "Anih chuan Eiffel tower-ah dinner kan ei thei angem ?" amah en kar chung chuan ka ti a.







"A tha lawm...." tiin a tho a, balcony lam chu a pan ta daih.







Ka thil ei lai chu thawhsan ve in ka va chhuak ve a, hnuai lam chu a lo en reng.







Hnuai lam chu ka en thla ve a, mikhual ho chu lo awmin eng emaw ni hi an bial laih a, Brianna leh Amber pawh awm ve in Monica pawh chu ka hmu bawk.







"I duh viau chuan tinge i neih mai loh ?" ka ti a, min rawn en zawk.






"Enge i sawi ?" a tih chuan Monica lam chu ka thlek thla zeuh a.






A khi suk a, ka banah chuan manin min pawt hnai a, ka hnunglam atang bawk chuan min kuah leh runin a khabe chu ka darah a rawn nghat a, hetianga a chet thut thut hian nuam ka ti lo.






"Ka chungchangah i ngaihdan siam zung zung thin suh. Nula tamtak chu ka kawp tawh nain ka nupui tana rinawm chu ka tum ve tlat ania" a ti a, ka khabe a hmerin alam hawi chuan min kuai her a.








Amber Pov.








"An tan khian no i dawm teh ang u" Roland chuan rawn ti thutin a hawina lam chu kan hawi thap a, Uncle Christian leh Sasha infawp lai chu kan thlir thup.






Sasha chu rawn hawi thlain a nui a, Uncle Christian chuan duh hmel zetin a en bawk.






"A tawpah chuan midang tho a ni a thlan ni" Monica chuan midang hriat tham si loh hian a rawn ti a, "Nuam ti taka hun i hmang duh anih chuan min rawn be tawh hlek suh ang che" ka ti hmuk a, ka kalsan nghal.






Sasha hi ka thik a, Uncle Christian a nei thei mai bik hi ka thik ngawih ngawih.






Kan chhungkaw zinga member zawng zawngin Uncle Christian ka duh zia hi an hria a, tumahin ka duhnaah min dal lova, mahse amah ber hian nula angin min en thei tlat lo.






Roths chhungkuaah fanu mal ka nih avangin duat rawn ka hlawh hle a, Uncle Christian pawh hian a laka ka rilru put dan hre reng chung hian min duat hle tho.






Heng ka chunga a thatnate avang tak hian midang tan ka ui a, nupui aneih dawn pawh khan ka pu hnenah neih tir lo turin ka dil hial anih kha.






Mahse ka pu chhun em em tu, ka pu ang chiah a mi luhlul leh a duh apiang neih tum chuan a nei lui leh ta tho.






Sasha hian Uncle Christian hi a ngaina hauh lo tih ka hria a, kan bula rawn chen a hreh danah Roths chhungkua hi min ngaina lo tih pawh ka hria.





Mahse nupa an nih miau avangin Sasha hian Uncle Christian hi a haw rei dawn lo tih hi ka hre chiang a, ani ang nula mi tak phei chuan Sasha hi a hneh vat thei dawn tih ka hria. Chumi hma ngei chuan Sasha in Uncle Christian a huat ngei ka duh a, ka then hrang thei ngei ang.






Monica nen pawh khan ka duh dan takin ka then thei a, tunah hian engvangin nge ka theih loh ang ni. Uncle Christian hi ka nei thei dawn lo anih chuan amah hian a thih thlengin awm hul thak zawk rawh se.







End Of Amber Pov.







Paris khawpui fang kual tur chuan kan chhuak ta nge nge a, khawi hmunah pawh chuan a mikhual lo khawp mai.






Mall lian tak pakhatah min luhpui a, chulai hmunah chuan vip treatin min lo treat.






Christian chuan ka thawmhnaw tur chu thlangin min hak tir zel a, 10 dawn ka hak chhin hnuah a duhtawk hram a, zam map lova underwear leh bra lam a han zawh chuan ka lo sen ap ap.





Dawra thawk nula pawh chuan nui chungin min kalsawn a, Christian chu ka hau nghal.






"Anih chuan lei lo ila i suitcase a lingerie sexy zat zat kha ka tan i ha dawn em ni ?" a rawn ti khauh a, pawisa engmah ka neih si loh avangin ka hnial thei si lova, engmah sawi lo chuan ka ngawi ta reng.






Mall atanga kan chhuah hnu chuan polo match en turin min hruai leh a, ka vawikhat en na a ni a, a hlimawm vei phian mai.






Khaw thim dawnah chuan Eiffel tower lam kan pan a, engkim a inpeih fel sa vek.






Tower chung sang atang chuan Paris khawpui chu ka thlir a, ka thaw deuh ham ham.






"Ka bula hun hman chu hahthlak i ti em lo ang chu maw ?" Christian chuan a rawn ti a, a vawikhat nan nelawm tak chuan ka nuih a, "Ka rin phak bakin a hahdamthlak" ka ti ve sap.






"Nelawm taka i awm khan ka ngaih a tih tha lo zawk dawn e a!!" a rawn tih chuan ka nui hak a, hepa hian a thinlung takin min pawh hi a tum tak tak niin ka hria.






"I nupui nih ka zir ve zel dawn e" tiin ka nui seih a, ani pawh chu a rawn nui ve hak.






Hotel kan let leh hnu chuan inngaih takin ka room-ah kan mu dun a, zan dang aia hahdam zawkin keipawh ka mu ve thei ta.






Christian Pov.






Ka bula thlamuan hmel taka mu chu ka en a, a hmel chuan pawi a sawi lovin a tha hliah hliah.





Ngeng tak leh chapo tak angin lang bawk mah se hneh awlsam tak a ni a, Spain kan let leh hma ngeia inhmangaih tir ka tum viau bawk.





Ka en reng lai chuan a rawn meng hlawl a, a tawlh sawn dawrh.






"Mangtha lo i nei em ni ?" tiin ka pawt hnai leh a, thaw hawkin, "Mut dun hi ngaiah ka nei lo mai zawk a ni" a rawn ti a, ka nui suk.






"Ngaia i neih theih nan a tam thei ang ber kan mut dun angai anih chu" ka tih chuan, "Teuh lo!!" a rawn ti nghal hlur a, a thawh veleh pawhin a kawlh hra mai henu hi.






"Min hnar reng thei dawn em ni ?" tiin a mitah tak chuan ka en a, a mitmengah chuan enge a ngaihruat hriat theih ruakin zamna a rawn lang a, meng khup lapin, "Ka hre lo" a ti hnual ruih.






"Min en teh" tiin a khabeah vuanin ka kuai dak a, chiang zet chuan kan inmelh ran.







A hmuiah chuan dimtein ka fawp a, a khur anih chu!!






Dim leh dam thei ang ber chuan ka fawp a, min rawn chhan leh ve takah phei chuan ka kut pawh a awm hle hle lo chiang kher mai.






Kan inthlah hnu chuan thaw chhuak ham hamin min en a, a mitmenga min mamawh ve na chu ka hai mawlh lo.






Leh thalin a chungah chuan ka awm ta ran a, a hma aia uar hret chuan ka fawp leh a. Hna chu kan tan ta mial mial.


.
.
.
.


A sirah ka leh thla veleh chuan ka kal hran hlau niawmin min rawn kuah nghal chat a, ka nui hak.






Kuah let vein a sam chu ka hui mam a, a duh henu hi.






"Muhil leh rawh, khua a var hunah Italy lam panin kan thlawh leh angai dawn ania" ka tih chuan a meng phar awk a, "Enge kan tih dawn ?" tia a hmui hnuailam hnawm chap a peh zauh chuan insum hman lovin ka fawp leh hram a, a rak hlut.






"Duhtawk chin i neih dawn loh chuan room hranah ka mu dawn ania" a rawn tih chuan nghet zetin ka kuah a, "Muhil rawh" ka ti leh hmak.







"Italy-ah chuan enge kan tih dawn. Helai hi nuam ka ti viau asin" a rawn ti leh a.






"Italy-ah chuan helai aia nuam tih tir tur che thil a tam mai. Helaiah chuan duhaiin hmelhriat i ngah tawh" ka ti a, "Roland leh Lance bak ka hre hleinem..." a rawn ti a.






"Ohh.... I nula khawi American nu pawh" a rawn ti tel kher bawk a. A ngeiawm thiam a ni henu hi chu.






"Khawvel ram zawng zawnga hmangaihna chenpui che ka duh lawm" ka tih chuan a sa teh e.






"Tenawmpa!!! I nula khawi te ang leka min ngai anih chuan min ngai sual chiang chhia va tih hi hre phawt teh" a rawn ti leh nghal hlar a. Ka nui te chu haw zo vekin a tum bar mai.







"Ka lakah thinrimna i neih ve tawh chuan min haw bik em em tawh loh tihna a ni phawt a" ka tih leh lah chuan, "Kan mi ngainat te lakah kan thinrim ngai lo!!" a rawn ti leh hmuk a, tawngkam te lah hi nei tha phian a.






"Aw le ka tlawm e ka nupui kawlhte" ka tih leh chuan min hnung chhawn zawngin a mu sei sir kawm ngat a, nui chungin ka kuah veleh thak.







End of Christian Pov.







Italy lam chu Lance private jet hmangin kan thlawk leh vang vang a, amaherawh chu kan rualin Amber leh Monica an tel veleh tlat.






Amber chuan min be reng a, ka rilruah erawh enge Italy-ah tih tur an neih ve tih chiah a awm thung.






Kan kalna apianga min zui zel an tum chu a ni bik awm si lova. A bikin Monica phei chu ka ven that viau angai ngei ang. Engtiang chiahin nge Christian nen hian an lo inkungkaih tawh ka hre lova, Christian hian duh lo angin lang viau mah se Monica ang hmeichhe nalh leh zei lutukin a thlem phawt chuan a tluk loh ka ring lo. Christian hi ka duh emaw duh lo emaw kan inneihna hum him nan pawha hmeichhe dang hrim hrim laka ka ven angai a ni.






Italy kan thlen chuan hotel pangngaiah nilovin lawng lian zetah min innghahpui a, a sawi danah a ta a ni awm e.






A hausa dawn tih chu hre tho mah ila heng lai daih daih a hetiang aneih hi ka ring pha lo hrim hrim.






"Intihfai nge ei tur lam i duh hmasak zawk ?" a tih chuan ka thawmhnaw ka phawrh lai chu ka chawl dat a.






"A hmasa berah chuan Amber leh Monica kha kan hmu dawn tawh rih lo tih sawi phawt teh" ka ti a, nui sukin, "Kan hmu tawh rih lo ang" a tih chuan ka thaw huai.






"Aw le.... Mahse ei siam ka thiam lova, kan pahnih chauha kan awm dawn anih chuan kan ei chhuah emaw kan chah mai angai ang" ka ti a, "Chuan ka intifai hmasa duh" tiin bathroom-ah chuan ka lut nghal hmak.





Ka chhuah leh chuan room chu a lo reh huai a, inthlak sawk sawkin Christian chu ka zawng a, choka lam niawm taka thawm awmna lam chu ka pan vat.





Christian chu ei tur siamin a lo che buai hle a, ei siam ka thiam miau loh avang chuan a che chu ka lo en tawp.






Ei mai theih tura dawhkana a rawn chhawp hnuah kan ei a, a siam tui ngang mai.





"Hetiang i thiam hi ka ring hauh lo va" ka tih chuan, "Nangai chuan ka hman tlak deuh" ngeiawm zet hian a rawn ti a, ka ner sak.





Zan lama len khawthawn ka duh thu ka sawi dawn lai chuan mipa leh hmeichhe nui hawk hawk thawm a rawn awm a.





"Aww Christian ka unaupa duhtak!!" tiin tlangval sang tha thlerh thlawrh, hmanlai cow boy inthuam dan ang taka inthuam leh amah ang lo taka tunlai taka inchei hmeichhe pahnih hi an rawn lut a. Kan inhmu chu kan ngawi tlang thap mai.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)