74'75 BY Un Sammy (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: 74'75 BY Un Sammy (Completed)

Unread post by Ngaia » March 26th, 2023, 3:47 pm

74'75
by Sammy 🦋






Ch><7








"Aww Christian ka unaupa duhtak!!" tiin tlangval sang tha thlerh thlawrh, hmanlai cow boy inthuam dan ang taka inthuam leh amah ang lo taka tunlai taka inchei hmeichhe pahnih hi an rawn lut a. Kan inhmu chu kan ngawi tlang thap mai.






A phun hluk a, a sawi erawh ka hre pha lo.






"Enge i rawn tih dawn ?" Christian chuan a lawm vak lo a ni tih hriat takin a rawn ti ve bawk a.






"I rawn kal tih ka hria a. Ka unaupa chu ka lo lawm ve che anih hi" atih chuan Christian chu a thaw hawk.






Hnar haw mai chi an nih loh avang chuan an ve ta vang a, Christian chu a lawm lo tih hriat takin a thaw leh hawk thin.






"I nula chu a hmeltha hle mai a..." chupa chuan min en vung vung pahin a ti a, "Ka nupui anih hi..!" Christian chuan a rawn ti chhum hmuk.






"Ohh... Ha haah aww... Mrs Roths maw ?" tiin chupa chu a nui huah huah a, a rapawm lek lek zawk a ni.






"Dominic Vitale ka ni e" tiin a kut a rawn phar chhuak a, nelawm zetin a nui leh ang lawi a.






"Sasha..." tiin ka lo chibai let ve mai.






"Ka unaupa hian nupui a nei tih reng ka lo hre lo va" tiin a hmeichhe rawn hruaite lam chu a melh zeuh a, a ngaihtuahna chu ka man nghal. Heng nula te hi Christian ti lawm tura a rawn hruai tihna a ni.






"Ka nu hnenah rawn hruai i tum em ang chu maw Unaupa" Dominic in a tih chuan, "Ka thu thu a ni. Min chhuahsan tawh ula kan lawm viau ang" Christian chuan a ti a.







"Mangtha mai le, inhun hman kha chhunzawm leh tawh rawh u" tiin Dominic chuan min thlah a, a hmeichhe rawn hruai te nen chuan an chhuak leh.






"Tunge ni a ?" ka ti nghal a, "Mi chuangtlai anih kha!" Christian chuan a rawn ti a, Dominic chanchin sawi zui chu a duh lo tih a chiang viau.






"An ni vang khan zanin hun hi tihchhiat i tum ringawt em ni a ?" ka tih leh chuan a rawn nui lui ta sak a, "Sawi tum kha i neiin ka hria" nelawm deuh zawk chuan a rawn ti ta hlauh.






"Aw... Kan pahnihin kan leng dawn em niang" phur tak chuan ka ti a, "Va insiam la kan chhuak dawn nia" a tih chuan room lam ka pan nghal vat.







Short jeans chu hain Christian shirt chu ka ha a, pawi a ti em lo turah ngai ang.






Kan chhuah dun ni a awle vun ngata siam boot min lei chu bun bawkin ka bag chu ka la a room atang chuan ka chhuak.






Christian chu inring tak hian a lo ding vang tawh a, kan inchei dan chu a lo in ang deuh chiah mai.






"Eng emaw tak hi chuan inzawmna kan nei alawm" tiin a nui suk a, keipawh ka nui ve hak.







"Kha le..." tiin ka phone chu min pe a, ka lo la vat.






Mahse a thih tho si avangin ka keng ta chuang lo.






Mi hausa tih takah a restaurant hriat leh eng hmun emaw ni ah min hruai a, a duhtawk viau.






Kan let leh hnu chun shower neiin ka mu hmak a, ani erawh chuan khawi atanga lo chhuak nawlh nge tih pawh hriat loh laptop a inchhawp ran a, hna a thawk te pawh a ni mahna.






Thil rimtui zet hian min ti harh a, room pawn lam atanga rawn chhuak a ni.






Thawh mai ka han tum chu ka bulah Christian a lo mu reng a, mak ka ti viau.







Room pawn lamah chuan hla a rawn inplay riai riai a, kan pahnih lo midang awm ka hre si lova, mak ka ti viau mai.







"Harh teh.... Christian" tiin Christian chu tih harh ka tum a, a rawn rum tuah tuah.






"Mu mai mai teh" tiin a inlek thawk.






"Tho rawh ka tih chu...!" tiin a darah chuan ka seh a.







"Ei-ah..!" tiin min ka chalah a rawn nam dak awr.







"Tho rawh, room pawnah sawn midang an awm ania" tiin ka lam hawi chuan kuai leh ka tum a, che phutin min lehthal a, ka chungah chuan a bawk run.







"Tho rawhhh!!! Midang an awm ve ka tih chu!" ka tih chuan a chal a chuar tap a, thawm chu hre zawm vein ka chung atang chuan a tho nghal thurh.







"Rukru an lo lut em ni ang ?" ka tih chuan, "Lo intifai rawh" tiin room atang chuan a chhuak nghal daih a, a thusawi ngai pawimawh lo chuan ka zui chhuak ve nghal.






Hla chu choka lam atang chuan a rawn inplay riai riai a, Italian tradition hla niawm tak a ni.







Christian chu chokaah chuan a lut a, ka zui ve zel.






"I lo harh tawh a.." tiin nu pakhat hian Christian chu a lo nuih sang a, Christian hnunga min hmu tel chu hmuh mi beisei lo hle tih hriat takin a meng awk. Keipawh chuan mak ka ti viau. A hmel en mai chuan kum upa tawh lam tih a hriat a, Christian ngaihzawngte zing ami chu anih ka ring lo.






Mahse midangte ang bawka ama ngaia helaia rawn kal anih ka ring a. He mihring hian tinge maw tlawhtu hi a neih awl theih lo. Khawi hmunah pawh hian amah lo ngai ngawih ngawihtu hi a hung fer fur anih dawn hi.







"Hetah enge i lo tih ?" Christian chuan a ti a, "Dominic hnen atangin i rawn kal thu ka lo hria a" chunu chuan dam zet hian a rawn ti a, Dominic hming a lam tel si a, Dominic, Christian in a ngaih theih loh zet nen khan inzawmna an nei a ni phawt anga.






"I pasalin helaia i rawn kal hi a hria em ?" Christian in a tih chuan ka lo hawihai ang reng hle a. Henu pawh hi a ngaizawng tho tihna em ni??






"Ka duhdan a nung ve thei ka ni alawm. Min inhmelhriattir dawn lo em ni ?" chunu chuan a rawn ti leh a, "Ka nupui anih hi" Christian chuan a ti ro hak.







"Kal vat zawk la a tha ang" Christian chuan a ti leh a, an inbiakna chu ka hrethiam ve map lo. Christian hian a nu rual zet tawh hi a ngaihzawn duh em ka ring si lo. Aaaa... A ngaizawng duh ang, a duh em em ang. Eng ang mi nge anih ka hriat chian viau kha a, eng hmeichhia pawh a kawp duh lawm a!!







"Lo inbe teh u" intihrethiam tak chuan ka ti a, intifai turin room ka lut leh hmak. Ka nuih a za ru zawk ang reng hle a, a nu ang rual pui ngaihzawn chu nep ka ti viauin chutia inti zei taka hun ka han pe dun vel te chu ka zak deuh e a.







Aaa... Ngawi teh, aaaa... A nupui anga awm hi ka ti thei dawn lo aniang. Nge khanu kher kha a hmel a thikawm loh em vang nge ka thinur eih lo!







Ngaihtha zet chuan intifaiin room atang chuan ka chhuak leh a, a reh duk mai.






Chokaah chuan lut vatin Christian chu ka hmu ngei a, nu pakhat erawh kha chu ka hmu tel tawh lo thung.







Christian Pov.







Hrawk thian kharh ri lam chu ka hawi a, Sasha chu a rawn pen lut zan zan.






"Enge a an a, hmangaihte zinga upa ber nena inthlahna siam chu ?" mit ko san zuk zuk chung chuan a rawn ti a, ka nui hawk. Henu hian enge maw a ngaihtuah thin ni.






"I ngaihtuah dan ang hian thil thleng vek thin se zawng khawvel hi chenna tlak a ni tawh lo ang a" ka tih chuan, "Ka ngaihtuah dang anga kal ni se chuan nangmah hi tamtakah siam chein i hmeichhe kawp duh kawp theih si loh te kawp turin ka siam ang che" a rawn ti a, insum viau mah ila ka nui lo thei lo.






Lep lerh viau turah hian min ngai em em mai a, mahse a tha ve reng reng e. Ti hian a rin loh dan deuhin ka awm hleuh zel anga nimai.







"Chuan ka duhdanin ka nun ka hmang ve thei bawk anga" a rawn ti zawm leh a, "Engzata tam pawhin min siam mah la ka nupui i ni dawn tho alawm" ka ti ve thung a.






"Teuh lo..... I duhdan ni lovin ka duhdanin alawm ka awm dawn. Aaa... Engpawhnise enge breakfast" sawi zui tum tawh lo tak chuan ka thil siam chu a rawn bih duk duk a.







"Thu la ei tawp rawh..." a tawng ki ang chiaha ka tih chuan, "Hmm..... Ha nawt lo leh intifai miah lo va breakfast min ei pui i tum em lo ang chu maw ?" ner nawng nawng chung chuan a ti a.






"Min ten tihna em ni ?" ka tih chuan, "Aw.... I intihfai sar lai pawhin ka ten che ania, chuvang chuan khawngaih takin va intifai teh" melh pawh min melh tha duh lo vel tak chuan a ti a, a awmdan ngeiawm lutuk chu ka run kher mai.







Nghah pawh min nghak eih lo chuan a ei nghal mawlh mawlh a, henu hi chuan min ngai pawimawh lo ve chiang maw le.








End of Christian Pov.







Nileng chuan tih tur nei lovin ka mu ta vel mai mai a. Christian lah chuan tak runin laptop chu a melh ngur a, hna a thawk anih ringin ka tibuai duh bik chiah si lo.








Ka phone charge dan tur chu ka ngaihtuah a, ka phone nena charger inmil chu ka hmu hlauh.







Ka phone chu ka charge ngei a, tih tur a awm chuang lo.






Lawng atang chuan chhuakin chung lamah chuan ka chho a, kan awmna hmun hi lawng chawlhna pangngai a ni lo a, lawng pawn han chhuah pawh chuan a reh duk mai.






Tuipui lama ka han hawikual chuan tui chungah hian eng emaw ni ka hmu a, ka thlir phei vang vang.






Ka han hawi kual a, lawng leng pathum vel chu ka hmu.






Lawng lian lutuk atang chuan chhukin lawngte lam chu ka pan a, a kar fung nen a lo awm thlap.






Boruakah chuan a kar fung chu ka han vai vel chhin a, ka thiam dawn hmel khawp mai. Movie velah an tih dan ka hmu tawh a, a harsa viau lo ang. Engmah tih tur nei lova awm ngawt ngawt ai chuan tuipui a inkar chhuah vel chu a nuam viau zawk ang.






Lawng thlunna chu phelhin ka inkar chhuak ta a, inkar kal hi a har vak loh hi.






Ka thil hmuhna lam pan chuan ka inkhalh a, ka enna atang khan a hlat vak loh tehlul nen ka hnaih zel pawhin ka hre lo. Ka kal apiang chuan a kal ve zel nimaiin ka hria a.






A lam pan chuan ka kal ve ta zel tho a, ka hawi let a, Christian awmna pawh ka hlat tawh lutuk tlat. Ka va thlen a ka en chuan a a ho ber. Lawng keh chhe them lek hi a ni a, ka phun hluk.






Let leh tum chuan lawng chu ka kar a, a kal dik thei ta tlat lo. Ngil taka kar ka tum pawh chuan ka vir kual zel a, ni a sa bawk si nen ka hah tawh takzet.






Lawngah chuan ka mu a, ka thaw chhuak ham ham. Thu chhuak lehin ka theih tawp chhuahin ka inkar leh a, mahse ka la kal dik thei lo. Ka inkar kual nasa lutuk chu ka lu pawh a hai vek thei hial.







Ka lo chhuak ta kher kher chu ka inchhir tan tawh. Lo awm mai mai ila, anih loh pawhin Christian emaw kha lo inhruai kual tir mai ila.






Hah zet chuan ka mu a, ni pawh chu a hniam tawh lutuk ringawt.






Christian awmna lam chu ka hawi a, lang chiang dawn viau mah ila pawna a awm miau loh avangin min rawn hmu thei dawn lo tlat. Hepa hii!! Darkar chuang ka awm tawh lova min zawng eih lo tihna em ni? Min zawng tawp nang, hriat pawh min hre tawh lo tawp ang. Kei aia ngaihtuah tur a ngah lutuk, tukin rawn kal nu te kha ngaihtuah tham chu ania lawm! Hah.... Ka inkar thleng leh thei awm emai a.






Inti chak tharin lawng chu a ngil chuan kar leh ka tum ta a, tunah chuan ka tum bawk a, zawi muang chuan ka kal dik ve thei ta.





Thui tak ka inkar leh hnu chuan lawng chawlhna lam chu ka hnaih tawh hle a, mahse ka chauh em avang chuan ka chawl leh rih. Ka ril a rawn tam a, ka tui a hal viau bawk.






Christian chuan min zawng ve hrim hrim lo nge helamah ka kal a ring lo zawk ni ang. Ti hian awm ila min rawn hruai mai se.... Ka hawi phei vang vang a, tumah lah chu hmuh tur an awm si lo.






"Christian!!!" ka theihtawp a ring chuan ka au a, tunah chuan ka lo inkar kual vel hi ka inchhir tawh takzet.






Ka theihna zawng zawngin au ve bawk mah ila kan kar a hlat em avang chuan ka thawm a hre pha hauh lo ang. Khua a tlai ruih tawh a, van te chu a sen pawl phût tawh a. Chungte chu hmun hima awm ni ila chuan mawi ti takin ka thlir kual vel ngei anga, mahse tunah chuan ka rap letling tawh zawk.






Ka ngaihtuahnaah chuan thil dang a rawn lut a, hmanhmawh zetin lawng kar fung chu lain ka inkar leh. Ka awmna tuipuiah hian sangha lian hlauhawm tak tak an awm ngei ang. Bakah khua a thim tak tak hma ngeia lawng chawlhna hmu chu thlen leh ka duh.






Hlauhthawnna nen tap purin lawng chu ka kar a, khua lah chu a rawn thim chak em em zui.





Christian hian ka awm lo tih a hre lo mai pawh ni loin min ngaihsak lo tawp a nih ka ring ber tawh a, chuti ni lo se min rawn zawnga he tuipuiah pawh hian a rawn lang tawh ngei ang.






Khua chu a thim chhulh tawh a, hla tawka eng chu hmu mah ila ka chauh lutuk avang chuan ka thlir tawp.






He tuipuiah hian ka thih ngei ka ring tawh a, Christian chu ka ko reng bawk.






Engmah hmuh theih tawh loh khawpin khua chu a rawn thim a, hla taka eng ka hmuh pawh kha a phe ruai tawh.






Lawngah chuan mu in arsi chu ka en a, ka hun kal tawh ka ngaihtuah zut zut a, a changin ka nui a, a changin ka thinrim leh bawk.






Mahse chutia ka awm lai chuan hla tak atanga ka hming min ko thawm ka hre ta a, ka beng chhe ri anih ringin ka ngaithla chiang a, a ri leh miah lo.






Tumah min chhan turin an rawn lovang tiin za lo tak chuan ka nui a, mahse ka rin loh takin ka lam pana boat engine ri chu ka hre ta tlat.






Light rawn eng kual papin Christian aw ngei chuan ka hmingin min ko a, lawm lutukin lawngah chuan dingin ka lo au let a. Mahse vanduaithlak lutukin lawng chu a let thut a, tuiah chuan ka pil nghal bur.






Tui ka hleuh thiam reng reng lo, mahse dam ka duh chuan ka theih tawpa inhai chhuah ka ngai.





Lawng rinchhan chuan ka inhai chhuak a, Christian chu a rawn thleng chawpchilh nghal.






"Lalpa leh!! I tha em ?" tiin a lawngah chuan min pawt lut a, ka taksa huh hnuang chu nghet zetin min kuah.






"I tha em??" ti mawlh mawlh chung chuan ka biang a rawn nul thuak thuak a, ka taksa dang te pawh chu na ka neih leh neih loh hriat tum niawmin a dap ruai.






"Ka tha" thawk hak hak pah chuan ka ti a, "I va rawn kal har em em ve ?" ka tih zawm zat.






"Ka tihpalh, ka tihpalh lutuk..." tiin ka chalah chuan a fawp vang vang a, "Ka thi dawn emaw ka ti hman tawh a" tap tuau chung chuan ka ti leh a.







"I bulah ka awm tawh hi, engtinmah i awm dawn lo" tiin min kuah nghet sauh sauh a.


.
.
.
.


Tui sa ver vawra inchiahin Christian chu ka ngheng rial a, min duat zia tilang rengin ngaihdam min dil reng a. Thinrim rilru viau mah ila ka thiam loh zawk a ni a, ka thinrim khum chiam duh bik lo.






"Ka ngaihtuah tawk loh che vangin ka tihpalh" a tih chuan, "Ka thiamloh ve tho alawm. Hrilh miah lo chein ka kal tawp a" inthiamlo tak chuan ka ti a.






"Keimah zawk hian lo ngaihtuah deuh tur che ka nia. Ka chungah thinrim viau mahla ka dem hauh lo ang che" tiin ka dar vel chu a rawn fawp a.






Kan intihfai vek hnu chuan dinner atan a chah ho chu kan ei a, ka ei a ni zawk mah. Ka ril a tam bawk a, Christian in tlem a ei ve tih loh chu keimah vek a ni e.





Hma takah kan mu a, muthilh mai erawh chu ahar viau.





Muhil mai theilo ve ve chu kan pahnih chungchangah chuan kan ti ti dun ta a. Engpawh thleng se nupa kan nihna chu zah turin kan intiam a, nupa hlim tak kan nih theih nan hma la ve ve turin kan intiam bawk.



.
.
.
.



Kar khat dawn Rome a ka cham hnu chuan kan haw veleh ta a. Christian nen kan inkar chu a tha viau a, mahse Noelle in min rawn biak a tum ve hauh lo chu mak ka ti.





A move on hmak theih chu ka ring lova, mahse engahmah ngai lo ang tak leh min hre ngai miah lo angin min biak a tum bawk si lo. Inbiak loh chu a tha zawk ni mah se ngaih pawimawh ni miah lo anga ka inhriat tlat avangin min ti tlawm hlein ka hria.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:47 pm

[74'75
by Sammy🦋




Awww.... Khawvel hi ka duhdanin han kal vek mai se awwww




Ch><8






Kan haw leh hnu chuan party buatsaih leh a ni dawn a, mahse tun tum erawh mihrang tel lovin Roths chhungkaw laichin hnai tak takte chauh an ni a, Spain ram pawn atanga rawn kal tur pawh an awm thu Christian chuan a sawi.







Christian nu leh pa hi ka la hmu miah lova, inneihni pawh khan ka hmuh awm ka hre lo. He inah hian an awm ve lo nge nia nga rawn in lan hi an duh lo zawk ni dawn ni.







"Sasha..." aw ri zui zatin Amber chu a rawn lang a, zingkar hma tak a la ni a. Amah pawh chu mut kawr nen a la awm.






Ka mutna bul chu ka en a, Christian chu a lo awm leh tawh lo.






"Nizan tlai takah ka rawn thleng a. Ka kal velna ka hrilh chak lutuk che, chuan nangpawhin min hrilh bawk anga" tiin a mit a siai zeuh a.





"Enge awmzia ?" ka lo ti leh ha tawh.






"Roths chhungkua i rawn nih ve takah chuan thiantha tak anga in en ka duh lawm. Breakfast kil zawh lamah kan sawi dun dawn nia" tiin room atang chuan a chhuak leh a, henu che vut vut zia hi ka man thiam thlawt lo.







Keipawh khum atang chuan thoin ka intifai zui a, Christian khan zanina party zawh lamah chuan damdawiin lamah hna ka zawm leh theih tur thu kha a sawi a. Ka phur viau rual erawh chuan ka huhphurh tho a, Noelle vang bawkin.






Inthiamlohna ka nei lo thei bik lova, engtin pawhin min ti dawn se ka hmachhawn ngei a ngai tlat.





Awm hmun kawrfual hain room atang chuan ka chhuak a. Christian in personal maid atana min pek Ayla chu ka lam pan hian a rawn kal ve mek bawk.






"Good morning Madam..." a rawn tih chuan, "Miss Brown ti rawh" ka lo ti vat.






"Miss Brown Mr. Roths chu a kal chhuak tawh a, chhuah i duh anih chuan amah be hmasa phawt tur chein a ti bawk" a ti a, "Aw le.... Midang zawng zawng hi khawnge an awm le" tiin sitting room lam chu ka hawi phei a, a ruak hiau.






"Brianna leh Micheal...." a sawi zawm hma chuan ka lo dang vat a.






"Tinge an hming a i koh ?" ka ti chang khawl.






"Micheal leh Brianna te nupa chu tupawhin an hmingin kan ko thin alawm" a rawn ti a, "Anih midang ?" ka tih chuan, "Midang chu an hming tawp a koh vek an ni" a rawn ti a, ka awmdan chu a hrethiam lo tih hriat takin min melh ha.






"Ka hriatah zah lo takin ko tawh suh ang che. Brianna phei chu zah hle ang che" ka ti chang khawl a, a kun nghal lap.






Midang zawng zawng zah taka an biak laia Brianna an zah lo chu ka ngai thei thak lo, ka duh lo hi a ni tawp.





Dinning hall lam ka pan lai chuan ka ding a, room lam pan a inherin Ayla hnenah chuan room a min rawn pe mai turin ka ti a, thuawih takin a kal nghal mai.






Room lut lehin ka mutna chu keimah chuan ka siam fel a, room chu ka en kual.






"Khang te chu midang ti tur an tam alawm" Amber chuan a rawn ti lut a, ei tur dahna tray a chawi bawk.






"I rualin breakfast chu ka ei ang" tiin balcony lamah chuan a chawi phei a, ka zui chhuak ve nghal.






"Zing lamah chaw pangngai kan ei thin a. Tlai lamah erawh duh duh a ni thung" tiin ei tur dahna plate chu balcony a dawhkan awmah chuan a hung rem a.






Chair-ah chuan thu thla vein juice chu ka in a.






"Sawlai tlang saw en teh" a tih chuan a kawhna lam chu ka en phei a, in niawm tak chung chauh hi a lang va va.






"Sawlai saw Uncle Christian nena kan infiam thinna ania" a rawn ti.






"He in a i lo lut hi ka lawm takzet. Hmeichhia kawm tur ka nei ve tawh anga..." a tih chuan, "Brianna pawh a awm reng a ni lawm ni ?" ka lo ti vat.






"Brianna chu engtiklai pawhin a buai a, Uncle Micheal hian amah a sumdawnna a neih avangin a pui thin a...." a ti a, sawi zawm lehin, "He in a i awm ve takah chuan ka hrilh ang che, Brianna hi i theih tawpin veng rawh aw. Ka pu lakah hian Uncle Micheal hian hlutna engmah a nei lova, a mamawh hunah chauh a be thin. Heivang hian zah an hlawh lo hle a, mahse i awm tawh a, he in leh engkima thuneitu tur i nihna angin ka ngen che anih chu" a rawn ti a, ka chal ka chuar tap.







Engvangin nge Christian pa chuan Micheal chu a ngaih hlut loh bik. A fapa ve tho a ni a, ka hriat dan phei chuan Micheal hi engkimah a pa tha chhang dawltu tur ber niin ka lo hria kha ania, mahse ka hre sual chiang viau niin a lang.






"Kan chhungkua hi a buai ru viau a, engpawh hmachhawn turin i inpeih tawp angai ania. Roths chhungkaw mi ni tur chuan chak tak nih angai, chuan i chak tawk tih hi ka hre bawk" tiin min nuih ver ver a, ka nuih leh ve sak.






"Sakawr khalh i duh em ?" a rawn ti teh thut a, "Kal ang" tiin ka chhan hma hma chuan min pawt chhuak nghal dawr dawr.






"Hetiang thawmhnaw nen chuan...." ka sawi zawh hma hma chuan, "Nichin a tlang ka hmuh tir na che lamah khan sakawr kan nei alawm. Tah chuan inthlakna tur pawh a awm vek" a ti a, chu lam pan chuan min tlan pui dawr dawr.






Sakawr awmna hmun chu kan va thleng a, a hmun a zau khawp mai. In niawm tak ka hmu ka tih pawh kha sakawr in lek hi a lo ni a. Hetiang ang hmun hi Roths chhungkua hian an nei ang tih leh an ram chhungah hetiang an dah ang tih hi ka ring pha miah lo.







"Gavin!" tiin Amber chu a au nghal chiam a, ami auh ngei ni tur chu a rawn lang vat.







"Sakawr tha kha lo buatsaih ta che..." Amber chuan a ti a, a biak dan atang chuan sakawr enkawltu chu a ni tih ka hre mai.






Amber chuan thawmhnaw dahna lamah min hruaiin kan inthlak a, "Movie ropui tak chang tur ang maiin ka inngaiin ka inhria" ka tih chuan a nui hak a. Gavin in sakawr a lo kaihna lam pan chuan kan chhuak nghal.






Sakawr chung ka chuan lohna a rei tawh viau a, Noelle khan sakawr control dan vel kha min zirtir thin a. Tun tumah erawh a telloin ka ti dawn a ni a, a harsa viau lo turah ngai ang.





Amber chu hnehsawh tak chuan sakawrah chuan a lawn tharh a, kei erawh chu Gavin puih tel lo chuan ka lawn thei thak lo thung.





Amber chu a tlan chhuak a, ka um ve nghal vat.





Dil lian zet lam panin phaitual hmunah chuan kan tlan a, sakawr chunga chuan a chak taka tlan chu lawnga inkar ai kha chuan a nuam viau mai.




Amber chuan, "Dil saw tu thleng hmasa zawk ti ang hmiang" ring leng lawng chuan a rawn ti a, tlan chak zual sawtin kei pawhin a hma ai nain ka sakawr chu ka kheng a, Amber um phak ngei tum chuan ka tlan vawk vawk.






Mahse dil ka thlen chun Amber chu a lo awm vang tawh a, min hmuh chuan, "Ka chak ania" tiin a lo nui var var.






Sakawr atang chuan chhukin dil lam chu ka pan hnai a, zau tak a ni zau tak.






"Sasha...." Amber in a tih chuan a lam chu ka hawi vut a.






"Christian hi I hmangaih theih i ring em ?" a ti a, a zawhna teh thut avang chuan ka ngawi vang vang.







"I thei dawn lo anih chuan min pe mai rawh" a ti a, mak ti zetin ka en.






"I hmel mak zia kha...!" tiin a rawn nui ta hak hak a, a fiamthu dan chuan ka nuih a ti za ve vak lo.





"Let tawh ang..." tia sakawr a lawn ka tum chu a rahchhan chu rap sualin ka bawp lehlam vhu a tlang purh a, ka bawp lehlam chuan ka tum loh deuhin sakawr chu ka kick a, sakawr lah chu hram vak vak chungin a tlan a, min hnuk dawr dawr.






"Ding rawh...!!" tiin au tuar tuar mah ila sakawr chuan hrethiam hek lo le a ai a chak zawk mah chuan a tlan a, a let ling zawng chuan min tlan pui chiam.






Vanneihthlak takin Gavin chuan a rawn ti ding thei hlauh a, vawikhatmah sakawr chungah ka chuang tawh lovang ka ti rilru mawlh mawlh.







Sakawr atang chuan min hlang thlain ka that leh that loh min zawt a, Amber chu kan bulah a rawn thleng chawp chilh nghal bawk.







"Let nghal ang u!" ti hmukin sakawr in lam pan chuan ka kal a, "Sasha ke ringawt chuan ni tlak dawnah chauh in i thleng thei ang" Amber chuan a rawn ti a.







"Kha sakawr-ah khan chuang le turin min duh tihna mi ?" ka lo ti hlur. Amber thiam loh chu awmlo mah se ka thin a rim hlur vek tawh.






"Aaa i chuang thei tawh hauh lo ang. Gavin nen hian in chuang mai dawn em ni" a ti pha zui a, ka ner nak.






"Kan thleng hma zawk ngei ang" Gavin chuan a lo ti ve a, pawi ka ti ta bik lo.






Gavin hmaah chuan ka thu ran a, ka tlak hlauhin a banah chuan nghet zetin ka vuan.







Sakawrin kan thlen chuan inthlak sawk sawkin Amber pawh nghak lovin in lam pan chuan ka kal nghal vang vang a. Bazar emaw, mut mai mai emaw tih loh chu engmah hi ka ti ve tawh lo ang!







"Sasha min lo nghak teh" tiin Amber chuan min rawn um a, ka kal hmawk hmawk.







"Ka tihpalh lutuk!" a rawn tih chuan ka thaw hak a, a that vek thu chuan ka chhang mai.







In ka thlen chuan sitting room a Brianna te nupa bakah Amber pa leh a nupui lo awm chu ka hmu a, mahse tumah be lo chuan room-ah ka lut nghal hmak.






Room-ah chuan Ayla chuan min rawn zui lut a, ka thinrim zia leh ka hlauh zia chu ka lo hrilh nghal chiam chiam.






"In tur ka rawn lak che nga a zia mai ang" tiin a chhuak a, Brianna chu a rawn lut ve nghal zat.






"Eng thil nge thleng a ?" a tih chuan, "Thil pawi tak chu a ni lo, mahse ka thi tep a ni" ka ti hul hak.






"Fimkhur rawh!! Amber hi hnaih tam lo la, i tan a tha ber" a rawn ti a, chal ti chuar tapin ka lo en.






"Tinge.... 'Fimkhur rawh, min ring rawh'.... heng thu min hrilh reng a!" ka ti a, Ayla chu ti dakin a rawn lut.







"He inah hian nang aiin ka awm rei tawh a. I u ka nihna vang leh nang aia mo upa zawk ka nih avangin ka thusawi hi zawm tawp rawh" thu min pe aw tak chuan ka ti a, a chhuak nghal. Ka thaw hak a, Ayla chu en kalin ani erawh a lo ti dak thung.






"Engkim min hrilh rawh!!" ka tih chuan, "Eng... Engmah hriat ka nei lo!" a ti bah bak a.






"Hahdam rawh.... Ka seh lo ang che" tiin a hma ai nem deuh zawk chuan ka ti a, "I hriat angin ka rawn awmna a la rei lova, he inah hian nang leh kei hi awmdun reng tur kan nih avangin he in leh a chengte chungchang hi ka hriat vek angai a ni" ka ti a, a chil a lem ri khawlh nia maw le!!






"Thil tamtak chu ka hre lova, ka hriat erawh chu ka hrilh ang che. Mahse ka sawi tih hi khawngaihin Mrs Whit hnenah pawh sawi suh" a tih chuan mak ti zetin, "Mrs Whit chu tunge ?" ka lo ti.






"Mrs Whit chu i u Brianna..." a tih lai chuan khawngkhar chu a rawn ri a, Christian a rawn lang hlawl.






"Min lo lawm dawn lo em ni a ?" a tih chuan ka mit ko ka san khum ak a, "Thu pawimawh kan sawi tih i hmu lo em ni ?" ka ti ve khauh.






"Ohhh.... Ka nupui kawlte!" tiin a rawn lut a, Ayla chu sawi ngai miah lovin a chhuak nghal a, hun lo lutuk a Christian a rawn lang chu ka haw kher mai.






"Enge kan sawi kha... Nupui pasal tha nih kan tum a ni lawm ni ?" tiin min rawn pan hnai a, ka hmaah tak dingin ka kawnga chuan a rawn kuah a, kei a awmah chuan ka lo innam ve tang.






"Tum e... Mahse pasal tha tak nih i tum hun hi a dik lo deuh a ni" ka tih chuan a ner sak a, "Hun leh hmun a nei dawn em ni" a ti a, ka tawng leh hmain min rawn fawp.







Ka inla hrang a, "Engmah hi ngaiah ka nei mai thei rih lo, chuvang..." ka tih lai chuan ka kawngah chuan manin min pawn kang lawp a, "Ngaia neih i zir angai reng alawm" tiin ka mawngah chuan a tham tawk.






"Christiannn!!" tiin a darah chuan ka beng a, hepa ngaihtuah leh ka ngaihtuah hi a inrual thei lo. He mihring ka nei hi ka vanduai lutuk, engtiklai pawhin hmangaihna chen...!!






"Min thlah teh, tih tur pawimawh ka nei ania" tiin min pawmna atang chuan tal chhuah ka tum a, min pawm nghet sauh sauh bawk si.






"Kei aia dah pawimawh i neih hmasak chhung chu ka tibuai dawn che. Keimah chauh min ngaihtuah theih hunah chauh ka kal tir ang che" a ti a, bathroom lam panin min pen pui nul nul.






"Nangmah chiah ka ngaihtuah che, min dah thla teh" ka ti a, a lu a thing mat mat.






"No!! I ka a chhuak hi i ngaihtuahna a ni ngai miah lo tih ka hria ania" tiin bathroom-ah chuan min luh pui a, shower hnuaiah chuan min din pui nghal.





He mihring hian a duh a hmuh hma chuan min kal tir a tum hauh lo anih hmel. Ohh!! A duh chu ka pe nga nimai lawm. Tih hreh nachhan tur ka neih ka hre hleinem a! Ka tan rei poh leh kan inchei rei tihna a ni mai. He mihring hi buaipui fel vat zawk teh ang.






A biangah chua dawmin ka fawp a, ka fawh chu a beisei lawk viau nge min lo fawp let nghal zat.






A kawngah chuan ka kherh nghet zual a, anin ka mal velah chuan rawn zutin chawp leh chilhin keimahah chuan phurna nasa tak a rawn awm a, ka mawngah chuan a beng leh tawk a, a thip teng chhawk mai.






Bangah chuan min nawr betin kan inthlah a, min en in ka hmai zawnah chuan a nui lum hak.







Infawp lehin kan thawmhnaw chu kan inhlip a, keimahni chu chin awm lovin kan inchen a ni ber e.






Bathroom atang chuan inchhaih nui har har chungin kan chhuak a, khumah chuan dim zetin min nghat.






"A inpeih leh der tawh ania!!" tiin hnuailam chu a melh zauh a, a towel veng chhanah chuan a rawn chawr leh nguah tawh.





"Rapthlak hian!!" tiin ka phun hluk a, "Engmah i sawi theih i nei lo" tiin min rawn bawh leh nghal rawk rawk.



.
.
.
.



Party tur chuan kan insiam mawlh mawlh a, Party na atana ka lei kawrfual chu Christian chuan a sawisel viau avangin ka tum bar a. Kawrfual chu backless anih vangin ka hnungzang chu thuhruk theih miah loin a lang kung a, chu chu Christian chuan a duh lo a ni.






"Enge ka hak ang..." tiin closet chu ka hawng a, lungawi vak lo chuan, "Jeans leh shirt hi ka ha mai dawn em ni...??" runluih pah chuan ka ti a, a lo thaw hawk.






Chutih lai chuan Ayla chu a rawn lut leh hlawl.






"Mr. Roths thawmhnaw chu peih fel vek a ni tawh" a rawn ti a, ka lo en reng.






"Rawn la rawh u" Christian chuan a lo ti a, maid dang chuan lavender, embroidered corset chu an rawn khai lut a, ka mit a la zar mai.






"Hei hi i hak lai ai kha chuan i mawipui zawk ang" a tih chuan lawm viau mah ila lungawi chuang lo chuan, "Ka mit hi a thing i tihna em ni ?" ka ti a, a nui duh lek.







"Chutiang ka sawi hauh loh kha Amour..... Le i thawmhnaw kha hlip la, party tan a ni tep tawh ania" a ti a, thawk hakin ka kawrfual hak lai chu ka hlip a, kawrfual an rawn lak chu a mawi em avangin hak zawk pawh pawi ka ti miah lo.






Party chu tan a ni ta pauh a, hmeichhia aiin mipa an tam viau.






Christian chuan mi tamtak min inhmelhriat tir a, mahse tumah chu ka hre reng lo.






Amber chuan min rawn kai hrang a, vawiin lama sakawr enkawltu Gavin pawh kha party naah chuan a lo awm ve reng mai.






"Good evening Mrs. Roths.." zah tak chuan chibai min lo buk a, ka nuih ve sak.






Gavin chuan fiamthu thawhin kan nui hak hak a, Amber chu an lo koh avangin a kal hrang ta daih.






Gavin nen chauh chuan kan ding dun ran a, Kan pahniha kan awm tak vang nge Gavin chuan min fak vel luam.






Hmeichhe pakhat hi kan bulah chuan rawn dingin intinel tak hian min rawn chibai a, "Kiara ka nia, min hre kher lo maithei a i pasal office secretary ka nia" a rawn ti a, a rawn polite vei luam mai.






"I pasal hi mipa perfect tak a ni tih i hria ang chu maw ?" a tih chuan ka nuih sak ringawt a, a tawngdan chu a boss nupui hnena sawi atan chuan a awm ang lo ka ti viau mai.






"I veng that hle angai ania..." tiin a thle bak a, "Ka pasal chungchang hnathawkte mai mai hnenah ka sawi mai thei lo tlat!" ka tih chuan a hmel a dur khup a, "I pasal pawh hian in pindan chhungah bak a hre reng bik hleinem che" ti ve fakin a kal nghal daih.






A tira a rawn polite vei nen ka ngei ru ang reng viau a, a thusawi chuan ka beng a la verh em em zui.






Christian zawng ru deuh chuan ka hawi kual a, ka hmu mai lo lehnghal.






"Hmeichhe pakhat thu rawn sawi avangin i zam nghal mai a ni maw ?" Gavin chuan nui suk chung hian a rawn ti a, "Ani ang vang mai mai khan ka zam in i ring em ?" ka lo ti khauh.






Nui leh pah chuan, "Ka hrethiam che mahse Boss hi mi rinawm tak a ni tih erawh ka hrilh ang che" a ti a, mit ti zim sanin ka en.






"Christian chungchangah hian enge i hriat a ?" ka ti a, "I hriat loh tir chin hlir" a rawn ti veleh khauh va, a sawi duh loh chuan zawh zawm pawh ka tum tawh chuang lova, sakawr enkawltu satliah mai mai erawh chu a ni hauh lo ang le.







Ayla amaha ka hmuh fuh avang chuan Gavin chu ka kalsan a, Ayla chu choka lamah ka luh pui.






"Thil chu hetah hian sawi vek rawh!" ka ti nghal tawl a, ani erawh chu a hawi kual phawt.






"Mrs Whit chu tunge ni? Chuan Gavin hi tunge anih ?" ka ti leh a.






Min melh zak zakin zawi deuh tak hian, "Mrs. Whit chu Brianna hi ania. Micheal hi Roths a ni ve lova, chuvang chuan ania Brianna leh Micheal hian zah an hlawh lo!" a rawn ti a, a thusawi chuan min thawng takzet. Brianna pasal Micheal hi Roths a ni ve lo chu awih a har.





Mahse Roths anih ve si loh chuan tinge Roths chhungkaw zingah hian a tel a, a awm ve reng. Brianna hian hetiang lam thu hi vawikhatmah min la hrilh lova, an nupa nun, a hun tawn ang kha engmah min hrilh ngai lo.





"Anih Amber leh Christian inlaichinna hi eng chiah nge ni? Chuan tinge Christian nu leh pa hi ka hmuh ngai miah loh ?" ka ti leh a.





Min chhan dawn lai tak chuan Amber a rawn lang leh hlawl.






"Hetah i lo awm a.... Uncle Christian in a zawng che nia" tiin min rawn kai chhuak leh mai a tum a, "Ka rawn kal ang, Ayla hi tih tur hrilh lawk ka duh" ka ti a, ngaitha tak chuan a kal nghal.






"Sawi rawh" tiin Ayla chu ka en a, chiang zeta min rawn enin, "Brianna in Amber hnaih lo tura a tih che kha awih rawh. A nihna diktak chuan Amber hian Mr. Roths hi a duh a ni. A duh mai pawh ni lo a atchilh bur" a rawn ti a, awih lo lutuk chuan ka nui hak.






"I uang a ni lo maw ?" ka tih chuan, "Ka sawi hi thudik vek a ni. Amber hian Mr. Roths hi a duh a, mahse Mr. Roths hian nangmah kher......" a thusawi zawng zawng chu harsa ti zetin ka ngaithla vek.






Dawt anih ring viau mah ila dil a Christian pe mai tura min tihte chu ka ngaihtuah a, khatih kai khan fiamthu angin la mah se a sawi lai khan a thutak hmel em em anih kha. Mahse chu lo chu rinhlehna tur dang ka hre bawk si lo.






Choka atang chuan ka chhuak a, ka hma zawn pheiah chuan Amber chu Christian bulah a lo nui heuh heuh.






A awih lo... A awih hlawl lo!!!





]


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:47 pm

74'75
by Sammy 🦋






Ch><9






Amber min rawn hmuin a phun sap a, Christian chu a rawn hawi phei ve nghal.






Ka lam pan chuan a rawn kal phei a, Amber chu ka la en reng.






Mahni pa unau te chu kan duh thei dawn em ni? Mak ka ti a, Amber hian min lo thik viau pawh ka ring viau ta mai!





Christian chuan ka biangah a rawn fawp zauh va, min en vang vang.






"Thil thleng a awm em ni ?" a tih chuan ka lu ka thing vat a. "Engkim a tha vek e" ka ti a, a nui suk.





A ban chu amah chuan min kaih tir deuh thlap a, party chu kan pahnih tana buatsaih anih angin kan hmingin no an chawi a, kan lam bawk.





Nakinah chuan ka chauh deuh thu sawiin mut mai ka duh thu ka sawi, Christian pawh chuan a rawn mut ve vat tur thu sawiin keipawh room lam ka pan nghal a.





Inthlakin mut mai chu ka tum a, kawngkhar chu a rawn inhawng ri thuai.





"Vawiinah khawnge i kal ?" Christian chuan a rawn ti ram hmak mai a, "Amber nen sakawr enkawlna hmunah kan kal" ka lo ti ha a.





"Chuti chuan sakawr enkawltu nen chuan inhnaih taka awmin sakawr khat in intawm ta a...." tiin khumah chuan thlalak hi a rawn theh thla thuai a. Ka en chuan Gavin nen ka chetsual vanga sakawr khata kan chuang lo chu a ni.






"Helaiah hian enge thinrimna tur awm a!?" ka tih chuan, "Hah... Ka awih thei lo! Ka nupui leh ka hnuaia thawk, ka sakawr enkawl mai maitu an awm dun a, ka thinrim lo ang maw !!?" a rawn ti tuar a.






"Khanglang che chuan engvangin nge min vin vak a!!" a tawngki ang chiah chuan ka ti fiak ve thak a, a duh huna a vin vak vak tur leh thu hrechiang hma eih lo a min thinrim khum ngawt tur hi a ni lo hrim hrim.






"Lalpa leh!! Tunah hian kut ka thlak chak zia che i hria em!?" a ti a, a hmel atang ringawt pawh chuan a insum nasa tih ka hria.






"I duh phawt chuan min thlak la..." tiin ka melh ve kar a, insum thaw ti hrawkin lehlam a hawi ngut.






"Thik tur i zawng ve anih chuan thik tham deuh hlek zawng tawh ang che. Engthil mah a thleng lova, sakawr atanga ka chetsual avangin Gavin bulah khan ka chuang mai a ni. Chuan Amber a awm ve bawk. Tu emawin dawt hmanga a tih kawi mai mai theih i nih hi chu ka ring lo sin....!" ka ti chhuak hap.






Tunah chuan Amber chungchang Ayla sawi chu ka ring nghet tlat tawh. Gavin khan hetianga kan nupa kar tih chhiat a tum chhan tur hi ka hre lova, midang chutiang ti tur ka hre bawk hek lo. Mahse Amber chiah..... Chuan a lakah chuan ka fimkhur deuh chu a ngai dawn a ni ang.






"I duh leh la thinrim chhunzawm la kei chu ka mu dawn ania" tiin ka mu tha nghal hmak.







Christian Pov.






Min ngaipawimawh eih lo a mu ngat chu ka en a, ka thaw chhuak leh hawk.





A bulah chuan zuk muin a hnunglam atang chuan ka kuah a, "Ka tihpalh" ka ti sap.





Ka thinrim em a, ka insum hman lo kha a ni.





Gavin hi nula mi tak a ni a, duh ni ngat se chuan Sasha pawh hi a thlem thlu thei hial ang. Chutiang anih vang chuan in haw lo taka an awm ka hmuh khan ka thinrim a, ka thu hriat danin zir miau hek lo e ka vin chiam kha nia.






Mahse cho zet maia min melh kalin ka tawng ki ang chiahin min chhang let ve zel a. Henu ka fak, huaisen ka ti. Ka nupui hi huaisen kawngah ka tluk dawn hauh lo!






"Ka tihpalh Amour...." ka ti nawn leh a, "Umm" tihzawngin min chhang.






"I thinrim em ni ?" tiin ka kuai let a, "Rim lo rim lo!!" ti hlarin ka awmah chuan a nam a. A biang lah chu a sen tek a, min en duh miah lo lehnghal.






"Na i nei em ni? Vawiinah chuan engtin nge i chet sual?" a chet sual thu a sawi hrechhuak zawk chuan ka ti a.






"Nei lo. Ka chau deuh mai a ni" tiin a thaw hak a, a nghawng rawn langah chuan ka fawp a.






"Zaninah hian min khawih tum hlek suh ang che" a rawn ti hlar a, ka khi sak.






Che sat satin ka lam a rawn hawi a, chiang zet hian min en kal a, "I nupui ka ni a, mipa dang i thik chu awm ka ti lutuk. Mahse keimah atang i hriat anih loh chuan engmah awih suh ang che. I mit leh i beng ngei a i hriat pawh ni se 'a ni' ka tih loh chuan a ni tih hre tawp rawh" a ti chuan ka mit ko ka san ak a, "Mipa chet danin i che nia" nuih za aw tak chuan ka lo ti a.







"Christian ka uang lo! Thlakhat kan inneih tling tep tawh a, min duhna hi ka hmu thiam vek asin" a rawn tih chuan ka phur nghal ringawt.






"Ring tur che a min duh ang chiah khan min ring ve la ka duh" tiin ka biangah chuan a rawn dawm a, ka hmuiah a rawn fawp zauh.






"Hmangaihna chu engpawhnise, kan inrin tawn a, kan rinawm chuan kan hlim ang" dam zet hian a rawn ti a, min la nuih seih zui.






Ka duh aniiii!! Henu hiii!! A che zia, tawngkam, min melh dan a engkim hi ka duh!






Ka awmah chuan rawn bei thenin, "I nu rual zet lakah chuan min rinawmloh san suh ang che" a tih chuan ka chal ka chuar tap a, a thusawi chu ka va hrethiam lo tak. Mahse..... A pawi lo e. Ka kuah veleh thak a, a samah chuan ka fawp.







End Of Christian Pov.







Ka chala thil nem vawt hlarhin a rawn tawh chuan ka harh hlawl a, Christian chuan min lo en reng tawh mai.






Zimarin lehlam chu ka hawi a Christian chu a lo nui hak.






"I lai tih sawi miah suh!" a tih chuan, "Kei hi maw?... Teuh lo" ti nghal hlarin amah chu ka en ta kar a, a nuih a za zual sawt emaw tih turin a nui ta hawk hawk.






"Ka nupui kawlhtei nih ai chuan ka nupui duhawmtei ni zawk la a that dawn hi" tiin ka hmuiah chuan a rawn fawp zauh.






"Vawiinah damdawiin lamah min thlah rawh aw" nui var var chung chuan ka lo ti ve a, nizan lamah han inhai deuh mah ila inkar tih that loh reng nen kan inhauh chhan kha a ho lulai lutuk tlat.






"Tinge damdawiinah hian i thawh ve reng ang? I hman duh zat chu ka thawk chhuak a, ka neih sa pawh hian i damchhung chu nuamsa takin i awm thei ang" Christian chuan a rawn ti a, a mize chapo a rawn chhuak tan dawn tlat.






"Ni e, i hausa tih ka hria. Mahse keimaha thawh chhuah neih ve ka duh lawm" ka tih chuan awih loh hmel tak hian a nui a.





"Hah... Ka hrethiam thei lo che!!" hmui hnuai pawrh tarh chuan a rawn ti a, keiin ka lo nuih pui veleh hak a, kan nuih chhan hre lo ve ve chuan kan nui dun ta hak hak.



.
.
.
.


Christian a hman tak loh avangin Antonio chuan damdawiin lamah min thlah a, damdawiin rim ka han hre leh chu ka nun dan a pangngai chho leh tan dawn niin ka hria.






Damdawiin ka luh veleh Nurse Emily chuan min lo lawm vat a, keipawh chuan ka nuih let ve var var.






"Ka rin loh deuhin..." sawi chhuak ngam chiah lovin a mit a chetkual ralh a, ka nui hak.






"Thil hi a thleng teh thut zel alawm...." ka lo ti ve a, nuam erawh chu ka ti chiah bik lo.






"Ni e, khuanu ruat hi a awm ania. Noelle pawhin a tuar na viauin ka hre lo" a ti a, ka lawmpui thu sawiin nui mah ila ka nui tak tak thei lo. Noelle chuan pasal ka neih san chu a la na hauh lo anih chu!






"Oh... Good Morning Mrs. Roths .." ngeiawm zeta rawn tiin Betty chu kan bulah a rawn ding a, ka lo thaw hak.






"Nang te hi ka duh riau che. Ka rin loh dan deuh hian i awm thin mai" a rawn ti a, la chhang let chuang lo chuan ka thaw leh hak.






"Mak ka tih zawk chu engtin nge Christian Roths hian a neih duh che tih hi ni...?" a rawn ti leh a, chhang let ka tum chiah tih chuan, "Noelle hian engtin nge a kawp duh mai che tih ngaihtuah zawk rawh" Nurse Emily chuan a lo ti ve khauh va, Betty chu a thaw hak.






"Lawkin... Noelle nen in inkawp amaw !?" ka ti a, Betty chuan min melh ralh ralhin, "Mak ti leh rilru na ang khan awm suh. Sawi lawk lovin pasal i nei a, na taka i siam lai khan a bulah ka awm a, chuan......" tiin a kut zung tang chu min hmuh a, "Kan inhual tawh..." intithei tak chuan a ti a, mak ti leh awih lo zet chuan ka thaw hak hak ringawt.






"Aww... Ka hre chhuak e. Christian hian hmeichhe lepchiah tak a duh i tih tak kha..." keima tawngkam ngei ngeiawm zeta rawn ti lehin a kal sawn a, ka khawih mai hma a a kal chu vanneih takzet.






"I tha em ?" Nurse Emily chuan a lo ti vat a, ka that thuin ka chhang.






"Engtikin nge Noelle....." ka sawi zawh hma chuan, "Pasal i neih atanga kar khat naah khan" a rawn tih phei chuan mak pawh ka ti tawh lo. Ka thin a rim zawk tawh.





Keiin ka duh vang ni miah lo leh inpuahchahna hun takngial pawh ka neih loh laiin a ni'n pawi tihna nei eih lovin hmeichhe dang a lo chhuah pui a, chuta karah an inhual zui. Noelle lakah chuan ka lo tla na kher mai... Hah!!!






Staff room pana kalsawn ka tum chiah chu Noelle nen kan insu a, Noelle chuan che buaiin min en nghal kar.






"Sasha..." zawi lutuk tak mai hian a rawn ti a, ka hming lam te pawh a harsa a lo ti tawh aniang.






"Good morning Dr. Noelle" ti nghatin ka kal sawn nghal hmak.






Tha taka biak a phu lova, Doctor anihna ngawt chu ka tan a zah thlak ve duh mai tawh a ni.






Mi chuan min en hrek hrek nimai hian ka hria a, mahse engahmah ka ngai bik thak hlawm lo.






Staff room-ah chuan inthlakin ka chhuak leh a, tih tur nei lo chu nurse Emily awmna lam bawk ka pan leh.






Betty nen bawk chuan kan intawk leh a, min nek deuh kher a ho hi ka va ti tak.






Nurse Emily chu a lo buai nak nak a, ka tih pui ve vat.






Chhun chawlh a hun chuan cafetaria lam panin kan inzui chhuak a, Nurse Emily bula hi a nuamin ka dinhmun min hrethiam a, a bula awm hi a hahdamthlak hliah hliah.






Inngaih taka kan kal chu vanduaithlak takin Amber a rawn lang hlawl a, nui var varin kan bulah a rawn ding.






"Lunch ei chhuah puiah rawn sawm che ka tum a" tiin fel hmel zet hian min en a, kei erawh lah hian ka hmu pangngai thei thak tawh lo lehnghal.






"Hei ei chhuah kan tum ve chiah a" ka tih chuan Emily chuan min nghawk zauhin, "Harsatna i neih loh chuan min lo zawm ve zawk mai ta che" a ti a, lawm zetin Amber chuan ka banah rawn kuah a, "Tehreng mai... Kal ang u" tiin a nui var var.







Enge ka laka a duh chiah hi ni ang ka ti a. A pa nau ngei chu a duh a, a duh em em nupui ka ni a, min tlawn emaw tih turin min seuh seuh reng bawk si. Ka chunga a chet dan ringawt hi chuan Christian a duh ve tih hi awih har ka la ti tho mai.






Cafeteria kan luh hnu lawkah Noelle leh Betty an rawn lut veleh a, kan sir lawkah kher chuan an la thu lehnghal.






Betty chuan Amber chu a rawn be chhen a, Amber lah chuan tha takin a lo chhang mai zel bawk a. A tawpah erawh, "I be duh anih chuan an bulah sawn va thu rawh!" ka ti ta hmuk a, a rawn biak pawhin a chhang ta duh ta bik lo.






Cafeteria atanga kan chhuah hnu chuan Amber chu ka thlah kawi a, a tul viau emaw a damlo anih loh chuan rawn kal mai tawh lo turin ka ti chiang nghal viau bawk a. Nelawm lo leh sual tak ang pawn min ngai mah se pawi ka ti lo, in lama kan inhmuh hi ka duhtawk viau a ni.






Taxi a an tlan liam thleng chu ka en a, ka inher chu ka hnunga ding nen kan insu dawt a, ka tlu tur chu min man hman hlauh.






"Min thlah rawh!!" Noelle anih vang chuan ka ti vat a, mahse chu mihring chuan min pawt hnaiin min fawp anih chu!!






Nam sawn dawrhin a hmaiah chuan ka beng a, a rawn nui hak.






Kawng kal te chuan min en hrek hrek hlawm a, engmah sawi lo chuan damdawiin lam chu ka pan nghal vawk vawk.






Mahse ground floor ka lut chiah ti chuan ka hnunglam atangin min rawn kai a, chak zetin min kal pui nghal vawk vawk.






Elevator-ah chuan min luh pui a, chhawng chunglam chu min pan pui.






"Min thlah teh!!" tiin ka kut chu phelh ka tum a, tha a hman ve miau avangin ka thei mai bik lo.





"Enge i buaina chu ni a?" ka ti vin tuar a, a rawn nui leh hak.






"Enge ka buaina min zawt maw? Kei nilo midang i nei hi a ni buaina chu!!" ka vin ang chiah chuan a rawn ti vin ve that a, ka phu zawk nghe nghe. Vawikhatmah Noelle hian min la vin ngai lova, kan inkawp chhung zawng khan vawikhatmah min la vin lo, tun hi min vin vawikhatna a ni.






Ka ngawi tawp a, amah chu ka en tawp.






"Sawi teh, a englai kha nge kei aia tha. A eng sawn nge kei aiin ti hlim che.... Ka hmangaih che sin" a tawp lam zuai raih chuan a rawn ti a, a mittui a rawn luang anih chu!! Sawi tur reng ka hre lo. Ka dang a ro hulh a, ka damchhunga ka hun tawn tawha tun aia hreawm reng reng hi ka hre lo.







"Propose che ka tum a..." tiin a ipte atang chuan zungbun a rawn phawrh chhuak a, a zungbun ken lai chu en in a nui hak a, min rawn en.






"Mahse a pawi lo e. I hlim tih ka hriat chuan ka hlim ve thei mai ang" harsa tih hmel zet hian a rawn ti a, ka la en kar reng. A chezia leh a thusawi zawng zawng chu dawt a ni lo tih a hriat chian viau theih a, ka rilru pawh a khawih viau. Ka khawngaih a, keimah chu ka inkhawngaih bawk.






Ka nunah hian thu ka neih loh em avangin midang ka ti na a, hreawm ka ti. Ti te hi chuan a hmel pawh ka hmu reng ngam dawn em ni.






"Betty i nei a, nangpawh i hlim dawn tih ka hria ania. Kawp tura duan kan ni lo pawh ania nge... Betty hian a duh takzet che tih ka hria ania" kan boruak tih ziaawm tum tak chuan ka ti a.






"A pawimawh lai ber chu kei hian ka duh ve thei lo. Ka damchhung hian nangmah lo hmeichhia hi ka kawp ka ring ngai lo. Ka engkim i nia sin" ka biang chu a rawn chul a, hreawm ka ti keipawh hian.






"Inhmu tam lo ila a tha a ni mai" tiin elevator rawn inhawn rual chuan ka chhuahsan ta daih.





Chhawng chung ber lam ka pan a, ka awm ta reng.





Ka duh vanga Christian hi nei ka ni lo, ka duh vangin Noelle rilru ka ti na lova, ka duh danin keipawh ka awm bik lo. Mahni ka inhnem rilru mawlh mawlh a, thil tam tak ka ngaihtuah.






Christian nen hian lo inneih lo ta ila tunah hian Noelle nen kan hlim dun viau ngei ang. Mahse.... Christian nen pawh hian kan hlim lo chu ka ti thei bik lo.






Buaina tam tak ka la hmachhawn dawn niin ka hria a, chak taka ka awm pawh angai.



.
.
.
.



Tlai lamah Antonio chu min lam turin a rawn kal leh a, ban hun hma deuha a rawn kal avangin min nghak reng.






Kan haw kawngah chuan Antonio chuan darthlalang atang chuan min en leh zawk thin tih ka hria a, "I sawi duh chu sawi rawh" ka lo ti.






"Aaaa... Madam ka sawi tur chu a awm lova, mahse Dr. Noelle kha hnaih vak lo la i tan a tha zawk ang" a tih chuan ka chal ka chuar tap a, engtin nge hei hian Dr. Noelle te a lo hriat theih? Amber rawn kal khan ni lo deuhin Christian hnenah thu a va thlen tihna em ni??







🦋Ka buai zualpui a reh tawh a, regu leh tawh ang aw 😄 Ads click leh comment kha 😘


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:47 pm

74'75
by Sammy 🦋







Ch >< 10








"Aaaa... Madam ka sawi tur chu a awm lova, mahse Dr. Noelle kha hnaih vak lo la i tan a tha zawk ang" a tih chuan ka chal ka chuar tap a, engtin nge hei hian Dr. Noelle te a lo hriat theih? Amber rawn kal khan ni lo deuhin Christian hnenah thu a va thlen tihna em ni??






Buaithlak ti zetin ka thaw hak a, "I thinrim loh hram ka beisei" Antonio chuan a rawn ti leh a, "Min ngaihtuah a ka lawm e. Mahse... Mahni ka inven thei" ka ti ve leh sak a, engmah sawi lo chuan a reh ta vang vang.





In kan thlen chuan ka room-ah ka lut tlang nghal a, Christian chu khumah a lo thu kur.





Min hmuh veleh chuan rawn thoin min rawn kuah a, "Te extraño mi amor"(i miss you my love) ti sap sapin ka nghawng lang thei chinah chuan a fawk ri chek chek a.






"A za nia..." nuih deuh paha ka tih chuan a inla hrang a, a hmelah chuan lungawilohna, han thinrimna emaw engmah hmuh ka nei hauh lo.






"I pasal hian ka ngai viau che anih hi..." tiin min kuah leh thuk a, ka hnung chul kualin, "Nitin ka rualin office rawn kal ve mai la ka duh" a ti a, chutia a thinrim lo ni a, ka hriat chuan ka awm a ti nuam deuh a, "I company bulah sawn damdawiin sa la.." ka ti chuan a rawn nui ve hawk.






In la hrangin kan in en vang vang a, a bianga ka han dawm chuan rawn vawn hnanin a nul vel a, dingdihlip akin a hmuiah chuan ka han fawp zeuh a, a rawn thaw chhuak hrawih.






"I tha em ?" ka tih chuan, "Tha mah mah..... Tunah hian engvangin ka phelh ruah lo che!" a tih chuan ka meng kawk a, ka inrin hma chuan min chawi nawlh a, a kawngah ka lo kherh vat.






"Tinge sex ringawt hi i ngaihtuah a....?" ka tih chuan, "No! I bula ka awm hian a lo inring sa ringawt zel lawm" a ti a, a thusawi vang chuan ka nui ta hak hak.






"Intifai phawt ang, hun te chu kan la ngah lawm" a hmuia fawh leh zeuh pah chuan ka ti a, a mitmeng paw ramah chuan a tisa chakna a lang chhuak hial tawh.






"Shitt!!! Ka ti lui thei dawn lo tlat!" tiin a kut pakhat chuan ka tukkhum a rawn vuan a, min fawp nghal tawn tawn.






Min fawh reng pah si chuan a pen thauh thauh a, bathroom lam kan pan tih chu ka hre thei.





Shower hnuaia kan din a tuiin min phuh huh takah chuan kan inthlah hram a, Christian chuan ka mawng chu a beng teng chhuai.






"A hranin intifai ang" tiin min pawmna atang chuan tal chhuah ka tum a, "No... Kalsan tum reng reng suh" tiin min kuah bet nghet sauh sauh.






Nui ar ar chung chuan ka fiam zel a, ka rin ai tak chuan a insum thei viau a. Inbual erawh chu mi a lo zut ve sek a a har viau.






"A tawk tawh!!" ti hmukin shower chu a off a, bathroom atang chuan min kai chhuak nghal dawr dawrin khumah chuan min theh thal tawp.






Kei lah chuan enge ka hriat tehreng ni la tih phur belh tum niawm tak chuan ka lo la chhaih zel a, a tawpah zawng a insum thei ta ngang lo aniang ka keah chuan manin min pawt dawrh a, a che zawm buan buan.





Ka sirah lamah chuan min ngheng rial tho si hian a let thla a, a hnawk niai mai!





Ka saruak khuh nan puan chu min rawn sin tir a, a mal chuan min khan ve zat.





Ka hmuiah min rawn fawp leh vang vang. Hetia kan awm hian nuam ka ti a, pasal te duhthusam ti puitlin leh a, pasal te duhkawp ni a inhriat chu nuam tih veng vengna ka nei a, mahse duh ai chuan a zing mah mah a ni!!






"Hetiang kan nih chuan ka rai har miah lo ang le" ka tih chuan, "Naute maw?" a rawn ti a.






"Immm... Kan awmdan ngaihtuah hi chuan ka rai har lo tawp ang" ka ti leh chu nui suk chung hian, "Phir kan siam law law dawn em ni ?" a rawn ti a, a darah chuan ka beng nghal taih.






"Neih vat vat ka duh. Min kalsan loh nan angai..." thutak hmel deuha a rawn ti chu ka en ha a.






"Ka kalsan dawn che em ni..?" ka tih chuan, "Ka hre lo, min kalsan thut mai ang tih hi ka hlau a ni. Ka hmangaih viau tawh lai chein nang erawhin ka lam i hawi mang der si lova, ka hlauthawng a ni" a ti a, a thusawi chu mak ka ti a, a mitmengah lah chuan dawt a sawi loh zia a lang bawk si.






"Ka kalsan dawn hleinem che" ka ti ve ta ngawt a, hmangaih lo mah ila kalsan tumna ka nei miah lova, min hmangaih reng thei anih dawn chuan awmdun kumkhua ka duh.






Rawn nui sukin, "Dawt sawi hlek suh!" a rawn ti a, ka hamhaih letling zawk mah.






"Dawt..." ka tih lai chuan, "Tlem tal chuan min ngaihtuahna i nei ve tawh tiraw ?" a rawn ti leh a. Nia ka ngaihtuah ve tho tlem tal chuan.






"Ka duh ai nasain ka ngaihtuahna i luah tawh anih hii..." ka mit meng zau kawk pah chuan ka ti a, "Thudik anih ka beisei..." la ti leh hramin ka hmuiah chuan a rawn fawp zauh.






Kan lo muhil a ni ang ka harh chuan a lo thim chhulh a, ka bula mu chu a la thaw ri suk suk mai.






Thawh tumin ka kawnga min kuahna chu ka la sawn a, a rawn thaw hawk a, a harh emaw tiin ka en vat. Mahse harh hmel pu miah lovin a la mu a, a thim lutuk avang table lamp chu on a, mahse kan puan sin ka lak daih avang khan Christian saruak a mu tlawn pawt chu a lang chiang lutuk tlat.






Towel lain ka veng a, puan chu nui put put chungin ka va sin that tir.






Bathroom-ah lut lehin tuilum sa ver vawr chuan ka inchiah a, classic opera music chu play bawkin ka chhing diar diar.






Ka biangah rawn fawp ri chukah chuan ka meng kawk a, Christian chu saruak bawk chuan a lo ding leh zuar tawh.






Bathtub-ah chuan rawn lut vein ka hnung a thutna tur chuan ka lo kian sawt sawt a, a awm ngheng chuan ka awm leh veng veng.






Engmah kan sawi lova, music in play ri riai riai chu kan ngaithla dun kar mai.







"Dinner kan ei chhuak dawn em ni?" kan ngawih reng hnu chuan a rawn ti a, a pawi loh thuin ka chhang hmas zet nain a nu leh pa ten ei chhuah ziah chu tha an tih leh tih loh ka zawt a.






"An ni chu ngaihtuah suh. He inah hian keiaia ngaihsak dang nei hlek suh!!" a rawn ti hluk a, "I over mang e.... I nu leh pa chu ka zah ve deuh an ngai alawm" ka ti a.






"Zah tute chauh zah let rawh. Ka pa leh a nupui hian i chunga zahna an lan tir ka hre lo!!" a rawn ti hmuk a, a tawngkam chu ka beisei loh deuh a ni.






'Ka pa leh a nupui' a ti kher a, tinge 'ka nu' a tih ve mai loh? Zawh chu ka chak et et a, mahse a thin ka tih rim viau ka hlau bawk si ka zawt ta lo phawt.






Bathroom atang chuan infiam nui ar ar chungin kan chhuak a, chhuak lova duhtawka khawsak a duh leh zawk thu a sawi chuan na zetin ka beng a, "Hetiang anih dawn chuan ka la tlanbosan khawp ang che" ka ti hlak bawk a.






"No!..." tiin nghet zetin min rawn kuah a, "Ka lak atang hian tlanbo chhin la...." a ti a.






"Ka tlanbo chuan min hmu tawh dawn si lo va...." ka tih leh chuan, "Khawi hmunah pawh biru rawh ka hmu zel tho ang che. A tul anih chuan khawvel pum hian ka hal chhuak vek mai ang" inring tawk tak chuan a ti leh a, ka nui ta tawp.






Ka sam chu min hruk hul sak vek a, hair dryer a tih ro ka tum chuan 'i sam tan a tha lo' a ti deuh tlat.






Christian chu simple takin jeans leh shirt a ha teh tawp a, boot a bun leh vei then a. Engtin pawh hian inchei se a inhmeh em em mai a, business suit dum hlak pawh ha se a inhmeh tho a, pyjama pawh nise a inhmeh vek.






Christian mil tur tak chuan short ka ha a, shirt ha vein ka kawngah chuan jacket ka suit tat bawk a, boot ka bun veleh thek bawk.






"Sunglass hi vuah tel la" a tih chuan ka en nghal ha mai a, a hmel atanga a fiamthu tih ka hriat chuan ka nui ve hak.







Room atang chuan inngaih takin kan chhuak a, Ayla hnenah dinner kan ei chhuah tur thu sawiin kan chhuak nghal.







"I jaguar tawng zeta thut ai kha chuan helamah hian rawn kal la" ka jaguar lam pan mai ka tum chuan a rawn ti a, "That lohna a awm loh hiii" tiin ka jaguar chu ka lo chhan thung.






"Rawn kal mai mai teh, anih loh chuan helaiah hian hmangaihna ka chenpui mai ang che!" a tih chuan ka ner sak a, "I ngunhnam hnaisai lo zet kha hmachhuan viau suh. Ka tan sak vaih che zawngin nuam i sa lo tawp ang le!" ka ti chu za lo tih hriat lutuk hian a nui hak a, a bawp a chip chaih chu ka hmu.






"I tih tak tak reuh ang ka ti!" lawm lo deuh, ti lang ngam chiah si lova a rawn tih chuan ka nui hak hak a, chhang lovin car-ah chuan ka thu lut.






Restaurant lun tak pakhatah min hruai a, kan lut dawn emaw ka tih laiin car a park that hnu chuan ka kutah kaiin khawlai velah chuan min kalpui ta daih mai.






"Khawnge kan kal dawn ?" ka tih chuan, "Restaurant changkang tak tak chu kei ai maha i kal zin a, i nin ka ring a" a ti a, "Hetah hian thil an siam tui ve khawp mai" tiin restaurant pakhat hmaah hian min dinpui a, a pawn atang pawh chuan a lian lo hle tih a hriat a, ka kal fo tawhna restaurant dang angin vip tih vel a awm ve dawn lo tih chu ka hrechiang viau bawk.






"Aw le.... Ka hnial thei hleinem che" ka ti tha mai a, ani berin tha a tih chuan a tha a ni mai a.






"Tunah hian ka fawp chak lutuk che!" a rawn ti leh daih a, hahthlak ti zeta ka lu thing mat matin restaurant-ah chuan ka luhsan hmak. He mihring rilruah hian thil dang a leng thlawt lo aniang!






Ka rin lawk ang ngeiin restaurant chhung chu a lian viau lova, mahse a felfaiin decoration a fuh fel viau mai.






Nula la naupan hmel tak hian order a rawn la a, Christian chu a en duh viau bawk.






"Khatia ka pasal i thlir reng duh chuan ka dawhkan hi rawn zawm ve law law la" nui sang chunga ka tih chuan nuam lo tih hmel zetin a kun nghal a, order a rawn thlen vat tur thu sawiin a kalsawn nghal.






"Enge i nuih ?" Christian lo nui chu ka ti a, "Khatia i han awm vel hmuh kha nuihzatthlak ka ti" nui reng chung chuan a rawn ti a.






"Engee?..... Kei lo hmeichhe dangin an hnaih che kha ka duh bik reng reng hleinem" ka ti hmuk a, "Aw le ka hrethiam e Mrs. Roths" a rawn ti leh kher a, ka nui ve ta hak.







Ka rin loh deuh deuh nungchang a nei a, nelawm loh viau angin lang mah se a inti nelawm thiam em em lawi bawk si. Kan inneih dawn a ka laka a chet dan te ngaihtuah chuan tuna a awmdan hi chu inperhsan tawh tak a ni. Mipa puitling tak ni thin a naupang tha leh ni berin ka hria.







Restaurant atanga kan chhuah leh hnu chuan car park na lam panin kan kal a, Christian chuan ka kut chu a chelh deuh ran.







Car kan luh dawn chiah chuan hmeichhe pakhat hian Christian chu a rawn ko va, kan ding leh rih.






Chunu chuan rawn pan phei thawr thawrin a rawn kuah a, kei chu min hmu ve pawhin ka hre lo.







"Hi Mr. Roths" tiin mipa pakhat hian Christian chu a rawn chibai ve bawk a, chunu chuan Christian rawn chibai tu chu si chetin a va din hnaih leh.






Christian chuan ka kawngah a kut rawn rawlhin a lamah chuan min pawt hnai a, chunu hmelah chuan mak tihna ka hmu thei.






"Ka nupui hian a ngaina lem lo che u!" a ti teh hmuk chu ka en haw.






"Kan hrethiam e" tiin chupa chuan Christian rawn kuahtu chu kalsawn pui mai a tum a, chunu lah chuan, "Nupui i nei maw?" tiin a la kal duh lo zui a. Ka en tawp ringawt.





A tawpah erawh mipa zawk chuan a kalsawn pui dawr dawr a, an inhnial nawk nawk lehnghal.






"Tinge khatia i tih kher a ?" an kal liam hnu chuan ka ti a, "Mihring na zawng hi ka ngaina lo" a ti deuh hmuk a, car-ah chuan a lut daih.






A awmdan teh thut chu ka hrethiam lo hle a, nichin maia kal ta te kalna lam chu ka thlir zui vung vung.






Heti taka a mood thlang danglam thei chu tu emaw tak anih ka ring a, a ngaihzawng hlui emaw pawh a ni leh hial ngei ang.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:49 pm

74'75
by Sammy🦋






Ch >< 11






Zingah Amber tawng thawmin min ti harh a, enge a sawi tak erawh ka lo.






"Eng thil nge ni ?" tiin ka thu chhuak hlawl a, bathroom bulah chuan Christian hi inbual zo chiah tih hriatin a lo ding a, a bulah Amber a tel bawk.






"Morning Amour" tiin Christian chuan min rawn pan phei nghal a, Amber lo ner sak chu ka hmu hman.






Amber chu engmah sawi lovin a chhuak zui a, Christian pawh chu khumah chuan a rawn lawn kai veleh zat.






"Enge in lo tih a ?" ka tih chuan, "Thil eng emaw ah lungawi lohna a nei a" ngaih ho hmel zet hian a ti liam puat a, keiin a awmdan chu ka lo en kar thung. Amber hian a duh tih ka hriat avang hian ka ring mai thei lova, Ayla sawi dang hmang phei kha chuan Amber hian bansan mai mai a tum loh hmel viau kha nia.






"A la hma ania, mu...." a tih lai chuan, "Amber nen hian chhungkaw mi satliah angin in in en chiah maw ?" ka ti a, a hmel chu a inthlak nghal hlawk.






"Khawi atangin nge i hriat ?" a ti a, "Tu hrilh mah ka ngai lo" ka lo ti veleh hmak.






"A tha e.... Amber hian patea ang lo deuh chuan min en alawm, mahse..." a sawi zawh hma hma chuan, "Chuan nangin ?" ka lo ti leh hmanhmawh a.






"Haaa..... I thluakah hian enge i ngaihtuah thin? Amber hi duh ni ngat ila ka hel ka hel lo ang che" thaw hawk chung chuan a ti a, ka ring thlap. Ayla khan a duh lo tih kha sawi mah se a kâ atang ngeia hriat chu a nuam deuh.






"Anih nizan chungchang kha..." ka ti a, a hma ai chuan ka tawng nem deuh tawh.






Amah chu mu rem te te in a ban kham tur chuan min kuai mi ve nghal a, "I thinrim dawn lo anih chauhin ka sawi ang" a ti daih.






"I bialnu hlui chungchang i sawi dawn avangin ka thinrim i hlau tihna em ni ?" ka tih chuan a mit lehlam ko san akin min rawn en a, a hmui a pet sawi nung chu ka nuih hak.






"Morning kiss ka la dawng hauh lo...." kan thusawi lai nena inperhsan lutuk chuan a rawn ti a, ka khabe hmerin min kuai dak a, duhthaw tak chuan min rawn fawp zawm zat.






"f**k!!" rawn ti chhuak thatin a hmui chu a tuai zeuh a, min rawn en a, kei kan lo nui sak thung.






"Chin tam loh a tha viau ang" a rawn tih chuan, "Chin dan tha lo hi kan nei theuh alawm" ka lo tih sak a, min ner khum sak sak lo chu tih theih a nei der lo.






Christian chhuah hnuah Antonio nen kan chhuak veleh a. Antonio hi min tawngtam tak a ni hran lo nain Christian nen kan inneih hnu phei hi chuan ka bulah hian a tawng tlem lehzual.

.
.
.
.



Nileng chuan damdawiinah ka thep kual veleh ta mai mai a, Betty nen kan inkhak zeuh zeuh tih loh chu thil thar a awm teh chiam lo.






Antonio nen bawk kan inhruai haw leh a, Christian pawh a la rawn haw lo.






Thawm hriat tur a awm lova, in chhungah chuan keimah chauha awm ang mai ka ni.






Room ka luh dawn chuan Ayla chu ka ko a, a rawn lang nghal vat.






Midang awmna chu ka zawt a, ka rindan ang chiain tumah an awm lo. Brianna leh Micheal chu an zin chhuah thu a sawi a, Christian nu leh pa erawh chu villa-ah an awm rih dawn thu a sawi a, Amber erawh a chin a hriat loh thu a sawi.






Ayla chu room a ko lutin no ka dawm pui a, duh lo viau mah se ka tih luih tlat avangin min hnial ngam lova, ka bulah ti dakin a thu ve reng.






"Ka hlauhawm hmel em ni ?" ka tih chuan, "Aih.." tiin min chhang vat a, "Anih chuan tinge ka bulah hian i tit(trit) dak zel a" ka ti leh a, "Ka zah che lawm Mrs. Roths" zawi sap chuan a rawn ti a, ka ro halh.






"I pi ka nihna ang chuan min zah ngei la ka duh, mahse ka thian anga awm turin ka duh che" ka tih chuan min rawn en zawk a, mahse ka en reng vang chuan nge a hawisawn leh vat.






"I hriat angin Christian nen hian hmangaihna vanga inneih kan ni lova, a chang chuan harsa ka ti ve thin. Hmangaih lo mah ila ka pasal anih miau avangin ka ven angai a, he mihring lah hi a lo lerh kawh viau lehnghal a!!" ner sak sak pah chuan ka ti a.





"Christian nen hian inhmangaih taka kan awm theih i ring em ?" ka tih chuan, min chhang mai lo a.






"I ring lo em ni ?" ka tih leh chuan, "In hlim ngei ngei ang. Mr. Roths tan i tha tawk a, ani'n a hmangaih bawk che a..." a ti a, "Min hmangaih tih chu engtin nge i hriat ?" ka ti veleh khauh va.






"A mitmeng atang hian maw le, mitmeng hian thu tam tak a sawiin kan nihna diktak hial a pho chhuak thei asin.." a rawn ti a, ni e mitmeng hian thu tamtak a sawi fo thin reng a ni.






Zan dar 9 a rik pawhin Christian chu a lo la rawn haw lova, dinner ei turin ka lo nghak laklawh ve tawh si a, ka ril a tam tawh viau mai.






Christian chu nghakin ka thu ran a, ka lo muhil a ni ang thawm ri rawk rawk chuan min ti harh.






Leo leh Christian chu an rawn inkuah lut a, an ruih dun hmel viau lehnghal.






"Ka nupuiin min lo nghak anih hi...." tiin Christian chuan min rawn pan phei a, zu rim a nam huam lehnghal.






Min rawn kuah thukin kawi sawi zet hian a ding a, "Leo... Unaupa ka nupui hi hmelhriat ve teh" tiin Leo nen chuan min inhmelhriat tir a, Leo lah chuan ka hmelthat thu sawiin min fak luam a, engmah an hre lo rui nawi tek tek tak an ni.






"Hun thawl ka pe ang cheu..." Leo an inti zei fahran a, a mit meng mang lo a han siai chuan ka insum thei ngang lova, ka nui chhuak hak hak.






Leo pawh chu ka nuih vang chuan nge nui ve leh ngawtin, "A tha vek... A tha vek e..." tiin a phun nuap nuap a, a let nghal tawp.






Christian lah chuan min kuah run a, an va han buaithlak tak em. Ka






Maid koin Leo chu mikhual room a mut tir turin ka ti a, Christian chu room lamah ka pawt phei tawk tawk a, duh loin a lo la tang veleh ta nghal a.






Khum a ka hruai thleng meuh chuan ka thaw hak a, ani lah chu engmah hre lovin a let tawp.






A pheikhawk chu phelh sakin a thawmhnaw pawh chu ka phelh a, a lo la tal ve sek nen vawihnih ngawt chu ka beng a, a la harh chuang miah lo.






Puan ka sin that tir lai chuan, "Amour!!" ring leng lawng hian a rawn ti a, ka phu nasa lutuk!!






Ka lung a rawn phu rang sawt a, a thip nghal zawk zawk.





Thawk rawn buai tan chu ka hria a, ka awm dawmin ka bag ka zawng nghal a, ka hmu der lo.






Ka thin chu a rawn pawk chhuak dawn emaw tih tur khawp hian a phu rang a, ka thaw tha thei ta lo chu ka rum kawk kawk a. Room atang chuan ka chhuak a, Ayla room lam chu harsa ti zetin ka pan.







Mahse ka thleng hma chuan ka khaw hmuh a fiah lova, ka thawk tawpin engmah hre lo chuan ka let nghal tawp.








Christian Pov.







"Angel shot" bar kan luh veleh Leo chuan a ti nghal a, ka nui sak.







"Sam sen kir chiat saw ka duh e" tiin amah pawh chu a nui suk a, bar tender chuan a lu bu zauhin vip room kan pan nghal.






No kan dawm tan chauh tih chuan, "Enge tih theih aneih chuan ang? A rawn thlem che nga nangin i ko hnar anga, a fel der" Leo an a tih chuan ka rum nghut a, Rebecca hi chuti maia tlawm duh mi a ni bik tlat lo.






Hna lam pawh ngaihtuah thei lovin Rebecca chungchang ka ngaihtuah ngut ngut a, engtin nge a rawn lan leh hlawl theih? Min lo bum tawh dan zawng zawng ka ngaihtuah let phei chuan ka thinrim hle a, engtin pawn rawn khawsa rawh se, Sasha nena kan inkar tihchhiat a tum anih vaih chuan ka ngawi mai mai hauh lovang.






"Heyy Unaupa!! Sasha hi engtin emawa i tih vaih chuan..." min vau khur khur a, Sasha ka duh zia leh min kalsan mai ka hlauh zia hi hria se chuan hetiang thu hi a sawi hauh lo ang le.






"Rebecca i duh zia hriatpuitu che ka nih hi. Arranged marriage mai mai tiin vawi duai lo lo bum tawh tu che vang khan Sasha hi rilru na a i siam a, amah aia Rebecca i thlang anih ngat chuan nuam i sa hauh lo ang" a ti leh a, a unaunu a venna leh a ngaihtuahna chuan thinrim aiin min ti lawm a, ka khi sak.






Hriat loh lamah chuan buaithlak ka tiin a hahthlak ka ti a, Amber pawh buaina a tlin viau tawh laiin Rebecca rawn lang chu buaina thuah hnih a ni ngawt. Sasha nen kan inkar a tha chho tan dawn chauh a, chuvangin buaina thlen loh dan tura ka awm thiam a ngai khawp ang. Ka nupuite khan thin tertek anei ve reuh si a, ka kaihthawh sak palh mai pawh a hlauhawm lehling zawk e!






Leo nen chintawk awm map lova kan in chuan kan nawi tha viau a, keimahni pawh chu kan inko sual nawk nawk.





Bar hnathawk pakhat chuan min thlah a, ka ruih em vang chuan nge hriat mumal ka nei lo.






Sasha-in min lo nghak tih chu ka hre ngei a, Leo pawh khan eng eng emaw a la sawi luamin ka hria.






Mut chhuak rawn lutin ka awmna hmuna muthilh mai chu ka duh a, Sasha lah chuan min pawt chhen.





A tawpah chuan khum dup nuam deuhah hian ka mu ta a, ka mit ka chhing zui hmak a, thawm tak hre deuh reuh siin mumang te ka nei bawk a! Duh ai chuan ka nawi mah mah a nih hmel. Ka chiang lo ruai mai!






Zing ka harh chuan ka bula mu chu ka kuah tha sat sat a, a chalah chuan ka fawp zauh.






"Good morning..." a tih zawh rual chiah chuan ka nam sawm nghal dawr a, "Hetah enge i tih ?" ka ti vin that.






"Ahma pawhin i khumah hian kan mut dun ziah kha..." tiin a ding chhuak a, thawmhnaw engmah a inbel lo. Ka in en a, ka inbel bik lo.







"I thil tih hi a zahpuiawm hle mai Amber..!!" ka ti nghut a, ani a nui thung.






"Khawnge ka nupui ?" ka tih chuan, "Zan lama thil thleng te pawh min zawt ve phawt la" a ti a, "Zawh che angaiin ka hre hran lo. Kan mudun lo tih ka chiang viau e!" ka ti nghut a.






"Haha, chutiang lam reng ka sawi lo..." ngeiawm zawk lek lek hian a ti a, "In ha la chhuak rawh" ka ti ram hmak.






Engtin nge ka khumah a rawn mut theih ka hre lova, nizana ka hriat hnuhnun ber kha chu Sasha in ka pheikhawk min phelh sak lai kha ni.






Bathroom chu ka lut a, darkar khat dawn hnua ka chhuah leh pawh chuan Sasha a la awm miah lo.






Ka au teh ngawt a, awmzia awm lo. Room kawngka zawnah chuan dingin Sasha chu ka au a, thawm awmchhung erawh inchhunga ka aw thangkhawk vel chu a ni.






Hlauhthawnna ka nei a, Amber khan nizan thil thleng atih kha enge ni? Sasha hian min kalsan tihna mi? Room-ah chuan lut lehnghalin closet ka en a, ngaih ti tha tu atan a thawmhnaw engkim a awm vek. Ka phone la in ka call nghal a, mahse vawi tamtak ka call hnuah pawh a chhang thei chuang lo.







Inthlak sawk sawkin room atang chuan ka chhuak a, Leo rawn kal hlawk hlawk chu ka hmu a, a hnungah Ayla a rawn tlan titih bawk.







"Hey... Sasha..." ka ti hman chauh tiin Leo chuan ka kawr nghawngah thamin thinrim hmaisen min hmuh a.







"Nizan khan ka sawi chiang viau lo em ni? Tun dinhmun aia chhia a awm anih vaih chuan i nun i chen reng hauh lovang" a ti khur khur a, a sawi awmzia ka hre lova. A thinrim em em chhan pawh ka hre hek lo.







"Enge maw i sawi le ?" tiin a mi thamna chu ka pawt thla a, "Thu lawi lo sawi kha bansan rawh, Sasha awmna chin ka hre hauh lo ania!" ka ti vin that a, Leo chu a nui ro hak.






"Tenawm hian!! Nizanah i ngaih em em Rebecca nena in awmdun lai a hmuh cheu avangin in inhau a, tun dinhmun a thlen phah tak hi...!" a rawn tih leh chuan hrethiam lo lutukin, "Engahh..... Enge maw i sawi le ?" ka ti bah niai. Rebecca hi nizan hmasa lama ka hmuh bak kha ka la hmu reng reng lo.






"Ohh!! Ka lo hrechiang lo tawp che anih hi! Pathian lehhh!!!" ti hlukin a kal daih a, engmah chu ka hrethiam lo a ni ber.






"Engthil nge thleng Ayla ?" ka tih chuan, "Inbengdai phawt teh Sir..." a tih chuan, "Ka thei lo anih hi!! Ka nupui awmna hriat ka ngai a, Leo ka chungah a thinrim ringawt bawk a!" ka ti vin that a, ka thaw hrawk.






"Miss Amber in Sir Leo hnenah khan Rebecca nena in awmdun angin leh in awmdun lai chu Mrs. Roths in a hmu cheu angin a sawi a...." a tih chuan ka thin hi a so bulh bulh a ni ber mai.






"Chumi vang chuan Mrs. Roths nen inhau angin a sawi bawk che u" a tih leh phei chuan ka sa chhuak vek. Leo rawn thinrim em em chhan pawh kha ka hrechiang ta viau e, nizanah chiang zetin min hrilh a, keipawh ni ila ka lawm dawn hauh lo. Amber chu ka bula la awm ni ngat se chuan kut ka thlak duh hial maithei ni.







Leo kalna lam pana kal pah chuan, "Amber chu a room pawn atangin kalh hnan ula, ka sawi hma chu hawng suh ang che u. Chuan khawiah nge ka nupui chu...?" Leo an a hruai chhuah daih chu ring viau mah ila ka zawt ngat a.







"Mrs. Roths chu damdawiinah a awm mek" ka beisei loh lutuk a a rawn tih chuan ka ding chat.






Sasha damdawiinah a awm tih ka hriat chuan ka thinrimna zawng zawng chu mangannain a rawn thlak a, garage lam panin ka tlan thla nghal.






Ayla chuan a damdawiin awmna chu au lang langin min rawn hrilh a, car la chhuakin ka lim nghal puat.






A mak tehnuai lutuk a, ka bo vek a ni ber. Engpawhnise Sasha chu ka hmuh vat angai, engtin nge damdawiinah hian a awm theih?







Damdawiin ka thlen chuan Sasha room ka zawng nghal a, a bialpa hlui kherin min hrilh lehnghal.






Sasha chu damlo khuma chuan a lo mu a, min hmuh chuan min lo en kal a, oxygen pek vang chuan a tawng thei.






A bulah chuan ka va thu a, mi harhvang leh kawlh lutuk, min cho ar ar rengtu damlo na tak ang maia hmuh chu a hrilhhai thlak zawk hial.






A kutah chuan vuanin ka chul a,a chalah ka fawp vang vang. Enge a natna ni a, hetiang tak maia dam lo anga a lan ni.






"Tinge hetia i awm, i inhmeh lo!" ka ti a, amah chu a rawn nui hak.






Chutihlai chuan Doctor a rawn lut a, Dr. Noelle kher kha a la ni zui.






Sasha chu a check a, tlai lama a chhuah thei tur thu a sawi a doctor ka thlak tur thu ka sawi zauh chuan, "Sasha doctor hi ka ni a, ka ni reng bawk ang. I nupui hian thawk lama harsatna Asthma bakah lung lam that lohna CAD (Coronary Artery Disease) a nei bawk a, i duat thiam viau angai anga, i enkawl thiam dawn loh anih erawh chuan ka kutah i dah thei ang" a tih chuan hnek let tawp mai ka duh a, Sasha in ka kut ah awmze nei takin rawn vuan ngat lo se chuan a let tawp ang.






A chhuah hnu chuan ka phun hluk a, Sasha hnenah chuan Dr. Noelle ni lova Roths chhungkaw doctor chu a doctor a nih ve zawk tawh tur thu ka sawi a, a mitmeng chuan min khap daih hram hram a tum tih ka hria a, ka ngawi ve ta chauh.


.
.
.
.


Dr. Noelle sawi ang ngei chuan damdawiin atangin kan chhuak a, hna thawh ka ngaih miau si avangin Sasha ka awmpui reng thei lova, amah vil chawt turin Ayla chu ka ti a, ni thum zet chu an in awmchilh chawt tawh.





Damdawiin atang pawhin bang mai se ka duh a, mahse amah lah hian ka dahthat var hunah ka zawm leh ang a ti tlat a, hnial hleih theih a ni der si lo.


.
.
.
.


Meeting ka neih laiin Antonio chuan phone min rawn pe a, a pawimawh viau anih ka ring.





Lehlam atangin Ayla chuan Rebecca rawn kal thu a sawi a, meeting na atang chuan hmanhmawh zetin ka tlan chhuak a, in lam ka pan nghal.






In ka va thlen chuan Sasha ka au nghal tuar tuar a, ani erawh chu ka auh hre lo ang hmakin hall-ah chuan Rebecca nen an lo indin chilh ran mai.








🦋Nihnih vel zet ka awl avangin ngaihdam ka dil e aw...... Ka awl chhan sawi pawh hi ka ning tawh 'ka buai lutuk' tih hi a ni tawp a. Inchhunga chetpuitu nei lo, hna dang thawh ve ngai tho si ho chuan inhrethiam ang


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:49 pm

74'75
by Sammy🦋






Ch ><12






Sasha Pov.






Ka hmaa ding thusawi avang chuan ka nui hak a, khawih kil emaw atangin a rawn chhuak a, ka pasal kalsan turin min rawn ti veleh ringawt!.






"Ka hre lo che a, chutiang bawkin ka pasal hian hriat reng che a duh bawk hek lo!" ka tih chuan rum zet hian min melh a, in melh kan (kang) theih chu ni se ka kang hluah hluah tawh ngei ang.






"I pasal hian engtiang chiahin nge min hmangaih i hre lo a ni" inringtawk taka a tih chuan, "Ka pasal hian engtiang chiahin nge a hriat reng tawh lo che i hre lo zawk a ni" ka ti let veleh sak a, min en rum viau nain kei erawh chuan zawldawh thei ang berin ka la bia a, buai chiam ka peih lem lo.







Christian min ko tuar tuar ri chu hre mah ila ka chhang lo a, tun ang hunah tinge a rawn haw reng reng ni.






Kan awmdan a rawn hmuh chuan a ding a, eng emaw tak a sawi ka ring laiin engmah sawi lovin a rawn phei a, hahdam hmel zetin sofa-ah chuan a thu a, Rebecca chu awm ve lo ang hmakin zu treat thiam a!!






Chutia ngai mawh viau tura ka ngaih ka pasalin ngatan maha a ngaih tak si lohah chuan ka ngainep nghal hle a, amah duh tawh miah lo leh melh pawh melh tha duh tawh lo neih let tumin a rawn pawng pawrh ve a ni a, a Khawngaihthlak zawk rualin a huaisenna hrim hrim pawh hi a fakawm e.







"Hetah hian lokal teh Amour!" Christian chuan a ti a, a awmdan teh thut vang chuan ka mit ko ka san khum ak.







"Ka duat chak che ania!" tiin Ayla hnenah Rebecca chu tir chhuak turin a ti a, keipawh chu a mal chungah chuan ka zuk thu vei tharh a, a nghawngah chuan kuahin ani'n ka kawngah a lo kuah ve vat.







Ka hmuiah chuan a rawn fawp zauh a, ka nui var var.






Mahse chutia kan awm lai chuan Ayla chu a te that a, ka inperh tho nghal zawt.







Rebecca in Ayla sam a vawnna chu phih thlak sakin a hmaiah chuan ka beng thuai a, "Nang... Nang..!!" tia thinrim insehchilh nawk nawk a min rawn khawih ve a tum chu lo awm sawn hlekin amah chu ka beng leh thuai.







"Ka inchhungah hian i duh duh ti thei tura in ngai suh!!" ka ti ram hmak a, a huaisen dan mahni inti mualpho chi a ni tlat.







"Engvangin nge kut min thlak aa !!" thinrim tak, a biang ka ben na dawm pah chuan a ti tuar a, "Ka inchhungah hian ka duh duh ti turin ka zalen tawk!!" ka ti hmak a, Antonio rawn pen hlawk hlawk chu ka hmu zui.







"Ka mit hmuhah i rawn lang leh anih chuan ka that lovang che tih pawh ka sawi thei lo ania!" ka ti leh a, inherin room lam ka pan nghal nal nal.







Room-ah chuan thinrim zetin ka lut a, Christian rawn lut chu lukhamin ka lo vawm.






"Engtikah nge heng hmeichhiate hian min rawn tih buai an bansan dawn a ?" ka ti vin tuar a, Christian chu a ngawi dak.







A hahdam hman thlawt loh! Mi engzat fako nge a lo kawp hman a, engtiang chiaha thuiin nge a lo kalpui hlawm hman. Huaisar tak maia rawn lan fo hlawm chu a nupui ni turin thu a tiam hnan pui vek te pawh a ni mahna.







"Thlawkbo teh, ka hmu peih rih lo che nia" ti nghutin a din lohna lam hawi chuan ka mu saisir ngat a.






A chhuak mai dawn emaw ka tih laiin ka bulah chuan a rawn mu ve ta deuh deuh a.






Ka hnunglam atanga min rawn kuahin ka samah chuan a fawp a, "Ka tihpalh... Tumah an rawn lang tawh lovang" a ti sap a, atana ngeiawm tak tur chuan ka han nui lui sak a.







"Amber thung hi !!" ka tih chuan min chhang lovin a ngawi vung vung a, a hma hnungchhawn zawnga ka awm miau avangin a hmel awmdan ka hre thei hek lo.







"Amber chungchangah chuan enge i hriat ?" inbengkang ur urin a âw a mak tihna nen chuan a rawn ti a, ka nui ro leh hak.







"I nupui mi â ka ni hleinem. Ka chhehvela thil thleng zawng zawng hrethiam tur hi chuan...." ka tih lai chuan, "A lo nih hi!! Hei vang anih chiah dawn hi keipawhin ka duh em em che ni" tiin ka nghawngah chuan a rawn fawp a, a kut pakhat chuan ka hnute a rawn tham chawt.







"Phakarpa, kalsawn rawh ka la lungawi chuang lo nia" tiin nam sawn ka tum a, "Noo!!! Ka laka i lungawi loh chuan ka awm thei dawn lo. Zanah ka mu thei lo anga, chaw ka ei thei hek lo anga...." a tih lai mek chuan ka nui chhuak ta hak hak a, a duhnaah hi chuan a phakarin a over thiam ve maw le.







"A tha e, ka thinrim tawh lo" ka ti a, ka khabe chu hmerin a lam hawi chuan min kuai her a, kan infawp vawng vawng.







"Tinge i rawn haw hma ?" ka tih chuan, "Ka ngai che ka tih kha" a ti a, min ngaih vanga rawn haw hma a nih loh zia ka hre ve reng sia, mahse ka hnial buai ta duh lo.






"Engtikah nge 'ka hmangaih che' min tih ve ang ?" a tih chuan ka ngawi rauh rauh a, Ka hmangaih che tih tawngkam hi ka la hmang ngai miah lova, hei vang hi a ni mahna ka sawi hreh tlat chhan. Mahse ka chhungrilah erawh hi chuan Christian hi ka duh a, ka hmangaih tawh hi ni ka inhai lo.







"Min chhang duh suh.." Christian bawk chuan rawn ti lehin min kuah nghet sauh a, nuam ka ti chiah lo.







"Na i nei em ni ?" ka tih chuan, "Aw" a rawn ti a, a lam hawi chuan ka inher vat.







"I khawilai nge na ?" ka tih chuan ka kut chu a la a, a awm zawnah dahin, "Helai hi..." a ti a, ka en ha mai.







"Min hmangaih theih nan enge ka tih ang? Mipa dang laka min kalsan mai loh nan!" a tih leh chuan mak ti zetin ka en a, hepa hian ka kalsan a hlauh thu hi a vawikhat sawina pawh a ni tawh lo. Ka hmangaih thu ka sawi loh vangin a na tihna ania, a mitmengin a sawi chiang em a, ka ringhlel lo.







"Tu vang mahin ka kalsan dawn lo che. Ka hmangaih che Christian!" ka ti ve ta nge nge a, ka sawi zawh rual chuan a hmel chu a inthlak hlawk.







"Dawt sawi suh!" a ti hluk a, mahse a hmelah chuan hlimna ka hmu tho bawk si.







Nui chungin, "Ka hmangaih che Christian Roths...... Mi rorum leh sual khawkheng thinchhepa" ka ti a, amah pawh chu rawn hawkin min en vang vang a, "Ka hmangaih che ka nupui kawlhte" ti veleh sapin min fawp zauh a, min kuah vawng vawng.







><><><><><><><><><><><><







Christian nu leh pa te chenna Villa lam panin kan kal mek a, Christian pa birthday party buatsaih anih dawn vang a ni.






Christian ka zawt ngai hauh lo nain an chhungkua hi mak ka ti a, a nu leh a pa in Villa a chen an duh tlat a, an unau zinga upa ber Amber pa ni bawk lah a nupui leh a fate nen California lamah an awm daih bawk a. Micheal leh Brianna lah pangngai taka hmuh tur an awm ngai lo a, Christian lah hi hna leh keimah tih loh ngaihtuah nei hmel pawh hian a awm lova, mak ve tak chu an ni.






Villa kan thlen chuan chhungkaw member tih loh an la awm vak lova, Brianna a rawn kal ve anih chuan a falin ka bia ang ka ti rilru rauh rauh a. Ayla hnen anga thu ka hriat hnuah khan pangngai taka inbiakna hun kan la neih leh lo vang a ni.






Christian pa chuan min lo lawm ve luam a, a piancham anih angin duhsakna te chu ka hlan ve vel bawk a.






Kan nupa chuan dawhkan pakhat kilin kan ding reng a, Christian chuan wine glass a keng leh tawh.







"Mahni inveng zo lo khawp a...." ka tih lai chuan, "Ka keng mawi mai mai anih hi" nui chung a ti a, ka nui ve ta ringawt.






Party chu tan a ni a, Christian chu business man thenkhatin an rawn be leh zeuh thin tih loh chu kan pahnihin kan ding ngawi reng a, khawvel party zawng zawngah a la nuam lo ber maithei a ni.






Haw mai chu ka duh a, mahse a mawiin ka hre chiah si lo. Mi chevel thlir chuan ka ding reng ringawt mai ni.






Chutia kan nupa a kan din reng lai chuan Rebecca leh pa upa tawh lam hi kan bulah chuan an rawn ding a, Rebecca chu a nui sawng.






"Hei hi maw i nupui chu ?" pa upa lam tawh chuan a ti a, min ngaihnep hmel takin min la melh zui.






"Aw" tihzawngin Christian chuan a chhang a, kei erawh chuan en pawh en peih loin ka hawisawn hmak thung.






"A chhiat hran loh hi" mipa zawk bawk chuan a ti leh a, "Paaa!!" Rebecca chuan lawm loh hmel tak hian a lo ti vat a. Hahh.... A oa a rawn hmachhuan vel dawn tihna aniang.







"Good evening Lady's and Gentlemen..." Leo âw ri ngei mai chuan a rawn ti a, chu lam chu kan hawi thap.







Leo chuan eng eng emaw sawiin a sawi tawpah music a ri zawm zat a, Rebecca lah chu a pa awm vang chuan a inti huai ve deuh nge Christian chu lampuiah a sawm a, ben leh hrep mai nia ka duh ni.







"Ka lu a na deuh..." ti sapin ka lu ka dawm a, na tih hmel deuh chuan ka kun daih bawk.






"I tha em ?" Christian chuan nuihza âw tih hriat lutuk hian a rawn ti a, min kuahin min hruai hrang nghal daih.






Kan kan hlat deuh thu chuan, "Ka tha..." tiin ka awm pangngai chuan ka awm a, Christian chuan min nuih.






"Enge i nuih ?" ka tih chuan, "Ka laka thik thu i nei tih ka hriat hian ka lawm a" a ti a, ka kutah rawn kaiin naupang ang mai hian min nuih vur vur a, ka nui veleh tawp.






Buaina thlen a awm em lova, ka ning viau takah erawh chuan tumah hrilh lem lovin kan haw ta ngawt a, Christian nu leh pa chu an lungawi loh loh hram ka beisei.






Dan pangngaiin zanah kan mu a, inhauhna nei miah lova awm chu nuam hle mah se ka awm thiam lo dawn dawn zawk hialin ka hria!







Mut hmunah chuan naktuk lama sumdawnna thil avanga a zin angaih thu a sawi a, engtia rei nge a zin ang tih ka lo zawt vat.






"A rei berah nithum" a tih chuan, "Ni thum lek chu ka awm theih mai dawn chu" ka ti a, a rawn chek hluk chu ka en.






"Nang chu i lo awm thei mai anga, kei zawk hi engtin nge ?" a mit hmul pakhat zawk kan zauh chuan a ti a.






"Han ti leh teh..... Khatia i mithmul i tih kan(up) khan Toy Story a Buzz Lightyear kha i ang lutuk" ka ti a, "Hah... Thudang sawi tum suh, ka ngaih tur thu che ka sawi anih chu!!" a ti a, nui hak hakin, "Mawhhh... ti leh teh..." ka lo la ti a, za lo tawka nui khek khek chungin a hawisawn kual vel a, a intithei ve deuh emaw ni.






"Ti hian em ni..?" tiin a mit hmul pakhat chauh chu a ti kang leh a, chutia atih chuan a lang pa ka ti tlat pek.





A mithmul tak tha lutukin a mitmeng buang thang a pawh mar chhoh chuan a mit chu a lang lian zual a, a sam duhdah zeta a tih phir nen zawng zawng chuan a lang pa ngawih ngawih.






"Lo awm sawn suh.." tiin ka phone ka la a, thla ka lak mawlh mawlh.






Thu awih tak chuan awmin a hmel a siam chhe vel a, kan nupa chuan kan nui hlim hawr hawr khawp mai.







"Leee.... Khawi ka duhdan a i awm ve hun......" a tih chuan ka en ha a, fawh a duh nih ringin ka fawp zauh a, a thla ka laksak en chuan a ka mu tha leh mai.






"Ka duhdana i awm hun ka tih chu....." ka tih chuan ka en leh ha a, "Vawi engzat nge fawh i duh ?" ka tih chuan a nui suk.






"Chulam a ni lo Amour" tiin ka chungah a rawn bawk nghal a, ka lo en kar.






Ka phone chu la in a theh sawn a, ka kut pahnih chu manin ama kawr chu a hlip a, ka kut phuar nan chuan a hmang leh hmiah.






A thil duh chu ka hrechiang nghal viau a, ka nui var var.





******************





"Harh rawh le" tia ka chala rawn fawptu vang chuan ka rum tuah tuah a, "Nizanah kan sawi tawh khaaaaa" meng mang lo chuan ka ti a, ka hnaih zeta awm chu a rawn nui lum hak.






"I pasal rorum leh sual khawkheng thinchhe bawk si hian ka keng tel daih mai ang che" nuih za âw tak chuan a rawn ti a.






"I ken kual mai mai theih bungrua pawh ka ni lo" tiin amah chu ka va kuah a, a rimtui veng veng mai.







"Kal rawh room pawn thleng thlah chu i phu lawm" tiin ka thu chhuak a, thawmhnaw engmah ka la ha lo lehnghal.







Kan puan sin chu hlimin ka intuam a, Christian chuan thatchhiat hmel zet hian min lo en.






"Ka kal leh lo mai dawn em ni ?" a rawn tih chuan, "Tho vat mai teh..." ka ti hluk a, "Khatiang khan room hi chhuahsan i tum thu sawi miah suh" a tih chuan ka dar ka san ak a, "Kan nupa leh maid tih loh chu he in-ah hian cheng kan awm hleinem" ngaihsam hmel zet chuan ka ti a, a rawn inperh tho nghal zat.






"Ni thum chhung ka hmu dawn lo che ania..." tih tha lehin min rawn kuah a, "Kan inneih hma pawhin ka tel lovin i awm fo alawm" ka ti chu a chek hlak a.







"Tunah chuan a danglam tawh lawm....." tiin min rawn fawp a, ka lo chhang let ve vat.







Duhthawh taka kan infawh hnuah thaw hak hakin kan inlahrang a, " *Por gue te am aba asi" a ti sap sap a, ka nui hak. *(Why i loved you like this)







"Pawn thleng min thlah teh le, anih loh chuan ka thulh takngial dawn" amah chuan a rawn ti a, room atang chuan kan chhuak zui.







Sitting room-ah chuan Amber a lo awm a, min hmu thut chu min beisei loh vang nge a phu zawk hian ka hria a, chik zeta min melhna pawh chu ka hmuh hmaih lo. Mahse a awmdan chu siamtha vatin min nuih sang a, "Good Morning Sasha..." Christian engahmah ngai lo angin keimah chauh min en chuan a ti a, wish letin ka nui ve sak.







Min ngaihsak lo niawm takin a lang zawm nain Christian a en zui chu ka hmu a, thawmhnaw inbel ka nei si lo nen a rilru tur chu ka hrechiang viau a, chuvang erawh chuan nuam ka ti ru viau thung.







Christian pawn thlengah ka thlah hnu chuan ka let leh a, Ayla chu koin kan khum siamtha tur chuan ka ti a, bed cover zawng zawng thlak tur chuan ka ti bawk a, kei erawh hahdam zetin sitting room-ah chuan ka la thu muang der der.







Amber chuan nuam a ti chiah lo tih chu ka hria a, mahse chutia awm chu kei lah chuan nuam ka ti viau bawk si.







Ka nghawng khuhtu ka sam chu ka hnunglamah ka dah a, ka puan ven pawh chu thlah loose deuhin ka awm a lang kung a, ka nghawng leh dar, awm vela Christian sulhnu chu hmu ngei se ka duh vanga ti ka ni ber.






Ka duhdan ang ngei chuan a hmu ngei a, a âw a thian kharh kharh.






"Oh!" hre lo ang tak chuan ka inkhuh tha sat sat a, "Mu thei lova kan siam che ka ring lo ringawt a!" ka tih leh kherah phei chuan a rawn khuh bawrh bawrh a, "I tha em.." ka ti tak nain a ruk erawh chuan ka nui sak.







"Aw min hrethiam teh..." tiin min thawh san a, a kal nghal nal nal.







Ka nui sak a, ka duh te chuan ka ngeiawm in ka zak lo ve thei emai!!






Keipawh chu room-ah lut leh vatin bathroom lam ka pan leh nghal a, darkar khat dawn ka awm hnuin bathroom atang chuan ka chhuak a, Ayla hnenah chuan mi pahnih tana breakfast min rawn ken turin ka tir nghal zat.






Ayla rawn let leh meuh chuan ka lo inthlak fel dim diam tawh a, Balcony-ah hahdam zetin ka thu der der tawh.







Ayla chuan mi pahih tan breakfast chu a rawn la ngei a, balcony a dawhkanah chuan a hung mawlh mawlh.






Baluard leh chhangthawp butter tah sa chu a rawn la a, "He thingpui hi in teh, i ngainat zawng a ni ngem ?" tiin a thingpui sawi chu a siam mawlh mawlh a, a siam zawh veleh chuan ka lo ban vat.






"Hei hi enge ni? A rim a tuiin a dangdai lutuk" ka ti a, Ayla chu lawm tih hriat takin a nui seih.







"Tah khan thu la sawi teh" tiin thutna tur chu ka kawh hmuh a, tim daiin a thu ve mai bawk.







"Vintage Narcissus, Hong Kong atanga Sir Leo rawn hawn anih kha. Mrs. Whit tan a rawn hawn a, mahse Mrs. Whit in a ngainat loh zia i hria anga kei min pe leh chhawng ta a ni. Mi nazawng in theih loh Vintage tea anih kha" a tih chuan ka lo bu nghat nghat a, "Neih leh dan ka ngaihtuah ang, Hong Kong-ah a awm a ni lawm ni ?" ka tih chuan a lu a bu nghat.







"Ei rawh, breakfast i la ei lo tih ka hria ania" ka tih chuan min rawn en zawk a, ei tum awm pawhin a awm chuang lo.







"Ei rawh..... Nangmah ka inlak kep tir che anih kha" nelawm deuh zawk chuan ka ti leh a, a ei ve ta hram a, kei erawhin Vintage tea chu tui ti zetin ka in zawm mawlh mawlh.







"Oh... Mrs. Roths hna i kal dawn lo em ni ?" Ayla chuan a rawn ti leh thut a, "Aw..... Ka thawh rengin awmzia awm hleinem" nui chung chuan ka ti a, min en ha.






"Business studies dregree ka nei a, Christian rawn haw hunah a hnaah ka pui tawh zawk dawn" ka ti a, hrethiam niawm tak chuan a bu veleh nghat.






Christian min nawr vang em em pawh ni lovin damdawiin lam ban chu ka duh a, thiam ka nei lo tih hi ka inpawm viau a, kei aia tha tam tak an awm laiin keiin ka lo thawh ve reng khan awmzia a awm lo a ni e.





🦋Prolouge a va thleng teuh tawh emmm


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)