74'75 BY Un Sammy (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: 74'75 BY Un Sammy (Completed)

Unread post by Ngaia » March 26th, 2023, 3:49 pm

74'75
by Sammy 🦋







Ch><13







Ni khat chu a liam ta reng a, Christian tel loa awm chu a khawhar thlak ve viau mai a, phone kal tlang erawh chuan inbe reng mah ila a taka min duatna kha tel ve thei hek lo le ka rin ai daihin ka ngai a. Ami duatna te chu ka ngai ni berin ka hria.







Amber chu ka la hmu leh miah lo a, he inah hian kei leh Ayla chiah cheng ang mai kan ni.







Room a ka thawmhnaw ka en fel lai chuan Ayla chu a rawn lut a, Brianna te nupa an rawn let thu a rawn sawi.







Biak ka duh viau nain awm hahdam phawt se ka ti leh ta mi a, room ka chhuahsan ta lo law law.







Khua a thim tan tihah chuan ka ril a rawn tam a, Ayla auh mai ka tum chu ka tir nasa tawh mah mah ti rilru chungin keimah ngei chuan ka eitur chu lak ka tum ta zawk a.







Room ka chhuak chu Brianna nen kan intawk a, ka hmu thut chu ka che buai deuh.







"Chhuah na tur i nei em ni ?" a tih chuan, "Ei tur lak ka tum a..." ka ti a, "Chef a awm lo..." Brianna in a tih leh chuan, "Oh!! Anih chuan ka ei chhuak mai ang. Ka rualin lo kal ve la..." ka ti leh a, min en run bawk si a, amah a zahawm viau sa nen ka awm pawh a ti nuam lo.






Chutah thaw hakin a inher a, "Lo kal rawh eitur ka siam ang che..." tiin choka lam pan chuan a pen sawn nghal a, ka zui vat.







An zinna chanchin chu ka zawt a, a that thu leh an sumdawnna a tluan thu a sawi a, ka lo lawmpui ve viau.







Brianna pasta siam chu tui ti takin ka ei a, "Ei siam hi zir la a tha ang.." a tih chuan, "Engmah sawi suh..." ka ti hluk a, a rawn nui hak hak.







Brianna hi chuan kei ang lo takin thil tam tak thiam a nei a, kei aiin a lak tlakin a la luhlul chhawng leh fe a, amah anga awm tur hian min duh viau mah se tuna ka nungchang pawh hi a tawk viau e.







"Sakawr khalh i duh em ?" a tih chuan pasta hmuam tun chuan ka en a, "In tih thawven nan...." mit ko san ak pah chuan a ti leh a, "Zan anih dawn hi Brianna!!" ka lo ti hluk a, hrechhuak thut niawm hian a nui zui hak hak.







"Ka pum chhunga awm ve dang hian min ti chawmawl vek anih hi" a rawn tih chuan, "In enkawl that viau i ngai...." ka ti liam puat a, hrechhuak thutin ka au nghek.







"Ka pum chhung ami a! Brianna!..." nui chung chuan awih chiah lo, hlim tak si chuan ka ti that a, nui chung vekin lu a bu nghat.







"Engtin nge.. oh ni lo, engtik atangin nge.." ka ti bah nak a, Brianna chu a rawn nui hak hak.






"Kar 16 lai a ni tawh" a pum tuai zeuh pah chuan a ti a, chutia a sawi tak vang nge a pum chu lian deuh sawt hian ka'n hre ngawt a.







"Ka lawmpui lutuk che!!" tiin ka kuah vawng vawng a, "Hetiang hi i lakah ka beisei pha ngai hauh hleinem" ka ti a, Brianna chu a rawn nui leh hak.






Naute lam pang ka ngaihtuah ngai lova, Brianna hi nau pai ve tur angin ka ngaihtuah chhin ngai eih lova, ka lawmpuiin mak ka ti bawk.







"A lawmna kan nei ngei ang chu tiraw ?" ka tih chuan, "Ni lo e..... Kan chhungkaw mi bakin an hriat ka duh lem lo" a tih chuan chal ti chuar tapin ka en a.







"Thil hrilh tur che ka nei a..." tiin a ngawi leh a, a hmel atang chuan sawi nuam tak anih loh hmel.







"Roths chhungkua atang hian kan chhuak dawn a, Roths chhungkaw hming hi kan ta anih ve loh avangin kan inlahrang tawh dawn a ni" a rawn ti dap dap a, ka lo en kar.







"Mak i ti lo em ni ?" a tih chuan, "Ka hre lo... Mahse hetah awm ve turin ka duh che" ka ti a, a thaw hak.







Roths chhungkaw zing ami an ni lo tih ka hriat tawh miau avangin mak ka ti hran lova, inlakhran an tum nachhan erawh chu ka hrethiam lo.







"Thil tam tak hriat loh hi i la ngah a, mahse i hriat loh hi i tan a tha zawk" a ti a, hah hmel zet hian a thaw leh hak.







"Zep leh thuruk hi a tam lutuk a, hriat kher tumna pawh ka nei hlawm lo. Mahse in chhuah kher erawh chu ka rem ti hauh lo ania" ka ti leh a, "Puitling takin ngaihtuah rawh Sasha. He hmunah hian kan him lova, kan chhuah ngei angai" a ti a, a mitmeng atang chuan a thutak zia ka hre thei.







"Chhel takin awm la, engpawh thleng se fim taka ngaihtuah chunga hmachhawn zel turin ka duh che..." a tih leh chuan, "Tinge kalbo vang vang mai tur anga i tawng a" hrethiam lo zetin ka ti a.






"Huaisen taka thil hmachhawn turin ka duh che lawm. Ka hmangaih che tih hi hre reng la" a ti a, "Keipawhin ka hmangaih che lawm" tiin ka kuah leh vawng vawng.







Chutih lai chuan Ayla a rawn kal a, ka phone a rik reng thu sawiin min rawn pe. Room-ah ka kalsan kha a ni a, Christian bawk anih ka ring.







"Aw le ka lo be dawn nia" tiin phone chu ka la a, Ayla leh Brianna chuan dinning room atang chuan min chhuahsan a, kei erawhin phone chu ka check thung.







Christian anih ka ring laiin Noelle a lo ni daih a, vawi 12 lai min rawn call zui.







A pawimawh viau anih ringin call ka call let a, dinning room atang chuan ka chhuak veleh nghal a. Sitting room a Noelle ka hmuh vang chuan ding datin, "Oh rawn biak che ka tum chiah a..." ka ti a, a rawn lang teh hlawl chu mak ka ti deuh.







"Enge i an rawn hriat ka duh a" a tih chuan ka chal ka chuar tap a, "Chumi vang chuan vawi eng emaw zat min rawn call-in ka chenna hmunah i rawn kal a...??" ka ti ban charh a, a chhan chu a ho mah mah deuh a ni.







"Ni lo e..." nui hak pah chuan a rawn ding chhuak a, ka lam a rawn pan.







"Ka insawn dawn a, Seville lamah" tiin min rawn pan hnai zel a, sawi tur hre lovin ka lo en tawp.







Min hnaih takah chuan rawn dingin, "Ka rual a lo kal ve turin ka duh che Sasha..." a tih chuan, "Enge maw i sawi le ?" ka ti ner nang a.







"Ka hmangaih che ka tih tawh kha, kan pahnihin kal ila. Seville-ah chuan bul kan tan tha dawn alawm. Nangpawhin min hmangaih tih ka hria ania...." tiin ka biang a rawn chul a.







"Wooo!! Tiang lo zawng khan.." tia ka inlahrang tur chu a kut pakhat chuan min pawt bet ta tlat.







"Enge ti nia i inhriat le ?" ka tih chuan, "Ka hmangaih neih let tumin ka bei mek anih hi" a tia nih chu!






"Min thlah teh... Kan inkar hi a tawpna a rei lutuk tawh. Midang nen nun thar kan nei ve ve tawh a, kan khawvel ngaia let kha chu ngaihtuah pawh ngaihtuah suh" ti hlukin a mi vawnna atanga tal chhuah chu ka tum a, min man nghet hrep a!







"Noelle hetia itih hian ka hmangaih phah dawn hauh lo che nia" ka tih chuan a mitmengah chuan beidawnna ka hmu a, beidawng tur pawh a ni reng alawm!







"Hetianga i awm fo hian nuam ka ti lo ania" ka tih leh chuan min thlah a, "I hlim hi ka duh ber..." tiin a kun lap a, ka khawngaih lutuk.







"Tiang hian awm lo la..." tiin a biangah chuan ka han dawm a, "Betty i nei a, a hmangaih lutuk che tih ka hria ania. Chuan nangpawhin I hmangaih thei ngei ngei ang. Keipawhin i hlim hi ka duh ber" ka ti a, ka tawngkam chuan a hnem leh hnem loh ka hre lo nain ka theihtawp a mawi chuan ka tawng chhuak ve.







"Nui hmel put loh hi i inhmeh lo ania, nui rawh le" ka ti a, chutah a rawn nui ta sak.







"Ka kuah thei che ngem ?" a tih chuan nui chungin ka lu ka bu nghat a, ka dara a khabe nghat thlapin min rawn kuah vawng vawng.







"In sawn ka tum tak tak lo ania..." a tih chuan ka nui hak a, kan inlahrang nghal.







Pawn thleng chuan thlahin tha taka awm tur chuan ka chah a, a lan theih chhung ka thlir hnuah inchhungah ka lut veleh a.






><><><><><><><><><><><






Vawiinah Christian a rawn haw dawn a, ka rawn haw lo maithei kha chu ti mah se a rawn haw ngei dawn tih ka chiang a, in a rawn thlen hun tur ka nghakhlel viau tawh. Ka zep lo, ka ngai a, ka ngaih ngawih ngawih mai. Mahse langsar taka ka ngaih zia lan tur erawh chu ka duh miah lo.







Ayla chu chhuahpuiin damdawiin lamah banna lehkha ka theh lut nghal a, Nurse Emily nen kan inbiak leh deuh hnuin Ayla nen chuan golf khelhna hmun lam kan pan a. Ayla in nuam a tih thu a sawi vanga kalpui ka ni.







Golf khelhnaah chuan nilengin kan awm a, Christian chuan min dawn call miah lo ve tlat a, a buai anih ringin ka call duh bik lova. Ayla chuan golf khelh dan te chu min zirtirin nuam kan hlim phian mai.









Christian Pov.







Hna lamah buai viau mah ila Sasha be lova awm chu ka thei meuh lo a ni e.






A rimtui tak te, a nui ri te leh a mitmeng min cho ar thin te chu ka ngai a, amah kuaha mut hahdam siai siai baka thlakhleh ka nei lo.






"Vawikhat meeting bakah Roberts Group factory tlawh leh kan ngai a, chuan i hahdam theitawh ang" Antonio chuan a ti dap dap a, "Meeting chu engtikah nge ?" ka lo ti vat.







"Lunch zawh lamah a ni ang. Factory tlawh erawh naktuk lamah a ni thung" a ti leh a, ka thaw hak. Vawiin lama thlawh haw leh nghal ka tum rilruk vei nen, ka nupui ngai tak chungin zankhat chu ka awm leh angai dawn anih hi.







Lunch zawhah chuan meeting chu neih a ni a, a rei ka ti rilru viau a, Sasha biak leh vat chu ka chak ber a ni.







Meeting chu zawh a ni hram a, Sasha chu ka call nghal vat.






Min ngaih thu a rawn sawi ve chuan ka nui huk huk a, he hmeichhe luhlul lutuk kâ atang hian min hmangaih thu te, min ngaih thu te hi hriat ka lo inbeisei ngai lova, ka hriat ka hriat takah chuan awih loh rum rum chang ka ngah.







"Natukah engtik hunah nge i rawn let ang, zan lamah anih dawn chuan dinner siam sak che ka duh a" a rawn ti a, ka let hun tur chu ka hrilh tha duh lo. Surprise ka duh....







"Factory lamah thil buaipui ngai a la awm avangin ka rawn let thei lo maithei a ni" ka tih chuan a reh duk a, "Aw le... Hna chu a pawimawh lawm" tiin phone chu a dah a, a titau a ni ngei ang. Phone chu en in ka nui vur vur.







Phone ka en lai chuan Amber message ka dawng a, inbiakpawh a, inbiak tam hi ka duh lo a, mahse ka u fanu anihna a bo chuang bawk si lo. Rilru chu a ti buai ve duh thin khawp mai.







Amber call chu rawn lut nghal zatin ka la a, "Rawn tih buai che tum hran lova mahse inleng duhawm tak kan nei tih ka message i en tawh chuan i hre ngei ang..." a tih chuan call chu ka cut a, a message chu ka en.







Rebecca hi a lo va kal leh anga, an lo buai leh chiam ka hlau va, Sasha thinrim tak tak na tur chu engmah thleng lo se ka duh.







Mahse Amber message erawh chuan chutiang lo lam daih chu ni a rawn ken ni. En thuak pawhin chiang takin a hriat theih a, an hlim a ni tih chu hai rual a ni lo.
Ka nupui duhtak ka ngaih em em leh a lo duh em em thin mipa chu inngaih leh hlim hmel takin ka inchhungah an awm anih chu!







Ka thlalak dawn chu ka awih lo a, edit a nih leh nih loh hriat nan chiang zetin ka han en a, edit ni ang chuan ka lang mawlh si lo.






Ka thaw hak a, ka hlim rilruk ve na te kha chhem bo duak a ni a. Rilru natna leh thinrimna chuan min rawn tuam hlup hlup a ni ber e.







Sasha chu ka call leh a, mahse a la tawh hauh lo. Noelle nen an awm dun tak tak em ni ang? Ka ngaihtuah a ka thin chu a rim takzet. Min lo bum reng tihna a nia nga, keiin ka lo hmangaih em em a!







Hei vang hi a ni ngei ang ka haw thei lo tura ka sawi pawh pawi a lo tih loh tak ni?


.
.
.
.




Rilru bet leh nghet tawh lo zetin hna la awm te chu kan ti zo a, haw chu ka chak rualin thudik ka hmachhawn tur vang hian ka hreh phah bawk.







In chu ka thleng leh ta pauh a, Sasha chu a chhuah thu an la sawi zui.







Room-ah chuan awmin Sasha chu ka nghak a, ka tawt lutuk tih ziaawm nan chuan zu ka in ta ringawt bawk.







Sasha ka haw dawn thu ka hrilh lo a, zinga min rawn call pawhin a rul tawk bakin ka chhang hek lo. Ka thil hmuh kha awih ka duh a, awih lo ka tih ang bawkin awih na leh awih lohna keimahah a inzat chiah a. Sasha in 'Ani ka tih loh chu a ni lo a ni a, awih suh' a tih te kha ka hrechhuak a, mahse 'a ni' ti lo mah se hmangaihtu thinlung hian awih loh har a ti bawk si.







Ka kiangah hian ka hlim lo em ni tih tein ka inngaihtuah a, ka kianga awm a hrehna tur thil tih ka nei em? Dik lohna lai ka awm em tih chu ka in enfiah mawlh mawlh mai ni.







Mahse..... Ka hre lo, min hmangaih let thei lo tur khawpa ka tih hreawm ka hre lova, ka theihtawpa ka duatna leh hmangaihna a duhtawk lo anih erawh chuan thu hran.







Sasha chu a rawn haw har phian a, a rawn haw hunah engtin nge ka lo hmachhawn ang? Sawifiah turin ka phut ang nge engmah hre lo angin ka awm zawk ang?







Amber chu a rawn lut zan zan a, "I zin haw lo hmuaktu i nei lo tih ka hria a..." tiin ka hnaih takah chuan a rawn ding a.







"Engvangin nge i nupui chu kan thlim ve mai loh ang..?" inti zei fahranin ka dar vel chu a rawn hmet a, ka no ken lai chu ka tlak pap.







"Chhuak rawh!" ka ti bul hmuk a, min hlau lo zet hian a nui ringawt anih chu.







"I hmangaih anih hrep hi a!!" tiin min ngaihnep hmel zet hian a nui a, "Keipawh hian ka hmangaih tho che sin..." tia min rawn fawh a tum chu ka nam sawn dawrh a, chhuatah chuan a let tawp.






Thawh tum awm pawh a awm lovin min en a, a hmui nawihsen te chu a rapawm lek lek zawk.







"Engtikah emaw chuan ka taah ka la siam dawn tho tho che. Min hmangaih lo thei lo in i awm anga...." tiin a nui uar uar a, "Chhuak vat mai rawh!!" ka lo ti leh hmuk thung a, nui uar uar chunga thoin a chhuak zui mai.







Rei lo ah chuan Sasha pawh a rawn haw ve thei hram a.







"Ka ngai lutuk che nia...." tia min rawn kuah chu a uak that a, "Tinge zu...." tih bak a sawi lo bathroom lam panin a tlan nghal a, a hnungah ka zui vat.







A chungah lungawiloin thinrim rih viau mah ila ka ngaihtuah lo thei lova, ka hmangaih miau si avangin keimah ka indang thei lo anih ber hi.







"I tha em...?" tiin a hnungah chuan ka chul a, "Christian zu rim kha ti reh rawh" a rawn ti.








Tho thurhin room atang chuan ka chhuak a, ka zu in rim kha a haw thut tihna em ni ang. Engpawhnise ka tih reh phawt angai. Chokaah lutin eng emaw ka zawng a, purunvar chu ka hmawm hmak.







Room a lut lehin ka ha ka nawt a, ka kâ hmangin ka thaw vak vak.







"Zu ka nam tawh lo e" tiin Sasha chu ka ngaihven a, vawihnih a uak leh barh barh hnuah a ziaawm thu a rawn sawi a, intifai zawm mai a duh thu a sawi nghal zat.







"Aw awle...." tia bathroom ka chhuahsan chu, "Min rawn zawm dawn lo em ni ?" a ti a, a âw tang chuan min beiseina a hriat theih.







"Ka lo mu hahdam zawk ange" tiin ka zawm duh ta lo.







Khumah chuan muin thil tamtak ka ngaihtuah leh a. Sasha hian inthen duh ta se engtin nge ka tih ang? Hetiang a mipa lo tak a, hmangaihtu ang taka thil ngaihtuah hi ka la nei ngai lova, a harsa ka ti hmangaihtu nih hi.







Sasha bathroom atanga a rawn chhuah chuan min nuih var var a, ka lo nuih let ve sak.







"I mizia a rawn dang haw riauin ka hria...." a tih chuan, "Ka ngaih lutuk vang che anih hi" ka ti a, a chal chuak tapin, "Ani chiah maw? I zinnah chuan i ngaihzawng hlui tu emaw berin a rawn tibuai leh lo che maw ?" nui chung chuan a ti a, ka nui lui ve ngial a, mahse a za hlawl lo a ni e.







A inthlak fel hnu chuan ka bulah a rawn mu a, min rawn kuahin min ngaih thu a rawn sawi sep sep a, amah tawp hi ka nep zo thlawt lo a ni ber e. A thusawi laklawh lai chuan ka fawp leh ta vawng vawng.







A hmui hnuailam chu a hnek hian ka hne dek dek a, ka ngaih viau tawh vang nge a hmui, a ka chhung te chu a thlum ka ti!







"Oh Sasha..." ti sap sapin ka inlahrang a, a biang chu dawmin kan chal chu kan insik tir a, ka mit ka chhing vang vang. Ka thil hmuh te kha dawt nise ka va ti em.



A TAWI MIAH LO NIA


🦋Ads click leh comment kha aw 🦋


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:49 pm

74'75
by Sammy 🦋







Ch >< 14






Sasha Pov.






Zing ka harh chuan a tlai tawh hle a, Christian pawh a lo awm tawh lo. Sana ka'n en a, zing dar 10 lai a ni tawh!






Christian chuan min kaitho duh lovin hna a kal anih ka ring a, nizan khan vawiin chu chawl tura ka duh thu ka sawi nasat viau nen hna a tul hle anih ka ring.







Khum atangin ka tho chiah tih chuan Ayla a rawn lut a, ka tho tawh turah a ngai ve tho aniang breakfast tur a rawn chawi lut a.






"Oh intihfai i duh hmasa em..?" tiin a eitur rawn ken chu min hmuh a. Chocolate Churros bakah mollete, pincho leh coffee nen.







"A va han tam em em ve ?" ka tih chuan, "Tunlai hi i thil ei a tuiin ka hria a... Hei hi ei chhin teh, Spain torrila tui ber anih hi" tiin pincho chu a melh zauh a, "Ka thau phah viau lo ang maw ?" ka tih chuan nui chungin a lu a thing a, chutia ka thau phah dawn loh thu a sawi takah phei chuan a tui hmel ka ti sa ve tho nen ka ei ta a, ka beisei ang ngeiin a tui bawk.







Thau hlau taka ei leh in fimkhur em em thin ka ni a, hetiang fat pai tam lutuk hi ka la ei ngai hauh lo a, mahse a lo tui phian bawk si.







"Ka thau anih vaih chuan a pawi dawn lutuk" ti chung zel chuan a dang pawh chu ka ei zel a, ka la ei tui em em zui a!







"Tinge thau chu i hlauh a, i cher khan i inhmeh lo zawk alawm...." Ayla in a rawn tih chuan, "Ka pasal tan hian nalh taka ka awm angai alawm, hmeichhe thau tawp taka ka chan vaih chuan ka pasal hian min kalsan vang vang dawn asin...." ka ti a, Ayla chu a rawn nui hak hak.







Tho chiah e ti lo chuan ei tui lohna pawh nei lo chuan ka ei mawlh mawlh a, mahse Ayla thusawi ka hrechhuak thut.






"I cher khan i inhmeh lo min tia, tunah hian ka thau tihna em ni...?" Ayla chu ka zawt a, "A itawm tawk lekin...." a tih chuan ka thil ei lai chu ka dah a, darthlalang hmaah ka va ding nghal.







Thau nih ka duh reng reng lo. Ayla in thau min tih tak vang chuan nge ka inhmu thau ve riau va, ka kawng te chu a hma aia fek lovin ka hmu lian deuh a, ka inhmu dik lo vek.







Brianna rawn lut chu ka thau leh thau lo ka lo zawt a, ka ngai reng thuin min chhang mah se ka dik thei lo.







Ayla chu a chhuak a, "Thau anga i inngaih deuh leh in-ah hian jym a awm ania...." Brianna chuan a ti a, "A that chu..." ka ti hap.







"A engvang chuan nge thau chu i duh lo a" a tih chuan, "Ka thau vak anih chuan Christian hian min hne vat mai ang" ka ti a, Brianna chu za lo takin a nui hak, "A hmangaih che ni lawm ni? I thau leh cherah a buai lovang" a ti a, a thusawi chu a dik viau. "Nia... Mahse jym kal chu ka duh tho, ka pasal taka perfect nih ka duh...." ka tih chuan Brianna chu a nui leh hak hak a.






"Aw le aw le.... Kawppuite tanaa tha ber nih tumna pawh hi hmangaihna vek a ni" a ti ta a.







"Min mamawhna i nei em ni ?" ka tih chuan, "Aw ka thawmhnaw min en fel pui turin ka duh che a" a tih chuan, "A tha lawm... Mahse ka intifai zuai anga ka rawn kal ang" ka ti tha veleh mai a, Brianna pawh chu chhuak zuiin keipawh bathroom ka lut zui.







Ka intihfai zawh hnu chuan room Brianna te room lam chu ka pan a, nichin lawk khan breakfast ka ei sia ka ril a rawn tam leh zawih zawih tawh.







"Brianna thau ka duh lo lutuk vang em ni ka ril hi a tam reng a" tiin an room-ah chuan ka lut a, maid an lo awm thup a, ka awmdan chu ka siamtha vat.







"Enge in tih thup a ?" nelawm vak lo chuan ka'n ti a, "Ka koh luh an nih kha, i ril tam chuan ei tur ka lak tir dawn em ni ?" a tih zawm zat a, "A ngai lo" ti hmukin khumah chuan ka thu thla ve a.







Ka ril chu lo tam mai mai rawh se, nichin lawka thil ka ei a, ka pumpui pawh hian sual a rawn chhuah emaw ni. Mahse engmah ka ei dawn lo.







Brianna chuan a thawmhnaw ho chu a pack mawlh mawlh a, a tih zawh tawh ho chu maid ho chuan an thiar chhuak zel bawk.







"Chhuah in tum tak tak em ni a ?" ka tih chuan, tawngka pawha min chhang lovin alu a bu nghat a.







"Kan bula awm hi a hreawm viau em ni ?" ka ti a, ka tah a chhuak ringawt.







"Chutiang a ni lo tih i hriat kha.... Kan insawn ringawt dawn a, kan kalbo dawn pawh a ni hleinem" Brianna chuan dam dap hian a ti a, ka tah lah chu a rawn chhuak tet tet bawk si.






Engmah sawi lo chuan ka chhuak ta daih a, Brianna hmaa tah kha ka duh lo, midang hrim hrim hmaa tah ka duh lo tawp.






Kan khumah chuan ka thu luau a, Christian pawh hian min rawn call thei miah lo. Ka call mai dawn em ni ka tih lahin ka tih buai ka hlau bawk si.







Ayla chu ei tur nen a rawn lut leh a, "Ayla min thlem hi i tum deuh em ni ?" ka tih chuan, min nuih tlawn ti tih a, "Riltama i awm hi ka duh lo alawm" a rawn ti a.







"Chhuahpui leh rawh, dinner ei hun anih hma chuan engmah ka ei tawh dawn lo. Tun atang chuan breakfast leh dinner chiah ka ei tawh ang" ka tih chuan eng emaw sawi tum hian a ang zuau a, mahse ka mitmeng vang chuan nge tim daiin a chhuak leh ta a.






Ka mu a, vawiin hi engmah a dik thei thlawt loooo..... Ahma zawngin hetiang em em hian ka ril a tam ka hre ngai lova, indiet rilruk laiin a ril lah hi rawn tam chhen.







Christian lah chu ka ngai em em a, min rawn biak a tum loh hmelin a reh vang vang mai a. Ka thau deuh tiin min iai tan tihna em ni ang? Christian an min duh lo tan tura ka ngaihtuah chuan ka tah chhuak ringawt a, mahse tah chu ka duh teuh lo. Ka mittui chu ka khap per sak a, mittui dang a rawn chhuah tawh loh nan chunglam ka melh kar.






Dinner ei hunah Christian chu a rawn haw a, inthlak hmasa lovin dinner chu a kil zawm a, ka ngaih zia pawh engmah ka sawi hman lova, min pehhel deuh nge en pawh min en tha duh tlat lo.






Brianna te an chhuah dawn avang chuan he ina la awm ve kan nupa leh Brianna te nupa bakah Amber nen chuan dawhkam chu kan kil thap a, Christian chuan Micheal chu duhsakna te hlanin a nau anih reng thu te a sawi a, Amber pawh chuan lo sawi vein kei erawh ka ngawi reng.






Dinner ei zawhah Brianna te chu kan thlah a, Brianna awm lo tur ka ngaihtuah chuan ka hnuk a ulh deuh a, mahse ahma ang bawkin ka insum leh thei viau.






Room kan luh hnu chuan Christian chu a intifai nghal a, khumah chuan ka lo nghak ran.







A che zia chu ngun takin ka thlir a, min pehhel deuh tlata hriatna ka nei tlat anih chu.







A zinna lamah thil eng emaw tawn a nei em ni ang hetianga a mizia a rawn dan haw viau nachhan hi le. Nge ni a ka ngaihtuahna ang tak tak khan min iai tan ni ang.







Ka ngaihtuahna chu duh lo zetin ka rum nghat a, ka ke leng chiamin ka mu a, "Na i nei em ni ?" Christian chuan a rawn ti zawi sup.







"Nei lo. Mahse kei hi min iai tan em ni Christian!" ka ti a, ka zawhna chu a beisei lo tih hriat tak hian a meng kawk.







"Enge maw i sawi le ?" ti hlukin min rawn pan hnai a, "Chutiang ngaihtuah suh Amour.... I rin ai nasain ka hmangaih che" tiin ka chalah rawn fawp vang vang.







A thusawi chuan min ti hlim nghal viau a, ka nui ver ver.







Inthlakin ka bulah chuan a rawn mu a, vawiin lama amah ka ngaih zia te chu zawite hian ka sawi sep sep a, ka thusawi chu ngaithla karin ka chalah a rawn fawp leh zauh thin a, chutia a tih chuan nuam ka ti veng veng zel bawk.







A tukah chuan a ngaite bawkin Christian chu hna lamah a kal leh a, keipawh in-ah ka awm mai mai.







Jym room chu tifai turin maid ho chu ka tir a, kei erawh Christian study room-ah awmin a file vel chu ka en a. A buai thei si a, puih ve theihna ka neih tak mialin tia en ka ni.







Mahse in a file a dah ho chu tih felfai sa vek an ni a, awmzia a awm chuan loh avangin room atang chuan ka chhuak leh a, Amber chu sitting room-ah mi pakhat nen hian inngaih takin an lo thu.







Choka lam atang chuan sakawr enkawltu Gavin kha tray chawiin a rawn chhuak a, min hmuh chuan a nui nghal sang mai.







"Good afternoon Mrs. Roths..." tiin Gavin chuan chibai min buk a, Amber lo thutpui pawh chuan Gavin tih ang chuan a rawn ti ve nghal.







"Thu teh u, mihring ve tho anih kha zah vak angai lo" Amber chuan ngaitheilo tih hriat takin a rawn ti hluk a, ka lo nui sak thung.







Gavin chuan pakhat chu a unaupa John anih thu a sawi a, anmahni zawm ve tur chuan min zawm zat bawk a, mahse tih tur ka neih chhuanlam chuan ka kalsan ta zawk.







Maid ho tihfai mek Jym lamah chuan ka kal a... Ka rin ai daihin a zau a, exercise lakna hmanrua pawh a kim viau mai. Helaiah hian Christian kha a lo inla fit tih anih dawn hi ........ Ka thil ngaihtuah avang chuan mahniin ka nui kar kar a, jym chu ka chhuahsan leh.








Ayla chu ka lam pain hmanhmawh tawk hian a rawn tlan a, "Mr. Roths call...." tiin ka phone min rawn pe a, ka lo ban vat.







"Hello...."







"Amour..." lehlam atang chuan a rawn ti sup a, thaw hakin, "Lo insiam la ka rawn lam ang che" a rawn ti leh.







"Lunch.... Nge dinner..." ka tih chuan, Lunch a rawn ti a, engmah dang sawi tawh lovin phone chu a dah nghal daih.







"Tingeeee ??" ka ti vak a, ka bula Ayla ding chu a phu zawk.







Room lam pan pah chuan ka phun phei a, "Tunlai hi Christian mizia hi dang i ti ve em ?" Ayla chu ka zawt a, a dar a chhin ak.







"Biak pawh min be mumal duh lova, zing hma takah ka thawh hmain hna a kal a, dinner ei dawnah chauh a rawn haw leh a, min ngaih zia pawh a sawi tawh ngai hek lo a, nupa nun...." ka tih leh lai chuan ka ngawi a, thaw hakin, "Inthen aduh a ni thei angem ?" ka tih chuan, "Hna lamah buaina a nei a ni zawk ang" Ayla chuan a lo ti ve a.






"Chutiang chu anih hram ka beisei....." tiin ka thaw hak.






Christian chuan pawna min nghah mai thu sawiin min rawn call a, ka chhuak vat.






Christian hmaah chuan inti nalh takin ka intheh vir vel a, a lo nui hak.





An company bul mai restaurant-ah min hruai a, office a ka zui ve nghal theih tur thu a sawi chuan ka phur viau.






Ei tur chu insum tak hian ka ei zel a, an siam tui mai sia, insum har tak a ni.






Christian an ei man vel a pek lai chuan ka lo nghak a, rin loh lam atangin Noelle chu a rawn lang nawlh.








"Sasha..." tiin min rawn kuah a, ka lo kuah let ve mai.







"Damdawiin chungchang kha keimah vang anih chuan a tul ka ti miah lo ania..." a tih chuan a nelawm thei ang bera nuiin, "Ni lo e, Christian hna a....." ka tih lai chuan a ri no chawk a, Noelle chu a pai khat khat.







"Enge maw i tih le !?" ka ti tuar a, Christian chu hrethiam lo zetin ka melh ha.







"Ka nupui hnaiah i awm leh anih chuan ka that khawp ang che" a ti ram hmuk a, ka kutah kaiin min kalpui nghal dawr dawr.







"Ding teh... Christian... Tinge a..." ka ti bah nak nak a.







Car bulah chuan a ding dat.... "Saw mihring saw i la ngaihven a ni tih hi sawi hlek suh..." tiin min vin tuar a, "Min vin suh..." ka ti let ve leh tuar.






"Tunah hian chiang takin ka sawi ang, saw mihring saw i ngaihven duh anih chuan ngaihven la, mahse kan pahnih hi kan tawp nghal ang" a tih chuan mak ti lutukin ka en a, "I â ta em ni ?" ka ti zawi sep.






Engmah sawi lo va, min en ngur ringawt a, a hmel chu min pawt sawm vek duh hmel hi a pu.






Ka lu thing nawk nawkin ka en leh a, a hmel a la danglam eih lo, ka tah a chhuak ringawt a, Christian chu kalsanin taxi ka phar a, Christian min kohna chu ngaithla miah lovin ka lut a, taxi chu a tlan nghal vang vang.






Tap lo tur chuan ka insum hram hram a, ka insum nasa lutuk avang chuan ka irh fiak nghal kak kak.






Christian hian Noelle a thik tih ka hria a, mahse hetiang khawpa a huat tel hi ka ring ngai hauh lo. Kan inkar tha chho mek ni a ka ngaih chu ka hriat loh karin a lo hla duai a, tunah phei chuan engtin nge ni ang.






Ka irh fiak kak kak reng a, ka thawk a hah leh mai lo hi vanneih tak ka ni. Ka awmdan tur ngaihtuah thiam lo lutuk chuan Brianna ka call ta tawp a, an in lam panin taxi chu ka kal tit ta tawp.







Ka va thlen veleh chuan Brianna chuan min lo buaipui vat a, thil thlen dan chu ka sawi vek a, kan inkar a that vak loh sa nen thlengin






"Kan inkar tih tawp kha engtin nge awlsam taka a sawi theih ?" ka ti a, Brianna chuan engmah sawi lovin min ngaithla kar.







"Kan inkar that hi a duh lo niin ka hria...... Ka hmangaih thu ka hrilh hnuah kan buai vek anih hi..." ka ti a, Brianna chu a thaw hak.







"I hmangaih thu i sawi vanga buai vek thei mipa chuan a hmangaih dan tur che han ngaihtuah teh. Thikna avang hian kan duh lo pui pui kan tih phah fo ania...." a rawn ti dam dap.







Thikna... Huh.... Thik tur ka hmu lo bik em ni? Ka hmu alawm, thik tur a tam lutuk, ani mi pakhat lek, ka ngaihven loh em em lakah a thik thu a chhe viau a, kan inkar tih tawp a duh phah ania, ka hrethiam thlawt lo.






"Inngaihtuah vak vak lo la, mahni awm tam hi i mamawh lo tawp mai. Bazar la, intih hlimna hmunah te kal la....." a tih chuan, "Brianna..." ka ti vak a, nui chungin min en kuau.






"La serious lutuk suh.... Inhauhna te, inhmuh thiam loh chang te chu awm tur ania lawm. Tawrhnate, hlimna te zawng zawng hi hmangaihna in a huam miau a, hmangaihna tuipuiah i pil lut ve mek anih hiii" a ti a, ka thaw hak.







"Ayla hnenah kal zawk ila a tha ang" ka ti a, Brianna te in chu ka chhuahsan nghal daih.







Taxi bawk chuan in lam ka pan leh a, Christian chuan min rawn call. Mahse la lo chuan ka phone chu ka off hmak a, tuna min rawn ngaihtuah thar vel a tum anih chuan a hlawhchham ve chiang viau ang le.







In ka thlen chuan Christian chu a lo vai vut vut a, Ayla leh maid dang ho chu a lo vin phar nasa.






"I aw vin kha tumahin kan ngaina hauh lo ania...." ka tih chuan min chhang lovin a thaw hawk a, min pel fuain a chhuak a, rei loah car tlan chhuak thawm chu ka hre zawm zat.







"In hna ngai tan rawh u....." maid ho hnenah chuan tiin room lam ka pan a, kan boruak hip nuam lo zet hi ka ning lutuk.






Ayla rawn lut chu Christian awm dan kha ka lo zawt a, min hmuh vanga khatianga lo vin chiam chiam kha anih thu a sawi chuan ka nui hak.






Min ngaihtuah ang te chuan a la awm ve a... Huh, min then inpeih ar a awmin min ngaihtuah der leh vel anih chu! He mihring hi a inthlak tak tak lo, min hmangaih tak tak pawh hi ka ring hrep lo ve.






"Buaina in nei em ni ?" Ayla chuan inthlahrun hmel tak chuan a ti a, "Immm.... Ho teah maw le..." ka ti a, ka thaw hak.






"Christian hian min hmangaih tak tak i ring em ?" ka ti a, tun hnaia a chet dan atang hian ka ring zo thlawt lo a ni e.






"Aw, nangpawhin i hmangaih a, i hlim hmel ka hmuh hian ka lo hlim ve tawp thin. Mahse heng i hlim hmel zawng zawng hi i pasal hnen atang chauha i dawn tih hi ka hmu thiam bawk" a tih chuan ka nui hak a, henu te hian min lo chik reuh zek mai.






"Thla rei lote chauh kan la inneih a, mahse tun hnai mai atang khan min hmangaih tawh lo ang maiin a khawsa a, keiin ka hmangaih tawh viau si a, min kalsan duh ta se...." ka ti a, hetiang taka midang laka inphawrh chhuah hi ka la nei ngai lova, Ayla ka ring em em mai pawh hi a mak zawk.






"Kan duh ber te tana tling lo tlat leh duh let ve lo tlat ni a inngaihna hi thil hlauhawm tak a ni. Chuvang chuan khatiang zawng khan thil ngaihtuah lo la, i ngaihtuah tam pauh leh nangmah i intihreawm anga, hliam i insiam mai mai zawk ang" a tih chuan ka thaw leh hak a.






"Ka dawhtheih bak anih hi ka hlau a ni...." ka tih chuan, "I hmangaih zat ang chiah che khan i pasal hian a hmangaih che nia, nghak tawp la, i hmangaihna ring tawp rawh" a tih chuan ka nui ta hak a. Ni e, ka hmangaih zat ang chiaha min hmangaih anih chuan a rinhlelh awm loh a, mahse Christian hian ka dawhtheih phak bak hi min nawr ang tih ka hlau a ni.






"Chuan i pasal tan nalh taka i awm angai ania...." nui chunga a rawn tih leh chuan ka nui ta hak a, "Ka lawm e..." ka ti sep.






Kar khat a liam a, Christian nen chuan tlawm zawk nih tum lo zetin kan inpehhel dun ngar ngar a ni e. Ani hna lamah a buai a, keiin exercise tha takin ka la bawk a, kan inkar chu a zau hle.






Min biak chang chuan tha takin ka chang a, eng eng emaw ah chuan min la care viau tho bawk.






Noelle lah hian min rawn biak a tum ve chhen a, thing nawk nawk mai hi ka duh thin.






Ka tih dan ngai te bawkin jym-ah ka awm leh a, treadmill hmangin hahdam tak chuan ka kal a, tunlai ka pum nat zeuh zeuh chu ka ngaihtuah.






Ka indiet vang hi em ni ang ka ti deuh a, mahse ahma zawng pawhin pumna ka nei ngai chuang der si lo. In check up ka ngaiin ka hria a, mahse doctor ka nei tawh hauh hleinem.






Christian nen kan inkar chhiat laia ti zual tura Noelle pan chu ka duh bik der si lo. Ni tak Roths chhungkaw doctor pan ta mai ila a pawi lovang, Christian pawhin ka doctor anih ve tawh tur thu a sawi tak kha.






Ka inngaihtuah lai mek mek chuan ka pum chu a rawn na leh a, a nat dan hi na satliah pawh a ni lo, a na et et a, na em em si lo hian min tur et et nimaiin ka hria.






Jym atang chuan ka pum dawm chhungin ka chhuak a, Leo leh Christian te pahnih chu ka hmu zawm zat.






Ka that leh that loh chu min zawt vat a, ka that thua chhangin room ka luhsan daih. Ahmaa Ayla damdawi min ei tir thin chu ka ei a, Christian chuan thawm a rawn nei nghal zat.





Ka pum dawm kun ngaihin khumah chuan ka thu a, "Thlai hring tlem te te chauh i ei reng chuan a na reng ang" a tih chuan ka ngawi reng a.





"Tinge maw thau i hlauh em em le ?" a tih leh chuan, "Ka pasalin min iai ka hlau a" ka ti a, thudik tak ka sawi. Intih thinrim mah ila kan la lungawi leh dawn a, rilru na a eitur ei teuh teuh a, in dawm kun reng hman ka ni lo.






"Naktukah check up turin kan kal dawn nia" a tih chuan, "A tha lawm" ka lo ti thuai a, ka duh aiin ka chhang rang mah mah.





"Mu hahdam rawh...." a tih chuan, "Mut hi hahdamna pawh a ni lo" ka ti nghut a, Christian chuan min en ha.





"Anih chuan i duh duh ti la...." a ti veleh nghut a, a chhuak zui daih.





Kawngkhar lam chu ka en a, kha mihring mawl lutuk kha, duat ka phut tih te pawh hriatthiam ve tur ania. Mawl leh lutuk!







Christian Pov.






Ayla hnenah Sasha thil ei thin te chu ti tam turin leh indiet tir lo tur chuan ka hrilh a, keimahin ka sawi anih chuan ka nupui luhlul lutuk khan a zawm dawn der lo.





"Sir..... Tun ai hian Mrs. Roths hi ngaihsak deuh la" a tih chuan ka rum nghut a, ka ngaihsak alawm. Ngaihsak nih hi amah hian a duh lo a ni hiiii.






"Ka rin dan chuan Mrs. Roths hi a rai anih ka ring a" a tih chuan chiang zetin ka melh a, "Mahse ka rin dan mai mai ania...." hlauthawng âw taka a tih chuan insiamtha vatin, "Aw le.... Thil thleng a awm chuan min rawn call dawn nia" tiin in chu ka chhuahsan leh ta phawt.






Rai tih a sawi khan ka lung hi a phu chawlin ka hria. Ka thu beisei loh a ni a, mahse amah hnaih ber tuin a rinhlelh chuan Sasha chu a lo rai ve thei reng bawk.






Ka ngaihtuahna vang chuan ka nui hak a, Sasha chu a rai hauh lo ang le. Damdawi a ei thin bakah a taksa a ngai pawimawh viau a, nu ni tur chuan a la inpeih lo mah mah.






Mahse rai se ka ti! Ka fa pai se, mipa dangin an hnaih theih loh nan engtiklai pawhin ka fa chu pai mah se a pawi hauh lo!






"Sir....!!" Antonio an a rawn tih hlukah chuan ka hrawk ka thian kharh a, hma lam chu ka en vut.





"I pa farm chu dar 2 atanga lilam tan a ni dawn" Antonio an a tih chuan ka thaw hak.






Fabric company enkawl mek ka ni a, hnaa ka buai vang hian Sasha pawh ka ngaihsak hman lo leh zual a, mahse amah ngaihtuah loh lai erawh ka nei lo.





Ka pa hminga Company hi kal ala nih avangin ka pa hian thu rawn neih hi a tum viau a, tunah pawh a thu ka awih loh vanga a farm pakhat hi tih ral tum a ni a, ti ral mah se pawi ka ti chai si lo.






Engtikah emaw ka pa hian min hnawl hun a la nei dawn tho tho a, a rosum te avang hian ka tlawn ve heuh heuh peih der lo.






"A duh duh danin ti teh se..." ka ti hap a, ka thaw chhuak suai suai.






"Tun hnaiah Sasha leh kha mihring kha an inhmu em ?" ka tih chuan, "Mrs. Roths hian in a chhuasan ngai hauh lo" Antonio chuan a rawn ti a, keimah zawk hi ka dik lo niin ka hre rum rum tawh.





Noelle nena an thlalak kha chiang takin ka hmu a, restaurant-ah pawh khan a nuih vel anih kha. Mahse tunah rinhlehna tur engmah a awm lova, midang ngaihsak angin a lang chuang der bawk si lo. Henu hian min tibuai teh hrep zawng anih hi!







#The thatchhiatna inside me is coming out


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:49 pm

74'75
by Sammy 🦋







Ch >< 15










Sasha Pov.








Check up turin ka hruai ang che a ti ve tak naa tunah office-ah ka tih tur nei lovin ka thut kar ringawt hi!







A buai a ka tan hun a nei lo anih chuan min kalpui tum tlat lo se, keimaha ka kal chu a la phal thak lo veleh khanglang leh nghal a!







"Ka lo awm ve mai mai hian man a nei dawn em ?" ka tih chuan a chaira thu a dawhkan lam bih ngur chu min en turin a rawn hawi chhuak ve hram a.







"Antonio nen kan kal thei tho a..." ka tih leh chuan, "Vawiina kan kal hman loh leh naktuk lamah a ni mai" a ti a, a paper en lai chu a en zawm leh hmak.






"Min hmangaih tawh lo anih pawhin ka hriselna tal hi chu ngai pawimawh ve la maw le....." ka tih chuan a rum nghut a. Eng emaw sawi tum a a rawn hawi chhuak leh chu, "A na leh tawh nia...." tiin ka pum chu ka dawm nghal a.






"I tha em ?" a ti a, a sawi zawh rual deuh thaw chuan ka bul a rawn thleng hman anih chu.






"Tlem in a na...." ka ti a, ka inthiam lo leh deuh. Hna a ngah viau a, keiin ka lo tihbuai leh zel chuan ka ti rilru a. Aaa... Ka rilru pawh hi a, mumal takin ka pu hleithei tawh lo. Enge maw dik lohna ka neih ni.







"Damdawiin thlen hma i la tuar thei angem ?" a tih lehzel takah chuan ka inthiam lo ta viau a, "Ka tha lawm Christian..." ka ti sep a, "Min hnial reng thin lo teh" a ti hluk.







"Ka tha ka tih chu mawle.... I hna va thawk rawh" ka ti veleh hluk a, na nei lo thut chuan ka thu mar nghal at.







A thaw hak a, "A tha e..." ti nghutin a dawhkan lam chu a pan leh.







Christian a thu fel vel chiah ang ti chuan office kawngkhar chu a rawn inhawng a, ka pa a rawn lang hlawl. Chutah a hnungah chuan Amber leh Noelle chuan an rawn zui bawk a, ka lo en deuh hau.







"Ohh Sasha pawh a awm anih hi Mr. Brown" nelawm zetin Amber chuan a ti a, ka lo ner sak.







Ka pa chuan min rawn en a, a hmel chu a lungawi loh hmel kher mai, Christian chu en lehin a hrawk a thian kharh a, a ni hrisel lo lutuk chu a khuh zui nghal kharh kharh.







"I tha em ?" tiin ka tho chhua vat nain Amber chuan min hma khalh a, enge tih a tum leh tak hi! He nau hian min ti buai dawn zek mai, kan nupa chauha kan buaina ka duhtawk viau a, Amber hian buaina dang min thlen leh a tum anih ngat chuan ka ngawi mai mai tawh hauh lo ang.







"Lo va chhuak vek teh u...." a tih chuan Amber, Noelle leh Antonio te chu an chhuak nghal a, "Nangpawh Sasha..." ka pa in a tih chuan, "Enge sawi i tum a ?" ner nang chuan ka ti a.








"Ka makpa hi a fal a biak lawk ka duh a ni" a tih chuan Christian leh ka pa chu ka en tawn zak zak a, Christian chuan chhuak tur chuan min mitmei zeuha ka chhuak ve ta hram.







Pawn lamah chuan Amber chuan pawisawi ngai lo ang maia awm velin ka pum a nat leh nat loh min zawt a, chhan pawh ka chhang peih lo, khawi atangin nge a lo hriat ni.








Noelle chuan ka that leh that loh min zawt zawm ve zat a, a ni pawh ka chhang chuang lo. Tun atan chuan anni hi biak emaw ka duh lo a, Noelle ngat phei hi chu ka bul hnaiah pawh awm lo se ka duh.








Ka chhan duh tlat loh vang chuan nge min be zawm tawh bik lem lova, rei ngial Christian leh ka pa an inbiak hnu chuan an rawn chhuak ve hram a, Christian chuan min en hmasa miah lovin Noelle chu a en hmasa ber anih chu!







Ka hrawk ka thian kharh a, Christian chuan min rawn melh zeuhin a coat hak chu a pawt rual zat.







"Bawihi min thlah la" ka pa chuan a ti a, nui chunga ka lu bu nghatin ka pa banah chuan kaiin midang chu kan kalsan nghal a.







Ka pa car dahna kan thlen chuan ka pa chu thu lut ta mai lo chuan a ding a, "Ka pa lut vat la..." ka tih chuan, "Min ning deuh tihna em ni ?" a rawn ti vat a, "Ni teuh nang... I din reng chuan i ke a kham dawn alawmm" nui chung chuan ka ti a, ka pa chu a nui ve hawk.







"Bawihi rawn haw leh i duh em ?" a tih chuan ka en ha a, "Enge maw i sawi le !?" za vak lova nui chung chuan ka ti a.








"I pasal hian a duat che em? Min hrilh teh, i duh anih phawt chuan ka hruai let leh ang che. I taksa te hi a cher lutuk, in enkawl tha rawh" a ti duah a, "Ka tha lawm pa...." ka ti a, ka pa chu ka kuah nghal vawng vawng.







"Min ngaihtuah suh pa. Christian hian min enkawl tha lutuk, nangmah inngaihtuah zawk rawh" ka ti a, ka pa pawh chuan min kuah letin ka hnung chua tuai vut vut a, "A tina che anih vaih chuan ka fanu hi ka chhan viau zia che hre reng rawh se" ka pa chuan a ti leh a, ka nui hak.







A fanu ka ni a, min ngaihtuah chu a tih tur dik tak a ni. Mahse eng ang pawhin lo hlim lovin Christian hian na takin min siam pawh ni mah se hmeichhia chhak lo leh nep tak, Rebecca te ang leka pa te rinchhan lek chuan awm ka tum hauh lo.







"Aw le... Ka kalsan tawh ang che. A chang hi chuan min rawn be zeuh zeuh thin la..." car a luh a tum uk tawh chuan a ti leh rih a, "Tehreng mai, Christian nen dinner kan la rawn kil pui ang che" ka ti a, ka pa chu nui chungin car-ah chuan a lut a, an tlan liam zui.







Building chhung lam ka pan leh lai chuan Amber leh Noelle nen chuan kan intawk a. Engvanga hemi te pahnih hi inzui ve ngawt nge an nih ang tih hi ka la ngaihtuah chhuak thiam lo.







"I pa khan i pasal nena inthen tir che a chak hmel viau mai a" Amber in a tih chuan ka ding dat a, "Nang ang em chuan ni lo ve" ka ti nghat chu za lo fahran hian a nui a, a meng rum nghal el awl viau.








"Aahh.... Sasha hmanni buaina kha...." Noelle an a tih chuan amah chu enin ka chek hlak.







"Enteh, ka hmel, ka hawi dan leh ka ke pen dan te thleng hian ka be chak lo che tih an lantirin ka hria asin. Hmelmaa siam che ka tum hauh lo a mahse i hmelhriat nih ka duh lo!" ka ti veleh a, Noelle chu ka thusawi chuan a rilru a tina tih a hmel atang chuan a chiang viau a, mahse pawi ka ti lo. A lak atangin ka fihlim hmak theih phah dawn tlat.








"I duh emaw duh lo emaw Noelle nen hian inzawmna chu in la nei tlat alawm. Theihnghilh i tum chung pawhin sawichhuah a ni reng tho ang..." Amber chuan rawn tiin ka lu chung lam daih chu a melh a, hawi leta ka en chuan Christian chuan a office atangin min lo thlir thla reng.








Ka tha hak a, "I duh chu ti la, tunge ka nih ka lo hmuh tir ve zel ang che" ka ti nghat a, inherin Christian office lam chu ka pan nal nal.







Office ka luh chuan a dinna ngaiah khan a lo la ding a, a hmelah thinrimna emaw chutiang lam tur chu a lang hauh lo nain min melh tak run mai a, ka zam lek lek.







"I pum na chu enge a an a ?" a hmel ang lo takin dam dap hian a rawn ti a, "Ka tha tawh e" ka mit hmul san akin ka lo ti ve mai.








"I pa khan i bulah sawi a nei em ?" a tih leh chuan, "Aw tlawh ve thin turin min ti a, nakinah kan nupa-in dinner kan kilpui tur thu ka sawi" awlsam zet chuan ka ti leh a, abak zawng kha chu sawi chi ni pawhin ka hre lo.








"Aw le... En fel tur tlem ka la nei a ka tih zawh hunah kan haw dawn nia" a tih chuan lu bu nghatin ahmaa ka thuhnaah bawk chuan ka thu leh a, check up pawh chu ka sawi zui ta lo. A rem leh naktuk lamah ni tawh mai teh se.







Ka lo muhil a ni ang ka rim hriat thang tak rawn nam châk châkah chuan ka harh a, Christian min pawm kang tuma rawn kun hniam mek chu a che lai vel vek.







"I lo harh tawh a....." ti chhum hmukin a ding ngil leh nghal a, nge maw tunlai hi a nelawm loh viau ni.








"Ka muhil rei em ni...?" ham bai bai chung chuan ka ti a, "Haw ang" Christian lah chuan a ti hmuk a, ka bag khaiin a chhuak zui vut.







A awmdan hrethiam lo zetin kawngkhar bula ding Antonio chu ka en a, a ni chu a lo nui vur vur.







Thoin Christian chu ka zui a, "Enge maw buaina in nei deuh em ni company-ah hian" Antonio chu ka bekbawr sawr sawr a, "Nei lo e, Sir khan awmdan tur a hre lo anih kha..." a tih chuan, "Engvangin ?" ka ti leh vat a.








"Nupui a a nei che hi a lawm em a" a tih chuan chal ti chuar tapin ka en a, ani lah chuan min nuih vur vur bawk si. Zawh pawh zawt nawn duh ta lo chuan ka kalsan ta zawk a, ka muthilh lai khan eng emaw tak thleng a awm aniang ahmain hetiang hian an awm ngai hauh lo.








Christian chuan car-ah min lo nghak reng tawh a, ka luh veleh chuan engmah sawi lovin a tlan nghal a, biak ka tum ngial nain a hmel ren run avang chuan ka thulh ta thak.








In kan thlen hnu pawh chuan min be eih lo a, car atang pawhin min nghak eih lovin a chhuak a, awm ve lo treat in min treat a ni ber.







In ka luh ve chuan kan room a lut dawn chiah a, ka au va a, a ding chat.







"Hey.... Engvangin nge 'ti hian ti hian' awm lo treat treat in min treat a" tiin a hawi dan leh a awm nghut nghut chu ka zir a, ka au avang khan maid ho an rawn tlan khawm vek a, Christian awm dan ka zir chu min la nuih zui. Christian pawh bang lovin an nui vek anih chu.







Christian chuan nui suk suk chungin min rawn pan a, "Ka sawi avanga min ngaihsak i tum anih chuan ka pawm lo. Hre rawh...." ka lo ti khai khai a, ka sawi zawh rual deuhthaw chuan ka kang nghal lawp a, a darah min pu fel der.







"Min thlah rawh..." tiin ka ke chu ka leng a, maid chu an lo nui bawk a, tun boruak hi ka man phak hlawl lo.







Christian chuan khumah chuan dim zetin min nghat thla a, "Min ngaihsak der hlek suh!!" ka lo ti nghal hmak.








"Min ngaithla teh" a tih chuan, "Sawi rawh" tiin lehlam ka hawi hmak a, ka biangah a rawn fawp zauh. Awwww he mihring hian eng enge maw tactic a hmang leh dawh anih hmel. Vawiin avang khan a thinrim ka ring kha ania, mahse a thinrim hauh si lo.







"Ngaihdam hi ka dil ngai lova, ka thiam hek lo. Mahse ka tihpalh, i chunga ka awmdan vangin" a tih chuan ka ngawi reng a, ngaihdam min dil tur hi chu a ni reng a ni.







"Tihsual i nei hleinem..." ka ti veleh nghat a, enge a tihsual chu hrechiang hle se ka duh.







"Ka tisual alawm, ka thinrim khum che a chuan Noelle nen in chungchang thuah a ni i ti lo chungin a ni angin ka ngai tlat bawk a" a tih chuan nui lo turin ka hmui ka pet a, a tawngkam chu a duhawm ka zuk ti tlat pek a.








"Aw le... A tha e" chu ka ti chhuak thei hram a, "Min ngaihdam tihna em ni ?" a tih chuan, "Teuh lo...." ti nghatin ka melh rum vak a, mitmeng dawih zetin min lo en a, ka nui lo thei ta lo.







Ka pasal aia ngaihdam dil thiam leh lem chan thiam hi khawvelah an awm lo hial ang, hetianga inti duhawm tak leh pawi sawi lo hmel taka ngaihdam min dil reng dawn anih chuan engpawh ti sual se ka ngaidam zel mai lo ang tih a sawi theih hauh lo.








"I nui em ni ?" a rawn tih chuan, "Aw mahse thil dang vangin engmaw i sawi lai kha... Oh sawi zawm suh inbual ka duh e" tiin a mi vawnna atang chuan ka tal chhuak a.







"Sasha.... Amour i duh sawi teh. Min hrem nana zan mut hran tih vel kha chu i tum loh hram ka beisei ania..." a tih chuan ka nui sak a, he mihring hian amah inhremna tur pawh a hre thlap mai ka ti.







"Ka ti lo ang tih tunge sawi thei" ka thawmhnaw hlih mawlh mawlh pah chuan ka ti a, "Chutiang chuan ni lul lo ve, i laka ka thikthu chhiat viau lai pawh khan kuah lo chein ka mu thei hauh lo tih i hriat kha" a tih chuan ka nui hak a, "Min thlahlel awm tak te chuan i la tawng vel a, min ning niawm taka hma tak tak a khum thawhsan thin kha i ni lawm ni ?" ka ti a, bathroom lam ka pan.








"God!! Chutiang a ka ngaih tir thin che anih chuan ka thiam loh a ni e, i taksa si lo che a mut hi har ka ti takzet ania. Ngaihtuah tha leh teh...." a tih chuan Bathroom kawngka khar pah chuan ka hawi let a, Christian chuan a kut pahnihin a mit a lo hup.








"Christian! Tinge i mit kha ?" ka tih chuan, "Hmangaihna chenpui lo tur che ka insum theih dan anih hi. Mahse ti chung pawh hian i taksa kha ka la mitthla thei tih ka sawi tel hram ange" a tih chuan ka nui hak a, "Nichin maia inla pa taka min hmuh kan hmak hmaktu kha khawnge a awm tak le ?" ngeiawm rawng kai lek lek a ka tih chuan, "A nuihzatthlak lem loh khaw mai" a rawn ti hul hak a, keiin runluih a nui har har chung chuan bathroom kawngka chu ka khar ta hmak.








Runluih pa deuhin rei fe chu bathroom-ah chuan hun ka hmang a, ka chhuah leh chuan room-ah a lo awm leh tawh hauh lo.








Ka thaw hak a, he mihring hi chu amak a ni!








Ka inthlak lai chuan room kawngkhar chu a rawb ri a, en lem chuang lovin, "Darkhat khat em pawh min nghat thei nange.... Hna lam chhuanlama hman kha chu ka pawm dawn hauh lo ania...." ka ti a, "Keimah zawk ka ni e...." Ayla zawk a ni daih.








"Oh nang i ni maw ?" ka ti hu a, "Aw keimah ka ni e" nui chungin Ayla chuan a ti.







"Aw aw leee..." ti bah niaiin ka inthlak zawm a, "Pants ai chuan kawrfual mawi tak ha zawk la..." Ayla in a rawn tih chuan ka en a, "In inthlak zawhah Mr. Roths chuan phul hmun lama dinner ei pui che a tum ania" a tih chuan ka mit ko ka san ak a, "Hneh che a tum viau anih hmel" a rawn ti ve takah chuan ka nui hak. Hepa pui hi ka rin loh dan hlirin a che thin anih hi.







Ayla sawi ang chuan kawrfual ka ha a, chutia phul hmuna zanriah kan kil dawn anih chuan spanish nula ang tak tak a kawrfual leh corset te nena intam (tram) ut chu a chakawm viau a, mahse ka intam ut kher lovang!







Ka inthlak zawh chuan room chu ka chhuahsan a, Christian chuan min lo nghak reng tawh.







Jeans hain polo shirt, a taksa leh pan puam phuar tang a ha bawk a, boot rah nat hmel zet a bun bakah cow boy lukham nen a lo inthuam up tawh a, silai nei phei se zawng tute emaw tan chuan a landan ringawt chu nikhaw hre lova tlukpui na tham khawpa pa leh rorum a ni.







Chuan kei ve hi, nula thianghlim leh fel ber awm angin ka inthuam ve vel a. Aaa.. Mahse ka pasal inthuam dan nen chuan a inmil phian zawk e. Hmanlai mi rorum leh a nula kan ni leh mai a...







"Khang thawmhnaw i hak hma khan i inbual lo tih sawi miah suh" ka tih chuan a nui hawk a.







"He in ah hian bualin tamtak a awm tih hi i hriat ve tho ka ring a...." a ti a, "A nupui zawm mawi lovin bualin dang chu ka pasal hian a hman ka ring lo a ni" ka tih leh chuan a nui hawk hawk a.







"A pawimawh ber em ni? Lo kal hnai teh..." tiin a ban chu a phar hliai a. Ka pan hnai ve vat.







Ka kut chu la in a fawp a, alama min pawt hnai nghal zatin min kuah a, ka nghawng vel chu a nul vel thuak thuak a.







"Hei hi ka duh...." tiin ka hmuiah chuan a rawn fawp a, ka chhan let duh loh vang chuan nge ngen ngawl zet hian min fawp a, a tawpah zawng a beidawng aniang inla hrangin a thaw hawk a, "Luhlulnu!" a ti deuh hluk.








"Luhlul lam chu nakinah sawi teh, ka ril a tam viau tawh ania" ka tih chuan a khi sak a, "Lo ka rawh" tiin min kai a, choka lamah min luh puiin in hnung lama sakawr enkawlna lam pan chuan min kalpui ta a.







"Car hmangin a kal mai theih loh em ni ?" ka tih chuan, "Sakawr chungah i chuang duh lo em ni Amour" a ti a, Amber nena kan khalh dun tum a ka thil tawn kha ka ngaihtuah.







"Teuh lo.... Let ang..." ka ti nghal hmak a, "Min ring lo em ni? I bulah ka awm tlat dawn alawm" a tih chuan ka ngawi rauh rauh a, "Aw le... A tha lawm" ka ti ve ta hram.






Sakawr in lam pan chuan kan kal a, kan thlen chuan khua a tlai ruih tawh a, van chu a sen phût.







"Tlai lam chibai..." tiin sakawr enkawltu Gavin chu a lo nui vud vur a, kan khalh tur niawm tak Sakawr chu a en tha vel mek.







"Sakawr pakhat chauh kan hmang ange. Kan pii hian amah chauh chuan a hlau a ni e...." Christian chuan sakawr pakhat va ben thuk thuk pah chuan a ti a, chutia va tih vel chu a inthuam dan zawng zawng nen chuan a va inhmeh chiang tak.







Christian chu sakawrah chuan zei takin a lawn zui a, a lawn alsam dan chu a mak zawk.







"Lo kal rawh le..." tiin a kut chu ka vawn atan a rawn phar chhuak a, vuanin sakawrah chuan na lawn ve nghal a, Christian bula ka chuan tak vang nge a hma ai kha chuan ka thla a muang deuh a, mahse ka chet sual leh hlauhna chuan min ti nuam lo deuh.







"Hahdam rawh" Christian chuan a ti a, a kut pakhat chauh chuan sakawr hrui chu avuan a, a lehlamin ka kawngah a rawn kuah.







"Chak tak loin kal ang che" ka tih chuan ka beng zawnah a nui lum hak a, "I thu ang chuan le Amour" tiin sakawr chu a kheng a, chak lutukin sakawr chu a tlan zui!






Christian chuan phur lutukin sakawr chu a kheng na zual sauh sauh a, ka hlau deuh chuan ka kawng a dawmna banah chuan ka chelh nghet sauh sauh a, hlauh vanga au chhuah chu ka duh bik teuh lo.






Phul hmun kan thlen chuan Christian chu dingin a nui hawk hawk a, tun ang em em a nuih nasat hi ka la hre miah lova, sakawr chak taka khalh khan a ti hlim viau pawh a ni mahna le.






Sakawr atang chuan min hlang thlain amah chu a rawn tum thla che chhak a, a hmaiah chuan ka lo beng thuai.







A nui hmel chu a tawp nghal hmak a, mak tih hmel zetin min en.






"Chak takin tlan suh ka tih pawha i tlan luih man a nih kha" ka ti a, a bianga dawma ka han fawp leh chu a ngaihna hriat loh hmel zetin a lo dawng sawng a, "Ka ben vang che a ngaihdam dilna anih kha" ka ti a, inher nghal hmakin ei tur in chhawp sa diai na lam chu ka pan ta daih.







"I duhnaah hi chuan...." ka tih lai chuan ka hnunglam atang chuan min rawn kuah thut a, tha thawh meuha min rawn kuah anih vangin ka lo tluk pui a, phulah chuan kan let deuh huang huang.







"Hetia phul a tluk vek hi a romantic lem lo ania, tho rawh" tiin min delh run na a âwm chu ka beng dat dat a.







Nui hawk hawk a tho zuiin min kai tho ve a, "I tawngthei ve a ni tiraw ?" a tih chuan, "Thu dik lo ka sawi ngai chuang em ni ?" ka lo tih chuan a nui hak a.







"A ni tak ang" ti chauhin ka kutah chuan a kai a, "Lo kal rawh leee" tiin engkim peih fel sa na lamah chuan min kai phei.







"Tun tum chauh chu inhnial lovin aw..." tiin champagne um chu a rawn lek kang a, "Ka'n tum poh aniang chu...." tiin ka nui hak a, mahse champagne a hawng chiah chu ka uak nghal tuar a, tum loh zet hian ka luak nghal bawrh.







"I tha em ?" tiin Christian chuan min rawn ngaihven vat a, "Aw ka tha e..... Mahse khawngaihin zu lam chi reng reng kha kan khawih lo thei angem ?" ka ti a, Christian chu che nghal vatin Championship um chu hla tawk takah a vawm nghal hmak.







"Naktuk lamah check up tur chuan kan kal ngei ang. I tha hauh lo anih hi" tiin Christian chuan min ngaihven viau a, ka luak tak bawk si avangin engkim chu a sawn vek a, mahse ka ei teuh tho.







Christian nen chuan inkuah rialin kan thu a, ni pawh a tla tawh a, ka puar tak viau vang chuan nge ka muthilh a chhuak tlat pek.







"Kan let tawh mai dawn em ni ?" ka tih chuan, "Min thlahlel lo ang hian ka hre leh tlat thin" a rawn ti a, "Huhh.... Thlahlel tih tawngkam kha hmang lo mai teh" ka ti hluk a, thu dang erawh ka sawi ta lo a, Christian chu a rum nghut.







"I thinrim leh ringawt dawn anih chuan hetah hian ka riak mai ang" ka ti leh a, "Min tih thinrim hi i chak ve hrim hrim ni hian ka hria" a rawn ti a, "Thinrim rawh, thinrim rawh i beng bulah ka rawn ti sap sap thin em ni? Ti lo tiraw, anih chuan engtin nge ka tih thinrim che ?" ka ti a, ka chhan dan avang chuan a lungawi lo hle tih hriat takin a rum leh nghut a.







"Min en teh" ka tih pawh chuan min en duh ta miah lo.







"Min en teh...." nui chung chuan ka ti zel a, a tawpah chuan min en ve ta hram a, mahse a hmel chu a nelawm loh ber.







"*Marido" tiin ka nuih var var a, a hmuiah ka han fawh zeuh chuan a rawn kiai ve ta suk.
*Husband







"Hmh.... Hmh hmmh....." ngeiawm tawk a tiin a kiai suk suk a, a nelawm thei ang ber chuan ka la nuih var var a.







"Marido" ka tih leh chuan min kuah lohna lamah a hmai tuai puatin min rawn en leh a, a hmui hnuai petin chiang zetin min en a, ka hmui chu a en bik tih ka hria.







"Marido..." ti lehin ka hmui hnuai chu ka pet ve zeuh a, "Oh Godd! Min thlem tum suh Amour" tiin a hawi sawn hmak a, a hmai chu a sen tawn a, a bek a a thisen zam chu lang hlein a khabe ruh kual chu a che rulh rulh.







"He lai chu a tha tawk si lova kaa let mai dawn em ni ?" a beng bulah chuan ka va ti sar sar a, rawn hawi nghalin ka khabeah chuan a hmer a, na zetin ka hmuiah chuan a rawn fawp.





A inlakhran hnu chuan ka nui var var a, haw tur a thlem chu a harsa lo khawp mai.







Tho hluaiin min kai tho ve zat a, sakawrah chuan lawnin kan kal lam aia chak zawk mah khan min tlan pui a, ka nuih a za zawk hial mai.







Kan room kan thlen leh chuan mu leh mal kan nei hman meuh lo a ni e.







"Hetianga hreawm hian ka indah tawh tawp lovang" tiin duhthawh takin min fawp a, ka thawmhnaw inbel ve te chu a hlip thla fai vek tawh.







"Muangchangin.....!!" ka ti thei hram a, tawngna hun min pe lo a ni ber e.






***********






Christian âwm a bei kakin thawmhnaw inbel pawh nei lo chuan ka mu a, ani pawh chuan inbel a nei chuang bik lo.







Ka sam chul hliau hliauin a thaw leh hawk thin a, "Shower...." tih ka sawi hman chiah tih chuan a phone a rawn ri a, ka ngawi ta rih.







Phone a en chuan a hmel a danglam nghal vek a, khum atang chuan thoin a saruakna zahpui hauh lovin balcony lamah chuan a chhuak anih chu!







Chuti taka a ruk a biak ngai chu tunge ni ang tih ka ngaihtuah a, ka ngaithla chak tlat pek. Puan chuan intuam hlunin ka va ngaithla dek dek a, a sawi chu ka hre maithei lo.







Ka'n ngaihthlak chian deuh chuan ka hre thei ta a, mahse ka lawm ta hauh lo.







"Ngaihtuah ka ngai lo. Nupui ka nei a, i pasal leh i fapa chauh kha ngaihtuah rawh" Christian an a tih chuan ka ngaihtuah nghal ngut ngut a, Italy a nu pakhat kha a ni ngei ang.







Engtin nge a la rawn biak ngam? Nu upa tawh tak lehnghal, chuan Christian pawh hian engtin nge tha takin a la biak theih? Ka hrethiam lo.







Chhuak vekin, "Ka nupui hi ka hmangaih lutuk tih i sawi mai thei lo em ni ?" ka ti a, Christian chu rawn leh hawiin min en hau a, "Enge...." a ti chauh tih chuan, "Ka pasal hi hmeichhe upa tawh tak nen intawm ka tum lo ania. I chingfel thei lo anih chuan rawn la teh" ka ti a, a phone ken chu ka chhuh sak a, "Nang pitar kha...." ka ti nghal vak. Tawngkam tha leh mawi ka ngaihtuah hman tawh thlawt lo.








"Ka pasal ang mipa hi chu i ta chuan a nau deuh mah mah i ti lo em ni? Kum 30 chauh a la ni a, i fapa rual chiah zawk anih hi. Ka pasal hian min hmangaih a, keipawhin ka hmangaih viau bawk. Nang vang mai mai khan ka pasal hi ka then dawn hauh lo....." ka tih lai chuan, "Bawihi hriat sual i nei a ni" a rawn ti a, hriatsual nei ang te chuan min la ti let ngam zawk ania.








"Awihawm loh zawk hian!! I dam laia mahni hma i sial viau chuan i thlarau a hahdam hauh lo ang le...." ka ti leh a, "Ka fapa a ni" ka mi biak chuan a rawn ti a, "Ka nu anih kha Amour" Christian lah chuan a rawn ti ve bawk a, tawng leh ka tum pawh chu ka tawp chat.








Ka phone hman lai cu ka en a, a number pawh chu, 'Mom' tiin a lo save ngei.







Phone chu hup betin, "Tunah hian i fiamthu tih sawi rawh" ka tih chuan nui chungin a lu a bu a, "Tinge i nuih aaaa ?" tiin zak lutukin a awmah chuan ka chum a.







"Kha la rawh...." tiin phone chu ka hmeh bel chawt chawt a, khum lamah chuan ka let leh nghal.






Tunah tak hian awm loh ka duh.... Engvangin nge Christian pawh khan min hrilh ve mai loh ni. Anu chungchang kha min hrilh tawh ngei a, mahse Italy a ka hmeichhe hmuh kha a ni tih a sawi tel bawk si lo. No no no.... Ka thiam loh a ni lo. Christian khan khang thu zawng zawng ka sawi hma khan min dang thei reng a, min dang hauh lo. Ama thiam loh vek a ni.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:49 pm

74'75
By Sammy🦋






Ch >< 16








Christian nui chunga a rawn lut chu lukham chuan ka lo vawm a, a lo la man chat zui.





"I nu chu eng vanga khatianga a ruk taka va be kher nge i nih a ?" ka lo ti hlur a, nichin a ka chet dan vang khan anu khan hmeichhe nasa angin min ngai ngei dawn tlat.





"I chungchang ka sawi pui duh pawh a ni thei a" nui vur vur a a tih chuan, " 'I pasal fanau te' tih vel tawngkamah khan ka chungchang a tel a maw? Nangmah vangin ka mualpho phah erh anih kha..." ka ti let veleh hluk a, towel ven mawlh mawlh pah chuan, "Khatia i thikthu i han ti chhe vel kha hlimawm ka lo ti phian asin" a la ti hram a, hepa hian fiamthu ang lekin a ngai emaw ni.





"A nuihzatthlak loh ania Christian..... I nu kha ka ankhum hrep anih ber kha. A fapa tana hmeichhe tha lo tak leh tling lo takin min ngai ngei dawn asin" thutak deuh zawk chuan ka ti a.





"Tling lo pawh ni la nang baka min phu an awm dawn chuang em ni ?" mit ko san ak pah a a tih chuan ka rum nghat a, he mihring biak hian ka zahna a ti nep hauh lo.





"I nu kha hmuh ngei ka duh" khum atanga thawh chhuah pah chuan ka ti ta tawp a, keimah ngei hian mimal takin hmu ila, pangngai taka inhmelhriattirna kan la nei chuang hleinem.





"Chutiang chu i ti hauh lo ang" Christian chuah thutak zet hian a rawn ti veleh ta thung a.





"Min dan tum chhin la...." ka ti a, "A tul lo! Nichin a i biak kha a hmasa ber leh a tawp ber ni rawh se.." a tih chuan chal chuar nangin ka en a.





"Enge maw i hriat le ?" ka ti ha.





"Be zawm lo la ka duh, chu zawng chu" a tih chuan, "Mahse i nu alawm..." ka tih chuan, "Ka hria..." a rawn ti vak a, ka phu zawk thei hial.





"Ka tihpalh" tih pahin ka darah chuan a rawn vuan a, "Ka nu a ni tih ka hria. Mahse min duh lo a min kalsantu anih vangin ngaih pawimawh a ngai lo. Kan inkar tha tan mek hi tih chhiat i duh ka ring lo" a ti a, "Min vau tihna em ni ?" ka ti let sep.





"Chutiang pawh chuan i ngai thei ang" tihpahin min kuah a, "Kan inkar that hi ka duh ber chu a ni" tiin ka samah chuan a fawp a, ka awm tawp.






He mihring hi ka hrethiam tawh hlawl lo. Kan inkar tih that leh inngeih lo taka awm hi a duh zawk pawh ka hre tawh lo ve. Min la vau leh ta khanglang a!





"Intihfai lawk ka duh" tiin ka inlahrang a, "I thinrim lo tiraw ?" a tih chuan ka ngawi reng a, chiang zeta min enin, "I thinrim em ni ?" a ti leh.





"Thinrim lo e" ka ti nain ka lungawi zan lo a ni e.





Bathbtub a ka awm veng veng laiin Christian erawhin shower a hmang thung a, champange in ka tum zet a mahse a rim ka tih theih ngang loh avangin ka thulh ta thak.





Bathroom atang ka chhuah ve meuh chuan Christian chu khumah laptop nen a lo awm fel der tawh a, hmanhmawh lo zet chuan ka inthlak ve nghal.





Ayla in duhsak taka min pek pyjama chu ka ha a, hak anuam phian mai.





Khumah chuan lawn kai ve vatin Christian chu ka va kuah a, a laklawh viau nge min en lem lovin ka chalah a rawn fawp zauh a, a thil tih lai chu a tih zawm mawlh mawlh.





"Company hi chawl san i tum em ni ?" ka tih chuan, "Ka tum dan chu ania lawm" tiin min chhang mai a.






"Tinge...." ka lo ti ha. A company ang a ni a, a chawlh sanin tunge enkawl chuang ang?






"Ka pa lak atang pawh hian inthiarfihlim ka duh" thutak zet chuan a ti a, a laptop chu khupin min rawn kuah a, a mutdan chu a siam rem.






"I awmzia hi ka hre lo ve" ka tih chuan a rawn nui hawk a, "Hriatthiam i nei lo anih pawhin min ring tawp mai teh" a ti a, "Anih tinge company chawlh san chu i duh a ?" ka ti veleh.






"Ahma ka sawi tawh ang khan ka pa hian kei lo fapa a nei a, bakah a company rawn enkawl thei tur tupa a nei tawh bawk. A nupui nena an thu a kawi a ngil a zawm hi ka ning tawh takzet. Chuvang chuan nangpawhin ka duhthlanna hi min thinrimpui loh ka beisei ania..." a tih chuan ka ngawi reng a.





"Pawisa lam i rilruah a awm anih chuan black card pakhat pawh hian kan damchhung chu min daih ang" a tih chuan ner nangin ka en a.






"Tun ang hunah hian pawisa ngaihtuah turah min ngai tihna em ni. I black card tello pawh khan ka awm thei chiang emai" ka ti a, amah hi ben hawi sawk mawi ka duh.





"Ka nupui hi a hausa tih ka hria e...." a rawn ti tha veleh mai a, chutah thawh hak a, "Company chawlh san i duh si chuan enge i tih tak ang tih ka lo ngaihtuah, taxi driver nih chu i duh ka ring hauh lova" ka ti a, a rawn nui hawk.





"Hna ka nei dawn lo tih ka sawi tel hauh lo kha Amour. Thil zawng zawng ka tihfel hunah chuan Malaga lamah kan insawn anga, tah chuan tha takin kan awm tawh ang" a tih chuan ka en a, "Chung chu min rawn eih lovin i lo ruahman vek aaa!!!" ka ti a, "Ka ruahman lai khan ka chungah i thinrim miau sia lawm le" a tih chuan a banah chuan ka sik vak a.





"Nang hian min ngai pawimawh eih lo anih hi. Malaga-ah chuan awm duh ta tlat lo ila engtin nge i tih ang ?" ka ti leh a, "I awm duh tlat loh leh Malaga zawk chu i awmna hmunah ka sawn mai aniang chu" a rawn tih chuan za lo lutukin ka nui hak.





"In lak romantic i tum hun hi a fu lo thin, Malaga-ah chuan engtia tha taka awm nge i tum reng reng ?" ka ti leh a, "I zawhna zawng zawng ka chhang dawn anih chuan kan tlaivar a ngai ngei ang. Thil hi i chik ve reuh si a" a ti daih a, a thil tum zawng zawng chu hre chak viau mah ila ka zawt lui ta bik lova, ka pasal a ni a, min ring rawh a ti a ka ring mai tur a ni.





><><><><><><><><><





Ka pum chu a khat tawk a a nat leh thin avang chuan check up tur chuan ka kal ta nge nge a, mahse Christian telloin a ni thung.





Paris lama a thian Roland kha a dam lo nasa viau a ni awm a, Christian a hmuh duh thu a sawi tlat pek bawk a, a thianpa hmu tur chuan nimin lam khan a thlawk vang vang tawh a, a tum dan chuan vawiin lama rawn let leh tur a ni bawk.





Christian duh dan ang ngeiin a doctor chu kan pan a, mipa anih ka rin vei nen hmeichhia a lo ni hlauh.





Ka ei leh in chungchang min zawt chîk hle a, keiin tha takin ka lo chhang ve zel bawk a, min zawt hnem malh malh bawk a, zawhna leh chhanna ringawt atang chuan ka pum nat chhan chu a hriat theih hial ka ring a ni!





"Engtik nge nupa nun in hman hnuhnun ber ?" ka ip deuh chawih a, ka bula Ayla thu ve pawh chuan nuam a tih chiah loh hmel ve tho.





"Nikhat liam ta khan..." ka tih chuan a reh duk hian ka hria a, eng anga kawlhrawng pawh ni ila priacy lutuk ang hi chu sawi chhuah hi a lo nuam chiah lo a ni e.





"Tun ang dinhmunah chuan indiet tih vel kha theihnghilh hmak ang che, nau i pai anih ka ring a, mahse symtoms a langin ka hre si lo.... Ultrasound tih risk tawp nge i duh test hmasak ?" a tih chuan ka harh nawn awn awn nimai hian ka hria.





Engtiklai mahin ka rai ka inring ngai lova, a chhan pawh damdawi ka ei tlat vang a ni.





"Chutiang ni lo, thil dang test ngai a awm lo em ni. Ka rai chu ka ring lo a ni Doctor...." ka tih chuan, "Nang nge kei hi Doctor ?" a rawn ti khauh va, ka dang der. He doctor pawh hi a hmel en aiin a lei a hriam zek mai!





"Aw le, anih chuan ka test hmasa nge ?" ka ti ta nge nge a, ka rai chu ka la ring chuang lo.





Ka test ta pauh a, mahse ka rin ang ngeiin negative.





"Ka sawi kha ka rai lo" tiin test kit chu ka pe a, Doctor chuan en vang vangin, "I chiang maw ?" a rawn ti a.





"Aw Doctor, negative tih a inziah kuau kha" ka ti a, "Ka mit hi a tha lo hle tawh anih dawn hi" tiin pregnancy test kit chu min rawn pe leh a, ka en chuan ka ka hau ni a ni mai.





Nichin mai khan ka mit hian ka en ve reng a, chiang takin negative a nih kha. Mahse tunah hian a positive leh daih!





"Enge awmzia... Nichin khan negative tih ka chiang alawm" ka ti a, ka rai chu ka ring loin ka awih lo a ni ber.





"I hmanhmawh lutuk vangin results diktak i nghal thleng lo anih kha...." tiin eng emaw hi paper-ah hian a ziak a, kei chu ka ding ngawi tawp a ni ber.





Ka awih lo lutuk chu ka kut ami chu ka en leh thin a, a mak ka ti ni.





"Anih chuan doctor damdawi ka ei kha enge awmzia ?" ka ti a, "Eng damdawi pawh ei la i rai na tur a dal reng reng lo ania, i rai chu i lawm viau zawk lo em ni ?" a ti a, "Maw?? Aww.. ahh ka lawm..." ka ti bah niai a, ka rilruah Christian chu a rawn lang nghal.





"Ultrasound kan ti nghal dawn em ni ?" Doctor in a tih leh chuan ka lu ka bu nghat a, tih tur dang chu kan ti nghal mawlh mawlh.





"Kar 16 lai a ni tawh a, i rawn kal har tep zawk a ni. Ei leh in lam kha chu insum tawh lo la" tiin doctor chu a nui hak a, keipawh mawl ka inti lutuk chu ka nui hak.





Thla li tling tep tawh nau ka pai a, mahni inhre miah lo leh inrinhlelh nachang pawh hre miah loin ka ki awm a ni a, ka lo mawl takzet anih hi.





Doctor chuan vitamins ei turin min ti a, ka nau pai chu a hrisel loh hle thu sawiin in enkawl tha viau tur chuan min ti a, keipawhin a thusawi te chu zawm vek ngei ka tum viau bawk.





Kan let leh hnu chuan Christian chu hrilh nghal ka tum ut ut a, mahse hmaichhanah a rawn haw hun a hrilh chu a tha zawk a ka rin leh si avangin ka hrilh duh ta lo.





Khumah chuan thuin ultrasound tihna results te chu ka en a, awih har ka la ti kher mai.





Christian pawhin a hriat ve hunah chuan a hlim ve tho ka ring a, hrilh hun tur chu ka nghakhlel tawh viau.





Thil vel chu dahfelin room atang chuan ka chhuak a, sakawr enkawltu Gavin chu suitcase nen ka hmu hlawl.





"Gavin" ka koh chuan min rawn en zawk a, "Oh hi Mrs. Roths..." nui vur vur chung chuan a ti a, hepa ka hmuh apiang hian a nui vur vur ve ziah.





"Khawnge i kal dawn a ?" ka tih chuana tukkhum chu a tuai vut vut a, "Ka hre lo le" a ti hul hak.





"Enge awmzia ?" ka tih chuan, "Ka haw dawn anih hi" a rawn ti ta vat a, "Ohh.... Chawlh i hman chhungin tunge sakawr te enkawl ang ?" ka tih chuan, "Hnathawk tamtak an awm a lawm" a ti leh a, "Imm... Nuam deuhin chawlh i hmang dawn ania" ka ti a, ani pawh chu a kal veleh mai.





Ayla room lam chu ka pan a, room chhung atang chuan hmeichhe tawng lawng lawng thawm hi a rawn chhuak a, ka lut a.





Ka luh veleh chuan a reh nghal duk a, Ayla lo vin chiamtu maid chu a kun nghal lap.





"Buai i chak deuh em ni ?" ka tih chuan a ngawi dak a, "Chhuak teh" ka ti deuh hluk. He in a maid te hian Ayla hi an thik hlawm viau a, Ayla hi kawlh hra tur hian ka hrilh ngun malh malh tawh khawp mai. Mahse a nunnem chu a ni reuh a, engtin pawh hian ti se a nui zel thei a, vawikhat keimah zawk hian ka hauh hrep phah tawh.





"Mamawh i nei em ni ?" Ayla chuan a ti a, "Damdawi ei hun kha paper-ah khan i note thla tiraw kha ?" ka ti a, a lu chu a bu nghat nghat.





"Lawk aw" tiin a bag chu a hai rak rak a, paper chu min rawn pe.





"Ka lawm e. Hahdam tawh rawh, chuan i room kawngka hi i kalh tih chiang viau ang che" ka ti a, ka chhuahsan zui.





Room ka luh chuan ka phone a lo ri ral ral a, ka lak hma chuan a tawp hman.





Ka rin ang ngeiin Christian call a lo ni a, ka call let dawn lai tak chuan call a rawn lut lehnghal a, rang zetin ka la a nghal.





"I lo thleng tawh em ni ?" ka ti var a, "Sasha..." a rawn ti zawi sup.





"Imm... Ka ngai tawh che nia" ka ti vat a, "Zaninah ka rawn let thei dawn lova" a rawn tih chuan ka hnual nghal ruih thei.





"Ka ngai tawh viau che nia, mahse naktukah chauh ka rawn haw thei dawn si a" a ti zawi veleh sup a, "A pawi lo, Roland chu enge a an ?" ka ti veleh ta a, "Mmmh ka ring aiin a tha chak e...." a ti a, kan ngawi dun rauh rauh.





A rawn haw dawn loh thu a sawi vang nge ka hnual raih a, tawng vak vak pawh ka phur tawh lo.





"Anih chuan i check up results chu a tha em ?" a rawn tih leh chuan, "Aw tha e..... Rawn haw vat la ka ti sin" ka ti leh sep a, tun ang em em a ka bula awm se ka duh ang hian ka la awm ngai lo.





"Zanin chiah nghah angai tawh lawm...." a ti a, a tawngkam te chu min ngai lo bik riauin ka hre tlat pek a, ka ngaih lutuk vang te pawh a ni maithei.





"Aw le.... Vawiin kan chhuahna ka chau deuh a" ka ti leh a, "Imm..... A nih chuan mu hahdam rawh, ka rawn be leh ang che" a ti a, "Aw le" tiin ka dah nghal hmak.





Khumah chuan ka thu tum bur a, a lo haw huna ka thu hrilh tur leh a awmdan tur a ka rin nen ka lo suangtuah ve nasat tawh nen engmah hi a fu thei lo anih hi.





Inbual tur chuan bathroom ka lut ta daih a, eng eng emaw ngaihtuahin keimah chuan ka nui hak hak a, nichina ka lungawi lohna te kha chu ka hre chang tawh lo hrim hrim.





Bathroom atanga ka chhuah leh hnu chuan muang changin ka inthlak a, ka ril tam zia fiah nan ka pum a rawn ri rawih rawih.





Inthlak zoin ka chhuak a, choka lam ka pan tlang nghal. Ka ei duh zawng ka sawi chuan Chef chu a phe vat vat a, a che chu ka lo en kar a, nakinah heng ka ei duh zawng tal siam hi la zir ve angai ni.





Chef ei tur siam lai ka en dauh dauh lai chuan Ayla a rawn lut ve a, a phone chu min rawn pe.





"I hmuh ngei a thain ka hria" a tih chuan a phone chu ka en a, thlalak zawng zawng ka en meuh chuan ka sa vek tawh.





Monica tih emaw ni nen khan engtin nge hetiang em em a inhnaih hian an din theih? Zanin a rawn haw thei lo turah a han insawi vel a, khawilai hmun pawha hung thleh thluah kha chuan tu emaw ber a hmuh leh kha chu ka ring reng a ni.





"Tu rawn thawn nge ni ?" ka tih chuan, "Ka hre bik lo, a number hi a in deactivate nghal vek a" a ti a, ka thaw hawk. Amber anih ka ring a, achhan chu Amber chauh hi Christian nena kan inkar chhe tura duh awm chhun a ni.





Mahse.... Engtin nge a nih theih ang. Christian leh Monica-te thlalak hi anin min rawn thawn daih theih ka ring lo a, bakah he thlalak hian ka thin ti rim viau mah se ka ring famkim ngawt thei bik lovang.






"Thil hi a landan ang ngawt a ni kher lo ania ....." Ayla chuan a rawn ti ve bawk a, ka bu nghat. Ni e, Christian ang chuan â takin ka che ve hauh lovang a, mahse he thil hi chuan insawifiahna tha tak a mamawh ngei mai.






"Heng thil hi chu dahtha teh ang, hei eitur ka siam tir ania" ka ti a, "Thil kan ei a rei si lova i ril a tam leh der tawh em ni ?" a tih chuan, "Aw..." tiin ka pum chu ka chul zeuh a, hrethiam zetin a rawn nui zui ver ver.






"I room-ah awm la heng chu ka rawn dah ang" a tih chuan ka nghah ve theih thu leh amah chu hahdam turin ka ti a, mahse min tihluih tlat avang chuan room-ah chuan ka lut leh ta nge nge.






Mahni a ka han awm chiah chuan thlalak mawlh chu ka ngaihtuah ngut ngut a, rin famkim lo mah ila rin chin chu ka nei lo thei bik lova, zaninah a rawn haw thei lo lehzel nen ka awm chu a ti nuam zan lo a ni.





Ayla in ei tur min rawn pek hnu chuan a rawn ken zawng chu ka ei fai vek a, ka nau pai vang hian nge ka ei hnu reiloteah ka mut rawn chhuak vatin ka muhil zawm ta hmak.






#Duhdan angin a kal tan e.... an buai vak hlau lo ula aw 👍


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:50 pm

74'74
by Sammy 🦋






Ch><17








Sasha Pov.






Mahni a ka han awm chiah chuan thlalak mawlh chu ka ngaihtuah ngut ngut a, rin famkim lo mah ila rin chin chu ka nei lo thei bik lova, zaninah a rawn haw thei lo lehzel nen ka awm chu a ti nuam zan lo a ni.





Ayla in ei tur min rawn pek hnu chuan a rawn ken zawng chu ka ei fai vek a, ka nau pai vang hian nge ka ei hnu reiloteah ka mut rawn chhuak vatin ka muhil zawm ta hmak.






Next Day......






Ei tur nghakin chokaah chuan ka thu leh ran tawh a, ei tur ka duh apiang a siam chawp a ngai ziah hi ka dawhthei lo vat maithei a ni.







Christian pawh a rawn thlawk haw mek a, dawt a sawi lo anih chuan. Engtin nge ka lo hmachhawn ang tih ka ngaihtuah a, ka sawi tawh angin a awmdan chu ka lo ringhlel lo thei dawn lova, inhauh buai vakna a thleng leh ang tih ka hlau ber a ni.






"Ka damchhung min nghah tir i tum em ni ?" ka phun hluk a, he chef hian ka ril tam tawh zia hi a hre hauh lo niin a lang.






"Ka zo e ma'am" tiin Chef chuan ka hmaah chuan eitur chu a rawn chhawp a, "Khatin min ko suh ka upat hmel" ka lo ti leh hluk chu chef pawh chu tihngaihna hriat loh hmel zetin a nui ta ringawt






Thil ka ei zawh hnu chuan ka vitamins ei tur te chu ka ei a, naute chungchang ngaihtuahin mahni chuan ka nui leh hak hak thin.







Naute kan neih hunah chuan Christian hi a hmeichhe kawp thinte hian an rawn tibuai duh tawh bik em lovanga, amah pawh hian a fa tan a tha taka awm chu a duh ve ka ring bawk a. Chutiang a ni hlauh anih chuan naute neih hi ka tan thil tha ber a ni.






Chutia mahnia thil ka inngaihzawnna chu ka lo muhil leh pek a niang Christian min ko ri avang chuan ka harh a, ka bulah Christian chu a lo mu ve reng tawh.







Amah hnungchhawn zawng chuan ka lo mu a, ka hnunglam atang chuan min rawn kuahin alamah chuan min pawt hnai sauh sauh.







"Darkar hnih zet chu min muthilh san tawh ania" a tih chuan, "Ohh... I rawn haw lai ka hre lo a" ka lo ti mai a, Monica chungchang chu zawh ka chak et et.






"Umm....Roland chu enge a an a ?" tiin alam hawi chuan ka insiamrem a, "Kei nge Roland i ngaih pawimawh zawk a ?" a rawn tih chuan, "A chiang reng alawm, nangmah..." ka lo ti vat a.







"Amour, nithum lai ka hmuh loh hnuah che i bulah ka awm leh thei hram a ni a, min ngaih thu pawh sawi hmasa lova mipa dang chanchin min zawt hmasa hi ka lawm i ring em ?" a rawn ti chuan ka meng kawka, ka nuih tlawn ta ringawt.







"Min lo kuah teh, ka ngai viau che nia" tiin amah zawk chuan min kuah hnai a, lo kuah ve vatin a âwmah chuan ka bei rem deuh thlap a, ka chalah chuan a rawn fawp zauh.







"Roland chungchang chu kan sawi thei tawh ngem ?" ka tih chuan, "No Amour.... Tunah chuan kan pahnih chungchang chauh aw" a ti a, engpawh zawt ila min hrilh dawn lo tih chu a hmel atang chuan a chiang lutuk.








"Anih i zinna chanchin chu min hrilh teh" ka ti leh hram a, mak a ti deuh nge min en he haw, "Thil danglam a awm hran lo. Ka ngai hle che pawh thil nih dan pangngai a ni a, mahse i bula mut loh erawh a hreawm khawp mai" a ti leh a, ka thaw hak.







"Monica i hmu leh em ?" ka ti ta ngawt a, min en leh te te.







"Hmu e.... Nang hian min enthla tur i ruai em ni ?" a ti a, ka lu chu ka thing mat mat, "Ka ngaihven miah lo chung che pawhin i chanchin hre tura min duh em emtu hi an awm alawm" ka ti a, "Ka mi rin hi a ni angem ?" lak serious loh hmel zet chuan a ti a, "A ni maithei" ka ti nghat.






"Monica chu ka hmu ngei a, Club-ah" a tih chuan ka ner sak a, thalak kha a lem chu a ni lo tihna nia, hepa lah hian a la pha eih lo zui.






"Min thlah teh..." tiin min kuahna atang chuan ka inlahrang a, "Ka sawi zawh hmain i ngaihdan siam ringawt suh" a ti a, "I ngaihtuahna ang min put tir tum ngawt suh" ka lo ti veleh nghat a, kan boruak chu a dik lo nghal der.






"Ka sawi anga lo ngaithla ang che. Monica chu Club-ah ka hmu a, mahse engmah a thleng lo...." a tih lai chuan, "Monica i hmuh avang chuan eng thleng vak turin nge i beisei a, nupui nei lai i ni a, a lo nuih che anih pawhin nuih let lovin i hawisawn hmak ang. Mahse Monica i hmuh khan min hre chhuak miah lo ang chu... Aw... Monica i hmuh veleh khan mutpui dan tur ringawt i ngaihtuah ang chu..." ka ti piap piap a, khawi atang a rawn chhuak zozai nge ka hre lo, mahse ka sawi chhuak lo anih chuan ka puak keh mai dawn tlat.







"Goddd!!! Enge thleng ta hi?" Christian chuan a ti duh lek a, ka thinrim em em a, ani chuan enge thleng ta hi a la ti duh chauh te chuan ka thin a ti rim zual.







"I mit te hi a del in i beng te hi a tha lo zo tawh em ni? Kha english nula khan a bual â vek che anih hi" ka tih chuan a rawn nui hawk a, a hmaiah chuan ka beng pawp.







"Nuihzatthlak ka sawi em ni ?" ka tih chuan, "Sawi lo" a ti a, a hmaia ka beng chung pawh chuan a la thinrim hauh lo anih chu!







"Tun atang chuan min hnaih tawh hauh suh ang che, ka ten che ania!" ka ti leh vak a, "Aw le...." tiin a tho a, min chhuasan nal nal anih chu! Ka awih lo zawk!






Ka en a, a rawn hawi let miah lo, a thinrim lo a, mahse ka thusawi a zawm lawi bawk si. Min ngaih thu a sawi ve bawk a, kha English nula sawi kha chuan a engahmah ka lo thawk ve hlek lo anih saw. Nep lutuk!!!!







Sawtiang mihring ka lo hmangaih kha ka zak zawk.








CHRISTIAN POV.







Sasha thu ngawi reng chu ka en a, kawngkhar lam chu a melh ngawt ngawt.







Vanneihthlak takin ka ti dawn nge Dr.Spencer hnen atangin Sasha rai thu ka hria a, Paris a ka awm lai khan a ni.







Dr. Spencer chuan min rawn call in check up hun a sawn hma thu a rawn sawi a, a tirah kha chuan ka hrethiam lo viau nain Sasha rai thu min hrilh a, a dinhmun nen zawng zawng sawiin ka hlim viau rualin ka mangang ru deuh bawk.







Ayla call nghalin Sasha thil tih thin leh a ei in dan ka zawt nghal thlap a, ani chuan a that thu leh tha taka thil a ei thin tawh thu a sawi chuan ka thaw huai.







Monica kha club-ah ka hmu ngei a, club a ka kal chhan pawh Roland dam lo chung chung a a lo va kal dawk dawk vang a ni a, he mihring hi chuan zu leh hmeichhe hi a hnar thei thlawt lo a ni.







Monica nena kan thlalak erawh kha chu Lance thil tih a ni thung a, Sasha chu fiam a chak thu a sawi a, rem ti chiah lo mah ila ka nupui hi thil awih mai mai tur leh bum awlsam tur tak a ni lo tih ka chiang a, Lance nen chuan kan inchawi ngat nghe nghe.






Haw ka chak tawh hle a, ka nupui kuah vawng vawng... Ni lo, ka nupui leh ka fa chu ka ngai a ni.







Engtin chiah nge ka haw hunah min lo hmachhawn ang ka ti rilru a, mahse ka in ka thlen chuan a lo muhil bem thung.







A muthilh hlan chuan kan roomah chuan camera ka kam a, in chhung zawng zawngah pawh chuan ka dah vek, a chhan chu ka nupui chetla hi ka en reng duh vang a ni.







Ka intihfelfai zawh hnu chuan ka nupui bulah chuan ka mu thla ve a, a pum chu chulin a biangah chuan ka fawp a, a pum te chu a lian ve riau hian ka hria a, hetah hian ka fa a awm chu nia.....







Darkar hnih zet a mut hnuah hreh takin ka ti harh hram a, a rawn harh veleh a Roland hming a lam chuan min ti lawm chiah lo nain ka ti lang lem lova, ka ngaih thu chu ka hrilh a, min chhang let hauh lo a, Monica vang anih ka ring a, ka rin ang ngeiin Monica chu a sawi chhuak ta ngei.







Mahse ka rin loh leh beisei loh dan pui pui chuan a rawn tawng chhuak a, a thin a rimin Monica chua thik hle tih ka hre thei. Dr. Spencer in rai laia an awmdan te min hrilh hmasa lo se zawng a tawngkamah chuan ka insum zo bik hauh lo ang le.






Thinrim taka a tawng lai chuan ka lo nui pek a, ka hmaiah a rawn beng chawrh.







Chhuak tura min tih chuan thuawih takin ka chhuak a, hmanhmawh taka tlan lutin Sasha awmdan chu ka en zui kha ania, tun thlengin a la che sawn eih lo.





A tho a, room kawngkhar chu a va kalh hmak anih chu! Ka nui hawk a, engtin pawhin awm se hriattiam ka tum zel mai niang chu.






End of Christian Pov.







Ka ngaihtuah ngut ngut a, ka ngaihtuah tam pauh leh ka thin a rim tulh tulh mai.






Monica a hmuh chu pha eih lovin a sawi a, chuta karah insawithiam emaw pawh tum hauh lovin min chhuahsan thei ania.... Amak ka ti dawn nge a rapthlak zawk ni.







Ka rai thu hi ka hrilh ang nge, ka hrilh lo ang? Naute pa anih angin hriat chu a phu a, mahse a awmdan hian hrilh a phu hlawl bawk si lo.

.
.
.
.


Kan nupa inkar chu a tha lo chho viau a, kan inhnar tawn ve ve ni berin ka hria. Min be lova, ka be lova, Amber lah hian min runluih emaw tih turin kan room a Christian rawn kal chilh hi a ching thar riau lehnghal.







Ka rai thu pawh chu ka la hrilh lo ta cheu a, tawngkam tha pawha inbe ta ngai lo nafam chu hrilh na hun tha pawh a awm lo a ni e.






Check up hun anih vangin damdawiin kal tur chuan ka insiam mawlh mawlh a, Christian pawh chu office turin a insiam ve mawlh mawlh.






"Chhuahna tur i nei em ni ?" Christian an a tih chuan ka chhang lova, "Ka biak che hi" a tih chuan, "E! Ka lo hre lova, enge i sawi ?" tiin ka en ha a, thaw hawkin min chhang tawh lo chuan min en reng.








"Sawi tur i neih loh chuan ka kal dawn ania" ka ti a, ka chhuah dawn veleh Amber chu a rawn lut veleh.






Min hmu lo niawm tak chuan, "Uncle Christian..." tiin Christian chu a pan phei thawr thawr a, kan room a a duh duh dana a rawn awm thin hi chu ka kham tawh khawp mai.







"Amber hei hi i room ni lovin kan nupa....." tia ka en let chu ka tawp chawt.







Awih lo lutuk chuan ka ang pam a, Amber chuan Christian chu a fawp anih chu!







Christian chuan a phih sawn dawrh a, ben tum niawm chuan a kut a lek uai a, mahse kei min rawn enin a tawp chut.







"I beng ngam lo em ni ?" ka lo tih chuan a rum nghat a, "Ka thiamloh a awm lo tih i hmuh kha..." a ti hmuk a, ka nui ro hak.







"I thiamloh a awm lo maw? Hetiang khawpa ngampa thei a siamtu chu keimah tihna em ni ?" ka ti vak a, hahthlak min tih hmel zetin a thaw hawk a, chung te hlei hlei chuan ka thin a ti rim zual. Amber chu ka en a, a lo ding kun ngal.







"Kha i thil tih vang khan ka pasal hi ka then phah i ring em? I ring ngei ang mahse i duhdan hian thil a thleng dawn hlek lo" tiin Amber chu room atang chuan ka hnuk chhuak a, a te nasa khawp mai.







"Sasha.... Thlah teh, i ti na anga sin" tiin Christian chuan min rawn um chhuak a, "Thah i duh loh chuan lo ngawi rawh!" ka ti tuar.







Amber chu ka theh sawn dawrh a, Ayla chu auin Amber thawmhnaw chu a hmuh hmuh khung khawm tur chuan ka ti a, midang ho chu an lo ding ngawi kar.







"Enge maw tih i tum le ?' Amber in thinrim taka a rawn tih chuan, "I thluak tetakte nen khan ka thehchhuak dawn che maw le!" ka lo ti a, "He in hi ka in anih hi! Engtinmah min ti thei lo" a rawn tih chuan, "Kan hria ang chu.... He inah hian nang nge kei hi thu nei zawk" tiin maid dang chu koin Amber chu pawn lamah ka hnuk chhuah tir a, Christian pawh chu a ding ngawi reng.







"I rilru a lo na anih chuan a rual hian chhuak ve rawh" Christian lam hawi chuan ka ti vak a, thaw hawkin ka thusawi leh ka thil tih, keimah tawp min ngai pawimawh lo ang tak chuan a inher a, a kal leh nal nal.







Ka thinrim lutuk chu tihngaihna hre bawk si lo chuan ka thaw hawk hawk a, theih chu nise Christian chawp chuan hnawhchuah vek ka duh ni.






Ayla in Amber thawmhnaw a rawn ken chhuah chu ka la a, kawngka atang chuan theh chhuakin Amber chu ka melh run a, "I pu hnenah emaw, i pa hnenah emaw pawh min hek rawh tumah ka hlau lo tih i lo hre dawn nia" ka ti nghat a, ka luhsan leh hmak.






Damdawiin kal pawh chu phur viau lo mah ila kal tho a ngai si a, Ayla chu koin kan chhuak zui veleh ta tho a.







Doctor chuan ka that viau thu a sawi a, naute pawh a that thu a sawi bawk a, ka thaw a veng huai. Christian a rawn kal ve loh chhan min zawh chuan a buai deuh thuin ka chhang a, Doctor lah chuan hun insiam a amah hmu dun vat tur chuan min la ti ta deuh deuh a, Christian chuan ka rai thu pawh hi a la hre tawp si lo.







Check up zawh hnu chuan intih thawven nan tiin ka bazar kual a, naute thawmhnaw te chu ka han en deuh a, mahse engmah lei chuang lo chuan restaurant lamah ka kal leh ta zawk a.








Kan haw meuh chuan khua a tlai duai tawh a, pawn lama Christian car a awm avangin Christian chu a rawn haw tawh tih ka hre thei bawk.







In kan luh chuan maid ho lo che sap sap chu ka hmu a, "Enge thleng a ?" ka tih chuan maid pakhat chuan, "Miss Amber khan bungrua te hi a suasam vak a...." a ti a, ka thaw hak. Chuti mai mai a kian chu a tum bik lo hle mai.







Engmah sawi lo chuan room chu ka lut a, mahse ka beisei loh takin Christian chu a lo awm hauh lo.







A awmna tur awm ang chu ngaih pawh ngaihtuahna peih lovin bathroom-ah ka lut zui ta daih a, bathtub-ah chuan inchiahin Christian hnen a ka rai thu hrilh dan tur chu ka ngaihtuah rauh rauh. Tlawm hmasa zawk nih duh loh mah ila ka pum chhunga min control tlattu avang hian ho takin ka awm thei lova, Christian lakah lah ka zep reng thei dawn hek lo. Chuvangin engtin pawhin awm dawn ila puitling taka hmachhawn zel ka tum zawk tur a ni.






Ka dawhtheih viau angai dawn tih ka hria a, chu chu ka thil peih loh ber a ni. Tun hnaiah boruak tha kan nei lova, mahse naute chungchang ka sawi hunah hi chuan inngeih hram tawh chu ka duh a, naute hi lawm em em se ka duh bawk.






Bathroom atanga ka chhuah chuan Christian chu a la awm lo fo va, mahse ngaihven ka tum chuang miah lo. Zing lama Amber ka tih dan khan a ti lawm lo ve deuh chu ka ring a, mahse lawm lo pawh nise khatianga tih angaih chhung chuan ka ti zel tho ang.







Hmanhmawh lo zet chuan ka inthlak a, Ayla chu a rawn lut leh hlawl.






Duh ka neih leh neih loh min zawt a, ka neih loh thu a chhangin chawl hahdam ve tur chuan ka ti a, keipawh ka sam ka tih ro zawh chuan mu turin ka intintuah nghal.





Mut ka tum lai tak chuan kawngkhar chu a rawn ri rek a, Christian chu a rawn lut.






Khuma ka thu chu min rawn melh zawk a, abak chu min hre lo ang hmakin a che zawm mial mial.






A che zia chu haw viau mah ila ka insum hram hram angai tih ka hria a, pangngai taka biak tumin khum atang chuan ka tho a, a lam chu ka pan.






Mahse a zu rim nam chu ti thei lovin khum lam bawk chu ka pan leh a, "Christian..." ka ti zawi sap.







"Inbiak kan ngai ania" ka tih chuan ka thusawi hre lo ang hmakin a inthlak mawlh mawlh a, bathroom a lut hmak.







A awmdan chu ka ngei hle a, ahma ang chu ni se pawisak nei miah lovin ka inhauh pui leh buan buan tawh ang.






Mahse tunah chuan ka pum chhungah hian keimah min control tlattu a awm tawh a, ngaihtuah chiang hmasa lova engmah ka tih a thiang lova. Chumai piah lamah Christian hian ka pum chhung a ka thawk ruala thawk lo la ve thin hi a pawm dawn kher em ka hre hauh lo.







Bathroom atanga a lo chhuah hun chu nghak ranin ka thu ngawi kar a, darkar khat dawn hnuah chuan a rawn chhuak hram.






A inthlak chu ka nghak reng a, min runluih emaw tih tur khawpa muangin a inthlak lehnghal a, ka thaw hak.






Khum atang chuan tho chhuakin drawer a ka dah pregnancy test kit chu ka la a, "Inbe lawk ang hmiang" tiin ka pan hnai leh a, mahse min ngai pawimawh eih lo chuan a che zawm ngat ngat a. Ka dawhthei ta bik lo chuan thinrim zetin test kit chuan a hnungah chuan ka vawm a, pangngai taka ka pum chhungah hian a fa a awm mek thu hrilh pawh a phu nek lo ve.







Rawn inher ngutin chhuat a tla chu a chhar a, a en vang vang hnuah mit ko san akin min rawn en a, "Hei hi enge ?" a ti ha chu ka beng chawrh chak takzet.







"Engmah a ni lo. Nupui thinrimin a pasal vawmna atana an siam anih kha!" ka ti hmuk a, khumah chuan ka mu leh nghal hmak.






"Ka fa i pai thu sawi mai chu a har em ni ?" a rawn tih chuan, "I fa ni lovin ka fa anih hi" ka ti leh nghat a, a rum ri hawk chu ka hre thei.






"Nangmah chauhin i siam thei lo tih I hriatchian viau kha Amour" atih chuan chhan loh ka tum zet nain ka ngawi hle hle thei thlawt lo.






"I tello hian a siam theih chiang eee" ka ti veleh nghat a, a rawn nui hawk hawk.







"I tawngthei ve bawk sia maw...." a ti a, khumah chuan a rawn lawn ve.





"Min hnaih hlek suh ka tih tawh kha....." Ka lo ti hlar a, "Aw le...." tiin a tho leh daih a, ka thin tih rim hi a tum ve hrim hrim niin ka hre tawh.







"Khang i nula te kha i thlahlel fo anih chuan kal rawh, inthen ila a fel vek a ni mai" ka ti a.




"Sasha ka hmangaih che.... Khawvelah hian nang aia duh leh hmangaih hi ka nei lo. Ka nupui hi ka ngaisang che a, ka zah che a, ka laka lungawi lohna i neih hian hreawm ka ti a, min hnungchhawna i awm hian thawk har ka ti thin...Monica kha chu i lo lan hma thil a ni a, ka nuna i rawn luh chinah erawh hmeichhe dang ngaihtuahna ka nei ngai lo" a rawn tih chuan inbengkangin ka en a, khum mawng lamah chuan dingin min lo en reng.







"Ka hre daih tawh, min hrilh hun hi ka nghak mai zawk a ni" tiin a kutah chuan check up report vel chu a lo keng a, ultrasound report chu en in a nui hawk.







"Enteh..... Helaiah naute hi kan pahnih hnathawh anih hi aw" hlim tih hriat tak hian min rawn en a, nichin maia a mizia nen a in ang lo ta lutuk chu mak ka ti zawk.






"English nula ai chuan ka nupui kawlh tak hi ka duh zawk" a rawn tih chuan ka nui hak a, mahse ka tawp rang kher mai.







"Thu nawi te te sawiin ka lungawi i ring em ni ?" ka ti leh chuan, "Teuh lo! I lung hi ka awi zo dawn lo. Mahse kan naute vang tal khan min ngaidam ta che" a ti a, a thu rawn sawi dan ka beisei lo lutuk chu amah chu ka en tawp ringawt.







Naute hi hetianga remchanga a hman hi ka ring miah lova, ka hua ang nge ka nem nghal mai ang tih pawh ka hre lo.







"Kalsawn phawt teh, ka la thinrim duh a, mahse helaia i awm reng chuan ka thinrim thei dawn lo" ka ti ta tawp a, mahse ahma ang lo tak chuan, "Min hnungchhawn chuan thawk a harsa ka ti thin ka tih kha.... Ka laka i thinrim reng anih chuan ka thaw tha thei lo anga, ka thi mai ang" a ti a, sawi tur hre lo chuan ka ngawi tawp tawh. Hetiang em em hian ngaihdam in dil hi a thiam ka lo ring ngai lova, amak pawh ka ti.







"Min ngaidam em ?" a rawn tih leh chuan lukham chuan ka vawm a, "Hmela...." tiin ka pan hnai a ka va kuah ta chawt.







Nghet zet chuan min lo kuah letin, "Ka hmangaih che...." a ti sup a, "Vawikhat pawh min ti thinrim leh anih chuan....." ka ti kha kha a, a rawn nui hawk.






A hnung zang ruak kungah chuan chulin, "Ka hming chauh a thawk la ang che....." ka ti a, "Ohh... Sasha, min hmangaih tih ka hriatchian vang hian ka hlauthawng lo asin. Ka ta chauh ni la, i zavaia pumbilh reng che ka duh" tiin ka chalah chuan a rawn fawp a, ka dak deuh ha chu ka hmuiah a rawn fawp ta chawt.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 26th, 2023, 3:50 pm

74'75
by Sammy 🦋








Ch><18







CHRISTIAN POV.







Ka harh chuan zing dar 8 lai a lo ri tawh a, office ka tlai viau tawh. Ka bula ka nupui mu pawh chu a la mutui hle tih hriat takin a thaw sak sak a, ka hlim veng veng.






A awm bawr khuhtu awm lova lang vek mai ka hmuh chuan ka danglam chak viau a, rang zetin a awm chu ka khuh ta ngawt.






Tih harh hlau tak chuan ka tho tham tham a, mahse ka thawmah chuan a rawn harh tho.







"Tlanbo i tum em ni a ?" thawh phan pawh awm eih lo chuan a ti a, "Ka nupui hi engtin nge ka tlan bosan duh tehlul ang ni" tiin ka mu leh a, a chalah chuan ka fawp zauh.






"Naute leh a nu hi a mutui em? Aaah... An muttui ka ring, pa ber pawh ka mutui emai" ka tih chuan a rawn nui seih a, keipawh chu ka nui sak.






"Dar engzat nge ni tawh ?" a tih chuan, "Ala hma" tih zawngin ka chhang a, a zi mar nghal al al.







"Ka ril a tam hle mai" tiin a thu chhuak a, "Ei siam zir ka duh, ka awm mai mai zel a" a tih chuan ka nui hawk a, "Engeee..... Mut leh ei chiah hna ka nei a, ka ning ve alawm" a tih leh chuan ka mit ko san khum akin, "I duh ti tur hian ka phalna i mamawh lo tih hi ka chiang emai" ka ti a, ani pawh chu a rawn nui hak.







Engpawh ti dawn se ka phal na tel kher lo hian a duh phawt chuan dan rual lohin a ti dawn tih hi ka chiang a, mahse min ngai pawimawh a, min rawn der ve eih chuan min ti lawm rilru viau mai.






"Anih chuan nitin ka rualin office rawn kal ve thin ta che" ka ti a, a ban phar hliaiin, "I hnathawk zawng zawng hmuh a rawn inlan chhen ka peih lo. Mi nazawng hmuh mai mai atan chuan i nupui hi ka hlu teh ania" a rawn ti a, ka nui hawk chu, "Fiamthu ka thawh lo" a rawn ti hluk a, ka nui tawp hmak.





"Ni e, i hlu hleuh hleuh khawp mai" tiin a hmuiah chuan ka fawp zauh a, "Ka ril atam ania...." a rawn ti leh.







"Ka hria e, ka hria e.... Lo intifai la eitur ka rawn lak dawn che nia" tiin a hmuiah chuan ka fawp zui leh a, thoin choka lam pan chuan ka chhuahsan nghal.






Ei tur chawi a room ka luh leh chuan Sasha chu darthlalang hmaah underwear leh bra nen chauh chuan a lo ding teu a, ka thawm a hriat chuan rawn hawi vatin, "Ka thau deuhin i hre ve em ?" a ti a, ka tray chawi chu dah thlain ka va kuah a, "I mawi telh telh maiin ka hria" tiin a hnute chu ka tawk zauh a, "Het.... I kut hlei lutuk kha dah bo rang rawh" tiin ka kut chu a rawn beng a, ka nui hawk.







"Thil chu lo ei la, ka intifai ve nge ?" tiin a darah chuan ka fawp a, "Ka khek dawn hlek lo che nia" tiin ka kuahna atang chuan a tal chhuak a, hui hawkin bathroom lam chu ka pansan ta a.







Shower hnuai a ka din reng lai chuan, "Christian ka ei zo tak tak ania" tiin Sasha chu a rawn au lang lang a, ka nui hawk.







Bathroom atanga ka chhuah chuan Sasha chu closet bulah a lo ding ran a, "He blouse hi han ha teh" tiin linen blouse chu a rawn khai chhuak a, "I sawi te chuan ka ha lo ngam nang" tiin towel chu ka veng tha mawlh mawlh a.







"Ka thusawi awih ang tak te hian awm vel suh" a rawn ti hluk a, ka nui huk. Henu hi chu awww..... Mi hi a ring tha thei thlawt lo. Ti chung hian ka duh ve em em a, ka hmangaih hial ania. Awihawm loh zawk tak a ni.







"Ka ngaihtuah a naute neih hmaa inneih that leh ka duh" ka tih chuan, ngaih sam hmel fahran hian, "Ka peih lo, thla la a darkar chuang din angai anga..." a ti a.








"Anih inneih thlalak pangngai tak kan siam tir dawn em ni ?" ka tih leh chuan, "A va mak e awww....." a rawn ti hluai a, ka nui hawk hawk.







"Tum loh deuhin pasalah ka nei che a, ka la hmangaih em em zui che a. Pasal neih hi ka suangtuah ngai miah loh thil anih avangin hmeichhe dang ang lo takin wedding dream vel ka nei lem lo a, engtin pawhin lo inneih ila keimahah chuan a pawi lo vek. Kan inhmangaih chuan tawk ka ti mai e..." Ka kekawr hak tur rawn lak chhuah pah chuan a ti duah a, "Nge ni a nang pui hian wedding dream i nei em ni ?" a tih leh chuan ka lu ka thing mat mat a.







"Nangmah leh hei hi ka dream, ka future chu inni" tiin a pum chu ka tawk zauh a, "Ka nei che hi ka lawm zia i hre lo zawk ang. I mizia, i kawlh hra te, i hmel, aaa i engkim hi ka duh tawp vek mai!" ka tih chuan a hmelah chuan lawmna ka hmu thei a, "Keipawhin" ti sepin fawh rem tak chuan a rawn dak a, hnar lo zet chuan ka lo fawp nghal vawng vawng.







Sasha chu inlahrangin, "Inha vat teh...." a ti deuh hluk a, keipawh chu nui vur vur chung chuan ka inha mawlh mawlh.








Ka insiam zawh chuan room atang chuan kan chhuak a, "Breakfast ei lovin i chhuak dawn em ni ?" Sasha in a tih chuan, "Ei lo mai ang, meeting turin min nghak tawh ang" ka tih chuan, "Lo nghak che mai mai ang hmiang, boss i nia lawm" tiin choka lamah chuan min pawt phei a, hnial duh lo chuan ka zui veleh ta tho.







Breakfast ka ei zawh hnu chuan kawngkhar pawn thleng chu min thlah a, ka tlan liam thleng min thlir zui te chuan ka awm a ti nuamin min tihlim rilru veng veng mai.








Office ka thlen chuan Antonio chuan meeting tura min nghah reng tawh thu a sawi a, meeting room lam chu ka pan tlang nghal.








An lo ri laih laih a, ka va thlen chuan an lo reh nghal duak.








Board member pakhat chuan, "Mr. Micheal ban avang hian ban i tum chu a ni em lo ang maw ?" a tih chuan chhang lovin ka chair-ah chuan ka thu a, ni tunah hian ka banna theh luh vanga inhnial an ni.







Micheal-a ban pawh khan zawhna an ngah a, Micheal hian company a chhuahsan duh turah an ngai lo kha a ni a, mahse an rin loh dan zelin kei thlengin kan chhuak dawn anih phawt hi.








"Nang leh zelin min chhuahsan anih chuan he company hian awmzia a nei dawn em ni? I pa lakah lungawi lohna i nei anih a, i thinrim hrikthlak nana hetianga tih i nih chuan thil tha lo tak a ni" member dang chuan an rawn ti a, chutah chuan ding chhuakin ngawi tir nan ka kut chu ka han vai a.








"Ka banna chungchang leh ka pa chuan inzawmna an nei hauh lo. Ka tello pawhin company hi tha takin in kalpui thei dawn tih ka hria a, tumahin min tih hnual loh hram ka beisei....." ka ti charh charh a, tumah chu tawng lovin an in en hrek hrek hlawm.







An han inhnial leh mam mam hnuah board in a ngaihtuah that leh chauh tur thu sawiin meeting chu kan ti tawp ta hram.







Ka office ka luh chuan dawhkanah file thenkhat tih fel loh chu a lo awm leh hnur tawh a, Antonio chuan eng eng emaw a sawi kur zut bawk.








"Sir chawlh i tum tak tak em ni ?" a tih chuan ka lu ka bu nghat a, chair-ah chuan thu thla in file ho chu ka en nghal thuak thuak.







"Khang ho kha ram leina leh ran vulh thi te report a ni a, tun hnai hian beram rual te chu an an thi nasa a, a enkawltute pawhin a chhan tak an hre lo" Antonio chuan file dang min rawn pek pah chuan a ti a, "Ka pa chuan a farm chu a hralh ta em ni ?" ka tih chuan, "Hralh lo, ran an thih nasat avangin...." a tih lai chuan ka lo ti tawp a, "Ka awm loh hunah pawh tuna i hna thawh that ang hian i thawk dawn nia" ka ti ta daih.








"Sir...." tiin a ngawi leh daih a, engmah chu ka zawt zawm tawh lem bik lo.








File zawng zawng ka en hnu chuan hahdam tak chuan ka thu ar ar a, Malaga lam a in (house) ka singsak tir vel chu ka ngaihtuah a, tunah chuan an ti fel diam tawh ka ring a, mahse naute room tur a hranpa a ka tih tir leh avang khan an buai deuh maithei bawk..








Company ka chhuahsan hunah chuan ka nupui leh ka fate nen heng nun hahthlak tak hi tlansanin mi pangngai angin nun hman ve ka duh.







Sasha ngaihtuah chuan ka nui leh hak thin a, ei siam zir a duh thu te kha a sawi ve bawk a, tunah hian a zir vel mek ka ring e.








Antonio rawn lutin board meeting koh a nih thu leh ka chungchang ngaihtuah anih tur thu a rawn sawi a, ka pa leh ka u pawh rawn kalin kei erawh chu an thuthlukna nghak tura min duh thu a rawn sawi a, ka lo thaw hawk.









Ngaihtuah hlawm tak teh se, ka pa hian min ui mah se a chapo na vang hian min kal tir dawn tih ka chiang lutuk.







Chutia ka thut ngawi reng lai chuan Sasha call ka dawng a, ka la vat.








"He guard mawl zet hi ka ban dawn nge min luh tir dawn" a rawn ti nghal hlur a, "I rawn kal em ni ?" ka ti chuan, "Kal kal kal.... Mahse he guard lu kawlh hian tumah luh phal a ni rih lo tiin min dang tlat a a lu kawlhah hian sam a to thleng rakin ka vin phar tep...." a tih chuan ka nui huk a, ka nupui hi chuan ngam loh leh cho loh hi a nei lo a ni.








"Ka rawn hruai ang che...." tiin ka tho vut a, a awmna ka thlen chuan guard nen chuan an lo la inhnial nasa.








Security guard pa in min hmuh chuan chibai min buk vat a, Sasha chuan ngei hmel zeta melhin ka banah chuan a rawn kuah nghal that a, guard pa chu a meng awk a, "Ka nupui anih hi, i hna i thawk zawm thei ang" ka ti a, ka office lam chu Sasha nen chuan kan pan nghal.








Office kan luh veleh chuan, "Call ka dawng a, dawr chung changte a rawn sawi a...." Sasha chuan a ti nghal a, nichin a a thinrim hmel kha chu hmuh tur a awm leh tawh miah lo.







"Rawn kal i duh lo viau khan ka hre si a...." ka tih chuan, "Duh lo e, mahse chef hnen atangin cookies siam ka zir a, ka siam a....." a ti a, a nui hmel chuan min tlawn deuh a ka hriat avang chuan ka mit ko ka san ak a.







"Chuan i ei turin ka lo keng" a ti nui ver ver a, "Immm.... Ka nupuiin duhsak taka min rawn ken te chu ka ei aniang chu" tiin a paper bag khai chu ka lak sak a.







"A hmelchhe teh mai nia aw....." a cookies dahna ka hawn dawn lai chuan a rawn ti a, nui hawk hawk chunga ka hawn chuan a hmel chu a mawi tehchiam lo tak tak a, pakhat chu la in ka han hnim a, "Hnim kher suh...." a lo ti hluk.







Ka han ei chhin a, ka rin ai chuan a tui phian, "Immm.... I siam thiam khawp hi. Malaga kan awm hunah bekery i hawng ang" ka tih chuan, "Min bawl kher suh...." tiin ka âwmah chuan a chum taih a, a nui har har.







"Amour thu pawimawh tak sawipui che ka duh...." thu tak zeta ka tih chuan, "Aw ka ngaithla e...." tiin ka mitah chuan min en kal a, thawk ka la hawk.







Sasha Pov.








"Sawi la...." a ngawih reng si avang chuan ka ti a, "Amour kan awmdan tura ka lo ruahman te hi min pawm pui lo ang tih ka hlau a ni" a tih chuan ka nui sak a.








"Ka pasal i ni a, i kutah ka innghat a, eng pawh ka tana tha tura i tih chu ka pawm lo dawm em ni ?" ka tih chuan a khi sak a, "Ka lawm a ni, ka nei che hi" a ti a, thutak deuh zawk chuan a banna chungchang board member hoin an rel mek thu chu a sawi a, Malaga lama in a lei leh sumdawn nana hotel lian vak lo a kal pui tawh thu te chu min hrilh a, a thusawi te chu hnialna ka nei lo tih chiannan uluk taka lo ngaithlain ka lu ka bu nghat nghat a, ka nungchang chuan a ti lawm tih chu a hmelah chuan ka hre thei.







Ka hmangaih a, ka ring a, eng pawh thleng sela ka pasal hian min ti beidawng dawn lo tih hi ka chiang lutuk tlat.







"Ohh.... Ka hmangaih che Sasha, ka hmangaih tak zet che..." tiin min rawn kuah a, "Keipawhin ka hmangaih che Christian...." tiin nghet zet chuan ka kuah let ve.







After 1 year....







"Khatianga i tih chung reng chuan i la duat sual dawn khawp" tiin kan fapa, a pa ina a pawm bet thlawp chu ka hau a.






"Ka fa ka duat lovin kan hotel a thleng nulate duat turin min duh em ni ?" Christian chuan a rawn ti khauh va, chhan ngaihna hre lo chuan ka rum nghut.






A pa company a bansan tak hnuin Malaga lamah chuan kan pem ta a, a sawi leh duhthusam ang ngeiin hotel lian lo te chu kan enkawl bawk a, kan nun chu a hahdam a ni.







Ka pa kan bulah a cheng a, ani pawhin Christian ang chiahin a tupa chua atchilh a, a hrisel tha vak tawh lo zawk a, a duh angin a chhaih kual thei tawh lo mai pawh a.








"Sasha.... Eng zawk hi nge ka hak ang ?" tiin Ayla chu kawrfual pahnih khaiin room-ah chuan a rawn lut a, ka lo thlan sak ve mai bawk a, zaninah date nei dawnin a phur viau mai lehnghal a.







Malaga kan insawn rual khan Ayla mai bakah Antonio ten min zui ve a, hmun danga an chen phal lovin kan cheng ho ta vek a, tunah chuan chhungkua kan ni tawh.







Christian pasala ka neih hnua ka inthlak danglam nasat zia ka ngaihtuah hian mak ka ti a, ka inawih lo hial zawk thin. Mahse ka pasal leh ka fapa ka hmuh hian keimah chiang takin ka inhmu a, an tello hian ka awm thei dawn lo tih ka inhrechiang em em bawk.








Naute a han te hlek chuan Christian chuan min rawn pe vat a, "A ril tam a ni ang ...." a tih chuan, "Nichin mai khan ka hrai alawm. I pawm kha a ning anih kha" tiin ka fiam zauh va.







"Awih awm loh hian! Tinge i pawm hian a tah ve duh loh le...." tiin a fapa chu duh tih hriat tak hian a rawn thlek ngawih ngawih a. Keiin ani chu ka en ngawih ngawih.






Awww...... Ka pasal hi a hmeltha ni.






Ka hmuia a rawn fawh chuan a phu zawk a, "Khatianga min en rrng chuan a ka insum zo dawn em ni ?" a ti a, ka chek hluk.







Naute chu pawmin room atang chuan ka chhuak a, Antonio leh ka pa chu sitting room-ah zawite hian an lo phup sup sup a, min hmuh veleh chuan an la tawp hmak zui.







"Ka chanchin sawi ang takin min hmuh veleh in ngawih hmak a" ka ti a, "Ka tupa duatlai kha hetah hian lo kalpui teh" ka pa chuan a lo ti daih a, an thu khel lai chu ka hriat ve an hlauh hmel kher mai.







"Naute ka neih atang hian tumah hian min ngaihsak lo sawt hle mai" ka ti a, "Ngaihsak tur chein kan rawn thleng chiah e" tiin kawngkhar lamah chuan thawm a rawn awm hlut a, Brianna te nupa bakah Leo chu nui tha chung hian an rawn lut a, ka beisei miah loh annih avangin ka ding mawl tawp.







"Godfather leh Godmother te kan lo thleng e...." tiin Leo chuan naute chu a rawn la nghal a, "I nu hi rawn chhun viau la kawlh hra ang che" tiin a biangah chuan a fawh sak a, Brianna te chuan min rawn pan hnaiin min kuah a.






"Ka hmu thut cheu a ka hamhaih deuh a ni" ka tih chuan Brianna chu a nui a, "Eng emaw lawm tur a awm dawnin kan hria a....." tiin naute chu a en vang vang. Vanduaiin Brianna hian naute kha a paitlang thei ta lova, chutakarah nau paina change a tlem tawh thu doctor in a sawi bawk a, ka khawngaih viau.








"In rawn lan tehhlawl chhan hi ka hre thei ngem ?" ka tih chuan, "I hnunglam kha en la..." Leo chuan a ti a, ka lehhawi vat.







"Enge i tih a....?" ka thil hmuh awih lo tak chuan Christian chu ka en a, ka hmaah chuan thingthiin ka kut chu a la a, "Inneih that ka duh ni Amour..." a ti a, sawi tur hre tawh lo niawm tak hian a thaw hulh a.






"Mo kawr mawi tak haa hmuh che ka duh a, mawi taka lang a inneih thutiam i sawi kha ka hre leh duh a ni" a tih chuan ka nui hak a, "Mimawlpa leh ...." tiin ka kuah a, "Kan inneih tha dawn nia .... I duh dan tak chuan ka nei nawn mawlh ang che, vawi sang tamtak pawh ka nei nawn ang che" tiin ka pasal chu ka fawp a.






Wedding Day....






Tuipui kamah, min lawmpuitute nen inneihna chu hman a ni a, ni dang zawng aiin ka pasal chu ka hmu tha zual a, ka pa thusawi awih a ka nei kha ka inchhir lo khawp mai.






Inneihna thutiam chu kan inneih hmasak lo ang tak khan phur sarhin ka chham chhuak a, ka pasal nena kan mit chu a inhawisawn lo a ni ber.







Hun serh zawh hnu chuan kan hotel lam panin kan inkhalh chhuak a, kan hotel room tha bera honeymoon hmang turin kan nupa chuan kan kal a ni.







"Naute a ngaihtuahawm loh ang maw ?" ka tih chuan, "Amah atchilh tawptu an tam lutuk..... Vawiinni angah chuan kei chauh min ngaihtuah teh" Christian chuan a ti hluk a, ka lo nui hak.







Hotel room kan thleng chuan min venthawn nei lovin min fawp nghal bawrh bawrh a, keipawh chuan ka chhanglet tha kher mai.






Rum nghat nghatin khumah chuan min theh thla a, nui har harin ka lo en kar a, "Kan haw hnuah chuan i duh angin i che thei tawh hauh dawn lo ania" ka tih zeuh chuan rum nghutin min rawn bawh rawk rawk a, ka thawmhnaw chu hlip zawm mawlh mawlhin keipawhin ka pasal dawngsawng tur chuan ka lo insiamrem ve zel bawk a.









THE END........









#Ka story beitham lutuk min chhiar sak tute chungah lawmthu ka sawi e. A tawp danah hian in lawm loh leh hi ka hlau a, mahse in lungawi chu ka ring....😄


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)