KA ARSITE-A BY Tluangi Sagy Pachuau (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: KA ARSITE-A BY Tluangi Sagy Pachuau (Completed)

Unread post by Ngaia » March 26th, 2023, 4:28 pm

KA ARSITEA ✨

CHAPTER - 25LAST





By - Tluangi Sagy Pachuau



Sangsangi (Jaspera nau) POV


Ka nu te sawi ka hriat dan in mi nasa tak a an dam loh a, chaw pawh an ei peih tawh loh hnu a chaw an ei leh ṭeuh hnu a an thih hi Vankai Chaw an ti ṭhin a ni awm a




Chutiang chiah chu Umimii hi a nih an ring bawk a



Ka u hi ka khawngaih lawk, ka bulah khan engkim a sawi ṭhin a, Umimii hi nupui a neih kha a tum tlat ṭhin a nih kha, khatih lai khan tiang thil hi a thleng dawn tih kan hre lawk der silo




Ka bulah Tarmita a bawk a, ka u erawh chu Umimii bulah a awm tlat thung, kan chhuk thlak ve aṭang in kan bulah pawh a awm mang chuanglo




Tûnah rih chuan Umimii awmdan kan ngaichang a ni ber a, an rin dan kha a ni ang tih kan hlau ṭheuh awm e, Umimii nu leh Umami phei chuan an mittui an hru an hru deuh reng tawh mai, an ṭap lai hmuh chuan hnûk a ti ulh ve lek lek ṭep




Tarmita chu a nu leh pa te awmna lamah chuan ka hruai a, a va hmuh chuan a hlim ve hmel ngang mai, mahse a nu chu a damlo tih a hrethiam ve ni tur a ni, a bawh chung chung ngamlo a, a bulah chuan a bawk hle hle mai



" Ka fapa " tiin Umimii chu a lo nui sak a, " i ni thu i lo awih em ?" A ti leh a, a aw te chu a tham ṭiak tawh mai, Tarmita chuan a mei a then hliau hliau a, " i pa te, i ni te leh i pi leh pu te thu lo awih rawh aw " a ti a, amah chu nui suk suk mahse Keini erawh kan nuih a za ve hauh lo




Tun a a thil sawi kha thuchah hnuhnung ang mai a ni



" Jas " ka u melh pah chuan a ti a, a mittui a luang ngiai ngiai mai, ka u chuan a ṭhut hnaih nghal ruak a, hmuh hrehawm ka van ti tak em, ka u hmelah lah a na tih ka hai lo




" Jas ka chau tawh " a rawn ti a, ka u chuan engmah a sawi theilo , " ka muhil thei tawh angem? " A ti a, ka u in a chhânna nghak chuan a melh kar a




" Khawi ah mah ka kalsan lo ang che i tih kha " ka u chuan a rawn ti chhuak ṭiau a, ka va han khawngaih ngawih ngawih tak em " ka kalsan dâwn hleinem che, i kiangah ka awm reng dâwn alâwm " Umimii chuan a la ti fan a




A thin zâwnah chuan a han khawih sak a, " i hmuh theih leh khawih theih ah awm lo mah ila hetah hian ka awm reng dâwn alâwm " A ti a, ka u chuan a lu a lo thing nar nar




" Ka tello in i kal ka remti lo, aih, a theih loh " ka u chu a mumal tawh mawlh lo a ni " Jas ka chau tawh " Umimii chuan a ti nawn leh a, ka u chuan mittui tla pur hian a en a




" I bulah ka lo mu anga, i muhil dâwn a nia, mahse i rawn harh leh tur a ni, ka koh hunah che min chhang tur a ni " ka u chuan a ti nghet charh a, chutih lai chuan ka nu te ho pawh chu an rawn lut a




" Ka Hmangaih Che " Umimii chuan a rawn ti sap a, "Keipawn Ka Hmangaih Che" ka u chuan ti in a chalah chuan a fawp vang vang a, nghet zet in Umimii chu a kuah a




Boruak chu a reh ngawt ngawt mai, a hnu ah chuan ka u chu a rawn ṭap khur ngawt ngawt a, " Naute " a ṭawng ṭha theilo, midang ṭap ri chuan a chhunzawm nghal a




Ka u ṭap thawm leh a thu sawi te chuan min ti na zual a, " Naute, ka koh hunah che min chhang rawh ka tih kha, " Naute, min chhang ta che, meng rawh " a kuah bet tlat a, mipa ṭap hi ka la hmu ngailo a, ka u ṭap lai ngat phei chu




" Nu, Nautei hi kaitho rawh u, ka ko a a eih duhlo a nia, Nautei hian nichin a a mutthilh ka phal loh avang khan min tih tauh khum a, a meng duhlo mai mai tiraw, aw chumi vang chu alâwm, nu , min kaihthawh sak teh u " ka nu bulah chuan a ṭap hawm hawm a




Tarmita pawh chu a bauh nasa ngei mai, a chang leh a u vak vak a, a nu thihna chu a tuar ve a ni mahna




" Naute, lo tho rawh , ka tihpalh i duh hun hun ah ka mutthilh tîr tawh ang che, ti tau tawhlo la, hrehawm ka ti a nia " Umimii engmah hre tawhlo bulah chuan bawk thla in a ṭawng mawlh mawlh a





Kuang a an dah luh dâwn te chuan " engvang in nge khatah khan nautei dah luh in tum, khate chu mitthi te an dah na ṭhin a nih kha, naute te chu a muhil ringawt alawm, ti suh u " tiin an au vak vak a, ka pa leh Umimii pa te chuan an lo vuah bet ṭang ṭang




Tlaivar pui a ni a, ka u chuan engmah a sawi tawh lo a, ngawi reng in Umimii kuang chhûng a muzal reng chu a thlir ngawt ngawt mai a ni



An phûm dawn thleng chuan engmah a sawi tawhlo, biak ṭawng theih lah a ni bawk silo, mi â ang mai a ni, lei hnuai a an dah luh dawn chuan rawn ṭawng chhuak in




" Ngawi lawk teh u " a rawn ti a, kuang chhin chu vawikhat chiah hâwn leh a dil a, an hâwn sak hnu chuan a ṭhu hniam a , zungbun a bun tîr lai chuan mi zawng zawng chuan mak ti in kan lo en ṭhap hlawm a




" Ka nupui i nih hi in hre reng ang che, pialral ka lo kai ve hun tur min lo nghâk reng la, thawnthu ang lo tak in takram ah chuan ka Chawngmawiin a Hrang hhuana a kalsan hmasa a, Chawngmawii iangin rinawm tak in nang ka tawn leh hun tur che ka lo nghâk ve reng ang " a ti a, a hmui ah chuan a fawp vang vang




A chet dan maksak zet chuan mipui mittui a ti tla a, kan lainat hlawm hle bawk




An phûm zawh hnu chuan ka u chuan la awm a duh avang in hrethiam tak in kan haw san ta a, thil ṭhalo a ti duh mai ang tih erawh ka hlau angreng




Râlkhat aṭang chuan ka thlir reng a, lei ah chuan a ṭhingṭhi hnawk a, van lam hawi chuan a au vak vak a, tûnah khuan hmun tam tak ah a kehchhe mek a ni, hmangaihte chân hi engtiang chiah a na nge a nih ang ka hrethiamlo




Mahse ka u awmdan ka hmuh khuan a nat tur zia chu ka hmuthiam in ka in hria




Tarmita chu ka u awmna lamah chuan a tlanthla a, a bulah chuan a zuk ding a, ka u chuan a lo kuah a, a ṭap khur ngawt ngawt mai. Van te pawh khian Umimii thihna chu an tuar ve ni awm tak hian khua te chu an dur khup mai a, zan lamah chuan ruah a sur tawh ngei ka ring




Ka u leh Tarmita chu ka haw san ta a




JASPER POV*

Thlan lung atân a kross an siam a hming in ziak chu ka chhiar nawn ka chhiar nawn ṭhin, a tak ngei a ni bawk si, Mangchhia mai ni se ka va han ti tak em




Ka mit ka chhing a, Mimii nui lai hmel hlir ka mitthla ah an lo lang a, " i tello a nun hman chu a va har dawn tak em " tiin ka phun chhuak sup




Ka bul a Tarmita ding chu ka en a, a ni pawn min en let ve kuau mai , Mimii loh dan ṭhin chuan ko in " ka fapa " ka han ti a, chu ringawt te pawh chuan ka ṭah an ti chhuak zual " lo tho leh mai rawh, a harsa emmai " a thlan lung lam hawi chung chuan ka ti leh a




Min chhangtu an awm lo, a reh tlawk tlawk mai



Beidawng zet in kan haw a, ka kut a zungbun ka bun chu ka en a, tûnah chuan nupui nei ka ni tawh a, tuman ka nupui dinhmun hi an luahlan ka phal hauh lo, Mimii pasal chauh ka ni a, ka ni kumkhua bawk ang




Zan ah chuan muhil theilo in ka phone a Nautei nen kan thlalak te chu ka en a,mittui bawk a rawn hnai leh ta, dan erawh ka tumlo, mipa ka nih vang a ṭahloh ka tumlo, ka hmeichhe hmangaih hian ka mittui hi a phu a ni




Khawpui rawn ri dur dur in ruah a rawn haw nghal bawk a, nilo Nautei kha, kawrlum leh nihliap ka zawng rawk rawk a, ka thawm ah chuan midang muhil te pawh chu an rawn harh a,
Ka tlan chhuak tur chu min rawn man bet a




" Min lo man bet suh u, ka Nautei khan ruah sur a hlau asin, vawt te a ti anga sin, min dang suh u, ka kal a ngai " ka ti vak vak a, ka pa chuan min vin tuar " Malsawmpui duhtawk rawh, a tawk , midang i tih hrilhhai zia hi en rawh, Mimii chu a kal tawh, vanram ah natna leh hrehawmna te awm tawhlohna hmunah a awm tawh " a ti a




Ka hawi kual a, Mimii nu te chu an lo ṭap pur mai, ngawi reng in ka mutna lamah ka let leh a, ka ṭap khur ngat ngat, Pa lo min lo ti suh ang che u, In hmangaih te in chan ve tawh ngai em?, a na lutuk asin, in la chanlo a nih chuan ka awm dân ah ngaihdan siam ngawt suh u.




Ni thum chhûng kan cham a, nitin chuan thlan ah ka kal ṭhin a, Ka Nautei chuan engtik lai pawh hian min thlir ve reng ni hian ka hre ṭhin a, a duh loh zawng a awm ka tum hauh lo, a rilru ka tih nat ka hlau a ni




Ni thum hnu ah erawh cham reng kha thil mawi a nih loh vang in kan khaw lamah kan haw ta a, ka hmangaih an zalhna hmun chu ka chhuahsan ta vang vang mai, " ka rawn tlawh fo ang che " ka ti sap a




Kum 5 hnu ah
-----------------------


Kum 5 lai a lo ni ve ta, tûnah chuan tlangvâl puitling pangngai ka ni ve ta, mahse eng ang a kum tam liam in hun hi danglam tawh mahse ka thinlung a Nautei ka hmangaina erawh a reh theilo a, nitin mai hian ka hrechhuak deuh deuh ṭhin




Hmeichhia hmelṭha tak tak leh min beisei tu ka tawng fo, mahse an ni bulah chuan nupui ka neih tawh thu ka lo hrilh hmiah ṭhin thung




Ka zungbun chu ka en vang vang a, chumi hnu ah thlân chu ka en leh a,
*Mimii Lalṭhasangi K-18
Thihni - 14 Dec 2022*
Tih a in ziak kulh a

" Ka lo kal e naute "

Tiin ka nui sak

Vawiin hi a thihcham kum 5-na leh
Kan inneih cham kum 5-na chiah a ni




" Kan fapa nen kan lo kal a nia, enteh tunu pawh i nei a nia " tiin ka nui hak hak a



A bul a ka awm hian ka khawvel chu a famkim ṭhin, an khua ah hian inhmun lei in in ka sak tir bawk a, khaw dang aṭang a kal sek ngailo in ka awm chilh thei dâwn a ni




Tûnah chuan ka hmangaih tawk tûr a pialral ka kai hun chauh a ni ka nghah tawh chu ni



A TAWP TA



A tîr aṭang a a tawp thleng a min lo chhiar sak tu te chungah ka lawm lutuk e❤️❤️


Show post links
Top



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)