KA ARSITE-A BY Tluangi Sagy Pachuau (Completed)

[Ngaia]

KA ARSITEA

CHAPTER - 19





By Tluangi Sagy Pachuau




Min kuahna aṭan chuan tal chhuak in a mah hmachhawn zawng chuan ka ding a,a hmel chu ka en a,ka thaw leh hak ṭhin,hrilh ka duh mahse a va har si em




"Min hrilh duh i nei em ni?" Ka hmêl aṭang in a hrethiam a ni ngei ang,ka bu ta nghauh nghauh a,ka kut chu ka hum ruh ngang mai , "sawi la" a tih hnu pawh chuan ka la ngawi reng,ka dinhmun angah hian ding ula hetiang hian in awm ve ngei ka ring





"I hmuh phak loh ah ka kal thuai dawn" a nihna ang kawl kawl a sawi lo chuan ka han ti a, min rawn kuah thlawp pah hian "khawiah mah i kal ka remti tawh lo ka tih kha i hrelo em ni" a vin lo a,mahse a chang ṭha el awl khawp mai




Min kuahna chu phelh in a kut chu ka vawn sak a,ka inti pachang hrâm hrâm a ni, "i ngaih ang a kal bo kha ka ni dawn hleinem,khi lai ah khian ka lo nghak dâwn che alawm" van lam hawi chung chuan hnûk ulh ṭeuh chung in ka sawi a




A nin zawhna mitmeng tak a min en in "eng nge i sawi awmzia,tikhan ṭawng ziah suh aw" a rawn ti a,a nui lui deuh hak bawk,a hrethiam tih ka hria,fiamthu ang a lâk chu a tum khawp mai




"Hmanni a kan in entir kha i hria tiraw?" Ka tih chuan a bu nghat nghat a, "thisen cancer ka lo nia" ka ti ta tawl a
Min melh zak zak chung hian "fiamthu na hun a nih loh hi" a ti vin ṭhat a,ka kut chu a thing thla deuh hnawk bawk,ka lo phu dawrh nghe nghe




"Ka fiamthu miahlo" ka sawi zawh rual rual chuan a lu thing nar nar in "aih a nilo,sawi tawh suh,hmeichhe harhvang tak khan chutiang natna a vei thei hauhlo" a ti mawlh mawlh




A awmdan chuan ka rilru a ti na,ka khawngaih takzet,kei in ka pawm thiam ang hian pawm thiam ve ni se ṭha tur, chutia a awm lai chuan ka va kuah a,nghet tak hian min lo kuah let ve bawk




"Hetiang a i awm ka hlauh vâng hian alâwm ka hrilh duh loh che" ka ti sap,engmah a sawilo a,a nghet thei ang ber in ,ka kalsan mai ang tih hlau ni awm fahran in min kuah bet tlat




A hmel ka en a,nilo Ka Arsitea a ṭap




A biang ah chuan ka dawm a,tuna a awm dan hian min ti leh chhe chiang hle,kei ngei pawh ka in ti pachang zo lo,ka biangah chuan mittui a rawn luang ve ta




"Min prank tiraw? Lalṭhasang min prank tih han sawi teh" beisei nei zet hian min en a,keiin mittui tla zawih zawih in ka lu ka lo thing mât mât
"Dawt a ni,dawt vek,a dik theilo ka hmeichhe hriat tawh a chak tak leh harhvang tak hian thisen cancer a vei theilo" tiin an ṭhu hnak a




A ri in ṭap lo mahse a mittui chu a tla zawih zawih, he mipa nunnem leh zaidam tak pa em em si hian ka tan a mittui a seng a ni si
Hetiang thil hi a thleng dawn tih hre lawk ni ila chu bul ka lo ṭan pui hauh lo tur




A na hmel ka hmuh hian a vawikhat nan Pathian hnen ah ka vui thu ka thlen ve ta, "Lalpa ka hmangaih te he ti tak a na a an awm theih nân hian he natna hi min pêk kher a ngai em ni, kum 18 em pawh ka la tlinglo a,hma bak thui tak ka la nei i ti ve lo em ni,a ni nen hian hma lam hun ka neih ve a rem thlawt lo em ni" ka rilru chuan ka ti mawlh mawlh





A ṭhu chu ka zuk kuah ṭha leh ngat a,engmah kan sawi tawhlo a,ngawi reng in kan ṭap dun a ni ber




A hnu ah chuan rawn tho chhuak in min kai a,min kal pui a tum ta mai
"Khawiah nge kan kal dawn?" Ka tih chuan




"Chu Doctor bulah chuan va kal leh ang,test ṭha leh rawh se,a ṭul phawt chuan Mizoram chhûng a damdawiin awm zawng zawng ah hian kan kal mai tur a ni,test a negative a ni tih a lan hma chu kan kal kual mai ang" a ti a,nichin a a hmel lan dan kha chu hmuh tur a awm tawhlo a,thinrim hmel a pu tawh zawk




Keiin ka lo pawt lêt vat thung , "va test ṭha leh pawh ni ila eng nge sâwt ang,result ngai tho a rawn chhuak anga,beidawnna khua a sei thlawn mai mai,chu chu i pawm ve thei mai lo em ni keipawn ka pawm thlap hi,en ta che hei ka ban te hi en ta che" ka kawr ban hlim pah chuan a au in ka au tuar tuar a ni ber





Beidawng zet in lei ah chuan ka ṭhu hnak a, "keipawn a tak ni lo se,ka mumang mai ni se,chu mangchhia aṭang chuan harh chhuah ka chak takzet a sin" ka ti a ka ṭap hawm hawm




Min rawn kuah a "shh,ka tihpalh,ka tihpalh ka naute ṭap tawh suh le" ṭawngkam dam diai hian a rawn ti a,ka lu ah chuan an chûl hliau hliau a,ka chal ah chuan a fawp leh zeuh ṭhin




"Pawm thiam a har em a ni,ka naute hian min kalsan tûr ang in ka la ngaihtuah ngailo,chutih rual in thu thinṭhawng tak ka hre leh si a" a ti a,ka hrethiam lutukk ringawt




Aizawl khawpui building pe tuar en chung chuan kan ding dun a,thli fim a thaw heuh heuh reng bawk a,boruak chu a nuam takzet




"I duh chuan min kalsan thei reng,ka dem miahlo che a nia" ka tih chuan rum em em hian min melh a,a lawm loh hmel takzet





"I mawl em ni,engvang in nge ka kalsan ringawt ang che,i taksa a kha natna in ro a rel vang khan maw,ka kalsan hauh lo ang che,a ngaihtuah pawh ngaihtuah suh,nangmah chauh a i tawrh ka phal reng reng lo,i kiangah awm in engkim ka hmachhawn pui che anga i ke pen rual in ka pen ve zêl ang"




A ti nghut nghut,a hmel ah chuan a tih mai mai loh zia a lang chiang hle




"Ka lawm e" ka ti sap a,ka hnuk a ulh leh nghal ringawt,a chhan chu ka tan a ṭha em a ni,heti em em hi chu an hnen aṭang hian ka beisei pha lo asin





"Kei deuh hi asin lawm zawk,zêp nei hauh lo in engkim min hrilh vek ṭhin a,min rin tawk zia ka hriat hian ka lawm takzet,ka kalsan ngailo ang che" tiin ka hmui ah chuan a rawn fawp,ka lo chhang let ve thuai
Chu building chung sang lai ah chuan natna te leh lungngaihna te lungkham hauh lo in lungchim zet in kan in fawp vang vang




Kan chhuk thlak ve meuh chuan ban a lo hun dâwn ruai tawh a,class kan la buai tawhlo law law, lam zir an tih avang in kan kal ve a, Club President in min lo hmuh chuan "engatinge College rei tak i chawlh,i tello chuan Malsawmpuia hian lam zir a duh bawk silo, competition a hnai tawh ,chawl tawh reng reng suh" min ti a,a phun hluk hluk




Min huat vang nilo a min ngamtlak vang a sawi a ni tih ka hria a,huat en a en ai mah in ka nuih a ti za zawk,mahse a thutak si a nuih chi lah a ni der silo





"Lam ve tawhlo mai rawh" Jaspera chuan min lo hrilh ru sa sa a, "ka lam thei alawm,ka la thi mai dâwn bik hleinem,ka la dam ṭhat ve lai hi chuan midang tih theih ang chu tih ve vek ka duh alâwm" ka tih chuan min dang tawh biklo





Chutia ka han lam leh ta chu nuam kan ti khawp a, tinge a tirah te khan hetiang a ka lo awm loh le tiin keimah leh keimah chu ka in dem hial a ni,mahni a in a in khung ngawt ngawt si chuan a thawveng thlâk daih zawk





Kan chawlh lai chuan chocolate hi min pe a,ka lo nuih var var,kan in ngaihzawn hma ka ril ṭam lai a chocolate min pêk hmasak ber ni kha ka hrechhuak rum rum,a ni pawh chuan ka ngaihtuah ang tho chu an ngaihtuah ve a ni ngei ang,a nui ve suk suk mai





"WEEK lai a i haw daih kha i la hria em?" A rawn tih chuan ka lo bu nghauh nghauh "kha mi ni pawh khan chocolate hi pêk leh che ka tum a,mahse tum loh deuh in thil kha a thleng leh ta sia" a ti a,ka lo en kar




"Tinge chocolate kha min pêk ziah a?" Khatih hun lai a ka hriat chak em em zawhna chu ka zawt ta nge nge
Sawi hreh hmel deuh hian min en a, "sawi mai mai teh,i zak der a nih kha" ka tih chuan an nui hawk hawk
Chhun lam a kan boruak dit tak kha chu kan kal pêl leh vek tawh




"I hriat ang in ka duhna che a rei tawh ka tih kha" a ti hmasa te te a,ka lo bu leh nghat, "i status aṭang in chocolate i ngainat zia kha ka lo hria a,chuan khami ni pawh khan i ta tur tho a ka lei chu a nia,mahse ka pe hreh che a,vânneih thlâk deuh in i rilṭam thu kha i lo sawi ve chiah a,pêk na hun che ka nei ta a




Nitin pêk che kha ka thil tum ber a nia,ka ti rêng bawk si" a tih chuan ka en vang vang,ngatinge maw amah ah hian ka mipa duhzawng hi a kim vek mai le




"Ka duhthusam ho te ka hrilh ang che aw" ka tih chuan ka lam hawi in a lo in her vut a,a bu nghat nghat, che cute thiam ṭha




"Bialpa nitin chocolate min pe thei tu tur ka duh ṭhin a,ka ṭhiante bulah hian ka sawi ṭhin a" ka tih chuan min nuih vur vur chung hian
"Ka thil tum ang chiah i duhthusam a lo ni ringawt te pawh chu couple goals" a rawn ti a,a sawi pah a a awm dan zawng zawng nên




Kan nui dun uar uar, "awi awi awi,,,,nangni pahnih in ngaizawng ve hi chu ṭhian inkawm ang chiah in ni,nuih ṭhin pawh in hlau lo,nui bal dun ropui si" Club President bawk chuan ka bul a lo kal pah chuan a rawn ti a, "ṭha daih zawk,in ngaizawng te chu in zah tur,mahse zah ṭit ṭet tur a nilo" Jasperan a lo ti a,ka pawm viau mai




In ngaizawng te chuan kan duh zâwng leh duh loh zawng ah te kan in zah tur a ni a,kan in hrethiam tawn tur a ni,chuti nilo a zah ṭutt a,sawi awm hliah hliah sawi ngamloh te hian inkar a ti chhe ve thei tlat a ni





"Chuti chu nitin chocolate pêk che ka tum kha chhunzawm leh ila i duhthusam mipa chu ka ni mai dawn ani" a tih chuan "min pe lo mahla ka dream boy i khum zak" tiin ka lo chhang a, Ujosepha chuan min ei loh dun hmel zet hian min kalsan nal nal a,kan nuih zui hak hak




Ujosepha hi chu a fel in a rilru a tluang a,fiamthu a duh bawk si a,kawm a nuam takzet




Nitin ka bul ah a tam thei ang ber hun s hmang a,a hun awl apiang ah ka bul ah a awm ti ila ka sawi sual lo ang,a chang chuan an SU pui te lakah hian ka in thlahrung ṭhin,ka damloh vang ringawt pawh in vawi 3 lai committee a ṭhulh tawh,mahse an ni chuan an lo hrethiam zêl a,an ni pawh an fel




Mi hi an ṭhatna lai hi en in an tih sual leh tih dikloh te hi hmuh kan ila kan hmu fel vek a ni mai,tin kan tân pawh rilru hrisel na zêl,mi chhiatna lai kan zawn phet a kan lo buai ve chhen hi chuan kan tân pawh an hrisel lo




Mi status ka hmuh a ka nuih ti za deuh tu chu

Mahni nun a buai chu depression neihna mai mai

Midang nunah hian buai ila kan hrisel zawk


Tih kha a ni,lehlam kawng zawng a thlir chuan dik leh fu lawi si a


"Jas nakin ah min bazar pui la,bakah kan pahnih te hian couple thil tam deuh lei ang" ka tih chuan a pawm zawng tak mai a lo ni a,a ni pawn a duh mahse a sawi duh rih loh hi a lo ni zawk a




Chutichuan Inrinni a bazar tûr in thu kan ti tlu ta a,ka rilru in couple Tshirt design dan tûr a ngaihtuah nghal char char


Show post links
Top

[Ngaia]

KA ARSITEA

CHAPTER - 20




By Tluangi Sagy Pachuau




Inrinni ah bazar tûr in min lo sâwm a,kan ṭhiante dang pawh an tel ve,an bazar ve dâwn a ni ngei ang,kal ho dial dial chu an peih ka ring hauh lo




Jaspera in dress dan ka hmuh chuan ding meuh in ka en,ka in dress dan ka en leh ṭhin,hak tur kan in hrilh miahlo,mahse a inang takzet Tshirt ban tluan a dum leh var a ṭial a ha a,cargo pants dum a ha bawk,chutiang chiah chuan keipawh ka ni
Kan pheikhawk pawh chu a var ve ve Kan bun,kan in en a kan in nuih tawp




Bazar tur chuan kan chhuak ta a,ka rin ang ngeiin kan ṭhian te chuan an huho a kal an duhlo a,an kal hrang vek




Kan thil duh ang kan lei zawh hnu chuan Bracelet siam tir tûr in kan kal leh a,ice-cream lei ka ngen chuan "tun chauh i ei ka phal sak ang che" a ti nghut a, ice-cream zawrhan dawr ah chuan a lût nghal zat




Umamin ice-cream ei a phalloh thu a lo hrilh a ni hrim hrim ang,huiham Ubawiha nen a chhuah a lo nuam ber a nih hi,mahse tunah chuan Ubawiha pawn ice-cream ei a phal tawh pawh ka ringlo




"Min lo hrethiam lawk,i hmelṭha sia,i number min pe thei angem?" Tlangval la upat hmel vaklo hian a rawn ti a
"Ah englo" ka ti chiah a "naute kha i ice-cream tur chu, chocolate flavour ngat" tih pah in ka biang chu a rawn piai zeuh a,ngaihawm zet hian min melh bawk




Chutah min melh dan lo tak chuan rum tak hian kan hma a mipa ding chu a melh a, "min hrethiam la,ka bialnu hi kan kal pui tawh ange" a ti deuh kher a,ka dârah chuan min kuah in min kal pui nghal daih bawk




A awm dân chu thinrim lamah pawh a kallo,nuihzat lam ah a kal zawk "khapa kha i thik a mi a?" Ka tih chuan ner nang chung hian "awihawm loh lutuk a,khatiang thik tham pawh a nih loh kha," a lo ti duh lek a,mahse nichin mai a a awm dân ngaihtuah kha chuan a thik tih a chiang reng




"I thik a nih khaa" a nak a nek ṭalh ṭalh pah chuan ka ti a, " naa, ka thik loo " a la ti ve ṭalh, thik ang a lan chu a duhlo ve khawp mai




Kan kal pah chuan Bracelet siamdan tûr chu ka sawi pah zat zat a " Chawngmawii leh Hrangchhuana tih ziah chu an sei dawn lutuk,chuvang chuan Chawngmawii ai ah Venus ti ila,chuan in Hrangchhuana ai ah Jupiter ti ila, ṭha i ti em? "




Ka tih chuan bûk nghat nghat pah hian " tehreng mai ka lalnu " tih pah in ka biang ah a piai leh sak, tunlai te hi biang piai a hrat lutuk a, a thlasik chho ṭan tawh nen an piai chât vek ang tih a hlauhawm




" Ka biang ah piai ziah suh a chât vek mai ang " ka tih lah chuan a nui mai mai a,ngatan mah pawh a ngai ve lo
Kan thleng a, kan duh ang chuan kan sawi nghal zat, a hmun a kal chilh kan ni bawk a, min siam sak nghal zung zung





Chutih chhung chuan darthlalangah chuan ka lo in en a, ka rin ang ngei a lo tai hlar mai " Malsawmpui min piai na hi en teh, a sen tur hi " darthlalanga a hmel lo lang ve chu ka melh ram ram, amah pawh chuan min hmu reng




"A mawi zawk, tikhan phiah taihna hmang lo in natural blush a ni mai " heiham a ngaih a sam thei mai bawk sia maw , kan inhnial lai chu dawr neitu chuan min nuih min nuih mai





A siam zawh chuan kan bun nghal a " a van mawi em em ve, khatiang design a siam tîr kha an la awm miahlo, thla ka la anga sample model ah ka hmang thei angem? " Dawr neitu chuan a lo ti a




Kan phalna a lâk hnu chuan thla a lâk chhunzawm nghal zat, kan chhuah dawn chuan " Jupiter & Venus chu ti ve kher suh se aw " ka la ti zui hram




" Kan tih tur kan ti zo hma sia, kan leng daih mai dawn ami? " Aw ti a ka chhan beisei tak chung chuan min en a, a mitmeng te chuan min thlêm ni mai in ka hria, aih ka ti dawn tawp silo a, aih tih chuan ka chhâng zawk dâwn amawni




" Aw tih ka tum reng Malsawmpui, khatia min melh tlawn a ngailo " ka ti vin ṭhat, mak min tih hmel deuh in min melh a, a mit a khap fak fak ringawt




Chutah ka rin loh deuh in " nang te hi, i thla hlawh i la dâwn a mi a, i va thinchhe hlik hlek reuh " a rawn ti chhuak phawng a, chutia ka awmdan a chhiar thiam vek chu mak ka ti angreng zawk




" Engtin nge in hriat a? "

"Nau hmeichhia ka nei alawm, a ni pawh thla hlawh a lâk dâwn chuan an thinchhe lutuk, in bunruah na tur bialpa a nei ve silo a, ka chungah a ṭuan ṭhin a, buaithlâk lutuk " a bike awmna lam a min kaih pah chuan a ti a




"Tai na te i nei ve em? " A tih chuan bung nghat pah in
" Imm, a nikhatna hi a na thei lutuk " ka ti a, a bulah hetiang thil hi ka sawi ka in ring ngailo




" Min ti buai hreh reng reng suh aw, min mamawh phawt chuan ka lo kal zel mai ang, a ṭul chuan min ankhum bawrh bawrh la, ka sam a pawh kek buan buan mai rawh " a ti a, a chawl dat




Kei in a mit ah tak chuan ka lo melh reng a " ka sam chu ngai leh lo, ka sam tih loh engkim a ni mai " a ti a, ka rin dan chiah , a sam hi a duat hliau hliau em




" Hlawh i lak ve leh min lo call la, ka bike nen feuuuu a ni mai " tih pah in a nui hawk hawk , ka bialpa hmasa ka ngaihtuah chhuak lo theilo




A ni ve kha chuan ka period hi min hrethiam ngailo a nih kha, kan in hauh phah fo a, min nin em vang khan min biak duh loh phah ṭhin, ka tai nat thu sawi mah ila , ' damdawi ei rawh ' a ti liam puat ringawt a, min ngaihtuah chhunzawm ngailo




Khatia awm kha ngai ah ka lo nei hman nge ni , Jasperan heti tak a min ngaihtuah hian ka rilru a khawih takzet




Ka bialpa hmasa khan ka natna hi hre ta se min ngaihtuah ve angem le tih thleng in ka ngaihtuah hman




" Le, kal ang le , lo chuang la" Jasperan a tih chuan ka ngaihtuahna aṭang chuan in thing harh in kan lênna tur lam hmun chu kan pan ta




Kawngsir a ui naute an zawrh ka hmuh chuan lei ka ngen leh tlat pek a, a tîrah chuan a duh lawk lo a, ngenngawl zet leh in la khawngaihthlak zet a ka dil hnu chuan a duh ve hram




A var leh a uk a ṭial chu kan lei a, tarmit vuah ang deuh in a mit ah chuan an uk chuan an bial in a awm bawk, a ti lang cute takzet




Khawilai emaw park ah chuan kan kal a, thingkung lianpui hnuai a ṭhutna awmah chuan kan ṭhu a, "eng nge a hming ah kan phuah ang? " A tih chuan nichin aṭang a ka lo ngaihtuah tawh
" Tarmit-a ti ang " ka tih chuan an rawn nui chhuak hawk




" A ṭha alâwm " a ti ve leh mai a, ka sawi engpawh hi chu a lo Amen duak duak zêl a, hemi vang hi a niang ,kan inhauh ngai miahloh ni, amah hi a in phah hniam thei lutuk a, lehlam kawng zawng ah chuan a nuam




" Kan pahnih a kan fa hmasa ber a nih hi " ka ti a, pawm kan pah chuan " hey, Tarmitte min han en teh le, keimah hi i nu ka nia, chuan hei hi i pa aw " ka ti a, Jaspera chuan min lo en reng




" Ka awm loh hunah pawh kan fapa hi ṭha deuh in lo enkawl rawh aw " ka tih chuan a nui lai chu a tawp riai riai a, "khatiang thu kha sawi tawhlo tûrin ka ti che " lungawilo deuh hian a ti nghut a, ka ngawi chiang hle, kan boruak chu ka ti chhia ni in ka hria




" A sakhming pawh a ka koh phal loh tur bawihtea , lo kal rawh infiam ang " tiin phûl ah chuan ka infiam pui a, kan tlan kual dun zak zak , " in inti hah lutuk ange " Jaspera chuan kan pahnih a kan chetla lai en chung chuan a lo ti khat tawk deuh reng




Pa ber in a nupui leh a fapa infiam lai a vil te pawh kan ang tak tak in ka hria




A tawpah phei chuan engmah pawh ti peih tawhloh in phûl chûng ah chuan kan mu hle hle , haw lam in a chaw tur kan lei haw a ama lei mah ni se keiman ka kawl duh thu ka sawi avang in ka kawl dâwn a ni




In kan thlen chuan Umami ten chutia uite kan pawm haw chu mak an lo ti deuh a " Jaspera nen a kan fapa a nih hi " ka tih chuan an pahnih chuan min nuih ṭha a, ka bul a ding pa lah a lo lai chhe nasa




A tlai ve tawh em avâng in ṭhut pawh ṭhu khawmuang lo in haw leh nghal a tum ta a, " Bawiha apa leh anu kha an awm dûn thei silo a, apa hi bye bye ti rawh le " tiin a kut chu ka vei sak hliau hliau a





Lai tak chung chuan " naktuk ah ka lo leng ang " tiin ka chalah chuan a fawp vang vang a, "papa bawihtea pawn a duh ve " ka tih chuan a lai leh nasa ngang mai , a chalah chuan a fawh sak a, a kal ta a




Ka u te bulah chuan ka in hmelhriat tîr a, " bawihte heihi maw, i nu Mami a nia, chuan heihi I pupuia a nia " ka tih chuan ka u te nuih a za ngang mai " mihring ang tak tak in i treat alawm le " min ti a, " ka fapa alâwm " keiin ka lo ti vat thung





A hnu phei chuan anmahni chu a duat ber ber tu an ni a, Umami phei chuan mutpui a tum hial a, kei in ka lo phal bik si lo a , " fapa chu an nu bulah a mu tur a ni " ka ti tlat a, min hnial hneh ngang lo a, keiman ka mutpui ta a ni




A hnu chuan kanu te nên an inbe thâwm ka hria a, uite thar kan neih thu vel te chu a hrilh a, an nui leh hak hak ṭhin




Kei erawh chuan ka nu te hi ka be duh lo, a chhan chu kan inbiak hian an lungngai riau hian ka hre ṭhin a, chuvang chuan ka be duhlo ani, ka u te hnên aṭang in ka chanchin an hria in an chanchin ka hre reng thei bawk a, a hranpa in kei chuan ka be duhlo a ni




Vawi tam min biak an tum ṭhin a, mahse ka duh miau loh avang in min ti lui ngailo




A tuk inkhawm ban tlai dai ah chuan pâwnah ka fapa nen chuan kan infiam dun a, nimin khan a toys tur kan lei sak nghal a, chumi hmang chuan kan infiam a ni, a hrethiam emaw hrethiam lo emaw ka be char char a, engtik ni ah emaw chuan a hrethiam ve mai ang




Chutia kan infiam lai chuan Jaspera chu a lo kal a, " bawihte apa a lo thleng eee " phur deuh chuan ka ti a, a mei a lo then ve hliau hliau mai, chocolate a lo keng a, Tarmit-a ta tur pawh a lo keng thlap




" Kan nu leh ka fapa te u " a tih phei chuan ka lo lai khawp a, kan naute thar vang hian kan in ti lai tawn reng mai dawn a nih hi, mahse a nuam tho bawk si




" Vawiin tlai chu chaw lo ei la " ka tih chuan min hnial tum in a ka a ang zuau a, chumi hma chuan " Umam Jasperan chaw a lo ei dawn " ka tih khalh zat a, " awle " Umamin a tih ri in a zui nghal zat
A lu a thing mat mat ringawt




Ka khawsak dan avâng hian mi in engtin nge min ngaih ka ngaihtuah buai lo, a chhan chu reilo te ah he khawvel hi chhuahsan mai tur ka ni a, ka duhzawng leh nuam tih zawng chu mi min ngaihdân tur ngaihtuah lo a tih vek ka duh a ni


Show post links
Top

[Ngaia]

KA ARSITEA

CHAPTER - 21




By Tluangi Sagy Pachuau


Ka tai nat em vang in ka thangharh a, a chhan chu ka hre chiang khawp mai, sana ka en a, zîng lam dar 4:00 a lo pêl deuh awrh, thawh ngei ngei ka ngaih avang in peihlo chung chung in ka tho hram




Damdawi te eiin ka mu ṭha leh, mutthilh erawh thil har tak a ni tawh thung, na tawrh nen zing khua chu a var har ka ti tak zet, damdawi pawh chuan min chhawk zo meuh lo, khumah chuan ka vial ngawih ngawih mai a ni




Chaw ei dâwn thleng pawh a ka la thawh chhuah lo avâng chuan ka u ngaihṭha lo deuh chu a rawn lut a, ka period vang a ni tih a hriat chuan thawveng huai hmel a pu, ka natna a chhuak leh emaw a ti a ni ngei ang




Keimah pawh a ka awm thei ka tih tlat avang in an hna ah min kalsan ve ve a, keimah chiah a ka awm vang in room a awm reng chi kha a ni silo a , TV en pah in ṭhutthlêngsei ah chuan ka mu a, rizai ka sin deuh hlun, ka khua lah chu a sik deuh ser ser lehnghâl




Phone pawh ka khawih peih loh avang in Jaspera a pawh ka la be lo




Kawngka kik ri ah chuan peihlo deuh in ka tho ṭhem ṭhem a, ṭhenawm khawveng naupang ho hi inah ka awm tih an hriat hi chuan an lo leng fo mai a, chumi te chu an nih ka ring mai a
Kawngka ka hâwn erawh chuan ka rin loh deuh ka hmu




"Tinge i lo kal a? " Ka tih chuan min chhang lo in ka awm dân chu min thlêk vang vang a, rizai ka sin hlun bawk nen mak min ti a ni ngei ang " hlawh chu i la a mi? " A lo ti a, ka bu nghat




" Min hrilh rawh ka ti lo che em ni, ka lo kal mai ang ka tih kha, Mahni chauh a na tawrh kha a nuam viau a mi, tawrh sak theilo che mahila hnem tur tal che in i kiangah ka awm dâwn alâwm " a thin a rim deuh in ka hria




Engmah ka sawi ngam tawhlo hrim hrim, period mood swing lai a ni bawk nen ka ṭah a chhuak tlat, hnuai lam chu ka bih ngur ngur a " ka tihpalh" ka ti sap , ka mittui tla mai tur chu dan tum in ka khap sak sak, mahse le ka dan zawh rual a ni lo, chhuatah chuan ka mittui chu an fâr ta fap mai




Chu thil lo hmu ve vek tu ka hma a ding chuan min rawn kuah pah hian " ka tihpalh naute, ṭap suh , ṭap suh le , college a ka hmuh loh che khan ka mangang hman em a ni i bo leh daih amaw ka ti a, engmah i rawn sawi bawk silo a" tiin ka lu ah chuan an chûl hliau hliau




A rilru tur ka ngaihtuah chuan ka hrethiam khawp mai, engmah sawilo a ka kalsan leh daih kha a hlau tawh em a ni, ka mittui chu hru hul in min kuahna aṭang chuan ka awm hrang a




Chutih rual deuh thaw chuan min pawm kang nawlh, ka che deuh chu " lo che suh, i tai a nat kha " a ti nghat a, ṭhutthleng lam chu min pan pui nghal nul nul, rit chu min ti lo ve khawp mai




Ṭhutthleng ah chuan min nghat a, ka bulah chuan a rawn ṭhu ve nghal zat, ka biang a dawm pah chuan min en vang vang a, " i hmel chu a tla deuh tawh a nih hi " rilru nat hmel zet hian min en a, a mit ah tak chuan ka lo melh let ve kar, eng nge a ngaihtuah tih chu ka hriatthiam pui ruak in ka hria




Kan boruak down lutuk tur tih reh nan chuan " ice cream i ei duh em " nui suk a ti in kawngka bul a a thil dah chu a va la a, nichin khan sawtiang saw a lo khai tih ka hrelo reng reng




" I tai na chu eng nge a tawh reng reng a " rawn ṭhut thlâk pah chuan a ti a, "ka zia deuh tawh, damdawi ka ei nghal a " tiin ka lo chhang vat a, a bu nghat nghat, "hmeichhia ka nilo hi chu vânnei ka in ti ngawt mai, bakah hmeichhia chu ni i la bialnu hmelṭha deuh ka nei thei dâwn silo che a " a ti deuh duah




Hmai chhan a min fak hi chuan sawi tur ka hrelo ziah, ka sawi tur hrelo lutuk chuan " ice-cream ka ei kha i phal tawhlo amaw ka tia, ei ve rawh " tih pah in ice-cream chu ka chawi kâng zauh a




A lu lo thing nghut in a rawn kûn hniam a,ka hmui ah chuan a rawn fawp zauh
" Tikhan ka ei a ni mai " min nuih suk chung chuan a ti a , a hmui liah pah chuan " a tui lutuk " a la ti hram a, min tih laih dân chu a thiam ve khawp mai




Nileng deuh thawin ka bul ah a awm a, a phone ri deuh reng chu ka hria, a ni erawh chuan chan enah pawh a en hauh lo, "a pawimawh aniang chhang ta che " ka tih lah in a pawimawh loh thu a a sawi mai a, a ngaih pawimawh hmel vak loh




Ka u te lo haw hma hret chuan a haw ta a ni




Khumah Tarmita nen kan infiam dun a, a bauh ring thei mai bawk sia, chutih lai tak chuan Jasperan min lo call a, ka lâk hnu in video call ah ka dah nghal a, Tarmita a koh chuan Tarmita chuan hrethiam ve ni awm tak hian a mei a vei hliau hliau




"Naktuk ka lo hruai thei dawnlo che a,hma deuh ah college lo va kal ka ngai dâwn a " a tih chuan ka lo bu nghat nghat, " Kan fapa hi engtin nge niang, amah chauh in inah a lo awm a ngai awm sia, a khua a har ngawt ang " ka tih chuan a ngaihtuah vang vang a




" Kan inah kan dah phei mai dawn nia, ka nau te School chawlh lai a nia, bakah ka nu a awm dâwn bawk a " a tih chuan ka thlawp viau mai "mahse i kal hma dawn kha " ka tih leh chuan
"Ka nau ka lo tîr dawn nia " a ti leh mai a, ka hnial hranpa lo




"Lehkha ka zir dâwn a,,,bye bye ka naute muah muah " tiin a hmui chu a rawn zum put put a, a tih ang chiah chuan ka lo ti ve a, nui var var in " ka hmangaih che " a ti a, ka chhan let ve hma in a dah daih



A tûkah chuan
Umamin college thleng min thlah hnu in a hna lamah a kal leh a, ka ṭhian te chuan gate bulah min lo nghak ṭhap,,, " i status a bracelet kha in siam tîr a ami,,a van mawi ve " an lo ti sup sup a, siam tîr ve nachang an lo hre ve lo a ni ngei ang





Thawm lo rik huk na lampang chu kan hawi ṭhap a, midang ho chuan an lo hual tuau tuau mai, kan lam pan a lo kal hnênah chuan " eng nge thleng a ?" Tiin kan lo zawt vat a




" Jaspera leh Hriattira an insual " a tih chuan rang zet in an lo awm khâwm ṭhup na lam ah chuan ka tlan phei a, an kar ah chuan ka in rawlh lût nghal vat




Jaspera chuan Hriattira chu ṭhut bet in a lo hnek siah siah mai a, a lo awm ve dang ho chuan ṭhelh pawh tumlo in an en ṭhap a, ka ngei takzet, Hriattira lah chu chau tawh tih hriat tak hian a mu zawi nguai lehnghâl




Jaspera bulah chuan ka zuk ṭhu thla a " Jas a tawk duhtawk rawh, i that thei mai anga sin " ka ṭawng hria ang pawn a awm lo, a biangah chuan dawm in " Malsawmpui duhtawk rawh, duhtawk rawh ka tih chu " a vin in ka vin a ni ber





Min rawn en a, min hmuh rual chuan a in thlah dul tial tial a, min melh zak zak chung hian min kuah thlawp in " khawiah mah min kalsan dâwn lo, min kalsan ka remti lo ,i kal dawnlo" tiin a phun sup sup




Min kuah na chu phelh thawl in min en tûrin ka ti a, a meng â ruai a, a mittui a parawl kuang bawk " min en teh Jas khawiah mah ka kalsan dâwn hleinem che, nang kalsan che in khawi ah mah kal ka tumlo " hnuk ulh ṭun chung chuan ka ti a




Ka kuah leh nghal zat, nghet zet hian min kuah a, ka mittui chu a sur zung zung, "ka kalsan dawnlo che " rilru na zet chuan ka ti leh sup




Lalpa chance dang min pe leh thei lo em ni , he mipa ka kalsan hlau êm êm , ka tello a awm harsa ti em em tan hian ka awm ve reng i rem ti thlawt lo em ni tiin ka rilru chu a rum vawng vawng




Ka kuahna aṭang chuan awm hrang in ka biangah chuan a dawm a, " Naute, ka naute ṭap suh , ṭap suh le , i biangah hian mittui a luan ka phal reng reng hleinem " a ti leh sup sup




Nui sak in " ka ṭap hleinem, ka ṭap miahlo, nangpawh ṭap suh " ka ti a , a rawn nui suk, " a ṭha hmeichhe chak tak i ni " tiin ka biang a mittui luang chu a hru hul a




Kan kiang a midang lo ding ho chuan min lainat hmel zet hian min lo en a,an zing a hmeichhe lo ding ve pakhat tih loh chuan




Sir Mahminga a lo kal chuan an kalsawn nghal duak a, Hriattira chu College infirmary room ( nurse room) ah chuan an hruai nghal vat
"Malsawmpui Principal room ah min lo zui nghal rawh " a ti chang fak a, a kal leh nghal hmak




Sir Mahminga hi pa zaidam leh zawiawi tak mai a ni a, tun ṭum erawh a thinrim ve hle a nih ka ring




Principal room ah chuan ka kal pui a, ka ṭhiante bulah chuan min lo ngaihtuah lo tûr in ka hrilh nghal bawk, " tinge in lo insual a? " Ka tih chuan a ngawi reng a, min chhan tum hmêl pawh a pu lo, ka kut chu nghet tak in a vuan ngur ringawt





Principal office ah chuan amah in a lût a, class lo zuk kal bik pawh ka tumlo, kal pawh ni ila ka rilru chu Jaspera ah ringawt a awm dâwn tho tho, a lo chhuah leh chuan nui sang hian min en a




" Engtin nge a lo tih che " ti in ka lo zawt nghal vat a , " engtin mah min ti lo kan insual chhan min lo zawt ringawt a " tiin a nui leh mai a, min ṭawng thlamuan a tum tih ka hre reng, a hmel chu ngun leh zual in ka en a




Hriattira chuan a khawih ve hmanlo aniang, hliam hmuh tur pawh a awm ve lo




Kan chhuk thlak chuan Upuitei kan GS (SU)hian min lo en reng a " Jasper kan inbe lawk dâwn em niang " a lo ti rêng bawk, amah ka va en chuan a lo bu nghat a " min ngaihtuah suh, class ah lo zuk chhuk rawh, ka lo zui ve vat ang che " a ti a, ngaihṭha zanlo chuan ka kal a




Mahse eng in nge min mawlh tlat ni, an thusawi chu ka hre chak tlat a, ka let leh ngat
Waiting shed ah chuan an ṭhu a, an ṭawng hriat phak theihna tur ah chuan ka ding ve reng, vice-president pawh a awm ve nghe nghe




" Bialnu i neih aṭang a i inthlah dah zia hi i hria em, committee i kal khat bawk si, i mawhphurhna a tla ngei ngei cultural club lah i active si lo, club president hi awmlo phei se chu kan buai ngawt ang chu, vawiin ah lah buaina ah i inrawlh leh a, eng nge i chungah hian thleng a heti tak mai a i inthlah dah a i danglam




I bialnu hi kan duhpui lo che a nilo, kan sawi theih pawh a awm miahlo, keini chuan SU a kan thawh pui ni reng tur che in kan duh che a, i inthlah dah dâwn ai chuan i bialnu hi thlah ngam mai rawh " ka ngaithla chhunzawm thei tawhlo ka kalsan ta daih a




Jaspera tan hian ka lo hnawksak viau em mi ni dâwn le, a hmalam hun tichhe tu hi ka ni mai zawk lo maw, keichu khawvel a ka awm chhûng a rei tawh dawnlo a, a ni chuan hmalam hun eng tak a la nei si a




Chutia thil eng eng emaw ngaihtuah a ka kal lai chuan Jaspera lo ngaizawng ve ṭhin tu khan min rawn nek sawk a, a lam ka hawi chuan min huat hmel zet hian min en a




" Jaspera hian nang hi tawng lo che sela chu hetiang buaina hi a tawk lo ni mai tur, ihmaw ka hrilh ve mai mai ang che, nang chu kal mai thei i ni tawh a, Jaspera, hma hun eng tak nei nun hi chu ti chhe ve suh " tiin a kal leh nghal daih




Ka ngaihtuahna a buai nuaih tawh mai, ka ṭhiante bulah chuan ka kal a, chanchin min lo zawh chuan ka lu ka lo thing mat mat ringawt, ṭawng tur pawn tha ka nei tawh lo, class ah pawh ṭhu lo in thingkung hnuai ah chuan kan ṭhu a




" Hriattira kha kan han hmu ve ang u " Sangtei chuan a lo ti a, engmah sawilo in ka zui ve nghal mai bawk




Khum ah chuan a lo ṭhu mu a, kan lut min hmuh chuan lehlam a hawi nghal daih " i ṭha em ? " Ka ti sap a nui hak chung hian " hetiang chung hian ka ṭhat i ring a mi " a lo ti chang fak




Huat hmel zet hian min melh a



" Kha i bialpa ve mai mai kha ka la sawisa ve khawp ang " a la ti hram, heti tak hian a hneh loh zia a lang a, phuba lâk te chu a la tum ve a nia,




" I lo dam vat dâwn nia " ti a chhuah mai kan tum chu " nang, mitthi mai tur thlavang kha i bialpa khan a hauh ve em em chu a ni sia " tiin a nui leh hak
" Engmaw i sawi a, zawnga ṭawngkam i va duh tuilo ve a " ti a Puipuii let leh mai a tum chu a kutah ka lo chelh sak vat




" Kal tawh zawk ang u " ka ti a, " Jaspera khan a la sawisa na tawklo che a nih kha," a ti zui leh hram


Show post links
Top

[Ngaia]

KA ARSITEA

CHAPTER - 22



By Tluangi Sagy Pachuau




Jaspera chu min zawng ni awm tak hian a haw kual vak vak a, min hnungchhawn zawng a a din avâng in min hmu lo, kan va pan hnai dâwn lai tak chuan khanu bawk kha lo kal leh in Jaspera bulah chuan a lo kal a




Ka va pan hnai ve ngat, an bul ka va thlen dawn lai tak chuan " Jasper Mimii ai hi chuan ka ṭha daih zawk lo maw, a ni hi chu i tân hnawksak mai a ni, harsatna tamtak a siam sak hnu ah che a ni chu a kal mai anga, engmah a hre ve tawh dawn silo a




Ka hnênah lo kal la, i rilru pawh a dam daih zawk ang " ka hriat tur kher a sawi a ni tih ka hre chiang hle, Jaspera chuan a chhanglo a, a ngawi reng, a rilru ah eng nge a awm ka hrelo a, hre thei tûrin a hmel ka hmu thei bawk silo




A ni pawh hian phurrit ah min ngai ve mai angem




An mahni chu va pawh duhlo in ka ṭhiante bulah chuan haw ka rawt ta daih a, "awhaw Mimi in haw mai dawn ami a? " Chu nu chuan min la rawn au zui hram, ka ṭhiante dawhtheihna chu a pan tawh khawp a, an in hum ruh ngang mai, ka la beng daih thei hram hram a ni




Jaspera chuan min hmuh rual chuan " ka zawng nasa lutuk che, khawiah nge i lo awm daih, class ah lo zuk awm rawh ka tih che kha " ka kut ah chuan an chelh leh nghal vat a, buaina tam tak ka thlen sak tawh hnu ah pawh hmel dam tak min la hmuh thei chu a nia




" Haw ka duh tawh " ka lo ti ringawt , ka hah hluah hluah a ni, tun hnai hian ka tlak hniam sawt zia ka hria, mahse tumah ka hrilh duh lemlo




" Ka thlah ang che " a lo ti nghal vat a, ka ṭhian te pawh chuan class an la neih thu leh in thlah tîr mai turin min lo ti ve bawk a, an class lam min pan san nghal diak bawk




Kawng tluan chuan ka ṭawng lo hrim hrim, a bike hnungah chuang in a hnungah chuan ka bei hle hle ringawt, ka rilru ah thil tam tak a awm a, Jaspera hi ṭhen ta ila, a duh dawnlo tih ka chiang si, a tan phurrit mai ka nih ka hlau bawk si




Kan thlen chuan " i va cool ve " min ti ta reng bawk a, ka pang a rawn khawih chuan " i khua a sik deuh a nih hi " a ti a, room lamah chuan min hruai phei a, khumah chuan min mut tîr thlap




Damdawi awmna min zawh chuan ka lo hrilh vat a, min ei tir zawh hnu chuan , " tikhan mu lum la, a chhawk vat mai ang che " a ti a, ka bul ah chet chuan a rawn ṭhu a




" Jas " min en vat a, ka hmai zar tu ka sam te chu min hui kian sak a, ka sawi tum chu a ngaichang reng tih ka hria




" Ka kiang a i awm reng hi ka lawm takzet, min hmangaih vang pawn ka lawm, mahse Jas i tan a mi ṭha ka ni ve silo a, i hma hun ti chhe tu leh phurrit siam tu mai che ka ni si, keichu tian thamral mai tur ka ni tawh, hmalam hun sawi ve tûr rêng rêng ka nei tawhlo




Upuitei te khan an sawi dik chiah, chuvang chuan,,,, " ka sawi zawh hma hma chuan " inṭhen sawi hlek suh " a lo ti nghat, " mahse Jas "

" Mahse a awmlo " ti hluk in ka hmui chu a hmui hmang chuan a rawn khar chilh hmiah




A duhthawh phian lehnghal,a hnu ah chuan in la hrang in a thawk pangngai lo hle, keipawh chuti tho
Thaw huam huam chung chuan " in kiss hian thinrim a ti kiang thei a, in kiss nasat lutuk hian thuamhnaw a ti kiang ṭhin, chuvang chuan duhtawk ang " a ti a, a nui hak




" Min ṭhen kha tum tawh reng reng suh, a nih loh chuan ka pu bo daih mai ang che " a ti a ka biang ah a piai leh vak



Ka bulah chuan lo in thawlh in , " i khua a sik bawk si a, muhil rawh, tian i bulah hian ka lo mu ve ang " a ban min kham tîr pah chuan a ti a,,,Tarmita pawh kan bulah chuan a lo mu ve kak mai





Ka harh leh chuan ka bulah Jasper a lo awm tawhlo a, ka u pawh a lo haw tawh aniang a ei siam rim ka hre nghal



" Tarmit " ka tih chuan a mei vei hliau hliau in min lo pan nghal ruak a, " i pa haw tur i lo thlah em ? " Ka ti a, aw ti ve ni awm tak hian a rawn bauh a, " good boy " ti chuan ka tuai hliau hliau, nuam a ti bawk aniang khum ah chuan an let huang huang mai




A tuk aṭang chuan lam te pawh ka zir ve leh ta a, mi ho reng reng hian min en duh hlawm lutuk hi nuam ka ti lo, ka natna an hre vek tawh a, min lainat hmel tak a min en ṭhin te hi ka duhlo




Lam zirna ah pawh min dimdawi thei lutuk a, chu pawh ka duh lo, ka natna an hriat hma ang chiah khan min en se, min en dan hi danglam lo se ka ti




karleh Thawhṭanni zan hian competition kan ṭan tawh dawn a, dress tur pawh kan thlang fel vek tawh




" I huphurh em ? " Jaspera chuan min ti a , ka lu lo thin mat mat pah chuan " huphurh chhan tur a awm hleinem " ka lo ti ve vat, kan bulah chuan Mawimawii leh Lalmuana pawh an awm ve, " in duat bik viau ṭhin suh u " an lo ti hlak




Jaspera chuan a runluih kher a, min rawn kuah vel a, min eilo dun lutuk chu , " tui in ang " an ti cooler awmna lamah min kalsan daih, kan nuih zui hak hak

_____________________________



Ka room ah chuan ka insiam malh malh malh a, hmaram puan a chhing kan nih dawn vang in skintight vun rawng ka ha bawk, a chhan chu ka taksa duk te hi an hmuh ka hlau a ni




Darthlalangah chuan in en in ka sam ka khuih mawlh mawlh a, chutih lai chuan ka hnar a rawn thi leh ṭiam ṭiam mai, a hruk na tur ka hmuh hmasak ber khum a ka rawmawl chuan ka hru ringawt a
A la thi tawp thei lawk lo zui




A rawn thi zêl a, ka hru zêl a, pawn lamah lah ka u in Jaspera a lo thlen tawh thu a rawn sawi ve reng a, ka hnar a thi tih an hria ang tih ka hlau si, ka rilru hmanhmawh leh ka hnar thi reh hleithei lo te chu ka ṭah a chhuak et et tawh




A tawp a tawp ah chuan a thi reh ve thei hram alâwm, ka chhuah chuan ka u te leh Jaspera chu ṭhutthlengah ṭhu in an lo ti ti mawlh mawlh a, eng thu tak sawi ang maw, Jaspera chu a bu ve nghauh nghauh mai




" Ka hman e " ka va tih chuan a ni pawh chu a lo tho ve vat " kan kal tawh mai ange " a ti a, ka u te pawh chuan ṭha tak in min thlah thlap




Ka u te hi ka u te an nilo ang tih ka hlau, nuam ka tih zawng leh ka duh zawng ah min khuahkhirh ngailo a, a ṭha lam zawng a nih chuan, min pawngtawng khuahkhirh ngawt ngailo, engkim ah min support ṭha em em bawk




Bike awmna kan thlen chuan engin min chhun khalh zawng in ka ding a, Jaspera chuan min en vang vang




"Eng nge khati fa ko a min en, ka hmai hnawih a fuh lo a mi ?" Ka ti a, a lu a thing mat mat a, min en reng bawk si, ngaih a ṭhalo rum rum , room a ka hnar thi kha a lo hre reng amawni dawn le




Mahse chu chu thil ni thei a ni bawk silo " min en reng suh, ngaih i ti ṭhalo a nia " ka tih chuan a rawn nui suk a, " i hmelṭha lutuk a, hmundang ka melh thei thlawtlo a ni " a rawn tih chuan lai zet in a ban puam ah chuan ka chum sak




" Mawl mawl suh, kal tawh ang " ti a bike a lawn tum a ka che hrut chu " a la hma " tih pah in min rawn kiss nghal chawt, ka lo hamhaih lutuk a, chhanlet mai nachang pawh ka hrelo




Mahse ngenngawl tak leh muang fan raih a min fawh hnu chuan ka chhang let ve ta a, ka chhanglet chiah tih ah chuan a rawn duhthawh leh viau ang lawi a




A kut ding lam in ka nghawng ah a vuan a, a kut lehlam a ka kawng a chelh na chu a hmer na zual sauh
A duh tawk leh thei lawk dawnlo a ka hriat avang chuan ka in la hrang a




Rawn nui suk chung hian " kan awmna ka hai alâwm " a rawn ti a, ka nui ve tawp, ka hawi kual a , tuman min hmulo chu thil tihzia tak a ni




A bike ah chuan chuang in a ti nung vut vut a, chuang tur a min signal zeuh chuan ka chuang vat a, Competition kan neihna tur lam Hall chu kan pan ta a


Show post links
Top

[Ngaia]

KA ARSITEA

CHAPTER - 23




By Tluangi Sagy Pachuau




" A vawt i ti em? " Motor tlân bengchheng nen a rawn au deuh lawng lawng, vawt ka tih loh thu in ka lo chhang vat a




Ka mit ka chhing vang vang a, thli thaw te chuan ka biang vel chu a chhem vawt vek tawh, kei ka awm loh hnu ah pawh khawvel chu a la awm reng anga, a kal ngai in a kal reng ang, ka tan mihring te khawvel erawh a awm ve tawh dawn silo




Keichu Khuanu khian Jaspera tan a a ruat hmeichhia ka ni ve silo,
Jas pialral ah tal chuan ka ta ni kumkhua tawh rawh aw ka rilru chuan ti in ka kuah nghet sauh sauh




Mihring te hian kan hma hun hi kan lo va han hrelo tak em , hmalam hun suangtuah in dream tam tak kan nei a, mahse Pathian in kan tân a a ruat chu thil hran daih a lo ni si




A chang chuan Khuanu'n kan chung a thleng tur a a ruat hi pawm thiam a har ṭhin, mahse Kan Pathian min hmangaihtu khian kan tân a ṭhalo tûrin engmah a ruat ngailo a, kan tawrh zawh loh tur natna min pe ngai hek lo,
I chungah eng pawh lo thleng se, eng ang a harsa pawh ni rawh se, chu thil paltlang tur chuan i chak tawk a ni tih hi hre reng rawh




Bike a din dat takah chuan ka meng chhuak a, hall kan lo thleng tawh chu ni in, " chhuk rawh le naute " Jaspera chuan a rawn ti a, ka chhuk thla nghal vat, ka biang a rawn dawm chuan a ner sak " i biang a va vawt ve " a ti a, a kut chu thawk khum in ka biang ah chuan a rawn dawm leh vang vang ṭhin




" Nangman vawt i ti em? " Ka lu ka lo thing mat mat, ka in ha lum ve alawm, mahse ka ke lam erawh a vawt angreng; ka sawi duh ṭhak chuanglo




Ka biang vawt lutuk chu tih lum tum in a la bei ngat ngat mai a," lût tawh ang " ka tih lah in, " a lum ṭep, " a lo ti zêl a




Chutia a tih a tih lai chuan a hmui ah ka va fawp zeuh a, ka la fawp hmasa ngailo a, a hamhaih hmel ngang mai
" Ka hmangaih che " ka tih leh ngat phei chuan meng lian tawh tak a ni




" Ka hmangaih che " ka tih nawn leh chuan harh chhuak zawk in a rawn nui sak a " keipawn ka hmangaih che " a rawn ti a, a nui vur vur mai, a hlimna siam hi chu thil har a ni lo mawle




" Nangni kha, khalai a in duat tawh lo khan lo lût rawh u " Ujosepha chuan a rawn ti a, Jaspera nen chuan in nuih vur vur in kan lut a, midang pawh an lo awm deuh ṭhap tawh





Megazine Editor (SU) chuan thla min lo lak sak a, " a mawi lutuk , nakin ah college megazine ah ka dah anga, *Couple of the Year ka ti ang* " a tih chuan " Awi a ngailo " ka lo ti vat, Jaspera erawh chuan engmah an sawi lo thung




Zahthlak dâwn lutuk, chi loh lutuk mai



Gallery lamah kan college aṭang a tel tur ho chu kan ṭhu khawm ṭhap a, college dang ho leh club dang ho lâm chu kan en ṭhap



An lâm thiam hlawm si a, min ti hlauthâwng vek, ka lâm sual mai ang tih ka hlau, ka thin te hi a phu dup dup a, ka thlan fim te a tla thei hial mai


Ka bul a ṭhu Jaspera chuan ka hlauthawng hle tih a hria a ni mahna ka kut ka zâm em avâng a vawt thler chu a rawn vuan a, a kut chu a lum ther ther bik mai



" I va nervous awm ve, i kut a vawt lutuk " min rawn en pah chuan a ti a, ka lo nuih suk ringawt, midang lâm lai en ringawt pawn ka hlauthawng a nia



" Hlauthâwng duh reng reng suh, i partner ka nia, i bul hnaih ah ka awm reng dâwn alâwm " a ti a, ni e, hlauh tur a awm lo, ka bulah Jaspera a awm reng dâwn



Kan hun a thleng ta, ka rin ai daih in ka lam ṭha a, a hmun a awm meuh chuan lâm a zangkhai a, hlauhna pawh a awm tawhlo, Jaspera nen kan inhma tawn chang chuan a nui sâng zêl a, hah a ti dam sawng sawng thei



Kan lâm zawh meuh chuan ka chau nghulh thei , ka taksa a rawn na leh ṭhem ṭhum tawh, mahse midang hlim kâra an hlimna ti chhe tur a lo va sawi lan ve vak kha ka tumlo, haw hma chu ka tuar thei mai ang



Mahse chutia kan din khawm laih laih lai chuan ka hnar aṭang chuan thisen a rawn fâr thla leh keuh mai



Rang zet in ka hnar chu ka han khawih a, ka puan ken lai chuan ka hup bet ṭang ṭang,
Ka taksa na te chu an rawn zual tial tial a, ka tawrh theih phak bak a na in a ni a nat ni



Chhuatah chuan ka ṭhingṭhi hnawk a, ka kûn ngar ngar, a na lutuk chu awm ngaihna ka hre tawhlo, " engatinge? Engtin nge i awm ? " An zawhna chu ka hria ka chhang theilo

A zia awm deuh ang tiin ka in hmet vak ṭhin, mahse a sawt der silo



Chutih lai chuan ka dar a rawn vuan tu an awm tih ka hria a, ka hawi chhuah chuan ka hmu ṭha theilo ka hmu phe vek tawh, mahse Jaspera a ni tih ka hre thei



" Naute, tinge, i ṭha em, nilo i ṭha miahlo, a na a chhuak em ni, engtin nge niang Upuitei Ambulance ko rawh u " a aw khurh dan aṭang chuan a hlauthawng hle tih a hriat theih, a phi cheng bawk, ka hlat ah a awm duh bawk silo



Ka meng vai ruai tawh, ka taksa na lutuk chu Jaspera kut chu ka hmer ngawt ngawt a, a tawpah phei chuan engmah ka hre mumal tawhlo Upuitein phone a Ambulance a koh leh Jasperan ka hming a min koh ri chu ka thil hriat hnuhnung ber a ni, a thim ta hmak mai


JASPER POV*

" Naute , naute, in ti harh hram hram rawh " a dar , a ban vel te chu ka hmeh sak nawk nawk a, " naute " ka ti chhuak ṭiau tawh



Tun hi kan hun hnuhnung a ni theilo ang, 'Lalpa a la hunlo emmai , ka naute hi min la lâksak hrih suh, a kiang a hun hman ka la khamlo, Nautei hi a ṭhat em vang in i kiangah awm tawh se i ti a ni tiraw, mahse keipawn a kiang a hun hman hi ka la duh asin, min la lâksak hrih suh' ka rilru chuan ka ti mawlh mawlh, kan vui na thu a hnênah lo chuan thlen theihna kan nei chuang der silo a




Pathian khian a rawng bâwl tûr a mi ṭha te chauh thlang lo a mi sual te pawh a lo thlang ang tho hian mi sual te chauh nilo in mi ṭha leh fel fel hian khawvel hi an chhuahsan hmasa a lo nih hi




Ambulance lo thleng har lutuk te chuan thin a ti rim ṭun tawh, ka nautei hetah thi chhâwng in a let reng a, an ni lah rawn thlen zai reng an rel bawk silo




Inhnuai motor dah khâwmna ah chuan ka pawm thla a, midang ho pawh chuan min lo um thla ve zêl a, " Jasper thil ti tu tu ṭhin suh, Mimii kha i ti na zual ange " Uzuali chuan a rawn ti a




A thu sawi pawh chuan ka beng a luah theilo , Pawn lam chu ka melh deuh reng a, Ambulance hmel reng reng a lang theilo




Inchung aṭang chuan Uramkima (SU ve tho) chu hmanhmwh zet in a rawn tlan thla a, " Jasper rawn kal rawh, a hnungah khan rawn chuan pui la, keiman ka han hruai ang che u, Ambulance kan nghah chuan a chi loh ang " a rawn ti zung zung a




Hmanhmawh tak in a car ah chuan kan chuang lût a, kan tlan chhuak ta nghal a



Ka mal chung a engmah hrelo a mu zawi nghiai chu a biang, khaw vâwt in a hmeh vawt thlar chu ka tuai a " ṭang fan fan rawh, min la kalsan thiang miahlo a nia " ti chuan ka phun sup sup



Pawn lam chu ka hawi chhuak a, kan tlan muang riau ten ka hria, nge ka rilru a hmanhmawh lutuk zâwk pawh ka hrelo



Hall aṭang a hnai ber, LRM Hospital ah chuan kan lut a, Doctor leh nurse te pawh chuan a serious tih an hre nghal aniang an lo buaipui zung zung mai



ER ah an hruai a, kan zui ve zêl, Nautei a ṭhat chhuah leh theih nân chuan hma an la mawp mawp a, keichuan Nautei hetiang a a awm ta mai hi hmuh hrehawm ka tih em avâng in ka hawi sawn ta daih




Ka phone a lo ri a, ka en chuan Umami Mimii u kha a lo ni a, ka rilru buai a ta lang in chanchin engmah ka hrilh lo tih ka hrechhuak chiah



A call hi chhân a, Nautei chanchin hrilh a van huphurh awm tak em , ṭha tak a ka enkawl tur thu ka tiam a , ka thutiam ah ka va ding silo em




Ka thaw ipik lutuk chu thaw chhuak hawk in phone call chu ka chhang a " Jasper bawihteii i bulah a awm em, call a chhang theilo a " a rawn ti a, ka va hrilh hreh si em , an in aṭang a ṭha tak a kan in thlah liam lai a an nau chu tûnah damdawiin khuma mu in a natna sual in a mu mek tih hi engtin nge ka hrilh theih ang



" Umami , LRM Hospital ah kan awm mek " ka ti chiah chu a rawn buai nghal chung mai " e,,eng,,,eng thil nge thleng
Bb bawihtei engtin nge a awm, a ṭha em " a rawn ti nghal chung a



" Doctor ten an en mek a, nikhaw hrelo in amah chu a awm " ka ti a, " kan lo kal nghal " tiin phone chu a dah nghal daih a, ka va inthiamlo si em



Nautei chungah hian eng thil emaw tak a thleng a nih chuan keimah vang vek a ni ang, ni lo, tuna a dinhmun pawh hi keimah vang vek a ni



A lâm ve duh thu leh a theih thu a sawi lai khan lo phal sak miahlo tur ka nia sin mawle



Doctor chuan " a chhûngte em ni i nih? " Min ti a, ka lo bu nghauh



" Thisen cancer a vei tih i hria ang tiraw? " A ti leh a, ka hriat thu in ka lo chhang vat " tlang tak in ka sawi mai anga, damlo hian hun a nei tam tawhlo, a natna hi a stage a sang tawh lutuk, a rei berah pawh kum khat a daih lo ang, chuvang chuan hahdam takin awm tîr rawh u, in ti hah chi a ni lo " a kal leh nghal a



A ṭawngkam mal tin te khan min deng dawt dawt in ka hria , nautein min kalsan tûr ang hian a suangtuah pawh ka la suangtuah ngailo



A natna ka hriat hnu pawh khan ka hlat a awm tûr in ka la ngaihtuah chhin ngailo, ka mumang ah pawh ka la mang ngai hek lo




Umami leh Ubawiha te chu kan awmna lam pan chuan an rawn tlan phei a, Umami chuan min be hmasa lo chuan nautei mutna bulah chuan a ṭhu thla a, ka inthlahrung takzet, ka thiamloh vek a ni




Ubawiha chu ka hma ah chuan a rawn ding a, hmêl ah pawh ka en ṭha ngamlo " Ubawih, ka tihpalh, ka thiamloh vek a ni , lo hruai chhuak lo i la chuan nautei hi hetiang hian a awmlo tur a nia " ka ti a, mahni inthiamlohna hlîr in ka khat , ka thiamloh vek a ni




A awmdan te kha lo hrethiam tur ka nia sin le, amah hmangaihtu ka in ti a, mahse ka venghim thei silo




" Mahni inthiamlo vak duh suh, i thiamloh a ni hleinem, khuanu rorêl dan ve reng a nih hi, a ti a, " Doctor in sawi a nei em? " A tih zâwm nghal zat a, Doctor in nichin a min hrilh te kha ka sawi chhawng leh ta vek a, a hmelah chuan lungngai hmêl ka hmu thei




An nau, an nau neihchhun leh an duat em em hetiang hian a awm a ni a, ka tawrh hi chu an tawrh lakah chuan nep tak a ni ngei ang




Mimii nu leh pa te pawh an lo thleng a, an fanu damdawiin a a mu ta mai chu hmuh hrehawm an tih hmel hlawm ngang mai, Mimii nu chuan a mittui chu a hru fap fap reng a, a chhûngril ah sawn a kehchhe mek tih chu kei ngei pawh hian ka hmuh thiam pui a ni




A awm lutuk, an fanu an hmangaih em em kha chân thut thei dinhmun ah an ding reng a ni, chutih rualin keiin ka hmangaih em em ka chân bawk ang, chu thil ka ngaihtuah phei chuan thawk a sak ṭalh thei




" Jasper lo va haw tawh rawh, i chhûng ten an ngaihtuah ang che, hei kan awm tawh a, duh leh naktuk lamah i lo kal leh dâwn nia " Umami chuan a ti a, hnial ka tum tak na in an chhûngkua a awm an duh zawk tak in tiin hnial lo in haw ka tum ta zawk a




Mahse haw pawh ni ila kan inah chuan ka rilru a bet dawnlo tih ka kutzungchal ka hriat chian tluk zet hian ka hre chiang




Ka sana ka en a, dar 10:00 pm a lo ri thuak tawh, two wheeler taxi a awm mai ang chu maw, naktuk lamah ka bike chu ka la tawh mai ang




Pawn lam pan a ka kal lai chuan balcony a pitar pakhat lo ding hi ka va hmu a, van lam hawi chuan a ṭawng mual mual a




" Ka dam rei ta lutuk em mawni ni dâwn le, ka tu lehzêl te pawn min liam san chu a ni si, kei pitar mai mai ai chuan a ni ṭhalai nun kha a pawimawh zawk asin le, Lalpa ka tupa i kal ai khan min la zawk mai la " a lo ti vawng vawng a




Ka khawngaih takzet, a tupa a chan ngei a ni awm si a, keimahni chauh natna tuar leh harsatna tawk emaw kan in tih lai hian kan tawrh aia nasa tuar leh harsatna tawk nasa hi an lo awm leh zel a




Vui thei kan ni silo, nu pum chhung a kan awm lai aṭang tawh a kan nun dan tur khuanun a lo duan lawk vek a ni si a




Nunna chungah thu kan neih loh ang bawk hian thihna chungah pawh thu kan nei silo a, ka thu ni ngat se zawng khawvel hi hmangaih te ṭhenna ram a ni hauh lo ang



In ka thlen chuan ka chhûng te chu an lo mu vek tawh a, ka roomah lût in ka in ti fai a , ka mu ve ta a, zan tin ṭawngṭaina a ka dil fo ṭhin leh chhan in a awm dâwn lo tih ka hriat chian em em dil chuan ka ṭawngṭai leh a



Ka duh ang chhânna ka hmu dawnlo tih hre reng chung in ka dil a, ka dil a , ka dil zêl a, ka dil nawn fo ṭhin




Kan nun hi thawnthu tu emaw in a a ziah kawi vel ni se, a ziak tu hnênah chuan dil a, ka hmangaih min tih dam sak tur a dil mai ka duh a ni, mahse kan chunga leng awmchhun chu Pathian chauh a ni si a



End of chapter 23
See you next time
Te kha ti vel ila


Show post links
Top

[Ngaia]

KA ARSITEA

CHAPTER - 24





By Tluangi Sagy Pachuau



Ubawihan min rawn bia a, Nautei chu damdawiin ah awmpui lo in an khaw lamah, an in pui ngei ah an enkawl a, chumi lam pan chuan ka kal mek bawk a ni




Nizân zankhua in ka muhil theilo a, ngaihtuahna ah Nautei lo chu a awm theilo a, ka hmuh phak loh a awm turin ka suangtuah chhin a, a tello chuan engmah ka ni dawn silo,




Pangpar a lo ṭo a, mawi tak a par a chhuah theih nân nizung leh tui in a châwm a, Mahse par mawi tak an chhuah hma chuan chawmtu a nei ta lo a, a lo vuai chhe ta ang mai chauh ka ni dawn a ni




An in ka thlen chuan an nu in kawngkhar min lo hâwn sak a, min nuih eng ang mah sela a hmêl ah chuan an lungngaih zia ka hria




Inlêng an lo nei nual a, Nautei damlo kan tu te an ni awm e.
Nautei ṭhianpa ka ni tih ka sawi chuan min chibai ve sap sap a, eng eng emaw min zawh hnu chuan Naute room lamah chuan ka lut ta a




A khum bul ka thlen hma chuan thawk kan la te te phawt a, a bulah lungngai hmêl put loh hram hram ka tum bawk, mipa ni mah ila hmangaih te meuh natna khum a mu han hmuh chuan in tih pachan a va han har tak em




Nui sang in a mutna bulah chuan ka va ṭhu a, a chalah chuan ka fawp zeuh, Kha zan aṭang khan nautei hi hmuh theih khawp in a tlahniam chak a, a chêr sawt in a dawldang em em bawk, mahse ka mit ah chuan danglamna a awm chuanglo, hman a Nautei kha tuna Nautei hi a la ni reng, ka tan chuan hmeichhe mawi ber a la ni tho tho




" Min lo ngai tawh em " nuih suk chung chuan ka ti a, a lu a lo nghauh nghauh
" Lo mu ve rawh " a tih chuan a chhungte an awm hnai em tih ka en kual a, " a pawilo, kuah chung che in ka muhil duh " a ti a, sawi nawn ngai tawhlo in ka pheikhawk chu ka phelh a, amah tih nat hlau zet chuan dim te in a bulah chuan ka in thawlh a




Min rawn kuah in ka awmah chuan an hmai a phûm kek a, ka kuah zawng te chuan an taksa tlâk tawh zia chu ka hre thei



" Jas, Chawngmawii nih ka duh ka tih kha i la hria em? " A rawn ti a " Umm " ka lo ti tawi tak ringawt, a sawi tum ka hria a, mahse sawi lo tûrin ka ti duh chuanglo , ka hnuk a ulh ṭun a, a bulah hian ṭah ka duh bawk silo




" Ka duhthusam chu a thleng dik dâwn ta a nih hi tiraw, kei Chawngmawii pialral ah nang Hrangchhuana hi ka lo nghak che anga, Jas ṭap miah suh aw, ka hlau lo, thih hi ka hlau miahlo a nia " a sawi lai mek pawh hian ka mittui a luang mek tih a hre der silo a




A lu ah chuan ka hmui chu ka chuktuah vang vang a, " Chawngmawii tello in Hrangchhuana hi engtin nge a awm ang? " Ka ṭap a ni tih thup tum tak chuan ka ti a




" Nupui i hmangaih tak i nei anga, chhungkaw hlim tak, kei nen a kan puitlin theih loh tur hi i puitlin pui ang " a rawn ti a, chu thil chu ka thil zawm theih loh tawp tur thil a ni




" Jas "

" Immm "

" *Thilmak* an tih hi a thlen theih i ring ve em? "


" Ka hrelo le, eng thil mak nge thleng tur a i duh a? "

" Ihmaw, ka nunah hian thil mak lo thleng se, thawk leh khatah ka natna zawng zawng te hi rawn dam se, nang nen a dream ka lo neih tâk zawng zawng te kha tih puitlin ka chak a ni, i office kal tûr ka thlah che anga, i lo haw in kan fa te nên tual zawl ah kan lo hmuak che anga, chhungkaw hlim tak kan din anga " a tawp lam chu an zuih ral a ni ber




" I dam anga chung thil te chu kan la ti vek dâwn alâwm, chhel tak in awm la, thil mak chu an rawn thleng mai ang " ka ti a
" Ka beisei " a ti zuai raih a
A reh ta vang vang, ka zuk hawi thlak chuan a lo muhil rêng hi a lo ni a




A hmui hnuai lam chu chûl hauh hauh in ka fawp vang vang, " thil mak chu lo thleng mawlh rawh se " tiin ka phun sup a.




SU aṭang in ka in hnuk dawk a, a chhan chu SU nih chuan mawhphurhna a lo tam ṭhin si a, Nautei bulah a tam thei ang ber hun hman ka duh bawk nen ka bansan ta mai a ni, class pawh ka kal khat ta khawp mai




Nitin deuh thaw Nautei te khua ah ka kal a, zan riah chang leh tlaivar pui chang lah ka ngah, over pawh min ti maithei, mahse tu mitmei mah ka vêng zo lo, chu ai chuan ka hmangaih puih ngai em em leh duat mamawh em em a a awm lai a a kiang a ka awm thei hi ka lawm zawk daih




A nu leh pa, a unau te pawh an meng rim a, chu mi chhawk zangkhai thei a ka awm ringawt pawh ka lawm a ni




Zanah chuan Nautei mutna bulah chuan ka ṭhu a, ka lo muhil ve ni ngei tûr a ni, rum ṭiah ṭiah ri ka hriat chuan ka harh zawk a, Nautei ka en chuan an na a chhuak leh tih hriat tak in khumah chuan a lo vial ngawih ngawih a




Ngai ah ka nei theilo, ka phi leh nghal chêng tawh, " Naute " damdawi bawk chu ka hai rawk rawk a, Nachhâwkna chak ber chi chuan ka jection a
A hnu ah chuan a chhawk ta aniang, a mu pangngai leh ta a




A ke leh kut vel te chu ka hmeh sak a, ka mittui rawn luang thla chu ka hru leh zeuh zeuh ṭhin, tiang a a awm tawh chuan min kalsan mai ang tih hi ka hlau ṭhin.




" I ṭap a mi ? " A rawn ti tham chhel a, thup tum viau mah ila a lo hre tho a nih hmel, nuih lui sak in " ṭap lo e " ka lo ti a, a awih pawh in ka ring chuanglo




" Jas, thih daih mai ka duh, natna leh hrehawmna awm tawhlohna hmunah kal ka duh " ṭah aw ṭiau hian a rawn ti a
" Chutiang sawi suh, i dam leh dâwn alâwm " ka lo tih sak a




" Nilo Jas, chu thil chu a thleng dawnlo tih kan hriat chian kha " a rawn ti leh a , " i dam leh dâwn, thil mak thlen tîr kan duh a ni lawmni " ka la ti fan
A rawn ṭap chhuak hawk a " A na lutuk a, ka tuar thei tawhlo,thih daih mai ka duh. Thil mak pawh hi ka beisei tawh lo, mahni hmasial pawh min ti maithei a, mahse a na em a ni " a ti a, ka zuk kuah thlawp a




" Aih, i hmasial vang a ni reng reng lo " ka ti mawlh mawlh



Eng ang a na pawn awm mahse thih a duh thu hi a la sawi ngai hauh lo, beiseina kha a la nei tlat ṭhin, mahse a natna hi a na em a, ka demlo, a tawrh ai hi tawrh sak thei ila ka van ti tak em




" Muhîl leh tawh rawh le " tiin rizai chu ka sin ṭhat tîr a, ka kalsawn dâwn lai tak chuan ka kut ah a lo vuan a, a mit hmang chuan a bul a mu turin min mit mei zeuh a, ka jacket hak lai chu phelh in a bulah chuan ka mu thla ve ta a




A ni tel in a tla hniam telh telh a, ṭawng pawh a ṭawng ṭha peih tawhlo. Beiseina tlemte de va va keimah a awm pawh chu an mit tial tial a, beidawn erawh ka duhlo, ka hmangaih hi ka kal tir theilo




Ka nu leh pa te pawh an rawn chuangkai thla ve a, ka awmdan hi min khap pawh an tum chuanglo, Mimii ka hmangaih zia min hriat pui tu te an ni miau a




Ka nu chuan lainat tih hriat tak hian Mimii chu a melh a, kei min en leh ṭhin, " bawiha " a ti leh ringawt ṭhin a, min khawngaih zia lah ka hai lo, ni e, a fapa mal neih chhun hian a hmangaih neih ve chhun chu an chan mek tih a hriat ve vek vang a ni




A hnu ah chuan Nautei nu te nên chuan an inkawm khawm a, ka nau nen chuan a bulah chuan kan ṭhu a, Umami leh Ubawiha te pawh sofa ah chuan an lo ṭhu ve bawk




" Mimii ka hmuh tirh khan , leizawn/laizawn(a dikna min lo hrilh aw) nei ang mai ah khan ka in ngai a, ka ngaina nghal em em a nih kha " ka nau chuan a ti sap sap a




A mittui a parawl kuang bawk, a chanchin kan sawi mek erawh a muhil tui khawp mai




Tlai lam deuh ah chuan a rawn leikang ve deuh a, nghengchhan siam sak in ka ṭhut mut tîr a, ka beiseina mit ṭep tawh chu a rawn in chhêm alh leh ta, a ril ṭam thu a sawi chuan ei tur ka va lâk sak a





Nautei nu te bula ei tur ka va lam chuan mak an lo ti a, an in melh hrek hrek hlawm mai, kei ka lawm tehreng nen, an lawm ve miahlo amawni le




Ka nu bulah chuan " nu tinge a, lawm a hnek a khatiang hmel kha in put, Nautein thil ei a duh a nia, a ṭha chhuak dawn a ni maithei a sin, in tih chak nan a ei ṭeuh a ngai alawm " phur sarh hian ka ti a, Nautei nu chuan a ei tur chu an siam sak mawlh mawlh a




Ei tur nen a ka let leh chuan min lo nuih sak a, a ei tur ka ken sak chu an ei ve ṭeuh mai, ka va han hlim tak em, thil mak chu an thleng ngei dâwn a ni leh hi


Show post links
Top