KA ARSITE-A BY Tluangi Sagy Pachuau (Completed)

[Ngaia]

Jasper Malsawmpuia - College SU a social & cultural a secretary ni lai mek leh college Cultural Club a leader ni bawk a ni a, a hmeltha in a sang thlarh a, a fel in student dang tan chuan biak nuam tak ni in a nelawm em em bawk, thenkhat tan chuan min duh a nih hi tih awl tur tak a ni a, amaherawhchu ngaihzawng a neih awm hria an awm hauh lo...

Mimi Lalthasangi - Hmeichhe harhvang ve tak a ni a, thian ho a an awm khawm tawh chuan tu vak mah fing var an awm ngailo, college a tan ni ah chuan mi tam tak ngaih ah chuan mi zakzum tak a ni ngei ang, mahse a hrechiang apiang in a tawng duh zia, nuih a duh zia leh fiamthu a duh zia an hre thin ang, fresher day a jasper cultural dance a a lam lai a hmuh chuan khaw dang reng a hawi thei ta lo, a mah vang liau liau in cultural club a join ta

Le hei chu bad boy lampang kha a ni ve dawnlo a nia aw


KA ARSITE-A

By Tluangi Sagy Pachuau



CHAPTER - 1 (BEGINNING)



"College kal in kan hmuh phak loh a i awm dawn a ni a, nungchang tha tak khan awm tur a nia, i kal na apiang ah Pathian mi a ni tih hi i hmel ah lang chhuak thin rawh se, thenkhat chu an chhungte hmuh phak loh a an awm hian free ta riau in an in hria a,an nun an thlahdah thin, chutiang chuan awm ve reng reng loh tur"




Ka chhungte thu tha min hrilh chu an bulah ngawi reng a thu chuan ka ngaithla reng, ni e, college kal in Aizawl ah College Hostel ah ka awm dawn a ni a, ka huphurh khawp mai, an thu tha tinreng min hrilh te chu ka theih ang ang a zawm ngei ka tum bawk, mahse ka thiannu Mawimawii nen kan ni tal a a la zia





"Bawihte lo kal rawh in kal hma in tawngtaina ka lo nei lawk ange" Apa chuan a ti a, room ah chuan kan in zui lut ta a, Pathian hnenah min kawl tir thlap a, a tawngtai zawng te chuan a hnuk a ulh tih ka hre thei, ni e, an hmuh phak loh ah hian ka awm khat a, min ngaihtuah tih ka hria





Tawngtaina a hman zawh hnu chuan kan kal ta a, kan upa ber in min thlah dawn bawk, Hostel luh hma chuan kan bazaar leh te te phawt a, bazaar chhungah chuan kan lei tur ni hleilo man zawt kual chuan kan vak kual kan vak kual a, kan nui leh uar uar thin




Tlai lam dar 4:00 daih ah chiah a luh theih dawn vang in time waste na tur kan zawng ve a ni pakhat bawk a




Hostel kan thleng kan in hlan thlak vek hnu a Au te haw tur chuan ka hnuk zu han ti ulh tlat pek a, amah bawk hian a sawi thin High School a kal lai a Hostel a awm thin lai khan




"Min visit tur a chhungte an lo kal hi chuan nuam kan ti thin, mahse an han haw tur chiah hi chu lung a chhia in lung a leng lawk thin" A ti thin a nih kha, tunah hian ka feel pha chiah khatia a sawi thin kha





Kan luh rual a lut ve dang te nen chuan dorm khatah top floor ah kan awm a, a tirah chuan kan la in kawm ngaih bik mai lo, mahse room khat a awm na na na chu kan inbe ve ta zeuh zeuh a, chaw ei na ah pawh table khatah kan awm tlang ta a




Naktuk mai hian class kan tan tawh dawn a, first day te a nih avang in class kan neih nghal mai ka ring lo a....




Zanah chuan ka mut than na a ni lo bawk nen ka muhil thei mai lo a, zan dar 11:30pm velah chuan mitthi an la rawn puang zui,,, midang zawng zawng an muhil vek tawh si, ka hlau lutuk chu ka inlukhup ta tawp




Zingah hma mangkheng ah ka tho a, heipawh ka tih than ngailoh bawk a nii,,, dar 5:30 am chuan ka in bual zo var var tawh, kan unau(cousin) group ah chuan *morning* tih hi ka thawn a, tumah lah chuan min la chhang mai lo lehnghal, ni e kan khua ah chuan awm ila, ka la zanlai ngei ang, an ni ang tho hian





Chaw ei kham in college kal tur in ka insiam sang sang , hak tur ka hre reng reng lo, first day na tur a ni a, engrin nge ka in dress tak ang, lo inchei viau dawn ta ilah, midang lo inchei lo ta se




A tawp a tawp ah chuan kekawr var arh lampang leh top senno a var a tial bawk chu ka ha a, sneaker var ka bun leh tawp,,, mi hausa kan nilo a, incheina han tih em em tur pawh ka nei hranlo, bakah in lam a makeup ka neih ang chhun chhun ka kenglo bawk nen, hmai original tak chuan class chu ka kal ve ta a





Mahni in sit tak chung in class ka kal a, amaherawhchu college kan thleng chiah chu ka lawm ngei mai, mahni aia hmelchhia leh nalh vak biklo han hmuh tluk a thil lawmawm hi ka hre kher lo ang, ka huphurh ang ai chuan a nuam ta phian a




Mahse ka rin loh lam daih in class kan la, ban hun diktak 3:30 ah kan bang bawk




Kan thian dangte pathum hostel an lo luh ve dawn vang in gate bulah chuan kan lo nghak a, an rawn thlen chuan kan lo pui nghal vat vat.... Dorm khatah kan awm vek dawn a, kan pui mai mai ang chu aww




Ka hming chu Mimii a nia ka hming pum chu ka sawi lo mai ang


Kan thian ho hi paruk kan nia
Kei , Mawimawii , Zodini , Puipuii leh Julie te hi Hostel ah kan awm a, chuan a parukna Sangtei erawh chu Day in a kal thung a ni




1semester ho sec pathum ah min then a keimah chiah Sec B ah ka la awm zui a midang Mawimawii , Zodini leh Sangtei te chu Sec C an nia, Julie leh Puipuii Sec A an ni thung a, ka mal bik luruk chu ka lawm thei mawlh lo




Ka suihlung a happy na hi a chuai zo ta a ni ber, class room ah mahni tee in ka thu a, midang lah chu ka bulah lo thut ve pawh an tum lo, mahni hi ka in khawngaih ngawih ngawih mai a ni, mi ka be hmasa zen zen ngai bawk




Banah chuan ka thiante bulah chuan ka phun char char a, an ni chu an awm khawm bik a, ka tawrhna nasat zia hi min hriatthiam pui ve kher lo ang, thian thar siam em em ka tum lo a, tun a ka thian te hi ka duh tawk mai




Mahse class lak chhung tee a kawm tur hi chu ka mamawh ve a niii, hei tunah pawh ka phun char char lai in Freshers Day kan hman tur chungchang ringawt an sawi , ka thu sawi ve te chu an ngaihtuah tawhlo reng reng




Zanah te chuan kan dorm opposite chiah te leh room pangngai a awm ho te chuan star an neih thu leh hmeltha an hmuh thu te chu an sawi chamchi a, keini thian ho ve zawng chutiang lam reng reng kan lo ngaihtuah ve lo




Zodini, Puipuii leh Julie ten NCC an join a, chumi chungchamg ringawt chu keini chuan kan lo sawi, a karah Kdrama kan en tawh ho kan zep tel leh nuk thin,,,, Single awm khawm thah kan ni nang in Sitar tur kan lo melh ve lo reng reng





Chuan keihi single tharlam ber ka nia, hmanni lawk khan ka bialpa,,, tette atang a ka lo kawm thin, naupangchhe inngaihzawn kan hrat lai atang tawh a ka bialpa la ni ve char char nen kan inthen a, tuar dan pawh ka thiamlo




A karah min kawp leh zawk thin a, min duh loh thu sawi ten min then leh thin, mahse kei erawh chuan chance min dil in ka lo pawm leh mai thin, ka duh luruk vang a ni ngei ang, a bumna ngai ah min bum reng ni,,, hah




Hmeichhia chu bumna ngai ah pawh vawi 7 an bum theih an ti thin
Ni e, chu hmeichhe mawl tak chu kei ngei hi ka lo ni e, awlsam tak in ka ring a, awlsam tak a tih kehchhiat in ka awm leh si




Kar lo ah Freshers Day chu a lo thleng ta reng mai a Vanapa Hall ah kan kal khawm them them




NCC join ta kan thian pathum te chu an duty dawn bik avang in kan luh san a luh hma in "in chawh" Kan tih hramm kha,,,, NCC join lo se chu a chhungah nuam deuh in an hmang ve thei tur a nia




Kan thutna ah chuan kan thu thap a, thla kan la nghal chuai chuai, status ah ka hmang nghal hmiah hmiah bawk, GB Whatsapp hmang ho vang a status neih tlem phah hi ka tumlo hrim hrim




Programme tan nan a zai, a aw ka hre chiah mai chu ka hawi chhuak nghal vat, cardigan navy blue a zak zawn a orange a tial a ha a, smart pants dum a ha leh tawp bawk, a pian sang thlurh cher ti a sawi tur ni silo nen te chuan a inhmeh hliah hliah, a la zaithiam em em zui....





"Mawimawi, enteh u tuna zai kha a thiam lutuk a hmeltha si" Ti a ka thian te lam ka va hawi chu an lo la selfie char char chu ni in "tumaw, tunge zai" An lo ti ang he haw a




Item hrang hrag an nei a, chawhma lam hi chu a la wow vak lo, chawhma lam a item ah chuan EU band te kha an hot ber a, cultural dance lam tur a College Cultural Club an sawm chiah mai chu ka thinlung hi a dek zar ka ti mai




An lam a an lam thiam dan chu, mizo lam chi hrang hrang an mix a, a lai ah bualpui cheraw an kan bawk, chu zawng ai chuan a sir a hnam lam chi dang a lo lam ve chua a ni la mit la chu ni, midang an lam thiam ka tih rual rual in khawdang ka sawi sawn thei tawhlo...




A chang in a nui leh seih thin, chutia a lo nuih te chuan ka lo khi ve vur vur, eng in a chhun chian em avang chuan a hmel chu chiang tak in ka hmu a, a hmel a felfai in a fresh bawk si, heihi a ni ngei ang sap ho in Love at first sight
An lo tih chu,,, nilo nilo,, love a la nilo
Like at first sight




"Khu enrawh u, khuti lai a sir a lam vei lam zawk ami khu alawm ka sawi chu" Tiin ka thiam te chu ka kawh hmuh leh, an ni pawn hmeltha an ti ve tih ka hre mai,,,, an lam lai chu video in an la leh a, item nei ho kan duh deuh ho chu thla kan la a status ah kan hmang nghalzel a ni deuh ber




Kan ban hnu chuan pawn ah kan chhuak chho a, red carpet angreng an siam ah te chuan kan thian 6 in thla kan la chuai chuai, kan thil eina bawm ruak dustbin a an peih lai chuan step bulah hian ka lo nghak ran a




Min rawn kal pel tu chu ka melh zui vawng vawng, a rim tui deuh chu ka hip deuh kawk, mahse kan chhuah dawn SU ten roll an call lai kham hmeichhe bulah a thu a, bialnu a nei a mi le aww,, te ka tia






HEHE,,, IN LO CHHIAR VE ALAW
Muttui uu❤


Show post links
Top

[Ngaia]

KA ARSITEA


By Tluangi Sagy Pachuau

CHAPTER - 2




Haw lamah bus a kan chuan lai te chuan ka ngaihtuah zui mawlh mawlh, a hma zawng a ka hmuh ngai loh dan ah kan senior a nih ngei ka ring a, a hmeltha si a star tu a ngah ngawt ang, bialnu a nei angem? Tih thleng chuan a ni ka ngaihtuah




Club join tur a awm dawn tih ka hriat avang in Dingdi Cultural Club(college cultural club) chu join ka tum hmiah bawk, club dang in ka rilru a luah thei tawhlo hrim hrim




"Enteh u Lalhmeltha-a kha kan senior a niang tiraw?" Ka tih chuan tunge ka sawi an lo hre leh pek tawh lo, an hmuh lai chauh khan an hria a ni ngei ang, kei lah in ka ngaihtuah zui ngawt ngawt a ni si a




Hostel kan thlen chuan khua pawh s tlai duai tawh, a chhungah pawh lut lo in dining hall ah kan lut nghal a, chaw kan ei nghal chu a ni mai,,,, a tu mai pawh chuan freshers day kan hman dan chu kan table theuh ah kan sawi zui mur mur a




Kan sawi dan ki erawh a in anglo thluah thung in ka ring a ni, a then in custom parade an sawi a, a then in Lil kikia rap, keini erawh chuan cultural club daih a ni kan lo sawi




Kei, Mawimawii leh Julie chuan join kan han tum khawp a, Dinsangi leh Puipuii erawh in join tur ber an hre lo, NCC nen a buaithlak an ring deuh vek vang a ni pakhat, Julie erawh a inhuam a ni mahna join a tum urhsun emmai





"Hey min lo nghak ve rawh u" Ka thian te chu ka um dawr dawr, inhnuai ber an lo thleng tawh, out time an lo ziak mek a, an bulah chuan zuk ding in "a naupang ber tih vang hian min ti duhdah thei lutuk, min duat ve deuh ta che u" Ka ti nang nang, an lo nui thaw duh lek chauh




Hostel kawng chho tawkk ah chuan kan chho leh tawi tawi, he lai kawng hi chu awmlo se tlem in kan thlen hma ve theih phah deuh ang mawle, "ka minister hunah chuan step kal thei ka dah ang" Mawimawii chuan a rawn ti chho tawk tawk.... A hrehawm ve em bawk a ni, a chhuk chhoh tehreng nen hian step a la nilo zui




First leh second period nei hawt lo in an rual in ka kal ve ringawt a, a chhan pawh mahni a hostel a lo awm ka duh lo reng reng, Dinsangi pawh a awl ve reng a, tih tur a neih avang in a kal hma a, ka kal hma ve phah




College kan thlen chuan an room ah theuh min luh san leh vek a, ka hawi lel lel ringawt, tu vak mah ka la hmelhriat bawk silo, kan room aiin sec C leh A roomah ka awm ngun zawk




Rca section C ami pawn "lo awm daih mai rawh" Min tih phah




Freshers Day a ka arsitea ka hmuh bak kha ka la hmu leh miah lo a, college campus khat a awm vek si hi hmuh a har lutuk a, ka lo theihnghilh leh dawn dawn thin, hmuh khat na na na chuan




Dan ngai te bawk in Sec C room ah chuan ka kal leh a, class awl lai hi chuan hmun dangah kan tei vak peihlo bawk nen ka kal tawp zel...




"Mimi i starpa kha ka hmu asin" Sangtein a lo tih chuan ka phul nghal hlut, ngatinge ka hmuh ve ngai miahloh le "khawnge i hmuh bik" Tiin ka zawt vat



"Kan class ah hian a lo kal alawm" Ni tak e, Third semester ho an sawn vang in sec C room hi an sawn ve daih tak e
"Naa ka hmu ve chak asin le" Ngaihtuahna ah a thar a, vei leh tlut tlut dawn a nih hi




"Tiffin i ei tawh em" Dinsangin a tih chuan ka lu ka lo thing mat mat, tunah class awl ka nei ve chiah a, ei na hun pawh ka neilo, ka ril a tam zia chu




"Lo kal rawh kan ei pui ang che, Mawimawiin class a la a, an lak chhung in" A tih chuan canteen lam ah kan in zui thla tham tham "Puipuii leh Julie ve kha?

" An ni pawh class an la, an ei tawh" Ka melh rum nghal ram ram, min lo tih san leh vek tawh




"Tun SU inthlan ah hian kan lineup hi min lo vote ve turin kan sawm a che" Tih Senior Upuitei hnen atang a message ka dawn chuan ka meng nghal kawk kawk




Amah ngeiva ni, a hming pawh ka hre thei ta *Jasper Malsawmpuia* a hming leh a hmel te chu s in hmeh ngawih ngawih, ka vawiin mood zawng zawng a on vek dawn a nih hi




Khi vur vur chung in bathroom ah ka lut a ka in phih fai sawk sawk,




College pan a kan kal lai chuan "Tun Su inthlan ah hian tu te nge in vote dawn" Julie in a tih chuan "Senior Sangkima Lineup" Rang fahran hian ka lo ti a "amak ka sawi zawh hma hma in" A lo ti hluk




An hma ah tak chuan va ding tharh in "enteh u, a hma a ka sawi hmeltha ka tih deuh kha hremm, social & cultural ah khan Secretary in a ding dawnnn" Ka tih chuan an phone an phawrh a thlalak chu an en nghal sap sap




"Jasper hi maw" An rawn ti rual thap, kei phur tawk in ka lo bu lâp lâp, "lawm awm, nihchuan an lineup i vote duh na chhan hi a ni maw" An tih te chuan la lo nui ver ver




"Ni tho a, ni em em chuanglo, Upuitei awm vang kha a nia, a fel em a, min pui nasa bawk sia" Ka tih chuan Upuitei fel thu leh an tan a thil a tih sak te chu an sawi nghal sap sap




Diktak chuan Upuitei te hi vote ka tum urhsun hlee a, chuta Jasper lo awm ve lehzell hi chu vanneihna thuah engemaw zatt ka ti mai




A ngai te bawk in class kan la leh mawp mawp a, school kan kal lai in college kal kan chak thei em em a, form an ha lo ringawt te kha nawm hmel kha kan ti em em a, kan han lut ve ta cheng a, nuam pawh ka tilo



College life an tih hi ka man pha ve rih lo a ni tunah chuan, a lum hlee a, chu zawng chu a ni mai

_____________________________


Vawiin hian SU candidate ten an manifesto sawi na hun an nei dawn a, chuan naktuk mai hi inthlan a ni tawh bawk, keichuan ho hi kan ti mai mai khawp ahh




Naktuk a inthlang tawh tur vawiin a chutiang neih, a thlang tur chuan an thlan tum ah rilru an siam fel vek tawh anga, tun an thil tih avang a vote tum thlak an awm a nih chuan an rilru a nghet lo ve hlee tihna a niang




"Khawmaw ni a sa lutuk, nihliap kha phawrh chhuak mai teh" An tih chuan thu awi deuh a la chhuak in ka kap parh a ni sa chu ka hliah nghal vat




Ka hnung a min rawn ben thlawrh avang chuan ka hawi let vat "i mawl lutuk dah thla rawh, an en thul che hi" Mawimawiin a tih chuan ka hawi kual a, tumah in min en awm pawh ks hrelo




"Tuman min en loh hi, nge a sa lawm le" Ka tih chuan ka sir ami phawrh rawh min ti tu ber ber chuan "dah thla rawh" Min lo ti ve chhen, keimah min mawhpuh leh vek tawh, ka zak ve det





"Nagman ti rawh i ti reng sia" Puipuii bulah chuan ti nang nang in ka zip leh a, ka thlep nghal nuap nual, a lum bawk si, ni sa in min em bawk nen ka biang a tai leh hlar tawh ang chu




'Tleirawl lai leh nulat lai a biang tai thin chu nu an nih hnu ah an biang a duk duh' an tia(h) tak tak ni maw, a nih vaih chuan chi loh viau ang, biang duk nih ka duh reng reng lo




"Mimi i starpa kha tuai an ti a nia aw" Dorma kan thian ho a kan thut khawm vek lai chuan Julie chuan a rawn ti a
"Awihawm loh lutuk aw, tuai a nih ngawt na chhan tur a awmlo" Ka ti ve tak na in Freshers Day a hmeichhe bul a a thu kha ka mitthla ah a lo lang nghal zawk




"A ni an sawi tak tak alawm" A la ti deuh deuh,"awihawm loh, a hmeltha si a zaithiam bawk si" Hnialkhan hi ka va han hrelo tak em




"Zaithiam lo emmai a, in la zaithiam zaithiam silo te an tih kha, vawiin a a kal lai te kha i lo hmulo ami, a kal tuai zaw zaw si" A tih te chuan ka thin a rim hlur tawh, hnial dan ka hre tawh bawk silo, a kal lai ka la hmu ve tlat silo a




"Hmulo, a tuai lo, bakah a zai thiam reng aw, an tluk loh vang in an sawi a nih chu, kan tluk loh te chu kan sawi chhe thin, kan rel thin, hrim hrim ah kan awm ho reng a engtik lai in nge chutiang thu duk dak lo chu i lo hriat" Ka ti nghal zawt zawt




Hriat chian hauh loh, ka vawilhat hmuhna atang a ka star thlavang hoh chu ka pe na hle




'Awihawmloh' han ti ringawt mah ila ka rilru chhungril tak chuan a tuai ang tih a hlau takzet, tuai ni mai tur atan chuan ka phal thlawt lo a ni


Show post links
Top

[Ngaia]

KA ARSITEA

CHAPTER 3



By Tluangi Sagy Pachuau




Monday a college kan kal leh chuan SU atan a kan vote te kha an tling tih kan hre ta a, ka tawn ni lo mahse ka lo lawm ve em em, chhan chu mahni vote te ngei kha an tling miau a




"Hawi nghal vut lo la, ihmaw i hnungah sawn Jasper a lo kal phei" A tih chuan a tir a a sawi te kha chu ka hre tawhlo hrim hrim a sawi zawh rual rual chuan ka hawi nghal a, a thian mipa leh hmeichhia te karah chuan eng eng emaw sawiin a nui sang mai




A nui hmel mawlh hmelthat dan saw



"Hawi phei nghal suh ka tih che kha" Tih pah in Mawimawii chuan ka darah a rawn beng chawrh "a na" Ka ti vak a min la rawn en thap zui, ka zak leh hnuhnawh chuan min lo en tu te Jaspera te lam chu hawiin nuih thaw chung chuan kan class room lamah ka tlan lut nghal daih




Ka thiante panga(5) chuan min rawn zui lut ve nghal zat a "i va che thing ve thinga" Min rawn ti lut a "che thing viau mah ila a hmeltha" Tih pah in dawhkan ah chuan ka kiu nghat in ka in dawm khalh a, nichin a a nui lai hmel kha ka ngaihtuah let rauh rauh




"Ai ai ai,,,, enteh u heipui a khik leh vur vur tawh hi" Puipuii chuan a lo ti a, ka bengkhawn lem lo "a ho emmai a, khatiang tuai" Julie chuan a lo ti leh hmangmawh a, chu kher chu ka ngaithla liam thei hauh lo




Mahni lo hlauhthawn sa ve tawh tehreng nen hetia a sawi chhen hian ka ning, ka thin a ti rim hlur zel "i vawikhat sawi kha a tawk mai lo ami, i duh ve lo a nih chuan sawi chhiat sawi chhiat a ngailo, duh ve pawh ni la ka phal chuanglo" Tiin ka thu thla leh dawt




Chuti tak a ka thinrim pui vang chu nge ni mak ti tak in min en haw haw hlawm ringawt




A ni reng alawm, khatiang a lo sawi lo sawi pawh kha a ngailo hrim hrim, chupawh thil hrechiang hawt lo lehnghal in, mood a ti uih vek dawn alawm




"Miin an sawi a ka sawi chhawng ve mai alawm, a lo tuai phei chuan i rilru a na dawn asin, i lo duh ve laklawh tawh bawk si" A rawn ti leh a kei lah dawh theilo mi leh thinchhe mi ka lo ni bawk nen "mi sawi nazawng hi awi vek kher thin suh" Ka lo ti hlar a




Tawng thlawn kan ba duh lo hlawm hi kan inhnial phah fo na a ni thin, mahse fiamthu vek in kan inhnial thin a, tun erawh ka thinrim tak tak thung




"Nichin kha chu a che chhe ve ngawt mai, an mahni lah khan an la rawn en thup lehnghal a" Tiin midang chuan boruak thlak tum tak chuan an rawn ti a an nui hak hak




Keipawh chuan thinrim reng chu duh bik lovin an titi chu ka zawm ve nghal a, kan nui tlang leh ta, kan thinrim na chuan rei a daih lo ve thin khawp mai




Thian tha chu a tirah in hnial barh barh in in bakaih chang awm thin mahse a tawpah chuan kan nui tlang leh nge nge thin,,, eng pawh chu ni se in ngaihzawnna kawngah a ni emaw in thianthatna kawngah pawh ni se tlawm zawk an awm a ngai thin, chu chuan in laichinna a siam tha thin





Dam that chuan ni hi a kal zung zung hian a hriat mai a, thla 1 chuang zet class pawh kan kal ve der mai
"Vawiin ni engzat nge" Kan class a ka thian chhar thar Zothani chuan a rawn ti a "August 25" Ka lo ti nghal vat




Chutia kan thut lai chuan kan senior te an lo lut a




"Awle min lo ngaithla lawk ula" A mipa zawk in a rawn tih chuan an ngawi nghal thap "kei hi Joseph Ramhmangaiha Dingdi Cultural Club a president ni lai mek a ni a, ka bul ami hi kan secretary Rinkimi a ni, chuan kan sawi tur a lut nghal mai ila





Club hrang hrang join tur a awm tih in hre theuh anga, thenkhat chuan in join tawh bawk in ka ring, chuan keini Cultural Club te chuan member tur kan rawn zawng ve a, a join duh apiang in hetah lo kal in in hming leh roll no lo ziak ula, intih luihna a awm miahlo a nia" A ti a




In ngaihtuah buai maih lo leh ka thian te bulah pawh sawi leh tawh chuanglo chuan join tur chuan ka kal hmiah
Ka Arsitea pawh ka hmuh ngun sawt phah thei dawn a ni




Hostel a kan let leh hnu chuan club ka join thu chu ka thian te bulah chuan ka sawi a "engatinge engmah ka hria ve loh" Julie chuan a rawn ti a "ka hre bik nang keini te chu kan class ah an lo kal a, in class ah pawh an lo kal ang" Ka lo ti a




"Kallo aniang ka hrelo emmai a" A lo ti leh a, tawng thlawn ba duhlo tih tak ah "an lo lut ang i class awl lai a nia nga i hrelo mai mai aniang" Ka lo ti ve leh
Ka thu sawi chu a lo pawm ve leh mai bawk




"Bakah keini chu an chhuah hnu pawh khan CR te hnenah an sawi a, hming ziahna an pe bawk a" Ka tih chuan an class ami te chuan engmah an sawi ve loh thu leh mawl a tih thu te chu a sawi a a phun mawlh mawlh




Hmeichhe awmkhawm chuan mi an rel thin an tia, keini thian ho awmkhawm ve chu fiamthu thawh nan leh kan ni hman dan sawi nan bak kan hmang ngailo, kan hlim tlang daih zawk a, a hrisel bawk





Kan zing a 1 in emaw buaina a tawh chuan kan tang tlang hle a,mifel awm khawm kan nilo a mahse buaina kan siam hmasa ngailo, min rawn tih buai erawh chuan kan che na thei hle thung




A zan a zan chuan cultural club group(whatsapp) ah chuan min lo add nghal a, miin an thiante an add tir ka hmuh chuan Julie chu ka add tir ve hmiah Mawimawii pawn a duh ve avang in ka add tur tel bawk




Lam pawh kan zir har loh tur thu an rawn sawi nghal a

Kan thian ho chu nu dim dem ang kha kan ni ve silo a, kan intheh no ve thiam angem le aw,,, club te hi kan han join ve ringawt a,, mahni khua ah pawh hmeichhia leh thalai kan lo nih ve vang chauh a YMA day ah pawh lam ve tawk kha kan nia, kan ngaihtuah awm hlawm ngawt in a nia ka rin ni




A tuka class kan kal leh chuan member fee hi an lo khawn nghal a
Naktuk a lam kan zir tur min hrilh nghal zel bawk




Education class ah chuan miss Zaiin "nau piang hlim te hi engvang a tap thin nge an nih in hria em?" A tih chuan kan ngawi deuh thap a




Amah bawk chuan "a chhan chu nausen te hi nu pum chhung a an awm lai chuan an khawvel chu nu pumchhung kha a ni mai a, boruak lum leh vawh pawh a in adjust vek thin, mahse an lo pian chhuah chiah khan an boruak hip kha a lo danglam ta vek a, chuvang chuan an lo tap ta thin a ni, thenkhat phei chu awm thiamlo in an in thawk an la thiamlo a, a tawpah phei chuan an thih phah hial thin a ni" A ti a




Sawi zawm leh in "chuvang chuan a nia naute an rawn pian chhuah a tap lo an tah theih nan hian nasa tak a an beih thin ni" A ti leh a, ka rilru ah chuan 3 idiots Rancho a te kha an lo lang daih, a changtunu u in a nau a hrin lai vel leh naute tap theilo an buaipui lai vel kha




Zothani nen chuan in en in "fing leh ta sawt mai" Kan in ti a kan in nuih tet tet




Kan thian paruk(6) bawk chuan canteen lam ah kan chhuk thla leh a, vawiin chu nidang zawng zawng aiin mihring an tam in ka hria




"Jay Senior" Dinsangi, Julie leh Puipuii chuan an rawn ti chhuak phawng a an hawina lam kan hawi ve chuan NCC a an senior an tawk chu lo ni in




An kal liam hnu chuan an tihdan chu Mawimawii leh Sangtei te nen chuan kan zir a kan nuih tiah tiah, midang awm ve thup lai a tih chu a zahthlak dawn riau hian ka hre tlat pek a, chutih rual in a wish a te tan kha chuan a nuam ngawt ang




Canteen kan zuk thlen chuan a lo khat deuh thap a, kan sir tê a mi chu a awl tep tawh avang in kan din chilh deuh ran a, an thil ei laiin kan lo awm ve kur sia nuamlo chu an ti rilru ve ngawt ang
Pawn lam a thutna awm a ni bawk nen




An thawh rual rual chuan midang nghak ve te chuan min thut khalh ang tih hlau in kan thu nghal vat




Order kan nghah lai ka hawi kual lai chuan canteen lam pan a rawn chhukthla te chu ka han hmu nghal chat, rang deuh in ka hawi sawn leh nghal vat




Kan star deuh te hi chu kan han hmu chak em em a, kan hmuh phak reng a an awm lah in duh ang in kan en tha leh ngam chuang silo a




Kan sir scooty bulah chuan an rawn ding a, ka lai nghal tut mai




Ka arsitea la hmu velo Dinsangi bulah chuan "Din ka arsitea chu i hmu ve duh em, i hnung a scooty dum bulah khan a ding" Ka tih chuan muang chang hian hnung lampang chu a hawi a




A rawn hawi let leh chuan min nuih vur vur a, kei ka lo lai chhe hle thung "i lai a ni maw, kha i biang a sen tawn tawn mai, i thlan a tla bawk si" Sangtei chuan a rawn ti a, an lo hmu ve vek a nih hmel




Kan ei tur kan ei zawh hnu a thawh kan tum chuan Dinsangi chuan "mimi enteh i hnung asaw a lo thu reng a nih sawi star pa kha" A tih chuan a hawina lam pang chu ka hawi a




"A nilo aw, a ni ai sawn a hmeltha, bakah a ni chu a chhungah sawn a thu" Ka lo ti nghut a Dinsangi erawh chuan nichin a min kawhhmuh tak ringawt kha a en




"Eiss a thutna pawh a lo hre leh hman thlap bik" Kan thian dang ten an lo tih chuan in tih theih hmel fe a hawi sang vah hian "mit in a duh zawng chu a hmu chat mai a ni" Ka lo ti a, min nuih tiah tiah hlawm




Class room lam pan a kan chhoh lai chuan Dinsangi chuan "Mimi i starpa a maw ka tihna lamah ka hmu a, keimah hian ka star zawk dawn ni mai in ka hria a hmeltha ee" A rawn tih chuan kan nuih vak vak




"A hmelchhe ee" Kan tih sak chuan a duhlo ngangg mai




College kan kal rei ve telh telh a, kan thian ho zingah pawh mipa hming a lang ngun ve telh telh,,, a hma kha chuan kan han ngaihtuah lo laileng hlawm khawp ah


Show post links
Top

[Ngaia]

KA ARSITEA

CHAPTER 4



BY Tluangi Sagy Pachuau




Zanah chuan kan panga te bawk chuan kan thu khawm leh dul a, kan dorm lamah ka khumah ve thung, zan dangah chuan Puipuii, Julie leh Dinsangi te awmna lampang dorm ah kan awm thin (Sangtei chu Day in a kal ka tih tawh kha)




Lehkha zir chu a langlo ve khawp a ni, 1st internal exam kan zo tawh bawk nen "Uestheri'n (hostel a an senior) 1st internal ti chhe mahila 2nd internal ah ka tang mai ang an tia, an tang thei tak tak dawn chuanglo, week a nia nga lehkha an zir anga week zawh vee leh 2nd internal a ni nghal dawn a ti" Tiin Uesi thil sawi chu ka thian te bulah chuan ka sawi chhawng siam siam a




"A nih chuan week lai a kan zit that hle a ngai dawn a ni maw?" Pupuii chuan a lo ti a




"Yessiii, keini phei chu kan Edu teacher in wek zawh veleh a test tur min pe lawk nghal" Ka tih chuan Mawimawii chuan "in section chu in va tang bik ve, keini chu kan teacher ten zir zir pawh a ngailo enjoy tawk in awm rawh u min ti tiraw Din" A ti a Dinsangi chuan thlawp zet in a lo nui uar uar.... An in set nghal zauh bawk




Julie leh Puipuii erawh chumi chungchang kher kher ah chuan engmah sawilo in an lo ngawi kar thung




"Week chu engtik nge ni reng reng a?" Ka tih chuan mawl min tih hmel zet hian min en hlawm a, 'eng nge' tih nan chuan ka mit ko ka san euh





"Week chungchang i sawi ve siam siam a a ni pawh i lo la hrelo a?" Min tih chuan nui heu chung in ka lo bu nghauh nghauh "hrethiam rawh u a thlakhat dan ât a chhuak a, damdawi a ei bawk silo a nih kha" Puipuii chuan min lo ti zeuh a ka melh rum nghal rawm rawm, engah mah a lo ngai der lo




"Chuan week chu engtik maw?" Ka tih leh chuan "kan lo la chhang na che nge" Min la tih sak mai mai a a hnu qh chuan September 5 teachers day atang a kan tan tur thu an sawi nghal a




"Enteh u Ramhuai thawnthu ka ziak dawn a, tunge ramhuai ni duh che u" Ka tih chuan phawk zet hian min rawn en hlawm a, kei chuan lo sawi zawm leh in




"Hostel hrâng chungchâng ka ziak anga, kan hostel behchhan hian kei a ziaktu a 1st person ang kha ka nia nga tunge ramhuai chu ni duh che u?" Ka ti leh a, a tu a mah in ramhuai nih chu an chak lo khawp mai, min lo hnial vat hlawm a.




"Ka hria e, Julie hi nih tir ang u, zan lai dar 12 pelh ah pawh amah in zung turin bathroom ah a kal ngam" Ka tih chuan a duhlo ngangg mai "i mawl a mi?" Min ti chiam a, ka nghawng hnung lampang atang chuan min rawn rek nghal vak vak




"Khawmaw min rek chiap chiap thin suh confessor duplicate, confessor suak" Ka tih chuan midang chu an lo nui vak vak
"Julie chu confessor ni tur a a training lai khan a zo hmanlo a, a peih tawhlo a a tlanbo daih a, mi a confess dan pawh hnung lam atang in a ni bik a" A tih chuan a aia nasa in kan nui tuar tuar




Puipuii hi chu a kut hi a nghal ve vaklo a, a, tawngkam erawh chu nghal tak a ni, a fiamthu te lah hi hriat hran theih loh khawp hian a tum hmuk zel a, keini a thian te lo phei chuan a thinrim a maw an ti thin,,,, keini chuan kan hre chiang a tum hmuk a a sawi te pawh hian kan nuih pui chiamm thei




Ramhuai thawnthu bawk chu sawi zawm leh in a roommate ni tur ah kan buai leh a, kan dawi hlawm bawk sia Julie a thlahrang tur ber chu tuman roommate atan kan duh lehpek lo




A kalhmang tur a ka ruahman a thih dan tur vel leh a hran dan tur ka sawi chuan a tak tak a thil thleng ang maiin zu han hlau hlawm a mawle,,, kei erawh ka phuahchawp a nih miau avang in ka hlau ve vak lo,,, midang sawi chu ni se ka hlauh tho chu ka ring




"Hey Mimi sawi tawh suh, ziaklo mai rawh a hrang tak tak palh ang" Dinsangi chuan hlau aw deuh hian a rawn ti a, ka nui nghal chian




"I van chhah tak, ziah ka tum hma pawn a hranglo a, ka ziah vang chuan nge a hran rikngawt anga" Ka ti a ka nuih vak vak . Amah pawh chu a nui ve leh suk suk tho, mahse a hmel chu a khawngaihthlak a thla a muan loh hmel hliah hliah




An dorm lamah chuan an phei ta a, Mawimawii pawh a khumah a let phei a, a phone ah movie a en leh nghal char char, keipawh chu ka online nghal a




Reubena message a lo awm leh vang tawh, a ni hi kan section a mi a nia, Sangtei a star avang a min be thin a ni hei tunah pawh "Sangtei chuuuu,,,, mawhhh.... 🥺thil ka lei ang che" A rawn tih leh tawh hi




'Thil min lei dawn maw?!! Naktuk ah kan sawi tha dawn nia' ka ti a Cultural group ah chuan ka lut nghal.




"Naktuk hian lam zir tur a ni a 3:00 ah last period nei erawh chu 3:30 ah pawh in lo kal mai dawn nia hming kan lam ang aw..... President
Dingdi Cultural Club"

UJoseph chuan a lo ti a a hnuai chiah ah Jaspera'n

"Ni e kim tak a lam zir kan tum dawn nia u aw" A lo ti ve thung a




President thil post pawh like lo chuan
Jaspera thil sawi zawk chu kan like ngei ah, a number chu save nghal in
*Ka Arsitea🤍* tiin ka save nghal hmiah bawk, keimah te chuan ka nui ver ver



Amah nen kan in bia a zeng pawh nilo chuan group a a lo lan ve a thil a lo sawi te chuan ka lo khi leh vur vur thin, a ruk tak chuan â chu ka in ti ve reng, mahse ka awm dan chu ka sim thei chuang silo a




Mutthilh ka tum hnu chuan status ka up leh hram a *Ka lam a lo hawi a, a la hmeltha em em zui* tih a hnuai a sticker meng love chuai chuai lem chu status ah ka hmang a, ka muhil ta riai riai a




Zing ka thawh chuan ka nu leh pa min zirtir fo thin ang in Pathian hma ah dam tak a min kaihthawh leh avang in lawmthu sawi tawngtaina ka nei a
A tawp lamah chuan
"Nizan ka mut dawn khan ka lo tawngtai lo a, Lalpa sorry aw"
Ka ti a ka tawngtaina chu ka ti tawp ta a




Chumi hnu chuan ka phone chu ka khawih ve ta chauh
Nizan a ka status update viewers ka en thlak diat diat chuan
*Ka Arsite🤍* tih chuan ka mit a la nghal chat

Ka status a lo view amaw!!!



Ka number hi a hma tang daih tawh khan a lo save tawh tihna a ni maw, ka nui nghal ver ver, a nih chuan min hre ve tho tihna a mawni le




"Eng nge ni a zingkar kar ah i phone bih a i nuih leh vur vur tak?" Mawimawii chuan a rawn ti a, phur deuh in Jaspera'n ka status a view thu chu ka lo sawi vat, a lu a lo thing mat mat ringawt




Star a nei ve lo a ka thil tawn hlimawm zia hi a hre ve lo mai mai a ni, a neih ve hunah chuan hetiang thil ho mai mai te hian a ti hlim ve awm thin sia aw




Faifuk rat rat a ka khum atang a thawh ka tum chu ka faifuk thiamlo tih ka hrechhuak leh chiah,,, thawveng tak a han faifuk ve vel kha ka tum a ka thiam leh silo a ka zai rat rat ta zawk a




College lam pan a kan kal lai chuan Jaspera'n ka status a view thu leh a hma atang a ka number a lo save daih tawh thu vel te chu intithei fe hian ka sawi a, midang chuan min nuih pui mai a




"A ni te chu SU a nia, inthlan lai vel khan vote an dil kualna ah i number chu a lo save pawh a ni thei a, keipawn number te chu ka nei reng alawm" Julie chuan a lo ti a, vote an dil kual lai khan Jasper hian min lo be ve hauh lo




"Ka hlimna tihchhiat hi nuam i ti ve hrim hrim" Ti hmak in hma lam chu ka hawi a, ka kal deuh hmawk hmawk
A chang chuan ka ngei lek lek zel miin hetia thil phur deuh a kan sawi hian a negative zawng hian thil hi a lo sawi hmanhmawh zel a




Kan thian ho zingah chuan kan pahnih hian kan in bakaih ngun ber, a chang leh kan in ngaih leh em em zel thung a
Midang hi awmlo in kan pahnih chauh hi thisn ni ila chuan kan in ti thiamlo ngun ngawt in a nia ka rin
Midang an awm ve hlauh zawk a boruak an lo thlak zung zung zel a




Nidangah chuan a thil sawi hi ka haw ngai hran lo, kan inhnial khat viau bawk,,, mahse Jaspera chungchang a a negative zawng a thil a lo sawi leh min sawi hnûm pui ziah hian ka hua,,, amah nilo in a thil sawi kha




College gate bulah chuan kan panga(5) chuan kan ding deuh thap a, Sangtei kan nghak mek a ni




"Enteh u kan class ah maw, Sangtei startu hi a awm a nih chu, chupa chuan min lo tih pui teh a ti char char a, ka peih lo a, mahse thil ka lei ang che min tia, kan tih pui anga vur sen kan in lei tir thin dawn em ni ang?" Ka tih chuan sawiselna awm lo in an pawm nghal hmiah




"Mahse a hmeltha em, hmelchhe deuh chu Sangtei tan ka duh pui biklo a nia" Puipuii chuan a lo ti a




"Hmelchhe lo ee,,, a hmel a tha a a fresh bawk chuann a hausa a chuvang a nia vursen in lei tir ang u ka tih" Ka tih chuan Puipuii chuan
"Aaa chuti chu i tih pui ngei ngei teh ang u" Fiamthu deuh hian a rawn ti a, kan nui dar dar,,, kan thian ho chu thil ho te ah pawh nuih kan awlsam ka tih kha




Sangtei rawn thlen hnu chuan mahni room theuh ah kan lut ta a,,, Zothanin lo kal loh a tum a, min lo present sak rawh a la ti zui ah




Ka thu fel chiah tih ah chuan Reuben chu ka bulah chuan a rawn thu a
"Khawnge i thiannu te ve deuh nui ring thei deuh kha?" A rawn tih chuan Zothani a sawina a ni tih hrethiam nghal in a kalloh tur thu ka lo sawi vat




"A nih chuan Sangtei chu sawi dun tawh ila" A rawn ti a
Ka sawi hma chuan zirtirtu a lo lut nghal a, ka bulah chuan Reuben chu a thu ve ta reng, pawi ka ti lemlo class a ka kawm ber Zothani a lo kal silo a




Class zawh chuan kawngka atang chuan ka thiante chu an rawn lut tham tham a, kan hma ah chuan an rawn ding a,, Sangtei a tel ve leh pek lo




"Khawnge Sangtei?" Ka tih chuan a "lu a na deuh a, a lo kal ve peih lo a,,,hepa hi ami i sawi chu?" Dinsangi chuan a lo ti a, uar zet in ka lo bu lap lap a, ka bul a thu pa chuan a hriatthiamloh hmel hle




Ka thutna atang a tho chhuak chuan ka thiante zingah chuan Rebena hma ah tak chuan ka ding a

"Reuben Sangtei ka tihpui che chuan thil min lei i tiam tiraw?" Ka ti chuan aw tih nan a lo bu nghat




Keimah chauh nilo in ka bul ami te pawh hi Sangtei thian te vek an nia, kan thian ho hian Sangtei chu kan tih pui che anga, i hlawhtlin hma chu vur sen nitin min lei thin la" Ka tih chuan a ngawi vung nung a




"Sangtei tan,,ti ngam dawn lo aaaaa" Julie chuan a lo ti a
"Eheee i ti ngam dawnlo maw" Puipuii chuan a lo ti ve nghal zat




"A tha alawm, nitin vur sen" A ti a kan panga chuan min en in a kutzung tang a thliak nghauh nghauh a "imm a hautak vak dawn loh chu" A tu sup a




"Ni reng e, i hma khua hi ka ngai asin, kan vai a kan chhun ei tur min treat thin rawn ti che ila chu i tlin dawn miahlo, i hma khua ka ngaih ziaa hi,,, i hek hlau in vur sen chiah ka ti zawk ah" Ka ti a hawi vah vah chung in thutthleng ah chuan ka va thu thla leh





(Ramhuai thawnthu ziah chungchang khi tak tak a nia,,, ka thiante hian an hlau lutuk a tun thleng in ka la ziah loh phah)

Image


Show post links
Top

[Ngaia]

KA ARSITEA

CHAPTER - 5



BY Tluangi Sagy Pachuau



A hnu ah chuan Sangtei a lu na a zia awm deuh a, kan class awl a in rual khai bawk nen canteen lamah kan inzui thla leh tham tham hlawm a




A hmasa berah ka ka a, ka kal pelh apiang mai te chuan min nuih zui tet tet hlawm hian ka hria a,,, a hnu canteen kan thleng thla tep tih ah chuan Jasper leh Urinkimi kha an lo chho a, kan in tawk chiang khawp mai, an ni pawh chuan min nuih in ka hria




Ka thiante lam chu ka hawi a "engatinge mi hian min nuih tet tet hlawm a?" Ka tih chuan an ni pawh an nuih a za tih an hmel ah a lang thei, an insum mai mai a ni




"Eng thil diklo nge ka chungah in tih?" Ka tih chuan an rawn nui chhuak nghal vak vak, Dindangi chuan ka hnung chu a rawn beng pawp a, lehkha a rawn khai ta va va mai




A thil in ziak ka chhiar chuan ka thin a rim ngang mai "I am monkey, 1sem Sec B ah ka harh ber" Tih hi lian pui hian a lo in ziak a




Ka thian te chu rum mangkheng hian ka melh a "hmel ho in mawl ami, min tih zah zia in hria em? In chak dawnn lo" Tih leh um ka rual a, canteen lam pan in an tlan chhe nghal diak
Canteen kan thlen thlak chuan hmun dang tlan chi ni tawh hek lo, an hnung ah chuan ka chum diat diat




"Awii ka zak lutuk, ka Arsitea khan min la hmu ve zui" Tiin ka lu chu ka dawm vang vang, midang lah chuan min nuih tet tet ringawt
Khuk chem chem a khuk chem chem a khuk bo daih te a nia ka chak ni




"Kan class ah ka harh ber lo asin le" Ka tih chuan min nuih leh huk
"Eng nge maw in nuih reng le, min tih zah tehreng nen" Ka ti that
Midang awm ve te chuan min lo en thap a, ka zak leh hnuhnawh chu ka kûn leh zal zal




Hemi te bul a awm hi chuan a pangngai theih loh reng reng mai




Sangtei bulah chuan Reubena'n a star thu chu ka hrilh a
"A hmeltha a fel bawk sia duh ve ngei ngei rawh, kan bem pui che ange vur sen min lei la kan tia a pawm vek tawh a, chuvang chuan i duh ve pawn kar 1 aia rei chu duhlo der phawt rawh, chhan chu vur sen min lei rei thei dawn a" Ka ti ham ham a




"Chu advantage ah min la a ni maw!!"
A tih chuan nuih tlawn deuh pah hian
"Ni em em chuanglo ni deuh tho" Ka lo ti a





"Ah,,, chubakah ka hrait ngai pawh nilo, ka la hmuh miahloh lehnghal" A tih chuan "i hre chawpchilh zel mai dawn alawm, a hmeltha a i duh dawn tih ka chiang, a footballer hmel" Ka tih chuan awiloh hmel zet in min melh ram ram




Football a tui em vang leh footballer a ngaihsan em vang a tiang a sawi pawh hi ka nia




"Chutiang a hmeltha te chu nangman duh mai la" Min ti leh hram a
"Ah kei mi duh hleinem nangmah alawm a duh che, bakah keite chu arsi ka nei tawh" Ka lo ti ve hmiah




Class ban in lam zir tur in SU office kawt zawl lai ah kan fing thup tawh a, Jasper ka la hmu ve hauh lo, a zir ve ka rin tehreng nen
Mahse tunah chuan zir lo mahse pawi pawh ka tilo ka hmu zak rih tlat




Khual lâm kan zir a, mipa zir an tlem em avang in mipa angah chuan ka tang a, Mawimawii ka parter ang in hmeichhia ah a tang bawk
A har hmel hi kan ti khawp a




Kan lam thang lo bawk nen kan khawng tung mai




Kan thiam lo lutuk chu kan in nuih leh vak vak thin a,
"Awii reilo tee kan lam chhung khan ka mal vel hi a rawl vek, a va hahthlak tak" Kan chawlh lai chuan ka ti a ka bul a Julie thu leh Mawimawii pawh chuan an mal chu an lo chum det det




"A hahthlak hmel keipawh ka lo ti tawp" Puipuii chuan a lo ti a, Dindangi nen kan lam zir min nghak a , Sangtei erawh Day a kal a nih bakah a haw na tur a thui tham bik si a a lo va haw tawh a ni




"Hahthlak tih hian a sawi fiah zo lo" Ka lo tih chuan kan sir a thu Ukimkimi chuan min rawn nuih tet tet,,,, chhun ami vang khan min la nuih a nih ring in ka zak leh nghal chem chem thei




"In lam rei anga in sil kha chu a reh ve tial tial mai ang, kawru tan leh tawh ang u le" A ti a amah ber chu tual zawl ah chuan a chhuk thla a, midang ho pawh chu kal khawm tur in a au zui bawk




Kan kal hma chuan "en teh u, lam a lo zir miah lo tinge le?" Ka tih chuan "a buai aniang" An lo ti liam puat a, engah mah an ngaih ve hmel vak loh




Lam chu kan zir leh mawp mawp a, a step pawh step 3 na vel thleng chu kan en hman, Dinsangin ka lo zir ve chhin chak a tih avang in a lo zir ve a, Julie mipa ah tang in Dindangi chu hmeichhia ah chuan a tang a




Kan pali chuan kan ding khawk bik a,kan zeilo bik lutuk te chu kan in nuih leh tiah tiah thin, kan balance kan hloh a kan tlu leh tep tep thin a, hah pawh sawilo in kan in nuih leh tiah tiah




Instructor pawn tih ngaihna hrelo in min en a min nuih tawp tawh




Kan ban hnu thleng pawh a a lo lan tak loh avang chuan ka ngui ruai thei
Ni tlak hnu fe ah hostel kan thleng a
Ka mal sil dan em em chuh step kal pawh a hrehawm takzet, chuta chhap ah tui khai chhoh a la ngai zui a




"Hostel chhuah hun chu body builder ah kan chhuak vek dawn a nih hi" Puipuii chuan a rawn ti chho nang nang
Kan lo thlawp leh khawp mai a
Keini aiin a bucket chu a lian zawk lehnghal




Kan rawl/sil tlân em avang in zanin chu awmkhawm pawh kan awmkhawm lo, mahni khumah theuh chuan kan mu a phone kan khawih mial mial
A tu a mah in lehkha zir chu kan tum lo khawp mai





Whatsapp cultural group chu ka Arsitea tawng ka hriat theihna awmchhun a nih avang in ka en deuh chawt thin,,,, a like pek rik ngawt te chuan ka phone khawih a ti nuam thei nia




"Vawiin kha SU committe kan nei a lam ka lo zir thei lo a a pawi khawp mai" Thi Jasper-a sawi chu ka hmu ve chiah




ARSITEA (Jasper) POV*



Vawiin chu lâm ka zir chak tehreng nen committee an ti ka ngei ber tum a ni hial ang




Mahse room atang khan an lam lai kha ka hmu thei hlauh a, ka en ta reng
Mimii a thian te nen a an nui lai kha ka en reng a, hmuh an nuam ka ti takzet, a bik in Mimii kha




Nichin a canteen pan na a kan in tawh lai a a thian ten a hnung a thil an bel a thinrim lai te thleng khan a cute takzet,an tlan thla lai kha ka thlir zui reng tih kha a hre dawn hauh si lo a




A hma atang tawh khan ka mit a la tawh a, ka hmuh khat thin em avang khan ka ngaihvet zui lem lo, inthlan lai lah khan a number lak nachang pawh ka lo hre lo a, Awma te ho kha chuan a hma atang tawh khan an nei tih tun hnu hian ka hre chiah




Kei erawh chuan cultural club a lo join tih ka hriat khan a number kha ka lo la hmak a, ka number a nei ve lo nge ni a status up ka hmu ngai hauh lo
Mahse tukin zing khan ka hmu a

Amaherawhchu kan college ah hian star a nei a nih ka ring a status atang kha chuan, chuchuan min tih hnual phah ringawt lehnghal a




Whatsapp ah chuan va biak ka chak a, mahse va sawi mai tur ka hre silo, SU ve meuh in a thil ho tak a va biak kha chu min lo ngaih dan tur ka hre bawk silo



A DP te chu ka en ka en ringawt mai a ni
A hmel hi a nu a, a cute ka ti bawk
Mahse a chezia en hi chuan a nu vak hmel loh chu a ni,,, a harh hmel bawk


Show post links
Top

[Ngaia]

KA ARSITEA

CHAPTER - 6


BY Tluangi Sagy Pachuau





MIMII POV*


College bân a lam kan zir leh chuan midang ho nen chuan kan awm khawm a, kan rawl/sil thu kan in sawi siak hi a ni ber




Lehlam ah chuan club ka join hi nuam ka tih chhan chu hmelhriat kan nghah phah a, tian semester dang ho nen te kan in hriat phah a nuam ka ti





Lam zir 3:30pm a ni a, tunah lah 2:30pm chauh a la ni si a, lo thut ngawt ngawt kha kan mizia nen hian a in mil ve thlawt silo, tih tur kan zawng ruai a
Muana cultural club ami ve tho lam na a ka parter ni bawk chuan "sawta saw kawlthei/kawiam (thenkhat in kawlthei tilo in kawiam an ti thin a)
kung a awm"




A tih chuan a sawina lam chu kan hawi thup a, "ehe a rah pawh a awm" Tiin ka tlan phei nghal vat, Muana, Julie leh Mawimawii te chuan ka hnungah min lo um zui ve nghal vat




A kung a lian reuh si a, a rah pawh ban phak mai ah lawh tur a awmlo "ka lawn dawn" Tih leh a kung a pakai chu ka rual nghal a "lian ve uaih tawh si, i pheikhawk leh kawr te kha i ui lo ami?" Muanan a rawn tih chuan ngai pawimawh lo deuh in ka lu ka lo thing mat mat




"Khawi nang aiin ka te zawk ka lo lawn zawk ang" Mawimawii chuan a rawn ti a




"Ni e, feet 5 boruak hip phalo hi lawn tir zawk rawh" Muana chuan a lo ti ve leh hmanhmawh "feet 5 boruak ka hip pha reng" Pakhati chuan a lo ti bak ve hlar a an inhnial chu a ni leh nghal der




Keiin an inhnial lai chuh in kawlthei/kawiam kungah chuan ka lawn ta daih a a rah ka hmuh hmasak ber chu lo in Julie ka pass thla nghal hmiah bawk, a ni lah chuan a lo kaih nghal ringawt a




"Ka lawn dawn tho tho" Tih pah in Mawimawii chu a rawn lawn ve ta mai,,, ka ban phak chin chin chu ka lo a,
"Ka lo zuk chhuk ang" Tiin a hnung zawng chuan ka chhuk thla taih taih




"Lawn tir rawh ka tih che kha" Tih leh ka hnung a pawh a rual a, mawng sawh dawm in lei ah chuan ka thu thla hnawk, ka ngum ka sawh a ka la nui vak vak zui




"Ngum sawh a nui vak vak chu an thi daih duh" Julie in a rawn tih chuan ka tum nghal hmuk, thih ka la in peih reng reng lo "Muana ka rawn chhuk dawn reng a eng nge min pawh vak" Ka mawng tuai vut vut chung chuan ka ti a, min nuih tlawn heu ringawt




"Awii lei mi ti sual zia khu" Thingkung a lawn Mawimawii chuan kawlthei thial tuam tuam pah chuan a rawn ti a, "rawn chhuk mai mai teh" Muana chuan a lo ti, Mawimawiin a lo melh leh nghal rawm rawm
Heiham an van in ngeih lo ber mai tak




A duhtawk a lo ta maw tih ah chuan a rawn chhuk ve a, tlem a a hniam deuh lai chin atang chuan ka zuang thla ee a rawn ti ve a, a ke chhep sual in a rawn tla ri thum awk, rang em em hian Muana chuan a kaitho nghal a




"A na em?" A tih chuan a lu a thing mat mat ringawt, zep loh chuan a nat ve reng ka ring




"Lo phei tawh ru le" An tih avang chuan kan phei a, kan kawlthei lawh lah chu kan in keng bawr mai sia "eng nge in tih?" U Joseph-an a tih chuan chhan tum in ka kâ ka ang zuau a "tih zawh ka tum lo che u, in thil ken khan eng nge in tih tih a ti chiang" A rawn tih zawm leh a, a van ngeiawm thiam tak




"I duh ve zawk em?" Tih pah in a lam ah chuan ka pen hnai a ka lek kang va min melh run run a, a la dawnlo amaw tiin ka kut chu ka la let zal zal a, a hnu chuan a rawn ban vut a, a kaih thla nghal hmiah




Chutia ka din reng lai chuan a bul a ding ve Jasper chuan ka lu a hnahthel kai chu a rawn la thla a "i mawng chu i sawh na em?" Min rawn ti a nih chu, min lo hmu reng em mawni dawn le,min hmu a nih vaih chuan a van zahthlak dawn tak




Lai tak chung chuan "a, a, aih na lo" Ka lo ti deuh nawk, ka dang te chu an han awk ringawt a hun lo thei lutuk mai




Chutah rawn nui suk in "aw le a that chu" A ti a a nui hmel te chu an nelawm tak zet, ka tui ral dep dep ni mai hian ka hria, theih ni se thlir vawng vawng ka chak, mahse a rem teh teuh bawk silo




"Le zir tan ang u le" An tih tak ah chuan kan in rem tha nghal sap sap a, Muana leh Mawimawii chu eng thil ah nge an lo in hnial leh tak ni, an lo in chhang nasa leh tawh mai, an in melh rum dun thei sia, Muana lah hian hmeichhia a nih hi kan tlawm zawk a nge tih a tum der silo a




An in hriat tirh te ata an inhnial ti ila ka sawi sual lo ang




Muana nen chuan in partner leh in a hnungah chuan ka ding a, step 4 thleng chu kan thiam tawh, mahse hriat chian loh zeuh a awm leh zeuh thin, rin aiin kan thiam chak zek lehnghal a




Kan thiam chian kan lam zawh hnu chuan rei lo te kan chawl a, tui in tur in cooler awmna lam chu kan pan hnek hnek, Muana pawh hi lam kan zir atang hian ka bulah hian a awm deuh chawt a, midang kawm em em pawh a tum chuanglo tian min zui tawp a a ni mai




"Awi keichu ka ril a tam, ka hah tel bawk sia, ka awm vel hi a na vek, ka sawi thiam dan ber chuan ka khingkhangruh hi a na" Ka ti nang nang a, ka sawi lah chu tumah chuan min ngaihsak chuang derr lo




"I ril atam maw?" Ka hnung lam atang chuan an rawn ti a, tunge tih ka hre chiang khawp mai, ka bulah chuan a rawn ding a "i ril chu a tam ami?" A rawn ti nawn leh, ka zam lutuk chu ka tawng chuan ka dang a awk leh mai ang tih hlau in ka lu ka bu nghut




"Ngawi lawk aw" Tiin SU office ah chuan a va lut a, a rawn chhuah leh chuan eng emaw hi a rawn keng va va mai, chutia a lo kal phei lai ka lo en reng lai chuan min lo nuih suk




"Kha heihi ei rawh, i tam zualpui chu a hnem thei ang" Tiin chocolate hi min pe a lak tur a ni nge ni lo pawh ka hrethiam chiah lo, ka hnung a min rawn sik vawt tu an awm chuan min signal na a ni tih ka hrethiam a chocolate chu ka ban a




"Ka lawm e Senior" Ti in ka kal nghal daih, ka zak em a ni, nang ni pawh ni ula in star tak te bulah chuan in lai in in zak ve tho ang




Ka thian te chuan min rawn zui a, "awi i kal daih kha a en zui che a, a lu thing mat mat in a nui zui char char mawle" An tih chuan ka zak lehzual, mawl min ti a ni ngei ngei ang




"Chocolate hi ka ei duh angem?" Ka tih chuan "ei rawh i ril atam kha" Min ti a




"Ei mai mai atan chuan ka phallo deuh a" Ka tih chuan
"I ei phalloh chuan khawi kan lo ei ang" Julie chuan a lo ti a




"Keipawn ka ei phalloh chu in ei atan phei chuan ka phallo lehzual" Ti hmak in ka phone ka dahna lam chu ka pan a
Chocolate chu a thla kan la te te a, hriatreng nan ka ti a ni




Ka lak zawh chuan chocolate chu ka kheh a ka ei ta a, a tui bik riau te hian ka hre tlat pek a, ka thian te pawh chu ka phel ve a




"Kan mit a uihlit angem aww" An tih chuan melh ram ram in "in ngaizawng thil inpek pawh a nih loh kha, a uihlit lullo ang" Ka ti chiam, ngaihdan atthlak deuh deuh hi an nei a, an ni en hi chuan ka fing vak lo pawh hi ka in hrethiam thin




Ka riltam zual pui chu a ti reh deuh tak tak in ka hria, min pe tu in a zir em vang zawk nge ka puar ve hrim hrim ni




Kan lam leh dawn chiah tih ah chuan
"Lawk aw Mimii kha, Jasper a bulah hian lo ding teh" Ujosepha chuan a lo ti a, ka va ding ve nghal mai, a bul ka thlen chuan min lo nuih a, ka nuih ve sen sen




"Chuan Mawimawii kha Muana bulah" A ti a, Jaspera parner chu Mawimawii partner bulah chuan a din tir bawk, "tikhan a fuh in ka hria, in body lan dan pawh a nalh, Jaspera leh Mimii tikhan in sang dun a in inhmeh tawk" A tih chuan ka lo lai ve em em




Muana leh Mawimawii lam ka hawi chuan awmze nei deuh hian min lo melh a, min nuih vur vur bawk, ka laih na leh nuam ka tihna chu a in tiat reng ang




Chutah Julie lam ka va hawi leh chu mit min lo siai zeuh, midang ho chuan an lo hrethiam ang tih hlau in ka hawi kual a, mahse tumah in min lo ngaihsak lo hlauh




"I thiam tawh em?" Jasperan a rawn tih chuan "thiam ve tawh tho e" Ka lo ti a, a nui leh tawh, tinge a nuih reng mai le
A nuih hian hmeltha ka ti a ka luangliam tih a inhria ang mai a ni
Nui reng mai




"Jas bye bye aw, keini chu kan haw tawh dawn a" Hmeichhia a kawm ve thin ten a an rawn tih chuan a bye let ve lauh lauh, a fel hi ka ti ve thlawt a nelawm bawk si, keipawh min be nel zung zung mai a nia




"Tinge an haw bik a?" Ka tih chuan min melh chhuk run chung hian "anni chu cheraw zir an nia" A ti mai a ka lo bu nghauh nghauh
"I hrethiam em?" Min tih leh chuan ka hriatthiam thu in ka lo chhang vat





A ni hi min ngai mawl viau tak tak amawn le




Lam kan zir zawh hnu chuan
"Vawiin bak chu lam kan zir thei tawh dawn rihlo a, a chhan chu karleh hi week (sport) a nih tawh dawn vang a ni, kan la zir reilo nang in kan thiam chak a a lawmawm takzet" Ujosepha chuan a ti a, a tawngtai hnu in kan bang ta a ni









Naktuk zan atang chuan kan sport tir huai huai dawwwnnn a ni,,,, ka theih hauh loh high jump te pawh story ah hi chuan thei ang in ka kn ziak vek ang


Show post links
Top