BOSS NATHANIEL BY Lalnunngheti Tetei (Completed)

[Ngaia]

BOSS NATHANIEL ( CHAPTER-7 )









Tlai lam dar 3 velah eirawng ka bawla U Daniel-a sawidanin nu Zamtei te chu chaweikham lamah an lo haw dawn ani awma kan pahnih eitur chauh chu ka siam, a ni erawh room lamah a awm thung, ka rilru chuan U Nathan-a pawisa ka puk rulh dan tur ngawt ka ngaihtuah, ka hmelhriat tha pawh ni lo hnena pawisa tam tham zet han puk tawp kha ka awm anuam thei ngang lo, mahse ka nu nunna chhan nana ka thil tih a nih avangin keimah leh keimah chu ka in fuih mawlh mawlh, fridge atang sangha lachhuak in ka siamnghal mawlh mawlh, U Daniel-a pawh inchung lam atang a lo chhuk ve chiah bawk.

















" Khawi tluangtluang kha chu keiman ka lo siam ang, " tipaha ka thilsiam lai arawn ban chuan ka hnial vat, " keiman ka lo siam ang va awm mai mai zawk rawh, " pangngai tak chuan ka ti tha ve maia, " siam duh dan bik te ka neia keiman ka lo ti ang aharsa chuang hleinem thildang lo tirawh, " a tih leh takah chuan hnial lovin ka thilsiam chu ka daha arawn chhunzawm nghal, keiin bawkbawn leh chingit ka bai a, a ni'n sangha asiam thung, " tluangtluang zirna hi chhunzawm leh i chak em, "? arawn tih dut chuan alam chu ka hawivat, a ni erawh chuan min en lo in a thilsiam lai chu asiam chhunzawm mial mial thung.












" Ahh...duh tih thu ah chuan ka duh a mahse kan din hmunin a zir lo em a zir zawm loh hi atha zawk, " ka ti ve maia a ni pawh chuan min zawh chhunzawm tawh bik lo, diktak chuan zirna chhunzawm te chu ka duh lutuk, a theih chen chen zira hna tha tak neih chu ka chak thin tak zet mahse kan din hmunin a zir miau lo a, " lehlam ah khan heihi ka lo kâng ang tel kha lo chhuang la, " arawn tih chuan bu nghatin ka bai chhuan loh na lamah chuan tel chu ka chhuang nghal, " I U Nathan hi ala nelawm loh viau em, " ? Ka bula rawn din pah chuan a ti leh sup, chhan mai dan tur pawh ka hre lo,












" a pangngai, " tih zawngin ka chhang, chuti baka chhan dan tur tha ka hre lo, " a nihi chu a mizia hi amak ve deuha atawngkam pawh anelawm vak thin loh,mahse misual chu a ni lo ania a hun tawnin a zir lo em a chuvang a nih hi, " a ti deuh luama keipawh chu ka bu liam ve nghat, keiin ka bai chhuan ka chawh mawlh mawlh laiin a ni'n sangha a kanga a rimtui phian lehnghal, eirawng bawlte a thiam loh ka lo ring ve ringawta ka tisual chiang hle, amah vekin thildang pawh asiama a eitur siam reng reng chu a tui hmel em em vek, a sangha kan te chu thlengah a rem thlapa a tui hmel hliah hliah.














Eirawng kan bawl zawh chuan chawei ala hun lo bawk nen tv enin sitting room-ah kan thu a zan lam inkhawm chu duh viau mah ila nu Zamtei te an lo thleng dawn bawk nen ka in tum lo law law, " Nathan hi chawei kan sawm mai dawn a mi ? ala dam tha lo bawk nen eirawng pawh a in bawl thei lo ang, " U Daniela'n arawn tih chuan U Nathan-a zanriah tur ka siamsak lo tih ka hre chhuak hnu hnawh, U Daniel chuan phone chu la in a bengah a dah nghal, U Nathan-a a call ni ngei tur a ni.












" Aw bro chaw rawn ei phei la, " u Daniela'n a tih chuan lehlam a mi chuan eng eng emaw hi a lo sawia a thusawi erawh ka hrechiang thei lo, " nia ka nu te zan lamah daih an lo thleng dawn sia helamah ka bawl tir mai rawn sawm che kan tum hrim hrim a, " U Daniel-a bawkin a tih chuan ka chung chang an sawi niin ka hria, " aw lo phei rawh, " ti leh call chu titawp a rual nghal, " Nathan-a chu eirawng ibawlsak si lo a khati khan dawt ka hrilh mai, " nui huk paha U Daniela'n a tih chuan ka nui tawi tak, " vawin chu ka che buai lutuka ka lo theihnghilh daih alawm mawle, " in thiam lo ru tak chuan ka ti sep.













" A ho lutuk eng ngahmah ngaisuh Nathan pawh arawn ei phei dawn kha, a tha zawk daih alawm itan pawh sawlam leh helam kar tawn chhen kha chu itan pawh a buaithlak, " a ti dam dapa kei pawh ka bu ve nghat, rei lo ah U Nathan pawh chu arawn thlenga ka bulah a lo thu thla nghal zat, a pawisa ka puk lai te kha hrechhuak in ka inthlahrung leh hnu hnawh, " eng nge i an tawha, "? U Daniel chuan U Nathana rawh melh zawk pah chuan arawn ti sup, " ka zia tawh lutuk zanin atang ka lengchhuak nghal thei, " thawveng zeta arawn chhan chuan ka nersak, a dam loh pawn a chhuak du du tho sia chutianga atawng vel chu khum beta na rawn dam leh pawh a ang ka ti hial.











" Nizan lam pawh i lenchhuah tho chu, " U Daniela' n arawn tih leh chuan a nui deuh sak, ngawireng chuan tv kan en thap hlawma ka mit sir erawh in U Nathan chu ka melh zeuh zeuh a pawisa rulh dan tur mawlh chuan min tibuai, Dar 5:30 bawr velah chaw kan ei a U Daniel-a chawhmeh siam chu ka rin ang ngeiin a tui khawp mai, chaw pawh ka ei ve teuh. Chaweina vel chu tifai vekin thleng te ka sil leha U Daniel leh UNathan erawh sitting room lamah thu in eng eng emaw an sawi thung.














Ka thlengsil zo chu an bulah chuan ka va thuphei ve a U Nathana'n min lo melh leh vung vung thin avang chuan ka awm anuam thei meuh lo, " Duatin min lo call a ka va be lawk ang, " tih leh U Daniel-a chu room lamah chhoh arual nghal U Nathana nen chauha kan awm takah chuan ka zam thar leh riau tawh, " i in tiamna kha theihnghilh suh, " ka bengbula rawn ti sar sar tu avang chuan ka za chuai chuai mai, ka bula arawn thutlai reng ka hre lo, " ka theihnghilh lo ang mahse engtianga rul tur che in nge min duh, " ? alam pawh hawi chuang lo chuan ka ti sep,



















" kha chu lo buai suh ka tih kha a hunah chuan i hre mai ang, thil awlsam tak erawh a ni lo ang, " arawn tih leh chuan ka thaw hak eng thil chiah nge min tihtir atum ang tih chu rin ngaihna pawh ka hre lo, " a tha e, ka intiam tawhna chu ka ti hlawhtling ngei ang eng thil pawh ni se, " ka ti ban charh chu ka beng bulah a rawn nui huk, ka rap lutuk chu ka hmul thi te an ding sung sung thei hial in ka hria, U Daniel-a rawn chhukin kan pahnih in hnaih taka kan lo thu min hmuh chuan mak mintih hmel ngang mai, " in be zo tawh maw, " U Nathan chuan a thutna sawn chuang lo chuan U Daniel-a hnenah chuan a ti sup,















U Daniela chuan min melh vung vung pahin a bu nghut, " bro in neih lam te insawi kai tawh em, " U Daniela thut thlak hnu chuan U Nathan bawk chuan a ti leh nghal zat, " khalam kha chu kan hmanhmawh teh chiam lo, " U Daniel erawhin a ti awlsam et thung, " biakin hawng ngeia neih ila duh ve te anih chuan a rai hma ngeiin in nei ru, in neih lam ai naute siam lamah in hmanhmawh tlat hei chu a dik lo, " a tih leh zat zat chuan ka ngei ru phian chutiang thleng thleng sawi a tulin ka hre lo, " kha chu ka care hran lo, CD a awm chhung chu a rai lo turah ngai ang, " U Daniel pawh chuan awlsam fe hian arawn ti let ve khauh, an pahnih chuan an nui dun kur kur lehnghala an thusawi chu ka ngaihthlak peih zawng a ni hauh lo mai.














" Keipawh nupui ka nei har tawhin ka ring lo, " U Nathan-a thusawi chu mak tih hmel fe in U Daniel-a nen kan en, " Huh..bro chu zawng i kâ atanga thuchhuak tur atan chuan ava in hmeh lo si em, Clara lo hmeichhe dang i seng lut leh der tawh maw, "? U Daniela'n a tih chuan U Nathan chu a nui nghawr dat, " yeap.. keima sengluh pawh a ni chiah lo amah arawnin pe lut zawk mawle kanin neih hun chu anuam viau ang, " min melh kar chunga a tih chuan ka chil ka lem khawlh, a nupui neih hunah ka ba rulh nan a ni hian min chhawr a tum a ni thei mai angem ? ka rilru chuan ka ti mawlh mawlh a nih ngei pawh ka ring, ka ba rulh nan chuan a nupui fanau thlengin kei hian ka enkawl sak vek an ngai ngei ang.


















" Yeah bro hman hmawh lutuk teh suh, nupui neih hnu chuan lawithat zan bak hi anuam tak tak thei lo, " fiamthu ti tak zetin U Daniel chuan arawn ti leh, an thil thlir duh dan hi amak riau mai. " Midang tan chuan a nimahna ka tan erawh ani ve hauh lo ang zantin lawithat zan a nuam khawp ang, " U Nathan-a thusawi avang chuan ka ner nghal nang U Daniel erawh a nui huk thung, " i peih ngawt ange maw, nang hian hmeichhe pakhat chauh chu i kham khawp dawn lo tih ka chiang, " U Daniel bawk in arawn ti leh, an pahnih thusawi tui tang lo zet ngaithla chuan ka thu ngawi kar renga ka ning lek lek,



















room lama han chhoh san ngawt lah a nuam bik chiah si lo, Dar 9 bawr velah nu Zamtei leh David pawh an rawn thlenga an chauh hmel ngang mai, " tluangman min lo ngai em, "? tipah chuan David chuan ka samah lo chul arual nghal ' tluangmam' te chu min ti leh tanghal a, " ngai mai mai lo, nutei hi ka ngai fe zawk nangai chuan, " ka ti let ve hlak chu a hmui min tih pawrh khum tarh, nu Zamtei chu a chau ngang ni tur a ni tawng pawh atawng tha peih meuh lo an lo thlen atanga rei lo ah muturin a lu nghal, " nizan lam kan tlaivar ve sia keipawh ka chau, " tih leh David pawh chu inchung lamah chhoh arual nghal.















Kan pathum bawk chuan kan awm leh tawh, keipawh mut ve nghal mai tumin ka tho hluaia chu veleh U Nathan pawh arawn tho ve nghal, " Bro ka phei dawn, " a tih sup chuan U Daniel pawh chu a bu nghut, " min lo thlah la, " min lo melh paha atih chuan ka melh nghal haw, U Daniel-a lam ka va hawi chuan a ni pawh chuan min lo melh ve kur bawk, hnial chi a ni bawk si lo nen ngawireng chuan kawngka lamah chuan kanin zui phei, pawn kan chhuah hnu chuan ding datin ka lam arawn hawia keipawn ka lo melh ve kar, " lut tawh rawh, " arawn tih deuh hmuk chuan mak ti deuhin ka en, thudang asawi ka lo ring ve ringawt chu mawl ka in tiviau a ni lak atang hian eng nge maw ka lo beisei ve ringawt ni.













Chhang tawh lem lo chuan inchhung lamah chuan ka luta inchung lama chhoh mai ka tum chu U Daniela'n min rawn koh leh avang chuan ding datin alam chu ka hawiphei nghal, " Nathan hian a nel tawh viau che chuan ka hria, " arawn ti deuh tawpa chhan dan tur pawh ka hre lo ka nui tawi tak ringawt, " tluangtluang ka unaupa ang chu ni mahse hnaih vak lo la ka duh, in innel theih chuan alawm awm viaua mahse fimkhur rawh, " a tih leh chuan a thusawi chu ka hrethiam teh nuai lo in ngaina tura min duh si eng vanga ka hnaih duh leh si lo nge a nih ang, ? " aw le, " ti sep in in chunglam ah chuan ka chho nghal, khumah chuan mu in ka thaw hak.














U Nathan-a awmdan leh che zia mak ka tih em avang chuan ka ngaihtuah chhunzawm char char, a chang hi chuan a nelawm ve dawn dawn thin mahse, mahse hi a awm ziah a mizia inthlak thut thut thin ber hian minti buai, eng chiah nge a thil tum tih leh ka lakah hian eng nge a duh tih hi ka rilru a zawhna lian ber a ni, " nupui chu nei tak tak ta se kei hi a nupui leh a inchhung enkawl chhun zawm zel tura min chhawr a tum em ni, "? keimah leh keimah chu ka in zawt chutiang chu lo ni ta se a buaithlak lutuk lo turah ka ngai, mahse chutiang ni lo thildang daih chu min tih tir atum tlata hriatna ka nei, ngaihtuahna a kal thui duh ngei mai, kamit chu chhingin ka thaw hak.







Zing dar 5 ah tho in inhnuai ah ka chhuka a lo la reh thiap mai, choka ah chuan lut tlangin tih tur awm ang ang chu ka ti zung zunga ka lu lah chu ana bur mai, nizan ka menrei deuh vangah ngaiin ka thil tih lai chu ka tih chhunzawm mial mial, eirawng bawl pah chuan inchhung hnawk te chu ka thianfai paha chhuat pawh ka nawt thlap, dar 7:30 bawr velah nutei te an lo tho a tukin chu nizan hmasa lam an tlaivar vang a ni ngei ang tukdang ai an tho tlai, " tluangtluangte eirawng i bawl zo leh diam tawh elaw, " nu Zamtei chuan gas-a ka thil chhuan vel en pah chuan arawn ti sap, " aw bawl zo der tawh U Daniel-a kha hnathawka chhuah hmat a duh leh dawn sia chawei lo a kal tir chu ka ti deuh, " ka ti let ve vat,












" nanghi chu khawiah pawh mo la i ngaihtuah awm loh, " min fiam paha arawn tih chuan ka lo lai leh der tawh, " eng in lo sawi, " ? U Daniel-a chuan rawn luh pahin arawn ti sup a hnungah U Nathana'n arawn zui ve bawk, zing exer an la leh a ni ngei ang an thlan hluam mai, " tluangtei hi mawle a fel sia tih tur lah hi sawi ngai miah lo in a hria a, pasal nei pawh nise a ni hi chu a ngaihtuah awm loh tupawn mo atan an duh ang ka lo ti mawle, " nu Zamtei chuan a lo tinghal zat, " tluangtluang ka nu hian mo atan a awt deuh tlat che tihian min awmpui hlen mai rawh, " U Daniel pawh chuan fiamthu ti tak zet hian a lo ti ve nghal.













" Tluangtei chu a fel em alawm, fapa dang la nei ila chumi tan chuan ka hauh bur ang maw le, " nu Zamtei bawkin a ti leh siam siam, " fapa dang neih belh ngai lo in fapa pahnih min neihsa reng hi, " U Daniel-a thusawi avang chuan ka nui hak, " nangni hi chu in â em mai a duh lo ang che u, " nu Zamtei thusawi avang chuan U Daniel nen chuan kan nui hak hak, U Nathan-a hmel ka hmu chiah erawh ka nui tawp hmak thung, tihsual ka nei emaw tih tur hian min melh rum, " keiman ka nei mai dawn a mi, "? U Daniel chuan arawn ti leh, " nangte chu Amelia-i i nei reng alawm, " nu Zamtei chuan U Daniel chu arawn fiam zuk U Daniel chu angawi hmak thung.
















" Laltluangmami chu ka nei duh bik lo, " tho phang âw lawi zet hian David chuan arawn ti lut, kan thusawi arawn hre ve leh hman a ni ngei ang, " nangpawh kha tuman an neih duh lo ang che, " nu Zamtei chuan arawn ti hlak ka nui nghal hak, " i fapa hi ka luck zia i hre lo mai mai a nih kha monu tur iduh te chuan sawila i hmaah hian hmeichhia ka lo tlar duah mai ang, i duh duh i thlang dawn nia, " thawveng zet hian David chuan arawn ti leh zat zat, " ngawi mai maila a nih chu nuthlawi bak nanghian i hmu zo lo ang, " a U in arawn tih chuan a nernang mai, reife kan ti ti hnu chuan chawei a hun der U Nathan chu insiam turin a room lamah a chho a U Nathan pawh a in lamah a phei tawh.













Zing lamah hi chuan amahin eirawng a in bawl mai thina tlai lamah erawh keiman ka bawlsak thung, chawei lai chuan U Daniel leh David chu anin fiam leh zuk zuk thin, nu Zamtei nen chuan kanin nuih kanin nuih mai anin khing tawk bawksia anin hnial vel chu an hmuhnawm viau, dar 9 velah U Nathana in tifai turin ka pheia amah maia awm a ni bawka tih tur em em pawh a awm ngai mang lo, inchung lamah chho in a bedsheet te chu ka thlak sak veka a thawmhnaw suk tur te khawmin inhnuai lamah ka pawm thla a, mavhine ah ka nuai tir chhungin chhuat ka nawta ka zawh chuan darthlalang vel ka hrufai leh.















Ka thawmhnaw suk ho pho tur chuan inchung lamah bawk ka chho leha kazawh chuan a room- ah lutin a lehkha bu vel te chu ka remfel sak leh thlap, tlailam dar 2 vel atang eirawng ka bawl tana chumi pah chuan ka pa phone bawk, ka nu pawh chu an zai tawh thu leh a that viau tawh thu a sawia ka thaw huai thei, ka haw theih hun tur min zawh chuan ka hriat loh thu in ka chhanga min ngaihtuah thu te arawn sawi luam bawk, kanin biakna kan tihtawp hnu chuan ka bawngsa kan chu suana tih tur em em a awm tawh lo bawk nen sitting room lamah pheiin thu pah chuan phone chu ka khawih mial mial.











U Nathana arawn haw chuan khua a thim der tawh, inchung lamah chuan a chho tlang nghala keipawh choka lamah pheiin chawei ka siam nghal vat, chawei ka siam zawh hnu rei vak lo ah chuan arawn chhuka choka lamah chuan rawn lut tlangin dawhkan chu a kil nghal vat, " tun atang chuan tlai lamah ka bulah zanriah i eu ziah tawh ang, " arawn tih chuan choka atanga chhuah ka tum chu ka ding dat, " i hria em ? rawn thu la chaw rawn ei rawh, " a tih deuh hmuk chuan ka duh loh thu in ka chhang vat, mahse keia duh dan te chu ngaipawimawh lo tak a ni, rawn ding chhuak vutin ka banah chuan a chelha a bula chair ah chuan min thut thlak tir nghal, a chetdanin min thawn em avang chuan chet mai nachang pawh ka hre lo.












Ka thleng tur ka hmaah chuan rawn dahin amah bawk chuan chaw chu min khawrh sak lehnghal zat, " ka ril pawh atam hleinem, " ka ti zawi sep a bula chawei hi ka phur loh vang a ni pakhat, " engthil pawh ka sawi apiang i zawm tur thu i sawi kha, " a ti leh deuh hmuk, a tawngkam reng reng hi a nelawm loh vel vek min en run run takah chuan chaw chu ka bar ve ta ringawt, inthlahrung deuha chawei chu ka ei puar pawn ka hre lo eina vel chu ka sengfel mawlh mawlha U Nathan erawh sitting room lamah phone khawihpahin a thu thung, thleng ka sil zawh chuan alamah ka phei vat a a hmaah tak chuan dingin ka melhchhuk ran.












A ni erawh ka awm ve tih hre lo ang hmak in a awm thung, " U Nathan ka haw dawn, " ka ti sep, " boss, " arawn tih chuan a thusawi awmzia ka hre lo leh pek hle, " ka haw dawn, " ka tinawn leh ringawt chutah pawh chuan min lo la en chuang lo, " bosd tiin min ko rawh, i boss ka nih hi i hnathawhna hmun hi ka in ania chuan i boss ka nih tihna a nih chu, " min lo melh chho run paha a tih chuan ka nersak chutianga in koh kher chu tul ka van ti lo tak, " a nih ka haw dawn, " ka tih leh chuan min melh run in a la awm min chhang chu a tum loh hmel khawp mai ka ning tawh tak zet, " boss ka haw dawn a nia, " ka ning lutuk chuan ka ti sap a nih pawh chu a khi ve ta suk, " khati mai tur kha lawm, mahse ila haw thei lo thingpui min lo pe rawh, " a tih chuan ka thaw hak.












" Aw le boss, " ti sepin choka lamah ka phei nghal phun nuah nuah chungin a thingpui in tur chu ka siama pe tura ka chhuah chuan a lo awm tawh lo, inchung lamah a chho a nih ringin keipawh chu ka chho ve nghal a room bulah chuan dingin kawngkhar chu ka kik karh karha lut tura min tih chuan ka lut nghal zat, " kha i thingpui chu, " tipah chuan dawhkan te ah chuan ka thingpui ken chu ka daha chhuah leh mai ka tum chu min dang leh tlat, " tih tur ka neih tawh loh hi, " ka ning lutuk chuan ka tichhuak hlak, " i boss ka nia i haw hun tur chu keiman ka sawi ang, vawin ka office kal chu nidang ang lo takin ka chau riau ka ke hi lo hmet teh, " a tih chuan a thusawi chu ka hresual emaw ka ti hial, khumah chuan mu in a ke chu a thluang zuar a mintih tir tak tak a tum tihna a ni ngei ang.
















" Mahse i ke hmeh te chu ka hnaah hian a tel in ka hre hauh lo, " ka ti leh sap, " tun atang a tel chuan ka thusawi hnial tawh suh hei pawhhi i ba rulhna vek a nih hi, " a tih chuan thaw hak in a bulah chuan ka thu thla nghal, mintih tir duh tak tak pawh ka rin loh nen a ke chu zawimuangin ka hmeta a ni lah chu phone en chungin a thu mu a ka ngei tak zet, a phone ken lai saw puak thut se ka ti tak zet, rei fe a ke ka hmeh hnu chuan ka kut a kham tawh tak zet, " tho teh, " arawn tih thum dut chuan ka tho kang nghal vat, " lo kal hnai teh, " a tih leh chuan ka pan leh vat, a bul ka thlen chuan ka kutah lo manin min pawt nghal hrawk, a takah chuan ka beinghal thlawp, thawh tuma ka che hrut chu min chet khalhin akhumah chuan min bawh nghal run.










" Tho teh, " amah pawh melh tha ngam lo chuan ka ti sep, " min en teh, " a tih chuan zawimuangin a mittah chuan ka en a a ni pawn min lo melh ve reng avang chuan kan mit ain tawng chat, " sum i mamawh apiangin min dil zel thei ang, " ngeiawm taka nui chung chuan arawn ti sup a nih chu, reuh tak hian eng ngaih ah nge maw min ngaihni ala atang ka sum lak kha nawmchennana hmang ang ah min la ngai cheu tih na ania, ka haw lutuk chuan ka nam vaka a che eih lo thung, " ka mamawh tawk chu ka la tawh kha bak kha chu ka duh belh tawh lo, " ka ti kha deuh fak.

















" I chiang amaw, " mit ko min san khum ak paha a tih chuan ka huat a zual, " chiang lutuk tlat ka duh ang zat sum chu min pe tawh miau alawm kha bak kha chu ka beisei tawh lo chuan ka duh lo bawk, " ka tih chuan a nui nghawr dat, " thingtlang atanga rawn kal chuan khatiang zat sum kha chu hmuh pawh in la hmu tawp nang, " a tih nawn leh chuan a hma aia na deuh chuan ka nama a ni pawh chu a lo awmsawn ve mai bawk, a hmaah tak chuan ka dinga a mittah ka melh kar bawk, " khatianga min tawngkhum fo kha duh tawh rawh i sum chu ka puk ngei alawm mahse ka rul leh ang che, nang pawhhi i bialnu nen khan in in ang chiah chiah thingtlang mi ka nih avang hian min hmusit viau tiraw ? keini thingtlang ho thlai thar hi alawm puar taka in ei thin chu,












mite hi hmusit ngawt suh an thil pal tlang eng mah i hriatpui lo nang chu i tette atang i duh duh nei thei in i awma keini thingtlang mi chu kan ni ve lo, kan nu leh pa te'n a sur asa hnuaiah theih tawpin hna an thawka an chawm kan nih hi, nanga hmuhsit mai mai tura min chawm seilen ka ni lo, " ka ti deuh duah ka mittah tak chuan thinrim in sehchilh nawk pah chuan min en, tunah hian thinrim hle lo ila chu min en dan hi ka hlau leh tawh viau ang, tunah erawh hlauh tinah pawh ka tin lo ka haw ngawih ngawih chu chu a nimai, " inihna chu nangpawn i chiang hle mai, " arawn ti duh lek a nih chu, " ni e, nangni ang hi chuan engtik ah mah kan harsatna te hi in hrethiam ve lo ang, " beidawng âw lek lek chuan ka ti leh.








" A dik alawm thingtlang ho hi chu keini ang hi chuan kan hrethiam ve dawn lo cheu a nih hi, " a tih leh chuan chhang tawh lo in ka kal pel hmak, kawngkhar hawn tuma ka kut ka phar chhuak chiah chu ka kuttah a lo man chatin min pawr her lawp, " ka thu lo in i haw thei lo ka ti che a ni lawmni, " arawn ti bul leh hmuk tawh, " i duh chu sawila ka tih sak ang che, chuan khawngaihin min haw tir rawh nang ang mi chapo lutuk leh mite hriatthiamna pakhat mah nei lo bulah hian ka awm reng peih lo a nia, " ka ti kha fak a ni a lo nui huk thung, " ka duh chu, " tipaha min lo awm hnaih chuan ka tawlh hnung dawr, " e..eng..engnge i hriata awmsawn rawh, " min awm hnaih zel avang chuan ka ti bah niai.











" Min tawk hlek suh, " ka taia min kuah chuan ka ti vin that, " theihnghilh suh i chungah hian kei hian ka duh duh ka ti thei hei pawh hi i ba rulhna tho a nih hi, " tipah chuan a lo kun hniama min fawh a tum tih ka hriat avangin ka thlesawn vat, " hetiang zawng hi chuan ti lo hram rawh khawngaihin min...min thlahrawh, " ka tap deuh ti tih tawh, " i ba rulh i duh a nih chuan ka sawi ang ang in awm mai rawh, hei lo pawh hi i chungah hian ka ti thei, " ka bengbulah chuan arawn ti khur khur rapthlak ka ti tak zet.











Ngawirengin ka ding tawp tawh, keihian thu ka tiam tawha ka ba rulhna tur chuan engpawh ka tih angai dawn tih ka hria, hetiang zawnga ka ba hi rulh angaih ka lo ring pha hauh lo kha a nia tunah erawh ka thil duh lo ber mai chu ka chungah a thleng ta, " i duh ang chuan che ta che mahse hei hi hre rawh zanin hian ka chungah eng thil emaw a thleng a nih chuan i ba chu ka rul zo tawh angah ka in ngai ang, " ka ti ve ta hmak, ni e ka ba rulh nan chuan ka taksa hi ka hlan mai ang ka dam chhunga a duh duha a khawih nih ai chuan.











" Ni mai lo e hei lo hi thildang i ba min rulh theih dan tur ka hria, " ti pah chuan a inla hrang vut min melh kar bawk, " sawi rawh i lak atanga ka za len theihna kawng a nih phawt chuan sawita che " ka tih vin that chuan a kiai suk duh lek, " ka lak atanga i zalen theihna tur thil ka tih iring amaw ? huh...teuh lo lutuk nanghi ka nupui ini anga tichuan kum 5 hnu ah kanin then ang, chu chu i ba i rulh theih dan tur a ni, " a thusawi avang chuan ka meng bial kawk, " chu thil chu a fair lo deuhin i hre ve lo maw, "? Ka tih hap, " hre hauh lo, " ani'n arawn ti hmuk thung, " kum 5 lai i bula awm turin min duh a maw ? chu kher chu i pawisa ka bat nen tehkhin chuan a tam lu lai lutuk, "












Ka thusawi chu ngai pawimawh lo zetin min melh, " chuti ka remruata chu tha i ti vak na nge, " a tih chuan ka melh ngawt ngawt tha ka tih a ring reng reng emaw ni, " a nih a hnu i pawisa puk kha tunah hian min pe ta che a vaiin, " tipaha a kut arawn lek chhuah chuan sawi tur reng reng ka hre ve tawh lo, ka nu nunna chhan nana ka thil tih ah hi a dik lo ta tihna em ni ? kei hi vanduai tur bik a piang ka ni maiin ka in hria, " a tha e, i nupui chu ka ni ngei ang, mahse hei hi chu min pawmsak la ka duh,
i nupui ka nih chhunga i pawisa ka bat kha kum 5 atlin hmaa ka rul thei che a nih chuan min chhuah za len ang, chu chu mintiam ve rawh, " ka tih chuan awlsam fe hian a lo bu nghat, ka rulh theih loh a ring te pawh a ni ngei ang mahse ka thei tur a ni, a ni bulah hian kum 5 chhung ka awm duh lo a nih chuan ka thei ngei tur a ni.













" Kan sawifel tawh tihna a ni em, " a rawn tih leh chuan ka chhang lo, " kan sawifel thei ah ngai ang in khaw lamah palai ka tir vat dawn nia ka vawikhat nupui neihna tur a ni bawka miten an tih thin dan ang chu tih ve vek ka duh, " a tih lehchuan chhang lo in ka chhuahsan hmak, pawn ka thlen hnu chuan ka tah chhuah loh nan ka hmui ka pet ngat ngat, ka chunga thil thleng ah hian lungawi chu avan har si em, mahse ka nu nunna tal ka chhan thei a chu chu a tha ber tho, keimah leh keimah chu ka infuih pah mawlh mawlh, " Lalpa min hmu em ?nang chuan kan tawrh zawh loh natna min pe ngai dawn lo a ni tiraw ? tuna ka chunga thil thleng mek pawhhi nangma remruat tih ka hria e pawmthiam thei turin chakna min pe ang che, " van lam melh pah chuan ka ti sep.













( SORRY...TI NGHAL THAWR ANG KA MITIN A TLIN LEH NGANG TAWH LO, TUNLAI PHEI CHU KA MIT A CHAK LO ZUALA A BUAITHLAK LUTUK HEMI CHINAH HIAN DUHTAWK LEH PHAWT ANG AW )



A CHANGTUNU HI IN KHAWNGAIH EM ?


Show post links
Top

[Ngaia]

BOSS NATHANIEL ( CHAPTER-8 )




Rei fe pawn lama ka din hnu chuan nu Zamtei te inlam pan chuan ka kal phei chhet chheta inchhung ka luh dawn chuan thawk ka la leh hak, " e tluangtluang i lo haw tawh maw, " inchhung ka luhrual chuan nu Zamtei'n a lo ti nghal, " aw , " tih zawngin ka chhang ka rilru buainuai avang in awm ngaihna tak pawh ka hre lo ka tah a chhuak et et lehnghal, " iva nawmsam loh hmel ve, " a bula ka thut thlak rual chuan a lo ti leh vat, " ka lu ana ve deuh, " dawt chu ka sawi ta ringawt, ka nawmsam thu ka sawichuan a awi dawn miau lo a achhan pawh ka hmelah hian ka chhungril natna alang dawn tih ka hria, dam lo chu ka ang viau ta ve ang.
















" Ava zia lo thin tak i thawk hah lutuk a nih dawn chu damdawi ka lak ang che inchungah han chho rawh, " a lo ti nghal zung zung ka chhan hma hauh chuan a tho chhuak nghala a room lamah a lut zui nghal, keipawh ngawirengin ka dingchhuaka inchung lamah chuan ka chho ve nghal, khumah chuan mu in U Nathan-a thusawi chu ka ngaihtuah ngut ngut, pasal nei mai tura ka indah phei chuan ka thinzawn hi a na thip vawng vawng, hetiang khawpa mihring rapthlak hi engtin nge a lo awm ve theih zawk ?













" Tluangte kha damdawi hi ei rawh, " nu Zamtei chuan ka rooma lo luh pahin arawn ti dam dap, ka bulah chuan lo dingin damdawi chu min lo pe a keipawh chuan hnial lo in ka ban ve vat, damdawi ka ei zawh hnu chuan ka mu tha leha nu Zamtei chuan ka puansin te chu min lo thuahsak thlapin room atang a chhuak nghal, ka chunga thil thlengah hian lawm chu avan har si em, ka nu he khawvela ka nu neihchhun liau liau tana ka thil tih ah hian lawm luih chu tum viau mah ila a harsa a ni, kum naupangtein pasal ka nei mai tur ka ngaihtuah chhuah ngat phei chuan ka tawt lutuk ringawt,
















ka thaw te hi a chham dawn hial emaw tih tur a ni, pasal neihte chu hmeichhia zawng zawngin kan la hmachhawn tur a nih tho rualin duhthusam te kan nei ve a, keipawn ka pasal neih hun tur ka suangtuah fo, a ni chu ka mipa hmangaih ngei a ni anga mihausa a ni emaw mi rethei tak pawh nise min hmangaihtu a nih chuan chu aia hlu chu a awm chuang lo ang, chu ka mipa hmangaih ber nen chuan fate neiin hlim takin kan awm anga, tiin duhthu ka sam ve thin mahse duhthusam chu boruak ah a thamral zo ta, ka pasal tur lah chu hmangaih chu sawi loh hriat pawh ka hrechiang mang si lo, kristian chhungkaw din ka lo suangtuah phei chu hla tak a ni.












Ngaihtuah chhunzawm duh tawh lo in ka bianga mittui luang te chu ka hruhul tawka ka mit ka chhing zui nghal. A tuk zing ka tho chu ka zia viau, amah erawh chu khum atanga ka thawh rual erawhin nizan lama kanin remsiamna chu tul lo zetin ka hrechhuak chawp chilh nghal, ka taksa chu dam mahse ka rilru leh thinlung erawh a na viau thung, bathroom ah lutin zing zingah ka inbuala shower hnuaia ka din lai te chuan ka rilru ah thil dang reng reng a lut thei lo, bathroom atang ka chhuah hnu chuan almera atang ka thawmhnaw hak tur kala chhuaka in thawlh zung zungin inhnuai ah ka chhuk thla nghal.












" E..i lo tho harh peih maw, "? choka-a ka luhrual chuan Nu Zamtei chuan a lo ti vat keipawh ka bu nghal nghat, " vawin chu i U Nathan-a inlamah chuan thawk lo mai rawh amah arawn phei hunah ka lo hrilh ang, " a tih chuan ka lo hnial vat, " ka tha tawh lutuk alawm, " ka tih chuan nu Zamtei chuan chawl turin min tilui tlat, min ngaihtuah vang tih ka hre tho a mahse han chawlh tawp mai kha chu ka duh chiah lo, ka ba ka rulh dan zel a ni bawk nen, " tikhan lo thu mai mai rawh, " a chawhmeh siamlai ka va ban chiah chu arawn ti nghal, " ka tha tawh lutuk alawm khawi keiman ka lo ti ang, " ka tih pawh chuan a lo phal lo bur mai, ka that thu ka sawi ngial hnu pawh chuan engmah ti lo a thu turin minti ve tlat, keipawh chuan hnial tawh lo in a thiltih lai chu ka en reng.












" Tluangtluang i lo tho tawh maw, " rawn titu chu ka melh vat, U Daniel-a chuan minrawn nuihsuka keipawn ka nuih let ve sak, a hnunga lo ding run ka hmuh takah erawh ka nui tawp hmak, " tukin chu i mitmeng a va dul ve i dam tha mang na nge, " ka bula rawn thut thlak pahin U Daniel chuan a ti sup, " nizan lam atang a nuamsam lo deuh a nih kha a zia lo tak tak a ni, " nu Zamtei chuan ka chhan hma chuan min lo sawikhalh vat, " anih chu mawle a va zia lo ve, in enkawl tha hle rawh tunlai phei chu hritlang khawsik hi a hluar teh mai a nia, " U Daniel bawk chuan arawn ti dam dap.













" Nizan kha chuan i tha hle sia, " rawn ti thum dut tu chu melh pawh ka melh peih lo, " i in atanga arawn haw hnu khan mawle a lu anat thu asawia, " nu zamtei bawkin arawn ti leh, tu emaw ka pang a lo deh chuan ka mengphawk hra ka hawichhuak nghal vat bawk, U Nathan nen chuan kan mit a in tawng chat, a chet dan teh thut chuan min ti hamhaih chiang hle, chutiangin kan bula awm nu Zamtei leh U Daniel te pawh chuan mak an ti hle tih an hmelah a lang, a awm ve reng U Nathan nen hian kanin nel vak lo tih an hre ve renga mahse tun ataka hetianga arawn che thut hi chu hriatthiam a har ve deuh ang.












" I khawsik a awm ve deuh a nih hi vawin chu ka in lamah lo phei lo mai rawh, " min ngaihtuah awm fahrana a tawng te chu ka hua, " ka tha, " tih leh a kut chu vai thlaksak ka rual nghal a kut hmawr pawh hian min tawk lo se ka duh, " i tha miah lo, " arawn tih leh chuan ka thaw hak, chhang lo in ka thu ngawireng, " i dam loh chuan ka ngaihtuah zual che a nia, " arawn tih teh tawl avang chuan nu Zamtei leh U Daniela chu ka melh zaw, anni pawh chuan mak an tih hmel viau mai, " ngaihtuah awm ka ni lo, " pangngai tak chuan ka ti chhuak sep, " ka thusawi chu zawm mai rawh Nute vawin chu engmah tih tir lo in tihian lo awm tawp rawh se, " nu Zamtei lam hawi chuan a ti nghal khauh, eng vanga min ngaihtuah ang taka lem chang leh ta nge maw a nih dawn ni.















" Ngaihtuah suh vawin chu engmah a tih ka phal dawn reng reng lo, " nu Zamtei chuan a lo ti ve vat choka atang chuan chhuakin kawngkhar bul deuhah chuan ka ding ngawi vang vang, " ka nupui tur hi i dam loh ka phal lo a nia, " ka bengbula rawn ti tu avang chuan ka ip zawk ka leh hawi nghal vat bawk, " eng thil, " ka ti hman chiah chu kan hnunga U Daniela dingin min en run ka hmuh takah chuan ka ngawi leh dat, " lo in enkawl tha rawh vawin atang kanin neih dan tur vel buaipui angai, tlai lam ah chuan Nutei te pawn an hre tawh ang, " a tih chuan ka chhang buai peih vel lo thil lo thleng tur tho tho a ni tih ka hriaa chuvangin a tih ang anga awm chu a tha mai zawkin ka hria,
















A chhuah tak hnu chuan ka in her vat, U Daniel chu nichina adinna ngaiah reng khan a lo lading chu niin, " U Daniel, " sawitur dang em em pawh hre lo chuan ka ti sep, minchhang lo in inchung lamah a chho tlang daih chu ka thaw hak nichina khatianga min lo hmu kha mak atihviau tih a hmelah a lang, choka lamah chuan phei lehin nu Zamtei thil tih lai chu ka puih leh vat Dar 9 dawn ah chaw kan ei a chawei chhung zawng chu U Daniela chu angawi ngula a hmel lah chu tum dang ang lo takin a rum ul mai lehnghal,















nileng chuan inah engmah ti lo in ka awm deuh tawp, na em em nei tawh lo mah ila nu Zamtei chuan engmah tih aphal miau si lo a inchung leh inhnuai chu ka kar tawn hi ani ringawt, tih tur em em pawh hre lo in ka chhuk chho zing malh malh hle, chutih rual erawhin zing lama U Nathana thusawi kha ka ngaihtuaha a sawidan hmangah kha chuan inneih chu a hmanhmawh hmel viau mai, kachhungte engmah ka la hrilh hre ve der si lo rilru chu anuam duh lo khawp mai, dar 2 bawr velah U Amelia a lo leng lut hlawla sitting roomah in kawmin kan ti ti melh melh, " tunhnai te hi Daniel hian eng nge a tih thin, " arawn tih chuan mak ka ti ang reng viau chu te chu a hrechiang viau turah kalo ngai ringawt a, " ahh...zan lamah hian a nia ka tih, " nuisak pah chuan arawn ti nawn leh.



















" Zan lamah tak hi chuan a leng chhuak zeuh zeuh thin, in inah ngawt a lo kal ka ringa a lo kal ngai lo em ni, " ka tih chuan nuisak in a bu leh nghat, a hmelah chuan eng emaw hi alang chu erawh ka hrethiam chiah lo thung, " tunlai chu kan pahnih inkar hi a hla sawt riauin ka hria " a tih sep chuan amah chu ka en vat a hmelah erawh eng mah a lang lo, mahse a tawngchhuah danah erawh a beidawn hmel tak zet, " chutiangin ngaisuh U Daniel te chuan a duh lutuk che alawm, " amah hnem nan chuan ka han ti ve ringawta a ni pawh a bu ve leh nghat tho.














" Ni e tiraw ? Mahse maw achang hi chuan min kalsan daih a duh hialin ka hre thin, " a tih leh chuan sawi ngaihna vak ka hre tawh lo, " nizan lama in inbiak khan in tha viau turah ka lo ngaia, " ka tih chuan mak a tih hmel viau mai, " nizanah kanin be lo ka awm anuam lo ve deuha zan tirah ka muhil daiha ka harh leh meuh chuan zing a ni der tawh, " a tih chuan ka rilru abuai nuai, nizan lam kha chuan U Amelia-in a call thu sawiin be tur khan inchung lamah a chho kha a nia, tuna U Amelia-i sawidan ah erawh chuan anin be lo a ti leh bawksia,


















" kanik bia angin asawi em ni, " U Amelia chuan ngaihthat hmel zan loh chuan arawb tichhuak tawl, " ahh..ihh sawi lo e nizana lo call tu kha nangmah emaw ka tia, " ka ti bah deuh nawk thu awmzia hrechiang lo a thildang sawipui vak chu a fuh ber dawn lo in ka hria, " a nih chuan ka haw phei tawh phawt ange, " tih leh din arual nghala chutiangin keipawh ka dingchhuak ve nghal, " ala hma alawm leng rih la, " nu Zamtei pawh chuan choka atang arawn ti ve lang lang, U Amelia erawhin tihtur dang a neih thu sawiin min chhuahsan a a haw hnu chuan U Daniela nen anin kar asawi chu ka ngaihtuah chhunzawm char char.















Nizan lamah U Amelia in a rawn be lo a nih si chuan eng vanga U Amelia in rawn phone anga sawi nge a nih ang le, ? ka rilru ah zawhna tam tak arawnin lar zut zut, mahni lo maha buai ve tawh naklaia chutianga midang chanchin lo ngaihven leh zel chu tiin ka lu ka thing vat, ka rilru erawh a nuam thei chuang hauh lo. Dar 6 bawr velah U Daniela office kal pawh arawn haw a a inbual leh te te hnu in chawei kan siam nghala dawhkan chu kan kil nghal thap, " vawin ah Amelia-i arawn lenga in inbiak khat thu asawia, " nu Zamtei atih chuan kan thusawi kha a lo hre pha ni ngei tur a ni, U Daniela ka va melh chuan a nu thusawi chu ngaihtuah loh hmel zetin chaw chu a bar mual mual.















" Tinge in tha vak lo a mi, " nu Zamtei bawkin a ti leh, " tha e tunlai chu ka buai deuha kanin be khat deuh mai mai, " U Daniel chuan a ti sup nu Zamtei pawn a zawhchhun zawm tawh bik lo, keipawn thil zawh chian chak deuh chu ka nei mahse chu erawh zawh chi a niin ka hre si lo, chaweikham lamah chuan chaweina vel chu David nen ka tifel a, nu Zamtei chuan ti lo turin minti ve tak na a, mahse, dam lo em em pawh ka ni tawh lo bawka awl mai chu ka duh tawh bik lo, thleng ka sil zawh hnu rei lo ah U Nathan chu arawn luta a hmel ka hmu chiah chu ka thinphu arang leh tawh hle.















" Zanin chu khawilamah nge len i tum, " nu Zamtei chuan arawn tinghal vat, " in inah mawle, " pakhat lah chuan a lo ti sam et thung, " Clara nen in chhiat hnu khan bialnu dang inei leh tawh lo tihna a mi, "? nu Zamtei'n a tih leh chuan U Nathan chu a nui huk, nu zamtei thusawi ah khan nuihzat na tur a awm ka hre hauh lo, " nei leh tawh e, " a thutdan siamrem pah chuan a ti leh sup, " athat chu tuntum chu hmeichhe tha tak a nih tawh ngei ka beisei, " nu Zamtei pawh chuan a ti leh zat, U Daniela inchung atang arawn chhuk thlak hnu chuan U Nathana bulah a thu nghal vat.













" Zanin chu Amelia te inlamah a mi, "? U Nathana'n a tih sup chuan U Daniel a bu nghut, " nu ka thiante inah ka lengdawn, " rawn titu chu kan en thap, David pawh chuan a bike chahbi inkhai chu la thla in kan lam arawn hawi ve nghal, " David lo thu lawk teh, " Nu Zamtei'n achhan hma hauhin U Nathan chuan arawn ti, kan melh nghal thap David pawh chuan sawibuai lem lo in kan bulah chuan arawn thu ve nghal, " sawiduh ka neia inzavaia in awmlaia sawi hi a tha in ka hria, " tipaha min lo en chuan asawi tur awm ang chu ka hrethiam nghal, ka hlauthawng lutuk chu ka tha te a khur hial.














" Eng chung chang nge ni a, han sawila, " nu Zamtei'n a lo tih dam dap chuan ka rilru in sawilo tur chuan ka lo ti mawlh mawlh thung, " ka nupui neihtur chung changah a nia, " a tih chuan ka thi dang dawn hialin ka hria, " Bro nizana i thusawi kha i ti tak tak em ni, "?, U Daniela'n a tih chuan U Nathan chu a bu nghut, " ava lawmawm ve nupui neihna changte i hre ve tawha, " nu Zamtei chuan hlim hmel tak hian a lo ti thung, " nia, ka nupui tur pawh chu nangni pawn in hriatchian tho a nia, " a tih leh zel chuan ka thaw mang tawh lo in ka hria sawi lo se ka ti tak zet, chutih rualin asawi dawn tih ka hrechiang bawk si.











" Tluangtluangi hi a nia, " a tih takah chuan ka mit ka chhing tawp, " fiamthu lo in sawitha mai mai teh, " nu Zamtei chuan fiamthu emaw tiin alo ti nghal vat, " fiamthu ani lo, ka hmuh hmasak ber atang khan ka duha mahse bialnu neilai kala ni bawk nen ka hnaih duh ta lo a, mahse Clara nen kanin then hnu khan zawimuangin a nihi ka duh tana chutiangin a ni pawn, " a tih chuan phawk fe hian ka melh, chawpleh chilhin dawt asawia a hmelah lah chuan dawtsawi hmel pawh apu thak lo, a awm ngaireng chuan a awm, " ava mak dawn ve mawle unau angin in lo in en reng emaw tih laia, " nu Zamtei chuan a lo ti zawi ruih ka inthiam lo hle bawk, U Nathana hi atan chuan a fapa ahrin te nen an danglam lo tih ka hria, keipawh a farnu anga min en aring ngei bawka mahse chutiang lo zawng chuan thil akal si lo.












" Nute ingaihdan tur chu ka hrethiam alawm mahse nula leh tlangval unau thisen zawm ni lo tih in hre ve reng na na na chu unau angin a lo in enreng theih bik lo a ni, " U Nathan bawk chuan a ti ve leh, a tawngdanah te chuan a ruka lo inngaizawng reng tak tak tepawh kan ang, chutiang erawh a ni lo tih a hrechiang ber ka ni bawk si, nu Zamtei chu a ngawi vung vunga U Daniel-a leh David pawh chuti tho, mak antih kha chu ka ring sa hrim hrim chungpawn hmaichhan ngeia han hmanchhawn takah chuan ka inthiam lo leh zual.












" In ngaihtuah chiang teh u, tluangtluangi hi ka duhpui lo che a ni hauh lo, mahse unau anga in awm zawk hi atha in ka hria, " nu Zamtei chuan apawm thei nganglo tih hriat tak chuan alo ti leh hap, " tunah chuan tih theih dang a awm tawh lo inneih mai loh chu, kan chesual tawh, " kâ ang pamin U Nathan chu ka melh, chutiang zawng khera dawt asawi chu ka ring lo a sin a hmelah lah chuan dawt asawi avanga in thiamlohna ala lang hauh lo zui, " engtin maw nangni hi in...in lo chesual tawh amaw, " nu Zamtei'n a tih chuan ka kâ ka ang zuau hman tawh U Nathan bawk chuan min rawn tawng khalh leh.












" Aw, kanin kar tihtawp chu duh viau mah ila kan thlengthui tawh lutuk chuvangin inneih chu min phalsak rawh, " a ti leh, eng nge sawi ve tur pawh ka hre lo, alaka ka ba rulh nan hetiang khawpa chhia hian min puh chu a ni sia, keimah leh keimah hi ka in khawngaih ngawih ngawih tih theih ka nei ve lo te chuan ka tah a ti chhuak, " Lalrintluang tuna i thusawi kha ichiang em, "? U Daniel chuan arawn ti chang bawl, a hmel ka en chuan a thinrim hle tih ka hrethei mai a mit chu a sen rama chutiangin a hmai vel pawh, a ni pawh hian U Nathana tan chuan min duh vak bik lo a ni ngei ang, " chiange tuna ka thusawi zawng zawngah khan kachiang tawk viau, nute min phalsak lo mahla neih tho chu ka tum naktukah an khawlamah palai pawh ka tir nghal ang, " a ti ve leh hmiah,












" chuti tut tut tur a ni ngai lo ve, helama kan chhungte pawh rawn phawt angai anga, chuan tluangtluangi chhungte biak hmasak phawta thilawmdan leh nihdan te hrilh angai alawm, anni pawh chuan an lo remti kher lo thei a, an remti ta a nih leh palai chu kan tir chauh thei ang, " Nu Zamtei chuan arawn ti dam dap, ani pawh chuan ahnial tawh lem lo a nihhmel, mahse chu chuan minti lawm hauh lo thung, inngaizawng sa lo ni ta ila chuan kan chhungte hnenah inneih dilin min lo phalsak ni zawk ta se anuam ngawt zawk ang.










" Nu inngaihtuah chiang rawh chutiang ringawt engtin nge a nih theih ang, " U Daniel bawkin arawn ti leh, a unaupa athianpa ni bawk tan chuan min iai hle emaw tih tur a ni atawngdan atang chuan, " tih theih a awm tawh lo Tluangtluangi hi lo rai ta se miten pasal nei lo a fa pawm anti mai dawn a sin, chuvangin a rang lama inneih tir hi a tha ber, " nu Zamtei chuan U Daniela melh chung chuan ati leh sap, " Tluangtluangi hi Nathan atan ka duh lo a ni hauh lo, anni hi innei thei annih loh vang zawka sawi ka ni, " U Daniel ve thung chuan arawn ti leh hluk.













U Nathan atan min duh loh vang ni lo se engvanga lo remti lo ve ngawt nge maw a nih dawn ni, " engvangin nge kanin neih theih loh ang, " U Nathan ve thung chuan arawn ti thum dut, " a...achhan, a chhan chu..tluamgtluangi hi, " " atawk engmah sawi angai tawh lo ngawi tawh ru, naktuk ah puitling ho kan lo inrawn khawm anga chuta kan thuthlukna chu thu tawp a ni mai, " nu Zamtei chuan U Daniela thusawi rawn pawtchatin arawn ti hlak, U Daniel chuan thawk a la hrawih, " nu mahse, " U Daniel bawkin ati leh chu nu Zamtei chuan tawngtawh lo turin a ti vat, U Daniel pawh chu tawng lo in a ngawi hmak nu Zamtei chu ama room lamah alut tlang nghala chu chuan ka awm a tinuam lo zual,















ka chungah alungawi loh viau ka ring, " keipawh ka han haw tawh ange, " tih leh U Nathan chuan thawh arual nghal, kawngkhar bul athlen hnu chuan ka melh zawka chutiangin a ni pawn min lo melh ve chiah bawk, chhuak ve tura min lo mitmei avang chuan ka nersak, min nghah reng takah chuan sawitur dang a nei anih ringin phur lo fahran chuan alamah ka pheia pawnah chuan kan pahnih chuan kanin zuichhuak nghal, " engthil nge isawi kha, nang...nang leh kei hi kan chesual tawh angin isawi amaw, "? A hmaa ka din rual chuan ka ti chhuak nghal vat.















" Khatiang khan sawi lo ta ila kanin neih hi an remti kher lo ang, " a tih chuan ka melh ngawt ngawt, " tunah pawh an remti chuang em ni ? chhuanlam dang siamtur atam teh lul nen kha kher, " ka sawi zawng te chuan ka tap dawn lek lek, ka chhungten hre ta se engtiang in nge min ngaih ang tih chu ka ngaihtuah ka thin zawn a tawt leh ut ut tawh, " chhuanlam dang siamtur ka hre lo, chuan an remti ngei bawk ang, " a tih leh zel chuan ka thaw hak, " i rapthlak hle mai, " sawitur dang ka hre thlawt lo he mihring rapthlak lutuk hi ka hua a ni, ka haw ngawih ngawih.












" Huh...teh hre chuan, hei pawhhi i ba rulhna vek tih hre ringawt rawh chuan, min rinhlelh theih dan tur zawngin awm hauh suh, " a tih leh hnu chuan a inlam panin a kal ta nal nal ahnunglam atang chuan in hum ruh tunin ka melh nghek, inchhung lam ka luh hnu chuan David leh U Daniel te chu couch ah an lo la thu dun renga nichina U Nathana thusawi khan athawng ve deuh te pawh aniang, " tluangmam ka rin loh lam daih a ni, " Davida'n a tih chuan ka thaw leh hak, " mahse ka lawmpui lutuk che, " nuisanga arawn tih chuan ka then ve sak, thildang dang asawi hnu ah chuan in atang achhuaka U Nathana'n kanin neih tur thu asawi duh avang khan a chelh khaw tlaia, a lenchhuah hun pawhhi atlai deuh tawh.












" Tluangtluang Nathana thusawi te kha a dik lo tiraw, ? ani nen khan in innel lo tih a hrechiang bertu ka nia nichina Nathana thusawi te kha ka awi ve hauh lo, min hrilh teh engtin nge khatiang thu kha asawi mai theih, " U Daniela'n arawn tih chuan ka melh vat, rinhlelhna mitmenga min melh avang chuan ka ding ngawi reng, a ni hi chuan U Nathan nena kanin kar a hrechiang ve deuh bawka U Nathana thusawi a ring lo pawhhi ka dem hran lo, " U Nathana'n asawi vek tawh kha, kha kha thudik chu a ni, kanin nel lo viauin i ngai pawh a ni thei mahse kha chu nangma ngaihdan mai a ni, "












ka sawi zawngte chuan ka khur der der in ka hria, U Daniela chuan ka thusawi chu awi loh hmel zetin min la en, " ka ngaihdan mai mai maw ? chu zawng ka ring ve lo, " ala rawn ti ve fan, chhang tawh lo chuan inchung lamah ka chho hmak ka roomah chuan lutin kawngkhar chu ka kalh sawk sawka khumah chuan ka mu nghal vat, ka rilru na leh tawt lutuk chuan thawk ka la vak ringawt, ka nu leh pa te min ngaihdan tur mawlh chu a ni ka ngaihtuah, ka pa lah a hmingin kohhran ah nihna te achelh ve a chutiangin ka nu pawh kohhran mi tak a ni bawka, an fanu hetianga ka khawsa ta mai hi an zak viau in ka ring,













thu dik a ni lo tih lah ka hrilh a rem der si lo, achang chuan thil awmzia hi zep lo a hrilh vek ka rilruk deuh rum rum thin, mahse hrilh ta ni ila hetianga ka awm hi an remti hauh lo ang, ka nu enkawl na tur atana ka pawisa puk hi an mahni in rulh an tum ngei anga, chu chu ka duh hauh lo. Vawin chu nu Zamtei leh an chhungte ho inrawn khawmin kan awm zel dan tur vel an rela, a tawpah an thuthlukna min hrilh turin U Nathan nen chuan min ko a vawin chu U Nathan pawh hetiang vel avang hian inah a awm tawp, puitling ho in inneih min phalsak thu an sawi chuan ka bing mup nimai hian ka hria,










ka chhungte ho an rawn anga an remtih chuan palai an tirh nghal tur thu te ansawia kei erawh ka tawng lo thung, hetiang maia pasal ka nei tur hi ka lung adam thei meuh lo, kanin neih huna ka awmdan tur ngaihtuahin tun atang hian ka buai, kum 5 ral hmain ka ba ka rul zo thei angem tih te ka ngaihtuaha ka thaw leh hak thin, ka nu leh pa lah chu hrilh ngei ngei an ngai tawh si an hriat huna an awmdan tur ka ngaihtuah mawlh chuan ka rilru ana zual, hetiang mai maia awm tur hi chuan min ring phal dawn hauh si lo.








( A TAWI TIH KA HRIA MAHSE KA TLIN LEH NGANG TAWH LO A NI, NAKTUK PHEI CHU KAN FATU VE DAWN SIA KA RAWN DAH HMAN LEHKHER PAWN KA RING LO AW, ENGPAWH NISE WHATSAPP GROUP LAMAH KHAN MIN LO NGAICHANG LEH MAI DAWN NIA.)


NATHANA HI IN HUA EM ?


Show post links
Top

[Ngaia]

BOSS NATHANIEL ( CHAPTER-9 )




Vawin hi ningani ania nu Zamtei nen chuan inah awmin ka thamhnaw kan siam mawlh mawlh, nu Zamtei chuan rei lo te chhung chauh pawh awm bo dawn mah ila min ngaih tur thu hlir chu asawi, ka nu leh pa te an rawn tawha hetiang kan nih takah chuan anni pawn inneih chu an remti ve mai bawka, mahse duhthlan tur dang a awm loh vangah ka ngai hmiah thung, kan chesual tawh angin an hre miau a chutiang a nih si chuan tih theih dang avang ve bawk em a ni, nu Zamtei te chhung leh ka nu leh pa chauhin kanin neihchhan hi an hre thung.
















Kanin neihchhan dik tak erawh an hre lo, anni ho chuan kan chetsual vanga innei mai turah min ngai mai a chutiang erawh a ni hauh si lo, naktuk mai hian kan khaw lamah ka haw thla tawh dawna achhan pawh kanin atang ngeia ka chhungte ho in min thlahliam an duh vangin, ka hmangaih leh ka duh tak nei tur ni lo mah ila keipawn chu chu a tha viauin ka hria, palai pawh tihdan pangngai anihna angin kar hmasa lam khan an tira an thu a in rem takah chuan kanin neihni tur te pawh an rel fel nghal thlap bawk.




















" Eng pawh nise i rai lo hlauh chu a zia zawk khawp alawm tiraw, "? nu Zamtei'n a lo tih chuan nuihsak in ka bu nghal nghat, chesual tak tak lo mah ila min hriatdan ani tawh miau si a an rinhlelh loh dan bera awm hi atha ber mai, " biakin hawng ngeia inla in neithei tur te hi ka lawmpui khawp mai che u, chutih rual erawh chuan kanin atanga i chhuak tawh tur chu ka lung aleng em em mai bawk si, " a tih chuan amah chu ka en a a hmelah chuan ka chhuahsan tawh mai tur chu alungngaih ve hmel tak zet, ka dem hran lo keipawh hi ka ni tho, nufa ang tak taka khawsain kha chen kha an bulah ka awma hetia ka chhuahsan mai tur hi chu a lunglen thlak tak zet.















In hnaih takin kan awm dawn tih hre tho mah ila a hma ang em em kha chu a ni tawh dawn si lo, pasal ka neih hnu ah chuan inlen pawh fo te a lo rem dawn lo bawk nen, " keipawn ka ngaisa lutuk che, mahse kanin hnaih tho a ka lo leng reng dawn tho alawm, " amah hnem tum tak chuan ka ti ve sep a a ni pawh chu a bu ve nghat tho, ka thawm hnaw vel kan siamfel zawh chuan inhnuai lamah kanin zui thla a choka ah chuan lutin kan ti ti chhun zawm melh melh, tlailam Dar 4 velah U Daniel-a pawh a lo thlenga mak deuh mai chu U Daniel hian U Nathan nen kanin neih an remtih tak hnu atang khan min be leh tawh miah lo.













Dar 5:30 bawr velah chaw kan ei a David leh nu Zamtei chuan min ngaih tur thu hlir sawiin an ti ti aU Daniel erawh a tawng miah lo thung, zan lamah U Nathan pawh chu naktuk lam kan khaw lama ka chhuk tawh mai dawn avangin min thlah tur in arawn leng phei ve a, keimah tak phei chuan ka be lo, nu Zamtei leh David chuan an fiam leh zuk zuk thina U Nathan pawh chu a nui ve suk suk mai, innei mai tawh tur ni mah ila ka la nel miah lo thung chutuangin a ni pawn, mahse kan dem awm hran loh kanin neihchhan hi ka tan a thinrim thlaka, a ni tan pawh alawm awm teh chiam lo bawk.















U Daniel-a a room atang arawn chhuah chuan U Nathan nen kan lo thu dun min hmuh chuan min melh ngurin achhuak zui nghal hmiah, U Nathan pawh a be miah lo chu mak ka ti, David lah dar 8 rik tepah a thiante'n lengah an sawm thu sawiin in atang achhuaka chumi hnu rei lo ah nu Zamtei paw'n a chauh deuh thu sawiin a room lamah a lut ve nghal daih bawk, U Nathan nen chauha kan awm takah chuan boruak a rit leh hle tawh, min be lo a chutiangin keipawn, ngawirenga thut ai chuan haw daih se ka ti.














" Hetia kanin nei mai tur hi mu mang te pawh a ang rum rum alawm le, " nui suka arawn tih chuan melh pawh ka melh chhin eih lo, " kum 5 hnu a inthen leh tur tho alawm kan nih, " ka tih deuh hmuk chuan a lo rum nghut thung, " kanin neih hnu pawn midang te'n min rinhlelh dan turin khawsa hauh suh ang che, kum 5 a nih hma chuan ka nupui ini dawn tho tho, " arawn tih chuan ka nui hul hak, a zat vang erawh a ni hauh lo, " nang anga lemchan thiam ka ni ve lo hi chu a pawi a ni, " ti paha amah ka va melh kher chuan a ni pawn min lo melh ve chiah, min melhrum ngang mai.











A thinrim hmelte hlei hlei chuan min ti lawm emaw tih tur a ni, " ka sawi chu hre rengla atawk a nimai, khatianga ngeiawm taka tawng te kha bansan rawh, " thu pe âw zeta arawn tih chuan ka nersak, " ka tawngkam te mai mai pawn a ti thinrim che a nih chuan ka chunga i thiltih ah hian engtiang chiahin nge ka thinrim ang i hria em, "? Kati let hlak, a hriatthiam chu ka ring hauh lo mahse zawh hrim hrim kha ka chak tlat, ka chunga a thil tih hi a dik loh zia hriatnawn tir fo ka duh.

















" Hre lo, nanga thinrimna kha ka hre chak hrep lo ka laka i lei ba rulhna vek anih hi sawisel thei dinhmunah i ding lo, " min rawn ti let zek a rapthlak ti fe in ka melh ngawt ngawt, " ka dinhmun min hriatnawn tir leha ka lawm e, " ti fak in inchung lamah ka chho nghal hmiah a duh duhin lo awm vel teh se ka ngaihsak peih lo, ka dinhmun leh ka neihchhan tur min hriatnawn tir fo hian min tina, chutih rual erawh chuan heng thilte hi ka kalsan thei si lo roomah chuan lutin khumah chuan ka mu nghal hmiah.
















Zing dar 5 velah kan khaw lam panin Sumo in ka haw a kawngtluan chuan nu Zamtei, David leh U Daniel te chu ka ngaihtuah ka ngai nghal em em bawk, nu Zamtei'n a fanu ang chiahin min duata chutiangin David leh U Daniel pawn an farnu angin min duatin min duhsak bawka, tun hnaite ah U Daniela awmdan erawh chuan ka awm a tinuam meuh lo thung, khawthim thet thetah kan khua kan thleng ve ta hram, thingtlang khaw te tak te mah ni se mahni khua han thlen takah chuan ka hahdam in ka hlim veng veng mai.














Kanin ka luh chuan ka nu leh pa mai bakah ka pi leh pu te, ka putea te thleng chuan anrawn awmkim thapa chutianga ka chhungte ka ngaih em em ka han hmukim thei ta chu ka hlim tak zet, ka pi leh pu chuan minrawn pan nghalin min kuah nghal zat, ka pi phei chu a hnuk a ulh deuh tun mai chutiangin keipawh, kan thut tlang hnu chuan ka chanchin te min zawt luam a keipawh chuan tha takin ka chhang ve zel, in thlen ruala mut nghal daih kha ka lo rilruk deuh a nia, mahse hetianga ka chhungte thlatam tak ka hmuh tawh loh ka han hmuh leh thut tak ah chuan mutlam reng reng alang tawh lo.















" I pasal tur pawh hmuh hlan kan nghakhlel tawh khawp mai, " ka pu in arawn tih chuan U Nathana chu ka ngaihtuahna ah a lo lang nghal zat, chu chu duh lo lutukin ka lu ka thing nghal vat thung, " heta palai anrawn tirh ho in ansawi danah kha chuan Motor siamna company leh Hotel anei a ni awma, an sawi zel danah phei chuan an harsat loh hmel ka lo ti viau mai, " Ka pitei chuan a lo ti siam siam a, nu Zamtei khan ahma khan min lo hrilh tawh bawka kei pawh chu ka bu nghat.















" I Vannei e pasal hausa deuh i nei dawn a, mahse a hmelchhiat chuan i vanduai, " ka nu te unau zinga upa ber ka putea fanu chuan arawn ti a kan nui nghal hak, ka putea fa te zinga an upa dawttu a nia amah hi nula ve uai tawh mahse a â chi antih ang deuh kha a ni ve bawk nen a bula awm chuan nuihna tur hlir a nimai, " a hmeltha em, "? amah bawk chuan arawn ti leha keipawh kabu ve ta nghat, ni e U Nathan-a chu ahmel a chhe mawlh lo apa lianin a sang si a mizo mipa ah chuan a hmeltha pawl a ni ve hrim hrim.











" Pasal chu ihan nei ve mai dawn si a, kan kianga i awm hun chhung ava rei lo ve mawle, " ka pi inhnit hlawp hlawp chunga a tih chuan keipawh ka tah achhuak dawn dawn, ka pu in ka pi chu a lo khap vat thung, " pasal tha deuh a nei tur chu lawmpui zawk tur alawm kan nih le, tunlaiah te chuan mipa tha hmuh tur an vang tawh khawp hi, " ka pu in a tih chuan ka pi pawh chuan engmah asawi taeh bik lo, ka chhungte hoin vawikhat pawh an hmuh miah loh fel an tiringawt te chuan ka hnuk a ti ulh deuh, an hriat anga mipa tha leh fel a ni lo tih an hre si lo.





















Dar 11 dawn ah an zavai chuan an haw a, ka nu leh pa ten mu hahdam tawh tura mintih avangin keipawh chuan hnial tawh lem lo chuan muturin ka roomah ka lut nghal, khumah chuan mu in thil chi hrang hrang chu ka ngaihtuah kanin leh kan khua ngei chu ka thleng ta ngeia mahse hengte hi ka lungti leng zual tur mai anni bawk si, in hlawha ka awm bo san kha chuan ka haw leh theih avangin ka lunglenna kha a nep thin, mahse, tuntum chu a dan a dang zar mai pasal neiin ka awmbo san dawna ka tan haw mai mai arem dawn lo bawk nen tun atang ka lung chu aleng lutuk ringawt.













Ni chu aliam ve zela kanin neih hun pawh karkhat chiahin min dang tawh, ka mokawr tur vel nu Zamtei'n min thlansak veka min rawn thawn thlap bawk, in thiam lo viau mah ila U Nathan-a nu chan chang kha a ni ve miau bawksia keipawh chuan ka pawmsak ve ta ringawt, ka chhungte leh ka thiante lah chu an phur em em a ka nau pawh an exam chawlh a ni bawk nen inneih min hman turin arawn haw ve bawk, kan khuaa ka thian kawm ngeih ber ka best friend Sangsangi chu ka thianah ka hmang dawna a ni pawh a lo phur thiam ve khawp mai.

















Kan khawlama innei tur kanni bawka khawlian lutuk lo na na na chu a khaw nawt chuan kanin neihna turah an buai hi a ni ber, ka pasal neihna tur chu ni kher lo se kei tak pawhhian nuam ka ti ve viau chuan ka ring, mahse heihi min thlahna tur anih miau avangin ka hlim thei meuh lo thung, ka nu leh pa te paw'n min hau kha ka ring ve deuha mahse engmah an sawi miah lo thung, inneih hmaa mudun angah khan min ngai dawn miaua mahse engmah an sawi lo thung, kartawp lamah chuan Sangsangi leh Hlutei te nen Sumo counter lam panin kanin zui a, a chhan pawh nutei'n kan thil mamawh tur vel min lo thawn vangin.


















" Pasal inei mai tur hi amak ka ti tawp thei lo, hmanni mai kha chuan kan la in lemkhual kha a nia, " Hlutei ka putea fa te zinga a upa ber chuan arawn ti sap a kan pathum chuan kanin nuih hak hak mai, ani hi ka cousin mah nise ka thian kawm ang chiah a ni a kei ai kum 1 in anau thung, " hun hi hriat loh karin a lo in thlak danglam chak em a nih hi, " ka ti ve ta sep, counter atang chuan nu Zamtei thil min thawn vel chu la in kanin zui haw leha ka room lamah chuan nu Zamtei thil min lo thawn chu kan hawng lehnghal.

















" Ehe....avan nalh ve hetiangte chu kan ha ngam dawn a mi, "? Sangsangi chu a ti hluaia akawr hak tura nu Zamtei'n a lo thawnsak ve chu nalh a tiin alawm hmel viau mai, " ka thian tur ini chu ivanneih phah khawp kha, " ka tih chuan a ni pawh chu a bu ve nghat nghat, ka mokawr nena in remtur tak thi leh bengbeh te chu min rawn thawn tel bawka inthlahrun chu ana ve duh viau, kan harsa tih an hriaa an mahni vekin kanin neihna tura senso vel pawh an tum, keini chuan inneih tlaia ruai tur chiah chiah kan buaipui thung.













" An hausa hle a nih dawn hi hengti silver tak tak a nih hi, " tipah chuan Sangsangi bawk chuan bengbeh vel chu a en a ka nui tawi tak, tlailam dar 3 bawr velah an pahnih chuan anin zui haw Sangsangi hi kanin thlang lawkah an awma Hlutei ve thung hi chu tlemin kanin hlat ve deuh, ka nu nen eirawng kan bawl lai chuan nu Zamtei thil min thawn ho chu eng eng nge tih min zawt ve luama ka hrilh chuan a in thlahrun awm thu leh an fel thu ngawt chu a sawi ve nghal siam siam.














" I Van rei tak, " Sangsangi leh Hlutei chuan an rawnin tih chhawk chhen, " ka hmanhmawh ve lutuk tho mahse, " " mahse mahse ti lo khan hmanhmawh la a nimai " ka thusawi tur em pawh chu ka sawi zo hman lo he mi te pahnih tak hi chu, " ka kawr hi hak buaithlak em alawm, " ka kawr siam tha mawlh mawlh pah chuan ka ti chhuak sep, mokawr hi en ang ngawt aiin hak a lo har daih mai, " khawi kan lo puih ang che, " room-a lo luh pah chuan an rawn ti lutnghala keipawn ka hnial lo.















Kanin siam zawh hnu chuan ka room atang chuan kanin zui chhuaka ka nu leh pa leh ka nau pawh chu an lo in peih fel diam tawh, ka putea te Car chu pawnah a lo ding vang tawh bawka pawn lama kanin zui chhuah hnu chuan Car ah chuan min thutluh tir a Sangsangi erawh a U in Bike in a phur thung, Sangsangi te an tlanchhuah hnu rei lo ah keini pawh chu kan tlan chhuak ve nghal, biakin pana kan tlan laia ka zamdan chu ka sawifiah thiam lo, pasal nei tawh te chuan ka awmdan tur chu in hriatthiam mai ka ring,















kei ngat phei chu ka pasal tur hi ka hriatchian mi ala ni lo lehnghal a, biakin kawttah chuan kan dinga, Hlutei ka nu leh ka nau te chu biakin ah an luta kei leh ka pa erawh Car ah kan la thu thung, pastor in min loh luh dawn tepah chuan Car atang kan chhuaka biakin chhung lut tur chuan kanin puah chah nghal, min loh luhrual chuan ka pa kuttah chuan ka kut chu rawlh lutin kanin zui lut a ka khur ru der der mai, ka tluk loh nan ka rilru in ka tawngtai mawlh mawlh.
















U Nathana ka pasal nimai tawh tur nen chuan ' Tiam tlat e, ' kan ti ta a mahse ka hlim lo ka hlim mawlh lo, pathian leh kohhran mipui hmaah dawt kanin tiam chu a nia, ka rilru anuam meuh lo engtik ah mah in thlah lo tur chuan kan han intiam ve bawka, mahse tun atanga kum 5 hnu ah chuan kanin then dawn si a, chuan ka hriatchhuah leh tak chu U Nathana hmingpum hi Lalrintluanga tih hi a ni, Nathan. Lalrintluanga nalh ka ti viau mai.















Biakin atanga kan chhuah hnu ah thla te kan la kawi leha chumi hnu chuan kanin lam panin kanin khalh chhuak nghal, putea te Car bawkin ka haw leha zanin ah Aizawl pan nghal angaih avangin insiam nghal zung zung angai, U Nathan Carah chuan ka cousin harh zet ho chuan chuang an dil tlata anin phur ta nge nge, in kan thlen chuan inthlak zung zungin nizan lama ka thawmhnaw dah fel zawh loh te chu ka khung tha mawlh mawlh, ka cousin te ho zawng chu ka room ah lo lutin min ngaih tur thu te an lo sawi liam liama ka tah anti chhuak zawk hial mai.














" U Nathana chu ka rinai a hmeltha, asangin a pian a nalh si, " Hlutei nau Monica chuan arawn ti sep ka nui nghal hak, ka thawmhnaw ho chu kan mipa ho chuan min khai chhuah saka keini pawn kan zui ve nghal, ka nu leh pa te chuan U Nathan chu an lo ti ti puia kan chhuak min hmuh chuan ka nu chuan min lo pan vat, " awii Mambawih iva ngaihawm dawn ve, " tipaha min lo kuah chuan keipawh ka in sum thei tawh bik lo ka tap chhuak ve hawk, kan bula ka naute lo awm ve ho pawh chu anin hnit ve feih feih hlawm bawk.












" Eng pawh nise kan sawi tawh ang khan Mambawihi hi chu ala naupanga han tawng pang pang te hi achinga, a pasal inihna ah leh amah ai i upat zawk avangin i dawh hram hram dawn nia, a dik lohna ah erawh i hau anga i zilh ang mahse thil tam takah erawh i hriatthiam hram hram angai thung ang, " ka pa in U Nathana bulah chuan a ti dap dapa U Nathan pawh chu a bu ve nghat nghat, a zawm erawh ka ring lo, kan tlanchhuah dawn te chuan hawi pawh ka hawichhuak tha ngam mang lo.















Aizawl kan thlen meuh chuan atlai tawh ngei mai, a khawchhung kan luh chuan zinglam dar 1 a ni der tawh kawng lakah kan chawl zuk zuk bawk nen mut pawh achhuak mang lo, U Nathan erawh motor akhalh bawk nen a chauh viau chu ka ring, U Nathana in kawttah kan din chuan ka hawi chhuak vat heta ka cheng ve mai tawh tur hi mak kala ti rum rum mai, inchhung ah chuan ka luggage pakhat la in ka luta abak zawng U Nathana'n a lo keng lut thung, inchhung ka lut chiah chu ka ding khawng nghal awt, inchung lama mahni thu a han chhoh mai chu ka ngam chiah lo.












U Nathan chuan ngawirengin ka bungrua keng chung chuan min lo kal pel a motor kan chuan chhung zawng pawh khan vawikhat chiah min bia, chu pawh ka riltam leh tam loh min zawh lai chauhin, ngawireng chuan inhnuai ah chuan ka ding renga nu Zamtei te inlama phei daih mai te chu ka duh rum rum, chu erawh thil tih chi a ni si lo. " Khata riah kha itum te anih loh chuan lo chho rawh, " inchung atanga rawn ti hmuk tu avang chuan tim dai hian ka chho a, biakin ka luhdawna ka zamna nen khan anin ang rengin ka hria.














Room chhungah chuan ngawirengin ka luta mahse room chhung chu alo dang ta zar mai, bedsheet pawh chu ahmaa a dum hlir hmang thin kha tunah chuan a var a hmang tawha a thianghlim tak zet, dressing tlable leh Closet lo awm te chu ka hmu leh zela heta ka awmlai khan heng ho hi a awm miah lo, kanin neih tak vangin a thlak tir ve ngei aniang mahse chu zawng ka ringngam chiah si lo, ka luggage ken chu arem laiah ka dah ve tawp, intihfai ka duh avangin ka thawmhnaw hak tur kala chhuaka,
















Bathroom kawngkhar in hawngri ah chuan ka lehhawi vat, U Nathan chu Bathdrope ha in a lo ding vang mai a inbual hman a ni ngei ang, ngawirenga min kal pelin a closet ah chuan inthlak turin a lut zui nghal daih, keipawh chu tho in inti fai tur chuan bathroom-ah chuan ka lut ve nghala ka ha nawtin ka hmai ka phih leh tawp, inthlakfel sa diamin bathroom atang ka chhuaka khuma lo mu ka hmuh chuan ahma zawnga ka lo ngaihtuah miah loh chu ka rilru ah a lo lang nghal.














Ka hawikuala khum dang leh han mut mai na tur dang ka hmu bawk si lo chu ka ding leh ta reng, " rawn mu la, " arawn ti chuan ka lu ka thing vat, " kha te chu i khum a nih kha, " ka ti ta sep, " nupa kanni tawh tih itheihnghilh ta nge, tunah chuan i khum a ni tawh, " arawn tih pawh chuan che chang lo in ka la ding reng tho, " room khata awm ka duh lo, " ka tihte chuan min ngaihsak eih lo a mutdan chu a siam tha sauh sauh, " sitting room lamah ka mu mai ang, " tihpaha in her ka tum chu ka ban rekah manin min kuai her lawp,












ka bul a lo thlen lai reng ka hre lo, " kan pahnih inkar hi tuman hre lo se ka duh ka tih tawh kha i theihnghilh ta nge, inhnuaia i mut chuan zinglamah nutei te lo kalin an hmu che nga engtin nge i insawifiah ang, " a ti ta hmuk, sawi ngaihna ka hre lo a thusawi chu a dik rualin ani nena khum khatta mut erawh ka duh si lo, ka rilru a buai nuai mai, " hei min dahthla rawh, " ka inrin loh lai taka min lo pawm kang nawlh avang chuan ka ke leng vak vak pahin ka ti tuar, min ngai pawimawh lo zetin khumah chuan min nghat chawrh.












Thawh tuma ka che hrut chu khumah min bawh bet nghal hmiah, " eng nge maw itih le, hetiang hi chu ka duh miah lo, " ka tih chuan a kiai suk duh lek, " nupa kanni tawha chuan zanin hi kanin neih zan, lawithat zanah hian eng nge antih thin tih i hria ang chu maw, " arawn tih chuan nghal ti lutukin ka melh, " nang leh kei hi inremsiamna chauha innei kan nia hetianga ka chunga chet theihna dan i nei lo, " ka tih chuan a mitmeng chu a thlak hlawk, thinrim hmel lutukin min en.















" Khatiang thu kha eng vanga tun huna rawn sawichhuak hrep nge maw inih le, " ka hmai bul cheta kun a nih avang chuan ka chhing sawk, min au khum hi a ni ringawt, " sawichhuah hun bik a awm em ni nangpawn i sawi chhuak fo, " a mitta melh chung chuan ka ti chhuak leh ngat, a tho nghal vuta chutiangin keipawh room atanga achhuah hnu chuan ka thaw hak, hetiang hian engtia rei nge ka awm angaih dawn le ? vawikhat pian ve manah ka vanduai bik hliah hliah hian ka hria.













Keimahin khumah chuan ka mu a U Nathan-a chhuak kha arawn lut leh tawh lo hrim hrim, mutthilh ka tum ngial pawn ka muhil thei der lo U Nathan kha a lo luh leh mai ka hlauh vang ani pakhat, ka i ln let ka in leta atawpah chuan ka muhil ve hram, thawm ri rak rak a awm takah chuan ka mengchhuak siar siara ka mutna bul chu ka en hmasa ber, U Nathan chu a lo mu ve ta lo a ni ngei ang, tho chhuakin sana chu ka en a Dar 8 a lo pel der tawh hmanhmawh lutukin bathroom ah ka luta ka in phihfai nghal zung zung.












Zinglam dar 3 bawr velah chiah ka muhil bawka thawh chu ka hai chiang ngei mai, ka in phihfai zawh chuan inhnuai ah ka chhuka nu Zamtei leh David chuan an chhungte dang pawh an lo awm nual mai, chutia an lo awm thup takah chuan ka tho tlai chu ka zak leh hnu hnawh viau, " mothar pawh arawn tho tawh e, " nu Zamtei chuan min hmuh rualin midang hriat tur chuan a ti deuh lang langa choka lam atang midang pawh an lo chhuah belh leh ta deuh deuh, ka rinai an tam phian.













" Mothar lawm turin zing zingah kan rawn kal hlawm a nih hi, " nu Zamtei bawk chuan arawn ti leh, an lamah chuan pheiin nu Zamtei thutna bulah chuan ka thu thla ve nghal zat, " in khua atang Aizawl hi chu ahla ve deuh bawk nen vawib tlai lamah lawmna ruai chu kan buatsaih ta ringawta, nangni inlam hi chu tihfel ngai ala tam bawk nen i Nu Zamtei te inlamah zawk hian kan ti dawn nia, " nu pakhat nu Zamtei rual ve tur chuan arawn ti zung zunga keipawh chu ka bu nghal nghat, in thlahrung lo tur ten min hrilh zui luama keipawh ka bu ve nghat nghat.













" He ta i awm hmasaka i awmdan ngaireng khan awm rawh aw, tunah phei chuan kan fanu dik tak ini tawh a nia, " nu Zamtei'n a lo tih chuan ka bu nghal nghat, David pawh chuan min be ve luama ka thawh tlai vang ten min lo fiam thul, mi mah zah ve tawh naklaia ka ngei reuh tak tak. He ta awm thenkhat hi chu nimin lam khan kan khaw lamah inneih hmangin an lo kal a, nu Zamtei leh David erawh min lawmna ruai buaipui tu ber annih avang leh nu Zamtei nimin lama a dam loh leh a vangin an lo kal lo thung, a in thiam loh thu chu asawi renga a tawngdanah pawh a in thiam loh hmel ngang mai, a lo kal lo chu keipawn nuamlo lo ti viau mah ila damthat lohna avang a nih avangin apawi loh thu in ka chhang,













" tunah eng nge i an, "? Ka tih chuan athat tawh thu in min chhang ve maia a hmelah erawh ala dam chiang vak lo tih a hriat, dam lo chung pawha min lo buaipui hrim hrim chu ka lawm tak zet anni hi an awm chhung chu keipawh khawhar lutuk leh lungleng lutukin ka awm bik lo ang, " mothar tho tlai, " tipah chuan David chu nu Zamtei nen kanin karah chuan a lo thu thla nghal zat, lei ka chhuah tut chuan min la nuih hawk zui, hepa pawhhi chimawm viau mahse a bula ka awm hi chuan ka hlima nuam ka ti thin.












U Daniel leh U Nathan te kawngkhar atang anrawnin zui luta ka lo thlir reng, U Daniel hi U Nathana thian anih ka lo ring deuh bur kha a nia mahse a ni hauh lo, nimina U Nathana'n kanin neihna a athiana a hman kha chu ka hmuh ngai leh ka hriat ngai pawh a ni lo, " hei mopa te pawh an lo thleng, " David bawk chuan a ti leh, a kâ hi a kal reuh bawk sia, " tukin zing te chu exer i lak peih pawh ka lo ring lo a sin, " David bawk chuan ati leh, puitling ho erawh an ti ti melh melha keini lam chu min ngaihsak lo, " eng vangin, " ? mit ko san ak pahin U Nathan chuan David chu a zawt a, David chu a lo nui hawk.









" Nizan lam i chau dawn sia, " a tih chuan ka melh nghek, an unau thum hian hetiang lam sawi hi an awlsam mai sia, kei ka lo zak hle thung, " chau hran lo, " tih zawngin U Nathan chuan a chhang thung, " nang i chau em, "? Tipaha min rawn nghawk zeuh chuan a darah ka beng ri thlawp, " mawl suh, " ka ti zui hlak bawk, " eng nge in lo tlan naah in chau em ka tihna alawm, nanghi thildang daih turah a mi i lo ngaih, " a tih chuan ka zak zual sauh, kei pawhhi ka rilru a dik lo zo vek tawh David lah chu a nui kur kura ka ngei reuh tak tak.
















" Vawin chu Car model thar ber kha en dik angai sia nang Hotel lamah lo va kal mai ta che, " U Daniela hnenah chuan U Nathan chuan ati sup U Daniela ka va melh chuan keimah ngawt chu min lo melh, " hna chung chang kha sawi hauh suh u vawin ni angah chuan khawiah mah in kal lo ang, " nu Zamtei'n a tih chuan nu Zamtei lam chu an lo melh nghal vat, " nute a pawimawh lutuk asin, " U Nathan chuan a ti sap, " rei lo hauh suh ang che u, " nu Zamtei chuan a ti hlaka anni pawh chu an bu ve nghal nghut.














Nilengin in vel chu kan ti fela nimin lama kan khaw lama inneih min hmanpui tu te pawh chu an rawn lang ve sap sap, a zan la la a haw kanni hlawm bawka thlen pawh kan thleng tlai hlawm viau, then khatin dar 3 ah kan thleng antia thenkhat phei chuan an thlenah khua avar vek tawh thu an sawi ve bawk, nu Zamtei nen U Nathan nena kan room chu kan ti fela ka thawmhnaw vel pawh closetah min dah luhsak thlap bawk, kanin neihnaa kan thlalak a lo thlen chuan nu Zamtei chuan kan khum luchungah chuan a tar vang mai.













" In va in hmeh teh lul em, " kan thlalak en vang vang pah chuan a ti deuh hluaia keipawh ka nui sak, " Nathan-a hi chu nangai upa zawk mahse kawng engkimah i dawh thiam zawk angaih chang pawh a awm ang, a thin a chhiain amah hi a luhlul bawka i tih thiam ve fe angai ang, nupa inni tawha heta hnathawka i awmlai ang mai kha chu ani tawh lo tih hria la, a hma a in thlahrun na thinah te khan tunah chuan in thlahrun loh te tum la, heihi i in a ni tawha i duh duh in i awm thei tawh bawk, nupa kar athat reng nana thil pawimawh tak pakhat chu in rintawnna hi a ni, " nu Zamtei chuan a ti dap dapa keiin a thusawi chu uluk fe in ka lo ngaithla thung.









( NAKTUK PAWH KA LO DAH LEH THEI LO ANG AW, KA FATU LEH DAIH DAWNA ZING KAR ATANG ZAN LAM THLENG KAN BUAI KA RING, MIN LO NGHAH THLAWN LOH NAN KA LO SAWI ANIH HI )

NATHANA POV HI CHU HMANHMAWH SU AW








NATHAN HIAN TLUANGTLUANGI HI A DUH TAWH IN RING EM ?


Show post links
Top

[Ngaia]

BOSS NATHANIEL ( CHAPTER- 10 )



Nu Zamtei nen inchung room kan tihfel zawh hnu chuan inhnuai ah kanin zui thlaa anin lamah ruai kan buatsaih avangin anin lampan chuan kan chhuak tlang nghal, an chhungte leh thenawm khawveng te chu an che sang sang hlawma an tam sia keimah ber hi ka inthlahrung, tlailam dar 2 ah hunserh hman angaih avangin U Nathan-a inlamah chuan ka phei leha inbualfaiin ka in thlak nghal sawk sawk, dressing table hmaa make-up ka lo in hnawih mawlh mawlh lai chuan U Nathan chu arawn luta kanin melh nghal chat.
















Bathroom lam apan tak daih ah chuan ka thaw hak, a lo chhuah hmaa insiam zawh hman ka duh avangin ka cherang sawt khawp mai, ka insiam zawh chuan rang zetin inhnuai lamah ka chhuk thlaa nu Zamtei te inlamah chuan ka phei nghal hlawk hlawk, ka va thlen chuan inchhung lamah pawh mi an lo awm nual tawh, choka lamah pheiin nula ho thingpui lo siam ho chu ka puih ve a ti lo tur chuan minti ve luam naa keimah ber hian engmah ti lo a awm chu ka duh tlat lo, thingpui ka sempui lai chuan tlema pa upa lam deuh ho chuan min lo fak luama ka lai chhe leh hle tawh.















" Tluangtluang i U Daniel-a va ko lawk teh a room-ah a awm, " nu Zamtei'n a lo tih chuan ka bu nghat, inchung lamah chuan chho in U Daniela room bulah chuan ka ding deuh renga diktak chuan U Daniel hian minla be tha si lo a han biak hmasak mai hi kala ngam lo deuh a ni, eng pawh nise ka chho tawh tho a luh mai chu a ngai, kawngkhar chu tim dai hian ka hawnga a mah ka hmuh mai loh avangin a room chhung ah chuan ka pen lut tawp, bathroom-ah a awm a nih ringin a khum bulah chuan dingin ka nghak tawp.













Rei lo ah bathroom atang chuan arawn chhuaka ka melh nghal vat, a ni pawh chuan ding datin min en, " nutei'n han ko rawh a tia, " tih zawng chu ka sawi min en ngun bawk nen ka zam reuh tak zet, " kava chhuk hmasa a nge, " min chhang lo a adin tak rengah chuan keimah bawk chuan ka ti leh, chhuah tuman kawngkhar ka vuan chiah chu ka kutah chuan a lo man chat phawk zetin amah chu ka en nghal, " tluangtluang nanghian Nathan hi iduh vang renga nei ini lo tiraw, "? A tih zawi sup chuan ka chil ka lem ri khawlh,















" ka..eng vanga chutiang min zawt nge inih, "? Ka ti let ve ta ringawt a ni hian kanin neihchhan hi a lo hria emawni, chu erawh ka ring chiah bawk si lo, " a chhan chu keihian he inneihna hi ka pawm ve lo, nangni pahnih hi in mutdun tawh vang chauha innei in ni em, "? arawn tih leh chuan chhan ngaihna pawh ka hre lo, a ni ngaihdanah chuan U Nathan nen hian kanin duh vang niloin kan chetsual vang chauha innei angah min lo ngai a, " U Nathana'n kanin neih hma in khang te chu asawi vek tawh kha, ani nen khan kanin duh..." ka ti hman chiah U Daniela chetdan avang chuan ka tawp chat.

















" Ni lo dawt, dawt vek nanghian Nathana iduh lo chutiangin a ni pawn, ani te chuan Clara tih hreawmnan a hmang mai che a ni i hriat kha Clara leh Nathan te inkar tawp dan pawh, Nathan khan khati maia Clara kha athlah mai iringa mahse a ni lo, phubaklak nan leh Clara na taka siam nan nanghi a hmang che, " a tih chuan ka nghing lawih, U Daniel-a thusawi hi awi tur a ni em tih ka hre thiam lo, dawt min hrilh ngawt chhan tur a nei bawk si lo thudik lo nita pawh nise tinge ka lo nat ve viau le, U Nathan nen kan nupa kar te chu lemchanna mai ani tih ka hre ve reng si a.


















" Min thlah teh," min kuah beh tlat avang chuan ka ti sep, min kuah nghet sauh zui eng vanga U Daniela hi hetianga awm nge maw a nih ang le ? " Nathana nupui ni lo in ka nupui ni zawk tur inia sin, " a tih chuan ka chelai ka tawp chawt ani pawn min kuahna atang chuan min nam hla hretin ka dar tawn tawnah chuan a vuana ka mittah tak min melh bawk, " ka hmuh hmasak ber ni atang che khan ka duh tawh che, hmeichhia ka vawikhat hmuhna a minti danglam thei awmchhun ini, " a tih chuan a thusawi chu ka hriatsual emaw ka ti hial.














" Farnu anga en che ka tum apiang he ka thinlung hian a duh zual sawt thin che, " ti leh sup in ka kut chu ala a a thin zawnah a dah nghal, ka awmdan hi ka hrethiam lo farnu anga min en tu emaw ka tih khan min lo duh renga amak ka ti tak zet, " hetiang hi chuan awmsuh nutei rilru ana lutuk ang, i farnu ang takin min duatla min ngaihsak leh rawh chu chu ka tan pawh anuam zawk, " ka kut lasawn pah chuan ka ti ve sep, " chu chu ka tum thin ka thil duh ber pawh a ni, mahse ka thei lo ka nu rilru ka tihnat sak chu ka hlau ve lutuk mahse nang kaduhna che hian engkim tuar thei turin chakna min pe, ka nu thinrimna ngei pawh itan chuan ka tuar vek ang, " ka mitta min melh chungchuan a ti leh,


















kei tak pawhhi engtin nge ka awm ka hre bik lo, ka U ang taka ka enin heti khawpa min lo duh hi rin chu aharsa ve deuh alawm, " U Amelia te ang hmeichhe fel deuh nangchuan i neia, a duh zia che pawh a awmdan atang a hriat hetianga i awm chuan a khawngaih thlak em mai, " ka tih chuan a mitmeng chu thinrimna mitmengin a in thlak hlawk, nichin maia min enna mitmeng nen kha chuan in thlau tak a ni, " kei chuan ka duh ve lo, nangmah chiah hi ka nunnah hmeichhia i awm,










Amelia lakah chuan ka inthiam lo lutuk hmeichhe tha tak pawh ani keipawh hian ka duh thin, mahse nang i lo lan tak atang khan ani laka ka rilru puthmang kha a lo ngheh tawk loh zia ka hrechhuak, " sir lam melh pah chuan a ti leh duta sawidan tur pawh ka hre tawh lo, " hetiang chuan awm lo teh, khawngaihin tunah chuan U Nathana nupui ka ni tawh hi, " ka tih chuan rum nghutin asam chu a tuai puat, " tunah chuan Nathana nupui ila ni ngei a hming chuan, kha i thinlung kha ka hnehsak hunah che chuan ka ta ka nupui chiah ini tawh ang, " a tawngzawng chuan a mengrum ngang mai hetiang mizia hi U Daniela nen chuan a inhmeh ve thlawt lo.












" U Dan...." ka sawi zo hman lo ka hmuiah min lo fawp nghal hmiah ka hlauthawng lutuk chuan a awmah ka nam vaka awmzia erawh aawm lo, min fawp uar telh telha kei erawh ka hlauthawng tawh lutuk tlat, min fawp pah chuan kawngkhar chu a kalh nghal hmiah ka hlau lutuk chu ka tha a khur der der mai, a khumah chuan min fawp reng chungin min muttira kei ka lo tal nasa bawk nen ani pawh a duhang chuan a che thei bik lo, " aii ti suh heihi chu a dik lo, " ka kawr phelh a tum rual chuan ka lu thing pah chuan ka ti leh.












" Ka tihpalh khatiang chet kha ka tum lo, " tipah chuan a tho thuta keipawh ka tho ve nghal ka kawr chu ka siamtha nghal zung zunga U Daniel chu vawikhat pawh melh lo in room atang chuan ka chhuak nghal hmiah, ka tha khur der der chuan kha thila min thawn zia kha min hriatnawn tir, ka room hluiah chuan lutin bathroom lamah chuan ka phei vat kawngkhar chu kalhin ka thu thla hnawk, nichina thil thlengte kha ka rinphak bak a ni khatianga U Daniela kha a chet ka ring miah lo asin, ka rilru na lutuk chu ka tap khur ngawt ngawt.














Rei ngial bathrooma ka awm hnu ah chuan ka chhuak ve hram, darthlalangah chuan in enin ka sam te chu ka siamtha leh te te a ka mit ka tahna avanga sen ram erawh chu tih dan ka hre lo, ngawi ngulin room atang chuan ka chhuaka inhnuai lamah chuan ka chhuk thla nghal zat, midang ho chuan min lo be luama nuilui sang chungin keipawh chuan tha te te in ka chhang ve zel, U Nathan-a ka bula a lo din chuan ka melh zawka ka hawisawn nghal, " i tap em ni, "? tipaha ka hmai a lo tawh chuan a kut chu ka vai sawn lawp, ka awmdan chu mak mintih hmel viau lehnghal, thildang min zawh tuma a kâ a ang zuau lai chuan hunserh hman angai tawh tih nu Zamtei'n min lo hrilha Sitting room lamah ka pheisan nghal.
















Hunserh hman chhung zawng chuan U Daniel-a chetdan ngawt chu ka ngaihtuaha ka thaw leh hak thin, ka bula thu a hming maia ka pasal lah chuan min melh leh zawk thin ka ngaihsak lo thung, dar 3 velah chaw kan eia ka chawei pawh a tui meuh lo U Daniela lah chu ka hmu fuh thei em em lehnghala a nuam lo ka ti tak zet, tlailam dar 5 bawr velah U Nathan leh athiante ho nen ama in lamah kan pheia kan lo in hresa ve deuh bawk nen min be ve luam hlawma keipawh chu ka inthlahrung em em bik lo,

















" Tikhan lo thu ru kan va in thlak lawk ange, " U Nathan chuan athiante sitting room lama an thu chu a va bia a, " kan hrethiam alawm hmanhmawh su, " pakhat lah chuan a lo la ti zuia an thiante dang ho pawh chu an lo nui hawk hawk bawk nen ka zak tak zet, " chho ila, " U Nathana'n a tih sup chuan hnial theih a ni bawk si lo hreh ru tak chuan inchung lamah chuan kanin zui chho a, room chhung kan luhrual chuan ka thaw hak, " ka thiante ho nen khan party kan nei dawna i lo kal ve duh em, "? a tih chuan ka lu ka thing vat, inthlak zung zungin inhnuai ah chuan kanin zui thla leha U Clara leh U Amelia lo awm ve ka hmuh chuan ka ding dat.
















U Amelia hmel pawisawi lo zet ka hmuh hian mak deuh maiin ka inthiam lo ve ringawt, U Daniela thu min hrilh a vang khan ka awmdan te hi a dik lo vek, U Clara tihnat nana U Nathana'n min nei tih asawi te kha ka bengah hian a ri nawn tlut tlut bawk, an lama kan phei chuan U Amelia chuan ahma ang tho a nelawmin min lo bia a U Clara erawhin min melh nasa khawp mai, " Bro kal tawh mai ang u, " pakhatin a lo tih chuan U Nathan chu a bunghut a midang ho pawh chu an tho ve nghal sap sap, " rawn kal ve la, " U Amelia in a tih chuan ka lu ka thing vat, " zanin chauh chu i pasal hi kan lo hawh a nge, nunhlui sawitur te kan ngah dawn sia, " U Clara chuan arawn ti deuh khera ka nui hak.















" Nia zanin chauh chu in bulah awm rawhse zan dangah chuan chhuah ka phal tawh lo ang, " nuisang chung chuan ka chhang leta U Clara pawh chu a nui ve hak, " Daniel hi a lo kal dawn lo a mi Ame, " pakhatin alo tih chuan U Amelia chu ka melh vata ka ngaihbel vang nge a hmel chu a dik lo riaua hriatna ka nei, " ka hre lo, " U Amelia chuan angawih vang vang hnu chuan a ti tawi tak, midang pawh chuan eng mah an zawh chhunzawm tawh bik lo. " kan sawm phei dawn nia, " pakhatin a tih leh chuan midang ho pawh chu an bu nghal nghat, " mahnia i awm ngam loh leh nutei te inlam i lo leng phei mai dawn nia haw pahin ka lo lam ang che, "















U Nathan chuan a lo ti leh sup a ka bu ve nghat, len phei tak tak erawh ka tum lo thung, U Nathan te thian ho anin zui chhuah takah chuan inchhung chu a reh tlawk tlawk mai, inchung lamah chho in khumah chuan ka mu thla hnawka vawin tlai lama U Daniela chet dan ngawt ka rilru ah a awm chu ka duh lo tak zet, phone la chhuakin ka pa ka call a rei pawh a ring hma in phone chu a lo la vat, rei fe kanin biak hnu chuan call chu kan ti tawpa ka lung a leng zual sawt, thil hrang hrang ngaihtuahin ka mu meng kara mu tura ka in tintuah meuh chuan Dar 12 a ri thuak tawh.














U Nathan lah chu arawn haw mai bawk si lo, ka muhil dawn vel chiah tih ah message ka dawn avang chuan ka harh zawk, ka phone chu silent tumin ka on a number lawng ringawt atang message ka dawn avang chuan whatsapp ah chuan lutin message lo thleng chu ka check vat, thlalak pahnih min lo thawn chu ka download a a zawh chuan ka en vat, U Nathan leh U Clara in kiss lai ka hmuh chuan ka thu chhuak vat, ka beisei loh thil a ni, U Daniela thu min hrilh kha dawt a nih chu ka ring ta hauh lo thlalak dang lo thleng leh chu ka en leh a U Nathana malchunga U Clara athu lai hi a nia in huat hmel loh tih hriat takin an in en bawk.













Ka sawifiah thiam lo tuna ka awmdan tak hi ka thin zawn hi a tawt et et thaw lak te chu a harsa lam mah a ni, message a lo thlen leh chuan ka phone chu la kangin ka en leh vat, " i pasal hi enkawl tha ang che, " tih message ka dawn chu ka chhiar nawn tlut tlut, he thil hi U Clara thil tih vek tih zawh chian ngai lo in ka hre chiang, amah chauha a tih a ni lo tih pawh ka chiang tawk hle, thla laksak tu nen hian tang rualin min tihnat an tum tihna ania, phone chu dahin khumah chuan ka mu thla hnawk tun hnaia ka chunga thil thleng te hian minti buai tak zet, ka inngaihtuah rei bawka dar 1 dawn tepah ka muhil ve chauh.














Ka hmai za mer merah chuan ka mengchhuaka U Nathan nen kanin melh fuh chat, thawh tuma ka che chiah chu min bawh bet nghal run, " tho rawh, " ka tih chuan min ngaipawimawh lo zetin a kiai suk duh lek, nizan lama ka thlalak dawn te chu ngaihtuah chhuakin ka thinrim nghal tun, eng vanga a nuna lo buai ve viau nge ka nih ka in hre bik lo, " min thlah rawh ka tih chu, " ka tih chuah a lo kun hniam nghal ruaka ka hawisawn nghal vat thung, " i kut bawlhhlawh hian min tawk hlek suh, " minla thlah mai loh avang chuan ka ti vin leh hlak.













" Kut bawlhhlawh, huh....eng nge maw i hriat le, " tipah chuan a tho kanga keipawh chu rang fe in ka thu chhuak ve nghal, " nangnen hian nupa tak tak anga awm tumna ka nei miah lo i Sum ka puk kha kum 5 ral hma ngeiin ka rul ang che, chuan he in leh i lak atang hian ka damchhungin ka kal bo ang, " ka ti ta zek chu a lungawi loh hmel ngang mai, " min chhuahsan chu i chak tawh tak zet a nimaw, " ?a tih chuan chhang lo in ka melh tawp ka mitmengah erawh ka huat zia leh kal bosan vang vang ka duh zia hi chu a lan tho ka ring,















" tunah chuan ka nupui ini tawh tih hria ang che kum 5 ral hma he in leh ka nun atanga kal bo chu tum lo mai teh, " min la tih khum fo chuan ka nui hak, " kum 5 ral hma ngeiin he in hi ka chhuahsan ang ka leiba rulhnan chuan eng pawh ka ti mai ang, " ka tihkhum leh nghek chuan a kiai suk, " engpawh maw i chiang chiah maw, "? Tipah chuan anui hawk, kha thil ah khan nuihzat tur a awm ka hre lo, " a tha e, " ti supin khum atang chuan a tho chhuaka ka melh ngai chu ka melh tlawk tlawk hetiang mihring hi khawvelah hian lo piang ve lo law law zawk se ka ti.












Minute tam fe khuma ka thut ngawih reng hnu chuan tho chhuakin ka intifaia ka zawh chuan inhnuai lamah eirawng bawl turin ka chhuk nghal, choka-ah chuan lutin tih tur ang chu ka ti zung zunga ka rilru in hna thawh tur ka ngaihtuah bawk, hetia ka awm tawp chuan engtik ah mah he hmun hi ka chhuahsan thei dawn lo tih ka hria, ka nu leh pa te puihnan hrim hrim pawh hna neih chu ka duh pasal hausa deuh chu ahmingin ka nei ve a mahse mite angin an pasal te ta chu ka ta a ni ve si lo, chu erawh tuman min hriatpui lo thung.










B.A chin tan chuan hna hmuh mai chu a awlsam mai ka ringa, hna sang lua anih loh pawn min dawra han thawh mai na tur ang pawh mahni a in dap ve tan a ngai, eirawng ka bawl zawh hnu chuan U Nathan chu hnathawk tura insiam sa diamin arawn chhuka vawikhat pawh min melh lo in achhuak tlang nghal nul nul, pawi ka ti hran lo mahni chuan chawei chu ka insiama ka ei nghal mial mial, eina vel ka tih fel zawh chuan inchung lamah ka chho a hna zawng tura chhuak turin ka insiam nghal, hmelhriat chu nei ve nual mah ila an puihna dil emaw ka tum lo thung.












Ka insiam zawh hnu chuan inhnuai ah chhukin in vel chu ka khar tha sawt sawt a, pincord vek kan hmang bawka a zia phian tun ang laiah chuan tala te mai mai chu engmah a ni tawh lo an tichhe hneh lutuk tlat, kawngpui lam pan chuan ka pheia rei fe ke a ka kal hnu chuan Taxi ka phar ve chauh, hna ruak chanchinbu a an ziahna hmunah chuan ka kal kual tana mahse midang an lo la zel hman mai, dar 2 bawr vel thleng hmun hrang hrangah ka kala in hlawh mai na tur lah chu a vang zek, ka hriatsa ho lah ni se midang an lo la zel hman bawksi ka ke te a kham thum tawh.











Ka kerawl lutuk avang chuan ka ding tawpa, ka hmaa restaurent ah chuan kalut ve hmiah, pawisa a hek loh nan tiin ke vek in ka kala ka ke kham dan chu turu tak a ni, restaurenta ka lut ta ro ro chu tiin ei tur chu order in ka ei a ka ril atam bawk nen ka ei tam phian, " tluang tluang, " tu emaw in min lo auh avang chuan ka hawi pheia U Daniela ka hmuh chuan ka sa leh vek tawh, eng nge hetah te a lo tih ve dawn ni, " eng nge itih ve a, " ka bul a lo thlen rual chuan arawn ti supa min melh kur bawk, keimah tak phei chuan ka melh tha ngam lo.















" Hna zawngin ka chhuaka, " kal vat vat se ka tih avang chuan ka ti ta ringawt, " pasal hausa deuh inei chung pawn hnathawh tur i zawng tho a, "? a tih chuan ka bu nghat, " chuan i hmu em, "? A tih leh chuan ka lu ka thing vat, " pawisa i mamawh chuan Nathana dil mai ta che, " arawn tih leh zel chuan ka thaw halh, " U Nathana tihbuai ka duh lo mahnia inchawm thei rual ka ni ve tawh, " ka tih chuan min chhang tawh lo in angawi reng, " ka kal phawt mai ang a tlai tawhsia naktuk lamah ka zawn chhunzawm leh mai ang, " ti sep in ka in her nghal.

















" Tluangtluang, " thui pawh ka pen hma chuan min lo au leh, keipawh chu ka hawi phei ve leh vat, " ka bulah i thawk duh mai em, " a tih chuan ka lu ka thing vat, " ka lawm lutuk tho mahse in hnathawh ang chi chu kei atan chuan a sang mah mah ka thiamna pawn a tlin lo ang, " min melh ngur avang chuan ka ti nawn leh, " B.A zir chin tan chuan a hniam mah mah zawk i duh phawt chuan i thawk thei ania hnathawk tur kan mamawh lai a ni bawk nen, " a tih chuan ka rilru chu abuai ve deuh.


















Kanin kar boruak vel avang hrim hrim pawh hian a bula hnathawh mai chu ka duh lo ve deuh, chu mai bakah U Nathan nen business partner annia U Nathan chuan a remti dawn lo sa, " i pasal chu ngaihtuah duh suh ka sawi hmuh che hi chu hotel zawk a nia i pasal te chuan Hotel Lam ai mahin Car siamna lam saw a tuipui zawk, " a tih pawh chuan ka duh chiah lo, hriatchhuah hun a la nei dawn tho tho a nakina buaina ti tam tu mai mai a ni, " in ngaihtuah i mamawh a nih kha tunkar tawp hma ngeiin thuthlukna i siamfel ka beisei, i duh loh chuan midang zawn vat angai dawn a, " a tih leh chuan bu nghatin ka in hera ka kalsan nghal.














Taxi pharin kanin lamah chuan ka tlanchhuah tira in ka thlen meuh chuan khua pawh a tlai deuh tawh, inthlak hmasa lo in rawng ka bawl hmasa a U Nathan lo haw hma ngeia in peih fel hman ka duh, dar 5 velah rawng bawl zo in inchung lamah inti fai turin ka chho a inbual in inhnuai lamah ka chhuk lehnghal, U Nathan a lo haw hnu chuan min be lo bawkin inchung lamah a chho leh tawh, a inbual zawh hnu vekah arawn chhuka keiin chawei ka siam vat thung, sitting room lama a thut lai chuan a phone hmang thawm ka hria a eng nge maw ka hriat teh reng ni ka beng chu ka lo chhi ve kar.












" Ka lo kal ang, " a tih chiah chu ka hre hman, a tho vuta chhuah mai tuma kawngkhar lam apan chuan ka au vat a ni pawh chu a ding ve dat tho ka lam erawh a lo hawi eih lo thung, " chawei ka siam zo tawh, " ka ti tawi tak, a chhuahna tur vel zawh chu duh ru tho mah ila chutiang em em zawt tur chuan kanin pawh tawk lo bawk nen ka zawt duh ta bik lo, " ka ei chak lo zanah pawh min lo nghak lo in kawngka kalh la lo mu ang che, " ti hmukin achhuak zui nghal ka rilru erawh a kal thui leh hman viau, ' Clara bulah bawk em ni a kal leh dawn, '?










Keimah leh keimah chu in zawtin ka phun sep a duh duh na ah kal se eng vanga lo buai ve viau thin nge ka nih tih hi ka hre lo, ka bul hnaia a awm hian haw viau thin mah ila min hlata a awm meuh hi chuan ka ruak huai hian ka in hre thin, keimah te in chaw chu ka ei a eitui erawh a har ka chawei lai te chuan thil hrang hrang ka ngaihtuaha a tawpah chuan ka kham ta ringawt ka puar leh puar loh pawh ka hre lo, eina vel ti fel in sitting room zau puiah chuan keimaha TV enin ka thu a ka khawhar a hnem ve deuh chuan ka hria.












Ka phone a lo rik chuan min lo call tu chu ka en vat, Puii ( a nau ) lek chu lo niin calk chu ka pick nghal vat, " aw, " ka bengbula phone dahin ka ti sep, " U, eng nge i tih, "? arawn tih chuan Tv ka en mai mai thu in ka chhang vat, " Ka nu te an awm lo a mi, "? ka tih chuan an awm loh thu in min lo chhang ve vat, " U, ihh pawisa i nei thei angem, "? atih chuan thaw hakin " tinge a, "? Ka ti zawi sep, " ka nu hi a tha leh vak lo a nizan lamah ka pa nen an ti ti ka hria a ka nu hi a lung an thlak atang khan thawk a harsat deuh thu leh a taksa vel a duk thin thu a sawia, " a tih chuan ka thaw halh,















ka nu chu a dam tha pangngai viau tawhah ka lo ngai ve ringawt kha a nia, " chuan chu chu anin entir leh ta lo em ni, "? ka ti zawi sep, " vawin lamah anin en tira Doctor ten zai that angaih thu an sawia, pawisa kan nei bawk si lo nen ka nu chuan in zai nawn leh chu a duh tawh lo a, " tap aw tiaua a tih chuan ka rilru ana tak zet, " ka nu leh pa te chu ka lo bia ang pawisa chu ka lo ngaihtuah dawn nia lo lungngai su, " ka tih chuan puii chu a thaw hak, " nangmah hrilh che chu an duh lo alawm, tunah pawhhian ka lo hrilh che tih an hre lo ang, ka nu in ' in hrilh chuan a rilru ahah mai mai ahmasa ah pawh a thiante pawisa a puk leh tawh kha,' a ti deuh tlata mahse a dinhmun hi a tha lo bawk nen ka ka lo hrilh tawp che, U tihdan i lo ngaihtuah thei angem le, "?















puii thusawi avang chuan ka hnuk a ulh tun mai, tunah hian min lo hrilh lo ta ang se ka nu hi engtin tak nge a awm ang tih ka ngaihtuah, min hrilh loh chu lo vui viau dawn pawh ni ila min ngaihtuah vang a ni ve miau bawk sia, " U Nathana hnenah khan hrilh la, "ka ngawih reng takah chuan arawn ti leh sep ka khap rang hle thung, " lo hrilh miah suh ang che tihbuai ka duh lo a nia," ka tih chuan a ni pawh chu a lo aw ve mai, a hrilh tak tak erawh ka hlau thung, " pawisa chu tunkar tawp lamah lo thawn dan ka lo ngaihtuah ang ka lo thawn theih hma chu ka nu leh pa hrilh suh ang che, " ti lehin thudang pawh sawi tawh lo chuan kanin biakna chu kan ti tawp nghal.















Ka rilru hah lutuk chu ka thaw leh hak thin, khawi atangin nge ka nu zaina tur pawisa chu ka neih theih ang, han puk mai tur lah ka hre tawh si lo, lo hria pawh ni ta ang ila ka rul zo tawh kher angem ? ka puk hmasa zawk pawh ka la rul zo thei lo chu a nia, U Nathana pawisa puk leh erawh ka tum tawh lo viau thung, min diriamnan khan a hmang leh te emaw ani anga chu chu ka duh lo, " tluangtluang, " U Daniela rawn pen lut ka hmuh chuan vawina hna min sawihmuh kha ka hrechhuak zawk, kha hna kha thawk ta ang ila ka nu zaina tur chu ka thawk chhuak thei mai angem.?










( AWII KA LAWM ZIA HI, KA NETPACK A THI DAIHA MIN HOST TU BER LAH A DAILY DATA A ZO SIA BEIDAWNG LUTUKIN KA MU TAWPA, MAHSE KA THIAN PAKHAT A LO KAL HLAUHA OII KA LAWM TAWP, A NI CHUAN MIN HOST A KA RAWN DAH THEI HRAM A NIH HI, KA DAH THEIH PAWH KA RING TAWH LO A NIA )




TUNTUM NGAT PHEI CHU A NGAIHNAWM PAWH KA RING LO


Show post links
Top

[Ngaia]

BOSS NATHANIEL( CHAPTER-11 )




" Eng nge i ngaihtuah, " arawn tih chuan harh chhuak zawkin U Daniel chu ka melh a ka bulah a lo ding run tawh chu ni in, " ah....i hna minsawihmuh kha mawle, " pehhel lo chuan ka ti nghal tawp, " chuan i thawk duh dawn ta em, "? atih chuan ka bu nghat, " a tha e, mahse i rilru ava hah hmel ve, " chik zeta min en chung hian a ti sup a ka thaw hak thung, " U Daniel thlakhatah eng zat nge tuna ka hna thawh tur ah hian ka hlawh ang, " ka tih chua nuisuk in, " singkhat leh tlem aniang hna harsa a ni lo a i thawhrei dan a zirin i hlawh pawh a pung ang, " a tih chuan ka bu leh nghat,

















" sawi chu ka hreh viau na in thla nga hlawh ka la lawk thei angem le? ka mamawh lutuka, " ka ti chhuak deuh tawl mak pawh minti viau maithei chu erawh pawi ka ti lo ka din hmun angah hian midang pawh ding se ka tih ang hian an ti ve tho in ka ring, " theih te chu theih e, mahse tinge chuti zat zat pawisa chu iduh a, "? ani pawh chuan a ti leh vat, " eng lo a nia ka nu a dam lo a a zaina tur pawisa ka mamawh a, " ka ti zawi sep, " chute chu ahma khan sawi tur ania hna thawh i duh chhan pawh chuvang animaw, "? atih chuan ka bu nghat nghat, " enteh tluangtluang itan chuan eng pawh ka ti thei i nu zaina tur pawh keiman ka pe ang che hna pawh chu ithawh kher angai lo, " tipaha ka darah a lo vawn chuan ka melh vat,












a mitmengah chuan min ngaihtuah ve tak tak a nihhmel chu chuan minti lawm tak zet, " pawisa chu ka mamawha mahse athlawnna dawn chu ka duh lo hna chu thawh ngei ka duh, " ka tih chuan a thaw hawk, " a tha e anih chuan pawisa chu naktuk zingah ka pe dawn che a nia, " a ti ve nghal sup, " ka lawm lutuk, mahse U Nathan chu hrilh suh aw ka buaina ah hian hnuh luh ve ka duh lo, " ka ti leh chuan bu nghutin " i pasal hnena i sawiloh ka hnenah i sawia chu chuan minti lawm tak zet, " a tih leh chuan a mitmengah chuan alawm zia ka hmu thei chu chuan ka awm a ti nuam lo deuh.












" Ih U Daniel ka laka i rilru put hmang te avanga he thu hi hrilh che ka ni lo ania kei chuan ka U anga ka en vang zawk che in..." " ka hria e tun atan chuan chu chu keipawn ka pawm, mahse ilaka ka rilru putdan hi chu ka thlak phah dawn chuang lo, " ka thusawi tur pawh ka sawizawh hma chuan min lo pawt chatin a ti sap a a mitmengah chuan a tih tak tak zia ka hmu thei, " tluangtluang kei hian ka duh satliah mai mai che a ni lo ania chu chu hria la ka duh, Nathan nen hian in inkar ah eng chiah nge thleng hre lo mah ila kei chuan ka duh tho che, i nihna ang ang hian ka pawm che a nangpawn engtik ni ah emaw chuan he ka duhna che hi pawmin min duh let ve ngei ang chu chu ka ring tlat, " a tawngdan atang chuan keimah ah beiseina sang tak a nei tih ka hria, mahse ka tan erawh a ni nena in zawmna siam chu a theih loh bur.













" U Dan..." ka ti hman chiah ka hmuiah chuan a kut zung tang arawn daha ka ngawi nghal dat, " tun atan chuan min hnarna tawngkam kha ka hre duh lo, ka nghak thei che kum eng zat pawh nghah ngai mah la ka nghak ang che, " rawn kun hniam paha a tih chuan ka mit ka chhing sawk, " mu tawh rawh vawin lam i vak chau awm sia, " tipah chuan a in la hranga keipawh chuan ka hnial tawh bik lo, " muttui aw, " a tih chuan ka bu nghat, chutah lo kal hnai thutin ka chalah chuan min lo fawpa ka meng phawk nghal vak.
















" Ti kha chuan ka muttui tawh ang, " nuisuka tiin a chhuak zui nghala kei erawh ka dinna ngaiah kala ding reng thung, ka chunga khatianga a che tawh chung pawh khan U Daniel hi ka haw thei miah lo, ka awmdan hi keimah tak pawn ka hre thiam lo kha leh chen in khattah unau anga kan lo chen dun tawh vang nge, ka rilru abuai tak zet U Nathan nen hian lo in nei ta lo ila U Daniela min duhna hi engtin nge ka chhan ang? Chu chuan ka rilru aluah hneh ngang mai. Ka thil ngaihtuah chu tul lo ti zetin ka lu chu ka thinga Sana ka en chuan dar 8 a lo ri dawn hnai tawh, rin ai tak chuan ala hma mahse tih tur dang a awmlo bawk nen inchung lamah chuan ala hma viau e ti lo chuan mu turin ka chho tho.













Mahni chauha in zau taka awm chuan ngaihtuahna avak thui duh thin khawp mai, ka mutlai te chuan thil ri rek rek hi a awm thina ka hawirang thei viau, youtube lamah Pc Hras channel ka ngaithla tam bawka thil ni lo lo ka rilru ah a lo lut zut zut reng mai, a tawpah phei chuan puanin ka in khuh ta vek ringawt, kawngkhar in hawngri ka hriat phei chuan ka hlau lutuk chu ka khawng vek che leh tur pawh ka awm tawh lo, ka mittui te chu a hnam deuh sawk mai hetiang em ema ka dawihi ka in haw tak zet, ka puan lo keu tu an awm chuan ka khur nasa tawh ngang mai ka rilru in ka tawngtai pah mawlh mawlha ka puansin chu ka hmer nghet sauh bawk.



















Vawileh khatah ka puansin chu a lo pawt hawng rawka chutah zet chuan ka rak ring ngang mai, " hey keimah ka nih hi engtin mah ka ti dawn lo che, " U Nathan-a aw ka hriat chuan ka mit chu ka menga mak tih hmel fe a min lo melh ka hmuh chuan mak deuh maiin ka tah a chhuak tlat pek, " ti nge a, "? Tipah chuan min thlek deuh vang vanga nichina ka hlauhna te kha ka ngaihtuaha ka tap chhuak tawp, " i mawl lutuk ti nge khatia i lo tih ka hlauh zia kha i hria em ? Ka thi dawn emaw ka ti hman hial a sin, " ka tah tawng zuah zuah hi a ni ber ka thinphu lah chu arang em em lehnghal a, " eng nge maw i hriat le, " vin deuh hleka a lo tih phei chuan ka tap nasa zual sauh, " Hmangaihtluang eng nge i hriata, " tipaha min lo vawn chuan a kut chu ka vai thla pawp.



















" Min tawk miah suh, chuan min vin bawk hek suh, " ka tih chuan thaw hawkin min melh, a tawng tawh lo a ngawirenga dingin min melh ngur thung, kei lah ka hlauhna avangin ka la pangngai thei mai bawk si lo, rei fe chutia kan awm takah chuan tho kangin bathroom lam chu ka pana ka insil fai lai te chuan nichina ka thil ngaihtuah hlauhawm deuh deuh chu ka ngaihtuah chhunzawm leha hlau lutukin bathroom atang chuan ka tlanchhuak nghal, U Nathan chu khumah chuan a lo mu tawha bathroom atang ka tlan chhuak min hmuh chuan min lo melh nghal vut.




















" Hlauh i nei em ni, "? a tih chuan chhang lo in ka ding reng, arawn haw chu ka thla a muang sawt na in ka ngei tho bawk sia, khumah a mu deuh tlat bawk nen ka va mu ve mai ngam lo chu ka dinna ngaiah chuan ka la ding reng, " zankhuaa khata din kha itum em ni, "? arawn tih dut chuan ka mit ka khap fak, hetia din reng te chu ka duh a ring reng reng emaw ni ka ke kham tawh nak laia, " rawn mu ta che, " kala mut lawk loh avang chuan arawn ti leh hmuk, ka rilru mumal loh laia min lo vin ve chhen chu ka ning tak zet, " i riak chhuak leh dawn lo em ni, "? ka ti sepa ka âw chu zawi viau mahse a hre pha tho aniang chu a lo hawi phei vut danah,





















" dawn lo rawn mu rawh, " ti hmukin a mu tha leh nghal sawt, mahnia room danga mut ka ngam bawk si lo ka mut achhuak tawh bawksi chuan khum lam chu ka pan phei chhet chheta, khuma ka mut dawn te chuan ka tim deuh tlat nupa mah ni ila kanin pawh loh zia ka hre ru ve reng tho bawk si nen a hreawm lam mah chu a ni, khuma ka mut hnu chuan a kilah ka mu a a ni a sir lamah a mu thung khum a lian bawk nen kan pahnih karah chuan patling pathum vel an la leng ang tih tur a ni. Vawin lam hna zawnga ka vak ka chau bawk nen rei lo ah ka muhil zui nghal, ka nghawng zawna thaw lum ham ham ka hriat chuan ka harh deuh riai riai, ka harhchian tak hnu a thawh ka tum chu ka che thei der lo ka dul zawn ka melh chuan kut hrawl leh lian zet hian min lo kuaha, ka ke lah chu a la kherh bet tlat zui,















nizan lamah khati khawp khan kanin mut hlata engtianga hetia muta daih nge kan nih chu le ? Thawh tuma ka tal deuh laih chuan U Nathan chu a lo che hruta min kuah nghet sauh, a muchhia ka van ti mai mai tak, a kut min kuahna chu ka dah thlak saka ka ke erawh a kherh bet hneh bawka ka la chhuak thei mai lo, arawn chet leh deuh hrut ka phu zuk ka h**** zawna a kut adah chiah chu ka kiu in ka nghawk nghal zawk, chutah zet chuan U Nathan pawh chu a harhchiang tawh kher mai, " eng nge maw i hriat reuh le, " phak chuapa a tih chuan ka melh rum vak, " eng nge i hriat zawk, min khawih turin eng dikna mah i nei lo bawk i kut hmawr pawn min tawk tawh hlek suh, " ka ti nghal tawn tawn chu khum atang a thu chhuak nghal vat.





















" Reuh tak hian, nang anga hmeichhe thinchhia hi ka hre ngai lo ka tawk peih hlek lo che, " ti khur khur in a tho chhuaka room atang chuan a chhuak nghal hmak, a va han zak thei lo tak nichin lawka khatianga min khawih tu khan ' ka tawk peih lo che, ' minla ti zuia, ka ngei lutuk chuan khum chu ka beng deuh pawp, inhnuaia ka va chhuk thlak ve chuan choka-a a lo che sawt sawt hi ka va hmu a eng tak chu ti leh ang maw, ? a bul ka va thlen chuan ama in tur coffee a lo insiam lek chu niin, keipawh chuan ka in turin thingpui chu ka in lum ve nghala in be miah lo in choka-ah chuan kan awmdun renga chhuah a tum lo a chutiangin keipawh.


















Chawei kham lamah chuan U Nathan chu a chhuak nghala keipawh hna thawk turin ka insiam ve vat, ka thawh tur ber ka hre lo bawka eng thawmhnaw nge hak tur tih ah chuan ka buai ber, atawpah chuan inchei dan awm ang tur deuh chuan ka inchei ta tawpa darthlanlanga ka in en chuan ka dress chu eng hna pawh thawh pui dawn ila a zahpui awm lo hliah hliah, ka bag la chhuak in pheikhawk ka in thawlh leh tawpa ka hmaiah make-up tlem hnawih lehin ka hman chu a ni der mai, inhnuaia ka chhuk chuan U Daniel-a coat suit nena lo in duang zaih chu ka hmu hmasa bera a pianin a zir bawka a coat hak chu a in hmeh ngang mai,
















A Coat leh a kekawr chu a in suit niin cream rawng a ni a, a coat hnuaia a Kamiz hak vak sar nen chuan a in rem tak zet, necktie a awrh lo a a kamiz kilhna chung ber chu aphelh bawk, " i hman tawh maw, " a tih chuan harh chhuak zawkin ka bu nghat, " kha hei pawisa chu a nia, " tipah chuan envlope hi ka kuttah arawn hmeh bela ka en nghal vat, " cheng nuaikhat a nih kha, a dang i duh chuan min dil hreh lo la, " a tih chuan ka meng phawk vak, envlope chu ka la kanga a lo rit nalh mai, " mahse cheng singnga vel chauh alawm ka dil che hei chu a tam lutuk mah mah, " ka tawng zawng te chuan apawisa min pek chu tam ka tih zia a hriat theih.













" A tam loh kha, i nu in Zaina tur ngawr ngawr ngaihtuah lo la an ei leh in tur te thlengin ngaihtuah ta che, " a tih pawh chuan a pawisa min pek chu a tam thu hlir ka la sawi pek let then ka tum pawn a lo duh lo ve tlat, " nakinah minla rul leh mai dawn nia, " atawpah a ni pawh chuan a ti chhuak ve ta sup, in thlahrung viau mah ila keipawh chuan ka hna thawhna atanga rulh chu a tha in ka hria a rilru nuam lo deuh chung chuan apawisa min pek chu ka hum ve ta ringawt, a motorin Hotel lam chu kan pana Sumo counter lo awmah chuan ti dingin ka nu te pawisa chu ka thawna message in pawisa ka thawn thu leh a zat te chu puii ka hrilh nghal.


















Hotel kan thlen chuan pawnlam chu ka melh vang vanga, ' lucky hotel ' tiin keimah chuan ka phun chhuak sep, he ti khawpa hotel lian leh changkang mizoramah a lo awm renga, " khatia motor chhung atanga i thlir reng te chuan eng mah kan thawk hman nang, " nuihza in sum âw takin U Daniel chuan arawn ti supa keipawh chu rang fe in motor atang chuan ka chhuak nghal vat, hotel chhunga kanin zui luh hnu chuan ka tim leh deuh, " U Nathan hian heta ka thawh hi hrechhuak ta se, " ka ti zawi sep, " i thup reng thei dawn chuang lo a, hlauthawng suh engtin vak a ti lo ang che, " U Daniel chuan arawn ti supa keipawn a thusawi chu dik tihna chin ka nei,

















" tun atan chuan sawi lo ila nakinah keiman ahun ka tih ah chuan ka hrilh mai ang, " ka tih leh takah chuan min hnial tawh bik lo, hotela hna thawk ho chu min in hmelhriat tir diat diata an felin biak an nuam hlawm tak zet, " heta duty hmasa kha a hnaah a kaisang tawha chumi ai chu i awh dawn nia, thil harsa tih tur a awm lo a Rindiki hian tih dan tur vel a lo hrilh ang che, " ti zung zungin a office lam min pansans Rindiki a tih nu chuan nuisang hian zui turin min ti a keipawh chuan ka zui ve vat, " tah hian i thawmhnaw thlak la, " atih chuan bu nghatin room ah chuan ka luta kawr hak tur min pek chu ka in thawlh nghal zat.















Hetianga staff ten thawmhnaw in ang kanin bel vek tur chu tha ka ti phian, hak turah buai vak angai dawn lo a, an puanfen ka in thawlh chu ka duhai a chhing hret khup khuh lo kawr hrim hrim hi chu ka ngaina lo, ka inthlak zawh chuan ka chhuaka Rindiki chuan min hmuh rualin min lo pan vat, " i inhmeh bik hle mai, " ati sepa kei lah chu ka puanfen chhing lutuk chu ka pawt ka pawt thung, " puanfen min pek hi a chhing deuha hei aia tlema fual deuh hi a awm thei em le, " a hnu ah chuan ka ti ta nge nge a.















Rindiki an tih nu lah chuan nui hakin a awm loh thu in minchhanga ka bu nghat, zui tura mintih na lamah chuan ka zui phei zela tih tur ang asawi te chu uluk takin ka lo ngaithla thung, ka tih tur zawng chu counter-a lo awma mikhual lo kal te biak leh an awmna room tur tih fel sak tu tur ka ni awma a hahthlak lo turah ka ngai, film velah hian ka hmu fo a hotel-a an chawlha an lo welcome dan vel pawh ka hriat mai ka ring, Rindiki chu ka duty pui tur a lo ni renga a zia phian mai a tawngduhin mi biak a peih reuh sia ka ngaihnat chi tak.






















Ka ni hmasa ber chu eng tin tin emaw ka tlingtla ve thei hrama ka ngaih ang ngawt chuan a awlsam lo, nitin Hotel lamah chuan ka thawk ve ta ziaha nuam pawh ka ti sawt viau, U Nathan erawhin ka thil tih a hre lo thung tlailam dar 3 velah hnathawk dang nen kanin duty chhawk thina Rindiki nen erawh zing dar 9:30 atang tlai dar 3 thleng kan duty thung, ka haw ah eirawng ka bawl leh diam thina U Nathan pawn ka awm loh chu a hre miah lo, a ni chu zan dar 5 emaw dar 6 velah bak a lo haw ngai lo a a zia khawp mai, chuan thil lawmawm deuh pakhat leh chu hotel ka thawh atang U Nathan hian vawikhat chiah hotel lam chu a lo la tlawh,















chutah pawh kan duty in thlak lai a ni hlauha a zia tak tak, U Daniel ruala chuan nitin hnathawkin ka chhuak thina kan hnathawh puite paw'n min en duh thei viau mai, a chang phei chuan nuam lo ka ti ve rum rum thin U Daniel lah chuan min ngaihsak zia kan hnathawh puite bulah a ti lang renga Rindiki ngei pawn vawikhat chu, " in inngaizawng ve a mi, "? a ti tawh nghe nghe, hun arala hotelah pawh ka thawk rei tial tiala ka hna pawh ka thiam tawh viau, " zanin chu i kal ve dawn em, "? Rindiki'n a lo tih chuan ka thil ziah fel lai chu chawl datin ka melh,

















" khawiah maw, "? Ka ti let sep, " zaninah party kan nei dawna heta thawk ho zawng hi chu kan kal vek dawn, nangpawh kal ve la Boss pawh a kal dawn, " a tih chuan ka lu ka thing vat, " party tih vel hi ka tuina a ni ve lo ka lo kal lo mai ang bakah haw hma ka duh tlat, " ka tih chuan a lungawi loh hmel ngang mai, " iva nep e, keipawh a hma chuan hetiang party tih vel hi chu ka kal ngai hleinem kal tin ah pawh ka tin ngai lo, mahse heta ka thawh hnu hian vawikhat ka kala chuta tang chuan ka zawngchhang nghal, " kal ve ngei tura min duh tih hriat tak hian party chung chang vel chu a sawi luama kal erawh ka tum lo thung.















Dar 3 velah bawk chuan duty kanin thlaka Rindiki nen chuan haw tumin kanin thlaka hotel pawn kan thleng chiah chu U Daniel-a rawn lang hlawl, " in haw tawh dawn a mi, "? Arawn tih chuan ka bu nghat, " e..taka boss zanin partyna ah khan tliangtluangi hi lo kal ve a tum lo a nia, " Rindiki chuan a scooty-a chuang chung chuan arawn ti nghal zat, " tlan vat maiteh, " ka tih pawh chuan a tlan duh mai lo, kanin nel tawh bawka chanchin pawh engkim kanin hrilh thin Pasal ka neih thu pawh ka sawia a tir kha chuan mak a ti ve viau, a hming te leh a hna thawh te min zawh chuan pangngai takin ka hrilh veka mahse ka pasal chu hemi hotel enkawltu zinga mi a ni tih reng a hre lo thung.
















" Tluangtluang zanin chauh chu lo kal ve la, " U Daniel pawh chuan arawn ti ve sap, " nia tikhan boss kal turin lo sawm char char rawh kei chu ka va haw teh ang, " Rindiki bawk chuan rawn ti leh zung zungin atlan chhuak nghala hnunglam atang chuan ka melh vak ringawt, " i hriat kha kei te chu hetiang vel hi nuam ka ti ve lo, chuan U Nathan paw'n zan chhuah chu aremti lo ang, a bikin party ngat phei chu, " ka ti ta duaha eng vanga tun ataka U Nathana chu sawi nge ka nih pawh ka in hre lo, " Nathan hi hrilh tawh mai la a tha lo maw, "? atih chuan ka thaw hak, keipawn hrilh chu ka duh lutuk mahse hun tha ka nei ngai meuh lo, ka hun neih ve chhun ah pawh ka tim deuh tlat thin.


















" Ka...ka hre tawh bik lo, hrilh chu ka duh a mahse..." tiin ka ngawi data U Daniel chuan ka thusawi leh tur ngaichangin min melh kiau thung, " ka ngam lo, hetah ka thawk tih hre ta se eng angin nge min ngaih ang, hei te chu mihrang hotel ni lo in nang leh ama hotel ngei a ni sia, Sum mamawh lutuk angah min ngai leh anga ka tan a hreawm mai mai, " ka ti chhuak ta sep sepa U Daniel chuan min melh run thung, " in chhungkaw chanchin leh i nu Dam loh thu te hi zep lo in hrilh la a hrethiam ve mai ang che, " a tih chuan chhang lo in ka ngawi reng, U Nathan hnen atanga hriatthiamna dawn chu ka in ring lo





















" Ka lo inngaihtuah tha leh ang ka haw ange, vawin chu taxi ka phar mai ang, " ti zung zungin min chhanna pawh ngaichang tawh lo chuan ka pensawn nghal, taxi chang chuan ka ding renga han phar mai tur erawh avang khawp mai, atawpah chuan pakhat chu ka hmu hlauha phar vatin inlam pan chuan ka tlan chhuah tir nghal, in ka thlen chuan inthlak fel na hun a awm tawh bawk si lo nen eirawng bawl pah chuan in vel pawh chu ka ti faia a hahthlak ve tak zet, " Tluangtluangte i awm em, "? Nu Zamtei âw ka hriat chuan ka chhawn vat, nu Zamtei nen pawhhian in hnaih taka awm si kanin hmukhat thei khawp mai, hna ka thawh tak vanghi a ni pakhat a ni lah a chak tawh bawk si lo helai kar kal ringawt pawhhi a harsat thin.


















David erawh phai lamah a zin daih thung, " i va buai awm ve, "? Choka arawn luh rual chuan arawn ti deuh hliaia ka then ve sak, " buai lutuk bik lo e, " ti pah chuan ka che sawt sawta nu Zamtei chuan min lo nuih hak hak mai, a ni pawh hian hna ka thawk tih ala hre bik lo. " Tunlai chu chhun lamah hian i awmkhat riauin ka hria, " a tih chuan ka che lai chu ka tawp chat, " nia...ah chhunlam hi chu pawn lamah tuh tur neuh neuh ka nei ve reng thina, " sawitur dang thlawt ka hriat loh avang chuan ka ti bah niaia ka chhuanlam siam kher kher chu a awi pawh ka rin chiah lo nen a bu ve nghat tho.
















Eirawng bawl pah chuan ka ti ti pui siam siama nu tawngduh ve tak a ni bawk nen a ni pawh chu a ti ti ve bawrh bawrh tho, a chak tawh loh avangin awmpui an la ringawta tunah chuan a ni pawh a hahdam ve ta deuh, mahse awmpui nei tho mahse a tih theih ang ang hi chu a ti ve zel tho, reife kan ti ti dun hnu chuan ahaw pheia a haw dawn ah chuan leng turin min chah ve mawlh mawlh mai, nu Zamtei a haw tak hnu chuan inbual turin inchung lamah ka chhoa ka inbual zawh meuh chuan Dar 6 a ri dawn hnai tawh, U Nathana office kal pawh a lo haw tep tawhin ka ring.

















Ka rin ang ngeiin U Nathan chu rei lo ah a lo thlenga a inbual fai leh te te hnu ah chaw chu kan ei dun nghal mial mial, " tun hnaite hi chhun lamah eng nge itih thin a, ? I awm lo deuh reng niin ka hria a, " a tih chuan ka chaw bar lai chu tawp chawtin alam chu ka hawia ani erawh chaw chu a bar mial mial thung, " ahh...nia tih...tihtur pawimawh ka nei zeuh zeuha, " ka ti bahniaia a ni pawh chuan min zawt zui tawh bik lo, chaweikham-ah chuan eina vel ti fel zung zungin inchung lamah ka chhoa U Nathan pawh a leng chhuak leh tawh dawn a ni ngei ang a insiam leh sawt sawt tawh.















A chhuah hnu rei lo ah chuan U Daniel chuan min rawn call-a ka chhang nghal vat, " ka lo phei mek lo insiam rawh, " atih chuan athusawi chu ka hrethiam lo deuh, mahse a hnuah chuan tlaia party an sawi kha niin ka hria a ka hnial nghal vat, " ka lo thleng tawh, " tih leh call chu tih tawp aruala keipawh hman hmawh takin inhnuai ah chuan ka chhuk thla nghal, inhnuaia ka thlen thlak rual deuh thaw in U Daniel pawh chu inchhung arawn lut ve mai bawk, " tlaiah ka sawi tawh kha ka kal dawn lo, " engmah pawh asawi hma hauh chuan ka tih khalh vat.














" Insiam mai mai rawh hotel-a i lo thawh atang vawikhat party kan buatsaihna a nia a thawk thar ber i awm loh chuan midang ho ngaihdan a ni lo ang, " a tih pawh chuan ka la hnial ve tang tang tho, party naa kal hi chu ka phur thei thlawt lo, " Nathan vang a mi i kal duh loh, "? arawn tih tak hmuk chuan a lungawi lo deuh tawh niin ka hria, " U Nathan vang chuan ni lo e keimah hian ka chak loh vang zawkin, " ka tih chuan a nernawk mai ka thusawi chu a awi lo a ang hle bawk, U Nathana hriat chu hlau viau mah ila a ni hi chu a zan chhuak hi dar 12 pelh vel ah daih a lo haw thin tho a chutiangin a hriat ka va ring hran lo.














Min sawm luih reng takah chuan ka ning tawh bawk nen ka aw ve ta tawpa U Daniel lah chu ala phur em em zui, " dar 10 aia tlai lo ah haw ka ngai ania min thlah ang che, " thu pe âw lek leka ka tih chuan nui sukin, " yess boss, " arawn ti khera keipawh chu ka nui ve hak, inchung lamah chuan chho in kawr hak tur vel chu ka enkuala party naa kal ngai lo na na na chuan hak tur pawh ka hre mai lo, atawpah chuan half neck ban tluan ka ha tawpa puanfen tite ka khup khuh feng lehin ka kawr chungah chuan khua ala vawt ve deuh nen over coat var ka ha leh tawpa darthlalangah ka in en vang vang chuan ka inchei dan chu a pangngai ve viau chuan ka hria.


















Closet ah chuan lutin pheikhawk dahna chu ka enkual boot awm chu lachhuakin ka in thawlh nghala full mirror ah kain en chuan party tur chu ka ang ve tak tak tawh viau, make-up chu tlem azawng in hnawih lehin inhnuai lamah chuan ka chhuka U Daniela'n min lo hmuh chuan min lo melh deuh vung vunga ka incheidan chu aparty dress lo deuh a nih ka ring deuh rum rum chu chuan min ti confi lo zo vek, " hei lo chu hak tur ka hre lo a, " a bula ka din rual chuan ka ti sep, " i nalh lutuk zanin ah chuan nangaia nalh tur an awm chuang lo ang, " mitmeng nelawm taka min melhin a tichhuak supa ka lai deuh tut mai, " mahse eng emaw kim lo a awm, " akhabe tuai vut vut paha atih chuan ka in thlek nghal vat, kim lo a awm angin ka hre lo ve thung, " eng nge a, "?














Min melh reng avang chuan ka ti hap, chutah a nghawng chu dap rak rakin a thi awrh chu a phelha chumi hnuah ka nghawngah chuan a thi chu min awrh tir nghal zat, " ti hi chuan a kim chiah e, " ka hmai bul chetah chuan arawn phun supa a vei nuih suk bawk, chu chuan a tilang hmeltha zual, " kal ila, " a tih leh tak hnu chuan pawn lamah kanin zuichhuaka a Car ah chuan thu lutin party na hmun tur chu kan pan tlang nghal, bar kawtah a car a tih ding dat chuan ka hawichhuak vat,















hetiangah kala kal ngai bawk si lo a ka zam ru viau mai, " lo chhuak la, " ka thutna lam chu rawn hawngin arawn ti supa keipawh ka chhuak ve vat, kawngkhar bula lo duty bulah chuan a car chabi chu pe in bar chhungah chuan kanin zui luta music ri hut hut kara midang lo awm ve te lam chu ka hmuh hmasak ber anni, lam ho karah chuan min kai chungin min luhpuia inchung lamah chuan min kai chho nghal zat. Min chhoh puinaah chuan kan hnathawh puite pawh chu an lo awm kim biaia Rindiki'n min hmuh chuan min lo hui vat, an bulah chuan U Daniel nen chu keini pawh chu kan thu thla ve nghal a, " i lo kal ve maw, "? Rindiki chuan arawn ti sap a keipawh chu ka bu nghat,













Music ri beng chheng lutuk chu ka ti hleithei der lo, midang ho lah chuan nuam an ti hlawm phiana in tur an lo dah ang te chu an in nghal pap pap bawk, kei erawh theitui chiah ka in thung " lam ve ila, " Rindiki'n ka bengbulah arawn tih chuan ka lu ka thing rang teh e, " a nih ka va lam ve ange, " tih leh thawh arual nghala U Daniel leh kei tih loh chu lam turin an chhuk thla dial, " ei tur te i duh em, "? Ka bula rawn thut thlak pahin U Daniel chuan arawn ti supa ka lu ka thing vat, in tur chu atlak leh pap pap thina kei erawh ka thu ngawi kar thung, " Daniel tunlai chu i lo va kal khat ta ve, " hmeichhe pathum vel hi rawn kalin an zinga pakhat chuan arawn ti sap a, anin chei dan lah chu an han uar em em khawpa,

















" tunlai chu ka buai deuha, " U Daniel pawh chuan chunu chu melhin a ti let ve sup, chunu lah chu nui hak hak in U Daniela bulah chuan arawn thu thla a a ngheng nghal ar ar mai, U Daniel pawh chuan a hnial lem lo, " khaw nge i thianpa hmelthaa kha, " an zinga pakhatin atih chuan ka melh vat a sawi chu U Nathana a nih ka lo ring ve nghal tawp, " a ni chu a lo tel ve lo, " U Daniel chuan chunu chu melh chungin a ti leha a ni pawh chu a lo bu ve nghal nghat, " hei hi i thiannu a mi, "? A bula thunu chuan min melh ralh pah chuan a ti leh sap,












U Daniel chu a bu nghuta chunu chuan nuisang hian min lo chibai nghal, " room ruak a awm a nia, " U Daniela bula thunu bawk chuan a ti leh sepa a tawng chu zawi viau mahse an bula thu ka ni bawka ka hrechiang viau thung, " ngawiteh zanin chu ka peih lo nimai rawhse hei lo kalpui te ka nei ve sia kalsan a chi loh, " U Daniela'n a tih leh sup chuan chunu pawh chuan a tilui tawh bik lo, rei lo ah an pathum chuan an kalsawna U Daniel chuan min rawn melh leh zawk thin, " U Daniel, " ka hmai bul cheta arawn kun hniam chuan ka ti sep, " shh...i hmelthat zia hi i in hria em, "? ka hmai bula rawn thaw lum ham ham paha arawn tih chuan a awmah ka nam dat, " i rui a nih kha, " ka tih chuan a lu a thing vut.















" Engtik ah nge ka ta inih ve ang le, "? Ka hmui melh ngur paha atih chuan ka chil ka lem ri khawlh, " hetin awm lo teh, " ka tih chuan min fawh tumin arawn awm hnai ruaka kei erawh ka thlesawn vat thung, ka nghawng a rawn fawh rual chuan ka nam leh vat chutah ka kut chu manin a awmdan chu asiamrem sauha kei talchhuah tumin ka tal ve phat thung, " U Daniel heti chuan awm lo teh, khawngaihin, " ka tih pawh chuan ka nghawng chu a la fawp reng tho, rawn hawi chhuakin ka mittah tak chuan min melha talchhuah tumin ka la bei fan fan thung, min fawh tuma arawn kun hniam leh rual chuan ka tak atangin a kang nawlha chuta ka mi hmuh chuan min thawng ngei mai.











" U Nathan, " ka ti sep chutah U Nathan chuan U Daniel chu ahnek thlu thuaia kei ka lo rak that thung, " engtin nge ka nupui khatianga lo khawih kha i ngam zawk, " thinrim in seh chilh nawk chuan ati rum ula U Daniel chu nui sukin arawn ding chhuak ve nghal, " nupui...huh..." U Nathana thusawi ang chiah chuan arawn ti supa a hmui chu a tuai pah zeuh bawk, chutah U Nathan chuan pan lehin a kawr awm ah chuan a va tham leh nghal chat, " i nupui chu a hming chauhin a ni, kei hian a ni hi ka duh, " U Daniela thusawi chu tul lo ka ti kher mai.

















" Hmela, " ti thatin U Nathan chuan U Daniel chu a hnek leh chawrh, kei ka lo rak leh that thung, U Daniela rawn tho leh chuan U Nathan chu arawn hnek ve nghal siah anin sual chu ani nghal mai, " duh tawk ru khawngaihin, U Nathan, U Daniel, " ka tih pawh chuan ala in thlah duh chuang lo, " i nupui hi i enkawl tha thei chuang lo a ni lawmni min pe mai ta che, " U Daniela'n a tih leh chuan U Nathan chuan ngawi tawh turin a ti nghal tuara U Daniel erawh a nui suk duh lek, U Nathan chuan U Daniel chu hnek leh tuma a kut a phar chiah anin karah dingin ka kut chu ka phar nghal vat,












midang pawh kan thawm hria in an lo ding khawm hlawma keini pathum chu min en nghal thap, " nanghian i lo chhan amaw, "? a mitmenga athinrimna chu hmuh hmaih theih rual a ni lo, " hetiang chuan awm suh u khawngaihin, " kei erawhin ngen ngawl zetin ka ti thung, " i lo hmu em ? nanghi kan pahnih in kar atang hian lo inthiar fihlim rawh, " U Daniela'n atih chuan ngawitawh turin ka khap vat, U Nathan chuan alamah min pawt phei dawra ka darah chuan min kuah bet nghal hmiah, keipawh chuan chetna chang reng ka hre tawh lo, " ka nupui hi i hnaih leh emaw i kut hmawr pawha i tawk leh a nih chuan ka chhuah tawh hauh lo ang che, " ti khur khurin U Nathan chuan min kai hranga chuta lo awm ve ho chuan mit tla lo lekin min lo thlir.













( HETI ZAWNG HI NI RAWH SE, STORY HI ZANKHAT DANAH ZEL A AWM ANG AW, ADS CKICK LEH COMMENT KHA THEIHNGHILH LO ULA. )






DANIEL HI ENG NGE IN HMUH DAN, ? A FEL INTI NGE SUAL INTI ?


Show post links
Top

[Ngaia]

BOSS NATHANIEL ( CHAPTER-12 )



" U Nathan min thlahteh ana a nia, " Bar pawn lama kan chhuah hnuah pawh ka kut ala chelh tlat avang chuan ka ti hap a, ka thusawi chu hria ang pawn a lang lo ka kut a chelhna chu a hmer nghet sauh sauha a na lutuk chu ka then sak sak thin, a Car bul kan thlen chuan kawngkhar chu pawt hawngin min nam lut rawk rawka ka thut fel hnu chuan na fe hian kawngkhar chu a khar zui nghal, driver seat-a a lo thutluh hnu chuan vung zetin atlan chhuak nghala a hmel ka en chuan a thinrim zia a mitmeng ah ka hmu thei, ngawirengin kan tlana a tu amah mah inbiak kan tum lo.















A in kawt kan thlen chuan chhuah mai tumin kawngkhar hawnna chu ka vuana a lo kalh tlat chu niin, " kawngkhar hi hawng rawh ka chhuak duh, " amah pawh melh lo chuan ka ti sapa minchhang lo a a hawng bawk hek lo, " hawng rawh ka tih chu, " ka ning lutuk chuan ka ti vin hlara chutah pawh ala che eih lo, ka ning lutuk chuan a hawnna tur awm anga ka rin chu ka hmet deuh nawk nawka chutah U Nathan chuan ka kut chu lo manin min pawt hnai hrawka chiang kelh kawlhin kanin melh tawn ta ran mai, " i thiltih thin hi engtia rei nge zep i tum, ? eng vangin nge kei ni lo in Daniel-a puihna i dil, "? min tihkhum hmuka ka thawk ka ip ngar ngar thung.












" Min chhangte che kâ i nei ta lo em ni, "? Ahma aia vin mah chuan arawn ti leh tuara ka mit ka khap fak, " i puihna dil leh ta che ila a aiah eng nge i phut let leh ang, "? mittui tlingpama melhin ka ti tiaua a hmel chu ala rum ul tho, " min chhangta che i puihna lo dil leh ta che ila nanghian eng nge a aiah min dil leh ang ka tih chu, "? ka ti ta nghek chu thawk ala hawk, " ka nupui i ni tawha mipa dang hnena i harsatna sawi lo in ka hnenah sawi ta che, " arawn ti deuh hluk chu ka nui hak, a zat vang erawh a ni hauh lo,














" keipawn midang daih laka ka harsatna sawite chu ka duh bik viau hleinem, engkim ka hrilh theih tur che in ka lakah in hawng lo bawka biak pawh min be ngai mang lo bawk, chuti chung chuan engtin nge ka chanchin eng kim ka hrilh ngam ang che ? ka lakah in hawng takin awm nila hetiang hi kan thleng lo ang, " ka ti ta hap chu a mitmeng pawh a danglam ve ta deuh, " i pasal ang taka ka awm chu i duh tihna em ni, "? ka mit taka min melh chung chuan ati dam thlupa chhang lo in ka melh ngar thung, ka pasal anga a awm te chu ka duh alawm min ngaihsakin min duat ve se ka ti mahse chu erawh a theih loh tih ahrechiang ber tu ka ni bawk si.














" Mipa dang i pan tawh loh nan eng nge ka tih ngai ang, keimah chauh min ngaihtuah theihnan engtiangin nge i lakah hian ka awm ang, "? a tih chuan thaw hakin hnuailam ka bih nghal ngur, " engmah i lakah hian engmah beisei ka nei lo, ka thiltih hi sawisel lo la chutiangin keipaw'n i thiltih ka sawisel lo ang, " ka tih ta duah chu a lo rum deuh nghut, " ka thei lo ka nupui inih hi ithiltih engkim ka hre vek duh, min hrilh hmasa lo in engmah ti tawh lo bawk rawh, " a tih hluk chuan beidawng fe hian ka melh, " i nupui ka ni tih tal i la hria a alawm tho e, mahse kei chuan ka pasal anga i awm kher ka phut lo ahma pawn i awm ngai chuang lo a ka hrethiam thei em em ang, " ka tih chuan a lo nui huka ka melh nghal vat.












Ka thusawi ah khan nuihzat tur a awmin ka hre hauh lo, " i pasal ka nihna ang taka ka ngaihsak che i phut tih sawi mai ta che, " ka thusawi nen in mil lo lutuka min chhan chuan ka ngei lutuk ringawt, min ngaihsak ka duh tih thu ka sawi lai awm reng reng ka hre lo, a ni lah chuan mitmeng ler zet hian min melh zui a, " i ngaihtuahna lengvel hi sawi thin lo teh, " ka tih chuan a nuih aza zual sawt chu chu keiin ka lo ngei em em thung a, " ka chhuak duh tawh kawngkhar hi hawng rawh, " tipah chuan kawngkhar hawnna bawk chu ka vuan leha a ni pawh chuan a hawng ve ta mai bawk,














In chhung lamah chuan lutin room lamah ka chho tlang nghala U Nathan-a erawh a lo la chho lo thung, in thlak zung zungin khumah chuan ka mu a pawnlama pen thawm ka hriat rual chuan ka puansin chuan ka in khuh nghal vat, kawngkhar hawng ri ka hria leh ngat phei chuan ka thaw achham dawnin ka hria, ' ka bulah lo mut a tum mai anga, ' ti rilru mawlh mawlhin puan hnuaiah chuan ka meng kara, bathroom lamah a kal tih ka hriat chuan ka thaw huai mai, bathroom kawngkhar in khar ri ka hriat rual chuan ka puansin chu ka hlim thla vat.















A lum lutuk chu ka sap pup pup mai, pawna kan awmlai ka thusawi, ' ka lakah in hawng takin awmla hetiang hi kan thleng lo ang, ' ka tih kha a ngai dik lo deuh dawn tlata hriatna ka nei, min chhan dan ka ngaihtuah let leh ngat phei chuan ka zak lutuk chu ka biang asa hat hat mai, a nuihna chhan te kha ka thusawi vang kha a ni ngei ang, bathroom kawngkhar ri rek ka hriat rual chuan rang lutukin ka mu nghal thlawp, min hmu hman tih hriat takin a lo nui leh huk tawh ka che chhe thei lutuk hi ka in ngei lutuk ringawt, fai fuk rut rut pahin a closet ah aluta keierawh ka puansin chu siamthain ka in zial nghal veka hetianga ka tih chhan tak pawhhi ka hre lo.











" Khatia awm kha anuam a mi, "? closet atanga arawn chhuah hnu chuan arawn ti deuh khera a nui tel deuh bawkin ka hria, reife hnuah chuan ka hlauhthawn ang ngeiin ka bulah chiah chuan a lo muta mai ka zam lutuk chu thawk pawh ka thaw tawh mang lo, ka puansin a lo khawih tih ka hriatrual chuan nghet fe in ka puansin chu ka chelha U Nathan pawh chu atawp mai dawn emaw tih laiin min lehthal thutin ka puansin chu a lo hlim kau deuha chutah chuan a lo in zep lut ve tat reuh a a chetdanin min thawn em avang chuan hnialna chang pawh ka lo hre lo..













" Avan lum nuam, " ka mit ah tak min melh chung chuan arawn ti supa kei ka lo tal phat thung, " i zak lo tho rawh, " tipah chuan a awmah ka nam vak vaka a ni a lo nui nghawr dat thung, " kan nupa khum anih hi tinge ka thawh bik ang mu mai mai rawh, " atih pawh chuan duh lo in kala nam tang tang tho, " nangte hi zirtirna pek ingai animaw, " tih leh ka chunga lo bawh arual nghala tawng tuma ka ang zuau lai takin a hmui chuan ka hmui chu a lo khar chilh hmiah, a tirah chuan ka mengphawk vaka a awmah ka nam vak vak bawk, a che eih lo a min fawhna chu a uar telh telh thung.
















Ka kâ chhungah a lei lum thar thar duh tawka a lo hawl luh meuh chuan ka rilru a fim lo tial tiala ka in thlah dul ta deuh, zawimuangin a mi fawhna chu ka chhangleta chutah zet zawng ahma aia uar leh chhawngin min fawp thung, ka sa pup pup a ka fim tawh hlawl lo ka awmdan chu duh lo viau mah ila ka taksa erawhin ka lo dawngsawng tha em em thung, ka kawrchhungah a zen lut chiah chu ka za chuai chuai mai ka hnungzang chu zut zai zaiin ka bra kilhna chu zei zet hian a phelha minla fawp pah reng tho.













Ka hnute khuhtu awm ta lo chu akut sa ham ham chuan a lo tham salha ka harh deuh kawk mai, " awmsawn teh, " inlahrang dat chuan ka ti sep ka rilru erawh ala fim tha mang lo, U Nathan erawh ka thusawi hre lo ang hmakin a chet chhunzawm thung, ka nghawng velte chu a lo fawp thuak thuaka ka kutin a awmah ka la nam tang tang thung, " insum ava har ve, " ti tuakin ain la hranga thawk ka la nghal hap thung, kan thaw ri atang chuan kan pangngai lo tih lah achiang U Nathan chuan a awmdan chu siamremin ka sirah chuan min si chet hian a lo mu a kei erawh ka awm ngai rengin ka la awm thung,













Kan ngawih tak vung vung hnu chuan a ban tha chak zet chuan alam hawi turin minsiama chet nachang pawh ka hre tawh lo, " muhil tawh rawh chuti lo chu thil ni lo lo ka tihpui palh ang che, " nuihza insum âw zeta arawn tih chuan ka biang a sa leh hat tawh, a awmah ka ben chuan nui nghawr datin min kuah nghet sauha keipawh ka tang bik lo, tuna ka awmdan hi khua a lo var hunah ka in chhir chu ka ring mahse chuti chung chuan ka awmdan hi nuam ka ti, nupa tak tak anga in kuah chiala mut chu anuam phian alawm.












Lum ka tih lutuk avang chuan ka puansin chu pawh hlim ka han tuma ka thei der lo, ban tha chak zet hian min kuahbet hluna ka meng deuh siar siar chuan U Nathana muhil thaw sek sek chu ka hmu nghal zat, zingkar ah pawh a hmel chu atha reng tho a hmai vel chu khawih ka chak deuh tlat avang chuan ka kut tang chuan a hmai dung vel chu ka thai kual riak riaka a za ti chuan a hmai chu a lo ner leh sak thin, alawm reuh phian chutia mittla lo leka ka thlir lai chuan nizana kan awmdan ka mitthla ah a lo nghal zuta ka zak lutuk chu engtin emaw ni hian ka kawchhung hi a awm.

















U Nathan chu lo rum tuah tuahin alo menga kanin mit chu ain tawng leh chat tawh, " mi mutui lai tih harh chu nuam iti viau a mi, "? arawn tih chuan ka lei ka chhuah khum tuta ka tho zui nghal, khum atanga ka ke ka dahthla chiah chu ka hnunglam atang min hnuk let dawr, U Nathana chungah chuan ka bawk leh ran tawh, " min thlahteh eirawng bawl angai a nia, " tipaha ka tal deuh laih chuan min kuah nghet sauh, " eng nge maw i hriat reuh le, " ka tih leh pawh chuan ngawi ngulin minla melh, thil ngaihtuah hmel a pu bawk.













" Vawin lamah hotel-ah i kal leh dawn em, "? angawih tak vung vung hnu chuan arawn ti thum duta keipawh chu ka lo bu ve nghal nghat, " Daniel-a bula awm turin ka duh lo che, " atih deuh hmuk chuan atak atang chuan awmsawnin ka tho nghal tharh, " U Daniel hi misual a ni lo a sin, " ka tih chuan ka thusawi chu min pawmpui lo fe hian a lo nernawk, " nizana a chetdan kha i theihnghilh em ni ? Lo thleng hman lo ta ang ila i chungah khan thil tha lo tak a thleng ngei ang, " ti leh nghutin amutna atang chuan a tho kanga ka melh deuh kar.










" Ka thusawi chu awi rawh itana tha tur anih chu, hna ithawh ve pawh ka duh lo hrim hrim, " ka chhan lawk loh tak ah chuan arawn ti nawn leh sap, " keima tan chauha thawk ka ni hleinem i hriatthiam phak bak in he hna hi ka mamawh, " ka ti let ve deuh ngat chu a lo rum nghut thung, U Daniela pawisa ka puk kha ka rulh zawh hma loh chu ban ka tum lo bur. " Ka hriatthiam loh chu min hrilh itum si lo alawm, " âwki hniam ruiha alo tih chuan chhan tin ah pawh ka tin tawh lo bathroom lamah chuan ka luhsan ta daih, a thawri hrawih erawh ka hre hman.












Chaweikhamah chuan min dang viau mahse kain siam lui ta tho a ka insiam zo inhnuaia ka chhuk te chuan hahthlak ti fe hian min lo en, " ka thu iva pawisalo ve, " ka kal pelh dawn lai tak chuan arawn ti rum ul a kei pawh ka in her leh vat, " ka thil tih duh chu mintih tir ve mai mai rawh nangpawh ithiltih ka sawisel ngai bik lo, " ka ti ve tan tan chu a mengrum leh tawh viau, chaweilai tih lohah chuan kanla in hnial char char, " i pasal ka nihna ang talin min zah ve rawh ka thusawi hi ngaithla la zawm bawk rawh, " a thusawi avang chuan ka thinrim lutuk chu ka puak keh lo chauh.













" Pasal tih kha sawitel sek suh, ka pasal inihna chu nangai mahin ka hrechiang nangte chuan U Clara bula i awmlai chuan i nupui ka ni tih leh ka pasal ini tih hi itheihnghilh vek zel, kei chu maw ka ni ve lo mipa dang bulah pawh awm mahila ka pasal inihna hi ka theihnghilh ve ngai lo, nang ang lo takin, " ka tih khum piap piapa eng vanga U Clara hming kha lam ri ve ringawt nge ka nih pawh ka hre lo, hman zana an thlalak ka hmuh tak kha ka hriatchhuah leh tak thut vang te pawh aniang. " Kan buaina ah hian eng nge Clara chu sawilan ve a tulna, teh hrep hian !" Arawn tih vin thawt chuan ka phu ngei mai.











" Eng vangin nge a tul loh ang min neih duh chhan ngawt kha ka lo hrethiam ngai lo thina tunah chuan ka hre vek tawh, U Clara khan mipa dang laka a rinawm loh san che avangin i thinrima tihnat ve iduha chuvangin kei hi hmanrua ah min hmangin min nei a, " ka tawng zawng te chuan ka tawt nghal ut ut nizan lama kan awmdan leh tuna kan awmdan chu in perhsan tawh tak a ni, ka lawm rukna deuh erawh ka thianghlimna ka hlan hman lo kha a ni. " Khatiang kha sawichhuah kher a tul lo, ni e iti dik ka bialnu laka phuba laknan che ka hmang, " arawn tih chu ka hrechiang ngei mai, " ithiltum chu i hlawhtling tawha U Clara nen pawh in inkawp leh tawh bawka a tha e, nang leh kei hian inneih chhan tur kan nei tawh lo a nih chu, " ka ti ta hmak.














" Min then itum tih sawi hauh suh, " a tih chuan nuihsak in, " ka sawiloh chhan tur min han hrilh teh, "? ka ti ta zek, lungawi loh hmel lutuk hian min melh leh khui khui tawh, " ka duh lo nanghi ka then dawn hauh lo che tum eng ang mahla ka then lo ang che, " ti leh hmukin min kal pel a thawk ka la nghal vak, a duh ahlawhtling tawh chung pawn eng vanga min then chu la duh lo nge maw a nih le ? Rilru buainuai in inchu ka chhuahsana taxi pharin hotel lamah chuan ka tlan chhuah tir nghal, nizan lama kan hun hman dan te ka ngaihtuah leta ka zaka ka tlawm ngawih ngawih,













phuba lak nana min hmang mai mai tu lakah khati tak khan ka in phala keimah leh keimah hi ka inten ngawih ngawih, hun kaltawh siamthat theih nise ka tih ber tum a ni hial ang, ka zahna zawng zawng paih bo in nu Zamtei pawisa zawk kha lo puk ni ta ila tun hun hi kan thleng hauh lo ang, taxi ka chuan chhung zawng chuan thil chi hrang hrang ka ngaihtuaha thawk pawh a sak talh mai, hotel kawt kan thlen chuan ka chuanman te pe felin hotel chhungah chuan ka lut a, nizan lama thil thleng vang kha ani ngei ang hnathawk ho chuan min en duh hlawm viau mai.













" Nizan kha eng nge a awm zia," Rindiki chuan min hmuh rual rual chuan arawn ti nghal, " engmah a ni lo, " tih zawngin ka chhanga ka thawmhnaw thlak turin ka kalsan nghal, thawmhnaw ka thlak zawh hnu a kan duty lai vel pawh chuan nizana thilthleng chung chang ngawt chu min zawta, " Boss Nathan kha i pasal maw, "? arawn tih chuan ka bu nghata Rindiki chuan kâ ang phuau in min en mak atih hmel ngang mai, " awii..avan mak em em, chuan kan pu te pahnih hian an duh ve ve che a, anuam dawn e, " a ti deuh hluaia kei ka thaw hak thung.













" Boss David zawk pawh hian a duh che khan ka hre renga, mahse achang ta si lo che chu apawi ta anih hi, nang chu ivannei e i pasal ahmeltha in a hausa bawksi aduat viau ang che, " a ti leh hluaia ka thil tawn tak tak hriase mak a ti viau ang thil hi alan dan ang ngawt a ni si lo a, hna chu kan thawh zawm mawlh mawlha vawin phei chu nidang ai kan buai lo deuh a zia viau mai, " Tluangtluang boss in a office ah a ko che, " kan thawhpui pakhatin arawn tih chuan Rindiki min lo nghawk nghal zeuh, tun atan chuan hmuh ka peih lo viau asin hnial theih lah a ni der si lo.











U Davida office lam pan chuan phur lo fe in ka kal phei ta hna hna a, a office bul ka thlen chuan kawngka pawh kik lem lo in ka lut tawpa, U David chu a lo buai hmel viau mai a dawhkana lehkha ho chu a lo en fel meka ka lut tih pawh a hre lo anih hmel, " min biak duhna i nei em ni, "? Zangkhai fe chuan ka ti hap a chu veleh U Daniel pawh chu a lo hawichhuak nghal, nizan lama U Nathana'n a hnekna a hmui sir chu a kak deuha ahmai pawh tlemin a duk deuh, " lo thu la, " atih chuan ahmaah chuan ka thu thla nghal zat.








" Nizana ka chet danah khan min ngaidam dawn nia mahse Nathana bula ka thusawi kha chu ka ti tak tak, " atih chuan ka ngawireng, nizan chung chang kha chu sawilan tawh loh ka duh viau mai, " U Nathana i chunga a chetdan avang khan pawi kati, mahse chutih rual erawhin nangpawh ithiam bik chuang lo, U Daniel ka laka i rilru put dan ka hria a mahse keini pahnih chu arem lo, tunah chuan U Nathana nupui ka ni a chuan nizan ang khan che tawh lo la ka duh khawp mai, " kati ta duaha ka rilrua thuawm dik tak ka sawichhuak thei chu ka thaw huai mai.






( ZAWMNA )



" Ka kal mai ange hna thawh tur kala nei sia, " ti hapin ka dingchhuaka kawngkhar lam panin ka chhuak zui nghal, " Eng nge in sawi, " Rindiki'n a bul ka thlen rual chuan arawn ti leh nghal vat, " eng vakmah, " ka ti tawi tak chu a lo chek hlak hlak a lungawi lo ve deuh a ni ngei ang, a awm ve reng ani pawn a chanchin zep lo in min hrilh vek zela keipawn hrilh thin tho mah ila azawng zawng erawh ka hrilh kim diak ngai lo, hna chu kan thawh chhunzawma ka rilru erawh a buai nawk mai, U Nathan nen kanin kar hi engtia kal chhunzawm pui zel chi nge ni ta ang ?



















Ka ba hi rulh vat vata chhuahsan daih ka duh tak zet, U Clara lah ala duh viau niin alang bawka abula awm reng hi a hreawm tak zet, " Tluangtluang, " tu emaw in min lo koh avang chuan ka hawichhuaka ka hmaa nuisanga min lo melh tu ka hmuh chuan mak tak maiin keimah ah in thiam lohna a lo awm ringawt, " iva vang ve a, " nuilui sang chung chuan ka ti sap " Nia serkawn lamah ka zin daih alawm ka ni dam lo awmpuiin, " U Amelia chuan zangkhai vahin arawn ti leh sap a a hmel chu ka en vang vanga U Daniel nen anin kar achhe ta chu pawi ka tihpui khawp mai.


















" Hetah i lo thawk ve renga, " atih chuan ka bu ta ringawt ani pawh chuan hna lam chu min zawh chhunzawm tawh lo in nutei te an dam that leh that loh chu min zawt zui ta daiha keipawh chuan an damthat thute hrilhin kan ti ti deuh luama kan buai loh lai ani bawk nen a zia phian, " anih ka kal ange ka haw dawnah ka lo kal leh ang, " atih tak hnu chuan ka bu nghata ani pawh chu U Daniela office lampanin akal zui nghal, U Amelia hi hmeichhe tha tak aniin ka hria U Daniel pawh kha aduh thin viaua tuna anin kar chheta hi atuar ve ngawt ang
















" Ka khawngaih reuh e, " rawn titu Rindiki chu ka melh deuh haw, " i hre ve em ni, "? ka tih chuan a lu a lo bu nghat, " Boss nen khan anin zui nasa thei ema hetah pawh arawn kal ngun, amah afelin biak anuam sia Boss pawh kha aduh thei lutuk heta hnathawk ho pawh hian in hmeh kanti thei tawp, mahse anin then ta sia, " a ti zui siam siama U Amelia chu ka khawngaih thar tak zet, " anin then hnu pawhhian arawn kal chu a la thulh chuang lo reng reng, nichina athusawi kha ka lo hria a a zin tih thu kha asawia areh ka ti reng a ni, hotel-a i lo thawh hma deuh khan arawn kal reng zel,
















vawikhat phei chu Boss office atang tap chungin arawn tlan chhuak tawh ka khawngaih a sin aw, " a ti leh vung vunga atawngdan ah chuan U Amelia chu akhawngaih tak tak hmel viau mai, " boss hian aduh che sia abialnu hlui nen lahkhan in in kawmngeih ve hmel ang rengsia in inkar a hre lo tihna nge, ? a hresa reng chungin ala be tha tho che, "? Rindiki bawk chuan arawn ti leha ka mit ka khap fak, U Amelia hian hre chhuak ta ang se kei hi min hua ang nge minla be tha reng tho ang? keipawn he zawhna hi ka in zawt ve fo thin.














" Engmah kanin karah a awm hleinem, U Amelia nen pawh an tha ve leh mai ang, " ka tita ringawta Rindiki chuan hahthlak tih hmel fe hian min lo melh, " heti khawp hian aduh che a i hrethiam lo nge i hre lo der zawk ? A bialnu hlui nen kha chuan an tha tawh kher pawn ka ring lo, " ti leh hap in Rindiki chu a kalsawna ka rilru chu ka kawm chhunzawm neuh neuh, min duh tih chu ka hre na meuh mai mahse hei chu a dik lo, U Nathana nupui ka nih mai bakah ka chunga tha em em U Amelia vang pawh hian U Daniel chu in zawmna ka neih pui thei lo, heti khawpa min nel tu leh anau ang tak taka min duat tu U Amelia rilru hi tihnat sak ka duh lo.













Dar 3 ah chuan haw turin Rindiki nen kanin thlaka kan hman fel chu hotel atang kanin zui chhuak lehnghal, Rindiki ' ka thlah ang che, ' atih chuan keipawh chuan ka hnial bik lo, nidangah pawh min thlah atum thina keimah zawk hian atana abuaithlak lutuk loh nan ka hnial ve ziah, vawin erawh chu ka hnial duh ta bik lo a scooty hnunga ka thu fel deuh chiah tih ah U Amelia chu hlim loh hmel zet hian arawn chhuaka hnuailam abih tlata keini chu min hmu lo, Rindiki atlan chhuah hnu pawh chuan ka la hawilet hram,

















ahmel ngui nghiai mawlh chu ka ngaihtuah leta ka rilru atina reuh lutuk, keimah hi ka inthiam lo tak zet, kan mipa duh te then nat zia ahrechiang tu ka ni a ka hriatthiam pui viau mai kan tawrh chu in ang lo deuh mahse ani tawrh pawh a nep bik chuang miah lo. U Nathana in kawt kan thlen chuan ka chhuka Rindiki chu melhin " lo leng lut ve la, " ka ti sep, " duh viau mah ila nidangah ni rawhse vawin tlai chu chhungkaw chaweikhawm kan nei dawna haw hma angai tlat, " arawn ti zui ve zata keipawh chu ka bu ve nghat, kanin vailiam hnu chuan inchhung lama lut turin ka in her a kawngkhar hawn tuma ka ban chu a in kalh lo tih ka va hmu a mak ka ti lutuk chu ka meng bial deuh kawk.













Pin cord hmanga lock anih avangin kei leh U Nathan chiah kan lut theia chutih lai kara a lo in hawngsa chu mak ka ti bawksi ka hlauthawng ru bawk si inchhunga luh maina chang pawh chu ka hre lo, U Nathan lah tun ang hunah ahaw ka ring chiah bawk si lo ' misual te hi an lo nimai anga,' ti rilru mawlh mawlhin inchhung lamah chuan ka pen luta ka han hawikuala tumah ka hmu lo thung, chutia ka din reng lai chuan choka lam atanga hmeichhe pakhat nu Zamtei te aia la naupang deuh tur chu arawn kal chhuaka min hmuh chuan min nuihsangin min lo pan vat.



















" I lo haw tawh maw, "? arawn tih chuan chhan na chang pawh hre lo in ka melh tawp, " heta hna thawk thar tur hi ka nia, " atih leh takah chuan U Nathana rawih ani tih ka hrethiam nghal. " Ka hmu thut si che a ka hamhaih deuh alawm, " nuisang chung chuan ka ti let ve sepa a nipawh a nui hak, " thingpui i in duh angem, "? atih chuan ka lu ka thing vat, " ka pu in a lo haw har tur thu lo hrilh tur che in mintia, " a tih chuan ka thaw hak, a lo haw ma ngai reng reng lo tun ataka chutiang asawi pawh chu tul ka ti lo khawp mai.















" Ka va intifai ange ka lo chhuk hunah rawng chu ka lo bawl mai ang, " ka tih chuan rawng abawl tawh thu in min chhang leha tawng tawh lem lo chuan inchung lamah ka chho ta daih, room chhung ka luh chuan U Nathan nen nizana kan awmdun dan bawk chu ka mitthla ah a lo lang leh tawh, ngaihtuah zui duh tawh lo in ka bathroom ah ka lut tlang nghala bathtub ah chuan tui dahin ka hanin chiah vang vanga ka harh sawt mai hian ka hria, ka mit ka chhing vang vanga chutah U Amelia hmel ngui tak kha ka mitthla ah arawn lang leha ka mengchhuak nghal vat.















Tih theih te nei ve ila ka ti rum rum, khati taka U Amelia na hmel kha hmuh ahreawm thlawt, reife bathroom-a ka awm hnu chuan bathdrope ha chungin ka chhuaka, ka closet ah chuan lut tlangin ka in thlak nghal sawk sawk, in hnuaia chhuk ka tum chiah tih ah khuma ka phone dah chu arawn nghawr dar dara ka en chuan ka pa lek chu lo niin, call ka pick rual chuan an chanchin chu ka zawt nghal zung zunga ka nu pawh atha tawh viau anih hmel ka pa rawn sawidan hmangah chuan, ka nu ber athat tawh thu ka hriatchuan ka lawm ngei mai atana ka thil tih a thlawn lo tih ka hriatna chuan ka rilru tawt lutuk pawh a ti zia ve ta deuh.















DANIEL POV :





Ka phone rawn ri nawn sek chu ning lutuk in ka switch off nghal hmak, vawitam ka hrilhfiah tawh ka khawngaih loh vang a ni bik lo a ni hian ka rilru ah hmun achang pha tawh tlat lo, ka tum ve alawm Amelia chauh ka rilru ah dah ka tum nasa, mahse Tluangtluangi ka duhna hi a nghet tawh lutuk mah mah, Amelia pawhhi ka duh thin ngei alawm ka hmeichhe kawp tawh ah chuan ka kawp rei ber leh ka rilru luah hneh ber tu pawh a ni thin, Tluangtluangi a lo lan hma zawng kha chuan.














Thawk la ri hrawihin ka thutthleng hnung chu ka ngheng dar dara Tluangtluangi ka hmuh na hmasa ber kha ka ngaihtuah let nghal, sumdawnna avangin ram dangah Nathan nen kan awmduna lehkha te zirin business lamah pawh kan tui tan ta viaua, Nathan erawh a nu leh pa thi ta te Company tuna athawhna Car siamchhuahna ngei hi enkawl aduha chu lamah chuan arilru pawh a pe chat thung, a hlawhtlin ta deuh hnu khan ka hotel dinna turah hian min puih leha sum pawh a athawh hnem,












diktak chuan ama hotel zawk hi ani deuh zawk, mahse hotel enkawl lam chu atui vak loh avangin a Car siamna company lamah zawk a bur chata kei hotelah ka bur thung, sum dawnna thil ve avangin kan pahnih in thlathum chamin Delhi lamah kan zina kan hna a lo hau tak ve bawk nen thlathum aia tam kan cham phah nghe nghe, kan hna zo a in lama kan haw chu Nathana inlamah kan tlanga, chutah chuan Tluangtluangi hi ka hmu a, Nathana tuia atheh avanga a inthiam lo hmel ta kha aduhawm hliah hliah.













Nathan lah thinchhe chi a lo ni bawk nen a vin deuh hrepa han khap tur pawh khan ka tawngchhuak thei lo, ka hmaa hmeichhe ding chuan ka ngaihtuahna a ti buai pha tlat, a hmui sen no chek te, a mit mu lian lutuk si lo amawi tawk leka bial kulh te, asam se deuh hniang leh a hnar ngul zum mawi tawk lek te kha, khang khan ka mit ala ta chata khawdang reng reng ka hawisawn thei lo, ka nu khan phone call hmang chuan Nathana awmpui tur alak thu kha chu arawn sawi ngeia ka lo rindan ah kha chuan nu upa lam nimai turah ka lo ngaia mahse a lo ni ta hauh si lo.













Hun arala Tluangtluangi pawh khan min nel em ema a nuta ang tak takin min en bawk, keipawn ka farnu angin ka en emaw ka lo in ti a mahse hun areia Tluangtluangi chu ka vei ta renga, a hmel hmu lo a awm te kha hreawm tih chang ka nei thin chutih rual erawhin ka bialnu Amelia hmeichhe fel leh zaidam tak ka ngaihtuah lo thei si lo, min duh zia ka hria Tluangtluangi laka ka rilru put dan avang pawn Amelia lakah khan ka inthiam thin, ka inthunun hram hrama ka theih ang tawkin Amelia pawh ka ngaihsaka mahse atawpah chuan Tluangtluangi ka duhna in ka mit a ti del zo a min duh em em tu leh engtik lai pawha min ngaisak thin tu chu ka thlauh thla ta a.












Ka inthiam lo lutuk Amelia in then lo tura min ngen lai te khan ka rilru abuai ve tak zet, ka thinlung duh dan hi thunun thei ni ngat ila Tluangtluangi hi ka thlah anga Amelia hi ka kawp chhunzawm ngei ang, mahse ka thei tlat si lo, Amelia chu ka then hnu paw'n ka office ah arawn kal fo a mahse ka ngaihsak duh tehchiam lo, khawngaih mah ila ahma anga awmpui kha chu ka thei tawh tlat lo, ka taksa chu a bulah awm mahse ka rilru erawh midangin an nei daih si a chu chu atan pawh a fair dawn lo lutuk, chu vanga then hma pawh ka ni.















Amelia nen kanin kar ka tihtawp hnu chuan Tluangtluangi ah ka rilru ka pe chata han sawi mai ka hreh bawk nen ka che zia in ka ti lang tawp thin, mahse a ni la naupang deuh na na na chuan a hrethiam lo, ka ngaihsakna te leh ka duatna te kha farnu anga ka en vangah angai maia chu erawh a ni hauh si lo, Nathan nen anin neih tur thu an sawi zana ka rilru nat dan kha eng tik ah mah ka theihnghilh leh thei tawh lo ang, ka hmeichhia ni ngei tura ka lo ruat lawk chu ka unaupa ka thiantha ber ni bawk chuan min neih khalh ta a.


















( Ads click leh comment kha theihnghilh lo ula )





Story kan chhiar zawh rualin a hnuaia ads hi kan click theuh dawn nia aw, ads kan click hian writer ten hlawh an neih phah ve zel a nia



Show post links
Top