BOSS NATHANIEL BY Lalnunngheti Tetei (Completed)

[Ngaia]

BOSS NATHANIEL (CHAPTER-19 )





" Engtik ni ah emaw chuan i duh thu ngeiin min lo pan leh ang, " ti leh ngat tu chu nur nang hian ka melh a inring tawk lutuk te chuan ka nuih te lam lam a ti za, " chu zawng a thleng hauh lo ang, " ti let ve sak in ka kalsan nghal, " henu hi chuan a duh ve ngawt mai che, " nui deuh ti tiha rawn titu chu a awm ve tih ka lo theihnghilh, " ngawi mai teh, " ka tih nghut chuan a lo la nui hawk zui. Hospital chhungah chuan lutin Tluangtluangi awmna room lamah chuan kanin zui luta nutei chuan a lo hru fai mawlh mawlha ka pan phei vat, " nute keiman ka lo ti ang nangni chu va haw tawh zawk mai ru, " Bawihi melh pah chuan ka ti supa nutei chu a lo thaw hak.














" Ala harh bawk si lo a han kalsan tawp chu ka hreh deuh mawle, " zawi tak hian a rawn ti leh sep, Bawihi pawh hian nutei hi a ngaina a chutiangin nutei pawh hian, nufa ang mai an ni a a rilru tur chu ka hrethiam, mahse amah pawh hi a chak tha vak tawh bik lo a hetianga thut reng phei hi chu a thei lo tih pawh ka hria chuvanga ngaihtuah em em chu ka ni, " va haw ula engmah pawh ila ei loh kha damdawi ei la te i nei lehnghal bawk nen duh leh tlai lamah i lo kal leh zawk anga, " ka tih leh hnu chuan min hnial tawh bik lo, a thutna a tang a dingchhuak tur chu ka lo dawm bet nghal vat bawk, ka rin ang ngeiin a tha a tawm leh tawh a ni ngei ang a ding mar mai thei lo.














" Keipawh ka hman hunah ka lo kal leh ang, hna lam chu ngaihtuah suh, " Daniel-a pawh chuan an chhuah hma chuan alo ti ve sup a ka bu nghal nghat, nutei te an chhuah hnu chuan bawihi bulah chuan ka thu thla a tui lum chu a hmai vel chu ka hru pah zeuh zeuh bawk. Minute 10 dawn chutia Bawihi ka melh lai chuan arawn che deuh hruta ka thu ngil nghal vat, " bawihi min hre thei em, "? A kut chelhsak pah chuan ka ti leh sup, " tui, " a lo tih tiau chuan a mutna bula tui bottle awm chu ka ban nghal vat, no ah chuan thli chhuakin bawihi chu ka intir a a tui a hal tawh ngang aniang chu a in zo nghal vek.













" Na i la nei em, "? Amah melh chung chuan ka ti leh nghal vat a a ni erawh chuan a lu a lo thing mat mat thung, " U Nathan kan naute, " zawi sep hian a lo ti chhuak leh tiaua a lu ah chuan chulin " kan naute chu a tha engtin mah a awm lo, " ka ti dam dap a a ni erawh a tap chhuak nghal hawk, " Lalpa ka van lawm tak, engtin emaw a awm ka hlau lutuka, " ti pah chuan a tap nghal hawm hawma ka kuah bet vat, " a tha vek tawh, tap tawh suh i la dam chiang si lo a in tina leh palh hlauh ange, " ka tih hnu chuan a in hnit nghal feih feih a a tap chhuak tawh lem lo thung.














" Kan naute hi tu emaw hian min laksak a tum tlatin ka hria, " a lo ti leh tiaua ka thaw nghal hawk, " lungngai suh i bulah ka awm zel tawh dawn alawm tunah chuan tuman an tina leh tawh lo ang che, " amah hnem tum tak chuan ka ti leh a ani erawh a ngawi daih thung, " U Nathan kanin entir ni kha i la hria em, "? Kan ngawih deuh vang vang hnu chuan a rawn ti leh sep a ka lu ka lo buk khum nghal nghat, " khatah khan David khan damdawi...." a sawi zawh hma chuan doctor leh nurse te chu Bawihi check turin an lo luta bawihi pawh chu a tawng chhunzawm lem lo.














HMANGAIHTLUANGI POV:




Doctor leh nurse te'n min check-up a vang chuan ka sawi tur pawh chu ka sawi leh ta lo, hun remchangah chuan hrilh tho chu ka tum he thil ah hian David hian in rawlhna a nei chiang lutuk, ka hriat duh chu eng vanga ka chungah hetianga ti hi nge a nih tih leh amah chauha ti nge a nih anga thu rualpui a nei zawk ? Zawhna tam tak ka nei a chhanna pawh ka hre ngei bawk ang, hetiang taka nunrawnga kei leh ka naute chunga che tu hi ka ngaidam hauh lo ang.














Karkhat lai Damdawi in a kan awm hnu chuan kan chhuak ve hrama keipawh ka zia tawh lutuk, ahma ai mahin ka fimkhura chutiangin U Nathan pawh, hna ah pawh kal lo in min awmpui chawt thin a a inpe zo tak zet, nu Zamtei leh U Daniel-a pawn min lo kan reng thin bawka David erawh damdawiin kan awm chhungin vawikhat pawh a rawn lang lo, chu chuan ka rin hlelhna a ti zual ting bawk si. Chuan kar leh mai hian U Daniel-a leh U Amelia te pawh anin kutsuih tawh dawna ka lawmpui tak zet, vawin pawh hian nutei te inlamah an buai nilenga kei erawh damdawi in atang ka chhuahna a la rei lo bawk nen engmah min tih tir duh lem lo.













U Daniela te chhung hian U Nathan nena kanin neih dawn khan min buaipui nasa si a tunah lah keiin ka buaipui let ve thei der si lo lehlam takah chuan a inthlahrun awm tak zet, inah chuan nu Rami nen chauh kan awma U Nathan erawh hnaah a kal thung, vawin pawh min awmpui a tum leh tlat kha ania mahse a chawl rei tawh bawk nen kanin tir lui thei hram anih kha. Sitting room-ah chuan thu in Tv ka en a ka phone a lo rik chuan ka en nghal vat, celler id a ka nu tih lo lang avang chuan ka hnuk a ulh nghal tun mai, kanin biak khat zia ka hre chhuak hnu hnawh, rang takin phone chu ka la kanga ka beng zawnah chuan ka dah nghal zat.













" Bawihi i dam tha maw, " ka nu âw ka hre leh lek phei chu lawm avangin ka tap lo chauh, " aw dam tha e, nu nangni in dam tha maw, "? Pangngai tak chuan ka ti let ve nghal, " aw hei keini pawh kan dam tlang e, i nau pawh an exam zawh lai ania hei nimin khan a lo thlenga, " a tih chuan a exam a chhan that leh that loh te ka lo zawt ve nghal vat, " i nu Zamtei lah khan a fapa te inneihna a lo kal turin min lo chah nasa ngang mai a, " thu dang danga sawia kan ti ti luam hnu chuan a rawn ti sap a ka ngawi nghal vang vang, " chuan lo kal in tum em, "? Ka ti chhuak ve sep.















" Lo kal chu duh viau mah ila hun remchang kan nei lo a nih hi, vawk kan vulh leh tawh bawksia abuaithlak zo vek, " a rawn ti leh dap dapa an buai thin zia ka hria a ka dem lem lo, " Kum tawp lam hian in naute en turin kan lo zin ang, " a tih leh hnu chuan aw ka lo pawh vat, chanchin te kanin hrilh luam hnu chuan kanin biakna chu kan ti tawpa ka khua a har nghal rawih mai, hmun danga pasal neia awm ho chuan min hrethiam tho in ka ring, duh duh hunah kan chhungte kan hmu thei lo a kan harsatna leh kan lungngaihna lah a zawng zawnga kan hrilh a rem tawh hek lo.













" iva en tui hmel ve, " tu emaw in arawn tih chuan ka hawi phei vat, mahse min lo be tu chu ka rin loh lam daih a ni, "U Ame, " ka ti zawi nghal sep, buaina kan neih hnu atang khan vawikhat mah kanin be leh tawh lo hrim hrim kha a nia, " ka lo thu ve thei angem, "? A tih leh sep chuan ka ngaihtuahna atang ka harh chhuak zawk " aw thei e, lo thu rawh, " ka awmdan siamrem pah chuan ka ti nghal vat a, ani pawh chu a lo thu thla ve nghal mai bawk, " in hmuh lohna a rei tawh hle mai, " nuisang pah hian a lo ti leh a tuna a landan hi chu a nelawm thlawt hmana amah kha a ni leh tawh, ka ngainat em em leh min ngaina thintu ngei kha.













" Nia, inkhaw lamah khan ihaw ta daih sia, " tiin pang ngai tak chuan ka chhang let ve leh nghal, " ka chhungte ho in haw turin min chah nasa lutuka, i pum pawh chu a lian ve tawh khawp mai, " ti dam dap in ka pum chu a lo en a ka nui nghal seih, " Tluangtluang hmana kanin kara thil thleng te kha siamthat theih tawh loh mahse ngaihdam dil che ka duh a, ka lo ringsual lutuk che kha ka in thiam lo tak zet a theih hram chuan min ngaidam dawn nia, " ti pah chuan a kun nghal lap a ka rin loh lam daih a sawi a vang chuan ka lai deuh hu mai, " a ho lutuk U Ame ka theihnghilh vek tawh, i din hmun ang ah khan ding ila ka ti ve tho maithei a ni, " a in thiam lo lutuk chu tih reh tum takin ka ti let ve a a ni erawh a lo nui tawi tak thung.













" Ka tawngkhum dan che ka ngaihtuah hian ka zak em a ni, dik tak chuan lo hmu leh ngam tawh lo tur che hi ka ni zawka mahse ngaihdam dil loh tawp che chu a dik in ka hre si lo a ka zahtheih loh na zawng zawng sawm khawmin ka lo hmu tawp che, " ti pah chuan a nui leh hak haka a zat vanga nui ani lo tih erawh ka hre chiang viau thung, " a ho em mai, hun kal tawh a nia khang te chu ka theihnghilh vek tawh, tak in khaw nge in naute chu, " tiin thudangah chuan ka pakai san daiha a ni pawh chu a thaw ve huai mai, " inah ka nu te'n an awmpui a, " a lo ti let ve nghal sap.















" Nakinah ka lo phei ve dawn nia in naute pawh chu hmuh a chakawm a lawm le, " nui hak pah chuan ka ti let ve leha thu ho mai maia kan ti ti zui luam hnu chuan a tlai ve deuh tawh bawk nen " naute hnute pek a ngai, " tiin a haw a chutia U Amelia nen kanin kar a that leh takah chuan ka thaw veng sawt mai, U ang tak taka ka en thin kha a ni miaua ka la ngaina reng tih pawh ka hai lo. Dar 3 velah chuan inbual turin inchung lamah ka chho a, bathroom-a ka luh dawn lai chuan hmanni a damdawi bur ruak ho ka dah that kha hre chhuak thutin pawh dawh chu ka va hawnga ka dah dan ang thlap khan a lo la lawm.












Hmanni a ka ei mi tak kha la chhuakin ka en vang vanga ka thaw chhuak hak, naktuk lama en fiah tir turin ka rilru chu ka siam fela dahtha leh thap in bathroom lamah chuan ka lut zui nghal. Ka in bual zo bathroom atang ka chhuak chu U Nathana khumah alo thu vung tawh mai, min lo melh kar zui. " Eng nge, "? Min melh reng a vang chuan ka ti deuh hlara ka closet lamah ka phei zui nghal, " min ti phu lawm, " ka thawmhnaw hak tur ka lak lai chuan ka hnunglam a tang min lo kuah thuta ka phu lutuk chuan ka ti chhuak sep, " ka bula i awm reng chung pawh hian ka ngai che, " a rawn ti chhuak dut a ka tum loh deuhin ka nui chhuak hak.











" Khaw maw min thlah teh ka in thlak duh, " ti paha kalsawn ka tum chu min chelh nghet zual sauh, " tihian rei lo te awm lawk ang, " ti leh dut in ka nghawngah min lo fawpa ka thaw ka ip nghal vak, nupa ni mah ila hetianga awm hi chuan ka la zam ru viau mai, rei fe min kuah hnu chuan thaw hawkin a awm sawna a lamah chuan ka in her vat, a mitmeng chu a dul ruih hian ka hria, " ti nge i nuamsam vak na nge i mitmeng a dik lo, " ti sep in a chal chu ka va deka ka rin ang ngeiin a lo sa vur mai, " i khua a sik a nih hi, va mu rawh damdawi ka lo lak ang che, " ka tih pawh chuan che chang lo in a la ding ngawi reng, min melh chhuk ngur bawk.












" Ka sawi chu i hria em ? va mu rawh, " ka tih leh chuan a lo nui suk, nuih zat tur ka sawi pawn ka hre tawp si lo a, "min ngaihtuahna mitmeng kha hmuh a nuam, " naupang chhia zet a a tih chuan ka nerkhum sak, " damdawi ka lo la ang va mu rawh, " ti nawn lehin ka in her sana a ni pawh chu a kalsawn ve mai bawk, ka inthlak zawh hnu chuan closet atang ka chhuaka U Nathan chu khumah a lo mu bam tawh, damdawi ka dahna lam chu panin nachhawkna chu ka la a bulah chuan kal hnaiin tui nen chuan ka pe leh nghal zat, " puan ka lo sin thuah tir ang che mu rawh, " ti pah chuan ka kalsawna wardrobe-a ka blanket dah chu ka la chhuak leh te te a U Nathan chu ka sin tir leh thlap bawk.












" A vawt lutuk, " a ti deuh sup a ka khawngaih reuh lutuk, tunah tak hi chuan naupang dam lo ang mai a ni, " ti khan lo mu lum rawh, " ti paha kalsawn ka tum chu ka banah min lo chelh nghal chat, " lo mu ve la mahni chuan in mut lum a har e, " a lo ti leh dut a hahthlak ka ti tak zet, mahse dam lo a nia han hnial mai chu ka hre ve tho bawk sia, atawpah chuan ka in thawlh ve ta ringawt, ka mu chiah chu min kuah bet hlun lehnghal a ka thaw tha thei dawn lo tep alawm maw le. " Ka mutthilh lai in khawiah mah kal suh ang che, " arawn ti leh hrama ka chhang buai peih lo, minute tam pawh a liam hma chuan a muhil a ni ngei ang ka nghawng bulah a thaw lum ham ham mai.









_____________ZAWMNA__________





A thawk la ri ngaithla ran chung chuan ka mit ka chhing zui ve vang vanga rei lo ah ka muhil zawm ve nghal. Ka nghawng lo nul thuak thuak thintu a vang chuan ka harh zawk, ka men chhuah rual chuan U Nathan chuan min lo nuih nghal suka keipawh chuan ka nuih let ve nghal seih, " i zia tawh em, " a pang khawih pah chuan ka ti nghal sep, " aw zia tawh lutuk, i bula ka mut kha damdawi thaber a lo nih zawk kha, " a tih chuan nghal ti fe hian ka melh, " ka nupui kuah lum hi damna tha ber a ni, " naupangchhia zet a a lo tih thum leh dut chuan ka tum loh deuh in ka nui chhuak hak.
















" Tho ang ka ril atam, " ti paha thawh mai ka tum chu min delh bet lehnghal zat, " eng...." ka thusawi tur pawh ka sawi zawh hma hauh chuan ka hmui chu a hmui lum ther ther in alo khar chilh hmiah, dam dap hian min fawpa ka tan pawh dawn sawn a nuam tak zet, ka chhang let hnu phei chuan a hma ai maha uar in min fawpa chutiangin keipawn duh thawh zet in ka chhang let ve bawk. Chutianga rei fe thaw chham lek leka kanin fawh hnu chuan a awm hranga thawk kan la dun nghal kawk kawk, " duhawm lutuk, " ka bianga lo piai zeuh pah chuan a rawn ti sup a kei ka lo lai leh hmanhmawh, a awmah chuan ka hmai ka phuma ka hmai chuan ka nawr nghal salh, a lo nui nghawr dat zui.













" Tho ang le, " ti pah chuan a thu chhuak vuta keipawh ka tho zui ve nghal, inhnuai lamah chuan kan in zui thla a chawei nan a la hma deuh bawk nen sitting room ah chuan Tv enin in ngheng rialin kan thu dun a, " zanin chu nutei te in lamah leng phei ve i la, " a rawn tih dut chuan ka hnial lo viau mahse amah ber hi a dam tha reuh bawk si lo a, " i dam chiang bawk si lo a zan chhuah chu ava tih chi awm lo ve, "? Ka tih chuan a ngawi deuh vung vunga, " ka zia tawh alawm, va in lan ve hrim hrim chu a tha ang tunlai phei chu kan lang khat sia, " a tih leh takah chuan ka hnial duh ta bik lo, keipawn a thusawi chu dik ka ti nu Zamtei lakah pawh a inthlahrun awm zawk.











An ni an lo leng phei deuh renga kei ni erawh kan phei ngai meuh lo ve thung a, ka rai hnu phei hi chuan han chhuah vah vak hi an phal lo bawk nen ka chhuak ngai meuh lo chu a ni. Dar 5 velah chaw kan ei a kan ei kham hnu chuan thawmhnaw lum te inbel in nu Zamtei te inlam ah chuan kanin zui phei a, kalkawngah te chuan min dawm bet tlat a ka nuih a ti za ang reng viau, nu Zamtei te in kan thlen chuan door bell pawh hmet duh lem lo in kan lut ve nghal thawra in leng an lo nei a sitting room lamah chuan an lo thu khat hnur mai. " Tluangtluang in lo leng phei ve a nimaw lo kal ru he lamah, " nu Zamtei chuan min hmuh rual chuan alo ti nghal vata choka lamah chuan min hruai lut nghal zat.













" Ti khan lo awm rawh aw saw lamah sawn ka va thu phei ve lawk ange, " U Nathan-a chuan a lo ti dut a ka lo bu nghal nghat, sitting room lamah chuan a phei a midang lo awm ve ho chuan an lo be nghal sap sap, " i U Ame pawh a lo chhuk tep ang naute a mut tir lawk a nih kha, " ka bula lo thut thlak ve pah chuan a lo ti nghal sep, naute ber an neih tawh avangin dan puitlingin an in nei thei tawh lo a tihian in ru ang deuhin an awm tawp mai kha a nia, " i zia deuh tawh em, "? a lo tih leh chuan ka that tawh thu in ka lo chhang let ve nghal vat.










" E saw i U Ame te pawh an lo chhuk a lawm, " a tih leh chuan a hawina lam chu ka hawi phei ve vat a, U Amelia leh U Daniel te chu an lo in zui thla a anin be pah mawlh mawlh bawk, tuna an lan danah hi chuan nupa hlim tak an ang tak zet chuan ka lawmpui hle bawk, keimah ni ang tho in harsatna tam tak an tawk ve tho a mahse tunah chuan hlim takin an awm tawh a a lawmawm tak zet, " ehe! Tluangtluang in lo leng phei ve a nimaw, " U Ame chuan min hmuh rual chuan a lo ti nghal hluaia nuih sak in ka lu ka buk khum nghat, " in van ti lawmawm ve, " ti leh sep in ka bulah chuan a lo thu thla ve nghala U Daniela ve thung chu sitting room lamah a phei thung.















" In lo kal dawn tih hria i la bawihpuia kha ka lo la ti mu lo tur a nia, " arawn ti leh deuh sep a, " hmuhna hun a la tam tho a lawm, keimahni paw'n kan lo kal tur thu kan lo sawi lawk lo hrim hrima, " ka ti let ve nghal sep. " A dik tho, mahse lo kal rawh chho ang " tih leh thawh a rual nghala keipawh chu min pawt tho ve nghal zat. " Nu room lamah kan han chho lawk aw, " tiin nu Zamtei chu a hrilh a nu Zamtei pawh chu a lo bu nghal mai bawk. An room lamah chuan min kai chho a ka room hlui ka hmuh chuan ka lung a leng ve tak zet, chhungkua ang mai khan kan lo khawsa ho thin si a.












" Lo lut rawh, " tiin an room-ah chuan a lut hmasa a keipawh chuan ka zui lut ve nghal zat, U Daniela chauhin a hman lai ai kha chuan alo zau ve deuh tawh, bungrua vel lah chu a felfai thlap mai bawk sia. " hei Bawihpuia chu a la mutui lutuk, " ti pahin an khum lamah chuan a kal pheia kei pawh chuan ka zui ve lehnghal, an fapa khuma tui ti taka lo mu bam mai ka hmuh chuan ka nui nghal sen sen, a nu leh pa te an hmeltha bawka amah pawh chu hmeltha tak a ni, a biang a tai deuh tek lehnghal a, " a van hmeltha reuh tak, " ka ti chhuak sep, " chuti maw ivan ti lawmawm," tiin U Amelia pawh chuan min lo chhawn ve nghal zat.













Room kawngkhar hawn ri ah chuan ka hawi phei nghal vata U Nathana lek chu ni in, " naute i lo en a ni maw, "? ti thum dut in a rawn kal pheia khuma bawihpuia mu bam chu a lo thlek nghal vung vung, " ti nge i lo chhoh a kan la ti ti duh a sin, " U Amelia chuan U Nathan chu a lo fiam nghal zat a U Nathan pawh chu alo nui ve nghal suk, " kan haw tawh mai ang zan dangah kan rawn leng leh zawk dawn nia, " U Nathan bawk chuan a lo ti leh a U Amelia chuan kan haw chu a lo phal lo nasa mai.A tawpah phei chuan U Nathana tlai lam panga a khua a sik thu te chu ka sawi kai ta ringawta chutia ka sawi takah chuan a ni paw'n a lo hrethiam ve nghal mai bawk.














In mangtha in room atang chuan kanin zui chhuaka inhnuai lama mi ho chu kan haw tur thu hrilh in kan in zui chhuak a. Kan in kan thlen chuan a tlai tawh bawk nen room lamah kan chho tlang nghal zat, " U Daniela te naute ka hmuh khan naute neih minti chak zual sauh, " ka tih chuan a lo nui hawk, khumah in kuah rialin kan mudun a kan ti ti melh melh bawk. " Pathian in mal minsawm anga fanu emaw fapa duhawm deuh kan la nei ve mai ang, " ti dut in ka chhip ah chuan a lo fawp vang vanga ka thaw veng huai mai.















Zing lam dar 7 vel ah tho in pangpar tui te ka pe a thli lo thaw heuh heuh in min lo chhem chuan ka hahdam suai suai nimai hian ka hria. " Keiman ka ti thei reng alawm ti nge i lo tih duh, " nu Rami chuan min lo pan phei pahin a lo ti hlak hlaka keiin ka lo nuih liam pui mai thung, eng mah tih hi a phal lo tawpa min ngaihtuah vang chu ni tho mahse keimah tak hian nuam ka ti tlat lo, ka tleirawl chhuah tirh a tang tawhin inchhung khur chet vel te hi chu ka tih than a nia ngaiah ka nei tlat tawh, kut a awl hlek te hian ka awm thiam mang lo tih tur hi ka zawng leh nge nge thin, hei hi ka nu min hauh tamna ber pakhat a ni bawk.













" Khawi keiman ka lo ti ang va lut rawh, " ti paha ka pangpar tui pekna rawn lak a tum chuan ka lo dang vat, " ka zo tep tawh tho keiman ka lo ti law law ang, " ka tih pawh chuan a la remti mai bik lo, " khawi keiman ka lo ti tawh ang han lut rawh, " a lo ti leh tal a ka ngaipawimawh duh ta bik lo ka thil tih lai chu ka chhun zawm mial mial, hlawh neia kan chhawr mah nise engkim a kuta dah vek chu ka khawngaih ve tlat, kum upa lam a lo ni ve tawh bawk nen. Pangpar tui ka pek chhung zawng chu ka bulah a lo ding ve renga ka pek zawh hnu chuan in chhung lamah kanin zui luta U Nathan pawh in siamsa dap in room atang a lo chhuak ve chiah.












" Morning, " ti sup in ka chalah min lo fawp zeuh a ka nui nghal sen sen, " tukin chu i va hma ve, " a kawr nghawng siam that sak pah chuan ka ti sep a min melh dan chu duhawm tak a ni, " tukin chu hotel lamah meetting kan nei dawna chu vang chu maw le, " arawn ti sup a ka lo bu nghal nghat, " e taka vawin chu kal lawkna tur ka nei a, " damdawi in a kal ka ngaih chu hre chhuak thut in ka ti leh a ka kal duhna erawh sawi lan ka tum lo thung, a chhan min zawt leh ngei anga kei lahin ka sawithei mai bawk si lo, he thil hi fin fiahna nen thlap lo chuan sawi lan chi a ni tlat lo a.












Fin fiahna tel miah lo in David hi puh ringawt ta i la U Nathan hian eng tin nge min ngaih ang ? A nau tak tak anga a en kha a ni miaua keimah zawk hi min ngaih dik loh phah ve thei tho. Fin fiahna tha tak ka neih hnu ah erawh chuan huaisen takin ka sawi ngam ngei ang. " Eng nge i ngaihtuah vung vung a, " ti paha ka hmai bul cheta a lo kun hniam chuan ka phu deuh zuk, " Ahh..ih eng mah maw le i hmanhmawh deuh chuan chaw ei hmasa mai la, " ka ti bah deuh nuaia U Nathan erawh chuan chik fe hian min melh ngur thung, " khawiah maw kal i tum a, " a tih leh chuan chil ka lem ri khawlh, chhuan lam tur hre hmasa miah lo in ka sawichhuak ve tawpa mawl ka va han in ti tak.















" Thawmhnaw lei ka ngaia i hriat ang in ka kawr neihsa ho saw ka tawt vek sia, " ka ngawih fe hnu chuan ka ti ta ringawt, " a nih te chuan min chah mai la i chhuah kher a ngai hleinem, " a rawn ti leh tal zui, " keimah ngei in lei ka duh alawm, duhzawng bik te ka nei a, " tiin dawt dang chu ka sawi belh leh a a ni pawh chuan min hnial tawh bik lo in fimkhur turin min chah ta ringawt, zawhna dang nei la ngat se zawng chhan dan tur reng reng ka hre tawh lo ang, ka tet te atang dawtsawi hi chu ka thiam lo hrim hrim bawk nen.












Chawei kham lamah chuan a rualin min kal tir a tum leh ta tho a min rin hlelh loh nan sawibuai lo in ka zui ve ta ringawt, " fimkhur la i hawna tur taxi i chan lai te khan kawngpui sir ah i awm dawn nia, " ti leh dap in a car chu a ti dinga ka chhuk nghal vat, " chak deuhin khalh suh aw, " a tlan chhuak tur chu ka ti sep a nui sukin a lu a bu nghut. Min drop na a tang hospital chu a hla lutuk lo bawk nen ka phei nghal vat, hmanni a kan entirna damdawi in kawtah chuan ka ding ran a thawk ka la leh hak thin, ka rin hlelhna hi dik lo se ka ti tak zet.



















Ka rilru in ka tawngtai pah char char a a vawithum nan thawk chu la leh hak in damdawi in chhung ah chuan ka pen lut a ka zam ru tak zet. Vawin pawh ka vannei leh pek khawp mai in entir tlem ni a lo ni hlauh a, midang ho lo thut khawmna ah chuan pheiin ka thu thla ve nghala midang in entir tur lo awm ve ho chuan min lo be nghal sap sap, " Car company leh Hotel nei tupa Pu Nathaniel-a nupui kha i ni em, "? Hmeichhe pakhat hian a rawn ti sep a ka nih thu in ka lo chhang ve nghal vat, a hmelah chuan a upat lutuk hmel bik loh kei ai kum hnih thum bakin a upat hmel loh.



















" Ka hmu thei che chu ka van lawm em em, phone a ka hmuh ai ngawt che chuan a takah hian i lo hmeltha leh zual a nih hi, " nui sen sen paha a tih chuan ka nui ve ringawt. " In entir turin mi i lo kal a, " a rawn ti leh a ka lo bu ve nghat, nurse in a koh luh hma zawng chu kan ti ti dun a a tawng duh reuh bawk nen kei tak pawh hian ka ngaina viau mai. Darkar chanve hnu velah chuan nurse pakhat chuan lut turin min ti a ka thutna a tang chuan ka tho kang nghal vat, " ehe! Nangmah i ni maw, "? Doctor Rintei chuan min hmuh rual chuan a lo ti nghal hluaia ka lo nuih seih, a ni hi U Nathana nena college kal ho thin a ni a kei tak pawh hi min nel viau mai.















Amah a hawih hawmin a fel reuh bawk nen kanin kawm ve thei fu bawk. " In check-up hun a ni si lo a engti in nge irawn kal deuh ber, "? ka thut thlak rual chuan zawhna min lo zawt nghal zat a keipawh chuan peh hel ka tum bik lo, ka bag a tang ka damdawi bur ruak ah ho chu ka phawrh chhuaka a hmaah chuan ka dah thla nghal zat bawk. " Heng te hman ni a leina tur min hrilh atanga kan lei kha a nia a dik chiah em min han en fiah sak teh, " ka tih chuan damdawi chu a la kanga a en nghal vang vanga, " Kan damdawi chu ani ngei a mahse heng te hi chu ka chawh mi che kha a ni si lo a." Ti paha min melh chuan ka thinphu a rang tawh lutuk tlat.















" Ka hmelhriat pakhat in a va lei khan heng te hi ei tel a that thu sawiin min lo chawh a ni awm a, " ka hlauhthawnna thup tum tak chuan ka ti leh a a hmel ah chuan mak tihna hlir a lang tawh. " Ava mak dawn ve mawle, heng te hi chu rai lai ei chi ani miah si lo a kan zawt chiang dawn nia, " tiin a ding nghal hliai a kei in ka melh deuh haw thung, " ka ila hmanni a in leina ah khan kan zawt fiah dawn nia, " a tih takah chuan keipawh ka ding ve nghal vat, kan pahnih chuan in zui chhuak in hmanni a David-a damdawi leina ah ngei khan kan lut a ka hlauthawng tak zet.
















" Heng damdawi hi rai lai ei tur a tan in lo chawh em ni a "? ti pahin Doctor Rintei chuan ka damdawi ken ho chu a hmuh tir hlawma chuta lo awm ho chuan an en dik nghal zat, " hetiang hi chu rai lai ei tur a tan kan hralh chhuak hauh lo, " tiin pakhat chuan a lo chhanga midang ho pawh chu an lo bu ve nghal nghat, " mahse heta tang ngeia kan lei hi a ni sia, chuan heta hnathawk te hian rai laia ei a tan a tha niin in sawi ka lo hre bawka, " ka tih ve sep chuan mak mintih hmel hlawm viau mai, " ka pi i hresual a niang hetiang hi chu rai lai ei turin kan pe chhuak lo hrim hrim, a thuhrimin rai lai ho ei tur bik hi chu doctor lehkha tel lo chuan kan pe chhuak ngai bawk lo, " pakhat chuan a lo ti leha rilru a buai nuai mai.












" Tluangtluang an sawi dik rai lai ho bik ei tur damdawi hi chu lehkha tel lo chuan an la chhuak thei lo, engtin nge heng damdawi te hi in lei daih theih reng reng le, tu nge a lei tu hi, " ? A tih chuan ka thinphu a rang nghal sawt sawt, ka rin hlelhna hi a dik a ni tih lah a chiang tulh tulh mai si a, " e...tak in hmanni a tlangval damdawi lo lei khan hetiang damdawi hi a lei tak, chuan naupai lai tana ei chi a nih leh nih loh pawh min zawt tak, keimah ngei hian ka hrilh fiah nghe nghe a lawm, " an zinga pakhat in a lo tih chuan ka nghilh dup nimai hian ka hria, " cctv ah chupa hmel chu en i la Tluangtluang damdawi i lei tir mi a nih chuan he thil hi a pawithui thei tlat, " Doctor Rini chuan a lo ti sep a dawrnghaktu te hnenah chuan cctv endik turin a hrilh nghal zat bawk. David ngei a ni tih a chiang reng tawh bawk si, engtia hmachhawn tur nge ka hrethiam lo











( NITIN KA TYPE A CHUTI CHUNG PAW'N CHHIAR THAM A TLING THEI MEUH LO, A STORY HIAN TAWP LAM A HNAIH TAWH A VANGIN ULUK VE DEUH A NGAI TAWH A, KA TYPE TEUH TAWH HNU AH KA HAN EN NAWN LEH A KA DUH THU A SAM LEH LO A KA TYPE SA CHU KA DELETE A KA HAN SIAMTHA LEH TE TE THIN BAWK A, CHUVANG IN NANGNI PAW'N MIN LO HRETHIAM HRAM HRAM MAI RU AW, ZANTIN KA DAH THEI LO A NIH PAW'N KA TYPE LOH VANG NI LO IN CHHIAR THAM KA TYPE THEI NGANG LO TIH MIN LO HRIATSAK MAI DAWN NIA AW )


Show post links
Top

[Ngaia]

BOSS NATHANIEL ( CHAPTER-20 )




Cctv chu en theih turin hnathawk ho chuan an buatsaih a tih ber tur pawh ka hre tawh lo, David-a ngei a ni dawn tih chiang reng mahse ni lo se tih chu ka rilrua awm lian ber a ni tho tho, mak ka ti in min thawng em a ni. " Hei le, " pakhatin a tih chuan ka hawi nghal vat, Doctor Rini chuan a pan hnaia kei erawh ka dinna ngaiah ka la ding reng thung. " Tluangtluang he thil hi a tak tak a ni em, David maw, " ni e Doctor Rini pawh hian a hre chiang khawp ang U Daniela nen pawh anin kawm ve thin miaua, " Rin, engtin nge, "? Chu chauh chu ka sawithei ka tawt nghal vek.



















" I hresa tihna mi, "? A tih chuan harsa ti fe hian ka lu chu ka bu nghata thawk a la haka mak tih hmel fe hian min en, " he thu hi helaia awm ho chauh hian kan hre rih tur a ni, chuan he video hi lo dahtha bawk ang che u, " tiin hnathawk ho chu Rini chuan thu a pe a kan awmna chu a reh nghal thap, sawi ber tur pawh ka hre lo. " Ti rawh ka office lamah in kawm ang, " ka bul hnaia lo kal pah chuan arawn ti sep a amah chu a chhuak zui nghal bawk, keipawh chuan a hnungah chuan ka zui ve a a office lam pan chuan kan pheia ka rilru chu a buai nuai tawh, he thil hi U Nathana eng tin nge ka hrilh theih ang tih leh U Nathan hian engtin nge David hi a tih ang tih mawlh chu ka ngaihtuah.




















" Thu la, " a office a kan luh rual chuan a ti nghala keipawh chu ka thu thla ve nghal vat, " peh hel kual vel a tul tawh lo in ka hria, Tluangtluang engtin nge hetiang thil hi a thlen theih ? ka sawi awmzia chu eng tin nge David hian i chungah tianghi a tih theih a, "? Tiin hriatthiam har tih hmel fe chuan min en a chhan dan tur tak pawh ka hre lo, kei ngei pawh hian achhan chu ka hre lo miau a. " Nathana leh Daniela hrilh hriat ve vat an ngai a nih hi, hei hi chu ngaih thah chi a ni hauh lo ang tualthah tumna a ni, " a tih leh lek phei chuan thawk ngaihna pawh ka hre lo, nu Zamtei awmdan tur vel ka ngaihtuaha ka khawngaih tak zet, amah a hrisel lo bawk nen hetiang thu thin thawng lutuk a hriat phei chuan eng tin tak nge a thawn ang.?





















" Rin, khawngaih takin he thil hi min zep sak thei angem, "? Ka tih chuan mak mintih hmel fe hian min en, " ka sawi awm zia tak chu keiman U Nathan te chu ka lo hrilh ang a, mahse tuna hrilh nghal mai chu ka thei lo, chumi hma zawng chu min zep sak turin ka ngen che a ni, " tiin a mittah tak chuan ka melha a nipawh chuan min hriatthiam hmel fe hian a lu a lo bu ve nghat, " mahse hrilh tlai chi a ni lo ang aw, " a tih chuan keipawh chu ka bu ve nghal nghat, " eng vanga hetianga ti hi nge a ni tih rindan te i nei em, "? A tih leh chuan ka ngaihtuaha rindan pawh ka nei em em lo, unau anga in en kan lo ni bawk nen kei tak pawh hi min thawng em a tin ni.
















" Rindan pawh ka nei lo, eng mah hi ka hrethiam lo, " ka ti chhuak hap a Rini pawh chuan beidawn hmel takin min lo en ve reng bawk, " hriat chian kan tum dawn nia, chua he thil hi amaha ti nge a nih anga midang inrawlh an awm ve ang, chu pawh chu hriat a tul tak zet, " a lo ti leh dap dap a keipawh chu chu ka ngaihdan chiah a ni, he thil ah hian amah mai chuan a lo inrawlh lo ve thei tlat, mahse chutianga a thurualpui tur awm ang chu han rin mai a harsa ve deuh, " a nih chuan ka kal phawt ang, chuan khawngaihin he thu hi keiman tul ka tih hma loh chu lo zep hram hram rawh aw, " tiin ka chah nawn leh mawlh mawlh a, amah ka rin loh vang lam ni lo in ka hlauhthawnna a vang zawka sawi reng ka ni, " a tha lawm min ring rawh, " a lo tih sep chuan ka thaw nghal hak.
















Damdawi in atang ka chhuah hnu chuan ka ingaihtuah neuh neuha, U Nathana ka hrilh phawt ta i la aman David-a chu zawt ta se thil hi a fel thei zawk a ngem tih te chu ka ngaihtuaha, keimah zawk hian zawt tawp ta i la a thil tih chhan zawng zawng te hi tih thleng chuan ka ngaihtuah tel bawk a mahse min hrilh duh chu ka ring chiah si lo. Kawnga ka kal lai te chuan thil dang reng reng ka rilru ah a leng lo a ni ber ang chu, " Tluangtluang, " tu emaw in min ko ri ah chuan ka ding dat a aw lo chhuahna lam chu ka hawiphei nghal zat, ka mi hmuh avang chuan ka ding khawng at mai, " in hmuh lohna a va rei ta ve, " tiin Fred chu ka bulah a lo dinga a nui pah sang bawk, " nia, " tiin tawite chuan ka chhang let ve sep.














" Tunlai i damtha maw, "? A tih chuan ka damthat thu in ka chhang ve leh mai a kanin kara thil lo thleng tawh te chu nunhlui a nia khami a vanga biak that loh vel kha ka duh dan a ni ve hauh lo, " chuan i dul pawh chu a lian ve tawh khawp mai, " tiin a nui leh suk a, keipawh chu ka nui tawi tak, " tunlai eng nge i thawh thin a, " ka tih chuan company lampangah a thawh thu in min chhanga chutia kan lo in hmu fuh ta sa sa tiin thingpui dawra chawl tur chuan min sawma hnial ka tum zet na chu min tihluih tlat avangin ka hnial duh ta bik lo, " nupui te i nei dawn hnai em, " dawra kan thut luh rual chuan ka ti sep a a khabe chu dawmin uluk tak hian min en nghal run mai.














" Tum deuha mahse ka thulh leh mai, hetianga awm mai mai hi nuam ka la ti rih tlat, " a tih chuan ka chhang zui tawh lem lo, dawhkana an menu dah chu la in ka ei duh ang chu ka order nghala Fred pawh chuan thildang chah bik lo chuan ka ei ang chu a chah ve nghal mai bawk. " In pa chuan a duat hle che a nih dawn kha i thau kung kung mai lawm, " fiamthu ti tak zet hian a lo ti leh a ka nui nghal hak, " nia min duat lutuk, nangpawn nupui duat tur nei ve vat rawh, " ka ti let ve zeuha a lo nui nghal hawk, " Tluangtluang dik tak chuan maw nangmah avang hian nupui pawh ka la nei thei lo a nih hi, " a ti zawi sup a a hmel chu a thutak nghal run bawk.












" Ah...chutiang sawisuh, " ka ti ta ringawt awmdan tur ber pawh ka thiam lo, " nangmah ka phatsan vang che khan a ni ngei ang tun thleng hian ngaihzawng neih lamah ka tluan loh, " ti pah chuan a khi leh suk a kei erawh ka ngawireng thung, " nang kha lo phatsan miah lo che ni ila tunah te hian kan in nei daih tawh tur zawk a nia tiraw, "? a thusawi danah chuan a inchhir hle tih ka hriat sak, keipawn ka pha lo a ni hi ka duh thin lutuk tih kha, chuan khatiang thil kha thleng lo ni ta se ama sawidan ang ngei khan kan in nei daih tawh nghe nghe ang,



















mahse khuanu remruat dan hi chu amaka ka mipa duh em em thin ka pasal ni tura ka ruat kha min neih tir lo in, ka mipa huat em em leh ka nun ti chhe tu chu min neih tira chuan ka hmangaih hial bawk a. " Min ngaidam thei angem eng kim avang khan, "? Arawn tih leh dut chuan ka ngaihtuahna atang harh chhuakin amah chu ka en nghak vat, " Fred hun kal tawh avanga buai reng turin ka duh lo che a nia, kei chuan ka ngaidam vek tawh che a lawm, " a mita melh ran chunga ka tih chuan a lu a bu ve nghut, " min ngaihdam duh ka rin loh teh lul nen, mahse nang chuan min ngaidam duh a, ka lawm e " a ti zawi leh sep a chutih rual chuan kan eitur chah pawh a lo thleng ve nghal bawk.















Eitur chu kan ei mawp mawpa kan in be zui ta em em lo, tunah chuan nunthar neiin ka hun ka hmang meka ka nunhlui avanga buai mai mai chu ka duh tawh lo. Thil kan ei zawh hnu chuan Fred chuan kan thil ei man pe tura kal a tum a, " keiman ka pe ang " ti paha ka din hluai chuan min dang vat, " ka ngaihdam dilna min pawmsak avanga lawmthu sawina ah ngai mai rawh, " a ti deuh tlata ka hnial fe hnu pawh chuan ka thusawi chu a la zawm duh chuang lo, a tawpah phei chuan ka hnial duh ta lo law law zawk. A luhlul zia leh a thil tum chu ti hlawhtling ngei ngei thin mi a ni tih ka hre bawka eng mah ka sawi zui duh lem lo.

















" A nih chuan inenkawl tha rawh aw, kan in hmuh leh hunah chuan naute duhawm deuh ka hmuh ngei ka lo beisei ang, " pawna kanin zui chhuah hnu chuan a lo ti sup a keipawh chu nui hak in ka bu ve nghat, kanin then hran hnu chuan taxi kachanga kanin lam pan chuan kanin khalh chhuak zui nghal zat. " Ka pi kan thleng tawh e, " rawn titu avang chuan ka phu deuh zuk, ka rilru a lo vak kual leh nasa hman hle chu ni in ka hawi chhuah chuan kanin bulah kan lo ding reng tawh mai, chuan man te pe fel in kanin lam pan chuan ka kal pheia kawngkhar bul ka thlen chuan ka thil theihnghilh ka hrechhuak nghal zat.














Rai kawr vel lei tura kal ang khan ka in sawia kei lah chuan eng mah ka lei haw der si lo, chhuan lam tha tak ka siam leh ngei chu a ngai ngei ang. Inchhung ah chuan ka lut a a lo reh thap zui, thildang pawh ti hmasa ta lem lo chuan inchung lamah ka chho a kan room-ah chuan lut in khumah chuan ka thu thla nghal hnawk, U Nathana ka biak dan tur mawlh chu ka ngaihtuah, eng tin nge a ngaih ang tih te ka ngaihtuah tel leh zel bawka ka rilru a buai tak zet, mahse zep reng chu thil tha ber a ni lo bawk nen ka hrilh tho tho chu a ngai ngei ang, eng vanga hetiang thil rapthlak lutuk hi David hian ti nge a nih ang, min lo haw hle ni ta se min huat na chhan tur pawh chu a awmin ka hre bawk si lo.















Rilru buai nuai chuan ka awma tih hmasak ber tur pawh ka hrethiam bik lo, U Daniel-a hi hrilh ta zawk ila tih te chu ka ngaihtuah leh a mahse chu chu a tha angem ka chiang chuang lo. Thawk la ei hrawk in khumah chuan ka mu a ka thin zawn tawt lutuk avang chuan thawk pawh a harsa talh mai, " bawihte engtin nge ka tih ang le, " ? Ti in ka pum chhunga naute insiam mek chu bia in ka phun sep a ka mit ka chhing zui nghal vang vang. Ka hmaia lo chul riak riak tu a vang chuan ka harh deuh riai riaia U Nathan-a a lo haw tawh a ni ngei ang. " A rei tawh lo ang, " ti in a phun ri sup a, mahse U Nathan-a âw a ni hauh lo ka mak ti lutuk chu ka mengchhuak nghal vat a ka mi hmuh avang chuan ka khawng nghal awt thei.














" I lo harh tawh maw, "? Ti paha nui sukin min lo ban a khum atang chuan rang takin ka tho chhuak nghal. " Eng tin nge hetah hian i awm theih, " ka hlauthawng lutuk chu ka âw te a khur hial, " min hlau em ni, "? ti paha thutak fe a min en phei chuan ka rap ngawih ngawih, " David ti nge hetianga i awm, " ti sep in ka hmaa thu David chu ka melh pah ralh a a ni erawh a lo nui suk thung, " i hre lo maw, "? ti pah chuan arawn tho kanga kei ka tawlh hnung nghal hret, " a chhan chu nangmah vang vek a nih hi, engkim hi i thiam loh vek a ni kan nunah lo lang lo ni la hetiang hian kan awm lo ang, " a tih chuan a thusawi chu ka hrethiam lo tak zet.














" Mahse lo lang lo ni la khang hun chhung zawnga hlimna tlem te ka lo neih ve te kha ka nei dawn si lo a, " ti pah chuan min lo hnaih leh hruta ka hlauthawng tak zet, ka naute hial thah a lo tum tawha keipawh hi min tina hreh hauh lo ang, " i thusawi awm zia ka hre lo minhnaih tawh suh, " ti vin thatin kawngkhar awmna lampan chuan ka tlana kawngkhar bul ka thleng hman tawk tih ah chuan ka sam a tang min lo thamin a lamah chuan min pawt hnai hrawka ka rak nghal that, " shh...engtin mah tih che ka tum lo, " ti pah chuan ka biangah a lo chul a ka duh lo lutuk chu ka tal nghal phat, " min thlah rawh David i eng pawi nge ka sawia hetiang taka ka chunga i nunrawn, " ka hlauhna te chu datha in ka ti chhuak that.















" Ka laka i tihsual hi i hre lo tak zet amaw, "? A tih chuan thei leh thei lo in ka bu nghat, " a chhan chu ka hrilh ang che lo ngaithla rawh, " ti vawt ruhin a hmaah chuan min din tira ka dar tawn tawnah chuan min vuan nghal bawk, nu Rami chu auh duh viau mah ila a thil tih sual ka hriat theihna chance tha tak a nih avangin ka au duh ta lo law law, " nanghi ka hmuh hmasak ber atang che in ka duh tawh che a sin, nang chuan i hre miah lo ang tiraw ? I bula ka awm khan ka hlim thin em em a midang tumah ka mamawh ngai hek lo, mahse ka ta a ka siam hma hauh che in i pasal laktlak loh zet leh ka U kha an lo lang phiangsen a, " tiin a insehruh nghal tawlh tawlha ka hlaua mahse tih lan ka tum lo.


















Chuan a thusawi tin te chuan min thawng em em vek bawk a, a ni hian min duh thin tih chu awi harsa ka ti ngang mai, unau ang chiaha ka en kha a nia a ni pawn chutiang chuan min en ve in ka lo ngai a, mahse thil hi ka rin phak bak daihin a kal, " ka U khan a hmuh hmasak ber ni che a amelh dan che kha ka hai hauh lo a sin, mahse tih theih ka nei miau si lo a, i laka beidawn erawh ka tum bik chuang hauh lo thung chuan ka hnaih theih nan che tiin ka kawm tam reng bawk che a, mahse nang chuan kei ai ka U kha i ngaina zawk a in nek taka in awm hmuh kha ka tan a hreawm zia i hrethiam phak lo ang, " ti leh sup in a chawl dat a a mitmeng chu a sen ram bawk nen ka hlau ve tak zet.















" Ka U khan a duh tih che kha ka hria a mahse ka beidawng bik miah lo, i duh ve lo a ni tih ka hriat leh zel phei kha chuan ka hlim veng veng, ka ta a ka siam theihna hun che a lo in her chiah ni ah ka ngai a, mahse he i pasal hi a lo lang leh a a ni hrep hian nupuia neih a duh thu che a sawi khan ka thin zawn hi chemte hriam takin a tai thler ang mai hian ana a sin, chuan nangpawn i lo hnial miah lo bawka neih i duh ve thu isawi ni khan thah che ka chak tak zet, " a thusawi tawp lam chu a vin hle a min thah a chak thu a sawiri te chu hlauhawm tak a ni, hetiang thil a thleng hi mak ka ti in dawnsawn dan tur pawh ka hre lo tak zet.











<<<<<<<<ZAWMNA>>>>>>>>





Ka hmaah chuan pawisak nei lo mitmenga min melh chungin a ding run a kei lah ka che sawn ngam der si lo, " hetiang thil i ti hi ka awi thei lo, nanghian ka naute thah i tum hial bawka, " tiin a mitah chuan ka en a a ni erawh in ka thusawi chu a ngaihpawimawh hmel teh chiam lo thung. " Ni e, he i pum chhunga naute thleng hian thah ka tum, kha i pasal nena in in zawmna chu eng thil pawh ni se tih chhiat vek ka duh mahse ka ruahman na ah khan ka hlawhtling lo a, " a tih leh ngat phei chuan rapthlak ka ti in sawitur pawh ka hre tawh lo, khatiang khawpa mipa tha leh ngilnei ni thin kha tunah chuan Setana nen danglamna reng reng an awm tawh lo.
















" Chuan hriat loh pakhat i nei, " ti leh in a chawl dat a a thusawi tur chu ngaichang ranin ka melh kar thung, " he thil ah hian keimah chauh ni lo in hnamhnawih dang pawh an awm ve, amah vang chauha i pasal hi that lo ka ni bawk i naute tana tha lo tur damdawi leitur a min hrilh tu pawh kha a ni ngei chu a ni, " a thusawi avang chuan mak tiin ka meng biak kawk, he thil ah hian amah mai ni lo in midang pawh an lo in rawlh ve renga chu ngei chuan ka naute thah dan tur a ruahman bawk a, " a mah pawh chu i hrechiang viau tak ang a, " ti pah chuan a khi deuh suk a ka melh ngawt ngawt tawp.




















" U Nathana'n a hriat hunah chuan a pawi viau ang, chuan chu i thurual pui pawh chu a him bik hauh lo ang, " thinrimna avanga âw khur der der chuan ka ti chhuaka a ni erawh chuan min ngaih nep hmel viau, a lo nui deuh hawka rum fe hian ka melh tawp, " duhthlanna siam sual lo ni la tunah hian hetiang thil hi ka tih a tul lo ang, i pasal pawh chu hrilh ta che eng finfiahna mah i neih loh kha, nangmah zawk hian a nia tuar tur ni, " ti leh in room atang chuan a chhuaka chhuatah chuan ka thu thla nghal hnawk, eng vanga mahni inring tawk em em thin nge a nih ang tih mawlh chu ka hrethiam lo, chuan a thurualpui pawh chu tu nge ni ta ang.
















Tho kangin ka awmdan chu ka siam tha sawk sawka U Nathan-a lo haw rual ruala engkim hrilh vek chu ka tum ta a, room atang pawh chuan ka chhuak tawh lo law law, khumah chuan ka mu meng kar a David-a thusawi leh a che zia te chu ka mitthla ah a lang reng bawk nen ka thaw leh hak thin, unau anga ka en thin khan ka lakah rilru dang daih a lo pu thin tih hriat chu a mak ka ti in min thawng tak zet, a thiltih te ka ngaihtuah ngat phei chuan ka na thlawt, khati khawpa mihring lo in thlak danglam thei kha mak ka ti bawk em a tin ni, ka thiantha ber leh ka unaupa ang tak taka ka en kha a ni miau si a, engkim hi rin harsa ka ti.
















Tlai lam dar 4 vel ah U Nathan chuan in a lo thlenga, a hmel ka hmu ringawt chu ka thla a muang nghal seng seng thei chutih rualin ka tawt ru tun bawksi, engtia han hrilh tan tur nge pawh ka hre lo. Chaweikham lamah chuan sitting room-ah tv enin kan thu duna nu Rami erawh a fate lo zin lai a ni ve bawk nen a haw hma thung a, " vawintlai atang i hmel kha a dik lo riau, thil thleng a awm em ni, "? U Nathan chuan a rawn ti sup a ka phu deuh zuk nghe nghe, ka hmela ka rilru hahna lang chhuak chu ahai lo nasa khawp mai, " U Nathan hrilh tur che ka nei, " ka sawi zawh rual chuan a thu ngil nghat vat a min hnaih zual sawt in ka mittah tak min melh ralh bawk.














" Eng chung chang ah nge, "? Zawi fiah tak hian a ti thum dut a ka chil ka lem ri khawlh, " tuna ka thu hrilh tur che hi hrilh che ka duhna a rei tawha mahse finfiahna ka neih miau loh avangin ka sawi duh lo a...ih eng lo a nia..., " tiin ka hmui chu ka pet fan fana ka tah a chhuak tun bawk nen sawi a harsa lam a ni, " hahdam la zawimuangin han sawiteh le, " dam thlupa a tih te chuan ka hnuk a ti no zual tak zet. " Kan naute ka chhiat theih nana damdawi min eitir tu kha tudang ni lo in David hi a ni, a tirah chuan keipawn rin harsa ka ti lutuk mahse finfiahna nen thlap ka hmu a, " tiin ka mittui chu ka biangah a lo luang thla pap a U Nathana'n min chhan dan tur chu ka ngaichang ran bawk.















" Bawihi i chiang chiah maw ? David hian kan naute chu tih nat a tum ang maw, "? a âw ah chuan min ring zan lo tih ka hrethei chu chuan min tina tak zet, min rin loh kha ka rinsa dan pawh a ni renga mahse ataka han hmachhawn meuh chuan a dan a dang tak zet, " ka hria ka thusawi hi i awi lo ang tih hi mahse finfiahna ka nei chuan he thil ah hian amah mai ni lo in midang pawh anin rawlh ve bawk, mahse chu erawh tu nge ka hre lo thung, " ka sawi zawh rual chuan a ding nghal vut a keiin ka melh chho kar thung, " eng tik khan nge he thu hi i hriat, "? A rawn ti vawt ruiha tunah tak chuan kan boruak hi a hahdam thlak loh tak zet.

















" A la rei lo, hmanni a bazar tur anga ka insawi ni khan damdawi in ah Rini ka hmu va hmu a, ka damdawi lei ho te kha ka keng tel bawka chuan ka en fiah tir a, khang damdawi te kha a ni chuan naupai lai tana ei tur atan chuan an pek chhuah ngai loh thu min hrilh a, an hnathawk ho paw'n an sawi bawka mahse kha damdawi kha an dawr atanga ka lei ngei a ni tih ka sawi fan avangin cctv an check a tah chuan David ngei hian khang damdawi kha a lei lai a lang bawk, " ka sawi zawh rual chuan thawk ka la nghal vak, " David chuan a hriat loh vanga lei a ni thei a sin, " chhan na ka dawn chuan min tina zawk thei, " mahse doctor lehkha keng thlap in a lut a khang ho kha doctor in min chawh a nih loh chuan eng vanga lo keng chhuak tel a ei tura min ti nge a nih ang, " ka lungawi lo lutuk chu ka vin lek lek tawh.

















" In bengdai phawt teh, David chuan midang damdawi tur nen a lak thleng palh pawh a ni thei a, " a lo la ti cheu a nih chu min chhan dan avang chuan awm ngaihna pawh ka hre lo, " amah ngei khan khang damdawi kha a leia chuan naupai tana ei athat leh that loh chen in a zawt bawk, naupai tana ei a that loh thu an hrilh hnu chauha lo lei a nih kha, " ka ti vin deuh that, U Nathan erawhin a hmai a tuai nghal puat thung, " eng tin nge hetianga thil rapthlak hi a ni chuan a tih theih ang ? Nangpawn i hre chiang viau a nilawm ni, " a thusawi tin te chuan min thawng em em vek, ka thusawi chu pakhat mah a ring lo a kan fa thah tum tu chu ala tan fan a, awi harsa ka ti.















" Min ring miah lo em ni ? kei hian dawt ka hrilh ang che maw kan fa thah tum tu ah hian ka tum reng vanga David-a hi puhchhia ah a mi min lo ngaih a, " ka ti ta thlawt, ka mittui chu a tlingpam a ka khaw hmuh te chu a phe ruai bawk, " Bawihi han ngaihtuah chiang teh David....." atawk ngaihtuah chian ngai eng mah a awm lo min ring lo a nih chuan finfiahna nen thlap ka hmuh thei che alawm, " tiin a thusawi tur pawh a sawi zawh hma hauh chuan ka tawng khalh a a thaw nghal hawk, " a tha e, thudik a nih chuan a thil tihsual ang ngeiin David hian hremna a hmu ang, kan fa tih nat tum tu chu hremna ka pe khawp ang, " ti nghutin inchung lamah chuan a chho nghal a keipawh chu couch ah chuan ka thu thla nghal hnawk.















Minute 10 dawn inchung lama a awm hnu chuan a lo chhuk leh a ka melh zawk bak chu ka en leh tawh lo hrim hrim, " Rini chu ka bia a video ho pawh chu min lo thawn tur thu a sawi bawk, " tih leh kawngkhar lam pana kal chu aruala keipawh chu ka ding chhuak ve nghal zat, ka thusawi kha a awi lo tawp chu a ni bik lo ang keimah ang tho hian rin harsa a ti ve a chu vanga khatia tawng pawh kha a ni ngei ang, keimah leh keimah chu ka inhnem chawp ta ringawta Rini'n video chu a lo thawn hunah engkim chu a chiang tawh mai ang, mahse buaina dang pakhat ala awm chu chu tu nge a thurualpui chu tih hi a ni, tupawh chu ni se keini min hrechiang deuh tu chu a ni tih chiang reng.

















NATHANIEL POV:



Nutei te inkawt ah chuan in humruh tunin ka dinga thawk ka la hawk bawk, kawngkhar chu hawngin ka pen luta tumah ka hmu lo. In chung lamah chuan ka chho tlang nghala David-a room chu ka pan ding nghal chat, a room kawngkhar pawh chu kik lem lo chuan ka hawng nghal thuaia ka mihmuh duh pawh chu a lo awm ngei e, " bro nge ni ta, " a tih chuan ka pan hnai vuta a kawr nghawngah chuan thamin bangah ka nawr bet nghal hmiah, " nang hian eng vanga kan naute tih nat tum nge i nih, " a au hian ka au a ni ber, " i thusawi awmzia chu ka hre hauh lo, " ti paha ka kut laksawn a tum chu ka chelh nghet sauh.














" Finfiahna pawh ka nei vek phat tum buai suh, nau ang chiahin ka en che a mahse nang chuan ka nupui leh ka fa lo piang mai tur chu tih nat i lo tum a, eng tin nge i theih zawk, "? Ka ti vin thata a hmel lan dan chu a dang nghal hlawk, nichin maia pawisawi lo hmel kha tunah chuan tualthah chakna a khat hmel a pu tawh, " nanghian hetianga min tih theihna dan hi i nei hauh lo, nang phiangsen hi awm lo ni la chuan a ni saw ka nupui a ni zawk ngei ang, " a rawn ti vin tuara ka insum hman lo chuan ka hnek thal nghal thuai.



" Engtin nge khatianga tawng pawh kha i ngam zawk, " ti leh that in chhuata thu sawp niai David-a chu ka melh a a lo nui nghal suk, a tira Bawihi'n a sawi khan ka ring phal lo kha a nia.




Tunah ve lem a mizia dik tak ka hmu a chuti chung pawh chuan awi harsa ka la ti tak zet, Bawihi pawh khan he thu hi a hriat tirah awi harsa a ti ngei ang, ni e chu vanga fin fiahna zawng pawh chu a ni ang he mihring vang hian a mittui a tlak phah a, a mirin ber leh a unaupa ang tak taka a en thin a ni bawka a rilru chu a hreawm ve viau ang le. " Ka ring che a sin, ti nge hetianga i tih," ahma aia dam deuh zawk chuan ka ti leh sup a David chu nui suk in a lo ding chhuak ve nghal.






" Ka tih chhan chu i hre duh tak zet amaw, " ? Ka hnek na avanga a kamsir thi ser ser chu tuai zeuh pahin a rawn ti sup a ka chhang lo, mahse a thusawi tum chu ngaichang ranin ka ding thung.













" A chhan chu saw i nupui saw nangai ka hmangaih hmasa miau a, mahse nanghi i rawn langa engkim i rawn ti buai vek a ni, nanghi lo lang miah lo ni la kei hian Tluangtluang saw ka nei daih tawh ang, mahse nang hian engkim i ti buai vek a ni. Ka hmeichhe duh em em chu i neithei a mahse hlim tak chuan i awm bik hauh lo ang, " ti lehin a kiai suk a kut ka thlak lohnan ka insum nasa viau na chu a har lam hret a ni, " i thil tih pawi zia hi i hria em, "? Ka ti vawt ruiha a lo nui suk duh lek, " hria e, i chhiat vek theihna tur a nih phawt chuan eng pawh tuar huamin nang hi ka bei ang che, saw in naute lo piang mai tur pawh saw...." a sawi zawh hma chuan a vawihnih nan ka hnek lehnghal a a ni pawh chuan min hnek let ve nghal zat.








( NEXT AH CHUAN KAN COMPLETE THEI TAWH ANG )


Show post links
Top

[Ngaia]

BOSS NATHANIEL ( CHAPTER-21 )


LAST CHAPTER



NATHANIEL POV :





Ka kawr awmah thamin a vawihnih nan min hnek nawn leha ka pei nghal khat, kan thawm chu kan dim lo bawka room kawngkhar inhawng a tang chuan Daniel leh Amelia te pawh an lo tlan lut ve nghala Daniel-a chuan min lo panhnai vat, " eng nge a awmzia, " ti pah chuan min melh tawn zak zaka David chuan thip fe hian min melh khui khui bawk, " ka rinna zawng zawng ti chhe tu hi zawt ta che, " thinrim in seh chilh deuh nak a ka tih chuan Daniel chuan David lam chu a hawi nghal vut a zawhna mitmeng in a melh nghal kar bawk, " David eng nge thil awmzia engtin nge Nathan hi kut i thlak theih Unau vek kan ni a nilawm ni, " a tih chuan David chu a nui nghal hawk.



















" Ka unau te angin ka en ngai hauh lo che u, ka nun tichhe tu te hi engti kawng zawng maha ngaihdam che u ka tum bawk hek lo, " a tu vin thata kut ka thlak leh mai loh nan ka insum nasa viau, " Rohluzual i tawng kha fimkhur rawh, " Daniel chuan a ti vin nghal that, " nangni hian ka nun zawng zawng in tichhe vek a chuti chung pawh chuan in chhirna pakhat mah in nei lo a, engtin nge ka U anga inla in chhal theih, " a âw ah chuan a rilru nat zia ahriat theih a hmelah erawh min huatna hlir a lang thung, " thil awm zia chu chiang takin sawi ta che kan hriatthiam theih turin, " a hma aia dam deuh zawkin Daniel chuan a ti leh a David pawh chuan a awmdan chu a siamtha nghal vat.

















" Kei hian Tluangtluangi hi nangni ai ka duh hmasa zawk, mahse nangni hi in lo langa ka duh ber chu ka neih theih loh phah a engtiang chiahin nge ka huat che u hi inhrethiam lo zawk ang, " a thusawi chuan Daniel chu a thawng hle tih a hmelah a hriat a kekawr ipte zen tat pahin a dinga hnuailam a bih ngur bawk, " eng thil...." Daniel chuan a ti sup a sawi zawm ta lo chuan thawk a la nghal hawk, " a thil tihsual man hi chu hremna a hmu ngei tur a ni, " ka tih dut chuan ka lam chu an lo hawi nghal thap, " Nathan engthil sual chiah nge a ni hian a tih a, " tiin Daniel chuan zawhna mitmeng hian min melh a ka tan pawh kan nau sualna han sawi chu a hreawm lam mah a ni.















" Hmanni a Tluangtluangi damdawi in luh chhan kha amah vang hi a ni, a damdawi ei tur a thlak thleng saka finfiahna nen thlapa sawi ka nih chu, a ni hian tual thah a tuma chu pawh ka fa lo piang mai tur ka ngaidam mai mai thei lo ang, " tiin ka in her a room atang chuan ka chhuak zui nghal, inhnuaia ka chhuk thlak rual chuan Nutei nen kanin tawka ka ding nghal dat, " Bawiha eng nge i lo tih a, Tluangtluangi a lo kal ve em, "? Arawn ti nghal zat a a hmel hmuh reng pawh chu harsa ka ti, David hian a thiltih sual man hi a tel ngei anga mahse nutei hian engtiang chiahin nge a tuar ang ? " Kal lo thil pawimawha ka lo phei lawka kan haw lehnghal mai ange, " tih leh kal pelh ka ruala mak pawh minti viau ngei ang, achhan pawh tuna ka awmdan ang hian kala awm ngai tlat lo.
















Kanin lam pana ka kal lai chuan ka ding data phone chu ka phawrh chhuak nghal zat, Daniel-a number chu hmet chhuakin ka call a rei pawh a ring hma chuan a lo la nghal vat, " zanin ah nutei pawh engkim hrilh ang che chuan police te'n an dawp kher ngai lo in a thurualpui pawh chu nangmah ngeiin lo hriatchhuah tum ang che, naktuk tlai lamah police station ah ka kal nghal ang, " ti zung zungin min chhan letna pawh nghak ta lo chuan call chu ka ti tawpa kanin lama pan chuan ka kal nghal hlawk hlawk. Inchhung ka luh chuan a lo reh thuap a Bawihi chu a mu tawh a nih ngei ka ring, kawngkhar chu kalh tha in kan room lam pan chuan ka chho ve nghala room kawngka ka hawn rual chuan Bawihi khuma tui ti taka lo muhil bam chu ka hmu nghal zat.
















Pan hnaiin a bulah chuan ka thu thla a a hmel pawisawi lo zet chu ka thlir deuh vang vang, a thiltawn te ka ngaihtuah chuan ka khawngaiha hreawm ka ti bawk, a ni pawh hian tuna kan din hmun hi hreawm a ti dawn lutuk tih ka hria a unaupa ang tak taka a en chuan a phatsan ve miau a, thil awm zia min hrilh lai pawh khan a mitmenga a tawrhna leh hreawm a tihna te kha ka hmuh hmaih hauh lo, mahse ka tum loh deuhin ka tawngta zawk kha a nia a rilru pawh a na ve viau ngei ang, natna tam tak a neihsa tawh bawk nen kei leh zel in ka tina pawh chu ka inthiam lo leh hnu hnawh. A bulah chuan mu in a taiah chuan ka kuah nghal zat, engkim hi fel vek tawhse hlim takin awm tawh ila chu chu ka duh ber a ni.


















TLUANGTLUANGI POV:





Zinga ka harh chuan tu emaw hian min kuah bet tlat tih ka hria a thawh ka tum chuan ka thei der lo a chak lutuk tlat, thei leh thei lo chuan ka inher a U Nathan-a tui ti taka muhil thaw sek sek chu ka hmu nghal zat, nizan khan a lo hawi lai ka hre hauh lo ka thinrim lutuk khan ka lo mutthilh san daih kha a nia, a hmel chu ka thlir vang vanga ka nui deuh sak, hetiang khawpa mipa hmeltha hi ka pasal leh ka hmangaih em em chu a ni si a, " min en duh tawk tawh em, " ? A lo tih thum dut chuan phu deuh zukin ka mit chu ka chhing leh nghal vat, a nui nghawr dat zui ka van che chhe mai mai tak, " ti teh i harh tih ka hria a nia, " ti pah chuan min lo awmhnaih sawta ka la meng duh mai lo.















" Tihpalh aw, " ti sup in ka chhipah chuan a lo fawp vang vanga keipawh chu ka mengchhuak ve nghal vat, ka dah(k) chhoh rual chuan kan mit a in tawng chata ka chil ka lem ri nghal khawlh, a zingkar hmel sexy lutuk chu ka tuar zo lo dawn dawn mai, " nizan ah khan engkim kan sawifel vek a amah pawh a inpuang fel diam tawh bawk, tlai lamah hian police station lamah ka kal anga FIR ka theh lut ang, " a thusawi avang chuan ka meng bial kawk, chutiang thleng thlenga a thlen duh chu ka ring hauh lo kha a nia, mahse ka rin loh dan lam daihin ni a chet, " U Nathan nu Zamtei leh U Daniela'n engtin nge an ngaih ang, "? Ka ti zawi nghal sap.















" Daniel chuan a hre tawh alawm chuan nutei paw'n tunah chuan a hre tawh ngei bawk ang, " a ti leh maia chhan vak ngaihna ka hre lo, FIR theh luh chu a tha ber angem ka hrethiam lo a ni chhungkhat vek kan ni si a, chutih rualin en liam tawp ta ila tunaia thilpawi zawk pawh hi a thleng ve thut thei bawka, ka rilru chu a buai nuai tawh mai hetiang thil hau tak lutuk kan hmachhawn angai hi a hreawm ka ti tak zet, " nizan avang khan min ngaidam dawn nia nang ka rin loh che avanga khatianga tawngkhum che kha ka ni miah lo a nia, ithusawi in min thawn em vang zawk a ni, " a ti leh dut a hmaiah chuan ka kut pakhatin ka dawm nghal zat.

















" Nupa te chu intih thiam loh chang leh inhauh chang a awm ve tur alawm chumi avang chuan kanin haw kher tur tih na a ni lo, a tirah kha chuan ka thinrim ve ngei alawm mahse khatia i awm chhan kha ka hrethiama tunah chuan ka tha vek tawh, " tiin ka nuiseiha a ni pawh chuan ka kut chu lo hum hnanin a fawp nghal vang vang, " tho ila vawin chu tih tur kan ngah dawn sia, " a tih leh dut chuan a thusawi chu hrethiamin ka buk khum nghal nghat, khum atang chuan tho chhuakin kanin tifai leh hmasa te te a inhnuaia kan chhuk thlak meuh chuan dar 8 a ri dawn der tawh. Choka lam pana kal kan tum lai takin sitting room lama atang nu Zamtei leh U Daniel-a an lo in zui chhuak hlawla kan lo enreng tawp.


















" Bawiha a pawi ka ti em mai Tluangtluang min ngaidam rawh u, Rohluzuala hian hetiang hi a ti ang tih ngaihna reng reng ka lo hre lo a pawi em mai, " tiin nu Zamtei chu a tap chhuak nghala ka khawngaih tak zet a bulah chuan kal hnaiin ka kuah ta tawpa ka thiam ang tawk chuan ka hnem ve bawk, " ti ru thu phawt ila kan sawi dawn nia, " U Nathan chuan a lo ti thum duta nutei chu kuah chungin sitting room lamah chuan ka phei puia U Nathan te pawh chuan min lo zui ve vat, " nizan min lo phone zawh khan ka nu hi ka hrilh ve nghal a a tir phei chuan athawng lutuka, " U Daniel chuan ti sup in a chawl dat a an hmelah chuan zan an mutha vak lo tih a hriat theih.


















" He thil ah hian a thurualpui pawh chu ka zawta mahse eng mah a sawi duh lo thung, ka nu a tha vak bawk lo nen zing lamah biak that leh zawk athat ringin ka zawt zui duh lo a mahse, tukin zing a room-a ka va luh chuan a lo awm tawh lo, a bungraw neih then khat te nen in achhuahsan, " U Daniel-a thusawi avang chuan U Nathan nen chuan kanin melh nghal vut, mak kantih zia kan hmelah chuan a lang chiang viau bawk. " Police hrilh hriat vat a ngai a nih chu ka ring sual lo a nih chuan a thurualpui bulah chuan a awm ngei ang, a rualin an pahnih chuan kan man thei ngei ang, " U Nathan chuan a ti vawt ruiha athusawi chu midang ho pawh chuan kan pawmpui viau bawk.

















" Thil pakhat, David hi a mumal vak lo in ka hria nizan lama a tawngdan leh a awmdan kha nidanga ka la hmuh ngai miah loh a ni, a thinrim pawh ka hmu fo a mahse nizan lama a awmdan kha chu ka ringhlel riau mai, " U Daniel bawk chuan a ti leh a keini ho pawh kan rilru a buai hlawm viau a nih hmel kan ngawi thap a kan awmna chu a reh chiang viau mai, " kan chhui chiang dawn nia, ahmasa berah chuan amah hi a awmna hriat a pawimawh ber, " U Nathan chuan a ti leha a phone chu a phawrh chhuak nghal zat bawk, phone hmanga U Nathan-a a kalsawn hnu chuan nu Zamtei chu a thawk a rang deuh sawta U Daniel nen chuan kan buaipui nghal vat.
















" Nute i tha em ? Inti harh hram hram rawh, " tiin nu Zamtei chu ka ko mawlh mawlha a ni erawh a zawi tial tial thung, " U Daniel ti reng hi chuan atha dawn lo damdawiin ah kal vat ang u, " ka hlauthawng lutuk chu ka âw te a khur hial, " ti nge a, "? U Nathana phone hmang zo chuan a lo ti hluaia nu Zamtei chu a lo dawm bet ve nghal vat, " motor va lachhuak rawh keiin ka lo pawmchhuak ang, " U Nathana'n a tih chuan U Daniel-a chu pawn lamah atlan chhuak nghal vat. " Nutei hi i awmpui hman angem Daniel nen hian police ho hnuchhuina ah puih kan ngai dawna, " U Nathan chuan a rawn ti leh sup a rang zet in ka lu ka lo bu nghat.



















Pawn lamah nu Zamtei chu a pawmchhuaka keini pawh kan lut ve nghal zat, an hmanhmawh bawk nen kan tlan chak viau mai. Rei lo ah damdawi in pawh chu kan thlenga U Nathan bawk chuan nu Zamtei chu apawm chhuak leha keini pawh a hnungah kan zui ve vat, damdawi in chhung kan luh rual chuan nurse leh Doctor ho chuan min lo buaipui vat, " ICU ah nawrlut nghal ru, " doctor pakhat chuan a ti sup a nu Zamtei chu an buaipui nghal sawk sawka ICU lamah chuan an nawrlut a keini erawh kan ding thap thung, " keimah in ka va kal mai ange nutei dinhmun atha si lo a, " U Nathan chuan U Daniel-a melh pah chuan a ti a U Daniel pawh chuan bu nghal nghutin, " ka nu dinhmun ka lo ngaichang rih anga athat deuh chuan ka rawn zawm ve vat ang che, " a ti a U Nathan-a pawh chuan a lo pawmpui viau.

















" Lo indim rawh aw, " ti pah chuan ka chhipah min lo fawp zeuha damdawiin atang chuan a kal chhuak nghal hlawk hlawk, U Daniel-a nen chuan kan ding ngawirenga ahmel chu ka en leh zeuh thin ka khawngaih tak zet, " thu la din reng chu itan a harsa ang, " thil ka ngaihtuah neuh neuh lai chuan a lo ti dut a ka phu deuh zuk nghe nghe, " ah...ih harsa lo e nangmah zawk kha thu la, " ka ti bah deuh niai a min chhang zui lem lo in angawi deuh vung vung, " ti rawh thu ang, " a ngawih vung vung hnu chuan a lo ti leh a thutthleng sei lo awmah chuan a thu thla nghal zat, keipawh chu a bulah chuan ka thu thla ve bawk a.














Rei fe chutianga ngawirenga kan thut hnu chuan nurse leh Doctor te chu an lo chhuaka keini pawh kan thutna atang kan lo ding chhuak nghal vat, " doctor ka nu chu eng nge a an, "? Tiin U Daniel chuan doctor chu a zawta a chhanna nghakin keipaw'n ka melh nghal kar, " a thil tawnin athawng lutuka a thawhah a chhuak a nih kha tunah chuan a zia tawh e, mahse karkhat vel chu damdawiin ah hian in awm angai ang, " doctor in a tih chuan ka thaw huai thei, " kan lawm lutuk e, " U Daniel-a a ngawih reng tak avang chuan ka ti ta ringawta doctor pawh chu a lo bu nghat nghat.












Doctor in min kalsan hnu chuan kan thutna ngaiah chuan kan thu thla leh a U Daniel-a pawh chu a hahdam hmel deuh sawt, nutei Ward pangngaia an sawn thleng chuan U Daniel-a chuan min awmpuia adinhmun angaihtuah awm lo bawk nen U Nathan-a zui ve tur thu leh U Ame lo kal theih hma chu nutei lo awmpui turin min chah a keipawh chuan ka lo hnial lo viau, damdawiin atang a chhuah hnu chuan nu Zamtei bulah chuan ka thu thla a a hmel dang bei leh a mithnuai khuar deuh dak ka hmuh chuan ka lainat tak zet, a rilru hah dan tur lah ka hriatthiam pui a tih theih erawh ka nei bik si lo, a khum bulah chuan ka thu ngawirenga minute sawm hnu velah chuan kan awmna room kawngkhar chu a lo inhawnga ka hawichhuak vat.














U Amelia hmel ka hmuh chuan ka ding nghal vat, " Tluangtluang a pawi ka ti khawp mai bawihtea awmpui tur khan ka nu ka phone a a lo kal har bawk nen ka lo tlai deuh a ni, " a lo ti nghal zung zunga a pawi loh thu in ka lo chhang ve nghal vat, " chaw i la ei lo niin ka lo hria a hei tiffin ka lo ken che i ei dawn nia, " ti leh in a tiffin lo ken chu dawhkan tê ah chuan a lo dah thla a thutna pakhat zawkah chuan a lo thu thla ve nghal zat, " iva ti lawmawm ve hetianga tih kher pawh a ngai lo a sin nutei awmpui te chu ka tih ve tur hrim hrim ani bawka, " ka ti ve nghal siam siama U Ame pawh chu a lo nui ve deuh sak.














NATHANIEL POV :




" An awmna chin chu kan hre thei tawh e vanneih thlak takin phone a off lo hlauh, " constable pakhatin a lo tih chuan kan ding chhuak nghal vut, " tunah kal nghal ang u midang pawh chu hrilh la, " inspector Zokima chuan a lo ti ve nghal a chumi hnu chuan kanin zui chhuaka Daniel pawh a lo thleng ve chiah bawk, " a awmna chin chu inchhui chhuak thei ta em, "? A car a tanga a lo chhuah rual chuan a lo ti nghala kan chhui chhuah tawh thu in ka lo chhang let ve nghal vat, " kan ruakin in lo kal dawn nge, "? Tiin police pakhat chuan min lo en a kan motor a kan kal tur thu in keiin ka lo chhang thung.












Daniel-a motor zawk chuan kan kal a ka rilru hman hmawh ru tun bawk nen ka thlan fim te a chhuak hial, an lo tlan bo hman mawlh chu ka hlau a ni minute 15 dawn lai kan tlan hnu chuan hotel pakhat kawttah hian kan dinga motor atang chuan kan chhuak nghal zat, " a chhungah lut phawt ila tih dan tur chu kan sawi dawn nia, " Police inspector chuan a lo ti sup a chumi hnu chuan kanin zui lut a kan fimkhur tlang viau. Chutianga police ho nena kan han lut thup chu min lo en duh hlawm viau hotel neitu te ni ngei tur chuan min lo pan nghal bawk, " ka pu eng nge in duh a, "? tiin hotel staff zinga pakhat chuan a lo ti a kan kal chhan vel chu inspector Zokima'n a lo hrilh ve nghal vat.










" He lamah lo kal ru, " an hotupa ni ngei turin a tih chuan kan zui nghal a room pakhat ah hian min hruai lut a control room ni ngei tur a ni, " cctv hi en chhin ila in mi zawn chu khawi room-ah ber nge a awm kan hre thei mai ang, " tiin staff pakhat chuan a ti leh a cctv chu a play nghal zat, an hotel a tê lo bawk nen hmuh chu a har lam hret a ni, lutchhuak an awm ve zut si a. " Hei le, " Daniel chuan ti in a thil hmuh chu akawka hnathawk pakhat chuan a lo zoom nghal zat, David ngei a ni chuan kalpui a nei bawk. " Room no eng zat na ah nge an awm, " constable pakhat chuan hotel staff pakhat chu a zawta a sawi hnu chuan kan chhuak leh nghal.










Inspector Zokima chuan an luh chhuah dan tur uluk takin a hrilh a midang ho pawh chu an lo bu ve nghal nghat. Tih dan tur vel an sawi zawh hnu chuan inchung lamah an chho a keini paw'n kan zui ve bawk, kan boruak chu tang tha tak a ni kei phei chu ka thin phu a rang sawt hle bawk, David-a thurual pui hi tupawh lo ni ta se ka haw tak zet, David-a hetianga siamtu a nih ka ring hial bawk, ni e David-a hian amah mai chuan hetiang thil tih nachang a hre lo ang a phenah hian mi remhre tak a in hnamhnawih ve ngei a ni.








>>>>>ZAWMNA>>>>>






NATHANIEL POV:





David te awmna room ni a an sawi hmaah chuan kan ding thup a kan police ho chuan tihdan tur anin hrilh ru sar sar bawk, kei leh Daniel pawh chuan an thusawi chu uluk takin kan lo ngaithla ve a an ruahman dan pawh a fel fai khawp mai, room chu constable pakhat hian a kik karh karha David zawk chuan a lo chhawn vat, " ka pu room service, " constable pa bawk chuan a ti leh a inspector Zokima chuan zaizirin midang ho chu beng chheng lo turin min signal a, room kawngkhar a rik rek rek rual chuan police ho chuan an silai ken chu kah mai theih turin anin ring nghal thap, chutah kawngkhar chu an lo hawnga inspector Zokima bawk chu a che chhuak nghal vut room chhungah chuan kan lut chu a ni nghal der.

















" Nathan, " ti sep tu chu phawk fe hian ka melh, " Clara, " ka ti zawi ve nghal sup eng tin nge a ni hi a nih theih mak ka ti lutuk chu ka ding ngawi reng tawp, " chet tum hlek suh ang che u a nih loh chuan a pawi thui viau ang, " police pakhat chuan a ti khur khura kei erawh chuan Clara chu ka melh ngur thung, " Clara nanghian maw David chu lo puih a, " Daniel pawh chuan mak tih hmel fe hian a lo ti ve a Clara erawh a nui duh lek, " in fing hle thin khan ka hre sia min man chhuak turin hun inva duh rei si ve, " ngeiawm tak hian a lo ti chhuak leh a ka melh thip tawh viau mai, " eng tin nge i tih theih, "? inseh chilh deuh rap paha ka tih chuan a nui chhuak hak.















" Eng vangin nge ka theih loh ang, nanghian min hnawlin khanu bulah khan hlim taka awm theih in ring em ni ? Kei hian chu chu ka thlen tir hauh lo ang, in fa lo piang tur pawh saw ka zuah hauh lo ang, " a lo ti vin tuara kan awmna room chu a reh tlawk tlawk mai, hetiang khawpa a inthlak danglam hi mak ka ti, hmeichhe zaidam tak chu ni ngai lo mahse a rilru chhungril atha a mahse tunah chuan a inthlak hlawk tawh, hmeichhe rapthlak tak tih hreh nei lo ang mai a ni tawh. " Hetiang khawpa i danglam ta hi mak ka ti, " tih ringawt chu ka sawi, ni e a bulah hian sawi leh chuan tur ka nei lo a ka hre lo bawk, ka hriat zawng chu ka fa lo piang mai tur thah a tum kha a ni.

















" Hetianga min siamtu chu nangmah i ni, he thil ah hian dem tur an awm a nih chuan chu pawh chu nangmah, " ti vin that in min lo pan hnaia midang ho chelh an tum chuan an kut a lo vai per sak nalh, police ho chu signal in a duh anga awm tir tur chuan ka ti a an ni pawh chuan an lo pawm ve mai bawk. " Nanghian khanu bulah khan min kalsan lo ni la hetianga ka tih hi i ring em ? Min phatsan avang hian vawikhat tal in chhir ve em, "? Ti pah chuan ka kawr nghawngah a lo tham a ka melh chhuk run thung, " kei hian nanghi ka phatsan hmasa lo che tih chu i hrechiang viau a ni lawmni ? I tawngkha fimkhur rawh, " ka ti let ve nghal nghut, " ngaihdam ka dil che a min ngaihdam chu a harsa viau em ni ? Ti nge khanu kha i pan kher a, " a lo ti leh tiau a ka lo rum deuh nghut, "



















ka ngaihdamna hi i phu miau hek lo, vawikhat mai pawh ni lo vawihnih a nih kha min bum, chuan hei chu hun kal tawh a ni sawi reng ka duh lo, nanghian ka nupui leh ka fa lo piang mai tur chu tih nat i tum a, a hremna pawh i hmu khawp ang, " ti deuh nghutin a kut chu ka paih thlak sak a mittui tling pamin min melh kar thung. " Ka kut ngeia ka lo that lo kha ka tihsual lian ber a ni, " a tih vin leh that chuan ka kut ka hum ruh nasa viau, " i tawngkam kha fimkhur rawh chuti lo chu kut ka thlak duh mai ang che, " ka ti vawt nghal ruih, a hmela a thinrimna lo lang chu hmuh hmaih chi rual a ni lo. " Tunah hian ka chak lo zawk emaw ti hauh suh u, ka lo let leh a anga ka ti chhe vek ang che u, " a ti leh tuara ka chhang zui duh lem lo thung.















" Hmeichhe police kan phone tawha an lo thlen rual in kan chhuak thei ang, tual thah tumna a nih avangin an hremna pawh hi a nep hauh lo ang, " Inspector Zokima chuan a lo ti leh a midang ho chu kan ngawi thap, David-a lam ka hawi chuan ka meng buai deuh nawk, a thlan fim a chhuaka chuan a khur bawk ka hriat sual loh chuan sawtianga awm thin te chu damdawi ti thin te an ni, " i tha em, "? Police pakhat chuan a awmdan a hmuh avang chuan a zawt a David erawh a ngawireng thung, " in nau hian damdawi a ti thin em ni, "? Tiin David-a bula ding police pa chuan a lo ti a Daniel nen chuan kanin melh nghal vat.















" A ti ngai hauh lo, " Daniel chuan a lo deuh nghut a chu vel leh Clara chu a lo nui chhuak nghal hak, " in naua hi in ngaihsak tawk loh vang alawm hetiang din hmunah hian a ding ni, damdawi tihna tur pawisa em pawh a nei lo keiin ka lo khawngaiha ka lo tanpui thin a nih kha, " ngeiawm fe a a lo tih chuan Daniel-a thinrim chu a che nghal thuta keiin ka lo chelh bet ve nghal bawk, " engtin nge itih theih ka nau damdawi tih thin chu i lo hriatpuia chuan nanghian pawisa pe in khang thil kha itih tir tihna em ni, " ? ti pah chuan ka chelhna chu phelh tumin a tal a keiin ka chelh nghet sauh thung, ka thlah a nih vaih chuan Clara saw a khawih dawn tih lah chiang reng.












" Chuti pawh chuan isawi thei ang chu, ka ruahmanna siam ah hian amah alo in barh lut zawk pawh a ni thei bawka, " ti pahin ngeiawm tak chuan a nui leh a Daniel pawh chu a thinrim zual viau, " Clara hetiang thleng thleng hi chu itih duh kan ring lo a sin, " ka ti deuh thlawt mak ka ti tak zet, hetiang thleng thlenga a kal hi ka rin phak bak a ni, " thiam lohna ka nei miah lo, in naua hian ruihna tur a duh vang mai ni lo in saw i nupui saw a duh vang pawh a ni bawk, chuan keiin nang neih che ka duh bawka kanin tanpui tawn a nih ber chu, " a tawngdan ah chuan inchhirna pakhat mah a nei lo tih lah a chiang viau.














" A damdawi ti thin chu nanghian i lo hmang tangkai zawk a nih chu engtin nge i theih zawk ? A ni hian i eng pawi mah a sawi lo, " Daniel chuan a ti vin tuara a tawngdan ah pawh a rilru chu a hreawm zia a hriat, ka dem hran lo kei ngei pawh ka rilru ana tak zet kan nau hi kan lo ngaihsak tawk loh zia ka hriat chhuah belh bawka hreawm ka ti tak zet. " Ambulance pawh kan phone tawha an lo thleng har lo ang, " Constable pakhat chuan a lo ti leha tuman kan chhang lem lo, Davida damdawi mamawh hmel chuan nasa takin hreawm min tih tir, he thil hi ka thiam loh vek ah ka ngai ka inthiam lo hle bawk.















Minute 10 dawn kan nghah hnu chuan Ambulance leh hmeichhe constable ho pawh chu an lo thlenga Clara pawh an hruaichhuaka David erawh an zawn chhuak thung, Daniel nen chuan hotel pawnah kanin zui chhuaka kan tawng lo ve ve, David pawh a rilru a nat zia a hmelah a langa ka khawngaih tak zet tih theih ka nei bik si lo. " Ka nau thil tih thin ngei pawh ka lo hre lo chu ania eng ang unaupa nge maw ka nih le, " ti sup in a nui hul hak a ahmel chu ka en nghal vat, a mit chu a sen deuh rama mipa ni lo se zawng âw rawl tawpin a tap duh hial ang. " Mahni inthiam lo duh suh, Clara khan lo puih thin lo ni se kan hrechhuak tawh ngei ang hetiang khawpa a nunrawng hi ka ring ngai lo, " ka ti let ve nghala a ni pawh chu a tawng chhunzawm tawh lem lo.
















Police motor leh Ambulance an tlan chhuah hnu chuan keini pawh kan motor lam kan pana Daniel-a atha vak bawk lo nen keimah zawk chuan ka khalh ta ringawt, damdawiin kan thlen hnu chuan ka chhuak hmasa a Daniel erawh a la thu ngur thung, David chu police man lai ang a nih tawh avangin hospital hran ah an daha Clara erawh lock-up ah a tang thung. Nutei awmna room lamah chuan kanin zui pheia room chhung kan luh rual chuan Bawihi chuan min lo pan nghal vat, " in chingfel thei maw, "? A ti zawi sep a ka bu nghal nghat. Nutei pawh chu a harh tawh a a that hmel viau tawh, Amelia pawh a lo awm ve a kan pali chuan nutei chu kan awmpuia David-a chanchin leh a dinhmun engkim chu zep awm lo in kan hrilh ve veka Tluangtluangi phei chuan a lainat hmel tak zet.

















TLUANGTLUANGI POV :




Nutei damdawi in awmni a tang khat thla nga lai a liam tawha keini paw'n fanu duhawm deuh mai kan nei tawh bawk, U Nathan paw'n a hotel zawk chu U Daniel-a kut ah a dah a a ni erawhin Car Company chu a enkawl thung, U Daniel-a hotel a pek na chhan pawh kan bula hun tam zawk a hman duh vang ni in asawia chu chuan kan tana a in pumpek zia a ti langa ka lawm tak zet. David chu tesr result a a lan danin a damdawi tih khan a rilru a lo ti buai deuh a ni awma chu vangin jail lama dah lo chuan hospital lamah enkawl a ni a, hospital tih ah Damdawi ti thin te an siamthat na hmun a ni zawk mah.















U Clara erawh jail lamah kum 10 a tang dawn thung, chumi chhung chuan a insiam that hman ngei ka beisei, a chet dan te ka ngaihtuah let chuan mak ka tiin ka haw ve tak zet, amah vangin chhungkaw pakatin hreawm takin hun an hman phah a, a zawng zawngah khan ka puh a ni hauh lo mahse a bultan tu leh a mawhphur tu ber chu ka ti lo thei lo. Bawihtei tap ri kahriat rual chuan ka harh chhuak deuh zuk, rang takin kan room lamah chuan ka tlan lut a Bawihtei khuma mu chunga lo tap ka hmuh chuan ka pan hnai nghal vat, a mu tho hi tah ve a chinga a bak ah chuan a tap ngai em em bik lo.
















Hnute pe pah chuan ka phone chu ka khawiha U Nathan-a message a lo awm vang mai, " ka pi te chu tlai lam dar 4 velah an lo thleng ang Ame ka hrilh tawha a ni pawh puih tur che in a lo phei dawn kha lo che hah lutuk suh ang che, " tih chu ka chhiara ka nui nghal hak, nau ka neih lai vel khan ka taksa in a tuar phah lutuka chuvanga min duat viau pawh chu a ni. Bawihtei ka en chuan a lo muhil leh bam tawh, nuiseihin ka pawm thla a inhuai room zawkah chuan ka mut nghal zat, ka nu te an lo zin dawn avangin U Nathan chuan Nu Zamtei te chhung nen chawei ho a rawta kei pawh chu eirawng bawl turin choka lamah ka phei nghal, nu Rami chu amah a hrisel vak tawh lo bawk nen a bang tawha inchhung khur hna chu keinah deuh vekin ka thawk tawh.
















U Nathan chuan midang chhawr a duh thu asawia kei erawhin ka rem ti lo thung, tih tur dang ka nei lo bawk nen hetiang lek hi chu keimahin tih ve ka duh. " I lo bawl tan der tawha, " U Ame chuan choka-a lo luh pahin a ti a ka hawi chhuak vat, dul kawh luahin ka hmaah a lo ding vang mai, " ka tan dawn chiah zawk, keimah pawn ka ti thei a lawm lo hahdam mai rawh, " ka tih chuan a tih ve theih thu in min lo chhang let ve nghal vat. Tunah hian thla thum mi nau a pai leh mek a dul lian pangngai chi a ni bawk nen a dul a pawh a kawh tha tawh viau. " Dennis chu ti nge i lo hruai ve loh a, " chawhmeh kan chan lai chuan ka ti hap a, " ka nu in ka lo awm mai ang a tia, " tiin a ni pawh chuan min lo chhang ve nghal.
















" In fanu hming chu i la lungawi lo em, "? Nui deuh hak paha a lo tih chuan keipawh ka nui ve deuh sak, bawihtei hming turah khan U Nathan nen kan lungrual thei lo a, " Emecy Lalrinfeli, " tih kha ka duh dan a nia U Nathan erawhin, " Naom. Remruathlui, " tih a duh thunga kanin hnial nasa viau nghe nghe, birth certificate siam tir tura a kal dawn paw'n ka hming sak zawk hmang turin ka chah a ni pawh chuan a aw ve thlap bawk, mahse a lo haw hnu a ka han en chuan a ma hming sak zawk chu a lo hmang daih a ka thinrim viau nghe nghe, a ni lah chuan " i hming phuah kha a spelling ka theihnghilha ni lo deuha ziah ai chuan ka tia ka hming phuah zawk kha ka hmang ta mai, " a ti tlat tawh mai sia awi lo viau mah ila tih theih dang a awm miau loh avangin keipawh chuan ka pawm ve ta tawp kha a nia.













Mahse a mah ber chuan a hming phuah ang thlap chuan a ko leh duh der lo, " Lotus, " a tih loh leh " Hniangi, " a ti mai zel a thenkhat phei chuan Lotus tih chu a hming emaw an ti hial bawk. " Eng nge i ngaihtuah leh vung vunga, " U Ame-in a lo tih thut chuan ka harh chhuak deuh zawk, " eng mah ni lo e, Vawksa hi kan siam tel tho dawn em, "? tiin thudang chu ka sawita daih a a ni pawh chuan eng mah min zawt zui lem lo, " siam tel tho ila i U Nathan leh i U Daniela hian an duh ve sia, " a tih chuan kan nui dun hak hak. Eirawng kan bawl hma bawk nen dar 3 velah chuan kanin peih fel hman deuh vek a U Ame pawh intifai turin a haw pheia kei erawhin Bawihtei hnute ka pe thung.









" Lotus-i chu a muhil em ni, "? lo ti thum dut tu chu hawi chhuak pahin ka melha a fanu muhil chu a lo bih duk duk mai, " muhil lo nilengin a mu tawh alawm, i chau em, "? ka lo ti let nghal zat a thaw hawkin ka bulah chuan a lo thu thla ve nghal, " chau lo e, nilengin Lotus-i ngawt ka ngaihtuaha hah pawh ka hre hman meuh lo, " a rawn ti thum dut a kei pawh ka lo nui deuh hak, " i fanu awm hnu hi chuan min ngaihtuah ngai lo a nimaw, "? ka fiam pah zeuh chu a duh lo hle aniang a lo ner nghal nang mai, " nangte chu sawi ngai lo in ka ngaihtuah reng thin che tih in hre ta che, " arawn ti leh a ka nuih leh deuh tawp.













Tlai lamah chuan ka nu te pawh an lo thlenga inhmuh lohna a rei tawh bawk nen chutia kanin hmu leh ta chu kan hnuk a ulh hial mai, Bawihtei lah chu anin lak chhawk deuh renga ka chang hman meuh lo. Nu Zamtei te chhung an lo phei ve hnu chuan kanin kawm khawm laih laiha kan hlim tlang viau, chutih rualin kan lawm erawh a kim thei chiah lo, nu Zamtei chu nui ve bawk mahse a hmelah chuan a lunglen zia ka hmu thei, tun ang hunah hian David chu awm nise a phur ber leh minti hlim tu ber kha a ni leh ngei anga. " Eng nge i tih a, " tipaha ka hnunglam atang min lo kuahtu avang chuan ka phu deuh zuk, ka thaw a pik deuh bawk nen inchung lam ah boruak hip turin ka chho a U Nathan-a lo chhoh lai reng reng ka hre lo," eng mah ni lo e, chhungkaw kima kan awm thei hi nuam ka ti, ka nu leh pa te ka hmu leh theia ka hlim bawk, " ka ti sep a ka darah chuan a khabe a lo nghat nghal zat.













" Tun atang chuan hlim takin ka siam zel ang che, kan Lotus-i pawh khawvela fanu hlim thei berah kan siam bawk ang, " a lo leh dut a tuna ka nun danah hi chuan sawisel tur pakhat mah ka nei lo, " a nau tur hi siam ve tawh ila, " a tih leh chuan in herin a darah ka beng nghal, " Bawihtei kum khat tlin hma loh chu chutiang ngaihtuah suh, " ka ti deuh hlak a a ni erawh a lo nui suk thung, " a tha lawm, " ti leh sup in min pawt hnaia ka sam ka hmai zar tu chu ka bengah a zep a chiang zet hian min melh bawk, " nang ang mi ka tawn che avang hian khawvela mipa hlim ber leh vannei ber ka ni, " ti pah chuan ka hmuiah min lo fawp zeuh a ka nuih nghal seih, " nang ang mi ka tawn che avang hian keipawh ka lawm, " a mita melh chung chuan ka ti a tuna a mitmenga min hmangaihna lo lang hi eng tik ah mah danglam lo se ka ti tak zet.









" KA HMANGAIH CHE, " a lo ti rilruiha chu tluka hriat nuam ka tan a awm lo, " Keipawn Ka hmangaih che BOSS NATHANIEL, " ka ti let ve sep a a ner nghal nang mai, " khatin min ko tawh suh, " a ti deuh hmuka ka nuih a ti za ang reng viau mai, " i hre tawh lo em ni, ? Nangman hmanah khatianga ko tur che in mintih kha, " mit ko san khum ak paha ka tih chuan a hmui a lo ti pawrh tarh mai, " nghal reuh lutuk, " tih leh ka hmuiah chuan lo fawh a ruala keipawh chuan ka lo chhang let ve nghal zat.







A TAWP TA..........




( BOSS NATHANIEL STORY A TIR ATANGA ATAWP THLENGA MIN CHHIAR SAK TU TE CHUNGAH THINLUNG TAKIN LAWM THU KA SAWI E....CHUTIH RUALIN KA REGU THEIH LOH NA AH THUPHA KA CHAWI NGHAL E, KA STORY ZIAH MIN CHHIAR SAK ZEL TURIN KA SAWM BAWK A CHE U)




NUTHLAWI NAUPANGTEI TIH KHA KA STORY THAR TUR A NIA REMCHANG HMASA BERAH KA LO DAH ANG AW....KNP KHAWMPUI KAN THLENG DAWN SIA BUAI ANA DAWN LUTUK A TUN KAR AH CHUAN LO DAH MAH ILA KA REGU THEI LO ANG


Show post links
Top