BOSS NATHANIEL BY Lalnunngheti Tetei (Completed)

[Ngaia]

" Hmeichhe sum duh lutuk, " ti a phun sup tu chu ka melh nghek, ", sum duh chu sual a ni em ni ? eng vanga khatianga min tawngkhum fo nge i nih, "? ka ti ve ngat, min hmuhsitna tawngkam chu nitin hre thin mah ila tunah chuan ka dawhthei tawh bik lo, " nangang hmeichhia te hi chu ka hrehnem tawh lutuk sum duh luat vangin in taksa pawh in hralh phal tih ka hria, " ti sup in ka chhip a tanga ka ke ler thleng chuan min en.
Sum chu ka duh ngei alawm achhan pawh kan chhungkua kan harsat vangin, thingtlang atang eizawngin helai hmun hi ka thlenga hmuhsitna leh diriamna tam tak tuarin ka hun ka hmang thin, ka chhugkaw chawm nana mi awmpuia ka tang hi ka in chhir ka ring ngai lo, he mihring mi hmuhsit ching lutuk ka tawn hma kha chuan.
" Zankhatah eng zat chiah nge i in chhiar ve a, " ti dut paha min awm hnaih chuan a hmaiah ka beng sawk, " ka rethei viauin sum pawh ka duh animaithei mahse hei hi hre rawh, mahni taksa em hralh tur khawpa sum mamawh chu ka ni lo, " ka sawizawng te chuan ka âw a khur der der thei, hemihring hian min ngainep mah mah. " Kut minthlak hma khan ngaihtuah chiang hmasa ta che, i cho chhuah a nih hi hre rawh, " ti leh nghutin min fawp nghal hmiah, ka theih ang tawk chuan ka bei let ve mahse awmzia erawh a awm lo viau thung.
-----------------------
NATHANIEL. LALRINTLUANG : COMPANY LIANTAK NEITU, MIPA COOL TAK LEH HMELTHA TAK FEET 6 BORUAK HIP PHA CHIN NGAT.
HMANGAIHTLUANGI: THINGTLANG HMEICHHE MAWLMANG VE TAK, FEET 5 LEH INCH 3 A SANG, CHHUNGKAW HARSATAK ATANGA CHAWR CHHUAK, HMEICHHE HMELTHA LEH DUHAWM EM EM.
Thingtlang hmeichhe mawlmang ve tak, chhungkaw harsa tak atanga chawr chhuak chu khawpuiah a chhungte chawmna tuakin a awm a, chuta a hnathawhna pa nen chuan atira in haw tak chungin hmangaihna khurah an tlu dun a.

BOSS NATHANIEL (CHAPTER-1)






" Nu ka lo haw, " in chhung ka luhrual chuan ka ti lang lang a ka nu chuan min lo pan vatin ka êm phurh chu min chawia, " i chau em, " a tinghal sep, " chau vak lo nimin ai khan a hahthlak lo zawk, vawin chu thlam bul tihfai chauh a nia, " ti nghal in bela tui chu ka suak chhuaka ka in nghal khawlh khawlh, kei hi Hmangaihtluangi ka nia ka nu hi Zorammawii niin ka pa hi Vansangpuia a ni thung. Nau hmeichhe pakhat neiin kan chhungkua hi member 4 kan ni.











Ka pa hi mistiri niin ka nu hian chawhmeh a zuar thin thung, kan chhungkua hi chhungkaw awmthei tak ni lo mah ila harsa lutuk ang chi pawh kan ni chuang lo, tunah hian kum 22 mi ka ni a ka nauchiah hi kum 18 a ni thung, chhungkaw harsatna avangin zirna ka chawlhsana B.A erawh ka zir zo vek thung, ka nau hi tunah college kal in Lunglei lamah ka nutei te inah a awm mek a, " kan thlai pawh a rem lam zel a ni ve tawh bawksia thlai zuar tur pawh a awm mang tawh dawn lo a nih hi,"











ka nu chuan ka thlai phurh haw te chu a dahchhuak a a tawng siam siam bawk, kum tawplam a ni tawh bawka kan thlai pawh a rem lam ve zel a ni bawk nen a hahthlak tak zet, kan sum lakluhna ber a ni ve bawk nen ka pa lah in hlawhna a hmu zen zen bawk si lo, vawin erawh chu vengthlang lam insakna ah an lo ruai ve a pa upa lam deuh a ni ve tawh bawk nen a hna thawh hi ka huphurh pui thin viau.










" In bual la chawhmeh hi ka lo siam ang" ka nu chuan a ti leh sep, keipawh chu ka room ah ka in thlakna turte la in ka lutnghal a, dawhkana ka phone lo awm chu ka ban nghal a kan thian ho group ah chuan message a lo lut leh teuh tawh, message chu hawngin ka chhiar thuak thuaka mipa pakhat chanchin hi ansawi laih laih hlawm, ' a hmeltha si, a pa si awii si hlirr, ' te an ti hlawma tu chanchin nge an sawipawh ka hre ve leh lo, an film en a mi an sawi leh a nih ringin phone chu ka dah leh a.












Ka room atang chuan chhuakin bathroom lamah inbual turin ka lut tlang nghal, tinah chuan tui herh haw in la in leih nghal a ka hahdam sawng sawng mai, ka inbual zawh chuan ka inthlak nghal sawk sawka ka nu eirawngbawl pui turin choka lamah ka phei nghal, bean hi ka nu chuan a lo chan mial miala a bula ka thut thlak rual chuan a bean siam chu ka tihpui ve nghal, " i pite pe ve ila a tha ang bean hi an duh ve reuh tlat, " ka nu chuan a ti sep a.












" Nang han pe lawk la, " ka nu chuan a lo tinghal zat, keipawh chuan hnial lem lo in ka tho nghal a, bean tel khat chu lain ka chhuak nghal. December thla a ni tawh bawka khua pawh avawt ve tawh khawp mai, kal kawngah chuan kan veng tleirawl hawk lak ho ka tawka kal pelh mai ka tum chu min lo dang tlat zui, " eng nge in hriat a, "? Ka pheina lam tur ah tak anrawn din zel a vang chuan ka ti hlak, " tluang tluangi hi chu i chhe lo ve ngawt mai, Aizawla awm thang tih takah i vun te hi a nung sarh lehnghal a, " an zinga pakhatin a tih chuan ka nernawk.











" Min kalsan ru tih tur ka nei ka hmanhmawh, " an thusawi ngaihsak lo zet chuan ka ti leh, anni pawh chuan tha tak chuanin kawng chu min kian ve mai bawka ka hnunglam atang chuan an la phun ser sera ka hawilet tawh lo thung, hetiang ang mipa tihtur hre lo a khawlaia awm mai mai thin leh mi tihbuai ching ho hi ka ngei hluah hluah, khawpui ah chauh hetiang hi an awm angah mitam tak chuan an ngai a nimaithei mahse, thingtlangah ngei pawh hian hetiang misual hi an awm ve.













A chang phei chuan khawpui ho ai mah pawn mi tihbuai an hratin ka hre thin, Aizawlah college atang B.A ka zir thleng ka awma hetiang ho pawhhi ka tawng tam, tunah kan khuaah ani leh zel bawka, hetiang ho nun siam that hi ka chak tak zet. Ka pi te in ka thlen chuan nui sangin ka lut a, " ehe...tluangtei a lo leng, " ka pu chuan tap a thu chung chuan a lo tihluai a min nuih nghal bawk, khaw khatta awm si hi kanin hmu khat thin em em a, anni lahin lenchhuah an peih lo nen keilah ka buai thei bawksi, in hmukhat ve thin tak chu kanni.














" Lo thu rawh, " ka pu chuan a thutna bul beng thek in a lo a keipawh chu ka thuphei ve nghal vat, mihi an ngai ve thinin min thla hlel ve thin sia keilah ka buai thin bawk nen hetianga hun ka neih deuh tawh hi chuan an bulah hian ka awm chawt zel, " khaw nge ka pi hi, " hawikual thuak pah chuan ka ti sep a, " vawkchaw tur kawmthlangah ala a nih kha Mama te ho tih tir rawh ka ti mawlh mawlha i pite hi chu a thu a duh ve bawksia, " ka pu chuan a ti leh zung zunga ka bu nghat.












" Bean kha min lo pe dawn a mi, " ka pu in a lo tihchuan ka hrechhuak thut, ka tih tur ber ka lo theihnghilh hman, " aw pedawn, " nui hak pah chuan ka tinghala ka pu pawh chu a nui ve huk huk, " i nula tan dawn chauha i haihawt nghal lutuk, " a tih leh chuan ka nui leh tawp, ka pi vawkchaw la zo rawn lutin min hmuh chuan min lo nuihsanga chutiangin keipawn, " tluang tluangte kanin i la hre ve animaw, " ka pi pawh chuan a lo tive leh.












" A la hre ve a nih hi, " ka pu pawh chuan a lo ti ve leha, ka pi leh pu chu anin nuih tawp, ka lengkhat deuh hi chuan heti hian min fiam ziah thin, ka bean ken sak chu ka pi pawn a siam ve nghal a reilo ah pitei te an lo hawa keipawh kanin lamah ka phei ve nghal, in ka thlen chuan ka nu chuan eirawng a lo bawl fel diam tawh, ka haw tlai erawh engtin mah min ti bik lo, ka pite ina ka kal tawh hi chuan ka haw hma ngai lo hrim hrim.











Tlailam dar 5 bawr velah ka pa pawh a hnathawk haw in a lo thlenga achauh hmel leh ngang mai, min hmuhrual erawh chuan a nui vur vur thung, " pa vawin chu nidang zawng ai pawn i chauh hmel zual in hna a hahthlak viau a mi, "? thingpui pe pah chuan ka ti nghal zat, " hahthlak lo e, vawin chu kan hna a hahdam khawp mai tih tur em em pawh a awm hran lo, " pangngai tak chuan a lo ti var a ka thaw hak, " khaw nge i nu, "? a thingpui lem khawlh pah chuan a ti leh a.










" Vengpui lamah thlai la in a kal, " ka ti sep, ka nu hian kan thlai mai bakah midang thlai a kharchhawng thin, kan khua hi thingtlang a ni tak na a mahse bazar tih vel kan nei ve vek tho, khawpui bazar angin changkang hluai lo mahse keimahni tawkah chuan a pangngai ve viau, khawchhak lam leh khawthlang lam pana rawn tlan thin te hian kan thlai zawrh hi min dawr thina hlawk pawh a hlawk ve viau.












" Keipawh ka hanin bual a nge i nu lo haw hunah chaw kan ei dawn nia zan lamah athlai siampui a ngai leh dawn sia in peih hma a tha, " ka pa in a tih chuan a no ruak ken chu ka laksak a, a ni pawh inbual turin bathroom lam a pan nghal, ka nu leh pa te hi mite nu leh pa angin hausa ve lo mahse an duai bik chuang lo, school ka kal lai leh tunthleng pawhin rual awtin min siam ngai lo, nupa in hmangaih tak an nih angin an fate pawh min hmangaihin min duat em em a tihsual kan neih erawh chuan min zilhin min hau ve fo.










Ka pa pawhhi a ruk tak chuan ka chhuang thin, mipa tam takin an tih duh loh tur leh hmeichhe hna a an dah tawp ang chi pawh hi ka pa chuan engkim zak miah lo leh hreh miah lo in a thawk vek zel, ka nu kawng engkimah a puiha chutiangin ka nu pawn, ka nu leh pa anga nupa in hmangaih leh in hrethiam hi chu an vang ve viauin ka ring. Ka nu thlai la pawh a lo hawng a ka pa pawh a inbual zo chiah bawk, " Nupui chawei siam nghal mai ta che i nu pawh a hahdam tawh tho chuan kha zan lam hna tur a tam si. "











Ka pa in rooma luhpaha a tih chuan chawei chu ka siam nghal sawk sawk, ka pa in thlak zo a lo chhuah chuan ka chawei siam chu min lo puih vat, chawei kan siamzawh chuan ka nu thlai remfel mek chu ka ko (au) a tawngtaina kan neih zawh chuan chaw chu kan ei nghal mawlh mawlh, " Tuaipuii'n min lo phone a pawisa hman tur thawn turin min lo tia, " ka nuin chawbar paha a lo tih chuan ka pa chuan bu nghut in,











" Kan ngaihtuah dawn nia naktuk lamah vawin lama ka hlawhte ka la anga, kar hmasa lama ka hlawh nen belhkhawmin 2500 vel kan thawn thei mai ang," a ti sup a ka nu pawh chu a bu ve nghat, " naktuk lamah thlai ka zuar dawna chuta mi pawh chu tlema zawng kan belh dawn nia, " a lo tih erawh chuan ka pa in a khap vat, " i thlai zawrhna chu i damdawi leinan hmang rawh ka tih kha, nizan lam pawh i mut that theih leh tawh loh kha, " ka chuan a ti dut.










" Ka damdawi leina bang zawng ania ka tih, ka damdawi leinan te chuan 500 bak a ngai dawn hleinem, " ka nu pawh chuan a lo ti ve leh vat, " a bang zawng chu christmas thawhlawm kanla pek zawh loh tak kha chhungkhah nan i hmang mai dawn nia, naupang kuta pawisa kawltir teuh a tha lo, kan Tuaipuii lah a â si a kutah pawisa a awm thei lo tih pawh i hriat kha, " ti dam ruihin ka pa chu a tho nghal a ka nu pawh chu a tawngchhun zawm tawh bik lo.










Eina vel ka tihfel zawh chuan hla zirturin ka insiam sawk sawka ka nu hnenah thalai in hla kan zir tur thu sawiin ka chhuak zui nghal, kan chhungkaw din hmun harsa lutuk hian ka tah a ti chhuak ngawih ngawih tih theih lah ka nei der si lo, ka nu lah a hrisel lo in a chak lo em em a chuti chung chuan hna ala thawk tang tang tho, nu taima tak a ni a ' ka thawk ve tek tek chhung chu awmawl ka tum lo, ' ti tawp mi a ni bawknen, a thlai zuar pawhhi ka pa nen khap ve bawk thin mah ila mahni thu duh na na na chu kan dang seng lo.











Biakin ka thlen chuan hla zir tur pawh an lo chhuak khawm ve nual tawh, in nghah khawm pahin in tê ah kan thu khawma phone an hmet leh sap sap tawh, hei hi kan tunlai khawvel dan a ni miau a, tumah hi inbiak leh inkawm nachang kan hre tawh lo kan phone ah hian kan buai em em theuh mai ni, hla zir banah chuan ka haw leha kanin leh biakin hi a in hlat lo bawk nen mahnia kal pawh a hlauhawm loh. In ka thlen chuan ka nu leh pa chuan thlai an lo tel mawlh mawlha, keipawh an bulah ka thuphei ve vat.









" Han mu hahdam zawk rawh vawin i hlo thlo leh thlai ilakna vel i chau ang, " an thil tihlai tihpui ka tum chuan ka nu in a lo tinghal vat, ka chauh loh thu ka sawi pawn tih an phal tlat lo, keipawh chuan tilui bik lem lo in ka tho a an thingpui in tur lumsak turin choka lamah ka phei nghal, engmah ti lo tawpa mut chu ka hreh ve deuh, thingpui ka siamsak chu pe in ka room lamah muturin ka lutnghal a khumah chuan muin ka mit ka chhing vang vang.












Ka phone message ri reng chu lakangin ka en a message a tam leh ngang mai, whatsapp ah lutin message ka dawn ho chu ka reply zung zunga chumi hnuah kan thian ho group message chu ka check leh te te a, mipa chanchin bawk an sawi leh tawh, " a naupan tehreng nen mizoramah Company lian tak a din der tawh a nia, ramdangah pawh Sumdawngna hrang hrang a nei bawk, " Ruatsangi message chu ka chhiara tu chanchin tak sawi ang maw ? an misawi hi hre lo mah ila a chhuanawm ve khawp mai,













an sawidannah ala upat vak loh phei chuan mi turu tak a ni ngei ang, ka rilru chuan an misawi chanchin chu ka ngaihtuah chhunzawm mai mai a, rei lo ah ka muhil nghal. Zing dar 6 velah tho in chokaah eirawng bawl turin ka lut a, ka nu thlai zawrh dawn tuk hi chuan eirawng bawl hma angai thin, chawei lo a kal maite a chin avang hian a ei hman ngei ngei nan zing atang ka bawl tan thin, siam tur em em a awm lo bawka ka eirawng bawl pawh ka zo hma viau mai.














" Tluang tluangte i tho tawh maw, " ? Rawn luh pahin kan thenawmnu nu Thuami chuan arawn ti lut var a, " aw tho tawh tukin zing chu iva hma ve, "ka ti let ve vat, anni hi kan vengah chuan khawsa thei pawl tak an nia anchhungkua hi an felin an thil phal em em bawk, keini chhung ngat phei hi chu minnngaina a tihian zingtin a exer la haw hi a lo peng ziah, " lo thu la thingpui ka lo siam ang, " ka tihchuan sawi buai lem lo in chair a pawtchhuaka a lo thu ve nghal.











Nu in vawng tak a nia hriselna lam a ngaipawimawh em em bawk, a kum rualpuiah chuan a hmelpawh a tha pawl tak a ni, " tunlai chu i feh deuh rengin ka hria, " thingpui ka pek pah chuan arawn ti sep a ka bu nghat, " naupangte si hi ifel reuh phian mai, hetiang tur hi a ni thawh hreh neih te hi a tha lo a nia, " a tihzawm leh zat. " Takin in hlawhna te hi i duh lo maw, " a tih chuan ka melh nghal vat, " duh te chu duh e le, mahse, in hlawhna hi a vang em a,













hmeichhe tan ngat phei chuan a vang lehzual, " ka ti sep, in hlawhna hi chu ka duh reng mai mahse sawitawh angin a vang em a ni, " Aizawl lama ka thiannu in min lo bia a, thingtlang nula fel deuh awmpui tur an zawn thu min rawn hrilha nangmah hi ka rilru ah i lo lang hmasa ber, " ti lehin thingpui chu a lem khalh, " a that viau chu, mahse ka nu te hian an remtih ka ring chiah lo, ka nau lah school kalin lunglei lamah a awm daih sia, kei leh zel ka awm loh chuan an buai dawn lutuk, " ka ti sep.











" A dik tho na a mahse in hlawhtheih kha tha ka tihpui zawk che, sawlamah phei chuan an hlawh asang a nia i nu leh pa te pawh kartin deuh thaw sanghnih sangthum i thawn reng thei ang, " a sawi chu tha ka tiviau mai kan chhungkua kan harsa ve tho si a in hlawha hmundanga awm chu ka hreh hauh lo, " i nu te chu keiman ka lo be chhin ang, " a tih leh chuan ka hnial lem lo, keipawn tha ka ti ka in hlawh thwih hlauh phei chuan ka nu leh pa tan pawh a zia dawn lutuk.









Ka nu leh pa te an lo thawh thleng chuan Nu Thuami chu a awm ve renga, ka nu leh pa hnenah chuan ka in hlawhna tur chu a sawipuia, anmahni chu mifel tak annih thu leh an rinngam thi te a hrilh mawlh mawlha ka nu leh pa te erawh chuan a kar lakah an hnial zeuh zeuh, a awm kati ve reng keimah ber ka awm loh chuan an buai zual dawn tlat sia mahse hetia ka awm tawp chuan ka rilru a hreawm ve tho, nula ve uai tawh nu leh pa thawhchhuah ringa awm reng chu a nuam lo ve duh khawp mai.












" Kan lo ngaihtuah tha dawn nia, Nupuii pawhin a hreh loh te chuan kan harsa tho bawk nen tih dan dan a awm mai ang, " ka pa chuan anin biak fe hnu chuan a tichhuak khawlh a, nu Thuami pawh chuan " a tha e kal ngei ngei se la a tha a nia, nangni pawh inphur a rit lo sawt dawn alawm Tluang tluangin sanghnih khat a thawh chhuah ve pawh kha a tha, " ti lehin min chhuahsan nghala, ka nu leh pa te chuan ka duh dan te min zawt nghal.











" Pa ka hreh miah lo, a theih phei chuan kar leh lama phei ka duh ka nau school kalna tal lo tumsak ve pawh kha ka duh hrim hrim, " ka tih chuan ka nu leh pa pawh chuan min hnial em em bik lo, " kan ngaihtuah viau che a, amaherawhchu hei ahmingin nula puitling i lo nive tawh bawknen ingaihtuah awm lutuk lo turah ngai ila, kan harsa si a tih theih dang a awm lo a nih hi, i Nu Thuami kha tlai lamah kan be dawn nia, " ka pa in a tih leh chuan ka bu nghat.














Chaweikham lamah chuan chaweina vel tifel sawk sawkin inchhung vel ka thianfai a, vawin chu lo lamah tih tur em em a awm tawh lo bawk nen inchhung tihfai nan hun ka hmang deuh tawp. Tlailamah chuan ka pa in nu Thuami chu a bia a asawi dan ah chuan karleh atang kaltan angai ni awm tak a ni, ka nu leh pa kalsan chu hrehviau mah ila kan harsatna ngaihtuahin ka ka ngei a ngai bawksi. Sunday in khawm ban lamah chuan ka thawmhnaw ken tur vel ka tifel a kumkhat tawp han awm bo chu ka hreh ru viau mai.












School kalin khawdangah chuan awm fo tawh mah ila tuntum ka chhuak tur chu ka lungaleng riau, zan lamah chuan ka pite chhung leh ka thiante an lo lenga min lo thlah ka timai, ka pi leh pu pawh chuan minngaih tur thu ansawi awl lo, zan dar 10 velah chuan kan in leng te pawh an haw a keipawh ka mu nghal, naktuk lama Aizawla ka chhoh tur thu chu ka college kalpui thin leh Aizawl ka awmlaia ka kawm ve ber ho chu ka hrilh a, an lo phur khawp mai, helama ka thiante aimahin ka nel zawka keipawn hmuh hlan ka nghak hlel tak zet.











( A ngaihnawm hmel em ? Comment lamah lo sawi ru aw next ah chuan hei aia thui zawkin lo dah ka tum ang )


Show post links
Top

[Ngaia]

BOSS NATHANIEL ( CHAPTER-2 )





Atuk zingah chuan sumo in Aizawl lam chu ka pana zinkawng a thui duh ngei mai, ka lung pawh a lengnghal em em a mahse kain tih pachan hram hram angai si, ka chhungkaw tana hna thawk theia ka awm hi ka lawm tawk viau chutih rual erawh chuan ka nunnah eng nge lo thleng ang tih ka hre si lo, tuna ka duhthusam lian ber nita chu ka awmna turte hi mifel tak nise tih leh mi tha tak mi hriatthiamna ngah tak nise tih hi a ni, ka thawhchhuah ngei ka chhungte ka thawn thei tawh anga.













Zan dar 6 bawr velah Aizawl khawchhung kan luta Mizoram khawpui tih takah a lo ropui ngei mai, ka rilruin zanlamah pawh hetiang khawpa amawi chuan chhun lamah phei chuan engtiang taka mawi nge a nih ang tih ka lo ngaihtuah mawlh mawlh, christmas a hnai tawh bawka an kawn chei te amawiin a nalh tak zet, mit tla lo lekin ka thlir dauh dauh, keini ang thingtlang mi tan chuan hetiangte hi chu ropui tham ve tak a ni, kal tawh tho mah ila ka tan chuan thil thar ang vek tho ala ni.












Millenium centre bulah ka chhuka, nu Thuami khan min lo hmuak tu an awm dawn a tih avangin ngaihngam takin ka chhuk a, ka bungraw neih tlemte chu driver in min hlan thlak sak a keiin ka hnung lama millenium centre ding lian zet chu ka thlir thung, heta college kan kal lai pawh khan kan lenglut ve fo a, tunah hetia ka han hmu leh ta hi lunghlui a leng rum rum mai, mi taivak an awm zuta hlauh tinah pawh ka tin lo, ka chuanna Sumo pawh atlan chhuak leh tawha keimahin Mc kawttah chuan ngawirengin ka thu kar.













" Nangmah hi Tluangtluangi chu ini em, "? Rawn titu an awm avang chuan ka hawichhuak vat, ka bulah hian nu tling pakhat leh mipa pakhat hi an lo dinga keimah min bia tih hriat takin min en kar bawk, dingchhuak vatin ka nih thu ka hrilh nghala a in sawidanah chuan nu Thuami thiannu chu a nih hmel, ka bag vel mipa chuan min kensak a zui tura mintih na lamah chuan ngawirengin ka zui ve tawp, Bolero var awmna ah chuan min dinpuia anmahni motor a nih ngei ka ring.












Ka bungrua chu mipa a lo hruai chuan a dah lut zung zunga nu Thuami thiannu chuan motorah thulut tura mintih chuan ka thu lut vat, motor chhung chu a lum vung vung mai pawn khawvawtah ka thu rei bawka motor chhunga thut luh chu anuam sawt, anrawn thutluh rual chuan kan tlanchhuak nghal, " I nu Thuami thiannu ka nia Nu zamte minti ve mai rawh aw, " front mirror atanga min lo melh zawk pah chuan a lo tia keipawh ka bu nghat.













Motor a ding dat takah chuan ka hawichhuak nghal, in lian pangngai tak kawttah kan lo awm vang tawh motor atang chuan chhukin nu Zamtei chu ka zui ve zel a, driver khan ka thawmhnaw chu min khaisak thung, inchhung ah min hruai luh chuan pawn lama alan dan ang chiahin a changkang, a len dan lah chu atawk fu mai, an rethei lo tih a hriat ngawih ngawih, kan khaw lama kanin te nen han tehkhin chi zia zang a ni lo, an bungrua chu a faiin a tle sawr mai bswksia a hahdam thlak tak zet.












" Lo kal rawh i room turah ka hruai ang che, " nu Zamtei'n a tih chuan ka zui lehnghal vat, inchunglam ah chuan min hruai chho in room pakhat zawnah chuan min dinpuia, " hei hi i room tur a nia chuan dinglam hi ka fapa upa zawk room ania veilam hi a naupang zawk, " a ti dap dap a ka bu nghat, a sawi leh zel danin he inah hian a fapa te pahnih leh amah chiah hi an cheng a lehlam ah chuan a zia phian mai, " he mi in hi chu i buaipui tur zawk tak a ni lo a, " a tih leh zel chuan ka meng buai nawk.











" heta hnathawk turah hian ka lo inngai a, " ka tih deuh hu chuan nu Zamtei chu a nui hak, " khawi lut phawtteh ka lo indah fel pui ang che, " ti pah chuan room chhungah chuan min luhpuia rin aiin anuam daih mai, bedsheet lah chu a var sar mai bawksia mut a in thlahrun awm zawk ang, " chuan khawi ah maw ka thawh dawn, " ka thawnhnaw min dahfel puilai chuan ka ti sep, " kanin piah lawka lo awm tur inah hian i thawk anga mahse hetah i awm thung ang, " a tih pawh chuan kala hrethiam lo viau.










" Hetah ka thawk dawn lo a nih si chuan tinge hetah ka awm a, " ? dilchhut zet chuan ka ti nawn leh, amak ve em a ni hmundanga hnathawk tur si heta lo awm daih chu, " i hna thawhna tura a in neitupa hi mizoram ah a awm vak ngai lo a mahse sumdawnna thil ah arawn awm phei angai leh ta thut sia, kan piaha in lianpui saw ama in a nia sawmi enkawl sak tur saw a duh niin min lo hrilha chuan hei nangmah hi ka zawn hmuh sak che a, " a tih chuan ka hrethiam ve deuh.













" A nih tinge ama ina awm lo a heta ka awm, " hei tak hi kala hrethiam lo, " a in neitupa sawn chenpui neih a duh lo a a thinchhe ve deuha maw i awm hunah i hrethiam mai ang, e chuan ka fapa upa zawk nen hian business partner annia lawm, a ni pawh tunah chuan a zinchhuak riha naktuk ah i hnathawhna tur pa nen an lo haw tlang ang, " a ti leh sep sep a, a sawidan hmangah chuan ka boss tur chu a khirh hmel viau mai, ka thawh tan hma hauh in ka huphurh.









" Mu tawhla naktuk chu tihtur atam maithei a nia, " a tih chuan ka bu nghat, a ni pawh chu achhuak zui ve nghal ka bungrua ka inremfel zawh chuan bathroom ah lutin ka intifai sawk sawka ka chhuah leh chuan khumah ka mu nghal, ka nu te ka thlen thu ka la hrilh lo tih hrechhuak zawkin ka call nghal vat, " Nu ka thleng tawh aw, " ka nu in call alak rual chuan ka ti vat, " aw hei i nu Thuami kanin ah alo lenga i awmna nu khan a lo be zo chiaha chuan i chau em ? i zinchhuak khat tawh sia i motor chuanna i chau ngawt ang, "











ka nu hi chuan min ngaihtuah leh lutuk thina achang chuan ka nuih a ti za thin, ka chauh loh thu leh ka muttawh thu ka hrilh leh hnu chuan in enkawl tha turin leh ka hna rinawm tak leh taima taka thawk turin min hrilh leh a, kanin biak zawh chuan tawngtai leh te te in ka muhil zui nghal. Mipa zai rat rat ka hriat chuan ka mengchhuak siar siar ' tunang hunah tu nge maw zai rat rat ngai le, ' keimah chuan ka phun sep a ka tho chhuak nghal.












Ka awmna chu ka hai teuh kher mai, in phihfai zung zungin room atang chuan ka chhuaka mipa pakhat nen kanin su lo chauh, " i va hmanhmawh ve, " a lo tih chuan ka nui tawp, nu Zamtei fapa chu a ni ngei ang a hmel lah chu a tha viau reuha, ka sawithiam dan berah chuan High school zirlai naupangte duh chi ka timai, a sam buk chhup leh a hmui hnuai lam chhan tup chu a in hmeh phian, " i mumang ram atang i la chhuak na nge, " ka hmai zawna a kut rawn tih rik khep paha atih chuan ka en reng a ni tih ka hrechhuak chiah,












ka zah zel ah ka nui tawp, kan pahnih chuan kanin zui thla a nu Zamtei choka lama lo che ka hmuh chuan ka pan vat, ka tho hma viau emaw ka intia mahse a ni lo nasa ka zak hle bawk, mi ina awma thawh tlai hi ka thil zah ber te zinga mi a ni, " e tluangtluang i tho tawh maw ? Nizan lamte i muttui thei em, "? Min hmuh rual chuan min lo be leh nghal bawrh bawrha nu ngainat awm tak a ni, a nuisang zel bawk a hmel pawh a tha.













" Aw muttui khawp mai, " nuihseih pah chuan ka ti ve nghal, " lo thu rawh, thingpui te i in duh em, "? A tih chuan ka duh loh thu in ka chhang vat, ka zah vang ni lo in thingpui ka ngainat loh a vang hrim hrim zawkin, " keiman ka duh, " ka hnunglam atang chuan sam buka khan arawn ti thum dut, ka phu zuk nghe nghe min lo hmu a ni chek ang chu a nui suk chu ka hawiphei rualin ka hmu hman hram, " i duh leh lo in thlit ve mai rawh, " nu Zamtei chuan a lo tihsan hmak nufa in ngam tlak tak an nih hmel.













" A ni pawh ka lo thlit ang che i tih tho kha, " tipaha min lo kawh vu chuan naupangchhia ka va han ti tak, nu Zamtei'n gas a athil chhuan a chawh mawlh mawlh avang chuan keimah zawk chu tho tharhin thingpui chu ka thlit saka, " amah khan in thlit tir tur alawm hepa zit zet hi chu mihi a tir ve ziah, " nu Zamtei chuan atinghal hlak hlaka ka nuih tawp, thingpui chu pe in nu Zamtei'n dawhkana a chawhmeh siam ala zawh loh a dah chu ka siamchhun zawm nghal zat.











" E taka bawihpui hei hi tluang tluangi a nih hi, i U Nathan-a ina thawk tur chu, " Ka bula rawn thut thlak pahin nu Zamtei chuan a ti lehnghal a, Sam buka chu a bu nghat, " chuan tluang tluang hei hi David. Rohluzuala a nih hi ka fapa naupang zawk, a upa zawk chu Daniel. Rohlupuia a ni ve thunga an chimawm dun teh a nia, " a tihzawm zat chuan ka nui hak ka bula thu pa lah chu a nernawk zui a a lawmawm phian, " kum eng zah nge i nih, "













nu Zamteiin a tih chuan " kuminah 22 ka pum chiah, " ka ti vat ka bula thu pa a lo nuih huk chuan hrethiam lo fe in ka melh, " David kha kum 24 ani ve thunga, chuan a u chiah Daniel chu 28 a ni thung i U te ve ve annih mai chu, " nui kar kar paha a tih leh chuan keipawh ka nui tawp, rin ai daihin an upa. " Chuan B.A i zirzo niin ka lo hria a, " a tih chuan ka bu nghat, " kum naupangtein B.A i zir zo chu anisia lehkhathiam thei tak inih ngei dawn chu, " David in a lo tih chuan ka chhang lo.














Ni e, mi pawh hian mak minti viau zel, ka rualpui te ai school ka kal hmaa kan class ah pawh athiam pawl ka ni thin, Pathian zarah zirna ah ka tluang bawk nen fail miah lo in B.A thleng hi ka kalchhuak parh, " chhun lamah i u te pawh an lo thlen dawn kha chhun lamah tih tur i neih loh chuan inah hian awm ve ang che kan buai dawn lutuk, " David melh pah chuan nu Zamtei chuan a ti lehnghal a David chuan a peih loh hmel ngang mai, " ka van ning tak thiante ho nen len kan tum a sin, " s ti nghal niah niah.











" Thian te thian te ti reng suh, nileng zankhua thakin in in zui hlawma in in ning ve hlawm lo a mi ? Ka sawi ang chuan awm tawp rawh, " ti leh hlakin nu zamtei chu a tho a ka bula thupa chu a la phun nuah nuah tho, a kum zat kha hre kher lo ila chu kum 18 vel ah ka ngai ang, naupangchhia lutuk. Chaweikham lamah nu Zamtei leh David te nen ka hnathawhna tur inlam pan chuan kan kal a, nu Zamtei sawi ang takin anin nen a in hlat lo khawp mai.











Ka hnathawhna in tur ka hmu chiah chu ka taksa te hi a tliah vek ka ring rum rum, mi pakhat chenna atan chuan a turu mah mah, nu Zamtei te in mah lian ka ti tawh ania hei phei chu pui tak a nimai Disney princess te chenna ang vel a ni. A chhung lamah chuan kanin zui luta sawitam vak pawh a ngai lo a lianin a ropui hi a nitawp mai, nu Zamtei chuan min fankual puia a nuam dawn khawp chuan ka hria, a sawi danah chuan eirawng bawl leh inchhung sek rek khawih chiah anih hmel, mahse chu ringawt pawh chu mahni tih atan huphurh awm khawp a ni.













Tihfai tur neuh neuh awm ho chu nute Zamtei leh David te'n min puihin kan khawih tlang ho a hna asawt viau mai, David lubuka lah hi rinai a chimawm daih lehnghal mi a chhaih zuk zuk thina ka ning reuh tak tak. Thingpui leh a hmeh la turin nu Zamtei chu anin lamah a phei leha David nen chuan chhuar vel kan hrufai mial mial a ' tirawh ' tih chu phun nuah nuah chungin ati ve mai zela alawm awm tak zet, a bula awm pawh anuam. Dar 4 bawr velah David nen inchhung tihfai pawh chu kan zo ve hram, nu Zamtei erawh eirawng bawlin a haw phei thung puih ka tum viau na a min hnial tlat bawksia ka inthlahrung ve reng.














" Kha rul " David in a rawn tih thut chuan ka rak nghal tuara inpui lamah ka tlan phei nghal vat, rul hi chu a lem ringawt pawh ka hlau, nui hawk hawk chunga David arawn chhuah chuan rum theih tawpin ka melh, min tihderh ve khanglang a nih chu. " I mawl a mi ka hlauh hman zia kha i hria em, "? Ka thin dawm chung chuan ka ti tiau ka tap hman lek lek, " i dawi lutuk khatiang ah ringawt rak vak angai mi ? Kha ila tap leh ta nghal a, " a tih leh zeih zeih chuan ka phunphiah kenin ka hawl nawk.












" I va â e aw.....ka bal vek dawn duh tawk teh, " a tih chiam chiam pawh chuan ngaipawimawh lo zetin kala tilui char char tho, " duh tawk teh, " ti paha a tlan sawn chuan ka um leh ngat, choka ah chuan in um pheiin dawhkan chu kan tlan huala kan awmdan hi naupangchhia viau mahse ka thinrim laklawh bawk nen engmah ka ngaihtuah thei lo, " kha le, " ti thum duta tuia min lo theh chuan ka rak that, " ehe.." ti pah chuan no chu a han thlek a tui awm lo angah a ngai a ni ngei ang.













" Kha chu tui a awm lo amaw ka tih vang a nih kha, " nuisawnga a tih chuan ka thinrim belhchhah sawt no chu la kangin filter a mi chu ka dawha alam ah chuan ka phei leh, " hey tihpalh a nih kha, min theh ve kher suh, " ti paha a ban a lo phar chuan ngaipawimawh lo zetin ka pan hnaia inpui lamah bawk chuan a phei leh tawh, kawngkhara atanga atlanchhuak tur chiah chu ka tui ken chu ka theh thawt, Lalpa leh ! David ni lo in midang zawk a ni ka theh, tuia ka theh pa chu chhingsawkin a lo meng leh,












a hmelthat dan chu pui tak hi a ni ringawt, a taksa alianin a mah asang si a hmaia hmul to siar siar chuan a ti hmeltha zual, a mitmeng thinrimna a khat ka hmuh hma zawng kha chuan vanramah ka awmta emaw ka in tihial, " eng thil tehhrep nge i tih hi, " a tih vin thawt chuan ka phu zuk a âwrawl ring zia lah chu ka bengah a âw a khawk rum rum mai, " U Nathan ka thiam loh a nih kha, " David chuan rawn luh pahin a lo tinghal vat, ka haw lutuk ringawt ama vangin vin ka tawrh phah, " eng nge thlenga, " ti dut pah chuan David an U Nathan a tih pa hnungah chuan mipa sang tha zet hi a lo ding a, a hmel chu ka hmu lo thung,












ka zak lutuk chuan khawdang reng ka hawi thei lo, ka mitsirin a pianzia erawh ka hmu chiang viau, " Bro U Nathan hi tuiin kan lo theh palha, " Davida'n a tih chuan ka hawichhuak vut, Davida U a nih ngei ka ring coat dum a ha a a sam chu amawi tawk lekin a buk bawk a kekawr ipte zen tat pah chuan mit tizim sun hian min melha, mipa lian leh sang zet pathum bula ka han awm chu ka te rawih rawih nimai hian ka hria, chuan sawi hmaih phal loh an hmelthat dan hi pui tak a ni,











an palianin an sang tha hlawm si, David hi chu a sa tlemin ka hmaa dingte pahnih ai a pan thung, " naupangchhia zeta awm kha sim tawh turin ka ti che sia i kum nen pawh a in mil lo, kan chau viau a nia, " David-a U in a tih damthluam chuan ka chil ka lem khawlh, " ka tihpalh lutuk ka thiam loh a nih kha U Nathan a vawt em,"? David zawhna tul lo lutuk chu ka va han ngei tak, tun ang thlasik laiah tuivawta in theh te chuan a vawh loh a ring emaw ni.












" A tisual tu zawk pawh angawih kar laia nang zawkin ngaihdam min dil a, " ngeiawm fe a a tih chuan ka zak chem chem, " ka...ka tihpalh, " âwkhur deuh dar dar chuan ka ti sep, a hmel pawh ka en ngam lo ka zak lutuk ringawt, " i ngaihdam dilna khan engmah a siamtha lo, " ti leh nghutin inchhung lamah arawn pen lutnghal min lo nek kher zuia ka awmsawn dawr, David chuan min lo vuan vat tunah tak hi chuan ka tah chhuah loh nan ka insum nasa viau, a zahthlak lu lai bawk em a ni, thaw ri hrawk ka hriat chuan ka hawichhuak zawk, David-a U chuan min lo melh reng chu niin ka hawisawn nghal vat.












David-a U inchhung ah a penluh rual chuan ka chhuak nghal vat khatiang em ema ka zah kha ka la hre ngai hauh lo, " Tluangtluang lo ding teh, " ka hnunglam atang Davida'n a rawn tih pawh chuan ka hawi let eih lo ka kal ngai chuan ka kal mawp mawp, tunah ah tak chuan ahmel pawh ka hmu peih lo amah avanga ka zahna tawrh hi anasa em a ni. Min rawn um zel tih ka hriat chuan inchhung lamah tlan lut vatin ka room tura min pekah chuan la luttlang nghal, khumah chuan bawk thlawpin ka thaw hak khatiang em ema thinchhia kha ka la hre lo, hmeltha hle lo se chu ahnawng kumkhua thak ang.










Ka thil ngaihtuah chu tul lo ti zetin ka lu ka thing vat, ka thawmhnaw ala huh deuh bawk nen ka inbual ta law law a, ka zawh chuan ka thawmhnaw bawm chu haiin ka inthlakna tur chu ka la chhuak a, half neck ha in a chungah chuan hoodie ha lehin kekawr dum a chhunglum ka ha a ka sam chu a huh ang ang in ka thlah mawl tawp, darthlalangah chuan ka in thlek vang vang ka kekawr chu a tite tang bawksia ka pian a tilang chiang ngang mai. Inhnuai lamah chuan chhukin nu Zamtei eirawng bawl chu ka puiha tih tur em em pawh a awm tawh lo, siamchawp ngai ang chi aman a siam vek tawh bawka.













Dar 5 bawr velah nu Zamtei chuan chawei arawta David-a chu ko in a U te ko turin a tira ka ip nghal chawih, an bula awm leh chu duh pawh ka duh tawh lo kha ania tunah ve lem chaw kan ei tlang dawna ka huphurh dan chu pui tak a ni, nu Zamtei nen chuan chawei kan siama chutih lai tak chuan kawngkhar atang David leh a U te chu an lo luta ka mit sir chauhin ka en ngam, chawei kan siam zawh ah choka lamah chuan an lo pheia anmahni chu en pawh ka en ngam lo, ka hmaah tak min vin tupa kha ala thu zuia.










David-a nen chuan thu tlangin chaw chu kan eia hawi pawh ka hawichhuak eih lo, " e taka Nathan Tluangtluangi hi a nia i ina thawk tur chu ka buai lutuka ka lo in hmelhriat tir theihnghilh daih che u alawm, " nu Zamtei'n a tih chuan ka hawichhuak zawka ka hmaa thu pa chuan mit tizim sunin min lo melh, chhang lem lo chuan chaw chu a bar zawma a nelawm loh ve hrim hrim nge atawngtlem ve hrim hrim zawk ni, chaw eikham lamah chuan nu Zamtei nen chuan chaweina vel chu kan sengfel zung zunga,












" sawtah kal lawk ka ngai tikhan lo awm ru, " Nu Zamtei'n a tih chuan ka thlengsil lai chuan kahawiphei zawk, nu Zamtei chhuak chu ka hmu hman hram keimah chauh hmeichhia ka awm tawh sia ka zamna te leh ka zahna te chu a lo awm leh tawh, ka hmai asa hat hat mai. Thleng ka sil zawh chuan inchung lamah chhoh mai ka tuma Davida'n min lo koh chuan ka ngei viau, hepa hi buaina rallian a niringawt, tim dai chuan an lamah chuan ka pheia David chuan thu turin min lo ti lehnghal zat, ka beng er zawt chak, amah avangin zak takin ka awm phaha tuna atan chuan ka ngei hi ani tawp mai.












" Tluangtluangi maw inih a, "? David a U, U Daniel an a tih chuan ka bu nghat, " kum eng zat nge inih a, " min nuihsanga a tih chuan ka tliak hnap in ka hria, a hmeltha tak zet. " Kum 22 kei ai a naupang, " David a chuan min lo sawi khalh vat hepa hi chu a thawveng chi hi a ni ve hrim hrim a nih dawn hi. " Taka Nathan naktuk zan chu i in lamah party chu kan nei dawn a mi, " U Daniela'n a tih zawm leh zat chuan Nathan an tih pa lam chu ka hawia min lo melhreng ka hmuh chuan hnuai lam ka bih vat, a nui suk ri ka hre hman.












" A tha lawm, " tih zawng sawiin a tho nghal tharh, " ka thiante ka sawm ve dawn, " David-a bawk chuan arawn ti leh a in rawlh kim ropui si, " kan thian hlui te nen kanin hmuh khawm nana party siam tum kan nia tun tum chu sawm tel lo mai rawh, " U Daniela'n a lo ti dam thlap atawngkam hrim hrim chu ngaihthlak a nuam em em vek, ka hmaa ding Nathan ang lo tak in, " ka phei mai ang, " ti leh nghutin Nathan an tih chu a chhuak zui nghal U Daniel chuan a zui chhuak ve nghal, an chhuah tak hnu chuan thawk ka la vak.








" U Nathan kha chhelo iti em, "? Ka beng bula rawn ti tu chu ka melhrum nghek, ala nuisawng zui ka ngeina hi ala reh hlei thei lo, " duh pawh ni la ichang chuang lo, U Nathan te chuan bialnu a nei a chhe lo lutuk a hmeltha si, a pian phei chu model chiah chiah U Nathan hian duh pawh a duh viau, " arawn tih zat zat chuan ka nernawk, " ka zawt che a mi ? lo nei mai mai teh se khatiang mihring nelawm na pakhat mah nei lo leh thinchhe lutuk kha eng ngatan mah ka ti lo, amah ai chuan ka bialpa ka duh fe, " ka ti ve hlak kha mihring hming kha sawi ringawt pawh ka duh lo.












" A nimaw, hnunglam hawi teh, " ka bengbul ah bawk chuan a lo ti leh, anuih kur kur avang chuan hnunglam chu ka hawi a ka mi hmuh avang chuan ka meng phawk viau, amah misual Nathan-a ngei kha a ni ka thusawi a hrehman tih hriat lutuk in a hmelah thinrimna ka hmu thei, kan lampana a lo pen chuan ka chil ka lem ri khawlh, " ka va muteh ang, " David-a chuan ti sup in a tho nghal nulh, ka mitmei chuan thu turin ka hrilha a hrethiam lo nge a hrethiam lo der pawh ka hre lo min nuihsuk in inchung lamah a pen chho nghal.










Ka hnunglam a mi chu a lo hnai zel tih ka hriat chuan ka tho nghal vat, kalsawn mai ka tum chu ka banah lo vuanin min kuai her lawp ka rak nghal that, " mi...min thlahteh, " aw khur dar dar chuan ka tichhuak sep, a nilah chuan ka thusawi ngai pawimawh lo zetin min hmerna chu a ti nghet zual sauh a na phian lehnghal, " nichina min sawidan ang chiah khan sawi nawn leh rawh, " a tih chuan ka kut chu laksawn tumin ka pawt tang tang, ka chet tam pauh leh a hmerna a niringawt.









Ka kut pawh let tum chuan ka tha tawpin ka pawt lawpa ka rin loh lutuk thil a thleng thung, couch ah chuan ka tlu tawp dup hle lo se chu ka insawh na viauin ka ring, ka chunga a lo bawh chuan ka hlauhna a zual, talchhuah tum chuan a awmah ka nam tang tang, " sawi leh la, nichin pawn thaw chham miah lo in ka nihna i sawi par par kha, sawi nawn leh rawh, " ka hmai bul cheta lo kun paha a tih chuan ka melh tlawk tlawk, ka hlau lutuk chu ka tha a khur ru der der " I phone chu i hmu lo a mi, " tipaha U Daniela lo pen lutin kan pahnih awmdan min hmuh chuan a ding dat.










( Nathan-a nge Daniel-a hi pa in tih zawk? )


ZANIN CHU CAROL NAAH KA KAL VE DAIH SIA KA LO DAH THUI HMAN LO A NIH HI MIN HRETHIAM HRAM MAI RU AW COMMENT LEH ADS CLICK KHA THEIHNGHILH LO ULA COMMENT IN TAM CHUAN CHAPTER THAR DAH A PHUR AWM VE SAWT THIN A.


Show post links
Top

[Ngaia]

BOSS NATHANIEL ( CHAPTER-3 )





U Daniel chuan ngawirenga min en avang chuan min bawh bet tupa chu ka nam sawn vat, a ni pawh chu a lo awmsawn ve mai bawka ding vutin u Daniel lam chu ahawia kei chu chetsawn nachang pawh hre lo in ka thu ngawi reng, " ka kal ange," tih leh couch-a phone chu ban aruala achhuak zui nghal U Daniel chuan thaw hawkin min lo pana ka lo melh kar thung, " eng tin nge a tih che, " ? a tih thum dut chuan ka melh kar, " engtin mah min ti lo, " zawisep chuan ka ti let.














" A that chu han mu tawh la, " a tih dam dap chuan bu nghatin inchung lamah ka chho nghal an mize in ang lo hlawm lutuk hi a buaithlak, David-a athawveng em em a U Daniel-a a zaidam thlupa, kha Nathan-a an tih pa lah kha a thinchhe em em bawka mihringte kanin an loh zia tichiang tu te anni ringawt, khumah chuan mu in ka thawk ka la vak " awm dan thiam a va har dawn ve, " keimah chuan ka phun sep naktuk atang kha thinchhepa inah khan ka thawk tawh dawn chu a ni sia ka huphurh lutuk tlat.














Zing dar 5 velah chuan tho in ka in phih harh sawk sawka inhnuai lamah ka chhuk nghal vat, tukin chu nu Zamtei ka thawh khalh ve hlauh. An lo thawh hmaa thingpui lo siamsa diam ka duh avangin thingpui bawl hlo vel an dahna chu ka zawngkuala, ka hmuh chuan thingpui chu chhuangin ka siam nghal zat, " i va tho hma ve, " ka hnunglam atang rawn titu an awm avang chuan ka hawi vat, U Daniel lek chu niin a in thuam danah chuan exer ala a ni tih ka hrethiam mai, track suit var a haa alang hmeltha zual. " Eng nge i ngaihtuah, " tipaha a kut a lo vai zeuh chuan ka ngaihtuahna atang ka harh zawk, ka che chhe thei lutuk hi eng nge a chhan pawh ka hre bik lo.













" Ah..ih eng mah, nangmah alawm tho hma, " ka tih bah deuh niai chuan a nui suk ala hmeltha em em zui, U Daniel-a nen kan ding reng lai chuan thinchhepa pawh kha arawn lut ve chiah arawn kal ve ziah hi ka ning tak zet, inchhung khat zawk mah nise a hmel hmuh reng hi ka peih lo, " tluangtluang thingpui min lo pe la, " tipahin U Daniel-a chu chair pawtchhuakin a thu a a bulah U Nathan-a pawh a lo thu thla ve nghal zat an pahnih chuan eng eng emaw sawiin an ti ti zui a, ka thingpui lumsa chu thliin an hmaah chuan ka va dah a U Daniel chuan lawmthu sawi supin min nuih leh tawh.












Sawtianga a nuih tawh saw chuan tu hmeichhia pawh a zûnah an uai thei ngei ang, " thingtlang-nu ka sawi chu i hria em, " rawn ti dut tu chu ka melh haw, ' thingtlangnu ' min tih chu ka ngei viau minla melh ngur zui a, " eng nge, " ka tih chuan a thaw hak, " thingpui ka in ngai lo coffee min lo siam rawh, " a tih chuan duhkhirh ka ti viau a tirah te khan sawi mai tur a nia, a thingpui chu laksakin ka kalsawn nghal, coffee ka siamthiam bawk si lo chu ka ding ngawi reng.












" Hun ka nei lo viau a nia, " dawhthei lo fe chuan a lo ti leh hmuk, keipawh chu ka insum thei tawh bik lo ka thiam loh na na na chuan tiin alam chu ka hawia, " ka siam thiam lo, " ka tinghal sep, " thing lutuk," a tih sup chu zawi hle mahse ka hrechiang viau thung mahse ka zak miah lo, thingtlang mi ka nia a ni pawn ka thiam chu a ring lo ve tho ang mintih zah nan siam turin minti tih chiang reng, " keiman ka lo siam ang, " U Daniel chuan tiin a tho zui nghal ka bulah chuan lo dingin a siam zui nghala a che vel chu hmuh nawm ti zetin ka en.











" Nathan-a inah i thawk dawn sia ka tihdan hi uluk takin lo en rawh, ka siam sak reng hman dawn lo a nia nangma tih tur tho a nih hi, " min lo melh paha a tih chuan ka bu nghat a tawngkam hi ngaihthlak a nuam bik hliah hliah, a tihdan chu uluk zetin ka en a ka hrethiam nghal ka rin ang ai a siam awlsam phian, " nakin ah uluk zawkin i zir dawn nia, " ti leh sup in a coffee siam chu a thianpa chu a pe nghala a in ngaitlawm bik ka ti tak zet, hetiang mipa hi lawm hman atanga ka lo suangtuah thin kha, ka ngaihtuahna chu atthlak ti zetin ka lu ka thing nghal nar nar.













Ka hawichhuah rual erawh chuan tuna ka chetdan kha a âtthlak zia ka hre chawpchilh nghal, thinchhepa chuan â mintih hmel zetin min lo en ka zak lutuk chu ka hawisawn nghal vat, tinge maw kachet chhiat theih em em ni hetianga ka chet chhiat hi kala hre ngai lo. Thingpui anim zawh chuan ama in lamah thinchhepa chu a haw phei nghala U Daniel pawh inchung ah a chho ve nghal, nu Zamtei a lo thawh chuan thingpui ka lo pe nghal vata a ni paw'n a lo ban ve nghal vat.














Chawhmeh siam tur ka zawh chuan fridge atang bawkbawn leh samtawk vel arawn lachhuaka keiin ka lo siam nghal, " nute ka ti thak dawn a sin, a thak inngam ve tho em, "? ka bai siama hmarcha pawlh ka tum chuan an ei ngam loh deuh ka rin avangin ka zawt a, " ei ngam e ti thak rawh, i U te pahnih paw'n hmarcha te chu an ngam lutuk, " arawn tizang vaha keipawh chuan hmarcha chu ka telh nghal an ei ve duh em ang chu, David-a chu bukchhup hian choka-ah arawn luta nu Zamtei'n a lo hau nghal.













" Tlangval ve si hi thawh hre lo lutuk, naktuk zing atang i U te rualin exer la ve tawh ang che, i lu te kha a buk chu vawin ah cut tir vek ang che, " a tih chuan David-a chu a nernawk, dar 8;30 velah U Daniel-a hnathawka chhuah hmat a duh avangin chaw kan ei a ka bai siam chu min faksak ve luam a nuam ka ti viau, David-a chuan thak a ti deuh nge a si hluam hluam thung a rukin ka nuih ka nuih. Chhun lamah chuan ka hnathawhna tur zawk inah chuan ka pheia nimin lamah kan tifai nual tawh bawka tih tur em em a awm tawh lo.













Insuk leh darthlalang nawhfai a ni deuh mai, machine hmanga suk a ni bawka a awlsam viau ka thawmhnaw suk chu pho turin in chung lamah kachho a a inchung pawh chu nuam tak a ni, pipu keini in kan tih mai ang chi kha a lo awma ka han thu chhin vel chu a dup nuam phian, thawmhnaw ka zar zawh chuan inhnuai ah chhukin darthlalang vel ka hrufaia, anni mihausa ho tukverh darthlalang ringawt pawh chu nileng hnaah neih chi a ni, a lianin a sangsi ka hruk phak loh chin chu thuttleng in danin ka hru a ka zawh chuan ka ban a kham thum mai.












Inchung lamah chuan chho in room ho chu ka tifai leha, ama room ni ngei turah chuan ka lut a a zau nuam phian mai mahse rawngdum a hmang uar mah mah, a bedsheet chu thlak sakin suk turin ka daha athlak na tur chu a wardrobe atang chuan ka la a rawng danga thlak ka tum teh lul nen a dum vek a lo awm, a dang a awm miau loh avang chuan ka phahsak ta ringawta a lehkha bu dahna vel te chu hrukfai sakin ka remthat sak veka, ka zawh chuan a bedsheet chu suk turin inhnuai lamah ka keng thlaa machine-a nuai tir chi a nih loh avang chuan ka kut vekin ka su a a lian bawk nen suk a buaithlak tak zet.












Tihtur awm ang ka tih zawh vek hnu chuan sana ka ena Dar 3 a lo rithuak tawh, nu Zamtei chu call in eirawng bawlsak a ngaih leh ngaih loh ka zawta bawlsak mai tura mintih avang chuan siam tur vel chu ka zawnga fridge ka hawn chuan sa chi hrang hrang leh thlai hnah lam a lo awma la chhuakin a rem rem chu ka siam tawp, a duhkhirh ve bawksia keia ei tur siam chu a ei ve duh kherh pawh ka ring lo, dar 5 bawr velah a lo thlenga min hmu ang pawn a awm lo inchungah a chho nghal nul nul, min biak ka lo ring ve ringawt pawh chu mawl ka inti leh viau tawh.













A inthlak zawh chuan a lo chhuk leha hreh tak chungin alamah chuan kapheia chawei ka siamsak dawn em tih chu ka zawt sep, min ngaihsakna pakhat mah nei lo in phone a khawih mual muala ka ngei tak zet, " chawei chu siam la, " min chhang dawn tawh lo emaw ka tih hnu chuan arawn ti bul hmuk, chhang tawh lo chuan choka lamah pheiin chawei chu ka siamsaka ka zawh chuan a ei theih thu ka hrilh leh nghal, choka lamah chuan lo pheiin ka chawhmeh siam chu a thlek ang vung vunga a nernawk zui.














A ei duh dawn lo emaw ka ti hman tawh hial, ei chak loh hmel fe hian a chair ah chuan a thu a a che vel hrim hrim chu a ngeiawm hluah hluah, a chawei laia awm reng chu nuam lo ka tih deuh avangin in pui lamah phei ka tuma ka penchhuak dawn chiah tih ah, " thingtlangnu, " arawn tih chuan ka ding dat alam chu ka hawi nghal vut, " eng nge, " a ni paw'n min be tha bik chuang lo ti rilru in ka ti ve hlak, " zanin ah hetah kan thian ho in party kan nei dawna kan ei in tur vel min siamsak ang che, " a tih chuan ka thaw hak, " awle " ti tawi takin ka penchhuak nghal.















A chaweikham ah chuan a eina vel chu ka sengfel saka ka zawh chuan intihfai ve phawt ka duh bawk nen nu Zamtei te in lamah chuan ka phei leh, inchhung ka luh chuan amahin sitting roomah tv enin a lo thu ka hmu a ka pan vat, " chaw in ei tawh a mi, " a tih chuan ka bu nghat, keimah tak chuan la ei lo mah ila sawilan kher kha tul ka ti lo, " nute U Nathan-a khan zan lamah an thian ho in party an nei dawn a tia chumi atan chuan ei in vel min lo siam sak rawh a tia, " ka ti sep a hrilh loha kal tawp kha chu a dikin ka hre lo tlat.















" um, a tha lawm chumi tur atan chuan a ni maw Rohluzuala kha a phur leh em em ni, a ni hi chu hetiang party tih luk lak hi nuam a ti tlat pek a, nichin khan a U nen an thiante sawm turin an chhuak a nih tak kha, nangpawh hanin tifai la va phei rawh puih i ngaih chuan sawila keiman ka lo tihpui ve dawn che a nia, " a lo ti nghal zung zunga nu Zamtei hi chu a fel ve thlawt, " puih chu ka ngai kher lo ang, a nih ka hanin tifai ve lawk, " tiin in chunglamah chuan ka chho nghal, ka roomah chuan lutin ka intifai nghal zung zung.












Hoodie var leh kekawr tite ha tawpin inhnuai lamah chuan ka chhuka U Nathan-a inlam chu ka pan nghal, a in ka thlen chuan a lo reh thiap mai amah pawh a awm lo a nih hmel, choka lamah ka phei chuan dawhkanah ei tur leh in tur chi hrang hrang hi a lo in tlar thluaha anmahni ei in tur vel chu anih ngei ka ring, rei lo ah kawngkhar atang chuan a thiante ni ngei tur chu an rawn lut hlawma rinai an tam, U Daniel leh U Nathan-a erawh kala hmu lo an hmeichhe ho lah chu an hanin chei nasa khawpa, tun ang khaw vawh laia kawr chhing lo hak chu an mak hi ka ti.













Hmeichhe ho chu choka lamah an lo pheia an lo tawng lut bawrh bawrh, " nangmah hi a mi Nathan-a awmpui nula chu, " pakhatin a tih chuan ka bu nghat min hriat nghal danah min lo sawi tihna emaw ni dawn ni, ei tur vel chu anmahni in an siama ka lo puih ve zeuh zeuh bawk, Aizawl ah chuan awm ve tawh tho mah ila an nun dan engmah kala hriatthiam pui lo thung, kawngkhara lo lut te ka hmuh chuan mit khap lek lo in ka en, Nathan leh hmeichhe pakhat hi an nia a hmeichhia chu a hmeltha viau, in kai rialin inchhung an lo luta keiin ka lo melh reng thung.













Davida'n U Nathan-a bialnu a tih kha a nih ka ring, a sawi ang ngeiin a chhe lo a a hmel tha a, model pawh a ang viau bawk, rei lo ah U Daniel-a pawh a lo lut ve a a ni pawn hmeichhe chhe lo zet a lo luhpui ve bawk an pahnih chuan anin nuihsanga, hmuh an nuam phian, a bialnu a nih ka ringnghal hmiah vannei ka ti hle bawk, U Daniel-a anga mipa hmeltha leh chhe lo fel bawksi angaizawng thei bik a. " Mami hei hi lo ti lawk, " ka bula ding pakhatin a lo tih chuan U Daniel-a leh a hmeichhe lo hruai ka melhna atang chuan ka mit ka lasawn vat.











" Eng maw ka lo tih ang, " ? ti deuh hu in amah chu ka melha, ' mami,' te chu minti leh ta nghala keiai a upat em em ka ring lo, ka hmingte min zawh ve tal tur a nia, " hei hi lo thli ve rawh, " tiin coke pakhat hi min lo pe a keipawh chuan ka ban nghal vat, no ah chuan ka thli chhuaka an ni'n eitur an siam thung, " kan zo e, party tak tak ang u, hei chu tihian awm rih rawhse intur lam hi kan va chawiphei ang, " tih leh intur chu traya chawiin choka atang chuan chhuah an rual nghal, an tam tham ve bawk nen an thawm pawh a ring viau.












Light chu ti thim in dim light ang chi leh eng de chuai chuai ang chi kha an chhi a, hla masak zet play in an lam hlawma ngawirengin an che vel chu ka thlir, " couple dance nei ang u, hla kha thlak ru, " pakhat chuan a ti lang langa an hla play chu thlak in inngaizawng ho zawng chu inkuah rialin an lam hlawma, U Nathan-a leh a bialnu an lama chutiangin U Daniel-a te pawh, light chu dim viau mahse ka hmu chiang hlawm viau U Daniel chuan alam pui nu chu a nuihsanga a duh hmel hliah hliah, chutiangin U Nathan-a te pawh.









Music atawp ruala an thil tih avang chuan ka sa chhuak vek, an thiante awm ve lai reng chuan couple ho zawng chu anin kiss-a an thiante ho chu kut bengin an au nghal dual, kei ka lo zak hle thung. An thiltih an zawh chuan couch ah an thu a midang ho zawng chu an lam leh thung U Daniel-a leh a hmeichhe awmpuinu chu ka melh leh zawk thin, an ti ti dun siam siama anin kiss leh zeuh thin bawk en duh tawh lo chuan ka hawisawn vat, " i va riang ve, " rawn titu chu ka melh vat, Laldavid-a bawk chu niin.














" I lo thlen lai ka van hre lo, " ka tih daih chuan nuisukin ka bulah a lo thu ve nghal, " ka lo thlenna chu a rei tawh alawm min hmu lo mai mai a nih chu, " a tih chuan ka bu nghat, " thian i lo in hruai ve dawn emaw tia, " ka tih leh chuan a hmui a ti pawrh tarh, " ka U te'n an phalloh kha, " lungawi loh hmel fe hian a lo ti sup a ka nuih tawp, " min nuih thak suh, midang chu couple vekin an awma kei chu ka riang bik, " a tih zawm leh zat ka nuih a ti zual sawt, atawng dan hmangah hi chuan keiai pawn a naupan hmel zawk thib, " nang nen zanin chu in couple ve mai ang aw kan riang bik sia, " mit min siai khum zeuh paha a lo tih chuan lei ka chhuah khum tut.
















" U Nathan-a bialnu chu eng nge a an, i hmu tawh em, "?a tih chuan bu nghatin a hmelthat thu in ka chhang nghal vat, " ka U bialnu kha i hmu em, " ? a tih leh chuan ka melh vat, " alam puinu kha a ni tiraw, "? Ka ti nghal David-a chu a bu nghal nghat. Light an on hnu chuan hmeichhe ho chu lo pheiin ei tur vel chu an lo la a inpui lamah an chhuah pui nghal, tih tur ka nei ve bawk si lo chu a hreawm letling zawk, David-a chu a phone a lo rik avangin pawn lamah a kalchhuaka mahni chauhin choka ah chuan ka thu ngawi kar.















" Ehe.." rawn ti tu chu ka melh nghal vat, mipa pakhat sang tha zet hian min lo melh kura eng nge maw a hriat reuh ni, " Nathan he lai nula hmeltha deuh hi khawi a mi nge,"? a tih chuan ka hawi hai viau, " U Nathan-a leh U Daniel-a te chu an rawn pheia an thianpa bulah chuan anrawn ding nghal, " eng nge i rik hlut thin, " adara rawn bensak paha U Daniela'n a tih chuan chu pah pawh chu a in thlahrung deuh nge a tukhum a hiat neuh neuh, " helai nula hmeltha deuh hi ka hmu thut sia mak ka ti deuh, " a tih chuan U Daniela chuan min lo melh zawka nui suk.












" Nula hmeltha i hmu khat deuh a nimaw, " a tih zawm zat chuan a thianpa pawh chu a nui tawp, " Nathan-a inah hmeichhe hmeltha deuh hmuh ka in ring lo em a chu vang mawle, " a thianpa in a tih chuan U Nathan chu ka ena a thianpa thusawi chu pawmpui loh hmel zet hian a nernang mai, " tluangtluangi anih hi, Nathan-a inah hian a thawk dawna, " U Daniela'n a tih leh chuan an thianpa chu a bu nghat, " saw lamah sawn lo thu phei ve la, " chupa chuan min melh pahin a lo ti sup ka lu ka thing nghal vat.













" I zak deuh a mi ? a ho lutuk lo thu phei ve rawh zahna tur a awm lo, " a tih zawm leh nghal zat, " he lam ah hian ka lo awm zawk ang, " nuihsang pah chuan ka ti let nghal vat, " lo thu phei ve la tluangtluang, " U Daniela pawh chuan a lo tive nghal, ka hnialfe hnu pawh chuan minsawm lui ve tlata a tawpah chuan ka zui phei ve tawp, thenkhat chuan min lo be nghal siam siama an hmeichhia te zinga thenkhat erawh chuan min ei loh hmel fe in min lo en thung, David-a phone hmang zo pawh chu a lo luta sitting room lama ka thu min hmuh chuan min lo pan vatin ka bulah a lo thu ve nghal.












" Ka hmuh tawh hnu i ang riau, " U Daniel-a bialnu in a tih chuan ka nui tawp, " tluangtluangi maw i hming, " ? A tih chuan ka bu leh nghat, " Freddy-a i hria em, "? a tih chuan ka meng deuh kawk, " Freddy. Rosangpuia i hria em, " ? a tih nawn leh chuan ka bu nghal nghat, Frreddy chu college kan kal laia ka bialpa a nia kum khat dawn chu kanin zui ve hman a hmelthin a chhe lo em em a kan college ah pawh khan duh tu a ngah hle thin, U Daniel-a bialnu in a hming a lo hre ve leh zel chu mak ka ti deuh.










" Ka ringsual lo a nih chu, a takah i lo hmeltha zawk a nih hi, " a tih zawm zat chuan midang ho chuan thil awmzia an zawt vat, keipawn Freddy-a a hriat dan chu hriat ka chak ve deuh, " i nau Ferddy-a nen chuan engtin nge an lo in hriat theih a, "? U Daniela zawhna avang chuan ka mengphawk hra, Freddy-a kha U Daniela bialnu nau a lo nireng chu a maw ? " anin zui ve thin alawm, anilawmni tluangtluang, " tipaha min lo nuih chuan ka nuih let ve tawp.












" Freddy-a leh Nathan-a awmpuinu hi anin ngaizawng tawh maw, "? U Nathan-a bialnu in a tih chuan ka ip nghal chawih thei a tawngdan ah chuan min hmuhsit hmel tak zet, " aw tluangtluang ka sawichhuak chu pawi iti em,"? U Daniela bialnu in a tih chuan nuilui sangin a pawi loh thu ka sawi sep, an hriat tur ang chu an hre vek tawh tho, " Fred chuan a duh thei lutuk alawm achanchin te a sawireng thin, a hmelthat zia asawi dan lah chu ahan uar thei mai mai khawpa, mahse hei atakah ka han hmu ta chu a nia a hmel pawh a sawi ang ngeiin a tha, " a tih chuan ka zak ru chem chem, chuti fa ko a min sawi chu ka ring pha ngai lo.












" Tluangtluang engtik khan nge in in thena, " hmeichhe pakhat chuan min lo zawta ka thaw hak, " nikum khan, " ka titawi tak sawichhuah leh pawh ka duh tawh ngai lo kha a nia mahse tunah ka sawichhuak leh ta tho a, kanin then dan ka ngaihtuah let ngat phei chuan ka thin zawn hi ala na ut ut mai, " Freddy te ang chu i then hmsak ka ring lo phawta, aman a then che a nimaw, " U Nathan-a bialnu bawkin a lo ti leh atawngkam hi angeiawm bik hliah hliah.









" Tluangtluangi hian a then, a chhan erawh ka hre lo na a mahse in inthen tirh pawh khan ala theihnghilh thei mai lo che a, " Freddy-a U bawkin a tih ve leh chuan chhang tawh lem lo in ka ngawireng, ka then chhan chu sawi kher ka tum lo tul pawh ka ti hek lo. " Eng pawh nise nunhlui te chu hriat reng kher pawh a tul lo Fred-a pawh tunah chuan atha tawh bialnu dang a nei leh tawh nghe nghe alawm, nang tluangtluang bialpa inei leh tawh em, "? Freddy-a U in a tih zawm leh zat.











" A nei leh tawh, U Nathan-a ai a hmeltha thu asawi, " David-a chuan ka chhan hma hauh in min lo sawi khalh, nimin lama ka sawikha thutak ah a lo ngai a ni chiang mai ka thinrimin ka sawichhuak mai mai kha a ni sia, a banah chuan ka va sik zeuh eng ngah mah ngai lo chuan a tawng chhunzawm zat zat, " a that chu tluangtluang nangpawh hlim takin awm rawh, " Freddy-a U in a tih chuan ka zak ru chem chem bialpa nei angin min ngai hmiah tihna a nia, insawifiah dawn pawn an zingah chuan eng vakmah ka sawive ngam bawk si lo ka ngawi deuh tawp.












" Nang anga hmeltha hi chu in single loh kha ka ring renga, " an thian pakhat chuan a lo sup ka nui tawi tak, dar 10 bawr velah chuan an haw hlawma U Daniela leh U Nathan te chuan an bialnu te an thlaha David erawh tih tur aneih thu sawiin achhuak daih thung, keimah chuan hmunhnawk vel chu ka tifaia a hau tak phian, ka zawh rual vel chuan U Nathan-a leh U Daniel te chu anrawn thleng ve chiah, " i la haw lo a nimaw, " U Daniela'n a tih chuan bu nghatin hmun hnawk vel ka tihfel lawk thu ka hrilh nghal sep.













" Tunah i hman tawh tihna a mi, " A tih chuan ka bu nghat, " Lo kal rawh kan haw rual dawn nia, " a tih chuan haw a hun tawh tho bawk nen hnial lem lo in tim dai chuan alamah ka pheia a U Nathan-a lah chuan min melh kur bawk si, eng hi nge maw a hriat thin ni. " Kan haw tawh mai ang, " tih leh min kaih chhuah a rual nghal a chetdan in minthawn em avang chuan awmdan tur pawh ka thiam lo, pawn kan chhuah hnu pawh chuan minla kai tlat keimah zawk chuan ka kut chu kala sawn nghal vat, a la nui suk zui.











" Chuan i U Amelia-i thusawi kha a dik em, " ? A tih chuan ka melh deuh haw, a sawi awmzia ka hre tlat lo, " a nau nen in inngaizawng a tih kha, " a tih chuan ka hrethiam chiah Freddy-a u hming chu a mawi kati tak zet, " aw a dik alawm, " ka ti zawi sep, " engtia in then nge in nih, " a tih leh zel chuan mak ka ti tulh tulh eng vanga ka chung chang min zawt luam nge maw a nih le ? " kha chu kan sawi lo thei angem, "? Ding dat pah chuan ka ti zawi sep Freddy-a chung chang sawi nawn sek hi ka tan a nuam thlawt lo.











" Ka hrethiam e, ka zawh loh tawp tur ka lo zawt che a ni min hrethiam rawh, " a tih chuan bu nghatin ka kalzawm lehnghal ka nunhlui harsa taka ka theihnghilh theih kha tunah a lo in lar leh a kha thil khan min tina nawn reng fo chu a nih hi, a tira ka tawrhna nena tehkhin chi chu ni lo mahse tunah pawh hian na lo hul hual chu ka ni bik lo. In chhung ka luh chuan a lo reh thiap a nu Zamtei a mu tawh a nih ringin inchung lamah ka chho nghal, ka room ah chuan lutin khumah chuan ka bawk nghal thlawp.













Freddy-a nena kanin then dan bawk chu ka ngaihtuah let leh tawh, kha mi ni ka tana ni hreawm ber kha engtik ah mah ka theihnghilh leh tawh dawn lo. Freddy-a nen khan college ka luh tan tirh ah in tawngin kanin kawm ngeih thei em em a, khatia kanin kawm chawt takah kha chuan zawi zawiin kanin thian thatna kha in duhna ah a lo in thlak a, a ni pawn min duh a chutiangin keipawn kanin ngaihzawn tirh pawn min ngaihsakin min duat em em zel, an hausa in amah lah achhe lo bawk nen ngaizawng tupawh angah viau amah avanga min haw tu pawh an tam, mahse khang kha eng ngah mah ka ngai ngai lo thung.












Vawikhat chu sex hmanpui turin min sawma mahse ka hnial chiang viau, mintih luih ngial pawh khan ka duh loh thu ngawtin ka chhang, ka tan chuan ka virginity hi ka thil ngaih pawimawh ber leh ka ngaih hlut ber a ni tlat, ka pasal tana ka thil pek theih hlu ber ah ka ngai hmiah bawk kha mi ni khan Freddy-a kha athinrima min be duh lo bawk, message emaw call in emaw ka be awl lo mahse a chhanna ka dawng lo thung, karkhat chhung chu kanin be lo nghe nghe kha ti chung pawh khan kan that ve leh mai rinna kha ka la nei cheu, achhan pawh vawitam tak kanin hau fo thina karhnih tawp in biak loh chang pawh kan nei, amah erawh chu kanin then hlen ngai lo.












Zankhat chu kan college-a kal tho birthday lawm turin kan thian ho in kan kal a, music ri hut hut kara awm kha ka nin em avangin boruak thiang dawngturin in chunglam ah ka chho a, room pakhat atang thawm rawn chhuak khan keimah hi engtin emaw min mawlh deuh tlat, thawm lo chhuahna room chu pan pheiin kawngkhar chu ka hawnga chuta ka thil hmuh zet chuan awm ngaihna reng reng min ti hre lo, ka bialpa ka duh em em leh hmeichhe pakhat mudun lai chu kei hian ka phawka Freddy-a'n min hmuh khan a hamhaih tak zet, engmah ngaihtuah thei lo in ka biangah ka mittui dan rual loh in a lo tla.












Room atang tlanchhuak in kan thian ho in kanin luah tawmna hmun chu ka pana, kha mi zan khan zan khua in ka tapa a tuk college kal pawh ka thulh hial, ka thiante ho in Freddy-a'n min zawn thu leh min biak a duh thu min hrilha kha tah khan anni pawh engkim ka hrilh vek, an hua in an ten ve hle bawk, a tuk leh lamah college ah chuan kanin hmu a min biak a tum ngial pawn ka peh hel lui tlat, vawitam message in ngaihdam min lo dil call pawh min lo call ngun viau, mahse ka peh hel lui ve tlat kha ta tang khan kanin kar chu ka ti tawpa, amah vang khan ngaihzawng neih leh chu sawi loh mipa hi a hlauhin ka hlau tawh.







( COMMENT IN TLEM THEI LUTUK-A A NUAM LO, HAN TANG DEUH TEH U )


NATHAN-A MIZIA HI IN NGEI CHI NGE IN DUH CHI ?


Show post links
Top

[Ngaia]

BOSS NATHANIEL CHAPTER-4



Thla khat zet chu Aizawl lamah ka awm tawha nitin U Nathan-a intihfai bak chu eng em em mah ka thawk ngai lo, nu Zamtei ka puih ve zeuh zeuh thin bawk ka hun tam zawka puih pawh ka duh lutuk ka awmna leh ka ei leh in tur min pe tu ber an nih na zawnah pawh, mahse nu Zamtei hian, " i U Nathan-a in itihfai chuan atawk, kan hna thawk tur ni lo in i U Nathan-a hna thawk tur alawm inih, " a ti deuh tawp thina a nuam lo thei viau, achang hi chuan a ngai lo a ti chung chung ka thawh luih sak hram thin.












U Daniel leh David te pawh an fel a an farnu ang tak takin mi an en a duat pawh min duat viau, chutih rual erawh in David lubuka hi chu ka ning thin, naupangchhe en in min en bik ka ti mai ka tih tur leh tih loh turte hi min hrilh thlap thlap zel, min ngaihtuah vang tih hre tho mah ila nula tan chuan aninawm na chin a awm ve lo thei lo, mahse hetianga ngaihsak leh duat nih hi chu aleh lem tak ah chuan a nuam leh phian tho, U Daniel a bialnu U Amelia pawh arawn kal ve zeuh zeuh thina ahmelthat piah lamah a nungchang atha bawksia nu Zamtei paw'n U Daniel atan a duhpui viau.












U Nathan-a bialnu erawh a nelawm loh in a chapo em em a, U Nathan-a in ka tihfai laia a lo kal te hian in ti neitu fe hian tih tur leh tih loh tur min lo hrilh thlap thlap thin ninawm duh tak a ni. Vawin pawh nilengin U Nathan-a in ka tihfai saka tih tur atam lo bawk nen ka hahdam viau tunah pawh eirawng bawl a la hun lo bawk nen couch ah thu in kan khaw lama ka thiante ka be mai mai, ka nu leh pa te nen pawh zantin deuh thaw kanin bia a ka lung a leng viau. " Eng nge itih, " rawn titu chu ka hrechiang viau a âw ah chuan a lungawi hmel teh chiam loh.











" Eng vak mah, " hawichho zeuh paha ka tih chuan a nernawk, " Nathan hi fel viau lo se chu nangang mi zel thel lutuk hi a ban daih tawh ang che, " ti hlak in ka hmaa couch ah chuan a lo thu thla nghal zat.U Clara leh U Amelia te inah loh dan hi pui tak a ni, lei leh van ka tehkhin deuh ber mai " thu reng lo khan thingpui min lo lum teh, " a tih chuan thaw hak in ka tho kang nghal ning thin viau mah ila ka hna a nimiau, choka ah chuan lutin thingpui chu ka lumsaka ka siam zawh chuan ka pe lehnghal zat, ka thingpui siam chu la kangin a nernawk hei hi chu a mizia ve reng a nia ngaiah ka nei tawh.











" Thingtlang ho hian hetiang hian a mi in siam thin, vawitam ka sawitawh keini ho chuan hetiang hi kan in ve ngai lo, " a tawngkam chu a ngeiawm leh viau mai, vawitam thingpui ka lumsak tawha ala sawisel ziah. " Thingtlang ho thingpui siam dan leh nangni khawpui ho thingpui siam dan chu a dang vak bik em ni, " ? ka ti ve deuh ngat mihring hi a in phahhnuai reng theih bik loh, kan dinhmun chu ka hrechiang viau thingtlang mi ka ni tih pawh ka pha lo, a chhan chu ka ni miau a mahse a ni hian min deusawh nana ahmang ziah hi ka duh bik lo, a ni ang mipa a ina kal chilh dun dun thin leh zan riak chhuah ziah hian min zilh thei bik lo.













" I zak chai na nge chutia min chhan ngam, nang ang thingtlang khaw thing lutuk atang lo kal hian ka zilh e mi tia maw ? hre rawh kei hian Nathan-a bulah ka sawi vaih chuan he in atang hian petchhuah in awm mai ang, " ka hmaah tak chuan lo dingin min kawk deuh sawk sawk arapthlak tih bak sawitur ka hre lo, " ka chhang che ni lo in ka zawt mai che a nih kha, thingtlang atang lo kal chu ka ni teh meuh mai chuan hetah pawh rei tak chhung ka awm tawh bawka mahse kan thingpui siam danglamna ka hre lo, chu chu alawm ka sawi chhan chu, " ka tih leh ngat chuan rapthlak khawpin min melhrum.












Sawi sual ka nei in ka in hre hauh lo, " nang ang thingtlang atanga lo kal mi thing lutuk hian chutiang te a mintih, i zak thei lo mah mah, " tih leh min ben a rual nghal ka hmai a thip vut vut a kutthlak ana phian mai, " ka mitta min en ngam tur pawh ni lo hian min kalh zawngin thu te isawi ve ngam zawk chu a nia, kan sawi apiang chu i zawm mai tur a ni, " a tih chuan ka hmai dawm chungin a mittah tak ka en, " U Clara min ben na tur khawpa thil tihsual ka neih ka hre miah lo, " ka tih leh chuan a nui hak ngawi tawh tur ka ni tih ka in hria mahse ka thei thlawt lo kut hial min thlak chu a nia.










" I thil tihsual chu ka hrilh ang che, " tih leh min phih arual nghal a kut chu vawn tumin ka ban tang tanga ka ban fuh thei mai lo, a ni a nulianin a sang ropui si kei feet 5 leh inch 3 tling awrh tan chuan hneh ngaihna a awm lo, chhutah chuan min theh thlu thuaia ka mawng kala sawh dawp zui, ana vawng vawng mai, " kha kha i awmna tur a nih kha vawikhatmah min chhang tawh suh i hria em, " ? ti khur hlak hlak in ka khabeh ah a lo vuan chawt ahmer na chu a na tak zet, " min thlah rawh, " a kut dahthlak sak tuma ka tih chuan a nui hak,










" i damchhunga i theihnghilh tawh loh tur zirtirna ka pe dawn che, " a tih zawm zat, ka hmai ah bawk a vawihnih nan min beng leh, chutah zet chuan keipawh ka insum thei tawh bik lo min lo phih leh a tum rual chuan a ngal ah tak ka lo tlawh chawrh rak thatin a thu nghal hnawk, tho kangin a samah chuan ka va phih ve nawk nawka chutiangin a nipawn, kaninsual chu a ni nghal mai, a kuttin hriam leh sei zet chuan min ham buan buana keiin a banah ka seh sak thung, " eng thil phiangsen nge in tih? in thlah ru, " âwfiak tha zetin ring zeta arawn tih pawh chuan kanin thlah duh chuang lo.










" Hrep hian leh, " tih leh min pawhsawn a rual nghal U Nathan-a lek chu lo niin, min melh eih lo chuan U Clara chhuata mu chu kaih thawh arual nghal a that leh that loh a zawt cham chi bawk, U Clara lah chuan tap tiau in thil awmdan vel chu a ni lo baksak in a sawi nghal mawlh mawlh, dawt chawp leh chilha ba hlah miah lo a a sawi avang chuan ka ding ngawi reng, dawtsawi thiam ber award dawng tlak a ni. " Ka chau bawksia thingpui min lum turin ka tia chu chu a thinrim a, ' nanga min tirh tur pawh ka ni lo, ' tih leh min lo phih arual nghal alawm " a thusawi chu kei ngei pawh hian ka awi lo chauh,











hetiang khawpa mihring rapthlak leh dawthei hi khawvel pumah hian amah bak a ni lo tawp ang, in sut ri hraih hraihin U Nathan-a awmah chuan a bei kaka U Nathan chuan duat takin a samah a chul hliau hliau, chuta a lo hawichhuah ruala min melh dan chu nidanga min melh dan nen tehkhin chuan rapthlak zual tak a ni, ka tha a khur der der thei hial in ka hria, " engtin nge a ni hi kut i thlak ngam, " a âw chu a ring hran lo mahse hlauhawm tak a ni, " keiman kut ka thawh hmasa reng reng lo, " ka huaisenna zawng zawng sawmkhawm chuan ka ti let ve hmak.











" Tikhan lo awm rawh, " tih leh inchung lamah U Clara chu hruai chhoh arual nghal, stepa an chhoh lai chu mit tla lo lekin ka thlir hetiang em ema hmuhsitna leh diriamna tawk tur hian tihsual ka nei ta em ni ? Ka rilru na lutuk chu ka mittui a lo hnam sawk chu chu duh lo lutukin chunglam hawi chuan thawk ka la vak, " ka tap tur a ni lo, " mahni leh mah ni chu ka in fuih mawlh mawlh, ka sam chu tuai mam thuak thuak in ka in her a, U Nathan step-a rawn pen thla mek chu ka hmu nghal, min melh ngur chung chuan arawn pen thla hlawk hlawk che chang miah lo in ka thlir reng.












A hmela thinrimna lo lang chu hmuh hmaih a harsa viau mai, ka bul arawn thlen rual chuan a vawithumnan ben ka tuar leh U Clara-in vawihnih min beng tawha chu pawh ka biang dinglam ah ve ve chuan tunah U Nathan-a'n a vawithum nan ka biang dinglamah bawk min beng leha, ka hmai chu ka dawmin a mah chu mittui tling pam in ka melh kar, " i huang chin i pel thui mah mah nanghian ka bialnu thisen hial i chhuaha, " a tih khur khur chuan ka insehruh nasa ngei mai, ka hmaia min hamna leh min benna te hi a lan loh bik ka ring lo, mahse a ni chuan angai pawimawh lo.











Ni e, ngaihpawimawh chhan tur a nei lo miau alawm, " keihian kut hial min thlak tur khawpin inchungah eng thil nge ka tih, tawngkam chhe tin reng min hman khum chiam chiam thin chung pawn ka en liam mai mai thin che u, chuti chung pawh chuan duh tawk lo in kut hial min thlak a, " ka ti let ve pang pang tunah hian ka taksa mai ni lo ka rilru pawh ana, ana ngawih ngawih. " I thil tih sual chu i la hre lo fo amaw ? Clara kut thlak tu mihring hi ka hmaah ding ngam tur pawh i ni lo, " ti keh khur khur in min melhchhuk ran a keipawn zam map lo in a mittah tak ka melh ve bawk.












" Nangni mihausa ho hi chu in in ang vek mahni hmasial tak vek in ni, " ka tih khum lehnghek chuan a bek a pawng tawlh tawlh mai a insehruh nasa hle tih a hriat, " ngawila i thil tihsual ah ngaihdam dil ang che, " a tih chuan rak khum chiam chiam mai chu ka chaka mahse chu em chu ka ti bik lo, " a teuh lo ka thiam lohna nimiah lo ah ngaihdam dilna tur ka nei lo, " ti hmakin ka kalsawn nghal, " he inah hian i hmel kha rawn lan leh tawh suh, " kawngkhara ka penchhuah hma deuh chuan a lo ti vin hluk, hawi let lo in ka chhuak nghal nal nal nu Zamtei te inlam ka pan phei nghal hlawk hlawka ka mittui chu a lo dir zung zung hruk pawh ka tum chuang lo.











Nu zamtei te in ka thlen chuan kawngkhar hawngin inchhung ah ka pen lut nghal, " e tluangtluang i lo haw, " nu Zamtei chuan a tihman tawk ka hmel a hmuh chuan a tawp chawt, " tinge i hmai te chu, " ? tih leh min lo pan arual nghal tawng lo in ka ding ngawi reng, " bawiha rawn chhuk teh u, " nu Zamtei chuan hlauthawng âw tak chuan a ti nghal chula inchung lam atang David leh U Daniel te chu anrawn tlan thla nghal, " nu eng nge, " David chuan a lo thlen thlak rual chuan a lo ti sup ka hmel a hmuh chuan a ni pawh chuan eng mah a sawichhun zawm tawh bik lo.













" Tluangtluang tinge i hmai chu, "? A ti deuh hu a a bula U Daniel-a ding chuan mak ti fe in min en, " ka va in tifai lawk, " tih leh inchung lamah chuan tlan chhoh ka rual nghal ka room ah chuan lutin khumah chuan ka bawk thlawp, ka mittui chu ka dang seng tawh bik lo arawn luang zung zung, " tluangte, " ka rooma rawn luh pahin U Daniel chuan a lo ti dam thlup chhan erawh ka tum lo ka awmdan ngai reng chuan ka awm tawp,













" tluangte eng nge thil awm zia min han hrilh teh, " a tih pawh chuan kala chhang chuang lo ka khumah chuan a lo thu thla tih khum a hniam sawt danah ka hre thei, " khaw maw i hliam kha a pun loh nan damdawi ka lo hnawih ang, " a tih leh hnu pawh chuan kala chhang chuang lo, ka rin loh lutukin U Daniel chuan min tung tho lawp, " sawiteh hetiang hian tunge siam che, " ka biang tawn tawna lo dawm paha a tih chuan ka tap chhuak hawk, " shh...tap lo in thil awmzia chu chiang tak in min han hrilh teh, " ka bianga ka mittui luang te dim zeta min hruksak paha a tih chuan a mittah chuan ka melha, thudik hrilh tura min duh zia ka hre thei.












" U Clara-i nen kan thu a in hmu lo deuha, " tih atang tanin thu awmzia chu a tir atang a tawp thlengin ka hrilh veka a hmel chu amah ang lo takin a rum tha khawp mai, U Nathan-a'n min ben thu ka sawilaia a hmel ngat phei chu a rapawm lek lek, ka sawizawh rual chuan a awmah min kuah bet thlawp keipawh chuan eng mah ka sawi buai bik lo a mi tih ang ang chuan ka awm tawp, ka samah min chul hliau hliau a engkim a that thu leh a thleng nawn tawh loh tur thu sawiin min hnem pah mawlh mawlh bawk, ka tah chhuak zualpui a reh hnu chuan ka hmaiah damdawi te min hnawih sakin khumah chuan min muttira min ngaihsakna chuan minti thlamuang ngawih ngawih.













U Daniela'n min mut tir hnu rei lo ah chuan keipawh ka muhil ve nghal, ka harh leh chuan khua alo thim vek tawh tho kangin darthlalang hmaah chuan ka dinga ka hmai khem nuai leh duk deuh ka hmuh chuan ka rilru ana zual, hetiang khawpa sawisak tuar tur hian eng nge maw ka tihsual bik ni. In hnuai lama ka chhuka sitting room-a ti ti thawm ka hriat chuan ka phei nghal, U Amelia a lo leng chu niin min hmuh chuan mak mintih hmel viau, " tluang tluang lo thu rawh, " David in a lo tih chuan a bulah chuan ka thu ve nghal.












Nutei leh U Daniel chuan ka that leh that loh min zawt a keipawn ka that thu in ka chhang ve nghal, " i ril atam tawh viau ang chawei ka lo siamnghal ang che " tipaha nu Zamtei thawh a tum chuan a ngaih loh thu leh ka ril tam loh thu ka hrilh vat, " lungngai duh tawh suh aw i U Daniel-a'n engkim ava sawifiah vek tawh kha, kan ring che a nang chuan engtin mah i ti dawn lo tih pawh kan chiang, chutiang chiahin i u Clara-i mizia pawh kan hria, " nu Zamtei chuan a ti dap dap a ka ngawi kar thung, thlakhat ang chauh kala awmchung pawn min ring nghal em ema mi tha tak chu anni ve chiang alawm, chutih rualin ka awmzel dan tur ngaihtuah angai si,











U Nathan-a inah lah ka thawk thei tawh awm si lo, ka rilru a buai tak zet, " i duh chuan i U Nathan-a'n i thawk zawm thei ang a tih kha a ni pawh a inthiam lo khawp mai, " U Daniel-a thusawi avang chuan mak ka ti viau. " Ni e kha chu i thu thu animai, " nu Zamtei pawh chuan arawn ti ve nghal ka rilru erawh ka siamfel mai thei lo, " U Clara" " khatah kha chuan lungngai suh khawih tawh lo tur che in ka tih vek tawh kha, a ni paw'n engmah asawi lo Nathan-a bula dawt asawi avang khan a zak te pawh aniang, " ka thusawi tur pawh ka sawizawh hma hauh chuan U Daniel chuan arawn ti nghal zat.











Mahse a thusawi avang chuan ka thaw huai thung, engkim an hre tawha chubaka duh kanei lo, " Clara-i mizia hi kan hre chiang viau tawh hlawm asin mawle engtin nge Nathan pawh chuan a thusawi a awi mai theih zawk ni, " U Amelia-i thusawi dan atang U Clara-i mizia chu an hrechiang viau a ni ngei ang, U Daniel pawh khan ka thusawi kha engmah sawi buai lo in a ring hmiah bawka achhan chu U Clara-i mizia a lo hriat chian tawh vang a ni ngei ang, U Nathan ve thung chu a bialnu mizia a hrechiang viau chungpawn ala chhan em em a,










mahse a bialnu a ni miau a, U Amelia chuan in enkawl tha tura min chah mawlh mawlhin min hawsana U Daniela'n a thlah bawk, nu Zamtei paw'n mu hma tura min hrilhin room lamah a lut nghal David nen chauh chuan kan awm tawh, " i hmai chu ala na em, " tipaha ka hmai a lo tawh zeuh chuan ka thensak ala na tak zet, " hetiang khawp hian akhawih che a engtin mah i ti ve lo a mi, "? A tih chuan ka thaw halh, " ti ve e mahse a ni te chu a liana keia hneh mai mai chi a ni hleinem, " fiamthu ti tih deuha ka tih chuan a nersawk.











" Ka bulah chiah i kawlh anih hi, " a tih leh chuan ka nui tawp, ka nuihzawng te chuan ka hmai ana ut ut mai, " damdawi ka va la ang tikhan lo awm rawh, " tih leh thawh arual nghal zanin chu a mizia adang ka tiriau atawng tlem bakah ala nui miah lo, nuih duh tak leh tawngduh ve tak kha a ni sia, room atang arawn chhuah hnu chuan damdawi chu min hnawih nghala, keiman ka ti theih thu ka sawi pawn ' awm mai mai rawh, ' a tihmuk zela ngawirengin ka dawh tawp, ka hmaia damdawi hnawih pah chuan a chhem hliau hliaua min ngaihsak ve khawp mai, an farnu ang in min en bawka keipawn nuam ka ti.











Damdawi David an min hnawih mawlh mawlh lai chuan U Daniel pawh U Amelia a thlah kha a lo let ve chiah bawka kan pahnih min lo hmuh chuan min lo pan vat, " tlaia damdawi ka hnawih che khan a ti zia deuh em, " U Daniel chuan arawn tih sup, " Aw a zia khawp mai, " ka ti let ve sep damdawi kanin hnawih zawh chuan muturin kanin zui chho hlawma kan room bul atang chuan in mangtha in kan lut zui nghal, khumah chuan mu in ka mit ka chhing vang vang naktuk hi ka tan ni duhawm tak ni se ka ti tak zet.









A tuk zing ah chuan tho in ka in tifai nghal zung zunga ka hmai pawh a zia tawh viau, min hamna erawh ka rinai a kak thui in hnuaiah chuan chhukin rawng ka bawl nghala rei lo ah midang ho pawh an lo tho ve hlawm, ka that leh that loh chu an pathum chuan min in zawh chhawk a ni ber mai, chaweikham lamah chuan U Nathan-a inlam ah chuan hna thawk turin ka phei leh ta nge nge, keima duhthlanna chauh chu nise he inah hian ka thawk tawh lo ang.










Mahse ka chhungte ka ngaihtuah tel an ngai tlatsia, ka sum hmuhna ber leh ka chhungte ka chawmna ber hi ka kalsan chuan engtin nge kan awm ang tih ngaihtuah tel loh theih loh, inchhungah chuan lutin choka lamah ka phei nghal thleng chu sil loh in a lo awm hnur mai, apron hrengin kasil nghal mawlh mawlh U Nathan-a inchung atang lo chhukin min hmuh chuan a ding ngawireng, kal leh turin min duh tak tak lo a nimai angem ? min melh dan avang chuan zawhna hrang hrang ka rilru ah alo lut.









Mahse engmah asawi lo hlauh ngawireng chuan a chhuak nul nul keipawh ka thaw huai mai, chhunlam ah chuan tihtur awm ang ho chu ka ti zung zunga nu Zamtei leh David pawh anrawnin lan chhawk zut mai, U Clara-i a lo kal leh kal loh an lo en pah ni berin kahria, a lo kal leh chuan min khawih leh mai an hlauh vang te pawh aniang, tlailam dar 3 velah eirawng ka bawltana chawhmeh siam tur awm ang ang chu ka siam deuh vek, U Clara-i lah chu vanneih thlak takin ka ti dawn nge nilengin arawn lang lo.










Dar 5 velah U Nathan chuan in a lo thlenga inchungah a chho zui nghal chumi chhung chuan keiin chawei ka lo siam sak thunga, inchung atang arawn chhuk chuan ngawirengin choka lamah chuan a lo pheia chaw chu a ei nghal mawlh mawlh, a chawei chhung zawng chuan sitting room lamah ka awm thung, a chaweikham chuan sitting room lamah a lo pheia kei choka lamah ka phei leh vat thung, a eina vel chu kaseng nghal zung zung.











Thleng ka sil lai chuan U Nathan chu phobe khawih mual mual pahin sitting room lamah a thua, " Nathan, " tu emaw in no hnapa arawn tih chuan ka hnunglam ka hawivat, U clara lek chu lo niin U Nathan-a lam ka hawi zawk chuan U Clara lo lut chu hre lo ang hmakin a lo awm, U Clara chu alamah pheiin a va phun ser sera an thusawi chu engmah ka hre lo, U Nathan chu ding vutin inchung lamah a chho nghal daih, U Clara chuan a melh zui reng ka lam arawn hawi thut chuan ka hawisawn vat ka hlauh vang erawh a ni lo thung.










" Nangnu vang phiangsen khan hetiang din hmun hi kan thleng a nih hi, " tih leh thawh arual nghal kei ka lo nersak thung ka thiam lohna ka hre hauh lo ama dawt sawirah amah bawkin a seng ka ti mai, a haw dawn emaw tih nak laia inchung lamah chuan a chho ve nghal daih, thleng ka sil zawh hnu fe pawh chuan anlo la chhuk lo, haw mai tuma ka in her chu U Nathan-a phone lo rik avang chuan ka hawi let, rei lo ah call pawh chu a tawp ve leh mai bawka mahse arawn ri nawn leh.










A pawimawh a nih ringin timdak chuan a phone chu ka la kanga a screen-a hming in ziak avang chuan ka chhang ve tawp, " kan thil chah kha a lo thlenga sir tunah i lo kal nghal thei angem " lehlam a mi chuan arawn ti nghal zat, " ah... ih amah chu a buai deuha, " ka ti bah deuh nak " khawngaihin phone hi iva pe lawk thei angem a pawimawh lutuk a, " a tih chuan chhang lo in inchung lam chu ka melh zawk. " Khawngaihin miss a pawimawh lutuka, " ka ngawihreng hnu chuan arawn ti nawn leh a pawimawh viau a nih ringin hreh ru tak chungin inchung lamah chuan ka chho nghal.











" Ka chho mek lo nghak lawk rawh aw, " ka han ti leh te te a lehlam a mi erawh chuan min chhang lem lo, U Nathan-a room bul ka thlen chuan thawk ka la hmasa te tea tim dai chuan room chu ka hawng zui nghal, khuma U Clara-i thawmhnaw mumal pawh ha lo a lo mu chu ka hmuh hmasak ber a ni, " eng nge i lo tih dawn, " ? U Clara-i chuan a lo ti kha fak, U Nathan chu kekawr chiah ha in bathroom atang arawn chhuak nghal bawk, an thiltih chu hrilhnawn ngai lo in ka chiang tawk viau. " I tawngthei lo a mi, " U Clara-i bawkin a rawn ti leh hlak.










" Ih..U Nathan-a phone, " ti sep in phone chu ka lekchhuaka U Nathan chuan min lo panin a phone chu arawn ban nghal, " hello, " a tih sup pah chuan min lo melh tel kher zuia ka zam chhe lehnghal vek, " ka lo kal ang lo buaipui chhung rawh u, " ti leh hmukin call chu a off nghal keipawh harh chhuak thutin room atang chuan ka chhuak nghal vat, inhnuai ah chuan chhukin haw tlang nghal tumin pawn lamah chuan ka chhuak zui nghal, U Nathan pawh chu arawn chhuak ve chiah bawk, a hnaah a kal dawn emaw tih naklai in ka hnungah zel a lo kal bawksia mak ka ti ang reng viau.










Nu Zamtei te inkawt thlenga ka hnunga a kal avang chuan ka ding dat, hnunglam chu hawiin ka melh kar, " eng nge itih dawn, " ka ti deuh tawp ka zawhna chu hriatthiam loh hmel fe in min en, " ka sawi awmzia chu nichin kha ihna thil ah an lo phone che in ka hriaa chuta kal lo chuan tinge hetah i lo kal, " ka zawhna avang chuan a nui huk, " ka hna thila kal tur chuan Daniel-a lo sawm ka tum chuan ka hmanhmawh viau bawk, i lo awmsawn thei em, "? Tih leh inchhung ah chuan pen luh arual nghal,











min zuiru angah ka lo ngai hman kha a nia mawl ka inti tak zet, ka zak ru hle bawk inchhung lamah chuan ka lut ve nghala David chu sitting room ah a lo thua ka pan nghal vat, " i lo haw tawh maw, "? A tih chuan bu nghatin nu Zamtei awmna ka zawt nghal, " anuamsam vak lo a zanin chu a mu hma a nih kha, " a ti nghal zat, " a khua a sik nge ? Damdawi te a ei em, "? Ka ngaihtuah deuh avang chuan ka ti nghal vat, " ngaihtuah suh a nuamsam lo satliah mai alawm damdawi erawh chu ka ei tir tho, " a tih chuan ka chhang zui tawh lem lo, tv ena David nen kan thut lai chuan U Daniel leh U Nathan te pawh anrawnin zui thla a nichina ka zawhna atthlak lutuk avang khan ka zakthar leh thut.











" E tluangtluang i lo haw tawh maw ? Tikhan bawiha nen khan lo awm mai ru aw hna thil ah chhuah lawk kan ngaia, " U Daniel-a chuan min hmuh rualin a lo tinghala ka bu nghat, an chhuah hnu chuan David nen tv enin kan meng renga kan film en lah chu a hmuhnawm reuh phian, " tlangval ve si hi tinge i lenchhuah ve ngai loh a, " ka ti deuh sep chuan nui hakin min lo en, " tlangval nih vanga lehchhuah kher tur tihna a ni hleinem, " a tih chuan ka chhang tawh bik lo, dar 10 a ni tawha U Daniel te erawh an lo la let lo David pawh chu a mutachhuah tawh avangin room lamah a chho a keipaw'n ka zui chho ve nghal.











( CHRISTMAS BORUAK TE A NI VE SIA KA REGU THEI LO ANG AW, ZAIKHAWMNA-AH THINGPUI LUM TE ANGAI VE THIN SIA KA IN DAIH HLAWL LO, KANIN HRETHIAM TLANG MAI ANIANG CHU, KA THEIH CHIN CHIN AH ERAWH LO DAH CHU KA TUM THO ANG ) a la tlai chhe lo turah ngai ila in zavaiin christmas chibai vek ule


Show post links
Top

[Ngaia]

BOSS NATHANIEL ( CHAPTER-5 )



Zing dar 6 velah tho in inhnuai lamah ka chhuk thla nghala nu Zamtei chu a lo tho der tawh, a awmna lamah chuan keipawh ka phei ve vat, " nute i va tho hma bik ve, " ka luhrual chuan ka ti nghala, " nia nizan ka muhma bawka chuvang a nih hi, " a lo ti ve vat, " chuan eng nge i an tawh, "? ka ti leh sep, " ka tha tawh lutuk, nizan lam ilo haw pawh ka lo hre lo a i lo haw tlai em, "? a tih zawm ve zat chuan ka haw tlai loh thu in ka chhang vat, thil dang dang sawiin kan ti ti a chutih lai chuan U Daniel leh U Nathan te zing exer la pawh anrawn thleng ve chiah.


















" Nangni pahnih lah hi inzing thei sia, " nu Zamtei chuan a lo tinghal vat, ka sir ve ve ah anpahnih a an lo thut chuan ka lai deuh tut mai, an lianin an sang si a chuta karah kei te ve tak hi an karah ka thu a zam awm ve duh tak chu a ni, U Daniel chuan min be pah renga U Nathan erawh angawi ngul a nelawm loh dan hi thu pawn ka sawifiah zo lo, a hmel athat teh lul nen a nui khat lutuk hian a tichhe zo vek in ka hria, " taka Nathan Clara kha arawn la kal thin em, "? nu Zamtei'n thingpui rawn dah paha a tih chuan U Nathan chu ka melh vat,















hmannia thil thleng te avanga zawt a niin ka hria, " kal zeuh zeuh, " a tih chuan nu Zamtei chu thaw hak in arawn thu thla ve nghal, " khatiang hmeichhia kha ka duhpui hauh lo che a nia, hmannia Tluangtluangi nen anin tihbuai avang ngawr ngawra sawi ka ni lo, mi pawn vawitam min hrilh tawha mipa akawp kual nasa in aia upa zahna pawh atlachham an ti a nia, chutiang hmeichhia chu i kawp ka remti hauh lo, " nutei chuan a ti dap dapa U Nathan erawh a ngawi ngul thung, " nu kha chu lo buaipui suh, vawitam ka hrilh tawh chung pawn a zawm duh lo a nih hi a lung hi alian ve hrim hrim, " U Daniel-a'n a tih chuan U Nathan chu a nernawk.














" Ka sawi chu lo ngaihtuah chiang ang che hmeichhe tha lo inei anih chuan i damchhungin i nun a hreawm a nimai, tluamgtluangi nen anin tihbuai chung changah pawh dawt a nih kha a hrilh che, " nu Zamtei chuan ti nghet charh pawnlamah a chhuak nghal, a pangpar tui a pe leh tawh dawn a ni ngei ang, " Nathan in ngaihtuah chiang rawh ka nu thusawi kha thudik tak a nih kha, keipawn vawitam Clara hi kawp tawh lo turin ka tih tawh che kha, itana tha lo tur engmah kan sawi lo a nia, " nu Zamtei chhuah hnu chuan U Daniela'n chuan a ti ve leha, U Nathan hi an chhungkaw mi diktak ni lo mahse an hmangaih hle chuan ka hria.













" Kha chu ka thu a ni, " ti nghutin U Nathan chu a tho nghal vut, achhuak chu ngawirengin ka thlir kar miin atana tha tur ansawi pawn eng ngah mah a ngai lo a mihring mak tak chu a ni, " he pa luhlul lutuk hi chu tihngaihna pawh ka hre lo, " keimah min bia pawh nimiah si lo chuan U Daniel chuan a tisup a a ni pawh a tho zui nghal, U Nathan hi nu Zamtei'n min hrilh dan chuan fahrah niin asawia kum 8 mi anihin a nu leh pa te'n in kang ah an boralsana chutah chuan nu Zamtei hian U Nathan hi a enkawl zui a ni awm a, U Nathan nu leh nu Zamtei hi thian anni a chupawh nu Zamtei min hrilh tho a ni.













A tette atang lehkha zir a tui chilha U Daniel nen an kum a in rual bawka lehkha pawh an zir tlang thin bawk, nu Zamtei te hi chhungkaw harsa lutuk an ni lo a a pasal U Daniel-a pa kha Doctor niin Nu Zamtei hi Middle school teacher a ni thin bawk, U Nathan hi kum 15 a nihin U Daniel-a nen ramdangah lehkha zirin an daha chuta tanga tun din hmun thleng hi a ni, heng zawng zawng hi nu Zamtei leh heta ka thiante min hrilh a ni nghe nghe, ka thiante ho in ka awmna leh ka hnathawhna min zawh khan he thil hi ka zawh ngai miah lo in ansawia a tha phian mai, keiin thil chin chang ka hriat phaha, U Nathan hi a tumruhna leh a hlawhtlinna ah ka fak a,












nu Zamtei te chhungkua hi an rilru thatna ah ka fak bawk, a unau fa pawh ni lo a thiannu fa ve mai a enkawla a zirna sen so zawng zawng a tumsak bawka tun din hmun a thlen chhan pawhhi an mahni vang a ni ka ti lo thei lo. Nu zamtei a lo luh chuan eirawng kan bawl duna kan ti ti pah bawk nizan lamah ka nu leh pa ka biak leh biak loh min zawh chuan ka be lo tih ka hrechhuak hnu hnawh, ka mutchhuak tawh bawk nen ka lo muhil daih kha a nia an rilru a hah leh tawh viau maithei a ni, " chaweikham lamah i be dawn keipawn ka be ve duh ang hrilh tur ka nei " a tih chuan ka bu nghat. Chaweikham lamah U Nathan-a in lama ka kal hma chuan ka nu te chu ka bia a nu Zamtei'n a biak ve duh thu a lo sawi chuan phone chu ka pe vat.













Nu Zamtei chuan ka nu hnenah chuan min ngaihtuah lo turin leh ngaihtuah awm ka nih loh thu a hrilh mawlh mawlha anin biakna chu ngawirengin ka lo ngaithla thung, " Tlai lamah inkhaw Sumo chhuahna ah khan ka thil lo thawn che u iva lam dawn nia, " nu Zamtei atih chuan ka melh haw mai, ka chhungte thil a thawn tih reng ka lo hre lo, " a ho lutuk eng ngah mah ngaisuh Tluangtluangi hi a fel si a thil eng emaw tal tihsak ve loh chu ka duh lo alawm, " a tawngkam ah chuan ka nu chuan a lo hnial ni ngei tur a ni, " i va lam dawn nia aw, " anin biak tawp lamah chuan Nu Zamtei chuan a ti leh sepa call chu a titawp nghal.













" I nu chu a fel hmel khawp kha, " nui var var tiin phone chu min lo pe a ka then ve sak, " nute eng nge i thawna, " ka ti deuh sep, " eng vakmah ni lo e, va kal tawh rawh, " a lo ti maia keipawh chuan ka zawt tawh bik lo U Nathan-a inlamah chuan ka phei nghala a in ka luh chuan hna thawkin a chhuak leh tawh a ni ngei ang a lo reh thiap dan ah, inchung lam tihfai ka duh hmasak vangin inchung lamah chuan ka chho a U Nathan-a room ah chuan lutin a khum vel chu ka thlehfel saka thawm ri rek ka hriat chuan ka hawi phei vat, towel chauh venga bathoom kawngkhar nghenga lo ding ka hmuh chuan ka phu chiang ngei mai.












Hna thawkin a chhuak leh daih tawh emaw ka tia che chang miah lo in ka thlir reng, a taksa sek zet chu ka thlir dauh dauh hetiang khawpa mipa pianthiam hi ka mit ngeiin a takah ka hmu ang tih ka ring ngai lo, " min en zo tawh em, " a tih dut chuan ka mit ka la sawn vat ka che chhe leh pek tawh khawp mai, a taksa lumna ka hriat phak avang chuan min lo hnaih zel tih ka hre thei, a khum chu ka siam mawlh mawlha chutih rualin ka rilru in engmah thleng lo turin ka tawngtai mawlh mawlh.











A closet ah a luh takah chuan ka thaw huai thei, a lo chhuah hma tiin chhuah leh mai ka tuma khum bula thlalak lo awm ka hmuh avang chuan ka ding leh rih, la kangin ka eb chianga a naupanlai thla lak a ni ngei ang, a duhawmin a hmeltha tak zet a bulah chuan hmeichhe pakhat leh mipa pakhat hi an ding bawka a nu leh pa te annih ngei ka ring, ka thil ken min lo phih thlak sak lawp tu an awm avang chuan hnunglam ka hawi vat, U Nathan chuan thlalak chu kengin a melh ngawt ngawt ka han enchian chuan thlalak kha a lo thler chu niin, U Nathan chu a thinrim leh hle tawh tih hriat zetin a hmai a sen tawn tawn mai ka thiam loh vek chu ni bik lo mahse ka hlauthawng leh hle tawh.












" Eng thil, " ti supa min lo melh chuan ka hlau lutuk, a mitmeng rapawm zet chuan min ti khur der der thei hial " i thiltih pawi zia hi ihria em, "? A tih chuan chhang lo in hnuailam ka melh tawp, " eng vang anga ka phalna la hmasa lo a ka thil hi lo khawih nge inih, " a tih vin thawt chuan ka phu zuk ka hawichhuak ngam chuang lo, " min chhangta che, " a tih chuan zam chung chungin a mittah chuan ka melha, " ka...ka tihpalh mahse ka khawih lai chuan a chhiat miah loh kha nangman min..." ka ti chiah chu thlalak chu chhuttah a vawm thuai keipawh ka tawng chhunzawm tawh lo, room atanga a chhuah hnu pawh chuan ngawirengin ka din na ngaiah chuan kala ding reng,












minute 5 hnu vel ah chuan thaw hak in chhuta thlalak a paih chu ka chhara, a lai takah a thler avang chuan acharh zawm theih mai ringin ka la a room atang chuan ka chhuak nghal, nilengin in leh a vel ka ti faia nidang ang lo takin ka rilru erawh a nuam lo viau mai, eirawng ka bawl zawh hnu fe pawh chuan U Nathan chu a lo la haw lo cheu, haw chu duh tawh viau mah ila a lo haw hunah chawei siamsaka a eina vel tihfai leh vek a ngai bawk si, sitting room ah chuan thu in sana chu ka bih zuk zuka dar 8 a ni der tawh, nu Zamtei chu call in ka haw hmat theih loh tur thu te chu ka hrilha hmundanga awm ka ni lo bawka a ni pawh chuan min hnial bik lo, kanin biak zawh chuan choka lamah chuan pheiin ka chawhmeh siam ho chu ka ti lum nawn leh,














vawi eng zat chiah nge ka tih lum tawh pawh ka hre lo, a lo haw mai ka ringa a hmel lah hmuh tur reng reng a awm si lo, chawhmeh ka chhuan lum zawh chuan sitting room lamah pheiin couch ah chuan ka thu a, chhun lamah noodles ka ei avangin ka ril erawh a tam lo thung mutchhuak in min lo zem chiai chiai takah chuan ham bai bai in ka mit chu ka chhing nghal. Ka hmai za mer mer avang chuan ka mengchhuaka ka hmaa lo ding ka hmuh chuan thawh phan pawh awm lo chuan ka thu ngil nghal vat, ka hmaa dingpa lah chuan ngawi ngul in min melha a mitmeng chu a sen deuh rama a rui a nih hmel,













" eng vanga tun ang hun thlenga he ta la awm hi nge i nih " a tih sup chuan ka zamchhe leh hle tawh, " i lo haw hun ka nghaka ih chawei ka la siamsak si lo che a, " ka tih chuan min chhang lo in min melh ngur mai, " chaw ka ei chak lo, " ti hmukin ka hnunga couch ah chuan a thu thla nghal chaw a ei duh loh takah chuan keipawh haw ka tum a, ka in her chiah chu ban tha chak zetin ka ban rekah lo manin min pawt phei dawr, ka harh chhuah meuh chuan U Nathan-a malchungah ka lo thu felder tawh, thawh tuma ka che hrut chu min chelh nghet zual sauh hetianga awm hi ka duh lo hul hual.












" Min thlah teh, " ka tih pawh chuan min thlah duh chuang lo talchhuah tum chuan ka tang ve tang tanga keia tha te chuan hetiang anga palian hi chu a hneh lo lutuk tlat, " pawisa chu i mamawh viau a mi, "? a tih chuan a thusawi awmzia ka hre lo tak zet, ka hriat zawng chu a rui tih a ni ka hmai bul chettah a lo thawk lum ham ham phei chuan a zu in rim chu hrechiang tawh tak ka ni, " min chhangla, he ina i lo thawh chhan pawh sum i duh vang a ni lawmni, "? A zawhna chu chhan tula ka hriat loh avangin ka ngawi reng.
















" Thingtlangnu tinge i ngawih renga, " ? A tih chuan thaw hakin a hma aia na deuh hlek chuan ka nama couch ah chuan a mu thla nghal hnawk, a chatthla chu a ni nghal mai a ruichhe ve khawp mai, mut thattir pawh tum chuang lo in in atang chuan ka chhuaka a zawhna mawlmang zet kha ka ngaihtuah ngut ngut, in ka thlen chuan inchhung chu a lo reh thiap mai tumah hmuh tur an awm loh avang chuan an mu tawh ah ngaiin kawngkhar chu kalhin inchung lamah ka chho nghal, " i lo va haw tlai ve, " ?ka rooma ka luh dawn chuan U Daniel-a rawn chhuak chuan a rawn ti nghut,


















" U Nathan kha a lo hawi tlai lutuka, " tih zawngin ka chhang, " Nathan-a haw hun chu i nghak tihna maw, "? a tih chuan bu nghatin, " chawei siamsak a ngaih ringin ka nghak a mahse a lo haw hnu khan a ei duh loh thu a sawia chuan ka rawn haw san daih, a ruih hmel viau lehnghal, " ka ti niah niaha nichin maia a malchunga ka thutlai kha ka ngaihtuah chhuak nghal bawk, " a rui maw, "? U Daniel chuan a rawn ti vata keipawh ka bu nghal nghat, " engtin mah a ti lo che tihna mi "? A tih chuan ka bu leh nghat a zawhna chu ho ka ti ru deuh riau.














" Aw le a that chu, Nathan-a zu rui hi chu a chenawi thei lutuka chuvanga zawt che chu ka nia, " a tih chuan ka bu leh nghat ringawt, a thusawi chu a dik viau in ka hria nichina a chetdan ka ngaihtuah leh ngat phei chuan ka tim sung sung mai, " U Daniel U Amelia nen khan in neih in tum hnai em, "? Ngawirenga kan din takah chuan fiam thu ti tih deuhin ka zawt sep, " kha chu ngaihtuah suh tuna kan kawppui te hi kan neih tur an ni kher lo a nia, mutawh rawh a tlai tawh, " a tih chuan a thusawi chu a awmzia ka hre hauh lo mai, " muttui aw, " tipaha ka sama a lo chul chuan melh chho ha in ka nuih sak, " muttui le," ti let ve sepin room ah chuan ka lut nghal.















Ka mut hmunah te chuan U Nathan ngawt ka ngaihtuah hnai lutuka a mitmeng mawi taka min melhna te leh a taksa nalh zet te, hetiang khawpa hmeltha leh hausa si hi a thinchhe lutuk deuh chu a ni, hetiang mizia hi nei lo ta se kei ngeipawh hian ka ngaizawng hial maithei a ni, ka ngaihtuahna a vang chuan ka nui hak, a hmelthatna phena a thinchhiatna leh a luhlul na te kha hmuh hmaih chi rual a ni lo mipa thinchhe zet leh chapo tak hi ka ngaina ngai hauh lo, tun thleng pawh hian mahse U Nathan hi chu haw viau thin mah ila a bula ka awm hian nuam tih rukna ka nei thin, chu chu ka duh lo viau bawk.















Zinga a thinrimna te kha ngaihtuah chhuakin ka thu chhuak vat, a thlalak paih ka lo chhar tak kha la in dawhkan te ah chuan ka daha siam that dan tur ka ngaihtuah rauh rauh, khatiang khawpa a thinrim chhan kha he thlalak hi a ro viau a ni mahna, thlalak dang ala neih teuh chu ka ring tho na in a thinrim hmel kha ngaihtuahin ka in thiam lo deuh, ka thiam loh vek chu ni lo mahse siamthat ngei ka duh, pawhdawh atang a charh na tur lachhuakin ka siamtha mawlh mawlh, thlalak hlui tawh lam a ni bawk nen siam a harsa tak zet.














Ni engin min lo chhun chuan ka mit ka meng siar siara ka harhchian meuh chuan dawhkan ah ka mu tih ka hre chiah, nizan lama ka thlalak siam pawh ka dah ang angin a lo la awm, ka bula sana awm ka melh zeuh chuan dar 7 a lo ni der tawh che ka thil dah hnawk ho chu ka hru ka ti fel sawk sawka ka hmai pawh phih hman lo in inhnuai lamah ka chhuk thla nghal, choka lamah ka luh chuan nu Zamtei chuan eirawng a lo bawl fel leh diam tawh ni awm tak a ni, tumah an awm bawk si lo a inchhung vel chu ka hawi kual thuak thuaka tumah ka hmuh loh avang chuan inchung lamah intifai turin ka chho leh vat.












In ti fai zung zungin in hnuaiah chuan ka chhuk thla leha tumah an la awm chuanglo, U Daniel chh hnaah a kal ti dawn ila vawin chu saturday a ni sia nu Zamtei lah pangpar tui pe chu ni se alo lut leh tawh ngei ang, pawn lamah chuan ka chhuak deuh mai maia chutah U Nathan te inlam atang anrawn phei ka hmu a ka lo melh reng, zing kar kar ah eng nge an nufa thumin an tih ang tih chu ka lo ngaihtuah neuh neuh chumi chhung chuan ka bul an lo thleng, " i lo tho tawh maw tluangte, "? Nu Zamtei chuan a lo ti vat, " aw tho chiah nizan lam ka muhil thei lo a tukin chu thawh ka lo hai alawm le, " inthlahrung deka ka tih chuan David chu alo nui huk,










ka melh nghal vat, hepa hi chu a ngeiawm thiam ve hrim hrim, a ni pawh a tho tlai ve ziaha tukin zing min thawh khalh ve dek deka min nuih chu ka thin a tirim deuh tlat, " in thlahrung suh ala hma em hi, " ngeiawm deuha a lo tih chuan ben pawp mai ka chak, " eng ngah mah ngaisuh tluangtluang amah pawh engmah a ni bik lo tukin chiah athawh khalh che, " U Daniel-a chuan ka zak tih a hria a nimahna min lo tawngkhalh vat, " ni e hawh u lut ang u, " nu Zamtei chuan a ti sepa inchhung lamah chuan kanin zui lut nghal.










" Nute U Nathan a inah in kal a mi, "? Sitting rooma ah kanin zui luh hnu chuan ka ti sep, " aw tukin i U Daniela'n exer la tura kaih thawh ava tum khan a khua a lo sik a niawma chu chu min lo hrilha David nen kan va phei nghal a nih kha, a khawsik lah chu a sang phian lehnghal a, " a tih dap dap chuan ka bu nghat, nizan lam kha chuan a tha hle kha a ni sia, " a nih nute tunge awmpui, "? an lo haw phei vek takah chuan ka zawt leh tawp, " amahin a awm, awmpui kan tum ngial pawn haw turin minti tlata chaweikham lamah ka phei leh ang, " a tih chuan keipawh phei vat chu ka rilruk ve deuh, engin nge min mawlh ka hre bik lo a dam loh thu ka hriat khan ka ni nghulh mai.











" Vawin chu saturday a ni bawka keiman vawin chu ka awmpui mai ang, " U Daniel chuan arawn ti ve vat a hmelah chuan U Nathan chu a ngaihtuah hmel viau bawk, " U vawin chu U Amelia-i nen in chhuak dun dawn lo a mi ? a birthday te a ni ve sia, " David chuan a lo tivata U Daniel chu a thaw hawk, " chaw i han ei phawt teh ang u, " nu Zamtei'n a tih chuan chawei siam turin ka tho nghal David leh U Daniel pawn min lo puih vat,






chaweikham ah chuan eina vel ka ti fel sawk sawka nutei nen U Nathan chu awmpui tura kan kal dawn vangin ka hman hmawh viau mai, amah chauha dam lo chunga a awm ka ngaihtuah hian ka khawngaih reuh tlat, U Daniel chu U Amelia-i bazar pui turin chhuah atuma David erawh athiante nen tih tur anneih thu sawiin chhuah a tum ve thung, kan pathuma kanin zui chhuah hnu chuan nu Zamtei phone chu a lo ri a a biak lai chuan kan ngaichang thap, " ava zia lo ve aw ! Ka lo kal dawn nia, " a tih hnu chuan call chu a dah a,
















" ka thiannu Durtlang a mi a borala tunah kal angai, bawihpui nangman min hruai mai la, " tiin David chu a melha David pawh chuan a hnial bik lo, " keiman ka lo kalpui dawn che mi nu, "? U Daniela'n a tihchuan nu Zamtein a ngaih loh thu a sawi vat, " tluangtluang i U Nathan-a chu nangman lo buaipui mai rawh aw, a zia lo tak tak a ni kan buai nuai mai a nih hi kan rei lo ang a khawsik a san leh deuh chuan min lo call vat la, " ti zung zungin David nen chuan anin khalh chhuak nghal, an tlan liam thleng chuan ka thlir.
















" Nangmah chauhin i awmpui tur chu i huphurh em, "? UDaniela'n a tih chuan ka lu ka thing vat, U Nathan nen kanin ngeih loh zia a hre ve veka min ngaihtuah deuh niin ka hria, " keipawh ka lo haw tlai lo ang, ka nu sawi ang khan Nathan chu a khawsik a sang deuh chuan min lo call vat dawn nia, , ti leh sup in a ni pawh chu a in khalh chhuak nghal, U Nathan-a in lam pan chuan ka pheia a ruk tak chuan ka huphurh nilenga a bula awm turin kala suangtuah chhin lo hrim hrim, a in kawt ka thlen chuan ka lut nghal vat, choka lamah pheiin nu Zamtei'n a buhhawp duh ber chi asiamsak chu ka daha inchung lamah chuan amah en turin ka chho leh.














A room chhungah chuan tim dai hian ka luta a khuma a lo muhil ka hmuh chuan ka thaw huai mai, a harh laia awm chu ka duh teh chiam lo, a bul hnaia chuan kalin a pang chu ka deh saka a sa vur mai a lo chet tual tual chuan a lo harh dawn emaw tiin ka kut ka lasawn vat, vanneih thlak takin a lo harh lo hlauh inhnuai ah chuan chhuk sanin tihfel ngai ang chu ka ti zung zunga akhat tawkin a harh leh harh loh en turin ka chho zeuh zeuh, inhnuai lam ka tihfel zawh hnu chuan inchung lamah bawk chuan ka chho leha U Nathan-a khum lu ngheng chunga a lo mu ka hmuh chuan tim daiin ka pan hnai a, min lo melh kur zui ka zam leh hle tawh.














" U Nathan I ril atam em, "? Ka tih sep chuan min chhang lo in angawi reng, " Nutei'n i buhhawp duh deuh chi kha asiama ka zuk lak sak ang che, " ka tih leh pawh chuan min chhang chuang lo in hnuai lamah chuan chhukin buhhawp chu ka lumsak a a ei duh chu ka ring chiah lo na in pek luih hrim hrim chu ka duh, inchung lama ka chhoh chuan ka chhuahsan dawna aawm ang khan a lo la awm, chhuat chu a melh tlawk tlawk ngaihtuah nei te pawh a ang zawk.








" Kha hei aw, " tipahin a bula dawhkan te ah ka thil ken sak chu ka daha melh pawh a melh eih lo, " room tifai tura rawn chho ini lawm ni, "? Ka chhuah dawna arawn tih chuan ding datin alam chu ka hawi phei a, " aw , " tih zawngin ka chhang ka sawitur neih ang te hi a bul hnaia ka awm hi chuan a bo vek zel, " a nih chuan tifai ta che ka room hnawk zia hi i hmu a ni lawmni hetiang bawlhhlawh kara ka awm vang a nih hi ka dam loh, " a tih hluk chuan a thusawi chu ka awi lo lutuk ringawt achhan pawh room hi nitin ka tifaia chuan tunah pawh a fai viau, a hnawk hmuh tur a awm lo hrim hrim a dam lo chung pawn a la tawng zuap zuap peih tho chu a nia.














Ka rilrua chuan keimahin room tifai pah chuan ka phun nuah nuah, a mut hmun atang tih tur arawn sawi zat zata ka dawhtheihna in a tlin lo lek lek chu a ni, damlo lo se chu ka ti let ve hrep duh hial ang, room ka tihfai zawh chuan ka na vek darthlalang ringawt pawh vawi sawm chuang min hruk nawn tir a nia, " min lo puih teh thawh ka duh, " a tih chuan ka hau in ka melh, a khawsik avangin kal pawh a kal thei lo tihna emaw ni, ka hnial ngam bawk si lo chuan ka pan pheia a kut a lo phar chhuah chuan ka ban vat, ka dara a kut a lo nghah chuan ka ding nghet lo bawk nen khumah chuan ka bawh thlu tawp,











ka hawichhuah chuan min lo melh reng ka hmu a ka hmai a sa hat hat mai, ka hmai zartu ka sam a lo hui kiang chuan a mittah tak ka melh reng min lo awm hnaih zel chuan awmsawn a tul tih ka hria mahse ka che thei der lo, thil lo thleng tur chu ka nghak tawp a hmui lum thar thar in ka hmui a lo tawh zeuh chuan ka za chhuak vek min fawh ngat phei chuan ka harhfim tawh hlawl lo, " bawiha, " hmeichhe âw ka hriat rual chuan ka hawi chhuak vat, U Clara-i chuan room kawngkhar bula ding chunga min lo thlir reng ka hmuh chuan ka awmsawn vat, tun maia ka awmdan avang khan ka zak thar hle bawk.















" Nang hmeichhe zak thei lo, " tih leh min lo pan aruala min ben tuma kut a lekchhuah chuan ka mit ka chhing tawp, min ben mai loh avang chuan ka mengchhuaka ka hmaah U Nathan chu a lo ding vung mai, " engtin nge i theih zawk, " U Clara-i chuan a ti vin tuara U Nathan erawh a ding ngawireng thung, " he hmeichhe thing lutuk nena in lo awm dan kha sawifiah vat rawh, " a tih pawh chuan U Nathan chu angawi ngul tawngchhuah a tum hmel loh viau, " nangnu kha in tifai tura lo awm inih chuan itih tur chu timai ta che khatianga mi bialpa lo awmpui kha i zak chai na nge, " tipaha min khawih tuma a kut arawn lelchhuah chuan U Nathan chuan a kut a man bet vat.













" Nang hian thu tha sawiturin dik na i nei lo, nichina ani nen kan lo awm dan avang khan ithinrim tiraw ? khatiang mai maia ithinrim a nih chuan kei phei chu engtiangin nge kha mihring nena nuam in chen lai ka lo hmuh cheu khan ka awm ang i hria em, "? U Nathana'n a tih vin thawt chuan mak ti fe in anpahin chuan ka melh tawn zak zak, " bawiha eng thil, " a ti hman chiah chu vin lutukin U Nathan chuan ngawi turin a hrilh nghal, " khatiwnga mipa dang nena in khawsak dun kha ka hmuh loh leh ka hriat loh iring a ni tiraw ? engkim ka hrw vek nizan khan ka mit ngeiin mipa dang nena hmangaihna am taka in chen dun kha ka hmu vek, "














U Nathana aw chu a ring tawh hauh lo mahse a hlauhawm thung, atawngkam ah chuan anat zia ka hre bawk hetiang chiah hi keipawn ka lo tawk tawha a tawrhna hi ka hriatthiam pui, kan hmangaihte'n min phatsan lai mit ngeia hmuh chu a hreawmdan leh anat dan ka sawifiah thiam lo zawk, chuan U Nathan chu nizana a ruih chhan ka hre chiah bawk, " bawiha khawngaihin min ngaithla rawh, " tap tiaua U Clara-in a tih chuan U Nathan chuan a ngaihsak loh hmel ngang mai, " ka hmangaih che a sin, " chu thu asawi ngam pawh chu zak lo ka ti viau.













" Keipawn ka hmangaih thin ngei che, ni lo ka hmangaih lutuk zawk che mahse nizana thil thlengte kha engtik ah mah ka theihnghilh lo ang, chhuak rawh, " atawng tawp lam chu a chang tha viau mai U Clara-i chu a tap hlawp hlawpa U Nathan-a erawhin a ngaihsak zui lo, a tawpah chuan U Clara-i chu ading chhuaka room atang chuan a tlan chhuak nghal nal nal, U Nathan-a hmel ka en chuan a nat hmel ngawih ngawih, mipa ah pawh pa ve tak hian a hmangaihin a phatsan meuh chuan a tuar zo bik lo a nih hmel, ngawirengin room atang chuan ka chhuaka ka thaw hak mai, choka ah eirawng bawlin ka che chhun zawm mawlh mawlha ka zawh chuan U Nathan chu a lo la chhuk lo.













Sitting room ah chuan phone khawih mai mai pahin ka thu a ka nu te'n min lo call chuan kanin bia a min ngaih thu te a lo sawi luama keipawn ka ngaih thu in ka chhang vat, nu Zamtei'n pawisa cheng singkhat lai a lo thawn a ni awma ka nu in asawi chuan ka lawm rual rualin nuam lo ka ti viau, anin ah ei leh in tur leh ka riahna tur room min pe ringawt pawh ka lawm tawk tawh teh lul nen hetiang leh zel mintih sak hi chu ka inthlahrung khawp mai, kanin biakna kan tih tawp hnu rei lo ah chuan door bell a lo ri ral rala kawngkhar chu hawng turin ka phei vat.










Kawngkhar ka hawn ruala ka mi hmuh te avang chuan ka nuiseih, U Daniel leh UAmelia chu anrawnin zui luta U Daniel chuan vawin ka buai leh buai loh min zawt vata keipawn ka buai loh thu in ka chhang vat, " Nathan chu a mu a mi, "? U Amelia in a tih chuan ka bu nghat, a mut leh mut loh chu ka hre chiang chiah lo na in tunthlenga a lo la chhuk loh takah chuan a mu a nih ka ring ve deuh, " a zia lo e zanin ka birthday lawmna turah khan lo sawm che ka tuma Nathan-a ala harh si loh chuan i lo kal thei dawn lo anih hmel, "











a ti leh sep, " nia a nih hmel, a zia lo tak tak U Nathan-a lah kalsan chi a ni si lo a, " pangngai tak chuan ka ti ve sep, " ka nu te chu zan an riah angaih hmela a hma lama rawn haw ka tum dawn nia, " U Daniela'n arawn tih chuan ka bu nghat, " a nih kan kal, "U Amelia-in a ti chiah chu U Nathan-a kan hnunglam atang arawn tawng avang chuan atawp leh rih, " kan lo kal ve ang ka zia tawh khawp hi, " kan bul arawn thlen rual chuan a ti nawn leh, " Bro khawsik chunga chhuah chu a tha lo, " U Daniela'n a ti chiah chu U Nathan bawkin a that thu in a lo chhang leh, a rilru natna te thawi dam nan chhuah thawven a duh a nih ka ring deuh, U Amelia leh U Daniel chuan chhuah chu phallo viau mahse UNathan-a ber in a tih luih tlat avang chuan an hnial hneh bik lo.











In siam tura U Nathan-a a chhoh hnu chuan ka kal ve dawn leh dawn loh ka in ngaihtuah rauh rauh, kal loh chu duh viau mah ila mahni a awm mai chu ka duh bik chiah bawk si lo, ka kal a nih chuan Freddy-a a lo awm ve ngei awm si a a hmel hmuh ka la in peih lo bawk nen ka awmdan chu a lai viau, U Nathan-a chu leather jacket leh cotton jeans dum ha in arawn chhuka achhe lo leh viau tawh, kan pali a kanin zui chhuah hnu chuan ka kal ve duh loh thu ka sawi sel, an pathum chuan min melh nghal haw, " fred chu athiante nen an leng chhuak daih alawm, " U Amelia chuan arawn ti nghal vat, ka kal duh loh chhan chu a hrechiang ngang mai, ka hnial luih viau pawn min ti lui deuh tlata atawpah chuan hnial hneh lo in anrual chuan ka kal ve ta nge nge, kan pali chuan U Daniel-a car ah kan thu thapa kanin khalh chhuak nghal.











( HETI ZAWNG HI AW CHRISTMAS BORUAK TE ALA NI VE SIA KA REGU THEI NGANG LO A NI, MIN HRETHIAM HRAM RU AW, ZANIN PAWH STORY RAWN DAH KA DUH BAWK NEN KA ZAIKHAWM LO TAWP )



Nathan-a hian Clara-i hi a ngaihdam leh in ring em ?


Show post links
Top

[Ngaia]

BOSS NATHANIEL ( CHAPTER-7 )









Tlai lam dar 3 velah eirawng ka bawla U Daniel-a sawidanin nu Zamtei te chu chaweikham lamah an lo haw dawn ani awma kan pahnih eitur chauh chu ka siam, a ni erawh room lamah a awm thung, ka rilru chuan U Nathan-a pawisa ka puk rulh dan tur ngawt ka ngaihtuah, ka hmelhriat tha pawh ni lo hnena pawisa tam tham zet han puk tawp kha ka awm anuam thei ngang lo, mahse ka nu nunna chhan nana ka thil tih a nih avangin keimah leh keimah chu ka in fuih mawlh mawlh, fridge atang sangha lachhuak in ka siamnghal mawlh mawlh, U Daniel-a pawh inchung lam atang a lo chhuk ve chiah bawk.

















" Khawi tluangtluang kha chu keiman ka lo siam ang, " tipaha ka thilsiam lai arawn ban chuan ka hnial vat, " keiman ka lo siam ang va awm mai mai zawk rawh, " pangngai tak chuan ka ti tha ve maia, " siam duh dan bik te ka neia keiman ka lo ti ang aharsa chuang hleinem thildang lo tirawh, " a tih leh takah chuan hnial lovin ka thilsiam chu ka daha arawn chhunzawm nghal, keiin bawkbawn leh chingit ka bai a, a ni'n sangha asiam thung, " tluangtluang zirna hi chhunzawm leh i chak em, "? arawn tih dut chuan alam chu ka hawivat, a ni erawh chuan min en lo in a thilsiam lai chu asiam chhunzawm mial mial thung.












" Ahh...duh tih thu ah chuan ka duh a mahse kan din hmunin a zir lo em a zir zawm loh hi atha zawk, " ka ti ve maia a ni pawh chuan min zawh chhunzawm tawh bik lo, diktak chuan zirna chhunzawm te chu ka duh lutuk, a theih chen chen zira hna tha tak neih chu ka chak thin tak zet mahse kan din hmunin a zir miau lo a, " lehlam ah khan heihi ka lo kâng ang tel kha lo chhuang la, " arawn tih chuan bu nghatin ka bai chhuan loh na lamah chuan tel chu ka chhuang nghal, " I U Nathan hi ala nelawm loh viau em, " ? Ka bula rawn din pah chuan a ti leh sup, chhan mai dan tur pawh ka hre lo,












" a pangngai, " tih zawngin ka chhang, chuti baka chhan dan tur tha ka hre lo, " a nihi chu a mizia hi amak ve deuha atawngkam pawh anelawm vak thin loh,mahse misual chu a ni lo ania a hun tawnin a zir lo em a chuvang a nih hi, " a ti deuh luama keipawh chu ka bu liam ve nghat, keiin ka bai chhuan ka chawh mawlh mawlh laiin a ni'n sangha a kanga a rimtui phian lehnghal, eirawng bawlte a thiam loh ka lo ring ve ringawta ka tisual chiang hle, amah vekin thildang pawh asiama a eitur siam reng reng chu a tui hmel em em vek, a sangha kan te chu thlengah a rem thlapa a tui hmel hliah hliah.














Eirawng kan bawl zawh chuan chawei ala hun lo bawk nen tv enin sitting room-ah kan thu a zan lam inkhawm chu duh viau mah ila nu Zamtei te an lo thleng dawn bawk nen ka in tum lo law law, " Nathan hi chawei kan sawm mai dawn a mi ? ala dam tha lo bawk nen eirawng pawh a in bawl thei lo ang, " U Daniela'n arawn tih chuan U Nathan-a zanriah tur ka siamsak lo tih ka hre chhuak hnu hnawh, U Daniel chuan phone chu la in a bengah a dah nghal, U Nathan-a a call ni ngei tur a ni.












" Aw bro chaw rawn ei phei la, " u Daniela'n a tih chuan lehlam a mi chuan eng eng emaw hi a lo sawia a thusawi erawh ka hrechiang thei lo, " nia ka nu te zan lamah daih an lo thleng dawn sia helamah ka bawl tir mai rawn sawm che kan tum hrim hrim a, " U Daniel-a bawkin a tih chuan ka chung chang an sawi niin ka hria, " aw lo phei rawh, " ti leh call chu titawp a rual nghal, " Nathan-a chu eirawng ibawlsak si lo a khati khan dawt ka hrilh mai, " nui huk paha U Daniela'n a tih chuan ka nui tawi tak, " vawin chu ka che buai lutuka ka lo theihnghilh daih alawm mawle, " in thiam lo ru tak chuan ka ti sep.













" A ho lutuk eng ngahmah ngaisuh Nathan pawh arawn ei phei dawn kha, a tha zawk daih alawm itan pawh sawlam leh helam kar tawn chhen kha chu itan pawh a buaithlak, " a ti dam dapa kei pawh ka bu ve nghat, rei lo ah U Nathan pawh chu arawn thlenga ka bulah a lo thu thla nghal zat, a pawisa ka puk lai te kha hrechhuak in ka inthlahrung leh hnu hnawh, " eng nge i an tawha, "? U Daniel chuan U Nathana rawh melh zawk pah chuan arawn ti sup, " ka zia tawh lutuk zanin atang ka lengchhuak nghal thei, " thawveng zeta arawn chhan chuan ka nersak, a dam loh pawn a chhuak du du tho sia chutianga atawng vel chu khum beta na rawn dam leh pawh a ang ka ti hial.











" Nizan lam pawh i lenchhuah tho chu, " U Daniela' n arawn tih leh chuan a nui deuh sak, ngawireng chuan tv kan en thap hlawma ka mit sir erawh in U Nathan chu ka melh zeuh zeuh a pawisa rulh dan tur mawlh chuan min tibuai, Dar 5:30 bawr velah chaw kan ei a U Daniel-a chawhmeh siam chu ka rin ang ngeiin a tui khawp mai, chaw pawh ka ei ve teuh. Chaweina vel chu tifai vekin thleng te ka sil leha U Daniel leh UNathan erawh sitting room lamah thu in eng eng emaw an sawi thung.














Ka thlengsil zo chu an bulah chuan ka va thuphei ve a U Nathana'n min lo melh leh vung vung thin avang chuan ka awm anuam thei meuh lo, " Duatin min lo call a ka va be lawk ang, " tih leh U Daniel-a chu room lamah chhoh arual nghal U Nathana nen chauha kan awm takah chuan ka zam thar leh riau tawh, " i in tiamna kha theihnghilh suh, " ka bengbula rawn ti sar sar tu avang chuan ka za chuai chuai mai, ka bula arawn thutlai reng ka hre lo, " ka theihnghilh lo ang mahse engtianga rul tur che in nge min duh, " ? alam pawh hawi chuang lo chuan ka ti sep,



















" kha chu lo buai suh ka tih kha a hunah chuan i hre mai ang, thil awlsam tak erawh a ni lo ang, " arawn tih leh chuan ka thaw hak eng thil chiah nge min tihtir atum ang tih chu rin ngaihna pawh ka hre lo, " a tha e, ka intiam tawhna chu ka ti hlawhtling ngei ang eng thil pawh ni se, " ka ti ban charh chu ka beng bulah a rawn nui huk, ka rap lutuk chu ka hmul thi te an ding sung sung thei hial in ka hria, U Daniel-a rawn chhukin kan pahnih in hnaih taka kan lo thu min hmuh chuan mak mintih hmel ngang mai, " in be zo tawh maw, " U Nathan chuan a thutna sawn chuang lo chuan U Daniel-a hnenah chuan a ti sup,















U Daniela chuan min melh vung vung pahin a bu nghut, " bro in neih lam te insawi kai tawh em, " U Daniela thut thlak hnu chuan U Nathan bawk chuan a ti leh nghal zat, " khalam kha chu kan hmanhmawh teh chiam lo, " U Daniel erawhin a ti awlsam et thung, " biakin hawng ngeia neih ila duh ve te anih chuan a rai hma ngeiin in nei ru, in neih lam ai naute siam lamah in hmanhmawh tlat hei chu a dik lo, " a tih leh zat zat chuan ka ngei ru phian chutiang thleng thleng sawi a tulin ka hre lo, " kha chu ka care hran lo, CD a awm chhung chu a rai lo turah ngai ang, " U Daniel pawh chuan awlsam fe hian arawn ti let ve khauh, an pahnih chuan an nui dun kur kur lehnghala an thusawi chu ka ngaihthlak peih zawng a ni hauh lo mai.














" Keipawh nupui ka nei har tawhin ka ring lo, " U Nathan-a thusawi chu mak tih hmel fe in U Daniel-a nen kan en, " Huh..bro chu zawng i kâ atanga thuchhuak tur atan chuan ava in hmeh lo si em, Clara lo hmeichhe dang i seng lut leh der tawh maw, "? U Daniela'n a tih chuan U Nathan chu a nui nghawr dat, " yeap.. keima sengluh pawh a ni chiah lo amah arawnin pe lut zawk mawle kanin neih hun chu anuam viau ang, " min melh kar chunga a tih chuan ka chil ka lem khawlh, a nupui neih hunah ka ba rulh nan a ni hian min chhawr a tum a ni thei mai angem ? ka rilru chuan ka ti mawlh mawlh a nih ngei pawh ka ring, ka ba rulh nan chuan a nupui fanau thlengin kei hian ka enkawl sak vek an ngai ngei ang.


















" Yeah bro hman hmawh lutuk teh suh, nupui neih hnu chuan lawithat zan bak hi anuam tak tak thei lo, " fiamthu ti tak zetin U Daniel chuan arawn ti leh, an thil thlir duh dan hi amak riau mai. " Midang tan chuan a nimahna ka tan erawh ani ve hauh lo ang zantin lawithat zan a nuam khawp ang, " U Nathan-a thusawi avang chuan ka ner nghal nang U Daniel erawh a nui huk thung, " i peih ngawt ange maw, nang hian hmeichhe pakhat chauh chu i kham khawp dawn lo tih ka chiang, " U Daniel bawk in arawn ti leh, an pahnih thusawi tui tang lo zet ngaithla chuan ka thu ngawi kar renga ka ning lek lek,



















room lama han chhoh san ngawt lah a nuam bik chiah si lo, Dar 9 bawr velah nu Zamtei leh David pawh an rawn thlenga an chauh hmel ngang mai, " tluangman min lo ngai em, "? tipah chuan David chuan ka samah lo chul arual nghal ' tluangmam' te chu min ti leh tanghal a, " ngai mai mai lo, nutei hi ka ngai fe zawk nangai chuan, " ka ti let ve hlak chu a hmui min tih pawrh khum tarh, nu Zamtei chu a chau ngang ni tur a ni tawng pawh atawng tha peih meuh lo an lo thlen atanga rei lo ah muturin a lu nghal, " nizan lam kan tlaivar ve sia keipawh ka chau, " tih leh David pawh chu inchung lamah chhoh arual nghal.















Kan pathum bawk chuan kan awm leh tawh, keipawh mut ve nghal mai tumin ka tho hluaia chu veleh U Nathan pawh arawn tho ve nghal, " Bro ka phei dawn, " a tih sup chuan U Daniel pawh chu a bu nghut, " min lo thlah la, " min lo melh paha atih chuan ka melh nghal haw, U Daniel-a lam ka va hawi chuan a ni pawh chuan min lo melh ve kur bawk, hnial chi a ni bawk si lo nen ngawireng chuan kawngka lamah chuan kanin zui phei, pawn kan chhuah hnu chuan ding datin ka lam arawn hawia keipawn ka lo melh ve kar, " lut tawh rawh, " arawn tih deuh hmuk chuan mak ti deuhin ka en, thudang asawi ka lo ring ve ringawt chu mawl ka in tiviau a ni lak atang hian eng nge maw ka lo beisei ve ringawt ni.













Chhang tawh lem lo chuan inchhung lamah chuan ka luta inchung lama chhoh mai ka tum chu U Daniela'n min rawn koh leh avang chuan ding datin alam chu ka hawiphei nghal, " Nathan hian a nel tawh viau che chuan ka hria, " arawn ti deuh tawpa chhan dan tur pawh ka hre lo ka nui tawi tak ringawt, " tluangtluang ka unaupa ang chu ni mahse hnaih vak lo la ka duh, in innel theih chuan alawm awm viaua mahse fimkhur rawh, " a tih leh chuan a thusawi chu ka hrethiam teh nuai lo in ngaina tura min duh si eng vanga ka hnaih duh leh si lo nge a nih ang, ? " aw le, " ti sep in in chunglam ah chuan ka chho nghal, khumah chuan mu in ka thaw hak.














U Nathan-a awmdan leh che zia mak ka tih em avang chuan ka ngaihtuah chhunzawm char char, a chang hi chuan a nelawm ve dawn dawn thin mahse, mahse hi a awm ziah a mizia inthlak thut thut thin ber hian minti buai, eng chiah nge a thil tum tih leh ka lakah hian eng nge a duh tih hi ka rilru a zawhna lian ber a ni, " nupui chu nei tak tak ta se kei hi a nupui leh a inchhung enkawl chhun zawm zel tura min chhawr a tum em ni, "? keimah leh keimah chu ka in zawt chutiang chu lo ni ta se a buaithlak lutuk lo turah ka ngai, mahse chutiang ni lo thildang daih chu min tih tir atum tlata hriatna ka nei, ngaihtuahna a kal thui duh ngei mai, kamit chu chhingin ka thaw hak.







Zing dar 5 ah tho in inhnuai ah ka chhuka a lo la reh thiap mai, choka ah chuan lut tlangin tih tur awm ang ang chu ka ti zung zunga ka lu lah chu ana bur mai, nizan ka menrei deuh vangah ngaiin ka thil tih lai chu ka tih chhunzawm mial mial, eirawng bawl pah chuan inchhung hnawk te chu ka thianfai paha chhuat pawh ka nawt thlap, dar 7:30 bawr velah nutei te an lo tho a tukin chu nizan hmasa lam an tlaivar vang a ni ngei ang tukdang ai an tho tlai, " tluangtluangte eirawng i bawl zo leh diam tawh elaw, " nu Zamtei chuan gas-a ka thil chhuan vel en pah chuan arawn ti sap, " aw bawl zo der tawh U Daniel-a kha hnathawka chhuah hmat a duh leh dawn sia chawei lo a kal tir chu ka ti deuh, " ka ti let ve vat,












" nanghi chu khawiah pawh mo la i ngaihtuah awm loh, " min fiam paha arawn tih chuan ka lo lai leh der tawh, " eng in lo sawi, " ? U Daniel-a chuan rawn luh pahin arawn ti sup a hnungah U Nathana'n arawn zui ve bawk, zing exer an la leh a ni ngei ang an thlan hluam mai, " tluangtei hi mawle a fel sia tih tur lah hi sawi ngai miah lo in a hria a, pasal nei pawh nise a ni hi chu a ngaihtuah awm loh tupawn mo atan an duh ang ka lo ti mawle, " nu Zamtei chuan a lo tinghal zat, " tluangtluang ka nu hian mo atan a awt deuh tlat che tihian min awmpui hlen mai rawh, " U Daniel pawh chuan fiamthu ti tak zet hian a lo ti ve nghal.













" Tluangtei chu a fel em alawm, fapa dang la nei ila chumi tan chuan ka hauh bur ang maw le, " nu Zamtei bawkin a ti leh siam siam, " fapa dang neih belh ngai lo in fapa pahnih min neihsa reng hi, " U Daniel-a thusawi avang chuan ka nui hak, " nangni hi chu in â em mai a duh lo ang che u, " nu Zamtei thusawi avang chuan U Daniel nen chuan kan nui hak hak, U Nathan-a hmel ka hmu chiah erawh ka nui tawp hmak thung, tihsual ka nei emaw tih tur hian min melh rum, " keiman ka nei mai dawn a mi, "? U Daniel chuan arawn ti leh, " nangte chu Amelia-i i nei reng alawm, " nu Zamtei chuan U Daniel chu arawn fiam zuk U Daniel chu angawi hmak thung.
















" Laltluangmami chu ka nei duh bik lo, " tho phang âw lawi zet hian David chuan arawn ti lut, kan thusawi arawn hre ve leh hman a ni ngei ang, " nangpawh kha tuman an neih duh lo ang che, " nu Zamtei chuan arawn ti hlak ka nui nghal hak, " i fapa hi ka luck zia i hre lo mai mai a nih kha monu tur iduh te chuan sawila i hmaah hian hmeichhia ka lo tlar duah mai ang, i duh duh i thlang dawn nia, " thawveng zet hian David chuan arawn ti leh zat zat, " ngawi mai maila a nih chu nuthlawi bak nanghian i hmu zo lo ang, " a U in arawn tih chuan a nernang mai, reife kan ti ti hnu chuan chawei a hun der U Nathan chu insiam turin a room lamah a chho a U Nathan pawh a in lamah a phei tawh.













Zing lamah hi chuan amahin eirawng a in bawl mai thina tlai lamah erawh keiman ka bawlsak thung, chawei lai chuan U Daniel leh David chu anin fiam leh zuk zuk thin, nu Zamtei nen chuan kanin nuih kanin nuih mai anin khing tawk bawksia anin hnial vel chu an hmuhnawm viau, dar 9 velah U Nathana in tifai turin ka pheia amah maia awm a ni bawka tih tur em em pawh a awm ngai mang lo, inchung lamah chho in a bedsheet te chu ka thlak sak veka a thawmhnaw suk tur te khawmin inhnuai lamah ka pawm thla a, mavhine ah ka nuai tir chhungin chhuat ka nawta ka zawh chuan darthlalang vel ka hrufai leh.















Ka thawmhnaw suk ho pho tur chuan inchung lamah bawk ka chho leha kazawh chuan a room- ah lutin a lehkha bu vel te chu ka remfel sak leh thlap, tlailam dar 2 vel atang eirawng ka bawl tana chumi pah chuan ka pa phone bawk, ka nu pawh chu an zai tawh thu leh a that viau tawh thu a sawia ka thaw huai thei, ka haw theih hun tur min zawh chuan ka hriat loh thu in ka chhanga min ngaihtuah thu te arawn sawi luam bawk, kanin biakna kan tihtawp hnu chuan ka bawngsa kan chu suana tih tur em em a awm tawh lo bawk nen sitting room lamah pheiin thu pah chuan phone chu ka khawih mial mial.











U Nathana arawn haw chuan khua a thim der tawh, inchung lamah chuan a chho tlang nghala keipawh choka lamah pheiin chawei ka siam nghal vat, chawei ka siam zawh hnu rei vak lo ah chuan arawn chhuka choka lamah chuan rawn lut tlangin dawhkan chu a kil nghal vat, " tun atang chuan tlai lamah ka bulah zanriah i eu ziah tawh ang, " arawn tih chuan choka atanga chhuah ka tum chu ka ding dat, " i hria em ? rawn thu la chaw rawn ei rawh, " a tih deuh hmuk chuan ka duh loh thu in ka chhang vat, mahse keia duh dan te chu ngaipawimawh lo tak a ni, rawn ding chhuak vutin ka banah chuan a chelha a bula chair ah chuan min thut thlak tir nghal, a chetdanin min thawn em avang chuan chet mai nachang pawh ka hre lo.












Ka thleng tur ka hmaah chuan rawn dahin amah bawk chuan chaw chu min khawrh sak lehnghal zat, " ka ril pawh atam hleinem, " ka ti zawi sep a bula chawei hi ka phur loh vang a ni pakhat, " engthil pawh ka sawi apiang i zawm tur thu i sawi kha, " a ti leh deuh hmuk, a tawngkam reng reng hi a nelawm loh vel vek min en run run takah chuan chaw chu ka bar ve ta ringawt, inthlahrung deuha chawei chu ka ei puar pawn ka hre lo eina vel chu ka sengfel mawlh mawlha U Nathan erawh sitting room lamah phone khawihpahin a thu thung, thleng ka sil zawh chuan alamah ka phei vat a a hmaah tak chuan dingin ka melhchhuk ran.












A ni erawh ka awm ve tih hre lo ang hmak in a awm thung, " U Nathan ka haw dawn, " ka ti sep, " boss, " arawn tih chuan a thusawi awmzia ka hre lo leh pek hle, " ka haw dawn, " ka tinawn leh ringawt chutah pawh chuan min lo la en chuang lo, " bosd tiin min ko rawh, i boss ka nih hi i hnathawhna hmun hi ka in ania chuan i boss ka nih tihna a nih chu, " min lo melh chho run paha a tih chuan ka nersak chutianga in koh kher chu tul ka van ti lo tak, " a nih ka haw dawn, " ka tih leh chuan min melh run in a la awm min chhang chu a tum loh hmel khawp mai ka ning tawh tak zet, " boss ka haw dawn a nia, " ka ning lutuk chuan ka ti sap a nih pawh chu a khi ve ta suk, " khati mai tur kha lawm, mahse ila haw thei lo thingpui min lo pe rawh, " a tih chuan ka thaw hak.












" Aw le boss, " ti sepin choka lamah ka phei nghal phun nuah nuah chungin a thingpui in tur chu ka siama pe tura ka chhuah chuan a lo awm tawh lo, inchung lamah a chho a nih ringin keipawh chu ka chho ve nghal a room bulah chuan dingin kawngkhar chu ka kik karh karha lut tura min tih chuan ka lut nghal zat, " kha i thingpui chu, " tipah chuan dawhkan te ah chuan ka thingpui ken chu ka daha chhuah leh mai ka tum chu min dang leh tlat, " tih tur ka neih tawh loh hi, " ka ning lutuk chuan ka tichhuak hlak, " i boss ka nia i haw hun tur chu keiman ka sawi ang, vawin ka office kal chu nidang ang lo takin ka chau riau ka ke hi lo hmet teh, " a tih chuan a thusawi chu ka hresual emaw ka ti hial, khumah chuan mu in a ke chu a thluang zuar a mintih tir tak tak a tum tihna a ni ngei ang.
















" Mahse i ke hmeh te chu ka hnaah hian a tel in ka hre hauh lo, " ka ti leh sap, " tun atang a tel chuan ka thusawi hnial tawh suh hei pawhhi i ba rulhna vek a nih hi, " a tih chuan thaw hak in a bulah chuan ka thu thla nghal, mintih tir duh tak tak pawh ka rin loh nen a ke chu zawimuangin ka hmeta a ni lah chu phone en chungin a thu mu a ka ngei tak zet, a phone ken lai saw puak thut se ka ti tak zet, rei fe a ke ka hmeh hnu chuan ka kut a kham tawh tak zet, " tho teh, " arawn tih thum dut chuan ka tho kang nghal vat, " lo kal hnai teh, " a tih leh chuan ka pan leh vat, a bul ka thlen chuan ka kutah lo manin min pawt nghal hrawk, a takah chuan ka beinghal thlawp, thawh tuma ka che hrut chu min chet khalhin akhumah chuan min bawh nghal run.










" Tho teh, " amah pawh melh tha ngam lo chuan ka ti sep, " min en teh, " a tih chuan zawimuangin a mittah chuan ka en a a ni pawn min lo melh ve reng avang chuan kan mit ain tawng chat, " sum i mamawh apiangin min dil zel thei ang, " ngeiawm taka nui chung chuan arawn ti sup a nih chu, reuh tak hian eng ngaih ah nge maw min ngaihni ala atang ka sum lak kha nawmchennana hmang ang ah min la ngai cheu tih na ania, ka haw lutuk chuan ka nam vaka a che eih lo thung, " ka mamawh tawk chu ka la tawh kha bak kha chu ka duh belh tawh lo, " ka ti kha deuh fak.

















" I chiang amaw, " mit ko min san khum ak paha a tih chuan ka huat a zual, " chiang lutuk tlat ka duh ang zat sum chu min pe tawh miau alawm kha bak kha chu ka beisei tawh lo chuan ka duh lo bawk, " ka tih chuan a nui nghawr dat, " thingtlang atanga rawn kal chuan khatiang zat sum kha chu hmuh pawh in la hmu tawp nang, " a tih nawn leh chuan a hma aia na deuh chuan ka nama a ni pawh chu a lo awmsawn ve mai bawk, a hmaah tak chuan ka dinga a mittah ka melh kar bawk, " khatianga min tawngkhum fo kha duh tawh rawh i sum chu ka puk ngei alawm mahse ka rul leh ang che, nang pawhhi i bialnu nen khan in in ang chiah chiah thingtlang mi ka nih avang hian min hmusit viau tiraw ? keini thingtlang ho thlai thar hi alawm puar taka in ei thin chu,












mite hi hmusit ngawt suh an thil pal tlang eng mah i hriatpui lo nang chu i tette atang i duh duh nei thei in i awma keini thingtlang mi chu kan ni ve lo, kan nu leh pa te'n a sur asa hnuaiah theih tawpin hna an thawka an chawm kan nih hi, nanga hmuhsit mai mai tura min chawm seilen ka ni lo, " ka ti deuh duah ka mittah tak chuan thinrim in sehchilh nawk pah chuan min en, tunah hian thinrim hle lo ila chu min en dan hi ka hlau leh tawh viau ang, tunah erawh hlauh tinah pawh ka tin lo ka haw ngawih ngawih chu chu a nimai, " inihna chu nangpawn i chiang hle mai, " arawn ti duh lek a nih chu, " ni e, nangni ang hi chuan engtik ah mah kan harsatna te hi in hrethiam ve lo ang, " beidawng âw lek lek chuan ka ti leh.








" A dik alawm thingtlang ho hi chu keini ang hi chuan kan hrethiam ve dawn lo cheu a nih hi, " a tih leh chuan chhang tawh lo in ka kal pel hmak, kawngkhar hawn tuma ka kut ka phar chhuak chiah chu ka kuttah a lo man chatin min pawr her lawp, " ka thu lo in i haw thei lo ka ti che a ni lawmni, " arawn ti bul leh hmuk tawh, " i duh chu sawila ka tih sak ang che, chuan khawngaihin min haw tir rawh nang ang mi chapo lutuk leh mite hriatthiamna pakhat mah nei lo bulah hian ka awm reng peih lo a nia, " ka ti kha fak a ni a lo nui huk thung, " ka duh chu, " tipaha min lo awm hnaih chuan ka tawlh hnung dawr, " e..eng..engnge i hriata awmsawn rawh, " min awm hnaih zel avang chuan ka ti bah niai.











" Min tawk hlek suh, " ka taia min kuah chuan ka ti vin that, " theihnghilh suh i chungah hian kei hian ka duh duh ka ti thei hei pawh hi i ba rulhna tho a nih hi, " tipah chuan a lo kun hniama min fawh a tum tih ka hriat avangin ka thlesawn vat, " hetiang zawng hi chuan ti lo hram rawh khawngaihin min...min thlahrawh, " ka tap deuh ti tih tawh, " i ba rulh i duh a nih chuan ka sawi ang ang in awm mai rawh, hei lo pawh hi i chungah hian ka ti thei, " ka bengbulah chuan arawn ti khur khur rapthlak ka ti tak zet.











Ngawirengin ka ding tawp tawh, keihian thu ka tiam tawha ka ba rulhna tur chuan engpawh ka tih angai dawn tih ka hria, hetiang zawnga ka ba hi rulh angaih ka lo ring pha hauh lo kha a nia tunah erawh ka thil duh lo ber mai chu ka chungah a thleng ta, " i duh ang chuan che ta che mahse hei hi hre rawh zanin hian ka chungah eng thil emaw a thleng a nih chuan i ba chu ka rul zo tawh angah ka in ngai ang, " ka ti ve ta hmak, ni e ka ba rulh nan chuan ka taksa hi ka hlan mai ang ka dam chhunga a duh duha a khawih nih ai chuan.











" Ni mai lo e hei lo hi thildang i ba min rulh theih dan tur ka hria, " ti pah chuan a inla hrang vut min melh kar bawk, " sawi rawh i lak atanga ka za len theihna kawng a nih phawt chuan sawita che " ka tih vin that chuan a kiai suk duh lek, " ka lak atanga i zalen theihna tur thil ka tih iring amaw ? huh...teuh lo lutuk nanghi ka nupui ini anga tichuan kum 5 hnu ah kanin then ang, chu chu i ba i rulh theih dan tur a ni, " a thusawi avang chuan ka meng bial kawk, " chu thil chu a fair lo deuhin i hre ve lo maw, "? Ka tih hap, " hre hauh lo, " ani'n arawn ti hmuk thung, " kum 5 lai i bula awm turin min duh a maw ? chu kher chu i pawisa ka bat nen tehkhin chuan a tam lu lai lutuk, "












Ka thusawi chu ngai pawimawh lo zetin min melh, " chuti ka remruata chu tha i ti vak na nge, " a tih chuan ka melh ngawt ngawt tha ka tih a ring reng reng emaw ni, " a nih a hnu i pawisa puk kha tunah hian min pe ta che a vaiin, " tipaha a kut arawn lek chhuah chuan sawi tur reng reng ka hre ve tawh lo, ka nu nunna chhan nana ka thil tih ah hi a dik lo ta tihna em ni ? kei hi vanduai tur bik a piang ka ni maiin ka in hria, " a tha e, i nupui chu ka ni ngei ang, mahse hei hi chu min pawmsak la ka duh,
i nupui ka nih chhunga i pawisa ka bat kha kum 5 atlin hmaa ka rul thei che a nih chuan min chhuah za len ang, chu chu mintiam ve rawh, " ka tih chuan awlsam fe hian a lo bu nghat, ka rulh theih loh a ring te pawh a ni ngei ang mahse ka thei tur a ni, a ni bulah hian kum 5 chhung ka awm duh lo a nih chuan ka thei ngei tur a ni.













" Kan sawifel tawh tihna a ni em, " a rawn tih leh chuan ka chhang lo, " kan sawifel thei ah ngai ang in khaw lamah palai ka tir vat dawn nia ka vawikhat nupui neihna tur a ni bawka miten an tih thin dan ang chu tih ve vek ka duh, " a tih lehchuan chhang lo in ka chhuahsan hmak, pawn ka thlen hnu chuan ka tah chhuah loh nan ka hmui ka pet ngat ngat, ka chunga thil thleng ah hian lungawi chu avan har si em, mahse ka nu nunna tal ka chhan thei a chu chu a tha ber tho, keimah leh keimah chu ka infuih pah mawlh mawlh, " Lalpa min hmu em ?nang chuan kan tawrh zawh loh natna min pe ngai dawn lo a ni tiraw ? tuna ka chunga thil thleng mek pawhhi nangma remruat tih ka hria e pawmthiam thei turin chakna min pe ang che, " van lam melh pah chuan ka ti sep.













( SORRY...TI NGHAL THAWR ANG KA MITIN A TLIN LEH NGANG TAWH LO, TUNLAI PHEI CHU KA MIT A CHAK LO ZUALA A BUAITHLAK LUTUK HEMI CHINAH HIAN DUHTAWK LEH PHAWT ANG AW )



A CHANGTUNU HI IN KHAWNGAIH EM ?


Show post links
Top