Brothers Conflict-19
Ziaktu: Cck Lalchhuanawmi
Ka lo bu zeuh, thaw halh halhin min lo kuah!!!
Inla hrang vatin bai auh auh chungin ka pindan ka pan. Pindan kawngkhar nghengin ka âwm dawmin thawk ka la vang vang a.
"Mumang mai mai a ni. Khua a var hunah chuan a bo mai ang. Mumang mai mai a ni. Engthilmah a thleng lo", ka ti sep sep.
Ni e, mumang mai mai alawm. Tupawhin mumang te chu kan nei a, a tak emaw kan tih theih hial tur te achang chuan kan mang fo.
Khumah ṭhuin ka intauhna lai vur chuan ka dep mial mial. Mittui leh hnap tui nen ka la inchiahpiah nuai bawk.
Bibi leh Papuia an ṭhat leh thuai ka beisei. Kei taka pawh, khati teh vaka phu tur ka ni lo mawle, keimah avangin buaina a thlen vaih chuan.
Nu Lawmi leh Pa Zaua te lo haw thawm ka hriat chuan, lo va chhawn duh hle mah ila, inthiamlo deuhin khumah ka meng kar ringawt.
Khawvar hun ka nghahhlel tluk zetin, khua var lo se ka ti hle bawk.
Mahse, Pathian remruat tumahin kan dang thei lo.
A hun pangngaiah Sava an chiar noh noh.
Ka khup nâ lutuk chu ka thawh zawngin min tur ut ut, ka taksa pumin ka nâ ni maiin ka hria, ṭhen salh salh chungin ka tho thei hram a.
Ka chal erawh a ziaawm deuh.
Buaithlak ber zawka chu, ka meng ṭha hlei thei lo hi ni.
Inti meng bial kawk lui hram hramin ei rawng ka bawl a, ka nuihte lam a za. Mahse, a nuihzatthlak miah lo, a hahthlak lutuk.
"Siami, i va tho hma Aw Lalpa leh! Engtizia nge a?",
"Engmah a ni lo", nui saihin ka ti a. "I ṭap a ni maw, ngati nge i ṭah a?", Nu Lawmi chuan ti lehin engmah a nih loh thu bawk ka hrilh leh.
A awih loh em avangin min zawt leh a, ka chhungte nen kan inbiak thu leh, ka ngaih em avanga ṭapah ka insawi a.
A awih ta a ni chek ang, a bu nghauh nghauh, "A ni lutuk ang, mahse; in inbiak leh hunah pawh ṭap duh tawh reng reng suh aw", nui sun sunin Nu Lawmi chuan a ti a. Ka lo bu zeuh.
"Vawiin chu Bibi exam zawh ni a nia", Nu Lawmin a tih chuan ka lung a phu rang chiang lutuk. "Ka han kai tho ang e, zing a tho thei ve lo ropui si a", dam thlupa tiin, inchungah a chho nghal.
Vawiin an exam zawh ni a nih chuan, nizan thil thleng kha, awi ka nu!
Chaw ei ka phur lo ṭum ber a ni ang.
"Bibi ka naute, i fail a nih pawhin a pawi reng reng lo, ṭah tawh miah loh tur aw", Pa Zaua chuan Bibi kuahin a ti dap dap a. Ka va han inthlahrung tak.
"Nizanah kan chhuak daih a, lo chhuah miah lo tur a nia. I pa nen kan va thlah ang che", Nu Lawmi pawh chuan tiin. An pathumin an chhuak a.
Keimah hi ka khur der derin ka hria, nizan boruak ka ngaihtuah a, ka thau-ah min man tlatin ka hria.
Bibi-in a hrilh ang nge hrilh lo ang, keimah avangin Papuian a vin vak a ni a, Bibi-in a nu leh pa a hrilh vaih chuan ka nasa lo ngawt ang.
"Nizanah engthil chiah nge thleng?",
"A, ka sawi duh lo", thleng sil mial mial chungin ka ti a. Ka hnunga ding a ni bawk a, engtin nge a awm ka hre thei lo.
"Bibi hi tumahin âw ki sangin kan la ṭawngkhum ngai lo. Papuia hian Bibi hi a duat ber bawk. Kan farnu a nih piah lamah Papuia phei chuan fanu ang chiahin a en ṭhin", ka thleng sil lai ka tawp deuh chawt.
"Nizana Papuia awm dan kha mak ka ti hle mai, amah chauh hi Bibi âw ki sanga ṭawng khumtu a ni. Chu pawh", a ngawi daih a. Keimah vang tih a tum tih ka hria.
"A thleng nawn tawh lo ang. Nizan avangin min ngaidam dawn nia", ka hmui hnuai seh ner nerin, ka mittui a luang ngiai ngiai.
A dik chiah, a thleng nawn tawh lo ang.
Zoa a awm leh awm loh pawh ngaihtuah loin choka ka tifel mawlh mawlh a. Rilru engthawl taka awm ka tum a ni ber.
Ka nui lui reng a, Achhuani nena kan inbiakna nuihzatthlak deuh deuh te leh, ka chhungte chet chhiatna hun hlimawm deuh deuh kan hman lai ka ngaihtuah a, ka lungchhiat rualin ka hlim hle thung.
Ka nau te ho hi an zei loin chet chhiatna an ngah reuh phian a, inah phei chuan kan nui nasa thei lutuk.
Lalfamkima ber hian kan hlim loh hlauin amah hi comedian-ah a inpe tawp.
Choka tihfela ka ha te ka nawh hnuin inpui lam tifel turin, ka awm hmun ka sawn a.
Nu Lawmi te pindan chu ka thuin ka lut ngam lo.
Sitting room-te tifaiin chhuat ka nawt a, ka mit a thip hlar mai a, tlemin ka hnathawh min tiṭhuanawp deuh.
Inchung tihfai chauh ka hmabak tawh, naktuk lamah darthlalang nawh chu a ni leh tawh mai, insuk a la ngai lo bawk a.
"E he! Inah i la awm elaw?", inchung chhohna bulah a lo ṭhu run.
"Ka u nen in inkarah eng nge awm?", min en kar lehnghal.
"Engmah a awm lo",
"A nih chuan, ngati nge in inkuah?", Zoa chu ka en a, a thinrimin ka hria. Papuia chauhin min kuah, kei chuan ka kuah ve lo.
"Tihpalh thil liau liau a nih kha", ka ti zawi sep.
"Bibi a ṭap bawk a, nangmah vangin. Papuian Bibi a hau", a thinrim chu a beka a thisen zam te an pawng ṭawl ṭawl.
Ka tiril a khur a, tunah chuan sawi tur ka hre tawh lo. Ka kâ hi ka âng ngam tawh lo a ni ber.
A ṭhutna aṭanga thoin min rawn pan, ka hnunglamah ka tawlh hret hret a, min beng tura min rawn pan a ni ngei ang le!
Ṭhutthlengin min dang, ka tawlh hnung thei tawh lo.
Ka hmaah a ding ran tawh mai. Ka chil ka lem khawlh a, a mitah pawh ka en ngam tawh lo.
Ngaihdam dil tura ka hawi chhuak chiah chu min rawn kuah!
Ka hamhaih lutuk chu ka che chang lo reng reng. Zoa chu a nui hak. Chutah inthing harin ka nam sawn.
A lo nui vur vur, min rawn kuah a tum leh chu ka lo dang a, "Teh hrep a, kuah nuam tak pawh i nih loh kha, ṭang lo vel mai rawh, i âwm ka khawih dawn pawh ni lo", ka khawng awt.
Chu thu zet chu, ka thu hriat tawh azawngah min la ṭhawng ber!
Zoa khan eng maw a sawi kha?
Ka melh rawm rawm a, a nui huah huah, "Ka u pawh i inkuah tir duh tho a, ka u ai chuan ka ṭang hi a nem zawk a nia aw", intithei takin a ti hlar hlar.
"Awmpui dang ho te zawng pawh khan ka lakah chuan an inphal lutuk", mak ti takin ka lo en.
Bibi vang turah ka lo ngai a, a chiang e. Zoa vang pawha lo awm rei lo ṭhin an nih ngei dawn chu.
A u nen chuan a la intehkhin ta deuh deuh.
"Ruih i nei em ni?", ka lo ti hlak. Ka hlau duh bik tawh lo, amah zawkin a thiltih a sawi chhuak miau a, hlauhna chhan tur ka nei ta hauh lo.
"Rui hmel ka pu em ni?", khi suk pahin a ti.
"I thusawi kha i ruih vangah ka ngaihsak ang che", tham lo hmel zetin ka ti a. A hmui a tisawi.
Min rawn pan lehin a kut a lo phar, "Siami?", tawp chawtin chu âw thum dut lo chhuahna chu ka hawi a, Rta a lo ni.
"Thingpui ka in duh", a ti thum leh dut.
Tunah tak hi chuan saw pa saw ka ngaina takzet.
Zoa nui sukin inchungah a chho a, "Thingpui ka in duh ka tih chu", thum deuha tiin, a pindan kawngkhar a khar ri ṭhuai.
Chokaah kal vatin thingpui ka lum a.
A ṭha alawm. Tunah chuan kan mizia pawh a lang chho ṭan tial tial ta.
Lal fapa tura kan lo ngaihte pawh, achang chuan misual ber an lo ni ṭhin a nih hi!
Mak deuh maiin, Thangzawra kan zir kha ka rilruah a lo lang zut zut.
Thangzawran a chan chhiat zia a sawina thu te chu ka hre ruai ruai mai. Nuizatthlak zawk.
Inchung tihfai lohah ka tlak ta ringawt.
Ka inngaihbel nge phei chu ka hre lo, Nu Lawmin min be khat a, chaw ei naah pawh an ṭawng tlem lutuk.
Papuia kan rualin chaw a ei khat a, Zoa pawh inah hmuh tur a awm mang lo.
Bibi exam a zo tawh a, Nu Lawmi nen an inawm chawt a ni ber.
Rta pawhin ni khat chauh a bak tawh. Computer Science a zirin ka hria, a bawn ru zek.
Mut hmunah Achhuani bulah ka insawi thawl a, ka insut faih faih. Inhnit fai tura thawh ka peih thlawt lo a ni. Rawmawlah ka inpaih ruak leh thawr zel.
Tunlai chu hrehawm ka ti lutuk.
"Cher, pan ria deuh ni ve ila, buaina a awm lo mai tur", ṭap chungin ka ti a.
"I cher chuan i hmelṭha lo ang. I thau khan i hmelṭha zawk. Thau zawka hmelṭha chi in awm a, cher zawka hmelṭha chi kan awm leh bawk", Achhuani a tih chuan ka lo nuih sak a.
"Nge, a dik alawm. Pathianin min siam dana lungawi hi a ṭha ber. Engang pawhin cherin hmelṭha mah ila, tun thlengin bialpa ka hmuh zawh loh hi", Achhuanin a tih leh chuan ka lo nuih vur vur.
"Nang a thau pawhin ex i hung fer fur tawh ania", vui hmel takin a ti lung lung.
"Lalhmachhuan, ngawi mai mai rawh", nui huah huah chungin ka ti a. Henu bulah hi chuan a lungngaih tak tak theih loh.
"Nangmah avangin ka uin min hau, engtikah mah ngaihdam ka dil dawn lo che", ti lung lungin, kawngkhar a chhuah pahin a khar ri ṭhuai. Ka phu zawk!
Bibi pindan chu ka tifai mawlh mawlh, a tihnawk lui tih ka hria.
Thei tui te a tibua, ka nui chhuak hawk. Papuia sawi kha, a naupanchhiat a reh thei lo a nih dawn hi. An duat ber tih a hre kur dawn tlat a.
Inrinni a nih avangin inah an awm vek a, Papuia pawh a awm. Zoa erawh a chhuahna a la rei vak lo.
Papuia pindan kawngka ka kik dat dat a, exam paper a check dawn avangin, "Vawiin chu ka pindan tihfai lo awl mai rawh", a ti a.
Ka hmuh khat em avangin ka lo ngai hman em em a ni tih, kawngka a lo hawna ka hmuhin ka hre chiah.
A hmui hmul a ṭo siar siar a, a chau tih a hmel en reng rengin a hai theih loh.
"Aw, eng nge ni? Vawiin chu ka buai nilen dawn avangin-", a tih mek laiin ka lo pawt chat.
"U Papui, biak lawk che ka duh", rang zetin ka ti a.
"Aw, lo lut rawh", ka lut a, a lo inchhawp hnawk nuai mai.
Khum chungah min ṭhuttirin, ani erawh chair-ah a ṭhu a. "Eng nge ni min biak duhna chu?", dam dupin a ti a. A nui deuh saih.
"U Papui, hman zana thil thleng kha, pawi ka ti lutuk. Min ngaihdam theih chuan-",
"Ngaihdam dilna tur a awm lo, hahdam deuhin awm rawh. Bibi chuan ngaihdam a dil tawh zawk che em?", a buaithlak ṭhin mang e.
"U Papui, ka sawi duh zawk chu, Bibi hi ngaihtuah la, tilungawi zawk rawh. In inkara buaina siamtu nih ka duh lo. Ka kal mai ang", ti supin, ka chhuak nghal a.
Ka hmanhmawh lutuk chu ka inpal nawk nawk.
Papuia Speaks...
Rsi chhuah hnu chuan che chang loin ka ṭhu reng a.
Eng nge tih tur ber ka hre thlawt lo.
Bibi thlem ka tum ngei tawh alawm, mahse; a intiluhlul ve tlat a, a la intilungawi lo mai mai a ni.
Bibi ai mah chuan Rsi hian min tibuai.
Ni e, Rsi hian min tibuai. Felfai taka min tihbuai dan ka sawi chhuak thiam lo.
Hman zana ka chet dan khan a tichiang viauin ka hria, Rsi khan a hrethiam lo a ni ngei ang.
Pehhel dan kawng ka zawng hram hram a, tun lawkah chiang ker kawrin hmai chhanah kan inhmuin kan inbe leh bawk si. Hui ha...
Thaw hrawkin ka inher a, answer paper ka check leh mial mial.
"U, i awm dan hi ka hrethiam miah lo a nia aw",
"Ngati maw?",
"Eng emaw chu a awm a ni tiraw?", necktie ka suih lai ka tawp chawt.
Ka va en a, kawngka biangah inkuangkuahin a lo ding kawisawi zul mai.
Eng emaw chu a awm chiang alawm, ni lo, a awm lo ang, a awm thei lo. Mahse, eng emaw chu a awm chiang a ni!
"U?",
"Eng emaw chu awm tir ka tum mek a ni", muangchangin ka ti a.
Tuna ka thu sawi kha, eng chu nge awm tir mek ka tum?
Inkhawm chhung zawngin Zoa bula ka thu sawi ringawt ka ngaihtuah a, eng chu nge awm tir ka tum?
Bibi pawl te ban hun nghakin, ka nu leh pa bulah min haw san turin ka ti a. Vawiin chu an rei zek, puitling lamin kan ban khalh tlat.
Rsi leh Jenny inbe chunga kal hnak hnak chu ka hmu a.
Ama tawkah khalh nalh ve tak a ni.
Eng maw? Eng nge ka ngaihtuah!
Ka hui pap pap a, tu hriatpui lohin ka zak chem chem. Ka ngaihtuahna zet chu.
Bibi lo chhuak ka hmu fuh hlauh, a bulah kalin ka kai a, a la lungawilo tih lantir nan nui hmel pawh min hmuh duh lo.
Ka kai lui tlat a, a tal ve ṭang ṭang.
Kai tho siin ka kaih lohna lamin ka kuah a, "Bibi, eng nge i ei duh? Sawi la, kan lei haw dawn nia", ti lung lung pahin ka kalpui a.
Engmah a sawi chuang lo. Dawr awmna kan thlen chuan a la inhawng lo zui.
"Hawn tir ila i duh em?", ka tih chuan a lu a lo thing a, a mittui a hnam ṭiam ṭiam mai.
"Lo kal teh", tiin ka kuah a, a luah ka khabe nghatin, ka khabein ka tauh dat dat a.
"Bibi, Papuia hi i ngaidam thei em? Ngaidam rawh aw, a thinrim a insum zo lo a nih kha", muangchangin ka ti a. A insut ri faih.
"Bibi, Papuia hi min ngaidam dawn tiraw? Ka naute i nih kha, i u hi ngaidam rawh aw", ka ti leh dap dap a.
"Haw ang, a zahthlak", ṭah âw ṭuau chungin a lo ti. A mittui hruk sakin kan haw ta a.
Tunah chuan a nui ve leh deuh saih tawh e.
"U?",
"Aw, Bibi?",
"Inmet fai rawh, i ṭhing lutuk", ner sawkin a ti a. Ka lo nuih sak.
"Nui suh, tak tak alawm. I lang ṭawp lutuk", a ti leh.
"A nih, in kan thlen ve leh ka met fai vek ang", nui sang chungin a lo bu nghauh nghauh.
Answer paper ka check zo tawh a, kei chu ka hahdam thei tawh.
Tluangi leh Mamawia erawh chuan an la check tlauh tlauh.
"Nangni pahnih hi in inthurual ṭhin nge mawni?", fiamthu titak fe hian Sir Felan a ti a. Tluangi a teu hlar.
"Inthurual loh pawh tum ila, inthurual a ngai leh ṭhin si a. Zanah mut mai mai kan duh si lo a, answer paper check ai chuan mut hnathawh a duh zawk tlat a", Mamawian a ti chu Tluangin, "Lalnunmawi, i ṭawng thei lutuk. Tenawm dei dui lutuk. Thu lawilo hlir sawi suh", tiin a lo khak vat.
Office-a awm ho kan nui vak vak a. Mamawian a sawi belh leh ṭeuh. Tluangi a lo teu hlar zel bawk a.
"Innei daih teh u, in inhmeh dawn riau", Sir Felan a ti leh chu, Tluangi tihngaihna hre lo zetin a thaw halh halh.
"Sir Fel, nangmah ngeiin kut min suihtir dawn te chuan", Mamawian a ti a.
"Lalnunmawi", beidawn hmel takin Tluangin a lo ti. Hemi te pahnih hi chuan Office boruak an chhem alh reng mai a ni.
Innei daih tak tak se a ṭha ang.
"School chawlh hi a rei lo e",
"Nuam i ti lutuk a, a rei lo i ti a nih kha", Zoan a tih chuan Bibi a lo ner salh.
"Papuia pawh a inmet fai a, a hmelṭha sawt alawm", Ka pain a lo ti.
Bibi-in nui vur vur chungin, "Keiman met fai turin ka ti alawm", a ti a. Ka va nuih sak.
"Pavalai President atan hual nak laiin, KṬP President-ah in chhuah daih a", Zoan a lo ti.
"Chaw kha ei mai mai rawh", ka va ti a, a lo nui huah huah.
Zoa pawh hi min zawh ang deuhin, a awm dan hi keipawhin ka hrethiam lo.
Ka nau te pahnih ṭha takin an pass a, ka lawm em em.
Ka zirlaite pawh pahnih fail awm mah se, an la hlawhtling thei tih ka hria.
Ka insiam zo inhnuaiah ka chhuk a, choka lam ka hawi phei chu Rsi thleng silna bulah Zoa a lo ding.
An phun bul bul a, eng emaw chu an sawi a ni.
Tunah chuan ka hre ta, eng emaw awm tir ka tum chu ka hre ta.
"Zoa, min thlah lawk teh", an pahnihin an lo hawi. Rsi erawhin thleng a sil zawm leh daih.
"Ngati? Taxi chang leh mai ta che, i chan ṭhin kha", ka lo thle nghiai.
"Aw, ka hruai dawn che nia", ti hlakin thleng silna aṭang a kalsawn a.
"Rs?", meng phawk hruin min lo en, "Bye aw", nui sangin ka ti a.
Kut phuan nuai chungin min lo bye let.
Show post links
Top
Brothers_Conflict BY Cck Lalchhuanawmi (Completed)
Brothers Conflict-20
Ziaktu: Cck Lalchhuanawmi
Lalrinsiami speaks...
Ka chhungte biain ka nau te pawh an pass e.
Ka pa pawh dam ṭha tawh lutukin taxi a khalh leh tawh a. Papuian a rawn hmang haw zeuh zeuh.
"Rs, i pa a lo kal", tiin min hrilh ziah a. Ka pa lahin, " Min rawn call vang vang zel", a ti ve bawk.
"I pa nen kan intawng fuh hlauh zel a", Papuian a ti sup. Ka pa min hrilh dan nen a inang ta lo.
Tu thusawi nge ka awih zawk dawn ni?
"Rs, zanina bai chu, a tui khawp mai", nui sang chungin Papuian a ti a. Ka lo nuih sak.
Hmun phiah zawhah thleng ka sil leh sawk sawk a, "Nu, ka chhuak lawk", bike ri-in a zui nghal.
"Siami, zanin chu sawtah a pu te in lamah Bibi-te nen kan va riak ang e aw, Papuia, Rta leh Zoa an awm dawn a, hlauh tur a awm miah lo a nia aw", dam diaiin Nu Lawmin a lo ti a.
"Aw le", tiin ka mittui a hnâm sawk. Nu Lawmi âw dam thlup ka ngaih hman tawh zia hi!
Thleng sil zawhah tv enin ka ṭhu khawmuang a, ha ka la nawt lo tih ka hre chhuak.
Tv off chuang loin ha nawt turin ka kal a, tv sound ka pe ring chuang lo a, Rta a tihbuai phak ka ring lo.
Tv en tura ka kal leh chu Papuia a lo ṭhu kur.
Min rawn hmuh chuan, "Rs, lo kal rawh, i film duh deuh kha, final episode a ni tawh a nia aw", a ti a.
A sawi chu ka hre nghal mai. Tlawmngaihna chhuah duh loin Papuia ṭhutna bul lawk sofa-ah ka ṭhu ve nghal zat.
King of Baking hi chu, ka duh hlum lo chauh. Takgu-a ang hi tumah an awm lo ang.
A chan chhe thei lutuk hi, film mai mai mah nise, ka khawngaih lutuk hi, ka ṭahpui hluam hluam thei!
Bete luliani a hmangaih theih hun a awm ngei ngei ang.
"Rs, min lo en teh", ka en duh ṭhak lo, tv char char ka en.
"Rs, lo hawi lawk teh", tv char char ka la en. Ka hawi dawn lo reng reng.
Papuia a nui kur kur.
A tawp ta maw tihah rang lutukin bathroom-ah ka tlan vat.
Ka hmai te phihin ka inhnit fai a, Takgu-a pawh a hlim tawh dawn a, keipawh ka hlim tawh ang.
A bul aṭanga en leh ka va han chak tak.
Papuian tv channel a lo hmet kual a lo hmet kual.
"U Papui, ka mu dawn aw", rang lutukin a lo hawiphei. Tho phutin, "Ngati?", a ti chuai raih.
"Tihtur a awm tawh si lo a", muangchangin ka ti a. A tum deuh bar.
"Chhuat i la nawt lo", chhuat kawk pahin a ti. Mak ti deuhin ka en, "Chhuat i la nawt lo a, hei a bal lutuk", Papuia chuan a ti lang lang.
Hnial ka chak ve tlat pek a, "Nangman zanah chuan nawt ṭhin lo turin min tih kha",
"A, kha kha chu", sawi tur a hre tawh lo. A thusawiah a inawk chiang lutuk.
Ka nuih za hle mah se, ka nui chhuak ngam lo.
"A nih chuan, ka-",
"Ngati nge mut ringawt i lungkham a, chhuat chu nawt phawt rawh", rang lutuka ti hlutin a ṭhu hnawk a. Remote a hmet vak vak ringawt.
"Khatia i hmeh vak vak chuan a chhe mai ang", ka ti zawi sep.
Hre lo angin a awm ngei. A beng thleh danah a hria tih a hriat tho. A ngeiawm ve tak tak a ni.
Chhuat chu han nawt poh ila, thaw hawkin ka kalsawn a. Chhuat nawt turin min ti bawk a, nawt tak tak ila.
*lo la muhil miah suh* ka ner sawk. Hepa zuam mai mai theih hian ka awm hauh lo ang.
A tira fel leh ṭha deuh tura ka ngaih tehreng nen!
Phone dah zui hmakin chhuat nawt turin ka phei a.
Tv pawh en loin ka chetla min thlir tlawk tlawk. Tlem chuan ka lâi ve deuh, mahse; ka tihtur ṭha takin ka ti tho.
Ka inthunun ve thei ṭan tawh ni ber.
"Rs, kan in hi i hnathawhna hmasa ber a ni em?", ka va en a, a lo nui ṭhaw.
Ka lu thingin, "Class 12 ka pass hnu khan ka thawk ṭan tawh", chhuat nawt leh mial mial chungin ka ti a.
Papuia hmel awmdan ka hre hauh lo. Min khawngaih hmel nge a put ang a, thildang zawk?
"Rs, class 12 chu khawi school aṭangin nge i pass?",
"Open-in ka exam", nui saihin ka va en a. Ngawi rengin min lo en, nui hmel pawh a pu lo a, lungawilo hmel pawh a pu chuang lo.
"Rs",
"Umm",
"A ngai leh lo, nawt duh tawh suh, va mu tawh rawh", ka lu ka lo thing a, "Ka zo ṭep tawh tho", ka ti a. A lo bu zeuh.
Nu Lawmin min lo call-in chaw chhum kep an ngaih loh thu min lo hrilh a. Tiffin pawh Rta tan chauh siam a ngai dawn.
"Siami, muhil lo turin ka tih che kha, call i chhang thei bawk si lo", Zoan a ti bul bul.
"Ka chau ve lawm, mut dawnah chuan phone ka silent daih zel", ka tih chuan a ner salh. Ka va han khawng chak tak.
"Papuia chu nise i muhil miah lo ang", a tih chuan ka melh ralh.
"I hre ringawt mi?",
"Hria e, engkim ka hre vek", ti hlakin a kalsawn nghal daih.
A awihawm lo mang e, engkim hre vek chu.
"Awi, min tiphu lawm", ka au vak.
Ngawi rengin a lo ding, "Tiffin chu dawhkana kha", dawhkan chunga tiffin kawk pahin ka ti.
"Ih...",
"Chawhmeh tui deuh ka pai tir che nia, i ei zo vek dawn nia", nui sun sunin ka ti a.
"Damdawi", a ti thum dut.
"Ngati nge? I dam lo mi?", a pang ka va dek. Dam chu a dam ṭha.
"I eng lai nge nâ?",
"Ka, ka pum",
"A tirah khan sawi ta che", ka vin ngawt. Mak ti deuhin min en heu.
Digene laksakin ka pe a, ei loin a kuta digene mum khat sendang awm bal chu a en ringawt.
Min lo en a, "I kâ chhungah i dah ang a, sweet angin i hmuam ral dawn nia", ka ti chu a âng phuau mai.
Ka lo nuih hak hak a, "Tunah i kâ chhungah khan dah rawh", thuawih takin a dah ve mai.
"Tunah chuan fawp rawh le", meng phawk hruin min en, "Sweet angah ngai tawp rawh",
"Ka dam dawn mi?", ka lo bu nghauh nghauh.
"School aṭanga i lo haw hunah chuan maw, U Siam, ka lawm lutuk aw i ti mai ang", intithei fahranin ka lo ti a.
Muangchangin a hmui tisawnin, a nui!
"I nui tiraw? I nui, i nui", ka ti chul a.
"Tu maw nui?", Rta nui lai a tawp hmuk.
Papuia bulah chuan Rta a nuih thu ka hrilh a, a awih lo lutuk chu a nui chhuak hawk hawk.
"Rt, tiraw, school kal ila", tiin an inzui chhuak a.
Rta kha a nui reng sia.
Brothers Conflict-20
Chhunzawmna
By: Cck Lalchhuanawmi
Rta kha a nui reng sia.
"Siami, i lo buai em?",
"Buai lo e",
"A lawmawm e. Ka inbual fai ang e".
Nu Lawmi a inbual a, ni laklawh ni mah se, thawmhnaw suk tur ka khawn khawm.
Inchungah chhoin an pindanah ka lut thliah thliah a. Zoan thawmhnaw suk tur a ngah ber. A pindan a hnawk ber bawk.
Mak deuhin Bibi pindan a fel fai ber a, Papuia chu tlemin a hnawk deuh.
Insuk hmain ka han ti fel fai leh ang lawp lawp a. Tun thlenga ka la chak chu Rta pindana luh hi ni.
Engtiangin nge a awm ve ang ni?
Nu Lawmi inbual zawh veleh ka insu a, ruahtui pawh tlem tial tialin, Christmas rim a nâm ṭan tawh.
Thlasik rim an ti tak e.
*lo muhil suh* he thu lah hi min thawn ziah, eng a sawi tumna nge mawni.
Zanah a chhuak ziah a, thil pawimawh tih tur a nei awm pawh ka hre tawp si lo.
"Rs, College kal i duh em?", ngawi rengin ka en ringawt. Amah lah chu a nui duh miah lo lehnghal. A hmel a tak run.
"Eng nge awmzia?",
"Sawi phawt la, college chu i kal duh em?", a ti leh.
"U Papui, kal duh pawh ni ila, a tlai tawh em mai", ka ti sep.
"Tlai lo e. Lehkhazir te chu tlai luat a awm chuang hleinem. Chuan, kal i duh maw?", ka lu ka lo thing.
"Ka kal duh lo, tuna ka awmdanah hian ka lungawi e", thaw hawkin ka ti a.
Lungsi lo tak chungin min pawmpui ve ta mai.
"Zoa hi a pu te in lamah a kal em ni?", Pa Zaua chuang ti muang ban charhin, "Aw, kan in lamah zawk a kal a. Ka pain 'lo leng ve rawh se' a ti a mawle", Nu Lawmi chuan nui sangin a ti a.
"Bawiha, nakinah min pui lawk rawh aw", Pa Zaua chuan Rta lam hawiin a ti a. Rta a lo bu zeuh.
"Hmanni zingah i nui ni maw? Rsi hian a sawi tlat", Papuian a lo ti. Rta lu thingin chaw a ei mial mial.
"Khai a! A va ropui ve", Pa Zauan a lo ti.
An awihlo tih ka hre vek. Rta a nui chiang em mai.
*thil pawimawh deuh hrilh tur che ka nei*
*zingah min hrilh dawn nia, ka mu duh tawh* tiin Zoa ka chhang let. Engthil nge maw min hrilh tur a neih ni?
Min rawn chhang tawh chuang lo. Achhuani ka be daih, ka thaw huai huai. Lungleia kal min tih chakna pakhat.
*Lunglei i rawn zin hunah ka fan kualpui hrep ang che, ka fan kual bopui ang che* min ti tlat mai pek bawk a.
*Rs, i va online rei em em* tih notification bar-a ka hmu chiah chu, ka nghing lawih!
Engtin nge ka chhan ang aw, chhang lo ngawt ila ka online tih a hre bawk sia.
Achhuani ka hrilh a *data off loin ka mutsan daih a, i ti dawn nia* a lo ti.
A ṭha dawn phianin ka hria. Chhan let ka hreh em mai.
*inchungah ka awm a nia lo chho teh* Zoa message a lo thleng chawpchilh ve leh. Eng nge inchungah a tih?
Ka ngaihtuahna a kual thui lutuk, lo zuanthlak tum ta se, a ni lo ang. Mahse, engtiklaiin nge a lo haw?
*i la muhil lo tih ka hria a nia* ka chal ka beng dawt.
Muhil lo turin min ti zing bawk a, ka han chho ang e.
Thawm dim thei ang berin ka chho a. Inchunga chho turin inchunga chhoha, pindan pali lai paltlang a ngai a, Papuia phei chu a la muhil lo zui. A hahthlak ngar ngar.
"Eng nge?", ka ti hlar. A lo hawi a, a phu uih, "I lo kal elaw?", ka va beng chak reuh tak.
"Eng nge min hrilh duh chu?",
"Lo ṭhu ve phawt rawh", min lo huiin a ti a. Keipawh chu a bulah ka va ṭhu ve mai.
"Engtiklaiin nge i lo haw? I thawm ka hre lo reng reng", ka ti chu a nui hak.
"Hmelṭhatna nge hmelchhiatna i thlan zawk ang?", kâ hoin ka en.
"Chu chu maw min hrilh duh, zawhna a nih chu", ka ti zawi sep. Zan rei lam a nih tawh avangin ṭawng rin ngam chi pawh a ni lo.
"Rs, nizan chu i buai deuh ni maw?",
"A, ka muhil daih a, zingah ka hmu chauh alawm", nui tawi takin Papuia ka lo chhang. Tlemin ka inthiamlo deuh.
"A nih ka ring, Zoa nen in inbe tui em mai", rang lutukin ka hawi phei.
A dar chhin hakin a kalsawn nghal. Eng nge awmzia?
"Ka U Siami, nizan chu a nuam tiraw?", ka melh ralh. A thawveng lutuk hi tunah rih chuan ka ngei hluah hluah.
"Eng nge nizanah in tih a, chutianga nuam ti turin?", Nu Lawmi pawh chu.
"Thil ṭha deuh", Zoan a lo ti vat. Nu Lawmi a nui hak hak.
"Engmah kan ti lo", ka lo ti ve bawk.
Nu Lawmin, "Ani hi chu a dan alawm", Zoa dara sawi dat datin a ti a.
Tunah tak hi chuan period nen, fiamthu nuihpui ai chuan ṭahpui hawm hawm ka duh zawk.
"Pawisa hman tur te i nei em? Hlawh i lakin min pe vek zel a",
"Hman tur ka ngah lutuk", ṭap pur chungin ka ti. Ka rilru nô ka thunun thei lo.
"Ngati nge i ṭah a? Nâ i nei em ni?", ka nuin a lo ti vat. Nâ nei hman pawh ka ni lo.
"Period lai a nia",
"Inthunun tum hram hram la aw", ka nuin dam dupin a lo ti a. Chu chuan min tilungchhe zual a, ṭah hawm hawm ka chak ber mai.
Eng eng emaw ka ngaihtuah kual a, tâi a lo nâ nen, rilru a nâ bawk.
"Rs, zanin chu inchungah chho tawh miah suh, i chesual mai ang", Papuia chu ka en ringawt. A nui miah lo lehnghal. Inchunga ka chho kha min hmu chiang mai. Zoa nen min hmu ngei bawk ang a.
*hrilh duh che ka nei, inchungah lo chho rawh* Zoa message chu ka hmu lo der hmak.
Ngati nge mawni ka lungchhe thut chu ka mittui a luang zawih zawih!
A chhan pawh ka hre lo. Tun ṭum ka period hi inthunun harsa ka ti hle mai.
"Thu i awih lo e", ka chemte ken lai hian ka vit hlawih dawn mawni. Alu aiah hian kang ila.
Zoa chu melh ralhin, "Eng nge i duh a?", ka ti hlak. Thinrim hi kal tlat zel alawm.
"Nangmah ti ta ila?", a la nui vak vak zui. Zohmangaiha tih hming pu reng reng, ka sawi tam lo mai ang.
"In va hlim dun", dining chair-ah a lo ṭhu ve nghal.
"Nizanah a mang a ṭha chiah lo a", Zoa chu ka en a, a lo khi vur vur. Alu hian ka vawm pawp dawn mawni.
"A ṭha ang, zanah kawmtu a nei ṭha thei em mai", Papuian a ti a.
An pahnihin an inkawm chu a ni mai. Ka chungchang hlir an la sawi zui.
Alu hi min vel pui zawk se, ka lawm zawk ngawt dawn si a.
"Rs, bazar a ngai ang em? Ka hman reng a nia aw", Papuian a tih chuan, "Ee, ni tak, inrinni tiraw? Ka bazar pui zawk dawn che nia, kei chuan ke ṭha deuh ka nei", Zoan a lo ti ve leh.
"A ṭha alawm", thaw hrawkin Papuia chuan a ti a. Tho vutin a kalsawn daih.
A titau ve khanglang nge mawni.
"Siami, bazar a ngaih chuan min hrilh dawn nia aw", Zoa chuan nui suk chungin a ti a.
Ani pawh tho vutin a kalsawn daih. Alu min vel pui tura koh let ka chak khawp a.
Keimah pawhin ka bazar thei reng. Sa lei tura bazar a nih ngawt loh chuan.
"Lawmte, ka pu hi a dam ṭha tawh em?",
"Dam ṭha tawh a ni mai", tiin Nu Lawmin Pa Zaua a lo chhang thuai.
"Ka pu chu a dam ṭha tawh lutuk. Ka va kal pawh khan chess kan khel char char alawm", tiin, Zoa a rawn inrawlh ve leh.
"Chaw ei khamah kan va kal dawn nia, Bibi, i lo kal ve dawn em?",
"Duati a lo leng dawn sia", Bibi-in a ti nak nak.
"A nih, i nu nen kan va kal ang e. Rt, i lo kal ve duh em?", Rtan a lu a lo thing. Han ṭawng ve mai ṭhin se aw. Ka lo hah.
"Rs, khawngaihtakin vawiin chu mutpuan leh lukham kawr min lo suk aw", Papuia chu enin, "Aw le, lo dah chhuak rawh",
"Englo, ka ṭhianpa dam lo ka kan lawk dawn a",
"A nih chuan ka lo ti mai ang", ka ti a. Nui sukin min bye bye zui.
"Keipawh min lo suk ve aw",
"Eng chu?",
"Papuia ang kha", va buaithlak tak.
"Duati ka hruai lawk dawn", Zoa chuan nui sangin a ti a. A nui hmel te chu ka huat tawk a tling em em.
Period zo vat vat tawh ila, ka ning tawh lutuk, ni hnih chauh a la ni bawk si.
Inchungah chhoin Bibi pindan ka suasam a, inhnuaiah a awm si lo a, khawiah tak awm ang maw.
Zoa pindanah kal lehin, a mutpuan leh lukham kawr ka hlip a, ka phih deuh sawk sawk. A ninawm lutuk.
Papuia pindanah ka kal leh a, Bibi a lo awm. Ramhuai nautei kha.
Computer-ah Blackpink video a lo en.
Pink Venom ngei mai kha, a hla reng re g chuan ka pawi a sawi.
"Blackpink-ah tu nge i duh ber?", su dup dup pahin min lo zawt.
"Tumah ka duh lo",
"Ngati, i en ngai lo mi? Class lo e", ka thaw hrawk.
A lam tui mai sia. Lukhama va vawm chawrh ka chak lutuk.
"E he!", a ti hlut.
Pindan ka chhuahsan dawna ka va en chu, Bibi thlalak en chuan min tiphu nasa lutuk!
Puipuii kha a ang lutuk, ang mai ni loin Puipuii ngei a ni.
"Kha, kha kha tu nge?",
"Hei maw, U Puipuii nih hi", Papuia nena an lanna thlalak a tilang leh.
Inhaw lo tih hriat takin an hmai a insi rial a, infawh an tum nge mawni?
Bibi chuan thlalak en zelin, "Papuian a delete tawh emaw ka tia. A la theihnghilh lo a ni maw. Ka van khawngaih tak aw", a ti nuah nuah.
"Chu chu eng nge awm zia",
"Papuia girlfriend a nih hi, a ex a ni mah zawk. U Puipuii hian mipa dang a neihsan daih a", Bibi-in a tih chuan ka nghing lawih theih.
Ka hmuh hmasak ber khan Papuia hmuh tum a ni ngei ngei ang.
Show post links
Top
Ziaktu: Cck Lalchhuanawmi
Lalrinsiami speaks...
Ka chhungte biain ka nau te pawh an pass e.
Ka pa pawh dam ṭha tawh lutukin taxi a khalh leh tawh a. Papuian a rawn hmang haw zeuh zeuh.
"Rs, i pa a lo kal", tiin min hrilh ziah a. Ka pa lahin, " Min rawn call vang vang zel", a ti ve bawk.
"I pa nen kan intawng fuh hlauh zel a", Papuian a ti sup. Ka pa min hrilh dan nen a inang ta lo.
Tu thusawi nge ka awih zawk dawn ni?
"Rs, zanina bai chu, a tui khawp mai", nui sang chungin Papuian a ti a. Ka lo nuih sak.
Hmun phiah zawhah thleng ka sil leh sawk sawk a, "Nu, ka chhuak lawk", bike ri-in a zui nghal.
"Siami, zanin chu sawtah a pu te in lamah Bibi-te nen kan va riak ang e aw, Papuia, Rta leh Zoa an awm dawn a, hlauh tur a awm miah lo a nia aw", dam diaiin Nu Lawmin a lo ti a.
"Aw le", tiin ka mittui a hnâm sawk. Nu Lawmi âw dam thlup ka ngaih hman tawh zia hi!
Thleng sil zawhah tv enin ka ṭhu khawmuang a, ha ka la nawt lo tih ka hre chhuak.
Tv off chuang loin ha nawt turin ka kal a, tv sound ka pe ring chuang lo a, Rta a tihbuai phak ka ring lo.
Tv en tura ka kal leh chu Papuia a lo ṭhu kur.
Min rawn hmuh chuan, "Rs, lo kal rawh, i film duh deuh kha, final episode a ni tawh a nia aw", a ti a.
A sawi chu ka hre nghal mai. Tlawmngaihna chhuah duh loin Papuia ṭhutna bul lawk sofa-ah ka ṭhu ve nghal zat.
King of Baking hi chu, ka duh hlum lo chauh. Takgu-a ang hi tumah an awm lo ang.
A chan chhe thei lutuk hi, film mai mai mah nise, ka khawngaih lutuk hi, ka ṭahpui hluam hluam thei!
Bete luliani a hmangaih theih hun a awm ngei ngei ang.
"Rs, min lo en teh", ka en duh ṭhak lo, tv char char ka en.
"Rs, lo hawi lawk teh", tv char char ka la en. Ka hawi dawn lo reng reng.
Papuia a nui kur kur.
A tawp ta maw tihah rang lutukin bathroom-ah ka tlan vat.
Ka hmai te phihin ka inhnit fai a, Takgu-a pawh a hlim tawh dawn a, keipawh ka hlim tawh ang.
A bul aṭanga en leh ka va han chak tak.
Papuian tv channel a lo hmet kual a lo hmet kual.
"U Papui, ka mu dawn aw", rang lutukin a lo hawiphei. Tho phutin, "Ngati?", a ti chuai raih.
"Tihtur a awm tawh si lo a", muangchangin ka ti a. A tum deuh bar.
"Chhuat i la nawt lo", chhuat kawk pahin a ti. Mak ti deuhin ka en, "Chhuat i la nawt lo a, hei a bal lutuk", Papuia chuan a ti lang lang.
Hnial ka chak ve tlat pek a, "Nangman zanah chuan nawt ṭhin lo turin min tih kha",
"A, kha kha chu", sawi tur a hre tawh lo. A thusawiah a inawk chiang lutuk.
Ka nuih za hle mah se, ka nui chhuak ngam lo.
"A nih chuan, ka-",
"Ngati nge mut ringawt i lungkham a, chhuat chu nawt phawt rawh", rang lutuka ti hlutin a ṭhu hnawk a. Remote a hmet vak vak ringawt.
"Khatia i hmeh vak vak chuan a chhe mai ang", ka ti zawi sep.
Hre lo angin a awm ngei. A beng thleh danah a hria tih a hriat tho. A ngeiawm ve tak tak a ni.
Chhuat chu han nawt poh ila, thaw hawkin ka kalsawn a. Chhuat nawt turin min ti bawk a, nawt tak tak ila.
*lo la muhil miah suh* ka ner sawk. Hepa zuam mai mai theih hian ka awm hauh lo ang.
A tira fel leh ṭha deuh tura ka ngaih tehreng nen!
Phone dah zui hmakin chhuat nawt turin ka phei a.
Tv pawh en loin ka chetla min thlir tlawk tlawk. Tlem chuan ka lâi ve deuh, mahse; ka tihtur ṭha takin ka ti tho.
Ka inthunun ve thei ṭan tawh ni ber.
"Rs, kan in hi i hnathawhna hmasa ber a ni em?", ka va en a, a lo nui ṭhaw.
Ka lu thingin, "Class 12 ka pass hnu khan ka thawk ṭan tawh", chhuat nawt leh mial mial chungin ka ti a.
Papuia hmel awmdan ka hre hauh lo. Min khawngaih hmel nge a put ang a, thildang zawk?
"Rs, class 12 chu khawi school aṭangin nge i pass?",
"Open-in ka exam", nui saihin ka va en a. Ngawi rengin min lo en, nui hmel pawh a pu lo a, lungawilo hmel pawh a pu chuang lo.
"Rs",
"Umm",
"A ngai leh lo, nawt duh tawh suh, va mu tawh rawh", ka lu ka lo thing a, "Ka zo ṭep tawh tho", ka ti a. A lo bu zeuh.
Nu Lawmin min lo call-in chaw chhum kep an ngaih loh thu min lo hrilh a. Tiffin pawh Rta tan chauh siam a ngai dawn.
"Siami, muhil lo turin ka tih che kha, call i chhang thei bawk si lo", Zoan a ti bul bul.
"Ka chau ve lawm, mut dawnah chuan phone ka silent daih zel", ka tih chuan a ner salh. Ka va han khawng chak tak.
"Papuia chu nise i muhil miah lo ang", a tih chuan ka melh ralh.
"I hre ringawt mi?",
"Hria e, engkim ka hre vek", ti hlakin a kalsawn nghal daih.
A awihawm lo mang e, engkim hre vek chu.
"Awi, min tiphu lawm", ka au vak.
Ngawi rengin a lo ding, "Tiffin chu dawhkana kha", dawhkan chunga tiffin kawk pahin ka ti.
"Ih...",
"Chawhmeh tui deuh ka pai tir che nia, i ei zo vek dawn nia", nui sun sunin ka ti a.
"Damdawi", a ti thum dut.
"Ngati nge? I dam lo mi?", a pang ka va dek. Dam chu a dam ṭha.
"I eng lai nge nâ?",
"Ka, ka pum",
"A tirah khan sawi ta che", ka vin ngawt. Mak ti deuhin min en heu.
Digene laksakin ka pe a, ei loin a kuta digene mum khat sendang awm bal chu a en ringawt.
Min lo en a, "I kâ chhungah i dah ang a, sweet angin i hmuam ral dawn nia", ka ti chu a âng phuau mai.
Ka lo nuih hak hak a, "Tunah i kâ chhungah khan dah rawh", thuawih takin a dah ve mai.
"Tunah chuan fawp rawh le", meng phawk hruin min en, "Sweet angah ngai tawp rawh",
"Ka dam dawn mi?", ka lo bu nghauh nghauh.
"School aṭanga i lo haw hunah chuan maw, U Siam, ka lawm lutuk aw i ti mai ang", intithei fahranin ka lo ti a.
Muangchangin a hmui tisawnin, a nui!
"I nui tiraw? I nui, i nui", ka ti chul a.
"Tu maw nui?", Rta nui lai a tawp hmuk.
Papuia bulah chuan Rta a nuih thu ka hrilh a, a awih lo lutuk chu a nui chhuak hawk hawk.
"Rt, tiraw, school kal ila", tiin an inzui chhuak a.
Rta kha a nui reng sia.
Brothers Conflict-20
Chhunzawmna
By: Cck Lalchhuanawmi
Rta kha a nui reng sia.
"Siami, i lo buai em?",
"Buai lo e",
"A lawmawm e. Ka inbual fai ang e".
Nu Lawmi a inbual a, ni laklawh ni mah se, thawmhnaw suk tur ka khawn khawm.
Inchungah chhoin an pindanah ka lut thliah thliah a. Zoan thawmhnaw suk tur a ngah ber. A pindan a hnawk ber bawk.
Mak deuhin Bibi pindan a fel fai ber a, Papuia chu tlemin a hnawk deuh.
Insuk hmain ka han ti fel fai leh ang lawp lawp a. Tun thlenga ka la chak chu Rta pindana luh hi ni.
Engtiangin nge a awm ve ang ni?
Nu Lawmi inbual zawh veleh ka insu a, ruahtui pawh tlem tial tialin, Christmas rim a nâm ṭan tawh.
Thlasik rim an ti tak e.
*lo muhil suh* he thu lah hi min thawn ziah, eng a sawi tumna nge mawni.
Zanah a chhuak ziah a, thil pawimawh tih tur a nei awm pawh ka hre tawp si lo.
"Rs, College kal i duh em?", ngawi rengin ka en ringawt. Amah lah chu a nui duh miah lo lehnghal. A hmel a tak run.
"Eng nge awmzia?",
"Sawi phawt la, college chu i kal duh em?", a ti leh.
"U Papui, kal duh pawh ni ila, a tlai tawh em mai", ka ti sep.
"Tlai lo e. Lehkhazir te chu tlai luat a awm chuang hleinem. Chuan, kal i duh maw?", ka lu ka lo thing.
"Ka kal duh lo, tuna ka awmdanah hian ka lungawi e", thaw hawkin ka ti a.
Lungsi lo tak chungin min pawmpui ve ta mai.
"Zoa hi a pu te in lamah a kal em ni?", Pa Zaua chuang ti muang ban charhin, "Aw, kan in lamah zawk a kal a. Ka pain 'lo leng ve rawh se' a ti a mawle", Nu Lawmi chuan nui sangin a ti a.
"Bawiha, nakinah min pui lawk rawh aw", Pa Zaua chuan Rta lam hawiin a ti a. Rta a lo bu zeuh.
"Hmanni zingah i nui ni maw? Rsi hian a sawi tlat", Papuian a lo ti. Rta lu thingin chaw a ei mial mial.
"Khai a! A va ropui ve", Pa Zauan a lo ti.
An awihlo tih ka hre vek. Rta a nui chiang em mai.
*thil pawimawh deuh hrilh tur che ka nei*
*zingah min hrilh dawn nia, ka mu duh tawh* tiin Zoa ka chhang let. Engthil nge maw min hrilh tur a neih ni?
Min rawn chhang tawh chuang lo. Achhuani ka be daih, ka thaw huai huai. Lungleia kal min tih chakna pakhat.
*Lunglei i rawn zin hunah ka fan kualpui hrep ang che, ka fan kual bopui ang che* min ti tlat mai pek bawk a.
*Rs, i va online rei em em* tih notification bar-a ka hmu chiah chu, ka nghing lawih!
Engtin nge ka chhan ang aw, chhang lo ngawt ila ka online tih a hre bawk sia.
Achhuani ka hrilh a *data off loin ka mutsan daih a, i ti dawn nia* a lo ti.
A ṭha dawn phianin ka hria. Chhan let ka hreh em mai.
*inchungah ka awm a nia lo chho teh* Zoa message a lo thleng chawpchilh ve leh. Eng nge inchungah a tih?
Ka ngaihtuahna a kual thui lutuk, lo zuanthlak tum ta se, a ni lo ang. Mahse, engtiklaiin nge a lo haw?
*i la muhil lo tih ka hria a nia* ka chal ka beng dawt.
Muhil lo turin min ti zing bawk a, ka han chho ang e.
Thawm dim thei ang berin ka chho a. Inchunga chho turin inchunga chhoha, pindan pali lai paltlang a ngai a, Papuia phei chu a la muhil lo zui. A hahthlak ngar ngar.
"Eng nge?", ka ti hlar. A lo hawi a, a phu uih, "I lo kal elaw?", ka va beng chak reuh tak.
"Eng nge min hrilh duh chu?",
"Lo ṭhu ve phawt rawh", min lo huiin a ti a. Keipawh chu a bulah ka va ṭhu ve mai.
"Engtiklaiin nge i lo haw? I thawm ka hre lo reng reng", ka ti chu a nui hak.
"Hmelṭhatna nge hmelchhiatna i thlan zawk ang?", kâ hoin ka en.
"Chu chu maw min hrilh duh, zawhna a nih chu", ka ti zawi sep. Zan rei lam a nih tawh avangin ṭawng rin ngam chi pawh a ni lo.
"Rs, nizan chu i buai deuh ni maw?",
"A, ka muhil daih a, zingah ka hmu chauh alawm", nui tawi takin Papuia ka lo chhang. Tlemin ka inthiamlo deuh.
"A nih ka ring, Zoa nen in inbe tui em mai", rang lutukin ka hawi phei.
A dar chhin hakin a kalsawn nghal. Eng nge awmzia?
"Ka U Siami, nizan chu a nuam tiraw?", ka melh ralh. A thawveng lutuk hi tunah rih chuan ka ngei hluah hluah.
"Eng nge nizanah in tih a, chutianga nuam ti turin?", Nu Lawmi pawh chu.
"Thil ṭha deuh", Zoan a lo ti vat. Nu Lawmi a nui hak hak.
"Engmah kan ti lo", ka lo ti ve bawk.
Nu Lawmin, "Ani hi chu a dan alawm", Zoa dara sawi dat datin a ti a.
Tunah tak hi chuan period nen, fiamthu nuihpui ai chuan ṭahpui hawm hawm ka duh zawk.
"Pawisa hman tur te i nei em? Hlawh i lakin min pe vek zel a",
"Hman tur ka ngah lutuk", ṭap pur chungin ka ti. Ka rilru nô ka thunun thei lo.
"Ngati nge i ṭah a? Nâ i nei em ni?", ka nuin a lo ti vat. Nâ nei hman pawh ka ni lo.
"Period lai a nia",
"Inthunun tum hram hram la aw", ka nuin dam dupin a lo ti a. Chu chuan min tilungchhe zual a, ṭah hawm hawm ka chak ber mai.
Eng eng emaw ka ngaihtuah kual a, tâi a lo nâ nen, rilru a nâ bawk.
"Rs, zanin chu inchungah chho tawh miah suh, i chesual mai ang", Papuia chu ka en ringawt. A nui miah lo lehnghal. Inchunga ka chho kha min hmu chiang mai. Zoa nen min hmu ngei bawk ang a.
*hrilh duh che ka nei, inchungah lo chho rawh* Zoa message chu ka hmu lo der hmak.
Ngati nge mawni ka lungchhe thut chu ka mittui a luang zawih zawih!
A chhan pawh ka hre lo. Tun ṭum ka period hi inthunun harsa ka ti hle mai.
"Thu i awih lo e", ka chemte ken lai hian ka vit hlawih dawn mawni. Alu aiah hian kang ila.
Zoa chu melh ralhin, "Eng nge i duh a?", ka ti hlak. Thinrim hi kal tlat zel alawm.
"Nangmah ti ta ila?", a la nui vak vak zui. Zohmangaiha tih hming pu reng reng, ka sawi tam lo mai ang.
"In va hlim dun", dining chair-ah a lo ṭhu ve nghal.
"Nizanah a mang a ṭha chiah lo a", Zoa chu ka en a, a lo khi vur vur. Alu hian ka vawm pawp dawn mawni.
"A ṭha ang, zanah kawmtu a nei ṭha thei em mai", Papuian a ti a.
An pahnihin an inkawm chu a ni mai. Ka chungchang hlir an la sawi zui.
Alu hi min vel pui zawk se, ka lawm zawk ngawt dawn si a.
"Rs, bazar a ngai ang em? Ka hman reng a nia aw", Papuian a tih chuan, "Ee, ni tak, inrinni tiraw? Ka bazar pui zawk dawn che nia, kei chuan ke ṭha deuh ka nei", Zoan a lo ti ve leh.
"A ṭha alawm", thaw hrawkin Papuia chuan a ti a. Tho vutin a kalsawn daih.
A titau ve khanglang nge mawni.
"Siami, bazar a ngaih chuan min hrilh dawn nia aw", Zoa chuan nui suk chungin a ti a.
Ani pawh tho vutin a kalsawn daih. Alu min vel pui tura koh let ka chak khawp a.
Keimah pawhin ka bazar thei reng. Sa lei tura bazar a nih ngawt loh chuan.
"Lawmte, ka pu hi a dam ṭha tawh em?",
"Dam ṭha tawh a ni mai", tiin Nu Lawmin Pa Zaua a lo chhang thuai.
"Ka pu chu a dam ṭha tawh lutuk. Ka va kal pawh khan chess kan khel char char alawm", tiin, Zoa a rawn inrawlh ve leh.
"Chaw ei khamah kan va kal dawn nia, Bibi, i lo kal ve dawn em?",
"Duati a lo leng dawn sia", Bibi-in a ti nak nak.
"A nih, i nu nen kan va kal ang e. Rt, i lo kal ve duh em?", Rtan a lu a lo thing. Han ṭawng ve mai ṭhin se aw. Ka lo hah.
"Rs, khawngaihtakin vawiin chu mutpuan leh lukham kawr min lo suk aw", Papuia chu enin, "Aw le, lo dah chhuak rawh",
"Englo, ka ṭhianpa dam lo ka kan lawk dawn a",
"A nih chuan ka lo ti mai ang", ka ti a. Nui sukin min bye bye zui.
"Keipawh min lo suk ve aw",
"Eng chu?",
"Papuia ang kha", va buaithlak tak.
"Duati ka hruai lawk dawn", Zoa chuan nui sangin a ti a. A nui hmel te chu ka huat tawk a tling em em.
Period zo vat vat tawh ila, ka ning tawh lutuk, ni hnih chauh a la ni bawk si.
Inchungah chhoin Bibi pindan ka suasam a, inhnuaiah a awm si lo a, khawiah tak awm ang maw.
Zoa pindanah kal lehin, a mutpuan leh lukham kawr ka hlip a, ka phih deuh sawk sawk. A ninawm lutuk.
Papuia pindanah ka kal leh a, Bibi a lo awm. Ramhuai nautei kha.
Computer-ah Blackpink video a lo en.
Pink Venom ngei mai kha, a hla reng re g chuan ka pawi a sawi.
"Blackpink-ah tu nge i duh ber?", su dup dup pahin min lo zawt.
"Tumah ka duh lo",
"Ngati, i en ngai lo mi? Class lo e", ka thaw hrawk.
A lam tui mai sia. Lukhama va vawm chawrh ka chak lutuk.
"E he!", a ti hlut.
Pindan ka chhuahsan dawna ka va en chu, Bibi thlalak en chuan min tiphu nasa lutuk!
Puipuii kha a ang lutuk, ang mai ni loin Puipuii ngei a ni.
"Kha, kha kha tu nge?",
"Hei maw, U Puipuii nih hi", Papuia nena an lanna thlalak a tilang leh.
Inhaw lo tih hriat takin an hmai a insi rial a, infawh an tum nge mawni?
Bibi chuan thlalak en zelin, "Papuian a delete tawh emaw ka tia. A la theihnghilh lo a ni maw. Ka van khawngaih tak aw", a ti nuah nuah.
"Chu chu eng nge awm zia",
"Papuia girlfriend a nih hi, a ex a ni mah zawk. U Puipuii hian mipa dang a neihsan daih a", Bibi-in a tih chuan ka nghing lawih theih.
Ka hmuh hmasak ber khan Papuia hmuh tum a ni ngei ngei ang.
Show post links
Top
| Link: | |
| BBcode: | |
| HTML: | |
| Hide post links |
Brothers Conflict-21
Ziaktu: Cck Lalchhuanawmi
Bibi leh Duati bengchheng karah ka lo inhru fap fap.
Hetia ka ṭah ka ṭah chuan tlaiah tu emaw ber chuan, ka ṭap nge ṭap lo tih min zawt leh ngei ngei ang.
Puipuii lam reng ngaihtuah duh loin ka intibuai lui a, hnathawh tur ka zawng a ni ber.
Chutia buai ta na na na chuan ka rilruah pawh a lut lo reng a. Mahse, zan a ni ang a, hunawl a tam dawn lutuk.
"Vawiin chu a nuam bawk em?",
"Nuam, au Zoa hian Duati a thlah hma lutuk a", Bibi-in a ti lung lung.
"Thlah tur tho tho te chu", Zoan a lo ti ve bawk.
Nui dar darin an inchhaih hlawm a. Kei erawh ka chaw ka thai let ka thai let.
Ka rilru nâ lutuk hian chaw ei min ti chak lo. Chubakah ka hmaah Papuia a ṭhu ve kur bawk si.
Puipuii nen ngati nge kan lo inhmelhriat reng reng? Papuia pawh chuan ngati nge a la thlah theih loh? Thlalak te chu delete tawh tur alawm.
Ngati nge ka lo nât ve em em? A tan engmah ka nih loh tehlul nen. Puipuii nen kan inanglo lutuk. Engkimah kan inang lo.
Rilru tihnâtna tur pawh a awm lo. A awm lo reng reng.
"Rs, thingpui sen hang in ang u",
"Aw le", nui ṭhaw chungin a kal leh nghal daih. Engmah lah hi a hre tawp si lo.
*hrilh duh che ka nei a nia* Zoa ve chhen lah hi. Ka ning hluah hluah.
Inchungah ka chho a, thawm dim vak ka tum lem lo. Mahni lo maha rilru nât ve sa tawh nen.
"I lo chho maw?",
"Eng nge ka lak aṭang hian i duh? I duh duha tihkual theih mai mai ka ni lo aw, khang i bum kual hmeichhe â tak tak te ang kha ka ni ve lo. Ngaihtuah tur tam tak ka nei. Infiam nan emaw inchhaih nan emaw hun ka nei ve lo", ka ti tawn tawn. Ka puak keh dawnin ka hria.
Ka sawi zo chu ka thaw kawk kawk.
"Bum kual a?", a ner sawk.
"Khati teh vaka au a ṭul em ni?",
"Ka duh leh ka au ang a, i bum kual ho anga piannalh leh hmelṭha ka nih loh avanga min deu tur pawh i ni lo", ka ti leh tawn tawn a. A hrilhhai lutuk.
"Tumah ka bum kual lo. Chubakah chutiangin engtinmah-",
"I chanchin hi maw, ka hre ve vek ania aw. 'Awmpui hunter' chuan min hunt thei miah lo ang", ka ṭawng a kal hle mai.
"Eng, eng maw? Eng maw i sawi? Eng nge i hriat a? Awmpui hunter ka ni lo", a tih chuan ka lo nui hak.
"Ka ni lo te chu i ti ngam zawk e a. College-a i awmdan te, University-a i awmdan te ka hre vek. Hmeichhia engzah nge nawmsip bawlnan i lo hman tawh tih te thlengin, hmeichhia hi maw, nawmsip bawl nana hman mai mai tur kan ni lo a nia aw",
"Eng nge maw i sawi nuah nuah le?", Zoa chu a phi buai lutuk. A nihna ka sawi miau a.
"Chutiang chu tuin nge hrilh che?",
"I hriat ve zel a ṭul lo. Engmah min hrilh duh pawh i nei lo, min fiam kual nan chuan hun hmang duh suh, hun i khawhral thlawn mai mai a ni", ti hlakin ka inher a.
Inher let lehin, "E, chuan thil pakhat, Dindini bulah ngaihdam dil ang che. Nangmah avangin accident a tawh phah a, thinlung i nei ve a nih ngai chuan ngaihdam va dil ang che", ka ti a.
Ka sawi hnem hle mai, ka inup behna a rei ve tawh em bawk a ni. Ka thawl hawkin ka hria.
"La kal suh", min kuai her pawp.
"Min thlah rawh", ka darah nghet lutukin a chelh.
"Nang hi, khang zawng zawng kha Ruatfela chuan a hrilh dawn lo che. Ka chhungte pawhin an hrilh che ka ring lo. Laldintluangi accident pawh i hriat theih dan tur a awm lo",
"Ka ṭhiannu lo ni ta se", ka ti ve khauh. Min thlah chiang lutuk. Dik tak chuan Hlutean min hrilh vek sia.
"Laldintluangi nen ṭhian in ni thei lo", a lu a thing nar nar. Nui hakin, "Engvang ngawt chuanin maw, ṭhian kan nih theih loh ang?",
"Tlanhlua, Laltlanhlua a ni chiang lutuk. Amah a ni lo tih sawi tum reng reng suh", ka lo nuih sak a. Ka thusawiah ka inawk dawn a ang hle mai. Nge maw Dindini te chu ka sawi khanglang.
"Kha maw, sawi tur engmah i hre tawh lo. Laltlanhlua bak va ni suh, a ṭha alawm. Veng khat na na na chu in lo inṭan hle mai maw. Laltlanhlua pawh kha i hrechiang bik em ni?", a ti vin ṭhawt.
Ka phu zuk, "Nang ai chuan ka hrechiang zawk", a nui huah huah.
"Naktukah a hre khawp ang", ti zui hlakin inhnuaiah a chhuk thla nal nal.
Ka umzui ve vat a, a pindanah a lut hman. Ṭawngtheih lutuk pawh hi a, Hlutea ka hrilh vat a ngai.
Inhnuaiah inpal nawk nawk chungin ka tlan thla a. Pindan ka luh ve leh phone chuhin Hlutea hnenah thil engkim message-in ka hrilh a.
Ka type sual nawk nawk mai. A hrethiam tho ang. Ngaihngam taka mut a hnai lo hle mai.
"Canteen-ah ka inhnawhpuar mai ang, tiffin ka pai peih lo",
"Canteen ami ai chuan ina mi ngei chaw hi a ṭha zawk", tiffin ka siam mial mial.
"Ka ei dawn chuang lo, i siam thlawn a ni mai",
"Tiffin hi ruak loa i lo hawn a nih chuan, thla khat chhung i pindan ka tifai lo ang a, i thawmhnaw engmah ka su lo ang", ka ti a.
A ner sawk, "I thu lo reuh mang e, thla khat hlawh i la lo ang a, a ni mai lawm",
"Ramhuai nautein chutia min tih chu le", ka ti hlak.
Ka ṭawng sual leh ta, "Tiffin ruak loin lo hawn lo la ni mai", nuih tlawn titihin ka ti a. A insehruh nasa lutuk.
Thinrim ṭeuh chungin a kalsawn daih. Tuna ka thusawi kha tumahin lo hre lo se ka ti ngawt mai.
"Nu, ramhuai naute ka ang em ni?", ṭah âw ṭuau chunga Bibi-in a tih chuan chaw ka helh chiang lutuk.
"I ang lo reng reng, ka naute hi tuin nge ramhuai naute ang lo ti? Nang chu Lalfanu lawm i nih", Nu Lawmin a lo ti dap dap.
A manganthlak e.
*lo lungngai duh suh*Hlutea message ka hmuh chuan ka thaw huai. Eng em thleng lo turah ka ngai phawt a.
"Rs, tuin nge Bibi chu ramhuai naute lo ti a", Papuia chu ramg lutukin ka en a, hmun dang ka en leh nghal daih. A lo hria a ni hrim hrim.
"Ka hre lo reng reng",
"I hriat hunah min hrilh rawh aw",
"Ngati maw?", Papuia a nui hak.
"Ramhuai naute tih a sawi chhuahna ka fawp bawrh bawrh duh a", ka hmui ka hup rang lutuk. A chi lo e.
Muangchangin ka en chho, a lo nui suk. Kan mit a intawng, chiang taka a mit ka en vawikhatna ni hialin ka hria!
Mahse, ka mit la sawnin ka pindanah ka lut daih.
Ka mit ka laksawn vat loh chuan, thil ni lo lo te a hre palh ang a, chu chuan lungngaihna thûk zawkah min hruai ang tih ka hlau.
An reh duaka ka hriat avangin ka chhuak a, ka tihtur ka ti ṭan leh mial mial.
"Siami?", thaw hrawkin, "Eng nge?", ka ti chu a ner sawk.
"Bibi, Ramhuai naute titu i hria em?",
"Engvangin nge ka hriat ngawt ang?", ka ti hlar. Ka la thinrim tih hi hre teh se.
"Papuia tih tum ang kha ni mai",
"Ngawi hmak rawh", nui zui huah huahin a dar a chhin hak.
Helmet nen a chhuak nghal chu umin, "Hlutea chungah engmah ti suh ang che",
"A nih chuan, thil pakhat i ti thei",
"Eng?", a biang kawk zeuhin, "Lucky kiss ka duh",
"Min fiam kual lo turin ka hrilh che kha", ka thinrim lutuk chu kawngkhar ka khar chawrh.
Tenawm lutuk.
Ngati nge maw ka vanduai bik em em le? Ka vannei zawk pawh a ni mahna. He chhungkua chiah hi ka la tawng, tianga min tibuai em em tu hi!
Achhuanin min lo call, buai lai laia, "Eng nge",
"I thin a van chhe tak",
"Thinchhia e, buai lai laia", ka ti thla rawk a. A buai ve tho thuin min lo chhang.
Ka buaina ka hrilh a, Papuia tih ang apiang Zoan min tih tur a tum thu te, a kip akawiin ka hrilh vek a.
A lo nui vak vak, "Mate, Brothers Conflict a chhuak ang e aw",
"Thu awihawm te hi sawi ve teh, ka buai",
"Keipawh", nui vak vak chungin a ti a. Call ka titawp daih.
"Siami, tlai lam chu kei leh Bibi leh i Pa Zaua te chaw chhum kep kan ngai lo aw. Saw lamah kan leng dawn a, chaw kan ei nghal ang, ka pa a nuam sam vak si lo a", Nu Lawmin dam dupin a ti a.
A hmanhmawh tih hai rual a ni lo.
Pa te dam ṭha lo chu a mi nghawng dan ka hria alawm.
Inchung lam darthlalang ka nawh laiin ka phone a lo ri.
Hming lo lang ka en chu 'Puipuii'. Ka lung a phu dup dup!
Ka chhang dawn nge chhang lo ang. A ri ral ṭhak a, a vawihnihna atan min lo call leh.
"Hello?", bei lo zetin ka ti a.
"Asiam, i dam ṭha em?",
"Aw, Pathian zarah ka dam ṭha lutuk. Nang zawk?", ka thinlung hi vih sawk sawk ang ni berin ka hria.
"Asiam, ka bialpa te in kawtah ka awm a", a ti chu, "Maw?", phawk hruin ka ti a. Chhung lama ka awm lai a ni hlauh chu ka lawm tak tak a ni.
"Amah a awm lo tih ka hre tho a, mahse; ka ngai lutuk a", a ti sep. A insut faih a, "Tihpalh lutuk aw, biak tur ka nei thlawt lo a, ka lo be tawp che",
"A ho lutuk, i duh hun hunah min lo be rawh", ka ti luam a. Nuih saih pawh har tak a ni.
"An in ka thlir mek a, mahse; ka lut lo ang. Mahse maw, engtik emaw luh leh ngei ka duh", ngawi rengin a thusawi ka ngaithla a.
A inchhir thu leh ngaihdam dil a duh thu te a sawi dap dap a. Chiang fakin tu nge tih a sawi lo na chu, Papuia a ni tih ka hre thei.
A ât luat avanga kalsan a nih thu a sawi a, hei erawh a tidik. A â em mai.
Hetiang mipa ṭha lutuk a kalsan duh a.
Puipuii nen kan inbe zo chu ka nghilh dup.
Bang nghengin ka ṭhu sawp nuai a. Keipawh, hetiang dinhmunah ka la ding ngai lo.
Intiharh luiin darthlalang ka nawt fai leh a, ka tha erawh a ṭhum!
Ei rawngbawl lai pawhin ka rilru a luah ngut ngut. Engtin nge ka tih ang?
Rawn kal thut ta ang sela e, ka chhe vek a ni mai.
"Ka U Siami chu, va ngaihtuah nasa ve", Zoa chu ka melh ralh. Tunah tak hi chuan tumahin min be lo se, ṭawng pawh ka ṭawng peih lo.
"Laltlanhlua chu engtinmah ka ti lo. Chuan", mit ko san zeuhin a ti.
Ka hrethiam mai, lucky kiss kha maw?
Ka nui chhuak hawk a, "Chaw nghei i duh loh chuan vawikhatmah sawi tawh suh ang che", chemte lek kang vuin ka ti a.
"Ka hlauh che i ring mawnile", ti zui hlakin a kalsawn daih.
Keipawhin ka hlau bik chai si lo a.
Chawhmeh siam tam pawh a ngai lo. Alu kang ila, dal hang chhum ila. Bawkbawn ṭawn khat la awm hi bai ila, a tawk. Bai pawh a thakin ka siam dawn.
A ei ngam lo chuan ei lo mai rawh se.
"Rs, bai rim ka hria nia aw",
"I hria ang chu, ka siam miau alawm", ka ti lung lung.
Nui sukin a kalsawn ve leh. Kalbo vek rawh se.
Chaw ei ka peih thu hrilh tura choka aṭanga ka chhuak chu!
Rta chu va kuai her pawpin, "Eng nge i tih a?", a puan ken ka chhuh nghal.
Ka thinrim hi a la kal tluang em a ni.
"Vawiinah darthlalang ka nawt fai a, inchhung tihfai ka hman thlawt tawh lo a nih kha, a bal i tih chuan sawi ve mai rawh. Inla fel awm ang zia zanga lo tihfai a ṭul lo. Ngawi renga che ṭual ṭual loin sawi ve rawh, kâ i neih kha, hman ṭangkai tum ta che. Chaw ei ka peih".
Ka chaw ei siam chu, ka hriat theih ata a la ring ber ang.
"Chaw ei turin kan lo kal", ṭi dakin Papuian a lo ti.
A hnungah Rta leh Zoa an biru dâk.
"Lo ṭhu r'u".
Ngawi rengin chaw kan ei.
"U, U Siam?", Zoa ka melh ralh.
"Bai hi a thak a",
"Chuan",
"My boy-a hian a ei thei lo", Zoan a tih chuan Rta ka en a. Kimki deuhin chaw a lo ei.
"Thak ngam lo chuan ei lo mai tur. Bai thak lo te chu a tui lo", ka ti hlak.
Zoa pawh a ngawi dâk.
Chuta karah kawngka kik thawm ka la hre zui. Nu Lawmi te lo haw a la hun lo. Dar ruk chauh a la ni a. Bakah, lo haw chu nise motor thawm a awm tur a ni.
Phun bul bul chungin kawngka lam ka pan a. Ka hawng chu
"E he! Asiam", ka khawng vek, ka che sawn thei tawh lo.
"Hetah eng nge i tih a?", a ti leh. Ka chhang thei lo.
"Rs, tu nge a?".
Muangchangin Papuia awmna lam ka hawi a, keimah hi ka mang vekin ka hria.
Tunah tak hi chuan, tlu tawp thei pawh ni ila pawi ka ti lo.
Papuia chu Puipuii enin a ding ngawi reng a. Papuian eng tak ngaihtuah ang maw?
Ka chhung lamah min hnawh up up a, boruak tam deuh hip vang vang tur ka mamawh.
"Tu nge lo kal, in va ngaw- E he! U", Zoa pawhin sawi tur a hre bik lo.
Chutah Papuian, "Rs, chaw lo va ei rawh u", tiin Puipuii kaiin kawngka kharin a chhuahpui daih a.
Ka ke pen tur pawhin chakna ka nei lo. Ka tha zawng zawng an thi vek ni ber.
"Siami?", Zoa chu ka en, min lo chelh reng avanga tlu lo mai ka lo ni, "Ngati nge i ṭah a?", ka mittui hru pahin dam diaiin a ti a.
Ka âng zuai zuai a, engmah ka sawi thei lo. Kawngka lam ka hawi ringawt.
(Zanin chu comment ve hrim hrim ang u..)
Show post links
Top
Ziaktu: Cck Lalchhuanawmi
Bibi leh Duati bengchheng karah ka lo inhru fap fap.
Hetia ka ṭah ka ṭah chuan tlaiah tu emaw ber chuan, ka ṭap nge ṭap lo tih min zawt leh ngei ngei ang.
Puipuii lam reng ngaihtuah duh loin ka intibuai lui a, hnathawh tur ka zawng a ni ber.
Chutia buai ta na na na chuan ka rilruah pawh a lut lo reng a. Mahse, zan a ni ang a, hunawl a tam dawn lutuk.
"Vawiin chu a nuam bawk em?",
"Nuam, au Zoa hian Duati a thlah hma lutuk a", Bibi-in a ti lung lung.
"Thlah tur tho tho te chu", Zoan a lo ti ve bawk.
Nui dar darin an inchhaih hlawm a. Kei erawh ka chaw ka thai let ka thai let.
Ka rilru nâ lutuk hian chaw ei min ti chak lo. Chubakah ka hmaah Papuia a ṭhu ve kur bawk si.
Puipuii nen ngati nge kan lo inhmelhriat reng reng? Papuia pawh chuan ngati nge a la thlah theih loh? Thlalak te chu delete tawh tur alawm.
Ngati nge ka lo nât ve em em? A tan engmah ka nih loh tehlul nen. Puipuii nen kan inanglo lutuk. Engkimah kan inang lo.
Rilru tihnâtna tur pawh a awm lo. A awm lo reng reng.
"Rs, thingpui sen hang in ang u",
"Aw le", nui ṭhaw chungin a kal leh nghal daih. Engmah lah hi a hre tawp si lo.
*hrilh duh che ka nei a nia* Zoa ve chhen lah hi. Ka ning hluah hluah.
Inchungah ka chho a, thawm dim vak ka tum lem lo. Mahni lo maha rilru nât ve sa tawh nen.
"I lo chho maw?",
"Eng nge ka lak aṭang hian i duh? I duh duha tihkual theih mai mai ka ni lo aw, khang i bum kual hmeichhe â tak tak te ang kha ka ni ve lo. Ngaihtuah tur tam tak ka nei. Infiam nan emaw inchhaih nan emaw hun ka nei ve lo", ka ti tawn tawn. Ka puak keh dawnin ka hria.
Ka sawi zo chu ka thaw kawk kawk.
"Bum kual a?", a ner sawk.
"Khati teh vaka au a ṭul em ni?",
"Ka duh leh ka au ang a, i bum kual ho anga piannalh leh hmelṭha ka nih loh avanga min deu tur pawh i ni lo", ka ti leh tawn tawn a. A hrilhhai lutuk.
"Tumah ka bum kual lo. Chubakah chutiangin engtinmah-",
"I chanchin hi maw, ka hre ve vek ania aw. 'Awmpui hunter' chuan min hunt thei miah lo ang", ka ṭawng a kal hle mai.
"Eng, eng maw? Eng maw i sawi? Eng nge i hriat a? Awmpui hunter ka ni lo", a tih chuan ka lo nui hak.
"Ka ni lo te chu i ti ngam zawk e a. College-a i awmdan te, University-a i awmdan te ka hre vek. Hmeichhia engzah nge nawmsip bawlnan i lo hman tawh tih te thlengin, hmeichhia hi maw, nawmsip bawl nana hman mai mai tur kan ni lo a nia aw",
"Eng nge maw i sawi nuah nuah le?", Zoa chu a phi buai lutuk. A nihna ka sawi miau a.
"Chutiang chu tuin nge hrilh che?",
"I hriat ve zel a ṭul lo. Engmah min hrilh duh pawh i nei lo, min fiam kual nan chuan hun hmang duh suh, hun i khawhral thlawn mai mai a ni", ti hlakin ka inher a.
Inher let lehin, "E, chuan thil pakhat, Dindini bulah ngaihdam dil ang che. Nangmah avangin accident a tawh phah a, thinlung i nei ve a nih ngai chuan ngaihdam va dil ang che", ka ti a.
Ka sawi hnem hle mai, ka inup behna a rei ve tawh em bawk a ni. Ka thawl hawkin ka hria.
"La kal suh", min kuai her pawp.
"Min thlah rawh", ka darah nghet lutukin a chelh.
"Nang hi, khang zawng zawng kha Ruatfela chuan a hrilh dawn lo che. Ka chhungte pawhin an hrilh che ka ring lo. Laldintluangi accident pawh i hriat theih dan tur a awm lo",
"Ka ṭhiannu lo ni ta se", ka ti ve khauh. Min thlah chiang lutuk. Dik tak chuan Hlutean min hrilh vek sia.
"Laldintluangi nen ṭhian in ni thei lo", a lu a thing nar nar. Nui hakin, "Engvang ngawt chuanin maw, ṭhian kan nih theih loh ang?",
"Tlanhlua, Laltlanhlua a ni chiang lutuk. Amah a ni lo tih sawi tum reng reng suh", ka lo nuih sak a. Ka thusawiah ka inawk dawn a ang hle mai. Nge maw Dindini te chu ka sawi khanglang.
"Kha maw, sawi tur engmah i hre tawh lo. Laltlanhlua bak va ni suh, a ṭha alawm. Veng khat na na na chu in lo inṭan hle mai maw. Laltlanhlua pawh kha i hrechiang bik em ni?", a ti vin ṭhawt.
Ka phu zuk, "Nang ai chuan ka hrechiang zawk", a nui huah huah.
"Naktukah a hre khawp ang", ti zui hlakin inhnuaiah a chhuk thla nal nal.
Ka umzui ve vat a, a pindanah a lut hman. Ṭawngtheih lutuk pawh hi a, Hlutea ka hrilh vat a ngai.
Inhnuaiah inpal nawk nawk chungin ka tlan thla a. Pindan ka luh ve leh phone chuhin Hlutea hnenah thil engkim message-in ka hrilh a.
Ka type sual nawk nawk mai. A hrethiam tho ang. Ngaihngam taka mut a hnai lo hle mai.
"Canteen-ah ka inhnawhpuar mai ang, tiffin ka pai peih lo",
"Canteen ami ai chuan ina mi ngei chaw hi a ṭha zawk", tiffin ka siam mial mial.
"Ka ei dawn chuang lo, i siam thlawn a ni mai",
"Tiffin hi ruak loa i lo hawn a nih chuan, thla khat chhung i pindan ka tifai lo ang a, i thawmhnaw engmah ka su lo ang", ka ti a.
A ner sawk, "I thu lo reuh mang e, thla khat hlawh i la lo ang a, a ni mai lawm",
"Ramhuai nautein chutia min tih chu le", ka ti hlak.
Ka ṭawng sual leh ta, "Tiffin ruak loin lo hawn lo la ni mai", nuih tlawn titihin ka ti a. A insehruh nasa lutuk.
Thinrim ṭeuh chungin a kalsawn daih. Tuna ka thusawi kha tumahin lo hre lo se ka ti ngawt mai.
"Nu, ramhuai naute ka ang em ni?", ṭah âw ṭuau chunga Bibi-in a tih chuan chaw ka helh chiang lutuk.
"I ang lo reng reng, ka naute hi tuin nge ramhuai naute ang lo ti? Nang chu Lalfanu lawm i nih", Nu Lawmin a lo ti dap dap.
A manganthlak e.
*lo lungngai duh suh*Hlutea message ka hmuh chuan ka thaw huai. Eng em thleng lo turah ka ngai phawt a.
"Rs, tuin nge Bibi chu ramhuai naute lo ti a", Papuia chu ramg lutukin ka en a, hmun dang ka en leh nghal daih. A lo hria a ni hrim hrim.
"Ka hre lo reng reng",
"I hriat hunah min hrilh rawh aw",
"Ngati maw?", Papuia a nui hak.
"Ramhuai naute tih a sawi chhuahna ka fawp bawrh bawrh duh a", ka hmui ka hup rang lutuk. A chi lo e.
Muangchangin ka en chho, a lo nui suk. Kan mit a intawng, chiang taka a mit ka en vawikhatna ni hialin ka hria!
Mahse, ka mit la sawnin ka pindanah ka lut daih.
Ka mit ka laksawn vat loh chuan, thil ni lo lo te a hre palh ang a, chu chuan lungngaihna thûk zawkah min hruai ang tih ka hlau.
An reh duaka ka hriat avangin ka chhuak a, ka tihtur ka ti ṭan leh mial mial.
"Siami?", thaw hrawkin, "Eng nge?", ka ti chu a ner sawk.
"Bibi, Ramhuai naute titu i hria em?",
"Engvangin nge ka hriat ngawt ang?", ka ti hlar. Ka la thinrim tih hi hre teh se.
"Papuia tih tum ang kha ni mai",
"Ngawi hmak rawh", nui zui huah huahin a dar a chhin hak.
Helmet nen a chhuak nghal chu umin, "Hlutea chungah engmah ti suh ang che",
"A nih chuan, thil pakhat i ti thei",
"Eng?", a biang kawk zeuhin, "Lucky kiss ka duh",
"Min fiam kual lo turin ka hrilh che kha", ka thinrim lutuk chu kawngkhar ka khar chawrh.
Tenawm lutuk.
Ngati nge maw ka vanduai bik em em le? Ka vannei zawk pawh a ni mahna. He chhungkua chiah hi ka la tawng, tianga min tibuai em em tu hi!
Achhuanin min lo call, buai lai laia, "Eng nge",
"I thin a van chhe tak",
"Thinchhia e, buai lai laia", ka ti thla rawk a. A buai ve tho thuin min lo chhang.
Ka buaina ka hrilh a, Papuia tih ang apiang Zoan min tih tur a tum thu te, a kip akawiin ka hrilh vek a.
A lo nui vak vak, "Mate, Brothers Conflict a chhuak ang e aw",
"Thu awihawm te hi sawi ve teh, ka buai",
"Keipawh", nui vak vak chungin a ti a. Call ka titawp daih.
"Siami, tlai lam chu kei leh Bibi leh i Pa Zaua te chaw chhum kep kan ngai lo aw. Saw lamah kan leng dawn a, chaw kan ei nghal ang, ka pa a nuam sam vak si lo a", Nu Lawmin dam dupin a ti a.
A hmanhmawh tih hai rual a ni lo.
Pa te dam ṭha lo chu a mi nghawng dan ka hria alawm.
Inchung lam darthlalang ka nawh laiin ka phone a lo ri.
Hming lo lang ka en chu 'Puipuii'. Ka lung a phu dup dup!
Ka chhang dawn nge chhang lo ang. A ri ral ṭhak a, a vawihnihna atan min lo call leh.
"Hello?", bei lo zetin ka ti a.
"Asiam, i dam ṭha em?",
"Aw, Pathian zarah ka dam ṭha lutuk. Nang zawk?", ka thinlung hi vih sawk sawk ang ni berin ka hria.
"Asiam, ka bialpa te in kawtah ka awm a", a ti chu, "Maw?", phawk hruin ka ti a. Chhung lama ka awm lai a ni hlauh chu ka lawm tak tak a ni.
"Amah a awm lo tih ka hre tho a, mahse; ka ngai lutuk a", a ti sep. A insut faih a, "Tihpalh lutuk aw, biak tur ka nei thlawt lo a, ka lo be tawp che",
"A ho lutuk, i duh hun hunah min lo be rawh", ka ti luam a. Nuih saih pawh har tak a ni.
"An in ka thlir mek a, mahse; ka lut lo ang. Mahse maw, engtik emaw luh leh ngei ka duh", ngawi rengin a thusawi ka ngaithla a.
A inchhir thu leh ngaihdam dil a duh thu te a sawi dap dap a. Chiang fakin tu nge tih a sawi lo na chu, Papuia a ni tih ka hre thei.
A ât luat avanga kalsan a nih thu a sawi a, hei erawh a tidik. A â em mai.
Hetiang mipa ṭha lutuk a kalsan duh a.
Puipuii nen kan inbe zo chu ka nghilh dup.
Bang nghengin ka ṭhu sawp nuai a. Keipawh, hetiang dinhmunah ka la ding ngai lo.
Intiharh luiin darthlalang ka nawt fai leh a, ka tha erawh a ṭhum!
Ei rawngbawl lai pawhin ka rilru a luah ngut ngut. Engtin nge ka tih ang?
Rawn kal thut ta ang sela e, ka chhe vek a ni mai.
"Ka U Siami chu, va ngaihtuah nasa ve", Zoa chu ka melh ralh. Tunah tak hi chuan tumahin min be lo se, ṭawng pawh ka ṭawng peih lo.
"Laltlanhlua chu engtinmah ka ti lo. Chuan", mit ko san zeuhin a ti.
Ka hrethiam mai, lucky kiss kha maw?
Ka nui chhuak hawk a, "Chaw nghei i duh loh chuan vawikhatmah sawi tawh suh ang che", chemte lek kang vuin ka ti a.
"Ka hlauh che i ring mawnile", ti zui hlakin a kalsawn daih.
Keipawhin ka hlau bik chai si lo a.
Chawhmeh siam tam pawh a ngai lo. Alu kang ila, dal hang chhum ila. Bawkbawn ṭawn khat la awm hi bai ila, a tawk. Bai pawh a thakin ka siam dawn.
A ei ngam lo chuan ei lo mai rawh se.
"Rs, bai rim ka hria nia aw",
"I hria ang chu, ka siam miau alawm", ka ti lung lung.
Nui sukin a kalsawn ve leh. Kalbo vek rawh se.
Chaw ei ka peih thu hrilh tura choka aṭanga ka chhuak chu!
Rta chu va kuai her pawpin, "Eng nge i tih a?", a puan ken ka chhuh nghal.
Ka thinrim hi a la kal tluang em a ni.
"Vawiinah darthlalang ka nawt fai a, inchhung tihfai ka hman thlawt tawh lo a nih kha, a bal i tih chuan sawi ve mai rawh. Inla fel awm ang zia zanga lo tihfai a ṭul lo. Ngawi renga che ṭual ṭual loin sawi ve rawh, kâ i neih kha, hman ṭangkai tum ta che. Chaw ei ka peih".
Ka chaw ei siam chu, ka hriat theih ata a la ring ber ang.
"Chaw ei turin kan lo kal", ṭi dakin Papuian a lo ti.
A hnungah Rta leh Zoa an biru dâk.
"Lo ṭhu r'u".
Ngawi rengin chaw kan ei.
"U, U Siam?", Zoa ka melh ralh.
"Bai hi a thak a",
"Chuan",
"My boy-a hian a ei thei lo", Zoan a tih chuan Rta ka en a. Kimki deuhin chaw a lo ei.
"Thak ngam lo chuan ei lo mai tur. Bai thak lo te chu a tui lo", ka ti hlak.
Zoa pawh a ngawi dâk.
Chuta karah kawngka kik thawm ka la hre zui. Nu Lawmi te lo haw a la hun lo. Dar ruk chauh a la ni a. Bakah, lo haw chu nise motor thawm a awm tur a ni.
Phun bul bul chungin kawngka lam ka pan a. Ka hawng chu
"E he! Asiam", ka khawng vek, ka che sawn thei tawh lo.
"Hetah eng nge i tih a?", a ti leh. Ka chhang thei lo.
"Rs, tu nge a?".
Muangchangin Papuia awmna lam ka hawi a, keimah hi ka mang vekin ka hria.
Tunah tak hi chuan, tlu tawp thei pawh ni ila pawi ka ti lo.
Papuia chu Puipuii enin a ding ngawi reng a. Papuian eng tak ngaihtuah ang maw?
Ka chhung lamah min hnawh up up a, boruak tam deuh hip vang vang tur ka mamawh.
"Tu nge lo kal, in va ngaw- E he! U", Zoa pawhin sawi tur a hre bik lo.
Chutah Papuian, "Rs, chaw lo va ei rawh u", tiin Puipuii kaiin kawngka kharin a chhuahpui daih a.
Ka ke pen tur pawhin chakna ka nei lo. Ka tha zawng zawng an thi vek ni ber.
"Siami?", Zoa chu ka en, min lo chelh reng avanga tlu lo mai ka lo ni, "Ngati nge i ṭah a?", ka mittui hru pahin dam diaiin a ti a.
Ka âng zuai zuai a, engmah ka sawi thei lo. Kawngka lam ka hawi ringawt.
(Zanin chu comment ve hrim hrim ang u..)
Show post links
Top
| Link: | |
| BBcode: | |
| HTML: | |
| Hide post links |
Brothers Conflict-22
Ziaktu: Cck Lalchhuanawmi
Nun hi Pangpar ni tura kan duh laiin, hnim hriam tak tak an lo ni leh ṭhin a.
Chhum dum satliah emaw kan tih pawh, ruahpui lo thlenna tur lek fang a ni si.
Mi tam tak hmangaihna kawnga lo dai tleu tawh emaw, mawi taka par chhuah tawh emaw an awm.
Keipawh chu kawng chu ka zawh ve mek a ni.
Ka dai tleu dawn nge, mawi takin ka par chhuah tir zawk ang?
Mahse, dai tleu lo thlang pawh ni ila, a rilru engmah ka hre lo. Mawi taka par chhuah tir tum ngawt dawn pawh ni ila, a rilru engmah ka hre lo.
Ka tih theih tawk chu ral khat aṭanga amah ka hmangaihna, a ruka thianghlim taka chawm a, a ruka mawi taka lo par chhuah tir a ni tawh mai!
Bibi mut thlawrh thlawrh hlanin Achhuani bulah ka lo luang liam ve thung.
"Bibi, Bibi", ka sawt dat dat a, a che ṭual ṭual ringawt.
"Dar riat a ri tawh a nia", ka ti chu a ṭhu chhuak chiang lutuk. A lu a thur bam a, a tep chuap chuap.
"Ngati nge min kaihthawh hma loh?", ti ne ne chungin muangchangin a tho a.
Ka lo nuih ru char char. A tho â deuh nge mawni?
"I pindanah chho la, han insiam vat rawh", kaiin pindan aṭang ka chhuah pui a. Inchungah a chho hne hne. A va han zawi hniang hnuang tak.
"Rt, Duata, bathroom bawlhlo i la nei ṭha em?",
"Aw",
"Lo kal teh", Nu Lawmi chuan Rta biangah a fawp keuh. Bibi lahin a lo duh ve leh. Pa Zaua pawhin, "Kei pawh", Nu Lawmin an pathumin an biangah a fawp a. A Romantic reuh lutuk.
"Nge, khatia min en vak?",
"Kei pawhin ka duh ve",
"Eng chu?", Zoa chuan nui sukin, "Ka nuin a thlah ang khan min thlah turin ka duh ve che", a ti a.
Ka hmunphiah ken laiin ka va khawh, a la man chat zui.
"In insual elaw?", Papuian a lo ti thla. Nui sang chungin min lo en a, ka lo nuih saih.
"Min thlah lawk rawh aw, pawnah ka lo nghak ang che. Rs, bye", nui var chungin ka ban ka vai ve a.
A chhuak chu ka en zui vawng vawng.
Min biak lohna rei tawh dan ka chhut neuh neuh a.
"I ṭap leh ang e aw?", ka beng bulah a lo ti sup. Zoa chu ka en a, "Khatiang Putar lakah chuan luangliam duh suh, Pavalai President lehnghal. Tlangval hnahkhat, KṬP President hi ka ṭha zawk", amah inkawk pahin a ti nuah nuah.
Ka en tlawk tlawk ringawt. Ka beng chak reuh em mai a.
"Nghaktu i nei a nia, khawi hmunphiah", hmunphiah laksak pahin ka ti a. A khi vur vur ang zui, Khiang rah tla ang mai.
Ti khan, University lamah te a va fel tawh em ang chu. Fel tawh rawh se.
Bibi pindanah ka kal a, secondhand an thing ta emaw tih mai tur a ni. A hnawka hnawk dan chu. Ka ter at at ringawt.
Papuia computer chuan ka mit a la hle bawk. Fai viau mah se, ka hru thuak thuak a, ka ṭap chhuak lo chauh. A chhunga awm ka hre kur si a.
"Lawma a ngaihawm reuh e",
"I sawi takah chuan, kei pawhin ka ngai thar riau mai", Pa Zauan a lo ti ve a. Bibi nen an inchhaih pah a, an pafa chauh pawh hian an hmuhnawm.
Ka chhungte ka ngai mang e!
"Thianghlim takin a inngaihzawn theih tih hi hria ila, tin; kan len chhuah pawhin, hmun fal ai chuan hmun lun deuh lai te hi thlang ṭhin ila. Infawh te pawh hi a pawina a awm chuang lo, mahse; infawh chhung te kha minute khat aia rei lo ni thei se duhthusam.
Tunlaiah chuan natna ṭha lo tak tak a hluar tawh em em a, chung laka kan himna tur atan chuan, kan kawppuite, abikin kan inngaihzawn lai hian a theih hram chuan taksa innawt zawng hian awm lo thei ila", Pa Zauan a tih chuan ka rilruah Zoa a lo lang chat.
"Hmanah chuan, nupui pasal neih dawnin an fimkhur em em a, thla fe te hi an inen thla ṭhin a, tunah erawh thisen test a ngai tawh thung. Chumi awmzia chu kan awmdan kan inhre tawn vek tawh a, thisen test result a ṭhat phawt chuan lung hi a awi tawh em em mai a ni.
Chuvang chuan, thisen test kher ngai lo hian, tunah, kan ṭhat lai ngei hian kan nun kan fimkhurpui hle dawn nia", Pa Zaua chuan a ti dap dap. Dik ka ti lutuk chu kut ka beng lo chauh.
Ṭawngṭaina kan neih zawh chuan, "Siami, Apple ka lo lei kha mawle, ei ang u hmiang, i nau te pahnih lehkha an zir hmain", Pa Zaua chuan a ti a.
Chokaah pheiin Apple kawr ka vel a, "Sissy, i bulah ka lo mu leh dawn nia",
"I mang chhe si, lo mu tawh suh",
"I va han sual tak, ramhuai lalnu", Bibi-in a tih chuan ka chemte ken chu dawhkanah ka dah thla chawrh. A tlan chhe daih zui. Ka lo nuih hak.
Kawngka an rawn kik karh karh, "Ka va hawng ang e", Nu Lawmi tih ri ka hre zui.
Tu nge mawni an reh deuh ṭhuap.
Apple zai lep kenga ka va kal ve chu, inthlahrun hmel deuhin Nu Lawmi bulah Puipuii a lo ding run.
"Zanin chu inleng kan nei a, lo ṭhu rawh", Nu Lawmi chuan a ti a. Puipuii chu Zoa bulah a ṭhu thla.
Apple chu center table-ah ka va dah a.
"Ei ang ule, Puipui, ei ve rawh", Pa Zaua chuan a ti a. Ei lo pawh nise pawi ka ti miah lo asin.
Papuia pawh a rawn chhuk thla ve chiah. Puipuii a hmu chu a ding deuh chawt.
"Inleng kan va nei chhe lo ve", Papuia chuan pangngai takin a ti a. Bibi bulah a ṭhu nghal zat. Papuia ka ngei lutuk chu ka fork ken hian va vawm chawrh ka chak lutuk.
Zoa a khuh kharh kharh. Ti khan Puipuii lawm tawk a tlin ngei ka ring.
"Eng nge i lo tih dawn?", Papuia chuan a ti leh a, âw pangngai a hmang thei chu mak ka ti zawk. Ni lo, an vai hian an mak. Ṭha taka an lo dawngsawng thei hi.
"A, engvak ti dawn lo, Asiami lo len pahin ka ti a. Tunlai chu a buai deuh a niang, kan inkawm ṭha hman meuh lo a", Puipuiin a ti nak nak.
Teh duah chuan a, ka kek chak a nia. Min sawi luh chhan tur a awm lo reng reng.
"Asiami maw, buai thei tak a ni. A tel lo chuan kan awm thei tawh lo", Nu Lawmi chuan a ti dam diai a. Nu Lawmi bula ka ṭhut bawk avangin Puipuii meng thip ru sak sak pawh ka hre thei.
"Engtin nge in inhriat a?", Nu Lawmi chuan min lo en. Chhan ka tum chu Puipuiin min lo ṭawng khalh.
"Ka nunna a chhanhim alawm. Ka lawm tak tak a ni. Scooty-in min su thlu ṭep a, min chhan hlauh a", nui sun sun chungin Puipuii chuan a ti a.
Khami ni khan lo sut thluk tir law law ila, ka rilru a va chhe reuh e.
"A va lawmawm ve, Vantirhkoh kan lo kawl reng a ni maw", Pa Zauan a lo ti.
"Engmah a ni lo", ka lo ti a. "Ka U Siami hi chu a fel a nia, tiraw U Puipui", Zoan a lo ti ve leh. Puipuii pawh nui lui sakin a bu ve nghauh nghauh.
"Bibi, lehkha zir tawh ila. Puipui, ti khan lo inkawm rawh u aw, keini chu min hriat kha, lehkha zir a hun tawh a, lo inkawm rawh u", Pa Zaua chuan tiin a ding hluai a.
"Hrethiam e a, Bibi pawh a nula tawh em mai", Puipuii chuan nui sang chungin a ti a. Bibi-in, "Sissy, i bulah ka mu dawn ka tih kha aw", a lo ti.
Kan Puipuii chu a chawh teh e.
Papuia phone a rik avangin be turin pawnah a chhuak a.
Apple kan eina plate leh fork sil turin choka kan pan san a. Zoa nen chauh an awm.
Engtiklaiin nge ka bulah Puipuii a lo kal ka hre lo, "A nuam i ti awm", a ti zawi sep.
A nui deuh sang a, nui tak tak pawh a ni lo. Zawi sapin, "Papuia chauh lo pawh i dawi â vek tawh a ni maw. Awmpui ang pawhin zanin khan i awm hauh lo. I nihna theihnghilh hlek suh", a ti a.
Ka lo ner sawk. Tunah tak hi chuan tu zawkin nge mahni nihna dik tak hre tur zawk le?
Hemi zan aṭang Puipuii a lo lang zeuh zeuh a, pangngai takin an lo lawm ṭhin bawk nen.
Papuia pawhin a be chhe ngai chuang lo a, a chang chuan an inngaizawng leh ta emawni te ka ti.
"Puipuii nunna i chhan chu a sawi reng mai, a lawm takzet a nih ka ring", Papuian a tih chuan ka lo nuih sak.
Puipuii a nih tih hria ila chu, ka chhan hauh lo ang, ka nam lut zawk ang mawle. Ka rilru chhiat dan hi!
Rta a inthlak hret hret ka ti mai. Inchhung khawimaw lai lo bal deuh lah hi a hmu thei phian a.
Mahse, ngawi renga ti fai loin min hrilh ziah thung.
A pindan erawh ka la lut leh ta chuang hlei lo a.
"Tunah chuan ka fel tawh lutuk a nia aw", Zoa chu ka en a. A thutak zia a sawi zut zut.
"Mahse, i hria em?",
"I sawi hma chu ka hre lo", ka lo ti hlak.
"Ka sawi dawn alawm. Lo zawm thar chhe lo deuh a awm", a tih chuan bal bawmin khawn ka tum, lo indangin hnung lamah a tawlh.
"Chhe lo ringawt buaipui loin thutakah cheng rawh, Dindini aṭang khan i harh chhuak dawn maw ka tia", ka ti tawn tawn.
"Engtin nge thu-ah chuan ka chen theih ang, tui a ni si lo a", bal bawmin khawn ka tum leh.
"Kohhran leh khawtlangah i inhmang a, fel an ti em em che a, i ngaihzawng neih dan erawh a tenawm lutuk", ka ti leh tawn tawn.
"Ka nî sawi dan chiah", a ti sup a, ka lo nuih sak.
Thawmhnaw min pho pui pawh ni lo, a vei tawn sek a, min be buai reng bawk.
Ka pho zo inhnuaia kan chhuk chu Puipuii a lo nui thler duai duai.
Choka-ah Nu Lawmi nen atta an lo nuai a. Min hmuh chuan min lo be vat. Keipawhin ṭha deuhin ka chhang ve mai bawk a.
Nu Lawmin pui ve tura min tih avangin ka pui ve a. Mahse, nuam ka ti lo.
Puipuii chuan tun hma thil te a sawi a, an ṭhat ho lai chiah a sawi.
Tun hmain nu fa ang chiahin an lo awm tawh a nih hmel. Tunah bul ṭan ṭhat leh a duh a.
An inkarah ka inrawlh a ang ta ber mai.
"Siami, Bibi han ko thla teh, phone a en leh reng dawn. Hei lawm, school chawlh buaithlakna chu", Nu Lawmi chuan a ti a.
Inrinni a nih avangin inah kan awm ṭhup.
Bibi pindanah ka lut a, a lo lam nasa lutuk.
"Papuia computer hman lawk ka duh",
"Thingpui in zawhah i hmang dawn nia", ka ti chu a ner nung. A luhlul thawkhat ve a ni.
Pindan aṭang kan chhuak a, "Papui, computer-", Bibi-in kawngkhar hawng paha a ti chu ka khawng awt.
Puipuii leh Papuia an lo infawp!
Ka hawi sawn thuai a, chutia an boruak kan tih chhiat takah chuan an inthlah ve vat.
"Bibi, ka chhuk dawn a nia", zawi sepin ka ti a. Ka chhuk nal nal.
Ka lung a phu rang em em a, ka mittui a hnâm ṭiam ṭiam bawk a, bathroom-ah ka lut vat.
Ka mittui a luang zawih zawih a, tunah chuan ka kal bo a ṭul tawh takzet a ni.
Kei hi buaina lian ber leh ṭangkai lo ber ka ni.
Puipuii nui ri chuan ka thin a khei zak zak, hnehtu chan chang ang maiin ka hria.
"Thingpui i siam thiam lutuk. Vawiin chu nuam ka ti", a ti sep. Ka chhuih thlu chak asin.
Achhuani bulah report ka pe leh thlap thlap a, tun ṭum erawh ka thawl hawk thei tawh lo.
Ka rit zual telh telhin ka hre mai.
"Awm reng thei ka ni lo, min tirethei dawn lutuk, mahse, chu chu ka tuar thei mai ang a. Mahse, Papuia, ka hmu reng thei lo ang",
"Ngun takin ngaihtuah la, kei chuan i thutlukna eng pawh ka zahsak chein, ka pawmpui thlap ang che", Achhuani chuan a lo ti a.
Aw le, he in aṭanga chhuah hi ka duh. Tuna chhuah nghal pawh ka pawiti ta hauh lo.
Inkhawm turin kan insiam sang sang hlawm a, vawiin hi kan inkhawm hona hnuhnung ber tur.
Darthlalangah ka inen vang vang a, tlawmtu hmel ka hmu thei.
Engthilah chuan nge ka tlawm?
Eng intihsiaknaah mah ka tel lo, ka sut tlang tur lung ka rem a, ka su tlang ngei ngei bawk ang.
Show post links
Top
Ziaktu: Cck Lalchhuanawmi
Nun hi Pangpar ni tura kan duh laiin, hnim hriam tak tak an lo ni leh ṭhin a.
Chhum dum satliah emaw kan tih pawh, ruahpui lo thlenna tur lek fang a ni si.
Mi tam tak hmangaihna kawnga lo dai tleu tawh emaw, mawi taka par chhuah tawh emaw an awm.
Keipawh chu kawng chu ka zawh ve mek a ni.
Ka dai tleu dawn nge, mawi takin ka par chhuah tir zawk ang?
Mahse, dai tleu lo thlang pawh ni ila, a rilru engmah ka hre lo. Mawi taka par chhuah tir tum ngawt dawn pawh ni ila, a rilru engmah ka hre lo.
Ka tih theih tawk chu ral khat aṭanga amah ka hmangaihna, a ruka thianghlim taka chawm a, a ruka mawi taka lo par chhuah tir a ni tawh mai!
Bibi mut thlawrh thlawrh hlanin Achhuani bulah ka lo luang liam ve thung.
"Bibi, Bibi", ka sawt dat dat a, a che ṭual ṭual ringawt.
"Dar riat a ri tawh a nia", ka ti chu a ṭhu chhuak chiang lutuk. A lu a thur bam a, a tep chuap chuap.
"Ngati nge min kaihthawh hma loh?", ti ne ne chungin muangchangin a tho a.
Ka lo nuih ru char char. A tho â deuh nge mawni?
"I pindanah chho la, han insiam vat rawh", kaiin pindan aṭang ka chhuah pui a. Inchungah a chho hne hne. A va han zawi hniang hnuang tak.
"Rt, Duata, bathroom bawlhlo i la nei ṭha em?",
"Aw",
"Lo kal teh", Nu Lawmi chuan Rta biangah a fawp keuh. Bibi lahin a lo duh ve leh. Pa Zaua pawhin, "Kei pawh", Nu Lawmin an pathumin an biangah a fawp a. A Romantic reuh lutuk.
"Nge, khatia min en vak?",
"Kei pawhin ka duh ve",
"Eng chu?", Zoa chuan nui sukin, "Ka nuin a thlah ang khan min thlah turin ka duh ve che", a ti a.
Ka hmunphiah ken laiin ka va khawh, a la man chat zui.
"In insual elaw?", Papuian a lo ti thla. Nui sang chungin min lo en a, ka lo nuih saih.
"Min thlah lawk rawh aw, pawnah ka lo nghak ang che. Rs, bye", nui var chungin ka ban ka vai ve a.
A chhuak chu ka en zui vawng vawng.
Min biak lohna rei tawh dan ka chhut neuh neuh a.
"I ṭap leh ang e aw?", ka beng bulah a lo ti sup. Zoa chu ka en a, "Khatiang Putar lakah chuan luangliam duh suh, Pavalai President lehnghal. Tlangval hnahkhat, KṬP President hi ka ṭha zawk", amah inkawk pahin a ti nuah nuah.
Ka en tlawk tlawk ringawt. Ka beng chak reuh em mai a.
"Nghaktu i nei a nia, khawi hmunphiah", hmunphiah laksak pahin ka ti a. A khi vur vur ang zui, Khiang rah tla ang mai.
Ti khan, University lamah te a va fel tawh em ang chu. Fel tawh rawh se.
Bibi pindanah ka kal a, secondhand an thing ta emaw tih mai tur a ni. A hnawka hnawk dan chu. Ka ter at at ringawt.
Papuia computer chuan ka mit a la hle bawk. Fai viau mah se, ka hru thuak thuak a, ka ṭap chhuak lo chauh. A chhunga awm ka hre kur si a.
"Lawma a ngaihawm reuh e",
"I sawi takah chuan, kei pawhin ka ngai thar riau mai", Pa Zauan a lo ti ve a. Bibi nen an inchhaih pah a, an pafa chauh pawh hian an hmuhnawm.
Ka chhungte ka ngai mang e!
"Thianghlim takin a inngaihzawn theih tih hi hria ila, tin; kan len chhuah pawhin, hmun fal ai chuan hmun lun deuh lai te hi thlang ṭhin ila. Infawh te pawh hi a pawina a awm chuang lo, mahse; infawh chhung te kha minute khat aia rei lo ni thei se duhthusam.
Tunlaiah chuan natna ṭha lo tak tak a hluar tawh em em a, chung laka kan himna tur atan chuan, kan kawppuite, abikin kan inngaihzawn lai hian a theih hram chuan taksa innawt zawng hian awm lo thei ila", Pa Zauan a tih chuan ka rilruah Zoa a lo lang chat.
"Hmanah chuan, nupui pasal neih dawnin an fimkhur em em a, thla fe te hi an inen thla ṭhin a, tunah erawh thisen test a ngai tawh thung. Chumi awmzia chu kan awmdan kan inhre tawn vek tawh a, thisen test result a ṭhat phawt chuan lung hi a awi tawh em em mai a ni.
Chuvang chuan, thisen test kher ngai lo hian, tunah, kan ṭhat lai ngei hian kan nun kan fimkhurpui hle dawn nia", Pa Zaua chuan a ti dap dap. Dik ka ti lutuk chu kut ka beng lo chauh.
Ṭawngṭaina kan neih zawh chuan, "Siami, Apple ka lo lei kha mawle, ei ang u hmiang, i nau te pahnih lehkha an zir hmain", Pa Zaua chuan a ti a.
Chokaah pheiin Apple kawr ka vel a, "Sissy, i bulah ka lo mu leh dawn nia",
"I mang chhe si, lo mu tawh suh",
"I va han sual tak, ramhuai lalnu", Bibi-in a tih chuan ka chemte ken chu dawhkanah ka dah thla chawrh. A tlan chhe daih zui. Ka lo nuih hak.
Kawngka an rawn kik karh karh, "Ka va hawng ang e", Nu Lawmi tih ri ka hre zui.
Tu nge mawni an reh deuh ṭhuap.
Apple zai lep kenga ka va kal ve chu, inthlahrun hmel deuhin Nu Lawmi bulah Puipuii a lo ding run.
"Zanin chu inleng kan nei a, lo ṭhu rawh", Nu Lawmi chuan a ti a. Puipuii chu Zoa bulah a ṭhu thla.
Apple chu center table-ah ka va dah a.
"Ei ang ule, Puipui, ei ve rawh", Pa Zaua chuan a ti a. Ei lo pawh nise pawi ka ti miah lo asin.
Papuia pawh a rawn chhuk thla ve chiah. Puipuii a hmu chu a ding deuh chawt.
"Inleng kan va nei chhe lo ve", Papuia chuan pangngai takin a ti a. Bibi bulah a ṭhu nghal zat. Papuia ka ngei lutuk chu ka fork ken hian va vawm chawrh ka chak lutuk.
Zoa a khuh kharh kharh. Ti khan Puipuii lawm tawk a tlin ngei ka ring.
"Eng nge i lo tih dawn?", Papuia chuan a ti leh a, âw pangngai a hmang thei chu mak ka ti zawk. Ni lo, an vai hian an mak. Ṭha taka an lo dawngsawng thei hi.
"A, engvak ti dawn lo, Asiami lo len pahin ka ti a. Tunlai chu a buai deuh a niang, kan inkawm ṭha hman meuh lo a", Puipuiin a ti nak nak.
Teh duah chuan a, ka kek chak a nia. Min sawi luh chhan tur a awm lo reng reng.
"Asiami maw, buai thei tak a ni. A tel lo chuan kan awm thei tawh lo", Nu Lawmi chuan a ti dam diai a. Nu Lawmi bula ka ṭhut bawk avangin Puipuii meng thip ru sak sak pawh ka hre thei.
"Engtin nge in inhriat a?", Nu Lawmi chuan min lo en. Chhan ka tum chu Puipuiin min lo ṭawng khalh.
"Ka nunna a chhanhim alawm. Ka lawm tak tak a ni. Scooty-in min su thlu ṭep a, min chhan hlauh a", nui sun sun chungin Puipuii chuan a ti a.
Khami ni khan lo sut thluk tir law law ila, ka rilru a va chhe reuh e.
"A va lawmawm ve, Vantirhkoh kan lo kawl reng a ni maw", Pa Zauan a lo ti.
"Engmah a ni lo", ka lo ti a. "Ka U Siami hi chu a fel a nia, tiraw U Puipui", Zoan a lo ti ve leh. Puipuii pawh nui lui sakin a bu ve nghauh nghauh.
"Bibi, lehkha zir tawh ila. Puipui, ti khan lo inkawm rawh u aw, keini chu min hriat kha, lehkha zir a hun tawh a, lo inkawm rawh u", Pa Zaua chuan tiin a ding hluai a.
"Hrethiam e a, Bibi pawh a nula tawh em mai", Puipuii chuan nui sang chungin a ti a. Bibi-in, "Sissy, i bulah ka mu dawn ka tih kha aw", a lo ti.
Kan Puipuii chu a chawh teh e.
Papuia phone a rik avangin be turin pawnah a chhuak a.
Apple kan eina plate leh fork sil turin choka kan pan san a. Zoa nen chauh an awm.
Engtiklaiin nge ka bulah Puipuii a lo kal ka hre lo, "A nuam i ti awm", a ti zawi sep.
A nui deuh sang a, nui tak tak pawh a ni lo. Zawi sapin, "Papuia chauh lo pawh i dawi â vek tawh a ni maw. Awmpui ang pawhin zanin khan i awm hauh lo. I nihna theihnghilh hlek suh", a ti a.
Ka lo ner sawk. Tunah tak hi chuan tu zawkin nge mahni nihna dik tak hre tur zawk le?
Hemi zan aṭang Puipuii a lo lang zeuh zeuh a, pangngai takin an lo lawm ṭhin bawk nen.
Papuia pawhin a be chhe ngai chuang lo a, a chang chuan an inngaizawng leh ta emawni te ka ti.
"Puipuii nunna i chhan chu a sawi reng mai, a lawm takzet a nih ka ring", Papuian a tih chuan ka lo nuih sak.
Puipuii a nih tih hria ila chu, ka chhan hauh lo ang, ka nam lut zawk ang mawle. Ka rilru chhiat dan hi!
Rta a inthlak hret hret ka ti mai. Inchhung khawimaw lai lo bal deuh lah hi a hmu thei phian a.
Mahse, ngawi renga ti fai loin min hrilh ziah thung.
A pindan erawh ka la lut leh ta chuang hlei lo a.
"Tunah chuan ka fel tawh lutuk a nia aw", Zoa chu ka en a. A thutak zia a sawi zut zut.
"Mahse, i hria em?",
"I sawi hma chu ka hre lo", ka lo ti hlak.
"Ka sawi dawn alawm. Lo zawm thar chhe lo deuh a awm", a tih chuan bal bawmin khawn ka tum, lo indangin hnung lamah a tawlh.
"Chhe lo ringawt buaipui loin thutakah cheng rawh, Dindini aṭang khan i harh chhuak dawn maw ka tia", ka ti tawn tawn.
"Engtin nge thu-ah chuan ka chen theih ang, tui a ni si lo a", bal bawmin khawn ka tum leh.
"Kohhran leh khawtlangah i inhmang a, fel an ti em em che a, i ngaihzawng neih dan erawh a tenawm lutuk", ka ti leh tawn tawn.
"Ka nî sawi dan chiah", a ti sup a, ka lo nuih sak.
Thawmhnaw min pho pui pawh ni lo, a vei tawn sek a, min be buai reng bawk.
Ka pho zo inhnuaia kan chhuk chu Puipuii a lo nui thler duai duai.
Choka-ah Nu Lawmi nen atta an lo nuai a. Min hmuh chuan min lo be vat. Keipawhin ṭha deuhin ka chhang ve mai bawk a.
Nu Lawmin pui ve tura min tih avangin ka pui ve a. Mahse, nuam ka ti lo.
Puipuii chuan tun hma thil te a sawi a, an ṭhat ho lai chiah a sawi.
Tun hmain nu fa ang chiahin an lo awm tawh a nih hmel. Tunah bul ṭan ṭhat leh a duh a.
An inkarah ka inrawlh a ang ta ber mai.
"Siami, Bibi han ko thla teh, phone a en leh reng dawn. Hei lawm, school chawlh buaithlakna chu", Nu Lawmi chuan a ti a.
Inrinni a nih avangin inah kan awm ṭhup.
Bibi pindanah ka lut a, a lo lam nasa lutuk.
"Papuia computer hman lawk ka duh",
"Thingpui in zawhah i hmang dawn nia", ka ti chu a ner nung. A luhlul thawkhat ve a ni.
Pindan aṭang kan chhuak a, "Papui, computer-", Bibi-in kawngkhar hawng paha a ti chu ka khawng awt.
Puipuii leh Papuia an lo infawp!
Ka hawi sawn thuai a, chutia an boruak kan tih chhiat takah chuan an inthlah ve vat.
"Bibi, ka chhuk dawn a nia", zawi sepin ka ti a. Ka chhuk nal nal.
Ka lung a phu rang em em a, ka mittui a hnâm ṭiam ṭiam bawk a, bathroom-ah ka lut vat.
Ka mittui a luang zawih zawih a, tunah chuan ka kal bo a ṭul tawh takzet a ni.
Kei hi buaina lian ber leh ṭangkai lo ber ka ni.
Puipuii nui ri chuan ka thin a khei zak zak, hnehtu chan chang ang maiin ka hria.
"Thingpui i siam thiam lutuk. Vawiin chu nuam ka ti", a ti sep. Ka chhuih thlu chak asin.
Achhuani bulah report ka pe leh thlap thlap a, tun ṭum erawh ka thawl hawk thei tawh lo.
Ka rit zual telh telhin ka hre mai.
"Awm reng thei ka ni lo, min tirethei dawn lutuk, mahse, chu chu ka tuar thei mai ang a. Mahse, Papuia, ka hmu reng thei lo ang",
"Ngun takin ngaihtuah la, kei chuan i thutlukna eng pawh ka zahsak chein, ka pawmpui thlap ang che", Achhuani chuan a lo ti a.
Aw le, he in aṭanga chhuah hi ka duh. Tuna chhuah nghal pawh ka pawiti ta hauh lo.
Inkhawm turin kan insiam sang sang hlawm a, vawiin hi kan inkhawm hona hnuhnung ber tur.
Darthlalangah ka inen vang vang a, tlawmtu hmel ka hmu thei.
Engthilah chuan nge ka tlawm?
Eng intihsiaknaah mah ka tel lo, ka sut tlang tur lung ka rem a, ka su tlang ngei ngei bawk ang.
Show post links
Top
| Link: | |
| BBcode: | |
| HTML: | |
| Hide post links |
Brothers Conflict-23 Last
Ziaktu: Cck Lalchhuanawmi
Jenny nen inkhawm hun chhung chauhin inbe ṭhin mah ila, a ngaihawm dawn lutuk.
Nu Lawmi bulah rei lo te Jenny-te ina ka len lawk tur thu ka hrilh a, a lo remti nasa lutuk.
Jenny bakah kan ṭhian dangte ho nen Jenny-te inah kan kal a.
An sawi tam ber chu Zoa a ni. A mak pawh ka ti chuang lo.
"A nuam awm bik e, nitin Zoa i hmu thei bik dawn a", an ti lung lung. Ka lo nuih hak hak a. Keipawhin nuam ka ti, hetia intihtheih vel hi.
"Kei chu ka inkhawm lo mai ang, tlai ei rawng bawltu tur an awm dawn si lo a",
"Aw le, kan hrethiam alawm. Chawlhni bak hian kan inkawm thei ngai si lo a, group la siam ang u aw", Zualin a tih chuan, "Tunah siam nghal ang u", Nancy-in a lo ti var.
Group kan han siam chawpchilh a, "tumah z*hmawha pawt lo tur", Jenny-in a tih chuan kan nui dual dual a.
Ka ngai hlawm dawn mang e.
Ina ka lut chu Puipuii a lo awm leh reng tawh.
"Asiami leng a lo haw e", nui varin a ti a. Papuia bulah a ṭhu zat. An pahnih chauhin ka hmu, khawiah nge mi dang ho hi an awm ni?
Nui lui sakin, "Nia, ka'n inthlak lawk ang e",tiin ka pindan ka pan ding nghal vang vang.
Ka inthlak zawh hnuin khumah ka ṭhu ren rawn a, inkhawm tura an kal hun ka nghak. Ka va chhuak leh ngat a nih chuan ka ṭah khum duh mai ang!
Ei rawngbawl pahin Nu Lawmi bula chhuah ka duh thu ka hrilh dan tur ka ngaihtuah neuh neuh a.
Dik tak chuan he chhungkua hi chhuahsan ka duh lo a ni.
Hetiang taka min tibuaitu leh, tihtak zeta hna ka thawhna chhungkua hi chhuahsan ka duh thlawt lo.
"Sissy, ih maw, Puipuii hi a hma ang khan ka ngaina thei tawh thlawt lo", Bibi chuan inchung a en kar a. A ngaihtuah thui ve deuh a niang.
"Ngati maw?",
"Ka hre lo, amah avangin Papuia a cher vek tawh a", Bibi chu mak ti deuhin ka en. Papuia chuan a va lo tuar nasa dawn tak, chutia a cher vek chuan.
"Mahse maw Bibi, tunah chuan a lo kir leh tawh a, chuvang chuan ngainat tum leh rawh. Papuia pawh a hlim leh tawh em hi", ka ti a. Ka thinlung tak pawhin ka sawi lo. Thinglung taka lawmpui harsa ka ti.
"Papuia chu hlim leh tawh mah se, keimah ka hlim lo alawm. Sissy, Papuia nen innei mai ula",
"Lalhmunmawi, thu awmze nei lo sawi sawi suh", ka lo ti hlak. Dik tak chuan thleng tak tak se.
"Puipuii chu ka duh tawh lo. Papuia i duh loh chuan Zoa pawh a awm a, Zoa i duh loh pawhin Rta a awm bawk a", ka lo nui vak vak.
Ka en a, a thutak em em phian lehnghal, chu chuan ka nuih a tiza zual sauh. Ka nui vak vak a, min la hau zui.
"Sissy, nui tawh suh", mittui tling pamin min ti a.
"Aw le", tlemin ka insum ve deuh a, a ruk erawh chuan ka nuih a za lutuk. A ngaihtuahna hi a mak thei tak tak a ni.
Tui takin a mu bawrh bawrh a, kei erawh tui taka ka mut lohna pawh a rei ta.
"Rs, Zonuamah tiraw in awm kha?",
"Aw, tinge a?",
"Eng ni lo e, lo len pah zeuh zeuh te a rem dawn lutuk a, school ban hunah, hawna tur hmuh loh kar lak vel hian", nui var chungin a ti a.
Ni tak e, Chawlhhmun leh Zonuam chu chil chhak phak lek alawm a nih le.
Nu Lawmi bulah chuan inthiamlo deuh chungin ka sawi ta a. A ngawi vang vang.
"Siami, ngati teh thut nge a?", chhan mai dan tur ka hre lo. Ka kut ka sik niap niap a, chhuanlam ṭha deuh ka mamawh.
"Ka phal lo, i chhuak dawn lo reng reng",
"Nu Lawm, keiman ka duh alawm. Ka chhuah ngei ngei a ngai", ka lo ti vat.
"Bibi vang em ni?", a tih chuan ka lu ka lo thing nawk nawk.
"A nih chuan engvang nge a? Hlawh a tlem i ti deuh em ni?",
"Ka ti lo, ka ti lo lutuk. Nu Lawm, Bibi vang a ni lo a, tu vang mah a ni lo. Mahse, kan in lama awm a, chuta ṭanga ka chhungte puih ka duh tawh zawk a ni", ka ti ta tawp.
"A nuam lo i ti em ni?", tiin min zawt leh. "A nuam ka ti lutuk. A nuam ka la ti ber ang", nui sun sun chungin ka ti a. He ina chen hi ka duhthusam ber a ni. A nuam, a nuam takzet.
Nu Lawmi chuan lungsi lo tak chungin min pawmpui a. Mahse, nilaiah chauh ka chhuah min phalsak, "Hei hi chu min hnial thei lo ang, nilaiah chauh i chhuak thei ang", a ti sep. Tlem chuan a hnual ve deuhin ka hria.
Ka nu leh pate engtin nge ka hrilh tak ang le?
"Siami, nilaiah a chhuak dawn", Nu Lawmin a tih chuan, "Maw?", an ti rual dual.
Min lo en ṭhap a, ka nui ringawt.
"Ngati nge a? Nuam lo tihna te i nei em ni?", Pa Zauan a ti a. Ka insawi fiah leh hrep. Nu Lawmi bula ka sawi ang thoin ni ka sawi.
"Ka awih teh hrep lo e", Zoan a ti hlak.
Ani awih leh awih loin kawng ro a su tawp si lo.
Chaw ei pawh a tui lo sawt, an ngui bam hlawmin ka hria.
Bibi phei chuan en pawh min en duh lo. Bibi chu sawi loh, chaw ei kham aṭang tumah an ṭawng lo reng reng. Ka ngaih an ti ṭha lo zawk.
Ka muhil thei lo chu ka inlet ka inlet a, pawn boruak hip ka duh em em bawk.
Inchunga ka chhoh chuan ka tihharh ka hlau hlawm bawk si. Pawnah ka chhuak ta ngawt a, step-ah ṭhuin boruak ka hip vang vang.
Dawrpui Venghlui boruak ka hip theih loh hun tur a thleng ṭep tawh.
"Eng nge i lo tih dawn?", ka bula Rta lo ṭhu chu ka zawt a. Min chhang loin a hma lam a en ngat ngat.
Zan dar sawm a ri tawh a, mipui vei vak an awm meuh tawh lo. Street light êng chuan min lo chhun pha a, Korean Drama vela awm ang maiin ka inhre leh tawh.
Ka nui var var a, ka mittui a hnâm ṭiam ṭiam.
"I hria em, he ina ka lo luh tirha suangtuahna rama ka chen nasat theih dan kha", Rta chu che eih loin a hma lam a en ngawt ngawt a. Min ngaithla tih ka hre tho.
Muangchangin ka hrilh a, ka nui paha, a changin ka mittui hruin ka insut faih faih bawk.
"Tunah pawh hian Korean Drama vela awm ang mai ka ni. Ka bulah i awm a", ti pahin ka kuah a, a darah ka lu ka nghat pah bawk.
"Mahse maw, Drama ni loin Reality-ah kan cheng tlat si a. Suangtuahna ramah a chen reng theih loh ang bawkin, mumang aṭang pawha harh chhuah hun a awm bawk si a", ka ti a. Rta chuan rawmawl min lo pe.
"Bialnu te i la nei ve ang a, a vannei dawn lutuk. Tunah pawh, ngawi rengin min ngaithla a, ka mittui hruk hulna tur rawmawl min pe a, hmeichhia te duhthusam i ni", a kiai sak.
"I bialnu tur chu Korean Drama chhungah a cheng reng dawn tihna a nia, ka thik ru em mai", ka ti leh a. A nui chhuak hawk.
A tawp nan, Rta chu kuahin a darah ka lu ka nghat leh a, Korean Drama chu a tawp dawn ta!
Nu Lawmi a chhuah daih avangin keimah chauhin ka awm a.
Nu Lawmi hmel pawh a la hlim hleithei lo.
Thawmhnaw suk tur zawng zawng ka su a, hmun phiat faiin chhuat ka nawt fai leh vek a.
Rta pindan pawh ka tifai. Lo hria pawh nise min hau dawn lo tih ka hria.
"Siami, naktuk chu, zingah nge i chhuah dawn tak?", Pa Zaua chuan tham chhalhin a ti a.
"Chaw ei khamah", tiin ka lo chhang thuai. A bak sawi belh kan nei lo a, tumahin chaw an lam nawn lo bawk. A reh ṭhiap mai.
Zanin chu Puipuii a lo leng leh a, naktuk maia ka chhuak tur a hria a hlim lutuk awmngaihna hre lo chu, ka keuh thlu chawrh chak asin.
Rta a pindanah a awm a, Nu Lawmi leh Pa Zaua ten Bibi lehkha an zirpui a.
Zoa, Papuia leh Puipuii te, kan pali chauhin tv hmaah kan awm a. Puipuii a ṭawng char char.
Chutah, Papuia tho thutin ka kut lo chelhin min chhuahpui ta daih!
Min chelh ngheh em avangin ka tal chhuak thei mai lo, kawngah min kal pui hlawk hlawk a, in kan hlat rawh lutuk.
"U Papui, U Papui, ding teh", ka au pah a. Hria ang pawhin a awm duh lo.
A ding thut chu a hnungah ka intauh.
Inhera min lo enin, "Engvanga chhuak tur nge i nih? Chhuak lo turin ka tih vek tawh che kha, nangpawhin i chhuah loh tur thu min tiam a-",
"U Papui, harsatna ka nei a, chu chu i hriatthiam ve a ngai", tiin ka lo pawtchat.
"Eng harsatna maw? Harsatna engmah i nei lo. I chhuah chhan tur dik tak min hrilh hma chu khawiah mah i kal lo ang", min chelhna chu a nâ ngut ngut mai.
"Ka sawi kha, ka chhungte puih ka duh alawm", ka tih chuan a lo nui hak.
"Lalnunpuii vang a ni em?", a tih leh chuan ka lo kâ ho. Ka lu ka thing a, "Engvangin nge Puipuii vangin ka chhuah ngawt ang?", ka ti zawi sep.
"A nih loh chuan engvanga chhuah tum nge i nih?", a ti leh. Ka chhang lo a, ka ngawi reng. Min kal pel tu ten min en hrek hrek.
"U Papui, miin min en duh teh a nia-
"Ka rilru ang i put ve ka lo ring a", a ti zawi sup a, beidawn hmel takin a thaw hrawk. Ka en a, a mittui a tla!
Ka rilru ang a pu ve tih a sawi tumna em ni?
"Puipuii lo lang lo se chhuah i tum tho ang em?", a tih leh chuan ka lo bu zeuh.
"Puipuii lo lang lo pawh nise ka chhuak tho ang. Chhungkua aia pawimawh a awm lo. Mahse", ka thaw hawk, "Puipuii a lo let leh tawh a", ka nuih saih, "Hlim deuhin awm rawh u, U Papui, hlim i phu em em asin, i hlimna hi engmah indal tir suh, in pahniha thlalak pawh i la kawl ṭhat kha", ka tih chuan ka kut a thlah riai riai.
Muangchanga inherin ka kalsan a.
Dawt, dawt vek. Lemchan vek a ni, lemchan thiam tak ka ni.
Tunah khan ka hmangaih em emin hmun ruak a awm thu min hrilh a, ka lo hnar!
Mi â tak ka ni. Ka tan a thinlungah hmun a awm thu a sawi a, ka lo hnar!
"Lo let tawh lo turin kalbo vang vang ang che", chu âw chu tu nge a nih hrilh ka ngai lo. Scooty kha lo sut tir hle hle ila ṭha tur.
"Siami", Zoa chu ka en a, "Ngati nge i ṭah a?", ka lu ka thing nak nak.
"Ka kut vawn i duh em?", ka lu ka thing nawk nawk.
"Ka kut lo vuan rawh, i him ang tih ka tiam che", ngen ngawl takin Zoa chuan a ti a. Ka lu ka thing nawk nawk.
Tu kut mah vawn ka duh lo, vawn ka duh em em kut pawh ka vuan thei si lo!
Ka thawmhnaw ka siam fel hnuin ka pa ka hrilh a, "Ka pa, min lo hruai phawt la, inah engkim ka sawifiah vek ang", ka ti a.
Bibi school kal duh loin a nuar tlat a, Rta erawh a kal thung. Papuia pawh a kal a, Zoa erawh a kal a la hun lo deuh niang.
Hmun ka tihfel zawhah ka insiam a, pheikhawk ka bun tur chu lehkha a lo awm.
*Rta ka nia, awmpui kan neih tawhah chuan i sual ber* ka nui hak.
*Ih maw, chut deuha awm hi ka duh bik miah lo asin, min hau bawrh bawrhin min hnek vel se ka ti ṭhin. Ka u te angin ka hmelṭha lo a, mahse; ka âw i ngaihzawn thu i sawi ka hriat khan, keimahah phurna a awm a, ngawi reng loa ṭawng ve tura min hrilh hrep lai khan, ka lawm em em zawk asin. Khami aṭang khan ka en apiang chein ka chhungah hian che a awm ṭhin, thinlung ka nei ve a ni tih ka hriat phah ziah. Chuan maw, i lo awm ṭan vela ṭhutthlenga i muhil kha, kan nawr kal che* tih thleng a ziah chu ka chhiar a.
Min nawr kal chu, keiin min pawm emaw ka tih kha ni maw? A va zahthlak e.
Ka nuih a za tho si, ka lawm tho bawk si.
A hnung lamah chuan a thinlung duhzawng apiang ti tur leh, mahse; chu a thinlung duhzawng pawh thlifim turin ka hrilh a.
Keimah chauh lo pawh hian ngaizawngtu tam tak a neih thu hrilhin, inringtawktaka awm turin ka hrilh a. A u te ang thoa hmelṭha tak a nih thu ka hrilh bawk.
A pindan kawngka ka tana a hawng ang chiahin, a chhungte tana hawng turin ka hrilh a, hawng reng turin ka hrilh malh malh. A thinlung thlenga hawng turin ka hrilh bawk.
Chut deuhin awm mah se, chu a chutna chu a chhungten an thlamuanpui zawk thu te ka hrilh a. Lehkha ṭha taka zira hlawhtling ngei turin ka hrilh pah a.
Pawna kan ṭhuta ka thusawite hre reng turin ka hrilh bawk.
Chu lehkha chu a pindan kawngka hnuai aṭang ka rawlh lut a.
Bibi, Nu Lawmi leh Zoa ten min thlah a.
"Awmpui pawh ni loin ka fanu ang chiah i ni, heng naupang thuawihlo tak tak te i enkawl ṭha hle tih ka hria a nia aw", min kuah pahin Nu Lawmi chuan a ti a.
"A tawpna a ni hleinem tiraw?", Zoan a ti sup. "Ni e, inhmuh hun a awm leh ngei ang", nui saihin ka ti a.
Bibi chuan min en ṭha duh lo, "Bibi, keipawhin ka ngai dawn lutuk che, lehkha ṭha deuhin lo zir rawh aw", ka ti a.
"Ka thu thu", a lo ti hlak.
Ka lo nui sak a, "A nih leh u aw", tia kal ka tum chu Bibi-in ka kut a lo man, "Sissy, kal lo mai rawh, i thu thuin ka awm ang. Ka tibuai tawh lo che ang a, i bulah pawh ka lo mu tawh miah lo ang. Tiffin pawh ka pai zat zat ang a, ka pindan pawh ka tihnawk tawh miah lo ang", ṭap vak vak chungin a ti a.
Naupangin a nu leh pa ngen a ang ka ti lutuk.
"Bibi, puitling deuhin awm tur", Nu Lawmin a lo ti a.
"Sissy, Papuia pawh nei turin ka ti tawh miah lo ang che", ṭap chungin a ti leh.
A buaithlak mang e, "Bibi, nakinah kan inhmu leh dawn alawm, tunah chuan ka kal rih phawt ang, ṭha taka min thlah ka duh a nia", muangchangin ka ti a.
Ka mittui a tlak loh nan ka khap fap fap.
Ka pa nen chuan kan tlan chhuak ta a.
Engtik emaw chuan inhmuh leh hun a awm ngei ang!
Papuia chu hmangaihna hlimawm leh lungchhiatthlak tak min tawn tir tu a nih angin, ka thinlungah engtiklai pawhin a cheng reng ang a.
Hmangaihna thawnthu zawng zawng a hlimawm zawngin a tawp vek lo tih min hriattirtu leh, thianghlim tak pawhin a inhmangaih theih tih min hriattirtu hi ka hmangaih reng ang.
Zoa pawh ka hre reng ang, misual deuh ka hmuh apiangin ka hre chhuak ziah ang a, mifel deuh ka hmuh pawhin ka hre chhuak ziah ang.
Bibi pawh, ka nau Famkima avangin ka hre reng ang. An chimawm dan a inang reng.
Rta, theihnghilh theih miah loh tur number one. Korean Drama tawpna khartu.
Nu Lawmi leh Pa Zaua te, he in leh Vengte, ka hre reng ang.
A tawp tak tak ta e!
Rta Speaks...
Ka pindana lehkha awm chu ka chhiar a, ka chhiar zawh hnuah wardrobe-ah ka dah nghal.
Ngawi rengin chaw kan ei tlang vek a, tumah ṭawng kan awm lo.
A ṭhutna ka va en a, nui sanga min lo en leh tura ka ngai chu ka tisual chiang kher asin.
A thu min chah chu ka hre reng a, vawilehkhata inthlak thut chu a har dawn lutuk.
Zanah pawnah chuan step-ah ka ṭhu a, ka dara a lu nghat paha min kuah zan kha ka ngai vawng vawng.
Zoa Speaks...
Siami awm lo chu in chhung a reh diak a, tumah thatho reng reng kan awm lo a ni ber.
Bibi hlim thei deuh pawh a ngui bam mai.
Puipuii ṭawng ri bak hriat tur a awm lo.
Siami kal bo aṭang Papuia, ka en ngam hlawl lo. Tui luan kawr aṭanga zu rui pawh chhuah hlim ang mai.
U Puipuiin a kalsan ṭuma a awm ang chiahin a awm leh.
"Bibi, Siami bulah chuan Papuia nena innei turin i hrilh maw?",
"Aw, chumi avang chuan a kal daih a niang. U, Papuia a duh loh chuan nangmah nei turin ka ti a",
"Chuan..",
"Chuan, a duh loh che chuan Rta nei turin ka ti leh a",
"Kum sawmpathum mi lekin chutiangte i ngaihtuah le", pen tai tai chungin ka ti a.
A ngaihtuahna hi a mak thei tak tak a ni.
Siami awm loh hnu aṭang kan in a reh mai bakah, My boy-a awm dan a dang sawt!
A pindan tihfai leh a thawmhnaw suk chu amahin a la chhunzawm zel a.
Mahse, a pindanah kan duh hun huna kan lut thei tawh hi ni!
Ka nu phei chu lawm avangin a mittui a tla hial.
A ṭawng duh tharin, fiamthu a sawi zeuh zeuh a.
A pindanah inkhung chawt tawh loin kan bulah a awm tam tawh zawk.
A nui deuh reng a, a hmel hmuh a nuamin a nelawm thar em em bawk.
Thak erawh a la ngam chuang hlei lo a.
Ka nî pawhin kan chhungkaw boruak a hria a, keimahin hrilh miau hek.
Ka nî chuan picnic a rawt a, ka pa pawhin a lo remti.
Kan chhungin kan kal a, ka patea te erawh kan thlim ta a ni. Lunglei aṭang an lo kal vang vang thei si lo.
Puipuii ka hmuh chuan ka thin a sa phat. Tuin nge sawm ve, ka nî a ni maw?
"Saw nu saw i sawm em ni?",
"Engvangin nge ka sawm ang? Papuia a bel chawt lehnghal. A sam zawng zawng pawh kawlh vek a nia ka duh", ka nî chuan a ti hlar hlar.
Ka nî a nih loh chuan tu nge ni ta ang? Amahin a lo inbarh lut leh nge mawni?
"Rta hi a mak tawp. Hetiang em em hian a lo lawmawm ang tih ka hre lo reng reng. Smart bawk si, ngeng ni chiah si lo, pa em em bawk si. Nui hmel a pu reng a, mi tihhlim dan a thiam bawk si", ka nî-in a ti dap dap.
Rta hi kan hlimpui ta ber mai. Vawiin chu a inti chhe lo lutuk, sunglass a vuah ngei a.
Papuia erawh kan la tiharh hlei thei lo a ni e.
Ka nî chuan Rta va piai nawk nawkin a fawp kual zuk zuk a. Ka lo nuih hak hak.
Puipuii awm loh hlan chuhin ka u bulah ka va ṭhu a, "Kan ṭha maw?",
"Ṭha e a",
"Thil ṭha lo te i tih phah ang e aw, hma lam i pan a nih chuan kir tawh suh", ka ti a.
"Ka lawm e", a lo ti sup.
"Engvangin maw?",
"Engkimah", a ti ringawt. Ka u hi ka hrechiang a, kei lo innghahna tur a nei bik chuang lo. Chu chu ka hre chiang em em.
Puipuii hi a kal bo lo a nih chuan ka u hian kir hun a nei leh ngei dawn, a chhan chu a thinlung hi a ṭha em a.
Mahse, Siami kha kal lo turin a duh tih ka hria. Engvanga chelh lo nge a nih?
University-ah Tlanhlua leh Dintluangi inzui ka hmu ṭhin a, ka rin ang chiah, Tlanhlua hian Dintluangi hi a duh chiang alawm.
Tlanhlua nen pawhin kan intibuai tawh ngai lo. Heti daih tawh tur hi nia.
Tlanhlua leh Siami te an inhre tak e.
"Siami te an dam ṭha maw?",
"Dam ṭha lutuk", a lo ti sak.
Siami number nei reng mah ila, va biak ka hreh deuh tlat.
Pangngai taka inbiak kan la hlat deuh a ni.
Ruatfela nen kan inbia a, University a khawharthlak zia ka hrilh malh malh.
"In thlai thar lo keng rawh u aw, kan lo mikhual ang che u. Dawrpui chu i hriat kha, bazar lun ber a nia", ka tih chuan a lo nui hawk hawk. A nui bal thei sia.
"Sawi lo pawh ni la, ka lo keng dawn. Nangman min zawrhpui ang",
"I zak lo e a", ka lo ti hlak.
Ka ṭhiana hi ka ngai tawh em mai.
Ka nî-in Papuia tan a ruka car a book sak thu min hrilh a, a hun thlen hmaa hrilh lo turin min ti.
Ka nî hi awm lo se Papuia hi engtin nge a awm ang tih ka ngaihtuah chhawng ve leh.
Kan in chhung boruak pawh My boy-a leh Bibi zarah kan zâng hawk.
University pan loin U Puipuii te in ka pan a, amah a lo awm ka beisei.
"U Puipuii biak lawk ka duh a",
"Lo lut rawh", ka lut a.
U Puipuii chu inchunga pangpar tui a pek thu a sawi a.
U Puipuii nu bulah chuan lawm thu hrilhin ka chho a.
Min hmuh chuan, "E he! Eng nge i lo tih dawn?", nui sang chungin a lo ti a.
A bulah ka va ding a, pangpar ho tui a pe mial mial tho.
"U Puipui, ka u avangin ka lo kal a",
"Ngati nge i u chu, a dam ṭha lo em ni?", a lo ti vat.
"Dam ṭha lo tih piah lam daih, a thi mek a ni",
"E, e, eng maw?", a hlauthawng hmel chu ka nuih hak.
"A chhan chu maw, a nunna ber i kalbo tir daih a", ka tih chuan a meng bial nasa lutuk.
Ka nuih leh hak a, "Ka sawi awmzia hrelo an awmin ka ring lo, ka u hian a nunna tur a panna kawngah nang thihna i lo dang a", ka ti chu min melh rum lutuk.
"Zohmangaih", thinrim takin a ti a. Ka hlau reng reng hleinem.
"Ka uin a hmangaihna che leh duatna te hnawlin mi dang i kawpsan a. Tunah, i kawpsan chuan i duh angin a enkawl si lo che a, ka u bulah i lo kal leh ta a",
"Ngawi hmak rawh",
"Ka u khan engtiang takin nge a tuar i hrethiam pha lo ang, zahna kâwn engzah nge a paltlang tih nen. I inchhir takzet a nih chuan ka u hi lo tibuai tawh suh",
"Ka hmangaih alawm", a tih chuan a darah nghet takin ka hmer a.
"Ngaithla rawh, hei hi maw hmangaihna i tih. Mi pakhat hmangaihna thinlung chu nâ takin i tikehsawm a, chu thinlung kehsawm chu tu emawin a zawm khawm sak leh a. Mahse, tikehsawmtu chuan chu zawm khawmtu chu thatin a tikehsawm leh mai ni loin, thinlung kehsawm neitupa nunna thleng chuan i la asin.
Chu chu maw hmangaihna i tih, i hmangaih tih ka pawm hun tur chu ka u bul hnaia ka hmuh loh hunah che a ni ang", sawi dat chungin ka ti a. A harh chhuah phah ngei ka beisei.
University panin ka tlan a. Ka thlen chuan Library-ah ka awm char char.
Ka u tan ti ni mah ila, a vawikhat nan ka thinlung hi a nâ ve tlat!
Ka kut vawn a duh loh thu a sawi kha, a vuan duh loh a nih chuan a pawi reng reng lo.
Mahse, a vawn duh tak kut chu vuan turin ka pui thei thung alawm.
Ka nî khan a sawi dik. Pawn lam mawina hi chu engmah a ni lo.
Chhung lam ṭhatna chuan min hmangaih tir a, chhung lam ṭhatna chuan pawn lam pawh a lo timawi ṭhin a nih hi!
U Puipuii pawh chu a lo lang zut tawh lo a, a lo kal chhunah pawh a awm rei ngai lo. A chang chuan chhun lamah, ka nu amah chauha a awmin a lo kal ṭhin ni tur a ni.
Ka nuin a sawi ziah zel.
"Khawiah nge i kal a?",
"Ka tlan kual lawk a, ka intithawveng lawk", ka bulah a lo ṭhu thla ve a.
"Ngati nge i lo luh loh?",
"Ka ṭhu lawk mai mai. An mu vek tawh em ni?",
"Mu lo e, tv kan en a",
"Ngati nge i lo chhuah?", ka tih chuan a ngawi daih.
A hnuah, "Ka ngai em a", a rawn ti hlawl.
"Tu maw?",
"A awmna ka hria asin", a tih chuan ka melh zawk a, ka hawisan lehnghal. Hre tur pawh a ni.
"Papuia kan hrilh duh ang em?", a ti leh.
"Ka hre lo le", thaw hrawkin ka ti a. Mahni tana chakai khawrh hun tak a ni.
"Ka u hi thi mai tur atan chuan ka duh lo", My boy-a chuan a ti a.
"U Puipuii bulah ka u tibuai tawh lo turin ka hrilh a, ka u tana ti ni mah ila, ka thinlung a nâ takzet a ni",
"Ka en apiangin ka chhung hi a che ṭhin, thinlung ka nei tih ka hriat phah ziah",
"Hmelṭha tia sawi tur chu a ni lo, mahse; a mizia kha a lawmawm em a ni",
"Awmpui, min hau hmasa ber tu a ni a, he in pawh intineitu taka enkawl hmasa ber tu a ni",
"Lalpa leh, Papuia hian a lo thlang thiam hle mai",
"Ka luhsan dawn che", ka dara lo beng chungin a ti a.
Siami chu, kan ngai tlang hlawm hle mai.
My boy-a kha!
In chhungah ka um zui vat a, a kawr nghawngah ṭhamin, "Nangpa hi, i rilru i pe tih sawi miah suh", ka ti thla rawk a.
"Ka pe alawm", a ti chu chhuatah ka thing thla rawk.
"Nangni unau chu ngati nge?", ka pain a lo ti vin ṭhat.
"Ka pa, Lalrintluanga hi", kawk pahin ka ti a. Ka awih thei lo.
A lo tho tur chu ka bawh thlu leh a, a kawr nghawngah ka ṭham tawn tawn.
"Nang hian min bum", ka mittui a tla zawih zawih. Zanin zet chu ka chhungte hmaah ka ṭap chhuak!
"Ngati nge a?", ka nu mangang âw ka hre zui zat.
Chhuatah ka let thla a, My boy-a chu thoin, "Bro, ti rawh, tho rawh le", a kut lo pharin a ti a. Bu zeuhin a nui a.
Tuna min koh dan kha, a kut chu banin min kai tho a.
"My boy", ti supin ka kuah a. Ka ṭap khur zawih zawih.
Ka nu leh pa ka en a, Bibi nen, mak ti taka min lo thlirtu te ka hmuh chuan ka thinlung nâ pawh a dam huai huai.
Tuna ka kuah mek pa pawh hi, a pindan ka en a, tumah kan lut ngai lo.
Tunah erawh, a pindan kawngkhar mai piah lamah, a thinlung thlengin a hawng tawh chu a nia.
"Papuia, Papuia hrilh ngei ngei ang che", ṭap chungin ka ti a. Ka mittui chuan ka khaw hmuh a tivai vek.
"Aw le, ka hrilh ang", mittui hnâm sawk chungin My boy-a pawh chuan a lo ti ve a.
He nau hi ka hmangaih.
A tawpah zawng, hmangaihna hian hnehna a chang leh nge nge zel a nih hi!
My boy-a chuan lehkhaah Siami awmna ziakin Papuia a pe a.
Zemabawkah Nurse zirin a lo awm daih a, Zonuam aṭang an lo insawn daih bawk.
Mahse, Papuia a la kal miah lo. My boy-an kal hmasa lo tura min tih angin ka insum hram hram.
"Awiii, nî", Bibi au tuar tuar chu kan chaw thleng thawnsanin kan va pan a.
"Ka nî", tiin a ṭap vak vak.
Papuia chuan phone chu lain, "Ka nî, damdawi inah an hruai".
Ka nî chuan Stroke avangin min boralsan!
Damdawi in kan thlen hnuah rei lo te a lo meng a, chu pawh a â phual mai.
Chu chu kan inhmuh tawpna a ni ta der mai.
Ka nî, fapa ang maia min enkawltu hmel dâng bal chu ka en a, a biang chu ka tawk zeuh, a lo vawt thlerh mai.
"Nî, lo tho leh rawh. Ka nî hi kai tho rawh u", Bibi leh Duati chu hauh theih pawh an ni lo.
Hauh chi pawh an ni lo hrim hrim.
"Ka nî, ka ngai dawn lutuk che", ti supin Rose par ka thlak a, lei chu ṭhamin ka thlah a.
Papuia Speaks...
Computer-ah chuan Puipuii nen kan thlalak ho delete fai vekin, ka nî thlalak hlirin a khat tawh thung.
Ka nî-in ka hriat loha car min lo book sak lo thleng chu, kan in kawtah a ding vang a.
Hlim em ema min hrilh tu tur ber lah chu a awm tawh si lo.
Chhuatah ṭhuin khum ka ngheng a, ka mittui a luang ngiai ngiai.
Car chahbi chu ka tuai ka tuai a, a chuang hmasa ber tu tur lah!
Rta lehkha min pek pawh chu ka en vang vang a. Ka mitthlaah a rawng lang zut zut mai.
Bibi nen an inhnial lai te, chhuat a nawh lai te, a ei rawngbawl lai te; a thleng sil lai te, a chaw ei lai te.
Ka nui hak a, a che hrim hrim kha a hmuhnawm a ni tawp.
Accident duhawm tak kha.
Phatsan nih leh ka hlauhna chuan chelh thei loin min siam a, ka rilru hrilh tur takngial pawhin huaisenna ka nei thei tawh lo.
Ka rilru ang a pu ve tih Zoan min hrilh pawhin, hlauhnain min hneh tawh em avangin ka ring thei lo.
Hei erawh ka chiang, ka hmangaih a ni tih kha.
Puipuii hmangaih tur erawh chuan hun rei tak ka duh a, Rsi erawh hun rei lo te chhungin ka hmangaih lawi si!
Puipuiin min kalsan aiin Rsin min kalsan hi nâ ka ti zawk.
Huaisen chhuahin lo chelh ta ila, min kalsan tho ang em?
*ṬHENKHAT TEN HMANGAIHNA AN ZAWN LAIIN ṬHENKHAT TEN AWLSAM TAKIN AN HMU LEH LAWI SI. ṬHENKHAT TEN HMANGAIHNA AN HNAWL A, ṬHENKHAT TEN HMANGAIHNA AN HUAT LAIIN ṬHENKHAT TEN HMANGAIHNA AN RING THUNG. A TAWPA ROPUI BER LEH TLO BER CHU HMANGAIHNA BAWK A NI LEH ṬHIN*
A TAWP TA
(Duhsak taka min chhiarsak avangin, ka thinlung zawng zawngin lawmthu ka sawi e.)
Show post links
Top
Ziaktu: Cck Lalchhuanawmi
Jenny nen inkhawm hun chhung chauhin inbe ṭhin mah ila, a ngaihawm dawn lutuk.
Nu Lawmi bulah rei lo te Jenny-te ina ka len lawk tur thu ka hrilh a, a lo remti nasa lutuk.
Jenny bakah kan ṭhian dangte ho nen Jenny-te inah kan kal a.
An sawi tam ber chu Zoa a ni. A mak pawh ka ti chuang lo.
"A nuam awm bik e, nitin Zoa i hmu thei bik dawn a", an ti lung lung. Ka lo nuih hak hak a. Keipawhin nuam ka ti, hetia intihtheih vel hi.
"Kei chu ka inkhawm lo mai ang, tlai ei rawng bawltu tur an awm dawn si lo a",
"Aw le, kan hrethiam alawm. Chawlhni bak hian kan inkawm thei ngai si lo a, group la siam ang u aw", Zualin a tih chuan, "Tunah siam nghal ang u", Nancy-in a lo ti var.
Group kan han siam chawpchilh a, "tumah z*hmawha pawt lo tur", Jenny-in a tih chuan kan nui dual dual a.
Ka ngai hlawm dawn mang e.
Ina ka lut chu Puipuii a lo awm leh reng tawh.
"Asiami leng a lo haw e", nui varin a ti a. Papuia bulah a ṭhu zat. An pahnih chauhin ka hmu, khawiah nge mi dang ho hi an awm ni?
Nui lui sakin, "Nia, ka'n inthlak lawk ang e",tiin ka pindan ka pan ding nghal vang vang.
Ka inthlak zawh hnuin khumah ka ṭhu ren rawn a, inkhawm tura an kal hun ka nghak. Ka va chhuak leh ngat a nih chuan ka ṭah khum duh mai ang!
Ei rawngbawl pahin Nu Lawmi bula chhuah ka duh thu ka hrilh dan tur ka ngaihtuah neuh neuh a.
Dik tak chuan he chhungkua hi chhuahsan ka duh lo a ni.
Hetiang taka min tibuaitu leh, tihtak zeta hna ka thawhna chhungkua hi chhuahsan ka duh thlawt lo.
"Sissy, ih maw, Puipuii hi a hma ang khan ka ngaina thei tawh thlawt lo", Bibi chuan inchung a en kar a. A ngaihtuah thui ve deuh a niang.
"Ngati maw?",
"Ka hre lo, amah avangin Papuia a cher vek tawh a", Bibi chu mak ti deuhin ka en. Papuia chuan a va lo tuar nasa dawn tak, chutia a cher vek chuan.
"Mahse maw Bibi, tunah chuan a lo kir leh tawh a, chuvang chuan ngainat tum leh rawh. Papuia pawh a hlim leh tawh em hi", ka ti a. Ka thinlung tak pawhin ka sawi lo. Thinglung taka lawmpui harsa ka ti.
"Papuia chu hlim leh tawh mah se, keimah ka hlim lo alawm. Sissy, Papuia nen innei mai ula",
"Lalhmunmawi, thu awmze nei lo sawi sawi suh", ka lo ti hlak. Dik tak chuan thleng tak tak se.
"Puipuii chu ka duh tawh lo. Papuia i duh loh chuan Zoa pawh a awm a, Zoa i duh loh pawhin Rta a awm bawk a", ka lo nui vak vak.
Ka en a, a thutak em em phian lehnghal, chu chuan ka nuih a tiza zual sauh. Ka nui vak vak a, min la hau zui.
"Sissy, nui tawh suh", mittui tling pamin min ti a.
"Aw le", tlemin ka insum ve deuh a, a ruk erawh chuan ka nuih a za lutuk. A ngaihtuahna hi a mak thei tak tak a ni.
Tui takin a mu bawrh bawrh a, kei erawh tui taka ka mut lohna pawh a rei ta.
"Rs, Zonuamah tiraw in awm kha?",
"Aw, tinge a?",
"Eng ni lo e, lo len pah zeuh zeuh te a rem dawn lutuk a, school ban hunah, hawna tur hmuh loh kar lak vel hian", nui var chungin a ti a.
Ni tak e, Chawlhhmun leh Zonuam chu chil chhak phak lek alawm a nih le.
Nu Lawmi bulah chuan inthiamlo deuh chungin ka sawi ta a. A ngawi vang vang.
"Siami, ngati teh thut nge a?", chhan mai dan tur ka hre lo. Ka kut ka sik niap niap a, chhuanlam ṭha deuh ka mamawh.
"Ka phal lo, i chhuak dawn lo reng reng",
"Nu Lawm, keiman ka duh alawm. Ka chhuah ngei ngei a ngai", ka lo ti vat.
"Bibi vang em ni?", a tih chuan ka lu ka lo thing nawk nawk.
"A nih chuan engvang nge a? Hlawh a tlem i ti deuh em ni?",
"Ka ti lo, ka ti lo lutuk. Nu Lawm, Bibi vang a ni lo a, tu vang mah a ni lo. Mahse, kan in lama awm a, chuta ṭanga ka chhungte puih ka duh tawh zawk a ni", ka ti ta tawp.
"A nuam lo i ti em ni?", tiin min zawt leh. "A nuam ka ti lutuk. A nuam ka la ti ber ang", nui sun sun chungin ka ti a. He ina chen hi ka duhthusam ber a ni. A nuam, a nuam takzet.
Nu Lawmi chuan lungsi lo tak chungin min pawmpui a. Mahse, nilaiah chauh ka chhuah min phalsak, "Hei hi chu min hnial thei lo ang, nilaiah chauh i chhuak thei ang", a ti sep. Tlem chuan a hnual ve deuhin ka hria.
Ka nu leh pate engtin nge ka hrilh tak ang le?
"Siami, nilaiah a chhuak dawn", Nu Lawmin a tih chuan, "Maw?", an ti rual dual.
Min lo en ṭhap a, ka nui ringawt.
"Ngati nge a? Nuam lo tihna te i nei em ni?", Pa Zauan a ti a. Ka insawi fiah leh hrep. Nu Lawmi bula ka sawi ang thoin ni ka sawi.
"Ka awih teh hrep lo e", Zoan a ti hlak.
Ani awih leh awih loin kawng ro a su tawp si lo.
Chaw ei pawh a tui lo sawt, an ngui bam hlawmin ka hria.
Bibi phei chuan en pawh min en duh lo. Bibi chu sawi loh, chaw ei kham aṭang tumah an ṭawng lo reng reng. Ka ngaih an ti ṭha lo zawk.
Ka muhil thei lo chu ka inlet ka inlet a, pawn boruak hip ka duh em em bawk.
Inchunga ka chhoh chuan ka tihharh ka hlau hlawm bawk si. Pawnah ka chhuak ta ngawt a, step-ah ṭhuin boruak ka hip vang vang.
Dawrpui Venghlui boruak ka hip theih loh hun tur a thleng ṭep tawh.
"Eng nge i lo tih dawn?", ka bula Rta lo ṭhu chu ka zawt a. Min chhang loin a hma lam a en ngat ngat.
Zan dar sawm a ri tawh a, mipui vei vak an awm meuh tawh lo. Street light êng chuan min lo chhun pha a, Korean Drama vela awm ang maiin ka inhre leh tawh.
Ka nui var var a, ka mittui a hnâm ṭiam ṭiam.
"I hria em, he ina ka lo luh tirha suangtuahna rama ka chen nasat theih dan kha", Rta chu che eih loin a hma lam a en ngawt ngawt a. Min ngaithla tih ka hre tho.
Muangchangin ka hrilh a, ka nui paha, a changin ka mittui hruin ka insut faih faih bawk.
"Tunah pawh hian Korean Drama vela awm ang mai ka ni. Ka bulah i awm a", ti pahin ka kuah a, a darah ka lu ka nghat pah bawk.
"Mahse maw, Drama ni loin Reality-ah kan cheng tlat si a. Suangtuahna ramah a chen reng theih loh ang bawkin, mumang aṭang pawha harh chhuah hun a awm bawk si a", ka ti a. Rta chuan rawmawl min lo pe.
"Bialnu te i la nei ve ang a, a vannei dawn lutuk. Tunah pawh, ngawi rengin min ngaithla a, ka mittui hruk hulna tur rawmawl min pe a, hmeichhia te duhthusam i ni", a kiai sak.
"I bialnu tur chu Korean Drama chhungah a cheng reng dawn tihna a nia, ka thik ru em mai", ka ti leh a. A nui chhuak hawk.
A tawp nan, Rta chu kuahin a darah ka lu ka nghat leh a, Korean Drama chu a tawp dawn ta!
Nu Lawmi a chhuah daih avangin keimah chauhin ka awm a.
Nu Lawmi hmel pawh a la hlim hleithei lo.
Thawmhnaw suk tur zawng zawng ka su a, hmun phiat faiin chhuat ka nawt fai leh vek a.
Rta pindan pawh ka tifai. Lo hria pawh nise min hau dawn lo tih ka hria.
"Siami, naktuk chu, zingah nge i chhuah dawn tak?", Pa Zaua chuan tham chhalhin a ti a.
"Chaw ei khamah", tiin ka lo chhang thuai. A bak sawi belh kan nei lo a, tumahin chaw an lam nawn lo bawk. A reh ṭhiap mai.
Zanin chu Puipuii a lo leng leh a, naktuk maia ka chhuak tur a hria a hlim lutuk awmngaihna hre lo chu, ka keuh thlu chawrh chak asin.
Rta a pindanah a awm a, Nu Lawmi leh Pa Zaua ten Bibi lehkha an zirpui a.
Zoa, Papuia leh Puipuii te, kan pali chauhin tv hmaah kan awm a. Puipuii a ṭawng char char.
Chutah, Papuia tho thutin ka kut lo chelhin min chhuahpui ta daih!
Min chelh ngheh em avangin ka tal chhuak thei mai lo, kawngah min kal pui hlawk hlawk a, in kan hlat rawh lutuk.
"U Papui, U Papui, ding teh", ka au pah a. Hria ang pawhin a awm duh lo.
A ding thut chu a hnungah ka intauh.
Inhera min lo enin, "Engvanga chhuak tur nge i nih? Chhuak lo turin ka tih vek tawh che kha, nangpawhin i chhuah loh tur thu min tiam a-",
"U Papui, harsatna ka nei a, chu chu i hriatthiam ve a ngai", tiin ka lo pawtchat.
"Eng harsatna maw? Harsatna engmah i nei lo. I chhuah chhan tur dik tak min hrilh hma chu khawiah mah i kal lo ang", min chelhna chu a nâ ngut ngut mai.
"Ka sawi kha, ka chhungte puih ka duh alawm", ka tih chuan a lo nui hak.
"Lalnunpuii vang a ni em?", a tih leh chuan ka lo kâ ho. Ka lu ka thing a, "Engvangin nge Puipuii vangin ka chhuah ngawt ang?", ka ti zawi sep.
"A nih loh chuan engvanga chhuah tum nge i nih?", a ti leh. Ka chhang lo a, ka ngawi reng. Min kal pel tu ten min en hrek hrek.
"U Papui, miin min en duh teh a nia-
"Ka rilru ang i put ve ka lo ring a", a ti zawi sup a, beidawn hmel takin a thaw hrawk. Ka en a, a mittui a tla!
Ka rilru ang a pu ve tih a sawi tumna em ni?
"Puipuii lo lang lo se chhuah i tum tho ang em?", a tih leh chuan ka lo bu zeuh.
"Puipuii lo lang lo pawh nise ka chhuak tho ang. Chhungkua aia pawimawh a awm lo. Mahse", ka thaw hawk, "Puipuii a lo let leh tawh a", ka nuih saih, "Hlim deuhin awm rawh u, U Papui, hlim i phu em em asin, i hlimna hi engmah indal tir suh, in pahniha thlalak pawh i la kawl ṭhat kha", ka tih chuan ka kut a thlah riai riai.
Muangchanga inherin ka kalsan a.
Dawt, dawt vek. Lemchan vek a ni, lemchan thiam tak ka ni.
Tunah khan ka hmangaih em emin hmun ruak a awm thu min hrilh a, ka lo hnar!
Mi â tak ka ni. Ka tan a thinlungah hmun a awm thu a sawi a, ka lo hnar!
"Lo let tawh lo turin kalbo vang vang ang che", chu âw chu tu nge a nih hrilh ka ngai lo. Scooty kha lo sut tir hle hle ila ṭha tur.
"Siami", Zoa chu ka en a, "Ngati nge i ṭah a?", ka lu ka thing nak nak.
"Ka kut vawn i duh em?", ka lu ka thing nawk nawk.
"Ka kut lo vuan rawh, i him ang tih ka tiam che", ngen ngawl takin Zoa chuan a ti a. Ka lu ka thing nawk nawk.
Tu kut mah vawn ka duh lo, vawn ka duh em em kut pawh ka vuan thei si lo!
Ka thawmhnaw ka siam fel hnuin ka pa ka hrilh a, "Ka pa, min lo hruai phawt la, inah engkim ka sawifiah vek ang", ka ti a.
Bibi school kal duh loin a nuar tlat a, Rta erawh a kal thung. Papuia pawh a kal a, Zoa erawh a kal a la hun lo deuh niang.
Hmun ka tihfel zawhah ka insiam a, pheikhawk ka bun tur chu lehkha a lo awm.
*Rta ka nia, awmpui kan neih tawhah chuan i sual ber* ka nui hak.
*Ih maw, chut deuha awm hi ka duh bik miah lo asin, min hau bawrh bawrhin min hnek vel se ka ti ṭhin. Ka u te angin ka hmelṭha lo a, mahse; ka âw i ngaihzawn thu i sawi ka hriat khan, keimahah phurna a awm a, ngawi reng loa ṭawng ve tura min hrilh hrep lai khan, ka lawm em em zawk asin. Khami aṭang khan ka en apiang chein ka chhungah hian che a awm ṭhin, thinlung ka nei ve a ni tih ka hriat phah ziah. Chuan maw, i lo awm ṭan vela ṭhutthlenga i muhil kha, kan nawr kal che* tih thleng a ziah chu ka chhiar a.
Min nawr kal chu, keiin min pawm emaw ka tih kha ni maw? A va zahthlak e.
Ka nuih a za tho si, ka lawm tho bawk si.
A hnung lamah chuan a thinlung duhzawng apiang ti tur leh, mahse; chu a thinlung duhzawng pawh thlifim turin ka hrilh a.
Keimah chauh lo pawh hian ngaizawngtu tam tak a neih thu hrilhin, inringtawktaka awm turin ka hrilh a. A u te ang thoa hmelṭha tak a nih thu ka hrilh bawk.
A pindan kawngka ka tana a hawng ang chiahin, a chhungte tana hawng turin ka hrilh a, hawng reng turin ka hrilh malh malh. A thinlung thlenga hawng turin ka hrilh bawk.
Chut deuhin awm mah se, chu a chutna chu a chhungten an thlamuanpui zawk thu te ka hrilh a. Lehkha ṭha taka zira hlawhtling ngei turin ka hrilh pah a.
Pawna kan ṭhuta ka thusawite hre reng turin ka hrilh bawk.
Chu lehkha chu a pindan kawngka hnuai aṭang ka rawlh lut a.
Bibi, Nu Lawmi leh Zoa ten min thlah a.
"Awmpui pawh ni loin ka fanu ang chiah i ni, heng naupang thuawihlo tak tak te i enkawl ṭha hle tih ka hria a nia aw", min kuah pahin Nu Lawmi chuan a ti a.
"A tawpna a ni hleinem tiraw?", Zoan a ti sup. "Ni e, inhmuh hun a awm leh ngei ang", nui saihin ka ti a.
Bibi chuan min en ṭha duh lo, "Bibi, keipawhin ka ngai dawn lutuk che, lehkha ṭha deuhin lo zir rawh aw", ka ti a.
"Ka thu thu", a lo ti hlak.
Ka lo nui sak a, "A nih leh u aw", tia kal ka tum chu Bibi-in ka kut a lo man, "Sissy, kal lo mai rawh, i thu thuin ka awm ang. Ka tibuai tawh lo che ang a, i bulah pawh ka lo mu tawh miah lo ang. Tiffin pawh ka pai zat zat ang a, ka pindan pawh ka tihnawk tawh miah lo ang", ṭap vak vak chungin a ti a.
Naupangin a nu leh pa ngen a ang ka ti lutuk.
"Bibi, puitling deuhin awm tur", Nu Lawmin a lo ti a.
"Sissy, Papuia pawh nei turin ka ti tawh miah lo ang che", ṭap chungin a ti leh.
A buaithlak mang e, "Bibi, nakinah kan inhmu leh dawn alawm, tunah chuan ka kal rih phawt ang, ṭha taka min thlah ka duh a nia", muangchangin ka ti a.
Ka mittui a tlak loh nan ka khap fap fap.
Ka pa nen chuan kan tlan chhuak ta a.
Engtik emaw chuan inhmuh leh hun a awm ngei ang!
Papuia chu hmangaihna hlimawm leh lungchhiatthlak tak min tawn tir tu a nih angin, ka thinlungah engtiklai pawhin a cheng reng ang a.
Hmangaihna thawnthu zawng zawng a hlimawm zawngin a tawp vek lo tih min hriattirtu leh, thianghlim tak pawhin a inhmangaih theih tih min hriattirtu hi ka hmangaih reng ang.
Zoa pawh ka hre reng ang, misual deuh ka hmuh apiangin ka hre chhuak ziah ang a, mifel deuh ka hmuh pawhin ka hre chhuak ziah ang.
Bibi pawh, ka nau Famkima avangin ka hre reng ang. An chimawm dan a inang reng.
Rta, theihnghilh theih miah loh tur number one. Korean Drama tawpna khartu.
Nu Lawmi leh Pa Zaua te, he in leh Vengte, ka hre reng ang.
A tawp tak tak ta e!
Rta Speaks...
Ka pindana lehkha awm chu ka chhiar a, ka chhiar zawh hnuah wardrobe-ah ka dah nghal.
Ngawi rengin chaw kan ei tlang vek a, tumah ṭawng kan awm lo.
A ṭhutna ka va en a, nui sanga min lo en leh tura ka ngai chu ka tisual chiang kher asin.
A thu min chah chu ka hre reng a, vawilehkhata inthlak thut chu a har dawn lutuk.
Zanah pawnah chuan step-ah ka ṭhu a, ka dara a lu nghat paha min kuah zan kha ka ngai vawng vawng.
Zoa Speaks...
Siami awm lo chu in chhung a reh diak a, tumah thatho reng reng kan awm lo a ni ber.
Bibi hlim thei deuh pawh a ngui bam mai.
Puipuii ṭawng ri bak hriat tur a awm lo.
Siami kal bo aṭang Papuia, ka en ngam hlawl lo. Tui luan kawr aṭanga zu rui pawh chhuah hlim ang mai.
U Puipuiin a kalsan ṭuma a awm ang chiahin a awm leh.
"Bibi, Siami bulah chuan Papuia nena innei turin i hrilh maw?",
"Aw, chumi avang chuan a kal daih a niang. U, Papuia a duh loh chuan nangmah nei turin ka ti a",
"Chuan..",
"Chuan, a duh loh che chuan Rta nei turin ka ti leh a",
"Kum sawmpathum mi lekin chutiangte i ngaihtuah le", pen tai tai chungin ka ti a.
A ngaihtuahna hi a mak thei tak tak a ni.
Siami awm loh hnu aṭang kan in a reh mai bakah, My boy-a awm dan a dang sawt!
A pindan tihfai leh a thawmhnaw suk chu amahin a la chhunzawm zel a.
Mahse, a pindanah kan duh hun huna kan lut thei tawh hi ni!
Ka nu phei chu lawm avangin a mittui a tla hial.
A ṭawng duh tharin, fiamthu a sawi zeuh zeuh a.
A pindanah inkhung chawt tawh loin kan bulah a awm tam tawh zawk.
A nui deuh reng a, a hmel hmuh a nuamin a nelawm thar em em bawk.
Thak erawh a la ngam chuang hlei lo a.
Ka nî pawhin kan chhungkaw boruak a hria a, keimahin hrilh miau hek.
Ka nî chuan picnic a rawt a, ka pa pawhin a lo remti.
Kan chhungin kan kal a, ka patea te erawh kan thlim ta a ni. Lunglei aṭang an lo kal vang vang thei si lo.
Puipuii ka hmuh chuan ka thin a sa phat. Tuin nge sawm ve, ka nî a ni maw?
"Saw nu saw i sawm em ni?",
"Engvangin nge ka sawm ang? Papuia a bel chawt lehnghal. A sam zawng zawng pawh kawlh vek a nia ka duh", ka nî chuan a ti hlar hlar.
Ka nî a nih loh chuan tu nge ni ta ang? Amahin a lo inbarh lut leh nge mawni?
"Rta hi a mak tawp. Hetiang em em hian a lo lawmawm ang tih ka hre lo reng reng. Smart bawk si, ngeng ni chiah si lo, pa em em bawk si. Nui hmel a pu reng a, mi tihhlim dan a thiam bawk si", ka nî-in a ti dap dap.
Rta hi kan hlimpui ta ber mai. Vawiin chu a inti chhe lo lutuk, sunglass a vuah ngei a.
Papuia erawh kan la tiharh hlei thei lo a ni e.
Ka nî chuan Rta va piai nawk nawkin a fawp kual zuk zuk a. Ka lo nuih hak hak.
Puipuii awm loh hlan chuhin ka u bulah ka va ṭhu a, "Kan ṭha maw?",
"Ṭha e a",
"Thil ṭha lo te i tih phah ang e aw, hma lam i pan a nih chuan kir tawh suh", ka ti a.
"Ka lawm e", a lo ti sup.
"Engvangin maw?",
"Engkimah", a ti ringawt. Ka u hi ka hrechiang a, kei lo innghahna tur a nei bik chuang lo. Chu chu ka hre chiang em em.
Puipuii hi a kal bo lo a nih chuan ka u hian kir hun a nei leh ngei dawn, a chhan chu a thinlung hi a ṭha em a.
Mahse, Siami kha kal lo turin a duh tih ka hria. Engvanga chelh lo nge a nih?
University-ah Tlanhlua leh Dintluangi inzui ka hmu ṭhin a, ka rin ang chiah, Tlanhlua hian Dintluangi hi a duh chiang alawm.
Tlanhlua nen pawhin kan intibuai tawh ngai lo. Heti daih tawh tur hi nia.
Tlanhlua leh Siami te an inhre tak e.
"Siami te an dam ṭha maw?",
"Dam ṭha lutuk", a lo ti sak.
Siami number nei reng mah ila, va biak ka hreh deuh tlat.
Pangngai taka inbiak kan la hlat deuh a ni.
Ruatfela nen kan inbia a, University a khawharthlak zia ka hrilh malh malh.
"In thlai thar lo keng rawh u aw, kan lo mikhual ang che u. Dawrpui chu i hriat kha, bazar lun ber a nia", ka tih chuan a lo nui hawk hawk. A nui bal thei sia.
"Sawi lo pawh ni la, ka lo keng dawn. Nangman min zawrhpui ang",
"I zak lo e a", ka lo ti hlak.
Ka ṭhiana hi ka ngai tawh em mai.
Ka nî-in Papuia tan a ruka car a book sak thu min hrilh a, a hun thlen hmaa hrilh lo turin min ti.
Ka nî hi awm lo se Papuia hi engtin nge a awm ang tih ka ngaihtuah chhawng ve leh.
Kan in chhung boruak pawh My boy-a leh Bibi zarah kan zâng hawk.
University pan loin U Puipuii te in ka pan a, amah a lo awm ka beisei.
"U Puipuii biak lawk ka duh a",
"Lo lut rawh", ka lut a.
U Puipuii chu inchunga pangpar tui a pek thu a sawi a.
U Puipuii nu bulah chuan lawm thu hrilhin ka chho a.
Min hmuh chuan, "E he! Eng nge i lo tih dawn?", nui sang chungin a lo ti a.
A bulah ka va ding a, pangpar ho tui a pe mial mial tho.
"U Puipui, ka u avangin ka lo kal a",
"Ngati nge i u chu, a dam ṭha lo em ni?", a lo ti vat.
"Dam ṭha lo tih piah lam daih, a thi mek a ni",
"E, e, eng maw?", a hlauthawng hmel chu ka nuih hak.
"A chhan chu maw, a nunna ber i kalbo tir daih a", ka tih chuan a meng bial nasa lutuk.
Ka nuih leh hak a, "Ka sawi awmzia hrelo an awmin ka ring lo, ka u hian a nunna tur a panna kawngah nang thihna i lo dang a", ka ti chu min melh rum lutuk.
"Zohmangaih", thinrim takin a ti a. Ka hlau reng reng hleinem.
"Ka uin a hmangaihna che leh duatna te hnawlin mi dang i kawpsan a. Tunah, i kawpsan chuan i duh angin a enkawl si lo che a, ka u bulah i lo kal leh ta a",
"Ngawi hmak rawh",
"Ka u khan engtiang takin nge a tuar i hrethiam pha lo ang, zahna kâwn engzah nge a paltlang tih nen. I inchhir takzet a nih chuan ka u hi lo tibuai tawh suh",
"Ka hmangaih alawm", a tih chuan a darah nghet takin ka hmer a.
"Ngaithla rawh, hei hi maw hmangaihna i tih. Mi pakhat hmangaihna thinlung chu nâ takin i tikehsawm a, chu thinlung kehsawm chu tu emawin a zawm khawm sak leh a. Mahse, tikehsawmtu chuan chu zawm khawmtu chu thatin a tikehsawm leh mai ni loin, thinlung kehsawm neitupa nunna thleng chuan i la asin.
Chu chu maw hmangaihna i tih, i hmangaih tih ka pawm hun tur chu ka u bul hnaia ka hmuh loh hunah che a ni ang", sawi dat chungin ka ti a. A harh chhuah phah ngei ka beisei.
University panin ka tlan a. Ka thlen chuan Library-ah ka awm char char.
Ka u tan ti ni mah ila, a vawikhat nan ka thinlung hi a nâ ve tlat!
Ka kut vawn a duh loh thu a sawi kha, a vuan duh loh a nih chuan a pawi reng reng lo.
Mahse, a vawn duh tak kut chu vuan turin ka pui thei thung alawm.
Ka nî khan a sawi dik. Pawn lam mawina hi chu engmah a ni lo.
Chhung lam ṭhatna chuan min hmangaih tir a, chhung lam ṭhatna chuan pawn lam pawh a lo timawi ṭhin a nih hi!
U Puipuii pawh chu a lo lang zut tawh lo a, a lo kal chhunah pawh a awm rei ngai lo. A chang chuan chhun lamah, ka nu amah chauha a awmin a lo kal ṭhin ni tur a ni.
Ka nuin a sawi ziah zel.
"Khawiah nge i kal a?",
"Ka tlan kual lawk a, ka intithawveng lawk", ka bulah a lo ṭhu thla ve a.
"Ngati nge i lo luh loh?",
"Ka ṭhu lawk mai mai. An mu vek tawh em ni?",
"Mu lo e, tv kan en a",
"Ngati nge i lo chhuah?", ka tih chuan a ngawi daih.
A hnuah, "Ka ngai em a", a rawn ti hlawl.
"Tu maw?",
"A awmna ka hria asin", a tih chuan ka melh zawk a, ka hawisan lehnghal. Hre tur pawh a ni.
"Papuia kan hrilh duh ang em?", a ti leh.
"Ka hre lo le", thaw hrawkin ka ti a. Mahni tana chakai khawrh hun tak a ni.
"Ka u hi thi mai tur atan chuan ka duh lo", My boy-a chuan a ti a.
"U Puipuii bulah ka u tibuai tawh lo turin ka hrilh a, ka u tana ti ni mah ila, ka thinlung a nâ takzet a ni",
"Ka en apiangin ka chhung hi a che ṭhin, thinlung ka nei tih ka hriat phah ziah",
"Hmelṭha tia sawi tur chu a ni lo, mahse; a mizia kha a lawmawm em a ni",
"Awmpui, min hau hmasa ber tu a ni a, he in pawh intineitu taka enkawl hmasa ber tu a ni",
"Lalpa leh, Papuia hian a lo thlang thiam hle mai",
"Ka luhsan dawn che", ka dara lo beng chungin a ti a.
Siami chu, kan ngai tlang hlawm hle mai.
My boy-a kha!
In chhungah ka um zui vat a, a kawr nghawngah ṭhamin, "Nangpa hi, i rilru i pe tih sawi miah suh", ka ti thla rawk a.
"Ka pe alawm", a ti chu chhuatah ka thing thla rawk.
"Nangni unau chu ngati nge?", ka pain a lo ti vin ṭhat.
"Ka pa, Lalrintluanga hi", kawk pahin ka ti a. Ka awih thei lo.
A lo tho tur chu ka bawh thlu leh a, a kawr nghawngah ka ṭham tawn tawn.
"Nang hian min bum", ka mittui a tla zawih zawih. Zanin zet chu ka chhungte hmaah ka ṭap chhuak!
"Ngati nge a?", ka nu mangang âw ka hre zui zat.
Chhuatah ka let thla a, My boy-a chu thoin, "Bro, ti rawh, tho rawh le", a kut lo pharin a ti a. Bu zeuhin a nui a.
Tuna min koh dan kha, a kut chu banin min kai tho a.
"My boy", ti supin ka kuah a. Ka ṭap khur zawih zawih.
Ka nu leh pa ka en a, Bibi nen, mak ti taka min lo thlirtu te ka hmuh chuan ka thinlung nâ pawh a dam huai huai.
Tuna ka kuah mek pa pawh hi, a pindan ka en a, tumah kan lut ngai lo.
Tunah erawh, a pindan kawngkhar mai piah lamah, a thinlung thlengin a hawng tawh chu a nia.
"Papuia, Papuia hrilh ngei ngei ang che", ṭap chungin ka ti a. Ka mittui chuan ka khaw hmuh a tivai vek.
"Aw le, ka hrilh ang", mittui hnâm sawk chungin My boy-a pawh chuan a lo ti ve a.
He nau hi ka hmangaih.
A tawpah zawng, hmangaihna hian hnehna a chang leh nge nge zel a nih hi!
My boy-a chuan lehkhaah Siami awmna ziakin Papuia a pe a.
Zemabawkah Nurse zirin a lo awm daih a, Zonuam aṭang an lo insawn daih bawk.
Mahse, Papuia a la kal miah lo. My boy-an kal hmasa lo tura min tih angin ka insum hram hram.
"Awiii, nî", Bibi au tuar tuar chu kan chaw thleng thawnsanin kan va pan a.
"Ka nî", tiin a ṭap vak vak.
Papuia chuan phone chu lain, "Ka nî, damdawi inah an hruai".
Ka nî chuan Stroke avangin min boralsan!
Damdawi in kan thlen hnuah rei lo te a lo meng a, chu pawh a â phual mai.
Chu chu kan inhmuh tawpna a ni ta der mai.
Ka nî, fapa ang maia min enkawltu hmel dâng bal chu ka en a, a biang chu ka tawk zeuh, a lo vawt thlerh mai.
"Nî, lo tho leh rawh. Ka nî hi kai tho rawh u", Bibi leh Duati chu hauh theih pawh an ni lo.
Hauh chi pawh an ni lo hrim hrim.
"Ka nî, ka ngai dawn lutuk che", ti supin Rose par ka thlak a, lei chu ṭhamin ka thlah a.
Papuia Speaks...
Computer-ah chuan Puipuii nen kan thlalak ho delete fai vekin, ka nî thlalak hlirin a khat tawh thung.
Ka nî-in ka hriat loha car min lo book sak lo thleng chu, kan in kawtah a ding vang a.
Hlim em ema min hrilh tu tur ber lah chu a awm tawh si lo.
Chhuatah ṭhuin khum ka ngheng a, ka mittui a luang ngiai ngiai.
Car chahbi chu ka tuai ka tuai a, a chuang hmasa ber tu tur lah!
Rta lehkha min pek pawh chu ka en vang vang a. Ka mitthlaah a rawng lang zut zut mai.
Bibi nen an inhnial lai te, chhuat a nawh lai te, a ei rawngbawl lai te; a thleng sil lai te, a chaw ei lai te.
Ka nui hak a, a che hrim hrim kha a hmuhnawm a ni tawp.
Accident duhawm tak kha.
Phatsan nih leh ka hlauhna chuan chelh thei loin min siam a, ka rilru hrilh tur takngial pawhin huaisenna ka nei thei tawh lo.
Ka rilru ang a pu ve tih Zoan min hrilh pawhin, hlauhnain min hneh tawh em avangin ka ring thei lo.
Hei erawh ka chiang, ka hmangaih a ni tih kha.
Puipuii hmangaih tur erawh chuan hun rei tak ka duh a, Rsi erawh hun rei lo te chhungin ka hmangaih lawi si!
Puipuiin min kalsan aiin Rsin min kalsan hi nâ ka ti zawk.
Huaisen chhuahin lo chelh ta ila, min kalsan tho ang em?
*ṬHENKHAT TEN HMANGAIHNA AN ZAWN LAIIN ṬHENKHAT TEN AWLSAM TAKIN AN HMU LEH LAWI SI. ṬHENKHAT TEN HMANGAIHNA AN HNAWL A, ṬHENKHAT TEN HMANGAIHNA AN HUAT LAIIN ṬHENKHAT TEN HMANGAIHNA AN RING THUNG. A TAWPA ROPUI BER LEH TLO BER CHU HMANGAIHNA BAWK A NI LEH ṬHIN*
A TAWP TA
(Duhsak taka min chhiarsak avangin, ka thinlung zawng zawngin lawmthu ka sawi e.)
Show post links
Top
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)