Brothers Conflict-7
Ziaktu: Cck Lalchhuanawmi
Papuia POV...
"Board exam in huphurh hlawm nge in phur tawh zawk?", tiin, ka zawt luam a.
Ka rin dan ang ngeiin an huphurh thuin min chhang thliah thliah. Keimah zawk hian ka huphurh ber tih an hre si lo a, anmahni ka'n en lah hian ṭang hmel ka la hmu lo Board exam-ah kan school hi kan nil ang tih ka hlau ber.
"Pi sahdah tiin kan ko tawh mai ang che", kan lo nui vak vak. Mamawia hi chuan a ngam ve em, "I ninawm lutuk, kei lo hmuam dang an tam em mai, mi hi ti deuh bik kher suh", Tluangi chuan a ti bak hlar a.
"Eng a? Chu, tih deuh bik kher i duh tihna law, zan lamah ni rawh se aw", Mamawian a ti leh. "Lalnunmawia tak hi chu aw", sen ṭawn ṭawn chungin Tluangin a ti a.
Khawngaihthlak viau mah se, a nuih loh theih loh bawk si, anni pahnih hi chuan boruak an siam ve hrim hrim.
"U, ka lo hruai ang che, ka bike tharah pawh i la chuang ve lo", Zoa message ka hmuh rual rualin ka kiai sak a. "Dawng thlum awm ve aw", Mamawia chu ka va en a, "Nang anga luck lo kan ni hleinem", ka ti chu a lo ner salh.
Zoa bike tharah chuan ka chuang ta ngei a, tlem chuan ka zak deuh, nula ka nih loh avang niang.
Tluang takin in kan thleng ve mai bawk a, Zoa erawh an group sum tuak nan inhlawhna tur an hmu a, a kal lehnghal.
Bike erawh a keng lo a, "Sawlai lawkah sawn nia, chaw kan ei nghal ang", insiam sawk sawk pahin a ti a.
Keipawh Executive ho committee a ngaih leh avangin chaw ei kham rual rualin ka chhuak ve lehnghal.
"Rs, khawngaihin Rta min koh sak lawk teh a", bathroom a tihfai lai inthlahrung deuhin ka va tir a. A ṭha reuh tum tum tak a ni.
Rta lo chhoh hnu chuan ka folder bo pakhat ka zawn tir a.
Reiloah a hmu nghal, ka nau hi chu a thiam mawle.
"Computer leh a chhungte an la ṭha hlawm maw?", a lo bu nghut a. A ṭawng lo leh lutuk hi achang chuan ka mang a tiang.
Folder chu hawngin Puipuii nena kan thlalak te ka en thla diat diat a, keimah nena kan lakna ai mahnin Bibi nena an lak dunna a tam zawk.
Hei vang pawh hi niang Bibi pawhin a ngaih theih em em, an pahnihin an inkawm ngeih em tak bawk a.
Pindan aṭanga ka chhuak Bibi pindan ka kal pelh dawn chuan, "Awmpui i nih kha?", tia vin deuh tak ka hre ta tlat.
Bibi âw ngei a ni, ka ding deuh chawt a, " Ka bazar dawn a, ka lo haw hunah chuan a fel vek tur a ni", Rsi a nih ngei dawn chu.
"Ka tihtur pawh a ni lo", ṭalh chuan, Bibi nen an inhnial titih chu a ni ta ber.
Inhnuaiah ka chhuk ta daih a, an insual loh hram ka beisei.
Lalrinsiami POV...
Chawhmeh bakah inchhung bawlhlo kan nghei tawh te khai bawr ṭun chungin bazarah ka tei fua fua a, kal dawna Bibi nen kan inbakkaih hmasak vang nge ni ka mood a dik thei reng reng lo.
Ṭawng thei lutuk a, naupang te te si; ka insum thei kha mak zawk tak a lawm. Ka nau te chuan min chhang zawt zawt ngam ngai lo a nia.
"Naktuk chu kan kal ho tawh dawn nia aw, khawi Department-ah nge i awm?", Nu Lawmi chuan a ti a. Chhan ka tum chu, "Senior 'B'-ah", Bibiin a lo ti.
Thaw hrawkin, "Beginner-ah", ka ti a. An nui uar uar.
"Pavalai President-a rual hian kal rawh", Zoa chuan nui tawi tak chungin a ti a. Papuia a kiai sup. A ṭha ve chiang lawm.
An inkhawm vek avangin Rta nen chauh kan awm a, keimah chauha awm angah ka inngai.
Inkhawm hlanin hmun ka tifai leh vek a, chhun lama ka bazarna vang nge mawni ka chau ve deuh.
Mipui huhang a nâ reuh tlat. Mi chi hrang hrang insûl pel tih takah, kan rim pawh a hrang vek.
Khumah ka bawk thlawp a, "A chauh theih ve", ka phun sep sep a. Mu bo daih thei ila. Khawvel hi a!
"Rs, zanah hian chhuat i nawt ṭhin tih ka lo hria a, ngati nge a? Chhunah i nawt ṭhin tho a, zanah te chuan a ngai tawh hleinem",
"Ka pa min hrilh dan chuan mihring chin hriat a ni lo a, mut dawnah in tihfel leh ngei ngei ṭhin tur a ti a. Ṭawng thu chhe loah, chhiat lo tawk thut ta ila, kan in a hnawk lutuk chuan zahthlak lamah a kal thei a", ka ti chuai raih a.
Papuia chuan dik a ti ve ni mai thei, a bu ve nghut nghut a. Mahse, "I tifel a nih pawhin chhuat chu nawt duh tawh suh, mut vek tawh hnuah tumahin kan rap leh tawh ngai lo a", nui saih chungin Papuia chuan a ti leh a.
Pawmpui tih hriat takin ka nuih let a, "I fel e", ti sapin a kal sawn nghal.
Inkhawm turin ka insiam ve mial mial a, ka tai a puar avangin puan ka bih nalh ve thei ṭhin lo hi buaithlak ber chu ni.
Ka inhnawih rimtui ve chem chem bawk a, lunglennain min tuam up up nghal.
Kan in ka ngai em mai. Kan Biak in te pawh, hetah chuan mahni te chauh ka ni dawn a, ṭhian pawh siam chawp a ngai dawn a; chubakah Biak in pawh a thar. Ka inkhawmpui tur te pawh ka inkhawmpui ṭhin an ni tawh dawn si lo.
Ka chhungte ka ngai lutuk.
Bathroom-ah ka inphih fai leh thuak thuak a, ka ṭap tih a hriat em lo ang chu.
A bul aṭangin ka inhnawih rimtui leh ringawt.
"Kei chu ka kal dawn nia, Thanan min lo sawm rawh a ti a, ka kal a nia", tiin, Zoa a au lauh lauh a. Bike tinung ri leh tlan ri a inzawm nghal.
Kein kan kal ho dial a, an nalh hlawm siau siau khawp mai.
Zoa pawh chhe lo lutuk, "An unauah chuan Zoa ka duh ber", tiin, an phun sep sep a, an inhrilh ru rek rek hlawm bawk.
A ṭhenin, "Kei chu Rta hi ka duh",
"Khatiang Engtin nge i duh theih a?",
"A pa a lawm", an inbiakna chu ka lo ngaithla ru kar a, a rukin ka nui ka nui.
An sawi tam ber chu Zoa a ni a, mahse; Zoa chu kei chuan ka hmu dang zo vek tawh.
Mipa nen an inngaizawng mai mai a, mahse; hmanniah Papuian ex Dindini a tih tak kha, a tuai leh lo niang, hriatchian phawt a ngai dawn.
Ka awm rei ve telh telh a, lalfapa pathum te huhang pawh ka la nêp tial tial, hmelṭha hlawmin Rta phei chu an sawi dan takah ngo vak lo ni mah se, a mizia leh che zia hian a tilang pa ve a, ani pawh tunah chuan ka tan chuan ngeiawm mai a ni tawh.
Kei chuan a awmdan vel hi ka ngai thei lo ṭan der.
"My boy, assignment min lo tihsak teh", Zoa chuan a kawngkhar bulah dahin a kalsawn nghal a.
Hetiang vel hi nia, a mizia ti mah se; ka khawng chawrh chak.
A pindan chu engteh fakoa ropui nge maw a nih ni, tumah luh phal lo mai.
Aw, a, ka lo sawi ve chiam tur a awm lo.
"Rs, zanin chu kan inah committee kan nei dawn a, khawngaihin thingpui ilo vel min lum sak rawh aw",
"Aw le, pu ber", salute pe paha ka ti chu Papuia a nui hak.
Keipawhin a chhan ka hre bik lo, Papuia hi chu ka tawngpawng ngainat ve ringawt. Amah lah chuti takin a inla mitak bawk si lo a.
Thingpui tui tawkin lum ila a ni mai alawm.
"Tiffin i theihnghilh", Bibi um pahin ka ti a, a hahthlak a nia.
Motor-ah a lo chuang hman, "Bibi?", darthlalang tihniamin hmanhmawh tawkin a lo ban a, ka thlauh lo chauh a ni.
Papuia te committe-na hmun tur sitting room bik chu vawi engzah nge ka tihfel pawh ka hre tawh lo.
Thildang buaipui loin an committee-na hmun tur ringawt ka ngaihtuah a, thingpui hmeh tur momo ka siam lawk ṭeuh bawk. "Good day biscuit a awm chuan a tawk", a ti tak naa, keiman tawk ka ti lo.
"Dindini nen in inṭhen em ni?", Nu Lawmi chuan a ti a. Ka lo phawk hru mai!
Zoa a bu nghut a, "Kawp lawr zut pawh hi a ni lo a nia, nakinah i la buai ang; a thuhrimah, a, ka sawi leh lo mai ang", Nu Lawmi chuan a ti dap dap a.
Engemaw ti takin Nu Lawmi ka lainat tlat nia, Zoa pawh chu ngati nge chutianga a awm ṭhin maw aw.
Papuia te committee ṭan hmain chhung inkhawm kan nei a, "Kan vanglai hian min Siamtu, Pathian kan hre reng tur a ni a, nulat tlangval lai hun kan hman ṭhat loh chuan nupui pasal kan neih hnuah buaina ho te te a chhuak duh fo. Kan ngaihpawimawh ber tur chu kan 'Thianghlimna' hi a ni. Nupui pasal kan neih hma chu kan vawn him tlat tur a ni a, kan nupui pasal te hnena kan thilpek theih hlu ber leh thilpek hlu ber a ni.
Ngaihzawng kan nei a nih pawhin kan 'Thianghlimna' kan invawnhimsak tawn tur a ni", Pa Zaua chuan a ti a.
A rukin pawmpui tih hriat takin ka lo bu lawp ṭhin.
Committee tur te an lo kal khawm ṭak ṭak a, Nu Lawmi te erawh Bibi lehkhazirpui turin an inzui chho leh diah diah a.
"Usiam, ka leng dawn a, ka lo haw tlai dawn; kawng lo kalh suh aw", zawi sapin Zoa chuan a ti a.
Khawiah chuan kal dawn ni maw, rawn ruih haw te hi a tum reuh ang a.
Ka va umzui, "Lo rui haw suh aw", ka ti thawr.
A thaw hrawk a, "Min va han chhuah chhe ve, lo buai suh", ti thla rawkin a inkhalh chhuak vut nghal.
Ka thin a phu dep dep!
Papuia te committee pawh chu ka ngaihtuah ṭha thei lo, Zoa ringawt chu ka ngaihtuah a, engtin nge a lo haw ang tih chu ka ngaihtuah ber a ni a, ka hlauthawng em em bawk.
"Rs, nizan kha kan lawm lutuk aw",
"A ho lutuk, engmah a nih loh kha",
"Kha, tukin chu i hmel a dang tlat, i mut ṭhat loh phah a ni ngei ang, committee kha kan rei ve em bawk a ni", Papuia chuan a ti leh charh charh a.
Zoa vang vek, nge rim nâ chunga a lo haw; thin phu dep depin kan lo nghak a, a pindanah pawh a chho thei lo nia. Nu Lawmi te ka hrilh nghe nghe dawn maw ni.
Nilengin ka mood a ti off, ka engtihmah a tho lo a, Zoa pindanah ka lut lo hmak.
Ka tifel peih lo, duh leh amahin tifelfai rawh se.
Zoa POV...
Nizan thil ngaihtuahin ka nui kur kur a, rui chhe turah min ngai ngei a nih dawn kha.
Beer ka in ringawt a ni a, ka nu te hriat hlau taka pindan thleng phun su su paha min chhohpui kha ka ngaihtuah apiangin ka nuih a za.
A va han zei lo ve chiang tak.
"Zo, hmanniah Lalnui ka hmu sin, mahse; ka be hman lo", Ruatfela chu, "I che muang thei e lawm, engtin nge i biak hman reng ang", ka lo ti khui khui a.
A lo ner nasa, "Takah, in awmpui thar chu, kan hunter-a hi a che leh dawn em?", ka dara beng thek thek chungin a ti leh.
" Thu dang sawi suh", muang fan raihin ka lo ti a, " Class-a i nuih kur kur chhan kha min han hrilh teh",
"Lalruatfel?",
"Eng nge?",
"Lalnui chu khawiah nge i hmuh?", ka ti leh a. Thunawi sawiin a ne ne kual vak ringawt, dawt a sawi leh ta maw ni.
Show post links
Top
Brothers_Conflict BY Cck Lalchhuanawmi (Completed)
Brothers Conflict-8
Ziaktu: Cck Lalchhuanawmi
Zoa POV...
"Keini ang cement chawk tlawk tlawk tan hi chuan tumah kan chhâi ngam ve lo, Zoa te angin kan hmel lah a pheu bawk si lo", nui sang chungin Rama chuan a ti a.
"A ho mai mai e a, hmel pheu leh pheu loh lam a ni lo; mipa chuan tumah chhâi ngam loh neih loh tur", ka ti charh charh a. "Nang te chu hnathawh thawmhnaw pawh i mawi zo pui alawm", pakhatin a lo ti leh.
Hnathawh an tituitang lo leh zo vek dawn, hahthlak hlawm ṭhin mamg e.
Eng ang pawhin han insawi hnâwm tum sateh mah ila, nui liam mai maiin an ei leh dawn lo tih ka hria.
Ka nui liam ta vel mai mai a, zep loah chuan hmelṭhat hi chu a hrehawm mawle, ka fiamthu.
"Usiam, tuilum a awm em?", kawngka kalh pahin a bu nghut a. Tuilum sa ver vawrin inbual ila chauh pawh a nêp deuh ang chu.
Ka inbual zo inthlak peih lo chu towel chauh veng chungin khumah ka tlu ṭhuai.
Men pawh ka meng thei tawh lo, ka muhil zui chu a ni mai.
"Bawiha, Zoa, tho teh", min sawi nawk nawk a, ka nu a ni ngei ang.
"Reilote ka mu leh lawk", lukhamin ka inkhuh nghal a, "Aw le, a nih, mu leh rawh, mahse; class kal i ngaih kha aw", kawngka inkhar riin a zui nghal.
Mutthilh ka tum leh ni a, ka muhil leh thei tawh chuang lo, thawh a hun ve hrim hrim tawh bawk a.
Khumah phak chuapin ka ṭhu a, intuai pawk pawkin towel nen chauh ka lo la awm, ka inthlak lo hrim hrim bawk nen.
Ka inthlak sawk sawk a, dar sawm a lo ri ṭep tawh.
Inhnuaiah chhukin Siamin, "Chaw i ei dawn em?", a lo ti a.
"Keimahin ka lo insiam mai ang", tun ang hunah chaw ei tur leh tur loh han in zawh, zingah an ei rualin ka ei lo tih a hre ve vek awm tho sia.
"Bike chu i lei theih tawh kha, inhlawh leh kher a ngai em ni?", ka nu chuan ka bula lo ṭhu pahin a ti a. "Nu, pocket money a ngai ve lawm", ka lo ti chuai raih a.
"Aw ka fapa", min lo kuah paha, "Nizan chu i thawk nasa ni maw, i âw aṭang i chau tih a hriat", min chul hliau hliau a, ka nuin min kuah chu ka chauhna zawng zawng an kiam duak duak hian ka hria.
A va nuam tak, nu nge nge.
"Lalnui chu maw, kan vengah a lo awm reng a", ṭhut hmun rem hma hmain, Ruatfela melh zeuhin, "A lawmawm chu", ti thla rawkin ka ṭhu âwn duai nghal a.
Ka kâwng a la nuam thei lo, ka mit chhing vang vangin khuma mu anga inngaih ka tum.
"Duattu i mamawh ni maw, ka lo duat ang che", ka dar hmet nuap nuap chungin a ti a. A âw aṭang chuan Dintluangi a ni tih ka hre thei.
Kan lo inhrawn rei ve tawh bawk a, hre tur pawh ka ni.
A nuam sawng sawng mai, ka la hnar phal hrih lo.
"Zanin chu kan inah chaw lo ei ta che, ka nuin a sawm che a",
"Eng nge min hmehpui dawn?",
"I duh duh a ni mai", dar tisang vahin Ruatfela chuan a ti a.
Inhlawh ka ngaih thu leh remchang hmasa bera ka ei tur thu ka hrilh a, a ṭhat thu a sawi ve mai a, a hmel erawh a dur khup thung.
A âwma va hnek zeuhin ka ei ngei ngei tur thu ka hrilh a, tlem chuan a hmel pawh a êng ta e.
"Zo, ka bum lo che a nia, khawngaihtakin min ring rawh", chawlh laia phone ka on whatsaap-a ka lut chu Dintluangi message a lo awm dul a, ka hawng lem lo.
Notification bar-ah a lang vek tho.
Chau zawr hnapin in ka thleng ve leh hram a, inthlak peih loin ka mu lehnghal.
Tun kar chho chu kan heti reng mai dawn a nih hmel hi a.
College-ah pawh ka awm muai muai reng a, "Ngati nge zan lamah cement work te in thawh?",
"A ṭul tlat si alawm", bul deuhin Ruatfela ka lo chhang.
"Zohmangaih, biak che ka duh nia", Tlanhlua ni maw.
La meng chuang loin, "Eng nge a, tikhan sawi rawh", ka ti a.
"Laldintluangi nen in inṭhen tak tak em ni?", chu chu maw, a va ho mai mai tak.
Kan inṭhen thu leh a duh chuan a neih theih thu ka hrilh a, "Nanga khawihchhiat hnu ka duh lo e, ka lawm e", a ti hmuk.
Chu chuan min deng dawt, ka meng chhuak chiang teh asin, ka harh phah kâwk bawk.
Muangchanga thoin a hmaah tak dingin, "Tu khawihchhiat hnu maw i duh loh?", chang fek fawkin ka ti a.
Chiang fak loin, "Zohmangaiha", ka khi sak.
"A ṭha lawm, ka khawihchhiat hnu i duh loh chuan, zanin hian ka'n khawihchhe law law ang e", ti zui hlakin ka kalsan a.
Ka ngaihzawn reng reng ho hi pakhatmah ka mutpui ngai lo, chutia min tih; dawt mah nise thinlung a tinâ tlat. A dawt chu thudikah chan tir ila, ka ngam alawm.
Chaw ei laiin an nui dar dar hlawm a, Bibi leh Siami an inbakkaih leh tawh aniang. Hemite pahnih hi chu aw, awm dun chi an ni lo chiang a ni.
"Tlanhlua thil sawi avang ringawt khan thil ṭha lo tih i tum ang e", Ruatfela message chu rang taka hawngin, "Lo lungngai suh", tih ka thawn let a. Zankhuain a mut ṭhat theih loh phah leh ngei ang le, ka ṭhiana hi a hlauthawng hma thei lutuk a, engmah tih ka tum lo.
"My boy, assignment kha i zo tawh em? Min lo pe chho mai teh aw", inchungah muangchangin ka chho a, inbual pawh ka peih lo tawp.
Naktuk college kal ṭhulh ka chak mang e, "Uzo",
"Het, min û reng reng suh", nui saih chungin ka ti a.
"Men pawh i men ṭhat theih loh kha, tuilum ka lo ken chhohsak che",
"Ka lawm e", khuma bawk pahin ka ti a, "I awngphah kha a bal vek dawn nih kha",
"Aw le, usiam, ka hria e", tho ṭual ṭual chungin ka ti a.
Ka thawmhnaw hlip mual mualin khumah chuan ka bawk leh.
"Va han ngeiawm tak e aw", Siami ti zui hlak ri hriain, engmah ka hre zawm tawh lo.
"Ka chau chhe der mai lawm le",
"A ni ang chu, cement work te chu zan lama thawh chi pawh a ni lo hrim hrim", ka pain a tih chuan, "Thawk tawh lo mai rawh", ka nuin a lo ti a.
Pocket money kan duh ve tho a, chawlh rikngawt pawh a ni chuang lo, "Kan zo ṭep tawh tho", kun ngaih chungin ka ti a.
Ka ring lah a kham ṭhum.
"U, car lei vat vat teh",
"Zama inthlahtir mai rawh", kawngka nghengin ka bu lawp lawp. Ka zawi ngawih ngawih, tha ka nei lo.
"Vawiin chu chawl mai teh", ka nuin min lo kuah, inchungah min chhopui.
Nilengin ka mu ṭhanharh pawh awm loin, mut ka van lo mamawh awm em em.
Rinsiami POV...
"Awmpui thar, Zoa khawiah nge?", ka luak a ti chhuak.
Mipa no leh lutuk hi chu a, "I lemchan kha duhtawk rawh, a pindanah a awm", ka ti thla rawk.
Ani pawhin, "Ka fiam che nih kha, tuai tak takah te min lo ngai ang e", ka no ken hian ka vawm chawrh dawn mawni le.
Bibi ei ngam loh turin thak tawkin bai ka siam a, a va han chak dawn lo rua em.
"Usiam, mukbang leh ta che",
"Aih, ka duh lo", inchhang tawk te te hi chu kan awm mawle.
Dawhthei ka tum viau a nia, a chimawm khat ve tlat bawk si a ni.
Nu Lawmi te hriat lohin ka la beng duh tak tak ang.
Papuia min hrilh angin zan lamah chhuat ka nawt tawh ngai lo a, tihfel erawh ka tifel reng tho. Inleng nei vak lo chung pawh hian a hnawk ve em em thei lutuk.
"Tikhan i hahdam deuh tawh em?", Papuia chuan a ti deuh sup a. "Hahdam tehreng mai", nui saih chungin ka lo ti.
"A nih chuan, mu hahdam leh vang vang tawh rawh le", kiai sup chungin a ti a, inchungah a chho nghal.
Mut a van tui dawn tak em!
Show post links
Top
Ziaktu: Cck Lalchhuanawmi
Zoa POV...
"Keini ang cement chawk tlawk tlawk tan hi chuan tumah kan chhâi ngam ve lo, Zoa te angin kan hmel lah a pheu bawk si lo", nui sang chungin Rama chuan a ti a.
"A ho mai mai e a, hmel pheu leh pheu loh lam a ni lo; mipa chuan tumah chhâi ngam loh neih loh tur", ka ti charh charh a. "Nang te chu hnathawh thawmhnaw pawh i mawi zo pui alawm", pakhatin a lo ti leh.
Hnathawh an tituitang lo leh zo vek dawn, hahthlak hlawm ṭhin mamg e.
Eng ang pawhin han insawi hnâwm tum sateh mah ila, nui liam mai maiin an ei leh dawn lo tih ka hria.
Ka nui liam ta vel mai mai a, zep loah chuan hmelṭhat hi chu a hrehawm mawle, ka fiamthu.
"Usiam, tuilum a awm em?", kawngka kalh pahin a bu nghut a. Tuilum sa ver vawrin inbual ila chauh pawh a nêp deuh ang chu.
Ka inbual zo inthlak peih lo chu towel chauh veng chungin khumah ka tlu ṭhuai.
Men pawh ka meng thei tawh lo, ka muhil zui chu a ni mai.
"Bawiha, Zoa, tho teh", min sawi nawk nawk a, ka nu a ni ngei ang.
"Reilote ka mu leh lawk", lukhamin ka inkhuh nghal a, "Aw le, a nih, mu leh rawh, mahse; class kal i ngaih kha aw", kawngka inkhar riin a zui nghal.
Mutthilh ka tum leh ni a, ka muhil leh thei tawh chuang lo, thawh a hun ve hrim hrim tawh bawk a.
Khumah phak chuapin ka ṭhu a, intuai pawk pawkin towel nen chauh ka lo la awm, ka inthlak lo hrim hrim bawk nen.
Ka inthlak sawk sawk a, dar sawm a lo ri ṭep tawh.
Inhnuaiah chhukin Siamin, "Chaw i ei dawn em?", a lo ti a.
"Keimahin ka lo insiam mai ang", tun ang hunah chaw ei tur leh tur loh han in zawh, zingah an ei rualin ka ei lo tih a hre ve vek awm tho sia.
"Bike chu i lei theih tawh kha, inhlawh leh kher a ngai em ni?", ka nu chuan ka bula lo ṭhu pahin a ti a. "Nu, pocket money a ngai ve lawm", ka lo ti chuai raih a.
"Aw ka fapa", min lo kuah paha, "Nizan chu i thawk nasa ni maw, i âw aṭang i chau tih a hriat", min chul hliau hliau a, ka nuin min kuah chu ka chauhna zawng zawng an kiam duak duak hian ka hria.
A va nuam tak, nu nge nge.
"Lalnui chu maw, kan vengah a lo awm reng a", ṭhut hmun rem hma hmain, Ruatfela melh zeuhin, "A lawmawm chu", ti thla rawkin ka ṭhu âwn duai nghal a.
Ka kâwng a la nuam thei lo, ka mit chhing vang vangin khuma mu anga inngaih ka tum.
"Duattu i mamawh ni maw, ka lo duat ang che", ka dar hmet nuap nuap chungin a ti a. A âw aṭang chuan Dintluangi a ni tih ka hre thei.
Kan lo inhrawn rei ve tawh bawk a, hre tur pawh ka ni.
A nuam sawng sawng mai, ka la hnar phal hrih lo.
"Zanin chu kan inah chaw lo ei ta che, ka nuin a sawm che a",
"Eng nge min hmehpui dawn?",
"I duh duh a ni mai", dar tisang vahin Ruatfela chuan a ti a.
Inhlawh ka ngaih thu leh remchang hmasa bera ka ei tur thu ka hrilh a, a ṭhat thu a sawi ve mai a, a hmel erawh a dur khup thung.
A âwma va hnek zeuhin ka ei ngei ngei tur thu ka hrilh a, tlem chuan a hmel pawh a êng ta e.
"Zo, ka bum lo che a nia, khawngaihtakin min ring rawh", chawlh laia phone ka on whatsaap-a ka lut chu Dintluangi message a lo awm dul a, ka hawng lem lo.
Notification bar-ah a lang vek tho.
Chau zawr hnapin in ka thleng ve leh hram a, inthlak peih loin ka mu lehnghal.
Tun kar chho chu kan heti reng mai dawn a nih hmel hi a.
College-ah pawh ka awm muai muai reng a, "Ngati nge zan lamah cement work te in thawh?",
"A ṭul tlat si alawm", bul deuhin Ruatfela ka lo chhang.
"Zohmangaih, biak che ka duh nia", Tlanhlua ni maw.
La meng chuang loin, "Eng nge a, tikhan sawi rawh", ka ti a.
"Laldintluangi nen in inṭhen tak tak em ni?", chu chu maw, a va ho mai mai tak.
Kan inṭhen thu leh a duh chuan a neih theih thu ka hrilh a, "Nanga khawihchhiat hnu ka duh lo e, ka lawm e", a ti hmuk.
Chu chuan min deng dawt, ka meng chhuak chiang teh asin, ka harh phah kâwk bawk.
Muangchanga thoin a hmaah tak dingin, "Tu khawihchhiat hnu maw i duh loh?", chang fek fawkin ka ti a.
Chiang fak loin, "Zohmangaiha", ka khi sak.
"A ṭha lawm, ka khawihchhiat hnu i duh loh chuan, zanin hian ka'n khawihchhe law law ang e", ti zui hlakin ka kalsan a.
Ka ngaihzawn reng reng ho hi pakhatmah ka mutpui ngai lo, chutia min tih; dawt mah nise thinlung a tinâ tlat. A dawt chu thudikah chan tir ila, ka ngam alawm.
Chaw ei laiin an nui dar dar hlawm a, Bibi leh Siami an inbakkaih leh tawh aniang. Hemite pahnih hi chu aw, awm dun chi an ni lo chiang a ni.
"Tlanhlua thil sawi avang ringawt khan thil ṭha lo tih i tum ang e", Ruatfela message chu rang taka hawngin, "Lo lungngai suh", tih ka thawn let a. Zankhuain a mut ṭhat theih loh phah leh ngei ang le, ka ṭhiana hi a hlauthawng hma thei lutuk a, engmah tih ka tum lo.
"My boy, assignment kha i zo tawh em? Min lo pe chho mai teh aw", inchungah muangchangin ka chho a, inbual pawh ka peih lo tawp.
Naktuk college kal ṭhulh ka chak mang e, "Uzo",
"Het, min û reng reng suh", nui saih chungin ka ti a.
"Men pawh i men ṭhat theih loh kha, tuilum ka lo ken chhohsak che",
"Ka lawm e", khuma bawk pahin ka ti a, "I awngphah kha a bal vek dawn nih kha",
"Aw le, usiam, ka hria e", tho ṭual ṭual chungin ka ti a.
Ka thawmhnaw hlip mual mualin khumah chuan ka bawk leh.
"Va han ngeiawm tak e aw", Siami ti zui hlak ri hriain, engmah ka hre zawm tawh lo.
"Ka chau chhe der mai lawm le",
"A ni ang chu, cement work te chu zan lama thawh chi pawh a ni lo hrim hrim", ka pain a tih chuan, "Thawk tawh lo mai rawh", ka nuin a lo ti a.
Pocket money kan duh ve tho a, chawlh rikngawt pawh a ni chuang lo, "Kan zo ṭep tawh tho", kun ngaih chungin ka ti a.
Ka ring lah a kham ṭhum.
"U, car lei vat vat teh",
"Zama inthlahtir mai rawh", kawngka nghengin ka bu lawp lawp. Ka zawi ngawih ngawih, tha ka nei lo.
"Vawiin chu chawl mai teh", ka nuin min lo kuah, inchungah min chhopui.
Nilengin ka mu ṭhanharh pawh awm loin, mut ka van lo mamawh awm em em.
Rinsiami POV...
"Awmpui thar, Zoa khawiah nge?", ka luak a ti chhuak.
Mipa no leh lutuk hi chu a, "I lemchan kha duhtawk rawh, a pindanah a awm", ka ti thla rawk.
Ani pawhin, "Ka fiam che nih kha, tuai tak takah te min lo ngai ang e", ka no ken hian ka vawm chawrh dawn mawni le.
Bibi ei ngam loh turin thak tawkin bai ka siam a, a va han chak dawn lo rua em.
"Usiam, mukbang leh ta che",
"Aih, ka duh lo", inchhang tawk te te hi chu kan awm mawle.
Dawhthei ka tum viau a nia, a chimawm khat ve tlat bawk si a ni.
Nu Lawmi te hriat lohin ka la beng duh tak tak ang.
Papuia min hrilh angin zan lamah chhuat ka nawt tawh ngai lo a, tihfel erawh ka tifel reng tho. Inleng nei vak lo chung pawh hian a hnawk ve em em thei lutuk.
"Tikhan i hahdam deuh tawh em?", Papuia chuan a ti deuh sup a. "Hahdam tehreng mai", nui saih chungin ka lo ti.
"A nih chuan, mu hahdam leh vang vang tawh rawh le", kiai sup chungin a ti a, inchungah a chho nghal.
Mut a van tui dawn tak em!
Show post links
Top
| Link: | |
| BBcode: | |
| HTML: | |
| Hide post links |
Brothers Conflict-9
Ziaktu: Cck Lalchhuanawmi
Lalrinsiami POV...
"Mate, min lo ngai em?",
" Ka ngai peih lo che, ngai hman che pawhin ka awm lo", ṭah âw deuh titihin ka ti a. A status en turin min ti.
Ka en chu ka message thawnna screenshot-in caption-ah *henu hi chu aw, message tlingkhawm hi a rapthlak lutuk, engtia awm thei nge mihringah* emoji nasa deuha nui vak lai pathum nen a up a, ka message hnutchhiah chu sang chuang a lo ni hman, eng thu te nge ka thawn ka hre tawh bik lo, keipawh chu ka nui tawp.
"A awihawm lo e", nui hak hak chungin ka ti a, "Khati chung khan min ngai loh thu i sawi vel a",
"Ka ngai lo che", ka la ti hram.
"Awle, duhtawk ang, lalfapate pathum chanchin chu min han hrilh tawh rawh le",
"Ka sawi duh dawn mile, lo ngaithla rawh aw. A upa ber chu Papuia a nia ani chu senior deuh lam tawh zirtirtu a nia khawi school-ah nge a thawh ka hre lo a dawt leh chu Zoa a nia ani hi chu maw hmelṭha veh vawh luck ang chi ler tel ang chi kha a dawt leh chu Rta ani hi chu ngeng lel lul lutuk ka ngei hluah hluah a awmdan vel hi maw a chang chuan ben lawl te hi ka chak ṭhin an naupang ber hi Bibi a nia hmeichhia a ni thung ani pawh hi ngeiawm chimawm sual lutuk ramhuai naute chiah chiah", thawk ka la vak.
"Ṭhiani, muangchangin sawi rawh, tumahin an sawi khalh dawn lo che", nui huah huah chungin a lo ti, engmah ka la sawi thei lo, thawk ka la vak vak a, ka thaw a chham mai dawn lawm.
"Lalfapa pawh an nih loh chu, nge dawt i sawi", ka meng kual rak rak, "Ka la sawi zo hleinem", ka ti hlak.
Sawi zawm turin min lo ti ve hlak, "Sawi zel dan tur pawh ka hre lo, tuna ka rilru luahtu ber chu Papuia hi nia",
"An pathum zingah a ṭha ber tihna mi?", ka chal ka beng dat dat, " A ṭha ber pawh ka ti chuang lo, ani chu a nunnemin a zaidam a, a mizia pawh la awm rei vak lo mah ila a ṭha tih ka chiang", ka sawi zawng ringawt pawhin ka mur chuai chuai thei.
Papuia ka tawngpawng ngainat thu te ka hrilh a, Nu Lawmi leh Pa Zaua te, Bibi nen kan inbakkaih dan te, Zoa rui haw a pindana ka hruai chhoh thu te leh Rta awm dan ka hriat zawng zawng, ka thlen tirh aṭanga ka awmchilh hnu thlenga ka hun hman dan ka hrilh fai vek a.
"Mahse maw Achhuan, keini ang te chu tu duh rual kan ni lo a, bakah tumah kan chhai ngam chuang lo a, hetia ral khat aṭanga lo thlir mai mai hi kan chan tawk", ka ti chuai raih a.
A thiamna zawng zawng sawm khawmin hnemna thu min fah ve luam, "Korea drama music a ri leh a nih pawhin rik tir mai mai rawh, a nuam awm bik sia, i bulah ka lo awm ve, keini'n star tur takngial pawh kan hmu zo lo a, nang chu pathum laiin an hual che nia, i vannei bik teh e, ka thik che", ka lo thaw hrawk, a hahthlak ngat ngat maw.
Ka awm rei ve deuh ta e, inchhung chet te pawh ka zei hawi ve deuh tawh.
Bibi-in min fiamna pawh ka la nêp deuh ta e, mahse; a chimawm a chhuah chhunzawm zel angin ka la vel chak reng.
Ngawih mai mai ka tum bik lo a, Nu Lawmi te awm loh lai a nih chuan ka ṭim nghek zel, ka sual thiam ve em mai a.
"Rs, khawngaihin zanin chu buai leh hram rawh aw, kan group inhmuhkhawmna kan nei dawn a",
"Awle, kan buai leh nga ni mai, mahse; min hrilh tlai lutuk a",
"Ka tum dan a nia, ka hrilh hma che chuan i phi leh chung dawn a, biscuit tih vel bak a ngai lo, thei tui in tur ka lo lei a, hetiang hi a tawk chiah", Papuia chuan nui suk chungin a ti a.
Korea drama music, a va buaithlak tak!
"Usiam, ka leng chhuak dawn, kawng lo kalh suh aw", a ti leh ta.
A hnung lam aṭang ka lo melh rawm rawm, rui chungin lo haw leh nâ teh se, Nu Lawmi te ka hrilh nghal ang.
Papuia te group inhmukhawm chu KṬP lam a lo nia, inhlawhna an hmu niawm tak a ni. An ri laih laih hlawm mai, tel ve a chakawm reuh tak tak, kan veng ka ngai.
Kan vengah kha chuan KṬP-ah kan group-ah pawh a langsar pawl ka ni ve ṭhin a nia, hetah chuan, hmelhriat ka nei ṭawk.
"In va bengchheng ve aw, in rel ṭha thei em ni?", Pa Zaua chuan a ti a. An rel theih ve mai thuin an lo chhang thliah thliah.
A hnuah erawh Nu Lawmi nen an pindanah an kal ta daih a, an fingin an fel reuh tak tak a ni. A hun leh hmun an hria ka ti tawp.
"Zoa chu nghah a ngai lo, amahin a lo haw ve thei reng alawm, va mu tawh rawh", Papuia chuan ham bai bai chungin a ti a.
Amah zawk hian mut a mamawh, ka mut thuai tura lo chhangin amah zawk mu turin ka ti a. School kal a la ngai a, zingah lah a tho hma ve thei si.
Hmun ka tifel leh mial mial, Zoa a lo haw har zek. Papuia min hrilh angin chhuat ka nawt tawh ngai lo, a hahdamthlak phian.
"Siami, Siami", chiang lo riaiin ka hria, ka meng de de chhin a min kotu chu tunge a nih ka hre thei mai lo. Meng reng chungin ka harh lo ni ber.
Phun zui hlakin min pawm kang!
Ka harh chiang chu khumah ka lo mu reng!
Inchung ka melh tlawk tlawk ringawt, nizana min pawma khuma min muttirtu kha tu tak ni ang maw.
Zoa lo haw hian min muttir a ni thei mai ang em aw.
Min pawm zawh chu ka ring chiah lo, chubakah 'Siami' tiin min ko a, tumahin Siami tiin min ko si lo a, Papuia ti dawn ila min koh dan kha, a ni leh bawk si. Zoa min koh dan pawh, tu chu nge maw ni ta ang aw.
Tho vatin kawngka ka va en a, a lo inkalh thlap, Zoa nge mawni dawn le.
Lu thing nar nar chungin inthiar turin bathroom ka pan daih.
Ei rawngbawl pahin nizan thil thleng ka ngaihtuah a, ka phur sâr thut, tumahin min la pawm ngai lo a, khumah min muttir thlap lo bawk.
A va nuam tak, tunge a nih hre chiang lo mah ila, ka vawikhat tawnna a ni bawk nen, tunah chuan nuam chiai chiai tawh tak a ni.
"Mumang a ṭha ni maw?", ka phu nasa lutuk chu ka kat dawrh.
"Mumang ṭhat vang pawh a ni chiah lo", ka hmui hnuai seh niap niap chungin ka ti a. Ngati nge mawni ka hmaa a din tawh chuan ka zam chhe tlat zel.
"Mumang vang a ni ngei ang", ṭalh chuan aw. Mumang atan kha chuan ka phal lo reng reng. Ka lu ka lo thing ringawt.
"Lalfapain a pawm che a ni ngei ang", phawk hruin ka en chho, a lo nui suk.
Engtin nge a hriat zawk.
Zawh tuma ka ang chu a kal sawn hman, va umzuia zawh chi lah a ni si lo, Papuia tak chu aw, ka ngaihtuahna a tibuai leh vek ta.
Tukṭhuan ei naah kan inhmu kim thei ta. Nu Lawmi leh Bibi bulah ka ṭhu a, ka hmaah Rta, Zoa leh Papuia te an ṭhu tawh a, arukin ka melh tawn sek zel.
Zoa ka hmuh dan a dang tlat bawk, "Nizan chu naute lian ka pawm a, ka sil ṭhum mai", a la ti zui. A hmel a nung sâr. Keimah min sawina a ni thei mai ang em? Nge maw kei min pawm avanga a hlim kher ang? A awihawm lo lutuk.
Mahse, ngaihtuahna mai mai pawh a hlimawm phian si a.
A ni thei lo ang, "Naute lian pawm tur i nei leh tawh tihna em ni?", Papuian kiai sak pahin a lo ti.
Papuia chuan min lo en zawkin, "Pawm ngai khawpa muhil kaihthawh theih loh te hi awm sela", a ti leh.
An thil sawi dan vel chuan min ti ṭek chhuai chhuai, ka za chung. Awmngaihna min hriattir dawn lo.
An pahnih zûnah ka uai thar leh a ni ringawt alawm, hui, engmah ka hrethiam tawh lo, ka hawi chhuak chu Korea drama music a rawn ri nghal chuai chuai.
Achhuani khan eng nge min hrilh kha, ni e; ka vannei alawm. Ka awmnaah hian Korea drama music atakin ka hre thei a.
"Usiam, lawm loha nui mi chuan damdawi an mamawh ṭhin a nia aw", ka nui lai ka tawp riai riai, zahnain min rawn tuam nghalin ka sa pup pup.
Ka nui tawi tak, an nui dar dar, "Ramhuai naute", tia, au khum nghek ka chak lutuk. Mahse, ka insum hram hram.
Nilengin ka ngaihtuahna a dik lo vek, ka eng tih mah a tho lo, vawikhat mah ṭhutthlengah ka mu tawh lo ang, Zoa pawh a duh chen chen leng rawh se; mi fel ber awm zia zanga ka lo nghah kher pawh kha a ṭul lo sin. Papuia thuawiha lo mut daih tur a nia.
"Mi â nu le", ka chal ka beng dat dat.
Keimah leh keimah ka han inhau leh vak vak, ka hauh bera lah hi ka â ve ropui bawk si.
"Taka Rs, i pain min lo thlah tak asin",Papuia chu mak tih hmel deuhin ka va en hû. "Lo lut turin ka ti tak naa min hnial tlat alawm le",Papuia chuan pawi tih hmel deuhin a ti leh.
Ka pa chu aw, lo luh ve mai awm. Papuia hian min fiam nge mawni le, "Engtin nge i hriat?", ka zawt hû.
"Kan inkawt kan lo thleng kha i thawhna a ni tih a sawi a, reilote kan inbe ṭha leh luam a, lo luh erawh min hnial tlat a nih kha", Papuia chuan a ti a.
Pa Zaua chuan, "Aw, lo chuankai tur alawm le, fair-te kha a thlawn i lo phut ringawt a nge aw", a ti a. Papuia pawhin, "Phut lo e, min hniam deuh naa a man dik tak ka pe tho. Rsi chawhmeh siam a thiam man a ni mai", nui suk chungin a ti.
Papuia hmelṭha lutuk saw va tihchhiat vek ania ka chak.
Chaw ei vel ka tihfel zawhin hmun ka hawl fai leh vek a, ka tih zawhin ka chhungte ka be vat, "Ka pa chu, i lo lut lo a min ngai ve lo mi?", ṭah âw ṭuau chungin ka va chhuahchhal.
"Kha vang khan lawm ka duh lo, ṭap ṭeuh chungin kan inkalsan dawn si a, ka lo lut duh lo a nih kha", ka pa thu min hrilh chuan ka mittui a sur tir nghal zung zung.
Inhnit hlawp hlawp chungin, "A rang thei ang bera lo haw ka tum ang", ka ti a.
Ka nuin, "I hman remchan hmasak berah i lo leng dawn nia, i nau Famkima phei chuan tihthinrim tur a nei lo a, a insawh a insawh mai", a tih chuan ka lo ṭah nui hawk hawk.
"I nui bal lutuk, Tlawngah va su rawh", Lalfamkima bawk chu, mipa ve si a ṭawngthei dan em em hi aw.
Mahse, hengte pawh hi tunah chuan an ngaihawm ta vek mai.
Ka nau dangte ho nen paw'n kan inbe tliar tliar a, hmaih theih loh kan pang ber keima arsaa kha, fiah lo deuh deuhin min ngaih thu a rawn sawi a, a u dangte ho a hek kual leh char char.
"Min duat lo", fiah kel kawlin a ti a, kan lo nui dar dar, a u te ho chu ka han hau fiam a, a lawm ve em em mai a ni.
Pindan aṭang chhuakin an lo reh ṭhiap, an pindan ṭheuhah an awm a nih ka ring ringawt.
Hmun tifel leh sawk sawkin, zanin chu Papuia te pawhin committee an nei tawh lo a, Zoa pawh a leng chhuak tawh dawn lo mawni, ka ngaihven peih lo a.
Rta pindan ka kal pelh dawn lai chuan, "Kill him kill him!", mak ka ti lutuk chu ka âng phuau ringawt.
Ka beng ka dawh hnai, "F*ck", a ṭawngkam a mawi lo phian a.
Thil tla nge mawni ri rawk ka hria chu ka kal sawn rang teh e, chokaah ka tlan phei a ni mah zawk.
Ka âwm ka dawm vang vang, Rta âw ka vawikhat hriatna.
Mipain nei tura ka duh âw pa lutuk mai a nei!
Rta a ni chiang alawm, a pindanah tumah an lut ngai lo a, amah bak va ni suh.
A âw zûn chuan a lamah min phuar leh sauh sauh.
Korea drama music, ka lu chung muangchangin ka en, Rta suit nalh dum tle zuara ka lam pana lo kal zal zal, leh kei kawr var fual ṭha lutuka Maichama pangpar keng chunga ka ding an lo lang tuar tuar.
"A ni thei lo a ni thei lo", ka inbeng vak vak.
"Eng maw ni thei lo?", ka âu vak ka phu nasa lutuk chu.
Rta lo ni rengin, ka thin a phu dup dup, headphone a nghawngah awrhin, t-shirt ban bul dum leh boxer dum a khup khuh chiah chiah, chapal a bun lo.
Tui a in khawlh khawlh, a Addams' Apple che chhuk chho chu hmuhnawm tak a ni. A âw a la pa em em zui.
Tunah chuan Rta pawh maw, "Lalrinsiam, harhchhuah i ngai takzet", ka rilruin ka inhau mawlh mawlh.
(Chhunzawmna)
"Bibi, nizan ang em em kha chuan i thiam lo ngai si lo, a mak em mai", Pa Zauan a tih chuan Bibi ka en vat a, a lo ngui bur mai. Lehkha an inzirtir leh a va nih hmel ve.
Pa Zaua sawi hmangah a thiam thei lo a ni phawt ang a, tih fakna tur ka nei hlauh e.
"Bibi, ka bulah lo kal ta che", Zoan a lo ti, "A awihawm lo lutuk Zohmangaih", Nu Lawmin a lo ti vat, Pa Zaua a lo nui hak.
Papuia lo inrawlhin, "Lehkha zir te chu Rta hian a pui thei reng alawm, games bak a buaipui chuang lo", thum dut dutin a ti a.
Rta ṭawng se ka tih em avangin a ṭawng hun ka chang char char, tlumtea thlir tak te pawhin awmzia awm lo.
"I va han hahthlak thei tak", Nu Lawmi ka va en vat, a âwka vin ka vawikhat hriatna.
Phone-ah tu emaw nen an inbia a, a thinrim hmel em em lehnghal, engthil tak chu ni ang maw, tukin aṭang boruak a ṭha lo ni berin ka hria.
Bibi lehkha zir thiam loh avang chuan a ni thei chiah si lo, keimah zawk ka lo inthlahrung.
"Ngawi hmak rawh, khatin mi chhang reng reng suh", Nu Lawmi a au ṭhawt, en pawh ka en ngam tawh lo. Bathroom-ah ka lut daih a chhuanlamah ka tifai ta vel mai mai.
"Chhungkuaah chuan thinrimna te leh intihthiam loh chang te chu a awm tur alawm", tiin, ka inhrilh mawlh mawlh. Bathroom aṭanga chhuah pawh ka huphurh vek.
"Siami?",
"Eih", Nu Lawmi hmel hmuh ka huphurh, min koh dan chu nêm viau mah se, bathroom aṭang ka chhuak, chokaah a lo vei thauh thauh.
"Eng nge ni ta?", nui var chung chuan ka ti ve naa, ka chhungril a hlim lo a khur dar dar. "Ka hmu mai lo che alawm le", Nu Lawmi chuan a ti a.
Bathroom ka tihfai thuin ka lo chhang keuh, ka tifai tak tak reng bawk a. "Papuia te nî-in buaina a siam a ka va kal lawk ang e, a hahthlak thei em mai. Pindan khi lo tifai lawk mai rawh aw, ka rawn hruai haw pawh a ngai mai thei a ni", a thaw hrawk.
Chuvang chiah a nih ngei dawn chu.
Taxi chan chawp a ngaih dawn avangin insiam sawk sawkin a chhuak nghal, pasalte farnu buaina siam avangin a buai phah chu ania, kei chu ka peih teuh lo mai.
Inchungah chhoin pindan chu ka tifel a, tihfai zin a nih loh avangin phurthak ka kai kal phat, inbual ngei ngei a ngai.
"Papuia hi hna a thawk leh em ni?", Pa Zaua chuan Nu Lawmi en pahin a ti a, "Awww a nî bulah a awm, a school banah kal turin a call sek a nih kha", nêm duai loin a lo chhang.
"A mak ṭhin e, engtin nge maw kan han tih ang aw", Pa Zaua chuan a ti chuai raih, hawi chhuak loin chaw ka ei mial mial a, chaw khawrh an ngaih thulhah erawh ka hawi chhuak zeuh zeuh.
Papuia pawh chuan engvanga a nî thu thua awm nge maw a nih le, hahthlak.
"Keipawh min lo call sek a, a sawi tur ka hre vek a ka chhang duh lo hrim hrim", Zoa chuan a ti ve leh, "Usiam, eng nga tinge i va vual nasa ve", a tihzawm nghal.
Hepa tak hi chu aw, " A, ngati vak mah", min en du du.
"I nî ka ruala a lo haw duh takah ka tia room khi tifai turin ka ti nih kha, a lo haw duh leh bawk si lo, a awmdan hi a herh leh lutuk a e, atir chuan ka lo haw dawn a ti reng alawm, haw dawn tak takah a duh leh mang si lo. Papuia a call tlut tlut a, han ti hluai dawn ila keini aia upa ka nu leh pa an awm ve kur a, mo mai maiin pasal te farnu hauh vak thu a awm bawk si lo", Nu Lawmi chuan a ti dap dap.
A inbunruak a ni ve ngei ang, Pa Zaua ka en a, a lo hriatthiam hmel lutuk. Ka va duh nupa tak em.
Tlem chuan chaw ei a tui lo.
Khumah ka bawk thlawp, chhung inkhawm neih zawh rual rualin Nu Lawmi leh Pa Zaua te an chhuak a, Bibi pawhin a zui ve.
Vawiin ni hman chu a nuam lem lo khawp.
Show post links
Top
Ziaktu: Cck Lalchhuanawmi
Lalrinsiami POV...
"Mate, min lo ngai em?",
" Ka ngai peih lo che, ngai hman che pawhin ka awm lo", ṭah âw deuh titihin ka ti a. A status en turin min ti.
Ka en chu ka message thawnna screenshot-in caption-ah *henu hi chu aw, message tlingkhawm hi a rapthlak lutuk, engtia awm thei nge mihringah* emoji nasa deuha nui vak lai pathum nen a up a, ka message hnutchhiah chu sang chuang a lo ni hman, eng thu te nge ka thawn ka hre tawh bik lo, keipawh chu ka nui tawp.
"A awihawm lo e", nui hak hak chungin ka ti a, "Khati chung khan min ngai loh thu i sawi vel a",
"Ka ngai lo che", ka la ti hram.
"Awle, duhtawk ang, lalfapate pathum chanchin chu min han hrilh tawh rawh le",
"Ka sawi duh dawn mile, lo ngaithla rawh aw. A upa ber chu Papuia a nia ani chu senior deuh lam tawh zirtirtu a nia khawi school-ah nge a thawh ka hre lo a dawt leh chu Zoa a nia ani hi chu maw hmelṭha veh vawh luck ang chi ler tel ang chi kha a dawt leh chu Rta ani hi chu ngeng lel lul lutuk ka ngei hluah hluah a awmdan vel hi maw a chang chuan ben lawl te hi ka chak ṭhin an naupang ber hi Bibi a nia hmeichhia a ni thung ani pawh hi ngeiawm chimawm sual lutuk ramhuai naute chiah chiah", thawk ka la vak.
"Ṭhiani, muangchangin sawi rawh, tumahin an sawi khalh dawn lo che", nui huah huah chungin a lo ti, engmah ka la sawi thei lo, thawk ka la vak vak a, ka thaw a chham mai dawn lawm.
"Lalfapa pawh an nih loh chu, nge dawt i sawi", ka meng kual rak rak, "Ka la sawi zo hleinem", ka ti hlak.
Sawi zawm turin min lo ti ve hlak, "Sawi zel dan tur pawh ka hre lo, tuna ka rilru luahtu ber chu Papuia hi nia",
"An pathum zingah a ṭha ber tihna mi?", ka chal ka beng dat dat, " A ṭha ber pawh ka ti chuang lo, ani chu a nunnemin a zaidam a, a mizia pawh la awm rei vak lo mah ila a ṭha tih ka chiang", ka sawi zawng ringawt pawhin ka mur chuai chuai thei.
Papuia ka tawngpawng ngainat thu te ka hrilh a, Nu Lawmi leh Pa Zaua te, Bibi nen kan inbakkaih dan te, Zoa rui haw a pindana ka hruai chhoh thu te leh Rta awm dan ka hriat zawng zawng, ka thlen tirh aṭanga ka awmchilh hnu thlenga ka hun hman dan ka hrilh fai vek a.
"Mahse maw Achhuan, keini ang te chu tu duh rual kan ni lo a, bakah tumah kan chhai ngam chuang lo a, hetia ral khat aṭanga lo thlir mai mai hi kan chan tawk", ka ti chuai raih a.
A thiamna zawng zawng sawm khawmin hnemna thu min fah ve luam, "Korea drama music a ri leh a nih pawhin rik tir mai mai rawh, a nuam awm bik sia, i bulah ka lo awm ve, keini'n star tur takngial pawh kan hmu zo lo a, nang chu pathum laiin an hual che nia, i vannei bik teh e, ka thik che", ka lo thaw hrawk, a hahthlak ngat ngat maw.
Ka awm rei ve deuh ta e, inchhung chet te pawh ka zei hawi ve deuh tawh.
Bibi-in min fiamna pawh ka la nêp deuh ta e, mahse; a chimawm a chhuah chhunzawm zel angin ka la vel chak reng.
Ngawih mai mai ka tum bik lo a, Nu Lawmi te awm loh lai a nih chuan ka ṭim nghek zel, ka sual thiam ve em mai a.
"Rs, khawngaihin zanin chu buai leh hram rawh aw, kan group inhmuhkhawmna kan nei dawn a",
"Awle, kan buai leh nga ni mai, mahse; min hrilh tlai lutuk a",
"Ka tum dan a nia, ka hrilh hma che chuan i phi leh chung dawn a, biscuit tih vel bak a ngai lo, thei tui in tur ka lo lei a, hetiang hi a tawk chiah", Papuia chuan nui suk chungin a ti a.
Korea drama music, a va buaithlak tak!
"Usiam, ka leng chhuak dawn, kawng lo kalh suh aw", a ti leh ta.
A hnung lam aṭang ka lo melh rawm rawm, rui chungin lo haw leh nâ teh se, Nu Lawmi te ka hrilh nghal ang.
Papuia te group inhmukhawm chu KṬP lam a lo nia, inhlawhna an hmu niawm tak a ni. An ri laih laih hlawm mai, tel ve a chakawm reuh tak tak, kan veng ka ngai.
Kan vengah kha chuan KṬP-ah kan group-ah pawh a langsar pawl ka ni ve ṭhin a nia, hetah chuan, hmelhriat ka nei ṭawk.
"In va bengchheng ve aw, in rel ṭha thei em ni?", Pa Zaua chuan a ti a. An rel theih ve mai thuin an lo chhang thliah thliah.
A hnuah erawh Nu Lawmi nen an pindanah an kal ta daih a, an fingin an fel reuh tak tak a ni. A hun leh hmun an hria ka ti tawp.
"Zoa chu nghah a ngai lo, amahin a lo haw ve thei reng alawm, va mu tawh rawh", Papuia chuan ham bai bai chungin a ti a.
Amah zawk hian mut a mamawh, ka mut thuai tura lo chhangin amah zawk mu turin ka ti a. School kal a la ngai a, zingah lah a tho hma ve thei si.
Hmun ka tifel leh mial mial, Zoa a lo haw har zek. Papuia min hrilh angin chhuat ka nawt tawh ngai lo, a hahdamthlak phian.
"Siami, Siami", chiang lo riaiin ka hria, ka meng de de chhin a min kotu chu tunge a nih ka hre thei mai lo. Meng reng chungin ka harh lo ni ber.
Phun zui hlakin min pawm kang!
Ka harh chiang chu khumah ka lo mu reng!
Inchung ka melh tlawk tlawk ringawt, nizana min pawma khuma min muttirtu kha tu tak ni ang maw.
Zoa lo haw hian min muttir a ni thei mai ang em aw.
Min pawm zawh chu ka ring chiah lo, chubakah 'Siami' tiin min ko a, tumahin Siami tiin min ko si lo a, Papuia ti dawn ila min koh dan kha, a ni leh bawk si. Zoa min koh dan pawh, tu chu nge maw ni ta ang aw.
Tho vatin kawngka ka va en a, a lo inkalh thlap, Zoa nge mawni dawn le.
Lu thing nar nar chungin inthiar turin bathroom ka pan daih.
Ei rawngbawl pahin nizan thil thleng ka ngaihtuah a, ka phur sâr thut, tumahin min la pawm ngai lo a, khumah min muttir thlap lo bawk.
A va nuam tak, tunge a nih hre chiang lo mah ila, ka vawikhat tawnna a ni bawk nen, tunah chuan nuam chiai chiai tawh tak a ni.
"Mumang a ṭha ni maw?", ka phu nasa lutuk chu ka kat dawrh.
"Mumang ṭhat vang pawh a ni chiah lo", ka hmui hnuai seh niap niap chungin ka ti a. Ngati nge mawni ka hmaa a din tawh chuan ka zam chhe tlat zel.
"Mumang vang a ni ngei ang", ṭalh chuan aw. Mumang atan kha chuan ka phal lo reng reng. Ka lu ka lo thing ringawt.
"Lalfapain a pawm che a ni ngei ang", phawk hruin ka en chho, a lo nui suk.
Engtin nge a hriat zawk.
Zawh tuma ka ang chu a kal sawn hman, va umzuia zawh chi lah a ni si lo, Papuia tak chu aw, ka ngaihtuahna a tibuai leh vek ta.
Tukṭhuan ei naah kan inhmu kim thei ta. Nu Lawmi leh Bibi bulah ka ṭhu a, ka hmaah Rta, Zoa leh Papuia te an ṭhu tawh a, arukin ka melh tawn sek zel.
Zoa ka hmuh dan a dang tlat bawk, "Nizan chu naute lian ka pawm a, ka sil ṭhum mai", a la ti zui. A hmel a nung sâr. Keimah min sawina a ni thei mai ang em? Nge maw kei min pawm avanga a hlim kher ang? A awihawm lo lutuk.
Mahse, ngaihtuahna mai mai pawh a hlimawm phian si a.
A ni thei lo ang, "Naute lian pawm tur i nei leh tawh tihna em ni?", Papuian kiai sak pahin a lo ti.
Papuia chuan min lo en zawkin, "Pawm ngai khawpa muhil kaihthawh theih loh te hi awm sela", a ti leh.
An thil sawi dan vel chuan min ti ṭek chhuai chhuai, ka za chung. Awmngaihna min hriattir dawn lo.
An pahnih zûnah ka uai thar leh a ni ringawt alawm, hui, engmah ka hrethiam tawh lo, ka hawi chhuak chu Korea drama music a rawn ri nghal chuai chuai.
Achhuani khan eng nge min hrilh kha, ni e; ka vannei alawm. Ka awmnaah hian Korea drama music atakin ka hre thei a.
"Usiam, lawm loha nui mi chuan damdawi an mamawh ṭhin a nia aw", ka nui lai ka tawp riai riai, zahnain min rawn tuam nghalin ka sa pup pup.
Ka nui tawi tak, an nui dar dar, "Ramhuai naute", tia, au khum nghek ka chak lutuk. Mahse, ka insum hram hram.
Nilengin ka ngaihtuahna a dik lo vek, ka eng tih mah a tho lo, vawikhat mah ṭhutthlengah ka mu tawh lo ang, Zoa pawh a duh chen chen leng rawh se; mi fel ber awm zia zanga ka lo nghah kher pawh kha a ṭul lo sin. Papuia thuawiha lo mut daih tur a nia.
"Mi â nu le", ka chal ka beng dat dat.
Keimah leh keimah ka han inhau leh vak vak, ka hauh bera lah hi ka â ve ropui bawk si.
"Taka Rs, i pain min lo thlah tak asin",Papuia chu mak tih hmel deuhin ka va en hû. "Lo lut turin ka ti tak naa min hnial tlat alawm le",Papuia chuan pawi tih hmel deuhin a ti leh.
Ka pa chu aw, lo luh ve mai awm. Papuia hian min fiam nge mawni le, "Engtin nge i hriat?", ka zawt hû.
"Kan inkawt kan lo thleng kha i thawhna a ni tih a sawi a, reilote kan inbe ṭha leh luam a, lo luh erawh min hnial tlat a nih kha", Papuia chuan a ti a.
Pa Zaua chuan, "Aw, lo chuankai tur alawm le, fair-te kha a thlawn i lo phut ringawt a nge aw", a ti a. Papuia pawhin, "Phut lo e, min hniam deuh naa a man dik tak ka pe tho. Rsi chawhmeh siam a thiam man a ni mai", nui suk chungin a ti.
Papuia hmelṭha lutuk saw va tihchhiat vek ania ka chak.
Chaw ei vel ka tihfel zawhin hmun ka hawl fai leh vek a, ka tih zawhin ka chhungte ka be vat, "Ka pa chu, i lo lut lo a min ngai ve lo mi?", ṭah âw ṭuau chungin ka va chhuahchhal.
"Kha vang khan lawm ka duh lo, ṭap ṭeuh chungin kan inkalsan dawn si a, ka lo lut duh lo a nih kha", ka pa thu min hrilh chuan ka mittui a sur tir nghal zung zung.
Inhnit hlawp hlawp chungin, "A rang thei ang bera lo haw ka tum ang", ka ti a.
Ka nuin, "I hman remchan hmasak berah i lo leng dawn nia, i nau Famkima phei chuan tihthinrim tur a nei lo a, a insawh a insawh mai", a tih chuan ka lo ṭah nui hawk hawk.
"I nui bal lutuk, Tlawngah va su rawh", Lalfamkima bawk chu, mipa ve si a ṭawngthei dan em em hi aw.
Mahse, hengte pawh hi tunah chuan an ngaihawm ta vek mai.
Ka nau dangte ho nen paw'n kan inbe tliar tliar a, hmaih theih loh kan pang ber keima arsaa kha, fiah lo deuh deuhin min ngaih thu a rawn sawi a, a u dangte ho a hek kual leh char char.
"Min duat lo", fiah kel kawlin a ti a, kan lo nui dar dar, a u te ho chu ka han hau fiam a, a lawm ve em em mai a ni.
Pindan aṭang chhuakin an lo reh ṭhiap, an pindan ṭheuhah an awm a nih ka ring ringawt.
Hmun tifel leh sawk sawkin, zanin chu Papuia te pawhin committee an nei tawh lo a, Zoa pawh a leng chhuak tawh dawn lo mawni, ka ngaihven peih lo a.
Rta pindan ka kal pelh dawn lai chuan, "Kill him kill him!", mak ka ti lutuk chu ka âng phuau ringawt.
Ka beng ka dawh hnai, "F*ck", a ṭawngkam a mawi lo phian a.
Thil tla nge mawni ri rawk ka hria chu ka kal sawn rang teh e, chokaah ka tlan phei a ni mah zawk.
Ka âwm ka dawm vang vang, Rta âw ka vawikhat hriatna.
Mipain nei tura ka duh âw pa lutuk mai a nei!
Rta a ni chiang alawm, a pindanah tumah an lut ngai lo a, amah bak va ni suh.
A âw zûn chuan a lamah min phuar leh sauh sauh.
Korea drama music, ka lu chung muangchangin ka en, Rta suit nalh dum tle zuara ka lam pana lo kal zal zal, leh kei kawr var fual ṭha lutuka Maichama pangpar keng chunga ka ding an lo lang tuar tuar.
"A ni thei lo a ni thei lo", ka inbeng vak vak.
"Eng maw ni thei lo?", ka âu vak ka phu nasa lutuk chu.
Rta lo ni rengin, ka thin a phu dup dup, headphone a nghawngah awrhin, t-shirt ban bul dum leh boxer dum a khup khuh chiah chiah, chapal a bun lo.
Tui a in khawlh khawlh, a Addams' Apple che chhuk chho chu hmuhnawm tak a ni. A âw a la pa em em zui.
Tunah chuan Rta pawh maw, "Lalrinsiam, harhchhuah i ngai takzet", ka rilruin ka inhau mawlh mawlh.
(Chhunzawmna)
"Bibi, nizan ang em em kha chuan i thiam lo ngai si lo, a mak em mai", Pa Zauan a tih chuan Bibi ka en vat a, a lo ngui bur mai. Lehkha an inzirtir leh a va nih hmel ve.
Pa Zaua sawi hmangah a thiam thei lo a ni phawt ang a, tih fakna tur ka nei hlauh e.
"Bibi, ka bulah lo kal ta che", Zoan a lo ti, "A awihawm lo lutuk Zohmangaih", Nu Lawmin a lo ti vat, Pa Zaua a lo nui hak.
Papuia lo inrawlhin, "Lehkha zir te chu Rta hian a pui thei reng alawm, games bak a buaipui chuang lo", thum dut dutin a ti a.
Rta ṭawng se ka tih em avangin a ṭawng hun ka chang char char, tlumtea thlir tak te pawhin awmzia awm lo.
"I va han hahthlak thei tak", Nu Lawmi ka va en vat, a âwka vin ka vawikhat hriatna.
Phone-ah tu emaw nen an inbia a, a thinrim hmel em em lehnghal, engthil tak chu ni ang maw, tukin aṭang boruak a ṭha lo ni berin ka hria.
Bibi lehkha zir thiam loh avang chuan a ni thei chiah si lo, keimah zawk ka lo inthlahrung.
"Ngawi hmak rawh, khatin mi chhang reng reng suh", Nu Lawmi a au ṭhawt, en pawh ka en ngam tawh lo. Bathroom-ah ka lut daih a chhuanlamah ka tifai ta vel mai mai.
"Chhungkuaah chuan thinrimna te leh intihthiam loh chang te chu a awm tur alawm", tiin, ka inhrilh mawlh mawlh. Bathroom aṭanga chhuah pawh ka huphurh vek.
"Siami?",
"Eih", Nu Lawmi hmel hmuh ka huphurh, min koh dan chu nêm viau mah se, bathroom aṭang ka chhuak, chokaah a lo vei thauh thauh.
"Eng nge ni ta?", nui var chung chuan ka ti ve naa, ka chhungril a hlim lo a khur dar dar. "Ka hmu mai lo che alawm le", Nu Lawmi chuan a ti a.
Bathroom ka tihfai thuin ka lo chhang keuh, ka tifai tak tak reng bawk a. "Papuia te nî-in buaina a siam a ka va kal lawk ang e, a hahthlak thei em mai. Pindan khi lo tifai lawk mai rawh aw, ka rawn hruai haw pawh a ngai mai thei a ni", a thaw hrawk.
Chuvang chiah a nih ngei dawn chu.
Taxi chan chawp a ngaih dawn avangin insiam sawk sawkin a chhuak nghal, pasalte farnu buaina siam avangin a buai phah chu ania, kei chu ka peih teuh lo mai.
Inchungah chhoin pindan chu ka tifel a, tihfai zin a nih loh avangin phurthak ka kai kal phat, inbual ngei ngei a ngai.
"Papuia hi hna a thawk leh em ni?", Pa Zaua chuan Nu Lawmi en pahin a ti a, "Awww a nî bulah a awm, a school banah kal turin a call sek a nih kha", nêm duai loin a lo chhang.
"A mak ṭhin e, engtin nge maw kan han tih ang aw", Pa Zaua chuan a ti chuai raih, hawi chhuak loin chaw ka ei mial mial a, chaw khawrh an ngaih thulhah erawh ka hawi chhuak zeuh zeuh.
Papuia pawh chuan engvanga a nî thu thua awm nge maw a nih le, hahthlak.
"Keipawh min lo call sek a, a sawi tur ka hre vek a ka chhang duh lo hrim hrim", Zoa chuan a ti ve leh, "Usiam, eng nga tinge i va vual nasa ve", a tihzawm nghal.
Hepa tak hi chu aw, " A, ngati vak mah", min en du du.
"I nî ka ruala a lo haw duh takah ka tia room khi tifai turin ka ti nih kha, a lo haw duh leh bawk si lo, a awmdan hi a herh leh lutuk a e, atir chuan ka lo haw dawn a ti reng alawm, haw dawn tak takah a duh leh mang si lo. Papuia a call tlut tlut a, han ti hluai dawn ila keini aia upa ka nu leh pa an awm ve kur a, mo mai maiin pasal te farnu hauh vak thu a awm bawk si lo", Nu Lawmi chuan a ti dap dap.
A inbunruak a ni ve ngei ang, Pa Zaua ka en a, a lo hriatthiam hmel lutuk. Ka va duh nupa tak em.
Tlem chuan chaw ei a tui lo.
Khumah ka bawk thlawp, chhung inkhawm neih zawh rual rualin Nu Lawmi leh Pa Zaua te an chhuak a, Bibi pawhin a zui ve.
Vawiin ni hman chu a nuam lem lo khawp.
Show post links
Top
| Link: | |
| BBcode: | |
| HTML: | |
| Hide post links |
Brothers Conflict-10
Ziaktu: Cck Lalchhuanawmi
"Rs, ngati nge i hmel awmdan a van dik lo ve, thil dik lo a awm em ni?", min chik thei bawk sia maw Papuia hi chuan.
"Engmah a awm lo, zan ka men rei avang a nih hi", nui tawi takin ka lo ti, "Thu dik lo pawh nise ka awih mai ang, kan chhungkaw awmdanin a nghawng ve dawn che tih ka hria alawm, mahse; lungngai suh a rei dawn lo ania aw", ngawi rengin ka en a, a mitah chhiar theih loh thu tam tak ka hmu; a rilru a hah ve ngei ang.
A nî pawh chu engtiang takin nge maw a awm le.
"Ka U Thau, Apple juice kan la nei em?", kan ṭan leh dawn e, he nau hi chu eng buaina mah hian a nghawng ve lo chu a ni e.
Thaw hrawkin ka thleng sil lai ka dah thla chawrh, inherin, "Ka la buai, nangmahin lo zawng mai rawh, kan la neih leh neih loh ka hre lo", chang fak fak zawi tak siin ka ti a.
Nu Lawmi ten an lo hriat phak chuan ka nasa lo teh ang chu, " Ngati nge Bibi hi khati'n i lo tih?", rang lutukin ka inher leh.
Bibi bulah Zoa a lo ding, "E, e, engtinmah ka ti lo", Lalpa leh!
Ka va han dawi mai mai tak, " Ka hre vek ania aw, Bibi, keiman ka lo pe ang che", Bibi biang piai chungin leh nui sang chungin Zoa chuan a ti a, fridge lam a pan nghal.
Bibi chuan lei min chhuah khum zeuhin a kalsawn ve leh. Hmui tipawr ṭuau chungin thleng sil turah ka bur ve leh.
Zoa pawh a ri rawk rawk.
"My boy, i duh ve dawn em Apple juice?", rang deuhin ka inher leh. Rta ṭawng hun ka chang, a duh lo tih lantir nan a lu a thing ringawt, a mak ṭhin.
Tunlai kan boruak vel chuan Papuia sawi dan takah keipawh min nghawng tel a, nileng lenga mood off chang a tam.
Nui hmel ka lantir ve tak naa, anni pawh han nui ve luam hlawm ṭhin mah sela;an hlim lo tih ka hriat tho avangin keipawh ka chhungril a hlim lo.
"Chhungkaw famkim kan awm hleinem, chhungkuaah chuan buaina te pawh a thleng ve fo tur alawm", tiin, mahni leh mahni ka inhrilh a, ka intiharh hram hram zel.
Nu Lawmi pawh an nî buaipuiin a chhuak ve ziah a, keimah chauhtein ka awm tlawk tlawk.
Ring tawkin hla ka play a, zai rat rat chungin hna ka thawk ṭhin, ka rilru pik ve lutuk pawh a zangkhai thei lutuk.
Chu loah hnathawh paha hla ngaihthlak hi nuam ka ti hrim hrim, han zaipui ve vak vak te hi a nuam a, achanga han lâm pui zaw zaw te hi.
"Ka awm ve reng ania aw", ka hmai hupa vir vat vatin ka au vak vak. Zohmangaiha mai mai chu.
Min man chawtin, "I lam thiam khawp mai, chhuat nawhna aiah hian ka lo lâm pui zawk dawn che mi ni ang?", ta deuh deuh chuan. Ka zak lutuk chu ka hmai ka la hup reng.
Ka hmai ka hupna chu lakthlak tumin ka kutṭangte a pawt kau, "A mak, kan pahnihin kan lâm dawn alawm", ka va ning tak.
Ka kutṭang kar aṭang ka hmu thei vek sia, a nui char char. Bibi a chhan avanga min hauh ve rikngawt kha hre chhuakin ka thin a rim thut.
" I awm tih ka hre hleinem, nge maw mi zak ve te khatia min tih vak vak", tih pahin a kut chu manin ka paih lêng dawrh.
Mak tih hmel deuhin min lo en hêu, ka sam te chu ka siam ṭha mawlh mawlh, "Ngati nge College i kal loh?", chhuat nawhna chhar pahin ka ti.
"Ngati nge i thinrim rikngawt a?", bo hûin min zawt, va en thip ngaih chungin, "I farnu emaw min ti em ni? Khatiang khan awmpuite chungah an che ngai lo", ka phone ka dahna pan nghalin ka hla play pawh chu ka off, ka phone pawh ka hmet nâ ngaih ngaih khawp.
Ka zak bawk si, eng nge maw a lo lan thut reng reng ni.
Tlai chaw ei laiin Zoa chuan, "Master zir chin te hi College kalah min chhuah ringawt zel a, University leilung kan rap ve tawh a, mahni tawka intihtheih ve tawh nak alaiin; College ka kal tawh lo", a ti a.
Ngaihsak duh miah loin, "Pa Zau, chaw aw",
"Awle, bar hnih awm chu ka lo duh ang",
"Tuin nge College kal anga lo sawi che?", Papuian a lo zawt, a va ṭul lo ṭhin tak, Zoa chuan min sawi pawh nise pawi sisah lo em mai, mi hre lo na na na.
"Mother Mizorami hian", Zoa ka en vat, a lo nui ṭhaw. Nu Lawmi a sawina lek niin.
Bibiin a bawnghnute in a lo hak, Nu Lawmi pawhin nui var chungin Bibi hnung a chum a, Pa Zaua pawh a nui huah huah mai chaw a ei ṭha hleithei lo.
Papuia pawh hmai sen vek khawpin a nui, Rta erawh a dan ngai te, hepa hi chu khawl chiah chiah.
Bibi khuh a reh deuh hnu chuan, "Mother India an tih laiin Mother Mizoram", nui vak vak chungin Bibi chuan a ti a. Zoa'n, "Aw, Mother Mizorami a ni miau a, ka duhnu hi chu e", Nu Lawmi mit ko sân khum euh euh chungin a ti leh.
"Rs, chaw kha ṭhial rawh, tumahin an ṭhial khalh lo ang che", Papuian min lo ti, chaw ṭhialna chang reng reng ka lo hre hleinem, ka la hmuam ṭun, ka han ṭhial leh rih.
Keimah ber chu min nuih leh vak vak, keipawh ka nui tawp."A lawmawm e, chhungkuain kan nui a", Pa Zaua chuan a ti a.
Ni e, chhungkuain kan nui a chhungkuaa nuihna tur a nih chuan â phuang pawh ni ila pawi ka ti hauh lo.
"Dal rawng hi a dal lutuk", Rta kan en ṭhup, a la tho daih zui.
Kan nui lai pawh kan tawp vek, a kut sil fai te tein a pindanah a inkhung lehnghal, "My boy-a tak hi chu aw", Zoan a ti chuai raih.
Pa Zaua chuan, "Ngaih khatah ngai mai mai teh ang u", a ti ringawt. Boruak a tichhe vek alawm le, mahse; ka haw phal lo mai a âw a pa em mai.
Chaw eina tihfel pawh a nuam sawt, boruak a zâng sawt tawh bawk a.
"KṬP kan group-in inhlawhna kan hmu a, ka peih lo tak tak a ni", Zoa chuan a lo tithla nuah nuah.
"Ṭawngṭai phawt ila, a la tlai hleinem, Rt", Nu Lawmin a lo ti vat.
"Pathianin chhungkua a din chhan nia ka hriat chu, a; tihian han sawi ila, harsatna emaw buaina emaw pawh lo tawk ila, emaw chhungkaw zinga pakhatin lo tawk pawh nise; kan zavaiin inthurualin kan ṭang a, inpumkhatin. Chumi avang chuan hneh theih lohin kan lo awm ta a, hei hi ka zel din thu nawi ve mai mai a ni a. Chi thlah tur ringawta chhungkaw din hi chu a fuh vak lem lo ang a, mahse; Pathian khan chi thlah turin min ti miau si a", Pa Zaua chuan a ti dap dap.
Ka nuih a za ru lutuk, hriatthiam alawi ka neih pawh ka hre lo.
(Chhunzawmna)
Ka lungleng lutuk chu ka mittui ka hru leh fap fap ṭhin a, ka chhungkaw neih ve chhun te kha ka ngai lutuk.
"Mate, i âw aṭang chuan thil dik lo a awm tih ka hre thei ania, eng nge thleng a min hrilh hmasa phawt teh", min hrechiang thei ania.
Ka lunglen vang mai mai thuin ka lo chhang, "I hman remchan veleh va haw zawk ṭhin la",
"Ka hre tho lawm, mahse; a dawt leh a hring ṭhin a, rilru a tipik mai mai ṭhin lawm",
"Ni ve tho mai, mahse; i lunglen avang ringawt khan inngaihtuah ngut ngut kher lo la aw",
"Aw le, pi ber", ti sapin call kan titawp a, ama tawkah a buai ve thei lutuk ani pawh. Achhuani nen inbiak hi chuan ka thawl hawk zel.
Call kan tihtawp aṭanga minute khat pawh tling loah Achhuani'n min lo call let, rang lutukin ka la vat.
Eng thu nge a neih tih laiin, "Papuia te unau chu engtin nge ni zel, ka zawh theihnghilh daih che a", ka chal ka beng dawt. A buaithlak rem rem.
Nui hak hak chungin, "A va han pawimawh ṭhin tak", ka ti a.
Ka sawi ve leh mai bawk a, Rta âw ka hriat aṭang a âw ka ngaihzawn thu leh a ṭawng hun ka chan ṭhin thu ka hrilh chiah chu, za em emin a nui ta vak vak.
"Khati teh vaka nuih a ngai mi, nuihzatthlak ka sawi lo",
"Lalrinsiami tak hi chu aw, Rta te chu i ngei thu i sawi a, tunah i ngaizawng ṭha leh a",
"A va hahthlak tak, a âw chauh alawm ka ngaihzawn, a mizia leh awmdan hrim hrim chu ka ngei mah nak alaia", ka lo ti thla rawk.
"Ṭhiani, Mate, i chiang lo a nih kha", he nu tak hi chu aw, " Aw, ka ṭhian, ka hmangaih che", ti no sapin phone ka off daih. A ter leh nasa ang chu.
Inchung lam pindan leh bathroom tihfai hi achang chuan ka ning ṭhin.
Pindan pahnih phei hi chu e, an che felfai lo nasa ropui uchuak mai sia.
Bibi chu che fel deuh hlek turin ka hrilh tawh a, Zoa chiah hrilh ka la hmabak. Mipa nih avang ngawta chet fel fai lo tur tihna a ni kher lo.
Ka thu a awih pawhin ka ring lo e a.
Kan chhungkaw boruak pawh a ṭha chho telh telh, kan chhungkua ka ti mai, chhungkua ang kan ni tho a.
Nu Lawmi pawh inah a awm tam ve leh ta a, chhuna ei tur momo a siam ṭhin a, ka zep lo ang, ei tur siam lamah hi chuan keimahah chuan a fail ve thlawt.
Sawi ngam chiah si loin ka ei ka ei ve a, ngaiah ka nei a, a tui lohna pawh ka pawh ta em em bik lo.
Mahse, Papuia nen kan inhmu khat, a chhan pawh hmun danga a awm daih avangin.
Rta pawh ahma angin ka ngei leh tual tual, a âw pawh ka ngaihzawnna aṭang ka ban ṭep tawh, a induh lel lawl em mai.
Nun hi a hahthlak, kan duhzawng takngial pawh kan hmuin kan nei thei lo ania, dam chhung tawi te ve lem siah hian.
Show post links
Top
Ziaktu: Cck Lalchhuanawmi
"Rs, ngati nge i hmel awmdan a van dik lo ve, thil dik lo a awm em ni?", min chik thei bawk sia maw Papuia hi chuan.
"Engmah a awm lo, zan ka men rei avang a nih hi", nui tawi takin ka lo ti, "Thu dik lo pawh nise ka awih mai ang, kan chhungkaw awmdanin a nghawng ve dawn che tih ka hria alawm, mahse; lungngai suh a rei dawn lo ania aw", ngawi rengin ka en a, a mitah chhiar theih loh thu tam tak ka hmu; a rilru a hah ve ngei ang.
A nî pawh chu engtiang takin nge maw a awm le.
"Ka U Thau, Apple juice kan la nei em?", kan ṭan leh dawn e, he nau hi chu eng buaina mah hian a nghawng ve lo chu a ni e.
Thaw hrawkin ka thleng sil lai ka dah thla chawrh, inherin, "Ka la buai, nangmahin lo zawng mai rawh, kan la neih leh neih loh ka hre lo", chang fak fak zawi tak siin ka ti a.
Nu Lawmi ten an lo hriat phak chuan ka nasa lo teh ang chu, " Ngati nge Bibi hi khati'n i lo tih?", rang lutukin ka inher leh.
Bibi bulah Zoa a lo ding, "E, e, engtinmah ka ti lo", Lalpa leh!
Ka va han dawi mai mai tak, " Ka hre vek ania aw, Bibi, keiman ka lo pe ang che", Bibi biang piai chungin leh nui sang chungin Zoa chuan a ti a, fridge lam a pan nghal.
Bibi chuan lei min chhuah khum zeuhin a kalsawn ve leh. Hmui tipawr ṭuau chungin thleng sil turah ka bur ve leh.
Zoa pawh a ri rawk rawk.
"My boy, i duh ve dawn em Apple juice?", rang deuhin ka inher leh. Rta ṭawng hun ka chang, a duh lo tih lantir nan a lu a thing ringawt, a mak ṭhin.
Tunlai kan boruak vel chuan Papuia sawi dan takah keipawh min nghawng tel a, nileng lenga mood off chang a tam.
Nui hmel ka lantir ve tak naa, anni pawh han nui ve luam hlawm ṭhin mah sela;an hlim lo tih ka hriat tho avangin keipawh ka chhungril a hlim lo.
"Chhungkaw famkim kan awm hleinem, chhungkuaah chuan buaina te pawh a thleng ve fo tur alawm", tiin, mahni leh mahni ka inhrilh a, ka intiharh hram hram zel.
Nu Lawmi pawh an nî buaipuiin a chhuak ve ziah a, keimah chauhtein ka awm tlawk tlawk.
Ring tawkin hla ka play a, zai rat rat chungin hna ka thawk ṭhin, ka rilru pik ve lutuk pawh a zangkhai thei lutuk.
Chu loah hnathawh paha hla ngaihthlak hi nuam ka ti hrim hrim, han zaipui ve vak vak te hi a nuam a, achanga han lâm pui zaw zaw te hi.
"Ka awm ve reng ania aw", ka hmai hupa vir vat vatin ka au vak vak. Zohmangaiha mai mai chu.
Min man chawtin, "I lam thiam khawp mai, chhuat nawhna aiah hian ka lo lâm pui zawk dawn che mi ni ang?", ta deuh deuh chuan. Ka zak lutuk chu ka hmai ka la hup reng.
Ka hmai ka hupna chu lakthlak tumin ka kutṭangte a pawt kau, "A mak, kan pahnihin kan lâm dawn alawm", ka va ning tak.
Ka kutṭang kar aṭang ka hmu thei vek sia, a nui char char. Bibi a chhan avanga min hauh ve rikngawt kha hre chhuakin ka thin a rim thut.
" I awm tih ka hre hleinem, nge maw mi zak ve te khatia min tih vak vak", tih pahin a kut chu manin ka paih lêng dawrh.
Mak tih hmel deuhin min lo en hêu, ka sam te chu ka siam ṭha mawlh mawlh, "Ngati nge College i kal loh?", chhuat nawhna chhar pahin ka ti.
"Ngati nge i thinrim rikngawt a?", bo hûin min zawt, va en thip ngaih chungin, "I farnu emaw min ti em ni? Khatiang khan awmpuite chungah an che ngai lo", ka phone ka dahna pan nghalin ka hla play pawh chu ka off, ka phone pawh ka hmet nâ ngaih ngaih khawp.
Ka zak bawk si, eng nge maw a lo lan thut reng reng ni.
Tlai chaw ei laiin Zoa chuan, "Master zir chin te hi College kalah min chhuah ringawt zel a, University leilung kan rap ve tawh a, mahni tawka intihtheih ve tawh nak alaiin; College ka kal tawh lo", a ti a.
Ngaihsak duh miah loin, "Pa Zau, chaw aw",
"Awle, bar hnih awm chu ka lo duh ang",
"Tuin nge College kal anga lo sawi che?", Papuian a lo zawt, a va ṭul lo ṭhin tak, Zoa chuan min sawi pawh nise pawi sisah lo em mai, mi hre lo na na na.
"Mother Mizorami hian", Zoa ka en vat, a lo nui ṭhaw. Nu Lawmi a sawina lek niin.
Bibiin a bawnghnute in a lo hak, Nu Lawmi pawhin nui var chungin Bibi hnung a chum a, Pa Zaua pawh a nui huah huah mai chaw a ei ṭha hleithei lo.
Papuia pawh hmai sen vek khawpin a nui, Rta erawh a dan ngai te, hepa hi chu khawl chiah chiah.
Bibi khuh a reh deuh hnu chuan, "Mother India an tih laiin Mother Mizoram", nui vak vak chungin Bibi chuan a ti a. Zoa'n, "Aw, Mother Mizorami a ni miau a, ka duhnu hi chu e", Nu Lawmi mit ko sân khum euh euh chungin a ti leh.
"Rs, chaw kha ṭhial rawh, tumahin an ṭhial khalh lo ang che", Papuian min lo ti, chaw ṭhialna chang reng reng ka lo hre hleinem, ka la hmuam ṭun, ka han ṭhial leh rih.
Keimah ber chu min nuih leh vak vak, keipawh ka nui tawp."A lawmawm e, chhungkuain kan nui a", Pa Zaua chuan a ti a.
Ni e, chhungkuain kan nui a chhungkuaa nuihna tur a nih chuan â phuang pawh ni ila pawi ka ti hauh lo.
"Dal rawng hi a dal lutuk", Rta kan en ṭhup, a la tho daih zui.
Kan nui lai pawh kan tawp vek, a kut sil fai te tein a pindanah a inkhung lehnghal, "My boy-a tak hi chu aw", Zoan a ti chuai raih.
Pa Zaua chuan, "Ngaih khatah ngai mai mai teh ang u", a ti ringawt. Boruak a tichhe vek alawm le, mahse; ka haw phal lo mai a âw a pa em mai.
Chaw eina tihfel pawh a nuam sawt, boruak a zâng sawt tawh bawk a.
"KṬP kan group-in inhlawhna kan hmu a, ka peih lo tak tak a ni", Zoa chuan a lo tithla nuah nuah.
"Ṭawngṭai phawt ila, a la tlai hleinem, Rt", Nu Lawmin a lo ti vat.
"Pathianin chhungkua a din chhan nia ka hriat chu, a; tihian han sawi ila, harsatna emaw buaina emaw pawh lo tawk ila, emaw chhungkaw zinga pakhatin lo tawk pawh nise; kan zavaiin inthurualin kan ṭang a, inpumkhatin. Chumi avang chuan hneh theih lohin kan lo awm ta a, hei hi ka zel din thu nawi ve mai mai a ni a. Chi thlah tur ringawta chhungkaw din hi chu a fuh vak lem lo ang a, mahse; Pathian khan chi thlah turin min ti miau si a", Pa Zaua chuan a ti dap dap.
Ka nuih a za ru lutuk, hriatthiam alawi ka neih pawh ka hre lo.
(Chhunzawmna)
Ka lungleng lutuk chu ka mittui ka hru leh fap fap ṭhin a, ka chhungkaw neih ve chhun te kha ka ngai lutuk.
"Mate, i âw aṭang chuan thil dik lo a awm tih ka hre thei ania, eng nge thleng a min hrilh hmasa phawt teh", min hrechiang thei ania.
Ka lunglen vang mai mai thuin ka lo chhang, "I hman remchan veleh va haw zawk ṭhin la",
"Ka hre tho lawm, mahse; a dawt leh a hring ṭhin a, rilru a tipik mai mai ṭhin lawm",
"Ni ve tho mai, mahse; i lunglen avang ringawt khan inngaihtuah ngut ngut kher lo la aw",
"Aw le, pi ber", ti sapin call kan titawp a, ama tawkah a buai ve thei lutuk ani pawh. Achhuani nen inbiak hi chuan ka thawl hawk zel.
Call kan tihtawp aṭanga minute khat pawh tling loah Achhuani'n min lo call let, rang lutukin ka la vat.
Eng thu nge a neih tih laiin, "Papuia te unau chu engtin nge ni zel, ka zawh theihnghilh daih che a", ka chal ka beng dawt. A buaithlak rem rem.
Nui hak hak chungin, "A va han pawimawh ṭhin tak", ka ti a.
Ka sawi ve leh mai bawk a, Rta âw ka hriat aṭang a âw ka ngaihzawn thu leh a ṭawng hun ka chan ṭhin thu ka hrilh chiah chu, za em emin a nui ta vak vak.
"Khati teh vaka nuih a ngai mi, nuihzatthlak ka sawi lo",
"Lalrinsiami tak hi chu aw, Rta te chu i ngei thu i sawi a, tunah i ngaizawng ṭha leh a",
"A va hahthlak tak, a âw chauh alawm ka ngaihzawn, a mizia leh awmdan hrim hrim chu ka ngei mah nak alaia", ka lo ti thla rawk.
"Ṭhiani, Mate, i chiang lo a nih kha", he nu tak hi chu aw, " Aw, ka ṭhian, ka hmangaih che", ti no sapin phone ka off daih. A ter leh nasa ang chu.
Inchung lam pindan leh bathroom tihfai hi achang chuan ka ning ṭhin.
Pindan pahnih phei hi chu e, an che felfai lo nasa ropui uchuak mai sia.
Bibi chu che fel deuh hlek turin ka hrilh tawh a, Zoa chiah hrilh ka la hmabak. Mipa nih avang ngawta chet fel fai lo tur tihna a ni kher lo.
Ka thu a awih pawhin ka ring lo e a.
Kan chhungkaw boruak pawh a ṭha chho telh telh, kan chhungkua ka ti mai, chhungkua ang kan ni tho a.
Nu Lawmi pawh inah a awm tam ve leh ta a, chhuna ei tur momo a siam ṭhin a, ka zep lo ang, ei tur siam lamah hi chuan keimahah chuan a fail ve thlawt.
Sawi ngam chiah si loin ka ei ka ei ve a, ngaiah ka nei a, a tui lohna pawh ka pawh ta em em bik lo.
Mahse, Papuia nen kan inhmu khat, a chhan pawh hmun danga a awm daih avangin.
Rta pawh ahma angin ka ngei leh tual tual, a âw pawh ka ngaihzawnna aṭang ka ban ṭep tawh, a induh lel lawl em mai.
Nun hi a hahthlak, kan duhzawng takngial pawh kan hmuin kan nei thei lo ania, dam chhung tawi te ve lem siah hian.
Show post links
Top
| Link: | |
| BBcode: | |
| HTML: | |
| Hide post links |
Brothers Conflict-11
Ziaktu: Cck Lalchhuanawmi
"Rs, khawngaihtakin thil pakhat min lo tihsak, hmanhmawh deuha chet a ngai bawk",
"U Papui, eng nge ni ta?", ka lo ti vat.
A pindana chhoa file pakhat, a kawm hring pe turin min ti.
A pindanah ka tlan chho, file kawm hring chu ka zawng char char a ka hmu mai lo. Ka hmanhmawh luatah ka phili zo vek.
Thawk ka la vang vang, fim zawkin file chu ka zawng leh ta a, a khum bula dawhkan tê chungah a dah tih a sawi kha ka lo manghilh chu niin.
Engmah sawt tawh loh hnuah ka han hui pap pap leh rih, a sawt alawm file ka hmu reng.
Nu Lawmi a chhuah avangin in ka kalh sawk sawk, taxi ka chan laiin, "Khawiah nge i kal dawn?", chik mang tarain ka thlek vawng vawng, a helmet a phelh Zoa lo ni rengin.
Papuia fila pe tura a thawhna school-a ka kal tur thu ka lo hrilh, "A thawhna school chu a awmna i hria em ni?", bike aṭang pawha chhuk loin min zawt.
Ni tak e, a thawhna school pawh ka hre lo, ka lu chungah ka kut veilam nghatin ka ngaihtuah zui, zawhna chang ka hre lo a Papuia pawh khan min hrilh lo reng reng, hre turah min ruat dawn nge mawni.
"Lo lawn chho rawh", min rawn pawt vak, ka harh kâwkin ka hria.
Dawrpui aṭang kan tlan zel a, Zoa jacket ka hmer ngawt ngawt ringawt, ṭawng pawh ka ṭawng ngam lo ka hlau, a tlan chak angreng a, chubakah ka ṭhutna hi a sân avangin ka ṭhu ngil at a, Zoa ka bawh ngam chiah loh avangin, file ka keng bawk nen.
"Kan thleng", ka hawi â ruai a, engtikin nge kan thlen ka hre miah lo.
'Chawlhhmun Middle School' tih, ka hmaa intar kul chu ka hmu nghal, hetah hian ni maw a lo thawh. Eng subject nge a zirtir ang aw?
Zoa bulah min nghak lawk tura hrilhin School chhungah chuan ka lut a, "Rs?", chu âw lo chhuahna lam hawi vatin ka pan nghal thuai.
"Engtin nge an lo tih che? Nui vur vura i lo chhuah tak?",
"Ai, ka sawi dawn lo", ka kut pahniha ka hmai dawm vawng vawng chungin ka ti a.
Tumah ka hrilh dawn lo reng reng, a va han nuam tak em, Papuia hmel hmuh rikngawt pawh a nawm tawh nak laiin, a, ka sawi dawn lo.
"Kan haw dawn lo mi?", ka chal a rawn pen fawk, ka melh sala nghal vat vat.
Bike-ah chuan ka lawn kai, "Tihian, nghet deuhin min kuah la", ka kut pawtin a dulah chuan a nghat, min pawh thut avang khan a hnungah ka bei thlawp bawk a, " ka hnungah khan bei rawh", thuawih takin ka awm ve mai.
"Tlan haw chiah ila", a tih chiah tihah vung tawkin a han tlan mai chu, "Au tawh lo teh",
"Ka hlau alawm", ka mit ka meng ngam lo, kan kawi zawk zawk ni ber hian ka hria.
"In kan thleng", ka tleng thla ni ber, ka lungphu a la pangngai thei lo reng reng, ka meng chhuak pawp!
Khur hlawk hlawk chungin in ka hawng a ka tlu lut lo chauh a ni. Tui ka in khawlh khawlh nghal, "Thihna tenau ka tem hmanin ka inhria", âw khur chunga ka ti chu, "I va han tlaw tak, khatiang", a thaw halh, ka lo melh kiau, "Khatiang thihna tenau tem hman han intih, speed hniam berin ka tlanpui che ania", inkuangkuahin a lu a thing nar nar.
Ka no ken laia va vawm chawrh ka chak lutuk, "Ka bike-ah hmeichhe pathum ka phurhna a ni ta",
"Hmeichhe pathum a?", phur fahran lo hian ka lo zawt, bu nghauh chungin, "Ni e, hmeichhe pathum, Ka nu leh Bibi leh nang", ka lo nui sâng, " Ni leh si, nang chu awmpui i ni tak, a nih chuan hmeichhe pahnih chiah ka la phur tihna a ni leh si", a inngaihtuah melh melh vel, a tukhum hiat nuah nuah chungin, "Ṭan lak a la ngai dawn hle mai", ka insum hram hram.
Thinrim khum thei ka ni lo tlat, ka hauhna thu hmangin min vaw let ve a nih hi, Zohmangaiha mai mai chu.
"Zanin hi Nilai maw kha, inkhawm ang u aw", Pa Zaua chuan a ti a.
Rta tih loh chu kan inkhawm vek, Papuia hi engtikah tak lo haw ang maw?
Inkhawmnaah paawh hmelhriat ka nei ve chho tial tial, mobile phone awm ṭhat lehna pakhat chu number inhrilhin kan inbe chhunzawm thei nghal a.
Inkhawm ban haw kawngah chuan, "Bibi, engtikah nge exam in neih ang?", Pa Zaua chuan Bibi a zawt a, "July thlaah a nih ka ring, exam thla a ni hrim hrim a", Bibi chuan a lo ti.
August thla a ni reng sia, ka lo ner sak, hahthlak.
Inchhung kan lut chu ka mi hmuha chuan ka thinlung a tizuang awt awt thei, Korea drama music ka hre nghal vat bawk. Papuian TV en pahin chaw a lo ei mial mial!
"Ngati nge i din reng?", ti pahin min lo su chawrh, kei inring lo suangtuahna khawvela lo va zin ta chu ka tlu saisir chhuatah lu tauh ri chawrhin ka sa pup pup nghal.
Bibi ka hmaa ding chu ka melh chho nasa eltiang, min chhiah khum zeuhin chutah za em emin a han nui zui uar uar.
Papuia lo tho ve vatin, "Rs, i tlu nâ em?", min rawn pan hnai, "A, ai nâ lo", ti pahin ka tho vat.
"I lo haw dawn rau rau chuan i nî lo hawpui ve tur alawm", Nu Lawmin a tih chuan ka pindanah inthlak turin ka lut daih.
Ka inthlak zo ka chhuak a, thleng sil tur a lo awm, ka khi sak.
"Siami, TV lo en ve ta che", Nu Lawmin a lo ti lang lang, thleng ka sil zawh hnuah a bulah ka va ṭhu ve a, ka Korea Drama duh ber mai 'King of Baking' a lo en!
"E he! Ka Takgua ni rengin",
"Ka Takgua a?", Nu Lawmin min lo en heu, ka lo bu zeuh. "Ka Takgua i duh ve em ni?", nui var chungin ka ti.
Nui var chung bawkin, "Ka Takgua te chu ka duh ber alawm", a lo ti ve vat. Kan drama duhzawng a inang!
Kan en dun chu kan ṭang nangiang asin, "Duh ai chuan in bengchheng deuh lo maw?", kan piaha ṭhu pahin Papuia chuan a lo ti.
En pawh kan en lo, kan lo ngaihsak miah lo, "Biak pawh in hre lo", a ti leh.
Kan hre reng a, ngaihsak hmanin kan khawsa lo a ni ve mai a.
"My boy-a a kal tawh mi?", pawr pheng phungin Zoa chuan a ti.
Nu Lawmin, "Kal daih tawh, i tho tlai em a nih kha, eng nge ni reng reng?", a ti a.
Zoa chuan, "Pawi lo, hrem zingah tel phawt mai ang", a ti. Ka lo thaw hrawk, "University kal i intihtheih nen nen, home-work pawl sawmpahnih zirlai han tihtir tum", Nu Lawmin a ti leh fak.
Ka rilruin ka lo pawmpui nasa mai.
"Ka thiam reng a, ka ti peih ṭhin lo lawm", Zoa chuan a ti nuah nuah, "I nî chhun lutuk mai",
"Ka nî ka chhun lo reng reng", Zoan a ti hlak, phun bul bul chungin a kalsawn zui.
A rukin ka lo nuih tet tet, a nî chhun chu a duh lo ve lutuk.
Nu Lawmi nen kan titi rualna pakhat ka hmuhchhuah chu, kan hmuhchhuah a ni mah zawk, Takgua chanchin sawi.
A hming tak Yoon Si Yoon pawhin kan ko phal lo, Ka Takgua tih ngatin.
Hepa hi chu ka duh ngawih ngawih.
"Episode engzah thleng nge chhuak tawh a?", Zoan a ti dam thlup. Nu Lawmin, "Chaw kha ei vat vat rawh,College i tlai ang",
"College ka kal tawh lo", Zoa a thaw hrawk, "Chutiang ka ngaipawimawh lo, han fail vaih teh aw i chak lo ang", Nu Lawmin a ti kharh khar. A rukin ka lo nui tet tet.
"Awmpuinu", ka melh rawm rawm nghal, " Het, ka tihsual, Rinsiam", a nui var.
Ka la melh no lo nasa, "Khawi i number min lo pe ve rawh ka duh ve, Papuia pawhin a nei", ṭha takin ka pe ve a. Min dil dan chu a naupanchhiatthlak tak a ni.
Zanah number hriat ngai loh aṭangin message a lo thleng, 'Duati, ka ngai tawh che' , dp ka hmuh theih loh avangin tunge a nih ka hre thei mai lo.
'Tunge aw? Min hai a nih ka va ring e' tih ka thawn a, ka ngaihtuahnaah Zoa a lo lang hlawl.
Ni tak e, zingah ka number ka pek tak kha, amah a ni hrim hrim.
'Zohmangaih, awm ṭha hle hle rawh aw', tih ka va thawn a, emoji thinrim sen ṭawn ṭawn sang chuangin a zui nghal.
Min chhaihna atana ka number pe ka nih loh tehlul nen, keipawh chuan ka lo pe kher kher a ni.
Papuia dp ka en daih a, ani hi chu Bibi thlalak dp-ah a hmang a, amah te hi hman ve tur a nia.
A thla ka hau vak vak ringawt.
"Hmasawnna te a awm em?", hei lah hi, "Awm lo, eng hmasawnna nge awm se i tih reng reng a?", tiin, ka lo zawt let khauh.
A rawn nui hak hak, "Ṭhiani, i duh ber kha lehkha thawn tawp rawh",
"I chhe hri hre e a", ka lo ti hlak. Lehkhathawn a, a teuh lo em mai. Achhuani thluak hi chu la enfiah a ngai a ni.
"Artui kan(kang) hi ka hne lutuk", tiffin ka siam mawlh mawlh laiin Rtan a rawn ti hlawl. Ka hoin ka en a, a hmel chu a nelawm teh chiam lo bawk.
"Ih, ih, vawiin chu tihian ni leh phawt se, naktuk aṭang adang kan ngaihtuah dawn nia", ka ti a. "A nih chuan tiffin ka pai lo mai ang", tih leh kalsawn a rual.
"Keipawh artui kan hi ka hne tawh",
"Engmaw i sawi ve niap niap a?",
"Bepui, tiffin ka pai dawn lo", ti hlakin a kalsawn veleh.
Bepui tiin min ko, ka va han beng chak mai mai e aw.
A ṭha lawm, anmahnin tiffin pai tur an siam ngai lo, school-a rilṭam deuha an awm duh chuan awm sela, buai philiin ka siam ve malh malh reng a. An va chak dawn lo tak.
School an kal fel ta maw tihah Zoa pawr chhip chhepin a rawn chhuk hna hna, "Hei lah hi aw", Nu Lawmin a lu a thing nar nar.
Message min thawn dan kha ka sawi dawn mi aw ka tia, mahse; ka insum leh hram. Bakah, Nu Lawmi a awm ve bawk sia.
Ka block loh avangin zaninah a che leh ngei turah ngai ila, message pawh kha a in seen reng a, a rawn chet leh vaih chuan a chak lo ang.
"Ruatfela hi a va reh ve",
"College-ah kan inhmu char char tho alawm",
"A mak ṭhin, a lo va leng duh tawh lo ve",
"A buai ve thei lutuk ama tawkah hian", meng mang hlei loin Zoa chuan a ti ne ne a.
Nu Lawmin beng dawtin inphihharh turin a hrilh.
Thuawih takin bathroom-ah Zoa chu a lut a.
"Zanin chu Takgua te en leh ila",
"En leh ila", nui var chungin ka lo chhang let.
Tlaiah Rta leh Bibi an rawn haw, "In lo haw tawh maw, in chau em?", Nu Lawmi chuan Bibi bag chu lain, Bibi chuan, "Nu, ka rilṭam", a ti ṭuau mai. Ka rin dan chiah a ni.
Thuawih loh man, "Canteen-ah ei tur lei mai tur lawm", Nu Lawmi chuan a ti dap dap a, ei rawngbawl ka chhunzawm mial mial. Bai thak tawkin ka han siam ang e, mai mai a!
"Naktuk hi bazar kan ngai ang em?", Pa Zauan a tih chuan, "Eng bazar maw?", Nu Lawmin a lo ti hu, "Inrinni a ni lo em ni?", Pa Zaua chuan a ti a.
Nu Lawmi chu a inngaihtuah deuh, rei loah, "Ni tak e", a nui var var. "Siami thu thu a ni mai", nui saih chungin Nu Lawmi chuan a ti a.
"Artui kan lo tiffin-a pai tur te hi a awm lo em ni?", Rta chuan a ti hmuk. A la tho daih zui, "Alu hi a bag-in la mai ila", Pa Zaua chuan a ti a.
Nu Lawmin, "Artui hi a awlsam ber a, mahse; nia, alu chu kan la dawn nia", a ti a.
"My boy-a hi entir teh ang u", Zoa chuan a lo ti, "Nangmah kha entir i ngai zawk lo maw", Nu Lawmin a lo chhang vat. An inchhang tawk thei e.
Rta chu dal a chawm a, chu chiah, chawhmeh dang a khawih lo reng reng, dal chawm chauhin a ei a, a ei tlem phah reng bawk a. Hepa hi chu a mak ve ngawt alawm.
Khumah chuan tlu tawpin thawk ka la vang vang, chumi hnuah phone ka on a.
Ka chhungte ka be leh phawt, an dam ṭha tih ka hriat hi chuan ka thla a muang sawt sawt zel.
"Asiam, ka tihpalh lutuk aw, ka lo thawn sual a nih hi, tihpalh lutuk", tih message chu ka hmu chat. Zoa emaw ka tih kha a ni lo tihna emaw ni dawn.
Min koh dan lah Zoa min koh dan a ni si lo a, ka hriat mi a nih leh nih loh ka zawt tawp.
"Ni tak e, Tlanhlua ka nia, KṬP-ah group khatah kan awm kha, min hre lo tihna mi", a rawn thawn let nghal. Ka ngaihtuah vang vang, ka hre leh si, "U Hlute, ka hre leh si che, i number ka lo save loh avang lawm ka hriat loh che", ka va ti a, ka inthlahrung hnuhnawh leh.
Message a lo thawn sualah a tihpalh thu min hrilh leh, keipawhin engahmah ngai lo turin ka ti a. Ka hriatsual ve tho thuin ka lo hrilh.
Ṭha takin kan inbe chho zel a, kan veng chanchin ka zawt chik teh asin, ka ngai ve tawh bawk em a ni.
Achhuani leh Hlutea te ka be tawn zak zak mai, hria se chu bawn min ti ngawt ang, nge maw a rualin sawm chuang te lawm kan biak, group-ah kan la nawi thei bawk a, thil har lo tak a ni.
Hnehsawh ve tak chu ka ni ang mawle, hahaaaa.
Achhuani chu Hlutea nen kan inbiak dante ka hrilh ve vek a, a bulah hi chuan report thlap thlap hi a ngai.
Show post links
Top
Ziaktu: Cck Lalchhuanawmi
"Rs, khawngaihtakin thil pakhat min lo tihsak, hmanhmawh deuha chet a ngai bawk",
"U Papui, eng nge ni ta?", ka lo ti vat.
A pindana chhoa file pakhat, a kawm hring pe turin min ti.
A pindanah ka tlan chho, file kawm hring chu ka zawng char char a ka hmu mai lo. Ka hmanhmawh luatah ka phili zo vek.
Thawk ka la vang vang, fim zawkin file chu ka zawng leh ta a, a khum bula dawhkan tê chungah a dah tih a sawi kha ka lo manghilh chu niin.
Engmah sawt tawh loh hnuah ka han hui pap pap leh rih, a sawt alawm file ka hmu reng.
Nu Lawmi a chhuah avangin in ka kalh sawk sawk, taxi ka chan laiin, "Khawiah nge i kal dawn?", chik mang tarain ka thlek vawng vawng, a helmet a phelh Zoa lo ni rengin.
Papuia fila pe tura a thawhna school-a ka kal tur thu ka lo hrilh, "A thawhna school chu a awmna i hria em ni?", bike aṭang pawha chhuk loin min zawt.
Ni tak e, a thawhna school pawh ka hre lo, ka lu chungah ka kut veilam nghatin ka ngaihtuah zui, zawhna chang ka hre lo a Papuia pawh khan min hrilh lo reng reng, hre turah min ruat dawn nge mawni.
"Lo lawn chho rawh", min rawn pawt vak, ka harh kâwkin ka hria.
Dawrpui aṭang kan tlan zel a, Zoa jacket ka hmer ngawt ngawt ringawt, ṭawng pawh ka ṭawng ngam lo ka hlau, a tlan chak angreng a, chubakah ka ṭhutna hi a sân avangin ka ṭhu ngil at a, Zoa ka bawh ngam chiah loh avangin, file ka keng bawk nen.
"Kan thleng", ka hawi â ruai a, engtikin nge kan thlen ka hre miah lo.
'Chawlhhmun Middle School' tih, ka hmaa intar kul chu ka hmu nghal, hetah hian ni maw a lo thawh. Eng subject nge a zirtir ang aw?
Zoa bulah min nghak lawk tura hrilhin School chhungah chuan ka lut a, "Rs?", chu âw lo chhuahna lam hawi vatin ka pan nghal thuai.
"Engtin nge an lo tih che? Nui vur vura i lo chhuah tak?",
"Ai, ka sawi dawn lo", ka kut pahniha ka hmai dawm vawng vawng chungin ka ti a.
Tumah ka hrilh dawn lo reng reng, a va han nuam tak em, Papuia hmel hmuh rikngawt pawh a nawm tawh nak laiin, a, ka sawi dawn lo.
"Kan haw dawn lo mi?", ka chal a rawn pen fawk, ka melh sala nghal vat vat.
Bike-ah chuan ka lawn kai, "Tihian, nghet deuhin min kuah la", ka kut pawtin a dulah chuan a nghat, min pawh thut avang khan a hnungah ka bei thlawp bawk a, " ka hnungah khan bei rawh", thuawih takin ka awm ve mai.
"Tlan haw chiah ila", a tih chiah tihah vung tawkin a han tlan mai chu, "Au tawh lo teh",
"Ka hlau alawm", ka mit ka meng ngam lo, kan kawi zawk zawk ni ber hian ka hria.
"In kan thleng", ka tleng thla ni ber, ka lungphu a la pangngai thei lo reng reng, ka meng chhuak pawp!
Khur hlawk hlawk chungin in ka hawng a ka tlu lut lo chauh a ni. Tui ka in khawlh khawlh nghal, "Thihna tenau ka tem hmanin ka inhria", âw khur chunga ka ti chu, "I va han tlaw tak, khatiang", a thaw halh, ka lo melh kiau, "Khatiang thihna tenau tem hman han intih, speed hniam berin ka tlanpui che ania", inkuangkuahin a lu a thing nar nar.
Ka no ken laia va vawm chawrh ka chak lutuk, "Ka bike-ah hmeichhe pathum ka phurhna a ni ta",
"Hmeichhe pathum a?", phur fahran lo hian ka lo zawt, bu nghauh chungin, "Ni e, hmeichhe pathum, Ka nu leh Bibi leh nang", ka lo nui sâng, " Ni leh si, nang chu awmpui i ni tak, a nih chuan hmeichhe pahnih chiah ka la phur tihna a ni leh si", a inngaihtuah melh melh vel, a tukhum hiat nuah nuah chungin, "Ṭan lak a la ngai dawn hle mai", ka insum hram hram.
Thinrim khum thei ka ni lo tlat, ka hauhna thu hmangin min vaw let ve a nih hi, Zohmangaiha mai mai chu.
"Zanin hi Nilai maw kha, inkhawm ang u aw", Pa Zaua chuan a ti a.
Rta tih loh chu kan inkhawm vek, Papuia hi engtikah tak lo haw ang maw?
Inkhawmnaah paawh hmelhriat ka nei ve chho tial tial, mobile phone awm ṭhat lehna pakhat chu number inhrilhin kan inbe chhunzawm thei nghal a.
Inkhawm ban haw kawngah chuan, "Bibi, engtikah nge exam in neih ang?", Pa Zaua chuan Bibi a zawt a, "July thlaah a nih ka ring, exam thla a ni hrim hrim a", Bibi chuan a lo ti.
August thla a ni reng sia, ka lo ner sak, hahthlak.
Inchhung kan lut chu ka mi hmuha chuan ka thinlung a tizuang awt awt thei, Korea drama music ka hre nghal vat bawk. Papuian TV en pahin chaw a lo ei mial mial!
"Ngati nge i din reng?", ti pahin min lo su chawrh, kei inring lo suangtuahna khawvela lo va zin ta chu ka tlu saisir chhuatah lu tauh ri chawrhin ka sa pup pup nghal.
Bibi ka hmaa ding chu ka melh chho nasa eltiang, min chhiah khum zeuhin chutah za em emin a han nui zui uar uar.
Papuia lo tho ve vatin, "Rs, i tlu nâ em?", min rawn pan hnai, "A, ai nâ lo", ti pahin ka tho vat.
"I lo haw dawn rau rau chuan i nî lo hawpui ve tur alawm", Nu Lawmin a tih chuan ka pindanah inthlak turin ka lut daih.
Ka inthlak zo ka chhuak a, thleng sil tur a lo awm, ka khi sak.
"Siami, TV lo en ve ta che", Nu Lawmin a lo ti lang lang, thleng ka sil zawh hnuah a bulah ka va ṭhu ve a, ka Korea Drama duh ber mai 'King of Baking' a lo en!
"E he! Ka Takgua ni rengin",
"Ka Takgua a?", Nu Lawmin min lo en heu, ka lo bu zeuh. "Ka Takgua i duh ve em ni?", nui var chungin ka ti.
Nui var chung bawkin, "Ka Takgua te chu ka duh ber alawm", a lo ti ve vat. Kan drama duhzawng a inang!
Kan en dun chu kan ṭang nangiang asin, "Duh ai chuan in bengchheng deuh lo maw?", kan piaha ṭhu pahin Papuia chuan a lo ti.
En pawh kan en lo, kan lo ngaihsak miah lo, "Biak pawh in hre lo", a ti leh.
Kan hre reng a, ngaihsak hmanin kan khawsa lo a ni ve mai a.
"My boy-a a kal tawh mi?", pawr pheng phungin Zoa chuan a ti.
Nu Lawmin, "Kal daih tawh, i tho tlai em a nih kha, eng nge ni reng reng?", a ti a.
Zoa chuan, "Pawi lo, hrem zingah tel phawt mai ang", a ti. Ka lo thaw hrawk, "University kal i intihtheih nen nen, home-work pawl sawmpahnih zirlai han tihtir tum", Nu Lawmin a ti leh fak.
Ka rilruin ka lo pawmpui nasa mai.
"Ka thiam reng a, ka ti peih ṭhin lo lawm", Zoa chuan a ti nuah nuah, "I nî chhun lutuk mai",
"Ka nî ka chhun lo reng reng", Zoan a ti hlak, phun bul bul chungin a kalsawn zui.
A rukin ka lo nuih tet tet, a nî chhun chu a duh lo ve lutuk.
Nu Lawmi nen kan titi rualna pakhat ka hmuhchhuah chu, kan hmuhchhuah a ni mah zawk, Takgua chanchin sawi.
A hming tak Yoon Si Yoon pawhin kan ko phal lo, Ka Takgua tih ngatin.
Hepa hi chu ka duh ngawih ngawih.
"Episode engzah thleng nge chhuak tawh a?", Zoan a ti dam thlup. Nu Lawmin, "Chaw kha ei vat vat rawh,College i tlai ang",
"College ka kal tawh lo", Zoa a thaw hrawk, "Chutiang ka ngaipawimawh lo, han fail vaih teh aw i chak lo ang", Nu Lawmin a ti kharh khar. A rukin ka lo nui tet tet.
"Awmpuinu", ka melh rawm rawm nghal, " Het, ka tihsual, Rinsiam", a nui var.
Ka la melh no lo nasa, "Khawi i number min lo pe ve rawh ka duh ve, Papuia pawhin a nei", ṭha takin ka pe ve a. Min dil dan chu a naupanchhiatthlak tak a ni.
Zanah number hriat ngai loh aṭangin message a lo thleng, 'Duati, ka ngai tawh che' , dp ka hmuh theih loh avangin tunge a nih ka hre thei mai lo.
'Tunge aw? Min hai a nih ka va ring e' tih ka thawn a, ka ngaihtuahnaah Zoa a lo lang hlawl.
Ni tak e, zingah ka number ka pek tak kha, amah a ni hrim hrim.
'Zohmangaih, awm ṭha hle hle rawh aw', tih ka va thawn a, emoji thinrim sen ṭawn ṭawn sang chuangin a zui nghal.
Min chhaihna atana ka number pe ka nih loh tehlul nen, keipawh chuan ka lo pe kher kher a ni.
Papuia dp ka en daih a, ani hi chu Bibi thlalak dp-ah a hmang a, amah te hi hman ve tur a nia.
A thla ka hau vak vak ringawt.
"Hmasawnna te a awm em?", hei lah hi, "Awm lo, eng hmasawnna nge awm se i tih reng reng a?", tiin, ka lo zawt let khauh.
A rawn nui hak hak, "Ṭhiani, i duh ber kha lehkha thawn tawp rawh",
"I chhe hri hre e a", ka lo ti hlak. Lehkhathawn a, a teuh lo em mai. Achhuani thluak hi chu la enfiah a ngai a ni.
"Artui kan(kang) hi ka hne lutuk", tiffin ka siam mawlh mawlh laiin Rtan a rawn ti hlawl. Ka hoin ka en a, a hmel chu a nelawm teh chiam lo bawk.
"Ih, ih, vawiin chu tihian ni leh phawt se, naktuk aṭang adang kan ngaihtuah dawn nia", ka ti a. "A nih chuan tiffin ka pai lo mai ang", tih leh kalsawn a rual.
"Keipawh artui kan hi ka hne tawh",
"Engmaw i sawi ve niap niap a?",
"Bepui, tiffin ka pai dawn lo", ti hlakin a kalsawn veleh.
Bepui tiin min ko, ka va han beng chak mai mai e aw.
A ṭha lawm, anmahnin tiffin pai tur an siam ngai lo, school-a rilṭam deuha an awm duh chuan awm sela, buai philiin ka siam ve malh malh reng a. An va chak dawn lo tak.
School an kal fel ta maw tihah Zoa pawr chhip chhepin a rawn chhuk hna hna, "Hei lah hi aw", Nu Lawmin a lu a thing nar nar.
Message min thawn dan kha ka sawi dawn mi aw ka tia, mahse; ka insum leh hram. Bakah, Nu Lawmi a awm ve bawk sia.
Ka block loh avangin zaninah a che leh ngei turah ngai ila, message pawh kha a in seen reng a, a rawn chet leh vaih chuan a chak lo ang.
"Ruatfela hi a va reh ve",
"College-ah kan inhmu char char tho alawm",
"A mak ṭhin, a lo va leng duh tawh lo ve",
"A buai ve thei lutuk ama tawkah hian", meng mang hlei loin Zoa chuan a ti ne ne a.
Nu Lawmin beng dawtin inphihharh turin a hrilh.
Thuawih takin bathroom-ah Zoa chu a lut a.
"Zanin chu Takgua te en leh ila",
"En leh ila", nui var chungin ka lo chhang let.
Tlaiah Rta leh Bibi an rawn haw, "In lo haw tawh maw, in chau em?", Nu Lawmi chuan Bibi bag chu lain, Bibi chuan, "Nu, ka rilṭam", a ti ṭuau mai. Ka rin dan chiah a ni.
Thuawih loh man, "Canteen-ah ei tur lei mai tur lawm", Nu Lawmi chuan a ti dap dap a, ei rawngbawl ka chhunzawm mial mial. Bai thak tawkin ka han siam ang e, mai mai a!
"Naktuk hi bazar kan ngai ang em?", Pa Zauan a tih chuan, "Eng bazar maw?", Nu Lawmin a lo ti hu, "Inrinni a ni lo em ni?", Pa Zaua chuan a ti a.
Nu Lawmi chu a inngaihtuah deuh, rei loah, "Ni tak e", a nui var var. "Siami thu thu a ni mai", nui saih chungin Nu Lawmi chuan a ti a.
"Artui kan lo tiffin-a pai tur te hi a awm lo em ni?", Rta chuan a ti hmuk. A la tho daih zui, "Alu hi a bag-in la mai ila", Pa Zaua chuan a ti a.
Nu Lawmin, "Artui hi a awlsam ber a, mahse; nia, alu chu kan la dawn nia", a ti a.
"My boy-a hi entir teh ang u", Zoa chuan a lo ti, "Nangmah kha entir i ngai zawk lo maw", Nu Lawmin a lo chhang vat. An inchhang tawk thei e.
Rta chu dal a chawm a, chu chiah, chawhmeh dang a khawih lo reng reng, dal chawm chauhin a ei a, a ei tlem phah reng bawk a. Hepa hi chu a mak ve ngawt alawm.
Khumah chuan tlu tawpin thawk ka la vang vang, chumi hnuah phone ka on a.
Ka chhungte ka be leh phawt, an dam ṭha tih ka hriat hi chuan ka thla a muang sawt sawt zel.
"Asiam, ka tihpalh lutuk aw, ka lo thawn sual a nih hi, tihpalh lutuk", tih message chu ka hmu chat. Zoa emaw ka tih kha a ni lo tihna emaw ni dawn.
Min koh dan lah Zoa min koh dan a ni si lo a, ka hriat mi a nih leh nih loh ka zawt tawp.
"Ni tak e, Tlanhlua ka nia, KṬP-ah group khatah kan awm kha, min hre lo tihna mi", a rawn thawn let nghal. Ka ngaihtuah vang vang, ka hre leh si, "U Hlute, ka hre leh si che, i number ka lo save loh avang lawm ka hriat loh che", ka va ti a, ka inthlahrung hnuhnawh leh.
Message a lo thawn sualah a tihpalh thu min hrilh leh, keipawhin engahmah ngai lo turin ka ti a. Ka hriatsual ve tho thuin ka lo hrilh.
Ṭha takin kan inbe chho zel a, kan veng chanchin ka zawt chik teh asin, ka ngai ve tawh bawk em a ni.
Achhuani leh Hlutea te ka be tawn zak zak mai, hria se chu bawn min ti ngawt ang, nge maw a rualin sawm chuang te lawm kan biak, group-ah kan la nawi thei bawk a, thil har lo tak a ni.
Hnehsawh ve tak chu ka ni ang mawle, hahaaaa.
Achhuani chu Hlutea nen kan inbiak dante ka hrilh ve vek a, a bulah hi chuan report thlap thlap hi a ngai.
Show post links
Top
| Link: | |
| BBcode: | |
| HTML: | |
| Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
Brothers Conflict-12
Ziaktu: Cck Lalchhuanawmi
"I tlangnel tawh em?",
"Tlangnel tawh lutuk", tia ka chhang chu a awih chiah lo nge ni, a khi sup ringawt.
Chawhmeh leh inchhunga kan mamawh tur ang chi te kan lei vek a, bazarah kan inzui ve hnak hnak.
Ka rin aiin a lo fel phian a, "U Zam, ka hah tawh e, rei lo te ka ṭhu lawk dawn", kan sira step-ah chuan ka ṭhu nghal.
"Siami, haw(hua) lo la",
"Aw eng nge?", thaw halh halh chungin ka ti a, ka hmaah nui var chungin a ding zum zut.
"Sawi leh lo mai ang",
"Ka thau tih chu ka hre ve tho ania", ti rawkin ka tho a ka kal nghal nal nal. Min hrilh a tum chu ka thau avanga hah hma angah min ngaih thu a ni ngei ang.
Ka in-diet awm lo, ka luhlul tlat dawn.
In kan thleng chu ka thaw huai mai, bazara kal hi chu lu te hi a hai chhap thei a, mihring kan tam ve tawh bawk em a ni.
"Siami, i lo haw tawh maw, lo kal lawk rawh aw", Nu Lawmin a tih chuan rang takin a bulah ka kal a, an pindanah min hruaiin hlawh min pe ta mai.
Mak ti deuhin ka lo en a, "Aww, thla chuang lai i awm ve tawh alawm", nui heuh heuh chungin a lo ti a.
Thla chuang lai ka awm hman chu mak ka ti angreng lutuk a, hun hi a va han lo kal chak reuh em em!
Ka hlawh zat erawh sawi lo mai ang, ka sawi phal lo.
"Siami, he ina i awm chhung chu fimkhurna chanh i hre dawn nia aw, abikin Zoa lakah hian", zawi sapin U Zama chuan a ti a.
Ka hrethiam miah lo, eng nge fimkhurna tur awm ang le, abikin Zoa lakah.
Zoa lakah chuan engtin nge fimkhur tur ni ang le?
Khumah chuan ka let ka let a, an inkhawm vek a, Rta nen chauh kan awm. Rta phei chu awm lo ang a ni mai.
U Zama thu min hrilh chuan ka rilru luah ngut ngutin a sawi tum ka ngaihtuah char char a, ka hre thei der lo, ka hrethiam lo hle a ni. U Zama zawh ka tum ruh hle bawk.
Inkhawm lo bang te ka chhawn a, Zoa leh Papuia hian an dam phawt chuan zan inkhawm pawh nise hmaih an tum ngai lo hi ni ka fak ruk ve em emna.
Nu Lawmi bulah zawi tein, "Nu Lawm, naktuk hi Chawlhni a ni tho a, kan ina ka kal lawk dawn mawni ka tia, ka hlawh lak te ka chhungte pek pahin", ka ti a.
Nu Lawmin a lo phal nasa mai, mahse; ka kal dan turah a buai deuh hlek a, ka pa ka biak mai tur thu ka hrilh hnu chuan a hahdam ve deuh ta a.
"Rs, i lo haw leh dawn em?", Papuia chu ka en a, a lo nui ṭhaw, "Aaa, haw tawh lo mai ang", thutak fe hian ka ti a, "Ngati nge?", Papuian a lo ti leh vat.
"A ṭha, Bepui awmpui reng kan duh lo", Bibiin a lo ti. Zoa a lo nui hak hak, "A mak ṭhin Bibi tak hi chu aw", Pa Zauan a lo ti vat.
A tlawm zawkah ka ṭang leh a ni mai ang chu, a pawina a awm loh thu ka sawi a ka nui lui var var.
Ka pa chuan min lo hruai a, kan ina ka lut leh ka ngaih em em te ka hmu chu, ka mittui a tling pam nghal.
Ka nau duat em ema ka kuah nghal vawng vawng!
Ka nu leh pa kutah ka hlawh dawn chu ka pe a, an lawm ve khawp.
Chhungkaw dinhmunin a zir loh chuan kum naupang tê ni chung pawha puitling taka kan awm ngai ta chu an inthiam loh thu sawiin, an lungchhe leh ṭan dawn dawn a.
Chuvang chuan thildang sawi puiin ka ri hlut, hetianga tih loh chuan ṭah bak hmabak awm lo.
"Dawrpui veng nula nih kha va tum ringawt lo la",
"Ka thiltih tum hi lo sawi chhuak ziah suh", ka ti thla rawk, ka fiamthu tih kan hre vek tho. Famkima nen hi chuan inhnial kan hrat ve hrim hrim.
"In unau inhnial ri hriat pawh a khât tawh alawm le", ka pa chuan a lo ti dap dap.
Dawrpui lama phei min tihreh vek dawn lawm le aw!
"Nu Sang, Rami a lo haw tawh em? Ehe, Asiami chu leee", Hlutea chuan a lo ti lut, a meng phawk em em mai lehnghal.
Kan lo nuih vak vak, "Ramhuai i hmu ta maw kan ti lawm, meng bial lian em em mai lehnghal", nui hak hak chungin ka nuin a lo ti a.
A lâi kual chu a riat nawk nawk ringawt.
Rami eng ngatan nge a tih kan zawh chuan a nau Eli-i la haw loh thu a sawi a, Rami nen inkawm chawt an nih avangin kan inah a lo en chhin niin.
"I phei leh dawn nge?",
"Phei leh dawn, a la hma deuh a, ei rawngbawl hnaihah ka phei ang", zi mar ar ar chungin ka ti a. "Ka lo thlah ang che",
"A ngai lo, ka pain min thlah thei tho alawm", ka ti a.
Mahse, haw loin a leng char char, "Ka thlah ang che", a khat tawkin a ti reng bawk.
A nau leh ka nau te an inkawm ngeih em avangin a khat mawi tawka inbe ve reng ṭhin kha kan ni a, KṬP-ah group khatah kan lo awm bawk nen.
Hman zana message a lo thawn sual chungchang kan titi thleng ta a, "Hlutea te chu a inzep thei em", ka pain a ti a.
Kan nui uar uar a, a hlimawm phian mai.
Dawrpui lama kal dawnin Rami leh Eli-i chu an lo inzui lut nui hak hak, "U, i lo kal law", Rami chuan min hmuh rualin a ti hluai.
"I va lo haw har ve, Sunday School banah haw nghal tur alawm, ka phei tawh dawn", ka lo ti a.
Hlutea chuan, "Ka sikuṭi hian ka va thlah ang e", a ti chu an nui ta vak vak.
Hlutea chuan a number ka save leh save loh te min zawt a, ka save thlap thuin ka lo chhang.
"Hetah hian maw i awm?", mak tih hmel deuhin a ti a.
"Aw, ngati nge a?", tiin, ka lo zawt let. "Fimkhur rawh aw, an tlangval pakhat lakah khan", Hlutea chuan a ti a.
"Zoa i tihna em ni?", a lo bu nghut.
Ngati nge mawni Zoa lakah fimkhur tura min hrilh ngawt chhan chu ni.
U Zama pawh khan fimkhur turin min ti tawh bawk a, a mak hle mai.
Show post links
Top
Ziaktu: Cck Lalchhuanawmi
"I tlangnel tawh em?",
"Tlangnel tawh lutuk", tia ka chhang chu a awih chiah lo nge ni, a khi sup ringawt.
Chawhmeh leh inchhunga kan mamawh tur ang chi te kan lei vek a, bazarah kan inzui ve hnak hnak.
Ka rin aiin a lo fel phian a, "U Zam, ka hah tawh e, rei lo te ka ṭhu lawk dawn", kan sira step-ah chuan ka ṭhu nghal.
"Siami, haw(hua) lo la",
"Aw eng nge?", thaw halh halh chungin ka ti a, ka hmaah nui var chungin a ding zum zut.
"Sawi leh lo mai ang",
"Ka thau tih chu ka hre ve tho ania", ti rawkin ka tho a ka kal nghal nal nal. Min hrilh a tum chu ka thau avanga hah hma angah min ngaih thu a ni ngei ang.
Ka in-diet awm lo, ka luhlul tlat dawn.
In kan thleng chu ka thaw huai mai, bazara kal hi chu lu te hi a hai chhap thei a, mihring kan tam ve tawh bawk em a ni.
"Siami, i lo haw tawh maw, lo kal lawk rawh aw", Nu Lawmin a tih chuan rang takin a bulah ka kal a, an pindanah min hruaiin hlawh min pe ta mai.
Mak ti deuhin ka lo en a, "Aww, thla chuang lai i awm ve tawh alawm", nui heuh heuh chungin a lo ti a.
Thla chuang lai ka awm hman chu mak ka ti angreng lutuk a, hun hi a va han lo kal chak reuh em em!
Ka hlawh zat erawh sawi lo mai ang, ka sawi phal lo.
"Siami, he ina i awm chhung chu fimkhurna chanh i hre dawn nia aw, abikin Zoa lakah hian", zawi sapin U Zama chuan a ti a.
Ka hrethiam miah lo, eng nge fimkhurna tur awm ang le, abikin Zoa lakah.
Zoa lakah chuan engtin nge fimkhur tur ni ang le?
Khumah chuan ka let ka let a, an inkhawm vek a, Rta nen chauh kan awm. Rta phei chu awm lo ang a ni mai.
U Zama thu min hrilh chuan ka rilru luah ngut ngutin a sawi tum ka ngaihtuah char char a, ka hre thei der lo, ka hrethiam lo hle a ni. U Zama zawh ka tum ruh hle bawk.
Inkhawm lo bang te ka chhawn a, Zoa leh Papuia hian an dam phawt chuan zan inkhawm pawh nise hmaih an tum ngai lo hi ni ka fak ruk ve em emna.
Nu Lawmi bulah zawi tein, "Nu Lawm, naktuk hi Chawlhni a ni tho a, kan ina ka kal lawk dawn mawni ka tia, ka hlawh lak te ka chhungte pek pahin", ka ti a.
Nu Lawmin a lo phal nasa mai, mahse; ka kal dan turah a buai deuh hlek a, ka pa ka biak mai tur thu ka hrilh hnu chuan a hahdam ve deuh ta a.
"Rs, i lo haw leh dawn em?", Papuia chu ka en a, a lo nui ṭhaw, "Aaa, haw tawh lo mai ang", thutak fe hian ka ti a, "Ngati nge?", Papuian a lo ti leh vat.
"A ṭha, Bepui awmpui reng kan duh lo", Bibiin a lo ti. Zoa a lo nui hak hak, "A mak ṭhin Bibi tak hi chu aw", Pa Zauan a lo ti vat.
A tlawm zawkah ka ṭang leh a ni mai ang chu, a pawina a awm loh thu ka sawi a ka nui lui var var.
Ka pa chuan min lo hruai a, kan ina ka lut leh ka ngaih em em te ka hmu chu, ka mittui a tling pam nghal.
Ka nau duat em ema ka kuah nghal vawng vawng!
Ka nu leh pa kutah ka hlawh dawn chu ka pe a, an lawm ve khawp.
Chhungkaw dinhmunin a zir loh chuan kum naupang tê ni chung pawha puitling taka kan awm ngai ta chu an inthiam loh thu sawiin, an lungchhe leh ṭan dawn dawn a.
Chuvang chuan thildang sawi puiin ka ri hlut, hetianga tih loh chuan ṭah bak hmabak awm lo.
"Dawrpui veng nula nih kha va tum ringawt lo la",
"Ka thiltih tum hi lo sawi chhuak ziah suh", ka ti thla rawk, ka fiamthu tih kan hre vek tho. Famkima nen hi chuan inhnial kan hrat ve hrim hrim.
"In unau inhnial ri hriat pawh a khât tawh alawm le", ka pa chuan a lo ti dap dap.
Dawrpui lama phei min tihreh vek dawn lawm le aw!
"Nu Sang, Rami a lo haw tawh em? Ehe, Asiami chu leee", Hlutea chuan a lo ti lut, a meng phawk em em mai lehnghal.
Kan lo nuih vak vak, "Ramhuai i hmu ta maw kan ti lawm, meng bial lian em em mai lehnghal", nui hak hak chungin ka nuin a lo ti a.
A lâi kual chu a riat nawk nawk ringawt.
Rami eng ngatan nge a tih kan zawh chuan a nau Eli-i la haw loh thu a sawi a, Rami nen inkawm chawt an nih avangin kan inah a lo en chhin niin.
"I phei leh dawn nge?",
"Phei leh dawn, a la hma deuh a, ei rawngbawl hnaihah ka phei ang", zi mar ar ar chungin ka ti a. "Ka lo thlah ang che",
"A ngai lo, ka pain min thlah thei tho alawm", ka ti a.
Mahse, haw loin a leng char char, "Ka thlah ang che", a khat tawkin a ti reng bawk.
A nau leh ka nau te an inkawm ngeih em avangin a khat mawi tawka inbe ve reng ṭhin kha kan ni a, KṬP-ah group khatah kan lo awm bawk nen.
Hman zana message a lo thawn sual chungchang kan titi thleng ta a, "Hlutea te chu a inzep thei em", ka pain a ti a.
Kan nui uar uar a, a hlimawm phian mai.
Dawrpui lama kal dawnin Rami leh Eli-i chu an lo inzui lut nui hak hak, "U, i lo kal law", Rami chuan min hmuh rualin a ti hluai.
"I va lo haw har ve, Sunday School banah haw nghal tur alawm, ka phei tawh dawn", ka lo ti a.
Hlutea chuan, "Ka sikuṭi hian ka va thlah ang e", a ti chu an nui ta vak vak.
Hlutea chuan a number ka save leh save loh te min zawt a, ka save thlap thuin ka lo chhang.
"Hetah hian maw i awm?", mak tih hmel deuhin a ti a.
"Aw, ngati nge a?", tiin, ka lo zawt let. "Fimkhur rawh aw, an tlangval pakhat lakah khan", Hlutea chuan a ti a.
"Zoa i tihna em ni?", a lo bu nghut.
Ngati nge mawni Zoa lakah fimkhur tura min hrilh ngawt chhan chu ni.
U Zama pawh khan fimkhur turin min ti tawh bawk a, a mak hle mai.
Show post links
Top
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)