Brothers_Conflict BY Cck Lalchhuanawmi (Completed)

[Ngaia]

Brothers Conflict-13
Ziaktu: Cck Lalchhuanawmi

A kam tam thlak mai mai ka tih avangin u Zama pawh chu engmah ka zawt lo a, Hlutea pawh engmah ka zawt lo, min rawn biak pawhin bialnu a nei tih ka hriat avangin ka be ziktluak ngai lo thung.

Zoa laka fimkhur te chu a, ka lakah hian fimkhur zawk rawh se, han ti ila, fimkhur zawk rawh se.

U Zama nen pawh bazara kan chhuah hnu aṭang kan la inbe lo reng reng a, a mawng phe pawh hmuh hman loh tih ang chiah.

"Inchhung hna hi zuam mai mai chi a ni lo, thawk zo tawha inngaih pawhin thawh tur neuh neuh hi a lo awm ve zel tho", Nu Lawmi chuan a ti dap dap a.

Nu Lawmi nen kan titi rual theihna kan hmuh chhuah bakah, thildangah pawh kan titi rual thei tih kan hre chhuak zel bawk.

"Inchhung hna hi chu en ang ngawt a ni lo", ka lo ti ve leh a.

"Zuam sual a awl", kan tirual ṭhawt, kan inena kan nui hak hak.

Pa Zaua nena an intawn dan vel leh an inchhâi dan vel sen ṭawn ṭawn chungin a sawi a, zak ru chem chemin ka lo ngaithla ve bawk.

A ruh lang rawtin a sawi bawk si a, a zah loh theih loh, pui ve miah miah tak a ni.

"Ka châk ve tho si, mahse; lo rai ta ang ila Kohhranin min phuar ngei ang a, a zahthlak dawn piah lamah, Kohhran Zaipawla ka lo tel ve avangin keimah bakah ka chhungte an mualpho tel dawn tih ka hre kar a, mahse; insum har tak a ni. I pa Zaua lah a duhthawh tial tial mai bawk si a, ani hi chu ka ngaihtuahna ang kha chu a ngaihtuah pha lo", Nu Lawmin a ti charh charh, arukin ka lo ip chawih chawih, ka hre chak tho bawk sia.

"Kan kalthui dawn takngiala ka hriat hnu chuan tawp turin ka ti ta chawt a, 'a ho mai mai' a ti a, ka sik vak ringawt", ka lo khi vur vur.

"Kohhran Zaipawl member ka nihna te leh Inneih hmaa lo mut dun a ṭhat lohna te ka hrilh hrep a, min bawh run chungin a bu ve nghauh nghauh", Nu Lawmi nen lai chem chemin kan nui ker ker a.

"I pa Zaua chuan, "A nih chuan Palai ka lo tir dawn a nia, lo hnial hauh suh ang che, i hnial a nih pawhin ka ru chhuak tho tho ang che", a ti a. Ṭawngṭaiin Pathian hnenah ngaihdam kan dil a, Tun hi kan thleng ta a ni", Nu Lawmi chuan a ti a.

Ka lo lai ru chem chem mai, ka ngaisangin ka zah tel hle bawk, an insum thei chu ka chhuang ru hle.

Mahse, ka ngaihtuahna ka vah kual tir a, Kohhrana inhmang tak si chunga tisa nawmnaa kal leh tho engzat tak awm ang maw?

Nu Lawmi pawhin chumi denchhen chuan min hrilh ve nasa mai a, nun fimkhurpui tur tein min chah nasa mai, Pathian hre reng tur leh ṭawngṭai ṭhin turin min hrilh mawlh mawlh.

A dikin a pawmawm vek, ka nu leh pa min hrilh ṭhin ang chiah.

"I lo dam em?",

"Dam ṭawk ṭawk", ka va ti a, kan inbiak theih hun tak tak hi chu zan dar sawm hnu lam te hi a ni a, chauh nen phei chuan inremlo tak a ni.

Achhuani chuan star thar a neih thu a lo sawi, hei pawh chu aw.

A sawi a sawi zel a, ka hriat hnu lo ni rengin.

Nupui a neih tawh thu ka'n hrilh thawr a, a lo teu nasa mai.

"A ni lawm le, ka hrechiang lutuk", sehchilh takin voice message ka va thawn.

Voice message bawkin, "Chhiai", min lo ti vin hlar.

"I tet tet nen", tiin, voice message bawkin ka va thawn.

Min lo call ta, a lawmawm thei a nia, kan inhnial tlaivar leh thei ngei ang. Ani biak hi chuan chintawk tih hi awm thei lo.

Phak chuap hian zing ka tho, ka meng hleithei lo zui.

Ka inphih a, ka harh kawkin ka hria.

Chaw ka chhuan hnu rei vak loah Nu Lawmi a lo tho ve.

In Morning zuaiin, "Ka va inphih fai ve nge", tiin, bathroom lam a pan ding.

Alu kan(kang) tur ka lo vel a, "I nau te hi an tih tam lutuk a, kan awmpui hmasa khan a duat sual pakhat ve a, tiffin-ah Sa a dahsak lo chauh zel lawm", Nu Lawmi chuan a lo ti dap dap nghal a.

Ka lo nuih ringawt, an awmpui hmasa chu a van sual, ti ringawt ila Artui kan(kang) hlir pai te chu a ni ve em em bawk a ni, keipawh hi a!

"Zanin chu ka van peih lo, chauh a nâ thei e", tiin, Zoa chu a phun su su a. Ka lo khawngaih lutuk.

"Eng nge ni ta a?", Nu Lawmin a lo ti a, "KṬP hnatlan tur, Pu President-a te hi lawm", Papuia melh ral ral pahin Zoa chuan a ti a.

Papuia a lo nui suk, a ṭha ve chiang em asin.

"Rs, bye aw, vawiin nilen nuam", nui sun sun chungin Papuia chuan a ti a.

Lai ru takin ka ban ka vai zeuh, min tihrilhhai thei tak tak a ni.

"Nizan chu a van nuam awm ve",

"Eng nge nizan chu?", ka lo zawt let hu. Zoa chu thaw hrawkin, "Zanlai pawh sawi theih lohin i nuih vak vak kha", a ti chu ka meng phawk hru.

Achhuani nen kan inbiakna a hre ngei nih dawn chu, "Eng nge zanlaiah te i lo tih?", ka zawt let kharh, keipawh hi a.

"Ka kal dawn", ti supin a kal nghal nal nal.

A buaithlak ṭhin, awmpui zawk ka ni tih ka lo hre ṭhin lo atin ni, mi hi ka nel biak pawp pawp ṭhin hi ka la tuar ngei ngei ang mawle.

Vawiin erawh Nu Lawmi a leng chhuak dawn a, "Papuia te nî ka va kawm hlim leh ang e, helamah a lo haw duh bawk si lo, a buaithlak em mai", a ti a.

Lo sawipui dan ka hre lo lutuk chu, "Aw le", tiin, ka chhang ringawt, hui.

Ring tawkin hla ka play leh a, chet pawh a tiawlsam, lam pah zeuh zeuhin ka che a, a nuam ve reng, nuam tur a ni.

Zoa POV...
"Lalruatfel, chhaw vah zel su", a lua ben chawrh pahin ka ti a, "Kan inah chuan engtikah nge chaw i lo ei dawn?", a lu ka benna dawm chungin a lo ti ve leh.

Ka lo theihnghilh daih lawm, engtik hi nge ka hman ang aw.

"A hmanhmawhthlak loh", ka ti daih.

Surprise-in va kal thut ila a ṭha ang.

Ruatfela chu Tlanhlua te veng ka zawt a, a lo la hre lo zui, Pu Google-an a hre lo chu a mak ngawt mai, "Thil zawng zawng hi ka hre vek bik lo", a lo ti hlar.

Ka ngaihtuahna hria niawm takin, "Ṭhu teh ṭhu teh", ka lo ti. A ṭhu ve mai bawk.

Economics ka lo thlang kher kher hi chu tih chang ka ngah.

"In awmpuinu kha engtinmah i la ti lo ania", ka lo melh nghek.

"Ngati ta nge a?", a mit ko san euh euh chungin a ti leh, "Lalruatfel, awm mai mai teh", ka ti thla rawk.

Inah ka haw a, zanah hnatlan a ngaih avangin ka inbual lem lo, ka insil thuak thuak ringawt.

"Dawrpui sawi hi chuan kan veng mah nise, 'Lawilo Dawrpui' tih kha ka rilruah a lo lang tlat zel", kan Treasurer U Hlimi chuan a ti a.

U Lawman, "Lan tir tawh hlek suh, i rilru kalsual vel mai mai a nih chu", a lo tihsak a, keini kan lo nui dar dar.

Ka u pawh a thawh hlawk berah a ṭang a, U Puipuii a ngai ṭhin ngawtin ka ring, keipawhin ka ngai ṭhin ania.

Ka u ka en hian achang chuan ka lo vuipui lek lek ṭhin, hringnun hian fair taka hnathawh loh chang a ngah ka ti.

"Bike ka lo keng lo chu aw", ka ti vawng vawng, kan bang tlai bawk si, paidal tlawng mai chu.

"I lo keng lo a ni, ka chau ve reng", ka u chuan a lo ti a. Ka lo nui hak.

"Puipuii kha engtin nge a awm zel ang le?", ding dawtin Van lam hawiin a ti a.

A bulah dingin Van lam ka hawi ve a, mahse; ka thengthawng a khawih chiah lo a ni.

Ka u erawh ka tuarpui hle.

Rinsiami che mual mual chu ka thlir doh doh a, keipawhin mak ka inti. Kan awmpui dangte ang chu nise ka tibuai tawh ngei ang.

Mahse, ani hi chu ka zah ru tlat, ka tibuai ngam lo. Ka hrethiam bik lo, amah hi zah rukna riau ka nei. Ruatfelan mak min tih hmel deuh ai pawhin mak ka inti zawk.

(Khawngaihtakin min lo hrethiam ula, rei lo te ka'n chawl lawk, ropui tawkin ka lo kir ang)


Show post links
Top

[Ngaia]

Brothers Conflict- 14
Ziaktu: Cck Lalchhuanawmi

Zoa POV...
"A nih nih ni tawh ila", Ruatfela a phur lutuk, "That's my boy", ka lo khi sak.

"Mahse",

"Nge?",

"My boy tih kha chu, Rta aw",

"Aw le, Boss", ti pahin Ruatfela a bu nghauh.

Zanin aṭangin ṭan ila, ka thaw hrawk.

Hetiangin ka zam ngai lo asin le, "I va han zam hmel em em, i ke i tiphu hleu hleu char char a nia", Ruatfelan a tih chuan ka ke ka titawp chiang kher asin.

Ka hre lo, ka hre hlek lo, Rinsiami tihbuai ka thei thlawt lo, "Ka hre bik lo, amah hi ka zah ru tlat, ka hrethiam tawh bik lo", Ka tih chuan Ruatfela a meng phawk hru.

"Khatin awm suh, keipawhin ka inhrethiam bik lo",

"Dintluangi be ṭha tawh mai rawh", Ruatfela chu ka melh ralh. "A thar ka duh zawk",

"I tenawm ngawt mai", Ruatfelan nui kur kur chungin min ti. Nia, ka tenawm pawh a ni mahna le.

Chaw ei laiin Rinsiami ka en zeuh zeuh a, a dik; mi hipna leh itawmna a nei hlawllo.

Engvanga chhâi tum ta poh nge ka nih pawh ka inhrethiam lo. A buaithlak e.

A vanneihthlak nge, zanin chu awl zan a ni tlat. Ṭhalai lamah thawh tur a awm lo a, ka u pawh inah a awm dawn. Zirtawp zan hi chu a.

Ka pain lehkha zir hmain chhung inkhawm min neihpui leh phawt a, chumi hnuah reilote tv enin Bibi pindanah ka nu nen, an pathumin an chho dial.

Bibi-in min lo ner khum, ngeiawm deuha lo nuihin ka ban ka vai a, min vaw leh nasa ngawt ang chu.

"My boy", kawngka ka kik karh karh, min lo hawn dawn lo tih hre reng mah ila ka kik lui ngar ngar a.

"My boy, bro, my boy",

"ummmm", hepa hi chu aw. "Engmah nia", tiin ka kalsawn daih.

Tv channel ka hmet kual ka hmet kual ringawt a, phone-ah lah Ruatfela message a tlim hmur. A lo phur ve em em ringawt mai zel a ni.

"Ngati nge i hmeh kual reng a?", a âw chu a inthlahrun hmel lutuk.

Muangchangin ka hawi phei a, ka piah lawk sofa-ah a lo ṭhu ve kur inthlahrung deuhin. Ka nuih sun sun ringawt, beidawn hmel deuhin a thaw kawk kawk.

"I duh duh en rawh", tv remote chu a lamah ka vawm phei a, a lo dawng chat, nui var chungin a channel duh berah a tawp, LPS-4.

Ka nui hak, hmeichhe ho leh Korea tak hi chu a.

Rei vak lohah ka u pawh a lo chhuk thla, "Test paper ka check lawk alawm le, inkhel en tur a awm nange?", ka bula lo ṭhu thla pahin a ti a.

Rinsiami ka va en, a lo ṭhen ṭhaw.

"E, hei inkhel hmuhnawm tak a nih hi mawle", Ka u chuan a ti a. Rinsiami a hmui hupin a nui dar dar.

Rinsiami chu a inthiam lo deuh nge ni, ding hluaiin remote ka u a lo pe, "Ka pindan tihfel a ngai a ka hrechhuak chiah", nuih saih chunga tiin, a kal nghal nal nal.

Ka u nen inenin kan nui ringawt. Pu Harry-a channel a en daih!

Phone riin min tiharh, mai mai chuan aw!

Ka phone dahna ka dap duk duk a, a tawp a mahse, a ri zawm leh. Lalruatfela bak a ni leh lo ang, hepa tak hi chu aw. Inrinni te a nia, mut rei tum ve nak alaiin.

Phone ka khawih fuh ta, hming pawh en loin, "Lalruatfel, rei deuh mut tum nak alaiin",

"Ka âw hi ngun deuhin ngaithla la, Lalruatfela ka ni em?", ka meng bial kawk nghal. Muangchangin ka phone chu ka en, tuna ka rilrua lo lang nghal hi chu ni lul suh se.

'Dawithiam Pitari' Lalpa le!!!

Ka thaw halh, lukhamah ka hmai phumin, "Nî, eng nge ni ta?", amah biak ai hi chuan lungpui biak pawh ka thlang.

"Ka vahpa hmelṭha hian a bike tharah pawh min la phur ve lo", nula senior ho tak hi chu aw.

"Kan inah lo kal rawh",

"I nu leh pa ka hmu peih teuh lo mai, MC-ah min bazarpui rawh, i duh duh ka leisak ang che", a rawn ti leh.

"Ummmm, aw le", ka ti tham ṭiak. Ka va han peih lo tak em. Ka va han peih lo tak. Min chhanchhuaktu tur ka mamawh.

Papuia, Papuia hi khawiah nge a awm?

"Ka u, ka u", khum aṭang zuang tho nghalin pindan aṭang ka chhuak nghal.

Ka u pindanah lutin a lo la awm lo zui. Inhnuaiah ka chhuk a, "Ka u, ka u", ka hawi ruai.

"Ngati nge?",

"Ka nu, khawiah nge Papuia?",

"Bazarin an kal, ngati nge?", bazar turin maw, a hathlak, bazar a ngai mawnile.

"Hey, ngati nge ka tih chu?", ka nuin min khawng chawrh, a nâ em em mai lehnghal.

"Nu, ka nî ka bazarpui peih miah lo nia aw", ka nuin a lu a lo thing nak nak, hui papin chokaah a kal daih.

"Nu, ka peih lo ka tih kha, ngati nge Papuia a biak loh?", ka nu chuan min lo melh ralh, "Chungte chu keia hriat theih pawh va ni suh", a ti a.

Inchungah peihlo tawkin ka chho hna hna, khawvelah hian ka nî bazarpui aia hreh hi ka nei lo.

"Khawiah nge i kal dawn?",

"Ka pi te inah, chaw pawh ka ei mai ang", ka ti bul bul a, ka nuin min lo nuih sun sun.

Hei le, Dawithiam Pitari a lo chhuak e. Kawrfual eng lam deuh hain a mawipui phian lehnghal, mahse e; converse a bun. Karei maw!

Bag te tak te phone lenna ṭawk ṭawk, wallet lenna ṭawk a ak a. Awi Karei maw!

"Ka nî, lukhum parh han khum law law teh", thaw halh chunga ka ti chu min melh rum teh e.

"Ka vahpa hmelṭha em empa", ka biang piai nawk nawkin a ti a. Hei hi lawm ka nin em emna.

Ka bike-ah chuan ka phur a, ka nî pawh hi ka nu ang chiah zei lo ve tak chu a ni chiang alawm.

MC-ah chuan min kualpui chiam ringawt, 5d te kan en a, 3d en tura hruai a la phut ta deuh deuh, ka hruai lo chiang ang chu.

"En teh, hemi te zawng zawng ai hian ka vahpa hmelṭha em ema hi ka duh daih zawk che, hmelṭha si, pa si, fel si, nunnêm si, si hlir sangsawmsariha i nih hi", min piai nawk nawk chungin a ti a.

Mi tamna laiah a la ni zui, min la en ṭhup zui, a ṭawng ring si, hei lawm bazarpui ka duh loh chhan.

"Ka nî, min thlah teh",

"Aw le, ka naute duat em empa", a mak ṭhin e.

Ka kalbopui nghal nal nal.

"Vawiin atan chuan tawk rawh se, haw ang",

"A ṭha lawm", nui var chungin a lo ti. Ka zep lo, ka nî hi zei lo viau mah se, a nui mawi ti hi chu ka pawm thlap.

"Zoa?", ka hnung lam ka hawi chu Dintluangi a lo phei. Aw Lalpa, min chhan hram teh.

Ka nî nen chuan inngai em em ang maiin an inkuahin an ri hlut. Ka ngaihzawng neih apiang chu ka nî hian min hriatpuiin, ṭhian ang chiahin a kawm thiam a, hei vang hi nia ka ex-te ho reng reng hian ka nî kaltlanga min biak ṭhat an tum fur ṭhin.

"Ka ring chhin, ex-Dindini", hui ham.

"Ka nî, ka zak dawn alawm, ex ka la ni lo reng reng", intino deuhin Dintluangi chuan a ti a. Ka van han ei lo mai mai tak.

Ka bike chungah ka ṭhu vung a, ka nî ka nghahhlel ber ṭum a ni ang.

"A ṭhat chu, ka vahpa hmelṭha em empa, Dindini nen hian hun ka pe ang che u, kei chu taxi-in ka haw mai ang", a la ti ta deuh deuh.

"Ka nî, ka nî", umzui ka tum cgu Dintluangin min lo tibuai. Ka nî lah taxi a hmu ve leh mai bawk, taxi-a a luh dawn chuan min lo bye bye, 'ka tihpalh' ti ni awm fahranin min lo en, keiin ka melh rum theitawp.

"I nî nen chuan in bazar tluang maw?",

"A sawi pawh ka sawi peih lo e a", ka ti bung nghut. Chaw ka ei mial mial. Vawksa rep chu a tui reuh phian lehnghal. My boy-a chuan a ei thei lo, a thak sep a.

"Eng nge i duh?", Ruatfela chu ka vin hrawk. "Biak chhunah vin hlur zel suh", speaker-ah dahin computer ka bih san daih.

"Dindini status ka hmu a, i lo tenawm hle lah tak mai",

"Zawnga", a lo nui huah huah. Mipa ve si, nui bal lutuk. "Ka nî lawm",

"I nî i chhuanlam thei lo ang, i chul nasa ve tawh em a, Tlanhluan a duh lo pawh a awm e",

"Lalruatfel, mi mah mood off nak laiin",

"No worry, mood on-na tur link ka lo thawn ang che, a bo vek mai ang", a sawi zawh rualin min lo thawn nghal.

"Zawnga le", ka nui hak.

"Lut chhin la, Rta ka va tibuai teh ang", call a titawp nghal.

Link min lo thawn chu ka delete nghal daih, nidang ang chu nise ka lut ngei ngei ang.

My boy-a chu va tibuai poh teh se.

"Usiam", mak tih hmel deuhin min en, "I ṭha maw?", a hmaah ka kut ka va vai a, "Aw, eng nge ni ta?", nui saih chungin a lo ti.

"Tunlai hi i nuamsam lo em ni?",

"Ka dam ṭha lutuk alawm, ngati nge?", min zawt let hu.

"I ngawi lutuk a", nui tawi takin ka ti a. Ka kalsawn nghal. Keimah zawk ka lai dawn lawm, a va buaithlak.

Vawiin inkhawm chu, va han peihawm lo tak.

*ka lo leng dawn, awmpuinu kha try ila* Ruatfela message ka hmuh rual chuan ka thaw halh halh.

Khawvel hi aw...


Show post links
Top

[Ngaia]

Brothers Conflict-15
Ziaktu: Cck Lalchhuanawmi

Zoa POV...

"Fur a ni ṭan tawh a, fimkhur hle tawh tur",

"Fimkhur lo hi kan ang ṭhin", ka ti chu ka nu a khuh kharh kharh. Ka nu hi chu a lawmawm thei e.

"Office leh School pawh hi kan kal ho ṭan leh vek tawh dawn nia", ka pa chuan a ti dap dap a.

Kan kal ho dawn nia a tihte chu Bibi leh My boy-a te. Ka tan pawh hian a buaithlak dawn lutuk. Ka u tan hlei hlei.

"I nî nena in bazar chu", ka nu chu ka melh hrawk, a mitko a lo sân euh euh.

"Mother Mizorami hi chu a", kunin chaw ka bar nghek. "Kha, dal hang hi hawp rawh, i helh ang", plate lo tihnai pahin ka nu chuan a ti a.

"Papui, car i la lei thei lo deuh em ni?",

"Thei ve ṭep, kei chu ngaihtuah ka ngai lo".

Ka pa leh ka u inbiakna ka ngaithla kar a, engvak an sawi pawh ni lo, an ṭawng muang ang charh charh a, inchhun pafa lutuk.

"U Siam, i cher ṭan a nia aw", Bibi-in a tih chuan Rinsiami ka en vat. A lo khi ṭhaw ringawt.

Mahse, engtinmah a chhang let lo, a hma te kha chuan engtin emaw tak a ṭawng ve ṭhin kha nia, tunlai chho tea a awmdan hi a mak ka ti, dam lohna a nei nge mawni.

Class ka neih tlai deuh dawn avangin khumah muin ka online mai mai a.

Ruatfela sawi hrechhuak zawkin Dintluangi status ka zawng. A la delete lo hlauh. Ka lu ka thing nak nak.

"Zoa?",

"Eng nge?",

"Tlanhlua leh Dindini ka hmu", hahthlak ti deuhin ka en, "I hmuh chuan i hmu a ni mai", Ruatfela tak hi chu aw.

"Zanin chu in inah chaw ka lo ei dawn",

"Ṭha lawm, ka nu ka han hrilh ang e".

Cafetaria panin ka kal a, Dintluangi status an lo inhrilh ru sap sap.

Keima tawkah MZU-ah na na na hi chuan lar ve tak ka ni.

Classroom ka luh dawnin Laltlanhluan min lo su chawrh, "Oops, ka tihpalh a nih kha", nui tawi taka tiin, a ṭhutna tur lam a pan ding nghal.

Ngawi rengin ka ṭhutna ka pan ve mai bawk.

Zirlai ngaihsak map loin eng eng emawni ka ngaihtuah a, ka ngaihtuah ber pawh ka hre lo. Ka nî ringawt ka ngaihtuah berin ka hria.

"Zoa, Zoa?", Ruatfela chu ka en â hu, "Class a zo tawh, eng nge i ngaihtuah?",

"Engmah", a lo nui hak, "Dindini leh Tlanhlua inhmu ka hmuh thu ka hrilh avang che chu a ni lo tiraw?", zawi salin thutak fe hian a ti leh.

"Min tihthinrim i tum mawnile", ka ti thla rawk a, nui huah huah chunga thoin, "Cafe-ah ka kal dawn, bye", ti sapin min kalsan daih a. Classroom a reh huai mai.

A pawi lo, vawiin chu keimaha awm ka duh rih tlat.

Phone la chhuakin ka nî ka call, a ri ral ral a, a la pick up thei lo zui. A buai ti dawn ila buaina tur a nei si lo.

Ka nu call-in Ruatfela te ina chaw ka ei tur thu ka hrilh a, fimkhur tur bawkin min chah leh. Fur thlen tawh hi chuan fimkhur ṭul zia thu ringawt kan infah chamchi leh dawn a nih hi.

Inchung lam hawiin ka mit ka chhing ka vang vang, ka thaw huai huai.

Chutah, ka hmui rawn tawktu an awm.

Meng chhuak vatin ka namsawn dawr, "Laldintluang, engthil nge i tih hi?",

"Ngati nge tikhan i awm, kan tihdan ṭhin a nih kha", ti sapin min rawn fawp leh. Ka lu tihsawn ka tumin min dawm nghet em em mai lehnghal. Min fawp bawrh bawrh a ṭamchhawl ang maiin.

Dawhkanah ṭhuin ka kawngah a ke pahnihin min kherh bet tlat a, a la nghet em em zui.

Chhang let loin ka ṭang ve ṭang ṭang a, a tawpah zawng hmeichhia nge nge chuan mipa tha chu min hneh lo e.

"Zoa, message kha a lem mai mai a nih kha, ka account min hack sak alawm, khawngaihtakin min ring rawh", ṭap pur chungin a ti a, a insut faih faih. Fiah takin ka mitah min la en kiau zui.

A hmelah leh a mitah chiang takin dawt a sawi lohzia a lang vek a. Kei ngei pawh dawt a sawi lohzia hrechiang bertu ka ni.

A account hack-tu pawh tudang ni loin My boy-a a ni, ka tihtir miau a.

A mittui hru thuak thuakin min kherh behna chu a la thla tial tial.

Inla hrangin, "I kekawr phelh rawh",

"Maw?", hrilhhai zetin a ti a. Dawhkanah a la ṭhu reng. Innem khalhin chiang takin ka en a, "Ngati nge, kan tihdan ṭhin a nih kha, chuan ka ring thei ang che", ka ti deuh sup.

A mita en ka ni bawk a, zamna ka hmu thei!

Engvang nge ni ang?

Ka bag lain classroom ka chhuahsan daih a, classroom kan chet dan leh awmdan te hi Principal-in hre ta se, min hnawt chhuak duh ang mawle.

Lungdamlo deuhin class dangah pawh ka ṭhu mawl tawp a, Dintluangi hmel lainawtawm tak kha a lo lang leh ṭhin!

Inah pawh haw tawh chuang loin Ruatfela nen an inah kan tlang nghal.

Nu Papuiin min lo lawm nasa mai. A ngainatawm reuh ngawt asin, ka nu pakhat ka ti mai.

An nufa te chauhin an awm a, Nu Papuii a thawkrim tih hai rual a ni lo. An ina ka kal tawh hi chuan ka puar pung haw ziah bawk.

"Sunday khan kan lo leng ang kan tia, mahse, ka hman leh ngang bawk si lo a, i nu kha min lo biak mawlh mawlh dawn nia", Nu Papuii chuan a ti dap dap a.

"Aw le, ka lo biak dawn che nia, Ruatfela khan amah chauh lo leng tur angin a sawi sia, i lo leng ve dawn tih hria ila chu ka lo hruai tur che a nia", Ruatfela melh ralh ralh chungin ka ti a.

Nu Papuii a lo nui hak hak. Falkland aṭangin Dawrpui panin ka tlan haw ta vang vang a.

"Papuii te nufa chu an damṭha maw?",

"Aw, Pathian zarah an dam ṭhat lai a ni e. Nu Papuiin i nu min lo biak rawh a ti", ka tih chuan ka nu a lo nui saih.

"Ka pa, ka nî chu Shillong-ah a kal leh dawn em?", Papuian a tih chuan ka pa ka en vat.

"Ka hre lo le, hna kha a nei ve bawk sia. Ka duh dan chuan kal tawh lo mah se, pawi ka ti lo. Helamah i pi leh pu bulah awm tawh zawk se ka ti a. Mahse, i nî chu i hriat kha", ka pain a ti dap dap a.

Ka nî kan la ngaihtuah tlang zel, ngaihtuah a ngai ve em bawk a ni. Ka khawngaih zawk mang e.

Ruah a sur cherh cherh avangin bike nen ka chhuah theih loh avangin, pindanah ka mu ren rawn a.

Ruatfela biak ka tum a, switch off a inti tlat. A phone battery a low leh ta phawt a ni ang a.

"U Siami pawh a nui leh thei ta", hmui tisawi niah chungin min lo en nghal.

"College i kal dawn chuan kal vat rawh", ka nuin min lo ti. Ka thaw hrawk a, "University i kal tawh tih ka hre tho", ka nuin a ti leh, Rinsiami a lo nui var ṭhaw, a lo nui sun sun a.

A biang chum nen a inhmeh reuh lutuk. Awi! Ka lu thing nak nak chungin ka kalsawn daih.

University awmna Tanhril panin ka tlan zel a, Rinsiami nui sun sun lai ka mitthlaah a cham reng mai!

Min tihahdam sawng sawng thei nia mawle, a nui lai ka hmuh khat vang te pawh a ni mahna.

Ruatfela ka call a, switch off a la inti ngar ngar. Rawn kal a tum lo nge mawni le aw.

*rawn kal i tum lo em ni?* whatsaap-ah ka thawn a, tick pakhat chauh a awm.

Last seen pawh nizan dar kua leh minute sawmpanga.

Eng nge maw a hriat le? Ka call leh message hi a chhang lo ngai lo.

Ka call tlut tlut a, switch off a inti tlut tlut bawk.

Ka ngaih ṭha lo chu an inah ka kal tawp a, a lo inkalh ṭhap.

Ka call leh a, switch off tho. Eng ti ṭhin nge mawni. An inchungte ka zawt ta tawp a, "Tukinah an khaw lamah an haw alawm",

"Tukinah maw?",

"Aw, i hre lo em ni? Haw an tumna a rei tawh alawm".

Bike tinungin ka tlan chhuak ta ngawt.

Haw an tumna a rei tawh chuan engvanga min hrilh ve lo nge a nih? Lalruatfela ṭhin hi chu aw.

An khua kha eng nge ni tak kha, ka hre leh tawh lo, a va buaithlak. My boy-a a awm alawm.

Papuia POV...
"Aw, ka nî, eng nge ni?",

"Ka fapa, lo leng teh, a reh lutuk, i pi leh pu hian min hau reng mai", ka lo nui hak.

"Nî, School-ah ka la awm a. Zanin chu ka lo riak dawn nia aw".

Ka nî duhtak hi chu aw, a vanduai ve a ni e.

Ka nu call-in ka pi te ina ka riah tur thu ka hrilh a. Ngati nge mawni, ka rilruah Siami a rawn lang.

"Aw, U Papui", zangkhai vaha a lo tih chuan sawi tur ka haihchham vek a, ka ngawi reng ringawt.

"Hello? U Papui?",

"E, aw, aw, ka tihpalh lutuk. Ka lo haw dawn lo a, chaw chhum kep ka ngai lo aw", bah nuaiin ka ti a. A chet chhiat theih ngei mai.

"Nu Lawmin min hrilh zo chiah a", dam diaiin a lo ti.

Ka zak lutuk chu ka sa chhuak vek.

"Aw, a, ka lo hrilh leh che. I theihnghilh thut takah", chhuan lam ka hriat chhun a ni tlat.

Ka hmai ka tuai pawk a, ka awmdan hi ka man thiam bik lo.

A zahthlak tih chauh ka sawi thei.

"Duati, i lo dam em?",

"U, eng nge i lo tih dawn?",

"Ka lo riak dawn", ka tih chuan min lo kuah.

Ka nîin min hmuh chuan, "Ka fapa a lo thleng e", au chulin min lo kuah nghal.

Inchungah ka nî nen kan ṭhu a, ka nî bula awm hi a hahdamthlak tluk zetin rilru hahna tur a tam bawk.

"Puipuii kha i ngai ve ṭhin em?", ka khi suk. Ngai tih piah lam a ni e.

"Ngati nge i nuih, i ngai lo em ni?",

"Ngaih tawh lo ka tum a, ka hlawhtling zel chuan ka hria. Mahse, i lo sawichhuak ṭhin a", vui hmel deuhin ka ti a. Ka nîin min lo beng chawrh.

"Hringnun hi a chang chuan a fair lo ṭhin ngawt mai. A ṭhen hmangaihna kawnga an tluan em em laiin, a ṭhen erawh vanduai vek vek tawhte chu an vanduai leh em em a", ka nî chu ka va en.

"Keini ang te", kan ti rual ṭhawt. Ka nui dun hak hak a.

"Papui, ka lawm e aw. Nang chauh hi min hrethiamtu awm chhun i ni", a mittui a hru fap fap a.

Ka nî kut vuanin, "Ka nî, kan zavaiin kan hmangaihin kan ngaihtuah em em vek che. Engtiklaipawhin ṭanpui che kan inpeih reng a nia aw",

"Ka hria alawm", nui saihin a ti a.

"I nî min chhun a, nangpawh hmangaihnaah i vanduai em mai. Min ngaihdam ka ngai a ni e", a mittui a luang zawih zawih a, a insut faih faih.

"Ka nî, chutiang sawi mah ta che. Pathian remruatah ngai ila, lo vanduai lo ta ila, hrethiamtu tur che an awm nang", nui sang chungin ka ti a.

A lo ṭah nui hak mai.

A dik chiah a ni, an nâtna hriatthiampuia hnem tur chuan kan lo tawn ve phawt a ngai reng a ni.

(A tawi tih pawh ka hria, mahse; ka mit hian a la tlin rih lo lutuk a, min hrethiam ru aw)


Show post links
Top

[Ngaia]

Brothers Conflict-16
Ziaktu: Cck Lalchhuanawmi

Papuia Speaks...
Ka nî bula awm tawh hi chuan Motivational Speaker kan ni ringawt zel.

Mahse, hai rual loin ka puitlin phah zawk.

"Lalpa, ka nî nen hian kan tan remruat ṭha tak i nei tih ka hria, chu hun chu nghak thleng ngei turin dawhtheihna min pe ang che", tiin, ka zing tho chu ka Ṭawngṭai mawlh mawlh.

Ka bula mu Lawma chu kaithoin inphih faia lehkha zir turin ka ti a, peihlo tawkin a tho ṭual ṭual mai.

Zirtirtu ka nihna ang leh a u ka nihna angin min hlauin a intipangchang ve tlat ṭhin bawk. Mahse, min hlauh hun leh pangchan hun hi a hria.

Ka pi te ina ka riah tawh hi chuan a pindanah ka mu ve ziah.

Zing dar nga leh a chanve chauh la ni mah se, Lawma lehkha zir ṭhutpuiin kei ka zirlai naupangte test paper ka ennawn ve tlauh tlauh.

"Papui, chaw ei a hun e aw", ka nutein min lo kohna chu, "Aw le, kan lo kal e", tiin ka lo chhawn vat.

"Le, insiam hmasa rawh le", Lawma âwmah ka hnek zeuh.

"Aw le", ti pahin ka âwmah min lo hnek ve zeuh. A routine enin a school bag-ah ka khung sak a, ani a lo insiam mial mial.

Pindan aṭanga kan chhuah chuan Duati a lo inpeih fel diam tawh, ṭhutthlengah lo ṭhuin a lo online mial mial.

"Duati, chaw i ei tawh mi?",

"Aw ka ei tawh, u", a lu-ah chul thuakin chaw ei dawhkan lam kan pan a.

Ka nî hmel ka en a, a bui lûk. A awm reng e, nizanah a ṭap leh nghek atin ni.

Ka patea chuan a hna Lungleia an sawn thu a sawi chuan, "Ka pate, a nih chuan ka pi leh pute hi tuin nge awmpui ta ang", ka lo ti vat.

Ka patea chuan ka pa koa sawiho a duhthu a sawi a, "Remruati hi helamah awm tawh se ka ti a, Private school-ah te pawh Zirtirtu hnathawk tur te chu a duh reng a, i pa la sawipui a ngai a ni, Shillong-ah kal tawh lo se ka ti", a tih chuan ka nî ka melh zawk a, tlemin a lunghnur deuh. Mahse, a ngawi reng thung.

Ka patea duh dan pawh chu ka pa duhdan pawh a nih ve tho kha maw. Mahse, nakinah ka pa nen sawi dun zawk rawh se.

"Ni e, Mami hi kan bulah awm tawh rawh se", ka puin a lo ti ve a, ka pi pawhin, "Heti reng renga vanduai mai chu aw, i nu leh pa kan la dam ve alawm le. Pasal neih pawh ngai lo, i nu leh pa bulah hian awm reng tawh rawh", a ti a.

Ka pi hi chu a pa ṭak ṭak a nia.

"Duati leh Lawma zirna a laklawh dawn hle mai", Lawma chaw ei lai chu thlir doh dohin ka ti sup.

"Chu chu lawm, a pa hi amah chauh chuan a kal duh dawn si lo a", nui saih chungin ka nutein a lo ti.

"A khai a, Mami, nang ber i kal lohin, in pa zanah a mu thei lo ang", ka puin a lo ti. Kan nui dar dar hlawm a, ka nî pawh a nui nasa mai.

Ka nî hi chu mi hlim thei tak a ni reng a ni.

Ka nu call-in in lam boruak ka zawt a, a ṭhat thuin min lo chhang.

School-ah tlang nghal daihin test paper ka phawrh chhuak a, term exam neih hmaa hetia test neihtir hi ka tihdan ṭhin a ni a.

Term exam an hmachhawnin an chhawr ṭangkai thei hle a, ka lawm thei em asin.

"Papui, nihliap i keng si lo, engtia haw nge i tum? Car lei vat vat rawh, haw-na tur ka duh ve tawh", Tluangi chu ka en a, a lo khi vur vur.

Mamawia a lo ṭawng ve leh ṭep tawh ang, "Haw-na tur i duh chuan car chu lei mai la, kei chuan ka la lei dawn lo. Nakinah, phurh tur kan neih hunah kan la lei ve mahna", thaw halh chungin ka ti a.

"I va han chimawm tak", nui khi vur vur chungin Tluangin a lo ti. Mamawia ka va en a, a phone a lo bih ngut ngut, a lo inrawlhlo pawh kha a awm e.

Kawngka ka kik dat dat, ruah a sur nasat em avangin kawngka kik thawm an hre lo a ni ngei ang min lo hawn har em mai.

Chhung lam aṭanga an kalh avangin pawn lam aṭang chuan a hawn theih mai loh.

Phone la chhuakin ka nu ka call a, a la la thei lo zui.

Ka pa ka call a, a la chuang lo. Zoa ka call a, ani pawhin a la thei lo.

Siami ka call ta tawp, "Aw", a lo ti tham ṭiak.

"I dam lo em ni, ngati nge i âw chu?", ka lo ti vat. "Pawnah ka awm a, kawngka min lo hawn rawh",

"E he, ngati nge a? Nu Lawmi te bulah i kal ve na nge?",

"Ka nu te chu khawiah nge an kal, min lo hawn phawt mai teh, a vawt lutuk", ka tih chuan, "Aw aw aw".

A hnu lawkah kawngka a lo hawng a ka lut vat.

"I va huh nasa tawh ve, i ding rei viau lo maw?", inthiamlo deuhin a lo ti vat. Ka ṭhat thuin ka lo chhang a, inthlak turin inchungah ka chho vat.

Ka inthlak zawh hnua inhnuaia ka chhuk chuan chaw ei a lo siam a, "Kei chu ka lo ei tawh a, ei ve nghal mai rawh",

"Aw le, mahse, Siami, Rs, min ṭhutpui ve tal la, mahni chauh chuan a nuam lo", a lo bu zeuh.

Ka patea chuan ka pa lo call-in ka pi te inah an va kal a. "I nî chu hetah awm tawh mai rawh se kan ti ta a nih kha. Keinin chhuk leh turin ti pawh ni ila, i puin a phal lo hrim hrim a nih kha", ka pa chuan a ti dap dap a.

"Patea te chu Lungleia an awm daih chuan Duati leh Lawma ka van ngai dawn tak", Bibi chuan a ti nuah nuah.

"Duati chu a kal dawn lo, i nîin a phal loh kha", ka nuin a tih chuan, "Tak tak maw?", nui var chungin Bibi-in a lo ti.

Siami chu ka en zeuh zeuh a, a la dak chhuak lo reng reng. Keima thiam loh vek.

School kalna lam thlengin nizan thil thleng ka ngaihtuah a, ka hlim tih bak hian ka sawi thiam lo.

Accident duhawm tak a ni!

"In test hi term exam leh board exam naa pawimawh tel vek tur a nia, chuvang chuan-", ka khi deuh salh.

"Sir?", ka hawi phei a, "Vawiin hi i van hlim em em, thil lawmawm deuh a awm a ni chiang", Isaka chuan a ti a. Nia an lo ti dual, "Sir, vawiin chu i nui reng a, a nuam e", hmeichhe naupang hoin an lo ti nak nak hlawm.

"Mahse maw Sir, chhan awm loa nuih reng pawh a dik lo, mahse Sir, nang chu, chhan awmin i nui tiraw?", Isaka chuan a ti leh.

Ka nui chhuak hawk a, an lo nui ve duah duah hlawm.

Nia, kei chu chhan awmin ka nui a, a ṭha vek e. A nuam a ni!

Ina ka haw chuan tim diaiin kawng min lo hawn, "Nu Lawmin kawngka kalh turin min ti a, thli a thaw nasa lutuk a", min en miah loin a kun ngul.

A kal nghal nal nal.

In chhungah lutin kawng ka kalh a, ka nuin min lo chhawn vat, "I pa leh i naute pahnih an lo la haw ve lo a, han inhruhul rawh", min nam pahin a ti a.

Ka thawmhnaw hlipin bathroom-ah ka dah a, ka intleuh thuak thuak.

Tuivawt a ni bawk a, fur nen a inrem lo ngei mai. Ka khur hlawk hlawk.

Inhru vat vatin ka inthlak sawk sawk a, ka lum ta deuh.

Khumah ṭhuin ka hmui muangchangin ka khawih a, accident ka mitthlaah a lo lang nghal.

Accident duhawm tak kha!

Zoa Speaks...
My boy-an keimah aia Ruatfela a lo hrechiang chu mak ka ti zawk.

"Lalruatfela nen in inbe ṭhin a ni maw?", min chhang loin min en reng, "Ni dawn tak, link te pawh a lo thawn ṭhin che kha, i lut ṭhin em? I lut ṭhin ngei ngei ang, a hun tawh alawm", nui sakin ka ti.

My boy-a puihna zarah Ruatfela te khua chu Bukpui a lo ni a, Lunglei kiang.

Ka patea kha Lungleiah an sawn a, la kal ve tur a ni.

A phone erawh switch off a intih tlat avangin, engang pawhin call ila min chhang dawn chuang lo.

My boy-a pawhin min call hun nghak turin min ti a, nau zawk thu awih hun pawh awm tur alawm.

University erawh a reh khawp mai. Ruatfela nena inzui chawt kan ni si a, ṭhian dang kawm ka nei mumal bawk si lo.

Bawnga, Laltlanhlua bak han biak lum lam vak tur ka nei lo. Laltlanhlua nena kan inbiak dan chu hriat sa, pangngai taka inbiak chu sawi loh, kan inthih chilh chauh lo zel chu a nia.

Ka patea te thlahna ni pah fawmin Armed vengah chaw ei khawmna kan nei dawn a, kan inpui awmna a ni.

"Kei chu U Papuia angin Math teacher ka ni dawn", Lawma chuan a ti lang lang.

Ka nîin a biangah a fawp a, "Ka fapa hi chu e, Math thiam deuh a la ni dawn", kuah chung chung pahin a ti a.

Tunah class-5 chauh a nia, chuti chung chuan a bawn em em, lehkha engmah zirpui a ngai tawh lo.

Duati ve chu Bibi ang chiah, an kum a inrual deuh thaw bawk a, an lâm reng mai an awmdun tawh chuan.

"U, i va buai hmel ve?",

"Rsi hian call a chhang thei lo a", a phone en tlawk tlawkin a ti a. Ka u chu mak ti deuhin ka en.

"Ngati nge i call a?",

"Ngatimah, an inah a kal sia, aa, englo", a buai nuai mai.

"Ka hrethiam e", nui sukin ka ti a.

Ka hrethiam tak tak tawp si lo a. Ngatinge Rinsiami chu a ngaihtuah ve em em?

"Dindini accident kha i hre ve em?", Tlanhlua chu ka en vat.

"I hre miah nange? Damdawi inah a awm a, thinlung i neih a, i lainata i kan ve duh a nih chuan a awmna Damdawi in chu ngaihtuah chhuah i tum ve tawh mai dawn nia", elsen taka tiin a kalsawn a.

Dintluangi accident pawh chu ka lo hre ve lo reng reng.

Engtikah nge? A nâ viau ang em? Engvang nge?

"Hello?",

"Zoa", phone hmaia number chu ka en a, ka hre ngai lo. Mahse, a âw chu.

"Fela, Lalruatfela i ni em?",

"Aw ni e, Zoa, ka tihpalh lutuk aw", a ti sup. Ka hmaah hian awm sela chu ka hnek ngei ngei ang. Insawifiah turin ka lo ti vat.

"Hetah, ka puin haw turin min ti a, ka nu nen kan haw ta mai. Hrilh che pawh ka tum reng a, mahse, ka inthiam thei thlawt lo",

"Engah chuan maw, engmah min hrilh loa in kal daih hi maw?", vui âw takin ka ti a.

Dik tak chuan ka lung hi chu a awi lo ve lawm.

"Ni tho a, ih, eng lo, bike kha ka hralh daih a, ka phone nen", inthiam lo tih hriat takin a lo ti.

Ka khawngaih hnuhnawh leh zawk. Ka thaw hrawk a, "A pawi lo, i ta a nia, i duh duh danin i tithei alawm. Chuan, phone kha hralh mah la, sim chu i hralh dawn lo a, i sim ngai kha hmang ang che, number thar save kual vel ka peih lo a nia", ka ti a.

A lo 'aw' ve mai bawk.

Bike leh phone hralh ngai hial khawp dinhmuna han din tak mai chu! Ka ṭhiana chu aw.

Dintluangi ka ngaihtuahnaah a rawn lut zawk, engtin nge maw ka tih ang le?

Kan in lam Dawrpui Venghlui panin University aṭang ka chhuak a.

Ka ṭhiana awm loh aṭang a reh ruai a, nuam pawh ka ti tawh lo.

Kan veng ka thlen dawn chuan dingin, Armed veng panna kawngah ka tlan zawk a.

Ka puin chanchinbu a lo chhiar mial mial.

"Pu, khawnge ka pi hi?",

"A inbualin ka hria, lo kal rawh", muang ban charhin a ti a.

A bulah ṭhuin Ruatfela leh Dintluangi ka ngaihtuah char char.

"Zoa, Bawiha?", ka meng a, ka piin min lo sawi harh chu niin.

"Bawiha, khua a thim tawh a nia, i haw dawn nge i riak dawn?",

"Pi, ka riak mai ang", ka pi a lo nui sep.

Ka nu call-in ka hrilh a, mahse; ka pu hnen aṭang a lo hre tawh. Ka puin a lo hrilh chu niin.

Ka patea te Lungleiah an kal tawh a, Duati erawh ka nîin kal a phal lo bawk a, a lâm a lâm mai.

"Kan inah lo awm ta che, Bibi nen in lâm dun thei ang a?",

"U, i sual reuh e a", a hmui a tisawi.

"Eng nge?", nui hakin ka lo ti.

Lawma pindanah ka mu a, Ruatfela leh Dintluangi ten min timuhil thei lo.

Ka inlet ka inlet a, tih ber tur pawh ka hre lo.

Phone hmet engin ka online a, KṬP group-a ka lut chu kan group-in inhlawhna tur kan lo hmu reng chu niin!

A tlai zo, an thawk zo tawh, hahthlak ṭhin ve.

Lu nâ burin ka tho a, zingkar pawh nise ka inbual. Ka harh kawkin ka hre mai.

Duati thlaha ka nî lo haw chu, "I University dawn nange?", bu zeuhin ka lo chhang.

Lawma pindanah ka inkhung reng a, zan min muttir theilo tute bawk ka ngaihtuah.

"I va ngaihtuah muk ve?",

"Ka ngaihtuahna hi a buai", ka nî chuan min lo kuahin ka ngaihtuahna buai nuai nuai chu hrilh turin min ti a.

Muangchangin ka hrilh a, Ruatfela ka phak ang tawka ka puihna te chu beitham ka tiin, a dinchhuah theihna tur khawpa puih ka duh thu te hrilhin.

Bialnu ka neih dan leh ka ṭhen dan duhawmlo tak te, My boy-a ka hnuhluh dan te.

Tunah, Dintluangi ka tih dan leh a accident nen lam chuan ka hrilh vek a, ka nî chuan ngawi rengin min lo ngaithla a.

Ka sawi zo chu ka thawl hawkin ka hria, hei hi ka lo mamawh tawh pawh a ni mahna.

"Ruatfela chungchangah chuan i theihtawp i chhuah tawh a, a bak chu Pathian kut a ni tawh. Chuan, amah Ruatfela chungah a innghat thui hle tawh bawk.

Chuan, Dintluangi chu. Hmeichhia ka nihna angin ka hrilh ang che, kan hmangaihte tan chuan engmah tih hreh kan nei lo. Inphelh ruah vek pawh kan pawisa lo. Kan thianghlimna hlan pawh kan huam lutuk.

Mahse maw, innawr ang chi zawng chuan kan duh lo. Kan hmangaih te tan chuan engpawh kan huam takmeuh, mahse; innawr ang chi zawng chuan",

"Ka hrethiam e", a lo bu zeuh.

"Ka nî, achang chuan eng nge hlimna tak hi ni ang le tiin ka ngaihtuah fo",

"I hria em ka fapa, ngun takin tuna i nundan kha han chhut teh. Kohhranah i phak ang tawkin i inhmang a, khawtlangah pawh i phak ang tawkin i inhmang. Mahse, i chhungril nun lanna i school kalna te, College emaw University i kalnaa i nundan te, leh ngaihzawng i neih danah te khan.

Han ngaihtuah la, a inanglo i ti em?", ka lo bu zeuh.

"Pawn lam landan ngawt ang hi a ni lo asin, tute pawhin kan en fo chu chhungril nun hi a ni ṭhin.

He thu i hre tawh em, 'mo hmelṭhatna chu inneihni atan chauh a ni a, mo nungchang erawh chuan inneih tuk aṭang thlir a hlawh ṭhin' tih hi.

Kan duh leh chenpui atan pawha kan thlan leh fo ṭhin chu nungchang hi a ni a, chhungril nun ṭhatna hi a ni leh fo ṭhin.

Pawn lam lan dan, kan thau emaw kan cher emaw, kan hmelchhia emaw kan hmelṭha emaw, kan tawi emaw kan sang emaw viau mai thei.

Mahse, a tawpah chuan he thinlung, chhungril leh nungchang hi a ni leh fo ṭhin", ka nî chuan a ti dap dap a.

"Eng nge hlimna tak chu ni ta ang, han ngaihtuah ve teh mah", ka dara beng pahin a ti a.

"Mami?", ka piin a lo ko.

"Ka kalsan hrih ang che, lo ngaihtuah rawh aw".

Ka nî kal hnu chuan ka ngaihtuah a, kei hi lem ka lo chang reng zawk em ni dawn?

Mite hmuha mawi leh ṭha chauh em ni ka lo zawn?

Ka ngaihzawng neih danah ka mize tak tak a lang a nih chuan, a ṭha lo tawp mai.

Ka nî min hrilh ho chu ka ngaihtuah let a, thau a sawi chu ka mitthlaah Rinsiami a rawn lang hlawl!

Rinsiami chu engvangin nge a lo lan ringawt?


Lalrinsiami Speaks...
"I pa pawh a ṭha tawh lutuk. Hmannia i lo kal aṭang khan a ṭha leh tawh sawt lutuk. Tunah chuan a muhil tawh a, a hnar bawrh bawrh mai", ka nuin a tih chuan ka lo insut faih faih.

"Ṭap tawh lo la, a dam ṭha zel mai ang. Pathian hnenah kan Ṭawngṭai reng a, a tidam vat mai ang", dam diaiin ka nu chuan a ti a.

Ni e, a dam leh vat dawn alawm.

Pathian hnenah ka thlen fo ṭhin a, min tibeidawnglo ngei ang.

Suangtuahna rama cheng hman ka ni lo, ka hmaa tihtur awm apiang chu ṭha taka tih zel ka tum tawh ang.

Mahse maw, Papuia nen chauh ina kan awma tihpalh thilthua kan infawp lai kha!

Ka â thei dawn!

Imchungah khan chho lo tur ka nia sin, inchung aṭanga ka chhuk lam leh Papuia lo chho tur, step ka rah piala ka tluk bawk thlawp tur min lo dangin kan hmui a intawk ta kha nia.

Aw Lalpa!

Ka first kiss a ni lo chu ka ui lutuk.

Lalrinsiam. Keimah leh keimah ka inbeng, "Hna chauh buaipui tur", ka inhrilh mawlh mawlh.

Hna chauh buaipui tur.

Alu kang mial mialin Papuia ka hmuh huna pangngai taka ka awm theih dan tur ka ngaihtuah melh melh pah.

"Bibi, exam in nei hnai tawh em?",

"Hnai tawh reng", Bibi-in a lo chhang vat.

Pa Zaua leh Bibi inbia chu kan ngaithla a ni deuh mai a, Nu Lawmi a va inrawlh ve zeuh ṭhin bawk.

Papuia pawh a ngawi, Rta chu sawi loa lum.

Papuia ka hmaah a ṭhut avangin ka dak chhuak ngam lo. Plan ka siam ve vek tawh a, a beidawnthlak mang e.

"Siami, bakery chhang kan nei tawh lo a nih hi, khawngaihtakin va lei lawk teh a",

"Aw le". Nu Lawmi chuan pawisa min pein bakery chhang lei turin in aṭang ka chhuak a.

Ka haw lamah Jenny nen kan inhmu fuh, kan han inbe leh rih, inkhawmna aṭanga ka hmelhriat a ni a, inkhawm pawh a ṭhat chang a awm riau.

Kan inbe zo, kan in peng thlen dawn hnaihah hmeichhe pakhat hi scooty-in a lo su ṭep chu ka pawt leng dawr.

Scooty erawh a tlan vang vang.

A âwm dawm vung vung chungin, "Awi, ka lawm lutuk", thaw hlawp hlawpin a ti a.

"A ho lutuk, a thuhrimah a tlan chak em a nih kha", ka lo ti a.

A tlan chak ve em bawk a ni.

"Ka lawm tho tho, ka lawm lutuk, awm lo la chu",

"A ho lutuk, ka ṭanpui thei che a, a lawmawm lutuk", nui saih chungin ka ti a.

"Puipuii ka nia", a kut a lo phar.

Ka chibai, a polite-in a hmelṭha em em zui.

Wow, a chhe lo bawk si. A bialpa chu mi vannei tak a ni.

"Sawlaiah kal ka tum a, mahse; ka ṭhulh leh ta mai, tihtur ka nei leh thut a, i number min lo pe rawh", nui sang chungin a ti.

A va han hmelṭha tak!


Show post links
Top

[Ngaia]

Brothers Conflict-17
Ziaktu: Cck Lalchhuanawmi

Lalrinsiami Speaks...

Puipuii nen chuan kan inbe ve zeuh zeuh a.

Achhuani bulah ṭhian thar ka chhar thu hrilhin, tlemin a thik deuh.

"Kan ai chuan a upa zawk daih a, mahse, u a duh lo a, Puipui tiin ka ko mai", ka tih chuan a lo nui hak.

A duhawm set sut a nia, "Mahse, nang chu, ka ṭhian bik i ni",

"Ka awih therte lo", a lo ti hlak.

"Engmah thik tur avawm lo, a zeuh zeuh bakin ka inbe ngai lo, ka buai ve thei em hi", ka ti leh a. A la lungawi vak lo aniang, "Ummm", a rawn ti ringawt.

Amah zawk hi ka biak tam ber a ni a, tunhnaiah Puipuii nen kan inbe zeuh zeuh a ni mai a. A hahthlak ṭhin mang e.

Fur hi chu a ninawm ve thlawt alawm.

Chanchin tharah chhiatna thleng an puang reng a, hei hi chu kum tinin a awm. Ka kawngte lah hi furah a chhe zel, a tlo lo tak tak a ni.

"Pa, kan vengah hian school ka kal duh tawh",

"Tunah chuan a laklawh e, term tharah i kal dawn nia", Pa Zaua chuan a lo ti a. Bibiin a pawm tih lantir nan a lo bu nghauh nghauh.

Nu Lawmi nen chauh awmin khua a nuam chiah lo nen, kan inkawm mai mai a.

"Keipawh Armed Veng ve tho ka nia, kan inngeih ngai lo hrim hrim. Kan inngaihzawn lai pawhin kan inngeih lutuk lo, kan inhau reng zel",

"Engtin nge in inneih?", tim daiin ka lo zawt a.

"Ih maw, kan inngaihzawn dan pawh kha, khami kan inngeih lo lutuk kha min fiam ta ṭhin a. Chuan, tikhan kan kal kan kal a, kan inngaizawng ta rawih a", Nu Lawmi a nui saih.

"Chuan, kan innei ta mai chu nia. Kan inneih hlim pawhin kan la inngeihlo tluang zel a, mahse; tunah chuan inngeih lohna ang chi kha chu a reh ve tial tial ni maiin ka hria", Nu Lawmi chuan a ti siam siam a.

A nui saih deuh reng pah bawk a, a hlimawm reuh lutuk.

"Nu Lawm, ih maw, ngaihlo lamah ngai lo la, englo, U Papuia hi tunah Zirtirtu a nia, Zoa lah University a la kal a, Rta class 12 a zir mek a, Bibi-in class 8, an kum hi a inthlau ka lo ti mai mai a", sehchilh nawk nawkin ka ti a.

Ka sawi zo chu ka thaw huaiin ka hria.

"I sawi dik chiah, an chhang hi a khat ve angreng a. Ka hrilh ang che khan, kan inngeihlo lutuk a, Papuia pian hnu hian rei vak lo chu kan han inṭhen leh ang lawp lawp a, chuti kual vel chu nia", nui sangin a ti a.

"Mahse, Papuia pawh hi kan fiam ang hian upa lutuk a ni lo nia, kum sawmthum ral a kai awrh chauh a ni", a ti leh a. Ka hrethiam lo lutuk chu ka lu ka bu ve ringawt.

"Kum 31-a upa a ni tawh tihna nih chu", Nu Lawmi chuan dam diaiin a ti a. Tunah chuan ka hrethiam ta.

Kei kum 21, awi ha, ka zak lutuk!

Khaw chhe hnuaiah pawh nise tui vawtin ka inleih bawrh bawrh a, ka rilru dik lo lutuk tihfai a ngai.

Khur hlawk hlawk chungin bathroom aṭang ka chhuak, ka inthlak vat vat a, khumah puanin ka inlukhuh nghal.

A lum ta veng veng mai.

Tlaiah pawh ruah a la sur cherh cherh, lung tileng tawk lekin a la ni zui.

Papuia kha huh chungin lo haw tawh lo sela a ṭha ber. A dam loh vaih chuan e, ka enkawl miah lo ang.

Lalriansiam, harh rawh.

"Ngati nge i inben a?", phu uih chungin ka en, "Engmah, in lo haw tawh tihna law?", phawk hruin ka zawt a.

A lo nui hak, "Kawngka bulah lo dingin min lo hmuak tur i ni asin, kan bag-te laa pindana dah leh thlap tur i nih laiin, kan haw leh haw loh te min la zawt zawk a nia", ka va han beng chak tak em.

Aw Lalpa, dawhtheihna min pe hram ang che.

"Ka lo hre tawh dawn nia", nui tawi takin ka lo chhang.

"Awmpui kan neih tawh zingah i la thau ber", ka lo nui hak.

A hming nen inmillo deuha a awm chule, Lalhmunmawii tih pu tlak pawh a ni lo, a nu leh pa ngaihtuah chuan a induh ve hlarh hlarh khawp mai.

Min hmuh dan chu, awmpui ai pawha hnuaihnung daih dinhmun min chantir a ni maw?

A ṭha e, he dinhmunah hian ka inbarh lut miau a, vui thei ka ni lo e.

Chaw ei laiin an nî chungchang an sawi leh a, keipawhin ka khawngaih.

Nupui a nei tih hria se chu a ngaizawngin, a hmangaih miah lo tur.

A nupuiin man chhuakin mualpho deuhin a awm lo mai tur. A mipa reng reng pawh chuan nupui nei reng chunga, nupui nei lo anga han awm!

"Khawvel hi a!", ka thaw halh.

"Eng maw?", ka hawi chhuak chiang lutuk.

Mak tih hmel deuhin min lo en ṭhap hlawm. Ka ngaihtuahna ka sawi chhuak leh chiang mai.

A manganthlak ṭhin mang e.

"Engmah a ni lo", lu thing chungin ka ti a. Mahse, an awih loh hmel hlawm lutuk.

Papuia phei chu ka mit sirin ka hmu thei a, min en char char, zawhna a ngah hmel lutuk.

Pa Zaua chaw khawrh tuma cooker ka ban laiin hahchhiau ri ka hre ta.

Papuia ka en vat, kha maw!

"U, i ṭha em?", Zoan a lo ti vat. "I hritlang dawn a va ang ve, khaw'maw", ti pahin Nu Lawmin a pang a dek, "I sa vur mai", a tih chuan ka lo hlauthawng lutuk.

Khumah ka inlet ka inlet a, keiin ka lo va ngaihtuah ve vak a mawi si lo.

*ṭhiani, i ex khan min lo bia asin* awiii, henu hmelchhiatzia hi.

*you want hnek?* min lo call nghal. Zanrei pawh hi a sawi lo.

Papuia dam ṭhat loh thu ka hrilh a, "Ṭawngṭaisak la, a dam mai ang. A thuhrimah, romantic scene kha Vanramah Vantirhkoh ho ka rewind tir ngei ngei ang",

"Lalhmachhuan", khumah ka ke ka per vak vak. Ṭhu chhuakin, "Lalhmachhuan, kha kha infiam nana hman chi a ni lo aw", ka ti hlar a.

A lo nui huah huah ringawt, "Zan a rei tawh, nui huah huah suh, i nui bal thei si",

"Kei aia nui bal zawk i awm tho lawm le, Papuia chu lo dam ṭha vat rawh se, muttui",

"Aw le, muttui le", call kan titawp a. Khumah ka mu duai, inchung ka melh ngawt ngawt, ka rilrua lut ber pawh ka hre lo e a.

Choka aṭang Nu Lawmi phone hmang ka lo ngaithla kar a, Papuia tan chawlh a va dilsak.

Chaw ei tur pawhin a lo chhuk peih lo, Nu Lawmin a chawi chho sak ringawt.

"Ka pa, Ruatfela kha maw, a nu nen an khuaah an lo haw daih a",

"Ngati teh thut nge?", Pa Zauan mak ti deuhin a lo zawt.

"A puin haw turin a ti a. Bukpui a nia, ka patea te tlawh pahin ka va kal zawk teh ang", Zoa chuan awlsam zetin a ti leh.

"I va thang rei awm ve", Pa Zaua chuan a ti a.

"Thang rei dawn lo e, Bukpui chu Lunglei bul lawk a nia", Zoan a tih chuan Pa Zauan a antui hawp a hak!

Bibi-in a hnungah chumin tui in tur a pe a.

"Kolasib", Rtan muangchangin a lo ti.

"Kolasib maw? Lunglei i ti maw ka tia?", mak tih hmel deuhin Zoa chuan a ti a.

Ka nuih a za lutuk chu ka ip chawih chawih.

"Mizoram dung leh vang i zir chian hmasa phawt loh chuan, khawiah mah i kal dawn lo reng reng", Pa Zaua chuan a ti a.

Bibi a lo nui vak vak. Zoa erawh a lu a hiat a hiat ringawt a.

Ka lo khawngaih lutuk, mi hre lo ve te.

Bukpui, Lunglei kianga awm tih reng reng. Achhuani ka han hrilh ang e.

"Ngati nge in lo nuih vak vak a?", Nu Lawmi tray chu ka lo lak chhawk a.

Bibi-in nui vak vak chungin Zoa thil hriatsual a sawi a, Nu Lawmi pawh a nui ve nasa mai.

"Bawiha, nangpawh fimkhur rawh aw, ruah te kha do lo la", Nu Lawmi chuan dam diaiin a ti a. Rta a lo bu zeuh.

"My boy-a te chu eng natna mahin a luhchilh thei lo", uar fein Zoan a lo ti.

"Nangpawh fimkhur ang che", Nu Lawmin a tih chuan, nui varin, "Aw le, Mother Mizoram", Zoan a lo ti.

Papuian chaw a ei tlem mai sia, damdawiin a tichau dawn bawk nen, dam ṭhat loh hi chuan chaw ei a tui lo ve em bawk a ni.


Show post links
Top

[Ngaia]

Brothers Conflict-18
Ziaktu: Cck Lalchhuanawmi

Lalrinsiami Speaks...
"Siami, Armed Vengah ka va kal lawk ang e. Papuia khi lo ngaihven deuh mai rawh aw", Nu Lawmin a tih chuan ka lung a phu dup dup.

Bah nuaiin ka lo chhang. Papuia nen chauh kan awm leh dawn.

Ka inkhawng chawrh, rilru pangngai tak put tum tur. Ka ti thei. Ka thei chiang alawm.

Kan inupat hleih lutuk, ka ngaihtuahna ka vah kual nasa tir mah mah a ni.

Khaw chhe hnuaiah pawh chhuat nawh tho a ngai, in a phui ṭha a, ruah tui far ang te a awm lo bawk a, a ṭha phian.

"Pa, eng nge i an?",

"Ka ṭha tawh lutuk. Nang eng nge i an zawk?",

"Keipawh ka ṭha lutuk, ngaihtuah ka ngai lo. Nangmahni ho kha inenkawl ṭha ula a tawk, dam lo mai mai tawh suh", ka ti bul bul.

Ka mittui a luang ngiai ngiai, hruk ka tum chuang lo. Luang hum hum rawh se, ka thawl hawk mahna.

"Aw Lalpa, ka chhungte min venhim sak rawh aw", ka rilruin ka ṭawngṭai mawlh mawlh.

Inphih faiin bathroom aṭang ka chhuak a, sawmpahnih leh a chanve a rik ṭep avangin ei tur siam turin chokaah ka kal a.

Papuia a lo ding run mai!

"U Papui, eng nge i duh a?",

"Tui lum in ka duh a, ka chhuang lawk a nih hi", dining chair-ah a ṭhu a.

"Ngati nge min koh loh?", gas bulah ka kal vat a, ketli ka vil nghal. A lo la sim(gas sim) daih zui, a so har ang chu. Ka nui saih.

"Rs, i pa chu eng nge a an a?", muangchangin a ti a. A âw aṭang chuan a chau tih hai rual a ni lo.

Mahse, ngati nge min zawh a, "Ngati nge a?", mak ti deuhin ka zawt, "A, in inbiakna ka lo hria a, ka ngaithla ru miah lo a nia aw", a kut pharin a ti a.

Ka nui chhuak hawk. Tui a lo so, no-ah thliin ka pe a, "Thingpui lamte hi kan in hnai tawh em?", tuilum chhem vat vat chungin a ti a.

"Eng nge i ei duh?",

"Eng nge i siam dawn?", tuilum a chhem leh, a la in hlei thei lo.

"Noodles chhum ka tum a, a awlsam ber a. Mahse, duh dang i neih chuan-",

"A pawi lo, spicy noodles nise", min lo melh zawkin a ti a. A tuilum in tur bawk a buaipui leh. Tuivawt pawlh a duh bawk si lo. A in har ngawt ang.

Spicy noodles chhumin plate-ah ka suah sak a, tuilum a in pah. A thak a zia phah miah lo ang, a thak ngawt ang.

"Rta hian hetiang te hi a tem ve hun ka nghakhlel ngawt mai", ka lo nui sak.

"Rs, bai thak te hi kan hmeh khat sia, hrehawm i ti ngawt lo maw?", ka lu ka lo thing.

"Rs, i van chhum thiam, a tui lutuk", a kutzungpui tipir vah chungin a ti a. Ka lawm thu ka lo hrilh.

"Rs, khawi vengah nge in awm?",

"Zonuamah", a lu a bu nghauh nghauh.

"Rs?", ngati bawrh bawrh nge mawni le.

Thil chi hrang hrang min zawt ṭeuh a, chhan loh lah a mawi chiah bawk si lo.

"Rs?",

"Ei",

"Rs, bialpa i nei ve ṭhin em?", ka en vat.

"A, a, ka sawi mai mai a nih kha, min chhan kher pawh a ngai lo", bah nuaiin a ti nghal.

"Ka duhtawk e", ti supin a tho vut a, inchungah a chho nal nal. Mak ti deuhin ka en tlawk tlawk ringawt.

A dam ṭha lo hi, a damdawi eiin a tirui a ni chiang ang!

Exam a hnai tawh bawk a, Bibi leh Rta pawh an ṭang lutuk.

Bibi pawh tlemin ka hmu khat deuh.

Papuia pawh a dam ṭha var tawh a, mahse; a buai thei hle thung.

A zirlaite bakah Bibi a buaipui reng a, Pa Zaua leh Nu Lawmin pui mah se, Papuian a pui reng tho.

"Rt, harsatna kan nei em?", Rtan a lu a lo thing. Papuian, "Good", ti supin a kutzungpui pahnih a tipir vah a.

"Siami, lo muhil suh aw", a ti zawi sup. Ka va han muhil dawn chiang tak.

Mahse, ka muhil thei chuang lo.

Vanlalzoa tak hi chu! Ka inlet ka inlet ringawt. Ka buaina tur a awm lo, kawng a kalh ve thei reng.

"Ka U Siam, nizanah muhil lo turin ka tih che kha", tui a in khawlh khawlh zui.

Ka melh ralh, "A pawi lo, tumah hian min ngaituah tak tak lo", a ti sup. Ka fian ken lai hian ka va han khawng chak tak.

Mahni lo maha mood off nak laiin.

"Rs?", hei pawh chu. Rs a ti reng.

"Rs, exam ṭan ni a nia",

"A nih chu", ka lo ti sep a, "Nia", a ti zawi sup.

"Exam ka va han peih lo tak", tum bur chungin Bibi-in a lo ti. Rta erawh engmah a hriat theih loh.

"Han pass lo na teh u, in chak lo ang", ka ti hlak.

"U, duhsakna min hlan dan hi a den thei e", Famkiman a lo ti nghut.

"Den lo, den lo. Zawhna in thiam loh pawh chhang vek ang che u". Ka thaw halh, "Lalpa, ṭanpui hram rawh aw", ka rilruin ka ti a.

Ka nau te ho chu ṭha takin exam zo sela, pass ngei ngei rawh se.

"U Siam?",

"I college dawn na nge?", a lo thle nghiai. Ka lo nui sak.

"Eng emaw zawh duh che ka nei?",

"Min zawt la, Pi Google-i hian chhanna dik tak ka pe zel ang che", nui tawi takin ka lo ti.

"Bialpa i nei em?", a va manganthlak ve maw. Papuian min zawt tawh bawk.

"Ngatan nge i tih?", ka ti zawi sep.

"Bialnu ka neih loh lai tak a nia", awmze nei deuhin a nui sang, min en chiang fak hle nghal.

Chhan tuma ka âng zuai chu, "Rs?", Papuian a lo ti.

Hei pawh hian zawhna a ngah leh ang chu.

"Rs, rem i tih chuan Zoa hi ka lo hruai bo lawk ang", a ti a.

Zoan, "Eng vang ngawtin?", a lo ti vat.

"School-ah min thlah lawk rawh. Ka pa te an kal tawh si a", sana en pahin Papuia chuan a ti a.

Zoa, peih lo tawkin a tho.

"Vawiin nilen nuam aw", ka lu lo tuaiin Zoa chuan a ti a.

"Hmanhmawh rawh", Papuian a lo ti hlak.

"Bye", Papuian ti supin an inzui chhuak nghal. An inhnial buai lo turah ngai ang. Inhnial buaina chhan tur pawh an nei reng reng mawni?

"I chhang ṭha em?",

"Chhang ṭha lutuk", a bag min lo pe nghal, he nu hi chu aw.

Nu Lawmin lo chhawn nghalin Bibi school bag ka ken chu a lo la a. Nu Lawmi hi chu a fel mawle.

Restaurant-a thil an ei thu an sawi avangin thingpui ringawt ka lum a. Nu Lawmi nen chuan thingpui leh bakery chhang ringawt pawh kan lungawipui.

"Rs, Rs", Papuian min ko vak vak. Han eih ila a thusawi a ho thei si.

Zoa lah zanah muhil lo turin min ti ziah lehnghal. Ka mutthilh san ṭhin tho.

Bibi lah an exam lai a ni a, a rilru tawt tihthawl nan min hmang.

Papuia group ten committe an neih laiin, theitui chawiin ka va pan.

Bibi-in min barakhaih thut a, ka phu nasa lutukin ka han tlu bawk thlawp a nih kha, ka chal ka tauh dawt!

A nâ lutuk leh ka zak lutuk chu ka sa chhuak vek a, ka puak keh lo chauh a ni.

Papuian min lo kai tho vat a, ka khup pawh a nâ tih ka hre chiah. No pawh an keh vek.

Papuian chokaah min hruai phei a, ka bai phei auh auh.

Dining chair-ah min ṭhuttirin, "Lo nghak lawk rawh aw", ti supin a kalsawn a.

Ka khur dar dar, khatiang kha ka pian ahnu lama ka hriat theih ata, ka vawikhat tawnna a ni.

Mahni inkhawngaihnain ka khat a, awmpui hna hi ka duh vang renga thawk ka ni lo a.

Tumah hian awmpui hna hi thawh an peih reng reng lo, chhungkaw tan tia thawk vek kan ni. Hetiang taka diriam hi kan phu bik lo.

An thawmhnaw suin an pindan kan tifai a, an in chhung bal zawng zawng kan tifaiin kan nawt fai a. Ei rawng bawlin thleng kan sil leh vek a. Bazar a ngaih pawhin kan bazar.

Mahni in luma kan tih peih loh leh, peih lo chung chunga nuten min hauh vak vaka, tum bur chunga kan thawh ṭhin te pawh, phur ber awm fahrana kan thawh bawrh bawrh a ngai ṭhin.

Ka mittui a luang zawih zawih a, dan tum sateh mah ila, a luang zel tho si a.

Ka samin ka hmai a khuh vek a, tumahin ka ṭap tih an hre lo ang, ka chal ka dawm vawng vawng pah a, ka khup ka tuai vat vat bawk.

"Kha lawm, cher deuh la chu i inzo ngei ngei dawn asin le", nui kur kurin Bibi chuan a lo ti a.

Ka thinrim lutuk chu ka insehruh nghek nghek.

"Lalhmunmawi", ka phu uih.

"I U Siami bulah hian ngaihdam dil rawh", ka hmaah lo dingin Papuia chuan a ti a. A ṭawng dan aṭang chuan a thinrim hmel takzet.

Tunah tak hi chuan Nu Lawmi Leh Pa Zaua te an awm lo a, ka lawm tak tak a ni.

"Ngaihdam dil rawh", vin deuhin a ti a. Papuia lo dang turin chakna ka nei thlawt lo.

"Ngati nge a?", Zoa chuan a lo ti.

Ka kun tlat a, ka hawi chhuak ngam lo.

"Lalhmunmawi, ngaihdam dil rawh ka ti", Papuia chuan ti lehin, "U, eng nge thleng a. Bibi, ṭap suh. Ngati nge? Siami kha ngati nge?", Zoa chuan a ti bul bul.

Tunah tak hi chuan buaina bul ber ni maiin ka inhria.

"Ngaihdam chu dil rawh-",

"Papui, i sual em mai. Ngati nge min vin vak a", Bibi a ṭap vak vak. Ka khawngaih hnuhnawh leh lutuk.

Papuia ban ka vuan ringawt. Zoa bulah a pindana hruai chho turin a ti ta ngawt a.

Ka hmaa ṭhingṭhiin ka sam ka bengah a zep a, ka kun ngar chu min kuai dak deuh a, vurin ka chal a lo dep mai nih kha, ka phu nasa lutuk chu a nui chhuak hawk.

"Keiman ka ti thei", ṭah âw ṭuau chunga tiin ka lo laksak a.

"Rs", thil ho tak min zawt leh ang chu.

"Bibi aiawhin ngaihdam ka dil e, a naupanchhiat hi a la reh hlei thei lo a, chubakah kan duat tih a hre kar bawk nen. Chuvang chuan ngaidam la, min chhuahsan ve mai suh aw", ka khup ka vawnna ka kut dinglam chu a vuan a.

A hmelah a tihtakzia a lang chiang em em bawk. Bibi vangin awmpui an nei rei thei lo tih a sawi tumna a ni phawt ang a.

Ka lo bu zeuh, thaw halh halhin min lo kuah!!!


Show post links
Top