"Zanin chu station ah ka riah leh a ngai mai thei a" ka beng bula rawn ti suptu chu ka melh zawk a, a hmela inthiamlo hmel ka hmuh avang chuan nui sakin "A pawi hleinem" ka ti a, mahse diktak chuan pawi ka ti, zan hnih lai a riak tawh a, ka ngai ve tawh takzet a ni.
Chokaa awm kan nih avangin ka thil siam chu a tem pah zeuh zeuh a, tunlaiin misual pawl pakhat in ti te hian bank rawka suasam an ching riau a, police lam hna an siam hnem hle ringawt anih hi.
Sitting room a naupang leh Angaihi te infiam thawm vang chuan in en in kan in nuih ringawt a, "Awiii Rinrina leh Sangpuia te chu in mak ve e, khatiangte chu ei chi pawh a nih loh kha, heiii Rinsangpui, dah rawh" Angaihi chuan a ti zui tuar tuar a, kan nuih a za zual sauh.
Pathian zarah fapa phir mipa kan nei a, kum 2 pawh an la tlin hma in tihian in hrawk reng kan ngai tawh chu a nih hi.
Ka nu chuan ka tetlai a chhun thu a sawi a, ka pha lemlo, min hrechiang tute hian ka naupan laia ka harh theih zia an sawi ve ziah a, ka nui ringawt zel.
Choka atanga kan chhuah hnua kan thil hmuh vang chuan ka pasal nen kan ding chawt a, "Hmangaihsang leh" ka tih rual chuan naupang pahnihte chu an rawn nui hawk ta chiam a, Malsawmhlua chuan pan hnaiin an unau chuan zo zet hian a pawm kang lawp a,
"Awi an harh lutuk a, TV remote an in chuh bawk sia, tihdan tur dang ka hre hleinem" tiin ka thiani chu a lo in sawi thiam nghal zawt zawt.
Kan Angaihi hian ka fapa te pahnih hi lipstick sen lutuk a lo hnawih pek anih hi!
Ka pasal chuan ngawi rengin a fate chu a hrufai mawlh mawlh a, keiin ka lo hau hlak hlak thung.
"Mipa an nih hi, bakah an vun pawhin a ngeih lo ang, I â em mai, ching tawh suh ang che" ka tih chuan ngaihsam fe hian "Anih chuan ka duh ang thlapa ka chei theih tur in fanu in neih vat a ngai anih chu" a lo ti a,
"Awi a teuhlo rapthlak, hemi te pahnih hian kum 5 an tlin hma chu a dang kan nei dawnlo" ka tih lai chuan pakhat chu a lo khuh kharh a, "I duh leh nangman nei ve mai rawh" ka tih zawm leh a.
"Tikhan kan nei tawh rihlo ang te chu I tia, nakin lawkah chuan I la rai leh pawp tho ang" tih pahin a thutna atang chuan a tho nulh a, naupang pahnih chu over zeta lawm nui leh pahin "Ka kal dawn, ka bialpa ka va hmu ve lawk teh ang" a ti a, biak zui hman lohin a chhuak nghal nal nal.
Henu hi chu aw,, sawi hreh leh zep tet tet a nei ve ngai bawk siloa, keimah zawk hi ka zak chem chem zel.
"Min nghei rei tir I va tum ve" ti tu chu rei pawh en lo in ka meng kual ralh a, "Chutiang sawi a hunlo emai, kal tawh rawh I tlai palh ang" ka ti a, naupang chu thutthlengah thut tirin an biangah a fawh sak ve ve a,
"Angaihi kha riak ve turin kan lo ti mai lo a" a tih chuan ner nang in "A awm te chuan kan muhil theilo zawk ang" uar fahran hian ka lo ti a, nui ri sukin min rawn din hnaih a,
"Zanin chauh a ni tawh ang aw Bawihi" a ti sup a,ka buk nghut hnuah ka chal ah a hmui a rawn nawr tawk a, a motor chabi a la a, kawngkhar thleng ka thlah hnu ah ka luhsan a.
Angaihi hi chu tawngthei viau mah se thian nih hi a tling ve a, college kal zawm lovin thil dang a training a, naupang te in hlawh a nei der tawh.
Naupang chaw ka ei tir lai chuan ka ngaihtuah na ka kawm melh melh a, kan inneih atangin ka pasal hi chuan ka beisei aia nasa daihin min ngaihsakin min duat a, a hnaah buai viau thin mah se a theih tawpin a chhungkua chu uap lum a tum tlat thin.
Ka pa(Pa Peka) zarah Police a try khan harsatna awm hauhlo in a tling nghal a, tunah chuan Sub Inspector niin a awm mek ani. An hotute duhsakna dawng tlakin a hna a thawk a, Pathian zarah a la kaisang chho ve zel ang chu...
A in luah thin a tet tak avangin kan inneih hnu khan in hmun zau ve ang reng tak kan lei a, indang tur kan nih bakah kan nu leh pa te lamin in neilo a mi in luah kawi ringawt an rem tih loh vang a ni pakhat bawk.
Pathian zarah in tha tak kan nei a, mi anga duh duh lei thei khawpa hausa ni lo mah ila kan mamawh engkim chu kan nei ve.
Ka pa laka thurawn kan lak angin Pathianni apiangin kan inkhawm thin a, kohhran inkhawm dang erawh kan la chhangchhiat deuh avangin kan ti hleithei meuhlo.
Chhung inkhawm, Bible chhiar leh tawngtai te a tam thei ang berin naupang kan tihpui a, kan felbik vanga ti nilo in, kan kum a la naupang a, kawng tam tak ah nu leh pa dangte aiin kan puitlinglo a, chuvang chuan Pathian kan auh reng hi a ngai zawk a ni.
Nakinah kan fatfate hi an la rawn puilting anga, Pathian hre Tu ni tlat chungin an that lai zawng zawngte hmang se kan duh avangi kan theihtawpin kan enkawl uluk ve a ni.
A harh rual an ni a, mipa ve ve an ni bawk nen a buaithlak ve thin khawp mai. Rinrina hi a tahbelh deuh a, a piang hnuhnung zawk a nih bakah a dawih zawk bawk a, Sangpuia hi chu a harh hle a, a bak han sawi vak dan tur ka hrelo.
Mu tura kan in siam fel lai in ka nu in min rawn call a, naupangho a hmuh chak avangin video call in kan in bia a, nikum khan thingtlang lamah bawk ka pa an sawn leh tak avangin an in suan leh a, kan in hmuh lohna a rei ve tawh khawp mai.
Rei deuh kan in biak hnu chuan kan in mangtha a, naupang ka tih mut hnuah phone en in ka la meng ve rih a, ka fb wall a Prof. Reuben leh Lucy te ni awm tak inneih thlalak chuan ka mit ala nghal khawp mai.
Ka en nawn leh thin an anmahni an ni ngeiin tih chian nan caption ah Model chhelo Lucy pasal neih thu a lo in ziak kalh bawk a,ka nui sen sen a, ka lawmpui thua han comment ve ka tum uk tak na in ka thulh leh ta zawk a, mahse hlim taka awm zel tur in ka duhsak hle thung.
Khawvel hi chu a lo mak mange aw,,,, thil hi kan beisei loh dan deuh deuhin a rawn thleng zut a, Pathian remruat lah chu a felfai thlup zel mai bawk si a. An ni pahnih pawh hi hmanah khan lo in ngaizawng tawh se chuan a hun laia kan buaina te kha a awm lo tur a nia,,, ka thil ngaihtuah vang chuan ka lu thingin ka nui sak a.
Ka graduate hnu khan ka nu chuan eng emaw tal hna thawh tur zawng ve phawt turin min duh a, mahse ka pa zawkin tul a ti lo thung.
Mama'n hna nghet a nei tho a, ka hna leh mawhphurhna chu ka pasal leh fate tha taka enkawl anih thu a sawi a, Mama chhungte pawhin an lo pawm em avangin hna lam chu ka dap ta lo law law anih hi.
, , ,
"Tluang deuhin han thleng ula, in lo chhuk leh vat ang chu le" tiin Mama te senior Pu Rama chuan kan kal tur chu min thlah a, Mama'n thla khat chawlh a nei thei hlauh a, khaw lamah kan haw chho ve rih dawn anih hi.
Kan tlan chak loh avangin kan thleng hma vak lo a, kan thlen fel meuh chuan khua a tlai lam tawh hle.
Naupang te chu a pi leh pute kutah an awm chawt a, ka pa (Pa Peka) pawhin a lawm ve khawp mai, an pian hlim bak kha a la hmu miahlo a, ka nu erawh hi chu a rawn zin ve zeuh zeuh avangin a hmu zing tawh hle thung.
Biate khuaah hi chuan hmelhriat ka la nei tam lutuk lo a, mahse ka hriat te an fel hlawm avangin ka khua tak tak ang maiin ka tlangnel hle tho.
Thlai rah that hun laia tak anih avangin chhun lamah chuan greenhouse lamah kan in zui thla dam dam zela, Bawihtea te unau pawhin nuam an ti khawp mai.
"I naupan laia i dream chu tuna kan awm dan ang hi anih ka ring chiahlo a" ka bulah ka pasal chu a rawn thu ve a, kan pahnih chuan dil kama kan fate leh a pi leh pute chevel chu kan thlir dun ta reng a.
"Chu ai chuan a nuam fe zawk" ka ti a, nui ri sukin ka darah min kuah a,
"Ka dam ve chhung chuan in hlimna tur in engpawh ka ti ang, he khawvel bakah vanramah pawh seat tha ber in chan theih nan theihtawp ka chhuah zel bawk anga" a ti leh sup a, hmai zangthal haw a en in ka lo nuih sen sen ringawt.
A,,,, Malsawmhlua bula awma a hmangaih nih hi heti tak hian a lo thlamuanthlak ngai a ni maw!!
A TAWP tak tak tawh aw
Ka regular lo chung² a a tawp thlenga min chhiarsak tute in va han hlu tak em❤in comments te, feedback tha tak² min pek vang chauhin ka complete thei niin ka hria a, ka lawm tak zet ani.
❤*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/