MALSAWMHLUA By RuatiRenthlei (Completed)

[Ngaia]

MALSAWMHLUA
By RuatiRenthlei


Chapter-1


"Tualthat tu inihkha aw, nang hian Zikpuii i that" ka shirt hmalam chu tham in mittui tla pur hian min aukhum tan tan a, ngawi ngulin a chetdan chu ka en tawp.
A zawhte hming hi Zikpuii maw!



Reilo te ah mipui an Rawn tlan khawm a, a thiannu ni awm tak Chuan ka hmaa mittui nen hnaptui nena min aukhum chiam chiam Tu chu a Rawn pawt hranga, a sir lawka zawhte thi chu thut chilhin a tap chhuak leh hak.




"Thiana leh! Engtia tih zel chi nge?" ka darah Rawn beng thuk in James Chuan a ti sup a, ka damchhungin hetiang thil hi ka la tawng ngai hreplo.



Hmeichhia chu pan hnaiin ka tihpalh anih thu ka hrilh a, ka thil sawi chu a bengkhawn eihlo!



Anihna takah Chuan ka thiamloh vek a ni lo, zawhte, nitak, Zikpuii kha kawngah a Rawn lang thut a, brake viau mah ila awmzia a awm lemlo, zawhte in a tuar a, kabike in a tuar bawk.




Tihngaihna hre loa ka din reng lai Chuan James zawk chu Rawn ri hlutin thupha a chawi luam a,a thusawi kar lakah ka lo bu leh nghut thin tihbak engmah ka sawi ve tawhlo, ngaihdam ka dil tawh a, a tawk viau a ni.





Nakin deuhah chuan hmeichhia Chuan puanvar thianghlim deuh hi a rawn phawrh a, zawhte chu tuamin a thisen chu puanah chuan a rawn tlang tho.

"Ka ngaidam ngai lo ang che" tia rum zeta min melh hnuah a thiannu ni awmtak nen chuan min kalpel a, mipui hawkdak then khat te pawh an kalsawn tawh, thiamlo hulhual ang mai min en hrek hrek hlawm kha ka ngai thei derlo bawk.




"Vawiin chu i chet chhiat tum ber a la ni hial lo maw?"
Nui hawkin James chuan ka helmet chu min rawn hmehbel chawt a, ka nui tawi ve tak mai.




Sawi zawm lemlo in kan bike hunna lam kan pan a, race pawh ka chak tawh neklo. Ka bike tlang khem chu run zet hian ka melh vung vung a, ka ui a ni tawp.



"Titeh, khavang mai mai khan a tihtur a thulh phah lovang" tiin James chuan a bike chu a ti nung vutvut tawh a, midangin min nghah vek tawhthu a sawi zawm zat bawk.




"A.. Bro, ka mood a diklo laklawh, vawiin chu ka tello in kal mai rawh" ka tih chuan min sawmlui deuh mah se ka titak hmel a hmuthiam ta deuh nge min kalsan a, ka la tlanchhuak ve ta lo fo.





Ka bike rang mawlh mai chuan min mawlh a, a tawpah workshop ka pan pui ta nge nge. Harsa lo zetin mechanic chuan reilo te ha a thar ang hlakin min thlak sak a, a man erawh a chhiar to hrep.





In lama ka in khalh haw hnu chuan hahdam pahin ka nu call chu ka chhang a, ka nu Tetei chuan sawi tur a ngah leh pek.





A duh a sawi zo ta maw tihah zawhte chungchang leh ka bike rang te chu ka hrilh ve a, a sa leh pek asin!




A duh tawka min hauh hnuah finkhur tura min chahin call chu a cut ve ta hram a, thaw hawkin sofa nghenchhan chu ka tauh dawt a, mit ka chhing zui vang vang.




Malsawmhlua,, Lalpekhlua leh Vansangpuii fapa ka ni a, tunah hian ka kum21 na hmang mekin HBC ah 3rd sem ka zir mek a ni.
Nau hmeichhia pakhat ka nei a, a ni erawh khuaah, ka nu thawhna school ah higher a kal ve mek thung. Ka nu strict zia leh school ah chuan a fate kan ni tih pawh hriat mangloh khawpa midang aia min duhsak bik loh zia te ngaihtuah chhuak in ka nui sak a, ka nu hi chu aw...


Ka nu nu, ka pi hi Aizawlah awm mah se mahnia zalen taka awm ka duh zawk avangin keimah in in ka luah a, thla tin ka nu leh pa, a remchang zawk ten min rawn tlawh ziah thin.


"Mama,, Malsawmhlu"
Kawngkhar ri dawt dawt ri chuan min ti harh zawk a, ka lo chhing sek tih hrechhuakin kawngkhar lam pan chuan ka che nghal vut. Khua a tlai lam tawh tih hriat takin a thim deuh ruih tawh a, kawngkhar ka hawn chuan James a lo nui heu.



"Ka petrol a zo, chaw ka lo ei dawn" tih pahin min kalpel thuak a, choka lam pan nghal zatin fridge kawngkhar chu a hawng ri bur a, noodles ka kawl sa chu phawrhin a siam zui mual mual bawk, ka thiantha ber a ni a, ka ina a mikhuallo viau pawh hi a mak hranlo.



"Takin, vawiin chhuna i tih thinrim hmeichhia kha, sawlai pastor fanu saw a lo nia" soup chu a dawt ri khawlh a, a la hak zui!


A duh tawka a khuh hnuah sawi zawm lehin "Pastor fanu hmeltha" a tawpah a ti tel hram a, ka lo ner sak thung.




"Pastor fanu a nih te chuan mite pawh ngaihdam that ve hle hle tur alawm" ti hlukin ka thawhsan ta daih.

"A chhiatloh reuh em kha, veng khatah in la awmzui, chupawh thenawm lawk" heipawh a chin loh dan a nilo, hmeichhia lo awm thar deuh nia a hriat chu engamah hmain min hmehbel ve ziah.



A thil sawi chu chhan enah pawh ka en lo, khatiang hmeichhe thinchhia leh tahbelh, pastor fanu lehnghal ka duh teuhlo!





SARAH LAWMSANGZUALI's POV




"Enteh Sarah, sawpa saw Zikpuii chil hlumtu kha a ni em?" Hmuaki kawhna lam chu melh vatin khawvel mihring piang tawh zinga ka huat ber mai ka lam pana pawn pen phei pawk pawk chu ka lo en ran a, accident thlen hnua ka vawi khat hmuh lehna chiah.




Thip fahran hian ka lo melh a, mahse min hre tawhlo nge min melh miah lovin a kaltlang nul nul. Pawisak nei lek lo va a bike va tlawh thluksak mai te ka duh rum rum hman nia mawle!



"Tunge i hria em?" ka tih chuan Hmuaki chu a ngawi vang vang a, "Mama tih chiahin ka hria, Aizawl khua tak a ni pawn ka hrelo, a hmelthat reuh avangin college ah chuan a lar ve" ka ner sak a, zawt zui zel duh lovin class lam kan pan a, college khatah kan kal tih loh hi thil pawi dang a thlen tawhloh beisei ang.



Class banah chuan ka scooty hunna lam ka pan a, a bul lawma lo awm te avang chuan ka ding chawt.



Khapa kha... A thiante ni awm tak 4 vel lai an lo awm bawk a, engahmah ngailo luiin scooty chu ka nawr chhuak a, an zinga pakhat chuan nui chungin "Kan pastor fanu chu zanah i rawn rim ngam ang em?" a rawn ti a, mit ka chhing sawk chu tullo ti lutuk in ka meng leh nghal.




Hetianga zahpah lo zeta hmeichhia chhaih thin ho hi ka ngaina lo. Ngeiawm taka nuih letin "A va pawi ve, a theihloh ang" ka ti ve ngat a, "Anih chuan khaw engah hian kan ride mai dawn em ni?" nichina min lo chhaihtu lo zawk chuan a rawn ti leh a, chhan let tuma ka ang zuau tawh chu misualpa chuan "Sangkim" a lo ti hluk a, a dinna atang chuan a rawn pen hnai hrat bawk.





"Hetiang hmeichhia vanga hun khawhral hi a tul berlo" tia chiang zeta min en in a kal ta daih a, a thiante chuan an zuive mai bawk.





'Hetiang hmeichhia a?!' Huhhh


"Awi i lo la kallo hloh, a ngai leh lo a, min phur haw leh si mai rawh" tia Hmuaki rawn tlan phei hlawk hlawk chu lo nuih hakin "Principal chuan eng nge a lo sawi a?" ka lo ti vat a, "Admission chungchangah fello a awm deuh emaw an tia, mahse a ngai leh lo aniang" a ti mai a, ka zawt zui lem lo.





A lo thlen hmaa thil thleng chu hrilh duh lemlo in thil dang sawiin kan titi a, an veng kan tlan thlen chuan min mangtha in an In lamah a tlan phei zui hlawk hlawk.





Sarah Lawmsangzuali ka ni a, kum 19 ka ni ve tawh. ka pa hi pastor anih avangin awmhmun nghet kan nei thei lo va, kum 5 danah kan insawn kual thin. Fanu mal ka nih avangin min duat a, ka dinhmun leh nihna... A... Ka pa dinhmun leh nihna ti zawk teh ang, he thil vang hian ka thil duh leh tih chak tam tak ka tih loh phah fo a, tleirawl nun hmang mek ka nih avangin a harsat chang a awm fo.



Bai dai baw zawnga harh ka ni chu ka inti phallo na in, ka harhvang viau a, Pastor fanu ka nih vang ngawtin ka fel famkim biklo bawk.


Mahse Pathian thutak hriat leh zirtirna hnuaia seilian ka nih miau avangin Pathian pawisawi erawh ka hlau viau a, ka kum a lo upat ang zelin kohhran leh Pathian rawngbawl hlutzia ka hrechiang tulh tulh bawk.





Aizawla kan insawn hma hian Phullen ah kan awmthin a, tah chuan higher kalin Aizawl kan awm kumah college ka kal ta chiah anih hi.



Hmuaki hi ka thian neih hmasak ber a ni a, a pa leh ka pa te hian synod ah rawng an bawl ho thin a ni awm e.


Thian ka ngaina a, a hmei a pa in ka kawm thei vek. Anihna takah chuan hmeichhia aiin mipa kawm nuam ka ti zawk a, mahse bialpa chu ka la nei miahlo.




A... Ka phone a thlalak ka en kual mai mai lai Chuan Zikpuii thlalak ka hmetchhuak hlawl a, ka hnuk a ulh in ka ngai thar em em bawk.



A su hlum Tu pa hmel kha ka mitthla ah a rawn lang zui a, huatna bawk!



Thil thleng palh a ni tihchu pawm mah ila vawiina min tih dan khan ka lung a ti awilo zual a, inthiamloh a hneka a tawngkam mei nei leh chapo zet min la hman khum ngamte kha mak ka ti!





Zanah chuan ka pindanah assignment tih pahin ka awmna hluia ka thiante nen kan in video call a, ka ngai hlawm reuh a nia aw...




Kan inbiak zawha ka mut hnu chuan message ka dawng a, no. hlang ngawt a ni chu ka bangbo viau bawk.
*Hii* tih chiah anih avangin min rawn bawl tumah ngaiin ka reply duh lemlo a, *Pastor fanu hmeltha chu i va induh ve* a rawn tih leh takah chuan tunge anih rindan ka nei thiam uar uar a, misuala kha a nih loh vek chuan a thiante tu emaw ber kha an ni ngei ang.

Ka tihngaihna hrelo chuan *Lo buai suh* tih ka thawn ta ngawt a, a nui a, *Kan thianpa tan hian kan duh viau che asin* a rawn ti leh, khawpui mi ve si, an rawn chet duh dan hi thing kati!




*A va pawi ve, ka duh ve lo tlat* tiin a hnuaiah kutzungpui lem ka ti pir vah a, ka nuih pawh an ti za lo.



*Titeh thiani, I zawhte a sut hlum vang khan hrehawm a ti ve lutuk ania, lo ngaidam hram la* a rawn ti leh a, misuala chu a nilo phawt, chuan a thiante hmanga ngaihdam a rawn dil hi a dawihzep thlak ka ti bawk.





Ka ngaihdam thu han sawi nghal ngawt chu tlawma ka lak deuh avangin ka reply ta lo ri gawt a, ka mut hmunah erawh ka ngaihtuah zui neuh neuh.




Engtinnge ka no. an neih tih ber chuan ka rilru a ti buai a, college ah lah tumah hriat ka la nei silo. Hmuaki chu message a zawh ka tum zet nain naktukah chiang zawka zawh ka duh ta zawk a, reilo te ah ka muhil zui.








"Vawiin chu in college ah kal ka ngai a, ka rualin kal ta che" ka pa chu ka melh vat a, "In principal in min ko alawm, lehkha pawimawh velah a nih ka ring" tih zawm lehin a ruala kal ka duh leh duhloh chu min zawt leh a, ka peih vaklo bawk nen Hmuaki chu chhuanlamah hmangin ka hnial a.



Ka chhuah dawn chuan ka nu in fimkhur tur in min chah leh thlap a, a kum tel scooty ka khalh ve tawh, scooty pawh hi ka pain ka hmingin a registered thlap, chuti chung chuan ka nu hi chuan min la ring thei chuanglo reng reng reng, min ngaihtuah lutuk vang hi ni berin ka hria.





Hmuaki chuan kawng sirah min lo nghak a, nui vur vurin ka hnungah a rawn lawn kai tharh bawk.



Kalkawngah chuan ka no. midang a pek leh pekloh ka zawt a, "Umm Sawmtei khan min dila, group a siam dawn aniang tiin ka pe" a ti mai a, Sawmtei chu kan cr a ni a, in be lemlo mahila ka hre ve khawp mai.



"Group pawh chu a rawn siam silo a" ka tih chuan "Nia" a ti hluai ringawt a, nizanah mi pakhatin min rawn biak thu leh biak dan vel ka sawi chuan a khat tawkin a lo 'awii' leh dur zel a, "An chhiatloh nen an va che thing" a tih chuan kan nui duk hak hak a, en mai chuan chhiat chu anchhe hranlo alawm, Tunlai hmeichhe tam ber lawm Bike an nei a, an hmai a faiin dress lah a changkang ber ber an inbel bawk, mahse chhungkaw pa ber atan chuan an nung ho mah mah. Ka thil ngaihtuah vang chuan ka ner sak a, college kan thleng chu a ni deuh der.





Nidanga ka scooty ka hun ziah thina ah chuan Jawa bike a lo in hung a, Tu ta nge anih hrilh nawn ka ngai lo kher asin.



A piah deuhah chuan hungin ka parking ah min lo dah khalh vang leh Zikpuii su hluntu bike anih vang hrim hrim in ka kal pelh dawn chuan a ke ka pet hram a, Hmuaki chu ka zui dat dat.






"Enteh Sarah, Sawmtei chu ka zawt a, I no. chu Sangkima'an a dil a, a pe ani awm e" Hmuaki chu phawk deuhin ka va melh a, dar kan akin "Cousin an nia" a lo ti leh.
Sangkima chu ka hria, ka ner saka, ka sawi zawm peihlo.



Ka pa chu a rawn kal ngei a, motor bula kan inbiak laite chuan kan dinna piah deuha thingkung lian zet hnuaiah dingin misualho chuan min en thup a, mahse ka hmulo der hmak thung.




Hmuaki chu class a la neih avangin ka pa kalliam hnuah ka scooty chu ka nawr chhuak a, kan veng ka thlen hmain scooty chu a thi thut. Ka enchian chuan petrol a zo tih ka hre chiah a, zia lo ti lutuk hian ka chal chu ka beng ta ngawt.


Petrol lah chu helai hnaiah an zuar hmello ropui mai bawk si. Ka phone phawrhin ka pa call ka tum a, zing atang signal a jam tlat tih hrechhuakin ka thaw chhuak hawk.





Mangang ru deuha ka hawi kual thuak thuak lai chuan bike pakhat hian min rawn tlanpel fua a, mahse ka hma deuh lawkah chuan ka ding leh ang lawi.



A helmet phelhin a rawn hawi let a, "Buaina i nei em Nula?" a rawn ti sup.
Harsatna karah a ni lo deuh hi tanpuitu min pe theilo em mawni le...!




Luhlul chhuak vakna chi nia ka hriat loh avangin ka petrol zawh thu ka hrilh a, a bike atang chuan rawn chhukin ka dinna lam pan chuan a rawn kal.




Scooty chu a on a, a chek deuh hlak. "Tihian petrol nei lovin college ah i inla chhelo viau ringawt a" min melh zawk a, a nui duh miahlo lehnghal.




"Ka inla chhelo lo" ka ti chu min chhang let lo va, "Engtinnge nu dawn" ti leh in ka hawi kual deuh ruai, thaw hawkin "Helai hnaiah petrol lei tur a awmlo, in ah haw la, a hranpa in petrol chu i la leh dawn nia" tia kal mai a tum chu "Hey" ka ti leh hlut a, a rawn leh hawi vut.






"Kan in a la hla deuh alawm, taxi a vang sia, I kalna tur lam anih tho chuan min lo phur ve mai" ka tawng tawp lam chu a zuih viau mai. Hmelhirat vakloh anih chu thuhran ania, kan inhriat dan lah a thalo lam hlir a ni a, chuti chunga a puihna han dil chu a nuam chiamlo alawm.






Thil dang sawilo in " Rawn chuang rawh" a ti sup a, a bike hnunga ka lawnkai hnu chuan kan veng lam pan lo zawngina in her a, min ti bangbo viau.



"Heyy, khawiah nge kan kal dawn?"

"Hey ka nilo"
Inla MAN ve maw.....
"Anih leh tlangval, tinge helamah kan kal?" ka ti leh sap a, "Petrol chu i duhlo mi?" a lo ti nghut, "Duh" ka tih chuan ka bu nghut ringawt a, a helmet hnung lam chu ka melh ram ram ringawt. Ina haw ngai lo va min lakpui thei dawn anih chuan a tha hlei hlei a ni mai.






Petrol kan lak hnua kan let leh lam chuan kan inbe lo veve a, ka scooty hunna kan thlen chuan scooty a lo awm tawh lo. Mangang deuhin a bul vel chu ka en kual a, Tlangvala chuan dawr neitupa chu a lo zawt ve mek bawk.



Ani chuan parking loa ka dah thu leh traffic duty in an nawr sawn thu a lo sawi a, kan han hawi kual ngial hnuah kan piah lam deuh ral lehlama a lo in park chu kan hmu a, kan pan ta nghal.






Duty chu rawn kalin parking na hmun loa dah tawho turin min hrilh a, tumloh deuhin pawisa ka chawi ta teuh bawk, vawiin chu ka lucky day a ni hlawllo.





Petrol kan thun hnu chuan ka sana bun lai chu ka melh zawk a, tlai lam dar 3 a lo pel tawh.

"Nidangah chuan enchiang hmasa tawh ang che" ti nghut in tlangvala chuan min kalsan a, lawmthu pawh ka sawi hmanlo. Kan in ka thlen hma deuh chuan kawngsir ah a bike ka hmu leh a, a va common reuh tak e aw....



College khatah kan kal avangin tlangvala chu nitin ka hmu ziah a, kan inbe ngai miahlo thung.
Min puih atang khan kar khat velah khan veng khatah kan awm tih ka hre ve chauh a, chupawh kan thenawm lawk. a sawi ang khan petrol check hmasa lovin ka tlanchhuak tawh ngailo bawk.

Amahin mi inhnuai a luah a, Hmuaki sawi ang khan Aizawl mi chu a nilo. College ah a thiante tuman min chhaih tawh ngailo a, phone ah pawh min tibuai zui lemlo. Hahdamthlak tak a ni ringawt.




Inrinni tlai khat chu ka nu eirawngbawl ka puih laiin message ka dawng a, no. hlang atang lehnghal.




*Lo chhuak lawk teh*
Tih zawnga nia, tunge anih ka hriat miau loh avangin chhuah chu ka tumlo chiang kher asin.

*Lo chhuak vat teh Nula, keimah tlangvala* ka tum loh deuhin ka nui sak a, ka nu chu ka chhuah lawk tur thu hrilhin min chhan letna pawh ngaithla lo chuan ka tlan chhuak nghal ringawt!












End of chapter-1
Note: Ka story chhiar thin chuan in hriat kha,,, a tirah ka ziak ngaihnawm thiam ve lodawhtheih a ngai ve nia aw
Like.. Comment.. Share.. Ads click.. Theihnghilh awihloh


Show post links
Top

[Ngaia]

MALSAWMHLUA
By RuatiRenthlei


Chapter-2


"Nang?"
Gate ka hawn rual chuan ti hlutin ka ding zui dawt, ngawi renga lo ding pa chu melhin "Tlangvala chu" tih pah chuan ka then leh sak. Thildang zawng aiin a lan dan mawlh chuan min ti hrilh hai a, hetianga a awm hi ka vawi khat hmuhna ani bawk.
College leh hmun danga ka hmuh chuan thuamhnaw rawng thim lam hlir a in bel thin a, a lan dan a pa in a smart ru viau zel. Mahse tunah hi chuan kekawr bul sen leh tshirt var a inbel a,, amah anglo viau mah se a fresh in hmuh a nuam lutuk tho.
Ohh,, chuan bata slipper a bun bawk!




"I buai loh chuan sawtah min lo kalpui teh" a ti sup a, a chhan zawh nan ka mithmul ka lo San ak ringawt.

"Saw lai lawk saw, a rei dawnlo" tih leh ka dara rawn vawn a rual a, "Mahse ka hman hleinem, eirawng ka bawl.. " tia ka tang deuh tung chu ka pa lengchhuak rawn tei haw ruk ruk ka hmuh rual chuan ka tawp deuh chawt a, kan awm dan chu mak a ti deuh nge zawhna mitmengin min rawn en vut bawk.



Ka bula mipa ding a hmuh rual erawh chuan a mitmeng a danglam nghal zawk a, "E.. Mama chu,, khawiah nge i kal dawn a?" a ti hlut a, an in hre tha hmel lutuk chuan min ti hrilh hai.



"Va kalpui rawh Ra-i, thingpui te in rawn in haw dawn nia" tlangvala zawk chu melhin a Ti leh a, min luhsan lai chuan ka en zui vung vung, engtinnge kalpui mai tura min tih theih le..!




"Kal ang" ti supin ka hnunglam atang min nawr kal dat dat a, kan kalna tur ka zawh lah chuan a sawi tha duh der bawk silo.




Hla vaklo ah in 1 kawtzawl zau deuh kawtah chuan min dinpui a, a kekawrbul ipte atang chuan pawisa rawn phawrhin "Hemi te hian sangha an zuar a, kg ang pawn an tilo, 500 man tawp hi va lei rawh" tih pahin pawisa chu ka kutah min hmehbel chawt a, "Engmaw?" ti heu in ka en deuh haw.





"Vat vat, ka hmanhmawh ania"
Te deuh deuh chuan, sangha lei tur mai mai hian ami min hruai a...?


"I duh leh nangman lei ve mai rawh" tih paha kalsan ka tum chu ka kawr lukum ah chuan min pawt let dawrh a, ka thlawk dawrh ni berin ka hria.



"Luhlul viau suh, a harsat loh chu" a tawng zawi ser sur lutuk te chu ka ngei, "A harsat loh chuan nangman lei mai ta che mawle" ka tawng ring leng lawng bawk a, a kutphaha ka hmui rawn hup thawk pah chuan "Ka hrilhfiah dawn che, mahse min leisak phawt rawh" a ti sup a, ka mitah tak min enrun bawk.



Ngei ru deuh chung chuan ka leisak ta tho a, an lo buai bawk neni chhungah rei deuh ka thutphah leh nghal.




"Sangha lei tur mai maiin eng nge min hruai a, pawimawh lo si" ti hlak in sangha chu ka pe a, nui huk pahin "Thildang ti tura ka hruai che i ring ami?" a lo ti. Ka mita min en rual chuan hawi sawn vatin chil ka lem khalh a, tawngkam a thiam reuh lutuk te hi ka ngei.




Nui ri suk chung chuan "Pi Hruaii khan misual ber hmuh hian min hmu a, mi sermon khum ziah vang anih kha" a ti sup a, ka melh chho heu. "Misual chu i nilo mi?" ka zawhna chu atthlak ti lutuk in lei ka chhuah zui tat a, ani lah chuan "Ni e" tih pahin a kut chu boruak ah a vai vut a, a banrek vei lama tattoo chu ka hmu ve chiah!



"Tattoo inei alaw" tih pahin a ban chu ka thlek vung vung a, "A lem anih hi" a tih chuan awih lo zetin ka hmui ka ti sawi vak a, ka chhipa min beng dat pah chuan "Va lut tawh rawh" a ti sap a, ka in zawnah kan lo ding reng tawh.





Sangha siam a la ngaih thu sawiin thingpui in tur pawh chuan a rawn lut ve ta lo a, ka pa nen an inhriat dan zawh nachang ka hrelo erawh mawl in ti lutuk in ka ner vak a, thenawm lawk e tilo a kan inhmu khat lutuk te pawh hi thil pangai a nilo!



"Zanin chu ka inkhawmlo mai dawn Pa, ka pum a dik theilo" bathroom atanga ka chhuah rual chuan zawi zetin ka ti nghal thawr a, "Inrinni zan inkhawm dawn apianga i kawtha lo ziah hi eng nge maw a chhan le" ka pa nui hawk ri ka hriat rual chuan ner nangin "A vawi hnihna chiah anih hi" ka ti vat a, ka pum na lutuk chu ka dawm pah ngawih ngawih bawk.






Inkhawm tura ka nu nen an chhuah hnu chuan sitting room ah thu in TV ka en a, tlangvala nena tlai lam kan hun hmandan te chu ka ngaihtuah let neuh neuh bawk.



Mi inhnuai luah a lehkha zira lo awm ve mai ina veng chhung nu huat a han hlawh ringawt te chu mak ka ri angreng viau a, chu tih rualin han en maia a nelawm loh ngil ngel em avang hian misual chu a ang viau lawi,, tattoo te anei leh nghal!





Higher kan kal lai khan devotion a kan miss sawi ka la hriat reng chu,, tattoo chhut hi a Kristian zia lo a, Setana hmanraw pakhat zinga mi anih thu leh Kristian na nen a in milh loh thu a sawi te kha ka ngaihtuah chhuak a, ka phone ri pawh ka hriat lawk loh phah nghe nghe.



No. hlang ka hmuh rual chuan ka thawk chhuak hawk, tinge tunlai hian hmelhriat loh be Tu hi ka neih theih viau le!





"Hello"
"Pastor fanu hmeltha" a aw leh tawngkam hman atang chuan tunge anih chiang takin ka hria



"I nu leh pa awmloh hlanin kan rawn rim dawn che ania" bike ri vut vut thawm ka hre zui a, an lo kal tak tak hlauin meng phar chiam mah ila ka tawng ve hma in call a cut daih





Ka call let a, chhangtu an awm tawh lo. Reilo te ah kan in kawtah chuan bike ri ka hre zui a, pakhat mai a nilo leh nghal!


Kawngkhar an rawn kik rual chuan dimte hian ka hawnsak a, ka hma zawn takah chuan tlangvala thianpa Sangkima chu a lo ding a, min la nuih ang heu lehnghal.



Tlangvala ka hmuh tel ve avangin muangchangin ka tawlh sawn a, inchhung an rawn luh chuan paruk lai an ni.



"Inlo kal tak tak a" za lo te hian ka nuih sak a, tlangvala lam ka hawi chuan tak run hian min lo en.




"Awi Lalmate, pastor quarter ka vawi khat luhna ania, ka rin ai a pui lo" ti duai Tu lam chu hawiin ka in rin hma in ka nui chhuak hak a, en mai pawha mipa pangai a nilo tih hriat ngawih ngawih, make up lah chu a hmang nasa, a thil sawi kha dawnsawn dan tur ka thiamloh mai bakah chhuan ngaihna ka hrelo a, ka nuih var var ringawt chu ka thutna bulah rawn in sawnin nem leh no duai hian eng eng emaw a sawi a, Phulpui ah khan tuai pakhat hi kan kawm ve thin a, an nihna chu engpawh nise kawm an nuam ka ti.
"Anih chuan Tata, a hma in ka van hmu ngailo che" ka tih chuan thaw hakin "Niang chu,, ka nu damlo Singalore ah ka kalpui alawm" a lo ti hliak a, a nu chu eng nge a an tih te zawtin kan Inkawm thei fu mai.






A thiante hming chu sawiin anmahni a kawk kual zel a, Sangkima, chuan James, Puia leh Gideon, chuan tlangvala nen. Tlangvala hming a sawi dawn chuan a 'awi' duai a, "Hepa ngelngul hi chu ka sawi ve peihlo, duh leh amah in sawi ve mai rawh se" a ti mauh





Tlangvala chu ka melh zawk a, ngai pawimawh lo hmelzeta min rawn en in a thle buk a, "Sawi ve mai la" tia Tata-a ka nek salh chu a let thawka na in min nek let erh.




"Malsawmhlua a nih ngil ngel hi, kan thian ho ah a sual ber a, min ti duhdah ber bawk, hepa hi chu hnaih duh vak suh aw Sarah" a sawi zawh rualin lukham a rawn thlawk phei fua a, "Malsawmhlu" ring mangkhenga tiin Tata chu a rawn tho hluai a, tlangvala pawh a thutna atang a rawn ding ve tho.





"A mak thei, in hnial reng lo teu" Puia chuan lo ti vatin tlangvala chu a pawt thu leh hrawk a, ang hmiar hmiarh paha Tata-a rawn thu thla leh chu tlangvala tih loh chuan kan nuihpui vek tawh.




"Thingpui awh kan hlawh pha dawn nange?" Sofa nghenchhan hlam duai pah chuan thatchhe zetin Sangkima chuan a rawn ti a, chutiang lam lam ka lo ngaihtuah lo.




"In in duh ami?" tia thawh ka tum chu tlangvala lo ding vut vang chuan ka thu thla leh riai riai a, "Kan in hman tawhlo, inkhawm an bang dawn" ti supin a bana sana chu a melh zawk a, midang chuan kam khat mahin an hniallo.




Mahse Tata chuan zo zeta rawn in perh tho pah hian "In la thu thei si, kan len hmaa i hrawka sangha ruh tang kan buaipui rei tehlul nen" a ti nui nui a, sawi sual ni awm takin a hmui a hup zui thawk leh nghal.




"Awi ka sawi palh" a nghawng hnung lamah rekin tlangvala chuan pawn lamah a nam chhuak rawk rawk a, nui hawkin Puia chuan ka beng bulah "Hrelo der mai rawh" a rawn ti sup a, hmui chip hmûna nui chungin ka lo bu nghat.





Veranda ah chuan dingin an tlanchhuak tur chu ka thlah liam a, Tata-a chuan Sangkima bike hnunga lawn pahin "Kan in hmu leh dawn nia aw Lalmate" a rawn ti lang langa, tlangvala hmerna ni awmtak a nghawng kual sen tûk chu a khawih zui neuh neuh bawk.






An liam zawh tak vek hnu chuan bathlara thutthleng ah chuan ka thu a, tlangvala hrawka sangha ruh tang chu ngaihtuah chhuakin ka nui zui hak, Tata-a sawi dan leh tlaia sangha ka leipui dan zawng zawng kha ngaihtuah let phei chuan nuih a za duh asin. Amah lah kha a zak hmel si, pawn ka chhuah thlen ve hma hauhin a lo tlan liam hman tawh ania.





..




"In professor thar tur anih hi Ra-i, chibai rawh" ka pa bula thu mipa, la upa lo tih hriat tak chu nui ver verin ka chibai a, "Kan fanu neih chhun anih ve hi, 1st sem a zir ve chiah a, I lo ngaihven deuh ani ang chu" ka pa'n a tih lai chuan professor chu ka melh zawk a, a mitmeng fiah leh nalh lutuka min lo melh ve rual chuan ka phone bawk chu ka bih leh ngar a, awi a hmeltha lutuk!





Chaw ei lai chuan a dan pangaiin ka pa a sermon leh dap dap tawh a, professor Reuben kha a thiannu fapa a nih thu leh toangval fel tak anih thu tr pawh a sawi, khatiang em ena hmeltha professor kan neih te chuan lehkha kan zir thei nang mawle.




"Lo chiang rawh" ka hmaah tak tlangvala chu a rawn ding a, ka scooty tlan ni anih loh avangin bus chan ka lo tum lai tak.



Chuang ta mai lo va ka thlek deuh vung vung chu nin hmel zet hian a thaw chhuak hawk a, "Bus in a tlansan tawh che, I tlai lutuk" ti nghutin a sana lawk zet bawk chu a melh leh vut a, a bike hnunga ka lawn kai hnu chuan chak lutukin min tlan chhuah pui.




A leather jacket ah chuan tham vakin a jacket hnung ni in a emsat vur tawh chu nghengin mit ka chhing vak a, hetianga chak deuh deuha tlan vak hi ka ngai na ve lo, ka thawk a chham dawn zel!





Chuthil chu hepa leu luau bulah hian ka sawi ngam der bawk silo, college kan thlen dawn chuan tlemin a speed pawh a down ve a, ka meng ngam ve ta chauh.




Leia ka tumthlak tharh rual chuan Tata-a a rawn tlan phei nghal dawr dawr a, "Mate chu I van tlai reuh, professor thar chhelo ultra kan nei ania aw, awi a la naupang hmel sia, min duh se chu min thei sa" a thawk a chham lo em mawni...





Nui hak hak pahin midang awmna lam pan chuan kan inzui phei a, Hmuaki pawh a rawn tlan phei vat Tata-a ang chiahin professor hmethaa chungchang bawk a rawn sawi leh a, mipa ho chuan ning hmel zetin an hmel an lo siam chhe kual thung.




"Tlaiah Mama te in ah hian chaw kan ei khawm dawn asin, lo tel ve ula" James chuan min rawn en in a ti sup a, Mama a tih chu tlangvala kha..


"A chiloh em mai" ka nui a, Hmuaki pawn a zahthlak thu a lo sawi nghal hluai, "A ho lutuk, anu hi a rawn chhuk a, eirawng a bawl tui thei mai" uar fahran hian Tata-a chuan a lo ti a, Hmuaki erawh a pha deuh tlat.

Veng a in hlat bakah a pa in a phal a rinloh thu sawiin a phone ri chhang chuan hmun dangah a kal ta daiha.



"Nang tal chuan i thei ang chu" tia ka dar rawn beng thakin tlangvala ber chu a kal ta daih a,
"Kan lo sawm ang che, eirawng bawl a ngailo" tiin James chuan a thianpa tih ang chiahin ka darah a rawn beng a, Tata-a tih loh chu an kal ta vek.




"Tlai chu lo kal ve ngei ngei rawh, an pa hlawm theu thuau sia, keimahin thleng min sil tir ziah" ti nui nuiin compact chu a in hnawih tha mial mial a, "Tinge hmeichhia kawm lova anni ho hi i zui daih a?" ka zawhna chu a atthlak hmel viau mai.

Mahse tun lai tawng takin Tata-a hi tuai ania, a hmeichhe thiante zui chawn chawn awm tak a ni miau.




Beidawn hmel zeta a thaw hak chu ka zawt sual emaw ka ti hman hial a, "I sawi takah chuan maw Sarah, James te nen hian tette atangin kan inkawm a, Mama tih loh hi chu veng khatah vek kan awm bawk a, mahse kan han tleirawl chho kha tun ang hian ka awm tan a, hmeichhe incheina ka lawmin ka aw te hi a 'til pawr aw' ve thei lo, hmeichhe kawmte chu nuam ka ti lutuk, mahse James te hian an phallo a, an bialnu te han kawm ngeih(ngeih nge ngaih ka hrelo, comment aw) dawn viau ila, kar khat pawh a ral hmain an then zel bawk si" a nui suk chu ka lo nuih pui ve hak a, "Hetianga awm hi ka pianpui ve rengah ka ngai tawh tawp, camp pawh vawi 3 lai ka lut tawh a, mahse ka thei thlawtlo" a tih lai chuan ka pa thil sawi ka hrechhuak zawk a.

Pathianin mipa leh hmeichhia ah min siam a, kan nihna leh pianchhuah dan anga nung mai tur in Pathianin min duh, mahni an pui ngaizawnga Pathian duhloh zawnga awm te chan tur chu Bible ah chiang takin a in ziak, mahse tunah rih chuan Bible Thu sawi puia Tata-a hi zilh chiam ka tum hranlo, a sawt ka ring berlo bawk.







Hmuaki phone hmang zo rawn let leh hnu chuan class lamah kan inzui phei a, kan tlangvala te ho kha chu ka hmu zui tawhlo reng reng.





Prof. Reuben chu college hmeichhia te titi a tling khawp mai, hmeltha ti ve tho mah ila ka sawi ve vak vak peih lemlo. Kan class a rawn luh ruala hmeichhe ho lo te tuar tuar te chu ka lo zak deuh tlat pek, ri ve huat huat mah ila mipa lamah hi chuan ka misa vaklo.






Prof. Reuben chuan min hriat hmel tak hian kan in melh fuh apiangin ngainat awm deuhin a nui suk thin a, class bana amah hmu lawk tura min hrilh phei chuan midang aiin mak ka ti daih zawk, a chhan chu tukin zing chiah kha kan la in hmu miau...




"In in hria ami?"
Hmuaki chu ka melh zawk a, "Hre deuh" dar ka kan ak, "Ka pa te nen an in hria a, ka hre ve lutuk lo" tih zawm lehin tlangvala message chu ka chhiar a, *Banah ka rualin i haw dawn nia* ka nui sak a, kal lamah ka zui avangin min hruai haw leh thlap a tum anih hmel, thenawm lawk kan nia, a polite ve reuh hle mai.




*Okay* tih zawng ka thawn a, thil ei turin kan inzui chhuak ta nghal.



*Professor in min lo hmu lawk rawh a tia, ka reilo ang* tlangvala message tur chu ka type pah mawlh mawlh a, kal tura min hrilhna lam chu ka pan pah hlawk hlawk bawk. Corridor lun vaklo ka thlen chuan a sawi angin a lo awm ngei a, min hmuh rual chuan ngainatawm deuhin a lo nui leh suk tawh.






"Eng thil ah nge?"
Zahzelah ka nui sak a, "I pa in scooty i ken loh thu min hrilh a, ka rualin i haw duh mai em?" ka thinphu dup dup ri chu a hriat phak hlauin kut ka kuangkuah zui hlun a, "Ka thianpa in min phur haw dawn a, kan thenawm lawk" tihpahin ka sana bun lai chu ka melh pah zauh.



Professor chu a nui ri suk a, "In inah ka kal dawn tho a, ka ruala haw chu i duh zawk em?" a thil min zawh dan chu... Chona a ang mah zawk ka ti!




"Ka... "

"A ngailo ang" ka hnung lam atanga mipa aw rawn chhuak vang chuan ka hawi let dawrh a, tlangvala chu ka bul lawkah a lo ding fel der tawh.




Ka melh chho ha chu mitmeng nelawm loh deuh hian min lo en run a, "Ka thiannu ania, ka hruai haw thei" keimah atang mit a la sawn eihlo.


Professor nui ri hawk ka hriat rual chuan ka melh leh vat a, "A tha e, a tha e, a pawi hleinem" a nuih a zat hmel viau mai, "Va kal rawh u, keipawh ka rawn thleng harlo ang" tia ka dar a rawn dawm rual chuan tlangvala rum ri hawk ri ka hria!




Ka banrekah vuanin min kalpui dawr dawr a, a hmel thutak leh mitmeng thim khup vang te chuan ka tih deuh riau lehnghal!




A bike hunna kan thoen chuan ngawi rengina helmet a khum a, a star hnu chuan 'chuang rawh' ti ang hrimin ka lamah a rawn thle buk a, engthil nge maw a hriat reuh ni..




"Eng nge a? Tinge I nelawm loh viau le?" chuang ta mai lo chuan ka ti ta chiam, min phurh haw dawn avangin ka lawm lutuk, mahse a hmel lanah ah hi chuan a peihlo chunga zui haw tur te pawh ka ang alawm...


"Tinge professor nen kan inhmuhna ah khan i rawn kal ve a, nang hian min en thla em ni?" ka thil sawi vang chuan lawm loh hmel zetin a rum nghut a, a helmet chu la thla in a rawn chhuk zui bawk, "Ka en thla lo che u, a tha em?" a vin hauhlo aw pawh hian nelawmna pakhatmah a neilo!




"Min kalsan mai rawh, keimahin ka lo haw mai ang" vanvadakin a nui ro hawk a, a landan leh awmdan hi ngainat awm hlawllo.




"Ka nghak laklawh tawh che, chuang vat rawh"

"Aih"

"I chuan har leh kan haw har a ni mai" a thinrim leh duh tawh bawk silo chu ngei zetin ka melh rawm rawm a, a kiai suk duh lek.


Kawng tluanin kan inbe lo ve ve a, min biak loh chuan biak ka tum chhin miahlo bawk.


Kan in kawt kan thlen chuan ka tum thla tharh a, a tlan tlang dawn emaw ka tih laiin a rawn chhuk ve, "Khawiah nge i kal dawn?" ka tih chuan "Ka nghak dawn che" a lo ti sam et a, "A chiloh, ka la dil bawk silo a, lo va tlang zawk rawh" ka thil sawi chu ngai pawimawh lo zetin min kalpel a, kei aiin kan inchhung a lut hmasa!




"In professor thar chu eng nge a an?" kan luh ruala ka pa'n a lo tih chuan tlangvala chu ka melh nghal vat a, hmel thutak runin a lo thle leh buk tawh.



"Afel lutuk, Pa, chaw kan ei khawm dawn a, Tlangval... "

"Tlangval a?"

"Ka tih chu Malsawmhlua te in ah khan" ka ti bah deuh nak,, a nelawm loh ren run em avang hian a hmingin ka la ko ngai miaulo.



"Ka nu a lo zin a, ka thiante nen chaw kan ei khawm mai mai dawn em mawni kan tia, Sarah-i kan lo sawm ve anih hi" pakhat chuan pangai deuhin a rawn ti a, ka melh deuh heu chu 'kha kha ni mai' tih melhin min lo melh!





"Anih tak chu.. I nu pawh hmuh ve a chakawm hle mai, I la rawn lenpui dawn nia, Ra-i in siam la, va ei ve ta che"
Hepa hian engtinnge awlsam deuha thil ti tura min sawm chhuah theih mai thin le...








End of chapter-2
Ads click leh comment kha aw


Show post links
Top

[Ngaia]

MALSAWMHLUA

By RuatiRenthlei


Chapter-3



Hman atanga lo in haw sa ang hrimin pawn kan chhuah ruala Prof Reuben car nen kan in tawh te khan tlangvala chu a meng rum nghal ul a, Professor hmelthaa zawhna min zawh pawh ka chhan mumal hma in min pawt kal dawr dawr.





"Prof Reuben nen khan in inhre sa ami? Tinge I huat em em a?" an in chhukthlakna step ah chuan ka tum thla tharh tharh a, "Ka haw lo" ti hlukin kawngkhar a pawt hawng zui dawp.




A hnunglam atang nur nangin ka melh nghek, Tim daia inchhung ka luh ve rualin Tata-a a lo ri nghal chul a, college bang ina haw lovin an tlang tih hriat takin an thuamhnaw ngai vek an la ha hlawm.





"In rei lutuk a, kan ngaih a tha lo hman alawm" ti duaiin sofa ah min thutpui a, eirawng bawla lo che vat vat nu te lam deuh, hmeltha leh vun nung ang reng deuh ka hmuh chuan tlangvala nu anih ka'n ring nghal ngawt a!



A nu dara kuah pah chuan a chawhmeh siam chu a tem zeuh a, "Hei hi em ni in thiannu thar chu?" min rawn en in a nui ver ver a, "Anih ve kha, thenawm pastor fanu ania, a kawlh reuh lutuk" a nu bula min sawi dan vang chuan ner sakin ka melh rum khai khai a, "Mai mai thin che hian" tih paha a fapa malpui beng ri thlawpin min rawn pan a, "Mama nu hi ka nia, Nu Tete min ti mai dawn nia" tiin zangkhai vahin a kut a rawn lek chhuak a, ka hming min zawh hnuah inthlahrung lo tur leh mahni in ang maia ngai tura min hrilhin choka lanah bawk chuan a let phei leh a, hmeichhe awmchhun ka nih miau avangin zak deuh tak chung chuan puih a ngaih leh ngaihloh ka va zawt a, "I va fel ve" ti hliai in ka inthlahrun a hlauh vang nge salad siamna tura a dah chhhuah tomato leh purunsen vel chu lo chan turin min hrilh a, a tawng pah siam siam reng chuan awm a ti nuam viau mai.





"Sarah"

"Huhh?" ka melh phawk deuh hra chu nui var var hian min lo en a, "Anni thian ho nen hian engtin chhiah nge maw in in chhar le? Ka tih chu hmeichhe lam hi tuman an ngaihsak mang silo a" a tih chuan ka nui hak a,kan Inkawm tan dan sawi tur pawh ka hre lo!




"Ihh kan inhmuh hmasak ber chuan ka zawhte min chil hlum sak a" sawi awm anih leh nihlo pawh ka hrelo!


"Engmaw?" mak tih hmel taka min enna chu ka nuih let vat var a, "College khatah kan kal ho bawk nen.. Ka... Tihian kan Inkawm ve tawp" sawi dan tur ka thiamloh em avangin bah niai hian ka ti sap a, "I zawhte chungchang kha chu min hrilh alawm, ka lo hau hrep tak asin" a tih lai chuan bathroom kawngkhar bulah tlangvala chu a lo ding run tawh a, thuamhnaw a inbello, towel var a veng a, a abs leh v line lang chiang zet chu atthlak lutuk in ka en vung vung!





"Va inthlak vat rawh, chaw ei a hun mai dawn asin" Nu Tetei tawng ri vang chuan hawi sawn dawrhin ka thil chan lai chu ka siam zawm mawlh mawlh a, min rawn kalpel pahin ka chhip a rawn beng dat!




Chaw ei lai chuan Tata-a thusawi ngawt kan ngaithla a, chaw an eikhawm hmasaka Tlangvala chetchhiatna sawiin a nui pah rah rah reng bawk. Hrawka sangha ruh tang kha chu nep te a ni mai, a pa in an dil chengkawl rawn thawn a hip sual vanga damdawiin an pan thu a sawi chuan keipawh ka nui hak hak a, tlangvala erawh rum nghutin Tata-a a melh rum em em ringawt.





"Tinge lui sa i ei hian i ei sual ziah a?" ka bul lawka thu anih avangin ka ti sap a, ka sawi zawh rual chuan ka thu er nghat awt!


'I ke hi la sawn rawh' tih melhin ka melh vak, hepa leu luau hian ka ke a rap chawrh alawm.

'Ngawi hmak rawh' min ti ni awm taka min en hnuah muangchangin a ke chu a la sawn a, ka thaw huai!




Thleng sil ka tum lai chuan ka pa hnen atang call ka dawng a, "Inkhawm dar a ri tawh" ka chhan rual chuan muang fan rei rawi hian a rawn ti nghal a, zanin hi Thalai inkhawm zan a ni tak!





"Mahse Pa, thleng ka sil dawn chiah" midang thutkhawmna lam ka va hawi chuan phung hmu ang hrim hian min lo en thap hlawm a, ka pa chuan inkhawm hmana haw tura min hrilhin phone a dah a, ka mangang ru viau.




"I pa em ni Sarah?" Nu Tetei chuan a lo ti vat a, "Umm KTP inkhawm zan ania" ti sepin ka kun deuh ngal, eirawngbawl miah lo va chaw kan ei tawh hnuah thleng silo a haw leh nghal ngawt chu thil tih chi a nilo tih hre mah ila ka pa thu lah chu ka hnial ngam chuang der bawk silo.




"Chutiang anih te chuan Sarah, helam te chu ngaihven a ngai lo, thleng sil turte chu Tata-a a awm alawm" Tata-a melh pah chuan a nui zui hak hak a, "A van inthlahrun awm tak" ka ti sap chu "A pawi reng renglo, inkhawm te chu a pawimawh a lawm, Lalmama va inkhawm ve la" a fapa lam hawi chuan a ti hluai, tlangvala chuan nui hmel pulo fahran hian min rawn en a, hmui phunin "Ka peih lo!" a rawn ti



Lei ka chhuah vak a, Nu Tetei chuan "Inkhawm te hi i thatchhe lutuk mai, Sarah lo sawm ziah ang che aw" min ti a, chu thil chu ka thil huphurh ber te zing ami a ni hial ang chu mawle..!




Hmanhmawh deuhin ka haw a, inkhawm kawr nena ka pa lo ding zuah ka hmuh chuan ka en deuh heu "Insiam vat tawh, I thiante I rawn sawm ve lo em ni?" a tih chuan "An lo in ring lawk lo a" ka ti mai a, "Inkhawm turin in rin lawk kher a ngai em mawni... Muani ka kal ania" tiin ka nu chu a au a, an committee dawn anih ka ring ve ngawt.




Inkhawm banah chuan dar 8 a lo pel duai tawh a, nu Tetei'n bana leng leh turin min sawm mah se ka pa'n a phal ka rinloh avangin ka dil duh ta lo law law a, ka pindanah inkhungin 'I TI THEI' tih lehkhabu PC. Lalremruati ziah ka lei thar chu ka chhiar mai mai a, keima tawkah hlawkthlak ka ti ve lutuk ringawt. (Ka sawi belh lawk duh chu hemi I TI THEI tih lehkhabu hi a awm tak² a, chhiar tawh pawh in awm nuk ang, la chhiar ve lo te khan chhiar ve ngei² turin ka duhsak cheu a, lehkhabu tha leh beidawnna avanga kan tih theih tura kan ngaih tawhloh ti thei tura min fuihtu lehkhabu rawn tlak tak ani tih ka sawi belh zuai aw☺)





"Chawhmaah class ka neilo" ka hmaa bike chunga thu tlangvala chu ka melh kiau a, a luhlul chhuahin "Ka nghak che" a ti leh nghut tawh.



Hun a liam duak duak a, Hmuaki tih lohah chuan tlangvala te thianho hi ka kawm ber an ni tawh!




An langtlang em em a, an sual rim chu a nihna ang angin an pu chhuak tawp. Mahse ka thiante an nih vang nilo in, chuti lutuka sual chu an niin ka hrelo. Kartawpah an side lo lamte nen race an nei thin a, chutah chuan pawisa an inchawi thin. Zu an in thei vek a, mahse tumah ruichhia leh buaipui ngaiin an awm ngailo, chuan a nazawngin an in lo bawk.





An inkhawm lai ka la hmulo a, tlangvala pawh Sunday bakah Thalai inkhawmah te kal ve turin ka sawm ziah, "Nidangah" tihbak chhanna ka dawng ngailo!...





College ah talent em em nei silo in mi hriat an hlawh ve fu reuh a, a tha lam aiin a chhe lam a ni tlangpui bawk. Hmeichhe chungchang an sawi ri ngailo a, Tata-a pawh hi Tuai ni mah se a mipat pui a ngaizawng ngailo!





"Hei"
Boruakah a kut chu vai vutin min en run run a, "A... Ka ti tak tak, chawhnu ah chiah kal ka tum" ti nang nangin gate chu ka ti che chhen a, "Hmuifang ah kan kal dawn" a thil sawi vang chuan ka melh phawk hra!



"I lo kal ve dawnlo nge..?" a thle buk a, a bike ke ka chhir sak vak, mi thlem dan te hi a hre leh lutuk mai.




"A hma in sawi lawk ta che" ka tih chuan "Zingah kan tel chawp" a lo ti sam et a, hei tak hi an thianho ka hriatthiam theihloh chhan a ni.
Thil sawi lawk lovin an ti leh phut zel a, mipa rual tih takah an awlsam leh lutuk hi hmeichhe tan chuan a buaithlak lek lek.



"Insiam vat rawh"
A cotton kekawr dum hlap atang chuan cigarette phawrhin a tan nghal a, a lo luh dawn leh dawnloh ka zawh chuan lu a thing nghut.



"I pa ka hlau" ti zawi supin a nui suk a, lei chhuah khum vakin ka tlan luh San.



Hmanni deuh khan ka pa nen anin hriat dan ka zawt a, "Ka hrelo, aman min hria" a tih loh leh "Pastor ania, min be tha ve a ni mai" tih chiah in min chhang duh a, ka pa ka zawh lahin sawi thui tur a hre bik chuang derlo.




"Bawihte, chawhma chu pangpar dahna tur min siam pui hman ang maw?" ka pindana ka lut tur chu ka nu thil sawi vang chuan ka ding dat a, "Ka hman leh lo Nu, ka thiante nen tihtur kan nei a" tih pahin ka nuih tlawn titih!





"Class i neilo a ni lawmni? Eng nge in tih dawn?"


"Thil te te, chawhnu ka tlang anga, ka lo haw tkai deuh mai thei" ti zung zungin pindanah chuan ka inzep lut ka tho.



Hmuifang kal chu a hma khan kan sawi tawh hrim hrim a, kal hun tur tak khan kan sawi chiang lem lo. Ka kal ve dawn anih chuan chawhnu class ka thulh ngei ngei a ngai dawn tih chu ka rilru in hre tho mah ila ka care thei tawh derlo! Hmuaki a kal dawnlo anih pawhin keichu ka kal tho tho ang, ka kal chakna hmun tak a ni miau.




Khua a thiang tha bawk nen kawrlum lutuk pawh ka ha duhlo a, mom jeans ha in a chungah top sendal ka ha a, chuck tailor ka bun hnan hmiah chu a nal angem tih ka ngaihtuah leh rih a, mahse khua a tha tih bawk chuan ka inhnem leh!




College kal tur anga chhuah a ngaih miau avangin bag ka ak a, ka pa min pek bakah ka pawisa khawl sa chu ka ak ru tat bawk



"Nu ka kal" ka tlan chhuak dawr dawr a, bike hnunga ka lawn kai rual chuan tlan turin ka hrilh nghat zat.




"I rei tehlul nen I rawn chhuak mawi vak bawk silo"
Ti suptu tukkhum chu ka melh ram ram, a"Kawrlum te ha ve ta che" a tih chuan "A ho" ka tih khum hmak, a tawng tamloh tehreng nen a tawng ve chhunah hian ka huat tur thil a sawi ve ziah.




College kal lovin khaw pawnah kan tlang a, midang chu an lo awm kim vek tawh.


"Hmuaki chu a kal dawnlo tak tak ami?" bike atanga ka chhuk ruala ka ti sep chu lo bu nghutin Tata-a tawng ring lutuk vang chuan kan sawi zawm lemlo a, mipa rual karah keimah chiah hmeichhia ka awm pawh chu pawi tihna ka nei chuanglo!




Tlangvala'n min phur a, Puia'n Tata-a a phur bawk, midang zawng chu an mahni theuhin. Darkar khat leh minute 40 vel kan tlan hnuah Hmuifang chu kan thleng a, dawrah chawlin kan in ei puar hnuah Hmuifang tlang vela thekthawi turin kan inzui chhuak leh nghal.




"Kan chhuah ho leh hunah chuan nula ka hruai tawh chiang viau ang" ti lung lungin Sangkima chu kan hmaah a kal nghauh nghauh a, a thiante sawi dan chuan kum 2 dawn a single tawh a ni awm e, a bialnu in an ingaihzawn laiin mila dang fa a lo pai a, a rilru na lutukin in awh hlum a tum thu te pawh James'an min hrilh tawh!





Sangkima chu kan thian ho ah a mawlin a thawveng ber a, an chhungkaw dinhmun ka hriat thui pui lemlo na in a pa a boral tawh a, a nau hmeichhia nen anu in a hmeithai pui tih erawh ka hria, mawl ve viau mah se thiante tan chuan tih hreh neilo ang chi kha a nia, bawl thiam phei chuan kan tih duhloh zawng zawng pawh kan tih tir vek thei!






"Takin, bialnu te i nei ve lo mi?" ka zawhna chu atthlak tih hmel zetin a nui chhuak hawk a,ka dara min kuah uai hnawk pah chuan "Mi ka nghak" a lo ti sam et!



Awihlo lutuk in James chu ka au vak a, "Malsawmhlua hian bialnu a nei em?" tih pahin ka nui pah ruh ruh a, "Vanduai thlan takin neilo" Tata zawkin min lo chhang, "I neilo tak tak maw?" tia ka melh chho ha chu ka sam rawn tuai thur zauh pahin "Tunah chuan neilo e, mahse ka nei tep" a nui suk a, ka lo ner khum nang nang ringawt.





Gideon'an ngawi rengin kan che vel chu video in a lo la char char a, ani hi chu a tawng duh vaklo, video editing leh game a buaipui ber a, a awm awm hian a lo awm ve tawp zel.





"Awi Lalmate, a nawm vel zia hi a" ti duai duaiin Tata chu a selfie chiam chiam a, kan hlim tlang viau chuan ka hria.




Chawhnu dar 1 velah hotel ah kan let thla a, khawdur a rawn awm tak deuh avangin ruah a sur thulh ah Puia nen chuan haw vat kan rawt.




"A sur kher dawn em mawni le?" la haw peihloh hmel zetin Sangkima chuan a ti bul bul a, van dum paw ruih kara chhum dum lo in vial ve tup tup chu thlek vung vung in a chek deuh hlak.




"Nidangah camp tur law law in kan kal leh dawn nia" tlangvala chuan ti supin a drinks in lai chu min hmehbel chawt a, ka drinks ngainat ber anih avangin sawi buai lovin ka ta neih nghal hmak.



Aizawl lama let turin kan in khalh chhuak leh a, darkar chanve vel kan tlan hnu chuan ruah mal hraw zet zet mai a rawn tla tal phuar phuar!

Reilo te ah ruahpui a rawn baw ta hawk a, kawngthlang lama waiting shed an siam hlui tawh lam chu tawm hul nan kan hman mai loh chuan tihngaihna a awm lo.





"Khawchhung kan lut tep asin mawle" ti hlukin tlangvala chuan ka dinna lam a rawn pan a, a beanie lukhum chu phelhin min khum tir a, ka sam huh ka hmaia bet te chu a hui kiang nghal thuak thuak bawk.
Khabe khawng dar darin a mah chu ka lo en kar a, "Kawrlum ha tur khan ka hrilh reng che" a vin hauh lo, mahse a landan nelawm loh lutuk vang chuan ka chhang let ngam hauhlo thung!





A hoodie dum chu phelhin min hak tir a, a kut chu a thaw saa thawk khum in ka kut vawt zet chu a rawn hum bo nghal vek a, a vawt tawk leka ruah kan do avangin ka khur tawp thei derlo leh nghal.




In chung chu rangva anih avangin a chhe deuh tawh bawk nen tui a rawn far fap fap reng a, ka kut vuan chung chuan a kila tui far lohna laiah chuan min thut tirin a rawn thu thla ve nghal a, tshirt chaih a hak avangin a ban vun bawl tek tek atang chuan vawt a ti tih ka hria, a kawrlum lah chu ka haksak daih bawk si.




"A vawt viau em?" khabe sai dar dar chung chuan ka ti a, "Vawtlo" tia min chhan leh lek phei chuan ka inthlahrung tawh lutuk ringawt.




"Kawrlum hi ha la" ka tih chuan min en run run in "Ka tuar thei" a ti sup a, "Mahse.. "

"Tawng reng suh, khawvawt i ti zual"
A thil sawi vang chuan ner nangin ka melh rum khai khai a, a phone ri chu phun hluk in a kekawr ipte atang chuan a phawrh a, screen a hming chu ka hmu chiang chiahlo nain 'Lucy' tih lam chu niin ka hria. Chhang lovin a off a, a rawn call nawn leh chu ngaitheilo hmel zetin a rum chhuak nghut!



"Sawi rawh" chhum bung lutuk hian a ti nghal thawr, a ngawih leh vang vang hnu ah "Ka hman lo, zirlai ka la ni tih theihnghilh suh" tih leh phone dah a rual a, Puia chuan nui vur vur in "Miss Lucy bawk em ni?" a lo ti a, "Ni leh pek ang, awi enteh Sarah, I bula mi kha a sual tehlul nen a luck raps" Tata-a chuan lo ti nghal hlawiin tlangvala chu a melh pah nghek a, Lucy tih hmelhriat ka nei em tih ka lo ngaihtuah lai takin ka phone ken lai chu a rawn eng pap a, Prof Reuben hnen atanga message ka dawng chu mak ka ti viau.





"Tinge class i kal loh a?" ka pa nen an in hriat that em avangin chhan dan tur mai ka hrelo, "Tunge?" ka phone chu rawn phih thla sawkin a thlek vung vung a, ka reply hmaa a delete ta daih chu meng phar vakin "Delete suh" ka ti hluai, dur khupa min melh pahin ka phone chu min pe let!




"I delete kher a, ka pa a hrilh ange aw" ka tawng ring leh pek, "Chutah chuan buai suh, be tamlo la ni mai" ti nghutin a ding zui vut "Tinge Prof Reuben hi I ngeihloh viau a?" ka ti leh talh chu nin hmel zet hian a rum chhuak hawk,
"Enteh Nula, thian vek kan ni, chuan kan thian I nihna angin I tana tha lo tur ka ngaihtuah lo tih hre thiam turin ka duh che, chuan khapa kha hnaihlo la, be lo bawk la, mipa dang tam tak karah a ni berkher kha chu hnaih lullo ang che" a hma zawna thing ban chu a chhir zui pawp!






A chetdan teh thut lutuk chu hrilhhai deuhin kan en thup a, James chuan a darah kuahin in bengdai tur in a hrilh zui sup a, khawchhia chuan kan boruak thlengin a ti chhe ta vek ni berin ka hria!






Darkar dawn kan nghah hnuah ruah pawh chu a zia deuh a, Tata chuan ka ban kaihtuah chungin Malsawmhlua thinrim hlauhawm zia chu min hrilh leh sap thin.





"Nula kha rawn phur la, kal ang u" James en pah chuan a ti hluk a, chhuak zui nghat vut bawk.

"Engahmah ngai suh, a thinrim rei teuhlo" nuamlo ka tih hlauin James chuan min be mawlh mawlh reng a, anihna takah chuan min be miahlo mah se pawi ka tilo!




A thinrim tih chu hrilhnawn ngailo in ka hre thiam ve vek, ka hriatthiam loh zawk chu a thinrim chhan kha a ni.



Khatiang vaka thinrim na tur khan Prof Reuben ka hnaih awm ka hrelo a, lo hnaih na pawh ni ila...
A... He mihring hi ka hrethiam thei thlawt lo!









End of chapter-3


Ads vawi khat click leh comment kha aw☺


Show post links
Top

[Ngaia]

MALSAWMHLUA


Chapter-4
By RuatiRenthlei




Ka beer can neih sa chu hawngin ka in zui khawlh khawlh, hrep hian!


Hmeichhia vanga khatianga insum theihloh kha ka dam chhungin ka la nei ngailo!




Ka shirt huh chu phelhin sofa ah ka thehthla a, ka thawk sak talh chu tih reh tumin thawk ka la hawk hawk bawk.

Sarah Lawmsangzuali hi ka tan eng nge a nih?


God! Ka thian a ni! Ka thian a ni a, a ni pawhin a thian ah min ngai bawk.
Mahse thiante lakah hetiang em em hian thikthu a chhe ngai em ni?



Rum chhuak hrawihin ka sam chu ka tuai chho puat, awmze nei lo va ka thinrimna leh thaw sa lutuk tih reh tum chuan bathroom ah ka lut a, ka intih fai zawh chuan khua a thim fel der tawh. Insum ngaihna ka hriat thlawtloh avangin ka thiante kha ka tlansan vek a, tunahchuan in ah an thleng ve tawh mai thei!


"Bro" James message, ka hmuh rual chuan za lo te hian ka khi sak a, an thlen tluan chuan a tha! "Sarahi a chhungten an hre chhuak a, an in ah ka la awm" a hnuaia a thil rawn sawi leh chu mit meng ti zim sunin ka en reng. 'Ka lo kal ang'

'A ngailo a tihchiloh zawk'

'James'

thaw chhuak hrawkin sofa hnuang lam chu ka tauh dawt a. "Min hau lo a, mahse Pu Jona hi sermon tui miah miah lutuk, ka rawn peng kawi ang" ka reply tawh lo. Chhuat lai ah chuan ka tei vut vut reng a, keimah ni avanga nula in a tawrh ka duhlo takzet.


Tullo lutuk in ka awm a tawt mup mup a, Sarah ka ngaihtuahna chuan an ina va kal hial turin min tur ut ut ni ber hian ka hria! Va biak ka tum thut thut a,tlai lam thil thleng vang khan min biak duh ka ring bawk silo.

"I kawr ka lo ha lawk mai teh ang" James rawn lut chu pan vut in thil thleng ka zawt nghal, "Chiai suh, Sarah chu a tha" ka pindanah lutin ka thuamhnaw bawm a hai rak rak laite chuan a bul lawk ah ka lo tei ve sek!
"Engtinnge an hriatchhuah a? In thleng har ami?" a kawrlum huh chuan min rawn vawm hnan nawk! 'Mawla, khatianga kawng nalah khan tlan chak theih i ring a mi?' Ti hlukin ka shirt chu a in thawlh zui thak. Then sak in ka ngawi ta reng, kan boruak chu ka tihchhiat ani chiang a, Pu Jona'n fanu ka kawp a phal tawhloh erawh ka chhungril in a hlauh ber a ni thung!
Pastor a ni a, Pathian thu a awih bawk, an thenawm lawkah ka awm avangin min hmelhriat em em a, ka pawn lam landanah ngawt min teh velo. Ka nuangchang mawi lemlo leh nelawm lohna te hmuh kan luiin mi pangai angin min treat thin, a fanu nen kan inkawm a, Pastor a nih angin min thin hrik ngawtlo bawk.

Mahse tunah, a fanu chu class tlanbo pahin ka lenkual pui a, ka ngaih ven zui derlo bawk! Chu chu Pastor in ka laka a rilru put hmang thlak turin a pawi tawk viau! "A tha mai ang, mahse inbiak kan ngai" ka darah beng thuk thukin pindan atang chuan min chhuah San a, sofa ah thu in ka beer can hawn sa chu a ban zui vat'! 'Thil awmzia kha i sawifiah a ngai' a ep chiaha ka thutthlak rual chuan a lo ti thawp sup. Kan pahnih chauhin kan awm a, a fiamthu dawn hauhlo tih ka hre bawk. 'Eng thil nge?'
'I chet dan kha, Sarah vanga Prof Reuben I ngaitheilo viau hi engnge a chhan?' Ka chhân hreh ber zawhna ka dawn takah chuan sawi mai tur ka hre hleklo! 'Mama?'
'Ka hrelo' ka aw tial ruan chu ka nuih chhuah pui hawk, khi suk pahin 'Prof hi misual tak a nilo,Sarah hnaih lo tura i tih chhan chu sawilo mahla ka hrethiam ania ' beer chu a lem zui khalh.

'Kan single thup laia Prof nen anlo inbiak that bikte chuan a dik nang ' "i sawi dik, keipawn kha Prof hmelthaa kha ka ngai na neklo" chu thil chu sawilo mahse ka hria, Tu mipa mahin an ngaina lo ang, hmel chauh a tha vung a, mi fel tak anih pawh ka ring neklo.




Zanlai thleng in nula vang chuan ka muhil theilo, James a haw tawh a, rawng ka bawl peih loh avangin chaw pawh ka eilo. Tlai atang
a online loh a vangin Pastor chuan a hau na viau ani ang, Nula rilru na leh inthiamlo hmel tur ngaihtuahin ka rum chhuak hrawih, hun kal tawh chu siamtha thei ila Hmuifang ah khan ka kalpui hauh lo ang.



"Pastor chu Prof in a lo hrilh a nih chu" Tata-a message chu chhiarin ka ner sak , group ah chuan midang an rawn tawng ve niah niah a, kan thiani chuan voice in Prof in Sarah kalloh thu apa te bula a lo sawi dan te chu a rawn sawi duai duai a, a inrawlh loh na tura a In rawlh avangin Prof chuan a tuar ngei a ngai dawn a nih hi !



'Khawiah nge nula?'Hmuaki chu pan hnaiin ka ti sup a, 'A damlo a niang, call a chhang theilo' thaw chhuak hawkin ka hmai ka tuai puat. "A lo kal dawnlo ami?" ka zawhna chu chhan ngaihna hrelo hmel zetin a ban a phar hiang a, "Tlaiah ka kal dawn asin, lo kal ve ula" a tih chuan melh vatin 'Enge i tih dawn' ka ti sup. 'A kallo sia, a damlo anih ka ring ber a, 'a lo ti leh ringawt, a thiannu ber si hi ava han zawh tlak loh.




College banah chuan Hmuaki zui ve tumin Tata a in perh tho nalh a, midang chu kal turah pawh kan in ruat hlawmlo . Kan Pastor fanu hi a damloh vang a lo kallo nge an hrem vang zawk tih tuman kan hre miau lo. James chuan chan chin hriat nan kal ve a rawt a, eki erawh kal ka tumlo thung.





Sarah Pov



'Mate'

Tata awka hriat rual chuan ka inbengkang vat a, kawngka pui atanga an rawn inzui lui duah duah ka hmuh chuan ka thaw deuh huai thei!




Nimin khan ruah kan do avangin huh chungin in ka thleng a, Prof Reuben alo awm ve kha mak ka ti teh asin! James in min thlah a, tlan leh ngal mai a tum kha ka pa'n a ko let leh ta kha a nia. Prof chuan class ka kalloh thu ka pa alo hrilh a, ka pa chu a thinrim em ka hrelo na in, min hau lo a, James nen erawh min sermon khum hrep.




Tlangvala vanga ka mood diklo kha tun thleng ala rehlo, amah lah chuan min rawn be duh der bawk silo. Thutthlenga kalo mu bal min hmuh rualin Tata chu a rawn tlan phei vat a, 'awi mate, I dam lo tak tak ami?' Ka pangte chu a dep kual a, a chiai lutuk chuan ka nuih a tiza zawk. ' Ka tha lutuk, ruah kan do vang khan ka khua a sik a lawm' ka ti sep a, James chu melhin ka mitko ka San zeuh. Lu a thing nghut a, ka thaw deuh hak. Tlangvala chu a thiante zawng zawng an lo kal a, a rawn lang ve leh ta chuanglo anih hi.

Ka pa chuan a dan pangai alo be leh luam tawh a, tlangvala tel veloh chhan chu a zawt leh zat bawk. Min sawmtu ber kha anih avangin biak a duh tih ka hrethiam a, tullo deuha tlangvala tana nuamlo tur leh a thiante tana heiat nuam lo tur thil a sawi chhuaklo a, chu chuan hahdamna min pe huai ti ila a dik ang!





"Lo dam zel rawh, zanah ka lo kal thei dawn lo a, kan lo tawngtai pui ang che" Puia chuan chuan ti sup in a thutna atang a ding zui vut a, midang pawh an tho ve sap sap, tawngtai tih thumal a sawi avangin Sangkima chu a nui pah kur kur bawk.'




'Tinge alo kal ve loh le?' Midang zawng an tlanliam tawh a, James nen kawtzawlah kan la ding dun. ' Nimin vang khan ala in thiamlo deuh ani mai thei, I chhungten an han hrechhuak ta bawk nen, lo sawm chhuaktu ber che kha ani bawk sia, a tha leh mai ang, I mangang lutuk a nih kha' nui sukin ka darah min kuah a,




'Anih leh James, Prof Reuben nen hian an in hre sa nge, tinge a ngainat loh emem em le?' Ka ti leh sap a, a thaw ham ham ri chu thawm dang a awmloh avang in chiang takin ka hriaa. ‘hresa lo’ a ti sup chu melh chho karin beisei nei zetin ka en ran a

‘I hriat angin hmeichhe thian ka nei ngailo a, ngaihzawng chu kan nei thin, ’
‘Lok’
min en run chung chuan a nui chhuak hawk ‘Bialnu in neihloh chhan pawh hi ka hre duh’ ka nuilo a, ka zawhna chu a chhana hun ka nghak ran bawk. College ah an lar a, an chhelo a, an hausa bawk a, kan class ah an thianho startute pawh ka hre teuh, kan inkawm avanga min lo thik tawk lah bo lo. 'Mama vang alawm' a nui suk a, 'Ist semester kan nih lai khan final year zirlai Lucy nen khan an inzui a, College queen ta nafam chu a chhello teh asin' a ti sup, 'Nimina lo call tu kha em ni? Ka lo tivata, 'Imm ni e,'

' Bialnu anei reng maw? '


Lu a thing nghat, "Mama khan aatchilha, Lucy lah khan a play kual mai mai bawk si, I hria em? Lucy vang khan kan principal hi kut a thlak asin" "Engmaw? " "Lucy leh principal khan inhmuh thiamlohna an neia, Lucy chhan nan principal hmaiah a hnek alawm" nuihzat hmel tak hian min rawn en a, kei erawh mak tih lutuk avangin ka lo then sak thei chauh!


"'Tunah an inngaizawng lo maw?" a atchilh a ti bawk sia, an ni lo a tibawk sia, ka hrethiam nek lo. "Lucy hian a kawpa, a hunlaia a tihdan ngaihtuah let kha chuan thin hi a rim ngawih ngawih, Mama rilru na lutuk khan thil tha lo a tih mai hlauin kan riahpui chawt a, a taksa in a chhiat pui lutuk te kha a mak asin, hmeichhia hrim hrin a ring zo tawh lo a, a ngaihven eihlo bawk!"



"Chuan a neihloh vangin in neilo ve tawp maw?" a bu nghut, "Mahse tinge?"

"A hmuh laia hmeichhia hnaih kan duhlo, chhan dang vak a awmlo" dar chhin akin a nui tawi tak, "Chutianga a awm chhan hmeichhia chu a va hmeltha awm ve?" ka ti sap a, fiamthua lak ngial ka tum pawhin ka thei derlo, hmeichhia chu hriat chian ka chak a, engtiang chiahin nge tlangvala thinlung a luah tih leh a nuna a pawimawh zia te, "Ka sawi kha, college queen ania, a hmelchhe theulo" ka bu deuh nghat.



"Tunah an la in be sia"
Zawhna ka ngah lutuk chu nuihzat hmel tak hian min rawn en a, keichu ka nui lui theilo ka tih kha!





"Thla hmasa vel atang khan a rawn beisei leh deuh alawm, college a chhuak a, hna mumal neilo in magazine leh eng event ah emaw a in lan ve zeuh zeuh thin, I hrelo hmel em mai a lar tawklobaniang" ka nui chhuak hak a, a dik ang, lar tak tak se chuan ka hre ve awm em mai.





"Tuman Lucy kan duhpui lo a, hlat turin kan duh a ni tawp, a rui anih loh chuan a ni pawh in a hnaih lo ang"


"Lo rui ta se"

Min rawn enin a nur nang a, "I dilchhut reuh si, I laka a thinrim chhan pawh chu ka hriatpui lo a, a mah zawt mai rawh" tih pahin a bike ah a lawn kai a, "Lo dam vat vat ang che, damloh I inhmeh ve lo ania" tia min thlahin a tlaliam zui nghal.





Ka khawsik a zia tawh a, zanriah eikhama Prof. Reuben rawn leng erawh a chhan hrelo mah ila tul ka tilo viau, eitur min lo ken teuh a, ka pa nen in hre tha viau mah se min hmelhriat ve vak turin ka duh lem hauhlo!





Dar 9 rik dawnah a haw a, a haw hnu lawkah ka pindan ka pan ve nghal bawk, tlangvala reh rei ta lutuk erawh in ka ngaih a ti tha lo lek lek!





James-a thil min hrilh khan ka rilru a luah reng a, Lucy nen an chan chin ka hrechiang chak lutuk chu awm lo in tiin ka in dem lek lek bawk!





Ka muhil theilo a, a tawpah tlangvala chu ka va be ta nge nge, ka biak chhan erawh ka biak hma chu min biak a tum lo nia ka hriat vang chauh.




A chhan chu ka laka a induh tlat chhan hi a thirim veng nilo in a inthlahrun vang a lo ni mai thei a!




*Tlangval*

Min chhan let hun nghakin a chat ah chuan ka awm reng a, dar 10 a hnai tawh, ka beidawng lutuk chu ka tah te lam lam a chhuak, James hnen atang call ka dawng a, ka chhan rual chuan "I chhuak thei em?" a rawn ti nghal thawr!


"Tinge?"

"Mama ka be theilo, Prof. Reuben a lo kal em?" A zawhna chuan min ti hrilh hai mah mah, "Tinge?A... Aw, kal" bah niaia ka tih chuan a thaw chhuak hawlh, "Enteh Sarah, Mama leh Prof Reuben hi an in ngaina lo ve ve tih kan hriat kha, Mama te in kawnga kawng chhak thim laiah khan eng buaina emaw tak a awm ang, ka sawi chu i hrethiam em, kal vat rawh"
Call a cut zui hmak. Ka phone hum ran chung chuan ngaihtuah na mumal pu lo in ka thu ngawi reng ringawt.





James thil sawi te kha,, hrechhuak thutin khum atang chuan ka zuang tho a, banga ka kawrlum inkhai chu pawt ta in ka pindan kawngkhar chu dimte in ka hawng a, ka nu leh pa te an mu tawh tih ka hriat rual chuan thaw dep depin kawngkharpui lam ka pan a, tunah hauh huama ka chhuak lo anih chuan buaina lian zawk a lo thleng thei tih chu ka rilru in ka hre kar bawk.






Kawngpui ah chuan ka pen phei hlawk hlawk a, tlangvala'n Prof Reuben lakah kut a lo thawh anih vaih chuan chiang lutukin ka nu leh pa te beng a thleng leh dawn, ama tan buaina a belhchhah mai mai zawk ang!




Thil thleng thei zawng zawng ka ngaihtuah hman hial ang chu mawle James-an kal tura min tihna hmun ka thlen chuan a lo reh thiap a, mihring tumah ka hmulo, hlauthawng lutuk saa kal ka nih avangin ka awm dawn chuan ka thaw chhuak ham ham a, ka beisei ang ka tawng ta lo e rawh ka thawl deuh huai!




"Nula?"
Ka phu nasa lutuk, kawng thlang lama parapet wall sanglo tea mihring ruangam ang tak ka hmuh rual chuan ka phone light on in ka chhun eng a, "Hetah eng nge i tih?" ka pan thla vat a, "I light kha off phawt teh" zawi zet hian a lo ti chhuak sup.

Muangchangin a bulah chuan a thu thla a, thla eng rin tur a awm loh vang nge a thim hian a thim mup tak tak.




"Hetah enge nge i tih? Tun ang hunah leh nghal?" Ka tih chuan thaw ri sukin "Ka zawt let nghal che" a lo ti sup, "Engmaw?"

"Tunah hunah hmeichhia lehnghal hetah eng titur in nge I rawn kal a?" a darah ka beng ri thlawp a, "Suala" ti hlakin ka en ngar a, "I ngaih ang kha chu a thleng lo ang" a lo ti sup thung.





Min rawn melh a, "Prof Reuben kha sawisa turah min ngai a ni lawm ni?"

"Tlangval?"

"Nangmah vangin thil atthlak ka tih ring suh" a thil sawi zawh chiah leh nui ri suk te chu thli thaw vuk vuk kara thawm ka hriat awm chhun a ni. Ka mit deuh sulh a, ka ngaihtuahna mang zet karah chuan Lucy chhan nana atthlak taka Principal kut a thlak lai te chu ka mitthla uar uar thei!




Atthlak ti lutuk hian ka nui chhuak hak a, ka hnar rawn thip vawt vawt chu mittui in a rawn zui vat dawn tih hrethiamin ka thutna atang chuan ka tho chhuak vat.



A atthlak tih ka hria mahse keimah vanga thil atthlak a tih duhloh laiin Lucy vang chuan atthlak takin a che a, huhh, rilru lo tina ve ngawt tur ka nilo tih ka hria, Lucy chu a bialnu ania, kei erawh a thian!











ZAWMNA




"Nula"
A bomber jacket ri deuh hruap vang chuan a thutna atang a rawn tho chhuak tih ka hria a, a thil sawi te kha thinrim pui ngam tur in a tan eng nge ka nih ka hre miaulo, chuvang chuan ngai pawimawh lo anga ka awm a ngai!





Ka hmaah tak a rawn ding thim khup a, "Eng nge i rawn tih?" ti supin a kut phah hlai leh lum vung vung chuan ka biang a rawn khuap a, ka thinphu zawih zawih chu ami tawhna vang tih lah ka hrechiang.






Ka dang ro zet tih hnawn tum chuan chil ka lem khalh a, "James in kal turin min hrilh a" ka ti chhuak sep.





Thaw chhuak ham hamin min dinhnaih a, ka lu ah a khebe nghatin a ding ngawi vung vung,

"Tlangval?"

"Prof Reuben khan eng nge a rawn tih a?" a aw ri thawp sup chu ril ka ti!




"Ka hrelo... Min... Min lo kan a" ka ti bah nawk chu inla hrang hlekin ka mitah tak min en a, "Ani kha i ngaina viau em ni?"


"Engmaw?" a zawhna chu chhan dan tur pawh ka hrelo. Ka ngaina viau hranlo a, han huat ngawt chhan tur ka neilo bawk.




"Tinge chu chu min zawh a?"


"Nula" inherin a hmai a tuai puat a, ka lam a rawn hawi leh rual chuan ka dar tawn tawnah vuanin min thing nawk!




"Kha mihring kha hnaih lo tur in ka duh che, I hrethiam em? Ani kha hnaih suh" sehchilh zet hian a ti nawk nawk a, a awmdan maksak thut zel hi ka hrethiam theilo.





"Min tina ania aw" ka dar a hmerna kut a thlah thawl rual chuan ka thaw deuh hak, tlangvala tan hian engtiang chiahin nge ka pawimawh ve tih hriat ka chakna chuan ka ngaihtuahna ati nguai vek a, nilo se chuan tun maia a chetdan vang pawh khan thinrim in ka aukhum leh tan tan ang.





"Sawi rawh, hnaihlo tura min duh chhan chu sawila ka hnaihlo mai dawn alawm" nem zawkin ka ti sep.

"Nula?" ngenngawl zetin a ti chhuak hrawih a, "A tha e" tichhuak hrawkin a vanvadak a, "Enteh, a ni kha hnaih lo turin ka duh che a ni tawp, ka thian a ni a, mi thalo chu hnaihlo turin ka duh che" ti zawi supin a thaw chhuak ham ham.




"Imm"
Sawi tur ka hrelo, zawhna tam tak ka nei a, engvanga Prof Reuben chu mitha lo anga ngai tlat nge anih ka hrelo na in buaina a awm tawhloh nan a sawi anga hnaihloh mai hi tha in ka hria. Mmm thian kan nia lawm,, ka hma ngaiin min hrilh angah ka ngaihsak zawk ange...






"I class peih ang em Bawihte?"
Ka room parda a thehhlim ruala nisa in ka hmai a rawn chhun rual chuan ka puan sin laiin ka in khuh phui leh nghal vek.


"I khua a sik leh em ni?" tih pahin ka chal a rawn dek a, "Nu"
"I khua chu a suk tawhloh hi, I peih chuan kal hram la a tha" tiin ka sam chu min hui mam sak thuak thuak a, "Prof Reuben hi ka pa thiannu faap in tia, a thiannu chu I hre ve em?" ka zingkar zawhna chuan a ti hrilh hai deuh nge min chhang lawk lo.


"Hria e, Thenzawl ah an awm a, tette atangin an Inkawm alawm" a tih chuan thaw hakin ka bu nghat a, Prof Reuben rawn lan hma hian chutiang thiannu a nei tih chu ka hrelo hrim hrim!





Ka chaw ei a la tui loh avangin dawra in ei puar hisapin ka chhuak a, ka phur teh hawr lo na in kal ve hrim hrim ka duh tawh.


Malsawmhlua'n min lo sawm avangin scooty ka keng lo a, ka nu le pa pawhin thil thleng kha an sawi chhuak duh tawh biklo, Tlangvala chu a pangai rengin an treat a, a hmel hmuh pawh a nuam leh tawh lutuk ringawt.




Nizan khan Prof Reuben vanga kan buaina chu kan chingfel thei hram a, a tlai tawh bawk nen Lucy chanchin erawh ka sawi hmawr hmuh duh ta rihlo law law.




"Khawsik chungin nizan khan I rawn chhuak amaw?" college thleng ngawi rengin kan in phur tluan dawn emaw ka tih tawh hnuah a rawn ti ta sup a, "imm" ka tih chuan ka lamah a lu a rawn ti che buk a, "Ti tawh suh ang che" a ti leh sup.






A thian nih hi nuam ka ti a, mahse ka huang chin pelin a lakah thikthu ka nei ang tih erawh ka hlauh ber a ni. Chutiang anih chuan buaina bak kan tawk leh dawnlo!





Tata-a hmel hmuh a nuam ving veng asin,min ngai der thiam em em a, nikhat lek ka kalloh chhung khan sawi tur lah a lo ngah hman.
Hmuaki chu a thian dangte nen an kal hrang a, ka ngaih pawimawh loh vang ni lovin thiante chu tam tak kan nei a, kawm tur dang ka nei ve tho bawk nen engah he hu ka ngai lo.





"Awi Pastor fanu i ni hi chu a pawi ngawt mai, nun a zalen lo sia maw, ka khawngaih che e" Tata-a chuan ti hlak hlakin min en deuh ran a, ka lo nuih sak ringawt.





A nia lawm, duh angin khawvel kan enjoy ve theilo a, mahse chumi karah chuan, kan fel bik vang pawh ni lovin Krista nena nun nawmzia kan hriat zual phah a, tuma hmuh pui leh hriat pui lohin hrehawm hmel taka lang phenah hian lungawi na chu kan hmu ve zel tho!
Chuvang chuan keichu, pastor fanu a ka lo piang hi vannei ka in ti a, heti chung pawha ka felloh tehlul nen nun zalen takin khuahkhirh na hnuaiah nilo seilian ta ila, awi.. Ka sual dawn lutuk!





"Ra-i chu, kan spot leh dawn pawn kan hruai ve tawh lo ang, Pu Jona leu luau saw, nui huah huah chungin min melh rum ve ziah" Sangkima thil sawi vang chuan kan nui vek. Ka pa hi pa tawng duh tak a ni lem lo a, mahse nuih erawh a duh. Ka thiante pawh hian an nel ve viau tawh chuan ka hria, mahse Sangkima hi chu.... A mawl lutuk hian thil zawng zawng a ti khawlo vek zel alawm, ka pa hian a lawm thei sia, Sangkima huat tur tawka tawngkam hman zeuh a chin avang hian Sangkima chuan a ngaina thei lo.






"Nakinah kan pahnih chauha kan awm hunah thil zawh tur che ka nei ania aw" tlangvala beng bulah chuan ka ti sap a, min rawn en in "Lo kal rawh" Tih leh a thutna atanga thawh a rual nghal. "mahse tunah lo.... " ka sawi zo hmanlo,Library awmna lamah chuan min kai kal dat dat a, "Imm, min zawt la" ka ep chiahah thu in dawhkan bawh chung chuan min en ran a, a landan innocent zet chu in hmehlo ti lutuk in ka nuihpui hak.






"Tunah lo ka tih kha"

"Kan pahnih chauha kan awm hunah i tih kha" a tih chuan lei ka chhuah khum vak a, hnehna chang in ti hmel fahran hian min lo melh ralh thung.






"Sawi vat rawh, a rei"


"Bialnu i nei lo takzet tiraw" ka zawh dan teh thawr chuan a ti hrilh hai deuh nge za lo deuh hian a nui suk a, "Ka neihloh thu ka hrilh tawh che" a ti hluk!





"Lucy kha.. " chiang zetin ka mit ah min en a, Lucy hming ka lam rik ruala a mitmeng leh hmel danglam zawk kha ka hmu hman hram bawk.




"Nula"



"James-an min hrilh a, I bialnu a ni thin tih te, thian vek kan nia, min hrilh ve hrim hrilh rawh" zangkhai zawka ti lehin ka nuih var var, "James chuan eng nge a hrilh che" a hmai a uang tawhlo viau tih ka hmuh rual te chuan ka hriat chian chakna a rawn zual ve zel tawh!






"I atchilh theih zia te, college queen a nih thu leh a kawp che tih te, chuan thla hmasa vel atang khan a lo be leh bawk che a" ka mitko san zeuhin ka ti zat zat a, "I hriat vek tawh chu" a lo ti sam et!





"Aw... In la inbia a, eng nge? Kir leh te I Tum em?" ka tih laia a hmel dur khup khup chuan chhanna mumal tak min pe dawnlo tih min hrilh tlang vek ni maiin ka hria!





"Tlangval?"


"A chanchin kha sawi ka duh tawhlo Nula?" chang zeta ti hlukin a thutna atang chuana ding zui vut a, "Nangmah nena buaina neih ka duh tawhlo ania, thian vek kan ni, chuan kan thianho ah hian mipa leh hmeichhe in ngaihzawnna tih vel a leng ve lo, I hrethiam tiraw?" chil lem khalhin ka bu nghat a, thaw chhuak hawk pah chuan a hmai a tuai zui puat.






"A tha e, lo kal rawh" ka lama a kut rawn dah chu vuan vatin ka in perh tho nalh a, lungawi deuhin ka zui chhuak.





A sawi dik alawm, thian kan ni a, in ingaihzawnna hian kan in thian thatna a tih chhiat ka phal bik teuhlo. Mi Tu pawhin nunhlui te chu kan nei vek a, chu thil sawi chhuah leh chu tun hunah hian a tangkai berlo. Hlim deuhin, a hma anga kan inkawm leh theih chuan a tha a ni mai.





Library kan chhuahsan dawn chuan Prof Reuben nen kan in tawk hlawl a, a mitko leh kamsir pem chuan ka mit a la rang hle.


"I lo kal thei tawh maw Sarah?" min bia angin lang mah se a mit chu ka bula mipa ah ngawt chuan a fu a, "Nia, ka dam tawh lutuk" ka tih chuan min rawn en in a nui suk.



"Englo, I hmai kha.... " ka kut rawn hum hnan Tu vang chuan sawi zawm lovin hmui ka chip leh hmak, "Engmah a nih loh hi,, tunlai chu misual rual awm ngaihna hrelo ho hi an tam riau a" a tawng pah chuan Tlangvala ringawt a melh a, thil awmzia man thiamlo tur khawp chuan ka naupangchhia tawh bik hleinem mawle.





"Mawla, nizan khan I khawih tak tak em ni a?" sehchilh zeta tih pahin ka kut a vawnna chu ka thing pah nawk nawk a, "Tawng zawi deuh rawh, midangin an lo hria ang" a ti sup duh lek chu ka melh nghek.




"Sawi ve mai ta che,, nangmah lah chu I him pial bawk si" ka ti leh a, "Keite chu ka chak alawm, theihnghilh daih rawh, chuan... " min pawt dingin a lam hawi zawngin min kuai her a, "I hnaih leh emaw, tullo a I bia anih chuan a hmel tha tak kha hmuh tlak lohin ka siam dawn ania, I hrethiam tiraw" naupang thuawih tak ang maiin ka bu nghat nghat tawh mai asin....!










End of chapter-4


Comment te pawh hi phut ngam tur ka nilo mawlemahse ka phut ve tho bawk si sia... Ads vawi khat click leh comment kha aw☺
Show post links
Top

[Ngaia]

MALSAWMHLUA



By RuatiRenthlei



Chapter-5



1st term kan exam zo a, chawlh em em a awm hranlo na in exam zawh atanga kar khat vel hi chu zir mumallo in an awm mai mai zel tih Prof Reuben-an ka pa bulah a lo sawi a, chumi chu remchangah la in Mama te khua Biate ah zin kan tum!




James leh Sangkima an fail a ni awm a, midang chu kan ti tha pangai, a fail pahnih lah chuan an la na lo mai bawk sia, Hmuaki chu a chhungten kal ve an phal leh peklo a, a tello pawhin pasarih lai chu kan ni tho!





"Mi zingah, mi chhungkaw bulah in han khawsa dawn a ni a, fel takin in awm anga, tihtur tul ang ang te in tih pui bawk anga, Ra-i nang phei chu, hmeichhe awmchhun i ni dawn lehnghal a, I fel hle a ngai dawn ania" sofa ah kan thianho in kan thu thap a, ka pa'n min sermon khum mial mial chu ning hmel zetin Sangkima a thaw leh hawk thin.





"Ni e, fel takin han awm ula, chanchin thalo lam hriat kan duh dawn hauhlo ania" ka nu in a lo ti ve bawk.




Kan Inkawm ngeih hlawm em avang hian kan in ah pawh an tlangnel tawh viau a, naktukah kan kal dawn avangin vawiin tlai chaw chu kan in ah ka ei khawm dawn anih hi.






Ka pa in hunserh a hmang a, kan vengah mi bo a awm avangin Thalai inkhawm a awmlo a, ka room ah kan tawm bo leh thap tawh. Kan naktuk hun hman dan tur te sawiin tawng kan inchuh a ni hawt.




Mama pawn an greenhouse ah thei leh thlai eng ilo a awm teuh thu leh a bul lawkah dil a awm thu te a sawi ve nasa mai.


Puia leh James-an lui kal an chak thu ngawt an sawi bawk a, keichu thingtlang hi nuam ka tia, khawchhung mite inpawhna leh in rintawnna ringawt pawh hi hahdamthlak ka ti!





"Biate khua chu Mizoram khawpui fai ber a zawna vawi 5 ni thei an nia, a nuam viau ang" a tablet bih ngar chung chuan Gedeon-an a rawn ti ve khauh, khaw fai tak a ni tih kha chu ka hre thawi ve.




"Niang chu,, chicks pawh an tam" tlangvala thil sawi chu ei lo lutuk in ka lo ner khum nang nang a, Tata-a a phur leh pek.




"Army leh Blink an awm ve angem le... Kawm theih ve deuh tur ka duh" a thil sawi chu tu vak mahin kan bengkhawn lo, BTS leh Blackpink a atchilh a, chu ai nasa chuan Taylor Swift zunah a uai nasa leh zual.





Kan lawm ve vakloh avangin kan sawi pui peih ngai meuhlo a, chuvang chuan kan zingah chuan a sawi tha duh vaklo.




Zing sumo ah kan kal dawn avangin a huhoa chhuah tha kan ti a, tum loh danin zan dar 8 pelh tawhah an vengah an luggage te an va la leh hlawm a, kan in ah kan riak khawm ta vek.





Tlangvala chuan ka pa hnenah a in chabi lo kawl tha rih turin a pe a, ka room chhuatah tlangval ho chu an mu tlar dul ringawt.





"Sarahh"



"A mak e Tata, kan tlai dawn" bathroom atang Tata-a chuan min rawn ko leh vak a, ang hlak hlak pahin ka pan phei.
"Band aid i nei em?"


"I in tina ami?" kawngkhar ka hawng zau tur chu nghet lutukin a lo chelh bet a, "Eng nge?" ka ti hlak chu "Ka zakhmul ka ziat a, a pilh" a rawn ti ta mai!




"Hmingduhawm leh!" ka nuih pawh a za lo...
"Mipa I nih kha, ngatinge tih loh loh tur hi I tih ziah"

"Shhh rawn la vat teh, a thi duh lutuk" na a tih hmel mai bawk sia aw...





"Kha, ti vat vat rawh, taxi kan phar vek tawh ania" tih pahin band aid chu ka pe a, gate pawn lam atang Sangkima a lo phun leh hluk hluk tawh..



"A mak Hmingduhawm, nghah reng hi ngai suh" kan chhuah phei ve rual chuan a lo ti nghal hluk a, a hauhpa ber lah chuan chhang let lovin min rawn melh zuk zuk a, nuih loh tum pawhin a nuih loh theih meuh thin lo.




"Tluang deuhin in kal dawn nia, in thlen hunah min rawn hrilh rawh aw" ka nu leh pa te chu ka bye bye lauh lauh a, ka thiante ruala ka la kal ngai miahloh na hmuna zin ve min phal sak hi mak ka ti asin aw...




Sumo ah chuan kan thianho bakah pavalai lam deuh pakhat hi a lo chiang ve a,kan thlen dawn tepah Puia a luak tih loh chu nuam kan ti tlang viau.





Kawtzawl zau deuhah kan ding a, Nu Tetei rawn tlan chhuakin min rawn nuih ver ver chu ka lo nuih let ve sen sen a, "In rawn thleng tluang amaw, in chau em Sarah" a hma ang khan a hmel hmuh a la nuam reng, mahse a inchei dan erawh chuan min ti hrilh hai deuh.






Inchhungah kan bungrua nen kan in khai lut a, Tata-a chu thuamhnaw a keng tam fal lehpek lutuk a, Nu Tetei'n a khaipui tuah tuah.





"Thingpui ka rawn siam ang, lo thu hahdam rawh u" tiin choka ah a lut tlang a, an in chu concrete building pangai tak a ni, inchhung pawh a zauin a felfai viau mai.






"I nu saw a va nalh ve a" choka lama nu Tetei a kal liam rual chuan Mama beng bulah ka ti sap a, "Zirtirtu a nia" a lo ti ve sup.




Ka bu deuh nghat chu nui sukin ka sam a rawn tuai thur zauh a, "Nu, khawiah nge ka pu?" a tih chuan Nu Tetei'n thingpui rawn chawi phei chungin thenawmah a kal lawk thu a sawi a, kawngkharpui atanga palian deuh rawn lut mek chu mit tla lo lekin ka lo en.






Hnathawh thuamhnaw a ha a, a palianin a hmel hrim hrim chu a hlauhawm khep khup lutuk.



"In lo thleng tawh maw Bawiha?" a aw ri chu!!



Ka mitah tak min rawn en a, "Kha, nula te in rawn hruai a ni maw?" tih pahin a nui suk.
"Sarahi a nih hi, I tui pek chuan a daih che em?" Nu Tetei chuan a lo ti nghal luam a, "Daih meuhlo" tiin an huan thlai chungchang an sawi zui a, "I pa chu I va han chhun lulai" Mama chu ka melh vak ringawt, an mitmeng, an tawngdan, awi, pafa diktak mawle!







An inchhungah bathroom pathum lai a awm a, kan intih fai vek hnuah Nu Tetei chu eirawng ka bawl pui a, a hirha pahnih Tata-a leh Sangkima te chu khawlai kan fang dawn tiin an in zui chhuak leh daih tawh.




Mama te pafa chu sitting room ah an in thutchilh ren rawn a, zawi tete in eng emaw an sawi dun sup sup.





"Keini chhung chu heti zawng hi kan ni mai, keiin higher ah zirtirtu hna ka thawk a, U Peka hi chu greenhouse ah a buai nileng mai zel, nikum khan ka nu a boral a, ka pa lah a lo upa ve tawh bawk nen ka nu boral khan a ti hrisello zual a, hnathawh pawh kan phal tawhlo" tiin an chhungkaw chanchin te chu min hrilh mial mial a, amah tak hi chu Aizawl khua a ni tih Mama'n min hrilh tawh.







Kawngkharpui atang chuan hmeichhe tleirawl pakhat hi a rawn zai lut al al a, a zaithiam reuh zek lehnghal.




"Yess Malsawmhlua a rawn haw" tih leh Mama lam pana tlan chu a rual a, a bula thu thla pah chuan "Min lo lei em?" a ti nghal thawr!





James chuan nui chungin "Lei lo" a lo ti sup a, naupangchhia zetin lei a chhuah khum vak.


Mak ti deuha nu Tetei lam ka hawi chu nui chung hian "Kan fanu a nih saw, a u hi a u thei meuhlo" a lo ti sap.






An unau chuan sofa ah an in chinglet ang nawk nawk a, an in ngaina hmel lutuk chu ka thik lek lek in ka hria!




Unau pianpui ka neilo a, thian nghet ka neih theih meuhloh avangin ka khua a har ve thei lutuk.



Malsawmhlua pawh a nui sung reng a, inhmeh lo ka tih rualin a nui hmel hmuh chu nuam ka ti.


A nau chu Lalnunmawii a lo nia, mahse Nute an ti daih thung. Kei aiin a naupang vak biklo ang, mahse a chezia naupangchhia zet chu a duhawm riau a, keimah tihloh midang ho chu a hre sa tih hriat tak hian a nel em em vek bawk.






"Tata-a chu, I lo tlangval ve tawh ang tih laiin" pa Peka chuan thum dut hian Tata-a melh chung chuan a ti sup a, a nui miah lo bawk.





"Lal Pa Peka chu I ti mak thei, tlangval lo mah ila ka nula chuang hleinem" awlsam zetin pakhat chuan a lo ti.




An mikhual room ah kan in hnawh lut vek a,Nutei room a ka riah ve duh leh duhloh min zawh chuan lu ka thing nar nar a, Mama lo nui ru suk chu ka hmu hman hram bawk.




Mi pindan tawm pui ringawt chu ka hreh bakah hengho bulah hi chuan tlangval ang tho ka nia, kan zingah mipa leh hmeichhe in hipna tih vel kha a awmlo tih ka hriat chuan avangin mu ho vek mah ila pawh tihna ka nei hranlo.





Pindanah kan inkhung thap a, Gedeon-a chuan tlanga len a rawn rawt ve hlawl,, "Nia nia nia" Tata-a a phili leh nghal chung tawh.


"Kan tum ang chu, Chawlhni cham dawn ila chuan chawlhni tlaiah leng an tam thin a sin" Mama chuan a lo ti ve nuah nuah a, "Naktukah hian Serchhip atang kan thlai thar la chhawng turte an lo kal dawn a, naktuk bik chu greenhouse ah kal vek kan ngai rih ang, ka pa'n a phal chuan lui ah te pawh kaikuang kan la kap ang chu" a tih zawm duah a, lui kal chu mipa hoin an phur ngang mai.






"Tihian in thlai tharte midang in pe chhawng thin maw" ka tih chuan a bu nghut a, "Lo neitu fapa ka nih hi" tiin mit min siai zeuh.




Kan mu tur ha ka nawh laiin ka hnung lam atanga ka kawng rawn chelhtu vang chuan ka phu zawk a, "Zik zek te" tih paha min thlahin a toothbrush chu a la a, a ke ah ka chhir sak hram.





"I chhungte I be tawh em?" a tih chuan melh chho ha pahin ka nui vur vur ringawt, kan thlen tirh khan ka bia ang ka ria, biak chu sawi loh, ka phone ka la en lo hrim hrim!



Kan pahnih in choka ah chuan kan ding dun reng a, midang chu an mu vek tawh. "Anmahni pawn min lo biak ve tur ania, min va ngaihsak lo" ti hlakin ka phone chu on ka tum a, a lo thi thak!




"A thi daih" tih pahin ka melh chho ha a, a lo ner nung ringawt.



"Nuam I ti lutuk a, kan thlen tirh atang khan I phone I la on lo hrim hrim alawm,, I pa nen kan inbe tawh a, naktuk ah I be mai dawn nia" ti supin ka phone chu min laksak a, "Mu tawh ang, naktukah ka chhawr hrep duh dawn che" tih pahin pindanah min nawr lut dat dat.







Khum ruak pakhat lo in hung ah chuan keimahin ka mu a, midang zawng chu chhuat ah an mu leh.
Thawveng leh vei neilo hmel takin lang mah se ka tan chuan hengho tluka thiantha hi an awm bik chuanglo, chanchin duhawm sawi tur nei lemlo mah se an rilru a tha a, an farnu ang maiin min duat bawk a, chu thil chu ka nu leh pa te pawhin an hmuthiam ve ani mah na, khawvel thlir danah misual tak ni hlawm mah se an hnaiha ka awmin min khap ngailo.






"I nu leh I nau chu school kal an ngai a, In lo zuk kal hmasa anga, hlawhfa te pawh zingkarah khan an kal tawh kha, Serchhip lam an lo thlen hunah kan rawn kal ve dawn nia" pa Peka chuan tiin a phone chu a hmet pah mual mual a, a bengah chuktuahin inchhungah a lut zui nghal bawk.






"In kal tawh dawn maw Mama" Nu Tetei leh Nutei an rawn inzui chhuak a, "Hengho hi ka lo zuk fankual pui mai mai ang, Lalnunmawii chu sana I va nei mawi ve" tih zawm zatin a nau chu a en run a, "Ka lawm nawn leh aw Malsawmhlu, hlawh ka neih hunah sana nalh deuh ka la leisak ve ang che" ti lang langin a nu scooty hnungah chuan a lawn kai a, an nufa chuan school kal turin an in phur liam.







Pick up ah kan chuang thap a, Tata-a nen chuan a seat ah min thut tir a, Kawng awih thla deuhah kan tlan a, rei vaklo ah greenhouse chu kan thleng mai bawk. A hmun a nuam in a zau em em a, rei tak atanga enkawl tawh tih hriat takin a bel hlup vek bawk a, chu erawh min ti tlangnel Tu leh a hmun ti nuam zualtu a ni.






An hlawhfa chhawr ni awm takte chu an lo che suau suau tawh a, eng ber nge an thawh tih pawh ka hre hlawmlo.




"Thawh ve tur vak a awmlo, in duh duh danin lo awm mai rawh u" tih pahin Mama chuan ka banah a rawn chelh a, "Lo kal rawh thik tha deuh ka hmuh ang che" tiin min nuih suk.





"In va han PK thei bik tak" Tata-an a lo ti duai a, "Eng nge PK chu?"Ka tih chuan "Phakar phakar" vin zetin a rawn ti leh.





Ka nuih heu a, rum deuha min melhna chu ngaipawimawh lo zetin Mama chuan min kalpui ta tho.






"Tawngkam a hre mak thei tiraw" Ka tih chuan min chhanglo, house hnung lamah min pheipui zel a, dil lian vaklo kan va hmu hlawl.





"Wow" ti hliai in ka pan hnai a, sangha lo che ralh ralh te chu ka en ta reng. "A van nuam, in hausa ngawtlo maw?" ka zawhna vang chuan a nui chhuak hawk.






"Hemi lungpui hi i hria em?" ka hma lawka lungpui mam han chu melhin "Lungpui" ka ti sep.




"Lungpui satliah a nilo, ka nu leh pa te inneih theihna lungpui anih hi" a tih chuan awihlo lutuk in ka melh vak ringawt a, a chala ka lu rawn tauh dat pah chuan "Dawt ka sawi reuhlo" a ti sup.






"Anih chuan i nu leh pate love story chu min hrilh ve la, I pa ngel ngul hian engtinnge I nu hi a chhai thluk theih tih te pawh" ka sawi zawh rual chuan lei ka chhuah tut, 'I pa ngel ngul' ka ti kha a lawm vaklo nge min en run run a, ka nuih tlawn leh vel.





"Ka pa ngel ngul hian a tlangval lai chuan hmeichhia a dawi â hnem viau sin" a tawng dan chu chapo ti zet hian ka lo melh nghek a, "Ka ti tak tak alawm, lungoui vanga in hmangaih ka vawi khat hriatna" ka ti leh sep chu ka lungpui sawi ah chuan min nam thu a, ka hmaah tak rawn thu hniam zuiin,
"Lungpui vangin an in hmangaih ka ti hleinem, an kawng kha a bumboh ve thei lutuk a, harsatna an tawh zawng zawng karah khan he lungpui chungah hian thu in an in hmangaih thu an in heilh tawn a,nilo se keipawh hi ka liang tawo nang, mi nazawng thut pawh kan phal hleinem" a nu leh pa te in Hmangaih na thawnthu chu sawi nuam ti hmel zet hian a nui pah suk suk a,

"Mahse ka thu bawk sia" ka ti sap chu "Mi nazawng I nilo" alo ti sup!



A hmel uanglo zet chuan min ti lai mai dawna ka hriat avangin ka hawi sawn vat a, "Nula?"





"Lawmsangzual, khawi lamah nge in kal?" ka chhanlet hmaa Tata-a rawn au ri ka hria chu ka thawk chhuah pui ham ham, Mama rum nghut chu nuih sukin "Nilo ang, I farnu second ka nia" tiin lei ka chhuah tat a, Tata-a rawn thleng ve chu suk kamah kalkual in a rak chel chul a, tum burin Malsawmhlua chu a kalsawn ta daih!










End of chapter-5





School kan lut leh tawh a, duh angin ka regular theilo ani e, school thil bakah Hunpui te a hnai a, KTP leh eng eng emaw ah chhuah ka ngai deuh reng mai bawk a, hriatthiam ka ngai reng mai anih hi keizawng...


Show post links
Top

[Ngaia]

MALSAWMHLUA



By RuatiRenthlei


Chapter-6



"In greenhouse chu hausak pui lawih na tham a nih kha" Tata-a chuan ti ham hamin a carrot ken lai chu a seh ri hmarh hmarh a, "Hlawhfa chhawrna leh kan tha leh hun Sen ral zawng zawngte ngaihtuah ve lemlo tan chuan a ni khawp ang" Malsawmhlua chu a la lungawi lo char char a ni ang, tawngkam hriat nuamin Tata-a a la be lo reng reng.






Zanah chuan Mama thian thenkhat te an rawn leng a, mipa ho nen chuan an inkawm thei fu.


"Enteh Mam, I bialnu nen hian engtinnge in intawn a?" Nutei thil sawi vang chuan ka phone chu hawi sanin ka melh dawrh a, midang chuan min lo en thup.




Ka bul chiaha thu chuan ka darah min rawn kuah pahin "Ka bialnu hi maw?" a ti sup a, min rawn enin ngeiawm zet hian a nui suk bawk.


"Tereuhte ni si hian min chhaih buai ve char char alawm, a zeilo na in ka duh dan tur anga awm chu a thiam lutuk" tiin mitmeng ti zim sun hian min en run a, dawt hlang lutuka a inla zei vak chu ngei zeta melh pahin a nakah ka nghawk sawk.




"Dawt anih kha" uar fahran hian ka ti vak a, midang hoin ngawi renga min lo nuih heu hlawn chuan min ti thinrim lek lek.





"Ka ti tak tak, a bialnu ka ni hleinem mawle" ka tih leh lai chuan choka atangin Nu Tetei'n min rawn ko a, "Ehhh monu interview" tia min lo chhaihna te chu Nu Tetei'n a hre phak ve tawh der mai silo. Malsawmhlua mai mai pawh hi, dawt sawi kher a tulloh tehreng nen.





Nu Tetei chuan a zirlaite test paper emawni hi a lo check mawlh mawlh a, a fanu paper a awm ve avangin a tir duhlo a ni mahna, education chu ka core subject ve tho anih avangin ka check pui a, kan titi dun pah sep sep bawk.






"Mama hi chu, a pa a chhun leh lutuk a, hrechianglo tan chuan an nelawm loh a sin, mahse an rilru hi a tha lutuk a, hmangaihna an ngah bawk a, thil ka zawt mai mai ang che aw" min rawn enin a nui sak a, nuih let very verin ka lo bu nghat.





"Mama nen hian in inngaizawng tak tak em?" ka khuh chhuak thawt. A zawhna min zawh ber kher chu!




Ka chil hakin ka khuh zui bawrh bawrh a, tui min rawn pe in ka in hmasa leh tete, "Aih, thian kan nia" tiin ka nui sak a, "In tawng ri kha ka hre vek alawm" nuihza hmel taka atih chuan chhan ngaihna hrelo in ka nuih let ve ringawt!




"A pa nen hian danglamna an neilo a tih theih ang, chuvang chuan thil ka hrilh mai mai ang che" tiin paper chu a dahkhawm nawk nawk a,

"Midang hriatthiamna an ngah tluk zet hian hrethiamtu an mamawh ve thin lutuk a, thinrimin an in hrosa chiam chiam ngailo nain an thin tih rim palh erawh chu hlauhawm tak a ni ringawt, tihian ti ang, a bialnu I nih chuan a chunga I chet dan ang zelin I chungah a ti dawn ania, I care chuan a care che anga, I treat danin a zir loh viau chuan duh viau che mahse, duhlo ang chein a awm thei tih hria la, Sarah, mifel tak i niin ka hria a, ka fapa tan pawh hian I tha tawkin ka ring, kan lo lawm takzet che ania aw" a ti ta duah a, dawhkan chunga ka kut chu rawn vawn hnanin min nuih sen sen bawk, anih tur baka ka thin phu rang chu dawt hmanga midang rinna ka siam sak vang tih ka chiang!






Malsawmhlua bialnu ah min ngai tak tak amaw!





"Mahse nu Tete?"


"Eng nge in tih reng a?" Malsawmhlua aw ri ka hriat rual chuan ka chip leh rang lutuk. Fridge a tui vawt chu la chhuakin a in zui khawlh khawlh a, "An haw vek tawh, mu ila naktukah lui chu kan kal dawn nia" tih pahin ka chhipah a kut a rawn nghat a, "Ni e va mu tawh rawh u, Sarahi zarah zan khatah paper chu ka en zo ta vek anih hi" tiin a paper te chu a rem fel mawp mawp a, "Kan inneih hunah phei chuan i duh tawkin i chhawr dawn nia" tih pahin ka thutna atang chuan min tung tho nawlh.



A thil sawi vanga hrilh hai lutuka nu Tetei ka va melh chu nuihza insum zet hian min lo en a, awi karei, zanin ah ringawt pawh hian ka va han zak hnem zozai ve mawle....!




"Mawla"
Pindana kan luh rual chuan ti hlakin a ngal charah tak chuan ka chhir vak.



"I nu khan kan inngaizawng tak tak emaw a tia lawm" sehchilh zeta tiin ka melh nghek a, "Het thet, lo chhan che ka tum lai takin Malsawmhlua kha a rawn tawng hman" Tata-a chuan khum mawng ngheng ar ar chungin a lo ti zat zat a, dar kan akin ka bul ami chuan "Pawi hleinet" a lo ti sam et mai chu.... Urghhh...

"A serious ania aw , I chanchin te min hrilh vak vak a" ka tih chuan "Chu chu a pawi em ni?" nui hauhlo a mitmeng ti zim suna min en leh chuan ka dang lel tawh.




"A... Ka ning" ti vakin ka kal phei nghawng nghawng a, khumah lawn kaiin ka tum zui bur ringawt.





"Tikhan in inngaizawng der rih mai rawh u" Puia chuan nui chung hian a lo ti a, lei ka chhuah khum vak.





"Naktui chawhma chu hunawl kan nei, chawhnu lamah Bualpui luiah kan kal dawn nia, ka pa'n min hruai hman mai thei" ti supin a shirt hak lai chu a hlip a, "I pa tello in I ngamlo em ni?" nep ti hmel zetin Sangkima chuan a lo ti pek, a shirt chuan vawmin "Kawng bo ila a thinrim ber I ni dawn" a ti nghut.






"Anih leh chawhmaah chuan eng nge kan lo tih ang" Gedeon chuan lo ti supin a tablet chu a en ngar a, "Kan nula hian kan thuamhnaw balte min lo suk sak ang chu" tiin Malsawmhlua chuan min rawn melh kher a, "Awi... Ka va han su awm hleilo" ti vakin ka inkhuh phui nghal vek.




.



"In inpeih tawh em?" Pa Peka chu kawngkhar bulah a ding run tawh a, Tata-a bawk kan nghak leh tawh, "Ka hman tep, ka pheikhawk hrui ka zawng" pindan atang chuan a rawn au tak ang luah luah lehnghal a, Nu Tetei'n chawfun lian zet mai min paitir a, ka vawi khatna tur a nihloh avangin lui kalah chuan ka mikhual vaklo. Phulpui ah khan kan thian mipa te nen kan kal fo a, nuam ka tih rualin hahthlak ka ti thei lutuk.







"Kawrlum dang I keng em?" ti supin Mama chuan ka bag ken lai chu min laksak a, "Immm" ka bu nghat.



"Zanah a vawt dawn ania, in haklai bakah kawrlum dang keng ru aw" tiin midang chu a hrilh nghal bawk.





"Fimkhur ru aw Sarah" Nu Tetei'n a fanu ang mai min en na mitmeng hi hmuh a hahdam thlak ka ti!




Chawhnu lam dar 2 velah kan chhuak a, motor thlen theihna chin kan thlen hnuah ke in thui fe kan kal leh a, Tata-a pawh a phur ang hu in a nuam leh vaklo a ni mai thei, sawi ngam chiah silo in a tum bur reng a, Pa Peka hnung chiah ah kalin hma kan hruai.



"I nu leh pa te an dam maw Sarah?"


"Maw? Aw..dam e" thum zawi supa min biak na chu bah nawkin ka chhang let.




A bu deuh nghut a, "Kan thleng e" a hmun chu a nuam phian tho mai, ka rin aiin a lian lo a, Tata-a pawh a hmun kan thlen meuh chuan a au leh hliai tawh, thla te kan la a, Pa Peka chuan kaikuang kahna tur leh chakai chiahna tur aiawt te chu a siam fel mawlh mawlh a, aiawt chu lui mawng lamah chiahin lui dung chu kan zawh chho zel a, thianho chuan engkim hi a lo nuam vek mai.






Thim thet thet ah kan let thla a, kan hlawhtling thawkhat viau. Tata-an engmah a khawih ngam ve leh pek lo va, Mama nen an in vin hluk hluk reng. Ngeihloh sa nen Tata-a mizia in a lo zirlo leh zel a, Mama thin in a tuar lo lek lek zel hi ka dem hranlo





Chawp chilh lutuk in ka thil hmuh vang chuan ka in hum ruh vak a, ka au chhuak thei derlo bawk.


"Nula?"
ka thaw chhuak hrawk a, mangang lutuk in Mama chu ka melh ngawt ngawt




"Va... Vangvat" ka ke reka vangvat tial sei zet mai ka hmuh chuan ka kha a ti chih vek. Rang lutuk in Vangvat chu a sawk thla tawk a, thisen a rawn chhuak zui tiam tiam, tap tuau in "A na" ka ti a.




Hrep chuan! Tlangvala hmel rum ul chuan ka tah a ti chhuak zual sauh, hlauh tur tan tak zingah vangvat hi ka thil hlauh ber te zing ami a ni hlial ang chu mawle....





Pa Peka chuan eng hnim emaw hi a rawn la a, chumi tui chu sawrin min buaipui zui nawk nawk. Khua a thim tawh avangin chet a har deuh talh tawh a, chaw te kan han fak a, ka ke vang chuan Malsawmhlua'n engmah ka tih ve a phal tawh lo.




An che vel chu ka phone light a chhun in ka lo en deuh tlawk tlawk a, engmah tih ve lem loh chuan mut a chhuak duh viau.




"Hei hi bel rawh" Gedeon chuan a ipte atang band aid a rawn phawrh a, "I van sawi har ve" ti hliai in ka ban vat.



Ka kut vawt lutuk leh khawng lek lek vang chuan ka che hleithei meuhlo, "Khawi keiman" tih pahin min laksak a, ka hmaah tak rawn thu in min bel sak a, ka nuih sak chu min rawn en in a lu a thle buk ringawt.






Ka bulah bawk a rawn thu chho leh a, "Midang zawngin kan kailoh laiin engtinnge maw I lo kai bik ni" ti supin a khi sak a, "Hmeichhe awmchhun ka nih vang aniang" ka tih chuan a hnunglamah a kutin a in nem khalh a, vanvadakin a thaw chhuak hawk a, ka en deuh vung vung.






A hmel en apianga lawmna reng reng neilo hmel a pu ziah hi ka hrethiam theilo. Ka tih chu... A nui lo a, nun ah hian hlimpui tur thil a hmuzo thlawt lo ni ber hian ka hria a!




"Gedeon?"

"Immm" a enngai chu a en vung vung a, "Bialnu te hi nei ve la" Ka tih chuan muangchanga min rawn en in "Min duh em ni?" a rawn ti sup.




Ka mitah tak min en avangin ka tih ngaihna hrelo chu ka hawi sawn ta vat a, "I uang em mai" ka ti ta ringawt.





Nui ri sukin a in beng tho zui nalh a, a thiante awmna lamah a kal ve ta daih.




Zan dar 10 velah chuan haw tur in kan in buatsaih a, Ka ke chu ho deuh anga lang siin min tur et et a, a hnung lamah muangchangin Mama'n min kalpui.





"Khawilai nge maw I lo dai hman bik ni? Tun ang huna vangvat te lo kai bik" ti suptu chu melh chho ram in "Ka duh vanga kai ka nilo" ka tih khum hmak a, min tihthaih tuma min thlah a tum zuau zuau chu nghet leh zuala ka vawn zel a ngai bawk si, a chet dan ngeiawm lutuk chu aman nuihpui hawk hawk mah se kei ka tum sen tul thung.







Motor dahna kan thlen chhoh chuan Puia'n motor a khalh a, Pa Peka leh Tata-an a seat ah an thutpui tih loh chu a hnung lamah kan thu vek.





"A hmaah thu rawh ka ti mawlh mawlh a" ti hlukin a kawrlum chu a phelh zui sawk sawk a, "A ngailo" ti mah ila sawi loh ang maiin a kawrlum min hak thuah tir hlun a, thuamhnaw hnawm sa kan hak avangin thli thaw vuk vuk nen ka beisei aiin a vawt a, ka taksa zawi ngiai vang chuan a hmaa insawn kual leh vel turin tha ka nei tawh hauhlo thung.






Min kuah khawm hlun a, ka awmdan chu ka hrethiam chiahlo na in, mit ka meng thei tawh lo a, ka taksa vawhna pawh chu ka hre lo tial tial, ka ngaihtuahna fim kar pawh chu reilo te ah a bo ta duak!







Malsawmhlua POV





Hrep chuan!


Pu Henrya chuan nula pang leh marphu te chu a dek a, motor atanga kan chhuk turin kan kaihthawh zawh takloh avanga kan buaina hi thil namai a nilo






Zinglam dar 1 a ri tawh a, Sarahi chu a khawsik sang lutuk vanga ni khua hrelo anih thu Pu Henrya'n a sawi hnu ah nachhawkna in a jection a, ka mangang chuan damdawiin pan mai ka sawi ta ngawt





"Hahdam teh Bawiha, a tha leh mai dawn alawm" James chuan ka darah rawn beng thukin min din hnaih zui run a, "Hmauthawng suh Mama, zingah a rawn harh mai ang" tiin Pu Henrya chu a rawn ding zui ve vut a, ka nu hnenah chuan a thuamhnaw thlak sak a lum deuha awm tir tura hrilhin a tlai deuh tawh bawk nen a haw tur chu ka pa nen an in zui chhuak a, Pu Henrya hi ka nu ni fapa a nih bakah ka pa thian tha tak a ni bawk.





Damdawiin ah a thawk ve a, pawimawh ah chuan kan koh kal ber a ni thin.






Midang chu lo in tifai hmasa tura hrilhin Sarahi chu pindan lamah a pawm lut a, a thuamhnaw thlakna tur te chu ka la chhuak sawk sawk.



Ka nu chuan puan nemin a taksa lang lai chu a hruk sak thuak thuak a, a thuamhnaw a thlaksak lai pawh chuan ka kalsawn eihlo!





"Ka khawngaih reuh hle mai Sarahi chu, naktuk lamah chuan a tha leh mai ang chu maw" ti sepin puan chu a sin that tir sauh sauh a, "Va inbual ve lawk la, a tlai tawh"


"Nu?" khum atanga rawn tho chhuak pah chuan min en haw a, "Sarahi hi hmeichhe duhawm tak a ni tiraw?" A nui chhuak hak a, "Mai mai thin che hian, mut a hun tawh ania, che ve vat vat rawh" tiin min chhuahsan a, khum tlangah chuan thu thla in chauh hmel taka muhil bal hmeichhe duhawm zet chu ka en ta reng.







Zawi te in 'ka bialnu' ka ti chhuak sep a, chawp leh chilha 'dawt' a nih zia ka hriat nawnna chuan min ti hnual rawih rawih, he nula tereuh hi ka bialnu ni lovin ka thian a ni!






Chu thil chu theihnghilh lek lek chang ka nei fo a, thian aia thuka ka enna thinlung hi rawn hmu tlang thei ngat se zawng, a ngaihzawng chu sawi loh, a 'thian' ka nihna dinhmun pawh hi ka luah phak tawh kherlo mai thei!





A hnaiha ka awm changa keimaha danglamna awm thin hi a chhan ka hrelo a, ka thian a nihna baka a laka ka rilru put hmang hi midang hriat ve tuk ka tilo bawk, a unaupa ang maia min enti rilru hi tih hliama mahni hmasial taka chet ka duhlo, he hmeichhia hi ka venhim theih chhung chu ka venghim anga, midang tan erawh ka phal angen ka hrelo!






"Tlangval"
Chu aw tham chhel chu ka hriat hnu a ni.

"Tlangval" ka meng chhuak hlawl a, "I lo harh maw?" Ka tho chhuak vat a, Sarahi mutna khum lam chu pan vatin ka thutchilh a, "Tlangval" a mit a meng lo a, zawi sepa min kohna aw ri danglam zet chuan ka lungphu thlengin a ti rang vek thei!





"I tha em?" A chal chu ka khawih a, a khawsik a sang lutuk. A bek leh biang vel a thlan huh dup tawh a, a landan hil zet leh chauh hmel taka min koha ri te chuan hrehawm min tih tir!





Tihdan tur ka hriat loh em avang chuan ka nu ka va kaitho ta ringawt a, zinglam dar 6 a ri tawh, nizan lamah kan meng reiin kan chau tlang bawk nen ka pu takngial pawh a lo la tho lo a, ka nu chuan Sarahi tawngvai reng chu tha tilo in a ko mawlh mawlh a, a harh chiang thei tlatlo chuan min ti mangang hle tawh.






Kan thawmah midang pawh an lo harh ve a, "A zia lo hle mai, Pu Jona ka be duh angem?"Puia thil sawi vang chuan ka thil tih lai chu dahin ka phone ka ban nghal a, mahse call ta ila, an fanu an ngaihtuah luatah an lo tlanchho ve mai duh dawnin ka hria a, chu chu thil tha ber a ni angem ka hriat loh avangin ka call leh ta lo va, midang pawh chu be rihlo turin ka hrilh.










End of chapter6



"Ka dah ang" ka tih hunah ka dah theilo fo mai a, pawi ka tiin thupha ka chawi mawlh2 ni teh se aw.. zirlai bakah mimal buai na neuh2 a awm thin avangin zan záwn chuan ka tlin meuhlo ani.. Min hrethiam teh u khai thiante u


Show post links
Top