MALSAWMHLUA By RuatiRenthlei (Completed)

[Ngaia]

MALSAWMHLUA




Chapter-13
By RuatiRenthlei




‌"Saw Professor saw chu eng tin emaw deuh la tih a ngai ani, ka ngaina thei thlawtlo, bakah Sarahi tan pawh a ngeiawm lutuk" cigarette si hlarh hlarh chung chuan James a tawng bul bul a, a thil sawi vanga thaw chhuak hak chung chuan ka bula thu chu ka melh zawk a, Malsawmhlua hian engnge maw a hriat ni, vawiin chu zingkar atang khan biak a huphurhawm nghal em em ringawt a, a nui hmel pawh ka la hmulo. Eng emaw ngaihtuah nei ni awm tak hian a melh ngai a melh vung vung ringawt a, a that leh that loh ka zawh lah chuan a that thu in min chhang tawi tak a, biak ngam pawh a nilo lek lek zawk a ni!






Ka thiante thinrim in hrosa vel chu ka ngaithla kar a, a khat tawkin ka sana bun lai chu ka melh leh zawk thin bawk, chawhnu lam dar 1 a ri chiah a, Puia te inah college kallo in kan awm.


Kan tlanbo vang hrim hrim pawh nilo in Prof. Reuben-an ka tlai vangin class ah ka thut ve a remti lo a, ka thiante engtiklai pawha tlanbo in peih reng te nen Puia te in lam kan pan tawp anih hi, kan ina va haw leh chi ni tawh heklo.





Puia nu Nu Ngaitei chuan thingpui min rawn pe pahin "A reng rengah Sarahi pawh thingpui te min rawn siampui ve ta che" a rawn ti hluai a, a nui zui hak hak bawk, kan inkawmna a rei ve tawh a, an chhungte tupawh mai hi ka nel em em vek tawh.




"In choka awmna saw a biru lutuk a, thingpui i siam tih pawh ka lo hre hleinem" ka ti ve zat a, a ni reng bawk. Sitting room zau deuh an nei a, engvak phei chu an hûng lo, an choka chu kawngkharpui vei lamah puk deuhin a awm a, a thim deuh khuih bawk nen hmuh ngaihna a awmlo hrim hrim.



"Nu Ngaingaii chu 'A reng rengah' i rawn ti hluai a, Rapuii i ti hlauthawng hman alawm" Tata-an a lo ti leh hman a, a thluak te hi a tha ve sin. Nu Ngaitei chu a nui mai a, thingpui kan in ho lai chuan Mama phone a rawn ri a, screena hming lo lang chu ka hmuh ve hlau ni awm tak hian ka va en ve rual chuan a khup zui thawk a, Dr. tih kha chu ka hmu hman!



"Tunge a?" ka tih chuan "A pawimawh lo, hlauthawng suh" tih zawngin min chhang a, ngaihtha zanlo mah ila zawt zui lemlo chuan ka bu nghat a,


Nu Ngaitei chuan "Vawiin chu Sarahi vangin ka ngaidam hram ang che u, mahse a lehpek a awm leh chuan dim hauhlo in ka vaw leh mai dawn cheu ania, class tlanbo a then kual mai mai rual in ni tawhlo, a reng rengah in nun dan te hi in ning ve tawh lawm ni, rilru puitling tak nei ve rual in ni tawh, in hma hun tur te ngaihtuah ve ta che u" chang zet hian a rawn ti ta bawl bawl a, a fiamthu tawhlo tih a hmelah a lang vek.





Class kan tlanbo tih hre leh vaih se chuan min vaw leh tak tak duh ang tih kan hrechiang hlawm lutuk, a chhan chu min vaw tawh miau a, kha mi ni kha chu a va zahthlak tak e aw, bazaar ah min lo hmu fuh a, a hmuhphiah lei tharin khawlaiah min vaw hrep asin le...




"Rapui?"
Ka phu nasa lutuk, "Aw Nu Ngaite" ban charh hian ka ti a, "Tlangvalho hi I mawhphurhna ah ngai hmak rawh ka tih thin che kha, ngaihtuahna hi an hmanglo hlawm si a, hetiang ringawt chuan engmah an ni dawnlo" tiin a tawpah phei chuan a in ang thinrim a, a hmai a sen tawn tawn tawh.






Tihtak em ah chuan keimah hi nise tihngaihna a hrr bik teuhlo, hauh an haw bawk silo a, an zawm chuang bawk silo,, keimah lah hi eng teh ual ka ni bik bawk silo a, a hminga Pastor fanu nih vanga han fel viau theih lah a ni bik bawk silo.





Nu Ngaitei ngaihthat nan tiin ka 'umm aw' liam ve leh mai a, dar 3 rik dawn chuan haw tur in kan tho ta suau.




"Lalruatpui khawia kal nge i tum ve leh ngawt?" Puia lo ding ve hluai chu Nu Ngaitei chuan pindan atang a rawn ti tuar a, engtinnge maw hmu miahlo a a rawn hauh dik chat theih zawk ni. "Khawiah mah ka kal dawnlo, ka thlah ve dawn anih hi" pakhat chuan a lo ti ve hluk bawk a, an nufa hi chuan ui leh kel thlun pawlh ang reng an ni mai.





Kan in lo lam atang kan kual a, Mama te in ah ka lut kawi ve leh te te, sofa ah chuan thu dawt in chauh hmel druh hian a thaw chhuak hak a, a bula thut thlak ve pah chuan a pang ka deh sak a, a lo sa vur tih ka hriat chuan ka melh deuh vak ringawt.



"I khua a sik" tih pah chuan a biang lehlam lehlamah ka dawm sak a, "Nangpui hi I thalo reng reng, tinge I zep tlat a" ka ti deuh tiau, a hmel landan hian ka hnuk a ti ulh tlat alawm, a dâng deuh bal a, hetiang tak hian Puia te inah khan a la awmlo.





" Tikhan lo thu rawh damdawi ka lo la ang" tih paha thawh ka tum chu ka banrekah vuanin min pawt let chawt a, "Ka bulah awm rih rawh" zawi supa a tih chuan awm dan tur leh sawi tur mai ka hrelo. Ka hamhaih a, ka khawngaih bawk si, min vawnna a kut sa ham ham chu la kangin ka fawp zauh a, "Damdawi I ei a ngai alawm, I khawsik kha a zual zel ang tih a hlauhawm" ka tih chuan "A vawt" a lo ti sup a, "Lo kal rawh khumah ka hruai ang che" tih paha kai tho in a ban lehlam chu ka darah ka nghat a, a lu a hai deuh nge ka pai ang khut khut a, a taksa sa vur maiin min han ur vung vung phei chuan ka tap chhuak lo chauh tawh,, hmeichhe kawlh tak ka ni chung hian Malsawmhlua hi chuan ho deuh deuhah ka mittui hi a ti tla ve ziah.








Khuma puanthuah lo awm ang ang chuan ka vur hluai a, "Na chhawkna ka lo la ang" tih pahin ka tlanchhuahsan lehnghal a, damdawi lam hrim hrim ka hmuh zawh tak lawk loh avangin ka nu ka call ta ringawt a, Mama khawsik thu leh damdawi nen lo kal vat tura ka hrilh hnuah pindanah bawk chuan ka let leh a, Malsawmhlua chu a lo khur nasa tawh mai!





Ka tihlum theih deuh beiseiin a bulah chuan ka mu ve a, ka te in ka sa a lo pan ve bawk nen pangtilum chu ka ngah teh chiamlo khawp mai.




Khawpui ri leh dur dur thin atang chuan khaw awmdan tur pawh ka ring thiam deuh mai a, boruak pawh chhun lam ai chuan a vawt deuh.




Ka nu chu a rawn thleng phei harlo khawp mai, a hnungah ka pa in a rawn zui ve bawk a, "Damdawi chu" tih leh thawh ka rual a, "Nachhawkna pangai hi ei se, chuan hei pawh" tiin damdawi mum pahnih hi min pe a, "A va zia lo em aw Mama" tih pahin khum tlangah chuan a rawn thu thla ve nghal a.






Damdawi chu ka ei tir a, tawng chu sawiloh, a meng peih meuhlo, "College ah a khua a sik tihna nge?" ka pa chuan min en ran a, "A..Englo, aih, kan lo haw lamah chauh" bah niai hian ka ti a,ka nu zawk chu lo tawng leh in "A chhawk mai ang, a lum hma deuh nan I duh leh mutpui leh la" a lo ti a, keiin ka pa mitmei ka lo veng thung.





"Umm I nu ho in tikhan lo in buaipui ula, Upa Hluna nen bial fan kan tum tlai a lo ni hlauh mai bawk nen, ka phei san rih phawt ang che u" a ti ta daih a, pindan atang chuan a chhuak zui nghal mai bawk, ka pa hi chu ruah leh ni sa tih vel hian a bial fan a dal lo reng reng.





"Mutpui rawh Bawihte, a chhawk mai ang" ka nu chuan a ti leh a, ka mutpui ve leh ta. A biang chu ka dawm a, meng peih hauh silo in a rawn nui ve suk a, tawng chhuak peihlo mah se a nui hmel hian mangang lo tur in min hrilh ni mai hian ka hria!





"Eirawng ka la bawl zo silo a, in lo awm ve thei maia nh chu maw" ti leh hapin pi dan chhung chu a melh kual nghal thuak thuak a, mipa ve si ah chuan ka bialpa chu che fel a ti a ni ve khawp ang.





"Umm thei ang, a zual deuh chuan ka lo be leh mai ang che, chuan nu, ka ril a tam tawh teh ania" ka ti tel hram, a tam miau hek mawle.



"Chaw ei hma kan tum dawn nia, hetah chaw lo chhumsak ve la, chawhmeh chu ka rawn suah ang che u" tiin min chhuah san ve leh a, ruah mal chu a tla fep fep tawh.




Tukverh lam chu ka hawi reng a, reilo te ah ruah fang lian pui pui chu a rawn tla ta phuar phuar a, ka bula mu chu en lehin a biang bawk chu ka khawihsak leh a, a khawsik chuan a la kiansan lo khawp mai.






"Tinge I damloh ve ringawt le? I inhmeh lo e" tiin keimah hriat tawk lek chuan ka phun sap a, Puia te ina kan awm laia Doctor phone call a lakduh loh kha ka hrechhuak ta zawk bawk.






Second reilo te chhungin a vhhe ber thleng ka ngaihtuan kual leh hman a, Malsawmhlua hi damlo na zual vak ta se tih thleng a ka ngaihtuah rual chuan mit ka chhing vak ringawt.



A hmelhriat doctor te pawh an lo ni thei a, engamah hmaa lo ngaihthatloh ve ringawt duh chu loin ka in thlamuan chawp a, mahse ka awm chu a nuam thei chuang miahlo.






Pa Peka an khuaa a haw chhoh atang khan thla a liam leh tawh a, Nu Malsawmi leh Prof. Reuben te nufa vanga an chhungkaw buai na kha chu a fel vek tawh. Prof. Reuben leh Pa Peka ten eng inzawmna mah an neilo tih court ah finfiah a ni tawh a, mak ka tih chu Nu Malsawmi thil tih dan zawk hi. A fapa pawh heti tiat hi a ni tawh a, hna tha deuh a nei tawh bawk a, a pa ni miahlo a rawn puh mualpho leh duh hi a sual thlak ka tih rualin a atthlak ka ti bawk.





Nu Tetei rilru tur ka ngaihtuah a, ka khawngaih rualin ka ngaisang, a pasal nunhlui hre vekin a nei a, a hmangaih em em bawk a, kei ni ila ka thei ve kher a ngem ka hrelo!Engpawh nise Pa Peka'n a zir ve viau te pawh a ni ve bawk anga, a.... An vanglai hi ka hre ve chak, engtin chiah nge maw Pa Peka hian a chhai thluk theih zawk ni, a tawngtlem ropui mai sia...






"Bawihi"
Ka meng kawk a, Malsawmhlua chuan nui sukin ka chalah a hmui a rawn nawr si a, "Ka lo muhil ve aniang, engnge i an?" tih pahin a pang ka deh sak a, a lo dai thlur rawh.




"I khawsik chu a awm tawhlo, I ril a tam em?" tia thawh mai ka tum chu a awm bawh rawkin min pawt thlu leh a, "Ka la ngai che" thawp supa tiin min kuah bet hlu hlu a, a lungphu dup dup ri ngaitha chung chuan kei ka thaw ve dep dep a, "Ka ngaihtuah lutuk che a, I khawsik kha a sang bawk si, ka tap hman tep" ka ti sep chu a lo nui chhuak hawk a, "I mittui chu ka thih hun atan khek rawh aw" a tih chuan in la hrang hlawkin ka melh nghal hrak.




Pawisawi lo hmel zeta dar chhin ak chung hian "I tap theilo ang tih ka lo hlau alawm" a lo ti leh a, a ban puamah chuan ka chum sak awk.




A na ve deuh aniang si hlarh hlarh chung hian a ban chu a tuai vut vut a, "Chutiang chu fiamthu na chi pawh a nilo" ti hlakin khum atang chuan ka tho a, pindan chhung pawh chu a lo thim deuh ruih tawh.




Light chu ka on a, dawhkana ka phone chu la in ka nu ka call nghal bawk, a chhan rual chuan "Ka lo phei" a rawn ti nghal thawr a, thil dang a sawi lo, bungbel ri rawk rawk thawm ka hre zui a, a buai hmel em em lehnghal, engmah ka sawi ve hma in a off a, Mama pawh rum tuah tuah chungin a rawn tho ve.




"Ka nu'n chawhmeh min rawn suah dawn a, chaw ka va chhum ve ange" ka tih chuan "A ngai kherlo asin" a lo ti sup a, "Tha deuha thil I ei a ngai alawm, I khua han ti sik leh vaih teh aw" tih pahin ka kut chu ka lek kang uai a, a lo nui suk ringawt.






"I lo tho chhuak peih maw Mama" ka nu chuan a rawn ti lut nghal bawrh bawrh a, a rawn in khai bawr nasa mai. Ka nu hi zeilo ve chi a nia, a tawng tam lutuk lo na in fiamthu te hi a duh ve reuh a, mahse a zeiloh vang bawk hian engmah hi felfai tak hian a ti hleithei meuh thinlo.





"I van siam tam ve" ka tih chuan ka thil sawi chu hria ang pawh in a awmlo, Mama bulah chuan a thu ve a, a pang te pawh a deh sak ve,,, umm fapa ang mai hian a en ve niin ka hria!




Chawhmeh ka dah fel lai chuan ka phone a rawn ri a, Prof. Reuben hming ka hmuh rual chuan ka hmet hlum nghal hmak bawk.




"Tunge?" rawn ti vuttu lam chu en in "Tata-a" ka ti sep a, zawhna mitmeng bawka min la en avang chuan "Ka be peih rihlo, rawn sawi pawimawh leh awmlo emai" ka ti liam puat a, chawhmeh bel te ka tleuh fai thuak thuak hnu ah ka nu chu a let phei leh nghal a, chaw ber ala hmin miau loh avangin sofa ah chuan ka thu zawi dun ngiai a, "damlo tawh suh, a nuamlo emai" ka tih lai chuan a lo nui huk a, ka melh rum leh hle ringawt tawh.






"Ka damlo tawh lo ang, khatin min melh sakhi vak suh" a rawn ti fiamthu ve a, ka biangah dawmin a fawp zauh bawk, kan in zui na rei tawh mah se ka la lai tho!




"Anih tunge chhuna lo call Tu che Doctor kha?" ka tih chuan "Ka thian" a rawn ti vut a, "Tu I thian?" ka tih leh chuan rum deuh tuah tuah pahin "Tluangtluangi ania, doctor degree a nei thar a, tunah chuan Ebednezer hospital ah hna a thawk ve rih ang, a lawmpui awm khawp mai" a ti zui duah a, ka rinloh lam daih ni mah se ka thaw deuh huai mai.





"Ka lo hrelo a" ka tih hapin nui suk hian "Hrelo ang, ka tetlai thian ania, an chhungkua in Shillong a an pem na a rei tawh" a ti leh mai a, ka bu nghut ringawt tawh.





Chaw chu kan ei tamlo dun viau a, ei teuh tur in duh mah ila damloh chuan chaw ei te a tui lo va, bakah keimah ber pawn ka ei hleithei meuh bawk silo nen, ka ti lui duh vak lemlo. Zanriah ei kham chuan ka nu leh pa te an rawn kal a, ka pa chuan tawngtaina hun te a hman zawh hnuah Mama chu kan in lama rawn riak phei ve mai turin a sawm zui a, mahse a lo hnial ve tlat.





"Ka tha tawh alawm, eng emaw deuh a awm chuan ka lo be zawk ang che u" ati ve tlat a, ka pa pawhin a ti lui duh lemlo.



Ka nu leh pa te chhuah hnu chuan ka hnung lam atanga min rawn kuahin ka darah chuan a khabe a nghat a, nghet deuh hian min kuah bet a, "Eng nge I hriat?" ka tih chuan "Ka hmangaih che" a lo ti sup a, ka nuih deuh hak rual chuan min pawm nghet sauh.





"Keipawh ka hmangaih lutuk che" tiin min vawnna ban chu ka lo vuan let ve a, min hmangaih thu a sawi hian nuam ka ti a, Malsawmhlua hmangaih nih hi a nuamin ka chapo pui lek lek lo chauh thin zawng anih hi!





"Mu hahdam la, naktuk zingah ka lo kal ang" tiin ka chhuahsan a, in ka thlen chuan ka pindanah in tifai tur in ka lut tlang nghal a, class ka kalloh avangin assignment a awm leh awmloh pawh engmah ka hre velo, ka ngaihven peihlo bawk, ka duh vanga kallo pawh ka ni hleinem.






"Rawn chhuak rawh, tunah" Prof. Reuben message ka hmuh rual chuan ka ner vak a, ka chhuahloh tur zia chu a rapthlak zawk. Engtinnge maw a student hi min ngaihzawn tlat theih zawk le.Kei aia tha pawh a hmu teuh awm sia.





WhatsApp ah chuan status te ka en kual ve thuak thuak a, Malsawmhlua'n status a nei tih ka hriat chuan ka hmet rang teh asin, kan pahnih thlalak a lo ni a, Hmuifanga kan kal tuma kan lak kha, caption ah *Damdawi mumlian* tih zawng hi a dah a, nui ver verin ka reply nghal.






*I muhil theilo ami?* ka tih chuan *ka ngai che*a rawn ti daih a, *Keipawn* ka tih hnuah
*thei leh theilo in I lamah ka rawn cat walk* hi a rawn ti reuh a, a damloh lai hian a zia a mak zual em mawni le.....
*I tho â mi?* thu tak deuha ka va tih leh chuan *Chuta chhapah I thatna in min rawn chhun puak* hi a rawn ti leh daih a, *MALSAWMHLU* hawrawpui vekin ka va ti leh a, *Zeilo viau mah ila I pheikhawk size eng nge?* a rawn ti leh, hepa hi a tho â tak tak em mawni le... Engpawh nise a damsamlo alawm tiin ka pheikhawk size sawi pah chuan *I zei lutuk* ka va ti leh vel a, *Ka thinlung neitu I ni tih hria la bawng rawng hi eng nge?* a rawn ti leh chu'h, ka thin a ti rim deuh tak tak tawhin ka hria, min be bo vek alawm.

*ka peih tawhlo, muhil ang* ka tih chuan tha deuhin *Muttui le* a rawn ti ve mai a, chungte hlei hlei chuan ka thin an ti rim zual em mawni tih mai tur a ni.




Reply lo a status en kual leh ka tum chu ka bialpa pui roh chuan status a lo nei leh hman a, chutah le,, a status chu ka en a, tun maia kan in biakna te kha thlûk nei thlapin a lo hmang hman a nih chu, a... A va mak ve, A thil rawn sawi mak pui puite khan thlûk an nei vek tak tak.





Ka zeilo lutuk chu ka in sehruh vak vak a, ka ke pahnih chu khumah leng vakin ka sapatal chiam ringawt, awi, ka va han zak tak, A rawn in lak zei ve tehlul nen ka lo ti bam vek anih kha.




Ka pindan kawngkhar ri rawk lam chu ka hawi phei vat a, ka nu chu rawn dakin "In Professor a rawn kal a, lo chhuak ve lawk ta che" a rawn ti a, tho hluai pahin "Tu Professor ber?" Ka ti sap a, "Reuben, lo kal ve vat la" tiin min kalsan leh nghal a, he Reubena hian engnge maw a duh a min tih buai sek ni.




Mama chu muttui tiin ka hmuh peihloh ber mai hmu tur chuan ka kal ve leh ta nge nge.


Living room ka thlen chuan ding datin ka pa kianga lo thute chu ka melh ran a,Prof. Reuben kianga Lucy lo thut ve ngawt chhan chu ka hrelo a, chu chuan zawhna tam tak min neih tur nghal bawk. Thla khat lai ka hmuh tawhloh hnuah Lucy chu kan in chhungah ngei a rawn kal a, kan inhmuh tawp ber tuma a thil sawi te pawh ka beng ah a rawn ri nawn leh tluk tluk!

Malsawmhlua chuan amah chauh a hmangaih thu te, chuan kei hi min hmangaih tak tak loh thu leh then vat tura min deu na te kha ka hre chhuak leh uar uar a, ka din na bul thutthleng nghen chhan chu dawmin ka ka in ka thaw chhuak hak a, nui lui sak chung hian "Eng nge?" ka ti ban charh.





Rin dan chu ka nei sa tho mai, vawiin ah class ah ka thu lo a, ka nu leh pa te hnena min sawi chhiat nan chuan chu lek chu a tawk lutuk.




"Lo thu ve phawt la kan sawi ang chu, e chuan hei hi Lucy, ka thiannu" felfai taka tiin a bula hmeichhia chu min hmelhriat tir a, "Chuan engmaw in lo kal chhan?"
"Sarah" single sofa a thu ka pa chuan zahlo taka kan professor ka chhang chu min rawn khak a ni tih ka hrethiam a, thil dang ka sawi belhlo na in ka duhloh zawnga he Professor hian min fiam anih vaih chuan ka nasa viau ang.





Ka pa nen chuan ka zirlai lam sawiin an titi dun leh rih phawt a, zan dar 9 rik dawn tawhah an rawn kal chhan sawi ta mai lo a a pehhel kual reng chu ka ning tawh hle, chuan he a hmeichhe rawn hruai hmel hian ka luak a ti chhuak takzet bawk.



"Nie Pu Jona, englo ania, kan lo kal chhan tak hi Sarahi tan chuan ngaihthlak a hrehawm deuh mai thei a, chutih rualin an zirtirtu ka nih ang in ka sawi ngei a ngaiin ka hre bawk si a" a ti kual leh duah a, ka pa chuan hriatthiam hmel tak in a lu a lo bu nghut nghut bawk.




"Sarahi hi a felin quality pawh a nei tha a, tin a hmel pawh a tha bawk a, hetianga a hmeichhiatpui kawm lova mipa hlang hlak mai a zui kual reng hi keichuan tha ka ti chiahlo ani" a tih lai chuan ka phone en lai khup thawkin "Ka thian kawmah duh lo thlang suh" ka ti hmak a, ka melh no lo viau bawk.



"Sarah"
Ka pa bawk chuan a mitmengin min rawn khak leh a, "Sawi zawm rawh" tiim Professor bawk chu a en leh zat bawk.


"A.. Anihna tak ah chuan, hetianga a khawsak reng chuan anih tur ang a ni theilo ang tih ka hlau ani, vawiin pawh college kallo in hmun dangah an lo leng kual leh a" tiin thiam tak maiin engkim chu ka thiamloh ah a rawn sawi fai ta vek a!

Ka thutna atanga ding meuh chuan "Class a ka thut ve i phalloh vang anih kha" ka ti tuar!



"Lawmsangzual"
Ka pa awki chu a sang tawh hle, "Thu dik ani em?" Tiin ka mitah tak chuan min en a, nemlo zeta a zawhna min zawh chuan "Pa?" ka ti deuh tiau, "Class a ka thut ve a phalloh vang alawm" ka ti leh a, "Sarah ka huat vang che a ni lo, I tlai apianga ka ngaihdam zel che chuan I thian dang ten ngaihdan dikloh an neih ka hlauh vang ani" tiin Reuben bawk chu a rawn in rawlh leh a, "Mahse ka tlai ngai hleinem"


"A tawk"
Ka pa awki chu a ring hranlo, mahse a khauh hle a, "I room ah lut rawh"

"Mahse Pa"

"Lut rawh" Hnial let chi nia ka hriat loh avangin lungaeinlo deuhin ka pindan lam ka pan a, khumah a vang zawnga bawkin ka tah chhuah loh nan ka in sehruh ngawt ngawt! Hetianga ka chunga a chet chhan hi ka hrethiamlo tak tak, a pawi sawi ka neih lah ka hre bawklo.




Ka pindan kawngka in hawng ri ka hriat chuan mit ka chhing vak ringawt a, ka khum hniam suih atang chuan ka nu leh pate an rawn thu ve a ni tih ka hrethiam a, mahse ka la hawichhuak duh chuanglo.




"Bawihte" ka Sam chul hliau hliau chung chuan ka nu chuan a rawn ti chhuak sap a, ka in rin hma in ka in hnih ta feih!



"Lo thu chhuak teh" ka pa aw ri chu ka beisei aiin a dam a, eng emaw sawi tur an nei tih hrethiamlo rual ka ni tawh biklo bawk nen ka thu chhuak ve leh ta a, ka hnar thip hlar chu a sen tut dawn tih ka hrechiang.




"In professor sawi kha a dik alawm Bawihte, mipa ringawt i kawm hi thil dik ber a ni lo a ni" ka nu chuan a ti dam dap a, "mahse nangni pawn an sualloh zia in hriat vek kha, Pa nangpawn fel I tih hlawm em kha" tiin ka pa chu ka en a, thaw chhuak ham hamin


"Umm ni e, an felin an rilru pawh a tha a, an farnu ang maiin an en che tih pawh ka hria Sarah, mahse kan duh dan ang diak diakin thil hi a thleng biklo tih i hriat kha, Reuben khan i hma a ngai vanga sawi a ni a, chuan a sawi dik bawk, I thiante vanga I nih tur ang I nih theihloh hlauh chuan a tuartu tur chu nangmah tho I ni dawn a, tin kan fanu neih chhun I ni bawk a, ngaihzawng I neih pawhin kan hau lo che, mahse mi tawngkam atangin in inzui nasa tih a hriat a, mi mit in tih kham tak tak hmaa in insiam that vat a ngai ang" ka pa thil sawi zawng zawngte chu ka bengah an thum rawn tlut ltu a, "Mahse Mama nen te chuan thian tha tak kan ni tel bawk a" ka ti ve leh sap a, mahse ka beisei ang tawngkam chu ka dawng let ve tawhlo.






*Tum atan chuan i thiante leh ngaihzawng lam chu thlah rih phawt la, I zirlaiah chiah hian in sawrbing rih rawh*


Bathroom chhungah chuan ka thu reng a, zinglam dar 1 a ri tawh, ka pa tawngkam tawite khan engkim a sawi chiang tawk a, tum atang chuan tiam chin awmnlovin ka thiante ka thlah rih a ngai dawn ani, chuan Malsawmhlua pawh!



Ka hmai phihin khum lam ah ka let a, zanin a tan chuan tawk rih rawh se, engmah ngaihtuah belh ka duh tawh rihlo, ka chau tawh!






End of chapter-13

Awle ka chawl rei ta vang vang viau mai a, rawn dah leh pawh a in thlahrunawm letling zawk hial tawh a, chutih rualin complete loa han dah ngawt chu atih chi in ka hre bawk silo a, tihian ka rawn vawm lut ve leh ani e....

Theih chin chin ah chuan regular kan tum ve tawh ang aw,,, tin, beisei loh danin a story plot pawh hi a kal tawh hmel ka ti keichu


Show post links
Top

[Ngaia]

MALSAWMHLUA



Chapter-14
By RuatiRenthlei




"Bawihte, college kal a hun dawn ania" ka nu aw ri chu chiang lo deuh hian ka hre ruai a, ka pindan parda a zar hawn ri te pawh chu ka mang hriat ruai ruai chauh.



"Lo tho rawh, vawiin chu I pa'n a thlah ang che" ti lehin min chhuahsan a, ka lukham hnuaia ka phone chu la chhuakin dat zat ka en nghal a, dar 8!



Ka khum ka thawhsan rual chuan thil thleng engkim te chu ka ngaihtuah chhuak leh nghal a, ka mumang mai mai nise ka tih rualin a nihloh zia lah chu ka hrechiang ngang mai bawk si a.





*Morning aw*
*Ka dam tha ania*
*College kal ang che*
Mama hnen atanga ka message dawn avang chuan ka nui sak a, *Morning, lo dam thuai thuai rawh* tih thawn letin ka khum chu ka thawhsan a, engtinnge ka awm zel ang tih ka hrethiamlo.



College kal tur in ka insiam nghal a, nizan ah ka mut tlem avanhin ka mitvun ah chuan min kam tungtu a awm a, mit men a nuam lemlo khawp mai.





"Nizan a ka thil sawi kha hre reng la, I thiante pawh tlang tak in hrilh ang che, in inkawm lo hlen dawn ta tihna pawh a nilo a, an hrethiam em em ang" ka pa chuan a ti malh malh a, ngawi rengin ka chaw ka ei thung.


Engpawh chu lo nise college a min thlah kher a tum chhan hi ka hrethiam lo, a fanu hi min ring zolo chu a ni phawt ang le!



Ka nu leh pate tan hian fanu tha leh cool tak, nu zem mai leh fel lutuk ka ni ngailo, ka harh a, mi pawi han sawi zauh lah ka ching emem bawk a, mahse tunah chuan, tunah chuan an fanu hi ka danglam tawh dawn, Mama chu engkim ka hrilh anga, tha taka ka sawi chuan min hriatthiam ngei pawh ka ring, chuan tha taka lehkha zir ka tum bawk ang.




Motor ah pawh chuan ngawi rengin ka thu a, ka pa pawhin engmah a sawi tawhlo. College kan thlen chuan tlai lamah min rawn lam leh tur thu a sawi mauh mai a, za lo zet hian ka nuih ta hak bawk.




"Tinge Pa? I fanu hi min ring zo thlawtlo ami 'ti suh' I tih chu ka tilui ngailo tih I hriat kha, ngaihtha deuhin awm rawh, bus in ka lo haw ang" tiin kawngkhar chu ka nam khar a, motor atang chuan min la en zui reng tih hre mah ila ka thiante lo awm khawmna lam chu ka pan ve leh ta tho.




"Guysss"
Ka nui lui sak a, mahse tumah chuan min lo be lo, Tata-a takngial pawhin min lo lawmlo chu ka hrethiamlo viau a, "Tinge a? In chhungten an hau vek cheu nge in tho fuhlo ve hrim hrim" ka ti leh a, James chuan ka darah min rawn kuahin "In be lawk ang" a ti sup a, midang ho chu an bag la in an kalsawn ta dial bawk!





"Eng nge thleng a James? Tih dikloh ka nei em ni" ka tih chuan a lu thingin "Aih" a ti sup a, "I pa in engkim min lo hrilh tawh a, kan thian I ni a, I ni reng bawk dawn ania aw, I chhungte thu kha tha deuhin awih la, keini ringawt min kawp chuan kan ti khaihlak mai mai zawk ang che, tha deuhin lehkha hi zir phawt la, I thiante hi min la chawm vek dawn nia" tiin ka darah chuan a beng thak thak a, ka awm a nawm deuh nan a awlsam thei ang berin sawi mahse hrehawm a ti ve tho tih a hmelah a lang ve vek a, min rawn hmasa miahlo a ka pa'n ka thiante a lo be ringawt chu ka lungawi lo hle bawk.





"Vawiin chu Mama a lo kal dawnlo a, banah i hman chuan tlawh kawi rawh aw, sawi dun tur te pawh in nei ang" ti leh supin ani pawh chuan min kalsan a, an kal ta vek chu tih ngaihna hrelo zet hian ka thlir zui reng ringawt a, a... ka thiante tel lo chuan ka ho vek dawnin ka hria, an bulah khan ka ho emaw ka in tia, mahse an awmloh chiah hian ka ho!




"Prof. Reuben chu ka text a, class bana hmuh lawk ka duh thu ka sawi chuan min reply rang khawp mai, college hnung lama corridor ah chuan ka lo nghak a, " Engmaw i sawi duh chu?" ka din na bulah chuan a rawn ding ve a,
"Tunah hi chuan zirtirtu leh naupang ang ni lo in, mipa leh hmeichhia angin in bia ila ka duh" ka tih chuan "A tha zawk daih" a lo ti sam mai a, a ngaih ang ngawt hi chuan a awlsam ka ringlo.



"Keimah atang hian eng nge I duh, chiang deuhin sawi rawh" ka zawhna vang chuan a nui hawk a, "Reuben?" ka tih leh tak ah chuan a aw thian kharh kharhin "I hre reng a ni lawm ni, ka en dan che, ka biak dan che, hmeichhia ang tak in ka en che asin Sarah, mahse I hre duhlo a, kha mihring laktlak loh zet Malsawmhlua kha thlangin... " a nui ro hawk a, keipawh ka nui tawi tak.




"Ka hrethiam e, mahse Reuben, Mama nen chuan lo in then ta pawh ni ila tuna ka en dan che hi chu a ngai reng ang,,, I hria em? Zirtirtu ah ka ngai lo che a, mipa angah ka ngai bawk lo che, nangni ang hi chu in tenawm lutuk a, in nihna hi sawi dan tur mai pawh ka hrelo"


"Ngawi rawh"

Nichin lawka a nui hmel te chu len bo ang diak a ni tawh a, min ei daih ang tih hlauhawm khawpin a khabe ruh kual te chu a pawng tawlh tawlh bawk a,

"Engpawh nise min lo beisei ve duh tawhlo law law la, engtikah mah ka duh ve dawn chuanglo che" tiin ka siai zauh a, ka kalsan ta nal nal bawk.



Nilengin ka thiante hmel ka hmulo a, an tel lo a nileng hun hman chu rei ka ti, college banah ka pa chu nghak khawmuang lovin bus ah ka chuang ve nghal a, kan veng lam chu ke a ka kal avangin Mama in lam atangin ka haw a, ka rin ang chiahin midang ho pawh chu an lo awm vek.





Min hnuh rual chuan an tho suau a, "Changtunu a lo thleng" Tata-a chuan ti hluaiin midangho chu kawngkharpui lamah a nam phei dawt dawt hlawm a, Puia chuan ka darah rawn beng thakin hmel hmuh nuam deuh hian min en a, Rosangkima chu a ni leh ni lo angin a ngawi reng, Gideon-an hriatthiam harsa zet hian min melh bawk a, Tata-a leh James chuan ka mitah tak min en ve duhlo.




An kalliam vek hnu chuan a thutna bulah ka thu thla ve a, "Eng nge I an?" ti sepin a chal chu ka dehsak a, "Ka tha lutuk" tih pahin ka kut chu ka dah sawn!



"Mam?"

"Ka hria alawm, zingah I pa a lo kal a" a ti sup a, a awri chu ka ngaihbel nge a ti deuh tiak hian ka hria a, "Englo..ka.. "


"Bawihi"
A nui a, "Ka hrethiam vek alawm, ka lo nghak ang che" a ti a, "I ti tak tak em?" tiin a mitah tak chuan ka en"Imm ka nghak ang che, ka dam chhungin" ka chalah a hmui a rawn anwr zui tawk a, "Ka tihlalh" ka tih chuan rum nghutin "I thiamloh a awmlo, tun atang chuan I zirlaiah chauh I rilru pe ang che" a ti a, ka phone rawn ri avang chuan ka inla hrang hlek a, "Ka pa" ka tisep a, "Haw tawh rawh, a tlai tawh" tiin amah zawk chu a tho vut a, kawngkhar thleng min thlah a, ka thleng tep tawh tho tiin ka pa call pawh chu ka chhang duh talo.









Hun a liam ve zel a, ka zirlaiah ka theihtawp chu chhuah ve bawk mah ila a harsa lam mah a ni, ka thiante ka ngai a, chutih rualin ka hmu khat em em thung.




Mama nen pawh in be ve reng mah ila kan in hmu khat a, a chang phei chuan ka ngaihte a tha lo lek lek thin!




A hma angin ka tawng zawt zawt tawhlo a, thil tullo sawiin ka titi vak vak duh tawhlo bawk. Ka nu leh pate tana fanu tha leh chhuanawm ber nih chiah hi ka tum rih.




"U Sarah,, saw saw U Mama a ni em?" Angaihi kawhna lam chu ka hawi vat a, restaurant a Malsawmhlua leh hmeichhe pakhat lo thu dun te chu ka en ta reng, an hlim dunin an innel hmel viai a, hmeichhia lah chu a hmeltha em em bawk.




"A bialnu thar a mawn le, in la inthen bawk silo" Angaihi bawk chuan a ti leh a, ka nui lui hak ringawt. Angaihi hi kan veng ami tho a ni a, pawl 11 chauh la ni mahse kan in rualpui kawm ve nawk nawk zel.






"I in lei zawh tawh chuan haw tawh mai ila" ka ti a, min en dan chu ka sawi thiam chiahlo, "U Sarah?" ka mitko ka lo san ak a, "U Mama bula hmeichhia saw tunge tih I hrechiang chak ve lo em ni?" tia a zawhna chu "Chak tehreng" ka lo ti vat.




Kan pahnih chuan kan nui dun leh ar ar phawt a, "Tihdan ka hria, lo kal rawh" tih pahin a thil lei ho chu ka scooty hmaah a dah a, an awmna restaurant lamah chuan min kai phei zui dawr dawr.



"Mahse Angaih, a chiloh ang" tiin tang ve tung mah ila min pawt lui zel a, restaurant kan lut chiah chu Malsawmhlua mit ka mit a in tawng fu nghal chat!





Angaihi lah chuan an dawhkan lam chu min panpui zel a, an hmaah tak chuan kan ding vung tawh.




"Nula?"
Hepa hian Nula tia min koh lohna chin pawh ka hre tawhlo, "Amm aw, englo kan bazaar a" bah niai hian ka ti nawk nawk a, Angaihi lo nui hak chu a nakah ka nghawk sawk bawk.





Malsawmhlua chu a bu nghut ringawt a, "Tunge?" tiin a hmaa hmeichhia chu ka melh zawk, Angaihi'n min hruai ta sa sa, engmah hriat belh lo va let leh nghal te chu ka duh teuhlo.




"Dr. Tluangtluangi, ka thiannu kha" a lo ti sup a, "E chuan Tluang, Sarahi anih hi, kan veng pastor fanu hmeltha" a tih zawk sat a, ka nui, min sawi dan avang chuan hamhaih lutuk vangin ka nui vak vak ringawt a, mite chuan mawl min ti ngawtin ka ring.




"Eng doctor nge?" Angaihi chuan zangkhai hmel zet hian a lo ti ve a, "Medical" tiin anih na chu amah ngei chuan a rawn sawi.





"Englo ania maw Doctor, Malsawmhlua nen hi chuan kan in kawm nasa ve thei lutuk a, chuvangin kan lo zawk ve cheu i remti em ang chu maw" ka benga ka sam zeh that pah chuan ka ti zat zat a, "Thei tehreng e" a tih rual chuan ka hmaa chair chu ka pawt chhuak a, ka thut fel thlap hnuah Angaihi chu ka ep chiaha thu ve tur chuan ka mitmei nghal bawk a.

A thiannu pawh lo nise, an pahnih chauh hi chuan ka thlahfal phal teuhlo mai, ka theih chhung chu ka tibuai dawn!





Kan doctor nu chuan belhchian a dawl fu reuh a, lehkha thiam tih tak ah a polite in sawi tur pawh a hre zek, ka pawi chu sawi hauhlo mah se ka ngaina miahlo thung, nilo, ka bialpa, keima Malsawmhlua a lo chhuahpui vang hrim hrim hian ka pawi chu a sawi!




Tluangtluangi bathroom a a kal velah Angaihi chu ka mitmei zauh a, hrethiam tak in chhuanlam siam chung chuan min thawhsan ve nghal a.




"Chuan?"
Dawhkanah a kiu nghatin min en run a, "ka... Hmeichhe dang I lo chhuahpui vang vek anih hi" tiin cho zet hian ka chhanglet a, dar kan akin a hmui hnuai chu a liak huh zauh a, "Ka tisual viau ami?" anih chuan "Malsawmhlu" ka ti tuar!




"I sual lutuk aw" ti leh sapin ka thaw chhuak hak a, "Enteh Bawihi rilru tih nat emaw, I thin tih rim ka duhlo, kan awm dan hi kan sawifel a ngaiin ka hria" a ti ve sup a, a sawi dik, kan pahnih inkar hian sawi fel chu a mamawh khawp mai.





"Sawi rawh" ka ti ringawt chu a nuihzat viau a, "Keichuan ka nghak thei che ka tih kha, I zirlai hi in ngaihzawnna in chiahpiahlo se ka duh, chuvangin in biak emaw, in hmuh fo loh hi a tha rih zawk, I hrethiam em?" a ti sup sup a, "Min then tak tak dawn maw?" ka tih chuan nui ri sukin "Kawng dang a awm lo" a ti anih chu!

Ka mit deuh sulh a, sawi tur pawh ka hrelo, Tluangtluangi a rawn let tak avangin thil dang han sawi belh viau pawh a rem tawhlo a, Angaihi'n haw tur in min rawn sawm ve ta bawk nen mumallo deuha mangtha in kan in zui chhuak leh a.




Ka awmdan chu ka hrethiam chiahlo, ka lungphu a rang a, ka thin chu eng emaw in a hnawh phui tlat ang mai hian a tawt up up a, a na ngut ngut bawk.


In duhloh vanga in then pawh kan nilo a, ka zirlai vang chauh a ni tiin in hnem han tum ve bawk mah ila a harsa lutuk.


Sawi chhuah thiamloh natna ka chhung rilah hian a awm a, chu chu lunglenna in a bawhthuah nghal zat bawk a.

Tuk tina min rawn morning thin Tu khan a ti tawh dawnlo tih ka ngaihtuah ringawt te chuan hrehawm ka ti a, be hauhlo chuan ka awm ve thei mai ang mahse, ka biakloh chang pawha thlamuang taka min awm tir thin Tu, kan pahnih inzawmna kha kan tih tawp miau chuan, umm, kan in biak tlem deuh chang pawhin ka bialpa a la nih na khan ka in hnem thin a, mahse tunah chuan a dang tawh, Malsawmhlua chu 'ka ta' ka ti thei rih tawh dawnlo!





Angaihi ka thlah fel hnu chuan in ah haw in ka nu eirawng bawl ka pui nghal a, ka pa'n tlai lamah a thian hluite chhungkua chaw eia a sawm avangin eirawngbawl pawh a hautak ve deuh.




"Rapui" ka pa min kohna lamah chuan ka tlan phei vat a, Shillong lama a thian hlui te chu rawn thleng tawhin kawngkhar pui atanga rawn lut mek ka hmuh rual chuan khap lek lo hian ka lo en a, Dr. Tluangtluangi'n min han hmu ve chu a ni pawh a hamhaih ve hmel tho mai.



"Ehe Sarah, nangmahni elaw?" tih pahin min rawn pa'n nghal zat a, ka pa chuan ka lo in hre sa chu mak a tih thu a sawi a, Tluangtluangi chuan chhun lama kan in hmuh dan chu hrilhin an bula ding chung chuan ka lo ngawi reng a.



Ka pa'n Malsawmhlua te awmna ah ka kal tih a hria chu hrehawm ka ti ru viau a, mahse engmah a sawi zawmloh avangin in sawifiah pawh ka tum chuang biklo.


Tluangtluangi nu leh pa leh nuta te nen zanriah chu kan kil ho a, ka mihring ngainat lohte ka pa'n chawhlui kil pui tura a sawm thei lutuk te chu mak ka ti letling zawk hial tawh!



Ruah a sur nasat avangin an haw mai lo a, keini ho chu ka pindan ah lo in kawm nel tura min hrilhin naupang ang maiin min khung khawm a, Tluangtluangi nau Samsona chu ka study table ah thu in game a khel mawlh mawlh a, a tawng tam hmello ve khawp mai.




Hmeichhe pahnih chu khumah kan thu dun ran a, a tawng loh chuan sawi tur ka hre biklo.


"Chuan college I kal maw Sarah?" a tih chuan ka bu deuh nghat a, "College life hi chu a nuam ve e tiraw" ti leh hapin a nui a, "Nuam ve tho" ka ti leh ringawt, diktak chuan han biak nel luam hi ka chak thlawtlo a ni.




"E chuan, Mama nen khan engtinnge in in hriat a? Ka zawh chhan che chu a tawng tam vak bawk silo a" a ti leh a, zawhna a ngah lutuk chu ning viau mah ila Malsawmhlua chungchang anih avang chuan tha deuhin ka chhang ve tho a, "Ka bulah chuan a tawng tlemlo" ka ti kher bawk.




"In in nei viau tih ka hre mai, a chhan chu Malsawmhlua hi a nel leh nelloh te bulah a mizia a hrang hlak tih ka hre chiang lutuk" a ti a, a in ti hrechiang hmel lutuk chuan thil dang hriat belh min ti chak a, "Anih nang, engtinnge in in hriat?"Tiin engmah hrelo angin ka zawt leh a, " A rei tawh, kan tetlaiin kan Inkawm thin a, kei aiin kum thim laiin a naupang a, mahse min û chuanglo" tiin a chanchin chu sawi nuam tih hmel zet hian a nui leh a, "Chuan, thian tha tak in ni maw?" ka ti leh a, "Chu ai pawh Chuan a nasa mai thei" a tih leh takah Chuan sawi tur hrelo in ka ngawi ta reng.



Doctor thil sawi tawi te chuan ka thin a ti na leh ngut ngut tawh a, he hmeichhia, a thian anga in sawi hian ka hmangaih hi a lo duh ve anih vaih zawngin....



Ka thaw chhuak hawk a, doctor nu nen Chuan ka in tehkhin lo theilo. Kei aiin an in hriatna a rei tawh a, mimal nunah pawh keichu ka tlinglo nasa, a hmingin Pastor fanu ka ni ve mai a, ka hmeltha lo a, ka felna han sawi tur a vang bawk si, chumai bakah lehkha tha zawka ka zir theih nan ka ngaihzawng leh ka thiante thlah tir ka ngai hial bawk a...
Chutiang taka ka tlinloh lai in Tluangtluangi chu Doctor ani tawh a, a hmeltha in a nungchang te pawh a mawi a, a ni nena ka inteh Chuan keichu ka te rawk rawk a ni ber e.



Kan ngaiwh deuh reng hnu Chuan a phone a rawn ri a, "A..kan sawi vang kha niang min lo call" tiin nui sang hian min rawn en a, call chu chhangin "Aw Mam?" a ti nung sarh a, eng nge an sawi tih hriat tum zetin ka lo en run thung!






End of chapter-14

A hnuaia ads hi vawi khat min click sak zeuh rawh aw🤍


Show post links
Top

[Ngaia]

MALSAWMHLUA



Chapter-15
By RuatiRenthlei




"I ti tak tak ami? Mahse naktuk chu damdawiin kal ka ngai dawn a, khaw thim hma Chuan ka lo kal hmanlo ang" a ti a, a tawng ring lo na in a thil sawi te Chuan ka pindan chhung chu a ti khawk rum rum ni ber hian ka hria!



An in biak zawh hnu pawh Chuan mi â ang mai hian ka la thu khawng reng a, "Enteh Sarah, naktuk tlaiah chaw ei tur in min sawm asin, Nu Tetei te an lo zin dawn a, awi ka phir tawh e, ka hmu chak tawh hlawm lutuk" ati chul a, ka lo nui tawi tak ringawt.




Ka nu'n min rawn koh tak ah Chuan thaw deuh hliai chungin ka chhuak a, ka pa te Chuan Tluangtluangi nena inkawm ngeih viau tur ah min ngai anih ka ring, min fiam zuk zuk reng a, an haw hnu Chuan sofa ah thu dawtin ka thaw chhuak ham ham.




"Saihluna chu fa pawh a neih fel viau kha mawle, an puitling em em lehnghal a" ka pa Chuan min sawi chhan ni awm tak hian ka bula rawn thu pahin a rawn ti a, "Amah ang rual kha chu ni ve tawh ila hna tha deuh ka nei ve tawh tho ang" ka lo ti ve kher.


Malsawmhlua aiin kum 3 a a upat Chuan kei aiin kum 6 in a upa dawn tihna a nia, tun atanga kum 6 hi chu liam leh se eng emaw tal chu ka ni ve awm hrim hrim.




"Ni e eng emaw tak te chu I la ni ve ang chu, I nih tum lah chu I sawi duh mang silo, ni ngei ngei tur khan han bei fat fat phawt mai la" a ti leh a, ka nih tum leh nih duh hi Tu hnenah mah ka sawi ngailo, min zawh pawhin 'a hun ah Chuan in hre ve mai ang' ka ti ringawt zel a, a chhan chu sawi tur ka hriat loh vang a ni. Lehkha thiam thei lutuk ka nilo a, talent ka nei bawk silo, tihian BA hi han zo ve phawt ila, dam te Chuan ka thawh awm tawk chu a la awm ve em em ang.




Nu Tetei te an lo zin dawn tih ka rilru a hre reng chung Chuan ka mu a, college banah pawh an in lam atang ka haw leh.



Ka rin ang chiahin kawng sirah Chuan motor a lo ding a, Tu te ta nge tih hre chiang chiah lo mah ila Pa Peka te ta anih ngei chu ka ring.


Ka scooty chu hung tha in ka chhuk zet tawh naa, an ina zuk luh ve tawp chu ka hreh leh deuh avangin step bulah Chuan ka ding reng a, ka kal ang nge kallo ang tih ka in ngaihtuah lai tak Chuan Mama nau Nutei chu a rawn chhuak thut a,

"Ehe U Sarah, I lo kal elaw?" tiin amah zawk chu ka bulah a rawn tlan chho nghal a, "A... Aw, college kan bang chiah a" ka ti a, "Lo lut tawh, ka nu te pawhin an hmu chak ang che" tih paha ka kut rawn vuanin min kalpui mai a tum a, mahse ka lo tang ve lat.


"Aih Nute, ka hmanhmawh a, nidangah ka lo leng zawk ang" ka ti deuh tlat a, a u nen hetiang kan nih hnua pan hmasa Tu nih chu ka hreh ve deuh a tin ni.



"Aw a rei dawn hleinem, I lo lut ve lawk anga" a ti leh a, mahse ka tang lui ve tlat thung."Nidangah ka lo leng zawk ang, Chuan maw Nute,min hmuh thu hi I chhungte hrilh rih suh aw, I u pawh " ka ti a, chik zeta min en chung hian "Ka u nen in in hau ami?" a ti a, lu thingin ka nui hak a.



"I hmel atang khan ka hrethian vek, hashhhh Malsawmhlua mai mai chu aw,, lo nghak lawk rawh keiman ka'n hau ve ange" tih paha kal mai a tum chu ka lo pawt let nawk a, "A chiloh, nakinah ka hrilh vek zawk ang che, I u chu engmah hrilh rih suh aw" tiin ngen tak te hian ka ngen a, "Aw ah, nangberin I tih te Chuan, mahse nakin ah min hrilh vek ang che" thupe aw zeta a tih Chuan ka nui sak a, lu ka bu leh nghut.



"Lut tawh rawh, nakinah kan in hmu dawn nia" tiin ka mangtha a, Angaihi ang rual vel tho anih avangin a ni pawh hi a titi pui tlak fu ang, a.... Kawng tam tak ah Chuan kei aiin an puitling daih zawk bawk ang.



In ka thlen hnuah Nutei no. ka dil ta lo chu pawi ka ti leh hnuhnawh viau a, in hmuh leh hun tur sawi a buaithlak dawn bakah kha Dr. Tluangtluangi kha zanin ah a kal ngei awm si a, engkim hriat ve chakna Chuan min tur ut ut a, ka za zek zek a ni ber!



Malsawmhlua ve thung hi chu college a kal khat a, ka pa'n thil awmdan a hrilh atang leh kan pahnih inkar in mu leh mal a neih loh atang phei kha Chuan college a kalloh hi a tam zawk mah ang.



Midang ho pawh ka hmu khat a, ka ngaiin an bula awm ka la chak ngawih ngawih, kan thianho group pawh a reh rei tawh viau a, tuman kan chhuahsan lo na in awm lo ang mai a ni tawh. Ka belo a, an ni pawhin min be lo bawk a, min huatloh thu sawi mah se ka awih chuanglo, ka pa'n engtinnge an bulah a sawi ka hre ve lo a, min hua a nih pawhin ka dem miah lo ang le...



Zanriah ei khamah ka nu leh pa te inkhawm tur in an chhuak a, nilai zan inkhawm hi chu ka ti hleithei meuhlo a ni. TV en pahin insuk chu ka thlep fel a, ka phone rawn ri chu ban vatin ka hriat loh number atang ni mah se ka chhang ta tho a,
"U Sarah"
Nutei aw ka hriat rual Chuan ka thaw chhuak ham ham mai, "Engnge ni ta?" tiin ka lo nuih let a, "Ka u hriatloh in I no. hi ka in thawn a, I hming a save dan I hre duh em?" a rawn ti nghal a, nui hak hak chung hian "Sawi la" ka lo ti sep.


"Nula a ti che a, a bulah zawhte lem a dah bawk" a tih chuan ka nui uar sauh a, "Ka hria alawm, keipawn tlangval tiin ka save a" ka tih ve Chuan a ni pawh a nui hak hak a.


"I lo leng phei hman angem?" a tih Chuan "Ka chhungte an awm lo a, ka van hmanlo" ka ti a, rang zet hian "Anih Chuan keimah zawk ka lo kal ang, in in awmna pawh ka hria" tih leh phone dah a rual a, ka nui leh ta ringawt.




Reilo teah kawngkhar chu a rawn kik dat dat a, ka va hawn Chuan Nutei chu a lo ni ngei bawk a, amah chauh ka hmuh avang Chuan thaw chhuak huai huaiin in chhungah ka luh pui a.



"U Tluangtluangi'n chaw a lo ei a, thleng ka sil zawh velah ka lo kal nghal anih hi" tiin sofa ah Chuan a thu thla dawt a, nghenchhan chu ngheng ar arin a thaw deuh ham ham.


"Inleng in neih te Chuan zan ina lo kal kher a ngai hleinem" ka lo ti a, "Ni tho a, mahse ka hrechak tawh bawk sia" tiin awmze nei zet hian min melh a, a va han chimawm reuh tak.



"Hriat tur vang pawh a awm chuanglo" ka tih Chuan awihlo hmel fe hian a hmui a tisawi nang a, "A awm chiang lutuk, ka u pawh a hmel a dang ruih alawm, a hlim lo hmel a, mahse U Tluangtluangi a awm hlauh a, nilo se Chuan a tum leh bur ang chu" a ti a.


"Eng.. Tumaw i sawi?" ka ti ban charh, "U Tluangtluangi, a thiannu ania, ka u ti nui thei tur sawi tur a hre em a nilo se Chuan a nui teuhlo" a ti leh a, a thil sawiin min tihnat zia chu a hrelo mai mai, hria se Chuan ka hriatah a sawi duh bikin ka ringlo.




"Chuan engnge in intih thiamloh chhan chu ni ta?" tiin min thut hnaih sauh sauh a, a zawng zawng Chuan hrilh ve vek lo mah ila hriatthiam theih tur Chuan ka sawi tho. Ka duh tawka ka sawi zawh hnu Chuan au deuh hliai pah hian "Harsatna a awn loh chu" a ti awlsam et a, "Eng nge awm zia?" ka tih chuan "In intha then a, ka lo nghak ang che a tih chuan a lo nghak ang che, ka u in dawt a sawi ngailo" a ti a, nih chu a ni ngre tak mai.


Mahse lunglenna in min la chiahpiah rih miau a, 'ka ring' ti mah ila thik na vang hian ka ringhlel lo theilo a, a nuna hmeichhe dang an lo lut ve hi hmangaihtu tan Chuan hmuh a hrehawm em a ni.





Tluangtluangi ka thik thu chu han sawi chhuah ve mai ka tum a, mahse ka theilo, Mama mai nilo in Nutei pawh hian a ngaina hmel em em si a, kei ina ka ngainat loh thu ka lo sawi ve ringawt Chuan kan inkar boruak a chhe zual mai mai ang.




A phone a rawn ri ve tleng tleng a, "Ka nu anih hi" tih pahin a chhang nghal bawk.
"Ka va haw phawt ang aw, karhnih chhung vel chu ka cham dawn a, inkawmna hun chu a la tam dawn lutuk" tiin a thutna atang Chuan a tho zui tharh a, veranda thleng ka zui chhuak.





"Ka u chu ka lo be ve hrim hrim anga, I awm nawm sawng sawng theihna tur thil te pawh min hrilh ve mai thei asin" tia nui ver verin min mangtha a, a kalliam hnuah ka lut ve chauh.




A chezia naupangchhia zet thin leh a puitling ru leh fu thin chu ka nuihpui ka nuihpui a, a awm chhung Chuan Doctor nu leh Malsawmhlua te chungchang pawh ka hre hnem thei deuh ang chu.




Mu pahin phone ka khawih a, Gideon hnen atanga message ka dawng chu mak ti viau mah ila a thu rawn sawi erawh a mak viau hran chuanglo a.




*I dam maw?* tih zawng
*Dam e, nang zawk* ka tih chuan *I tha em?* a rawn Ti let daih a, a ni pawh hi a zia a mak lutuk a, 99 deuha kawm hi an ngai emaw tih tur zawk hial an ni thin.


*Tha e, nang?* ka ti leh a, *Kan tha, lehkha kha zir tha la, thildangah I rilru pe suh ang che* thupek khauh zet ang mai hian a message chu ka chhiar a, min ngaihtuah tih ka hriat vang erawh Chuan ka nui vur vur thung.




*Ka ngai thei lutuk cheu a, college in kal khat hlawm bawk si* ka tih Chuan min reply lawk lova, rei vak lo ah "In in kawtah ka awm* a rawn ti a, *Eng nge I rawn tih?* tiin ka chhang let vat.




Ka pindan hi huan thlang lama awm anih avangin kawngpui lam chu a hmuh theihloh bur a, chhuah ruk dawn pawn kawngkhar pui zel a ngai thin.


*Engmah, rawn chhuah a ngailo* a rawn ti a, ka ner nang nang ringawt, chhuah ka tum tawp silo a. *Haw tawh rawh, a tlai tawh* ka tih Chuan *Ka pa nen kan in hau a* a ti a, Gideona hian a mimal chanchin emaw, a chhungkaw chanchin a sawi ri ngailo, mahse a rawn sawi chhuah tak ah Chuan kan sawi dun zel a, a chhungkaw chanchin a sawi lai Chuan a chat ah ka awm tawp a, a ni pawh chuti tho.




Thil zawng zawng min hrilh duh chu mak ka tih rualin ka lawm a, han hnem vak dan tur erawh ka hrelo hle. A pa eiruk avanga an chhungkaw mualpho na te chu pawi ka tih pui a, a nu leh pa te an inthen a vangpn a pa leh farnu te nen an khawsa ho a ni.



*Matetei hi awm lo se Chuan hmun hla takah ka kalbo tawh ang* a ti a, a farnu vang chauha la tuar hram hram a nih zia chu ka hriatthiam puiin ka khawngaih a, tih theih vak ka nei der bawk silo. Matetei chu a la naupang a, chhungkaw thil leh buaina engmah a la hrethiam ve lo. Tunah pawl 3 chauh a la ni a, a pa, sum hmuhna tur anih phawt Chuan engmah tih hreh neilo nena han kalsan ngawt chu a hreh ve ngangte pawh a ni ang.





*Engpawh nise haw phawt rawh, Matetei vang tal pawhin* ka ti a, a haw tur thu a sawi tak avangin ka mangtha ta rih a.




College ah Chuan Prof Reuben-an a a office ah min ko a, zirlai lam vang anih chu ring hauhlo mah ila min koh miau avangin ka kal ta tho. Ka hma zawna dawhkanah Chuan envelope a rawn theh thla a,,
"I thianpa lo pe ang che, principal lehkha" a tih Chuan envelope chu la kangin a kawma thu inziak chu ka chhiar a, Malsawmhlua lehkha tur leh nghal Prof Reuben-a ber kherin min pe chu mak ka ti viau.




"Tinge keimah kher?" ka tih Chuan "In in a in hnaih ber alawm" a lo ti mai a, thil dang a sawi belh loh avang Chuan mak ti deuh chungin ka chhuahsan a, college hnung lama ka an khum hrep atang kah Chuan hmelhriat loh ang mai kan ni tawh, chu erawh a lawmawm lam a ni ve thung a.




Gate ka chhuahsan dawn Chuan Tata-a leh Puia te ka hmu a, an lam pana ka kal chu min lo en ve reng, "In tha maw?" tiin ka nui sak a, Laltata-a chuan nui vur vur chungin "Awi kan nula neih chhun chu I inzir nasa lutuk a, I inzir cher rawk rawk mai alawm" a lo ti a, tha taka min lo be ve chu ka lawm viau mai.


"Midang hi an kallo vek ami?" ka tih Chuan Puia zawk Chuan "James chu a pu te khuaah a zin a, Rosangkima chu ka hrelo" a lo ti a, " Gideon ve thung?" ka ti leh chu dar a kan ak ringawt tawh,ka ngaihtuah rilru khawp mai.



"Class kan la nei sia, kan kal phawt ang aw mate, lo in enkawl tha la" Tiin Tata-a Chuan ka biang a rawn piai vak a, amah lah chu a nui tak ang awr awr bawk a.




Malsawmhlua lehkha tur keng vang chung Chuan ka scooty awmna lam ka pan a, an ina kalna chance tha tak anih avangin ka hlim rilru viau.




Kawngkhar lo in hawng sa chu ka kik karh karh tho a, Nu Tetei'n min rawn hmuh rual Chuan a rawn kal vat ah, "Sarahi chu I lo dam maw?" tiin min lo be leh luam a, sofa a lo thu ka hmuh rual Chuan ka nui tawp ve riai riai.




Malsawmhlua Chuan chik zet hian min lo en run a, min hmu chu a lawm nge lawmlo tih pawh ka hrethiam lo.




Pa Peka leh Nutei hmel chu ka hmu lo a, "I rawn lang har lutuk a, I thianpa lah chu a ngawi ngul mai bawk si" ti mawlh mawlhin choka lamah min luhsan leh nghal daih a, "Englo,,, I lehkha tur" tih pahin ka bag chu ka la thla a, "Thu ve phawt rawh" ti supin ka din na bula thutthleng chu a melh zawk a, "A... Aw Prof. Reuben-an pe tur che in min tia" tih pahin lehkha chu ka pe a, "Tu in maw?" ti nghutin a lehkha ken pawh en lo Chuan keimah zawk chu min en run a.



"Chiang deuhin ka hrilh tawh alawm, ka lakah eng rilru chhia mah a pu tawhlo" ka lo ti sep chu a bu nghut a, envelope chhunga lehkha a pawrh chhuah lai Chuan ka lo va bih ve daw daw a,


"Dik dek a che, lo kal rawh" tiin a thutna bula thutna ruak chu a beng thuk thuk a, ka va thut phei ve rual Chuan "In Professor Chuan thu lawmawm tak min thawn hauhlo ang" ati sup a, "chhiarla" ka lo ti ve leh.



Kan pahnih Chuan lehkha chu kan chhiar a, Mama chu class a kal thatloh thu leh suspend mai theih anih thu bakah remchang hmasa bera a nu leh pa te principal office a kal tura an hriattir na alo ni a, lehkha chu a hma zawna dawhkana theh thla pahin a nui ro hawk.





"Ihh,, englo"

"Nangmah vang a ni lo" ka dang awk lutuk vanga ka tawng hleihtheih loh lai Chuan a lo ti sup a, "Engmaw?" ka ti let haw thung.




Min rawn en a, za lo zeta then sakin ka tukkhum ah Chuan a rawn dawm a, ka chal ah Chuan rawn fawp zauhin "College ka kal rih loh chhan hi nangmah vang a ni lo" a ti leh sup.



"Anih Chuan tinge?" ka ti tham tiak a, kan pahnih inkar dikoh tak avanga kallo mai mai angah ka lo ngai a, anih si loh chuan a chhan dang rin tur ka hre lo.




"Lo kal rawh" tiin a thutna atang Chuan a tho a, pindan lama min hruai a tum chu Nu Tetei a lo awm ve bawk nen ka tang deuh tung a, mahse min hruai lut ta tho.




Khumah Chuan ka thu a, a thuamhnaw daha wardrobe a hai rawk rawk lai Chuan ngawi rengin a chetd an chu ka lo en a.

XrayPaper a rawn phawrh chhuah rual Chuan ka ding hluai a, a thil ken lai min pe pah Chuan "Ka kalah hian lungte a lo awm a, i hmu em? I hnar aiin a lian hret" tiin thlalak chu a kawk a, za lo deuh hian a nui pah hawk bawk.





"M.. Mahse tinge engmah min hrilh loh a" bah zet hian ka ti nawk nawk a, "Hrelo la ka duh vang" a lo ti sam et a, "Mahse tunah min hrilh leh tho sia" ka tih leh Chuan "I hriat a hun tawh aniang" a ti leh ringawt bawk si, he mihring mize maksak lutuk hi Chuan thin hi a ti rim tung zel.



"Chuan?" ka ti sep a, "Hlauhthawnna tur a awmlo, karleh ah min zai ang, chuvang Chuan ka chhungte pawh an lo chhuk anih hi" a ti a, "I tha em?" tiin a hmel dang bal chu ka en reng a, ka ngaihbel nge ka hrelo, a hmel a dang a, a mitkhur chu a hma aiin a thuk deuh bawk, a taksa erawh a hma angin a la nalh reng a, mahse ka ngaihtuah tak zet




"Ka tha, chutianga hlauhthawn awm pawh a ni chuanglo a, min zai zawh Chuan a dik leh vek mai ang" a ti a, han sawi mai tur ka hre ve tawhlo, diktak Chuan ka khawngaih a, amah chauha na a lo tuar tur ka ngaihtuah ringawt pawhin ka lo na ve a, ka in thiam lo ngawih ngawih bawk.





Ka tih ngaihna hrelo Chuan ka kuah ta ringawt a, min lo kuah let ve rual Chuan nghet leh zualin ka pawm bet a, ka hnar thip hlur atang Chuan ka mittui a hnai tih hria in tap miahlo tur in ka in sum ve tang tang.



"Ka dam leh dawn alawm,, I pasal ka nih hma Chuan thih ka tum reng reng lo" a ti sup a, ka tap chhuak tep tawh chu ka nui ta hak.







End of chapter-15

Zanin chu a tawi deuh... Zanin atang kan branch KTP in program kan neih avangin naktuk leh a tuk leh zan ah story ka dah thei dawnlo tih ka sawi lawk e aw,, dam chuan Saturday ah dah leh kan tum dawn nia,,, min han hrethiam leh hram hram teh u.. 🤍


Show post links
Top

[Ngaia]

"I bula awmchu ka duh lutuk a, mahse... " tiin ka sawi hreh deuh chu ka ngawi leh rih a, "Mahse?" lo ti ve in min en rana, midangho lah chuan engnge maw an hriat ni, Nu Tetei thleng chuan an ngawi thap a, Gideona chuan "Pu Jona-an haw harlo tur in min chah" a rawn ti sup a, Malsawmhlua mit chu Gideona ah ngawt chuan a fu a, "Mam.. Englo.. "

"Hepa hi in inah a awm ve thu sawi hauh suh" a lo ti nghut a, a awmdan leh tawngkam chu ka hrethiamlo hle.




"Mahse Gideona pa.. "

"Sarah" nem vaklo hian a rawn ti leh a, "I sawi tur chu ka hre vek, hei zat hi thian a neia, tinge nangmah kher a hrilh che" a ti a, an khuaa kan zin atang khan Gideon hi tha tak in a la be leh lo reng reng, a chhan lah chu tuman kan hre der bawk silo.





Hrilhhai ang reng deuhin Nu Tetei chu ka va melh a, a ni pawhin a hriatthiam loh hmel khawp mai.


Gideona chuan engmah ka thiamloh a awm loh thu chu han sawi ve bawk mahse Malsawmhlua chuan a ngai pawimawh hmello khawp mai. Dr. Tluangtluangi a lo thlen chuan "I va harh tawh hmel ve" a rawn ti nghal a, keichu melh pawh min melh lo in Nu Tetei hnenah chuan "Ka night dawn tho a, I duh chuan haw San rawh" a ti a, a thil sawi avanga chawp leh chilha ka thin rawn na zawk zawk chu ka duh lo hle.




Nu Tetei chuan "Ka riahpui hman tho alawm, I buai lutuk ang" a ti tak na in a buaithlak loh thu in a chhang tlat a, Tata-a ka va melh zawk chu a lo eilo hmel nasa leh tawh mai. Henu hian Malsawmhlua a duh ve tih ka hriat avangin min tih el a ni khawp ang.





"Haw tawh rawh u, mut hahdam rih ka duh" ti sup Tu chu en in "Mahse" ka ti hap a, keimah pawh min en tawhlo in a nu hnenah chuan "Tluangi a awm dawn tho chuan nangpawh haw ve rawh" a tih zawm zat bawk a, ka hrilhhai lutuk chu tih ngaihna hrelo in ka nui chhuak hak ringawt.




Mama ber a ngawih tak ngal avang chuan James chuan haw a rawt a, kan kal hma chuan rng emaw tak a sawi leh ka beisei nachungin a sawi tawhlo. A chhan pawh sawi lova kei leh Gideona laka a thinrim ringawt chu ka lungawi viau biklo.



"Nia haw ang, Matetei a ngaihtuah awm" ti ve hmakin Gideona Sarah chuan ka vuan a, "Lawmsangzual" ti hrawk ri avang chuan ka phu dawrh thei!




Ka hawi let leh chu mit sen rama min lo en tu nen chuan kan in hmachhawn leh sak a "Sawi dun tur kan nei ka ti lo em ni?" chang fahrana a tih chuan "Haw vek tur in min tih thung kha" ka lo ti ve thung.


A nui ro hawk a, "A tha, haw rawh u" a ti leh ang lawi a, a awm dan hi ka hrethiam hrep lo e.




Tawng tuma ka ang leh zuau tawh chu Tluangtluangi thil rawn sawi vang chuan ka chip leh a, Ni e haw phawt rawh u, mut hahdam a mamawh" a tih chuan Mama chu ka melh leh zawk a, hmalam ngawt a en thung.



Ngawi rengin ka chhuak a, damdawiin pawn ka thlen chuan na zet hian ka thaw chhuak hawk a, "I tha em?" ti supin Gideona chu ka bulah a rawn ding ve nghal a, ka bu ngut tak na in "Tinge a ngeihloh tak tlat che le" ka ti leh sep.



"I la hre mai ang" ti ringawta min chhan avang chuan amah chu melh zawkin "I hria ami?" ka ti a, min chhang tawhlo thung.




Scooty kan hunna lam pan chuan a kal nul nul a, a hnua ka zawh leh pawhin a sawi duh tlatlo.



Matetei chu ka nu malchungah a lo muhil a, Gideon chuan pindan lamah a sawn phei a, "Engnge a lo an a?" tia ka nu'n min zawh chuan "A tha a ni mai" ka ti ringawt a, "Tha si, I va ngui ve" tia min zawh leh pawh chuan ka thaw hak ringawt tawh, movie a thleng ni awm tak tak hi ka tawng chho zut ni ber hian ka hria ahh




Ka muhil thei lo a, lehkha chu zir peih vaklo chungin lehkha bu erawh ka inchhawp ve ran thung a, exam a hnaih tawh avangin a dawna tih vak ai chuan tum atanga lo zir lawk hi a finthlak zawkin ka ring, mahse a harsa ve thin khawp mai.








"Mama nau nula te kha a rawn kal a, lo tho ve tawh rawh Bawihi" ka nu chuan min rawn kai tho a, hmai pawh phih lemlo chuan ka tho chhuak a, Nutei chauh emaw ka tih laiin James nen an lo ni a, "Engnge ni ta? Zing kar karah" ka tih a, Gideona te unau pawh an lo tho tawh.




"Damdawiin ah kan kal dawn a, kan lo kawi zuai mai mai" Nutei chuan lo ti vatin Matetei chu a chhaih pah zuk zuk a, "I pa a awmlo ami?" tia James hawi kualvel chu nuih hakin "I ngai ami?" ka lo ti let daih a, "Biak lawk ka duh deuh" a tih chuan keipawh ka nui tawo ve riai riai, "Engah maw?" ka tih chuan "Hmeichhe hriat chiloh" a ti tlat a,bathroom atang ka pa a rawn chhuak ve chiah bawk.





"Ee James-a chu, kan va inhmu khat ve" tiin kan awmna lamah chuan a rawn kal a, James chuan "Nia" a lo ti ban charh a, "Lo kal teh Pu Jona, thil pawimawh deuh sawi dun ang" tih leh pah chuan pawn lamah a pawt chhuak zui dawt dawy a, Nutri nen chuan kan in en a, kan nui ta ringawt.




Gideona chu phone hmangin pindan lamah a la tawng thum bul bul reng a, ka nu choka lamah a awm daih bawk nen Nuteu nen chuan kan titi a, "Nizan vel kha ka nu in min hrilh a, tunlai chu ka u awmdan hi a mak ve hrim hrim, a thinchhe sia, hmanni ah pawh U Tluangtluangi a vin hrep" a ti a.


"A vin maw?" ka lo tih chuan bu nghatin "A lo kal zing lutuk a, I hna chauh ngaihtuah rawh tiin a hau hrep" a ti a, mak ka tih rualin a lawmawm tho ka ti!



"Englo ania maw Nute, I bula sawi chi anih leh nihloh chu ka hre chuanglo a, mahse Dr. Tluangtluangi hi ka ngaina vaklo, ka sawi awmzia chu I u hi a duh ve deuhin ka hria a" ka ti sep sep a, min chhang miahlo chuan min en deuh vang vang a, ka tawngsual ta emaw ka tih hnu ah,

"I hre diklo hleinem" a tih chuan mak ka ti hle ringawt, "U Tluangtluangi hian a duh thei lutuk, an tetlai chu ka hre ve vaklo a, mahse ka nu ten an sawi ve thin, ka U hi chuan ngaihzawng en in a enlo tih kan hrechiang a, I ngaih ti thalo duh suh" a tih leh zel phei chuan mak ka ti tawh khawp mai.





"Anih chuan I U pawhin a duh tih a hria maw?" ka ti hap a, dar kan ak in "Hrelo thei nang, a awmbo char char hnu ah tihian a rawn let a, ka U bawk anih hi a rawn hel leh" a ti a, za lo zet hian ka nui hawk ringawt tawh.


"Mahse lungngai miah suh U Sarah, ka awm chhung hi chuan a bem thlu teuhlo, bakah nangmah hi a duh che em a, keichu I lamah ka tang tlat dawn" a ti leh a, thla chu a ti muang ve sawng sawng thin khawm mai.




James leh ka pa chu an rawn inzui lut leh a, engtak chu sawi dun ni maw...


"Kan kal dawn em ni?" tiin Nutei chu a rawn sawn a, "Imm, kan kal phawt ang aw, chanchin ka rawn hrilh ang che" tiin min mangtha a, Gideon pawh pindan atang a rawn chhuak ve chiah bawk.




"I van tho hma awm ve a?" ka tih chuan "Matetei a tho hma a" a lo ti a, nui hakin "A mu hma em a" ka ti leh a, "Ka thian pakhat ka bia a, in luah tur chu min lo hmuhsak a ni awm e" a tih chuan ka pa in a lo bengkhawn rang khawp mai.


"Tu I thian nge ni a? A rin tlak meuh ang aw" a lo ti vat a, "Tlak ang, Matetei school kalna nen a in hnaih a, a that mai ka ring" a lo ti a, ka pa pawh a bu nghut.



Chaw ei khamah Matetei hruaiin Gideon nen chuan an inluah tur lam kan pan a, a zau vaklo na in an unau a an awm nan chuan a tawk viau mai. Kawngpui an a ni lo a, chu chu Gideon duh dan a ni bawk.

Luah man tur nena an in biak rem hnu ah an lo tuui hnum ve deuh anga, Thawhtan lamah chuan an in suan luh ve mai theih tur thu an sawi a, vawiin inrinni a ni a, Gideon chu inthlahrung deuh tawh mahse a that thu in ka lo chhang a, rei pawh awm lovin kan in khalh haw leh nghal a.







,,,,,


"Vawiin in exam tawpna ani tawh a, I thiam Kim loh pawhin chhan Kim hram dan ngaihtuah ang che, ka thiam I tizo vek a, I result a that loh vaih chuan ka thinrim viau dawn ania" ka pa chuan en pawh min en lo hian a ti mawlh mawlh a, "Ka thiam ti na na na" ka lo ti ve vat.


"Kar hmasa lamah I thiante vangin I zir mumallo a, I thiam pawh hi ka ringlo" a ti leh hram a, "Khami hma khan ka thiam vek tawh, bakah kar hmasa pawh a ni lo, a hmasa leh tawh zawk anih kha, ka thiante hi mawhpuh vek tum suh" ka ti leh tan tan bawk a.


"Ni chiah mai, Reubena rawn sawi avanga pawng rinloh ngawt tur pawh a nilo, ka thiam a tih te chuan a thiam em em ang" tiin ka nu'n ka thlavang a lo hauh a, ka pa pawh chuan engmah a sawi zui tawh lemlo na in ka insum zo lo chuan "In rin aia ka tih that chuan min khuahkhirh vak tawh suh ang cheu, mahni in control thei lo khawpa nuapangchhia ka ni tawhlo" ka ti leh hram a, min hauh let hrep hmain ka tlan chhuak nghal daih bawk.




Mama in zai atang khan kar hnih a liam leh tawh a, Gideona te unau pawh an in sawn chhuak tawh, kan la in be ve reng a, technical lamah pianpui thiamna a neih avangin office pakhatah hna a hmu a, amah leh a nau ringawt chu a chawm zo ve khawpin ka ring.



Malsawmhlua nen erawh mumal in kan la in be lo a, Nutei hnen atang erawh chanchin ka ngaihven ve reng thung.

A dam ve tawh viau a, a ngai te bawkin kan doctor nu chu an in lamah pawh a la inlan chhen tho ni awm tak a ni, vawiin ah exam kan zo anga, zanah ka pa'n a phal chuan an in ah ka kal ve tawh ang.




Be lo mah ila a tana tawngtai ka theihnghilh ngailo a, a taksa damna bakah a thlarau damna tur thlegin ka dil sak ve thin. Kan pahnih inkarin ngai a awh leh theih nan zan tin ka dil thin a, chumi siam tha tura chet la hmasa Tu nih chu ka hreh hauhlo bawk.




Exam chu kan tan a, ka thiam a rawn chhuak hnem ve phian mai, mahse ka zir miahloh pakhat a rawn chhuak a, ka pa sawi angin ka chhang tho, ka chhan dan erawh a awihawm loh viau mai thei a ni.




Gate bula ka din lai chuan Rosangkima leh hmeichhe pakhat hi ka din na lam panin an rawn kal a, "Enrawh Lawmsangzual, ka bialnu ngat anih hi" tiin hmeichhia chu a hnungzangah a beng ri dawm a, a melh nolo nasa mai.




"Awi tunge mahni bialnu te khatianga beng ngai" ka lo tih chuan "Keimah" a ti sam then a, amah bawk chuan "Ka duh duha ka sawi sak theihloh chu bialnu atan ka duh lo ka tia, chuti chung chuan min la duh tho alawm, tiraw bawihte" tih pahin a biang chu a piai sak leh zeuh a, hmeichhia chu a lo teu hlar tawh mai.



"I bialnu anihte chuan duat ve deuh ta che" ka lo ti hlak hlak a, engahmah a ngaih hmel chuanglo. Gate pawna an in kuah chhuak nghawng nghawng chu ka thlir reng a, bialnu neih kha a chak ve theih tehreng nen a hmuh chhun ve si, ka rin ai a duat lo.



Class a ka kawm thenkhat ten len chhuah an sawi tak na in ka tel ve duh ta lem lo a, scooty chuan ka in khalh haw a, ka pa'n zana len chhuah a phal theih nan inchhung sekrek chu keiman khawih vek ka duh.




Ka chhan that leh thatloh min lo zawh chuan "Pangai" ka ti ringawt a, inti fai hamsa lovin hmun te chu ka phiat fai a, ka nu'n eirawngbawl chu a hautak lo ti mah se chet ve sek ka duh avangin chawhmeh phuahchawp ka siam a, chaw ei hma chu choka ah ka awm a ni ber.




"Pa"
Ka nu nen an titi loh kar chu chuh in ka ti sep a, "Engnge?" a lo ti hmuk zui. Ka ner khum nang nang phawta, "Zanin chu Mama ka va kan ve dawn maw ni ka ti deuh a, ka la kan ve miahlo a" ka ti sep a, "Ni e kan pahnihin kan kan dawn nia" a lo tih chuan ka melh vak a, "Pa" ka ti deuh hlur bawk.



"Engnge?" a lo ti leh ringawt a, a nui duh bawk silo, a va han sual thiam tak. "I lo kal ve kher pawh a ngai chuanglo a" zawi deuh tak hian ka ti leh sep a, "Keipawhin ka kan ve duh tho alawm" a tih leh chuan ka tawng ve hmain ka nu'n "I ti khawngaihthlak mai mai" a lo ti hlak a, amah bawk chuan "Exam in zo tawh bawk a, I va kan ve dawn nia, I pa te chuan duh pawh nise a hmanlo hrim hrim, committee an ngai" a lo ti a, a fiamthu ve tih ka hriat chuan ka thaw deuh huai thei.




A dam tawh viau tih hre mah ila kan la in be tha vaklo bawk nen chhuanlam atan tiin eitur eng eng emaw ka leisak ve a, Pa Peka chu a haw tawh a, Nu Tetei leh Nutei erawhin an la awmpui thung a, anni pawh an haw chho ve tep tawhin ka ring.




An kawngkhar ka kik dawn chuan mahni tlawnga han luh chu ka hreh leh deuh avangin ka kut chu ka la thla leh rih thin a, Tata-a chu ka text ta ringawt, *Mama te inah in leng em?* ka ti a, min reply rang khawp mai, *Leng e, lo kal ve rawh* arawn tih chuan *Ka rawn lut zak* ka ti leh a, a seen rual chuan kawngkhar a rawn in hawng thut a, ka chal ka tauh ri zui chawrh bawk.




"Awi mate ka tihsual, a na em khawimaw ka lo enchhin" ti chulin Tata-a chuan ka lu a rawn dawn a, ka chal thip lutuk chu min ka chhing vak ringawt.




"Awi mate I van tauh na awm ve, I chal a ngalh vek" a tih leh chuan ka melh vak a, a hmui chu a chip zui hmak bawk.



Nu Tetei chuan "Engatinge? Ehe Sarahi chu, lo lut rawh u" a rawn ti zung zung a, ka chal dehna tur vur chu puan pan tea tuamin min rawn pe a, Puia'n min lo nuih tet tet a, Nu Teteu'n Tata-a a hau zui bawrh bawrh bawk.



"Fimkhur ve thin tur, kawngkhar te pawh hawn pawp loh tur, mite pawh an lo awm thei" a ti charh charh a.


Sofa a lo thu chu ka en reng a, a dam tawh tih hriat tak hian a vun pawh a eng vawk a, a hmel pawh a nung sar tawh mai, min lo en ve reng chu ka nuih sak a, a lo kiai ve suk mai.




A bulah chuan ka thu thla a, "Engnge I lo an?" ka tih chuan "Ka tha lutuk" a ti leh mai a, a that loh ber lai pawhin ka tha lutuk tih tawngkam hi chu a hmang ve ziah zel mai, ka bu deuh nghat a




Ka thil khai chu dawhkanah ka theh thla hlawm a, Sangkima leh a bialnu te kha an rawn lut ve chiah bawk.



"In vai khan hei hi ka bialnu chu anih hi" tih pahin a darah a kuah uai leh hnawk a, hepa hian a ti der lo reng reng, a dimlo tak tak.



Nu Tetei chuan a lo hahau leh nghal zat a, hmeichhe dim nachang hrelo mipa chu mipa nih an tlin loh thu te chuan a sermon khum hrep a, ka lo thlawp khawp mai.

Mipa, hmeichhia duh duha kut thlak ching ho hi ka hua,mipa thenkhat, mipa nih tak avanga chungnung bik riaua an han in ngai tlat thin te hi ka hua a, hmeichhe lu chu mipa tih ni mah se, chu mipa chuan a lu atan Krista a hman ve leh si loh chuan awmzia a awm chuanglo.




Kan inkawm hlim viau hlawm a, dar 8 bawrah kawngkhar chu a rawn in hawng a, Dr. Tluangtluangi chu a rawn pen lut a, kan lo en thap mai.



"In awm Kim vek a, a van tihzia tak" te chu a rawn ti lut lehnghal a, Nu Tetei chuan a lo be nghal luam a, Nutei nen erawh kan in melh ralh ralh thung.


Tata-a chuan "Henu hi ka millo" ka beng bulah a rawn ti sar sar reng a, ka lo buk khum leh nghut thin.




"Naktuk ka birthday ania, lo kal ve vek ru aw" tiin keimah tak chu min rawn melh a, "Nangpawh Sarah, exam in zawh te chuan ilo kal ve ka beisei ania" a tih zawm zat a.



Chutianga min sawm ta nafam chu ka hnial duh bik der lo, min lawmlo tih hre reng chungin "Tehreng e, lo kal ngei ka tum ang" ka ti ve hmak a.










End of chapter-16


Ka dah hun tura ka dah theihloh chang hian whatsApp group lamah kan inform mai zel a, in lo join ve duh tak in aw...
https://chat.whatsapp.com/J9Mq1ulA3Jx9klwcpJ4Ixd
Show post links
Top

[Ngaia]

Chapter-17
By RuatiRenthlei



Kan doctor nu lo thlen atang chuan engmah nuam ka ti tawhlo, Malsawmhlua lah a tawng tamlo bawk si, Sangkima leh a bialnu te chu an chhaih reng a, Puia'n "A hrim hrimin engtinnge hepa hi i duh theih zawk a Mary?" tia Sangkima bialnu a zawh chuan "Ka hre biklo" a lo ti hap ringawt a, hmangaihtu a tak tak tan lo chuan Rosangkima te ang hi chu ngaihzawn chi an nilo reng a ni!



A duhchhan han sawi dawn se, a hmeltha vunglo na in a hmelchhe lemlo a, a bak han fakna tur a neilo. A mawl ve em em ringawt a, lehkha zir a thatchhe bawk si, a mizia zawng zawng chu lo dahtha pawh ni ila, a bialnu a treat dan hrim hrim hi a diklo, innel leh in pawh tawn te chu a that rualin in ngaihzawnna ah chuan in ben leh in chum pawp pawp hi chhawm tel lo se ka duh ber.




"Sawi dun tur kan nei i tih kha" tiin ka bula thu chu ka melh chho ha a, "Midang awmloh hun ah" ka tih chuan nener deuh nangin "Min hrilh har awm e" ka ti hap a, nui ri sukin "Anih chuan pawnah chhuak ila" a rawn ti ve ta hram a, kan pahnih chauha kan awm theih hun ka nghakhlel tawh reng a ni. Thil an tisual viau anih loh chuan ka exam result a that ka beisei a, Mama nen kan inkar hian ngai a awh leh theih nan in biak ngei chu kan ngai hrim hrim.




Kan thutna atanga kan thawh dawn tak chuan ka phone a rawn ri a, Gideon hnen atanga call anih avang chuan Mama chu ka melh leh zawk a, keimah nilo in ka phone screen chu a lo en ve run mai.



"Chhang rawh" ti ni awm takin a mithmul chu a San ak a, nuam ti vaklo chung chuan ka chhang ta tho. Gideona aw nilo in Matetei aw ka hria chu mak ka ti kher mai, "Au Sarah" a rawn ti tiau a, a tap nia ka hriat avang chuan ka hlauthawng ang reng hle bawk.





"Matete, engatinge a?" ka ti a, inchhunga awm ho zawng mit chu keimah ah a fu le vek tawh. "Lo kal vat rawh, ka hlau" a rawn ti leh a, "Khawiah nge i u?" tia ka zawhna pawh chu line a chianloh avangin min chhanna ka hre hman tawhlo a, phone chu a in reject nghal hmak bawk.




"Engatinge?" ti sup Tu chu en in "Matetei ania, a tap a, eng emaw a thleng anih ka ring, ka kal nghal a ngai ang" ka ti bawk bawk a, Malsawmhlua nen kan inkar chu engpawh lo nise hmeichhe naupang hi ka ngaihthah ngawt theilo!




"Khawiah nge a u a awm?" a tih chuan "Ka hre lo" ka ti hap a, a thutna atanga ding vut pah chuan "Ka lo kal ve ang" a ti sup a, "Aih a chiloh,,, I... I la dam chiang bawk silo" ka lo ti a, ka thu sawi chu ngaipawimawh lo zetin banga a bike chabi inkhai chu a la a, mangang deuhin Nu Tetei chu ka va melh ta ringawt.



Mahse doctor nu zawk chuan "Ni e Mam, hmun hla a kal chi ila nilo" a lo ti a, chutiang bawkin Nu Tetei pawhin. Keimaha ka kal chu a remti dawnlo tih ka hriat chian avangin "James-an min kalpui zawk rawh se" ka ti a, a che pawh chu a tawp ve chat bawk.


"Keimaha ka kal I phalloh chuan James nen kan kal mai ang" ka ti nawn leha, James pawh a lo bu nghut. "Kan lo let harlo ang" ti supin a thianpa darah chuan a beng dat a, hmanhmawh deuhin kan inzui chhuak ta nghal.



"Khawi veng nge?" James zawhna chu mak ti deuh hian ka en reng ringawt a, "An insawn atang khan kan la in be mumallo a" amah bawkin a rawn tih leh chuan an veng awmna ka hrilh a, chak zetin min tlanpui ta nghal.



An veranda light chu a lo eng a, kawngkhar pawh kik lo chuan ka pawt hawng nghal a, Matetei chu ka ko a, bathroom kawngkhar bula Gideon ni khaw hreloa lo let reng lam chu kan pan nghal vat bawk.



Matetei chu pindan kawngkhar phenah a rawn dak a, pan hnai vatin ka awmah ka kuah bet a, "Engthil nge thleng a?" tia ka zawh chuan min chhanglo in a ngawi tlat a, a mittui lah chu a tla reng bawk si.


James chuan ambulance a call a, an rawn thlen velah damdawiin lam kan pan nghal a, "Bawihte min en la, a u hi tinge hetianga a awm chhan sawi rawh le" dam thei ang ber chuan ka ti leh a, Gideona dinhmun chu ngaihtuahawm anih loh rualin a la harh lo a, a taksa ah hliam hmuh tur a awm hauh bawk silo.




Matetei chuan "Phone ah mi a bia a, chuan a tlu a" a ti tiau a, min ti hrilhahi ang reng khawp mai. "Dar 10 a pel tawh Sarah" James chuan a rawn ti sup a, Gideon chu melh zawkin "A la harh silo a, a kalsan chi dawn ami?" ka tih chuan "Ka thlah cheu anga, zanin chu ka riahpui mai ang" a loti a, ka bu ta nghut.




In kan thlen chuan ka nu te chanchin ka han hrilh ve a, an ni pawh a thawng ve khawp mai. Matetei chu ka bulah ka mut tir a, tlai deuh tawh mah se Mama chu message ka thawn leh ta tho. *I thinrim ami?* ka ti a, a seen hma tehlul nen min reply lawk loh avang chuan *Thinrim lo la, Matetei vang tal pawh hian* ka va ti leh a, *James-an min hrilh vek tawh* a rawn ti ringawt a, *Chuan?* tih ngawt ka thawn leh.



*Mu tawh ang, naktuk zanah kan in hmu dawn nia* a rawn ti a, min be thlum lo ve thei khawp mai. Kan in mangtha hnu pawh chuan ka la meng reng a, a tlai tawh tehreng nen Tata-a message ka dawng leh nulh.



*Naktuk zan chu keiman ka chei ang che, birthday girl aia I chhiat loh a ngai* a rawn ti a,zanlai mah ni se ka nui che dat mai.




*Lutuk* tih ringawt ka thawn let a, *Ve che hian, inchei I thiamlo sia, Malsawmhlua phut zawkna tur khawpa nalhin ka chei dawn che* a rawn ti leh a, Tata-a hian inchei thiam a, thuamhnaw nalh vaklo pawh hi mawi deuhin a ha thei zel, chuvang chuan ka ring tawk a ni.



Zingah chuan ka mutthilh tlai ang aiin ka harh hma a, ka bula tui deuha lo muhil naupang te chu enin ka nui suk a, a chhungkua vanga harsatna a tawh zozai vang hian Pathian a la dem ve ngeiin ka ring mange...




Ka en reng lai chuan a rawn che tiam tiam a, fiah zetin a rawn meng ta nghal bawk. Ka lo nuih sak a, "Kan tho tawh dawn em ni?" ka tih chuan "Khawiah nge a u?" phak deuh hlek hian a lo ti thung a, James ka la be leh miahlo tih chu ka hrechhuak nghal a, "A u chu damdawiin ah a riak lawk a, nakinah kan kal ve dawn nia aw" ka tih chuan a lo bu ve nghauh a, khuum atang chuan tho chhuakin hmai te ka phih pui a, thingpui ka in tir lai chuan James ka call a, "Engnge in an?" ka tih chuan "Kan tha, a lo harh tawh a, chawhnu lamah chuan a chhuak thei ang" a rawn ti a, tukthuan ei kham law law a kal tura min tih avangin ka hnial ta biklo.




"Gideona chu a puitling kan han ti tak nain, hetiang ringawt a awm chu a dik berin ka hre ta lo, in kal hun ah a chhungte Tu emaw tal be tur in thu rawn ang che, Matetei a la naupang si a, 'ka chawm thei' ti mah se theihloh hun a la nei thei" ka pa chuan a ti charh charh a, ka bu ve nghut tak na in ka thu rawn tur chu a pawm duh pawh ka ring chuanglo.



Damdawiin kan kal hma chuan Malsawmhlua te inah kan lut kawi a, amah chauhin a lo awm nghe nghe, "I la thinrim em" ka ti deuh tawl a, lu thing nghutin "Zanah chuan i kal ve dawn tak tak maw?" a lo ti daih.


"Dawnlo ami?" ka lo ti thung a, a nui suk mai. "Kan doctor nu hi i ngaina vaklo tih Nutei'n min hrilh ania" a tih chuan ka zak ang reng hle.



"Khate chu,,, englo, a lo duh ve vang vek che anih kha" ka ti sep sep a, ka tawngzawi ang reng hle bawk.
Ka inthlahrun ve tehul nen "Keiin ka duh che" a lo ti thung!


Matetei bak midang an awm chuangloa tiin a hmuiah chuan ka fawh sak zeuh a, "Anih nang, I kal dawn em?" ka tih chuan a lu thing nghutin "Ka peihlo, i kal hma in lo lut kawi ang che" a ti a, kan boruak chuan hma a sawn viau in ka hria.



Lungawi deuhin Matetei kai chung chuan damdawiin lamah kan kal a, damdawiin kan thlen hma chuan James ka call hmasa ta phawt bawk a. Chaw ei tur a a haw thu sawiin Puia nen an lo kal leh tur thu a sawi hnu ah kan inbiak na chu kan ti tawp a, Matetei hnenah chuan "A u kha a damsam vaklo a, fel deuhin awm tur aw" ka ti sap a, thuawih deuhin a bu ve nghauh ngauh.




"I tho nuam em?" tiin eitur ka kensak ho chu ka dahtha sawk sawk a, a nau chu a lo ban vat thung.


"Ngaihven ka ngai reng mai hi min nainep em?" a thil sawi vang chuan ka thil tih lai chu ka chawl dat a, "Teuh nang aw,, thian vek kan nih hi" ka tih chuan tawi te hian a nui a, Matetei chuan a phone ah game a lo khel leh daih tawh.



"Anih chuan min hrilh teh, I nau sawi danin I tluk hma in phone ah mi I bia a, tiraw?" ka ti sup a, "Ka nu" a tih chuan ka meng phawk nasa.


"I nu in a lo bia che maw?" Ka tih chuan a hmui ah a kut zungchal nawr si in "Shh" a lo ti vat a, Matetei bawk chu a veng thawng leh tawh.



"Engnge a rawn sawi a?" zawi deuh taka ka tih chuan "Ka pa chanchin a lo hre ve a, a bula awm tur in min duh thu a rawn sawi" a ti a, a mah bawk chuan nui hakin "Hmanni khan pasal dang a nei a, putar sumdawng hausa zet mai, tunah chuan USA ah an awm" a ti leh a, za lo zet hian a nui pah hawk bawk, a nu chu a ngaihnep hmel hlual hluah hian ka hre mai!




"An bula awm mai chu I duh lo ami?" ka ti ta hram tho a, "Duhlo" A lo ti tawk!


"Heipawh hian a duh lo" Tiin a nau sam chu a chul sak heuh heuh a, "Tinge?" ka lo ti ban charh ringawt tawh.


Ka ngaih ve dan chuan Pa Johana in nghahna tlak a ni tawh chuanglo a, a nu in an bula awm tura a sawm anih chuan awm mai chu a pawi vakin ka ringlo,, mahse le, an chhungkaw chanchin ka hriatpui vek mang bawk silo a.



"Hna ka nei a, ka thawh theih chhung chuan midang ban ka tum lo, ka lo thi ta thut anih pawhin ka nu bula awm ai chuan I bula awm a duh daih zawk ang" tiin Matetei bawk chu a en leh a, chutianga a han sawi tak ah phei chuan ka pa'n thu rawn tura min chah ve te pawh kha sawiloh a finthlak zawkin ka hre tawh, ka sawi hlawhtlin pui chuanglo ang.



Chawhnu lamah Taxi in Puia leh James te nen Gideon te chu kan thlah a, Puia chu tawngduh leh nelawm tih tak ah Matetei nen pawh an in nel nghal khawp mai, James erawh ho ve viau thin mah se tunlai tak hi chu a inla puitling ve riau a, a thutak ve thei lutuk.



"In enkawl tha la, harsatna i neih chuan sawi hreh suh ang che" tiin kan pathum chuan Gideona chu kan din hual thap a, a lo bu nghut ringawt.



Matetei bulah chuan thu hniam in "Fel deuhin lo awm la, a u hi lo duat viau rawh aw, ka hman changin ka lo leng thin ang" Ka ti a, engmah sawi lovin min kuah a, min ngaina tih ka hriat avangin ka theihtawpa duat a, tanpui ve ka duh a ni.




"In pahnih hian Malsawmhlua leh Gideon te in ngeih loh chhan hi in hre ve em?" an dara kuah ve ve pahin Puia leh James te chu ka zawt a, Puia zawk chuan "Hman atangin an inngeih lutuk ngailo hrim hrim" a lo ti a, James chu melh leh in "Nang tal a hrilh che em?" ka ti leh a, a thian tha ber anih avangin eng emaw tal a hriat ka ring tlat a ni.




"Puia sawi ang kha ani mai" a ti duh lek a, kan in a min thlah thlap hnuah thenawma an thianpa te inah bawk chuan an lut kawi leh a.



Inchhung ka luh chuan Tata-a tawng ri ni awm tak ka hriat na lam chu ka pan nghal a, choka ah ka nu nen eirawngbawl pahin an lo nui nasa mai. Ka nu, nu zezawi leh zaidam lutuk pawh Latata-a hi chuan zahpuiawm khawpin a nuih tir tlawrh tlawrh thei zel!



"A va za awm uar uar ve" ka tih chuan an rawn hawi vat a, "Awi mate, engnge Lalgideona chu a an a?" Tata-a chuan a lo ti nghal puat puat a, "A tha lutuk, a hah ve deuh aniang" ka ti sep a, fridge chu hawngin tui vat chu ka in nghal khawlh khawlh bawk




"A tihzia anih chu, Matetei chu a harsa lemlo maw" ka nu chuan a lo ti ve a, "Umm a fel lutuk" ka ti leh hap a, Tata-a melh pah chuan "Engnge i rawn tih?" ka ti a, "Chaw ka lo ei dawn, zana ka hak tur pawh ka rawn keng sa vek" a ti leh zawt zawt a, "Zanah tihtur in nei em ni?" tia kan nu'n min zawh chuan U Tluangtluangi birthday lawm naa kal ve kan tum thu chu ka hrilh a, ka chhungte bulah hi chuan 'U Tluangtluangi' ka ti deuh kher zel, an ngaiha tha bik a.





An eirawngbawl pawh chu pui lem lovin ka in tifai nghal a, in hmun huana ka nu leh pa ten thlai an chin ve ang ang tui ka pek zawh hnuah chaw ei kan siam nghal a, ka pa chuan "Lo haw har lo ula, mi zinga in awm naah pawh in nungchang uluk reng ang che u" a ti dap dap a, "Thil pek tur te I lei ve em?" tia ka nu'n min zawh chuan "Ni tak, engmah ka ngaihtuah lo reng rneg" tiin Tata-a chu ka melh a, "A ho e,,, engmah a phut teuhlo, kan kalloh kha a hlau zawk dawn" a lo ti liam leh puat ringawt a, ngaina hauhlo mah ila engmah han kensak loh ngawt chu tih chia ka hriat loh avangin ka t shirt, vawi khat mah ka la hakloh chu ka phawrh chhuak a, lehkhachhia a tuamin paper bag ah ka khung a, Tata-a nen chuan kan in chei nghal char char.




Falkland ah daih an lawm dawn a, Puia te ho ruala kal mai tura kan in ngaih avangin kalna tur lam pawh kan lungkham lemlo.




Tata-a chuan keyhole top dum min hak tur a, flare pants off white min thlan chhuahsak nalh bawk,pheikhawk ah braid heels bun tura min tih chuan ka ner khum nang ringawt a, "A aia sang ka bun tur hma che in bun vat rawh, tun ang laiah te chuan mi hi an in chei nalh tawh, ani phei chu doctor a ni leh nghal a, thian changkang deuh deuh a ngah dawn ania" tiin min hau let erh a, ka Sam chu sang deuh hlek ah min bawk sak bawk.




Make up chuan min han chei chiam a tum tak na in, ka lo nei mumal vaklo bawk nen, thaw deuh hak pah hian "I hmai chu nangman chei rawh" a ti daih a, mahse ka lawm zawk, aman min chei chuan thlahrang ka ang leh dawn emai.



Simple deuhin ka hmai chu ka hnawih a, ka hmui pawh ka hnawih sen vaklo, a reh leh rang dawn hian ka hre lutuk a.

Kan chhuah dawn chuan uluk deuh hian min thlek kual leh a, "Kawrlum ka ha dawnlo ami?" ka tih chuan "Kha tak kha" a ti hluai a,ka blazer lei thar ber chu ka wardrobe atang a rawn khai chhuak leh nghal.



"Tikha chuan pastor fanu chhelo leh zahawm deuh i ang" tiin ka khuma ka bag chu a la a, darthlalanga vawi khat tal a in en leh ka rin tehreng nen a chhuak zui nul nul.


Malsawmhlua te in ah chuan kan in zui phei a, ka pheikhawk bun chuan ka awm a ti nuamlo leh vek tawh. Heels hi ka ta tura an siam a ni ve lo aniang, ka ngaina thei thlawtlo.



An lo awm Kim thaptawh a, Malsawmhlua chuan biak pawh min be lo hian min en ngur ringawtl. A bulah chuan kalin "Ka nalh lo ami?" ka ti sep a, "Ka duh ai I nalh" a lo tih chuan ka melh vak ringawt.


A bulah chuan min pawt thu a, ka veng bulah "Ka lo kal ve I phal em?" a rawn ti sup a, hrethiam lo zeta ka en chuan "I thik deuh birthday a ni sia" a ti leh kher a, a kiai zui suk bawk nen rum deuha melh pahin "Cake chu ka lo ei kep ang che, in ah hian lo awm mai mai rawh" ka ti hlak a, a nui suk.


A hmui hnuai chu liak huh zeuhin ka beng bulah a rawn thaw lum leh ham ham a, a nih tur baka ka lungphu phu rang ta lutuk vang chuan ka thaw chhuak hawk.



Kal an rawt tak hlawm avangin kan thutna atang chuan ka tho suau a, Nutei chuan ka banah min rawn kai nghal chat bawk.



Sangkima'n car a ken avangin a bialnu leh Tata-a te nen kan in hnawh lut ve ta daih a, Rosangkima chu rin ang chiahin engkimah a bialnu a rawn chhawm vek zel tak tak anih hi, kan thlechuanan an lo tam ve zek mai. Music bengchheng deuh an play ve lo a, mahse a ri ve riai riai reng tho.



Dr. Tluangtluangi chuan min rawn panin kan kal ve avang chuan lawmthu te a rawn sawi luam a, "Thilpek ho te" tiin ka thil khai lai chu ka pe a, a lo lawm thiam fu.



"Tak in, in thianpa Gideona pawh kha a lo kal asin" tiin keimah chu min rawn melh a, "I hai aniang, Gideona chu a damlo a" ka tih chuan nui chung hian "A dam tawh aniang, saw a lo kal alawm" tia a kawhna lam chu ka hawi vat a, kan lam pana Gideona lo phei mek chu ka hau hian kan lo en thup ringawt.




James chuan "A va mak ve" A lo ti halh a, kan din na bul a rawn thlen chuan nui sakin "Ka damlo ni lo in ka chau deuh ringawt" alo ti sup a, tuman zawhna zawt zui lo mah ila mak kan ti tlang tih chu kan hmelaha hriat vek tho in ka ring.




Nutei leh Tata-a chu an in zui chawt a, Malsawmhlua anglo tak in Nutei hi chuan tupawh a nel vek thei mai,, unau in ang lo ve tak chu an ni in ka hria. Keichu table kil ber ah chuan ka thu reng a, James chu ka bula rawn thu ve pahin
"Gideona awm dan hi mak I ti ve em?" a rawn ti sup a, ka lo bu ve nghut.




Nizanah amah vangin khati khawp khan a nau a mang ang a, zanin ah lem party naah a rawn kalsan leh mai mai sia, chupawh inzawmna hranpa a neih pui hauhloh hmeichhe birthday party ah lehnghal!



"Fimkhur ang che" a tih chuan amah chu en in "Engthil ah" ka lo ti haw a, "Sawilo tur in ka in veng viau naa, ka in veng zolo ni mai teh se, Gideon hian a duh che a, chu thil chu kan kawm ve hma che khan a sawi chhuak tawh, tichuan Mama nena an in ngeihloh chhan chu I hrethiam tawh em?" a ti ta mai a, "Mahse... Lawkin, i fiamthu tiraw?" zalo deuh hian ka nui chhuak hawk, ka awih theilo!




"Aih, ka fhiamthu lo, chuvangin fimkhur rawh, Gideon hi I duh ve te anih ngawtloh chuan hnaih lutuk lo ang che" a ti leh a, lam tura an rawn sawm nasat hlawm em avang chuan min thawhsan zui nghal mai bawk.




Engtia Gideon chu duh ve tura min ngai ringawt nge maw anih le...

Thaw chhuak hawkin music cool deuh deuh lam remtute chu ka thlir ta reng a,Malsawmhlua awm ve se ka ti takzet bawk.




Tu emaw khuh kharh kharh ri ka hriat chuan ka phu zawk, Gideona chu ka bul lawkah a lo ding reng tawh a, "A,, awlo thu ve rawh" ti hapin ka hawi kual nghal thuak a, James-a thusawi vang khan nuamlo ka ti ve ringawt bawk.




"Pawn lamah biak lawk che ka duh a" a tih chuan "Engvang?"Ka lot I hmanhmawh a, ka chhang rang leh lutuk chu a nui suk,

" Thil pawimawh, a reilo ang" a ti leh a, ka awm chu nuamlo mah se ka awm nawm lohna chhan ber hrechiang tur tal pawhin ka biak chu a ngai si a, ka thutna atang chuan ka tho tharh a, "Kal ila" tiin keimah zawk chu ka chhuak nghal nul nul bawk.





Motor kan dahna bula thing hmanga thutthleng an siam ah chuan ka thu a, ka bula rawn thu ve pah chuan a thaw chhuak ham ham.



"Englo, tinge I lo kal ve a? I damlo sia" ka tih chuan a nui ri suk ri ka hria a,"I kal dawn tihka hria a" a tih chuan ka nuu hak ringawt, amah bawk chuan "Hrilh tur che ka nei a, sawina hun a awm theih beiseiin ka lo kal anih hi" a tih leh chuan phawk deuh hian ka melh a, "Anih chuan sawi la" ka ti hap ringawt.






Zep leh thup then pawh tum hauhlo ni awm tak hian "Ka duh che" a ti ta tawl a, ka rinsa deuh tho ni mah se phawk zet hian ka melh ta nghek tho.

"Gideon?"
Ro zet hian ka nui chhuak hawlh a, a sawi tlang teh rawt lutuk chuan min ti hrilhhai letling vek zawk alawm le...



"Min duh ve tur in ka phut hauhlo che, mahse zep reng ai chuan ka... "

"I hrilh tawh a, a tawk mai em?" Gideon tawnglaia kan hnung lam atanga rawn ti tu vang chuan kan hawilet vat a, Malsawmhlua hian hetah eng nge a rawn tih!






End of chapter-17




(A story hi a thui vak tawh dawnlo aw.... )


Show post links
Top

[Ngaia]

MALSAWMHLUA




Chapter-18
By RuatiRenthlei




Ka thutna atanga ding hluai chung Chuan "Mam?" ka ti lawi deuh rât, ka hlauthawng hauhlo na in helai hmunah hian a hmel hmuh ka inring lo lutuk a, ka hamhaih nasa!




Ka ding pah hluai a, muangchangin kan din na bulah Chuan a rawn kal a, ka banrekah nghet deuha rawn vuanin , "I duh tih chu I zep thei ta nganglo a" tiin Gideona chu a melh chhuk run a, a,,, a mitmeng thim khup leh ami vawnna sa ham ham te hian ka lungphu a ti rang leh veng tawh!




Gideona nui ri suk vang Chuan ka mit ka chhing sawk a, a thutna atanga rawn ding ve pah Chuan "Ih e Sawmhlu, ngun tak in han ngaihtuah la Chuan he hmeichhia hi I phu loh zia I hrechiang hle ni tur" a thil sawi vang erawh Chuan ka mengchhuak leh rang hle thung a, Gideona hmel pawh chu a uanglo khawp mai.




Keimah vanga an thiandun inkar buai ta nuaih chu pawi ka ti a, han chinfel dan tur lah chu ka hre der bawk silo.




Ka banrek a vawnna a tih ngheh salh rual Chuan Malsawmhlua chu ka melh chho ha a, chik hnel zet hian min lo en run mai. Ka hlauthawng hmel chu a hmu thiam a ni ngei ang a hmel landan chu a dam nghal thluam a, tawi te hian min nuih ta suk bawk.





"Kei ina ka phuloh hmeichhia chu phu bik tur ah i inngai em ni Bawiha" keimah ngawt min la en reng chung Chuan Gideona chu a ti let nek a, ka tum vang ni hauhlo in ka lo nui suk!



Gideona a tawng tak lawk loh vang nge amah bawk Chuan "Sarah Lawmsangzuali hi keima tan chauh a nula dawn, nula anih tawhloh chuan ka nupui a ni tawh tihna a ni ang" uang ang reng tak hian a ti leh a, hall lam pan Chuan min kai nghal nul nul bawk.





"Englo... Hetah hian eng nge I lo.. " ka sawi zo hmanlo, music ri an tih tawp rual chuan party naa awmte mit chu keimahni ah a fu nghal thap a, chutihrualin kan thiante leb Dr. Tluangtluangi hmrlah erawh mak tihna ka hnu hauhlo thung.





Cake an hunna dawhsan lam min panpui chuan ka lo tang deuh tung a, mahse min kai lui ta tho.



"Engatinge hetah min hruai a?" tawng ring ngam silo in sehchilh zet hian ka ti a, a nui hmel te hlei hlei chuan min ti hrilh hai leh zual.




"In zavaiin chibai ule, in hun tlem han pawh pen sak lawk che u ka duh a, ka thiannu birthday pual hian eng emaw sawi ka duh a" Tiin min rawn en a, a hmel landan dam thluam leh a mitmenga hahdamna tam tak awm vang chuan ka thla a muang huai huau thei tho nia!




Ka kut chu nghet lehzual hian a vuan a, "Sarahi hi ka bialnu a ni tihchu in hre vekin ka ring a, mahse chu ringawt chuan a hmelthatna leh duhawmna a tih bo loh avangin lo duh ve tu midang an awm bawk thin si a" ring ang reng taka a tih leh chuan an lo nui huah huah hlawm a, ka zak lutuk chu ka sa huam huam a, ka alh lo chauh ni ber hian ka hria.




Na zet hian ka kut chu ka hum ruh vak a, min thlah duh chuang bawk silo, amah bawk chuan "Birthday girl hian rem a ti anih chuan... " tiin Dr. Tluangtluangi chu a va melh a, ngainat awm zeta a lo nui ka hnuh chuan mak ka ti lutuk ringawt, a lu a buk nghat hnuah Malsawmhlua chuan ka kut pahnih chu a rawn vuan a, in hmachhawn zawng chuan min dinchilh ran mai.




"Engnge tih i tum a?" zawi te tak taka ka ti sep chu a hrelo der hmak a, a kekawr ipte atang chuan zungbun a rawn phawrh a, ka hmaa a thingthit rual chuan phawk zet hian ka melh vak ringawt.

Midang kut beng ri leh authawm te chu hla deuha awm ang mai hian ka hria, ka bing mup mup a, nuam ka ti em em tho bawk si, hetiang thil romantic lutuk tawng tur hi chuan ka la naupang mah mah tih ka hria, mahse... ka nui chhuak hak a,
"Ka nupui hual ni tur in ka sawm che a ni Sarah, I pawm thei angem?" thuk ruih a ti suptu chu ka en reng a, 'nupui hual' tiin ka phun ri ve sep bawk.




"Mahse.. "
Ka ti a, ka nui leh ringawt thin, kum 19 chauh ka la ni a, pasal hual nei tur chuan ka la naupang lutuk, mahse hepa min sawmna hi ka hnar phal chuang bawk silo a, ka nu leh pate ka ngaihtuah chhuak thuai a, engtinnge min ngaih ang ka hrelo, ka ngaihtuah thiam hauhlo bawk.





Ka ngawih reng lai chuan "Chhang te che ka fanu" tih rawn rik chhuahna lam chu ka hawi vat a, kawngkhar atanga ka pa rawn pen lut mek ka hmuh chuan ka tlu tawp lo chauh tawh, a hnungah ka nu leh Nu Tetei te an rawn lang ve leh bawk a.



Ka pa chu a rawn kal hnai leh deuh a, "Nupui hual a tih kha aw Bawihte, duhthlanna i ta a ni e" a rawn ti leh charh a, A tawngkam te lah chu a dam thluam mai bawk si.



Ka hmaa thingthi reng mipa chu ka en leh a, ni e, 'Nupui hual' a tih kha, Malsawmhlua hian 'ka nghak thei ang che' min ti a, engchena rei pawh min nghah ngai dawn se min nghak ngei ngei ang tih ka chiang!



Ka thaw chhuak hawhawk a, tawngkaa chhang ta mai lovin ka bu nghauh nghauh a, "Ka,,, ka duh e" ka ti sap, zungbun chu ka kut zung laiah a nawr lut a, nghet zetin a taksa ah chuan min kuah bet nghal hlu hlu bawk.




Ka mittui tlak lai ka hrelo a, mit ka chhing ka men leh meuh chuan ka biang a lo huh hluam tawh mai, ka nu leh pate lam chu ka va hawi a, ka pa chuan min lo en ve reng, a hmel atang eng rilru nge a put a engnge a ngaihtuah ka hrethiam lo. Mahse duhthlanna min pek avang erawh chuan ka lawm takzet thung.




Ka nu leh Nu Tetei te chuan inhnaih taka ding chung hian lungawi hmel deuhin min lo en ve reng bawk a, a,,, an lungawi hmel hliah hliah hian ka hre mai!




Dr. Tluangtluangi chu kan din na ah a rawn lawn kai vea, kan inkarah rawn dingin nui hmel pu sang chung hian a pianchama hetiang thil thleng chu a lawmawm dangdai viau nia a hriat thu te a sawi luam a, a tawngkam felfai leh hmel hmuh nuam zet chu mak ti deuh hian ka lo en reng ringawt.





Pawn lamah kan inzui chhuak a, pawn boruak chu na zetin ka hip lut kawk kawk bawk. Malsawmhlua chu melhin "Thil thleng hian min thawng vel vek" ka ti thlawt a, a nuih a zat hmel viau ringawt.


Kan din na lam pana ka nu leh pa te bakah kan thiante lo kal ka hnuh chuan ka lai lutuk chu lei lam ka bih tlat a, "Tunah chuan in lerh San tih vel a rem tawhlo anih chu, in in hual tawh a, kum engzat nge la nghah ngai dawn tih hrelo mah ila in inneih hma chu in then suh u" Tata-a chuan a rawn ti nghal zawt zawt a, sawi sual a in ti deuh nge amah bawk chuan "Inneih hnuah pawh inthen loh tur" a ti leh a, kan nui ta ham ham.




Ka pa chu tim deuh dai hian ka melh a, a mitmeng dam thlup te hlei hlei chuan ka awm a ti nuamlo,, tunah tak hi chuan thinrim in min melh khui khui pawh nise ka hahdam daih zawk ang.




"Pa"
Ka ti sep a, han sawi tan dan tur pawh ka hrelo, pastor a ni a, Pathian rawngbawltu a ni. A fanu neihchhun, naupangchhia ang mai a a en ina ka thil tawn leh chet zia te kha a zahpui anih pawhin ka dem hauhlo ang.



Keimah ni lo in Malsawmhlua zawk chu a en a, a kekawr ipte atang chuan a car chabi rawn phawrhin a pek rual chuan "Ka rin angin awm ang che" a ti sup a, a dar a bensak thak thak hnuah keimah chu min rawn en a, ka ngaihtuah na hria ni awm tak hian "I ngaih a tha thei nganglo anih leh naktuk zing ah ka hau dawn che nia" a ti a, ka tah nuih hak a, ka tumloh deuhin ka kuah ta ringawt bawk.




U Tluangtluangi nu leh pa Pa Saihluna te nupa chu khawi atang emaw hian an rawn lang ve hlawl a, a nupui chuan eisiam ho a pui ni awm tak hian cream rim a rawn nam chek chek, a,, a tha vek tho e.



Ka pa bawk chuan "Kal tawh teh u, Tluangbawihi birthday boruak in ti khawlo zo dawn" a ti leh a, thuawih deuhin kan kal ta nghal daih.





Hla deuh hleka ka pa car lo in hung lam chu kan pan a, motor chhunga kan thut luh rual chuan thaw deuh hakin "Thil thleng hi a mak hlawm e" ka ti hap a, "Khawiah nge kan kal ang?" alo ti daih thung.

Amah ka en tih a in hriat chuan a dar a lo kan ak a, engine chu ti nungin a nuipah suk suk reng bawk.



Ka ngaih tehreng nen thil thleng vang kha nge mawni, sawi tur ka hre tlatlo a, zungbun min pek chu ka khawih deuh sek, ka en chiang a, a simple in ka ngainat chi tak a ni.




"Thingtlang tlangval hnen atang chuan manto tak i beisei lo tur ah ka ngai a" ti suptu lam chu ka en a, hmalam ngawt a en thung. "Teuhlo mai, ka duh lutuk ringawt, ka zungbun dawn hmasak ber a niaa hlu tawp" ka ti vat a, min chhan a tum lo hmel lutuk chu "Malsawmhlu?" ka ti leh hluai.




"Engnge ka duat?" a lo tia nih chu!!



Ka melh vak a, a mi koh dan mai mai chu,, ka lai leh lutuk a, ka insum na lamah ka biang a na vek thei.


"Zawh tur che ka ngah lutuk a" ka ti ta sep a, "Nakinah min zawt vek dawn nia" a lo ti dam thlup thung.

Hmun fal deuh hlek kan tlan thlen tak ah chuan motor chu a ti ding a, khawi veng nge tih pawh ka hre ve lo.



Pawn lama a chhuah avang chuan ka va chhuak ve ringawt a, car hmalam chu nghengin kan ding dun a, ka ngaihbel nge mawni, boruak inlumlet dan vel chu a nuam riau a, chung lama arsi rawn lang tuar te chu zan danga thlir ngai hleilo chuan mawi ka ti ta em em bawk a.



"Min zawt la" ti supin chiang zet hian min en a, a,, a hmelte hi nidang zawng aiin ka hmu tha hluah hluah a ni ber.


"Eng ber nge ka zawh hmasak ang che le?" ka ti hap a, "I duh ber atangin" a lo ti awlsam leh et bawk si.


"Anih leh ka nu leh pate khan he thil hi an hre lawk vek em ni?" ka ti a, bu nghutin "James-an a hrilh vek tawh" ati sup a, "Engtikah" ka tih chuan "Thuruk" a lo ti ve leh thung.


"Ehee zingkarah Nutei nen an lo kal tum khan a hrilh a ni hrim hrim ang, pawn lamah ka pa kha a pawt chhuak dawr dawr alawm" ka ti ta hluai a, ka ner deuh nang bawk.



"Enteh nu la, Gideona hian a duhna che a rei tawh, diktak chuan kei aiin a duh hmasa zawk che" a ti a, inthlahrung hmel deuhin "I zawhte ka chil hlum hma khan" a ti leh kher.

"Chuan?"
Ka lo ti hap a, Gideona chungchang sawi hi chuan ka ipik deuh tul zel mai, ka rin leh beisei loh dan deuha a awm vang anih ka ring.




"Keiin ka lo duh ve bawk che sia" a tih chuan lai deuh reuh, ner deuh nang hian ka melh a, a nui hauhlo.



"Bawihi ka phu lo che tih ka hria a mahse... "
Za lo deuh hian a nui a, sawi mai tur a hrelo nge a hnu ah chuan "Mahse ka chawm thei ang che" a ti ta ringawt


Ka nui chiam a, a kutphah lian deuh chu kai thak pahin "Min phu" ka ti ve ringawt bawk. Kan in en dun ran ran a, ka nui leh thin.



"Gideona nen hian unau ang chiahin kan in en emaw ka ti a, Matetei pawh ka nau angin ka en bawk a, ka lakah hetiang rilru hi a pu ang tih ka hrelo hrim hrim" ka ti niah niah a, "Hrelo ang" a lo ti hmuk mai.



"Anih leh I thiannu Tluangtluangi ve thung kha, a duh che sia, mahse nichin kha chuan a lawm ber berah khan a tang leh bawk sia" ka ti leh hram a, ka hriat ve loh thil a tam lutuk a, zawhna leh chhanna hun hman char char a ngai.



"A chhan chu ka thiannu a nia" a tih chuan mak ka ti kher mai. "Eng nge awmzia?" tiin ka en ha a, "Hman atang min duh tawh, mahse ngaihzawng ka neih chuan a phur berah a tang tho thin, mi tha tak a nia, a thil tawn leh hmuh atangin a in siam rem zung zung thei thin, tunah pawh hian hmeichhia ang ni lo, ka thian tha tak ang chiahin ka en tih a hrethiam tawh a ni mahna" a ti ta duah a, ka lo ngai khawlo leh lutuk te chu ka I thiamlo thar leh viau mai.




Ka thaw chhuak ham ham a, "Engmah hi ka in ring lawk lo va, thil hi a rawn thleng zung zung bawk si, tunah pawh hian mumang a ang ka ti" ka ti sep sep a, thli rawn thaw vuk vuk vang chuan mit ka chhing ta daih bawk.




Eng emaw hian min khuap runa ka hriat avangin ka mengchhuak leh a, ka sir tawn tawnah car chu a bana in nem khalhin hnai zetah hian min lo dinchilh reng a,



"Ka,,, A vawt ka tilo" tiin ka nui hak a, a nui tha ve duh hauhlo, ka hmui chu a en renh tih ka hria a, ka hmui hnuai ka liah huh zauh rual chuan a hmui hnuai chu a liak hnawm ve chap kher.



A kut lehlam chuan ka biang a rawn dawm a, ami fawhna dam thlup chuan ka lungphut dan a ti diklo vek thung!



Dimte in min fawp a, a hmui hnuai ka seh sak zauh rual erawh chuan a rum nghut thung.

Ka biang a dawmlohna kut lehlam chuan ka kawngah a chelh a, a lamah min pawt hnai zui salh bawk.

A duhthawh tial tial a, A lei sa ham hama ka ka chhung a hawl kual meuh chuan thawk lak ngaihna ka hre tawhlo hial. Ka thiam ang tawkin ka chhang let ve zel a, ka nghawng a fawh kual tak ruaiah chuan thaw hakun ka in la hrang ta thung.



"Ka... "

A awmah chuan min kuah bet a, a lungphu rang leh su dup dup chuan a taksa danglam nasat tawh zia min hrilh an tum ni ber hian ka hria! Ka tukkhuma a dawm tlat avangin ka chesawn theilo , engmah a sawi lo a, insum a tum nasa hle a ni tih hriat tak in thawk a la suai suai reng bawk.




"Nula"
A nui chhuak hawk a, a hmji chuan ka chal rawn nawr si tawkin "Ka insum thei" A ti lawi rât!



Ka nui a, a kawngah chuan ka kut pahnih suih betin ka chhoh en ha ringawt. Hmeichhe satliah ve mai ka ni a, ka pa nihna in min phuar hle lo se chuan tun ang hian hrehawm takin a in insum tawh kherlo mai thei. Chuan,,, chuan keipawh hi ka in sum zo ve kher a ngem ke hrelo bawk!



Malsawmhlua hian min phu lo ngailo a, ka phu tur tawkin a in siam rem zel thin zawk a ni.


Ka nihna a hre chiang a, ka mualpho a hlauin min zah em em bawk, ka tan chuan a ni tluk hi an awmlo reng reng.



A vawh tak deuh avangin motor ah kan thu lut a, dar 11 a ri tep tawh.

"Enteh Mam, tihian kan inhual ve ringawt a, kan la naupang ropui sia" ka zungbun kheuh neuh neuh chung chuan ka ti sap a, "I graduate velah kan innei dawn alawm" a tih chuan amah chu en in "Kan la naupang dawn tho alawm" ka ti leh a, ka nui pah hak bawk.




"Kei ka lo upa tawh thung ang" a ti sup a, kan ngawih vang vang hnuah a mah bawk chuan "A rem chuan kumin ah ka graduate tawh dawn a, police ka try ang, ka pa'n min buaipui thei dawn bawk a" a ti leh a,
"Pa Peka maw?" ka lo tih chuan bu nghutin "Duh se chuan ani pawh hi SP pension hlawh la in a awm mai mai tawh ang" atih chuan mak ka ti ang reng hle.


"Anih chuan I pa hian police nih duh lo in huan a siam tihna mi?" ka ti halh a, a lo bu leh nghut.



"A van fel,,, A,,, hna I neih chuan min chawm thei awm tho sia, inneih pawh chu pawi vak pawh ka ti leh lo, keichu zir zel pawh ni ila ka in zirchhuak dawn chuanglo" ka ti leh niah niah a, Dr. Tluangtluangi ka thik laia eng emaw tal nih ve ka tum thu ka sawi te chu ka ngaihtuah chhuak palh a, ka nuih a za ru hle ringawt.




"U Sarah tho tawh teh, vat vatin" Angaihi aw ka hriat chuan ka meng chhuak hlawl a, ka khum mawng lamah a lo thu tung ul mai..

"Engnge?" tih lahin ka lukham hnuaia ka phone chu ka la chhuak a, dar 8 a lo ri dawn tawh.



"College I kal dawnlo ami?" A tih chuan "Tunkar kan chawl" ka lo ti hlak a, min kaihthawh vanga ka lawmloh zia chu a hre thiam aniang min nuih tlawn vur vur pah hian "Nizan kha ka hre ve chak, A bul atang min hrilh ve vek rawh" A ti ta heu a, ka melh vak ringawt.



"Mawhh?" tia pangchang zeta a aw ti no kual velpah chuan ka kalna apiangah min zui kual a,ka pindan atang lah chuan ka la chhuak ngam derlo lehnghal.




"Nakinah ka hrilh ang che ka tih chu, tunah thawt thawt te chuan ka la zak ve rih tho" ti hapin khumah bawk chuan ka bawk thla leh thlawp.




"Anih chuan chaw ei khamah ka lo leng ang, chawhnu lamah Zotlangah kal ka ngai dawn a, chumi hma chu ka leng hman" a ti a, kan pahnih chuan chhuakin a ni chu a haw tlang a, sofa a thu ka pa chu hmulo derin choka lamah ka lut tlang nghal bawk.




"Chaw ei siam nghal ang, kohhran hnatlang ania, I pa chhuah hma a ngai dawn tlat" ka nu'n a lo ti nghal zung zung a, thawh vela chaw ei ngai ve ziah hi ka ning, mahse nizan lama sawi langlo erawh ka lawm ru viau.



Nizan khan kan inkawtah min thlah a, ka pa car chu a khalh tlang,, ni tak.. ngawi rengin pawnah chuan ka tlan chhuak a, ka pa car chu garage ah a lo in hung fel thlap mai!
Anih chuan zingah Malsawmhlua'n motor hi a rawn dan tihna ania, ka pa nen an in hmu ngei awm si a, a,,, engnge an sawi ang le!!






End of chapter-18

Next chapter chu last a ni tawh hmel a, a rem a nih chuan bonus chapter nen dah tel ve kan tum dawn nia,,,
Chuvangte u,, comment hlu deuh kha min han pe ve leh teh u


Show post links
Top