MALSAWMHLUA By RuatiRenthlei (Completed)

[Ngaia]

"Professor chu..?" James tawng ri sup chu ka melh zawk a, pa Peka chu che vutin Nu Tetei dinna lamah chuan a kal nghal zat bawk.



"Eng nge thleng?" zawi sup chuan a zawt a, Nu Tetei a en dan mawlh chu ril ka ti,,, a mitmeng thim leh uk kharhin a nupui chu a en ngawih ngawih a, sawi chhuak miahlo mah se a ngaihtuah hle ani tih chu mi â ber pawhin an hrethiam ang.


Boruakin a zir loh vang nge inchhunga awm chu kan tam tehlul nen tuman thawm kan siam lo. Nu Tetei chu tawng chhuaklo in Prof Reuben leh a bula nutling hmeltha zet mai thu te lam ah chuan a thle zauh a, pa Peka chuan a hmai tuai puakin kan lam rawn hawi pah chuan "I thiante hruai la, lo va chhuak rawh u" tiin a fapa chu a melh a, zawhna zawh buai tum hauhlo in Mama chuan ka kut a rawn vuan a, "Kal ang u" tia midang melh zawk pah chuan min hruai chhuak ta nghal.




Thil thleng ah khan ngaihdan siam dan tur kan thiam miau loh avangin kan ngawi deuh thap a, Sangkima chu a rilru neilo ber tih takah "Va enthla ang u" a rawn ti pek a, Puia' a tukkhuma ben lawlh pahin "Mawla" a lo ti hluk.





"Mak ta ber chu prof lo awm ve kha a nia... Hriat I nei miahlo em ni Sawmhlu..?" James chuan a lo ti ve sup.




"Kha mihring khan kan inchhungah eng nge a rawn tih ka hre hreplo" ti hlukin pakhat chu a hawi sawn vut a, "Anih leh a bula Nu kha" Sangkima vawk Chuan a lo ti leh a, kan hrelo vek aniang tuman kan chhanglo.





Pawnah chuan rei tak kan thu a, inchhung lam thawm chu engmah kan la hre ve lo, "Lo awm rawh u" tih pahin Mama chu a tho thut a, a kal tur chu chhan awmlo in a banah ka lo pawt ve tang tang ringawt!




"A rei lutuk,, ka lo let leh ang" ti supin ka sam chu a rawn chul thuak a, kawngkhar chu hawngin a lut ve nghal zat.





Midang chu an ngaihdan te sawiin an titi zui sar sar a, kei erawh ka rilru kawmin ka thu ngawi reng.




A tir phat atang Mama'n Prof Reuben a ngaitheilo leh lutuk kha mak ka ti tawh a, eng emaw in huat na an neisa emaw ka ti hial a nih kha! Chuan tunah heng thil hi a lo thleng thut a, Prof Reuben bula thu Nu kha tunge ni ang? Chuan hetah eng nge an lo tih?





Kawngkharpui in hawng ri rawk lam chu kan hawi vat a, Prof Reuben leh Nu pakhat chu rawn in zui chhuakin Pa Peka chuan an hnungah a rawn zui chhuak ve a, min kal pelh dawn chuan engthil mah thlenglo ang maiin min la nuih suk tho!





Inthlahrung deuhin pa Peka chu kan zui lut ve a, sofa a nu Tetei leh Mama lo thu chu melh zawkin midang ho chu ka melh kual leh a, sawi tur a vang duh kher asin.





"A zia lo hle mai,, chhungkaw thil deuh ania,, hrehawm tih phah nan hmang duh reng reng suh u" Pa Peka chuan ti halhin an nu bulah chuan a thu thla ve a, nidang zawnga nui sanga min be thintu Nu Tetei hmel landan danglam ta lutuk chu hmuh hrehawm ka ti!






"I tha maw Sarah?" min nuih lui sak pah chuan a ti deuh sap a, bu nghatin "Ka dam tawh lutuk" ka lo ti vat.



Midang zawng chu pindanah an tawm bo leh diak tawh a, Nu Tetei pawh choka lamah a phei leh tawh.


"Lo kal teh" tih paha ka banrek rawn vuanin Mama chuan pawnah min kaichhuak leh a, kawtzawl zau deuh thlang lama thutna an siam ah chuan min thut puiin ka kut chu nghet zet hian a hum a, "Engkim a tha tiraw?" lu a thing a, a thaw chhuak hawk bawk.





"Prof kha.. "


"Sarah... "


Nghenchhan chu nghengin a ti chhuak hrawih a, "Ka tihpalh" ka ti ta ngawt.



"In chhungkaw thil ania,, inrawlh ka tumlo ania" ti leh zatin a kut chu ka hum hnan leh chhawng a, "Ka hrilh ang che" ti supin vanvadak chung chuan thawk a la ham ham.





"Kha Prof Nu Malsawmi leh ka pa te hi an vanglaiin an in ngaizawng thin"


"Engmaw?"
Min rawn enin a khi sak a, "Malsawmi khan a phatsan a, chuan ka nu nen hian an intawng"


"Chuan..?"

"Chuan he Prof hi... GOD... Ka pa fa anih thu a rawn sawi" a thil sawi vang chuan tawng ngaihna hre lo in amah chu ka en ngawt ngawt.



"Mahse tinge? Awmzia chu tunah kum tam tak a liam tawh a, a hma in engmah in hrelo tihna em ni?"


"Shhh" a kut zungchala ka hmui a rawn nawr sik rual chuan ka aw ki ka lo san leh hluai tawh tih hrechhuakin ka chip zui hmak.




"Min shock ve tho a, engmah hi ka hrethiam biklo" ti supin a thaw chhuak ham ham a, "I pa fa chu lo ni ta pawh nise, a pai lai emaw, a tet lai pawn hrilh tur a ni sia" ka ti sap chu rum nghutin in "Ka pa fa a nilo" a lo ti nghut!





"Mam?"


"Engvang pawhin ka pa fa a nih theih dan a awmlo" ti leh nghutin a tho zui vut a, "Hrelo angi awm la, thudik chu ka zawng chhuak bawk ang" tiin inchhung lamah chuan min hruai lut leh ta mai bawk.






Mi chhungkaw buainaa lo inrawlh ve vak chu thil tih chi a nilo tih ka hria, kan boruak chuan a hma a ang thei ta lo va, Mama pu hriselna tla hniam chuan buai a ti zual viau bawk.


...



Kan thian te chu tukin khan sumo in an liam thla a, inchhung zaupui chu a reh deuh ruihin ka hre hial!




"Mama'n min lo be tawh a, in enkawl tha rawh aw Bawihte" ka nu aw dam dap ri ka hriat rual chuan nui sakin ka that thu ka hrilh a, a hma thei ang bera ka haw tur thu hrilhin phone chu ka dah zui mai bawk.





"I hman lawk em Sarah?"
Nu Tetei chu an pindan kawngkhar dawmin a lo ding reng a, "Aw hman e" ka tih hnuah min biak lawk a duh thu sawiin pindana zui lut lawk tur chuan min hrilh a, an nupa pindana han luh ve ngawt chu hreh teh mah ila min ko tlat bawk si.






Khum tlangah chuan kan thu dun a, a dan pangaiin ka kut chu rawn vuan in a nui sak a, nimin maia thil thleng vanga a hmel landan tla rawk rawk hi ka hmuh hmaih lo!




"Ih e Sarah,, ka fapa nen thian tha tak innih bakah in I kar pawh a tha viau tih ka hria a, nimin chungchang te pawh kha Mama'n a hrilh che tih ka hre bawk" a nui a, "I ngaihdan tur ka hrelo na in I laka in bunruah mai loh chu tih theih ka neiin ka hrelo" a ti leh sap sap a, a landan mai nilo in a aw ri thleng chuan ka khawngaih ngawih ngawih tawh.






"Imm I duh phawt chuan" ka lo ti ve sap a, "Mama atangin thil awmzia chu I hre ruai ruai tawhin ka ring a, I pa Peka nena kan inneih hma... A... Kan in tawn hma ti zawk teh ang, Malsawmi nen khan an in ngaizawng reng thin a" a nui ro halh a, pasal te bialnu hlui chanchin sawi chu thil nuam tak a ni dawnlo tih ka hriatthiam pui.





"An inthen atanga kum 2 hnu velah kei nen kan intawng ve chauh, a pasal neih ni ah pawh kan kal nghe nghe asin" a tih lai chuan "Tah chuan Prof Reuben hi a nei tawh tih in hre miah lo em ni?" ka lo ti vat a, "Teuh nang... A pasal neih ni ah pawh khan I pa Peka hi a duh thu a la sawi asin, rapthlak ka tih zia kha" tia ten hmel taka a sawi phei chuan mak ka tih lutuk vangin ka thidang lo chauh tawh..



"Chutiang hmeichhia chu an lo awm ngai a ni maw?" ti halhin ka nui pah suk a, "Anih leh Pa Peka fa chu anih I ring em?" ka ti leh sap, ka zawhna chu a chhang mai lo.






"A lo va tlai tawh ve.. Nutei inkhel chu phone haw ila, chaw ei a hun mai dawn alawm" ti hliai chung chuan a ding zui zat a, a chhan duhloh zawhna ka zawh avang chuan ka inthlahrung viau.




"Nu Tete?"
A phone a zawn buai lai chuan tim dai hian ka lo ti leh hram pek, "Khatiang hmel kha pu suh Sarah, tunah Chuan sawi zawm ka duh rihlo a, I laka ka lungawi loh vang a nilo ania" zangkhai vaha alo ti mai chu mak ka ti letling.




"Lo kal rawh Nutei chu chaw kan ei san mai dawn nia" tiin min hruai chhuak a, a fanu chu a call pah ta tho bawk a. Nutei hian tlai tin volleyball a practice ziah thin a, a chhungten a support that danah a thiam viau anih ka ring. Chaw ei siam laiin a rawn haw a, nimin thil thlen lai kha inkhela a chhuah lai anih avangin engmah a hre ve lemlo a, Chuan tuman kan hrilh lo bawk.






Ka pu chu khum atang a lo thawh chhuah peihloh avangin a pindanah ei tur kan pe a, a pasal pa a duat zia leh hmangaih zia ka hmuh chang apiangin nu Tetei hi ka ngaisang zual thin bawk.





"Pathianni ah inkhel tawhlo turin ka hrilh fo che" ti nghutin pa Peka Chuan a chaw ei lai chu a ei zawm mawlh mawlh a, "Ni e Bawihi, a malsawm lo em mai" Nu Tetei chuan a lo ti ve hlak a, "Inkhel chiah pawh a nilo" ti nawi ve nak bawk mah se tuman kan awih sak lem lo.




Chawhma kha chu ka inkhawm ve a, ka taksa a la chakloh avangin chawhnu leh zan chu inkhawm tawhlo mai tur in nu Tetei'n min ti a, mahni khua a lo ni chiahlo bawk nen ka hnial duhlo.


"Ka pu chu ka lo awmpui thei tho alawm, inkhawm ve rawh" ka ep chiaha thu mipa chu en in ka ti hap a, "Ka peih lo ve hrim hrim" a lo ti duh lek.





Ka pu chu pindanah a mu a, Mama nen sofa ah thu in a nuam thei ang bera awm tur chuan a malchungah lu ka nghat rem sat sat, "Naktukah kan haw thei angem?" tia ka zawh chuan thaw hak in "A tuk leh ah" a lo ti sup a, an chhungkaw dinhmun ka hriat pui vek avangin ka nawr lui duh lemlo.





Ngawi rengin ka kut chu a khalh neuh neuh a, ka phone message tone ri keuh chu kei ai mahin a lo ngaihven zawk!





"Tunge?" Ti nghutin a che zui phat a, ka phone ka lock miau loh avangin a hawng zui nghat zat bawk.




A nui ro hawk a, "tunge a?" tih paha laksakin screen ka en chu prof Reuben hnen atang a lo ni a, *Hmuh lawk che ka duh Sarah* Mama chu melh chho kiau in eng emaw a sawi hun chu ka nghak tawp. A ngaina lo tih ka hria a, tunah tak phei hi chuan a haw ngawih ngawih tawh zawk ang, a phal na la lo va Prof Reuben hmuh chu ka tum lo hrim hrim.






"Kal rawh"


"Engmaw?"


"Eng emaw sawi a nei mai thei asin" a hmel tak run chuan ka awm a ti nuamlo nghal vek thei!




"Ka kal i phal maw?" ka ti nawn leh sap a, tawngka in min chhang tawhlo. A bu nghut ka hmuh rual chuan na zetin thawk ka la hawk.




A hma ang chu nise a phallo chung ka hmu lui emaw a ni leh anga, mahse tunah awlsam deuhin kal turin min hrilh a, a chhan ka hrelo mahse, hnaih lo tura min hrilh fo mipa nen a fala inhmu tura min kaltir thei mai hian... Urgh.... Ka rilru a ti na!












End of chapter 7
In ngaizawng tawh se ti tawk in awm nuk tih ka hria a, mahse a la rem nganglo anianga plot hi boring in ti em ka hrelo a.. Buai nen rilru pek a har bawk si, in beisei anga a ngaihnawm lo anih chuan thupha ka chawi a, hmasawn tura min motivate hram hram tur erawh chuan ka mamawh cheu tih erawh min hriat sak dawn u nia... Muttui vek ule
Show post links
Top

[Ngaia]

SARAH POV




Ka malchungah a lu nghatin mit a chhing zui vang vang a, zawi tea "Ka chau" tia rawn phun supin ka dul zawnah chuan a hmai a phum pil nghal vek a, a sam buk deuh laih chu chulin ka ka in ka thaw chhuak ham ham.





"Khatiang thil i hmuh ve a ngai kha pawi ka ti Sarah" a awri zawi sup chu a thukin a ril ka ti a, ka hming a lam rik ruala keimaha danglam awm thin kha a dan pangaia rawn awm lehin he mipa hi a chhan sawi tur em em awm silo in ka tan a hlu hle tih ka hrethar leh a, a ni tluka min ngaihtuah Tu thian ka la tawng ngailo tih hria in min mamawh hunah tlansan ka tum bik miahlo bawk.





"A pawilo" ka aw hnawk tuak vang Chuan engmah ka sawi zawm lo, an chhungkaw thil ah an buai em em a, chuta kara keia mitmei ven a lo tul leh zel a, an thawm vang khan keipawh lo va thawh thawt thawt loh mai tur a nia...





Tlangvala chu a muhil ta mai niin ka hria, a thaw ri sak sak a, ka kawngah a kut a suih zawm miau avangin ka kalsawn theilo, zanlai a ni tawh a, ka mut erawh chhuah a hnekin ka harh chiang tulh tulh.




Khatiang taka thawm ringah khan engtinnge Nutei hi a rawn harh loh theih tih te chu ka ngaihtuah mai mai, tleirawl hun hmang chho mek a ni a, a ngaihtuah na a tawiin engkim hi a hlimawm leh nuam zawng hlirin a thlir thin. Tuna an chhungkaw buaina hi hre ve ngat se engtintak ngai ang maw...?





..



Ka hmai sa ham ham leh ka taksa za mur mur vang Chuan mit ka meng chhuak siar siar a, hnai lutuk tak mai ah Malsawmhlua Chuan min lo en run!



"Mawla" ti hlakin ka ke ka leng chiam a, nui chhuak hawkin "I muhil hmel pawh a tha tho" a lo ti sup a, ka sira lukham Chuan ka vawm zui pawp.





Nizana kan boruak ngaihtuah in a hmel chu eng riau hian ka hria a, a chhan hrechak mah ila ka zawt ngam hauhlo thung.



"Vawiin chu huanah kan pahnihin kan kal dawn nia, naktuka hawn thlak tur eng eng emaw a awm ang" tih pahin choka lamah Chuan min nam chhuak dat dat a, Nu Tetei eirawngbawla lo vir buai map map chu ka pui ve nghal zat bawk.



Ka muttui leh tui loh te min lo zawt ve leh luam a, ka beisei aiin inchhung boruak chu a zangkhai daih!




"I pu chu a kum te pawh a lo upa ve tawh a, chelh reng nan cheu chuan a beitham mah mah, tin Sarahi pawh a chhungten an ngaihtuah ve anga, naktukah chuan in chhuk phawt dawn nia" chaw ei laiin Pa Peka chuan tak leh nghet zet hian a ti churh churh a, "Ni e Mama, in zirna in a tawrh lutuk te pawh a hlauhawm, bakah Sarahi chhungte lam pawh an zahawm reng reng" tiin Nu Tetei chuan a lo tui hnih ve nghal zat bawk.




"Innei tawh mai ula" naupangchhia zetin Nutei pui chuan a rawn ti reuh a, ka hawihai hmel chu min khawngaih deuh nge Nu Tetei bawk chuan a lo kamkhat zui zat.




"Engkim a tha tiraw?" bike hnung atang chuan ka ti sep a, "I hmuh ang hian" pakhat in a lo ti sup chu ner khum nangin "Tukin zing kha chu nizan boruak nen a in ang lo lutuk a, a mak em alawm" ka ti leh a, greenhouse kan thlen tak avangin bike atanga tum thla tharh pah chuan ka thaw deuh hliai.





Min hmachhawn zawng taka dingin a kutphah hlai hlup chuan ka biang a rawn khuap a, ka mitah tak min en chung chuan "Engkim chu tha lo, mahse a la tha vat ang Sarah, ka pa hi ka ring tawk, kha mihring kha a lo in lan leh anih chuan DNA test a tul tawh ang, chumi hma chu nghak lawk ang aw" a nui suk a, an chhungkaw thila kei min rawn ve daih chu mak ka ti!






Ka thinphu a rang a, ami tawhna leh a awri danglam zeta ka hming a lam rik chang apianga keimaha danglam awm thin kha a la ngai reng tih ka hre bawk.


Engtik laiin nge ka tih ka hrelo...


A biang ding lama ka fawp zauh chu ang phuau in min lo en a, tih ngaihna hreloin ka nuih ver ver ringawt.




"Lawmsangzual"
Ka darah dawmin a thinrim emaw tih tur khawpa na in min sawi nawk a, a hmel landan nuihzatthlak leh mak zet atang chuan thinrim chu a ang lawi silo.



"Eng nge.... Friend kiss anih kha" ti vakin ka in sawi ngheng a, "Eh... Min star chiang" chupa mai mai chu... "I zaklo" ti hlakin a ke ah ka rahsak pawp a, nui hawk hawk chung chuan min chhaih zui ta reng.




"I chhungte hian kan inngaizawng tak tak emaw an ti bawk sia" Tomato lo mawlh mawlh chung chuan kan ti sep a, "Pawi ti suh" ngaihsam zeta a lo ti sep chu ka haw deuh tlat pek.




"Dawt a ni sia"


"Sarah"
A ding pah vut a, "Lo kal teh" tih paha ka ban rawn vuanin house chhung atang chuan min kaichhuak dawr dawr a, hetianga a che vut thin hi a chhan hre ngailo mah ila ngaiah ka nei deuh tawh!





An chhungkaw lungpui ah chuan min thuttir in ka hmaah a rawn thu hniam zui a, ni em zawnga a awm avangin a mit chhing siar siar chung chuan a nui ri suk.




"Thil pawimawh deuh ka hrilh dawn che ania" a hmel hmuh nuam leh eng sawr sawr chu hmuhnawm tak a ni ringawt!





"Sawi la" ka ti sep a, ka aw hnawk deuh tuak vang chuan ka khuh zui that that bawk.



"Sarah" mitko ka lo San zeuh a, "Ka chhungten ka bialnu angin an ngai che a"

"Chuan..?"


"Chuan ka bialnu chu ni tak tak la ka duh" ka melh kawk a, a mitmeng ah engmah ka chhiar thiam lo.



"Mam?" ka then sak a, ka kha a chih vek avangin engmah ka sawi theilo, Chuan sawi tur ka hrelo hrim hrim bawk.



Ka kut a rawn vuan a, engtik atang khan nge ka hrelo mahse Sarah, ka... ka duhtakzetr che" ngennngawl zeta min enna mitmeng chu tawrh har khawpin a thûk!





"Mahse thian kan ni sia" ka sawi zawh rual Chuan ka thaw chhuak zui hrawih, ka lungphu su dup dup vang Chuan ka thawk lak a buai dawn hialin ka hria!




"I laka ka feelings hi ka tihreh theih ka beisei thin Sarah.. Mahse ka theilo chu a nih hi" tia ding vutin a kawng dawm chung Chuan a vanvadak a, ka thian, a awmzia chu ka thiantha tak emaw ka tih hian a rukin kin lo duh reng amaw?






"Min duh ve tho tih ka hria a nia" a kutzungchalin nichin maia ka fawhna a biang dinglam chu a kawk a, "Khate chu tihpalh a nih kha" ka lo ti vak.




Nuihza hmel zeta min en chung Chuan a ban a rawn phar chhuak a, ka lo vuan ve leh mai bawk.





A hmaa ka din chhuah rual Chuan a awm bawh rawk khawpin min pawt hnai hrawk a, "Ka bialnu" ti supin min awm hnaih sauh!



Zah lutuk vanga ka kun tlat chu ka khabe ah dawmin min kuai dak a, "Ka bialnu I ni tak tak tawh ania" thawp supa tiin a hmuiin ka hmui a rawn nawr si a, phawk lutuk in ka meng kuau ringawt!





Keihian Tu mipa hmui ah mah ka la fawp ngailo, engtia dawnsawn tur nge a nih ka hrelo a, ka duh tih ka sawi hma hauha min kiss ngawt vang pawh hian hnar tur ka nih laiin ka ti chuang der bawk silo.






Ka sam karah a kut rawlh lutin a lei sa hiam chuan ka ka chhung a hawl kual a, a tih ang anga awm bak chu zei taka chhan let ngaihna ka hre derlo.





Ka hmui si reng chung Chuan a nui ri suk a, ka harhchhuak ve zawk bawk. A lak atanga in la hrang chung Chuan ka hmui chu ka khawih a, ka hmai rawn sa huam huam vang chuan bo vang vang ka chak hle tawh ringawt.





"Urghhh Malsawmhlu" ti tuarin ka melh nghek a, pawisawi lo hmel zeta min melh chung Chuan "Fawh nuam nu" min tia nih chu!






Ka zak lutuk chu ka tap lo chauh tawh, "Ka bialnu I nih chuan ka fawp ziah thei che anga, I la zei dawn lutuk" te chu a la ti tak deuh deuh lehnghal.




"Nangpawh I vawi khatna ah I zei bik miahlo ang" ka tih chuan "A dik" alo ti leh mai a, ka nui ve ta ringawt!




"Tunah Chuan ka thiannu chauh ni tawh lo in ka bialnu pawh I ni tawh a nia" a awri dam zet chu hriat a hahdam thlak takzet.



"Ka duat ngawt ang che, min kuah la" tih pahin a ban pahnih chu a phar a, eng rilru dang mah ka pu thei tawhlo.
A lakah feelings ka nei em ka hrelo a, ka thlang sual angem ka hre bawklo, mahse amah vanga ka danglam nasat zia ka inhrechiang a, a ni tluka min ngaihsak Tu thian ka nei ngailo tih ka hre bawk.



A awm ka bawh rual chuan nghet zetin min lo kuah let a, mak ka tih tlukin nuam pawh ka ti!






...




"Tluang deuhin kal rawh u aw Sarah" Sumo chhung atang pawn lama Nu Tetei te chu ka bye bye lauh lauh a, mahni in lam pan tur ka nih vang nge ka helhhawlh deuh tlat.





Ka bul chiaha thu Chuan ka kut a vuan tlat a, sumo a chuang ve tlangval pakhatin min lo be ve hlek te chu a lo rum pui nghut nghut zel nia mawle... Rapthlak hian!






"Miin min biak hleka i thinrim zel te chuan.... " ti nang nangin thingpui dawr atang chuan ka chhuak a"Ka thik" tih zawng a sawi.





"Over" ka lo ti hlak a, sumo a kan luh leh dawn Chuan hawi zuk zukin ka biangah a rawn fawp hram bawk!




"Hello Lalmate"
Aizawl kan thleng a, sumo counter ah Tata leh midang an lo awm vek chu niin.



"Inlo kal alaw?" tih pahin ka pan hnai vat a, kan luggage te kan lakthlak hnu ah an motor rawn ken chuan kan in lamah kan in hnawh phei ta vek.









End of chapter-8
Show post links
Top

[Ngaia]

MALSAWMHLUA




Chapter-9


By RuatiRenthlei




Kan chawhmeh hawn te chu ka nu in a phawrh chhuak mawlh mawlh a, "Mama nu te chu min va han pe tam em em ve mawle" a ti leh hliai thin.



"Chaw ei ve nghal rawh aw Mama, a tlai tawh em mai rawngbawl leh a peih awmloh" tih zawm leh zatin a phone ri chu a chhang a, ka pa ve thung Chuan kan kal na lam chanchinte min zawt chik leh viau tawh.





"Awi... Lalnumuani chu Malsawmhlua chiah chaw ei tura han sawm bik" pawr zet hian Tata-an a lo ti a, "Nangni te Chuan nimin tlaiah duhtawkin in ei tawh kha" ka nu in a tih rual chuan rang zetin "Kan tel lo in chaw in lo ei khawm ami?" ka lo ti vat.






Nui put put chungin James chuan a thiante chu a kuah khawm a, "Kan lo va haw phawt mai ang" duhdah deuha ti chung chuan an inkuah chhuak nghawng nghawng hlawm.






Ka inbual zo ka chhuak leh chu Mama hmel hmuh tur a lo awm tawh lo a, choka ah ka nu'n rawng a bawl tih loh chu ka pa pawh a lo awm lo.




Ka nu chu ka pui ve sawk sawk a, Malsawmhlua leh ka pa te chu kawngkharpui atanga rawn in zui lut in eng nge maw an sawi teh chek ni, an rawn nui dun hawk hawk a, Malsawmhlua chu a lo inthlak fai vek tawh a, a sam la hnawm chap chuan a ti fresh hle ringawt.





Zanriah ei naah engtin tin emaw ka damloh thu vel kan sawi chhuak a, Mama'n mark score that tum tih hriat reng renga keimah vanga zan a mut mang loh thu a awi te chuan ka lo chhiat khum chiam chiam ringawt.





"I chau awm sia, tui deuhin I mu dawn nia aw" kawngka biang beng chuan a haw tur chu ka thlah a, inchhung lam rawn melh zawkin ka pa a awm hnailo tih a hriat velah ka chalah a rawn fawp zaih a, "Naktuk ah ka lo sawm ang che" ti supin a hoodie lukhum chu a khum a, a kal liam hma zawng ka dinna ngaiah dingin ka thlir zui reng.





Inchhunf ka luh leh hnu chuan sofa a lo muzal ka pa chu ko in biak lawk ka duh thu ka hrilh a, a mutna atang rawn tho chhuak ve tuah tuah chung chuan "Engthil nge?" a lo ti vat.





"Prof Reuben nu nen hian in inkawm thin tak tak tiraw?" ka zawhna chu a beisei loh em vabg nge mit ti zim sunin min en run run phawt a, "An lo zin hunah chaw eia sawm kan tum nghe nghe asin" a tih chuan ka melh vak.




"Sawi tha teh Pa" ti vakin a mal ah chuan ka beng a, "A va make vak vak, engatan nge maw i tih le?" ti hluk in a thu ding deuh luah.



"Ka hre duh, Nu Malsawmi tiraw?" tia a hming ka sawi rik rual chuan a mitmeng a danglam zawk a, ka hriat dan min zawt dawn tih ka hriat lawk avangin keimah bawk Chuan "Biate ah khan ka hmu a" ka ti zui sep.



A bu nghut nghut a, "Biate khua alawm anih, Thenzawlah pasal a nei a, hman kum khan an pa chu a boral nghe nghe asin mawle" a ti a, hriat zawm ka chak tulh tulh.




"Pa"

"Umm" biak changa a lo 'umm' nghut zel hi ka haw thei lutuk.




Ka pa anih avanga ka rin tawk em avangin Biate kan cham chhunga thil thleng te chu ka hrilh ve ta vek a, ngun taka ngaithla ni awm takin chhuat melh chung chuan a lo bu nghut nghut.





"Ih e Bawihte, engkim hrethiam rual I ni ve tawh bawk a, Mama pa Peka leh Malsawmi te hi an hunlai khan innei ngei ngei turah mi khan an ngai nghet hmak tawh a, khaw khata awm kan nih loh avangin khawtlang titi zawng zawng kha ka hre ve pha lemlo a, mahse inneih an tum tut tut tawh lai khan Malsawmi'n inneih a duh leh loh thu min rawn hrilh a,, a chhan erawh a sawi duhlo, ruahman lawkna em em pawh awmlo in Delhi lamah khan a kal ta daih a, a kum tel teh meuh a awm hnu in... A... Fapa a nei tih chu pasal a neih hma daih khan ka hre tawh alawm, a thian tha bera min ngaih avangin ka zep pui a, tun thlengin tunge Reuben pa hi ka la hrelo" a ti ta duah a, "Anih chuan Pa, Nu Malsawmi chuan pa Peka nen an in ngaihzawn laiin midang fa alo pai anga, chuvang chuan a nei leh ngamlo a niang a" ka ti a.





"Ani mahna" lo ti supin a thaw chhuak ham ham.



"Mahse tinge tun ataka Pa Peka hi Prof Reuben pa an rawn tih leh thut le... Prof Reuben chuan hna tha deuh anei tawh a, Nu Malsawmi pawh kha en ringawt pawhin a khawsak a harsa lo tih a hriat vek, an in ti mualpho mai mai" ka lo ti leh hram.




"Chuzawng ka hre phak tawhlo le... Mi chhungkaw thil a nia, I inrawlh loh na tur ah I lo inrawlh hloh ang tih a hlauhawm, fimkhur ang che" min ti ta daih a, ka nu hmeichhe inkhawm bang a rawn haw ta bawk nen ka pindan lamah ka luh San ta daih.






....




"Tunlai I tlai reng hi ka hrethiam theilo" hmanhmawh deuhin gate chu ka hawng a, bike hnunga lawn kaiin ka sam chu ka la tawn tha mawlh mawlh.


"Kan chhungkua in thawh kan hai a" ka tih chuan nui che dawtin bike chu a ti nung zui a, college lam pan chuan kan in phur chhuak leh ta vawn vawn.




Kan haw thlak atangin kar a liam leh tawh a, Mama nen pawh kar khat lai kan inzui ve tawh tihna anih chu. A sawi angin min ngaihsak in min duat a, midangte tana kan inngaizawng nge thian kan ni tih hriat hran theihloh khawpin kan in pawh!




An chhungkaw chanchin kha a sawi ri ngai lo va, ka zawt ngai lo bawk. College ah Prof Reuben a rawn kal nitin a, kei min biak chhiat chu sawi loh, class ah a hma ai mahin min duhsak emaw tih tur khawpin a khawsa a, a chet dan chu Mama hrilh lemlo mah ila tul ka tilo viau.




"Zanin chu race tawh ang u, vengthlang mawngkhak ho tawngkam hi ka ning riau tawh" hlauh nei miahlo ni awm fahranin Sangkima chuan a ti khur khur a, huau huau lama inpeih reng Tata-a a lo 'yess' leh duai bawk.




"Kan ti anga ni mai lawm" Puia chuan lo ti vatin James nen Chuan an in kuah uai hnu hnu a, Gedeon erawh tih tur pawimawh dang a neih thu sawiin college atang a tlan chhuak nghal daih.




"Lo kal ve la" ka bul lawka ka kut vuana ding mipa chu chhoh en ha in "Ka hman ka ringlo" ka ti sep a, a chhan min zawh tum ni awm takin a mithmul a San zauh.



"Kan in ah chaw lo ei tur an awm a" ka tih chuan "Tu?" a lo ti nghut!





"Ka hrelo, ka pa thiante" ka ti sep chu Tata-an "A ho mai mai, race te chu dar 8 hnu lamah daih alawm, kan lo sawm ang che" alo ti leh hmanhmawh.



"A... Ka hrelo" ka ti nawi niaih chu min khawngaih deuh nge, "Ka lo be hrim hrim che anga, I hman tak loh leh a pawi chuanglo" Mama chuan a ti sup a, nui suk in ka bu nghat.



Kan thiante lakah kan in thup lo va, kan in ngaihzawn tak tak hmaa Tata-an min dem fiam fo avangin kan inpawhna leh awmdan chu ngaiah an nei vek tawh.



Kan in ngaihzawn thu kan hrilh lo a, kan awmdanah an hrethiam a ni mai ang chu.


"A la hma a, leng kual ang aw" ti supin bike ah a lawn kai nghal a, a helmet a siam that mawlh mawlh lai chuan gate atangin scooty a rawn tlan lut a, a rawn khalhtu hmeichhia chu a hmel hmulo pawhin a chhelo hle tih a hriat theih.




Kan thianho dinkhawmna bulah tak chuan a rawn ding ve a, a helmet la thlain mask a phelh zui a, nui sanga ka bula bike a chuang rawn melh pah Chuan "I tha maw Mam?" a rawn ti no sur.




A hmeltha in a hleithling em em a, a landan zahawm leh a hmai man han atang Chuan model anih ka ring ve ngawt. A scooty atanga chhukin a rawn pen hnai a, ngawi rengin kan thianho Chuan kan lo thlir thup.



"I haw tawh dawn ami?" tia a ban khawih a tum rual Chuan rum nghutin a bike atang Chuan a rawn chhuk a, "Lenkual kan lo tum a" tia min rawn en in a then sak a, midang tawng leh hmain Sangkima chu a rawn ri hlut. "Miss Lucy teh daih" a tih rual Chuan ka hma lawka ding hmeichhia chu Mama bialnu hlui Lucy a ni tih hrilh nawn ngai lovin ka hrethiam ta nghal!




"Tunge? I bialnu maw?" a mi enna mitmeng nelawm lo zet chu ka melh let ve ngal a, Sangkima thil sawi ve kha chu tuman kan beng khawn lo.





"I hmuh ang hian" rawn awm hnai hrut in Mama Chuan ka darah a rawn kuah a, "Kan hmanhmawh a, kan lo va kal mai ang, lo inkawm rawh u" tia nui chungin James darah chuan a beng pah thuk a, bike ah bawk lawn kai leh in ka thut fel ve rual chuan kan dawk chhuak nghal zawk.



Bazarpui kan pel a, a speed pawh a hniam tawh viau. "Lucy kha" a hnungzanga bei hle hle chung chuan ka ti sep a, a hnung che deuh awk avang chuan a thaw lak nat dan tur zia ka lo ngaihtuah hman vek!



"Hun kal tawh ami a nih kha" ti mah se a lo hmangaih thin hmeichhia chu ka thik tlat tho. Atthlak taka alo chet chhuah tawh chhan hmeichhia a hmuh leh tak thut avanga a thawk lak danglam ta vek te chu dem awmlo viau mah se chhungrilah na ka ti a, a bialnu nilo in a thiannu kha lo la ni reng zawk ila tiang feelings hi ka nei awm silo tihte thlengin ka ngaihtuah hman vek!






In lian ve deuh kawtah kan ding a, "Ka pi in a nih hi" ti supin a kut chu ka vawn turin a rawn dah a, inchhunga min kaihluh rual te chuan kan in be lo hrim hrim



"Inlo kal a ninmaw Bawiha?" pindan pakhat atang pitar lam tawh hi a rawn chhuak a, "Kha tunge i thiannu chu?" a tarmit dawm meuhin min en a, "Sarahi a nih hi, kan veng pastor fanu" a tih hnuah min chibai in thingpui ka duh leh duhloh te min zawt a, lu ka thing nak nak a hmuh rualin Mama chuan "Inchungah kan awm lawk dawn aw Pi, kan lo let thla leh vat ang" tih pahin inchung chhohna kailawnah chuan min kaichho dat dat a,pindan pakhata min luhpuiin kawngkhar chu a khar tha leh thlap.





"Eng nge kan tih dawn?" khumah min nam thu a, college kan chhuahsan dawna kan mi hmuhin a zirloh vang nge pindan chhung zau leh rimtui em em boruak chu a ni deuh chur a, ka lungphu su dup dup ri chu ka hrechiang hle bawk.




"Tumloh deuhin Lucy kha a rawn lang ta sia" a nui chhuak hawk a, "Eng emaw kan sawi fel loh chuan rilru nuamin i haw dawnlo, ni lawm ni" ka hnar a rawn tuai zauh a, a kut ka lo vai sak pawp, hnar khawih ka hua tih a hre reng a, a ti lui ve ziah.





"Sawi fel la" ka ti nghut chu a duh vaklo nge a rum deuh nghut a, "Lucy chu ka bialnu hlui ani tih i hriat kha, nang chu ka bialnu I ni, thik tur a awmloh chu" a tih chuan thaw chhuak hakin ka kut ka kuangkuah zui at a, diktak chuan ka thik, hman ami pawh ni se ka thik tho tho.




"Enteh Sarah, i awm nawm lohna tur khawpa hmeichhe dang hnain ka tum miahlo ania, " ti supin ka hmaah a rawn thingthi zui a, ka kut chu vuanin ka mitah tak min en chung chuan "Ka duh luatah che kan in thianthatna pawh zah zolo in ka ngaizawng che a, hmeichhe dang vanga ka kalsan che chu ring buai duh suh, tunah Chuan nangmah chauh ka thlang che a, nunhlui kan in phawrh chhuahsak fo chuan kan inkar hi a nghet thei dawnlo, Lucy chu ka bialnu hlui anih vang ngawtin a bo hlen thei lo a, nakinah pawh kan la inhmu fuh fo mai thei, mahse min ring anih Chuan I rin angin ka awm ang, a tha tiraw" a ti sup sup a, a mitmeng daw lo leh thuk zeta min enna chu hawisawn san phal chi pawh a nilo!




"Ka hria mahse Mam, nizana ka thiannu status ah 'A thinlung lo neih sak tawhtu hmeichhia chu ka la thik fan a, tunah 'nangchauh' min ti mah se a lo hmangaih thin hmeichhia chu ka la thik fan a' tih a hmang a, a nih tak tak duh hmel e" ka ti sep a, ka sawi zawh rual chuan nui chhuak hawkin ka kut chu a fawp ringawt.




"Sarah leh" a nuih a zat hmel em avangin hrilhhai deuhin ka nui ve ringawt a, "I thiannu status vang chuan min rinloh phah kher suh, ka duh che a, thildang a awmlo" ti supin ka kut chuan a biang a nawr si a, a nui hmeltha lutuk chu ka nuih pui ve suk suk thei hial.



"Hei hi I pi in maw?" balcony ah Chuan kan inzui chhuak a, tlai lam nisa in an thenawm te inchunga pangpar a chhun te chu a ti lang mawi viau mai.





"Ka nu nu, awmzia chu ka pi" ka sam rawn tuai thur zauh pah Chuan a nui ri suk a, "I nghal em mai ah, a upa tawh hmel sia, amahin a awm ami?"" ka tih chuan ka hnungah dingin ka sir ve vea railing chu vuanin a taksa lian tha zet Chuan min khuap vek.




"Uhh ka nu Hmangaihi'n a awmpui a, an chhungte thi ah thingtlangah a zin rih lawk" a ti sup a, ka lu chunga a khabe nghat chung Chuan thawk a la zui suai suai.



"Ka pian ve hma khan ka pu a boral a, ka nu chiah hi fa an nei bawk si, Nute Ruthi khan College kal pahin a awmpui char char thin a, mahse Delhi ah hnathawkin a awm daih tawh bawk si, Nu Hmangaihi hi chu an thenawm ah sawn an awm reng thin a, ka pi nen hian an in ngaina in an inhmangaih tawn a, nufa ang chiahin ti hian an cheng dun ta a nih hi" tiin a pi chanchin chu a sawi sup sup a, tlai dar 4 rik dawnah a pi in atang Chuan kan haw ve chiah. Leng leh turin min thlah lawp lawp a, mi biak vel a thiam danah Nu Tetei hian tunge a chhun ka hre chiah.






Kan in kawtah kan ding a, a tlan tlang leh mai dawn emaw ka tih laiin a helmet phelhin bike atang Chuan a rawn chhuk a, a chhan ka zawh hma hauhin gate hawng chung Chuan "Prof car hian in kawtah eng nge a tih?" A ti nghut a, kan kawtzawla car dum inhung chu ka hmu ve chiah!










End of Chapter 9

Ka regular lo hlee tih ka hria a, mas a hnaiin buai a na bawk si, school lah kan la chawl chuang bawk silo a,zir tur a tamin hun awl ka neilo lutuk a, min hrethiam rawh u aw....


Show post links
Top

[Ngaia]

MALSAWMHLUA




Chapter-10


Bu RuatiRenthlei




"Malsawmhlu.. " kawngkharpui chu a pawt hawng pawp a, â ti lutuk in a hnungah ka zui lut dawr dawr.




"In lo va haw har ve Bawihte" ka nu in a lo ti vat a, sitting room a Prof Reuben leh Nu Malsawmi te ka hmuh rual chuan ka bula ding mipa chu ka mitmei vat a, a hmel rum leh mitmeng tak ngul atang chuan eng nge a ngaihtuah ka hre thiam lo, a chhan chu Malsawmhlua hi a landan ang ngawta teh chi a ni miaulo a ni.





"Nia, Mama pi kan tlawh kawi a" ka ti sep a, ka pa chu Prof Reuben leh leh Mama te inkar a hriat tawh vang nge kan haw tlai vanga min hau mailo chuan thil dang a sawi kai ta daih a, ka nu'n Prof Reuben te nufa chaw an lo ei dawn thu leh Mama chu ei ve nghal mai tura a sawm chuan tullo ti lutuk in ka lo thaw hak.




"Kan thiannu birthday ania, chaw ei khawm kan tum a, chaw ei tur in lo nei bawk nen Sarah hi kan sawm lui ngamlo mai mai alawm" then saka a tih chuan ka lo chhoh en ha a, "Nia vawiin chu hei, mikhual kan nei tlat a, hmun danga ei chhuah pawh a rem lo ang" ka nu vek chuan ti lehin Mama chuan "Zanah cake cut leh thildanga lawm an la tum tho alawm, Sarah hi a hman ve angem?" a ti leh a, keichu ka bo tulh tulh tawh.




"A... Zan chhuah hi kan phal vaklo a" ka nu'n a tih laiin ka pa chuan "College lama in thiannu em ni" a lo ti sup a, keimah min en daih a vangin ka lo bu nghat ringawt.




Prof Reuben lo khuh kharh kharh chu ka melh vat a, "Birthday lawma chhuak mai mai rual pawh in ni tawh lo a sin" a lo tih laia Mama che phut chu a banah la lo dawm vat.




Mama leh Prof Reuben te inkar boruak a chhiat hmaa eng emaw a sawi beiseiin ka pa chu ka en ran thung a, "Nie tiraw Reuben, an thianho hi chu birthday lawm mai mai te hi an hlimpui viau zel a nia" nui hawk hawk chung chuan a rawn ti ve ta.





"Zanriah te han ei fel ila, I rawn hruai dawn Nia" tia Mama a melh chu ka lo thaw huai thei. Malsawmhlua chhuah hnuah ka pindanah ka lut tlang ve nghal a.




Ka in tihfai hnuah pawh chhuak lawk peih lo in khumah ka mu zal a, Mama chu text in *Tu birthday nge?* ka va ti a, minute 5 hnu velah a rawn online ve chiah.




*Ka tider*

*Chuan?*

*Chuan zanah ka rawn hruai ang che, kha mihring I hnaih ai kha chuan ka zurui bulah awm la I him zawk ang*

A thil sawi duh dan chu mak ka ti!


*Zu I in dawn ami?* Ka tih chuan *Aih, tehkhinna anih kha* A rawn ti leh mai a, ka nui ta ringawt.



Message in kan in be tam lo va, kan inhmuh loh chuan min rawn call tawp thin, college ah nitin kan kal tlang a, thenawm atang a rawn leng mai thei bawk nen phone a han inbiak a hun vak hi a awm ngailo hrim hrim bawk a.





Nu Malsawmi chu a hmelthat ang bawkin a chetphung pawh a changkang em em a, Biate ah khan min lo en chianglo nge min hria ang pawhin a langlo.

Thleng ka sil sawk sawk a, ka chhungte leh kan mikhualte chu sitting room ah thukhawmin an titi hlawm. An thil sawi zawng zawng ka hre phak vek lo na in Prof Reuben zirchhuahdan leh a zir na te niin ka hria, Delhi ah piangin chutah chuan a inzir puitling a, Mizoram ah hnathawk turin a rawn let leh chauh a nih hmel. Mizoram a awm ngai silo ah chuan Mizo tawng a thiam mah mah ka ti!





Dar 7 a pel tawh a, ka chhungte titi na kara lo thut ve reng chu ka ning riau tawh. Mama ka bia a, thimhlima ka message takngial pawh ala hmu bawk silo.




"Tidaih ila Sarah, ngaihzawngte I nei ve tawh em?" Nu Malsawmi zawhna vang chuan ka hawi phawk hra ringawt.




Nui sang hian min lo en ran a, ka nu leh pa hmaizah ngai hauhlo se chuan Biate khuaa Pa Peka fapa nen kan inngaizawng ka ti duh hial ang chu!



Chhang ta lo chuan ka nuih ral ta ringawt a, "A thiante bak hi atchilh a neilo" ka nu'n a lo tih chuan Prof Reuben chu a lo nui huk a, "Inchhungah hian naute angin awm mah se pawn lamah chuan nula an ni tawh ania" a lo ti a, Mama nena min deu nana sawi ni mahse ka chhungte chuan kan zirtirtu anih vang chauha sawi ah an ngai miau a, an bukpui nghauh nghauh tho.





Kan kawta bike ri vut vut thawm chuan ka ngaihtuah na nguai zawng zawng a hnawt bo nghal vek thei, kawngkharpui a rawn kik ri kauh kaih a, Mama hmel ka hmuh ruala ka hlim zia kha, "I hman em?" ti supin ka chhungte chu a melh kual a, ka pa mitmei ka la veng ran.


"Pa?'


" Umm va kal ta poh che, mi zingah mi mit tikham khawpin khawsak loh tur ania, rawn thlah leh rawh aw Mama" tiin Mama chu a en a, bu nghutin "Ka bulah chuan a ngaihtuah awmloh" alo ti sup. Chhuah vat vat ka ruh bawk nen birthday lawmnaah kan kal dawn tak tak chuanglo a tiin kawrlum hakthuahin chapal nen ka zui chhuak nghal!




"I lo kal har lutuk a" pawn boruak vawt vur vang chian ka ti khur deuh hlak, "Gedeon te in ah ka kal hmasa a" a tih chuan chhang lovin bike ah ka lawn kai a, Mualpui lamah kan liam thla nghal.




"An tam dawn ania aw" ti supin ka lamah a lu a rawn ti che buk a, "I tel ve dawn ami?" ka lo tu sup.

"Imm Gedeon a thei dawnlo a, Tata-a nen in lo awm a ngai ang" a ti leh zel a, chhuak chak viau mah ila Tata-a nen chauha kan lo nghak tur chu ka lungngai deuh.



Mitchhingin a kawnga ka kut suihbet chung chuan thawk ka la siai siai a, spot kan thlen thlak chuan an lo ri nak nak tawh hlawm.



Leiah tum thla tharhin Tata-a te lam chu ka pan nghal zat a, kan dinkhawma lehlam kawng sirah chuan vengdang an lo awm ve laih bawk.





"Awi mate, I lo kallo ang tih ka hlauh zia chu, an nula te saw an nasa hmel lutuk" tiin min lo hrilh ru nghal sar sar a, Mama chu melh chho ha in "Eitur tal awm se" ka ti sep.



A nui chhuak hawk a, Puia bag chu ban in min hmehbel chawt pah chuan "Lo ei teuh rawh" a ti thawp sup.




Tiang an tihnaah hian ka kal ve fo tawh a, ka kal hmasak ber naah phei chuan tihtur a awm lo lutuk kha hrehawm ka tia, lo nghah paha eitur eng emaw tal kan kengtel ziah tawh thin.




"In nula chu chhungkaw chhehchhawl a ni maw?" keimah min sawi chhan zetin an zinga pakhat chuan a rawn ti lung lung a, ka inthuam dan atang chuan an sawi awm ang viau alawm, an hmeichhia te chu khawvawt pawh hre awm lo takin fawnfen chhing leh kawr thehlep zet ha in an kal tawl tawl a, tun ang zan khaw vawt ah ka peih ve teuhlo.




Sangkima chuan a cork in ruahna bur vawm phei pah chuan "In nula te hnute kar kha a uih si" a va ti pek a, lawmlo hmel lutuka hmeichhe pahnih an in sawh nghawng nghawng chu an nuihzatthlak reuh lutuk.


"I hnim phak loh vang anih kha" tia rawn pen chhuak pa chu va kal hnaih rawk rawkin Sangkima nen chuan awm pho arin an indinchilh nghal run.





"Khatiang hnim duh ila nilenga hnim tur chu ka hmu ve" Sangkima'n a tih laiin pakhat chuan "Saw sawn hnute pawh a nei ve ami?" tiin min rawn kawk sawk a, ka lo ip ru chawi chawi na in ka zak hranlo. Tawngkam an duhtui ngailo tih ka hria a, Sangkima phei chu tawngkam thing deuh hman a ching lutuk, ngaiah kan nei mai mai tawh.




Sangkima thinin a tuar ta lo nge a awmah nam in a kal hnaih rawk rawk a, Mama'n "Rosangkim" lo ti hluk lo se chuan an insual der ang chu mawle..





Sangkima rawn let leh hnuah Mama leh an zinga pakhat chu kawng lai tak ah intawk turin an in pan hnai ve ve a, "Fair takin" ti suptu ka bialpa chu ka lo en chik leh hle tawh, a chet dan engkim mai hian min hneh em em zel chu a nih ber hi.




Pawisa chu dahkhawmin a rawn let leh a, "Gedeon a lo kal dawnlo a, kan chak ngei ngei a ngai a ni tawp" ti supin a kutkawr chu a bun tha mawlh mawlh a, tianga an race hian pawisa inzat chiah thawhin a chak lamin pawisa chu an nei vek zel a, a zat chiah hre lo mah ila a tam tham ve hle thin.



Sangkima darah chuan dawm in "An rui hlawm a, I chhaih kawlh chuan tih hreh an nei dawnlo ania, fimkhur leh fair takin ka chak thei" a ti sup sup a, min rawn en in nui suk hian "Ka lo let harlo ang, I hriat kha" a ti sup a, ka lo bu nghat nghat.



A tel ve apiangin a hmasa berah a rawn thleng ziah, chuan ka ring tawk em em bawk.




Gedeon a tel ve loh avangin mipa pali chiah kan nei a, an ni'n paruk lai, 4/4 in an tlan dawn a, mipa pahnih an awm ve dawn tihna a nih chu, Gedeon tal awm ve se ka ti viau.




Kawngpui ah chuan an ding tlar thup a, hetianga race neia zana an chhuak fo hi tha tilo mah ila an lo tih than tawh a nih avangin ka duhthua sim tir ngawt thei ka nilo.




Second 5 hnu ah an tlan chhuak a, a rei ber ah minute 15 aia rei an thang ngailo, an tlan chhuah hnu chuan a reh deuh duk a, a hma chuan lo nghah pahin an nula te nen kan lo thu ho a, kan Inkawm thei mai thin. Mahse tun ami te hi chu en reng reng pawhin an nel awmloh lutuk a, ka va pawh hmasa peihlo.





Kan eitur neih ho ei chung chuan Tata-a nen zawi te te in kan titi sep sep a, thli thaw leh vuk thin chuan boruak a ti vawt hle ringawt.



"Mi lerhin khawvawtanhrelo tih zawng zawng an nei zo a" ti hlakin Tata-a chuan kan ep a hmeichhia te chu a melh rum nghek a, kan awm ve tih hrelo ang maia mipa te nena an in kiss leh ngawng ngawng thin chu mi pangai tih chi ah pawh ka ngailo.





Minute 10 hnu velah bike ri vut vut thawm kan hria a, ka thutna atang chuan ka ding nghal vat bawk.


Thawn chu a rawn hnai tulh tulh a, Mama bike ri a nilo tih ka chiang tulh tulh!



Lehlam zing ami chu chak zetin a rawn tlan a, hmeichhe pahnih te chu an lo khek tuar tuar, a hnung lawkah Puia a rawn pang ve zat a, midang pawh an rawn lang ve zut hlawm, Malsawmhlua rawn thleng ve har lutuk vang chuan ka thaw deuh hak a, kan awmna an rawn thlen fel rual chuan thil fello eng emaw a awm tih hriat na ka nei.




Sangkima chu bike atanga rawn chhukin a hmasa bera rawn thleng pa chu a rawn hnek nghal sawk a, leia a tluk rual chuan bawh betin a khawih zui nawk. An in phek sual chu a ni ber, Mama rawn che vut chuan Sangkima chu a pawt hrang hlawk a, mahse engmah chu a dik thei tawh lo, midang an thinrim belh zel a, a sirah Tata-a nen kan lo kimki chawih chawih ringawt.




Silai puak ri vang chuan kan au chhuak thawt a, "Hrep hian" ti hluk ri chu mitchhing chungin ka hre zui a, hrilh nawn leh ngai miahlo in Mama aw a ni tih ka hrebawk.




"Puia, Sarahi hruai haw rawh" tih ri ka hriat zawm leh rual chuan meng chhuak kawk in ka hawi chhuak vat a, Mama chuan silai kengtu kut chu man betin an lo in nawr ngar ngar ka hmuh chuan ka hlauthawng hle tawh.




"Mam?"

"Puia kha zui la, haw rawh" lo ti nghut mah se a thil sawi chu ka ngaihven thei derlo, hengho hian silai an nei a, an rui em em bawk si, urghhh a tha lo ber thlengin ka lo ngaihtuah leh hman tawh.




"Mahse ka... "


"Lawmsangzual"
Ka phu nasa lutuk, kan inngaihzawn hnu chu sawiloh, kan in hriat tirh atang khatianga rawl vin khan min la ko ngailo!




Rum chhuak nghutin a vawn lai ban chu a elh sak vak a, silai chu laksakin ka dinna lam pan chuan a rawn pen phei pawk pawk, ka biang chu dawmin hnai zetah min din chilh a, "Tih thlaphan che ka duhlo, kalla a tha zawk" a ti sup.



"Mahse i chungah eng emaw... "

"Ka tha ang" ka sawi zawh hma chuan a lo ti sup a, ka mittui a tling pur tawh.

"Ka lo bia ang che" ti supin ka kut chu a la kang a, a hmuiin a nawr zui tawk. "Thil thalo engmah i tilo ang tih min tiam rawh" Ka tih chuan thaw chhuak ham hamin "Ka tiam e" a ti sup a, Puia bike ah Tata-a nen kan pathum in kan in phur haw.





Tata-a chuan thil awmzia a zawt a, ka ngaihbel nge a sawi tha suh tlatlo. An ruih sual vang tih chiah a sawi a, boruak ziaaawm huna zawh chian a finthlak zawka ka rin avangin Tata-a chu zawt lui tawhlo turin ka signal a.





Kan veng lamah kan kal hmasa a, an tlan liam leh hnuah inchhungah lutin Prof Reuben te an lo awm tawh lo tih ka hriat chuan ka thaw deuh huai a, ka pa'n Mama a lo luh ve loh chhan min zawh chuan chhan ngaihna ka hre lawk lo, a hnuah a pi ina a riah tur thu ka sawi ta ngawt a, mu turin ka pindanah ka luhsan nghal.






Ngaihngam takin ka awm theilo a, an zingah tum loh deuhin in thah na te lo thleng ta thut se tih ka ngaihtuah thlen chang phei chuan ka awm a tawt zual thin.




Ka pindan zau lo teah chuan ka tei kual sek a, a phone chu nghet taka humin ka thaw chhuak leh halh thin.




Dar 11 rik dawnah ka phone ri vang chuan ka meng chhuak hlawl a, chhuatah ka khum bawkin ka lo muhil tih ka hre chiah.


Screena Mama hming ka hmuh rual chuan ka chhang vat a, thildang a sawi hma in "I tha tiraw?" ka ti nghal thawr.





A nui ri suk ri ka hriat rual chuan na zetin thawk ka la a, "In kawtah ka awm, I lo chhuak lawk thei em?" a tih chuan min lo nghak lawk tura hrilhin phone chu ka dah a, thawm dim deuhin ka chhuak ru them them!












End of chapter 10

WhatsApp group a ka sawi tawh angin board face tur ka nih avangin karthar atang lesson plan mumal ve deuh neih ka duh si a, kar khatah vawi hnih (Wednesday leh Saturday) zanah rokhawlhna lian tham a awmlo anih chuan kan dah thin aia thui leh chhiar manhla deuhin kan dah tawh zawk dawn nia aw....




WhatsApp group ah hian information kan in pe ve thin a,,, I lo join ve dawn nia

https://chat.whatsapp.com/J9Mq1ulA3Jx9klwcpJ4Ixd


Show post links
Top

[Ngaia]

MALSAWMHLUA


Chapter-11

By RuatRenthlei




"I tha tiraw?" gate sira thingbuk hnuaia lo ding ka hmuh rual chuan ka pan hnai vat a, a hmel ka hmuh chian theih rual chuan ka thaw chhuak hak.





"I hmai kha" ti sepin dimte in a biang khem chu ka khawih a, a na viau aniang a lo ner sak.



"Ka rual khan lo haw ve mai tur che lawm, midang an tha em?" ka hlauhthawn luatah ka awki chu a vin lek lek, khi sukin min din hnaih hrut a, zawi muanga a taksaa min kuah betin a thaw chhuak ham ham.





"Ka tihpalh" ti thawp supin nghet lehzual hian min kuah bet a, "A... A tha vek alawm, him takin I lo haw a" tiin keimah zawk chuan ka tawng thlamuan leh lawi.




"Khatianga I hmuh laia awm kha ka duh ngailo Sarah, mahse.... " rum chhuak nghutin a inla hrang hlek a, "A pawilo, engkim a tha leh mai dawn alawm" ka lo ti sep chu min nuih sukin vanvadak chung chuan a thaw chhuak hak a "Lo kal rawh, I pem ah khan damdawi ka lo hnawih ang" tih paha a kut ka vawn rual chuan "Aih" a lo ti nghut.




"Hliam nei chungin in inchhung ka rawn luh ngam I ring em ni?" a tih chuan ka lo then sak ringawt.



"Va lut tawh rawh, naktukah kan inhmu dawn nia" ti mah se luhsan ngawt chi niin ka hre silo a, a remti lo chung a in ah ka zui phei ve tawp.




A biang ki leh a kam sir khem nung chu damdawi hnawih sakin dimte in ka chhem sak a, tuna a landanah hi chuan movie vela bad boy hi ka tehkhin ber!





"Pu Jona'n a hriat chuan kan pahnih tan a pawi thei ania" ti supin min en run a, min ngaihtuah vanga sawi ni mah se tunah chuan kalsan ka duh rihlo.

"A hre lo tur ah ngai ang" ka lo ti sap chu thaw chhuak hawkin a nui chhuak hak a, keipawh ka nui tho.






Khumah chuan avang zawngin a mu a, a ban puam sek zet chu khamin mit a chhing vang vang, zawh chi a ni em ka hre chiahlo naa chu, ka hre chak lutuk a ka zawt ta tho.




"Puia khan engmah a sawi duhlo a, khatianga in awm thut chhan kha Tata-a nen kan hre ve chak a" ka ti sep a, a mit rawn mengin a awm bawh rawka min pawt tlu chung chuan "Naktukah, umm" a ti sup a, zawh luih chi a nilo tih ka chiang. Ka bu nghat a, "Muhil rawh, I chau ngawt ang" ti sepin a biangah chuan ka fawp zauh a, nui sukin a lungphu dup dup ngaithla thei tur chuan a awm zawnah min kuah bet a,


"Riak ve mai rawh" a tih chuan ka nui che dat a, mahse thil dang engmah a sawi zawm tawhlo. A reh vang vang a, reilo te ah chuan a thaw ri sak sak tawh.

Thil tam tak ngaihtuah ka duhlo, hepa bula awm tluka nuam tih hi ka nei lo a, mahni inzahpui na tur khawpin ka khawsa angem tih lam ka ngaihtuah thleng duhlo, ka nihna leh ka pa dinhmun ka hrechiang a, ka hriat na chauh chu tawk se ka duh.
Zanin chauh chu hepa kianga thlamuang deuha hun hman hi ka duh a ni, a lungphu dup dup ri ngaithla chung chuan mit ka chhing ve siar siar!





MALSAWMHLUA POV



"Hello"

"Bawiha"
Ka nu aw ri chu a diklo tih ka chiang!


Ka taksa chunga Sarah muhil siai siai chu tih harh hlau zetin khum ah ka sawn thla a, ka taksa na them thum vang chuan ka then leh sak thin bawk.




"Sawi rawh Nu, tinge tun ang hunah min lo call?" banga Sana in tar chu en vutin sitting room lamah chuan ka tei kual sek.


Zinglam dar 2 a pel tawh, "A.. Engvak a nilo, ka muhil theilo in I pa tih harh ka hreh si a, ka lo be tawp mai che a nih hi" za lo deuh hian a nui hak a, bu nghutin "Engkim a tha tiraw?" ka ti sup a, "Naktukah I pa a lo chhuk ang, DNA test kan han sawi rik khan an reh vang vang a, mahse Malsawmi hian I pa hi rawn biak leh a ching a, a chhang let ngai lemlo na in.. A... Nuam ka tih chihalo" a ngawi leh vang vang a, a tap in ka hria!





"Nu?" a in sut deuh hraih a, "Ih e Bawiha, I pa hi ka ringhlel phallo, chutiang bawkin min hmangaih hle tih ka hre bawk a, mahse hmana a thinlung lo neih sak tawhtu leh a lo hmangaih thin hmeichhia in a rawn be leh ta fo hi ka duhlo takzet ani" a rawn ti ta a, a sawi zawh rual chuan harsa ti lutuk in kei ka lo thaw chhuak hrawih.





Kha mite nufa khan ka nu mittui an ti tla amaw?

Hrep hian!


"Min ring rawh Nu, ka pa hian nang tluka hmangaih a neilo, naktuk ah duhlo mah se DNA chu kan test ang, chuan kha mite nufa kha an rawn in lan leh tawhlo ang" sehchilh lutuka sawi ka nih avangin ka tawng chhuak hleitheilo hial!



"Ka hmangaih che ka fapa" tia min thlah in call chu a cut a, thaw chhuak hrawk in sofa ke chu ka chhir zui pawp!




Hemi te nufa lo lan atang hian buaina hian min kiansan theilo, Sarah nen kan inkar hre vek chungin Lucy lah chuan luhlul a chhuah tlat a, nakin ah phei chuan Sarah awm nawm lohna tur thil a la ti duh hial ang.




Sofa a thu thla dawt chung chuan mit ka chhing vang vang a, Lucy leh Malsawmi te hi chu nufa ni awm tawk lek an ni. Hmangaihtu rilru na taka an siam hnuah rawn thawi dam leh mai an tum a, an ai awhtu, nilo, anni aia tha kan tawng tawh tih hre reng chungin suahsual rawng an la bawl zel duh tho a, huhhh, mihring pawh an ni neklo!




Pindanah lutin tui zeta lo muhil ka bialnu chu ka en reng a, a hmel pawisawilo leh a nun tha zet hi ka phu hauhlo tih ka hria, mahse midang tan ka phal bik silo a, kha Professor tan phei kha chuan ka phal teuhlo.




Hnai zetah en in a sam hnawk niai chu ka hui kian sak a, a ni te reuh hian Lucy kha a thik ve em em chu a ni sia, ka nui ri suk a, a hmui no leh fawh nuam zet chu ti che chap chap in a nui deuh sak reuh lehnghal.




A muttui em avangin ka kaitho duhlo a, lungkham tur tam lutuk erawhin min ti muhil thei hauhlo thung.




Zing dar 6 velah Sarah chu ka kaitho a, a phone a a pa missed call lo awm teuh chuan a ti mangang hle aniang, inchhungah chuan a teikual sek a, a banah kai lawkin ka chhuahpui dawt dawt.




"Mahse min hau dawn asin, call ka chhang bawk silo a, I hmai a khem nasa bawk si, min ringhlel hrim hrim ang" ka hnung lam atang chuan a rawn ti tung, keimah vangin a pa in a hauh ka phal reng renglo, Pu Jona hian min ring tawk tih ka hria a, min rinna hi tih chhiatsak ka duh ngailo bawk.





"Malsawmhlu" an in kawt kan thlen chuan vin zet, tawng ring ngam mang silo hian a ti vak, a kut ka vawn lai chu a pawt thla zui pawp bawk, reilo ah Pu Jona te nupa an rawn tlan chhuak a, "Engatinge Sarah, nizanah khawiah nge i chhuah?" Pu Jona aw chu a vin hranlo, mahse a khauh in dik taka chhan na kan pek a ngai tih ka hria, mahse a theihloh!





"Zing karah khan 'ka muhil theilo' a rawn tia, veng lehlamah morning walk te kan va nei alawm" ka tih chuan Sarah thaw chhuak hak ri ka hre zawn a, henu vang tereuh hian dawt ka sawi fo dawn in ka hre tlat!





"Chuti maw Mama?" ka bu nghut a, "Ka harh hma bawk si, Malsawmhlua ka va kaitho tawp alawm" Sarah chuan a rawn ti ve sap a, chawp leh chilha dawt a rawn sawi ve mai thei chuan ka nuih a ti za viau.





"I bo lo a a lawmawm anih chu, tinge I hmai kha Mama?" Nu Muani chuan a rawn ti deuh hliai a, "Zuirui ho mawle" ka ti sup.



"A va zia lo thin tak, lo lut ula thingpui ka lo siam ang che u" a tih chuan lu thingin "Ka let leh zawk ang, vawiin chu tihtur ka nei a, college pawh ka kal hman dawnlo aw" ka sira ding nula chu ka melh zawk a, a meng buai deuh nak chu nuih sukin "Ka pa a lo chhuk dawn a,inchhung lo tihfel ve deuh a ngai" ka ti leh sup.




A bu deuh nghat a, ka phone a rawn ri zawm ta bawk nen ban vaiin ka let San a.





"Hello Nu"


"I tho tawh em Bawiha?" ka nu awri chu nizan ngawt ai chuan hriat a nuam ta deuh.



"Imm"

"I pa chu a lo chhuk a, an tluan chuan an lo thleng har lo ang, I lo hmuak dawn nia aw" a rawn ti lang lang a, ka pu chanchin te ka zawh hnuah keimah zawkin phone chu ka hmet hlum a.



Rawng pawh bawllo in ka mu a, ka chau deuh nge ka lo chhing sek chu ka phone ri bawkin min ti harh leh, James tih ka hriat rual chuan thaw chhuak hawkin ka chhang a, "Mi dawizep ho khan pawisa an chuh tlat ania" lungawi loh hmel tak hian a rawn ti nghal bul bul, "Kan hlawhchhuah alawm, line thleng hmasa mah se hnehna kan chang" ka lo ti nghut thung.



A thaw chhuak deuh ham ham a, "Nizan ang tur kha chuan ka peih tawhlo, hmanrua an thawh leh anih chuan thawh ve tawh mai tur, thih an hrehlo tihna ani mai" ti hmukin phone chu ka dah a, kei leh ka thiante hian Tu mah kan la that ngailo, thah pawh kan tum lo. Tuna ka thil sawi ve kha chu a kawr chauh a ni,ka sawi awmzia chu ka mi biak khan a hrechiang, that turin ka ti lo a, a tul anih chuan tuman kan ti hreh hauhlo thung!





Inchhung han tihfel viau pawh chu ka peih hranlo a, ka che fel thlip thlep lo na in engmah ka dah hnawk nuai ngai lemlo. Bazaar ah chawhmeh eng ilo lei turin ka chhuak a, tuman min hriat loh nan lukhum khumin ka hmai ka tuam tlat.




"Putarte"

Ka hawi let vut a, Lucy hmel ka hmuh rual chuan ka hamhaih deuh.



"College kallo ten I bazaar vel a" ka thil khai chu melh zawkin a nui ver ver a, "Khatiang khan min ko tawh suh" ti nghutin ka hawi sawn vut.



Kan inngaihzawn lai khan amah ai ka naupang zawk a, 'Putarte' tiin min ko thin. A hun lai khan min kohna hming chu engpawh nise a 'bik' a min kohna anih avangin ka ngaihlu hle thin a, tunah erawh ka helh tlat tawh.


"Ka 'putartea' kha i la ni reng alawm" zam map lo va titu mita melh sak chung chuan "Kan inkar a tawp rual kham engkim a tawp, I hriat kha, bialnu ka nei" ka ti leh nghut.



"Enteh Mam, ka chunga I lungawi lohna hi ka hre thiam asin, khatih lai khan engvanga I rilru tina nge ka nih pawh ka in hre thiam lo, a rei a, nang tluk an awmlo tih ka chiang tulh tulh a, mahse ka hnaih thei tawh bawk silo che a" a then sak a, a hmel tha tak thin kha a la ngai reng, a rilru a no em em a, tah a awlsam em em tih pawh ka hria, mahse Sarah hi...


"Ka hmanhmawh a, ka kalsan ang che" Tih pahin ka inher vut a, ka bike hunna lam pan chuan ka pen phei pawk pawk.




Tlai lam dar 3 rik dawnah ka pa chu sumo counter ah ka va hmuak a, mipa hi chuan bungrua kan ngah lemlo a, a zia viau zel.


"I nu in a lo be tho che ka tia, ka rawn be buai duh lemlo che anih kha" a tih chuan ka bu nghut a, "In ti fai la, chaw kan ei vat dawn nia" ka tih chuan a thutna bul chu beng thukin thu thla ve lawk turin min ti a, "Enteh ka fapa, ka lo kal chhan I hriat chian tluk zetin mi hriat tlak a nilo tih I hriat kha, naktuk ah test chu kan nei ang, hlauhthawn a ngailo aw" a ti sup a, ka bu deuh nghut chu thaw chhuak ham hamin "Ka chhungkua te ka zah em em thin cheu tih I hriat kha, ka fapa I ni tih ka hriatchian tluk zetin Reuben kha ka fapa a nilo tih ka chiang a, hetiang thil kan tawn a ngai hi pawi ka ti hle bawk tih hre turin ka duh che" a tawng ringlo na in engkim chu a fiah hle tih ka hria a, ka pa hi keiin ka rinloh chuan ring tur dang an awmlo tih ka hre bawk.




"Aw Pa, naktukah heng buaina hi rehvek se ka duh, hahdam la, uhh va inti fai tawh rawh" tia thawh sanin choka lam ka pan San a, kan inchhuig leh kan unau inkar boruak a chhiat changa min chinfel sak ziah thin Tu ka pa hi ka ring tawk hle.






*I pa chu a lo thleng tawh em?* Sarah message ka hmuh rual chuan reply lovin ka call nghal a, "Hello"

"Lo leng la" ka thil sawi vang chuan a khuh der kharh kharh reuh a, "Ka rawn rim dawn che mi?" a tih chuan nui chhuak hawkin "Aw" ka lo pawh thuai. "I pa a awm bawk si chiloh" tiin chhuanlam dang a zawng leh nghal zat tho.





"I tel lo chuan college pawh a nuamlo, naktukah chuan I lo kal thei tawh ang tiraw" a tih chuan a ngaih that nan tal "Aw" tih ka chak a, mahse tihtur dang ka neih miau avangin ka thei dawn silo a.





"I hriat kha Sarah, kan chhungkaw buaina chinfel a la ni lo a, naktukah DNA test turin kan kal a ngai, engkim a fel vat a ngai tih I hrethiam tiraw" a thaw deuh hak a, "Umm hrethiam" a ti sep, tiang taka min thlahlel ve thin hi rinhlelh chang ka la nei fo asin!





"Vawiin chuan scooty i keng em ni?"


"Aih, bus in ka kal a, chuan Gedeon-an min thlah" ka bialnu in Gedeon hming a lam rik chang apianga ka awm tawt tlat thin leh thinrim chakna rilru ka nei zel thin hi ka hrethiam thei hrep lo!





"Midang thlah tur che an awmlo em ni?" ka aw ri chu thunun tum viau mah ila a chang lam hret tho!




"Awm tho a, Gedeon kha kan vengah kal a lo ngai a, a remchang em alawm" a ti leh a, a tha e, ka thianpa leh ka bialnu rinhlelh ngawt hi ka tihtur a ni bik chiah lo in ka hria, mahse Gedeon hian a huang chin pelin Sarah a hnaih a nih vaih zawngin.... Ka thaw chhuak hrawk a, mumalin Sarah pawh chu ka mangtha ta lo..





Khumah chuan a vang zawngin ka mu a, tiang taka thikthu chhiat hi ka neih ka hre ngailo, Sarah ka rinloh vang nilo in chan ka hlauh em vang a ni tih erawh ka chiang!





...




"Kal a hun dawn ania aw Ka pa" kawngkhar bulah chuan ka ding run tawh a, zing dar 10 a ri tawh, Ebenezer hospital ah Dr. Zonuna kan be lawk tawh a, ka pa phone hmang ka la nghak anih hi.



"Malsawmi te pawh an chhuak chiah anih chu, damdawiin kawtah kan inhmu ang" a tih chuan bu nghut in ka inher vut a, "Mama?" ka pa awri vang chuan ka pen tawp chawt.



Ka darah rawn dawmin min din hnaih hlek a, "Ka fapa i nih kha, rilru dawizep neih a thianglo ania" ti supin ka mitah tak min en a, kan pafa hian kan inbe tam ngailo, nghet leh tak churhin thil kan sawi a, kan inhrethiam tawn em em thin. A thil sawi awmzia chu hrethiamin ka bu nghut a, damdawiin lamah chuan kan inzui chhuak ta nghal.





Damdawiin kan thlen chuan Prof Reuben te nufa chu an lo awm ngei a, biak pawh ka be peih neklo.



Ka pa chuan zawi sup hian thil awmzia a hrilh a, DNA test a sawi ruk ruala Malsawmi mitmeng khup dai ka hmuh rual chuan ka khi sak a, "I ti awmang lo hle mai Pu Pek, I fapa ka ni emaw nilo emaw ah ka buai reng renglo, vawi khat ka nu nen kan rawn zawng chhuak che a, a bak kan rawn inlan tawhlo, buaina hi a fel tawh turah kan ngai a" ka pa a deu na awri chu ngawi renga ka ngaihthlak tawp a ring em mawni le....




"I nu lepchiah hmel zet hian ka oa hi rawn be sek lo se chuan buaina chu a fel reng ang chu" ti nghutin an nufa chuan ka en run a, "I tawngkam finkhur ang che Naua" a thinrim aw sehchilh zet hriat chu nuam ka ti hlei hlei.




"A tawk viau e, khawlaiah kan awm hi, lut vat ila test chu nei vat teh ang u" tiin ka pa rawn tawngchhuak lo se chuan he a nu lepchiah zet hmang hian ka pa a deu chhung ka deu peih!






Dr. Zonuna chuan min lo be tha viau a, ka pa nena in hresa an nih avangin min duhsak ve hle bawk.




DNA test result chu a tuka lam turin min tih avangin hmanhmawh viau mah ila damlo en tur a ngah bawk nen dawmdawiin chu kan chhuahsan ta rih a, "Hre rawh Naua, chhungkaw thila I buai viau lai hian I bialnu kha I hlamchhiah lutuk palh ange" an motor dahna zawn an thlen chuan ka beng bulah a rawn phun sup a, rum taka melh chung chuan "Ka sawi kha I theihnghilh anih ka ring, I hnaih leh anih chuan ka that ang che ka tih kha" ka tih khum ve nghut!








End of chapter 11


Next chapter ah hian Pa Peka POV hi kan dah ve duh angem comment ah lo sawi ula, in duh leh duhloh dan azir in kan dahin kan dah lo ang aw...


Dah hun mumal siamin kan han dah khât deuh pharh a, theih se chuan zantin dah chu ka duhthusam a ni teh meuh mai, mahse... A ka sawi leh peihlo ka buaina chu in hre vek

Tiang chunga min han chhiar sak hram hram thin hi chu ka lawm tak zet ania aw.. comment leh ads click kha min han ngaih pawimawh sak la... ☺


Show post links
Top

[Ngaia]

MALSAWMHLUA



Chapter-12

By RuatiRenthlei




SARAH POV





"Malsawmhlua chu eng nge ni hnih ngawt a kalloh reng reng a? A bialnu pawh hi a ngaihsak lo hrim hrim che" Tata-an min lo vui pui nasa leh tawh mai, a chhan ka hriat avangin ka nuih liam mai a, "Pa Peka rawn chhuk thu pawh min hrilh hleinen, hepa chungah hian eng emaw a thleng aniang, miin an dawi a nilo maw?" Sangkima'n a lo ti ve bul bul bawk a, kan va han tawk thei tak.





"An chhungkaw thil vang kha a nih ka ring deuh, I hrita pui em Sarah?" James chuan min rawn en in a ti sup a, tawngkaa chhang lovin dar ka kan ak.


"Kan kal kawi dawn nia, chaw ei nghal a rem khawp ang, class I la nei em Sarah" Puia'n Rawn ti lehin an vai chuan eng nge maw an hriat ni, min en deuh thap hlawm a, min ngaichang a ni mah ang chu.






"Nei tho a, mahse in bunk dawn chuan ka kal ve duh" ka lo ti sep, Tata-a a rawn ri hlut a, "Ropui lutuk, kal nghal ang u" ti vakin a phi leh cheng tawh, "I nu ten an hrechhuak leh si ange aw" titu James chu en in ka nui sak a, min ngaihtuah vanga sawi anih avangin ka hre thiam viau, mahse Prof Reuben class ania, ka text anga ka chhungte hrilh lo tura ka tih chuan a lo pawm ve mai ka ring.




Scooty ka ken avangin Tata-a ka phur a, college kan chhuahsan dawn chuan Hmuaki leh a thiannu pakhat Rawn lut tur nen kan intawk a, kan in melh fuh viau na in kan inbe lo, ka thiante ka kawm atang hian Hmuaki hi a hla riau a, class ah pawh kan thu tlang ngai tawh lo, min be duhlo ringawt kha hrehawm ka tih em avangin min huatna a neih leh neihloh ka zawt a, chhanna mumal ka dawnglo. 'Thian thar i nei a, keipawn ka nei a ni mai' tih zawng a sawi a, ka thian kawmte hi a ngaina lo tih ka hria mahse keimah lehzel min haw tel kha mak ka tia, min kawm duhlo Tu kha kawm luih phet ka chak biklo bawk nen ka thian neih hmasak ber nen chuan inhre lo angin kan awm ta anih hi.





"Lawmsangzual" tih ri ka hriat rualin ka dar a thip zawk, "Eng nge I ngaihtuah a, ka biak mawlh mawlh che kha" thinrim hmel lutuk hian Tata-an a lo ti bak nghal hlar lehnghal a.





"Thil ho deuh, eng nge I sawi kha?" tia ka zawh let chuan a sawi leh duh tawhlo, ka phone ri vang chuan kawngsir remchangah ka dinpui leh tete a, kut kuangkuahin ka hnung ami chu a thu tum bur tawh.





Prof Reuben hnan atang anih avangin college kan chhuahsan dawn khan message ka hnutchhiah bawk nen thil pawimawh anih ringin ka chhang a, "Test kan nei dawn tih I theihnghilh anih ka ring Sarah" a rawn tih chuan hrechhuak thut in Tata-a chu ka ve en zawk a, min lo melh rum nasa lutuk chu ka hawisawn leh vat.




"I sawn mai thei lo em ni?" ka ti sep chu "Sarah" a Rawn ti hrawk!

"In professor ka ni tih theihnghilh suh, i rawn kal dawn chuan ka nghak che anga, dawnloh chuan I pa ka hrilh ang" chupa mai mai chu!



"Ka rawn kal ang" ti supin phone chu ka off a, "Tunge?" Tata-an a lo tih chuan thaw hakin "College ah let ka ngai, test a awm a" ka ti sep a, ka sawi zawh ruala a hmel landan chu e, rapthlak tak a ni rapthlak tak!



"Hmelchhenu" ti vakin scooty atang chuan a zuangthla a, "Taxi ka phar sak ang che" tih pahin ka nuih tlawn titih.


"Keimahin ka phar ve mai ang, kal vang vang rawh" ti tun tunin a insawh deuh nghawng nghawng a, a thinrim rei dawnlo tih ka hriat avangin ka nuih liam mai mai.



Hmanhmawh deuhin college lamah chuan ka let leh a, Prof Reuben chet duh dan chu ka haw viau, class ka luh hmain Mama'n min lo call a, chhang lovin message ka thawn ta ngawt..




Inring lawk lemlo in ka test ve leh tawp a, thiam tak ka nilo na in a harsan hranlo.


"Lo ding lawk teh Sarah" Prof Reuben aw ka hriat rual chuan ka ding dat a, corridor railing chu vuanin a thaw chhuak hawk.


"Class tlanbo mai mai tur a ni hleinem" ti nghutin min rawn en a, ka ner ru sak chu a hmu hman anih ka ring, a nui suk a, "I buaina tur a awm loh chu, ka tlanbo leh ka tawrh tur a ni mai ang, chhungte hrilha in vau vel tur kha chuan naupangchhia ka ni tawhlo" ka tih khum ve sak.




A phone ri vang chuan engmah a sawi zawm ta lo va, tunge maw rawn call teh chek ni, min rawn en in a rum nghut a, a hmel chu tha mah se hepa hi chu ka ngaina thei tak tak tawhlo!



An inbiak zawh hma chuan ka kalsan ta daih a, khua a lo tlai leh tawh lutuk chuan thinrim a belh tun thei lehghal.




"Kan in hmu leh ta alawm" ka scooty dahna bula lo ding ka hmuh chuan min thawng viau, Lucy hi kan college ah eng ti turin nge a rawn kal ka hre neklo.


Sawi tur ka hriat loh avangin ka nui sak ringawt a, "Pawi I tih loh chuan kan in be lawk dawn em ni?" a Rawn tih leh takah chuan ka helmet ken lai chu dah thla in "Sawi la" ka ti sep a, "I hmanhmawh hmel sia, tlang dubin ka sawi ang aw" ka bu nghat a,

"Mama nen hian in inzui na a la rei ka ringlo, a dik tiraw?"


"I buaina tur anih loh chu" a nui chhuak hak a, "Pastor fanu I ni tih chu awih a har viau dawnin ka hria" a tih leh chuan thaw chhuak hakin "Mi oawhin an ti fo alawn, I sawi duh chu sawi vat rawh" ka lo ti hmuk.



"A tha alawm, rapthlak taka ka chet hma in then ang che, hun reilo te chhung khan a bialnu I lo ni mai thei a, mahse hman atanga a hmangaih chu keimah chauh ka ni tih hria ang che" a thil sawi vang chuan za lo deuhin ka nui chiam a, a thuam hmanto hmel zet leh a rawn chet duh dan thing zet in millo lutuk chu ka nuihpui a ni mah ang.





"A la hmangaih che tih chu lo awih ta ila, I ngaihzawng nih leh chu a duh tawh chiah ka ringlo, a chhan i hre duh em?" a mitah tak chuan ka en ngar a, "A chhan chu nang hian I lerh san miau alawm, engtikah mah a ring thei tawh ngailo ang che" tiang tak hian ka ngaihzawng ka hauhna ang tih rin ngaihna pawh kap hrelo!





Thildang sawi leh tumin ang zuau mah se ka kalsan ta tho a, kawng tluanin ka ngaihtuah naah chuan thil pakhat chiah a awm, Lucy thil sawi kha....


*hun reilo te chhubg khan a bialnu I lo ni mai thei a, mahse hman atanga a hmangaih chu keinah chauh ka ni*


Kha thu khan ka thin hnun ah min vilh ngut ngut a, huai takin chhang let mah ila min hmangaih thu la sawi ngailo bialpa ka neih miau avangin ka chhung ril chu a na ngawt ngawt tho. Aw,, Malsawmhlua hian vawi khat mah min hmangaih thu a la sawi ngailo.





Thaw chhuak hak in ka break vak a, thil ka ngaihtuah nasat luatah kan in pawh ka tlanpel lo chauh alawm. Mama te ina va tlang chu a tir atang tum sa mah ila ka mi tawn leh thil hriatten a zirlo bawk nen ka peih leh ta lo va, inchhung ka luh chuan ka beisei loh lutuk in pa Peka leh ka a sofaa lo thu dun chu ka hmu a.







PU PEKA POV



Kum 20 chuang zet a liam hnua Malsawmi vanga kan nupa inkar a la buai fo chu rin a harsa lam mah a ni!


Ka fa anga a rawn sawi tlangval kha ka fapa Malsawmhlua aiin a upa hret, ka nupui nen kan intawn hma in Malsawmi nen sulhnu tam tak kan nei tih ka hria a, sex kan hmang ngei tih pawh ka pha lo!



Thil tam tak ngaihtuah chuan ka fa a nih theih dan kawng chu a awm alawm, mahse ka fa a nilo tih chu ka hming ka chiang tluk zetin ka chiang thung si!





Vawiin ah DNA test result a chhuah kan beisei a, kan test na hospital ah khan eng harsatna nge amaw awm ka hre hrelo, tih that leh a ngai dawn a, ka cham hun chhung pawh ka pawh sei a ngai dawn a ni.





Thenawm pastor nen kan inhmu fuh a, Sarah Pa a ni tih ka hriat ang bawkin a ni pawhin min lo hmelhriat viau a,inchhung ah kan inzui lut a, pastor inchhung chu a zahawm khup mai.




Sakhua na lamah ka kalna viau lo a, thingtlanga piang leh seilian tih tak ah ramvah leh huan enkawl hi ka hna a ni deuh tawp mai.






"Pu Peka chu ka rin ang tak a ni ka ti, I zahawm khup mai" Pastor tawngkam vang chuan ka nui a, kawngkhar lam atanga rawn pen lut chu ka lo en ran.



Sarah chuan baihvai hmel deuh hian min en a, a nui ver ver ringawt, "I lo leng alaw" tih pahin min rawn pan hnai a, kan thutna ep chiaha thu thla ve pah chuan a thaw chhuak hak.





"Kan inah I thiante an awm vek kha" ka tih chuan bu nghatin "Test ka nei a, ka hman ve ta lo" a lo ti sep, "I pa Peka nen hian thingpui min va lum rawh Sarah" tia a pa in a tirh takah chuan choka lam ni awm takah a kal ve nghal a.




"Kan fanu te ang, â phengphuang zet mai karkhat chuang min lo kawl chhawk thei a, a lo damlo lehnghal em mawni" a tih chuan nui chungin nula fel tak a nih thu ka hrilh a, rei pawh thu lovin thingpui kan inzawh chuan ka let San leh rih a.





Naupang ho chu hla maksak pui pui ngaithla in an lo ri leh dum dum tawh a, "In thiannu pawh a lo haw tawh kha, in sawm ve dawnlo em ni?" ka tih chuan Tata-an pawr zetin "A ho mai mai, Lawmsangzuali kha ka ngei ania" a Rawn ti nghal tun tun a, Lalmama chuan a bialnu chu a lo tan ve lutuk, "Kan call ange" tiin pawnah a chhuak zui a, naupang ho chuan ka zinthla tih an hriat rualin an rawn kal nghal anih hi.




Ka nupuiin min rawn call ka hriat chuan pindanah ka lut vat a, "Result chu a chhuak em?" a aw ri chu ka sawi fiah thiam lo, natna ni awm tak, hlauhthawnna leh beisei na nen a in pawlh nuai ni ber hian ka hria!





"Enteh Bawihi, harsatna a awm avangin nakumah test that leh a ngai dawn a,mahse ka sawi tawh kha, ka fa a nilo tih ka chiang tawk aw" ka ti sup a, a thaw deuh hak chuan ka thin a ti na vawng vawng!





"Ka ring che" a ti sep a, Malsawmi ka tawn hmaa ka nupui ka tawnglo hi pawi tih chang ka ngah asin aw... Ka fa a ni emaw nilo emaw, tianga min Rawn puh ngawt pawh hi nupui tan chuan a na viau ngei ang.





Keilah chuan phat theihna dan ka nei der bawk silo a, a zahthlak ka tiin tlawm ka in ti a, min puhna erawh a diklo tih prove ngei ka tum thung.





"Buaina a fel anga, ka lo haw nghal ang aw" ka tih chuan 'aw' a lo pawh vat a, nakina ka biak leh tur thu hrilhin phone chu ka hmet hlum rih a.





*Test hi ti ngam tur I nilo asin, I fa a lo nih vaih chuan I chhe vek dawn* Malsawmi message chu chhiarin ka ner zui sak, *Ka fa anilo tih ka chiang em a ni* tiin pindan atang chuan ka chhuak a.




Sarah pawh a rawn thleng phei leh der tawh, Mama nen choka ah an lo awm a, an duh dan anga rawng chu lo bawl mai tura hrilh in pawn lamah ka tei chhuahsan a, hmun hla han kalna hun a awm tawhloh avangin veranda a thutthlens sei an hunah chuan ka thu a, hun kaltawh ngaihtuah let chuan ka ngawi ta reng.








Malsawmi hi ka hmangaih thin tih phat ka tumlo a, mahse a ni khan min phatsanin hmun hla takah, a chhan pawh sawi hauhlo in a kal thut a, khatih laia ka nat dan tur kha a ni tluka hrechiang tur an awmlo, a chhan chu ka hmangaih zia hrechiang Tu ber a ni miau a ni!



Amah vangin ka nundanphung ka hloh thelh a, ka nupui hi rawn langlo se chuan hmangaihna mitdel lutuk vang khan mi pangai ka ni ve tawh lo hial mai thei.




Ka nunah Tetei a rawn lang a, a zunin min phuar hneh em avangin Malsawmi vanga ka natna te chu thai bo a ni tial tial a, ummm...
Ka nupui ka rawn hma kum hnih liam ta a khan ka nupui tura ka rin Malsawmi nen kan chesual ngei a, mahse Reuben hi ka fa a nih ka la ring thei chuang derlo!.



A chhan chu Malsawmi nen khan inneih kan tum reng a, ka fa a nih takzet chuan Mizoram chhuahsana naute nei lo in tha takin min hrilh tur a ni.




Thaw chhuak hawkin ka hmai ka tuai puat a, naupangho hlim te tuar tuar ri chu chhan awmlo in ka nuih pui ve suk.




"Sawi rawh" Malsawmi call anih avangin nem taka han biak vel ka tum hranlo.


"Zanah in hmu lawk ang" a aw tham tiak vng chuan mit ka chhing a, "Kan vanglai ang a nih tawhloh hi, tikhan i sawi duh chu sawi rawh" ka ti sup a, "I ti dik, kan vanglai ang a ni tawh lo a, phone a sawi theih loh thil tam tak a awm tawh, zanriah ei khamah Falkland road ah, motor ah ka lo nghak ang che, kan fate tello in aw u Pek" ka chhan let hma in phone chu a off a, thaw ham ham in ka phone chu ka hum ngawt ngawt.





Naupang ho in chaw a ei theih tawh tih min rawn hrilh avangin inchhung lamah kan inzui lut a, Sarah chu a chhungkua in a zir vang te pawh a ni mahna, nula fel tak a niin ka hria.




"Khawiah nge i kal dawn Pa?" pindanah Mama rawn lutin kawrlum ka ha tha lai chu min en run a, "Malsawmi'n eng emaw sawi tur a nei a, ka hmu lawk anga ka lo let har lo ang" ka tih chuan rum nghut in "Pa?" a rawn ti hrawk a, ka phone khawih lai chu dahin amah en chung chuan "I ngaihdan tur chu ka hre thiam alawm, tlang taka Malsawmi ka hmuh tur thu ka hrilh chhan te hi ngaihtuah rawh, dawt ka hua tih i hria, chuvangin dawt ka hrilh ngailo bawk che a, ka chhungkua ka venhim theih nan cheu ka hmuh a ngai, I hrethiam em?" A mitah tak en chung chuan ka ti sup.



Vanvadaka a kawng dawmin a thaw chhuak hak a, "Ka hruai ang che" a tih chuan lu thing nghut in " A tha berlo ang, bike chabi" tiin ka kut chu ka phar chhuak a, "Pa?" min ngaihtuahna mitmeng bengdai tur chuan a mitah tak enin ka bu nghut a, chabi min pek rual chuan "Ka lo let har lo ang" ti supin ka chhuak zui nghal a.






Kum 50 ralah ngaihzawng hlui hmu turin zan thimah ka tlanchhuak chu a ni sia, za lo zet hian ka then sak a, ka kum phu lo in ka lang naupang tih ka hria a, ka pute lam atang tawhin kan thlahte ah tumah pate tak an awm ngailo, kei phei chu Pathian zarah ka hriselna a tha a, ka la chak lutuk ringawt.





Zanlam ah Falkland road a mahnia han tlan chu a chhan sawi tur em em awm silo in lung a leng riau a, inhmuh na tur dang a tam tehlul nen Falkland ber kher a thlang chu khua a vawt deuh tawh bawk nen tul ka ti viau lo khawp mai.





Kawng sir lama car oakhat lo ding chu amah anih ringin ka ding ve nghal a, motor hma lam nghenga lo ding chu hrilh nawn ngai hauh lo in ka mi hmuh tum chu a ni tih ka chiang, min hmuh rual chuan nui var var hian min rawn pan hnai a, kan awmna lai vel thlek kual thuak pah chuan "I sawi duh chu sawi la, in lanah ka fapa in min nghak reng" ka ti chhuak sup.
















End of chapter-12



Masi boruak nen buai a na cher cher viau a, nizan pawh ka dah hunah ka dah theilo leh a, thupha ka chaw leh e aw... Hun a chep bawk nen ka dah leh hun tur ka sawi theilo a, a hranpain information chu kan in pe leh dawn nia aw...




In zavaiin Christmas chibai vek ule...


Show post links
Top