Be with you BY Pie sangtei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Be with you BY Pie sangtei (Completed)

Unread post by Ngaia » April 16th, 2023, 2:12 pm

Chapter-13


Min duh ve se ka ti a, alak atang a ka beisei pawh ani mahse min duhthu a sawi ta cheng a, ka ring ngam leh bawk silo



"Chuan" tih bak sawi tur ka hrelo
"Chuan ka ngai thin che" ati leh sup a, a mitmeng ah dawt a sawi hmel siloh a, rui hmel pawh a pu hek lo, a damlo anih ka ring



"Ramlian" ka tih chuan a phun hluk a, Ramlian tih a auh hi a duhlo zia hria in ka au lui kher zel



"Thil hi a rawn thleng zut zut a" ring ngam chiah silo ringlo phal chuang bawk silo in ka awm a, a buaithlak takzet ani



"Thleng zut zut hleinem a rawn in mung chhoh na hi a rei tawh" ati leh ringawt a, eng chu nge in mung chho pawh chu a sawi leh chuang bawk silo


"Anih leh ti hian kan in ngaizawng tihna ami" ka tih chuan min en zawk a, boruak chu thaw lut ham ham in "min duh ami" arawn ti a, beiseina mitmeng in min melh ran bawk



"Ka rilru leh ngaihtuahna ah hian i awm reng a, ngaihtuahloh che tum mah ila ka theilo, ka khawchhung atang hian min tur ut ut a, hmuh che ka chak thin a" ka ti duah a, ka thusawi lai chuan mit tla lek lo in minlo en reng a, a duhzawng tak ka sawi aniang a hmel a hlim hmel lo lang chhuak pawh chu chiang takin ka hmu



A bu nghut a, "ka bialnu ini chiah" thutak zet in ati a, a buk nghut nachhan chu ka lo ngaihtuah leh daih tawh



Heavena te thian dun chu nui ver ver chungin anlo lut a, an zun chhuah na chhan kha ka hrethiam chiah bawk


Ramliana ber lah chuan "va zung tawh ru" kha ati mauh mai a, mak kha ka lo ti ru reng ani.



An tlan liam lai te chu hlim zet in ka thlir liam a, tunah hian ka kâ ah pawh rawn zen se ka seh lovang



min bem tu ka chhang ve thei tawh a, hman a ka duh em avang a ka chhan ngam tak loh kha ka rilru ah arawn lang nghal zat bawk a, kha thil kha ka û hian hria se min chhaih nan tak a hmang ngei anga, min nuihzat dawn lutuk ringawt



An thlen hun awm vel ah Ramliana hnen atangin message ka dawng a, nui vur vur chungin ka reply a, ka thiante hrilh ve tha in ka hre tak na in zep rih ka duh ta zawk



Eng eng emaw sawiin kan inbe ve ta reng a, ka mut meuh chuan 12 alo hnai leh kuar tawh.



Zing ka harh rualin ka phone ka en a, Ramliana morning message zet chuan mood a on kher mai



*morning vawiin enge itih dawn* tih ka va thawn a, alo blue tick nghal vat bawk



*tihtur ka ngah lutuk* tih zawngin min lo chhang a, a tihtur chu ka hre chak leh zek zek tawh

*Eng maw* ka va ti leh ta hram a, min hrilh duhlo pawh nise apawi ka tilo mahse minlo hrilh duh tak hlauh chuan a vanneih thlak dawn em a



*ka ngai ang che* arawn tih chuan ka khi vur vur a, chhan mai dan tur pawh ka hre leh tawh lo


Ka reply dan tur ka ngaihtuah mek laiin message dang alo lut leh nghal a *tunge i biak* tih ani, amah bak ka biak loh avangin *nangmah* tih chu ka thawn let ve nghal thuai a



*min va reply har si ve* arawn tih leh chuan ka nui chhuak hawk, a thikthu a chhe viau dawn anih hmel pawilo ka duh daih zawk.



*e taka Ramlian, enghna ber nge i thawh a* ka ti a, alo thawk lo anih leh chawm ka in huam hle bawk


*Ramlian anilo , duat tirawh* arawn ti chu ka nui leh ver ver tawh, a zei ka rinsa kha ani a, ka rin phak bak in a zei daih mai




Vawiin ka la off avangin in ah ka awm a, ka nu dawr ka nghah chhawk zeuh zeuh bawk

Tlai lam ah chuan dawr nghah aiin eirawngbawl ka duh zawk avangin in lam ah ka chho a, eirawngbawl pah a Ramliana biak ka chak ani


Mahse ka message a seen thei ta miahlo a, han call tawp lah kan ni ve choh sia ka in thlahrung deuh bawk si chu ka thin a rim deuh tun tawh a


Ka khanghu kan lai ah te chuan ka rilru ka pe hlawl lo, nidang chu nise a ut hlau in ka chawk ka chawk leh tawh ngei ang.



Tlai chaw ei dawn thleng pawh chuan ala reh reng a, a hriat hauh lohin ka titau ve ringawt bawk


Chaw ei laiin ka û in min melh leh zuk zuk thin a, engah mah ngai duhlo in ka ei mial mial


"Lawm lohna anei ami" ka nu bul a ati ru sur sur pawh chu ka hre reng a, ka nu chhan na erawh ka hrethei lo thung, hmeichhia hi chu thil in hrilh ruk te hi kan thiam thin a



Thleng ka sil lai a ka û lo vei deuh chhen chuan ka mood a ti off zual vek a, han hau ringawt dawn ila engtin mah minti bawk silo


Tui ringawt pawh vawi 5 lai a rawn in tawh a, min melh zeuh zeuh tih pawh ka hre reng


A vawi 6 na ah chuan ka ning tawh lutuk in sum thei tawhlo chuan "sawi rawh" ka ti vin tuar a, ka û tui hak pawh chu engah mah ka ngailo



"Enge ilo vei chhen, sawi duh ineih chuan sawi rawh" ka ti leh a, sawi duh aneih loh thu sawi mahse anei tih hi ka chiang emai


"Sawi maimai teh" tiin ka thlengsil lai chu ka sil chhunzawm leh nghal a, a ruk tak chuan ka nuih aza ru ang reng.



"I dam lo ami" arawn ti ta ngei reng a, ka damthat thu leh engtin mah ka awmloh thu ka lo hrilh hnu ah min en vung vung chungin choka atang chuan a chhuak zui ve nghal a, ka thawhuai thei



"Ka mu dawn nia" sitting room a ka chhungte lo thu chuan mak tih hmel deuh hian min en hu hlawm a, engmah an sawi tak siloh ah chuan ka room lam ka pan nghal a, khum ah ka bawk thlawp


Heti emem hian Ramliana hi ka lo duh ang tih ka ring pha lo a, alak a ka feelings ang hi U nunzira lakah khan ka nei ngai lo


Engtik lai mai pawh hian ka ngai a, ka thlahlel a, hmuh ka chak a, biak reng ka chak thin, heti emem a ka vei mai hi amah ah hian nge keimah ah hian diklo awm zawk ang?


Call ka dawng a, Ramliana ani tih ka hriat rual in ka âw ka thian te te a, ka titau ani tih a hriat theih dan tur ang ber leh ngaihnobei thei tur ang ber a ka rin chuan "hello" ka ti a, lo hrethiam tak ang maw



"Google" a rawn ti tham tiak a, a áw atang chuan mutho hlim a ang ka ti


"Ka lo muhil a ka harh chiah" ka rin ang ngeiin arawn ti a, ka tihtauh ve na te kha chuan silchar ah magic min zir san leh daih tawh.



"Anih chu , i muttui em" zang vah hian ka ti a, "umm nangmah hlir ka hmu che" ati chu ka awih lo kher mai


"I dawheh lutuk" ka tih chuan a nui chhuak hawk a, a nui ri mawlh mai te hi maw lei theih ni ngat se chuan ka lei ngam sak ani.



"Ka lo leng dawn em" ati a, a thawm atang chuan a mut na a tangin a tho chhuak mek anih ka ring



"Lo leng la chu ka ti" ka ti a, lo leng rawh tih dawt kha ka inthlahrung ve tho alawm


"Okay , anih chuan kan in phihfai nga, ka lo kal ang" ati a, nui var var in call chu ka dah a, ka thawmhnaw thlakin ka sam ka khuih a , lanthat ve deuh chu ka duh ani



Sitting room lam ah chuan ka pa chiah alo awm tawh a, ka nu chuan dawr a nghak anih ka ring a, lalrinpuia erawh a len loh chuan a room ah a awm ka rin avang chuan ka zawt duh ta biklo



"Pa inleng ka nei leh dawn a" ka ti a, tute nge annih min zawh chuan nizan ami te bawk kha annih thu in ka lo chhang a "an sual hran lo a mahse i fimkhur dawn nia" minti ve ngei a, tikha chuan ngaihngam deuhin ka awm thei tawh ang.



An pathum bawk in anlo kalleh dawn emaw ka tih laiin Ramliana chiah alo kal a, a chetzia atang chuan a zam ve hle tih pawh ka hre thei



"Ka bialnu inih hnu ah keimah choh a lo rim che ka duh a" ka pa kal hnu a atih chuan ka lo nuih a, ka ngaihtuah a hepa hi ngatinge engtin pawh hian a that emem bik mai le



kan tunhma nun te kan sawi dun a, a naupan lai chanchin a sawi lai te chuan a hlim riau in ka hria a, ka zawt nasa zual bik a, ani pawn sawi nuam atih hmel khawp mai.



In haw lo tak a kan thut dun laiin Lalrinpuia leng a rawn haw thut a, min en vung vung a, engmah sawi lo in a room ah a lut zui nghal



"Ka û anih kha" ka tih chuan a lu a lo bu nghat a, ka kut ah vuan in a khalh niap niap bawk


"Ka patea nupui neih ni chu" atih chuan ka phu leh deuh zawk a, U nunzira kha a patea ani tak


"Enge" ka lo tih chuan "kal ang aw" ati liam leh puat a, ex te inneihna ah tunge maw kal du du ngai le


"Ka duhlo e a" ka tih chuan "kan kal ang" ati deuh nghut a, eng a hria chu nimaw


"I patea ex kalpui chu i zak lo ami" ti a ka zawh chuan "engvangin ka zah ang" alo ti leh ringawt a,zak lo mahse keimah hi ka zak



Zanin chu reilo te tak tak a rawn leng a, ka nu dawr khar hma in a haw fel leh der tawh

A kalliam chiah rualin ka ngai leh nghal a, theih chang lul se chelhbeh ka chak takzet ani.



Mut hmun ah reilo te kan in biak leh hnu ah kan muhil a, amah ngaihtuah reng chungin ka muhil a, ka harh ve leh amah bawk ka ngaihtuah leh thin.


Nilengin ka rilru ah a awm a, apa sumdawnna vang in Lawngtlai ah an kal a, zing a kan inbiak zuai bak kan in be leh tawh lo



Tlai lam dar 5 vel ah an thlen chiah thu minlo hrilh a, a chauh leh chauh loh ka zawh chuan a chauh loh thu in min chhang mai a,a áw atang chuan a chauh hmel bawk si chu ka ngaihtuah rilru khawp mai


Zanin kan duty chu tihtur kan neilo leh viau a, Lalnuna leh Ramliana te an inkawm thin tih ka hriat ruk ve kar avangin eng eng emaw chu hriattur a awm ka rin avangin ka titi pui a



A tir chuan Ramliana chanchin ka zawt duh lawk bik lova, Heavena a damthat tawh leh tawhloh te, an hausak hmel e tih vel chu ka sawi a, kan lalnuna lah chuan alo sawi tha duh kher mai



Ramliana kan sawi kai chho ta ngei reng a, mahse ka thuhriat chuan engmah ti danglam thei tawh dawn lo mah ila min deng ve det ani



"Nupui anei tep a, Cindy pawh khan a duh an in duh ve ve, naupanlai atanga in ngaizawng tawh annia, mahse Lalhmelthaa hian enge a hriat pawh ka hrelo pastor hma a an din laiin inneih a duh leh loh thu a sawi a, biakin a tangin a chhuak zui nghal a, kan zawng nasa lutuk, Delhi ah alo zuk kal daih a, nikum khan alo haw ve chiah alawm"ati a, engvang a inneih chu thulh nge anih a hriat bik loh avangin " cindy chu tunah khawiah nge a awm" ka ti ta zawk a, "pasal anei daih tawh a, fa pawh pa 2 lai annei tawh" atih chuan ka thawhuai thei



Naupanlai atang a in ngaizawng tawh annih chuan inthen tawh mahse engemaw hi ala awm tlat thin a, chutia cindy berin pasal a neih tawh chuan ka thla a muang huai mai.



"Cindy hi chuan ala duh lutuk ka bulah pawh a sawi thin a" kawngaih hmel deuh hian ati a, "anih chu a khawngaihthlak reuh hle mai" ka ti a, ka rilru taktak pawh ani ka chan nise na ka ti dawn lutuk tlat



Kan titi tui lai taka minlo call avangin pawn ah ka tlanchhuak nghal vat a, "hello" ka tih rualin thaw hawk ri ka hre nghal


"Tinge" a thawh a hah anih ka rin deuh avangin ka ti a, mahse ka rin ang reng alo nilo "i âw ka hriat hma kha chuan ka thaw lo a" ati a, inlak zei a tum ve thin lutuk hian min duh zual tir a, ka hmangaih loh nan a min dal tu thildang reng a awm lo bawk



A kum zat ka zawt a, min chhang tha duh miahlo a "kei aia i upat pawn i upa vak theilo" ka ti chu a duhlo kher mai


"Nang aiin ka upa fe" tih bakin min chhang duh lo a, awihlo viau mah ila ka awih sak ta tho


Inrinni a an rawn haw tur thu a sawi chuan ka hnual rawih a, zan hnih lai an la thang dawn ani a, ka ngai zual emem bawk


Ka hmangaih che êm chu inti lo mah ila , kan in ngaihsak a, tudang reng kan ngai biklo


Kan in ngaizawng choh emaw tih laiin thla thum lai alo liam leh reng tawh a, zanin hian a lawm nan lenchhuah pui ah min sawm bawk ka hnial lo a, ka chak emem tawh zawk ani.



Ka in siam mawlh mawlh laiin lalnun an min min lo call a, a thu rawn sawi chuan ka thling thlengin a khawih vek Ramliana a accident arawn ti anih chu



ka che buai nghal vek a, an awmna damdawiin ka zawh chuan "ka rawn hruai ang che" tiin phone a dah a, Ramliana ka call nghal vat bawk mahse switch offf a in tih tlat avangin a accident na lam ah a phone pawh a chhia anih ka ring.




Kawrlum ka ha a, lalnuna lo thlen hun nghak in kan in kawt ah chuan ka ding a, ka tawngtai mawlh mawlh bawk


Ka tap theilo a, ka thin zawn ah erawh lungtum lian tak hian a hnawh ang mai hian ka awm thung


Kan in kawt a car lo ding chu ka lo en reng a, lalnuna alo thlen har em avangin ka call pah bawk


Lalnun an call alo lak rual in car atang chuan heavena alo chhuak a, "heaven" ka lo tih chuan "lo lut vat rawh" ati a, hmanhmawh deuhin ka lut zui ve nghal


Kawngtluan in kan inbe lo a ti ila min bia a , min hnem a, athat leh vat tur thu a sawi a, mahse ka chhang lo thung


Ka tawngtai mawlh mawlh reng a, a chungah engthil thalo mah thlen tir lo hram rawh tiin chunglam ami ka be mawlh mawlh a, min chhang hram se ka ti takzet ani.



"Heihi damdawi in ami" ti a ka hawikual chuan "aw an chhungkaw damdawiin bik" atih avang chuan car atang chuan ka chhuk vat a, kalna tur mai ka hriat loh avangin heavena chu ka lo nghak a



"Minlo zui rawh" tiin a kal zui nghal a, a hnung ah, hlauthawng mangang emem in ka zui ve bawk


"Va lut rawh" tiin kawngka lam chu a melh zeuh a, a hmel lungngaih hmel tak te chuan ka ngaih ati thalo zual a, luh chu duhin chak viau mah ila ka hreh tlat ani


"Thlamuang deuhin awm rawh, engtin mah a awm lovang" tiin min thlamuan tak na in amah ber pawh chu a thlamuan hmel vak biklo


Kawngka ka lut chiah chu!


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:12 pm

Chapter-14


Kawngka hawngin ka pen lut chiah chu alo eng nghal tuarh a, ka hma a pangpar keng chung a lo ding reng ka hmuh rual chuan a hma a ka mittui tla thei miahlo kha a sur hian anlo sur zung zung a



Che changlo in ka ding reng a, ka mittui lah chu ka hru mawlh mawlh bawk

"Hey" tiin min rawn kuah a, ka in hnit faih rual chuan "ka tihpalh " ti leh sup in min kuah nghet sauh bawk



"Lalmuan tap tawhlo teh, prank anih kha" Lalnun an alo tih chuan ka tah a chhuak zual tlat pek a, ka hmui ka pet fan fan



"Google" dam dup a tiin amah hmachhawn chuan min din tir a, "i tha em" mitmeng ngainatawm zet a min melh chungin ati a, ka lu lo bu nghat mah ila ka la tha chiahlo


A thih mai hlau in ka awm a, mangang emem in ka tawngtai a, minlo prank maimai ani tih hriat leh lek phei chuan a lawmawm rual rual in tah a chhuak ngawih ngawih ani




"Le, party ang" lalnuna bawk chuan alo ti leh a, keipawh in siam rem thuai in ka nui lui a, ka nui hmel a hmuh rual a Ramliana hmel a thlamuan na lo lang chu ka hmuh hmaih hauhlo



A pangpar min pek chu la in "vawikhat mah khatiang thil kha ti leh tawh suh" ka ti a, atih tawh ngailoh tur thu a minlo chhan hnu ah thutna lam kan pan ve chiah



"I tha em" maria in alo tih chuan ka lu ka bu nghat a , "an mawl hlawm lutuk a, ti suh u ka ti mawlh mawlh alawm" alo ti a, min prank dan vel chu a lung a awi chiah lo tih a tawngdan a tang chuan a hriat hle bawk



"Apawilo" ka lo ti takah chuan thawhak in "tleirawl ho tihawm tawk te te hi an la hlimpui emem zel a" ati leh hlak hlak a, ka ngaihdan chiah pawh ani


Kan thla thum in ngaihzawnna champha êm hetiang a thiante nen a han lawm chiam chu ka zak ru ang reng hle a, a chhan pawh kan hmalam hun kan hre silo a, kan la inthen lo ang tih pawh a sawi theih loh then ka tum tihna erawh ani chuanglo



Balcony a boruak thianghlim ka dawn laiin Heavena alo kal a, "ka tihpalh aw" arawn tih chuan "tihpalh tih angailo" ka lo ti vat a, a inthiamlo lutuk hi ka khawngaih zawk



"I dinhmun ah khan ding ve ila chu itih ang tho khan ka ti ve ang" ka tih chuan a nui suk a, hnial theih rual loh a chung ah a thleng a, thinrim khum thei ka ni bik reng reng lo



"Ka kal dawn, nuam deuh khan lo hmang ru aw" atih chuan a kalna tur ka lo zawt vat a "mami ten ah" atih chuan ka lo chhaih fiam a

"Min chhang duh tlat lova" beidawn hmel fahran hian ati a, "beidawng reng reng suh, duhlo bik che anih ka ringlo" ka lo tih chuan anui leh var var tawh


"ka rintlak ania" ati a, a thusawi chu hrethiam in ka lo nui a, "ka kal ange" tiin a kal zui nghal , ka unaunu mami chu a lo duh ve hle anih hmel, engtin nge Mami pawh hian khatiang tlangval fel leh hmeltha kha alo la hnawl reng theih zawk remchang hmasa ber ah ka biak ngei angai ani.


"Nuam iti lo ami" ka kawng a kuah pah a lo ti tu chu thei leh theilo in ka en a, minlo en ve chiah bawk


"Ka ti lutuk zawk" ka lo tih chuan "taktak maw" tiin a nui suk a, rawn kun hniam in a tihtur chu ka hailo chiang hle.



Min fawhna a thlah hnu chuan thawk a la hawk a"ngai ah ka nei theilo" ti hluk in min kuai her a, tunah chuan chiang deuhin a hmel ka hmu thei tawh


A mimeng zim sât chu alang sexy emem a, a mit hnuai lam valh kalh te chuan a mitmeng a timawi zual a, a hmui huh chap te chu strawbery ang mai a tui hmel ani



A rawn kun hniam leh rual chuan "ti suh" tiin ka ding mar nghat at a

A hmel atang chuan angaihna a hriatloh hmel takzet ani


Engmah sawilo chuan a tihdan ngai bawk chuan arawn ti leh a "ti suh ka tih chu" ka tih chuan "hrep tak hian enge i hriat a" ati hluk a, a aw ki atang ringawt pawh chuan a lawmlo hle ani



Ka kawng a kuah na chu ka phelh a, ka chevel chu mak ti deuhin minlo en reng thung


A sán em avangin ka theihtawp in ka dingdihlip a, a ngawng ah kuah in a hmui ah ka han fawp a, robot ang maiin a ding khawng reng chu mak atih vang tih ka hre reng hretiang hian vawikhat mah ka la ti ngai tlat lo ani



"Hetiang a tih hi ka duh a" tiin ka fawp leh a, tunah zet chuan min ei zawh tum ang maiin min fawp a, ka kawng a a kuah na chu a nghet hle bawk amah si chet in min kuah bet a tlem in min chawi kang deuh a, ka ke hmawr chuan lei a si che che ang vel ani, mahse tiang hi anuam ka ti a, a sexy ka ti bawk.



"Google" thawp sat hian ati a, heihi min koh duat ve na ani, tun thleng hian engvang a google min ti nge anih ka la hre chuanglo




"Ummm" ka tih chuan "min nei duh angem" ati chu min thawnglo ka tih chuan dawt ka sawi ani ngei ang

."kan in ngaizawng ve choh sia" ka lo tih chuan "tunah tut tut ka ti chuang hleinem, engtik ni ah emaw, engtik hun ah emaw nangnen hian pastor hma ah tiam tlat e kan la ti dun ve anga" ati a, a suangtuahna kawm a ang mah zawk



Ka ngawi reng a, cindy nen a an chungchang ka lo hriat tawh vang nge cindy ang khan min kalsan mai angem tih te chu ka lo ngaihtuah a


"Bawihi" atih leh chuan ka en deuh hu a, vawikhat mah bawihi minla tih ngailoh avang chuan mak ka ti deuh ani



"Google tih i duh zawk ami" ka en reng avang chuan ati a, "duh teuhlo mai" tiin ka lo kuah vat, a thinphu ri te hi khuang ri ang nise a rik chhung chu ka lam peih ang



Nghet zet a min rawn kuah in "kan inneih hunah chuan, kan pahnih choh in movie te kan en dun anga, i thilsiam tui taktak te kan ei dun anga, kan naupan lai chanchin sawiin kan nui dun anga, kan fate " a chawl dat a, a sawi chhunzawm leh mai dawn emaw ka tih laiin a ngawi vung vung a, "ngati nge a" ka tih chuan "raicheh in min thihsan miah suh" zuk ti pek a mawle


"Lalhmeltha sawi awm leh awmloh te hi hre ta che" tiin a awm ah chuan ka chum pawp a, "anah" ati chu ka awihlo kher mai


"Ka lut dawn, romantic tluantling thei thlawt lo" ka tih chuan a nuih azat hmel takzet



"Lo kal teh" tiin a awm ah min bei tir leh a, aban lian zet a min kuah in ka chal a fawp vang vang


"Ka nun a ilo luh avangin ka lawm e aw" ati a, a thutak hmel hle bawk


"Keipawh i lawm avangin ka lawm e" ka lo tih chuan a nui che dawt a, nui var var in "nang aiin ka lawm daih zawk" ka tih leh vat


Hun in her danglam zel ah hian kan inkar hi danglam ve lo se, damchhung a i kiang a awm reng hi ka duh ani




Kan inthleng min thlah a, in chhung ka luh hma chu a tlan chhuak miahlo bawk



Mut hmun ah kan in be leh reng a, abul a awm leh amah biak hi chu englai pawn ka inpeih reng thin



"Naktuk i duty dawn sia i chau lutuk ang" atih tlat avangin khamlo deuhin kan inbiakna kan ti tawp a


"I mumang ka hauh" ati ziah tak na in vawi khat mah ka mumang ah ka la hmu miah lo thung


Min zawt leh ziah thin chu nise hrehawm ka ti ngawt ang, min zawt ngai tawhlo hloh a a zia phian



Ka duty tur chu "ka thlah ang che" ati deuh teh tlat a, hnial ka tum bik chuanglo


Ka û kal hnu ah alo thleng a, station lam pan in kan tlanchhuak ve nghal


Station thlen hma deuh a ding tur a ka tih chuan thuawih deuh hian a ding ve mai a "i night dawn sia, ka lo rim dawn che mi" atih chuan mu hahdam zawk turin ka lo ti a, "ka mut hahdam zawh hun ah tal" ati leh tlat tawh "aww, kan inbe dawn nia, kal tawh rawh" ka ti a, Nur nang a a inkhalh chhuak chu ka thlir liam hnu ah station lam pan in ka kal ve nghal




Ka thlen rual in lalnun an nizan avang khan ngaihdam min dil a, "aho lutuk" ka tih pawh in "ka idea pawh anilo, tilo tur chuan ka ti ve tho a" ala tih talh a,a sawi ngai a sawi nawn tluk tluk bawk nen OC room ah ka luhsan leh ta ringawt



"I bialpa thar chuan aieng a pe ve che em" ti a ka û zawhna chu ka chhang lo chiang hle


Minute 5 vel ka awm hnu ah ka chhuak leh a, lalnuna erawh alo buai tawh khawp a, min hmuh mai loh avangin ka thutna lam ka pan vat


*ni hman nuam* Ramliana message chu en in ka nui ver ver a, hlimna hi lei theih anilo a a tawn atawn angai ani



Zan thlengin a reh leh vang vang a, a buai anih ka ring , kan in ei puar hnu ah movie kan en leh a, lalnuna phei chu a tap leh pur tawh


"Lalnunpui tah hi tum nghal ringawt zel suh" ka ti chu a lo duhlo kher mai, "ka duh vang ania mi, mihring kan in ang hleinem , keite chu ka sensitive a" mittui tling pam chung chuan ati a, chhan leh chi pawh va ni nghal lo chuan




"Vaivakawn field ah inti buai an awm leh anih hmel" thakim an alo tih chuan kan thut hmun atangin kan ding hluai a


Ramliana ka mitthla ah a rawn lang zawk a mahse ka ti tawhlo ang a tih avangin an mahni annih chu ka ring chiah lo nilo ka ring phallo zawk ani.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:12 pm

Chapter-15


Vaivakawn field lam pan in kan chhuk a, kan zuk thlen hma deuh chuan an tlanchhe zo deuh vek a, thawm kan dim ve tehlul nen engtin nge maw kan kal tih an hriat reng reng ni



Lei ah chuan mipakhat hi alo mu a, abul ah chuan thu(thru) an awm bawk


An lam pan in kan tlan phei vat a, midang tlanchhe ho chu anlo um ve bawk a



An bul kan va thlen rual chuan "cypher" tih ri ka hria a, lei a mu reng bul a ding mek chu ka en a, Ramliana ani , heti lai hmun ah hian a awm ka beisei hauhlo a sin le



"Damdawiin ah kan kal nghal angai ania" thakim an alo tih chuan harh chhuak thut in lei a mu reng chu ka buaipui a, a thaw tawh pawh in ka hrelo


"Ka thiante hi kal tir ula keimah hi min man rawh u" Ramliana ani, ka en lo a, a thilsawi chu hria ang pawh in ka awmlo


Ka mittui a tling pam a, ka thinrim emem bawk

Insual tawhlo turin vawi tam tak ka ti a, ka ngen ani zawk mah mahse hei tunah heti hi ani leh si a, ka na a, phatsan ang mai ah ka in ngai



"Atha dawnlo tlat mai, lalmuan kan kal nghal angai, lalnun, station ah lo han chhoh pui rawh u" thakima bawk chuan ati a, lei a mu reng chu "min lo pui teh" ati a, puak atum chu ka lo pui vat bawk



"Kal ang cypher" lalnun an atih chuan ka ding dat a, hawi let ka duh a, mahse hawilet lo in ka kalsan nghal




Ebenezer kan thlen thlak chuan emergency room ah an luh pui nghal a mahse vanduai thlak tak in alo thi hman tawh



A chhungte biak dan kan ngaihtuah a, tunge anih kan hre bawk silo chu a buaithlak takzet ani


"Lalnun, cypher-a hnen ah khan damdawiin a kan hruai hi a chhugte biak theihna anei em lo zawt teh" ka ti ta tawp a, kawng dang hre heklo


"A hrelo anihchu" atih phei chuan lu a hai duh takzet ani


Mahse thakima chuan engtin tin maw a hre chhuak hlauh a, tap chung a a chhungte damdawiin rawn lut hmuh phei chuan tah a chhuak ve duh hle



Station ah kan let leh tawh a, khapa kha a thih avangin rinhlelh ber chu Ramlina ani



Atawp ah hetiang thil hi a thlen ka ring reng a, hei vang hi ania insual lo tur a ka tih fo


Mahse Ramliana thah anih ka ringlo bur a, ka ring chhin eih lo bawk


Zawhna an zawh hun ah a tih anihloh thu a sawi anga engkim atha leh vek tur a ka ngaih laiin engmah a sawi duh hauhlo



Naktuk hian an court anga, engmah ala sawi duhlo cheu anih chuan tualthah chase in central jail lam ah an sawn thla tawh dawn ani



"Cypher" muang changin a rawn hawi chho a, ka lainat lutuk chu ka tap chhuak teuh hle



"Enge maw tal sawi rawh khawngaih takin, itih anih loh zia sawi hram rawh" min chhang lo in min en vung vung a, eng emaw ngaihtuah daih a ang mah zawk





"Engthil pawh thleng se , eng hun harsa pawh tawk mah la, i kiangah ka awm zel ang" ka ti a, min chhang lo bawk in a thu ngawi reng a, ka rilru a ti hah takzet ani



Ka night hun nilo mahse Cyphera kalsan ka duhloh avangin night ka dil a, ka awm ve ta reng


engmah a ei in a in lo a, chungte chuan minti na a, ka khawngaih a, ka lainat hle bawk



Atuk ah chuan court turin an hruai a, ka luh ve ngamloh avang in pawn a lo nghah mai chu ka duh a, ka thla a muang chuang bawk silo


An kal hma khan engemaw tal sawi chhuak tur in ka hrilh leh mawlh mawlh a, min chhanglo mahse a in ngaihtuah muk hmel hle a kan pahnih chungchang ka sawi vang te pawh kha anih ka ring



ka insum theilo chu ka lut ve ta nge nge a, minute 5 hnu ah an tan tawh dawn a, heavena te ho erawh tumah an awmlo thung


Ka call a, an chhang thei bawk silo, tun ang hun a an thianpa an tlanchhiat san thei chu ka ngei a, ka damchhung in ka biak duh tawh pawh ka ringlo


Ka tawngtai tawp a, tawngtai bak tih theih ka neilo, ka bul a thu lalnuna lah chuan "ka sual ka sim ang Lalpa" ati deuh chhen a, Pathian inremsiam pui a tum anih ka ring



Ramliana nu mawlh mai chu hmuh a hrehawm a, a tap nasa tih a hmel atangin a hriat ngawih ngawih bawk



Programe an tan a, an ukil te veve an din hnu ah Ramliana chu zawhna an zawt a, mahse a chhang hauhlo lalnuna sawi dan in khapa kha sangzuala khan a bawh tlu a, chuvang chuan sangzuala thah anih a rin vang a engmah sawi duhlo anih an rin thu a sawi a, ka beidawng ngawih ngawih



Mahse tawngtaina chhangtu Pathian chuan min awm pui a, engkim minlo relfel sak vek a, kan tih ngai miah lo in







Heavena leh sangzuala chu room chhungah chuan an rawn lut hlawl a, mipa khat an rawn hruai bawk , chupa chu in puang in an damdawi ruih tur an in chuh a, an thianho in an sawisak rawn thu leh ramliana te ho in an insual an rawn thleh thu a sawi a, mittui tling pam chung a ramliana ka va en chuan a hmel chu a tak nghulh a, sangzuala a en reng bawk






Judge in Cypher Lalhmeltha'n thiamloh na a neih loh thu a sawi lai chuan Ramliana nu chu a tap chhuak hawm hawm a, ka mittui hruk mawl mawlh pah in court room chu ka chhuahsan ve nghal




Lalpa kan lawm e, kan lawm takzet ani, i hnen ah lo thlamuan na dang reng reng a awm lo a, a hun tak a ka hmangaih min chhanhim sak avang in ka lawm e, ni e, kei hian Cypher Lalhmelthaa hi ka hmangaih ani, akiang ah damchhung a awm ka duh a, ka dam anih phawt chuan ka awm ngei bawk ang.





*A TAWP TA THUT*


KA STORY ZIAH NGAIHAWM LOH TAK MAI MINLO CHHIAR SAK TUTE ZAWNG ZAWNG CHUNGAH THINLUNG TAKIN LAWMTHU KA RAWN SAWI A, NGAIHTUAHNA THAR RILRU THAR LEH STORY THAR NEN KA LO LET LEH THUAI ANG, MINLO CHHIAR SAK LEH VEK TUR IN KA SAWM TAK MEUH MEUH A CHE U, IN ZAVAI CHUNGAH KA LAWM EMEM VEK E.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)