Be with you BY Pie sangtei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Be with you BY Pie sangtei (Completed)

Unread post by Ngaia » April 16th, 2023, 2:09 pm

Prologue tlem ka dah e 👇
"I hming sawi rawh" ka hma zawn a ngawi reng a thu chu ka en kar a, a mit meng atang in a harh fim lo tih ka hre chiang hle bawk.
Vawi tam tak an in sual avangin kan man tawh a, tun thlengin a hming ala sawi duh lo a chang leh "bawiha" a intia, kan mi man "bawiha" ti a han auh ngawt lah thil ni thei ani silo
"Hugo" a tih chuan ka nui hak a, awihawm loh lutuk
"Hey hey , three hundred Meters above the sky a a changtupa emaw i inti mi" ka tih chuan ka mit ah chiang kengkawk in min en a, police zawk chu ka zam chhe lek lek ani.
"Ka hming min zawt ani lawm ni" zam na chhe te mah neilo a atih chuan "i hming dik tak ania ka zawh che" ka ti let ve sak a, a hming tal hi ka hriat angai, engtin tin emaw a chhuak leh nghal mai zel a, station ah a awm ani tih alo la chhuak thin tu te khan an hriat rual rual in an rawn la chhuak leh nghal dawn tih lah ka chiang.
"Hugo" a ti zawi leh sap a, "animaw hugo khawnge i babi, nilo khawnge i jeen-i" ngeiawm zet a ka tih chuan a nui vei suk a, eng ah mah min ngailo tih a chiang reng.
"I sawi awmzia ka man lo" te chu ala ti ta deuh deuh a, a hming a hugo a intih atang hian babi leh jeen chu a hre chiang khawp ang chu
"I hming min hrilh dawn nge thana ah hian i riak dawn" chair nghenchhan ngheng chung chuan ka ti a, tu zawk nge thu neitu zawk hi hrilh angai tlatin ka hria
Min chhang lo in a ngawi reng a, a hming chu hugo a lo ni tak tak amawnle ka ti hial tawh
"I sawi duhlo chuan Ramlian ka ti dawn che ania" ka tih chuan phawk fe hian min lo en a, Ramliana nih chu a duh vak lo anih ka ring
"Ramlian ngati nge inin sual ziah a" nuihza insum ru fe a ka tih chuan "hming dang a awm thlawt lo ami" arawn ti ta hram a, ka thiante bul a in teleport a nuih uar uar ka chak takzet ani
"Awmlo, khawi vengah nge in awm Ramlian" file en pah chuan ka ti leh a, a thawk hak dan ah a ning tawh hle tih ka hria
"Pu james min ti zawk rawh" arawn ti chuan ka inrin hma hauh in ka nui chhuak a, mak tih hmel deuh tak a min en in a mit ko ala san ak zui
"Atha lawm, James Ramliana ini mai" ka ngeiawm chhuah a ka lo tih chuan ahma aiin a lawm loh hmel tawh zawk.




Chapter-1








"I hming sawi rawh" ka hma zawn a ngawi reng a thu chu ka en kar a, a mit meng atang in a harh fim lo tih ka hre chiang hle bawk.







Vawi tam tak an in sual avangin kan man tawh a, tun thlengin a hming ala sawi duh lo a chang leh "bawiha" a intia, kan mi man "bawiha" ti a han auh ngawt lah thil ni thei ani silo






"Hugo" a tih chuan ka nui hak a, awihawm loh lutuk





"Hey hey , three hundred Meters above the sky a a changtupa emaw i inti mi" ka tih chuan ka mit ah chiang kengkawk in min en a, police zawk chu ka zam chhe lek lek ani.





"Ka hming min zawt ani lawm ni" zam na chhe te mah neilo a atih chuan "i hming dik tak ania ka zawh che" ka ti let ve sak a, a hming tal hi ka hriat angai, engtin tin emaw a chhuak leh nghal mai zel a, station ah a awm ani tih alo la chhuak thin tu te khan an hriat rual rual in an rawn la chhuak leh nghal dawn tih lah ka chiang.








"Hugo" a ti zawi leh sap a, "animaw hugo khawnge i babi, nilo khawnge i jeen-i" ngeiawm zet a ka tih chuan a nui vei suk a, eng ah mah min ngailo tih a chiang reng.






"I sawi awmzia ka man lo" te chu ala ti ta deuh deuh a, a hming a hugo a intih atang hian babi leh jeen chu a hre chiang khawp ang chu





"I hming min hrilh dawn nge thana ah hian i riak dawn" chair nghenchhan ngheng chung chuan ka ti a, tu zawk nge thu neitu zawk hi hrilh angai tlatin ka hria





Min chhang lo in a ngawi reng a, a hming chu hugo a lo ni tak tak amawnle ka ti hial tawh




"I sawi duhlo chuan Ramlian ka ti dawn che ania" ka tih chuan phawk fe hian min lo en a, Ramliana nih chu a duh vak lo anih ka ring





"Ramlian ngati nge inin sual ziah a" nuihza insum ru fe a ka tih chuan "hming dang a awm thlawt lo ami" arawn ti ta hram a, ka thiante bul a in teleport a nuih uar uar ka chak takzet ani






"Awmlo, khawi vengah nge in awm Ramlian" file en pah chuan ka ti leh a, a thawk hak dan ah a ning tawh hle tih ka hria






"Pu james min ti zawk rawh" arawn ti chuan ka inrin hma hauh in ka nui chhuak a, mak tih hmel deuh tak a min en in a mit ko ala sak ak zui





"Atha lawm, James Ramliana ini mai" ka ngeiawm chhuah a ka lo tih chuan ahma aiin a lawm loh hmel tawh zawk






A biak tawng leh theih tawh loh a, a melh ngai melh in a thu ngawi reng a, a mitmeng thip ram mai leh sen ram mai te chu a nalh lam mah ani






"Lalmuan" rawn ti tu lam chu ka hawi vat a, ka hma zawn a thu chu alo nui hawk bawk





"Coffe" tiin ka thawhpuipa ka kawm ve thin ber Lalnuna chu ka lam pan in a rawn kal a, ka lo nuih ver ver





"Engtin nge ka in chak tih i hriat a"a coffe rawn ken lo laksak pah a ka tih chuan " sana khi en la" intih theih hmel fahran hian alo ti a





"11:11" ka ti sap, Puithuna ni emem chuanglo in 11:11 ka duty lai anih chuan coffe ka in ngei ngei thin a, a chhan pawh hmangaihna kawng ah ka tluan theih ka rin vang ani





"Lalnun lo kal teh" antih rual a ka hmazawn ami lo nui leh chu ka melh zeuh a



"Ka va han ning tak heng misual zanlai vak chiam chiam thin avang hian zanrei ah kan buai ziah" tih pah in an koh na lam ah chuan a kal ve hna hna a





"Lalmuani leh Lalnuna" ka thutthlak leh rual a lo ti tu lam chu ka en vat a, chhan ka tum uk na in ka message tone lo ri char char chuan ka mit alak zawk tlat avangin ka phone chu ka ban vat a






*ka rawn biak theih loh vang che in ka tihpalh hna ah ka buai lutuk a* tih vel ani ka bialpa ve hi zantin minlo call hun ka nghak ziah a, kar khat lai a zin tawh avangin ka ngaih ve tawh tehlul nen hna chhuanlam in minlo be lo ziah a, zanin pawh a ngai te bawk in minlo biak theihloh thu a lo sawi leh tawh







Thaw hak in phone chu dawhkan ah ka theh thla tawp a, maimitchhing in ka lu chu ka dawm vang vang



"Muan engthei" tih ri ka hriat rual chuan ka meng leh nghal kawk a, ka hma zawn a thu mek lo nui suk chu ka hmuh hmasak ber ani






"Enge a lalnun" beidawn hmel zet a ka tih chuan "an chhuak leh thei tawh" inthlahrun hmel tak chuan ati a, kei erawh ka ngaih dan ani ta hauh lo





An hming ringawt pawh kan register thei lo a, ti hian engmah tihsual neilo ang maiin an chhuak leh ringawt zel bawk a, kan pu te hian hlauh an nei anih ka ring ber tawh





"Mangtha aw, Muan engthei, nangpawh Lalnun" ti a a tho chu ka en reng a, a in her dawn a a mit ala rawn siai hram te chu ka haw takzet




Ka tho thut a, lalnun an min lo dang nghal vat "khawnge kal i tum" atih chuan "min thlah teh ka chhuahchhal dawn" ti a kan OC office lam ka en chuan "mawli ban i duh ami" alo ti vat a, "duh lo" ka tih chuan "anih chuan thu leh rawh" ati a, tih theih dang nei hek lo ka thu leh ta nge nge bakah office ah a awm lo hrim hrim.







Lalnuna bul ah ka phun hrep a, ngawi reng in alo ngaithla thung , Lalnuna hi awmlo se chu he station hi a hrehawm ka ti viau ang







Lalnuna pa hi a boral tawh a, engtin tin emaw a pa ai alo lut ve hlawl a, a rawn kal hmasak ber phei chuan a nu in a rawn hruai thlap a, a tap deuh pur bawk.






Kan inkawm chawt a, amah bak hi thian dang pawh ka nei emem lo, ka thian hmeichhia te ho ve lah hi pasal an nei sup sup a, keimah chiah ka bang lel leh nghal a.





Akimi pasal nei tur phei kha chu "ala hma iti lo ami?" Ka ti hial anih kha, la neilo turin thlem chikim in ka thlem a, a nei ta tho a, tun ah phei chuan thianho inhmuh khawm reng reng in an pasal te leh an fate chanchin bak sawi tur an hrelo kei ve lah chu ka bialpa ka la ringhlel mek choh ania, pasal neih chu la hla vet vet tak ani





Bakah kum 26 choh ka la nia, pasal neih ka la duhlo hrim hrim ka nulat na hi ka la ui rih ka kum rualpui leh ka thiante ho in pasal an neih vek tawh avang hian "nei ve tawh rawh" hi min han ti ve ngawt zel a, tih tak em ah te chuan kan naupan lai a, nula ni tawh pawh tunthleng a nula ka la hre teuh kei aiin pasal neih an hun fe tawh zawk.







In chhung ka luh rual in ka û ka zawng nghal a, ka au chiam chiam bawk



Ka nu phak chial a lo tho chu ka û awmna ka lo zawt nghal vat bawk




"Ala mu aniang" atih rual in a room pan ka rual a, insual huam in ani ka pan ni




Chhung lam ah a kalh tlat avangin kawngka chu ka chum bur bur a, ka au tuarh tuarh bawk "bawihi eng buaina nge inneih leh tak" ka nu in alo tih pawh chu ka chhang buai peih lo




Ka room ah lut in balcony atang chuan ka û room lam ka pan a , tukverh alo kalh loh avang in awlsam tak in ka lut theih hlauh





Ka nu lah chuan min rawn zui ve zel bawk a, kan in hauh leh vak a hlau aniang






"Tho teh" a rizai sin lai chu ka hlim sak a, boxer nen chiah mu mahse ka û ania ka vawi khat hmuh na pawh ani tawhlo





"Lalrinpui tho teh" a hnung zang ah chuan ka beng ri thlawrh a, ala che eih lo




"Bawihi" ka nu in alo tih chuan "i fapa hi ka kengbet dawn" rang zet in ka lo ti a, ka kaih thawh tum ber lah chu ala rawn nui chhuak hawk zui





"Inbia ang" ka tih ve leh a thawri leh nghal suk suk a, ka va han ngei mai mai tak





"Lalrinpui ka uang lo ania" a sam ah chuan ka tham a, tlangval senior ngeiawm ve tak chu ani





"Tui in kan leih ange" tih leh thawh ka rual a, bathroom ah lut in tui ka herhaw nghal vat bawk



Ala tho lo cheu anih chuan ka leih duh tak tak dawn tih a hriat chian viau ka ring







Backet khai chung chuan a khum lam chu ka pan a "awi nangni unau hi chuh inva han mangan thlak tak in awm awm khan awm teh u" tiin ka nu in min chhuahsan zui nghal a "i fapa hian zir se kan buai lo ang" ka ti zui hlak , kawngka ala khar ri bur zui








"I tho dawn nge ka leih dawn che" tiin tui chuan ka theh thet thet a, thophang hmel fahran hian "ka nau enge awmzia" tiin a mit te arawn nuai vel a, "thu rawh" ka lo ti chang fak thung




"Nizan ah Ramliana te kan man leh a, awlsam deuhin an chhuak leh a" ka ti dek dek a "Awi, Ramliana êm han man te chu iti mak emai " alo ti duai a, Ramliana tih bakin a hming hre hek lo




"Khapa Ramliana kha ka sawilo misual Ramliana zawk alawm ka sawi" ka tih leh chuan "Ramliana te chu an va in daih zai ve" alo la ti duh lek choh a






"Û amak" beidawn hmel zet in ka thaw hak a "enge thleng a" thutak deuh zawk a alo tih tak ah chuan "insual ziah te kha, nizan ah an insual leh a ka man leh a" ka ti a "chuan" tiin a mu tha leh sauh sauh a, ka sawi awm tho emai




"Phone call kan dawng a, an chhuak leh nghal, zan khat tal thana ah riak ve se an sim ve deuh ka ring a, riah chu sawi loh an hming tak ngial pawh min hrilh duh lo" thinrim tak chuan ka ti a, a thinrim thlak ve em bawk alawm




"Ramliana iti nilawm ni" alo tih chuan ka kut chu vai zeuh in "Ka phuahsak tawp alawm" ka ti ta ringawt a, ka û lah chuan mak tih hmel takin min en reng ringawt





"I chung a mi te ah hian hlauh inei ami a" pehhel reng lo in ka zawh duh tak zawh mai hi a tha in ka hria




"I sawi awmzia ka manlo" atih chuan "an chhuak leh nghal zel a, kan station ah OC inia, i thupek ang zel in kan awm a, i thupek avangin an chhuak leh zel a, tiang te chuan man pawh ni ila keimah ni zawk kan mualpho mai dawn sin" thawchham lek lek a ka tih chuan "engmah chutiang ka tilo" tiin a in let daih leh nghal





"Khawmaw i phone ka lo check" tih leh khum ah lawn ka rual a, a phone ka ban tur chu minlo ban khalh a, kan han in chuh leh rih





"Call list ka en ringawt dawn" ka tih chuan "iva hneawm reuh tak, ka tih anilo" tih pah in a phone chu min pe tha ve leh mai bawk a






"Duati 1, duati 7, duatduati, kan nu, sweet heart , enge awmzia" mak ti deuhin ka û chu ka en ha a, "lo la teh" ti a a phone ka ken lai a rawn ban chuan ka lo awm sawn vat






"Iva lerh ve a Lalrinpui" khum ah chuan ka vawm zui a, ka duh ka hmuh loh avangin "i lerh zia hi ka nu ka hrilh vek dawn" tih leh a room atang a chhuah ka rual nghal






Khum ah chuan mu in ka ngaihtuahna ka kawm nasa kher mai "ka u anih loh chuan tunge khang mihring sual tak tak te kha hum tlat zel le"





Chhun ah mu hman lek lo in ka buai a, in suk tur alo tam tawh bawk nen ka buai hi ani tawp





Tlai eirawng ka bawl lai te chuan ka muthlu lo choh ani, ka nu dawrah alo buai bawk nen ka pa leh ka û hna an kal a, kei erawh ka night avangin naktuk ah bak ka kal tawh dawn lo thung






"Han mu la" ka nu in ti mahse tlai lam ah hian dawr tu tam lai ani ve bawk sia, ka mutsan daih duh bik lo





Rawng ka bawl zawh rual in ka room lam ka pan nghal a, ka nu chu text in *ka muhil ania chaw ei turin minlo kai tho suh u* ka ti a, minlo kaihthawh leh talh chuan ka vin hrep ang.









"Muan engthei, nula ve si" tih ri ka hriat chuan ka meng diar diar a, Lalrinpuia ka khum bul a lo ding run chu ka hmuh hmasak ber ani




"Meng rawh i chilthli te kha" atih leh rual chuan ka hmai ka tuai puat a, dawheh lutuk




"Kalbo rawh ka mut a chhuak ania" ka tih rualin min rawn tung tho nghal zat a




"I mawl mi" vin zet a ka lo ti te chu eng ah mah angailo tih hriat takin ala nui zui




"Û amak emai" lungawi lo zet chuan ka ti a, min thing nawk nawk in "i bialpa kei ai pawh a upa , vanlal upa min-a alo leng" atih chuan ka mengkawk a, dawt a sawi ring in ka phone ka zawng nghal ruai bawk




Minlo be bawk silo a, alo haw tur thu tak ngial pawh a sawi lo "i dawheh ka mut a chhuak ania" ti a mut leh ka tum chu "tikhuan thut tir reng la ani mai lawm" tih leh thawh a rual a, ka ngai thutak peihlo dawt bak min hrilh leh lo ang







"Lalmuanpui awi ava han hahthlak thin tak Nunzira pawh a hawi lawl lawl tawh ania" ka nu in a rawn ti pang pang a, hmanhmawh deuhin ka in perh tho nghal




"Alo kal tak tak amaw" tiin darthlalang ah ka in en nghal a "zu chhuk vat teh" atih rual in hmanhmawh lutuk in ka room atangin ka tlanchhuak nghal





A tir khan ka nu zawk hian minlo auh tur ania, ka û berkher an rawn tir a, min tihder a hrat bawk sia ka awih hleinem





Inthlahrung ru tak si chuan U nunzira thutna lam chu ka pan a, abul ah chuan thu in "ka tihpalh lutuk" ka ti sap a, anih lah chu alo nui ver ver thung





"Thil ka lo hawn che a" nui sang hian a ti a, a hlim hmel takzet bawk, engtak chu min hawn ang maw ti rilru neuh neuh chung chuan "eng maw" ka ti a, a hlim hmel em avang in thil tha deuh anih ka ring ringawt bawk





"Hei" tiin aieng pack hi a rawn phawrh a, mak ti deuh in ka en reng




"Enge heihi" ka tih chuan "Aieng anih kha, Reiek aieng" ati ta hem mai, a bawm ah chuan 200 tih a in ziak kuau a, cheng 200 lai in a lei ve ngei anih hmel




Ka nui hul hak a, lawmthu han hrilh vak ngaihna pawh ka hrelo , bialnu te pek atan chuan a romantic teh chiam lo ani, mahse minlo hawn ve vang vang anih avang in "ka lawm e, iva rem hre ve" ka ti ta ringawt a, a thil minlo hawn chu lek kangin ka en deuh vang vang a "kg 1 anih kha" ala ti ta deuh deuh





"Kan ring rei ngawt ang" anui ver ver reng a, aieng min hawn chu kei ai mah in a hlim zawk anih hi





Ka mit sir in kan piah lawk a "Lalrinpuia lo nui chu ka hmu thei a, ka hmulo der hmak , enge maw a lo chhuk ve reng reng le , min chhaih leh nasa ngawt ang.






" ilo haw tur thu i sawi bawk silo a" thingpui in lai a ka tih chuan "nia ka lo haw thut a, hrilh tur che ka nei a" ati a, ala nui ver ver bawk




Heti tak a a hlim mai hi mak ka ti, ka ngaih te pawh a tha lo rum rum thei alawm le




"Enge ni a" ka lo ti vat a, hei ka sawi thiam lo thil thar nei tur phur lutuk hlim reng ang hian a awm





"Engvak mah pawh ani hranlo, inthen ka duh a" nui sang chuan a ti a, mak ti takin ka lo en reng thung





"Engtin maw" hamhaih zet chuan ka ti a , hetiang a nui sang hian an inthen thin tih ka lo la hre ngailo




"In then ang" ati leh ta heu mai, chutia mi awm tha hle hle lai min then ringawt chu thinrim viau awm tak ani a, mahse ka thin a rim thei hauh lo amah ber hi ani a nui reng bawk si






"Dik lo a awm em" ka ti ta ringawt a, chian loh rukna alo nei reng anih te ka ring rum rum tawh





"Awm lo e, inthen mai ang aw" tiin a tho hluai a, min then ringawt chhan zawh ka duh tehlul nen a awmdan chuan ka ngaih a ti tha lo






"I damtha em" ti a ka tho ve chu "dam tha e, minlo thlah duh suh" tiin min nam thu leh a, ka mak ti lutuk hi ka â lo choh ani




Min then vang in ka na miah lo a, nui sang a leh phur tak a min then vang te pawh kha aniang, ka pasal tur hial ah ka lo ngai ve hman tawh a sin mawle




Mi kan then dawn reng reng hian atih ang khan nui sâng inthen ve ila tumah hi kan nat tak tak pawh ka ringlo , mak tih vang in kan â sup sup hial in ka ring




Aieng minlo hawn te hi inthlah nan ati ve ngei tih na ania nga, keihi 99 ka lo ngaihzawng reng zawk a mawnle?


*****************************************************

(Ka duh ang a hma leh ka tum dan ang pawn ka rawn dah theilo a, in mi hriatthiam na ka rawn dil tak meuh meuh ani, ka story ziah chhiar tawh te chuan ka regu thin tih in hriat ka ring a, tun a kan story kallai mek hi chu ahma ang khan ka regu theilo mai thei a, regu erawh ka tum viau ania)

Post rihlo mai ka tum a, whatzapp lam ah min nawr tu an awm ve reng avang leh a changtunu lalmuani hian ka chhiar chak tawh a ti chhen a , min keh hrep te atum tak si ah chuan ka rawn ta mai ani

Regu leh kan tum hram hram anga, theih ngang loh chuan kan in hrethiam tlang dawn nia

*ka story ziah lo chhiar thin tute chungah lawmthu ka sawi mawlh mawlh a, minlo la chhiar sak zel turin ka sawm bawk che u ani, chutih rual in i vawikhat chhiarna anih chuan a tawp thleng a minlo chhiar sak tur leh a dang leh zel pawh minlo chhiar sak zel turin ka sawm che ani.*


A ngaihnawm dawn em ka hrelo a, enge in ngaihdan ni ve reng reng comment lam ah inlo sawi dawn nia, in zavai chungah ka lawm emem e)


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:10 pm

Chapter-2








Chaw ei dawhkan ah Reiek aieng nilo in inngaih hruina aieng chu dah in ka en reng ringawt





"I pa lah hi a, pa ber si hi tleirawl dawk lak hi dawrah a khawi ziah a, dawr a ngahlai lah hi an hrethei ropui hlawm si" ka nu chu kawngkapui pen luh pah in a rawn phun leh tawh a,





Choka ah lo tlang nghal in "an duh duh khu a bat tir ziah a, hlep a tlem tehreng nen" atih chuan "an pe leh ziah che nilawm ni" ka lo ti a, ka nu lah pek chuan "pe ziah e" vin zet hian alo ti a, "an pek leh mah a hnu a ho e" ka tih leh chuan "tikhan in tang ho leh vek zel a" ati ta daih a, a pakai chho zel dawn a ka hriat avangin ka chhang zui duh tawhlo






"Khawi a aieng nge" ka nu chuan arawn ti ta reng a , peihlo zet in "u nunzira rawn ken" ka lo ti a, ka sawi zawng te chuan a chetdan mak zet mai kha ka ngaihtuah chhuak lo theilo




"Enga tan nge alo ken a" mak tih hmel deuh tak chuan a ti leh a "min lo hawn ve anih kha, min la then daih zui" ka thutna atang chuan ka tho a, ka nu erawh chuan mak tih hmel deuh tak hian min en reng thung





"Engvangin maw inin then" ka room ka luh dawn a ka nu ti lang lang chu eng ah mah ngai duhlo in ka luhsan ta tho a, midang hnen a sawi chi pawh va ni nghal lo chuan





"Ka bialpa in hlim takin min then" tih bak sawi tur ka nei dawn der mai silo, ka thiante hnen ah kan inthen thu sawi ila , ka nu ang chiah hian a chhan min zawt anga huiham tha takin min then ve mai se tha tur ania hlim takin min then a, ka tan a chhan zawh vak ngaihna avang ve em ani.









Zing chaw kan ei laiin "Nu Reiek aieng kha i hmang em" ka û in atih chuan ka lo melh rum nghek a, min chhaih nan tak a hman leh kha ka ring reng ani






Kum 6 laiin kan in upat hleih a, ka û anih na ai mah chuan thian ang in ka kawm nasa zawk.



A chang leh a hmingpum in ka ko a, engah mah a ngai biklo ka nin ber thin erawh ka chetchhiatna hmang a min chhaih kher zel hi ani.





Ka û ka ngaihsan em avangin sawrkar in police an lak dawn in ka tlan ve a,ka û ang a police nih ve ka chak ani




Ka chhungte chuan phallo viau mahse ka tihluih tlat avangin min hnial duh ta bik lo a, vanneih thlak takin ka tling ve hlauh bawk.






Tun a ka thawhna station ah hian kan OC ani a, tuman unau kan ni tih an hre lo, in lam ah chuan vin pawng pawng thin mah ila kan hnathawhna ah erawh ka thawhpui te ang tho in ka zah a, a chang hi chuan insum theilo in ka lo vin leh tep thin





Kum 32 ani tawh a, nupui nei tur in nawr reng mah ila amah ber hian a ngaihsak duh der lo




"I tuai ami" ka tih tum phei kha chuan min melh rum nghek a, tuai nih chu a duh vak bik lo aniang.






"Kal rual ang aw" ka insiam lai a arawn tih chuan "kal mai teh" ka lo ti vat a, unau kan ni tih hi kan thawhpui te hian an hriat ka hlau ngawih ngawih a, ka û erawh hi chuan hria pawh nise pawi ati vaklo thung.







"I chhe tho tho inchei vak duh suh" arawn tih leh chuan ka sam ka khuih lai alo ni bawk nen samkhuih chu alam ah chuan a thlawk phei nghal a, min chhaih thinrim kher hi a tum thin a, ka ning ania ah




Nui ruh ruh chungin ka room a chhuahsan a, ka ngei tawk alo tling leh emem thung





"Awi lalmuan, ilo van thleng har ve" min hmuh rual a lalnun an alo tih chuan "thil thleng a awm ami" ka ti nghal var a, ka thutna lam pan a ka kal chu min zui zel in "ka kua a tha lo a" ati su su a, midang hriat a hlauh hmel hle bawk







"Aieng tui va in la" ka tih chuan nizan thil thleng bawk chu ka hre chhuak a, ka va han ning tak




"Atha ami" alo tih chuan "an tia, ka chiang biklo" ka lo ti liam leh puat a, sawi zui ka peih tawh lo aieng hrim hrim hi ka ngei





"Lalmuan casualty ah min han kalpui mai teh" pum dawm meuh hian ati a, "ehe ngati nge" ka lo ti ve vat "angaihna awmlo, kan night dawn bawk si" atih chuan lo hrethiam nghal thuai in "OC saw" tiin ka û room lam chu ka melh zeuh a...






"Ka va dil lawk ang" pum dawm chung bawk chuan OC room lam chu a pan a, lo phallo mahse ka kalpui tho ang





"Hawh hmanhmawh ang" ka bul alo thlenphei rual chuan a ti a "a phal ami" tih leh thawh ka rual a, kan in zui chhuak chu lo awm ve dang te chuan min en zui tih ka hria




"U sangkim casualty ah ka han kalpui lawk ange" pawn kan chhuah hnu ah ka ti leh hnuhnawh a, min chhan na pawh ka hre zui tawh chuang lo








Casualty kan thlen chuan mi anlo tam em avangin pawn ah chuan kan nghak a, thihpui tur khawp a na anilo deuh in an hria aniang mahse minute 2 pawh kan nghah hma in anlo ko a, pawn ah ka lo nghak thung






Mi tamtak an phe suau suau a, a then te phei chu vawi tamtak mut mû tuah lo tih hriat ngawih ngawih te anni hlawm.




Damdawiin pan ngai khawp a na engmah ka la neilo te hi Pathian malsawmna ani a, lawmthu sawi mai loh chu tih theih dang reng reng ka neilo






Ka thianpa lah chu alo chhuak har phian a, a va in bun hmasa leh phawt te anih ka ring rum rum tawh





Kawngka a ka thianpa lo chhuah hun thlir a ka lo din reng lai chuan Thianho pathum lo in zui chhuak chuan ka mit ala kher mai




Min kal pel tur chu "Ramlian" ka lo tih avangin an ding chawt a, athiante erawh an kal tlang na in pen li, pen nga vel bak anih ka ringlo





"I lû te chu ngati nge a Ramlian" ka tih leh chuan a thiante chu anlo nui put put a, ani erawh a mitmeng a thip ram a, min melh chhuk run bawk




"Inin sual animaw, fel hmel deuh si hi ngati nge maw i sual emem mai le awww Ramlian" ka tih rual deuh thaw in "Cypher" alo ti sap a, a hming min hrilh niin ka hria, hrelo lui in "I thiante mi Ram" ka hmui ah arawn hup a, a ka mit ah chiang tak a min en in "tawng tam suh" a ti chang fak a, hlauhna chhete mah neilo mah ila ka zam ve hle thung.





"Cypher kal ang" athianpa in alo tih takah chuan "kan inhmu leh vat dawn nia" tiin a mit a siai zeuh a,a kal zui nghal, in her in an kal liam lai chu ka thlir reng ringawt a vawi khat pawh a rawn hawi let lo





"Ka mawng biang ah min chiu alawm" ka thianpa rawn chhuak in atih chuan ka lo nuih nghek a "nui suh anat zia chu ah" ati pang pang a, "i zia deuh tawh em" ka tih chuan "damdawi lei angai" tiin bai suih suih chung chuan damdawi zawrhna lam chu a pan ve hna hna a








Station kan thlen leh chuan dar 4 alo rik thuak tawh avang in "a haw tawh em" u sangkima bul ah chuan ka ti a, ala haw loh thu a min lo chhan ve leh ka thutna lam ka pan nghal a, alo chhuah tep tawh ka rin avangin hna thawk nasa tak ang a lan chu ka duh ani, a nau hian ka hna hi ka tih mai mai loh zia leh theihtawp ka chhuah ve zia hi hria se ka duh








Dar 5 leh tlem ah a office atangin alo chhuak a, hrelo der in thil ka lo ziak mawlh mawlh thung






Min be lo in min kal pel a, min hmu hrim hrim dawn tih chu ka chiang a tawk emem tho, station a kan awm lai hi chuan inbiak vak pawh hi ka duhlo ka duhloh zawng a sawi in ka in control hman thin tlat lo ani





"Lalmuan, OC in a ko che" tiin pawn lam a melh zeuh a, mak tih deuhin pawn lam chu en deuh ha chungin ka thutna atang chuan ka tho a





"Enge nita Sir" abul ka va thlen rual a ka tih chuan min rawn en in ka hnung lam chu a melh nghal a, ka hawi let ve nghal vat bawk




"Aieng kha ka rawn dahtir ang aw" ka hriat tur tawk lek a atih chuan a ke ah ka rap chawrh a, ana ti lutuk chu a sen tawn tawn alawm





"A hmun leh a hun hi hre rawh" ti a ka in her tur chu ka ban ah rang zet hian alo man a "enge" ka ti nghal tuarh bawk , hrechhuak thut in ka hawikual nghal a, kan bul vel ah tumah an lo awm lo hlauh chu ka thawhuai thei





"Pawisa inei em" teh daih chuan engatan nge ka pawisa neih leh neih loh pawh chu a tih reng reng




"Enga tan" ka tih chuan, a walet chu a phawrh rawk rawk a, 500 hi rawn phawrh in "zan ah thil ei nan hmang rawh" a ti a, ka kut ah a rawn hmehbel nghal chawt chawt bawk






"Ka nei ve reng alawm" ti a pek let ka tum chu ka kut chu ka la let leh vat a "min tlawn itum em" ringhlel ru tak chuan ka ti a, ani hi sawn a lo thlak te hi ani em lovang chu maw





"Ei tur lei ang che, aieng nilo" tiin a kal zui nghal daih a, chhan hman pawh anilo, han au zui dawn ila kan awmna hmun in a zir bawk silo a, ka thinrim lutuk chu boruak ka thaw lut kawk kawk ringawt.







Tukin chu min thlak tu tur te chaw ei kham lam a anlo kal avangin in ka thlen meuh chuan dar 10 a lo pel der tawh a, engmah pawh ka ei peih lo ka chau ve deuh chu khum ah ka mu nghal a, ka mutthilh hma in ka nu chu minlo kai tho lo tur in ka hrilh nghal thlap bawk









Zan ah ka pa nen dawr kan nghak a, ka awm ve kher na chhan pawh "i pa choh chu ka ring zolo" ka nu in a tih tlat avang a nghah pui ve ka ni






Ka pa hi thenrual kawm thiam leh nuih duh tak mai ani a, tleirawl rual mai nilo tlangval ho te hian an ngaina in abul a awm hi nuam an ti thei emem a, ka pa in dawr a nghak tih an hriat chuan kan dawr ah anlo leng thup zel





Chu tah tak chuan ania ka nu hian an duh duh a pe thin emaw atih avang hian ka pa hi a hau ziah a, ba pawh nise an pe leh vek zel tho tih hre mahse a phun a phun tho



"Han mu la, i chau lo ami" ka pa in atih chuan ka chauh loh thu in ka lo chhang a, phone chu ka en zui nghal zat bawk




Ka thiante hnen ah u nunzira nen a kan inthen thu ka hrilh a, chuchu group ah an khel laih laih a, a chhan min zawh lah in ka sawi duh bawk silo chu min dawp chhuah an tum nasa "in hmu khawm ang u" tihte ani an rel leh tak ni





"Kha ka tih reng kha" tih ri ka hriat chuan ka hawichhuak nghal thuai a, an lan dan atang chuan ka pa in leng tur te annih ka ring a ka ring suallo bawk ang




A nula ber lah hian inleng ka nei ngailo a, U nunzira kha ani mai a, ani lah in hlim emem in min then daih tawh bawk si, chhungkhat pa ber hian tlangval inleng a nei reng mai a, alo luck ber anih hi





"Lalmuan i nû han pui la" Kan thenawmpa thawveng zet mai chuan ati a"inlo kal thu hi ka hrilh ange" ka tih chuan za lo lutuk chuan an han nui vel a, ka pa lah chu alo la khi ve thaw(thraw) zui






"Lalmuani hi chuh police nilo la chu ka bem ang che" atih leh chuan amah en chung hian "police ka ni chung pawn ka bem theih tho alawm" ka lo ti a, ka chan dan avang chuan mak ati deuh nge "iva zei ve" ati leh ringawt a, ka zei na ka hriat ve lem loh avang in ka chhang zui tawh lem lo








An thianpa pakhat phone alo rik chuan rang zet hian a chhang a, "angai ah lo kal vat ru" atih zawm leh zat a, an la rawn kal belh dawn anih hmel




Aho emai, ka awm ve tlat dawn engtiang chiah in nge kan dawr ah hian anlo khawsak thin tih te pawh hriat a chakawm alawm







"Pa , Lalrinpuia" ka tihrual in ka sawi tum ber lah chu dawr ah arawn lut a, ka pa in leng te pawh an reh nghal thap mai





"Lalmuanpui khawmaw" tiin ka pa inleng te chu a melh kual a, "kimte enge in an" ati leh ta daih a, han sawi zawh law law mai awm





"Kan tha e, hna lam i tluang em" û kimtean atih chuan a tluan thu in alo chhang mai a, Û kimtea leh ka û hi an in kawm nasat theih tehreng nen thawk khat lai atang khan an in kawm lo thut a, an inhmuh fuh chang pawn an inbe ngai lo hial thin, Tunah erawh inbiak ve zeuh zeuh an ching chho ve leh tawh a, an ni pahnih inkar a thil thleng hi tuman kan hriatpui lo bawk





"Lalmuanpui khawmaw " atih leh rual chuan "la ve mai rawh, in ah hi chuan e i thu thu in ka awm dawn leuh" ka lo ti vat a, a thawk a phit a Lalmuanpui ati sek kha ka lo ning






A chhuah pah a "pâ aieng kha lakbelh angai anih kha" ati leh kher chu ka ngei takzet , ka hma a center fresh bur chu la in ka vawm zui a, dawr a lo lut tur chiah chu ka vawm fuh tih ka hriat rualin hrehawm ka ti takzet






Hla deuh tak atang hian lei min la rawn chhuah khum zui a, ala chak lo khawp ang mawle




"Ana em" ka pa ti ri ka hriat rual in ka vawm pa chu ka en vat a, Ramliana lek chu lo ni in




"Ramlian enge hetah ilo tih" ka tih chuan a thiante chuan "Ramlian" tiin anlo nui hawk hawk hlawm a, Ramlian tiin ka hre laklawh a a zia lo tak tak ani






"Hugo" ka tih leh phei chuan a aia nasa in an nui a, ka koh ber lah chu a din na ngai ah ding in rum lutuk in min melh run a, inthiamloh sa mah nak alaiin hrehawm ka ti takzet ani




"Ka tihpalh cypher" ka tih leh chuan min melh rum ul tawh lo a, mahse a dinna ngai ah ala ding reng thung





"Khawi lai ah nge a fuh a" û kimtean alo tih chuan "khawi ah mah" bung nghut in alo ti a, center fresh bur chu ka lam ah a rawn vawm phei a, ka lo dawng chat chu "zei si ve" athiante bawk chuan anlo ti leh a, ka zak ve deuh tawh.





*pa , chho ta ila ka nu hian minlo tir thla leh angem* tiin ka pa chu ka text tawp a, tawng ngam tawh hek lo



Ka pa lah chuan phone en na chang reng reng hrelo in tlangval ho titi chu alo khik pui vur vur a




A mal ah chuan va sik zeuh in zaizir a phone en tur a ka tih hnu ah a en ve ta hram




*ka hre bik lo* tih zawng chu ka pa hnen atang a ka dawn ani



*ka haw duh tawh* tih zawng chu ka thawn a, ka nu min biak sak se ka ti ngawih ngawih




*han haw la, han mu hahdam rawh* alo tih leh daih chuan ka bei a ti dawng ngawih ngawih




han haw ringawt ila ka nu in min tir thla leh si se ka zak dawn lutuk bawk si






Kan dawr mah nise keimah zawk hi mikhual ang mai ka ni, ava han hrehawm tak




"Lalmuan enge i ngaihtuah" tih ri ah chuan ka harh chhuak thut a, ka ngaihtuahna ka lo kawm nasat lutuk na lam ah min biakna ka lo hrelo anih hmel






"Engmaw" ka ti deuh ha a "Nunzir an nupui anei dawn" U kimtea bawk in atih chuan ka kâ hau ringawt





Min then ve chiah a, chutia nupui a nei nghal tur te chu a â deuh tak tak in ka hre tawh




"Ehe avan mak" ka ti thei hram a, mak ka ti reng bawk ani, ka pa pawh hian mak ati ve ang, kan inthen ve choh tih an hre ve reng sia




"Niah, an puk lawk a" atih leh chuan ka zak takzet tawh U nunzira khan min lo kawp mai chu sawi loh awiii ava han zahthlak tak e aw




A hlim dan emem kha alo virgine tawh loh vang lek alo nih dawn kha ah




"I rilru ana em" atih leh chuan Ramliana chu ka han melh zeuh a, thip ram hian minlo melh ve reng tih ka hmuh chuan ka hawisawn leh nghal vat





"Na lo , enge nat ve ngawt ang" ka ti a, nia amak lutuk ka na miah lo, mahse ka zak ani





"inin hmangaih ve zuai in ka hria" ati a, ka zak lutuk chu ka sen chhuak vek thei hial ang.






"Ka hmangaih bawk lo e a" ka tih chuan an nui dar dar a, Ramliana erawh a tum hmuk thung.





"Cypher-a pate-a hi ania" atih chuan phawk fe hian ka en a, "Nunzira kha maw" ka chhan hma a ka pa in alo tih chuan "ummm, Cypher-a pate-a hi alawm" ati leh mai a, ka zak ve thei tih hi an hre miahlo niin a lang dawn riau





Awm reng na chi niin ka hrelo a, ka thiannu kimtei chu text in minlo call tur in ka hrilh a, a hmuh mai loh avangin lalnuna thlengin ka text vek





A tawp a tawp ah lalno in minlo call ta hram a "aw lalno enge nita" tiin pawn a chhuah ka rual a, "i tawng ka hre thei miahlo" tih leh kan in lam pan in ka theihtawp a chak in ka tlan a, min hmu tu chu awm se tlan chak minti ve ngawt ang.







"Ngati nge ilo chhoh" ka nu in alo tih pawh chu hrelo der lui in ka room ah ka lut a, kawngka kalh in ka au vak ringawt




Ka zah zia hi thu in sawi fiah ngaihna a awmlo zak tak ka ni




Nupui a neih dawn thleng kha chu ka la hrehthiam Ramliana pate-a ani tel kher kha a pawi ani a pawi .


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:10 pm

Chapter-3







"Hey iva chauh hmel ve"station ka thlenrual in lalnuna chuan alo ti nghal zat a, mood off nen ka ni deuh nghulh in ka hria.




"Ka chau lo , ka zawi" ka lo tih chuai raih a, ka chal chu lo khawih in "i khua chu sik lo" ati leh mai a, khawsik lam pawh anilo






"Enteh lalnun" ka ti deuh hluai a, phawk fe a minlo melh reng avang chuan "engmah ani leh lo" ka ti ta ringawt a, hrilh ve vek mai ka duh a, mahse min nuih nasat dawn lutuk avangin hrilh rih loh mai chu tha in ka hria ani






"Oi, i mak ve e, sawi mai mai teh" hriat chak hmel tak chuan ati a, kei lah in sawi ka tum thak lo








Ka duty zo in ka thleng chu chaw pawh ei lo in ka muhil zui nghal a, ka harh leh meuh chuan tlai lam dar 2 lai alo ri leh tawh




Ka phone call dawn lah chu ka chhang peih lo takzet "enge" ka tih chuan lehlam ami chu alo phul hlut a



"Vawiin tlai ah chaw kan lo ei dawn" te chu ala ti ta deuh deuh zui




"In vaiin maw" peih loh hmel zet a ka tih chuan "niang chu bialpa then chanchin kan hrechak alawm" ati a, ala hlim hmel em em mai leh nghal mi zawng zawng hi an hlim vek anihhi



"Engmah sawi tur a awmlo" ka tih pawh chuan "kan bazar a, taxi ah kan lut mek, kan lo thleng har lo ang" tiin call a dah nghal hmak a, beidawng zet in ka phone ka en reng ringawt.





Muang chang thei ang ber in ka in bual a, pawn lam thawm atangin ka thiante pawh anlo thleng tawh anih ka ring


Ka hmachhawn hreh zia hi hria se chaw an lo ei miahlo ang mawle



"Iva han inbual rei em em" Akimi'n min hmuh rual a alo tih chuan midang ho pawh chuan minlo en nghal vat hlawm a




"Eng chawhmeh nge inlo ken a" ka tih chuan "bawngsa" lalno in alo ti vat "khawnge in pasal fanau te in dah a" an mahni en pah chuan ka ti a, hemi te hi an chhungte dawt an hrilh leh anih vaih chuan an chaklo viau ang mawle




"Tun tum chu eng dawt mah kan sawi lo" lalno in tifuh inti zet a alo tih chuan "thudik tak kan sawi alawm, i pasal hual nen in in then vel leh i laknat zia vel dawtvar tlem kan belh hlak a" kimtei in alo tih chuan ka lawm hlawl lo




"Han sawi tan tawh teh" rempui ani, chair ah chuan thu in dawhkan bawh in thawk ka la hak a, hemi te ho hi engtin nge maw ka tih dawn ni?




"Sawi tur a awmlo, kan inthen a ani mai" ka tih ngial pawh in "chhan awmlo in an in then ringawt ngailo" rempui bawk in alo ti talh a, tih ngaihna hre tawh hek lo, aieng pack atang a atawp thlengin ka hrilh fai ta vek a





An nuih chiam ka rin tehreng nen anla nui hauh lo zui



"Tinge in nuih loh" inthlahrung dak a ka tih chuan "mawli chutiang te a nuihzathlak ami" Akim in ka dar a min ben sawk pah in ati a, a nuihzathlak tehlul nen an nuih aza ve lo chu mak ka ti letling zawk





"A nuihzatthlak em hi" ka ti leh ta ringawt , thawk la hak in "ka ten e a" lalno in alo ti chhuak hlawl a, eng ah tak khan nge a ten pawh ka hre lo







"Mood a ti uih vek alawm" Akimi bawk in alo tih leh takah chuan "kan inthen chhan hre chak in inlo kal ani lawm ni" ka ti a, ani lah tak a, an phi cheng a, an duh ang takin kan inthen lo aniang chu





U Nunzira an rel zui hrep a, sawi ve tur pawh ka hrelo ka thianten an han sawi tak tak chu ka luak te a chhuak ve hlui thei





Chaw kan ei kham hnu pawh chuan haw mai an la tum loh hmel khawp mai inkhawm zan ni mahse ka inkhawm loh phah ta ringawt bawk.




Ka chhungte erawh an inkhawm vek avangin kan thianho chuan dawr kan nghak a, U nunzira chanchin bak sawi tur an hre bawk silo buaithlak tak ani





"Lalmuan, i û a inkhawm ve ami" dawr a rawn luh pah a U kimtean alo tih chuan a inkhawm thu in ka lo chhang vat , a awm dan ah chuan an thianho a lo len an tum anih hmel ka nu awm leh awm loh a rawn en thlithlai hmasak duh hmel a awm dan hi.






U kimtea rawn luh hnu lawk ah a thiante pa thum bawk kha an rawn lut leh a, ka thiante erawh chuan an bengkhawn vak lem lo, an fate chanchin an sawi a, an thawm pawh a ring khawp mai




"Khawnge in len thin a" U kimtea en chung chuan ka ti a, "kan leng vak lo" min chhang tawh dawnlo emaw ka tih hnu ah arawn ti ta hram a, an leng zantin tih ka hre ve reng sia.




"Aw lo kal ru" U kimtea thianpa pakhat chuan ati leh lung lung tawh a, an in ko khawm leh tawh anih ka ring


"Aho maimai, kal na tur dang a awm loh hi, rawn kal maimai rawh" tiin phone chu a hmet tawp hmak a, a aw ki a ring bawk a, ka thiante pawn an en deuh ha hlawm mai



"Muani i thiante chu minlo hmelhriattir ve la" an zing a pakhat zawkin a tih rual chuan "pasal an nei vek tawh" u kimte an alo ti vat a, engtin nge alo hriat pawh ka hrelo


"Ho thin ve" tiin a tukhum chu a hiat neuh neuh a, a thak hmel teh chiam loh



Kan dawr kawt a, bike thi duk lam chu hawi in ka thil va hmuh rual chuan ka thin a phu nghal zawih zawih thei nia mawle



"Ramlian" phone call hmang pa khan alo ti vat a, dawr chhung a lo lut mek erawh a lawm hmel teh chiam loh


"Khawnge midang" atih zawm leh nghal zat a, chhang lem lo in thutthleng ah chuan a thu a, a thut rual deuh thaw in mipa hnih anlo lut ve nghal zat bawk



Kan dawr hi lian ve deuh lo phei se chu hemi te thianho hi kan thleng zo tawp lovang



"Enge an rawn tih dawn" Akimi chuan ka bengbul ah alo ti sar sar a, ani rai puar chuan alo hlau deuh te pawh ani mahna



"Tihian an leng thin a, buaina an siam ngailo" a thlamuan theih nan chuan ka ti a, Ramliana erawh a buaina siam thin vang a hria ka ni thung



Min en leh ngur ngur thin avang chuan ka aawm a nuam lo a, thil ka tisual emaw ka in ti lek lek tawh.




"Nunzira te inneih na ah chuan kal itum em Muani" u kimtean alo ti chu ka ngei kher mai, ka chhang awm lo e ka tih rilruk laiin "engvat ngawtin nge a kal ang, khatiang val senior hur lutuk inneihna a kal te chu a, a tenawm" Akimi chuan ati duah a, Cypher-a ka va en chuan hnuai lam en in alo thu kun lup a, ka va kheuh lah in engmah a sawt bawk silo "ka thiannu hi a kal lul lovang thih phah dawn mahse a kal chuang lo ang" ati ta piap piap mai midang ho lah chuan anlo support emem mai leh nghal a




"Khatiang zei lo lutuk bialnu te Reiek aieng pek ching leh nghal thing zozial lutuk" Lalnoi ani, anlo ngeisa tawh bawk nen U kimte an alo sawi chhuak kher chu ka ngei takzet




"Reiek aieng a pe che maw" an thianho zing a pakhat chuan alo ti vat a "pe ang chu mawle mawl hehu lutuk nui sang leh hlim takin Lalmuani a then a, in ngaih hrui nan reiek aieng kg 1, 200 man ala pe zui, khati" a hmui ka hup sak ta ringawt a, ka inthlahrung lutuk chu ka sa pup pup thei





"Aieng" tiin an la nui khek tuarh tuarh zui a Cypher a dar a ben thak pah in pakhat chuan "i patea chu a zei hle mai" atih chuan ka thiante chuan min rawn en rual deuh thap a, ka lu ka lo bu nghat ringawt




Cypher a ka va en chuan a thinrim ka rin tehreng nen alo nui ve suk a, a nuihzat vang nge a thinrim lutuk vang zawk pawh ka hrethiam tawh lo e a



"Kan kal dawn mi" Cypher-a chu a ding nghal hluai a, a ban a sana lawk zet chu en zeuh in "kan tlai ang" ati leh sap hnu ah midang ho chu an tho ve nghal sap sap a




Dawr chhung a an han ding tlawn zarh chu kan dawr lian ve tak emaw ka tih pawh a tê nghal rawih rawih thei





"Mawli, tinge a patea ani tih minhrilh loh" tiin ka thiante chuan min han dem leh rih a "ka kheuh ka kheuh chu a, engah mah in ngailo anihkha" ka tih chuan dik an ti ve deuh nge an han ngawi leh ren rawn a "awi ka va han zak tak a mood kan ti off vek anih kha" Akimin atih chuan an pawmpui tlang aniang an lu an bu sap sap a, ka nuih aza ru hle thung.





An pasal ten an lo lam sap sap a, a chang hi chuan pasal han neih ve mai te pawh ka chak ve thin a chhan pawh englai pawh a ngaihsak tu leh venghim tlat tu an nei tih hria in khawi hmun ah pawh thlamuang takin an leng thei bik a, chupawh nise pasal kher kher hi chu ka la nei peih chuang lo.






Chhung inkhawm kan hman zawh chuan Lalrinpui an "luck bik ve" arawn ti sa sa a, ka ngei lutuk chu a sam ah ka lo tham sak a, ka bin thal nghal thuai zawk dawn mawnle





"Lalmuanpui pawh mipa hi hlau ve rawh, police nih vang a ngam hawrh loh tur an vawi khat hnek ah i thal tawp thei tih hre reng rawh" ka pa in minti leh pek a, chhung inkhawm kan neih apiang in ala sawi ziah zui





"Ka nghak che ania" pawn lam atangin Lalrinpui an alo ti lung lung a, in hau fo mah ila sunday zing inkhawm na ah hi chuan kan kal rual ziah thin.



Ka thiannu Akimi hian ka û hi a duh thei lutuk a, in ngaizawng se pawh ka ti mahse ka û hian nau en baka a en ngailoh avangin Move-on turin kan ti a, a move on leh mah mah a, pasal min neihsan ta nghal daih a, kan veng chhung ah kawm tur pawh ka nei tawh lo.




"Ke in kal ang aw" ka tih chuan phawk fe hian min en a, a sana en zeuh pah in "darnawn rik hma vel in kan lut hman ve mai ang" ati a,Kan Biakin hi a hlat ve deuh avangin Motor hlirin kan kal a, vawiin chu ke a kal ka chak tlat






"Tuber nge i thlan dawn a" ka tih chuan hriatthiam loh hmel deuh hian "maw?" ati deuh hu a, "duati 1, duati 7 tih ho ah khan tu ber kha nge" ka tih leh chuan nui suk in "ka hrelo, nupui neih hi ka chak lo" ati ve thlawt a, vawikhat mah nupui neih a chak loh thu hi ala sawi ri chhin ngailo




"Ngati nge, neih ihun tawh ania aw" thutak deuh zawk a ka tih chuan "ila puitling lo lutuk ber hi lawm" nui ruh ruh chung a atih chuan ka peikhawk heel chuan ka rap chawrh a, "Lalmuanpui â viau thin suh" tiin a ke chu a tuai vut vut





"Thutak sawipui theih reng reng loh mai, sawn tal thlak rawh" tiin ka kalsan hmawk hmawk a, mawilo viau mahse sawn tal chu thlak se ka ti takzet ani.



Inkhawm ban ve leh kan haw rual leh nghal a , ei tur eng eng emaw kan lei nual bawk


"Thingpui tui thei ang ber nagmah a i thiamna zawng zawng nen han lum teh" inchhung kan luh rual rual in ati a, "thingpui lum rawh" tih that ve mai awm a tlak hmasa duah kher zel





Kan thingpui in laiin Lalnun an minlo call a, rawn len atum thu a sawi rual rual in phone ka dah nghal



"Lalnun an lo ka lo leng dawn ati"ka phi chung tawh , kan thuruk hi a hriatchhuah ka hlau takzet




" lo leng se nimai lawm buaina awm mi" lalrinpuia hi chu awwww



"Awm e, nangmah kha anihkha buaina chu, room ah lo han awm rawh" ka tih lah in a tang talh a, ka nawr kal zo bawk silo




Kan in chai lai mek in ka phone bawk chu alo ri leh "chu alo call leh tawh û khawngaih takin" ka ti chul a, ka tha ka seng nasa bawk nen ka thlan hluam leh nghal





"Ka biangah hian muah phawt la" tiin a biang a rawn dawh a, hetiang a chin lutuk vang te hi alawm min hmuh puitlin theih reng reng loh nachhan.




"Ka duhlo" ka lo tih chuan "i tetlai pawn i ti ziah" ati a, a din ngaiin ala ding reng bawk si



"Ninawm heihi last" tiin ka va fawp zeuh a, ka hmui ka tuai nghal zat bawk



"Ten vel suh, val senior -a pawh i fawh ziah kha" atih chuan a ngal ah ka chhir chawrh a, "ka hmu vek che u, a zeilo ropui si" tiin a room lam pan in a tlan chho nghal a, nakin a chinfel atan ka dah rih






"Aw Lalnun, ka buai deuh a, khawiah nge i awm" call a chhan rual chuan ka ti nghal thuai a, kal dan tur kan in hrilh fe hnu ah a hre thei bawk silo chu scooty in ka zuk hruai leh ta nge nge




"Lo thu rawh thingpui ka lo lum ve nghal ang che" tiin choka lam ka pansan nghal a, "awi Lalmuan in hi inva nei nuam emem" min rawn zui ve ti pawh ka hrelo ka lo phu deuh zawk a, "mawli minti phu" ala ti zawk zamah a, hahthlak thin ngei mai





"In chhungkaw thlalak te tar ve ta che u" hawi kual ruh ruh chung chuan ati a, ahma chuan kan tar ziah thin a, ka û nen a kan thlalak nen lam a tam thin khawp mai mahse hetiang hun alo la thlen ka rin avangin ka nu leh pa room ah leh ka û room ah ka tar khat vek




Ka room ah chuan engmah ka dah ngam chuang lo enge maw palh thut a ka room a awm te angaih palh takin ka in hmakhua vek ani.





"Ka kal dawn min nghak tawh" tih leh thawh a rual a, alo thleng ve choh a,"khawnge i kal dawn" ka tih chuan hlim hmel fe hian "Alpha Heaven ah kan leng dawn ilo kal ve duh em" ati a, ka duhloh thu a ka lo chhan hnu ah pawn ah kan in zui chhuak a, bike ah lawn in an tlanchhuak nghal



Bialpa aneih awm ka hrelo a, bialnu phei chu hnailo leh zual, bike a lo hruai tu kha mipa chu anih ngei hmel a, a helmet te kha ka hmuh hnu a ang riau in ka hria.


Ramliana kha ani chiang lutuk , mahse engtin nge Lalnuna nen an in hriat deih theih le, station ah pawh in hria ang in an awm ngai silo a



Khang misual ho khan an kidnap ani angem? He thil hi a tha dawn lo riau


Ka scooty chahbi leh helmet chu la in hmanhmawh deuh in ka tlanchhuak nghal a, Lalnuna te kal na lam ah chuan ka theihtawp a chak in ka tlan zui ve nghal





(Lo tan char char rih phawt rawh se aw , tawngkam bungrua hi ka neilo lutuk a, ka thawnthu ziah lai mek in chhiar atang pawn in hriatthiam ka ring, mahse dawthei takin minlo chhiar sak zel rawh u aw ka lawm ngawt ang, Comment lam inin sum nasa lutuk a ka inthlahrung a nizan lam ka awl lui a, comment lam inin sum nasat hian thawnthu thar dah hi ka in thlahrung tlat zel a 😁)


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:10 pm

Chapter-4








An kalna tur hre lo mah ila ka zawn hmuh ka in ring ve tlat bakah ka zawn hmuh hma chu ka zawng zel ang.



Kalna tur lam ka hriat tawh loh avangin Lalnuna chu ka call a, ala chhang theilo zui, "Lalpa min pui rawh" tiin an kalna tur lam zawk a ka rin khatla lam ah chuan ka tlan thla zel a, ka hriatchhun Alpha Heaven awmna chu ka hmuh rem chan ang apiang chu ka zawt zel a, tumah lah in anlo hre bawk silo chu ka hlauthawng takzet tawh


Tunlai ah mipa pawh an in pawngsual nasa tawh mai si a, kan Lalnuna vang hian ka va han buai tam tawh tak em! Amah a fel em avang hian mi hi a ring zung zung zel bawk si



Khatla kawn ah chuan ding in Lalnuna chu ka call leh a, a ngai te bawk in a chhang theilo



Tleirawl inkhawm tur rawn kal phei chu an hriat pawh ring lem lo in ka zawt leh a, pakhat tereuh chuan "Reiek kawng ah khuan Alpha heaven tih intar chu a awm a, ka la kal ngai bik chiah lo" ati a, a hriat dan chu chau rau viau mahse beiseina sang tak ka nei phah ani



Hmanhmawh deuhin Reiek kawng lam pan chuan ka in khalh thla zui nghal a, lawipu ah ka ding zuai a, mi an lo tam khawp mai, mipa sual hmel deuh leh fel hmel deuh in phur an hmuh leh hmuh loh te ka zawt a, tumah lah in "ka hmu" an ti bawk silo, hreh tak chung si in ka tlan thla leh ta nge nge a





Thui pawh ka tlan hma in kawng sir a Alpha Heaven tih lo intar chu ka hmu a, kawng laih sa vek ani a, metal erawh anilo, lungthil a tam em avang chuan ka in khalh thla ngam lo a, ke in ka pan thlak mai angaih hmel.




Thui fe ka kal hnu ah sunday dress nen ka kal tih ka in hre chhuak a, hmanrua engmah ka keng bawk silo lalnuna vang vek ani





Music in play thawm ka hria a, ka chapal a chah a vangin ke lawng in ka kal a, ka ke hnuai lah chu ana vek tawh, thi phung mahse ka zawng hmu dawn hi ani tawp




Music rik na lam chu pan in ka kal zel a, thui vak lo ka kal leh hnu chuan ka hma zawn a in lian tak ding luah mai ka hmuh chuan ka thu hnawk a, helai hmun daih daih an pan peih chu an taima ka ti takzet ani.



Ka ke ah lah hian hling a lut anih ka ring ka rap tha ngam tawh bawk silo ka tah te lam lam chu a chhuak takzet.




Bai sawih sawih in chu in lam chu ka pan zel a, mi an tam tih an thawm atang ringawt pawn a hriat theih




Pawn a lo awm ho chuan phawk fe hian minlo en dauh dauh hlawm a, eng ah mah ngailo in ka kal pel zel thung , ka tukhum za merh merh atang chuan min en zui tih lah ka chiang mahse hawilet tumna chhete mah ka neilo.




Inchhung ah chuan ka lut a, thawk leh khat ah a reh nghal thuap , hawi kual in Lalnuna ka zawng a, ka hmu mai loh avang chuan ka beidawng lek lek tawh, tumah ka hmelhriat an awmloh mai bak ah helai hmun a awm te hian mak ti takin min thlir thup a, mi pangngai tan chuan thil nuam tak anilo ani.




"Hi, pui theihna che ka nei em" nui sang a titu chu ka chhoh melh ha a, ala hmeltha phian zui leh nghal




"Lalnuna ka lo zawng a" ka tih chuan phawk fe a min en in "Lo thu rawh kan ko ange" tiin thutna tur min kawhhmuh a, kan lalnuna chu alo awm ngei a nih hmel, thutna ka pan tur chu minlo pui vat bawk a , tullo ti viau mah ila ka mamawh tlat bawk sia




"Tui ka duh" zah theihlohna zawng zawng in ka ti a, reilo te ah minlo pe nghal vat in "heaven-a ka nia" atih chuan ka tui in lai chu a hmai ah ka phuh thawt a, amah lah chu alo nui vei sang bawk nen a ha ah te chuan a per ngei ngei ang




"Heaven" ka ti sap a, a hmai tuai puat in "heaven Zorinsanga" ati a, Zorinsanga tih chu hming nalh tak ani mahse vawi khat pian ve man a Heaven-a han nih deuh tawp mai chuh hremhmun ah tla leh phei se chuan a hming nen a in hmeh lo khawp ang.






"Analh hle mai,ka tihpalh aw" tiin a hmai chu ka kawk zauh a, "apawilo, lalnuna chu ka han ko ange" tiin a kal zui nghal a, midang lo awm ve te chuan mak min ti tih an mitmeng atangin ka hre reng a, ka hrelo der hmak thung.




Police ni mah ila puan bih te chu ka thiam ve lutuk a tla mai mai lovang, sunday ania anni ho in chei dan hi a mak daih zawk, mak ti deuh in ka melh ve nghek hlawm dawn mawn le?




"Awii muan engthei" tih ri ka hriatna lam chu ka hawi vat a, Lalnuna him pial a ka lam lo pan ka hmuh chuan ka hnuk a ulh leh tlat tawh



Lo kuah in "mawla" tiin ka tap a, ani lah chu ka hlim ni a min hlimpui a, ka lungngaih a lo lunngai ve thin tih tak ah alo tap ve bawk a, kan pa hnih a duhtawk a kan tah hnu ah"enge hetah ilo tih" tap tuau a atih chuan harhchhuak zawk in "Mawla, mintih hlauhthawn zia ihria em? Ka rawn zawng che anihhi" tiin a rem lai lai ah chuan ka beng a, ka chum bawk.




"Kan leng dawn ka tih mawlh mawlh kha zawn ka ngai hleinem" ti mahse mintih hlauhthawn em avangin a chawn ah chuan ka chhir zui leh hram




"Ka ke ana lutuk" tiin ka thu thla hnawk a, "kelawng in ilo kal amaw" tih leh lo thu thla ve in "inthlak hmasak ve tur che lawm" arawn ti sa sa a, inthlak hman chu sawi loh hetiang hian him pial in a awm dawn tih hria ila chu ka um zui lo chiang ngawt ang





"Ka ke ah khan hling a lut ania" ka tih tak ah chuan ka ke hnuai chu a bih duk duk a "ava bal ve" atih te chuan tlawh nghal nawk mai chu ka duh mahse anat em avangin a vannei ta hlauh ani




"Khawmaw" tiin Heavena chuan ka ke chu a hmai zawn ah a lek kang vu a, "anih hi, hriau kan zawng ange" tiin a tho nghal thurh a, a kal zui lai chu en reng in "tu emaw tak bialpa chu ani ngei awm sia" ka ti rilru vawng vawng a chunu chu khawvel a hmeichhe vannei ber anih loh chuan ani teuh ve ngawt ang.






"Cypher enteh hei Lalmuani" ka thianpa chuan ring leng lawng in ati a,a hawi na lam ka hawi chu Cypher-a zu no dawm chung a thip zet a minlo melh chu ka hmu nghal zat




Glass chu a hmui nen chuktuah in a lem nghal khalh a, a lem rual a a hrawk bawk che ralh te chu enge maw zawng takin a nalh phian bawk




A thim lai deuh ah thu mahse ka mit hi chuan a hmu chiang khawp mai, hepa hi kei aiin a upat ka ring lo amah ah hian beisei nei tlat ang hian ka in hria a, ka beisei a pawh chu ka hre leh chuang der lo





Fel hmel deuh si hian a sual ru phian a, sual lutuk ti a han sawi tur lah ani in ka hre chuang hauh lo bawk




"Lalmuan , ila hria em" ti a minlo en chuan ka lo melh rum nghek a, in hre sa reng si a hriat loh der vel thin avang khan a insawifiah fe anihloh chuan ka ngaidam dawn lo hrim hrim




Heaven-a leh Lalnun an ka ke a hling lut chu min khei chhuah sak a, Cypher-a ka hma zawn ah tak thu mahse na ti hmel ka pu duh bik lo




Haw pui ah Lalnuna ka sawm a, Cypher-a chuan "ka hruai ania, ka rualin a haw ang" a tih tlat avangin ka awm ve ta reng a,amah lah chu a bo nghal hmak a, ka ngei ru tak zet mahse an boruak kal tha lai ka tihchhiat sak tih ka hai lo chuvang a ngawi reng a la awm ve reng ka ni




Heaven an chapal bun tur min pe a, ka tan lawng ang mai a lian ni mahse bun tur dang ka neih loh avangin tunah chuan khawvel a chapal mawi ber leh hlu ber ani




Pawn ah chuan chhuak in an huan vel chu ka fang kual mai mai a, a mawi in chauh chang a chawlh hahdam nan a nuam viau in ka ring




Mi te hi chu an hausa a, in leh lo nuam tak an nei a, enkawl tu an ruai a, Aizawl khawpui boruak an nin changin an hahchawlhna tur hmun an siam a, damchhung ni tawite ah an nun hi a nuam bik ngawt in ka hria




"Huan mawi deuh kan nei a, sangha dil te pawh a awm a, nakin ah kan la kal dawn nia" U nunziran a tih kha ka hrechhuak a, in ngaihtuah nawn tawhlo in ka in her a, ka pen nghal pawk pawk hepa ngaihtuah chhuah fo hi ka duhlo takzet ani.




"I ke ana emaw ka tia" tih ri ka hriat rual chuan ka ding chawt a, ka hawi let leh chuan meizial pet khu luih luih chung a minlo thlir reng tu Cypher-a ka hmuzawm nghal zat



"A dam tawh a" ti a kal leh mai ka tum chu "lo thu ve la" ka rinloh lutuk a alo tih avang chuan ka hawi let leh hram a, thutve chakna thlarau in min man leh tlat tawh mahse thu thei ka nilo hepa hian ka chung ah thil tha lo tak a ti duh mai thei asin.





"Ruah hi a sur dawn aniang" tiin in lam pan chuan ka kal zui nghal a, 'eng ang pawn thu chak ila ka thut loh dan tur chu Chunglam ami khian a hre chiang ang' ka ti rilru neuh neuh bawk.



In ka thleng phei tep tih ah "Khua hi a dur sia, cypher-a kan hmu zo lo" an ti lang lang ri chu ka hria a, haw an duh tawh anih ring in ka kal tawhna lam ah chuan thei leh theilo in ka tlan let leh a




Thli a thawt ve deuh avangin ka sam lah chu chhim leh hmar, chhak leh thlang hawi zawngin a leng siau siau a, a in suih mawlh mawlh in ka ring





Cypher-a lo thutna ka va thlen chuan amah ka hmuh mai loh avangin ka au a, khawi ah nge maw alo kal hman ni




"Cypher" ka tih loh leh "Ramlian" tiin ka auh tawn chhen a, atawp a tawp ah "Ramlian tih kher kha chuan min au tawh lo teh" a chhak deuh hnim pik kar atang chuan arawn ti a, ka han hmu chu ka hlim lutuk a ka han kuah lo choh ani.






A lam pan chuan ka kal a, a san deuh avangin a kut chu lo phar chhuak in ka lo vuan vat a, a chakna ringin a bul ka thleng ve thei hram ani





"An zawng luai luai che a" ka tih chuan ngawi reng hian meizial a tan a, thli a thawt nasat tehreng nen a zuk hman pawh ka ring lo a ral vek ang




"Hetah enge itih reng" ka tih leh chuan "nangpawh" alo ti ta daih a, ka rinloh deuh a minlo chhan avang chuan chhan mai dan tur ka hre mai lo




"Ka rawn zawng che" ka tih chuan "min hmu tawh a chuan" tiin min rawn en a, a chil lem khalh rual a a hrawk bawk che leh ralh bawk chuan ka mit a la leh tlat tawh




"Ka ,..ka hmu che a"




"Min hmu a" tiin min rawn hnaih sauh a, ka lo zam chhe hman lek lek



"Let tawh ang" tiin hma lam ka hawi ta daih a, a nui suk ri ka hre zawm nghal zat a awm dan hi mipa dang nise chu ka ten leh tawh ngawtin ka ring mahse ani chu ani ve lo hriatchian ka chak tlat anihchu




"Duhlo ta ila"



"Maw?"



"Duhlo ta ila" min en reng tih ka hmai za mer mer atang chuan ka hre thei



"I duhloh chuan ka kalsan dawn che" ka tho thut a, rang zet a ka ban ah lo man in min pawt thu leh nghal vat




"Min lo nghak lawk rawh" tih leh meizial bawk chu a tan leh a, ka lam ah rawn hawi thut in "i duh ve em? Duh ve lo mai rawh hmeichhe meizial zu ka duhlo" ati nghal zat a, a duh loh vang nilo in meizial ka zu ngailo hrim hrim




A meizial zuk lai chu a pak khu hlat hlat reng a, a tawng tawh lo a, kei lah in sawi tur ka hre bik bawk silo



A bul ah chuan ngawi reng in ka thu a, ka pum rawn ri leh thin chuan ka awm ati nuam chiah tawh lo ka bul a mi lah hi a hmanhmawh loh hmel in a thlamuan hmel emem mai leh nghal a




Ka pum bawk chu rawn ri leh rak rak in ka in rin hma in ka vawih thut a, ka bul a mi chu en in a melh ngai a lo melh vung vung a vang chuan a hrelo anih ka ring a ka thawhuai



Mahse "vawi thum i vawih tlir ania" arawn tih chuan amah chu ka en vat a, mipa dang chu nise an hre lo der ngei ang



Bakah vawi thum vawih thlir han tih kher kher ka zah te hi a ring miahlo nge bialnu a la nei ngai miah lo zawk ti dawn ila a bialnu ka ni chuang bawk silo




"A tlir bawk lo" rang zet in ka ti a, a tlir awm ka hrelo tak tak ani


"A tlir" hma lam en chung chuan alo ti leh vat a


"A tlir lo"

"Tlir, a kir tel leh nghal" atih leh chuan ka insum thei tawh lo ka tho thut a, "i duh duh dan in awm rawh i duh leh bo la Ramlian" tiin ka kalsan zui nghal nal nal




In lam ka pan lai te chuan vawikhat mah ka hmuh tawhloh nan ka tawngtai mawlh mawlh a, mizoram zim te ah hian chu chu a thlen theih ringlo mah ila hmuh tawhlo ka duh ngawih ngawih

Khatiang ah te chuan lo hriat loh der ve tur ania, ka zak lutuk hi nikhaw hria a tluk mai te ka duh chutiang chuan ka zah na te hi a zia deuh in ka ring ani.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:10 pm

Chapter-5







Lalnuna nen kan in phur haw a, kawng tluan in ka hau mawlh mawlh reng a, a ning deuh nge a thaw leh hawk thin





Ka thinrim em avangin chhan let en ah min en lo aniang thawk ala leh hak thin tih bak chu engmah thawm dang aneilo




"Fimkhur tawh ang che, ka nuai hrep mai tur che ania"an inkawt kan thlen rual rual chuan ka ti leh hram a " oi i mak ve e, kan leng ve ani mai a, enge i lo hlauh ve vak tunlai nunphung hi i hre hlawl lo" ati vei tan tan a, dik na lai chen chu awm mase mipa pangngai ang taktak a en a harsa a, ani ai hi chuan ka pa daih zawk ang tih vel ani





"Chupawh chu nise awm that duhloh vang a kan man ziah nen inin phur chhuak ania, tunge hlauthawng lovang, an mahni chawp khan ka bomp darh vek lo chu a in vannei anih kha" thutak deuh a ka tih leh chuan "i mak emai Muan rapthlak, haw rawh naktuk ah kan inhmu dawn nia" tiin in chhung ah minla luh san daih zui a, unau dang anei silo, a pa in a thihsan tawh bawk si, a nu innghahna neihchhun liau liau anih avang hian keipawn thian leh thawhpui ang choh lo deuh hian ka en a, ka nau en deuh ber tihna anihchu







In chhung ka luhrual in chaw ka ei peihloh thu ka sawi a, ka room ah tlang nghal in
ka khum ah ka mu ang phuau a, Ramliana mintih dan bawk chu ngaihtuah let in ka dang a ro a, ka khuh nghal thawt thawt , hepa hi hri hlauhawm tak anih ka ring





Peihlo deuh in zan ah ka inkhawm a, ka ke lah chu ala na ve phian leh nghal



Inkhawm ban ah Lalrinpui an "ka nî ten ah kal ang" atih tlat avangin nitei te in lam ah kan in khalh chhuak a




"i dam nange" tiin ka chal a rawn khawih a , nidang ang in ka tawng peih lo a, inhnial phei chu ka peihlo leh zual




"Ka dam alawm" ka lo ti chuai raih, ka aw atang chuan ICU vel a dah luh nghal rawk rawk ngai te pawh ka ang alawm le




"Ka hria" alo tih vat avang chuan "i hmelchhia" ka ti leh hram a, kan inhnial taktak hma in Nitei te in kan thleng hlauh a, ka lawmzia chu ah




"Khalh thiam lo ropui si" motor atang a chhuk pah a ka tih chuan "Mipa dang motor a chuanna tur pawh i hmuh zawh loh kha" minla ti zek zui a, dik ti viau mah ila "ka duh te chuan ka hmu ve emai ah" tiin ka chhang ta zawk, min ngai luck lo leh lutuk hi ka ngei thin alawm





"Ehe , enge in awmzia" nitei in min hmuh rual in alo ti nghal chul a, hrilh lawk lo in kan kal bawk a, an rin loh lutuk min hmu ani ngei ang




"Mami awm em" ti a sitting room lam ka pan chu "Ramlian atia" tih leh an nui nghal dar dar a, zawi muang a kal in ka va bihthla dek dek chu Ramliana te thianho anlo thu kur anihchu, hemi te thianho hi hmun tin ah hmuh tur an awm nia mawle, nitei te in ah leh zel hi chuan hmuh ka inbeisei loh dan chu Vanram lawn tum ang vel aniang.






Thawm nei miah lo a let leh ka tum lai takin Nitei bawk chuan"Mami, Muani te an lo kal hi" ati lang lang a, Lalmami lah chuan "ani maw" tih leh thawh a rual a, engmah hrelo ang in an zingah chuan keimah zawk ka va in barh lut tawp



Ramliana te thianho erawh hrelo ang hmak a awm ka tum thung



"Inlo kal tur thu i sawi silo a" a bul a min thut tir pah chuan a ti siam siam a


"Nia, Lalrinpuia lawm kal ang ati thut a in hrilh na hun pawh awmlo" ka tihchuan "ka pa nen hna khawih tur an nei leh tawh aniang" ati mai a "hna a" ka lo ti vat, Lalrinpuia hian amah a a kal peihloh vangin min bum chhuak tih ka hrethiam nghal




"Umm, tlai ah khan ka pa khan a sawi zuai in ka hria" atih leh phei chuan ka thinrim takzet tawh ala chaklo khawp ang mawle.




"Nia" ka ti ta ringawt a, chhan dan tur dang hre tawh bik hek lo amah lah chu a bo zui nghal hmak a, hmuh zui tur a awm bawk silo





Ramliana te thianho reng reng pawh hi Mami te in ah leh zel enge maw anlo tih , hemi te ho han daih zai zia hi khawi hmun ah pawh an awm rapthlak hlawm lutuk Ramliana nih hi Ramliana ai pawn alo phu ber anih hi.






An titi na karah Ramliana nen chuan ngawi rengin kan thu a, kan in en leh hruk hruk thin

En loh ka tum ngial pawn har thei ngat ngat tak ani



An thianpa pakhat Sangzuala an tih chuan ka cousin Mami hi a duh niin ka hria a, Ramliana te ho hian an rim pui ve ngei anih hmel


An zeilo hlawm si, tiangte chuan khawilam nula mah an chhai tlu lo tawp ang


Hmeichhia hian fiamthu thawh a nuih uarh uarh thin hi kan duhlo tlangpui Mipa diktak chu Ramliana ang hi




Awi enge maw ka ngaihtuah ni "khawnge nitei kha" Nitei pawh hi ka hmu chhunzawm tawhlo reng reng



"Choka ah ka awm" arawn ti lang lang a, mahse ka nitei choka a awm daih in minlo chhang thei chu ka tawng ring hle tih ka hre chhunzawm nghal zat




Ramliana ka va en chuan hahthlak tih hmel zet hian minlo melh ngur ngur a, min seh sawk sawk te pawh a chak hmel




"I u te bulah ka han kal ve lawk ang, mami te nen khan lo in kawm ru aw" thingpui minlo pek hnu ah nitei in atih leh phei chuan helai hmun a ka kal hi ka inchhir takzet tawh



A inleng te vangin mami nen lah kan titi thei bawk silo , ka vei lam ah Ramliana tum bur in a thu a, thawk pawh ka thaw tha ngamlo hrim hrim





Chhuanlam ah thingpui no seng tur a awm hlauh chu ka tan vanneihna ropui tak ani




Choka ah hian balcony a awm ve a, lian tak chu ani lem lo , van boruak thiang kak chu thlir in ka lung a ti leng ve lek lek mai




Ka û hian kan tetlai in "arsi eng ber ka ni anga nang a eng ber dawt" atih thin lai a titau chung a a eng ber nih ka duh thu ka sawi lai te mitthla ah a lang a, ka û lah khan "a eng ber ka nih chuan harsatna i tawh chang pawn itan ka eng reng dawn a , i lungngaih chang te, beidawng a i awm lai pawn itan khawvel a mipa eng ber ka ni dawn lawm"a ti a, thiam tak a min thlem a zarah arsi engber dawt nihchu ka duh ta choh a, a sawi ang taktak in ka û hi ka tan chuan ka lungpui nghet ka in nghahna ani




Min chhaih thinrim phet hi tum thin mahse min hmangaih zia ka hre chiang a, a chang chuan keimah vang hian nupui te hi ala nei duhlo amawnle ka ti hial thin



Fiamthu hi chuan " ila puitling lo lutuk a nupui ka la nei duhlo" hi a ti fo thin a, ka puitlin loh vang a nupui neilo anih ringawt na chhan tur ka hre bawk silo





"Lungleng mi" rawn ti tu chuan ka lunglen na kar a ka mittui rawn luang tur pawh a luan let tir leh vek




Ka bul ah ding in meizial a pak khu leh luih luih tawh a, thutam tak hi chu a pailo ve chiang ngawt mai


"Arsi hi i thlir ve ngai em"


"Ngailo" van lam hawi reng chung chuan ati a, tun ah pawh hian a thlir reng sia



"Arsi hming hriat pa 5 tal inei em" ka tih leh chuan "chutiang lek, 100 pawh ka hria ang chu" awlsam zet hian ati a "anih chuan pa 5 tal han sawi teh" ka lo ti ve tlat, a hriat taktak ringlo mah ila a dawtsawi hi man chhuah ka chak, zak ve rawh se




"Aho" ati leh sup a, van lam la thlir reng chung a a meizial fawh a tum leh lai tak chuan ka lo laksak thut a , rang zet a min rawn en chuan ka zam lek lek



Kan in en hnai lutuk mah mah ani, a mitmeng sen râm leh a mit hnuai val kual phei raih te chuan ruih anei tih a ti chiang emem bawk



A chil a lem khawlh rual a , a hrawk bawk che ralh lah hi ka hmu fuh thei in engvang a nalh ti emem nge ka nih pawh ka in hrelo U nunzira kha chu a thau cute deuh hmun a, hrawk bawk a neih ve awm pawh ka hre lo




"Arsi hming chu sawi rawh" ka tih chuan ani pawh a hawisawn ve nghal vat a, a kekawr ipte zen chungin van lam bawk chu a hawi leh a, a hrawk bawk lah chu thla eng hnuai ah chuan a lang chiang in a sexy takzet ani





A aw thian kharh kharh in "engzah nge kha" atih chuan "pa nga" ka lo ti vat a, chutah heti hian arsi hming chu a sawi anih chu



"Ram arsi, chungleng arsi, hnuaileng arsi, jerusalem arsi, habakuka arsi" ngaihna awm thlawt lo, a fiamthu nge a hrelo taktak zawk




"I bike ringawt sil lo in, I thluak pawh kha va sil tir rawh" ka tih chuan , tak ngul chung hian min rawn en thut a "enge a" ka lo ti vat, ka hlau deuh e a



Min pan hnai a, kei lah ka lo tawlh hnung zel bawk, a mengrum si, a mit a sen si, a hlauhawm dan chu pui tak ani



"Ramlian" a awm ah chuan ka nem a, awmzia awm lo, vampire alo ni ru reng zawk anih te ka ring a, ka rilru ngaihtuahna ah chuan ka thi fel der tawh





"Ngaiteh, Lalmuanpui, hlau suh, fapa i hring anga, a hming ah Habakuk-a i sa tur ani" ati nihchu amah lah chu ala nui ang vur vur a


Hepa bul ah hian awm tam chi ka nilo ka thi vat mai ang


"I duh leh i fapa hming ah Habakuk-a chu ti la nimai lawm" fa ka la nei ve ngai anih chuan nakin zel a an sawi zah tur hming ka phuahsak ngai lovang, a pu hming chawi tih vang a hming thing taktak phuah te hi ka phal ve teuhlo mai




"I duh mi" minti leh daih a "ka duhlo a, nangman phuah zawk rawh i fapa hming ah" ka tih chuan nui suk in "i duh silo a, i thu ang zelin kan awm ang" ati leh daih a, hriatthiam theih hian engmah a sawi ngailo



"Engvangin"


"nangnen anih loh chuan fa neih ka tum hleinem" ati ringawt anih chu, ani nen hian vawite khat pawh inneih chu sawiloh thian nih ringawt pawh ka la dream chhin ngailo




"I zak theilo"


"Shhhh, zak chung chung in lawm ka sawi"zak hmel pu map lo chuan ati awlsam leh et a


"I zah chuan sawilo mai ta che" nelawm fahran loh chuan ka ti a


"Ilo in rin lawk theih nan ka sawi maimai" in rintawk hmel fahran a atih leh chuan chhan dan tur hre tawh heklo ka hmui ka ti pawrh vak ringawt





"Ramlian minti tawh suh" kan ngawi reng takah chuan arawn ti a, chhang lo in amah chu ka en ringawt


"Ramliana nih ka duhlo" ati zawi leh sup a, ka nui chhuak lek lek ani


"I hming min hrilh duh silo a" ka tih chuan "Lalhmelthaa.......Cypher Lalhmelthaa" ka mit ah chiang tak in min melh chhuk leh run a



A hmel chu en in a hming nen pawh chuan a in hmeh takzet ani "Iva hmeltha si lo ve" van lam chu ka en nghal daih a, a chhan pawh ka sawithiam lo a mitmeng khan zâm na tam tak min pe tlat a, ka en rei ngam lo




Min chhang lo a a nui suk ka hmuh chuan lawm loh in ka nui ve ringawt



"Ti bo miah suh" a thi(thri) awrh lai chu la thla in min awrh tir a, a chet dan chu mak ka tih em avangin ka che eih lo



"Ka rauh teh mai ania" a locket chu a khawih a, ramsa lem ani, eng ramsa nge anih erawh ka hre lo a nghawng a sei a,sava a ang lek lek zawk , sava rapawm deuh



"Ka duhlo" phelh ka tum chu minlo dang vat a, a mitmeng chu ka chhiar thiam meuh lo , engvang a he thi(thri) hi min awrh tir ringawt nge anih ka hrelo a, in zawmna thuk tak kan nei bawk silo




Kan inhmelhriat dan pawh ani hi zan lam ka duty lai a buaina siam avang a ka man thin ani a, abak in zawmna engmah kan neilo




"Ramlian, atih chi loh in ngaizawng pawh kan ni lova"



"Kan in ngaizawng mai dawn mi" min en lo a, mahse a thutak hmel hle thung



"Enge maw i sawi le" ka nui a, anihna takah chuan ka nuih a za hlawl lo


"Tikhan lo awrh rih la, nakin ah ka rawn lam leh ang" a kal zui nghal daih a, a thi(thri) min awrh tir locket chu khawih pah in van lam bawk chu ka en a, hepa hi mi danglam tak ani



A hmeltha a, a pian a nalh in a in chei na lah a changkang a, hmeichhia te duhthusam zawng zawng chu amah ah hian a kim vek maithei mahse kei chu ka nilo


Pasal atan a ka duh chi mipa chu U nunzira te ang a mi puitling ang kha ani mahse u nunzira lah chuh





"Sukpui" Lalrinpuia tiri ka hriat rual chuan an awmna lam pan chuan ka kal vat a



"Kan haw dawn mi" hlim hmel tak hian a nui ver ver a, min nuih tlawn ani zawk mah


Kan kal dawn chuan sitting room lam chu ka thlek dek dek a, ka hmuh theih loh avangin

"Mami kan kal dawn" tiin ka va kal a, mahse Heaven-a nen chiah kha alo awm tawh avangin sangzuala nilo in Heaven-a tan zawk an rim pui anih ka ring mah tawh zawk.


Ahma khan Heaven-a hi ka hmu miah silo a, engtik lai khan nge alo kal a, khawi ah nge Ramliana te ho kha an awm?Chance an pe anih ka ring a, ka nuih chu a za ru viau mai


Ka hawikual a, ka hmuh mai siloh avangin "nia min lo thlah duh suh" ka ti ta ringawt a, mami thusawi kha engmah ka hriat loh vang a "nia" ti ta ringawt ka ni




"Hi" heaven-a lah chuan nui sang hian alo ti a, han chhan loh chi ni nghal lo chuan "i tha maw" ka ti let ve , "in lo inhria maw" mam'in atih chuan "hre deuh reuh" ka ti ringawt a, Heaven-a pawh a nui suk ringawt




Darthlalang ah chuan in en in ka thi(thri) awrh lai chu ka en a, sava a niin ka hria a, mahse eng sava nge anih ka hrelo



Google ah ka zawng a, a tawp a tawp ah Ostriches ani tih ka hre nghal


Ani ang tlangval inla pa ve tak khan eng vang a Ostriches lem te thi(thri) locket a hmang nge maw anih



A chain pawh silver anilova, gold lah ani hek lo, ka sawi thiam dan chuan hrui dum ani mai in ka hria


Mipa taksa mawi tak in han awrh se chu a nalh viau anga, hmeichhe awrh atan chuan a mawi tehchiam lo ani mahse ka phelh phal chuang miah lo.Hepa hi ka hrethiam lo takzet ani

Ka kalna hmun apiangah alo awm a, tun ah lah a thi awrhlai minpe ringawt bawk a, engmah in zawmna neilo mah ila ka rilru leh ngaihtuah na atangin ka paih bo thei miahlo thung.Mi danglam tak chu aniin ka hria a, hriatchian leh zual ka chak takzet bawk.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:10 pm

Chapter-6







Station ka thlen rualin Lalnuna a in sawi fiah char char a, "Amak e Lalmuan" a thusawi ka ngaihthlak sak duhloh avang chuan ka kalna apiang ah min zui a, ka thinrim tawh hran lo a, mahse thinrim der rih erawh ka tum thung





"Min bum chiang hle mai" tiin OC room ah chuan ka luhsan hmak a, min zui lut ngam dawn lo tih ka hriat vang ani




Ka lut thut chu ka û hian mak tih hmel deuh hian minlo en reng a "ahhh, ka lo leng" ka ti ta ringawt



"Iva hlim hmel vur vur ve, aieng i dawng leh ami" file en mawlh mawlh pah chuan ati a, ka chhang buai peihlo pasal pawh nei ila aieng kha a theihnghilh tawh dawn lo a, a thawk a phit in a sawi chhuak reng dawn tho




"Kan mu zar teh ang" ti a sofa a mut ka tum chu "meeting kan nei dawn ania" ati sup a, ka tho leh nghal vat


"He tiang room hi ka duh ve ngawt mai" amah pawh en lo chuan sofa chu ka chul vel a


"Zan in chu night lo mai la" ka rin ang chiah ani, min hnial fo thin mahse min ngaihtuah a, min hmangaih tihhi ka chiang em!



Ka hna hi bansan a, hnadang thawk tur hian minla duh reng tih ka hria mahse min nawrlui duh biklo ka tih tawh chu ka tih ve bur zel avangin ka rilru ka sawhsawn maimai dawn lo tih amah a in hriat chian tluk zet in a in hre chiang ngei ang.





"Chutiang ka beisei lo" a dawhkan bul ah chuan ding in "kan unau thlalak hi tar tawh suh, an hmu nge" dawhkan a kan unau thlak a dah chu ka khup sak a, a nui ringawt duh choh




A room kawngka an lo kik karh karh takah chuan ka awmsawn nghal dawrh a , ka û in lo lut tur a atih rual in kawngka in hawng ri rak in a chhunzawm nghal



Ka û chu tho in mipa pakhat palian tak lo lut lam chu a pan a "hmuh iva nuam ve" tiin a chibai a, kei erawh ka lo thawhuai thung



Police form ve tho ahak avangin sipai pawh tise police ani tho tho




"Ka kal ange Sir" ti a ka û ka en chuan a nui ver ver a, ngaihtha zan lo a in her a kal ka tum chu "Sukpui" arawn ti nihchu



Kan station ami anilo hlauh a avanneih thlak a tihsual anih ring in kal leh mai ka tum a mahse a ngai te bawk in min rawn au leh zawi muang a hawi let in an pahnih chuan chiang deuh hian minlo en a




"Ka nau anih hi Lalmuanpui" atih rual a "iva lian tawh ve, Police te ilo nive animaw" mintih takah chuan tlem chuan ka hahdam deuh



"Lo kal teh" tiin ka û in min hui zeuh a, hmanhmawh deuhin a bulah ka va thu nghal



"Ka thianpa ka sawi ziah kha ila hria em" atih chuan "Lalduhawma kha maw" ka lo ti vat a, "ummm" atih takah chuan kan hma lawk a thu hi ka û thianpa Officer Lalduhawma ani tih ka hre chhunzawm nghal



Ka û sawi dan kha chuan an chhungkaw thil avangin kum hnih lai hna a join tawh lo a, ramdangah an awm ati in ka hria , tunah alo join ve leh choh anih hmel




Eng eng emaw an sawi hnu ah ka chhuahsan a, an pahnih sawn chance pek an ngai






Zan lam kan dutu laiin vaivakawn field ah intibuai an awm thu report kan dawng a,hmanhmawh deuh in kan chhuak ve nghal



Kan zuk thlen thlak chuan a then chu an tlan chhe hman a , a then erawh an lo la insual mek bawk



Hlau ve tho mah ila ka hna anih avangin ka in barh lut ve lo thei thin lova, vawi hnih vel chu ka thle ve sawk sawk mai




"Duh tawk teh u" tiin pakhat zawk chu a awm ah ka nam a,an chak si, an palian dun si hneh lo tak ka ni, a thim ém avangin tute nge an nih ka hrelo a, an hmel hmu thei lo mah ila an palian hle tih erawh a hriat hle thung




Hmun khat ah choh an insual lo avangin Police zawk chu kan in daih lo lam hret ani




Theih tawp a thelh ka tumlai chuan ka thle sawk a, ka lu a rawn hai riai riai avangin lei ah chuan ka thu hnawk




"Zawnga" tih leh a ri nghal sawk a, ka bul lawk ah chuan min hnek fuh tu niawm tak chu a rawn let thla ve hnawk


Ka hawi chhuah rual chuan ka thawhpui te ho in chupa rawn hnek tu chu lo man in handcuff an bun tir mawlh mawlh a




"I tha em"


"Ka tha e, minlo kai tho lawk teh" ka tih chuan minlo pui nghal vat a, ka lu ala hai deuh avang chuan ka ni chuai mai


Naktuk ah chuan ka hmai hi a duk loh vek pawn a vung nasa khawp ang



"Heaven harh teh" ka hawi phei nghal vat a, "heaven-a saw pui rawh u" ti tu chu ka rin thu mai mai nge Sangzuala a ang riau in ka hria




A ri nghal rawp a, ka lam a rawn tlan phei chu en in ka lo ding tawp "ngaithla teh, Heaven-a saw chhan ang che, i kut ah ka dah ania"car chahbi ni ngei tur chu ka lam ah a rawn theh phei a, a sawi zawh rual chuan ka thawhpui te chuan a ban ding lam leh vei lam ah chuan lo man leh nghal in an kalpui zui nghal




Heaven-a awmna lam ah chuan Lalnuna nen kan tlan phei a, "Hospital kan kal pui nghal angai" Thankima chuan alo ti vat


"Ambulance" lalnun an alo tih chuan Thakima vek chuan "kan nghak hman tawh lo" rang zet hian alo ti a



Ka kut a Car chahbi chu en in "Car ka nei" ka ti ta ringawt a, "Thakim i khalh thiam tiraw" ka tih chuan "aw" tiin minlo chhang vat




Heaven-a chu Thakima chuan a pua a, hmanhmawh deuh in car awmna lam pan chuan kan kal nghal



Ramliana te ho erawh kan thawhpui ten station lam an pan pui a, awm ve duh viau mah ila tunah chuan Heaven-a hi hospital ka thlen pui vat angai




Emergency room a an nawr luh lai chuan thil hre chhuak thut in ka phone ka phawrh nghal a



"Hello mami"


"Enge a" a aw atang chuan a muhil tui lai ka kai tho tih ka hria


"Heaven-a chhungte number inei em"


"Neilo, ngati nge" mak tih hmel deuh tak a atih chuan engkim ka hrilh ta vek a, a chhungte biak pawh dan tur lo ngaihtuah tur leh a thiante station lam a an awm vek thu ka hrilh nghal bawk





"A chhungte anlo kal dawn aw" call pawh ka dah hma in lalnun an alo ti a, engvang a lalnuna hi ngaihtuah chhuak lo nge ka nih



Amah lah chu a tap deuh pur a, hmuh a hrehawm lek lek zawk


"Atha leh vat mai ang" tiin kan hnem ve tak na in awmzia a awm teh chiam lo



Rei lo ah Heaven-a chhungte anlo thleng a, thil thlen dan vel hrilh in a that leh vat tur thu sawiin kan in thlah liam a, station lam kan pan leh nghal




"He car hi chu ka awt ania" Thakim an alo tih pawh chu ka chhang peih meuh lo


Ramliana leh Heaven-a hlir ka rilru ah an awm a, thi(thri) locket chu khawih in , eng vang a insual ziah nge annih buaina hi tinge an cho emem reng mai le tih te chu ka ngaihtuah a, ka thaw leh hawk thin




"Atha leh vat mai ang, Doctor pawn ngaihtuah awm anilo atih kha" Heaven-a ka ngaihtuah a ring ani mah na


"Lalnun tap tawh lo teh" hnung lam hawi a ka han tih chuan Thakima pawh chuan alo hrethiam nghal thuai a


"Lalnun, a tha leh vat mai ang serious anih loh kha, nikhaw hrelo in a awm mai mai alawm" ti a hnem a tum ngial pawn


"Mahse nikhua a hre hleinem" tap tuau hian alo la ti hram a, hmeichhia zawk pawh ka tah lo laiin lalnuna erawh hi chu enge maw hlek ah a tap nghal tuau zel a, an lo inkawm thin vang te pawh ani mahna





Station kan thlen chuan Ramliana te thian ho lockup a awm chuan ka mit ala hmasa ber a, ani erawh chu a rawn hawi ve lem lo




Mak ka tih ber erawh chu tun thleng a helai hmun a anlo la awm ve reng zawk hi ani, nidang ang ah te chuan an hming an sawi hma hauh a lakchhuah an ni nghal zel si a





"Enge awmzia" U jerome-a hnen a ka tih chuan alo hrethiam nghal tih a mitmeng atangin ka hre nghal



"OC alo kal a" atih chuan mak ka ti leh zual zan dang ah ka û hi alo kal ngai silo a


"Ka va hmu teh ang"


"A chi loh in leng anei" alo ti vat a, thil pawimawh anih ka rin avangin ka thutna ah chuan thu in anlo chhuah hun chu ka nghak ani ber




Ramliana te ho lah chu ngawi reng in an thu a, Sangzuala bak saw hriat dang ka neih loh avangin va biak chu ka hreh deuh





Darkar chanve dawn hnu ah ka û chu mipa pakhat nen anlo chhuak a, a hmel awm dan atang in eng thu nge an sawi ang, thu tha lam nge chhe lam ka hrethiam mai lo



"Zanin chu hetah in riah phawt angai a, naktuk khawvar rual in ka rawn la chhuak ang che u" lockup a awm ho ah chuan tu ber nge a biak ka hre lo tumah lah chuan an en bawk silo a





Ka û a office a a lut chu chupa chuan a en zui deuh vung vung a, chutah "bawiha, khawvar rual" a sawi zawh hma in Ramliana chuan "va haw tawh rawh" tiin alo pawt chat vat a, anih chuan sawpa saw Ramliana pa anih ka ring



"I patea ka awm alawm lungngai reng reng suh" atih leh si avangin apa anilo a, a patea zawk tih chu hrilh hranpa ka ngai tawh lo





"Lalnun, phi cheng suh" hepa buai lutuk hian keimah pawh hi minti buai zo vek



"Coffee ka va pe teh ang" atih loh leh "an ril a tam angem le" atia, a chang leh eitur order sak a pek a tum thul



"A hrehawm hmel em alawm" atih chuan Ramliana chu ka va en a, a thut ngai in ala thu kun lap reng a, enge maw tak a ngaihtuah anih ka ring



"Lo awm rawh" tiin Lockup lam chu ka pan a, "enge itih dawn" zawi tak si a Lalnun an atih chuan ka chhang peih kher lo ka tih tur chu a hmu mai dawn lawm




"Cypher" arawn hawi lo a, a thiante ho erawh in min lo en vat thung



"Lalhmeltha" a thut ngaiin ala thu reng a, a che lo hrim hrim a mit te saw a khap awm pawh ka hrelo



"Ramlian" a thiante mak ti hmel chu ka nuih aza kher mai

Sangzuala erawh chuan a hriat fo tawh anih avangin engtin mah a awm hran lo



"James Ra"ka ti hman chiah tih ah

"Sawi rawh" mitmeng sen ram hian min melh a, ka sawi tur zawng zawng pawh ka theihnghilh lek lek alawm le



Hrim hrim ah "Ramliana nih ka duhlo" ati ve emem a a hming in ka ko a, min chhang lo in "James Ramlian" pawh ka tih zawh hma hauh in min chhang leh lawi a




"I thianpa chu a tha aw ngaihtuah angailo, a chhungte anlo thlenfel vek hnu ah kan rawn let choh a, bakah serious anilo a, nikhaw hrelo in a awm a, a rawn harh ve leh vat mai ang" ka ti a, ka tawng chhung chuan ka mit ah tak min en kar a, a hmel a thlamuanna tlem lo lang pawh chu ka hmuh hmaih hauh lo





Min chhang dawn emaw ka tih laiin hnuai lam chu a en leh daih tawh a, lawmthusawi a hreh viau anih pawn "atha e" tal te chu tih ve awm ania


Ka ngaihtuah vangin a thianpa chanchin ka va hrilh ve emem a, nilo ka ngaihtuah vang pawh anilo Lalnuna vang liau liau ani



Ka kal tur chu Lalnun an min pawt deuh tung(trung) a, ka hawi let chuan a mit meng hian enge maw min hrilh a tum tih ka hria mahse enge anih ka hre silo



"Aaaa.. Ka hrelo kal ang" ka ti ta ringawt a, thaw hawk in a thutna lam pawh pan lo in ka thutna lam pan chuan a kal tau nghawng nghawng zui





Ramliana pate an a sawi ang tak tak in khawvar rual in a rawn bail ta vek a, an mahni ai mah chuan Lalnuna a lawm zawk


Mittui tling pam chung in a thlah liam a, nui vur vur chungin an kal liam lai chu a thlir zo thak




Sangzual'an Ramliana car chahbi minlo dil a, pek pah chuan intihbuai na a tel tawh lo tur leh he station hi vawi khat mah lo rap tawh lo turin ka lo hrilh a, a nui suk ringawt duh choh


Ramliana erawh in melh pawh min melh lo in station a chhuahsan nghal a, min biak ve tal ka lo in rin tehreng nen





Khami hnu atang khan Ramliana te thian ho ka hmu tawh ngai lo a, zân a ka pa dawr nghak hi beisei nei deuh in ka nghah pui fo thin a mahse Ramliana hmel reng reng hmuh tur a awm ngailo



U kima te erawh an rawn leng fo a, ka duh ber a lo kal ve mial beisei in an haw hma chu in ah ka chho duh bik ngailo



Engvang a hmuh in beisei ziah nge ka nih ka in hre lo a, englai mai pawh a ka rilru a a awm reng nachhan lah ka hre hek lo



Ramliana hmuh ka chak lutuk avang hian ka thling leh ka thluak zawng zawng te hi an na vek in ka hre hial ani



Thla khat lai a liam hnu pawh a ala reh reng avang chuan jail a tang anih te ka ring rum rum tawh a, Central jail lam te hi biak pawh mai te ka duh tawh



A tur hian min tur ut ut a, ka vei et et a, hetiang hian mipa ka la vei ngai loh avangin ka ngaizawng anih te ka in ring hial a mahse a awmdan leh a nun dan te avang a vei ka nih ka in ring mah zawk



Engtin nge a awm zel ang?


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)