Be with you BY Pie sangtei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Be with you BY Pie sangtei (Completed)

Unread post by Ngaia » April 16th, 2023, 2:11 pm

Chapter-7




"Lalmuan, Heaven-a ka tlawh dawn a, ilo kal ve duh em?Vawiin lam ah chhuah an tum aniang" lehlam ami in alo tih chuan "kal lo mai ang ka night bawk sia ka chau lutuk mut ka duh" ka lo ti liam puat a, a serious vak lo an ti tak na in ka rin ai daih in damdawiin ah a awm rei daih mai




"Anih chu, mu rawh muttui" tiin call a dah hmak a, a tih dan deuh teh tawp chu



Mahse Ramliana kha a kal ve mai thei a sin! Mami chu ka call leh nghal vat a, alo chhang rang khawp mai


Ka kal ve tur thu leh ka lam mai tur thu ka hrilh chuan ani pawh alo phur ve hle a, a chhan pawh amah choh a kal a hreh vang alo ni




Nalh ka intih dan ber in ka in chei a, thuamhnaw hak tur pawh ka thlang uluk hle


Engvang a nalh tum emem nge ka nih ka in hre lo a, a hmun kan thlen hun ah ala hriat mai ang chu



Mami ka lam hnu ah Ebenezer lam pan chuan kan in khalh thla a, kawng lak ah chuan "kan ni miah lo ania, ka duh lo a" tih ringawt pawh vawi eng e maw zat a sawi hman



"Mam, in ni pawh ka tih loh kha" ka tih lah in "min ringhlel alawm" ala ti talh zui a, chutiang rilru ka put loh avang chuan ka nuih aza zawk




Cabin ah anlo dah avangin Cabin number chu kan zawng a, ka taksa leh thlarau zawng zawng nen hian huphurh si, chak bawk si in ka awm a, a buaithlak takzet ani.




Cabin kan hawng chu ka rin ang ngeiin Heaven-a thiante anlo awm teuh a, Ramliana a awm ve ring in ka hawi kual nghal vat tak na in ka hmu ve lem lo chu a ruk in ka hnual nghal rawih thei




Kan unau a kan va lang ve hlawl chu mak tih hmel tak hian minlo en deuh thup hlawm leh nghal a, ka tih ngaihna hre lo in Mami chu ka va sik ru a, na tih hmel fahran hian minlo la en zui




"Inva fel ve" Heaven an nui sang a alo tih chuan ka thaw ve ngam chiah in ka hria, mipa tê chhe lo tak lo awm tuau tuau lai in lut ve thut la i zam chhe ve vek thei ang




"Google-i pawh ilo kal ve nimaw" Sangzualan min en reng chung chuan ati a, ka hnung lam ah mi an awm anih ring in ka hawilet a, tumah an lo awm silo



"Keimah hi maw" mak ti deuh tak a ka tih chuan nui put put chung hian a lu alo bu nghat a, midang ho pawh chu an hmel atang chuan nuih an in sum tih ka hria.




"Google-i anih loh hi" Mami'n alo ti vat a , chutah Sangzuala bawk chuan "Ramlian'an ati lawm" ati liam leh puat a , min en tawh lo mahse a nuih ala za tih ka hre reng



Hrim hrim ah engvang a a thiante bul a Google-i minti reng reng nge maw anih



Chhan ka tum leh lai tak chuan kawngka a arawn ri rak a, ka chhang zui duh ta lo


"Muanengthei" Lalmuana âw ngeiin a rawn tih chuan ka hawi let vat a, Kawngka bul a Ramliana nen a anlo ding ka va hmuh chuan a ruk in ka lai ve ringawt leh nghal



Ramliana erawh a ngawi reng a, min melh zuai a, a bak chu kan awm ve chhung chuan min melh chu sawi loh ka awm ve ani tih a hrelo a ang mah zawk.





A thianten "Google" ti a min auh chang chuan a thiante chu a melh rum nge ka hre lo a en leh vung vung zel a, an ni lah chuan tilui in min au deuh reng hlawm leh nghal.





Heaven-a chhung te anlo thlen hnu lawk ah an bungrua neih ang ang te motor ah kan dah fel pui a,Heaven an lawmthu min hrilh mawlh mawlh reng a, a chhungte pawh chuti tho



"Kan rawn zui thla ve lo mai ang che u, tihtur dang kan nei a" ka tih chuan Ramliana chu a rawn hawi zuai a, ka lo en reng vang nge a thil tih lai chu a tih chhunzawm leh nghal vat a, a awm dan vel chu ka ngei tawk a tling leh emem thung.





An kal liam hnu ah "khawi ah maw kalna tur kan neih" Mamin alo tih chuan ka nui ringawt a, kalna tur ka hrelo hrim hrim




"Lalnuna nen khan in thawk dun maw?" mak tih hmel deuh tak hian ati a, ka lu lo bu nghat in "a nuihzathlak tiraw" atih leh chuan engber nge nuihzathlak atih ka hriat loh avangin amah chu ka en ringawt a



"Lalnuna kha a nuihzathlak ka ti, amah hi a hlimawm" an ti ringawt pek a, amah a hlimawm te han tih reng reng



"Nia" ka ti ta ringawt a, a sawi tum ka man tho.




Zan ah chuan khum ah mu in ka phone ka en reng a, chân ruk ka nei a, enge anih ka hre silo, beisei ka nei a, engber nge ka beisei ka hre bawk silo, nghah ka nei a, engthil nge ka nghah ka hre silo




"Nangmah hi em ni ka chân a, ka nghah reng hi" tiin thi(thri) locket Ramlina min awrh tir tak te chu ka be vel a, engmah awmzia awm thei chuang silo a beidawn thlak takzet ani



Ka zân mu lah chu muhil theilo in ka in let reng a, Ka suangtuahna ram ah hian Lal fapa pakhat hi a awm a, chu chu ka maimitchhin a piangin alo lang thin mahse a hmel ka dream tel dawn in a bo tlat a, ka hrethiam lo a hahthlak ani





*zing ah min lo kaitho su* tih message hnutchhiah in ka muhil a, ka harh ve meuh chuan dar 11 a lo pel fel leh der tawh



Kan station hi kan in daih ve deuh avangin kan night chang hi chuan ni hnih te kan off thin a, in daih lo viau chang hi chuan nikhat kan off tlang pui thin a, in daih loh leh lutuk chang te erawh hi chuan a tuk a hna a tlang nghal chang pawh a awm thin (hahaha)






Nileng in engmah eilo chuan room ah ka in kalh khum ta reng a, ka lû bûr hi ana takzet tawh



Ka û lo haw lai a ka hming a lam ri leh ka awmna ka nu a zawt pawh chu ka hre reng a, ka tho kang peih meuh lo



"Nilengin room ah a tawm tlat a, engmah pawh ala ei lo" ka nu in a tih lang lang rual chuan pen thawm ka hre nghal a


Ka room kawngka chu kik karh karh in min au a, chhang lo in kawngka chu ka melh ngar ngar ringawt



"A muhil aniang" ka nu in atih leh chuan "a damlo a nih ka ring" ka û in alo ti vat a, min ngaihtuah thin reng ani



Ka damloh ka hrelo a mahse ka dam hlol lo na engmah ka neilo a, ka nuam hlol lo bawk.





Tlai chaw ei tur a inhnuai a ka chhuk chuan tumah ka hmu lo a, khawi ah nge maw an kal tak vek ni



Sofa ah chuan in kuangkuah in ka thu a, ka ngaihtuahna te hi a ruak vek emaw tih lai hian Ramliana bawk hi ka lo ngaihtuah leh thin




"Lalmuan" ka nû hmanhmawh deuh a lo tlan lut chu ka lo en reng a



"Bawihi, Kima nau kha a boral a" a tih chuan ka ding hluai a, "in siam la, kan kal dawn nia" tiin an room ah a lut zui nghal a.




Remruata boral chu ui viau mah ila, a na rei tawh em a, lehlam kawng zawng tak chuan ka lawmpui zawk

Engmah hrelo a damdawiin khum a mut reng chu ama tan pawh a hrehawm dawn lutuk tlat tunah chuan hahdam deuhin pâ ang chhung ah a chawl hahdam tawh ngei ang.




Ka in siam mawlh mawlh lai chuan ngaihtuah chhuah thut ka nei a , U Kima te leh Ramliana te kha an inkawm thin tak kha mawle


Ramliana te pawh anlo kal ve ngei anga tiin in chei ve deuh hlek chu ka duh a, ka thawmhnaw hak sa te chu ka thlak leh nghal vek.



Cypher Lalhmelthaa tan ka in chei tihna anih chu, keihi ka in hrethiam tawh lo takzet ani


Kan in bul lawk anih avangin puan pawh ka bih lo a, tlaivar nghal turin ka kal nghal bawk.

Ka ril atam ka hlauh avangin kal hma in ka bar zuai zuai a, a daih rei leh ngawt ang, tunlai chu ka ril te hi a tam hleithei lo.


Khum a Remruata lo mu reng chu a biangah chuan ka khawih sak a, alo vawt thler mai

"Mangtha aw Remruat, hahchawl tawh ang che natna awm tawh lo na ah chuan "



Dar 9 a rik chhoh chuan thalai ho an lo lang tan a, Ramliana zawng in ka mit ka len ruai reng a, ruang bul deuh a kan thut avangin a zialo tak tak ani mahse ka zawng lo thei bawk silo.



Zing lam dar 12 a rik pawh chuan an thianho chu hmuhtur tumah an la awm lo a, U kima tiam in , an rawn kal loh tawp chu ka ring bawk silo, pawn vel ah an awm anih ka ring mah tawh zawk.



Ka nu chu ka haw lawk tur thu leh inthiar ka duh thu ka hrilh hnu ah ka chhuahsan a, mi an tam ang reng a, mahni choh a han chhuah pawh chu nuamlo duh tak ani.



Pawn ka chhuah rual chuan ka hawikual nghal vat a, ka rin ang ngeiin Ramliana te thianho chu ka hmu ta reng a



Kan in pan na ah tak an ding thup a, a then in meizial an zu bawk, Ramliana erawh a kekawr ipte zen in a ding tlawn zarh a, a pian te lah saw a bei nalh phian leh nghal



"Google" Sangzuala'n min hmuh rual a arawn tih chuan an vai mai chuan minlo en thup a, kan in a kal ka duh chuan hemi te hi ka paltlang ngei ngei angaih avangin an lam chu ka pan nghal



"A chhungah te awm ve ta che u" ti a Ramliana ka en chuan a mit ko alo san ak ringawt


"Kan awm char char alawm" Sangzuala'n alo tih chuan awihlo zet in ka hmui ka lo ti pawrh a, an nuih hak dan ah an ni pawn an awih lo anih ka ring



"I haw tawh dawn mi" pangngai deuh a min zawh tak ah chuan "haw lawk dawn" ka ti tha ve mai a, "in ah tunge awm" atih leh chuan tumah an awmlo thu bawk in ka lo chhang leh "i hlau lo ami" atih chuan "enge hlauh tur awm" ka lo ti vat a, "hrilh ve kher angailo hmeichhia anih kha" A hming pawh ka hriat loh chuan alo ti a , engthil nge ni ang le tih ngaihtuah ru neuh neuh chung chuan "aho emai , ka kal" tiin ka kalsan zui nghal





Remruata hi a hrang amawnle tih ka ngaihtuah lai tak chuan ka hnung lam ah thawm ka hria a, ka hawi let chuan tumah an lo awm silo


Hlau tho si, hmanhmawh ru deuh chung chuan kan in lam pan chuan ka pen phei pawk pawk a, ka pen rual zel chuan ka hnung lam ah pen ri ka hre bawk.



Ka hawi let ngam tawh lo a, ka hawilet anih vaih chuan ka hmuh duh miah loh hi ka hmu ang tih ka hlau ani


Mahse kan in ah pawh keimah choh in ka awm dawn tho a, ka awm ngam ka ring bawk silo, ka let tleh ngam tawh bawk silo chu ka thlan hluam tawh.



Ka huai ve tehlul nen zan in chu mitthi an awm bawk nen ka hlau ve takzet


Tala a chahbi ka vuah dawn lai tak chuan "i tha em" rawn ti an awm avang chuan ka chahbi ken lai chu ka thlauh nghal a, ka hawilet ngam chuanglo



"Hey" tiin ka chahbi thlauh chu a rawn chhar a, ka awm ngaiin ka la awm reng ka che ngam lo hrim hrim ka posi te chu a nalh lo ngawt ang



"Google" an rawn tih takah chuan Ramliana te thianho bak an nih ka ring ta lo, zawi muang a ka hawi chhoh chuan mak ti zet hian Ramliana chuan minlo en chhuk run a




Dawih mintih ka hlau bawk si chuan "tunge inih, tunah khan ka hriatna tlem ka hlauh thut" ka ti ta ringawt a, ka lû ka dawm vang vang bawk


Ani lah chuan awihloh hmel zet hian min melh reng a "tawng ta che" ka ti leh tawp, engmah a sawilo te chuan ka ngaih a ti tha tawh lo


"Police ramhuai hlau maw" ka hlauh ang ngei in a aw atang chuan min ngai nep tih a hriat, hemi ka duhloh vang a hriatna hlauh der ka ni, mahse awmzia awm chuang lo anih hmel


"Tunge inih" a mit ah ka en kar a, mit meng de sawt sawt a min melh reng chung hian a che phut a, ka hmui ah tak a rawn fawp thut anih chu


"Tikhan ila hlau em" min en leh kar tawh a, keilah a chet dan maksak tak avang khan ka din ngaiin ka ding reng a, ka mit ka khap pawn ka hre lo.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:11 pm

Chapter-8





"Google" atih chuan harh chhuak thut in "i â mi a" kan ti leh ringawt pek a, harhchhuak tlai ve tak chu ka ni



"Kasauti hun lai ata tawh ka at awm ka la hrelo"

"Anih tak chu Anurak Ramlian" a nui chhuak hawk a, a kut a chahbi a ken chu laksak in ,ka hawng nghal rawk rawk



"Tinge minlo zui"


"Ka lo leng dawn"

"Len hun pawh anih tawh loh hi"

"Len in hun bik a neilo"

"I thusawi awmzia kha i hria mi" ka tih chuan a ngaihtuah vung vung a, "i hriatloh chuan a tawk" ati duh lek choh, amah pawh hian a awmzia a hre miahlo aniang



"Thingpui in ila" tiin sofa ah chuan a thu a, "i duh chuan khawharin ah va in rawh ka lum peih lo" ahma zawn ah tak chuan ka ding a, amah chu ka en reng



"Lalhmeltha" ka tih that chuan rang zet hian "ka lawm e" alo ti a, "engvangin" ka tih chuan "Lalhmeltha mintih avangin" ati daih, amah hi hmeltha ka tih vang a ko ah min ngai anih chu




"I hming anih vang alawm" ka tih lah in "enge ka hming chu" ati a, sawi loh theih loh in "Lalhmelthaa" ka tih leh chuan "ka lawm e" alo ti leh tih ngaihna tak pawh ka hre tawhlo



"Va phei rawh" eng ah mah ngai lo tih hriat zet hian a phone a phawrh a , a khawih zui nghal hmak


"Ramlian"


"Min ko tawh lo thei em" a thawhalh a, a phone bawk chu a khawih leh a bialnu a bia anih ka ring



"I thiante bul ah pawh i be thei reng" min rawn en a, ka thusawi hi a hrethiam chiah lo niin a lang


"Ka mu dawn, haw tawh rawh" ka ti ta ringawt a, ka chhungte lo haw tase kan pahnih choh a min rawn hmuh chuan min ngai diklo vek ang tih ka hlau ani


"I tlaivar dawn kha, ka nghak che" min en lo a, ka melh rum nghek ringawt




A kal duh miau loh avangin ka haw nachhan ber chu ka tihsan a, amak lutuk ngeiawm deuh hian khawsa mahse ka duh tulh tulh tho

Ni e, Cypher Lalhmelthaa hi ka duh ani, a awmdan engkim mai hi ka duh vek a, a mizia hriatthiam har tak leh a insual hrat emem nen lam hian ka duh fai vek


Kal turin ti mah ila, a kal tak tak erawh ka hlau a, luhlul zet a a kal duh miah lo te hian min duh zual tir a, mak deuh mai chu hepa hi ka in rin hma hauh in ka duh ani.


Tun hma a ka mipa duhzawng ka lo sawi ve thin ang letling thawk ni mahse ka hrethiam lo ka duh ani. A hriat erawh ka hlau takzet a, duh lo ang tak a ka lan a ngai ani



"Naktuk hna i kal dawn em" a bul ka va thlen phei rual a alo tih chuan ka lu ka lo bu nghat a


Chek tlak tlak in "engtik nge i off dawn" ati leh a, ka chian loh thu a ka chhan chuan a lungawi hmel loh khawp mai



Chiang tur a min ti in ka mit ah tak min melh leh reng tawh a, ka duh tih a hriat loh ang bawk hian ka lai ve thei tih pawh hi a hre lo.



"Monday aniang"


"Athat chu, tih tur dang lo neilo la" ngaihsam hmel zet in ati a, a phone bawk chu khawih in a nui ang vur vur leh nghal



Ka ngei deuh chuan "kal ang" ka ti deuh hmuk a, min rawn en chuan "ila awm dawn mi" tiin kawngka lam chu ka pan zui nghal a



U kima te in lam chu ngawi reng in kan pan a, sawi tur ka hriat loh ang bawk hian a hre bik lo anih ka ring


Ka dar a rawn kuah pah hian "monday chu aw" ati sap a, ka han hawi chhoh chuan hma lam ngawt chu a en a,a chil a lem zawng a a hrawk bawk che leh ralh thin pawh chiang deuh in ka hmu thei tawh.



Ka en reng a, ka chilh ka lem leh khawlh thin, hetiang emem hian mipa hrawk bawk hi a nalh tih ka hre ngailo a, U nunzira phei kha chuan a neih ve awm pawh ka hrelo



"I tlu nge" muang chang in min rawn en a, ka lai lutuk chu ka hawi sawn nghal vat, lung ka la chhuih zui emaw ni ka tlu tur chu ka kawng ah nghet zet hian min rawn kuah a, a tham tel kher leh nghal




Ka ip chawih a, nuam lo ka tih avangin a kut chu lakthlak sak ka tum a, ahma aia nghet a minlo kuah leh avang chuan amah chu ka en ringawt a mahse ka in chhir takzet ani



Lungchim tak hian minlo en ve reng a, khatiang mitmeng kha mipa dang lakah ka la hmu ngailo mai nilo in Ramliana amah ngei mitmeng ah pawh hian ka la hmu ngailo



"Kal vat vat ang" ka che phut a, min kuah na ata chu ka tal pit a, ka tlan zui nghal, in her leh in che lo a lo ding reng Ramliana chu ka nuih a, Ka nui ri ah chuan harhchhuak zawk ang mai hian min rawn en ve vat


"Ilo kal dawn lo ami" ka nui a, muang chang a lo kal kal phei in "minlo nghak la" ngaihawm zet hian ati a



Hnung tawlh zawngin ka kal avang in a chezia engkim chu ka hmu thei



"min man theih chuan" ka ti a, ani erawh nui hawk in "ka man che chuan engtin" alo ti ve vat thung



Ngaihtuah chiang miah lo hian "i duh duh" ka ti a, ka sawi zo hmanlo teuh kher mai, a rawn tlan phut a



Ka kawng ah rawn vuan in alam ah amah si chet in min pawt phei a, a pangtilum pawh ka hre thei hial ani


Rawn kun hniam in ka hmai bul set ah chuan a thaw lum ham ham a, kei erawh ka che ngam tawh lo

"Han sawi nawn leh teh" ati thawp sat a, ka lo mur sung sung thei

"Engmaw" ka ti chhuak thei hram , chutah ahma ang bawk a ril khan "tun a i sawi zawh chiah kha" ati a, a thaw nghal ham ham bawk


"Engmaw"

"Tun a i sawi zawh chiah kha"

"Nia, engmaw"

"Hreptak hian Google" tiin van lam a hawi a, ka nuih aza lutuk chu ka insum theihna ka hlauh lek lek ani



Ka sawi zawh chiah te chu "engmaw" tih kha ania, a duh ang chhan na anilo tih pawh ka hre reng



Ka lo nui ver ver min hmuh chuan a hma aia nasa in a mah si in min kuah bet tlat a, a kut leh lam choh pawh a chak hle mai




"Sawi teh le"

"Eng ber kha"

"I duh duh tih kha"

"Ava ho tak" ka nui a, ani erawh a nui ve hauh lo thung

A thinphu ri ka hria a, chu ri mawlh mai te chu khawvel a ri mawi ber ani hial in ka hria


"Sawi rawh" pawr silo, thu pe aw tak a a tih leh chuan "i duh duh" ka ti ta nge nge a, a nui suk tih ka hria


Min fawh tum in a rawn hnai tial tial a, maimitchhing in ka lo ding tawp , ka bialpa nilo mahse he a hmui sexy zet mai hi ka hnar phal bik hleinem

Mahse ka mawng ah a rawn tham thut a
Ka inring lo bawk nen ka phu zawk a, ka lo zuang pek aniang a khabe ah tak ka han tauh chawrh a, a kâ a hup tlat dan ah a lei a seh anih ka ring



"Anah" tiin lei ah a tlu thla nghal tawp, tluk pui tur khawp a na in ka tauh tawp silo a




"I tha em" ti a zuk kaihthawh ka tum chu alo tal vak a, a kut in a ka ala hup tlat zui



"Ramlian" a chetdan naupang chhia lutuk chu ka nuih aza



"Enge a" tih ri ka hriat rual in Sangzuala te ho ka hmu nghal a, pakhat lah chu a thut dan ngai in ala thu reng



Inthiam lo deuh chung hian "kan chesual a" ka lo ti vat a, phawk fe hian min en hlawm , Ramliana meuh pawn ana theihnghilh thak in min en anih hmel



"Helai hmun ah hian maw" Sangzual an alo tih chuan ka lu ka lo bu nghat a, thawhalh in "ani mi" tiin Ramliana bawk chu a en ve leh a, ani lah pek chuan keimah ngawt min en thung



"Chhang ta che , kan chetsual dan kha" ka ti a, ka sawi ngam teuhlo mai ka mawng ah a rawn tham thut vang a hetiang a awm hi kan nia, keiman ka sawi anih chuan min ngai khawlo vek ang tih ka hlau





"I virgine tawh em" Rala an tih pa in alo tih leh chuan a zawhna awm zia hre hek lo "aw" ka ti a, an zavai mai chuan an nui vek Ramliana pawh tel in.


Ila virgine em? Atihna ani lawm ni? Virgine chu thil nuihzathlak tak ani em ni? Engvang a hemi te ho hi nui chiam nge an nih?



"Kal ang u, inti hrilhhai zo vek dawn" Ramlian an alo tih chuan a thiante ho chu anla nui tut tut hlawm a


"I chesual suau suau zel ang u" Rala bawk in alo tih leh chuan amah chu ka en ringawt tawh


"Kal ang" tiin min kuah leh a, "inva in ngeih sawt ve, chetsual hi alo tha anih hi" an tih leh pawh chuan an thusawi awmzia ka la hrethiam chuang reng reng lo



"Ngawi maimai rawh u" min kuah reng chungin min kal pui ta daih a, ka thawveng huai zawk



"Lut la" kawngka bul kan thlen chuan ati a, luh ve tum hmel pawh a pu lo


"I lo lut ve dawn lo ami"


"Umm lut phawt la, nakin ah"


"Khawnge i kal dawn"


"Khawi ah mah, pawn ah hian kan awm ang" a hawi kual a, a thiante a zawng anih ka ring


"Umm bye"


"Ka lo bia ang che" a kal nghal daih a, ka number a nei tawp silo a, engtin mah minlo be theilo tawp ang



Puan ka bih ve lem lo a, YMA ang a kal ka nih ve loh avangin kekawr ka ha mai a, ruang em chu kil lo mah ila, kil ang tho chu kan ni



Ka nu bul a ka va thut leh chuan "iva rei ve" alo ti nghal zat a, "rawn kal tawh loh ka tum zawk a" ka tih chuan a ngawi ve leh mai bawk



Khawvar rual in ka nu nen kan haw a, pawn ah chuan Ramliana te ka zawng tak na in an vang khawp mai, an haw tawh anih ka ring



"Reilo te tal mutthilh han tum rawh" ka nu in a tih avangin ka room lam ka pan nghal a, khum ah chuan bawk thlawp in nizan a thil thleng nghaihtuah chuan ka nui ver ver


Higher kan kal lai khan duh deuh mai ka nei thin a, kum 5 ngawt ka star nghe nghe, engtin tin emaw ka star tih a lo hria a, ka rin loh leh beisei loh deuhin min rawn bem ve ngei a, ka lawm lutuk khan ka chhang ngam lo a, tun thlengin ka theihnghilh thei tawh lo

Khapa ang a duh kha ka nei leh tawh lo hrim hrim a, tun hnu a ka ngaihtuah let leh hian lo chhang mai mai ila tha tur ka ti leh fo thin.


A chanchin ka hriat hnuhnun ber kha chuan Delhi ah doctor a zir tih kha ani a, abak chu ka hre chhunzawm tawh lo


Ka nu in minlo kaih thawh chuan sana ka en nghal vat a , 8:30 am chiah chiah ani

Peihlo deuh chuan ka tho a, chu aia ka peih loh chu chaw ei ani

Ka insiam zo choka a ka luh chuan ka û leh ka pa pawh anlo awm tawh a, hmanhmawh deuhin ka va thu ve nghal


"I kal dawnlo ami hna" Lalrinpuia chuan min en hu a

"Hna i kal dawnlo ami ti ve mai la, i kal dawn lo ami hna han tih kher" atih chuan ka ngaihtuah a, a diklo na ka hre hran lo


A chaw ei kham a tho chu "Kal dawn a khawnge" amah en reng chung a ka lo tih chuan min melh rum nghek


"Keichu ka kal dawn ania hna" ka tih leh chuan ka chal ah min pen fawk a, "Nu , aieng kha lo leisak ru a chiang leh tawh lo anih hi, Reiek aieng ngei kha aw" ala ti zui a, he aieng hi ka hne tawh takzet

A lu bur atang sawn a hriat reng na ata aieng hi lakchhuah a paih bo daih ka chak takzet.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:11 pm

Chapter-9


Vawiin chu hna kan nei lo in a tu a te mai chu kan awl emem a, kan awl leh lutuk a mut a chhuak zawk nizan ka tlaivar ve khanglang bawk nen



Ka thawhpui te ho mu thlu luk luk ka va hmuh chuan mutthluk ve mai chu ka duh a, ka thutna siam rem in ka chhing diar diar


Phone hmang thawm ka hria a, ka mit ka men chuan ka mutthilh dawn a ka awm na kha anilo tih hria in ka tho nghal phut a


Ka û office ani tih ka hriat chuan ka thaw veng huai mai

Dar zat ka en chuan alo tlai tawh hle a, ka mutthilh dawn khan dar 12 a pel vel choh kha ania, tun ah dar 2 lai alo ri tawh


"Engtin nge i room ah ka awm theih" ka u phone hmang mek chu ka pan a

A kut hmang in minlo khap nghal vat hepa lah hi mawl thei he hu lutuk

Insiam tha sawk sawk in ka chhuak zui nghal a, ka thawhpui te ho lo phu suau suau ka hmuh chuan ka inthlahrung tak zet ani


Lalnuna chu ka pan nghal vat a "enteh lalnun" ka ti dek dek a "ka be peih lo che" alo ti nghal thawr a, eng a hria chu nimaw?

"Uang lo teh" ka tih pawh chuan en pawh min en lo in a thiltih lai chu a tih zawm mawlh mawlh a


"I uang miah lo a dik em?" a thawh halh a, minla chhang chuang lo

"Engthil nge thleng a"ka inthlahrung , keihi ka mutthilh lai khan ka tawngvai anga, lalnuna hi ka lo sawi chhe vak vak em ni? a theihlo ani te hi chu tu hnen ah mah a chanchin chhe zawng in ka sawi ngailo a, sawi pawh ka duh hek lo nau ang chiah a ka en ani a, a theih loh hrim hrim


" OC nen sawn enge in zawmna in neih a" atih chuan ka meng kawk a, ka û hian engthil nge alo sawi


"I sawi chiang deuh thei em" ka tih chuan "i muhil lai kha a room ah a pawm lut che a, chuan hei tunah ilo chhuak chiah a" a dar a san ak a, kei erawh ka nuih aza hle thung


"Min khawngaih a, min mut tir aniang chu, ka hre bik hleinem, a hranpa in in zawmna kan neilo" ka thawveng huai mai, unau kan ni tih anlo hre vek tawh amaw ka ti hman alawm le



Ka thut na lam ka pan tur chu "zep suh" alo la ti hram a, "zep tur a awmlo, enge maw a awm anih chuan ka hrilh hmasa ber ang che" nui chung a ka tih tak ah chuan kan in thlem fel leh ta aniang anui ve suk mai.




*Engtin pawn awm ila, vawikhat mah i room ah ka thu lo in minlo pawm lut ve ringawt tawh suh ang che* tih chu Ka û ka thawn nghal a, a seen a, emoji leichhuah lai lem ringawt in min rawn reply



Zan ah chuan kan dan ngai te in kan duty leh a, tih tur a awm loh em avangin Lalnuna nen korean serial The king, Lee min ho chan na kan en dun a , vawi tam ka en chhuak tawh a ka ning ngai lo.




"Coffe in duh ve dawn em" Thakima chu a ding uai a, coffe la tur a chhuah a tum anih hmel



"Duh ve chiang e" ka lo ti vat a, midang pawn an lo chah ve tliar tliar



Ka rin ai takin Thakima chhuak lah chu a rei phian a, darkar chanve ngawt a thang tawh, tawhsual a tawk anih te ka ring rum rum a, kan movie en lai pawh ka en tui thei lo



Minute 5 vel aliam leh hnu ah "Coffe alo thleng e" a rawn ti leh a, ngaihtuahna tha lo tak min neih tir hman avang chuan "iva rei ve" vin zet a ti a ka hawi chhuah chuan a hnung a mi chuan minti phu zawk a, engtik laiin nge ka din chhuah hman pawh ka hre lo.



Thakima lah chuan mitmei zeuh in ka hma a thutna awm lam chu a rawn melh a, A coffe rawn hawn chu a sem nghal daih bawk.



Lalnuna a movie en vang a tap mek chu langlo lam ah chuan ka rap chawrh a, thinrim zet a alo hawi chhuak chu "enteh" ka tihna lam chu en vat in ani pawh keimah ang tho in a rawn ding ve nghal hluai



Hmu chak emem mah ila he station ah kher hi chuan hmuh ka duh lo a, a theih hram chuan hmuh loh ka duh ani, Station pawn anih erawh chuan kan thenawm te ek in ah pawh nise hmuh reng ka duh thung.



A thut hnu pawh chuan kan la ding reng a, amah zawkin thu tur a min tih hnu ah kan thu ve choh.



File chu phawrh in ka keuh dan dan a, ka keu zawng te chuan mak deuh mai in ka kut a khur thei hial ani


"Enge in buaina" ti a ka zawh te chuan a mit ah pawh ka en ngam lo, dawhkan a file ngawt chu ka en a


"Buaina awm ami" ngaihsam hmel zet a alo tih chuan ka hnung lam ka hawi nghal vat a, tumah kan bul ah anlo awmlo hlauh Lalnuna tih loh ani lah hi a ngawi reng a, Ramliana hi a hlau nge alo lainat leh tawh



"Buaina chu hei ilo kal hi" ka tih leh chuan "ka lo rim che anih hi" mak ti deuhin amah chu ka en a, tun ang hun a fiamthu a la thawh thei chu a ropui ka ti hial zawk ani.



"Cypher uan hun anilo ania" Lalnuna'n hlauhthawn hmel tak a alo tih pawh chuan a dar san ak in "ka uang hleinem , in uang zawk ami" ati a, kan pa hnih chuan min melh tawn chhen leh nghal


"Lalhmeltha" thinrim tawngrin hlau tak si a ka tih chuan "ka lawm e" alo ti leh vat a, tih ngaihna pawh ka hre tawh lo e a, ti hian anlo la chhuak leh vat in ka ring a, nghak tawp mai ang buaithlak emai.



Thakima chu Ramliana bul ah rawn thu in an pahnih chuan an ti ti a, Lalnuna nen erawh mak tih lutuk avangin kan in en reng ringawt


"Thakim, enge awmzia" lalnuna'n alo tih chuan ka chhan na hriat chak ve tho anih avangin thakima chu ka en kar a

"Eng maw" mak tih hmel deuh tak hian alo ti a, Ramliana chu a en zeuh bawk

"I rawn man anilo ami" ati leh a, chutah "man nang, a rawn leng anihhi, nula chhelo awmna a hre riau a hei" nui huah huah chung chuan ati a Ramliana pawh a khi ve suk mai



Ka mak ti lutuk chuan ka en hau ringawt , a buaithlak thin khawp mai tunge maw station ah te nula rim ngai reng reng ni


Min rawn rim tak tak anih pawh ka ring hran lo, enge maw tihtur pawimawh a neih anih ka la ring tho


"Va inbia ula" Thakima bawkin alo tih chuan a ngaihna ka hre tawh lo Lalnuna chu ka en vat a, ani pawh keimah ang tho ani


"Inbe lawk ila" Ramliana'n alo tih ve pawh chuan chhan mai nachang pawh ka hrelo, hemi te hi enge maw an hriat ni


"Muani va in be lawk rawh u a rei nang" pawn lam melh zeuh pah a Thakima'n a tih chuan ka ding hluai a, pawn lam pan chuan ka kal zui nghal


Minlo zui ve mai ka ring a, minlo zui loh pawn a pawi ka tilo, a rawn lang ringawt pawh mak tih tawh nak alaiin min biak ala duh zui ania enge maw a sawi duh reng reng ni.


Ka duh tih hi alo hre ru reng zawk anga, min hau dawn anih te ka ring rum rum tawh.



Khuh kharh ri ah chuan ka hawi let vat a, a kut kuang kuah a minlo melh reng tu ka hmuh chuan ka lai leh ringawt pek a "thawmhnaw dum lo hi hak tur ineilo ami" ka ti ta ringawt , ani lah tak a, thawmhnaw dum bak a hak awm ka la hrelo reng reng



A thawmhnaw hak chu a en thuak a "a nalh lo ami" atih chuan a nalh thu leh a inhmeh thu in ka lo chhang pek a, nui suk chung hian ka lam a rawn pan a"enge i sawi duh a" ka bul a lo thlen rual rual chuan ka lo ti vat


"Ka ngai che a" amah chu ka en nghal a, ahma zawn chu en in a ding mar at a chutah zawi muang a min rawn en in "ka ngai che" ati leh sap a, ka beisei loh lutuk thil a sawi vang nge, ka lo duh ruk reng vang zawk a thusawi chuan min thawng tak zet ani



"Ka ring lo, min hai aniang" inla zei fahran chuan ka ti a, ka ngaihdan chiah pawh ani, a chhan chu ngaizawng tu tam tak chhe lo tak tak anei teuh dawn a, keini a kar a, min ngai chu a lawmawm rual rual in a awihawm teh chiam loh ani mahse thudik erawh nise ka ti takzet thung



"A thunawn ka pai lo, i thu thu" thutak zet a atih chuan "engmaw ilo kal chhan ber" ka ti ta daih a, a thunawn a pai emaw pai lo emaw ka awih hlawl lo ani


Tak tak nise, ka bialpa niin tun ang hun ah hian min ngaih avang a station a lo kal chu nise lungchim takin ka lo kuah vawng vawng ngei ang mahse ka bialpa anih chu sawi loh a status tak ngial pawh ka hmu phak lova, a nun ah hian nihna pawimawh tak a bialnu nihna phei chu engtik ah mah ka chang ngai dawn lo tih ka hriat avangin ka duhna te hi chu thup tlat ka duh a, ka lo thup seng lo anih erawh chuan ani ngei pawh hian min dem thei bik lovang.



Induhna piang tur hian vawi tamtak in hmuh kher angai lova, thil tha tam tak min tih sak a, kawng engkim a min pui tu a nih kher angailo , Ramliana nen ngat phei hi chuan kan intawnna hmasa ber pawh station ani a, hun hlimawm leh hriat reng tur thil engmah kan ti dun hauh lo mahse maw amak lutuk ka vei a, ka rilru ah a awm reng a, khawi lai ah emaw ka hmuh thut te hi ka in ring thin chu chu duhna anih loh chuan huatna ani thei dawn ami?



"A thunawn ka pai lo" tih bawk a minlo chhan leh avang chuan "athat chu" ka ti ve ta hmak a, a kekawr ip te zen in a ding tlawn zarh reng a, ka sang ve viau emaw ka tia, a beng pawh ka chen lo


"Va lut rawh ka lo bia ang che" tiin a kal zui nghal daih a "iti ve ziah a, minlo be ngai tawp silo" ka tih erawh a hre hman tawh lo




Sunday zan ah pawh kan awl lo a, ka phone alo rik beisei in ka hum reng bawk mahse ah he phone hi engtik ah mah a ri dawn lo anihhi


Thawtan zing ka haw chu ka chauh deuh vang leh Ramlian an ka lo bia ang che atih avang a minlo be silo chau chu ka ni deuh nghulh a, room lam pan nghal in khum ah ka bawk thlawp.



Tlai lam dar 2 vel ah zing chaw ka ei a, zan ah thalai inkhawm na ah tel ve ka duh avangin fai tak in ka inbual bawk.


Inkhawm tur a ka in siam lai pawh chuan ka phone chu ka en leh thin a, call, message engmah awmlo te chuan ka thin a tirim hlur tawh.


Hetiang leh tur si, ka lo bia ang che te kha tih loh mai tur ania, bakah ka off hun te min zawt a, monday ah tih tur dang neilo tur te khan min chah vel a, engmah thawm rawn nei leh bawk silo, dawheh zep zuap lutuk.Sangha dil nei se chu len den sak ve mai te ania ka duh.


Inkhawm tur a inhnuai ka chhuk chuan Lalrinpuia'n "khawnge i kal dawn" minlo ti heu pek a, "ka inkhawm dawn" ka lo ti tha ve mai chu mak ati deuh nge "iva fel si ve" ati ringawt a, ka fel viauna ka hre lo.



Thurual pui tur ka nei lem lo a, ka inkhawm khat bawk nen keimah in ka kal a, message alo thlen thut takin tiin ka phone chu ka en reng bawk.


"1 , 2 , 3 lo thleng rawh" ka ti a, alo thleng thei chuang lo vawi tam tak ka ti tha a, biakin ka thlen hma ngei hian lo thleng rawh ka tih pawn awmzia awmlo.



Step ka chhoh hma chuan "last" tiin ka tih dan ngai te chuan ka ti leh a "1.2.3.4.5.6.7.8.9.10 , loooooooooo thhhhleeeeeng rawwwwwwwwwh" ka tih rual chuan ka hma ah bike a rawn ding thi duk a, a thaw fua leh nghal



Ka en chian nak chuan Super bike ani ngeiin ka hria a, a khalh tu erawh ka hre lo

Kal san mai ka tum chuan "google" arawn tih avang in rang zetin ka hawi let a

"Ramlian" ka lo tih deuh thawt avang chuan a chek nghal tlak tlak


"Khawnge i kal dawn" minti a, hahthlak khawp mak, ka hma lawk ah biakin a awm a, ka in chei dan atang hian party na vel a kal tur chu ka ang chiah in ka ring lo


"Party na ah" ka lo tih chuan a nui suk a, ala hmeltha emem zui


"Lo chuang la" a bike hnung chu a melh zeuh a, "engvangin maw" ka lo ti vat "ka sawi tawh kha , tihtur dang lo neilo turin" atih chuan ka rilru tak chuan ka lawm hle a, mahse alo lan hun erawh a hunlo ka ti takzet vawiin lam ah te khan lo sawi lawk ve tal se tha tur ania.


"Ka dress"

"Apawilo" alo ti vat a, inkhawm han tlan bo em chu thil ni thei in ka hre silo, Ramliana lah ka zuilo phal silo, Inkhawm aia Ramliana bul a kal ka thlang zawk anih chuan ka tluang dawn lo tih lah ka hre chiang.


"Aaaaa.. Min hre thiam mai rawh, inkhawm ka lo tum tawh laklawh sia" tiin biakin lam chu ka pansan nghal a, ka hawilet duh tawh lo a hmel ka hmuh rual in ka let leh duh mai dawn sia.



Ka rinai takin inkhawm kan rei phian a ti ila thusawi tu in beram sang tel ei tur mi 30 vel min ei tir a, kan puar tha hlawm khawp ang, ka thau haw kung dawn anihhi.



Ka hna avang hian ka inkhawm khat a, pulpit lang a selfie chu ka chak tlat avangin ka awm khaw muang lui a



Ka duh tawk ka selfie hnu chuan kan thalai hruaitute nen chuan biakin kan chhuahsan hlawm a, kan titi ve nasa hlawm khawp mai.An fel a, biak an nuam in an zau emem bawk.


Step a kan chhuk thlak lai a ka thil zuk hmuh avang chuan ka ding chawt a, kut kuang kuah a, a bike chung a lo thu reng chuan min hmuh ve leh a nui suk a, a bul a ding hmeichhe pahnih pawh chuan kan lam chu anlo en chho vat bawk.


Mak ti deuh chuan ka chhuk thla ve zel a, a bul ami te an tawng char char a, ani erawh chuan a bengkawn vak lo anih hmel ka chhuk thla lai chu minlo en reng a, step te chu ka rah sual mai ka hlau zawk.


"Officer" arawn tih chuan ka hnung lam ka hawi thuai a, tumah an awm loh avang chuan keimah chu ka in kawk a, alu chu lo bu nghat in a nui nghal suk bawk


Engvang a Officer te minti ringawt nge maw anih hepa hi kan inkhawm chhung zawng khan hetah hian alo awm char char tihna animaw.?.


"Enge a" an bul ka thlen rual a ka tih chuan a bul a hmeichhe pahnih lo ding chuan min melh no lo khawp mai


"Hna zawh fel loh kan la neih kha, inin ah ka lo kal a, i inkhawm anlo ti sia ka lo nghak tawp che" atih chuan a ngaina ka hre lo kher mai


"Engmaw" mak ti deuh taka ka tih chuan "lo chuang vat la kan tlai ang" alo ti leh vat a, hmeichhe pahnih te lah chu kalsawn an tum der mai silo, an thik tur hrim hrim pawn ka chuang chak tlat anichu



"Kal ila" tiin a bike hnungah chuan ka lawn nghal a, puan bih mah ila hmeichhe thut a thut vel hi ka thiam ve loh avangin nidang a ka chuan dan ngai tho in ka chuang a chhan pawh kekawr ka hak thuah tho avangin ka zak teh chiam lo.



"Khawi ah nge kan kal dawn" a kawng a kuah pah a ka tih chuan a che dawt a, a nui anih ka ring, enge ka kuah chak ani ve mai lawm, ka kuah avang a min ngai easy an awm anih chuan minlo ngai easy maimai rawh se, engtik ah mah ka ta ani ve thei dawn lo a, chance ka neih lai hi chuan a him chin a ka tih theih ang hi chu tih zel ka duh.



"Lei eden vanram tlafual ah" alo ti vat a "khawilai nge chu chu" ka tih leh chuan min chhang tawh lo.


U nunzira nen pawh khan a scooty ah kan in phur ve fo thin a, vawi khat mah ka kuah ngailo, amak lutuk kuah kha a rem hlawl lo ani ber.




Booboo karaoke kawt ah min din pui a"enge kan tih dawn" ka tih lah in "minlo zui phawt rawh" ati tlat bawk sia, ngawi reng in ka zui leh mai aniang chu! Mak deuh mai chu hlauhna ka nei miah lo a, engtin mah min tih ka ringlo ve tlat ani, insual hrat viau in station ah pawh vawi tam lo leng lut ve fo tawh mahse ka kehchhiat vek theihna tur khawp a min siam ka ringlo



"Hetah" atih chuan ka pan vat a, ka lo hawikual nasa lutuk chu a rual pawn ka lo kal tawh lo chu ni in


Kawngka a hawng chiah chu kan hma ah chuan a thiante ho ka hmuh fo tawh leh ka la hmuh ngai miah loh te anlo awm thup a, an boruak lah chu a rih hmel phian leh nghal.




Heaven-a lo nui sang ka hmuh chuan nuih let in "iva tha tawh awm ve" ka ti a, alu lo bu nghat in "ka tha tawh lutuk hei" alo ti vat bawk.


Midang ho erawh chu an hmel a thim khup a, midang ho han ti ila an zing a hmeichhe pakhat saw ani zawk mah, a hmel atang in a thinrim hmel khawp mai




"Ilo kal thei a" thutak zet a Sangzuala'n alo tih ve leh chuan mak ti deuhin ka lo en hu a, hetiang tak a a thutak lai hi ka la hmuh ngai loh vang ani


Min la chibai tak cheu avang chuan Cypher-a chu ka han melh chho ha ringawt a, "kalteh kal teh" athianpa chu alo ti daih.



"Lo kal rawh" tiin thutna awm na lam ah chuan min kuah phei a, midang lo awm ve te chuan mak mintih hmel takzet ani



Kan hnung ah chuan min zui tu an awm tlat in ka hria a mahse ka hawi let duh hauhlo thung


"Cypher iti mah mah deuh lo maw" ka rin ang chiah ani, an zing a hmeichhe awm chhun ngei khan min lo zui ve reng anih hi, pakhat lah chu a thinrim hmel nasa mai si a, ka bul ami hi chuan chhan tum hmel pawh a pu lo



"Han sawi teh, inrinni i birthday ani a, Monday ah i sawn a, tunah hian dar engzat nge helai hmun ah hian dar 7 atang khan kan zavaiin kan awm tawh tih i hria em" a birthday maw lo ni a?a hma daih te khan sawi tawh tur ania, a zialo hle mai!


"Heaven-a pawh nuamlo chung chung in a rawn kal ve a, i thiantha ber natna pawh theihnghilh in" min rawn en a, a thawk hak tak ah chuan a bulpui ber chu keimah hi ka lo ni tih ka hrethiam chiah bawk



"Maria" Heavena'n alo tih chuan "lo ngawi rawh ka la sawi zo lo, itan theih tawp kan chhuah a, heti mai mai a in palzam ziah mai, dar 10 rik dawn ah inlo thleng ve choh a, chutah Mother teresa ang mai i rawn hruai bawk a" ati leh tan tan a "atawk maria" ti tu chu Cypher-a ani.




"Ateuh lo, ka dinhmun ah hian ding la i thinrim ve tho vang henu"

"Atawk ka ti em?" Chang fak a Ramlian an alo tih chuan a ngawi nghal hmak a, a thinrim tehlul nen


"Sawi chhunzawm rawh" ka lo tih chuan an zavai mai chuan min en vek tih ka hria, mahse Maria-i choh chu ka en thung.


"In buaina kha sawi fel ru" ka tih leh chuan min en vang vang a, "buaina kan neilo" tiin a thutna lam pam in a kal zui nghal


Ramliana nui ri ka hriat chuan ka melh vat a, nuih hun pawh anilo hepa mawl lutuk hi chu keimah vangin a birthday hial alo sawn chu ani sia



"Le party ang aw" Sangzuala'n alo tih chuan tumah han phur hmel pawh an awmlo


Keimah avang a hethil hi thleng anih ka rin avang leh nuamlo ka tih avangin zak lo der in "party ila" ka lo ti vat a, Ka bul ami ngei pawn mak ati, chutah an inthuam dan ang lo takin puan ka la bih thlap zui



Sangzuala'n minlo hui zeuh takah chuan ka pan phei ve vat a, phur lo mah ila phur ang tak a ka lan loh chuan keimah vang a an boruak chhia hi ka siam that angai ani



"Zufang in ang u aw" atih leh chuan "khawi mi nge ineih a" ka lo ti vat, zufang hi ka la in ngai miah lo a, beer erawh wine shop hawn lai khan ka in ve thin


"Engtin nge a awm" no a a thlit chhuah lai chuan ka lo ti a, "in chhin rawh" atih avang chuan no 1 chu la in ka in chhin a, ka rin ai daihin a tui, a thlum a, zu rim rimchhia ang kha a awm lo bawk


"Ava tui ve" ka tih chuan kan sangzuala lah chu alo phur sawt leh nghal

no khat ka in zawh chuan minlo thlit leh nghal a, "a ruih theih loh" midangin anlo tih avang a in tha ngam choh ka ni


No 2 ka in pawh chuan engtin mah ka la awm lo a, lei ve tur anih hi ka ti rilru neuh neuh bawk



Maria-i chuan min melh leh zuk thin a, no 3 na ka in leh tur chiah chu "in tawh suh, i rui ang" alo tih chuan ka tawp chat, midang ho chu ka en a , anlo nui vur vur hlawm"dawt in sawi" ka tih chuan za emem in an nui chhuak a, ka no chu dawhkan ah dah in "in â mi" ka ti sap, ka ruih vaih chuan ka â thei ropui sia ka inti mualpho vek ang.



"Tikhan a rawn thawk thut mai ang, a thawk na lutuk zu fang chu" Maria-i bawk ani, "ka lawm e" ka tih chuan minlo nuih let var var.


Ka rin ai tak chuan a fel hmel phian a, inkawm taktak ila chu kan inkawm ngeih viau ka ring bawk


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:11 pm

Chapter-10



Minute 10 vel aral leh hnu chuan tawng a nuam tawh khawp mai, Maria-i nen kan thu dun a,world cup chung chang sawiin kan titi dun nasa , argentina alo tan ve tho avangin sawi tur kan ngah a, tawngna hun kan in chan lo ani ber, Kan bul a Ramliana thu chuan kan sawi ho ati ve ngawt ang.



Atak tha ani mahna no 2 lek pawn lu ati hai ve chhalh thei a, abak erawh in tum na ka nei hranlo

An boruak ka ti chhia ni a ka hriat vang a in ve mai leh boruak siam that tum ka ni a, ka rinai takin an fel a, Maria-i pawh a nelawm phian mai


"Haw i duh tawh em" rawn ti tu lam chu ka hawi vat a, a mimeng a thip ram a, mahse rui mitmeng erawh anilo thung.


Ka lu ka lo buk nghat takah chuan "kal ila" ati sap a, Maria leh midang chu mangtha in kan chhuak zui nghal


Darkar khat pawh kan awm tling lo mai thei, awm rei pawh ka duh chuang lo, inkhawm bang ka ni a, rei tak leng chi ka nilo hrim hrim.


Kan tlanchhuah thleng in Maria-i te nen chuan kan in vai lauh lauh a, ka nui ver ver mai


Kan in kawt ah bike a din rualin ka chhuk ve nghal a, "ka haw tlai pui che avangin ka" athusawi lai chu lo pawtchat in "apawilo , anih aw, happy birthday"lai ru zet chuan ka ti a, a mit ah tak pawh ka en ngam lo


" ka lawm e" ti a minlo chhan chuan "muttui" ka in her a, kan in lam pan in ka kal zui nghal, min enzui reng vang nge ka hnung lah chu a za deuh mur mur leh nghal


Tukverh atang chuan a ruk in ka thlir reng a, min hmuh ka hlauh avangin a ruk bakin ka thlir ngam bawk silo



Kan in en lam en chuan a ding reng a, a kal hma chu room lam ka pan duh biklo


A phone chu phawrh in a hmet mial mial a, ka phone message tone alo ri ve chiah bawk


Rang taka la chhuakin number hlang atang a messange lo thleng chu ka seen nghal thuai a *Muttui google* tih zawng te hi ani.




Tawi hle mahse ka nui ver ver a, chhan lawk na chhang pawh ka hrelo

*i thleng tawh ami* tih chu send in pawn a Ramliana ding chu ka en leh nghal a

Zan pawh ni mahse a nui suk tih ka hmu thei *thleng dawn chiah* tih a messange ka chhiar lai takin bike start ri ka hre chhunzawm a, parda keu a rangtak a pawn lam ka en chhuan alo tlanliam fel der tawh.



Hlim nui ver ver in ka room lam ka pan a , ka inthlak lai te chuan a khat tawkin ka phone chu ka en leh thin.




Ka in phihfai zo ka room ka luh chuan ka phone thim chiah hi ka va hmu hman a, rang tak a tlan phei a caller id ka en chuan lawm loh in ka nui leh ta Ramliana bawk ani.



Ka call back ngam lo ka zak deuh tlat avangin message bawk chu ka hnut chhiah a, alo reply rang kher mai


*Ngati nge Google min tih a*


*Google-i alawm inih*

*ka nih loh hi Anurak Ramlian* tih te chu ani kan inbiak dan chu, thu ropui leh ril tak sawi dun lo mah ila , *Ramlian* tih ringawt pawh in thawn char char mah ila ka nin ka ring lo




Mumamg nuam tak neih beisei in mu ve ziah mah ila ka duhthusam ang mumang ka nei ngai miah lo




Tukin zet chu zing dang ang lo tak in thawh a nuam sarh a, mahse ka thil in vang nge ka lu chu ana ve det



Hlim deuhin hna ka kal a, ka thawhpui te pawh hi ka hmu hmeltha vek in ka hria


"Lalmuan, central jail lam ah chuan in zuk kal lawk dawn mi" kan OC in alo tih chuan ka peihlo han tih chi ani silo "awle" tiin ka tho nghal a, Lalnuna pawh a insiam nghal rawk rawk mai



"I scooty zawk keng ang" tiin chhuah ka rual a, a peihlo leh teh ang chu



"Ka khalh peih bik hleinem" ati lung lung pawh chu ka hre reng a, eng ah vak ka ngai duh lo, ka khalh peih biklo



Kawng tluan in a tawng char char a, eng eng nge a sawi tak pawh ka hre lo

"Khawnge " kan thlen hnu chuan ka ti a, lalnuna lah pek chuan "engmaw" alo la ti hu zui


"Kan kal chhan ber mawle" ka tih takah chuan "ila nange" min ti a, kan file thehluh tur ber kan keng lo anih hmel



"Ava han buaithlak tak" tiin ka phone ka phawrh nghal a, ka û ka call a, ala duh thak lo


"Han kal leh lawk mai rawh midang an buai si" ka ti ta tawp a, min hnial hreh bawk si chu tum bur in a in khalh chhuak ve nghal



Mahni choh in lo va luh hreh avangin a kawt a thingpui dawr an siam ah chuan ka chawl a, sawhchiar ei pawh a khat alawm le



Darkar chanve ngawt ka nghah hnu ah thlan hluam in alo thleng ve hram a, "i haihawt si pasal nei vat rawh i thi a hul hma in" minla ti zui a, ka lo nuih suk ringawt




Sign ngai kan sign tir zawh hnu ah kan in khalh haw dun leh a, ni a sa tha bawk a ka ni nghulh mai


Zan in kan night dawn lo hlauh a, haw ve leh ka mu nghal hmak ang


Station kan thlen a ka thil va hmuh vang chuan ka phu deuh zawk a , min hmuh ve leh nui var var chung hian "i number ka nei silo a, ka lo kal tawp" tiin min rawn pan nghal a


"Aw nia, i tha maw" ka lo tih chuan alu alo bu nghat a, sawi zawm leh tur pawh ka hrelo e a



"Lalnun, OC lo pe mai rawh" tiin ka file ken lai chu ka pe a,a la kal tau nghawng nghawng zui, OC room a luh hi a hreh ngawih ngawih thin a chhan pawh a hlau tlat a




"Minlo zui la " tiin ka thutna lam chu ka pan a, a chhelo bawk a ka thawhpui te ho chuan an en duh khawp mai



"Nizan atang khan ka ngai lutuk che a" atih chuan ka chil ka hak lo choh ani


"Animaw" ka ti ringawt a, police ka nih avang hian patil emaw min ti amawn le ka ti hial


"Thian kan ni thei ngem? Nangmah lo chu thian pawh ka neilo" ati nghal zung zung a, "theilo ang" han ti chi va ni nghal lo chuan


"Tehreng mai" ka lo tih chuan a nui ver ver a, "in bang tep tawh angem" atih lai takin ka û chu ka hmazawn ah tak arawn ding thut a, eng tak chu a hria nimaw


"Enge nita Sir" tiin ka lo ding vat, "thu rawh thu rawh" fel hmel zet a alo tih chuan ka thu ve leh vat , ka bul a Maria-i thu reng chu melh leh zeuh in "i duh chuan ilo va haw thei ang" ati a, a sawisual anih ring in Maria-i chu ka en vat a, ani erawh alo la nui ver ver thung



A kal hnu chuan "enge a sawi kha" ka ti a, "i haw thei ang ati, haw ila ka lo leng kawi ang" phur hmel zet chuan ati a, haw chu ka chak a mahse inleng neih erawh tun ah tak chuan ka chak hlawl lo ni



Lalnuna hlim hmel zet a lo phei chuan "Oc khan i duh chuan i haw hma thei mintia" arawn ti lang lang a, central jail a kan zuk kal vang kha anih ka ring ta deuh, chupawh nise hetiang hian nidang ah a awm ngai silo a, ava mak dawn ve




Maria-i nen chuan kan in lam pan in kan in phur haw a, kawngtluan in kan OC chhelo atih thu hahip in a sawi a, sawi pui vak ngaihna pawh ka hrelo mahni û te "a chhelo alawm" han tih pui ngawt lah chu thil har tak ani bawk si a, ka lo nuih pui ringawt thin



In kan thlen chuan dar 4:30 alo ri tawh a, kan bang hma emem hran lo anih hi


Ka nu leh Maria-i chu an in be luam a, Maria-i hi hmeichhe dangdai ve tak chu ani, a vawi khat hmuh na ah mi a nel nghal ringawt thei a, tlangnel tak a ka nu a biak siam siam dan ah hian hmeichhe sual chu anih ka ring hauhlo bawk



"Chaw ei ve nghal rawh aw" ka nu in atih chuan Mariai chu ka en vat a, a nui hmel te lah chu a tha phian leh nghal


"Ka vawikhat lo lenna choh ani sia" inthlahrun hmel deuh tak chuan ati a

"Aho lutuk , bawihi nen hian eirawng lo bawl ula, dawr nghah ka ngai a, in duh zawng inlo siam dawn nia" ka nu in atih leh chuan Mariai pawn a hnial ta biklo



Eirawng kan bawl lai chuan Cyphera chanchin a sawi siam siam reng a, a landan ah chuan mintih pui tum a ang mah zawk in ka hria



A sawi danah naupang tet atanga inkawm tawh annih hmel a, an mizia leh an duhzawng pawh an in hriattawn hnehsawh sak viau in ka ring


Ka hriat duh zawng zawng hi han zawh fai vek mai ka duh rualin Ramliana lak a ka feelings te a hriatthiam ka hlauh tho bawk si avangin ka zawt duh ta lo



"Lalmuan bialpa inei em" atih thut vang chuan ka chil ka hak lek lek

"Neilo e" ka ti tha ve mai a, ani erawh a nui ver ver thung


Ka pa lo haw chuan Mariai chu a be ve luam a, "riak nghal nghe nghe la" ati erawh ka lawm viau lo


"Chaw ka ei pawh hi ka inthlahrung lutuk zawk a, nidang ah ka la rawn riak zawk ang" atih chuan ka lo thaw huai thei



Ka nu in ka pa dawr nghah tir in kan eirawngbawl chu min rawn pui a, puih kan ngailoh tehlul nen min puih a duh talh hi a chhan tur awm ang ka ngaihtuah ngial pawn ka hrelo


"Maria bialpa te inei em" ka nu in atih chuan ka melhrum nghek a, chutiang thil a zawt mai chu ka lo zak takzet ani

Mariai chuan nui chung hian "ka piantirh ata bialpa tak hi ka la nei ngailo a, mahse hmeltha han tih leh star vel hi chu ka nei ve thin" tiin alo chhang a, bialpa ala nei ngai miahlo chu mak ka lo ti khawp mai


"Hmanhmawh suh nakin ah tha deuh ila tawng mai ang" ka nu chuan phur sarh hian alo ti a, ka ngaih erawh tha zan tawh lo


"Hnathawh te inei em" ti chhunzawm leh in Designer anih thu leh zirlai te pawh a neih thu in alo chhang leh mai a, a hnathawh leh amah chu an inhmeh hliah hliah hian ka hria a, ka nu zawhna te erawh tullo ka tiin ka zak ru takzet bawk.



Kan titi malh malh laiin ka û alo haw a, room a chhoh nghal mai atum chu ka nu in alo au vat a, choka a alo luh chuan Maria in min sik nghal a, a tum loh deuh a hmu anih ka ring



"I nau thiannu in chaw alo ei dawn a, lo chhuk thla har suh aw" pangngai tak a atih chuan ka û erawh in min rawn en zawk duh choh



A room lam pan a a kal lai chu "avan chhelo tak e aw" tiin a en zui vawng vawng a, ka nu nui hmel saw a thil tum ka hre thiam chiah



"Tinge i û ani tih min hrilh loh a" ti a minlo en chuan "min zawt silo a" ka lo ti ve vat a, a lawm lo viau dawn emaw ka tih laiin "ani ve tho" tiin a nui leh sang tawh



"Bialnu a nei em" atih chuan ka nu ka melh zawk a, "nei teuh" tih chiah ka sawi hman laiin ka nu erawh chuan "nei teuh thin e, ahma te chuan bialnu hi a nei ve reng zel a a thlak leh zung zung zel a chhan pawh a duh ang anlo nih leh thinloh vang hi ania, ani hi chuan nupui tur hi a duh ber a, a lerh vang a ngaihzawng thlak chhen ang kha ani ve lo" alo ti leh duah tawh a, kan Mariai lah chuan a duhzawng tak anih thu a sawi mauh mai.




Ka hriatchhuah tak chu mihring hian duh zawng hran theuh hi kan nei a, kan rilru leh kan hmel a in ang lo ang bawk hian kan duh zawng, nalh kan tih zawng, chhelo kan tih zawng te hi a in ang lo vek ani tihhi.



Ka û pawh hi ka û anih avangin nula dang ten a a thatna an hmuh hi ka lo hmu ve lo ani mahna!


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:11 pm

Chapter-11



"I û chu han ko la, chaw ei dawn ang u" ka pa in a tih chuan ngawi rengin ka u room lam ka pan nghal a, Maria erawh ngawi rengin a thu thung




"Tunlai boruak ka nin zia hi" ti a room ka hawng chu a kekawr alo ha dawn mek a, "kik hmasa ve ta che" alo ti pawr chhur a, eng ah mah ka ngai lo


"I mawnghlui deuh kha i ui ve emem a, i naupan laiin ka hmu ziah" ka tih chuan a in ha zo vek tawh



"Ka naupan lai i hrelo" tiin a towel huh chuan min rawn vawm a, vawm let ve nghal zat in "ka hre bawk, kekawrte ha lo in i tlan teu teu zel" ka tih chuan a nui chhuak hawk a, a awih vaklo tih a hmel ah lang mahse "tu hnen ah mah sawi suh" darthlalang a in en reng chung chuan a ti a



"Chaw kan ei dawn lo chhuk rawh" tiin room ka chhuahsan zui nghal


Min rawn zui ve mai dawn emaw ka tia a thawm ala reh hmak avang chuan ka va hawng leh thut a, ka thil va hmuh tehhrep chuh



Darthlalang hma ah alo lam anih chu, ka nuih aza lutuk a nuih chhuah nachang ka hrelo zawk ani



"Lalmuanpui"


"Engmah ka hmu" tiin ka mit ka hup a, kawngka chu ka khar zui leh nghal


Hawng leh nghal thuai in "Mariai a haw vat angai a, hmanhmawh ve la" mit la hup reng chung chuan ka ti leh hram a, kawngka ka khar chiah chu ka nui nghal vur vur



Eng ti tih a khatia darthlalang hma a lo lam ringawt nge maw anih, ka pian tirh ata a lam lai hi vawikhat mah ka la hmu ngailo a, khatia a lam ve ta mai kha thil mak a tling ani



Chaw kan ei laiin ka nu leh ka pa chuan Mariai eng eng emaw an zawt pah reng a, ani lah chuan nui sang in tha deuh deuh in a chhang thin a

Ka nu leh pa te pawh hian an ngaina tih ka hmuhhmaih hauhlo mahse ka nu rilru erawh hi chu ka û hian hria se a lawm kher lo maithei



"Ei tir ve phawt ula" titu chu kan en thap a, ani lah tak a , chaw bar nachang hrelo lekin an titi pui atin ni



"Ka ei teuh tawh lawm" Maria in alo tih chuan ka û chuan hria ang pawh in a awm leh tawh lo



Mariai thlah ka tum chu ka nu in ka û a thlah luih tir a, maria tan chuan nuam viau dawn mahse ka û ber kha ka ngaihtuah chu ani, ka nu hian a nawr chung chung ang tihhi ka hlau a, ka û ngaihtheihloh ber pawh ani



Ka û lo haw hun chu ka nghak ru reng a, dar 10 ah pawh alo la haw mai loh avangin hmun dang ah a leng kawi anih ka ring.



Mariai rawn len a talang ah Ramliana pawh ka lo mangnghilh daih mai a, nizan bak kha minlo la be miah lo bawk



Remruata boral zan a ka hmui a a rawn fawh ringawt atang phei kha chuan ka duhna hi a zual a, ka kawchhung atang hian min tur ut ut nimai hian ka hria a, a bak beiseina in ka khat bawk.


Ka suangtuahna ah chuan kan leng dun fo thin a, chu hmun ah choh chuan ka ta ani.



Zing ka harh rual a ka phone ka en chuan Mariai message alo awm vang a, ka û a duh thu leh fel a tih thu vel bawk ani



Ramliana message a awm ka lo rin ve tehlul nen hepa hi chu rin dan ang hian a awm ngailo a, rinloh dan hlir hian a awm a, hriatthiam theih pawh ani lo.


Ka scooty ke alo thep avangin ka û rualin hna ka kal a, station thlen hma a chhuk ka duhthu ka sawi chuan tullo ti zet mahse min hnial duh bik lo, a phun hluk a , a zo nghal der animai.



Ni a sa tha bawk nen, station ka thlen ve meuh chuan ka thlan hluam thei alawm



Vawiin chu nilengin kan buai a, lalnuna nen pawh kan inhmu khat khawp mai

Zan lam erawh kan awl leh ang lawi a, tihtur emem a awmloh avangin movie bawk kan en leh a, Lalnuna pawh a mittui a tling leh pam tawh



Intibuai an awm thu report kan dawng leh a, vaivakawn field ah bawk ani, hmanhmawh deuhin kan tlan thla a , hlauhthawnna ruk riau ka neih chu Ramliana te anni ang tih ka hlauh vang anih ka ring


kan zuk thlen thlak rual chuan midang an ni tih ka hre nghal a, ka thaw huai thei, hmuh chu ka chak lutuk mahse buaina nen a hmuh dun erawh ka duhlo a, station a a hming zawh ziah lah ka duh hek lo


An vaiin station ah kan hruai a, an ruih tawh vang nge zawhna pawh an chhang tha duh khawp mai


An damdawi ruih tur in chuh vel vang a inti buai an ni ber a, a zialo thin khawp mai


Ruihhlo hian kan ram hi ala nasa tawh emem a, thlalai atang a nupui\pasal nei te thlengin atibuai a, fahrah an tam phah a, thihna tamtak a thleng bawk.


Ruihhlo tello hian a hlim theih a, nun nuam tak a hman theih reng lai a, luhai a ni vui liam a, zankhua hman ral an thlang zawk thin hi ka hrethiam lo kawp mai.


Ati a te dinhmun leh enge an tih chhan ka hre hauhlo mahse tilo se an nun a nuam zawk angem?


Scooty ka ken loh avangin lalnun an min thlah kawi a, kan in vai laim chiah tih ah ka û hna kal tur alo chhuak ve nghal


An in hmun hman teuh em avang chuan ka awm ka dawm vat a, ka thinphu chu tlem in alo rang ve deuh anihhi



"I chau em" tiin ka lam alo pan a, ka chauh loh thu in ka lo chhang vat bawk


"I fel thin e, Reiek aieng ka lo hawn dawn che nia" ati leh kher a, ka chhang buai peih vel lo



Chaw ka ei sawk sawk a, inbual faiin ka khum ah thlamuang deuh in ka mu a, ka suangtuahna kawm mai mai ka tum tehlul nen ka muhil zui nghal aniang engmah ka hre chhunzawm tawhlo



Ka harh leh chuan dar 3 alo pel leh duai tawh a, tho chhuak peihlo in mu chung chuan ka phone ka khawih a, tumah ka be chak bawk silo ka out leh a, phone chu dah in ka thi awrh lai chu ka khawih melh melh a,hethil hi ka kawl chhung chuan engtik ni ah emaw lam turin alo la kal leh ngei dawn a, kum 10 hnu ah pawh nise pawi ka tilo ka hmuh leh theihna tur anih phawt chuan engkim a tha vek


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:11 pm

Chapter-12



Peihlo deuhin choka lam ka pan a, ka nu eirawngbawl chu puih ve ka tum tak na in Mariai chungchang hlir min zawt a, ka nin lutuk avangin dawr ah ka chhuk thlak san leh ta daih a, ka nu ve hi chu thil hi a ti nghal chung chung zel a, midang rilru tur hi a dawn ve ngailo nimai hian ka hria


Ka û chung chang ah leh lek phei hi chuan nawrlui lo se ka duh a,ka û in a hun atih ah chuan nupui pawh a nei mai turah ka ngai bawk.



"Tinge ilo chhuk duh a" ka pa in min hmuh rual a alo tih chuan nui var var in abul ah chuan ka va thu a "ka mu ning rih a" ka tih chuan hritthiam hmel tak hian minlo en ve reng



"Nunzira khan an inneih sawmna a rawn dah a" tih pah in card mawi zet mai chu min pe a

"I theih chuan i kal ve hram dawnnia, min sawm ve nasa sia" atih leh chuan ka thaw halh a, ka kal loh dan tur chu pui tak ani.


U nunzira reng reng pawh hi min rawn sawm ve kher a ngaih loh tehlul nen a bialnu hlui ka ni tih hi a hre miah lo niin a lang


An inneih hun lah chu karleh mai alo ni der tawh a, ka na lo a, ka ui hek lo, nei ta ila ka inchhir zawk mai thei ani alo mawl emai.



Zanriah ei kham ah ka room a thawmhnaw vel ka thleh fel mawlh mawlh laiin call ka dawng a, Ramliana anih ka rin deuh vangin ka phur hle

Mahse number hlang ringawt alo nih avang chuan ka hnual rawih a, lak loh ka tum zet na in thil pawimawh te alo nih ka ring deuh bawk nen ka la ta hram a


"Hello" ka tih chuan mipa âw hian "in ah i awm em" arawn ti a, ka awm thu ka lo hrilh ve leh "ka awm ati" ati lung lung a, min bia pawh in ka hre lo


A ri nghal nawk nawk a, call lah chu a tawp nghal hmak bawk an rawn call sual anih ka ring



U nunzira nen a kan thlalak ve ho thenkhat ka phone a lo la awm chu ka delet fai vek a, kan pahnih thlalak ai mah chuan an sangha khawi lai te, an vaimim kung leh antam, maian tih vel thlalak alo la tam khawp mai



An huan a a kal apiang in thla ala vakvak a, minlo thawn leh vek zel avangin ka gallery te hi a huan thlai leh sangha in a khat lo choh zel


"In leng inei ania, lo chhuak rawh" ka nu in ka room kawngka a dakin a rawn ti a, khawi lam inleng nge ni ang


Lalrinpuia rawn sawi chu nise ka awihlo anga, ka nu meuh in a rawn sawi avang chuan dawt anih ka ring chiah bawk silo


tshirt lian hnelhnawlh leh kekawr thawl tak mai nen ka room atangin ka chhuak a, kan sitting room lam a lo thu te ka hmuh chuan ka ang phiau ringawt



Let leh a inthlak ka tum lai takin Sangzual an min rawn hmu a, "Google" ala rawn ti zui, ka sam tuai mam sawk sawk in an lam ka pan zui nghal a



Ka nu leh pa bul ah ka thu a, kan hmazawn tak ah Ramliana te thianho an thu thap bawk, an zâm hmel in boruak chu a rit riau in ka hria.



"In va fel ve a" tiin Ramliana chu ka en a, min en lo in alo nui suk ringawt


"Heaven i damtha tawh mi" Heavena chu ka be ta daih a, ani erawh in nui sangin a damthat vek tawh thu in minlo chhang a, Sangzuala lah pek chuan "chî pawh a thlah thei var var tawh" thawveng zet hian alo ti a,chhan ngaihna hrelo in ka nui tawi tak ringawt, ka nû alo khuh kharh kharh tawh bawk nen chuan engmah ka zawt zui duh tawh biklo.



"Khawi ah nge in awm a" ka nu chuan ati a, an mahni lah chu a en kar mai bawk si


" Ramliana te inbul ah hian Heavena te hi an awm a, Heavena te in atang a hla vaklo ah kan awm a, Ramliana hi chu Heavena te in bul ah an awm" Sangzuala chuan fel hmel deuh chuan atia , a thiante erawh an nui tawi tak ringawt



Sangzuala chhan na avang chuan ka nu hian mak ati deuh nge keimah zawk min rawn en ringawt a,mawl a tih hmel takzet bawk.



"Khawi vengah nge in awm atihna anih kha" ka lo tih chuan Zarkawt a an awm thu Heaven an alo sawi vat a, sangzuala tawng chak hmel lutuk ka hmuh chuan nuih ka in sum ru char char



"In inluah nge" ka nu chuan alo ti leh ta zel a, tullo ti thin viau mah ila a zawt zo vek tawh thin bawk si.



"Kan nu leh pa te in theuh kan luah a" Sangzuala bawk ani, ka nu chu a tum deuh hmuk na in, chhang dik ka lo ti viau thung



Ka pa nui deuh sang chu ava nghawk zeuh a, ka nu rilru ah hian enge awm ka hrelo a mahse ka inleng te hi a ngaithei teh chiam lo tih erawh ka hre thung.



"Lo in kawm rawh u, Nû-i lo kal teh thenawm ten ah chuan iva kal teh ang" tiin a tho zui a, lungdam loh hmel zet in ka nu in a zui ve nghal bawk



Ka nu leh pa kal hnu chuan kan ngawi leh ta reng a, sangzuala lah hi a hun ah tak hian a tawng duh ngai lo a, a hun lo lo ah hian a dak zuah zuah zel a, tun ah tak te hian dak zuah zuah se tha tur ania



"Thingpui in ngaina em? Inin duh em" ka tih chuan an in duh thu in heaven an minlo chhang vat a, hepa hi chu a fel ve ngawt mai.


"Anihchuan ka va lum lawk ang aw, a reilo ang" tiin ka thawhsan zui nghal a, engtak chu lo sawi ve hlawm ang maw



Choka ka thlen rual chuan ka thin zawn chu ka khawih a, a phu nasa kher mai


Ramliana hmuh ka in beisei loh lutuk vang anih ka ring


Ka hmuh chak thin tehlul nen hian ka hmuh lah hian ka zam chhe thei emem mai leh nghal a, amah lah hian min biak hmasak hi a tum ngai bawk silo a, ka tan awm dan tur hriatthiam a har ani




"A thlum in ka lo siam tawp a" tiin an thingpui tur chu ka pe a, Heaven-a nui hmel hian min ti hahdam sawng sawng thei



"Ram" ka ti uk tawh na in "cypher" ka tih chuan min rawn en vat a, ka lo lai leh ringawt tawh


"I dam tha em" ka tih chuan a lu alo bu nghat a, tawngka tal a min chhan ka rin ve tehlul nen


"Dam that loh lai anei lo" Sangzualan atih chuan ka lo nui tawi tak a, a hrisel hmel a, a hmeltha a, a pian a nalh emem bawk a, an retheilo tih a hriat bawk a, nia a dam tha ang.



"Insual ching tawh lo ula aw, station a hmuh leh chu hi ka duh tawh mialo ania" ramliana en reng pah chuan ka ti a, ka thusawi hi awih se in sual tawhlo se ka duh taktak ani.



"A theih ngawt loh, mipa inilo a i hrethiam ve lo ang" thutak zet a sangzual an alo tih chuan ka hamhaih lek lek


"Mipa nih avang a in sual tur tihna anilo a, thinchhiat emem te, inlak pa vak te thil tullo tak ani,Tu nu leh pa mah in makpa atan insual hrat an duh lovang, engvang a in sual ziah nge innih ka hrelo a mahse in pawi an sawi anih chuan ngawi ngam ula, in ngawih tlat avang a an zuam che u anih chuan kalsan ula, in kalsan chung pawh a an la rawn umzui che u anih chuan an inchhir ngawih ngawihna tur khawp in in kawih let ve dawnnia" ka ti a, ka tawng chhung zwng chuan an pa thum chuan min en thap a,an rilru tur ang erawh ka hrethiam lo




"Adik khawp mai" heaven an alo tih chuan sangzuala chuan "laldiki anihhi" alo ti leh nghal zung zung a ka nui ve ta ringawt




Ramliana erawh chuan"Zung tawh ula" a rawn ti ve thung a, a thusawi ve chhun lah chu a romantic lo ve chiang ani




"Kan zung dawn chiah"Heavena chu a tho hluai a, sangzuala erawh chuan Ramliana a hrilh ru mawlh mawlh a, an chevel chu ka lo en reng ringawt



" google, kan va zung lawk ange" Din pah a sangzualan alo tih chuan bathroom awmna lam ka lo hrilh ve vat a, mahse an zung duh tlat lo


"Pawn a zun hi mipa tan chuan a hrisel a, pawn boruak hian chakna min pe " ati chu ka awihlo kher mai


"Kan reilo ang" tiin an kal zui nghal a, dan pawh ka tum buai peihlo pawn boruak chuan chi tam tak thlah theihna lo pe mawlh teh se



Ramliana ding ve hluai chu ka en vat a, a zung ve dawn nge haw a tum ka hriat loh avangin "khawnge i kal ve dawn" ka lo ti vat a, "i bul ah" ti sup in ka lam a rawn pan nghal



Min si chet in a thu a, ka zam lutuk vang nge a lum ka ti emem mai leh nghal a



"Google" arawn tih chuan ka phu zawk a, mak ti deuh in min en hu mai lawm



"Ngati nge i phut chiam a " atih leh chuan ka âw thian kharh kharh in ka phut loh thu ka lo sawi vat a, a awihlo leh ngawt ang mahse a nui suk ringawt



"Enge inlo len nachhan" ka ti a, an rawn leng ve ringawt hi a mak ve em alawm



"Len in chhan aneilo mahse chhan a awm anih chuan nangmah ini mai" ati duah a, inlak zei a tum ve nge mawni


"Ivan zei" ka lo tih chuan anui chhuak hawk a, kan nui dun ta ringawt



"Englo" ka tih leh chuan rang zet hian "engmaw" alo ti vat a, ka sawi tum min theihnghilh tir lek lek alawm



"I reh em a, minlo biak ka ring thin a zan tin hian ka lo nghak ve ringawt zel che" ka sawi zo chu ka thawveng huai a, zak theilo mintih leh kan nih nih kan ni tawh anga animai



"min nghaklo in minlo be zawk ta che" ati a, biak chu vawi tamtak ka tum thin a, ka ngam ngang lo zawk ani reng sia



"Nia" ka ti ta ringawt a, a nui leh suk tawh, hetiang emem a a hmel a pe tha viau te hian ka pawi a sawi ani


"I thi hi ka pe leh" ka sawi zo hmanlo "tikhan awrh rih rawh" alo ti leh vat a, ka kut ka dah thla leh zal zal



Sawi tur avang si, ka in puang vek tawh a, engmah alak atangin thu tha emaw thu chhia ka dawng lo a, awm dan tur ka hre lo ani.



"Ka duh che in ka hria" amah chu ka en reng a, a thusawi chu ka hre sual anih ring in "engtin maw" ka ti a, "athunawn" ati hman chiah tih ah "a thunawn i pailo tih chu ka hria mahse hei choh hi chu pai hram rawh" ka lo ti vat a, ka mit ah chiang tak in min en a, a thusawi ka hriatsual ka hlauh avangin a hmui phun chu ka en reng bawk



"Ka duh che"


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)