SCENERY BY Zuali Khiangte (Completed)

[Ngaia]

Zan a thil thleng avang khan zing thleng pawn ka nuihza a la reh fel thei meuh lo, a hmuh loh ah ka nui ru leh pat pat thin, a hmuh lai a ka nuih vak vak chuan nuamlo a tih ve ka hlau ve bawk a tin ni


"Ka duty dawn a,chhun ah nangmah in i lo awm thei ang tiraw, mamawh i neih chuan min lo ko mai dawn nia, vawiin ah i lu tuam na kha kan thlak a nga,naktuk ah chuan i chhuak thei tawh mai ang" ka tih chuan a bu nghat nghat a

Tawng leh ka tum lai tak in Rinkimi a rawn lut a,a rawn mangan hmel viau bawk

"Awi, Josh i na viau em,tinge engmah min hrilh ve loh a" a rawn ti nghal zung zung, josh chuan min rawn melh zeuh a,ka tum bar min rawn hmuh chuan nuam lo a ti ve deuh in ka hria, Rinkimi lah chuan min ngaipawimawh lo zet in Josh-a khum ah te chuan a la thu ang ham ham a, henu huangtuau lutuk thin hi chu ka haw thei ngawt mai

'Khawnge i chhungte, tu nge nizan ah riahpui che" ti a josh a zawk chuan

"Keiman ka riahpui ," ka lo ti nghat,Rinkimi chuan min rawn melh nghal zawk in,

"Nupa pawh in la nilo a,i riahpui nghal a maw" tiin a nui pat pat a, eng ah mah ka mgai duh lo

"Kan la ni thuai dawn a lawm,kan lo zirlawk a nih hi" ka rinloh deuh in Josh chuan a rawn ti ve khauh a, Rinkimi sawitut hrelo ner kual vel chu hmuh nuam ka ti,


Za lo deuh a nui chungin "harsatna i neih chuan min ko hreh lo la aw," Rinkimi chuan a ti a, Josh erawh in min rawn en in "hei ka bialnu a awm a lawm,mihrang tihbuai chu a inthlahrunawm" tiin a lo chhang thung, Rinkimi chuan nuam a tih hmel tawh vak loh, "thian kan nia,mihrang pawh kan ni hleinem" a la ti leh hram,Josh chu a nui mai a, a awmdan teh thut chu keitak pawn a ruk chuan mak ka ti,hetiang hian Rinkimi a la be ngai miah lo , ka thusawi te a ngaipawimawh ve tan tawh dawn ni a ka ngaih tak avang erawh chuan ka awm a nuam veng veng thung


Duty ngai kan nih avang in josh chu kan kalsan a, a kut leh lam a chet theih loh avang erawh chuan ka ngaihtuah ang reng viau na in, koh phak reng a ka awm dawn tho avangin ka ngaih chu ka ti tha deuh, chhun ah a thian ten reilote an rawn awmpui a, awm reng theih ni hek lo an haw leh thuai thung,


Tlai lam ah keiman a lu tuam na chu ka thlaksak a, a sam tlem a lu kak na lai bul vel chu an cheh sak a, a lungawi thei ngang lo

"Ka sam chep tello in an ti thiam thlawt lo em maw ni" a ti leh bul bul thin,a kheng chiang ve bawk em a tin ni

"Phun phun suh, a hliam na lai bul vel an tihfai loh te chuan ,a khawih tu tan a harsat bak ah,hliam lai ah i sam kha lo lut palh ta se,tun ai hian i buai zawk dawn" ka lo tih chuan a ner nang nang reng mai


A lu tuam na kan thlak zawh chuan , a khum bul ah ka thu ve ta reng,phone kan in khawih thleng a, a whatsapp ka en chuan be tu a ngah na ngiang mai,mahse a chhang hlawm lo, thenkhat chu tleirawl te te an ni,kan khaw tleirawl thenkhat pawh ka hmu,tunlai naupang ho hi chuan zan pawh an hre mang tawh lo a nih hi ,an mahni aia upa fe pawh an bem zak miah lo


Rinkimi nen an inbiakna pawh ka hnu,Rinkimi zawk chuan a rawn be hmasa tlangpui,mahse Josh erawh chuan a rul tawk bak in a lo chhang ngailo thung, chu chuan ka awm pawh a ti nuam sawt nghe nghe, chutia a phone ka khawih mawlh mawlh lai chuan call a rawn kal a, "lo ka mai rawh games ka khel laklawh" a tih avang in a call chu keiman ka chhang a


"Hei hi Josh-a phone a ni lo em ni" hmeichhe aw hian a rawn ti a, caller ID ka en a,number chu a save miah lo,

"Ni e, " ti a ka chhan chuan

"Tunge i nih a,eng vangin nge Josh-a phone i khawih" a rawn ti nghal tan tan a nihchu,min ti hrilhhai zek lehnghal,

"Tunge i nih zawk a" ka ti let ve ngat,phone atang a rawn pawr nghal em em chu ka lawm bik lo

"I hriat a ngai lo,phone kha a mah pe rawh" a tih chuan ,

"Kha,a be duh che" ti nghat in ,phone chu josh ka pe a,ka lungawi lo hmel a hmuh vang nge josh chuan min en vung vung,a hrilhhai hmel viau bawk


"hello" a tih rual chuan ,leh lam a mi chuan a rawn ankhum ni in ka hria,e nge a sawi erawh ka hre thei lem lo

"Zorem,ngawi rawh, rawn phone tawh suh" ti nghat in,josh chuan call chu a ti tawp a,ka lo melh kar

"Tu nge" ka ti chang fak bawk

"Tu mah" ti a min chhan na chuan min ti lawm zawk zawk lo kher mai ,a hming ngeiin a ko tih kha ka hre ve reng,bak ah khatiang a rawn ang bawrh bawrh ngam chin nen kha chuan eng inzawm na emaw tak chu an neih ka ring nghet bur,


"Tu mah nilo se,a hming in i ko lo ang,tu nge a nih ka zawh lai che hian min hrilh tha hle hle mai rawh" ka ti khar khar tawh, a thaw hak a,chu nu chanchin chu a sawi chak vak lo ni tur a ni, dilchhut min tih hmel fe in min en a,chu chuan ka hriatchian chak na a ti zual sauh thung


"Ka bialnu hlui a nihkha" a tih chuan ,ka lo thaw hak, a bialnu hlui a nih si chuan eng vanga tun thleng a lo la bia nge a nih tih zawhna chu a awm lo thei lo

"Tinge a lo la biak che" ka ti ta nge nge,vin erawh ka vin tawh hran lo,a bialnu hlui ani a,a nunhlui thil avanga buai vak kha ka duh lo,mahse a lo biak leh tak si ah chuan thil hriatfiah law law ka duh

"A pasal nen an inthen a," a ti deuh nghat,a pasal nen an inthen avanga Josh a rawn biak daih chhan tur eng mah ka hrelo

"A nih tinge a rawn biak che a" ka tih chuan

"Ka hre bik lo, tunlai chu min rawn be zeuh zeuh, thu pawimawh a sawi ngailo,a number pawh ka save loh kha" a hma aia dam deuh zawk chuan min chhang a, min rawn en chuan ka lo melh kar ,a nui suk a "lo kal teh" tiin a ban na lo lam zawk chu a phar a,

"Aih,mi in min hmu ang" ka lo ti thung ,josh chu a hawikual a

"Pawn ah an chhuah vek hi,nang leh kei chauh kan awm" a rawn tih leh chuan,keipawh khum ah chuan ka thu kang a, min lo kuah nghal hlu hlu,

Ka chhip a fawh zeuh pah in 'ngaihthat loh na tur engmah a awm lo a nia, ka nunhlui a let leh duh tur khawp a rilru nghet lo ka nilo tih hria la ka duh" a tih chuan ka lo bu nghat

"Ka ring che a lawm,mahse ka rin loh ang che a i awm a nih erawh chuan, ka kalsan che a nga ka rawn kir leh tawh lo ang" ka tih chuan ,min kuah nghet sauh in ka chhip zawn ah a thawchhuak ham ham bawk, tun ah hian ka rilru diktak ka sawi bawk, a lak ah rinna ka nghat tawh a,ka rinna vawikhat a tichhia a nih erawh chuan,ka rinnawn theih ka ring tawh lo,


"Tun a min rin ang khan min ring tlat rawh, ka ti beidawng lo ang che" a ti nghet charh a,ka thla a muang nghal huai huai thei, mak deuh in a thusawi zawng zawng chu ka ring hmiah, ka khabe ah dawm in min kuaidak deuh a, min kiss nghal mai dawn emaw ka tih laiin ,min en in a nui suk a,ka lai lutuk hawisawn daih ka tum chu min kuaiher deuh in min fawp vawng vawng,a mi fawh na chu a thlum dek dek ni mai in ka hria,ka inlak hran hnu chuan,ka chal ah fawp zeuh in

"Min rin avangin ka lawm e" a ti sup a, mit ka chhing vang vang,tun a kan awm dan hian awm reng theih nise ka ti hle mai,ka kiang ah hian ka thla a muang takzet a ni



Thawm ri deuh laih laih chu ka hre riai ruai, ka mit ka han men nak chuan josh a awm bawh in ka lo muhil reng a lo ni,khua a lo thim tawh a,midang ho pawh ward ah an lo awm tawh ,rang zet in khum bul thuthleng ah ka thu thla vat a, khum a kan lo muhil lai kha min hmu vek awm sia,ka zak lutuk chu hawi pawh ka hawichhuak tha ngam lo ,ka ngaihbel nge min en hrek hrek in ka hre lehnghal


"Ka ril a tam" ti a josh rawn phun sup chu ka en vat, kan lo mu rei deuh a chaw pawh an lo dawh daih tawh,


"Khua a thim tawh elaw," a mit nuai chat chat pah a a tih chuan

"Imm, chaw pawh an dawh tawh a Remi ka call a nga min rawn pe mai rawh se" ka ti ta ringawt,a zialo thei khawp mai,

Remi pawh call nghal in ,chaw min lo kensak mai tur chuan ka ti a, a ni pawn a lo kal nghal tur thu min lo hrilh ve mai bawk



"hetah damlo in ka awm a, ka chhungte hian min ngaihtuah lo hle mai,vawiin nileng pawn biak min rawn tum lo" ti bul bul in a phone a lek vut vut a, a chhungten an rawn be lo chu a vui ve nasa hle,


"Ka awm a,an ngaih a tha a nihkha, chanchin ka hrilh a lawm,vui pung pung suh" nui pat pat chung a ka tih chuan,ner nang nang in
"damlo chu keimah,nangmah nilo in " a lo ti deuh hmak,a chang hi chuan a naupang chhiah lutuk thin hi ka lawm riau thin,

Chutia kan lo in hnial lai chuan Remi pawh rawn thleng in chaw chu kan ei nghal mawlh mawlh,kan ril a tam ve tawh bawk em a ni, chutia chaw kan ei mawlh mawlh lai chuan ,pawn lan ah thawm ri deuh hlut kan hria,kan chaw eilai tawp meuh in thawm chu kan ngaithla a ,chutah hmeichhe aw hian


"Min thlah rawh, tu nge i nih" ti thawm kan hria, Rinkimi aw ni tlat a ka hriat avangin thawm chu chiang zawk in kan ngaithla leh, "min pui ru" tih thawm kan hriat leh meuh chuan, Rinkimi ngei a ni tih kan chiang lutuk tawh, kan chaw eilai pawh ngaihsak lo in, pawn ah kan tlanchhuak a, Rinkimi leh mipa khat lo inpaawt chawt chawt lai hi kan va hmu


"Thlah nghal rawh",Josh chuan a ti tuarh a, Rinkimi lo pawt mek tu pawh chu kan lam a rawn hawi nghal vut ,


Rinkimi te lam chu kan panhnai a, "thlah rawh ka tih chu,tu nge i nih" Josh chuan a ti rum ul a,a thinrim hmel hle bawk,


"Tu nge i nih ve ngawt a, hei chu kan pahnih buai na rawn inrawlh suh" mipa chuan a lo ti bak hluk,zu rim a nam deuh in ka hria

"Thlah vat mai raw, " Josh chuan a ti chang leh fak a,chupa erawh chuan a thuawi chu a ngaihpawimawh loh hmel hle thung, josh chu a rawn khawih thut mai ang tih chu ka lo hlau viau, a ni a lu a hliam a neih mai bak ah a kut lehlam a hmang thei dawn der silo a,


"Rinkim e nge awm zia" tiin ka lo zawt ve a, "ka bialpa hlui a nia," tah aw tiau a Rinkimi'n a rawn tih chuan, "bialpa hlui a,hmeli ka beng dawn che a mawn le" mipa chuan a lo ti khar khar, josh-a thin chuan a tuar ta lo nge ni, chupa chu a phih nawk a, Rinkimi pawh a pai ve nawk mai,ka lo dawm vat a ,a insut zui nghal feih feih bawk


'Hmela min khawih ve ngam elaw,khawi maw kan khawih deuh teng che" ti a chupa in Josh a rawn panhnai leh chu,ka lo au chul josh lah in a kut lehlam bak a hmang thei der silo ,ka mang ang tawh khawp mai


"Minpui teh u, 'tiin ka au ta chiam chiam,


Kan thawm kha an hre ve vek awm tho si a,tu mah an rawn chhuak nghal mai lo te chu ka thinrim hlur tawh , josh chuan a kut lehlam chauh hmang mahse zurui zawk na na na chuan a duh ang thal in a khawih thei bik lo, rei vak lo ah midang an rawn chhuak a,zurui pa chu an nawr haw nghal dawt dawt, kan duty na room ah keini ho chu in zuilut dial in


"Khapa kha tunge" Josh chuan a ti hluk a,Rinkimi a melh ngur bawk,kei ni Remi nen chuan kan lo ngawi dak thung, Josh thinrim chu a la reh fel lo a ni tih ka hriat avangin eng mah sawi lo a ,lo awm ve tawp chu a tha ber rih tih ka hria


"Englo,ka bialpa hlui a nia,pawisa min dil thin a, kan inthen hnu ah pawh min rawn dil leh tho a nihkha, ka pe phal lo kha a thinrim a" tim dai chungin Rinkimi chuan a ti a, a vawikhat nan tehmeuh Rinkimi chu ka khawngaih ve a nihchu, hetiang mipa, bialnu te sum ei sak tum tlat hi an awm ve a,ka ngei zawng tak an ni bawk


"a rawn dil leh che a nih chuan min hrilh ang che, khatiag kha vawi khat pawh kawp tawh suh,mipa nep lutuk" Josh chuan a la ti hluk hluk, Rinkimi a ngaihtuah zia hre mah ila tun tum chu ka thinrim in ka thik miah lo, keipawh hetiang hian ka thian te an ti lai hmu ve ta ila ka ngawih mai mai theih ka ring bik lo,Rinkimi inthlahrung lutuk hmel ka hmuh chuan ka khawngaih


"Josh, a tawk,Rinkimi thiamloh a ni hleinem" tiin josh chu ka khap dai a,a ni pawn eng vak a sawi zui ta lem lo, khapa kha hmu tawh lo tur erawh in Rinkimi chu a hrilh chiang viau thung








Story hi a boring chho riau a hriat na ka nei a, e nge kan ngaih ve dan, kan tawp thut mai dawn nge,kan zawm zel ang, nge ni a tlem in plot hi kan hre danglam deuh ang, thurawn ka mamawh riau mai


Show post links
Top

[Ngaia]

A tuk ah josh pawh a chhuak ve thei ta a, a chhungten rawn lam in kei erawh ka duty tlang nghal,



Remi nen canteen ah chawl in thil kan ei a, Rinkimi pawh a rawn lut ve chiah, kan ep chiah ah chuan thu in eitur a lam a


"I tha em"tiin ka be hmasa ve ngei, nizan thil vang khan a awm a nawm ka rin loh vang a ni, min en zeuh in a bu nghat a, min chhan that ve mai tur a nia, a har loh nen, minbe peih vak lo na na na chu ka be zui peih bik lo,


Kan thian dun chuan kan ti ti tui em avangin ,kan thil ei pawh kan rei, Rinkim chhuak tur chu kan bul ah rawn ding dat in

"Nizan avang khan i lak ah ka lawm ve deuh reuh a, mahse chumi avang chuan ka ngaina che tih na a nilo," tiin min kalsan lehnghal daih

Lawmthu a sawi duh a nihchuan tha tak a sawi ve hle hle mai tur a nia, tha tak a min biak avang khan a damloh phah dawn pawh nilo, hetiang mizia a neih vang hi a lawm, kan hospital ah hian thiantha ti a kawm tak tak tur a neih theih loh,mahse ka chung a lawmthu sawi duh na rilru a pu ringawt pawh kha thilmak a ni tawh hrim hrim


U Diki'n ka scooty min lo kalhphei sak chu a tihzia hlauh, duty zawh ah ka inkhalh haw a , vawiin chu tlem a ka haw tlai deuh avangin khua a thim lek lek tawh bawk, zan hnih ngawt hospital ah ka riak a , mutna a nuam zawk zawk lo bawk nen,ka chau in ka mut chu a chhuak tawh hle, in thlen vat vat a mut thuai thuai chu ka chak takzet tawh


Hmunpuitui ka thlen chuan ka scooty ti ding in waiting shed a lo thu bial laih ho chu ka pan a, an ni pawn min lo en thap


"Lalhriatpui hetah e nge i tih ve a,vawiin ah i chhuak chiah a, tun ah pawh ban awrh ngai i la nihkha " ka ti nghal khar khar, Zawma chuan ka hmuh hlau deuh in a zu no chu a hnung ah a dah ru zal zal a,mahse ka hmu vek tawh,Hriatpuia hian a in ve leh a nih ngat chuan a nasa lo khawp ang


"Aa,hei min sawm tlat a ,ka nuam lo ka ti chung pawn min pawtchhuak lui tlat a lawm" thiam chan tum tak chuan a lo ti nghal zung zung, a thusawi chu ka awih chiah loh avangin a mah chu ka melh run run

"Min pawtchhuak lui a lawm,hey nangni kha sawi ve ta che u" tiin a thian te chu a vin leh khur khur

"Nia, thudik a sawi a lawm, thian ho kan in hmu khawm lo rei tawh a, hospital atang a lo chhuah kan lawm a nihhi" Rinzuala chuan a lo ti zat zat, ka melh deuh hrawk hnu ah erawh chuan a ngawi nghal hmak a, a mit in a thian te a melh kual zuk zuk bawk,


Josh chu panhnai in, a hmai zawn ah chuan ka kun hniam a ,ka hnar ka len deuh vut vut bawk

"A mak,ka in lo" tih hluk pah in ka hmai ah a kut in min lo nawr a, ka van ngei reuh tak,ka melh deuh raw raw

"A in ve lo tak tak, Rinzuala nen chiah kan in, in duh ve mang silo in a seh hmeh a lo hmawn zut zut a, sehhmeh a hek duh e mai,a lehpek ah chuan a lo tel ve tawh lo ang" Zawma chuan a lo ti barh barh , a in ve lo tih ka hriat chuan a ruk tak chuan ka lawm ngei mai, a hmuh lai a,a thian ten an in si chuan a tan insum a harsat tur zia ka hriatthiampui ,chuti chung pawh a,ka thusawi ngaipawimawh a,a in thunun tlat chuan min ti lawm a ni



"A in ve loh chuan a tha,nangni pawh kha in tawh loh tum ru, in thian dang te pawn an piangthar san dan tawh cheu hi" ka ti a


" ni e,nghei tum ve rawh u, keiin ka sim san leh cheu phei chuan in pahnih chauh in , kawng hi in hmu kawi ang" thu tak hmel deuh in a lo ti vei charh charh a

"Awi awi awi, Hriatpuia tenawm zia hi, karkhat pawh i la nghei lo,in la fel viau nghal lo mai teh, bak ah mizoram kawng te chu e, kan ruih avanga kawi a nilo,rui lo pawh ni ila a kawi sa reng" Zawma chuan a lo ti bak deuh hlak, Josh-a tawngkam chu a helh ngang a ni



Khua pawh a thim fel tawh a,thim chhah lutuk erawh a ni lo, an kiang ah chuan ka awm ve ta reng a, Josh nen keini chu kan inphur ta daih,khua kan luh chuan,in thleng min thlah teh a tih deuh tlat avangin an in lam ah ka inkhalh chho ta nge nge,an in kan thlen chuan ,pawn ah a pi lo awm in keini min rawn hmuh velh chuan min rawn pan nghal a

"Mampui,khawnge i lo kal leh hman, in ah hian tawm tam ve deuh teh, chhuak reng mai" a lo ti nghal hlak hlak, keichu min lo en leh in


"Puite lo lut la,thingpui lo in phawt rawh," a ti dam thliam thung, han hnial deuh dawn mah ila,min sawm luih tlat avangin hnial luih chi ah ka ngai bik lo,inchhung lam ah chuan kan inzui lut a,


"Khawnge i lo kal leh hman, i pi in a ngaihtuah lutuk che, vak de de thin lo teh" tiin i Diki pawn a lo zilh ve leh nghal hlak

"Nula senior chenpui chu buaithlak, an cheh si" josh chuan a ti hluk a, u Diki run tawk a lo tling khawp ni tur a ni,Josh-a tukhum a ben lawlh pah chuan

"Ngawi hle hle rawh, i tawngtheih ang hian hnathawh te hi han chak la,chhungkaw tan i tangkai ngawt ang" a ti hlak, Josh chuan a lo melh tur tha ngang mai, u Diki lah in chuti bawk,an ni nufa inhnial chu nui ring ngam chiah silo hian,an sir tang ka lo nuih ru char char, hetia an han inhnial chiam pawh hi,an thinrim leh eng emaw vang lam ni lo in, an nufa hian an in ngam em a,chubak ah u Diki nula a lo la ni ve kher bawk si nen hian,Josh hian zahlo ni miah silo hian a ngam ru zek a, a hun ah erawh a nute-i a nih ang in a zah khawp mai

Josh chu room ah a lut a, u Diki nen eng eng emaw sawiin kan lo ti ti luam bawk, "nute khawnge tukverh a ka thil zar kha a awm,i dahtha em ni" tiin Josh chu a rawn au a,


"Nang a kekawrte ka khawih peih reng reng lo, a tla a niang en rawh" a lo ti lang lang, reilote ah josh chu room atang rawn chhuak in,pawn ah a chhuak tlang nghal a, a rawn lut leh lam chuan eng emaw ni hi a rawn hum lut tat tat a ,ka lo en reng avang chuan a zak ve deuh a nih hmel


" a lo tla tak tak em ni, tukverh ah kekawrte zar tawh suh ka ti tam a,i zar lui zel a nihkha, thil te tham a nia, thli thawt in a len sam bik" pangai takin u Diki chuan a lo ti a, Josh erawh in a kekawrte chu hum khawr tat chungin min rawn melh zawk a, a sen deuh awp awp in ka hria, thildang chu nise a zahthlak hran loh, kekawrte ber kher chu a zia lo ve bawk a tinni,ka nuihza chu ka insum tang tang .



Thingpui ka in zawh ah ka haw a, in ka thlen chuan ka pa in

"Zanin chu i lo va haw tlai ve, ka rawn phone ang che ka lo tih lai tak a nia"a lo tih chuan

"Nia,vawiin chu kan bang tlai hret a,"tiin ka lo chhang ve mai, josh nen kan inkar min hrethiam viau mahse thil zawng zawng hrilh vek chu tha ber in ka hrelo,


Ka in tihfai hnu ah chaw ka ei a,mahni pawn ka eitui tho mai,thenkhat in 'mahni a chaw ei chu a tui duh lo' an tih thin hi chu,tih mai mai ni in ka hria, mahni ro ro ah pawh chaw eitui loh lai hi chu a awm teh meuh mai,chutih rual in chaw eitui leh tui loh hi chu a hmeh a zir in a ni ve in ka hria, chaw eitui loh lai erawh chuan, eng ang a hmeh tui leh chhungkaw rual pawh ni ila a eitui tak tak theih loh,kei erawh ka vannei a, chaw han eitui loh em em hi ka nei ngai meuh lo


Dar 8 rik hma deuh in Josh te thian thum an rawn lut a,

"Kha Josh-a chu e nge i an a,i rawn lengchhuak peih a maw' tiin ka pa chuan a lo nghal luam


"Nia, hei ka tha tawh lutuk" tiin Josh pawn a lo chhang ve mai ,ka pa chu a bu nghat nghat a, "a zia lo hle mai,mahse kha Rinhlua te lam pawh in ngaidam niin ka hria a, ni ngaihdam theih na hi a ropui a, in pawi a khawih hnu pawh a in ngaidam thei hi in fakawm ngawt mai" a ti zui leh chuar chuar

"kan khaw mi ve tho a nia,bak ah a zan la la khan a chhungte kan in ah thupha chawi in an lo kal nghal a , case siam sak pawh thil nuam a nuam biak chiah lo,keimah ka na vak chuang lo a" a lo ti mai,ka pa chu a bu nghat nghat a

"A ni khawp mai, mahse khaw mi leh sa han in hmelmak ngawt chu ,a nuam duh lo ve khawp ang, bak ah zu hi chu at na a ni khawp mai,khami zan pawh khan rui lo se chuan tiang kha a thleng kher lo mai thei a" ka pa in a tih leh chuan Josh chu a lo bu nghat nghat


"Zawma leh Rinzuala te chu in va ngawi dun ve," tiin kapa chuan Zawma te thian dun chu a be ta daih,an ni erawh an lo nui tawi tak a,thim hlim khan zu an lo lem ve bawk nen,ka pa thusawi chuan an inthlahrun tir deuh in ka hria


"Inchung ah mei han chhem ang u, khua a thiang tha a,thla a eng bawk si" ka ti ta daih,an ni pawn an lo pawi tih lem loh avang in inchung lam ah meichhem na tur hmanrua nen kan inzui chho dam dam a ,mei chu chhem in,thuthleng sei pahnih inchung a kan dah chu mei lam ah kan pawt hnai bawk,bluetooth speker ah hla ringlo te in kan play bawk a ,ti to ho in nuam pawh kan ti ve hle ,


"Rinzual ,Zawma nen khan dawr ah zuk kal ula,eitur zuk lei teh u ,ka ril a tam dawn in ka hria" josh chuan a ti a, "awihawm loh e,kan chhuah hma lawk in chaw i ei kha" Zawma'n a lo ti,ka lo nui ri hak

"Kal mai mai teu,a tam leh tawh a lawm" josh chuan a ti hluk a, Rinzuala chu a mitmei pah zeuh bawk, Rinzuala chuan a lo hrethiam avni chek ang chu,nui ruh ruh chung a Zawma pawh din pah chuan

"Hawh zu kal ang, meizial lei pah ka duh" a ti a, Zawma chuan a kal peih loh hmel hle,mahse Rinzuala chuan a pawtsawn lui a,an kalliam ta maw tih ah Josh chuan min rawn awm hnaih in,a ban na lo lam chuan min rawn kuah nghal thuk a

"Lalzawmliana mawl theih bik zia hi chu" a ti zui hluk bawk, ka lo nui ru pat pat thung

"A kal peih loh em kha,tirh luih loh nai tur a lawm" ka tih chuan a ner nang nang a

" a ni phawh a bialnu nen an in hmuh dawn a piang in, min thlim loh leh chhuanlam siam in min tir haw ziah,ka haw tir ve em hleinem" a ti bul bul, chutih lai chuan a phone a rawn ri a, mahse scren a en chuan chhang lo in a off a a aktha leh nghal hmak


"Tu nge a,thil pawimawh pawh a ni thei a, chhan loh ngawt te chu" ka lp tih chuan

" call pawimawh pawh a nilo,a ho e mai" a lo ti awlsam then,ka hmui hnuai ti pawrh zeuh in a jacket hak lai ah ka kut ka zen lut a,a luam nuam ham ham hle


"Keichu Rinkimi hi a chang chuan ka khawngaih thin, thian lah a nei mang bawk silo ,a mizia hi tha deuh se chuan thian chu a haihchham lo ang mawle,a bulhnai a mi te hian a zia vang hian an ning thuai zel a,"ka ti niah niah, a dar ah nghet in mei alh chu ka en reng bawk,a ni chu a lo thaw hak a


" mi hausa fanu mal neihchhun a nia,an inchhung ah a lal a ,a duh apiang a nu leh pa in an tihsak a, chuvang chuan midang te lak a awm dan a thim lo ve a nih hi, " a ti ve sup sup mai ,a ni thei viau in ka hria,mi hausa te fa thenkhat hi chu an thian te zing ah pawh,an inchhung a an lal thin ang a lal tun tlat hi an awm ve a, a nazawng chu an ni chuang bik lo na in,hei hi chu an mahni thiam loh em em ni pawh in ka hrelo, duat hlawh thang leh lal thang an ni miau a

A khat tawk in Josh-a phone chu a ri leh thin a,a ni erawh in chhang lo in a dah leh mai zel, an rawn call zin tak em avang chuan ka ngaih a thalo lek lek tawh

"Tunge a,i la duh mang bawk silo" tiin ka in la hrang deuh a ,a mah chu ka melh deuh ran bawk

"Englo, hman ni a lo phone tu tho kha" a ti sup a, tu nge a sawi chu ka hre nghal mai ka thaw hak , e nge maw a lo call sek ni


"Tinge a lo call sek che a, pasal nei tawh a ni a,inthen leh tawh pawg nise lo biak chhan tur che a neilo,nge ni a, in la inbe thin em ni" ka ti deuh khar khar


"A mak zet zet thin, engmah hrechiang lo in rinthu sawi vak zel suh" a ni chuan a lo ti thung

"Rinthu ka sawi mai loh in ,enge ka sawi vak chuan a nga" ka lo ti leh bar,chutah a ni chuan ka chal a pen kauh a,a na zek lehnghal,ka chal chu tuai vut vut in ka melh nghek

Hrechiang hmasa thin rawh, thuchiang i hriat loh chuan ,chian hmasa phawt la,i hriatchian hnu ah i ngaihdan chu sawi chauh thin rawh, fiah lo hian i tawng zet zet zel a' min tih chuan ka tum bar tawh

"A nih chuan thudim chu enge,in la inbia nge be lo,sawi vat la" ka ti leh hlak

"A mak hlik hlek thin mang e, be lo ,be lo,a rawn call thin a,mahse i hmuh ang khan ka chhang ngailo,i lungawi em,thinchhe reuh si,thinawrhnu" a ti vei duah,ka la lungawi thei mai lo,

"Dawt i sawi em" ka la ti leh hram, hahthlak tih hmel deuh a thaw hak in "eng vangin nge maw dawt ka hrilh ngawt ang che le" a lo ti hmuk,ka zawt sek chu a ning deuh tawh niin ka hria


Keipawh chuan ka zawt duhtawk ve ta hram


"Enteh, tu pawh kan kar ah rawn tlakzeh tum mahse,keichu phatsan hmasa tu zawk ka ni lo ang, kan kar a tlakzeh tum tu te chuan ka lak ah chuan beidawnna bak an hmu lo ang,chuvangin min ring tlat la ka duh, miin eng pawh sawi se, ka hnen atang a i hriat a nihloh chuan awih mai mai lo tur in ka duh bawk che" a rawn ti nghat charh a, a mah a rinna nghat tue a min duh zia pawh ka hre thei

Ka lu chu bu nghat in "ka ring che ka tih kha,mahse ka rinloh dan chuan awm miah suh" ka lo ti ve leh sep, zan a rei chho a ka mut pawh a chhuak tan tawh, Rinzuala te chu an rei dan ah chance minpe tih ka hrethiam mai

"Min ring rawh ka phatsan lo ang che" ti sup in,min rawn hnaih deuh a , chutih lai tak chuan ka ham bai bai,chek hluk in a in la hrang deuh a, hrilhhai deuh in a awmdan chu ka lo en

"I bul ah hi chuan ,mipa hi ,man a nih theih loh" a ti zui hluk bawk,min kiss a tum a ni tih ka hre chiah, ka nui chhuak hak a


"A nuihzatthlak miah loh,hmeichhia ve si,i che thing thei lutuk" a la ti zui hlak hlak

"aw, e nge, min kiss i tum tih i sawiloh" ti a ka chhan chuan min melh rum teh e,

"Tunge in kiss dawn a in hrilh deuh thlap thlap ngai i hria em ni, "a ti vin hluk,ka nui lah chu a za telh telh mai lehnghal,a ni lah a thu tak ropui si ,


"Aw nangman min hrilh la,inkiss dawn a in hriattir hmasa thlap awm chhun pawh kan ni maithei a,record kan siam a ni mai" tiin kei lah pek chuan nghal ka lo chhuah

"Chutiang record siam siam a ngailo, nurse ve si ,chut suh" min ti zek a nihchu,'chut' min tih vang chuan ka ngei tep a ni

"Nui tawh suh,ka kiss dawn che,ninawm"ti hluk in,a kut na lo lam chuan ka tukhum ah a chelh a,a ni hi zawng a dangdai thin a nia, chutia min kiss tum a a rawn awmhnaih lai tak chuan


"E he,e he,in dut an tum" Zawma rui chuan a rawn ti lung lung ,keipawh ka nui phuh thawt,ka nuihza kha a la reh fel thei meuh lo, "thian laktlak loh lutuk," a ti hluk a,a sawi ber hriat theih siloh hian a lungawi lo chu a phun zui hmuar hmuar.








Guys, comment hnutchhiah leh theuh kan tum dawn nia aw,chuan a borig lutuk loh nan plot hi kan hre danglam hret dawn nia


Show post links
Top

[Ngaia]

Kar khat dang a liam leh a, mahse josh-a rui hmel ka la hmu leh ta miah lo, chu chuan min ti lawm in beiseina min neihsan tir hle bawk

Vawiin chu damlo lutthar an tam ang reng a, nurse ho pawh nidang ai chuan kan rim deuh a haw pawh kan haw tlai deuh bawk, mak deuh mai in Rinkimi zia chu dang riau a hriatna ka nei, keichauh nilo ,hospital a thawk ve midang ho pawn Rinkimi danglamna chu an lo hai bik hauh lo, a hma ang a midang chung a in lulin na ang kha ,a mah ah hmuh tur a awm lo a, min be tha em em lo na in,a hma ang a min hmuh apiang a ,min tih thinrim tum ang kha chuan a awm tawh lo,


Josh chu ka phone a,mahse a chhang thei miah lo, 'ka rawn lam leh dawn che' a tih avang khan scooty pawh ka keng lo kha a nia,mahse tun ah tlai lam dar 5 a ri tawh a, a la rawn lang leh ta miah lo,call a chhang thei bawk silo chu ka thinrim lek lek tawh

Pawnlam ah ding chung a ka hawikual vut vut lai chuan ,ka bul ah Rinkimi a rawn kal a, Remi te takngial pawh an haw tawh

"Josh an a lo hruai dawn che em ni" a rawn ti dam thlap a,


"Imm" tiin ka lo bu nghat ringawt, khua in thim lam a hnaih tawh avangin,ka rilru chu a hmanhmawh ru tawh viau bawk


Rinkimi chuan min en vung vung a,min biak chhiat ngai tak miau loh avang chuan biak chhiat ka tum bik kher lo , chu tah thu tak deuh a min en in

"Ka va thlah dawn che em ni" a rawn ti sep a, ka bul ah chuan sawi duh ,sawihreh bawk si a nei ni in ka hria a awmdan chu


'Aih ,a ngailo mai,josh a lo kal dawn sia,a hrilhhai lutuk ang,bak ah i haw leh nan khua a tlai mai mai" tiin ka lo chhang,mahse min en leh vung vung a,ka ngaih te lam lam a ti thalo lek lek tawh


"Tinge a,sawi duh i neih chuan sawi tawp rawh,inthlahrun a ngailo a nia" ti dam thlap in a mah chu ka melh nghal kar


"Imm sawiduh chu ka nei a lawm, mahse ka va thlah haw phawt ang che, Josh chu a lo kal dawn lo" a rawn tih chuan mak ka ti deuh "tinge a ni chu a lo kal dawn loh" ka ti he haw, ka hrilhhai hmel a hmuh chuan a nui hak a,ka lo en kar


"Eng mah a hrilh lo che a ni maw" a rawn tih leh lek phei chuan, ka hrilhhai takzet tawh , thil a pehhel kual rei ta lutuk te chu ka ning lek lek tawh


"Pehhel kual reng lo khan,i sawitum tak sawi rawh" ka ti bul deuh hmak ,


"I ngam loh ral i hmachhan dawn,in ring reng in awm tawp la,i ti fuh a ni mai,ka thusawi awmzia i hriat duh chuan a mah Hriatpuia i zawt dawn nia" tiin a kiai sak a, a hma a nelawm ve tak ang a a lanna kha a bo leh diak tawh, min tih elhsen nge pawh ka hrelo e, ka hrilhhai in a thusawi awmzia chu ka hrelo takzet,eng mah lah chu a sawi tha duh der tawh bawk silo


"Chuan,ka va thlah dawn che nge, josh chu i lo nghak zel dawn,mahse i beidawng a nih chuan ka hrilhlawk lo che tiin sawi miah suh" ti leh in,min en kar a,ka lak ah hian henu hian eng rilru chiah nge a put ka hre lo na in, fiamthu thawh hmel erawh a pu hauh lo thung,awm nuam lo tak erawh chuan min siam chiang a ni


Sana chu ka en leh a dar 6 a lo ri hnau thuak tawh, "min va thlah mai rawh" ka ti ta nge nge, tun ah chuan Rinkimi lo min han thlah haw mai thei tur ka hrelo,tun ang chen chen pawh a a lo la kallo a nih chuan,Rinkimi sawi ang khan a rawn kal ka ring tawh bik lo , kawng tluan in Rinkimi nen chuan kan inbe lo a, Hriatpuia lah kawnglak ah takngial pawh kan tawk miah lo, scooty ka kenglo tih hre reng chung a,min hlamchhiah ngawt thei te chuan min ti thinrim tet tet in,ka rilru a na tel bawk , chhungkaw lam.ah rokhawlh na lo nei emaw, a lo kal leh thei dawn lo a nihchuan min rawn hrilh ka beisei ve a ni,chuta kar ah min hrilhhriat chu sawi loh,call pawh a chhang thei hauh lo chuan ka lungawi loh na a ti zual a ni



kan thlen meuh chuan khua pawh a thim chiang bal bal tawh hle , zan khawthim a, a mah a Rinkimi haw leh tur chu kapa chuan a ngaihtuah deuh avangin, riak ve mai tur chuan a ti a, lo hnial ve viau mahse, keiman ka chelh lui ta tho, zan thim a khaw pawn a a inkhalh tur kha ka ngai ngm chiah biklo,keimah vang a helai thleng hi a ni ve bawk si a

Chaw kan ei zawh ah, ka room ah hruai in ,ka thawmhnaw a hak thei awm ka en a,keimah ka lian lo a,chuvang in ka thawmhnaw pawh an lian vak hlawm lo a, Rinkimi erawh nula vangtlang pawl tak a ni thung a,ka thawmhnaw pawh a lian lian thlang in over size ka inbel tir a,a pian a nalh bawk a, eng pawh ha se a inhmeh thlup zel mai




Dar 8 a rik tawh ah pawh Josh emaw,a thian te hmel reng reng hmuh tur a awm lo chuan ,min ti hrilhhai khawp mai,zandang ah lem an rawn lan hma theih nen



"hawh, Rinkim dawr ah kal lawk ila, zanlai riltam ka nei a, eng mah eitur stock ka lo nei tawh miah lo" ka tih chuan,a ni pawn dawr kal chu a lo hnial lem lo


Dawr hnai ah kal thei reng mai ila,dawr hla lam ah ka kalpui a, kawn kan thlen chuan kan duhzawng kan lei nghal zung zung,dawr atang a kan chhuak tur chiah leh,josh rawn luh tum ve chiah chu kan intawk a,a hmel chu a pha nghal dui ni in ka hria,vawiin a min rawn lam leh loh vang pawh a ni mahna, Rinkimi a hmu leh phei chu ,mak a ti deuh a niang min rawn en leh rang hle, ka thin chu rawn rim thar leh thut in


"Kim ,kal ang" ti hmak in josh chu ka kalpel a,Rinkimi pawn min rawn zui ve mai ,mahse ka ban a min chelh tu an rawn awm tak avang chuan ka ding dat a,tudang an nilo
"Vawiin kha ka tihpalh lutuk, thil thleng a awm thut a" Hriatpuia chuan a rawn ti nghal a, ka nui sak ringawt,a kut chu thingthla in

"A pawilo hei Rinkimi'n min rawn thlah a lawm' ka lo ti hmak,a thaw hak a ,ka chhanna chuan kan boruak chu a ti zia lo tih chu hrechiang tak ka ni


"Thil thleng awm thut chu e nge ni,kan hriat ve a rem nge rem lo" Rinkimi chuan a rawn ti khauh a,chu chu ka hriat chak leh zawh na chang ka lo hriat loh thil a nih avang in Rinkim in a rawn zawt chu ka lawm ru viau, josh-a chu ka melh kar a, a hmel chu a pha deuh dui a ka hriat avang chuan zawhna chhanna chu ka hrechak zek zek tawh


"Englo ,keipawn ka hre chawp chilh lutuk a, rawn hruai che chu ka tum a mahse ,thil a thleng thut a,ka phone lah Rinzuala te in ah ka theihnghilh daih a,hei ka la chiah a" a tih chuan, lo pawtchat in


"Kan hriat duh ber chu sawi vat la" ka lo ti hmanhmawh, ka dawhtheih na in a tlin lo leh tan tawh, chik a lem khawlh a , nuam lo a tih hmel ang reng bawk,a awmdan engkim chu chik tak in ka lo en thung

"Englo, Nunfeli a lo kal a, keipawn sumo atang a rawn chhuk khan a rawn kal tih ka hre ve chiah" a rawn ti tim dai a,


"Nunfeli maw"Rinkimi chuan a lo ti vak, Nunfeli chu tunge ni ang tih ah chuan ka buai leh ta, Rinkimi hriat zawng chu a ni ngei tih chu a chiang thawkhat viau


,"E nge hetah a rawn tih" Rinkimi bawk chuan a ti le,chhan na a dawn hma chuan


"Tunge Nunfeli chu" ka lo ti a, Rinkimi erawh a ngawi ta daih a,Josh chu a melh ralh bawk,josh pawh chuan a lo melh ve zeuh a,an ni pahnih awmdan chu ka lo hmu kar


"Ka bialnu hlui" Josh chuan a rawn ti sup a,hriatchhuah ka nei zawk


"A mah kha,em ni ,nuthlawi kha" ka ti thuai,a ni chu a lo bu nghat,ka thaw hak ringawt,min van ti hrilhhai chiang em, e nge a ni khan helai ah a rawn tih zawhna tam tak a rawn lut nghal zut zut mai


"E nge a rawn tih, i bialnu hlui rawn kal vang chuan ka lo nghak reng che tih pawh,i theihnghilh nghal hmak a maw" ngeiawm rawngkai lek lek a ti in,za lo deuh in ka nui lui hak bawk,tun ah hian ka lawm lo,lawm lo tak ka ni ,kawngdung ah awm nilo ngat ila chu ka au ring tawh khawp ang,kawngdung a kan awm avangin ka la insum mai mai chauh a ni


"Chutiang a nilo, i ngai diklo a nih kha,englo" a tih lai chuan a thusawi lai chu lo pawtchat in


" ngai diklo maw, a dik ,ka ngai diklo nasa tak in " ti a inher mai ka tum chu min lo dang rang hle


"Tah chuan eng mah kan sawi kaw thei lo ang, ka zui haw cheu a nga,kan sawi tha dawn nia" a tih chuan ka pawi ti ta bik lo, a hma in ,thil holam tak vangin kan lo in ti thiamlo ve hrep tawh a,tun ah chuan lungawi lo viau mah ila,engkim hriatchian hmasak vek chu ka duh


In ah chuan kan inzui haw ta nge nge a, Rinkimi chuan min mutsan ta daih,hunthawl minpe a ni maithei,inchung ah kan chho a, a bul ah pawh thu duh lo in a ep chiah a thuthleng inhung ah zawk chuan ka thu a,


"Sawi rawh" ka ti bul hmuk,a ni chuan thawk a lo la hak a

"Thil hrechiang lo in thinrim nghal vak zel suh ka tih kha" a ti hmasa leh te te,thildang sawi a tum leh lai chuan ka lo melh nghek avangin a ka chu a chip leh hmak a , "a pawimawh chin chiah sawi rawh"ka ti zui hmak bawk


"a rawn kal dawn tih ka hre miah lo tak tak,eng ti tur a rawn kal nge a nih pawh ka hrelo,rawn lam tum che in ka rawn chhuak a,mahse kawn ah kan inhmu ta si a , mizing a in bakkaih chiam kha a tih chi ber loh avangin in lam ah kan in hruai haw ta a,kan in hau zui ta hrep bawk, ka phone lah ka sawi tawh ang khan Rinzuala te in lam ah ka lo theihngilh bawk si nen, Nunfeli rawn lang thut ka thinrim bawk si khan darzat pawh ka lo hrechang lo a,ka thiamloh a ni tih ka hria a lawm,mahse min ngai diklo turin ka duh lo che,tun ah pawh in inlam a rawn kal tum ka nia" a tih chuan ,engtin chiah nge a thusawi chu ka lo dawnsawn pawh ka hre chiah lo,Nunfeli chu zaktheilo ka ti ngawih ngawih,a bialpa hlui a zinna khua ah a rawn zin hnan ve hmiah mai a nia



"A nih chuan Nunfeli chu in in ah em ni a riah dawn" ka ti nghat, a ni chu a lo bu nghat a, ni e,riah na tur dang a nei tawp nang mawle, Josh chuan dawt min hrilh lo tih ka hriat avangin ,ka lungawi loh na pawh inthunun hram hram ka tum,


"A nih chuan Rinzuala te emaw, Zawma te in ah emaw,a khawi emaw zawk zawk ah riak ang che" ka ti ta hmak, min en zawk a,a bu nghat bawk ,ka thaw chhuak hak a,ka ti mah mah em chu ka hrelo ,mahse in khat a a bialnu hlui nen zan an riak tur chu ka duh lo


"Engtik ah nge haw a tum" ka tih leh chuan, "ka hrelo,mahse naktuk a haw leh nghal tur chuan ka ti" tiin min chhang a,ka thaw sawng sawng thei,heti khawp hian hepa lak ah hian ka thikthu a chhia a ni tih ka hre ve chiah,a hma pawn ka thikthu chu a chhe thin tho na in ,tun ang em em hi chu a ni ngai lo


Ngawireng a kan thut hnh ah,ka thut na lam ah rawn kalphei in,ka bul ah a rawn thu a, ka kut chu lakang in a fawh zeuh hnu ah a hum vang vang

"I ngaihthat loh na kha chutin a reh nghal mai dawn lo tih ka hria,mahse nang phatsan emaw, kalsan tum na che ka neilo a, ka tawn hnu che hian vawikhat mah ka thinlung hi, i lak atang a la pelhe ngai hauh lo bawk,ka hmangaih che ka tih khan rinawmna a keng tel a,ka hlen theih loh tur thu ka tiam hauh lo bawk che,i tan chauh a rinawm tur in ka intiam tawh a,eng pawh tawk ila chu chu ka puitlin tur a ni bawk,ka phatsan ngai hauh lo ang che,tih hria la ka duh," a tih chuan ka lo thaw hak a, a thu tak hle a ni tih pawh ka hria, a thusawi zawng zawng chuan min ti thlamuang huai huai bawk



"Ka ring che," ka ti zawi ve ta sep, chutah,a lam ah min pawthnai in a awm lum nuam zet ah chuan ka bei vang vang a, boruak thiang leh thlifim thaw heuh heuh te, van a arsi leh thla eng mawi tak te chuan,kan tun hun chu an ti mawi ni in ka hria , ka hriatthiam phakbak in he mipa hi ka lo hmangaih tawh a, a mah ah rin na ka nghah nasat tawh zia ka in hrechhuak thar a, a bul ah chuan him riau a in hria in,ka thla a muang hliah hliah bawk,



Rei vak lo thu leh in,inhnuai lam ah kan inzui thla a ,a ni pawh a haw zui ve nghal mai bawk






"In ring reng in awm rawh ka tih chhan kha ,hei vang hi a nia,josh lak a ka rilru put hmang chu i hriat kha," a tih chuan min ti zim deuh in Rinkimi chu ka en a, ka awmdan vang nge a ni chu lo nui hak in

"Lungngai suh,tihbuai cheu ka tum lo,bak ah thian pel in josh an min ngaihsak ve ngailo ,chuvang chuan ka hlutna hrethiam lo tu beisei reng ka peih bik lo,ka sawitum tak zawk chu,Nunfeli hi a nia, inring reng rawh kan tih na pawh , henu hian Josh-a hnaih a hmeichhe awm reng reng tumah a lawm tehchiam ngai lo,a awmzia chu josh hi a uipui sa hauh tlat tih na a nih chu, kei a thian takngial pawh hi min ngaithei lo thin,ka feelings a lo hrethiam kher bawk si nen henu hi enliam mai mai chi a nilo a nia" thu tak deuh zawk chuan a ti a, ka lo ngaithla uluk hle



"Mahse nangchu Josh hian a hmangaih che a,chuvang chuan josh hi ring tawp rawh, i nat a hlau hliah hliah dawn tih hria la, kum tam tak kan lo inhre ve tawh a,josh hi chu a thutiam a dingnghet mi a ni a, ka ti ang a tih chu a ti ngei ngei thin, " a tih zawm leh zat,a thianpa thlavang chu a eng a mah hma in a hauh a, chu chuan josh leh Rinkimi in thian that na hi a der mai a nilo a ni tih min hriatchian tir bawk, josh an a feelings a lo hnawl hnu ah pawh heti khawp hian kei a bialnu ngei hian a thianpa chu ring tur in min ti a ni a,lehlam zawng tak chuan Rinkimi chu thiantha tak a ni in ka hria,ka lo hmuh dan pawh a dang ta deuh

Chutia kan lo inbiak lai chuan vengchhak lam atang josh rawn tlanthla hi ka hmu a,keini pawh kan scooty bul ah ding in, kal kan lo tum tep tawh


"Vawiin chu ka lo thlah thei dawn lo che a" in thiamloh hmel deuh in a rawn ti a


"Chhas awm lai chuan,chhuahsan a har deuh ani maw" tiin kei lah pek chuan ka lo fiam zauh, a duh lo chu,a ner nasa ngang mai


"Haw rawh tih pawh,haw duh hek lo,a awm awm in awm rawh se, keichuan ka ngaihsak peih lo" a ti deuh hmuk, min phatsan ka rin loh em avang chuan, ka hriat tirh a lungawi loh na kha ka nei zui ta bik lo



'I la hria em, hman ah in in a thian ho kan riahkhawm zan kha, ka mu la min rawn kek a nihkha,a van den tak" nui hak hak chungin Rinkimi chuan a ti a, Nunfeli chu a nasat hmel hi ka lo ti mai mai khawp, mi mulai sam a tham duh hmeichhia chu a namai lo ve khawp in ka ring


"Josh vawiin chu i pi in huan ah kal ang u a tia," hnunglam atang rawn ti tu chu,kan en that, hmeichhe sang leh pian zen thlarh mai hi a ni a,a ngi vur lo na in a vun chu a nung sarh a,a no nalh hle bawk,a sam chu dum hlap in a ngil siau a, a mitmeng erawh a hriam lam lek lek,a tawi zawng in mipa duh chi tak a ni,


"Oh,Rinkimi chu helai ah te enge i tih a,uite ang mai in Josh hi i lo la zuikual reng thin em ni" Rinkimi a hmuh rual chuan a ti nghal a,a hmelthat ang aiin a leili chu a hriam zek mai


"Zui kual reng lo e, nang ang lo tak in helai a awm chhan tur hi ka nei a lawm mawle" ti let ve sak in Rinkimi chuan nui sang chung in Nunfeli chu a en a ,a ni chu a lo nui hak, a landan chuan Nunfeli chu a tham loh hmel riau


"A nih chuan huan ah chuan i kal dawn em " tiin Josh chu ka be ta daih,Nunfeli chuan min lo en chik hle tih ka hria,mahse eng ah mah ka ngai lo


"Hrelo, Rinzuala nen ram kal kan lo tum a, "ti a min chhan chuan

"i pi in, huan ah kal tur a tih chuan zuk kalpui lawk la ,naktuk lam ah ram kal te chu a la theih a lawm" ka tih chuan a lo bu nghat a



"Nia,Rinzuala hrilh hriat leh a ngai ang " a lo ti ve mai bawk,




"Thu nei deuh kan awm a van nih hmel ve " rawn ti tu chu ka en a,Nunfeli a ni, a mitmeng hriam zet chuan chiang zet hian min lo en a, min lawm tehchiam lo a ni tih pawh ka hrethei nghal



"I hmuh ang hian,an awm chu a nih hmel, josh hi ka rin ang a lo nilo,a huai ve viau thin khan ka hria a,mahse tun ah chuan a thaibawih dawn tlat a hriatna ka nei tawh" Rinkimi chuan a lo ti zat zat a,a nui tel hak hak bawk, Nunfeli a tawng el na a ni tih ka hriat avangin a ruk chuan ka nui a za ,mahse ka nui chhuak duh lem lo. Nunfeli pawh lo nui tawi tak in,kei ngawt chu min la en ta tho



"Hriatchian deuh che chu ka ngai dawn a nihhmel " a rawn ti chhuak a, mahse ka chhan hma in


"Nunfel,i huang chin hria la,i huang lo pelh tum suh ang che,chuan ,haw rawh ka tih kha,helai ah tih tur i nei ve lo ,"josh chuan a lo ti chang fak a,Nunfeli chu a melh no zawk zawk lo hle bawk, chutah keini chu min lo en leh in


"Nangni pawh kal tawh ru,in tlai ang,keipawh Rinzuala te in ah chuan ka va kal lawk a nge," tiin a tlanchhuak zui nghal a, Nunfeli chu ngaihven lo vaih vaih tak a ni


"Hawh keini pawh kal ve nghal ang, rim danglam deuh ka hre tlat in ka inhria, ka pum hi a ti let deuh bulh mai" ti a nui tel hak in Rinkimi chuan Nunfeli chu a melh deuh kher bawk, keipawh lo nui ve rah rah chungin kan scooty ah ve ve chuang in Nunfeli chu kan tlansan ta daih


Show post links
Top

[Ngaia]

Rinkimi nen a hopital a kan inzui chu Remi chuan mak a lo ti nghang mai,
"tinge" a lo ti hu nghe nghe


Thil thlen dan kimchang zawk a ka hrilh chuan a ni Rinkimi a ngaihdan a dang ve ta deuh ,



"Engtin nge nimin ah khan Josh a lo kal dawn lo tih i hriat a" ti a Rinkimi ka zawh chuan

"Ka risk a nihkha khatiang hun ah pawh a lo la kalloh chuan, a rawn lam dawn lo che tih ka hre mai,i hriat kha rei tak i bialpa nen hian thian kan ni tawh,a zia hi chu ka hrechiang ve thawkhat a lawm," nui hak hak pah a a tih chuan keipawh ka nui ve mai, tikhan min thlah ta lo se chu ka nghak thawn a nga ka buai ngawt ang,

"Nunfeli a lo kal dawn tih kha i hre lawk em ni,warning minpe lawk bawk si' ka tih leh chuan

"A lo kal dawn tih chu ka hrelo a,mahse a pasal nen an inthen tih ka hria a, chutiang a nih chuan Josh a rawn beisei leh ngei dawn tih ka hre nghal, a tih loh dan pawh a nilo,a pasal nen an in tihthiam loh lai a,a han tlan ve zawk pawh hian Josh hi a tibuai ziah, a ni lah hian a lo hnar thei ngai bawk silo, an han inkawp leh lawp lawp a,mahse Nunfeli zawk hian a pasal lak ah a thawknem san leh ziah tho,josh pawh hi kan hau nasa thin a lawm,mahse tun ah chuan hei i awm tawh a,a duh ang ngawt chuan Nunfeli hian a kuai kal tawh bik lo ang" ti a, Josh leh Nunfeli chanchin min hrilh chuan,nuamlo ka ti deuh ,


A nunhlui mah nise,tiang khawp a Nunfeli a lo hnar theihloh thin zia han hriat chu a hlimawm tehchiam lo a tin ni. Rilru leh ngaihtuahna a kalthui lo thei lo a, hetiang a an in chenchilh phei chuan Josh hian hnar theih loh chin nei in ,kei hi min la thlauhthla mai a ngem tih te thleng thleng in ka ngaihtuah,mahse ka ngaihtuah ang zawng zawng erawh ka sawichhuak lem lo thung



ka haw tur PWD kawn a ka ding chuan ka hmel hriat hmu tlat in ka inhria,chiang zawk a dawr chhung a mi ka en chuan Sangzela a lo ni ,kar khat chawlh a lak avangin tunkar chu kan la inhmu miah lo


"Sangzel" tiin dawr chhung a a awm lai chu ka au a,a ni pawh a rawn lehhawi ve vut mai,min rawn hmuh chuan a ban a rawn vai in


"Lo la ding lawk " a tih chuan ,keipawn ka lo nghak ve mai,

Dawr atang a rawn chhuah chuan "khawnge i kal dawn a," tiin ka lo be nghal

"In khua ah ka rawn kal lawk dawn" ti a min chhan chuan mak ka lo ti ang reng,


'E nge i rawn tih dawn a, tlai lam ah lehnghal" ti a ka zawh chuan ,a cousin aizawl atang a rawn kal thu in min lo chhang a,kan khua ah chhungte an neih awm ka hre bawk silo, a cousin chuan kan khua ah daih e nge a rawn tih ni dawn ni ,


"A nihchu,min lo chhawm haw la ,nula i chhawm khat awm ropui si" ka tih chuan a ni pawh a nui ve hawk mai,ti chuan kan pahnih chuan in chhawm haw in ,kawn kan thlen chuan kan ding a,


"Khawi ah nge maw a thlen le,in khua ah daih eng tih tur nge maw a neih ni" ti nuah nuah chungin a phone chu a hmet mual mual a,


"Khawi ah maw i thlen,hei kawn ah ka awm rawn kal mai teh" a tih chuan ,a cousin chu a bia a nih ka ring,phone a dah hnu chuan min rawn en in

"Ka cousin chu min lo nghahpui la, ka inhmelhriat tir ang cheu" a tih chuan keipawn lo nghahpui chu ka hnial lem lo,


Minute nga vel kan lo nghah hnu chuan

"Mama" ti a hmeichhe rawn au thawm chu kan hria a,


Mahse ka mi hmuh avang chuan mak ka van ti tak,a ni pawn kei leh Sangzela min hmu dun chu mak a ti deuh nge, a tir a rawn nuisang kha,kan bul a rawn thlen meuh chuan a nui hmel a bo vek tawh

"Kha,zin tur chuan i mamawh ken kim tur a nia,a reng reng ah tu te in ah nge i thlen,heng lai ah hmelhriat i nei em ni," Sangzela chuan a ti nghal mawlh mawlh a, hepa hian engmah a hre ve lo tih na em ni Nunfeli leh Sangzela te hi cousin maw an lo nih a,kan khawvel han zim zia tak hi chu aw


"Naktuk ah kan in lam ah rawn phei ang che,heng lai ah mihrang in a awm a ngai lo ,tih tur i nei a nih chuan i lang thei reng a lawm" Sangzela chuan a la ti mawlh mawlh a,


"Imm ka lo tum ang' Nunfeli pawh chuan a lo ti ve mai

Chutah Sangzela chuan kei min rawn en in.

"Puite hei hi ka nau, ka ni fanu Nunfeli a nih hi' a ti a, keichuan tawngkam khat pawh ka chhak chhuak lo, Sangzela leh Nunfeli unau an ni chu mak ka la ti reng

"Chuan Feli hei hi ka thian Pui.."a ti hman chauh tih ah Nunfeli chuan

"Kan in hria a lawm ni lawm ni Puite" tiin min nuih sawng a,a nui hmel a huatna lang tel chu ka hmuh hmaih lo chiang hle bawk


"Oh,a ni maw,a tih zia hlauh chu ,chuan tu in ah maw i thlen" tiin Sangzela bawk chuan a zawt leh a

"Josh a rawn kal chilh a nih hi" tiin Nunfeli zawh na chu ka lo chhan khalh ve hmak,

"Josh nen chuan in inhria em ni" ti a Nunfeli a zawh leh chuan "hre mah mah zawk" min en reng chungin a lo ti a,keini pahnih awm dan chuan Sangzela chu a tibuai deuh tawh tih ka hria,min entawn zak zak a, keini erawh in melh hlum tum ni ang hrim in kan in melh ngang mai bawk si


"E nge thil awmzia hi," a tawp a tawp ah chuan a rawn ti ta nge nge, mahse tu a mah mah zawk chhuan chhan kan tum lo tih hriat tak in kan ka kan chip dun hmak


Chutia keini pathum kan lo din khawm laih lai chuan Josh a rawn lang hlawl, "i lo thlen na a rei tawh em" tiin min rawn bia a,tawngka a chhang lo in ,lu ka lo thing ringawt, a ni thung chuan kan boruak chu a rawn man nghal ni ngei tur a ni, mitmei in thil awmzia min zawt nghal vat


"Hei,Sangzela leh i bialnu hlui te hi unau an lo ni reng a, Sangzela ni fanu a nih hi" nui sak pah a ka tih chuan Josh pawn mak a tih hmel ve hle, Josh aia ka thusawi mak ti pakhat an awm chu chu Sangzela bawk a ni


"Bialnu hlui a,nangni ho hian eng inzawm na nge in neih a, chuan Feli nang pawh i bialpa hlui chu eng vang a henglai thleng a zui nge i nih"tiin Nunfeli chu a en a,a lawm hme zawk zawk tawh lo hle


"Nunfeli leh Josh te inkar hi i hre miah lo em ni" tiin Sangzela chu ka lo zawt


"Hre miah nang,keini Saitual ah kan awm a,an ni Aizawl ah bak ah phai lam ah trainning ten ka awm bo si a," ti a min chhan chuan ka bu nghat, josh leh Nunfeli te inkar a hriatpui miah lo pawh chu a awm lo hran lo e


"Chuan tun a thil thleng mek hi a awmzia ka hrelo hle bawk" a mah vek chuan a rawn ti chhuak leh hak, chhanna nghak tih hriat tak in keini pathum chu min en a, chutah Josh chuan

"I hriat ang kha a ni mai,a tawi zawng in henu hian min tibuai tawh suh se, heta a rawn kal ve ringawt pawh hi ka lawm lo " josh chuan a ti bung nghut a, Nunfeli chu a ngaihtheih loh hmel hle bawk


"Lalhriatpui heng lai thleng thleng ka rawn kal tawh a i chhungte min ngaina chuvang chuan" a tih lai chuan josh chuan a thusawi lai chu lo pawtchat in


"Ka chhungte rawn sawikai hlek suh,kan inchhung ah khian tuman an lawm lo che, ka chhungte khi mi pangai an ni a,an be chhelo mai chauh che a ni,i beisei tisang suh,chubak ah tu man helai hmun ah hian rawn kal tur in kan ti lo che.i duh thu a rawn kal i ni" a lo ti hmak a ka duh aiin a awki chu a ring tan bawk,kawn a lo awm ve thenkhat chuan an beng kan lam ah an rawn chhi tan tih ka hriat avangin,Josh a ban ah chuan ka vuan thuai a


"He lai ah chuan inhnial tawh lo ang u," ka ti zawi sap


"Nangkha, josh nen kan inkar ah hian eng vang a rawn in rawlh ngam nge i nih" ti sehchilh nak in Nunfeli chuan min melhrum tha ngar ngar hle


"Eng maw i sawi kha, kan inkar ah a in rawlh a maw, i a em ni Nunfel,kan inkar a in rawlh tum zawk chu nang mah kha,kan hlat ah awm rawh,zah na chang lah i hre silo"Josh chuan a ti leh khur khur, ka tawng ngailo a Josh a lo tawng avang chuan kei chuan ka chhang ta lo, Nunfeli chu a meng sen ram tawh a, huatna mitmeng chuan min melh tur tha ngang mai


Tawng leh a tum lai tak chuan Sangzela lo inrawlh in

"Helai ah chuan i duhtawk phawt ang u, thu bul bal hre lo mah ila,a ri ruang chu ka hria in ka hria, chuan Nunfel, i thawmhnaw siam la tun ah hian min zui nghal ang che" Sangzela chuan a ti a,



"Mahse mam" ti a Nunfeli tawng tum chu rum deuh a melh chung hian


"Mahse a awm tur a nilo,ti tur a ka tih che chu ti vat mai rawh" Sangzela chuan a lo ti ram hmarh a, Nunfeli chuan a u chu a hlau nge ni dawn ni a chhang zui tawh lo a,tum bur chungin Josh te in lam a pan nghal ,

Sangzela chu a thaw hak a ,ka lam lo hawi in

"A pawi hle mai" a ti sup a,sawi tur a van ve hle a niang,a ngawi leh vang vang


"I thiam loh a ni hleinem," ka ti ta ringawt, reilo ah Nunfeli pawb airbag nen kan lam a rawn pan a, min rawn melh rum ngar ngar khawp mai


"Motor ah lut rawh"kan bul a a rawn ding chu sangzela chuan a lo ti nghut a, Nunfeli pawn a hnial ngam lo, car chhung ah chuan a thu tum vuau a


"Ka va haw pui a nge, kan tibuai cheu a, a ai awh in ngaihdam ka dil ni mai rawh se" tiin a ni pawh car chhung ah chuan a lut a,an tlanliam thleng in kan thlir zui ta reng, Nunfeli awm ve ta lo chu ka thaw hawk thei,ven khat chuan ka veng e



kha mi ni atang khan Nunfeli chu ka la hmu leh ta miah lo,Sangzela lah chawlh a dil belh a vangin hospital ah a lo la kal lo a, Nunfeli chanchin pawh eng mah kan hre zawm ta lo,Josh erawh biak a rawn tum fo a,Josh chuan a chhang ngai lem lo


"Naktuk ah KTP leh SAY ten Join fellowship kan nei dawn a, rawn tel ve rawh aw, keipawh ka tel ve dawn naktuk bik chu ka ai duty thei tur an awm hlauh a,chhun ah field lam ah infiamna hun kan hmang a nga,zan lam ah inkhawm ho na kan hmang bawk a nga,a nuan dawn asin" ti sep sep in a dar ah ka lu ka nghat a,a nin ka kut a lo khal mial mial thung


"Ka hrelo le, in kohhran ka ni ve bawk silo a" ti a min lo chhan chuan a nak ah nghawk zeuh in


"Mawla,KTP nen join in kan ti dawn ka tih mawlh mawlh chu, nangpawh KTP member ve tho i nia,i duh chuan i tel thei a lawm" ka tih chuan a nui hak a, a chang hi chuan hepa hi mawl ka ti thin,KTP leh SAY ti na na na, 'in kohhran ka ni ve silo' tih deuh tlat


"Nia,tel ve kan tum a niang chu" a tih chuan ka nui nghal var var, Nunfeli chung chang kan sawi vak ngai lo a, kan inkar tihbuai nan a hman kan duhlo ve ve bawk


Inchung ah kan pahnih in kan awm a,kan meichhem chu ka thai let ka thai let bawk, "Aizawl ka kal a ngai dawn a" a rawn ti a, "engtik ah" ka lo ti vat,

"Kar tawp ah hian a niang,mahse ka awm rei ka ringlo,kar thar ah ka rawn chho leh nghal ang" tiin min chhang a, reilote chhung min awm bo san tur pawh chu ka huphurh lawk ngei mai



"tah nghal i tum ringawt em ni" tiin min rawn fiam zeuh a ,a nui pah bawk

"Teuh lo e mai a, tah chhan tur ka nei lo
" ka lo ti hlar,


Chutah zawimuangin ka kawng ah a kut chu a zenlut a tham deuh salh bawk,kei ka lo ip chawih

"Mawla" ka ti nghal vak

A nui chhuak hawk a

"I bul ah hi chuan a chet romantic ve theih thlawt loh" a tih chuan melh no lo tak ka ni, romantic tum vang a,nak a intham kher kha a tul ber lo

"a ho" ka lo tihsan hmak

"huiham, i zeilo si" min ti a nihchu, ka va han khawng chak reuh tak


"Khawimaw vawikhat tal chu romantic deuh in inkuah ve teh ang, "tiin min rawn kuah vei thuk a,


"A mak Lalhriatpui, min thlah teh, kan awm dan hi a romantic thei tawh lo, min kuah chung chung zel lo teh,a lum si,mei hi a alhsang a nia," ka ti hlak hlak, phun hluk chungin min thlah ve mai a


"Aw,i zei hlawl lo" ti nghut in a tho vut a,a lungawi lo hmel pe tum vel bur chu cute ka ti tlat pek,ka nui rah rah mai


"Ka haw dawn" a tih leh nghut chuan keipawh ka ding ve hluai a

"A nih mangtha,muttui aw" ka lo tih chuan,min va han melhrum tak

Lungawi lo deuh in a kal tau hmak a,a hnunglam atang inhnuai lam a a chhuk tur chu ka lo en reng, inhnuai pan na step bul a thlen chuan a ding a, rawn lehhawi leh vut in,ka lam pan chuan a rawn pen phei leh pawk pawk


Nui rah rah chung a lo en in "i haw.." ka ti hman chauh,ka tukhum ah a kut zenlut in a hmui chuan ka hmui a rawn si chiang hle, a chetdan teh thut chu ka hamhaih a vangin a mi fawh na pawh chhan na chang ka hrelo ka ding mawl tawp, ka hmui thip zawk ah chuan harhchhuak in,Hriatpuia chu a awm ah ka nam vak a,a in lakhran rual chuan,ka hmui ka dawm nghal vang vang,a thip vawt vawt mai


"Lalhriatpui i va mawl ve,tinge i seh kher a , a thi a nga sin mawle,mawla" ka ti nghal khar khar, a ni erawh a lo nui suk a, "hremna a nih kha, a nih ka kal ,muttui" tiin inhnuai lam ah min chhuksan nghal daih,ka van ngei mai mai reuh tak ,





A tuk ah chuan field ah in nghakkhawm in, kan phur tlang hle a niang,kan kal hma hlawm khawp mai, Josh-a te thianho pawh mi hnunglam ah an rawng lang ve a, min rawn pan nghal chat , "a mak di riallo-a hi a, a chhun zan a in tawk kal reng mai, in in hmu hne ve em em lo a maw ni" Rinzuala chuan a rawn ti hluk hluk


" a hmel hi en ta che u,hne mi a nilo" Josh pawn a lo ti ve hluk .Rinzuala chu a ner nasa ngang mai, chiang zet a min rawn en in

"Henu hi maw" tiin min kawk a

"A chhia" Zawma'n a lo tih zawm zat, ka va han ngei dun mai mai tak



"In ninawm ,kei aiin in hmelchhe fe zawk, bialnu pawh in neih theih loh tawp kha' ka ti khar khar


Chutih lai chuan hruaitu ten awmkhawm tawh tur an tih avangin ,midang ho awm na lam chu kan pan phei a, KTP leh SAY chu kan in awmpawlh vek bawk, kan tam tham deuh avangin group thum ah kan inthen a, kei leh Josh pawh group khat ah kan awm


infiam na chu tan in, a hmasa ber atan,kan thil hmuh theih ang ang a, thil zawmkhawm sei tak siam chu kan in elna a ni a, a then in an kawr haklak phelh in lei ah chuan kan zawm sei zel a, thawmhnaw in a daih loh chin ah chapal leh kan bag te,eng eng emaw kan neih ang ang in kan zawm belh zel,mipa thenkhat phei chu an thawmhnaw an zawm tel vek avangin kekawrte lawng a lo vei thauh thauh tawk an lo awm bawk,kan va han nui nasa tak


Kan group chuan kan la zawm tawi ber a, kan hun a zo tep tawh, zawm belh tur kan nei tawh bawk silo, Chutah josh chu a hawi vual vual a,lei ah chuan a zuk bawk thuk a nih chu, a ban chunglam ah a phar bawk a ,kan hun a zo ve chiah bawk, group hrang hrang thil zawm khawm sei zawng kan han teh chuan Josh-a kut hmawr tlem chuan group dang ho thil tih chu a lo pel a, chuvang chuan kan group kan chak phah


"fair lo ve kha chu, a mah a zuk mu a nihkha" ring leng lawng in Zawma chuan a ti bul bul a, Josh erawh chuan a kawr hak pah in

"Mihring tel theih loh ,tih dan kan siam loh kha,a fair a lawm" a lo ti daih thung, a sam leh a taksa ah chuan lei an kai a,ka lo bengfai thuak thuak, a kawr chauh a phelh avang in a bal tam vak lo thung



kan hun hman chu beisei ai daih in a nuam a, hetiang a kohhran hnih thalai ten join fellowship ni pah fawm a,in tihhlim ho na kan nei hi a tha riau in ka hria,kohhran inpawh lehzual na a nih mai bak ah, khaw khat theuh a cheng kan ni a, kan khaw in pumkhat na a ti tha deuh ni in ka hre bawk








Zanin chu comment hnutchhiah theuh tum ang u aw


Show post links
Top

[Ngaia]

Zanlam ah proggrame nuam tak kan hmang ho leh a,a hlimawm in tih fo chi ni in ka hria,

Kan bang hma vak lo bawk nen,inkhawm ban ah pawh Josh te chu an rawn lang ta lo,


"Aizawl ah chuan eng ber pawh i zuk tih dawn" ti a ka zawh chuan

"Ka chhungte nupui neih ka dil a nga, chuan palai ka rawn tir ang" a lo ti mauh mai, a mah chu ka en vat a,a lo nui ruh ruh avang chuan a fiamthu a ni tih ka hria

"Ka ngai ngawt ang che" ka ti sep a, a ni pawh thaw hak in , ka dar ah a kut leh lam in min kuah a,a lehlam in ka kut a him vang vang, min kalsan chu a hreh ve hmel hle ni in ka hria,naktuk mai hi Aizawl a chhuk hun tur a ni tawh a, awm reilo se ka ti ngawt mai,mah erawh Sihfa ah hian khua leh tui nih na a nei lo a, a khua dik tak chu Aizawl a nih avang in helam a a awm reng zawng ka ring bik hauh lo,chutih hun mawlh chu a ni ka huphurh, Aizawl lam a a let leh hun tur mawlh chu

"Ka lo haw leh vat ang, lo lerh lo la,inleng te kha lo nei dur dur lo la" a tih chuan,ka nui chhuak hak,a ni pawh a nui ve tho, "tak tak in engber nge i zuk tih dawn' tiin a hma aia thu tak zawk chuan ka zawt leh a

'Ka nu a nuamsam vak lo a,ka zuk chhuk ve lawk a nge" tiin min lo chhang ve ta hram, a nu damlo chu zia lo ka ti hle mai, a mah josh-a tak hi chu a hma khan hre ngai lo mah ila, a nu te hi chu kan khua ah an rawn zin ngung a kan in hmelhriat ve ,nu fel leh nelawm tak a ni nghe nghe bawk

"kan inneih hun ah chuan,nangman i enkawl thei a nga, a zia deuh ang chu, ka nu hriselna hi a pan ang reng a,a khat tawk a in checkup reng hi a ngai a,a buaithlak khawp mai" thu tak deuh hian a ni a, kei erawh inneih thu a sawi avang khan ka lo lai ringawt emaw ni

"Nang hi, e nge i ngaihtuah" ti a min nghawk zauh chuan ka lo ngawi reng a ni tih ka hrechhuak chiah

"Maw,ah ,engmah , e nge ka ngaihtuah a nga" ka ti bah nak nak,a nui hawk a, a awm si chet a min pawthnai in

"Ka nupui i nih hun ah chuan zantin ka lungphu ri hi i ngaithla thei tawh ang" a ti sup a, nui pat pat chung in a kawng ah ka kut pahnih chu ka suih zawm a, "pasal zu heh deuh ka duh lo a nia aw" ka ti pah zauh bawk

"Ka in ngai tawh loh hi, chutiang chu neilo tur ah in ngai hmiah rawh" a nin a lo ti thung, zu a la in leh miah lo a, 'chakna em em ka neilo thian te bul ah erawh an in chuan a chakawm ve thin' a ti a, a ni thei viau pawn ka ring,chuvang chuan tunlai tak phei chu a thian te nen pawh an inkawm tam vak lo a, kan in ah hian a tal deuh chawt a ni ber, a nun a inrawlh thui lutuk ka tum lo a,mahs erawh chu,a ruihhlo tih thin te a sim theih na tur a nih phawt chuan a thian te hlat ah reilote chhung chu awm lawk mahse ka pawi ti lo,

'An mahni thu a ti an nia,an duh thlanna ah a in nghat, a duh lo chuan an ti lo mai' hi kan ti mai thin a,thenkhat ah erawh chuan a dik viau, chutih rual in mahni a kan awm chang a kan tih duh miah loh ang te pawh,midang nen han awm ho tak hi chuan kan ti leh mai thin, chuvang chuan a nia, a thiante hi hlat rih mahse ka pawi tih loh chhan,mah erawh chu, thian te dem nghal rikngawt hi chu thil dik ber pawh a ni chuang lo, hetiang ah hi chuan mahni in control theih na hi a pawimawh ber chu ni in ka hria




zing ah chuan ka tho hma khawp mai, josh erawh ka thlah ta lem lo,nupa kan la nilo a,engkim ,a zawng a za a tih vek kha thil mawi ber ni in ka hre lo,phone kaltlang erawh chuan tluang tak a thleng tur in ka tih kha

Hospital lam ah ka inkhalh phei a, ka thleng tep tawh tih ah ka scooty ke chu a puak pup a, ka kawi nghal zawk nghe nghe, kawngsir rem lai ah ding in ka scooty ke chu kan han enchiang a , a ke chu a lo thep suai suai mai, perek emaw, eng emaw hriam ka rap palh a nih ka ring ringawt , ka chhak lawk damdawiin nih tawh avangin scooty chu a nawr in ka nawr chhi ta ringawt, kawng a chho ve ang reng bawk si nen,ka chau ve hnep mai

"Ti i rawn nawr a" min hmuh veleh Remi chuan a lo ti vat

"Khulai deuh ah khuan,a ke hi a thep a,thil hriam ka rap a niang" tiin ka lo chhang ve mai

"Workshop ah dah nghal a ngai dawn a nih kha" tiin Remi pawh chuan a rawn thlek ve vut vut a,

Chutih lai chuan kan hnunglam atang motor horn tu emaw hian a rawn pe ri tuarh a ,ka phu nasa lutuk chu ka zuang zawk thei, kan hawilet nak chuan Sangzela lek chu lo ni in

"Mawla,lungphu thalo min neih tir i tum em ni' tiin ka melhrum kha kha

"Kan inhmu lo rei tawh sia,kan in hmuh leh hmasak ber ah chu chu maw i sawi hmasak ber" tiin a lo ner nang a, "i mawl vang a nihkha" keiin ka lo ti leh hram ,

"Tak tak a,khati vak a i phut nasat ka ringlo a,ka thiamloh a nihkha" pangai tak a a rawn tih chuan ,keipawn ka melhrum duh ta bik lo, ho te te a phut leh chiam hi ka hrat hrim hrim

A motor a park that hnu ah ,kan awm na lam ah a rawn kal ve leh a, ka scooty chu a rawn notice nghal chat

"Nakin ah workshop ah ka dah pui dawn che nia' a tih chuan ka hnial bik lo


"Mam hei hi i theihnghilh a" ti ri kan hriat na lam chu kan hawi thap, eng emaw ni keng in Nunfeli a rawn kal a,a lo la haw lo tawp a nih dawn hi,Sangzel an a hruai atang khan ka la hmu leh miah lo a,tun hi ka hmuh leh hmasak ber na a ni , kei min rawn hnu chu a tum bur a,a awmdan chu a naupang chhia ti ru hle mah ila,ka ngei hle tho si

"Ka hmanhmawh deuh khan ka lo theihnghilh a nih dawn hi," tiin Sangzela chuan Nunfeli thil ken lai chu a laksak a, "chuan i lo haw pah in, pute an vawksa rep lei tur lo zawng haw rawh a ti aw" Nunfeli chuan a ti zawm zat,chutih lai chuan 'doctor' tiin Sangzela chu an rawn ko a, Nunfeli leh kei chu min melh tawn zak zak in ,ngaih that hmel vak loh chuan min kalsan a,

Sangzela a kal ta maw tih ah chuan, Nunfeli chuan min rawn melh rum tha ta ngar ngar khawp mai,

"Nang ,thingtlang nula kha, josh hi kalsan ang che " a rawn ti ringawt, chhan pawh ka chhang peih lo henu hian chianloh riau na a nei a nih ka ring tawh , hetiang mize hniam lutuk nei tur hi chuan a landan nen hian a awihawm loh hial zawk

"Kha sawi chu i hria em, kan inkar a tlakzeh hi tum hlek suh," a rawn tih leh khar khar chuan ka nui hak hak,

"Nang hi chianloh na i nei tak tak a mawn le, pasal then hlim hlawt i ni chung pawh a,zahna nei miah lo a,heng lai thleng thleng josh i rawn umzui duh hi, chapo na leh mahni in dahsan na chhete tal pawh i nei ve miah lo em ni" ka ti let ve ta kher,

"Ngawi hmak rawh" a ti sehchilh nak a , mahse ngawih mai chu ka tum bik hauh lo,a ni hian a duh duh a sawi a nga,keiin ka lo ngaithla liam mai mai ang maw,a teuhlo lutuk tlat, ka hriattheih chin a ta tu kutthlawn mah hi ka la ba ngai lo e

"Nangkha ngawi zawk rawh,nangni ang mi hian hmeichhia te hi min ti mualpho thin,i ze hniam lutuk kha zahpui ngawih ngawih rawh,nangni ang chu maw,in inchei na chiah sang,mahni eng mah ni leh silo, tun thleng pawn mahni pual a 'ka thawh chhuah liau liau hei chu' ti a sawi tur i la neilo, nu leh pa hausak na zar zo in,mihausa emaw i in ti ve ringawt a, mahse maw,mi khawngaihthlak ber te zing a mi i nihkha,hma tak ah pasal nei in,in inthen leh a,chuta kar ah zak miah lo in ka bialpa i rawn umzui leh nghal a, nang chauh nilo in i chhungte thleng in i ti mualpho tih hre rawh" ka ti leh piap piap,ka tawngkam hman chu a na thawkhat dawn a ni tih hre mah ila,ka inchhir miah lo,an ni ang hi chu a ruh lang rawt rawt a hrilh an ngai,

A thinrim chuan a kut a hun ruh nasa ngang mai, a la hma ang reng a ,mi vei vak kan tam lo hlauh a,chu ni lo se chuan tun ah pawh hian min lo en deuh luai luai tawh in a nia ka rin ni.

"I duh tawk in min tawngkhum rawh,mahse enge ka tih theih ka hmuh tir ang che, chutih hun chuan tun ang hian i la in luling reng thei em tih kan hria ang chu" tiin min melh kal a,ka bul a ding ka thiannu chu a insum zo ta lo

"Eng maw i sawi kha hmeli zah na tlachham nu" tiin Remi chu a rawn ter at a ,Nunfeli sam ah chuan a rawn kek nghal ta buan buan mai,

"Min thlah rawh hmeli" ti in Nunfeli chu a au chul a, Remi sam ah a kek let ve bawk,Remi lah chuan thlah mai a la tum hauh lo,

"A tawk in thlah ru" ti a pawh then ka tum chu ,ka dak awrh a,Nunfeli chuan a kut lehlam in min lo tham chu ni in , a chak zek lehnghal , damdawiin kawt ah chuan kan insual chu a ni ta der mai

"E nge a,Nunfeli bawk maw" tih ri kan hriat rual in,Nunfeli hnungzang chu a thum nghal awk awk a , Rinkimi a ni ngei mai , pathum in pakhat kan sual rawn chu a ni ta der ,

"A tawk a tawk, aww!!!, in thlah rawh u,engthil nge thleng hi" ti hluk hluk ri ka hriat rual in,tu emaw hian min pawm hrang nawlh a, Rinkimi leh Remi te chuan Nunfeli chu an la sual rawn ngat ngat, an ni pawh midang in an lo thleh ve thuai a,chutia min pawm sawn tu chu Sangzela a lo ni

Thaw halh halh chungin Rinkimi chuan, "tu thiam loh zawk nge" a rawn ti heu mai, thu bul bal hre miah lo in Nunfeli a rawn sual ve ringawt tih na a ni ngei mai , "mam, hemi te hian min sual rawn a nia" tiin Nunfeli chu a tap pur a,a sam a theu bum a,a hnar a thi bawk ,khawi khawi emaw lai chu a sil awng ve khawp ang, keini pathum pawh kan ther ve bum tho,mahse a tam zawk kan ni bawk a,chutiang in Nunfeli ang in kan inhliam velo thung

"E nge thil awmzia hi,eng vang a insual nge in ni" Sangzela chuan a ti khur khur a,a thinrim hmel hle bawk

"He nu hian min rawn kek ringawt a lawm" tiin tap par chungin Nunfeli chuan Remi a kawk a

"Hmeli, Puitei i vau a nihkha, i thiamloh hmasak a ni tih hre rawh, khawih leh i duh em ni" tiin Remi chu a lo ter leh at tawh

" a tawk,a tawk helai ah chuan buaina dang thlen tawh suh u,ka cabin ah min rawn zui vek rawh u" Sangzela chuan a ti hlur a, a ni leh ni lo ang a,a vin ve em avang chuan ka phu zawk thei

In melh ram ram chungin Sangzela cabin lam ah chuan kan kal a , "tu vang a buai nge,in nih tih chu hrilh hran ka ngai lo, naupang chhia ang mai a,ual au tak a in lo insual kha e nge a awmzia, mipa pakhat vang mai in engvang a tharum thawh nge in ni" Sangzela chuan a ti khur khur a,kan ngawi dak hlawm Nunfeli pawn a u thinrim chu a hlauh hmel kher mai,a kun ngal ringawt tawh

"Chuan ,nang Rinkimi kha,eng vang a va inrawlh ve ngawt nge i nih,thelh tum zawk ta che" tiin Rinkimi chu a melh leh run a

"Henu hi ka ngei a lawm" tiin Rinkimi chuan a lo chhang thung, Sangzela chu a thaw hak a "an insual chhan pawh i hre reng reng em ni
" ti a a zawh leh chuan
"hrelo," Rinkimi chuan a lo ti sep

"Chu,an insual chhan pawh hre hauh lo in i tel ve ringawt tihna a nia,nangpawh i a
" a ti leh nghut, Rinkimi chhan na chuan a rukin ka nuih a tiza kher mai,mhse Sangzela a lungawi lo bawk nen,ka nui ri ngam lo, reife min zilh hnu ah Sangzela cabin atang kan chhuak tham tham a Nunfeli erawh kan rual in a chhuak lo thung

Kan chhuah hnu rei vak loh ah an ni pawh an rawn inzui chhuak ve a,Sangzela chuan a hruai haw dawn a nih hmel,car a luh dawn chuan rum zet in Nunfeli chuan min la rawn en hram a nihchu, Rinkimi zawk chuan a kuttum a lo hmuh ar ar a, an tlanliam thleng kan en zui ta reng

"Kan insual chhan pawh hrelo in i rawn tel ve ringawt a nia" tiin,ka nuihza insum rei tawh chu ka nui nghal hawk hawk, Remi pawh chu ti tho

"Khatia sual kha ka chak na a rei tawh, ka huntha neih kha bawhpelh ka tum lo hrim hrim" ti a Rinkimi'n min lo chhan chuan kan nui nasa ngang mai




Ka scooty a chhiat daih avang in Remi scooty in ka haw a,a ni erawh Rinkim in a thlah thung,ka scooty pawh Sangzela nen workshop ah kan dah a,vawiin chu kan inbe tam lo ngei mai,vawiin a thil thleng nen khan ,Sangzela rilru chu a buai hle dawn tih ka hria,lehlam ah keini a thian te kan nia,lehlam ah a nau, kan zia a hrechiang hlawm dawn si a, dik zawk pawh a hre ngei ang,chu tak chuan a rilru a ti nuamlo hle ngei ang,mahse tha tak chuan kan inthlah tak tho kha


Scooty ka khalh lai chuan ka phone a ri sek a, khua a thim hnai tawh bawk nen , ding khawmuang a,phone call chhan chu tih chi ber a ka hriat loh avang in ,chhang lo in ka tlan tlang ngar ngar,in ka thlen veleh phone chu ka en a,josh-a missed call 20 ngawt a lo awm, a message a lo awm va bawk,hetiang em em a tam min call tur chuan a thusawi tur chu a pawimawh hle a nih ka ring,


A message chu ka open a, 'min rawn be nghal rawh' tih hi hawrawppui ngat in a lo thawn a nih chu,ka ner sak,be ta lem lo chuan ka inbual san ta zawk a, kan vawiin boruak nen inbual harh hmasak phawt chu ka duh

Ka inbual zo room ka luh leh rual chuan ka phone bawk chu a rawn ri leh tawh, Josh bawk a ni,ka ngaih a ti tha lo rum rum dawn a lawm

" aw enge a mak vak vak" ti a call ka chhan rual rual chuan


"Engthil teh hrep nge i tih a" a rawn ti vin hlur a nihchu, a rawn thinrim em avang chuan mak ti deuh in phone chu ka thlir vung vung,eng vang a rawn thinrim ngawt nge a nih ka hre hauh lo

"E nge,khatia i rawn vin vak a" ka ti dek dek chu

"Tawng suh, eng mah sawi ve suh, " a rawn ti leh hlur, a awm dan avang chuan ka lawm tawh bik hauh lo

"Lalhriatpui,e nge i hriat a, khatia min rawn vin vak, " ka ti vin ve ta thak

"Vawiin thil thleng ka hre vek,eng chiah nge ti ni a i inhriat a" a rawn ti leh hrawk,a ni maw,vawiin thil thleg a hria a nihchuan Nunfeli thlavang a rawn hauh tihna a nih dawn chu, ka kut ka humruh nghal ngat ngat,engmah hrechiang lo a, kei ni lo a,Nunfeli a rawn tan nghal hlur chuan min tina takzet bawk,

"A ni maw, engkim i hria a nih chuan a that chu, tikhan keipawn rilru siam dan ka thiam thei deuh ang chu" ka ti ve ta ngat, a bialnu aia a bialnu hlui,a hnar theih ngai miah loh a rawn tan chuan min ti lungawilo takzet a ni, ka mittui tlak loh nan in sehruh ve fan fan mah ila, ka mittui chu ka dang zo meuh lo a ni

"A tha, rilru i siam ang maw, i ngam chuan inthen lam ngaihtuah rawh" a tih chuan

"Min vau hlek suh" ka lo ti that, in vau hi ka thil duh loh ber te zing a mi a ni, Josh-a hnen atang a chutiang in vau na thu ka dawng ta mai chu hreawm ka tiin awih har ka ti, a tawng leh hma in phone ka off ta hmak,ka khum ah ka thu thla hnawk a ,ka mittui a dir nghal zung zung, josh chuan a rawn call leh thin a,mahse ka chhang duh lo, Nunfeli a tan na tawngkam kha ka hre peih hlawl lo

A tuk ah chuan mitbui luk in hospital ah ka kal a , zan lam ah ka tap tleivar deuh thak,

Ka rilru chu a tawt up up,josh nen kan inbiak dan ngawt ka rilru ah a awm,chuvang chuan ka mittui te hi an rawn hnai leh mai dawn in ka hre thin,mahse ka thian te bul ah erawh ka theih tawk in ka inthup ve hram hram a ,an hrethiam tho nge ni,min ngaihsak in ,thil thleng a awm leh awm loh min zawt sek mai,ka chhan that duh loh avang in min zawt reng bik lo



Lunch ei dawn ah Remi leh Rinkimi te an la hman loh deuh avangin ka lo kalsan a,mahse pawn ka chhuah chuan Sangzel an min lo tiding in,"vawiin hi e nge i chung ah thleng,nidang i phalo tlat" tiin min ngaihtuah hmel zet chuan min en bawk,

"Engmah a thleng lo" ti in lo nuih lui ve mah ila,ka hmel a diklo langchhuak chu a hrethiam tho ni in ka hria,ka thian te hi chu ka bum thei ngang lo a ni,

Chutia kan lo inbiak lai chuan kan hma ah bike a rawn ding dawt a, bike atang a rawn chhuk veleh, eng khaw sawi set set lo in Sangzela chu a rawn hnek nghal thuai ,a rawn chet dan teh thut chuan min ti hamhaih tak zet , vawi khat mai duh tawk lo in ,a hnek zawm leh zat a,in ringlo lai rawn khawih ani bawk nen Sangzela chuan a khawi ve hman meuh lo



"Lalhriatpui, engthil nge ti ni a i in hriat a " ti a ka au tuarh rual chuan,mitmeng nelawm loh zet in min rawn melh a, a thinrim hle a ni tih a bek a thisen zam pawng tawlh tawlh te chuan an tichiang hle bawk


Show post links
Top

[Ngaia]

A rawn chet dan teh thut avang chuan thinrim tak ka ni, a ni lah chuan min melh hlum tum ni awm hrim in,min han melhrum em em mai lehnghal,ka thinrim chu a rim tun tawh

"Khatiang khan tinge i rawn chet buan buan ringawt" ka ti vin hlar a, Sangzela tlu tawh chung ah chuan la awm run in,min en reng chung chuan vawikhat dang a hnek leh hram, chuzet chuan ka dawhtheih na bang a tichhia ka ti mai

"I mawl a mi" ti in Josh chu ka theih tawp a na in ka va nem pawp a, a ni pawh a ding mar nghal ut , Sangzela chu ka buaipui nghal sawk sawk a, a hnar a lo thi nuau bawk nen ka chiai lek lek a ni

"I tho thei em" tiin ka kaitho a, josh-a hnek na vang khan a lu a hai ve deuh a ni ngei a, a thawhchhuah zawng chuan a pai deuh khut nghe nghe,

"e nge i hriat a,helai ah tharum i rawn tawh chiam" tiin Hriatpuia chu ka melhrum kha kha hle, a ni erawh chu za lo deuh a nui hul hak in,ngeiawm deuh in a kiai zui sak bawk, a awmdan chuan min ti lawm lo in,ka hrilhhai takzet bawk, bak ah nimin lawk ah aizawl ah a chhuk emaw tia,vawiin a a rawn lang hlawl pawh chu mak ka ti hrim hrim


"A ni hi i tan e nge a nih" a tih chuan

"E nge a nih i tih chu e nge a awmzia, Sangzela hi ka thian a nihhi," ka lo ti leh hlar,

"Thian" ti sup in,a nui leh hak a, a awmdan vel chu a ngeiawm kher mai

"Josh, e nge i buai na chu ka hre lo ,mahse Puitei hi ka thian a ni" Sangzela chuan a ti dam thluam a, a ruk tak chuan a lawmlo ve viau chuan ka ring,mahse chuti chung pawh a, tawngkam tha a la hmang thei chu fakawm ka van ti tak,

"Thian, a tha, kha i thian kha a hliam a nihkha ,in thian dun khan va inbuaipui rawh u" ti nghat in a bike ah a lawn a,eng dang mah sawi tawh lo in a tlan zui nghal nal nal, Sangzela nen chuan kan van hrilhhai tak

"E nge khapa khan a hriat a' a tlanliam hnu chuan ka tichhuak halh, nizan ah kha chuan Nunfeli tan zawng in a rawn tawng a,tun ah lem Sangzela kut a rawn thlak leh ringawt a, hepa awmzia hi ka hre nek lo e

"Eng emaw hriat fuh loh deuh chu a nei a nih hmel,tha tak in sawipui la a tha ang,a chetdan atang kha chuan ,a thin ka lo ti ur viau a ni maithei a ni" Sangzel an rawn tih chuan,a mah chu ka en a,a kamsir thi chu a kut in a lo tuaifai a,tihsual nei der silo hi Josh hian a tawng reng a,ka inthlahrung in ka khawngaih ru ve takzet

"Ka tihpalh ,a na viau em" tiin a thusawi lai zawm lo deuh chuan ka lo zawt a, kiai suk in "na lo e,ti ila chuan dawt ka sawi tih na a ni dawn si a,chuvang chuan, na e" a tih chuan ka nui hak,tun ang hun ah pawh,ka inthlahrung hmel a hmuh khan fiamthu min la thawh sak thei a nia, Sangzela neitu hneichhia chu mi vannei tak an ni ngei ang,




Ka scooty pawh an lo siam nghal avang in ka la haw a, khua ka thlen chuan a thil tep tawh, kawn ah Josh-a te thian ho ka hmu a ,mahse hmulo der ngat in ka tlanpel hmak

Zan ah Rinzuala message ka dawng nawlh a

"Josh nen hian ,in tih thiamloh na innei em ni,hei zu a in teuh mai" a rawn tih chuan ka chek hluk in ka ner zui nang

"A awm awm khan awm tir rawh u" tiin ka chhanglet a,phone ka dah hmak, lungawi loh na a nei a nih chuan tha tak ten sawi ve se, khatiang a a rawn pawng tawng chet ringawt a vang khan tu nge lawm se a tih ni,


A tuk nileng pawn a message leh call takngial pawh ka dawng lo a,zing a kawn a kan inhmuh lah khan min hmulo awm hmiah mai lehnghal , eng mah sawilo a,chutiang a ka chung a a khawsa chu ngei tak ka ni , a khat tawk in ka phone ka en leh zeuh zeuh thin a,a lak ah lawm lo in,thinrim viau mah ila min lo biak hun chu a ruk tak in ka nghak ran thung ,nileng pawh a a message ka dawn loh a vang chuan thinrim ru teuh chungin ka in khalh haw a , Hmunpui waiting shed bul a mipa thum lo awm te chu tu te nge tih hai lo tak ka ni,ka thinrim em avang chuan hmu lo ang tak a,tlan pelh hmak chu ka tum a,mahse ka thei lo, khatia a rawn awm ringawt chhan kha zawhfiah ngei ka duh

Kawngsir ah ka scooty chu din tir in,an awm na lam ah chuan ka chhukthla a, Rinzuala leh Zawma chuan min lo melh zak zak pah in

"Kan pe lui miah lo a nia" an lo ti nghal a ,engtin mah an ni chu chhang lo in Josh-a chu ka en a, a ni chuan ka awm ve a ni tih pawh hrelo ang mai in a zu no dawm lai chu a tlak pap a, chutia min ngaipawimawh lo ang a a awm chu ka thin in a tuar leh tawh lo


" e nge i hriat a" ka ti deuh hlar , Rinzuala leh Zawma chu an lo phu zawk a, a hun in zir ngat se chuan ka nuih pui leh chiam maithei,mahse tun ah erawh chuan nuih mood ah ka cheng rihlo tlat

Min rawn en zawk tih loh chu ka awm ve tih hre lo ang mai khan a awm zawm leh hmak a, ka va han run mai mai tak,a zu no a thlit khah leh hnu a, in leh a tum chu , lo laksak in ,a ni pawn min rawn en chiang ve ta hle ,

"Ka no kha rawn la rawh" a ti chang fak a,thinrim insum hmel hi a pu deuh bawk ,kei lah chuan ka pe duh bik thak lo,thinrim tih avang a zu a lo in leh chuan ka lawm loh na a belhchhah hle bawk

"Eng vang a hetia awm hi nge i nih sawi rawh" ka lo ti leh ve leh

A mit ti zim deuh in ,a nui zui hak a 'i hrelo tak tak a maw" a ti zui nghal sap

"Hrelo" tiin ka lo chhang thung,chutah a phone phawrh in a hmet zui mual mual a , "a nih chuan hei hi e nge" tiin scren lam chu ka hmuh theih tur in a rawn lek a, kan en chiah chu,ka meng phar nasa mai,kei leh Sangzela inkiss lai thlalak ni awm tak a ni ,

"Hei" ka ti hman chiah

"ti khan thil awmzia i hre tawh em" tiin min ten hmel fe chuan a kiai zui sak a, mak ka ti lutuk chuan tawng ngaihna ka hre miah lo, thlalak a mi hi keimah nen chuan in ang hle mah ila,kei chu ka ni hauh lo thung ,Sangzela nen hian kan in ngaina in thiantha tak pawh kan ni,mahse ngaihzawng lam hawi a in en chu sawi loh,hetiang lam hawi hian biak pawh kan la inbe ngai lo hrim hrim

phone chu laksak in ,uluk leh chiang zawk in thlalak chu ka ennawn leh,

"Ka man chiang lutuk che a ,sawitur pawh i hre tawh lo em ni" a lo ti chuan

"Lo ngawi rawh" ka lo ti hmak, chiang zawk a kan en tak ah chuan,thlalak a mi hmeichhe hmai chu tlem in a sawi deuh tih leh, thlalak a mi chu kei aiin a sang zawk a ni tih ka zuk hmu, edit a nih chiah hi,hetiang thlalak edit te tu thawn nge maw ni,a ni pawn engtin nge a hmuh rual a a lo rin nghal mai theih zawk ni, mawla hi

Ten hmel fe a min en reng tu chu,eng sawi set set lo in a tukhum ah ka beng pawp, a mah pawh a bu deuh lawp mai

"Eng nge.." ti a tawng leh tum a,rum zet a min rawn melh chuan,a ngai ang bawk in a tukhum ah chuan ka beng bu leh nghal lawp,

"E nge i hriat a,min ben" a rawn ti vin hlur a, melh nghek in a ngal char ah ka chhir zui zat , a na ngang a niang rak tuarh chung in a ngal chu a dawm nghal vang vang mai, tun ah chuan thinrim hmel aiin hrilhhai hmel a pu tawh zawk

"Mawla, enchiang ta che, i hmuh a piang hi ring nghal ngawt zel suh, chiang tak in en la,edit a ni tih hre ve ta che" ka ti khar khar,a mitmeng chu a rawn danglam zawk a,mahse a insiamtha leh thuai

"I thiamthu sawi tur hrelo in dawt min hrilh tum suh" a la rawn ti leh hram a nih chu ,ka chhuih leh chawrh dawn a maw ni nghe nghe a,mawl leh lutuk

"Mawl mawl suh Lalhriatpui, min rin loh chuan Sangzela kha kutthlak lo in tha tak in zawt ta che,keipawh tha tak in min zawt thei,i mawl vang a nihkha" ka ti leh khar khar

"Ka mawl bawk lo" ding ngil zawt chung in a ti hluk a,

"Kha..i mawl zia hi" ti leh hlak in ka melhrum leh kha kha,a ni pawn min melhrum ve ngang mai,ka phone phawrh ve in , Sangzela chu ka call ta a , Josh-a phone ka la ken reng avangin , thlalak chu ka phone ah ka inthawn bawk

"Thlalak ka lo thawn dawn che, i sawifiah ngei a ngai ang" ka ti nghal thawr a hrilhhai khawp ang,thlalak chu Sangzela ka thawn chhawng ve leh a

Message a seen rual chuan,a thaw chhuak nghal hluai , "eng emaw chu hriat i nei tiraw, kha vang khan Hriatpuia kut i tawrh phah bawk" ka tih chuan

"Englo,hei chu, Rinkimi nen zawk a kan nih hi, tu lo lak nge tih leh tu edit nge tih chu ka hre miah lo" a rawn tih chuan, "maw" ka lo ti hluk , tun ah khan Rinkimi nen an inkiss tih a sawi zo chiah em ni,

"Engthil nge hriat loh ka neih,engtik atang khan nge" hriat belh chak zet in ka ti leh

A aw a thian kharh a

"a la rei lo,phone atang a sawi vek theih pawh a nilo,naktuk lam ah kan sawitha dawn nia" a ti a,engkim min hrilh vek tur a ka tih hnu ah call chu kan ti tawp ta a, loudspeaker a ka dah vek avangi Josh chuan kan thusawi chu a hre vek a,Rinkimi leh Sangzela te chu mak a ti ve ngang ni tur a ni,ngawireng in a mit a khap fak fak ringawt tawh, ti kha chuan thlalak hi edit a nih zia leh,keimah ka nihloh zia a hrechiang tawh viau ang chu

"Ti khan i chiang tawh em" tiin a mah chu ka melh kar a, ka inkuangkuah at bawk , a dang chiang lutuk leh sawitur dang hre tawh bawk silo chu a hawi vual vual a, chu tah a rawn nui chhuak ta hawk a, zu rim a rawn nam nghak hak bawk,

"Ka lo hre lo a" a rawn tichhuak sup a,ka va han ngei mai mai tak

"Thil hrechiang hmasa lo in,i ngaihdan in i che nghal buan buan a, chuvang chuan Sangzela ngaihdam dil ngei ngei ang che" ka ti khar khar,a bu nghat a, eng mah erawh a sawi chhunzawm lo


"Tikhan in inrem leh tawh tihna em ni" ti dek chung a Zawm an a rawn tih chuan ,kan bul ah kan thiante an la awm ve reng a ni tih ka hrechhuak leh chiah

"lo ngawi rawh" josh nen chuan kan lo ti rual thawt , Zawma chu a phu nasa ngang mai

"Ahh, ka zawt mai mai cheu a lawm" a ti tim dai a, kan pahnih buaina vanga chutia kan vin ta chiam chu ka inthiam lo leh hnuhnawh

"Kan inrem a ni mai lo em ni" ti a Lalhriatpui an min rawn en chuan,ka va han melhrum tak,a duh hun hun ah a thinrim a nga,kei in ka lo ngaidam leh nghal zel tur ah a ngai em maw ni

"Ka hrelo" ka lo ti hmak

"Aaa.,in ninawm thudik in hre tawh a, buaina tur a awm tawh loh chu ,inrem rawh u, tunge khatiang thlalak kha lo edit tih leh,tu lo thawn che nge tih zawnchhuah lam ah buai zawk rawh u" Rinzuala chuan a rawn ti hluk hluk a, dikchiah, tu lo thawn nge tih hriat a ngai

"Tu nge lo thawn che" tiin Josh chu ka melh ran a

"Ka hre bik lo,number lawng a lawm"ti a min chhan chuan a tukhum ah ka beng leh thlawrh

"A mak ,min beng taivet suh," ti hluk in a tukhum chu a tuai zui vut vut

"Mawla lehh,a rawn thawn tu che tunge tih pawh hrelo in,i lo awih nghal a,tikhan i rawn che nghal buan buan a, Aizawl atang rawn haw phah nan i hmang ve chu a ni si a,i thluak kha hmang ta che" ka ti zek


"Aw, hmu thut ta la,thluak i hmang hman bik teuh lo,ka hmuh khan ka sa pup a,ka thinrim nghal a lawm,var tian ah khawvawt kar ah bike in ka rawn inkhalh haw tih hre ta che,a vawh tehreng nen" a rawn tih chuan

" a tawk chiah a nihchu,i mawl man a nihkha" ka lo ti leh hlak

"Zan lam a sawi ah dah ang u,thudik in hre tawh bawk a,haw phawt ang u,khua a thim dawn, zan ah kan lo leng ang" Rinzual an a rawn tih tak ah chuan ,keini pawh in hnial zui vak tawh lo in kan haw ta hlawm a


Tunge khatiang thil kha ti duh ang, tu in nge thlalak kha edit a, Josh-a thawn ta ang tih chu ka ngaihtuah ngat ngat a, rinhleh pakhat chiah ka nei ,a ni lo chu rinhlelh tur dang ka hre miah lo bawk


Zan a josh te thianho an rawn len chuan kan dan pangai in ,inchung lam ah kan in zui chho leh dam dam a ,

"Tu nge khatiang a ti tu kha ni ang,keichu rin ngaihna ka hrelo" Zawma chuan a ti a,Josh nen chuan kan in melh ralh, a ni pawn ka mi rin hi a ring ve tho a ni tih ka hrethiam nghal

"Nunfeli a nih i ring ve thi tiraw" ka tih chuan a lo bu nghat a

"Tu nge Nunfeli chu" Zawma bawk chuan a lo ti leh

"Hman ni lawk a lo kal chilh tu che kha em ni" Rinzuala zawk chuan a rawn ti a,kan lo bu dun nghat ,"khanu kha chu a zaktheilo reuh emai,a mah a nih chiah dawn chu, mahse a mah a ni ngei a ni tih fiah na in nei em ni" Rinzuala bawk in a tih leh chuan lu ka lo thing nar nar a


"Tih dan ka hria a lawm,naktuk ah Puitei duty tur ka thlah a ngai ang" a tih chuan ka lo en ha

" eng ruahman na nge i neih" ti a ka zawh chuan, a ruahman na te chu a sawi zung zung a,kan lo bu tliar tliar, Nunfeli a lo nih tak tak ngat chuan a nasa lo khawp ang,


"Nizan khan,Nunfeli te nen kan insual avangin Nunfeli thlavang i rawn hauh emaw ka tia,engmah lah kha i sawichiang bawk silo a" ka tih chuan phawk deuh in min rawn en

"In insual a maw, eng vangin" a rawn ti hu,

"Aww, eng vang nge nia nga,nangmah vang in " ka tih chuan a chek hluk a.

"A atthlak hle mai" a ti duh lek a nihchu, a mah vangin kan insual a, attlak a lo ti duh chauh chuan mi run ngei mai




A thiante pahnih an haw tawh hnu ah pawh inchung ah kan pahnih in kan la awm reng a, kan meichhem pawh a mit lek lek tawh,ka bul ah rawn thu in, a khuh kharh a


"Ka tihpalh" a ti sup,


"Eng vang chuan" ka lo ti kher ,


"Engkim avangin, ka chetdan vang leh ka rilru put dikloh avang te pawn" a rawn ti leh chuan ka thaw hak a


"ih maw, mipa hnih inkar a in rintawn na a awm loh chuan,in laichin na hi a nghet reng thei lo, in laichin na nghet leh tha nei tur chuan inrin tawn na leh dawhtheihna a pawimawh , vawiin thil thleng khan min rin zawh loh zia a ti langchiang bawk' ka tih chuan a ni pawh a lo thaw ve halh a, a chetdan avang khan a in thiamloh hmel hle bawk, tun ah hian ka thinrim tawh miah lo na in , min ring zo lo lutuk khan rilru chu a ti na ve a lawm


"Ka tihpalh" a ti leh tawp a, sawibelh tur dang a hrelo a ni maithei


"Nangpawn i hnen a tang a ka hriat a nih loh chuan ,awih lo tur in min tih kha, khatiang chiah khan nangpawn ka hnen atang a i hriat a nih loh chuan mi thusawi nazawng leh,i hmuh na zawng fiah na tello chuan awih nghal mai lo tur in ka duh che, i hmuh ang kha keipawn hmu ve thut ta ila ka thinrim in ,i ngaihdan ang kha ka pu ve maithei,reilote chhung chu, mahse thisen a so bulh lai chuan engthil mah ti rum rum tawh suh ,i thinrim a, min ringhleh a ni emaw, keimah ah buaina i nei a nih chuan min zawt hmasa zel tawh rawh,thudik hriat tum hmasa tawh tur in ka duh che" ka ti a,ka rilru diktak pawh a ni , ka kut chu a rawn hum vang vang a ,


"Ka tihpalh lutuk, tun atang chuan, fiah na tello in ngaihdan ka siam nghal tawh ngai lo ang" a ti nghet charh a , a awm dan avang a a inchhir zia ka hmuh chuan ka khawngaih leh deuh,a kut chu hum let vang vang in


"Miten eng thu pawh sawi se,keichuan ka phatsan ngai lo ang che ,ka hmangaih che " ka tih leh chuan ka kut chu lakang in a fawp vang vang a,


"Keipawn ka hmangaih lutuk che Zonunpui,engkim dang awng ai pawh in" a ti sup a


Show post links
Top