SCENERY BY Zuali Khiangte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SCENERY BY Zuali Khiangte (Completed)

Unread post by Ngaia » April 16th, 2023, 2:17 pm

SAY hnatlang kan neih atang zan hnih chu a liam leh tawh, Josh hnen atang ka hnen a a tawngkam chhuak avang a ngaihdam dil na emaw, in thiamloh na thu engmah ka la dawng lo , vawi li nga vel chu min biak tum in min rawn call a,ka chhang lo, ka lo beisei dan ah chuan kan in ah ngei rawn kal in,khatia Rinkimi a chhan tlat chhan te rawn sawifiah a, mizing a khatiang a min tawngkhum kha pawi a tih thu ka hre duh,mahse a ni chu a reh vang vang a ,a ni reh rual in a thian te ho pawh an reh zui ve hmak.



Ka lungawi loh em avang chuan biak hmasak emaw,va hmuh hmasak ka tum lo, a tisual tu zawk ka nilo a,tlawm zawk a ka tan chhan tur lah ka hrelo bawk .



"Mate thil va ei lawk ila, zing ah chaw ka ei hman lo a ka ril a tam reuh lutuk" a pum dawm vang vang chungin Remi chuan a ti a, keipawh ka ril a tam ve tho avang in ,canteen lam pan in kan in zui chhuak a

"U Sangzel thil i ei ve dawn chiah em ni" tiin pawn a lo awm doctor Sangzela chu ka zawt a, a ni pawh lo bu nghat in


"In ei ve dawn tho em ni,a nih chuan ei ho ila" a lo tih chuan phur tak in Sangzela chu kan zui a


Thil kan ei zo kan chhuak leh chiah chuan damdawiin kawt a Rinkimi leh Josh-a, eng emaw ni an in pe lai hi ka va hmu, josh chu bike ah a la chuang reng a eng emaw ni thil pack hi Rinkimi chuan a khai bawk, lunch an inpe a ni mahna,


Ngaihven lo ang deuh a lan tum in ka nui lui vak vak a,ka awm dan chu ka bul a mi te pahnih chuan an hrethiam lo a ni tih hriat zet in , min en deuh ha lehnghal, thil awmzia an man lo lutuk chu ka ngei lek lek , ka mitmei in Josh te awm na lam chu ka kawhhmuh a,a tawp a tawp ah chuan an hrethiam a ni ve chek ang chu, an ni pawh an rawn nui lui ve nghal chiam chiam,


Kan awmdan naupang chhia leh atthlak zet chuan kan nuih a ti za a ni chek ang chu,a tir a nui lui vak kha, tih takzet in pum na vek khawp in ka nui


Josh hmu lo der tlat chung a duty na lam a let leh ka tum chu, kan hma ah tak a bike a rawn din tir a, min rawn hnaih em avang in ka eu deuh awrh nge nge, Sangzela'n min lo man hman lo se chuan hnunglam ah ka tlu hrim hrim ang



"A va za awm bawk bawk ve a" min en run chung a a rawn tih chuan ka lo ner sak

"Tah chuan buaina a awm em ni" ka lo ti ve kher

"Awm ti ta ila" a mitko san ak pah a a tih chuan ,ka melh nghek,


"Awm pawh nise i buai na tur a nih loh chu, " ka ti ve leh hmak,a nui suk a ,a mitmeng erawh a thip tha leh leh tawh ,chutah Sangzela chu en ngur ngur in

"Nangkha lover boy,kan inthen emaw ti in chet lak i lo tum ringawt a nge, arsi i hmu de chuaih chuaih a ni mai" a ti a nih chu, Sangzela a hmuh apiang a tawngkam ngaihthlak nuam lo a hmang ziah hi ka haw thin


"Lalhriatpui i zaklo e mai,i tih tur i zawh tawh te chuan,haw ve ta mai che, a nih loh pawn Rinkimi bul ah va thu kuk rawh" thinrim teuh chung a ka tih chuan ,min rawn en in a nui huk a nihchu,nuih zatthlak ka sawi ka hre miah lo


"Chu..Rinkimi chu i thik deuh tihna em ni" nui suk suk pah a a tih chuan ka va han ngei tak

"Ka thik hlawl lo! thik chhan tur lah ka nei hek lo" ka lo ti vak,a ruk tak chuan ka thik a ni tih ka in hre reng ,mahse a mithmuh a thik ang a lan kha ka tum teuh lo,chu ai chuannn, i ek ei rawh pawh min ti se ka ei duh zawk ang


"A nih chuan zanin chu ka rawn rim ang che ,bawng vari lo nei la" a tih chuan ka ner nawk "a teuh lo lutuk e mai rawn len tum buai duh suh, Sangzela te in ah hian ka riak daih dawn" ka lo ti hmak, engvang a Sangzela ber kher sawi nge maw ka nih le,Remi pawh a awm reng a,ka thusawi vang nge ni a hmel landan a in thlak leh hlawk tawh a, min en rum tha ngang mai,tun darkar ah ringawt pawh hian,a hmel landan hi a va han thlak ngun tawh tak



"A nih chu,i riak nge riak lo kan en dawn nia" ti nghat in,a bike a ti nung a chak zet in a tlanchhuak zui nghal daih, a awm lo ta chu thawveng huai tur ka nih lai in ka thawven phah hauh lo



"Ti nge min sawi kai ve ringawt a" Sangzela chuan a ti sup a,ka in thiamlo ru reuh hle


"Hrelo, ka sawi ve tawp" ka ti hap

"a pawilo mate,u Sangzela hming i lam rik hnu a a hmel landan te kha in lo hmu em , a thik a nihkha,a chiang reng, tisual tu zawk a nia ngaihdam pawh dil miah lo che in a rawn ui pui sa hauh hlur ringawt che a,a chetdan kha a mipangai zia lo hrim hrim
" Remi chuan a lo ti hlak hlak,



"A ka ning, Rinkimi leh a behbawm telna ah hian engmah a dik thei lo" ka ti hap ringawt, a ni chiah bawk a khami ni pawh khan Rinkimi awm lo se tun ah josh nen kan inkar hi a chhe miah lo ang





Rilru nuallo deuh in nileng hun chu ka hmang ral a ni ber,ka ngaihtuahna ah josh a awm reng a,ka ngai in biak ka chak a,ka kuah chak bawk, mahse a ni chu a reh vang vang mai bawk si,ka chapo na dahtha in keilah in biak ka tum der bawk silo,ka mood chu hneawm tak a ni,kan Rinkimi lah chuan a ban kha a tluk na lam ah a lo vaw na ve deuh nge ni a tuam bur a, midang a tir zat zat reng bawk






Ka nu te feh an rawn haw tlai deuh avang in zanriah pawh kan ei hma lem lo , kan in tihfel meuh chuan dar7 a lo pel duai tawh, ka patea a that vak loh avang in ka nu leh pa pawh chaw eikham hlim ah ka patea te in lam ah an kal daih a, mahni awm chuan a reh duh kher mai ,mahse mahni a ka awm than avang in hreawm erawh ka ti lem lo, keimah in tv ka en a, ka en ti ila,phone ka khawih san daih avang in tv chu ka on eng satliah ve mai mai a ni .




Dar8 rik tep ah,kan kawngkhar a lo ri a,ka nu te emaw ka tih laiin Josh te thian ho an rawn in zuilut dam dam,a hnuhnung ber ah Lalhriatpuia chu a rawn lut a, ka lo be chiam peih lo ,



"Tunlai chu Puite i van reh em em" tiin Rinzuala'n min bia a,



"Nangni a lawm reh" tiin tha tak in ka lo chhang ve mai, josh vang ringawt a a thiante thleng a biak chhiat chu ka tum hran lo,chutih rual in Lalhriatpuia erawh biak chu sawiloh an rawn luh tirh atang melh pawh ka la melh eih lo


midag ho nen chuan kan inbe bawrh bawrh reng a, mahni a awm tawp ai chuan a zia ve deuh,thingpui lum tur a min tih chuan keipawn ka lum sak ve mai, a thlum nge a hang an duh ti a ka zawh chuan


"A hang chu tar ho in chi" tiin a thlum an ti sap sap, chutih lai in Lalhriatpuia pek chuan a thiante tih loh dan in ,a hang a duh thu a sawi a, chutia a hang duh na na na chu tiin a thingpui tur ah chuan hmehhan ka telh sak teuh,thingpui hang a duh a nih chuan a hang chu in mawlh rawh se.



Thingpui chu thutkhawm na lam ah chawiphei in an ta tur theuh an lo la sap sap hlawm a,josh an a thungpui tur a lak lai chuan ka nui ru sak , chu chu min lo hmu hman nge ni,a thingpui ken lai chu a hnim deuh that that a,a ruk tak chuan ka nuih a za,mahse nui chhuak lo tur in ka insum tang tang,a thingpui in hun mawlh chu ka nghakhlel,ka chetdan chu naupang chhia viau mahse,ka hnen ah inthiam loh na a la sawichhuah miah loh avang a phuba lak na remchang tak a nih avang in ,ka thil tih dan chu rem hria ka in ti ru viau



Josh-a thingpui in tur chu ka en reng a, chuta thingpui a in chiah chu,thu ngil nghal awt in min rawn melh deuh kawk , kei erawh ti fuh in ti zet in ka lo hawi deuh valh valh thung,


A awm dan teh thut chu a thian te pawn mak an ti deuh a niang " ti et ut nge a" Zawma'n a ti nghe nghe,

Tuilo tih hmel deuh in a thingpui hmuam lai chu a lem a, "ka thingpui in chu a hang tha khawp mai" min melh ralh chung in a ti chhuak hak

"Kha kha thingpui hang diktak chu a nihkha" ka lo ti ve hmak


"E nge thingpui hang dik tak chu" Rinzuala'n a lo ti hu


"I hriat duh chuan, kha in ve la" tiin Rinzuala hma zawn ah thingpui chu a lek phei a ,Rinzuala thil danglam hlek hre chak zel a pek chuan thingpui no chu lo dawm chat in ,a in zui nghal a nihchu,thingpui a in rual chuan a ni pawh meng awk in min rawn en nghal vut a, mawl hi ka va han ti tak ,mi mawl thlan na awm se chuan hemi te thian ho hi nominee hmasak ber an ni hrim hrim ang.


"Awi awi awi.. Hei hi maw i thingpui hang chu a va han hang tha tehkher ve hmehhan i telh a ni maw" thingpui a lem rual in a rawn ti nghal chiam chiam



"Khawvel vir ah hian nangni ho hi in mawl ber,mawl vang a thih theih chu nise,in thi mawl mut ang" ka lo ti hmak,Josh chu a nui ruh ruh a,Rinzuala erawh in tui a in nghal chuk chuk


Minute sawm zen zawn an thut leh hnu ah, midang ho chu in melh kual hrek hrek in an tho zui sap sap a,Josh erawh a thut ngai in a la thu reng


"E, haw in tum em ni" ka tih chuan

"Tum deuh reuh, tih tur dang kan la nei a" then thaw chungin Hruaia'n a lo ti , midang pali te chhuah hnu chuan josh leh kei chauh kan awm tawh, in be lo in kan ngawi reng a,sawitur chu vang duh tak a ni , a awm ve tih hrelo ang mai in ka phone ngawt ka buaipui a, a chang in ka nui leh hak thin, Sangzela leh Remi te nen a kan pathum bik group ah zanin thil thleng vel ka sawi a,an ni pawh an rawn nui nasa mai,Sangzela hi tlemlai deuh atang khan kan kawmngaih thar a, a mah a lo fel kher bawk nen kan in kawm thei phian


Chutia phone ngawt ka buaipui chu ka sir a thu pa chuan a ning ta deuh a niang,rum nghut thawm ka hriat rual in ka phone min laksak daih a nihchu



"Hey,ka phone kha rawn la rawh" ka ti nghal vak


"Hey ,ka nilo,hming ka nei ve, bak ah i bialpa awm lai hian engtin nge phone ngawt i buaipui theih " lungawi hmel vak lo a a tih chuan ka ner deuh sak


"Bialpa a,e ni dawn tak,hmanni deuh a, hmeichhe dang vang a mi zing a min hau tu kha em ni i sawi" ka ti deuh kher, ner nawng chungin mawl min tih hmel deuh hian min en vung vung a , chu chuan ka thin a ti rim leh tlat tawh



"Ka phone kha minpe la haw rawh" tum hmuk chung in ka ti deuh hmak, chutah hahthlak tih hmel deuh in a thaw vei hak a,a ve lutuk hian a, ka pet chhuak lo hi lawm hle zawk tur a nia

"Min ngaithla ve phawt la mawle" a tih chuan ka lo melh nghek,

"A hma zawng a eng mah sawi tum silo,tun a tak ah eng vang in nge ka ngaihthlak ang che" ka ti leh hmak , a ni reng bawk a,insawifiah tur a ka duh em em lai khan vawi khat pawh in sawifiah a tum hauh lo a nihkha, chuti a hnek in a reh zui nghal vang vang bawk a awm dan hi ka ngei zawng tak a ni



"Aw ,nangman min be duh lo a nih kha mawle" a rawn ti ve ta hluk

"Keiin be duh lo che pawh ni ila,mipa i nia,min thlem lungawi chu i hna,mahse chu chu i tilo, chuvang chuan tun a tak a insawifiah kha a ngailo kan inthen tawh" ka ti deuh hlak hlak, eng vang a inthen chungchang sawi nge ka nih ka hrelo,ka thinrim tawh hi chuan ka duh duh hi ka sawi phawng phawng zel a,a tawp ah keimah bawk ka in ngei leh thin



"Inthen a ,tu nge ti" nui hul hak chung a a rawn tih chuan hawisan hmak in "keiman" ka ti bul hmuk,ka sawi tawh a ,ka thusawi sut leh tum na ka nei lo


"Aw a nih min then ta che" a tih tak hluk ah chuan,a ruk tak in ka hlauthawng inthen tak tak chu ka duh dan a ni miah lo,ka lungawi lo ve hle a ni tih hi hre tur in ka duh ringawt ,

"Mahse keichuan ka then ve dawn lo che, min mahla ka bialnu i la ni tho" a rawn tih leh chuan ka awm a nuam deuh sawt,mahse chumi avang chuan ka lungawi ta tihna a la ni chuang lo


"I zaktheilo e mai Lalhriatpui haw rawh, i duh hun hun a i thinrim khum tur leh i duh hun a i tih lungawi leh mai mai tur hmeichhia ka ni lo ," ka tih chuan a thaw hak a, tlem in min rawn hnaih deuh bawk


"Hmanni avang khan ka tihpalh" a ti sup a,mahse chu chuan min la ti lawm zo chuang miah lo, diktak a sawi chuan he mihring hi ka hmangaih em chu ka hrelo ,mahse ka duh takzet tih erawh ka hria,khami ni pawh khan min rawn hmu in ngaihdam min dil se,ka lungawi hma min thlem se chuan tun ah hian kan boruak a tha leh daih tawh maithei, tu hmeichhia pawh hian kan ngaihzawng te lak a kan lungawi loh hian, an mi ngaihsakna kan phut a,thinlung tak in titau lo mah ila,pangchan duh vang a a lang a tihtauh chang pawh kan nei thin , hmeichhe thenkhat hi chu kan thinrim hma ang bawk in thlem lungawi leh kan har lo.



"A tawk, ngaihdam min dik mah la,tun ah chuan ka ngaidam thei rihlo che,kal phawt rawh,hun thawl ka mamawh" ka tih chuan ka phone chu min rawn pe a.


"Tun ah chuan ka kal phawt ang mahse keichuan ka then ve lo che ka tih kha,chuvang in nangpawn inthen chung chang sawi tawh suh,min ti na a nia" ti sup in kawngka lam ah pen zui nghal pawk pawk in , a chhuak zui nghal a,a awm ta lo chu ka ruak nghal huai in ka hria,


Ka thinlung lehlam chuan lungawi tawh mai tur in min duh a,lehlam erawh chuan lungawi mai harsa a la ti thung,


Ka mut hmun ah pawh josh nen kan inbiakna ka ngaihtuah zawm a ,dar 10 a rik tawh pawn la muhik thei lo in ka mut hmun ah ka la inlet tawn sek,


Chutia ka mut men kar lai chuan phone call ka dawng a, Sangtea a lo ni ve teh mial,zanrei lam a min lo call pawh chu mak ka ti ang reng hle bawk, khami ni kan insuk ni bak kha Sangtea nen kan la inhmu leh lo a ,phone ah pawh kan inbe zui miah lo kha a nia


Phone lak pah in "ve teh mial che chuan" ka ti a, mahse Sangtea thu rawn sawi vang chuan ka mu lai chu ka thuchhuak nghal zawk


"Eng a,khawilai ah nge an insual a" ka ti nghal chul


"Hmunpui chhak deuh waiting shed ah khan ," a rawn tih chuan ka thaw ham ham, hepa hi engtia tih chi nge maw ni ,tun a Sangtea thu min hrilh pawh hi eng dang a nilo Josh te chu an insual leh a ni awm e, Saitual lam a a bialnu rim haw in a hmu ni awm tak a ni

"Tun ah khawnge i awm, i lo thlen tawh chuan an insualna hmun ah chuan min va kalpui lawk ta che" ka ti a, engvang a tun a tak a an insualna hmun a kal duh nge ka nih pawh ka hrelo, tum dang pawn insual pui an nei fo a , ka kalchilh ngai lo hmeichhe in rawlh ve na chi ah ka ruat ngai lo,a hnu ah eraw ka hau ve fo tho



Sangtea pawh chuan khua a lo thlen tawh thu leh,min kalpui leh chu a hreh loh thu a lo sawi ve a, inthuam lum in keipawh thawm dim thei ang ber in ka tho chhuak a,ka nu leh pa te tih harh chu ka hlau hle

Kan in atang hla deuh hlek ah Sangtea chu min lo nghak tur in ka ti a, a bul ka thlen veleh kan chhuak zui nghal,khua chu a vawt deuh vuk a, khawpui ri dur dur mahse arsi erawh an pe tuarh thung, ka hlauhthawn em em chhan pawh ka hrelo,ka awm hle hle thei lo a ni tawp mai


Josh te awm na hmun kan thlen chuan, Josh te thian ho leh Rinkimi an lo awm a, an sualpui te chu an lo kalsawn tawh a nih hmel, mahse Rinkimi lo awm ve ngawt chhan chu ka hre hauh lo


Sangtea bike head light chuan Josh chu a chhun chiang hle a, a hmai leh heh bawr vel pilh deuh nuan chu ka hmuchiang hle bawk,

Sangtea bike atang a ka chhuk chu min lo en reng a,mak a tih hmel viau bawk,


"Hetah e nge i rawn tih" a bul ka thlen chu a ti nghat a,min hmu chu a lawm hmel tehchiam loh bawk,mahse ka ngai pawimawh duh lo

"nangni pawn hetah e nge in tih" ka ti let ve hmak,an rim atang chuan zu an in leh tawh tih ka hria,kan in a an rawn len lai kha chuan zu rim an nam miah lo asin mawle,an chhuah hnu khan an in leh tih a chiang reng


"lo kal rawh haw ang, helai hi i awm ve na hmun tur ani hleinem" ti nghat nghat in ka ban ah a chelh a min kalsawn pui a tum chuan ka lo tang deuh


"Aih,thil awmzia min hrilh phawt rawh" ka lo ti ve tlat


A thaw hak a,dilchhut min tih hmel fe in min en bawk,min en dan chu haider lui in ka din ngai in ka ding lui reng,an zing a Rinkimi lo awm ve ngawt dan hi hriat ka duh


"Rinkimi hi mipa thenkhat in khawih luih an lo tum a,a mangang in Josh hi a rawn phone a,kan va kal a nih hi a bak a awm lo" Zawma'n a lo ti a,ka nui hul hak,Rinkim vang leh bawk maw, a ruk tak chuan henglai hmun daih daih a mipa zui duh chuan thiam loh na a nei ve tho ah ka ngai hmiah


"Josh tu emaw tal in min thlah haw ula" nuam lo tih hmel deuh in Rinkimi chuan a ti a, ka melh deuh hrawk, "ka va dah ang che" ti a josh kal mai a tum chuan lo dang in


"Hetah ka awm ve reng a hmeichhe dang bawk i ngaihtuah leh zawk dawn em ni,i thian te pawh an awm a an ni pawn an thlah thei nangchu hetah awm rawh" ka lo ti hmak, ka duh na ah chuan eng mah pawisak ka nei bik lo, rilru chhe tak ni ngailo mah ila Rinkimi lak ah hian rilru tha ka pu hleithei tlat lo,


Josh pawh kan boruak that loh lai a ni bawk nen engmah a sawi buai tawh lo a, hun thawl min pe duh a niang a thian te ho chu an vaiin Rinkimi thlah tur in an kal a, Sangtea pawh a haw zui ve nghal, chutia kan pahnih chauh a kan awm ta chu ka thinrim leh tun tawh


"Thu ila inbia ang" tiin waiting shed lam chu a pan a,kei erawh ka dinna ngai ah ka la ding reng,thaw hak in a rawn let leh a,ka ban ah vuan in min pawt kal nghal dawt dawt,


"Sawi tur i neih chuan sawi nghal zung zung rawh" ka ti deuh hmuk , a thaw leh hak a , ka hnunglam atang min rawn kuah hlu hlu a,ka che miah lo, zan khawvawt hnuai ah a taksa lum na chuan a thawmhnaw chhan ah pawh min ur ham ham thei tho mai,a ruk tak chuan nuam ka ti mahse ka lungawiloh na a la kian phah chuang lo,


Ka nghawng ah rawn fawp zeuh in "Rinkimi hi ka thiantha ber ngaihzawng a ni thin,mahse ka thian tha ber chuan kum kalta khan min boral san a," a tih chuan ka thawchhuak hak ,

"Chuan engtin" ka ti sep bawk

"A thih hma khan ,ka thianpa khan Rinkimi hi a ai awh a lo enkawl sak tur in min ngen a,ka thian tha ber ngen na hnuhnung ber chu ka thlahthlam thei lo, chu vang chuan a nia,a thiam lo tih ka hriat reng ah pawh mi zing ah ka tan tlat ni,a ruk chuan in hriat loh ah ka zilh ve tho,mahse khaw hran ah daih lehnghal midang zawng in ngei hmel deuh a an en lai khan ,a lam ka tang lo thei lo a ni' tiin a insawifiah a, chu thu a sawi lai chuan a thianpa thih na chu a la tuar hle a ni tih ka hre thei


"Mahse Rinkimi hian a duh che alawm" ka lo ti hap


"Ka hria a lawm,mahse ka tan chuan ka thiantha ber min chah ang a,ka venhim tur hmeichhe pakhat mai chauh a ni" tiin a lam ah min kuaiher a ,a chal a ka chal sik tir in a thaw zui ham ham


"Nang chauh hi ka tan a hmeichhe awm chhun leh ka thinlung luah tu,i ni, ka hmangaih che" ti sup in a kut pahnih a ka biang chu khuap in ka hmui ah min fawp zui nghal vang vang


'Ka Hmangaih Che' chu thumal chuan engtin emaw tak min siam a,ka lungphu hi a rang lutuk tlat





Chhiar Tur 👇


Lem comment leh theuh ang u aw,chuan whatsapp group join duh tan a hnuai a group link ka dah hian a join thei aw, he group ah hian story awm veleh post hmasak thin a ni a nga, chu bak ah youtube lam ah story dang ka dah tel thin avangin in hriattir nan kan hmang bawk dawn nia.

Whattsap Group Link👇
https://chat.whatsapp.com/EH6v8Qi8Vv0AtePIU9T8q2


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:17 pm

Josh nen kan inkar chu a tha nge thalo pawh ka hrelo,nizan ah khan a mi fawh na kha ka chhanglet hauh lo na in, ka hnar hran lo bawk a nihkha, min hmangaih thu sawi mahse ka ring zo chiah em ka hrelo, hmeichhia venhim a duh em em chu tudang nilo in Rinkimi a ni a,Rinkimi'n a duh a ni tih hre reng chung hi chuan an pahnih in ngaihngam tak in ka awm tir thei lo, thih dawn a thu chah mah nise, a thuchah dan berkher avang chuan, mithi tawh thleng chuan ka dem lek lek mai.



Ka hna kal tur chu min hruai a tum deuh tlat avang in ,ka hnial hneh leh lo,hospital kawt ah min drop in ,

"I la thinrim reng em ni" a ti sup a, lu ka lo thing mai ,"a nih tinge min biak miah loh" tiin ka mit ah tak min en kar a,ka thaw hak "ka thinrim tawh lo a,ka lungawm chiah em tih pawh ka hre chuang lo" ka ti chuan min en vung vung in "i la lungawi thei mawlh lo a nihkha" a ti chhuak sup,ni e ,a hma ang in ka an buan buan lo na in , ka la lungawi famkim thei tlat lo, engkim a Rinkimi lo inrawlh ve sek hi ka kham takzet bawk .


"A nih chuan i lungawi theih nan e nge ka tih ngai" ,tiin ka chhanna nghak tih hriat tak in min e kar a, 'Rinkimi hlat ah awm rawh' ,tih chu duh viau mah ila,a thianpa vangin a mawhphurh na ah a ngai tlat mai bawk si a,awmzia a nei dawn chuang lo ni a ka hriat avang in 'ka hrelo, eng mah tih a ngai lo ,tikhan awm tawp rawh" ka ti ta zawk,a nui suk a, a nui mawi em em mai lehnghal,

"a nih chuan lo kalhnai teh' ti in a lam ah min pawt hnai a,


"Ka thikthu chhiat zia i hria tiraw" a tih chuan ka lo bu nghat, "i hriat chuan hei hi vuah rawh" ,tiin sunglass hi a rawn phawrh a,hrethiam lo fe in ka en hu ,


"Kha vuah rawh, hei hi vuah la,kha doctor vun var a kha,fur khaw dur ang mai in hmu thim khup rawh,i mit lawng a i en ka phallo" ,tiin a mah chuan sunglass chu min vuah tir a nihchu.


"Awi awi,Lalhriatpui mawla leh, Sangzela hi ka thian chauh a ni,thian chauh,a mah pawn thian leh nau ang bak in min en lo" , ka lo ti hlak, a ni erawh in a lu a lo thing mat mat a ,


"Aih,mipa leh hmeichhia hi thian an ni reng theilo, engtiklai pawn ka veng reng thei dawn lo che a,chuvang in ka aiawh in sunglass kha i vuah tlat dawn nia" ,a ti tlat pek,huiham ,a ngaihdan dan chuan ngai phawt mai teh se, em em lutuk a.


Chutia kan pahnih a kan lo inbiak lai chuan, Rinkimi kan piah deuh atang rawn kal hi kan hmu a, "min rawn hmuh hma in kan kal a nge,chuti lo zawng i tum lian leh dawn e mai,thlem i hahthlak si" tiin a nui hak a, keipawh ka nui ve tho,


"tun ah pawh lungawi emaw min ti ringawt a nge,ka lungawi miah lo a nia" ka tih chuan, "ka hria a lawm chuvang chuan ban ah min lo nghak la ka lo hruai leh ang che," tiin a ni tlanliam nghal vuk vuk,




Tlai ah a min rawn lam leh chuan rose par var nalh deuh mai pakhat hi min rawn ken a,ka lo nui var var,

"Pa thum ka lo keng zawk a, mahse pahnih an til zo vek " ,a tukhum hiat nuah nuah pah a a tih chuan, a pawiloh thu in ka lo chhang, "khawi a mi nge i lawh reng reng a,?"ti a ka zawh chuan, " englo" a ti ban charh,chutih lai chuan kan hospital thlang a mi pi Mapuii chuan , "awi ka rose par a bo leh tawh, a mak thei e, a par, a kung a awm tha hle hle lai pawh an thiak zel duh a, a kung a a awm hian a mawi ber asin" tiin a au lang lang,

Josh chu ka en a, a ni erawh a lo nui put put thung.,tu ta nge a lak tih chu sawi ngai lo in a hriat hle.



"Zanin chu rawn inkhawm ve ta che,ka pa thupui chan zan a nia,i rawn tawiawm ve ang chu" tiin in thlen hnu ah ka sawm a,a ngawi vung vung a,min chhang tawh dawn lo emaw ka tih hnu ah

"Ka hrelo le, min en duh thei riau hlawm in ka hria a" ,a ti nuah nuah,inkhawm chu a chak vak lo a ni tih ka hre mai,mahse ka sawm lui ta tho,

"Nia,ka lo tum ang,mahse min ring bur lo la" a tih tak ah chuan ka khi var var, biakin leh a vel a tal thang lo tih tak ah ,inkhawm tur a mahni kohhran pawh nilo a,han kal zut chu nuam a ti chiah lo tih ka hrethiam ve reng,mahse an mahni kohhran ah a inkhawm paih chuang silo a nih chuan ka hruai theih na apiang a hruai chu ka duh,


Inkhawm lai chuan ka hawikual leh thin,Josh chu ka zawng ru deuh a,mahse ka la hmu miah lo ,'min lo kalsan mai rawh' a tih avang khan ka nghak ta lo kha a nia, a rawn inkhawm dawn ta lo ni ah ka ngai, mahse kan inkhawm bang ka chhuak tur chuan tlar hnung ber a ,an thian ho lo thu thap chu ka hmu a, an vai a an lo inkhawm tih ka hriat chuan min ti hamhaih lek lek nghe nghe,

"Ti khan mak min tih hmel deuh in min en suh,kan zak ve tho a nia" , Rinzuala'n a lo ti bul bul a, "in van fel em em" ka ti hap, a mit ti zim sun in josh an min en a , 'ka ti tha em' tih melh in a ni min melh ni, ka lo nuih deuh sak


"In fel bawk sia, lo leng ru,thingpui tui deuh ka lo lum ang cheu" ka tih chuan an phul hlut a, biakin atang chuan kan in zui chhuak dam dam .

"Pu Rama chu,i rawn hlap tha pap pap khawp mai,ka inhlan hman tep a ni" ,nui vur vur chungin Zawma chuan a ti a,ka pa pawh an ni ho inkhawm tih a hriat atang khan a hlim hmel vur vur hle


"In hlan na hun kan lo hawng lo chu a pawi ngawt a nih chu mawle",tiin ka pa pawh a nui ve huah huah reng mai,

An haw meuh chuan dar 10 a pel tawh, keipawh mu chung in whatsapp mi status ka en kual mai mai, a la reilo viau emaw ka tih lai in dar 11 a lo ri leh der tawh, muthilh tum a ka in tin tuah lai mek in,Josh-a message ka dawng a .


'Rawn chhuak lawk teh' tih hi a lo ni, a haw daih tawh emaw ka tia,tun ang zan tlai tawh ah lehnghal


'I haw tawh emaw tia' tiin a message chu ka chhanglet a,a seen rang viau lehnghal,mahse a out nghal daih a, hepa hian enge a hriat le, ti a ka ngaihtuah lai in a phone call ka dawng nghal zat


"Lo chhuak lawk teh, in inchhak ah ka awm" a tih chuan,ka thu chhuak hlawl,

"Tun ang zan tlai tawh ah in koh chhuah chi em ni,nangpawh haw la mu tawh rawh",tiin ka lo chhang thung,

"Aih,ka hmuh phawt loh che chuan ka haw dawn lo,lo chhuak phawt la,chuan ka haw ang,a nih loh chuan in kawngka ka rawn kik a ni mai" a ti a nihchu,

"Lalhriatpui i mawl a mi" zawi si ,sehchilh zet si a ka tih chuan a nui ri hawk a,

"Aw ka mawl tawh nangmah vang in", a rawn ti a nih chu,ka chek tlak tlak ringawt .


"I rawn chhuak dawn em , nge in kawngka ka rawn kik dawn" ti leh in a ri deuh sat sat a, kawngka chu a rawn kik tak tak ang tih ka hlauh avang chuan,

"Aw , a nih,ka rawn chhuak" ka ti leh ta nge nge,hepa ka tawn hnu hian zan a chhuah ruk ka ching ta zeuh zeuh a,ka chhungten hria se chuan an lawm lo viau maithei a ni,


Thawm dim tak in ka tho chhuak a, inpui ka thleng chiah tih chuan ka nu tui nen kan intawk phut,ka va han phu nasa chiang tak,


"Khawnge tun ang hun ah kal i tum a" tiin min en deuh run a,


"Khawnge kal se min tih a,12 a rik dawn tawh hi, tui ka in dawn a nih hi ka bottle a mi a zo tawh a" tiin,a zawhna ngaipawimawh loh hmel zet in choka lam ka pan a,ka nu chu a ngaih a tha zan lo nge ni,choka lam ah pawh min la rawn zui hram,


"Tui in tur ringawt i va inthuam lum ve,chhuak tur te pawh i ang alawm" min tih chuan ka tui in lai ka hak lo chauh, chik zet a min en in ,a mit atang chuan lazer a kap chhuak dawn emaw tih tur a ni, a ruk chuan min man chhuak mai ang tih ka hlau zek zek


"Aw,a vawh em hi,rizai hnuai ah lum mahse thawh chuan a vawt surh a lawm, bak ah tikhan min veng run suh i fanu hi mi khawlo deuh a min chhuah i tum em ni" ka tih chuan,a lo chek deuh hlak, tui bottle pakhat la in,ka nu pawh ngaihven zui ta lo chuan ka room lam ka pan lehnghal a,min rinhlelh loh nan tiin kal pah te chuan ka ham der vel chiam bawk,



Room ka luh veleh Josh text nghal in, "ka nu a lo harh a,ka rawn chhuak tur leh,a tui in kan intawk a,min man chhuak teuh lutuk , ka lo chhuah theih pawh ka ringlo" tih chu ka thawn a ,a seen rang hle,



"I nu muthilh awm ah lo chhuak mai rawh,ka lo nghak ang che" tih a rawn la thawn hram a nihchu,ka va han kuk lawlh chak tak,

Darkar chanve dawn hnu ah a ruk in ka chhuak ta them them a,ka nu te an harh loh hram ka beisei ,


Pawn ka chhuah fel meuh chuan,ka thaw hawk thei in ka hria,pawn chu a lo vawt vur a, ka puannuam ken chuan ka in tuam hlun bawk , kawmchhak lam a eng de zeuh ka hmuh lam ah chuan khur beuh beuh chung in ka kal a ,



"Tun ang hun ah in kohchhuah chi pawh a ni ngai em ni" a bul ka thlen veleh ka ti nghal hlak hlak,

'Lo kal teh ka ngai che" tiin ka thusawi ngai pawimawh lo zet chuan,a lam ah min pawthnai a, min kuah nghal hlu hlu,



"I rim chu leh, " tiin kei ka ner nghal nawng nawng thung


"Min lo zui rawh " tiin min kai a, kan in atang a hla ve deuh ah,min kalpui in,thla a eng tha bawk a, boruak vawt vur te chuan a kan awm dan chu a ti romantic riau in ka hria


Kan in atang kan awm hla ta deuh tih chuan,hnunglam atang min kuah hlu hlu in ,a chang in a nui leh hak thin,a nuih a piang chuan zu rim chu ka lo hip chiang thei ngei mai,


"Khawi a mi nge i lo in leh hman a" ka ti deuh nghat , " kan haw hnu khan kan in mawle,mahse ka in tam ve lo no khat chiah" tiin a in sawithiam nghal zung zung , ka thaw hak , a nun zawng zawng control chu ka tum miah lo,a na zawng in a zu in chung chang pawh ka sawi duh chuang lo, ninawm ka chan thuai ka hlauh vang a ni pakhat,chutih rual in zantin deuh thaw zu rim a nam reng erawh hi chu tha ka ti lem lo.


'Ka tihpalh, " ka beng bul ah a ti thawp sat a, eng vang kher nge maw ni,ka lo mur chuaih thei a nihchu, "tun a ka kohchhuah chhan che hi i hria em" ka beng bul ah bawk chuan a ti leh sup a,lu ka lo thing mat mat ,


"I phone kha en teh, dar 12 rik nan minute engzat nge la awm" , a tih chuan dar zat chu ka en ve mai bawk, 12 rik nan minute khat chiah a lo awm tawh a nihchu,

"Minute khat a la awm" ka tih chuan a bu nghat a, "a nih tun ah khan " a tih leh chuan sana chu ka en leh,a awm dan chu ka hrethiam pha lo ka zawh lah in min chhang tha duh bawk silo , ka titau lek lek tawh.


"Dar 1am a ri chiah" ka ti deuh hmuk, chu thu ka sawi zo chiah tih ah chuan a lam ah min kuaiher in ka hmui ah a fawp nghal vang vang a, ka hamhaih lek lek a ni , reife kan infawh hnu ah in la hrang in,a chal in ka chal a sik tir an,a thaw lum ham ham chu ka hip chiang thei hle bawk .

"Happy birthday , " a ti zui sup, ka meng deuh awk , ka phone calender ka en nghal vat a,ka birthday a ni tih ka hre chiah, ka birthday hma in nikhat dang a la awm emaw ka tia,ni ka hai chiang lutuk tlat , Josh chu a nui hak a,
"i birthday i theihnghilh elaw" tiin min nuihzat hmel hle,


"wish hmasa ber tu che nihloh ka hlau lutuk a,chuvang a nia ,ka koh chhuah tlat che" a tih chuan,eng mah sawi lo in ka kuah nghal vawng vawng, keimah ngei pawn ka piancham ka hriat loh lai a,a nin a lo hre kar chuan min ti lawm em a ni ,


Thla eng hnuai a, kan hun hman mek chu a romantic zual sauh in ka hria a,ka nui var var reng mai .






Zing ah hma deuh in ka tho a, duty ka ngaih a vang a tho hma ka ni,zan lam ah ka mu tlem bawk nen ka lu a na ngut ngut thei, ka zingtho chu, ka nu leh pa in birthday wish min lo hlan nghal a,an theihnghilh ve emaw ka ti kha a nia,a lo la hria tih ka hriat chuan ka hlim viau mai,

"Zanin ah kan lawm dawn nia, birthday cake pawh kan order sa vek " ka pa in a tih chuan lawm tak ka ni, ka nu leh pa chu lawmthu ka hrilh mawlh mawlh , phur deuh in duty tur in ka chhuak a, ka thiante pahnih Remi leh Sangzela pawn min lo wish bawk, zan lam a ka pa in birthday min lawm sak tur thu leh,an ni pawh ka thian kawm ve ber te an nih avang a lo kal ve ngei tur in kan inchah uluk hle,


Zan a lo thleng a, mi ka sawm hnem lem lo bawk , ka sawm ang te erawh an rawn kal kim viau thung, Remi leh Sangzela te pawh rawn kal in present tha deuh mai min rawn ken a lawmthu ka hrilh mawlh mawlh


Dar 8 rik tawh hnu ah pawh Josh-a hmel hmuh tur a la awm lo a, ka hawi ka hawi tawh,a tello a cake cut kha ka duh bawk silo a , a thian te dang zawng erawh an rawn lang vek tawh a,an ni ho ka zawh lah in vawiin lam a an la inhmuh miah loh thu in min chhang,


"A lo kal dawn lo a niang,cut phawt la,a lo kal tak leh cake kha lo dahtha la,a buai pawh a ni maithei" ka pa chuan a ti a, mipa khat lek avang a midang in nghah tir chu ni thei in ka hre bik silo, rilru nuam lo deuh chung in cake cut tur chuan cake hma ah ka awm ran tawh,ka pa in thu tlem a sawi hnu ah cake cut chu ka tum ta a,


Cake ka cut hma hret chuan,kawngka lam atang Lalhriatpuia chu a rawn in chhuih lut khut khut a nih chu, zawngtah tam tham zet hi a rawn khai uai thuah thuah bawk, kan lo en thap chu a zak ve deuh a niang ,nui suk suk chung in ,a thukhum chu a hiat nuah nuah ,


Hriatpuia ber a rawn thleng tawh bawk a tiin,cake pawh ka cut ta a, cake ka cut zawh chuan ei tur dang ka ni fate ho in an buaipui nghal zung zung,


"Ngati nge i van rei ve a" tiin ka bul a lo kal hriatpuia chu ka lo chhuah chhal nghal a , zawngtah a la khai bawrh teuh nen
,"Ngati nge zawngtah kha" ka ti leh he haw,


Chutah a thil khailai chu hrechhuak zawk ni awm in, a en vut a,ka lam a rawn lek phei pah in

"Happy birthday nawn leh,i birthday present a nih hi" a rawn ti hem mai, ka va han meng phawt tak ,


"Zawgtah hi,ka ta tur maw" ka tih chuan a lo bu nghat a,

"Vawiin ah huan ah ka kal a,i tan liau liau ka zuk lo a nih hi,chu vang alawm ka rawn tlai" a tih tak ah chuan ka nui nasa ngang mai, ka birthday present atan zawngtah kung a a lawn tur ka mitthla chuan ka nui lo thei lo,


"Ti vak vak nge a" Remi chuan a rawn ti a, "hei ka birthday present,ka bialpa hnen atang in" tiin zawngtah chu Remi hmuh ah chhuang zet in ka lek vah vah ,


"Maw! Birthday present maw,zawngtah berkher" tiin Remi nuih chu a za ngang mai, kapa pawn

"Naktuk zing ah chuan mambawihi birthday present kan ei nam ham ham dawn a ni mai," nui huah huah chung a a tih chuan Josh pawh a nui ve suk suk mai ,


"Thildang pek tur i hre thlawt lo em ni" tiin Remi chuan a zawt a,josh chu a ner nasa ngang mai


"Tunlai ah zawngtah to tawh zia hi hre ta che,kha thil kha an chaw ei vawi eng emaw zat chu an hmeh thei ang,ka rem hre ngawt zawk a lawm" a lo ti hluk a nihchu.,a hmel leh a zawngtah rawn ken zawng zawng nen chuan kan va han nuihpui hnem tak ,




Zan a tlai hret hret a,thenkhat an haw tawh Remi erawh riak ve tur a ka tih tlat avangin a riak dawn a, Sangzela erawh cake cut zawh hnu lawk khan a haw thung


"lo kal lawk teh" tiin Josh chuan balcony lam ah min pawt hrang a,


"Zawngtah chauh kha thilpek ka lo keng bik lo a nia" tiin a kekawr ipte a zen ruk ruk a , chutah silver bracelet nalh zet mai hi min bun tir a, "en chiang la,i hming leh ka hming ka chhut tir a nia" a tih chuan ka bracelet bun lai chu ka en chiang a 'Puitei + Josh' tih hi lian vak lo hian a lo inziak a,


"Chuan hei ka ta ve thung" tiin a ban a rawn lekkang a,ka ta ang chiah chu a ni pawn a lo bun ve reng mai,couple bracelet a lo order reng a nihchu,ka hlim lutuk chuan kuah nghal chuk chuk mai ka duh

,"Ka lawm e aw,a mawi lutuk" tiin ka nuih var var,

"I lawm tak tak a nihchuan eng emaw ti rawh" tiin min rawn awm hnaih deuh a,a biang a rawn dawh nghal bawk,keipawh hawi kual zak zak in a biang a fawh chu ka tum a,mahse a lu chu ti her thut in a hmui ah chuan ka fawp ta zawk a,


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:18 pm

"Josh-a i birthday present chu a tui khawp mai, lei belh tur in neih phei chuan min lei tir nghe nghe ula a tha ang", tiin josh-a chu a lo be luam a,

"Vawiin ka nutei nen lawh kan tum a, ka lo hawn dawn cheu nia" ,josh pawh chuan a lo ti ve mai, huan ah an kal dawn a nih si chuan, min thlah kher a ngai lo asin mawle

"Huan a kal in tum a nih te chuan,min thlah duh kher suh,keimah pawn ka kal thei a lawm,tlai ah min rawn ram leh kha a ngai awm sia, i tan a buaithlak,bak ah i chhungte lak ah pawh a inthlahrunawm", ka ti a,a ni erawh chuan "mo atan ka chhungten an duh che, duh lo che pawh nise ka rawn luhkhung mai ang che", a ti a nih chu, engmah lah hi thutak pui theih loh, nitin deuh thaw ka hna kal tur min hruai a,min rawn lam leh thlap thin bawk si a, ka tan chuan in thlahrunawm ve duh lutuk.

"Eng mah lah hi sawipui theih loh, " ka ti hlak nghe nghe,a nui suk a,,
"rawn chuang rawh,ka bike hnung ah hian rawn uipui thut vung teh' a tih chuan a dar ah ka beng tawlh,

"Ka uipui thut kher lo a nge" tiin bike hnung ah chuan ka lawn a,

Hospital kan thlen chuan, ka kal tlai ber a nih hmel, bike atang ka chhuk hnu ah a bul ah chuan kan ding leh ren rawn phawt a,

"Enteh josh" ka tih chuan mitko min sankhum ak,

"Sangzela i hmuh apiang in tawngkam ngaihthlak nuam lo hman khum tawh suh,thian chauh kan ni ka tih kha,a bak a awm lo",ka tih chuan min en lo in a bu nghat nghat a,a awm dan chu ka rawn tawk tling viau mahse,engtin erawh ka ti hran lo.

"Ka lo tum dawn nia" a rawn tih tak ah chuan ka thaw hak,

"Nizan chu sawm loh zing ah ka tel a ni maw", tih pah in kan bul ah Rinkimi a rawn kal a, a nui vei sawng bawk, chhan en ah pawh ka en lo,

"Kha i va dam tawh hmel ve" tiin josh zawk chuan a lo bia a, "nia hei dam tawh lutuk,hman zan a i damdawi min rawn ken kha ka ngeih a niang" tiin a ban chu kan hmuh theih tur in a lek valh valh, tuam pawh a tuam tawh lo, na lutuk kha a nih ka ring lo hrim hrim reng a ni,

Engtik lai in nge Lalhriatpuia pawh chu a in ah te a lo va kal hman teh hrep ni, engmah min hrilh lo chu ka lawm lo hle, Rinkimi nen kan in mil loh zia hrereng chung a zan zan a a lo va kal dawk dawk chu lawm lo tak ka ni,Josh chu ka melh run run a,a ni pawn Rinkimi thusawi lai a ,min rawn melh zawk bak kha chu min melh leh tawh miah lo .

"A that hlauh chu" tih ringawt a chhang in,keichu min rawn en a,ka lo melh deuh run a vang nge,nuam lo ti hmel a pu deuh in ka hria, "i thil ti sual lai man ang mai a,kha ti dek duk in min en suh"ka lo ti hmuk ,

"Puitei hi i strick riau in ka hria,i bialpa hi ka thianpa ve tho a nia" nui pat pat chung a Rinkimi'n a tih chuan,ka nui tawi tak,a ni biak hi ka chak hlawl lo e ,khinlet chiam tlak ni hauh silo a tawngkam ngeiawm tawk lek hman lah chu a chem kal na zawng emaw tih mai tur in,an hmang thiam em em mai leh nghal,

"Strick a ngai a lawm,khawilai emaw hmeichhe zahna chang hre miah lo ten,ka bialpa hi min chuhpui ka hlau a, tunlai mi hi chu an zakthei lo tawh lutuk, kawplai nei tih an hriat reng pawh an zar reng peih" ka lo ti ve hmak. Za lo deuh a nui in a kalhrang ta daih a,a tukhum lam atang chuan ka nem bu lawp chak kher mai ,zit zet reuh hian.

"A nih chuan ka", Josh an a rawn tih chuan, "nangkha" tiin ka melh nghal nghek,

"E nge keichu" pha dui a a lo tih chuan ka van chum chawrh chak tak,

'Engtik lai in nge Rinkimi in ah i lo va kal a,"ka tih chuan , "min biak duh loh lai khan" a lo ti sup,ka thaw hak ka thinrim em pawh ka hre chuang lo, mahse min hrilh lo erawh ka lawm teh chiam lo,

"Tun atang chuan Rinkimi i hmu leh dawn a nih chuan,min hrilh thlap ang che, a fal a hmuh daw daw pawh a ngai lo" ka ti a, lo bu nghauh in, "i thik chu i chhiat hian i cute" a rawn ti pek a nih chu, mi lungawi loh la lai a,

"Lalhriatpui, ka fiamthu lo aw" ka ti leh vak, "i thinrim phei hi chuan ka duh zual sawt zel che" a la rawn ti cheu, keipawh ka lungawi lo reng thei ta bik lo,ka nui chhuak hawk , "tun ah chuan i nui thei ta bawk a, kan let tawh a nge, i pa zawngtah tur lawh ka ngai, makpa interview nan a tha phian in ka ring ,zawngtah ka rawn pe ziah ang cheu",a tih chuan ka nui hak hak,a ti mak thei a nia,a mah lah chu a thu tak hmel em em mai lehnghal,

"Nak tak hi chu aw" ka tih chuan, "mibik ka nia,chu vang chuan min tawng hi lawm viau rawh" a lo ti leh zawt zawt,a chang a tawng tha duh mang lo hi,a chang hi chuan kei ai ai in a tawng tam zawk thin .

"Aw ka hria, mibik pa,haw tawh rawh,zawngtah tam deuh i lo dawn nia" ti hlak in ,kan in thlah a,a tlanliam thleng chuan ka enzui a ,

Duty na ka luh chuan Remi leh Rinkimi bak ah kan thawhpui mi pahnih an lo awm,

"E he, Zonunpui bracelet thar i nei elaw",tiin Remi chuan kaa bracelet thar chu a lo notice nghal chat, "ka birthday present a nih hi" ti a nui var var a ka chhan chuan, "eh,zawngtah chauh chu in lo inpe bik lo a ni maw",tiin a mitko san ak pah chuan min fiam zawm zat,

Chhuang deuh in kan couple bracelet chu ka hmuh a,Remi pawn nalh a ti ve ngang ni tur a ni," hetiang chiah hi ka duh ve , in hming tello hian,"a ti reng mai, chutih laiin kan sir a lo awm ve Rinkimi erawh in ,min ei loh hmel zet zet in kan thusawi lai chuan a hmel a lo ti ner kawi vel a,ka eng ah mah a thawk pha lo, ka bialpa hi eng ang pawn lo duh ve mahse, ka bialpa hi chuan a thianpa bialnu hlui ang chaih in a en tih ka chiang ve e mai.

Ka dutu zo,Josha'n min rawn lam chu ,hnathawh thawmhnaw nen a nih avang in zawhna mitmeng in a ni chu ka lo en a,"kan haw chiah a,in ban a hun tawh sia,ka rawn tlang a nih hi,tihfai pawh ka la in tifai hman lo,ka tibal em lo che maw", ti nghal zung zung in ,biak atang a chhuk a ,

"Naktuk atang chuan min hruai tawh suh, i chau lutuk ang" ka ti ta ringawt,chhun ah hna a thawk ve tho bawk si a,a chau lutuk ang tih ka hlau ,

"A ho lutuk, ka chau hleinem, nitin i hna kallam leh haw lam hruai che hi nuam ka ti ve hrim hrim,," tiin min rawn en vut a., "khulai deuh ah khuan zial a zuk theih em,ka zu chak tawh lutuk" tiin min zawt a, kan thlang deuh ah a zuk theih thu ka hrilh chuan,chu lam pan chuan a kal nghal nul nul , keipawn a kalna lam ah chuan zui ve in ,a zial zuk na bul ah chuan ka ding ve ran a,hnathawh thawmhnaw pawh a in hmeh thlup a, a kekawr pawr fap leh a kawr hnathawh thawmhnaw tih hriat zet a uk kharh tawh te chen chuan a in hmeh fai vek, khawpui tlangval mah nise,thawh hreh a nei miah lo te hi a ruk chuan ka chhuang takzet

Ka lo en reng a ni chek ang chu,"ka hmeltha tih chu ka hria,mahse min en reng suh,ka zak ve thei a nia",nui ruh ruh chung a a tih chuan harhchhuak zawk in ,ka hawisawn rang hle, "ka en bawk lo che a" kan ti ngawt pek a,dawt ka sawi zia chu kan pahnih in kan chiang hle ang, meizial chu a pak khu hlat hlat a, a zuk zawh veleh kan haw nghal bawk ,

Khua a tlai deuh tawh avang in ,bike a han chuan thawt tak ah chuan a vawt vut mai, kawr ban tluan ka hak hlauh avang erawh chuan ka vannei viau, kan boruak hnim ruih chu a eng emaw romantic ru riau in ka hre bawk, rulkhai phei a kan tlanlai chuan a kawng ah ka va kuah a,a lo phu deuh zuk,ka nui chhuak hawk a,a ni pawh a nui nghawr ve dat tho,

'Ka bal a sin" a tih chuan "pawilo ti hian ka khuah duh che a lawm" ka lo ti thuai, a kut lehlam zawk chuan ka kut chu a rawn hmer zauh a, a lasawn leh nghal thuai,a hnung ah bei hle hle in thifim chuan min chhem heuh heuh a,he mipa zun ah hian ka uai hneh tawh lutuk tlat,tun ah chuan duh mai pawh nilo ka hmangaih tawh hial a ni tih ka hria,

Khua kan thlen chuan kawn ah ding in,dawr ah ken peng kawi a,

"Kha josh-a chu,boss i lam leh phawt em ni" tiin dawr nghak tu u Mahriati chuan Josh chu a lo fiam zuk a,

"A nih hi, te reuh te mah nise a kawlh ve phian a,lam loh chuan a titau a nga kan buai lutuk ang",ti a lalhriatpuia'n a chhan chuan a nak ah ka lo kawm zauh,a ni a lo eu zawk thung,

"Hei a kut te hi a ram a nia" a ti zawm zat pawh,u Mahriati a nui hak hak a,keipawh ka nui ve ta tawp

In ka luh chuan ka nu leh pa te hi tv en in an lo thu a,

"Zanriah i ei hma in lo thu lawk teh" an tih avang in an bul ah chuan ka thu ve ta phawt.

"Hei ,i u in min rawn be zo chiah a, i u Mami scooty in a accident a ni awm e,na lutuk chu a nilo na in,a che hleithei meuh lo a niang, naktuk lam a aizawl a chhuk mai tur in min rawn ti a",ka pa chuan a ti a,

"U mami a accident maw,ti nge eng mah min rawn hrilh ve loh, hman ila chu keimah zawk hian zuk awmpui ila tha tur a nia" ka ti hliai,a chang chuan hun awl ka nei lo lutuk hi hreawm la ti thin ka chhungte puih an ngaih hunlai pawh in ka pui thei lo chu a nia, tun ah pawh ka nu leh pa ngawt ai chuan keiman awmpui ila, engkin ah u mami ka chhawk thei a nga,bak ah damdawiin pan zel ngailo in inlam ah ka lo enkawl thei bawk a nga ,mahse ka hna ka chawl ngawt thei bawk silo.

"Aa,ngaihtuah awm a ni chuang lo bawk a, i nu nen kan zuk awm pui ve lawk a nga,rei tak phei chu kan awm thei lo ang,lo lam ah zu va an nghal si a, nizan lam ah pawh i pu te lo ah Sanghal a chhuak a ni awm a, zanin ah i patea ten an chang dawn a nihkha" ka pa chuan a ti duah,

"Patea chuan lo kap hlauh se,sanghal sa ei pawh a khat a lawm le,a rep ka ei chak",ka lo ti ve thuai, ran sa lam ai mah in ramsa hi kei kan duh tlat pek a,sanghal leh sakhi sa tih vel phei hi chu tui ti tak ka ni, ka pa pawn rawn hlawhtling hlauh se a tih thu chu a sawi ve chuar chuar mai

Inbual hmasa zet in ,chaw ka ei leh a, ka eina vel ka tihfel lai chuan Josh leh Zawma an rawn lut a ,an thian dang te erawh an rawn lang ve lo , an bul a ka va kallai chuan josh chuan ka pa te lo insiam mawlh mawlh chu lo bia in,an kalna tur a lo zawt a niang ,ka pa chuan,

"A u mami a chesual palh a,ngaihtuah awm ni lo mahse a nu nen reilote tal chu kan zuk awmpui a nge",a tih chuan min rawn melh zawk a,a nui in ka hria,a ngaihtuah na ka hriat chian em a vang chuan ka lo melhrum nghek

"E, chu in nupa a in kal daih te chuan Puitei a mah chauh in a awm dawn asin," awmze nei deuh in Zawma chuan ati a,tullo ka va han ti tak,ka pa chuan nui huah huah chungin

"Nangni in awm a,in lo va leng ziah a nga,a khua a har bik lo ang' tiin alo chhang a,josh ka en chuan a lo lawm hmel vur vur hle,

"Zanin chu ngati nge in pahnih teh tlawng",ti a ka zawh chuan an in melh tawn ralh a,

."nia, kan pahnih chauh kan ni a nih hi,kei leh josh-a chauh", nui pha deuh dui chung in Zawma chuan a ti a, ka mit ka lo ti che ralh,

"Nia in pahnih chauh a in nih chhan chu ka zawt reng cheu alawm,zan dang ah lem pawh then theih loh ang mai in in inzui chawt a",tiin ka melh deuh ran,Zawma chuan josh chu a melh leh ralh ralh thin a,eng emaw zep chu an nei tih ka chiang hle, zan dang in hetiang chet chut hian an awm ngai reng reng lo,

"Aw, i van dilchhut reuh tak, mipa an nia, ka thuhnuai a awm pawh an ni hleinem,an duh na hmun hmun ah an kal ve ang chu,an ke ah kan hling reng bik lo" Zawma chuan a rawn ti deuh hluk, ka nui rah rah a, dar 8 a rik meuh chuan,an in melh dun ralh ralh a thawh tum ni awm tak in an mawng an kan leh uk uk thin,an bet hlawl lo

"Haw in va chak tawh hmel ve,ek uk a cheu",ka tih chuan Josh chu a nui ri suk a,a ni pawh zanin chu a tawngtlem kher mai, chutih rual in nghahhlelh nei ni awm tak in a bet lo ru riau thung ,

"Chu lam pawh a nilo,josh hi a nute in lo haw har suh a tia," Zawma zawk chuan a lo ti leh a,ka nui tawi tak,ka va han awih lo ber mai , zan in chu zu rim an nam lo a, an thian dang ten khaw thenawm a mi la in chumi chu an lo nghak a nih ka ring ta ber, chhan chu kan khua ah duh duh a zu in tur a awm ve lo a,zu in duh chuan khawdang a mi an la thin

Chutih lai chuan Josh-a phone chu a rawn ri a,a chhang rang kher mai, Zawma nen chuan in mitmei zeuh in,an ding kang nghal uai a, an in mitmei lai kha ka lo hmuchiang ngang mai

"Kan haw phawt mai a nge,zan dang ah kan lo leng leh ang , pu Muan nangni pawh tluang deuh in in kal dawn nia aw",tiin josh chuan ka pa chu a bia a,keichu min rawn en leh in a nui suk a, tawng pawh ka tawng ve hma in Zawma nen chuan an chhuak nghal vut,

Ka khum ah ka mu meng kar a,ka nu te pawh thawh hma an ngaih a vang in an mu hma deuh bawk, ka phone chu ka melh leh zeuh zeuh thin a,zan dang ah chuan tun ang hun ah hian Josh-a message ka dawng tawh ngei ngei thin,zanin erawh a message ka la dawng miah lo, a last seen ka en a 3minute ago a lo in tih avang chuan ka thinrim deuh tun,ka call mai dawn em ni ti a ka ngaihtuah lah in, call hmasa tu zawk nihchu ka hreh bawk si ,relote min biak loh hlek a hreawm ka tih hman zia chu keimah pawh hi mak ka in ti hial,ngaihzawng chu tun hma pawn ka lo nei ve fo tawh thin,mahse hetiang tak hian tu mah ka la vei ngai lo

Chutia a last seen ka en lai chuan online a rawn in ti thut a, chat atang chuan ka out rang teh asin, mahse minute nga hnu ah pawh a message ka la dawng chuang miah lo,a ruk chuan ka thinrim tun tawh, online a la in tih reng tho si avang chuan,tunge a biak ang tih mai mai ngaihtuah in,ka ngaih a lo tha lo ve em em ringawt .

Josh chuan status a rawn up a, ka en nghal vat ,Rinzuala te ho nen an thlalak ni in caption engmah a siam lo, status hi a nei zen zen lo bawk, an thawmhnaw hak atang chuan zanin a an lak ni tur a ni, an ruih hmel em em mai bawk ,Rinzuala te chuan khaw thenawm lam a zu chu an lo la chiah a nih dawn hi, status a rawn up atang a minute hnih a liam leh hnu ah pawh min la rawn biak loh avang chuan status ah

"Lung a leng hle mai", tih hi ka up a,a en rang leh hle si,a message a rawn lut nghal zat bawk

"Tu nge i ngaih a" tih hi a lo ni,ka ngei ve em avang chuan a message chu ka open lawk duh lo, mi nghah hreawm zia hre ve hrim hrim rawh se tiin,minute sarih vel hnu ah ka reply a

"Ngaih bik pawh ka neilo" tiin a ni ka reply

"ka hming i rawn sawi ka ring asin" tiin lungawi lo chung a ngui nghiang emoji hi a rawn hmang a ka nei sak,ka chhang peih tawh lo,nichin mai kha chuan min biak loh avang in ka thinrim a,min rawn be ta cheng a ka be leh peih chuang lo,ni e hei hi chu hmeichhe dan pakhat ve a ni,be chak deuh siin,an mahnin min rawn biak mai loh chuan kan lungawi lo a, min rawn be ta cheng a,lungawi loh na avang bawk in kan lo be tha duh lo leh ta tlat tho thin,keimah chauh hi ka nih ka ring bik lo.

Ka chhan loh vang nge,josh-a call chu a rawn lut thuai a, ka lo chhang ve mai

"Min reply lo a" a rawn ti sup a,

"Nia" tih ringawt in ka lo chhang, a thian te nen an awm ho tawh lo nge ni,thawm chu a reh duak mai

"Bawihte" a rawn ti leh dut a,ka chhang lo

"Ka hrin ni silo a,ka naute" a rawn tih leh chuan ka ner nang nang

"I rui a nih kha,eng tin nge i hrin ka nih theih reng ang mawla,mipa i nihkha" ka ti hlak,a nui hawk a

"Chu vang a lawm,ka hrin ni silo a, ka naute ka tih reng che ni" , a rawn tih chuan ka nui deuh hak,a ni pawh a nui ve tho,mahse kan inbiak laklawh lai a hmeichhe aw lo chhuak chu ka hriatsual nge, ka ngawi vang vang chutah chiang zet mai hian

"Josh, hetah lo kal teh" hmeichhia in a ti ri chu chiang zet in ka hria,tu aw nge a nih tih lah ka hai hek lo, hmeichhe aw a rawn rik atang josh chu a reh vang vang a, reilote ah call chu a in cut zui daih bawk,ka lungphu chu a su dup dup a, Rinkimi khan Josh-a bul ah tun ang zan rei tawh ah e nge a tih ang, thawm dang ka hriat loh dan ah ,an pahnih chauh in em ni an awm, eng mah hrechiang lo mah ila,ngaihtuah na ah Josh leh Rinkimi te pahnih chauh an awm a,hah a van dam lo tak em.




👇👇
Comment leh theuh ang u aw, chuan whatsapp group join duh tan,link post na ah khan whatsapp group link ka dah bawk a nia aw,


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:18 pm

Zankhua in Josh-a message emaw,call pawh ka dawng tawh lo, ka ngaihtuah na ka vahkual thui tir em avangin mut pawh ka muhil lawk thei lo,


Zing ah kan tho hma a ,ka nu leh pa Aizawl kal tur pawh ka thlah thlap, chumi hnu ah rawngbawl leh thuai thuai in,keimah chauh in ka ni bawk a, ka awlsam phian bawk, ka hna kal dawn chuan Josh kan nghak rilru leh ang ren rawn phawt , a chhan pawh 'a tullo' ti mah ila nitin ka hna kallam leh haw lam min hruai phet a tum thin avang hian ,keipawn tlem in ka lo ngai neih ve deuh tawh, mahse reife ka nghah hnu ah pawh rawn lan tih a neih theih tak siloh ah chuan ,ka scooty la chhuak in mahni chuan ka inkhalh chhuak a.



Ka ngaihtuahna ah nizan a ka thil hriat te kha rawng lang leh thin in,ka awm chu a nuam thei mawlh lo, kan bialpa te leh hmeichhe dang lo duh ve em em tu nen zanlai ah an awm dun a ni tih hria ila, tu hmeichhia mah hi ngaihtha tak in an awm theih ka ring bik lo.



Hospital ka thlen chuan Rinkimi ka zawng nghal vat,mahse ka hmu lo,hospital huam chhung chu zawng kim hneh tak ka ni tawh,ka ngaihthatloh na lah chu a nasa tial tial mai bawk si nen,keimah chu ka hah hluah hluah,


"Mate,tu nge i zawn a" tiin Remi chuan min zawt a,ka teikual deuh vut vut nen a ngaih a tha chiah lo a nih ka ring,


"Englo ,Rinkimi ka zawng a ,a lo kal tawh em" pangai thei ang ber chuan ka ti a,ka buai ruk na chu tihlan loh hram ka tum ,a chhan pawh eng mah prove na ka neih loh avang in an ni chu ka pawngtawng puhchhiat ngawt thei bik lo,

"Aih ,la kallo a niang ka la hmu miah lo" ti a min chhan chuan, ka ngaihtuahna ah thil tha lo pui pui a lo lut a, Josh nen zan hun an hmang dun ngei ni a ka rinna chu a lian tawh hle.

"Tinge a ni chu i zawn ve teh mial a, nangmah i ang lo tep" ti a min zawh na chu awm lo ka ti lem lo, Rinkimi hi nidang zawng ngai miau hek lo,zawn chu sawi loh a hmel hmuh reng ka peih lo thin kha a nia


"Englo" ti a Remi zawh na chhan ka tum lai mek chuan , Rimkimi leh Josh-a rawn inphur chu ka hmu a,ka tawng tawp chat,an ni chu ka lo en reng a, Josh-a bike hnung ah Rinkimi chu intihtheih hmel fe a chuang in a rawn nui sang a , an ni pahnih rawn inphur ka hmuh chuan,ka lo rindan chu a dik chiah a ni tih an rawn nemnghet ni mai in ka hria, ka awm zawn chu a tawt nghal up up a,ka awmdan hi ka sawithiam lo, ka hrawk te chu an na vek ni mai in ka hria, ka duh na ah huaisen in pawr ve viau thin mah ila, a nih na tak ah chuan fanu mal ,duat rawn ka lo ni bawk nen,ka hnuk a no em em a, ka mittui hi ka in rin hma in an lo tla leh mai thin.



"Puite i va hma awm ve" tiin Rinkimi chuan min bia a, in ti hnehtu tak in a hawi deuh vah bawk, a mi biak na chu ka chhang buai peih lo.

Josh pawh a bike hungrem in kan lam pan in a rawn kal a, ka lo en chik hle, ka bul ah chuan rawn ding in,min melh zawk pah chuan ,

"I thlen na a rei tawh em" a ti sup a, ka nui tawi tak, he mihring hi ka be peih hlawl lo,melh pawh ka melh peih lo.

Ka hlim lo hmel chu a hrethiam ve a ni chek ang chu, min en vung vung in

"E nge dik lo" a ti thum dut,mi zaidam tak ka lo ni lo bawk nen ,ka thinrim chu a sat hian ka sa pap pap hial in ka hre tawh, a hmel en tur a a lam ka hawi chu ,a nghawng a lian vak lo a senduk raih lo awm chu ka melh ngawt ngawt, ka awih thei lo ka thil hmuh hi a dik chiah em,ka rilru na lutuk chu tawng pawh ka tawng chhuak thei lo, mittui tling pam in a hmel chu ka en a,ka awmdan avanga mak ti hmel deuh hian min lo en


Ka tawng a nih chuan ,hepa hma ah hian ka tah mualpho mai ka hlauh si, thinrim leh rilru na deuh chungin engmah sawilo chuan ka tlansawn nal nal,


"Puite" ti a Remi min au zui lawm lawm ri pawh chu ka hre rei ruai chauh .


Bathroom ah ka tlanlut a ,tah chuan ka ka hup chung in ka tap khur ta ngat ngat, mipa vang hian ka tap ngailo a sin,mahse tun ah a vawi khat nan, mipa vangin ka tap ta chu a nih hi,reife bathroom a ka awm hnu ah in phihfai in bathroom atang chuan ka chhuak a ,dutu na room ka va luh chuan nui pat pat chungin Rinkimi chuan min lo melh ralh ralh a,insum kar na nei miah lo a ben her lawp chu ka chak takzet


"Mate,e nge thleng,i tap em ni" min ngaihtuah zet in Remi chuan a lo ti nghal mawlh mawlh,


"Nakin ah ka hrilh ang che, tun ah chuan eng mah ka sawi chak rihlo" ka ti zawi sep,


"Nizan chu Josh-a te in ah ka rawn riak a" thawveng zet in Rinkimi chuan a rawn ti a, "a ni maw" ka lo ti hmuk , a rawn in sawitheih leh kha ka rin sa reng a ni.



"Nizan i rawn phone lai khan" a rawn tih leh chuan,a thusawi lai chu lo pawtchat in rum zet in ka melh nghal nghek,a ni pawn min tham loh hmel zet in min lo enlet ve kar bawk .

"Eng ber chu nge i sawi tum,min rawn intihtheih khum i tum ve deuh tihna em ni, enteh ka hrilh ang che Rinkim,nizan ah Josh te in ah riak in,eng pawh chu lo ti rawh u,ka ngaipawimawh lo, Josh hian thian pel in a la enchhin ngai lo che tih hi lo hre rawh, chuan maw, i bialpa hlui bestfriend a ni tih hre reng chung a i la zar ngam khan zahpah nei lo leh hmeichhe zaktheilo tak i ni tih a tichiang bawk,nang nen a inbiak hi ka peih vak lo,chuvang chuan i thil tih emaw, i tih leh tur pawh nise ka hre peih lo",Ka ti erh,a ni pawh chuan min melhrum ngar ngar viau,


"i dinhmun ah chiang rawh" ti leh nghat in, a dar a sut her sawk pah chuan ka chhuahsan zui nghal nal nal


A ni ve mai mai hmuh ah hian,mi der dep leh chaklo tak ang a lan ka tum lo a,a duh dan dan a min tawngkhum ka remti miah lo bawk.


"Mate, enge thleng a, " Remi'n a tih chuan ,min rawn umzui a ni tih ka hre chiah, Remi lam ah chuan inher in engmah pawh sawi ta lo chuan ka kuah thlawp a,ka tah chu a chhuak leh tawh takzet,ka insum hram hram a ni, Remi chu engkim ka hrilh ve ta a, a ni chuan

"A mah Josh-a pawh zawt chiang ve phawt la,i ralkhat thlir na atang khan i ngaihdan lo siam ngawt lo la" Remi chuan a ti a,a dik pawh ka ti viau, thil hrechiang lo a puhchhiat ka duh loh vang a nia, zing ah pawh khan lo kal nise tha tak in thil ka sawipui ang ka tih ni,mahse a rawn kallo a nih kha, Rinkimi zawk a lawm a rawn hruai ni.


"Ka tum a lawm,tha tak a sawipui ka tum,mahse a nghawng a rawg senduk khan a ti chiang vek" ka tih chuan Remi pawh a thaw ve hak mai , a thiam ang tawk in min hnem ve a,ka tan chuan Remi hi chu a hlu ngawt mai



Ka duty zo ka haw chu,hmunpui waiting shed ah Josh te thian ho hi an lo awm a,hnathawh thawmhaw an inbel a,eng tak nge an thawh phei chu ka hrelo, min lo au hlawm mahse chhanglo in ka tlanpel hmak,tun dinhmun ah chuan josh leh a kaihhnawih ho hi biak chak na ka nei tlat lo.




Zan ah pawh Josh te an lo kal ang tih ka hlauh avangin hma deuh in ka mu a, ka rin ang chiah in pawn ah an rawn thawm dut dut a, kawngkhar an rawn kik pawn hre duh lo der in kawng chu ka hawnsak duh lo,

"A mu tawh a mawn le" Rinzuala chuan a ti lung lung a

"Mut a la hun lo tun ah dar 7:30pm chauh a lawm la ni, a ni mut hun a la nilo, "Zawma chuan lo tiin "Puite" a rawn ti zui lang lang bawk


"A chhungte an awm silo a, a mu hma a niang" ti tu chu Josh a ni,rizai hnuai ah ka lo ner sak ,an thawm lah chu an han dim lo em em mai lehnghal a, thenawm khawveng te lak pawh ah a in thlahrun awm ta lek lek mai


"Zonunpui,i la muhil lo tih ka hre reng tun ah pawh khan i online" Zawma bawk chuan a rawn ti leh a,rang zet in ka phone chu ka en a, ka lo online tak tak zui, ka out nghal vat


"E e ehh..Zonunpuii hi ka sawi veleh an out nghal hmak a,i la mu lo tih a chiang lutuk kawngkhar hi rawng hawng mai mai teh," Zawma bawk chuan a rawn ti leh lung lung, he mihring hi an thian ho zing ah pawh a nawi fak ziah, ka va han ngei reuh tak ,

Thenawm te pawn an thawm chu na an ti ta deuh a niang

"Aw,mi mu tawh te kaihthawh tum phet ,haw ula mu rawh u" thenawmpa pa Masiama chuan a rawn ti ta a,


"E, a la muhil reng reng lo a muhil der a nih hi" irh uk uk pah in Rinzuala chuan a lo ti a,


"Aww,chuti a hnu,in leng a nei peihlo tih na a nihchu,bak ah khatin mi nula rui chungin an au lung lung ngai lo" pa Masiama bawk chuan a ti leh a ,an ngawi ve tawh mai dawn e maw tih lai in Zawma leh pek chuan


"Mi nula a nilo kan thianpa Josh-a nula hi a nia" a lo ti pek a nih chu,a rui bawk si a, ka duh ai in a tawng tam mah mah tawh,thawh lawk a va hauh hrep mai ka duh a,mahse ka tho a nih chuan Josh hmel ka hmu ngei awm si a,chu chu ka peih lo


"Aww..a nih,tu nula pawh chu lo ni teh se,khawi u,kan in ah hian lo lut phawt teh u,in len tum na nula ber in kawng a hawn duh bawk silo cheu a," nui huah huah chung a pa Masiama'n a tih tak ah chuan, an inzui phei ta nge ni,an thawm chu a reh ta vang vang,


darkar chanve vel zen zawn an thawm ka ngaihchan hnu ah, thawm hriat tur a awm zui tak loh avangin khum atang chuan tho chhuak in pawn ah ka chhuak a,boruak chu a nuam tawk khawp mai, van lam ka hawi a thla a eng nuam in arsi an lo pe ut nen josh chu ka ngai vawng vawng,mahse a mah ka ngaihtuah chhuah rual chuan zan hmasa lam thil thleng ka ngaihtuah chhuak tello thei lo


Chutia veranda/varanda (khawi zawk nge dik comment lam ah min lo hrilh teh u aw,a dik zawk ka hre tlat lo) a chung lam ka lo thlir vauh vauh lai chuan


'Min in nghah rei tir khawp mai" ka hnung lam atang rawn ti thut tu avang chuan ka phu vak ,ka hawilet nak chuan kawngkhar bul ngheng in Josh chu a lo ding reng a nihchu,hawilet na chang ka lo hre lo bawk kher nen ka lo hmu miah lo


"E nge hetah i tih" ka ti vin nghal hlak


"Eng vang a kawngkhar hawng duh lo nge i nih" a ni erawh chuan a rawn ti chang fak thung,

ka lak ah chuan a lawm hmel tehchiam loh bawk,keimah thinrim a lungawi lo tur ka nih lai a,a lawm lo hmel min hmuh ve ngawt chuan ka thin a ti rim leh viau tawh


"Haw rawh" ka ti bul hmak



Hriatthiam loh hmel deuh a min en chuan ka lo nui hul hak "khatin min en vel lo mai teh, tenawmpa" ka ti nghat, a ner sawk a,min rawn hnaih nghal ruak in


'Ka tenawm a maw,kei hi ka tenawm a maw" a rawn ti khur khur, tlem in a awmdan chuan min ti hlau deuh mahse hlau ang a lan chu ka tum bik hauh lo



"kal teh,i hmel hi ka hmu peih lo" ti a nemsawn pah in inchhung ah chuan ka luhsan a,kawngka khar mai ka tum chu, a lo pawtbet tlat,


"Lalhriatpui i vawn lai kha thlah vat rawh" ka ti chang fak,chiang leh uluk zet a min en chungin


"E nge dik lo, i awmdan hi a dik lo,e nge thleng min hrilh rawh", pangai deuh zawk hian a rawn ti a,

"Hrelo ang khan awm tum miah suh" keiin ka lo ti thung, a thil tihsual hrelo ang hmak a a awm chuan a mah ka ngei na a ti zual sawt bawk



"A mak, e nge tih dik loh ka neih,tihsual ka nei a nih chuan min hrilh rawh ka siamtha ang " a rawn ti vei hluk,


"I tihsual i hrelo a maw, a nihchuan haw la, ngaihtuah rawh" ka lo ti leh hmak ,a kut pahnih chuan a hmai a tuai puat chu,chumi lai chu remchang a lo lak tum in kawngka chu khar ka tum a,mahse rang lutuk in a vawn na ngai ah rawn vuan leh chat in, a mah chu inchhung ah a rawn penlut zui nghal a,kawngka pawh a mah chuan a kalh zui nghal hmak bawk,a awmdan chu zakthei lo ka van ti tak


"Lalhriatpui engthil nge i tih kha,i van zaklo ve ,kan in atang hian chhuak nghal vat rawh",ka ti vin tuarh,a ni erawh chuan ka thusawi chu hria ang pawn a lang lo, chuti a hnek in ngawi ngul chung hian min rawn panhnai a


"Zaktheilopa" ka lo ti sap

A nui tawi tak a,chutah rum zet a min rawn en in


"eng maw i sawi kha,han sawinawn leh teh" a ti chang fak

"Zaktheilopa, mitenawm i nihkha" ka lo ti leh chutah zet chuan a ni pawh a insum thei tawh lo tih hriatzet in,ka dar tawn tawn ah a rawn hmer a,a hmer na lai lah chu a na em em mai lehnghal, "zaktheilo,mitenawm" tih sup pah in,min fawp nghal ngawng ngawng


Ka theihtawp in ka lo indang a,ka mipa hmangaih in chutia tihluihna nen a min fawp ta mai chu,ka rilru a na takzet bawk,ka mittui a luang nghal zung zung ,ka hmui chu ka chip tlat a,a duh ang thal a min sawngbawl theih tak loh ah chuan rum nghat in a inla hrang a,


"Mi..misualpa,i sual lutuk" ti tiau in ,ka hmui chu ka tuaifai nghal nawk nawk,ka chet dan chuan a ti nui hawk a,a nuih a za lo tih erawh kan hrechiang ve ve


"i awmdan hi ka hrethiam lo, eng vang a min be duh lo leh min haw ngawt nge i nih" tlem a awki hniam zawk a a rawn tih chuan,rilru na zet a melh ngawt ngawt chung in


"Engkim hi i thiam loh vek,nangmah vang vek a nihhi" ka ti vak


"A nihchuan,ka hriatthiam theih tur in sawi ta che" a rawn ti vin ve leh tuarh,a aw rawl a rin em avang chuan ka phu deuh zawk nghe nghe

Ka ngawi reng a,a ni pawn ka chhanna nghak in min melh kal bawk, minute hnih hnu vel ah thawk la hawk in

"A nihchuan,nizan ah eng vanga in in ah Rinkimi riak nge i nih" a hma aia aw dam zawk chuan ka ti ta a, a ni pawh a lo thaw ve hawk mai



"Rinzuala te zu la nen an inhmu fuh a,chuan a rawn zui haw, a rui si a ,a haw thei tawh lo a, a riak ta a nihkha" a tih chuan ka lo thaw hawk,ka hriat duh erawh ka la hrekim lo



"chuan eng mah min hrilh lo a" ka ti leh hap

"Ka naute" a rawn ti dam diai a,nin rawn hnaih chuan kei ka lo tawlh hla thung


"Ka zawh na kha" ka ti chang fak,a thaw hak a,chutah min en run run chungin


"Hrilh che chu ka tum a lawm,mahse zing ah khan Rinkimi ka thlah kha a ngai ta si a,nanglah in min be duh lo nghal mai bawk si a,sawi na hun a awm hleinem",a tih chuan ka nui hul hak,sawi na hun te zawng a awm teh meuh mai, Rinkimi a hmuh hlim pawh khan min hrilh thei a, zanlai a kan inbiak pawh khan duh chu nise min hrilh thei tih ka chiang lutuk tlat,

A thusawi chuan min ti lungdam pha tlat lo


"Chung zawng zawng chu lo awih ta pawh ni ila, i ngawng a rawng sen duk kha engtia sawifiah nge i tum, thil thleng palh i ti dawn em ni" ka tih leh chuan a nghawng chu a hup vat a, insawifiah tum tak a min rawn en chuan chimawm zet in ka lo nuih sak.







Readers ten Josh-a insawifiah na hi kan pawm em, Puitei hian ngaidam leh vat se kan ti nge ,la in duh khum ve deuh se kan ti, comment lam ah sawi leh diat diat ang u aw 😘


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:18 pm

"Ka sawifiah thei" a tih chuan a mit ah chiang zet in ka lo melh kal


"Englo,nizan khan ka rui lutuk a, ka lo chatthla ni in ka hria,ka nghawng thip zawk vangin ka harh a," tiin a ngawi dat a

"Chuan" ka lo ti chang fak ,a chil a lem khawlh a,a thusawi tur chu a sawi hreh hmel viau bawk

"I ngaih ang kha eng mah a thleng lo a nia" a rawn ti hmasa leh te te,ka nui hul hak, "engtin nge ka ngaih a" ka tih chuan chil a lem leh khawlh a, chutah nuam lo tih hmel zet a min en chung in ti hian a ti a nihchu


"Ka mit ka men khan ka chung ah Rinkimi a lo awm a" inthlahrung dak a a tih chuan ka meng kawk,


"Mahse engmah a thleng lo, a ni chu ka khum ah a mu a,kei erawh sitting room ah ka mu thung ,min rinloh chuan i duh leh ka nutei pawh i zawt thei ang" a ti leh nghal zung zung,dawt min hrilh ngai lo a,tun ah pawh min hrilh ka ring hek lo, mahse chu chuan ka natna a thawidam phah chuang hek lo,



Reife kan ngawihdun hnu ah "chhuak rawh" ka ti chhuak sep, "min ring rawh" ngen ngawl zet hian a ti a,



"Chhuak rawh" ka lo ti nawn leh sep,beidawn hmel zet in min en, min rawn pan hnai hret a min khawih a tum chuan,ka lo tawlhsawn vat, tun ah chuan ka na lutuk a, a hnaih a awm hi ka duh rih lo


"Khaw,khawngaih in min kalsan rih phawt rawh" ka tih chuan thawk a la hawk a, in thiamloh hmel zet a min en reng na pawh chuan,ka ngaihdam na a hlawhchhuah tir zo tlat lo, tun ah rih chuan ka thinlung hi a na em a,zankhat thil thu a dam mai thei a ni tlat lo


"Zonunpui, min ring tur in ka ti che,kei hian ka phatsan che in i ring em ni" lungawi vak lo a a rawn tih chuan, ka sa leh deuh phat, dawt min hrilh ring lo mah ila, Rinkimi hnaih lo tur a ka duh na a ngai pawimawh miah lo chuan min ti lungawi hlawl lo,chuta kar ah a lungawi lo hmel min la hmuh zui a


"Chhuak vat mai teh Lalhriatpui ka hmu hne lutuk che" tiin pawn ah ka nawr chhuak dawt dawt ,lo tang ve deuh mahse ka thinrim lutuk hmel a hmuh khan a tha a thlahdul ve deuh niin ka hria, pawn a ka nawrchhuah ve leh kawngkhar ka kalh nghal hmak bawk,



An inkar ah thil thleng a awm emaw awm lo emaw,tun a ngaidam nghal mai tur chuan ka thei hlawl lo



Zing ka harh chuan a lo tlaai duai tawh, hman hmawh deuh in ka tho a,mahse ka night dawn tih ka hriatchhuah leh avangin ka thaw huai thei,hman hmawh ta vak lo in,muangchang in rawng ka bawl a,Remi pawh night ve tho tur a nih avangin,chhun lam a kan khua a lo phei tur in ka ti a,a ni pawn a lo hnial bik lo,mahni awm kha ka peih vak lo



"Awi mate, inkhua chu a reh hle mai hnathawk in an chhuak diak em ni" in a rawn luh rual in Remi chuan a ti nghal bawrh bawrh,


"A niang,hna tul lai a nia" ka lo ti ve mai,kan khua hi khaw taima khua ti a hriat kan lo ni ve thin a,a dik viau bawk,hnathawk lo a in a awm mai mai hi kan tam lo viau ang




Eng eng emaw sawi in kan ti ti luam a, josh nen kan inkar engkim ka hrilh bawk, Remi pawh chuan min thinrim pui ve hle, lungawi nghal mai lo tur leh reilote tal hrem ve rih tur in min ti nghe nghe

Chutia Remi nen kan lo inkawm mawlh mawlh lai chuan, rinloh deuh in Sangzela a rawn lang hlawl

"Ka night ve dawn a, tih tur a awm lo em a,ka rawn leng daih a nih hi" a ti a, a rawn kal chu pawi kan lo ti lem lo


"Ka rawn kallam khan, khaw thlen hma deuh ah khuan Josh-a te ka rawn hmu asin" a tih hluai chuan, ka melh zawk a "a ho e mai" ka lo ti,ngaihven lo ang in lang mah ila a ruk tak chuan tu te nen nge an awm a,enge an tih ang tih chu ka hrechak reng tho,ka ngaihtuahna hria ni awm tak in Sangzela chuan


"Zu an in ni in ka hria,an thian ho bawk in" a rawn tih zawm zat, an ni ho zu duh barh barh lutuk hi chu, chhun leh zan pawh sawilo in an birh deuh ngat ngat chu a nia,a chang hi chuan a zahthlak ve lek lek thin,ngaihzawng rui reng mai neih chu


Eng eng emaw sawi a kan rik barh barh chung chuan a lo tlai duai hman, duty kan ngaih avang in keini ho pawh,hospital lam ah kan in zui phei a, ka hmuh duh loh ber Rinkimi ka la hmu hmasa ber zui,mood a chhe leh nghal vek thei, min tih el emaw tih mai tur a a nui sawng te chuan ka ngei na a ti belhchhah



Sangzela nen ward kan fan chuan,damlo zing ah ka hmel hriat ka hmu nawlh

" e he Sangkima chu,engtik in nge i lo haw a' ka ti hluai,a ni Sangkima hi ka callmate hlui,phai lam a awm char char thin a ni,

"Kar hmasa khan ka lo haw a, ka awm deuh rih ang" a ni pawh chuan a lo ti ve bawk,kan han inhmu leh chu kan phul deuh hluai ,



"Mate Josh-a a lo kal a nia,pawn ah sawn a nghak che" Remi chuan a rawn ti a ,Sangzela a melh signal zeuh bawk


"va kal lawk la,i ai chu Remi hian lo awh rih mai rawh se" Sangzela pawh chuan alo ti ve vat a,mahse a ni hmu tur mai mai a pawn a va chhuah chu ka tum lo,tun a ka nem nghal mai a nihchuan min zuam lutuk ka hlau pakhat bawk



"a ho e mai,engkim in hriat kha,ka hmu chak rih lo" ka tih chuan an ni pahnih pawh min hrethiam ve nghal mai,


Mahse chutia keini pathum ward a kan lo dinkhawm lai chuan ,Josh a rawn lut hlawl,engtin nge maw a rawn luh theih ni

"Inbe lawk ang" kan bul a rawn thlen chuan a ti a, ka lo melh rum vak,mi zing a inhauh chiam chu thil tih chi ni in ka hre bawk silo, chhang ta lo chuan,Sangzela'n damlo ho a check chu ka zui ta daih a,a ni josh-a pawh kan bul ah ngawireng in a rawn kal ve zel a, ka mitmei ru zeuh zeuh na in,ngaihven ang erawh chuan ka awm duh miah lo thung,Sangzela zawk chuan nuamlo a ti deuh nge ni,min rawn en leh zawk thin a,chu pawh ka hrelo der tho



Damlo kan check zawh hnu ah pawh,josh chuan ka kalna apiang ah min zui a, a tawng miah lo na in min zuikual reng chu ka ning tawh,a tawp a tawp ah mi awm loh na deuh ah kal in "min zuikual reng tawh lo in haw rawh" ka ti nghat


"In biak ka duh ,in be lawk ang" a tih chuan "in biak na chhan tur kan nei em ni" tiin dar ka san pah ak, a ni chu a thaw hak a,hahthlak tih hmel fe in min en bawk,kei erawh in cho zet in ka lo melh thung


"Nizan ah engkim ka hrilh che a, Rinkimi nen kan inkar ah engmah a thleng lo tih ka hrilh bawk che," a rawn tih nghat nghat chuan "ngawi lawk teh" tiin a thusawi lai chu ka lo pawtchat


"in inkar ah thil thleng a awm emaw,awm lo emaw,ka duh dan i hria,i zawm thei chuang lo" ka lo ti hmak,ni e Rinkimi hnaih lo tur a ka duh zia hrereng chung in ka thu a zawm ngai miah hleinem


"Rinkimi lak ah eng feelings mah ka neilo,"a rawn tih leh chuan " a ni chuan i lak ah feelings a nei a lawm, hre reng chung in i hlat theilo" ka lo ti leh hlak,a thaw hak a

"Ka hlat theih loh chhan chu i hria a lawm" a rawn ti ve leh ta nghat , ka lo nui hul hak ringawt,


"Nia i hlat thei lo,a ni chu i tan mi pawimawh a lawm a nih, i venhim tur hmeichhia" ti nghat a inher a kalsan mai ka tum chu min kuaiher nawk in chiang zet in min en a

"Hriatthiam tum ta che mawle Zonunpui,i rilru ti chhe lutuk lo teh" min ti a nih chu,a thusawi vang chuan ka nui hak hak,nuih erawh a va han za lo tak, rilru chhia min ti a nihchu,thinrim lutuk in a mi vawn na chu ka thingthla nawk a



"Aw ka rilru a chhia , chuvang chuan keichuan ka hrethiam ve thei lo che, Rinkimi i kalsan thei lo a nih chuan,keichu min hnaih tawh suh, " ka ti let ve hrep, rapthlak tih hmel fe in min en a, mahse rapthlak nihchu pawi tih na ka neilo, a bialnu aia a thianpa bialnu hlui ngai pawimawh zawk tu nen hian kan hlim tak tak thei in ka ring lo a ni


Ngawireng in min en a, sawitur a hre tawh lo nge a sawi peih tawh lo zawk pawh ka hrelo e , chutia ngawireng a kan din dun lai chuan a phone a rawn ri a, thawhak pah a phone a en chuan Rinkimi tih ka zuk hmu hman,min rawn melh zawk a, ka lo en reng a vang in phone chu la lo in a dah leh ta zawk a,chutah zaidam deuh zawk hian

"nang chauh hi ka hmeichhe hmangaih awm chhun i ni a,hmeichhe dang ka melh lo zia hi hria la ka duh," a ti hap a,
"Ka kalsan theih loh che ang bawk hian Rinkimi pawh ka kalsan thei lo,ka thiantha ber lak a ka thutiam hi ka hlen ngei ngei a ngai,chu vang chuan min hrethiam tur in ka duh bawk che, ' thu tak zet a a tih chuan ka lo en kar, tun ah thinrim chung a Rinkimi kalsan tur a ka ti chung pawn, a theih loh thu bawk min hrilh leh chu a nia, ka rilru nat dan tur eng mah a dawn miah lo,


Engmah sawilo in ka melh ngawt ngawt ringawt tawh, ka awm zawn chu a tawt up up a,ka mittui an rawn hnai leh tiam tiam tawh bawk,ka thusawi ve te chuan a lak ah awmzia engmah a neilo tih ka hriat chuan min ti na takzet




Kar khat a liam leh a,josh chu ka pehhel char char,a call ka chhang ngai lo a, a message lah ka chhang ngai hek lo,ka nu leh pa an awm lo bawk a tiin Remi te in ah ka riak chawt bawk,kan in ah ka riak a nih chuan Josh an rawn len a tum ngei dawn tih ka hriat avangin mahni a awm chu ka duh lo a ni,mahse vawiin chu ka nu leh pa an rawn haw dawn avangin keipawh kan in lam ah ka hawphei ve a, ka nu leh pa pawh an rawn thleng har in ka ring tawh lo


Tlai a rawng ka bawl lai chuan,rui zet in Josh a rawn lut a, din pawh a ding ngil thei lo


"Zonunpui,eng vangin nge min pehhel reng,mawh," a ti khar khar a , ka lo melh rum viau ,engtin nge hetiang a rui chhe chung hian a rawn kal ngam zawk ni


"Lalhriatpui,e nge maw i hriat le,haw rawh" ka lo ti hlak,


Chutah min rawn hnaih deuh in

"Ka ngai che" a ti sup a,a irh pah uk bawk

"mawla, tun ang ah te ruih ngai em ni,ka chhungte an rawn haw tep ang,an hmuh hma che in haw vat rawh" ka tih chuan min en vung vung in

"Nunrawng nu" min ti pek a nih chu,ka nui chhuak teuh hle, a ruk tak chuan a hmel landan leh a awm dan chuan ka nuih a ti za ru viau na in a hmuh tur a nuih erawh ka tum lo,


"Haw vat mai teh,bak ah rui chung chuan rawn kal rawh suh" ka tih chuan irh kauh chungin min rawn en a, a ding bu deuh lak lak bawk nen,a tluk mai chu ka lo hlau


"Min ngaidam thei tawh mai lo em ni, a rei tawh e mai,Puite,ka ngai tawh che" a tih sup chuan keipawh ka ngawi vang vang, dik tak chuan keipawh hian ka ngai in,kuah vawng vawng pawh ka chak lutuk ringawt,mahse khami zan khan chiang tak in ka sawi a, Rinkimi a kalsan thei lo a nihchuan min hnaih tawh lo tur in ka ti a nih kha, a kalsan theih loh thu min hrilh a,chuvang in ngai in thlahlel viau mah ila, ka rilru thlak tum na ka neilo,


"I rui a nihkha,haw tawh rawh" dam thlap a ka tih chuan, "ka rui lo,ka rui miah lo" a lo ti nghat,ka chhungte chu engtiklai pawh a rawn thleng thut thei an nih tawh avangin ka mangang deuh tawh,rui chung a an rawn hmuh ka duh lo a ni,a ni lah chuan kan thuthleng lam pan in a thu thla hnawk ah chhuah a tum mai hmel bawk silo nen,a tawp a tawp ah a thiante phone in,rawn hruai tur in ka ti ta ringawt, a thian ten an rawn hruai hnu chuan ka thaw huai thei


Diktak chuan Rinkimi an in a a riah zan vang a ka thinrimna kha reh tawh mahse, hmaichhan ah ngei a kalsan theih loh thu min hrilh na vanga ka lungawi loh na kha a reh ve thei tlat lo, tun a ka awm dan hi a dik ber em chu ka hrelo,mahse lungdam zan lo a a hma ang a ka pawm leh nghal mai a nih chuan ,a tawp ah keimah bawk ka nat leh ka hlauh avangin tun a tang ka in veng lawk ni ber in ka hria,kan inkar a hmeichhe dang an awm ve chhung chuan kan hlim thei in ka ringlo a ni.






Zanin chu zan dang aiin a tawi deuh, ka damsam lo a, ka ngaihtuahna ka hmang hleithei lo,a ngaihnawm vak ka ringlo,keipawn ngaihnawm ka tilo,boring viau maithei a ni


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2023, 2:18 pm

"A nih chuan rui tawh suh, i rui reng bawk si, i awmdan a zir in thutluk na ka lo siamtha dawn nia,tun ah chuan haw phawt la" dam thlap in ka ti ta nge nge, chuti lo chuan a chhuak duh dawn in ka hrelo,

Min en vung vung a,a khap fak fak bawk,zu nghei chu a la huam chiah lo ni in ka hria, mahse keipawn ka enlet ve kar reng a,

"A tha a lawm,ka nghei e,tun atang ka in tawh lo ang " a rawn ti ta nge nge e,e nge kan an dawn chu ka hre hauh lo na in , nawr ve deuh ngai in ka hre tawh a hma zawng in engmah ka sawi ngai lo a,min palzam mah mah ni in ka hria

A haw hnu deuh lawk ah ka nu te pawh an rawn thleng a,an rawn hmu hman lo chu ka lawm viau bawk

A tuk chu kan nau pakhat birthday a nih avangin cake vel pawh keiman ka buaipui vek nghe nghe, ka duty haw lam chu PWD kawn ah ruai an lo theh hut hut a,fatu te tih loh chu hmeichhia vek an ni, eng emaw lei in dawr ah ka pengkawi a

"Saw e nge an tih hut hut a" ti a dawr nghaktu ka zawh chuan

"MHIP ho thil tih a nihsaw,jubilee an lawm a, " tiin min lo chhang ve mai,buk nghat nghat pah a chaw dawh ho ka va en leh nak chuan,ka hmelhriat te hmu tlat in ka in hria,chiang deuh zawk a kan en nak chuan nu ho zing a Lalhriatpuia te thian ho lo in tlar ve ringawt chu ka va hmu chiang ngang mai , ve ringawt zel a, MHIP thil tih ah eng vang in nge an lo tel ve ringawt a,ti a ka ngaihtuah lai in,Lalhriatpuia chuan min rawn hmu fuh a, ka lo en reng a ni tih a hriat chuan a hawisawn nghal daih a,min hmulo awm hmiah hmiah a nihchu

YMA day a hnaih tawh avangin section tin ten intihsiak nan cheraw hman tur a ni a,section thum a kan inthen avangin zantin section ang in community hall ah kan in zirchhawk thin a,zanin hi kan zir hun chiah a nih avangin ka naute birthday lawm na ah pawh ka kal ta lo,

Rin aiin zir kan tha hnem a , kei erawh in ka thiam ve der lo, mahse thiam lo pawn zir vek tur an tih avangin ka kal ve mai mai, tel erawh ka tum hran lo .

Kan section hruaitu ten tawngtaina in hun bul tan na an siam a, bu hnih ah kan tum in kan inbuatsaih a, hmeichhia chu kan in daih a,mipa erawh pathum vel in kan indaih lo thung, bu khat ah chuan thenkhat in an kan a kei erawh a sir ah ka lo teikual vel ve mai mai,

Chutia cheraw kan zirlai chuan pawn lam ah thawm rihlut a rawn awm a,keini ho pawh in chulam chu kan ngaihven hra hlawm,

"zawnga min la cho em" ti a mipa au tuarh tuarh thawm a rawn awm tak ah chuan,kan hruaitute pawh pawnlam ah an tlanchhuak a,

"Tu te nge maw ni le, an thing thei e" Saii kan kawmthlang nula chuan a lo ti niah niah a,midang ho pawn an lo sawizawm ve sap sap

"Hriatpui,min la cho em, kan khua ah hian i rawn pawr ve deuh em ni,rawn kal teh " ti tun tun thawm ka hriat chuan ka dingmar nghal awt, pawnlam a in tibuai te chu Josh-a te tih na em ni,hmanhmawh deuh in pawn ah ka tlanchhuak a,

Hall kawt kawng zau lai ah chuan mi sawm vel hi an lo bawr tuau a, hmarveng lam tlangval Rinpuia in hrosa pung pung lai chu thenkhat in an lo chelh a , an sir deuh a Josh-a lo ding ve reng chu ka va hmu, Rinpuia chu a rui tih ka hria,mahse josh erawh rui hmel pu in ka hrelo,chu chuan ka awm pawh a ti nuam sawt

'Nangkha, mikhual te te si,ka kawng dal a i awm ve khanglan le" Rinpuia chuan ala ti pung pung a, Josh erawh in ngawireng in Rinpuia chu a en kar,a ni pawh a lawm hmel tehchiam bik loh

"Rinpui a tawk ngawi tawh rawh,e nge thil awmzia hi, henglai ah buaina siam in ri lung lung suh u, kha nangphei chu i rui emaw ni lehnghal" kan section hruaitute zing a mi u Lawmtea chuan a ti a, "nangkha lo ngawi mai mai rawh,hnek i duh em ni,he khaw mi leh sa aiin,khawdang mi i tan zawk a maw" Rinpuia zu rui pawr lah chuan a ti lung lung a,u Lawmtea thleng chuan a tawng a tawng tawh,

"Tan bik in nei a nihkha, mahni khaw chhung mite tan nachang pawh hrelo," tiin Rinpuia chuan chil a chhak pharh pharh a,thing hi ka van ti tak , Josh-a lam an tang hlawm tih ka hriat chuan ka hahdam huai ,thiamlo hmasa zawk chu Rinpuia ni in a lang

"Rinpui, haw rawh,mi kawngkal tha hle hle,i zu rui in i rawn tibuai ringawt a nihkha,i mawl e mai" ti tu chu Rinzuala a ni, 'eng maw nangkhan i sawi ve a,lo kal teh nangpawh kha" Rinpuia bawk chuan a lo ti leh khar khar

Rinpuia chu main road lam ah an nawrchho dawt dawt a, a la lungawi lo a ni tih hriat zet in a la ang chho hmuar hmuar bawk, josh te chu ka pawh dawn nge dawn lo ti a ka inngaihtuah laiin ,Rinpuia chuan mi inkawt a thingfak chu la lawk in Josh-a lam ah chuan chak zet hian a rawn tlan thla leh a, "Josh, Rinpuia kha" ti tuarh in Josh-a lam ah chuan ka tlanphei a, josh-a pawn min rawn en thuai in min hmu chu a meng deuh awk in ka hria, Josh-a bul ka thlen hma hret chuan Rinpuia chuan a thingfak ken in Josh-a lu ah chuan a vaw chawrh, ka ka hup in ka au tuarh a,ka mittui chu a luang nghal zung zung bawk, Josh-a pawh a dinna hmun ah a tlu nghal thlawrh a.

Midang ho chuan Rinpuia chu an manbet nghal thuai ,a ri zui chawrh chawrh ni in ka hria, thil thlen dan kha a rang lutuk a,tumah kan lo inring hman lo a ni ber, ka bing mup mup a,midang tawng nuai nuai thawm te chu hla tak a ri ang mai in ka hria ,

Josh chu ka panhnai a, ka chiai vek, a bul ah chuan thuhniam in a lu chu ka mal ah ka nghat a, a lu atang a thisen chhuak chu a nasa kher mai,

"Nilo,nilo,Josh i harh em,min en teh min hmu thei em" ka ti nghal mawlh mawlh,a mit chu zawimuang in a rawn meng a, a hliam chu na a tih zia a mit meng ah a hmuh theih , tawng tum ni awm tak a a rawn an zuau lai chuan

"Aih,tawng suh,i bul ah ka awm tlat a nia, hlau miah suh aw" ka lo ti mawlh mawlh, chutih lai chuan motor hi a rawn tlan a,tu motor ber nge a nih pawh ka hrelo, keimah chu ka chiai vek, motor ah josh chu an dahlut a,keipawh ka lut ve nghal thuai

Ka mittui lah chu a luang tawp thei lo

'Thianpa, in tiharh hram hram rawh aw, i mit kha chhing miah suh" mangang zet in front seat lam atang Rinzuala chuan a lo ti ve mawlh mawlh bawk, ka kut leh thawmhnaw vel ah chuan thisen a kai nuai tawh ,ka rawmawl in a lu thisen chhuahna lai chu ka hup a, ka mittui a luang reng bawk

Hospital kan thlen chuan Sangzela ka zawng nghal ruai, a duty na room ah hmanhmawh zet in ka tlanlut a, chutia thisen kai nuai chunga min hmu chu a ni pawh a lo ding nghal hluai,

"Puite ,e nge awmzia i inhliam em ni" ti a min lo biak na pawh ka chhang hman tawh lo

"Min lo zui vat rawh,Josh kha, englo" tiin ka tap hlawp hlawp, ka sawitum tak pawh ka sawi hleithei lo,

"Min zui rawh" ti leh ringawt in Sangzela chu ka pawt kal nghal dawr dawr, Josh te awm na kan thlen leh chuan Doctor dang leh nurse thenkhat in an lo buaipui tawh a, Aizawl ang in in enkawlna a la changtlung lutuk bawk silo nen,a ruk tak chuan ka mangang ru hle, Sangzela pawn josh a hmuh chuan hrilh ngailo in thil awmzia chu a hre ve nghal mai

"Hahdam tum rawh, hei kan awm hi,engmah a thleng lo ang, a tha leh vat mai ang" tiin min tawng thlamuang a,mahse chu chuan awmzia tehchiam a neilo, reife kan nghah hnu ah Sangzela chuan min rawn pan in

"A tha tawh aw, hlauhthawn awm a ni lo a nia, reilote chu hospital ah hian awm ve se ,zan hnih khat bak riah a ngai lo ang, in lam ah in enkawl dawn nia, a tluk na lam ah a ban kha a lo bawh pelh ve deuh bawk a,a bak hliam dang a nei lo a nia,a lu a vuak na lai pawh kha a hliam a thuk em em lo a , hlauthawng tawh suh" a rawn tih chuan ka thaw huai huai thei,ka rilru in lawmthu sawi in ka tawngtai nghal mawlh mawlh


Josh-a chhungte pawh rawn thleng ve tawh in,an hlauthawng ve hle a, ngaihtuahawm a nih tawh loh thu ka lo hrilh ve thuai, u Diki sawi dan in mi thenkhat in police an lo phone hman ni tur a ni, Rinpuia chu police in an rawn hruai nghal a , Josh-a pawh thu tlem a zawng an rawn la zawt dawn a nih hmel, u Diki te lam chuan case siamsak em em an tum lo a nih hmel,an rilru chu a dam in ka ring miah lo,kei takngial pawh hi ka dam thei meuh lo Rinpuia khan a phu tawk hremna hmu ngei turin ka duh,mahse thutlukna siam tur lam ber in ngaihdam an tum si chuan keiin sawi theih ka neilo,

Ka nu leh pa pawh,chin chang te hrilh in , ka awm tlang mai ka rinthu pawh ka hrilh luam, u Diki te chu haw leh mai tur leh a tuk lam a duty tur a kal leh tho ka ngaih avangin,ka lo awmpui theih thu ka hrilh, in lam ah tar pahnih chauh an awm a,an rilru a hah ve dawn tih ka hre ve tho bawk nen,chutia sawi pawh chu ka ni, u Diki pawn a beisei ruk leh a sawi ngam loh a nih thu,min hrilh in lawmthu a sawi zui luam bawk, diktak chuan thil mawi a ni chiah em ka hre lo na in, Josh chu awmpui ka duh tlat,ka nu leh pa pawn min han hnial dawn ngial na in,ka ti lui ve tlat,ka ngaihtuah em a ni





Ward a ka luh chuan bangkil lam ber ah Josh chu a lo mu bam a, a lak a ka lawm loh na leh lungawiloh ve na te kha tun ah rih chuan vawmbo ang duak an ni rih, a bul ka thlen chuan a muhil ni in ka hria, a khum bul thutna awm ah chuan thu thla in, a hmel chu ka en reng a lu chu an tuam bur a, a ban an lo cher khawng vek bawk, thiam loh na a nei loh tih ka hriatchian em avang chuan ka khawngaihna a zual bawk, ka in rin hma in ka mittui chu a rawn luang leh ringawt tawh, ka hnuk no lutuk hu a chang chuan ka in ngei ru fo mai ,

"tahbelhnu" a rawn tih sup chuan, ka mittui hru mawlh mawlh lai chu tawp in,josh chu ka en a, min en chungin a lo nui vur vur mai ,ka tap lai berkher min lo hmu chu ka zak ru chem chem bawk

"I..i harh maw,i muhil lo a mi" ka ti bah niai, a nui hak a,
"muhil mengkur i hre ngai em ni" a lo ti leh khauh,

A chang hi chuan a nghal lutuk hi kuk lawlh ka chak thin .

"Damlo ve si,tawngthei lutuk" ka lo ti ta ngawt,sawitur pawh min ti hrelo zo vek , a na tuar lai hmel ngawt ai kha chuan,tun a a landan chu hmuh nuam tawh zawk tak a ni,a ruk tak chuan ka hahdam huai huai mai

"Nangman min awmpui dawn a nihchuan,khawi maw,khalai tui kha min lo ban lawk mai teh" a rawn tih chuan, "i hnaih kha,la ve mai rawh" awlsam zet in ka lo ti, min en vung vung avang chuan,'e nge' tih melh hian ka melh a,thawk lak halh pah in a ban chu a melh zeuh,keipawh in a ban a na tel a ni tih hrechhuak leh in tui chu ka ban ta thuai a,nui pha dui chung a ka pek chuan ,

"a chhin i hawn loh chuan engtin nge ka in theih a nga" a lo ti leh, kan pangchang tan dawn a ang riau in ka hria , sawibuai lo in bottle chhin chu ka hawnsak ve leh mai bawk a




Phone khawih melh melh chungin bang ngheng zawng chuan ka thu ar ar a

"He tah i bialpa damlo in ka awm a,phone hlir i buaipui thei a nia,i mak ve ngawt mai" a tih nghat nghat chuan ,a mah chu ka en deuh vut, a lo tum bur mai,


"Aww, ngaihtuahawm pawh i nih tawh loh kha,muhil rawh" tiin phone bawk chu ka khawihsan leh daih,a phun hluk a, ka phone ken lai chu min rawn phihthlak sak thut in ka phone chu a en nghal vung vung,


"Khawi,min lo pe let rawh,e nge maw i hriat le" ka tih chuan,min rawn en in a mitmeng chu a thim khup a ,min melhrum tha viau bawk, ka hrikhhai letling zawk viau,



"E nge" ka tih leh lai tak in,ka hma ah phone chu a theh in a rawn theh phei a, lo dawn hman lo ila chuan chhuat ah a tla chiang bawl bawl viau ang


"I van mawl tak," ti hlak in ka melhrum ngat ngat viau bawk, a ni erawh a tum bur a, a hma zawn a melh ngar ngar bawk, a awmdan teh thut chu a ngaihna ka hrelo viau


"Hey, e nge i hriat a" ka va ti dek dek chu


"Eng mah eng mah, min be suh " a lo ti hlur a nih chu, tihsual ka neih awm ka hre bawk silo , a ngaihna ka va han hrelo tak,chutia min be suh ti na na na chu tiin ka phone chu ka en san leh ta daih,


Phone ka en chuan Sangzela message lo awm in, "lo chhuak lawk teh" tih hi a lo ni,ka hrethiam ta chiah, Sangzela message a hmuh vang a ni ngei ang hetia a lo tum bur ni, nui ru pat pat chungin ka thutna atang ka tho them them a,min ngaihven lo ang in awm mahse ka che vel chu min mitmei ru reng tho a ni tih chu ka hre reng,


Ward atang a chhuah ka tum lai chuan

"Khawnge kal i tum" a lo ti nghat a, hawilet a a hmel ka va hmu chiah chu nui chhuak lo tur a ka insum nasat zia chu,a tum bur a ,ka mit ah min lo en kal bawk,



"Englo,tui thianghlim ka va la lawk a nge,ka reilo ang" tiin ka chhang a,ka fiam chak tlat,ka message kha a hmu reng a,a sawichhuak hreh ve deuh a ni tih ka hre reng,


"A nih chu kal rawh, i kal hlan in ka tui lo hal ta se, keimah a in ka lo tum a ngai dawn a nihchu" a ti deuh nghat nghat,a mah lah chu a nui duh thak bawk silo, a mah leh a awm dan chu in mil lo ka van ti tak,puitling uai tawh si ,pangchang reuh lutuk


"I kut leh lam a dam a, khami khan i keng a nga,i kut leh lam pawh ,a tang a na chuang lo a,i hawng thei mai ang" ngaihsam hmel deuh a ka lo tih chuan a ner sak mai..


"Kal rawh,"a ti nghat bawk,nui pat pat chung a ward atang ka chhuah dawn lai chuan


"Ka lu nat zia hi" ka hriattur kher a a tih chuan ka nuichhuak teuh lutuk, ngaihven duh miah lo in ka chhuak tlang a,min ngei khawp ang





Sangzela cabin ah ka lut a,zan riltam ka nei tih a hriat avangin eitur min lo leisak hi a lo ni, ka lawm viau bawk,thian nih a tlin thei a nia, Josh-a ei tur leh damdawi a lo lei bawk a, ti chung hian josh lah chuan a la thik em em chu a ni sia, a mah a in ti hah thlawn mai mai



Ward a ka va luh leh chuan,min hnungchhawng zawng hian a lo mu ngat a,a mit a chhin tlat avangin a muhil tawh emaw ka ti hman nghe nghe,mahse a che hruat lai ka hmuh chuan a la muhil lo a ni tih ka hria,



"Josh, hei hi Sangzela'n a lei sak che a,i riltam hun ah i ei dawn nia,damdawi pawh a lo leisak nghal che aw" ka tih chuan a che hrut ringawt a, min chhang duh eih lo,a awmdan naupang chhia zet avang chuan ka nui tet tet tawh


"i muhil a mi a nihchuan ka mu dawn a nia" tiin thuthleng sei ah chuan ka mu a, ka mut na chu a te bawk si nen,ka tla lek lek thin,


Minute sawm vel dawn ngawireng a kan awm hnu chuan,josh chu a ri sut sut a,ka lam a lo hawi ni in ka hria,ligh kan off tawh avang in pawn lam atang a thla eng lo lut bak eng dang rin tur a awm tawh lo,


" a hreawm em" a rawn ti dut a , "hreawm lo e' tiin ka lo chhang mai


"lo mu la," tiin a mutna bul awl lai chu a beng thak thak a

" a ngai lo tah pawh hian ka mu thei a lawm" tiin ka lo chhang thung, mutna hreawm deuh a ka mu chu min khawngaih tih ka hria, ngawireng in min en reng a, thla eng in min rawn chhun chiang bawk nen,ka lai lek lek


"Ka muhil dawn,min be tawh suh" ti ringawt in ka mit chu ka chhing ta daih , engtiklai in nge ka lo muthikh ka hre lo, min ko thawm avang in ka harh a


Josh chu a mut na ah a lo thu reng tawh


" na i nei em ni" tiin ka hlauthlawng nghal viau bawk,mahse a lu lo thing in


"Aih,chulam a nilo,ka zun a chhuak min va zunpui teh" a tih chuan keipawh ka tho ve mai

Bathroom lam ah chuan kan inzui phei a,pawn ah ka lo nghak thung, ka rin aiin rei ka ti tawh



"Hey,i va rei ve i e nghal em ni" tiin,thawm dim deuh si chuan bathroom kawngka chu ka beng dat dat a ,


"E lo e lo, " zawi si ,vin tak tho si chuan a lo ti a,

" a nih chuan i va rei si ve" ka tih leh chuan , bathroom kalh na chu a ri rak ,

"Nui miah suh aw" tiin a rawn dak dek dek, a hmai lah chu a sen awp awp lehnghal a, ka ngaih te pawh a tu thalo zawk lek lek " e nge awmzia,i sen vek a nia,i khua a sik leh em ni" tiin mangang deuh in ka lo zawt a, a ni erawh in a lu thing nar nar in


"Chu lam a nilo,englo a nia" tiin a sawi hreh hmel hle, a hmel lah chu na tuar hrep hi a ang reuh a, a ngaihna ka hre lo tawh lutuk


"Sawi vat teh,e nge a" kei a ngaih tha lo chuan ka lo ti hlur tawh,chutah zah hmel deuh a min en chung in


"Ka zih hnan a" a rawn ti sup , "eng maw' ka lo ti nghal hu

"Ka zih hnan,a na lutuk,lo lut la,rawn phelh teh ka kut lehlam ka hmang thei bawk silo" a rawn tih leh chuan ,ka nui khur nghal char char, ring deuh a nuih ngam lah a ni si lo,insum har ka van ti tak,a hmel ka en a piang in ka nuih a za telh telh lehnghal,


"Nui tawh lo khan min lo pui vat teh ,a na tawh lutuk a nia," a nin a lo ti hlur tawh,nui chungin bathroom ah chuan kan innawr lut a

A lenna a a kekawr hak kha a la ha a, a ziper awm a lo ha hi a lo nia, tiang khan thil kha a thleng thut bawk si nen,kekawr thlak na hun pawh a awm lo kha a nia,ka va han nui hnem tak


"Lo che suh aw," tiin a kekawr ziper chu zih thlak ka tum a, a kap lai tak a ni bawk nen,ka zam che lo chauh ve tho, one two three chhiar a ,a ziper pawhthlak ka tun chu a phu uih a

"A na lutuk!! ,zawimuang khan,awi Zonunpui kan chhungkua,ka fate i tichhe zo takngial dawn" a rawn ti hluk a nih chu, ka thil tih lai thulh thak in ka nui khur ngat ngat, reife kan in buaipui hnu ah bathroom kan chhuahsan thei hram,a kal te chu a kal kak tui mai, a hnung ah kal in ka la nui tawp thei meuh lo a ni.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)