SCENERY BY Zuali Khiangte (Completed)

[Ngaia]

Ka duty tur chu Josh chuan min thlah ta ngei a,

"Ka lo hruai leh ang che,kal kawi na tur ka nei a , ka reilo ang" ,a tih chuan zawhna mitmeng nen Josh chu ka en nghal vat.


Ka rilru hria ni awm deuh in a nui suk a,a lam a min pawthnai deuh in,ka sam chhawlleng chu ka beng ah a zep pah bawk .

"Ngaih thatloh na tur engmah a awm lo a nia",ti sup in ka mit ah tak chiangzet in min en a, kei erawh in a hmui daih ka lo en thung, a hmui hnuailam phir chuan a ti lang sexy takzet , ka thil ngaihtuah hun lo zet avang chuan ka chil ka lem khawlh, a rawn nui ri hak a.

"In control rawh Zonunpui ,i ngaihtuahna a hriat lutuk",a ti a nihchu,ka ner nghal nang nang, "e nge ka ngaihtuah,ve lutuk a che aw," ka tih chuan ka beng bul ah rawn kunhniam deuh in ,"i ngaihtuah ang kha,keipawn ka ngaihtuah,mahse inneih zan ah aw", a tih chuan ka zak lutuk chu ka sa nghal hat hat in ka hria,a awm ah nem vak in ,

"I rilru dik loh vang a nihkha,i ngaihtuah ang ka ngaihtuah velo,kal vat mai teh",ka ti khar khar,a nui hawk a, chimawm zet a min melh in ,a hmui hnuailam sexy ka lo tih ruk em em chu a liak huh zeuh bawk,kan awm na in zirlo viau lo se chuan chil ka lem leh khawlh maithei a ni.


"A nih ka kal a nia, i ngaihtuah na kha,keimah ah chauh awm tir ang che," tiin a bike ah chuan a lawnkai vut a , "lawithat zan mawlh lo ngaihtuah tawh lo la," nui put put chung a a tih leh chuan,ka ngei lutuk chuan ka melh nghek ringawt.

A tawp a tawp ah a ni pawh a inkhalh chhuak thei hram a, pen na tur ka nei ti mahse khawi ah nge a pen dawn tih erawh ka hriatpui lo,nizan khan a hmalak dan tur thenkhat chu min hrilh ngei a, mahse kimchang tak erawh chuan a sawi lem lo.



Canteen a kan thian ho kan chawlh lai chuan Sangzela pawh a rawn lut ve a, ka ngaihbel nge, Rinkimi nen chuan an in melh deuh ralh ralh in ka hria,aw ka thian kharh a "sawitur te in nei em?" ti a,an ni pahnih ka melh ralh chuan, Sangzela chuan min melh zawk a,engmah erawh a sawi chuang lo.



"Sangzela nen in infawp lai thlalak ka hmu a nia,sawitur in nei em?" ti a,Rinkimi ka melh leh chu a thil ei lai a lo hak bawrh bawrh mai, Remi'n tui a lo pe vat a, ka thusawi chu mak a tih hmel viau bawk , hmel pha dai chung a min rawn en in , " eng lo a nia" a ti zawi rat a, a nuam lo ti hmel chuan ka nuih a ti za, "engtik atang khan nge,awi in lo van inzep thei tak" ,Remi chuan a lo ti nghal chul.


"Kar khat vel bak a la nilo,ka duhlo ka ti chung chung pawn,a mah khan, 'min ngaihzawn loh chuan damlo ngaihsak tha lo tiin sawrkar ah ka hek ang che' tiin min vo a,chuvang vek" ,tiin Sangzela chu ngei hmel deuh in a melh a,Sangzela erawh a lo nui ruh ruh ringawt.



"Awii!! chutiang chuan i lo ti a maw,doctor ve si i va nunrawng ve", Remi bawk chuan a ti leh vak, kan va han nui nasa tak , "khatia ka tih mai loh chuan,min hnar a tum sia lawm" Sangzela chuan a ti a.




"Chu pawh lo ni tehreng se,i van lo inzep rei thei ve, a ruk te te a inngaihzawn chu a nuam em",tiin an ni pahnih chu kan chhaih fiam a,kan nui dar dar reng mai. Nunfeli leh a kaihhnawih erawh ka sawilang duh rihlo, Sangzela nau hi a ni a, a tan a nau felloh na lam hriat reng chu a nuam in ka ringlo,chuan Rinkimi leh Sangzela hi ka thinlung tak in ka lawmpui takzet bawk, Sangzela hi mipa fel tak leh innghah na tlak tak a ni a, Rinkimi pawh tun hnu hian a sual loh zia ka hria a,an hmeltha dun in an mahni an in enkawl thei ve ve bawk a,an inhmeh takzet.




Zan ah chuan Josh a lo lang miah lo,zantin deuh thaw lo lang ziah a nih vang nge, a lo kal loh chuan ka ruak huai in ka hre thin,biak tum a phone ka lak rual chuan call ka dawn a, ka number hriat ngai loh a ni, ka lak rual chuan,


"Zonunpui ,engtin nge Josh-a hi i lo fuihpawrh a," thinrim zet a ti ri ka hre zui nghal zat,tu nge a nih hrilh chawp ka ngailo,tunge tih ka chiang nghal.


"Ringawt a che engtin mah ka fuihpawrh lo e",ka lo ti let ve khar khar.



"daw lo mai teh, i fuihpawrh tih ka chiang e mai, i hre khawp ang " ,a ti leh tawn tawn a, a au rin dan ah a thinrim hle a nih hmel,kan Hriatpuia chuan eng tak ti ang maw.


"I ngaih ngaih in ngai rawh ,ka buai peih lo",ti nghat in call chu ka ti tawp a, josh zawhfiah erawh chu ka tum tho, josh chu ka call ta nge nge , "engtin nge vawiin ah Nunfeli i lo tih a?",ti a ka zawh chuan, "a lo bia che em ni?" tiin min lo zawtlet daih, "bia e, a reng reng ah khawi ah nge i awm,i lo kal dawn lo em ni", ka tih chuan "dawn e ,ka lo thleng tep,Rinzuala te in ah ka peng lawk a",tiin min min chhang a,


Call kan tih tawp hnu ah a rawn lang har lo, ka bul ah a rawn thu nghal chat a, ka lo en reng chu a ngaih ka ti tha lo deuh a ni ngei ang,


"Ti nge kha ti vak a min en a, hawisawn rawh" nui put put chung hian a ti a, "vawiin ah e nge thleng',kei in ka lo ti thung.


"Plan ka thlak a",ti a awlsam zet a min lo chhan chuan, "engtin?" Ka lo ti vat.


"An in ah ka kalchilh" a lo tih chuan,a ban ah ka beng chawrh, Sangzela te in ah a lo va kal a nihchu.


"I van mawl tak, tinge chutiang a i tih, an in a kal chilh kha plan ah a tello, a chhungte rilru nuam lo deuh in i siam dawn a nihkha, a mah kan zawt fiah phawt ang kan tih kha",ka tih hlak hlak chuan,nin hmel fe hian, "a rei mai mai",a lo ti hluk a nihchu,ka beng leh zawk dawn emaw ni.


"A nih chuan engtin nge a lo tih",ti a ka zawh chuan , "engtin mah",tiin min chhang a,a chhan na chu ka va duhkhawp lo tak, "kimchang deuh in sawi teh" ka tih chuan min rawn en in , a biang a kawk zeuh a, "tah hian i fawh phawt a ngai",a ti a nihchu,ka van melh rum nasa tak, ka nu leh pa te chu room ah awm daih mahse ,inchhung ah an awm ve tho a, ka va han fawp awm lo tak.


"I mawl a mi, ka nu te inchhung ah an awm ve reng hi",ka tih chuan,a ner nang a ,


"Room ah a lawm an awm daih,chuk zeuh a ni mai,a har lo e mai a" a la ti talh a nih chu, ka thawk halh rual chuan,


"Ka biang a i chuk zeuh hma chu,ka hrilh dawn lo che" a lo ti leh ,ka thaw leh halh a,ka tih mai loh chuan min hrilh duh lo tak tak ang, 'a nih rawn awm hnai rawh",ka tih rual chuan phur zet in a biang chu ka tan a fawh rem tur chuan a rawn dawh a, a la nui put put zui,ka beng chawrh zawk dawn emaw ni.


"Ti vat rawh",a rawn tih leh chuan "ka ti dawn reng ngawi rawh" tih hlak pah in a biang ah chuan ka chuk zeuh a, ka in la hrang leh thuai bawk.


"Sawi tawh rawh" ka tih chuan,a ngawi vung vung a,a biang ka fawh na lai chu khawih in, "kha zawng kha maw,a van ho ,ti khan a zo der a nia", a ti a nih chu, ka van melhrum nasa tak a chang hi chuan chum chawrh ka chak thin.


"Ngawi la,vawiin a i thil va tih chu sawichiang vat mai teh", ka ti hlar tawh.


"Aw ka sawi dawn,hlik hlek che hian" ,tiin a nui ruh ruh a,ka dawhtheih na hian a tlin lo leh lek lek thin hepa hi chu.


"An in ah ka va kal a,mahse a mah ber a lo awm silo a,a chhungte bul ah a thuphung in ka sawi a, an lo hau a niang,engtin nge a lo biak che",a tih chuan, "a thinrim a au ring rapthlak" tiin ka lo nui hak.


"Imm, an hau a nihchu,hau rawh se, fiah ngai lo in a mah a ni tih a chiang vek tho a, a chhungten a thil tih an hriat ve chu a tha a lawm,zilh na dawng se in ngaihtuah harh ve rawh se", a tih chuan a thusawi chu dik ka ti viau, thu tam em em kan sawi hma in a thian ten josh chu an rawn call a, Zawma a tlusual palh a ni maithei, keipawh kal ve chu duh viau mah ila,veng kar a hlat tham ve deuh vang leh zan a tlai ve deuh tawh avangin josh chuan kal velo mai tur in min ti a, Zawma pawh ngaihtuah awm em em a ni hran lo a nih hmel.






Duty tur a ka kal chu hospital kawt ah Nunfeli a lo ding a,min hmuh veleh min rawn pan nghal in scooty ka dah fel hma hma chuan scooty atang min pawt thla nawk a, ka helmet pawh lei ah a tla nghal bawl mai.


"Zawngi, i huang tau mah mah aw",tih pah in ka sam ah min kek nghal bawrh bawrh a nihchu. "E nge i hriat a min thlah nghal rawh",ti chungin keipawh chuan a sam ah ka kek ve nghal.


"I sam hi ka pawt kawlh vek dawn, kan nun a i lo lan hma kha chuan josh hi ka ta a ni thin",tiin min kek reng chung chuan a ang hlawih hlawih a.


"I duh lo a,i kalsan tawh hnu keiin ka lo nei chu a pawi na ka hrelo, ler kawh viau lo la chuan tun ah hian i ta a la ni maithei, i ler san a ,i kalsan bawk, i thiam loh vek a nihkha" ,kei in ka lo ti ve thung, chutia kan lo in keh ngat ngat lai chuan.


"A tawk in thlah ru"ti ri kan hriat rual chuan ,kan kut chu an rawn pawt nawk nawk a, Nunfeli zawk chu a hnungzang a thum leh awk thin, min han pawt hrang chiah chu Rinkimi leh Sangzela te hmel kan hmu nghal.



"Eng vangin nge nangkhan ,min rawn chum ve ngawt a" tiin Nunfeli chuan Rinkimi a melhrum ngang mai, kan buaina bul hrelo in remchang ah la in Rinkimi chuan Nunfeli chu kut a lo thlak ve leh a nih ngei chu. "Ka kek til vek chak na che a reiii tawh, Puitei hi lo cho ve awr awr tawh suh," Rinkimi chuan a ti let ve hlak a,Sangzela lungawi lo hmel ka hmuh chuan ka inthlahrung deuh.


"A tawk tumah tawng tawh su,eng ah nge in lo insual leh thin",Sangzela chuan a ti khur khur a, rum zet a min rawn en pah in Nunfeli chuan, "henu zahtheihloh vang vek hi a lawm",a ti a nihchu,ka nui chhuak hak,zawk za mah chuan,zaktheilo zawk chu tu nge tih kan hre vek. "Ve lutuk che hian a,ka khawih leh dawn che emaw ni le,khawih leh i duh em", ngam zet in Rinkimi chuan a ti a, Nunfeli a panhnai leh chu a kawng ah Sangzela chuan lo chelh in, "a mak a tawk',a ti hluk bawk.



"Khawi maw a mak,min thlah teh,i nau mah nise he mihring hi chu ka khawih hrep chak na a rei tawh, a kal na hmun apiang ah buaina a siam ziah,kan thian ho pawh min ti darh vek lo chauh tawh",ti leh hlak hlak in Sangzela ke ah chuan a rap vak a,Sangzela pawh a te ve that mai, kei ai mah a,Rinkimi a thinrim chu ka nuih pawh a za lek lek mai.


"E nge buai na" ti a aw lo chhuah na lam chu kan hawi thap,mitmeng rum ul in josh chu kan hnung lawk ah a lo ding reng, engtik lai in nge a lo thlen tu man kan lo hre miah lo.


"E nge thleng?" Tiin josh chuan min panhnai a, ka sam lo pawr phung leh ka landan chuan a mitmeng a ti danglam tih ka hria,a thinrim hmel viau bawk.


"Kha mihring zaktheilo lutuk kha alawm, Puitei a rawn sawisa leh ringawt tawh a nihkha,hnek teh" ,thinrim deuh chungin Rinkimi chuan a lo ti leh hlak hlak,Sangzela zawk erawh a la ngawi reng a, leh lam ah Nunfeli a nau a lo ni ve tho bawk nen nuam lo chu ka ti ru ve reng,mahse Nunfeli min tih thin dan hi chu palzam mai mai chi ni in ka hre bik silo.



"Eng vang a ti nge i nih?" Ti rum ul in,josh chuan Nunfeli chu a panhnai nghal ruak a,a kut a hun ruh bawk nen,hmeichhia tih pawh sawi lo a kut a thlak mai chu hlau in a ban ah ka lo chelh vat, Nunfeli chu a ngawi reng a, "zawhna ka zawt che",josh chuan a ti chang leh fak.


"Kan inkar ah hian tumah an in rawlh thei lo",Nunfeli chuan a rawn ti tuarh , Josh chu a nui hul hak a, "inrawlh a, mental problem i nei em ni,doctor pan vat rawh i chiang lo a nihkha" ,a ti hluk .


"Josh, nang leh kei chu kalhrang thei kan nilo,i hriat kha, nang leh keichu peng hrang ve thin mah ila,a tawp ah chuan kawng khat ah tho kan kal leh thin,i hre tawh lo em ni", ngen ngawl zet a tiin Nunfeli chuan Josh-a ban leh lam ka chelh loh na zawk chu a vuan a, hmeichhe pahnih in josh chu kan chelh ta ran mai,josh chu a ngawi vung vung a, e nge a ngaihtuah tih tuman kan hrelo , Nunfeli sawi ang khan, hun rei tak an lo inkawp tawh a,Nunfeli hi kalhrang thin mahse Josh bawk a pan leh a,an in zui leh thin a nihkha,chuvang chuan tun ah hian ka hlauthawng miah lo ka tih chuan dawt ka sawi tihna a niang,josh ka vawn na pawh ka tinghet sauh mai.


Mahse josh chu nui ro halh in,Nunfeli'n a vawn na zawk chu,a thing tla nawk a, ka kut chu nghet zet in a rawn chelh thung , chu chuan min ti hahdam huai huai thei .


"I sawi ang kha a hma a kan nundan a lo ni maithei,mahse tun ah chuan i kalna atang a hla tak,i kal na kawng pawh ve thei tawh lo tur kawng ka zawh tawh, chuvang chuan kawng khat a kan kal leh chu beisei buai duh tawh suh, zawng zawng mahla, ka kalna kawng pawh thei tur peng dang i hmu chuang lo ang, tun ah chuan nang ang lo tak a,min pen san ve ngailo tu nen kawng kan zawh dun tawh,harhchhuak la doctor pan ang che,i buai zual hma in", Josh chuan a ti fak fak a, Nunfeli tan chuan dawnsawn a nuam lo hle ngei ang,mah erawh chu ka tan erawh hriat nuam lo zawk zawk a nilo.

chutah Nunfeli chuan kei chu min rawh en in , "a nihchuan henu hi awm lo se,ka kawng zawh lai ah i rawn kal leh duh a ngem, henu hi kan that law law a nge",tih leh ka hrawk ah rawn reh a tum ta mai, Josh chuan a lo nemper lawp a, kutthlak tum a a ban a phar uai lai chuan Nunfeli biang chu a ri sawk a, a tap nghal par bawk.


Sangzela chu mak ti deuh in kan en ha a, vawikhat nah Nunfeli hu kut a la thlak ngai hauh lo.


"Mam" Nunfeli chuan a ti tham tiak a.


"Ngawi hmak rawh, eng mah sawi tawh suh,engkim ka hmu in ka hre vek,thinrim a ka hauh ngai loh che vang hian i thil tih hrelo ka nilo, i insiamthat beisei in tha tak in ka hrilh thin che, mahse insiamthat tum na i nei miah lo, mi inkar tihbuai tum reng reng in hun i hmang a, hmanni ah lah min zui ru in Rinkimi nen kan thla i la a,edit in josh i lo thawn bawk, engmah hrelo ka nilo,hetiang tur hian i nu leh pa in an enkawl lo che, thu tha dawng ngailo i nilo,mental hospital a dah chu i duh tak tak em ni",thinrim deuh in Sangzela chuan a ti khur khur a, Sangzela meuh in kut a thlak a nihchuan a thinrim hle tihna a ni mai .




"Kal rawh,haw rawh, hetah pawh hian rawn kal sek suh,engmah tih tur i nei velo, i thil tih thalo lam ka hre leh a nih chuan i nu leh pa pawh rawn buai lo in keimah ngei in mental hospital ah chuan ka dah tawh ang che,keini chuan kan ti harh zo lo che a nihhi",tiin Nunfeli chu a nawr kal dawt dawt a,Sangsela a thinrim em avang chuan keini pathum chuan engmah kan sawi zui tawh lo, keini tih ai chuan Sangzela a chet khan awmzia a neih zawk vang a ni, Nunfeli hian Sangzela hi a hlau in a zah a,chuvang chuan Sangzela a thinrin tawh a nih chuan engtin mah a tih ngam ka ringlo.




Nunfeli a kalliam hnu chuan kan boruak rit leh tang at kha a zia huai in ka hria,mahse Sangzela mawlh chu a ni ka khawngaih,a rilru a na dawn tih ka hria,mahse engmah a ni chuan a sawi lo a, a cabin lam ah a kaltlang dauh Rinkim in a umzui thuai bawk .




Zan ah chuan kan inchung ah in si chet in Josh nen kan thu dun a,

"Sangzela hi chu ka khawngaih ngawt mai, Nunfeli a nau a lo ni kher kher bawk sia",ka ti niah niah,"nia, Nunfeli mizia a hrechiang a, Sangzela hian a ti thei ber ang", josh pawn a lo ti ve sup.



Chutih lai chuan josh a si rial a ka thu chu ka in la hrang vut a, "nang hi" ka ti hluai bawk, "e nge kei chu" tiin Josh chuan mak tih hmel deuh in min en.


"I lerh a nihkha, hmeichhe dang vang a buai reng bik mai",ka ti chuan nuj chungin a lam ah bawk min pawthnai leh a,min lo kuah nghal hlu hlu mai,


"A nih chuan innei tawh mai ila" a ti sup a,a fiamthu a nih ring in a hmel chu ka en a,mahse a nui miah lo, "i mawl a mi , pasal neih ka la duh ngawt ngawt lo",ka tih chuan tak deuh ngul hian min en a.

"Ka ti tak tak ,innei fel ila a tha ber ang,tun atang chuan tu hmeichhe dang vang mah a buai ka duh lo a,mipa dang vang a buai lah ka duh hek lo,kan inkar ah hian inrawlh awm tawh lo se ka duh,chu vang chuan nupa ni phawt ang, nupui nei tur in ka inpeih tawh,ka nun pawh a hma ai ngawt chuan ka uluk tawh bawk, i tan tiin ka theih chin chin ah hma ka sawn ve asin,nangmah vang chauh in",a tih chuan ka en vang vang.


A dik, ti tawh lo tur a ka tih avang in zu pawh a in tawh lo a,la inkhawm em em lo mahse a mawi tawk chuan Biakin pawh a pan ve zeuh zeuh tawh, a nun ah hmasawn na tam tak ka hmu a,inneih lo duh ta pawh ni ila,ka chhungte hian min hnial hauh lo ang.


"Ka ti tak tak a nia,palai rawn tirh thuai kei chuan ka duh",thu tak deuh a a tih leh chuan ka bu nghat a, "in nghah na tlak a i awm dawn a nihchuan neih che ka hnial hran lo",ka lo tih tak ah chuan a nui nghal var var.








Story thar 'MAGNETIC' tih ka dah tel a, 'SCENERY' chhiartu zawng zawng ten min lo chhiar sak tel theuh dawn nia aw, 'Scenery' aiin a nep bik hauh lo a nia


Show post links
Top

[Ngaia]

Josh nen kan thil sawidun chungchang pawh ka nu leh pa ka hrilh ve a, hnial na awka ka dawng lo a, an phalna awka lah ka dawng hek lo, Josh-a khawsak phung hetiang mai hi a la ni ve si a, hei vang tak hian pasal a nei a,chungkaw dinpui tak tak atan chuan ka chhungte hian an iai pawh a ni maithei, lo iai ta pawh nise ka dem hauh lo,ka tan a tha tur chauh an duh tih ka hria, an phalloh thu an chhakchhuak lo ringawt pawh lawmna khawp chu a ni,mahse Josh-a nungphung enthlak hmasak phawt chu an duh ni in ka hria.



"Palai rawn tirh chu a rem em ?" Ti a min zawh chuan,

"Ka hrelo,aw min pawh lo a, an phalloh thu pawh an sawi chuang lo" ti a ka chhan chuan, "an va laklawh ve" a ti hmuk a, ka lo nui hak thung.



"Tak tak a, nangpawh tiang mai kha i la ni ve bawk sia, nupa ni tur chuan an ngaih a la ngam chiah lo ni in ka hria,nangpawh tlem tlem in hma i sawn a, tan han la leh deuh la,ka chhungte chuan an hnial ka ring lo,an ngaina che tih i hriat kha" ka tih chuan a thaw hak a, "ka bei mek a zel a lawm,mahse", a tih lai chuan ka kut ah ka lo chelh sak a .

"I thei tih kha ring tlat rawh, i kiang ah ka awm reng bawk a nga" ka tih chuan min rawn en a,tlem te in a nui suk bawk. Ka tukhum ah a kut rawn zenlut in min fawp a, ka lo chhanglet tha ngang mai, ka day off ni a ni a, in ah kan pahnih chiah in kan awm bawk.

A thaw lum ham ham chuan ka hmai zawn ah a ur ham ham a, ka sawi thiam lo ka awmdan,ka lungphu chu nasa tak in a rang a,ka taksa pum chu current chak tak in a man ang mai a ni, zawimuang in khum ah min bawh tlu ruai ruai a , ka hmui ah a fawp pah zel bawk . A kut in ka awm a rawn tham chiah chuan ka ip chawih a, a mah chu ka en vat bawk,mitmeng phi chiai in a ni chuan min lo en a, kan ngaihtuahna chu a thuhmun a ni tih ka hria.

"Josh" ka ti sep a,tawng pawh harsa tawh tak a ni,ka taksa chu nasa tak in a danglam a,ka mitmeng pawh a danglam ngei ang, chutah ngenngawl zet a min en in , "ka hmangaih che" a ti sup a, chu zet zawng ka tuar zo ta lo.



Thil thlen hnu atang khan thla khat ngawt a liam leh tawh, kan inkar chu a hma zawng aiin a tha a, kan inpawh zual sawt niin ka hre bawk, ka thianghlim na ti mai a ka chan kha ngaihtuah ngut ngut chang ka nei leh thin a,mahse ka inchhir hauh lo thung, Josh hi ka mipa hmangaih ber a ni miau a.



"Nu e nge i siam a" tiin ka nu rawngbawl ma bul ah chuan ka kalhnai a .



"Bawngsa a nih hi, i pa in a ei chak deuh a" a lo ti ve mai, kan khua ah bawngsa duh hun hun a ei tur a awm loh avangin bawngsa ei chu ka chak ve deuh, ka nu thilsiam lai chu ka thlek dak dak a, a rim in ka hnar a rawn verh chiang hle,chumi rual chiah chuan ka uak tuarh a, rang lutuk in bathroom ah ka tlanlut nghal , ka pum let but chu ka hrethiam lo hle , mittui tla phung a ka uak hnu ah bathroom atang ka chhuak ve chauh.




"Tinge a ?" tiin ka nu in min lo zawt vat a , "ka hre bik lo, ka pum hi a diklo a niang,tunlai chu pumpui chakna lam ka ei bawk silo a" ka tih chuan,




"Ei leh vat rawh, i pa pawh a damdawi a zo dawn lei a ngai" a ti bawrh bawrh a, a chawhhmeh siam chu a chawklet pah mawlh mah bawk,chawhmeh rim chuan ka pum a ti let leh but a, ka uak leh mai dawn a ka hriat avangin choka atang ka chhuak ta daih,room ah awm in laptop ah movie ka en ta mai mai, ka rilru ah thil pakhat a lo lang zawk a, ka ngaihtuah na hi a tak nilo hram se ka ti hle bawk, ka ngaihtuah chiang a thla hmasa ka period miah lo, engtin nge ngaihbel nachang ka lo hriat loh theih zawk.



Josh chu ka call vat a, call a chhan rual in ,"zan ah test kit rawn keng ang che" ka ti nghal thawr, "e nge awmzia" tiin a ngaihna a hriat loh hmel hle.



"Ka rai in ka hria" ka ti chiah chu, "eng maw" a ti vak a, "tawng ring suh" keiin ka lo ti thung.




Zan ah test kit chu a rawn keng ta ngei a, ka nu leh pa mut hma chu test pawh ka in test ngam lo, ka nu leh pa an mut hnu darkar chanve dawn ah,bathroom ah lut in ka va in test a,a tir ah chuan rawng sen pakhat chauh hi a in rin a,ka thaw huai tawh,mahse rawngsen inrin bul chiah a rawngsen dang rawn in rin leh avang chuan ka bing nghal chuk chuk ni mai in ka hria, kei hi ka rai a nihchu.




Mumal lo deuh chungin bathroom atang ka chhuak a, "e nge result" ti a min lo en reng tu sofa a thu mek chu ngawireng in ka en, ka rai hi ka lawm lo tihna a nilo,hmangaih ber te fa pai chu tu nge lawm lo awm ang ,mahse kan la innei lo a,chu mai bak ah,kei chu thuhran josh-a hian pa nih a in peih chiah em,a nun ah hma sawn viau tawh mahse chhungkaw din tur meuh chuan a in peih chiah em ka hrelo a ni.




"Result chu" a rawn tih leh chuan,testkit chu a hma ah ka thehthla a, test kit a hmu chiah chu a ni pawh a ngawi reng, ngawi reng in a bul ah ka thu a, ka thaw chhuak hak bawk.



"Engtin nge kan tih dawn", ka tih chuan a ni chu a la ngawi reng a,engthu mah a sawi lo chuan ka thin a tirim hlur, "eng emaw tal sawi ta che",ka tih leh lai chuan a tho thut a, pawn lam ah a chhuak nghal nul nul a nihchu , a awm dan teh thut chuan min ti hamhaih takzet, naute hi duhlo in ,a mawhphurhna a tlansan ta tihna em ni, ka hrawk chu a rawn in hnawh tup tup a,ka tah a chhuak teuh bawk. Minute sawmhnih zen zawn ka nghah leh hnu ah pawh,Hriatpuia chu a rawn let lo a, naute chu a duhlo ni ah ka ngai hmiah,ka mittui lo far fap fap chu hru hul in , kawngka kalh tur chuan ka tho chhuak a, kawngka ka khar tur chiah chu hmanhmawh deuh in josh chu ka lampan in a rawn tlan a,



"Ka rei em" thaw halh halh chung a a tih chuan,mittui tling teuh chungin ka lo en reng.




"I tap a mi,ti nge a?" Mak tih hmel deuh a a tih chuan ka van beg chawrh chak tak , "tinge engmah sawi lo a i kal daih" ka ti chhuak tiau.




"Chu chu maw,i tah chhan a van ho tak" a tih chuan ka melh nghek, ka rai thu kan hre chiah a, eng mah sawi lo in a chhuak daih a, ka rilru tur engmah a dawn miah lo "hmela a ho miah lo" ka tih lai chuan,ka hmai zawn ah eng emaw ni hi a rawn lekkang a, a mah lah chu a nui var var bawk si, josh chu ka en he haw ,




"En rawh, kan naute mawza tur a nihkha, mipa nge hmeichhia tih ka hre silo a, rawng pawl leh rawng senno ka rawn lei a, mipa a nih chuan a pawl hi kan bun tir a nga,hmeichhia a nih erawh chuan a senno",tiin a la nui var var, ka mittui chu a rawn luang zawih a, naute duh lo in a mawhphurhna a tlansan emaw ka lo ti a.




"E..tinge i tah a" ka awmdan hrethiam lo deuh in josh chuan a lo ti hu. A awm ah chuan ka chum tawlh a,




"Naute hi i duh lo emaw ka tia, i chhuak daih bawk sia" ka ti tiau, a ni chu a nui hawk a, a awm ah nghet zet in min kuah bawk.



"Ka tihpalh,ka phur lutuk a, sawi hmasak ber tur pawh ka hrelo kha ka tlanchhuak ta daih a nihkha,naute hi ka duh a lawm, ka duh lutuk" , a tih chuan nghet zet in ka kuahlet ve, ka hahdam nghal huai huai bawk.



"Phur viau pawh nila eng mah sawilo in i tlanchhuak daih a, ka ngaih i ti tha lo hman a lawm" tum bar a ka tih chuan ka kut ah chelh in a tuai zui hauh hauh a, "ka tihpalh" a ti sup bawk , a hmel a phur na leh hlim na langchhuak chu ka hmuh hmaih lo a,chu chuan ka awm a ti nuam huai huai bawk, a phur luat avang a min tih hlauhthawn hmasak kher erawh kha chu a tullo ka ti viau thung.




"Tiang hi chuan kan inneih vat a ngai dawn a nih hi, i rai hi a lawmawm, loh theih loh a kan inneih vat a ngai dawn a,i pum len hma a inneih vat a tha", josh chuan a ti nghat nghat a,ka rai chu a lawm hmel viau a then thaw reng mai.





Ni e,hetiang kan nih tak si ah chuan chhungte hmaizah na dawn viau mahse inneih vat chu a ngai ang, kaa nu leh pa hrilh erawh ka huphurh viau mai,engtiang in nge min lo dawnsawn ang tih chu ka ngaihtuah tello thei lo.


A tuk zing ah hreh deuh chungin ka nu leh pa te chu ka rai thu ka hrilh a, ka thusawi sawi lai a an hmel ka hmuh ngam loh avangin ,maimichhing chungin ka sawi, ka pa khuh kharh thawm ah ka meng ngam ve chauh, sitting room ah kan thu a, ka hlauthawng lutuk chu ka thinphu a rang dup dup hle, ka pa chu a thu tak run a,ka nu lah tawngchhuah a tum miah bawk silo.



"Hetiang in nih tak si ah chuan a hmalam ah inneih in ngai dawn tihna a nia, puk lawk kher lo ula tha tur",kapa in a tih chuan a rilru tur ka hriatthiampui in ka hria,kohhran upa a ni a, rawngbawltu an ni ,kei ni ila kohhran ah tette atang ka theih ang ang in ka inhmang chho ve a,kan unau pawn tleirawl sual tih ang kha kan nei miah lo, mi fak pawh kan hlawh unau ve hle thin, thildang ah nu leh pa te hi chawimawi falua theilo mah ila, kan nundan leh kan mizia hian nu leh pa te a chawimawi in a ti mualpho thei a ni tih ka hre ve kar.




"I hriat ang in Josh-a pawh hetiang mai hi a la ni rih a, hma a sawn viau tawh e kan tih rual hian hnungtawlh reng thei a la ni tih hi hriat tel a tha, i duhthlanna keini chuan kan zah sak che a, puitling i ni tawh a, i tan a tha leh thalo thliar thiam rual i ni tawh bawk, hetiang a nih chuan palai hmel hmuh pawh kan inbeisei pauh a niang chu", a ti leh charh charh, dodal na an neilo chu ka thaw huai mai.


Chanchin lawmawm chu josh pawh ka hrilh thuai a, a ni pawh a lo lawm hle. Palai hmel pawh kan hmu thuai ta reng a, rei rial lo a inneih thuai chu kan thutlukna a ni.


Kan huntiam ,inneih ni tur a kan tih pawh reilo ah a lo thleng a, ka zam chhe viau. Aizawl lam ah Josh-a te lawina kohhran ah kan in kutsuih dawn a ni, dan khat na a nih loh avang in kohhran hall ah kan in kutsuih dawn bawk. Biakin lam kan pan hma in ka nu chuan,




"Tun ah chuan nula ni tawh lo in,mi mo i ni tawh dawn a,i nulat lai nun zawng zawng vawiin atang i thlah a ngai tawh ang,i pasal tur hi i hrechiang a,hnung tawlh chang nei mahse beidawng lo in tawngtaina nen bei fan fan la,tawngtaina thil tih theih zia i hriat kha, a tul tawp ah lo chuan mahni in lam pan mai mai loh tur, i duh i thlang tawh a i lo tisual ta a nih leh i hma a inhung chu i hmachhawn tur a ni, i vannei a i tisual lo a nih erawh chuan rilru dam tak in keini chu kan awm ang,mi in ah i lawi dawn a ni ringawt lo a, chhungkaw thar i nei dawn tih hrereng ang che,i pasal i hmangaih chuan a chhungte pawh eng mi pawh nise i hmangaih tel tur a ni, i pasal leh a chhungte zah thiam la, i dik na ah erawh tang tlat ang che",tiin ka nu chuan min hrilh a,ka thinlung ah ka vawng reng ang.



Inneih thutiam kan chham dawn a,keichuan pangai tak in ka ti thei ve mai, kan josh-a pui rauh chuan thutiam lak chhung chu rei a ti deuh nge ni,



"Thu chham tur kha i kai tawi deuh thei em?" , a ti a, mipui ho an lo nui hak ,ka bul a ding ka thiannu Remi pawh a nui khur char char,min in kutsuih tir tu pawh a nui tawp , rehearsal kan neihlai atang tawh thu chham chhung hi rei a ti reng a ni,kei erawh a thusawi vang chuan ka nuih a za ve miah lo,ka zak lutuk ringawt. Rum deuh in ka va melh nghek.



A chet thin zia chu, zungbun bun tir hlan te chu an nghakhlel fal leh khawp a, a hun hma in ka kut a rawn vuan a, min inkutsuih tir tu lah in thu a la sawi laklawh si, kan kut chu a rawn phelh deuh chawt chawt ,mipui ho chuan min nuih vek tawh in ka hria,ka zak lutuk chu ka kun deuh chal tawh. Zahthlak deuh in inneih boruak vel chu kan zo ve thei hram a , min fiam tu lah an tam narawh, Hriatpuia nen chuan kan in melh rawm rawm reng mai.





Lawi that zan ah te chuan an over leh mai mai khawp a, min bawh thuah ur tawh hnu ah , "kan naute hian a lo hmu vek lo ang chu maw" a ti pek a nih kha, ka chung ah bawk ur tawh mahse ka nem tla daih, min rawn kuah lah in , "ohh,naute hi ka ti na em" a ti thul, kan inneih hma zawng aia a over vel chu ngei tak ka ni.



Zing ah kan tho tlai lem lo, inleng neuh neuh kan nei reng a, mo thar en duh leh ka thingpui lum in duh hrim hrim an awm nual mai, zingkar mah nise thingpui ka sem zak zak reng mai, Josh-a nu leh pa te nen hian kan in hriatlawk sa avangin ka zak em em hran lo a,mahse chet na ngai loh a han chet thut chu ka khawr ve tut mai . Kan inleng nu pakhat chuan inhnuai lam a lo chhuk mek ka pasal hnen ah chuan,


"Innu chuan eng eng te nge a lo chhawm ve a" tiin alo zawt a, josh-a pui rauh chuan,


"Lalna te, thuneihna te,rorelna te,tun ah pawh rawng bawl a ngai a tih hi" a ti a nihchu, kan inleng ho chu an nui ham ham a,kei erawh in josh chu ngei tak ka ni, nu ho lah chu rin ai daih in an phawk reuh a, zawhna eng eng emaw an zawt a,ka chung chang an sawiho tam mah zawk .




"In monu chu fel hmel khawp mai,a thingpui lum pawh a tui e", nu pakhat in a tih chuan , "nia, a pian lai pawh hi ka hria a, tleirawl sual a nei bawk silo, mo atan kan nei mai hi kan vannei khawp mai" tiin a lo chhang a, ka nu in a min fakna tawngkam chuan a ruk in min tihlim ve veng veng,kan hmalam hun chu ka hre miah lo na in ka chenpui te an fel a nih phawt chuan ka sual ka ring hran lo.



"Raino tir phei chu thil rawp te hi a na duh asin,ei chak i neih apiang chu inpa hi lei tir char char rawh" ,kan thenawmnu bawk in a tih leh chuan,



"A chawn hian a mah in pumpui hran a nei a, chawm a hautak viau maithei a ni",a lo ti lehpek a nihchu,




"Lalhriatpui sawi uar ziah suh ,ka chawn hian pumpui hran a nei kher lo e aw" ka lo ti ve hlak, inleng ho nuih dar dar na kar ah chuan Josh chu melhrum tak ka ni. Kan inneih hma atang tawh a tihfo dan a nia, kan inhnial phah ziah ,a sawi ang em en in ka chawn hi a lian miah lo.





Hun a kal ve bek bek a, ka pum pawh lian ve tawh tak a ni, ka pian ka seilenna khua Sihfa chu ka ngai ve veng veng thin, ka hna kha chawlh mai ka ui ve bawk si nen Aizawl lam ah keini kan awm tawh si a, Civil lam ah min sawn tur in kan dil ta tawp, min lo phalsak hlauh bawk, Josh-a pawh kan innei a,pa a han ni tur chiah chu a puitling sawt khawp mai,lirthei lam a ngaina bawk a ,ka pa in dawr a hawnsak a,bike model hrang hrang a zuar a ,workshop a ni tel bawk nen a thawkrim ve thin khawp mai.






Ka zan mu chu ka pum na riai riai in min ti harh a,tum dang aia a nat deuh avang in josh pawh ka kaitho ve, ka mutna lai a rawn dap ruk ruk a ,


"E he, zun i cheh a nih hi" a tih chuan " engtin maw" ka lo ti vat, "zun i cheh" a ti leh sup a, thei leh thei lo in ka mutna lai chu ka dap.



"Mawla zun ka cheh lo, ka tuibawm a keh a nih hi,nau ka nei dawn kanu te zuk kaitho vat rawh" ,ka tih chuan a inperh tho nghal at a, kan room hi inchung lam a awm a nih avangin,inhnuai a ka nu te a koh chhung pawh chu rei ka ti hle,ka pum lah chu a na tawh mai bawk si.




"Thlaleh daih kha neih hun emaw ka tia" josh chuan a ti bul bul a, kei a na tuar tawh nen ka chhang peih lo.




"Thla kim lo in a piang dawn a nihhi, innu kha motor ah lo zuk pawmthla la, mamawh vel ka lo la ang hmanhmawh ang u",kanu chuan a ti zung zung a, nu te nge nge a thlamuanpui awm deuh e.


Show post links
Top

[Ngaia]

Hmanhmawh deuh in hospital lam ah kan inphur phei a, nau neih na ward lam a kan in nawr lai te chuan josh chuan ka kut ah a chelh reng a, a hmel a thlaphan na leh phur na inpawlh chu ka hai lo.




Ka pum na tawh lutuk chu ka hui pap pap tawh, san ka pe tan dawn der ni in ka hria, "ka tihpalh,keimah vang vek in na i tawrh a ngai a, i duh phawt chuan ka sam ah hian tham vak mai rawh", tiin a lu a rawn bu hniam a, chu veleh a lu buk zet ah chuan na zet in ka lo tham nghal a, na a ti mah mah leh si nge,


"Zonunpui,thlah rawh thlah vat rawh, ka sam kha thlah nghal rawh, a na lutuk", a ti nghal teng tung a, kei a na tuar tawh leh a mah ka ngei bawk si chuan ka thlah duh tawh bik der lo, kal chung a in kek kan ni bawk a, ka kut ah te chuan a rawn beng leh chawt chawt thin, a tawng peih lutuk kha na tawrh nen chuan a hneawm ve em bawk a tin ni, doctor leh nurse chuan keini pahnih chu min nuih ni in ka hria, mahse ka ngaihven hman lo ka taksa hi a na lutuk tlat.




Nau neihna ward a min nawrluh hnu darkar tam vak lo ah tluang tak in naute ka hring a, mipa ni in a len pawh a lian khawp mai,kg3 leh gram 600 lai a ni hem mai .





"Enteh kan naute hi a hmeltha asin" tiin Josh chuan kan fapa chu a rawn pawm hnai a, ka lo ban vat , ka fapa ka han pawm chiah chu ka sawi thiam lo, ka hmangaih nghal hliah hliah , a mitmeng a fiah kak reuh a, a ngo in a hmeltha em em bawk, nu zawng zawng tan an fate lo hlut bik dan tur ka hriatthiampui nghal in ka hria, midang daih fate kan pawm leh mahni fahrin ngei han pawm meuh chu a dan a dang bawk em a ni.



"Min chhun hle mai" tiin kan fapa chu a rawn bih hnai a, "nia a chhun khawp mai che,a la huai ngawt ang", tiin ka nui pat pat a, ka sawi awmzia a hrechiang bawk a a nui tha duh der lo.





Naute hming chu kapa josh-a pa in Zothanpuia tiin a phuah a,bawihpui tiin kan ko thung, hliam ka neih ve nual avangin kar khat hnu ah damdawiin atang kan chhuak a , in dimdawi ka la ngai bawk nen inlam ah pawh engmah ka tih ve an phal meuh lo,keimah hian engmah tilo a awm chu hreawm ka ti a,ka inthlahrung deuh thin. Ka nu leh Josh an hah deuh rih dawn a nih hmel.




Ka nu leh pa an awm lo a, Josh an chhuat a nawt bawk , a tih tur ka lo sawi reng avangin a lungawi tawh vak lo,mahse ka fiam chak hrim hrim avangin tih tur awm vak lo mahse tih tur chu a zawn in ka zawng a ni mah zawk, a chhuat nawt zo chu kan nufa a kan lo mut na lam ah chuan a rawn phei a, inhnuai a chhuat a nawh vek hnu ah kan room nawt leh tur in ka ti a, a nawt zo chiah khum ah a rawn bawk nghal thlawp mai,kei ka lo nui ru tet tet thung.



"Bawihpui, damdawi tha deuh ka duh" kan fapa en chung in a rawn ti halh, ka nuih a za ru hle na in ka nui chhuak duh miah lo.



"Eng damdawi nge i duh a?" Ti a ka zawh chuan,min rawn melh ralh a,hawisawn ngat pah in "nupui ngam na damdawi" a ti sup, ka insum thei tawh lo ka nuichhuak hawk hawk, a mah pawh a nui che ve dawt tho, in ti mitak leh thuai in,


"I insuk i zar chhuak tawh em ni" ka tih chuan min rawn melh in a ner pah nang bawk, "khum a mu chung hian ro i rel vei ang zat zat a, rorelna hi chu i rawn chhawm chiang a lawm" ,ti hluk in a tho zui uai a, "i dam hun ah min rul ang" ti nghut in ,insuk zar tur in inchhung lam a pan leh, kan chhungkua chu kan hlim tlang khawp mai,kan inneih hnu ah nasa tak a inhauh kan la nei ngai lo a,naute kan nei leh chiah phei chu tu chhungkua mah hi kan awt bik lo.






Sunday a ni a,kan chhungkua in kan inkhawm bawk, josh-a ka fak ve em em na chu, 'ka ti ang' a tih chu a ti ngei ngei thin a, a thutiam a bawhchhe mai mai ngai lo bawk, kan inneih hma a a thusawi kha hlen ngei tum in a bei a,a tir ah chuan harsa pawh a ti, inkhawm ngai lo leh khawlai lawm em em thin ,a chhungte pawh in a an beidawn pui lek lek ruihhlo duh ve tak kha a ni a,mahse ka lak a a thutiam hlen ngei a tum a, tunthleng in kan hriat ah ruihhlo a la ti leh miah lo, kohhran lam ah nise a theih ang tawk in a inhmang a, a tul fe a nih loh chuan inkhawm a thulh mai mai ngai lo, a thinlung tak in Pathian thu tak hi a ngaithlahl em tih chu hriatpui lo mah ila,kan hmuh theih chin a heng hmasawnna tam tak hian min tilawm em em tawh.




Inkhawm ban chuan kan kawmchhak nula ten , "naute en in kan lo leng dawn" an tih avangin thingpui hmeh vel kan lei kawi a, ka fa mah nise bawihpuia chu a hmeltha a, duhsaktu leh lawmtu a ngah a, a vannei khawp mai .





A pi leh pu hian an lawm khawp a,ka chang hman meuh lo,hnute pek lai bak hi chu in a an awm chuan an la daih zel, a pu phei chuan "a len deuh hun ah phei chuan kan mutpui daih ang,nangni chuan in mutpui ve tur naute dang insiam dawn nia" a ti hmak, ka pa tawngkam chu kan pa lawm ah a tla pek a.






"Ee!! Kapa hi i zei riau, ka music i man tlat" a ti pek a,a zaktheilo mai sia kan nui ham ham reng mai, ka nu leh pa chu sawi loh Lalhriatpuia ber hian bawihpuia hi a in ti ta tu khawp a, inleng kan neih ve pawn kan inleng ten an pawm rei thei lo, "a tap ang" tiin a laksak leh thuai zel, naute en tur a rawn kal te pawn an ngei thei khawp mai.







"Puite naute chu kan rawn en dawn a nia" kan kawmchhak nula te chuan pawn atang an rawn ti a, an hmel a rawn lang chawpchilh nghal chu a ni mai, a ni kan kawmchhak nula hi nula senior niin a hming tak chu Lalrinngheti a ni a, mahse pasal a neih har tawh em avangin kan veng tlangval leh pa phawk zual deuh ho chuan U Hranghnun tiin an ko fiam thin. A mah hi nuih duh leh fiamthu duh ve tak a ni bawk a,chung an koh fiam na te pawh chu a ngai haw lem lo, mahse mi nazawng koh chu a duh bik thak lo.










"Awi khawimaw ka lo en ,a van hmeltha ve a chhun kawp cheu a nihhi" tiin ka naute pawm lai chu,u Rinngheti chuan a rawn en a, bawihpuia pawn a lo enlet ve kiau mai .



"Ka pawm chak lutuk ,ka lo pawm chhin teh ang", u Rinngheti'n a tih chuan ,"a rit reuh a nia aw" ka lo ti vat.



"A pawilo,ban a chhum bik em nang" tiin a nui zui hak hak,bawihpuia pawm a tum lai chuan choka lam atang josh-a rawn chhuak chuan a kut ah rawn ben sak in, "khawih suh a bal ang" a rawn ti hluk a nihchu ,a mah lah chu a nui duh thak lo lehnghal , u Rinngheti chuan a ngei leh khawp ang.




"Lalhriatpui i over mah mah aw,khawih ringawt ah a bal lo ang", rin ang ngei in u Rinngheti chuan a ti kha kha mai. An ni hi chu an awmdun tawh chuan an inhnial ngei ngei,kan ngai neih tawh.






"Bal dawn lo e, mahse nangchu i senior tawh a i senior hri i kai a nga, nakin ah ka fapa hian nupui neih nachang a hrelo ang tih ka hlau" Lalhriatpuia chuan a ti leh a,a chang chuan a fiam na mah mah thin ni a ka hriat avangin ka lo inthlahrung deuh thin.




"Ve lutuk che hian a, i uikawm e mai, i kan lawm peih hi chu lawm hle rawh, nakin lawk ah ka kum ang zat hi chu i la rawn ni ve vat dawn" u Rinngheti chuan a ti leh. "Mahse keichu ka single ve lo" josh-a chuan a lo ti leh kher an va han in chhang tawk thei tak , chutia an ni pahnih an inhnial lai chuan bawihpuia chu a rawn tap a, "hnute a duh aniang" tiin thuthleng ah ka thutpui a, naute hnute ka pek lai chuan ,







"Lehlam hawi vek ru" Hriatpuia chuan a ti a, kan hrilhhai tlang khawp mai.



"Lehlam hawi ru ka nupui in ka fapa hnute a pe dawn" a tih leh chuan kan ner nasa hlawm ngang mai, a over thei khawp a ni.



"Hriatpuia over theih zia hi chu aw, i fapa pawh nakin lawk ah a rawn tlangval a nga,mi in ' harh rual a nih atang tawh khan tun thleng in a la harh kaltluang char char' an la ti hrim hrim " ,u Rinngheti'n a tih chuan Josh-a chuan a run ngang mai.







"An ti ang chu a thi lo a nih chuan a thih hma a harh char char ang" a lo ti hluk hluk, kan lo nui khur char char, a mah lah chu a thutak tawh ropui mai sia,u Rinngheti chuan fiam nuam a ti zual sauh .








"A pa inlak Rambo lai a chhun a nih ngat phei chuan a pui khawp ang" u Rinngheti bawk chuan a ti leh a,a mah pawh chu a nui tel hak hak.





"Min chhun a nih chuan eng kawng ah pawh number 1 " josh chuan a lo ti leh hmak.




"Sual lam ah pawh maw" ka lo ti zauh chu min melhrum lo teh a sin, "u Hranghnuni haw teh , bawihpuia chhang tur kan siam dawn" josh-a chuan a ti leh mauh mai, a malpui ah ka tham sak vak , sawitur leh sawi loh tur pawh a thliar ve ngai lo a rilru a awm awm hi a sawichhuak pawp pawp zel.






"Awii a lum em hi,chhang neih a la hun lo hrim hrim" nui uarh uarh chung a u Rinnghet in a tih chuan Josh chu a ner nawng tawh. "Chutiang in hun leh hun lo a nei lo, nula phanchang Hranghnuni te hriatthiam phak a ni lo ve" a lo ti hmak.



Ti hian a mah hian a fiam hmasa a ,u Rinnghet in a fiam let ve hi chuan a tum bur zel.






Zan kan mut hmun ah kan nupa chuan kan ti ti mai mai a, bawihpuia chu a kil lam ah kan muttir a a muthilh tawh avangin keini pawh kan inkuah rial mai .





"Ti hian kan pahnih in fapa kan nei der tawh chu a nia,awih har ka la ti" ka tih chuan, "har ti suh awih hmak rawh,bawihpuia lo pawh kan nei leh ang" Hriatpuia chuan a lo ti hmak, a nui miah lo, dim ligh eng hnuai ah chuan chiang lo riai in a hmel chu ka hmu a, a khabe hmul a meh loh avangin a tho siar siar tawh, chupawh chu a inhmeh takzet tho, he mihring ka ngaihtuahna chawk buai vek thei tu mipa hi ka pasal ngei chu a ni si a,vannei ka van in ti tak .








"Ka hmeltha tih chu ka hria,mahse tikhan min en reng suh,mihring ve tho ka nia,ka zak ve thei a", tiin min rawn en a, a nui ruh ruh bawk , kekawr chauh a hak avangin a awm chu a ruak kang a , ka chil ka lem khawlh .







"I ngaihtuahna ka hria ka tih hlawhtin i duh em" ka bengbul a a rawn tih sup chuan ka pasal ni tawh mahse ka zak chu ka hmai a sa hat hat tho mai.




Bawihpuia tih harh hlau zet in ka chung ah a rawn bawk a, ka hmui leh ka hmui a in si nghal zat bawk, ka kawr chhung ah a kut a rawn zenlut chiah tiin bawihpuia chu a rawn tap a, ka sir ah josh-a chu a let thla nghal tap mai.






"Hetiang tur tih hria ila tun aia tlai deuh ah lo siam che ila tha tur" a tih nang nang chuan a ban ah ka chum tawlh.






"Khatiang tawngkam malsawm lo kha hmang suh " ka lo ti hlak,a thaw hak a , bawihpuia chu rawn ban in,





"Khawimaw ka fapa lo kal teh,ka lo pawm teh ang che, anu leh apa zanlai movie i tibuai zantin mai a" tiin bawihpuia chu a pawm a, khum bul ah a awi vei durh durh, an pafa in awi lai chu hmuhnawm ti zet in ka lo en a,ka hlim a ni,ka pasal leh ka fapa avangin ka khawvel hi a mawi belh tih ka chiang lutuk tlat.







Bawihpuia pian atang a thla li na ah kan khua a zin turin kan inbuatsaih a, ka nu leh pa bak ah kan thian ten bawihpuia chu an ngai ve deuh a, kan khaw lam a zin tur in min ti reng mai, keipawh naute ka neih avangin ka hna atang ka chawl rih bawk nen zin chu kan tum ta a, kan chhungte an lo phur ngang mai, bawihpuia pian hlim chhawn bak kha chu ka chhungte lam hian an la hmu leh miah lo a,in zin pawh zung zung hi a harsa ve bawk a tin ni.











Sumo a kallo in car in kan chho a,josh an a khalh bawk, naute nen kan nih tawh avangin kan bawr ve ngang mai , dar 3 vel ah Saitual khawchhung kan lut a, hospital a pen ka rawt avangin hospital ah kan peng rih leh,kan thian ten min lo hmuak a, Remi leh Rinkimi te nen kan inhmu khawm leh ta chu kan ri chel chul mai , bawihpuia lah an lawm nasa si a, an ni pahnih chuan an inchuh ti tih reng mai, Sangzela pawh a hmel hmuh a nuam in Rinkimi nen an inkar a la tha ve zel bawk a, an ni pawh tih huk kan hlat in a rinawm loh.




"Awii a hmeltha e, min chhun chiang lutuk,a hnar te hi keimah chiah chiah" uar deuh tak a Rinkimi'n a ti chu Josh an a run ngang ni tur a ni.




"Dawhheh lutuk rawn la teh" ti hmak in Rinkim in bawihpuia a pawm chu a laksak hmak.





"A nia lawm min chhun zia kha, keimah chiah chiah" uar fe a Rinkim in a tih leh chuan,





"Daw daw suh, kan siam lai in i tel velo a chhun ngawt chhan tur che a awm lo" Hriatpuia chuan a lo ti hluk a,kan vaiin kan nui dar dar. Sangzela sawi dan in Nunfeli leh a pasal te kha a ruk in an lo inkawp leh a, an chhungte lam in inneih leh an phal loh avangin an tlan dun ta ringawt a ni awm e,an awm na pawh an la hre lo ni awm tak a ni.








Darkar khat zen zawn hnu ah kan khaw lam pan in kan inkhalh chhuak leh a,kan khua kan thlen dawn chuan mahni khua a lut tur e ti lo chuan ka lung a leng veng veng, khawchhung kan han lut chiah phei chu engtin emaw ni ka awm,ka pian ka seilen na hmun ngei ka thleng leh ta chu a nuam takzet, josh nen he khua ah hian sulhnu tam tak kan nei a, suangtuahna nen mutmu ka tuah thin a nihkha,he khua hian hriatreng tur thil tam tak min hnutchhiah a, kan nupa tan chuan he khua hi a hlu lutuk tlat, Sihfa khua tih hming a rik a piang in kan nupa thawnthu thinlung ah a thar nawn fo tawh ang.






A hma kha chuan khawchhung luh veleh hmar lam ah ka tlantlang thin kha a nia,tun ah erawh hmar lam ah tlantlang tawh lo in ,ka pasal leh ka fapa bul a thu chungin ka pasal pi leh pu te in lam pan in vengchhak lam ah kan tlan chho tawh zawk a.








A Tawp Ta.





(SCENERY chuan a hmawr kan lo bawk leh ta reng mai, a tir atang a a tawp thleng a min lo chhiar sak tu te chung ah lawmthu ka sawi tak meuh e.)


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/