ENCANTADO BY Tetei Velez Khiangte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ENCANTADO BY Tetei Velez Khiangte (Completed)

Unread post by Ngaia » May 7th, 2023, 12:11 pm

ENCANTADO
CHAPTER 13


Ka thusawi a rin duh miau loh avangin han tih ngaihna tak pawh ka hre lo .A lungawi loh lai hian engtiang pawhin in sawifiah mah ila a awih dawn Chuang lo tih hre Chiang tu ka ni."Min ring dawn miah lo tih ka hria lawm" min ngaithla duh lova a kal zui nal nal chu ka au zui tawk tawk.




"Tihpalh " Carlos pawh chuan ngaihdam min dil ringawt a lu thing in tawi te in ka nuih luih sak a .Zan ka mutna ah pawh chuan muhil thei lovin ka in let ka in let a zan a rei tial tial a ka harh tawlh tawlh emaw tih mai tur a ni.




Mordred call ka tum viau nang in ka call dawn uk thin a mahse ka call thei thlawt lo a ni.Dar 2 thleng pawh chuan ka mu hil thei thak lo .Ni zung in ka hmai a rawn chhun siar siar chuan ka harh hlawl ka rilru nuam lo in Kam tun reng chu ka Ning takzet tawh.




Ka in leh ka in leh hnu khan ka lo mu hil a ni ngei ang.Ka mit a kham thum a ,ka lu a na em em bawk ,ka tap miah lo chungin ka mit a sen ram a ,ka dark circle a lang kulh bawk.Bathroom lam pan phei chhat chhat in ka hmai ka phih a ka intih fai zawh in choka lam panin ka kal zui thuai a.






Ka awm dan mai mai chu ka zawi nguai em em vek a,rilru a vei neih reng hi zawng alo hahthlak ngei mai.



Nunah hian duh ang zawng zawng thleng ţhin lo mahse a hnu ah hlimna in min hmiah leh ngei ka beisei thin .A changin chu ka beisei na chu a thleng dik a ,mahse ,a Tam zawk erawh thlen dik pui loh a tham ral ta tam tak a awm bawk.



"Ka nun hi engthil nen mah ka la teh khin ngai lo ,mahse tun hnu ani ka tawn hnu atang hian glass no ang mai niin ka in tehkhin ţhin.Glass no ,thingpui engtianga sa pawh dawl zo a ,eng anga vawt thlit nan pawh a hman theih nimahse kha no vuan a chelh tu khan vawikhat a thlauh thlak palha keh darh thei mai no ang ni maiin ka in hre tawh."








"Bawihte I van nawm loh hmel ve ,tinge I mit te chu"choka ka luh rual chuan ka nu in alo ti a zan ka mut that theih loh thu in ka lo chhang mai ."Avan zia lo ve aw,zanin urlawk zan te a nia I meng rei ve thei dawn emawni le?"min ngaihtuah zet a a tih chuan "Chaw eikham lamah tlem ka mu leh anga ka zia mai ang"ka lo ti ve thuai a,a ni pawh a bu nghat nghat mai.






Min rawn hmu apiangin"I va nawm loh hmel ve?"min ti zel a ,ka chhungte hian ka hriat miah loh hian min lo Chik ru hle a ni tih ka hriat chian phah hle.Ka u te nupa walk pawh an lo haw a chaw ei kan peih tawh tho vangin an lo haw hnu rei lo ah Tukthuan kan ei zui a .






Reilote ka mu hman ang tih ah Sawmkima a rawn lang hlawl ."Tho tawh rawh " eng helh nei lo zet a tih pah Chuan min rawn thut a nih chu."Malsawmkim tho rang rawh I rit" ka tih chuan a tho ve mai bawk a.



"Eng nge ilo tih dawn " ţhut chhuah paha ka tih chuan "Zanin kan hun hman dan tur buaipui angai lawm . Phone I la thei bawk si lo a ka lo kal tawp a nih hi midang an hman rem chang hlawm lo a eitur eng ilo buaipui kan ngai tho la inthlak vat rawh" min tur nghal sek sek reng mai.




Ka inthlak zawh hnu in ka car hmang lovin Sawmkiman bike alo ken tho avangin bike in kan in phur chhuak a.Ar hem ve reng reng ang u an tih tlat avangin ar leitur kan zawng kual a,a pum a lei tur lah chu a lo vang em em mai lehnghal a, Christmas vuak vet a ni chho bawk nen dawr in hawng phei chu vang tak a ni ringawt.





Hetianga ka buai hian ka rilru kal bing lutuk tur a veng ve a ,mumal in ka ngaihtuah hman lo a ka lawm letling phian .Rei fe kan zawn hnu in a pum lei tur kan hmu hlauh a kan vannei tak tak a ni.Kan resort hauhna hmun a hlat tham deuh avang leh a fian rial deuh vangin dah lovin lo va kal hmasa tur a kan ruat bik te inah chuan kan dah tawp a.






Lirthei tlan vel a tlem tawh bawk nen haw tlang lovin Sawmkima nen chuan kan ride a motor dang awm lohna lai ah phei chuan a tlan chak thei par par khawp mai.




Restaurant lo inhawng kan hmuh chuan bike chu Sawmkiman a ti ding a,"Hei chu an hawng thar anih dawn hi ,lo kal rawh lut ve reng reng ang thil ka treat dawn che nia" ka Dara min nam kal pah chuan a ti a .Ka hnunga min nam kal tu pa chu hawi let ka tum chuan ka hmai alo namsawn nghal zel.






Restaurant chhung kan luh chuan Mistletoe Justin Bieber sak ngei mai chu an lo play riai riai a .He hla hi zawng Christmas hla ti a sawi theih ni viau lo mahse Christmas nen hian a in rem bik ka ti mai.




Kan ţhu fel awrh ang tih ah hian Mordred leh Angaihi an rawn lut dun ve hlawl .An ni lo lut chuan min hmu mai lo a nih hmel e.Sawmkima chu kheuh zauh in Angaihi te lam ka kawh zauh chuan hawi phei in a ner zui nak mai.




"Lalngaihsaki hi ring fel viau Suh"a ti zui sup a , hrethiam lo lutuk in ka lo melh ha mai.'Ngaipawimawh duh Suh eng Ani lovang" A ti liam leh puat a ,keipawn ka ngaihsak duh lo lui ta ngawt .




Nizan thil kha theihnghilh ta bik ka ni lo a,chu Mai chu ni lovin tun thleng hian ka rilru leh lam chuan a ngaihtuah zui reng bawk.' Min be thei lova awm thei chu keipawhin engvangin nge ka biak ang' ka rilru chuan ti ru mawlh mawlh mahse ka ngaihtuahna chu Mordred Vanrammuana kiangah daih Ani a awm ni.






Ka mit sirin an kal na tur awm ang chu ka melh pah reng a ,kan lam an lo pan a mahse hma lam a melh ding ngar thung.A hma pawn vawi tam ka hrilh tawh ,a thil hmuh te ring mai lo a min zawt fiah Turin mahse a ni hian ka thusawi ngaihthlak hi a hreh ngawih ngawih ni mai hian ka hria.







A hriatthiam loh leh a lawm lohna min sawi pui se chumi hnu a min la ring thei lo fo a nih chuan Keipawhin tih theih dang ka nei bik lo tih na a ni a.Tuna min zawt fiah hmasa lo a ka chunga tianga a awm hi ka tan pawm thiam a har tih te hi hre ve se a tha tur hi a nia.





"Ehe ,Zomuan in awm ve reng alaw" Angaihin min rawn be kher chu tul lo ka ti tak zet."Nia ,zanin ami tur kan buaipui a " Sawmkiman a tih chuan a nui deuh har har . Mordred chu en kher lo mah ila ka beng leh Biang vel sa hat hat aţang min en reng ni a hriatna ka nei.






"Kan lo ţhu ve mai dawn?" Angaihin a rawn tih chuan 'A tullo' lo tih khum vak mai te ka duh rum rum mai dawn lawm le."LO ţhu ve Ula in duh te chuan mahse hei kal kan ngai tawh bawk sia kan lo va kal mai ang,ti rawh Zomuan kal ila" Sawmkima chuan a rawn ti ta hlauh zawk a .




Kan chhuah hnu chuan thawk ka la deuh kawk a ,Sawmkima lam ka hawi chuan chik lutuk in min lo en ran bawk."Eng nge?" Kan ti thla rawk a ."In in hau em ni?" A ti ta chiah reng a .



"Hau ve deuh"

"Eng ngati nge a? In hauh pawn inbiak duh loh kher hi a tha lo a nia."tiin min hrilh ve dap dap.


"Nia keipawh ka duhdan a ni bik lo" tiin kan inhauh dan vel chu ka hrilh fai ve ta vek a. Ani pawh chuan tih ngaihna vak a hre lo a niang a ngawi vung vung mai."Ti rawh lo kal rawh haw phawt ang ,zanah kan hruai ve anga in insawi fel leh thei mai ang" a ti a .




A bike ah chuan a lawn kai zui a keipawh ka lawn zui leh thak ,rilru ipik na midang bula sawi hian alo thawl ve huai theih a nih hi .Ka ipik lutuk pawh ka reh ve deuh huai thei,kan haw lamah ei tur eng eng emaw kan ei kawi leh a'Ka puar' tih ka sawi pawhin "I eitur I chawk let char char Alawm " min ti deuh tlat .




In kan thlen hnu in bike aţang ka chhuk a Inchhung ka luh hma chuan "Ka sawi kha hre reng rawh Lalngaihsaki hi ring bur Suh" a ti a .Zawh chian leh hman lo lek in a tlan chhuak chak hremhmun a hmuh thawi fua fua ka ring a ni.





Rawngbawl alo hun der tawh chu ni in ka nu pawh choka lamah alo ri leh rak rak tawh .Ka phone ka en chuan Siampuiin Zothana nen min lo lam nghal tur thu min hrilh a ,keipawh in pawi ka lo ti lo khawp mai .




Ka u te nupa an chhuak tawh a ,mahse ka hre chhuak Leh a Siampuii call in min lo sawm lo mai zawk Turin ka hrilh a,OMama rual a ka kal theih thu ka hrilh bawk.




Zanriah ei zawh hnu in ,kan inkhawm hmasa leh a inkhawm ban hnu ah Omama nen kan resort hauh lamah kan inphur chhuak ve ta chauh .Kan thlen chuan mi an lo tam tawh viau mai an lo zi hut hut hlawm tawh.




Zothana leh Siampuii pawh an lo thleng ve chiah bawk .Kan Pali chuan mei an lo chhem hluah na lam chu kan pan phei dam dam a .An eisiamna lamah Siampuii nen puih theihna kan neih tak in ti in kan kal ve a ,tihtur em em alo awm Chuang lo.





"Bathroom kan hmang lawk aw ka zun a chhuak tawh lutuk" tih pahin Siampuii chu a tlan sawn zui nal nal a hnung lam atang chuan ka lo nuih tawp.




Chhani ka bula alo kal chuan Han biak lum lam dan tur viau pawh ka thiam lo ,a hma Angaihin Chhanin Zothana nen kan awm dun lai thla a lak thu a sawi hnu rei lo a kha thlalak a dawn leh mai vang khan a thawn ah ka ringhlel ve hmiah kha a nia .



Kan ngawih dun rauh rauh hnu ah aw a rawn thian kharh kharh a, keipawn amah chu ka en thuai."Keichuan Mipa hi ka ngaina lo a " alo tih chuan ka lo en ha ,engvanga Hetiang min hrilh nge a nih ka hre hauh lo.




"Tinge chu chu min hrilh a ?" Tia ka zawh leh chuan "Mordred nen hian min rinhlelh theih hmel em a,ka hrilh che ,Ani hi chu ka ţhianpa ve liau liau a nia .Min ringhlel duh tawh Suh" a rawn ti teh duah a.



A duh anga sawi zo ang tih ah a kal sawn chu rawn hawi leh in Sawmkima sawi ang tho in "Angaihi hi rin tlak a ni lo a nia,ring bur Suh ang che" a ti veleh .




Ka chhuah phei ve chuan meichhemna bula lo thu te chuan ka mit an la nghal chat . Sawmkima sawi ang ngeiin Mordred pawh alo kal ve ngei Alawm mahse eng thil nge ka hmuh chiah hi , Chhani leh Sawmkima thusawi awmzia kha hei hi a ni thei mai angem?




.
KAR HMASA LAMAH KA NAWMSAM MEUH LOH VANGIN STORY KA LO DAH THEI LO A , GOOD FRIDAY KAR ALO NI LEH ZEL NEN MIN LO HRETHIAM DAWN NIA.

A CHAPTER A TAM TAWH LO BAWK A ,TUNKARAH ZAWH KAN TUM DAWN NIA


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 7th, 2023, 12:11 pm

ENCANTADO CHAPTER-14



Mei chhemna bula thu mi pahnih te chuan min hmu ve lo tih hriat takin inhnaih takin an thu a.Lalngaihsakin a banah a kuah sak chial a,pakhat zawk pawh chuan a hnar hauh lo .Hetianga ka awm reng chuan urlawk zan pawh ka hmang nuam thei meuhin ka ring tawh teh hrep lo.





Ka thikthu hi a chhe ve viau asin heti zawng kher kher a inrun luih hi keichuan ka pawm thiam thei hlawl thin lo.He mihring hian min lo kawp ru reng thin zawk emawni tih theih hial Turin a ni an awm ni.




"Hetah ilo awm daih a law ka zawng nasa lutuk che " ka Dara alo vawn rual chuan ka lo Phu zuk ."Ngati nge a ,I van Phu nasa" a tih leh chuan nui chungin lu ka lo thin khum mai . Mahse ka lo hawi rengna lam a hawi ve chuan a hrethiam Ani nghal chek ang ,min rawn en let leh vat .




"Eng nge awmzia Lalngaihsaki te saw?" A rawn ti ta reng a."Ka hre tawh bik lo" ka ti a ,ngaih sam hmel takin sawi mah ila ka rilru nawm loh zia chu nasa tak a ni."Ka va zawt ange ,in inţhen pawh ala ni em lova"ti a kal mai a tum chu a banah ka lo chelh sak vat a a hriatthiam loh hmel hle.




"Ti buai duh Suh" ka tih chuan a ner deuh nang mai.Ka va melh leh chuan Mordred nen kan mit chu a intawng fuh chiah a ,rang lutukin ka hawi sawn nghal vat nangin a kiai deuh suk chu ka hmu hman ta tho





Ei relna hmun tura an ruat deuh bik ah chuan kan awm ta chawt a ,chhuah leh pawh ka phur tawh viau lo.Zothana pawh Siampuii a awm vangin kan bulah a awm ve chawt a ,mi á nileng an ni lo bawk a thil chu an hrethiam ve vek in ka hria.



Min kawm hlim chu an tum hlawm khawp mai an ţawng siam siam reng hlawm a ."Keichu nau ka awm leh chak tawh e" Zothanan a tih chuan Siampuii zawk chu a ner nang nang mai a nau awm thiam loh zia hre tu kha a ni ve miau a .Fa nei pawh nise an naute thawmhnaw hak Bal chu sawi loh ama thawmhnaw thlengin nitin pahnih thum chu suk ziah a ngai ang.





"Tak takin kum that lamah chuan inneih tum ve tawh mai ila" a tih leh chuan Siampuii a ter at mai .

"Awm ang lo lutuk a , college te ka zawh ve phawt angai lawm ,hna ka neih loh ten tuman mo atan min duh nang" a tih khum hlak hlak a pakhat zawk lah chu a ngaih a sam nasa mai .


"Keimahni in kan duh vang alawm ka sawi" a ti duh lek chauh "Nangmah chiahin I duh ang" an han in hnial leh bap bap ţhin chu nuih an ti za ang reng phian.



"Ka nu pawhin tu mawn Ben a chakawm tawh nei tawh mai rawh a ti lawm" a thil sawi dan naupang chhia lutuk vang chuan kan nui tet tet hlawm .


A hnu ah thutak zawk hian "Keiman ka duh che a ,ka chhungten an nei dawn hleinem che .Ka bulah awm la kan fate nen a kan awm tlan chuan a tawk mai" a ti a ,a thusawi chu ngaihtuah zui vawng vawng tham chu a ni.



"Lo tlan duh ta ila hna ka neih loh chuan a buaithlak" ala tih sak talh "I tlan leh I bulah ka rawn tlan ve zel mai ang" a tih chuan Siampuiin a awmah a chum sak dat a ,alo man bet zui a a hmui chuan a chuk tuah sak zui vang vang bawk.




Chhani lo lut pawh chu kan bulah a rawn thu thla ve a ,a ngawi ran reng .Dar zat kan en chuan dar 11 leh chanve alo ri der tawh ."Thil kan ei tawh mai dawn em ni ang" ka tih chuan dar 12 ah law law an ti deuh tlat hlawm .





Pakhat te te in an chhuak phoh phoh hlawm a ,"Nichin a ka thil hrilh che kha sawi chhuak miah Suh aw ,ka thuruk ve a nia" Chhanin ka beng bula alo tih chuan ka lo buk khum nghat nghat.




"I bialpa saw veng tha hle rawh aw ,duh ve tu dang an tam a nia" a ti a a tho zui leh nalh a ,a chhuak zui leh daih .Awm nuam lo deuh a mi siam hi a thiam ka ti mai .




"Hetah ilo awm daih a " lo titu ah chuan ka Phu deuh zawk ,midang kha an awm ve reng emaw ka tih laiin khawnge an lo chhuah zawh duak hman ni.



"Eng nge ilo tih dawn?" Ka 'aw' ah pawh chuan ka lawm vak lo tih a hriat theih ngei ang ."Ka rawn zawng che ti ila I awih angem?"

"Teuh lo mai,ka thusawi I awih duh lova I thusawi ka awih bik nachhan tur ka hre lo" ka lo tih khum ve hmak.



"I lungawi lo a ang hle mai a " a tih chuan ka melh zui nghek ."I duh leh Angaihi bulah khan va awm leh rawh" ka tih chuan a kiai deuh suk mai.


" I thik dawn tih hi ka Chiang Alawm" a tih chuan ka lo nui chhuak hak ."Thik maw ,thik chhan tur tunah hian ka la nei em ni?" Tham lo fe a ka tih let ve chuan a mit meng chu a danglam nghal zawk ni maiin ka hria mahse Chu thil chu thil rei a ni hauh lo






"Ni tak ,Nang chuan Carlos chiah lawm I ngaihsak" a ner pah nawk a keipawh chuti tho."I ngaih ang a ni lo tih vawi tam ka hrilh che ,ka thusawi ngaihthlak hmasak pawh I tum lo " ka aw te chu a khur dar dar thei hial in ka hria.





"Tunah sawi fiah la" ti a alo Kun hnaih chuan ka lo tawlh hnung dat a ."Min hlau em ni?" A tih chuan ka chhang tawh lo.


"Ka thik tur kher a ka unaunu I hman kher hi a tul em ni?"

"Ka unaupa nen inawm dun theih chuan , keipawh in eng nge ka theih loh bik teh lul ang ni "


"Awm ang lo lutuk " ka tih khum hlak chuan ka kut ah chuan rawn vuan thutin alamah min pawt phei nghal a ,ka lo inring lawk lo bawk nen ka bawh rawk rawk chu min pawm bet chatin min kuah zui vang vang.





A taksa ka tawh chiah hian amah ka lo thlakhlelh tawh zia Chiang takin ka hrethei ni maiin ka hria.He a taksa Lian leh dam dup mai hian Hetianga min kuah hun hi a ni lawm ni khang hun chhung khan ka lo thlakhlelh thin ni.





"Ka tihpalh aw " a rawn tih sup chuan ka mit tui lo luang ngiai ngiai chu ka khap per zui sak sak a,ka hmui ka pet fan fan bawk.



"Misualpa" ka tah ţawng a ni ber min kuahna chu a tinghet sauh ."I sual si ,ka thusawi pawh I awih duh lo"ka ti leh zuah zuah . " I naupang chhia emai aw ,ka thlakhlelh ve tehlul che nen ka unaupa nen zawk in lo awm dun char char a ka rilru a kalkawi vek alawm" ka inlak hran tum chu phallo in min chelh nghet zual sauh sauh a.





Ka chalah a rawn fawp zui vang vang a "Christmas a ni tep tawh a nia ,in hau tawh lovang aw " a tih chuan ka lo bu nghat nghat ka lungawi loh ruk na zawng zawng thehmeh ang mai a an reh ta duak chu keipawhin ka inhre thiam lo .





He mihring hi ka lo hmangaih tawh takzet a ni ngei ang.Kawngka rawn in hawng ri deuh bur ah chuan kan Phu zawk a ka inla hrang nghal thuai.



"Tih..Tihpalh in awm tih ka hre lo a " Angaihin a rawn ti bah deuh niaih a ,a mitmeng chu ka hrethiam hauh lo.A hmaa a hmel nelawm tak kha a bo ta vek ni mai hian ka hria nge ni a ka ngaihbel mai mai zawk pawh ka hrethiam lo.




"Kan chhuak ve tawh dawn em ni ang,Naute" ti a ka bul ami in Angaihi awm ve lo ang mai a min rawn biak chuan ka en chho thuai a .Angaihi pawh a awm a nuam chiah lo a niang a chhuak zui thuai.



"Ilo kal pui nu bulah khan awm zawk rawh" ka tih chuan lu alo thing mai a."Ilo kal pui vek tawh a ,a khawngaihthlak" ka ti ve talh a ."Nghal viau Suh" tiin ka chalah a rawn pen ri fawk a nih chu.





"Ilo kalpui a nihna ah anila awm chu I mawhphurhna lawm" ka tih leh chuan a Ning ta deuh nge thaw hakin min melh ngur a."Tumah ka rawn kal rualpui lo" a ti chang bawl mai.



"In awm dun lai pawh ka hmu vek che u lawm maw le " ka tih leh talh chuan "Tumah ka lo kal rualpui lo ,a Chiang tawk em? Ka lo kal chhan chu nangmah inia chuan ka lo kal chhan bulah ka awm duh a tha em" a tih nghut chuan nuih var var in a kut ka Kai zui a .






Midang lo awmna hmunah chuan kan inzui chhuak dun a ,Siampuii ten min lo hmuh chuan min lo nuih var var an vawiin 'One ,two, three' an chhiar rual a Dar 12 a Rik chuan an vai in "Happy Birthday" tih an sawi rual thup a ,tu birthday nge hre lo in ka hawi kual vual vual a ."Merry Christmas " an ti dawn amaw tih nak laiin .






Ka hawi kual vak vak lai chuan OMama cake nen a rawn kal phei a "Happy Birthday" hla an rawn sa rual thap thap a ,ka hma zawn takah a rawn ding zui chawt .Ka hrethiam chiah nia kei hi December ni 25 ah Alawm ka pian tak ni.Vawiin ka thil tawn ka ngaihtuah muk lutuk vangin ka lo manghilh Chiang hle a nih hi.




"Happy Birthday ka nau duat" ka u in a tih chuan ka lo nuih var var lawm avangin ka biangah mittui a rawn luang thla zui pap a ,zing lama rilru nuam lo kha zan lai a thlen meuh chuan lawm avangin ka tap hial chu a nih si hi maw.




"Ka lawm e " tiin kan ţhian te leh unau te chu ka enkual hlawm a .Candle an chhit chu ka chhem hlum zui a ,duhthu ka sam zui bawk.





Midang chuan gift min pe sap sap hlawm a , ka bula mipa ding thung erawh chuan engmah min pe ve hauh lo nangin ka kianga a awm tlat vang chuan ka lawm takzet tho



Thil pek min pe kher lo mahse ka kianga a awm hi ka tana thilpek hlu ber a ni tawh hrim hrim .A hmel awm dan atang chuan vawiin hi ka Piancham a ni tih a hre lo pawh a ni maithei zawk a ni.



Kan eitur lei ang ang te kan eizawh hnu in kan mutna tur lam theuh kan pana zing inkhawm leh hman a haw theih kan tum vang a ni .An sawi dan kalhmangah resort a urlawk zan hman an tih tlat chhan pawh ka birthday min surprise an duh vang lek alo nia .



Khumah chuan muhil thei lo in ka inlet ka inlet a ,pindan pakhat mipahnihin kan Intawm zel bawk.Siampuii chu a chau viau tawh a ni ngei ang a muhil suk suk tawh bik a ,kei erawh ka riah ngai lohna a riah ka harsat em vang In ka muhil thei thak lo






Ka phone message tone lo ri chu ka en vat a Mordred a ni.
[I mu tawh em?] Tihzawng chauh a ni .[ Mu tawh a ,ka muhil thei lo] ti a ka thawn let chu alo hmu nghal a typing.... A in ti zui nghal.


[Pawnah lo chhuak teh] tih alo thawn hnu rei lo ah chuan khum atangin ka tho tham tham a ,ka kawrlum ken chu ka ha zui nghal a pawn chu han mut lum tawh meuh chuan alo vawt vur mai.







Thlasik boruak hit vur chuan eng emaw ti zawng takin lung a ti leng a.Lunglen chhan tur nei viau lo pawh a lungti leng thei in ni a vawh ni.Thlasik dawna mass par vul chuk thin te thleng hian an mawi em em vek mai zawng a nih hi.





Inhnuai lam kawt zawl ka chhuah thlak chuan hlimthla Lian zet mai chu ka hmu a ,a hlim thla aţang ringawt pawn hepa kher hi chu ka hai thei lo .




"Tinge min koh chhuah a ?" Tihpahin Alam ka pan a ,a kut hnung chu a suih tlat bawk."Chhan awm a koh chhuah I ngai em ni" a tih chuan a ngaih loh thu in ka lo chhang ve mai.




A kut hnung suihna chu hma lamah a rawn keng chhuak bawm tuam mawi a ni."Eng nge awmzia " bo deuh taka ka tih chuan "I birthday present" a ti tha leh a ,a nih chuan a hre reng a ni maw."I hre lo turah ka ngai" ka thusawi lai chu alo pawt chat thuai a "Ka hria lawm ,ka theihnghilh phal hleinem " a tih chuan ka nui chhuak hak a ,lawm vang bawk ani.




"Ka lawm e aw" tiin ka kuah zui thlawp a Ani pawn min lo kuah let ve thuai.Kan titi dun malh malh a rei deuh kan ţhut dun hnu in ka pindanah ka lut leh a ,pindan ka luh rual in a thil min pek chu ka hawng a ,a mawi tak zet.Kawr mawi deuh mai hi a nia Sunday vela hak chi ni awm tak a ni .Ka message tone lo ri ka en chuan "Merry Christmas,I Christmas kawr tur a nih kha aw " tih a rawn thawn a nui var var in ka reply a.



Ka mut dawn meuh chuan dar 2 a ri va va tawh .Zingah dar 7 vel ah kan resort hauh atangin kan chhuak a ,in kan thlen chuan ala tlai chhe viau lo .Chhunlamah kan inkhawm a Mordred kawr min pek pawh ka ha thlap bawk .Thla la in kan thawn ve ngei kha ka pheikhawk sang bun vang erawh in ka ke Chu na tawh tak a ni.





In kan thlen veleh ka phelh nghal sawk sawk a UThartei pawn min nuih tawp.Ka nu in birthday present tiin Loafers mawi deuh mai min pe a ,ka u tr nupa pawn Sana nalh deuh min pe bawk .Ka pa erawh in "I duh tur ka hre lo " tiin Pawisa in min pe thung .




Hetiang chhungkua Pathian in min pek vang hian Pathian hnena lawmthu sawi mawlh mawlh tur niin ka inhria.Kan chhungkua a hlimna ho te lo awm pawh hi Pathian vang a ni a ,a nin hriselna tha min pe lo se Hetianga hlim a nui ho dar dar thei hi kan awm kher lovang.





NIZAN KA LO DAH HMAN LO A ZING LAMAH KA LO DAH MAI A NIH HI AW ,ZANIN AH CHUAN LO DAH HMAN NGEI KA LO TUM TAWH ANG


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 7th, 2023, 12:12 pm

ENCANTADO

CHAPTER 15


Kum tir atanga kan nghahhlelh ber Christmas a zawh meuh chuan ,kum thar lam hma chhawp nen mitin kan in ruahmana chutih rualin mihring ruahman na ngawt zawng engmah a ni lo tih to Chiang Turin kan thenawm te chuan chhiat an tawk hlauh mai a.





An fanu nula Vai ram lama hnathawk awm chu a ruang khaw lai ah an chhar tawp a nih hmel a ,Hetiang thil hi Mizoramah pawh a hluar ve tawh hle chu sawi loh chhan hriat lo a thi ,ruang chhar bakah Mibo an awm ve reng bawk.





Hnathawk a awm reng a ni a ,a chunga vanduaina a thlen dan hi a chhungte tan chuan pawm thiam a har hle dawn tih pawh hriat reng reng a ni.Zaninah a ruang awm chiah lo mahse an lu men pui dawn a naktuk tlai lam ah alo thlen theih an beisei bawk.






Thenawm ah chhiat tawk an awm miau avangin kan in aţang pawhin an thawm chu Chiang takin a hriat theih .Zan tir chauh ala ni bawk nen ka û nen inah kan la awm a ka pa te erawh chu an phei tawh thung. Nutling tap ri rawng rawng thawm chuan benga luh hle a .Mihring nun hun tawi zia hi ,tuman kan hma lam hun tur kan hre si lo a.




Kan thatlai hun a tawi tluk zetin kan dam chhung hun pawh hian rei a daih hauh lo.Hlim takin nui ho bawk bawk ţhin mah ila ,kan nun tawpna chu thihna tho hi a ni si a .Ka tlaivar tur thu Mordred ka hrilh a ,a chhan pawh mut hun tawh a min lo call mai loh nan a ni.





Ka nu te lo haw hnu ah reilote kan thu khawmuang leh a thenawm ina kan kal ve dawn meuh chuan dar 10 a ri dawn thuak tawh . Kan luh phei chuan thalai dang ho pawh an lo awm nual tawh ,zai a nuam phian bawk .Ka û nen kan awm dun deuh chawt a kan veng nula ho ka hmel hriatte chuan ka û chu an lo melh leh zauh ţhin .






Thawveng viau lo se chuan bialnu chu sawi loh nupui pawh a nei tawh hial in nia ka rin ni.


Mawl in thawveng ve viau mahse a rilru w tluanga,a ţawng duh hle nangin mi pawi erawh a sawi ngai lo thung ."U kan veng nula ho hian an en zuk zuk hlawm mai che" ka hrilh ruk sar sar chuan "Chhelo min ti ve hlawm em" fak a ngai lo re re a infak fel leh. Vek tawh.



"Chhelo an vang a nih hi" ka phun zui sup chu zai ri
a rin nen. Engtin nge maw alo hriat theih zawk ni ?"I hre lo mai mai nih kha" a rawn ti leh hram .Zing dar 4 vel bawrah thalai ho chu kan tin tana ,keini pawh kan haw ve chuan khua ala var Chiang chiah Chuang lo.




Ka pindan ka thleng chiah chu ka chatthla hnawk a ni ringawt ka khum ah chuan ka mu nghal thlawp a .Ka harh leh chuan ni a sang tawh viau ,tlai var em em ka neih ngai loh vang nge ka mut a chhuakin ka zawi ngawih ngawih ni maiin ka hria .Ka pu thih kha mumal taka ka tlaivar vawikhatna a ni a ,mahse kha chu chhungkaw chhiat tawhna a nih vang nge tiang em em hi chuan ka awm lo.





Bathroom ah lut in shower in ka inphuh tir a ka harh nghal sawng sawng thei.Inthlak in inhnuai lamah ka chhuk thla a OMaman chaw alo ei mek."Ivan harh leh hma awm em em " mak ti deuh taka ka tih chuan "Kei te chu ka sa a tha lawm" a rawn ti nih chu ."Sa tha chu khawi lamah thlalerah pawh kal mahla mu lu kawlh tak ngial pawn I sa ah khan eitur lai pawh an hmu lovang" ka tih khum buan buan .




"I â reuh siah" tih zawngin min chhang ,OMama bulah tukthuan ka Kil chhunzawm ve nghal a .Tho hlim hlawt e ti lo chuan nidang ai mahin chaw chu ka thei zawk. Ka û thusawi pawh ka hre lo der hmiah ei a tui tawh hi chuan thil dang reng reng intih buai tir lo tur hi ni tawp.




Tlai khaw thim dawnah ruang alo thleng a ,bialtu pastor in a vui zui nghal a. Ruang lo thlen lai chuan tap ri in an in chu a khat a ,vuina hunserh hman lai pawn tap thawm a reh thei meuh lo.UMazuali chu ui der tu pawh ngah ve tak a ni ,keini chhung tak phei chuan kan la hmu Chuang lo ,mahse a thlalak a Alan danah chuan nula sa tha lam ngo deuh mai a ni a ,a hleitling viau niin ka hria.





A tleirawl laia a fel zia thenawm khawveng te chuan ha hip in an sawi bawk. Ka nu leh pate zanriah eikham lamah an leng phei leh a kan unau ho erawh chu kan phei tawh lo thung.Ka thleng silna bulah UThartei alo awm ve reng a kan titi dun mai mai .





"Kan inah hian awm hrehawm I ti em?" Ti a ka zawh chuan nui chung hian "Ti lo e ,I nu leh pa ngat phei hi chuan an fa ang tak tak in min en lehnghal a . Tun dinhmun a ka nin tak ber mai chu I u a ni" a ti a a nui zui hak hak keipawh ka ni tho.



A sawi hnu rei lo ah ka u pawh a rawn lut leh tak tak ,kan chek dun zui hlak a ka û erawh chuan a hriatthiam loh hmel hle. "Hmeichhe titi lai a kan kal a an lo ngawih hmak chuan min rel tihna" OMama lo lut chuan a rawn ti lut ve leh.




"Ngati nge min lo rel a ?" OPuian a rawn ti nghal zat.

"An Ning che nih kha ,an ning che" pakhat in alo tih leh chuan kan lam phawk deuhin a rawn hawi.


Kan lo buk nghat nghat chuan a hnar a tum deuh dat mai."In tangrual hlawm" a sawi tur hre lo chuan a ti ta ngawt a.




Ka mut a chhuah em vangin TV ena midang an thut thap laiin ka pindan lamah mu tur in ka lut a.Mordred message chu ka lo hmu mai lo dar 6 vel bawrah alo thawn a nia tunah dar 8 a ri tawh .




"Lo len ka tum a ,I phal em?" Tih zawng a ni ka reply loh vang nge a rawn kal ta hran lo chu a ni phawt ah .

"Sorry ,phone ka en lo a ka hmu ve chiah" tih ka thawn chuan alo seen rang lutuk chu ka message te a chang emaw ka ti rum rum hial a ni.


Ka message a hmuh rualin a call a rawn lut zui nghal a ,keipawn ka lo chhang thuai .

"I Chau em?" A rawn ti ril deuh ruih a min rawn zawt tu ngei pawh chu a aw chu a chauh hmel khawp mai.

"Chau viau lo e,mahse tlem chuan ka mut a chhuak"ka ti chuan a ri zui rak rak a ."Eng nge I tih dawn?" Ka tih pawh chu a hre lo a nih hmel min chhang zui lo.




"Ka lo zai sak ang che" a rawn tih chuan khumah ka mu zui thak a ka nui pah var var bawk. "I zaithiam ve dawn em ni ?" Nuihza aw lek lek a ka tih chuan "I hre mai ang" a ti a ,a nui chhuak hawk pawh chu Chiang deuhin ka hre thei.




" I record dawn em" a aw ah pawh chuan a nuih a za tih a hriat theih ,keipawh chutia a rawn sawi chhuah takah chuan a record na chu ka hmet zui thuai .Guitar chu a rawn perh ri tang tang a 'Say you won't let go' James Arthur hla ngei mai chu a rawn sa nih chu.





A aw a mawi in a thum tha ang reng sia a sa tu ai mahin a sa thiam ka ti zawk daih .Mahse ,hei chu hmangaihtu benga ka ngaihthlak vang te pawh a ni maithei bawk a .Midang pawn ngaithla se thiam an ti tho chuan ka ring a ni.A thunawn chang 'I knew I needed you but I never showed ,but I want a stay with you ,Until we're grey and old . Just say you won't let go×2 'tih a sak lai phei chuan Keimah hi lawm lohin ka lo nui ver ver mai.



Ka than harh chuan dar 2 alo ri tawh kan inbiak la ka mutthluk san daih chu niin.Mordred in call chu alo ti tawp tawh a ,ka phone battery pawh alo tlem tawh khawp mai .Tho chhuakin ka phone ka charge a,ka mu tha leh rei pawh ka mut hma in mut chhuak in min lo zam leh chiai chiai a ka mit ka chhing zui leh diar diar.




Zing ka thawh chuan inhnuai lamah ka chhuk thla a,thlai kan lei sa ho pawh a Tam tawh viau lo.Hunpui lai a ni bawk nen bazar in hawng lah an vang mai si a.





Siampuii te in lamah chhunah ka leng phei a ,alo buai Cher Cher khawp mai."Ka thawmhnaw suk min lo pho sak lawk teh" a tih chuan keipawn ka lo pho sak ve mai.Ka pi ni lum ai na bulah ka pho zawhin ka ding ve ta reng a.




"Zomuan Han tawlh sawn deuh teh"
"Ti maw Pi,ni lum ka ai pui che a nih hi"
"Ka ni lum ai tur zawng zawng I hliah zo vek a lawm" a tih chuan ka tawlh sawn zui thuai.




"Pi, nang chu ila hrisel tha sia marathon pawh tlan ve mah la pakhatna ini hrim hrim ang" ka tih chuan "Engmah ka thawn ka thawn peih lo" a ti deuh hlak hlak.




"Khatah awm ve reng lo Khan lo lut la min rawn pui teh Sofa kar te hi phiah ka duh min lo chawi pui rawh,pot te hi lo hru fai la I hman lutuk hi kan lo chhawr nghek ang che" Inchhung atangin Siampuii a rawn au lang lang.




"Piiiii .....Kan inkawm lo ko Suh ti mai teh" ti a ka pi ka en chuan "Ni e ,Va pui teh I sawi ho awm si ka awm peih lo che" a ti a ,ka va han nui lo Chiang tak ."Lal API misual pa" naupang chhia zet a tiin ka luh San ta daih.




Chhun a ei tur kan siam paha Siampuii nen chuan kan titi dun barh barh a ,Angaihi che zia kha mak a tih zia a khat tawkin a sawi ve reng bawk.Chhani leh Sawmkima ten Angaihi ring vak lo tura min tih a tang khan keipawh hian mak tih ruk na riau ka nei ve ran tawh.





Tlai lamah chhungkaw chaw eikhawm kan nei zui a tleirawl che tur an awm ve nual tawh nangin nula kan la tam zawk tho a nula lamin kan thil eina kan ti fai hlawm a.Chhani chu han ţawng bawrh bawrh chi ni lo mahse ngainat ruk riau na ka nei tawh a ,a thuruk ni a a sawi min hrilh atang phei kha chuan inpawh dun ta riau ah te pawh ka in ngai a tih theih ang.




"Hman zan khan min thik ve tho em?"Siampuii nen thleng sil a kan lo titi dun lai a min lo be tu chu kan melh rual that a ."Thik hran lo e ,Nang chu ka unaunu I nia ka bialpa a ni tih I chian ka ring a " mei nei deuh a ka tih chuan a hmel chu a buai hman tho niin ka hria.





"Nia...Mahse hmeichhe dang nen an awm dun I hmuh I hmuh chuan I thik ka ring a" alo tih chuan "I hmuh I hmuh eng nge awm zia" kan rilru in an zia hia ka rilru a awm tak a ni pawn alo zawt chiah mai.




"Ka ...Ka ..sawi awmzia chu min hmuh dun khan a thik ka ring tih ka tum na a ni a" a ti bah nak nak mai.Awm ze nei deuh hian Siampuii nen kan in melh ralh a ,a ni pawhin thlalak ka dawn ţhin na kha Angaihi hi a nih ve tho a ring a ni ngei ang.






CHHUN LEH ZANAH KA CHHUAH RENG VANGIN STORY TYPE NA HUN KA NEI THEI MEUH LO A KA DUH ANG PAWN KA RAWN REGULAR THEI LO A A PAWI TAK TAK A NI


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 7th, 2023, 12:12 pm

CHAPTER-16


Angaihi thusawi vanga ka ngaih tih that loh nghal chu ka tum lo bur. "Nia, hmeichhe dang nen chuan awm dun se ka thik ngawt ang ,mahse nang chu ka unaunu I nia .Mordred pawn ka unaunu ang bak lo chuan a en dawn Chuang lo che tih ka chuanga" ka tih chuan a meng rum nghal ul mai.



"A bialnu unaunu ang chauh pawn min lo en lo thei asin" a zia a rawn chhuah tan dawn a nih hmel. "Calm down ,Ama sawi dan Alawm ka sawi mai ni" a awki ngei awmna rawng kai lek leka min tih dan chuan ka ti ve leh a.Thil dang sawi belh leh tuma a an zuau lai chuan kan chhuahsan ta daih a.




"Mizia te hi thup reng theih turah an ngai hlawm emawni ,a tha lai chauh kan tih lan reng chuan a chhe lai hmuh chu a har thin a,mahse inthup reng renga kan nun hian eng hlawkna mah kan hmuh chhuah phah Chuang lo a chuta karah mahni kan inhrem zui a.Mahse, Lalngaihsaki mi ze dik tak ber kher hi chu a rapthlak lutuk,Setana zawk thlem thlu tu ni awm a ni" a ti zui bawrh bawrh a a thusawi tawp lam erawh chu a uang viau ang lawi a.






"I nuihzatthlak reuh" keipawh chuan ka Ti ta ringawt a ,naupang te nawi kan thlah te ah kan nei tam lo bawk nen naupang rak thawm a Tam lo a hahdam thlak viau mahse Chaw min ti lang eikhawm lo bik tlat hian ka hre pek.Chaw eikhawm hi chuan a chang a lo tap tawk te hi awm ngei se a famkim bik.





Kum hlui thlahni kan tih mai ţhin tunkum atana ni hnuhnung ber kan thleng a.Kan chhungkua in kan ţhu khawm thap a,kum tin a kan tih dan Ani hrim hrim. Ni hnuhnung ber hi chu ka pa in chhungkua a hman khawm thin a ti a ,Khawi ramah pawh awm ila a awm ang chin chin chu kan chhungte bulah kan awm ngei ngei ţhin.






Ka pa in kumin chhunga kan thil tihsualah te Insiam that kan ngaih thu te sawiin,zilh kan ngaihna laiah min zilh malh malh a.Kum tharah hma chhawp tha leh thil lawmawm kan tawn theuh theih nan te duhsakna min hlan bawk a .OPuia te nupa pawh fa nei mai tawh tur an ni tih hre renga ,fate zilh hauna kawnga nupa inthurual a tul zia te ,Pa tha tak nupui fanau te ngaihsak tu ni reng turten ka u chu a hrilh bawk a.





"Tharte nangpawh kan fanu ini tawh a kan lakah inthlahrung lo la ,in pa sawi selna lai I nei a nih chuan a bulah tlang deuhin sawi hreh lo la ,a tul a nih chuan han in hau bap bap Ula Heihi nupa in pawh na zel a ni ngai " tiin a chah thlap a .




OMaman "Kei ve engtin alo tih vat chuan " Ka pa chu a ngawi zui rauh rauh a ."Puitling ve tawh la a tha ang ,I nupui turte hi kan zawn sak zawk dawn che emawni" a tih chuan kan chhungkua chuan kan nui ho dar dar a.



"Tak tak a na Mama nangpawh hnathawkin thingtlang lamah I awm dawn a ni a ,chungah te pawh chuan fimkhur la.Thingtlang lamah phei chuan khawpui aiin hming chhiat a awl zawk a nia.Bang te pawn beng an nei an tih thin kha midang chanchin a chhe zawnga sawi loh hram hram I tum dawn nia"thu tak zawk chuan ka pa in a ti leh a.





"Hmeichhia angin mi ka rel ve zawt zawt kher lo" a tih pah chuan a hnar a tum dat ."Bawihte Blair nangpawh bial pa nei ini a Kohhran dan thianghlim a biak in hawng ngei a pasal nei tur in inveng fimkhur la ,hmun fal in awm lawn chin tawk hria Ula, Kohhran hmaah mai ni lovin Pathian hmaah mi zahawm in ni dawn tihnaa ni mai"tiin keimah ah a lut chho leh a.





Kan chhungkua in Kumthar lo thleng tur chu kan nghak thap a,Ei leh in tur pawh kan in puah chah nasa ve khawp mai. "Three,two ,one" tih leh "Happy New year" tih a inzawm a kan chhungkua chuan kan in chibai zui sap sap .




Hal puah a in hal ti chuah chuah a ,keini pawhin kan inchungah pahnih thum vel hal ve in kan chhuk hnu in kan pindan theuh ah kan lut hrang zui a .Ka phone ka en chuan ka ţhiante leh chhungte lam atanga New Year chibai in bukna alo awm tlar dal mai ,a mal te te in ka chhang hlawm a .





Ka phone message ka chhan laiin Mordred call alo lut zui zat a "Hello" ka tih rualin "Happy New year Naute" a rawn ti a Keipawhin ka ti let ve thuai."Lo dak teh" a tih chuan ka tukverh lam ka pan zui thuai a Car bula hlimthla chu Chiang deuhin ka hmu thei.Ka dak chhuak tih Chiang takin min hmu thei a ni ngei ang a ban a rawn vai zauh a .




"A tlai tawh sia ,haw tawh la" ka tih chu a bengkhawn viau lo "Lo chhuak la" a tih chuan "a tlai tawh" tiin ka hnial ve tang tang ."I lo chhuah hma chuan ka nghak dawn che nia,Kumthar tuk a ka car a riak Turin min duh a mi" a tih deuh tlat vangin ka chhuak ru ta nge nge.




Inhnuai chu a reh deuh thap tawh ,a dim thei ang berin kawngka ka hawnga a kalhna a Rik khep te chuan keimah zawk ka Phu chiam lehnghal.



"Ti khan a ni mai lawm" a bul ka thlen chuan a lo ti then chu ngei lutuk in ka melh rawn rawn ."Luhlul pa"ka tih chuan nui suk in "I hre chauh a" a ti a ,a mit ko a san ak mai.



"Min hmu tawh haw rawh" ti a ka inher leh mai chu min pawt let thutin min kuah bet zui chawt a ."Ngati nge thil thleng awm mi" a chet dan mak ka tih em avang chuan kuah pawh kuah let ve lo in ka ti a.



"Awm lo e ,ka ngai tawh che a" a ti ril deuh ruih a Keipawhin ka lo kuah let thuai.Thawk ala leh deuh hawk thin chu ka hrethiam lo rilru hah ruk na nei a ang takzet.



A car chhungah chuan ngawi rengin kan thu dun a,ka kut chu a khat tawkin a fawp leh zauh ţhin .A chet dan engkim mai chu a mak em em vek a,in hmu tawh ngai lo tur emaw inţhen hlen tur ang maiin a ni a awm ni.




"Ka tihpalh aw " a tih chuan a lam hawi vat in "Ngati ngaihdam min dil a ,zanin hi I awm dan a dik miah lo a nia .Dam lohna I nei a mi" tiin zawt zui zat a ,tawite a nui chung hian a lu a thing nghut a .A nui hmel te zawng zawng nen chuan ka hmu lem zo vek tawh.




"Kan awm hran hunah pawh ,keimah ah chiah rilru pe lo la kei aia tha midang I tawng ngei anga in hawng takin awm la min hre reng Suh" A tih lai chuan ka melh kal a ,a thusawi lai mak ka tih zia chu he ka mitmengah pawh hian a hriat theih ka ring.





"Eng nge maw I sawi le?"

"Ka hmangaih che Zomuanpui ,Ka blondie" Thlakhlelh hmel deuh a min en chungin a ti a .

"Heiii..... Mordred ni lo Vanrammuan min ti chiai a nia eng nge I sawi awm zia hi" ka ti chul a ,Min then a duh ti na em ni ang ? Ka hrethiam lo takzet a ,tuna a thusawi ho te kha sut leh se ka duh ,ni lo ka mumang mai ni se ka ti tak zet.



Ka hmui ah rawn fawp zauhin a inla hrang zui nghal a,"Va lut tawh rawh" a tih chuan "Ka la duh lo ,I thil sawi awm zia kha sawi phawt rawh" tiin ka la thu lui ve ngar ngar aka mittui te chu a parawl kiang tawh,a Luan chhuah mai loh nan ka dang char char a ni ber Hmeichhe chak lo leh der dep tak anga tah ve mai mai hi ka duh ngai lo






"Ka hmangaih che' tih ka maw" nuih za aw lek lek a a tih chuan ka inhrut faih a ka mittui alo Luan lai reng ka hre lo ."Tak zet hian " ti hluk in min kuah zui nghal hlu hlu a."Ka ti Hlauthawng che a ,Tihpalh aw " a ti zawi sup a a hmui in ka sam a rawn sik tir vang vang a .







"Min then dawn a mi" a khabe hnuai aţang ka melh chho kal a "Min then hma chu ka then lovang che" a ti rilruih a chu ringawt pawh chuan min thlamuan hliah hliah.


"Va lut tawh rawh le" a tih dam leh dup chuan keipawn hnial tawh lovin ka car atangin ka chhuak ve mai a .Tlan chhuak hmasa tura ka tih tlat avangin a tlan liam ka thlir zawh hnu ah chiah ka lut a.




Kumthar ni Ani bawk nen kan inkhawm leh thap a .Tlai lamah ka pi kan Turin kan chhungkua in kan phei leh a ,Angaihi te chhungkua leh Sawmkima an lo awm ve ran bawk.




Siampuii chuan Angaihi alo be viau lo tih hriat reng reng in awm hlat tak an ni .Kan ţhut hnu rei lo ah Chhani leh a nau te an lo lut ve leh a ,kan kim deuh thuak tawh.Ka pa in "Chhungkaw chaw eikhawm nei law law mai ang u,kan lo tum dawn nia" a tih chuan Sawmkima chu a phur phur ah alo tang .




"Za Cheng Suh Malsawmkim" tiin an lo inkhak leh hman der tawh . Balcony lamah rawng an bawl lai chuan ka thu chhuak ta daih a ,a khat tawkin ka phone ka melh leh thin.





"Ti nge le?" Tiin mahni in ka phun chhuak deuh reng.Ni lenga Mordred reh hi amak chu ka ti ve deuh chu a ni.Tunkar bak Mizoramah a cham tawh hmel si lo a ,ka thlakhlelh ve teh lul nen .




Nizan kan thilsawi laia ka tap ringawt erawh kha chu zia lo ka ti deuh a,a zahthlak ka ti tel hle bawk



"Mahni in ilo thu veng veng mai law" lo titu lam chu ka hawi zui thuai a ,ka melh chho ha bawk. "Nia ,lo thu ve rawh" tiin ka bul chu ka beng thak a ,nui hak in a rawn thu thla ve a.




"Chhan tun lai eng nge I tih ţhin a?"tiin ka be hmasa a "Ka In khawm " a ti a a nui zui leh hak hak . Thil dang dang sawiin kan titi dun a . "Kan lut tawh mai dawn mi vawt ka ti deuh" ti a thawh mai ka tum chu thu tak hmel fe a min lo melh chung hian "Lawk ,thil hrilh tur che ka nei a" a ti a ,keipawh ka thu tha leh




"Hmanni ah Siampuii a sawi a" a ti ringawt chu Zawhna mit meng in ka en zui a."A hma in leng I neih zan khan thla lo lak sak tu che ah min puh a" a ti leh a "Chuan" ka lo ti nghut he thil hi tu lak chiah nge ka la hre chhuak hauh lo



"Kha kha ka lak a ni lo a nia" a rawn ti chu ka lo bu nghat nghat.Angaihi thu vawrh vir dan vel chu ngai thei lo viau mah ila Urlawk zan a a awm dan atang khan Chhani hi thlalak min thawn tu a nih ka ring tawh hauhlo kha a nia.



"Chu chu tinge tunah ilo sawi a,a rei tawh sia" ka ti a a ni chuan ti hian min lo chhang thung "Ka thil tih ni lo ah midangin dik lo deuh a min ngaih hi ka duh lo" a ti a ka lo bu nghat "Anih tunge la?" A la tu tur Chiang sa mahse ka zawt leh ngat tho.




"Angaihin ala " a tih chuan ka rin tho thu in ka lo chhang ban deuh charh."Lut ang" tiin ka thawh san a ,ka hnunga pen thawm a awm avangin min zui ngei tih ka hre bawk.



Inchhung kan luh chuan puitling ho chu an lo thu khawm deuh laih a ,Angaihi pawh puitling ho bulah alo thu ran .An zavai chuan an thutak hmel hlawm em em lehnghal . Siampuii chu ka bulah a rawn tlan phei thuai a ka banah a lo vuan deuh chawt.




"Eng nge thleng a?" Ka tih chuan a kut chu a hmui zawnah alo dah thuai."Tunah khan eng maw I sawi Lalngaihsak" Angaihi pa chuan a ti vin deuh that a.


"Mami pa ti khan au khum vak vak lo la" tiin a nu in alo chhan zui thuai. An thusawi hriat chian tum chuan kan pathum in sitting room lam chu kan pan a. "Ka...ka Rai" Angaihi chuan a ti bah deuh niaih .



"Tunge a pa sawi nghal rawh?" A pa in vin taka a tih leh that chuan a Phu deuh zawk niin ka hria."Mo..Mordred Vanrammuana" a thusawi vang chuan ka nghilh deuh dup ni maiin ka hria.




Ka beisei loh lutuk a sawi vang chuan tih hmasak tur ber pawh la hre lo.Siampuiin ka ban a vawn na chu alo hmer nghet sauh.Heivang hian em ni Vanrammuana kha nizana a zia a dang lam em em ni.




AWLE STORY KA DAH LO REI LEH VIAU A REGULAR KA TUM VIAU NANGIN NETPACK KA NEI MAITHEI LO A IN MI NGAIHDAMNA KA DIL E


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 7th, 2023, 12:12 pm

ENCANTADO
CHAPTER-17


Angaihi thusawi ka awih loh em vang Chuan awm ngaihna ka hre hlawllo,ka awih lo nge ka ringhlel chiah ni ang.Rinhlelh theih tur ting tangin Vanrammuana kha a che miau hek.




"Ka awih lo" chu thil chu ka inrin hma in ka kâ aţang a rawn chhuak hman."Bawihi" ti a ka pa in min lo khap a tum ve na pawh chu ka Haider lui hmiah a,Angaihi lam ka pan hnai .



"Vanrammuana fa a nih ka ringhlawl lo" melh chhuk ran a ka tih chuan Angaihi nu zawk chuan thil deuh Amin melh chung hian "Nang a I rin leh rin loh thu a ni lo ,a paitu ngeiin a sawi tlat" tiin a fanu thlavang alo hauh ve thuai.




"A theih loh,Ke..Kei leh Vanrammuana kan inngaizawng Alawm engtin nge a ni hian a fa a pai daih theih ang" ka sawi zawng chuan a au in ka au a ni ber.Ka chhungte chuan min khawngaih hmel deuh hian min lo en thap hlawm a.




"Engtin nge I unaunu bialpa fa chu ilo pai theih?" tiin Angaihi hmai chu a ri nghal chawrh a,ka pate chuan an lo dang thuai Ka papuia thinrim in hrosa kuk kuk karah chuan a nupui alo rak ve chul bawk.Ka rilru a alo lan hmasak dan ber in ka bag chu ka la lawk a pawn ah ka tlan chhuak zui thuai.




Ka car kawngka ka hawng tur min lo nem khar sak leh dawrtu chu rum deuh hian ka melh nghal kal ."In beng dai la , keiman ka hruai ang che" dam dap a ,a tih chuan lu ka lo thin khum nar nar.



Ka darah a dawm a ,thaw chhuak hawkin min kuah zui deuh thlawp."Mate, insum Suh aw ka hrethiam vek a nia,a tul a nih Chuan keimah pawhin Mordred chu ka be dawn nia" a ti a ka lu a chul pah hliau hliau bawk. "Mahse,û" ka sawi tur ang pawh ka sawi chhunzawm thei lo ka hrawk hi hnawh tu awm tlat.





"Ngati nge I ţah dawn Mai a ka nau chak I nih kha" tiin OMama chuan min hnem zui mawlh mawlh a.Car chuan in phur chhuakin Siampuiin min zui tel ve a.Mordred te in kawtah kan ding vang tawh ,ka call tluk tluk a mahse a ring ral thak thak . Ka û in haw mai a rawt pawhin ka nghah tur thu a ka chhan luih tlat avangin kan vaiin motor chhungah kan la ţhu thap a.




Vanneihthlak takin ka ti dawn nge dar kar chanve kan ţhut hnu in In lam panin mi pahnih an rawn inzui phei ve ve a .An ruang âm aţang chuan Mordred leh Carlos ngei an ni.



Engthil mah ngaihtuah buai hmasa miah lo in motor aţang ka chhuk thla zui thuai a ,midang erawh chuan hun thawl ka mamawh an hria a ni ngei ang min zui hauh lo.





"In bia ang" an hma takah ka ding chawt a ,Carlos chuan mak tih hmel deuhin min lo en ha mai."Sawi tur ka nei lo " min lo tih khum nghut tu chu an khum hrep mai ka chak.



"In be rawh u" ti a Carlos kal tum chu ka lo chelh tel ve tlat ,a chhan chu hepa thusawi hi min hriatpui Turin ka duh miau a ni."Vanrammuan" ka tih pawh chuan min en duh thak lo nia.




"Angaihi fa pai na kha nangmah I ni lo tih sawi teh" a au in ka au khum nghek a ,a banah vuanin ka sawi pah bawk."Ani lo" ti a min chhanna ka beisei tluk hi tu hnenah mah beisei ka la nei ngai lo



"Min chhang dawn lo ami?"ala ngawih nghal vang chuan tap chung hian ka ti leh a ,ka thu thla zui hnawk."Eng nge awm zia ?" Carlos in alo tih pawh chu ka chhang thei lo



"Ka tih palh,Naute" ti sup thawn chu ka bengah a kiu vawng vawng a ,a nung chunga thi ni mai hian ka inhria ka thil tawrh ang tuar ve tu chauh lo chuan min hriatpui hian ka ring lo. Ni lo,ka tawn ang hi tu hmeichhia mahin tawng lul Suh se.



"Blair I tha em?"ti a min lo zawt tu chu Carlos a ni ,Ka hma zawn a lo thu hniam mek chu ka lo melh tlawk tlawk tlawm ka inti in ka Zak takzet bawk."Ka tihpalh" a ti nawn leh a min kaih thawh a tum chu a ban ka lo vai per sak lawp .




"Mi..min khawih reng reng Suh, nang chuan ka unaunu nupui a ineih a ngai dawn Alawm kei chu min khawih thei ini tawh lo" tap chung hlir in a ni ka sawi ni.


"Blair ,eng nge awm zia hi tha deuhin sawi teh" ti a Carlos in min lo kaih thawh rual chuan uar lutukin ka tap chhuak hawk a nghet deuhin min kuah zui bawk.Ka mit sir chuan zawi muanga Mordred ding ruai ruai pawh chu ka hmu phe ruai a.





"Tha deuhin min hrilh rawh le" tiin Carlos chuan min nam hla dat in min zawt nawn leh a."Carlos ... Angaihin nau a ..a pai a ..chuan" ka in hrut zui hlawp hlawp a "A...a ..ni chuan Naute pa chu ani hi a ti a " tiin Mordred chu ka kawk a .Carlos taksa in sang mar nghal chu ka hre thei.




Thawk leh khatah a che zui phut a Mordred a ri zui nghal chawrh ."Ka hrilh Chiang viau che,ti na Suh tih vawi tam ka sawi" a aw chu ring ni lo mahse a khauh tha viau thung."Tap tawh Suh le" Mordred a biakna aw ki nen chuan in dam hleih tak a ni.




"Va let tawh rawh ,I rilru ti hah lo la" tiin kan motor dahna hmun thleng chuan min kalpui a,hnung lam chu vawikhat pawh ka hawi let lo.Ka chungah Hetiang thil a tih avang hian ka ngaidam thei tawh pawhin ka ring lo .






In kan thlen hnu thleng pawhin vawikhat mah ka ţawng leh tawh lo.Siampuii pawhin a chhungte call in kan in a a riah tur thu a sawi bawk.Ka pindanah ka inkhung zui chawt a ,mutthilh ka tum ngial pawhin ka muhil thei thak lo.



Kumthar ni atangin in atang ka chhuak Leh tawh lova ka awm tam ber na hmun pawh ka pindan hi a ni.Rilru ka kawm nasa a ,keimah ah hian dik lo eng chiah nge awm ka hre lo ka bialpa neih tawh te pahnihin bialnu dang min neih San ve ve thei hi mak ka ti takzet a ,mak ka tih tluk in ka rilru a na bawk.





Ka pa te sawi dan kal hmangin Angaihi pa ten sawn man an va dil a ni awm a ,mi pangai chhungkua tih takah an tu lo piang tur chu a fahrah duh lo in palai pangai deuh a tir tur in an lo ti a nih hmel.





Ka chhungte pawhin sawi chiah lo mahse inkawp zui tawh lo Turin min duh zia chu an che zia ah Chiang takin a hriat theih. Keipawhin rin nawn emaw kawp zui zel ka tum hauh lo ,Ani kawp zui leh ai chuan hmun dang a awm vang vang pawh ka thlang zawk ngei ang.




Zing ka thawh chhuah chuan thu thin thawng tak ka tawng chu a ni phawt mai.Carlos nen kan inngaihzawn lai anga ka tawrh dam nghal theih mai ka inbeisei laiin zantin ka mumangah ka hmu a ,muttheih loh phah chang ka ngah a ,a tul danin ka chhungte hriat lohin mutna tur damdawi leiin ka chhuak ru ţhin.





Mordred ka duhna leh ngainatna kha engtik laiin nge hmangaihna in a inleh a , thlakhlelhna ka lo neih hman ni.Ka tan chuan ani theihnghilh kha a har em a ,vawi tam thi nawn tur ang mai hian ka thin ah hian chem hriam taka chhun sawk sawk ang maiin ka awm ţhin.




Duhthlang tu in a duh a thlan chu keiin ka lo tih danglam ngawt theih a ni si lo a."Nizanah palai an tir a ,a vawihnih na a ni tawh a chuan inneih hun tur an rel fel tawh" ti a ka pa in ka nu alo hrilh chu ka bengah a ri nawn tluk tluk a .




"Ka fanu hi ka khawngaih emai" ka nu in a ti ri te thleng chuan ka hriat hmaih hauh lo . Choka luhna bulah ka ding reng a "Mambawihi nu Tikhan awm lo teh I fanu tan chak deuha I awm angai nia" tiin ka pa Chuan ka nu a ţawng thlamuan bawk.





"Blair" ka u in min lo koh chuan ka Phu zawk thei ka nu leh pa pawh an lo hawi rual that mai."I tha em?"ka u in alo tih chuan nui lui hram in lu ka buk khum nghat nghat a .Tui vawt fridge atanga la chhuakin ka inzui khawlh khawlh a ka chhungte chuan min en reng tih ka awm dan khawr riau atang chuan ka feel thei.



"Mamte I tan chuan a tha ber kan duh a nia" ka pa in a tih chuan ka bu nghat nghat a."Ka tha lawm ,ka tuar dam thei mai ang" ka ti ve thuai tak nangin ka tawrh dam theih pawh ka inring lo.



"Engtikah nge in neih chu an tih a?" Tiin harsa ti deuh chung chuan ka zawt a ."Thla thar ni 8 hi an ti a" ka pa in a tih chuan ka chhang tawh lo.Thla thar ni 8 a nih chuan Karthum chiah inneih nan hun a awm tawh tih na .



"Kan leng phei dawn a" an tih chuan ngaihsak zui duh tawh lovin ka pindanah ka lut a ,helai hmunah library tih vel ka tlawh ngai loh avangin net lamah thawnthu ka chhiar ta daih a . Ka mut loh rei tawh em avang te pawh a ni mahna ka taksa chu a chau tawh hle bawk.





"Bawihte ,ka fapa duat " ti a Mordred hlim sanga ban a phar chu ka thlir reng a ,"E he Apa alo haw a nih hi" Hlimsanga tih pahin Angaihin Alam a pan bawk . Mordred chuan a chalah fawp zauhin hlim hmel leh thlakhlelh ngawih ngawih hmelin a en chhuk ran bawk."Ka duh lo ,ka pawm lo ,Innei Suh u ,ngati nge keimah ka nih loh" ka awm hmun ah chuan zawi te te in ka lo phun ve sap sap a.





Kalsawn ka tum chuan ka ke ka ti che thei tlat lo ."Vanrammuan min hmangaih I tih kha ngati nge ...ngati nge tunah midang bulah I awm si " ka au vak vak pawh chu hre lo ang maiin a chhungkaw Dinah chuan lungawi tih hriat lutukin a mit chu a fu reng bawk.



Thawk leh khatah an ni chu an ral tial tial a , Angaihi chuan min rawn hmu ni awm takin a kiai pah sak bawk.Ka mut hmun atang chuan ka harh chhuak hlawl a ,ka awmna vel chu alo var deuh iarh bawk.





"Khawnge ka awm?" Ka bul hnai a awm OMama chu ka zawt nghal thuai."Blair ,Tunah chuan Hospital ah I awm mek a " a tih chuan "Ngati maw ?" Tiin ka lo zawt let deuh ha.




"I mu kha chhun thil ei tura lo loh che ka tum a ,min chhang thei si lo kha ka sawi vak vak che pawn I harh thei lo a ,a hnuah I taksa kha a khawng leh vek sia.Ka mangangin hospital ah ka hruai che a nih hi. I mu tha bawk si lo a ,damdawi te an pe che a ,tunah pawh kha drip an khai mek kha" tiin thil awm dan chu min hrilh zung zung .






Mahni unaunu te pasal neih dawn a hlim lo ber ka ni ngei ang.Doctor in zan riak tura min tih tlat avang leh ka nu te duhdan a nih miau avangin Zaninah riak nghal turin ka inbuatsaih a .




Ka phone pawh ka u in ka mamawh tur zingah alo khung fel diam.Message leh call engmah ka hawng ngai lo a ,ka la ngai hek lo bawk.



Zankhat kan riak a damdawi a min Chiu vang nge keipawh zan dang ang lo takin tui takin ka mu ve thei mai.



Zing ka harh chuan ka bulah Carlos alo thu ran tawh chu niin."Eng nge ilo tih dawn?"ti a ka thu kang tur chu min lo pui vat."Hetiang em em hian I tawrh ka ring lo a " a tih chuan ka lo nui mai.




"Hmeichhe chak tak inih kha tiraw"
"Ka awm dan hi ka hrethiam lo ,ngati nge ka bialpa neih te hian min kawp nuam an tih em em mai le" ka ti chhuak hap


"I ngaih ang zawng zawng a ni vek lo a nia" a tih chuan ka nui lui hak.


"Nangpawh I tel ve kha ,tunge khah min kawp na nu kha a hming kha J atangin a in tan em" ka tih chuan a ner nghal nak.



"Jane ,I sawi na a nih chuan ka ţhian pakhat nupui hual Ani"a ti deuh nghut chu phawk fe in ka lo melh.



"Ti nge in inngaizawng lo tih I sawi loh?"
"A chhan chu nang chuan chhungkaw hlim tak din I chak a,keichuan chu chu ka thei ve lo" a tih chuan mak ti deuhin ka lo en .




"Nia ,I ngaihtuah kha a dik kei chuan chi ka thlah thei lo ,a awmzia chu fa ka pe ve thei dawn lo che.Chuvang a nang kalsan che thlang ka ni " a tih chuan a thusawi maltin te chuan min ti ham haih em em vek ni ber in ka hria..


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 7th, 2023, 12:12 pm

ENCANTADO


CHAPTER-18

"Nia,I ngaihtuah ang kha a dik keichuan chi ka thlah thei lo,a awmzia chu fa ka pe ve thei dawn lo che.Chuvanga nang kalsan che thlang ka ni"a tih chuan a thusawi maltin te chuan min ham haih em em vek ni ber in ka hria.



"Ngati nge min hrilh mai loh?" Ka Zawhna chu ka zawh zawh rual rualin keiman a chhanna tur ka hrethiam leh vek tho.Ani hian fa a neih theih loh tur thu sawi se , ka awih lo emaw a nianga ,a nih loh vek pawn ka kalsan hauh lovang.



"Anih tinge heta ilo kal khan min hrilh nghal mai loh?"
"A chhan chu,nang chuan Mordred kha I hmangaih lutuk tawh tih ka hria a,chubakah in in hmangaihna kha a chak tawkin ka hria"Ka lo nui chhuak hak a.

"Chak tawk nise min bum hauh lovang"
"A hmangaih che tih ka hria lawm"
"Thu lawi lo a nih chu" kan thil sawi lai chu sawi chhunzawm duh tawh lovin ka mu zui a ,a awm lohna lam ka hawi San zui hmak bawk.



Ka inlet leh a ka inlet ruh zui fan fan . "Semester tharah hian USA lamah ka kal leh tawh dawn a" a tih leh pawh chuan ka ngaihven tawh lo."I duh chuan ilo kal ve thei ang" a ti a a reh zui ta vang vang a ,a kal tawh a ni ngei ang.




Tlai lamah Damdawiin atangin kan chhuak a ,ka pa chu inneihna tur lamah buai in zan ah ka pu te Inlamah an unau inhmu khawm Turin an kal a.



Ka nu bulah "USA lam ka pan ve leh mai dawn mawn le" ka tih chuan a rem tih vak hmel loh nangin min chhang zui lem lo . Ka pa nen ngaihtuah hmasak phawt an duh anih ka ring



Kar a liam zung zung a,keiin ka thil tawn tawrh har ka titulh tulh a,inneihna a kan unau dang ten kawr thar thui an sawi pawh ka phur pui thei lo. Kei aia thinrim zawk chu Siampuii a ni ve leh tlat bawk.






Kan ina alo kal apiangin Angaihi Zak thei lo a tih zia leh Mordred a dem zia a sawi cham chi ţhin.Chhani nen pawh text in kan inbe ve zeuh zeuh a,en ang ngawt zawng a ni lo . Mi hi an lan dan aţang a teh ngawt lovin ,bel chiang in,an nun dan zir thin hi alo tha anih hi.





Man hlan zan a thleng a kan chhungte an nih miau avangin kal loh theih loh,a hrehawm zia chu tuman min hriatpui kher lovang.




"Thingpuite hi lo sem zung zung ta che u,Siampui ,Zomuan" tiin Angaihi nu in min lo au a ,Siampuii pawh a ner zui nak mai."Midang an tam tho a,eng nge keini kher min rawn tirh" a ti zui nang nang a ,thingpui ka thli a a nin a sem zui zung zung .









"Zak lo reuh e,ka pa nupui mahnise ka ei thlawt lo.I bialpa ţhin a ni tih pawh a hre ve reng a" a ti zui hlak hlak a.Palai rualin Mordred pawh a ţhian pa tur nen an lo kal tel ve a,ka hmu lo der ngar ngar nangin a awm lo ang mai a awm chu thil har tak a ni.




Sanga Mordred ţhianpa pawh chuan min hmu tih Chiang takin ka hre bawk. A tul ang ang kan tih hnu in inchung lamah kan chho ta daih a.In chung boruak ka dawn meuh chuan hah a dam deuh sawng sawng thei .





Inchhunga ka in San mar zia kha ,midang nen kan zik huai huai tak loh ah chuan ka hre chhuak Leh hnuhnawh a



"Siam" ka tih chhuah hap chuan min lo en thuai a ,kei in ka hma lam ka melh ding ngar thung."Hmundangah awm duh tlat ta ila ka dem awm viau angem?"

"A teuh lo mai" rang deuh hian a rawn ti a "I pa chang em a tun a I thil tawn ang hi tawng ilang chuan Zanin angah te hian ka awm ka inring lo" a tih zawm leh a ,a hnu chuan a inthlahrung leh deuh a ni maithei "Ka sawi awm zia chu ,I tuar a chhel tih ka tumna a nia" a ti tha leh a ka lo bu nghat.





"I sawi tum ka hrethiam" nui suk chungin Alam ka hawi a ,Ani pawh alo nui ve tho.Ka phone ka kawr ipte a ka ah reng chu la chhuakin Carlos hming chu ka hmet chhuak a ,ka call zui nghal bawk.





A ring char char a ,a la tawh dawn lo emaw tih hnu in a rawn chhang thei hram."Hello" alo tih chuan a hmanhmawh hle niang a thaw deuh hlawp hlawp ri pawh chu ka hre thei.




"I va hahawm ve" ka tih chuan inhnuai a a chhuk lawk thu a sawi a ,chuvanga call la lawk thei lo a nih pawh ka ring."Umm" tih zawngin ka chhanga a ngaih a tha leh chiah lo a niang "Eng nge ni ta?"a rawn ti zui thuai a.




"A hma khan ...USA a kal kha I sawi a" ka chawl deuh dat a,hmu lo mah ila a awm hmunah alo buk nghut nghut tho chu ka ring ."Kha kha I rual in ka lo kal ve" ka ti chhuak deuh phawng .




"I duh chuan a pawi Chuang lo a,mahse"
"Ngati nge mahse" ka lo ti ve thuai. "Naktukah kan kal a ngai dawn a nia" alo ti chu ka tum aiin a hma leh si nge ka ham haih kual vel vek.



"Tinge naktuk ,ava hma leh Tut si" tiin ka zawt thuai a."Ka pa hi a tha vak lo a tunlai chu tunah hospital ah a awm a " a tih chuan "Avan zia lo tak" ka ti ve thuai.




Carlos hian a pa a hmangaih zia ka hre chianga ,tunah pawh haw thuai a duh hi hriatthiamna lai chen ka nei. "A hma I tih viau chuan ,I duh chuan ka flight tur " a sawi zawh hma chuan lo pawt chatin "A ngai lo ticket naktuk mi tur chu min lo ngaihtuah pui la"ka lo ti thuai.



"Ka lo ngaihtuah dawn nia" a rawn ti deuh sup a,a hnuah APA chanchin te zawtin kan inbe leh luam a call kan dah ta chauh.Ka bulah Siampuii lo ţhu ngawi ve reng chuan Zawhna mit mengin min lo en a ka tum dan zawng zawng hrilhin a ni pawhin min hnialna tur a nei lo.




"Hla ngaithla daih ang" a ti a a phone a hmet zui mual mual a ," All out of love" Air supply sak chu a rawn play a ,ngun deuhin ka lo ngaithla.A thunawn chu ka lo feel pui veng veng thei "I'm all out of love, what am I without you" a tello in eng dinhmun chiah nge ka thlen chhoh dawn ka hre lo a ni .




Kan inhmangaih hun chhung a rei lo na chungin ka tan chuan theihnghilh theih nan hun rei tak a duh dawn tih ka Chiang.



Inhnuai kan chhuk chuan man semna hun an lo hmang zo chiah a nih hmel e.Choka lam pawh lun hat hat tak a ni.Kan chhuk thlaa reilote kan thu vetak na in ka bet viau lo.Ka ticket tur a lak fel tawh tho Carlos in message in min rawn hrilh a ,lawm thu sawiin a man tur chu ka thawn nghal tur thu ka sawi a,mahse alo duh lo nasa ngang a niang .

"A ngai lo" tih a rawn thawn tlar tuarh mai ,ava han taima mai mai tak. Choka a tui in tura kan luh lai takin Angaihi a rawn lut ve hlawl a ,min be lo tawp mahse pawi ka ti hauh lo .





"A hmangaih che I ti emaw maw ka tia ,mahse min nei leh daih dawn sia" a aw ka a min deu sawhna chu ka hriat hmaih lo nasa.Ka ngawi ngul a chhan ai chuan tiin ka hriat loh der sak hmiah a,mahse min khei zawngin a ţawng zui fek fek reng tho . "Lalngaihsak duh tawk ve tawh em em rawh ,mahni unaunu te bialpa mutpui duh khawpa Tenawm I nih kha zahna changte hre ve ta che" Siampuii chuan ka thlavang hauh in a rawn ti hriam hraih a .






Siampuii tiang em em a a thinrim hmel hi ka la hmu ngai lo."Ilo in rawlh ve angai lo" pakhat zawk chuan ala ti hram a pakhatin pan mai a tum chuan ka lo pawt ding vat.Angaihi bulah chuan kal hnai in a bengbul ah ka va Kun deuh a "Bialnu a neih lai reng pawn ,a mutpui duh che a nih chuan a rinawm loh San har tawp lovang che. Tlan bo pui ah sawm ila min hnial I ring em?" Ka ti a ,a hma zawn a ka hmai a awm leh chiah chuan a ngeiawm thei ber Turin ka nuih let sak.





Miin ka chunga an tih dan ang zel a tih ve hi ka duh lo viau nangin ka ngaihthah leh lutuk chuan min zuam telh telh tih ka hrechhuak tlat a ni.




"Angaih" lo ti thawmah chuan ka hma mi chuan ka tui no vawnna lam kut chu rawn la kangin a lu zawnah a rawn bun a nih chu takzet hian .Tui kha ka thli khat chauh a tunah chuan far khat pawh ka in hma in ruak leh huai tawh .




"Hrep hian , Zomuanpui engthil nge I tih kha?"lo ti vin that tu mi pa lam chu ka hawi thuai a ,chak deuh hian a rawn pen pawk pawk a ,a kawr chung hak lai chu Angaihi a rawn bah tir zat bawk.He mihring hian ka ngeng a kaitho tawh chhan en ah pawh ka en lo,sawifiah pawh ka in sawifiah peih tawh hek lo.





Engpawh sawi ila an inneih loh phah dawn Chuang lo miau a ni ."Thil ka zawh che chu" a rawn tih leh hrawk paha mitmeng rum deuh hian min lo melh a."Kal ang" ti a Siampuiin min lo pawh chuan ka hma Mipa sang leh pian nalh tak ,a engkim ka duh vel vek thin chu ka lo melh deuh tlawk tlawk a.




Harh chhuak thut a kal ka tum chuan ka banah alo chelh a min hmer na hle bawk ."Ngaihdam dil rawh" a tih chuan a kut chu ka phih thlak sak pawp a."In tak thei lo hle mai,thil ti sual tu zawkin thupha chawi Turin min ti a nia" ka ti a Siampuii ngaichang tawh lo lek in ka chhuak zui hlawk hlawk .





Inah haw in ka bungrua pawimawh deuh ka pack khawm zung zung a,a zualpui ka pack zawh dawn lama inhnuai lama thawm a awm avangin ka chhuak thla a.



Ka nu leh pa leh ka ute lo lut chu sitting room lama lo thu Turin ka hrilh a ,an lo thu ve mai bawk.



USA a Carlos ruala let tur thu ka sawi chiah chu an phawk HRA hlawm mai."Ka phallo" ka nu in a tih chuan ka pa in "Mama nu" a lo ti thuai ."I thil tawn a harsat tur zia kan hriatthiam pui kher lovang che,mahse puitling ini tawh a I thuthlukna hi nangma hma khua tur a ni tih hria la" ka pa chuan a ti dap dap a .



"I tan a nuam zawk dawn nia I hriat chuan I kal dawn nia,inchhir lo la,sum lam chu I account ah A tlachawpin ka rawn thun dawn nia" a sawi zawh rual chuan an bulah kal In ka kuah zui nghal vawng vawng.




"Naktukah kan flight a niang, Carlos pa hi a dam sam lo a" ka tih pawh chuan ka nu chu a ngawi reng.




Zingah chuan ka thawmhnaw ka pack fel diam tawh a,Chhun ah innneihnaa awm an ngaih miau avangin tuman min thlah hman dawn lo a,keimahin ka kal chhuah a ngai a ni.



Airport ah Carlos nen chuan kan inhmu a Mordred u in alo thlah chu niin ."A zia lo hle mai ,ka nau atan ka awh tehlul che nen" a ti a hmai erawh a uang viau lo.



Ka hmangaih te inneihna hmun a tel chu hremhmun nen danglamna a awm hauh lo ang,vawiin khera Carlos haw a ngai hi lawmawm lam a ni.



Kan thlawhna chuanna a tawlh riai riai a Mizoram leilung chu ka hlat tial tial a."Ka hmangaih hlim takin lo awm ang che aw"Hnuai lam en chuan ka phun chhuak deuh sap sap a.






MORDRED POV:
Vawiin hi ka nupui neih ni tura ruat chu a ni si,ka lo beisei loh dan hlirin thil a thleng chu a nih hi.Zomuanpui tiin ka thiungte a inthum rawn tluk tluk a mahse Lalngaihsaki ka nei dawn chu a ni si a.


Ka da lo piang tur hi ka ti fahrah ngawt thei bik si lo a,Ani tello khan ka hlim thei dawn em ni chutiang chu a ni ka tawn hnu pawn ka la ngaihtuah ngai lo.



Inneihna kan hmang a,hun derh kan tan aka thlen tirh aţanga ka mi zawn chu hmuh tur a aw hauh lo.Thlalak ringawt te chu Ning tak ka ni ,a rilru na takin ka hliam sak a ,min ngaidam lo mahse ka dem hauh lovang.




"UZomuani ka hmu ve Miah lo" ka u bula ka tih chuan ahmel inthlak chu ka hmu hman ."Zomuanin Mizoram a chhuah San " chu thu a sawi loh chu engmah a sawi zui lo.Ani khan min kalsan ,chupawh Ram dangah lehnghal.A tello a khawsa Turin engtin nge min hnutchhiah theih zawk.




"Khawnge Zomuani a kal?" Tiin ka ngam ber OMama a tih thin chu ka zawt a ,ka hmai a ri chawrh a chhuatah ka let thla zui ."I ka bawlhhlawh khan ka nau hming hi lam tawh ngai Suh ang che,nang a lo ngaihtuah angai lo" min tih khum hmak a.Ka kam sir a Al deuh puat ah chuan ka kam sir chu athi ngei tih ka Chiang.




Ka tellovin I awm anga I hlim ngawt ang,kei hi mipa laktlak lo tak ka ni ,ka hmangaih che Zomuanpui ngati nge ti hian kan chungah a thlen .A mawh phurtu chu kei vek hi ka ni min ngaidam rawh .Lo let leh rawh I tellovin kei hi engtin nge ma ka lo awm ve tak ang ni.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)