ENCANTADO BY Tetei Velez Khiangte (Completed)

[Ngaia]

ENCANTADO

#love_story

Kan tana mi hmasa ber ni a kan ngaih thinte hian khumkhua an daih ngai lo .A hmasa ber kha a hnuhnung ber nih tir tum lo la,I hma lam hun atama khuanu in a ruat chu tawngin a ni nen chuan hma lam hun tam tak innei tih hria ang che.Hun hian mihring a phatsan ngai lo mihringte hian hun hi kan phatsan zawk thin.
＼(^o^)／＼(^o^)／＼(^o^)／＼(^o^)／＼(^o^)／

Duhthusam tam tak karah a ni chauh kha ka kianga awm turin duhthu ka sam thin.Ka ta ni se,ka tan nui se,ka thlamuanna leh ka hlimna ni se tiin mahse keichuan takram chang ve ngai lo tur duhthu ka sam mai chauh alo ni.
( ⚈̥̥̥̥̥́⌢⚈̥̥̥̥̥̀)( ⚈̥̥̥̥̥́⌢⚈̥̥̥̥̥̀)( ⚈̥̥̥̥̥́⌢⚈̥̥̥̥̥̀)( ⚈̥̥̥̥̥́⌢⚈̥̥̥̥̥̀)( ⚈̥̥̥̥̥́⌢⚈̥̥̥̥̥̀)( ⚈̥̥̥̥̥́⌢⚈̥̥̥̥̥̀)

Chapona hian hmun sang tak min thlen tir ngai lo,thu hnuai rawlh leh inngaitlawm te hian hmun sang leh an theih phak bak nia an hriat ai sang an thleng chawk.I inchhuanna I chapo pui kha I la tlak chhiat pui thei.

🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍
Thufingte 3:6
I kawng zawng zawngah amah hre reng la, I kawngte chu a kawhhmuh zel ang che.



ENCANTADO 1

Chapter-1

Ziaktu:Tetei velez khiangte


Ka lehkhabu duh ber chu thlangin ka seat ka tih mai thin library ka kal apianga ka ţhut ţhinna hmun chu ka pan tlang nghal.Lehkhabu hi ka ngaina ve pangngai a amaherawhchu han pawm chilh chawt ang chi ka ni hran lem lo thung.Karkhatah vawihnih tal library ah hian ka kal ziah ţhin hun awl ka neih dan a zir in a changchuan a ai tam pawh ka kal fo mai.



Romance leh Crime lam hi chhiar nuam ka tiin ka phur na lam tak a ni ve a,heng lam ka chhiar tawh hi chuan tum aiin ka tui ziah lehnghal.Ka bag a ka phone dah chu phawrh chhuak te te in ,earphone nen ka connect a hla ka ngaithla pah nghal vang vang bawk.Tiang hian ka feel awlsam zawk ni te hian ka hre ţhin.




Ka Sana ka en chuan tlai lam dar 4 alo ni der tawh,a tlangpui in library ah hian darkar 2 ka chhiar tlang pui thin.Ka chhiar lai chu a laklawh em avangin Librarian hnena hawh chhuah ka dil chuan ka tih loh dan a ni hran chuang lo bawk nen alo phal khawp mai.Kan innel ve tawh hle a upa lam tawh mah ni mahse a vun a mawiin a hmel hmuh a nuam em em reng."Mrs Smith kan in hmu leh vat dawn nia"tiin library chu ka chhuahsan zui.





Ka hming chu Zomuanpuii a ni a,ka vun hi a nung ve in ka hang hran lo a,chumai bakah ka sam hi a buang lam rawng a kai deuh bawk. Ka tet lai atangin ka chhungte hian min koh duat nan "Blair " min ti mai thin ka lo len chhoh hnu a, a chhan ka chhungte ka zawh chuan "I sual thiam ve thei reuh lutuk a,mahse I chhung ril kha a tha tho sia" tiin min chhang a nih kha Barbie princess charm school ah pawh khan Blair khan changtunu kha a hmusit lutuk mahse,lalfanu a ni tih a hriat hnu khan a nu thu aiin a chhia leh tha hriatna hmang ngeiin a nu a kalh a nih kha.Ka pa USA lama hna vanga a awm hnu hian kan chhawr tangkai ang reng phian lehnghal mahse ka ngaina hran lo.







Ka pa hian Professor hna thawkin ram hrang hrangah kan awm kual ve ţhin tih chu ka nu ka atanga ka hriat a ni.India ram chhungah kan awm char char thin a kum 4 mi vel ka nih laiin tuna kan awmnaah hian kan insawn ta a nih hmel e.Keihi kan unau zingah a pang ber leh hmeichhe awm chhun ka ni bawk ka chhungte hian min duat em em renga keipawh ka pangchang thiam thei khawp mai.Tunah hian College ka kal ve mek bawk.Ka pa hi Lalremsiama niin ka nu hi Lalmuankimi a ni bawk.Kan upa ber hi chu Mizoramah ka pi te bulah kum kal ta mai khan a awm a,ka u chiah erawh hi chu kan bulah a awm thung.






"Awi leh"tih paha ka au deuh that chuan ka bul a mi chuan "Khai aw nula avan zia lo ve min ngaidam rawh aw,thil ka lo ngaihtuah muk lutuk a" a rawn tih pawh chuan ka la hawi chhuak thei lo ,a chhan chu ka kawr a huh miau a,chuan ka kawr hak hi chhah tak a ni hran lo nen a buaithlak khawp mai.Ka kawr chu a Val kulh bakah a lang tlang thei lehnghal."Kha hei hian in tuam mai rawh" tih paha ka bul a mi in a jacket ni awm taka min lo khuh chuan ka en ve ta hram.






A hmelah chuan Inthiam lo na chu a lang ve tih Chiang takin ka hmu thei."A ho lutuk,a na chuang lo a mahse I kawr hi chu ka hawh rih mai a ngaih hmel ! Pawi I ti viau a ngem?"ka tih let ve takah chuan thaw deuh huai hmel a pu."Pawi ti lo e,harsatna awm hran lo"a rawn tih dam dap chuan ka nuih ve var var.




A sangin a pa lian em em a,a hmel chu tha ve tak a ni.A pian a inkhai thli thlarh a chumai bakah a bawp a sei em em bawk a lan mai danah chuan alo berah ft 6 leh inches 5 chu a nih vel thuak hmel ka ti,kei hi ft 5'3 boruak hip pha ve tawk ka ni nen ka en na lamah ka ring a kham lo chauh thei lawm le.A hmelah chuan hemi US mi leh sa chu a nih hmel vak bikin ka hre lo bawk,a khabe hmul tlema to siar siar chuan a ti pa hliah hliah a,a mit hmul ki vang leh a mitmeng rum lam mah te chuan hmeichhia a hip ngei ang le.





"Min hrethiam la ,nichin khan Mizo tawngin I ţawng tlatin ka hria"a rawn tih chuan ka hre ve chiah thil thawngthut lam chi ka tawn hian Mizo tawng hian ka lo au leh chiam thin a,a zia lo tak tak a ni."Aw nia,tawng mai thei" ka tih takah chuan kiai deuh sukin "Kan in hmu chu ka lawm e" mizo tawng ngei mai chuan a rawn ti a nih chu a nih chuan hepa hi Mizo a ni ve tho tihna.






"Nih ka kal phawt mai ang,ka hman hmawh sia" tih a kal mai a tum chuan a banah ka lo pawt vat."Ihh..I jacket hi engtin nge niang" tia ka zawh chuan a ban ka vawn na ka kut chu a lo melh zawk ka thlah rang teh e."Ti khan nei mai rawh" tih leh kal a rual nghal nal nal.Amah pawn a phal te chuan ka nei anga ni mai lawm.








Ka bestie ve em em Lorie Part-time hna a thawhna hmuna ka va lan deuh thut chuan a thawng ve ngang ni tur a ni mi a lo en char char mai."I van buai hmel" ka tih chuan ka kalna lamah chuan min lo zui phei ve nghal thuai."Eng nge awmzia lehkhabu bakah ,mipa jacket ni awm tak nen ,I ha zo lo ve bawk sia ,inpa ta mi"a tih chuan ka lo nuih liam mai."Ni lo e,midang ta nih hi"ka tih chuan a phawk lutuk "Eng nge awm zia?" a ti ta renga ."Kinah ka hrilh ang che ,engtik nge I ban dawn?"tiin ka zawt zui."Dar 5 ah hian ka bang dawn "a tih chuan Sana chu ka en minute 15 vel chiah a awm tawh.







"Nih chuan ka lo nghak ang che , Ice Coffee min lo chhawp sak bawk aw"ka tih chuan let phei vatin ka coffee tur chu a rawn keng leh.Ka phone chu ka khawih pah mial mial bawk.[Zaninah eng nge tih I tum deuh?] Ka bialpa Carlos hnen atang a ni.A ni pawh hi Mizo tho nimahse a nutei te lamah hian Sap pasala nei an awm thung.[Ka la Chiang Mai lo,tihtur nei pawn ka inhre Chuang lo] tia ka chhan chuan a ţhianpa Matthew Birthday lawmna a kal pui ah min lo sawm.Matthew nen pawh hian kan inpawh ve hle a,min ngam ve tawh tak a ni.






Ka kalpui tur thu chuan ka lo chhang ve mai bawk.Carlos nen hian junior high atanga inhria kan ni a,kan inkawm chho a, ţhiantha tak ni thin kha mipa leh hmeichhia angin engtik laiin nge kan lo in en hman ka hre hauh lo ,kan inkarah induhna alo awm chho tan a ,kan feelings te thup har kan ti chho tan a nih kha.




Senior High kan kal lai khan Carlos hian min hlat ru riau thin ,nitinin min pehhel a tum char char a tihsual nei ni angah ka inngai hman hial a nih kha.Tlaikhat ka school bang an in a ka va kal khan ti hian min lo hrilh a "Kan inthian thatna te hi tham ral se ka duh lo,ka kiangah awm reng la ka duh a keipawh I kiangah awm reng ka duh .Mahse,kei hian ţhian ang chauh a en che hi a har ka ti.Nangmah theihnghilh tum che a ka hlat che a piang in ka na ţhin.I lakah hian feelings ka nei a,chu chu ka zep thei tawh lo a ni"tiin.






Khami tum kha chuan vawi tam ka in ngaihtuah nawn a nih kha,mahse kei hian Carlos Lalrinchhana hi ka hre Chiang a mipa rintlak tak a ni tih pawh ka hria.Chhanna ka pek hnu atang khan kan inzui chho tan ta kha a nia,ka duh tih chu ka pha hauh lo mahse ka hmangaih em tih ka hre lo hetiang hian midang tamtak pawhin ngaihzawng an neih hian an ngaihtuah thin hian ka ring..



"Van hlim bik vur vur ve a"tih paha ka hma lo thu thla chu ka lo nuih var var."I zo tawh a mi?" Ka tih chuan a lu min buk khum nghat mai."Nia hei Carlosan birthday party kal pui ah min lo sawm a" ka tih chuan kei ai mahin a phur leh tawh.Dawr atang chuan in zui chhuak in kan titi pah dun mawlh mawlh."Chuan I jacket hak hi tuta maw?" Tiin hrechhuak leh thut ni awm hrim hian ding thutin min rawn melh nghal kal mai.






"E heihi maw? Mi pakhat ta a nih hi" ka tih chuan a lo ner nang mai."Titeh Lorie amak thei emai ,a thil in laiin min buak a ,kei library tanga ka lo chhuak chiah a ni bawk nen kawng ka lo en si lo a,ka kawr hak a pan bawk sia Chuvang chuan min khawngaih a min hak tir" ka tih chuan min ring tih hriat zetin ka banah vuanin min kal pui lehnghal dat dat..







Zanah chuan ka thawmhnaw bawm a ka thawmhnaw ngainat em em mai Carlos min lei ni bawk chu ka ha kawrfual pink a ni a,a arh dan hi a tawk em em bawk chutah chhing ni Chuang hauh lo hian a fual Chuang bawk si lo ,a simple em em a ban hi a sin lam mah a ni a a kawng hian pian a ti lang nalh em em lehnghal.Ka leather jacket dum kawng thleng vel leka fual chu ka ha tel bawk .Inhnuai ka chhuk tur chu Aumama inchung lo chhoh tum step a ke rawn pen hman chiah chu tlan thla hlawp hlawp in sitting room lamah chuan ka Kai phei leh boot ka bun avangin tlan lam chu ka harsat lo khawp mai.







"Omam ka nalh em?"ka tih nghal chul chuan a lo nui ringawt lehnghal."Ehe Bawihtei chu I van mawi ve a" ka nu kitchen atanga lo chhuak pawh chuan a rawn ti. "Bawihte I mawi lutuk ringawt"tih paha Omaman ka sam a rawn tuai chuan rum lutuk hian ka lo melh ran ,a nui nghal hawk hawk lehnghal."Lalapa Lalrinhlua hi ninawm lutuk mai hai hrep rawh" ka pa pindan atanga lo chhuak engmah hre ve lo bulah chuan ka lo ti deuh nghek.





Dar 7 vel bawr chuan Carlos pawh a lo thleng a kan inphur chhuak zui."Babe I mawi lutuk ringawt kan kal leh lo mai daw mi?" Tih paha ka kut chu rawn hum rualin a hmui nen a chuktuah nghal vang vang."Engati maw ka kal loh ang ka Insiam vek tawh hi?" lawm lo aw lutuk a ka tih chuan "I nalh sia an lo hmu Tai ve ang che tih ka hlau lawm" a tih chuan ka lai nghal em em ringawt lehnghal.







"Carlo an van tam ve,let leh mai ila" ka tih chuan a nui suk mai.Tunah hian Matthew te inkawtah kan ding vang tawh "Nang chu I huai viau emaw ka tia,ka rin aiin I dawih daih mai ka ti "a rawn tih chuan ka chek zui hlak mai.Hetianga intih hi ka ngaithei lo , challenge lam ngat phei hi chu tlawm zawkah tan ka duh lo bur."Lut ila"tih pah chuan thawk ka la hawk a ka bul a mi chu a lo nui hak thung.






Matthew kan hmuh chuan present te pe in kan wish nghal bawk,ka kal ve chu a lawm thu te min lo hrilh ve luam mai.Mipui zi hut hut hi ka ngaihtheih loh em vang hian tiang thil ah hian ka kal tam ngai lo tunah pawh balcony ah mi tlem na laiah ka awm leh vang tawh mai.Ka ze letling thawkin Carlosa mizia a ni ve thung,mipui pun khawm na nuam a tiin huau huau lam hi a ngaina ve hle ka sawisel hran ngai lo thung.






Balcony tang chuan chhung lama mi ho che kual vel chu ka en pah mai mai.Hmeichhe pakhat in Carlosa a Pak huam reng pawh chu ka hmuh hmaih lo khawp mai ka mit a ti kham tawh hle bawk.Carlosa couch a a thut rual a,a malchunga a thu zui mai ka hmuh chuan ka sa nghal phat thei Lalrinchhana pawh hi eng nge maw ni a hriat ni a lo hnar eih lo a nih chu.An lam chu ka pan phei nghal thuai a , Carlosa mal chunga thu chu ka phih tho nghal pawp.






"Engthil nge maw I tih le?"a rawn tih fiak thak rual chuan ka lo nui ro halh."Ka bialpa bula lo awm tur hian tu chiah nge I nih vak bik"a awki ang chiaha ka tih chuan min melh rum khawp mai Lalrinchhana pek chu thu chungin a lo nui suk duh chauh lehnghal hrep hian."Carlos he nu hi I bialnu em ni?"tiin Lalrinchhana chu a zuk melh chhuk a ni chuan aw tihnan alo bunghat ringawt keiin chu chu ka duh khawp hauh lo. Midang nen thil intawm ka duh lo hi ka sualna a ni ve pakhat a awmzia takah chuan ka ta hauh ka pe na ve tihna a nih chu mahse hmeichhe kawlhrawng tak chu kani Chuang bik hauh lo thung.





Engtin nge pawh ka hre lo kha hmeichhia kha a kalsawn tur chu a tlu nghal thlawp mai "Takzet hian" ti hlukin Lalrinchhana chuan min nam sawn pahin kha nu kha a kaitho nih chu awi leh ka awih thei lo zawk."Jane I tha em?"tih pahin a kaitho nghal vat "Jane" ka lo ti chhuak ve sup a lo in hrut faih faih lehnghal. "Babe ngaihdam dil la" Lalrinchhanan a rawn tih chuan ka lo ner nang mai.Henu hi ngaihdam ka dil chhan tur ka hre tlat lo." Ngaihdam dilna chhan tur ka hre lo"ka tih chuan rum nghutin "Tuna I thil tih zawh tak chiah vang khan" a rawn ti nih chu ka â thei takngial dawn .







"E sorry" ka sawi pawlawh tha khawp mai "in Chance nei tur ka tibuai che u sia,chhunzawm leh tawh mai ta che u" ka thusawi leh vang erawh chuan Carlos Lalrinchhana chuan min melh no vak lo,chutin a mitmengah chuan Nuam a ti zan lo tih pawh a hriat theih.Matthew lo ding ve ran lam chu panin a party a buaina ka siam vangin ngaihdam ka dila ka chhuak zui vang vang.Ka hnunga pen thawm pawh chu ka hre reng rin pakhat bak ka nei lo ka hawi let lo Chiang khawp ang .





Taxi chang chuan ka ding reng "Babe,I ngaih ang kha a ni lo a nia" rawn ti sup tu chu melh pawh ka melh peih lo ,kan chhuah dawna ka mood an that nen ."Sorry,ngaihdam dil tura ka tih vang che khan" a rawn tih chuan a lam chu ka hawi ta nge nge."Ka ke kha ka ti che in I hre re re em ni?"ka tih let hram chuan min melh ngar mai."A nih kha tiang khan a mi party I kal in I awm thin a?" Ka ti leh "Babe I ngaih ang ani lo nia,vawiin ah chiah tiang khan ka awm,chupawh I awm vang chauhin"a tih leh chuan sawi zel rawh tih en in ka lo en kal."I thik hmel hmuh ka chak vang a nia"a tih leh sup chuan "A nih chuan ka lo thik ta a ,min rawn be rih Suh ang che" tih pah chuan taxi lo tlan chu phar dingin ka lut zui zat.







Ka thinrim em em pawh ni hran lo ,mahse hrem ve hlak chu a ngai a ni.Zing ka harh chuan Carlos morning wish bakah a zai lai video tawite chu min lo thawn tel ka thinrim min thlem ziah dan a ni.College kal tura ka chhuah chuan kan gate bulah ding in a min lo nuih var var keichuan ka la tum khum bur thung."Blair chhungril tha em em nu" a tih chuan lei ka chhuah khum nghek ."Lo Chuang rawh lem"tih pah chuan a bike ah chuan a Chuang zui tharh keipawh in sawi sel hran tawh lo in ka lawn ve mai.








Tlai lamah chuan ka tihdan ngaite in library ah ka kal leh,ka lehkhabu hawh chu ka Keng tel bawk vawiin tlaiah chhiar zawh ngei ngei ka tum a ni ber.Ka seat lam ka pan chuan mipakhat hi alo thu kur mai,a min tlat avangin a hmel erawh chu ka hmu thei lo thung.Dawhkan chu ka ti ti deuh karh karh "Ka pu heihi ka seat a nia" ka tih chuan "Umm"tih pahin a bu nghat nghat ."Chuan"ka tih chuan rawn hawi chhuakin "Duh ila nei a mi?"a rawn ti rum rut mai.












"Awi ehe ,ka pu heihi ka ţhutna thin a nia I insawn mai thei lo mi"thawm chhuah hlau deuh a ka tih chuan thawhak in a insawn ve mai .Hmuh tawh na nei tlatin ka inhre lehnghal e ni tak nimin ah khan a kawr kha ka Hawn tak.Mizo tawng chuan "Ka pu I kawr kha"ka ti dek dek a "Mordred"alo ti nghat thung thinchhiat hmel reuh ve."Nih pu Mordred" "I pu rual ka nih hmel a mi?" "A.. ni chiah Chuang lo ang"ka tih chuan a kiai suk mai,amah a ti pa leh tawh ngawih ngawih.






"I kawr kha ,ih naktukah ilo kal leh dawn em?"inthlahrung lutuk chuan ka zawt a ni ber."Ka hrelo "teh tawp chuan ."E imm nih chu" tih pah chuan lehkhabu chu ka bih zui ve vang vang.Ka bul ami chuan football tihvel inziahna a en ni mai hian ka hria .Dar a kal leh duai tawh avangin haw tur chuan ka insiam leh tawh .Ka thawh rual chuan ka bul ami pawh chu alo ding ve hluai mai.








Ka chhuah chuan Library bul a coffee Dawrah chuan luh ka tum ka pen lut dawn chiah tihin "Hey, Library" rawn ti thawmah chuan ka ding dat tiang hming neitu chu a dang dai ve ngawt ang,ti niah niah a luh mai ka tum chuan "Hey , Library"a rawn ti tha leh ka aw hriat hnu tho kha a ni."Keimah hi mi in tih"tih haw pah chuan Keimah leh keimah chu ka inkawk va ,a ni a lo bunghat thung ."Awi chutiang ka hming a ni bawk lo ,a thing si"ka lo ti hlak."Jacket chu naktukah lo keng mai rawh" a tih chuan ka bu zauh.









Coffee ka lei zawh chuan in lam panin ka haw tlang nghal nal nal.Ka phone lo ri ka en rual chuan ka nui deuh sak mai "Awi Hmeli nge a min lo tlawh kawi loh,nizan thilthleng ka hria nia aw "a rawn tih tan tan chuan ka lo then sak mai."In bengdai in bengdai Lorie nizan mi kha chu a ho lutuk "ka tih chuan "Aiii ...Thil hi ngai awlsam viau thin Suh Blair" a rawn ti vak ringawt.Kan inbiak laklawh lai chuan ka room kawngka a lo in Kik karh karh lo lut tura ka tih chuan Aumama lek chu niin ."Nidangah kan sawi tha dawn nia"tiin call kan dah ta tawp kha nia."AuMam eng nge I lo tih dawn a?" ka tih chuan ka pa ten chaw ei chhuah an rawt thu in min lo chhang mai.




"Yes,nuam dawn lutuk" ka tih hluai chuan OMama tak pawh chuan tihngaihna hre lo niang min lo nuih tawp."Insiam ka inhnuaiah kan lo nghak dawn che nia"a tih chuan rang lutukin ka inperh tho nghal vat.Inhnuai ka chhuk chuan Keimah chiah min lo nghak leh tawh a nih hmel . boyfriend jeans dum ha in a chungah shirt var ka ha leh deuh tawp ."Ka phur si zia hi" ka tih chul chuan naupang chhia min lo to leh ngang mai ka chhungte bulah hi chuan ka puitling thei meuh lo a ni e.



Ka nu leh pa te chu car in an kal a ,keileh OMama erawh chu bike in kan inphur thung .Kan kalna hotel pawh a nuam ngei mai,a changkangin a nuam em em mai bawk si .Thil kan ei laklawh lai chuan ka zun a chhuak lutuk chu ka insum thei tawh meuh lo "Restroom ,Mom , dad sorry insum har lutuk" tih pah chuan restroom lam chu hman hmawh lutukin ka pan.






"Carlosa bialnu inti ve te reuh chapo zia kha ,I hre lo a nih kha" an tih Chuan ka bengkhawn hran lo ,mahse an awmdan zel an sawi takah chuan Keimah ka nih chu ka inring thiam nghal mai Zak lo hlawm hian a. "Oops ,Tihpalh aw duhaiin in ding rei tawh deuha "tiin lo inbe mawlh mawlh te chu ka nek lui deuh kher an hmela hamhaih na chu hmuh a nuam teh e."Bawihi mi bialpa zar buai hi a mawi lo aw"ka chhuah dawn chuan kan tih khum tak hram kha.









"Ehe , Library nang maw" ka mi Sut dawt pa chuan a rawn ti vat min melh chhuk run mai."Ti khan min ko tawh Suh a thing" ka tih hluk chuan "library bul hnaihah I awm ziah a nih kha" a tih chuan "Chupawh nise"ka lo la ti hram."Eng nge hetah I tih ve zawk a "ka tih chuan "Hetah hian kan thleng a "a lo ti mai."Captain ,Coach in biak che a duh a nia"tia mipakhat a lo kal chuan "Ka lo kal ang" a ti ve leh mai."Bawihte,ilo van phei har ve a" tiin ka u chu a lo lang zui nen kan in be zui leh tawh lo.







Zanriah kan eizawh chuan lengkawi lo in inlam kan pan ding nghal.Room ka chhoh hnu rei vak lo ah chuan ka nu in"Bawihte,Chhantea alo kal a nia" a rawn ti lang lang.Inthlak vatin inhnuai lamah chuan ka chhuk leh Carlosa hi ka nu hian Chhante a ti mai zel .Ka pa leh Carlosa chu an lo titi dun leh siam siam tawh.Ka pa te nen rei vak lo kan thut ho hnu chuan an mut tur thu sawiin pindan lamah min luh San ta daih a.Carlos nen chuan insi rial chuan kan thu nun ka tawng siam siam a ,a niin a tih dan ngaiin min lo ngaithla leh tawp tawh ka ni hman dan ka hrilh a ni ber zawk.




Dar 10 vel chuan haw in kan inthlah liam a,a haw hnu chuan keipawh ka mu zui nghal mai.Zingah chuan tihdan ngaite in college kal Turin Carlos chuan min lo sawm leh ka ragsack ah chuan jacket ka thun nghal thlap bawk.Kan subject lak lam hi a dan miau avangin college lamah pawh Carlos nen hian kan inzui chawt lem lo.





Library ka kal hma chuan Carlos chu ka call ,ka call a chhan mai theih lohvang chuan a buai a nih ka ring ve ringawt.Library ka lut tur chiah chu kha pa nen khan kan inhmu deuh hlawl .Eng nge kha le a hming a tih kha,mihring fanu lo haihawt theih zia hi pawi lo nimin pawn Captain an ti tho lawm a."Captain" ka ti thla veleh ta rawk a chal a lo ti chuar deuh tap mai."Ih..I jacket kha" ti bah niaih in ka bag ka hawng zui rak rak. "Ka lawm lutuk e" ka tih chuan a bu zauh."Ka pawl te chiahin captain min ti aw" a rawn tih chuan inthlahrung lutukin "I hming ka theihnghilh daih a" ka tih chuan a nui suk mai.




"Mordred" a tih chuan " va Merlin ve" ka lo ti hmanhmawh ka kâ hi ka veng hman thin mawlh lo Kan inbiak laia kawng cross a lo kal te chuan ka mit chu an la kher mai.Ka phone chu phawrh rawk rawkin ka call nawn leh ,a phone chu melh zauhin a reject hmak a nih chu."Ka bia che a" tia min lo khawih che dat tu awm ah chuan ka inthing harh zawk a ni pawh chuan ka hawina lam chu a hawi ve nghal ran.






Chutah Carlos Lalrinchhana chuan min lo hmu ni ngei tur a ni a rawn hawi phawk hra mai.Nia mak ti ve tur reng chu a ni hmeichhe dang nen in kai rial a an awm dun lai ka hmu miau a.Ka lam pana a rawn kal phei pawk pawk chuan che chang lo in ka lo en reng.








ZAN LAM LO DAH KA DUH VIAU NANGIN KA HMAN DAWN SI LO A LAI TAWKIN KA LO DAH.CHUAN FB LAMAH KHAN FEEDBACK KA BEISEI VE DAWN NIA AW 🥰


Show post links
Top

[Ngaia]

ENCANTADO 2


Chapter-2

Ziaktu - Tetei Velez khiangte



Ka hma lo kal phei pawk pawk ka en reng chu alo thlen rualin ,Mordred nen kan indin hnaih chu ka hrang nghal nawlh."Engthil nge" ka tih rual chuan ka banah chuan nghet deuhin min vuana min kalpui nghal mai a tum. Ka bul ami pakhat zawkin ka ban alo vawn ve chuan Carlos chuan "Thlah nghal rawh"a ti chang deuh fak mai.Mordred chuan a mit meiin min lo zawt tih chu ka hmu zui zat bawk kalo buk tak nghat ah chuan min thlah zui ve mai.







"Lalrinchhan min thlah teh"ka tih pawh chuan min thlah a tum Chuang hauh lo.A motor dahna bul kan thlen chuan min phih deuh pawp."Lut nghal rawh" tih pahin a motor kawngkhar chu a hawng zui zat sawi nawi lo in ka lut tha ve mai. Chutia keimah zawk min rawn thinrim khum daih chu ka lungawi vak bik lo.






Motor a kan tlan chhung zawng pawh chuan tu zawk mah mah chu tawng Kan tum lo.Kan kal fo ţhinna hmun kan thlen chuan motor atang chuan chhukin kawngka a khar ri nghal pawp mai.Ka chhuk ve chuan ka darah vuanin min thing nghal nawk a nih chu ."Engthil chiah nge I hriat a?"zam lo thei ang ber tur chuan ka ti, ka aw ka thunun nasat zia chu a hriat loh hram ka beisei."Tu nge kha pa kha?" Awi a ni hian keimah zawk min ringhlel em ni a."Ngatan nge I tih"
"Zomuanpui tha deuhin min chhang rawh"tih pah chuan motor chu a beng ri nghal bur.







Ka hlau lutuk leh ka Phu nasa lutuk chu ka inthunun hman meuh lo,ka taksa a khur nghal ringawt.Tu nge a nih sawi ka tum miau loh avang chuan a hmai tuai puatin van lam hawi zawngin a thaw chhuak ham ham."Engtia awm nge I duh a?" A rawn tih leh pah chuan ka kut rawn ban mai a tum chu ka lo tawlh hnung dat thung."In ngaihzawnna karah in rin tawnna a awm loh chuan awmzia a awm lo,keichuan kha nu nen a hlim taka in inkai vel ka mit ngeia ka hmu chung pawh khan rin che ka la thlang fan a,chhan a awm a nih ka ring a, mahse nang chuan mipa dang nen kan ding dun min hmuh ringawt pawh in khati khawp khan I thinrim a chumai bakah min ringhlel bawk a" a tawp lam chu ring lo mahse ka sawi Chiang khawp chuan ka hria "I awm dan ang khan awm ila engtin nge min tih ang? Keichuan kan inkar hi tihtawp a tha zawkin ka hria " a tih chuan a lo rum nghut mai.






"Babe ,ka Tihpalh min ngaidam rawh kha chu ka thikthu vang a nih kha"

"Thikthu,kei hian thikthu nei lo bik ka ni em ni? Mahse keichuan ka hrethiam zel che I tan rinhlelhawmin ka awm ngai lo"

"Min ngaidam rawh a thleng nawn tawh lovang"

"A thleng nawn tawh lovang I tih hnu hian vawi engzat chiah nge, hmeichhe dang nen buaina kan neih leh tawh pawh I hria mi" Nia heihi a vawikhatna chauh zawng a ni lo ngei Alawm.Carlos hian hmeichhe dang pawh tun anga a awm pui lai hi ka hmu fo tawh,ka dawh hram hram a,ka ngaidam zel ţhin mahse ka dawhtheihna hian thlen theih phak bak a thleng a ni e.






"Ti khan kan inkar thu chu tawp rawh se,min rawn zui a nih chuan vawikhat mah ka hmel hmuh beisei tawh Suh ang che"tih khum fakin ka bag motor chhung a mi chu la in kawngpui lam pan chuan ka kal nal nal. Dik tak chuan na lo ka ni bik lo mihring fanu na thei a siam ve mai hi ka na takzet ,ka chhungril pawh a rum vawng vawng hial asin.Vawi tam kan inkar chhiat lohnan ka bei a,mahse eng nge tunah hian a tawng buak tak chiah hi ni.







Ina ka haw hnu pawhin ka chhungte tumah be lo in inchunga ka pindan lamah ka lut chho tlang nghal.Mahni inngaihtuah lungpuam in ka hnuk a ulh tun a tah loh ka tum nen ka biang a rawn lum thla pap mai.Ka ngaihzawng neih hmasak ve ber a nih vang pawh a ni mahna le.Ka lo tap muhil a ni ngei ang ,ka lu a min chul tu awm nia ka hriat vangin ka harh hlawl."Ehe ,nu eng nge ilo tih?" Ka tih chuan ka nu in khawngaih hmel deuhin min lo en a nih chu "Bawihte eng nge thleng a?" Tia min zawh chuan ka thil tawn zawng zawng chu ka hrilh vek ka nu bulah hian zep neih ka duh loh vang a ni pakhat.








Ka rin ang ngeiin ka nu pawh chuan min lawm loh pui ngang mai.Zanah Lorie a rawn leng a,a sawi dan kalhmangah chuan ka nu in a lo bia ni ngei tur a ni."Carlos mai mai chuh tiang mi hi a nih ka ring lo asin mai mai hian" a ti tan tan mai."A ho emai a,ih maw..amah chu hrilh Chuang miah lo la hmeltha pawh ka ti lo hrim hrim,a hnar kha vawk hnara ang sia" a tih chuan ka lo nui chhuak hak .Min tih nuih a tum nan a sawi vel mai mai tih chu ka hre reng."Ka hmuh leh hunah ka hrilh ang"ka tih fiamthu ve chuan "Awi a ngai lullo" a ti vak vak ringawt nih chu.







Riak ve mai tura ka tih luih tlat vangin alo riak ve dawn nghe nghe, Horror movie en ila a tih deuh tlat vangin inhnuai lamah eitur zuk la in kan chho lehnghal a thlahrang ber a rawn lan hma hma in "Ka thau ah min man ka en lui thei thlawt lo" a tia laptop a off zui hmak.Eitur kan lo la tawh ting tang nen Romantic,Comedy ah bawk kan lut leh ta nge nge.




Zing ka harh chuan ka bul a mi chuan min khan ran mai.Tih harh hlau deuh chungin a ke chu ka dahthla a,ka tho ţham ţham.College kal ka hreh deuh vangin vawiin chu ka chawl dawn bawk.Tukthuan kan eikham chuan Lorie nen kan inzui chhuak hna hna,chaw ei lai khan tuman thil awmdan min zawt hauh lo bawk ka chhungte ka fak ve na pakhat a ni."Ngaihzawng vawikhat I neihna a nia I la na nih kha , I ngaihzawng kha kum khuaa I kawp pui tur pawh a ni lo thei tih hriat chian tirtu ah che ngai tawp rawh" kan kal pah chuan thu tha tiin min hrilh ve malh malh.





"E taka"a rawn tih thut chuan ka lo Phu zawk thei hahthlak hian a."Eng nge ni a?" Ka lo ti ve leh."Vawiin chiah chu kan Dawrah lo thawk ve lawk la" a tih chuan ka hmui ka lo tih dawih khum duh lek chauh."Ka thiam ve lo ang" ka chhang awlsam viau."Please " tia min ngen leh takah chuan a lam hawi in ka thle nghal bak."Boss pawn a phal" tiin bul a rawn tan "A chhan sawi tawp rawh" ka tih chuan "Tunlai chu kan Dawrah hian , footballer tun hnaia lar ve deuh mai kha alo chawl thin a,amah hmuh chak hian midang an lo chawl ve thin a" ka rin aiin a chhan chu a ho leh si.








"Tikhan awm vel Suh a hmel that si zia mai chu e,a sang si" alo tih leh chuan tum loh lutukin Mordred kha ka mitthlaah alo lang nih chu.Min ngen ngawrh em vang chuan ka pawm sak ve ta hram.College a ban veleh library lama min lo lam kawi Tur a inchah in kan inţhen hrang zui nghal chu a ni der.Zing atang chuan Chawhnu dar hnih thleng vel chu library ah ka tawm ta reng.Lehkhabu ka chhiar peih loh changin Mrs Smith-i chu chhuat vel te ka lo tih fai pui."I chau lutuk palh ang"ti duh Suh a tih pawh chuan ka ti lui tlat tho.Ka chhuahdawn thleng chuan lawmthu a sawi bang thei lo.








"Dawr tu kan ngah I ti amaw ka tia?" Dawr kan thlen chuan ka ti vat."Aw ala hun lo dar 4 emaw dar 3 chho velah chiah kan ngah ang" henu thil han ngaihdan zia hi chu aw."Lo kal rawh Boss bulah ka va in hmelhriat tir ang che"tih leh min pawh a rual nghal."Boss heihi ka sawi ka ţhiannu kha aw ,Blair a nih hi" tiin a sawi nghal zung zung.




"Blair chuan heihi Boss William a nih hi" a tih chuan boss a tih ve ziah chuan min lo nuih var var."Lorie ,Boss min ti tawh suh ka tih kha,Will tih a tawk,chuan Blair nangpawn Will min ti tawp mai dawn nia" a tih chuan a aw chhuak chu a dam khawp mai.





"In van in ngam awm ve?" Kan chhuah hnu a ka tih chuan "Ngam ve pangai ni mai ,Boss tih hi a ngaithei vak lo mai pawh a" tih pah chuan a nui huah huah mai.Henu nui reng thei bik hi chu aw ka awt ngawt mai.






Tlai lam chuan a sawi ang ngeiin customer chu an ngah."Saw a lo kal, a chhe lo tiraw" tih pahin melh tura min tih na lam chu ka melh.A hmasa zawkah chuan Mordred chu a lo kal a,a hnuhnung zawk ah chuan mipa pakhat ka hriat ngai loh a lo kal thung "A tu zawk saw nge a?" Ka tih chuan ka dar a ti nghal pawp mai."Ehe Library eng nge hetah I tih ve a?"
"Maw!" Ava hahthlak ţhin tak aw ka tun dinhmun tak hi a "Tikhan min lo tawh Suh a thing" ka tih fak chuan kiai suk in "A ngai kha ni mai" tih pahin ţhutna lam a pan phei.






"In zep thei nu" a tih chuan ka hrethiam lo khawp mai."Eng nge ka zep?" "Ka sawi ka sawi kha ,I hmelhriat tih te min hrilh ve ta che" a awki ah chuan a lawm lo hle tih a hriat."Tu maw ka hmelhriat?"ka tih leh haw chuan a kut a rawn lek kang va mai."Mordred saw maw le,ka thik che e mizo ala ni lehnghal" a ti niah niah a ,order chu kitchen lamah sawi Turin mi a tir zui zat.Anih chuan Mordred hi a footballer sawi chu tihna ,mahse engtin nge a nih theih.Mizo tan chuan a harsat dawn tehreng nen ,tunah a lar tel bawk a nia ,a thawkrim ve hle ang tih chu Chiang sa a ni.







"Kha nangman va pe rawh" tih pahin order alak chu min lo bel nghal chawt."Lorie tah hian ka lo duty tawp zawk mai ang" ka tih lah chuan "Kal vat rawh a daih hman chuan a chi dawn loh a nia" a tih leh pawh chuan midang tir mai Turin ka tia "Mizo ve ve in nia chuvangin in biak pawh pawh a awlsam zawk" a ti lui tlat a luhlul zia ka hria ka va kal ta nge nge.Nimin lam a kan awm dan vang khan ka inthlahrung ve deuh bawk nen va pawh mai kha ka zuam lo ve a.






"Captain hei I order chu" ka tih chuan lo hawi chho in a rawn kiai deuh suk mai."Captain chu ka teammates te chiahin min ti thin" a rawn tih chuan lei ka lo chhuah khum zauh.Ka la kal mai loh vang chuan lo hawi chho lehin "Thildang ala awm a mi?" tiin min lo zawt."Nimin thil thleng kha a zia lo tak tak a ni,a ni thut bawk sia" ka tih chuan lu alo thing mat mat.





"Vawiinah Library ah ka hmu lo che a" a rawn ti daih chu hrethiam lo lutukin ka lo en."Engtin nge ka koh dawn che sawi la?" A tih chuan "Bla.." ka ti hman tawk tihin "Ka hre leh si Blondie ka ti dawn che nia"min lo tih khat zat."Mahse ,ka hming a ni si lo a ka hming chu Blair zawk" ka tih pawh chuan "I inhmeh zawk tho" a tih tlat avangin ka sawisel peih ta lo.




"Tui deuhin I ei dawn nia" tia ka kal chu "Blondie" alo tih leh vang chuan ka inher leh "Engmah a ni lo,ka ko chhin che" alo tih chuan chimawm ti lutukin ka melh rawm rawm.Ka inher leh kal ka tum chiah "Blondie" "Eng nge a?" tum aiin ka au ring mi ho chuan min lo en thap hlawm mai.Mizo tawng ka hman avang erawhin an hriatthiam ka ring lo thung.Mi zawng zawng mit chu kan chungah a fu thap mai,ni lo a hma pawh khan a fu tawh sa reng maithei a chhan chu hepa vang a lo kal kha an ni hlawm miau a.







"Dinner nidangah min la ei pui duh angem?". What hepa hian engthil nge a sawi hi,tunah khan English ngatin a sawi leh nghal.Kan chhehvel a mi te chu an in hrilh ru sap sap hlawm mai."Min zawt lo angah ka ngai dawn nia" ka tih chuan a chal a lo ti chuar deuh tap.Kan duty na lai ka ti ve mai ka va thlen chuan thawk chu ka la deuh kawk kawk.Khapa hu hang ngah zia kha "Het hetiang ngaihtuah thei ka la ni lo ngaihzawng nizanah ka then chiah chi loh lutuk".




"Ngati nge I pawm loh ,va aw lehnghal rawh" lawm lo lutukin pakhat-i lah chuan min la ti chhen."Ka duh lo nizanah ngaihzawng ka then chiah min hriat pui ve ta che,I sawi awm ang lo thei emai" ka tih khum ve hlak kha."Keichu ngaihzawng nei lai pawh ni ila ka pawn tho ang kan in date pawh ni hlei lo dinner chauh a lawm " a tih chuan rap lutukin ka lo en."Tiang hun hi avang Bawihi" min la tih khum hlak hlak zawk.






"Chuan I chhanna chu" a chhuak Turin a rawn tih chuan "Eng chhanna?" Ka lo ti he haw.
"Dinner chu"
"Aih,ka lo kal dawn lo"
"A ti mai mai a nih kha alo kal ngei ngei ang" Lorie chu ka melh nghek ."A tha e,nidangah a hun tur chu ka hrilh dawn che nia" nuisuka tih pahin a chhuak zui .



Lorie chu ka hauh Tak hrep kha.In ka haw hnu chuan ka ngaihtuah let rauh rauh."Min rawn be tak tak a ngem le?"tiin zan ka mut dawn chuan ka in let sek mai.Ka thil ngaihtuah chu duh lo lutukin ka lukham chuan ka hmai ka khuh vak ringawt.Ka awmdan pawh hi ka hrethiam chei lo e a,kal ka chakna leh chak lohna a inzat reng te hian ka hre hial tawh.







Zing ka harh te chuan nimin lam ang lo takin ka tho nuam surh a,khaw awm dan te chu a duh bik riau in ka hre tlat pek.Ka pa leh ka u te an lo in call lai tak a ni nen ka u chu ka be veleh "UPui I awmna chu anuam em?" nuisang a ka zawh chuan "Nuam lo thei nang le,lo zin ve ru Mizoram sik leh sa hi a dawn a nuam bik teh mai nia" alo tih chuan kal ve ka chak thu te chu ka lo sawi luam .








Chaw ei naah pawh chuan Mizorama kal chu kan sawi chhuak Leh ta nge nge."Ka zawng chhang palh ang tih ka hlau ka kal ve lo mai ang" OMaman alo tih chuan "Zawng chhang pawh a pawi lo,I pa hian Mizoram lama awm a sawi deuh tawh hrim hrim term hi a laklawh ema ala sawi lang lo mai mai lawm" ka nu in alo tih chuan OMama nen kan thil ei lai chawl meuh in "Maw" kan ti rual that.








"Mahse,eng nge Mizoramah chuan I tih a nga" ka tih chuan OMama a lo thaw hawk "Bawihte nang hi chu ila naupang deuh a ni e" a tih chuan ka run ngang mai."Hna ka hmu a" ka pa chuan alo ti ve leh mai,mahse a ni hian engtik laiin nge alo dil hman a."Nia ,in sawn tak ang u Mizo nula chhai te pawh a chakawm ve lawm" lo ti tu chu melh in kan vai chuan kan nui hak hak hlawm.







Ka sawi tawh em OMama hian lehkha chu a zir zo tawh a,mahse hna ala hmu hran lo thung.A hma a sawi dan chuan ka pa hnungzui a teacher lama kal ve a tum kha nia.Amah hi naupang zawk zawk a ni tawh bik lo tihna nih chu,kan chhang hi a khat ve hrim hrim a kum 7 lai a ni nghe nghe.Fanu an nei tawh dawn lo amaw an tih hnu ah kei ka piang a chuvangin ka chhungte hian min duat hle pawh an ni.








College kan ban hnu a library a ka kal tur te chu "A ni kha ka hmu ngem? Hmu ta ila engtin nge niang?"tih te chu ka ngaihtuah.Lorie lah chuan "Sava thlawk lai inia iduhna lai ah fu pawp pawp mai rawh" alo ti ve chhen bawk si.College campus velah chuan ring tawk tawkin ala nui leh nghal nen mi mit kan la thei a nia.Tum loh deuhin Carlos leh khanu kha ka la hmu dun lehnghal,chet pawh ka chet sawn hma in ka ţhiannu in min lo pawt sawn daih a nih kha.





Library ka lut chiah tih chuan ka seat ah chuan rin ang ngeiin Captain chu alo thu tan tawh.Tun tum chu ka seat pawh ka sawi thei tawh lo,ka ţhut ţhinna lo lamah chuan ka kal ta zawk.Ka duh ka chhiar zo ka chhuak Turin Captain-a ţhut na lam ka va en chuan alo awm tawh lo vanneih thlak lutukin alo awm tawh lo hlauh."Nih phawt aw" tiin Samy chu ka thlah a ni hi Mrs Smith fanu a ni,a nu a nawm sam loh vangin a ai a awh thu alo sawi "I nu chu lo dam leh vat rawh se aw" "Aw le kan lawm e aw" kan inthlah zo pawn ka chhuak chu ka rei leh ka Phu Chiang lutuk.








Bang nghengin Captain-a ka tih Mordred chu alo ding kur a nih chu ala inkuang kuah than lehnghal."Min ti Phu nasa lutuk" ka tih chuan kiai sukin a awm dan a siam rem vat.
"Chuan min bihruk San ta a"
"A teuh lo ,ka bihruk San bawk lo che"
"Anih kha kha eng nge awmzia"
"Eng kha kha maw I sawi?" Kan in chhan dan mai mai chu leh naupang in hnial te pawh kan ang dawn dawn Alawm le.

"I ţhutna lam rawn pan lo a hmundang I pan kha" min lo hmu reng tihna mawn le."Ka pan pawh a nih loh kha,I awm a nih kha " ka tih zuai raih chuan "Nidang pawn min awm sawn tir tho a" nghal lutukin a rawn ti leh."Ka Kian ve che nih kha" ka chhuanlam tun ang em em a a fahrah hi ka hre ngai lo.





"Chuan dinner kha engtin?"a lo tih chuan chil ka lo lem khawlh thei."Ilo kal dawn em?" Alo din hnaih vang chuan ka lo zam em em ringawt min melh chhuk run lehnghal ,a dar pawh ka thleng pha chiah em pawh ka hriat tawh loh.Ka zam ni e,keihi ka zam tak zet tih chu ka taksa in san mar dan em em ah hian Chiang takin ka hre thei."Min chhang la" a tih leh chuan rang lutukin ka lu ka lo bu vat a nui ri deuh suk lehnghal .








Ka bengbul hnaiha alo Kun hniam phei chuan ka hmai a za mer mer thei hepa hi tu chiah nge maw a nih le tiang em em a a bula ka zam mai ni."Naktuk tlai dar 5 ah hetah hian ka lo nghak dawn che nia" thu a sawi lai chuan ka che chang lo re re.A din chhuah hma a a thil tih vang chuan ka Phu zawk thei .Eng nge tun a mi kha? A ni hian ka biangah a rawn fawp ringawt a nia.






A inlak hran rual chuan ka thaw chhuak hawk thei alo nui ang suk suk lehnghal."Ka sawi kha ka lo nghak dawn che a nia" tih leh kal a rual. A kal hnu chuan ka lo in hum ruh lutuk tih chu ka hre ve chiah mahse thinrim vang a ni hauh si lo."Kha pa kha tu nge a" rawn ti su su tu chu ka tlan chhiat San lo chauh a ni ka Phu Chiang lutuk."Awi ka pa leh" tih pah chuan ka per nawlh mai.







"OMam eng nge hetah ilo tih?" Phawk fe chuan ka lo ti."Ka chhuak in ka lo hmu che u a ka lo kal" min chhan rual chuan chimawm lutuk in mit ko min San khum nghal ak ak mai."Zep ang che " kan ti thla rawk."Tumaw a nih a" a tih leh takah chuan "Football player a nia Mordred" ka tih chuan a bu nghat nghat.






"Kal ang" tih pahin ka darah chuan rawn kuahin min kuai Kun nghal."Engtin nge kal se min tih?" Ka ti vin hlar mai.Inchhung kan luh dawn te chuan "Zep tlat rih tur aw" tiin kan chah leh a zep thei ngut ange maw.Zana Lorie nen kan inbiak chuan "Engtik maw dinner in ei dawn?" Alo tih chuan tum loh lutukin vawiin ami kha ka mitthlaah alo lang pek.








"Mi chhanna chang te hi hre ve la" alo tih chuan ka lo nuih tlawn vel mai mai.Atuk tlai lamah a nih tur thu ka hrilh chuan min lo phur pui khawp mai,phur lo pui min chawk phur ve zo vek.Kan inbiak tawp lamah phei chuan "In ngaizawng ngei ngei ru aw" tihin min chah lawm lawm a ni ber tawh,a ni zet hi zawng a duh duh hi a sawi phawng phawng zel mai a nih hi.Mordred in ka Biang a fawh na chu khawih in ka nui nghal ver ver.








Engthil chiah nge ka chungah hian a tih,rei tak pawh ka la hre lo chumai ni lo in hmanni lawka ka tawn ala ni lehnghal.College ban veleh chuan library lamah kal tawh lo in in lam ka pan tlang nghal.Ka nu te chuan ka haw hma lutuk chu mak an lo ti zawk.Zanriah ka ei chhuah tur thu ka hrilh chuan a rem ti zan lo tih a a hmelah chuan Lorie hming ka sawi lang ta ringawt lehnghal a phal chawpchilh ve leh mai bawk a.








Inchei lutuk anga lan ka duh loh vangin ka kawr a simple ple chu ka thlang,kawrfual a tight a ban arh a half chu ha in ka sam chu ka bawk sang vanga a hma lamah tlem ka ti tla bawk.Cream leh thildang vel chu ka hmai ah tlem chu ka hnawih ve bawk .Fila shoes var ka neih chu ka bun bawk ka hman chu a ni der.Ka bag chu banin ka phone leh mamawh tur awm thildang vel chu ka thun sawk sawk .Ka phur mah mah em aw tih te chu ka ngaihtuah leh."I Phur a ni lo ,hun vawn dik I duh vang a nih kha" tia ka infuih leh na chu kei ngei pawn ka awih lo.







Ka chhuak tur OMama nen kan inhmuh chuan "Va che na lutuk Suh aw" min ti nih chu ka va han ngei mai mai tak."Chet nat na tur pawh awm lo ,Kiri" tiin ka kal pel hmak.Library kawt lama tlang nghal ta lo chuan Lorie te dawr lam ka pan leh."I va han chhelo em em" alo tih leh hlut tawh hi."Rawn haw phelh phung Suh aw" ka beng bula a rawn tih sa sa chuan lo melh rum nghekin ."Tenawm" ka ti hluk chu a nui huah huah mai.






"Lorie thler duai duai lo Khan hna kha thawk teh" a rawn zilh har ka ti reng a ni."Yes ,Boss ka ti nghal" tiin table a customer te awm na lam chu a pan zui vat."Blair I va nalh ve a" Will in a tih chuan "Chuti mawn le" ka lo ti pangai ve mai."Chhuah a tur I nei mi?" Tia min zawhna chhan ka tum chuan "Nitak hmanni ah Footballer khan a sawm che tih an sawi thawm ka hre tak" a tih zui zat chu za lo lutukin ka lo nui vel ta mai mai.







Dar zat ka en chuan Dar 5 a ri dawn thuak tawh hmanhmawh lutukin library lam chu ka pan . Mordred pawh chu a lo ding vang tawh mai Coat tlema pawl dal deuh ha in a hnuaiah shirt var a ha bawk ,a inthuam dan chu ka inthuam dan nen a inan em vang chuan inthurual pawh kan ang ve ngawt tak ang.A coat hak chuan a ti lang zahawm em em a,a pa lian in a pian a mawi em em bawk.Amah kal pel tu hmeichhia te chuan an en zui dauh dauh mai.








Ka lo thlir vang vang lai chuan a rawn hawi deuh thut chu ka lo lai ngei mai .Min rawn enin a nui deuh suk,inawm hlat hle mah ila Chiang takin min en vung vung reng kal ka tum lah chuan ka khawr deuh tlat bawk sia ka ding ta tawp chutah nui chungin alu a thing ka awm na lamah chuan a rawn kal phei nghal pawk pawk.


Show post links
Top

[Ngaia]

ENCANTADO 3


CHAPTER 3



ZIAKTU:Tetei velez khiangte



Ka lo en reng lai chuan ka hma takah lo dingin min melh chhuk run a "I mawi lutuk" a rawn ti chhuak deuh sup.Ka lai lutuk chuan ka sam ka bawk sa chu tul lo Puiin ka khawih ringawt.Ka sam ka khawih na chu a rawn vuan chawt "I lai hmel hi a cute ka ti" a tih chuan ka kut a vawnna chu ka lo thing thla nghal thuai."Kal ila" tih pah chuan ka darah rawn vuanin min kal pui nghal dawr dawr.








Rei lo ah a motor dahna ni awm tak kan thleng der amah a sang bawk a thleng har lo tak kan ni."Lut rawh lem" tiin a bolero chu a hma lam a hawng zui zat.Keipawhin hnial lo in ka lut ve nghal mai."Khawnge kan kal dawn" ka melh deuh kal ."Khawiah emaw" min rawn melh zawkin hma lam a melh ding leh nghal ngur.Tu zawk mah mah chu tawng Kan tum lo kan ngawi dun ran reng mai.Kan boruak vel chu a uap churh ni ber hian ka hria,chuan a ninawm duh khawp mai.








Ka phone ah chu phawrh pahin earphone phawrh ka rual.Ka connect zo ngaihthlak mai ka tum chuan ka phone chu ka kut atang a hrang nghal nawlh."I mawl mi,khawi min pe let rawh" tih pah chuan ka phone chu ka ban zui.
"A reh'"
" Ni reng e,a reh tawng I tum bawk si lo a hla ngaihthlak ka tum a nih kha"
"Car ah hian a play theih Alawm ,ka lo ngaithla ve ang"
"I va sawi har" a kawh na lam ah chuan Insiam remin ka thai nghal mawlh mawlh.Taylor Swift Enchanted ka hmuh chuan play loh har ka ti.






"Please don't be in love with someone else" ka bul ami pawh chuan a rawn ti chhuak ve sup mai.A car a tihdin chuan kan thleng a ni ngei ang a car chu a park tha zui zat. Chhuk mai ka tum chuan "Lo ka thu rawh"a tih luih tlat vang chuan chhuah ka tum lui ta bik lo.A car chu HMA lamah hel pawk pawk in ka ţhutna lam chu a lo pan zui.Ka lo thlir zui reng chu sawi loh a pian leh hmel tha famkim em em te thleng hian ka theihnghilh theih pawn ka ring tawh lo.






"Lo chhuk la" tih pahin ka ţhutna lam kawngka chu a lo hawnga a vei nuih nghal suk bawk.A restaurant min hruaina hmun chu a pawn lam atang pawn a changkang tih hai rual a ni lo.A ban ka vawn theih tura alo dah chu vuan vat in kan lut zui nghal.Rin ang ngeiin a chhung pawh changkang tak a ni."A van mawi ve" a chhung vel en kual paha ka tih chuan ka kut alo vuan zui "Awm lo lang chuan a mawi kher lo ang" awi a ţawngkam hman vel hi a over tep mahse nuam ka ti tho bawk sia.Order kan nghah lai chuan a khat tawkin Mordred autograph an lo dil leh ţhin,a thenin thla an lak pui thul.





"Mr.Mordred thla ka lo lak pui thei che ngem?"lo ti tu lam chu kan hawi dun nghal hâ.Mordred hmelah chuan inthlahrun na ni awm tak ka hmu thei lehnghal.A awmdan ah chuan min rawn rawn tih a hriat theih Keipawhin a pawi lo tih nan leh ka phal tih nan ka lu ka lo bu zauh."Ka pi" awi henu hi a pi rual ka ang re re mawn le."Eng nge ni ta?"a dam thei ang ber chuan ka lo ti."Thla min lo laksak lawk mai teh" a thil min dil dan chu a hmingin a sawi ve mai mai niin ka hria.








Ka kut ka lo dawh chuan a phone chu ka kut a lo hmehbel chawt.Ka ţhutna atang a hmeh sak mai ka tum chuan "Sawtah deuh sawn kal ta che,I va han zei lo tak" min tih khum erh mai.Ka thawh tham tham chuan Mordred chuan min lo en reng.Ka thawh sawn veleh chuan chunu chu ka ţhutna ah chuan a thu zui deuh hmak.Vawi hnih thum vel ka hmeh hnu chuan duh tawkin an awmna lam ka pan a ,a phone Chu ka pe zui zat."Hetiang a thlalak re re I va han thiam lo ve,va la tha leh rawh" a phone chu a melh pah ngar .A phone min lo pek leh a tum chuan ka kalpui pa ngaihdan a ni ta vak lo nge a ding hluai mai








"Nula ,min hrethiam la tunah hian date ka nei mek a,chuan chu chu nang hian min rawn tih buai sak mek a,chumai ni lovin I tir kual bawka" a rawn ti hmuk."Ih,ka" nula zawk chuan a ti bah niaih mai.Ka bulah Morded chu rawn kalin kawngah a rawn kuah nghal zat."Chuan tunah hian min kalsan theih tawh chuan kan lawm khawp ang" a thusawi lai chuan Keimah zawk min lo melh daih thung ka lo ip deuh chawih thei.







A kalsawn hnu chuan "Thu ang le" tih pahin ka ţhutna tur lo pawh chhuah chu a rual nghal zat.Kan thil order chu kan ei dun mial mial.Dinner kan ei dun atangin ni a liam a, thla hial a vei leh tawh mahse a ni chu a reh vung vung a khami zan atang khan vawikhat mah kan inhmu leh tawh lo.Kan number kan in pe bawk si lo biak pawh chak viau mah ila biak pawhna tur number ka nei bawk si lo.'Ngati nge a number tal ka lo dil loh' tiin keimah leh keimah ka inzawt a "Mahse a ni pawhin min dil lo a,min pe bik lo hmeichhe tan hma lak hmasak pawh a mawi lo" tiin ka in hnem chawp leh mai thin.







Ka vei zui reng a,mipa dang in min lo biak pawn ka engah mah an thawk zo tawh lo a ni ber.Number hriat loh in min lo biak nawlh te hian amah a niang tiin duhthu ka sam thin engtin emaw ka number a nei a niang tiin phone te ka la thin ,mahse chu chu beiseina awmze nei lo mai a ni.Zankhat zanriah kan Kil dun a ni mai a, inngaizawng pawh kan ni Chuang lo a.





Hun a kal dan ngaiin a kal chho reng a thla a vei leh meuh chuan kumthar kan Chuang Kai chu a ni der.Thla liam ta chhung khan Carlos in vawi tam ngaihdam min dil a, a thil tih sual vanga vawi tam a inchhir thu pawh a sawi nghe nghe "Ka ngaidam thei lo che a ni lo,mahse nang nen chuan kan inkawp theih ka ring tawh lo"ka tih khum nghe nghe kha a nia ."Enteh ,Blair hei news" tiin thil ka lo ngaihtuah veng mai chuan Lorie in min rawn ti Phu deuh zuk mai."Eng news maw sawi la" awm dawn chunga ka tih chuan ngaihdam te min dil hmasa leh te te."Enteh Mordred khan nupui hual a nei reng a nih chu" alo tih chuan a phone chu chhuhsakin ka lo en sak vat.








"Hei vang hi em ni I reh char char"tiin keima hriat tawk chuan ka phun chhuak sup.Chuan tunah Mizoramah a awm mek bawk a."A nupui hual chu aw ka van thik tak"Lorie pawhin a ti ngawih ngawih mai.Ka ta ang mai a ka lo ngaih leh amah ngaihtuah lova ka awm theih lohna mihring ngei mai chu ka ta tur a duan a ni si lo.A ni chu midang ta ,midang kianga hlim taka awm tur reilote atana ka tawn mai chauh Ani.







In ka haw te chuan ka ni deuh ruih a ka engtih mah chu a tui tawh lo."Bawihte vawiin tlai chu I va nguai zual ve thil thleng a awm em ni?" Chaw ei laiin ka nu in ka rin ang ngeiin alo sawi ta reng a."Awm hran lo e,ka chau deuh a" tih pah in ka chaw thleng a chaw awm chu ka thai kual ka thai kual ringawt."Engtikah maw Mizoramah chuan kan kal dawn" OMama ni.






"Ka hre lo le ,hei tunlai chu I pu hi a chak lo zual an ti riau a ,a that lai ngei a inhmuh te hi a hlu ve sia"ka pa chuan alo ti ve charh charh bawk."Ni e,I pu hi kumthar atang hian a chau zual an ti tlat a ,a zia lo khawp mai" tiin ka nu pawhin a lo tui hnih ve zat."Mahse College hi" ka lo tih ve chuan "Mizoram lamah I zawm mai dawn em ni ang kan lo ti deuh a?" Ka pa in a tih rual chuan "Ni e"ka nu leh OMama chuan an lo ti rual an pahnih nuih lah chu a zat hmel em em lehnghal.







"Nu fa power" tih pahin OMama chuan a kut tangin love sign a siam pah zauh.Karkhat hnu velah chuan ka pa te chuan Mizoram lam chhuk an rawt chuk chuk vangin kan Insiam fel vek tawh.Naktuk kan flight hun a nih avangin vawiin chu Lorie leh library vel ka tlawh kual dawn thung.Nimin atangin college ka chawl diam tawh bawk.







"Kal ve lo mai la,ka ngai dawn emai che" a hnuk a ulh dawn der in ka hria."Lorie,tap lo la ka lo zin thei reng dawn tho Alawm" a in sut ri deuh hraih mai."Tinge I kal ve kher chu a ngai viau em ni?" Ala ti talh."Tiang a min thlah chuan a nuam dawn Miah lo a nia"ka tih chuan a mittui luang chu hru thuak in "Min lo nghak lawk rawh aw"tiin chhung lamah chuan min luh San.






Rei vak lo hnuah chuan alo chhuak Leh "Vawiin last day a nih hmel sia leng ang "nichin a a awmdan nen chuan in thlau tak a ni."Boss in" "Aw a phal kal ang" min kai kal nghal dawr dawr.Thil kan ei dun lai chuan "In boss hian a duh Chiang che" ka ti chhuak deuh tawl.A sawitu nih inthlahrun awm khawpin a nui ring .







"A lem em mai a" a ti duh chauh lehnghal.Dawr atanga kan chhuak tur chuan tum loh lutuk in Carlos kan tawk nawlh. "Blair" a rawn ti deuh sup be lo a kal mai ka tum chuan "Ka lo nghak reng dawn che nia" a rawn tih zui vang chuan ding dat in ka inher leh "Min nghak duh Suh Carlos" tih zawng ka sawi a Lorie kai in kan kalsawn dun nghak vang vang.





Mizoram


Mizoram kan thlen chuan kan chhungte ho chu an lo lengkhawm deuh tak tak.Hetiang hian chhungkaw lenkhawm kan neih ve hran ngai loh vangin nuam dangdai ka ti phian .Mahse a hrehawm ve na erawh chu hmelhriat ka nei tlat lo hi a ni.Omama chuan a hma daih a,a kawm thin te ho kha ala hre tal a,kei ve chu tet te tanga hmun dang awm ka nih vang hian ka hre ve hlawm lo tlat a ni.





"Heihi I cousin Siampuii a nih hi" tiin ka nitei chuan nula ti ila keimah ang rual vel chu ka bulah a lo hruai ,a hmel a fel faiin a ngo vuk reuh a,alo nuih sen sen phei chuan a hmel tha reuhlutuk ringawt."Hi,kan inhmuh vawikhatna nimahse ka ngaina che"tehtawp chuan a thil sawi chuan ka nuih a ti za tlat.Siampuii hi ka nitei fanu a ni a,chuan kan awm ho nih duh hmel tak a ni







"Tawngkam ka thiam lo a ,min hrethiam mai dawn nia ,han zir ve viau pawh hian a dik thei fun fe meuh lo" a tih barh barh chuan amah enin ka lo nui tawp."Bawihtei chu ilo va lian tawh ve a" lo ti tu aw ka hriat rual chuan "Awiii ka duh thei lo OSawm ,I dam em Mi hi I be khat ve si"tiin ka rak nghal chul."Tawk rih hmelhriat sa reunion chu kinah lo kal rawh kan cousin dang lo kal Ho saw ka hmelhriat tir ang che" ka bana a vawn rual chuan kitchen lam ni awm takah chuan min kal pui dawr dawr.






"Hey ,heihi Zomuanpuii a nih hi aw ,Zomuan in ti dawn nia chuan ka Putea fanu nih hi" a ti nghal zat zat."Heihi ,Rempuia,chuan Heihi hi Thansanga ,heihi Thanthuama a nih hi" tia mipa ho hming asawi chuan "Siamkawi khatin mi ti ziah Suh bucket chhungah ka thlak mai ang che"Thanthuama a tih chuan a rawn ti kha kha mai."Thanthuama ka ti lo nia Sawmkima zawk ka nia" a sawi pah chuan Siampuii chu ava melh rum nghal vak.









"Hei Angaihi,hei Awmawmi chuan Heihi Chhani te an nih hi"tiin hmeichhe pathum lo ding ho chu a kawk pah zauh bawk Angaihi leh Awm awmi chuan min lo nuih sen sen Chhani erawh chu a rawn hawi eih lo thung."Chhani hi chu a zia ve nia engah mah ngai duh Suh" Nui hak hak chungin Siampuii bawk chuan a ti leh.Ka chau deuh bawk nen ka room tura an tih lam chu ka pan har lo , OMama phei chu a bo leh vang vang tawh chauh te hi a hre ve lo emaw ni.







Kar dawn kan awm hnu chuan ka pu pawh chuan a natna tuar zo lo in min boral san ta ngei a ,ka pa te unau in an tuar hle a,chubakah Siampuii te unau chuan an tuar zual bik keini in awm pui ve ta lo chu han tawrh ve vak dan pawh ka thiam lo.Mi an rawn kal tamin an thahnem em em a,an chi zawh hnu a tlai lama an zaikhawm te chuan zai a nuam em em reng.









Ka college kal na tur vel pawh kan buaipui tawh a,mahse chhiat kan tawh leh tak si avangin ka la zawm thei lo thung.Ka pa Ute Thingtlang lama zirtirtu hna thawk a awm te chu kar aliam chuan an chhoh a tul a ,an haw chho Turin zan hnih khat riak Tura min sawm nasat em vangin Siampuii leh OMama te nen kan motor in kan zui chho ve dawn nghe nghe.






Ka pa ú Ka pa a ni ve ber ang chu a ni hi Mizoram Thingtlang khua Aizawl nena inhlat lo te ah an awm tih ka nu in min hrilh ka nu in a sawi dan chuan an awmna khua chu Tlungvel niin a sawi.Tukthuan eikham lamah kan chhuak a ,a tir chuan Nuam kan ti hlawm khawp mai,ka lo muthlu hman nge motor dingah chuan ka harh hlawl a ,motor atang chuan ka zuang thla nghal zawk."Awi tlungvel chu van nuam em em" ka ti deuh hliai chu OMama leh Siampuii,ka pa te nupa leh naupangte chuan min lo nuih char char.








"Bawihte heihi chu Thingsul zawk ala nia"Omaman a lo tih leh takah chuan ka Zak leh hnu hnawh "Kan thleng tawh amaw ka tia"ka ti zawi deuh sap."Zak duh re re Suh nangmah chiahin Alawm hai"Chimawm lutukin Siampuii chuan alo ti."In ninawm a" ka tih chuan "Au Keipawhin ka hai Miah lo"pawi sawi lo lutuk a Ka pa fapa naupang berin alo tih te hlei hlei chuan min ti Zak.







Tlungvel ah nihnih vel kan cham hnu in Aizawl ah kan chhuk leh a Keipawhin kan chhuk tunah college ka zawm tawh dawn.Mordreda chanchin ka zawh chuan Siampuii chuan alo hre ngang mai "Mizoramah hi chuan tu vak mahin Mordred an ti lo, Vanrammuana a mizo hming a nia Muana an ti fur zawk ang ka ring,nupui hual a neih thu an sawi kha chu ka Chiang bik lo"tiin min chhang a nih kha






College ka kal ni lah chuan ka zawm laklawh em vangin mi te chuan min en duh hlawm ka ti mai nge nia ,ka sam rawng zawk hi aw ka ti rum rum.Siampuii nen kan inkawm thei phian a,a college luhna ah ka lut ve nghe nghe ."Saw saw Mordred kha ,ka tih awm zia chu Muana kha a ni lawm ni"tih pahin kan hma a bike khalh a lo tlan mek chu ka en reng."Anih saw ,saw mi te pahnih inzui nasat zia saw aw" a rawn ti vei tan tan.








"Hemi college ah hian a lut ve tihna em ni?"tia ka zawh chuan "Ka hrilh theihnghilh daih che lawm le ,kan senior nih saw an ni chu an chhuak tep tunkum bak an awm tawh dawn lo in ka hria" a ti zui zat.Ka mi hmuh chak em em chu ka hmu ta Cheng a sawi tur ka hre lo a,ka hamhaih a,engtin nge ka biak tan ang tih reng ka hre lo ka rilru a phili buai zo a ni ber.



.


Kan lam pana lo kal te chu ka lo en reng mahse eng nge thleng hi min be Miah lo chumai pawh ni lo in min hre lo a nih hmel.Ka hmuh chak ang khan min lo hmu chak ve lo a ni ngei ang le."Zomuan I van rawn zawm laklawh ve a"library pana ka kal lai a ni tunge min lo bia tia ka inher chuan Hruaia lek chu lo niin ,a ni hi kan class CR ni lai mek a ni bawk.





"Nia chhungkaw lam harsatna nia" tiin ka lo chhang ve mai.Mi in min en tlat nia ka hriatna chuan awm nuamin min siam thei der lo lehnghal."Miss Fresher kan lo thlang hman chu a pawi hle mai ni lo se chuan I ni ngei ngei ang maw le" a tih chuan ka lo ner nang "a teuh lo mai chutiang ka ni pha lo"uar fahran a ka tih chuan a nui hak hak ."Miss nih te chu khawi lam ui a be thei ti se ka awih daih zawk ang" ka tih te chuan a nuih a ti za hlei hlei emaw tihturin a nui uar zual sauh






Ka thil tawn te Lorie ka hrilh chuan Mordred chungah min lo lungawi loh pui ve em em ringawt ."Be hma sa Miah Suh" tih min chah zing malh malh khawp mai."Nu ka leng ania"OMama chhuak Turin a tih chuan "Khaw laiah bak I tei I tei lovang"ka lo tih chuan "Kal maiteh nula ka rim hawrh hawrh dawn, rim tu tur nei ve lo kha chu han mu tawm kek rawh"
"Ninawm I Kam tam si ka hnial peih lo che,I dang anal parpar si tu nula mahin an duh lo ang che"
"Kam ka nei tam bawk lo pakhat chiah ka nei,chuan bawrhsaibe ei la I dang a nal ve thei mai ang" he mihring tawng thei lutuk tak hi chu aw.







"I nau tih thinrim phet hi tum suh,Û zawk min neih khalh han tum na teh"Osawman ka thlavang hauh ti tih deuh a a lo tih chuan "A nei hmasa zawk kan luck zawk tihna ni mai"OMama chuan ala ti ham ham."E OMam thenawmte fanu dawn min lo biak rawh a ti tak"Siampuiin alo tih chuan kan lo nui tat tat hlawm."Ka va han luck tak em,min lo biak dawn nia"ala ti ham ham"Mahse"ti fan ruihin "Kan thenawmte fanu chuan mizo tawng a thiam lo a"a tih pawh chuan OMama chuan "A ho lutuk,English in ka be mai ang"ngaihsam fe in a lo ti leh.









"English pawh a thiam lo a?" OMama chu a beidawng ta deuh nge a hmai a tuai puak "Anih eng nge a thiam a" "Bauh dan chu a thiam ,a sa bai pawh a tui tho"OMama tih loh zawng kan then tha hlawm mai."In sual hlawm si"tih pahin a chhuak nghal nal nal."I û ve hi a" ka pi pawn alo ti ve ngei.





Karkhat tha zenzawn college ka kal hnu chuan college ah pawh hre tu ka ngah ve khawp mai kei lah hian ka hre ve hlawm bawk si lo.Term tawp dawn lama ka zawm vangte pawh ni mahna min lo hre tawk an awm zel mai.Library a kal ka bansan lo a,a hmaa romance leh Crime chhiar nuam ti em em khan zirlai tana tangkai tur ka chhiar tam zawk tawh ngei ang.







Mordred pawhin min hre lo tih hre chungin ka hel char char tho mi taima hi chu ka van ni ve Chiang tak em.Siampuii leh Hruaian len kawi kual an tih tlat avangin College ban hnu chuan leng Turin kan inzui tham tham mai.MC ah lutin an thil zawrhte chu kan enkual vel mai mai Pawisa kan pai tam lo tlang bawk si chu thla la in kan kalsan leh tawp zel.Hruaia chu alo va kal hran daih vangin kan chhuah dawnin kan call leh kawngka bula min lo nghah thu a sawi chuan keini pawh kan chhuk zui ve zat.









Va pawh mai tuma kan kal kal chuan a bulah Morded chu alo ding ve ran ,a landan chuan an inbe laklawh a nih hmel."Kal ila" ka din chawt vang chuan Siampuii chuan a rawn ti."Lawk aw" tiin tul lo pui ka ti khaw muang leh Mordred a kalsawn ang tih ah chuan kan va pawh ta chauh."In lo va thleng har ve a"pakhat chuan nui vur vur chungin alo ti."Muana nen khan eng nge in lo tih a?"tiin Siampuii chuan alo zawt ve thuai ka rilru a awm tak pawh a ni.






"Engmah a ni lo,kal ang u" tia a pen sawn pah chuan chimawm Zeta min lo melh chung hian "Mipa thuruk a nia" a ti tel kher.Kan unau chuan kan hrethiam lo tih Kan hmelah a hriat vek ang kan meng phawk dun emai .Hruaia chu kan ina leng tura kan sawm luih tlat vang chuan a rawn lut ve ka pi nen chuan an inkawm a ni deuh ber tawh a zah thiamin ,a thusawi duh zawng a sawi pui thiam em em mai bawk si.








A chang leh "Ka pi I nulat lai khan I luck ve ngawt ang ka ti" tih te in a fak ka pi lah chu lo insawi thei ve tho bawk sia a nui deuh har har reng."Kan nulat lai te chuan rim tu kan ngah thei lutuk,kawr senno dang ka hak tum phei chuan ka pa ţhian pa in 'in fanu chu ava hmel tha ve mo atan a tha dawn hle mai' ati sin "a tia a insawi thei khawp mai .







"Nu Vawiin kan leng chu Pawisa kan ui bawk sia thla kan lak pui nghek nghek mai"nui bak bak chungin Siampuii chuan alo ti ve bawk.Hruaia haw hnu chuan Sawmkima a lo lut hlawl "Chaw ka lo eidawn a" a rawn ti lut deuh ham ham."I van Zak lo tak Thanthuam haw rawh" an inhnial leh tan der."Sawmkim chaw lo ei I tum a maw" ka lo tih haw chuan min melh túr khawp mai.





"Ka lo ei dawn ti tia" a rawn ti leh hluk "Tha deuhin sawi ve mai ta che" tih paha lei ka chhuah khum zauh chuan ka chalah a rawn kuk fawk mai."Chaw ei tawh ang u ka ril tam tawh" OSawma ve teh khiah chu nidanga ril thu sawi khat ber a sin maw nih le."Zan lenna tur ka nei nia" kan ngawih thap lai chuan OSawma bawk chuan alo ti leh.Hei vang a nih dawn chiah hi a riltam thu alo sawi ve mial ni.







"Ehhh I bialnu I rim dawn ni maw" ka tih chuan a ngawi char char."Keipawh nupui ka rawn ru dawn nia"OMaman a tih chuan ka nu chu a lo chek deuh hlak .Ka pa lah chu a nui mai mai lehnghal."Sawmkima ang hian thunun zin I ngai viau nge" Siampuiin a tih chuan Sawmkima chu alo khuh kharh kharh.








Chaw ei na kan seng laia Sawmkima alo sawi chhuah daih na chhan Siampuii ka zawh chuan "Aw a bialnu kha a duh ve sia,a chhungte khan an duh bawk si lo a ,an run luih a thla thum danah a bial nu a ru chhuak a tiang chuan kumkhat chhung an awm a,a ning ve tawh niang tunah chuan an inngaizawng tawh pawn ka hre lo"a tih chuan a hmeichhe chhungte chu ka lo ngei pui em em nghal ringawt





"Siamkawi mi hi lo rel hman ziah Suh,I Kam hi a Tam hlek hluk lutuk mai" tih paha kitchen lam lo pan tu chu kan lo melh dun ran "Kam ka nei tam bawk lo pakhat chiah ka nei , bawrhsaibe ei belh ila a la tha ang" OMama lo lut chu alo nui chhuak hak.A awm ve reng OMama min chhan dan kha a ni miau a.



Ka mut dawn a ka phone ka check chuan phone number hlang hnen atangin message ka dawng nawlh lo thawn tu number ka check vel lah chuan hriat a har fu lehnghal.Eng nge min lo thawn chiah tia message ka Hawn chuan {Blondie} tih zawng chiah alo thawn.Lawk hepa hian engtin nge ka number a neih theih zawk.











Sorry sorry ka inkhawm hmasa a ka lo dah tlai

Nizan ka lo dah loh chhan chu chhehchhawl chet hun a ni tih in hria e.

In zavaiin Merry Christmas em em vek ule


Show post links
Top

[Ngaia]

ENCANTADO 4

CHAPTER-4



Message min lo thawntu ka chian em vang chuan mak ka ti in ka hamhaih zawk.He thil min lo thawntu hi thla tam tak chhung ka ngaih a ka vei em em kha a ni miau."Min chhan I tum Miah lo ami?"ka inngaihtuah vung vung lai chuan a rawn lut zui leh zat.Engtin nge ka chhan ang ka hre hauh lo."Tu nge I nih?" Hre tho mah ila tun dinhmun a chhan dan tur ka hriat awm chhun a ni tih miau."Chhanna chu dp ah en la" nichin lawk kha chuan dp a nei Miah lo ka check vek tawh.







A dp rawn sawi ka check that leh chuan kan pahnih a kan thlalak ngei mai chupawh USA a kan pahnih a kan chhuah dun lai kha alo hmang chu niin.Mahse heihi engtik laiin nge an lo lak hman ka hre ve hauh lo."Heihi engtin nge I neih,eng nge awmzia" Zawhna ka van ngah si em."Ka hre lo ,social media ah ka hmu" a rawn ti Sam mai.Tu nge lo la ang le ,thla an rawn lak pui reng zawk kha a ni sia min kuah lai tak a ni lehnghal.







"A nih engtin nge ka number I neih"
"College ah I lar a lawm" a thil rawn thawn chu awih awm loh zawk hian ."Ka rawn call dawn" tih a rawn thawn zawh rual chuan a offline zui nghal hmak hnial in awmzia a neih pawh ka ring lo.Rei lo ah call a rawn lut zui zat ka la duh lem lo mahse a rawn tih nawn sek vangin ka la ve ta nge nge.






"Eng nge ?"no fahran lo chuan ka ti "Call I la lawk lo a" a rawn ti dul deuh raih."Chuan" ka lo tih chuan a lo rum deuh nghut mai."Ti nge Mizoramah I awm tih min hrilh loh" a zawk za mah hian amah biak pawh na tur pawh ka nei re re hleinem."Hrilh tur che in ka eng nge I nih?" Hetiang em em hian ka ngei awm thiam tih hi ka hre lo."Nia ,I engmah ka ni lo" a tih chuan ka awm a nuam lo chawp chilh nghal thei.










Kan ngawih dun vang vang hnu chuan "Muttui aw Blondie" tiin call chu a cut zui nghal.Ka phone chu ka melh vang vang ringawt ka va bia eng nge be lo ang ninawm e rilru hah a min siam thiam leh lutuk mai."Hey,ka chhan dan che vang khan sorry" teh tawp thin hian ka tawngkam thiam lo lutuk hian pawi hun a nei ve ziah lehnghal."Umm a ho lutuk" a ho ti na na na chu nge ka biak zui zel bik ang ni.Ka phone chu dahin ka mut San hmak.






College kan kal a kan in tawh fuh pawh chuan kan in phek en vel mai mai ni berin ka hria.Hun pawh a kal chak ngaiin a kal chak reng ka ti mai reilote nia kan hriat lai hian alo kal duak duak a ni ber."Hemi thlalak hi eng nge awmzia" he thil hi chu keipawn ka hre bik Miah lo."Lorie ka hre Miah lo" ka hre lo tak tak ti ila ka hre tho nangin mahse hei engtin nge a hmuh tih ka hre lo a ni."Mordred in Instagram story ah a hmang a" a rawn ti leh."Khat,hnih ,thum" ka chhiar zawh rual rualin "Zomuan,Zomuan"tiin Siampuii ka pindanah a rawn thleng chawp chilh nghal.







Mordred in min lo biak thu hrilh in nakina ka biak leh mai tur thu Lorie chu ka thawn zui zat.A chhan chu hetah interviewer ang mai a thil min zawt Chik tu tur kha a rawn lut miau a."Heihi eng nge awmzia? Engtik a mi nge? engtin nge in inhriat ? Nilo engtin nge in intawn? In inngaizawng tihna mi? Mahse engtik in"a phone min hmuh pah chuan tawng ve na hman awm lek lo in min zawt nghal char char chhan hman pawh va ni Suh.




"Pakhat te te in min zawt ve la,tumah dang pawh an awm ve chuan loh hi an zawh khalh lo ang che" ka tih chuan chek hlak in "Ka zawh tur che theihnghilh ka hlau a lawm,point number pe in min chhang mai rawh" a ti duh lek chauh."Point number one ,kha chu a awmzia ka hre bik lo,2.USA kan awm lai a mi' a Zawhna ho chu a kim chang thei ang berin ka chhan sak lai chuan ngun tawkin alo ngaithla kar reng naupang thawnthu hrilh te pawh kan in ang lek lek hian ka hria.






" Avan mak ve" a ti deuh hliai reng mai a chang leh " I van in zep thei" a ti thul."Kal tawh rawh" tiin ka pindan atang chuan chhuah tir ka tum ala duh lo nasa mai."In inngaizawng Chuang lo tak tak maw" he Zawhna hi min zawt zing tawh lutuk."Ka Ning ka sawi nawn peih tawh lo" zaidam vak chu har tawh tak a ni.






Zing ka harh chuan vawiin a ka tihtur chu Chiang takin ka hria ka phone chu ka ban zui nghal zat.Captain tiaka save chu ka hmet chhuak zui bawk,nia a number hi min lo biak zan la la khan ka save nghal ngei mahse status ka hide vek thung . Status a up khat hle a ,mahse a neih chhun hian ka en chak zek zek zek sia GB WhatsApp ka hman phah ringawt lehnghal ka view pawn ka tick ngai lo,a number nei lo awm hmiah hmiah ve tawp.







Ka call chuan a number ka nei tih a hre dawn bawk si,mahse hria se eng nge pawi ,chi leh loh .Ka room atang chuan rang tawk a tlan chhuakin Siampuii ka au nghal vak vak bawk .Min lo chhan na lam inhnuai ni a ka hriat vangin stepah chuan kan tlan thla zui zat.Mahse step tawp ka thlen rual a ka mi hmuh vang chuan ka ding nghal chawt."Eng nge ni vak vak a" tih pahin kitchen lam atang chuan thingpui ni awm tak chawiin Siampuii chuan lo chhuah a rual.







Kan sitting room a lo thu pa mit chu ka chungah a fu ngar tawh."Saw pa sawn eng nge a rawn tih" tia Siampuii ka zawh chuan "I thil hak kha"alo ti daih thung.Min enreng tu pa lam ka hawi chuan alo kiai deuh suk rang deuhin kan in hup nghal ringawt a van chi loh thin tak.Tunah hian tawnzau bansin leh kekawr bul nen ka awm vang a ni,mutna a thawmhnaw ka hak lum thiam loh vang a ni.








"Lal api I puan ka lo hawh" ka tih te chuan a nuih a ti za nge a sen tawn tawn mai."Kha Mamte la rawh" api in a rawn tih rual rual chuan ka lo ban.Sitting room ka pan chuan Siampuii chuan nui var var chung hian thingpui chawiin min lo zui .Keimah vanga lo leng a nih leh nih loh lam chu ka ngaihtuah hauh lo."Biak che ka duh a nia" a bul ka thlen chuan ka ti deuh nghal thawr.




"Kha aw thingpui hi in la" henu hi eng nge a hriat anidang aiin a ţawng no tlata ka hriat nge ka ngaihbel zawk ni."Mak pa hual chu" he mihring hi tun hun a awm lo ayana duhthusam a ni."OMam" ka lo ti hap chu mit mi la rawn siai khum deuh deuh.Mordred erawh chu a ţhut hmunah naupang fel deuh ang hian in kuangkuah in a thu deuh than mai. Siampuiin a biak na chu a rul tawk lek lek in a chhang reng ,chutih rual chuan Amit erawh ka awmdan zawng zawng hmuh hmaih tum lo ni awm fahran in ka chungah a fu ngar reng thung.








"Khawi ah maw in intawn a" heipui rawn zawt phawk phaw hraw leh dawn tan."Min chhang leh Suh ka hre leh si,USA ah khan I kal liam tur a thlir vawng vawng" a ka ka lo hup chawt."Ka han inthlak lawk anga kan sawi tha ang" ka room lam pan tum a ka chhoh pah chuan OMama chu ka pawt chho pah a,ka zilh chho nghal char char bawk.






Inhnuai ka chhuk leh chuan ka pa nen an lo ti ti dun ni maiin ka hria ka pa pawh alo bu nghut nghut mai."Min rawn zui rawh" tih pahin pawnah chuan ka chhuak zui.Tlema fal deuha waiting shed an siam ah chuan ka lo thu ran, a rawn thlen phei chuan rum tawkin ka lo melh khai khai.








"Eng nge lo tih I tum?" Ka tih khum hmak chuan ka fiamthu a maw ati a ni ngei ang a nui suk ringawt."Tu nge nangmah vangin kalo kal ti ?"
"A nih ngati nge min lo zui si?"
"Zui tur che in min ti miau sia,zui lo che ila chuan I hawi leh vual vual dawn asin" sawi fuh Intih hmel zet hian a mit ko a san pah nghal zauh.Ka sawi tur hre lo chuan "Ka hawi kual vual vual kher lovang" tihte chiah ka sawi khum.






Ka haw hnu chuan bathroom ah inbual Turin ka lut a,shower ka inphuh tir zui nghal vang vang.Mordreda thilsawi ho chu ka ngaihtuah let pah reng.Ig story a kan pahnih a hman chhan ka zawh khan ti hian min chhang a nih kha "Keiman ka hmang lo ka nau ten ka hriat loh laiin an lo hmang" tia min chhan vang khan ka lo na ringawt nia,beiseina ka lo neih san lutuk vang pawh a ni maithei.






Kalsan ka tum laia a thurawn sawi leh avang khan ka ding Chiang hle ka kal ang nge kal lovang." Mi tam zawkin ka story an lo view hmana chuvangin tun thla ni 14 ah hian event pawimawh ah min tel pui ka ngai dawn" tih kha thupe lutukin min hrilh pek a nih kha







Calendar ka room pindana in tar chu ka en vat ,tunthla ni 14 te chu valentine's day a ni si a ,eng event vak nge a neih chuan ang le.Mordred-a thusawi pawh kha tu bulah mah ka sawi chhawng leh hran tawh lo Siampuii phei chu ka hrilh lo hrim hrim ,ka ring lo lam pawh ni lo in ka chhungte bulah a sawi emaw kha a nianga Zawhna chhan tur a Tam dawn lutuk kha ka peih lo a ni ber.





Kan ti nek nek a, ni a kal zung zung mai Hruaia nen pawh inkawm ngeih tak kan ni der tawh.College ah kan inzui nasa a,project tur min tuk sakah kan pahnih a ti dun tura thlan kan ni zui bawk si ,a then phei chuan inngaizawng chhuah hial te pawn min lo chhuah der tawh."Naktukah chuan ka rawn hruai dawn che a nia" bathroom ka chhuak chiah lo ti tu vang chuan ka ding dat.






"Min ti buai reng Suh" ka tih kha kha chuan ka awmna lamah a rawn pen hnaia ,kei ka lo tawlh hnung zui zat thung.Chu chu a lo hria nge thaw hawkin a rawn pen pawk a ka bul a rawn thleng chawp chilh a ni zui der."Engthil nge" ka tih rual in ka kang nghal lawp a nih chu."Min dah thla nghal rawh" ka tih chuan ka mawngah a rawn beng taih duh chauh.Nia,tunah hian Mordred Vanrammuana hian min pu Chiang Alawm."Vanrammuan min dahthla rawh ka tih chu,I chak lo ang" ti sa teh mah ila a kal dan ngai reng chuan a kal.





A motor dahna ni awm tak kan thlen rual chuan Bolero pakhat hi a hawng zui nghal zat."Thu hle hle ang che" tih pah chuan a seat a min nghah a rual,a bolero kawngkhar chu a khar zui hmak bawk.Motor hel a ,a kal pawk pawn chu ka lo en reng .A rawn ţhut luh rual chuan Motor ti nung in min tlan chhuah pui nghal.







Tlema hmun fal deuh kan thlen chuan a ding thut chu hma lamah ka bu dawrh ka lu ka tauh tur chu a kut a lo dah hman,a kut ka zuk tauh chawrh phah."I mawl mi ngati nge I din thut a" ka awki chu a nem lo khawp mai.Min hruai fal ta sa sa engvangin nge zawi deuhin ka tawng kher ang ni."Min ngaihtuah ve thin em" ka awki ang lo lutuk a dam ruih a alo tih chuan ka lo en hau ringawt.






Ka va en chuan hma lam chu a melh ding ngar."Keichuan khang hun chhung zawng khan ka ngaihtuah thin che,nitin in I hmel hmuh leh ka chak ţhin,pawi ka tih ber chu khatih hunlai a I number ka dil lo che kha a ni.Biak che ka chak a mahse biak pawhna tur che ka hre si lo" a thilsawi zawng zawng chu hriat hmaih hlau takin ka lo ngaithla kar."Chuan Mizoramah a vawikhat nan ka hmu leh che a,I number harsa deuh a ka nei chungin ka lo bia che a,nang chuan min induh khum a" a nui chhuak hak bawk,a thusawi tawp lamah chuan rilru natna ni awm tak ka hre tel thei.







"Ngati nge min hnaih duh Miah lo a , Blondie" tih pah Chuan a mit meng mawi lutuk chuan min rawn melh kal."I nupui hual bulah awm ve mai ta che tinge min rawn tih buai reng" ka kâ chu ka hup vat mahse ka sawi zo vek tawh si.Ka ţawng leh phawng phawng thin hi chu a pawi a ni."Chuvang lek chu maw ni a"nui suk chunga a rawn tih chuan "Teuh lo" uar fe chuan ka lo ti vak.






" Engtik laiin nge nupui hual chu ka lo neih a?" Nuih za aw lutuk a alo tih chuan "Zep vel lo mai teh" ka lo ti hlar."Nupui hual ka neih chuan Nangmah bak ka hual duh lo che" tih pah chuan a mit ko chu a rawn San nghal ak."Ka duh che, Zomuanpui" a rawn tih ril ruih chuan a lam chu ka haw nghal dawrh.





"Nangpawn" a tih lai chuan ka lo pawt chat vat ."Engmaw tunah khan I sawi" ka hre lo a ni lo ,ka awih loh em vang zawk a zawt nawn mai chauh ka ni."Ka duh che,chuan nangpawn min duh ve ngeiin ka hria" a inring tawk leh lutuk chu ka awih lo hial zawk.



"I Zak thei lo,ka duh aw kawng lo chr" ka tih vak chuan "Ka Zak lo,mahse tunah min duh loh pawn nakinah chuan min la duh dawn tho" a thilsawi dan vel hi min challenge nasa mah mah."Huh ,I thaw puar a nih mai chu"ka tih chuan "Shampoo ka lo Intel pawh a ni mahna" awi ka rin ai daihin mi hnial a hrat lehnghal.






"Tikhan kan inngaizawng a nia" tih pahin a biangah a rawn fawp zauh chu ka lo Phu deuh uih ,nuisukin min tlan let pui lehnghal.Nuam chu ka ti mahse duh lo angin ka la awm vel mai mai."Naktukah chuan Hotel regency ah lo kal ang che,chuan chhanna pawh ka beisei nghal ang,aih pawh ti mah la ka pawm dawn lo a nia" kawngka ka Hawn dawn chuan a rawn ti zui hram."Chhan loh che nen a inang reng a nih chu" tih paha ka chhuah chuan "Aw I tih angai tihna nih chu" tih pahin mit min lo siai suk.








"Lawk heihi college a ni lo,ngati nge inah min dah nghal a" mak ti lutuk a ka tih chuan tlan chhuah pahin "Class I nei tawh lo,ti khan lo awm hahdam tawh mai rawh" tih pahin ban a rawn vai lauh.Nui var var chungin inchhungah chuan ka lut "Mamte ava hlimawm awm vur vur ve a" lo ti ah chuan ka lo Phu deuh dawrh."Awi Lalapi min tiphu lawm" ka awm chu ka dawn pah nghal vang vang .







Zanriah kan Kil ho lai te chuan Siampuii chuan ka haw San vanga a lungawi loh thu hlir ka chhungte bulah a sawi lehnghal."Tlaia lo thlah tu che kha tunge a,makpa hual kha mi" Omaman alo tih chuan rang lutukin ka lo melh."Mipa te ilo inthlah tir ngam vel tawh a" OSawma ve thung a ni."Mipa in an thlah che maw,mahse Hruaia chu college ah a awm char char bawk sia" Pakhat lah chuan mak ti lutukin min lo zawt ve thung.







"Thil hrilh duh che ka nei a ,kinah ka hrilh ang che" thleng ka sil lai chuan a rawn ti ru sa sa.Ka pindan lama kan luh hnu chuan kan thu fel dun than ."Tunah khan eng maw I sawi I uang em?" Tiin ka zawt nawn leh ngat a lu a lo thing nar nar thung."Mordred ka tih awmzia chu Vanrammuana hi I duh a ,chuan naktukah in puan I tum bawk a" ka tih chuan alo bu nghat.





Zan ka mut naah chuan bet lo deuhin ka mu reng,tui taka mut siai siai chu har tak a ni.Hun kal tawh te koh kir leh theih nise Mordred laka ka feelings neih te hi ,neih tum lo in nasa takin ka inthunun tur hi a nia,mahse tunah chuan ka lo ngaihna leh thlakhlelh na kha alian ve tawh si.Ka unaunu ngei tan chuan Engvangin nge mipa pakhat lek chu ka hlat mai loh ang.







College playground sir ah chuan ka thu reng ground a chet vel chu hnehsawh tak a ni. Mordred chu midang zawng zingah pawh a langsar fal nalh Chiang Alawm.A tui in zawnga a hrawk bawk che thla ralh te chuan amah hi a ti mah hliah hliah.





"Zomuan,kinah ka be lawk thei che ngem" Hruaia chu ka en thuai."Tian sawi mai la" ka tih lah chuan "Kinah" a ti deuh bur bawk si.A hnua kan inhmuh leh chuan rose sen alo keng tawh thung."Zomuan ka bialnu I ni duh angem" alo tih chuan ka lo nui vak vak."Fiamthu thawh hun pawh a ni lo" ka tih chuan a hmel a tak rûn ."Fiamthu thawh hmel chu ka pu chiah lo in ka hria" ti chung chuan min melh ran.








.
Dah khat sa nen zandang aiin a tawi leh sia sarry sarry ,Zin reng kan ngai bawk sia zinna lamah tlang hri te ka lo Kai khanglang a,ka ziak tha peih meuh lo a ni e.


In vaiin Merry New year vek u ,kumthar ah nunthar leh thil hlimawm zawk in tawn theuh theih nan duhsakna ka hlan vek a che u











Show post links
Top

[Ngaia]

ENCANTADO
CHAPTER-5


"I..I fiamthu lo tak tak" ka tih bah niaih chuan a lu chu alo bu deuh nghat."Hruai ţhian angin kan awm dun zawk maithei lo em ni? Tianga awm chu a nuam ka ti lo nia" ka tih chuan a meng dul deuh ruih."Ka rin sa tho chu nimahse rin ai phianin a har" a vei nuih nghal suk bawk."Ka bialnu bulah hian eng nge ilo tih?" lo ti tu lam chu kan pahnih in kan hawi phei nghal dawrh "Bialnu maw" tiin Hruaia chuan min lo en leh kei chu ka lo la ang deuh phiau ni ngei tur a ni "Chip tawh rawh ,hrim hrimin nizanah kan sawi fel tawh kha"tih pah chuan min lo kuah zui zat.



"Maw..maw maw" ka lo ti bah deuh niaih."Bialpa I nei tih I sawi lo a" a aw ah pawh chuan a lawm loh zia a hriat theih "Chu lam a ni lo" ka ti dek dek a ka bul ami chuan min rawn kuahna ka dar chu hmer nghet sauhin a rum deuh nghut " Kan kal tawh mai dawn mi niang" a tih pah chuan min rawn melh chhuk run ,ka en ve chuan ka inchhir nghal rawih rawih thei.A mit mengah chuan min eizawh chak vek na ni awm ka hmu thei.

"Kan kal mai ang,chuan a theih hram chuan Zomuani hi hlat la a pawi lo khawp ang" tih pah chuan min kal sawn pui nghal dawr dawr.A motor dahna kan thlen pawh chuan engmah chu kan la sawi dun Chuang lo.A bolero hma lam seat a Hawn rual chuan sawi ngai lovin ka lo thu ve mai a,engvanga hetiang a awm ngawt nge ka nih pawh ka hrethiam bik lo ,a thu hnial kalh hi ka hreh ti ila ka sawi sual lovang.







Kan tlan chhuah hnu rei fe ah pawh chuan tu zawk mah mah chu kan la tawng lo."Ih " ka tih rual chuan a rawn thaw chhuak deuh halh ka lo ip chawih thei nia maw le."Nichin kha,Keipawhin ka hre bik Miah lo a nia" ka tih chuan Engvang a insawi fiah duh tlat nge ka nih tih pawh ka inhre bik chiah lo."Hre ta la engtin nge chhan I tum"a hmel landan Phu lo chuan a aw ka chu a rawn dam phian."E,ka hnawl tawp ang" a khi nghal suk mai "Engvangin nge I hnawl ang?". "Ele ka duh vang che in" ka kâ ka hup nghal chawt mahse ka sawi tur ang zawng zawng chu ka sawi zo vek tawh bawk si ngaihtuah hmasa lo a tawng phawng phawng pawi zia ka hre nawn awn awn chu a nih ber tak hi.





Mordred ka va en chuan a lo nui vur vur tawh nichin a a thinrim hmel te kha bo hneh tak a ni."Chuan nangpawn min duh ve tho a, keipawn ka duh che a ti khan official takin kan inngaizawng tawh tih hria la,mipa dang tumah melh reng reng Suh ang che" hepa pui hi thu min pe nghal emaw ni ."Thu ka pe lo che a,I tih loh tur ka hrilh ringawt che ,ka thikthu hi a tha vak lo tih hria la" ka ngaihtuah na hria ni awm tak Chuan a rawn ti zui leh zat .




Hotel regency kan thlen chuan table hauh sa ni awm tak lo awl hiai bik lam chu min pan pui nghal zat."Room chu book rih lo mai ang aw" a fiamthu tih hre mah ila ka lai lutuk chu ka Biang te a sa hat hat thei hial Darthlalang ah in en ila chuan tunu tih dan takah tomato ka ang tawh ngawt ang.



"Thu la" alo tih takah chuan ka chair chu ka thutna turin alo pawt chhuak diam tawh.Keini chauh lo midang in ngaizawng ve tho ni awm tak chu ka hmu deuh fur mai. "Tinge tah hian min hruai a" hawi kual chunga ka tih chuan "Helam lo hawi ve phawt la" a tih chuan ka insiam rem nghal sawt sawt."Ka hawi sa reng" ka tih chuan a nuih ka ti za ni ngei tur a ni a nui deuh suk suk mai.



"Captain ka tih awmzia chu Mordred" a mit meng fiah kak mai chuan Chiang takin min en reng.Ka zam deuh vang chuan chil ka lem leh deuh khalh "A ..Angai leh lo" ka tih bah niaih chuan Zawhna mitmengin min melh nghal ngur."Tha lawm ka nghak thei che nia" a thawp deuh salh.Ngawi renga kan thil order kan ei lai chuan kan bulah hian nula pathum vel hi an rawn ding "A ni Chiang lutuk" "I ni ti raw" tih paha an in hnial deuh bap bap chuan ka hma chu chuan "Lehpek bawk chuan" tih nghut pahin "Ka ni lo" a ti thum deuh dup."A ang sia,phirpui a nei a mawn le,kal ru kal mai ang u" tih pah chuan an inpawt phei nghal dat dat hlawm.



Ka hma mi chu nuih in ka lo khi vur vur reng "Nui tawh lo la" rawn tih pahin a kiai ve deuh suk mai.A hma USA a kan in date pawh khan miin thlalak pui ah an lo sawm reng a nih kha,ala hre ve a ni ngei ang.Zanriah kan ei zawh hnu chuan a bolero hmangin kan inkhalh chhuak zui.Folkland lamah tlanin Aizawl khawpui chhuah na lam min pan pui a ,inpawh a ding a khat deuh pheuh pheuh tawh.




A bolero khalh lai chu Chiang zetin ka lo en ran thung.Vawikhat kan in date na khan a dawt leh a hring ang tih reng ka ngaihtuah thleng ngai lo.Keimah hi ka dik lo zawk nge pawh ka hrelo Carlos nen kan lo inţhen kha tun hnu phei hi chuan ka lawm hliah hliah tawh zawk hial in ka hria.Ka tleirawl lai ngaihzawng a nia,ti ila ngaihzawng neih awmzia ka man chhoh hunlai a ka bialpa kha a ni ve a, mahse,Khatiang teh tawp a kan inţhen bik kha chu ka beisei ngai bik hauh lo.





"Carlos"ka thil ngaihtuahna chu Kalo sawi chhuak ni ngei tur a ni ka bul lawk a steering her kual pap tu pawh chu a rawn hawi nghal zawk mai.A motor chu a hunrem hnu in a motor atang a chhuakin a rawn hel zui zat."Lo chhuak la" tih pah chuan a bolero kawngkhar chu lo Hawn a rual keipawn engmah sawisel lovin ka chhuak zui ve mai bawk.





Motor chhung atanga chhuah meuh chuan a vawt deuh vur thei.Kan awmna atangin Aizawl khawpui chu Chiang tak mai in a pe deuh un mai bawk."Lo va thu la" tih pah chuan kan piah lawk a ţhutna tur ni awm taka an siam thing a an siam lam chu a mit sir pah zauh.Keipawn hnial hran lo in ka va pan ve mai.Ka thu fel awrh ang tih chuan thil rawn keng chung hian a rawn phei zui ve thuai a,ka bul hnai alo thlen chuan a thil rawn ken chu puan a ni tih ka hre chawp chilh nghal "I ruahman sa Chiang" ka tih chuan alo nui suk duh lek chauh.





"Phaitual hnim ah hian thu zawk ila" a tih chuan ka lo melh chho ha thung ,ka hma lam ah chuan lo kalin min rawn Hui pah zauh bawk."Mahse ,tah hian ţhut a nuam zawk lo mi" ka tih chuan rawn tawlh hma hretin min rawn chawi kang thut a nih chu."Eng nge maw itih le?" tia ka rak that chuan ,thu ang a tihna ah chuan min dah thla zui ,a chet leh dan tur chu ka lo ngai chang ran a ni tawh ber.





Ka hnung chiah ah chuan rawn thu in min rawn uap nghal run.A pangti lum chu ka lo chhim pha hial ,a rawn lum deuh vung vung thei.Chutah a puan lo ken chuan kan pahnih chuan min tuam nghal hlun.Puan hma lam ka siam rem lai chuan a kut hrawl zet mai chu ka kawngah a rawn rawlh lut a ka darah chuan a khabe chu a rawn nghat zui zat bawk.Tuna Mordred rawn awm dan hian ka ham haih lutuk vang nge ka thaw pawn ka inhre tawh lo.





A hmui a ka nghawng a rawn chuktuah chuan ka lo Phu zawk chu A nui tih hriat zet chuan a taksa chu a che zui deuh dat mai.Min khuap hneh leh lutuk chu ka te chem mai dawn a lawm.Ngawi renga kan ţhut dun vang vang laia ka beng bula lo thaw lum ham ham vang chuan ka insang mar deuh tung reng chu ka hah ru phian tawh lehnghal.





"Inthlah dul la"ka lu ah chuan a rawn chuk pah ."Min hmuh thut khan engtin nge I awm?"ţawng insum hi ka thei ngang lo,chuan tuna ka Zawhna hi min chhan dan ka hre chak hrim hrim bawk."Ka hmu thut che pawn ka In hre lo a" a tih chua a lam ka hawi nghal vut chu ka nghawng a ri deuh that."Nghawng exercise ila mi?"a nui tel deuh suk a hnuah thutak deuh zawk hian "USA ah ka lo kal leh a"a chawl deuh dat chu ka lo ngaichang reng.





"Chuan" ka lo tih chuan thawk la hak in "In lo awm tawh lo a,Lorie bulah khan in awmna ka zawt "."Chuan Mizoram ah kan awm tih alo hrilh che ami" ka tih chuan "Hrilh lo" a ti leh mai bawk sia min chawk buai zo vek tawh."Chuan engtin" ka thusawi chu lo pawt chatin"Ka sawi zawh hun te lo nghak ve hle hle la" a nui tih hriat lutukin a taksa a che zui dat.






"I ţhiannu te reuh khan nangmah ang tho In nupui hual ka nei amaw alo tia"a hmui in ka nghawng a rawn nul pah thuak"Ka neih lohzia a fin fiahna nen thlap a ka pek hnu ah chiah Mizoramah in awm tih min hrilh,Mizoram kalo let hnu in ka zawng ru reng che. Mahse hmuh I har reuh zek a,ka beidawn tawh lamah kan college ah I lut tih ka hre leh a,khami tuma ka hlim ziak kha I hrelo zawk ang" a thusawi maltin te chu ring takin sawi lo mahse ka bengah hian Chiang takin a,lut tih chu ka hrechiang Alawm . Chuan kei min hmuh vangin Mordred Vanrammuana hi alo hlim a nih chu, hriat hrehawm tak zawng avan ni lo Chiang em.






"Bawihi lo chhuk tawh rawh hei Vanmuanan a nghak che nia"Ka nu tak hi chu aw vawi engzat nge Vanmuan titawh Suh ka tih pawh ka hre tawhlo amah lah chuan "Ti hian koh a nuam zawk kan inpawh hma ting a ni mai " a ti leh mai zel.Mordred nen kan len chhuah zan atang khan thla hial a vei leh der tawh kan dam a kan hrisel that chuan hun hi alo kal chak khawp mai .Chuan vawiin hi kan 100 day anniversary a ni chiah bawk.A nih na takah chuan thlathum tha zen zawn kan inngaizawng tawh tihna a nih ber chu.





Ka pindan atanga ka chhuah hma chuan Darthlalang ah ka in thleng leh hmasa te te phawt.Top dum highwaist ha in crop top var taksa phuar lam chi ka ha a, leather jacket dum a chhing lam deuh chu ka ha bawk boot tlema sang deuh ka bun tel leh a sang deuh hlek ka bun loh chuan Mordred hi a sang ve tho bawk nen ka lang te bik lutuk tur kha ka duh lo a ni deuh ber.





"Lawm kher pawh a tul a mawn le,kan pahnih in kan hre tho sia"ka tih nang nang pawh chuan ka bula mi chuan min la rawn melh duh thak lo."Nute ka lo haw pui har lo ang"A tih hnu chuan ka banah lo kaiin min chhuah pui a rual nghal."Lut rawh" tih deuh hmuk pahin a motor kawngkhar chu a hawng a ,ka lut fel chiah ang tih ah chuan a rawn khar ri pawp ah chuan ka Phu Chiang lutuk.






Alo luh chuan min en hauh lo in motor a ti nung zui."Khati vaka rawn khar a ngai ami" lawm lo aw ka a ka tih chuan tûr fe hian min rawn melh."Ka lungawi lo a nih hi" titau tih hriat lutuk a alo tih chuan nui hakin ka seat belt hren chu phelh pahin a lamah tawlh hnai in a biangah ka va fawp zeuh.Ka chet dan chuan a ti ham haih ni ngei tur a ni a rawn hawi phawk hra mai.Kei lah chu engmah thleng lo ang maiin pawn lam ka melh daih thung.Tuna ka chet dan vang khan keipawh ka zak leh hnuhnawh viau .





Aw then deuh kharh pah hian "I lawm tawh em"ka sawi pah chuan ka ţhut dan ka siam rem sat sat."Ka inring hman lo,a fair lo tih nawn leh angai" tih pah chuan kawngsir lama motor park a rual."Vanrammuan over viau Suh" ka tih chuan ka Biang chu a kut in alo khawih zauh zauh.





"A hun rih lo,tlan leh mai mai rawh Mizoram kawng a zim ropui si motor hel na tur pawh a awm loh hi"ka tih pawh chuan "Tlan chhuah vat i duh chuan rawn ti vat" hepa luhlul leu luau lutuk hi chu kan buai phah ziah ."Ninawm" tih pahin a biang fawh leh ka tum chu rawn in her thutin duh thawh lutuk leh zei fahran hian ka hmui ah chuan a rawn fawp nghal tan tan chu keipawn hnar har ka ti ka hriat loh laiin ka lo chhang let hman der tawh.






Motor horn lo ri ah chuan rang lutukin ka inla hrang thuai ka bul ami chu alo phun zui hlak thung."Ahun rih lo ka tih mawlh mawlh kha" ka tih chuan "Ka la kham lo e" tih pahin a hmui chu a tuai pah zauh."Tenawm" tih pah chuan ka hmui chu lip gloss ka hnawih tha pah mawlh mawlh."Tinge 100 days anniversary chu lawm I duh tlat." "Tinge lawm loh I duh tlat" thutak zawk a alo tih leh chuan ka lip gloss chu ka bag ah ka khung tha pah mawlh mawlh.






"I tan a hek sak Alawm ,kan monthsary ah pawh thil min pe ziah a ,hmanni lawk pawn min pe a,thil eiman emaw tum ve dawn ila I phal lo leh amaw a nianga "ka tih chuan ka kut chu a rawn hum vang vang in"Phal dawn miah nang,I tan chuan ui ka nei hleinem,hrim hrim in tunge hmun dangah kan ei chhuak ang lo ti a " a tih chuan rang lutukin ka melh.





"A nih Khawiah"
"Kan inah maw le"
"Awi ,ka duhlo ka la In peih teuhlo mai,chu lo ah in puah chah te pawh angai ,engmah pawh min hrilh lawk lo ,thil pawh ka lei lo" ka tih zat zat lai chuan ngun lutukin min lo en reng.

"Chuti khawp chuan ami I huphurh a"a kutin ka sam alo chul pah zauh."Huphurh lo ila mi pangngai ka ni nang,chu lo ah tianga bialpa te nu leh pa hmuh te chu chi nang" Carlos nen khan kum chuang kan inngaizawng tawh mahse a chhungte min la hmuh pui hauhlo.





"Monu interview hmun dangah I nei tawh em ni?" Ka lu ka lo thing rang ngang mai."A that chu ,keimahni inah chiah neih ka phal aw" a fiam thu tih hre reng mah ila ka lai tho."Vawiinah chuan la kal lo ang aw,please duh leh 1 year ah kan kal dawn nia" engthil nge maw ka intiam leh tak zet zet hi ni.






"Promise aw,chuan 1 year hma inţhen pawh a rem lo bur aw,1 year zawh ah kan innei ang" a sawi lawk hma lutuk zawk hian ngaih a ti tha lo dawn dawn zawk hian ka hria."Kan thleng e" motor atanga chhuk ka tum chuan "Lo la thu rawh" a tih deuh tlat vangin ka la thu ran.Hma lam ah a rawn kal dawn amaw ka tih laiin hnung lam atangin a rawn hel daih thung .Motor hnungah chuan lavender par bawr laih lo Keng in balloon alo keng tel bawk.







"Happy 100days anniversary Naute" tih pahin kawngka alo hawng zui zat.Nui hakin ka kuah nghal vawng vawng "Ka lawm e" ka ti sup chuan a inla hrang thuai."Ngati nge heng I mittui te hian tlak an tum a,I mittui tih tlak hi ka duh lo" a tih chuan ka mit chu ka tuai vat."Sorry ka lawm lutuk a" ka tih chuan "Keipawh ka nei che hi ka lawm" tih pahin ka chalah a rawn fawp nghal vang vang.






"Hei Chuka beisei ai daih in a tha" ka tih chuan min lo nuih ve var var mai."Lawmman dawn ka inbeisei dawn nia" tih paha ka awm bawr a rawn melh pah kher chuan rang lutukin ka lo in hup "Hur Suh" ka tih chuan "I ngai kawi a nih kha Naute" tih pahin a inchhungah chuan min luh pui,tumah an awm loh danah ama in a nih ka ring ve hmiah.




"Hei hi Nangma"
"Umm keima in a nih hi,I duh leh lo va mu hahdam la,duh chuan bathroom a awm a I inbual nghal dawn nia" a tih chuan "Nang ve" ka lo ti thuai."Motor a chaw hmeh ho saw ka la ang, rawngbawl nan ala hma iti nge a hun tawh iti?"a ti zui zat."Ka hre lo" ka tih chuan "Lo va awm hahdam phawt rawh,saw saw pindan "tiin a kawk pah zauh."Thawmhnaw hak thlak ka Keng bawk si lo a,ka inbual lo zawk mai ang"ka tih chuan a bu deuh nghut.





"Nih ,reilote chu ka mu lawk dawn aw nizanah ka mu tlem lutuk a "ka tih chuan "Aw" tih pahin pawn lamah chhuah a rual zui .Pindan ah chuan lutin a lavender par min pek chu dawhkanah ka dah a,balloon chu drawer pawh dawhna laiah ka tawn bet zui bawk.Khum ka sik rual chuan ka muhil zui ni mai hian ka hria.Ka taksa min khan run tu awm nia ka hriat chuan ka meng deuh riai riai . Mordred chuan a ke in ka ke lam alo khan chu niin ,a ban sei leh a kut hrawl em em mai chuan ka kawngah a kuah ran bawk.





A hmel hmu thei tur zawng chuan dim thei ang berin ka inher tham tham.A hnar ngul sang vah leh a hmui hnuai chhah tap te ,a sam tlema kir deuh leh a khabe hmul to siar siar te chu a inhmeh takzet.Ngam leh ngam lo a ka hmui a a hmui ka han tawh de de chuan a muhil lo tih hriat lutukin min lo fawp let chu rang lutukin ka inla hrang thuai ,Ani alo rum nghut thung.





A harh tih ka hriat hnu chuan a kut chu a nghal.sawt viau mai.Ka taksa ah a kut chu a vah kual tir ruai a ni ber.A insum thei tawh ngang lo nge min rawn fawp leh ta nge nge chutih rual chiah chuan ka crop top hak chu nawr tawm chho in ka awm bawr chu a hrawm zui nghal tan tan bawk.Mahse hei baka thui erawh kan kal lo thung.A mipa zawk si hian "Kan innei thei a nih chauhin a tawp lam thleng chauh ang"a ti thin.A tan insum a har dawn tih ka hria mahse heti khawpa min hlut hi ka tan hei tluk a awm lo.






Kan thawh chhuah hnu chuan rawng alo bawl fel diam tawh tih ka hmu zui.zat.A zia lo angreng a hmeichhia zawk ka lo mu der der a ,a mipa zawkin rawng alo bawl chu a ni sia."Min lo Kai tho ve lo a ,ka bawl pui tur che a nia" ka Inthiam lo lutuk chuan ka ti leh ngawt thin. Ka sawi zin em vang chuan a Ning ta deuh nge thaw halhin "I tan ka surprise a nia,min pui la surprise a ni thei dawn ami" a ti deuh nghut.





Thleng sil ka chuh ve tlat avangin a remti lo chung chu apron ha in ka sil ve pah mial mial.Ka bul ami lah chuan "Ka lo ti ve tawh ang" a rawn tih loh leh ka sil faisa ho chu alo dah fel pah mawlh mawlh.Kan haw hnu chuan lut Turin ka sawm zetnaa alo hnar thung."Muttui" tia kal nghal mai ka tum chuan ka banah lo man in hneh zetin alamah min pawt phei leh dawrh.Nghet zetin a kut pahnih chuan min kuah vang vang ,inlak hran ka tum chuan min kuah nghet zual sauh.




Rei mawi tawk min kuah hnu chuan inla hrangin "Naute ,Ka hmangaih che"tih thawp sup pah chuan ka chalah a hmui lum thar thar chuan alo nawr chilh nghal vang vang.Ka mut hmunah pawh chuan Mordred thusawi chu ka bengah a cham reng hriat loh laiin min hmangaih thu a sawi laia a hmel tak run leh zun ngah em em si kha ka mitthlaah alo lang leh ţhin.





"Min hmangaih"tia phun sup sup chungin ka in let kual ka inlet kual a ni ber,Sana ka en chuan zing lam dar 2 a ni va tawh engthil nge maw ka hriat tak ni.Khang thumal pathum lekkhan heti khawp hian ka rilru a luah in min khawih danglam ang tih hi ka la ngaihtuah ngai lo.Vawi tam Carlos khan min hrilh ve tawh mahse Hetiang em em hian ka vei zui ngai hauh lo.





Zing lamah ka lo chhing sek ni tur a ni,ka harh chuan thawm dang a tam tawh khawp mai.Vanneihthlak lutukin vawiin Saturday a ni hlauh zawk ka nu in ka pindan kawngka a rawn hawn Rik kharh chuan ka lo inperh tho nghal at."Ka thawhna a rei tawh" a eng a hma mah a ka lo tih chuan ka nu chuan min nuih ringawt.







"In phih fai la,tukin zing chu va bazar ve lawk teh ang I paten balhla leh thil ilo dang kan lo thawn che u an tia va lam pah lawk a ni mai"a ti a a chhuak Leh nghal mai.Ka hmai phih in cream vel ka hnawih a,ka mut thawmhnaw ka thlak zui zat bawk.In hnuai ka chhuk chuan ka nu chuan bazar bag nen min lo nghak ran tawh.





Ka nu nena kan chhuak chu ka kuah deuh chawt tianga kan chhuah dun hian amah si lo chuan ka awm thiam lo ţhin.Bazar kan chhuah chhoh chuan ka nu lo hmelhriat ve hman ho te chuan min lo be sap sap hlawm.An chawhmeh zawrh te ka nu in lei a tum chuan phallo in "Tikhan lo ei ve mai mai rawh u,kan in pe khat emai" an tih deuh tlat vangin ka nu pawh chuan lawmthu a hrilh tak ngawt kha."Kan inah te pawh lo kal Ula chaw te in rawn ei dawn nia"ka nu in a tih chuan an lo "Aw" sap sap hlawm.





Ka pa te thenawmnu ţhutna zawn kan thlen chuan alo inhralh zo dawn tawha nih hmel a hma zawn chu alo ruak deuh huai."Ehe ,Muani lo kal rawh u,hei Inthil tur an lo thawn tam mai" tiin min lo Hui pah zauh .Kan nufa in min ko a ni nghal der Alawm tiang hi chuan ka pi leh pu te chiahin min ko thin kha nia.Ka nu nen kan ngaihtuah alo inang nge kan in ena kan nui ta ringawt.



In kan thlen a ka pa te thil min lo thawn kan en chuan an lo thawn tam ngang mai arit ka ti reng a ni.Balhla thlar li,lakhuihthei pum nga leh chawhmeh tur chi dang dang a ni.Ka pa pawn tam a ti deuh nge "Hetiang tiang inthawn te chu a" a ti deuh bul bul."Nakinah thawm hnaw leh thil dang vel la Thawn ve tur a ni' ka pi pawn alo ti charh charh mai."Saisu hi a tui dawn emai kan Bai nghal teh ang"ka nitei ve thung a ni .





"In va bengchheng hlawm tak" ham Bai Bai chungin Siampuii chu inchung atang alo chhuk kei aiin a tho tlai.Ka pindan a ka luh chuan ka phone eng chu alo thim hman chiah ka Keng lo tih reng reng ka lo hre lo.Mordred hnen atangin a ni,call let ka tum lai takin a rawn call nawn leh.






Hello"ka tih rual rual chuan "Naute phone ila thei lo a"a rawn ti thuai nidangin zingah min lo call ngai hauh lo,morning wish hi min lo thawn mai ţhin."Nia,kan va bazar lawk a ka phone ka lo Keng lo a" ka tih chuan a rawn sawi zui lem lo."Zanin velah ka lo kal hman dawn lo a lo hrilh che ka tum"a rawn tih chuan a chhan ka lo zawt vat."Ka cousin USA mi ka sawi kha zanin vel hian alo thleng dawn a Lengpuiah lam tura kal ka ngai dawn a"a rawn ti .A cousin a sawi hi cousin mipa a neih chhun a ni nen a hma pawn an bula alo awm tur phur lutukin min hrilh tawh nghe nghe."Vawikhatmah ila hmu lo iti sia I hrethei dawn ami" ka tih chuan a ngawi deuh vung vung chu ka lo nui hak.



"Thlalak ka inthawn tir mai ang ,nih loh pawn ka u ka hruai tel mai ang" ahnu chuan a rawn ti leh a ri zui deuh rak rak mai.Anu au in thlalak tih vel a sawi ni maiin ka hria"Lo dah la a thlalak ka lo thawn ang che"a tih vang chuan call chu ka daha whatsapp lamah ka lut zui , thlalak min lo thawn ka download rual chuan ka phone chu ka thlauh thla pawp a a thim zui hmak bawk.





Facebook a chhiarna tur link
https://www.facebook.com/groups/991354610918230/permalink/5610905698963075/


WhatsApp group ah zawh theih a ni bawk ang
https://chat.whatsapp.com/KbAcO0VxBIa7n29gH59eYg


Show post links
Top

[Ngaia]

ENCANTADO 6

CHAPTER 6


Ka phone chhuat a tla chu ka melh ngawt ngawt.Ani khan a hre lawk angem? Nge nia Vanrammuana ang tho hian a hre bik lo? Vanrammuana hian khami tuma min kai hrang tupa kha tuna a cousin a hmuhchak em em mai hi a ni tih hria se engtin nge a tih ang? A cousin bialnu hlui te chu min kawp reng duh dawn em ni?.




Ka room kawngka lo inhawng ah chuan ka lo Phu deuh uih "Kha ngati nge I phone I switch off daih inpa hi a mangang nasa nia,be teh"Siampui chuan nui har har chungin a rawn ti lut barh barh."Ihh...a chhe daih"ka phone chhuat let bal chu ka melh zawk ,ka thil hmuh khan min ti chawmawlh vek miau a ni.



Nia , Mordred an a hmuh chak em em mai a cousin kha Carlos a ni miau .Mahse eng nge pawi vak tur awm Chuang kan in ngaizawnga kan inţhen a ni ve mai.Ka rilru chu ka ti Pau khauh zual sauh.Aw thian kharh in Siami phone chu ka ban "Tinge phone ilak theih leh tak loh a?"a aw ah chuan a mang a ang ve tih ka hre thei."Sorry ka thlauh palh a,a thim nghal hmak a" ka tih chuan "A tha e,thlalak chu I hmu hman em? nge I hmu hman lo?" A rawn ti zang vah .






"Ummm...hmu hman e" ka tih chuan ka ngaihdan te min lo zawt luam .Ka bialpa hlui a nih thu ka hrilh a tulna a awm a ka hriat hran loh avangin ka sawi chhuak ta lem lo.Mahse,hmuh ka huphurh ,kan inţhen hnu lawkah Jane nen an inkawp tih ka hria ,a hnu reivak loah an inţhen leh tih pawh Lorie ka atang ka hre leh zel .Min rawn biak leh ka ring hauh lo ,mahse Mizoram kan awm hnu pawn text in min lo la be ngar ngar ka reply ngai lo ,a chang hian tum loh lutukin ka lo seen leh zauh thin tih mai loh chu.




"A fel hmel" ka tih chuan "Keipawn a fel ka ring,a chhelo I ti em?" Min rawn ti lehzel ."I sawi ho ka dah"ka tih chuan a nui hawk hawk thawm chu ka hria ka dah zui ta tho.Siami chuan kan thusawi chu a ngaithla lo tih hriat lutukin ka phone chu alo hum ran tawh."Engtin nge maw ti khawp hian a hmai a keh theih ,I vawm zawk a ni lo maw? Ka thlauh ve lah in ka phone lah hi chhe ve duh der lo" atia ama phone zawk chu a hau ta daih ni berin ka hria.Ka phone chu on theih tho mahse a LCD vel a chhiat hnehsawh reuh lutuk vangin siam tir ka rilruk ta deuh ringawt.




Chaw ei laia ka phone chhiat thu ka chhungte ka hrilh chuan ka inthlahrung ve reng."Engtin nge I tih chhiat a?" Ka pa in alo ti thuai."Phone tih chhiat hi chu a awl a sin aw,tunlai phone phei hi chu Darthlalang hlang a ni ringawt a keh zung zung mai ni" Omaman alo ti ve vat.Min tihbuai hi chu peih ve hle mahse ka thlavang hauh dawt lo hian min hauh dal thei tur zawng hian thu hi alo Kam khat ve hman ziah.







"A thar lei law law zawk la,Mate I hmang rei tawh tho in ka hria ka hriat sual loh chuan"OPuia ve thung a ni."Chutia ,I u ten an tih chuan a that chu lei mai la tiraw I Pawisa ka lo thun belh mai dawn che nia"Ka pa pawh chuan a rawn ti veleh Siami chuan mit ko min lo tih San khum zauh zauh."Ti daih ila Pa Banking lam hi kan try ve hrim hrim teh ang" OMama chuan ka pa te a hmingin a rawn rawn der ve ni mai in ka hria,a chhan chu phal lo pawh nise tih luih a tum leh dawn tih hi kan chhungkua hi chuan kan hrechiang lutuk tawh tlat.





Chhunah chuan bazar Turin Siami leh Sawmkima te nen kan chhuak ho ta dial a.Sawmkima hi a rawn leng peih ber bawk nen ka cousin te ah ro ro chuan nel tawh tak ka ni.Ka phone hlui a thlalak awm ho vel ka la duh avangin siam Turin kan dah hmasa phawt ."Thil min treat thei a nia,heti ngawt a tan zawng a ho emai"Sawmkima chuan a ti bul bul reng .Pahnih ngawt kal ai chuan tiin Sawmkima peih lo chung driver atan kan pawt chhuak deuh rawk rawk.










"Keichu sum ka neih loh zia I hria e"Siamin alo tih chuan alo chek zui hlak."Ka treat dawn che nia,man to deuh chu ti bik lo la "ka tih chuan "Yes Chiang sa hmun hran hranah a man tlawm in a ni mai" "I chhe zet zawt lutuk Malsawmkim" hmalamah a bu nghal dawrh."Siamkawi I mawl a mi,nge ni a a hun lo a hremhmun kal I duh zawk motor ka khalh hi" hemite pahnih awm dun tawh hi chu ui leh kel thlun pawlh ang an ni chhe dun zet zawt lutuk mai.




MC a bazar tura kan luh kawi chuan Sawmkima pek chuan "Thil inlei pawn nangmahni in inkeng ang,min ken tir hlek Suh ang che u"tiin a in tlawh khalh lawk diam."Hemi kawr hi a nalh reuh lutuk"Siamin alo tihna lam chu ka pan phei ve vat. Graduation day karleh maiah kan hman tawh dawn avangin tuna thawmhnaw hak tur vel lo lei pawh a pawi tawh hran lem lo.







"Ha chhin la ,I tawk chuan kan lei dawn nia" ka tih chuan a phur ngang mai."Kan inthlak lawk ang"tiin inthlakna room an siam ah chuan a tlan lut nghal vat.A lo chhuah chuan a inhmeh reuh bawk nen a pian a ti lang nalh em em lehnghal ."A man ka lo pe ang"dawr neitu nu bulah chuan ka ti zui zat."Zomuan mahse a to ang"inthlahrung tih hriat lutuk a ,alo tih chuan a pawi loh thu leh ka pocket money tur ka khawl thin thu in ka lo chhang daih,ka chhan dan chu inperh San viau mahse kawr leina man tur chu ka nei ka intihna angah ka ngai hmiah.







"Awi heihi a nalh lutuk,ka ha chhin anga ka tawk chuan min lo lei ve teh Zomuan"Kan chhuah dawn chuan Sawmkiman alo ti ve leh kan hawi phei nak chuan ,Ha chhin rawh tih lam ai mah chuan kan nui nasa zawk kawrfual pink a nghawng V shape chhing lam deuh hi alo khai va va mai.




"I bialnu size a ni lo ,a awmah a tawt ang"Siamin nui khur dar dar chunga a tih chuan "Oh ni tak e,nang angin a bet ve tawi lo tak" nui duh hauh lo a a tih pah chuan a chhuak zui chu Siami chuan ngei hmel lutukin a melh leh rawm rawm tawh."Ţawngthei leh lutuk mipa pawh a nih ka ring lo e a" a tih ngaihna hre lo chuan a ti ta ringawt.



Dawr pakhat kan kal pelh tur chiaha an kamis zawrh chu nalh ka tih em avangin ka tawi khawmuang leh rih a,chu chu ka kalpui te pawn an lo hria tih hriat lutukin an lo ding ve chawt ."Kal ang u" Sawmkiman a tih pawh chuan ka la che chang lo."I awt viau a nih chuan leisak mai rawh" hei chu thlem tu liani a ni ve hrim hrim.Rei fe kal lo a ka din Tak rengah chuan Sawmkima alo thaw chhuak deuh halh mai.




"Sawmkim lo kal teh"tih pah chuan dawr chhung lamah ka luh pui ."Ka ta tur min lei ve loh chuan ka ha chhin peih lo a nia" hepa thluak han vawrh dan em em hi chu aw."Ha lo in kan teh mai ang che" ka tih chuan "I phakar lutuk aw Zomuanpui I nu ka hrilh a ni mai"a rawn ti vei kha kha.





"Heihi han ha chhin teh"tia ka pek chuan sawisel lo in a ha ve mai,kamis pawl dal lam rawngkai niin a par tlem a awm a ,Mordred nen ka mitthla hian a inhmeh dawn riau hian ka hria ,a vun a nunga ngo hluak ni lo mahse hmeichhe tam zawk chuan an awt ang tihtur vun nei kha a ni miau a.

Sawmkiman a tawk chiah avangin a aia size lian a awm leh awm loh ka zawt vanneihthlak lutukin pakhat an lo la nei hram chu ka la nghal hmak.





Phone kan lei zawh hnu a kan haw lam chuan Sawmkima lungawi lo insawh tau nghawng nghawng reng chu Siami nen kan nuih tawp."Kei Tshirt 500 man min lei a ,I bialpa tan Cheng 1000 man lai I seng a"vawi nga a sawina ni tawh.


A sawi leh chuan kan lo sawi pui ve mai mai "I unaupa ka nih hi"a ti leh rih thin."Malsawmkim ,ngawi ve hle hle rawh I duh leh I bialnu kha leitir ve mai rawh" inhnial an tan leh dawn.




"Hetiang man min lei tur in Pawisa a nei lo,a thu hrimah thawk a phit hian Ka bialnu hi sawi ve ziah suh"
"I bialnu lei tir ve mai rawh tih chu eng nge I lak nat viau a,I neih a ei char char a nih hi hre ve ta che,Ramnghakmawii aia tha hi an tam lutuk ,dik tak emah te chuan I birthday pawn gift a pe ngai lo che ,nang ve chuan in mothsary zawng zawngah I pe vek a ,I birthday ah tak ngial pawh a dawng tu tur zawkin I pe a,I birthday a a ni gift pek khan eng sawt na nge I neih chu ai chuan nutei te kha pe zawk ta che" alo ti let ve leh hmarh hmarh.



Keimah ber zawk a hi a ni lo inthlahrung chu ,duh aiin Siami hi a inrawlh hnem ka ti a,mahse a unaunu a nih na ang ah a dik ka ti ve tho bawk sia.Sawmkima chu a ngawi ta reng Hetiang chuan an inngeih mai dawn in ka hre tlat lo."Sawmkim chhuk la ,a hnungah hian thu rawh chuan Siami nangpawh lo chhuk re re Suh ang che"tiin motor ka tih din tir hnu chuan ka hrilh."Ka thu in awih loh chuan ka pa te bulah ka sawi vek dawn a nia"tiin ka vau leh zui kha kha bawk.



A hnungah an pahnih chuan ngawi rengin an thu dun kar ,naupangte inhnial ang maiin insik hlau lutukin a sirah ve ve an thu a,tukverh lam an in hawi chhuah San daih bawk."In inrem hma chu kan haw dawn lo a nia" ka tih pawh chuan min chhan an tum lo ve ve ni ngei tur ani an chip hmak mai.Ka earpod chu ka vuah san ta daih hla chu ka ngaithla pah bawk tlema kawng thawl lai deuh a ka kawi leh vak thin chuan an inngheng deuh rak rak zel chu car hma Darthlalang atang chuan ka hmu ru reng.





An inbe ta nia ka hriat chinah chuan pangai thei ang berin ka khalh,ka hla ngaihthlak na sound ka tih rin vak loh avangin an ţawng a then a mual mual chu ka hrethei deuh."I then ang chuan ka hmu ang"tih vel te ni deuh nawk mai.An inrem nia ka hriat hnu chuan kan inlam pengah chuan ka tlan zui."Ka ţhianpa chu han hmu lo na teh"kuttum a lek nghal uaih mai "Ka hmu dawn ,I duh leh Zaninah pawh rawn len pui rawh" an thil tih dan chu ka hrethiam ve hauh lo.







"A nih kan rawn kal anga room ah tawm tlat tawh Suh ang che"
"Sure,sure " hla ka lo ngaithla kha ka inchhir leh nghal veng veng mai .Inchhung kan luh chuan Siami bulah chuan ka ding zui vat,Sawmkima erawh a haw thla tlang thung.Sawmkima te nen hian veng khata awm ni mah ila keini veng chung lamah kan awm a an ni veng mawng lamah an awm daih thung.




"Vat ka hre ve chak sawi vat" a room ah chuan ka zui lut thil dang ka khai pawh chu ka pindan lamah ka dah hmasa ta lem lo."A ţhianpa hi min tih pui a tum tlat ţhin a,amah chu chutin a chhia pawh a ni lo,mahse not my type ang chi kha I hrethiam mai em" a nui pah nghal hak ."Ngati nge I duh loh?" ka tih chuan "Hrechiang lang chuan maw ,I duh lo fuh iti ang" a ti Sam leh mai






"Sawi zau la" ka tih tak zelah chuan "A khirh hmel lutuk,a hmel a rorum si,min eizo duh hmel a pu in ka hria,ka sawi zawng pawn ka mur sung sung thei,amah hi vengkhat Val senior a ni tawh an ti lehnghal " ka lo nui hak "Keichu ka duh pui deih zawk che,mahni ai upa hi an tha zel"ka tih chuan alo ner nang mai."Bel Chiang phawt la ,chumi hnu ah ngaihdan I Siam dawn nia"ka ti leh ta luam.



Inchunga ka chhoh chuan ka phone lei chu ka bih ngar ngar, Whatsapp download in account ka siam tha leh,a pawimawh tur chin ni a ka hriat ho chu sim card a ka save mai thin vang hian number ka la ngah viau tho mai.



Zanah chuan a sawi lawk tawh ang ngeiin Mordred chu a rawn lang hauh lo.Mahse,rin loh lutukin Chhani leh Angaihi an lo lang nawlh ,Awm awmi chu hmun danga a zin lai anih hmel."Kan lo tlawh leh tawh che pawn kan hre lo a,kan lo kal a nih hi"Angaihi chuan a rawn ti lut barh barh.Heihi chu a ţawng duh bawka ka Nel sa kha ni ve hrim hrim a Chhani erawh hi chu nel a har ka tih chi.


Siami te nen choka ah thu khawm in kan titi barh barh hlawm a khat tawkin Angaihin "Mordred nen hian in hmeh e" a rawn ti leh zauh ţhin."Lalngaihsak" ti a Chhanin alo khap ţhin bak lo chu a rawn ţawng awm pawhin ka hre lo.


Chhani hi kei aiin kum khat in a upa chung hian ka û lem lo thung û a duh lo ni ah ka ngai.Kan haw tan tirh khan choka a kan awm laiin ka û a min melh rum lutuk kha ka tlan chhuak daih a nih kha.Siamin ti hian a sawi a "A ni hi chu ,lan senior hlau ang chi hi a nia ,a rual pui awm deuhin a an u hian a thinrim mai ţhin a,naupang ho a vahte pawhin ahmingin an ko vek alawm"a ti nih kha.


Khami atang khan ka la ko leh ta lo hrim hrim.Dar 7 leh a chanve vel bawrah Sawmkima leh a ţhianpa chu an lo lang ta ngei,Siami va kal tura ka tih chuan min pawt bet tang reng bawk si nen "Va kal pui mai rawh" Chhanin a rawn ti ta khauh,ka hnial hran ta lem lo.Sitting room lama kan inzui phei dat dat chuan "Kal hmasa teh "tih pahin Siami ka hnung lamah a rawn let tha leh.Ka pa te ho nen Sawmkima te chu an lo inkawm chu niin ."Siambawih hei lo thu ta che u inthian te an lo len hi "ka pa chuan a rawn ti var.






"Ni e,mate ka rin aiin in lo phei har "Ka nitei pawh chuan alo ti a ,a tho zui tharh "I pa ka ban bia ange ,tun tum a zin chu alo haw har hmel sia"tiin a tho zui mai. Ka nitei pasal hi mistiri hnathawkin Mizoram khawi lai hmun hmun emaw ah hian an ruai ţhin a,in lamah a awm tam lo khawp mai.Rei vak lo ah ka pa te pawh mu turin an lut zui .Ka pa te an awm ta lo bawk a ,a ti nge Sawmkima pawh a hma a ţhut dan nen chuan dang tawh tak a ni.




"E Zothan heihi kan cousin a nih hi,USA ah an awm char char a ,hmanni deuh lawk khan an lo haw a ila hmu awm pawn ka hre lo" tiin min rawn hmel hriat tir "Zomuani a nih hi aw,a ni chu no vacancy"hepa zeh zuah hi chu aw a kam hi a kal mah mah ţhin chu a ni.Zothana a tih pawh chu alo bu nghat nghat mai.



Sawmkima chu a ţawng barh barh reng a,TV kan en deuh thap ni berin ka hria Siami ka va en zauh chuan hma lam a melh ding ngar mai nuih a ti za lek lek zawk .Zothana erawh chuan Siami chu a melh ru zauh zauh reng tih ka hre kar thung."Kan zung lawk ange"ti a Sawmkima a chhuak mai chu ka lo melh vat mit min rawn siai chuan ka hrethiam mai."Thingpui ka va la lawk ang"chance kan pek tum ber nu in a tih chuan a ni lo zawk chu ka thu ran mai.








"Engthil nge maw I tih le?"ti that aw chu Angaihi a ni.A hnu rei lo ah Chhani nen chuan rawn inzui chhuakin nichin lama a awki lo ang tak in an haw tawh mai tur thu min rawn hrilh zui zat.Chhani erawh chu a chhuak nal nal tawh thung.







Ngawi renga han awm chu a dik lo nia ka hriat avangin "Siami hi nangman I hre sa hrim hrim nge , Sawmkima sawi atang chauhin I hria" ka han ti thla deuh thawr ."Keiman ka hre sa" a aw chu amah a pa len tluk zetin a thum .Siami lo lut leh chuan thingpui no hnih a rawn chawi lut amah chuan a in ngai lo phawt ah ka ta tur a ni hrim hrim ang."Hei ka ta tur mi"tia ka kawh chuan rin ang ngeiin alo bu nghat .Thingpui chu la nalh in chhuah zui mai ka tum chu Siami lam ka hawi chuan min ui hmel tang tang khawp mai.



Ka phone ka lek tak zauh si ah chuan a Insiam rem thuai.Zung tura insawi si kha kitchen lam ka phei chuan kitchen ah alo awm kar tawh."Thingpui ka duh ve sin,zei lutuk hi pawi chang a awm dawn tlat"a rawn infak tel ni ber hian ka hria."Ni teh se,ni teh se"ka tih chuan a nui deuh ruh ruh mai.




Ka pindan lama ka luh chhoh chuan call leh message ala awm hauh lo .Mordred last seen ka check chuan vawiin chhun lam daih a ni.Ka laptop chu la in movie ka enkual ta vel mai mai.Dar 10 velah mu tur ka Insiam lai chuan ,Mordred phone call alo lut a ka la rang teh e "Hello" ka tih chuan lehlam ami chu a ri deuh rak rak reng."Hello" ka tih nawn leh chuan aw zang vah mai hian "Aw Naute sorry thil dang ka lo ti leh a"a rawn ti zung zung."Ka lo ti harh che em?"alo tih leh chuan min tih harh loh thu in ka lo chhang thuai.




A sawi dan atang chuan a thleng deuh chiah a nih hmel.Siami nen an inngam tho Alawm tiin Siamin inleng a neih thu ka hrilh chuan "Ka hria alawm"a lo ti mai.Engtin nge a hriat tih lam chu a ni ka lo ngaihtuah daih .Thil dang ka sawi leh hma chuan "Mu tawh rawh a tlai tawh" phone call chu a dah zui hmaka a ngaihna reng ka hre lo.



Zing ka thawh pawh chuan a morning wish engmah a awm lo"a chau anga ala tho lo a niang"tiin keimah te chu ka inhrilh leh ta vel mai mai.Inkhawm ban pawh chuan engmah ala awm Chuang lo min lo biak chu a hun tawh asin maw le.Zan lamah chuan inkhawm tawh lo in ,ka lehkhabu te chu ka bih ta vel mai mai.Nilenga Mordred reh erawh chuan awm nuamin min siam lo a,a chhan tur awm ka hre bawk si lo a,han tih vak ngaihna ka hre tlat lo.




Nimin zingah kha chuan pangai deuhin kan inthlah kha a nia,zanah lah khan a tlai tawh avanga mu tura min tih kha a ni Leh mai sia,naktukah zawh chian ngei chu a ngaih hmel.Lorie in min lo call tih ka hmuh chuan ka pick up thuai a a aw ah chuan hlimna leh phurna ka hre thei hial .Ka rin lawk ang ngeiin thil a thleng "Boss khan min duh thu min hrilh a,a sawi dan phei chuan a rei tawh a nih hmel"A sawi laia a nui hmel tur nen ka mitthla hian Lorie hi ka lawm pui tak zet.






An induh ru tawn tih kha chu kei mi a zawng a mi zei zia hrethiam lo ber pawh khan ka hmu thiam tlat a ni.Chawlh laia zin tura min chah chu min chah uluk khawp mai."Tih huk lam pawh kan hlat kher lo maithei asin"a rawn tih chuan ka lo uan pui deuh hlut kha."Taka Christiana pawn haw vanga induh kher a ti tak che" ati a,kei erawh chuan "A ni pawn min lo be bik lo a ,a induh ve tho tihna a ni mai ka lo ti ve tlat thung.




Kan inbiak zawha phone ka dah chuan number hriat loh atang hian message ka dawng nawlh a,chupawh thlalak hlir a ni . Notification ah a lan tho vangin midang an thil zawrh lei tura min rawn tihna a nih ka rin vangin ka check zui peih lem lo.Ig lamah lutin story up ka tum chuan Vanrammuana leh hmeichhe pakhat in haw lo tih hriat lutuk a an kal dun lai hi a lo awm.Rang lutukin ka WhatsApp chu ka check vat ka rindan hi a dik chiah number hriat loh hnen ngei atangin a ni ka dawn ni.



Chiang leh zual in ka en a hmeichhia chu ka hriat hnu ang riau in ka hre bawk.Mahse ,thlalak hi finfiahna tling niin ka hre lo a,chuvangin Mordred hi zawh fiah hmasak ngei phawt ka duh.[Tunge I nih?] tih chu a in one tick ringawt avangin a online rih lo a nih ka ring.[Angaihi aw, lo save ve rawh number in neih tawn loh ngawt zawng a dik lo,a hmingin unaute kan ni ve a] tih min lo thawn tu number chu enin ka save zui a,[Ka save e] tih ka thawn nghal thuai.


[Hman zan thilthleng kha min ngaidam dawn nia aw,ka tum vanga lo au pawh ka ni hran lo nia] tih alo thleng zui leh chu a pawi loh thu in ka lo chhang ve .A rawn sawi dan chuan [Hman zan khan mipa pakhat nen a kan pahnih a kan awmdun lai thla kha Chhanin lo la in Mordred a thawn a,chumi chu ka hau a ] a rawn ti a,Mordred lungawi loh chhan tur chu ti khan ka hre ta mai niin ka hria.



Angaihi nen chuan thil ho mai mai sawiin kan inbe ta reng a,zan ka mut dawn a WhatsApp ka check chuan number hlang hnena ka thawn chu a in blue tick kalh tawh mahse chhanna reng ka dawng lo thung.Mordred pawh naktuk lam ah ka hmu ngei tur a ni tiin ka rilru chu ka sawh nghet sauh sauh.



College kal tura ka Insiam lai chuan thil hre chhuak thutin ka wardrobe a ka kamiz dah that chu ka la chhuak a,ka bag ah ka thun thuai . Mordred an min lo hruai tur thu engmah a rawn sawi loh vang in ka car chahbi chu ka bana ,Siampuii ka au zui bawk."Inpa in alo hruai dawn lo che mi?"Car kan luh rual chuan min zawt zui."Dawn lo a niang"tihte chauh in ka chhang.


College kan thlen chuan chhuk ta mai lovin Siampuii chuan make up chu a inhnawih tha leh te te phawt a,mahse chutia han lang a Han hnawih vak ang chu a ni lem lo.Rei fe college kan awm hnu pawh chuan Mordred hmel reng ka hmu lo.Class kan neih avangin class lamah kan inzui phei a,class ah pawh chuan rilru ka pe thei meuh lo.





Ka rilru ah a awm reng avangin Mordred chu "Ilo thleng tawh em?" tih ka thawn ta ringawt.Minute 5 hnu velah min rawn reply in canteen a an awm thu in min lo chhang.Kan lecturer a chhuah veleh chuan Siampuii chu pawt tho lawp in ka kal pui nghal chu a phun zui hlak hlak.



Canteen kan thlen chuan ka hmuh duh ngei mai chu alo thu vang mai ,chupawh hmeichhe bulah lehnghal."Engtin nge I tihdawn a?"min ngaichang tih hriat lutuk chuan ka bul mi chuan a rawn ti."Kal ang"tih pah chuan Mordred te awmna lam chu kan pan.

"Class in nei zo tawh ami?" Mak tih hmel lutuk a min lo en chuan hmui ka lo tih sawih khum zauh a ka in kuangkuah run bawk.Hmeichhe pakhat chuan a ţhut hnaih em vang chuan ka melh tel pah zauh chu a lo kiai deuh suk mai."Lo kal teh" tih pah chuan min hruai hrang nghal nalh.



Huan lama kan din hnu pawh chuan ka la ngawi reng ka rilru len zia a hre lo nge min run luih nge ni a ka thikthu chhiat na koh chhuah a tum pawh ka hre nek lo.
"I thinrim a mi?" Nui chunga a rawn tih chuan ka lo chek deuh hlak."Niminah eng nge I tih" ka awki chu a nem vak lo."Ka inkhawm a,chuan " "min biak na hun I nei lo a" a thusawi chu ka lo pawt chat."Chu lam pawh a ni lo" a thusawi ah chuan thildang inthup awm ni in ka hre ve tlat .



"A nih englam nge minute khat sawi nan hun I nei"ka tih chuan a thaw deuh hak mai."Hmeichhe pakhat nena in thlalak ka dawng" thaw deuh halh chunga ka tih chuan ,"Engtin " alo ti thuai."Tunge a nih kha nu kha?" thudik min hrilh tura ka duh zia hi hre tel thei se ka ti."Ka u ,a nih kha a damlo in check up pui Turin ka hruai" a tih chuan bu nghatin ka bag chu ka dap zui nghal rak rak





"Ka thusawi hi I ring ti raw?" A tih chuan bag hai pahin ka lo bu nghat nghat."Lawm lohna I neih chuan tha deuhin min hrilh hmasa la,min rinhlelhna tur awm chu I neih chuan min zawt fiah hmasa thin la ,Keipawhin chutiang chuan ka ti ve ang" ka ti a.Ka bag a a kamiz tur ka lei ka dah that chu phawrh chhuah ka rual bawk.



"Heihi I ta tur graduation day ah I hak ngei ka beisei ang" ka tih chuan a lo ka deuh hau mai."I duh leh ha chhin la ,nih loh pawn I haw hunah pawh a theih tho" ka tih chuan lawmthu min hrilhin min rawn kuah nghal vang vang."Nih ,Siampuii chuan inleng chu a nei tak tak em?" ve leh thung chuan "Umm ,I duh leh zawt la" ka tih chuan "Ngai lo nangmah ka ring zawk che" a tih chuan ka nui deuh var var.




"Mipa nen a inpahnih chauha in awm lai kha ka dawng a ,chuan" a chawl deuh dat a,"Min lo thawn tu khan I unaunu in leng anga I sawi tur thu a sawi a,I rawn sawi leh ta sia" a tih chuan ka hrethiam lo ,tunge hetianga kan pahnih inkara inrem lohna lo siam tum tu hi ni thei ang le.Kan in ami daih chu mihrangin an lo lak thu a awm bawk si lo.Angaihi khan thla kha Chhanin alak thu chu a sawi ngei a ,mahse tiang ti duh tur mi ni in ka ring bawk si lo.


Show post links
Top