ENCANTADO BY Tetei Velez Khiangte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ENCANTADO BY Tetei Velez Khiangte (Completed)

Unread post by Ngaia » May 7th, 2023, 12:12 pm

ENCANTADO
CHAPTER- 19


Thingte pawhin an hnah hlui te an ti til thla a,a hnu ah hnah thar a ai mawi leh tha zawk chawt no nan hun a pe leh thin ang hian ,ka hringnun in bung thar a Kai a ,hma lam pana chak tak a ka awm theih nan ka rilru ka sawh nghet sauh sauh angai a ni tih hre chungin a ni ,helai hmun hi ka pan leh tak ni.




Hun kal ta hlim awm tak tak te kha theihnghilh theih a ni ngai dawn lo a ,chumai bakah natna tam tak min pe a ,he thinlung keh chhe thei a ser min siam sak tu pawh hi theihnghilh mai harsa tak tur a ni.



He hringnun ah hian Thuthlukna harsa tak tak ka siam a tul fo dawn a ,chumi ka thuthlukna harsa tak siam tur zingah chuan Ani kalsan kha a tel ve Miau a ni.





Parallel world hi awm se chu parallel world ah chuan a kiangah awm rengin tum ang hian ka thlah thlam hauh lo ang .Ani nen chhungkaw hlim tak kan din dun ve anga ,chu kan khawvelah chuan hlim takin kan leng dun ve thei ngei ang.





"Hun harsa kan tawh lai hian Pathian kan bel tlat thin tur a ni a,zu leh ruihtheihthil lama tlan hian kan nun mai ni lovin kan thlarau nun thlengin a chhiat phah thei a ni.Amaherawh chu i hlim lai pawhin a kiangah lawm thu sawiin ţawngtai theihnghilh ngai Suh ang che."tiin ka naupan tet atangin ka nu leh ka pa ten min hrilh ţhin.




Khang hunlai khan hun harsa ka tawh ka in beisei ngai lo ,he ka harsatna min sut kian pui tur hian Pathian hnenah Chuan ka dil ngei anga ,engkim a lang in tha nghal duak duak lo mahse ka rilru chhungril a dam theihnan tal ka dil ngei ang.




"Kan tum dawn hnaih tawh avangin kan seat belt theuhte hreng tha Turin kan inchah a ni e". Air hostess in a rawn ti a,khua chu a tlai ruih tawh a tlaini tla Turin kawl mawi takin a rawn chhung eng bawk .



Ka seat belt vel ka check tha mawlh mawlh a ,muang changin kan tum thla zui riai riai bawk."I chau em?" Carlos chu en in ka chauh loh thu in ka chhang thuai ."Engtin nge ,ka sawi awmzia chu khawi ah nge I thlen dawn ?" Tiin min zawt zui leh a "Lorie te inah ka thleng ang ,ka awm ve reng ang " ka tih chuan a bu nghat nghat .




"An lo hruai dawn che"
"Aw min lo lam tur thu an sawi a " a sawi zawh hma chuan ka lo chhang a ,engmah a sawi zui tawh lo.



Air port chhungah chuan ka hawi kual ngial nangin Lorie leh Will hmel awm reng reng ka hmu hauh lo.Ka phone phawrhin ka call ta ringawt a ,"Hello,kan lo kal hman lo a ,ka u kan lo tir tawp a awm reng tawh ang. Chuan thil ,lo thleng phawt zawk teh" engmah pawh ka sawi hma in a rawn ti zung zung a .




Ka bula Carlos ding pawh a lo nui suk mai."I u chu ka hre lo nia ,kan naupan lai bak kha ka la hmu leh si lo a" ka tih chuan ngaihdam fe hian "Aman a hria che lawm" a ti leh mai a,henu vei nei lo lutuk hi chu buaithlak a ni e.



"Ka dah phawt ,kan buai deuh a " a ti a chhan pawh ka chhan hma in a dah zui hmak."Hahthlak thei e " ka ti hlak a ka bul ami chu a ri meuhin a rawn nui chhuak hawk mai.


Ka hawi kual deuh a A hmel awm dan hriat tawh loh chuan hmuh mai chu har tak a ni. Lorie u Liam hi chu a pi te bul lama a naupan laia a awm hran daih vang hian kan tet lai a kan inhmuh ve zeuh thin bak chu ka hmu meuh lo




"Blair" mipa aw thum tha deuhin a rawn tih na lam chu ka hawi thuai a ,"Lo lam tur che chu mi" ti a min lo zawh chuan ka lu ka lo thing mai ."Liam ka nia" ti a min lo pan tu mipa chu ka lo nuih var var,mi ka nuih var var hi chuan sawi tur ka hre lo tihna a ni tlangpui.



"Ka kal tawh mai ang aw" Carlos in a tih chuan Apa chu lo dam thuai tur leh ka ţawngtai pui ve tur thu in ka chhang a,ka la tlawh ve ngei tur thu in ka chhang bawk.



Car awm na lam kan pan a ,ka luhna Turin kawngka alo hawnga ka luh hnu in ka bungrua a dah lut sawk sawk a ,a ni pawh alo lut zui ve thuai a.



Ahma a tet lai kha chuan a cher hle kha a nia tunah chuan dang tawh tak a ni.A taksa leh a pian pawh a chhe dawn lo tih Chiang takin a hriat theih ,a thawmhnaw Hakin a pian ti lang lo mahse a pian a mawi dawn tih chu Chiang tak a ni. A hmel chu tlemin a rum lam rawng a Kai deuh maha a nuih tam hmel viau lo .Asang em ema,a aw pawh a thum tluk zetin a mawi bawk.Hetiang u nei si hi a inti thei lo ka ti zawk .



"Lorie te inah zawk ami I thlen dawn" a tih chuan ka lo aw vat."I lo Lian tawh hle mai" a ti a ,a thusawi chu ho a ti ve tho a niang a kiai suk mai .




"Lian tawh e ,nangpawh I Lian tawh Alawm" ka ti ve ta tho a.Kan ngawih zui rauh rauh hnu in "Hetah I awm ve tawh ami?" Tiin ka zawt a "Ummm" tih zawngin min chhang ,a hma ang chiahin ala tawng tlem reng a ni ngei ang.


In kan thlen chuan Lorie alo phul hlut a,an in hi an luah hnu a ka vawikhat luh ve na chauh a ni .Ka sawi tawh em ka hre lo ,sap Ram angah hi Chuan an fate an puitlinna kawng zawh Turin kum 18 an tlin hian an mahni in an inngaihtuah ve ţhin.Mizoram angin an senior thak thleng an nu leh paten an chawm ve ngai lo.





"Will ... rawn chhuak teh ,Blair alo thleng tawh a nia" tiin a au zui lang lang a . A hnung lam ka thlek deuh nangin ka la hmu mai lo."Lo lut rawh u ,ka lo theihnghilh daih lawm" a tia ,a nui zui har har mai.



"Tawlh sawn la" ka hnunga dingin a tih chuan "Ni tak" a tia a tawlh sawn zui."Khawnge Blair chu" choka tanga lo chhuakin Will chuan a rawn ti a ,Inchhungah lutin ,a chhip atanga a ke ler thleng ka en chhuak dap a nuih ka insum hman lo.




"Apron nen eng nge I tih?" Ka tih chuan kiai sukin a lu thak lo pui a hiat zui a ."I ţhiannu ka ngam chiah lo a" a tih chuan pakhat chuan lei a lo chhuah khum zauh.


"U theitui ka lo lak ang che aw" Lorie in a tih chuan a lo bu nghut a.Lorie pawn kitchen lam panin ava ri rak rak a a hnuah theitui nen alo chhuak ve leh . Keipawh sitting room ah ka thu a ka bungrua ho chu kawngka bulah a ngai ngai in ala awm vang mai.





"I chau awm sia I duh leh I pindan tur lamah kal daih rawh ,Lorie hi Chuan pindanah a luh tir mai lovang che " ULiam in alo tih chuan ka bu nghat nghat nangin ,ka pindan tur pawh hre hmasa lova luh tum ngawt chu a har deuh dawnin ka hria ni.





"Lut daih rawh" a tih leh chuan "Ka pindan hman tur ka hre lo a" a tih chuan "Ni tak" a tia a ngawi zui leh daih. "Lorie ,Blair hi a pindanah hruai rawh a inti fai duh ang" Will in Lorie lo kal a hmuh rual chuan alo ti a ,Keipawhin in bualfai thuai thuai ka chak tawh ber,a dawtah mut.






"Ni tak,lo kal rawh"
"Boss...bungrua hi min lo ken pui lawk" a ti zui leh zat."Boss ila ti renga" ka tih chuan nui pat pat chungin a bu nghat. Henu nghal reuh lutuk hi chu aw ,a koh rual a Will phun hluk pawh ka hre hman.



"Helamah hian" tiin in chung pindan pahnihna zawkah chuan min luh pui a , Will a hausa bawka ka pindan tur pawh zau tak a ni.



Ka bungrua Will in alo dah zawh chuan ani chu a chhuk lehnghal mai a."Le eng thil nge thleng sawi tawh rawh lem?" Kan pahnih a kan awm hnu in a ti a ,ka kut a vuan ran bawk .Ka thil tawn te chu keiman ka hriat ang chin chin chu ka hrilh fai ta vek a.Ka sawi zawh meuh chuan thawk ka la hawk thei,chuan ka sawi lai khan ka taksa a tang Tung tih ka feel bawk.





"Ka rin ang a ni lo, ka ngaihsan ruk vei nen " a ti ringawt a ,adang sawi tur a hre vak bik lo a niang.Min khawngaih hmel deuh hian min en a ,min kuahin ka hnungah a beng zui thak thak a "A hrehawm ngawt ang, theihnghilh theih I tum hram dawn nia" tiin min hnem ve malh malh a.




Ri phawr phawr chi ni ve mahse puitlin chang riau a nei ţhin,tunah pawh ka tan a tha ni awm a sawi zung zung mai.


"Inbual fai rawh dinner tur ka lo zuk buatsaih ang " tiin min chhuahsan a .Ka phone phawrhin Ka nu leh pa ka call a ka thlen tluan thu ka hrilh a ,an Al ri deuh nuaih nuaih reng bawk nen an ţawng chu hriat har tak a ni.




Mordred missed call pawh a awm ,ngati nge a ni hian min lo la call talh .Ani theihnghilh tum hian a ni lawm ni he lai hmun hi ka pan ni.Angaihi pawn an nupa thlalak chu hmang nasa tak a ni.Tunai a ka rilru a nat hlau in ka phone chu ka switch off zui ta daih a .Shower a ka in phuh tir meuh chuan ka hahdam sawng sawng mai,ka lu ni deuh luk pawh a zia deuh.





Ka inbual zawhin inhnuaiah ka chhuk thla a ,Will,ULiam leh Lorie te pawh sitting room lamah an lo thu deuh thap . Ka chhuk chu min lo en deuh thap a ,"Eng nge I an tawh a?"Will Chuan alo ti thuai a, Ka chanchin tlangpui Lorie hian alo hrilh tawh a nih ka ring.




"Ka tha"tiin ka nuih lui sang a,"Ka u hian chaw alo ei nghal dawn a ,chuan an college ah hian I lut ve dawn nia ,I vannei tawp a thawh Tanna ala rei lo a mahse alo buaipui thei ang che "kan thusawi thlak nan chuan Lorie in a rawn sawi chhuak a .





Dinner kan Kil ho lai chuan Lorie chu a titi bawrh bawrh a tuman kan zawm ve chuang lo.Kan ei zawh hnu in kan eina vel keiman ka tifai ve thung a ,heipawh keiman ka tih tlat vang a ni.



"U naktukah Admission ti Turin Blair hi hruai rawh aw" a u haw dawn Chuan a ti a ,a biak pa pawh chu a lo bu deuh nghat mai.



Lorie in a u a chah uluk bawk a, a tukah chuan an college ah Admission titur chuan min hruai ta a. Ka U reng chu a Ning deuh ni ngei tur a niang "William pawh I u lo,kan inrual reng "a ti bung deuh nghat mai.




Ka phone number chu ka thlak zui nghal ta daih bawk a.Ka chhungte chu ka number thar ka hrilh leh thlap a,Siampuii,Sawmkima leh Chhani te pawh ka hrilh leh thlap a Mordred erawh ka number pe lo turin ka hrilh nasa viau.




Ka number thlak chhan pawh amah a ni,min lo call reng a,ka phone pawh ka tih nun loh phah reng reng a ni.



Thla khat vel dawn lai chu USA ah ka awm leh der tawh ,Liam nen kan inkawm nasa zual a ,kan inhmuh tirh a a ţawng duh loh ang em em chuan a ţawng duh lo hran tawh lo . College kal Turin min rawn sawm ziah a kan haw rual ziah bawk.





A chhiat loh em avang hian zirtirtu te leh zirlai ah thawk na vet vet tak a ni ringawt.Vawiin hi February ni 14 chiah a ni , rilru in nunhlui a chhui kir leh a Vanrammuana nen kan inkawp tirh lai te kha nimin ang maiin Chiang takin mitthla in a chhui let leh a ka biangah mittui alo luang leh hman der tawh.




"Min lo nghak rei em?"ka bul lo pan mek tu in min hmuh hlau in ka mittui chu ka tuai zui thuak . A lam ka hawi chuan chik deuh a min en chung hian "I tap em ni?" A ti thum deuh dut a .




"Ka mit ah bawlhhlawh alut a ,a tla tawh"tiin ka lo chhang mai thung."Nih lut ila" a tih chuan car kawngka chu pawt hawngin ka lut zui ve mai ."Nupui neih ve I hun tawh I senior tawh" ka tih lah hian a ngaihsak tha duh der lo lehnghal .





"Liam,amak e I bialnu hmel hmuh la chak tawh a nia duh zawng I nei miah lo ami?" Hahthlak ti deuh a ka tih chuan nui sukin "A rilru dam hun ka nghak a " a ti a ka lo hawi a heu mai .




"In in hauh te chuan thlem ve la" tiin thurawn ka pe ve tak na in "Kan in hau lo " a ti leh tho sia."Eng nge awmzia " ka tih Chuan "Mipa dang a theihnghilh hun na nghak,amah vang khan tun thlengin a la tap thin a,khapa kha ka thik takzet " a ti a,a bek a pawng zui tawlh tawlh a ,a thik hmel takzet .A bialnu tur chuan a ni ang Mipa tha a tawng tur hi a vannei ka ti takzet a.Mahse Liam thusawi vang chuan ka bo thui telh telh.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 7th, 2023, 12:13 pm

ENCANTADO

CHAPTER-20


"In in hauh te chuan thlem ve la" tiin thurawn ka pe ve tak na in "Kan in hau lo " a ti leh tho sia."Eng nge awmzia " ka tih Chuan "Mipa dang a theihnghilh hun na nghak,amah vang khan tun thlengin a la tap thin a,khapa kha ka thik takzet " a ti a,a bek a pawng zui tawlh tawlh a ,a thik hmel takzet .A bialnu tur chuan a ni ang Mipa tha a tawng tur hi a vannei ka ti takzet a.Mahse Liam thusawi vang chuan ka bo thui telh telh.


"Lungngai Suh ,I duh zia a hria anga nakinah chuan Nangmah a rawn pan em em ang che"tiin ka hnem ve mawlh mawlh a .Ka lam lo hawi hian a nui suk a "Chu chu I ngaihdan maw?"a tih chuan nuih var var in ka bu nghat nghat.




"A nih nangmah ni ta la ,engtin nge I awm ang" a tih leh chuan chhang mai lovin ka ngawi rauh rauh a . "Ka tawn hunah chiah thuthlukna ka siam theih ka ring ,tunah chuan hriatthiam a har" ka ti ta ringawt a.



"A nih lo tawng ta la " a tih leh chuan "Tawng ta ila" ka ti a ka thluk fan deuh raih "I chhan theih ka ring lo rengah,ilo ngaihtuah dawn nia" a ti a Hospital kan thleng zui mai."Ka lawm e aw,tian kinah Motor ka lo hmang tawh mai ang" tiin ka chhuak zui a ,bu nghat in car hnung lam a ban zui vut a ,thei basket chu rawn khai chhuakin "Kha dam lo ,I Kan dawn sia" tiin min rawn pe a,thil ken tur chi engmah ka lo ngaihtuah reng reng lo tih ka hre chhuak .






"Ka lawm e aw,kinah a man ka pe mai ang che" ka tih chuan a ngaih loh thu in min chhang deuh tlat.A Car glass chu a up a ,a tlan chhuak chu ka thlir liam zui vang vang.



Hospital ka luh chuan a chhungah Carlos in min lo nghak a,basket a thei ka khai ho chu ka en a nui var varin ka pan phei zui thuai.



Carlos bul ka thlen chuan ka thei khai chu ka pe thuai a "A ngai lo a sin" a ti a mahse a la zui leh ta tho.



Apa chu a mu hil a lo harh chiah a ,ka rin ai phian in ka hmu zia awm lehnghal.Mi an lo lawm thiam ve lutuk te chu a kan tu nih a nuam zawk.



Ka awm rei meuh chuan rilru na a reh a ,amaherawhchu thin lunga see awm tawh vang hian engtin chiah nge ka awm zel dawn ka hre lo a ni.



5 years later (Kum 5 hnuah )


"Ilo thleng har lutuk a ,kan buai hman tep a ni" hotel ka thlen veleh chuan Will in min lo ti thuai."Sorry,kawng laklawh ah tawh sual eng emaw ka tawk palh a lawm le" tiin thu pha ka chawi nghal zung zung a ,min lo hrethiam khawp mai."I tha reng reng em?" Ti a min zawh chuan bu nghat in meeting na hmun tur lam chu kan pan dun a.




Kum kalta mai atang khan hotel sum dawnna zauh in William te nen hian hma kan la a ."Kan hotel din tumna te hian ,an ram hi hralh an phal chiah lova" tiin chanchin min hrilh pah mawlh mawlh . University ka graduate zawh veleh William te hotelah hian ka thawk chho tan nghal a . A hma Lorie nen a an thawhdunna thin restaurant kha chu hemi an hotel zinga peng pakhat alo ni reng a .





Ka hriat chhuah tan tirh kha chuan mak ka ti ve viau mai.William te chhungkua hian hotel Lian leh hming thang tak tak pathum lai an lo nei renga, a awmzia takah chuan mi hausa tak an ni tihna a nih chu.



"A pawi lo tih dan a awm mai ang" tiin kan mi hmuh turte bulah chuan kan va thu zui a . "Ka pi, ka pu a hma kan lo sawi tawh ang khan " Will in a ti dek dek a ,a nupui zawk alo teu hlar mai . "Kan hralh dawn lo tih vawi engzat nge kan sawi tawh" a ti nghal tan tan .






William chu en in ka kut ah dah vek tawh tih nan ka buk khum zauh a ,a ni pawh a ţawng zui tawh bik Chuang lo."Min rawn hmu nawn leh tawh Suh u" ti a thawh leh mai a tum chuan "Ka pi lo la thu lawk teh u" ka ti a ,an thu tha leh zal zal ."In ram hi a pass na engmah innei lo a,chu lo ah helai ram in hralh loh nan a vau tu che u an lo awm a nih chuan sawi hreh lo Ula,Chuti a ni lova kan kut a hlan in la duh loh talh a nih chuan dan hmangin kan chin fel a ngai tawh ang" ka ti deuh dap dap a an ngawi ran mai.






"Tunah nangmahni in ham thatna in chan theih lai hian pawm mai Ula a tha ang",ka tih chuan an nupa chuan phawk deuhin an inmelh nghal hra a .



"In ngaihtuah nan hun rei lote kan pe dawn che u a nia" tiin Will chu ka signal zui zauh a . Pawnah minute 10 vel kan nghah hnu in kan let leh a ,a pasal zawk chuan "Ram chu in lei kan rem ti e" a rawn ti a ka nui nghal sak bawk.




Tunah hian Lawyer ni chungin hotel director hna ka thawk pah mek bawk .Ka hna hi nuam ka ti a ,a bikin lawyer nih hi nuam ka ti a ka chak zawng tak a ni bawk. Hna ka kawp chungchangah hian Lorie leh Will hian min sawisel ngai hauh lo.





"Ka lo thleng tawh" tih message ka dawn chuan tho zui in ka kal a ngaih thu William chu ka hrilh a contract ka siam sa chu ka pe zui a ka chhuahsan nghal.




"I lo va thleng hma ve " hotel kawt a lo ding chu ka nuih var var ,"Lo lut la" a rawn tih sup chuan car kawngka chu pawt hawngin ka lut a . "I chau em?" Min ngaihtuah hmel Zeta min ti tu chu ennin ka nuih var var a ,ka chauh loh thu hrilhin ka lu alo chul zauh.




"Khawnge kan kal dawn a" ka tih chuan " surprise" a ti deuh mai . "Kan thleng e" a tih chuan kan HMA lawk a building in sang lem lo tak mahse a hmun hma rem leh lun zet mai ah hian min hruai a ."Eng nge heihi awmzia?" Tiin ka zawt deuh ha ."Law firm din I chak thu I sawi thin kha" a tih chuan awih lo zetin amah chu ka en nawn leh ngat a ,alo bu nghut thung.







"Ka lawm zia hi,ka awih thei lo" tiin car tang ka tlan chhuak a ka phi deuh Cheng bawk ."Surprise Blair" a tih chuan alamah tlanin ka kuah nghal thlawp a ,"Ka lawm ,ka lawm lutuk ringawt " ka ti a ka hlim zia chu ka sawi thiam lo zawk .Min lo kuah let ve in ka lu ah a rawn fawp zui vang vang a "I hlim hmel aia hmuhnawm tluk a awm lo" a ti deuh sup a.







"Liam" ka ti tham deuh tiak a,min lo nuih mai thung.A chhung kan en chuan a hmun a nuam chu sawi loh a building pawh ka duh chi tak vek a ni.




"Ka awih thei lo" ka ti leh hluai thin chu min nuih deuh tawp."Nikum aţang khan Liam nen hian kan inzui ve tan a ,chu pawh min nghah rei tawh em vang a ni.USA a ka let leh hnu khan kan inkawm chho zui reng a kum tawp lamah min duh thu min hrilh bawk.


A ni chuan ti hian min hrilh a "Vawi tam biak hmasak che ka chak thin,kan naupan lai a kan in bul a in awm lai atang daih tawh khan ka ngaina in ka duh tawh che,I kiangah chuan sawk tur tam Tam ka hre lo a,nangmaha engkim mai khan min ti buai zo em em vek ţhin.Bialpa inei tih ka hriat khan ka hnual rawih thin " a ti a nih kha .




Ka duh loh thu in chhang thin mah ila min nghah tur thu in min chhang tlat a ,kum 4 dawn lai min nghah meuh chuan tiin inkawp ka rem ti ve ta hram kha. A nia.



Min ngaihsak zia tih lan a hreh lo a ,nitin in min hmangaihna a ti lang zual nasa telh telh thin Amah hi duhna leh hmangaihna ka la nei thei miah lo erawh Inthiam lo tak ka ni.



Car a kan chuan luh leh rual a ka message lo lut ka hmuh rual chuan ka ner zui nang ,Liam ka hmuh chuan phun hluk in "Min van ti chhang chhe tak "a ti zui ve hlak a .



"Kal ang le" ka tih chuan phun nawi lo in Laura te school lam kan pan a .Laura hi Lorie leh Will te fanu a ni tunah kum 5 na a hmang ve mek bawk.Ka insawn kum khan innei in nau an pai zui thei mai a an vannei tak tak a ni.





"Mommy" ti a naupang lo tlan chhuak chu lo nuih var var in ka lo kuah zui thak a ,"Thu ilo awih em" ka tih chuan a bu ve nghat nghat mai."Keiman ka lo pawm ang che aw " ti a Will in zo tak mai a ,a pawm kan nawlh chuan a khek zui deuh raih a,ka lo nui hak hak.




An pahnih hian pa fa tak tak emaw ti tawk an awm nual mai ,a putea ni awm reng pawh alo ni.



""Zomuan" hnunglama lo ti tu vang chuan ka nui lai ka tawp zui riai riai ,a aw hi hrechiang tak ka ni.In her in ka va en a "Mordred" ka ti chhuak zui zat bawk.



"Mommy...ka rilţam tawh nia, Daddy kan la kal dawn lo mi" Laura te reuh chuan a rawn ti a ,Kan pahnih hian kan awm nasat em avangin Mommy , Daddy min ti mai ţhin.




Mordred chuan chik tak hian min en a ,keipawn ka chik zia chu ka hria A khabe hmul chu tlemin a to siar siar a ,a chauh hmel hle bawk ,a hma aiin alo lang upa veleh tawh zawk bawk .





Mipa naupang kum 5 vel ni awm tak chu a pawn ran bawk ,Angaihi nen a an fa a nih ngei pawh ka ring . "Kal ila" ti a ka dar a Liam in min lo khawih chuan Phu zawkin ka kal pui nghal a .Mordred te kan kal pelh hnu pawh chuan ka hnung lam chu ala za mer mer thei.





A hmel a mak tihna kha ka hmuh hmaih hauh lo,helai hmun hi Engvangin nge alo tlawh leh ni ang le.




Lorie te inah Laura chu kan dah chuan nui huah huah chungin a lawm thu a sawi a ,an fapa alo hrai mawlh mawlh."Thawhpui that tur kan nei a nia a aw, helai hotel leh an hotel thlun zawm an duh a" tiin Will in min lo hrilh ve bawk.




"I ninawm inah hna chung chang sawi a ngai lo" Lorie in alo ti hlak hlak a.Lorie te inah pawh awm rei lo in ka in luah lamah ka haw a ,Liam pawh lo lut kawi lovin a tlang zui nghal a. Siampuii nen kan inbiak chuan nui nasa tak ka ni "Ka Ning e , Zothana hi Tlungvelah kan Zina ka Pa te vawk kha "Bawk in van nei cute " a ti nih chu " a tia a lawm lawm ah ka tang ,bawk cute tak ka la hmu lo.




"Mordred kha " a tih chuan "Kha lam chu sawi lo ang" ka tih San ta daih a .Kan inbiak zawhin inbual faiin dinner ka ei a ka mu zui nghal mai bawk.




A tuk hna ka kal chuan office a lo thu pa chu ka lo melh deuh ha mai ."Nang eng nge hetah" ka tih chuan "Blondie" ti supin min rawn en a."Vanrammuan nang hmuh nawn leh che hi ka duh tawh lo" ka tih chuan "Ka insawi fiah vek ang " a ti a ,mahse a ni thusawi hi awih tur chhe te mah ka hre tawh lo.



"I duh duh a min tih kawi tum Suh, I chhuak thei ang" ka tih chuan min melh deuh tlawk tlawk ."I van ah ring ang reng ve ,Blair" ti a Will lo lut chuan a rawn ti a ."Ehe ,Mr.Mordred ilo thleng tawh maw?" A tih zui zat bawk.Vanrammuana hi maw nizana hotel thlun zawm duh a tih kha ,ka awih thei lo.







ZANINAH TIH TAWP KA TUM VIAU NANGIN A LAKLAWH RIAU AVANGIN NAKTUK ZANAH LAST CHAPTER KABLO DAH ZAWK ANG AW


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 7th, 2023, 12:13 pm

ENCANTADO

CHAPTER-21 LAST CHAPTER


"I duh duh Amin tih kawi tum Suh I chhuak thei ang" ka tih chuan min melh deuh tlawk tlawk "I van au ring ang reng ve,Blair " tiin Will chu alo lut a ."Ehe,Mr.Mordred ilo thleng tawh maw?" A ti zui zat bawk. Vanrammuana hi maw nizana hotel thlun zawm duh a tih kha ,ka awih thei lo.




"Will ,keichuan thawh ho kha ka pawm lo" ka ti deuh nghat a,mak a tih hmel khawp mai. Mordred chu lo nui sukin "Ti teh ,Blondie"

"Ti khan min ko tawh Suh" ka ti bak nghal hlur .

"Zomuan,mimal nun leh hna hi thliar hrang ve deuh teh" a ti nih chu reuh hian a ,kawngka bula dusbin awm hi ka la lawk anga ka khawng fawk zawk dawn em mawni.


"Ka thliar hrang ,I rin tlak loh zia ka hriat vanga Thawhpui duh lo che mai ka ni" ka tih chuan Keipawhin ti lutuk chu ka inti ve ta deuh. "Ka hrethiam Alawm" a ti leh a nuam lo tih hmel deuhin min enzui bawk.Ka sawi tur ang ka sawi zo vek tawh a , ngaihtuah Chiang hmasa lo a thusawi phawng phawng hian midang rilru kan ti nat sak thei a ni tih ka Chiang viau bawk.




"Will nen khan inbe rawh u" ti a chhuah ka tum lai takin Liam a rawn lang deuh hlawl." Eng nge ilo tih dawn a?" Ka tih chuan "William Laura a che sual palh a ni awm e " min en lovin William chu a melh ran a.



William pawh chu a hmelah a chiai tih hai rual a ni lo ,Pa nih a tlina a fanu hi atan chuan Lalfanu leh a neih chhun tlukin a ngaih sak ţhin.Lorie pawn a neih tirh khan a thik hial a nih kha.




"Engtin nge a chetsual " ka lo tih chuan "Carah kan sawi mai dawn em ni ang" a ti a ka lo bu nghat."A zia lo hle mai Mr.Mordred Nidangah sum dawnna chung chang chu kan sawi leh mai thei angem?" tiin polite takin a rawn hmasa a "Pawi love " ti a alo chhan chuan a tlan chhuak zui nghal thuai.




Zui ve nghal mai tuma ka pen tur chiah chu ka bana min lo vuan chawt tu vang chuan ka ding leh chawt.Min vawnna kut ka en chuan rang lutukin a thlah zui nghal a."I kal ve dawn em ni?" Mak tih hmel deuh a min zawh chuan "Kal ang chu Laura a dam loh chu" ka ti a ka hlauh thawn em vangin ka tawng ring thei tawh lo.





"In biak kan ngai" a tih leh chuan ka chhang tawh lo."Blair" lo ti tu chuan mak min tih hmel khawp mai. Mordred pawh en leh tawh Chuang lo chuan Liam chu ka pan a ,a bul ka thlen chuan ka dar ah lo kuah in min kal pui nghal dat dat a.




Garage kan thlen chuan William alo awm tawh lo.Car a hospital lam kan pan lai chuan thil thlen dan chu a sawi zung zung a.A sawi dan kalhmangah chuan a infiamna lamah a che sual ta a ni awm e.




Damdawiin kan thlen chuan Lorie pawh a hmel s ngui deuh nghiai mai ,a bulah thu chuan ka kuah ta ringawt a ,an pa in an fapa a pawn thung bawk.



"A dinhmun chu a tha , ngaih tuah awm a ni lo , a chal a kak avangin kan thui a ,tunah chuan kan mut hahdam tir rih" doctor lo chhuak chuan a rawn sawi zung zung a .




Ngaihtuah awm a ni lo bawk a tiin an cabin hauh a lut ve ta lo chuan Liam chu ka hruai hrang a.


"Nichin ami kha ,ka bialpa hlui kha a nia" ka tih chuan a hriat tawh thu in min lo chhang mai.



"Engtin" ti a ka zawh ha chuan "Ka chik thin che ,I mit meng hian engkim a sawi ţhin" a ti dam deuh dup a , en vang vang in "Min lo kuah" ka ti ringawt chu nui ri deuh sukin a ban alo phar hluai a . Reitak zawng kan inkuah lo ,a chhan chu helai hmun hi hospital a ni miau a.





Kar a liam a ,William an Mizoram lam nen a thawh ho a chak tlat miau avangin thawh hona thuthlung pawh kan ziak dawn ta nge nge ni in a lang.




Mordred nen a fala in biakna hun kan nei ngai lo a ,chu chuan Liam laka ka inthlahrung lutuk tur pawh a ti NEP ve deuh. Chhun chawlh kan nei lai a ka phone lo ri ral ral chu ka chhang thuai a.




"Induh pa" a rawn ti nghal deuh thawr "I ninawm Malsawmkim mipa ka ni lo" ka tih chuan a nui chhuak hak ."Lo haw tawh rawh ,nizanah nupui ka ru kan innei dawn" a tih chuan "Engtin a ?!" Tiin ka ding chhuak hluai a ,hre chhuak Leh in " Mi hi dawt min hrilh min hrilh thin suh" ka ti zui hlak a .




"I fing tlai thei si" min ti nih chu "Mipa dawt sawi peih deuh tuman pasalah an duh lo " ka tih chuan a duai lo nasa mai.




" Duh teh reng e ,palai tirhna tur in Pali vel ka nei lawk tawh" a ti a kan nui dun leh ta nge nge.



"Dik tak chuan ka bialnu neih apiang Siampuii hian a sawisel ve ziah ,'Saw chu a lerh hmel,A fel ka tih zawng a ni lo,Hrawn hrehawm tur a nih saw' a tih loh leh thildang a sawi a " thutak deuh zawk a alo tih chuan "I hma a ngaih vang a nih chu ,nang chu fapa naupang ber nu leh pa bula awm tur I nia nupui tur thlan uluk I ngai bik Alawm" tiin ka lo hrilh ve leh dap dap a.




"Hmeichhe chhuahpui chu in buaithlak ,Zothana pawh Siampuii ka lo tih pui mai kha pawi ka ti tak tak a ni a ngam lo nasa bawk si " a ti a ka lo nui hak hak.



"Chhani leh Siampuii ka bazar pui chu e " a tia a sawi zui a "Kawngah hmeichhia ţhian za ho in kal pel se an nuih ho dial chuan "Min rel a nih saw" an tia an ko let leh lo chauh a ni" a ti a ka nuih a za telh telh.




Sawmkima nen kan inbiak zawh meuh chuan ka pum a na vek thei hial a ni.Status ka en kual leh phawt a Siampuiin a status a Angaihi leh mipa khat a hman chu Chiang tak a ni. "Hlim reng Ula ,nupa kawp chawi hlim tak nih in tum dawn nia" tih caption ah a hmang bawk.





"Eng nge awm zia?" Tiin ka va reply a ,a offline vang a niang a in one tick ringawt.Ka phone dah tha in ka inbual zui a. Ka pi boral lai ka mitthla in a chhui kir a ,haw loh theih loh a nih miau avangin Mizoramah ka haw kha a nia. Ka vanneih nge ka vanduai ka hre lo ka haw lai khan Mordreeh Angaihi tr in check up tura phai lam a an kal lai alo ni hlauh a ka hmu ve ta lo kha a nia.





A hnu a ka bula an chanchin sawi tum a piang ka be tha duh lo zel a,a chhan pawh Angaihi khan ka hmangaih tak fa a hrin sak dawn hnai tawh tih ka chian vang ani.



Ka inbual zawh a ka chhuah chuan ka phone lo eng chu a thin chiah ,en thuai in number hlang a nih vangin ka call let hran lo. A hnu rei lo a a rawn ring leh chuan ka la thuai a ,"Hello" ka tih chuan a reh zui vung vung .



"I hre thei em, tunge" ka tih pawh chuan ala ngawi deuh tlat."Amak e !! Min lo biak te chuan ţawng nachang tal hria la " ka ti ta thlawt a ,ka ngawih ve tak tlat vang nge call chu a dah ta daih a.




Ka message a seen rualin Siampuii call a lo lut nghal zat .

"I thil lo thawn hi ,I hre ve lo tak tak ami?" Ka chhan hma hma chuan " A awm tho mai ,I ngaithla duh ngai miau lova"a ti zui zat.



"Anih ka ngaihthlak lai hian sawi vat" ka tih chuan thaw deuh halh hian "Angaihi leh Mordred kha kum khat chiah an innei ang "a tih chuan "Enga!" Ka lo ti deuh that.



"Amak ,ngaithla rawh " dawh thei lo tih hriat fe hian a rawn ti deuh hluk . "Mordred khan Angaihi naupai kha a fa a nih a ring lo a ,mahse finfiahna a nei si lo a ,kum khat a nghak a ,a awmzia takah chuan Angaihi fa neih hun leh tlema a len deuh hun tihna a ni ber ang" tiin a sawi mawlh mawlh a.


"Chuan a hnu DNA test in a fa alo ni lo tak tak a ,khami hnu rei lo ah khan an inţhen zui a ,hrilh che ka tum apiangin I ngaithla duh ngai lova" a ti a min zilh leh zui mawlh mawlh.



"KEIMAH ni la I ngaithla duh dawn bik ami?" Ka tih chuan a ngawi zui leh daih a phakar reuh mai siah."E " a rawn ti leh hluai a "An inneihni a ,USA a I let khan maw ila kal loh ringin I kal tih a hriat veleh khan airport alo pan ve nghal a mo hruai lai vel a mopa ber awm lo kha an sawi duh asin aw" a ti zui leh vang vang a.






"Angaihin a sawi dan phei chuan an inneihni aţang in zu a in nasa a ,harh fim lai a nei meuh lo a apa pawn a khak fo " a ti a .


"Chuan Angaihin a sawi dan phei chuan 'Ka tih loh tawp tur ka ti Ani,an ni pahnih kha lo pawt then lo ila tunah hian hlim takin an awm dun ngei awm sia' a tia a inchhir thu min hrilh fo mai. Mordred pawn a tuar nasa tih chu a taksa tla deuh duk atang pawn a hriat theih" a ti a .




Mordred ka hmuh leh hmasak berna ka ngaihtuah let in a cher ta lutuk kha mak ka ti a nia. "Mahse hmanni ah pawh naupang a pawn lai ka hmu a,an inang lutuk" ka tih chuan "In inhmu tawh maw?" Tiin ka thusawi ngai pawimawh lo deuh chuan Zawhna min zawt ta daih a.





Kan inhmuh tawh thu leh thil thleng ka hrilh ve luam a "A nau pawm chu a Ufanu a ni ngei ang" a ti a .Angaihi chu tuna a naute pa nen hian an innei dawn ni awm takin a sawi bawk.



Mut hmunah thil ka ngaihtuah a ,Mordred hian kei ai nasa in alo tuar a ni tih te chu ka rilru ah alo lang a .Ani khan khang hun chhung khan engtin nge alo tawrh thin ang le. Heti khawp hian min siam a ,mahse finfiah hmasa lo in ka kalsan kha a ni sia.




Ka nun hi ping pong ball ang maiin a sawt kual a sawt kual a nih ber hi.




Zing ka harh chuan ka mut that loh em avangin ka mit a thial deuh urh a ,ka in en chuan ka mit a sen deuh Ram bawk thil hlui ngaihtuah in ka lo tap muhil a ni ngei ang.




Ka nun awmze nei tawh miah lo kha Liam hian a thar a min thlak sak tumin a bei mek a ,mahse a hmaa nun awmzia min zirtirtu hringnun khan kei ang tho a harsatna alo tawk ve reng bawk si.




Hma lam ka pan dawn nge ni a ,a hnungtawlh zawngin a hma a ka nun ni thin kha ka pan leh ang. Hmasial takin a hma a ka lo hmangaih thin kha ,ni lo tun thlenga ka thinlunga la cham reng mihring kha pan ta ila ka hmalam hun tur atana min lo nghak tu hi ka ti na viau angem?.



Zingkar atang Zawhna tam tak chhan sen loh ka rilru ah a lo lut zung zung mai.



Hna ka kal te chuan ka nguai vek thei hial "I va dam sam loh hmel ve" ti a min lo be tu chu melh pawh ka melh duh lo . Hmu lo der a kal San mai ka tum chuan ka ban ah lo man chawtin "Zomuan" a ti deuh sup a,ka melh ve ta nge nge .



"In bia ang" tiin hotel chungah min hruai a ,hnial lovin ka zui ve zel ka mittui a tlak loh nan ka insum ngar ngar bawk.


"Ka tih palh aw " a tih chuan ka la Kun deuh chal a ,"A rei tawh theihnghilh tawh rawh" hnuai lam bih ngar in ka inpet ruh Fan fan a.



"Ka hmu chak che sia,ka lo kal a nih hi" a tih chuan amah ka melh ve ta nge nge . "Min ti na nawn tur in tinge ilo kal reng a , Ngaihzawng dang neiin hma ka sawn ve dawn chiah a tinge ilo lan" ka ti a a awmah ka dam zui dat chu ka kut lo vuan in a hmet zui vawng vawng a ,min pawt hnaiin min kuah zui vang vanga ,he taksa hi a hma khan ka thlahlel hle thin a nih kha.





Inlak hran ka tum rualin "Reilote chiah " a tih avangin che lo in ka awm ve reng. "In hmu tawh ngai lovang" a inlak hran rual a ka lo tih deuh hmak vang chuan a hmel chu a buai nak hman tih Chiang takin ka hmu a ,mahse rei a ni hauh lo.



Inhnuaiah ka chhuk San ta daih a , alo chhuk ve mai ka rin laiin alo chhuk hauh lo.




Hotel lam kan buai em avangin kan bang tlai hle a chuti chung chuan Liam an min rawn hruai a tum tlat avangin ka la nghak tang tang a.



Alo thlen rual chuan ka lo kuah deuh thlawp chu mak a tih hmel viau. Restaurant pakhatah min hruaiin box pakhat hi min pe a ,"Happy Anniversary" a ti a ,ka lo hre ve Miah lo tih ka hre chhuak,ka Inthiam lo viau bawk.




"Tih palh Liam" ka tih chuan a pawi loh thu in min chhang mai a ,mahse nuam ka tih phah Chuang lo .Rawn tho in a chet dan tur chu ka ngai changa, ka sam ka tawnna chu rawn phelhin ka sam a chul mam zui thuak a .



"Eng nge I tih?" Ka tih chuan "I awm a nuam thei si lo a ,heihi min present ah ka pawm sak ang che" a tih chuan ka lo then deuh sak.



Dinner kan ei dun lai a ,ka phone lo ri chu number hlang a nih vangin ka chhang mai lo.Mahse ,a rawn tih nawn tluk tluk tak vang chuan ka pick up ve ta hram a . "Tunge aw" ka tih chuan "Hemi phone neitu hi tun mai khan a accident a" a tih chuan "Tih palh heihi tu number nge ka hre lo a " ka tih chuan .


"I hre lo maw ,Blair tiin a save a ,a biak hnuhnung ber ini sia ka lo call tawp I hriat loh chuan a pawi loh chu" a ti a "Lawk ,engtin nge a accident a na viau em,khawi hospital ah nge an hruai" ka ti zung zung.




Ka Hlauhthawn em avangin ka che deuh nuaih chhuah mai ka tum chuan Liam nen kan kal dun tih ka hre chhuak Leh hnuhnawh. "Tih palh ,Liam ka thian a accident a " ka tih chuan lo ding hluai in "Lorie ni lo midang" ka ti a ,a bu deuh nghat.



"Ka hruai ang che" a tih chuan ka chhuak zui dawr dawr a , hospital awmna ka hrilh hnu in a pan ve mai bawk.




"Doctor... Mordred...." Tih chiah ka sawi thei ,a thih ka hlau em a ni ,a hnena ka thusawi hnuhnung ber thleng khan ka inchhir tak zet.A awmna hmun lam nurse in min hrilh chuan ka tlan zui dawr dawr..Ka thlen chuan doctor in "Ngaihtuah awm viau a ni lo , naktukah chuan a harh mai ang" a ti a ka thaw huai thei.




Ka dar a lo dawm tu an awm chuan ka Phu deuh zawk thei . "Liam " ka ti hluai ringawt. "Hepa hi ka thik ngawt mai ,a accident tih I hriat rualin I phili nghal vek a ,amah ngaihtuahin I tlan dawr dawr a nia" a tih chuan ka Inthiam lo tak zet.



"Ka tih palh aw ,I rilru Ka ti na viau ang " ka tih sap Chuan a kut a a awm dawm hian "Helaiah hian na chu a awm ve " a ti a ,a nui hul deuh hak bawk.



"Hepa hi I la duh tih I hmuh leh ni khan ka hre daih tawh Alawm ,chuvangin ka thik hle a ni.Mahse keichuan I hlimna tur hi ka duh ber a chuvangin a ni hnenah hian kir leh la ka duh a ni. A tihnat nawn leh che chuan Keimah hian ka chhuah tawh lovang" a ti a a sawi zawh rual rual chuan a kalsawn nghal daih.




Cabinah ka luh theih thu min lo hrilh zui avangin ka lut zui thuai a ,dam lo khuma Mordred lo mu reng chu melh tlawk tlawk ka mittui chu ka hru nghal pap.A kut vuanin a bulah chuan ka thu thla ve a "Min ngaidam rawh aw , Vanrammuan" tiin ka phun chhuak sep sep a.



Ni zungin ka hmai alo chhun rual chuan ka harh siar siar a ,ka sam chul a min lo nuih var var tu ka hmuh chuan ka lai leh ringawt tawh hepa hu hang ka zo lo thei lutuk hi Keipawhin mak ka in ti.



"Min ngaidam rawh aw" ka tih chhuah sup chuan ka Biang lo chulin a nui sak a ," ilo hmeltha zual tawh hle mai" a ti daih a ka lo tum zui deuh bar.



"Min ngaidam tawh tihna mi" a tih Chuan ka lo bunghat nui sukin lo thawh kan a tum chu ka lo dang vat."Ka ngai tawh lutuk che ,I tello a kum nga hun rei zia kha ,thih daih chak Chang ka ngah a sin " tiin a chanchin min hrilh mawlh mawlh a ,ka lo kalsan ta kha ka inchhir lek lek a ni.



Karkhat Chuang hret damdawiinah kan awm hnu in kan chhuak ve thei ta hram a . A u te pawn min lo tlawh zinga awm pui an tum pawn ka awm pui loh chu a duh tlat si lo a ,nitin zantin ma riah pui ţhin. A u rilru ka tihnat avanga Lorie in min huat ka rin viau laiin "I hmangaih tak I nei leh thei hi ka lawmpui che min ti daih thung".



Liam pawhin Mordred chu vawikhat a rawn kan ve a "Ka thik hle mai che ,Ani ang mi tha in a hmangaih che a , vawikhat pawh iti na leh a nih chuan I hnen pan Turin ka siam tawh lo ang" tiin Mordred bulah a lo sawi bawk.



Mordred pawh a dam tah tawh bawk a tunah chhan ngaihtuah awm a ni lo.


"Zanah ka lo call ang che " ti a kan inthlah chuan min hnial lo ve teh tlat a .



Zanah chuan ka sawi ang ngeiin ka call a alo chhang rang khawp mai ."Lo chhuak teh" a tih chuan tukverh lam panin rang deuhin ka en a "Min hmu lo ang car chhungah ka awm" a tih chuan Insiam zui sawk sawkin ka chhuak zui a.



Car chhung ka luh chuan kan tlan chhuak zui a "Khawnge kan kal dawn a ?"ti a ka zawh chuan a ngawi deuh tlat. Hmun pakhat kan thlen hian a ding deuh chawt a ,a pawn lam lan danah eng hmun nge tih chu Chiang takinka hria.





"Eng nge awmzia hetah min hruai ?" Ka tih chuan chhukin min lo nuih var var a ,chhunglamah chuan ka kut laiin min luh pui zui a .



Football playground chu pangpar in mawi takin alo in chei dal a ,balloon a inthlung fur bawk . Eng chu an chhi a ,a incheina lai hmun chu Chiang takin a focus bik bawk. A mawi takzet tih loh chu sawi tur dang ka nei lo ,vanah arsi an tel tuar bawk si nen chuan a in chawih em em vek .





"Heihi" ka ti chiah tih chuan min lo ţawng khalhin "Zomuanpuii , I hming ka hriat hmaa Library-i ,ka hriat hnu a Blair-i chuan ka bialnu a nih hnu a Ka Naute-i ,nang ka tawng che hi vannei ka inti a,nang chu ka suangtuahna leh duhthusam khaiding tu ber ini a ,ka nun hi rawn chi hrang hrang mawi takin I rawn chei a ,I tello nun khawhar thlak zia leh reh zia ka hria a . Chuvangin I tan ka inserh hrang anga ,I tan chauh ka awm reng thin ang tih ka tiam a che.Khawngaihin Naute keihi i pasal ni Turin min pawm ve thei hram a ngem?"



A thusawi mal tin chuan min ti hlimin min ti lawm Tak zet Hetiang thil hi a ni nen kan tih dun ka beisei pha ngai lo. A kianga ka awm leh ringawt pawh hi ka tan chuan mumang ang tluk Ani.





"Min mei duh lo mah la keiman ka nei lui thi ang che" ka tih chuan nui hakin ka lam a rawn pan a ,a hmaa thi min pek an inneih hmaa ka pek let tak ngei mai chu lo phawrhin min awrh tir zui leh a ,zungbun min bun tel tir bawk. "Phelh tawh ngai Suh ang che " tiin ka kut chu a fawp vang vanga ,min rawn kuah zui leh hlu hlu .He pa lian a ,Captain-a ngei mai hi a ni ka tan khuanuin min pek chu ni.





Ngaidam tu nun hlut zia ka hre thar a ,mi ngaihdam zung zung Chu thil har tak a ni.Mahse a hnu a mi ngaihdamna sang tak kan neih hian kan nun alo hlim zawk a nih ngei dawn hi.




A hunte a dah thin Pathian chuan ka tan hun lo ruat lawk vek tawhin ,tun dinhmun hi min thlen pui ta anih hi. Kan rin Pathian hi innghahna tlak leh tluan tling a nih zia min hmuh fiah tir bawk.






A TAWP TA.



AW LE ,TI KHAN STORY CHU ALO TAWP TA A ,A TIR ATANGA A TAWP THLENGA MIN CHHIAR SAK TUTE CHUNGAH THINLUNG LEH TIH TAKZET IN LAWMNTHU KA SAWI A .CHUAN NIZAN A KA LO MUTTHLUK SAN VANGIN NGAIHDAM KA DIL BAWK E.



INLAK AH HIAN LAWM THU SAWI SEN LOH KA BA A NI E .


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)