ENCANTADO BY Tetei Velez Khiangte (Completed)

[Ngaia]

ENCANTADO 7

Chapter 7
Ziaktu Tetei velez khiangte



Kan tluang chho dun dawn viau nia ngaih hnu ah thil dang hi a lo awm leh thin .Mordred nen a kan thlalak chung chang kan sawi atang khan kar a liam leh tawh a, chuan naktuk lawk hi an graduation ceremony neih hun a ni tawh bawk a.Buaina ber ni ta chu tun din hmun ah chuan Carlos in a unaupa bulah a unaupa bialnu hmuh a duh thu alo sawi hi ani.



Chu mai nilovin a bialnu chu Mizoramah a awm tihin a lo hrilh bawk a.Mordred bulah kan inngaizawng thin tih sawi chhuah chu thil nuam a ni leh Chuang miah si lo .Han ngaihtuah chian pawh hian mahni bialpa hlui chumi chu ka bialpa hlui a nia tiin tuna I kawp mek I bialpa bulah khan sawi nuam I ti dawn bik em ni.Nuam I tih bik ka ring chiah lo.



Hne awm khawpin Carlos phone call ka dawng ţhin a,mi block ka duh loh nen a hmasa ber atana ka contact a ka block chu ka bialpa hlui a ni."Tunlai chu vei nei I ang,ka biakna che pawh I hre leh tawh lo a nia" ka sam ka benga lo zeh pah chuan a rawn ti thawp deuh salh chu ka lo nuih ta vel mai mai.




"Carlos a bialnu khan alo kawp reng a,a ti awm ang lo iti ve tho em? A that teh lul nen ,ka khawngaih tak tak a ni" a rawn tih chuan thawk ka la deuh vak."Thil hrilh tur che ka nei" ka tih chuan min melh nghal ran.Tunah hian restaurant ah Carlos kan nghak mek bawk a,alo thlen hmaa kan chanchin sawi hman ngei ka tum.



"Ih Carlos hi" ka ti hman chiah ang tih ah ka aw hriat chian em em mai chuan " Min lo nghak rei tawh em?"a rawn ti chu ka lo Phu deuh zawk thei hial."I dik Miah lo a nia,I dang vek" min ngaihtuah hmel lutuk a lo ti tu chu ka nuih lui a ni tawh ber.



Kan bul lawka lo thu thla pa chuan engkim hre lawk vek ni awm hrimin ,engmah mak tihna leh chi ai na a nei ve hauh lo chu mak ka ti a ni."Heihi em ni I bialnu chu?" a khi pah deuh suk a, ka bul a mi in a chhan dan tur ka lo ngaichang ran thung.


"Umm a nih hi" a tih chuan bathroom kal chhuan lamin ka thawhsan ta daih a."Ilo danglam ta hle mai" lo ti tu chu ka melh peih lo."Ka rindan chuan I bialpa hi ,a cousin nena in inngaihzawn thin thu I hrilh lo a nih hmel a" a ţawngkam chu a ngeiawm thiam khawp mai.


"Ka ta ini leh thuai dawn tih hria ang che" a tih chuan rap lutuk in ka lo en."I tan ka lo kal,chuan min hriat chian kha ka duh chu ka nei ngei ngei thin" Hetiang khawp hian alo inthup thei tih reng ka hre lo."Chu thil chu I mumangah bak a thleng ngai lo ang" seh chilh rap a ka tih chuan a lo khi deuh suk .


"Min thlah rawh" chang bel bawl chuan ka ti leh a,a ni erawh chuan kan awmna bathroom.chu a kalh zui hmiah bawk."Engthil nge I tih?"ka tih rual.chuan bangah ka bet nghal rawk.Min lo fawh mai a tum chuan duh angin ka chet tir thei bik lo ka lo thle sawn nghal zel."Hrep che hian Zomuanpui" tih pah chuan min thing nawk.




"Ka ta vek I nih hi hria ang che" tih paha ka awm lo khawih mai a tum.chuan a kut chu ka lo Ben thlak sak."Min rawn hnaih tum tawh ngai Suh ang che,ka duh loh zawnga I awm vaih zawngin a pawi thui ang" ka aw te chu a khur pah dar dar hialin ka hria.



Kawngka chu pawt hawngin ka chhuak zui nghal nal nal.Mordred amah chauh a lo thu reng lam ka pan chuan haw tawh mai ka duhthu hrilhin ka bag chu ka ban zui a,a hriatthiam loh hmel hle."Ka nuam Sam chiah lo a" ka tih chuan rawn ding hluai in "Ka lo thlah ang che ,I nuam lo viau em ? Hospital kal te I duh zawk em" a tih chuan chhang lo in ka ngawi reng."Bro,ka va thlah mai ang aw" a tih chuan Carlos chu kan bulah alo ding tawh a ni tih ka hrethiam nghal mai.




"Kal ila" a tih takah chuan kan inzui chhuak nghal.Motor a kan chuan hnu pawh chuan thildang vak ka ngaihtuah thei lo.Tiang khawp hian alo rap awm ang tih ka lo ngaihtuah ngai lo."Tunlai chu I dik lo ka tih tawh kha ,eng nge ni min hrilh thei angem" Motor chu ti dingin min lo en ran."Ka nawr lutuk che nih chuan min ngaidam dawn nia ,mahse ka ngaihtuah vang che a ni tih hria la" a tih chuan ka lo bu zauh.





Tu pawn nunhlui chu kan nei a,sawi chhuah kan duh emaw duh lo emaw hun hian sawi chhuak tura min nang chin hun hi a lo thleng leh thin."Naktukah thil hrilh duh che ka nei a ni a" ka tih chuan a phawk ang reng mahse Insiam tha vat in a bu leh ta nghat nghat zawk a.Lorie ka biak chuan Carlos chungchang vel chu ka hrilh a ,a ni pawhin a che maksak a tih thu leh nasa a tih thu alo sawi ve luam mai





Kan inngaizawng tawh thin tih Mordred hrilh ka tum chuan min pawm pui dawn emaw ka tih laiin a ni chuan "A ngai rih lo,in inkara a ti khi zau palh anga Carlos duhthusam a thleng dik a ni dawn a sin" a ti deuh tlat thung ang lawi a .Ka rilru chu a insual buai khawp mai Hetiang lehzel ka chhungte hrilh ka duh bawk si lo .Thil dang a thlen tak tak hma in ka hrilh ngei anga ,a niin ngaihdan chu a siam tawh mai tur a ni.






Thlalak dang bawk number dang atangin ka dawng leh a,hman ni lawk a min lo thawn tu tho kha a ni.Hmanni ami bawk hmeichhia nen khan a ni,mahse Mordred ngeiin a unaunu a nih thu min hrilh tawh vang in ka en liam vel mai mai a.Instagram Story ka en kual vel chuan Lorie in a screenshot hnu a hman chhawn leh chu ka chhiar nawn ka chhiar nawn , [You are the moon of my own sky ] tih a ni .








WhatsApp lama ka luh leh chuan Sawmkiman Siampuiin Zothana alo melh rum lai chu a lo hmang.[Ka tello in inleng chhuak bik a,I la third wheel zui] ka tih chu rang lutukin a rawn reply .[Ka third wheel bawk lo ,len chhuah pui Turin kan chang ve lo che lawm] hepa te zit zet hi chu aw inhnial ever ready a ni ringawt .




Sawmkima nen kan inhnial a ta langin message dang ka en ta vak lo.Ka mut dawn a chat ka check leh hmasak te te phawt chuan [ A bialnu hlui nen an thlalak ka thawn chung che pawn hai der in I nam nul dawn a,a bialnu hlui han tih chu tuna a bialnu pawh alo ni ve mek maithei zawk tak] tih hi ka dawng tel bawk. He mihring hian Chiang takin Mordred hi a hre dawn a ni tih ka hrethiam mai.

===========================================
Next Day

College function hmanna ah Siampuii nen chuan kan thu vang tawh a,midang lo kal te chu kan lo en zui hlawm mai mai a.A then chu an inthuamna atangin rethei an ni dawn hlawm lo tih Chiang takin a hriat theih.


Ka kawrfual leisak ngei mai Siampuiin vawiin ni anga a ha duh chu ka lawmah a tla a ka la lei leh ngei tur thu ka hrilh deuh chhen mai.Mordred hian ka kamiz pek ngei kha lo ha ve se la ka ti rilru tak tak a ni.Keiin a kamiz nen a inhmeh Turin ka kawrfual a mi ka thlang nalh bawk.




"Siam" a rawn hawi zawk a "Ih number hriat loh hian thlalak min lo thawn thin a?" ka tih rual chuan min lo ţhut hnaih sat sat."Mordred chu ka zawt tawh tho a,mahse" thawk ka la leh hmasa te te phawt."Mahse,a û a nih thu a sawi a,chuan nizan khan number ngai bawk khan thlalak min lo thawn leh a, hmeichhia chu a bialnu hlui a rawn ti leh sia" ka tih chhuah hap chuan a kut alo dawh vat .



Keipawn hrethiam in ka phone chu ka pe zui mai a.Ka phone a kheuh neih neuh lai chuan inleng a neih Zana Chhanin kan thla alo lak thu leh Mordred a thawn thu ka sawi chu engah vak ngai lo mah ila alo ngai thu tak khawp mai."Hauh a ngai nih chu" phone bih ngar chung chuan a rawn ti.





"Henu hi mi" ti a ka phone ka hmai zawna alo lek chuan ka lo bu nghat nghat."A bialnu hlui a nih hi ,amah te hi I hre lo em ni?" A rawn tih leh tak zelah chuan lu ka lo thing thung."Kan college miss a nih hi ,chuan Mordred te ho nen hian batch in ang an ni bawk a,an induh hlum lo chauh zel .Mordred pawhin a hlat phal ngai lo ,Mahse ,thawk leh khatah an hrang nawlh a,khata tang khan an inbia hmuhtur a awm tawh mang ngai lo .Mordred hian a ţhiante pawh a hnaih leh tawh ngai lo" a thusawi mal tin te chuan mak min tih tir a han dawn sawn dan pawh ka thiam meuh lo.






A bialnu nena an inţhen vangin tinge a ţhiante chu a hlat kher."Saw alo kal nia" tih paha min lo kheuh zauh chuan insiam tha vat in ka lo nuih var var.Ka kamiz lei sak ngei mai chu lo ha in cotton jeans pawl dak hlak leh a chungah coat a jeans rawng ang chiah chu alo ha leh.A thawmhnaw hak te chuan a chawi em em vek a ,a ti lang zahawm in a ti pa ngawih ngawih bawk.





Mit tla lo lèk in alawm maw le ka thlir le,"I lungawi lo a maw ka tia" rawn ti sa sa chu ka hre lo der a,aw ka thian kharh kharh.

Kan bul alo thlen chuan "In biak kan ngai " tho in ka kal zui a,ka hnung lama pen ri ka hriat chuan min zui ngei a ni tih ka hrethei.




A ni chuan a kawp pui hlui chung chang min hrilh emaw hrilh lo emaw keichuan ka hrilh dawn hi ni tawp."Kan kalsawn dun daih sia Siampuii chu a mal duh awm" a tih nang nang pawh chuan ka la kal char char tho."Stop" tia ka in her chuan a nuih ka ti za ni ngei tur a ni a lo nui suk mai



"Thil hrilh tur che ka nei" ka tih chuan min ngaichang ni awm hian a ngawi reng."I cousin ,ka sawi awmzia chu Carlos kha" ka tih chuan min lo sawi khalhin "I bialpa hlui" arawn ti thum dut."I hria maw?" Mak ti ang reng taka ka tih chuan a lu a lo bu mai."Engtin?" Ka tih chuan ka dar ah lo vuanin "Ka hmu che u" min chhannaah chuan ka lawmna tur khawp ka hmu hauh lo nangin thawkkhat chu a veng deuh huai thei.






"Anih chuan engah mah I ngai lo tihna mi?"ka Zawhna chu kei ngei pawhin ka awih lo.Engtiang vakin nge ka bialpa hlui chu ngai se ka in beisei re re ni le."Ka unaupa mah nise ka thik ve thei tho a,mahse ka ring che a chuvangin ka rin ang che hian I awm dawn tih ka hria ka lungngai lo" tunah khan a thik a ti nih chu chuan tul loah rilru ka lo seng tih ka hre bawk.




"Ka lawm e" ka tih chuan Zawhna mitmengin min melh ran a "Min rin avangin" ka tih leh takah Chuan a nui deuh suk mai.Ani kher ka lo tawng hi vannei ka intih takzet chu sawi loh ka lawm hliah hliah.Hmeichhe tin ten an duhthusam chu min ring ngam thei tu tur bialpa neih hi a ni ngei ang ,chu thil chu Mordred ah hian ka hmu Chiang hle bawk.




"Min hrilh duh te I nei ve em?"kan let leh lam chuan inthlahrung ru ang reng deuhin ka zawt a,"Neih awm pawh ka hre lo" a tih chuan engmah ka sawi zui bik lo.Hall chhung kan luh dawn lai tak chuan thlalak ka dawn ţhin a hmeichhia ngei mai chu kan hmaah tak a rawn ding a.Mordred chu ka enzui thuai eng nge ka hriat pawh ka hre lo amah ah danglam a awm em tih ka lo zawng nghal ni ber in ka hria





"Mordred" ti a a ban a rawn vawn a tum chuan ka bul ami pa chuan a kut chu lo la sawn in ka kawngah a rawn kuah zui a, a chet dan chu ka rin loh dan deuh anih vang nge ka lo Phu deuh zawk.



"Naute kan lut dawn em ni ang?"kan bul lawka hmeichhe thusawi ngaihtuah lo in min rawn en in a rawn nui pah suk a,chhan pawh ka chhan hma chuan min kal pui ta daih.Hnung lam thei leh thei lo a ka hawi chuan a hamhaih tih hriat lutukin hmeichhia chu alo la ding reng a min rawn en zui bawk chu ka hmu thei




Kan ţhut na tur kan thlen chuan Siampuii chuan phone alo hmet mial mial .Kan ţhut na tur alo dah awl Mordredan a hmu chiah chu a nui chhuak hawk mai."Thu ru,hetah hian Zomuan lo thu la" a tia a piah ţhutna awl chu a beng zui a ,a ţhutna lehlam awl zawk chu kawk in "Nang hetah hian " a ti a.




Mordred han run luih nan a lai takah alo ţhu tih hriat reng reng."Siampui" pakhat chuan a ti thum deuh dut a , ngaithla zui awm pawn alang lo. Lehlam zawka ţhut mai ka tum chuan min lo pawt ding chawt .A ţhut na tura a kawh hmuh ah chuan a thu zui a ,min pawt thu in a malchungah ka ţhu ran .Thawh kan ka tum lah chuan ka kawngah min kuah ang tlat lehnghal a."Khawi teh miin min en duh teh mai nia ,a zahthlak" ka tih lah chuan naupang chhia zet hian a lu min thin khum nar nar.






"Ka duh thei lo ,Hetiang em em itih chu ka ring lo sin maw le" nui hak hak chung chuan Siampuii chuan a ţhutna chu a sawn ta nge nge.Hnehtu chan chang inti zet chuan min pawm tupa chuan a nuih suk.Ka kut chu rawn la in a rawn hum zui vang vang a ,a khat tawk in a fawp zauh zauh reng bawk






Hall chhung kan awm rei hnu phei chuan a lum ka ti deuh nen sam tawn ka tum ka kut laksawn ka tum chu a hum nghet ang sauh sauh lehnghal."A lum tawh Sam ka ţawn dawn" ka tih chuan ka kut a sam tawnna chu rawn la in ka sam chu min tawn sak zui nghal a,tirh pawh ngai Miah lo a ka sam min lo tawn sak te hlei hlei chuan min ti lawm leh zual.





Mahse,kan hnung ami ten ka chanchin an sawi sep sep reng erawh chu hriat a nuam viau lo thung.Ka bul ami te hian an hre ve em chu ka hre hauh lo na in keichuan ka hrechiang viau chu a ni.Hre lo angin awm reng mah ila ka hriattur tawk a sawi an ang leh reuh bawk si chu ka thaw chhuak Leh deuh hak ţhin.Ka bul ami ngaih ka ti tha lo deuh nge ni min rawn enin a mitmengin I tha em tih min rawn zawt ni mai hian ka hria,lu ka thin khum takah chuan hma lam a hawi veleh mai zel bawk a.





Siampuii chu kawng dawmin a ding chhuak deuh hliai a ,ka en chuan a zi mar niin ka hria.Hnunglam a inher rual chuan "Khaia kan college miss a nih hi!" Mak tih hmel deuh chuan a ti hluai a hnung lam ka melh ve chuan nichin lawka kan hmeichhe tawh nu kha a ni.




"Mahse, keichu hmeltha ka tih zawng a ni miah lo , a ruka mi rel a ching si" nichin lawka min sawi dan ang deuhin a ni a sawi ve ni."Hmeltha ka tih zawng pawh a ni lo,patil a ang si, bialpa ka nei e a ti ve khanglanga an inhmeh hlawl lo" tihten a nih kha min sawi ni.



"Engthil nge mawn le I sawi le?" Nui lui sanga a tih chuan "Â..dawt a ni Chuang em maw ni le?" Pakhat zawk pawh chuan a nuih deuh sang mai.Mordred ka en chuan hma lam a melh ding ngar a ,hnung lam hawi chu sawi loh a mit sir pawn a rawn melh lo.Mahse,kan thawm neih zawng zawng erawh hre lo tur khawp in bengchhet a ni lo tlat.



"Dawt a inpuh ka duh lo a nia" dam tak bawkin a ni a chhan ni."Keipawh mi sawi chhiat hi ka duh lo sin le,Thudik a ni sia zahpui lo mai ang aw . Sorry" Siampuii chu hnung lam hawi tawh lo hian a ţhu thla deuh hmak."Ţhutna sawn daih te I duh em?" Ti a min lo zawh chuan ngai ka tih loh thu in ka lo chhang mai.






Kan piah lawk a ţhu phone message tone a rik rual chuan kan hnung lawkah chuan tho ang an awm Ani tih hriat lutukin thawm a awm zui sat sat a.Mordred ka va en chuan a phone chu ngaihsak awm pawn a awm lo ."I en dawn lo mi?"ka tih chuan a phone phawrhin a en thuak a ,hmet thim in min rawn pe zui chu hrethiam lo in ka lo en deuh hâ.



"Iva hmu dawn lo em ni?" ti a ka zawh chuan "Anih hmuh a pawimawh ber em ni?" Tiin min en thlek zui a.Engmah pawh chu ka sawi zui tawh lo, function hman Zawhna kan neih chuan thlalak ho na te an han nei leh hlawm ang Liam Liam bawka . Mordred chu a langsar fal leh nalh tawha junior te ho pawhin amah teh tawp chu thla an lakpui ni mai te hian ka hria.




Kan college miss ni a an sawi Remruati pawh thla lak dawn chuan a rawn tum lut deuh bar a,mahse camera a de chiah tih chuan a khi leh ang sang tho bawk sia."Khutiang college miss atana lo thlan ,a pa a hausak vang mai a" ti a lo rel zui tu lah bang lo.Mahse ,kei chu chung thil zawng aia ka mit fukna ber chu, khu mipa hleitling leh hmeltha zet a kianga awm hahdam thlak deuh mai leh special Riau a min inhriat tir thei tu khu a ni.





Kan haw dawn a motor dahna bul kan thlen chuan "Ka chau" tiin ka darah Mordred chuan a khabe a rawn dah a,ka kawngah a kuah zui bawk."Car ka lo khalh mai dawn ami?" Ka tih lah chuan "Mipa zawk ka awm a ,keiman ka khalh ang" a ti bur tho bawk sia."Siampui lut la ,kan lo lut ve nghal ang" ka tih chuan "Taxi .. ka la zawk mai ang" fan deuh ruih a hian a rawn ti a.




Ka bul ami chu a nui deuh suk mai "Fing lutuk I zei reuh riau mai" a tia mit a siai suk bawk."Taxi fare ka tum sak dawn che nia" a tih erawh chuan a hnial ve tang tang a,min kal San zui ta daih bawk."I unaunu hi a zei ru riau" a tih chuan ka lo then khum deuh sak.Ka chalah rawn fawpin a inla hrang leh thuai a "Lut rawh le" tiin ka luhna Turin a car kawngka alo hawng zui bawk.








Car parkna tur remchang a hmuh hmasak berah chuan rei pawh kan tlan hma in a park a .Mak ti ang reng deuh a ka en chuan a chhuk zui a ,ka ţhutna lam alo Hawn chuan ka chhuak ve mai bawk a .Hnunglam seat chu a hawng a ţhu rawh tih nan a thle zui deuh bak bawk.Thuawih deuhin a tih ang ang chuan ka awm ve tawp.





Naupang apa thuawih deuh nen hian ka in tehkhin ber.Ka luh rual chuan tawlh piah deuh Turin min hrilh a a rawn luh ve rual chuan car ac a on a che vel chu ka lo en reng."Rei lote chiah a niang" a ti a ka mal rawn khamin a rawn mu zui a ,a hrehawm zawk hian ka ring ,amah a pa lian si a chuta karah a awmdan hi a hrehawm hmel ngawih ngawih.




"A hrehawm loh ami,a hma seat hi ti awn la mu zawk la" ka tih chuan "Ti hian I malchunga mut hi ka chak ve lawm ,nakinah chuan hei ai rem zawkah hian ka la mu tha leh ang"tiin a hmai chu ka dul zawnah chuan a rawn phum zui a.A sam chu ka lo chul sak hliau hliau bawk."Lawk" tih pahin alu ka dahkan sak a front seat a ka bag dah chu ka va ban zawk a ,ka ţhut that leh rualin a rawn mu zui leh.





Ka ear pods chu la chhuakin pakhat chu ka bengah ka dah a ,pakhat zawk chu Mordred a bengah ka dah sak a, Someone like you Adele sak ka play chuan a thunawn a thleng chiah ang tih ah "Ti sawn daih teh a broke lutuk" a rawn ti a keipawn I he lovin ka lo ti sawn ve mai bawk a.




A dang ka thlak leh pawh chuan a rawn sawisel zel a,a ear pods chu ka lak sak ta daih a nui deuh hawk bawk."Ka duh ve leh" tiin ka beng ami chu a rawn la thla leh a ,a bengah a vuah zui leh. A ngawi zui rauh rauh a ,a rawn sawi sel leh dawn ni turah ka ngai "I duh zawng ka play Chuang lo a ngaithla lo mai la" ka tih lai chuan a rawn thu chhuak deuh hluai





"Kiss me under the light of thousand stars" rawn tih sup pah in ka hmui a rawn khar chilh hmiah a Keipawhin ka thiam ang tawk a tha chuan ka lo chhang let ve .Ka inlak hran rual chuan "Ka la kham lo" tih pahin ka hmui ah a rawn fawp leh zauh.




"Kal tawh ang kha chau hmel pawh I pu tawh lo" ka tih chuan a nui ruh ruh duh chauh."Phakar pa" ti a a ban bula ka ben chuan nuih za aw deuh hian "Ka la chau" a rawn ti leh ka awi duh tawh Thai lo."Kal ang" ka tih leh takah chuan nui tet tet chungin a chhuak a ,ka kawrfual hak chu ka pawt tha deuh sat sat.





In ka thlen chuan Siampuii pawh alo thleng fel diam tawh,ka u te pahnihin ka kal kawina inla strict fahran hian min lo zawt deuh khar khar . "In zei loh lutuk vang a nih kha tun thlenga nupui tur pawh inhmuh zawh loh" ka tih chuan an run dun ngang mai



"Hmu zo lo pawh kan ni lo,keimahni zawk hian kan la duh lo mai mai chauh"OMama chuan a rawn ti zat zat a,OPuia zawk erawh a ngawi tlat thung."Ini ve lo mi U" a tih chuan pakhat zawk chuan lu alo thin khum.



"Ni tak e,nang chu an hnawl zel leh si che" a tih rual chuan a hnungah ka beng ti nghal dawp."Anih chuan an hnawl loh zawk hi nupui ka neih khalh mai ang" a rawn ti a kan lo inchai buai lai kan tawp chawt .



"Kha reng kha lawm hrilh ka tum che,kan chhungkua chuan kan hre vek tawh"Hmai zangthal deuh ha chuan ka en a,a mak ti pawh ala reh thei lo aniang ala hawi a hu hu mai."Kan chhungkua in kan hre vek amaw?"ti a min lo zawh let ha chuan "Umm.." tiin ka buk khum nghat nghat .





"Mahse ka hre ve si lo a,kan chhungkua ah khan ka lo tel ve ngai lo ami" a tih a a hmel khawngaihthlak lutuk chu a nuih zat thlak lek lek tawh zawk."Kan chhungkua chuan an hria ka hre ve lo" a ti nawn leh a ,hepa che over leh lutuk hi angaihna awm hlawl lo.A tap der vel nia ,a hmai hup in ka u awmah a bei zahthlak reuh hian a.




"OMama hi aw I mawl si ?"ka tih chuan a duh leh bik thak lo ."Zanah I chhuak ziah a ,hrilh tur che I awm hman ngai lo nih kha" ka tih zui pawh chuan "Chaw ei lai pawn a theih" a rawn ti hmuk a ,in saah tau nghawng nghawng chunga a pindan lam a pan chu OPuia nen chuan nui tet tet chungin kan lo en .






"Han inthlak rawh,a thinrim rei Chuang lo ang" ka Dara lo Ben pah chuan a ti a ,a kalsawn zui ve leh mai a sitting room lama Siampuii lo ţhu pawh be tawh lo chuan inthlak Turin ka chho a.Chaw ei naah chuan a thinrim chu Bo hneh tak a ni ,a phur phur ah aţang leh sia a bengchheng lutuk chu ka pi tak ngial pawhin "Hman lai kan vawk vulh ve thin ai pawhin a beng chheng' a ti hial a tih ve tak kha .


Show post links
Top

[Ngaia]

ENCANTADO 8

CHAPTER-8

TETEI VELEZ KHIANGTE


Ka u nupui neih na tur lam buaipui in kan buai chho hle a,palai an kal nawn leh khan an rel danin thlathar July lam ni 12 ah man inhlan ni se ,ni 13 ah in kut suih nise an ti bawk.A hmeichhia zawk hi chhungkaw hung ve tak niin ka û chuan min hrilh bawk ka nute-i leh pate-a te chuan an fak viau bawk nghe nghe .


Ka pa te tak nen erawh vawikhat vel chiah an la Inhmu thung.Ka û in alo len pui lai chu ka awm loh lai a lo ni hlauh a mumal tak pawn kan la Inhmu meuh lo ,heitak hi midang phei chuan hria se mak tiin min sawi hrim hrim ang.





Ka u in "Inpahnih in pawh theihnan ka la hruai chhuak dun dawn che u nia"chu min tih ve ngei tak kha .Kan chhungkaw chanchin neih thar te chu phur lutuk in Mordred ka hrilh ve zel ţhin a,Ani pawhin engmah sawisel lo in ngun deuhin min ngaihthlak sak a .Min phur pui thiam lutuk te chuan phur na min pek belh chhah zawk ni maiin ka hria.







Kan chhungkua inneihna tur lam inbuatsaih a kan buai vang hian a rawn leng khat a ,phone ah erawh min be awl lo thung.Min be awl lo han tih hian rei tak kan in be Chuang lo a zingah,chhunah leh zan mut dawn hun kan neih rem chan hian minute 10 vel bawr chu kan inbe ve mai thin.





Tun thla tawp lam hian keini phei chuan semester thar kan tan leh der tawh dawn.Ka û chuan alo sawi lawk tawh ang ngeiin UThartei nen chuan bazar Turin min hruai chhuak a,ka û nen pawh an induh viau tih chu a lang reng.Ka û mit aţang a hmangaihna mitmeng ka hmuh hi ka hmuh ngai zen zen loh thil a ni.Hetiang hian Mordred hian min en ve ţhin angem le? Tih Zawhna ka lo inzawt ru rauh rauh .





UThartei chu nutei te sawi ang tak tak in a fel in kawm a nuam em em chu sawi loh amah chu a dam dup em em vek ni mai hian ka hria.A nui hmel te chu a ngainat awm hliah hliah bawk.Kan sam siam tir tur in Style and go dawrah kan kal a ,UThartei chu a kal thang ni ngei tur a ni an lo be tha hlawm khawp mai.






Ka sam rawng buang deuh thap chu thlakin a purple tak deuhin ka tih tir a,eng thlar ah lo chuan a dum a ang ve viau bawk."Phone kan hmang lawk ange" ti a ka u a chhuah rual chuan UThartein min lo ţhut hnaih sat sat in .'I chhungten min duh loh thu an sawi hrim hrim em?' a tih chuan lu ka lo thing nar nar ."Fel an ti lutuk che" ka tih leh chuan thaw huai hmel a pu a,min melh vang vang in "Ka lawm e" a ti sap a a biang sum lang kalh in a nui hawk.






"Kei deuh ka lawm,ka u ang te hrawn a harsat dawn tehlul nen ilo duh ve a,ka u hi a vannei takzet "ka tih chuan lo hawi leh in "I u ang mipa ka tawng hi ka vannei viau zawk asin"a ti a ka hrethiam lo hle.


Chutia hnaih deuh taka kan lo in thut chilh lai chuan Remruati a rawn lang hlawl a.Hmu reng mah ila ka ngaihsak zui lem lo viau.Mahse,awlsam taka kalsawn kha atan chuan a har viau a nia nge kan zawnah a rawn ding chawt a."Ţang viau mah la Mordred tan hian eng vak I ni Chuang lo ang,a ni te chuan toys ang lek in Alawm a en che" min rawn ti a nih chu.







Chhan pawh ka chhang buai peih lo,ner nak in min kalsan zui tak kha.Ka û lo lut bulah chuan kal thuaiin a banah ka chelh a ,a bialnu chu a fel thu ka hrilh pah bawk chu a lo khi ve suk suk a ."Khai ilo kawp ve reng alaw ,in ngaizawng awm reng pawh in lo nih hi a" rawn ti tu lam chu ka u nen kan hawi rual a , UThartei bathroom kal lai tak a ni.





"Lalremruat chin tawk hi hre teh" ka tih pawh chuan elhsen deuh deuh a min ţawng khum a bansan Chuang lo."I hmel te hi a tha reuh kirh kerh lutuk a , hmeichhe dang in an thik che a ni maw" nui duh hauh lo a ka û in a tih chuan pakhat nu chu alo ter deuh at "Ka thik aw kawng lo" a rawn ti bak hlur a ,ka û phei chuan melh pawh a melh lo."Nangmah a sawi loh che kha" cho arh a ka tih let ve chuan min melh rum ngang mai.Ka u lah alo kiai deuh suk suk bawk."Pui kan kal mai dawn mi?" UThartein alo tih takah chuan kan inzui chhuak ta dial a.






"Ka nau lo kawlh reuh zia hi ka hre ve chiah Alawm" a tih chuan UThartei nen kan lo nui hak ."Mipa vanga inhnial thing ka tih teh lul nen " ka ti zui nui nui chu min nuih dun tawp.Zana Mordred alo len chuan ka thil tawn vel ka hrilh ve a,min nuih liam pui mai mai."Nang chu I nui ringawt zel a " lungawi lo deuh a ka tih chuan "Remruati te chu ka engmah a ni lo a thik a ngai Miah hleinem.Nangmah ka duh ber che a ,ka hmangaih ber che chuan a tawk mai lawm" ti a ka Biang alo dawn chuan OMaman aw a rawn thian kharh.





Zanin hi eng nge maw a hriat pawh ka hre lo ,ka nutei te nupa ,ka nu leh pa ,Siami leh ka pi te pawn min inthiar fi hlim San vek a.Omama erawh hi chuan "Ka kalsawn dawn lo ,ka veng dawn che u,ka hriat loh hlan in inneih in lo tum ve palh ang" a ti mauh mai bawk sia.



OMama lam kan hawi chuan min lo en ve reng a "Social distance I ngai pawimawh hram hram ila ,kan bul hnai a mi te pawh a theih hram chuan tawh loh theih ni se" min lo tih khum a.Mordred pawn ka Biang a dawm na a dah thla zal zal.




"Mak thei e ,û nula rim tur hi I hmu zo ngang lo amawn le" beidawng zet a ka tih chuan "Thingpui va lum rawh" ka Zawhna chhang lo chuan min tih khum deuh hmak."I van tar reuh tak" ka tih chuan "In leng te thingpui pek na chang hriat tur ,hnai deuh deuh a in melh aiin a mawi hnai zawk" mei nei zet hian a ti zui leh kher chu haw tak ka ni.



"Keichu ka duh lo aw" Mordred chuan alo ti thuai a , " Thei tui rawn la mai rawh" pakhat in a tih leh tak zelah chuan choka lam pan in ka kal phei a,ka û che zia chu tul lo ka ti Chiang khawp mai.




Ka let leh chuan Mordred bulah hian a lo thu ran tawh a ,va pawh mai lo in an thusawi ka ngaithla hmasa phawt ka û zawk pek chuan "Min biak thiam chuan ka nau hi I nupui a ni sa mai.Mahse ,a duhnaah chuan a kawlh reuh lutuk a hmel en ang hi a ni lo a nia.Nu deuh angin lang mahse a pa lutuk ,engtin nge I duh theih re re a,a hnar te hi a thing si ,a pian a nalh bawn si lo .A zing tho phang phei chu hmu la I hlau ngawt ang" alo ti zat zat reuh .





"Ummmh" ti a aw ka then kharh rual hian a rawn hawi zawka "Ka nau chu maw a hmel a tha sia,thu a awih a ,thiam loh pawh a nei miah lo I vannei lutuk ringawt" min hmuh hnu in a thusawi a thlak dang lam leh vek.Thei tui ka va dah rual chuan a ţhut na a sawn a ka sawi kha hre reng rawh tih melh hian Mordred chu a melh pah bawk.






Mordred chu kan kawt thleng ka thlah a ,kan inthlah fel hnu a ka luh leh veleh ka u ka chhuah chhal nghal ang ti rilru chungin a tlan liam ka thlir zawh rualin in chhungah ka tlan lut a ,mahse sitting room ah alo awm tawh lo .Omama pindan lam ka pan tlang nghal a ,a awm ngei pawh ka ring bawk.Kawngka Hawn mai ka tum chuan alo in kalh deuh tlat.






Ka kik karh karh chuan chhung lam atanga a aw ti sin chung hian "Ka mu hil tawh ,I sawi pawh ka ngaithla thei tawh lo " a rawn ti zat zat chu ngei lutukin kawngka ka chhir leh pawp ."Omam I thusawi kha ka hre vek a nia aw , naktukah I chak lo ang" ti chungin bang chhan aţang in ka kuttum kan hmuh zui a ,a hre ve awm der si lo a .




"I theihnghilh theihnan ţawngtai a ngai a nih chu" a rawn ti leh mauh mai.Hepa mi hnial hrat lutuk hi chu ka ngei tak tak a ni."I leng tar dawn Chiang lutuk ringawt" lungawi lo deuh a ti chungin ka pindan lam ka pansan a.Zingah pawh chuan OMama chu ka hmuh hian alo khi ang thaw leh nghal a ka chapal lak lawk a vawm chawrh mai te ka duh rum rum dawn lawm le.





Chaw ei lai a ka lo melh kha kha lai ka pa in min hmuh chuan "Khaih khaih khaih I û iva melh rum ve " a rawn ti a OMama lah chu a nui pat pat reng lehnghal."Pa ,OMama sual zia hi nizanah Mordred bulah min lo rel char char ka chanchin a tha zawng pawhin a sawi lo hrim hrim hau rawh" pang chang Zeta ka tih chuan midang ho chu an lo nui hak .




"Bawihte ,khang te chu a ho lutuk a ni te chuan a hmu zo ve lo a ,a sawi vel mai mai che a nih kha" Patean min lo chhan zet a a tih chuan ka Û chuan aw a thian kharh kharh mai."Thudik chu a kha an ti an tia a dik a ni hrim hrim ti raw Siam" Siampuii melh paha ka tih chuan nui vur vur chung hian alo bu ve nghat nghat.





"In phakar hlawm si ,in tang khawm ang tham a Jaykant Sikri a hi ka tlawm mai mai dawn lo " a tia chaw kilna aţangin a tho zui tharh a a intih fai hnu in a kut tang ti ri khep khel chung hian "Nang ni ho hian tang rualin min bei a tiraw ,nakinah chuan Keimah zawk ka la nui ang " 'chutin a ti leh lo a tih dan ka hre tawh lo e a" a rawn ti leh chu amah chawp chawp chuan kan nui ho ta dar dar.






Ka pa in ka u tho tawh chu ţhut tir leh in chhung kim lai tiin kan insawn chhuah tawh tur thu a sawi a.Ka patea leh ka pi te nen an sawi ho tawh niin alang ."In UPuian nupui neih a tum ve tak si ah chuan ,kan in lei sa kan siam tir kha an peih tawh tho bawk a , semester chawlh lai alo ni Leh zel nen insawn ve mai tawh ila tiin I nu nen kan lo sawi dun a ,man inhlan hma ngei a luah phei kha a tha ve dawn a ,chuvangin vawiin atang kan bungrua a rem chang chang tur in suan ila Inchhung mamawh tur vel chu hmeichhe lam hian bazar mai se la " a ti deuh charh charh a .







Tumahin kan hnial lo bawk,Chaw eikhamah kan thawmhnaw hak regular lutuk loh leh lehkhabu tih ang reng ka û te pahnihin an dah phei a ,ka pi in TV in ka indan ve ang che u ,a tih tlat vangin ka pa chuan hnial lui teh mahse Pawisa chu a lak sak ta tho a.




Nutei ,ka nu leh Siampuii te nen Inchhung bungrua tur leiin kan kal kual a ,Nu ho bazar pui chu kan tei kual nasa tak tak a ni."Hmundangah kan han en leh phawt ange " an ti zel a ,aman tlawm zawk min zawn kual pui reng a ,a thalai pahnih zawk chu kan phun nang nang reng tawh.




Kan vak kual peih bawk a , a man tlawm zawk chu kan hmu leh nge nhe hlawm .Sofa lam chu ka nu leh pa in an duh an thlan Turin tiin kan la lei lo.Ramhlun lamah fridge leh Tv vel a tlawm an tih avangin kan car khalhin kan Pali in kan in khalh chhuak Leh a.An sawi ang tak tak in an lo nei tlawm ang reng phian a ,a neitu te dawr an nuam bawk si nen kan hlawk phian .





Ka pa in Washing Machine chu hlawh a lak leh veleh a lei mai a rawt vangin kan lei ta rih lo phawt a.Kan thil lei chu kan inah min dah sak thlap dawn bawk.Pheikhawk bawm leh almirah te ho kan lei zawh chuan a dang chu ni danga lei kan rawt ta ringawt.Kawnga an thei tui zawrh ka hmuh chuan a lum bawk nen tiin ka nu te chu kan inpui leh phawt.A vawt tha bawk a hah a dam sawng sawng thei .





"Keichu Anu bazar pui in hrehawm reuh ka ti emai" Siampuiin a tih Chuan Nutei te chu an lo nui ta ringawt a.Thil dang han lei belh chiam tur pawh kan hre tawh lo ,sum kan inren ve tawh bawk nen Pawisa neih leh Huna lei atan khek kan nei fur.Han indan leh meuh chuan lei ngai chu hriat tam a awl duh ngei mai.






Zanah te chuan ka bawp a Rawl deuh thum ni mai hian ka hria.Mordred lo leng pawh ka lo chhawn tha thei meuh lo,ka chhungte an awm loh diak hnu in amah ngheng chuan ka awm deuh ar ar a."Ka û khan I bulah nizan khan eng nge alo sawi a?" Ka thlen phei hmaa an lo inbiakna kha hriat ka chak a ni





"Ka nau hi I tih tah vaih chuan I chak lo ang min ti" a ti a a nui pah suk bawk."A awih awm loh e,min sawisel char char kha" ka tih chuan nui chhuak hak in "Ilo phei dawn tih a hriat vang mai mai a nih kha" a ti a ,mahse ka awih teh chiam lo chuan "I zep" tiin ka melh chho nghal kiau a chu chu remchangah la in ka hmui ah a rawn fawp zui zat.





Ka inlak hran hnu chuan ka ke lam chu chawi kang nawlhin a malchungah a dah zui chu ka lo te deuh that ,a chet dan tur ka lo ngai chang ran .Ka bawp vel chu a kut chuan a hmet a ,ka bawp Rawl alo hria ni ngei tur a ni."Vawiin I chau em?" Ti a min zawh chuan nuih var var chung hian lu ka lo thin khum a.





"Zirna ka zawh veleh innei ang aw" min ngaichang tih hriat zet a a rawn tih chuan nuih var var chung hian lu ka lo bu nghat nghat a ,Ani pawh a nui suk suk tho."Zirna hi Mizoramah chhunzawm thei dawn ta lo ila I lungawi lo angem?" Ti a min zawh deuh thut chuan ka ham haih hman hle.Ka awmdan siam rem in "Hmundangah kal I tum ami?" A Zawhna pawh chhang lo chuan ka ti a.





"Ta lo ila chauh a nih kha Naute" ka hnarah a rawn piai zauh chu ka lo melh khai khai."Mizoram ah chhunzawm ta lo la chuan ka ngai lutuk che nga ka awm thiam lo mai thei a ni." ka tih chhuah hap chuan chik deuh hian min lo melh ran a .




"Mahse,nang chu I tui na lam hi Mizoramah chuan ala chang tling tawk lo ve em a" ka tih chuan mit ko min san khum ak a "Professional Footballer ni tur chuan Hmundangah awm chu a ngai ang,tunah chuan a bul ila tan chauh a ni sia" ka tih leh chuan ka che zia mal tin te chu a en Chik hle ni mai hian ka hria .






Keichuan a dream te hi hriatthiam pui ka duh a , hriatthiam pui mai ni lovin a dream a nihna ah ka tui pui thiam a ngai tih ka hre bawk .Keimah vangin a dream a kalsan ka duh lo a ,a hnu fual phah ka duh hek lo .





Ni a liam leh meuh chuan kan in tur lamah kan insawn phei fel tawh a ,duh angin la phui sui viau thei lo mahse kan chikim ve tawh viau . Siampuii nen inzui zing ngang kan nih avangin kan indang tur chu a lungngai lawk hle a "Nang chu kan bulah awm daih mai la" a tih loh leh " In in hi a nuam sia ka lo awm ve mai ang" a tia an nuih an nuih hlawm mai .





"In leng I nei ve thei tawh dawn tihna ni mai a" Sawmkiman a tih rual chuan a hnung zang a ri nghal dawp,an va han hahthlak dun tak. "I ţhian pa kha rawn hruai leh na teh , a mawl ropui si ,I rawn hruai leh chuan nangmah chawp khan ka thuai nek ang che u" a tih khum nghek mai.




"Zomuan Sawmkima ţhian pa kha ila hria em?"ti a min zawh chuan ka lo bu nghat "A hma in Malsawmkima hian leng chhuak ang u a ti tlat a ,han hnial luih tang kha dik in ka hre si lo a ka kal pui a .A mawl zia mai chu tlangval senior te chu a fing ve deuh tawh ang tih nak laiin a mawl hlum lo chauh " a tih chuan ka lo nuih pui mai a ,a la duh tawk mai lo a sawi chhun zawm leh zel a.






"Kan chhuak kha a mawl sia ,ka in chhuih thlu palh a 'I tluk dan kha sial e,tumah khatianga tlu kha ka la hmu miah lo.Ti nawn leh la video in la chhin ang" min tih khum a ka zah zia chu ka bul ami te ho lah chuan min en hu hu bawk sia" a sawi zawng pawh chuan a lungawi lo tih a hriat reng reng.






Kan nuih chuan a thinrim dawn bawk sia a insum tak kan ni."I mawl e ,a zei loh vang alawm Val senior an tih tawh" Sawmkiman a tih chuan ka lo nghawk zauh."Chu pawh nise" ala tih talh chuan kan hnial buai duh ta lo.




Zanah chuan Sawmkima nen inthar lawm nan tiin riah an tum ve bur mai bawk si a. Ka nu te pawn tih ngaihna tak pawh an hre lo . Kan pathum chuan ka pindanah kan mu deuh thap Siami nen ka khumah kan mu a , Sawmkima chu chhuatah kan mut tir thung . A lungawi hlawllo chuan "Ka haw leh mai dawn a mawni" a ti leh rum rum thin chu kan nuih tawp.







Lorie in min lo video call teh nawlh a tun hnai kan in biak khat zia ka ngaihtuah chhuak bawk.Video call ka lak chuan a ri deuh rak rak a ,a hnu ah amah a rawn lang.Ka unaute ka inhmelhriat tir chuan a ni pawh in nui var var hian a rawn be ve a."You are so handsome" Sawmkiman a ti leh pek chu kan nuih nasa ngang mai."Lorie hei chu hriatthiam ngai chi nia" ti a ka hrilh chuan Alawm leh si lo a."Pretty sawi ka tumna nih kha ,ka bul ami te hi in nu ve zin zen bawk si lo a ,a buaithlak a nih hi" a tia a mu nghal hlun.






Siampuiin a phone a en daih tawh tho tiin ka earpod ka la a ,kan inbe zui mawlh mawlh."Boss nen khan kan Cheng dun tawh a ,a fel lutuk min care bawk sia " a rawn tih chuan a hmelah pawh a hlim tih a hriat ngawih ngawih .Ka lawm pui thu vel pawh chu ka hrilh ve luam a USA a ka zin dawn pawn an inah ka thleng ang ka tih chuan alo pawm thlip thlep khawp mai.






"Ka ngai tawh che e ,lo zin la" a tih chuan ka û in nupui a neih dawn thu leh in kan lei thar avanga zin ka la theih loh thu ka hrilh a.Naupan lai tanga in kawm tih takah kan inngai thiam duh ve viau .Call ka tih tawp hnu a Mordred message awm ka hmuh chuan nui var var chung hian ka hawng a.






Vawiinah kan buai em vangin biak pawh kan in be hman meuh lo."I chau em?"tih te mai mah ni se ka tan chuan lawn na tham a ni leh tlat."Chau lo e ,nang" ti a ka zawh let chuan a seen nghal mai lo .A rawn online veleh chuan typing a rawn inti zui a "Chau lo e ,ka bike ka siam tha ringawt Alawm" a rawn ti ve leh a ."Naktukah leng chhuak ang aw" tih a lo thleng zui zat bawk.






"Umm kan leng dawn nia" ka tih chuan "Naute Muttui suk suk aw ,I mumangah nangmah leh keima chhungkua tur ilo hmu lawk dawn nia" a rawn tih duah chuan type ringawt mahse ka lo lai lutuk ."Umm..." Ti a ka chhan chuan a ni pawh awm hmunah a khik ve suk suk tho ka ring a ni.



Ka bul ami te ka en chuan an pahnih in an lo muhil fel det tawh mut awl sam dun lutuk mai .Zingah chuan bike alo ken tur thu a sawi avangin kawrfual hak ka tum pawh ka ţhulh leh.Chaw ei kham hnu in kan kawtah ka lo nghak ran a .High waist bell bottom kekawr dum ha in shirt var ka ha a ,adicolor shoes var bunin jacket pan chi ka ha bawk a ka sam ka tawn sang vah bawk.





"Hello Naute" ka hma zawn ah bike alo tih din rual chuan a ti a ,a inthuamna chu a inhmeh hle bawk shirt var ve tho ha in Cargo dum a ha a jacket dum a ha tel bawk a in hmeh tih bak saai tur dang ka hre lo.Midang hmuh ve atan ka it a mahse an lo duh ve atan erawh ka phal hauh lovang.




A helmet khum chu la thla in a rawn nui deuh suk a ,a nui mawi Chiang a nia."Ka inchei dan Siami I zawn Chiang" ti a ka fiam chuan a nui suk suk ringawt a ."I zawt tak tak a mi?" Phawk fe a ka tih chuan min en ran chung hian a bunghat a ."Chuan I inthlak leh tihna" ka tih chuan "Aw thlak leh vek chuvang nia ka lo tlai" a ti a.Siampuii chaw ei kham a haw mai loh chhan kha hai vang alo nih dawn hi.





"Aw I van fel" tiin a bike hnungah chuan ka lawn a .Ka kut a Dara ka vawnna chu rum nghut hian a kawngah min kuah tir a pakhat zawk la kangin a fawp vang vang a.Helmet a khum hnu ah kan tlan chhuak zui ta a.




Bike chuan kan leng kual a , a bike hi chuan nuam ka tih chi a hnung sang ur chi kha a ni lo a ka lawm tak tak ani.Ka khabe a dar a ka dah chuan a nui tih hriat lutuk in a taksa a che dat bawk.A bike khalh lai a a kut leh lamah ka mal a lo tham zauh zauh chuan ka lo Phu leh zawk ţhin.Bike a kan len kual mai mai zawh hnu in a hmaa min hruaina ama in bawkah min hruai leh.





Inchhung kan luh hnu chuan fridge a theitui vawt raih mai chu rawn la chhuakin min intir a ka hahdam sawng sawng thei."Naute thil hrilh tur che ka nei a" a tih chuan Alam chu ka hawi thuai a.Min lo ţhut hnaih sauh sauh in ka kut a rawn vuan a ,a che zia chu mak ti deuhin ka lo en reng."Ih Australia ah zirna ka chhun zawm dawn a " a sawi lai pawh chuan a hmelah inthlahrunna alang thei.





."Maw!!!" Ti a ka thawh Chuan "Tihpalh ,ka hrilh lawk ngam lo che a" a ti leh mai a ."Ngati nge Australia ah kher" ka tih Chuan min en hian a thaw hak a "Football training pah ka ngai dawn a " a tih chuan ka inthlah dul ve ta deuh.A ni Australia ah a awm daih chuan hetah keimah chiahin ka awm dawn tihna a nia , a tello a awm chu ka thiam tawh pawh hian ka ring lo.





" A nih nitin min lo bia angem?" Kan ngawih dun vang vang hnu a ka tih chuan min lo pan hnai in min kuah nghal hlu hlu a "Ka theih chang apiangin " a ti sup a ka chal ah a rawn fawp zui nghal vang vang a Keipawhin nghet zet in ka lo kuah let ve ."Ka hmangaih che Zomuanpui ,ka blondie ka lo haw veleh kan innei ang tih min tiam rawh" a tih chuan min nawr hla dat a lu ka lo bu nghat nghat chu nui var var in min kuah zui leh ta hlu hlu.





End of chapter 8










Zanin chu ti zawng hi ni Leh mai rawh se aw


Show post links
Top

[Ngaia]

ENCANTADO
CHAPTER 9

BY TETEI VELEZ KHIANGTE


Inthlahlel tak chungin hun kan hmang dun a ,kan taksa a insi chial reng a min kuah tawh lo tura ka tih lah in "Ka ngai che". ATI tlat bawk si a ka hnial zui hran lem lo .Keipawhin ka ngai ve ngawih ngawih tho a ,hmundangah min awm san daih dawn lehnghal a.



"I ril tam em ? Eitur kan siam ang aw" ka chhan hma hma chuan kan movie en lai pawh ngaihsak lo in a tho zui tharh a.Choka lam chu a pan zui nul nul chu ka en zui reng a,a thil siam rim pawh chuan ka ril a ti tam rawih rawih thei.




I van siam tui hmel a thilsiam laia a bula ka kal chuan nui suk hian ka lu a rawn tuai zauh a ,chair a pawt chhuak zui a thu rawh tih nan a thle zui deuh bak bawk chu ka nuih var var. Kan pahnih eitur alo chhawp chuan fian vel chu ka ban thuai a.






Nui var var a ka va en chuan nui chhuak hak in purun a telh ka plate a awm chu a rawn ban zui a."Ka lawm e" ka tih chuan nui chungin a lu min lo thin khum mai."Purun te chu eizir ve la ,thil siam a telh an uar asin" a tih chuan "Nangman I ei zel mai dawn lawm" tia eitur ei paha ka kun lai tak chuan ka lu ah a rawn tuai zauh chu rum deuhin ka lo melh .






"Sorry" ti pah chung rengin a rawn tuai lui leh.Thil kan ei zawhin thleng ka sil ve thung tur thu ka sawi tlat avangin min hnial ve mahse ka sil ta tho a.Ka thleng silna bulah chuan alo tawlh vs hrut hrut reng a ,gas pawh vawithum lai a hru nawn tawh.




"I la zo dawn lo tho a,ka lo tleuh ve ang" a tih pawh chuan ka hnial tang tang a,a tih ngaihna hre lo in ka hnungah rawn ding in ka kawngah a rawn kuah ta ringawt a .Mahse ,a nghal viau thung "Min tleuh tir ve tawh mai la" tih pahin ka dar a tih zat loh leh ka nak a rawn ti za a a tullo tak tak a ni.





"A nih kha ka piahah hian rawn tleuh rawh ,tiin a piah lam thlengsilna lamah chuan tap chu ka kuai phei a ,hnehtu chan chang a inti ngang mai a kalsawn hma in ka awmbawr a rawn tham zauh a ka lo Phu chiang teh asin .





Kan pahnih hian ti hian chengdun tawh ta ang ila ,a nih loh pawn innei tawh ta ila tih thleng thleng te in a ni ka lo ngaihtuah leh hman tawh ni.Nupui tan pasal tha tak leh fa te tana pa nih zo tak tur Ani tih pawh ka Chiang viau bawk.



Kan thil eina kan sil zawh a sitting room lam kan pan pah chu ka bengbulah lo kun hniam in "Keichu ka ril a tam tawh?" A lo tih chuan "Thil kha I ei ve lo ami?"ka lo ti ang he haw a.Kiai deuh suk chung hian lu min thin khum mai thung a,thil kha a ei ve reng khan ka hre sia .Nge ni a,aeitur kha a tlem bik viau niang le ? Tih te thlengin Ani ka ngaihtuah hmanni.






" Heizawk hian a nia ka ril ti tam chu" tiin ka hmui ah a rawn kiss zui a ,kan in eizo lo chauh tihdawn chuan a uar mah mah ang.Mahse,hei erawh ka sawi ang, a duh thawh thiam hle tih hi a ni. "Kham khawp hmuh a har dawn ngei mai" a inlak hran rual chuan a hmui chu a tuai pah zauh a,ka lo lai em em ringawt.





"Vanrammuan" kan ti thla rawk a sawi chhun zawm tur pawh ka hre leh Chuang tawp si lo ."Kan innei thei tawh mai lo mawn le" a tih chuan rang lutuk in "Teuh lo mai a..." Ka lo thuai a ,ka chhang rang lutuk chu ka Inthiam lo leh hnuhnawh ."Ka sawi awm zia chu...ihhh... football train phawt I ngai a ,kei in ka zirna chhunzawm zel ka la duh dawn a"ka tih pawh chuan a hmelah chuan lawm hmel pawh ka hmu tawh lo.





"Hna kan neih phawt loh chuan kan fate engtin nge kan chawm ang" ka tih sup chuan 'kan fate maw' tiin a nui chhuak hak a .Hnuai lam ka bih nghal ngar thung ,khatianga sawi tum em em pawh ka ni lo mahse ka kâ tang khan a rawn chhuak tawp ni mai in ka hria.





Ka Kun deuh chal chu min hmu in ka bulah chuan a rawn tawlh hnai leh deuh hrut a ka khabe ah rawn vuanin min kuai dak deuh a "Hna kan neih hunah kan pahnih in Hetah hian" tiin ka pum a rawn khawih paha "Kan pahnih fa tur I la pai dawn tih hre reng rawh" ka tih chuan ka Biang leh ka beng chu a sa deuh hat hat thei .



Min khawih dakna kut pawh chu la thla hauh lo in min lo fawp leh a tun tum chu ka biangah a ni thung.


"I sa reuh e" a tih chuan a kut ka Ben thlak sak thuai.

"Awihawm loh" tih pahin ka Biang ka dawm ve vat.


Ka Biang vel chu a sa hat hat thei nia maw le ,ka khawih pawhin ka feel thei keimah pawh hian.


"I laih na ho emai "

"Ka lai bawk lo "ka tang ve tang tang.


"Ti khan I cute reuh lutuk" a hma ai nasa a min chhaih laih a tum emaw tih mai Turin min fiam zuk zuk reng.



Amah ngheng chial chung chuan kan ngawi dun reng a.Tu zawk zawk mah mah chu kan tawng tawh rih lo ,ka mut chhuak lah chuan min zam chiai chiai reng tawh.Ka lo muhil nge ka hre lo Chiang lo riau hian ka mang Phan a ka kang deuh nawlh chu ka hria a chuan thil dup nuam lutuk ah rei lo ah ka muthla bawk.





"Mut duhnu ka hmangaih che" ti a ka chal a lo fawp tu awm ah chuan ka lo nui sak bawk.Ka harh chuan Mordred chu ka bulah hian hahdam tih hriat zet a thaw sak sak hian alo mu a ,a mal Lian leh hrawl zetin min kham ran mai bawk.




"A awmah chuan kham in amah chu ka en zui reng a ,a hmai vel chu ka chul sak deuh riak riak .Amah ah hian eng ang that famkim na chiah nge ka hmuh ,ni lo a ni hi zawng engkimah a fam kim zawk chu a nih hi.Keimah ah hian eng lai hi nge a mit lo la ve tu ni reng reng ang ni.




Hringnun tawi te ah hian a ni ka tawng hi ka ti fuh riau hian ka hre bawk .Ka sawi tawh em ka hre lo mahse a kiangah hian hlimna chhiar sen loh leh hlu bik riau ni a inhriat chang vawi tam tak ka nei thin .




Midang tana special riau ni a in hriat chang I nei ve tawh em? Keichuan hei ka tawng mek chu a nih hi.Kei vawikhat bum lo ni tawh thin lung hian maw a ni hi rinhlelhna nei hauh lo in asin ka zui leh tak ni.Hma lam pana kal theih inring tawh lo thin nun nei khan nun thar ka nei leh tawh si.




"Ka van hmel tha awm ve a" lo ti ah chuan ka lo Phu deuh uih ,ka che thing thei mai sia rang tawkin ka mit ka chhing leh a muhil angin ka awm der leh.A nuih ka ti za viau nge a nui ri suk suk mai.Ka lu ah chuan a rawn fawp deuh vang vang a "Meng tawh la"a tih chuan zawi muangin ka meng riai riai .







Thil dang ka sawi chu sawi nawi lo in min lo ngaihthlak sak leh a hre chhuak thut in ."Ka u te inneihnaah I awm hman dawn em" ka tih chuan a awm hman loh tur thu in min lo chhang a ka hnual nghal rawih thei.




"Tunkar chiah ka awm tawh ang" a tih chuan ka melh chho ang he haw a .Tunah kar a tawp leh tep tawh min hrilh har ka ti lutuk chu ka rilru no a chhuak mai dawn.Kan insawn dawn te khan sawi se la ka chhungte pui lovin a kiangah hun ka hmang tur hi a nia.





Inah min thlah haw chuan lut tur in ka sawm tak nang in a duh lo a ,a kal hma erawh a a chhungte min hmuh pui a duhthu Chiang takin min hrilh bawk.A eng a hma mah chuan ka zam em em ringawt lehnghal a .



In chhung ka luh chuan ka mal thar riau niin ka inhria , Mordred awm lo tur chu ka huphurh ngang a niang zan ka mut naah te ka lo mang Phan hial mai.




Chumai pawh ni lovin kei ni lovin hmeichhe dang care tawk a ,a biak lai te nen lam chuan ka hmu tel zui a.Mu mang mai mai alawm ti mah ila a taka a thlen erawh hlau tak ka ni.



A tuk zing ah chuan tukthuan ei lai a Vanrammuana Australia a a awm tur thu ka chhungte ka hrilh chuan an ni pawh chuan mak an ti ve tho tih a hriat.Ka pa in a tih tur te min zawh chuan tha deuh chuan ka lo chhang ve mai zel bawk a.




Ka nu pawhin "Vanmuana chu a kal hma pawn chaw te rawn ei ve se la " a ti a ka pa pawhin alo pawm pui khawp mai.Ka chhungte hi an rilru a zau ka tih tawh kha ,chuan an fanu hi ţawngkam in sawi thin lo mahse min rin tawk zia an che zia ah hian ka hre nawn fo mai.




Mordred bula ka chhungten chaw ei ve tura an tih thu ka hrilh chuan min hnial hran lo nangin phone chhanah pawh ni se a 'Aw' ban deuh charh danah a huphurh ve tho tih chu a hriat theih.




Keipawh a sawi lawk ang ngeiin a chhungte bulah chuan min hruai ta a ,ka la che chhe thei em em mai leh nghal a.An chhungkua an lo fel hlauh zawk a Zak viau mah ila tlai khat kha chu ka tling tla ve thei hram .Chaw ei lai lai in Mordred pa in "Tu pawh kan awt tawh viau a nia" a rawn ti a ka thil ei lai hak in ka khuh barh barh a ka hnung chum pahin pakhat zawk chu alo nui vur vur a rum deuhin ka melh.






"Ka pa I sawi hun lo thei emai" tiin ka û ti a a sawi hmeichhia chuan alo khap ve thuai zawk .A u in ka chanchin a sawi ve nasat thin thu te min hrilh chuan ka lo lawm ru veng veng .Zanriah eina ka tih fel pui lai te chuan sitting room aţang in a u lo au in "Nangmah khan ti mai la " a rawn ti ta thin a Keimah min inti thlahrung zo vek.




"I ninawm sek" nui bawk bawk chunga a u in a tih chuan a rawn ţawng zui tawh lem lo.Thlengsil ka chuh tlat vangin keimahin ka sil a .Thleng ka sil tih a hriat phei chuan min vil tur in ka bulah a ding ran mai .A û pawhin choka a chhuah San tak daih kha.





"Kan in a chet vel hi I chak ve tawh hrim hrim niin ka hria " a tih chuan lei ka lo chhuah khum deuh vak ringawt a .A nui suk suk mai hahthlak ve reuh mai si a .





Ka pa sawmna angin a tuk lamah kan inah zanriah alo ei ve thung bawk .A kal hma in nikhat chiah a awm tawh bawk a ,a thawmhnaw pack pui tura min sawm erawh chuan ka hnial thung. A chhan chu kei in a thil lo pack pui daih kha thil mai a ni tlat lo chu sawi loh a chhungte pawn min ngai dik lo ve thei tlat.





A kal hma zan in dine out kan nei ve ngei a tah chuan thi a locket a butterfly awm simple zet mai chu min pe a ,chutah chuan heti hian a sawi a "He thi hian I kianga hun ka hman theih loh tur hun chhung zawng I kiangah hun alo hmang dawn sia ka thik" a ti nih kha.Thi chu kawl tha reng Turin min chah uluk khawp mai.




A kal tur chu ka car in Lengpui airport thleng ka thlah ve a ,a chhungte bula chuan ka inthlahrun vang a ni pakhat Siampuii ka sawm tel ve tak nangin alo hman lo bawk si a.Kal lam in ka bulah a chuanga a man a khalh thlap bawk.Mahni a ka haw tur chu min ngaihtuah in a chhuah hma in a u bulah ka bula Chuang Turin a chah thlap bawk.






Hmundanga min awm san ta chu ka lung a leng nghal vawng vawng thei .Atan a tha ber duhsak chung zel in kan vai liam ve ta chu a ni si a.



"A training zo har lovang" tiin UKungtei (Mordred u) chuan min hnem ve bawk.Kan ti nek nek a thla thar kan kai leh der tawh a keini pawhin kan final year na tur kan zawm ve tawh bawk.





Mordred nen pawh hun kan neih rem chan a piangin text leh call in ka in be thin bawk . Morning wish hi ka thawh chuan alo awm va tawh zel kan Ram Sana hman a inan tawh loh miau vangin darkar 3 in a in hma hleih thin tih mai loh chu.





Kan ti nek nek a man hlan zan kan thleng a ka u hlim hmel mawlh chu hmuh nuam tak a ni.A tuk inneihna ah kan buai em vangin Mordred nen pawh duh angin kan inbe thei lo a ni training bakah University kal pah a ngai nen mahni tawkah buai dun tak kan ni.




Kan chhungkaw hmeichhia ho chuan kawr paw dal lam kan ha vek a ,nuam kan ti hlawm khawp mai .Monu leh mopa chu thlalak pui kan inchuh nasa hlawm lutuk a midang lo kal ve te pawh chuan min nuih hlawm tawp.Tlungvel lama ka patea te pawh kar hmasa in an lo thleng a an naute te pawh an lo tel vek.





Ka pu te Inlamah an innghat fur hlawm bawk a keini lam chu kan tam viau hlawm lo.Chawlh lai ni se ka patea te zui chhoh ve leh pawh chu ka chak viau. An nau tleirawl pakhatin tuikhuah a sangha man leh lui kal vel a sawi te chuan ka lo chak ve lutuk chu chawlh lak mai te ka chak rum rum mai lawm.




"Keini chu lui ah kan kal dawn bik" an naute ber in a min tih khum te chuan 'Kal bik lovang' tih nghek mai te ka chak.Chaw hlui kan Kil zawh lam chuan vawiin a kan thlalak neih ang ang te status in ig lamah te ka post deuh chuaih kha.



CHHUNZAWMNA


Ka thlalak chu nidanga post siam ang tho in comment tam zawk chu in fakna a ni.Keima Lanna chu pahnih vel chiah ka telh ang tih theih a ni.Kan buai nuaih nuaih reng a Mordred nen kan inbiak pawn thawm dang atam bawk nen rei pawh kan inbe thei lo .Kan inbiak laklawh laiin naupang ho in "A u" tiin min rawn au chul hlawm bawk sia Ani pawh a nui tawp.





Kan chhungkua in a kan lo er lawk ka u te inneih chu rei lo ah kan hmang zo leh ta mai a .Kan dam chuan hun hi alo kal chak ve phian zel.Carlos pawh tunah hian Mizoramah a zirna a chhunzawm ve a kan college ah a kal ve nghe nghe bawk.





A thil tih vanga ngaihdam min dil nasat em avangin ka ngaidam a ,mahse mipa leh hmeichhia anga inzawmna chu kan siam theih tawh loh tur thu ka lo hrilh bawk .Ani pawn Chu thil chu a pawn ni hmiang "Ţhian kan nih chuan a tawk mai" a ti a.




Keichuan mipa leh hmeichhia ţhian a nih theih loh tih hi ka awih ngai lo a.Feelings kan pahnih zawk zawk a neihna a awm chuan ţhian ni lo in ngaihzawng en in a en ka ti ngei ang.







UThartei pawh mo thar hlim chuan an che chhe ţhin ti a an sawi kha ka hriat pui ran avangin a chetsual ka hlau lutuk chuan thil a tih pawh ka phal meuh lo.


"Mo thar thingpui lum in ila" an lo tih te chuan "Ka lo pe ang " ka lo ti ta thin a ,ka chhungte lah chuan min lo nuih tawp zel.



An inneih hma atanga ka pawh em vang nge pawh ka hre lo a bulah ka awm deuh chawt reng a.A ni pawhin nuam a ti zawk chuan ka hre tho .



"I u nupui hi ka ngei mai dawn in ka hria" Mordred nen kan inbiak chuan a rawn ti ve ngei.Mahse,min thlakhlelh zia chu a aw ka aţang ka hre thei a min ti hlim ngawih ngawih hle bawk.




"Ka ngai che" kan inbiak kar lak ah chuan ril deuh ruih hian a rawn ti leh ţhin.Keipawhin ka thlakhlelh zia chu Chiang taka hre tu ka ni."Ka hmangaih che" a rawn tih chuan ka lo lai lutuk."Ka ngai che" ka lo ti ve daih thung a.




"Ka lo haw vat ang aw " a tih chuan in pet ruh teuh chungin ka bu nghat nghat a.Kan inbiak zawh chuan ka Biang a rawn lum thla pap ,mahse inhmu leh thei,hrisel leh dam tak a kan la awm ve ve vang erawh in Pathian hnenah lawm thu ka sawi bang lo thei lo a ni.




Remruati pawh reh zui vang vang mahse number dang atang hian thlalak hi ka dawng leh nawlh ţhin. Remruati number Siampuii hnenah ka dil tum a min pek nen erawh a dang daih thung.




Remruati nen a an thlalak tho ka dawn ţhin vang hian Remruati ka ringhlel ngar ngar a ,sim card dang a hmang a niang tih dawn in chuti em em ti turah chuan ka ngai si lo.



Tum khat phei chu swimming pool a hmeichhe pakhat leh Mordred in kiss lai min rawn thawn tawh nghe nghe Hmeichhia pawh chuan kawr the hlem deuh a ha nghe nghe.



Ka thil hmuh te erawh chu Mordred ka hrilh ngai lo a,a thlalak ka dawng ţhin tih phei chu ka sawi ngai lo hrim hrim.A chhan chu tun hnai a mi a ni lo tih ka hriat chian vang a ni.Australia ah a awm a ,a hmeichhe awm pui thin te chu mizo vek an ni.





"Vawiin chu nidang ai I tlai" ti a Siampuiin min lo auh zui lang lang chuan ban vai ve zauhin an lam ka pan bawk.Tun semester ah hian Sawmkima pawh kan college ah a chhungten an rawn suan a ,a bialnu nen college in angah an lut tawh lo chu a ngai thiam thei thak lo lehnghal.




"Thawh ka hai a" thaw hlawp hlawp chunga ka tih chuan min loh nuih var var thung ."I tho hma ngai a mi?" A Zawhna pawh chhang lo chuan ka Kai sawn zui a .Sawmkima awmna ka zawh chuan a hriat loh thu in min lo chhang mai.




"Hi ! Blair" rawn ti tu chu ka en a ,a bag chu a dar pakhatah ak in kan hmaah alo ding ran bawk.Siampuiin min rawn sih zauh chuan Tumah a ni lo tihnan lu ka lo thin khum mai.



'Carlos ,I dam maw?" Tiin ka lo be ve thuai a ."Dam e,Ka lo nghah rei che u nen in lo lang har" a tih chuan "Nia " tih zawngin ka chhang a.College kan luh leh hnu hian kan In hmu ngai lo tun hi a vawikhatna tak meuh meuh a ni bawk.Chuvang a Siampuii pawn la hre lo a ni.





Class kan ban hnu a kan chhuak chu kan college kawtah kha Val senior a hmuh peih loh lutuk mai chu alo ding vang."Zothana ka nin zia em em hi chu aw ,a mawl si " a ti hlak hlak a,a pan zui leh tho.





Chutia lo nghak ta reng chu kan va be khaw mawi ve a ,Siampuii hmundanga kal kawi pui a a sawm tlat vangin ui bet reng lovin zui ve tur in ka ti a .Ka sawi lai phei chuan min melh rum ngang mai chu sawi loh a meng nur zui bawk.





Siampuii kal liam hnu lawk in Angaihi a rawn lang ve leh nawlh a .Carlos lo chhuak te nen chuan kan inzui chhuak ho a ,dawr velah Angaihin kal kual ang a tih tlat vangin ka zui ve zel a .Carlos pawh a haw nghal mai dawn emaw tih laiin min zui ve zel bawk.





Restaurants pakhat ah tlai lam deuh ni tawh mahse kan ril a tam miau vangin kan chawl kawi a ,rin ai phian chuan Carlos leh Angaihi chu an inkawm thei.


"Blair tih hlir in kan ko thin a" Carlos in a tih chuan
" Avan mak em em ,sap hming a nei tih pawh kan hre lo" a ti deuh hliai.



" A nih a luck viau em" ti a Angaihin a zawh chuan a nuih liam San mai.A chhan chu a ni hian ka luck leh luck loh a hre Chiang ber miau .Mipa dang vanga kan inhauh chang pawh a Tam ve tih chu ka zep lo.




Mahse khang ho kha nunhlui an ni tawh a .Nunhlui hi chhui let ngial pawn hlimawm viau thin mahse a thleng nawn zen zen tawh ngai lo.



"Zomuan , bathroom ka va hmang lawk ange aw" Angaihi tho chu en chho in lu ka bu zauh a.

Kan thil order kei ni in kan lo nghak thung ."Unaunu I nei fel hle mai" Uang Zet a Carlos in alo tih chuannui var var in "Vacancy pawh a awm mai thei sin" tiin kan nui dun hak hak.




"Inthlah ho hi in duai lo viau mai hian ka hria" a ti leh ta zel a ,chu erawh chu ka sawi zui pui duh ta lem lo.


"Ngati nge Mizoramah hian lo luh I duh chhan , USA ah hei ai hian zirna a tha zawk ngei awm si a " ti a ka zawh chuan kiai deuh suk in "Nangmah vang ti ta ila" ti a min rawn melh run chuan "Mawl viau Suh,uan na chi pawh ni lo" ka tia za lo deuhin ka nui lui sak a.



"Ka uang lo ti ta ila " a mit ko a san uk a "Carlos ka sawi kha nang leh kei chu" ka sawi lak lawh laia Angaihi alo kal vang in ka ngawi zui ta daih .Kan in kar hi midangin hre tam lo se ka duh vang a ni.




In ka haw pawh chuan ka ngaihtuah rauh rauh a Carlos biak leh ngei ka ngai in ka hria."I awm dan a dik lo riau" UThartei nen rawng kan bawl dun a ,ka awmdanah ka lo ti lang viau ni ngei tur a ni.




"UTharte ,I bialpa hlui in beisei leh ta tlat che se la eng tin nge I tih ang ?" Ti a ka zawh deuh thut chuan a hmelah chuan mak a ti tih chu ka hre reng.

"A tello in hma lam I pan tawh a ,a tello in I awm thei a ,midang I tawn tawh chuan ti na tawh tu che aiin o thinlung la hliam ve lo tu kha thlang zawk la I tih dual ka ring lo" a ti vei duah a ,kei erawh chuan a awm zia man viau lo mah ila a sawi dan ni a ka hriat chu "Nunhlui theihnghilh a ,nunthar nen a nung tura min tihna angah ka ngai .






Zana Mordred nen kan inbiak chuan zan dang ang lo takin a tawng tlem hle a ,min bia te lah chu a phir hmel loh em em vek bawk ."Eng vang nge?" Ti a ka zawh lah in "Ka chau deuh a " tih zawngin min chhang .Zandanga min biak thin erawh in chau chung chung pawhin min be lui ngar ngar ţhin.





Call kan dah hnu pawhin ka awm chu a nuam thei viau lo ,a chhan chu zan dangah chuan min hmangaih thu leh min ngaih thu vawikhat tal a sawi ziah thin .




"Ngati nge le?" Tiin ka ngaihtuah zui rauh rauh chung pawhin a chhan tur ka hre thei tlat lo.Lorie nen kan inbia a Boss pawhin a duat thin zia leh a care zia a sawi a,mahse an ni pawh tunah chuan an tha viau lo chu a nih hmel rih.




Hmangaihna kawng hi a mar put reng bik lo a ,a chhukin a chho ve thin .He hmangaihna karah hian hling in min chhun chang a awm a ,mahse chu hling chu engtiang pawhin a Lian emaw a te emaw pawh ni se lak chhuah hun a awm leh thin ang hian harsatna tawk thin mah ila chin fel hun chu a awm ngei ang.




Zingah pawh morning wish min lo thawn loh avangin keimah zawkin Morning wish ka va thawn hmasa ve thung a .A seen chu a seen ngei a mahse min reply hauh lo ka call chuan a ring ral thak bawk.



Ka call nawn tluk tluk takah chuan a rawn la ve ta hram "Captain lungawi lohna I nei em ni?" Tiin ka zawt nghal thawr a min chhang lovin a reh vung vung."Phone aţang ringawt a sawi fel theih a ni lo em ni? Nge ni a I lung ka ti awi lo zawk" ka tih chuan a thaw chhuak hawk thawm chu ka hria.




"Naute" alo tih laia aw ka hriat chuan min thawng hle hmeichhe aw ngei a ni.Chuan tunah khan eng nge a sawi 'Vanrammuan engthil chiah nge maw I tih hi le' tiin ka phun chhuak sep a."Min hne tawh a nih chuan tlang deuhin min hrilh la ,ka in hnuk dawk thei reng a ,inkawp kher hi ka duh lo" rilru na deuh a ka tih chuan alo chek deuh hluk.




"Naute ,I ngaih ang kha"
"Ka ngaih ang a ni lo maw? Anih eng nge ka ngaih dan chu ka rilru i hre thei em ni?"

"Hre thei lo" a ti zawi sup a "Mahse I ngaihdan tur chu rin dan ka nei Alawm" a rawn ti leh.

"Ni reng e ,chuvang tak chuan min Ning a nih chuan sawi mai rawh" ka ti vin thak tawh.

"I thinrim a nih kha ,kan sawi tha leh dawn nia" kei ai mah chuan a ţawng a bul a thinrim zawk emaw chu ni. Call chu a dah zui hmak ka phone chu enin rum tawkin ka melh nghek.




Ka be hmasa bik hauh lo ang ,a duh duh a ,a tih tur ka ni bik hleinem .Inbual fai in college kal tur in ka Insiam a ka pik ru tun thei mai .Ngati nge le harsatna kan neih ziah ţhin mai ni.




Tun ang hunah ngat phei hi chuan in hauh ka duh lo bur kan awmna in kar a hlat chu sawi loh hmun leh hmunah pawh kan harsat na ching fel tur pawn kan awm dun si lo a.



Ni lengin ka phone ka switch off tlat a , vawikhat mah ka on leh tawh lo .Carlos ka hmu pawhin ka be lo a ,Sawmkima leh Siampuii bulah insawi thawl ka tum ngial a ka sawi nasat poh leh ka thin a rim ni mai hian ka hria .



Mahse Siampuiin "In hauh a duh ka ring bik lo,chu lo ah hmeichhia te chu an class mate te pawh a ni ve thei a .Thikthu I pe chhe leh lutuk a nih kha in be tha leh Ula .Zawldawh deuhin nangpawhin I sawi pui dawn nia "min ti a.


Sawmkima erawh in hlawkpui na tur thu engmah a sawi leh tawh lo."Eitur ei teuh la ,I dul a kiar anga ka Rai iti dawn nia " min ti nih chu .Chutianga ka Rai ka tih ngat phei chuan khawia in sawi rem chu sawi loh kan in then nghal vang vang a ni mai.





Zana ka phone ka on chuan missed call 100 lai alo awm a , message pawh a Tam ngang mai

"Ngati nge call I lak theih loh?"
"I call chhang teh"
"Naute,tih palh"
"I phone switch off Suh"
"Naute ,min biak duh loh chuan ka awm a nuam lo nia" tih ang reng a ni deuh nawk mai .




Ka phone chu bih rengin ka call ta nge nge a .A ring reng a ,a la tawh dawn lo emaw tih hnu ah call chu a rawn la a."Naute ,tih palh aw ka ti tawh miah lovang" a rawn ti deuh sup a.Keimah zawkin ngaihdam dil ka tum nen min rawn sawi khalh leh tawh.



Ani ang a tha tawng tur hian engtiang chiaha vanneih nge maw ka lo nih le."Captain , keima thiam loh zawk a ni , University kal nen chuta karah football I train reng sia I chau thei ngawt ang.Ka lo lungawi loh khum ve ringawt bawk che sia.I chauh dawn tehlul nen min ngaidam rawh aw " ka tih tiau chuan thaw hak in ."Ka hmangaih che ka ngai lutuk bawk che nia" a rawn ti leh deuh sup.






End of chapter 9


Show post links
Top

[Ngaia]

ENCANTADO


CHAPTER 10




Mihring kan nih chhung hian kan duh ang zawng zawng hian thil a kal vek kher lo tih Chiang tute zing ami ka ni ngei ang.Inrinni zan atangin awm nuam lo in min tham er er reng a ,ka khua a sik pawh ka ring hle.




Ka rin ang ngeiin zan laiah ka tlin deuh hluah a ,blanket ka in chhawp lawk sa teuh pawh ka thuah zo vek na chungin vawt ka ti a reh hlei thei lo.Damdawi ei mai ka tum lah in ka pindan a ka tui chhawp alo zo tawh bawk si a.Ka thawh chhuah peih miau loh avangin ka mu ngawt ngawt reng a.Ka phone banin OMama ka call a a rawn lut rang viau .





Damdawi min ei tir in ka khawsik reh hma chuan ka bulah a awm ve ta reng a.Zingah ka awm dan vel chu ka u in ka nu te a hrilh a ,inkhawm pawh inkhawm peih lo in ka U chuan min awmpui ta ringawt a.






Ka zawi ngawih ngawih reng chu sawi loh ka luak a chhuah bur reng vang chuan phone pawh ka en peih lo.




"Doctor hnena in check up a tha viau lo maw le?" Ka harh deuh riai riai lai a ka pa sawi chu ka hre fuh bawk.



"Nia,keipawh in entir mai chu a tha in ka hre zawk" ka nu ve thung a ni."Nakinah amah pawh lo harh phawt se la ,motor a Chuang peih ange maw ni?"an inbe ri chu ka ngai thla kar reng .




Ka men rual chuan Siampuii leh Sawmkima ka hmu tel nghal chu mak ka ti ang reng viau nang in ka nu ten an hrilh a nih ka ring mah.



"Zomuanpui ngatinge engmah pawh min hrilh ve loh a ,rawn call lo phei che ilang chuan kan hre tawp nang"Siampuiin a ti hlak hlak reng a . Sawmkima erawh a ngawi kar reng thung ang lawi a.




Ka nu ten min chhuahsan hnu chuan min lo ţhut hnaih deuh hrut in "Muanan a call tlang thei lo che a,chuvang a nia ka lo call ve leh kher che .Mahse ka pa te hian I dam lo tih an lo sawi leh sia .Ka hriat rualin hei Sawmkima nula in a a leng tur ka rawn hruai lui" a ti zat zat a,hei vang a nih dawn chiah hi Sawmkima alo ngawih char char ni.






Ka nu in doctor pan a tih tlat avangin kan pan ta nge nge a,tun lai sik leh sa inthlak chho velah hritlang khawsik ka Kai ve mai a nih hmel viau na chungin damdawiinah chuan min admit ta tho a .




Karkhat tha zen zawn chu kan awm ngei ang , Mordred hnenah ka dam loh thu ka sawi Miah lo bawk.A chhan chu sawi ilang min ngaihtuah lutuk dawn tih ka hriat vang a ni pakhat.





Kan chhungte ho pawh chutia damdawiin a awm ta na na chu an rawn lang zing khawp mai.Damdawiin atanga kan chhuah ni chuan dam tha ver vawr tawh tak ka ni .Keichuan Damdawiin kha ka rui a niang ,in ka thlen in ka zawi hnawk reng kha a reh vek in ka hria.





"I dam tawh tho sia , spicy chhum ang u" Siampuiin a tih chuan ka nu in "A ngai lo chutiang in pum in a ngeih lovang" alo ti thuai a ka pa erawh in "An chak a nih te chuan chhum rawh se " alo ti ve thung .Pa zawk nge nge an thu a ti niang Siampuii nen kan inbul hnai dawrah kan inzui chhuak a .Kan thil chhum pawh chu hmarhchate thak chi kan telh leh nen thak tha vat vat tak a ni.




A ei lai ai mah a huphurh awm chu a paih chhuah leh hun tur hi a ni.Zanah Siampuii nen kan pum a na leh sia sawi pawh kan sawi ngam lo in digene mum kan in hmawm chhawk char char mai




Zingah Sawmkima lo kal in "Ka nu ten 'in lo awm hnuah I rawn leng khat chu sawi loh chaw pawh ilo la ei lo re re' a ti a " a rawn ti a a au ring ang reng sia a bul hnaiah ka lo thu nen a Chiang duh kalh kalh khawp mai




"Tinge khatia I au vak vak kher a " ti a ka zawh chuan "Ka nu in ka sawi danin sawi ang che a ti sia ka au"a ti nih chu Malsawmkima fin ve deuh theih nan hian chaw nghei ţawngtai rawt mai te ka duh rum rum tawh.




"Siampuii in sawm ve loh chuan ka duh lo mahni chuan a " rang deuh hian ka ti a . Hahthlak min tih hmel zet a min en chung hian "Zawng fian phel ang mai " a rawn ti chhuak nawlh chu ka hau chungin ka lo en ."Eng chiah nge sawi I tum?" Ka aw ah pawh chuan ka hriatthiam loh zia a lan theih hial ka ring.



"Ninawm e , a dik lo mi" a tih bul bul chuan ka hre nang tih nan ka dar ka lo San uk.


"Ţawng upa zet hi zawng ka thiam zawng a ni thlawt lo a ni e " a thaw chhuak deuh halh.

"I sawi tum chu "

" Ka sawi tum ber pawh ka hre bik lo " a tih chuan hahthlak ti lutukin ka lo melh


"Siampuii hi I ti tuah hum reng mai ,khawvel tawp hunah pawh Vanram kal Turin I hming rawn lam se 'Siampuii a awm ve si lo' I tia nga hrem hmun I pan hna hna hial in a nia ka rin" a tih bul bul chuan ka lo nui huah huah.




Ka nu pangpar tui pe zo lo lutin alo hre thawi hman a niang "Tu maw hremhmun kal ?" A rawn ti a Sawmkima chu min rawn melh ralh hian a nui ve ta ringawt a.Ka nu bulah keimah chaw ei tura min rawn sawm a nih thu a sawi chuan ka nu chuan alo phal zan zan khawp mai.




Tlai lamah chuan Sawmkima te ina chaw eitur in ka in puah chah a . "Siampuii sawm ve rawh u"ka tih tlat avangin an lo sawm ve tak tak chu ni in .Keimah vanga an sawm chu ka inthlahrun rual rual in ka lawm tho mai.Ka ni in Sawmkima min lo lam tir leh deuh thlap ka nu pawh kan chhuah dawn meuh chuan alo phi Cheng mai.




"I damdawi kha ken theihnghilh Suh aw ,kawr te kha ha lum la ,mawi vak a ngai lo " a ti bawrh bawrh reng a Sawmkima chuan a ning ta deuh a niang "Nu Muan kan inah hian eng hri mah a awm bik lo ,tlai khat chaw ei chhuah vanga a khua a sik a nih chuan ama thiam loh hi a ni mai" a ti a min pawt chhuak zui dawr dawr.





"In dim hle rawh aw" kawngka bul aţang ka nu in a rawn tih leh pawh chuan keiman ka chhang hman lo." Aw a in dim dawn ,thleng pawh a sil lovang.Chaw eikham veleh keiman a damdawi mum ho hi ka lo barh vek dawn nia" ka bul a mi Ning tawh lutuk chuan a ti zat zat.




Car chhung kan luh rual in " I nu chu thunawn a ngah bik emai ,biak inah hla chang sawi se ngei fe fe an tam ngawt ang" uang deuh reuh a a tih chuan ka lo nui hak.Ka nu hian a thu sawi zawm tura min duh tawh chinah chuan vawi engzat a Tam nge a sawi tawh pawh ngaihtuah lovin a sawi nawn tluk tluk zel.




Biak in a hla chang sawi tu atan phei chuan ka duh lo nasa keichuan a tui tak tak lai phei chuan tlar khat chauh pawh a sa nawn tluk tluk peih ang tih tur a ni .






Siampuii kan sawm kawi leh a ka pi sitting room a TV lo en chu "Pi,Tunlai eng nge I an a ?" Tiin ka zawt khaw mawi ve leh ,ka pu a awm loh hnu hian a khua a har ve thei riau a .Mahni chauh a a awm phei hi chuan a khawngaih thlak ve thin .



Mite hian kum upa lam a nupa tang then chu pakhat zawk an boral hnu hi chuan pakhat zawk hi an tla nghal kawk kawk zel a ,an in zui har lo duh khawp an ti thin a chu chu keichuan ka hlauh ber a ni.




Han titi pui liam thin lo mah ila hetia kum upa lam tawh kan pi leh kan pu te ngei maiin a chhungkua an lo uap lum ve hram hram thin hi ka thil ngaihhlut tak pakhat chu a ni ve .Siampuii Insiam zawh a kan chhuah leh meuh chuan dar 3 leh chanve a ri dawn thuak tawh.



In kan thlen chuan rawng kan bawl zui char char a , Sawmkima chu a awm reng amaw ka tih laiin alo chhuak fel leh diam tawh.Rawng kan bawl zawh dawn lamah chuan a rawn lut leh nawlh a mahse amah in a ni lo a hnungah Val senior a Khan alo zui lut bawk.




Ka ni awmna lam chu va pan in "Hei thenawm pa hi a chhungte an awm lo a ,chaw ei ah ka rawn sawm ve ta mai a nih hi"ati a .Choka lamah an rawn in zui phei dum."Zomuan,chaw kha tlem tal han chhum belh leh teh u" ka ni chuan kan Phan rin tak chuan a rawn ti a.




Siampuii chuan "Rawn in hruai har leh lutuk mai,a rual chhum kha rem sin le " a ti zui sap sap a.A chaw chhumna bulah chuan Val senior Zothana chu a rawn ding ve a.




" Tih palh aw,ka lo ei dawn tih ka hre lo a,Ka ei tam Miah lo ania" a tih chuan kan lo en dun kar reng.'
Chawhmeh pawh I duh duh I Siam dawn nia ka ei thei vek" a ti zat zat a . Siampuii chuan "Ninawm e!!!! Chutiang I duh leh ţawkte saw I bar puk puk dawn nia" a tih khum hlak hlak "A kha chu a tui lo a thlum si lo " a ti leh a an pahnih che vel hmuh chu a nuam phian lehnghal.





.kan nuih ho dar dar laia ka phone a lo rik chuan znag deuh vah a chhang chung hian "Hello , Mordred" ka ti a lehlam a mi chu a ngawi deuh vung vung mai.




"Naute sorry tui a liam a ka va buaipui leh lawk a" a tih chuan ka lo thaw huai thei."I dam tha em?" Ti a ka zawh chuan "Umm" tih zawngin min chhanga hmu lo mah ila a lu a bu tel dawn tih ka Chiang.




"Hei Sawmkima te inah chaw ka ei dawn a" ka tih Chuan " In dim la,I la dam kawr em kha aw " a rawn ti a ,min ngaihtuah na a lan chhuah tir hian nuam ka lo ti ruveng veng ţhin.



"Nangpawh in enkawl tha la aw,I dam lo palh hlauh ange ?" Ka tih chuan "Ka dam lo hman hlei nem nangmah hmuh leh vat vat che ka chak Alawm"a rawn ti a Han sawi leh vak tur pawh ka hre tawh lo "A nih I chau viau em?" Tiin ka zawt leh ta daih a .





"Ka biak hma che kha chuan ka chau lutuk mahse,ka bia che a a reh hmak mai .Ka damdawi min Lian I nih hi" a rawn tih chuan ka lo lai chhe lutuk .Phone ah mai mai pawh ti hi ka nia a takah phei chuan in hmu ilang engtin nge niang .




"Keichu bialpa biak nuih vur vur pui tur ka duh ve e " Siampuiin awm ze nei deuh a a rawn tih chuan ka lo melh rum nghek ."Hei Zothana a awm reng hi lungngai Suh " Sawmkima bawk a ni.Zothana a awm ve vang nge ni Siampuii pawh chuan a hnial let hran lo.




Zanriah kan ei kham a kan chaw ei na vel han sil fai ve ka tum chuan Malsawmkima lah pek chuan "I nu in min chah Siampuii hian sil mai rawh se" a ti teh tlat a . Siampuii pawh chuan a hnial hran em em a ka hriat loh vangin ka in dah awl ta ringawt a.





Thleng an sil chhung vel in ka ni te nupa nen chuan kan lo titi a .Ho te te min zawt reng a ,min kawm tlangnel chu an tum khawp chuan ka hria .Zothana leh Sawmkima pil bo lai ka hre lo re re chu a mak .




Thleng a sil zo Siampuii lo chhuak chu a rawn tum chhuak bur a ,a hnungah Zothanan a rawn zui bawk.Sawmkima nen an chhuak dun daih emaw tih lai a , Siampuii bula alo la awm chu mak ka ti hran lo a chhan chu Sawmkima khan Zothana hian Siampuii a duh zia min hrilh tawh miau a ni.





"Ni te Khawnge Sawmkima hi ?" Chanchin thar en a kan ngawih ţhiap lai chuan Siampuiin a rawn ti a."A bialnu rim tur in a chhuak leh tawh a mawn le,zan khatah hian in engzat tak tlawh chhuak hman thin ang maw?" Ka nite-i pasal chuan alo ti fiam thu ve bawk a .Kan nui ho bak bak mai.





Zothana pawh kan haw hma in a haw a ,keini in Sawmkima kan ngaichang ru reng thung."Alo leng chhuak a nih chuan a chak lo ang chu aw "Siampuiin a ti sup sup reng mai.





"Khawnge Zothana ?" Pindan lo chhuah pah a lo ti tu chu kan va en thuai.A lu chu a huh deuh chap a Nichin aiin a fresh zawk ang."I ţhian pa awm lai te chuan in bial rih loh mai tur che lawm" ka ni pawh chuan a lo.tih khum ve hlak hlak.





"Phur thak kai ta la ,I ţhiannu haw hun thleng I nghak thei dawn bik mi?" Malsawmkima chhuan lam lem lutuk chu kan lo then dun sak mai."I nula rim chak phur thak bak va nih Suh ,hei I unaunu te hi thlah nghal ang che ,zanah dar 10 Rik hmaa in I rawn thlen loh chuan kawngka ka kalh dawn a nia " ka ni chuan a ti zat zat a .






A hrilh pa lah chuan a ngaihsak hmel viau loh lehnghal."A mak hlak hlak thei emai nu-i" ka ni pasal in a tih leh chuan "Mak hlak hlak chu I fapa hi lawm ,min rim hun lai anga dar 2 thleng thleng a len ve ka hlau a nih hi" ka ni in a tih chuan kan lo nui tet tet a ka ni pasal pawh chuan tv lam a bih ngur tawh.




Sawmkiman keimahni in ve ve ah chuan min thlah ta ngei a ,tun lai ah chaw ka ei tlem nen ka rin ai phian in chaw kha ka ei tam lehnghal a.





Hun a liam duak duak a, ber thla kan Chuang mai chho a , Mizoten kan sik leh sa neih a hun nuam chho lai ber favang kan hmang chho a ka college in week kan neihna turah S.U member thleng chuan kan inpuah chah nasa hlawm tawh ngang mai.





Sport ni kan thlenga ka sport kawr kan ha ve ngei tak na in ko tlang A team ah bak kan tang leh tak tak Chuang lo.Last day a thil ei chunga kan lo ţhu chu kan house leader in min koh vangin alamah kan chhuk thla a "Volley ball hi khel mai rawh" min lo ti nih chu tunah final a ni tawh a ka khel thiam em pawh ka hre lo .




"Midang zawng mai la " ka tih chuan
" A awm ang tur an vang lutuk" a ti ve tlat a ,a hma a an khel ka hmuh tawh tho vangin 'Ka thei ve mai ang' tiin ka lut ve ta ringawt a.




A tir lam ka hlap fuh thei lo lutuk chu a zahthlak zawk mahse ka ti rei ve tial tial a ka thiam ve tial tial a ka score ve nual mai.Hun a tawp meuh chuan kan house point hnih in kan lo sang zawk a chuan kan chak tihna.



Ka vawikhat tihna mah nise a nuam ka ti ta phian final chauh a ka khel thei te chu ka ui leh hnuhnawh vel.Kan house atang leh house dang aţang 'Thla kan lo lak pui che ' ti an awm zeuh zeuh a thlalak mai mai alawm tiin ka lo lak pui ve zel bawk a.Chutih rualin hmeichhe dang min ei lo fe fe tawk lah bang lo .Ka hnung lamah min lo rel leh thin a ,a hnu ah a ţawngthei fal deuh ho bawk hian ka bulah an lo sawi leh ţhin.





Zan a Mordred nen kan inbiak chuan ka ni hman dan vel ka hrilh siam siam a ,a niin ngun deuhin min lo ngaihthlak sak thung ."Thlalak pui tute ho chu ka thik" a rawn tih chuan ka nui chhuak hak."Thla ka lakpui ve chak che lawm" a rawn ti thawp deuh sup mai.



Kan inbiak zawh hnu in ig lamah te ka va online ve zuaih zuaih e ka ti a Mordred in ig story alo nei ve ngei chu niin [You don't understand how much you really meant to me] tih te zawng hi a ni na chungin ka lo inngaihbel nasa khawp mai.







TUNLAI CHU CHHUNGKUA KAN BUAI VE RIH LUTUKA MIN LO HRETHIAM DAWN NIA,CHU TA KARAH KA BAWRHSAWM VE RIH LUTUK BAWK NEN


Show post links
Top

[Ngaia]

ENCANTADO


CHAPTER-11



Sports kan zawh meuh chuan a tu a te pawhin lehkhazir lam an ngaihsak leh tawh a.Keipawh exam a hnaih tawh avangin phone ka khawih tlem a Mordred nen kan inbiak bak chu phone ka khawih meuh lo.


Ani pawn lehkhazir ka duh ţhin tih a hriat avangin min be rei ngai lo.Lorie nen kan in video call laiin William a rawn lang ve hlawl a Lorie a rawn kap ka lak a ,tianga kan in video call hian alo lang khat viau.



"Ka lo zin ve chak e,lo kal dan tur min hrilh la air port ah min lo chang anga"a rawn tih chuan a hnunga kuah tu rum deuh hak thawm chu ka hre pha .Nui hak in "William ka ngam dawn si lova ka hrilh lo mai ang che" ka tih chuan a bialpa chu alo kiai deuh suk mai.



"Ninawm e,boss ka zin ve chak Alawm maw le Blair pawh ka ngai tawh hrim hrim a " ti a ngen ngawl zet a a dil chung pawh chuan lu ala thin khum tho."Ti teh darling I awm thiam tawh lo ka tih kha " tiin pakhat zawk chuan a ti ve leh thung an chet dan chu ka lo en reng tu zawk nge maw lungawi lo ni pawh ka hre tawh lo.



Ka ţhiannu hi ka hre Chiang a a nawr lui dawn lo tih pawh ka Chiang tawk viau a thil sawi duh tawh loh lam a thlen chuan eitur a nih loh chuan tihtur dang a sawi daih ţhin."Anih dinner naktukah kan ei chhuak thei" ka sawi reng kha maw .



"In ramah chuan honeymoon kan la rawn hmang zawk mai dawn nia" William chuan a rawn ti a a nui pah Tut tut bawk.Kan in call zawh chuan reilote ka online zuaih a Han biak tur em em nei ta lo chu ka offline har lo.



Krismas a hnai chho a ka pu thihcham pawh a hnai leh kuarh tawh a.Semester exam kan zo a ka chhang tha ve viau pawn ka hre bawk.Ka pu thihcham hma karkhat velah kan chawl a ,ka chak tawh bawk a Tlungvel lamah Siampuii leh Sawmkima te nen kan zin a ka pa te pawh ka pu thih cham a lo zin an tum tho vang a ni pakhat.





Dil ah te sangha man tur ten kan kal a ,thenawm nau te nen kan ni bawk a kan ri deuh Hut hut hlawm a ,a nuam phian bawk . UThartei pawn tunah nau thla hnih mi a keng ve leh tawh mek bawk.Ka u ber hian a dim dawih leh lutuk a,a Ning si hian "Zin bo na tur zawng mai teh" a ti ta thin a ka u lah chuan engah mah alo ngai bik si lo a .





Kan chhungkua min ti hlim angreng phian mai.A tute pawh chuan naute thar kan nei tur chu kan hlim pui tlang hle tih a hriat a Ka nu leh pa ngat phei hi chu an tu hmuh hmasak ber tur a ni lehnghal.Ka pu thihcham pawh kan chhungkhat ho leh thenrual tha te nen chuan kan lawm a.Hun hi alo kal chak zia ka hre thar zual a ,nimin mai ni a kan ngaih kha kumkhat alo tling chho veleh der tawh chu niin .




Mordred in tunkum Christmas alo haw hman loh tur thu a sawi chuan ka lo hnual nghal rawih thei.Mahse a tello in hun kha leh chen ka hmang tawh Alawm tiin ka infuih a .Thil ţha zawng zawng hi vawikhatah a rualin a thleng nghal vek thei lo ,thil tha leh hlimawm kan tawn karah hian lungngaihna leh vanduaina kan chan chang a awm fo thin.



Kan vanduaina tawh ţhinte hian mi chak zawkah min siam a ,khawvel nunrawn zia Chiang leh zualin min hmuh tir bawk thin.



Urlawk dan tur kan rel khawm a , college ah pawh ţhian dang ka nei ve nual tawh tih kan sawi tel hram ange.Unaua ho a hman khawm kan rawt thlu a.Chumai bakah kan ţhiante ho pawh sawm ve rem kan ti tlang theuh bawk.Resort pakhat chu Christmas Eve atana hauh lawk kan ti bawk.





A tel thei tur awm ang kan han inchhiar in kan tha hnem phian mai bawk a ,phur tlang tawh tak kan ni.Ni 20 ni a Christmas bazar tura UThartei nen kan chhuah chuan restaurant chhunga ka mi hmuh vang chuan ka nui lai chu ka tawp zui riai riai.



"Thil thleng a awm em ni?" Ka awm dan hrethiam lo fe a UThartein alo tih chuan ka bag a ka phone chu ka dap zui rawk rawk a.A hming ka hmeh chhuah rual chuan ka call zui a ,ka awmna hmun atang chuan a chet dan chu ka lo en reng.



"Hello" a rawn tih rual chuan "Tunah Khawiah nge I awm ?" Tiin ka zawt zui a . "Inah a niang chu ,ka chhuak peih rih lo ka tih kha " a aw ah chuan mak a ti tih a lang tel deuh bawk.Ka hmuh chian em vang chuan ka nui chhuak hak a "Eng nge I hriat a ?" A rawn ti ta chiah reng bawk .



"Lo nghak rawh" ka tih rual chuan restaurant chhung lam pan chu ka rual a .UThartei pawh chuan min lo zui ve zel a."Lalsiampui" a hnung lam atanga ka auh chuan a lo Phu deuh uih thei nia.




Phawk fe a ka lam a rawn hawi chuan ka lo melh tur khai mai ,chhuah ka peih lo ti si kha tunah kan Val senior a bulah alo awm chu a ni sia.Chhuah pui ah UThartei amah vangin ka sawm phah lehnghal a.



"Eh...nangni chu engtin?" A tih bah niaih chuan "Vawiinah date ka nei te ti ve mai ta che" ka tih chuan a lai deuh emawni a Kun nghal chal mai.




"Awi I Zak ve vel" nui hak chunga an bul chair ka pawh chhuah rual chuan UThartei chu thu rawn tih nan ka thlek khum bak a."Zothan lunch ei chhung chiah chu kan tibuai zuaih mai ang che u" ka tih chuan Siampuii chu an en hmasa leh te te a.



"E aw lunch nei ru...ka tih Kan bulah ei ve rawh u" a ni pawh chu a ţawng bah deuh niaih mai."In va han in zep thei dun tak " tiin ka be bawrh bawrh a.




"Engtik atangin nge in nih re re a ?" ti a ka zawh chuan Siampuii chu a ngawi ngul a min chhan a tum hmel miau loh avangin pakhat zawk chuan "Keimahni hi chu kan nih na a rei ve tawh viau a ,mahse nichin lawk khan kan inngaizawng ve chiah" a rawn ti thum dut a.



UThartei nen kan in en chuan a thusawi kan man chiah lo a ni tih kan hmel atang chuan a hriat theih ngei ang kan in en ha chu kan in nuih ta ringawt a .A sawi danah chuan nichin mai khan an nem nghet chauh a nih mai hmel e.



Thil order in thil dang sawiin kan titi ho barh barh a kan eitur kan eizawh chuan UThartei nen han awm reng na chi a ni lo tih kan hriaa bill kan pek zawh hnu in kan inzui chhuak a .Kan chhuah hma in "In biak ngei kan ngai ang"Siampuii bulah kan tih leh hram kha.



Vishal ah leh MC ah kan kal kual leh a kan chhuah hnu in kawngpui leh lama Mordred ang deuh chhuk thla chu ka hmu in ka In hria a mahse a ni te chu Australia ah a awm daih Alawm tiin mawl inti lutukin ka in thing harh leh ka ngai lutuk hian ka hmu sual a ni ngei ngei ang.





Kan in kawta car ka tih din rual in rang lutukin OPuia alo tlan chhuak a an nu ţhutna seat lam chu a rawn hawng zui rak rak a .Dim em em mai hian a Kai chhuak zui a "Ka Ning e" Uthartei pawn a ti leh nang nang tawh.



"In dim rawh" he thu hi tun lai chu a sawi ngun khawp mai."Hetiang lekah engtin mah ka awm lovang" a ti chung pawhin "A vawikhatna hi in uluk angai an ti Alawm ,I haw viau lo pawh hi I vannei "a tih nghut .



In lama an inkai chhuak chu car hnung hawng huau in ka en zui a ."Kan thil lei hi innu khai tir I phal loh pawn min khaipui tal la" tiin ka au zui lang lang a."Nangmah khan rawn khai mai mai teh" a rawn ti duh chauh heng zozai hi keimah a khai Turin min duh emawni.




Ka pa in "Hnuchham in a pek tur rawn lei tel rawh Christmas kawr tur an nei ve dawn a atha dawn Alawm" a tih vangin kan lei deuh teuh kha a nia.Keima pawisa aţang pawn ka lei ve nual mai.



OMama faifuk rat rat a Inchhung a lut tur chu ka lo pawt bet chawt a kan bazar ho chu ka khai tir ve a ."Mi mood fuh lai lai a ,min han tirh " a ti nang nang a ka hre lo det ve hmiah .





"Bawihte vawiinah Apa ilo ngai em?" Kan luh lai taka OPuian a tih chuan OMama chu a lo in siam chhe zui nang mai."Min ti Cheng cheng lutuk a ka Ning che a ti ang" ei loh hmel zet a ti chung hian dawhkanah ka thil khai tir ho chu a dah a ,a pindan lam a pan zui bawk.





UThartei zawk chu a zak ve deuh tih a hriat theih a hmai a Tai deuh hlar mai."Naute dang inneih leh dawn hun chu innu hi kidnap ila a tha ang"room atangin OMama alo au zui leh hram .OPuia tih loh chu kan nui vek .



Zanah Siampuii ka va biak chuan an nih chhoh dan vel ka zawt a .Ti hian a ni chuan min chhang a"Nitin min lo be thin a ,ka biak that loh pawhin min be zel a ngaiah khan ka nei ve aniang a message chan chang te ka nei thin vel" a ti a a nui chhuak hak a ."Ka duh ang tih pawh ka ring ngai lo ,a zei lo ve bawk sia min lo biak thin kha a hnu ah a reh deuh thut a ka awm thiam lo lutuk a . Hmeichhe dang nen a ka hmuh dun hian keimah ah hian che dawt hi alo awm thin a.Chuan Vawiin chhun khan ka tum loh lutukin ka inpuang a " a tih chuan ka lo nuih var var .






"Ka lawm pui che e ,a rilru a chhelo tih a hriat bakah a fel a ,a rinawm dawn tih pawh ka Chiang" ka ti ve luam a ."Amal e tiraw keipawh hian ka awih lo ka nuih a za " a tih chuan ka lo nui chhuak hak .




Ka muhil thei lo chu inhnuaiah chhukin ice cream ka zuk la a ka pindanah ka chho leh .Khawvawh em em lai a ice cream ei hi ka hobby pakhat a ni ve a ,Hetiang hobby a nei hi in awm ve nual tho in ka ring.




"Mordred ilo haw maw ,mahse engmah min hrilh si lo a " ka tih chuan tawi te hian min nuih a .Amah chu pan hnai in ka kuah nghal thlawp a ."Min hrilh ve lo a ,ka ngai lutuk che ka lo haw dawn lo iti sia" ka tih niah niah chuan ka lu ah chuan a rawn chul hliau hliau a .



"Min ngaihthu I sawi ve dawn lo ami?" Ti a amah ka en chuan dul deuh ruih hian min lo en a a hmel chu a chauh hmel ngawih ngawih bawk."Naute ,ka Tihpalh aw " a ti sup chu hrethiam lo fe in ka lo en deuh hâ ."Tinge ngaihdam min dil a ?" Ka tih chuan nui lui tih hriat lutuk hian a nui a ka kuah mek taksa chu a ral riai riai a keiin thlahlel lutukin ka kuah bet tawk tawk.






"Vanrammuan eng vangin nge ngaihdam min dil ?" Tiin ka au vak vak bawk .Ka khum atang chuan ka tho chhuak hlawl a ni pawh alo sang viau tawh .Ka Biang chu a lo hnawm deuh chap bawk .Engvanga Khatiang mang nge maw ka nih leh pawh ka hrethiam lo .Bathroom ah ka inti fai a ka intih fai zawh hnu in inhnuai lamah ka chhuk thla zui a .






Ka nu eirawng ka bawl pui a ka pa vawiin tihtur a neih avangin Hnuchham in lam kan la kal thei lo a .Tukthuan eikham hnu in in ka ti fai a OMama a leng chhuak a OPuia leh UThartei te chu in check up pah in UThartei te Inlamah Zanriah an ei nghal dawn bawk.





Siampuiin lo kal rawh a tihna hmun a kal Turin ka inbuatsaih a ,a ţhiante in niin a sawi bawk .A veng sawina lam ka pan chuan kawtah ding in min lo nghak vang tawh a keipawh car park rem in a awm na lam chu nui var var in ka pan a .




In chhung kan luh rual a min hnung chhawn zawnga sofa a lo thu chu ka en reng a .Ka pawh mai thei lo chu sawi loh nizan lam ka mumang kha ka hre chhuak zui zat bawk . Siampuiin aw a then kharh chuan kan lam alo hawi a ding hluai in "Naute Surprise" a rawn ti a min thawn em avang chuan ka che chang thei lo.





Keichuan heihi ka mumang a nih ka hlau a ,nizan ang mai a a ral leh riai riai kha ka hlau a ni."A ni lo hei chu mumang a nih hi" ka tih chuan alo nui chhuak hak a a ban phar chung hian "Test la" a ti a ,a lam pawh chu ka pan duh lo.Thaw hak hian ka lam a rawn pan a ka darah rawn vuan hmasa in nghet deuhin min kuah a ,a hmui chuan ka lu chu a rawn fawp vang vang.






"Min sik chhin teh" ka tih chuan ka hnungah a chul hliau hliau a na lo te hian ka banah alo sik .Heihi mumang ni lovin a tak tak a ni chuan Mordred Vanrammuana alo haw bawk .Alo haw loh tur thu min hrilh thu ngei khan tunah hian min kuah mek chu a nia ka awih thei lo ka Biang chu a rawn lum thla deuh pap mai ."Ka ngai lutuk che" a rawn ti ril ruih bawk.


Show post links
Top

[Ngaia]

ENCANTADO

CHAPTER 12




Harh chhuak thutin min kuahna atang chuan ka tal chhuak a ,a hriatthiam loh hmel takzet bawk."Lalsiampui nang pawn I hre lawk" tiin rum deuh ka melh a .Ka bul ami chu alo nui chhuak hak "Ka ngei che u" tiin ka kal tauh San a sofa ah ka va thu thla tharh .








"Tu emaw titau chu thlem angai dawn a ni maw?" A rawn tih pawh chuan an lam chu ka la hawi duh eih lo. An thawm chu ka ngai chang reng a Siampuii chu pawnah a chhuak ni ta in ka hria."Hey ka chau teh mai nia ka lo thlen na pawh ala rei lo" ti a ka mal chunga lo mut mai a tum chuan ."Awih awm loh nimin ah pawh ka hmu che" ka ti chhuak deuh tawl a.









"Min hmu maw?" Mak ti ang reng deuh a a tih chuan lu ka lo buk khum nghat a ."Nih tinge nichin khan mak itih hmel viau si " tiin min zawt lehzel a "Aw ka ngai che a ,chuvangin ka hmu sual emaw ka ti che lawm" ka sawi zawh rual rual chuan ka hmui ka hup nghal a ,ka sawi sual tih ka Chiang hle bawk mi thinrim lai lai a.








"Min ngaih vangin mi dang nen min lo hai ţhin a" a kiai deuh suk a ,ka awm dan laklawh em vang chuan han tih leh mai tur pawh ka hre lo .Side table a astray an chhawp chu ka khawih niap niap a ,zia lo lutuk ka la ti thla lehnghal ka van Zak mai mai tak .







Ka zuk chhar nghal sawk sawk meizial bung ala tam loh vangin ka chhar zo har lo ."I lungawi tawh dawn em ?Nge ni a ka thiam thil dang ka show zuaih dawn?"nuih za aw deuh a a rawn tih chuan."I ninawm sek" ka lo ti bak hluk zah nen thin zawng zawng nen a chhe fai vek tawh.









"Ka surprise che a ,I lawm lo tho sia" a tih chuan engmah ka sawi lo.Naupang chhia zet a ka kawr ban pawt a a rawn insawi hliau hliau takah chuan ka nui chhuak ta nge nge.







Hnuchham in kan tlawh ni chuan Mordred pawh kan kiangah a kal ve a ,chutiang tho in Siampuii leh Zothana pawh Malsawmkima nghal lutuk chuan a chhaih leh zuk zuk thin a .A ţhianpa a chet chhiat phah em em lehnghal.







Zothana pawh a che khawr tut mai ,a chang phei chuan a kal Bai leh auh auh zel chu te hlei hlei chuan Malsawmkima a ti nghal zual ."Malsawmkim chhaih reng Suh" Siampuii pawh chuan a khak veleh ta nge nge .







Naupang ho leh Mordred in fiam chu ka en reng a ,"Ani nen Hetiang hian fanu leh fapa duhawn deuh nei ila . Nitin apa lo haw lo hmuak ho in chhungkua in infiam ho thin ila" tiin duhthu te ka lo sam kual vel a .







"Tinge I nuih vur vur a " OMama mai mai chu min ti Phu Chiang lutuk ."Engmah a ni lo" ka ti thuai ka chhang rang lutuk chuan a nuih a ti za niang a nui deuh suk mai.







"I u hi min be tha hle rawh kumtharah chuan in kiangah ka awm tawh dawn lo a nia" a tih chuan phawk lutukin ka lo melh."Hna ka hmu thar a , thingtlang lamah ka awm hmel bank kha nia" ka en reng vang chuan a rawn ti chhuak a .







"Tak tak"
"Umm ni e" a ti leh deuh sup
"Awi nuam e !! Thil min lei thei nuam lutuk" ka ti chul a kan awm na ka hre chhuak Leh hnuhnawh naupang ho pawh chuan min lo en deuh hâ hlawm mai zia lo thin emai a.





Phur deuh a ka nu leh pa bula ka sawi ve chuan min lo nuih liam pui mai .Keimah zawk hi hna hmu thar ka ang zawk riau hian ka in hre tlat pek nuam ka tih zia mai chu.





"I van hlim hmel em em " lo ti tu ah chuan ka Phu deuh zawk naute pakhat ka pawm mek bawk."Nia ,OMaman hna a hmu thar a " ka tih chuan "Ava lawmawm ve" a ti a naute ka pawm lai chu a biang a piai zauh."Fa neih ve ka chak tawh e " ti a ka uan chuan "Ka siam ve thiam tho lawm " a ti a,a nui pah deuh suk bawk.







"Tenawm I tum I tih puitlin hma chuan ka nei nguarh lovang che ,fa te nen a hawi lawl lawl kan duh lo" ka tih chuan ka biangah alo fawp zauh .Chutih lai tak chuan a rawn de zawk "Mawi lutuk chhungkua in ang rap mai" Sawmkima chuan a rawn ti a ka lo lai ringawt.








"A nalh reuh hi min lo thawn ve rawh aw " Mordred en tura ava phei chuan a ti a ."A mawi chuan ka duh ve" ka lo ti thuai."I zah loh reuh zia hi" min lo ti let erh nia.Ka sawi a nih tak bik vang mai a Han zah loh bik mai chu leh.








Hmun dangah chuan ka kalsawn ta daih a Zothana leh naupang pakhat lo in awm chu ka hmu a.Zothana chuan lawm pawh a lawm lo a thu ve tawp ni maiin ka hria naupangte zawk chu a bulah a awm deuh tlat a .A bul ami pah lah chu a ngawi ngul mai bawk si a .







"A pu ,infiam ang" naupangte in a tih chuan "I pu rual ka ni lo ,a u min ti rawh" alo tih khum deuh nghut.





"Nih apu, apu tihin ka ko tawh lovang che infiam tawh ila" tiin a banah chuan a pawt a "I va nghal reuh apu min tih leh chuan ka infiam pui lo ang che " a ti leh a,naupangte chu a bu nghat nghat mai.






"Khawi motor lem kha lo la rawh khalh ang " a ti a naupang pawh chuan thu awih deuhin alo pe ve mai ."Vun ..vun.." a ti a naupang taksa ah te chuan a tlan lawn tir naupang awm atan a ka duh loh zawng tak tur a ni."A u ...ka chungah chuan tlan tir tawh lo la" naupangte chuan a ti a ."Ti nge nuam iti na nge?" A ti deuh bul bul a Mipa naupang pawh chu alo bu nghat nghat.







Ka awm hmun atanga an in fiam ka en chuan ka lo nui kar kar mai."In fiam dan dang ka hre tawh lo" a ti leh chuan ka hmui ka pet ruh fan fan ."Inkhel mai ang" a ti leh a mipa naupang chuan ball a pet a ,a ni a keeper thung ball lah chu an dang thei lo em em lehnghal a pa tling pui chu chhuatah a thal Huang Huang mai.






Ka insum nasat lutuk na lamah ka pum te chu a na vek tawh hial ."Eng nge a?" Ti a Siampuii lo kal in ka lo nuih lai a thlek zui chian Ani chu a nui lo Chiang hle."Hepa fing lo leh lutuk hi chu aw" a rilru chuan a tih ve vawng vawng chu ka ring Ani.





"UZothan " a au zui a pakhat chuan ţawngka chhang lovin a lu alo buk khum nghat a.Thaw deuh hakin ',Eng nge itih kha?" A tih chuan "Naupang ka infiam pui min hmu lo mi?" A ti a Siampuii chu a bengkhawn viau lo niin a lang."Nangmah kha tlu tel tual tual kher lo la" hahthlak tih hmel deuh a a tih chuan "E ..aw ni tak ka lo tlu a nih hi" a ti a a tho zui zat a.






Kan haw hnu in ka inbual fai sawk sawk a ,chau han inti dawn ila khatiang chauh na tham a ni si lo a mahse ,ka mut chhuak em em lutuk chu ka dang zo seng ngang lo .Ka inbual zawh veleh thawmhnaw lum ha in ka mu zui ta daih a .





Ka chhungten chaw ei tura min lo koh chuan ka chhuk thla chhat chhat a ."Ehe nu" ka ti deuh hliai "Nia hei Chhantea nen hian ka bazar kal kan intawk a ,leng Turin ka sawm lawk a nih hi min rawn thlah pah a " a ti zung zung a.Kan sitting room a Carlos lo thu reng lam chu ka pan phei a .





Carlos lo ţhu reng ep chiah sofa ah ka thu thla zui zat."Mut I va duh awm ve a ,chhun lamah te I mut a " a tih chuan za lo deuh hian ka nui a "Nia kan chhuak ka chau deuh a niang ka muttui tlat" tiin ka chhang let a .Kan sawi tel hram ang e Carlos nen hian ţhian nih kan duh thu ka hrilh khan ţhian ang Bakin kan in kawm zui lo a ,chuan a ni pawhin tunah chuan bialnu a nei thar tawh tih ka sawi tel bawk ang.







"I nu hian chaw ei ah min sawm tlat sia ka lo wi ve rawih dawn a nih hi" a tih chuan ka lo bu nghat nghat ."Nu te hi chu hnial hneh an har a ni tiraw?"ka tih veleh chuan alo nui vur vur mai.




Zanriah kan ei kham hnu in ka pa leh Carlos an inkawm a ,keipawh an inkawmna bulah chuan ka lo thu ve reng .Carlos chuan tun year a zawh hnu a USA a awm leh a tum thu vel a sawi a ka pa pawh alo bu nghat nghat mai.



Rawn awm laklawh ve mai bawk si a ,tiang tur te chu Mizoramah lo awm rih loh mai tur a nia. "Ka haw phawt mai ang hmun dangah len ka ngai a " ti a Carlos a thawh kan uaih chuan ka tho ve thuai a .




"Innu I rim dawn Chiang" pawn kan chhuah rual chuan ka chhaih zuk zuk ."Nghal Suh" a tih pawh chuan ka chhaih chhunzawm tho .Ka lu a rawn tuai thuak "Lalrinchhan" ka lo ti deuh that .




"Engthil nge thleng ?" Lo ti thawmah chuan kan pahnih chuan kan Phu dun zuk mai."Mordred" ka lo ti deuh hluai "Zomuanpui eng thil nge hepa hian in inah a rawn tih?" A tih that chuan thawk ka lo la hak.




A buai theih em vangin Carlos chanchin engmah ka hrilh hman ngai lo."Chaw alo ei a " pangai deuh chuan ka ti a ,a nui chhuak hak mai."Chaw alo ei nge thil dang a awm" a tawng dan chu ngeiawm lam rawng a Kai mah tawh ."Captain ,I ngaih ang a ni lo" ti a a lam a ka kal phei chuan a lo tawlh hnung dat.








"Kum khat em pawh ka la awm bo lo ,chuti chung chuan I bialpa hlui bulah ilo awm leh hman a ,a ni hi ila hmangaih em ni?" A thusawi hi ka awih thei lo zawk.




" Unaupa ,I ngaih ang a ni lo kei chuan"

"Nang kha lo in rawlh Suh "a thusawi lai pawt chat chuan alo ti a ."Mahse ,bial nu ka nei Alawm" a rawn ti zui leh hram chu Carlos hmai a ri nghal chawrh ."Engthil nge maw I tih hi le?" Ka ti vin ve ta thak.




A awm hmunah a in hrosa deuh kuk kuk a ,he mihring hian engthil chiah nge maw a hriat ni le . Chak deuh a kawngpui lam a pan chu ka umzui thuai a."Mordred ka thusawi ngaithla phawt la" a banah chuan ka vuan a ,a thing thla deuh sawk chu ka pai nghal hnawk mai.









"Engthil nge ngaithla tura min duh ,Lalrinchhana kha ka thik ve tho asin " a tih chuan ka sam ka Hui chho deuh pap ." Ka bialpa hlui Ani tih chu ka hria ,mahse ka bialpa hlui a nih vangin alak feelings ka nei reng bik lo .Ka rilru hi hriatthiam tum ve la ,in hmel hriat a inkawm char char kan ni tawh a,inkawm zui chu eng nge a pawi viau na" ka tih ve tan tan chuan min melh deuh ngur .








Keipawh ka lawm bik lo a ,thil engmah hre Chiang hmasa lo a lo kawp ang thaw thanga min chhuah thei kha ka tan a rilru nat thlak ve viau tho asin."Hrep hian Zomuanpui engthil chiah nge ti tura min duh" kan bula bawlhhlawh bawm an hun chu a chhuih zui bur .








"Ka thusawi hi I awih ka duh" ka tih chuan van lam hawi in a thaw chhuak ham ham ,ka ipik ruk zia a hre bik awm der si lo.Dik tak chuan tun ang hian Vanrammuana hi ka la hmu ngai lo a ,eng vangin nge Hetiang khawp hian Carlos hi a thik theih mai ni ka hrethiam lo.








"A nih heng thlalak ho hi eng nge awmzia ?"ti a thlalak a min rawn vawm na chu chhar in ka la kang a ,street light hnuai a ding kan nih vangin Chiang takin a hmuh theih."Heihi eng nge awm zia" thlalak nen chuan ka melh tawn sek a."Eng thil nge ka tih sual ţhin ,Engvangin nge hmeichhia te hian Mipa pakhat hi in kham khawp loh em em ? I danglam bik ka ring asin" a thusawi lai chuan a mit mengah natna Chiang takin ka hmu thei .







Heng thlalak zo zai te hi khawi atanga a dawn nge chu ka hre lo ,mahse heng thil hi Alan ang ngawt zawng a ni lo tih Chiang takin ka hria ."Heng thil hi tu thawn che nge?"







"Chu thil chu tunah hian a pawimawh em ni ?" a tih pawh chuan ka melh ngawt ngawt a min ring se ka duh zia hi a hre kher lovang .He thil ti tu hi tu chiah nge ni ang le ,Keipawhin khang kan awm hran chhung khan vawi tam thlalak ka dawng ve tho thin kha a nia.


Show post links
Top