ELDORADO BY Tluangpuii Cck (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ELDORADO BY Tluangpuii Cck (Completed)

Unread post by Ngaia » May 7th, 2023, 12:51 pm

CHAPTER : 18






Chutia in zui ve ta reng chu ka chhugte pawn an hre thuai a engmah an sawi lem loh avang chuan ka ngaih a tha viau a ,kanin ah pawh alo kal ve zeuh zeuh tawh a naupang ho pawn an nel ve lutuk mahse putea a awm chuan ka tim ve deuh thin a chu chu hrethiam in alo kal zing lutuk biklo bakah ka chhugte hmuh lai a inkawp viau ang a lan kha ka duh lo ani .



Upuia pawn a be chhe ngai hranlo a mahse min duhpui lutuk lo tih ka hria a chhan erawh ka hrelo thung a mahse chu vang a tawpsan erawh ka tum ngailo . Tawngkam a engthu mah thlung dun ta lo chu tim deuh chang ka ngah a ka ngaihtuah nasa ve thin viau a kan awmdan chu a dik ber lo a hriatchang ka ngah ve viau thin.



Class ah chuan kan thu dun a break lai a ni bawk nen tu vakmah an awm lo a a awmchhun te pawh chuan min ngaihsak lo viau a mahni buai buai hian kan buai ni mai in ka hria .Note ka copy mawlh mawlh lai chuan ka bulah thu in min lo en veng veng zel a ,ka va en lahin minlo nuih suk zel a kei kalo lai leh em em zel a .Ka note copy chu a ho a tih thu a sawi sek a " ka ning dah tawh teh" a ti leh hluk zel a.Ka copy zawh rual chuan ka lehkhabu chu khup in ka dahtha zui nghal a " Kan chhuak ve dawn mi?" Ka tih chuan " ka peihlo" a ti hmuk a chhuak lo chuan kan thu ta reng a ka biak leh a rul tawkin min chhang a a mizia chu a dang ka ti riau a .





" Min duh ve tho tiraw?" A tih chuan chhang mai lo in ka hawi kual vat a mahse tumah chuan min ngaihsak lo a kan thusawi pawh an hre kherlo ang ." Min duh em?" A tih leh chuan ka en reng ringawt a tawngkam a sawifel ka duh a mahse kan sawi takah chuan ka zam riau a sawi tur ka hrelo reng reng .Min en reng takah chuan "umm" ka ti tawp a ka duh alom ka mipa duh ber ka bulah a awm a engvangin nge ka hnar ang ni ?.


Nui sukin ka beng bulah " ka bialnu" min rawn tih chuan engtin maw tak hian ka awm a ka hlim ru veng veng .

" Lalthanpui a ning ang che ka tih kha " Lpa'n a rawn tih chuan ka hwwichhuak vat a alo luh lai ka hrelo reng reng Kan bulah chuan rawn thu thla nghal in"exam hun tur in hria em?" A rawn tih chuan ka en vat a " thla thar ah an tia " a tih chuan " a va hma ve" ka tih chuan " ka hre biklo mahse june velah kan exam thin tho kha " a tih chuan ka ngaihtuah a zirlai ka ngaihsakloh zia ka hre chhuak a ka mizia chu mak ka in tia in siamthat viau ka ngaihzia ka hrechhuak uar uar mai .






Tlai a ka school bang in a ka luh rual chuan U Biaksangi leh Upuia sofa a lo thu chu ka hmu a biak loh tawp ai ah " ilo leng alaw?" Ka ti a tha deuh chuan min chhang ve mai a " khawnge pitei te ?" Tiin upuia ka zawt zui leh a " an chhuak lawk" a ti tha ve mai a room ah inthlak turin ka lut zui a Pitei te an awmlo tih hria ila chuan Ema kha lo lut kawi turin ka sawm ngei ngei ang. Ka room ah chuan ka awm reng a ka chhuah leh chuan u Biaksangi pawh alo awm tawhlo a Upuian thingpui a lo chhuang mek a ka duh ve leh veloh minlo zawt vat a ka duh thu ka hrilh ve mai bawk a.







" June thla lai hawl ah kan exam dawn " ka tih chuan " a ni reng ang chu i zirlai I ngaihsak lo lutuk a ngaihzawng neih I thiamlo tlat putean a hauh che chuan nuam I ti lo ang zir tha rawh" min ti ve charh charh a a dik ka ti viau mai. Upui putea hi I putea tur ani ve ami ? Ka tih chuan nui huk hian " ka hre biklo ka koh than dan ania ka thlak thiam tawhlo" a tih chuan in en in kan nui dun ta rigawt a .



Hun a kal ve bek bek a Ema nen pawh kanin pawh sawt viau a kanin kar pawhin that lam a pan zel a kan chhugte ve ve atangin do dalna Kan tawklo bawk a engkim chu a tluang purh maiin ka hria .



Exam a hnai ve tawh bawk nen zan lamah chuan kanin be vak tawhlo a school kal tur in minlo sawm a school ah kan awmdun a tlaiah kan haw rual leh a a bak chu kan in hmu ngailo a lehkha zir Kan ngaih avang chuan phone ah pawh kanin be khat khawp mai.



Exam kan tan dawn ni chuan Pitei chuan hmanhmawh lo tur leh tha deuh a chhang tur chuan min hrilh ve luam a ka nu pawh in exam zawh ah chuan haw tur a min beisei zia a sawi fo a haw ka chak leh chak lohna chu a in zat vel ani.




Rin ai takin ka chhang thei viau a ka thian te pawh an chhan that thu an sawi ve sap sap a ,Ema' n minlo nghak ka hmuh chuan ka pan vat a a chhan that leh thatloh ka zawh chuan " a pangai ani mai" tih zawngin min chhang a .



Ka chhan that thu ka sawi chuan ka chhugte pawh an lawm ve viau a Upuia pawh in exam lai a ni bawk nen min awl ve viau a mipa mah nise eirawngbawl leh inchhung chet vel hi a hreh lo kan thenawmte pawh hian an fak thei lutuk .


Exam zawh a kan khua a zin ka sawm chuan Upuia chuan a chak viau a mahse class chawlh ringawt a hreh bawk sia Christmas kan hmang dawn nia a ti ta rigawt a mahse Christmas ah te chuan an khua ah a haw ve duh ang a kan khua ah chuan alo kal theih pawh ka ringlo.






Vawinah exam kan zo dawn a ka phur rualin school kan chawl dawn a Ema nen kanin hmu khat dawn avang chuan ka hnual rawih mai. " Exam zawh ah leng mai mai ila" Ema'n a tih chuan ka hnial lo khawp mai kan exam zawh ni a ni tho a pawi ka ti hranlo.





Sangsangi chu a phur viau a exam zawhah Rpan a lo hruai dawn a a haw chak tawh zia a sawi reng a a awmlo hranlo a chhugte bulah a haw a nga Rpa nen an in hmu zing thei dawn bawk a . Zaii erawh school chawlh a peihlo viau a thian a kawm tamlo bawk nen exam zawh a kan haw tur thu a hriat chuan a phurlo khawp mai.






Ka paper ka submit rual chuan ka zang hawk thei in ka hria exam boruak hrim hrim hi ka chauhpui thei.Ka chhuah chuan ka thiante pahnih pawh an lo chhuak leh tawh a ka chhuah khalh thei ngailo reng reng . Kan chhan dan te kan sawi ho lai chuan Ema pawh kan lam panin alo kal a ka dar a min rawn kuah pah hian " sir Sangpuian min tir lawk a minlo nghak la kan reilo ang" a tih chuan " Sangsangi te inah kalo nghak ang che " ka ti vat a kal ta mai lo chuan min en leh a " an in ka hrelo " a tih chuan kawngpui lam chu kawkin ilo phei zel ang a in var alo awm ang a chumi hnuai chu ani mai ka tih chuan a chal a ti chuar tap a ka nuih a za viau a " ilo zawt dawn nia min hrevek " nui pah chuan sangin alo ti ve bawk a engmah sawi tawhlo chuan a kal zui a .





Sangsangi te in ah chuan kan thian thum chuan kan awm khawm leh a kan pathum a kan awm hian a nuam tumah ven thawn tur an awmlo a Sangsangi lah chuan kan haw a hlau khawp a " Rpa lo thlen hma chu haw su aw " a ti leh thin a . Zaii pawh a hmanhmawh vak biklo aniang haw a duhthu pawh a sawi hranlo .





Rei vaklo hnu ah chuan Ema pawh alo thleng ve mai a " mi i rawn zawt ami?" Ka tih chuan a lu a thing vut a ka bulah a rawn thu ve nghal chat a . Sangsangi leh Zaii chu dawr a kal turin an in zui chhuak a kan pahnih chuan kan awm a " hmun dang ah leng lo in tah hian awm mai ang " ka tih chuan min en reng a a vawikhat nan ka hmui ah dimte in a rawn fawp a ka lo haw lo bawk nen a nui suk a min rawn fawp uar sauh a ka lo chhang chhang let ve thuai a mahse ka thiam vaklo a ka zak deuh bawk .




Thawm a awm takah chuan ka in la hrang vat a a ni a nui ruh ruh a Sangsangi leh Zaii lo lut pawh chu an rawn nui tha a chu chuan ka awm a ti nuam chiahlo ka beng bulah " min hmulo " Ema chuan a rawn ti leh sup a ka melh vak ringawt a .




Rpa a lo thlen hnu pawh chuan kan awm ta reng a Sangsangi leh Rpa chu an in kawp na a rei tawh bawk nen min zah lutuk hranlo .Dar 3 a rik chuan haw ka rilruk a Ema pawn min hnial lemlo Ema nen kan haw rual thei a mahse Zaii chu a haw na tur a hla bawk nen Rpa chuan a thlah dawn a Rpa lo let hma chu Sangsangi kan lo awmpui a Rpa lo let hnu chuan kan haw ve nghal a in a ka luh rual chuan " I van chhang rei awm em em " Upuian nui chung hian a lo ti vat a ka nui rigawt a " in van bang hma thei" ka tih chuan ban hun pangai ah ka haw ziah alom min melh ralh pah chuan a ti a " Sangsangi te inah ka leng alom exam zawh ni anih hi" tum bar a ka tih chuan " chance in nei anih kha " nui duh miahlo hian a ti a chhang tawhlo chuan ka room ah ka luhsan ta daih a .








End of chapter : 18


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 24th, 2023, 1:40 pm

CHAPTER : 19




Kan hma a hmeichhia chuan nuisangin min en a,min melh tawn zak zak ani mah zawk a ." Kim lo kan awm em?" Tiin a dar a kan zauh a , Sir Doma chuan " kan kim thawkhat in ka hria hei ka bialnu Zezei " tiin min in hmelhriat tir nghal a ." Zezei maw " chutiang chuan ka unaupa te pahnih chauhin min ko thin mahse tunah khan Zezei ti in min sawi ve anih kha chu chu ka hming a sawi ka hriat vawikhat na a ni bawk. " Hello .....Judy ka nia " tih pahin a kut chu ka vawn rem turin a rawn phar chhuak vat a,kalo vuan ve nghal zat bawk a . Kanin thlah rual chuan nui leh sakin a kalsawn zui nghal a,ka thlir zui vang vang a ,a hmeltha in a chhelo takzet.





Kan pahnihin kan thu dun leh a ,kan bul a thutna awl ah chuan tumah lo thulo se ka ti ru viau a ,ka tlangnel lo bawk nen hetia zahawm hmel tak leh hawisan vah ngai hi ka mizia nen a in mil tehchiam lo bawk.Hmeichhe nui har har thawm ka hriat chuan ka hwwichhuak vat a " Prof Janeti maw?" Engtin nge a tel ve ang tih kalo hriatloh zawk ni.Ka hlauh ang ngeiin kan thutna chu an rawn pan ding chat a ,ka tal buai deuh chu hrethiam ni awm takin sir Dominic chuan ka kut ah a rawn vuan nghal vat a,a mitmeng chuan hahdam rawh min ti ni maiin ka hria.



Hwwichhuak ngam tawhin ka kun ta ringawt a, kan dawhkan zawn a an rawn din rual chuan " kan lo zawm theih ang che tiraw?" Miss Janeti aw ngei chuan ati a .Engvang a hlauthawng ve rigawt nge maw ka nih le? Sir Doma chuan min duh a tunah pawh a bul a awm turin helai hmunah min hruai alom,mahni in fuih chung tak meuhin ka hwwichhuak a miss Janeti nen chuan kan mit a in tawng nghal sak a,min enchiang lutuk chu ka awm a nuamlo thei hial mai. Dawhkan lam a bih leh a a hawina lam ka en ve vat a, Sir Doman ka kut a vawn kha alo la thlah hauhlo a ka kut chu lak hran mai ka tum a ,ka rilru hrethiamlo zetin sir Doma lah chuan minlo vuan nghet tung lehghal a.



Miss Janeti chuan engmah a sawi lemlo a ,a lo kal pui nu zawk chu a ri barh barh a keichu min hmu ve ang pawn a awm duh hauhlo a ." Dominic, engtikah nge in tih ve dawn?" Tiin Miss Janeti nen chuan a melh tawn kual vel a ,ka awm ve reng lai a chutiang a a khawsa chu ka lungawilo viau a sir Doma ngawi reng pawh chu ka ngei hluah hluah mai.



" Ka bialnu in peih hunah hian ani mai" ti supin sir Doma chu a nui suk a ,ka kut a vawnna chu a ti nghet sauh bawk a ka kut chu a thlan dap tawh in ka hria ." I nupui hual Janet,I bialnu?" Ner deuh sak pah a tiin min melh kual vel a,a engpawi nge maw ka sawi a heti tak a min thamloh mai ni?." Rochanpui" Sir Doma chuan a ti hluk a ,a mitmeng chu a rum ul a a landan chu a nelawm loh takzet.Rochanpui ti a a koh nu lah chuan eng ah mah ngailo tih hriat tak hian " Dominic ka hrechiang che" a ti zui kha kha a ,sir Doma mitmeng nen kan boruak chu a rit ru riau a miss Janeti chuan enge maw sawi se ka ti ani.




" Dom, hrethiam rawh....Rc kal ang duh aiin i kai tawh anih kha .Zete ,lo hrethiam rawh aw nuamlo ti duh Suh" Miss Janeti chuan a ti zung zung a,a inthiamlo hmel chu ka khawngaih angreng.An thiandun chuan anin nawr deuh sat sat a ,an in kaisawn thei hram a .Chutiang a rui hmel a pu in ka hre bawk silo a, eng rim mah a nam pawn ka hrelo mahse khatiag tak a in thunun theilo tur khan enge maw a ruih dawn ni?.



In neih thutiam an chham dun lai chuan ngaihtuah tam fe hian ka thlir a ,sir Doma nen a tiam dun ve tur ang ten ka suangtuah chhin vel a.Ka bul a mi chu ka en a,minlo en ve reng bawk nen ka ngaihtuah na chu a hria ang tih ka hlau ru angreng.Zanriah te kan eizawh chuan khua a thim tan tawh a mahse light a eng bawk nen chhun lam nen danglamna tehchiam a awmlo.




" Wow ...Wow .." tih pah a kan bul a lo ding chu mo neitu kha ani tih ka hre nghal a ." Dominic a va chhelo ve ," tih pahin min melh a nelawm zetin a nui zui hak bawk a ." Rosangzual" sir Doma'n a tih sup chuan ngai pawimawh lo fe hian " ti teh thianpa ,keipui sa hauh hlur lo teh ... Pawmlai nei ka nih hi" tiin a nui zui leh hawk a ." Tun hnai mai atang khan pu ka nih tawh hi" tiin a nui zui leh a ."Ka bialnu Zezei" tiin min in hmelhriat tir leh a " Zeze,engtin nge Dominic hian a bum tluk theih che a? Tiin min melh a ,a fiamthu emaw tiin kalo nui mai a mahse a thutak hmel viau lehnghal a .Ka hawi buai deuh chu hrethiam ni awm takin sir Dominic chuan " Ka bialnu nen kanlo kal ang ka tih kha" tiin a nui luk suk a .Kan bul a mi chuan min ngaihsak tawhlo hian a kalsawn zui a ..






Kan haw kawngah chuan nuam ka ti em? Tih te chu min zawt ve luam a ," umm an thilsiam a tui bawk si" tiin kalo chhang ve vat a , lungawi hmel fe hian min nuih zui suk suk a.Kanin zawt a kan din chuan duhthawh zetin min fawp zui a ,kan duhthawh bawk nen ka duh aiin a kalthui ta deuh a in la hrang thuaiin ka mangtha zui chu min nuih suk a ,min hnial bik lemlo a .





Ka room a ka luh chuan ka ding chawt a ka khum ah chuan thu in ka pa chuan minlo melh reng a ,thinrim hmel a pu hranlo in ka hria mahse ka nu diary ka lukham hnuai a ka dah mai chu a lo keng va mai.Tawng mai lo chuan ka pa chu ka melh reng a " ka lehkhabu I lo kawl daih a " dam thlup a a tih chuan ka melh rum vak a ," ka nu diary anih kha" tiin ka phun sep a.Thudik ka hriat vang hian min lungawiloh khum ngam tur a ni pawn ka hrelo." Hei vang hi ami min ngaihnat tak loh?" Ti a min zawh leh chuan ka sa deuh pup pup thei ,chhang lo chuan ka ding ngawi reng a .



" I nu kha ka hmagaih thin ka thinglung zawng zawng in, khatih hun lai khan zirlai mai ka nia .Ka chhungten min duh puilo em em a ,ka chhugkua ai a ka thlang anih chuan ka chhugte khan nuamsa in an awmtir hauhlo ang" tiin a ngawi zui a ,ka ngaihthla em tih lam a ngaihtuah lo a a duh a sawi tawp ni in ka hria. " Ka zirlai te zir zo a mahni inrintawk na ka neih hnu khan ka fanu nang leh I nu lam tur khan ka lo kal leh a ,mahse hmuh tur in awm tawhlo a . Delhi thleng pawhin ka zawng che u a mahse ka hma ah inlo in lan tawh ngailo. I nu nen a kanin biak leh hma kha chuan " tiin a tho zui a ,ka nu diary chu ka kut ah a hmehbel chawt a " Muttui le" tiin min chhuahsan zui nghal a .Ka pa chhuah hnu pawh chuan chechang lo in ka din na ngai ah ka ding ta reng a .





Rei ngial ka din hnu chuan in ngaihtuah harhin ka thawmhnaw chu ka thlak a ,ka inbual leh hnu chuan ka phone chu la in sir Doma message thawnin ka mangtha a ,ka phone ka silent zui a ka ngaihtuahna kawmin khum ah chuan ka chhing zui ta vang vang a .






College ka thlen chuan Rda pawh alo awm awm a,tukin ah min nghak lo in minlo kalsan daih a an inah ka sawm kawi a ka tlai phah vek bawk .Class kan lak laite chuan a ti ti leh char char tawh a, class a lecture ngaihthlak hi chu a pachhe ve ngawt mai. A ruk in ka Phone chu ka hmet neuh neuh a Sir Doma message lo awm te chu ka chhang a , Miss Janeti message lo awm chu ka en vat a " Zete lunch kan ei dun dawn em ni? Thil sawipui duh che ka nei a " tih te mai hi alo awm a .Eng nge min sawipui a duh chu ni ang? .





Miss Janeti nen chuan in hmatawn in kan thu ran a zirlai dang pawh an awm ve nual a , mahse tuman min ngaihsak lem lo bawk nen kan thusawi chu a hriat kher ka ringlo." A chhungten an hriat phei chuan an lungawi dawnlo a nagmah hi ka ngaihtuah zawk che Ani.I hre tho ang a college kan kal lai atang a inkawp tawh kan nia kanin zawmna thuk tawh tur zia pawh I hrethiam in ka ring...Zete ka haw lo che mahse mipa chuan tlan tauhna tur an zawng ve thin a chutiang chiah chuan prof Dominic pawh in " tiin min melh kar a a mitmeng chuan pawi a sawiloh hmel em em bawk a .A thilsawi zawh chiah kha engtin nge ka dawnsawn tih a hre miahlo." Ka student I ni satliah lo a ,i mizia leh i career i hria i nat ka hlauhpui che .In in kawp tak tak kalo ring miahlo a " tiin a nui var var a ,sawi tur reng reng ka hre ve tawhlo.Engmah thleng lo ang mai chuan eitur te chu a chah belh a ka ril pawh a tam tawhlo ka thil ei chakna pawh a reh vek tawh." Lo in ngaihtuah chiang rawh,ka kal phawt ang" tiin min nuih zui var var a.





" Awii ,enge in sawi " tiin ka bulah Rda a rawn thu nghal vat a ,chhang lo in ka lu ka thing ta rigawt a.Min zawt sek reng tho a ka hrilh hma chu min zawt lehin ka ring " zanah ka hrilh ang che" ka ti ta ringawt a.





Zan a miss Janeti' n minlo biak leh chuan ka ngaihdan dik tak kalo sawi ve hmiah a ," Miss min hrethiam la, I thu angin ka awm theilo ang .Sir hian tlan tauh nan chauh a min hmang a,i bul a lo let aduh chuan ka dang lo ang mahse ka bul ah a awmduh anih chuan ka hnar theih ka ringlo " ka ti ve ta ngat a .






A ngai te bawkin nitin college ka kal a sir Doma nen pawh kanin kar a tha a,kanin pawh in kanin kar pawhin that lam a pan zel a chuti chung chuan Miss Janeti chuan tawngkam tha tak tak in sir Doma thlah tur a min duhthu a sawi reng tho a , Sir Doma hneh ah erawh engmah ka sawi ngai hranlo.Mahse kan boruak chuan ngai a awwh reng theilo a ,miss Janeti thurawn ka hnar kha ka buaina tan na tur chauh alo ni zawk a .




End of chapter : 19


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 24th, 2023, 1:41 pm

CHAPTER : 20






Harsatna liam tham em em tawk lo in sir Doma nen pawh thla hnih chuang kanin zui ve ta reng a , Miss Janeti pawn min lo be leh zauh thin mahse min huatna tawngkam a tel ngailo thung a ,ka tan a tha tur a duh ve tak tak anih ka ring.A chang chuan ka bulah sawilo hian sir Doma sawipui se ka ti thin ,sir Doma hnen a ka sawi lah in keilo midang duh a neihloh thu min hrilh zel bawk si.




Kan thian dun chuan thil ei in thil ho deuh deuh Kan sawi a , Rempuia'n min rawn zawm ve rual chuan Rda a ner nang nag a " I bialnu han zah theihloh dan hi Chu a" tiin Rempuia a melh tur deuh khai a ." Bialnu ka neilo e a" pakhat lah chuan alo ti hluk a,Rda chuan tlawm mai tumlo tak hian " nichin ah pawh kan zilh hlak kha Lalrosyi te thian ho zah theihloh zia hi chu a " a ti zui hlak hlak a chhan en ah pawh kan en tawhlo.





Rda chuan phone khawih nuah nuah pahin Rosyi te thian ho chu a rel bawrh bawrh a ,a lung a dam thei ngang lo anih ka ring. " Test results an tar tawh anih hi " Rda bawk chuan a rawn ti leh hluai a .Kan lo melh dan a hmuh chuan ngawi leh hmukin enge tih melh tak hian min melh dun ha a, Rempuia chuan chek tlak tlak pah in a ner khum chiam rigawt a.



Class lam kan pan lai chuan Rempuia chu Rosyi te thian ho chuan ban an lo vai lauh lauh a ,vai let ve ta mai lo chuan " saw pui ka ning e" tih pahin an class room lamah hmanhmawh deuhin a tlan zui a ,a hmanhmawh ve tehreng nen a la inchhuih deuh khut lehnghal a ,a che chhe ve thei ngawt mai.




Rda nen a step a kanin zui chhoh chuan results en tur thenkhatte chu an lo ri laih laih a ,an kalsawn hun nghakin kil khatah chuan kan ding dun ta reng a." En tawh ang ,tu vakmah an awm tawhloh hi" Rda'n a tih chuan engmah sawi zui tawhlo in notice board lam chu ka pan nghal a ." Zete,a ti tha zawk zawkin ei tur lei ti ila " Rda chuan ka hnung a min zui dat dat pah hian ati a " thil I ei zawh chiah kha " ka tih chuan " hmm pawilo I ti tha leh zawk dawn chiang sa a pawisa i ui leh a nih kha" min ti zek lenghal a.





Ka result ka hmuh chuan ka phu dawr thei in ka hria ka hmuhsual anih ringin ka en nawn leh ngat a mahse ka hmuh sual hauhlo . Engtin nge Education ah hian ka fail theih,ka subject ngaihnat ber ania mark pawh ka hmu sang ber thin anih kha .Ka thianpa lah chuan ka ngaihtuahna hrethiamlo zetin " bialpa neihdan i thiamlo anih kha" tiin a nui kur kur reng a ,kan ngaihtuahna in ang lo lutuk chu ka thinrim tun mai.





Class kan neih leh pawh chuan ka rilru ah thildang a awm theilo hrim hrim ,a mak ka ti ani.Ka chhang tha ve viau khan ka in hria a mahse ka fail daih a chu pawh Miss Janeti subject ah kher lenghal ka ngaihtuahna ang hi ni lul suh se.Kan semester ah chuan internal test apiangin topper ka ni ziah a , Education ah phei chuan mark ka hmu sang thei viau . Miss Janeti hian ka lakah rilru chhia a put ka ringlo ka ti takna a ka rilru chhugril chuan Miss Janeti thiltih anih a ring nghet hmiah thung.






Class ka neih tawhloh avangin Rda kalo nghak a ka ngaihtuahna a kal thui bawk nen midang lo awm ve te chu ka ning ru viau a ,a hnu deuhah phei chuan library lam ka pan ta ringawt a .Engtia rei nge ka thut tawh pawh ka hrelo Rda te class la pawh chu an rei ka ti tawh takzet.Ka phone message tone a lo Rik chuan rang deuhin ka en vat a " kalo nghak ang che ka rualin haw rawh ' tih te mai hi minlo thawn a.


Chhuanlamah Rda ka hmang chung pawn ka hnial thei ngang lo a ,a tawp ah chuan a rual a haw chu ka remti ta ngawt a .Rda alo chhuah chuan Sir Doma rual a ka haw tur thu chu in thlahrung deuhin ka hrilh a ka scooty min hawnsak Turin ka ti zui a,pawi alo ti lo nasa mai .





Gate bulah chuan Sir Doma chuan minlo nghak tawh a , parking lam kan pan dun laite chuan Miss Janeti emaw midangin min hmu em tih ka melh kual ruai a miss Janeti hmel chu ka hmu hauhlo.Engmah ka sawilo ang ka ti zet na in ka rilru a na em a ka sawichhuak lo thei nganglo ani." Education ah ka fail" ti hmukin ka bul a mipa chu ka melh ngar a ,min thlekin zauhin a nui suk a ." Ka rilru nat tehreng nen engtin nge ila nuih theih?" Ka ti vin hlar a ,a rinloh dan a chhan vang chu nge ni min en zawkin " diklo a awm em?" A ti zui a .Min ngaihtuahna aw ri ka hriat tel vang chuan ka lung a chhe thar viau bawk .



" Tha deuhin i zir tawh anga ,a tha em?" A tih leh chuan ka tap lo chauh tawh .Ti nge maw ka zirthat loh vang ah an ngaih vek mai ni? " Ka zirtha,ka chhang tha viau bawk " ka tih chuan a chal a chuar nang a ka duh khawplo. " Miss Janeti subject kher ah ngati nge ka fail bik?" Ka tih chuan " i ngaihtuah ang kha anilo ania ,kalo buaipui ang" a ti hmuk a .Min chhan dan vang chuan engmah sawi tawhlo in ka ngawi reng a,min be bik bawk lo nen kan ngawi dun ta reng a .



Tukverh a ka dan chhuah zauh chuan kan tlan na lam chu kan veng lam anih lo tih ka hrethiam nghal a " kawng diklo ah I tlan ania" ka tih chuan min chhang mai lo ." Khawge kan kal dawn?" Ti a ka zawh chuan " kan inah " a ti sup a ,hamhaih zet a ka en chuan nui sukin ka biang a rawn piai zauh a ka hrethiam theilo ." Enge kan tih dawn?" Ka tih chuan uang zet a nui pahin " Monu interview a" a ti sam et a " in inah ka kal duhlo" ka ti leh chiam a, ka thusawi chu eng ah mah a ngailo a ni chek ang chu min chhag lo in a motor khalh lai ah ngwt chuan a rilru a pe daih thung a .


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 24th, 2023, 1:41 pm

Chapter : 21





Inrinni ani a Rda nen lenchhuah kan tum a ka phurlo Rda lenchhuah pui hi chu biak tur leh pen lawk na tur a pui hi a ngah thin a .A bulah ngawi rengin kalo ding a ,a chang leh ka thinrim tun zel.A mah lah chu a la phur em em zui a ,a phur tawh bawk nen thulhsan leh chu chi tawhlo hrim hrim.




Rda ka va lam chuan dar 10 a ri tawh a alo in peih sa thlap bawk nen kan chhuak zui nghal a . Bazar kan thlen chuan kan hmanhmawh vaklo bawk nen Rda chuan en tur a hre leh viau tawh a , t-shirt ka lei ang che a tih chuan kalo hnial vat a .Hnial viau tum mahila min leisak ta tho a ,nidangah enge maw kala leisak ve mai ang ." Thil ei ang " ka tih chuan " ala hma lutuk nakin deuhah kan ei dawn nia an siam tui deuhna ka hria alom" a ti liam puat a ,ka ril a tam viau tawh na in ka hnial buai deuh hranlo. Ka thil ngaihtuah chhuah avang chuan ka nui deuh sak a

" Rd, uSangsangi dawrah khan kan va kal chhin dawn mi?" Rawn deuh pah a ka tih chuan a ding hluai a ,ka lo melh reng avang chuan thaw leh hakin " ka lo theihghilh chiang lutuk,kal vat ang" a ti hluai a min tur leh nghal sek sek tawh.Usangsangi'n thil a la eiloh chuan a dawrah ei ho ila a nuam zawkin ka ring.




Usangsangi dawr a kan luh rual chuan " Uiii! Ka thianpa....Lalrd ' tiin usangsangi alo te chel chul a Rda lah chuan " Mate " tiin a kuah nghal bawrh bawrh a ,min hrechang tawhlo reng reng ." Lal Usangsang,kan rilru hi ana ania ...Sawitur ka ngah lutuk,eng ber nge ka hrilh hmasak ang che aw? Tiin a in ngaihtuah zui nghal vung vung a ." Usangsang,eng ho hi engzat nge i tih ve?" Tiin tshirt an khai tlar dul chu ka thlek zauh a .A man zat min hrilh mai dawn amaw ka tih laiin " enteh, hetiang t-shirt hi a tha tawp , direct a kan lak anih hi original ala ni zui feedback pawh ka dawng nasa " tiin min hrilh duah a ka hriatduh ber a man zat pawh chu min hrilh chuang miahlo.




" Thil ei ang u" usangsangi a tih chuan kalo chhang vat a ,ka ril a tam tawh em ani.U Sangsangi'n an dawr thenawm ami chu phone in a order zui nghal a,kan nghah laite chuan an thawmhnaw khai tlar dul chu ka melh leh vang vang thin a " Dominica'n ha se a in hmeh angem le ? Tih mai mai chu ka ngaihtuah zui a ,ani chuan a hak tawk zawng zawng hi chu a in hmeh vekin ka ring.





Thil kan ei mawlh mawlh lai chuan" prof Janeti'n Zetei hi a subject ah a fail tir a" Rda chuan a rawn ti chhuak hlawl a ,kalo melh vat a sawichhuah leh ka duh hauhlo." Chutiang ani lo ka zir tha lo hrim hrim a" kalo ti vat a " lehkha i zir peih i chhan thatlohna chhan tur ka hrelo " Rda chuan a ti hmuk a . Prof Janeti leh Usangsangi hi thian an ni tih a hrelo chu pawi ka ti takzet." A va puitling lo ve ,keiman kan bia nge fel hmel deuhin a awm a a rilru a va chhe ve" usangsangi chuan ka rinloh deuh hian a ti ,ka melh hau mai.Swizui tawhlo se ka tih nen an sawi peih em em lenghal a ." Kan phone nghal nge" usangsangin a tih chuan kalo hnial thuai a , Rda ka va mitmei chuan min hmulo der hmak lenghal.





" A zuam ang che"a tih chuan ka nui liam mai mai a,kan chanchin zawng zawng chu hrilh chi pawh anilo ang.Kan haw dawn meuh chuan alo tlai tawh angreng a, khawiah mah pengkawi tawhlo in in lam kan pan dun vang vang a Rda ka drop leh hnu ah kan in lam ka pan zui ve nghal a .




" Kalo haw " ka tih rualin Gracy lo tlan vat a ka thil leisak ka pek laite chuan a nui var var a " thank you" a tih chuan kalo nuihsak a ,an room lamah hmanhmawh deuhin a tlan lut nghal nal nal a enge maw a tih dawn ni? .




" Kalo leng dawn" Sir Doma message ka hmuh chuan ka nui nghal vur vur a, mahse zirlai mai kala ni bawk nen ka chhugte lakah ka in thlahrung ru deuh ani." Lehkha zir ka duh asin" ti in ka chhang let ta ngawt a ,lo leng lui tho se ka ti . ";Anih chuan kalo kal leh lawk ang aw ,ka hmu chak lutuk che a" a tih chuan ka phur sar mai.Lehkhabu inchhawp in ka chhiar a,ka phone rik leh rikloh ka ngaichang ru reng bawk a Sir Doma lo kal rual a chhuah nghal thei turin ka in peih thlap tawh bawk.




" Hmingthansangi hnen ah ilo va zualko vel a ,ka hlau in i ring ami? Ka rin ai daihin ilo huaisar reuh anih hi " prof Janeti message chu ka chhiar nawn leh thin a chhan dan tur ka hrelo,prof Janeti nen a buaina neih hi ka duhlo hulhual .A tawp a tawpah chuan usangsangi ka call ta ngawt a ,a lak rual chuan " Usangsang prof Janeti hnenah enge I sawi a ?" Tiin ka zawt nghal pawp a ,min chhan dan tur kalo ngaichang ran a " Lalrinzuali chuan ala rawn be hram che mi? .He nu nasat zia hi chu a thiamlo zawk si zah hrelo lutuk " a ti zek a . Usangsangi hian eng vang a min tan viau nge maw a nih le? Prof Janeti nen anin kawm ngeih viau ni khan ka hre sia .





Dar 10 a rik pawh chuan Sir Doma chu ala reh vung vung a khumah mu mai mai pahin kalo nghak rilru a ,dar 11 a rik chuan ka phone chu a rawn ri ral ral a .Rang deuh a ka chhan chuan "I lo chhuak lawk thei em?" A tih chuan " umm" tiin ka chhang vat a." Ka lo nghak ang che" a tih leh chuan ka chhuah tur thu ka hrilh a phone chu ka ti tawp zui nghal a .


Min hnungzawng zawng a mipa ding chu ka thlir vang vang a ,a chhungte hian min duhlo takzet tih hi a hriat ve tho ka ring a , engvang a min kalsan daih lo nge a nih le?.A hnunglam atang a ka va kuah thut chuan rawnin herin min pawm kang nawlh a ka te deuh that mai." Prof Janeti'n sawi a nei em ni?


" Teuhlo mai" tiin ka lo chhang vat a,min en dan atang chuan thil hriat a nei tih ka hrethiam nghal." Sangsangi hnen atangin ka hria ania, I test paper kha Janeti chu i ringhlel viau em ami?"A ti leh a." Teuhlo chutiang a awmlo" ka lo ti leh vat a ,engmah sawi tawhlo in a nui suk rigawt a." Naktukah champhai ah ka zin dawn a kartwwp lamah kalo haw theih ka ring ,lo in enkawl tha la zantin kalo bia che " tiin min kuah hlun a .Eng ti turin nge a zin dawn engkim hriat vek ka duh a mahse a mimal nun engkim hriatpui vek tum chu a dik berin ka hrelo ani.Lut tawh tur a min tih hnu ah amah zawk chuan uar fe hian min fawp leh rih a ,tuman min hmuh ka ringlo bawk nen ka chhang let ve tan tan a kan in lakhran rual chuan ka hit mup thei hialin ka hria.






College ah Sir Doma hmel hmuh tur awm dawnlo tih hrereng chung a class kal chu ka phur tehchiam lo ani.College ka thlen chuan Rda'n hmanhmawh hmel fe hian min rawn pan nghal a " hethil hi en teh" tih pah in ka hmai zawnah phone a rawn lek kang va a rang deuh a ka en chuan ka phu chiang kher mai .Nizan a Sir Doma nen a duhthawh zet a kanin fawp lai thlalak ka hmuh chuan mak ka ti a ka kha a chih zo ni maiin ka hria,thlalak chu ka en tlawk tlawk a "engtin nge he thlalak hi ...Khawi a mi nge ? " Tiin ka thianpa chu ka zawt buai nuai a,phat rualin thlalak a mi chu ka ni tih a chiang a ka sam kir chiat leh t-shirt thawl lampang te nen lam chuan a lang chiang viau a " Facebook group pakhat a tang a ka hmuh anih hi, college ah hian a lar lutuk" ka rilru tur ngaihtuah lo zetin ka thianpa chuan a ti sar sar a.




Class a luhte chu ka hreh em em a luh loh theih ni bawk silo Rda nen chuan kanin zui lut hnak hnak a " engtin nge nizan lawk a thil thleng kha tunah a darh chiam theih mai le ? Nizan khan ka hawikual ngial pawn tumah ka hmu lo anih kha .. Usangsangi aaaa ani theilo ang" ka rilru a buai zo vek tawh Dominic hian a hria angem zing a kanin biak kha Chuan engmah ala hre biklo a nih hmel." Zete,I van lo zei em em Sir Doma te ang i chhai ngam ngat ania " Rosyi nui har har chu chhan let tumna pawh ka neilo." Dawn reng asin nang chuan Rempuia I umkual reng chung pawn a duhlo che nia ka thiannu hi chu ka chhuag ve em" Rda chuan a ti deuh hmak a , Rosyi te thian ho chuan an melh ram ram a an kalsawn zui a.A hnuhnung ber a kal Rosyi chuan ka beng bulah kun hniam zeuh pahin " a pui khawp mai" tiin a phun zauh a .Hemi te thian ho ve lah hi chhan awmlo hian min haw ve em em ringawt reng chu nia ,kan tihsual an chang ran reng a an peih zawk ngawt mai.





Sir Doma nen kanin biak hmasak ber ah thlalak chungchang chu ka sawipui a " i rilru tihah duh suh kalo buaipui ang ,Rochanpuii rui phur thil tih mai mai anih kha " a ti sam et a." Engtin nge I hriat? Engvangin nge khatiag thil a tih? Kan remtihna tel lo in ka thla a la a ,a post darh bawk a " zawhna ka zawt mawlh mawlh a hahdam turin min hrilh zui daih a ." Kartwwpah kalo haw ang , ka lo thlen hunah hmu tur che in kalo kal dawn nia" tia min hrilh hnu ah kanin biakna chu kan ti tawp a .Eng ah nge maw prof Janeti hi a rinchhiat duh hauhlo chu ni .





College atangin Rda nen kanin zui chhuak a scooty ka ken loh avangin bus chan mai Kan rilruk a , college gate bulah lo ding ka hmuh rual chuan Rda banah chelhin ka kalpui thuai a ." Zeze,biak lawk che ka duh a" ti a min biak zui talh avang chuan ka ding dat a , Rda chuan zawhna mitmengin min melh bawk a .Hnar mai ka tum laiin min melh ngar a ,a mitmeng chuan min biak ngei a duh thu a sawi ni maiin ka hria ,ka chhan mailoh vang nge ni Rda lam hawi chuan " i thiannu hi biak lawk ka duh a" tiin a hrilh zui a , Rda chu mitmeng buai deuh nak chung in a bu nghal sawk sawk a ." Minlo zui la" tiin a nui ver ver a ," thil ei pah ang aw " tiin min be zui nghal a.




Sir Doma nu nen chuan in hmatawnin kan thu ran a,eng thu nge a sawi ang tiin ka lo ngaichang ran bawk a ." He thil hi sawifiah teh", thlalak chu ka en reng rigawt a sawi maitur pawh ka hrelo ." Naupang chhia ang lekah ka ngai che a ,ka fapa nen hian ka rin ai leh duh ai daihin inlo kal thui a ," min melh ran a ." In la kal thui lutuk lo turah ngai ila ,lo bansan zawk mai ta che " a sawi lai mekin kan lampan chuan prof Janeti leh a thiannu Rci a tih kha an rawn kal dun a kalo enreng lai chuan kan dawhkan chu min rawn kilpui nghal a. Sawitur ka hriatloh bakah ka zam ani, tunah tak hian khuk ral theih se khuk ral daih ka duhin ka ring , Dominic ka mamawh takzet.





"Nu,henglai thleng thleng ten ilo kal a ,khua a lum bawk si" prof Janeti tawngkam vang chuan ka ner ru sak a ,nu ti in a ko zui a in hmelhriat satliah chu an nilo tih ka hrethiam nghal .Awm ve lo ang maiin min ngai a , chhungkaw chungchang leh Dominic chungchang te an sawi a an nui leh hak thin bawk a ,mi pangai Chhungkaw nu ber ve si a khawsak dan chu mak ka ti a ,ka ñu mizia nen ka khaikhin phei chuan ka nu fanu ka lo ni bik hi ka lawm ngawih ngawih . Hetiang hi ka nu mizia atan ka duh hauhlo.Chhuanlam siamin ka kal hrang nghal thuai a Rda ka hmuh chuan ka pan nghal hlawk hlawk a ,minlo nghah ka ring tawh miahlo a .



" Enge in sawi? Kha kha tunge?" ...."Ninawm Sir Doma nu anih kha" ka chhanna vang chuan a meng phawk viau lehghal a, zawhna chhan senloh min zawt nghal mawlh mawlh a tlang tak a thil nihna ka sawi chuan min khawgaih hmel a pu bawk in ka hria.In ka thlen thleng pawh chuan ka in ngaihtuah buai viau a Sir Doma hnenah hrilh mai ka duh tut tut a mahse in ngaihzawn lai atang a chhungte hek kha ka duh bik silo a. A nih loh leh an duh ang ngei hian ka kalsan mai dawn em ni? Chu thil chu ka theih in ka ring mawlh silo ani.




Sir Doma zin pawh alo haw tawh a ka buai rukna hre ve heklo , a mizia leh a nunphung ah engmah danglamna a awm lo a chutih rualin a mah chu ka chik leh zual thin.College ah te Miss Janeti bul a a khawsak dan engkim hriat ka duh a mahse zar buaitu nih chu ka duh lo.



" Kan room ah lo kal lawk teh" ka pa in class bang Inchhung ka luh rual a alo tih avang chuan an room ah ka zui lut nghal a.Eng thu tak sawi ang maw?" Dominic hi thlah nghal hmak turin ka duh che" Engvangin maw ? Engtin nge kanin kawp tih te alo hriat hman chu ni? " I rualpui ngaizawng rawh ka dang lo che , Dominic hian duh viau che pawh nise a chhungte hian an pawm dawnlo che" a thusawi chu ka rinloh lam daih ani." Chutiang rigawt anilo " ka tih chuan ka pa lungawi lo hmel ka hmu zui a " Hmaichhanah ngei an fapa tan a an duhloh thu che an sawi asin" ka mak ti hmel chu ka thup thei lo." An fapa tan hian an duhlo che ,a nu pawhin ka hnenah tlang takin a sawi a a thu hrimah Kum 20 I tling ve awr chauh a professor kawp ngam tur I nilo" a thusawi tawp lampang phei chu ka hre mang tawhlo.

" Ka thusawi ngai pawimawh lo a i ngaizawng pa kha i thlang anih chuan ,ka hnenah lo let hauh Suh ang che " tleirawl ngaihzawng nei satliah ve mai hi engtin nge khatiag tawngkam kha min hman khum theih chu le ?.


Ka rilru ah lehkha zir pawh a lut theihlo a tawpah phei chuan ka zirlai chu dahin ka phone bawk ka hmet leh neuh neuh a , Dominic chungah ka thinrim hlur a alo haw tawh tih ka hria mahse min be miahlo chu ka lungawilo viau.Dar 10 a rik chuan mut mai ka rilruk a ,ka phone alo ri ve zat bawk a ka nghah rilruk reng ani bawk nen ka chhang vat a " rawn chhuak rawh,ka nghak che" phone chu a tawp zui nghal a ,ka hrilhhai agreng .

Pawnah ka chhuah chuan Sir Doma chu a motor nghengin thatchhe zet hian alo ding a ,a lam pan a ka kal lai chuan chechang miahlo hian minlo en ngur a ,a bul ka thlen pawh chuan min en reng ringawt a lai fe a ka nuih chuan a ner sak mai." Zemawi, " min koh dan vang chuan ka tum nghal hmak a mahse amah zawk chuan lungawilo hmel a pu deuh tlat." He thil hi sawifiah rawh" a phone ka hma zawna rawn lek chhuah vut pah chuan a ti a ,a phone ka en chian chuan Rempuia nen a kan thlalak thil kan ei dun lai te ,a tam mai Rda erawh hmuh tur a awm miahlo he thlalak thawn tu hian a crop tih lah ka hrechiang.



" Miss Janet" ka sawi zo hmanlo " ngawi hmak rawh Janeti puh tum miah suh ,ka awmloh lai a I khawsak dan teh hrep hi ka hriatloh ring suh....Saw mihring saw ka that law law mai dawn ami?A thilsawi vang chuan ka tim sawk thei in ka hria . Rapthlak ti zetin ka melh a chhan ngaihna pawh ka hrelo .Thinrim zetin motor ah a lut zui a a tlanchhuak nghal bawk a ,a chezia chu mak ka ti ani.Mipa zawhawm leh in thunun thei tak ang khan ka hre thin a ,chu zawng ai chuan kei ai a prof Janeti a ring khan min ti na ani.




A tukah pawh chuan min be hauhlo a biak ka duh a mahse ka hreh ru tlat thung a . College ah pawh chuan ka hmu zui hauhlo,chu chuan ka ngaih a ti thalo hle bawk.Rda nen bawk kanin zui kawi nileng leh a Rempuia chu ka be hreh deuh tlat bawk a ,khati tak a Sir Doma'n a thik vang te pawh kha a nih ka ring .
" Ka inah lo kal rawh" Sir Doma message ka hmuh chuan ka so bulh thei min zuam riau a hriatna ka nei bawk ,mahse enge ni vak chuan zuam awm takin ka khawsa a inah hial ka riak tawh anih kha .Kha chu ka nunhlui ania tunah chuan hmeichhe laktlak loh angin ka khawsa tawh hauhlo ang.A message ka chhan loh avang chuan minlo call zui a " ka damlo" a tih chuan ka ngaihtuah ru angreng khawp a mahse kal ka tum loh thu ka hrilh ve hmak a ,nizan vang khan ka rilru a an a,ka lungawilo bawk.




Alo damlo tak tak anih chuan ka ngaihtuah viau a Rda hnenah chuan lo haw hmasa turin ka ti ta ringawt a ,zawhna min zawt kual chiamlo chu ka lawm takzet.Sir Doma in ka thlen chuan alo reh thiap a ,room lam panin ka kal zui a tui zetin alo muhil anih chu.A hmel ka hmuh chuan ka lainat ve rigawt a,tih harh hlau zetin a bulah chuan ka thu a minute 5 vel bak kala thulo ang tihah chuan a rawn che deuh talh talh a ,a rawn meng kawk mai min hmu chu mak ti awm pawhin a awm lo.



" Ka ril a tam " ka tih rualin a rawn tho chhuak vut a " mu rawn I damloh kha" ka tih chuan a nui ruh ruh a , bathroom ah a lut zui daih a .Choka ah chhukin eitur siam ka rilruk a ni pawhin engmah ala ei ka ringlo.Eitur ka siam lai chuan ka bulah lo dingin uang fe in min fiam zuk zuk a,a chang leh ka kawngah a rawn kuah leh thin a ,nizan a kan buaina kha chu kan sawichhuak tawhlo hrim hrim.Chutia kan lo infiam lai chuan door bell a rawn ri a ka che lai ka tawp chawt a " tunge" ka tih chuan nui chungin " ka hre bik nang" tiin a kalsawn zui nghal a.




Ka biru mai dawn emaw ni le? Ti a ka in ngaihtuah lai mekin hmeichhe tawng ri ka hre zui a " ka kal lohna a rei ta hle mai," tih angreng a sawi luam a choka lam an lo pan ni in ka hria .Ka hawichhuah rual chuan sir Doma nu nen kanin melh fuh nghal chat a,a nui hmel chu a tawp chat mai." Nang.., ka fapa hi a in thleng thlengin i lo va kalchilh thin maw?" A thilsawi vang chuan chil ka lem khalh a , Sir Doma chu ka melh ruai bawk a ." I Kum ngaihtuahin I huai sar reuh khawp mai ,tun chauh ka hrilh leh ang che ka fa pa hi tibuai tawh suh ".



"Engthil nge i sawi kha" mipa aw vin zetin atih chuan alo ip chawi a mahse ka bul a mi chuan eng ah mah a ngailo thung a." Ngawi hmak rawh ,he hmeichhia hian a ti a zo tawh che anih hi mahni tan a tha tur pawh hrelo" a ti let zek a ,chutah minlo en lehin" I pa hneh ah pawh ka sawi chian viau tawh kha ,ka mo atan ka duh ngailo ang che".Ka chhing sawk a a thil sawi chuan engtiangin nge min fan a hre hauh lo ang." Duhtawk rawh" Dominic chuan ti thatin ka kutah a chelh a ,a nu thinrim mitmeng mawlh chu ani." Janeti tih vel leh i mo duhthusam vel kha theihghilh rawh, Zezei lo hi tumah neih ka tumlo min dan I tum anih chuan ka chhuak ang " a hmarh a ri chawrh a .Ka hmuh lai ngeiin kut a thlak anih chu!




"He hmeichhia vang khan kei I nu hi min mi hran pawi i tilo a,tet te atang a ka enkawlna che hi hetia min rulh let hi engtin nge ngaihtuah pawh i ngaihtuah ngam zawk?" An nufa in kar a ni tawh a kalo awm ve rengna chi ni pawhin ka hre tawhlo.Hmahmawh zetin ka kalsawn a sir Doma min kohna pawh chu ka hria mahse hawilet lo in la chhuak zui a , scooty ti nungin chak zetin ka tlan chhuak nghal a ka ngaihtuah na te chu a mang duk a ka bing mup mup ni hialin ka hria








End of chapter: 21


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 24th, 2023, 1:41 pm

CHAPTER : 22




In ka thlen chuan rilru bing ru zetin ka room ka pan ding nghal a,ka room a ka luh rual chuan thaw ka la kawk kawk a ka phone alo ri ve chiah bawk a.Khatiang thil ka tawn hnu khan ka pangai theilo ani, ka phone ka chhan rual chuan " I tha em?" A ti sup a chu aw ri ka hriat rual chuan ka rilru a na zual in ka hria ." In then ang? " Ka tum ai rangin ka sawichhuak phawng mai," i thilsawi kha i hrechiag em?" Ka hrechiang lutuk. " I nu in ka lak a a rilru puthmang te ,a tawngkam zo zai te hi ka kham ve tawh lutuk" a rum hawk a ,ka duh ai tam ka sawichhuak tih ka hre chiah.




" Ka lo hruai ang che" hahh .." engvang in maw ,inthen ka duh" ka rilru tak tak ani lo mahse ka na ve em ani." Inthen ka duh lo ", min chhan dan chu ka duh khawp lo.


Ka chhugten chaw ei tur a min koh pawh chuan ka riltam loh thu in ka chhag a ka nu chuan chaw ei that pawimawh zia a sawi leh luam a,ka inthiamlo takzet ka mimal buaina inchhung khur a ti lang tur ka nih loh zia ka hre thar bawk.Dar 9 a ri tep tih ah chuan ka room atangin ka chhuak a ka nu te room kal pelh mai ka tum lai chuan in hau thawm ni awm tak ka hre zui a , hriatchian tum chuan ka beng ka chhi nghal ran a " kan fanu ania lom" ka nu thusawi avang chuan ka chungchang an sawi a nih ka ring nghal hmiah." I hria ani lawm ni? Ka fanu keh thei dawm a ka dawm ania sin,an ni chhugkua angin nei le lu lo mahila a tan ka theihtawp ka chhuah. Hmaichhanah ka fanu an duhloh thu min sawikhum thei ania ,an fa pa saw makpa atan ka it bik huam lo" an ngawi dun vang vang a ka pa thilsawi chuan min tina minlo hmangaih zia ka hre thar a,a lak a kalo hel thin te ka inchhir rum rum.




" A thlah thei dawnlo anih chuan a nu bulah Delhi ah kir rawh se ,pasal a nei fuhlo anih chuan a damchhug in nuam a sa tawhlo ang" ka pa thilsawi chu ka ngaithla mawl tawp a ngaihdan ka nei thiam tawhlo .Ka hriat zawng chu Dominic hi ka thlah thei lo. An thilsawi pawh chu ngaithla zawm duh tawhlo in ka room lamah ka let ta rigawt a.Ka room a ka luh chuan Dominic ka call zui a ,a lak rual chuan ka sawitur zawng zawng an bo leh duak thung a " ka lo kal ,lo chhuak ang che" a dah leh hmak chu ka lungawi lo takzet. Pawnah chuan chhuak mai lo in ka khumah chuan ka thu reng a, ka nu leh pa pawh an mu tawh aniang an reh diak tawh a .Rei fe hnu ah chuan ka phone alo ri leh a ,ka lo kal a tihna rei tawh nen alo thleng har ka ti reng ani.





" Inthen ka duhlo, kan kum inthlauh na hi a hrethiam lo mai chauh ania reilo te nghak ang ,ala pawm thiam em em ang" beiseina nen a min en tu chu ka melh lui ve ngat a ." Reilote ...Chu hun chu nghak ila thil a felin i ring em?. Engtik hun pawh thleng se kei hi ka upa sawt thei em ni? I kum a let zawngin a kal theilo bawk.In then ila inchhugte duhthusam chu nei la keichu ka nu bulah Delhi ah ka kir dawn" a mitmeng sen rum chu zamna tel miahlo in ka melh kar a ,min chhang lo a a ngawih reng vang chuan in herin ka kal zui a tunah hian min danglo anih chuan kan tawpna anih ngei ka ring.




Ka hnunglam atang a min rawn kuah chuan ka pen leh tur chu ka tawp chat a " ka chhugte ka kalsan ang mahse ka bulah awm rawh" a phun sup sup chu ka bengah a fiah em em a ,chhan mai dan tur ka hrelo." Ka ti na hauhlo ang che ," ka tal lui chiam a min kuah nghet sauh thung a .". Lalzemawi, ka lakah hian enge thildang I la beisei? .Ka bulah awm rawh ,ka chhugte ka neih zawng zawng ka kalsan vek ang ?" Ka pa thilsawi te kha ka ngaihtuah na ah alo lang zut zut a min sawmna hi hnar tur ka ni. " Min chhang ta che" ka phu deuh zawk a ." Ka ti hlau che mi Duatte? ..Ka bulah awm rawh aw , kan pahnih chauhin I tan ka awm reng ang" tawng chhuak theilo in ka heh ka pet fan fan a ,a tawngkam thlum tak tak te hi ka natpui takzet.




" Hrep tak chuan ...Ka chhungkua ka kalsan a ka neih zawng zawng chan ka huam chung pawn " a thaw hawk a ." Ka chhugte ang chauh hmeichhia ilo nih hrep hi ,nupui nei tur a min duh chuan ka nei ang .A tha em ? I lawm em?.. Min thing nawk a " Duatte,ka hmangaihna che hi engtin nge I rinhlelh theih ? Ka hmangaih lutuk che lom" ka tap chhuak hawk a ,nghet deuhin min kuah vat a.In la hrangin in lamah chak zetin ka kal zui nghal hlawk hlawk a .





Lukham a hmai phumin ka tap chhuak hawk a ,rei fe ka tah hnu pawhin ka mittui chu ala luang zung zung a ,a hreawm takzet.Ka hmangaih ve takzet asin, ka chhugte ka mitthla ah anlo lang zut zut a ka nu te ,ka unau te Gracyi pawhin ka tawn ang hi tawng ve lo se ka ti . Ka inngaihtuah ngial hnu chuan tho chhuakin pawn lam bawk ka pan zui leh a, pawn ka thlen chuan sir Doma a motor ngheng a lo ding reng chu ka hmu zui a ,a lam ka pan lai pawh chuan a din ngaiin a ding reng a engmah sawilo chuan ka kuah nghal thlawp a ,a awm ah beiin ka in sut zui hliam hliam a min kuah let ve in engmah a sawi lo thung a ." I bulah ka lo riak dawn " tap tiau a ka tih chuan nui sukin a bu nghut a " mahse naktuk zingah min thlah haw leh rawh aw" pangchang zet a ka tih chuan a nui chhuak hawk a .






Ka bul a mu chu chiang zetin ka en reng a ,a hmeltha ka ti takzet. A bul a hian awmreng ka chak a ,a nupui nih ka duh sir Doma tun a kan hlimna hian damchhug daih se ka ti bawk." Ka hmuhnawm viau ani maw?" A nui hawk a " I muhil miahlo" ka tih chuan min kuah nghet sauh a .Ka in rinloh lai chuan min pawm kang nawlh a ka lo te thawt bawk a ,ka mut lohna lamah chuan min muttir hmak anih chu . Ka hmuiah a rawn fawp zui a a rim a tui viau lehnghal, ka hriatchuah meuh chuan duhthawh zetin kalo fawp leh tawn tawn a inlak hran ka tum chuan ka thei mailo lehnghal.


" Ka hmangaih che " phun sup in ka hmai zawnah a thaw lum ham ham a ,min chul kual deuh ruai bawk." Sawi ve rawh min hmangaih em ?" Chhang lo in ka ngawi reng a a chet dan chu dawnsawn dan ka thiamlo.Ka tum lawk ni miahlo in ka thaw a rang viau bawk ," min hmangaih tiraw?" A thaw sa deuh ham ham chuan min ti danglam sawt viau bawk " umm ..Ka hmangaih che" ka thilsawi avang chuan a nui suk a .Tawp a hun tih ka hria tawp ka duh mahse tawp turin ka tawngchhuak theilo, ka rak deuh that chuan " ka tihpalh " tiin a phun sup a a chhunzawm zel thung a ,min dim viau chung pawhin na ka ti viau.




.Khumah chuan inkuah chialin kan mu a ka ngaihtuah na erawh hla tak ah a awm ni mai in ka hria . Tun mai khan ka thianghlimna ka hlauh a ka duhthlan na ngei in , hmeichhia mahni thianghlimna pawh hum theilo ka ni.Ka duhthlanna ngei a ka thianghlimna ka hlan mipa hi ka hmangaih a , hmeichhe thenkhat ang a mahni duhthlanna vang a inchhir a mittui sen erawh ka tum hauhlo, nawrluihna tel hauhlo a ka duhthlan ani.



Ka harh chuan keimah chauhin khum zau pui ah chuan ka lo mu tawh a ,ka tho vat a sana ka en chuan dar 6 pawh alo la ri . Bathroom ah lut lehin ka inphih fai a ka chhuah leh chuan inhnuai lam a tawng ri bul bul chu ka hre zui a " zingkarah inleng a nei emaw ni ? " Phone a hmang zawk anih ka ring.Inhnuai lamah chuan ka chhuk zui a kailawn a ka pet thlak rual chuan ka ding chawt mai .


" Lalzemawi, hmeichhe khawlo tak ang a khawsa tur hian ka enkawl che em ni?" Ka pa thinrim hmel sen hlur ka hmuh rual chuan ka thin a phu dawt dawt a , Sir Doma ka melh ruai bawk a ." Kan sawidun thei a ngem?" .
"Lo ngawi rawh ka fanu ka be mek anih hi" ka pa chhan na vang chuan Sir Doma lakah chuan ka inthlahrung ngawih ngawih ." Min rawn zui rawh" tih pahin ka pa chuan min pawt dawr dawr a tan buai pawh ka tumlo." Pa Tluang, Zezei nupui atan ka duh" ka pa chuan ding meuhin a leh hawi a ," Dominic tlangval fel leh puitling tak i ni tih ka hria ,in chhugkua leh I ni te te chhugkua nen a kanin pawh zia pawh ka hai lo mahse ka fanu duhlo a iai tu te chhugkua nen a inzawmna neih ka duhlo" a vin lo na a a sawichiang fek fawk viau thung. Kan chhuah dawn thleng chuan Sir Doma chu chet la lo turin ka mitmei zui reng a , buaina dang neih belh ka hlau ani.Ka pa pawh hi engtin nge helai hmunah alo kal theih zawk chu ni?.





Inchhung kan luh rual chuan ka nu leh Gracyi hmel ka hmu zui a ,kan boruak hrethiam ve heklo Gracyi chuan min lo be vat a a nui ver ver bawk a .Ka pa chu engmah sawilo in room ah a lut zui a , kawngtluan pawhin min be hauhlo.Ka nu choka lam a lut chu ka zui vat a " nu ka tihpalh" ka thilsawi vang chuan min lo en vat a " Bawihte, ka rinloh danin i khawsa a .I pa bulah ngaihdam i dil zawk dawn nia ,kei chuan ka ngaidam che" ka nu nui hmel ka hmuh chuan ka dam sawng sawng ka thiltih atthlak zia pawh ka hrechiang viau tawh.






Ni hnih zet class ka kal loh avang chuan Rda leh Rempuia'n minlo be reng a ,ka damlo ka tih chuan minlo kan an tum ruh viau a tun dinhmunah chuan lo kal lo zawk se ka duh .Rda'n ka mizia hrethiam tak a min zawh reng takah chuan ka hrilh ta vek a,a thiam ang angin min hnem ve bawk a ka thawl ve huai chuan ka hria mahse ka hlim phah hranlo .Sir Doma nen pawh kanin be fo a mahse kan la inhmu leh lo hrim hrim,ani chuan minlo hruai leh nghal rum rum a duh a mahse ka lo hnial ve tlat thung a .






Karkhat lai ka chawlh hnu chuan class kal turin ka in siam mawlh mawlh a , thuthlukna ka siam fel tawh bawk Sir Doma no chu ka block a ka delete zui nghal a ,min biak pawh theihna zwng zawng ka ti tawp a no hlang atang a call lo kal ka la ngailo bawk.Chhungkaw hlim lohna thlen tu nih reng ai chuan thlah mai kha ka tan a tha zawk a ,khua reiah ka inchhir lo zawk bawk in ka ring .Ka tan hian a harsa ve takzet ,ka thei angem tih pawh ka chiang lo mahse ka tum tur ani.Ka duhthusam chauh um a hmangaih na a ka luanliam viau lai khan ka chhugte rilru kalo hliam char char a ,tun ah hian engkim siamtha thei dinhmun ah ka ding a ka chhungkua ka thlang hi ka tihsual ka ring lo.




College ah chuan a pangai thei ang ber a awm ka tum a ka nui lui nasa lutuk chu ka chauhpui ni berin ka hria . Rempuia leh Rda'n min ngaihtuah em em a Sir Doma nen a kanin then tawh thu ka sawi chuan Rempuia a nui vur vur a " kanin ngaizawng ve thei tawh em?" A zawhna mai mai chuh bialpa ka then ve chauh ania .Ka melh dan a hmuh chuan " ka fiamthu nih kha ,ka duh tawh awzawng lo che " min ti zek a .Kan lo nuih dar dar lai chuan Rda'n min signal zauh a a hawina lam ka en chuan prof Janeti leh Dominic lo in zui lut chu ka hmu nghal a.Ka sa pup pup a ka puak thei mai dawnin ka hria . Ka rilru a hrethiam nge ni " Kal ang u ,ka puar tawh" tiin Rempuia a ding hluai a Rda nen chuan kan tho ve nghal zat a , Sir Doma te chu melh pawh melh duh tawhlo in kan chhuak zui nghal nal nal a .




Class kan neih avangin class room ah Rda nen kan thu dun a Rempuia chu a haw leh daih tawhin ka ring." Heii.... Sir Dominic nen inin then sia Rempuia hi ilo beisei nge aw ", Rosyi tawng zat zat chu ka en mawl tawp a chhan en ah pawh ka en lo." Kal mai mai teh khai ! Rempuia'n ka duh teuhlo mai a ti ziah che , a rual a haw I tum leh tal a hlauh vangin a haw hma daih" Rda chhan dan vang chuan ka nui ru tet tet a ,ka nghawk zauh bawk.


" Rodinglian,tawngthei si ka biak loh zawk hian minlo chhang ve chhen zel suh " Rosyi chuan a ti tan tan a " ka thiannu lamah ka tang ani ve mai alom ..I nep nen ,a hma a in insual pawn I hneh loh em kha aw" Rda mai mai chuh kanin sual kha sawi kher a ngailo a sin mawle ." Teuhlo e , Zetei sam a thur nasa fe zawk" Rda a nui hawk a. " Sam thur mai mai a ho e ,I make up pherh nasat nen" Rda a nui zui duai duai a an in hnialna lah chu a ho ngawt mai." Rempuia pawn insual I chin vang alom a duhloh che" Rda dawt sawi chu kalo nuihpui hak a ,minlo mitmei vat thung a ." Ani maw , I ti tak tak em ?Ka insual tawh miahlo ang mawle " Rosyi chu rin ai daihin bawl a awl Rda pawn a bawl thei ania .




" Rempuia chu ka lo hrilh ang i insual tawh dawnloh chuan ,nih Zetei hi ila ngam em?" Ka nuih a za ru tawh viau a " ngam e " Rosyi chhan dan vang chuan Rda a tum hmuk a " aii ka ngam leh lo Rd Rempuia chu lo hrilh ngei ngei rawh aw " Rosyi hian Rempuia hi a atchilh tak tak anih hi.Prof alo luh avang chuan Rda leh Rosyi pawh an ngawi zui a .




Class banah pawh chuan prof Janeti nen bawk ka hmu leh a ka thik lutuk chu ka a thei mai dawnin ka hria .Kanin then chauh a ngaihzawng dang a nei leh nghal thei anih chuan minlo hmangaih lo tawp tihna a nih dawn hi.A dawt thusawi kha kalo thutak khukpui ve chiam thin sia minlo ngainep ru viau zawk thin in ka ring rum rum mai.Kei nen chuan thla thum awr chauh kanin kawp a, prof Janeti chu a tleirawl chhuah hlim atang tawh a a hmeichhe ngaihnat ber ania lom.Thik tur ka nilo professor Janeti khan a sawidik tlan tauhna lek ka lo nih hi.Ka chhugte pawn kanin then tih an hre tawh a ka pa chuan engmah a sawilo,ka nu chuan min khawgaih tih ka hria chu chuan ka rilru tih no chang a ngah bawk.





Nitin college ka kal a nunphung pangai thei ang ber a awm ka tum lui tlat a ,hreawm tih chang ka ngah .Prof Janeti leh Sir Dominic in hmeh an tih thu an sawi ka hre leh zauh thin, a hma a kan boruak hria a zak theilo min ti tu pawh ka hre ve nawk bawk . College ah Rempuia leh Rda nen kanin zui chawt a ,thian dang kawm chak na ka nei lo a mahni chauh a khawi hmun ah emaw awm mai mai ka chak ber. Nitin a prof Janeti leh Sir Dominic hmel hmuh chu ngaiah neih har ka ti a ,kan hun lo hman dun tawh te hrechang lek lo a a ngaihzawng hlui a pan nghal thei chu ka dem a ni .Ani khan ka neih zawng zawng min laksak ka thianghlimna thlengin.




Ka nu in Delhi atang a min biak chuan Tetea bialnu in nau a pai thu a rawn sawi a,a mak ka ti viau a Umama nupui neih hmang tur a ka haw zawk lai khan Tetea bialnu Ruatpuii chu ka hmu ve ngei a kan in nel lutuk lo bawk .Ka nu sawidan chuan an khawsak a harsa ve hle ni khan a sawi bawk a ,eng dinhmunah pawh ding se Tetean a hmangaih phawt chuan neih se ka duhpui ber . Mahse a mipa zawkin Ruatpuii te inah a awmchilh thu a sawi chuan ka ngaihdan a ni lo,ka rilru a na bawk hetiang tak a tlawm tur hian ka unau pa hi ka phal lo hrim hrim.




Tetea nen kanin biak chuan ka lungawiloh thu ka sawi nghal bawng bawng a min chhanglo in ka thilsawi alo ngaithla tawp a ,chu chuan ka thinrimna a ti zual bawk.Ka duhtawk ka sawi zawh chuan ka thaw hawk thei " Zete, fahran nun hreawm zia kan hriatchian kha , Ruatpuii hi nupui atan neih ka duh "ka thaw hak a ." Nei ta che nei , nei suh tih thu ka sawi em ni?" Ka vin leh viau tawh." A nu hi lungtha lo ania a dampui rei tawh dawnlo,pa a neilo bawk a tu in nge a nu chu enkawl ang? Keimah bak hrethiam tu a neilo ka fa a pai mek bawk a ka thlahthlam dawnlo".





Tetea nen a kanin biak zawh chuan ka ngaihtuah nawn leh thin a ,in nei thei silo in thlah thei silo nun chu ralkhat atang pawhin kalo hahpui ve hluah hluah.




Ka rilru in hma a sawn viau a ,prof Janeti te pahnih ka hmuh dun pawn ka in thunun thei viau tawh.Ka rilru dam kimlo mahse hmalam a pan na ah ka lawmpui a ,chu chuan rah tha chhuah ngei se ka duh bawk.Ka hun tawnin a zirloh vang nge ni thil ei ka harsat a , zanah phei chuan ka muhil mang ngailo .Thil ka ei theih miau loh avangin ka dawldangin ka cher em em a ,ka derthawn hmel ngawih ngawih.Ka awmdan chu Rda ngaihtha lo in a sawichhuak leh zauh thin ,natna enge maw tak ka neih a ring ani mah zawk.Kei phei chuan ngaihthat lohna pawh ka nei lem lo zan ka mu tha lo bawk nen ka Bp emaw HB a hniam ka nih ka ring mah zawk.Zan a muhil theilo viau e tilo chuan chhunah chuan ka meng thei thlawtlo bawk a ,ka awmdan chu ka kham takzet tawh.




Rda nen a class tang a kan chhuah dawn lai chuan ka lu a rawn hai deuh riai riai a ,ka theihna sawm khawm in ka pen lui hram a mahse ka tilui thei nganglo.




Ka harh rual chuan ka hawikual thuak a ka bulah Rda alo thu reng a ,ka awmna chu damdawi in a ni tih ka hre nghal bawk ." Zete,I tha em? ..Nikhaw hrelo in i tlu a " ka lo bu nghat a .Rda hian amah chauhin helai hmunah hian min hruai theih ka ringlo mahse zawtchiang tur pawn ka tawngchhuak peih tawhlo .Rda chuan min melh vung vung a , sawiduh nei hmel a pu in ka hria " nau I pai" ka meng kawk mai . "Engtin nge anih theih nau ka pai maw? " Sawi leh mai tur pawh ka hre tawhlo . Doctor alo luh chuan kalo zawt nawn leh ngat a mahse min chhanna chu a ngai bawk ," kei hian nau thla hnih tlinglo deuh ka pai anih chu" .Ka nuichhuak hak a " kei hian sawn ka pai maw?" .




Ka room ah Rda nen kan thu dun a nidang ang lo takin Rda pawh a ngui ve nghiai a,kan boruak chu a rit ru angreng.Ka ngaihtuah na ka hman nasat luat ah ka lu ana bur a, atawpah phei chuan in sum theilo in ka tap chhuak hawk a , Rda chuan min kuah rigawt a ka lungchhe lutuk chu ka tap hawm hawm a ,ka mangang takzet." Engtin nge ka tih ang? Sir hian a fa ah a pawm thei dawn mi? Bakah prof Janeti" sawizawm theilo in ka in sut leh hlawp hlawp a . Rda chuan ka hnung ah a chup hliau hliau a ,sawi vak tur a hre biklo aniang engmah sawilo in a ngawi reng a ." Rd , engtin nge ka tih ang ka naute hi fahrah ni turin ka phallo" .Ni e ...Pa tello pawn fa pakhat lek chu ka enkawl ve thei lutuk mahse pa hmangaihna a dawng ve dawnlo asin, fahran nun hreawm zia leh pa hmangaihna ka thlakhleh thin zia kha , khatiag tawng ve tur khan ka fa hi ka phal theilo.




Rda remruat na angin sir Doma chu ka hrilh ang ,a pawm theilo anih chuan engkim huamin ka naute hi keimahin ka enkawl ang,ka nu bulah Delhi ah ka kal ang a a hmuh theih ah ka inlan tawh ngailo ang.


Karkhat a liam tawh a ka la hrilh lo ka huaisenna zawng zawng nen pawh ka hrilh thei nganglo.A nupui ni maitur prof Janeti nen nitin college ah an in zui a ,chutiang kar a a fa ka pai thu lo hrilh chu tu hmeichhia tan mah a awlsam lo ang.Rda'n min hrilh sak a tum chuan ka hnial vat zel a ,a awlsam loh zia hi a hrethiamlo lo ani.Ka chhugte ka hrilh ngamloh vangin class chawlh a remlo a a hreawm thin khawp mai.In kawm reng na na na chu Rempuia pawn a hre thuai a ,engmah a sawiloh avangin a ngaihdan tur ka hrethiam lo.





Class ah ka awm peih loh avangin library lam ka pan a ,nidang ang lo takin tu mah hmuh tur an awmlo ,a kil lam dawhkan chu panin ka thu a lehkhabu pawh chhiar lo chuan ka bawk ta hle hle a.Ka muhil hman tep tihah chuan tawng ri ka hre zui a peihlo zet a ka hawichhuah chuan Dominic chuan minlo en reng tawh a ,engmah sawilo chuan kanin melh ta ran a " I thiante ni a I chhal ve thin ho chuan nangmah chauhin an kalsan che ni maw?" Mipa ve si a buaipui ava ho e .Chhang lo chuan ka en reng a,min khawgaih tlat a hriatna ka nei bawk." Nang chuan kalsan ve ngailo tu bialnu I nei a ,ka bul a thu ho mai mai sawilo hian a bulah awm ta che" min melh ngar a ,a meng rum viau lehghal." Janet chuan min phatsan ngailo" chhan tum na pawh ka nei twhlo.Dawhkanah chuan ka bawk zui leh ta daih a " Zemawi,I dam tha lo ami? Na i nei em?" Min biakna chu chhan pawh ka tum tawhlo.




Rum hawkin min kuai dar nghal awr a ka inrin hmanlo chu ka rak deuh that a," engthil nge i tih?" Ka chal chu dekin a nur nang a " i khua chu a siklo" a thilsawi ka hriat rual chuan ka thinrim hlur mai.Tunah hian au khum phiar phiar ka chak lutuk.Hetia ka awm nachhan hi amah vang ani tih hrilh mai ka duh a , mahse he mipa hian engtin nge alo dawnsawn dawn ka hrelo a chu chuan min ti tim." Hmu tur che in kalo kal thei angem?" Ka thilsawi vang chuan a mitmeng a danglam ve deuhin ka hria, " siam nuam thei tu chu min rawn pan leh chat dawn tihna mi?" A mitmeng a min thamlohna lang chhuak chu en loh hram ka duh.




" Ka kal ang e" tih leh din ka rual a ,engmah sawilo a min thlir mawl tawp tu chu ka kal pel zui nghal a.Library atang a ka chhuah rual chuan duhthawh zetin thawk ka la kawk kawk a ,ka lu te chu a hai muai muai thei in ka hria .Rda chuan min ngaihtuah avangin in thlengin min zui haw a ka chhugte min hrilhsak pawh a in huam viau , keiman ka hrilh tur thu ka sawi chuan min thut hnaih vat a min fuih mawlh mawlh bawk a. Ka thlamuan pui takzet.




Zanah chuan rinloh deuhin Rempuia'n minlo call ve teh mial a ,thil ho te te kan sawi a min tih hlim chu a tum viau ." Zete ,ka nei ang che i duh phawt chuan .I nau pai lai pawh hi ka fa ang in ka pawm ang" a thilsawi vang chuan ka chiai nasa mai." Thian ang bak in ka en lo che mahse harsatna i tawh lai hian ka phatsan lo ang che" a thilsawi chu ka ngai kawi deuh tlat . Keiman Sir Doma chu ka hrilh ang ka tih chuan a ngawi vang vang a ," chu hun chu ka nghak ang beisei ang a thil a thleng lo anih chuan ka thuthlukna ah min hnial suh" thupek ani mah zawk engmah sawitur ka hrelo. Ka chan chhiatzia ka ngaihtuah hian ka mittui a tla lo thei thinlo.






Ka phone ri chuan min tiharh a muthilh tui lai a call lo lut thin hi chu a ninawm ngawt mai,tunang hunah tunge maw ni le ti rilru chungin phone chu ka en a" Dominic" ka la dawn nge dawnlo tih ka ngaihtuah chhungin a tawp daih a .A rawn call leh nghal zat a " hello" ka tih chuan a reh vang vang a ,call sual palh anih te ka ring leh rum rum a .Ka mutchhuak pawh a reh vek tawh, " lo chhuak lawk la" a duh duh hun a koh chhuah theih ah min ngai emaw ni le? ." Ka mu tawh,va haw rawh" ka thilsawi vang chuan a thaw hak a " sawidun tur kan nei in ka hria " ni e sawidun ngei ngei tur chu kan nei alawm .Tun bak hi hun tha a awm ka rin tawhloh avang chuan ka chhuak leh ta nge nge a ,ka thilsawi tur chu hreh tak te in ka hreh bawk.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 24th, 2023, 1:41 pm

Chapter : 23




Dominic Pov:



Ka hma a ding chu ka en reng a a inthlahrung hmel chu hmuh nuam ka tilo ,a lan dan pawh chu ka duh dan anilo a dawldangin a cher em em a a derdep hmel takzet.Ka hmeichhe hmangaih ani tih a in hrelo emaw ni le? Hria se zawng heti tak a inthlahrung hmel hi a pu hauhlo ang.



" Nau ka pai" a mittui a luang thla nghal pap a ,a kut Chuan tuai thuakin hnuai lam a bih zui daih a . Engthil nge a sawi kha ? A thusawi kha rinhlelh na ka nei hauhlo ,a landan hian a thusawi kha a nem nghet ni maiin ka hre bawk .A pum chu ka en a a thep zaih a,ka mit fukna a hmuh rual chuan a ip deuh chawi a ,a pum chhungah hian ka fa awww kan pahnih a kan fa tur a pai mek ani.




Ka pan hnaih chuan a tawlh hnung dat a kalo rum hawk thung . Engvangin nge khatiang khan a awm ? Min hlau leh min thlakhlehna nei miahlo hmel a pu hi ka duh lo." Khawgaihin" ka thusawi vang chuan che chang lo in a ding reng a ,ka kut phar chhuakin a pum chu ka ban da da ka khawih rual chuan keimah ah hian sawifiah thiam siloh danglamna a awm a , chuthil chu enge anih ka hrelo ka rindan chuan pa hmangaihna anih ka ring.Engmah sawi twhlo in ka kuah nghal thlawp a ,ka awm ah chuan bei in a in sut zui hlawp hlawp a a lu ah duat deuhin kalo chul sak hliau hliau a ,chu chuan a lung a tichhe zual ani ngei ang a in sut nasa zual sauh a .




" Ka lo hruai dawn che a,ka bulah awm rawh aw " ka tum lawk pawh ni lo in ka sawichhuak phawng mai. " Miss Janeti kha" hahhh ." Nang lo tumah neih ka tumlo ka fa lo piang tur tan a pa tha tak nih ka duh bawk " ka thilsawi chu hrethiam se ka ti takzet. " Kanin ru dawn mi?" A thilsawi dan chu a naupang chhia ka ti, " umm" ka bik nghat rual chuan a mitmeng chu a chiai deuh a mahse hruai haw ngei chu ka tum ani. Ka chhugte hian an pawm ngai dawnlo chu chu kei ai a hrechiang an awmlo, palai tirh phei chu hla tak ani.Ka bulah awm se a chhungten min pawm thei anih chuan in pawh tak a khawsak ka hrehlo mahse kan chhungten min pawm theilo ve ve anih chuan kan pahnih chauhin kan fa lo piang tur nen bul tan tha in chhugkaw thar leh khawvel thar kan din mai tur ani.




" Prof Janeti nen inin kar ka hria a ,min nei turin ka ngen lo che . Fahrah pa tello a seilian ka nia ,a hreawm ka ti thin . Ka tawrh ang tuar turin ka fa lo piang tur hi ka phal lo ani" ka hria lawm .Kan fa hi a fahrah hauhlo ang ka bulah a awm ang a nu leh pa hmangaihna pawh a dawng ngei ang ,a duh apiang ka tihsak ang a a nu nen hian hmangaihna tawp theilo in ka hmagaih ang.Engkim huam a min zui pawh hnial lo tu hmeichhe huaisen chu ka en a ,ka en nawn leh thin a ka lung a awi hliah hliah ani.





Ka khumah chuan kan mu a ti hian nupui ka ru chu ani mai a, ka chhungte hrilh chu ka hreh lo mahse min dawnsan dan tur ka hria Zetei hi ka ngaihtuah ber zawk ,a rilru a hah ka hlau a an tihnat phei chu ka phallo tawp ang. " Ka chhugte bulah kanin ru ka ti dawn mi?" Min zawhna vang chuan ka nui chhuak hawk hawk a ,a lawm awm ngawt mai tun ah chuan kan fa tur a pai tawh lenghal.He hmeichhe pawisawilo lutuk hi chu hmagaih loh a har ani.





Zemawii POV:




Ka harh chuan ka zi mar talh talh a ,ka zak leh hnuhnawh pasal ka um ve rigawt chu nia .Ka bul a mu chu ala mutui khawp mai.,khumah chuan thu in ka thlir dauh dauh a .Tunah chuan a la tlai lo bawk nen tiharh ka hlau viau a ni, door bell ri ka hriat chuan ka hawi kual vut a .Door bell chu a ri nawn tluk tluk a , Sir chu a harh lo bawk n inen choka lam chu ka pan zui a . Kawngkhar ka hawn rual chuan Sir Doma nu hmel ka hmu zui a a hmelah rigawt pawh chuan a thinrim hle tih a hriat theih a,a mit pawh a sen vek .Lo lut rwwh tih pawh ngailo in a rawn lut zui nghal thuai a " Zothanpui" tiin a au zui nghal lawng lawng a . Dominic chuan a chhan mailoh avangin rum lutuk a min melh chung hian "hmeichhe zah hre lo lutuk, nu leh pa thu tha hrilh tu tur che i neilo em ni? " Nu leh pa chu ka nei ve lawm.An nufa inkar ah hian inrawlh ve ka duhlo " ka han kaitho ang" ka tih chuan a thaw hak a , " haw ang che mipa luhkhung hi I zak miahlo ami?" A thilsawi chuan ka rilru a ti na.





" Ka haw theilo ang Dominic nen hian kanin nei tawh a ,a man haw tur a min duh a nihloh chuan ka haw dawn lo" a mit meng chu en pawh ka en ngam tawhlo." Nang hmeichhe zak theilo lutuk" ka chhing sawk a ," duhtawk rawh, engthil nge ti a i inhriat a?" Thawm lo chhuahna lamah chuan kan hawi rual thawt a , Dominic chuan minlo thlir reng tawh."' Inah lo haw rawh ,I pa thinrimna hi Cho chhuak Suh" a fapa lam chu a pan ruak a " Zezei tel lo chuan kalo haw lo ang, Zezei i pawm theih hma chu nang pawh lo kal tawh suh" a nu a chhan dan vang chuan kalo ip deuh.Thinrim zetin a nu chu a chhuak zui nghal a, a fapa lakah a lungawiloh zia chu mi mawl ber tan pawh a hriat theih .




Eirawng kan bawl laite chuan ka melh leh zauh thin a ,tun lawk a thilthleng kha chu hria ang pawn a awm tawhlo.Ka chhugte minlo biak hun chu ka nghak a ,ka huphurh em em bawk .Dar 8 rik tepah chuan ka phone a lo ri ta nge nge a , ka nu ani ka chhan rual chuan" khawge I awm, i pa lung I ti awilo teh ania" a rawn ti zat a chhan mai ka tum lai chuan ka pa tawngthawm ka hre zui a . " Hmeichhe khawlo lutuk,ka inchhung hi rawn rap tawh hauh suh se thil awmzia ka hrilh nasat nen , hmangaih tlakloh lutuk" ka ngaithla zawm thei tawhlo chuan ka hmet tawp ta ringawt a .






Eirawng kan bawl dun laite chuan fiamthu a thawh a min tih hlim chu a tum viau a ,kei erawh ka ngaihtuahna a kal thui telh telh a , hmachhawn tur leh paltlang dun tur kan ngah lutuk chuan min ti chau ani.Delhi atang in ka nu in min rawn be vat ang a tah chuan enge ka lo sawi ang? .Prof Janeti ka hmachhawn a ngaih hun pawh ala awm ang a Dominic hi ka hma ah a ding reng thei dawn em ni?. Engmah thleng lo ang maiin ani chu a phur sar a ,ka pum chu a thlek leh vung vung zel a heti tak a a hlimpui hi ka beisei phak bak ani.





" College I kal dawn em?" Tia ka zawh chuan " kal lo ang" tih zawngin min chhang a ,engmah ka zawt zui tawhlo.Chaw ei laite chuan chawhmeh min suah sak a ,min barh lo chauh ani." Miss Janeti i hrilh em?" Ka tih leh chuan min en vung vung a " ani ngaihdan a pawimawh hleinem, chaw ei teuh rawh .Ei chak I nei em?"


" Engmah ka ei chaklo ka mu chak" ka chhan na vang chuan a nui suk a, " class I kal zawm duh chuan I kal thei ania mahse i fimkhur viau a ngai ang" class kal zawm leh chu ka chak hranlo. Thleng sil ka tum chuan a phal leh tlat tawhlo a ,a thleng silna bulah lo ding in a che vel chu ka lo thlir reng a.Hetia kan khawsa dun mai hi mak ka ti ,ka phone a rik chuan ka en vat a ka nu anih avangin ka kalsawn zui a , " Bawihte ,I pa hnen atangin ka lo hria a ,I pa thu zawm tur i nia sin " a thilsawi chu keipawn a dik ka ti.


" Nu ,nau ka pai alom" ka thilsawi vang chuan a phul deuh hlut a ka in enkawl that loh a hlau thu mawlh a sawi a , " ka rirlu a buai thuthlukna siam dan tur pawh ka hre tawhlo.I nu leh pa thu kha ngaichang la I tan a tha tur chauh an duh tih hre phawt teh" ka nu thilsawi chu a dik ka ti mahse fahrah ka ni a ,a hreawm zia pawh ka hria ka dinhmun ang a ding tur hian ka fa lo piang tur hi ka phal thei lo ani.



Khumah chuan mu in kan ti ti sap sap a ,a ni leh nilo ang takin a tawng ve bul bul a min ngaih zia a sawi zing malh malh viau bawk . College a min hmuh apiang a Rempuia a hmuh tel ve thin vang a a lungawiloh zia a sawi lai chuan a tum hmuk a ,ka nuih a za tak tak.




Rda'n minlo biak chuan a thinrim bawk si Dominic nen kanin kar a that vang chuan min lawmpui tho bawk si,min hrethiam thei thin lutuk hi ka vannei ka tilo theilo.



Dominic nen pawh kan khawsak dun na thla khat lai a ni ve tawh a ,prof Janeti reh hmak chu ka ngaih a tha lo lek lek a Dominic hian ka hriatlo in a bia a nih ka ring ber a ,a vo zawk pawh ani maithei.Dominic a chhungte an lo kal ngailo a ka nu erawh chuan min rawn tlawh ve fo a ,ka pa chu a la lungawi lo anih hi ka ring.Biak a ngaihdam dil ka duh mahse ka huaisenna zawng zawng sawmkhawm pawn ka be ngam ngang lo ani.





Ka pasalin min duat em em a ,nitin hna ah a kal a haw lamah thei leh thil chi hrang hrang ei senloh khawp a tam minlo hawn rui thin.Zingtin kan walk dun a ,kan bazar dun fo bawk a naute thil tur phei chu lei nasa tawh tak kan ni.Ka pasal hi ka engkim ka khawvel ani a ,mi te angin biak inah zahawm takin kan in nei theilo a ,kan chhungte ve ve in min ensan bawk a mahse enge ni chuang? Ka bulah ka pasal ka khawvel leh ka engkim a awm a chu tluk a thlakhlelh leh duh ka nei lo.




Rda pawn minlo tlawh fo a ,a thiam ang angin min fuih ve thin .Ni e ...Tunah chuan nupui tha tak nih ka tum a ,ka pasal leh kan fa lo piang tur tan theihtawp ka chhuah ang .Ka pasal chhugte tan pawh mo leh fanu tha tak ka la ni ngei ang , theihtawp ka chhuah ang a chu thil chu a thlawn hauhlo ang.Ka pa tan pawh fanu chhuanawm ber nih ka la tum fan a ,a tu lo piang tur hi hrethiamlo mahse a hmel a hmuh hunah chuan a hlim ve ngei ang .A fanu chhungkua thar hi lawmpui in a thinlung takin a nui ve thei bawk ang.





Dominic nen chauh pawh hian kan hlim tak meuh mai mahse chhugte uap tu leh hmangaih tu awmloh chuan thla a muang lo a ,malsawmna pawh hla dawr in ka ring thin.






Ka pasal tui tak a muhil sak sak chu ka thlir a ,a hmel tha takzet chu mi let tam tak chuan ka hmangaih bawk ani.Khawvel a hmagaihna awm thei zawng zawng ai a nasa mahin hmangaih ka duh.Khawvel a nu ropui ber leh nupui tha tak ni in ka pasal leh fa lo piang tur tan an engkim ka la ni ang.



( The end)






(Le. Le le ....In sawi ngai miahlo in in beisei a pha lo tih ka hria 😤 .A ziaktu kei ngei pawh hian ka duhkhawp lo🤣 mahse engtin nge ni ang? Exam kan tan tawh dawn sia ,zirna lamah in sawrbing ka ngai a 😁.Ka lo ruahman dan ang pawh ka la ziak thleng lo a,a story ti story ber tu tur kha maw 😙.




Ti teh ang ...Exam zawh lamah in la chhiar ve duh a chhiar tlakah in ngai anih chuan comment lamah lo sawi ula,bonus chapter emaw season 2 te pawh ala awm turah ngai ang aw.




Sawi tawh ang khan duh angin ka complete hmanlo bawk nen a story a hmanhmawh in a in kal thelh pawh in ti maithei. Kei ngei pawh hi ka duhthu a sam bik lo ania .



In vai chungah ka lawm e😙😙)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)