ELDORADO BY Tluangpuii Cck (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ELDORADO BY Tluangpuii Cck (Completed)

Unread post by Ngaia » May 7th, 2023, 12:49 pm

CHAPTER : 13





" Tunlai chu in in hmu sakhi thei riau mai" Pitein a tih chuan Upuia alo nui ruh2 a Pitei lam a thlek zeuh pah hian "affairs lampang ania" a ti leh kher a ka ngei tak tak ani.


Pitei chuan phawk fe hian " hriatchian avan chakawm ve" alo ti vat a keipawh chu ka nui ve ta rigawt a .Upuia chu la ngei viau mahila hrilh chak deuh2 ka ngah tawh bawk nen ka be tha leh viau tawh a eirawng bawl laite chuan ka phone a ka status alo view na te chu Upuia chu ka hmuh a min sawisel sak duh tawh biklo aniang a nui ve rigwt a .



Upuia bulah chuan thu in " scooty hi ngen ve ta ila min lei i ring em?" Ka tih chuan "ai" a ti deuh hmuk a ka ner khum ta vel mai2 a .Bike I lei dawn khan engtin nge I dil ve? Ka tih chuan rum deuh a min melh pah hian" ka thawhchhuah a ka lei anih hi" a ti leh nghat a a hmel ah chuan a in tithei deuh tlat hian ka hre pek a .


"Nu madini pawn a pek che kha a" ka tih chuan "singkhat bak" alo ti leh khauh a " chu pawh nise " ka la ti hram a chek hluk pah chuan a kal sawn ta daih a .


Upuia lo let leh hnu pawh chuan ka thutna ngai ah kalo la thu reng a ani pawh chu ka bulah chuan alo thu leh a " inbual ve ta che" min en pah a a tih chuan "zanah " kalo ti sam et a " zanah I inbual ve ziah a kha vang anih kha I pik luk zel ka allergy I ti ziah a zan a I inbual thin vang anih ka ring tlat" Pitei chuan a rawn ti lang2 a " nilo ang" kala ti ve tang2 a .


" Vawin chu naupang ho hi an toys room ah an tlei ngawt mai" Pitei chuan a tih zawm leh a an tlei viau tak aniang ka school ban atang tawhin an la rawn dik dak lo reng2.


Pitei kalsawn leh hnu chuan " upui,pawisa hi I ngah zek ang a" ka tih chuan " engvangin maw?" A ti sup a " nu Nadini'n a lo thawn ziah che a thla thar apiangin college chawlh apiangin U Ruatzela leh Sangzuala nen in in hlawh ziah a " ka tih chuan " nitin petrol thun a ngai alom" a ti leh a " pawh nise putea pawn a pe ziah che a" ka ti leh hram a "putea te chuan 50 bak min pe ngailo chu pawh nitin pawh anilo" a ti hluk a .


" Chu pawh nise rilru nei la chu hausa viau tur chu I ni" ka tih leh chuan " nag alom le,I chhugten an thawn ve ziah tho che a putean a pe thin bawk che a pawisa i hmang ngai bawk silo" a tih chuan " teuhlo e ,putean 20 bak min pe ngailo " kalo ti vat a.
" I ni fanu Singapore ami pawn alo thawn che kha" a tih chuan " Umatei te chuan vawikhat chiah anih kha minlo thawn chu pawh 6000 bak ani lo bakah kha te chu nikumah daih a nih tawh kha Christmas bazar nan ka hmang vek tawh" ka tih zawm zat a .


Min chhan tum a ka a an leh zuau lai chuan "chaw ei kan hman em?" Putean a rawn tih avang chuan a ngawi leh ta zawk a " kan hman chuan chhug inkhawm nei zuai ila kan ei mai dawn nia" tiin a kalsawn zui nghal a.



Chaw ei laite chuan Upuia thilsawi kha ka ngaihtuah mai2 a ka chhugte pawisa min pek leh ka putea min pek hi a tul tawp ah lo chuan ka hmang lo tluk ania khawl chu ka nei ve nual tawh mahse kei ai chuan Upuia hian a ngah ka la ring zawk tho .


Zanriah eikhamah chuan inbual turin ka lut a ka inbual lai te chuan Upuia lehkha zir thawm chu ka nuih leh thin a lehkha zir hi peihlo viau mahse test dawn hnaih ah meuh chuan a tang ve khawp mai.


School kan tan na a la rei vaklo bawk nen lehkha zir chu tumna em2 pawh ka nei hranlo a ,ka inbual zawh chuan ka khumah ka mu zal mai2 a phone khawihin status chu ka view zuai2 a class ami Rindiki chuan a tshirt zawrh ho chu a alo status teuh a a nalh ka ti hlawm angreng pakhat chu screenshot in Upuia ka va thawn a 550 man ka ti tel kher a data a off lo na in a last seen chu tlai a mi daih kha ani thung a.



" I induh sawt hle mai" Kimtei message ka hmuh rual chuan ka hrechhuak zawk a ka inthiamlo viau mai thupha ka chawi luam a Ema chungchang ka sawi chuan min phur pui viau a keimah chuan ka nui vur2 mai.


I duh chuan la rawh Upuia message ka hmuh rual chuan tho vatin a room lam ka pan nghal a ka luh rual chuan " ka lehkha zir min tibuai ziah suh" alo ti hluk a ." I ti tak2 em?" Ka ti chul a " Za Cheng zel Suh" a tih leh chuan yess ti pah hian ka kuah deuh nawk2 a . Upuia hmuh lai ngei chuan Rindiki chu text in hei hi lo keng chhin roh naktukah tih chu ka thawn a ngaih tha fe chuan ka room lam ka pan leh ta a .



Nitin school kal in ka chhuak a zirlai ka ngaihsak em2 hranlo thung a Emanuela ka thlir dauh2 zel ani rigawt mai . School kan tan atangin thla hial a tling ve tawh a ka nitin hun hman dan chu a ngai reng ni mai hian ka hria a.



"Chhani pen chu min ruk sak tawh rawh" ka tih chuan "nakinah " a ti sam et zel a. Min sawi hmuh ve rigwt a min trick sak chu ka ring tawh lem lo thung a mahse min trick sak se chu ka la ti deuh tho .
Min trick sak har e ka tih chuan" rukruk te in nawr luihna chi ania mi" a ti leh ang lawi a ,ka thiante pahnih nuih a lo za viau zel a.




End of chapter : 13


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 7th, 2023, 12:50 pm

CHAPTER : 14





Rin ni a ni bawk nen inah ka naute ho nen chuan kan ri leh leng lung tawh a Pitei chu an room lamah a buai viau thung a .Upuia chhun mut tum pawh kan ti muhil theilo aniang tum bur chungin alo tho a " i thiannu t-shirt zawh chu ila ta em" a ti a ka hrechhuak leh chiah " ai ka duh aiin a te a " ka tih chuan chhan pawh min chhang tawh lem lo a .



Rinni hi chuan kan awm deuh tawp zel a Upuia pawh hna a thawh loh chuan in ah a tawm deuh chawt a Putea pawh a tul tawp ah lo chuan a chhuak vak lo.


Kan awm dual dual nang hian eng teh hu mah kan ti chuang lem hleilo a darthlalang nawh fai te chu ka rilruk ve bawk a mahse ka naute ho hian kei aiin anlo phur thin a kan chhangchhiat lai ani bawk nen tih tur tul a awm chuan an thawh hma a tih vek ka duh tawh zawk a chhuat pawh zanah an mut hnu ah te ka nawt chauh zel.




Chhun a thingpui kan in chuan Pitei pawh alo thu peih tawh a a zia viau tawh eng harsatna mah nei hmel a pu lo a rai no huat lai kha a reh tawh anih ka ring ve deuh ngawt a .



" Republic veng a ka thianpa Zda te kha he lamah an rawn sawn a kan zu tlawh ve dawn amaw ni le ? Hmelhriat vak an la nei awm silo a " a tih chuan Pitei chu a phur hmel ka ti viau a .Ka ngaihtuah a phur vakna chhan tur awm a ka hriat loh tehreng nen.Naupang ho lah chu len sawi hi chuan an in peih at reng zel bawk a lenchhuah chu an rawt chawpchilh chuk2 ani ber a .




Thingpui in zawh chuan anin siam deuh nghal mai a no vel ka sil lai chuan " ilo kal ve dawn em?" Pitei chuan ati a " kal lo ang" ka tih chuan " nih kan zu leng lawk nge aw" a ti a ,an chhuak zui nghal a . Upuia chu an bulah a kal peih ngailoh vang aniang sawm pawh an sawm buai lo reng reng .



" I thiante hi an lo va kal khat tunlai hi" Upuia lam hawi a ka tih chuan " putea awm chuan anlo kal hreh" nui chung hian a ti a ka nui ve ta rigawt a .



Ka sil zawh a Upuia bul a ka va thut chuan a phone min lo entir vat a " lo kal ru keimahin ka awm" tih zawng hi alo nia ka ner nang nang mai." Khatiag te in chhiar tir chi a nia mi?" Ka tih chuan a chek tlak a .



" Bsi ten an dawr thar an hawng tawh a lo leng ve ru a ti a nih kha mawle" a ti hluk a " eng dawr maw?" Awi vaklo a ka tih chuan min chhang duh leh tawh thaklo .




" Ka leng dawn asin " a tih chuan " ka kal ve duh" ka lo ti vat a mahni chauh a awm kha ka peih biklo alom .Ka room ah lutin ka in tuak deuh thuak thuak a ka sam chu thlah mawl tawp in ka t-shirt chu ka thlak a ka hman chu a ni mai. Upuian minlo ko ve chiah bawk nen ka phone chu la in ka chhuak zui nghal a .



Kawngka kalh in chahbi chu ka keng duh lo a Pitei te anlo haw thut chuan an lo buai ka hlau kan dah na thin ah chuan dah leh te te in bazar lam pan chuan kan kal zui a.



Khua a lum deuh bawk nen ka sam ka thlah chu ka inchhir tan der a kawng a ice cream an zawrh te chu ka lei kawi leh rih a.



Upuia rual a kal chu a nuam phian a a confi bawk si a hmelchhe lo a hmeichhe thenkhat chuan an melh zui ve fo in ka ring ka rilru hi hria se chuan a in chhuang leh viau amaw a nia nga a hriat lai hi chuan ka fak dawnlo reng reng.


Kan hma zawn dawr a Upuia a luh tharh rual chuan kan thleng tih ka hrethiam ve nghal mai a dawr ah chuan lut ve in ka hawikual thuak a an dawr chu ka rin ai daihin alo lian a a fai bawk nen ka dai nghal sawng2 in ka hria .



Customer pawh anlo nei nual a an thawmhnaw zawrh ho chu a nalh hlawm viau a mahse a to leh ngawt ang ka ring a eng a mah hma a chutiang rilru te kan put nghak ngawt chu le .




Ubsin min hmuh chuan minlo be nghal vat a kan thawm hria chuan kan hma a mipa leh hmeichhia t-shirt lo en mawlh2 te chu an lo hawi rual zat a hmeichhia chu ka hre ngai hauhlo mahse a mipa zawk chuh Tlankima maw ?



Min hmu chu mak a tih hmel ve deuh tho chutia hmelhriat te ka hmuh takah chuan in siam tha vatin " enge I lo tih a ?" Ka ti deuh tawp a " kalo lak deuh mai mai" a ti tha ve mai a .Kanin be zawm lemlo a hmeichhe kalpui chuan a be leh zauh thin a a rul tawk in alo chhang mai zel a ka va melh leh zeuh thin a ka en lai chuan minlo en ve tlat hian ka hre pek a ,rin ai tak chuan an awm rei lehghal a .




Kan khua a ka awm lai a ka vei thin nen ka hmulo chiah chu ka lo hrechang tawh lo hrim hrim ka hmuh leh pawh hian ka danglam viau pawh ka hrelo Emanuela ka hmuh tirh a ka awmdan kha ka hrechhuak zawk a Tlana ka duh deuh amww ka in tih thin kha ka hriatsual palh a nih ka ring ta bawk .




An chhuah dawn chuan " a nih aw " te chu kanin ti liam ve puat a ka rinloh lutuk a ka hmu kha ka hamhaih ve ngei a mahse keimah a enge maw che zawk ang kha chu awm lo reng reng .



Upuia chu ka rin ai daihin a tlei pek a haw tur a ka signal na pawh chu a hrelo der hmak zel a haw san ka tum leh a phal lo bur a ,ka ngei tak tak ani.



Dar 3 a rik dawn chuan haw turin kanin zui chhuak thei ta hram a ,U Bsi pawh chuan leng leh tur te chuan min thlah ve thlap a mahse len leh chu ka tum tawh pawn ka hrelo.




Haw kawngah Chuan ka lungawiloh thu ka sawi zui nuah nuah a Upuia chuan eng ah he hu mah a ngai hranlo a ka tum deuh bur lai chuan Tlana leh nichin a a hmeichhe kalpui bawk kha kan tawk leh a in be tawh lemlo in ka nui ta rigawt a.



Kan kal pelh hnu chuan Upuia chu a ding chawt a rang deuh a ka en chuan " kha chu i bialpa thelh kha anih kha" a ti khauh a engtin nge maw alo hriat leh hman ni ka hrilh lai awm ka hre silo a nge kei a phur lutuk hian ka lo hrilh leh hmanhmawh tawh a maw ni le




In kan thlen chuan Pitei te chu an lo la haw lo a kawngka pawh ka kalh ang chuan alo la awm thlap a hawng zuiin in chhug ah chuan ka lut vat a eirawng bawlna tur tui ka chhuang zui a .




Ka rin ai daihin Pitei te chu an lo haw har a midang kawm tur awm hek lo le Upuia chu u Biaksangi chungchang ka zawt sek a a nin tawh hmel viau a mahse ka hrechiang chak tlat a .



Min be tha thei viau a a sualna pawh ka hrelo mahse ka ngaina thei miahlo hi mak ka ti ani.



Dar 4 rik tep ah chuan Pitei te pawh anlo haw a an tum ai a an tlai thu Pitei chuan a sawi ve luam a naupang ho lah in an lenna nuam an tih thu an sawi chamchi bawk a .






End of chapter : 14


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 7th, 2023, 12:50 pm

CHAPTER : 15







Sunday a inkhawm ngai thin hi chu ka ning ve ngawt mai ti rilru chung chuan ka insiam mawlh2 a putea zin leh hunah chuan ka inkhawm miahlo Sunday a kawrfual hak ngaite hi ka ning tlat.



" Au kha chu a mawi lo" Tetea chuan rawn luh pah hian a ti a kalo nui mai a . Cheng 10 min pek pah hian " i thawhlawm tur" a ti a a chhuak leh nghal mai a dar rik a hun tep tawh bawk nen ka chhuak zui ve nghal a .



Inkhawm tur a kan kal lai te chuan " Au chu a mawilo au puia bulah ka kal duh zawk" Tetea chuan a ti leh thin a heti tak hian alo thutak tih ka hre miahlo mawi leh mawiloh hi chu a ngai pawimawh ve thin lutuk a ka thawmhnaw hak mawi a tih deuh chang chuan min Kai chawt zel a biak inah pawh ka bul a thut a chuh tlat thin.



Biak in kawtah chuan ka thiannu Sangi leh Neihi chuan minlo nghak leh vang tawh a thian hi ka kawm zau ang reng a mahse school a ka thiante hi ka kawm ngaih ber a chutih rualin Sangi leh Neihi hi chu ka Sunday thiante ka ti deuh bik thin.



Ding khawmuang tawhlo in kan lut nghal a an lo awm ve nual tawh a mahse a hma pawl chu kan ni tho in ka hria ." I u hi chu a chhelo ve e " Neihi chuan a rawn ti sar2 a biak in a sawi chi a ni em tih pawh a ngaihtuah leh miahlo.



" Lo be tawh thak suh a mawl si Pitei te awm laiin a sawi leh vek mai ang" ka ti kha kha a ." U Biaksangi hian a ngawizawng nasa thei lutuk ,Kan thenawm ami Uveni khan a ti college ah a hmu thin a " Sangi chuan alo ti ve bawk a " anin ngawizawng alom" ka tih chuan " hmeichhia in an zar reng te chuan " Neihi chuan ala ti hram a U Bsi chu ngaina vaklo mah ila chutiang a Upuia a zar buai chu ka ring hranlo .



" A chhelo e " Neihin a tih leh chuan a hawina lam ka en vat a Upuia chuan minlo melhin min signal zeuh a ka hawisawn vat a ka tawng ngam tawhlo reng2 Upuia hi chu ho deuh ang hian lang mahse biak in a tawng te hi a phallo reng2.



Inkhawm kan ban rual chuan naupang ho chuan minlo pan vat a Jacoba chuan chahbi alo vai lauh lauh a " khawge ama ?" Ka tih chuan rang deuhin min kawhhmuh ve vat a an tawng tui hmel viau a " haw ang u " ka tih chuan ka hnung ah min zui diah diah a .



Sunday school kal ringawt pawh hi ka duhtawk viau ania inkhawm alo ngai lehzel a mahse naupang ho bulah chuan ka peihloh thu ka sawi ngailo putea'n " naupang ho hian an ngaina che a i sawi apiangin an awi vek zel a an hmalam hun hi nagmah ah a innghat ve tho ania" min ti miau a .Heng naupang pawi sawilo tak tak te hi Keipawn ka hmangaih viau a ka thinrim lai a " ka kawm tawhlo ang che u" ka tih pawn an tap tluar tluar zel alom.



Ka inthlak zawh chuan naupang ho ka in thlakpui leh thlap a ka chhugte chu anlo la haw lo reng reng.Tv en in an thu thap a an bulah chuan nawmnah zet hian ka mu a Upuia leh u Ruatzela rawn in zui lut ka hmuh pawh chuan ka mu tha lem lo a mi hran an nilo bawk nen ka zah vak hranlo a .



" Thingpui hang in ang" uRuatzelan a tih chuan tho in ka chhuang ve mai a ,thingpui a so chuan ka thli zui nghal a .


" U Zel ,in veng ah Emanuela kha i hria em? Ka tih chuan " tu Emanuela maw ?" A ti hu a ." Kha I hrelo ami Zela, tuai hmel deuh kha" U Zela signal zeuh pah chuan Upuia chuan a rawn ti a ka ngei ngawt mai.




" Kan veng tuai kha maw ?" Tiin u Ruatzela chu a nui ruh ruh a ka thinrim bawk si tihngaihna hre silo chuan "Ruatzel hmela" ka ti ta rigawt a .Upuia nen Chuan min ruihluih nan zat hmel em em hian an nui dun vak vak a naupang ho pawn an en ha mai.




Room ah ka luh san ta daih a ka chhuah leh chuan u Ruatzela chu a lo awm tawh lo a ,chhun thil ei a hun tep tawh bawk nen choka ah chuan ka awm deuh reng a Upuia alo luh chuan "eng nge kan ei ang?"ka lo ti vat a min chhang mailo chuan a lu a hiat nuah nuah a ,a chhuak leh vut a .



Rei vaklo hnu ah chuan chow keng chung hian alo lut leh ka lo ban ve nghal mai bawk a .



Thingpui ka siam lai chuan Pitei te nupa pawh anlo haw ve chiah a ka zawh hma hauh chuan " ka duh ve lo aw" Pitei chuan a ti nghal a putea chu ka zawt buai peihlo a duh ka ring lo a ka siam kep lo ve hmiah a .




Thingpui in laite chuan kan ri leh chel chul tawh a kan thingpui in chhung rigawt pawh hi darkar a tling deuh thaw zel mai.






Eirawng bawl lai te chuan naktuk school kal mawlh chu ka ngaihtuah a ka phur leh pek viau a heti tak hian star neih hi a nawm kalo ring ngailo a .


Zan mut hmunah chuan Zaii te ho nen chuan kanin be kual a school ka kal chak tawh zia chu aw ka hriat loh karin kalo muhil aniang ka harh leh chuan khua alo var vek tawh a ka tho chhuak nghal a .Nizan a Upuia tibuai miahlo a ka mu chu Upuia pawn mak a tih ve tho ka ring .




School kal tur a ka insiam laite chuan ka phur sar a ka insiam zawh chuan ala hma angreng bawk si hun te chu a kal muang ka van ti tak .Dar 8:40 a rik chuan zaiin minlo sawm ta hram a muangchang tawhlo in kan kal zui nghal a.




School kan thlen a class a kan luh hnu pawh chuan Ema hmel ka hmu hauhlo a an thutna lam ka en leh zauh thin a Lpa a mah a alo thu ka hmuh chuan min ti nguai zo vek tawh .




Nilengin ka hmu lo a a lo kal lo rigwt chu a chhan ks hre chak viau a ka zawt ngam bawk silo a nikhat ka hmulo rigwt pawh ka nguai bur reng a nimin a school kal ka phur zia te ka ngaihtuah chuan ka thin a rim hlur bawk a .










End of chapter : 15


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 7th, 2023, 12:50 pm

CHAPTER : 16




Tlai a eirawng ka bawl laite chuan ka zia a dan deuh vang nge ni Upuia chuan min thlek leh zeuh thin tih pawh ka hmu a tawp ah " harsatna i nei ami?" A rawn ti ta nge nge a


" Upui , Ema kha school alo kal tawh miahlo" ka tih rual chuan ka chal ah a rawn kuk nghal fawk a " ler viau suh" tiin a kalsawn nghal nul nul a .Ka harsatna min zawt a ka hrilh ta Cheng a a kalsawn leh nul nul tho sia ka van ngei reuh tak .




Zanriah eikhamah chuan sitting room ah thu in phone ka khawih mai mai a Upuia pawh chu an test zo tawh aniang lehkha zir lo chuan ka bulah a thu ve bawk a , phone ka khawih mawlh2 lai chuan Sangsangi message alo thleng a photo anih avang chuan rang deuh in ka open thuai a Ema Instagram account screenshot alo nia Sangsangi pawh reply tawh lo chuan ig ah lutin ka search zui nghal a ka hmu rang kher mai a profile a lo lock lo bawk nen ka check zui nghal mawlh mawlh a.



Upuia ka hmuh ve chuan ngawi reng hian alo en ve mai a Pitei a rawn thut ve rual chuan ka lo hmuh ve vat a ka fak zawm nghal zat a engmah sawilo chuan a nui suk suk a ,ka phone min pek let pah chuan " a ngo bawk si ka type anilo" a ti a " i type pawh nise awmzia awm lo" uang fe a nui chungin Upuian alo ti a kan nui zo leh ta vek mai.



" Ka follow dawn?" Tia Upuia ka hrilh ruk sar sar chuan " lubuka ngawt buaipui lo khan minlo puih teh" tih leh ka phone chu pawh thlak a rual a fridge chung ah chuan dahin a room lam ah min nawr phei dat dat a ka tang duh ta biklo a .


Ka nu leh! ....A room a ka luh rual chuan a khum a thawmhnaw suk tur tih chiag reng lo vum thur chu ka hmuh zawm nghal a heti em em a suktur tam hu engtin nge maw a khawl theih ni. Ka ner nag nag a hmuh chuan " min sukpui lawk la " tiin min nuih tlawn pah a ai pawh ti ila min suk pui rawh a ti leh tlat dawn tho a ka hnial duh lem lo.



A thawmhnaw bal chu pawmin bathroom lam a pan zui nghal a, ngaihtuahna thar ka nei a ka room ah lutin ka suk tur neih ang ang chu ka la zui a bathroom a ka dah ve hnu chuan Pitei te room a thawmhnaw suk tur ho chu la lehin bathroom ah ka vawm lut ve nghal zat a ,suktur kanlo ngah phian mai heng zawng zawng hi kan suk zawh meuh chuan dar 12 a rik hial tawh ka ring ani.




" Machine a nuai ka phallo ania " a ti bur a keipawn ka phal bik silo nen kanin su dun a a zat ve pawh kan suk hma chuan a phun a phun a a chang leh kan thawmhnaw tha vaklo hi chu machine in ti mai ang a ti leh rih thin a .Phun nuah2 chung chuan min tih pui ve zel tho bawk a ti ve reng na na na chu kan zo ve mai alom.




Kanin su zo kan chhuah chuan dar 11 alo ri tawh a naupang ho pawh an lo reh thiap tawh a ka hmaite phihin ka room lam ka pan a ka phone ka zawn ngial pawn ka hmu hauhlo a ka thinrim hlur tawh.


Ngaihtuah chhuak thutin Upuia room lam ka pan a a room a ka luh rual in " khawnge ka phone?" Ka ti a awlsam zet hian " fridge chung ah" a ti khauh a ka hrechhuak ve chiah kanin suk dawn khan a dah lai pawh ka hmu reng sia .




Ka phone chu la in ka mu nghal a ka mut ala chhuaklo bawk nen phone khawih mai mai ka rilruk a ka Phone ka mutna bul dawhkan ami chu la in ka hmet eng zui a ig ah alo in lut sa a back chhuakin WhatsApp chu ka open zui a .




Group message lo awm nual zing ah chuan private message alo awm ve vang a ka meng phawk ngang mai ka en chian leh hnu pawh chuan ani tak tak.Ema_37 tia no ka save atang a message lo awm chu thinphu dep dep chung chuan ka en a " Hello...Enge I tih a?" Tih zawng hi alo awm a mak ka ti lutuk leh ka hlim lutuk chuan reply mai nachang pawh ka hrelo



Ka in ngaihtuah fim deuh hnu chuan ka reply ve ta a mahse a last seen alo lang va tawh a Upuia ka lo insuk pui leh kher kher chu ka van inchhir tak. Status ka view kual mai mai lai chuan Ema hnen atang bawk chuan message alo lut leh a" I va mengrei ve " a rawn ti leh a ka hlim lutuk chu keimah in khumah ka let kual sek a au vak vak ka chak berin ka hria " nang pawh" tiin ka reply a a seen rang khawp mai typing a in tih laite chuan ka awm zawm chu dawmin ka thaw dep dep a a van nuam chiang tak naktukah ka thiante ka hrilh chiang viau ang mahse dak thei min ti ngem le? .




" Ka muhil theilo a " tih zawngin min reply a a type rei tehreng nen..Chhan dan tur ka hre tawhlo umm tih tawp ila min reply duh tawhloh ka hlau bawk si thui deuh hlekin reply ila min ngai khawlo ang a tih rilru ka pu deuh bawk sia tawi fel deuh sawi zawm leh ngei ngei ngai tur a reply dan chu ka ngaihtuah ngial pawn ka hre thei bawk silo.




Ka puan sin lai chu theh hlimin khum a tang chuan rang deuhin ka tho a Upuia room lamah thawm dim tawkin ka kal them them a , Upuia room a ka luh chuan Phone alo khawih ve mek a min hmuh chuan " enge ?" Alo ti leh hluk tawh.



Ka Phone hmuhin " engtin nge ka chhan dawn?" Ka tih chuan " va mu teh a tlai tawh" a ti leh hluk a .

"Mawh ..Upui engtin nge ka tih ang?" Ka ti leh hluai a a chek tlak tlak a .


" In biak zawm ngei2 ngai tur a reply dan min hrilh rawh" ka tih chuan a lu a hiat nuah nuah a " Tinge school ilo kal loh" ti rawh a tih chuan ka melh vat a " ngaihsak deuh ang ah min ngai ang " ka tih chuan mipa te chuan ngaihsak tu kan duh alom a ti leh mai a .



Chhan dan tur dang hre heklo le Upuia sawi ang chuan ka chhang leh ta nge2 a " ka kallo tih te I hria law?" A rawn tih leh chuan Upuia ka melh nghal vat a " ka chik che lom, naktukah chuan lo kal tawh rawn I ngaihawm " ti rawh alo ti nghal vat a .



Engmah sawilo chuan ka type nghal mawlh2 a ka type zo chiah ka send hma chuan " Mawli va bem i tum ami" tiin ka phone chu min laksak vut a ka lo melh ngar a " bawl in I awm leh ta" a tih rual chuan " Lalthanpui" kalo ti hlar a ka phone chu la sawkin ka chhuak zui nghal a a nui hawk thawm pawh ka hria.

Engtin nge min bawl tih te ka hriatloh thei zawk ni ka phur lutuk khan a sawi ang ang in ka lo awm leh tawp ani maw? ..A sawi ang khan lo va ti tak tak ila chuan ka ngaihtuah zawng pawn ka zak e a .



Ho te te sawiin kanin be reng a a zin thu te Saturday a alo haw tur thu te chu a sawi a thil pawimawh tak sawi chu kan nei lem lo dar 12 a pel chuan in mangtha in ka mu zui a mut hmunah te chuan ka ngaihtuah a ka hlim pui takzet.



Zing a ka harh chuan ka phone ka en thuai a dar 7 alo ri tawh a thawh ka van hai chiang ve .. WhatsApp ah lut leh in nizan a kanin biakna kha en leh thuakin ka tho zui a ani pawh a la tho lo aniang a last seen pawh nizan daih kha ania .



Choka a ka luh chuan Upuian eirawng a lo bawl a min hmuh chuan " thingpui I duh em?" A lo ti vat a ka lu ka lo thing vat a chaw te pawh alo chhum hmin tawh a hepa hi a piangthar a maw ni le?.




" Nizan chu " a tih chuan ka lo melh rum nghek a ka hre tawh miahlo a a rawn sawi leh vang chuan ka thinrim thar leh vek ." Engmah ka hrilh tawhlo ang che ,ka ring ve em em che a" ka tih chuan a nui vur vur a a nui hmel te chu ka va ngei tak.





School kal tur a ka insiam laite chuan ka phone chu ka va bih leh thin a ka beisei ang chu a awm lem lo a Zaiin min lo sawm zui bawk nen ka bag la in ka chhuak zui a, Upuian min hmuh chuan alo nui leh vur vur tawh a nuih pawh ka nuih peihlo.





School kan thlen chuan nizan a Ema nen a kanin biakna chanchin ka hrilh chuan mak an ti hmel viau a an awiloh hmel deuh tlatin ka hria ..A hnu ah chuan min phur pui leh viau ang lawi a ,kei lah chuan a class lo kal lohna chhan te chu in ti hre fe hian ka hrilh a a tawp ah chuan awilo hmel pawh an pu hran tawh biklo.





Lalchhani lo lut chuan nui vur vur chung hian mi rawn signal a a thutna a a thut thleng chuan kalo en reng a a bag chu zen rak rakin " kha " tih pah chuan ka kut ah enge maw hi a rawn hmehbel chawt a ka en chuan pen dum nalh zet hi alo nia ka hau chung a ka en chuan " a pen nalh ber anih kha" a tih zawm a .



" School alo kal silo a " ka tih chuan Friday ami tawh anih kha ka hmu lo che a ati leh mai a .




Class lak laite chuan pen chu ka thlek leh vung2 zel a ,a chang leh ka lo nui leh vur2 zel a min hmu tu chu awm se mawl hmel min ti ngawt ang.






End of chapter : 16


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 7th, 2023, 12:50 pm

CHAPTER : 17




Zan ah chuan lehkhabu ka inchhawp ve ran a ka rilru ah erawh chhun lam a ka thian nu pen min pek ngawt kha a awm a a chang leh pen chuan Emanuel Lalthanpuia tih te ka ziak leh vel thin a flames te pawh ka ti ve nual tak alom.




Ka phone ka bih leh zeuh thin bawk a minlo biak leh ka ring deuh ngawt a ka en ka en hnu pawh chuan a reh hmak thung a .Dar 10 rik tep ah chuan ks message tone a lo ri a ka phone chu ban rang tak ka ni .



Phur deuh ringhlel deuh si a ka en chuan amah alo ni tak tak a " lehkha I la zir ami?" Tih zawng hi a lo nia lehkha ka zir tih te a hria a maw ni le ? Phur deuh chuan ka reply nghal a a ni pwwn min chhan let nan hun a duh reilo kher mai kanin be leh tawh bawk nen ka lehkhabu chu khup thawk in khumah ka mu zal nghal a puan pawh sinlo chuan ka nui ka nui leh tawh a




" Enge kalo hawn ang che?" Te a rawn ti vel a mak e lawm min duh ami tih tak chu ka nap tawh a ." Engmah a ngailo " ka tih pawh chuan thil kalo hawn ang che a tih ve thlap kha ." Kalo haw hunah school kal turin kalo sawm ang che,kal rual ila " a tih phei chuan karleh ni nghal thut se ka ti tak tak ani.



Phur viau mahila thiante phatsan ka duh bikloh vang chuan " Zaii nen kan kal thin a kalsan daih chu" ka tih chuan " Lpa nen anin phur thei alom" alo ti vat a ka pawm leh thlap tawh Zaii ka hrilh chuan a lo huphurh em em thung a .




Class a kan thian ho a kan thut thap lai chuan " saw saw alom Ema ex ka sawi chu" Lalchhani chuan a rawn ti sar sar a ka va en chuan ka hmu zawm nghal a Ramdinpuii maw ? " A chhelo ve e Dinpuii hi chu" ka ti hap a " anin duh ve thei rap Dini pawn ala duh a renew pui sawm rawh ka tia mahse min duh tawhlo ang a ti tlat a " Lalchhani bawk chuan a ti leh a " Mawli an renew ten " ka tih chuan " a ho lutuk Thanpuian a duh tawh teuhlo ang Dini hi chuan bialpa a ngah tawh emai" a ti leh daih tho bawk sia .


Nilai thawhtan chauh ala nia hun a kal muang ka tih ber lai a ni ngei ang karleh thawhtan ni tawh mai se ka duh .



Nitin school ka kal a Emanuela chu ka bialpa nilo mahse school s kallo ringawt te chu hreawm ka ti a hmai chhan a biak pawh la in be lo mahila ka ngai veng veng a ka Kum ka ngaihtuah chuan ka zak leh deuh thin.Zan lamah pawh thil ho deuh2 sawiin kanin be reng a ka vei tawh lutuk hi a ni rigawt.


Upuia chuan zak lo min tih zia hi a sawi chamchi bawk a kanbe hmasa ngailo a over takin ka che ngailo bawk tiin ka inthiam ve tang tang a mahse ka zirlai a rilru ka pek loh zia leh ka in thlahdah zia te ka mizia danglam ta lutuk te chu ka in hrechiang viau thung a zantin lehkha zir tumin ka zirlaibu ka in chhawp a mahse keimah hi ka inbum zantin anih tak ber hi.



Kar khat chhung deuh thaw zantin kanin biak takah chuan ka nel rilru viau tawh a ani pawn min kawm ngaih ve viau tawh chuan ka hria .




Rin ni zanah chuan a reh vung vung a biak hmasak ka hreh a ka nghak rilru reng a ,dar 11 a rik pawh chuan ala reh vung vung a motor chuang a chau ve deuh anih ringin muthil ka tum zui ve ta a .



Ning thin viah mahila Sunday ah hi chuan a ngai te bawkin inkhawm turin ka in siam leh mawlh mawlh a Ema nen kanin be pah zauh2 bawk a ani pawh inkhawm a tum ve ni ngei tur ani



In be reng ta chu kanin hre pawh tawh viau a NEI an ni tih pawh ka hre tawh a kohhran ah hian en hran bik kan nei ngailo a eng kohhran pawh nise ka iai ngai hauhlo chutiang bawkin ka chhugte pawn kohhran dang ka hriat laiin an sawi sel ngai lo a mahse keini chhungkua leh kan chhungkhat ho hi chu Presbyterian Kohhran kumhlun kan ni a hmei a pa hian ka ruh viau chutiang chu ni mahse pasal te kohhran tawm duhlo hmeichhia erawh kan awm ngailo.




Tlaiah chuan birthday lawm na ah chaw ei a min sawm avangin eirawng bawl a ngai dawnlo a a tihzia kalo tih nen upuia a kal leh duh tlat lo a in ah kan pahnihin min hnuchhiah leh ta nge nge a chaw kan ei laite chuan nidang ang lo takin a reh huai mai.




" Ruatzelan a star che " Upuian a tih chuan mak ka ti viau a uRuatzela chu upuia thianpa anih avang hian u ang chiahin ka lo en thin a mahse lehlam zawng a thlir chuan a fel a a taima a a la hmeltha tel bawk a mahse ka u ka ti ve tlat.




" Ruatzela pawh hi naupang te ngaihzawn a bem che pawn lo chhang Suh ang che Ngaihzawng nei rual I ni lo "a ti hmuk a ka melh ha mai.




Zan ah te chuan mut hmat ka rilruk a Ema school alo kal tawh dawn nen mit thial ur a school kal ka hlau a tlai pawh ka tum tawh hauhlo ang.


uRuatzela chuan a lo ti tak tak anih chuan ka be tawh miahlo ang te ka ti rilru leh thin a ka ngaihtuah nansa mai.




Sunday chu nidang zawng aiin a rei ka ti leh pek a vawin hi ral thuai se school kal vat chu ka rilru ah a awm a thildang ka ngaihtuah theilo ani.




Chhung inkhawm kan neih laite chuan kalo ngaihtuah nasa leh viau ani ang an thilsawi engmah ka hrelo reng reng .



Tawngtai dawnah pawh chuan upuian a kiu in min rawn nghawk sawk a ka hawichhuah chuan ka chhungte chuan minlo melh thap a in thlahrun awm duh thin ani.


End of chapter : 17


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 7th, 2023, 12:50 pm

CHAPTER : 18




School kal tur a ka in siam mawlh mawlh lai chuanka phone alo ri a ,chhang lo chuan ka insiam zawm mawlh mawlh a ,Zaii anih ka rin tho avangin ka hman hunah ka call back mai ang ka ti rilru a ka sam chu ka tawn zawm nghal zat a .Ka sam ka tawn zo chiah tih ah chuan ka phone bawk chu alo ri leh a ,ka en chuan Ema zawk alo nia zam deuh tak chuan " Hello" ka ti a min chhan dan tur ngaichang in kalo thaw dep dep a


" I hman tawh em?" A tih chuan ka lai deuh hu mai " i hmanhmawh chuan lo kal hmasa mai la" ka tih chuan min kalsan daih ang tih ka hlau angreng." Insiam vat rawh kalo nghak ang che" tiin a dah zui nghal daiha darthlalang ah chuan ka in thlek leh thuak thuak a ka bag la in ka room chu ka chhuahsan zui nghal a .Pawn a ka chhuah chuan a scooty ah thu chung in minlo nuih suk a lai deuh tak chuan ka nuih let ve thuai a a bul ka thlen rual chuan "ka rei em?" Ka ti a " rei lutuk" alo ti sup a ka chhan leh hma chuan " tak takin reilo ,kal ila" a tih chuan inchhung lam ka thlek leh zeuh a min hmuhtheih ka ringlo kawngkhar zawn ah a ding lo bawk nen.




Kan chhuah rual a ka hawi chhauh thuak chuan Upuian inchung bathlar atang in minlo en reng anih chu ka va zak reuh e aw . School kan thlen chuan an lo awm leh nual tawh a school thleng a inzui chu a duh ka rin chiahloh avang chuan lut san mai ka rilruk a ," ka lo kal hmasa ang" ka tih chuan "minlo nghak la ' a ti a scooty dah fel lai chu a bula ding chung chuan kalo nghak ta zawk a .



Class lampanin kan kal zui a gate a kan in zui luh laite chuan min be zauh2 a class 11 room kan kal pelh laite chuan tumah hmu ve awm pawn a awmlo a ka rual zelin a kal a min nuih leh suk suk zel .Class a kanin zui luh rual chuan Zaii leh Sangsangi ka hmu nghal a, nitin Zaii nen school kan kal rual thin a tukin chu ka theihghilh chiang lutuk engtin nge maw thiante kan theihghilh daih theih chu le?.



An bul a ka thut rual chuan zawhna minlo zawt nghal mawlh mawlh a ,chhan pawh chhang lo chuan ka nui vur vur a hahthlak min tih hmel takzet .Class lak laite chuan ka nui leh ver ver zel a ka thiannu chuan min nghawk leh zauh zel a a zia lo viau ani .


Sir chhuah hnu chuan Sangsangi chuan " chawhnu class ka kal dawnlo ania Rpa alo kal dawn a mahse mahni chauh chuan a nuamlo e lo kal ve ula" a tih zawm zat a, ka phur tehchiam lo mi chance neihna bul a awm chu a nuamlo emai mahni kalo lai tut zel a . Sangsangi bialpa Rpa hi chu a fel a karkhat ah vawikhat tal Sangsangi hmu tur hian alo kal ziah a ,kanin hmu pui pawn Sangsangi thil a lei ang apiang min lei ve ziah a mahse mi ngaizawng bul a awm hrim2 kha ka peihlo.Sangsangi leh Rpa hi Pangzawl khua ve ve an nia Sangsangi sawi dan chuan class 11 kan nih lai atang a inkawp tawh an ni awm e .





Kan kal dawn nia chu kan ti khawmawi ve a mahse Zaii pawh chuan a phur vak biklo in ka hria .


Teacher te anlo lut lo bawk nen kan bengchheng leh viau tawh a ," teacher te an awm chuanglo a tui in ang u" Sangsangi'n a tih chuan Zaii chu a ding vat a ka kal ve peihloh thu ka sawi avang chuan min kalsan a, an kal zet tawh chu ko leh in ka bottle chu ka vawr zui a Sangsangi chuan lo dawng chatin an chhuak zui nghal a bottle pek hi chuan tihtur hrilh hran an ngai tawhlo reng reng .



Sangsangi te pahnih chu anlo let har reuh angreng a Lalchhani lam chu hawiin kan ti ti mawlh2 a, kei ai pawhin a rawl a ring zawk a a nu lian bawk nen a thawm chu na ve tak ani . " Emanuela alo kal ania" a tih chuan ka en ve vat a alo kal tak tak a ka bulah chuan a rawn thu zui a Chhani chuan ka hriatthiam theih tur hian min signal in a nui ru sak sak a ka van ngei tak ka zak bawk si.



" Dawrah kal ila " a tih chuan " Zaii te lo let phawt se kan kal dawn nia" ka tih vang chuan ka bulah chuan a thu ve ta reng a, Chhani chuan a be mawlh mawlh a kei ang chuan a zah ve hranlo tih a hriat khawp mai Lalthanpui a tih lawl lawl ngam dan ah .




Zaii te lo let leh hnu pawh chuan kal ta mailo chuan kan thu reng a kan ti ti ah chuan Ema pawh alo nui ve suk2 a, Sangsangi chuan Ema chu a be bawrh bawrh a henu hi chu a confi hrim hrim a. Zaii chu alo ngawi kar reng thung a ka nuih a za angreng Kan thian ho mizia in ang lo lutuk hi.


"Chhani ka pen i hawh kha min pe tawh rawh" Ema'n a tih chuan Chhani ka melh vat a alo nui vur vur a " ka tibo daih" a tih chuan ka lo ip deuh chawi a, " ka pen duhber anih kha aw" a ti leh hram a mipa ve si pen pakhat mai mai ka ti rilru a ka kawl tih a hriat ka hlau em ani .





Dawrah pawh chuan kal ta lo chuan kan bulah a thu ve reng a Lalchhani chu a chhuak leh daih tawh a
vawin atan chuan alo kal pawh ka ring tawhlo a peih chen bak hi class ah hian a awm ngai lo reng reng.


Chaw hnu a kan tihtur kan sawi mawlh mawlh lai chuan " eng maw in tih dawn ?" Ema chuan min en in alo ti ve sup a " Sangsangi bialpa alo kal dawn a " tha deuh chuan ka ti ve mai a " I kal ve kher a ngai mi class kal rawh" a tih hmuk chuan " ehh van strict" Sangsangi chuan alo ti hmanhmawh a Zaii pawh alo nui ve tha mai.





Chawhnu ah chuan Zaii leh Sangsangi chu anlo kal tawhlo tak tak a Ema sawi vang kher pawh nilo in vawin chu ka phur vaklo bawk nen ka kal peih ta lo kha nia bakah class ka tlanbo a ka chhugten an hriat chuan a pawi dawn em a .Mahni chauh a ka thut lai chuan hnunglam atang chuan minlo ko a ka hawi chuan Duati alo nia a bula thu tur a min sawm chuan hnial lo in ka kal zui nghal a


Class lak laite chuan kan ngaihsak vaklo a kan phun leh ser ser zel a Duati nen hi chuan sawitur kan ngah thei bik hrim2 a he school a ka kal tantirh atangin kanin kawt chawt a class 12 Kan nih atang hian an thu tlanglo bawk nen kanin zui nasa lutuk tawhlo mai mai zawk a, mahse ka thian kawm nasat te ai mah hian ka ring zawk tho inkawm bur tawhlo mahila ka thiantha ka ti ve thin .Chhun lamah inkawm lo mahila thil pawimawh leh enge maw a awm chuan midang hrilh lo in phone atang pawn kanin hrilh ngei ngei thin.

Class kan nin tawh thu chu kanin sawi chhawk deuh reng a a tawp ah chuan sir pawh chu a chhuak ve ta nge nge a. Zaii leh Sangsangi awmlo chu a reh ve deuh huai mai ,mahse ka ngaihtuah ngial pawn mi chance neihna a a kal ve peih chu Zaii chu mak ka ti viau ani kei in kan hreh tehreng nen.



Last period kan lak lai chuan ka ngaihtuahna ah Zaii ngawt a awm a, Zaii a wwmloh chuan mahni a haw ka ngai dawn sia ka buai ru viau a Upuia min hruai tur a tih te ka rilruk deuh thul chutiang thil mai mai ka ngaihtuah na ah chuan zirlai kalo ngaihsak miahlo a dar a rik chuan ka harh chhuak leh chauh a ni hawt a .



Class atang chuan an chhuak sap sap a keipawh chu ka chhuak zui ve nghal a kan tam bawk nen kan ri deuh huk a khua a lum bawk nen a hreawm chak deuh chuan ka kal zui a gate chhuah vat chu ka duh thaw a pik emai.



Gate a tang a ka chhuah chuan ka thaw hak a ,thutna an siam ah chuan Sangsangi leh Rpa te lo thu dun chu ka hmu nghal a an haw daih tawh ang chu tih a hetah te anlo la awm ni min hmu ve tih hriat deuh chuan an nui a an lam pan chuan ka kal zui ve nghal a " khawge Zaii?" Ka tih chuan kan thlah tawh tiin minlo chhang ve mai a ,an bulah chuan ka thu muang ve rih a Rpa pawh chuan minlo be ve luam a he mite pahnih bula awm hi chu a nuam letling phian zel.






" Saw saw Ema alaw?"Ruatpuian a tih chuan ka hawi vat a kan lam pan a Ema lo kal chu ka hmu zui nghal a, kalo en reng lai chuan kan bul a lo thleng chawpchilh nghal a " Lalthanpui" Rpa an alo ti hlut a Ema pawh chuan hmu ve nghal in " Lalruatpui"a ti ve hluk a ,anin hmuhna hmun chu mak an ti ve deuh aniang. " In in hria maw?" Sangsangin a tih chuan " umm " tiin Rpa chuan alo chhang vat a .




Ema nen anin biak leh luam hnu ah " kan kal mai ang aw " tiin an kal zui a an kal na lam chu ka en zui ta reng a " kal ve tawh ila" a rawn tih chuan ka chhang buai deuh nuai a a rual a haw leh chu kalo beisei ngam chiahlo a . " Gate bulah ka nghak reng che a ilo chhuak daih tawh sia" ti lehin a scooty dahna lamah chuan min kuah phei nghal rawk rawk a nuam ve duh tak ani.





Kanin kawt a scooty a dintir rual chuan ka chhuk vat a kal mai ka tum chu min koh avang chuan ka ding leh rih a ,a bag atang chuan dark chocolate a lian chi ang kha rawn phawrhin min pe zui a midangin min hmu em tih ngaihven in ka hawikual nghal a tumah chuan min ngaihsak lemlo in ka hria



" Tinge?" Tia ka melh chuan nui suk chung hian " kalo hawn che a nih kha I duh em?" A ti a " ahh a ngailo asin ka lawm e" bah deuh nak a ka tih chuan lo nui leh sukin " lut tawh rawh zanah kalo bia ang che" a ti zui a ding khawmuang tawhlo chuan ka lut zui nghal a ani pawh a tlan chhuak ve nghal in ka hria .




A nuam ve chiang e lom inthlak hmasa lo chuan Upuia room ah ka tlang nghal a alo mu bur a " i damlo ami?" Ka tih chuan min chhanglo in a ngawi reng a " damdawi kalo lak ang che aw?" Ka tih leh chuan in let thawkin " ka mut a chhuak" a ti hluk a a damlo a maw tih a ." En teh " tia ka thil ken ka hmuh chuan a ner nang a " tikhan awm kual lo mai teh Ema minlo hawn anih hi " ka tih chuan " Pitei ka hrilh vek ania zing ah pawh inin phurh kha" a tih chuan kalo nui vur vur a " i va han chhe tak , Ruatzela bulah pawh ngaihzawng a nei ngailo ka ti che a mahse duh aiin i ler tlat ngaihzawng neih dawn ro ro chuan Ema te hi ai chuan Ruatzela hi a ngaihzawn tlak fe ania " thutak deuh hian a ti a rigawt a a thianpa te min han sawipui rigawt chu .




Eirawng ka bawl lai chuan upuia pawh lo tho in min puih ve bawk a vawin chanchin ka hrilh chuan a lo ner leh sak thin a ka nuih a za tak tak ani.




Zanah chuan Ema chuan minlo be ngei a thil ho te te kan sawi a ka hlimpui leh viau tho a naktukah pawh minlo sawm leh tur thu a sawi a rilru nuam deuh chuan ka chhing siai siai a .




Nitin chuan school kan kal dun a class off leh break lai pawn kanin zui deuh chawt a ,in ngaihzawnna hran pawh awmlo chuan kanin kawp a ni ber a ka duhkhawp lo viau na chu engmah ka lanchhuah tir ngailo . School ah pawh chuan in ngaizawng treat in min treat deuh vek tawh a ,ka lo duh ruk tak mipa kha a ni bawk nen ka pha ngai lemlo a ani pawn a pha ngai hranlo.





A fel in min ngaihsak em em a sawiselna tur ka hrelo school kal pawh ka phur thei viau a min duh ve takzet in ka hre bawk thin.




Chutih rualin Upuia chuan thutak deuh a min duhpui loh thu sawi zuk a ching a ka ngai pawimawh miahlo te chu mak ka in ti viau ani .





Class kan kal dun a,kan haw dun leh thin bawk a nitin in hmu a in zui chawt kan ni bawk nen ka chhugte pawh chuan kan chanchin an hre vat a .Engmah an sawi zuilo chu mak ka ti angreng.


" Class kan la vak tawh chuanglo a , class off ila" Ema'n a tih chuan in ngaihtuah buai eihlo in kalo pawm pui ve hmiah a ,ka mizia danglam lutuk hi he mipa laka ka luanliam vang ani tih ka hria ,mahse a pawi ka ti hranlo ka mipa duhber ania alom.Ka rilru chhungril ah chuan exam a hnai tawh tho a class kan kal tha tawh chuang hleinem tiin ka in hrilh a .




" Ka chhugten min hmuh chuan a chiloh, khawge kan len ang?" Tia ka zawh chuan " Kanin ah" a ti mai a .A chhugte an awm ngailo bawk a ,pawi ka ti hranlo.



Anin kan thlen chuan a chhungte an lo awmlo tak tak a ,eng em em mah tih tur kan hre lem chuanglo bawk nen movie en a rawt a , movie chu kan en dun ta rigawt a . A phone chu alo ri leh thin a a ngaihsak duh hauhlo a ,ka awm lai a a phone a chhang duhlo chu mak ka ti viau a a chhan ka zawh chuan " kan awmdun lai a midang in tihbuai tir ka duhlo" ti in ka hmuiah a rawn fawp zauh a,ka lo lawm leh viau tawh.




Chutia awmdun ta reng chu a khat tawk chuan kan hmui a in si leh thin a ,ka lo hnar hauhlo .Ka lo hnar loh vang chuan a ngampa deuh tih hriat takin uar tak in min fawp a ,ka lo chhang let ve thuai bawk a . Duhthawh tak a min fawh pawh chuan muangchangin a kut rawn chetin ka awmbawr a rawn tham deuh salh a ,ka beisei loh lam daih ani.In ven a hun tih hrilh hran ka ngailo ,a kut chu lo man sakin ka in la hrang thuai a a ni pawh in thiamloh hmel zetin a nui zui suk a .He mipa hi ka duh viau a mahse mahni in hlauh thak khawp a in hnehtir chu ka duh hauhlo ang. Kan lo inzui tam tawh bawk nen in fawh leh inkuah tih vel chu ngai ah Kan neih viau tawh a mahse a ai a thui thleng tur chuan ka ngaihtuah ngailo.




" Dinpuii hi a chhelo e " ka tih chuan a mitmeng kalo en vat a " a tluklo che" tih pahin min nuih suk a ,ka lo ner nang nang chu min rawn kuah thutin uar fe hian min fawp zui a ,a rim te a chezia leh engkim hi ka tan chuan a famkim in ka ngaina em em vek ani.




Tlaiah chuan min thlah leh thlap bawk a ,zanah chuan lehkha zir hma in kanin be leh a Ema chuan" exam ahnai tawh sia ,in be tam lutuk rihlo ang lehkha i zir theilo palh ang" min ngaihtuah fe chuan a ti a . Lehkha zir hunlai ani bawk nen be chak viau mahila a thusawi chu ka hnial duh lem lo.




Zan lamah chuan kanin be ngai ta manglo a " muttui " tih message chauh dawn chang ka nei ta zauh zauh a ,ngaihthat lohna ka nei hranlo min ngaihtuah a lehkha ka zir theihloh a hlauh vang anih ka ring bawk .






Study leave kan neih chhung zawng pawh chuan kanin be khat viau a , zankhat chu ka note bu pakhat chu ka hmu hauhlo a Ema chuan a kawl ka ring a ,call mai ka tum a mahse lehkha a zir ka ring bawk si in thlahrung deuh chuan ka call zui a . Ka ngaihthlak vang vang hnu a" someone else" tih ri ka hriat chuan ka ngaihtuahna a buai viau a tun ang hunah tunge a biak ang .Ka ngah reng hnu pawh chuan min lo call back hauhlo.








Exam kan tan a rin ai tak chuan ka chhang thei fu a ,exam zawh a haw Turin ka nu in minlo chah zing bawk nen exam zawh a haw tur chuan ka rilru ka siam fel ta a .





Exam kan zawh ni a ni bawk nen ka phur tawh viau a , exam zawhah Ema nen lenkawi kan tum bawk a ka phur leh viau tawh.Ka answer paper ka submit zawh a ka chhuah chuan Eman minlo nghak tawh a , Zaii leh Sangsangi pawh nghak lo chuan Ema te in lamah bawk chuan kan kal leh a , hmeichhia zawk in inah ka lo kal ziah a ka tih chuan " nuamlo ti duh Suh" a ti sam et a .




" Kan khua ah ka haw dawn nia" ka tih chuan min melh vutin " cham rei suh" a ti hmak a ,ka lo nui hak chu min melh rum kual vek a.Kan khua ah pawh ka haw hreh phah viau a,ka ngai lawk ani ber a ka thil ngaihtuah hria ni awm takin " ka ngai lawk che " tih leh a dan ngaite in min fawh a rual a kalo chhag let vat bawk a ,ka kham thei ngai pawhin ka ringlo .





Zanah chuan exam kan zo tawh bawk nen in la free fe in phone ka khawih zui a Mami hnen atang a message ka dawn chuan ka en vat a , Mami nen hian unau mahni ila thian ang maii kanin kawm a a message ka chhiar chuan ka nuih a za lo viau a " u kimkimi leh U Tlana an ni" tih zawng hi ania ,nui lai k la thawn let chiam a .






Ema ka tawn atangin ka rilru ah Tlana a awm tawh ngailo hrim hrim ka ngaihtuahna ah pawh a awm ngai hleklo kha nia mahse kimkimi chu ka thiannu engkim ka hrilh ve thin kha nia,mahse Tlana nen am chungchang engmah min hrilh ve duh hauhlo a ,min ring chiahlo anih ka ring bawk.Chutih rualin Tlankima chu ka ngei rilru deuh tlat a, khatiag a beiseina min siam sak in kanin kawp hman tep anih kha .Tunah ka thiannu a nihpui leh chu ka ngei ve tawp ,a chhan sawitur awm silo chuan ka lungawi lo ve ringawt a . Tlankima ngaihzawng neih vang a lungawilo ka nilo kimkimin engmah min hrilh ve loh vang a lungawilo ka ni ka ti rilru a , mahse chu ka ngaihtuahna pawh chuan min hahdamtir hauhlo.







End of chapter : 18


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)