ELDORADO BY Tluangpuii Cck (Completed)

[Ngaia]

Prologue
Ka hma a mipa ding chu en in ka theilo ang tiin ka phun sep a,chiang zet a ka mit a en chung chuan min nei rawh a ti leh a ....He thu hi a vawikhat sawina a anilo a ka bengah chuan a mikhual lo hle bawk.
Hmangaihna hi a awm tak2 a nih chuan he mipa laka ka rilru puthmang ang hi a ni ngei ang...Ka hmangaih em che avangin I nat ka hlau a , thinlung na leh rum vawng2 khawp a ka awm chang pawhin a tha leh mai ang tiin ka in hnem a ka ngawih bo pui mai thin...
Kha mipa khan nawmchen nan bak a duhlo che ...I hmalam hun zawng2 a chhe vek lo ania ..... Phengphehlep mawi tak thlawk chhuak chuan eldorado a thleng ngei ang.
Epilogue
Ka hmeichhia ka nupui tur ang hial a ka lo ngaih tawh a nia sin ....Pa hmangaihna dawng miahlo a ka seilian hi ka thiamloh a awmlo mahse ka fa lo piang tur hian pa hmagaihna a dawnglo a nih chuan khawvel a pa laktlak loh ber ka ni ngei ang...
Thinrim la I duh leh I lungawilo lohna pawh i ti lang vek thei thikthu thleng pawn ka bula i awm chhung chuan ka phal vek ....Ka tana tha tur an duh vek nang pawn ka tana tha tur chu I hriatchian kha .
Kan paltlang dun zozai te pawh khan min dem in i ring velo ami ?.....Ka hlen theihloh tur thu tiam che ka tum lo ; mipa laktlak loh tak ang a a laklawh a pensan che ka tum lo bawk .....Hei hi ka tiam ang che ka duat ang che .



Eldorado ( chapter 1)


Hringnun ah chuan mi tu te pawh hian duhthusam leh suangtuahna kan nei vek a, harsatna leh hreawm tamtak karah pawh hmalam pan a theihtawp chhuah fo te chuan an duhthusam te chu ti puitlingin khawvel a mi vannei ber leh awhawm ber anlo ni ta thin ani...Khang ka suangtuahna thamral ta zawng2 pawh kha ka tan chuan eldorado rangkachak leh lunghlu khawpui an sawi thin aiin a hlutna a nep bik chuanglo a ka thinlungah chuan Peter panta a Neverland ai pawh in a mawi zawk fe ani..


Ka meng riai2 a ka kut a ka thilken chu enin ka thaw halh ringawt a , chutiang chuan vawitam ka ti tawh mahse awmzia vak a awm silo a....Ka thilken chu ka en ngun pauh leh rin sen pahnih chu a lang chiang telh2 ni mai hian ka hria .... Engtin nge ka tih ang? Ni e......Ni e ,kei hian nau ka pai .....Nu leh pa ten harsa tak chungin college an kal tir a mahse sawn pai chungin alo haw a , chhungte zahna thlentu mai ani tiin mi zawng2 in min sawi tawh ang..... Duhthlang thei dinhmunah khan ding leh ngat ila chuan ka thlan loh zawk kawng kha zawh ka thlang tawh ngei ang .........Ka beidawng lutuk chu ka nui chhuak leh rigawt thin a,rilru in hun liam tawh hnu a chhui kir lo theilo a....

(Flash back ang aw)

Motor din dat rual chuan ka earphone chu la thla in ka meng nghal a,kanin kawt ah kanlo awm tawh a ka nu hmel ka hmuh zawm nghal zat a .....Inlo thleng har ka ti tawh lutuk a ti lang2 pahin ka bungrua te chu min lakluh pui zung2 a ,inchhung lam panin a phul zui nghal hlut a ....U Chhan lo lut kawi la thingpui te lo in ta che ti a driver lam ka hawi chuan nidangah ni mai rawh se tih zawngin minlo chhang a ,hmm tawngtlem thei e ...Anih leh aw ti pahin a tlan lian chu ka thlir a,a kal hnu chuan keipawh inchhung lamah ka lut ve nghal a....

Duati ,inbualna tur tui pawh a so tawh kha ,inbual hmasa la I naute kan ko haw a nge ilo thleng tih pawh an hrelo aniang I pa pawh kha a awm reng sia khawnge alo kal leh hman aw tiin ka nu chu a phur surh reng mai a ......Ka nu ka hmu leh chiah chu ka ngaihzia ka hrechhuak a ,ka nu mai nilo in kan in kan khua ka ta ti a sawitur ka neih ve na hmun aaaaaa kan thenawmte thleng hian ka ngai vek ni maiin ka hria .....

Lalthantluangi ka ni a Atluang min ti mai thin a ,ka chhugte chuan Duati tiin min ko thung ....Chhim lam thingtlang khaw lian ve tak Thingsai khua ah kan chhungkua in Kan khawsa ve a ,kan khua ah hian school pawh ka kal thin a ,a theih chhung chu kal pawh ka duh thin.......Class 10 results chhuah hma in ka putea te awmpui lawk turin hnahthial lamah ka chhuk a ,an chhangchhe sia an fate harh rual lek an ni bawk nen a hahthlak ve thin khawp mai ka awmloh phei chuan Pitei buai tur zia ka ngaihtuah a ka khawngaih thin a hrisel vak biklo nen.


Ka haw tum hunah pawh ka haw theilo reng a ,min chelh lui tlat biklo na chu an dinhmun en in haw san chi rual ni hek lo le,kan results chhuah thleng ka awm a ........Ka results an hre chiah chu kei ai mahin ka putea te nupa an hlim a,ka chhungte hlim thawm mawlh mai kha ka bengah hian ala cham. ...Zeplohah chuan keipoh ka hlim class 10 1st division ah ka pass miau a ,a mihring tak phei chuan ka inchhuang ru ve viau mai.


Ka putea chu a inhuam em2 a ka bulah awm la I zirna ka tum vek ang a ti mauh mai a ,ka nuih liam mai laiin a lo thutak viau ni ngei tur ani,ka chhugte alo bia an ngaihtuah tlan hnu in ka tan a that zawk an ring a , hnahthial a school kal tur chuan thu anti tlu ta a ......... School kal chu ka hreh hranlo a mahse ka putean kan buai sia haw tawhlo in awm tlang law2 mai rawh a tih chu ka ngaihdan a ni vaklo a mahse awle ti in ka chhang ve mai a.


Ka putea te hian fa thum an nei a , a upa pahnih hi phir an nia phirte hian nau pakhat an nei bawk......Anin tiat rual hlawm em2 a mi phei chuan triplets a maw an ti fo, naupang harh rual lek ni mahse tih thiam chuan thu an awi viau thung .

Hriatloh karin hun a lian zung2 a , school pawh Kan chawl thuai a ,keipawh Kan khua ah haw tumin ka insiam mawlh2 a ,ka naute ho chuan minlo ngen khat tawk bawk a ,kanin thlem leh rih thin ......Ka nui a .Ni e....Kan in hi ka ngai tawh em a ,ka luh rual khan kanin ka chhuahsanlai leh thildang dangte kha ka ngaihtuah hman vek .... Tluang taka ka thleng thei chu ka lawm viau mai.

Inbual turin bathroom lam ka pan a ,ka chhuah leh chuan ka naute leh ka pa pawh anlo awm thap tawh a ,minlo be sap2 hlawm a.......Rei rial lo in chaw Kan ei nghal a ,ka chaw ei a tui phian a ,nidangah motor ka chuan chuan ka chau thei hle a ,chaw pawh ka ei peih ngai meuhlo kha nia...


Ka naute chuan chaw ei na an tifel mawlh2 a,a nula ber chuan thu chungin kalo thlir a ,engmah ti ve an phal miau lo a ,tih ve ka tum lahin tun tlai chu kanlo awl ang che naktuk atang chuan I ti vek dawn nia anlo ti tlat ...Mipa ve ve mahnise an fel reuh khawp mai..

Rinni zan a nih avangin ka nu leh pa chu inkhawm turin an chhuak a ,I chau ang lo awm mai rawh mintih chuan kalo pawm viau a .....Ka nu te kal atanga reilo te ah chuan ka thianpa ve em2 Joasa alo lang hlawl a en pawh en manglo hian ilo va kal har ve kan ti ngawt a.....A nui mai a ,midang tawng thawm ka hre zui a ,ka hawih chhuah chuan Tlana nen kanin en nghal a ,hepa hi enge alo tih .? Alo leng tawh ngai silo a ....

Kan khua a class 10 ka kal lai khan kanin kawm em2 lo a ,zankhat kha a rawn leng lut hlawl mai a kalo be ve bawrh2 a.......Kha mi zan a tang khan alo leng lut zantin a beisei nei ang phei chuan a awm ngailo a , chutia lo leng fo chu kei pawhin ngaiah kalo neih a niang chu khua a thim tawh hi chuan ka rilru hian kalo ngaichang ran zel ......A lo lan har deuhte hian ka ngai ni mai tawh hian ka hria ,a lo leng a se se thu lam kan sawi ngai a zeng pawh nilo chu ka rilru a luah ve rauh2 thin.........Zankhat alo leng chu a zia a dang riau a ,dar 8 velah haw atum chuan ala hma alom ka ti mawi ve a ......Minlo thlah tihleh kawngkhar lam pan a rual a ,ka ngaihzawng pawh ni hawtlo chu ka lawmlo dawn2 a lom le ..... Veranda ah chuan kan ding dun a muttui le ka tih chuan kal mai lo in min en a , muangchangin ka hmuiah a rawn fawp a ,ka ngaihtuahna a fim chiah chu nam sawnin ka lut dawn ka tia ,ihe lo in aw alo ti ve bawk a .....Enge a sawi kha? Min fawp zo chiah a ,ka hrilhhai em2 lai a min chelh lo a lut tura min tih chuan ka lawmlo chhiava ani...



Ka khumah chuan muhil theilo in ka lek sek a minlo duh ve reng tihna mi le ?Mipa min fawp hmasa ber tu nia ka rilru tak chuan ka lawm viau bawk .....Minduh nia ka hriatna chuan min ti hlim viau bawk mahse enge thleng hi khami zan atang khan vawikhat mah alo leng leh tawh lo a ,kanin hmuh pawhin engmah thleng lo ang in aawm a,min pehhel hranlo a nuamlo ti hmel a pu ngailo bawk .....Ka hrethiam chiah kei hi hmeichhe easy leh duh2 dan a tihkual theihah minlo ngai amaw ni le mahse chutiang tur pawh chuan min hnaih leh tawhlo hrim2 a khami zan atang tun thleng pawh hian....

Thingpui lum teh ti ri avang chuan ka ngaihtuahna atang ka harh chhuak zawk a ....Ninawm e ka chau asin tichungin flask a thingpui thlitsak tur chuan ka tho ve mai a ,ka thlit dawn lai chuan Tlana I duh ve em ka ti tawl a zawt lo a thlit sak ve mai tur ania ka ti rilru leh hnuhnawh a ,keimah ka in hau ru mawlh2 a tun hma te kha chuan duh ngai heklo le ........Duh ve e a tih chuan ka zak ru chem2 mai .

Chawngi in lengte thingpui I duh em an ti ngai ami Joasa lah chuan ala rawn ti hram pek a ,hepa lellul hi Chu ngawih ve mai2 tur ania Chawngi pawh ka nilo tih pah chuan thingpui chu ka pe a,keipawh chuan ka in ve nghal a ....Thingpui sen hang hi a tui ber ka ti ve tlat.

Ka nu leh pa inkhawm bang pawh anlo haw tawh a ... Chawngi Kan haw dawn ,nula dang rimtur kan la nei Joasan a tih chuan kalo nuichhuak hak a ,a duh chuang tawp silo che a ka tih chuan engtiang a thui nge Kan kal tawh pawh I hria mi an ti fahran a ka awilo lutuk .....Tlana chu a tawng ve lemlo a , tlangval nelawm leh mahni lu zo tak a nih thin vei nen a tak run a ,amah ani tawhlo amaw ka ti mai dawn alom..


Muttui le tih pahin anin zui chhuak a muttui ule ti a ka tawng lang2 pawh chu min chhang zui tawh lemlo a ....



End of chapter 1


Show post links
Top

[Ngaia]

Muhil theilo in ka in letsek a ka rilru in ka ngaihtuah let neuh2 a, khami zan pawh khan muhil theilo lekin ka ngaihtuah ngut2 anih kha,a call emaw message dawn ka in beisei viau a mahse ka dawnglo tun thleng pawhin.

Ka harh chuan anlo tho vek tawh a keipawh chu rang deuhin ka tho ve nghal a, bathroom a hmai ka phih mawlh2 laiin hmeichhia ve si thawh hmat nachang pawh hrelo ti lung2 ri ka hriat chuan ka hmanhmawh sauh a , Chhuahchhal tum taka ka chhuah chuan Chawngi hmeichhia ve si thawh hmat nachang te hi hre ve rawh min lo ti zek a minti zak dawn2 alom nilengin motor ka chuang a ka chau alom ka ti chuan a ner nasa mai....Ka haw dawn inkhawm turin ka lo sawm ang che tih leh kawngkhar lam pan a rual nghal a ,han chelh khawmawi na hun hi awm a awmlo reng2,.


Chaw ei kan siam zui mai a chaw ei mawlh2 laiin ka nu chuan Mapuii'n palai hmel a hmu a ni awm e a tih chuan mak kalo ti viau a bialpa a nei ami ka ti hluai a , lunglei lam atangin awm e a ti sam mai a ...Engmah ka sawi ve tawhlo na chu ka nui ru deuh a ... Sunday zing a nih avangin kan eikham hnu chuan chaw ei na ka tifel zung2 a ka room ah insiam turin ka lut zui a ka insiam mawlh2 laiin muangchang thei lutuk nghah reng ngai mai tih pah Joasa tawng lung2 chu keimahin ka nuih ringawt a ,ka thu hrilh tur hian a thawng ve dawn Chiang ani..Duatte Kan kal a nia kawngkhar chu lo kalh mai ru ka nu chuan a ti a ka chhang lem lo chhan hman pawh anilo a sawi zawh rual khan thenawmte kawt a thleng leh daih tawh ang a au ring chi hi a ni ve a


Ka hman e kal tawh ang tih leh room chhuahsan ka rual a ka thianpa ber bur hian rei minlo ti leh tawh hle tih a hmelah a hriat theih a ka ngai pawimawh lemlo thung.... Kawngkhar kalh mawlh2 pah chuan unaupa Mapuii palai hmel a hmu an tih kha enge awmzia tia ka zawh chuan naupang in chutiang buaipui a ngailo minti fahran a ner deuh pah la na ve maw ka tih chuan engmah I hrelo tih zawng a sawi a ,hepa pui hi a thutak vei thluam a awm a nuamlo dawn2 alom. Mapuii chu Kan thenawm nuthlawi kawm nuam leh tawng duh zet mai hi nia kohhran leh khawtlangah thahnem ngai tak chu nilo mahse mihring mihrinna a tha thluam ang chi hi nia ei chawp dawr an nei a ,an dawr chu a nghak mai thin a a hmel pawh a tha a kei nen pawh kanin pawh a an inah leh an dawrah pawh ka leng ve fo mai.


Thui pawh kanla kal hma in dawr kawt a Kimtei lo ding chu kan hmu nghal a,ring leng lawng a Lal Chawngpui ka nghak rei tawh lutuk che u a rawn ti chuan inkhawm tur kal ve dang te chu an nui tet2 hlawm a mahse ka thiannu hi chuan eng ah mah a ngai teuhlo mai ..Ka thiante pahnih vang hian mi pawhin Chawngi ka ni a maw an ti fo a ka sawifiah peihlo.


Biakin lam pan chuan kan kal ho lai chuan Kim Umapuiin palai hmel a hmu a sin awmze nei fe a ka tih chuan ka thiannu chuan a fel a ,a hmeltha a alo ti zung2 a ...A hnu ah nui deuh pah hian kan khua ah hian rilru na damdawi an zuar silo a a tih leh chuan Kan thianpa chuan a dang pawh kala nei tho alom a tih chuan kan awilo nasa a len ngun zia leh Mapuii'n a biakthat theih zia kan hrechiag em a .


Biakin kan thlen meuh chuan anlo tan tawh a duh aiin kanlo tlai ani ka tih chuan ka thianpa chuan min melh pah hian hmanhmawh nachang I hriat phah anga a tha ve alom a tih kher chuan ka ngei khawp mai ...Nangmah bak hian tuanmuang min tilo ka ti hram a Kimi nen chuan biakin pawh kan thu dun zel a , Sunday school banah chuan pawnah kan ding dun a ka thiannu chuan kan kohhran tlangval ho hi chuan ka mit an la hlawllo ani a tih chuan ka nui chhuak hawk a...Enge .? Ania alom nagpawn ngaihzawn tur i hre dawn tawp ami a tih chuan ka nui leh mai a,kan kohhran tlangval lo chu ka duh lo I ti bawk si i lengtar hrim2 ang a ti leh chiam a ... Presbyterian val nge2 ka tih chuan a ner nasa ngang mai ........Tak2 ah maw kan kohhran tlangval ah chuan Joasa tluk hi an awmlo a fel a nu leh pa a zah bawk a ,a fakawm ka ti a rawn tih chuan ka pawm khawp mai ka thianpa hi chu ka chhuang ve em asin mahse Joasa a nih chhung hi Chu e a tih leh chuan a hma ai mah a za chuan kan nui dun leh a .....Dar a rik leh chuan inkhawm turin kan lut ve leh mai bawk a Joasa chu ka hmu zui tawhlo.



Inkhawm banah chuan ka thiannu nen chuan titi mawlh2 pahin kanin zui haw a thui pawh kan kal hma chuan Tlana kan hmu nghal a minlo nghak teh u a tih chuan kan nghak ve mai a a thiante chu enge maw hrilhin kan bulah chuan a rawn kal ta daih a .....Ka thiannu chuan uang fe hian i pianthar loh pawn Sunday hi chu serh ve rawh aw alo ti nghal thawr a ,pakhat lah chuan ngawi mai2 teh alo ti duh chauh a ...Hepa hi chu tupawh hian an nel em2 zel a hrelo tu pawh hi a nei mang lo ang tih tur anih laiin kei chu ka nu leh pa hming te ka sawi ngial loh chuan veng chhung a mite bak hian min hre mang lo .


Ka pen san mai ang che u lo len phei ka tum dawn nia Kimi a tih awle kalo ti mai a ,anin lam pan chuan min pensan nghal bawk a .... Tlana nen chauh Kan kal tlan hnu chuan sawitur a vang ka ti khawp a ,inkhawm bang ka ni bawk nen pheikhawk sang kalo bun ve te chu ka inchhir hle tawh minti confi lo zo vek a ......


Dawr zawn kan thlen chuan kan peng lawk a nge tih pah chuan umapuii te in lam ka pan a ka lut chiah chu ka thil hmuh vang chuan ka nui ringawt a Joasa leh Mapuii chu in hnaih deuh hian anlo thu a ,min hmu chiah chu rang lutuk in anin hlat dawr a ka nuih a za viau a.....An mahni pawh en duh tawhlo chuan Umapuii noodles chhum tur ka lo dawn aw pawisa chu tlaiah ani mai tih leh dawr chhung a luh chu ka rual a ,an dawr hi anin nen a inzawm avang hian Sunday ah pawh thil kan lei mai zel a ni...Mr noodles bawm 3 chu la in dawr atang chuan ka chhuak leh mai a ,an mahni en twhlo in ka chhuak nghal a .



Pawnah chuan ka kalpui pa chuan minlo la nghak a mak ka ti deuh a,minlo nghah pawh ka ringlo a ka ti ringawt a ...Joasa te inah I leng dawn ami ?? Min chhan hma chuan Joasa chu inah a awmlo asin ka ti leh hram a nui chungin in inah alom ka lo len dawn a ti a ka zak chem2 mai ...Kanin chhung kan luh rual chuan kanin thlak hmasa lawk ange tih leh room lampan ka rual a ka hmanhmawh viau bawk,ka chhuah leh lai chuan I phone a ri a alo tih chuan sofa chung a ka phone awm chu ka ban nghal vut a minlo call tu ka hmuh chuan ka ner deuh a call let lo chuan ka phone chu a awmna ngaiah ka dah leh mai a.




Thingpui kan lum dawn mi ka tih chuan a ngailo a ti mai a ...Kan ngawi dun vang2 hnu ah ka no i nei em a rawn ti sup a nei e ka ti ve mai a ...Ngati nge? Ka no I neilo ami ka tih leh chuan nei tho e a ti leh ringawt a ....I status ka van hmu ngailo ka tih chuan ka up ngailo a ti mai a nih ka status I view ngai pawh ka hrelo ka ti leh hram a ,ka hmu ngai hleinem a ti leh ang lawi a .... Status ka up vak ngailo a ka ti leh ta ringawt ..

Duatte kalo leng dawn ti lang2 chungin mami ka cousin ka nu nau fanu chu a rawn lut a ,i nu ang Mai ngawi reng khan rawn lut mai rawh a lo ti sup a ka bula mi chuan mami lah chuan ahma ai mah a ring hian kalo leng dawn a ti leh hram a ka sawi kha maw tupawh hian an nel a an fiam bawrh2 ngam kei mah tihloh chuan ....Mami hi kei aiin naupang mahse kanin kawm ngeih viau a ,an unau hi pathum ve tho an nia hmeichhe awmchhun ve ve kan nih vang hian kan chhungte pawh hian min duat ve viau ..Ka unaute hi kei aiin naupang vek mahse tuman min u lo a duatte tiin min ko mai thin a , Mami u chuan Duata hi chuan Atluang min ti tlat thung a ,a ni hi Chu a zia a dang ve hrim2 a ...



Dawhkan a Noodles chu enin ka ril a tam ka chhum dawn asin tih leh choka lam pan a rual a a ri rak2 reng a a va chhum a ni ngei ang ..Utlana nichinah Umuani a zawng che a sin a rawn tih leh chuan kalo ner sak a ka bula mi chuan minlo en ve chiah bawk a ,ka inchhir nghal rum2 mai eng vang a lo ner kher nge maw ka nih chu le?Ka bula mi lah chuan I nu ang Mai thawm ngah lutuk alo ti hluk a kei ka lo nui hak thung a ....Ni e ka Nutei hi chu tangtam leh engkim a inrawlh tum zel ang chi kha ni ve a ,a fate pawh hian ngai ah an neih tawh ni maiin ka hria ...I nu leh I nute hi Chu an zia a in anglo ve ngawt mai ti a min hrilhtu an awm ve leh khauh zel a ,ka bul a nih vang nge ka nu hi Chu an fak ve viau zel .


Ka haw mai dawn sin tih leh thawh a rual a ka rilru te2 chuan Muanin a zawn vang a nih kan ring nghal ngawt a,a ruk tak chuan kalo lawmlo nghal ringawt bawk a ,a chhuak ta chu ka thlir reng ringawt a .... Noodles chhum ei pah chuan mami nen chuan thil ho deuh2 sawiin kan nui leh hak thin a hreh deuh tak chuan Muanin khan Tlana kha a zawng tak2 ami ka tia ka bula mi lah chuan umuani an inah pawh a leng ziah alom a ti sam mai a ,ka sawitur hre tawhlo chuan hmeichhia zawk si kan ti ringawt a ..


Kan thil eina te kan tihfel zawh chuan sofa ah mu chungin kan phone ve ve kan khawih a thil ho tete Kan sawi pah bawk a ,a chang leh kan nui leh hak zel a ...Sana ka en chuan alo tlai viau tawh a tho vatin rice cooker ah tui ka lum nghal a a si har hranlo....Tui so chuan chaw chhum hmasa mai lo chuan antam chhum tur ka siam hmasa leh rih a ....Ka nu lo haw chuan eirawng in bawl tawh em a rawn ti zung2 a umm tih zawngin ka chhang a nang hi Chaw I ei dawn em ti a mami a zawh chuan eilo ang a lo ti ve mai bawk a ...Dar 4 rik dawn ruai a chaw chhum ka tum chuan min lo chhum kep leh si mai teh a Mami chuan a rawn ti leh ang lawi a ,keipawh chuan ka chhum kep ve mai bawk a ..


Ka nu bawk chuan inah chaw I ei dawnloh chuan phone la i chhungte hrilh rawh a ti leh a Mami chuan tun ang huna ka haw loh chuan in inah ka awm tih an hre vek zel a lo ti deuh tlat a ka lo nui ka lo nui a...


Awiii.....Ka theihghilh chiang lutuk i nu Zuali antam man kala pe lo a ,a rei tawh si a zahthlak lutuk va pe lawk mai teh u a ti chul a ...pawisa min pek chu la in Mami nen kanin zui chhuak chu khua alo thim tep tawh a muangchang lo chuan kan kal nghal a nu Zuali antam man kan pek hnu chuan inlam Kan pan leh nghal a ....Kawng lakah chuan mi kan tawk veleh zauh thin a ,,kanin peng kan thlen hma deuh kawngpui a kan kal lai chuan mipa pathum vel hi min twk zawngin anlo kal ve bawk a ,kan zawn a rawn thlen chuan Tlana ka hmu tel ve nghal bawk a lo kal lawk teh tih paha min kaihsawn chu a rual nghal a ringawt zel hian .....A thiante hlat deuh hlek a min dinpui hnu chuan zanah kalo leng dawn asin a ti sup a ,ka chhanloh vang nge ni inphal em a tih chuan ka lu ka bu nghat a



End of chapter 2


Show post links
Top

[Ngaia]

CHAPTER: 3


Edit :. Lo kal lawk teh tih leh min kaihsawn a rual nghal zat a ; a thiante hlat deuh hlek a min din pui chuan kanin melh nghal ran a zanah ka lo leng dawn asin a tih chuan ka ngawi ran a ka chhan mai loh avang chuan i phal em a rawn ti leh a ,chhang ta mai lo chuan ka lu ka bu ta ringawt a .



Mami chuan enge kan sawi a hre chak khawp a min zawt sek2 reng a ,ka nuih mai laiin min hrilh ve rawh a ti chhen a a tawpah chuan zanah lo len a tum a ka ti ta ringawt a ....A ngaih ang he hu chu anilo aniang a va ho ve a ti duh lek chauh a ......In kan thlen chuan ka chhungte pawh anlo kim thap tawh a chhung inkhawm kan nei zui a; kan zawh rual chuan chaw ei ang u haw hmat ka duh tihleh chaw ei siam a rual nghal zat a ka puih ve nghal bawk a ,chaw lai pawh chuan mami tawng kan ngaithla ani hawt mai sawitur a hre bawk a kan nui Kan nui mai....


Bawiha minlo thlah teh ka haw tlai chuan api in minlo zawng mualpho leh ang ti lang2 chungin Bawiha room lam chu a pan nghal a Mami ka inkhawm kal rualin kalo thlah mai dawn che mi Hriata chuan alo ti ve bawk a ,Hriata hi ka chhang chiah ania Mami nen hian anin rual tlang viau a anin kawm thei phian....Ni e Mami Hriata rual chuan haw mai rawh inbual ka duh a Bawiha pawh chuan alo ti ve vat a .Nih leh Hriata hmanhmawh rawh a ti let chhen tawh a Hriata lah chuan chhang tha mai lo chuan I duh leh nangmahin lo va haw mai rawh a ti bul2 a ,pakhat lah chuan eng ah vak a ngai lem lo a ka nui ka nui mai .




An chhuak ta chu a reh huai mai ; ka pa chuan naktuk zan atang chuan nagpawh inkhawm ve tawhla a tha ang a tih chuan awle ktp inkhawm zan ani hrim2 alom ka ti mai a ....Min biakzawm tawhlo chuan ka nu nen anin zui chhuak nghal a ..... Duati ka thiante anlo kal chuan minlo nghak rawh se aw ka inbual dawn Bawiha chuan ati a ka chhan hma in bathroom lam a pan nghal daih a .



Gas bul vel ka hruk fai mawlh2 pah chuan Sana ka en zeuh2 reng a ,a la tlai hranlo a thawm awm apiangin ka hawi chhuak a .....Tlana thilsawi mawlh kha ka ngaihtuah a ,alo lang har ka ti ru viau tawh a lo kal ngei ka ring a mahse kalo phur viau chu ka hrethiam chiahlo .......Ka ngaihzawng amaw ni le?....Kei chuan tlangval fel khawtlang leh kohhran tana chen fakawm , ruihtheih thil in a tihbuailoh mi zahawm caring leh smart em2 ka thinlung zawng2 a ka rin theih tur leh mipa in nghahna tlak kawng engkim a min hrethiam tu tur alom ka duh ..... Chutiang mipa chu ka la tawnglo Tlana phei hi chu ka sawi ang mizia hi pakhat mah a pian pui ve pawh ka ring lo hial mahse ka ngaihtuah fo hian chhan chu a neih ngei ka ring .




Sitting room ah chuan keimahin ka thu a ; dawt min hrilh leh amaw ni le tih te ka ngaihtuah neuh2 a ,a last seen te ka check leh ringawt thin a .... Kawngkhar ri rak thawmah chuan ka hawi chhuak vat a ka rilru chuan I nghak chhuak ta alom minti ni mai hian ka hre hial a ...Ummm ka nghak chhuak ta alom ka lam pan chuan alo kal a enge kalo sawi ang biak ka duh a mahse sawitur engmah ka hrelo ani...Khawnge i chhungte tih pahin ka bulah chuan a rawn thu thla ve nghal a an inkhawm a an bang harlo ang ka ring ka lo ti vat a ...I inkhawm ka ring deuh a a tih leh chuan ka nui tawi tak mai ; lo len I tum sia tih tak chu ka nap a , chhang lo in ka nui ta ringawt a.


Engtikah nge I kal leh ang a tih chuan thla thar lamah aniang ka ti mai a ; i pass tha viau an tia a ngaiah tho ami I zawm leh ang a tih chuan umm school kalna sawn chu a buaithlak bakah kan chhungkaw dinhmun ngaihtuah hian kan tan chuan govt hi a tha a ,thian pawh ka nei tual tawh a nuam ka ti bawk a ka ti ta duah a .....A nui mai a ; class hi kal zawm I tum tawhlo ami a ,a uihawm e ka tih chuan min en zawk a nui chungin lehkha ka thiamloh zia leh ka zir peihlo zia I hriat ve tho ka ring ati mai a ka nuih a za angreng a sawidik viau bawk sia .....Class 12 pawh i pass thei tho a ka ti leh hram a ka ban duh tawh vang alom a tih chuan ka hrethiam vaklo a amah bawk chuan ka pass loh chuan min repeat tir dawn tho a a tih zawm leh a ka chhang tawh lemlo .



Muani no minlo pe teh a ka lo nei tawh miahlo a ka tih chuan a phone a phawrh zui a a hmet mual2 a reilo ah ka WhatsApp tone alo ti ve nghal a ka en chuan no chu minlo thawn nghal a samkiri z tihin alo save a min ti bangbo angreng a ; zawhna mitmeng a ka en leh lai chuan nui chungin awmzia a neilo a ti ringawt a ka nui ve tawp .....Sawi zui tawhloh ka tum na chu ka fiam chak tlat a bialnu te ve si I van save duatlo ve ka tih chuan min en chungin thutak fe chuan ka bialnu te inah chuan ka leng ziah zaninah tihloh a ti nghut a ; ka rilru te te chuan nizanah pawh ilo leng tho sia ka ti leh hram a .

Bialpa neih nachang a hrelo an ti che a tih chuan ka nuih a za angreng min nuihzat deuh tlat a hriatna ka nei pek a kan hrelo tawp anih chu ka ti kha2 a ,hmu zo lo ah min ngaih ka hlau a ....Bialpa pawh la nei ngailo mahila hmu zolo nih chu ka duh teuh lo mai....I sam kha I tan daih a a tih leh chuan min van Chik awm ka ti vat a ,a nui ve ringawt mai a lai ve deuh a maw ni le ?? I sam sei lai kha chuan i tum tawi hmel lehzual minti chu ka lawm lo hle a ,ka ner nang a .....Ka thiannu Kimi ngei pawh hian lungngai Suh I than ala kin lo ang minti ziah a ka tum nasa thei hle a nih kha ka thiannu hi Chu fit 5 leh inches 4 vel anih laiin keichu fit 5 ka tling awr a kanin zui nasa sia min fiam nak2 zel ;ka unaute phei chuan uan nan tak min hmang thin a .... Hmeichhe te hi a nalh zawk ka ti ta ringawt a .



Inkhawm an bang tep tawh ka haw dawn I pa a awm hi chuan inin hi a te sawt zel nui chung hian a ti leh a ; a hma pawh khan kalo len chuan I pa hi leng daih se ka duh a ti ziah ......I nel lo mai2 a nih kha hrechiang la chu a bula awm nuam I ti ngawt ang midang pawn I pa bula awm hi a nuam an ti ziah kalo ti vat a ; ka hrechiag hleinem bakah Puia te nen tihtur kan nei a Uzualan thil te2 minlo hawn a a tih leh chuan ka hnual rawih mai a ho e zawi sap hian ka ti hram a......Minlo thlah la a tih chuan ka zui chhuak vat a; pawn kan thlen chuan kalo bia ang che va lut tawh rawh a tih chuan mak deuh maiin kallo se tih rilru ka pu deuh tlat a ....Kal mai a tum chu ka ngaingam ngang lo ; va lut rawh a tih leh lai chuan Tlana kalo ti vat a zawhna mitmeng a min en lai chuan rui lo la ka ti ta ringawt a ,a ruih ka hlau miau alom Uzuala chuan zu bak a hawn dawnlo tih ka hria a .... Muttui le tih pahin a kal zui nghal a .


Ka en reng a a kal liam hnu ah ka lut ve ta chauh a ; ka nute pawh nghak lo chuan mu turin ka lut zui nghal a ....Ka ngaihtuah leh reng tawh a, ka thilsawi kha a ngai pawimawh ve angem tih mawlh chuan ka rilru a luah a ; min ngai pawimawh ve se ka tihzia chu nasa tak ani.....Zu a in fo a ruihtheih thil dang lakah chuan a fihlim ve viau chuan ka hria .


Ka lo bia ang che a tih kha ; minlo bia a ngem? .....A khat tawk chuan ka phone ka en leh thin a ,ka beisei sang mah2 tihna amaw ni le? .....He mipa hi ka ngaihzawng tak2 tihna em ni ?? Ka duh theilo ang ka dream boy a nilo ... Zomuani nen sawi kai hat khawpin anin zui thin tih ka theihghilh ta a maw ni ?? ...Zawhna hlir in ka khat a ,a chhan na kawltu awmchhun ka ni chung hian ka in chhang thei der silo a ....Sana ka en chuan dar 11 alo pel tawh a ; a mu daih tawh ang ka phone chu hmet thim in luhkham hnuaiah chuan ka rawlh lut nghal a.


Thawm ri nak2 vang chuan thawhphan pawh neilo in ka harh hlawl a ,ka beng ka chhi deuh ran a ; a buaithlak emai tih ngaihna tak pawh ka hrelo Mapuii pawh ka hrilh nasa a ,mi fapa lo biakchhiat ngawt thu lah a awm silo a han in nawr luih
na chi a ni silo a tumloh deuh hian kan mualpho er ang tih ka hlau zawk a ,a nuta te ho hi an laktlak silo a a pa tal kha la awm se tha tur ania a ti bawrh2 a ka ngaihthlak chian chuan Umapuii nu ani tih ka hre nghal mai a.....Ka ngaihthlak zawm duh lemlo nuho buaina bak a nih ka ring hranlo a ..



Muthilh leh ka tum lai chuan thil ka hrechhuak zawk a ka lukham hnuai a ka phone dah chu la chhuak vatin ka hmet eng nghal a beisei nei ru deuh chuan message ka check nghal a ka beisei ang chu ka hmu lemlo....Kimi hnen atang muallungthu vengah min kalpui lawk la chhunah kalo sawm ang che tih chu alo awm va a ,awle tih zawngin ka chhang a. Vawinah kanin hmuh chuan Tlana Chungchang hi a thuphungin ka sawi ang ka ti rilru a ka hrilh loh chuan a hriat hunah a lawmlo leh awm sia ..



Min biak ringin a message ka nghak a ; ka muhil theilo hial a mahse a phur chang a biakthat leh len luh nan chauh min hmang a ka hriatna chuan minti na veng2 mai ; in ven ka ngai min en ang chauh hian ka en ve tur ani a ka beisei ang hi ka hmu ngai dawnlo tih ka hrechiag tawh viau bawk .


End of chapter : 3


Show post links
Top

[Ngaia]

CHAPTER : 4




Tukthuan kan ei mawlh2 lai chuan ka nu in " I ni in huanah a kal ve peih angem ? A peih dawn chuan kalo nghak ang a " a tih che kha a tih chuan ka kal chak khawp a mahse Kimi kha ka kal pui ang che ka ti tawh bawk si .Vawin chu tihtur dang kalo nei hman tawh a naktukah ka kal ve mai ang nitin an kal tho a ka ti a.Ka nu bawk chuan " I kal dawnloh chuan hrilh rawh an lo nghak palh ang che " a ti leh a ; chhang tawh lo chuan ka tho nghal a kut ka sil sawk2 a ka phone ka ban zui nghal a ,ka ni chu call in ka kal hmanloh thu ka hrilh chuan "a pawilo nidangah ani mai ,tlaiah I u matei eirawng lo bawl pui zawk mai teh a damtha lo ltk nau alo keng ve tawh bawk nen ; nang pawh i kal leh hma a chaw ei sawm che kan tum tho bawk a tlaiah lo ei mai rawh " a ti zung2 a phone chu a dah nghal daih bawk a




Matei hi an monu a nia ,ala naupang viau kei aiin Kum khat vel bakin a upa lo ang....Chaw ei na ka tihfel zawh chuan matei chu ka call zui a rei pawh a ring hma in alo la vat a ,tlaiah kalo chho ang aw , eirawng ka lo bawl pui ang che ka ti a lehlam a mi chuan " I peih chuan a pawilo" a lo ti mai a ....I van nep tak a ti zui lawng2 a keimah minti a maw ka tih mek laiin mipa ve si a ti leh ang lawi a ..Enge a ? Ka ti vin hlar a lehlama mi chu rawn nui hawk2 in
" thenawm tlangval thing ka eh tir a , a zeilo lutuk a" tih pahin a nui leh thin a ..Ujacoba maw ka tih laiin nilo Tlana zawk a rawn tih chuan ka nui tawi tak ringawt a.


Kanin biakna ka tihtawp hnu chuan inchhung ka tifel mawlh2 a ,Kimtei chu alo kal har ka ti ru viau a .In ka tihfel hnu chuan inbual ka duh viau a ka inbual laklawh laia Kimi alo thlen leh si chuan min tur leh vak2 dawn a chu ai chuan zanah thlamuang deuha inbual ka rilru ta zawk a ....Kimi lo thlen chuan dar khat a pel hret tawh a I van tlai leh si ka ti a"kal hma ang pawh ka tihloh kha " a ti mai a .Ka hnial hneh leh dawn silo a ka ngawi daih a; thingpui i duh em ? Ka tih chuan ngailo a tlai tawh hmanhmawh ang a ti leh lawi a


Kan kalna tur lampan chuan kanin zui hnak2 a ,veng dangah kan kal chhuak khat bawk a veng dang boruak hip chu nuam ka ti viau mai. Venglai kan thlen chuan rinloh deuhin Thangpuia te kan hmu hlawl a , School kan kal ho lai kha Chuan nitin deuh thaw ka hmu a tunah chuan ka hmu khat viau a ....Rothangpui ka ti vak ringawt a," thluak chu la thawl reng ani maw " tih pahin a nui suk a ,ka thiannu chu a thlek pah zeuh bawk a ..Enge? Tih pah a ka thiannu ka va en chuan " kal tawh ang " alo ti sek2 a ..


Kan kal sawn hnu chuan ka thiannu chuan thawk anla hluai ringawt a ," Thangpuia ka hmuh hi chuan ka la pangai hlei theilo " uang fe hian a ti a ..A rei tawh e ka tih chuan a ner nang a" ,,minlo la be zauh2 thin alom ruihtheihthil hi thlah hmak thei ila chuan ka bialnu nghet I nihna a rei tawh ang min ti alom" a ti siam2 a ... Ruihtheih thil a tih vanga duhlo tur zawk I nia ,chutiang a a mah zawkin a sawi daih chu ka hrethiam lo ka ti hluai a ... Hahthlak mintih hmel zet chuan " a in thiamlo a , ruihtheih thil a duh bawk sia min duh bawk sia a thlah theihloh zawk a pan zel anih kha" a ti a...A mah bawk chuan " hepa hi chuan a bula awm turin min ti se ,kan pahnihin hmachhawn dun ila kan hneh thei ngei2 ang mawle" a ti vang2 a sawi ve tur pawh ka hre tawhlo ..



Kan ti ti tui bawk a kan kalna tur pawh kan thleng der a , Inchhungah kanin zui lut Urampuiin minlo hmuh chuan alo phul hlut a ," awiii inlo van leng duhlo ve thingpui in ru aw ,kan chhuang ange " a tih zawm zat a ...Ka thiannu chuan " khawnge i chhungte" a ti dek2 a ,pakhat lah chuan an awmlo a ti liam puat a chu velah tlangnel fe chuan sofa ah chuan kan thu thla nghal a,thatchhe zet a thu pah chuan kan titi bawrh2 a..Thingpui kan in mek lai chuan ka thiannu chuan"U Rampui kawr kha I thui zo tawh em? Ka rawn ngaihven deuh a " a ti a .Thingpui lem khalh pah chuan " zo daih tawh ilo ngaihven har lutuk a , Thangpuia lo pek tir che ka tum lahin ka leng tawh ngailo a ti tlat a a nui pah a ,kei lah ka chhuak thei silo a " a tih chuan ka nui ve rigwt a ..


Atluang puan than ka nei thar teuh a en ve rawh u a nalh hlawm ltk a ti chul a ,ka nui mai a ...."Kimte a hma ami ai nalh pawh kha a awm teuh mai" ka thiannu lam hawi chuan a ti leh a ..Kan chhin teh ang tih leh thawh ka rual a ,an pahnih chuan min zui nghal bawk a . Urampuii hi puan thui a thiam a,midang pawn an fak ve lutuk,puan than a man a nei vek zel bawk a veng hla deuh a tang pawn an pan nasa ve thin...A puan than neih ho chu alo nalh phian a ,a neitu nu in a fak thiam vei nen awh ruk deuh2 ka nei fur tawh a ...Ka thiannu lam ka hawi chuan puan than rawng lai lampang gold rawng a par chu minlo hmuhin " a nalh asin,hei hian kawr inang in thui tir ang hmiang" mitko san ralh pah chuan ati a ,ka awt ru viau mai.


Ka chhan hma chuan " inin hmeh dawn lutuk Urampuii chuan alo ti leh hram a " kan nui rigawt a .Kawr chu nei tha tho mahila a puan kha a nalh ka ti bawk nen thui tir chu ka duh ve mai a .Kanin teh chhung leh kan titi neuh2 chhung chuan dar thum alo ri der tawh bawk nen kan haw zui nghal a.


Haw kawngah chuan thil ho deuh2 kan sawidun a ,kan veng kan thleng chiah chu thil ka hrechhuak zawk a ,ka thiannu bulah chuan mahni a haw I hreh loh chuan ka ni te inah eirawng bawl pui ka ngai a ka ti a ,a hreh hranlo bawk nen kanin then zui nghal a

Dawr ka kal pel dawn lai a hei minlo nghak rawn ti tu chu ka en vat a , Tlana ka hmuh chuan ka ding ve mai bawk a..Chawhmeh a lei a nih hmel a in khai bawr viau a ,kalo kenpui dawn che mi ka tih chuan min hnial lo in alu chu min pe zui a ,kg 2 vel lai a nih ka ring ...I ni te inah mi a tih chuan aw ka ti mai a ,zanah I riak dawn em? A rawn ti leh a ...Riak lo ang Chaw ei khamah ka haw ang ka ti mai a ...Kan ngawi dun vang2 hnu chuan " chaw ei khamah kalo thlah dawn che mi " a tih chuan a ngai kherlo ka haw ngam alom ka ti mai a ..A rawn tawng leh vang chuan a mah chu ka en leh rih a" minlo nghak ang che ,kalo phei ang" a ti a....Chaw Kan ei tlai chuan ktp inkhawm zan ani sia Matei thawmhnaw ka ha rih mai ang ka ti deuh a ka ti leh hram a diktak chuan midang thawmhnu hi tul tawpah lo chuan ka ha ngailo ....Ka ni te in kawt kan thlen thleng chuan kanin be tawh lemlo a ,Chaw ei tui tih leh luhsan ka rual a .


Ka ni te pawh anlo la haw lo a Matei nen chuan eirawng bawl pahin kan titi mawlh2 a; " enteh Tluang,I thianpa Joasa leh umapuii hi an sawi duh tehmai ania ,kan sawitheih chu a awmlo na a anin upat hleih deuh chu ka ti ve ..Thenawmnu phei chuan Joasa hi Chu kohhran ah pawh tlangval fel ania an chhungkua pawh an entawn tlak a mahse a hmeichhia kawp duh zawng a diklo a " a tia sin a ti sar2 a... Rigawt a Mapuii pawh a sual hleinem anin duh a ni mai a ,mi nun a kan lo buai ta thin lutuk hi Chu a pawi ngawt mai ka ti zui lawng2 a ka awki pawh a ring viau a Matei lah chuan tawng zawi rawh a lo ti hlut a ,a hrim2 ah Tlana nu nge Ujacoba nu in sawi a ka ti leh hram a jacoba nu in a ti tha ve mai a ,enge maw ka hriat ni chutiang a alo sawi ve ngawt chu ka lungawi chiahlo ani.


Ka ni te an lo thlen chuan ala tlai chhelo bawk a ka inkhawm hman tho chu ka ring a mate I thawmhnaw ka hak mailoh chuan inah ka haw hman tawh awmlo ka tih chuan fiamthu hian "I ta vek alom" uar fahran hian a ti a ka chhang lemlo ...Chaw kan ei lai chuan i u Nancyi'n alo bia che em? Ka ni in a tih chuan enchungin aw bia e mahse putea khan admission chu keimah ka tum thei a tia chuvangin Nancyi chu admission zat tur chiah pawisa chu minlo thawn tho la la mamawh dang kalo in lei mai dawn mi ka tia pawi a ti hranlo in ka hria ka ti nawi niai a .." A pawi loh chu a tihzia daih zawk ang chu ,Nancyi khan tunkum chu a admission kalo tumsak ang a ti ve tlat che a mahse I putea khan a remtih ka ringlo reng a ,i vannei ani mai i mamawh lei nan i hmang daih a nga duh leh matei thil I lei ve dawn nia" nui chung a a tih chuan kan vai nuih ta ringawt a..


Inkhawm tur chuan ka insiam zui nghal a Joasa ka call zui a ,a lak rual chuan ka Bible leh hla bu lo keng teh aw ka ti zui a " hello ka tih te pawh lo nghak ve phawt la" a ti zui nang2 a ka nuih a za angreng ..."A hrim2 in i nite ta kha keng mai la inthlak tur a let leh I ngai tho sia" a tih chuan ka harh zawk a ni dawn tak e , a ngai leh lo ka ti ta ringawt a.


U Jacoba min lo sawm a engtin nge ka awm tih pawh a hriat ni? Kanin zui chhuah chuan Tlana leng tur niawm tak nen kanin hmu zui a ,a mawiah tak tak tawitein ka nuih a a hmel landan chu ka hrethiam hauhlo thung. Ujacoba nen hi chuan kanlo in nel tho bawk nen kan ti ti phei zel a biakin thlen tep ah ka thiante 2 Kimtei leh Joasa chuan minlo nghak leh ran tawh a ,minlo an khum leh bawrh2 ka rin nen engmah an sawi lo ve tehmial a Ujacoba hi an hmaizah ve deuh amaw ni .


Inkhawm ban chuan Joasa ka zawng rilru deuh a ka hmu miahlo lehghal a Kimtei nen chuan biakin compound atang chuan kanin zui chhuak a kawngpui sir thim deuh laiah chuan Joasa chu a thiante nen anlo awm a min hmuh rual chuan min lo pan vat a ,min inthlak pui rawh u ka ti nghal zat a " tihtur dang ka nei a Tlana saw haw leh lawk a ngai tho a ,a rual sawn kal mai la kanlo nghak ang che u kanlo leng dawn " a tih chuan awiawmloh Kim nagmah min kalpui rawh ka tih lai mek chuan Tlana chu kan bul ah alo kal phei ve mek bawk a ,alo thlen rual chuan Joasa chuan "Tlana Chawngi chu lo inthlak pui pah mai rawh ,tihtur kan nei " alo ti zung2 a " kalo kal ve dawn mi? " Kimin a tih rual chuan " i hmanlo lo kal rawh" tih leh Kimi banah chelh a rual a a kalpui nghal hmawk2 Joasa chetdan chuan minti hrilhhai viau mai


Tihngaihna dang awm heklo chu Tlana nen bawk chuan kanin zui leh ta hnak2 a Joasa te khan enge an tih dawn a? Ka tih chuan min chhang nawi viau a a rui deuh tlatin ka hre bawk a mahse hlauhna ka nei hranlo....Ka inthlak zawh chuan haw nghal mai ka duh avagin kan chhuak nghal a "kan inah kal leh lawk ang " alo tih chuan ka hreh deuh a kalo nghak mai dawn che mi? Ka tih chuan ka reilo ang a ti ve tlat bawk nen anin lam pan chuan kanin zui phei leh a ...Anin kawt kan thlen chuan ka hawi kual nasa mai I nu chu pangpar alo va ngah leh tawh ve ka ti hluai a ,a nui suk rigawt a . Va lut roh pangpar hi kalo enkual chhin mai2 ka tih chuan a lut ve mai bawk a ... Pangpar chu a nalh hlawm takzet a an in hi a lian hranlo a mahse a nu hian pangpar a ngaina in a ngah viau a in a cheimawi viau bawk ,anin hian compound a nei hrang ve deuh bawk a pangpar an nei mawi si light in a chhun phak chin chu a mawi viau ani.



Dar zat en tur a phone ka hmeh en chuan Kimi message alo awm va a , WhatsApp ah lut in ka seen zui nghal a kan haw tlang mai in rei ltk a tih zawng minlo thawn a chhan ka tum mek laiin " kal ila " a rawn tih avang chuan nakinah ka reply mai ang ti rilru chungin ka phone chu hmeh thim ka rual a , Tlana lampan chuan ka kal zui nghal a .



" Engtikah nge I kal leh dawn ? " a tih chuan rang fe hian kar leh Monday ah a niang harsatna a awmloh Chuan kalo ti var a..Joasa chu ka van ngei reuh tak En teh maw ka tih hluai chuan alo hawi vut ka tim leh hnuhnawh a nui chungin umapuii leh joasa hi enge I hmuh dan inthlahrung deuh tak chuan ka ti a ,a ngaihtuah ve aniang a ngawi deuh vang2 hnu ah " nuthlawi zun a uai chu ana an tia lom" a ti sup a .Anin duh te chuan a pawina a awmlo e ,mi in ngaihzawng te lo sawi ve chhen a ngailo e an buai peih ka ti alo nui suk vang chuan ka ngawi dat a ka melh nghal vat a engmah lah chu a sawi leh Chuang mang silo a .Ka ngaihtuah Chiang a ka zak deuh khatiag a mi chungchang sawipui tur khawp a inpawh Kan nih pawh ka hre silo a .


Kanin kan thlen chuan kanin thlak hmasa phawt ang tih leh room lam pan ka rual a ,ka inthlak zawh a ka chhuah leh chuan ka nu in alo be bawrh2 a a rul tawk chauhin a chhang lehghal a ka nuih a za angreng a ..Rei vaklo ah chuan kan mu tawh teh ang tikhan lo inkawm ru tiin ka nu chu a tho nghal a,reilo ah ka pa pawh a tho zui mai a " i naute leng anlo la haw lo a ,an lo haw har viau chuan phone haw roh aw" a ti zui leh a ummm ka ti liam satliah mai a


Kan 2 chauh chuan kan thu leh ran tawh a tv a channel chu ka thlak kual sek a sawitur hi a vang thei sia ...Enge maw chen chu thil ho deuh2 sawiin kan in be ve luam a a phone ri sek erawh ka ning ru viau a a tawpah chuan ka va haw tawh Mai nge ka thian ten min lo nghak aniang vengchhak ah tihtur kan nei a nui chung hian a ti a kalo nui tawi tak thung a .



Thlah tur chuan kawngkhar thleng ka zui a a kal mai dawn maw ka tih lai chuan ka bulah a ding leh ang lawi a ngawi reng a ka en lai chuan " min duh tiraw ? a ti sup ; min zawh dan teh tawp chu lo duh pawh ni ila sawi ngamna chi pawh a ni hleinem maw le .....Min rawn hnaih chilh thuakin ka biangah dawm in ka mitah min en a " min duh ve tiraw?" a ti leh a. Chhan mai dan ka hrelo chu ka ngawi tawp a ,min rawn hnaih chilh leh in min kuah a ," min duh ve tiraw?" A ti leh a ka chhan hman hma hauhin duhthawh lutukin min rawn fawp zui hmiah a ,a in lakhran rual chuan ka thaw kawk thei alom ...Engtin nge a sawi kha? Min duh ve tho tiraw a ti a nih kha ve tho a tih chuan ka ngaihtuah ang hi a ni angem? Min duh tihna mi? Ka tih chuan ka mitah tak enchungin alu a bu nghat a ,umm ka duh che a ti nawn leh ngat a.




End of chapter : 4


Show post links
Top

[Ngaia]

CHAPTER. :. 5




Min duh ami? Ka tih chuan bu nghat pahin " umm" a ti sawi sup a ... Keipawn ka duh alom mahse he mipa duh2 hunah ka bialpa ang mai a khawsak tum a tul huna min mamawh miahlo ang a awm thin ho awlsam takin ka in hnehtir mai tur ni niin ka hre lo .Min duh thu a vawikhat sawina chauh ania awlsam taka in zawmna siam pui thei ka nilo chu chuan hmeichhia awlsam takah min in ngaihtir mai dawn asin..



Ka ngawih tak reng vang chuan sawitur mai a hre biklo aniang a ngawi reng a ; kei pawh chuan sawitur mai ka hrelo nilo sawitur chu ka ngah lutuk mhs sawi vekna hun a nilo a ,Zomuankimi nen an inkar te pawh ka hrechiag chak a..." Va lut tawh la ,naktuk zanah kalo leng dawn nia" dam thlup hian a ti leh a ...Hei hi alom ka hriatthiam theihloh thin min duh Chuan ti hian awlsam deuh a min kal tir mai thin lo hian ka chhan na te pawh min zawt lui ve tal thin se nihloh pawn ka chhan na alo nghah tur thu te pawh sawi se ka duh a ." Ka kal tawh dawn sin ,nagpawh va lut tawh rawh" a tih leh chuan luh lohna chi a ni tawh lo engmah sawi zui tawhlo chuan ka lut zui nghal a dik tak chuan ka lungawilo in ka hria ..



Mu turin ka pindan ka pan zui nghal a Pitei message alo awm va a rang deuh chuan ka open zui nghal a " Duati, kan buai reuh lutuk a i naute an damtha thei bawk silo school tan a hun tep tawh tho a lo chhuk hmat tum mai la ,i chhungte pawh ka be dawn tho a " tih zawng hi minlo hrilh a ..Ka rilru a buai map mai ngaih pawimawh loh chi anilo a mahse kanin kan khua leh tun a ka dinhmun hi ka la thlahlel ani..Ka muhil tep tawh tihah chuan ka message tone alo ri rak a , rang deuhin ka phone chu ka en a Tlana hnen a tangin " muttui le" tih zawng hi alo nia ka nui sak mai reply nghal mai ka duh mahse reply vat ka hreh leh lawi a ....Minute 2 hnu ah chuan muttui le tih zawng ka thawn ve a mahse a last seen alo lang leh va2 tawh.



Zing a ka thawh chuan ka nu in" i Pitein alo bia che em" ? Alo ti vat a bia e ka ti mai a ..." An khawgaih thlak ve bawk sia , school tan nan kar hnih bak a awm tawh Chuang lo a admission tih te I ngai tho sia chhuk hma tur khan a beisei viau che a" a tih chuan nia a pawilo ka ti mai a.....Hreh viau mah ila hreh ang a lan chu ka duh lo ani .Ka chhungte hian hreh deuh chunga chhuktir chu min hreh leh anga pitei a buai ve sia thil ka ti khawlo ang tih mawlh ka hlau a .



Chaw kan ei lai chuan ka pa chuan" hostel a awmtir che kan hreh sia ,kan la ngai viau na che chu I pitei te an buai sia a hma zawng2 pawhin an bulah I awm a an buaipui nasa thin che sia an hmai zawhawm em a I hreh loh chuan naktukah chhuk mai ta che" a tih chuan umm a pawilo ka ti a...Pawilo ka ti tak na in naktuk rum2 chu ka phurlo riau a ." I u puia vawinah alo kal dawn a , naktukah a rualin I chhuk mai dawn nia " ka pa chuan a ti leh a ..U puia chu Pitei u fapa ania college a kal mek a kan awmna a in hlat vaklo bawk nen kanin kawm nasa viau a ,Pitei phei chuan nag ai pawn a laktlak loh lehzual minti thin.



Kimtei chu naktuka ka chhuk tur thu ka hrilh a,a lawmlo viau a ....Joasa lah chuan I chhuk chak vang hrim2 aniang a ti deuh hmuk a ,ka chhuk chaklo zia hi hria se chuan min thinrim khum phal awm tawp silo a ...Dar 3 velah upuia alo thleng a ,I va tlai ve ka tih chuan ka hmanhmawh lo alom a ti et a ; thingpui te ka lumsak a chau lo aniang a ti ti vei zut2 a, thingpui a in zawh chuan ka inbual dawn a ti zui zat a ,,anin bual reilo khawp a I fai ami kanlo ti he haw hlawm a a nui tawk ve tak mai.



Kan khua ah hian a tlangnel ve viau a alo kal ngun ve tawh bawk nen hmelhriat pawh a ngah a ; amah hi thenrual ngaina mi a ni bawk a ka thiante nen pawh hian anin hre tha viau..Room atang puia alo chhuah leh chuan kanlo en deuh thap a " min hmu ngailo ami" a ti hluai rigawt a keini kan lo nui tha hlawm a ..A mawl viau na hian a hmel hi a tha vei phian lehghal a .



Kalo en reng lai chuan " lo kal rawh leng ang" tih leh min pawh a rual a ka peihlo a ti vin that a eng ah mah phei chuan a ngailo a " I chau lo amaw ni" ka nu in a lo tih zui chuan " tlangval ka nia lom" a ti leh mai a ...Kanin zui chhuak leh ta nge2 a khawnge Kan kal dawn tih pah chuan ka zui dat2 a min zui mai2 rawh a ti hluk a ; a tawpah chuan Kimtei te in ah a lut zui nulh a " Ka nu Ding ; I awm lo ami? A ti zui lawng2 a ; Kimtei nu chuan " tunge maw ni? Tih paha u puia a en chian chuan a phul zui hlut a ,an te dun chel chul a...Room atang a lo chhuah pahin" Lalthanpui enge ilo tih? Kimtei chuan alo ti ve bawk a .


. " Kalo zin anih hi ; mawl viau zel Suh kalo tlawh hmasa ber che u ,in nufa hian lawm viau tur in ni" a ti zui ham2 a ..Kimtei te inah hi chuan a tlangnel mah2 ani .Kimtei nu chuan " Mapui ,engtikah nge I haw leh ang " a tih chuan " Mapuia nilo in puia ringawt" a ti leh hram a .." A va ho mai2 tak; ka duat ve na che hi hrethiam ta che " nu Dingi chuan a ti zui leh mai a ,thingpui hang te kanin leh a haw tum a kanin zui chhuah meuh chuan alo tlai ruih tawh a kal lama kan thawven nen haw lam chu hmanhmawh deuhin kanin zui hlawk2 a,a tawpah phei chuan kanin tlansiak ta vel a.




In kan thlen chuan chaw ei anlo siam mek a " ka ril avan tam ve ,Nu dingin haw a phal tlat lo alom le" Upuia chuan ati zung2 a kalo ner nasa mai

Zantirah ka insiam vat2 a nga ka mu hma ang naktukah kan zing chhuah dawn sia ka ti rilru a mahse dar 7:30 a ri thuak tawh tihah chuan Joasa leh Kimtei anlo lang hlawl a ,an bulah chuan ka thu ve ta zawk a....Upuia chuan anlo kal dawn tih a hre lawk aniang "khawnge kan ar kan tur chu" a lo ti var a ..



Urlawk zan leh kumhlui thlah zan pawh anih loh hi ka tih chuan " hetah hian thluak awmlo ami?" Ring fe hian upuia chuan a ti a, ka lo teu hlar thung a .

"Naktukah mikhual kan nei dawn a, tuk thuan ei tur an ni sia ka nu in ar talh a tum a; kan turah tam vaklo kan la ve dawn nia puian pawisa chu a pe mai ang che " ka tia lom a tih chuan Kimtei chu a nui hak a nuih na tur pawh ka hre velo .

" Pawisa ka nei teuhlo kuhva leh meizial leina pawh ka neilo a ,ka nghei phah" a ti zui a ..i cialtei pawh a awmloh hi meizial ngei der a ngailo ka tih chuan naui ngawi rawh a ti hmuk a ..Ciali hi an college a a bialnu ve nia inah pawh a lo hruai thin a hming tak hi Vanneihpuii ni ta in ka hria kei anglo takin bike chuan a zei viau aniang Upuia hian " Ciali chuan danin chuang rawh" minti ziah a .



Arsa la tur chuan Joasa leh Upuia an chhuak a Kimtei bulah tlana nen kan awmdan ka hrilh malh2 a alo chek tlak2 a ,zeilo mintih zia a sawi chamchi bawk a . Kan mipa te pahnih rawnin zui lut chu an ri hlut a " I nu hi chuan fel minti em,arsa pawh pawisa ngai reng2 lo a tih kha " Upuia chuan ati zat2 a.

" I thianpa kha alo lut ve duhlo ami? Thutak deuh hian upuia chuan a ti leh a Joasa chuan "tihtur dang an nei a " a ti a.Tu I thianpa maw Joasa lam hawi chuan ka ti a "Tlana maw le ; ani chu thian hi a ngah a ,lo kal ve turin ka sawm a mahse Muanpuia te ho nen cherhlunah an kal dawn a" a tih chuan min thawng deuh a ,ka bulah alo kal ka beisei em a .


Upuia leh Kimtei chuan arsa chu an siam a ei dawn a tih sat leh tawp turin anin hma khua lawk a ...A la hma bawk a pali lek mah ni ila kan thawm a ring ve viau a ; dar 8 :30 a rik chuan ka nu leh pa mu turin an room an pan a ka naute anla leng thung a .

Upuia chu tho nalhin leng ang u a ti hluai a ," awiawmloh thei e" kimtein a ti zui hlak a ......" Coke a hmeh tur kan lei dawn lawm le ,I duh ve lo ami"? A ti leh nghal a pakhat lah chuan "duh ang chu a tirah sawitlang ve mai che" a ti let zek a. Dar 9 rik tepah chuan kanin zui chhuak tham2 a ,an mu vek tawh ang a ka tih chuan mipa pahnih chuan nui ruh2 pahin mulo e le an ti sam et a .


Upuia banah chuan ka vuan deuh sek2 a "enge I van rinawm reuh e " a ti hlur a ka thlah phah chuanglo a ,zanah chuan pawn hi ka ngaina lo em a . U Mapuii te in kan thlen chuan a la mulo aniang kawngkhar alo la inhawng a ; kanin zui lut a ...Hemi te pahnih pui hi an nula rimna ah min hruai a nih hi ..

Upuia chuan dawrah chuan induh duh la mai ru a tih chuan Kimtei ka mitmei a va la mai rawh a lo tih vang chuan keimahin dawr ah ka lut zui a ,an in nen ain zawm vangin ka hlau hranlo ..... Umapuii V a awm em tih ri chu chiang vaklo hian ka hre bawk a ka ngaihsak lemloh vang chuan Umapuii chhanna pawh ka hre zui lemlo .


Chips ho chu ka la deuh nual a ka hawi chhuak leh chuan Tlana alo ding reng tawh a min lo en reng chu ni in kalo hrelo reng2 a mawiah tak2 ka nuih liam puat a...Coke lak leh mai ka tum chu ka ban pha der lo a ka dingdihlip chung pawh chuan a sang deuh ani; ka hnung lam atang chuan ka thil ban mek chu minlo laksak vut a ka in her rual chuan kanin hmachhawn zui nghal a " a nuam I ti viau ami"? A ti rigawt chu ka hrethiamlo a ka en mawl tawp a ," pawnah kalo nghak ang che tih leh kalsawn a rual a a chhuah pahin V chu a ban zui zat a .


Ka chhuah ve hnu chuan poisa pe rawh tiin upuia chu ka melh ralh a rang deuh chuan 500 a pe ve nghal mai bawk a kuhva a lei tel nghal bawk a ...

An ti ti zui hlawm a Kimtei pawh sawitur a hre viau a,kei chu ka chhuak a ngem tihah chuan kalo buai ru ve em2 bawk a ...Inah ka va phei lawk aw kalo phei leh nghal ang ti pah chuan ka chhuak nghal vat a zawhna an neilo chu ka lawm viau. Pawn ka thlen chuan ka hmu mailo a ka hawi kual nasa viau a,ka piah deuh thim laiah chuan meizial eng de va2 ka hmu a ,ka pan nghal thuai a ...Tlana chu amah in alo ding a ,min en rengin ka hre bawk a ..Lo lut ve la ka tih rual chuan cherhlunah kan kal dawn ati hmuk a ka lawmlo viau a inthlahrung ru deuh chuan enge in tih dawn a ka ti leh a kan leng dawn a ti leh mai a ,zawh chin chauh min chhang chu ka thinrim viau a nih leh engvagin nge min koh ka ti chang deuh fak a nui suk hian " duh leh va lut tawh rawh,i lut chak tawh anih kha"a tih leh rual chuan thinrimna nasa ltk vangin ka sa hat2 a ka zak bawk nen ka kalsan zui nal2 a ..




Ka luh leh chuan anlo ding hluai a ka en hau rigawt a " lo phei kan tum tawh a" Kimtei a ti vat a kanin zui chhuak lehnghal a ..." Umapuii sawm anlo tumsa reng a ,chuvang alom dawr kal te kha an lo rawt bakah Puian Joasa a khawgaih thlak a ti a" a ti ru sar2 a ....Alo tlai ve tawh bawk nen arsa kan te chu kan ei nghal a ,ka naute pawh anlo haw ve tawh a kan ei ho vek a a tui phian mai.


Kimtei chuan kalo riak dawn ka nu ka hrilh sa tawh a a tih chuan ka lawm zia chu pui tak ani.A tlai twh sia muangchang tawh lo in umapuii leh joasa anin zui chhuak a upuian kawngkhar thleng a thlah a keini chu room lam kan pan nghal a .





End of chapter : 5


Show post links
Top

[Ngaia]

CHAPTER. : 6





Mut hmunah chuan zawi tete in kanin be seuh2 reng a ka ngai lawk viau bawk; ani pawn ka awmlo tur chu a hreh ve viau in ka hria .. Chhungkaw chanchin leh kan mimal chanchin thlengin kanin hrilh ve fo thin a ...Nakinah class 12 Kan pass hunah inluah tlan kan tum anga kan chhungten an remtih chuan ti a ka sawi chuan ka thiannu chu alo phur khawp a , Kan theih phei chu ka ring vak lemlo thung a .



Zing thawh hmat kan ngaih avang chuan muthilh tumin mit ka chhing zui vang2 a muthilh chu tum viau mahila ka harsat viau mai ; ka thiannu ka va en chuan alo muttui tawh viau aa keipawh ka hriatloh lai chuan kalo muhil ni ngei tur ani ka harh leh chuan khua a lo var uar tawh a ,ka thiannu chu kaitho lem lo in ka thawh san a ala hma bawk a ka nu leh pa bak anlo la tho lo a , ka nun min hmuh chuan mak alo ti viau a tun ang huna ka thawh ngailoh vang ani ngei ang ..Thingpui in pah chuan kanin thlang a kawngpui lam chu ka thlir vang2 a, kawngpui sir a thutna an siam chawp ah chuan ka thu chak viau a zing boruak thiang karah chu hmunah chuan mahni chauhin rilru kawm veng2 ila hahdam huai tur a in rinna ka nei lian viau a ..


Nu ala hma tho a kan tei harh mai2 teh ang aw tiin in chu ka chhuahsan a ,kanin thlang kawngpui lam chu ka pan nghal thuai a ,ka thlen chuan ka thu ta hle2 a ka hahdam huai in ka hre bawk a ...Ral lehlam a tlang lang hring dup chu ka thlir a chhumin a bawh chiai a a nalh ve viau chuan hria khuarel thil hian ka lung a len ngailo na chu ruah sur zawh a ni lo chhuakin thing hnah hring a ruah tui la chambang a rawn chhun tlet sep2 hi chu mawi ka ti ve thin..



Kan piah tlang lam chu ka thlir reng a ngaih pawh nei lemlo chuan ka lung a leng ru veng2 a ,hetiang hi em ni pi leh pu ten khawtlang lunglen ti a an sawi thin kha?? ...Zing kar boruak thiang leh nuam zet hi engtin nge kalo mut bo san daih phal thin le tiin ka ngaihtuah neuh2 a ,zing kar boruak chu a rimtui veng2 ni mai hian ka hria ...



Khawpui miten thingtlang tia an sawi thin kan khua ah hian ka duhthusam zawng2 a Kim a ,he hmun hian chenna tur in min pe a thiantha min tawn tir a ,rei tak awm bo san thin mahila ka kir leh hun nghak a minlo lawm ve thin ni mai awm a mawiin boruak a nuamin a thiang kak thin ... Hun harsa tak tawkin beidawng taka belh tur nei lo a ka awm hun alo thleng anih pawh hi he hmun kan khua ngei hi beiseina nasa tak nen ka pan leh ngei ang ...Eng dinhmunah pawh ding mahila min hnar ve ngai dawnlo tih ka hriat avangin..



Rei ngial ka thut hnu chuan in lam panin ka haw zui nghal a ; in ka thlen chuan ka chhugte pawh anlo tho chhuak vek tawh a Kimtei leh Upuia pawh thingpui in pahin anlo in hnial leh rap2 tawh a ,a tawpah chuan Upuia chuan a Ning ta deuh aniang " mawl emai" tih pahin bathroom lam pan in a kal zui daih a , bathroom a a luh hnu chuan ring fe hian a zai zui lung2 a ka thiannu lah chuan " mawl lutuk" a ti zui ve hlak a ...Upuia lo chhuak chuan " Chaw ei ang u" a ti zui ka nu pawh chuan " ni e ,in tlai lutuk palh ang " alo ti ve bawk a chaw ei chu Kan siam zui nghal a



Chaw kan ei mawlh2 lai chuan Joasa lo lutin Kimtei a hmuh chuan "zak lo e ,Chaw a ei ve leh ringawt" a rawn ti a , Kimtei lah chuan " I duh leh ei ve mai la " alo ti mai a ....Chaw eikhamah huanah kan kal dawn sia kalo thlah zuai che u nih hi joasa chuan tiin choka lam pahin flash a thingpui chu thli in a inzui nghal a .



Chaw te kan ei fel hnu chuan alo tlai ve deuh tawh bawk nen muangchang tawh lo in kan chhuak zui nghal a... Tarpho ah Upuia thiannu te inah thingpui kan in zuai tihloh chu hmundangah kan peng kawi twhlo a chawhnu her hret ah hnahthial chu kan thleng a..Pitei'n min hmuh chuan " in chau em ? Inlo tluang maw? Tih angreng min zawt luam a ...Kei erawh inbual ngawt ka rilru ah a awm a , inbual turin bathroom lam ka pan nghal thuai a..Ka inbual zo ka chhuah leh lai chuan Pitein thingpui alo siam mek a ka ril a lo tam tawh bawk nen dawhkan kil chuan ka thu ve nghal a , Naupang ho lah chuan sawitur anlo ngah tawh khawp a a khat tawkin au an in tih chhawk reng mai...


Tlai a putea lo haw chuan in tluang em tih angreng chu min zawt ve luam a ...."Puia nang hi engtin nge I awm dawn? I nu in minlo be sek bawk si" a ti a...Upuia chuan " college kalna sawn hi a awlsam lo a , college tha zawk ang ah phei chuan a buaithlak alom" a ti deuh hmuk a ..." I nu hi chuan a ngaihtuah che a ,i bialnu vang mai2 a phei hreh te kha ilo nia nge " nui chunga Pitein a tih chuan kalo nui hak a pakhat lah chuan" teuhlo mai bakah ka nu chu min ringlo lutuk hi lom hetiang chuan engtin nge ka puitlin theih ang" a ti ve luam a pitei nuih alo za viau a ,a puitlin loh zia kan hrechiag hlawm em ani .



Chaw eina kan tihfel mawlh2 lai chuan Jocoba alo kal a men tiau chung hian au krawsa chu kawm tawhlo ang Nathana dump truck pawh a pe duhlo a ti a ,chhan ka tum mek laiin Upuia chuan " nag lah hi naute pawh ngam silo krawsa'n nangmah pawh a hauhloh che chu Nathana nih chu a hauh ,ka hman velah krawsa chu diaper Kan khum tir dawn nia" alo ti zung2 a ,lawm deuhin Jocoba pawh chu toys room lam panin a tlan zui nghal nal2 a .




Toys room a ka va luh chuan krawsa chuan au khar rawh alo ti chul a ,ka hrethiamlo nasa mai ....Pitei chuan room kha tih en an phallo a nih kha apa in torch light a leisak a an chhun eng duh anih kha alo ti a ,ka hrethiam ta chiah ....Room ah chuan lutin kawngkhar chu ka khar phui leh nghal a Pitei sawi ang chuan room chu tukverh zawng2 anlo khar vek a light an off bawk nen a uap churh mai ...Khum ah chuan lo thu in an light chu an chhun eng far hlawm a an hlimpui phian lehghal a ....



Rang deuh chuan ka chhuak zui a hreawm ltk uap bawk si ka ti zui a ," nuam an tih ve nak lai aa" Pitein a lo ti a Upuia lah chuan " Kan naute ho hi at khat an Cheng aniang" ti chugin a chek tlak2 a ...Naupang dan ve reng alom ka tih chuan a ner nasa khawp a ...Sana en vung2 chung hian Upuia an " zanin chu model ah ka han leng teh ang" a tih chuan ka en vat a I chau ve lo ami ?? Ka ti zui a ,a nui mai a room lam panin a kal zui a .....Sofa a phone chu a rawn vibrate chur2 a Pitei chuan " Puia chu a phone a kalsan leh ringawt ani maw? Lak sak teh " a ti a ...Alo call tu lah chu Lalturui tih in ala save zui a ka la chiah chu hello pawh ka tih hma in " i lo chhuak dawn tawh em ? Chanmari ah min kalpui lawk ang che ,a pawimawh ania hmanhmawh la " a ti lang2 a ka chhan hma chuan a off zui hmak a ... Speaker a ka dah vang chuan midang pawh chuan an hre dawn chiangsa ....Upuia lo chhuak leh chu Lalturuin alo call che ka tih chuan a phone hi a la vat a sawi zawm leh hlau ni awm takin a chhuak nghal nul2 a .



Ka chau ve deuh bawk nen dar 8 a rik chuan mu turin room lam ka pan a , Naupang ho chu an la harh tha viau thung a ; mu pah chuan Kimtei nen WhatsApp ah thil ho tete sawiin kan in bia a ,ka chauh deuh vang chuan phone pawh ka khawih rei peih lo a ,puan sin tha sauh2 chungin mit ka chhing zui vang2 a..




Tlana's POV


Ka thiante chuan minlo call zing tawh viau a mahse lenchhuah tum na ka nei lemlo thung; thian hi ka kawm zau a hmelhriat pawh ka nei ve nawk mai ...Zantir chauh ala ni bawk a tiin in bual turin bathroom lam ka pan a,ka inbual zo ka chhuah leh lai chuan khum a ka phone dah lo thim chiah chu ka hmu a ,ka hmanhmawh phah lemlo a thawmhnaw ka ha zo fel chiah tihah chuan ka phone chu a lo ri leh a alo call tu ka hmuh chuan phur mang lo chung hian ka pick ta tho a ....Lehlam ami chuan " kan nghak che " alo ti vat a umm tih zawng a chhangin kanin biakna chu ka ti tawp nghal a ....




Tumlo viau mahila ka thiante ka zawm tur chuan ka chhuak leh ta tho a ; min hmu chiah chu Zomuani chuan min rawn pan nghal in lak sa kan nei asin a ti zui nghal zat2 a he hmeichhia hi ka ning takzet.....Veng dang a len an rawt a ka tello in lo va kal mai ru zanin chu ka nuamsam meuhlo ka ti a midang zawngin min hnial loh laiin Zomuani chuan a duh leh tlat lo a ,nagpawh hmeichhia i nih kha zanah chhuak tawh suh lo kal rawh ka va thlah ang che ka ti ta ringawt a ...A tang lui deuh a mahse ka tihluih ve tlat vang chuan min zui tho a ngawi reng chuan ka kal zui a ,min be reng thung a anin kan thlen chuan lo lut kawi rawh a ti leh tlat a ....Va lut roh tih pah chuan ka nam rawk2 ani ber a ka Chet dan chu a mawilo tih ka hrereng a mahse in thlem leh hanin tih hliau2 hi ka peih zawng a ni lo.



Khum a mu pah chuan phone ka khawih neuh2 a Atluangi chu ka be chak a ka be hreh bawk si....Tukin zinga ka hmuh lai khan lo bia ila tha tur tih ten ka ngaihtuah leh hnuhnawh a ; zing hma takah a mah chauh a kawngpui reh ruih lam pan a kal kha ka en zui reng a thutna an siam ah thu in mit a chhing vang2 a va pawh mai ka duh na leh ral a tang a lo thlir veng2 ka duhna kha a in zat vel a ,keimah a ka inngaihtuah buai lai chuan anin lam panin a kal zui ta daih kha nia .. Atluangi chu ka ngaihtuah ngut2 a ,ka vei ti ila ka sawi sual kher pawhin ka ringlo..



Atluangi hi ka hriatna a rei tawh ti ila a hming ka hre ve rigawt a ka be ngailo a ani pawn min be ngai heklo...Veng khat kan ni bawk nen kanin ral hriat ve ani ngawt a kawng a kanin tawh chang pawn in be ta nge kan ti ngai lem hleilo a , anin awmna tak ngial pawh ka hre ngailo ...Middle kan kal lai khan school khatah chuan kan kal ho ve thin a class 8 kan nih khan class 5 vel an nih ve ka ring deuh ngawt a tun hnu a ka ngaihtuah let hian ..




Tlai khat chu ka thianpa Joasa te inah ka nu in Joasa pa lehkha pawimawh pe turin min tir a ,inkhelh ka duh vang chuan ka hmanhmawh ru viau a ...Joasa nen hian kanin classmate a Kan mizia in ang vaklo mahse kanin kawm thei viau a ; Joasa te in ka thlen chuan Kimtei leh Atluangi anlo awm ve a joasa chhungte chu an awmlo a nih hmel ....Ka thu ve ren rawn a ,Kimtei leh Joasa chuan min be bawrh2 a Atluangi chuan min be ve lemlo a ....Thil ho te te sawiin an nui leh hak thin a ka sir a thu Atluangi chuan ka mit a la deuh nge ni ka melh leh zeuh thin a



A sam chu a dum hlap a a sei viau hranlo a dar thleng vel chauh ani a ,a ngil viau thung...A tawng tam lutuk hranlo a a thiante thilsawi chu alo nuipui var2 reng thung a ,a ngainatawm ka ti angreng ....A khat tawk chuan ka melh leh zauh thin a ,nidang a ka kalpel vel mai2 thin hian vawin tlaiah chuan ka mit ala viau ani... Tshirt lian hnek hnawk leh kekawr bul khup khuh lo deuh chu ha in crocs a bun leh tawp a ....Anlo ber ah fit 5 bak anih Kan ringlo ve ngawt a ...Ka hmeichhia kawp thin leh ka thian kawm thin te anglo zet in a ngawi chawi a mahse chu chuan a tih ngaihnat awmloh chuag silo ani.




Kimi leh Joasa an Chawngi tia an koh chuan minti buai deuh a ,ani hi Chu Lalthantluangi a ni in ka hre sia ...Ka inkhelh tur theihghilh thak in ka thu ve ta reng a , kuhva ka phawrh chiah chu Kimi leh Joasa chuan anlo ban ve nghal zat a ...Chawngi I ei ve duhlo ami tia ka va melh chuan rum deuh a min melh chung hian duhlo a ti hmuk a min ti hamhaih ang reng a pawi sawi ka nei amaw ni...A hnu lawkah chuan a nui ver2 leh ang lawi a ..



Ni a liam a ka vei telh2 a hmuh na remchang ka zawng ruai a ,joasa te inah ka len tam phah viau a a tawpah phei chuan Joasa bulah a chanchin ka zawt zeuh2 bawk a alo hrethiam khawp mai.... Atluangi amaw ka tia Chawngi in ti daih sia ka tih chuan ka thianpa nuih chu a za viau a Chawngi ti in ko ve miah suh tiin min hrilh zui a..A tawpah phei chuan a no thlengin ka nei tawh a mahse ka be hreh viau a ka in sum theihloh tawpah ka be ve thin ..


Muangchangin ka hnaih telh2 a phone ringawt duh tawk lo a an in a len luh pawh ka nei ve ta zauh2 a ..



End of chapter : 6


Show post links
Top