NUTHLAWI NAUPANGTEI BY Lalnunngheti Tetei (Completed)

[Ngaia]

NUTHLAWI NAUPANGTEI
( CHAPTER-19 )
STORY OF: LALNUNNGHETI TETEI





Kar tawp lam a ni a Awmi nen inentir turin damdawiin lam kan pana, kan va thlen chuan in entir tur dang pawh an lo awm nual mai, " tah hian thu ila " Awmi chuan a ti sep a thutna awl awmah chuan kan thu thla a, a dawr pawh ngaihsak miah lo a keimah zawk min buaipui chu ka lawm viau na in ka inthlahrung ang reng khawp mai. A ni hi chu ka thian mai bakah ka U ang taka ka en a ni bawka kawng engkima ka rin ngam a ni bawk. Kan hun a lo thlen chuan Awmi nen chuan kanin zui luta Doctor lo thu chuan min lo chiau au vatin thutna turte min lo kawh hmuh zung zunga, ka natdan leh ka awmdan vel min zawh pawh chuan chip chiar takin Awmi zawk chuan a hrilh vek a, test hrang hrang neih a ngaih thu doctor chuan a sawia.





















Test hrang hrang kan zawh hnu chuan damdawi eitur te min chawha chaweitha tur mawlh chuan min chah zing, kan hlauhthawn ang em em natna eng mah ka lo nei lo chu Awmi pawh a thaw deuh huai mai. In lam pan chuan Taxi in kanin khalh haw a Doctor in damdawi min chawh lah chu a tam ve ang reng viau a, ka inentir tawhna zawng zawng nen tun thla a ka hlawh chu ka hmang zo chiang khawp mai. Tlai lamah pawh Awmi bawk chuan eirawng te min bawlpui leh veka, a fate an fel tawh bawk nen ngaihsak ngai em em an ni lo bawka ti hian min awmpui deuh chawt thin.

















Zanriah te min eipui leh thlap hnuah tih fel ngaite a ti fel leh veka, chumi hnuah chuan a fate lehkha zirtir an ngaih avangin a haw a, keipawh tih theih dang ka neih miau loh avangin khumah ka tlu zal leh nghal tawp. U Ephraim-a chanchin pawh ka hre khat ta viau mai, nitin mai hian ka ngai thina ka tih lan erawh a rem tawh si lo, kanin kar ti tawp tu zawk a nih laiin ka chungah a hawih hawm lo in min huat hmel zet hian min en leh deuh ren rawn zel a, a mize maksak lutuk hi ka hrethiam lo thin. Sunday ni chuan eng mah ti lo in inah ka awm tawpa inkhawm tur pawha ka la chak tawk miau loh avangin khawm pawh ka inkhawm ta lem lo. Intih harh nan ka inbuala bathroom atang ka chhuak leh chiah chu inpui lama lo thu chuan minti phu chiang kher mai.

















Kawngka ka kalh theihnghilh tih ka hrechhuak leh hnu hnawh, ngaihsak lo zetin room-ah ka lut tlanga ka inthlak zawh hnu a ka chhuah leh pawn a lo la awm reng, ngaipawimawh lo lui zel in gas bulah te chuan ka va dinga, " min peh hel reng lo teh " lo ti hmuk tu chu leh hawi meuhin ka melh thip nghal ram a a ni lah chu a la kiai suk zui, " ka inah hian i duh duhin lo lut tawh suh zahna chang te hre ve teh, " ka ti khum nghal tan tana a ni erawhin ka thusawi chu a ngaihpawimawh hmel teh chiam lo. " Zahna chang hre tura min zilh tu hi eng vak i ni bik hleinem, " elh sen zet hian min tihkhum leh a ka tuar thei tawh bik lo.
















" Khatianga min ti tur khan nangpawh eng nge i nih, ka chunga khang zawng zawng i tih tawh hnu ah khan zak zawk tur i ni a sin, hetia min ti ngam tur hi i ni lo, " taksa chak loh nen thinrim vanga âw khur deuh dar dar pah chuan ka ti a, " i chunga ka thil tih maw ? Ka chunga i thil tih hi ngaihtuah chiang hmasa zawk teh " a rawn ti let ve leh hmuka zak thei lo ka va han ti tak, " eng mah sawi tawh suh chhuak rawh " ka tih vin tuar rual chuan ka lu a rawn hai deuh thuta ka tlu hman tep tih ah ka in vuan hman hram, " i rinawm loh na pa khan a bum kual che tih lo hrilh che ka tum mai a nia, " ti pah chuan a in her vuta a hmaah tak chuan ka va ding nghal.





















" Eng nge i sawi kha a awm zia, "? Seh chilh zet hian ka ti a, ' i rinawm loh na pa ' a tih mawlh chuan mak mintih tir zual, " Gabriel-a mawle, hmeichhe dang a kawp san che ka ti, min phatsan na chhan khan a phatsan let ve leh che a nih chu, " ti pahin a khi suka ka rilru chu a nu bulh mai, U Gaby nen kanin ngaizawng turah a lo ngai char char a maw ? " U Gaby nen kanin karah eng thil mah a awm lo, nang anga mi tenawm ka nih loh hi " ka tih khum tuara chutah zet zawng a mit meng chu rapthlak tak hi a ni ringawt. " Hrep che hian ka awm loh hlana ka thianpa pan tu kha tu nge, "? ti vin tuarin ka dar tawn tawnah min lo hmer vaka ka ner deuh sak.




















" U Gaby hi engtik lai mahin ka pan lo a kanin kar ti tawp tu pawh kei ni lo in nang i ni, hmeichhe dang nena room khata in awmlai ka hmu vek chung pawh khan i la in zep cheu a maw, "? Ka insum thei tawh bik lo vawin hian eng kim sawi fel vek a tul in ka hria, " tak zet che hian i thiam lohna khuh bo nan min hman tum suh, vawikhat te mah ka phatsan ngai lo che " ti pah chuan min thing deuh nawka ka dam tha vak si lo nen ka hai leh muai tawh. " Room khata in awmlai ngeiin Ludy khan min lo call a engkim ka mit ngeiin ka hmu vek, thawmhnaw mumal pawh in bel lo a khum khata.........." sawi zo thei lo chuan ka tawp dat a ka tah chhuah leh mai ka hlau tak zet.



















" Eng thil....sawi chiang ta che, " khauh zet hian a ti leh hrawka ka tawng thei tawh lo ka hrawk ah hian a inhnawh tawt ut ut mai, " kei hian ka phatsan che maw....huh...heng hi engtin nge i sawifiah ve ang " ti pahin a kekawr ipte-a a phone ah chu a phawrh chhuaka, ka hma a a rawn lek chhuah meuh chuan mak tih vangin ka meng bial nghal kawk, U Gaby nena kan thla lak hi engtin nge a kawl theih ? School picnic na a ka bawh thlu lai te, ka ina a lo leng lut lai leh a chhuak leh lai chenin, heng zawng zawng hi engtin nge a neih theih, ? " A dik lo, hei hi ......" " a tawk tawh eng mah sawi tawh suh, i thil tihsual i hma a ka pho lan meuh chuan eng tin nge i awm, ? Ka ring che a sin " a tawp lam chu a ri chang changa a hmelah chuan a nat zia hai rual a ni lo.


















Ka in atang a pen chhuah hnu chuan chhuatah ka thu hnawka eng thil mah hi ka hrethiam tawh lo, U Gaby nen kan thlalak a hmuh kha eng tianga a neih nge ? Ludy nen room khata an awm dun lai chiang taka ka hmuh kha hriat sual zawk em ni ? ka rilruah chuan zawhna tam tak a lo luta a chhanna etawh min pe thei tu chu mipakhat chauh, he thil hi ka zawt chhuak ngei ang, U Gaby nen kanin kara thil eng emaw tak a awm a ni tih lan tir nan tu emaw chuan min enthla reng tihna a ni, khang thlalak zawng zawng kha a la tu ka zawng chhuak ngei ang.






















EPHRAIM POV :




Thanthani inatang ka chhuah hnu chuan ka Car-ah thu lutin chak zet hian ka in khalh chhuak nghal, eng thil chiah nge sawi a tum kha, kei leh Ludy room khata kan awm a sawi te kha eng nge a awm zia, a thil tihsual hliah khuhnan kei hi min puh chhe zawk mai mai em ni ? Ka Car steering chu ka chum pawpa ka thaw nghal hrawk. Dubai-a kan zin hnu lawkah ka hmeichhe hmangaih leh ka thianpa in min phatsana, an thlalak ka hmuh hma zawng kha chuan eng mah ka awi ngai lo, mahse tu emaw in kha thlalak kha min lo thawna, siam chawp a nih ringin vawitam tak ka en nawn tir fo, mahse a tawpah chuan mintina tur thu dik bak ka hre chhuak lo.





















Ka Car a tang chuan chhuakin vung zet hian Gabriel-a te inlam chu ka pan phei nghala, inchhung ka luh chuan an awmpui pakhat chu bia in a awmna ka zawta, a room lama a awm thu a sawi rual chuan chak zetin inchung lamah ka chho nghal hlawk hlawk. A room chhung ka lut chiah chu hmeichhe pakhat hi a lo awma bathroom atang lo chhuak chiah chu panin ka hnek nghal thuai, " tenawmpa, ka lak atanga min chhuhsak duh khawp chu venghim la atan rinawmta che, " ka tih khum nghal tuara a ni erawh a khi deuh suk, " sawi chiang ta che " ti pah chuan a lo tho chhuaka thip zetin ka melh nghal khui, " Thanthani ka duh zia hre vek chungin nanghian ka lak ata min lak bo sak a, " ti pah chuan ka tawp deuh chawt a.

















Sawi nawn fo atan pawh ka duh thlawt lo, ka ten hluah hluah, " i hresual a nih chu! I lak atang hian eng mah ka chhuhsak hauh lo che, i thinrimna in i mit a ti del zo a nih kha, sawtiang khawpa hmeichhe tha saw i tihnat zia i in hria em, " min tih khum ve hmuka eng thil chiah nge sawi a tum ka hrethiam nek lo, " heng zawng zawng hi sawifiah ta che, ka awm loh lai changin iva kal fo a ni lawm ni, "? ti lehin ka phone chu a hmaah ka leka, lo ban vutin chiang fahran hian a en a, a hmelah chuan mak tihna pakhat mah a lang lo, " hei vang hian maw min tih buaia nep lutuk, " ti pahin a then deuh sak a, ka inthunun nasa viau.




















" Kha thlalah khan nuam taka kan awmlai leh in duh taka kan in kuah vawng vawng lai em pawh a lan loh kha, i thluak kha hmang la thlalak i neih theih dan zawk kha ngaihtuah teh, tu nge in pahnih inkar tih chhiat tum tu chu ? Kan pahniha kan awm dun lai chu tih palh thil thu in a hmu renga tichuan thla min lo laksaka nang kha a lo thawn che maw ? Ngaihtuah rawh, tu in thlalak lo thawn che " a tih chuan ka thaw deuh hawk, ni e thlalak min lo thawn tu hi tu chiah nge a nih ang, Thanthani hian min phatsan pawh lo ni ta reng se he thil min hriattir duh tu hi tu chiah nge a nih ang,? " Finfiahna tha zawk nen min lo puh leh dawn nia, " ti pah chuan min kal pel a keipawh room atang ka chhuak nghal vut.






















Thlalak lo thawntu hriat theih dan chu mi pakhat chiah a awm. Ka car chuan ka inkhalh chhuak leh nghal vat, ka kalna tur hmun ka thlen chuan ka mi hmuh duh ber hmu turin anin chhungah ka luta a chhungte'n min hmuh chuan mak an ti ngang mai, ngaipawimawh duh lo in a awmna chu ka zawta a room-a a awm thu min hrilh chuan rang fe hian room lamah chuan ka chho a, a thiante nen anin bia tih ka hriat chuan ka ding nghal chat, " ahriatchhuah hunah itan a pawi dawn a nia, " pakhat chuan a ti a an thusawi awm zia chu hre lo mah ila ka ngai thla ran tho. " A hriat chhuah hma in ka rai thu ka hrilh mai dawn alawm, " ti tu chu Ludy a ni, eng vanga chutiang thusawi chu nge maw a nih hrep ni.























A ni hian min duha min zar buai hneh em em thin, Thanthani leh Gabriel-a thla lak lo dawngtu pawh amah ngei hi a ni bawk, " Sir nen chuan inchesual tawh tihna em ni, "? A thianu thusawi chuan min deng nghal zawk, ka chungchang an sawi ngeiin ka hre bawk, " ni lo e, mahse khami ni khan damdawi ka pe chuan a muhil daiha kan chetsual leh chetsual loh a hre hauh lo, a bialnu ka video call laia a hmel mawlh kha ka khawngaih, Sir Ephraim-a lah chuan eng mah a hre der si lo, kha a bialnu Nuthlawi kha kan awmdun thu ka hrilh khan ramhuai hmu ang mai a ni, " ti pah chuan a nui har hara Thanthani thusawi kha ka hrethiam ta chiah.






















Ludy hian mutthilhna damdawi min pe a, ka mutthilh hnu in Thanthani a call a chu pawh kan pahniha room intawm anga a hriat theih nan. Hmeichhe mak leh tenawm tak chu a lo ni chiang e, " chunu chuan sir Ephraim-a chu biak a lo tum leh hrim hrim em, "? A thiannu pakhat bawk chuan a ti leh a, " tum pawh ni se a be thei lo ang ka block vek a lawm, sir Ephraim-a hnenah amah zawkin a block angin ka sawia eng mah en chian hmasak na chang a hre lo kha ka vannei, "Ludy thusawi avang chuan ka in hum ruh ngawt ngawt, Thanthani call ka tum lai khan a tlang thei lo a, Ludy ngei hian ka phone chu a check-a min block thu min hrilh bawk, en chian nachang reng ka lo hre lo kha ka va han mawl tak em.

















" Sir Ephraim-a thianpa leh miss Thanthani thla la tur kha kan zawng nasa teh mai a nia, " a thiannu bawkin a ti leha ngawi ngul in an thusawi tur chu ka ngaichang ran thung, " mahse in hmuh that khawp kha, duhthusam in thlalak a thiam, Sir ka hmuh khan rinhlelh nachang a hre leh miah lo. " Ti tu chu tudang a ni lo Ludy bawk, hmeichhe tleirawl mai mai anga ka ngaih khan min lo bum kual nasa hle mai, insum hman tawh lo in room kawngkhar chu ka tlawh hawng thuaia an lo meng phar nasa khawp mai, " Sir....sir eng nge i lo tih dawn, " Ludy chuan nuilui sang pahin a lo ti bah deuh niaia ka ner khum sak.
















" In lemchan chu in zo tawh em ? Min lo bum kual nasa khawp mai maw, i thil tih avang khan engtiang chiahin nge ka awm i hria em ?" Ka tawngring bawka an phu deuh zuk mai, a thiante chuan tim dai in min chhuahsan hlawma Ludy nen chauh chuan kan awm tawh, a mitmeng chu a tlan chhe nghal dai " eng tin nge i tih theih, "? sehchilh zet hian ka ti a a ni erawh chuan mi pawh a en tha ngam lo thung. " Sir....ih eng lo " a tih lai mek chuan a thusawi chu ka lo pawt chat a, " i thil tih avang hian ka ngaidam ngai lo ang che, vawikhat te mah ka mit hmuh ah rawnin lan leh tawh suh, " ti nghet charhin ka in hera room atang chhuah ka tum chiah chu hnunglam atang nghet zet in min lo kuaha a tap chhuak nghal hawk.
















" Heng thil te hi nangmah ka neih theih nan che a ka tih vek a nih hi, keiai khanu kha eng nge athatna ti nge khanu avang khan min kalsan, lo in lan lo chu nise ka ta i ni daih tawh ang, " ti pahin a in hnit nghal hlawp hlawpa a kut chu ka pawh phelh saka chiang zet hian ka melh bawk, " Thanthani hi awm lo mahse nanghi chu ka nunah seng luh che ka tum ngai lo, min duh tih ka hria mahe kei chuan chutiang zawngin ka en ve lo che, ka chunga i thil tih te avang ngat phei hi chuan ka ngaidam tawh lo ang che, " ti nghutin a mitah chuan chiang zet hian ka melha, nichin lawka pawisawi lo mit menga min en na kha tunah chuan thinrimna in a inthlak hlawk tawh.

















" Nanghian min hmang tangkai mai mai tihna em ni ? Khanu lo lan hma a i awmdan zawng zawng te kha " a ti vin hlara chhang lo in ka melh deuh tawp, ni e a chungah khan ka tha em em thina ka laka a rilru put hmang ka hre vek chung paw'n, Thanthani'n a thik ngei theih nan ka kalna apiangah ka inzui tir bawk, a ngaihdan hi a awm lo hran lo heng te hi ka tihsual rah vek zawk a ni. Ngawirengin a room atang chuan ka chhuaka a au ri pawh ka hre reng ka hawi let leh tawh lo. Thanthani inlam pan chuan ka tlan chhuak leha ka thu lo sawi tawh zawng zawng te khan nghawng a nei nasa viau ang tih ka hria a ka inchhir hle bawk.














A in kawt ka thlen chuan thawk ka la leh hawka inchhung lama ka pen luh chuan a lo reh thiap mai. A in lah hi a kalh tgeihnghilh ziaha ka tan tha hle mahse misual an luh ruk a hlau lo emaw ni, a room lamah chuan ka luta khuma tui ti taka a mu ka hmuh chuan ka thaw deuh huai, min phatsan anga ka ngaih miau avangin a chungah ka nunrawnga ka duh loh pui pui pawh ka sawi fo, khangte khan a lakah nasa takin min inthiam loh tir zual bawk, a khumah chuan ka thu thla a hmel chu ka thlir deuh vang vang, tunlai phei chu a dam tha vak lo a ni ngei ang a biang pawh a tla ve dak mai, a hmai chu ka khawiha a lo phu deuh zuk, chiang lo deuh hian a lo mengchhuaka min hmuh chiah chu thawh phan pawh awm lo in a lo tho kang nghal zawk.
















" Eng nge i lo tih leh, " a ti nghal hlara cher deuh tawh mahse a duhawm ngaiin ala duhawm reng, " chhuak rawh i hmel kha ka hmu duh tawh lo " ti leh in khum atang chuan thawh chhuah a tuma ka lo kuah bet nghal vat, " Duati ka tihpalh lutuk min ngaidam rawh, thil hrechiang hmasa lo in ka ringhlel che a pawi ka ti tak zet, " ti pah chuan a samah ka fawp a a tal nasa ngang mai, " min thlah rawh, ka ring tawh lo che min tih nat zia i hria em misualpa, " a tawng zawng chuan min chum taih taih renga a lungawi hma loh chu kut minthlak mahse pawi ka ti lo, heng te hi chu ka thil tih sual lakah kha chuan a nep lutuk tlat.
















THANTHANI POV :




Min kuah beh na lak ata tal hran ka tum chu lungbang sut ang hlauh a ni, chet pawh hi a che eih lo. Ka chuma ka keka eng ngah mah a ngai lo emaw tih turin min kuah nghet sauh sauh zawk, a tawpah phei chuan keimah zawk ka chau hnawk. " Min thlah tawh hram teh, " ngen ngawl zet hian ka ti leha a lo nui chhuak hawk zui, " ka lak atang hian i awm hran ka remti leh tawh lo ang, tun chiah hi min ngaidam rawh aw ka hmangaihnu " dam thlup a a tih leh meuh chuan ka hnuk a ulh leh deuh ti tih tawh, " i hmangaih ka nih loh kha Bawihbawihi lo hmangaih i neih loh tur thu isawi a ni lawmni misualpa, " ti pah chuan ka chum leh pawpa a lo rum nghal nghut.




















" Ka thinrim thusawi mai mai a nih kha nangchauh hi ka hmangaih reng tawh ang che, eng thil pawh thleng se ka ring tlat tawh bawk ang che " ti lehin min nam hla hreta chiang zet hian min en bawk, " keimah veng vek a ni tiraw ? hetiang khawpa i hriselna in a tuar hi ka ring lo, min ngaidam rawh aw Duati " ti thawp sup in ka chhipah min fawp vang vanga chutah zet chuan ka insum thei tawh lo ka tap chhuak nghal hawka nghet zet hian min kuah bet lehnghal, " i sual lutuk, " ti tiau in ka chum leh vak vaka ngawi rengin ka tih ang ang chuan a awm tawp, rei fe ka tah hnu chuan a tak a tang ka awmsawna ka tahna avangin a t-shirt te chu a hnawm chhap mai.


















" I ril atam em, "? Min duatna âw ka te hian engtia rei nge a daih leh ang ni. Chhang lem lo chuan khum atang ka tho chhuaka awlsam taka lungawi leh mai mai tur chuan ka thil tawrh te kha ana mah mah. Belbawm a tang chuan noodles ka phawrh chhuaka ka siam chhung zawng pawh chuan ka bulah ngawt a lo dinga, ka chet sawn leh a chesawna, min en reng tih ka hriat te chuan ka zam chhe lek lek thin. Noodles chu a bel chawp in dawhkanah ka hunga ka ei nghal mial mial chu uluk fe hian min lo en leh tawh, ka ril atam bawk aniang bawm hnih ka chhuma keimah in ka ei zo vek, ka eina sil ka tum chuan min lo danga a hmel ka hmuh peih loh avangin ka dah tawpa room lamah bawk la luhsan lehnghal.





















A thawm chu ka ngaithla renga ka thil eina vel kha a silfai a ni ngei ang, eng vanga lo let leh nge a nih ang tih leh eng vanga ka chunga tha tak thut nge a nih tih chu ka rilrua zawhna lian ber a ni. Room-ah a lo lut tih ka hriat rual chuan rangfe in ka mit ka chhinga a awm lohna lam hawi zawnga mu ka ni bawka a tih zia phian, " tunah chuan muhil rih phawt rawh i chau a nih kha, naktukah erawh engkim chiang zawkin kan sawi dawn nia, " a lo ti dam dap a chhan ka tum chuang lo, a kalsawn mai dawn emaw ka tih lai in khum a lo hniam deuh sawta ka bulah a lo in thawlh lut ve nghal zat, rangfe a thawh ka tum chu min kuai mu leha kanin sual a ni deuh ber mai ang chu.



















Tal chhuah tum chuan ka bei fat fat a a ke lian leh hrawl zet chuan min kherh bet nghal hmiah, ka kiu in a awmah chuan ka nghawk chawrha min thlah rang khawp mai, " min tawk tawh reng reng suh, " ti nghal hlarin room atang chuan ka chhuaka min lo zui tawh bik em lo, ka chau deuh bawk nen couch pakhat ah chuan ka mu ta ringawta rei lo ah mutchhuakin min lo zem a ka muhil zui nghal, kukar phit ri avang chuan ka harh hlawla ka menchhuah rual chuan U Ephraim-a bawk ka hmu leh tawh. Apron ha in eirawng a lo bawl mial mial a keiin ngawirengin a hnunglam atang ka en reng thung, ka tho chhuak chiah chu ka taksa a na thum mai, ka mutna hi a dup vak lo bawk nen a awm ve reng mai.























" I lo harh tawh maw, "? ti pahin min lo pana ka bekah a lo fawp zeuha ka melh deuh kawk, " eirawng ka bawl zo tawha chawei chiah kan hma bak tawh, i duh leh va in tifai la " a lo ti zung zunga ka chhang leh duh tawh lo, ngawirengin bathroom lam chu ka pana ka intihfai zawh hnu a ka va chhuah leh pawh chuan a lo la awm reng, purun chanin dawhkan ah a lo thu a a mit chu a thip a ni ngei ang a chhin deuh sawk sawk danah, " ka bai siamah hian purun ka thlak theihnghilha ka thlak zawhah kan ei nghal thei ang " nuisang hian a lo ti leha, ka be duh miah lo chung pawn tlawm a tum lo a ni ngei ang, eng tiang paw'n awm se keipawh tlawm mai mai ka tum bik lo.














( HEI LEMS.....COMMENT KHA UAR LEH HLE ULA A NUAM A NIMAI AW )


Show post links
Top

[Ngaia]

NUTHLAWI NAUPANGTEI
( CHAPTER-20 )
STORY OF:LALNUNNGHETI TETEI






Dar 5 bawr velah chaw min ei puia eng mah ka sawi lo a en pawh ka en lo a nimah zawk ang chu! A ni erawh chuan min be deuh sek a ka chhang miah lo chung paw'n a kâ a chawl miah chuang lo. Eina seng vel pawh chu a ti vek a puih ka tum buai lem lo, couch ah chuan thu in phone ka khawih mai maia ka mit sir in a thleng sil chu ka melh leh zawk thina, a hnehsawh ang reng viau mai. Thleng a sil zawh hnuah thingpui a chhuang leha haw a la tum loh hmel ngang mai, haw vat vat se ka tih teh reng nen a bula ka awm reng chuan ka nem hma lutuk ang tih ka hlau. Thingpui min lo pek chuan ka tho nghal daiha a thaw hawk ri chu ka hre reng, ka ngaihpawimawh loh zia ka tih lan reng chuan a beidawng ve mai ang.


























" Duati thingpui hi i in duh lo em ni, "? room-a ka lut tur chiah chu a lo ti a, vawikhat pawh ka hawi let eih lo. Bathroom lamah lutin ka intifai a amah runluih nan hrim hrim ka insil fai zawh hnu fe ah pawh ka la chhuak duh mai lo, darkar chanve aia rei deuh ka awm hnu chuan ka va chhuaka a lo la awm cheu a nih chu! Mahni ka inhrem a ni ringawt, couch-ah a lo thu a phone a khawih bawk, a awm chhung chu room-ah ka in khung char char ang ti rilru in khumah ka mu a, a la hma bawk nen zan chu a rei dawn ngar ngar khawp mai, U Ephraim-a lah a luhlul ropui si ka biak duh loh ber te chuan haw ve tawh mai tur a nia.





















Khuma mutchhuak lo puia mutreng chu taksa a kham thum mai. " Duati i muhil tawh em"? U Ephraim-a room chhunga a lo pen luh lai pawh chu ka hre reng mahse ka lo chhawn duh lo, ngawirengin ka mu a min lo hnaih zel tih chu ka hre thei. " Zanin chu hetah ka riak ve mai ang " tih leh ka puansin lo hlim a ruala chutah zet chuan ka tho kang nghal awt, " i zak thei lo lutuk haw rawh, i hmel pawh hi vawikhat mah rawn lan tawh suh ka ten che " ka thinrimna te kha an lo kir leh vek nimai hian ka hria, insum hman lek lo in ka tawngchhuaka a hmela natna lo lang pawh chu ka hmuh hmaih lo, ngawi ngul in room atang chuan a chhuaka ka thaw pik lutuk pawh a zia ta deuh.





















Kawngka in khar ri ka hriat chuan ka thaw chhuak ngham ham ham, khatiang khawp khan mintina in minti hreawma awlsam taka ngaihdam chu ka tum lo, chutih rualin min kalsan tak tak tur anga ka ngaih chuan ka hreawm tho bawk si. Zing dar 7 velah tho in ka in phih harha vawin zet zawng school kal ka phur lo ngei mai, U Ephraima'n zanriah atana min siam sak ho chu ka lum leh tawpa, nizan lama ka tawngkhum dan te ka ngaihtuah let neuh neuha a beidawng nghal mai chuan ka ring. School kal tur chuan inatang ka chhuaka, ka taksa pawh a zia chho vel zel tawh bawk nen ka scooty chuan ka inkhalh chhuaka.



















School ka thlen chuan midang ho paw'n min lo be zui luama, ka damthat loh avangin school pawh ka kal lo reia min lo ngaider thiam hlawm khawp mai. Rebec-i chu U Ephraima nen kan chan chin te ka hrilha, la titau rih turin leh ngaidam nghal lo turin thurawn min pe a, nizan lama ka tihdan vel ka sawi chuan a khawngaih thu a sawi leh ang lawia, inkawp leh tur chuan min la duh tih a tawngkamah ka hre thei. Class lak a lo hun chuan office atang lehkhabu keng chungin ka chhuaka U Gaby nen chuan a office kawtah kanin tawka, biak loh ka tum pawh hian a theih loh amah hian min be hmasa ngei ngei.
















" Chaw te i ei tha thei tawh em, "? a tih chuan ka ei that tawh thu in ka chhang let a, a ngawi deuh vung vunglai chuan ka en chiang deuha a hmui sir chu a kak deuhin ka hria " ti nge i hmui kha, a kak in ka hria, " ka tih chuan a hmui chu a khawiha a nuih nghal suk, " Ephraima thik thu chhiatna lantirna a nih hi, kanin kawp angah angaia chuan ka rinawm loh san che emaw a ti bawka, " ti pah chuan a nui deuh suk suka kei ka lo zak hle thung, " thil hriatsual lian tak in inkar ah khan a awmin ka lo hria a nimin khan thudik ava hrechhuak vek tawh bawka, nizan lam khan min lo bia a thil engkim kha a hmeichhe zui thin nu vang veka thleng alo nia, a inthiam lo lutuk a nia," U Gaby-a chuan a ti a, ahmeichhe zui thin a tih chu Ludy a ni ngei ang, he thilah hian a lo inrawlh ve leh zel a.




















Hmeichhe sual tak chu a ni ve chiang ngawt mai, " Thanthan Ephraim-a chu a inchhir tak zet tih ka hria a nia, nangpaw'n ngaihtuah tha leh la ka duh, i hmangaih zia i mit mengah khan ka hmu veka hetianga i awm reng chuan in pahnih tan hian a hreawm ve ve, thil kal tawh chu siamthat theih a ni lo a chuvangin nangpaw'n pawmthiam zawk rawh, " a ti dam leh thlup a, amah ang lo takin vawin chu sawitur ahre ve khawp mai, " in ngaihtuah that ka duh, " ka tih let ve sep chuan a lo bu nghata ka kalsan zui nghal. Kanin kar siamthat leh chu keipaw'n ka duh alawm, chutih rualin thil kal tawh ka chhui kir lo thei bik si lo, engkim huama ka chelh kha a ni a, mahse khatiang teh nuai khan kan buai leh si, pawm leh ta pawh ni ila khatiang tho khan kan tawp leh lo ang tih pawh hriat loh.





















Chhun chawlh lai chuan U Ephraim-a hnen atang call ka dawng nawlha, chhan loh ka tum rilru deuh uk tawh na chu a dik theia ka hriat loh avangin ka chhang ta hram. " School banah ka lo lam ang che hruai duhna che ka nei, " a lo ti nghal thawra hnialna hman pawh a awm lo call a ti tawp zui hmak. Tih ngaihna hre lo zet in ka phone chu ka melh deuh tawp. School ban hun ah chuan a sawi lawk ang ngeiin gate bul atang min lo nghaka, Sangsangi leh Rebec-i te nen chuan kanin zui chhuaka U Ephraim-a chu a Car atang rawn chhuakin min lo pana Rebec-i chuan min lo kheuh nghal zeuh. " Kal nghal ila, " ti paha min kaih mai a lo tum chu ka kut ka dahsawn vat, " khawiah nge min hruai dawn, " midang an la awm ve bawk nen han vin vak kha a chi si loha, ka insum nasa visu.























" Kal phawt ila i hre mai ang, " a tih pawh chuan ka la ding reng, " U Ephraim kan thiannu hi i tina leh dawn a nih chuan hnaih lo law law rawh, mahse inchhir tak zeta in inkar siamthat leh i duh chuan hruai rawh, i tina leh a nih erawh chuan i hnenah hian a lo let leh kan phal tawh lo ang " Rebeci chuan a lo ti a, ngaidam nghal lo tura min hrilh tu ber khan chutia awlsam taka a lo sawi chu ka lungawi lo dawn dawn mai, " ka hria e " tih zawngin U Ephraim-a chuan a lo chhanga kal turin min signal nghal zeuh bawk. " Ka scooty " ka tih lai mekin Rebec-i bawk chuan, " va kal rawh i inah ka va dah sak ang che " in pe zo zet hian a lo ti nghala.


















U Ephraim-a bula chuan ka duh loh vangin ka chhuanlam ang tih nak laia, hnial ngaihna vak a awm tawh hek lo lungthlu lo zet in U Ephraim-a car-ah chuan ka thu luta, nuisanga Sangsangi leh Rebeci'n min lo en pawh chuan ka tum khum hmak. Kan tlan chhuah hnuah chuan vawikhat te mah kanin be lo hrim hrima min kalpui na tur zawh pawh duh viau mah ila ka biak peih miau loh avangin ka zawt duh ta lem lo. Car a tih din dat takah chuan ka hawichhuaka, ka meng deuh kawk. " Hetah eng nge kan tih dawn " U Ephraim-a melh chung chuan ka ti deuh hu a, thlanmual bulah kan awma eng ti tura he hmuna min hruai nge maw a nih dawn ni.



















Ngawi ngul in a chhuaka ka thutna lamah lo pheiin kawngkhar chu a hawnga min pawt chhuak zui nghal zat, tunah tak chuan a hmel a rum tha lutuk biak ngam chi pawh a ni lo. Kawngkhar chu khar dawtin thlang lam pangah chuan min kai thla dawt dawta a thinrim hle emaw tih tur khawp in a hmel a rum tha. Bawihbawihi thlan bulah min din tir takah chuan U Ephraim-a chu ka melh chho kara a ni erawhin thlan chu chiang zet in a melh thung, " a ni hi ka hmeichhe hmangaih hmasa ber a ni a, chuan " ti pahin a chawl dat a, a hmangaih hmasa ber a ni tih te chu ka hre ve tho sia min hrilh nawn leh kher chu eng nge maw a hriat ni.
















" Nanghi tuna ka hmeichhe hmangaih chu i ni thung, kumkhua a ka kawppui tur atana ka duh leh ka khawvel chu nangmah ngei hi i ni, " ril ruih hian a ti a chiang zet in min melh bawk, a thusawi zawng zawng chu ka bengah hian a ri nawn tlut tluta ka mittui a tling pam bawk, " Bawihi i hmaah ngei hmeichhe dang ka hmangaih thu ka hrilh avangin min ngaidam rawh, nang lo hmeichhe dang ka hmangaih ngai loh tur thu ka sawina kâ ngei hian a phatsan ta si che a, ka tana hmeichhe awm chhun tur emaw ka ti thin che a mahse khang ka ngaihtuahna te kha a lo dik lo hul hual a ni " ti sup in thlanlung chu a melh vung vunga, a tawngkam chhuak hrim hrim chuan phat rual loh in min tidanglam.




















" A ni hi nupui atan neih ka duha min pawmpui ang tiraw, "? ti lehin nghet zet hian ka kut a lo hum a, chhan let dan tur emaw lo dawnsawn dan tur ka thiam hlawl lo, heng thu a sawi chung pawh hian ka la ringhlel fo dawn em ni ? " U Ephraim " sawi tur dang ka hre lo, U Ephraim-a chuan min lo melha a khi nghal suk, " ka sawi kha i la hria tiraw ? Ka chhungte hnenah nanghi ka inhmelhriat tir ang che ka tih kha, a ni hi ka chhungkaw zinga ka chhiar a nih hi, " ti pahin Bawihbawihi thlan chu a en leh a keipaw'n ka melh ve nghal chat, " i inpeih hunah ka nu leh ka nau hnenah chuan ka hruai ang che, vawin chu Bawihi hi hmuh tir phawt che ka duh a, " a ti leh dut a ka la ngawireng thung.




















EPHRAIM-A POV:





Bawihi thlan atanga kan let hnu chuan Duati chu a inthleng ka thlaha, min hnial lo a eng mah sawi lo in a ngawirenga a rilru a la buai ve viau a ni tih ka hriat avangin ka dem lo a, ka nawrlui dawn lo bawk. Tih tur dang ka neih thu sawiin ka hawsan leh thuaia, a bul hnaia ka awm rei lutuk chuan min huat lehnghal mai ka hlau a ni. Kaninah chuan ka haw a ka nu pawh lehkhabu chhiarin sitting room-ah a lo thu leh vang tawh, pan hnaiin a bulah chuan ka va thu a vawin hian engkim hrilh vek ka duh tawh. " Vawin chu in bang hma elaw "? tipah chuan a thutdan a siamrem a, " sawipui duh che ka nei a nu " ka tih tak daih ah chuan min lo melh a.





















" Sawi la " ti sep in a thutdan chu a siamrema Mami pawh a lo haw ve chiah, " ka chau lutuk vawin chu Melo-i nen bazar-ah kan vak kual hrep a " a lo ti nghal niah niaha ka nu bulah chuan a lo thu thla zui nghal zat, " U i lo va haw hma ve " a tih chuan ka chhang zui lem lo, " nu, Mami nen hian sawipui che u ka duha kan awmkim lai a nia tuna sawi hi a remchang ber ang " ka ti leh te te a, an pahnih chuan ka thusawitur ngaichang ranin min en thung, " nupui ka nei dawn, tunah chuan amah ber ala in peih lo a, mahse a in peih rual ruala neih nghal ka duh " ka ti ta sup a, ka nu leh Mami chuan min melh ngawt ngawt.



















" Bawiha i ti tak tak em, "? ka nu chuan a lo ti ve sep a ka bu nghal nghut, mak ti viau pawh ni se ka dem lo, Bawihi a thih hnu atang khan hmeichhe dang ka ngaihsak lo a an hnenah ngei pawh nupui ka neih dawn loh thu ka sawi bawk, mahse Duati ka tawn a tang hian khang ka thu lo sawi tawh te kha chu ka thlak nghal hlawk. " Thu lawmawm tak a nih chu, nupui nei lo a i lentar mai ka lo hlau lutuka, " ti pahin ka nu chu a nui hak haka, " tu chu nge maw neih i tum reng reng le, amah pawh lo hruai haw ve la hmuh te pawh a chakawm ve alawm, " ka nu bawkin a lo ti leha, " U Melo-i te ina awm thin kha chu a ni lo ang tiraw "? Mami chuan a lo ti ve khauh mai, Melo-in a hrilh a ni ngei ang.




















" A ni alawm " ti a ka chhan chuan a meng nur nasa ngang mai, " tu chu nge maw insawi le, ka va hre ve lo ve " ka nu pawh chuan a lo ti leh a, " Melody te ina awm ka sawi ziah kha, Melo-i paw'n a sawi thin kha nuthlawi maw le, " Mami bawk chuh! A âw ah chuan min duh pui lo tih a hriat hle bawk, " I Pa Maruata pa zawna nei tu kha maw " ? ka nu pawh chuan mak ti fe hian a ti ve leha Mami chu a bu nghal nghat nghat, " awi! Bawiha i ti awm ang lo lutuk nuthlawi rum ro maw neih i tum, then vat rawh a zahthlak em mai, " ka nu chuan lungawi lo âw kâ hian a lo ti ve leha ka thaw deuh hawk. " Nu nuthlawi a nihna sawn keimah ah danglamna a nei lo, ka duh a a ni chauh saw neih ka tum bawk, " ka ti nghet ve charh.














Tu paw'n engtin paw'n sawi se ka thu thlukna hi thlak ka tum lo, " Bawiha ngaihtuah chiang rawh, nuthlawi mai mai nei tur chuan ka phal lul lo che, hmeichhe tam tak an awmlaia nuthlawi kher kher lo tih, " ka nu chuan a ti nghal hlak hlaka a duh loh chu duh lo bur ang chi kha a nia, a buaithlak ang tih pawh ka hria, mahse ka thu sut mai mai ka tum bik lo. " Ka tan chuan pakhat chiah a awm, chu chu ka nei bawk ang. Nuthlawi a nih vangin that lohna pakhatmah a nei lo, belchiang ula nangni paw'n min hnial bik lo ang " ka ti ve leha beidawn hmel zetin ka nu chuan min melh ngawt ngawt.






















" Ka dam chhung chuan nuthlawi mai mai he ina i rawn hruai luh ka remti lo ang, tuna i sawi lai ngat phei hi chu fahrah a ni leh nghal a nilawm ni? Nuthlawi a kara fahrah bawk! Hmeichhe tha chu a ni lul lo ang, " ka nu chu a âng hlawk sawt viau mai, " nu duh vang renga fahrah a ni bik hleinem khatin mi i hriatchian loh leh nghal hmusit viau teh suh, " ka ti deuh nghuta ka nu chu a lo thaw deuh hak, Duati a hmusit lutuk chu ka duh hauh lo. " He inah hian nuthlawi mai mai i lo hruai luh ka remti lo, i ti lui tal a nih chuan nangpawh chhuak mai rawh " ka nu chuan a ti leha beidawng zet in ka tho chhuak nghal tuah tuah, " min pawmpui thei lo a nih chuan tih theih ka nei lo a nih chu " ti hmak in ka room lamah chuan ka chho zui nghal.





























Ka room a ka chhoh hnu chuan eng dang mah ka ngaihtuah thei tawh lo ka rilru a lo lang hmasa ber chu ka call nghal tawp, " hello " âw lawi rat a lo ti tu avang chuan ka nui suk, a mu tho chiah a ni ngei ang, mut duh reuh lutuk. " Sawi la " a tih leh takah chuan thawk la deuh hawk pahin, " lo insiam rawh " ka ti nghal hmuka a reh zui vang vang, " ka sawi chu i hria ti raw lo insiam rawh ka lo hruai ang che " thu pe âw zet hian ka ti nawn leha, a phun deuh niah niah chu ka hria a a thusawi erawh ka hre lo thung. " Eng ti turin " a lo ti deuh hlaka a thinchhe ve reuh tak tak, " kan in ru ang " ka ti nghal thawra ka nu berin a pawm miau loh avangin ka tih theih chhun hi tih mai ka duh.



















" I rui a mi, "? lehlam a mi lah chuan ka rilru hrethiam lo zet hian a lo ti khauh lehnghal, " rui lo, insiam rawh ka lo lam ang che " tih leh call chu tih tawp ka ruala ka thawmhnaw ka siam chhunzawm nghal mawlh mawlh. Ka khum bula ka sana dah ka ban lai chuan Bawihi thlalak ka tar chu ka hmu a ka ban nghal zat, " min ngaidam rawh aw, " ti sep in thlalak chu ka fawp zeuha tho kang in pawhdawh chhungah ka kalh hnan nghal, tuna ka hmeichhe hmangaih hi venhim tlat ka tuma ka nun hlui avanga kun reng ka tum tawh lo. Inhnuaia ka chhuk chuan ka nu leh Mami chuan min lo en renga hre lo ang hmak in ka kal pel a, inthiam lo hle mah ila tun atan chuan he thil hi ka tih ngei a ngai si.
























' Kanin ruk tawh ber chuan an ni paw'n an la pawm ve mai ang, ' ti rilru mawlh mawlhin ka Car chuan Duati inlam panin ka tlan chhuaka. A in kawt ka thlen chuan ka car chu hung tha in ka chhuaka, tun atan chuan zokhaw lamah awmpui rih ila a that ka ring. Inchhunga ka luh chuan Duati chuan eng emaw hi a lo chhuanga min hmu chiah chu phawk fe hian min lo melh nghal, ka tih tak tak loh a ring a ni ngei ang. " Insiam fel tawh em, "? tih leh a room lamah luh ka ruala thawmhnaw eng mah a lo la dah chhuak lo chu ni in. A thawmhnaw bawm chu hawngin ka hmuh hmasak a piang chu ka dah chhuak nghal hmiah hmiah.




















" Eng nge i hriata, khawiah mah ka zui dawn lo che " ka hnunglam atanga a lo tih pawh chuan ngaipawimawh lo zet in ka thil tih chu ka chhunzawm char char. " Ka zui dawn lo che ka tih chu, " a luggage-a thawmhnaw ka khung luh lai mek chu min lo chuha ka ding ngil nghal vut, " in ru mai ang " ka ti nawn leh sup a a lo ner nghal nang nang mai, " in ru turin kanin kar pawh kan la sawifel lo, a thuhrim in min rawn miah lo in hetiang thu liantham te chu i duh dana i tih tawp a, " lungawi hmel zan lo hian a ti leh tan tana, a lungawi lo pawh chu ka dem hran lo. " Ka nu hnenah in neih ka dil a min phalsak miau loh chuan hei bak kawngdang ka hre hleinem " ka ti let ve leh sup a a ni erawh chuan a thawmhnaw ngawt chu a melh.


















" I chhungte'n an remtih loh ngat phei chuan tum buai suh " ti leh ngat in a thawmhnaw ka khung sa ho chu a dah chhuaka a ban rekah chuan ka lo man nghal chat, " tu thusawi mah ka ngaipawi mawh lo, min zui la chu chu ka duh ber khawngaihin " ngen ngawl zet hia ka ti leha ngawirenga a din tak rengah chuan a thawmhnaw bawk chu ka khung leha a mamawh tur a ka hriat a piang ka dah lut bawk. " Kanin kar em pawh kan chin fel hma a hanin ruk chu leh " a lo ti leh hrama ka ngaipawi mawh zo tawh lo, kanin neih zawh ah chuan engkim a tha vek turah ka ngai hmiah.






















" U Ephraim in ngaihtuah tha leh teh " ngen ngawl zeta min tih leh takah chuan ka ding ngil vuta chunglam hawiin ka thaw leh deuh hawk, " i chhungte'n min pawm lo chung chunga neih che ka duh lo, a hma ang khan tihsual leh ka duh tawh bawk hek lo, " âw ki pangngai zet hian a ti leh hap a, nawrluih hi ka thil duh loh ber a ni thina tunah erawh loh theih loh dinhmunah ka ding si, a tan chuan vawikhatna tur a ni loh miau avangin a harsa tawh ang tih ka hria, mahse chan ka hlau em a chung pawh chu ka ngaipawimawh zo lo a ni ber ang chu! Ka kutah a lo vuana ngenna mit mengin min melh leh kalh tawh.


















" A tha e, mahse ka thu i zawm hmasak a ngai ang " ka tih chuan a meng zim deuh suna a khap deuh fak fak bawk, " sawi la " a tih takah chuan a kut pahnih chu humin ka thin zawnah ka dah a a mitah chuan chiang takin ka en bawk, " min ngaidam tawh ang tih min tiam rawh chuti lo chu i duh lo chung ka ru chhuak tho ang che " ka tih rual chuan a mit meng a danglam nghal sawta a kut chu a pawt let zui nghal zat, " i phakar lutuk " ti hmakin a in hera ka nui nghal hawk hawk, a kum phu lo hian a la naupangchhia ve reuh zek, hei tak hi amah ti duhawm zualtu a ni. Inpui lamah chuan ka phei ve a tukverh bula ngawirenga a ding chu ka hmu a ka va pawh duh mai lo, inngaihtuah na hun pek ka duh.



















A chunga ka thil tih sual kha ana mai lo tih ka hria a a rilru tak taka min ngaihdam hun nghah a ngai a ni tih ka hria a ka vui lem lo. Ka thawmhnaw nena chhuak ka nih miau avangin han let leh nghal ngawt chu a tih chi bik si lo a, ka hmelhriat pakhat in ruakah ka insawn lut ta ringawta, ni rei lo te chauh awm tur ka ni bawka luah man pawh ka chawi tam lem lo khawp mai. Duati a in peih hun hunah kanin ah chuan hruai luh tho chu ka tum a, ka nu in eng pawh sawise neih ka tum tho bawk. Ka nu kalh zawng hian vawikhatmah ka awm ngai lo a tuna hetia ka awm pawh hi ka inthiam lo lutuk, amaherawhchu ka duh ka neih theihna tur a ni miaua ka tuar chhuak ngei tur a ni bawk.













( ADS CLICK LEH COMMENT KHA AW.......)


NAKTUK CHU SAWRKHAR CHAWLH TE A NI VE SIA KA CHAWL VE MAI ANG


Show post links
Top

[Ngaia]

NUTHLAWI NAUPANGTEI
( CHAPTER-21 )
STORY OF: LALNUNNGHETI TETEI





THANTHANI POV:





Pawn lam chu thlir in thil hrang hrang ka ngaihtuaha ka rilru tawt lutuk hi engtia han tih tur nge pawh ka hre lo, U Ephraim-a lah keimah vangin a in a tang a chhuaka, a chhungte'n min duh lo tih chu zep mahse mi â nileng lo tan chuan ka hrethiam ve vek tho. Meloi'n hmanni ah kanin hmuh khan min hrilh veka U Ephraim-a nau nen anin kawm thin bawka, U Ephraima'n a nu leh a nau hnenah min neih tur thu a sawia, nuthlawi mai mai chu a nu in a lo duh aw zawng si lo a, chuvangin U Ephraim-a pawh in atang a chhuak a ni. Melo-i sawi hreh nei lo chuan engkim kimchang takin min hrilh veka, hreawm ka ti a tih theih erawh ka nei si lo. U Ephraim-a lah chuan ka in luahna piah lawkah in a luah ve a, a rawn leng lut zut bawk.


























Innneih min sawm renga, a chhungte'n min duh lo tih ka hriat avangin ka hnial ve zel thung, chhungte remtihna tel lo a pasal neih nawn leh chu ka tum tawh lo bur. Nu Mapuii te pawhin U Ephraim-a nen kan chung chang an hre veka tih theih anneih bik miau loh avangin min lainat ve viau bawk. U Ephraim-a nen kanin kar buaina pawh kan sawifel vek tawha, Ludy ruahmanna vek a ni tih ka hria a mak ka ti a ka ngei bawk, a hmelhriat miah loh min haw ve em em a khatiang taka na khan min siam bawka, mihring nunrawng tak chu a ni ka ti lo thei lo. Hnung lam a tang min lo kuahtu a vang chuan ka phu deuh zuk a, U Ephraim-a nui suk ri ka hriat chuan ka hahdam nghal sawt.























Keipawh chuan ka ngheng let ve ar ar a innei thei lo mah ila amah ka hmangaihna hi chu a reh bik chuang lo ang, ka laka a thil lo tihsual tawh avangin a inthiam lo a ngaihdam min dil nawn fo thin bawk. Hmangaih ber te lakah chuan athinrim reng theih loh an ti a kei ngei pawh hian ka chiang thaw khat ve viau. " Iva inngaihtuah nasat hmel ve, " thum deuh hian a rawn ti a " nia " tih zawngin ka chhang thung, chutiang chuan rei tawk fan kan dinga a hnuah inpui lamah chuan kanin zuia couch pakhata a thut rual chuan min pawt thu ve nghala, nghet zet hian min kuah leh tawh. " Naktuk lamah kan inah kal ila " ka rin loh deuh a a lo tih avang chuan a tak a tang chuan ka inla hrang deuh hreta.




















" Min duh lo tih i hre ve renga nawrlui lo teh, keimah vanga in nufa kara buaina a awm chu ka duh lo, " ka ti ta hap a, ka rilru taka sawi ka ni bawk, " buaina te chu a awm tawh reng a lawm, a fapa hi ka lunglen zia a hria a ka thil tum tawh chu ka ti tlang ngei ngei thin tih pawh a hria, nangnena kanin neih pawh hi ka nawr tlut tlut chuan a phal mai ang, " ngaihsam hmel fe hian a ti a, kan rilru in ang lo lutuk hi chu a buaithlak a ni. " Chhungte remti lo chunga pasal neih ka tum tawh lo a nia, a hma ang mai maia awm leh kha ka duh tawh lo " ka ti ve nghata ka rilru taka sawi ka ni bawk.


















" Min ring rawh, ka nu hian engtik ni ah emaw chuan a la pawm ve em em ang che, " in ringtawk tak hian a ti leha ka chalhah a lo fawp zeuh bawk, dar 10 bawr velah a haw a mut hmunah te chuan ka rilru a la kal thui ngang mai, ka fahrah zia leh ka nun hniam zia ka hria a mi nu te hian an fate tana min iai bik fo pawh hi ka dem lo, kei ngei pawh hian mahni insit chang ka nei fo a, mahni meuh pawh ka insit a nih chuan midang mittah ngat phei chuan awh awm loh ve tak chu ka ni ang. Zing lamah school kal tura ka insiam laiin ka phone a lo ri a ka en chuan nu Mapuii a lo ni, " aw hello, " insiam mawlh mawlh pah chuan ka chhanga, tun ang huna min lo call ve teh mial chu mak ka ti ang reng viau.


















" Thante vawin chu i school banah lo pengkawi lawk ta che " a âw ki chu dam dap mahse thil dik lo a awm tlata hriatna ka nei " aw le, " pang ngai tak chuan ka ti a, a chhan han zawh kual vel chu chak hle mah ila hmaichhan ngeia sawi chu a tha zawka ka hriat leh tak avangin ka zawt ta lem lo. In atang ka chhuak chiah chu U Ephraim-a kal tur nen kanin tawka, a hman hmawh thlak tawh bawk nen a car chhung a tang chuan min lo vai zeuha, keipaw'n ka lo nuih ve seih. A tlan tak daih ah chuan ka scooty ti nungin ka in khalh chhuak ve nghala, school ka thlen chuan naupang ho pawh an lo ri leh laih laih tawh. Offce chhunga ka luh hma deuh chuan Rebec-i tawng lang lang ri ka hria a an chhaih fiam leh tawh a ni chek ang chu.




















Office chhunga ka lut chiah chu min lo be nghal sap sapa Rebec-i erawh Rinchhana nen an lo in hnial leh pek tawh a niang an lo in dinchilh leh ran tawh. " I lo thleng tawh maw " min hmuh rual in Rebec-i chuan min lo pana ka chair-ah ka thu thla nghal hnawk. " Rinchhana tawngthei lutuk hi chu ka ning " ti hlakin a lo thu thla ve a Rinchhana ka ve melh zawk chuan nui ruh ruh hian min lo en ve a, ka bula thu lah chu a tum nasa ngang mai. " Engtin nge a tih leh che " pang ngai tak chuan ka ti a, zawh kher loh hi chuan a sawi duh bik ngai lo, " chair-a ka thu kha ka tho kanga ka kekawr hak ka siam laiin a lo luta, ' i mawnglem vuah a dep elaw, '? a rawn ti khera midang a la hrilh vek zui, mawnglem vuah intih kher kher hi chu ka duh lo " a ti hlak hlaka ka rinai anin hnialna chu a ho daih mai.






















" Rebec thu fimkhur rawh aw, " ngeiawm zet hian Rinchhana bawk chuan a lo ti leha Rebec-i in sum thei tawh lo chuan lehkhabu a hmuh hmasak ber chu a la lawka a vawm nghal hmiah, a hmelah chuan a thu tak ve teh reng nen Rinchhana lah chuan a lo la fiam zuk zuk lehnghala. Class la tur chuan office a tang ka chhuaka tlai lamah nu Mapuii te inlama phei a ngaih thu ka hre chhuaka ka rilru a vak thui leh hle tawh. Vawin chu zirtirtu tam zawk chawhnu lamah an hman loh nual a vangin chawhma chauh kan kal a a zia khawp mai, nu Mapuii te inlamah chuan ka in khalh kawi nghala, kawngtluanin rilru nuamin ka awm lo a tih theih ang chu.
























Nu Mapuii te inbulah chuan ka scooty chu ka park tha a inchhung lama ka luh rual chuan sitting room lama nu Mapuii leh pa Maruata te lo ti ti chu ka pan phei nghal vat, tunlai chu Pa Maruata a dam tha vak lo bawka hna ah pawh a kal ngai tawh lo. " in awm em, "? ti pahin an bulah chuan ka dinga thu turin min lo ti nghal zat, " tunlai chu induh lutuka i nu pawhin a ngaih tehreng che nen i lo lang duh bawk si lo, " pa Maruata chuan nui ruh ruhin a lo ti a keipawh ka nui deuh hak, thu dang dang sawia kan ti ti luam hnuah ka rin ang ngeiin U Ephraim-a nen kan chung chang chu min zawta, U Ephraim-a nu in min pawm loh thu pawh an hre ve vek tawha eng mah ka zep bik lo.



















" Innei turin min sawma mahse keimah hian ka duh lo," ti sep in ka nui lui haka nu Mapuii chuan min khawngaih hmel zet hian min melh ngawt ngawt, " Ephraim-a nu hi chu nu sual a ni lo a nia, tunah chuan a la thawng ve em a a rilru a la hmin lo mai mai a nih hi, dawh hram hram ula remtih ni chu a nei em em a, " pa Maruata chuan a ti dap dap a nu Mapuii pawh a lo bu ve deuh nghat. " Keini pawh min lo bia a ichungchang te min zawt luam bawka, " nu Mapuii chuan a ti leha, ka chungchang a lo zawh kher chu ka ring pha lo bawk nen mak ka ti viau, " vawin tlaiah pawh lo kal a tuma nangpawh awm ve la kan ti deuh maw le, " a tih leh takah chuan min koh chhan ka hre ta chiah, U Ephraim-a nu han hmachhawn tur meuh chuan ka inpeih tawk meuh lo a ni.



















Tlai lam dar 2 velah sawi lawk ang ngeiin nu pakhat a lo langa, sawi nawn ngai lo in U Ephraim-a nu a ni tih ka hre nghal mai, nu Mapuii nen anin rual hmel viaua a hmel pawh a chhe miah lo, a vun lah chu keini la thalai deuh zawk ang paw'n a nungin a eng sarh mai lehnghal. Nu Mapuii chuan lo be nghal sawk sawkin sitting room lamah chuan a lo thut luh puia, min hmuh rual chuan chik zet hian min en a ka zam nghal em em ringawt. A mitmeng leh a chezia, a hawiher engkim chu a zahawm em em veka mahni insitna hlirin ka khat leh tawh. " Hei kan fanu Thanthani chu a nih hi, " nu Mapuii bawkin a ti leha ka zam lutuk chu hawi pawh ka hawichhuak ngam meuh lo.

















" A hmel pawh a chhiat loh hi, " a âw ah chuan min iai na pakhatmah a ti lang hauh lo, nu fing tak a ni tih a tawngkam a tang ringawt pawh chuan a hriat ngawih ngawih, " Thanthan hei hi i U Ephraim-a nu a nih hi aw, nu Dingte i ti dawn nia " nu Mapuii bawk chuan a ti leha ka bu deuh nghat, tunah tak hi chuan tawngthei lo ang chauh ka ni, sawitur nei teuh mah ila eng mah ka phuh chhuak thei lo, ka lei hmawrah a tang vek. " Han sawitan dan tur a va vang ve, " pang ngai zetin nu Dingtei chuan a ti a, tuna a tawngkam leh Meloi'n min sawidan vel min hrilh kha chu in mil lo ve tak a ni.






















" Ka fapa nen in lo in hmel duh ve ni in ka lo hria a, i hriat angin Ephraim-a hi chu ka fapa neihchhun tak meuh meuh a ni a a tan hian a tha ber ka duh sak bawk, " huat theih miah si loh hian a ti a, a thusawi tum chu ka hrechiang viau thung, a thu thleh kawi dan pawh a fing ka ti viau. " Kan fanu hi nangpaw'n i lo hriat angin hei ti hian nuthlawi mai a ni a, amaherawhchu han iai ngawt bik tur chu a ni miah lo, kan hrechianga a ni hi chu hmeichhe tha tawp a ni a keini lam chuan anin neih pawh hi kan hnial hran lo a sin, " nu Mapuii pawh chuan a ti ve a, pa Maruata erawh hmeichhe thu hla deuh a nih vangin a tawng ve lem lo.























" Midang kâ atang paw'n a nungchang leh a mizia chu ka lo hria a midang paw'n an fak khawp mai, nu ve tho i ni a nangpaw'n ka rilru tur chu i hrethiam khawp ang, vawina amah awmlai ngeia sawi ka duh chhan pawh hei hi a nia, " ti in a ngawi dat a, " ka fapa hi mi luhlul tawp a ni a amah zawk hian a hnar chuan Bawiha paw'n a pawm mai chu ka ring, chuti lo zawng Bawiha hi chuan a thu in a kalsawn hauh lo ang, a vawn tawh chu thlah leh mai mai ngai lo mi a ni ve si a, " a ti leh dap dapa sawi ber tur pawh ka hre ve lo, a tawngkamah chuan U Ephraim-a kalsan ngei tura min duh zia chu a lang a, a fapa mizia pawh a hre chiang ngang bawk.























" Dingte chuti rum rum chuan thu an pawt chat ngai lo, kan fa te hi mahni inenkawl rual, mahni tana tha leh tha lo tur thliar thiam chin chu an ni ve tawh, a in nei tur te berin an duh chuan lawm taka lo pawm mai hi keini nu leh pa te tih tur chu a ni mai lo em ni, "? Pa Maruata chu a lo tawngchhuak ve ta nge nge a, U Ephraim-a nu chu ka melh zawka ka hawisawn lehnghal, a hmelah chuan a lawm hmel vak lo khawp mai. " U Maruat chu zawng a dik khawp mai, ka sawitawha ka sawinawn leh ang, nangni paw'n fapa inneia a nupui neihna hmasa berah nuthlawi neise inti bik em ni, "? a ti ta khawlha ka thawk ka ip ngar ngar mai, a insum thei ka ti viau zawk a ni.






















Tunah erawh thil a nihdan ang angin a sawita hmiaha, a dawhtheihna in a tlin tawh bik lo tih chu mi â nileng lo tan chuan a hriat theih. " I ngaihdan tur chu ka hrethiam, mahse kei chuan ka fapa hian nuthlawi nei mahse a fela ka fapa a duat thiam dawn phawt chuan pawi ka ti hauh lo, nangmah hmin ka tum che avang ngawr ngawra sawi ka ni lo, ka ti tak zet. Chutih rualin misual leh mi tha lo na na na chu kan duh bik lo. Thanthani hi chu kan hrechianga i fapa tan pawh a tlin lohna ka hre bik hauh lo, " nu Mapuii pawh chuan a ti ve ta hmak, athusawiah chuan a ngheh hmel hle bawk.

















" Eng pawh nise inbengdai teh u, Dingte nangpawh inngaihtuah tha leh rawh, Mama- nu sawi ang khan kan fate hmangaih tu leh mi tha na na na chu hnar tur a ni ngai lo, " pa Maruta pawh chuan a ti ve leha ka awm loh laia an sawi ni zawk se ka ti rum rum mai. Pi Dingtei a haw hnu chuan sitting room-ah kan la thu renga U Mama hnathawk pawh a lo haw ve tawh bawk, ngawirengin kan thu renga an ti ti na zawng zawng te ka ngaihtuah leta ka tawt ut ut mai, ' heti taka min duh lo tu te chhungkua ah hian ka lawi duh bik dawn em ni '? Mahni chu zawhna ka in zawt mawlh mawlha, neih eng mah nei lo mah ila ka mihring mihrinna avang hian chapo rukna leh mahni induhtawkna chu ka nei ve tho a, mahni inphah hnuai taka awm reng chu a tha in ka hre bik tlat lo.



















" Thanthan Ephraim-a nen pawh insawi tlang ve hrim hrim em, "? Pa Maruata'n a tih chuan ka bu nghata, " a nu remtihna dil turin anin ah min hruai pawh a tuma mahse keimah ber hian ka duh lo a, nangni chuan in hria a ka dinhmun zawng zawng pawh tihsual nawn leh hi ka duh tawh lo, " ka ti a nu Mapuii pawh a lo bu ve nghat nghat mai, " fa te hi chu kan hnial reng thei tak tak lo a nia, i U Mama pawh Hruaii hmu tawh lo turin kan ti a mahse kan thu a zawm chuang lo, tunah chuan keimahni zawkin kan pawmpui ta tawp a nih hi, kan fate hlimna tur te chu kan duh ber alawm." Nu Mapuii chuan a ti leh dap dap a.






















Chawei min sawm ve tak na a keimah berin haw ka duh thu ka sawi tlat avangin min tilui zui bik lo. In ka thlen chuan chau zetin couch-ah ka thu thla nghal hnawk, U Ephraim-a hi eng ang paw'n duh mah ila a chhungte berin min pawm theih tak si loh ah chuan beidawn san mai ka duh rum rum tawh. Zan lamah chuan a lo leng leh ngeia nuih luih ngial ka tum paw'n ka thei der lo, U Mama kâ atang a nu in min hmuh thu te a lo hre ve leh zel bawk nen eng mah thup theih pawh a ni lo,

" ka nu chuan eng pawh sawi mahse ka thuthlukna hi ka thlak dawn lo, naktukah kan pahnih in kan be dawn nia, chutah pawh a la pawm lo fo che a nih chuan kanin ru ang, " a ti nghuta a nu sawi ang ngei khan a thil tum chu tih ngei ngei tum chi, mipa rilru nghet tak a ni ngei a nih hi.

















" U Ephraim min kalsan la i hlim zawk ka ring, " beidawng zet hian ka ti chhuak sep a, ka tan pawh hian a harsa ve lutuk, duhthlan tur dang ka nei miau si lo a. " Ka sawi tawh chu, engtik ah mah ka kalsan lo ang che, kanin neih hnu ah chuan ka nu paw'n a pawm ve mai ang, eng mah tih theih a awm dawn tawh lo miau a. A fapa hlimna hi engtik ah emaw chuan a hrethiam em em a, " ti leh nghutin min kuaha hnial lehna chi ah pawh ka ngai lo, a hmasa anga tihsual leh erawh ka hlau a ni, U Puia ang khan U Ephraim-a hi chuan min phatsan ve chu ka ring hauh lo, mahse an nu te berin min duh loh miau chuan a hmasa a kan buaina ngaiah khan ka buai leh lo ang tih pawh a hriat chuang loh.












__________ℤ𝔸𝕎𝕄ℕ𝔸________





" Hlauthawng suh, i kiangah ka awm reng anga engtik ah mah ka kalsan ngai lo ang che, " ka hlauthawng lutuk hmel a hmuh avang chuan a ti nawn leh sup a, vawikhat na na na chu ka hmangaih tan hian tuar ngam ve a ngai dawn a nih hmel, eng pawh huama min vuan tu hi keipaw'n ka chelh ve tlat tur a ni. Kan hma hunah eng pawh lo thlengse a ni nena kan hmachhawn dun dawn phawt chuan eng pawh tuar ka in huam, " ka hmangaih lutuk che, " ti lehin ka hmuiah chuan dam zetin min fawpa, a bula ka awmhi chuan ka hlima eng dang mah ka mamawh ngai lo, ka tana a inpumpek na hi ka theihnghilh leh tawh ngai lo bawk ang.

















Kawngka in ik kik karh karh thawm a vang chuan ka in la hrang vata U Ephraim-a chu a phun nghal hluk, kei ka lo nui hak thung. Lut tura ka sawm hnuah Awmi leh Rempuii an lo lut hlawla mak ka lo ti hman viau, an lo kal dawn hi chuan min hrilh lawk ve deuh ziah a tun tum erawh min lo thawng deuh thut bawk nen ka hamhaih ang reng viau. " Eh....nangni pahnih chu, " Rempuii chuan mit min lo siai zeuh pah hian a lo ti a U Ephraim-a ka en chuan a lo nui ve suk suk mai, " Thanthan kan lo thawng lutuk che u a nimaw, i mitmeng ah pawh mak i tih hmel ngang mai " nui tet tet pahin Rempuii bawkin alo ti leha, henu hi chu a nghal reuh tak tak.
















" In lo kal tur thu insawi lawk si lo a minthawng deuh mai mai, " pang ngai taka ka tih pawh chuan an pahnih in anin en a an nui an nui tho. " Lo thu ula, " ti pahin keimah chu ka tho kanga, an thut thlak rualin kawngkhar a lo inhawnga Rebec-i a lo lang zui ve nghal zat, a ni hi chu a dang ring chi tih takah a lo ri lut leh hlut tawh, ' amah chauh paw'n awmse a bengchheng tho ang ' an tih ang kha a ni miaua. " U Ephraim i lo awm ve a nimaw "? ti pahin Awmi te in karah chuan a in thawlh ve a, " awm ve a nih hi, haw ka tum deuh chiaha " U Ephraima'n a tih chuan Rebec-i chu a ner nghal nang nang mai.














" Kan lo kal vela haw tum kher, kan ti buai viau che u em ni "? Ngeiawm deuh tak hian Rebec-i chuan a ti leha, a ni hi chu thu zep hi a nei ve lo reng reng a nihna ang tawp hian thil a sawi thin, a thutak ngai lem lo thunga, amah hrechiang lo tu tan erawh ' a ngeiawm e ' tih tur ang chi kha a ni, " chuvang pawh a ni lo kei te chu ka awmrei tawh em alawm, bakah paper check tur ka ngah lutuka " U Ephraim-a pawh chuan a ti ve a a tho zui nghal bawk. Chutia a ding tak hluaiah chuan keipawh ka ding ve nghala, kawngkhar lama kanin zui phei laite chuan ngeiawm zet hian ka thian te ho lah chu an lo khuh kharh kharh lehnghala.
















" Lut tawh mai rawh ka hman hunah ka lo bia ang che " a tih chuan ka bu nghata, a kal takah chuan keipawh ka lut ve leh nghal mai bawk. " Sangha i hmeh leh velah min sawm ve ang che " ka chawhmeh bel hawng dan dan pahin Rebec-i chuan a ti a, sangha hi keimah ang tho in a ngaina ve viaua, a lo kal tuma ka lo hmeh a nih chuan a ei ve nghal ngei ngei thin. " Naktuk zingah lo ei la, " ti pahin fridge atang thlai siamtur ho ka la chhuaka, zing lamah ka tho tlai ve zeuh zeuh thin avangin zan lamah hian a then hi ka siamsa mai thin. " Chaw in ei tawh hlawm em, "? Ka tih chuam Rempuii chuan bu nghatin, " kan chaweikham rualin kanin sawm khawma kan lo kal, " a lo ti a.

















" Ephraim-a nu chuan thudang a rawn sawi leh tawh em ? " Awmi chuan ka bula rawn thut thlak pahin a ti a ka thil khawih lai chu min lo tihpui ve nghal bawk. " Sawi tih ah, vawin lamah khan U Ephraim-a nu in min hmuh duh vangin nu Mapuii te'n anin lama phei turin min sawma, U Ephraim-a nena kan chung chang vel kan sawia, " ka ti dap dap a, Rebec-i leh Rempuii paw'n min lo hnaih nghal ruak mai, " chuan, i tana hriat nuam lo tur deuhin a tawng em, "? a tih leh chuan lu ka thinga, kan thusawi ho chu chip chiar thei ang berin ka hrilh ve hlawma anni paw'n sawitur vak an hre bik lo aniang, ka sawi zawh hnu pawh chuan an ngawi deuh vang vang mai.

















" Nu mak tak a ni, a fapa berin neih che a duh a nih chuan inneih chu phal ve hle hle awm, duh vanga nuthlawi pawh i ni lo a lehlam takah chuan fa em pawh chhawm tur i nei lo a lawm zawk tur an ni in ka hria, fa nei tawh hi chu a dan a dang ve leh deuha, " Rempuii chuan a ti zui vawng vawnga Rebec-i paw'n pawmpui zetin a lo bu ve deuh nghat nghat. " Nu Dingtei te zawng nu zahawm leh fing tak a nia thil tih rum rum a duh lo a nih chu! Nuthlawi i nihna avanga iai ngawr ngawr che a ni in ka hre lo, heti zawng hian han ngaihtuah teh, i fapa duat em em in a vawikhat nan nupui a nei dawna chupawh nuthlawi mai mai ni ta se i tha a na ve ngawt lo ang maw?














Nangmah ka sitna lam che ni miah lo in chutiang rilru chu midang paw'n an pu ve vek tho ang. Kei ngei pawh nuthlawi ka ni chung hian ka fapa hian nuthlawi a neih chu ka remti bik lo ang. " Awmi thusawi chuan ka ngaihtuahna a ti kal thui khawp mai, lehlam taka ngaihtuah chuan keipaw'n dik ka ti, U Ephraim-a nu rilru puthmang tur pawh chu ka hrethiam ve deuh, a fapa nupui vawikhat neihna tura nuthlawi rum ro han neih tir chu a rilru a nuam viau lo tak ang. " Eng pawh chu ni se a fapa in a duh miau si te chuan, ama neih tur pawh ni hlei lo a buai peih e a, " ngaihsam fe hian Rebec-i chuan a lo ti ve thunga, kan rilru a in ang lo tlang khawp mai.












( VAWIN CHU KA NUAM LO NI LENGA TLEM CHU KA RAWH DAH HRAM E, NAKTUK HI KA LO DAH THEIH DAWN LEH DAWN LOH KA CHIANG LO AW, KA DAM THAT CHUAN KA LO DAH ANG )


Show post links
Top

[Ngaia]

NUTHLAWI NAUPANGTEI
( CHAPTER-22 )
STORY OF: LALNUNNGHETI TETEI







Ka thiante ho an haw hnu lawkah intifai in ka mu nghala,phone ka en chuan U Ephraim-a message a lo awm vang tawh, * i mu tawh em, *? Tih te mai hi a nia * nu chiah * ti a ka reply hnu rei lo ah naktuk lam chu inring lawk turin min lo ti nghal zat a, zam viau mah ila ka hnial duh bik lo, eng pawh hmachhawn ka inhuam ve angai tih ka hria, ka bulah U Ephraim-a a awm dawn bawka ka thla a muang ve deuh. Naktuk lama kan awmdan tur vel chu kan sawi zui luama, a nu in eng pawh sawise dawh hram hram turin min ti a, kanin neih a phal ngei tur thu pawh a sawi reng bawk. Kanin mangtha hnu chuan khumah ka mu meng kara, ka mut pawh a chhuak thei meuh lo.























Ka in let ka in leta, U Ephraim-a nu hmachhawn leh chu thinlung takin ka hreh. Dar 12 a rik dawn tep ah mutchhuak in min lo zem ta chiai chiaia ka muhil zui ve nghal. Zan lamah eirawng ka in bawl lawksa diam avangin zing dang ai ka hman hma a, dar 8 velah chuan ka inpeih fel hman vek. Chaweikhamah school kal turin ka chhuaka U Ephraim-a nen kanin tawk leh nawlh, " i kal dawn chiah em ni " keimah zawk chuan ka be hmasa a a lo bu nghal nghat. " Banah ka lo hruai ang che," a tih chuan ka bu nghata, a Car-ah thu lutin a in khalh chhuaka, keipawh school lam panin ka tlan chhuak ve nghal.



















School-ah pawh chuan nidang zawng aiin ka tawng tlema, Rebec-i chuan ka tih tur a hriatsa avangin min hnem mawlh mawlha, zam lo tur te'n min fuih pah bawk. Engthil pawh thlengse tap miah lo turin min chah thlap bawka a sawikim ka ti viau mai. Mahse keipaw'n ka tah mai ka hlau ve tho, min lo tawngkhum chiam ta se ka mittui ka dang zo leh kher awm si lo. Nimin lawkah a fapa kalsan turin min hrilha tunah ka va hmu lehnghal dawn bawksi zakthei lo chu minti ve chiang ngawt ang. School banah chuan U Ephraima'n min gate bul atang min lo nghaka, ka scooty chu Sangsangi'n min khalh haw sak dawn thung.





















" I zam em, "? Car chhunga ka luh rual rualin U Ephraim-a chuan a lo ti a ka bu deuh nghat, ka thinphu a rangin ka tha te a khur der der mai. Kan tlanchhuah hnu ah chuan kanin be leh ta lem lo a, a hmelah chuan keimah ang tho in a zam ve tho tih ka hria. Anin kawta kan din hnuah chuan a chhuk nghala kei erawh ka la thu reng thung, ka sawitur te ka ngaihtuah pah bawka, ka in tehkhin ber chu interview hmachhawn tur a ni, tuna ka awmdan nen hian a in mil bawk em a tin ni. " Lo chhuak la, " U Ephraim-a chuan ka thutna lam kawngkhar lo hawn pahin a lo ti sup a, thawk la deuh kawk in ka chhuaka, U Ephraim-a chuan nghet zet hian ka kut chu a kut lum ther ther chuan a lo hum lum nghal vang vang.


















Inchhung lamah chuan kanin zui luta mi pathum chenna atan chuan anin hi lian tawk tak a ni, kan hawi kual ngial paw'n tumah hmuh tur an awm lo a, ka kal tur hi an hre lawka an lo kal bo daih emaw ka ti rum rum mai, ngaihtuahna pawh a dik thei tawh lo, thil ni lo lo hlir ka rilru ah tun atan chuan a awm. " U Bawih, " U Ephraim-a nau hmeichhia tê khan a lo ti a inchung atang a lo chhuk mek bawk. " Khaw nge ka nu, "? U Ephraim-a chuan a lo ti nghala a nau chuan min lo melh zawkin a hawi kuala, " pangpar huan lamah aniang, ka va ko ange " tih leh kalsawn a ruala, U Ephraim-a chuan sitting room lamah min hruai pheia " tah hian lo thu rawh, " a tih sup chuan ka thu thla nghal zat.
















" Lo awm lawk rawh aw, " a tih chuan ka melh chho kar a, tumah awm lo mahse mahnia awm chu ka duh bik chiah lo, " ka rei lo ang lo thu rawh " tih leh kalsawn a ruala rilru bet lo zet chuan sofa-ah ka thu a, ka hawikual ruai bawk. Banga thlalak intar ka hmuh chuan tho kangin ka han en chiang deuha, mipa thlalak intar chu U Ephraim-a pa a nih ka ring nghal hmiah. Fiah vak tawh lo mahse a hmelchhe lo tih erawh a chiang viau, a palian in a zahawm khep khup khawp mai, an nu leh pate pawh an tê chhe lo bawka U Ephraim-a te unau pawh an sanga an taksa a tha bawk. Chutia thlalak en paha ka rilru ka lo kawm melh melh lai chuan tawngri ka hria a, ka hawi phei chiah erawh ka tek deuh chhawk in ka hria.
















U Ephraim-a nu in min lo en reng tih ka hmuh chuan tih tur ber pawh ka hre lo. " Khaw nge ka U kha "? U Ephraim-a nau zawk chuan a lo ti a ka hriat loh thu in ka lo chhang vat, pi Dingtei chu sofa-ah a thu thla hnawka keipawh tim dai in a piah zawkah chuan ka thu thla ve zal zala ka zam zia hi vawitam tak sawinawn fo a ngai, ka zam ve bawk em a ni. U Ephraim-a a lo lan rual chuan ka thaw deuh huai mai, khawiah nge maw a va kal reng reng ni, " ka thuthlukna chu nimin khan ka hrilh chiang viau lo che em ni, "? pi Dingtei'n min melh ran paha a tih meuh chuan ka zak chem chem mai. Nimin mai khan min duh loh zia a ti lang chiang em ema kei lah a tuk maiah ka kal lehnghal mai sia, zakthei lo chu minti ve ngawt tak ang.

















" Nu tha te te in sawi ho ang u, " U Ephraim-a chuan a ti deuh nghuta a hnung lamah chuan an hmuh loh turin ka kheuh nghal zeuh, " tha te te chuan nimin lamah kan sawi tawh, ka hrilh tawh che kha hetia i lo hruai hian in in ti mualpho tam mai mai, " pi Dingtei lah chuan a ti tan tana ka tan hriat nuam lo hle mahse ka hmelah chuan ka beidawn zia ka tilang bik lo. " Nu i mak em mai keipaw'n vawitam ka sawitawh a ni lo chu tumah nupuiah ka nei dawn lo, min hriatthiam tum teh " pakhat lah chuan a ti nghet charha, an ngawih zui vang vang takah chuan inchhung chu a reh thiap mai, hriau pawh tla se a ring ngawt ang tih tur a ni.
















" Thani, Ephraim-a ngaihdan hi i ngaihdan leh i duhdan a ni ve reng reng em ? Nimin lamah chiang deuhin ka hrilh che a ka fapa tan hi chuan a tha ber ka duh sak thu pawh ka hrilh che kha, ka pawm miah lo chung che pawh hian neih luih tho i tum em?" pi Dingtei bawk chuan a ti leh zung zunga, chhan tuma ka ang ziau lai chuan U Ephraima'n min lo tawng khalh leh, " inneih ngei kan tum, chu chu kan pahnih ngaihdan dik tak a ni " a ti chhum leh hmuk tawh, " nang ni lo in a ni kha ka zawt " pi Dingtei pawh chuan a ti ve nghat, U Ephraim-a a tawng leh dawn lai chuan ka lo dang nghal vat.


















" I phalna tel lo a neih chu ka duhdan a ni ve lo, amaherawhchu min pawm hma ka nghak thei thung. Min duh loh chhan zawng zawng ka hria a ka dem miah lo che, U Ephraim-a hi kei ngei paw'n ka phu loh zia ka hria a, chuti chung pawh chuan ka thlah thei bik lo a ni." Ka rilru dik tak ka sawi chhuah ngam tak avang chuan ka thawl hawk nimai hian ka hria." Hmeichhe fing tak i ni a i hriatthiam pawh ka ring reng a ni, mahse hei hi ka hrilh nawn leh ang che, ka phal hun chu i nghak chhuak thei kher lo ang " ti ve lehin a tho zui a U Ephraim-a pawh a ding chhuak ve nghal vut.




















" Nu tihian awm lo teh " a âw ah chuan kei ang tho in a beidawng ve tih ka hre thei, a nu kalsawn chu a umzuia kei erawh ka thut dan ngaiin ka la thu reng thung, " ka nu hi chu rilru nghet mi a nia ka U pawh hian a chhun khawp a sin. " U Ephraim-a nau chuan a ti a a kalsawn zui ve nghal bawk. Vanduai tur bik hrim hrima piang nimai ah ka in ngai tawh, ka hlim ve thin ngei alawm ka hlim chhung erawh a rei lo em a tin ni. U Ephraim-a alo let leh tak hnu chuan ka kuttah chelhin min kai chhuak nghal dawr dawra, pi Dingtei'n " Vanrammawi i duh dan dan chuan awm rawh " a rawn tih zui te chu ka hre chiang ngang mai.

















Ka inthiam lo a nuam lo ka ti tak zet. A Car-ah chuan min thut luh tira, min thut luh tir tih ah min hnawh lut a nimah zawkin ka hria, ka chungah zawk a thinrim emaw tih tur khawpin a nelawm loh. Kan tlan chhuah hnu pawh chuan a tawng miah lo a keipaw'n ka be bik lo, ka inah min thlah nghal mai dawn emaw tih laiin a car chu a her leha anin lamah bawk min let pui leh. A hmel a nelawm loh em avang chuan kan kalna tur zawh tak ngial pawh ka ngam lo, anin pen kawi na lamah chuan a tlan zela amah chu ka melh leh zawk zawk thina a hmai sen tawn tawn a tang chuan a thinrim zia a lang chiang ngang mai.

















" Helai hi, " Car a tih din rual chuan ka ti deuh hliaia, min duh thu min hrilhna hmun ngei kha a ni. " I la hria maw "? ka lama lo thle deuh paha a tih chuan ka bu nghat, he hmun kher hi chu ka theihnghilh tawh kher paw'n ka ring lo, " chhuk ila " a tih leh takah chuan kan chhuka, a hmun pawh anawm dan a la ngai reng mai, thlasik lai ai mah chuan nipuiah hian a nuam leh zual nimai in ka hria, thli thaw chuan ka sam a chhem leng heuh heuha ka hahdam sawng sawngin ka hria. Intê pakhatah hian min luhpuia thutna lo awmah chuan ka thu thla a, a ni erawh a kekawr ipte zen tat pahin thlang lam a thlir daih thung.

















" Ka nu in eng pawh sawi mahse eng ngah mah ngai suh ang che, min kalsan i tum a nih vaih chuan ka lawm lo khawp ang " lo in her paha a tih chuan ka lo melh deuh kar, he thilah hian engtia rei tak buai ang maw, " nangpaw'n thilpakhat min tiam ve rawh, " ka tih chuan mit ti zim deuh sun hian min en a, a ngawi deuh vang vang hnuah " eng thil " a ti thum dut a " i nu remtihna tel lo in min nei lo ang tih intiam rawh, " ka sawi zawh rual chuan a nui deuh huka, a nuihdan lah chu a ngeiawm ru phian mai a mit mengah pawh ka thusawi chu a pawm lo tih a lang vek. " Kha chu ka tiam thei lo che, ka nu hian a rilru thlak lo ta se nupui nei lo in ka awm reng dawn a sin, " ti pahin a hawisan nghal daiha hahthlak ti fe in ka melh deuh tawp.
















" Mintiam thei lo tihna maw? A tha e a nih chuan neih che ka duh lo " ti ve hmak in ka dingchhuaka kalsawn ka tum chu min lo dang vat, " ka nu hi ka hrechianga a thu a sut mai mai dawn lo, a remtih hun kan nghak a nih chuan engtik ah mah kanin nei lo ang, " beidawn hmel zet hian a ti deuh hmuka ka kut a hmer nghet sauh bawk. A nu remtihna nghah chu a chi dawn loh tih a tawngkamah a chianga, kei lahin chhungte remtihna tel lo a pasal neih ka duh tawh bawk si lo. A hma ang bawk khan ka chan tur chu hmuhsitna leh diriamna bak a ni leh lo bawk ang.

















" U Ephraim ka hrethiam che alawm, keiin ka hriatthiam che ang bawkin nangpaw'n min hrethiam ve la ka duh, neih loh che ka duh lo tihna a ni lo a, nghak rih ang ka tihna zawk a ni. Mihringte chu rilru inthlak thut thut thei kan nia i nu pawh in engtik ni ah emaw chuan min pawm ve em em ang, chu chu ka ring tlat a ni. Min pawm ngei theihna ka theihtawp ka chhuah bawk ang " a kut vawnsak pah chuan ka ti a a mittah tak chiang zetin ka melh bawk, ka thusawi hi hrethiamse min ring tlat se ka duh a ni. " A tha e, kumin chhung chu ka nghak ang a bak erawh ka thei lo, kumin chhung ngeia ka nu in a pawm lo che a nih chuan ka nei lui tho ang che " a tih tak nghutah chuan ka hnial zui tawh lem lo.


















Ka inthleng chu min thlaha tih tur dang a neih vangin a lo pengkawi tawh lo thung. In vel ka tihfai thuak thuak hnu ah inbual turin bathroom lam ka pana, ka luh dawn lai vel takin khuma ka phone dah chu a lo ri ral rala ka pan pheia min lo call tu ka en chuan mak ka ti viau mai. Tun hi vawikhat min lo biak ve hmasakna a ni hialin ka hria, " hello " ka phobe chu ka beng zawnah dahin ka ti sep a, " Thani i pu a tha vak lo a i hming alam reng bawk nen i lo haw thei angem " Ka pitei chuan amah nena in mil lo zet hian a lo ti dam thluama, ka pu a that loh thu a rawn sawi avang chuan ka nghing deuh lawih. " Engtin nge ka pu chu a awm a " âw khur deuh dar dar pah chuan ka ti a, ka pu hi kum upa lam a ni ve tawha dam lohna erawh a nei ngai mang lo thung, chuvang tak chuan tunah pawh hian ka hlauthawng zual.
















" Lu hai in a tlu a, zing kar a tang a lo la harh leh lo hrim hrim " pitei thusawi chuan min thawn em avangin khumah ka thu thla nghal hnawk. " Thani sawi tawp mai ila Doctor te paw'n a dam chhuah an rin loh thu an sawia, " in hnit hlawp hlawp paha a lo ti leh chiah chu awmdan tur reng reng ka hre tawh lo, ka pu min duat em em tu leh min hmangaihtu awmchhun ni a ka lo ngaih chuan min kalsan tur anga ka ngaihtuah ringawt paw'n ka ā vek dawn hialin ka in hria. " Eng tin mah a awm lo ang a tha leh dawn " keimah chuan ka phun mial miala pitei min biakna pawh ka ngaihsak tawh lo. Rang zetin ka thawmhnaw bawm ka haia ka thuhriat in min thawn em avangin ka che reng reng chu a buai nuai tawh.

















Hmanhmawh taka ka che ve te chu muang ka in ti in keimah leh keimah pawh chu ka in ngaithei der lo. Kut khur dar dar paha ka thawmhnaw bag-a ka khung lai te chuan ka mumal hlawl lo, ka thawmhnaw ken ho pawh eng mah en chianna chang ka hre tawh lo ka hmuh hmasak a piang chu ka hnawh lut nghal tawp. Wardrobe ka hawn ruala ka pu kawr tur ka leisak ka hmu chiah phei chu insum hman lo in ka tap chhuak hawk. " Pu min lo nghak rawh lo kal rih suh aw, " ti pahin ka thu chhuaka ka bag chu khaiin pawn lamah ka chhuak zui nghal. Ka rilru a buai tawh em avangin ka scooty pawh chu ka khalh ngam lo, sumo counter lamah phei turin taxi ka changa ka rilru a hmanhmawh tawh bawk nen taxi pawh chu hmu har ka in ti nghal viau.


















Kawnga ka vei tawn sek lai chuan Car pakhat hi ka bul deuh lawkah a lo dinga ka hawi phei rual chuan U Gaby-a ka hmu nghal zat, " i tha em ? Ti nge i va hlauhthawn hmel ve " ka hmaa a din lai pawh ka hre hman lo, a zawhna pawh chhang lo in mittui luang ngiai ngiai chung chuan ka melh deuh tawpa, tawngchhuah chu duh hle mah ila ka hrawkah hian eng emaw hian min hnawh deuh tlat ni in ka hria eng mah ka sawi thei lo. " In bengdai la zawimuangin sawi rawh le, ti nge hetia i awm "? Ka awmdan hrethiam zet in a ti dam thluama chutah zet zawng insum hman lo in âwrawl chhuah meuh chuan ka tap chhuak ta hawk.


















Hmeichhia chu tawngkam na tak aiin tawngkam nemin mittui a ko chhuak duh an ti thina an sawi dik a ni, rilru nat laia tawngkam nem taka min han biak meuh chuan kan rilru no a ko chhuak nge nge. Min lo awm hnaih deuhin ka hnungah chuan a lo benga min kuah deuh ti tih bawk, kei lah chu ka tap uar sauh mai bawksi. Khawlaiah kan awm a ni tih te chu hre lo ang hmak ka ni, lehlam takah chuan ka awmna lai hi chu mipui vei vak tam lohna lam a nia a zia tak a awm, a âwma min bei tir takah chuan ka hahdam deuh huai in ka hria, ka mangan laia min hnemtu awmchhun a nih vang nge ka hre bik lo, ka thla a ti muang tak zet.






















" A chhan i sawi thei tawh em "? Ka tah chhuak zualpui a reh hnu chuan ka zai ngai tak hian a lo ti dam thluama, a tak a tang chuan ka awm hla nghal vat a, amah a lian bawk nen min la uap hneh em em tho. " Ka....ka pu luhai in a tlu a a dam chhuah an rin loh thu an sawia " tap tiau chuan ka ti a U Gaby pawh chu ka en lo hnuailam ngawt chu ka bih, " lung ngai suh, lu hai satliah mai mai te chu a tha lem em em ang " min hnem tum zet hian a ti a kei erawh ka la pang ngai thei lo fo thung. " Luhai satliah mai mai a ni lo, ka pu chuan thisen sang leh zun thlum pawh a nei tel a, chuvang tak chuan min kalsan mai ka hlau a ni " inhnit deuh feih feih pahin ka sawi bawka, a hrechiang kher paw'n ka ring lo.


























" Chuan in khuaah chuan haw i tum tihna em ni, "? A tih leh chuan ka bu nghal nawk nawk, " tun angah chuan taxi i hmu lo ang, scooty lah chu i khalh thei dawn der si lo " a tih leh ngat phei chuan ka tah a ti chhuak zual, ka beidawng ngawih ngawih. " Ka thlah ang che motor-ah lut rawh " a thusawi avang chuan ka hawichhuak vut a a hmelah chuan a ti tak tak zia ka hmu, mahse kan khaw thleng thlenga min thlah tur chu mak ka ti viau, helai a tang chuan kan khua hi a lo berah dar kar 10 tal tlan a ni hrim hrim. Ka bag khai lai a lo lak takah chuan harhchhuak thutin ka lo dang vat, " a ngai lo heta tang chuan a hla a sin " tipaha ka bag lak ka tum chu min lo dang tlat.




















" Lut mai mai rawh i Pu chu i hmuh hman loh i hlau lo em ni " ti pah chuan bag chu a seat hnungah a dah a, ka pu hmuh hman lo ka hlau bawk nen rilru fim ka hmang thei hlawl lo, a tawpah chuan motor-ah chuan ka thu lut ve ta ringawt. A tlan chhuah hnu pawh chuan ka tha ala khur ru der dera thawk lak pawh a harsa lam mah a ni. Kan tlan chhung zawng chuan ka tawngtai char chara U Gabya'n chawlh ka duh leh duh loh min zawh pawhin ka duh loh thu in ka chhang vat, kan chawlh chhung in eng pawh a thleng thei tih ka hria a ka thla a muang hlawl lo. Tlai lam deuha chhuak kan ni bawk nen khawchhung kan luh meuh chuan Zanlai dar 12 a ni der tawh.




















Kan veng lam pang te hrilhin U Gaby chuan kanin kawt thleng min thlah thlapa, zanlai a ni tawh bawk nen haw tir leh mai chu ka hreh ve deuh avangin lut turin ka sawma a duh bik mai lo. " Thanthan " Pute-a âw ka hriat chuan ka hawi pheia min lo pan mek chu ni in, " naktuk lamah emaw i lo kal dawn kan ti a sin " ti pah chuan ka bula U Gaby ding chu a melh zawka, chumi hnuah keimah bawk chu min melh lehin zawhna mitmeng hian min en a, " ka school thawhna a kan principal a nia min lo thlah a nih hi, " ka tih takah chuan chibai pahin lawmthu te a hrilh zui luama lut turin a sawm ve nghal bawk.






















" Tun ang huna i haw chuan zing dar 10 vel bawrah bak i thleng lo ang, in lo kal lam nen i chau awm si i motor khalh laiin i mutthluk te a hlauhawm alawm, lo mu hahdam la, naktuk chawhnu lamah muang marin i haw dawn nia, " Pute-a bawkin a ti leh zung zunga U Gaby paw'n a hnial tawh bik lo. Inchhunga kanin zui luh chuan pitei chhungte lam leh kan hmelhriat thenkhat te an lo awm nuala, a thenin haw an lo tum mek bawk. " I pu dam loh avangin min lo riahpui ve hlawm dawn a nih hi " Pute-a bawk chuan a ti leha, ka pi awmna ka zawh chuan a mut tawh thuin min chhanga, U Gaby-a ka melh leh zawk chuan a mit a lo sen ram tawh.


















" Pute room ruakah khan U Gaby hi mu ve maise, " Pute-a melh pah chuan ka ti a, midang ho bula han muttir ve tawp chu a dik in ka hre lo, bakah a ni ngat phei chu chhuatah a mut theih pawh ka ring lo. " Ava buaithlak ve, in lo kal dawn tih lo hre lawk ila tha tur a nia, i pitei nau fate ho an mu a " a tih chuan ka thaw deuh hak, " i room lamah muttir mai la, nang chu duh leh i pi bulah mu mai rawh " a tih leh takah chuan ka bu deuh nghat. U Gaby chu mit meiin min zui turin ka ti a, chumi hma in ka pu eng mah hre lo a mu bam chu a kut ka va vawnsaka ka mittui bawk chu a lo tla leh tawh.


















Putea'n U Gaby-a room lama hruai phawt turah min tih takah chuan ka room lamah ka phei puia, room chhung ka han lut chu ka lung a leng thar rum rum mai, ka khum te chu a ngai ang thlap in a lo la awma, ka awm loh laiin an lo tihfai thin tih hriat takin hnawk em em pawh a awm lo. " Insilfai duh em, "? Ti pahin U Gaby chu ka melha a lo buk nghut takah chuan ka towel pe in bathroom awmna lam chu ka hrilha, a intihfai chhungin bed shhet vel chu ka thlak saka, ka zawh rual deuh thaw in a ni pawh bathroom atang a lo chhuak. Tawnzau var leh kekawr bul dum a ha tawpa a kamiz leh a kekawr chu a lo keng chhuak thung.















" Zanin chu ti hian mu phawt mai rawh, khawi i kawr kha chu ka lo dahtha ang naktuk zingah chuan pute-a kawr i ha chhung mai dawn nia, " ti zung zungin a kawr chu ka laksaka khum lam a pan takah chuan, " tui deuhin i mu dawn nia " ti leh sep in ka chhuahsana, a kawr ka ken chu ka pite room ah hanger in ka khai sak thlapa. Ka mut ve meuh chuan khua a eng deuh thet thet tawh. Ka mut hmunah te chuan ka Pu ngawt ka rilruah a awma mut pawh muhil mai thei lo chuan ka in let tawn sek ringawt. Ka rin ang ngeiin zing lamah chuan thawh ka hai chiang ngang mai, room lamah ka pi a lo luh chuan min lo pan vat a " tukin zingah ka hmu thut che a mak ka ti lutuk alawm, in lo thlen lai reng reng ka hre lo, " ti siam siam in ka sam chu a lo chul a.
















" Kan lo thleng tlai em alawm, ka pu a harh tawh em?" Ka tih takah chuan tukin chu a harh that thu in min chhanga, " intifai la i lo chhuak dawn nia " tih leh room atang chhuah a ruala keipawh khum atang ka in perh tho nghal vat. Pindan atang ka chhuah chuan midang pawh an lo tho vek tawha, dam lo awmna in pawh a ang lo naupang rual an awm bawk nen thawm pawh an nei tha viau, va kal pheiin bengchheng vak tawh lo tur chuan ka va hrilha an ti nghak dak mai. " I thianpa pawh a tho tawhin ka hria a in thlahrung deuh nge a lo la chhul ve loh dan ah, " Putea'n a lo tih chuan ka room lamah chuan ka lut phei a, U Gaby-a ka khum bula lo ding run ka hmuh chuan ka pan phei nghal vat.












( NIZAN LAMAH KA LA NUAMSAM LO DEUH BAWK NEN KA LO DAH LEH THEI TA LO A, A PAWI KA TI KHAWP MAI, ENG PAWH NISE A STORY HI A THUI LUTUK TAWH DAWN LO A CHU CHU NANGNI PAW'N IN LO HRE DAWN NIA )


Show post links
Top

[Ngaia]

NUTHLAWI NAUPANGTEI
( CHAPTER-23 )
STORY OF: LALNUNNGHETI





" Lo chhuk la thingpui te lo in rawh " ka tih chuan min melh deuh vang vanga a hmui tu sawi zeuhin, " tihian maw, "? tipah chuan a in enkuala a thawmhnaw ka laksak daih tih ka hrechhuak leh hnu hnawh, " lawkin tikhan lo awm rawh " ti leh room atang chuan chhuah ka ruala, inhnuaia Pute-a thingpui lo in chu ka pan pheia " pute U Gaby sawn kawr hak tur a lo keng si lo a rei lo te chu i t-shirt lo ha hawh lawk se " ka ti a, kamiz tlawng hak tir kha chu tlai lam daiha chhuak tur a ni bawk nen a hreawm in ka ring." Ka thawmhnaw bawm a tang khan va la mai ta che " a tih takah chuan chhang tawh lem lo in an room lamah chuan ka lut phei a.























T-shirt pawl duk deuh chu ka la chhuaka kekawr erawh chu a haklai tawp kha ring mahse a pawi hranin ka hre lo. A thawmhnaw hak tur keng chung chuan ka room lamah ka pheia, " hei hi ha rih mai rawh aw, nilenga kamiz hak chu a lum bawksi a hreawm ang " ti zung zungin kawr chu a hmaah ka va lek chhuaka, " haw nghal mai ka lo tum a sin " thum dut a a tih chuan ka ngawi deuh vang vang, " nizan lamah kan thleng tlai sia i haw leh nghal chuan i chau lutuk ang, " ka ti let ve sep a, a ngawi deuh vung vung. " I pu chu a zia deuh tawh em, "? a tih leh tak daih ah chuan a that tawh thu in ka chhanga, " a nih chuan inkhua hi ka vawikhat lo kalna a ni bawk nen min fankual pui ve dawn em "? ti leh dut in ka t-shirt ken chu a lo bana ka nui deuh hak.





















" Ka ngaihtuah tha dawn nia " ka tih ve takah chuan a ni pawh a nui deuh hawk, room atang ka chhuahsan hnu chuan ka pi in room lama ka phone dah a rik thu min lo hrilha, room lamah chuan ka phei nghal vat. Min lo call tu chu tudang ni lo in U Ephraim-a a lo ni, nimin lamah ka rilru a buai deuh bawk nen biakna hun pawh ka nei lo a, kan khaw lama ka haw thu a hriat chuan mak a ti ve viau ang, " hello, i tha em "? Ka bengzawna phone ka dah rual chuan a lo ti a, a âw ah chuan min ngaihtuah hman leh viau tawh a nih hmel. " Tha e, kan khaw lamah ka awma," ka tih chuan a reh deuh vang vang mai.

















" Nimin lamah khan ka kala ka hmanhmawh bawk nen hrilhna hun che ka nei lo a " a tawng mai loh avang chuan keimah bawkin ka ti leha, " ka ngaihtuah lutuk che alawm, min hrilh hman lo khawpa in khaw lama i haw chu chhan tha tak a awm ngei anga, " min zawt pawh ni chiah si lo a a tih leh chuan ka thaw deuh hap, " ka pu luhai in a tlu thuta a serious lutuk tih min lo hrilha ka hlauthawng lutuk khan hrilhna chang che pawh ka lo hre lo alawm " ka ti siam siama, U Gabya'n min hruai thu hrilh ta ila a thinrim mai angem tih chu ka rilru kap tu lian ber a ni.


















" A zia lo hle mai, hria ila chuan ka kalpui tur che a nia " inthlahrung âwka taka a lo tih chuan keimah zawk hi ka inthiam lo, amahai U Gabya'n ka harsatna a hre hmasa zawk tih hre ta se a lungawi hauh lo ang, buaina ka tawhlaia U Gaby-a lo lang thei lutuk hi mak pawh ka ti zawk hial mai. " Eng pawh nise in enkawl tha la i lo haw dawn hunah min hrilh la ka lo hruai ang che " amah bawk chuan a rawn ti leha min hmu thei lo mahse ka lu chu ka bu deuh nghat." Ka pu dinhmun hi ka han ngaichang deuh anga a that deuh chuan kar tharah lo haw ka tum ang, " ka ti let ve a, kanin biakna kan tih tawp hnu chuan ka thaw leh deuh halh.






















Inpui lama ka chhuah phei chuan U Gaby pawh thingpui no dawmin thutthleng sei pakhat ah a lo thu vung tawh a, a tshirt pawh chu a inhmeh khawp mai. Ka pu awmna room lamah lutin a bulah chuan ka thu thla a, a kut ka vuan chiah chu a lo menga min hmuh chuan tawng tumin ang deuh hian a awma, a mah a chak lo bawk nen a sawi duh pawh a sawi chhuak hlei thei lo. " Thante " chiang lo deuh hian a lo ti tial ruaia " aw pu, hahdam rawh i bulah ka awm reng a nia i tha leh vat ang, " ti mawlh mawlhin a lu ah te chuan ka chulsaka ka lainat tak zet, tih theih lah ka nei bik der si lo.




















" A lo harh tawh em " ka pi lo lut ve in a tih chuan bu nghutin " harh tawh, mahse a la harhchiang thei lo a chhing lehnghal zel " ka ti a, " a ngai thei lutuk che a i lo haw tawh bawka a dam sawt sawt mai ang, " ka pi pawh chuan a ti ve leha, ka bulah chuan lo thu thla ve in ka pu chu a melh vang vanga a mit mengah chuan natna tamtak ka hmuhsak thei hialin ka hria, ka pi leh pu te hi chu anin hmangaih zia ka hria a hetia ka Pu in a kalsan tur anga a ngaih pawh hian a na ve ngawt ang le. Chawei a hun dawn tawh avangin ka pu chu ka thawhsana, ka pi erawh a che sawn miah lo thung, chawei phawt tura ka hrilh paw'n a riltam loh thu a sawi tlat a a tawpah chuan ka chhuahsan ta nge nge.





















" I pi chu chaw a ei peih dawn em " pitei chuan min kal pelh pahin a lo ti a, ka thlen tirh ata vawikhat min biakna, ka sawi tawh ang khan pitei hian min mil vak lo a chuvanga tlawh ngai lo pawh ka ni. " A ei chak loh thu a sawia " ti pahin choka lamah chuan chawei siampui turin ka luta, pitei nau fa nu te an lo che leh sang sang tawh, " Thanthan i lo hruai pa saw i school thawhna a in principal maw, "? An upa ber Ruatsangi chuan a lo ti a U Gaby te thutna lam chu a hawi pah kher bawk. " Um a nih saw " ka tih chuan min zawh chhun zawm tawh bik lo. Anni hi Unau pathum an nia hmeichhia vek an ni bawk, an in lam ai mah chuan hetah hian an awm tam a, pitei chhungte lam zawk ni mahse ka pi leh pu te pawhin an en hrang ngai chuang lo.



















Heta ka awmlai chuan kanin kawm ve zeuh zeuh thina, a nu in min kawm a phal vak loh avangin keipawn ka hnaih duh ngai bik lo, mahse an milai Olivia hi chu a fela a ni nen tak hi chuan kanin pawh ve deuh viau. " U Thanthan eng mah min lo hawn lo em ni "? Olivia-i chuan a nu te room lam atanga lo chhuah pahin a ti a a nui deuh sang bawk, " chaweikhamah ka pe dawn che a nia, thil tha deuh ka leisak che " ka tih chuan a phur thiam leh ngang mai, ka thawmhnaw bawm a tang khan ka hmuh hmasak apiang ka la chhuaka tah khan an unau thil tur ka khung tel bawk, kei tak paw'n tukin zinga ka hai nawn leh ah chiah ka hmu. olivia-i hi chu a U ang lo takin a nu mitmei hi a veng ve lem lo a duh danin a awm mai thin, hmeichhe fing leh fel tak a ni a hei vang hian keipaw'n ka ngaina zuala nau ang tak tak a ka en thin a ni bawk.






















" Olive i pa te saw va ko rawh " pitei chuan dawhkana chawhmeh hung deuh chawrh pah hian a ti a ka phu deuh zuk nghe nghe, Olivia-i a melh dan chu ka hai mawlh lo, kei min biak that avanga thinrim a ni tih chu hrilh nawn ngai lo in ka chiang viau. Olivia chu a pa te ko turin inpui lamah a pheia rei lo ah U Gaby leh a pa nen an lo in zui pheia, U Gaby chuan a tukhum a hiat leh neuh neuh thina a zak a nih hmel. " Inthlahrung reng reng suh aw chawhmeh phei chu kan nei lem chuang lo a " Putea chuan U Gaby-a chu a be pah renga, tlem chuan U Gaby pawh a zah loh hmel ve deuh.


















" Ni e tui deuhin ei rawh " nui har harin pitei pawhin a ti ve a, U Gaby hi principal a ni tih hre lo se chu a be tha leh duh miah lo ang, a pawi kan sawita emaw tih tur khawp khan a hmel a nelawm lo leh anga, hlawh nei ho hi chu a be chhe phal lo tawp. Chaw chu kan ei a U Gaby chu ka melh leh zawk thina thingtlanga kan chawhmeh siam ang hi chu a ei theih vak pawh ka rin loh nen a ei tui ve hmel phian. Chaweikhamah chuam eina vel kan tifaia thlengsil ka tum chu Olivia chuan min lo dang deuh tlata, " Biakthani khan sil rawh se " pitei bawk chuan a lo ti leh nghal hmiah tawh.





















" Keiman ka sil thei tho alawm, a thianpa saw a awm loh san reng chuan a lo inthlahrung ang " Olivia zawk chuan a ti deuh tlata ka apron ken lai chu min chhuhsak zui bawk, pitei ka va melh zawk chuan ei loh hmel zet hian min lo en a nuam lo chu ti hle mah ila ka hmelah chuan ka ti lang duh bik lo. Zai rat rat pahin choka atang chuan ka chhuaka ti khan min sawi zui leh char char mai ang. " Thante i thianpa hi a haw hma in khua vel fanpui ve ula " Putea'n a lo tih chuan Ruatsangi zawkin, " nia vawin chu tih tur pawh kan nei chuang lo, " a lo ti deuh var a U Gaby hi a duh ru ve deuh tih chu hai chi a ni lo.




















" Aman a duh leh duh loh a nimai lawm " ka ti ve sep a, dik tak chuan Ruatsangi a tel ve dawn chuan ka phur bik lo. Kuma in rual reng si hi kanin mil thei lo a, a hma kha chuan inkawm ve bawk thin mah ila mi el rana awm thin a ni bawk nen kanin mil hleithei lo. A nutei leh a nu chu amah hian a chhun ber a an mizia zawng zawng pawh a in ang vek. " Kan khua hi i vawikhat lo kalna a ni sia leng thawveng ve la, " putea bawk chuan a ti leha U Gaby pawh a bu deuh nghut, " len chu i duh tak tak a mi "? putea a kalsawn hnuah chuan ka ti nawn leha, dik tak chuan ka chhuak vak peih hlawl lo.





























" Duh ve tho e inkhua hi ka vawikhat kalna a ni sia min kal pui peih loh paw'n i unaute ho an awm tho a " a tih takah chuan ka melh rum viau, a ler ropui si in mil viau lo mah ila chhungkhat tho kan ni a mipa avanga an buai chu ka duh bik lo. " Ephraim-a i hrilh tawh em "? A lo tih leh tak daih ah chuan ka lu ka thinga mit ti zim sunin min melh leh tawh, " a hma anga buai leh kha ka peih tawh lo a nia, i buaina hi i bialpa aia hriathmasak fo hi ka duh lo, chuti chung chuan ka hre hmasa zawk ziah sia. " Ti dut in min melh ngura keipawn a hmasa anga buai kha chu ka duh bik lo, mahse U Gabya'n min hruai tih ka hrilh chuan a thinrim leh dawn chiangsa.

























" Nizan lamah biak ka tuma signal ka neih loh vangin ka be leh ta lo a, nangman tunah bia la hrilh rawh. An college building an siamthat dawn avangin chawlhkar hnih vel chu an chawl ang, duh leh lo kal ve se, " a ti zui leh luama a ni leh ni lo angin a tawngtam ve phian, ka ngaihtuaha keipaw'n hrilh chu tha ka ti nakina kan buai zui mai loh nan. Tunah chuan lo thinrim pawh ni ta rengse a rei anga a hrethiam ve leh mai ang, ka hrilh ni miah lo a a hrechhuak a nih chuan thil a pawi thui zawk thei ve tlat. " Ka be nghal ang min hriattiam ka beisei " ka ti ve ta sep a.























" Ephraim-a hi i hriat ang khan a bialnu hmasa in a thihsana khata tang khan tumah midang a duh leh tawh ngai lo, nang i lo lan hma zawng kha chuan. Tunah chuan a nunah i lo lang ta bawka, a duh zia che pawh nang ngei pawhin i hriat kha, a thikthu chu chhe ve viau mahse a rilru a zau a nia " a ti leh a, kanin hriat chhungah tun tum hi a tawngtam ve ber tum a ni hial ang. U Ephraim-a be tur chuan pawnah ka chhuak ta ngeia thilsual ti inpuang tur ang mai ka zam lutuk ringawt. Call lah chu a chhang har phian lehnghal, a ring tawp dawn emaw ka nih hnuah thawm ri rak rak a awma U Ephraim-a âw ngei chuan, " aw hello " a lo ti nghal vara ka thaw leh halh tawh.



















" College i kal mi, "? ka han ti mawi hmasa te te a U Gaby khan an chawlh thu min hrilh tawh tho mahse sawitur dang ka hre lo bawk nen ka zawt nawn leh a ni. " Kan building siamthatna an nei dawna kan chawl rei deuh ang " a lo ti dam dap a sawitan dan tur pawh ka hre lo. " U Ephraim nimin khan U Gabya'n alawm kan khuaah min dah, hrilh che ka duh a mahse a hmasa ah khan khati teh nuai khan kan buai ta sia chuvang a nia tun tum pawh ka hrilh nghal mai loh che, tih palh lutuka ka rilru a buai bawk nen ka lo hrilh hman tlawt lo che a ni, " ka sawi zawh rual chuan ka thin zawn chu ka dawma a lo phu rang ngei mai.



















" I buaina tawhlaia ka awm thei lo chu pawi ka ti, ka thianpa tal in a a tanpui che a a lawmawm a nih chu. Kanin biak hmasak khan min hrilh nghal mai lo a i buaina te i thlen ngam loh tur khawpa ka lo awm chu pawi ka ti, min ngaidam rawh aw, " a tawngkamah chuan a thinrimna eng mah a lang lo, inthiam lohna awka chiah a ni ka hriat, chu chuan min tih lawm rual rualin min ti hreawm, buaina neih leh ka hlauh luatah ka bialpa ngei chu mahni inthiam lo tak turin ka siama keimah zawk hi he thil ah chuan ka dem awm ber ka ni ta in ka hria. " Ngaihdam dil tur zawk che ka nia lawm, U Gaby-a bula ka kal hi i lungawi loh ka hlau em a " ka ti leh a.


















A reh deuh vang vang hnuah, " ka thianpa nen hian in inkar ah eng mah a awm lo tih ka hrechiang tawh alawm, eng pawh nise lo kal ve dan ka lo ngaihtuah ang kha lama i chhungte pawh in hmelhriat tir ve a hun tawh a lawm, " dam thlup a a tih leh chuan hnialna chi ah ka ngai tawh lo, thu dang dang sawiin kanin be zui luama ka chungah a thinrim lo tih ka hriatna chuan nasa takin hlimna min thlen, a ni paw'n min ring ngama kei pawhin ka ring bawka chu baka hlu chu a awm bik chuang lo ang. In chhunga ka luh leh chuan U Gaby chuan nizan lama a thawmhnaw kha a lo inbel diam tawha ka pi in a pe a nih ka ring.


















" In be thei em, "? A bawp sei zeta ka lam rawn pan pah chuan a ti a nui var var in ka lo bu deuh nghat, " ka chhungte hmu turin lo kal ve a tum a sin " ka tih chuan hmel nunh sar hian min en a " i hlim hmel tawh khawp mai " a ti leh ta daiha " hlim ve bawk e tun ah chuan rilru kap tu pahnih chiah ka nei tawh, " ti pah chuan ka pu mutna pindan lam chu ka hawia, ka pu hi lo dam leh vat se tih leh U Ephraim-a nena kanin kar hi a nu in min pawmsak tawh se tih zawnghi tun atana ka duh chu a ni tawh. U Gabya'n len a chak tlat a vangin Ruatsangi, olivia leh keiin kan lenpui dawna Mawimawii ( olivia-i te nau ) erawh tih tur a neih vangin a lo kal ve dawn lo thung.

















" U Thanthan i kawr min lo hawn hi a nalh e, ka in hmeh tur hi chu i hre ngawt mai " ka room lam atang lo chhuah pahin Olivia-i chuan a lo ti a a nuisang bawk, ka kawrfual hawn chu a inhmeh viau bawk. A unau dangte pawh ka hawn ve tak na a amah ang em em hi chuan an lawm hmel ve lem loh, ka sawitawh ang khan a ni hi chu an unau zingah a dang ber a a rilru pawh a hmel ang chiahin a tha. A nungchang lah nise a tha em ema Aizawl lamah zirna avangin a awm renga a vun pawh a nungsar mai, kumin erawh chhungkaw harsatna avangin a zir chhunzawm thei lo a kumthar lam a tang chuan tan that leh a tum a ni awm e.



















Pawnah chuan kanin zui chhuaka Ruatsangi pawh a in chei parh vek vuk khawp mai. U Gaby-a a melh dan lah hai theih a ni bawk si lo, hetia a awm reng chuan U Gaby hian a bawhzui leh duh hrim hrim, a tawpa a tuar tur chu amah Ruatsangi tho a ni. Han khap ngawt dawn ila kanin kar a tha lo sa bawk nen min haw zual viau ang, hetia ngawih tawp hi leh lamah chuan a fin thlaka chhungkhat kan nih ve tho na ah erawh rilru a ti buai nuai mai. Kan khua hi in a tam lo bawka ke in kan kala, ni a sar ver vawr bawka thlan a chhuak duh ang reng khawp mai.

















Kan khua in a kan lo inchhuan pui ve em em, hmanlai kan pi leh pute awmna hmun ' zo khua ' an tih ang ah chuan kan lenpuia, hei hi kan pi leh pute kan ngaihhlutna entirnan kan khaw hruaitu te leh kan district hruaitute'n an sa a. Lal in mai bakah in pangngai sawmhnih vel an sa tel fer fur bawka, a hmun a zawl nuam in thing leh mau a tam bawka a dai nuam dap dap khawp mai. U Gaby pawh chuan a khat tawkin thla a la a nuam a tih ve hmel viau bawk. In chhungah te chuan kan luta, hmanlai in anga sak tih takah a nuam khawp mai. Ruatsangi bawk chuan a khat tawkin U Gaby-a inring lo lai chu thla a lak sang renga nuam a tih hmel hawr hawr khawp mai.















Olivia-i nen chuan pawnlamah kanin zui chhuaka thingpui buk awmna lamah pheiin kan thu thla a, thli a thaw heuh heuh bawk nen dai nuam tak a ni. " U Thanthan i let leh dawn em "? Olivia-i chuan a lo ti sep a, " hna te ka nei tawhsia loh theih loh a lawm, i zirna chhunzawm i tum hunah ka bulah i awm dawn nia " nui var var chuan ka ti a, a nu in min mil vak lo mahse amah berin min ngaina a awmpui pawh chu ka hreh lo tak tak, " a tih chi viau ang, mahse ka tibuai lutuk ang che " a lo ti ve leh sep a, " ti buai lo e i lo awm dawn nia " ka ti nawn leh a, Ruatsangi leh U Gaby te an lo chhuah takah chuan kan ti ti zawm tawh lem lo.













" Kan haw tawh mai dawn em ni ? A tlai hma in haw ka duh tlat " a sana bun melh zawk paha U Gabya'n a tih chuan ka thutna a tang ka ding chhuaka, " hmundangah kal i duh tawh lo em ni "? Ka tih chuan lu thing deuh vut in, " hun a awm tawh lo " a ti a, ka khawngaih ang reng viau, kan khua ah vawikhat a lo kalna te a ni ve sia len kual na hun pawh a nei mang bawk si lo. Chutia amah berin haw a rawt takah chuan inlam panin kanin zui haw diaka, kan hmaah chuan Ruatsangi nen an kala kei leh Olivia-i erawh zawimuangin an hnungah kan kal thung, " U Ruati hi chu a mak thei e mipa hi alawm thei lutuk mai " oliviai'n a tih deuh hlak chuan hmalam chu ka en, Ruatsangi leh U Gaby chu anlo in hnaih tawh ngang mai.














Eng nge emaw hi Ruatsangi chuan U Gaby-a bulah a sawi siam siama an tawng chu kan hre pha lem lo. In kan thlen hnu rei lo ah U Gaby chu haw turin a in tin tuaha, ka chhungte ho chuan cham rih turin an sawm ve luama, Pitei phei chuan lo zin leh ngei turin a chah ngun malh malh viau bawk. Pawn thleng chuan kan thlaha a car chhunga a thut lu hma deuh chuan lo hawi phei in, " i hna chu lo ngaihtuah suh, i pu damthat hma loh chu awmpui rawh " a lo ti a min hrethiam chu ka lo lawm viau mai. Kanin vai liam hnu chuan inchhungah kan luta, Ruatsangi leh pitei chuan an sawi zui leh char char tawh, amah Ruatsangi nu berin a hmu hman lo chu a tih zia phian, hmu ve hman ngat se zawng an pathumin ha hip in an sawi leh ang.













" Nute zan lamah kan lo phei leh dawn nia ka Pu pawh a zia ve deuh tho bawk nen, " Olivia-i chuan a ti a pitei pawh chu a lo bu ve nghal nghat. Olivia-i te unau anin zui haw hnu chuan ka pu ka awmpui leh chawta a chang leh a thawk a rawn buai leh vak thina, rei lo ah a pangngai lehnghal mai bawk. Buhhawp tak ngial pawh a lem theih tawh miau loh avangin drip kan khaisak ta ringawta, a hmaichuar tawh tak te chu khawihin ngun takin ka en a, a ni leh zel in min kalsan chuan ka fahrahna hi a zual dawn lutuk, ka pi chuan eng mah inchhungkhurah a sawi ve ngai lo a, pitei ngat phei chu a hnial dawn lo tih lah ka chiang, chu vang tak chuan ka pu a awm loh chuan heta kal hi ka tan a nuam lo zual ang.






( CHHUNGKAW HARSATNA AVANGIN KA LO DAH HMA THEI LO A A PAWI KHAWP MAI, COMMENT KHA CHU MIN LO PE VE HRAM HRAM ULA )


Show post links
Top

[Ngaia]

NUTHLAWI NAUPANGTEI
( CHAPTER-24 ) LAST CHAPTTER
STORY OF: LALNUNNGHETI TETEI








Kan khuaah pawh karhnih ka cham ve tawha ka pu erawh nitin mai hian a tla hniam telh telh mai bawksi, khawpui lama in enkawl tura hruai lah chu amah ber hian a duh bawk si lo, helama a enkawl tu te paw'n theih tawp an chhuaha an beidawng tawh lek lek zawk a ni. U Ephraim-a paw'n chanchin min zawt ve renga a ni pawh naktuk lamah lo kal ve a tum nghe nghe, khaw khatah awm rih lo mah ila theih tawp in min ngaihsakna a lantira chu ringawt pawh chuan ka thla a ti muang tak zet. " Thante chaw lo ei la " ka pi in ka bula lo thut thlak pah chuan a ti a, nizan atang eng mah ka ei loh a vangin ka taksa pawh a zawi veka thil ei chakna ka nei hlawl lo a ni ber.
























" I pu pawh a zia ve deuh tawh hi kal la chaw va ei phawt rawh, " a ti leha, ka pu chu ka en vang vanga ka mittui a hnai leh kuar tawh, ding chhuakin inpui lamah chuan ka pheia chaw ka ei lo bawk nen ka zawi a ka lu te a hai mup mai. Choka lama ka luh chuan chawei ka insiama midang ho zawng chuan an ei vek tawh thung, ei luih ka han tum ngial paw'n ka kâ ah hian a lut thei ngang lo, a tawpah chuan eng mah ei lo in dawhkan chu ka thawhsan leh ta nge nge. Chhun lamah chuan ka room lamah ka mu hahdama ka mut that lohna a rei tawh bawk nen rei lo ah mutchhuakin min lo zem chiai chiaia ka muhil nghal chu a ni mai.
























Thawm ri hlut a awm chuan ka harh zawka pitei tap ri ka hriat chuan hman hmawh fe in room atang ka chhuaka, Olivia-i lo lut tur nen kanin tawk chat, " eng nge thleng "? âw khur deuh dar dara ka tih chuan olivia-i chu a tap chhuak hawka thil thleng chu ka hrethiam nghal mai bawk. Ka ni nghulha a hma ai mahin ka zawi leh zual, ka tlu tur chu Olivia-i chuan min lo dawma a tap hlawp hlawp bawk, ka pu in min kalsan tal tak tih chu hrechiang tawh hle mah ila ka awi thei ngang lo, ka pu nunna nei tawh lo a lo mu bam ka hmuh chuan ka pan hnaia a kut chu nghet fe hian ka hum sak leh vawng vawnga.

























Ka mittui chu a tla ngei mai mahse tap chhuak turin tha reng ka nei tawh lo. Ka pu ruang chu kan kil thapa kei pawh a kut vuanin a bulah ka thu ve reng bawk. Pastor-in vuina hun a hman zawh hnu chuan thlan mual lamah an zawna kal kawngah te chuan min dawmtu awm lo se ka tlu tawp thei hial ang. Ka pu min hmangaih em em tu chu lalsak in ka awm leha, kan pastor in " lei chu leiah vaivut chu vaituah tiin kan lo thlah liam ta, " ti a a thlah liam rual chuan ka tap chhuak ta hawka, insum tumna reng ka nei lo ka rilru natna chu tah chhuah tum vek ang hrim chuan ka tap a, ka bula Olivia-i ding chuan min kuah bet a a ni pawh a in hnit ve hlawp hlawp mai.

















Thlanmual a tang kan let hnu pawh chuan inleng an la awm nuala eng mah ka tih theih miau loh avangin ka pi in room lama awm hahdam rih turin min ti a, ka room-ah chuan lutin khumah chuan ka thu a ka pu bawk chu ka ngaihtuahna luah hmasa ber tu a ni leh. Ka phone a lo rik chuan ka en vat a U Ephraim-a alo ni, ka lak rual chuan ka that leh that loh te min lo zawt vata ka that thu in ka lo chhang nghal vat, U Gabya'n ka pu a boral thu a hrilh a ni tih a sawi chuan mak ka ti ang reng viau, U Gaby-a chu ka hrilh miah si lo a engtin nge a lo hriat ve theih daih ni. Rin dan pakhat chu ka nei thiam nghal Ruatsangin a hrilh a ni ngei ang, hmanni khan a number a dil lehnghal a nih ka ring.
















" Naktuk lamah chuan lo kal ka tuma, in khaw VCP kha ka pa thianpa a nia tah khan ka thleng ang, chuan a rualin he lamah kan haw chho leh dawn nia " a lo tih leh dap dap a âw ka lo pawh ve mai bawk. Kanin biak zawh hnu chuan khumah bawk ka mu leha ka pu leihnuaiah a awm ta a ni tih chu ka ngaihtuah thar leh thina ka mittui paw'n hul tik ni reng a nei thei lo. Tlai lamah pawh a ngaite in chaw pawh ka ei leh ta lo a ka ril chu tam ve bawk mahse ka ei chak hlawl lo a ni, pawn lamah chuan inti thawveng turin ka chhuak mai maia ka pu nena huan kan siamna lamah te chuan kal in ka pu sulhnu chu ka chhui kuala, engkim mai chuan lung an ti lengthar tak zet.
























EPHRAIM POV :




Ka hmaa ka nu ding chuan beidawng mit meng hian min melh ralha kei erawh ka kun ngul thung, tunah mai khan Thanthani ka neih ngei tur thu ka hrilh nawn leha a ni paw'n a ngaite bawkin min hnial leh. Ka beidawng dawn lo tih hrechiang ber tu a ni a amah zawk hi ka lakah abeidawng tawh tak zet tih ka hria, ka nu hi tihnat ka duh ngai lo a a thu pawh ka vawikhat hnial kalhna chauh a ni, chu chu a ni paw'n a hrechiang viau ang, chuvang tak chuan ka ngaihdan pawh min thlaksak theih a inringa mahse tumtum erawh ka ngaihdan hi thlak mai mai ka tum tawh lo.





















" Bawiha amah sawn eng danglamna nge awm bik heti fa ko a i duha kalsan i theih loh, " a ti ta hap a min melh ran bawk. " A danglam bikna chu a ni chauh ka hmangaih hi a nimai " ka ti let ve sup a ka nu pawh a thaw deuh halh. " In chhir lo tak zet ang maw ? " A tih takah chuan beisei nei zet hian ka nu chu ka melha ka bu deuh nghut, " kan nufa inkar tihchhiat hi ka duh lo, i duhthlanna ah hian i chianga i inchhir dawn loh chuan a tha alawm, " ka nu thusawi avang chuan ka hlim tak zet, ka inchhir dawn loh zia keimah ngei hian ka inhrechiang bawka tunah chuan ka hmangaih ber pawh ka nei thei tawh ang.





















Naktuk lama Duati te khaw lama kal turin phur takin ka insiama, tunah chuan a pu boral hlimchhawn lai a ni a hrilh nghal mai chu a tih chi loh ang tih ka hria, ka nghak deuh anga a rilru na te han dam fel ve phawtse zawimuangin ka hrilh ang, a lawm ve ngei ka beisei. Thawnhmaw ka khung zawh chuan kan thianho inhmuhkhawm kan tumna hmunah ka kal a, val senior vek inkawm khawm mah ni ila inhmuh khawm tih luk lak vel hi kan la hrat ve hle thung. A hmun ka thlen chuan Mapuia leh Gabriel-a te pawh an lo awm vang tawha min hmuh rual chuan ban an lo vai zeuha keipawh chuan nuisangin an awmna lam chu ka pan a.



















" Thil lawmawm a awm em ni, "? ka thut thlak rualin Mama chuan a lo ti a khi sukin, " awm chiang e, " ka ti var a min enchik dun ngang mai, " sawi la " Gabriel-a zawk chuan a lo ti nghuta a ni hi chu tawngkam ni hmuk hmuk chi kha a ni bawka a tawngchhuah ve paw'n a thinrim emaw tuh tur a ni. " A tawpah chuan kan zing atang ka chhuak dawn " tlang taka sawi ta mai lo chuan ka han ti leh te te a, an pahnih chuan min melh ngur mai. " Sawi tha teh " Mama zawk chuan a lo ti leha nui hawkin, " Ka nu in imneih min phalsak tawh, " ka ti ta nge nge a an ni pawh an nui ve suk suk mai.



























Hmeichhia chu ni ngat se zawng an rak hluai duh ang tih a nia ka rin. Ka sawitawh ang khan kan kum a lo tlem tawh zawk zawk lo bawk nen tun ang kuma nupui ka nei tur chu min lawmpui awm viau pawh an ni, chutiangin keipaw'n an ni hian nei se ka lawmpui ve viau ang. " Naktuk lamah chuan i kal dawn em "? Gabriela'n a tih chuan ka bu leh nghut. " Palai engtik ah nge in tirh dawn "? Mama pawh chuan a lo ti ve a " an khua a a awm lei ngei hian kan tir ang, amaherawhchu kha lam kha chu hmanhmawh chi a ni lo, lusun hlim hlawl a ni a tun thawt thawta tih chu a fuh viau lo ang. A rilru na te han dam fel phawtse zawimuangin kha chu kan ti ang, " ka ti a.




























" I nu berin rem a tih tawhte chuan a tha a ni tawh mai alawm, mahse a thinlung zawng zawnga pawm tur chuan hun a la duh anga inneih tirh ah chuan Thanthani tan pawh a hreawm ve deuhin ka ring, " Mama chuan a ti leh dut a, a sawi pawh chu a dik ve viau. Ka nu hian a beidawn avanga kanin neih remti a ni a, kanin neih tirh chuan hun khirh tak dang chu kan hmachhawn leh pawh a ngaimaithei, " Ephraim-a nu chh chutiang ang mi a ni lo ang tih chu keini hian alawm hrechiang ber, a tira a duh loh chhan pawh kan hre veka mimal huatna vanga duh lo a ni lo a, anin neih hnu chuan Thanthani pawh a fel zia a hrechiang anga a pawmthiam telh telh zawk ang, " inring tawk takin Gabriel-a pawh chuan a ti ve a, chutiang chu ni tak tak se kei ngei pawh hian ka ti.
























A tuk zingah chuan Duati te khaw lam panin ka inkhalh chhuaka kawng a thui bawka kawng laka pawh ka chawl ve zeuh zeuh, zingkar hma taka chhuak ka ni bawk nen chawhnu lamah khawchhung ka luta, an VCP hi ka pa thianpa a ni a kan khaw lama an lo zin paw'n kanin hi an chawlhna hmun ber a ni bawka, ka zin tur thu ka hrilh paw'n anin a thleng nghal turin min sawma keipawhin a rem tho bawk nen ka hnial bik lo. Kawngpui bul atang Pa Siama chuan min lo hmuaka anin awmna lamah chuan ka Car in kan tlana, Duati hmun hlan mawlh chu ka nghak hlel tawh tak zet.




















Pa Siama chu Duati tê in awmna lai te ka zawta mak min tih hmel viau, min hrilh hnu chuan kal lawk ka duh thu ka sawia a ni pawh chuan thingpui inzawh lama kal tur chuan min lo hrilh ve mai bawk. Pa Siama te inah chuan ka inghata an nupa leh awmpui pakhat nen chauh an khawsa a, an fate chu zirna avangin hmun dangah an awm vek thung. Thingpui kan in zawh chuan room ka awmna tur min hrilh lamah chuan lutin ka inbual leh te te a, ka zawh hnu chuan Pa Siama chu ka tih tur te ka hrilha in a tang chuan ka chhuak zui nghal. Pa Siama min hrilhna lamah chuan ka in khalh pheia khawlian tak a ni lem lo bawka chhinchhiah a awl khawp mai.


















Pa Siama'n in tawp berah an awm a tihna ah chuan ka dinga, nimin lawkah chhiat an tawh vangin inleng pawh an awm nual tih ka hmu thei. Car a tang chuan chhuakin ka ding deuh vang vanga, Duati call ka tum lai takin hmeichhe pakhat hian min lo bia phone chu ka kekawr ipte ah dahin ka hmaa hmeichhe ding chu ka melh a, " khawilam atang nge i lo kal, " a tih leh chuan khuh kharh in, " Aizawl lam a tang, Thanthani te in ka lo zawnga " ka ti a mak a tih hmel viau mai, " tu Thanthani ber "? a ti deuh hu a, kei tak pawh hi ka mawl a hming ang te chu midang pawh an awm nual awm sia. " Biakthanmawii Aizawlah private school-a teacher kha " ka tih chuan a ang phuau mai.




















" U Thanthani a nih chu lo kal rawh a thianpa em ni i nih "? ti zung zungin a kalsawna keipaw'n ka zui ve vat. Inchhungah chuan a luta kei erawh ka lut ve ngam chiah lo thung, midang an la awm ve nual bawk nen pawn a tang chuan ka nghaka. Minute 2 hnu velah nichina hmeichhia leh Duati chu an lo in zui chhuaka, Duati'n min hmu chiah chu a mittui a tling pam a, " ti khan lo inkawm ru, " ti lehin pakhat chu a kalsawna Duati chu ka en renga eng mah sawina chang a la hre lo. " I va chauh hmel ve "? Tipahin chiang zet hian ka melha, chaw a ei tha lo tih hriat takin a cher dak mai.






















An in hnung lamah chuan kanin zui pheia eng mah a la sawi ve lo, huan chhungah min luhpuia amah chuan thlang lam a thlir vang vanga kei erawhin a che zia chu uluk takin ka en thung. " I lo kal har ka ti lutuk a sin, " a tawpah chuan a lo tawngchhuak ve ta alawm, pan hnaiin a hnunglam a tang chuan nghet zet in ka kuaha ka ngaih zia ka hre thar leh nimai in ka hria. " I harsat lai bera i kianga ka awm theih loh vangin ka tih palh, " ti sup in a chhipah chuan ka fawp vang vanga, thlamuang tih hriat takin a lo thawchhuak ham hama. " Lut ila ka chhungte'n min lo zawng ang, " rei fe kan din hnuah chuan a ti a, in lahrangin a kutah chuan ka kaia anin lamah chuan chhoh pui a.





















Inchhung kan luh chuan inleng pawh an lo awm em em tawh lo. A chhungte bulah chuan min in hmelhriat tira an felin an hawih hawm khawp mai. Rei mawitak ka len hnu chuan haw tumin ka tho kanga, pawnthleng Duati nen chuan kanin zui chhuaka, ka kal dawn chuan ka kuah leh vang vanga hetiang hian vawitam tak kuah mah ila ka hne thei chuang lo ang. Zan lamah ka len leh tur thu ka hrilh hnu chuan Pa Siama te inlamah chuan ka in khalh pheia, hun hi han ral ve deuh se Duati pawh pangngai taka inneih puia sawm ka tum a, palai pawh a rang thei ang berin ka tir bawk ang.



















2 Week later





THANTHANI POV:





Ka pu thih a tang kar hnih chu a lo liam ve leh ta reng mai. U Ephraim-a nen naktuk lamah Aizawla phei leh turin kanin bia a, keipawh ka rilru te zawi zawiin a dam ve zel a heta awm reng chu ka tum bik lo. Thli in min lo chhem delh delh avang chuan ka hahdam sawt in ka hria, U Ephraima'n lenpui tur minsawm tlat a vangin ka lenpuia, kan khua a hmun nuam deuh lai ah te chuan ka hruaia a ni paw'n nuam a ti viau chuan ka hria, thingbuk hnuaiah thu pahin van lam chu ka thlir vang vanga ka pu mai bakah ka nu leh pa te chu ka ngaithar tak zet, ka ngaihtuahna hrethiam ni awm takin U Ephraim-a chuan duat takin min kuaha, a kiangah hi chuan ka thla amuang thin tak zet.























Rei fe kan thut hnuah chuan a tho chhuak thuta keipawh ka ding ve nghal. Thlanglam pang chu ngaihtuah nei ni awm fahran hian a thlir renga, keiin amah chu ka thlir ve reng thung. " He thil sawinan hian ala hma deuh chu i ti a nimaithei, mahse tun tum chu sawi ngei ka duh, helai hmun kan chhuah san hma hian i rilru dik tak hi min hrilh vek dawn nia, " ti pah chuan min hnaih hruta ka kut chu nghet zetin a hum ran bawk. " Ka nu in kan pahniha inneih hi aremti tawha, " a tih rual chuan mak tih luatah ka meng bial deuh kawk, a rilru a thlak sak theih ka ring lo kha a nia. " Ka nu berin a remti tawh bawka kan ruahman sa ang ngei khan innei ang, engtik lai pawha i kianga awm reng ka duh tawh, " ti rilruihin a mitmeng thil tithei tak chuan min melh leh run tawh.























Keipaw'n a nu in a remtih huna neih ka lo intiam tawhna avang leh ka mipa hmangaih ber chan ka hlauh em avang in ka remti a, vawin ni zet zawng ka theihnghilh leh tawh lo ang. Kan chhungte kan bia a keimahni lamah pawh harsatna a awm loh avangin tunkar tawp hian U Ephraim-a paw'n palai a rawn tir dawna, chutianga inneih kan tum takah chuan kei chu kan khaw lamah ka awma, a ni erawh a haw thung. A sawi lawk angin a haw a tanga nithumna zanah chiah palai pawh kan hmu a, chungte rentihna hmusa thlapa palai hmu ka ni bawka eng kim an sawifel a, kanin neih hun leh ni pawh U Ephraim-a palai te nen chuan anin be rema, kumin kum tawp lama innei turin anin be fel diam mai.





















Ka thuamchhawm tur te chu ka hlawh a tang ka in leia a then chu Pute-a leh Pa Maruata te'n min tumsak bawk. Pa Maruata a awm bawka pa zawn hran pawh ka nei lo a, bakah an mahni in an remti lo bawk. Ka mokawr tur leh thil tul dang ho chu U Ephraim-a nu in ama pawisa ngeiin min tum sak veka, inthlahrun awm viau mahse puitling lamin an renruat dan a ni miaua ka sawi buai bik lo. A hmaa kan buaina te kha chu hre lo ang hmakin a awma, tawngkam hriat nuam lo tur pawh vawikhat te mah a chhak chhuak ngai lo. Nu fing tak a ni bawka keipaw'n ka ngaina sawt viau bawk.



















Wedding Day





Mokawr var fual tak nena biakin chhunga ka lut chu min thlir thapa, vawin hi ka nun bul tan that lehna ni chiah a ni. Pa Maruata'n min kai luta kan hmaah ka mipa hmangaih ber, tun dar kara ka pasal nimai tawh tur chuan hlimna a khat mit mengin min lo en reng bawk. Pastor leh kohhran mipui hmaah ' Tiam tlat e ' kan ti ve ta reng mai, hlimna mittui chu ka biangah a lo luanga ka hlim tak zet, harsatna tam tak ka tawk tawha tunah chuan nun bul tan tha leh turin hmalam ka pen mek zel a, harsatna tam tak pawh tuar dawn mah ila tunah chuan min venghim tu tur pasal rintlak tak ka nei tawh bawka, ka hlim a ni.





















Inneih hunserh kan hman zawh hnu chuan atlai tawh bawk nen kanin lamah kan riaka, naktuk zing karah Aizawl lam pan turin kan chhuak thung ang. Ka pi pawhin min lawmpui rual rualin min ngaih dawn thu a sawi renga kei tak pawh hian ka ngai viau ang. " Khumah hian mu la kei chu ka pi bulah ka va mu ang, " ka khum siam tha mawlh mawlh pah chuan ka ti a, nurnang hian min la melh zui, " khum chu a tê bawksia kan pahniha mut chu a chep lutuk ang, ti khan nangmahin mu rawh " ka ti nawn leha a la che eih lo. " I fiamthu lo tak zet maw ? Kanin neih zanah hian mahni in ka mu ang maw ?" A tih leh chuan nuihza insum zet hian ka en a.


















" Ka pi bulah zanin chauh ka mu thei tawh dawn sia lawm, " pangchang zet hian ka ti a, ka nuih erawh a za viau thung. " A tha lawm, zanin chu ka hrethiam ang che " mit min siai khum sak paha a tih chuan ka lai leh tut tawh, nghal ka va han ti tak. Room atang chuan ka chhuaka ka pi rooma ka luh chuan a lo muhil tui ngang mai, a bulah chuan ka va inthawlha nghet zet in ka kuah bawk. Zanin ang hi ka tawng leh kher angem ka hre lo a vawitam tak tawn erawh ka duh. Ka pi chu a lo che hruta a lo men ruala min hmuh chuan mak a tih hmel ngang mai, " zanin chauh hi i bulah ka muttheih tawh hmelsia pi ka ngai dawn che e, " ti pahin ka Pi chu ka melha, " iva naupangchhia tak pasal i nei tawha tiangte chu a tha ngai em ni, "? a lo ti ve luama chhang lo in ka mit ka chhing ta daiha, ka pi pawh chuan ngawirengin min kuah ve ta tawp.


















Zing dar 5 ah kanin atang chuan kan tlan chhuak, ka lung a leng nghal tak zet. Kan khua kan chhuahsan takah chuan ka pu bawk ka hrechhuak leha ka lung aleng thar tak zet, kanin neihni te kha han hmu hman ve se zawng a hlim dawn em a ni. Tlai lam dar 3 velah in kan thlenga min hmuaktu pawh an lo awm ve nuk mai, ka thiante pawh chuan min lo hmuaka min hmuh rual chuan min lo panin min lo fiam lehnghal zuk zuk tawh. U Ephraim-a nu tuna ka nu nita paw'n min be siam siam renga tun hma a min duh lohna te kha chu pakhatmah a lang tawh lo hrim hrim zawk a tih theih ang, inleng an haw hnu chuan kan room lamah ka thiante ho nen kan chho a, U Ephraim-a room chhung chu ka vawikhat hmuhna a ni bawka zau ka ti viau mai.























Ka bungrua pawh an lo remkim thap tawha chuti chung pawh chuan room chhung chu a la thaw em em tho. " In room pawh a nawm hi, " Rebec-i chuan a ti a bathroom awmna lam ni awm takah chuan a phei zui nghal, " tunah chuan innei ve ta a nia, i nu pawhin a huat hmel vak lo che, a insiamtha tawh a niang " Rempuii pawhin a lo ti ve bawka, chutia kan thian ho a kan ti ti lai chuan U Ephraim-a te thian ho an lo luta room chhhung vel an lo en ve dawn a nih hmel. " Ka pi in min lo bia a kan thlen tawh leh tawh loh min lo zawt a, " U Ephraim-a chuan ka bula lo thut thlak pahin a ti a, " a that chu, zanah keipawn ka bia ang tunah chuan ka buai rih em mai, " ti ve lehin ka thawmhnaw chu ka thlep fel a.

























" Mothar che chhia naktuk zingah hmuh tur a awm dawnsia kei chu hetah ka riak ang, " U Mama chuan nui hawk hawkin a lo ti a ka thiante ho leh U Ephraim-a pawh an nui tha hlawm mai, " mothar nih vanga chet chhiat kher tur pawh a ni lo. " Ka ti deuh hlaka thinrima ka sawi a ni lo tih an hre bawka an nuih a za zual sawt. Ka nu in chawei tura a sawm vek a vangin ka thiante leh U Ephraim-a thiante chuan zanriah min kil puia, zan lamah pawh in leng an awm ve renga, Pa Maruata te pawh an lo kal nghe nghe. Dar 10:30 pelh deuh hretah an zavai chuan an haw diaka in chu a reh nghal huai mai.
























" Mu ila, " U Ephraima'n a tih chuan dawhkana kan thil dah hnawk ho then fai pahin, " va chho hmasa la heng hi kan ti fel lawk " ka ti a min chhang lo a room lamah pawh a chho chuang lo. Ka nu chu a chauh deuh a vangin a mu hma a kan nupa chauh in kan meng tawh, thingpui in na no vel ka tihfai lai te chuan ka bulah zel a lo dinga chho tura ka tih paw'n min nghah a duh zawk thu a sawi tlata ka ti lui duh bik lo. Mu tura kan pindan lam kan pan meuh chuan Dar 11 a pel leh der tawh, " insil hmasa dawn nge keimah ka insil hmasa dawn, " ti paha ka en chuan min melh chhuk ngur in, " nangmah va intifai hmasa rawh, " a ti thum dut a hnial lem lo in ka towel nen chuan bathroom lam ka pan zui nghal zat.























Ka intihfai zawh hnua ka va chhuah chuan U Ephraim-a chu phone khawih pahin khumah a lo thu a, " va intifai ve rawh, " ti pahin dressingtable awmna lam chu ka pana, cream vel ka inhnawih lai chuan ka hnunglam a tang min lo kuah deuh thuta ka phu zuk nghe nghe, " i rimtui lutuk, " ti thawp sup in ka sam karah chuan a hmai a phuma tal deuh aih pah chuan, " va intifai rawh, " ka ti a nui nghawr dat in darthlalang a tang chuan chiang kelh kawlhin min melha ka zam chhe dawn dawn mai. " Eng nge khatia min en reng ? kal rawh va intifai zung zung teh " ti deuh hlakin ka nghawk zeuha a nui leh suk tawh. " Min lo nghak la " ti pahin ka nghawngah chuan a hmuiin a lo nul thuaka ka za mer mer mai.






















Bathroom-a a luh hnu chuan inthlakin khumah ka mu a, ka phone ka en chu message a lo tam ngang mai, ka pi te ka be lo tih hrechhuak thutin sana chu ka en a a tlai deuh tawh a vangin naktuk zinglamah biak ka tum ta zawka. Ka chau bawk a niang ham bai bai chung chuan ka mu tha sat sat a ka chhing deuh riai riai bawk. Thil dai dap ka taksa in a hriat rual chuan ka harh deuh zawka U Ephraim-a nen chuan kan mit a in tawng nghal chat, a lo chhuah lai pawh ka hre lo, " i chau viau em ni, "? A tih rual chuan ka bu nghata, a awmah chuan min bei tir nghal thlawp. Kawr a hak miau loh a vangin a taksa dai dap chu tawh a nuam ngei mai.





















" Tunah chuan ka duhthusam pakhat a famkim ta, " a tih chuan a tak a tang inla hrang hlekin ka melh chho deuh ha a, min hmangaihna a khat mit menga min en let ve phei chuan ka hlim tak zet, " duhthusam dang i nei em ni, "? ti sep in ka ham leh bai bai a ka mut a chhuak tawh tak zet, " nang nena fa tam tak neih ka duh a, chu chu ka duhthusam dang leh a ni. Tun a tan erawh ti hian ka lawm tawk viau rih, ka nu ber pawhin a pawm tawh che a thil engkim hi a hlimawm lam zel a a awm ka beisei, " ti bul bul in ka hmuiah chuan min lo fawp a. A duhthusam a sawite hi thlen dik tir vek ka duha, a tana nupui tha tak leh a innghahna tlak pawh nih ngei ka duh.















Min hmangaih thu a sawite hi nitin hriat theih ka chak a, a thutiam te hi vawng reng se ka ti bawk. Kan kar tihbuai tum tu mi tam tak awm mahse chungte pawh chu hmachhawn dun zel ila, kan pahniha kan khawvel tharah hian hlimna sawi sen loh in min lo hmuah ngei ka beisei.










***************





( LAST Chapter lamah buaina hrang hrang a awm avangin ka regu thei lo a Reader's te hnenah thupha ka chawi e. Ka story kal lai NUTHLAWI NAUPANGTEI chu kan lo zo ve ta reng mai, a tir a tanga a tawp thlenga ka story min ngaih hlut saka min lo chhiar sak thin tute, in zavaia chungah thinlung takin lawmthu ka sawi tak meuh meuh e. Pathian zarah Class x (10) exam chu ka lo pass ve ta reng mai a, zirna chhunzawm zel turin khawdangah chhuah te a lo ngai dawna Story ziah pawh hi chawlhsan ka ngai maithei a, eng pawh ni se ka chawlhsan ta lo a nih leh ka story te min chhiarsak zel turin ka sawm che u a ni. )



NUTHLAWI NAUPANGTEI STORY READER'S TE MANGTHA VEK ULE......


SAM 51:1


Aw Pathian, i ngilneih êm avângin mi khawngaih la; I lainatna nasat avângin ka bawhchhiatnate hi thai bo vang che.


Show post links
Top