NUTHLAWI NAUPANGTEI BY Lalnunngheti Tetei (Completed)

[Ngaia]

NUTHLAWI NAUPANGTEI
( CHAPTER-13 )
STORY OF: LALNUNNGHETI TETEI






U Ephraim-a chuan ka naute pawmlai chu a lo chhaih ve zuk zuk thina bawihtei paw'n a nui har har mai, ka rinai nau han chhawn chhaih vel chu a zai daih, lehlam zawngtak chuan a inhmeh lo ka ti viau thung, a palian si chutianga naupang a han ti vel chu ka hmu hmeh lo a ni zawk mah ang chu. Awmi pawh chuan a en leh vang vang thina a be zeuh zeuh bawk. Dar 2 dawnah Awmi te nufa haw tur chu U Ephraim-a nen kan thlaha, amah pawh haw a duh tawh vang a ni pakhat. " Ka lo bia ang che, " an venglam panga an peng dawnah Awmi chuan a lo ti a, min biak a duhna chhan chu ka hrethiam nghal, U Ephraim-a nena kan chungchang bak a ni lo hrim hrim ang.















Tunah pawh hian min zawt chak tih ka hria, U Ephraim-a awm lo chiah se zawhna chhan sen loh ka dawng leh tawh ngei ang. " Aw le, bawihte chaweitui u aw, " ka tu ve nghal zata an nufa thum chuan an veng lampan chuan an kal a, an kalliam hnu lawk chuan U Ephraim-a paw'n haw ve mai a duh thu a sawia, thlah tura min phut deuh tlat avangin ka zui ve ta nge nge. " I thiannu chu fa a nei hmeltha khawp mai, " kawnga kan kal lai chuan a ti a ka lo nui deuh hak, " keini paw'n nei ve ila a hmelthat ve tho ka ring, " min nek zeuh paha a tih chuan ka nerkhum deuh sak, " engtin nge kei kher hi min duh theih, "? Ka rilrua zawhna awm reng thin chu ka zawta a kal chu a ding nghal chat.
















" A chhan chu nangmah inih vangin, chu chu ka duh chhan che a ni mai," a ti nghet charha ka en reng tawp,a chhanna min pek chu ka hrethiam lo tak zet, " keimah ka nih vang tawpa min duh chu eng nge a awmzia, "? Ka ti ve leh ngat, a ni anga mipa tha hian kei ang mai mai min duh hi ka la ring thei thlawt lo. " Ka sawifiah thiam chiah lo, ka sawithiam dan berah chuan i engkim hi ka duh vek chu chu a nimai " a ti leha ka zawt zui duh tak bik lo, ka nihna ang anga min duh thu a sawi ve na a ni ngei anga chu chuan minti lawma ka phu loh zia min hriatnawn tir bawk.















" Helai thleng hi min thlah mai rawh itan let leh a buaithlak, " a tih takah chuan ka hnial bik lo, let leh mai ka tum chu min lo koh leh tak si ah chuan ka ding leh rih, " kan in a leng turin ka sawm har tawh lo ang che nangpawh i lo inring dawn nia, " a tukhum tuai vut paha a tih chuan a thusawi chu a awm zia ka hre leh tawh lo, " ti nge in inah chuan ka lo len ngawt anga " ka ti let ve nghal zat, " ka chhungte bulah kanin zui thu hi hrilh ka duha, inhmelhriat tir turin kan inah i lo la leng ang chu, " a tih leh takah chuan sawi ve tur pawh ka hre lo, anin em a kal tur chuan kan la inzui rei tawk lo deuh chuan ka hria, " U Ephraim i hmanhmawh deuh lo maw " chhanna beisei zet a min en reng takah chuan ka ti leh deuh hap.















" Kanin duh tawn tawh ber te chuan inneih lam pawh kan sawikai thei mai tawh lo em ni ? Kei chuan neih che ka duh tak zet a, nangin i duh ve lo em ni " ti pah chuan lungai hmel pu zan lo hian min en a hahthlak ka ti tak zet, " kanin zuina pawh thlakhat em a la ni lo a inneih lam sawi nghal thawt thawt chu ihmanhmawh deuh hret lo maw, ? Bakah pasal neih leh mai mai ka tum lo hrim hrim " ka ti ta duaha U Ephraim-a pawh chu a lungawi hmel zan tawh lo, " min duh ve tak tak angah ka ngaih vangin ka sawia min ngaidam dawn nia, " a ti ta nghuta harsa ti fe hian ka melh tlawl tlawk.

















" Chutiang lam a ni lo, ihmanhmawh deuh ka ti mai a nia " ka ti leha min hrethiam theise ka ti tak zet. " Min hmangaih ve in min duh ve tak tak ni la khatiang thu kha i sawi hauh lo ang, ka thiam loh a ni, " tih leh kalsawn a ruala ka dinna atang chuan a kal chu che chang miah lo in ka thlir deuh tawp, khatiang thu asawi kha ka ring miah lo, awlsam taka min kalsan mai chuan keimah ah rinhlelhna nasa tak min neih tir leh nghal. Nichin maia min duh thusawi tu khan tunah mai khan min kalsan leh si, ka khaw hmuh chu a phe ruaia ka mittui chu a far nghal fap bawk.






















U Ephraim-a khan sawi sual chu a ni ka ti hauh lo, min neih a duh thu a sawia min hmangaih vang tih pawh ka hria, mahse ka tan chuan inneih na hi thil thar hlak a nih loh avangin ka la inpeih lo a ni. Beidawng zetin ka dinna atang chuan ka kalsawna inlam pan chuan chak zetin ka kal nghal hlawk hlawk. In ka thlen pawh chuan tumah be lem lo in ka room-ah ka chho tlang daiha tun atan chuan mahni a awm ka duh ber rih a ni, ka khumah chuan mu in ka mit chu ka chhing deuh vang vanga ka mitthla ah U Ephraim-a beidawng hmel bawk chu a lo lang leh tawh, kanin zui chhung rei lo hle mahse ka duh tawh tak zet a ni tih ka hriatchhuah phah.



















U Puia nen kanin ngaihzawn lai khan ka duh lutuk ka hre ngai lo a duh lo tawp pawh ka ni lo thung, kanin neih hnuah chiah khan amah ah ka rilru tak tak ka pe bawk. U Ephraim-a nena kanin zawmna chu a hrang hlak thung, karkhat ang em pawh kan la inngaizawng lo chungpawn kanin duh zia hi hai theih a ni lo. Thil ka ngaihtuah reng takah chuan rei lo ah ka muhil nghal. Tlaia nu Mapuii'n min kaih thawh a lo tum chuan ka nawmsam loh thu ka lo hrilh ta ringawta min ngaihtuah leh tawh viau.
















Ka nat lutuk loh thu leh chaw pawh min eisan mai tur chuan ka hrilha damdawi min eitir in a nipawh chu room atang a chhuak zui nghal a. Zan lamah pawh chuan ka mu renga ka lu ana deuh bawk nen khawm pawh ka inkhawm ta lo, inah chuan keimahin ka awma ka pum ri rawk rawkah chuan chau zetin ka khum atang chuan ka tho chhuak nghal. Inhnuaiah chuan chhukin fridge chu ka hawnga bawnghnute leh chhang lo awm chu ka lachhuak nghal zat. Bawnghnute chu gas-ah ka chhuang luma ka chhang chu ka ei nghal mial mial thung. Ka phone message tone a lo rik chuan ka en a Awmi a lo ni, * vawin a mi kha i bialpa em ni * ? * A chhe lo tawp * * i vannei e * min chhang ve ta che * tih te chu a ni nawk hlawma a eng a mah chu ka chhang lo thung.



















Ka in eipuar zawh chuan ka room lamah bawk ka chho leha a khat tawkin U Ephraim-a message alo luh leh luh loh ka check zeuh zeuh bawk, inkhawm ban hnu thleng pawh chuan a hnen atang message pakhat mah ka dawng lo a, kanin kar chu a tawp leh nghal turah ka ngai hmiah. Ka room kawngkhar inhawngri ka hriat chuan hawi pawh ka hawichhuak peih lo, " U Thanthan ila muhil em ni, "? Melo-i âw ka hriat chuan ka hawichhuak nghal vat thung, " muhil lo e lo lut rawh, " ti pah chuan ka thu chhuaka a ni pawh alo lut ve nghal.















" I zia deuh tawh em, "? Inthlahrung ang reng taka a tih chuan ka that tawh thu in ka chhanga a thaw nghal huai mai, a ni pawh hian a U ang tak takin min en a min ngaihsak ve viau, " U Ephraima'n inhnuaiah a nghak che a " a tih leh takah chuan ka thaw hak, " ka nuamsam vak lo a ka chhuk peih lo, " U Ephraim-a hming a sawi takah chuan ka ti leh ringawta, a awi vak pawn ka ring lo, nichin mai kha chuan ka that thu ka sawia U Ephraim-a hming a sawi chiah chu ka thusawi ka thlak lehnghal sia. " In ni ve tak tak em ni, " mak mintih hmel deuh hian a ti leha, kan awmdan vel ngaihtuah chuan zep chi ah pawh ka ngai tawh bik lo.















" Aw, mahse kanin then leh tep " nui lui haka ka tih phei chuan mak mintih hmel ngang mai, hetiang reng kan nih chuan kanin then harin ka ring tawh lo. Melo-i inhnuaia a chhuk leh hnu chuan ka mutha leha ka rilru erawh inhnuai lamah daih a awm thung, a haw nghal mai chu ka ring tho na na keimah ber hi ka khua a har leh deuh, " rei lo ah ka room kawngkhar chu a lo in kik leh karh karh a, tu tak ni ang maw ? Lut tura ka sawm chuan zawimuangin kawngkhar chu a lo inhawnga, ka mi hmuh duh loh ber mahse ka ngaih ber ni tho si chu a lo pen luta ngawirengin ka lo en tawp.















" I damtha vak lo tih ka lo hria a tunah eng nge i an tawh, " ti paha min lo kal hnaih chuan ka hawisan deuh hmak, ka awmdan chu naupangchhia ka tih rual rualin alakah ka lungawi miau loh a vangin ka hmu peih rih lo tlat a ni. " Vawin tlaia ka thusawi kha ka tih palh, kei chuan nupuia neih ngei che ka duh vang a nia, min duh ve lo tih hria ila khatiang thil kha ka zawt miah lo ang che, " a tih chuan ka tho kang nghal vat, rum fe hian ka melh bawk, " min hrethiam turin ka duh em em che a nang ve chuan thil ni lo pui pui i ngaihtuaha, " ti pah chuan ka tawo dat a ka tah a chhuak leh hlui tawh.















" Duh lo che ni ila eng vangin nge i sawmna kha ka pawm ang, mipa dang ka hnaih theih ka rin tawh loh hnuah pawh nang hi chu ka la hnaih thei che a, chu chuan ka duhna che a ti chiang viau lo em ni ? Mahse nihnih em pawh kan la inzui tling lo a inneih i rawt nghal thawt thawta min ngaihtuah ve ta che, eng tin nge khang zawng zawng athlen hnu ah khan pasal ka neih leh nghal mai theih ang, hun ka la mamawha chu chu minhrethiam tur i nia sin, " ka ti ta duaha hrilh hai hmel fe hian min en tlawk tlawk thung.
















" ka tih palh a ni, chan che ka duh lo a ka chan loh theih dan ber tur che a ka hriat chu ka nupui inih a nia, ngaihtuah chiang hmasa lo leh nangmah rawn hmasa lo che a ka ngaihdan ka lo siamfel ringawt chu min ngaidam rawh, " a ti leha ka chhang tawh lo, min chan a hlauh vang tih ka hriatna ringawt pawh chuan nasa takin min ti hlim, a ni anga mipa tha hi chu keimah zawk hian ka phu lo a, chuti chung pawha min chan hlau zawk tu a nihna atilang chu ka tan chuan a lawmawm tak zet, " min ngaidam rawh aw, kanin zuina a rei loh tehreng nen ka ti thinrim che a, " ti pah chuan ka kut a lo vuana keipaw'n ka hnial thei bik lo.











___________ ZAWMNA_________




New year






Pathian zarah kum thar pawh tluang takin kan lo thleng ve leh ta reng mai, kum danga ka hman ngai reng reng loh christmas duhawm tak hlim takin ka hmangaihte leh min hmangaihtute kiang ah ka hmanga, ka hlima nuam ka ti bawk tu pawh mai in min ngaihsakin min duat em em a ka tan chuan a nuam vel vek. U Ephraim-a nen pawh kan la ni tluang ve zel a min ngaihsak em em bawka akiangah chuan engkim hi a nuam a ni ber mai. A ni anga mipa tha hi ka phu loh zia hre tho mah ila ka thlah phal bik lo, ka tana Pathian remruatah ka ngai nghet hmiah, chu chu dik ngei se ka ti bawk.
















Vawin atang keima inah ngei ka awm tawh dawna, school lama ka thawhpui ka thiante leh ka chhungte ho in min puiha kan hlim tlang hlawm viau mai, U Ephraim-a erawh vawin atang college an tan leh tawh avangin a lo kal thei lo thung, Awmi leh Rempuii pawh an lo kal ve a ka bungrua vel min thiar chhuah puia an fel khawp mai, ka tan hi chuan thiantha tak an ni. " Ka rinai bungrua i ngah, " Awmi chuan ka bungrua remkhawm pahin a ti a, nu Mapuii khan ' ka mamawh lo ' ka ti chung paw'n Furnitur vel te min lei nuala keiman ka leisa ho nen phei chuan ka in ah a inleng lo tep chu a ni.















" Mahni in ngeiah a awm tawha bungrua a lei duhthawh ve a nih kha, " Rebec-i chuan a lonti ve thunga kan nui nghal dar dar, hmeichhe ho zawng chuan bungrua an rem fel a mipa ho in bathroom vel an siamtha thung, " in i nei nuam dawn hle mai, " Rinchhana chuan nui vur vur chungin a lo ti ve a keipawh ka lo nui ve hak, " chawei ah minsawm ve ang che, " Sangsangi pawhin a lo ti ve bawka, " lutuk, kala sawm vek ang che u, " ka ti let ve a an lo phur thiam ngang mai. Tlai lam dar 4 velah chuan kanin peih fel thlap tawha, duh ang thala ka chei ka in chu mawi ka ti ve khawp mai.
















" Nipui lai in a hmun hi a dai nuam ngawt ang, lo len ziah chi a nih hi, " Awmi chuan tukverh a dak chung chuan a ti a, kanin hlat lo bawk nen nipui ah lo chauh pawh a lo kal deuh reng mai ang. Eirawng ka bawl hman loh avangin nu Mapuii te'n chawhmeh vel min lo pe a chaw erawh keimahin ka inchhum thung, ka thiante chu thingpui anih zawh lamah an haw diaka, Sangsangi, Rebeci, Rempuii leh Awmi chu chaweiah ka sawm tlat avangin an ei dawn thung, midang ho erawh nidangah ka sawm ang, vawikhata sawm vek chu kan hun neihin a zir miau loh avangin a tih chi loh.


















" I pa Maruata te i sawm hmasa ber lo a, " Awmi chuan chawhmeh bel hawng dan dan pahin a ti a, " naktuk tlaiah kan ei ho dawn alawm, vawin tlai chu ka la buai ve sia " ka tih a a lo bu ve nghat. " In thara chawei chu a tui bik dawn tlat in ka hria " Sangsangi'n a lo tih chuan kan nui bawk bawka ka thian kawmte an mizia a in ang hlawm bawk nen an bula awm a nuam tak zet, an mahni ngei pawh anin ngaina tawn viau. Ka phone a lo rik chuan ka en vat a U Ephraim-a hming a lo lan chuan ka thilsiam lai dahin pawnah ka tlan chhuaka call chu ka chhang nghal zat, " in inti fel thei ta em, "? Aw thum zeta a lo tih chuan kanin tih fel theih thuin ka lo chhang ve vat














" Ka puih ve hman lo che chu ka inthiam lo lutuk a, " zawi ruih hian a lo ti a a âw ah pawh chuan nuam lo a ti tih chu hai rual a ni lo, " i ho em mai, i hman loh ni a nia ka hrethiam alawm, " ka ti let ve a, inthiam lo taka a awm chu ka khawngaih viau mai. " Zanin ah inthar ka lo lawmpui ang che, " a tih chuan ka lo remti ve nghala nikhat lek kanin hmuh loh ringawt paw'n ka ngai nghal tak zet, " Pa Maruata te chhung pawh an lo leng ang, hei vawin tlai pawh ka thiante ho nen chaw kan ei khawm dawna, " ka ti zui leh luama, pa Maruata te lo kal tur thu ka sawi chuan a phurna a ti bo deuh nge ni, " i pa Maruata te lo len loh zanah ka lo kal zawk ang, an awm ve chuan ka inthlahrung deuh tlat, " a ti a,















pa Maruata te hian kanin kawp tih an la hriat chiah loh avangin an awmlaia lo kal ve chu a duh lo tih ka hria a ka hnial leh bik chuang lo, chutih rualin ahmel ka hmu thei lo chu ka lung a leng lawk sa tak zet. " Karleh atang nangni paw'n school intan tawh ang tiraw, "? A lo tih leh tak daih ah chuan âw ka lo pawh ve nghal vat, keini in school kan tan ve leh tawh phei chuan kanin hmu tlem zual ngei ang, kartluanin class a awm miau a, saturday leh sunday bak chawlh kan nei ve thei si lo. Thu hrang hrang sawiin kan ti ti zui luama kanin biakna kan tih tawp hnuah inchhung ka luh chuan chawhmeh vel an lo siam fel diam tawh.













" Nikhat lek in inhmu lo a inva in ngaihman awm ve, " Rebec-i chuan a lo ti deuh hlaka a fiamthu tih erawh ka hre thung, " nei ve chhin la minute 2 danah zel nangphei chuan i be duh ang, " ka ti let ve chu a lo ner nasa ngang mai, " Thanthani hi chu i vannei ngawt mai, U Ephraim-a te anga mipa tha hi i tawng bika," Sangsangi pawh chuan a lo ti ve bawk a, an veng a in ang bawka U Ephraim-a pawh a hrechiang viau, kanin ngaizawng tih a hriat tirh pawh khan ka vanneih thu hlir min hrilh kha a nia. Rei lo ah chawei kan siama chawhmeh em em kan siam hman lo chung paw'n kan chawei chu a tui hlawm viau, tawng bawrh bawrh paha thil ei hi a lo tui bawk aniang.

















Eina vel kan tihfel zawh hnu chuan an la thu khawmuang ve rih a thil hrang hrang sawiin kan ti ti nasa khawp mai. " Sawi leh daih ila Thanthan i la hria em hmanni deuha ka dawra lo kal te kha, " Rempuii'n a lo tih chuan ka bo deuh viau, " kha T-shirt rawn lei tute kha, U Ephraim-a hming pawh an sawi nghe nghe kha, " a tih takah chuan Ludy te thian ho kha a sawina a ni tih ka hrethiam nghal, a sawi danah chuan a ni paw'n a lo la hrechiang viau a nih hmel. " Ka hre leh si, mahse ti nge, "? ka tih chuan a thutdan a siamtha leh te te a,

" nizan ka dawrkhar tur khan pawn lamah tawngri ka hria a, a tirah chuan ka ngaihsak vak lo mahse U Ephraim-a hming an sawi takah chuan ka beng a verh deuh tlata an thusawi chu ka ngaithla a, " ti dap dap in a chawl dat a, a thusawi tur ngaichang ranin keiin ka en thung.
















" A tir kha chuan a âw kha ka hriat hnu a ang ka ti lutuka amah erawh ka hrechhuak mai thei lo thung, ' i kawr leisak mi pawh a lak duh loh chuan a duh ve lo che a nih chu kalsan tawh mai rawh, bialnu a nei an ti a ni lawm ni, 'hmeichhe pakhatin a ti buan buana a thinrim hmel hle bawk, pakhat lah chuan tap tiau hian, ' min duh ve ang takin kha leh chen kha a awm ve sia lawm, nuthlawi mai mai angaizawnga ka la chhuhsak khawp ang, ' a ti ve thunga a tawngring hle bawk,

an tawng reng takah chuan U Ephraim-a hming kha an lam ri ta nge nge a chutah chiah chuan alawm nangmahni chungchang an sawi tih ka hriat. An kalsawn tur kha kawngkharah ka dak chhuaka hmannia min lo dawr tute kha anni tih ka hrechiah. "
















A thusawi ah chuan a chian hmel ngang mai, rinhlelh chi ah pawh ka ngai lo Ludy te chuan chutianga an lo sawidanah chuan U Ephraim-a nen kanin ngaizawng tih an hre tawh tihna a nia, an tawngkamah pawh chuan min ngaisang fahran lo tih a hriat hle bawk, U Ephraim-a hi mipa hmelchhia lo ni lo ta chu duhtu pawh a nei nual anga buaina pawh hi ka tawk zeuh zeuh maithei a ni, kei lah heti mai hi ka ni si a min huatphah tawk pawh an awm ve zel dawn a nih hi. " A ho em mai an duh duh lo sawi rawh se, kan thiannu hi an thik vang bak a ni lo naupang te te an nghal lutuk " Awmi chuan a lo ti nghal hlak hlak a, " dik chiah, " Sangsangi leh Rebec-i pawh chuan an lo ti ve bawk.















" A ho em mai an duh duh lo sawise ka ngai thutak lo, " ka ti a ka rilru dik tak ka sawi bawk, mi te chuan an duh duh an sawithei alawm tah chuan kei ni in sawitheih kan nei ve lo thung. Dar 7 velah an haw hlawma pa Maruata te chhung an lo leng ve thung, ka inluah chu nuam an tih thu te an sawi ve luama chutih rualin ka chhuahsan daih chu an lunglen thu an sawi ve bawk, kei pawhin an bula ka awm tawh lo tur chu hreawm ka ti ru ve viau tho, " ka rawn leng ziah ang, " Melo-i chuan ka room atanga lo chhuah pah chuan a ti a, " i lo leng ziah dawn nia, " ka lo ti let ve var thung. Thingpui ka lum lai chuan ka phone message tone a lo ri a ka en nghal vat, U Ephraim-a a ni, " ka ngai che " tih hi a lo thawna ka chhiar pah chuan ka nui nghal ver ver.









( NAKTUK-AH CHAPTER THAR A AWM ANG AW, ZANIN TKP GROUP VUR SIAMNA LAMAH KA KAL VE SIA HETI ZAWNG HI KA TYPE HMAN, CHUAN A STORY HI A KALHMANG A DANGLAM HRET ANG, KA THAWNG THUT DAWN CHE U )


Show post links
Top

[Ngaia]

NUTHLAWI NAUPANGTEI
( CHAPTER-14 )
STORY OF: LALNUNNGHETI TETEI





Khuh kharh ri ka hriat chuan ka hawi chhuaka U Mama chuan mit ko min lo san khum nghal uk a ka ngei reuh tak tak, lei chhuah khum tut in thingpui chu ka thli a a lo nui hawk zui. Thingpui ka pek pah chuan U Mama bawk chuan min lo chhaih leh zuk zuk thina ka che lai zo vek, " U Mama Hruaii i leng dawn lo mi, "? Melo-in a lo tih chuan U Mama chuan rum fe hian a nau chu a melha ka lo nui hak thung, Melo-i chuan a sawisual tih hria in a ka a hup chawiha a pawi tur erawh a pawi zo vek tawh thung.














" Hruaii nen chuan in la inkawp fo animaw, "? Nu Mapuii chuan a ti chang deuh faka Melo-i ka va melh zeuh chuan inthiam loh hmel deuh hian a a tho chhuaka bathroom lamah alut tlang nghal daih, " vawi eng zat atam nge sawi ngai dawn, hmeichhe tha a nih loh saw midang i hmu zo ngang lo em ni, "? nu Mapuii bawkin a ti nawn leha U Mama chu a thaw ri nghal hrawk, " nu i mak em mai puitling ka nih ve tawh hi ka tana tha tur chu ka hre ve tawh lutuk " a tih chuan nu Mapuii chu a lungawi loh hmel nasa zual sawt, " Lalruatfel khati'n min chhang hauh suh, eng ang pawhin puitling mah ula in nu leh pa te lakah chuan naute ang reng in ni, sawni i tawn hma kha chuan tiang hian min chhang ngai lo, " nu Mapuii chu a âw a chang tha fak fak tawh khawp mai.















" Thiani in bengdai teh, nangpawh Mama i nu in vawitam a hrilh tawh che zawm la i tan a tha ang, nu leh pa te hian kan fate tana tha lo tur eng thil mah kan duh lo, " pa Maruata pawhin a lo ti ve a, a ni hi chu a fate chungchangah a inrawlh tam lo na a thutawp erawh a siamtu a ni ziah, a thinrim lai ai mahin nem diaia a awm lai hian a hlauhawm zawk. U Mama ch a tho vut a dawhkanah thingpui no chu dahin a chhuak nghal vut a nu Mapuii chu a thaw nghal hak, " Lalruatfela em em hi chu, a duh duh in awm rawhse eng mah ka sawi tawh lo ang. Lalhruaizeli vang sawn a sual zo vek tawh, " a ti zui nghal bawrh bawrha pa Maruata chuan tawng insum turin a lo ti nghal vat.















Hruaii an tih hi U Mama len luh tamna ber kha a nia anin ngaizawng bawk, kei tak hi chuan ka hrechiang lo na a nu Mapuii'n heti taka a duh lo hi chu chhan tha tak a awm ngei ang. " Khawiah nge U Mama chu, "? Tim dai hian Melo-i chuan a lo ti a nu Mapuii chuan a lo melh rum nghal viau, " Melody i tawngtheih hi sim rawh, tun hi khatiang thusawi hun kha a nia mi, " a ti leh hlaka Melo-i chu a kun ngur mai. " I thinrim laklawhin an na tur i zawng mai mai a nih kha, Mami hian sawi lo se an la inkawp tih i hrechhuak miah lo ang " Melo-i thlavang hauh ru deuh zet hian pa Maruata'n a tu ve thunga tumah chu an tawng chhunzawm tawh lo.

















Dar 9 velah an haw diaka keimah chauh chuan ka awm tawh. Ka khua a har ru ve zek bawk, kha leh chen ka lo chenpui tawh te nena inthen hran thut chu ka awm thiam lo ve tak zet. U Puia nen kanin then tirh ah erawh keimah ah hian danglamna eng vak mah a awm lo thung, ka thil lo tawn tawh te kha harsa in hreawm viau thin mahse tun hun hi ka tawn theih phaha lehlam tak chuan ka lawm tak zet. Khuma ka mut hnu rei vak lo ah kawngkhar kik ri ka hria a ka harh nghal kawk, tun ang zanrei tawh ah tu nge lo len tum ang ? Ka hlau ru tak zet, tim dai hian khum atang ka tho a, ka room kawngkhar pawh dim zetin ka khar bawk.













Kawngkhar lah chu a khat mawi tawkin a in kik dat dat reng bawksi, " tu nge, "? Ti zawi deuh sap pahin gas bula chemte chu ka la a kawngkhar bulah chuan ka ding ran tawh, " keimah, " chu âw ka hriat rual chuan ka thaw nghal hak, kawngkhar chu ka hawng nghal vata U Ephraim-a chu a lo ding run mai, chemte nena ka ding min hmuh chuan nur nang hian min melha a lo lut tlang zat bawk. " Tun ang ah te eng nge i lo tih ? mintih hlauh hman zia kha, " ti deuh hlakin ka chemte ken chu a dahna ngaiah ka dah leh a, " min hlau tihna em ni, "? Nuih insum zeta a lo tih phei chuan ka haw hlur mai.














" Tun ang huna mi in kik dawt dawt tu chu engtin nge ka hlauh loh theih ang, " ti hlakin ka kal pel a couch-ah chuan ka thu thla nghal hnawk, " ka ngai che a zanrei pawh ka sawithei lo a ka rawn kal tawp, " ti deuh sup in ka bulah chuan a lo thu thla ve a, " i naupangchhia thei lutuk, tleirawl inngaizawng pawh kan nih loh hi lunglen te mai mai chu tuar thei lo rual pawh kan ni lo, " ka ti leh kha kha a min tih hlauh em avangin tawngkam pang ngai pawh ka hmang thei lo. " Lunglenna in kum a thliar lo, tleirawl te chauh in lunglen an tuar thei lo tur tih pawh a awm chuang lo, " a ti ve nghuta ka chhang buai tawh lo, min hnialna tur a hriat zel bakah thu dik hlir a sawithin sia keimah zawk hi ka hawi lawl lawl zel.
















" Kar leh ah Dubai-ah ka kal dawna " a tih takah chuan a lam chu ka hawia mit meng dul ruih hian a ni paw'n min melh let ve bawk, " eng ti turin, " ka âw ki pawh a hma ai ngawt chuan hriat a nuam tawh zawk ang, " kan college thil velah a nia, keimah kher hi kal turin min thlang chhuak sia student tlema zawng te nen kan kal ang " a ti zung zunga a zirlai thenkhat te kal ve tur chu ka rilru a lo hah lawk ve tawp, Ludy kha a tel ve ngei ka rin vang a ni. " A nih chu, " ti sep in hmalam chu ka en a ' lunglen te mai mai tuar zo lo rual pawh kan ni tawh lo, ' te kha ka ti vela keipawh eng ka nih bik tawp loh hi, a kalhma hauh atang hian ka lung aleng sa.
















" Min ngai angem "? Ka lama rawn thle zeuh pah hian a ti sup a, ka ngaih tur thu hrilh kha chu ka duh bik mai lo thung, " i kal hunah a hriat ang chu, " ka ti ve ngata a ner zui nawk mai, " min ngai dawn lo tawp a nih kha, "? ti hmukin lehlam a hawi daiha naupangchhia ka va'n ti tak, amah a senior tawh teh reng nen hetianga a han ti tau ve te hi a inhmeh tawh thlawt lo, nuihzatthlak lamah a kal daih tawh thung. " Eng tik nge i rawn let ang, " ka ti ta daiha chuti pawh chuan ka lam chu a lo la hawi duh chuang lo, " kum tawpah, " min hnungchhawn reng chung chuan a ti deuh hmuka ka nuih a tiza ang reng viau mai.















" I kal hunah chuan ka ngai viau ang che " ka ti ve ta nge nge a, chutah ka lamah rawnin herin a lo tawlh hnaia ka kuttah chuan chelhin chiang zet hian min melh bawk, " i ti tak tak em, "? A tih chuan ka bu nghal nghat, " min lo nghak reng rawh aw, ka chamrei vak lo anga mahse chamrei lo lutuk pawh ka ni chuang lo ang, eng pawh nise dawhthei takin lo awm la ka lo let leh ang, chuan tun tum chu min hnial lo la, ka lo haw leh hunah chuan ka chhungte hnenah inhmelhriat tir turin ka hruai tawh ang che,"




ti leha ka chhang mai lo thung, " inneih lam ni lo in inhmelhriat satliah turin, kanin kawp tih hi chu hre tawh se ka duh, inneih lam kha chu ' ka tilui lo ang che ' ka tih tawh kha, " ka ngawih tak rengah chuan a lo ti leha ka hnial duh ta bik lo.













" Hun rei tak inhmu tawh lo tur ang maiin i tawnga ka ngaih iti tha lo tep, " ka tih chuan a nui hawka min kuah bet nghal thlawp. Zanrei tak thleng chuan kan ti ti a a haw meuh chuan khua a var ti tih tawh, zan hun kan hman dun chhung zawng khan engthil mah a ti lo a chu chuan a rinawm zia min hriatnawn tir, mipa dang chu nise hun remchang an zawng ngei ang U Ephraim-a erawh chutiang mipa chu a ni ve lo, nitin maihian a that zia ka hre thar awn awn mai chu a nih hi. Khuma ka mut hnu rei lo ah mutchhuak in min lo zem nghal chiai chiai a rei lo ah ka muhil zui nghal.





















Zinga ka tho chu ka awmna ka hai dawn dawn mai, riah than lohna a ni bawk nen ka mut pawh a tui viau a mahse zinglam panga mu ka ni bawk nen mut chu ka kham chiah lo a ni. Intifai in eirawng ka bawl zung zunga mahni chauha awm chu a hau tak vak lo. Chaw ka eikham lamah school kal turin ka insiama in atang ka chhuah chuan dar 9 a ni tep tawh. Taxi la in kan school lamah ka tlan tira tunah chuan ka school thawhna leh ka in luahna a in hlat ve tawh bawk nen taxi fair pawh a sang ve tawh khawp mai. School gate ka luh dawn lai velin U Gaby-a pawh a Car in a lo inkhalh thleng ve chiah a, lut ta mai lo chuan ka lo en deuh reng.






















A car atang a lo chhuah hnu chuan ka lam panin a lo pheia min biak ka rin ve tehreng nen min kalpel hmak a nih chu! A hmel lah chu tukdang zawng ai a rum tha lehnghal eng vanga hlim lo reng nge maw a nih dawn ni. Office lam pan chuan ka kala office ka lut chiah chu an lo thu kim leh thap tawh, tuk khat chiah Rebec-i pawh ka la kal khalh. Ngaiah min neih hlawm tawh avangin tuma'n eng mah an sawi ngai lem lo, a hma kha chuan min fiam nan tak khan an hmang thin. Bell a rik rual chuan kan class lakna tur theuh ah kan kala keipaw'n class chu ka la nghal mawlh mawlh. Hindi leh Math kher ka la bawk nen tawngtam a ngai thin lutuka ka luak te a chhuak hlui thin.



















Class ka la zo ka chhuak chu office lampanin ka pheia, principal room atanga ang thawm a lo chhuah chuan ka ding nghal chat, hmeichhe âw ni ngeia ka hriat vangin ka kal hnai deuha ka ngaihthlak chian chuan ka ti sual lo ngei, hmeichhe pakhat hi a lo ang bawrh bawrha a thinrim hle tih chu hrilh nawn ka ngai lo. " Nangai chuan i nau in i pa ai awh chu a tlin zawk ang, nang ang hmeichhia bak ngaihsak nei lo hian engtin nge i pa ai i awh theih zawk, " chulai tak chu ka hrechiang ngang mai, chuti taka a an danah chuan an chhung hnaivai tak an ni tih ka ring thiam nghal. " In lamah kan sawichiang viau tawh a ni lawmni ? Helai hmunah hian lo kal in ka dinhmun luah min chhuhsak rawn tum buai tawh suh.






















I fapa khan ka pa dinhmun luah tlin viau pawh nise luah theihna dan a nei lo sawn mai a nih saw, "? U Gaby chuan a ti ve a, an hmel hmuh tuma ka va dak chiah tih ah chunu chuan U Gaby chu a benga ka kâ ka hup nghal chawt. Chutiang ang thil ka hmuh avang chuan awmdan tur ber pawh ka thiam lo, U Gaby-a inseh ruh tuna a ding chu ka khawngaih tak zet, chutih rualin atawngkam kha a mawi lo ve em a ni. " Hei leh chen hi ka enkawl che a engtin nge khatiang khan ka fapa chung chang i sawi ngam, ? ' Nu ' ti pawha vawikhat te mah min ko duh lo tu hi ka lo enkawl che chu a nisia, " ka pi bawk chuan a ti leha, thil awmzia chu ka hrethiam lo tulh tulh.




















" ' Ka nu ' ti a ka koh chhan tur che a awmin ka hre lo, chuan i duh vang reng ni lo in loh theih lohna avanga min enkawl inih kha, khang hun chhung zawnga i mize tenawm tak i lo thup thin te kha hre lo turah min ngai suh, ka chunga khang zawng zawng i tih hnu ah ngat phei chuan, " ti vawt ruihin U Gaby chu kawngkhar lampanin a lo pheia ka hamhaih lutukin kalsawn mai nachang pawh ka hre lo, kanin hmu fuh chat chat khawp mai. Zam deuh tak hian ka melh kiaua a ni erawhin thip fe in min melh thung, kut minthlak pawh a hreh lo ang tih tur khawpin a mengrum tawh, min lo hnaih hrut chuan rang zetin ka tawlh hnung nghal dawrha nui sukin min kal pel nghal nal nal.



















A nui hmel te kha a rapawm tak zet, thaw hlawp hlawp in office lamah ka pheia dawhkana ka tui bottle dah chu la in ka in nghal khawlh khawlh, nizan atang tawhin min thawng dawt dawt tu thil ka tawng reng mai. " I va hlauhthawn hmel ve, "? Rebec-i chuan ka rin ang takin alo ti a ka chhang thei mai lo, nichina ka thu hriat te kha ka ngaihtuah chhunzawm nghal char char, an tawngkamah kha chuan khanu kha U Gaby-a nuhrawn a nih ngei ka ring. " Eng nge maw i ngaihtuah le, " Rebec-i bawkin a lo ti leha " engmah " ka lo ti vat thung.
















Tlai ban thleng chuan U Gaby chu ka hmu leh tawh lo, keimah zawk hian ka peh hel a ni deuh ber mai. In ka thlen chuan intifai zung zungin inchhung vel chu ka tifaia chumi hnuah eirawng ka bawlchhun zawm nghal, Pa Maruata'n chaweikhawm a rawt avangin chaw pawh ka chhum tam viau, sa erawh an mahni in siamsa a an lo ken dawn avangin ka siam lo thung. Bai leh salad ang chi chu ka siama, U Gaby leh a nuhrawn ni awm tak anin hauhna ngawt chu ka la ngaihtuah zui, U Gaby-a a ben lai lah kha ka hmuchiang ngang mai sia ana ve khawp ang, a lo chhuah pawh khan a hmai kha a sen deuh tlat.

















Nu Mapuii leh Melo-i an lo thlenga Pa Maruata leh U Mama erawh an offce kal an lo la thlen loh avangin an lo lang ve eih lo thung, nu Mapuii chuan Vawksa chhum hi tiffin lian ang reng takah a lo kenga, Melo-in Arsa a lo keng ve thung, chawhmeh dang ka siam vek tawh bawk nen chawei chauh a ni tawh mai. " Thante Ephraim-a nen hian inni ve deuh em ni, "? nu Mapuii'n ka rin loh lutuka a lo tih chuan Melo-i ka melh vata a lu a lo thing nar nar thung, a hmui phunin a hrilh loh thu a sawi bawka ama hrilh ang ah ka ngaih a hlau a nih hmel.
















" Um, " zawi si fiah si hian ka ti a a lo nui nghal hak, " ka rinhlelh na che u a rei tawh renga, tiang te chu min hrilh ve tur a nia " a ti leha amah chu a nui hak hak bawk, ka zak hmel a hmuh te chuan a nui uar sauh mai, " Melo-i pawh hian abialpa neih hi min hrilh kher ngai hleinem, keimah hian ka hrechhuak zel thung, nangni chuan in nu leh pa te hi awm mawl ve tawp turah pawh in lo ngai a nimaithei mahse chutiang chu a ni bik lo a nia, nu leh pa te hian kan fate hi chu kan hrechiang ber thin, nangni pawh " in ngaizawng su " ka tihna lam a ni lo a nia, ngaihzawng neih te chu khawvel dan a nia amaherawh chu neih dan chin tawk thiam a tha, " a ti leh dap dap a ka thla a muang nghal sawt mai.
















" Nu a nih chuan keipaw'n ka nei ve leh ang, ngaihzawng neih in phal lo emaw ka tih vangin ka neihsa pawh ka then zel a, ka neih leh hunah chuan ka then tawh lo ang " Melo-i chuan a lo ti ve nghala nu Mapuii chu a thaw deuh hak, " tuman an duh tak tak lo ang che i â em mai, " a tih rual chuan ka nui chhuak nghal hak, Melo-i erawh a tum nasa viau thung. Kan pathuma kan ti ti ho lai chuan Pa Maruata te pawh an lo thleng ve chiaha, " nangni nufa thum chu inthawm ava tha ve, "? Pa Maruata chuan a lo ti lut vara, " an bialpa chungchang min lo hrilha, " nu Mapuii chuan a ti a a nui leh kar kar tawh.















" Melo-i paw'n a nei ve tawh a ni maw "? Pa Maruata pawh chuan nui hawkin a ti ve a Melo-i thung chuan a neih loh thu a lo sawi ve nghal zat zat thung. U Mama leh nu Mapuii chu an la inbe tha vak lo tih an awmdan ah a hriat, U Mama lah tlangval senior mahni thu duh rual a ni bawk nen nu Mapuii pawh a duh loh chu duh lo bur ang mi rilru thlak mai mai lo a ni ve bawk nen anbuai ve mawp mawp zel dawn a nih hi. Chawei lai te chuan kan ti ti a pa Maruata paw'n U Ephraim-a nen kanin ngaizawng tih a hre ve tawha min lawmpui thu leh U Ephraim-a chu mipa tha tak a nih thu min hrilh nghal siam siam mai.














Chaweikham lamah chuan reilo te an thu khawmuang ve a, office thil vel khawih tur an neih nual thu pa Maruata chuan a sawia dar 7 hma deuh chuan an haw ta diaka, mahni chauh chuan ka awm leh ran tawh. Thingpui hang lum tuma gas lam ka pan chiah tih ah kawngkhar a lo in kik ri leh karh karha U Ephraim-a a nih ka ring nghal hmiah, " lo lut rawh, " ka tih chuan kawngkhar chu a lo inhawnga rin ang ngeiin U Ephraim-a alo ni, ngawirengin a lo luta ka bulah chuan a lo ding nghal run mai, " thingpui hang ka chhuanga i duh ve nghal em, "? ka tih chuan a lu a bu nghuta no chu la in a thingpui tur chu ka siam kep ve nghal.











Thingpui ka siam mawlh mawlh lai chuan ka hnunglam a tang min lo kuah deuh thuta ka phu nghal zuk, " dawi lutuk, " a la ti hluk zui, " min thlah teh kha thingpui hi in rawh, " ka tih pawh chuan min thlah duh mai lo, ka darah a khabe chu a nghata a thaw ham ham mai, a palian in a sang bawksi chutianga min kuah phei chuan ka thaw achham dawn dawn mai, " i rit si tho teh, " ka ti leh hlaka a la nui hawk zui. A awmsawn hnu chuan thingpui chu ka pe a thutna lamah chuan inzuiin kan thu duna sawitur avang leh tawh khawp mai.








" U Ephraim thil zawh lawk tur che ka nei a, " ka tih rual chuan a lo hawia min en nghal run bawk, vawina ka thil hmuh chung chang kha zep bo duh viau mah ila ka hriatchakna in min tur reng avang chuan zawh ka tum a ni, " sawi la, " a tih takah chuan ka âw ka thian kharh a, " vawin khan U Gaby-a lo hmu turin hmeichhe pakhat nu Mapuii te ang rual vel hi alo kal a, anin hau chiama school-a thawh chung chang velah sawn a ni berin ka hria, U Gaby-a kha ka pi chuan a benga a fapa chung chang mawi lo taka a sawivang ni ta berin ka hria, " ka tih chuan a ngawi deuh vung vunga chumi hnu ah, " Pi Dini a nih chu, Gabriel-a nuhrawn, " a ti ta dut a ka lo rin lawk chu ni deuh tho mahse min thawng dan a dang chuang lo.














" Eng vanga khati taka inngeih lo nge an nih ang le, U Gaby-a hian a nuhrawn a nih vangin a haw hrim hrim nge, " ka ti leh siam siama mak ka ti bawk em a ni, " Gabriel-a hi chuan a hma chuan a haw ngai lo, nu ang tak tak in a en thina mahse pi Dini khan fa bik a lo nei ve a chu nen chuan a en hranga khata tang khan Gabriel-a pawh hi a danglam zo vek a lawm, pi Dini lah khan Gabriel-a neih ang zawng zawng a fapa tan chhuhsak a tum vek mai bawksia, tunah pawh hian school-a thawk tur sawn a fapa a duh vang a nia " a ti dap dap a keipawn ka hrethiam uar uar mai, U Gaby chu ka khawngaih ru viau bawk.



















" U Gaby chu a khawngaih thlak reuh e, a nu dik tak a thi tawh tihna em ni,? " ka ti leha a lo bu nghal nghut, " a nu a thih tirh khan keini ho chu kan la naupanga, Gabriel-a phei chu kei ai pawha ala nau ve leh chhawng avang khan a hrethiam kher lo ang, chutah lah a nu a thih hnu rei lo ah apa khan Gabriel-a nu U chiah hi a nei zui leh sia, chu chu pi Dini hi a nia, " a thusawi avang chuan ka meng bial deuh kawk, U Gaby-a chu ka khawngaih zual tak zet, a nu a thih hnu lawkah a nutei a nu U ngei chuan a pa chu a nei lehnghal mai si a, a lungawi lo viau pawh kha a dem awm lutuk bik in ka hre lo.














" An chen ho tirh kha chuan pi Dini hian a duat viau thina mahse an hanin hrawn rei deuh hnu chuan a mizia tak tak a langa, pi Dini chuan fa bik a nei ka tih tawh kha, pasal nei lo in fa aneia chu chu a duat em em bawk, Gabriel-a lah a naupang ât zual lai hun a reh a thil engkim kha a hrethiam ta vek sia, khata tang khan tun thlengin an la in ngeih lo tluang zel a nih hi, " U Ephraim-a thusawi mal tin te chuan min thawngin mak mintih tir tak zet, vawin lama U Gabya'n pi Dini a tawngkhum dan te kha sual ka tih ruk vei nen a dinhmunin a lo zir loh vang vek a nih dawn hi.










( COMMENT VEK RU AW, CHUAN ADS CLICK PAWH KHA )


Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia


Show post links
Top

[Ngaia]

NUTHLAWI NAUPANGTEI
( CHAPTER-15 )
STORY OF: LALNUNNGHETI TETEI





Vawin chu school lamah kal leh angai bawk nen zing dar 6 velah tho in eirawng te ka bawla, nimin tlai lama chawhmeh kan ei bang tlem la awm chu ka chhuang lum leh tawpa chaw chhum chauh a nimai. Chawei hma in ka insiam sa diama ka insiam zawh chuan chaw ka ei nghala mahni chauha awm chu a hau tak lutuk lo na in buai a awl ve tho mai. In atang ka chhuah chuan kawngpuiah taxi ka chang leha, ka ngaihtuaha hetianga taxi-a nitin kal ai chuan mahni in scooty te nei ve zawk ila, ka hlawh lak leh hmasa berah ngaihtuah a ngai ang, tunah chuan in ber ka nei tawha ka hlawh pawh thil tul dangah ka hmang thei tawh ang.

















Taxi tlan avang bawk nen school lampan chuan ke in ka chho a, Car pakhat ka hma zawna lo ding a awm takah chuan keipawh ka ding dat a Car chhung atang U Gaby-a a rawn chhuah chuan ka lo en deuh reng, U Ephraim-a thu min hrilh te kha ka hrechhuaka ka khawngaih thar tlat pek. Ka hma ah tak chuan a dinga tawng nachang pawh ka hre lo, " nimin lama i thil hmuh leh hriat te kha theihnghilh ang che, " thu pe âw zet hian a rawn ti chhum hmuka, nidang ang chu nise ka haw leh viau maithei, tun tum erawh ka thinrim hauh lo. A hmel chu ka en vang vanga a nuih ngai miah lohna chhan hi a nun a lo hreawm ruk em vang a ni ngei ang. " Min chhang ta che, " a tih leh chuan ka phu deuh zuk.


















" I tha em, "? A zawhna nena in mil lo deuh chuan ka ti ta daiha mit ti zim sunin min melh nghal run mai, " khawngaih hmel tak khan min melh suh, nimina thilthleng kha theihnghilh bawk ang che, " ti nawn lehin a pensawna a Car-ah chuan thu lutin a tlanchhuak nghal vut bawk. Taxi lo tlan pakhat ka hmuh chuan phar dingin school lampan chuan ka tlan tir a, kawngtluanin U Gaby-a chung chang ngawt chu ka rilru ah a awm. School gate bulah chuan chhukin chuan man te ka pe fela chumi hnuah office lam pan chuan ka kala, U Gaby-a a offce kawt a tanga min lo thlir reng tu ka hmuh chuan ka ding dat a, keipawn ngawirengin ka melh let ve kar.





















Inchhung lama a pen luh takah chuan keipawh office lampanin ka kal ve nghala tukin chu a kal hma pawl ka ni ve nawlh, " tukin chu i va hma ve, " Rebec-in a lo tih chuan nuiseih in a bulah chuan ka thu thla ve nghala min lo be leh nghal siam siam tawh. Class lak a hun chuan offce atang ka chhuaka ka phone ri ah chuan ka ding nghal chat, ka en chuan U Ephraim-a a ni, " aw hello, " phone chu ka beng zawnah dahin ka ti sep a, " naktuk lamah zawk ka kal angai dawna vawin chu min chhuah pui la, " a rawn ti nghal zung zunga a kal hun tur an sawn kher kher pawh chu a fuh lo ka ti tak zet, inthlahnan kan lengdun ang te kha kan tia chu pawh kan hman dawn lo tihna a nih chu.


















" I hman dawn chuan dar 12 ah ka lo lam ang che, " arawn ti leha keipaw'n âw ka lo pawh ve nghal vat, class room-ah chuan lutin class chu ka la nghal mawp mawpa bell a rik chuan naupang ho chu home work pe in ka chhuaka, office lam pan chuan ka phei lehnghal. U Ephraim-a chuan 12 banah min lo hruaia bazar lamah chuan kanin phur pheia, dik tak chuan engtih mah ka phur thlawt lo. " I va lungawi loh hmel ve, " U Ephraim-a pawh chuan a lo ti renga, " i kal hun tur an sawn leh thuta vawin ah chauh kan hria a naktuk maiah i kal tawh dawn sia, icham rei dawn bawksi " ka ti niah niaha a kal hun tur ansawn chu ka lungawi thei thlawt lo a ni mai.
















" Ka kal hma pauh leh ka lo let leh hman tihna a nimai a, lungngai mahta che ka lo haw hunah chuan kan awmhrang tawh lo ang, kumin ah a nih loh paw'n nakum lamah chuan nangpaw'n min neih i duh ve tawh anga, " a ti dam thlap a a thusawi tawp lamah chuan a uang tih ka hria a keipawh ka nui tawp. Dawr chhungah chuan kanin zui luta a midang chawl ve pawh an lo awm nuk mai. Kanin ei puar zawh hnu chuan thawmhnaw dawr lamah ka hruai pheia thawmhnaw pakhat tal leisak ka duh vang a ni, t-shirt chu ka en kual dan dana hmanniah Ludy te'n an leisak kha hrechhuak thutin t-shirt chu ka lei leh duh ta lo.
















Kamiz par deuh chu ka thlansaka a inhmeh viau in ka ring, thawmhnaw ka leisak pawh chuan eng mah a sawi buai bik lo bawk. Dawr atang chuan kan thil lei khai pahin kanin zui chhuaka a motor bulah ding tura min ti in a ni erawh hmundangah a kal thunga, ka thil khai lai motor chhunga ka dah lut zo ka inher chiah chu Ludy te thian ho nen kanin hmachhawn nghal siah. " Nangmah hi em ni nuthlawi Sir Ephraim-a lo ngaizawng tu chu, " Ludy thiannu pakhat chuan min tham loh hmel fe hian a lo ti a a ner zui sak bawk. " A nih dawn hi, hei sir Ephraim-a Car a nih hi ka chiang lutuk, " pakhat chuan a ti ve thunga Ludy erawhin engmah ala sawi lo thung.














" Sir Ephraim-a nen inzin dun dawn bik sia anuam awm e, " pakhat zawk chuan Ludy melh chungin a ti leh khera Ludy pawh chu a nui ve sak, " enteh sir Ephraim-a hi lo ti buai tawh suh nang ang hi chu a duh tak tak chuang lo ang che, i nat tak tak hma hian kalsan zawk rawh, " Ludy chuan a lo ti ve ta nge nge a tawng a insum rei ka ti reng a ni, " kei ni lo in nangni hian lo tibuai tawh suh u, a zirlai in nih ang takin in zirtirtu ang chiahin en zawk rawh u, " ka ti let ve fak a an meng nur nasa khawp mai, kum lamah pawh kei ai an nau daih anga tham lo taka min tawngkhum chu ka dawh reng thei bik lo.




















" I hmuh phak loh lama a awm hunah engtiang chiah in nge a awm ang i hre hleinem, he hmuna kan lo let leh meuh chuan engkim hi a danglam tawh ang, " min tih khum leh siah hnu chuan an kalsawna hnunglam a tang chuan an kal liam chu ka thlir reng thung. " I lo la ding animaw ? A chhungah thut luh tur a nia ka rinai ka rei daih bawksia, " U Ephraim-a lo let chuan a lo ti nghal zung zunga ka chhang lo thung. Motor chhunga kan thut luh hnu pawh chuan Ludy thusawi kha ka la ngaihtuah chhun zawm char char, U Ephraim-a hi ka rin loh vang ni hauh lo in ka hmuh phak loh a a awm tur chu ka ngaih atha zan lo.














Ka inlamah chuan kan tlana kawngtluanin eng thil dang mah ka ngaihtuah thei lo. Car a ding rual chuan biak pawh be lem lo chuan ka chhuaka nalha ka in chu hawngin ka lut nghal hmak. " I awmdan a dik leh tawh miah lo, " U Ephraim-a pawh chuan a lo ti leh renga, " i kal lo thei mai lo em ni, "? ka ti let hap thung. " Kan sawichian tawh em kha, a pawimawh alawm " nem fahran lo hian a lo ti let ve nghuta hrethiam tur ka nih laia hetianga ka awm tlat hi achhan ka hre bik lo. Ka hmuh phak loh a a awm hnuah min phatsan leh mai ka hlauh vang ni ber in ka hria. " Ka hria e, " tih zawnga chhangin ka tho chhuaka bathroom lamah ka lut tlang nghal daih.


















Ka chhuah leh pawh chuan a lo la awm renga ka chhuak min hmuh chuan min lo pan nghal vat, " ka tihpalh ka duhai ka lo vin deuh a ni, " inthiam loh hmel taka a lo tih te chuan ka tah a chhuak, " i thiam loh a nih bik loh kha, " ti tiaua kalsawn ka tum chu hnunglam atang min pawt let dawrin min kuaha chetsawn pawh ka tum bik lo, ".min ngai dawn tih ka hriat hian ka khawngaih rual che in ka lawm, " ka beng bulah chuan a ti sup a ka chhang lo thung, " min duh ve tak zet tawh tih ka hriat hian ka hlim tak zet, " ti nawn lehin min kuahna chu a ti nghet zual sauha thawk a harsa dawn dawn mai.













" Min phatsan suh aw, " zawi sep hian ka ti a chu vel leh min kuahna chu thlahin a lam hawi zawngin min kuai hera chiang zet hian min melh bawk, " engtik ah mah ka phatsan lo ang che, min rin theih loh chhan hi ka hria asin, mahse irinanga mipa lak tlak loh chu ka ni miah lo, " a ti nghet charha hetianga ka awmchhan a hrethiam chu ka lawm viau mai. " Vawintlai chu hetah chaw ka ei ve nghal mai ang, " a tih chuan ka hnial bik lo. Kan pahnih chuan eirawng kan bawla kan hlim tlang viau mai, ka mipa hmangaih tak bulah ka awma ka thla amuang tak zet, hmangaihna leh ngaihsakna ka pasal hlui lak atanga ka dawn ngai loh te kha a ni lak atang chuan ka dawng vek si.


















Chaw kan ei lai te chuan kanin nuih leh tet tet thina keipawh ka lungawi ve tawh bawk nen ka ti ti ve siam siam mai. Chaweikham-ah chuan thla eng thlir pahin bathlar-ah kan thu chhuaka a darah chuan ka ngheng chial bawk. " Arisi tê saw mawi iti ve em, " arsi en vang vang pah chuan a ti sup a " Um " ka ti ve nghal sep," tunah chuan Arsi te ang sawn kan awmdun reng theia mahse naktuk atang erawh thla ang maia riang ka ni dawn bawksi, " rilruiha a lo tih chuan ahmel en turin ka dak chho a ahmela lungngaihna leh khawharna lang chu ka hmuh hmaih bik lo, kei ngei pawh hi tun atang ka lung aleng sa em em chu a ni si a.














" Inthen leh tawh ngai lo tura awmdun ve ka chak tawh " ti lehin min lo melh chhuk ve runa kan mit chu a intawng nghal chat, thla eng tak kara ahmel chu a pa hliah hliah, a thutdan a siamrem takah chuan keipawh ka lo insiamrem ve a, a kekawr ipte atang bawm tê ve ang reng tak hi alo phawh chhuaka ka hmaah chuan a thingthi nghal zat bawk. " A la hma pawh iti a nimaithei, mahse tun thawt thawta inneu turin ka sawm lo che, amaherawhchu in peih hun huna ka neih tawp theih nan che ka sawm zawk che a nih hi, " a tawngkam tin te chu ngaihthlak a nuam tak zet, a thil tih tum pawh ka hre chiang viau.















" Min nei duh angem?" Ti pahin bawm tê chu a hawnga zungbun simple ang reng tak hi a lo ni, a nalh in a mawi tak zet. " U Ephraim " ti hap pahin ka melh kiaua mit meng sexy zet hian min en let ve bawk, " ka sawi tawh kha, in peih hunah chiah ka nei ang che " a ti nawn leha tawngkam paw'n ka chhang thei lo, ka lu chu ka bu nghat nghata nui suk hian ka kut chu a la kanga zungbun chu a rawlh lut nghal zat. Zungbun min buntir zawh chuan min pawt tho a nghet zet hian min kuah nghal vang vang a keipaw'n ka kuah leh ve nghal zat, " zanin hi ral thei lo se ka va ti ve, " ti leh sup in ka chhipah chuan min fawp a, keipawn zanin hun kher chu tawp thei lo se ka ti tak zet.




___________ZAWMNA____________






Dar 11 vel thleng chu kan ti ti a a haw dawn pawh chuan kanin thlah hleithei meuh lo, hetiang tak hian U Ephraim-a hi ka thlahlela kei ngei pawh hian mak ka inti. A haw hnu chuan keimah in khumah ka mu meng kara, Pathian zarah damtaka kanin hmu leh te a nih ngat chuan pasal-a neih chu kei ngei pawh hian ka hnial bik tawp lo ang. Ka hmangaiha a ni paw'n min hmangaih ve bawka chu bak eng nge duh ka neih chuan, amah berin min neih a hnial lo a nih chuan keipawh hian lo hnial reng chu ka duh tawh bik lo. Ka duhthusam mipa ngei chu a ni a, aman a huam a nih phawt chuan keipaw'n hnial reng ka duh lo.


















A tuk zingah tho in U Ephraim-a chu airport thleng ka thlaha, min en vung vunga min kuaha a chang leh ka chhipah min fawp vang vanga, min kalsan a hreh zia chu chuan a ti chiang viau bawk. A zirlai dangte awm mahse keipawh ka zak duh bik lo. Thlakhat deuh thaw kan awmhrang dawna kanin hmuhna hnu hnung ber tur ang kha a ni ve miau a. " Lo in enkawl tha rawh aw, " ti leh sup in ka chalah bawk a lo fawp leh vang vanga, " um, nangpawh in enkawl tha ang che, " ti sep in mittui tling piau chungin ka melh chho a a nui deuh suk a, he a nuihmel mawitak te hi ka hmu lo rei dawn mange.














Passenger-te luh tawh tur tih an lo puan takah chuan harsa ti zet in kan in thlaha, ticket a tih fel tir lai te chuan a lo hawi let leha a mitmeng chu a thim ruih hian ka hria. An kal liam thleng chuan ka thlira ka ruak huaiin ka hria. Inlam pana haw ka tum lai mekin scooty showroom pakhat lo awm ka hmu fuh a ka pengkawi ve nghal zat. Ka duh ang tak ka hmuh chuan inbe fel in scooty var sar mai chu ka leia ka inchhir hran lo. Kumtluana taxi-a kal ai ngawt chuan hetia scooty lei hian sum a hek lo zawk daih. Ka la khalh thiam loh avangin ka scooty chuan an hnathawk pakhatin in thleng min thlah thlap a.















Loan hmanga lei ka ni bawka kumin chhung chuan ka rulh zawh hman ka ring. A tlai tawh bawk nen eirawng pawh bawl tawh lo in chhuara noodles chu ka chhum tawpa, ka ei zawh chuan hna kal turin ka insiam chhun zawm nghal zat. In atang ka chhuah dawn chuan phone ka en a, U Ephraim-a message a lo awm vang mai, a dar zat ka en chuan thlawhna a an chuan luh hma deuh lawk a mi a ni. " Kan in hmuh leh hma loh zawng chu rinawm takin lo awm ang che KA HMANGAIH CHE ka nupui hual, " tih hi a ni, ka chhiar zawng te chuan keimahin ka nui ver vera ka ngaithar tak zet.














In atang chuan chhuakin angai te bawkin taxi ka chang leha, tunkar atang scooty khalh zir nghal a ngai ngei dawn a nih hmel. " I la kal lo maw, "? Lo titu chu Rebec-i a ni, " aw, min lo lam em ni, "? nui hak paha ka tih chuan a bu nghata, " athat hlauh chu, e takin maw scooty ka la thar ve a tlai lamah khalh min zirtir ve rawh aw, " ka tih chuan a helmet lathla meuhin min lo melh, " awi, khawiah nge i dah, "? Tih leh lo chhhuk aruala, ka scooty dahna lama ka hruai chuan a en uluk ngang mai, " ivan leithiam, a chhuak thar a nih hi " a ti deuh hliaia kei chuan a chhuak thar a nih leh nih loh pawh ka lo hre lo. Ka scooty zawka kal a rawt deuh tlat avangin ka inchu hawng lehin chahbi chu ka la chhuaka.















A scooty erawh ka dahna ah a hung tawp thung, school lampana kan tlanchhuah lai chuan ' chuan a nuam ' a tih loh leh khalh a nawm thu a sawia athar a nih vang bakin a sawi lo ang, keimah ah chuan scooty chu a in ang vek mai in ka hria. Gate pawnah chuan scooty chu park in office lam pan chuan kan kala, tukdang aia kan hma hret avangin kal pawh an la awm mang lo, office-a kan lut chiah chu Sangsangi leh U Gaby-a lo in din chilh ran chu kan hmu a Rebec-i paw'n mak a ti deuh aniang a au phuau mai. " In lo thleng tawh elaw, "? Sangsangi zawk chuan a lo ti a, U Gaby pawh chu a lo hawi ve vut.













" Eng nge in lo tih a, " nui hak hak in Rebec-i chuan a ti a Sangsangi pawh chu a lo nui tawi tak, a hmelah chuan a zah hmel viau bawk. U Ephraim-a chuan ngawirengin min kal pel a chu vel leh Rebec-i chuan Sangsangi chu pan hnaiin thil awmzia a zawt lehnghal, " in lo tawm dun ve tihna mi, "? Rebec-i lah chuan Sangsangi zahna hrethiam lo zetin a la ti tak deuh deuh, pakhat lah chu zah vangin a hmai a sen tat reuh bawksi anin hrethiam thlawt lo a ni ber ang chu. Kan thawhpui dangte pawh rei lo ah an lo thleng ve hlawma Rebec-i pawh chuan eng mah a zawh chhunzawm tawh bik lo.














School banah ka scooty bawkin kanin khalh haw leha vawin tlaiah khalh min zirtir rawh ka tih deuh tlat avangin kain lamah thingpui in turin kan tlan pheia. A khat tawkin U Ephraim-a ka ngaih leh ngaih loh min zawt sek a, a chang leh Sangsangi leh U Gaby-a chung chang a sawi bawka thil hriat kim hi chu a tum ve chiang a ni. Thingpui te kanin zawh hnu chuan field lamah scooty khalh zirturin kan in khalh chhuaka, a tir chuan ka thiam lo viau na a Rebec-i chuan ka thiam chak thu a sawi ve reng thung. Kan haw lamah Rempuii dawrah kan peng kawia customer an awm loh lai tak a lo ni.

















" Zanin chu Thanthani te inah lengkhawm leh mai mai ila, " Rebec-i chuan Rempuii melh pahin a ti a pakhat pawh chuan a lo hnial bik lo, " Awmi leh Sangsangi kan phone ve anga, " Rempuii pawh chuan a ti ve a, an ni pawh hi an vawikhat inkawm ho na atang khan anin nel nghal viau. " Eitur chah ang u, " Rempuii'n a tih chuan tlai lam deuh a ni ve tawh bawk nen keini pawh kan ril atam ve leh deuh tawha, pawisa inthawh tawmin Rempuii chuan an dawr piaha thingpui dawrah eitur vel a va lei a. Thil ei pah te chuan kan ti ti siam siama akhat tawkin U Ephraim-a chung chang an sawi leh zuk zuk zel bawk.












Hmeichhe awm khawm tih takah sawitur kan hre bawka Rempuii dawr atang kanin zui chhuah meuh chuan a tlai leh tawh. Ka inkawt thleng Rebec-i chuan min daha a scooty chu la in a inkhalh chhuak zui ve nghal.Tlai lama eirawng ka bawl lai te chuan U Ephraim-a ngawt ka rilru ah a awma, kan pahniha eirawng kan bawl lai te kha nimin lawk mah nise ka ngai tak zet. Kawngkhar kik ri ah chuan ka ngaihtuahna atang ka harh chhuak zawka kawngka lamah chuan pheiin kawngkhar chu ka hawnga ka mi beisei loh lutuk a lo ding ka hmuh chuan chetsawn na chang pawh ka hre lo.













" I dam maw, "? a tih rual deuh thaw chuan harh chhuak zawkin ka awmdan chu ka siamrema ka hma a mipa ding chu ka melh nghal ram ram, " eng nge i lo tih dawn, " nemfahran lo a ka tih chuan a lo kiai deuh suk. " Ka lo leng ang chu ka ti, luh i phal lo em ni, "? Tha taka a tih takah chuan tawlhsawn hretin a luhna tur chu ka kiana, a ni pawh a lo lut tlang ve nghal. " In i nei nuam khawp mai, " ti pahin couch ah chuan a thu thla a ka bai siam chu keiin ka chawk mawlh mawlh thung. " Ruatdiki nen kanin then, " a tih chuan ka thil tih chawl meuhin alam chu ka hawia a ni in hnuailam a bih ngur thung. " A va zia lo ve, " ka tih sep chuan a lo hawichhuak vuta ka inhersan leh nghal daih thung.













" Ka then chhan min zawt dawn lo em ni, "? a ti nawn leha, eng vanga chutiang ka zawh phut nge maw a nih teh hrep ni, " dawn nang, i ning leh tawha i then a ni mai lawm " awlsam fe hian ka ti leh mai a eng vanga ka mizia ti chimawm lui viau nge ka nih pawh ka in hre lo, U Ephraim-a ka tawn hnu hian ka mizia tam tak hi ka thlak hlawk nimai in ka hria. A hma a âwka vin a tumah be ngam ngai lo tu khan U Ephraim-a chu vawitam tak ka vin a ka hau bawk, chutiangin tu bulah mah ka pangchang ngam ngai lo a, mahse U Ephraim-a bulah erawh ka pangchang leh viau bawk si. Ama vangin tuna ka mizia pawh hi ka nei nimai in ka hria.










( NAKTUK ZANAH CHAPTER THAR A AWM ANG AW....TUNLAI CHU GROUP THIL TIHNA AH KA CHHUAK DEUH RENG SIA KA LO DAH HMA VAK THEI LO A NIH HI, MIN LO HRETHIAM HRAM MAI RU AW )




Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia


Show post links
Top

[Ngaia]

NUTHLAWI NAUPANGTEI
( CHAPTER-16 )
STORY OF: LALNUNNGHETI TETEI





"I lo danglam ta hle mai, " U Puia pawh chuan a lo ti ta reng bawka, " ni e, mihring te hi chu kan mitawn te a zirin kan danglam chak thin alawm, " ka ti ve lehnghal a Gas chu ka off nghal zat bawk. " Kanin neih tirha kan hlim dun thin zia kha i la hria em, "? Zawhna maksak pui pui min zawt reng chu ka ning tawh tak zet, " nangnen hlimni kan nei em ni ? kanin ngaihzawn tan tirh tih loh kha chu i lakah eng lawmna mah ka hmu ngai lo, " ka ti leh hlaka thaw a lo la hawk thung, " hmeichhe dik lo lutuk in ka nun mintihbuai sak lo se chu tunah te hian nangnen kan la innei tur a nia, " a ti nawn leh sup a ka chhang peih tawh lo, nunhlui min hriatchhuah tir phet a tumah ka ngai, chu chu ka thil duh loh ber a ni.




















" I lo kir leh thei tawh mai lo em ni ? kan awmhran na pawh a rei leh tawh em hi, ka ngaithin lutuk che a sin, " mitmeng dam zeta min en chungin a ti nawn leha tlem tal pawha beiseina siam ka duh lo bau, " enteh U Pui nangnen chuan mihrang hlak kan ni tawh, nunthar neiin bul ka tan tha ve leh chauh a nih hi khawngaihin mintibuai suh, " dam dap hian ka ti a, a lakah eng rilru mah ka pu lo tih a chiang viau chuan ka hria, " Thani chance vawikhat chiah min pe leh rawh kanin kar hi ka siamtha vek ang, " beiseina a khat mitmenga min en chung in a ti nawn leha, ka rilru thlak ka tum mai mai loh zia hi hria ni se, vawikhat pawh a sawichhuak tawh hauh lo ang le.
























" Ka thei lo, U Pui min nawrlui suh tuna ka nunah hian ka hlima nangnena kan nunhluia let leh chu ka duh tawh lo, " ka ti nghet ve charh, a hmelah chuan a beidawn ve hmel tawh tak zet, chu chu ka duh ber pawh a ni reng a ni. Ka lak atang hian engmah beisei nei tawh lo se chu chu ka duh ber. Beidawng takin ka in atang chuan a chhuaka thaw ka la nghal huai huai thung, chawbel ka siam zawh hnu chuan ka phone ka en a U Ephraim-a message a lo awm vang tawh, tunah hian dar 4 a pel tawha an ni zingkar hma taka chhuak an ni bawk nen an thleng tawh a ni ngei ang.
















Ka rin ang ngeiin an thlen chiah thu min hrilha keipawh chuan ka reply ve nghal, phone dah mai ka tum lai in call a lo lut nghal zat a U Ephraim-a a ni, nuiseihin call chu ka pick vat a " hello " ka ti tham chhal bawk. " Ka ngai che, " lehlam ami lah chuan a lo tinghal tawla ka nui ri nghal hak, " min ngai ve em, " a tih leh chuan fiam ka chak tlat pek, " inkal chiah sia ngaihna hun che pawh ka la nei lo, karkhat incham hnu velah chuan ka ngai ang che, " ka sawi zawh chuan keimahin ka nui dir nghal char char. " Hm....a nih tak chu nangte chuan kei lo buaipui tur i ngah em alawm, " a tih nghut te chuan ka nuih a za zual sawt.















Nichin lawka U Puia laka ka mood fuh lo zawng zawng kha a ni hian a rawn thlak danglam chiang khawp mai. " Tak tak ah keipawn ka ngai che " a tawpah chuan ka ti ve ta a, a lungawi lo laklawh bawk nen a lo awi duh thak lo zui, " min ngai tak tak lo tawp a nih kha, " a rawn ti leha " ka fiam mai mai che a nih kha ka ngai che alawm, tunah pawh buai chung chungin a nih hi ka biak che " ka ti zui leh luama, " a nih chu, hei Ludy khan ' min bazar pui rawh ' atia kan bazar dawna keipawh ka buai khawp mai, " arawn ti leh chiah chu ka sa ve nghal zak, ka thik tur leh ka lungawi lohna tur chu a hrechiang khawp mai.



















" Animaw, ka tibuai che a tihpalh, " ti ve nghat in call chu ka off-a min lo call nawn leh hlau in ka switch off nghal hmak. Ludy hmang kher khera mintih thik a tum vel chu ka ei thlawt lo, ka ngei hluah hluah ka rilru ah ngaihtuahna tha lo pui pui a lo awm phah, tunah chuan ka hmuh phak loh lamah an awma ka ngaihti tha lo zual turin hmanni lawkah Ludyi'n thu a sawia tunah lah U Ephraima'n a sawi ve leh bawka, ngaih tha taka awm chu a harsa lam mah a ni ka tan chuan. Chaweikham hnu thleng pawhin ka phone chu ka la on duh lo fo a, call pawimawh em em dawn tur ka nei dawn chuang lo bawka naktuk zing hma loh chu on ka tum lo bur.




















An sawi lawk ang ngeiin zan lamah chuan ka thiante ho chu an lo langa, an lo ri leh hlut tawh. " Ka fate ka lo tlanchhiat san, " pakhat lah chuan nui uar uar in a ti a afiamthu tih kan hriatsa hlawm avangin keini pawh chu kan nui ve dar dar tho. " Chhang chhe nu nih hi lehlam zawng tak chuan a nawm hmel, " Rebec-i chuan a ti ve leha thu ho mai mai sawi chuan kan ti ti leh char char tawh. " Hriat chhuah ka nei, " tih leh Rebec-i chuan Sangsangi chu melh a ruala, a thil hriatchhuah pawh chu keipaw'n ka hrethiam ve nghal, " Vawin khan kan principal nen khan eng nge in lo tih, " ka rin ang ngeiin a ti ta chiaha Sangsangi chu a ngawi leh dak tawh.
















" In principal chhelo deuh kha maw i tih, "? Rempuii pawh chuan a ti deuh hliaia pakhat lah chu a lo bu rang em em khawpa. " Gabriel-a chung chang em ni insawi, "? Awmpuii pawhin a lo ti ve leha U Gaby chu hre lo kan awm lo a nih hmel khawp mai. " Ni chiang e, vawinah kan Lalsangsangi nen hian offce-ah tuma kal hma in an lo awmdun a," Rebec-i bawk chuan thu khuh nei lo lutuk in a ti leh zat zat a, Sangsangi a zah hmel em avangin Rebec-i chu signal nan ka sik zeuha a la rak that zui. " Ih...in awi lo maithei U Gaby nen hian hmanni lawk atang khan kanin zui ve a, " tim dai hian Sangsangi chuan a lo ti chhuak ve hram a kan melh nghal haw mai.

















" Ka ring renga, " uar fe hian Rebec-i bawkin a ti leh a, a au ring lutuk chu ka phu deuh zuk nghe nghe, " Gabriel-a saw chu a hmeltha a an chhungkua pawh an awmthei, mahse mipa ler ve tak a nia i nat phah ange aw, " dam dap hian Awmpuii chuan a lo ti ve a, veng inhlat lutuk lo na na na chuan a hrechiang viau tak ang, " ka hre tho alawm, mahse ka duh lutuk tawha, " Sangsangi chuan a ti leh sep a ahmelah chuan a thu tak zia alang, " keipaw'n vawihnih khat chu ka hmu ve tawh, a tirah chuan ka hre lo a mahse ka thiannu pakhatin a school thawhna a sawia, tah chiah chuan in principal a ni tih ka hria, hmeichhe mi deuh a ni a ti nghe nghe a sin, " Rempuii lah chuan a la ti tak deuh deuha.















Sangsangi tana tha tur an duh vang a ni tih chu hre tho mah ila Sangsangi atan a nawm loh ka rin avangin ka lo khap vat hlawm. Awmi chu phone call a dawn vangin a tho sawna keini pathum erawh kan thu ngawi kar thung, " Thanthan Ephraima'n a be duh che, i phone ah a call tlang thei lo che ni in a sawia, " Awmi chuan a lo ti deuh lang langa midang ho chu an lo ' eh ' nghal dual mai, kanin hau tih an hriat miau loh avangin Awmi awmna lamah chuan ka pheia Phone min lo pek rualin Awmi chuan a mit ko a lo ti kang uk a ka lu ka lo thing ve ringawt.














" In hau a nimaw ? I hmel a dik lo ka ti reng a ni, han be phawt teh kan sawitha leh dawn nia, " ti zung zungin phone chu min hmehbel a a ni erawh inchhung lamah a lut zui nghal. Bathlar ah chuan chhuakin phone chu ka beng bulah ka daha thawm ri sat sat chu ka thil hriat hmasa ber a ni. " Hello, " zawi ang reng tak hian ka ti a, " i tha em ? Tlaia ka thusawi avang khan min ngaidam rawh aw, ka ti tak tak lo a nia Ludy bazar pui kha chu chhuanlam mai mai a nih kha, " a lo ti nghal zung zunga chhang lo in ka ngawi reng thung,

" Duati min chhang teh, i âw ka hre chak a nia khawngaihin min thinrim khum tawh suh, " dam thlupa a lo tih leh takah chuan ka luhlul ve na zawng zawng te kha chawp leh chilhin a bo lehnghal diak tawh.














" Ka thinrim tawh lo, " ka ti ve ta nge nge a chu vel leh ngaih that hmel taka thaw ri hawk ri chu ka hre zawm nghal, " khatianga midang i thik khan min duh zia ka hriat phaha ka lawm a sin, " a tih leh takah chuan ka ner nghal nang nang mai, " tumah ka thik lo, " ka ti teu hlara a la nui hawk hawk zui ka van ngei mai mai tak, " ok, i thik lo " nuihza âw zet hian a lo ti leh hram a nih chu! " Tlaiah khan ka lo call char char che a, switch off a intih zel takah kha chuan ka hlauthawng hman lutuka, kum tam tak hnuah khatianga ka hlauhthawn leh kha vawikhatna a ni, " a tih leh tak daih ah chuan ka ngawi deuh vang vang.


















" ' kum tamtak hnu a ka hlauhthawn leh vawikhatna ' i tih chu eng nge a awm zia, "? ka lo ti let daih thung, " Bawihi'n min kalsawn dawna a awmdan avang khan ka hlauthawng lutuka awm ngaihna kha ka hre lo a ni ber, chuan tunah nangin phone i lak theih loh avang khan ka hlauthawng leh bawka, " a rawn ti dap dap a ' Bawihi ' a tih chu a bialnu thi ta kha a ni tih ka hria a ka rilru ah thildang daih a lo lutnghal, " U Ephraim, Bawihbawihi kha i la ngai thin em, "? Ka rilrua zawhna lo awm hmasa ber chu ka zawt ta tawp a, engtin paw'n min chhang mahse hethil ah kher hi chuan ka thinrim lo ang.




















" Ti nge chutiang te min zawh a, tunah chuan nangmah ka nei tawh che alawm " a tih chuan ka thaw deuh halh, " ka zawhna che kha min chhangla, " pangngai tak chuan ka ti nawn leh a, a reh zui vang vang mai. " Ngai thin e, mahse a ni ka ngaih dan leh nang ka ngaih dan che hi chu a dang hlak, nang chu ka hmangaih ber i nihna angin ka ngai che a, Bawihi erawh ka hmangaih liamta leh ka nunhluia ka thil tawn duhawm ber a nih vangin ka ngai, " a rawn ti leh dap dap a Bawihbawihi chu a la ngai ve hle ni in ka hria, " Duati i thinrim lo tiraw ? Nangman min zawh vang chauha sawi ka nih kha aw, " a tih leh takah chuan tum loh deuhin ka nui chhuak ta hak.

















" Thinrim mai mai lo, i thusawiah khan huat tur leh thinrimna tur ka hre lo " ka ti ve leha a, ka thinlung taka sawi ka ni bawk. " Bawihbawihi chu ka lainat reuh e, isawi dan hmangah chuan hmeichhe fel tak leh duhawm tak a ni ngei anga, chuan a ni pawn a ngai viau maithei che a ni, " van lam thlir pah chuan ka ti leh sep sep a, " khawvela hmeichhe thianghlim leh fel ber a ni ngei ang, ka phu loh lutuk vangin Pathian pawhin min laksak ni te in ka hre thin, mahse hmeichhe duhawm tak dang min pe leh tho a ka vannei tak zet, chutih rualin nangpawh hi min lalsak ve daih che ka hlau,

" a tawngkam chhuak reng rengte chu ngaihthlak hreawm a awm lo a, chutih rualin Bawihbawihi lakah chuan kei chu eng mah ka ni lo tih ka in hria a, mahni insitna nasat tak ka neih phah.




















" Ti nge i ngawih tak daiha, " a lo tih chuan ka ngaihtuahna ram atang ka harhchhuak nghal zawk, " eng mah ni lo e, ka thiante ho in min lo lenga nakinah kanin be leh dawn nia, " ka tih chuan min lo hnial bik lo, kanin biakna kan tih tawp hnu chuan inchhung lamah ka luta an lo la ti ti tui khawp mai. " In va in be rei deuh ve, " Rebec-i chuan a lo ti lehnghal zat a midang ho chu an lo nui nghal hak hak thung, " inbe tha thei maw, " Awmi chuan a phone ka pek lo ban pah chuan a lo ti a ka lo bu ve nghal nghat. " A zirlaite nen a ni lawmni an kal, " ? Rempuii chuan a lo ti ve a, aw ka lo pawh ve nghal." Ludy kha a kal ve leh ngei awm sia, " tiin a ner deuh saka ka chhang zui lem lo.
















Thu dang dang sawiin kan ti ti zui luama dar 10 velah min haw sana Awmpuii erawh ala awm khawmuang thung, " in hau em ni, "? A tih chuan tlaia kanin biak dan te chu ka hrilh ve veka a ngaihthlak uluk hmel ve khawp mai, " Puia ang mai mai kha chu a ni lo a nia, kei chu engkim ah hian a rintlak ka ti, amah pawh hi in nghah ngamna tak a ni ang, " a ti ve siam siama a ni hi chu thurawn ka lakna ang ber kha a ni ve miau a, a ni in ' tha ' a tih hi chu keipawn ka pawmpui ve mai zel. A ni pawh awmrei tawh lo in a haw nghala a tlai ve tawh tho bawk nen mu turin ka in tintuah ve nghal.



















Khuma ka mut hnu chuan phone ka en leh mai maia ka switch off chhung khan U Epraim-a chuan a lo call nasa tih ka hmu nghal zat. Mut hmunah chuan message in kan in be leh te te a min ngaih thu mawlh chu a sawi tam khawp mai, keipawn ka ngaia a bula awm leh pawh ka thla hlel tak zet, vawin hi a tel lo a hun ka hman nikhatna ang chauh ni mahse ka tan chuan kum tam tak ang maia rei a ni. Kanin biak zawha ka mut meuh chuan dar 12 a pel leh duai tawh. Zingah chuan nizan lam ka menrei ai in ka tho hma zek a ka mit erawh a thip khawp mai, chutiangin ka lu pawh ana bur bawk.














Eirawng pawh bawl hran lo in chhang leh bawnghnute chu break fast ah ka ring tawpa, zanlam menrei deuh phei chuan chawei hi a chakawm hlawl lo. School kal tura insiam pah chuan ka phone ka en a tukdang ang lo takin U Ephraim-a message a lo awm lo. Nizan kan mengrei bawk nen a la tho lo a nih ka ring ve ringawta keimah zawk chuan ka va bia a, ka insiam zawh hnu chuan inatang ka chhuaka ka scooty erawh ka la khalh ngam chiah lo thung, nikhat chauh ka zira han khalh chhuak nghal mai chu accident te pawh ka hlau. Taxi bawk chuan school lam ka pana mahni a awm ka ni tawh bawk nen a thleng tlai pawl ka ni ngai tawh bik lo

















Office-a ka lut chu an lo ri deuh laih laiha kan mipa ho chuan Sangsangi an lo din chilh deuh thap bawk nen mak ka ti hman viau, " nangnu hi engtik khan nge i bem tluk leh hman, " Rinchhana'n a tih chuan ka hrethiam chawp chilh ve nghal, U Gaby nen anin ngaihzawn thu an hre leh hman vek chu mak ka lo ti viau mai, " in dil chhut lutuk in ninawm, " Sangsangi chuan a ti deuh hlaka a kalsawn zui nghal bawk. Rebec-i bulah chuan ka va thu thla a min lo enchik ngang mai, " nizan i mu tha na nge, " a tih chuan ka bu nghal nghat, ka mitmeng atang hian nizan lam ka mut that loh chu a hriat viau tak ang.

















" Rinchhana tawngtheih zia hi U Gaby leh Sangsangi te inngaihzawn chung chang kha ka hrilha, ' tumah hrilh suh ' ka ti ve mawlh mawlha a lo kal apiang a hrilha tunah chuan kan hre vek tawh, " a lo ti ru sar sara amah chu phawk fe hian ka melh nghal, " nangman i hrilh leh chawng chawng vang a nih chu, a ni te chu eng mah hrilh chi a ni lo tih i hriat reng kha " ka ti ta zek a a ngawi nghal hmak, Rebec-i leh Rinchhanna hi chu an tawngtheia thuruk pawh hi an zep ve thei lo, thu pawimawh deuh tu emaw zawk zawk bulah hian sawi ta ila midangin an hre nghal vek zel. " Sangsangi chu a thinrim angem le,"? Inthla hrung ang reng tak chuan a ti leh a, " thinrim bik lo turah ngai ang, " ka ti ve leh sep.















Boruak inthlak a hun dawn tawh bawk nen khua pawh a lum ve leh tawh khawp mai, school banah chuan taxi ka chang leh deuh ren rawna chhun chawlh lai a ni bawk nen avang khawp mai. Ke in ka kal zela Rebec-i lah penkawi na tur a neih avangin a haw hmasa daih bawksia ke a ka kal char char angaih hmel khawp mai. " Lo chuang rawh, " chhum bung zeta ti nghut tu chu ka melh zawka ka kalsawn lehnghal, " ka hmanhmawh a nia lo chuang vat rawh, " ka bul zela lo tlan pah chuan a ti leha keipawh ka ding nghal chat, " i hmanhmawh chuan kal mai rawh ke in ka haw mai ang, " pang ngai tak chuan ka ti let ve a a la tlan chhuak mai bik lo.



















" Lo chuang rawh inveng lamah kal lawkna tur ka nei a, " a tih leh takah chuan hreh ru tak chungin a car-ah chuan ka thu luta, U Ephraim-a thianpa mah nih se U Gaby kher hi chu ka nel thei thlawt lo. Kan chuan chhung zawng chuan vawikhat tê pawh kanin be lo hrim hrim. Ka inkawtah chuan ka chhuka lawmthu ka hrilh chuan a lo bu ve nghal nghut, a tlanchhuah mai loh avang chuan thingpui inah ka sawma ka rin loh deuhin a Car atang chuan a lo chhuk ve nghal mai bawk. Inchhungah chuan kanin zui luta a hawikual nasa khawp mai, a ni in lian taka awm thang tan chuan ka in chu a tê a ti in thing a ti ru viau maithei a ni.














" Tah khan lo thu rawh, " thutna kawh vah pah chuan ka ti a min chhang lem lo in a thu thla ve nghal zat, a palian bawk nen couch pakhatah chuan amahin a khat hnur mai, thingpui chu gas ah chhuangin room lamah inthlak turin ka luh san a, ka inthlak zawh hnu a ka chhuah leh pawh chuan a thutdan ngai rengin a lo la thu, thingpui chu siamin a hmaah chuan ka va hunga ka chhang leisa chu ka chhawp tel bawk, a bula thutna ah chuan keipawh ka thu thla ve a, sawitur a hre lo lutuk hi a bula awm a hreawmna pakhat a ni.




















" Ephraim-a nen inbe thin em, "? thum zeta a tih chuan amah chu ka melh zawka min lo en reng tih ka hriat chuan ka hawisawn lehnghal vat, " aw be thin e, " ti pahin thingpui chu ka lem zeuha a mi uap na lutuk hi ka zo hlawl lo. " I be ve thin em, "? a ngawih leh tak daih ah chuan ka zawt let ve a, " aw " tih zawngin min chhang let thung. Sangsangi hian engtin nge hetiang anga mi tak rut hi a ngaihzawn peih ka ti rum rum mai, a hmel leh a pian chu duhthusam a tawngtlem lutuk leh amah a mitak lutuk hi a buaithlakna ber chu a ni. Hmeichhe mi deuh ni khan an sawi si a a zia nen hian in mil ka ti thei thlawt lo, " nangmahin em ni i awm, "? a ti leha ka bu nghal nghat.























Thingpui in zawh hnuah pawh chuan ala thu ve renga haw daih mahse pawi ka ti hran lo, ngawirenga a thut reng hian a nuam lo ka ti tlat, biak ve lahin a rul tawk lek lekin min chhang bawksia a bula awm chu a hahthlak tih piahlam a ni. A thawh tak vut ah chuan a haw turah ngaiin keipawh ka ding ve nghala fridge lam a pan tak daihah chuan ka thu thla lehnghal. " Ka haw phawt ang, " tih leh chhuah a ruala ka zui ve nghal vat, " a nih chaweitui le, " pangngai tak chuan ka ti leha min chhang zui leh tawh chuang lem lo. " Heihi i ta em ni, "? Tipah kn ka inkawta scooty ka hun chu a kawka " aw ni e, " keiin ka lo ti ve vat thung.


















" I va khalh ngai si lo ve, " a ti leha a haw dawn meuh chuan sawitur a hre ve deuh, " nimin lawka ka lei a nia ka la khalh thiam chiah lo a, " ti a ka chhan chuan a bu leh nghuta a Car lam chu a pan zui nghal, a in khalh chhuah hnu chuan keipawh ka inah ka lut ve leha, eng dang mah ti hmasa lo chuan ka phone ka en hmasa ber a, U Ephraim-a message a lo la awm lo cheu, vawikhatmah min lo call lo bawka a buai hle a nih ka ring nghal ringawt. Eirawng ka bawl lai te chuan a khat tawkin phone ka en leh zeuh thina U Ephraim-a chu a reh vang vang mai. Eirawng ka bawl zawh hnu chuan tih tur em em a awm lo bawk nen Awmi nu te inlamah ka pheia, ka sawitawh ang khan anni nen hi chuan kanin hlat lem lo.




















Anin chhung ka luh chuan Awmi nu leh pa leh a fate pahnih chauh an lo awma ka leng lut min hmuh chuan min lo lawm ve khawp mai, anni pawhhi tlawh pawh tam lutuk lo mah ila an fanu ang takin min en ve a min duhsak ve viau thin. " Nute Awmi hi dawr anghak leh em ni, "? Thutthlenga thut thlak pah chuan ka ti a, " aw ni leh mai e, a thuhrimin Thanthan helamah pawh i lo insawn na a rei ve leh tawha min va tlawh duh lo ve, " Nutei'n chuan a lo ti ve nghala, " hun remchang a awm lo em alawm, " tih zawngin ka chhang let thung. " Nang chu hlawhte i nei tawh bawka chawm tur i nei lo bawk nen i hausa tawh viau ang, " Patea chuan a lo ti ve a ka nui nghal hak hak, anni nupa hi chu fiamthu an duh ve a hei vang tak hian keipaw'n ka nel zual.













( HEI AW, COMMENT IN CHHE THEI LUTUKA KA PHUR LO THIN...)


NAKTUK CHAWLH AW


Show post links
Top

[Ngaia]

NUTHLAWI NAUPANGTEI
( CHAPTER-17 )
STORY OF: LALNUNNGHETI TETEI





Nutei te nen chuan thu dang dang sawiin kan ti ti a Awmi pawh rei lo ah a lo thleng ve nghal, " thiani i lo leng ve a nimaw, "? Ti varin fridge lam chu a pana tui vawt chu la chhuakin a in nghal khawlh khawlh, " vawin chu in hralh tha thei em, "? ka tih chuan vawin chu nidang aia ain hralh that thu in min chhanga, a dawr hi an eizawn na ve ber a ni bawka heti hian nitin deuh thaw dawr nghakin a chhuak thina, a fate erawh a nu leh pate hian an enkawl tawp zel. A tlai tawh bawk nen rei pawh thu tawh lo in ka haw a, in ka thlen chuan ka phone chu ka en leha U Ephraim-a chu a la reh cheu.


















Beidawng zetin ka chawhmeh siamsa ho chu ka lumtha leha, ka rilru chu hmunkhatah chiah a awm thung, eng nge a tih anga tu nen nge an awm ang, tih chu ka rilrua zawhna lian ber a ni. Ka thiltawn tawh te'n a zir lo bawk nen rinhlelhna hlirin ka khata duh lo teh mah ila ka awmdan chu ka control theih phak bak a ni. Bum ni ve tawh tho chuan min hriatthiam ka ring, vawikhat phatsana kan awm tawh hnu chuan mirin leh mai mai kan harsat tawh thin. Chaw eikham lamah chuan room lamah ka awm chawta, mahni a awm chuan tih tur avang bawk nen chaweikham lamah inleng ka nei te a nih loh chuan ka mu mai zel.




















Phone pawh chu khawih lo in thil ka ngaihtuah mai maia, message tone a rik pawh chuan ka en lem lo, vawihnih thum vel a zawna a rawn rik tak tluk tluk ah chuan ka lukham hnuai atang la chhuakin ka en a, rin loh lutuk in U Ephraim-a a ni, an buai vanga min lo biak hman loh thu leh thupha a chawina hlir chu a rawn thawna ka seen hnu fe ah pawh ka la reply lawk loh vang nge message dang a lo thawn leha keipaw'n ka reply let ve nghal zat. Ka message thawn rual deuh thaw chuan a lo call a ka nui deuh hak, tlai lama ka mood kha chu a inthlak leh hlawk tawh.















" Hello, " phone ka beng zawna ka dah rual chuan ka ti sep a, " i thinrim lo tiraw ? Vawin chu kan buai nilenga ka hman vel leh ka lo be nghal che a nih hi, " a lo ti leh mawlh mawlha ka thinrim a hlau lutuk te chuan ka nuih a ti za, ka thinrim khum leh a nih chuan min thlem thiam leh dawn der si lo a, " thinrim lo e, inbuai a nih kha ka rinh deuh hrim hrima, " ka ti let chiah chu a rawn thaw nghal hawk, " engtik ah nge i lo haw theih ang, " ka ti zawi leh sep a, " thla thar lamah chuan ka lo haw thei tawh ang, " a lo ti let ve sup a ka thaw nghal hak. Tunah thla tir lam chauh a nia thla thar ah daih a lo haw dawn chu a ni sia, " min ngai tawh em ni, "? Nuih za âw zet hian a lo ti a, " aw " ka ti ve nghal vat.















" Min lo nghak hram hram rawh, takin vawin khan kan kalna ah bakilh mawi deuh a lo awma, ka hmu chiah kha ka hrechhuak che a, lo la haw lawk dawn lo mah ila ka leisak che, " a rawn ti nghal zung zunga keipawh ka nui nghal hak hak, " a thlalak ka lo thawn dawn che a nia, " a tih leh chuan âw ka lo pawh ve mai bawka, rei fe kanin biak hnu chuan inbual a duh thu asawi hnu chuan call chu kan ti tawpa. Whatsapp-a ka luh chuan U Ephraim-a hian pic min lo thawna ka seen nghal vat, pakhat chu bakilh thla lak a nia pakhat erawh amah a in selfie na a ni thung, a caption-ah chuan ' valrianga' a lo ti deuh khera ka nui leh hak tawh.



















Bakilh chu ka en chianga a mawi tak zet, ka thiante hnen atang message ka dawn ho chu enin ka reply hlawma, dar 10 bawr velah chuan mutchhuakin min lo zem deuh chiai chiaia mut ka tum lai mekin message ka dawng leha U Ephraim-a bawk a ni, " i mu tawh em, "? tih hi a lo thawna ka mut chhuak te pawh chawp leh chilhin areh nghal vek. U Ephraim-a nen chuan thil ho mai mai sawiin kanin be leh char chara athusawi tam ber chu a lo haw huna a chhungte bula min hruai tur thu chu a ni. A pa in a boralsan tawh avangin a nu leh a nau nen chauh an khawsa a, a sawidanah phei chuan an chhungkua chu anin pawh tlan hmel tak zet.














An chhungkaw din hmun leh ka dinhmun ka khai khin lo thei bik lo va, a chhungte pawh hian min pawm theih ka ring chiah lo, U Ephraim-a chu tlangval a la ni a chutah kei nuthlawi mai mai ka ni si, tu chhungte tan mah hian ka awh awm dawn loh zia keimah bawkin ka inhrechianga, kanin kar tih tawp dawnin U Ephraim-a kalsan ka thei bik thlawt si lo, ni e U Ephraim-a hi kei hian ka duh tawh lutuk, ni lo ka hmangaih tawh lutuk zawk. Engkim huamin a kut ka vuana he thil ah hian ka tihsual loh hram ka beisei bawk.



















Thla tawp lam a ni tawha U Ephraim-a nen pawh kanin be zeuh zeuha, hna thil a chhuak a nih miau avangin nihnih ang tawp te inbiak loh chang pawh kan nei ve tho thung. Class lak ka awl lai a ni bawk nen ka chair-ah chuan ka thu awn diaia chunglam chu ka hawi pah vang vang bawk, khuh kharh ri ka hriat chuan rang zet hian ka thu tha a kawngkhar bula nuisanga lo ding ka hmuh chuan ka tum loh deuhin ka ner deuh sak, " Class awl lai chu iva hmang nuam ve, " ti dutin a lo pen luta a tawngkam leh amah chu a inrem ka ti vak lo. Sangsangi nen pawh mak deuh mai in anla inzui tluang ve phiana,amaherawhchu a ngaihsak vak lo ni in Sangsangi'n a sawi thung.













Hmeichhe mi ve tak a a lo ni bawk nen Sangsangi paw'n sawisel tur angah viau thin renga kan bulah pawh a vui nasa ve viau thin, mahse chuti chuan athen thei chuang lo, a duh tawh lutuk ni in asawi thina amah pawh anat phah fo thin. Hmeichge dang nen anin kawp anga mi in ansawi a hriat pawh hian hre lo ang hmakin a awm thina, a hmelah erawh a nat zia ka hmuh sak thung. " Eng nge i ngaihtuaha, " a lo tih rual chuan ka phu deuh zuk, " eng mah, " ti let ve ngat in ka thutdan chu ka siamrema ka bula awmreng atan chuan ka duh hlawl lo.

















" Kar leh lama school naupangte kan picnic pui tur chu insawi ho tawh em, " a tih leh takah chuan ka melh vat a, kan la sawi ho miah lo tak, hun a awm lo ve bawk em a tin ni. " Kha chu vawin lamah sawi ho kan lo tum chiah a, " ka ti ta ringawta, a thinrim leh mai ai chuan hetia sawi hi ka inchhir lo zawk, mahni a a thinrim hmai sen tawng ka peih reng reng lo. " Tih tur hi chu in khek thin loh tur vawitam ka sawi tawh, tlaiah sawi ho ula zanah report kimchang min pe ang che, " thu pe âw zet hian a ti chhum hmuka chhan letna chi a ni lo tih hria in ka lu ka bu nghat.A chhuah hnu chuan ka thaw deuh hak.
















Ka sawi tawh ang khan a bula awm hi a hahthlak tak zet, mood tha deuha office a lo luh te hian a ngaihthat thlak lo daih zawk. School ban hnuah zirtirtu ho chu kanin hmu khawma, school naupang picnic hun a tan kar leh nilaini kan ruata a hmun tur pawh kan thlang fel diam bawk. Principal in keimah ber report pe tura mintih miau avangin kan rel ang ang chu ka list chhuak dap a, envelope ah dah lutin ka bag ah chuan ka khunga. Zanah kher a ti sia keimah hi ka kal angai ngei ang, gate pawnah chuan chhuakin ka scooty dahna lam chu ka pan a.















Rebec-in min zirtir nasa bawka ka scooty pawh ka khalh thei ve viau tawh. Inlam pan chuan ka in khalh haw a ka thleng chiah chu ka phone ka en lehnghal, U Ephraim-a message ka hmuh loh takah chuan inbual turin bathroom lam ka pana, shower hnuaia ka ding chu ka dai deuh sawng sawng mai. Ka inbual zawh hnu deuh lawkah kawngka tu emaw hian a lo kik dat dat a lut tura ka sawm hnu chuan Melo-i chu a lo lang hlawla, " ka lo leng dawn, " nuisang chung hian a lo ti lut nghal leh var tawh, kan awmhran hnu pawh hian kan la in tlawh pawh zeuh zeuha, keipawh ka hman hun a piangin ka kal thin.
















" I lungleng lutuk hi chaw te i ei thei lo a ni lo maw, i cher deuh riau, " nui hak hak hian a ti a, " lunglen vanga chawei theih loh ka nei ve lo, " ka lo ti let ve thung kan pahnih chuan kan nui dun har har mai. Thudang dang sawiin kan ti ti pah renga U Ephraim-a nena an pic Ludy in a status thin thu a sawia, eng ngatan mah ngaih loh chu tum viau mah ila eng nge maw tak hian min mawlh ru tlat, ka hmelah erawh ka thikna emaw engmah ka ti lang lo thung. " Hei tunah pawh status a neih leh hi, " ti pahin Ludy tih hming chu a click-a khuma a mulai a ni. Ka inher zet tawh na chu ka hawi let leh rang khawp mai, " ka enchhin, " tipahin a phone ken chu ka laksaka.
















Melo-i chu bathroom lamah a luta keiin a phone chu uluk zetin ka en thung, thlalak chu ka zoom-a a room banga frame intar leh U Ephraim-a room-a frame intar a in ang chiah. Ka hriat theih chhan pawh U Ephraima'n hmanzana a pic min lo thawn khan ka hmu miau a ni. Duh lo eng ang mah ila ka hmuh chian em avangin ka ringhlel lo thei lo. Thlalak chu nakinah enchian atan ti in ka screen shot-a ka number-ah ka thawn nghal zat, ka tha te chu ka khur der der-a " kei hi phatsan ka ni leh em ni, " tih mawlh chu ka ngaihtuahna luahkhat tu a ni rih.














Melo-i haw hnu chuan ka phone-a ka thil in thawn chu ka en chiang leha U Ephraim-a pic min lo thawna mi nen khan a in mil lutuk tlat. Ludy mutna bul vel chu ka en chiang zuala mipa tshirt pawh a lo lang tel cheu a nih chu! Hetiang khawp hian ka hmu chianga engtia awm tur nge pawh ka hre tawh lo, zawh chian ve hrim hrim ka duh avangin U Ephraim-a chu ka call-a a ring tawp dawn lamah chuan a rawn la ve hram, " hello, " ka kâ ka ang deuh zuau tawh chu hmeichhe âw ka hriat avang chuan ka tawp deuh chawt, " U Ephraim-a ka be duh, " ka tih chuan thawm a ri deuh sat sata a kalsawn animaithei a ni.















" Enteh Sir hi lo tibuai tawh suh, tunah pawh a biak peih loh che avangin a phone min kawl tir a nih hi, " chunu bawk chuan a rawn ti leha ka thaw a sak nghal talh mai, " dawt sawi hauh suh, mahni zirtirtu te zarbuai sek kha duhtawk maiteh U Ephraim-a chu phone kha pe bawk rawh, " ka ti ve hmaka lehlam a mi chu a lo nui hak thung, " nang ang nuthlawi mai maite chu eng ngatan mah a tih loh zia che a sawi tak a sin, a khawhar hnemtu satliah bak eng mah i ni lo " a rawn ti nawn leh a ka insehruh nasa viau tawh U Ephraim-a eng mah zawt fiah hmasa lo a ka ngaihdan lo siamfel mai kha chu a dikin ka hre chiah bik si lo.

















" Ka bulah Sir chu a hlim lutuk, lo ngaihtuah duh suh tunah pawh ka khumah tui ti takin a muhil a sin i hmu duh em, "? A thusawi a vang chuan ka nghing deuh lawih, ngawirengin ka awm renga call chu a tawp zui nghal bawk. Ka phone ka melh renglai chuan U Ephraim-a phone atang chuan a lo video call-a kut khur deuh ti tih hian ka phone chu ka hum ngawt ngawt, " tihian i la awi lo cheu em ? Tipahin U Ephraim-a kawr ha lo a mu chu min lo hmuha, amah pawh chuan bathdrope chauh a inbel bawk. Ka thil hmuh te chuan min thawn em avangin tih tur ber pawh ka hre mai lo, call chu kan tih tawp hnuah pawh ka ding ngawirenga dan rual loh in ka biangah mittui a lo luang nghal ngiai ngiaia hruk tumna pawh ka nei lo.















Ka thu hriat leh ka hmuh te chuan min thawng lutuka tih ber tur pawh ka hre lo, dan rual loh in ka biangah chuan mittui a lo luanga min kalsan loh tur thu sawitu ngei khan na taka min hliamin min kalsana, hei baka ka tana hreawm hi eng nge awm tawh chuang ang, " kalsan ka ni leh ta, " ti in keimah chuan ka phun chhuak sep a, hetiang khawpa na nawn leh tur hial eng thil fa ko nge ka tihsuala khuanu hian heti taka na leh beidawng hian min siam mai le, " ka ta " ti a ka chhal ve theih zawng zawng chu lak bo sak ka ni a, ka beidawnga tih ber tur pawh ka hre tawh lo. Chhuatah chuan mi â ang maiin ka thu ngawirenga mit khap lek lo in ka melh ngai chu ka melh ngawt ngawt tawp.
















1 Weeek later,






Kha thil a thlen hnu kar khat lai a liam tawha vawin hian U Ephraim-a te pawh an lo haw tawh dawn a ni awm e, khami ni atang khan vawikhat mah kanin be lo a min lo biaka a insawifiah ka rin teh reng nen vawikhat te mah min lo be miah lo a nih chu, chuta chhap ah whatsapp velah min block vek bawka a na chu ti ve hle mah ila a duh a thlang fel tawh ah ka ngai hmiah thung. Tu hnenah mah kanin kar thu ka hrilh lo a U Ephraim-a lo haw hunah erawh engkim hi adanglam tawh tih an hre ngei ang, school naupang ho picnic na ah kan kal dawna Rebec-i scooty zawk chuan kanin phura kan kalna tur lam pana kan tlan lai te chuan ka rilru ah U Ephraim-a ngawt chu a rawn lang leh thin, duh lo deuhin ka lu chu ka thing leh deuh nawk thina a chang leh ka thaw leh deuh hak bawk.















Kan kalna tur hmun kan thlen chuan Rebec-i nen kanin zui pheia zirtirtute leh naupang ho pawh an lo awmkim ve viau tawh, " he lamah " Rinchhana'n ban vai lauh paha a lo tih chuan kan phei ve nghala, U Gaby pawh a lo ding ve run mai. Tshirt pawl duk deuh leh kekawr bul dum a ha a a hmel zawng zawng nen chuan a rum zual sawtin ka hria. Naupang ho chu intih hlimna hrang hrang kan neihpuia nuam an ti hlawm khawp mai, chutiangin keini paw'n, U Gaby pawh naupang ho bula a awm meuh chuan a nui ve suk suk zel a hmuh a nuam ve tak zet. " Sangsangi chu a tha deuh tawh angem le, "? Rebec-i chuan U Gaby-a melh vung vung pahin a ti sep a.














Kan hnungkar khan Sangsangi leh U Gaby pawh an thena Sangsangin a tuar viau bawk, school a lo kal khata ka in lamah pawh a lo lang ngai meuh lo. A hmeichhia zawkin chuti khawpa a tawrh laiin a mipa zawk erawh a ngai renga, anin then avangin amah ah danglam chhe teh mah a awm lo tawp. " Saw lamah sawn ka va phei ve ange, " tih leh din a ruala a pensawn zui nghal bawk. Keimah te chuan thingbuk hnuaiah ka thu a ngaihtuahna a vak thui leh viau tawh, ka bula lo thu thla an awm rual chuan ka mengchhuaka U Gaby-a a lo ni, eng mah sawi lo in ngawireng chuan kan thu duna midang chuan min lo hmuse rilru dik lo pu tawk an awm leh maithei.















Vanneih thlak deuhin ka awmna hi a fal deuh bawka tumah chuan min hmu lo turah ka ngai, " vawinah em ni a lo haw dawn, "? A lo tih chuan U Ephraim-a chung chang a sawi tih hrethiamin ka bu nghata a thianpa mah nih se anin be tam vak bik lo a ni ngei ang, eng mah sawi zui tawh lem lo chuan kan thu ngawirenga, zirtirtu te ho in min ko ri ka hriat chuan ka din chhuah mai ka tuma, ka ke a kham lutuk chu ka pai nghal khat, ka tlu dawn emaw ka tih laiin ban tha chak zet hian ka taiah ngjet zetin min lo vuana ka inring bawk si lo chuan hmalam zawngin ka bawh thlu nghal rawk.














U Gaby-a chu ka melh chhuk kara a ni paw'n min en ve nghal run, rang fe a thawh ka tum chu ka la thei mai lo lehnghal a ka che chhe kual vek vek, U Gaby chuan ka taiah bawk dawmin ka tho kang tur chu min puiha, ka din chhuah hnu pawh chuan eng mah sawi lo in ka kalsawn nghal daih. Nilengin naupang ho chu intihhlimna kan neih puiha kan haw meuh chuan khua a thim deuh thet thet tawh. Nep nawi vel kan ei nasa bawk nen in ka thlen hnu pawh chuan rawng a hranin ka bawl leh tawh lem lo a, ka inbual zawh hnu chuan ka mu nghal hmak. Ka phone ka en rual chuan Melo-i message ka hmu a, " U Ephraim-a a lo haw tawh a nia, " tih te hi min lo thawna Emoji nui vak vak lem a lo thawn tel bawk.

















Ka hmuh phaka a awm leh tur chu ka huphurhin ka hreh tak zet, in fiam nan mai maia min hmangtu hi haw hle tur ka nih laiin ka haw thei miah lo, a hmel hmuh leh erawh ka duh tawh lo engtiang chiahin nge min hmuhsit dawn ka hre si lo a, message pawh reply tawh lem lo in ka mu ngawi kara U Ephraim-a nen kan awmdun thin lai te chu nimin ang maia chiangin ka la hria a chu chuan min tina nawn leh vawng vawng tawh. Hetiang em ema a nunrawng hi ka ring ngai lo, min phatsan phei chu ka ngaihtuah ngam ngai loh kha a nia, tunah erawh ka thil hlauh ber leh ka duh loh ber chu ka chungah a thlengta chu a ni sia.
















School lampana ka in khalh chhuah lai chuan kawngah ka mi hmuh duh loh ber chu ka tawka, a bula Ludy thu chu chiang zet in ka hmu bawk. An ni chuan min hmu ve lo a ni ngei ang min tlan pelh hnu pawh chuan ka la tlan chhuak mai lo thung. " Nangmah phatsan tu che chu eng vangin nge i la ngaihsak renga, " ti sep in ka scooty chuan chak zetin ka tlan chhuak a ka tah mai loh nan ka insum nasa viau. School ka thlen chuan pang ngai taka lan tumin ka nui luisanga ka nun hi a lem ngaeih ngawih bik hian ka hria, tu te emaw inkhualtelem na a tana siam mai mai ni te hian ka in hre thin. A hmasa berah U Puia a nia tunah lah U Ephraim-a, kan mirin ber te hi mintina ber tute an ni fo a nih hi.















Office-a ka lut chiah chu ka thawhpui te ho in min lo en thapa an nui sang hlawm bawk si nen kei in hrethiam lo zet in ka melh kual dan dan thung, " U Ephraim-a a lo haw tawh sia nang chu nuam i ti tawh awm e, " uang zeta Rebec-in a tih chuan ka nui tawi tak ringawt, kanin kar ka la hrilh lo a U Ephraim-,a a lo haw tawh bawk nen rei lo ah a hrechhuak vek dawn tho keipaw'n zep tul ka ti tawh bik lo, " banah thil ka hrilh ang che, " ti sep in ka thu thla a a ni pawh ohur fe in a lo thu thla ve nghal bawk. Midang ho pawh chuan min fiam leh zuk thina tumah chu tawngka in ka chhang lem lo thung, Rebec-i vangin U Ephraim-a nen kanin kawp tih an hre veka, a zin chhuak leh a lo haw leh tawh thlengin a hrilh leh vek tih a chiang hle bawk.















School banah chuan Rempuii dawr lamah Rebec-i nen kan kala hrilh vek a hunin ka hre tawh tlat, Awmi erawh a hranpa taka hrilh ka tum thung. Dawrchhunga kan lut chiah chu Rempuii a lo lawm leh ngang mai a customer te pawh a hre chang leh tawh lo. " Lo thu ru in lo leng khat sia maw " ti pah chuan thutna min lo pe a a ni erawh a customer te a buaipui chhun zawm thung. Kan pathuma kan thut thap hnuah chuan an pahnih chuan min en deuh renga sawi tan dan tur pawh ka hre lo, " thil hrilh tur che u ka nei, " ka tih rual chuan, Rempui'n,






" lawkin zawh hmasak duh che ka nei, " a lo ti ve nghala ka sawitur chu sawi nghal mai lo in Rempuii chu ka ngaichanga, " vawin khan U Ephraim-a Ludy te ka hmu dun kan piah a restaurant ah sawn an chawl duna anin huat hmel teh chiam lo, " a lo tih chuan ka thaw deuh hak, tunah chuan ual au takin anin zui ngam tawh bawka anni pawh hian an hre vat khan ka ring reng a ni.








( HEI AW, COMMENT KHA THEIHNGHILH LO ULA, TUNLAI CHU TKP THIL AH KA CHHUAK RENG SIA KA INDAIH LO VE LUTUKA DUH ANH PAW'N KA DAH SEI THEI LO A NI, TUNAH LAH KA LA P***** VE LEHNGHALA, PANGNA NEI CHI KA NI BAWK NEN NAKTUK ZAN LAM PAWH KA LO DAH THEI ANGEM KA HRE LO AW )


Show post links
Top

[Ngaia]

NUTHLAWI NAUPANGTEI
( CHAPTER-18 )
STORY OF: LALNUNNGHETI TETEI





Ka thusawi tur ngaichang ranin Rempuii leh Rebec-i chuan min en a, han sawitan mai dan tur chu vang tak a ni, " tunlai i awm dan hi a dik lo, U Ephraim-a lo haw hnu pawh hian i hlim hmel tehchiam lo " Rempuii bawkin a lo ti leha, " U Ephraim-a nen chuan kan then tawh alawm, " ka tih tak hap ah chuan an meng bial deuh kawk mai, kanin then chhan te min zawta keipaw'n chipchiar tak chuan ka hrilh ve veka ka thawl deuh hawkin ka hria. " Vanrammawia mai mai chuh...kan hmel Ludy pawh chu ava zak thei lo ve, mihausa fanu duatsual mai mai, " Rebec-i chuan a ti nghal hlak hlaka Rempuii pawh a ang nasa ve viau bawk.

















" U Ephraim-a chuan in then thu a lo sawi hrim hrim em, "? Rempuii bawkin a ti leh a, " vawikhatmah min lo be leh tawh lo hrim hrim whatsapp velah pawh min block vek, " pang ngai tak chuan ka ti ve leh mai a, dik tak chuan ka sawi zawng te pawh hian hreawm chu ka la ti ve lutuk tho, " inthen thu sawi lo in inthen tihna a nia, zawhfiah ve hmasak phawt te i duh lo em ni ? Ama kâ atang ngeia hriat te chu a dan a dang ve a, " Rempuii chuan a ti zui leh luama, " zawt chiang duh pawh ni se a block tawh chu, lo dik lo tak tak chu ni se a lo haw ni la la khan Thanthani pawh apan tawh ang, mahse chutiang chu a ti miah lo a awm zia chu Thanthani hi a bum tihna a nimai, " Rebec-i pawhin a ti zui leh hlaka keipawn a thusawi chu dik ka ti.













Min bum lo ni se a lo haw huna a pan hmasak ber tur chu ka ni ngei ang, a in sawifiah anga thil thlen dan zawng zawng pawh min hrilh ang, mahse a ni chuan chutiang chuan a ti hauh lo. Min hmu lo a min peh hel bawka hmeichhe dang nen langsar takin anin zui bawka, heng zawng zawng hian a ti chiang viau tawh a ni. " Zanah Awmpuii te ho nen sawithat tur a ni kan lo kal ang, " Rebec-i zawkin a ti leha Rempuii pawh a bu ve nghat, Sangsangi hi chuan U Gaby nen anin then hnu atang min pawh tawh vak lo a, kan thian hi bulah pawh a awm ve tawh ngai lo. A tlai deuh tawh bawk nen Rebec-i nen chuan dawr atang kanin zui chhuaka scooty-a ka chuang tur chu Rebeci'n min lo nghawk zeuha, a en na lam ka hawi ve chiah chu ka thaw deuh hak.













" Kan mi zakthei lo pahnih saw khawiteh sawnu saw ka va kek teh ang, " ti pah chuan Rebec-i chu a che vuta ka lo dang vat thung. " Kan in ti mualpho mai mai min hmuhsit belhna tur thil tih ka duh lo, " ka ti tlata Rebec-i pawh chuan eng mah a sawi zui bik lo. In ka thlen chuan ka zawi hnawk nimai hian ka hria, bathroom-ah lutin ka in buala ka zawh hnu chuan ka room-ah ka inthlak leh te te a, ka zawh hnu a ka chhuah chuan couch pakhata nu Mapuii lo thu reng chu ka hmu a ka phu deuh zuk nghe nghe, thawm eng mah ka hre lo miau a. " Nu, i lo leng elaw "? tipah chuan a bulah ka thu thla ve nghal zat a, "leng tih ah ka lo hruai dawn che, "tipah chuan a nuisanga,















" chawei turin ka lo sawm dawn che a, i pa in i chawhmeh duh ber alo hawna ' va sawm rawh u ' a ti tlat pek che alawm, "a ti zui diam diama kan awmhran hnu pawh hian min la ngaihsak tak zet, " insiam la kan phei dawn nia, " a tih leh takah chuan room lamah lutin ka phone leh ka bag chu ka la a, in atang chuan kanin zui chhuak nghala ka scooty chuan anin lam panin kanin phura kan thlen chuan inchhungah kan inzui luta, Melo-i, pa Maruata leh Sawmtei te chuan min lo lawm thiam ngang mai. " Mama te an lo thlen hunah chaw chu kan ei dawn nia, Thanthan i rilatam tawh viau em, "? Pa Maruata chuan a lo ti a, " tam lo e, " ka lo ti ve vat thung.















" U Mama te pawh an lo thleng chiah, " ti pahin Melo-i chu sitting room lamah a lo thu pheia, rei lo ah U Mama pawh a lo lang zui ve nghal, " Thanthan in hmuh ava khat ve, " a lo tih chuan " nia " ka lo ti tawi taka pa Maruata bulah chuan a thu thla ve nghak, " khaw nge Ephraim-a chu, "? nu Mapuii'n a tih rual deuh thaw chuan U Ephraim-a ngei chu sitting room-ah a lo pen lut a, mit khap lek lo in ka lo en reng thung, " in lo damtha maw nute, "? Tipahin nu Mapuii chu a chibaia, ka lam a lo hawi chiah chu ka ip nghal chawi mai, a hmelah chuan min hmuh ve avanga danglamna pakhatmah hmuh tur a awm lo.
















A nuisanga chu chuan nasa takin min tina nawn leh a ni ringawt, a nui hmel ka lo thlamuanpui thin em em kha tunah chuan a dang hlak tawh, " Sawmte chawei siam tawh ru le, " nu Mapuii'n choka a Sawmtei che rak rak a koh takah chuan harh chhuak zawkin ka tho chhuaka, choka lamah chuan ka phei zui ve nghal. " Khawi ka lo puih ang che u, " ti pahin Sawmtei leh Melo-i te chawei siam chu ka puiha Sawmtei chuan min ngaih thu a sawi ve deuh char chara keipawh ka nui ve hak hak mai, ka thinlung taka nuih erawh a harsa viau thung. Chawei kan siam zawh hnu chuan choka lamah an lo phei hlawma U Ephraim-a chu ka en duh lo ngar ngar, a ni erawhin min en reng a ni tih ka mit sirin ka hmu leh zeuh thin.















Chawei lai te chuan ka hma ah tak a thu a ka zam chhe leh viau tawh, haw viau tur ka nih laia hetiang zawnga ka awm ziah hi ka thil duh loh ber a ni. A zinna chanchin vel te chu pa Maruata te'n an zawt luama a ni pawh chuan a zinna chanchin vel te chu a hrilha, nuam a tih thu chenin. Chaweikham lamah eina vel kan seng fel vek hnu chuan sitting room-ah kan thu thap a, haw chu duh viau mah ila chaweikham deuh chiah a la ni bawk nen haw nghal chu a mawi lo a ka hriat avangin ka la thu khawmuang ve rih a, chutiangin U Ephraim-a pawh. " In neih te in tum hnai em, "? Pa Maruata'n uang zeta a lo ti zet chu ka inhum ruh tun mai, an ni hian kanin kawp thin tih kha an lo hre ve zuk tak.















" I ho em mai Pa, " U Mama chuan a ti dut a, a ni chuan kanin kar thu a hre ve tawh a ni ngei ang, " a ho hleinem anin zuina pawh a rei ve leh tawha, tiraw Thanthan, " nu Mapuii pawh chuan nui hak hak pahin a ti ve leha U Ephraim-a ka melh rual chuan a ni paw'n min lo en ve chiaha, tuna a mitmeng zet hi chu ka chhiar thiam lo, natna thuk tak nei ni awm maiin a meng dim raih mai. " Nu, Pa ka haw tawh mai ang, " ti pahin ka dingchhuak nghala, riak turin min sawm ve mahse hna kal ka chhuan lam ve tlata an ni paw'n min ti zui bik lo. Pawna ka chhuah rual deuh thaw in U Ephraim-a pawh a lo chhuak veka kanin be lo ve ve, ka scooty dahna lam chu ka pana a ka hnunglama a kal ve ringawt pawh chuan nasa takin ka awm a ti nuam lo.

















" I dam tha maw, "? tih ri avang chuan ka scooty-a ka chuang tur chu ka chawl dat a, " Um, " amah pawh en lem lo chuan ka ti zawi sep, " i zak viau em ni ka hmel pawh i en ngam tak loh " ti pah chuan a nui deuh hawka min hmuhsitna âw chu haider har tak a ni, chhang zui tawh lo chuan ka scooty ah ka chuanga ka tlan chhuak zui nghal vut. In ka thleng chiah chu insum hman lo in ka tap chhuak nghal hawk, khatiang em ema min deu sawh kha ka ring pha lo, eng vanga ka nuna lo seng lut reng reng nge ka nih.? Mahni in demna hlirin ka khata thil kal tawh erawh ka siamtha thei si lo. Ka thiante ho chu message in ka awm a nawm loh thu leh zan danga leng mai tur chuan ka sawm ta ringawta, min chhan letna pawh chu ka en zui tawh lem lo.















Zanin chu mahni a awm hi ka duh tlat. U Ephraim-a min tawngkhum dan chu ka bengah a ri nawn tluk tluka thumal tawite mah nise ka thinlung tina leh zual tur chuan a tawk viau a ni. Kawngka kik ri avang chuan ka harh chhuaka ka lo in tap muhil a ni ngei ang, ka phone sana ka en chu zan dar 11 a lo ni der tawh. Tun angah tu nge lo kal ang ti rilru neuh neuhin kawngkhar lam chu ka pana, zawimuang hian ka hawnga ka rin loh lutukin U Ephraim-a a lo ni, a mitmeng leh a din danah chuan a harhfim lo tih a hriat ngawih ngawih, ka mipa hriat thin kha a ang tawh hlawl lo, ahma a mi kha chuan zu in chu sawi loh a bul hnaiha awm pawh a duh ngai lo ang tih tur kha a ni.

















Ni e tuna ka hma a ding hi chu midang hlak a ni. " Eng nge tun ang zan reiah rui chungin i lo tih, " ka tih hlak chuan a lo kiai suk a nih chu ka van ngei tak. " Lut turin min sawm dawn lo em ni, "? a tih chuan ka nerkhum sak, " dawn lo haw rawh, " ti paha kawngka pawh khar mai ka tum chu a kut lian zet chuan ka ban rekah a lo vuan chawta ka rin loh lutukin alamah chuan min pawt hnai nghal dawr, a awm ka si chiah chu nghet zet hian min kuaha keiin tal chhuah tumin ka bei nasa viau thung. " Kei hi ka lo hnawksak viau em ni, "? A tih chuan ka chelai chu ka tawp deuh chat, " ti nge hetianga awm tur hian minsiam, " a ti nawn leha chutiang chu sawi zawk tur ka nih laia aman a lo sawi zawk daih chu ka hrethiam nek lo e.


















" Min thlah rawh chuan vawikhatmah hetah lo kal leh tawh suh "ti pah chuan ka tal leh vaka a ni pawh chuan min thlah ve mai bawk, " i hlim bawk em, "? Inchhunga ka lut tur chu a rawn ti leha a lamah chuan ka in her nghal vat, " chutiang chu i buaipui tur a ni tawh lo, " ti leh ngatin inchhungah chuan ka luta kawngka chu ka kalh nghal hmiah. Khuma ka mut hnu pawh chuan a thusawi chu ka ngaihtuah leta, ka hrethiam bik lo eng vanga khang thute kha sawi nge a nih tih hi. Zingah chuan tho in eitur ka insiam nghal mawlh mawlha, nizan lam ka mu tha vak bawk si lo a tukin chu tukdang zawng ai ka tho tlai.














In atang ka chhuah chuan dar 9 a pel der tawh, school lampan chuan ka in khalh chhuaka kalkawngah chuan Ludy te thian ho ka tawk bawk, school ka thlen rual deuh thaw in U Gaby pawh a lo thleng ve a, tunlai chu a mizia a dang tak zet ahma ang em em a nelawm lo kha a ni tawh lo. " I thleng chiah em ni, "? a tih chuan ka bu nghat, " school report kimchang vel kha vawinah lo tifel la chawhma banah hian min entir dawn nia, " a tih leha âw ka lo pawh ve nghal vat. Class awl chhung zawngin file pawimawh vel chu ka lakhawma thian han kawm na hun pawh ka nei meuh lo, Sangsangi pawh a lo kal ve leh tawha ahma ang kha chuan kanin be tam ta lem lo thung.
















A mizia a dang hlak a ni ber, Rebec-i paw'n a be fo a a rul tawk lek lek bakin achhang ngai lo thung, a thil tawnin a thawn em vangah kan ngai hmiah thung. Chawhma lam ban a hun chuan file vel chu ka rem fela chhuah ka tumlai takin U Ephraim-a chu a lo pen lut a, ka thutna lam chu a lo pan nghal chat, " dawrah in hnawh puar pahin kan sawi dawn nia min lo zui rawh, " ka file ken en pah chuan a ti a hnialna hman pawh a awm lo a mah chu a kalchhuak nghal daih, Sangsangi lam ka hawi chuan a ni paw'n min lo en ve renga, a landan chu ka hrethiam lo. U Gaby chu ka zui ve dat data ka scooty-a kal ka tum pawh a lo remti tlat lo.















A Car chuan kanin zui chhuaka dawr pakhat bulah hian min din puia a chhuah vut takah chuan keipaw'n ka zui chhuak ve nghal zat. Restaurant chhungah chuan min luhpuia eitur a order lai velin file vel chu ka entir a, ka hrilhfiah pah bawk. Kan eitur chah a lo thlen chuan " ei phawt ang " a tih vangin kan ei leh te te a kawngkhar lam hawi zawnga kan thut avangin U Ephraim-a leh Ludy te lo in zui lut pawh chu ka hmu chiang ngang mai, U Ephraim-a pawh chuan min lo hmu ve chiaha chutiangin Ludy paw'n , ka en reng lai chuan Ludy chu a melh chhuka a nui suk bawk. Kan lam pana an lo kal lai te chuan ka thin phu a rang tak zet, kan bulah chiah chuan an lo thu ve bawk nen hawi pawh ka hawichhuak leh tawh lo.














Kan thutna hi mipanga vel an len theihna ang chi kha a ni bawka kan pali a kan thu chung paw'n a la awl duai mai. " In lo chawl ve a nimaw, "? U Gaby chuan U Ephraim-a a hmuh rualin a ti a mak deuh mai in U Ephraim-a chuan a thianpa in a biakna chu a ngaihsak miah lo, hria ang pawn a awm lo hrim hrim zawk. Kan bula thu te chu an ti ti renga ka mit sirin U Ephraim-a chu ka melh zeuh zeuh thin, U Gaby chuan min melh ngura U Ephraim-a nen kanin ngaizawng tih a hre ve veka tunah lah hmelhriat miah lo angin kan awm bawksi, mak chu minti ve viau ang le. " Kan kal tawh mai dawn em ni, "? U Gabya'n a tih rual chuan bu nghatin ka tho kanga U Gaby pawh chu a lo tho ve nghal.














Pawna kan chhuah hnu lawkah U Ephraim-a chu a lo chhuak ve a min melhin a nui leh suk tawh, " hei i theihnghilh, " ti pahin ka bag chu a lo khai chhuaka ka lo ban nghal vat, " ka awm bo chhung kha a rei vak lo emaw ka lo ti a, mahse hei ka rinai ka awm bo rei a nimahna thil engkim hi a danglam chak em mai, " a tih leh chuan a thusawi awm zia ka hre leh pek lo, " i sawi duh chu sawi chiang law law la, " U Gaby chuan a lo ti thum duta U Ephraim-a pawh chuan kei min melhna ata a mit chu la sawnin U Gaby zawk chu a melh nghal ngur, " thiante pawh hi rintlak an lo nih nek loh hi, mahni thiante duh em em pawh chhuhsak an hreh lo va, " pakhat zawk chuan a ti leha, a sawiduh chu peh hel kual vak lo hian sawi tlang vek mai se ka ti.















" Chutiang thu chu eng vanga ka laka sawi nge i nih, " U Gaby chuan a ti leh hmuka U Ephraim-a tawng leh a tum lai tak chuan Ludy a lo in rawlha eng mah a sawi zui ta lem lo, " kal tawh ila class ka tlai palh ang, " no diai hian a lo ti a U Ephraim-a chuan buk khum nghutin, " motor dahna lamah va phei la keipawh ka lo kal ang, " a ti a Ludy chu min lo melh deuh ram pah hian a kalsawn zui nghal, " mahni zirlai ngaihzawn duh ngai lo tu kha i lo danglam ta tihna em ni, "? U Gaby bawkin a lo ti leha U Ephraim-a chu a nui chhuak nghal hawk, " a ni mai ang chu, tunah chuan hmeichhe hrang hrang i kawp kual chhan hi ka hre tawhin ka hria, keipawh hmangaih dang ka neih leh theih ka inringa mahse ka ti sual, " ti pah chuan a tawng tawp dat a.














" Bawihi bak kha ka hmangaih tak tak thei lo a nih hmel, " min melh paha a ti chiah chu ka nghilh dup thei, ka mita min en reng chungin engtin nge khatiang thu kha a sawi theih, mipa mak tak zawng a lo ni e, a thusawiin engtiang chiaha na in nge min siam a hre ve si lo. " I hmangaih theih loh mihring chu hnaih buai tawh suh, kan kal ange, " ti pahin U Gaby chuan min kai hranga engmah ka sawi thei lo milem ang mai ka ni in ka inhria. Motor chhunga ka luh hnu paw'n ka tawng lo a ka melh ngai chu ka melh deuh ngawt ngawt, duat taka min en thin tu khan min ngaih nep hmel takin min en a, min hmangaihthu min hrilhna a kâ ngei khan a hmangaih hmasa ber lo chu a duh tak tak theih loh thu a sawi bawka, min tina ani tih hi a hre ve tho awm si a, nunrawng ka va'n ti tak.


















Nitin in school lamah ka kala ka taksa erawh a chak lo hle thung, chaw ka ei thei lo a ka khua a sik reng thin bawk. Damdawiin ah pawh vawitam ka kal tawha doctor te paw'n damdawi min chawh zing malh malh viau, a eng a mah chu ka dampui thei lo thung. Ka thiante leh nu Mapuii te chhung tih loh ah chuan U Gabya'n min ngaihsak ber a, vawitam school chawl rih tur paw'n minti keimah ber hian ka duh loh avangin ka kal lui zel tho. U Ephraim-a vanga rilru buai sa tawh nen U Puia leh zel paw'n min la tibuai cheu va, vawitam ngaihdam min dil a pa Maruata te inlam ah lah palai ava tir chhen bawk.















Kan khaw lama ka chhungte pawh kei min hmin turin a be seka ka Pute-a te phei chuan nei leh mai tur te'n min lo ti a, kei erawh kir leh ka tum tawh lo bur, nitin zatin a rawn kala taksa chak loh lai a ni bawk nen ka ning thin tak zet. Ka nu ( u puia nu ) meuh pawhin min lo kal chilha a fapa tan ngaihdam min dil nasa viau bawk, pa Maruata te lam erawhin U Puia nena kanin karah chuan thu an nei lo va, ka thu thlukna a piang min pawmpui thu an sawi mai bawk. Ka thiante ho in min lo lenga kanin kawm khawm laih laiha tunah chuan Sangsangi pawh a pangngai ve leh tawh bawk, " i cher tawh zia hi i hmel te a chhe zo vek dawn, " Rebec-i chuan min en vang vang pah in a ti sep a ka nui tawi tak thung.

















Mitin mai hian a ni tela ka cher thu min hrilha keimah ngei pawh hian ka in hai bik lo, ka hmel pawh a chul ruiha mahni insit vawng vawng tham raihin ka tla chhia a nimai. " Chaw te hi ei tha ve deuh rawh, i chanchin hi mitam zawkin hriase i bialpa ithen vanga hetianga awm emaw an ti ang che, " Rempuii pawh chuan a ti ve leha, a sawidik viau chuan ka hria, U Ephraim-a nen kanin then hnu lawka hetianga awm hi ka nia, mi tam tak tan chuan kanin then vang emaw tih tur chu a ni. " Kar leh lam chu in entir leh hrim hrim la a tha ang, " Awmpuii chuan apple a zai sa chu min pek pahin a lo ti ve leha, chhang lem lo in a apple min pek chu ka la a ka ei nghal mial mial.



















Ka thiante ho chu thu dang dang sawiin an ti ti zui liama kei erawh tawnglam ka harsat tlat avangin ka ngawi reng thung. Tlai lamah chuan eirawngte min bawlsak diam hlawma ka tana anin pekna hi a hlu ka ti tak zet, harsatna tam tak lo tawk tawh mah ila thian rintlak tak tak ka nei tala ka hlim a ni. Sangsangi leh Rempuii chu hna tul an neih vangin an haw a Awmi leh Rebec-i erawhin chaw min eipui dawn thung, chawei chu an siam nghal mial miala keipawh min tih luih tlat avangin ka kil ve nge nge a, tlem chu ka ei ve thei hram. Chawei khamah pawh a seng vel zawng zawng an ti veka eng mah tih an phal miau loh avangin thutthleng ah chuan ka thu a, kawngkhar kik ri a awm chuan ka lo chhawn nghal vat.



















U Gaby-a lo pen lut ka hmuh chuan mak ka ti lutuk chu chet nachang pawh ka hre lo, " U Gaby lo leng rawh, " Rebec-i chuan a lo ti a Awmi erawhin keimah chu min lo melh nghal chata, zawhna a ngah leh dawn tih ka hre nghal. Ka bula couch pakhatah chuan a lo thu thla a ngawirengin ka lo en deuh tawp, Awmi chuan thleng a sila Rebeci'n thingpui a lum thung. " Kha iva cher sawt ve, " thum ang reng taka lo titu chu ka melha, " nia " ti sep in ka nui tawi tak, " chaw i ei tha thei lo tih ka lo hria a hei eitur ka lo lei che " ti pahin sarang hi a lo khai chhuaka a lo luh tirh khan ka lo hmu miah lo, " a ngai hleinem eitur chu ka thiante paw'n min lo ken teuha eng vak mah ka ei thei lo, " inthlahrung zet hian ka ti ve tak na a ka lamah chuan a lo dah phei tho.


















" Eitur te i lo leisak a nimaw iva fel ve, " Rebec-i chuan thingpui pek pahin a ti a U Gaby-a eitur min lo ken sak ho chu dah tha turin a lo ban nghal zat bawk, " ka lawm e aw, " Rebec-in a lo lak tak daih ah chuan ka ti sep a nuam lo ka ti ru viau mai. Thingpui in pah chuan ka thiante pahnih nen an ti ti zui luama kei chu ka tawng ve lo thung, Awmi leh Rebec-i chuan rei lo ah min hawsana U Gaby nen chauh chuan kan awm tawh, " Ephraim-a nen in chanchin ka lo hria a keimah vang a ni em, "? a tih chuan a thusawi chu ka hrethiam lo viau, " U Ephraim-a nen kanin then chhan chu ti nge i vang a nih ngawt ang, " ka tih chuan a thaw deuh hawk a.














" In then hnu hian keipawh min be tha duh lo em a, min hua a nimah zawk ang chu, kan pahniha min hmuh dun tuma a thusawite ka ngaihtuah let hian min ringhlel deuh ni in ka hria, " a ti leha ka ngaihtuah chianga keipawn a thusawi kha chu mak ka ti, amaherawhchu kanin kar ti tawp tu zawk chu amah a ni bawksi, kan awmdan hi ka hrethiam thlawt lo a ni ber mai, " i ngaihbel mai mai aniang i ngaih ti tha lo vak suh kanin then chhan te chu thil dang daih alawm, " ti pah in ka nui luisanga amah vang anga angaih ka duh lo a ni. " A nih vawina a lo kalpui nu vang kha em ni, "? Ti dut in a mit ko a san deuh uk a ka chhang zui lem lo.














( VAWINAH KA KHUA ASIK DEUH CHAR CHARA MAHSE HEI KA LO DAH THEI HRAM E, COMMENT TAL CHU KA PHU VE IN KA HRIA )


ZANTIN DAH IN DUH SIA A THUI THEI LO AW, THUI DEUH CHUAN ZANTIN DAH A HAR VE A


Show post links
Top