NUTHLAWI NAUPANGTEI BY Lalnunngheti Tetei (Completed)

[Ngaia]

NUTHLAWI NAUPANGTEI
( CHAPTER-7 )
STORY OF: LALNUNNGHETI TETEI







Kar thar a ni a, ka nitin hna thawk turin ka insiam mawlh mawlha, chutih lai chuan ka phone a lo ri a ka en nghal vat, Rebec-i a ni. " Aw hello, " ka phone chu ka beng zawnah ka daha ka bag ah turah chuan naupang ho test paper ka khung pah bawk, " i hman dawn tawh em, vawin chu principal-in thlen hma tur a tih kha, " a rawn ti a ka la hman chiah loh thu a ka chhan chuan min lo tur leh sek tawh, " nizan lamah test paper ka check-a dar 12 pelh hnu ah daih ka mu a thawh ka hai a nih hi, " ti pahin ka bag chu ka ak a inhnuai lamah ka chhuk thla zui nghal. " Aw eng pawh nise hman hmawh rawh, " ti lehin phone chu a off-a ka bag-ah chuan ka khung nghal vat.


















" Nu ka kal aw, " ti leh tlan chhuah ka ruala min chhan letna pawh ka ngaichang hman tawh lo, kan awmna leh ka thawhna school hi a inhlat ve deuh avangin taxi emaw Auto in emaw ka kal mai thin, kawngsir deuh atang chuan motor chu ka changa vawin chu taxi emaw Auto emaw pawh avang khawp mai, ka rilru hmanhmawh tawh bawk nen ka hawi kual leh vut vut thina motor hmuh tur lah chu a awm der si lo, ka rilru a hah tak zet. Ka hma-ah car var nalh zet a lo din chuan ka lo en deuh renga mahse ka hawisawn lehnghal vat, " i va hmanhmawh hmel ve, " lo ti tu chu ka melha ka hmuh ngai ka hre hauh lo. " Nia, " tih ringawt chuan ka chhanga ka hawi kual pah reng bawk.














" Ka lo thlah ang che, " a tlansawn nghal emaw ka tia a lo la ding reng chu ni in, hmanhmawh viau mah ila hmelhriat loh hanin phurh tir em kha chu ka duh bik lo. " A ngai lo, taxi ka changa a lo thleng tep ang, " pangngai taka ka tih chuan a tlanchhuak mai dawn emaw ka tih lain a car atang chuan a lo chhuaka a hawikual pah bawk, " a lo tlan mai loh hmel, i kal duhna sawila ka thlah mai dawn che lawm, " a ti leha a ngaih loh thu in ka chhang lehnghal, " hetia rilru buai taka awm reng han kalsan tawp mai chu ka duh chiah lo, min hlau deuh em ni, "? A thusawi tawp lam chu a nui deuh lehnghala, min hria pawh ni hlei lo chutia a lo tlangnel nghal ringawt te chu mak ka ti.
















" Hlau lo e, tihbuai che ka duh loh vang mawle, " tha tak chuan ka ti ve leha mit ti zim sunin min melha a nui deuh suk bawk, " ok, i kal duhna lam chu han sawichhin phawt la, " a tih leh tak zelah chuan keipawh chuan ka sawi ve mai bawka, min en deuh vung vung hian, " lo kal rawh, " a ti a a car lamah chuan a phei nghal bawk, a thutluh hnu pawh chuan kei chu che chang lo in ka dinna ngaiah ka la ding renga, " ka hlau lo che, " ti mah ila a ruk tak chuan ka hlau ve tho mai. " Tlai i hlau tak tak a nih chuan lo chuang vat la, keipawh ka hmanhmawh a nia, " a rawn tih deuh hluk tak ah chuan min ngai thei vak tawh lo a ni chek ang chu.















Ka phone chu phawrh chhuakin sana chu ka en a a tlai tawh bawk rilru nuam lo zet chuan ka thu lut ve zan a, a tlan chhuah hnu te chuan ka tang ru tun mai. Thil tha lo thleng lo turin ka tawngtai pah mawlh mawlh bawk. School ka thlen chuan ka chhuk vata lawmthu ka hrilh pah mawlh mawlh bawk, ka lo ringchhe hman hle kha a nia, ka inthiam lo zawk hial mai. School gate-ah chuan ka luta rang zeti staff office room lam chu ka pan tlang nghal. " Hei a lo thleng alawm, " office-a ka luh rualin Rebec-i chuan a ti a kan Principal chuan min lo melh nghal vut. " Ti nge vawin chu iva tlai ve, " a tih chuan ka buaina tawh velte chu ka hrilh zung zunga engtin mah chu min ti em bik lo.


















" Office chu an peih fel tawh em, ka bungrua ho kha chu lachhuak vek mai rawh se, " principal chuan a ti leha a chhuak zui nghal bawk. " Kal hma tur khan minti ve sia eng nge a chhan "?ti pah chuan thaw hlawi hlawi chungin ka chair-ah ka thu thla a ka chau tak zet, " kan principal hi a zin dawna amah thlak tu tur arawn awm dawn alawm, chumi vel chu a nia, " Rebec-i'n a tih chuan ho ka van ti tak, mahse kan principle awm lo tur chu a khawhar thlak ve dawn khawp mai, amah hi nuih duh em em leh ho lam ve deuh tak a nia keini paw'n kan nel hlawm viau bawk. " Principal thlak tu tur hi tudang ni lo in ama fapa ngei a ni awm e,

ka hmu chak tawh tawp kan principal pawh hi a kum tam tawh mahse a hmelchhe miah lo, a fapa phei chu atha viau turah ka ngai, " kan thawhpui tho Sangsangi chuan a lo ti a midang ho chu kan lo nui nghal hak.



















" Nupui nei lai ni daihse beisei bo deuh hian i awm mai anga, " Rinchhana chuan a lo ti ve a Sangsangi chu a tum nghal bur mai. Kan school hall-ah chuan principal-in school naupangte leh zirtirtu ho chu min ko khawma in thlahna kan hmang dawn a ni awm e. Thlakhat lek a awm bo dawn emaw ka tih kha kum 3 tawp a chawl zawk dawn a lo nia, a ngaihawm ve dawn khawp mai. In thlahna thu leh fuihna thu tha tak tak a sawia, a sawi zawh rual chuan kut kan lo beng nghal dar dar. " Kum 3 chhung hian ka fapa in ka ai a awh dawna, vawin hian a rawn thleng ve chiaha amah kha lo lut teh se, " a tih chuan kan hnunglam chu kan hawi nghal thap.















Bawp sei thlerh thlawrh kamiz pawl ha a lo pen lut chu ka hau in ka lo en reng, min thlahtu pa kha a ni, a nuisanga dawhsan lam chu a bawp sei zet hian a pan mek bawk. " Chibai ule, ka hming chu Gabriel. Zohmingmawia a nia kum 3 chhunga in principal tur ka ni, " a tih rual chuan kut an beng nghal dar dara ka mak ti lutuk chuan ka melh deuh tlawk tlawk. A hawi kual vual vuala kan thutna lam a lo hawiphei rual chuan a nui suka min hmu ve chiah a ni ngei ang. Ka kalna tur ka sawi tirh khan mak a tih hmel reng a ni, kan thawhna a in an tur thu te chu sawi ve mai awm a nia.














Inthlahna leh lawmluhna programme kan hman zawh chuan thingpui leh chhang an lo sem a, ka hnathawhpui dangte chuan kan principal thar chu an chibai nghal sap sapa, biak ve hrim hrim loh chu nuam lo ka ti ve deuh tho bawk nen inthlahrung ang reng takin an dinna lam chu ka pan a, an dinkhawmna bul ka thlen chuan tawng tumin ka au zuau tawh tih ah, " hei hi Thanthani a nih hi, Hindi leh Math teacher, " Kan principal chuan a ti a a fapa pawh chuan min lo melh ve nghal vat. " Gabriel. Zohmingmawia, " ti thum dutin a kut chu a rawn lek chhuaka tim daiin ka lo vuan ve nghal, a la nui suk zui.














Dar 12 vel thleng school pawh chu kan kala Principal thlahna leh a thar lawm luhna kan nei ringawt a nimai, haw lam chuan Rebec-i'n a scooty in min phur haw a kan principle thar hmeltha a tih zia leh pa a tih zia mawlh chu ha hip in a sawi. Inkawtah chuan min dahin a tlan chhuak zui nghala inchhung lama ka luh chuan tumah an lo awm lo, Nu Mapuii ka au a min chhan mai loh avangin inchung lamah chuan chho in ka inthlaka ka chhuk leh pawh chuan tumah an lo la awm chuang lo. Choka-ah chuan lutin thingpui ka chhuanga school lamah in tawh tho mah ila thingpui duh mi ka lo ni bawk nen chhun lamah hi chuan vawihnih tal ka in loh chuan ka riltam hi a reh thei lo in ka hre thin, ei tur ai chuan thingpui hi ka puarpui thei zawk tlat.














" Vawin chu inbang hma a nimaw ? Chawhnu kalni ni khan ka hre si a, " nu Mapuii rawn lutin a tih chuan vawin lama kan hun hman dan vel chu ka hrilh ve zung zunga, a ni pawh chuan principal zin chhuak tur chu a lo hre tawha min hrilh theihnghilh a lo ni, " tlaiah chawei khawm an rawta minsawm ve nghe nghe a sin, i pa nen hian thiantha tak an nia, keini pawh kal ngei turin mintih kha, " a ti dap dapa keipawh ka bu deuh nghat. Dar 2 velah pa Maruata leh U Mama pawh an lo thlenga principle te'n chaweia an sawm vang chu a ni ngei ang. " Thante nangni pawh melody nen vain tifai ula, kan chhungin minsawm sia va lan ve loh zawng a mawi lo e, " pa Maruata chuan a ti a ka phur lo khawp mai.
















Melody nen chuan intifai turin inchung lamah kan chho a ka room lamah chuan lutin ka inbual nghal sawk sawka, bathroom atang ka chhuah hnu chuan ka thawmhnaw dahna ka en a, t-shirt var ahma a teddy bear lem chuang leh kekawr pawl duk deuh chu ka la chhuaka ka inthlak zawh hnu chuan inhnuaiah ka chhuk thla nghal zat. Midang zawng pawh chu an hman vek tawha pawna kanin zui chhuah chuan Pa Maruata chuan Car a la chhuaka U Mama'n bike a keng dawn thung. " Melo nang i U bulah chuangla, kei Thanthani leh Sawmtei chu i pa ho in kan lo kal ang, " nu Mapuii'n a ti a, Melo-i chuan " ka sam a chhe vek ang thli a thaw ropui si " a ti deuh tlata chuan loh a tum hmel khawp mai Car-ah chuan a thu lut nghal hmiah.














" Thanthan nang chuang mai ta che, Sawmtei pawh hian bike a chuan chu a hlau deuh tlata, " nu Mapuii'n a tih chuan ka lu ka bu nghat, Pa Maruata te chu an tlanchhuak hmasa a an hnungah U Mama nen bike chuan muang changin kan tlan ve bawk. Hman deuhah U Ephraim-a te inlamah kan len tawh avang khan kan tlanna lam chu anin lam a ni tih ka hre thei, U Ephraim-a te in atang hla lutuk lo ah kan Principle te chu an awma anin pawh a lian tha khawp mai. Bike atang ka chhuk hnu chuan mahni a luh ka hreh bawk nen U Mama bike park tha chu ka nghak leh te te a, ka bul a lo thlen hnu chuan " kal ila, " arawn ti sup a keipawh ka lo bu nghal nghat.













An compound a zau nuam bawka a nuam reuh phian, fatu ho an che sang sang chu ka thlira an buai tlang ve hlawm khawp mai, Pu. Hmunsanga ( kan principle ) te hi mi awmthei ve tak an ni a, hmelhriat pawh an ngah ngang mai, fatu an tam danah hian mi pawh an sawm nual tih a hriat theih. " Mama, " tu emaw in a lo tih chuan kan hnunglam chu ka hawia U Ephraim-a leh kan principle thar Gabriel-a te kha an ni. " I lo va lang har ve, " kan bul an lo thlen rualin Principle thar Gabriel-a chuan a ti a kei chu min enin a nui sang bawk. U Mama te anin biak lai chuan U Ephraim-a chu ka melha a ni pawn min lo melh ve chiah bawk, min nuih deuh suka keipawn ka nuih let ve sen sen bawk.















" Hei i bialnu thar em ni, "? Ti tu chu ka melh nghal vat, " ni nang aw, ka nau a nih hi, " U Mama'n nui hawkin a ti a Gabriel-a pawh chu a lo nui ve nghal hawk. " Lut ang u hmiang, hunserh an hmang dawn tawh ang, " U Ephraim-a chuan a ti a an ni pawh an lo bu nghal nghut. Inchhung lam pana kanin zui lai te chuan anin kar ah ka kala an ni an lian bawk nen ka lang thei lo dawn dawn mai. Inchhung lama kanin zui luh chuan an lo tam ve bawk nen ka zak ru ve viau mai, nu Mapuii'n min lo hui zeuh chuan rang fahran hian ka pana a bulah chuan ka thu ve nghal zan.













Hunserh kan hman zawh hnu rei lo ah chawei an rawta, nu Mapuii chu Melo-i nen kan zui ve zela chaw pawh aman min dawh sak vek bawk, " in chung lamah ei daih ang, " Melo-in a lo tih chuan ka hnial bik lo, inchung lamah chuan kanin zui chho a nu Mapuii erawh inhnuai lamah a ei dawn thung. Inchung zawl lai kan thlen chhoh chuan a nuam reuh khawp mai, a zau tha in a fai bawksi, pot ah pangpar a awm hnur bawka a nalh tak zet. Thutna lo awmah chuan kan thu a chaw chu kan ei nghal mawlh mawlh, vanneih thlak takin kan chawei chhung chuan tumah an lo lang lo a a tih zia viau, ruaithehna velah hrim hrim hi chuan mi hmuha chawei hi ka zak deuh tlat thina tunthleng hian ka la ni reng chu a nih hi.















Inhnuaiah kan thleng dah pahin kan chhuk thla leha puitling ho pawh chuan chaw an lo la ei ve mek bawk. Tih tur em em a awm lo bawk nen kan kut te kan sil zawh chuan inchungah bawk kan chho leha, thawm a awm lo bawk nen a nuam ber mai. " Pa Hmuna fapa U Gaby kha i hmu tawh em, "? Melo-in a lo tih chuan ka phone khawih lai chu dahin amah chu ka en a ka bu deuh nghat, " U Mama leh U Ephraim-a te nen hian thian inkawmngaih lutuk an nia, a hma chuan company lian ve pangngai tak ah a thawka mahse, pa Hmunsanga hi a hrisel lo bawk nen a ai awh turin an chah thla tawp a nih hi, " a ti dap dap a a hriat chian hmel khawp mai.















" Mahse Pu Hmunsanga chawlh chhan te chu ramdanga a kal dawn vang a ni lo em ni, "? Ka ti a a lung a thing deuh nar nar, vawin lama an sawidan kha chuan ramdangah a awm dawn an timai sia, " in entir turin alawm a zin dawn, tumah chu hrilh tawh chuang lo la, a hrisel lo lutuka zai a ngai dawna a damchhuahna chance pawh a tlem viau bawk, " a tih chuan ka meng phawk hra mai, amah en tawp te chuan hrisel pangngai tak a anga, a rukin natna khirh tak a lo nei reng chu a ni sia, pawnlam landan atanga in teh loh tur tih kha a lo dik khawp mai, he thilah pawh hian a chiang viau e. " A zia lo khawp mai, " ka ti sep a sawitur dang ka hre lo, mak ka tihna chuan ka sawitur te a ti bo zo vek ni berin ka hria.











Tawngthawm kan hriat chuan ti ti chhunzawm tawh lo in kan ngawidun kar a, rei lo ah U Mama te chu an lo langa, Melody chuan zawi sep hian, " U Ephraim-a leh U Gaby-ah hian thlan tur zawk hriat a har dawn e, " a ti a amah chuan a nui pah hak bawk. " Ti nge hetah in awm daiha, " U Mama'n a lo tih chuan Melo-i chuan a lo chhanga kei erawh ka ngawireng thung, " kan lo thu ve ang chu," U Gaby chuan a lo ti a a nuisang bawk, anin ania min dil kher a ngai si lo a, " lo thu ve ru, " Melody chuan a lo ti a a tawlh hla nghal bawk, kan thutna hi thutthleng sei pangngai tak a ni bawka kan za vai paw'n thu ila kan la thawl tho ang tih tur a ni.













U Ephraim-a leh U Gaby te chu ka sir leh lam leh lamah an thu a, U Mama erawh single chair ah a thu thung. " Thanthani maw, "? Lo titu chu ka en a ka bu nghat, " chuan engtin nge tunkar tawp chu kan picnic dawn em, "? Melo-in a lo tih chuan U Gaby chu a lo nui hawka kan en nghal thap, " picnic rual kan ni tawh hleinem, " kut kuangkuah at chunga a tih chuan Melody a lo ner nghal sak, " nang tih loh chu kan ni vek, U Ephraim engtin nge ni dawn ? Kan sawifel vek tawh kha kal ang u, " Melo-i chuan a ti leha U Ephraim-a erawh a ngawi ngul thung. " I U Mama tih dan dan a nimai, " a ngawih deuh vang vang hnu chuan a ti a Melo-i chuan U Mama chu a zawt lehnghal.















" Kan kal ang chu, Ephraim-a leh Thanthani hi saturday ah chiah an hman dawn sia tah chuan kan timai dawn nia, " U Mama'n a tih takah chuan Melo-i chu a nui nghal ver ver mai, " kei ve hi, " rawn ti thum dut tu chu kan melha a nipawh chuan min melh kual dan dan bawk, " kal rual ka ni lo, " iti a nilawm ni, " Melo-i chuan a ti a, chhan dan tur a hre lo nge a ngawi deuh vung vung mai, " nangpawh Saturday ah chuan i hman ang chu, kan kal ho dawn nia, " U Mama chuan a ti a a bu nghal nghauh nghauh mai.














A tlai deuh tawh bawk nen Melo-i nen chuan inhnuai lamah kanin zui thla a, nu Mapuii te pawh an lo hman fel der tawh, " nu haw nghal ang u, zanin chu Siamtei birthday a nia ka kal ngei ngei angai, " Melo-i chuan nu Mapuii bulah chuan a ti a Pa Maruata pawh kan bulah chuan a lo ding ve nghal, " haw mai ang u hmiang, Thanthan i U Mama rualin mi i lo haw leh mai ang, " pa Maruata'n a lo ti nghal zat a U Mama a lo la chhuk lo bawk nen ka rilru a buai, " Mama Thanthani hi lo phur haw leh mai rawh aw, " Pa Maruata'n a tih leh chuan ka hnunglam chu ka hawia an thian ho in an lo ding leh thap tawh.














" Um, " U Mama'n a tih sup chuan pa Maruta te pawh ngaihtha zetin an chhuaka " Thanthan Ephraim-a hian a thlah mai ang che chu, a pawi i ti em, "? U Mama'n inthlahrun hmel tak hian a lo ti a, U Ephraim-a chu ka melh zawka U Mama chu ka melh leh nghal, " pawi lo e, "ka tih takah chuan thaw huai hmel a pu, " thil pawimawh tih tur ka neia ka nu te lo hrilh mai rawh aw, " a tih leh chuan ka bu nghata a kalsawn zui nghal. " Kal ila, "? U Ephraim-a chuan a lo ti a ka bu deuh nghat, " lo let har lo la, " U Gaby chuan a lo ti sup a U Ephraim-a erawhin a chhang let lo thung.













Pawna lamah chuan inzui chhuakin a car dahna lam chu kan pana Car kawngkhar chu min hawnsak thlap bawk, kan tlan chhuah hnu chuan ka ngawi deuh renga sawitur avang ve bawk em a tin ni, " Picnic-na ah chuan kal chu i tum ta em ni, "? Ka lama rawn thle deuh pah hian alo ti a a nui pah bawk, ngawirenga a awm lai ai ngawt kha chuan atawng hian a nelawm zawk, " aw, chuan nangpawh, i kal dawn tiraw, "? ka ti let ve a a lo bu nghal nghut, kanin kawtah chuan min daha leng tura ka sawm chuan a hmanhmawh thu a sawia a tlan chhuak zuibawk. U Ephraim-a hi chu mipa danglam tak ni in ka hria a bula ka awm hian ka thla a muang veng veng thin.
















Inchhung lamah chuan ka luta Pa Maruata leh nu Mapuii chuan tv an lo en a an lamah chuan ka phei ve nghal, " i puar em Thanthan, "? Pa Maruata chuan a lo ti nghala ka puar thuin ka lo chhang let ve nghal, U Mama awmna vel te min zawh chuan tihtur pawimawh a neih thu in ka chhanga an ni pawh chuan an sawi zui bik lo. Inthlak turin ka room lamah ka chho room chhung ka luh hnu chuan khumah ka let nghal tawp, nizan lam ka mut that loh vang a ni ngei ang ka mut a chhuak nghal der mai. Paper check tur dang ka la nei bawk nen intih harh nan ka phone chu ka khawiha message a lo awm leh hnur tawh.














Rempuii message ka hmuh chu ka seen a, " naktukah ka lo zin dawn, " tih a lo ni, a hmasa a an lo zin lah khan U Puia nena kanin then thu vela kan buai avang in kanin hmu hman lo kha ania, " avan lawmawm ka ngai tawh lutuk che, " ti in ka reply let ve a a seen rang khawp mai, min reply mai dawn emaw ka tih lai in a lo video call a ka la nghal vat, " i van langtha ve, i pasal then chu i ngaih hle a nih kha, " a rawn ti nghala ka lo nui nghal hak, " chuan eng ti turin nge i lo kal dawna, " ? ka ti let ve thunga, " ka ni te dawrah ka thawk dawn a, ka awm ve reng tawh ang, " a lo ti ve a chutia a awm ve reng thei tur chu ka hlim nghal veng veng.












" In luah tawhla atha tur, kan awmtlang thei anga, ka dawr thawhna leh i inluahna tur chu inhlat deuh mahse scooty ka lo keng dawn tho a atha tur a nia, " a ti niah niaha kei ka nui hak hak thung, " in luah tak kha chu kumthar lamah daih hian a nia, a rei dawn chuang hleinem ka luah luh hunah min fin ve anga, " ka han ti chu a lo phur nghal hlut, reife kanin biak hnu chuan kan dah ve thei hrama whatsapp-a ka luh leh zuk chuan Awmpuii message a lo awm vang mai, a ni pawh hi kanin hmuh lohna a rei ve leh ta khawp mai, " naktuk chawhnu lam i hman angem ? Ka ngai tawh lutuk che ka lo leng dawn, "


"tih hi a lo ni, ka chhiar zawh chuan nuiseihin ka reply a,naktuk chu chawhnu kal ni a ni lo bawk nen ka hman tur thu ka hrilha, a online loh lai a nih avangin ka out ta daiha khumah chuan ka mu lehnghal der der.






( HEI LE....COMMENT VEK RU AW, COMMENT IN THAT HI CHUAN CHAPTER THAR DAH TE HI A PHURAWM VE A NIA CHAPTER THAR LAM ATANG CHUAN LOVE STORY LAM KAN BUAIPUI THEI TAWH TURAH NGAI ANG )


Story kan chhiar paha ads kan click zeuh hian writer ten hlawh an lo nei ve zel a, kan writer te tan ads i lo click ve thin dawn nia



Show post links
Top

[Ngaia]

NUTHLAWI NAUPANGTEI
( CHAPTER-8 )
LALNUNNGHETI TETEI





Ka room kawngkhar in kik ri karh karh ah chuan ka harh zawka, room banga sana chu ka melh nghal zawk, zan dar 10 a lo pel der tawh chu ni in. " U Thanthan, i muhil tawh mi, "? Melo-i tawngri ka hriat chuan tho kangin kawngka chu ka va hawna birthday lawmna atang alo haw chiah a nimaithei a dress atang chuan, " nge nita, " phak chuap hian ka ti a ka mut a la chhuak viau mai, " i muhil lai ka tiharh che law, "? Inthlahrun hmel tak hian a lo ti a " um, " ka tih chuan inthiam lo hmel hi a pu a " ti nge a, "? ka tih leh chuan ka room chhungah chuan alo luta ka khum lam chu a pan nghal zat, kawngkhar chu khar tha lehin ka pana a mitmeng ah chuan a rui a ang viau mai.



















" Melo, zu i in em ni, "? Ka tih chuan hlauhthawn hmel zet hian min lo en a kei pawn chik fe in ka melh let ve bawk, " um, khawngaihin a nu te hrilh suh aw, ka room lamah pawh chuvang a nia ka mut duh loh, min lo check leh ngei dawn sia, " a ti niah niaha a harhfim loh zia a tawngdan ah pawh a hriat, " zanin chu i bulah ka lo riak ve, "? A ti leha a boot bun chu a phelh pah bawk, " Nu Mapuii te'n an hriat chuan apawi viau dawn a nia, a thuhrimin i room-ah an en ang che anga an hmuh loh che chuan i la haw lo emaw ti in an rilru a hah dawn a sin, " ka thusawi pawh chuan hria ang pawn a lang lo, khumah chuan a let tawpa a muhil nghal a ni ngei ang.





















Thaw hak in a mutdan chu ka siamrem saka keipawh chu ka mu ve lehnghal, naktukah chhuanlam tha tak neih a ngai ngei dawn a nih hi. Zing dar 7 ah ka thang harha ka bula Melo-i mu chu ka en a a lo la mutui khawp mai, a tlai tawh tho bawk nen ka sawi harha peih lo zet hian khumah a thu chhuaka a mit pawh chu a la meng thei meuh lo, " in tiharh rawh, nu Mapuii te bulah engtin nge nizana heta i riah thu hi i sawifiah dawn, " ka tih chuan a hlauhthawn hmel leh hle tawh, " U Thanthan ka rilru a hah e, a pa in hrechhuak ta se engtin nge mintih ang le, " a ti zui vang vanga ka khawngaih leh hnu hnawh, " tho la intifai phawt mai teh, " ka tih takah chuan bathroom lamah a pheia keiin kan mutna chu ka thlep fel thung
















Inhnuai lama kanin zui thlak chuan rin ang ngeiin Pa Maruata chuan Melo-i chu sitting room lam atang a rawn ko a Melo-i chuan ka banah a lo hmer nghal vak, " min lo kalpui, " zawi sep hian a ti a Pa Maruata chuan a lo ko leh chiah bawk, ka khawngaih ve deuh bawk nen ka zui phei ve ta ringawta nu Mapuii pawh a lo awm ve chu ni in, " Melody nizan dar eng zatah nge i lo haw, " Pa Maruata chuan a ti chang bala Melo-i chuan a pa chu tim dai hian a melh thung, " dar 9:30 ah, " zawi sep hian a ti a adawt sawiah chuan a tal awk em lo ang chu, nu Mapuii te muthun a hrechiang bawka chuvanga dar 9:30 ti pawh a ni.

















" Dawt min hrilh hauh suh, nizana dar 10 vel bawrah i room-ah i nu nen kan lo en che a i awm hauh lo, Melody dawt min hrilh suh dawt ka hua tih i hriat kha, " Pa Maruata chuan a ti leha a âw ah chuan a thinrim hle tih a hriat theih, " pa tak tak alawm, U Thanthani bulah ka mudaih alawm, ka room chahbi ka ti bo a, a spare ka lo dil dawn che u chuan in muhil tawh sia, tih harh che u ka duh lo alawm, U Thanthani hian ' zanin chu ka bulah mumai rawh ' a tia, " Melody thusawi avang chuan ka meng deuh kawka mahse ka insiamtha lehnghal vat, awlsam taka dawt a sawithei mai te chu a mak ka ti zawk.















" Thanthan chu chu a dik em, "? Pa Maruata'n a lo tih chuan Melody chuan min lo sik zeuha, " ah..aw, nia ka room lama riak tur khan ka sawma, " ka ti bah deuh niaia dawt ka sawi avang chuan ka inthiam lo nghal, " a tha e, mahse zan dangah chuan ngei ngein dar 9 ah lo haw tawh ang che, " ti lehin Pa Maruta chu a tho chhuaka an room lamah alut zui nghal, " I Pa thusawi chu zawm tha hle ang che, a thinrim hlauhawm zia i hriat kha, " nu Mapuii pawh chuan alo ti ve a pa Maruata'n a lo koh takah chuan a ni pawh chu an pindan lamah a lut zui ve nghal.













" Melo khatiang khan dawt sawi ngai in min siam tawh suh, ka tan a nuam lo a nia " pa Maruta dawt ka hrilh avanga la lungawi zan lo chuan ka ti a a ni pawh a inthiam loh hmel khawp mai, " tihpalh aw U Thanthan vawikhat mah a thleng nawn tawh lo ang, " inthlahrung zet a a lo tih chuan ka buk khum nghat, " in tho ve tawh maw, "? U Mama zing walk lo haw chuan kan bula lo phei pahin a lo ti a, " um, " kan lo tirual nghal sep, " inva ngui ber bur ve, Melody nizan lamah i haw tlai a nimaw "? a ti a single sofa ah a thu thla nghal bawk. " Haw tlai lo, " pakhat chuan a lo ti nghal hlara U Mama erawh a nui hawk thung.
















" U Vawin chu i rualin bazarah ka lo kal ve, ka scooty ka siamtir a, " Melo-i chuan a ti dam dap a a mizia chu a thlak sam khawp mai, " vawin chu office lamah ka kal hman dawn lo, taxi la mai rawh, " U Mama chuan alo ti thung, " U Ephraim-a rualin ka kal mai ang, " Melo-i bawkin a ti leha U Mama chuan a lo melh nghal vut, " vawin chu Bawihbawihi thlanah a kal dawn, i hre leh tawh na nge a thihcham a nih hi, " U Mama'n a tih nghut chuan Melo-i pawh chuan, " ka theihnghilh daih, vawin ni ang ah chuan tu bulah mah a awm duh lo tak, ka khawngaih e engtia rei nge a la sun dawn le, " a ti zui ve vawng vawnga an sawi awmzia ka hre ve lo thung.






















" U Thanthan kan sawi chu i hria em, "? Melo-i chuan a lo ti a ka lu ka thing nghal mat mat, " U Ephraim-a bialnu thi ta kha a nia, nangpawh ka hrilh tawh che kha vawin hi a thihcham a nia, " a ti leh dap dapa chutia a sawi takah chuan keipaw ka hrechhuak nghal, Melo-i hmannia kan len khan kan haw lamah min hrilh tawh tak, ka ngaihtuaha a bialnu chu a thihna a rei tawh nen ala hmangaihin ala ngai hle a ni ngei ang, tun thleng hian a thihcham ah a la tlawh thin a nia. " U Bawihbawihi nen kha chuan anin duh bawka tunthlenga a thlana a la kal thin pawh hi ka dem thei lo, " ti lehin melo-i chu a tho chhuaka U Mama pawh intifai turin a room lamah a kal ve nghal.























An kalsawn hnu pawh chuan thildang reng ka ngaihtuah thei lo, U Ephraim-a mawlh chuan ka rilru a luah, a hmel en reng reng pawhin a khawhar zia a hmuh theiha nui ve bawk thin mahse a hmela a natna langchhuak chu a bo ngai chuang lo. Kan lo in hre rei ve ta bawka a mizia pawh ka hrechiang ve viau bawk, mahse a mitmenga a natna kha vawikhat te mah a bo ngai lo. Dar 8:45 ah inatang ka chhuaka dar 9 ah school kan tan vangin ka chhuak hma thin, tun pawh chaw ei lo bawkin ka kal. Kawngpuiah chuan taxi ka changa rei lo ah a lo thleng nghal, kan school lampan chuan ka tlan tira kawnga motor lo ding ka hmuh chuan ka mit a la nghal chat,

" Ka pu tah khan ka lo chhuk, " U Ephraim-a motor ka hmuh vang ringawta chutia ka ti chu ka inhrethiam bik lo, mahse mak deuh maiin keimah ah hian min tur et et tu hi an awm, chu chu ka control thei lo bawk.


















Chuanman te pe felin taxi atang chuan ka chhuka U Ephraim-a motor awmna lam chu ka pan phei nghal, a motor bul ka thlen chuan amah chu hmuh tur a awm mai lo bawk nen kawngthlang lam chu ka pana, a chhan pawh thlanmuan awmna lam a nih vangin. Thlanmual ka thlen thlak chuan ka hawikuala ka rin ang ngeiin U Ephraim-a pawh chu a lo awm, thlanlung pakhat ngheng hian a thu a chunglam chu hawiin a mit a chhing bawk. Pan hnaiin a hmaah tak chuan ka dinga a ni pawh a lo mengchhuak ve nghal, a mitmeng chu a sen deuh ram a a tap a nih ka ring, mipa meuh pawh hmangaihna leh khawharna chuan an mittui a tih tlaksak ve thei chu a nih hi.



















" Eng nge i lo tih, " a ti deuh hmuka min hmu thut chu makti hmel pawh a pu lo, a tawngkam lah chu a nelawm fahran lo bawk, Melo-i khan a bialnu thihcham ah chuan tumah a hmu duh ngai lo a tih kha hrechhuakin ka haw duh bik lo. " Ka lo kal deuh mai mai, " ka tih chuan a mit chu a chhing zui lehnghal, " haw rawh, mahnia awm ka duh, " a ti vawt ruiha ka chesawn eih lo thung, minute 2 vel a chhin vang vang hnu chuan a lo mengchhuaka ka la kalsawn lo tih a hriat chuan a rum nghal nghut. " Eng nge i duh, "? Ti lehin a lo tho chhuaka ka hmaah chuan a ding nghal run, a rim pa zet chu ka hrechiang ngang mai, " eng mah ka duh lo, " ka tih chuan thaw hawk in, " a nih eng vanga la awm ve reng nge i nih, " a rawn ti leha chu chu keipawn ka hre bik lo.












" Ka hre bik lo, helaia ka lo kalchhan hi keipawn ka hre lo, " ka tih chuan mak tihmel pu deuh hian min en a keipawn ka melh let ve kar, " vawin ni angah hi chuan tumah ka hmu duh lo, kalsawn rawh, " ti lehin a inher vuta, " lawk in, " ti paha a kut ka vawn chuan alo vaisawn nghal lawpa ka inring hman lo chu ka tla thla nghal tawp, thlanlung hi a sanga siam a ni a mahse sang lutuk erawh a ni lo. Ka tlukna ah chuan ka ke chu ka bilh a ni ngei ang thawh ka tum chu ka thei der lo.













" Ka thusawi kha awi la a tha maitur, " ti hlukin ka hmaah chuan a lo thu thla a ka ke lo khawih a tum chuan ka lo dahsawn nghal vat, " ka lo en ang, " ti paha a lo ban leh pawh chuan ka dahsawn leh, " thlanlunga pangpar kha i rah dawn vangin ka chelh che a nih kha, khati vaka min tih kha a ngai em ni, "? Ka ti ve hmiah, nichina a inher khan a pangpar dah kha a rap dawna ka hriat avangin ka chelh kha a nia, pangpar ngaina mi ka nibawk nen mi in an ke a an rah hi ka ngaihtheih loh vang a ni bawk. " Sawitur che lawm, " a tih chuan ka tah a ti chhuak zawk, hrilh hman pawh a ni miau hek lo min lo vaisawn nghal lawp a nih kha. " Ka lo hmet ang, " a tih leh pawh chuan ka la tang ve tang tang tho, khatiang avang ringawt khan ka thinrim hlur chu a nimai sia, naupangchhia ka va inti zawk tak.













" Ka tihpalh, vawin atan chuan tumah hmuh ka duh lo a chuvangin i chungah pawh ka lo che mawi lo deuh a nih kha, vawin hi..." a tih lai mek chuan, " ka hria, " ka lo ti let ve nghala mak tih hmel fe hian min lo en, " vawin hi i bialnu thihcham a nia chuan vawin ni angah hi chuan tumah i hmu duh ngai lo, " ka ti leh zat zata min melh vung vungin a bu nghal nghut, " helaia awm reng ai chuan ka car dahna lamah kal zawk ang, damdawi ka nei maithei, " ti pah chuan a tho chhuaka, a kut chu ka lamah a lo phar chhuak nghal bawk














Vuan tura min duh tih hriat tak hian a kut chu ti che in a mit ko a lo san uk a keipawh chuan ka vuan ve nghal, ka ding tur chiah chu ka ke a la na bawk nen ka thu lehnghal hnawk, " ala na viau em ni, "? A tih chuan ka bu nghal nghat, " ok " ti leh dutin a che thuta a awmdanin min thawn em avang chuan tawngmai nachang pawh ka hre lo, min pawm chung chuan min kalsawn puia " min dahthla teh, " ka ti nghal vat, a ni erawh ka thusawi chu hre lo ang hmakin a awm thung, min pawm chu duh lo zetin ka tal leh deuha a ding nghal dat, " i tal reng chuan ka thlauh che a nimai, " min melh chhuk run paha a tih chuan tlak ka hlau ve tho bawk nen ka tal ngam tawh thak lo.

















A motor dahna bul kan thlen chuan lung lian ve tak awmah chuan min thut tira a a motor awmna lam chu a pan zui nghal, ka ke chu na lutuk ni lo mahse din chhuah dawn chiah hian a hreawm, U Ephraim-a a lo let leh chuan a kutah damdawi hmehchhuah chi ang kha a lo kenga, ka bulah chuan lo thuhniamin ka ke chu a khawiha ka then nghal sak, " ana viau em ni, " min en paha a tih chuan ka lu ka thinga a nipawh chuan damdawi chu a hnawih zawm nghal, a kut dam lutuk chu mak ka ti zawk hial, damdawi a hnawih chu a chul rual ka timai, a hmet pah bawka a na deuh zawk thin mahse chutianga tawrh hreawm erawh a ni lo.















" Vawin chu in chawl em ni, "? Damdawi min hnawih zawh hnu a a tih chuan school kal tur ka ni tih ka inhrechhuak ve chiah, zawi muangin ka ding chhuaka ka hawi kual nghal ruai, " U Ephraim khawngaihin taxi min chan sak thei angem le, " mangang ru tak hian ka ti a " ka thlah ang che, " a lo ti nghala kei erawh ka ngawi reng thung, " ka tibuai lutuk ang che, taxi chu min chansak mai rawh, " ka ti leh ta ringawta, " taxi min chang tir i tum tho sia, chuai chuan ka va thlah zawk ang che, " a ti leha a thusawi chu a dik viau mai, phone sana chu ka en a dar 9 leh a chanve a ru dawn tawh. U Ephraim-a chuan min melh renga tih theih dang awm tawh hek lo ka inthlah tir ta nge nge.











" I lut thei angem, "? Kan school gate bul kan thlen chuan a ti a ka luh theih thu in ka chhang ve vat, " ka lawm lutuk a nia, " ti sep in car atang chuan ka chhuaka ka ke chu ka bai pah bawk. U Ephraim-a a tlan chhuah hnu chuan keipawh office lam panin ka pheia, hmanhmawh tawh nen ka la kal chak thei lo zui, vawin chu ka nihman a nuam lo zo vek, zing karah dawt ka sawia tul lo zeta U Ephraim-a ka pan avangin ka ke ka tina bawka, chung thil te ka ngaihtuah chuan thawk ka la halh. Office-a ka luh chuan Mahruaia chiah a lo awma midang zawngin class an la a nih hmel. " I va bai ( ke bai/kal tha thei lo )nasa ve kan thawhpui Mahruaia'n a lo tih chuan " nia " ti pahin ka nui tawi tak.















" Thanthan ti nge ivan tlai em em, " lo ti tu chu Rebec-i a ni, class ala zo chiah tih hriat takin lehkhabu a kenga ka bul a lo thlen rual chuan a dawhkanah a dah thla zui nghal, " buaina chhete ka tawk alawm, " ka ti let ve a, a hrechiang chak hle tih a mitmeng atang chuan ka hre thei, mahse sawithui vak ka peih lo thung. Second period ah chuan class la turin ka chhuaka Principal office bul ka thleng chiah tih ah U Gaby-a a lo chhuaka min melh ngur mai, " zirtirtu inthlah dah deuh hi ka ngai thei lo a nia, naktuk atang chuan tlai tawh suh ang che, " a ti rum ul mai, ka thiamthu pawh ka sawi ve hma chuan min kal pel vuta a vahan nelawm loh chiang tak.










Class room lam pan chuan bai euh euh in ka pheia ka mood a off vek bawk nen class lak pawh chu phur lo tak ka ni. Class ka lak lai te chuan nidanga thu chunga explain ngai lo khan vawin chu thu chungin zirtirna ka pe a, keimah ber chu ka tui hlawl lo a nimai. Nidang ang tho in school chu dar 12 thleng kan kala, a chhan pawh vawin chu zirtawp a nih vangin, nilai leh zirtawpah hi chuan chawhma chauh kan kal thin. " Vawin chu iva bai nasa ve, " Rebec-i chuan gate pawn lama kan chhuah pah chuan a ti a, " ka tlusual a, " tih zawngin ka chhang, vawin pawh amah bawkin min thlah leh dawna a zia khawp mai, amaherawhchu scooty chuan chu ka harsat deuh tlat.













" Ka lawn thei lo, ka ke hi ka khaikang ngam lo, " ka tih chuan nernang hian min melha, a natzia hi a hre lo mai mai zawk a ni, ho te angin lang mahse a tuartu tan chuan na tak a ni, " hmeichhe thut khan thu mai rawh, a na lo lam khan inrah khalh la, " a tih takah chuan a sawi ang chuan ka ti a ka lawn kai ve thei hram, " enteh Thani, Principal phurh mi saw Sangsangi a ni tiraw, "? Rebec-in a lo tih leh chuan kan hmalam chu ka hawia U Gaby leh Sangsangi ngei chu an ni, " an nih saw, tlan vat teh ka thiannu a lo leng dawna ka hmanhmawh, " ka tih pawh chuan min ngaihsak thak lo, hmalam ngawt chu a la en.














" Sangsangi hi ka rinai a nasa, nimin lawkah kan principal pawh a lo awm ve chauha a in phurh tir thei nghal der a, tlal tlum loh hi a hlau sia, " U Gaby te tlan chhuah hnu chuan a ti zui leha keini pawh chu kan tlan chhuak ve nghal bawk. " Christmas chawlh a ni dawn tawh bawka anuam e, mahse a khawhar thlak ve dawn a nih hi, " a scooty atang ka chhuk hnu chuan a ti a keipawn a thusawi chu dik ka ti, christmas hi chu a nghahhlelh awm rual rualin thian hnaite bulah kan awm theih loh chuan a khawhar thlak thin, " tun tum chu ka pi te khaw lamah ka hmang daih dawn sia, ka ngai ngawt ang che, " min nuih sen sen pahin a lo ti a keipawn ka ngai reuh ngawt ang.













Awmpuii tih loh ah chuan ka kawm tam ber a ni tawha ka ngaina tawh viau bawk, " a rei dawn hleinem, thiltha deuh min lo hawn la, chuan lo haw hma deuh ang che ka inluah turah insawn luh pui mintiam kha, " ka tih takah chuan nui hakin a bu nghat nghata kanin vai liam zui nghal. In ka thlen atang rei lo ah Awmi chu a sawi ang ngeiin a lo lenga, a lo ri leh barh barh tawh a ni hi chu khawiah pawh awmse tlangnel nghal maithei ang chi kha a ni ve miau a, " ka ngaihtheih zia che hi, in i luah hran hnu ah chuan tun ai hian kanin hnaih deuh tawh bawk anga ka lo kal reng thin ang, " ti pah in a mah chu a nui har hara, ka sawitawh ang khan pasal ka neih hnu a ka kawm tam ber a nih avangin kanin ngaina zual bik em em a ni.











" Tunlai chu in pa hlui te nupa an buai tawp, " thu ngil pah chuan a ti a U Puia te chungchang a sawi tih ka hriat avangin ka ngaihsak lem lo, " naute an nei tawha an buai ve a nih chu, " pang ngai tak chuan ka ti let ve nghal zat, " chutiang a ni lo, amak tawp a nmai, Ropuia hi ka ten reuh tawp tunah pawh hian ngaihzawng a nei an ti nghe nghe a sin, " a sawizawng te chuan a ner deuh saka a la ngei hle tih a hriat, " Ruatdiki a khawngaihthlak a nih chu, naute an nei ve chauha chutianga an buai chu ka khawngaih reuh, " ka tih chuan mak mintih hmel fe hian min en.










" I â em ni ? Kei chu chawh ka lo tiviau a sin, mi-pa ngaizawngin a luahlana tunah a ni pawh luahlanin a awm ve leha, a phu tawk chiah, " a ti leh hlak hlaka ka thaw hak thung, mahse Ruatdiki ka khawngaih thu ka sawi kha chu ka ti tak tak, ka chunga a thil tih kha dik lo viau mahse a chungah a thlen ve meuh chuan ka khawngaih lo thei lo, ka nat ang chiah khan ana ve bawk anga, an ni phei chuan fa hial an lo nei dun bawk nen a rilru a buai viau in ka ring. " Eng pawh nise anni chu sawi lo ang, in i luah hran hnu ah chuan i hlawh pawh duh duhna ah i hmang thei tawh anga ka fate kawr leisak ang che,

" kan ti tu chu a lo thlak daiha keipawh chuan ka ngaihtuah chhunzawm duh ta bik lo, " aw le, chuan in nufa thum in chawei ah ka sawm bawk ang che u, " ka ti let ve a, christmas lam hawi leh ka inluah tur chung chang ngawt chu sawiin kan ti ti ta char char a.











( LOVE STORY-AH TAK TAK KAN LA LUT HLEI THEI LO, CHAPTER-10 VEL ATANG CHUAN KAN LUT VE THEI TAWH TURAH NGAI ANG, A STORY HI A BUAITHLAK VE DEUHA NANGNI PAW'N DAWHTHEI TAKIN ANIN DUH HUAM HUAM HUN LO NGHAK VE MAI RU LIKE, COMMENT & ADS CLICK KHA THEIHNGHILH LO ULA )



NIZAN ATANG KHAN SIGNAL LAM A CHIANG LO A KA TYPE ZAWH VEK HNU PAW'N KA LO DAHTHEI MAI LO A A PAWI KHAWP MAI, WEBSITE LAMAH KA LUT THEI MIAU SI LO A KA LO DAH HMA THEI LO A NI.

Story kan chhiar paha ads kan click zeuh hian writer ten hlawh an lo nei ve zel a, kan writer te tan ads i lo click ve thin dawn nia



Show post links
Top

[Ngaia]

NUTHLAWI NAUPANGTEI
( CHPTER-9 )
STORY OF: LALNUNNGHETI TETEI







Awmi chu Dar 3 bawr velah a haw a, nu Mapuii erawh thenawmah a leng thung, tih tur dang a awm lo bawk nen Sawmtei chu a eirawng bawl ka puiha kan ti ti pah bawk, " U Thanthan kumthar hi nithei lo se ka ti e, " Sawmtei'n a lo tih chuan nui hak in a chhan ka zawt a, " insawn chhuak daih dawn sia ka lung aleng sa, i lo awm hnu atang chuan ka khawhar pawh a zia ve deuha, mahse i chhuak leh daih dawn sia, " a ti siam siama keipawn ka ngai reuh ngawt ang, a ni nen hi chuan kanin kawm tama a U ang takin min en a keipawn mau ang in ka en bawk. Melody awm tho mahse a ni chu leng tam ve deuh thin a nih avangin kei min pawh ang em em hian a pawh ve lo thung.


















Eirawng kan bawl zawh hnu chuan inbual turin ka room lamah ka chho a, ka ke chu ala na ve deuh bawk nen step kal pawh chu ka harsat viau mai, room-ah chuan lutim bathroom lam ka pan tlang nghala ka inbual zawh hnu chuan inhnuaia chhuk leh ta mai lo in ka phone chu khumah ka en a, number hlang tawp atanga message ka dawn chu ka seen a, " i ke chu eng nge a an tawh, "? Tih mai hi a ni, chutiang zawhna ka dawng chu mak ka ti viau, ka ngaihtuaha U Ephraim-a a nih mai te ka ring, mahse phone a tang min lo biak chu ka ring ngam chiah si lo, " a zia tawh e, tu nge i nih,

"? Ti in message chu ka reply-a a last seen a lan loh avang chuan ka out lehnghal daih. Khumah chuan mu in vawin lama thil thlengte ka ngaihtuaha, U Ephraima'n min pawmlai te chu ka ngaihtuah chhuaka duh lo zetin ka lu ka thing nghal mat mat.


















Ka ke na in min tur deuh ut ut avang chuan na chhawkna ka ei ta ringawta khumah chuan ka mu lehnghal. " U Thanthan, " min lo au tu an awm chuan ka phu deuh zuka, ka lo muhil leh hman a ni chek ang chu. " Lo lut rawh, " khum atanga thawh chhuah pahin ka ti a Melo-i chu a lo lang nghal, " i damtha vak lo em ni, "? Arawn ti lut nghala ka mut hun hi a laklawh em avanga min zawt a ni tih ka hre nghal, " dam lo chiah lo e, vawin lamah ka ke ka tina a min tur ve deuh, chu chu a nimai " nuisak in ka ti a ka ke chu a melh nghal vat, " avan zia lo, naktuk picnic chu i lo kal ve thei dawn ta lo a nimaw, "ti pah chuan ka khumah a lo thu thla a min en deuh vang vang.

















" Ka theih loh hmel, tunah pawh ala na viau bawk sia, " ka ti let ve leha a thaw nghal hak, " a van zia lo tak, i tel ve theih loh chuan a nuam lo zo vek, " a ti leh niah niaha a tum zui bar bawk, " chawei turin chhuk i la, i kal thei angem, "? a tih leh chuan ka bu nghata room atang chuan kanin zui chhuaka, stepah chuan ka chhuk that theih chiah loh avangin min kai thla a zawimuangin inhnuai lamah chuan kan chhuka, inhnuai kan thlen thlak chuan ka hah deuh hlui mai. " Engti zia nge nangni unau chu in lo inkuah thlak a, "? Pa Maruata'n a lo tih chuan Melo-i chuan ka ke ka tihnat thu chu a hrilh nghal zung zunga, nu Mapuii chuan min ngaihtuah lehnghal viau tawh,

" i pi Thuami koh a ngai a nih chu, a kut adama i U Mama pawh a tetlai in a kut a ulh a a zut dam vek alawm, chaweikhamah i U Mama'n va ko rawh se, " nu Mapuii chuan a ti zung zunga min ngaihtuah thei lutuk chu ka inthlahrung dawn dawn thin.


















Chaweikham lamah chuan an sawi angin U Mama chu min zut tu tur ko in a kala sittinh room sofa-ah chuan nu Mapuii te'n min muttir thung, " engtin nge maw i tih ulh theih reng reng le, " tui luma ka ke hru mawlh mawlh pahin nu Mapuii chuan a ti a, ka chhang lem lo thung. " U Ephraim lo leng rawh, " Melo-i tawngri ah chuan ka hawi chhuaka U Ephraim-a sitting room lam pana lo phei mek chu ka hmu nghal zat, " Ephraim, Mama chu sawtah kan tir lawk a nih kha lo nghak rawh, kalna tur in nei leh em ni, "? Pa Maruata chuan a ti a U Ephraim-a chu a bulah a thu thla ve nghal zat, " kalna tur pawh kan nei chuang lo, ka lo leng deuh mai mai, " U Ephraim-a chuan a ti dut a keimah ngawt min en thung.






















Ka ke lam chu enin a kun deuh ngula a inthiam lo a nih hmel, U Mama leh min zut tu tur chu rei lo ah an lo thlenga ka ke chu pi Thuami chuan alo en nghal vat, " a vung deuh tawh a nih hi, tlemin ana deuh ang aw, " ti dam dap in ka ke chu a zuta a sawi ang tak tak chuan ana ve zek, ka then deuh sak thina midang phei chu awm lo se ka rak chhuak hial maithei a ni, U Ephraim-a chuan ka ke zut chu alo en ve renga a mit a tizim sun bawk. Ka ke a hmeh nat deuh a piangin ka mit ka chhing deuh sawk thina U Ephraim-a chu ka ngei dawn dawn mai, chutih rualin keimah pawh ka in ngei tel viau bawk. Va kal daw daw lo ila hetiang hi ka chungah a thleng awm der si lo a.



















Duh tawka a khawih zawh hnu chuan ka ke pawh chu a zia nghal viau, " ti kha chuan tunkarah a dam nghal vek mai ang, " pi Thuami chuan a ti a a tho zui nghal bawk, nu Mapuii te chuan thingpui in tura an sawm ngial pawn a duh tlat lo a, U Mama bawk chuan ava thlah leha Pa Maruata leh nu Mapuii pawh chu ka zia deuh tawh tho bawk nen thenawmpa dam lo kan turin an chhuaka, U Ephraim-a nen chauh chuan kan awm tawh. " A zia deuh tawh maw, "? a lo tih chuan alam pawh hawi lem lo chuan ka bu nghat, " ka tih palh, " a lo tih nawn leh chuan alam chu ka hawia a ni erawh hnuai lam bih ngurin a thu thung, " i thiam loh vek a ni bik hleinem, inthiam lo duh suh ka tha tawh lutuk, " ka ti let ve nghala a inthiam lo hmel ka hmuh chuan nuam lo ka ti deuh tlat.
















Tawng chhun zawm tawh lem lo chuan ngawirengin kan thu a sawitur a vang ve bawk em a ni, " ka message kha min reply tawh si lo a ka ngaihtuah deuh che a ka lo leng a nih hi, " amah zawk chuan a lo ti leha, ka ringsual lo e min lo be tu pawh amah ngei a lo ni, min ngaihtuah thu a sawi erawh chuan engtin emaw takin min awmtir, ka lai deuh hui mai. " Naktuk chu inkal dawn ta em, "? A thusawi chhan let dan tur ka hriat loh avang chuan ka ti ta daiha a lo nui nghal suk, " kal ang, mahse kei chu ka kal ve lo ang, " a tih chuan ka melh nghal heu, a tirte kha chuan a phir ve viau sia, " ti nge, "? ka ti zawp deuh sep, " ka kal chhan tur ber i kal thei si lo a ka phur lo, " a fiamthu tih chu hre tho mah ila ka zak lutuk chu ka hmai asa nghal hat hat.

















" I uang peih e a, " ka ti ta ringawta a rawn nui chhuak nghal hawk, ka zak tih chu a hrethiam ve tho in ka ring, kum lamah naupangchhe zawk zawk tawh lo mah ila ngaihzawng nei ngai lo ka nih avangin hetiang kawngah hian ka zak zum bik thin, " pasal neih leh i tum em, "? A thusawi tin te chuan min thawng dawt dawt reng mai, chutiang min zawh chu ka ring ngai hauh lo. " Tun atan chuan tum lo, " ka ti zawi ve nghal sep, " nang i bialnu ni lo midang i duh theih i in ring em " ka zawhna chu mak a ti ve viau in ka ring, mahse kanin pawh ve tawh tho a a pawi lutuk lo turah ka ngai.















" A tir kha chuan a ni ni lo hmeichhe dang ka hnaih theih ka in ring lo,mahse chu ka rinna chu hmeichhe pakhat vangin a danglam vek, a ni chu ka duh em ka hre hauh lo ka hriat zawng chu ka hlat thei lo tih hi a ni thung, " a ti dap dap a, min chhan duh ka ring vak loh teh lul nen chutianga a sawithei vek chu mak ka ti, min ngaina ve hle tawh ah ka ngai. " A va lawmawm ve, Melo-i kha min lo hrilha i bialnu i chan atang hmeichhe dang hrim hrim i hnaih tawh lo ti in, tunah erawh hmalam i pan thei tawh dawn a nih hmel, ka lawmpui lutuk che, " nuisang hian ka ti a a ni erawh in ngaihtuah muk hmel zetin a ngawi vung vung mai.















" Keipawn a tir kha chuan Bawihi lo chu hmeichhe dang ka hnaih theih ka in ring lo, hmeichhe danglam tak a lo lan hma zawng kha chuan, " ti pahin a nui deuh suk a a hlim hmel tak zet, a hma zawng kha chuan nui ve thin bawk mahse a mitmengah natna tam tak a lang thina, tunah erawh a thinlung takin a hlim tih a hriat viau. Dar 9 velah nu Mapuii te an lo haw a U Ephraim-a paw'n a tlai tawh thu sawiin a haw ve nghal, a tlai tawh tho bawk nen nu Mapuii leh Pa Maruta chuan ka room lamah min kuah chho a ka khumah chuan min muttir thlap bawk. Ka room atang an chhuah hnu chuan ka phone chu ka en a U Ephraim-a message pahnih a lo awm leh vang mai.














Ka seen nghala pakhat chu tlai lama ka va biakna min lo reply na a ni a pakhat erawh minute 2 liam ta a mi a ni. " Tui deuhin mu rawh, " tih zawng hi a lo ni, ka chhiar pah chuan ka nui vur vura miin min hmu se mi â emaw minti ngei ngei ang, " nangpawh tui deuhin mu rawh, " tiin ka reply ve a, ka phone chu ka lukham hnuaiah ka daha ka hlim veng veng mai, mipa pakhat message avanga heti taka ka hlim hi mak ka inti zawk hial. In hnuai lama kanin biakna te chu ngaihtuah chhunzawmin ka mu meng kara, a tawngkam ah kha chuan hmeichhe duh a nei a ni ngei anga chu chu tu nge ni ta ang tih te ka ngaihtuaha, ka in ngaihtuah chian erawh chuan ka thil ngaihtuah chu tul lo ka va han ti tak.













Mutthilh tuma ka mit ka chhin vang vang lai in U Ephraim-a nui hmel kha ka mitthla ah a rawn lang thuta ka meng chhuak nghal vat, heti taka U Ephraim-a avanga ka danglam thin hi mak ka inti, a chhan ka inzawh lah chuan kei ngei pawn a chhanna ka hre si lo. Ngaihtuah zui duh tawh lo in ka mit chu ka chhing zui leh vat, rei lo ah mut chhuak in min zem chiai chiaia keipawh chu ka muhil zui ve nghal. A tuk lamah chuan ka ke pawh chu a dam viau tawha tlem tlem chuan ka la bai tho, a na zualpui erawh a reh tawh thung. Chaweikham lamah chuan U Mama leh Melo-i chu picnic na a kaltur chuan anin puah chaha, an eitur vel chu ka theih ang angin ka siampui ve bawk.












Melody chuan ka kal ve thei lo tur chu hreawm a tih thu a sawi deuh renga, a hmelah pawh chuan a hreh hmel ve tak tak. " U Ephraim-a leh zel paw'n min thulh san daiha, " Melo-in a tih chuan nizan lama a kal dawn loh thu min hrilh kha ka hrechhuak nghal, a tih tak tak ka ring lo kha a nia. A kal duh loh chhan hi keimah vang a ni tak tak angem, tih te chu ka ngaihtuah ve ta mai maia, ka kena hi amah vangah a ngaia kei ka kal theih loh laia a ni kal bik chu a duh lo pawh a ni mahna, mahse chutiang a nih chuan ka tan pawh a nuam lo, keimah vanga inthiam lo deuha a awm tur chu ka khawngaih ve tlat.














An kal chhuah hnu chuan tih tur dang em em a awm lo bawk nen sitting room-ah ka thu a, nu Mapuii leh Sawmtei pawh chawhmeh vel lei turin anin zui chhuaka, thui lutuk keimah a ka la kal theih loh avangin minsawm duh ta bik lo. Mahni chauha awm chu a reh tak zet, tih tur avang bawk nen tv te chu ka en mai maia a chang leh phone ka khawih pah bawk. Tv en pah chuan ka lo muhil a ni ngei ang thawm ka hriat chuan ka harh nghal hlawl mai, pawn lamah chuan motor thawm ka hria a ka tho kang ve nghal vat. Ka ngaichang renga kanin bula a din miau avangin kanin a lo kal turah ka ngai.














Kan imchhunga lo pet lut mek ka hmuh chuan ka mak ti lutuk chuan ka lo melh ngawt ngawt, " U Pui, " ka ti zawi sep a a ni chuan ka bul a lo thleng nghal der, " i awm maw, "? Ti pah chuan a nui deuh suka kanin awm hnaih ta bawka a thil in rim chuan ka hnar a verh zar mai, " tun ang hunah te rui chungin eng nge i lo tih, " ka tih deuh hlak chuan a tukhum chuan a tuai zeuha a nui pah bawk, " ka lo leng dawn che mawle, " ti pahin chiang zet chuan min en a ka lo ner nghal nang thung, " haw rawh, pa Maruata ten zurui inleng neih an duh lo, a thu hrimah lo kal chhan tur i nei lo, " ti leh hlak in sitting room lamah chuan ka pheisan a.















A haw mai dawn emaw ka tih laiin sitting room lamah chuan a lo phei ve a Sofa-ah chuan a thu nghal hmiah bawk, " U Pui, ka sawi chu haw rawh " thaw halh in ka ti leha a mit a chhing hmiah a nih chu! " Thani lo haw tawh rawh, " dam thlup hian a rawn ti chhuaka a thusawi chu ka hresual ta emaw ka ti hial, " lo haw leh ka tum reng reng lo, chuvangin nangmah kha haw rawh, " ka ti nawn leh chiah chu a lo mengchhuaka mitmeng phi chiai hian min melh kalh bawk, " i tel lo a nikhat lek hun hman pawh hi a harsa a sin, kanin then chhanah khan ka thiam lo hul hual tih ka hria, khawngaihin min ngaidam la lo haw leh hram rawh, " a sawi zawh rual chuan a kun nghal daiha hriatthiam har ti fe hian ka melh tlawk tlawk.













" I duh hun huna i hnawhchhuah tur leh i lakluh tur ka nia mi ? Nangnena kanin zawmna chu a tawpna a rei tawh, tunah chuan nangpawn nupui dang i nei tawha chuan fa hial pawh in nei tawh bawk, " ka ti zui hlak hlaka ka thusawi hi hrethiam se haw vat se ka duh, Nu Mapuii te an lo haw hman ka hlau, " ramhuai Ruatdiki chungchang khaw sawi hrep lo maiteh, fa maw ? Huh...." ti vin deuh that in a ding chhuaka min lo kal hnaihin chiang zet hian min melha ka chil ka lem ri khawlh, " Ruatdiki nen fa kan nei lo, a chhan chu maw kei hian fa ka nei thei lo chu chu nangpawn hrechiang viau tur i ni, " a ti leh khur khura a thusawi chu ka hrethiam hauh lo.
















" Ruatdiki rai vang a ni lawmni saw in atang min paih chhuah, chuan min then chhan pawh " ti ve ngat in cho zet hian ka melha a thaw ri nghal hrawk, " ka fa pai angin a insawia min bum alawm, mahse ka hrechhuak vek tawh ka fa anga asawi saw kei ni lo in a mipa kawp dang nena an fa a ni, " a thusawi tin te chuan mak mintih tira min thawng tak zet, " kan pahnih a fa kan neih theih loh chhan kha nangma thiam lo emaw tiin ka dem thin che a, chuvangin hmeichhe dang lakah ka rinawm loh san bawk che, Ruatdikin ka fa a pai thu a sawi phei kha chuan nangmah zawk hi i dik lo a nih ka ring hmiah zawk a, mahse keima dik loh lek a ni si, ka zak a ka tlawm ngawih ngawih a bikin i lakah, " a tih zawm leha engtia chhan let tur nge ka hrethiam lo.














Ka rilru chuan " min phatsan tho alawm, " a ti mawlh mawlha ka kâ in a sawichhuak thei lo thung, " khawngaihin chance vawikhat chiah min pe leh rawh ka tina tawh ngai lo ang che, fa chu ka pe thei lo che a nimaithei mahse nangnen chuan fa nei miah lo pawn kan hlim dun thei em em ang, chu chu ka ring tlat, " ti lehin ka kut chu a kut pakhatin a lo vuana lehlamin ka biang a lo khuap thung, " U Pui, nangnena bultan that leh chu ka thei tawh lo, kanin then chhan hi buma i awm vang chu ni tho mahse nanghian min phatsan tho tho, chuan khang thil zawng zawng kha ka theihnghilh thei lo bawk chuvangin min hmu tur pawn lo kal tawh suh, " ti let ve in a kut chu ka dahthlak saka thawk ka la nghal hak bawk.

















" Mipa dang duh i nei em ni " a zawhna avang chuan ka melh lehnghal vat, a mitmengah chuan thinrimna ka hmu chu erawh ka pawi sa hauh lo, amah ngeiin a duh thu in min thena a nun atang min paih chhuak bawk, " ka nunah lo inrawlh suh, khang i ngaihdan tenawm tak tak nen khan min hmeh bel tum bawk hek suh, tunah chuan nang leh kei hi mihrang kan ni tawh kan nundan insawi sak thei kan ni tawh lo," ti let leh sak in ka inhersana kawngkhar bula lo ding run ka hmuh takah chuan keipawh ka ding ve nghal dat, " U Ephraim " ka ti zawi deuh sep tun ang huna a lo lang thut chu mak ka ti viau mai, ka hnunglam chu thle deuh bak hian a melha keipawh ka hawiphei ve nghal.

















U Puia pawh ka hnungah a lo ding leh run tawh, " sawpa saw tu nge, "? Min melh chhuk run pahin a ti leh sup a ka chhang buai peih lo, " U Ephraim lo lut la ka lo ngaichang reng tawh che asin, " nuisanga ka tih chuan mitmeng buai deuh nak hian min melha ka signal nghal zeuh, a hrethiam turah ka ngai, " Biakthamawi bialpa chu i lo nei hman tak tak tihna em ni, "? Ti paha min kuai her deuh sawk tu avang chuan ka rak nghal that, ka ke chu a na thip nghal zawk. " Thlah nghal rawh " ti vin thawtin U Ephraim-a chuan U Puia kawrawm ah a rawn tham saka kan bul a lo thleng rang lutuk chu amak ka ti.















" I kut kha dahthla rawh, " U Puia min chelhna kut chu enin a ti rum ula U Puia erawh a che eih lo, " i kut hi dahthla hmasa zawk rawh, " pakhat chuan a ti ve thung, " i nupui a ni tawh lo tih i theihnghilh em ni, vawikhat te pawh tawk tawh hauh suh, " ti nghutin U Ephraim-a chuan a kut chu a thing thla hnawka U Puia pawn min chelhna kut chu a dahthla ve nghal, " ka nupui a ni thin tih theihnghilh bik suh, tunah rih chuan ka kal phawt ang mahse ka lo kir leh ang, " U Puia chuan a ti let ve a chhuak zui nghal bawk, a awm tawh loh takah chuan ka thaw deuh huai mai, " i tha tiraw, "? U Ephraima'n a lo tih chuan ka lu bu deh nghat.














" In thusawi kha tlem azawng chu ka lo hria a, let leh i tum em, "? Sofa-a ka thut thlak rual chuan a lo ti a ka lu ka thing nghal mat mat, " ka duh ka thlangfel daih tawh alawm let leh tumna ka nei lo," ka tih takah chuan a bu deuh nghut a sofa pakhatah chuan a thu thla zui nghal, " nichin avang khan min ngaidam dawn nia ka buaina ah ka hnuk lut ve bawk si che a, " keimah bawk chuan inthiam lo ru deuh chuan ka ti leh a a ni erawh a lo kiai suk duh lek, buaina ka tawh laia a lo lang erawh ka lawm viau thung. " I ke chu ala na viau em, " a lo tih tak daih ah chuan a nat loh thu in ka chhanga ala thlek deuh vung vung tho.















" Tih tur dang ka nei sia ka haw phei leh tawh mai ang, buaina i tawk leh a nih chuan min call hreh lo la, " a ti zui leh dap dap a a tho zui nghal bawk, kawngkhar bul thleng chuan ka thlaha a kal mai dawn emaw tih ah a rawn hawi leha thawk la pawh pahin min en a chutiangin keipawn, " i rilru kha thlak danglam suh ang che, " a thusawi chu ka hriatthiam loh em avangin chhan ngaihna pawh ka hre lo, " i thutiam ah ding rawh ka ti a nih chu, " ti lehin a kalsawn nghala keiin a thusawi chu ka ngaihtuah chhunzawm thung, inchhung lamah chuan lut lehin ka room lamah ka chho tlanga, U Ephraim-a thusawi ngawt chu ka ngaihtuah thung.














Tlai lam dar 2 bawr velah nu Mapuii leh Sawmtei pawh in an lo thlenga chumi hnu rei vak lo ah U Mama leh Melo-i pawh an lo thleng ve nghal, Melo-i chuan nuam a tih loh thu ringawt chu asawia nu Mapuii leh Sawmtei nen chuan kanin en a kan nui suk suk mai, " U Gaby hi chu a ler reuh e, " a ti leh niah niaha nu Mapuii chuan achhan a lo zawt ve vat, " vawin pawh khan hmeichhe bulah hlir a awm a, an thian zingah hi chuan a ler ka ti ber, " a ti leha nu Mapuii tih ngaihna hre lo chu a nui hak hak mai, Melo-i hi chu a ang hlawk ve thin bawk nen amah tawp hi alawm awma a nuihzathlak bawk.












Zanriah eikham lamah chuan rin loh deuhin U Ephraim-a leh U Gaby te chu an lo inzui luta U Mama erawh leng turin a chhuak daih thung, " nangni thiandun chu lo thu rawh u, " nu Mapuii chuan a lo ti nghal vara an ni pawh chu an lo thu thla ve nghal, " kalna tur in nei leh tawh em ni ? Mama lah chu a lengchhuak daih sia, " pa Maruta chuan a lo ti ve thunga, " zanin chu in ina lengtur hrim hrim in lawm kan lo kal, Mama pawh kan hrilh lawk lem lo, " U Ephraim-a zawk chuan a lo ti a U Gaby erawh a thu ngawi kur thung, " ti khan leng ve reng mai rawh u, " nu Mapuii chuan a lo ti ve a an chhang tawh lem lo.










( NIZAN LAMA KA SAWITAWH ANG KHAN TUNLAI CHU SIGNAL A CHIANG LO A, ZAN DAR 10 PELH HNU AH CHIAH ZANIN AH PAWH HIAN AHMAN THEIH A, READER'S TEN IN LO HRETHIAM HRAM DAWN NIA ) COMMENT KHA TANG VE DEUH ULA


Show post links
Top

[Ngaia]

NUTHLAWI NAUPANGTEI
( CHAPTER-10 )
LALNUNNGHETI TETEI





Sawmtei room lamah a awm daih avangin thingpui lum turin choka lamah chuan ka phei a thingpui gas ah ka chhuang nghal zat, " U Ephraim thingpui thlum nge in duh a hang, " choka atang chuan ka au a a ni pawh a lo hawi chhuak nghal vut, U Gaby erawh kan la in nel chiah lo bawk nen ka la be ngam lo, " kei chu a hang a nimai, Gaby erawh thingpui hang a in ngai lo a, " ti pahin U Gaby chu a melha a chhang lem lo, nu Mapuii leh Pa Maruata chu an duh dan ka hrechiang tawh bawk a ka zawt lem lo. Thingpui kengin sitting room lamah chuan ka lut pheia U Gaby chuan no chu a lak hma in a melh deuh vung vunga eng nge maw a hriat reuh ni.


















U Ephraim-a zawk chuan a lo ban hmasa a chumi hnuah chiah U Gaby chuan a ban ve thung, " sunday hi ka hun te a ni ve sia ka va inbuatsaih ange ti khan lo inkawm mai ru aw, " pa Maruta chuan thingpui lo ban pahin a ti a a no nen chuan pindan lamah a lut zui nghal, " keipawh nu ho inkhawm zan hi ka bible chhiar a nia ka va in en ve law law ange, i pa in a hun hman tur sawi lo se chu ka hrechhuak tawh lo hrim hrim, " ti ve in nu Mapuii pawh chu a tho kang ve nghala, an pindana a luh hnu chuan kan pathum chiahin kan awm tawha sawitur avang duh khawp mai, " Mama chu Hruaii te in lamah a leng leh aniang a, " U Ephraim-a chuan kan ngawih vang vang hnu chuan a lo ti chhuaka, " an la inkawp reng em ni, "? Pakhat chuan a lo ti thum ve dut thung.

















" Anin thlah hleithei lo a nih ber hi, nu Mapuii lah hian a duhpui lo nasa si a, " U Ephraim-a chuan a ti leha " Mama hmeichhe duhzawng hi chu amak ve ngawt mai, " U Gaby chuan ti ve lehin a nui deuh hawka thingpui chu a in nghal zat bawk, sawitur avang lutuk chu hreawm ka ti ru viau mai U Mama lo haw chu ni se ka room lamah ka chhoh san daih duh ang, an mi uap ana bawksi min lo melh zuk phei chuan awmdan tur pawh ka thiam lo thin, " Thanthan naktuk chu inkhawm ang tiraw, "? U Ephraim-a bawk chuan a ti leha a ni hi chu sawitur a hre deuh bawka a tih zia phian, " aw khawm ang, " ka tih let ve sep chuan a bu nghuta U Gaby-a lam chu hawiin haw a sawm zui nghal zat.
















" A nih kan phei phawt ange, thingpui pawh i lum tui thiam khawp mai " U Gaby chuan nuisuk hian a ti a a tho zui nghal zat bawk, " a la hma nen haw intum hma e,U Mama pawh a lo la haw em lo a " a mawiah chuan ka han ti zui ve luama, inlengten haw an duh thu ansawia lo chelh der ve loh kha chu a mawi lo ka tih vang zawk a ni, " Mama leng haw hun kan nghah chuan kan tlaivar mai anga sin, " U Gaby bawk chuan a ti leha U Ephraim-a nen chuan an nui suk suk a keipawh chu ka nui ve ta ringawt, an sawi pawh hi a dik ve reng U Mama hi chu a leng rei ve deuh thina, an sawi ang tak tak hian nghak chu ni se an tlaivar deuh thaw ang.



















Kawngkhar bul thleng chuan ka thlaha U Gaby chu a chhuaka a kal nghal nal nal a U Ephraim-a erawh a la ding khawmuang rih thung, " naktuk chu ka lo sawm ang che min lo kalsan lo la, " a tih chuan amah chu ka en a a ni erawhin a hmalam ngawt a melh thung, " aw le, " ka ti zawi ve nghal sep, tunlai chu a awmdan hi mak tih rukna riau ka nei sawifiah dan erawh ka thiam mai lo, asawi awma ka rin loh sawichhuah chang a nei fo a amah nena inrem lo deuh tawngkam hman pawh a nei zeuh zeuh, mahse mak deuh in a mizia mak deuh deuh hian amah a ti lang duhawm, tlangval senior lai deuh tut tut chu duhawm tak a ni.

















" In ka thlen hunah ka lo bia ang che, " a tih rual chuan U Gaby chu a lo langa nur nang hian min lo melh zui, " kan haw thei tawh em, "? Pangngai deuha sawi ni mahse ka zak deuh tut mai, " muttui aw, " U Epraim-a chuan min melh chhuk runin a ti leh sup a " muttui le, " ka tih rual chuan khi sukin U Gaby-a dinna lamah chuan a pheia keipawh inchhung lamah ka lut zui ve nghal. U Mama a lo la haw lo bawk nen kawngkhar pawh chu kalh duh lo in ka khar ringawta choka lamah pheiin thingpui inna no vel te chu ka sil leh te te a, mu tura ka room lam ka pan meuh chuan zan dar 10 a pel thuak tawh.















Bathroom lamah lutin ka hmai te kaphih leh te te a hei hi zantina ka tihdan thin a ni, bathroom atang ka chhuah chuan khumah ka lawnkai nghala ka phone chu ka ban nghal zat bawk. A sawi ang ngeiin U Ephraim-a chuan min lo bia a, a message ka hmuh rual chuan lawm loh in ka nui nghal ver ver, " In kan thleng chiah, i muhil tawh em, "? tih hi a lo thawna nui var var pahin a message tur ka type ve nghal, " la muhil lo deuh, " tih ringawtin ka va reply let ve a a seen rang lutuk chu amak zawk hial, ka message lo chang reng te pawh a ang a lawm.















" Naktukah hmun nuam deuhah ka hruai ang che, i hman angem, "? A message chu ka chhiara ka chhang lawk lo, " i hman loh pawn nidangah animai, " ka chhan lawk loh avang chuan amah bawkin a lo ti leha, khawiah nge min hruai a tum ang tih chu ka ngaihtuah daih thung, " ka hman chu ka ring, mahse khawiah nge min hruai dawn, " ? Ka ti let ve ta nge nge a, " naktukah i hre mai ang, muttui phawt, " a lo tih takah chuan ka reply let tawh lo, ka phone chu ka lukham hnuaiah ka daha ka mutdan chu ka siamtha sat sat bawk. U Ephraim-a bula ka awm hian ka thla amuang thin, chutih rualin a bul hnaiha awm hi ka tan a tha ber angem ?


















Inngaizawng chu kan ni hauh lo, mahse kan awmdan hi a dik chiah chuan ka hre bawk si lo. Ngaihtuah thui duh lo in ka mit ka chhing zui ta daiha, " a ni nen chuan thian chauh in ni, " tih chu keimah leh keimah ka inhrilh pah mawlh mawlh bawk. " Melo-i chu han kaitho rawh u, nizan lam a mengrei leh a nimaw, i pa hun chhuak a ni sia chawei hma a ngai, " nu Mapuii chuan a ti nghal chunga keipawh chu Melo-i room lamah ka tlan chho nghal vat, a room chhung ka luh chuan a lo la mutui ngang mai, pan hnaiin a puansin chu ka keu a a lo la tang tung zui.


















" Melo tho tawh rawh a tlai tawh a nia, " ti pah chuan ka sawi dat data phun niah niah pahin a lo mengchhuaka " eng nge, " a lo ti deuh hlar mai, " ka pa hun tuk te a ni sia chawei hma a ngai, tho la intifai rawh, " ti lehin ka pawt tho a a ni pawh a tho zui ve nghal. Bathroom-a a luh hlanin inhnuaiah chuan ka chhuksana " a tho em, "? Nu Mapuii chuan min hmuh rualin a lo ti a ka bu nghal nghat, " nula si hi thawh hre lo lutuk, hetiangte chuan tu mipa mahin an nei duh lo ang, " a ti leh hlak hlaka choka lamah alut zui nghal. Melo-i lo chhuk hnu rei lo ah chhung inkhawm kan hmanga pa Maruata chuan pathian thu hmangin min fuih mawlh mawlh bawk.















Chaweikham lamah chuan sawmtei nen eina vel kan ti fel sawk sawka kan tihfel zawh hnu chuan room lamah ka chho a ka thawmhnaw hak tur ka la chhuak nghal. Ka inpeih fel vek hnu chuan inhnuaiah ka chhuka U Ephraim-a chu a lo thu vang tawh, min hmuh chuan a tukhum tuai vutin a nui deuh suka keipawn ka nuih let ve ver ver tho, U Mama leh U Ephraim-a te nen chuan kanin zui chhuaka U Mama erawh a thiannu te inah a peng kawi thung. Kar leh mai christmas a ni tawh bawka kawn an chei vel pawh a mawi tak zet, chutiangin biakin pawh.
















" Programme dang a awm loh chuan dar 1 velah ka lo lam ang che, " U Ephraim-a chuan a lo ti leh sup a ka chhan hma in a kalsawn zui nghal daih. Inkhawm dar a rik chuan Melo-i nen kanin zui luta, thalai ho thutna tlar hma lamah chuan kan thu ran mai. Pa Maruata chuan ' BEISEINA ' tih thupuiah hmangin thuchah a sawia a ngaihnawm dap dap khawp mai, khawmban lamah pawh chuan chibai tu a nei nual bawk. Sunday school a awm tawh lo bawk nen inlamah Melo-i nen chuan kanin zui haw a kawng lakah chuan U Gaby kan tawk hlawla, a bulah hmeichhe pakhat a awm ve bawk.














" U Gaby khawilam ah nge inlen dawn a, "? Melo-i chuan a ti a afiam pah deuh ani mah zawk ang chu, " sawtah, " U Gaby chuan a ti nghut thung, biak zawm chu phur awm loh tak a ni. " Nuam deuhin aw, " Melo-i bawkin a ti leha min kalpel zui nghal, " U Gaby hi chu a nelawm lo ve ngawt mai, inkhawm athatchhe si a ler si, " an kal liam hnu chuan Melo-i bawkin a ti leh hlak hlaka a ner zui sak bawk. " A bula mi kha a bialnu tihna em ni, " ? Ka tih chuan a lo inher a, " a ni lo ang, a hmeichhe kawp satliah mai mai a ni leh ang ka sawitawh kha a ni chu a ler lutuk,

hmeichhiate chu atan chuan in tihhlimna satliah an ni mai, Mama leh U Ephraim-a te ang tho in ngaihzawng mumal a nei lo, " a ti nghal zung zunga a kalsawn zui nghal bawk. U Gaby chanchin a sawi chu ka ngaihtuah chhunzawma a mizia nen a in mil lo ka ti.














In kan thlen hnu chuan room-ah ka inthlaka, ka zawh hnu chuan inhnuai lamah ka chhuk thla leh a Nu Mapuii te pawh in an lo thleng ve chiah, " nu ka thiante nen kan lengdawn a nia, " tih leh Melo-i tlan chhuah a ruala nu Mapuiin a auh zui pawn a lo let tawh lo. " Thante nang kalna tur i nei deuh em ni, "? Pa Maruata inthlak zo room atang lo chhuak chuan a lo ti a, han chhan mai ngaihna ka hre lo ka lengdawn tih hrilh ta ila tu nen nge kan len dawn min zawt leh ngei awm si a, U Ephraim-a nen kan lentur hrilh lah a rem chiahin ka hre bawk si lo, ka buai zo vek a ni ber ang chu.













" Tlangnuam ( phuah chawp ) ah kava lenpui ve mai mai ang chu ka tia, vawikhatmah a la kal lo in ka hria, " U Mama room atang lo chhuakin a lo tih chuan zawhna mitmeng hian ka va melha min lo signal nghal zeuh. " A ni dawn tak e, va kal pui rawh Tlangnuam te chu a hmun anuam em a sin, a hming hi a pu zo a nia. Inngaizawng te lenna hmun ber alawm, " ti pahin pa Maruata chu a nui zui hawk hawka U Mama chu ka melh deuh reng thung, ka thil tih tur a hria emaw ni le te ka ti rum rum. " Kal nghal mai ila, " U Mama'n a tih chuan bu nghatin kanin zuichhuaka pawn kan thlen rual chuan a hmaah tak dingin zawhna mitmeng chuan ka melh nghal ralh, " Ephraim-a nen inlengchhuak dawn sia itan sawi anuam lo ang ka ti deuha dawt ka sawi sak che, " awlsam fe hian a lo ti nghal zung zunga ka thaw zui hak.














" U Ephraima'n a hrilh che em ni, "? Inthlahrung ang reng taka ka tih chuan nui hawkin a bu nghuta a car-ah chuan a thu lut nghal, " khawiah nge min hruai a tum reng reng a, a hrilh che em, "? Motor-a ka thut luh ve rual chuan ka ti leh , " hre lo, " tih zawngin min chhang thung. Kan tlan zel a U Ephraim-a te veng lamah chuan kan peng kawia kan sawm zawk dawn a ni em lo ang chu. Anin kawtah chuan a ding dawn emaw ka tih laiin a tlan tlang mak ka ti viau mai, engmah ka zawt zui lem lo thung. Kan tlan rei leh deuh hnu chuan motor pakhat lo in hungna ah hian min din puia ka en chian chuan U Ephraim-a motor a ni.














U Mama chuan horn chu a hmet ri a motor atang chuan U Ephraim-a chu a lo penchhuak nghal zat, Tshirt dum a hak chu a inhmeh reuh tak zet. " Chhuk la, " U Mama tawngri ah chuan harh chhuakin motor a tang chuan ka chhuka U Ephraim-a nen chuan kanin hmachhawn nghal siah, " ka kal nghal mai ang, Thanthan haw lam chu ka lo nghak dawn che nia, " U Mama chuan motor chhung atang chuan a lo ti leha anin khalh chhuak nghal bawk." Kal nghal ila, " U Ephraima chuan a lo ti thum duta alamah chuan inher in ka bu nghal nghat, a Car awmna lamah chuan kanin zui pheia a hnung zela kal ka nih vangin a rimtui hman pawh chu ka hrechiang ngang mai.













Kan tlanchhuah hnu chuan vawikhat te mah kanin be lo hrim hrim, boruak chu a uap churha pawnlam thlir pah chuan ka thaw chhuak nghal kawk kawk. Car a tih din dat rual chuan ka hawichhuaka kan awmna chu ramhnuai te pawh a ang deuh, " kal ila, " tih leh chhuah a ruala keipawh chu ka chhuak ve nghal vat, a kalna lamah chuan ka zui ve zel a kan kalna tur tal chu sawi ve se ka ti tak zet. Thui lutuk lo kan kal hnu chuan tlangzawl nuam zet phul hring dup awmna hmun kan thlenga a nuam tak zet, thawm a awm nghal nuk bawka keini lo pawh an kal a nih hmel. " He lai hi vawikhatmah ka la kal miah lo avan nuam, " ti deuh hliai in ka ban ka phar chhuaka thlifim chuan ka sam a lo chhem leng nghal heuh heuh mai.














" Tlangnuam a nih hi, helai hmun hi ka ngaina a ka kal fo thin, chuan midang pawh an ni tho, " ti pahin ka lamah chuan a lo phei a, U Mama'n ' Tlangnuam ' a tih kha a ni ngei ang, kan awmna hnuailam chu awi vek a ni a ral lehlam atang chuan Tlang a ang tak tak viau ang, chuvanga a hmingah Tlangnuam ti an nih ka ring. " Saw lamah sawn phei ila, " a ti leh sup a akawhna lam chu ka hawiphei ve nghal, in tê pakhat hi a dinga a chhungah chuan thutna a awm thlap bawk. Chhang lem lo chuan a kawhna lamah chuan ka pheia in tê chhungah chuan lutin thutna lo awmah chuan ka thu thla nghal hmiah.













Kan awmna chhak lawkah chuan thawm a awm renga kal an awm ve nual a nih hmel, tuna kan awmna ah tak erawh tumah an awm lo thung. U Ephraim-a chu ka bulah a lo thu ve a kanin hnaih lutuk thawk a harsa leh talh tawh, " hmanni deuh lawka ka zawhna che kha pangngai takin min chhang tawh la, " zawi deuh sup hian a lo ti a ka bo nghal hu mai, " eng ber maw, "? Ti pah chuan ka melha thawk la hawkin min lo melha, " ' pasal dang neih leh i tum em 'tih ka zawh che kha mawle, " a tih chuan ka hrechhuak ve nghal, " ka hre bik lo, " tih zawngin ka chhang ta thung, ka rilru dik tak a ni bawk.













" Ka thil zawh che kha mak pawh iti viau maithei mahse hman atanga ka rilru a awm reng thin a nih vangin ka zawt tawp che a nih kha, ka hrethiam che alawm tunah rih chuan i rilru ah mipa dang hnaih leh emaw han duh mai chu itan ala harsa ang, mahse chuti chung pawh chuan i laka ka rilru put dan hi hrilh che ka duh, " a thusawi chu a chawl dat a keiin ka ngaichang ran thung, " Bawihi a thih atang khan hmeichhe dang reng reng ka duh leh theih ka inring ngai lo, mahse i lo lan atang eng kim a danglam vek.













Ka hmuh hmasak ber ni atang che khan vawikhat te mah ka theihngilh leh tawh ngai lo che, vawitam peh hel che ka tum pawn ka thei ngai lo a chhan chu ka duh em vang che in, " a tawp lam panga a thusawi chuan min thawn em avangin sawi ve tur pawh ka hre lo, min duh thu a sawi chu asawisual ta emaw ka ti hial. " Khami ni, Bawihi thlana ka kal ni pawh khan eng dangmah ti lo in Bawihi hnenah khan ngaihdam ka dil, a chhan pawh phatsan angah ka inngaih tlat avangin, khami ni a i lo inlan khan Bawihi lakah ka inthiam lo zuala chuvanga khatia ichunga che pawh kha ka ni, " a tih zawm leh dap dap a a hmel chu uluk zetin ka thlir thung.















" Thanthan ka....ka duh che, " a âw chu a ri chang chang amaherawhchu ka bengah chuan a ri ring viau thung, tho thutin in tê atang chuan ka tlan chhuaka ka rilru chu a buai deuh nuai mai, min duh thu a sawikhan mak deuhin keimah ah hian danglamna a lo awm, chu chu ka duh hauh lo bawk. Mipa dang laka ka rilru pe leh tur chuan ka inring tawk lo, nat leh ka hlau bakah a la hma mah mah. U Ephraim-a motor dahna ka thlen lai reng reng ka hre lo, thawk ka leh leh halha chutih rual deuhthaw chuan tu emaw hian min kuai her nghal lawp, ka mit chu ka chhing tlat thung. " Min en rawh, " U Ephraim-a âw ngeiin a rawn tih chuan ka la mengchhuak mai lo.














" I mit i chhin tlat avang khan min hlat phah chuang lo, i rilru puthmang dik tak min hrilh ve turin ka duh che, " ril ruih hian a ti nawn leha, chutah zet chuan keipawh ka mengchhuak ve nghal, mitmeng dap dap a min melhna te chuan ka kawchhung hi a ti che rawih rawih hian in ka hria. " Ka..ka thei lo, " ka ti bah deuh niaia chu thu ka sawi chhuah dawn te chuan ka hrawk a in hnawh tawt et et mai, " a nih eng vanga tlanchhiat tum nge i nih ? Ka laka i rilru puthmang hi itih lan i hlauh vang zawk a ni lo maw, "? A âw ah chuan a inring tawk hle tih a hriat theih. " Chutiang a ni lo, U Ephraim thian ni reng zawk ang mipa dang laka ka rilru pe leh tur chuan ala hma lutuk, " ka ti chhuak sep a a lo nui chhuak nghal hawk.
















" Thian maw...?" Ti sup in a nui hul haka a zat vang a ni lo tih chu kei ngei pawh hian ka hre chiang, " thian ang chauhin en thei che ni ila ka duh thu che kha ka sawi hrep lo ang, " a ti vawt ruiha a kawng chu dawmin vanlam chu a hawia thawk a la ri nghal hrawk. " Ka sawi chu mipa dang..." ka tih lai mek chuan min lo pawt chatin, " ka nghak thei che, i rilru leh i thinlung inpeih hun thleng ka nghak ang che, " a ti nghet charha bei a ti dawng hluah hluah. Min nghah theih thu sawi mahse ka tan chuan ala harsa lutuk tho. " Min kalsan zawk rawh, bakah kei te chu nula pangngai ang pawh ka ni thei tawh lo a kei ai tha hmeichhe tamtak an awm, " ka ti nawn ve leh sep,














" chung ho chu duh ni ila eng vangin nge nanghi ka duh thu ka hrilh ang che ? In duhna leh hmangaihna hian nihna a thliar lo, chuvang chuan ka duh che " a tawngkam ah chuan min beidawn san mai chu a tum lo a nih hmel, " pawi ka ti, ka tan chuan a theih ve loh, " ti lehin ka kalsawn a thawm a awm loh danah a ding na ngaiah a la ding reng a nih hmel. Kawnga ka kal lai te chuan eng mah reng ka ngaihtuah thei lo, U Ephraim-a na hmel tih loh chu ka mit thla ah pawh eng mah a awm bawk hek lo.














Mipa dang laka ka rilru ka pek theih rih loh chu thuhran ni se, U Ephraim-a kher hi chu ka phu lo lutuk, a dinhmun leh ka dinhmun hi ka teh khin lo thei si lo, ka ngaihdan at thlak zet hi dahtha in lo pawm ta ang ila a tawpah chuan natna bak ka hmuh leh pawh ka ring chuang lo bawk. Kawngah rilru buai zeta ka kal lai chuan Car pakhat hi chak zet in a lo tlana ka hmaah tak a ding bawk. Kal pelh mai ka tum lai chu U Gaby chu a lo chhuaka ka ban ah chuan a lo chelh nghal chat, " eng nge thleng, "? Thu tak fe hian a lo ti dam thlupa, ka chhang thei lo thung.













" Ti rawh ka thlah ang che, " ti lehin a Car kawngkhar chu a hawnga hnial tur pawn ka rilru a fim tawk lo, a tih ang ang chuan ka awm ve tawp. A tlan chhuah rual chuan pawnlam ka hawia U Ephraim-a ngawt chuan ka rilru a luah, a bialnu thih hnu a a hmeichhe duh leh hmasa ber chuan na takin ka siama, min haw viau mahse sawi theih ka nei lo. Kanin kawt ah a din chuan ka hawichhuaka chhuah mai ka tum chu U Gaby bawk chuan min lo chelh leh. " I chhungte bulah chuan hlim hmel put hram tum rawh, khatianga i luh te chuan an rilru i ti hah dawn a sin, " a ti deuh nghuta chhang lem lo chuan ka chhuak nghal daih thung.



Inchhung lama ka luh chuan nu Mapuii chuan " vawin i lenna chu a nuam em, "? a lo ti nghal vara nuilui sang chung chuan a nawm thu in ka lo chhang ve nghal.







( HETI ZAWNG HI NI RAWH SE, ADS CLICK LEH COMMENT KHA AW )


Show post links
Top

[Ngaia]

NUTHLAWI NAUPANGTEI
( CHAPTER-11 )
STORY OF: LALNUNNGHETI TETEI






" I awm ava nawm loh hmel ve," chik fe a min melh pah hian a ti leh a nui luisak in ka that thu ka hrilh let ve a ban charh hian min buk khum nghal nghat. Sunday tlai a ni bawk nen tlai lam chawei pawh chu kan peih hma viau a, dawhkan kan kil lai te chuan min en leh deuh thap thin, chuan thil lawmawm deuh chu U Mama ruala ka haw loh chhan min zawt miah lo kha a ni, amah U Mama paw'n eng mah min zawt lo bawk. Chaweina vel kan tih fel zawh chuan inkhawm turin room lamah ka insiama ka phur fahran lo khawp mai, U Ephraim-a pawh a inkhawm ve ngei anga ahmel hmuh ringawt pawh tun atan chuan a nuam lo, ana hmel mawlh kha ka mitthla ah a cham renga a hreawm tak zet.



















Inkhawm tur chuan kanin zui chhuaka biakin kan thlen chuan rin ang ngeiin U Ephraim-a pawh chu a lo inkhawm ve a Melo-in a biaklai pawh chuan vawikhat te mah min melh lo hrim hrim. Inkhawm chhung zawng chuan thil hrang hrang ka ngaihtuaha thusawi pawh ka hre mumal lo. " Melo-i nen va haw mai ru, inhmuh khawm lawk a ngaia I pa te pawh upa leh rawngbawltute in hmuh khawm an ti ve leh bawksia, " nu Mapuii chuan a lo ti a Melo-i pawh kan bulah a lo kal ve nghal, " i U Thanthani nen va haw ru, kawngkhar kha kalh tha ula kan lo haw har lo ang, " Melo-i melh pah chuan a ti nawn leha akalsawn zui nghal.


















Melo-i nen chuan kanin zui haw a kal kawngah chuan a ti ti pah renga a changah ka zawm ve zeuh thin tih loh ah chuan ka tawng lem lo, in kan thlen chuan room lamah kan chho tlang nghala ka inthlak zawh hnu chuan ka phone chu la in inhnuai lamah ka chhuk thla leh zui zat. Sofa-ah chuan thu mai mai pahin phone chu ka khawiha Rempuii message a lo awm leh vang tawh, " naktuk chu lo lengphei la, " tih te hi a ni, nimin lam khan a lo thleng ve chiaha a nutei te dawrah athawk bawk, kan veng leh an awmna veng hi a in hlat em em lo bawk, " hun ka neih dan azirin le, school kal angai sia, " ka va ti let ve a message dang chu ka check thuak bawk.













Melo-i pawh chu a room atang alo chhuaka ka bulah chuan a lo thu thla ve nghal, phone kan khawih ve ve avangin kanin be lem lo thung. " Chawhma banah i lo peng kawi dawn nia, kan dawr leh in school te chu an hlat chuang lo, " Rempuii bawk chuan message in a lo ti leha, an dawr leh ka school thawhna a inhlat lo tak, keipawh chuan " aw le, " ka ti let ve a ka out nghal daih bawk. " En teh UThanthan Ludy status hi, " ti paha Melo-in a phone min lo hmuh chuan ka lo en ve a, U Ephraim-a pic chu ni in, a status tu chuan acaption-ah love var a daha mak deuh maiin ka thin phu arang nghal dat mai.















" An ni ve leh hman a nih dawn hi, " ti pahin a phone chu a thai kual leh mual muala sawi tur pawh ka hre ve lo. " i duh lo a i hnawl tawha tu pawh nihpui se ti nge i danglam ve ringawt " ka rilru chuan ka ti mawlh mawlha ka awmdan hi kahrethiam lo tak zet, U Ephraim-a chuan vawin lawk khan min duh thu min hrilh chauh sia engtin nge hmeichhe dang a lo nihpui leh hman zawk, ka rilru a zawhna awm avang chuan ka in thing deuh nawk, a nun ania a thu thu a nia keiin ka duh lo a amah duhtu chu apan a nimai, tupawh hian min duh lo tu ai chuan min duhtu te chu kan thlang ve tho ang. Keimah chuan ka inhnem mawlh mawlha thawk lah chu a harsa talh mai lehnghal.














A tuk zingah chuan chaw pawh ei lem lo in school kal turin ka insiam mawlh mawlha ka rilru ah thildang dah loh hram hram ka tum. In atang ka chhuah chuan nitina ka taxi chan thinna hmun chu ka pan ding leh nghal chata rei lo ah Taxi pawh a rawn thleng ve mai bawk. School ka thlen chuan bell a la ri lo bawka naupang ho chu an lo infiam laih laiha an thawm pawh atha khawp mai, chu chuan ka rilru kal kawi nasa lutuk pawh chu a ti zia ve deuh. " Tukin chu i va hma ve, "? Sangsangin office-a ka luhrual chuan a lo ti a ka nui tawi tak ringawt. A la hma bawk nen kan thawhpui dangte pawh an la kim lo viau, Rebec-i meuh pawh a lo la kal lo a chu chuan ka chhuah hmat zia a ti chiang ka ti mai.

.









A ni hi chu a kal hma thina kan thawh ho atang tun hi ka kal khalh na hmasa ber a ni nghe nghe. " En teh Thanthan kan principal hian tunlai chu min be tha tawp, " hlim hmel taka Sangsangin a lo tih chuan ka lo nui deuh hak, " a duh che a nih dawn chu, " ka ti liam puata chu ringawt pawh chuan a ti hlim leh hle tih a hmelah a lang. " Phu loh a awm lo an ti bawka hma lak ve hmiah chi, " fiamthu ti tak deuh zawk hian a lo ti leha ka lo nuih liam leh mai thung, a ni hi chu mipa lama tlana ve chi kha a nia duhtu a ngah rual hian amah pawh hian duh a ngah viau bawk, bialpa nghet bur ang erawh a la nei lem lo thung. Kanin kawm tam lutuk lo na a mizia erawh kanin hrechiang viau thung.

















" Ehe! Vawin chu ka thleng tlai ber elaw, "? Rawn ti hlut tu chu Rebec-i a ni, " tlai ber a nih hmel, tukin chu thawh i hai ve em ni, " Rinchhana chuan alo ti leh nghal zata a ni hi chu mi fiam peih deuh ang chi kha a ni ve a, tupawh hi ngam tlak takin min fiam bawrh bawrh mai thin, " hai lo, thawh ka hai ngai reng reng lo ka scooty kawng lakah a chhia a ke ngawtin a nih hi ka lo kal, " ti deuh hlakin a thutna lam chu a lo pana a hah hle tih chu ahmelah pawh a hriat a thlan deuh hluam mai. " Thlasik lai mah ni se hmanhmawh deuha kal chuan a lum kher mai, " ti lehin a in zap hluau hluau a tun atan chuan biak ngam chi a ni pawn ka hre lo.













A scooty a chhiat lai ngat phei chuan a mood hi a chhe vek zel, tumah hian kan be ngam ngai lo hrim hrim. Class lak a hun chuan keipawh lehkhabu nen class lam panin ka kala Principal office ka thlen hma deuh chiahin U Gaby nen chuan ka intawk hlawla ka ding nghal chat, " i ke chu a dam tawh em ni, "? Ti pah chuan ka ke lam chu a melh zeuha chutiang zawhna min zawt chu mak tih hman viau, mahse hmanni khan ka bai lai kha min hmu tih ka hrechhuak leh zawk, " aw dam tawh, " pang ngai tak chuan ka ti let ve a, a kalsawn mai dawn emaw ka tia ka hmaah tak chuan kekawr ipte zan tat in ala ding run mai.

















" Nimin khan eng nge i tih a, " a tih leh chuan ka thaw deuh halh, " thil pawimawh ah ka chhuak lawk a, " ka tih chuan abu leh nghuta thildang sawi tuma a ang leh zuau lai chuan, " class lak angai a, " ka ti leh nghala a ni pawh a tawngchhun zawm tawh bik lo, a tawlhsawn hret takah chuan keipawh chu ka kalsawn ve nghal. Class ka lak lai te chuan ka rilru ah thildang luh tir loh hram hram ka tuma naupang ho bengchheng deuh hlek te chu nidang ang lo takin ka ngaithei lo viau bawk. " Vawin i class la chu nidang i va ang lo ve, i au ring piap piap khawp mai, " office-a ka luh chuan min lo ti deuh sap sap a ka chhang lem lo thung, vawin chu ka dik mawlh lo a ni.














" Keipawh vawin chu i awmdan hi mak ka ti, " Rebec-i pawh chuan min lo ti ve a ka chhang hran lo. School ban lamah chuan Rempuii te dawr lamah ka tlang nghala, chawhnu kan kal dawn avangin ina haw kual vel kha a peih awm chiah lo bawk nen hetia penkawi na tur a awm chu a zia viau zawk mai. Rempuii chuan an dawr kawt atang min lo nghaka min hmuh rual chuan a rak deuh chul mai, inhmuh akhat bawka keipawn ka ngai ve viau thin. " Ka ngaih zia che hi sawitur atam tawp lut ang, " a ti nghal zung zunga an dawr chhungah chuan min kai lut zui nghal.


















" Tah khan thu rawh, customer awm loh lai a nia a zia khawp mai, " a ti leh siam siama thutna min kawh hmuh ah chuan ka thu thla ngha zat, " i va thau reng reng ve, pasal i neih lai ai khan ihmel pawh atha, " ti lehin a mah chuan a nui kar kar a keipawh chu ka nui ve ringawt. " Inthen dan kha chu lungawi a har ve e, " a ti leha ngaihtuah zui nei ni awm takin a ngawi zui vang vang, " sawi tawh lo ang, tunah chuan hmalam kan pan ve ve tawh " ka ti ve a, " adik reng mai, mahse a lo beisei leh che chu ka ring tho, khati khawp khan a duh che a heti maia a thlah che chu ka ring lo, " a ti zui leh hrama, an ni hi chuan kanin neih dan leh U Ropuia min duh thin zia an hrechianga chuvang tak chuan kanin then pawh hi mak an ti zual bik reng a ni.


























" Min duh viau ni se min then dawn em ni ? Tunah chuan a first love nen anin nei leh tawha an hlim em em ang, " ka ti leh sep a kanin a a lo kal vel kha chu ka hrilh duh lem lo, hrilh ngat ila chu zak thei lo a tih zia ha hip in a sawi leh ngei ang. " Mahse a mak lutuk, U Puia te veng lama ka thiante khan an sawia an nupa anin ngeih vak lo a nih hmel, anin hau thawmah phei chuan Ruatdiki hian mipa dang lakah fa a nei a ni awma, a awmzia takah chuan tuna mi saw an pahniha an fa a ni lo a nih chu, " a ti leh charh charha athusawi dan hmangah chuan a hrechiang viau tih a hriat. A ni pawh hi Aizawl lamah zirna avangin kum 5 vel ang chu a awm ve a hmelhriat pawh a ngah.


















U Puia te awmna vengah hian a awm thina tuna a thusawi athianten an hrilh a tih pawh hi thudik a ni ngei bawk ang. U Puia lo kal khan an pahniha an fa a nih loh thu kha a lo sawia a tir kha chuan rin harsa ka ti, Rempuii meuhin a sawi takah chuan awi loh tawp chi chu a ni bik lo. " Lo ngai reng rawh nakinah chuan a lo pan leh daw daw tho ang che, nangaia tha hi chu a hmu bik dawn chuang lo. Tunah pawh hian a in chhir viau maithei a sin " in ring tawk taka a tih leh chuan ka nui chhuak lek lek, a inringtawk lutuk hmel chu a lawmawm reuh lutuk. " Chawhnu in kal leh dawn tiraw, "? A tih tak daih ah chuan ka bu nghata " ti khan lo awm lawk rawh aw kan piaha thingpui dawrah khian eitur ka va lei ange, chhun thil ei a hun tawh tlat,nangpawh i ril atam ang ", ti lehin a tho zui nghala hnialna hman pawh a awm lo.




















An dawr awmna hi bazar lun lai deuh a ni bawk nen customer an awm ve leh zuk thina Rempuii a lo let har bawk nen ka thiam ang ang chuan ka lo buaipui ve mawp mawpa, thawmhnaw mai bakah eng eng emaw an zuar kual duah bawka an hlawk ve viau chuan ka ring. " Dawr neitunu hi a awm na nge, " tu emaw in a lo tih chuan ka hawichhuaka ka mi hmuh avang chuan ka phu deuh zuk, hmannia U Ephraim-a nena bazar nu kha a ni. " Aw sawtah a kal lawka, lo leng ru eng nge in duh, "? Ka lo ti nghal zung zunga thian pahnih hi a lo hruai tel a lut tura ka sawm takah chuan an lo in zui luta an hawi kual pah bawk.














" Hmanni lawk khan T-shirt ka order-a a lo thleng tawh em le, "? Ludy an tih nu chuan a lo ti a ka hriat pui loh thu a ka chhan lai mek in Rempuii pawh a lo thleng ve nghal, " nangni in ni maw ? In T-shirt order kha nimin lamah a lo thleng chiaha in lo lam fuh khawp mai, " alo ti lut bawrh bawrha thawmhnaw dahna lam chu a pan zui nghal. " A dum leh a var a nia in duh zawk zawk thlang ula, " tih pahin Rempuii chuan saranga in pack thlap t-shirt pahnih chu a lo kenga Ludy chuan a lo ban nghal zat. " Eng zawk hi nge an hmeh ang, " ti pahin kawr chu a phawrh chhuaka a thiante pahnih chu a hmuhtir bawk, " Sir Ephraim-a te chu a taksa atha sia eng pawh hi ha se a inhmeh vek mai, " pakhat zawkin a tih chuan anlam chu ka hawi lehngha vat, U Ephraim-a hming an lam rik chuan ka beng a verh nghal zar mai.
















" Dik chiah, a khawi emaw zawk zawk pawh kha la la a ni chuan a inhmeh vek tho, a pianin a zir em a " pakhat zawk pawh chuan a ti leh a Ludy chu a nui deuh ver ver mai, " a var zawk hi ka laksak mai ang, T-shirt dum chu a ngah tho " ti lehin a dum zawk chu a pack tha leh a, a tawngkamah chuan U Ephraim-a a hriat chian hmel khawp mai. " Hei hi kan la mai ange, eng zat tur nge, " Ludy chuan counter lama phei pahin a ti a Rempuii chuan a man zat chu lo hrilhin a thawmhnaw lei chu a pack that saka, Ludy chuan a nuisang reng mai.














" Sir Ephraim-a nen hian in ni ve tawh tak tak em ni,"? A thiannu chuan dawr an chhuahsan dawn chuan a ti leha Ludy chhan zuina chu ka hre pha tawh lo thung. " Khami te kha nimin piah lawkah an lo kala an ti ti atang chuan thawmhnaw leitu khan an zirtirtu a ngaizawng a nih hmel, tunlai naupang ho hi chu an buaithlak a nia, " ti niah niahin Rempuii chu a nui kar kar a kei erawh ka nuih a za fahran lo thung. Nimin maia min duh thu min hrilh tu khan bialnu a nei awlsam leh em em mai sia, a hmeichhia zawkin khati khawp a a ngaihsak danah inngaizawng sa reng an ni lo ang tih pawh hriat loh.














" Eng nge maw i ngaihtuah vung vung le, "? Rempuii'n a lo tih takah chuan ka phu deuh zuka alam chu ka hawi nghal vat, " ka inluah tur chung chang vel maw le, " ka ti ta ringawta, " kan veng a in ang lo tur chu a pawi e, mahse ka lo leng reng tho ang " a ti a a nui pah bawk, kan veng in ang lo tur chu keipawn pawi kati, chutih rualin Awmpuii a awm dawn tho a a zia tho, a nu te veng lamah keipawh ka awmdawna kanin hlat hran lo. Ei tur a lei ang ang te kan ei zawh hnu chuan a tlai tawh bawk nen Rempuii chu mangtha in an dawr atang chuan ka chhuaka, school ka thlen rual deuh thaw in bell pawh a ri ve nghal.















1 WEEK LATER,



Naktuk mai hi christmas a ni tawha, nu Mapuii, Melo-i, leh Sawmtei te ho nen keini pawh in kan chei ve a a nalh ve fu bawk. Khawpui ah chuan thingtlang ang khan zaikhawm em ema a awm ve lo bawk nen zan lamah pawh zaikhawm lo in kan chungkua bil te in hun kan hmang thina a nuam pang ngai ve viau. Keipawh kar leh lam atang keima in ngei turah ka lut tawh dawna ka bungrua pawh ka pack sa thlap. Nu Mapuii leh Pa Maruata phei chuan min fiam nan tak an hmanga, " Thantei chu kan bula awm a peih tawh vak lo nge mawni a bungrua a pack hma em mai, " te an ti thina kan nui ho dar dar thin. Ka chhuak mai tur chu min ui ve viau bawk, kei ngei pawh hian ka ngai dawn tak zet.













U Ephraim-a pawh khami ni atang khan a reh zui hmaka, Melo-i min hrilh danah chuan Ludy nen khan anin ngaizawng nghet tawh a ni awm e. An chanchin ka hriat a piangin ka danglam thin, U Ephraim-a kha ka lo hnar tak tak bik lo tih pawh zawimuangin ka hrechhuaka, mahse ka tan chuan a tlai tawh. Tunah chuan a ni paw'n nun bul a tan tha tawha kei ngei pawh hian nun bul tan tha turin ke ka pen ve tawh angai tih ka in hre thar bawk.Zanin chu urlawk zan a ni ve bawka keini paw'n eitur chi hrang hrang kan siam a a nuam kan ti tlang hlawm khawp mai.












Thiante nena hman ho ai chuan chhungkua te a hman ho chu ka tan chuan a hlimawmin a let tam takin a nuam zawk. Kum kalta zawng zawnga christmas ka hman ve tawh te ka ngaihtuah chang phei chuan ka mittui a la ko chhuak thin hial. U Puia chu athiante nen an chhuak ho thina keimahin inah khawhar takin urlawk zan ka hmang thin, kan khaw lama ka awmlai ve thung chuan zaikhawmna inlam ah ka tlaivar tawp thin. Tunah chuan chhungkua ka nei ve ta bawka, an fa tak ni lo mah ila min ngaihsakin min duat em em a katan chuan hei tluka nuam a awm chuang lo.















Chow kan tur ka siam lai takin ka phone a lo ri a, min lo call tu pawh en lem lo chuan ka chhanga, min lo betu âw ka hre zet chu ka nghilh dup hian ka hria. Kanin hmuh khat zia leh kanin biak lohna rei tawh zia ka hre thar awn awn mai. " Lo chhuak teh, " âw khur deuh ti tih hian a lo ti a ka chhang mai lo thung. " Khawngaihin lo chhuak lawk teh, " rilruih hian a lo ti nawn leha ka tah a chhuak zawk e a, " haw rawh inhmuh chhan tur kan nei lo, " ti paha off mai ka tum chu athusawi avang chuan ka dah leh ta lo, " i lo chhuak lo a nih chuan ka lo lut ang, midang hma a engkim sawitura min duh te a nih chuan a tha alawm, " ti deuh hmukin call chu a dah a.
















A lo lut mai ang tih ka hlau bawk nen ka call nawn lehnghal vat, a lo la rang viau bawk, " lo awm rawh ka lo chhuak, " ka tih rual chuan phone chu ka off a, Sawmtei hnenah chuan ka eitur siam lai tih zawm lawk tura hrilhin chok atang ka chhuaka, nu Mapuii te tv en lai a ni hlauh chu a tih zia kher mai. Awlsam takin ka chhuah theih phah. Gate bula mipa ruangam lian zet tei kual vut vut chu ka hmu a ka thaw deuh hak, muangchangin alamah chuan ka pheia khua avawt tha tawh bawk nen ka khur nghal hlawk hlawk mai. " Eng nge i duh, "? A bul ka thlen rual chuan ka ti nghal hlaka ka lamah chuan a lo inher nghal vut.
















" In be lawk ang, " ti pah chuan min lo din hnaiha ka tawlh hnung hret thung, " i sawitur chu sawi vat la kal rawh, " ka ti leha ka tawngkam chu a nelawm lo tih ka hria, kal tura ka duh em avangin ka pawi ti lem lo thung. Eng mah sawi zui lem lo chuan a ngawi vung vunga keiin a thusawi tur ka ngaichang ran thung, kan awmna chu a eng che che a U Ephraim-a hmel erawh ka hmu chiang viau thung. " Sawitur i neih loh chuan ka lut dawn, " ti paha ka inher chiah chu a thusawi avang chuan ka ding leh dat, " theihnghilh che ka tum thin mahse ka thei lo, nitin hian ka ngai thin che " a ti nawn leha ka awmdan chu ka sawifiah thiam lo.
















Ngawirenga kal mai ka tum chu ka hnunglam atang min lo kuaha ka ding khawng nghal awt, a thaw sa ham ham chuan ka nghawng vel a lo thawk khum lum ham hama ka vawt tihna te kha a reh vek nimai hian ka hria. " Min hnar tawh suh khawngaihin, " ti nghet charhin min kuah nghet zual sauha tawng lo in ka ding khawng reng thung. " Nang leh kei chu kan rem ve thei dawn chuang lo, " a tawpah chuan ka tichhuak ve thei hram, ka tawngkamah chuan ka hnar bik loh zia ka ti lang tih ka hria chu erawh ka ngaipawimawh zo tawh lo, a ni hi keipawn ka duh ve chu chu ka pawm thlap, mahse pangngai taka in kawp tur em chuan ka ngam lo.















Ka dinhmun leh a dinhmun hi ka khai khin lo thei si lo, chungte avang chuan hlat ka duh fo thin bawk. " Kanin duh phawt chuan a rem lohna tur eng nge la awm cheu ? Tu pawn eng pawh lo sawi mahse pawi ka ti lo ka bula i awma ka ta inih theih phawt chuan, " ti leh dut in ahmai chuan ka nghawng vel chu a lo nawra ka thinphu a rang tawh tak zet. Ka thinlung chuan pawm mai turin min hrilha ka rilru erawhin kalsan turin minti thung. Lo inkawp chho ta ang ila eng nge kan chungah thleng zel ang, nuthlawi ve mai ka ni a hlutna reng ka nei tawh lo, a ni erawh mip tha tak a ni thung, kan pahnih inkawp tur anga ka ngaihtuah ringawt paw'n mahni in sitna in ka khat.












( THANTHANI HIAN EPHRAIM-A HI A PAWM VE MAI ANGEM ? NGE NI A AN DINHMUN IN THLAUH ZIA HRIA IN A KALSAN ZAWK ANG ? )


Show post links
Top

[Ngaia]

NUTHLAWI NAUPANGTEI
( CHAPTER-12 )
STORY OF: LALNUNNGHETI TETEI






Rei fe kan awm dan ngai chuan kan awm tawha U Ephraim-a chuan min thlah tum lo tih hriat zet in min kuahna a kut chu a ti nghet sauh sauh a, thawk a harsa lam mah a ni. " Ka nghak thei che, " dam thlup-a a lo tih takah chuan alam chu hawi turin ka insiam rema a ni pawh chuan min lo thlah ve mai bawk. " Mahse nang leh kei chu inkawp thei kan ni lo, " hnuailam melh ran pah chuan ka ti zawi leh sep a ka thusawi hi hrethiamin pawmthei se ka duh tak zet, " eng vang chuan nge kanin kawp theih loh anga, ? A ti ve leh sup a, hawi pawh ka hawichhuak ngam tawh lo, a mitah tak ka en chuan ka inthunun theih loh ka hlau. " I hria alawm, kei chu nuthlawi mai ka nih hi, itan chuan ka tling lo. " Harsa tak chuan ka tichhuak leh thei hram.























" Nuthlawi sawmsarih pawh ni mahla ka duhna che hi ka thlak danglam thei lo, " ti nghut tu chu thaw halhin ka melh chho kar, chutiangin ani pawn min melh chhuk ve ran, ahmel ka hmuh ringawt pawh hian ka phu loh zia ka hria, engtin nge kei nuthlawi mai mai hian hetiang anga mipa tha hi ka phu teh lul ang, " Biakthanmawi ka biaklai che in thildang ngaihtuah tawh suh, " a rawn tih thum dut avang chuan ka phu zuk, ka ngaihtuahna ka lo kawm leh char char tawh chu ni in, " vawi eng zata tam pawh sawi mahla nang leh kei chu a theih loh, hriatthiam tum teh, " hnuailam bih pah chuan ka ti chhuak sep, ka thusawi hi hrethiam se ka ti tak zet, rum nghutin ka khabe ah chuan a lo dawma ka mitah chuan chiang kelh kawlh hian min melh ran a, chu chuan minti zam hle bawk.





















" Ka sawitawha ka thusawi chu ka sut dawn hek lo, nangpawn chu chu hriatthiam tum zawk rawh kei hian ka hmangaih che Biakthanmawi, " rawn ti ril ruihin ka hmuiah chuan duhthawh zet hian min lo fawpa ka tan pawh chhan let loh chi rual a ni lo, ni e keipawn ka duh tih hi ka pawm thlap mahse keimah ah hian hlauhthawn rukna riau hi a lo awm leh thin, ahma anga phatsan nih nawn leh kha ka hlau tak zet. Engkim huamin a ni chu ka pawma ka nunah engthil in nge min lo hmuak zel ang tih chu ka hre hauh lo, tuna ka hriat zawng chu U Ephraim-a ka duhna hi a ni. Kanin thlah hnu chuan thawk kan la dun nghal kawk kawka, ka samah chuan a kut rawlh lutin ka hmui chu a tuai nghal zeuha, kei erawh zah avangin ka hawichhuak ngam tawh lo thung.





















" Kha thil khan i chhanna chu a ti chiang viau e, min pawm avangin ka lawm lutuk, " a tawnglai pawh chuan a awm zawn ngawt chu ka melh char chara chu chu a ngaithei lo a ni chek ang chu min kuai dak leh hmiah. " Ka sawikha ka mittah tak min en thin rawh, " dam thlup hian a ti leha chil ka lem ri khawlh. " Ka lut tawh dawn ka awm lo tih an hriat chhuah hma a ka luh loh chuan an ngaih a tha lo ang, " lawi rat hian ka ti chhuak sep a, tun atan chuan thaw lak pawh a harsa tak zet, " ka lo lut ve nghal ang, " a tih chuan phawk fe hian ka melha min la nuihsuk zui, " eng nge i lo tih ve ang, "? Ka rin loh lutuk thil a sawi avang chuan ka âw pawh chu a ring tha khawp mai.























" Ka lo leng dawn, tun ang hunah chuan ka thiante pawh an bialnu te leh an nupui fanau te nen an awm ho thina, kei chu hmanpui tur ka nei ngai lo, mahse tunah chuan hei i awm tawha zanin chu i bula hun hman ka duh, " a mitmeng sexy zeta min en chung chuan a ti leh sup a, thil ka hre chhuak nghal zawk. " Bialnu i neih ve reng kha a bulah chuan va kal la, " ti deuh hmakin ka in hersana ka kal tur chu ka kutah manin alamah min pawta ka inring lo bawk nen a awmah ka bei nghal thlawp. " Min thlah teh, i bialnu bulah chuan va kal rawh " ti lehin ka tal fat fat a min thlah duh hauh lo, Ludy nen an chungchang ansawikha ka hriatchhuah thut vanga ka awmdan chu kei ngei pawn ka hrethiam lo.

















" Ka bialnu bulah chuan ka awm reng hi, " a tih pawh chuan ka la tal ngat ngat tho, " i student pakhat nen inngaizawng tih an sawi vek dawtsawi tum suh, " ka insum hman lo chuan ka ti chhuak phawnga nui nghawr datin min nam hla deuh hret a, ka dar tawn tawnah chelhin ngun fe hian min en bawk, " nangmah theihnghilh ka duh em che avangin a ni kha chu ka hnaih a nih kha, chutiangin pangngai tak pawn kanin ngaizawng lo hrim hrim, ka hmeichhe duh awmchhun chu nang chauh i ni, " dam dap hian a ti a a mitmeng ah chuan dawt a sawi loh zia a lang bawk.














" Min theihnghilh i duh vang maia midang i hmangtangkai chu a dik miah lo, a ni khan i lakah feelings lo nei hmanta se a khawngaihthlak dawn em a sin, " ka ti deuh sep a, Ludy kha chuan a duh tak tak a ni tih ka hai miah lo a chezia ah pawh khan a hriat lutuk, " nei lo ang, amah pawh ka hrilh chiang viau alawm a lakah eng rilru mah ka put theih loh thu thlengin ka hrilh, chuti chung pawh chuan pawi a ti lo a, " ti pah chuan a ding mar vut a zawh belh tur a awmin ka hre tawh lo, " lut tawh ang a vawt, " amah bawkin a tih leh chuan ka inhera ka kal tur chiah chu ka kutah a lo kai a, " a vawt lutuk, " ti thum dut in min kalpuia eng mah ka sawi bik lo.

















" Lawkin, kan pahniha kan lutdun min hmuh chuan mak minti lutuk ang, " kawngkhar a hawng tur chiah chu dang nghalin ka ti sep a, " mak tih vak tur a awm hleinem, bakah kanin ngaizawng tih hi hre vat se a tha zawk, " a ti awlsam et anih chu! A ngaihsam lutuk chu a ngeiawm dawn dawn mai. " I mak em mai, tunah thawt thawt chuan hre lo se ka duh ka tan pawh a nuam lo, " ka ti leh ngat a ka âw ah chuan ka lungawi zan lo tih a hriatthiam mai ka ring, " a tha lawm, lut rawh nakin deuhah ka lo lut ang " ti hluk in min thlaha a kalsawn zui nghal bawk. Thaw halh in inchhungah chuan ka lut a tv enpah chuan sitting room-ah an lo thu thap a tim dai hian ka pan phei ve nghal.















" Thante khawiah nge i kal daiha, " Pa Maruata chuan sitting room-a ka luhrualin a lo ti a, " phone ka hmang lawka, " chhuanlam dang siam tur thlawt ka hriat loh avang chuan ka ti ta ringawt, dawt ka sawi erawh chu ka inthiam lo leh viau tawh. " I pu te em ni i biak, "? A tih leh chuan âw ka pawh ve leh mai bawk, thildang min zawh chhunzawm tak loh avang chuan ka lawm ru viau mai, " ei tur vel chu inpeih tawh chuan ei ila, " nu Mapuii'n a tih chuan Sawmtei nen kan tho kang nghala, choka lamah chuan in zui lutin kan eitur siamte chu kan la a. Eitur keng chunga choka ka chhuahsan dawn chiah tih ah U Ephraim-a chu a lo lut a ka ding leh nghal dat.













" Ehe! U Ephraim teh mial che chuan lo leng rawh, " Melo-in a lo tih chuan ka thaw deuh huai mai, sitting room lamah chuan a pheia keipawh ka kal ve nghal. Dawhkana eitur ka chhawp laite chuan ka zam ang reng viau mai, Melo-i bulah chuan thu thla in ka kekawr hak lai chu ka tham deuh vak a, tunah tak hi chuan la lai ve tak zet awmdan thiam a har khawp mai. " Mama te nen inleng ho na nge ?" Nu Mapuii chuan ei tur ban pah chuan a ti a, " aw zanin chu leng ho lo, " tih zawngin U Ephraim-a pawh chuan a lo chhang ve a. Kan eitur siam te chu kan ei ho dial diala U Epraima'n min lo melh leh zuk thin avang chuan tam pawh ka ei thei lo.













Kan eina hmun hnawk vel chu Sawmtei leh Melo-i te nen kan tifaia nu Mapuii leh Pa Maruata erawh muturin an pindan lamah an lut leh tawh thung. " Keiman ka lo sil ang " Sawmtei thleng ken lai ho chu lak sakin ka ti a min hnial hma chuan choka lamah ka phei pui hman. " Ivan nula " ka phu nasa lutuk chu ka rak chhuak lo chauh, in herin U Ephraim-a chu rum fe hian ka melha a ni erawh a nui vur vur thung, " Melo-i leh Sawmtei an la awm ve reng saw va chhuak rawh, " zawi sep hian ka ti a ka tawng chu hria ang pawn a lang lo, a awmdan ngai reng chuan a la awm. " Naktuk chu ka lo sawm ang che, " a tih chuan ka bu nghat ringawt.













Thleng ka sil zawh hnu chuan choka atang kan chhuaka Melo-i chuan mak mintih hmel zet hian min lo entawn nghal zak zak. " U Ephraim-a chu i haw daih tawh ah ka lo ngai a, " a mitmenga a mak tihna la lang reng chung chuan a ti a, " ka haw dawn chiah zawk, " U Ephraim-a chuan a ti thung. " Aw le, a nih muttui keipawh ka mu ve nghal mai ang, " tih leh a room lama chhoh a ruala Sawmtei pawh a mu tawh a nih hmel, " min lo thlah la, " ka beng bulah chuan a lo ti sar sar a a inla hrang leh nghal mai bawk. Pawnah chuan kanin zui chhuaka a kal mai dawn emaw tih lai in a ding deuh tlat a vanlam chu a thlir pah bawk.













" Bawihi'n min lo thlir ve reng awm si a " a tih chuan van lam chu ka hawi ve a a bialnu chu a la ngai ve hle a ni ngei ang, " i la ngai viau em ni, "? a din reng takah chuan ka ti a, " Um, mahse tunah chuang nangmah ka nei tawh che a a ni pawh zawi zawi in ka theihnghilh ve zel mai ang, " ti dut in min lo en a a nuisang bawk, " i hmangaih hmasa ber a nia i theihnghilh thei lo pawh chu i dem awm miah lo, chutah thihna avanga inthen in ni leh zel bawksia " zawi sap a ka tih chuan a mitmeng de sawr sawr in min melh kiau a a hahdam hmel tak zet. " Hei vang hi alawm midang tam tak aia ka thlan che, i rilru a zau a thil hi a eng zawngin i thlir thiam bawk, naupang viau mahla hetiang kawngah chuan ka tluk lo che, " a ti ve duaha naupang minti kher erawh ka ngaihdan a ni vak bik lo.













" Kum 27 ka ni ve tawh, naupang ti a in ko tur chuan ka upa tawh hret " ka sawi zawh rual chuan a nui hawka ner nangin hmalam ka melh nghal daih, " ka tan te chuan i la naupang tho alawm, nuthlawi naupangtei " a âw ah chuan nuih a insum nasa tih a hriat, " chutin min ko kher suh, Tlangval senior " ka ti let ve hlaka a hma ai mahin a nuih a za thung. " Ka haw tawh mai ang, ka awmrei lutuk chuan kanin hau zankhua thak dawn " ti leh in min lo awmhnaih hruta ka biangah chuan min lo chuk nghal zeuh, a che rang lutuk chu tawngpawh ka tawng hman lo a kalsawn zui nghala Gate bul a thlen chuan a ban alo vai zeuha, nuiseihin keipawn ka vai let ve nghal.













Inchhungah chuan lutin kawngkhar chu ka khar a U Mama a lo la haw loh avangin ka kalh lo thung. Inchungah chuan chho in bathroom lamah ka intifaia mu tura ka intin tuah meuh chuan dar 12 a ri dawn hnai tawh. Ka phone chu la in whatsapp ah ka lut a U Ephraim-a message a lo awm leh vang tawh, " in ka thleng chiah, naktukah ka lo sawm ang che Muttui phawt, " a message chu ka chhiara keimahin ka nui leh ver ver tawh, reply tawh lem lo chuan ka phone chu ka dah a mutthilh tumin ka mit chu ka chhing nghal vang vang. A tukah chuan zing dar 6 ah ka tho a, zan lamah hian mengrei viau thin mah ila zinglamah hian thawh ka hai ngai lo thung.













In tifai zung zungin inhnuaiah ka chhuk thla a, Christmas hla tv ah an lo play chu sak pui rat rat in choka-ah ka phei a, Sawmtei a lo che leh rak rak tawh. " Christmas chibai U Thanthan " min hmu chiah chu nuisang chungin a lo ti a, " nangpawh chibai le, " ka ti let ve nghal. Christmas tuk te a ni bawk nen siamtur a tam ve ang reng bawka Sawmtei chu a rawngbawl ka puiha, tukdang ah chuan puih tum ve thin mah ila amah hian min hnial tlat thin, ka puih ngai lo erawh a bik chuang lo, siamtur atam emaw mikhual kan neih vel hi chuan puih duh lo hle thin mahse ka ti lui ve tlat thung.















Dar 8:30 vel ah chhung inkhawm kan hmanga keimah min thlah pahna ni bawkin pa Maruata chuan fuihna thu tha tak tak a sawia, ka hnuk a ti ulh deuh ti tih. Chaw kan ei lai te chuan kan ti ti pah a a chang leh kan nui dar dar thin, hetiang anga christmas tuk duhawm hi ka tan chuan a vawikhatna liau liau a ni. Chaweikhamah chuan ei na ti fel zung zungin insiam turin room lamah kan kal dial a, puitling e ti lo chuan kawrthar hak chu Melo-i leh sawmtei pawn an phur thiam khawp mai, kei ngei pawh ka bang bik chuang lo, christmas bonus kan dawng bawka kawrthar leh pheikhawk thar te ka inlei ve a, nu Mapuii leh pa Maruata tan kawr ka leisak ve bawk.















Melo-i leh U Mama chu ka hlawh lak hmasa zawk khan gift ka pe ve bawk. Ka kawr thui tir chu ka a ka pian ati lang chiang ngang mai, mahni infakna lam ni lo in ka pian hi a dik ve fu a model-a tang tur hian min fuih der tu pawh an awm ve nawk thin, chutiangin ka hmel pawh a chhe hran lo bawk kan khaw lama ka awmlai pawn min duh der ve tu an awm ve nawk bawk. Kawr ka hak zawh chuan ka hmai chu ka chei ve a, make-up hi hmang lo tawp chu ka ni lo na in uar deuhin ka hmang ngai lo bawk. Make-up ka inhnawih zawh chuan ka sam ka ti kir leh te te a christmas tuk a ni bawk nen ka in uluk ve viau.















Ka inpeih fel vek hnu chuan full mirror-ah ka in en vang vanga nalh chu ka inti ve viau mai. Ka bag khai turah chuan bible leh hlabu ka daha phone erawh biakinah ka keng ngai lo thung, inhnuaia ka chhuk chuan midang ho pawh chu an lo inpeih fel diam tawha, thutkhawmna pindan lamah thukhawmin thla an lo la ho a, " U Thanthan ivan chhe lo em em," Melo-in a lo tih chuan ka nui deuh tawp, mi in min fak hian a nuam veng veng thin chutih rualin sawitur avang duh. Midang pawh chuan min fak ve luama thla te kan lak ho hnu chuan inkhawm turin kan chhuak ho a, chhungkua-a christmas tuka inkhawm han nghal thap thap chu a nuam dangdai viau.















Biakin kan thlen chuan an lo tam tawh viau mai, mitin mai chu anin chei nalhin an nuisang hlawm bawk si a hmuh an nuam tak zet. " Chrstmas chibai, " ti thum dut tu avang chuan phu deuh zukin hnunglam chu ka hawia a U Ephraim-a a ni, vawin zet chu a ni pawh nidang zawng ai pawn a chhe lo leh zual, coat sen duk a ha a a hnuaiah half neck dum a awrh bawk, a thi awrh zawng zawng nen chuan a inrem vel vek. " Chibai min buk let ve dawn lo em ni, " a tih leh takah chuan harh chhuak zawkin, " christmas chibai le, " ka ti ve nghala a lo nui nghal suk.













" I nalh lutuk, " zawi sup hian a ti a a tukhum a tuai pah vut bawk, " ka lawm e " lai ru ang reng tak chuan ka ti let ve a sawitur dang chu vang tawh tak a ni dar ala ri lawk si lo nen ngawireng chuan kan ding dun deuh tawp a nimai. " Nangni pahnih chu hetah a nimaw in lo awm, "? U Mama chuan nui vur vur chung hian a lo ti a a bulah U Gaby a awm ve bawk, an thian zingah na na na chuan U Gaby hi a inkhawm khat ber a christmas tukah erawh a lo inkhawm ve hram a nih hmel. A ni pawh chuan coat pawl duk a ha a a hnuaiah kamiz pawl dal deuh a ha bawka a inhmeh khawp mai.














Dar a rik takah chuan kanin zui pheia Melo-i lut tur nen kanin tawka min lo hui zeuh chuan keipawn ka pan ve nghal, " ka zawng che lawm, " tih leh min kaih luh a ruala thalai thutna tlar hma lamah chuan kan thu a, kan luh hnu rei lo ah U Ephraim-a te pawh an lo lut ve bawk. Hunpui a ni bawka pastor thusawi kan ngaithla a, tawngkam a thiamin a thupuiah pawh a lut fuh chat chat khawp mai, inkhawm ban hnu chuan thingpui, chhang leh artui an siam chu kan dawh ve a, Melo-i nen chuan biakin hnunglamah kal in kan thingpui dawh chu kan ina U Mama te thian ho pawh rei lo ah an lo lang ve nghal.















" Nangni pahnih chu eng nge in lo sawia, " U Ephraim-a chuan a lo ti sup a, a kut pakhat chuan a kekawr ipte a zen a lehlamin thingpui a keng thung. " Eng vakmah kan sawi lo, " ka lo ti let ve thung, U Gaby chu Melo-i bulah a dinga U Ephraim-a ka bulah a ding thung, U Mama erawh kan pali hmaah tak a ding run a sawitur chu a vang duh khawp mai. " U Ephraim Ludy nen chuan in la ni tluang zel em, "? Melo-i chuan kan ngawih reng hnu ah a lo ti chhuaka, U Ephraim-a chu ka melh nghal vata a ni paw'n min lo melh ve chiah bawk. " Kan ni ngai lo, " tih zawngin U Ephraim-a chuan a chhang let thung.
















" Awi awm loh em mai in zep tum buai lo maiteh mi zawng zawngin an hre vek, " uar fe hian Melo-i bawk chuan a ti leha, Ludy nen status anin view tawn reng bawka a ngaihdan hi a dik lo hran lo, kei ngei pawh Ludy'in U Ephraim-a a status-a a hmanglai chu min hmuh ve tawh nghe nghe kha. " Melody i buai lohna tur ah i buai peih, " U Mama zawk chuan a lo ti nghuta Melo-i chu a ner nghal nang nanga eng mah a sawi zui lem lo thung. Thingpui te kanin zawh hnu chuan kanin zui haw a, veng in ang lo na na na chu a U Gabby leh U Ephraim-a te chu an peng hranga, an kal hran dawnah U Ephraima chuan ka beng bulah, " ka lo leng ang, " a rawn ti sup a nih kha.














In kan thlen chuan nu Mapuii leh Pa Maruata pawh an lo thleng leh der tawh, inthlak turin melo-i nen kanin zui chho a room-a ka luh chuan inthlak zung zungin ka phone chu ka la a ka chhuk thla lehnghal. Sitting room-ah chuan thu in message vel ka check mai mai a, zingkara U Ephraima'n ' morning ' tih a lo thawn chu ka hmu ve chiah. " In awm em, "? Lo titu avang chuan ka hawichhuaka ka rin loh lutukin Awmpuii te nufa an lo ni, " ehe! Nangni nufa chu lo leng ru, " ti zung zungin ka tho chhuaka a fanu apawmlai chu ka va ban nghal zat. " In lo len tur min hrilh lawk si lo a ka hamhaih alawm, " ti zung zungin Bawihtei chu ka thuthlak puia, pa Maruata te paw'n Awmpuii chu an lo be nghal siam siam mai.












" Lo len pawh a tirah chuan kan tum bik lo, thil pawimawhagh kan lo kal a hanin kal pelh mai chu ka ti deuha kan lo peng kawi a nih hi, " Awmi chuan a ti a nu Mapuii chuan leng ziah turin a lo sawm ve nghal, " Baeihtei hi ka ngai tawh lutuka, a lo lian tawh khawp mai " ti pah chuan ka pawmtha a, an tet te atanga awm tam ber tu ka ni bawk nen an ni unau pawn min ngaina ve viau, nu Mapuii chuan chhuah lawkna tur a neih thu a sawia a tho zui nghala, pa Maruata erawh room lamah muturin a phei thung. Awmi nen chuan kan ti ti a U Ephraim-a chung chang erawh ka la hrilh lo thung. " Thingpui i in duh em, "? Ka tih chuan anin khawmna lama anin tawh avangin a duh loh thu a sawia, keipawh chu ka thu tha lehnghal.













Kawngkhar lam atang thawm a awm chuan kan hawiphei a, U Ephraim-a chu alo ding leh ran tawh. " In leng i nei animaw, "?ti pah chuan kan thutna lamah a lo pheia, Awmi ka melh zawk chuan chik fe hian mij lo en a, " tu nge, " zawi sep hian a ti bawk, U Ephraim-a kan thutna lam alo thlen phei tawh avangin ka lu ka lo thin khum ringawt thung. " Lo thu rawh, " ti pah chuan ka tawlh hla hret a a ni pawh a lo thu thla ve nghal zat. Bawihtei chu ahmuh rualin a nuih suka abiangah a lo piai zeuh bawk,Awmpuii lam ka va hawi chuan ka hau hian U Ephraim-a a lo melha ka nuih a ti za ang reng khawp mai.










( KA LO DAH THEI HRAM E....VAWIN LAM KA INSUKNA KA TAKSA NA ZAWNG ZAWNG NEN, CURRENT CHHE BAWK NEN KA LO DAH THEI LO TEP, COMMENT TAL KHA CHU MIN PE VE RU AW )


Show post links
Top