NUTHLAWI NAUPANGTEI BY Lalnunngheti Tetei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

NUTHLAWI NAUPANGTEI BY Lalnunngheti Tetei (Completed)

Unread post by Ngaia » May 14th, 2023, 4:55 pm

EPHRAIM. VANRAMMAWIA : TLANGVAL SENIOR KUM 38 MI, PROFESSOR NILAI MIPA COOL TAK LEH CHHE LO TAK, TLEIRAWL MAI BAKAH NUTLING THLENGA AN ATCHILH RAWN, MIPA SANG THA TAK LEH SA THA TAWK TAK, A HRECHIANG LO TUTE TAN CHUAN MIPA NELAWM LOH TAK LEH THINCHHE TAK MI NI IN, AMAH HRECHIANG TUTE TAN ERAWH MIPA THA LEH FEL TAK A NI THUNG.
BIAKTHANMAWII: KUM 27 MI, HMEICHHE FEL TAK LEH ZAIDAM TAK, ATAKSA AIA ARILRU LIAN ZAWK, A THILTUM CHU TIH PUITLIN NGEI DUH CHI NIIN HMEICHHE TUARCHHEL TAK A NI.
Biakthanmawii hian kum naupangte anihin pasal aneia a pasal chhungte chuan an tiduh dahin an hmusit em ema achhan pawh thingtlang atanga seilian a nih vang a ni, an tih duhdahna chu a tuar chhuak ang nge a bei let ve ang ? chumi hre tur chuan a story hi in lo chhiar ve ngei dawn nia.....
--------------------
Prologue:
" Nuthlawi sawmsarih pawh ni mahla ka duhna che hi ka thlak danglam thei lo, " ti nghut tu chu thaw halhin ka melh chho kar, chutiangin ani pawn min melh chhuk ve ran, ahmel ka hmuh ringawt pawh hian ka phu loh zia ka hria, engtin nge kei nuthlawi mai mai hian hetiang anga mipa tha hi ka phu teh lul ang, " Biakthanmawi ka biaklai che in thildang ngaihtuah tawh suh, " rawn ti thum dut tu avang chuan ka phu zuk, ka ngaihtuahna ka lo kawm leh char char tawh chu ni in, " vawi eng zata tam pawh sawi mahla nang leh kei chu a theih loh, hriatthiam tum teh, " hnuailam bih pah chuan ka ti chhuak sep, ka thusawi hi hrethiam se ka ti tak zet, rum nghutin ka khabe ah chuan a lo dawma ka mitah chuan chiang kelh kawlh hian min melh ran chu chuan minti zam hle bawk.
" Ka sawitawha ka thusawi chu ka sut dawn hek lo, nangpawn chu chu hriatthiam tum zawk rawh kei hian ka hmangaih che Biakthanmawi, " rawn ti ril ruihin ka hmuiah chuan duhthawh zet hian min lo fawpa ka tan pawh chhan let loh chi rual a ni lo, ni e keipawn ka duh tih hi ka pawm thlap mahse keimah ah hian hlauhthawn rukna riau hi a lo awm leh thin, ahma anga phatsan nih nawn leh kha ka hlau tak zet.
------------
Ka thu hriatchuan min van thawng teh lul em ! " kalsan ka ni leh ta, " tiin keimah chuan ka phun chhuak sep, ka biangah chuan dan rual loh in ka mittui a lo luang a, ka mittui tlak phal ngai lo tu ngei khan ka mittui chu a ti tla ta si, hringnun hi a lo va mak ngai ve maw le, ka neihchhun leh ka innghahna tak meuh meuh pawh min lak bo sak duh hiala, hetiang khawpa nunrawng hian ti nge khuanu hi ka chungah a chet bik ? " Ka ta " ti a ka sawi theih zawng zawng min laksak veka hei baka hreawm hi eng nge awm chuang ang.
EPHRAIM & THANTHANI TE IN HMANGAIHNA ZINKAWNG I HRIAT DUH CHUAN I LO CHHIAR VE NGEI DAWN NIA.



NUTHLAWI NAUPANGTEI
( CHAPTER-1 )
STORY OF: LALNUNNGHETI TETEI






Ka hmaa pangpar thli in achhem zawnga phe delh delh ho chu ka thlira ka nuiseih, ka chhungril nun erawh a tawt hle thung, kan duhdan ang hian mihringte hi awm thei ngat ila hekhawvel ah hian mihring nun hlim lo hi an awm lo nimai tur, mahse kan thu a ni miau si lo a, tuna ka nun hman dan ngei pawh hi thlak theih ka chak tak zet. Ka hun kaltawh te ngaihtuah chuan thawk ka la leh hawk thin, achang chuan vanduai tur bik hrim hrima piang ni te in ka inhre thin. " Biakthanmawii chu khawihah nge a awm leh tak ni, " vin deuh taka tiri avang chuan ka ngaihtuahna atang harh chhuak zawkin ka hawipheia inchhung lam atang ang thawm ka hriat avang chuan ka thutna atang ding chhuakin inchhung lam chu ka pan vat.














" Khawiah nge ikal leh daw dawa ? tun ah dar eng zat nge ni tawh i hria em ? Eirawng pawh ila bawl lo lehnghal, " ka nu ka pasal nu chuan a lo ti nghal hlak hlaka ahmaah chuan ngawirengin ka ding tawp, pawnah khan ka lo awmrei deuh a ni ngei ang sana ka en chu a lo tlai duai tawh. " Kal la rawng va bawl rawh in pa pawh hnathawka chhuah hmat a duh leh ang, " a tih chuan bu nghatin choka lam chu ka pan nghal vat, " chawbel isiam hmain thingpui kha chhuang phawt teh, " chawbel ka siam dawnlai tak chuan a lo ti vin leh hlara hnial lo in thingpui chu ka chhuang nghal vat. Thingpui ka siam zawh hnu chuan eirawng ka bawl chhunzawm leh nghal zat. Ka nitin nun hman dan hi ngaireng mahse ngaia neih erawh ahar lam hret chu a ni,
















" Biaki Thingpui chu min lo siam ve teh, " eirawng ka bawl lai chuan U Ropuia chuan ka hnunglam atang arawn ti thum duta ka hawi phei nghal vat, a hmai chu tuai puatin chairah chuan a thu thla a keipawh chuan a thingpui tur chu ka lo siamsak nghal vat. " Kha aw, " ti sep in thingpui no chu ahmaah ka chhawpa mi pawh en lem lo chuan a lo ban ve nghal zat. " I mutui em, "? Zawi sep chuan ka ti lehnghal vat, " i tal nasa lutuka ka muhil thei lo, " a lo ti bul hmuka chhan vak ngaihna pawh ka hre lo, ka nawmsam vak loh avangin ka muhil thei lo kha ka inlet kual seka chuvang chu a ni ngei ang, mahse sawi kher ka tum lo sawi mah ila eng ngah mah min ngai dawn lo tih ka hrechiang miau a.














Ngawirengin ka eirawngbawl lai chu ka chhun zawma U Ropuia pawh chuan min be chhun zawm bik lo. Chaweikham lamah chuan eina te ka ti fel zung zunga pathum chauh kan ni bawka sengfel tur pawh a tam em em lo. Thleng kasil zawh hnu chuan kan room lamah chuan ka pheia room chhung ka luh chuan U Ropuia chu ka hmu mai lo, ngawirengin kan khum lamah chuan ka pheia chumi rual deuh thaw chuan shower hmang thawm ka hre nghal zat, U Ropuia chu a inbual tih hria in wardrobe atang chuan athawm hnaw hak tur chu ka la chhuak saka a pheikhawk bun tur thleng chuan ka nawt fai thlap bawk.















Kan khum bul dawhkana U Ropuia phone dah chu a lo ri ral rala pan pheiin a lo call tu chu ka en a a phone screen-a hming lo lang avang chuan ka nghilh dup thei. Tim dai hian phone chu ka la ka beng zawnah chuan ka chuktuah nghal zat bawk. " Vawin chu i lo kal ang tiraw ? Ka nghak reng che ania vawin chu ka chhungte an awm dawn lo a kanin lamah kanin hmu thei ang, " âw ka hriat than zet hian a lo ti no duaia tawng ngaihna pawh ka hre lo. " I hre thei em, " arawn tih nawn leh pawh chuan ka la,ngawireng tho. " Eng nge i lo tih, " rawn ti thum dut tu avang chuan ka hawi phei vat, ka hmaah chuan ka pasal chu towel veng chung hian alo ding runa a phone ka ken lai chu a lo phih thla sawk bawk. " Sawi rawh, " ka mita min en run chung chuan call chu achhanga keipawn ngawirengin ka melh let ve kar.













" Um, ka hria " tih leh call chu dah aruala a phone chu khumbula dawhkan te ah chuan a dah lehngal zat, " vawi eng zat nge ka phone call chhang tawh lo turin ka tih dawn che, " a lo ti vawt ruiha chhan ngaihna pawh ka hre lo, vawitam tak a phone call chhang tawh lo tur chuan min hrilh thin ngei alawm, mahse a mibiak thin ka hriat chian em avang hian ka zawm thei mai bik lo. " Biakthanmawi min chhang ta che, " ti leh hlukin ka khabe ah chuan a lo hmera ka tal nghal phat, " min thlah rawh ana, " ka khabe avawnna kut chu chelh pahin ka ti tiaua min la thlah duh bik mai lo. " Vawikhat te mah ka phone hi khawih leh tawh suh, " ti leh hmukin a kut chu ala sawna wordrobe lam chu apan nghal vut, ka thawmhnaw thlansak pawh chu ha duh lo in a wordrobe atang chuan adang ala chhuaka a inthlak chhung zawng chuan ka ding ngawireng.













" Kut thawh kher ngai lo hian khawsa thin ang che, " thu pe aw zet hian a lo ti leha room atang chuan a chhuak nghal bawk. Kei erawh ka dinna ngaiah ka la ding reng thung, ka melh ngai chu ka melh tlawk tlawka ka inrin hma hauhin ka mittui chu ka biangah a lo luang lum pap, pasal nei tawh zawng zawng te'n kan thil duh ber chu kan pasal ten min duat leh min hmangaih hi a ni fo thin, kei ngei pawn chu chu ka duh, mahse ka pasal hnen atang chuan hmangaihna leh duatna chu hla tak a ni. A phone call chhang lo tura mintih pawh hi ka tan chuan zawm ahar em a sin! Tu nge mahni pasal te leh an first love te inbe reng chu ngai thei teh lul ang ni. ?













Ni e, nichina lo call tu pawh kha tudang ni lo in ka pasal first love Ruatdiki a ni. Tun thleng hian anla inbia a thian angin anin en lo tih lah mipangngai tan chuan hai chi rual a ni lo, ka na a hreawm ka ti bawk amaherawhchu tih theih ka nei lo, ka pasal hi then ta ila engtin nge ka awm ang ? Pan tur leh belh tur chhungte ka nei lo a, ka chhungte ti a ka sawi ve ho lahin chhungkhat en paw'n min en bawk hek lo. Thawk la hakin ka mittui chu ka tuai hula kan room atang chuan ka chhuak zui nghal. " Parda te hi thlak la pangpar te khi tui pe ang che, " ka nu in min hmuh rual chuan a lo ti leh nghal zat zata ka buk khum nghat, " ka lo let hmain tihtur kasawi chu lo ti zo vek ang che, " ti lehin in atang chuan a kal chhuaka thawk ka la leh nghal hap.

















Tihtur awm ang ang katih zawh hnu pawh chuan ka nu chu a lo la let mai lo a kan room lamah chuan lutphei in khumah chuan ka thu thla nghal hnawk. Achang chuan ka nun dan hi ka hne ngawih ngawih thin tih theih erawh ka nei bawk si lo, khumah chuan mu in ka mit ka chhing vang vanga ka nunhlui ka ngaihtuah let chuan ka tah achhuak nghal tun mai, kum naupangtein pasal ka neia kha tih hunlai kha chuan ka tana tha tur leh tha lo tur pawh kha engmah ka thliar hrang thiam hek lo. Ka pasal nen hian high school ka kal laiin kanin tawnga ka hmuh hmasak ber tuma ka awmdan pawh kha ka la feel thei hial.














Thingtlang atanga seilian ka ni a kum 16 ka nih in zirna chhunzawm turin Aizawlah hian ka pi te'n min daha ka zirna sen so erawh keimahin ka intum vek thung, school kan ban apiangin mi thingpui dawrah ka thawk ve thina hahthlak thin viau mahse ka dinhmun ka hriatchian em avangin ka theihtawpin hna ka thawk thin. Khatih hunlai khan tuna ka pasal U Ropuia nen hian kanin tawnga a office kal haw hi ka thawhna dawrah a lo peng kawi thina hmelah leh pianah a lo chhe zawk zawk bik lo nen keipawh khan a rukin ka lo duh ve thei viau. An sawi danah phei chuan hmeichhe mi tak niin an sawia atirah kha chuan ka ring vak lo, ka ring phal lo a nimah zawk ang chu.














Mahse kanin neih tak hnu hian miin ansawi dan kha adik tih ka chiang viau tawh. Kanin neih tirh thla hnih thum vel thleng kha chu mipawh aduatin min ngaihsak viau thin, mahse ahan rei deuh hnu chuan a tlangval laia a zia kha arawn lang leha achang chuan ka tuar zo lo lek lek thin, then ta ila achan chhe zawk tur chu keimah ka ni tih ka in hrechiang em em mai bawk si, engtiang paw'n awm se a dawhtu zawk ka nih angaia achang chuan thih daih mai te hi ka duh rum rum thin, thi daih pawh ni ila kei ve teh lul hian ui tu pawh ka nei ve ngut a ngem ? Harsatna tam tak ka tawk tawh chung pawh hian chhel taka awm chu ka tan pawh hian ala harsa ve em em tho a, min ngaihsaktu leh min hmangaihtu neih pawh ka thla hlel ve thin lutuk.














Tlai lam dar 2 bawr velah eirawng ka bawl tan a ka nu zing leng pawh arawn haw ve chiah bawk, " fridge-ah khan vawksa a awm a kha kha isiam dawn nia, " choka-a rawn luh pah chuan a lo ti leh nghal zat a chhang lo in fridge lam chu ka pana fridge chu hawngin Vawksa chu ka la chhuak nghal zat, " bazar-a ka thiannu fapa khan nupui a nei thara a thil chhawm vel ka va en ve a mi hausa tih takah a bungraw chhawm ho pawh a to hmel hlawm khawp mai, " tiin ka zawh ngai miah loh chuan a thil tih chu a rawn sawi a keiin ngawirengin ka ngaithla thung, kanin neih khan eng vak mah ka chhawm lo a kha kha a lungawi lo em em a tunthleng pawh hian ka bungraw chhawm tlem avangin hetiang zawng hian min tawng el thina engkim ka hrethiam ve veka nuam lo duh ve tak chu a ni.















" Nu vawksa hi ka chhum dawn em ni, "? ka tih chuan min chhang lawk lo in a phone chu a thai kual mial miala keiin ka ngaichang ran thung, " um, i U Ropuia an mikhual a rawn hruai dawna chawhmeh te kha siam tam deuh la, " rei fe a ngawih hnu ah chuan arawn ti a atho chhuak zui nghal mai bawk, U Ropuia chuan tu mikhual nge a lo hruai ang tih mawlh chu ka ngaihtuah, a hna thawhpui te an nih mai ka ringa eirawng chu ka bawl chhun zawm nghal mial mial bawk. Eirawng ka bawl zawh hnu chuan sitting room chu ka nawt fai leh thuak thuaka ka zawh hnu chuan sofa-ah ka thu thla nghal zan a ka pangna lutuk avang chuan ka tai chu ka dawm nghal vang vang, calendar ka han en chuan ka period dawn a ni tih ka hrethiam nghal mai bawk.
















Kawngkhar inhawng ri ka hriat chuan ka hawichhuaka U Ropuia ka hmuh chuan ka thutna atang tho kang nghalin ka pan phei a mahse a hnunga lo ding reng ka hmuh chuan ka ding nghal dat, Ruatdiki lo awm tel ve chuan min thawng lutuka chet mai nachang pawh ka hre lo. " Thanthan chaw ka rawn ei dawn a, " nuisang hian a lo la ti zui a chutianga nelawm taka min biak chuan ka tan pawh lo biak that loh ngawt chi a ni bik lo nen tawite a lo nuih let pah hian, " aw ka nu in min lo hrilha, " ka ti let ve sep a U Ropuia chuan ngawireng hian min kal pel a inchung lamah a chho nghal daih bawk. " Dikte in rawn thleng tawh maw, "? Dam dap hian ka nu chuan a lo ti a Ruatdiki pawh chuan lo nuihsang in ka nu chu a pan phei nghal vat a.














" Nute tunlai chu kanin hmu khat bawk sia i lo dam tha maw, "? A tih chuan ka nu chuan a dam that loh thu leh chaw a ei theih loh thu chuan a chhanga keiin ngawirengin an pahnih inbia chu ka lo en tawp thung. Ka nu hian Ruatdiki hi a mo atan a duh a ni tih ka hria a chutianga in pawh taka an awm dun pawh chu ka tan a nuam duh lo tak zet, tawngkam tha ka lakah a hmang ngai lo a Ruakdiki erawh a be tha hiam hiam thung. Chutianga lo awm ve reng ai chuan ti in kan room lamah chuan ka chho a room chhung ka luh chuan U Ropuia chu a lo inthlak mek a khuma a thawmhnaw dah chu la in balbawmah ka dah lut a, vawikhat te mah min en lo a min be lo bawk.















" Vawin chu i chau em,"? Keimah zawk chuan ka be hmasa a, " um, " tih zawngin min chhang biak zawm leh chu a phurawm lo ve chiang ngawt mai, " Ruatdiki hi..." " hna thil avangin kanin hmu a chawei nghal turin ka sawm a nih kha, " ka thusawi tur pawh ka sawi zawh hma hauh chuan a lo ti a tawngchhun zawm tawh lo chuan amah chu ka melh deuh tawp, hna thil a tih miau avangin ka tan lo sawi buai vak kha a rem lo a ni. A inthlak zawh hnu chuan inhnuai lamah kanin zui thla a sitting room-a Ruatdiki lo thu in min lo hmuh chuan min ei loh hmel fe hian a ner deuh sak a a phone chu a khawih nghal daih bawk.















Dar 5 velah chaw kan ei a Ruatdiki chu U Ropuia bulah a thu zan bawk, chawei lai te chuan ka nu nen chuan anin be siam siama a karah U Ropuia a tawng ve zeuh zeuh bawk, ka awm ve tih chu an hre lo a ang mah zawk ang chu. " Khawi ka lo tihpui ang che, " chaweina hmun hnawk vel ka tihfai lai chuan Ruatdiki'n a lo ti a ka chhan hma hauh chuan ka nu chuan min lo chhan khalh a " Biaki khan ti mai rawhse he lamah lo thu phei rawh, " arawn ti deuh lang langa Ruatdiki pawh chuan a pan nghal vat, thleng ka sil zawh hnu a inpui lamah ka phei chuan ka nu chauh chu a lo awm a ka hawi kual nghal vat, " nu khaw nge U Ropuia te kha, "? tim dai hian ka nu Tv en chunga sofa a mu chu ka zawta " Diki a thlah a nih kha, " mi pawh en chuang lo chuan min chhanga ka bu deuh nghat.

















Ka pang na lutuk avang chuan inchung lamah ka chho a ka period ngei dawn tih ka chian avangin pad chu ka zawnga a lo awm tawh lo zui, thaw hak in ka purse chu ka la a inhnuai lamah chuan ka chhuk leh nghal zat a ka nu chu dawra ka kal lawk tur thu ka hrilha ka rin ang ngeiin min chhang lo a dawra ka kal tum chhan pawh min zawt bawk hek lo, in atang chuan ka chhuaka dawr kan hnaih lutuk lo bawk nen kal kawnga ka kal lai te chuan ka in dawm leh vawng vawng thin. Dawr ka thlen chuan a chhungah ka lut a Awmpuii chuan min lo be nghal vat.















" Tunlai chu iva vang ve, "? A ti deuh hluaia ka lo nui tawi tak, " ka buai thei lutuka pawn pawh ka chhuak hman lo, " ka tih chuan min buk khum nghat, " pad min lo pe, "? Ka tih chuan nghak lawk tura min ti in a in her a ka pad duh ang chi a zawng a ni ngei ang, " a mak kati e, hei leh chen hi innei tawha mahse fa hi in la nei bawk si lo, " pad min lo pe paha a tih chuan ka nui ringawt, a ni hi ka thian neihchhun tak meuh meuh a ni a Pasal nei tawhin fapa pakhat leh fanu pakhat a nei tawh bawk, mahse a pasal nen chuan nikum deuh lawk khan anin then a ti hian amahin an fate chu a enkawla, U Ropuia nen kanin neih atang chiah hre mah ila kanin kawm ngaiha kanin hrechiang em em bawk.















Kum ah chuan kei ai kum 4 laiin a u thung, mahse ' u ' tih a duh miau loh avangin a hming hian ka ko ve mai a kan mizia a in ang deuh bawk nen kanin kawm thei viau. " Tunlai phei chu i cher zual in ka hria, " ti pah in chik fe hian min melha a chek deuh hlak hlak bawk, " i nu lah saw i tha chauh hi a duh a i hriselna paw'n a tuar phah zo tawh a nih hi, " a ti deuh hlaka ka lo khap vat thung, kanin hmu zen zen lo bawk nen kan ti ti zui luama dawr atang ka chhuah meuh chuan zan dar 7:30 a pel deuh thuak tawh. Kawnga ka kal lai chuan thil hrang hrang ka ngaihtuaha, ka rilru a lian ber chu U Ropuia leh Ruatdiki te an ni, hna an thawk dun a nih ngat phei chuan nitin anin hmu thin ngei anga, ka ngaihtuahna chu duh lo lutuk in ka lu ka thing mat mat.















Tu emaw ka sut dawt chuan ka tawlh nghal dawr, " fimkhur ta che, " ti hluk tu chu dak deuhin ka en chho a a hmel chu a thim deuh bawk nen ka hmu chiang thei lo thung, " ka tih palh lutuk, " ka ti deuh sep a ka hma a ding erawh a lo thaw ri hrawk thung, " hnuailam bih ngur chunga i kal te chuan khatiang te chu a thleng ve tur reng alawm, " a rawn ti leh dut a chhan ngaihna pawh ka hre tawh lo, ka rilru kal ding lutuk avangin kawng pawh ka lo en lo a ka thiam loh vek a ni. " Ka tih palh a ni thildang daih ka lo ngaihtuaha ka kalna ka lo en lo a, " inthlahrung tak chuan ka ti leh a ka hma a ding pa pawh chu a kalsawn ve nghal mai bawk.

















Min kal pelh hnu chuan ka hawi let leh a, mipa sang tha tak chu a ni. U Ropuia pawh hi ka tan chuan a sang ve hle a mahse khapa kha chu U Ropuia a a sang leh chhawng a nia, " eng nge i tih, "? Rawn ti nghut tu avang chuam ka phu deuh zuk, ka hawiphei chuan U Ropuia chu ka hmu nghal zat, Ruatdiki thlah tura a kal kha arawn let ve chiah a ni ngei ang. " Eng itih ka tih chu, " arawn tih nawn leh chuan dawra ka kal thu in ka lo chhang nghal vat, " zana chhuah hi sim teh, " ti hluk in min kal pel a kei erawh ka din na ngaiah ka la ding reng thung, vawikhat tal hi min ngaihsak ve se ka ti thin chu erawh a thleng ngai dawn si lo, " lo kal ta che, " a rawn tih leh hluk chuan ka pan ve nghal vat, kawngtluan chuan in be miah lo in kan kal a hmelhriat loh bula awm ang mai ka ni

















In kan thlen hnu chuan a lo reh thiap a ka nu a mu tawh a ni ngei ang, kan pindan lamah chuan kanin zui chho a room chhung kan luh rual chuan bathroom lam chu ka pan nghal a, ka pad lei chu phawrhin ka inthlak a bathroom atang ka chhuah leh chuan U Ropuia chu khumah a lo thu a phone a khawih mual mual bawk, ka awm ve tih hre lo a ang mah zawk. Khum lam chu panin ka mu a a ni erawh phone chu a bih ngur a a nui leh suk suk thin bawk. Hetiang hian in pasal te awm ve ta se in ngaih atha bik angem ? A lam pawh chu hawi duh lo in a awm lohna lam chu ka hawi daih a ka mit ka chhing zui vang vang bawk.













A lo mut ve pawh chuan a sir ah a mu a ka hnaih a awm chu a hlau nimai ten ka hria. Nakin deuhah phei chuan phone call a hmanga a mi biak chu Ruatdiki ngei a ni bawkin ka hria, an tawng chu ka ngaithla kar a ti ring lo mahse zan a nih avangin a reh duak bawk si a Ruatdiki tawng pawh a fiah viau mai, ka dan rual loh in ka biangah chuan ka mittui a lo luang ngiai ngiai a ka kâ chu ka hup tlat bawk, " in nu chu a muhil tawh em ni, "? Ti ri te chu ka hrechiang ngang mai, tunah tak chuan hmun reh takah awm ila âwrawl tawp in tap hawm hawm ila chu chu ka chak ber.













Anin biak chhung chu ka muhil lo a anin biak zawh meuh chuan a tlai duai tawh bawk, ka rilru vak thui lutuk avang chuan mut pawh ka muhil thei lo a ka in let ka in let a, heng zawng zawng hi ka chungah a thleng chung pawn tih theih ka nei lo a, ka pasal in min rinawm loh san tih hre mah ila hre miah lo anga ka lan angai bawka, phatsan tawktu zawk ka ni chung pawn a chelhtu a ka tan a ngai leh zel bawk a ka hringnun hi ka kham ngawih ngawih. Ka hun kal tawh te ka ngaihtuah let a U Ropuia ka tawn hma te leh kanin ngaihzawn laia min duat dan zawng zawng te chu nimin lawka thleng ang maiin ka la hrechiang em em a, khang hun kha hlimawm ve viau mahse tun hun ka ngaihtuah hi chuan hun hi her let leh mai te ka duh rum rum thin.











💜💙( A KHUH HAWNNA CHAUH A LA NI RIH SIA A LA NGAIHNAWM VAK THEI LO A NI🤭 COMMENT LAMAH KHAN ENG NGE A AN DAWN LO SAWI VE ULA, COMMENT IN TAM DAN A ZIRIN KAN ZAWM LEH DAWN NIA )💙💜


CHUAN KA STORY HI A THUI LUTUK THEI TAWH DAWN LO AW, STORY TYPE PHEI HI CHUAN MIT TE HI A KHAM DUH SI A NANGNI PAWN MIN LO HRETHIAM DAWN NIA, AMAHERAWHCHU KA STORY HI TAWI DEUH MAHSE REGU KAN TUM VE THUNG DAWN NIA.



CURRENT A CHHIAT AVANGIN NAKTUK ZAN ERAWH KA DAH THEI CHIAH LO MAITHEI AW, A THAT HUNAH CHUAN KAN REGU TAWH ANG😂💜


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2023, 4:56 pm

NTHLAWI NAUPANGTEI
( CHAPTER-2 )
STORY OF: LALNUNNGHETI TETEI






Ni eng in min lo chhun chuan ka mit chu ka meng siar siar a nizana ka tahna avang khan a ni ngei ang ka mit leh ka lu chu a na bur mai. Ka men chhuah rual chuan kan room banga sana in tar chu ka melh nghal chat a dar 6:30 a pel der tawh mai, nizan lam ka mu tha vak lo bawk nen tukin chu tukdang ai chuan ka tho tlai hret, khum atang chuan ka tho a ka pasal muhil chu ka thlir deuh vang vang, nizan lamah pjone call a hmang rei bawka ala mutui khawp mai. Khum atang chuan tho chhuakin bathroom lam ka pan nghala darthlalangah ka hmel ka hmu chiah chu ka in hai dawn dawn alawm, ka tahna avangin ka mit a bui luk a ka sam a thur deuh bawk nen ka lan dan chu mawi lo tak a ni.

















Ka intihfai zawh hnu chuan inhnuai lamah ka chhuk thla a sitting room lamah chuan phei tlangin parda te chu ka keu hawnga zing ni chhuak chu amawi ngei mai, choka lamah chuan phei leh in thingpui ka chhuang nghal a ka nu leh U Ropuia hian thingpui hi an ngaina a an thawh ruala in tur a awm loh chuan an thinrim deuh ziah. Kei erawh an ni lakah chuan ka hrang hlak thung, thingpui ka ngaina lo a chutiangin sa pawh hi ka ngaina lo, ka nu leh U Ropuia hi chu sa tel lo a chawei hi an duh mang ngai lo. Ka nu hian thingtlang mi ka nih vanga thlai lam ngaina ah hian min puh mai zel a a dikna chen pawh a awm ve tho bawk, thingtlang ah chuan mahni thlai thar ngei mai kan ei a sa hi chu kan ngai lo ve chiang em, mahse kan ei ngai lo tawp chu a ni bik lo.
















Kan khaw lama ka awm lai kha chuan school kal loh ni a piangin lo ah kan feh thin a ka pi te'n huan an nei zau bawka thlai pawh a tam viau thin, thiante nen kan feh ho apiangin chaw kan fun a maian bai nen chauh khan thlamah kan ei thina kan puar ve em em tho. Khang hunlai te kha ka ngaihtuah chang hian ka ngai vawng vawng thin, tunah chuan ka thiante ho kha chu phaiah te awmin an tuina lam theuh an thawka kei erawh heti mai hi ka ni si, kan nun in thlau ta lutuk ka ngaihtuah chang te hian zirna chhunzawm lo a pasal ka nei mai hi ka inchhir rum rum thin, tih theih erawh a awm tawh si lo, ka ngaihtuah thina nu leh pa kar atanga seilian lo ni ve ta ila chuan hetiang ngawt hi chu ka ni bik hauh lo ang.













Ka tih dik loh min hrilhtu chu awm ve ni ta se tunah hian hna sang tak pawh ka thawk ve tawh ngei ang, school ka kal lai reng reng in a thiam thei lo ka ni ngai lo a zirtirtu te'n an fak pawl hi chu ka ni ve ziah. Ka pi leh ka pu te khan an theih chen chen ah chuan min puih ve tho mahse hlawh hlam nei bik lo na na na chuan high school ka rah chinah kha chuan min buaipui vek thei ta bik lo a, khata tang khan mahni in ka inchawma ka zirna sen so leh ka mamawh ang kha chu mahni in ka in ngaihtuah vek mai thin. Ka nu te unau atang leh ka pa te unau lam atang min ngaihsaktu ka nei lo a harsatni ber pawn biak pawh ngam tumah ka nei lo, ka pasal neih na ah pawh an ni lam atang chuan tumah an lo lang lo tawp bawk.















" Biaki i thingpui chhuan kha chhuang kang vek i tum a mi, "? Rawn ti hlak tu avang chuan ka harh chhuak zawk, rang takin gas chu ka off vat bawk ka ngaihtuahna kal thui lutuk avangin ka thingpui chhuan ka lo hre leh ta lo. " I mak thei em em lutuk mi in lo hmu che se mi â emaw an ti hrim hrim ang che, i ngawi vung vunga i melh ngai i melh tlawk tlawk zel mai, " ka nu chuan a ti leh hlak hlaka ka ngawi kar thung, ka haihawt lutuk hi chu ka in haw rum rum thin. " A kang vek lo maw, "? a tih leh chuan a kang loh thu in ka lo chhanga siam sak nghal tura mintih chuan ka che nghal vat.















Thingpui ka siam zawh chuan a hmaah ka va chhawp a a thingpui no chu la kangin a en vang vanga a ner deuh sak bawk, " hetiang te chu tu in nge maw induh ang le, bawng zun ang mai kha a dang va siam teh, " tih leh no chu dawhkanah a nghat ri chawrha thingpui pawh chu a baw then nghe nghe, a thingpui no chu la in adang chu ka siama ka pek leh hnu chuan la in a tho zui nghal tharh bawk. Ka nu choka atang a chhuah hnu chuan eirawng ka bawl tana nimin tlai lamah chawhmeh ka siam ho chu ala tam tho bawk nen lum leh tawp a nimaia chutiangin siam tur pawh a awm em em lo, a zia phian mai.













Chawbel ka siam zawh hnu chuan inchhung chu ka phiat fai leh thuak thuaka ka nu thingpui no nena a chhuak pawh arawn lut ve chiah bawk, pangpar angaina a zingkarah hi chuan a pangpar ho bula a awm hian a mood a tha ber zel. Dar 8 velah U Ropuia pawh chu inchung lam atang arawn chhuk thla a ahmel tak pawh chu ka lo en duh lo, ka na thar leh vawng vawng thin. " Thani thingpui chu min lo siam ve nghal teh, " a rawn ti deuh hluka keipawh chu ka che nghal vat, tawngkam nem hi chu ka dawng khat ve chiang alawm. Thingpui ka siam zawh hnu chuan a hmaah ka va dah a a lo ban nghal vat, a phone khawih mual mual pahin thingpui chu a lem leh khawlh thina keiin a hmel chu ngun takin ka lo en thung.
















" Ti nge khatia min en renga, " arawn tih thum dut chuan ka in siamtha vat, a phone chu dah thla in min melh ngura kanin pawh loh zia ka hre thar uar uar mai, ka pasal mah nise a mi en na avang ringawt pawh chuan ka zam em em mai bawk sia. " Eng nge maw i hriat le, "? a ti leh deuh hmuka thawk ka la nghal hap, " U pui vawin chu ihman chuan min lo bazar pui teh a, " chawhmeh lei ka ngaih chu hrechhuak thutin ka ti ta ringawta a chhan na tur chu ka hrechiang viau thung, " taxi la mai ta che, " arawn ti bul hmuk renga keipawh chu ka ngawi zui hmak. " Vawin chu chawlh a ni tho a ka kalpui dawn che a nia, " kan ngawih vang vang hnu a arawn tih leh tak si avang chuan phawk fe hian ka melh nghal vat.












" I ti tak tak em, "? Ka tih deuh hluai chuan a bu nghuta ka hlim veng veng mai, bazar tur ringawtin kal dawn mah ila kan pahnih chauha kan awm ve theih dawn avang chuan ka lawm a ni. " Dar 10 velah chhuak ila a pawi angem tih fel lawk tur ka nei a, " arawn tih leh chuan a pawi loh thu in ka lo chhang vat a ka hmelah hian ka hlim zia hi a lang hial ang. Midang lo duh pawh nise ka bula hun ahman tam phawt chuan a rilru hi ka thlak sak theih ka inring tlat a ni, duh taka a neih ka ni a a rilru ah hian hmun chu ka la chang ve ngei ang, a thinlungah hmun zau tak luah thei rih lo mah ila eng tik ni ah emaw chuan a thinlung zawng zawng hi ka nei leh thei em em ang, a hma a min hmangaih thin tu ka pasal ngei kha ka neih let leh theih nan chuan ka theihtawp in ka bei bawk ang.













Chawei kham lamah chuan kan nupa in kan room ah kan awma U Ropuia chuan khuma thu pahin a hna athawka kei erawh kan bazar na a ka hak tur kawr ka en thung. Ka duh taka ka lei vek mah nise vawin ni anga hak atan chuan ka duhthu am sam lo hlawm ngei mai, bazar mai mai tur mah ni ila kan chhuah dun na hmasa ber a ni dawn miaua thing deuha kal chu ka duh bik lo. " I hman dawn tawh em, "? arawn tih chuan alam chu ka hawia ka lu ka thing mat mat, a hna chu a thawk zo tawh a ni ngei ang khum atang chuan arawn chhuka min lo pan bawk, " i kawr hak tur i en em ni,"? a tih chuan ka lu ka bu leh tawp, " eng pawh kha ha la in hmeh vek alawm, keipawh ka in sil lawk ange, " tih leh bathroom lamah kal a ruala kei erawh ka ding khawng at thung.













Ka pasal kâ atang ngeia fakna hriat chu a nuam tak zet, khatianga dam dap a min biak lohna kha engtia rei nge ni tawh ? Vawin chu ka hlim tak zet, a rilru chhungril chu eng pawh ni se a nupui ka nihna hi a ni pawn ala hrechiang viau tih ka hria a ka lawm tak zet. Phur takin ka wardrobe chu ka hawng ka kawrfual par simple deuh ber chu ka la chhuaka ka in thawlh nghal zat, full mirror ah chuan ka in en vang vanga ka inhmeh viau chuan ka hria, cream rawng a ni bawka ka vun rawng nen pawh a in hmeh viau, ka ngo lutuk lo a ka dum bawk hek lo thenkhat phei chuan ka vun rawng hi a nalh tawk viau thu an sawi ve fo thin. Ka kawr hak nena in mil turin ka sam chu ka tawn sang vaha Bazar tur mai mai mah ni ila lan mawi loh chu ka hlau viau mai.

















U Ropuia bathroom atang a lo chhuah chuan alam chu ka hawia tshirt dum a ha a a kekawr erawh ala thlak loh avangin a bul a ha a, towel varin a lu a hru pah bawk min hmu chiah chu a ding dat a min nuih suk bawk, a nui hmel ka hmuh lohna chin pawh ka hre tawh lo. " Ka sawi kha eng pawh in hmeh vek, " ti sup in a thawmhnaw bawm a hai a kekawr ala chhuak nghal zat bawk, a thusawi avang chuan kei ka nuisang thung. A insiam zawh hnu chuan inhnuai ah kanin zui thla a ka nu in min hmuh chuan mak min lo tih hmel ngang mai, " eng nge in tih dawn, "? arawn ti deuh hu a kan bazar tur thu in U Puia chuan a lo chhang a mak minla tih hmel ngang mai.














" Nangmah in bazar mai ta che a chawlh ni ah tal chuan inah te hian hahdam ve thin se, " ka nu chuan lungawi zan lo hian a lo ti a kan chhang lem lo thung, mahse athusawi avang chuan nuam lo ka ti zo vek, " U Pui keimah pawn ka kal thei tho va duh leh lo awm hahdam mai rawh, " pawna kanin zui chhuah hnu chuan nuam lo ka tih leh deuh si avangin ka ti deuh sep a min lo melh nghal vut, " ka nu thusawi kha chu eng ngah mah ngai suh, lo kal rawh, " tih leh a motor dahna lam chu pan a ruala keipawh chuan ngawirengin ka zui ve mai bawk, mahse nuam lo ka ti deuh tlat tawh ka nu thusawi pawh kha a dikna chin chu a awm ve tho mai, kartluanin hna athawka a chawlh ve ni ah lah ka lo tibuai ve leh zel bawk sia.












Motor-a kan chuan chhung zawng chu kanin be lo a hla a play chu ka rilru in ka sak pui a pawn lam chu ka hawi daih bawk. Bazar kan thlen hnu chuan car atang ka chhuka U Puia motor park tha chu ka nghak leh te te a ka bul a lo thlen rual chuan kan kal nghal a, " mamawh i nei em, "? a rawn tih chuan ka melh chho deuh ha a chutiang min zawhna chang a hriat ka rin loh tehreng nen, " nei hran lo e chawhmeh chu lei vat ila kan haw dawn nia, " ka lo ti zung zunga, kan chhuah dawna ka phur teh lul nen ka nu thusawi avang khan ka awm a nuam lo zo vek tawh












Chawhmeh chu ka lei a U Puia chuan a lo khai zel thung, " i lei duh tawk dawn tawh em, "? thlai hnah lam pang ka en lai chuan arawn ti dut a alam chu ka hawi nghal vat, " aw lei zo tawh khawi ka lo khai pui ang che, " a rit a tih ka rin vang chuan ka ti a a ni erawh a pensawn daih thung, a hnungah chuan ka zui ve zel a a car dahna kan thlen chuan chawhmeh vel chu a dah lut a kan haw nghal dawn emaw ti in luh mai ka tum chu ka banah min lo vuana ka melh nghal vat, " dawrah chawl lawk ang, " a ti thum leh dut a keipawh chuan ka hnial bik lem lo, kan pahnih in restaurant lamah chuan kanin zui phei a dawr kan thleng tep tih ah chuan ka mi hmuh duh loh ber chu kan tawk hlawl zui, " nangni nupa chu eng nge intih a, "? tiin Ruatdiki chuan ka mitah chuan min melh ralh a a nuisang bawk.












" Kan bazar a, " U Puia'n a ngawih reng takah chuan ka ti sep a Ruatdiki chu a lo bu nghal nghat, " lo va lut la hna thil kan han sawi dun lawk ange, " U Puia'n arawn tih chuan ka melh chho nghal vut, a ni erawh chuan Ruatdiki ngawt a melh thung, " kan rei lo ang i pasal hi rei lo te ka lo hawh lawk, " fiamthu deuha Ruatdikin a lo tih chuan za lo tak hian ka lo then sak a U Puia banah chuan a lo chelh nghal zat bawk, " lo va lut rawh, " U Puia bawk chuan a ti leh a an pahnih chuan an kalsawn nghal bawk, anin zui chu ka thlir renga ka tawt leh et et tawh nichin lawk kha chuan ka la hlim ve viau a sin, dawr pakhata anin zui luh daih takah chuan keipawh chu restaurant ah chuan ka lut ve nghala rin ai chawl an tam daih mai, ka hawi kual thuak thuaka thutna awl pakhat lo awm ka hmuh chuan ka pan nghal chat.
















" Ka pi eng nge i ei duh ang, " ka thut thlak rual chuan mipa pakhat hian arawn ti a ka lo melh vat, " ka mi nghah lo thlen hunah kan lo order zawk dawn nia, " ka tih chuan a lo bu nghata a kalsawn zui nghal bawk. Restaurent changkang ve tak a nia mi pawh an tam ngang mai, " ka pi thutna dang a awl rih si lo a midang nena table intawm pawi iti em, "? nichina rawn kal bawk khan a lo ti leha U Puia a lo la kal chuang lo tiin ka lo aw ve vat, nakin deuhah chuan mipa hleitling zet hi arawn thu a ka lo melh deuh kar, ka hmuh hnu a ang em em zui. A phone chu a kekawr ipte atang a phawrha a thai nghal mual mual bawk, a hmel chu a tha viau lehnghala mahse a nelawm vak loh hmel.















" Ka pu eng nge i ei duh ang, "? Pakhatin arawn tih chuan a ei duh zawng chu a sawi nghal a a âw pawh a thum tha dut dut khawp mai, a eitur chah lah chu a hming pawh ka lam thiam thak lo. " Ka pi nang eng nge i duh ang"? ka hma a thupa in order a siam zawh hnu chuan min rawn zawt ve a " Kei chu nakinah, " ka lo ti nghal sep, waiter a kal sawn hnu chuan ka hmaa thupa chuan min lo melh zuk a kan mit chu a in tawng chiang ngang mai, rang fahran hian ka hawisawna a la nui ri suk zui. School naupang lo lut ho chuan kan thutna lam chu an rawn hawi sap sap a an phun ru pah ser ser bawk, eng tak chu hria nimaw.













Ka hma a thupa chuan a thil chah chu a ei mial miala ka awm ve tih chu hre lo a ang mah zawk, " sir i chawl ve animaw, "? hmeichhe pathum vel hi kan table bulah chuan an lo dinga ka lo melh vat, an ni erawh in ka hmaa thupa chu a en thung, " Sir " an tih danah ka hmaa thupa chu zirtirtu a ni ngei ang, " Um, in chawl ve zawk dawn em ni, "? Ka hmaa thupa chuan melh pahin a ti sup a hmeichhe ho chu an lo bu nghal nghat, " Sir kan section ho bik khan picnic kan tia lo kal ve ta che, " hmeichhe pakhat chuan a lo ti leh a a nelawm loh hmel tehreng nen a zirlai te chuan an nel hmel viau bawksia a fel ru phian a ni ngei ang, " ka lo ngaihtuah tha leh dawn nia, " a rawn ti leh sup a hmeichhe ho pawh chu lawm hmel fe hian an kalsawn nghal.













" Zirtirtu i nia mi, "? Biak loh ai ah tiin ka zawt a min lo melh leh ngur tawh, " professor, " a ti leh mai a ka chhang zui lem lo, " eng mah i ei dawn lo em ni, "? A tih chuan mi nghah ka neih thu in ka chhanga a tawng zui leh tawh lo. " Kan kal nghal mai dawn mi, "? U Puia chuan ka bul a lo thlen rual chuan arawn ti nghala ka melh deuh haw thung, " hna pawimawh khawih lawk tur ka nei a ka hmanhmawh, " ka chhan loh avang chuan a lo ti leh a keipawh chu ka tho ve nghal mai bawk, " nangmah khan ei mai tur che nia, " ka hmaa thu pa bawk chuan arawn ti leh a a tho zui ve nghal bawk, a pensawn hnu chuan ka thlir zui renga a mizia chu mak ka ti reuh viau mai, " i hria em ni, "? U puia'n a lo tih chuan in herin a mah chu ka en a ka hriat loh thuin ka chhang nghal sep.

















Restaurant atang kanin zui chhuah hnu chuan a car dahna lam kan pan a, kan thlen rual chuan a lut nghal vat a mi pawh a ngaihsak tawh lo hrim hrim, Car a ka luh ve dawn lai chuan ka hma a mipa ding chu ka melha dawra mi tho kha a ni, min lo melh ngura chutiangin keipawn, " lo lut vat la, " dawh thei lo tih hriat takin U Puia chuan a rawn ti bul hmuka keipawh chu ka che ve nghal vat, kan thu fel hman awr ang tih ah U Puia chu atlan chhuaka a hmanhmawh hmel ngang mai, kawngtluan chuan kanin be lo a in kan thlen chuan amah chu a chhuak nghal vut bawk, a awmdan chuan minti hrilh hai lek lek zawk alawm. Inchhung ka luh ve chuan U Puia chu kan pindan atang arawn chhuk leh der tawha file pakhat a keng bawk.
















" Puia eng nge i tih dawn, "? Ka nu in a lo tih chuan a ding dat a thawk a la hawk bawk, " kan company ah buaina tlem a awma ka kal vat angai, " ti sup in achhuak zui nghala ka nu nen chuan kan thlir deuh tawp, " mahni khan bazar ve mai tur che alawm, chhuah pui daw daw lo la khati khawp khan a hah angai lo tur a nia, " ka nu chuan a ti ram hmak a a mitmeng chu a rum em em bawk, ka inthiam lo thar tak zet vawin ni khera ka lo sawm chhuak chu a fuh ber lo a nih hi. " Chho la va inthlak rawh eirawng bawl a hun mai dawn, " ti lehin a room lamah a lut a keipawh chu kan room lamah ka chho ve nghal.















Ka inthlak zawh hnu chuan in hnuaiah eirawng bawl turin ka chhuka ka nu chu hmuh tur a lo awm leh tawh lo, room-ah a la awm a nih ka ring. Choka lamah chuan pheiin fridge chu ka hawnga kan chawhmeh lei kan dah lo tih ka hriat chuan ka phone ka zawng nghal ruai, U Puia Car atang kan chhuah khan kan khai chhuak lo ve ve kha a nia. Ka phone chu ka la a U Puia chu number chu ka hmetchhuaka call ka tum deuh na chu an la buai ka rin avangin ka call leh ta lem lo a ka nu chuan hriase min hau phah nan a hmang leh ngei ang. Chawhmeh la awm ang ang chu la chhuakin ka siama vawina ka mipa hmuh ngawt kha ka rilru ah a awm, hmuj tawhna ka nei tlatin ka hria ka ngaihtuah chhuak thei mai bawk si lo.














Eirawng ka bawl zawh hnu ah pawh ka nu chu a lo la lang mai lo a lehlam takah chuan a hahdam thlak. Eirawng ka bawl zo tawh tho bawk nen tih tur dang ka hre lo chuan pawnah chhuakin pangpar ho chu ka thlira ka nui nghal ver ver, pangpar mawi tak ka hmuh hi chuan ka hlim veng veng thin, kan khaw lama ka awm lai pawn pangpar hi chu kanin bulah ka phun teuh thin a mi pawn mawi an ti ve viau zel, " Thante i awm maw, " rawn ti tu lam chu ka hawia Awmpuii lek chu ni in, " min rawn leng dawn elaw, "? Ka tih chuan a lu a bu deuh nghat nghata ka bul a lo thlen rual chuan min lo kuah nghal zat.











" Chaw in ei tawh em, "? A tih chuan kan la ei loh thu in ka chhanga an ni erawh an ei leh tawh bik niawm tak a ni, " ti nge Joseph-a te unau i lo hruai loh, " ka tih chuan " mahni a len ka duh a, " a ti leh maia a hahthlak thin a nia, " tak tak in ka nu te'n an lo hruaia zanin chu saw lamah an riak ang, " amah bawk chuan a ti leha keipawh chu ka lo bu ve nghat, " inchhungah lut ang, " tih leh luh aruala keipawh chuan ka zui ve nghal, " in lah hi in nei nuam nasa mai sia, " ti pahin sofa-ah chuan a thu thla a keipawh a bulah chuan ka thu ve nghal, " chaw in ei leh der tawh tihna a mi, "? Ka tih chuan lu thing mat mat pah hian,













" ala hma em hi, chu lo ah ka fate saw lamah an phei daih sia mahni a ei chu ka peih lo, " a ti leh a a thu awn duai bawk, " kan rualin i ei ve dawn nia, " ka tih chuan min chhang zui lem lo. " In pa hi a lo la haw lo tihna mi, "? A tih chuan ka bu nghata a lo thu ngil nghal awt, " en teh thil ka hrilh ang che, " ti pah chuan a hawi kuala tumah a hmuh loh takah chuan min lo thut hnaih deuh ruak bawk, " Tunlai chu Ruatdiki leh inpa hi anin zui uar lutuk a nia, kei chauh ni lo thenawm khawveng zawng zawng pawn an hre vek, " a rawn ti ru sar sar a ka hriatsa deuh a nih avangin sawi vak tur pawh ka hre lo.











" In pa hi veng uluk hle rawh, i lo awm hma atang tawhin Ruatdiki nen hian anin zui a nangpawn i hre tho a, in pa first love a lo ni leh zel bawk nen veng tha hle rawh, hmangaih hmasa ber te hi chu theihnghilh an har an tih thin kha, " a ti leh charh charha ka thin zawn chu a thip veng veng mai, " i hre chiang em, "? ka hriatsa chu ni tho mahse ka awi phal lo, a hriat chian loh thu emaw tal in min chhang se ka ti tak zet " Chiang e, ka hriatchian em vang alawm ka hrilh che, " arawn ti leha a tawngdanah chuan a in ring tawk hle bawk.










( ZANIN ATAN CHUAN HETI ZAWNG HI NI RAWH SE.....COMMENT IN TLEM HI CHUAN CHAPTER THAR DAH TE HI A PHUR AWM HLAWL LO. )🥀💜


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2023, 4:56 pm

NUTHLAWI NAUPANGTEI
( CHAPTER-3 )
STORY OF: LALNUNNGHETI TETEI






Awmpuii thusawi avang chuan ka rilru chu a buai nuai a ni ber mai, ka hriatsa ni tho mahse midang kâ atanga chutiang thu hriat chu a nuam duh lo em a ni, chutah a ni phei chu ka thiantha ber a nia chutiang thu min hrilh chu ka zak ru chem chem bawk. " Ka sawi chu hre reng rawh, i pasal hi i thunun hneh hle a nih loh chuan a tawpa i chan tur chu i hriat kha, keimah anga awm ve tur hian ka duh lo che a nia, lehlam takah chuan nangni chu fa in nei lo hlauha, chuti ni lo se ka chan ang hi nangpawh i chan tur a nimai, " a ti leh charh charha a thusawi chu a dik viau bawk, a ni pawh hi a pasal in a uire san vanga inthen an nia chuvang tak chuan hetiang thu min hrilh pawh hi a ni.














" Eng tia tih tur nge pawh ka hre lo, i lakah chuan ka zep lo a zep pawh tul ka ti hek lo, kan nupa kar hi a tha lo tak zet, chu chu nangpawn a chhan i hria a mahse han then ngawt dawn ila eng tin nge ka awm ang, ? Belh tur ka neih loh zia i hriat kha, kan khaw lamah haw ngawt ila khawiah nge ka khawsak ang ? Ka pi leh pu te bulah lah ka pute-a te nupa an khawsa a an chhangchhe ve tho bawksi, belh tur tumah ka nei lo chuvang a nia engkim hre vek chung pawha ka la tuar hram hram ni, " ka sawi zawng te chuan ka hnuk a ulh deuh tun a Awmi pawh chuan min lainat hmel takin min en reng bawk.













" Ka din hmun pawh tha bik viau lo mahse keichuan belh tur chhungte ka la nei a lehlam takah chuan ka vannei, mahse nang chu belh tur chhungte i nei si lo," a ti vawng vawnga a âw ah chuan min lainat zia ka hre thei, vanduai ro ro pawh hi kan in ang lo ngei mai, " min ngaihtuah lo la kanin then em loh turah ngai phawt ang, " a rilru nawm deuh nan chuan ka tita ringawta ka thusawi chu kei ngei pawh hian pawm harsa ka ti, " hetiang hi kan ni tawha tunah chuan i rilru siam fel a tul tawh zawk, tun atang hian i tan bei tawh rawh lehkha pawh kei ai chuan i zirsanga i thawh theih tur hna a tam ang chu, mahni in chawmna tur ngaihtuah rawh, "

a ti leh a keipawn a thusawi chu ka pawmpui, heiang hian eng tia rei nge ka awm theih ang ? Ka pasal in min rinawm loh san tih hre reng chung pawha a chelh tu nih reng chu ka tan pawh a tlawm thlak lutuk.













" Lo inthen ta pawh ni ula mahni tal in chawm theih chuan itan pawh a zia ve deuh dawn alawm, " a ti leha ka chhang zui tawh lem lo, thudang sawiin ka ti ti pui ta daiha a ni pawh chuan a sawi zui lem lo, ka nu lo lut in kan thiandun min hmuh chuan mi pawh be lem lo in a room lamah a lut tlang daiha ka thaw deuh halh, Awmi nena kanin kawm thin hi a ngai thei vak lo tih ka hria, mahse ka tana tha tur leh tha lo tur chu ka hriatthiam ve vek tawh avangin Awmi kawm hi a pawina ka hre lo, " i nu ang hi chu nikhat pawh ka hrawn peih lo, chu ai chuan kum za tawngtai pawh ka peih daih zawk ang, " fiamthu deuh hian a ti ser ser a ka lo khap vat, ka nu in a lo hriat thawi palh hlauh ka hlau a ni, Awmi hi chu dang ring chi a ni ve a atawng zawi ve viau emaw tih pawh hian kan thusawi hi kan bula mi ten an hre pha ziah.














" A nih ka phei dawn, kan nuhrawni saw ka hmu peih lo a mengrum thei si, " tih leh thawh a ruala keipawh ka ding chhuak ve nghal, chaweiah ka sawm ngialna a ka nu a awm avangin a duh lo tlata keipawn ka tih lui duh bik lo, pawn thleng chuan ka thlaha a kal dawn chuan min en deuh vang vang pah hian, " i duh chuan i thawh theih tur ka lo zawnpui ang che, inthen kher lo mah ula nangma hman chawp ve tur i in tuak theih nan, " a ti sep a mi hi chu a ngaihtuah ve tak zet a ni. " Ka lo ngaihtuah tha dawn nia, " ka tih tak ah chuan lungawi hmel tak hian a bu nghata a kal zui nghal, gate pawn a thlen hnu chuan inchhungah ka luta ka nu chu a room atang a lo chhuak ve chiah bawk.















" Lalawmpuii nen hian inla in kawm thin a nimaw, " choka lama ka lut tur chu a zawhna avang chuan ding datin a lam chu ka hawi a ka bu deuh nghat, " henu hi chu kawm tam vak suh, dawt a sawithei si nuthlawi ania zah a hre bawk si lo, " a ti deuh duaha ka ngaihdan chu a ni vak bik lo, anni ai chuan ka hrechianga hetianga an sawi hi chuan hreawm ka ti tlat thin, " ka nu i ngaih ang kha a ni lo a fel lutuk, i sawi ang kha lo ni tak tak ta se a hrechiang ber tur chu ka ni ngei ang, " ka ti ve duaha a hmelah chuan alawm vak lo tih ka hrethiam bawk.













" Mi pawn an sawi nasat em hi, nuthlawi zah hre lo a nih hi, mipa a duh ropui si a fate pawh a mipa duh luat ah a nu te inlam ah ngawt a nih saw a dah, " a ti leh hlak hlaka Awmi chung chang a sawidan avang chuan ka ngaihdan a ni vak lo, achhan pawh Awmi hi chu ka hrechiang ve miau a, " Chutiang a ni lo, Awmi te chuan a fate tan theihtawp a chhuah zawk a sin, " tawi fel tak chuan ka ti a, ka sawi duah kha chuan a thin ka ti rim ting dawn si a chhan vak ngam pawh a ni lo, " aw eng pawh nise nanga in awm reng ai chuan thil ka hre tam zawk min hnial tawh lo in chawhmeh ho kha va lum rawh, " ti deuh hmak in sitting room lamah chuan a phei a keipawh chu choka ah ka lut zui ve nghal.













Eirawng ka bawl zawhna a rei ve leh tawh bawk nen chawhmeh ho chu a dai vek tawha gas ah chuan chhuang lum in ka phone chu ka en a, kan khaw lama ka thiante ho min lo biakna chu ka hmu ka chhang ve nghal zat, ka high school kalpui te ho nena group kan siam ah chuan kan nawia in hmuh lohna a rei ve tawh bawk nen ka ngai ve hlawm tak zet, group message tur ka type lai chuan phone call ka dawnga min lo call tu chu Rempuii a ni, kan khaw lamah chuan ka thian kawm ve ber a nia U Puia nen kanin neih khan thianah ka hmang bawk. " Hello, " ka tih rual chuan a lo ri leh hlut tawh, " in duh zia hi biak hmasak kher loh chuan min biak pawh i tum lo, " a rawn ti tawn tawna ka nui deuh hak.














" Ka buai ve thei lutuka, in dam tha maw, "? Ka ti a an dam that thu in min lo chhang ve nghal, " Aizawl ah kan lo kal dawn a nia, " a tih chuan ka lo phur ve nghal em em ringawt, in hmuh lohna a rei ve tawh bawk em a ni, " tu nen nge in lo kal dawn, "? Ka ti leh nghal a, " Mawitei, Chami leh kei kan ni mai kha lama ka ni te kha an zin dawna chumi chhung chu anin kan luahdawn a, " arawn ti nghal zung zunga a âw atang chuan a phur hle a nih hmel, " a that chu kanin ah te in lo leng ang chu, " ka tih chuan " dawn chiang, chawei ah min sawm nghal ang che, " a rawn ti ve nghala kan pahnih chuan kan nui dun nghal hak hak.









____________Zawmna_________



Rempuii nen kanin biak zawh chuan inpui lamah ka pheia ka nu chu sofa ah a lo muhil a ka ti harh duh lem lo, tih tur a awm lo bawk nen tv chu ka en mai mai a kawngkhar in hawngri ka hriat chuan ka hawi phei nghal vat, U Puia chu a lo pen lut a awm danah chuan a rui a nih hmel. Zu hi a in ve zeuh zeuh thina tam erawh a in ngai lo thung, vawin erawh chu a rui ve deuh viau mai. Pan hnai vatin a bag ah chu ka laksaka min lo melh deuh ngur mai, " Thani, " a ti sup a a tawng leh tur ngaichang tak chuan keiin ka lo melh ngar thung, " in be lawk ang, " rei fe a ngawih hnu ah chuan a ti a in chung lamah a chho zui nghal bawk.











Chutianga min biak a duh thut chu ka ngaih a tha vak lo, a ruih lai hi chuan a tawng mawh khawpa mi pawh a be ngai lo tun tum erawh a dan a dang deuh. In chung lamah chuan a bag khai chungin ka chho a kan room-a ka luh chuan tukverh bulah kekawr ipte zen tat pahin a lo dinga pawn lam ngawt chu a thlir thung. " U Pui chaw ei hmasa phawt ila ka nu ril atam tawh ange, " ngawirenga a din avang chuan ka ti ta ringawta chutah ka lam chu rawn hawiin mit meng dul tak hian min en a thawk a la pah hawk bawk. " In then ang, " ka rin loh lutuka a lo tih chuan ka khawng nghal awt a sawitur ber pawh ka hre lo. " U Pui, " sawi tur ka hriat loh lutuk avang chuan ka ti zawi sep a a ni erawh a thu tak hmel viau thung.













" I hria a kan nupa kar hlim loh zia chu, chuvangin inthen zawk mai ang, " arawn ti nawn leh a ka mumang ni se ka ti tak zet, " ai ka duh lo, kan nupa kar chu a tha vak lo pawh a ni thei mahse kan siamtha thei, theihtawp ka chhuah ang, " ka sawi zawng te chuan tlawm ka in ti ngawih ngawih, mahse tih theih ka nei lo miau a U Puia hi ka la duh bawk chutianga then mai chu ka thei lo. " Kanin then angai min hnial lo khan ka thusawi chu zawm mai mai rawh, " arawn ti leh nghuta beidawng zetin ka melh tlawk tlawk, " Ruatdiki a rai tih theih a awm lo, " arawn ti leh chiah chu ka meng bial nghal kawk, " U Pui, eng...eng maw i sawi, tuna ka thuhriat kha a tak tak a ni lo tiraw, "? Ka thuhriat in min thawn em avang chuan ka âw te chu a khur der der thei hial.












" Thani thudik a ni, Ruatdiki'n ka fa a pai mek chu vangin inthen zawk mai ang, " arawn ti nawn leh a zawh nawn a ngai tawh mawlh lo, ka thuhriat chuan ka chhungril hi a ti nghing lawih a ni ber, engtia lo dawn sawn tur nge ka hrethiam lo. " In enkawlna tur chu keiman ka tum sak vek ang che pawisa pawh i duh zat zat min dil thei ang, ka thiam loh a ni tih ka hria chuvangin i duh duh min dil thei eng mah ka sawi sel lo ang, " a thusawi avang chuan ka nui ro hak, ngaihdam vawikhat te pawh min dil miah lo a hetiang em em hi chu a nih ka ring lo.




" A tha e, i duh ang ngei chuan kanin then ang, mahse hei hi lo hre rawh kanin then hnu chuan vawikhat mah ka mit hmuh ah rawnin lan suh ang che, i pawisa cheng khat pawh kha ka la lo ang, tun atang chuan nang leh kei hi mihrang kan ni, " ti ve hmak in ka thawmhnaw dahna lam chu ka pana ka in siam nghal mawlh mawlh.












Chutia thawmhnaw siama ka buai lai chuan ka bul hnaiah a lo kala vawikhat pawh ka melh lo, ka mittui te chuan ka khaw hmuh a ti phe ruaia ka mittui tla tur chu ka dang tang tang a ni ber. " Tun ang hunah chuan khawiah nge maw i kal chuan ang le, naktuk lamah kan sawitha dawn nia, " ka kut a lo chelh pah chuan a lo ti sup a a kut chu ka thing thla nghal hnawk, " sawi tur eng nge la awm ? A chiang tawk viau a ni lawm ni nangmah ngeiin i sawi kha in then i duh ti in, minute khat lek pawh i bulah hian ka awm duh tawh lo ka ten hluah hluah che,


i thil tih sual hre reng chunga ka lo en liam thin che kha ka tihsual vek a ni tunah hian ka tihsual rah chu ka seng bawka, ka na tawk viau tawh e " tiin beidawng zet chuan ka thaw chhuak hak a ka thawmhnaw chu ka khung tha leh nghal mawlh mawlh.













" Nu Zodini te ka phone anga zanin chu an in ah i awm dawn nia, " a tih leh chuan ka bag chu ka khai kang a a hmaah chuan ka ding nghal ran bawk, " inzawmna kan nei tawh lo a chuvangin min ngaihtuah duh suh, i hmel hmuh chu sawi loh i âw hriat ringawt pawh hi ka duh lo. " Ti lehin ka kal pel a a ni pawh chuan min lo dang tawh bik lo, inhnuaia ka chhuk thla ka nu in min lo hmuh chuan min lo pan phei nghal vat, " eng nge thil awmzia hi, khawiah nge i kal dawn, "? Ka bag khai melh zeuh paha a tih chuan ka thaw nghal halh, " ka haw tawh dawn i lo in enkawl tha dawn nia, " ti sep in kawngkhar lamah chuan ka pheia gate lamah chuan ka pen nghal hlawk hlawk.













Kawnga ka kal lai te chuan eng dang mah ka ngaihtuah thei lo, khati khawpa ka dawhthei chung pawh khan hetianghi ka tawpna chu a ni leh ta tho a, kum 6 chhung teh meuh ka chenpui ka pasal chuan hmeichhe dang lakah min rinawm loh san a, chungte ka ngaihtuah phei chuan ka thin zawn hi a thip vung vunga awm ngaihna reng ka hre lo. Awmpuii dawr lamah chuan ka pheia a ni hi chu engkim ka hrilh ngamna leh ka chanchin hre chiang ber tu a nih avangin ka pan ngam ber leh ka rin ngam ber a ni. A dawr kawt ka thlen chuan ka ding renga khua lah chu a thim thet thet tawha, chawei lo a chhuak ka ni leh zel nen ka ril pawh a tam tak zet.












" Thanthan eng nge i lo tih, " ? Dawr atanga Awmi lo chhuak in a lo tih chuan ka lo dang ve tang tang ka mittui chu a lo baw hawk a, Awmi chuan min lo pan hnaiin min lo kuah thlawpa keipawh chuan ka lo kuah let ve vat, ka tah chhung chuan zawhna min zawt lo a ka hnungah chuan a chul hliau hliaua kei erawh ka tap nasa viau thung, " tirawh lut phawt ang, " ka tah ban hnu chuan a ti a ka bag khai chu min laksak nghal bawk, a dawr chhungah chuan kanin zui luta dawr tê lutuk a ni lo bawk nen a zia phian. " Tah hian thu la, " tiin chair pakhatah chuan min thut thlak tir a a ni pawh chu ka hmaah a lo thu thla ve nghal.












" Eng nge thil awmzia chiang deuhin han sawi teh, " ti sep in ka kut chu a lo chelha ka lo hmer nghet nghal salh, thaw lak hak in thil awm zia chu a tir atang chuan ka hrilh vek a ka hnuk a ulh deuh bawk nen ka tawng pawh chu a fiah lo viau mai, mahse Awmi chuan a hre fiah viau thung a niang chu ka sawi zawh rual chuan a ang nghal bawrh bawrh a min hau pah bawk, " hetiang mai maia a tih tur hi i ni bik hleinem, an tlakchhiat pah rawk na tur khawp sum kan dil dawn nia zak lo lutuk, " a ti nghal hlak hlaka a thinrim zia chu a beng sen tawn tawn atang chuan ka hre thei.












Hetiang khawpa a thinrim hi ka vawihnih hmuhna chauh a ni, vawikhat chu a pasal in a phatsan tum khan a nia chuan tunah hian a ni leh bawka, " eng mah a lak atang ka duh lo, vawikhat pawh hmuh leh ka duh bawk hek lo, naktuk ah ticket ka la anga kan khaw lamah ka haw phei nghal ang, " ka tih chuan a lo chek nghal hlak hlak, " awlsam taka ngaihdam mai i tum em ni ? Ngaihtuah rawh hetiang khawp hian a ti na che a nang lah chuan kal bosan i duh thung a, amah i tih hreawm ve theih dan chu a mit hmuha i awm reng hian a ni, " a ti leh dap dap keiai mahin a thinrim emaw tih tur a ni.











" Ka ngaidam tihna a ni kher hleinem, mahse chumi avang chuan tihnat ve kher tul ka ti lo, hei hi ka tana tha tur pawh a ni zawk mai thei a sin, chutiangin U Puia tan pawh atha zawk ang, naute neih kha a chak em em thina keiin a duh ka tihsak theih loh laiin Ruatdiki chuan a duhthusam a ti hlawhtling thei dawn a, tunah chuan la na viau mah ila nakin zela ka hlimna tur zawk a nih ka ring, " tiin ka rilru a thu awm chu ka sawia Awmi erawh chuan ka thusawi avang chuan min melh nasa viau mai, mahse ka thusawi te kha ka ti tak tak a ni.











" I rilru a that leh lutuk avang hian alawm tun hun hi i thlen, i hriat tirh te khan en liam mai lo in bei let ve la chu tiang hi in thleng kher lo ang, a tawpah chuan a tuartu leh rilru na chu nangmah i ni leh tho, " a ti leha ka chhang zui tawh lem lo, eng pawh sawi mah ila a thinrim lak lawh bawk nen min hnialna tur leh ka thiam loh a nihna sawitur a hre zel dawn tho. " Engtia awm zel nge i tum, "? rei fe kan ngawih tak hnuah chuan a ti a, a thinrimna a beidang ve thei hram a nih hmel, " ka hre bik lo, kan khaw lamah ka haw phawt anga...." " haw lo ang hetah awm rawh, keipawh ka nu te veng lamah ka awm tawh dawn tho alawm in luah tur zawng la, " ka thusawi tur pawh ka sawi zawh hma chuan a lo ti zung zunga thil hi a ngai awlsam thei bik sia.















" In luah tur chu zawng ringawt mah ila engtin nge a luhman ka pek ang, pawisa ka neih loh zia chu a hrechiang ber tu i nih kha, " ka ti a, a lo bu ve nghat tho thil hi ngaihtuah chiang hmasa lo in a sawi ve phawng phawng thin a, " B.A thleng i zir tiraw, "? Arawn tih leh daih chuan ka bu nghal nghat, " kan veng lamah hian middle school ding thar a awma chuta thawk tur chu an la in daih lo lutuka kan dil ve chhin dawn a mi, "? A thusawi pawh chu ka ngaihtuah tha hlei thei lo, ka awm zel dan tur ngaihtuahin ka buai nuai a ni ber mai, " middle school zirtirtu em han ni tur chuan ka zirsang tawk lo em mai, " ti in ka tho kang a eng mah a sawi zui tawh bik lo.













" Zanin chu ka dawrah hian kan riak mai dawn nia, i ril te atam ang noodles hi ka lo chhum ang, " ti leh in a thutna atang chuan a tho a engtin mah ka chhang zui lo, ka hun kal tawh te ka ngaihtuaha khang hun chhung zawnga ka lo dawh char char thin kha ka in chhir ve tak zet, ka tawpna tur ka hrechiang em em chung pawn keima tan ngei pawh ka bei let ngam lo a, heng thil ka chunga a thlen chhanah hian ka thiam bik miah lo. Ka phone ri avang chuan ka ngaihtuahna a tang harh chhuakin min lo call tu chu ka en a, tudang ni lo in Pa Maruata a ni, a ni hi ka pa zawn a nia min ngaihsak in min duat viau thin, an chhungkua hrim hrim hi an ruala chhungkaw awmthei pangngai tak an ni bawk.














" Aw pa, " ka beng zawnah ka phone chu dahin ka ti nghal sep, " Thante khawnge i awm a, "? Dam thlup hian a lo ti a U Puia nena kan chung chang leh in ka chhuahsan vel chu a hre leh vek tawh a ni ngei ang, " ka thiannu dawrah ka awm a, Pa min ngaihtuah duh suh u ka tha a nia, " ka ti nghal zung zunga ka in thlahrung tak zet, Pa a ka zawn mah ni se tihbuai hi ka hreh ngawih ngawih, inthlahrung hma mi ka ni bawk nen hetianga min ngaihtuah deuh tu an awm tih hriat te hi a hreawm thin, " i U Mama'n a lo hruai ang che khawi vengah nge i awm, "?

Arawn ti leh a a ngaih loh thu in ka lo chhang vat, " thil awm zia chiang taka hriat angai alawm, Awmpuii dawrah i awm em ni ? hei i U Mama a lo kal dawn chiah khawiah mah lo kal sawn suh aw, " ti lehin ka chhan ve hma chuan call chu a ti tawpa ka thaw nghal hak.












" Ropuia chuan a lo call che mi ? A lo hruai dawn che tih a sawi em, "? Awmi chu noodles bel chawi chungin a lo pheia lu thing mat mat pahin, Pa Maruata nena kanin biakna chu ka sawia a lo bu ve nghat, " kei pawh hi Lalropuia hrechiang lo ang maia ka tawng chu le, a ni anga mipa chapo khan a hnawh chhuah tawh chu tun tut tuta a koh haw ka ring lo reng a ni, " a ti leh daiha amah leh amah chu thiam a in chantir chawp a ni ber ang chu. Ka ril atam bawk nen noodles chhum chu ka ei thei viau mai, thil kan ei zawh hnu rei lo ah U Mama ( Pa Maruata fapa naupang ber ) chu a lo thlenga, " Ka pa te'n lo haw nghal ru an ti sia kal nghal mai ila, " min hmuh rual chuan a lo ti nghal a, keipawh chuan ka hnial bik lo, thil engkim hrilha felfai taka inthen vat kha ka duh miau a ni.












" Room lamah i bag chu ka dah a, min lo zui rawh, " tiin Awmi chuan min lo melha keipawh chuan ka zui ve nghal vat, " i unaupa hi chu a hmeltha vet vawt reuh e, a upat tawh nen nupui lah hi a nei har mai sia, " kan awm fal hnua a tih chuan ka nuih nghal hak, " eng pawh nise nuthlawi ve ve kan ni tawh bawka mipa hausa leh fel hmeltha bawksi kan zawng dun dawn nia, " uang zet hian a lo ti nawn leha ka chhang zui lem lo. Ka bag chu khai chhuakin U Mama lo dinna lamah chuan ka pheia ka bag chu min lo laksak nghal zat, " zanah min lo be rawh aw, " Awmpuii chuan motor-a ka luh rual chuan a lo ti a ka biak tur thu in ka chhang ve nghal, U Mama chu a in khalh chhuak zui a pawn lam chu ka thlir nghal vang vang.













" Ruatdiki chuan Ropuia fa chu a pai tak tak em ni, "? U Mama'n a rawn tih chuan a lam chu ka hawi nghal vat, " a sawidan chu a nia lawm, " tih zawngin ka chhanga min zawt zui tawh lem lo. Motor a tih ding dat chuan ka hawi chhuak nghal vat, " ka thianpa a nih saw, a motor a chhia a ni maithei ka va en lawk ange, " tiin U Mama chu a chhuaka kan bul lawka Car dum nalh zet bula mipa pakhat din na lam chu a pan phei a keiin ka thutna atang ka lo thlir reng thung, U Mama chuan a car chu a endik sak a an ti ti pah bawk, an thusawi erawh ka hre pha lo thung.




Minute 5 vel chutia an awm hnu chuan an lo pheia ka lo melh deuh reng, " Thanthan ka thianpa hi a motor a chhia a ka thlah kawi lawk angai dawna, kanin bulah ka dah che nga ka pa kha i lo hrilh mai dawn nia," U Mama'n a lo tih chuan ka lo bu ve nghal nghat.













" Chuang la, " ti pahin U Mama chuan a bula a thianpa ding chu a bia a chupa pawh chu a seat hnungah chuan a thu lut ve nghal, kan tlan chhuah hnu chuan ka hnunga thu mipa lian zet chu front mirror atang ka en a ka hmuh hnu a ang tak zet, U Mama nen chuan eng eng emaw sawiin an ti ti a an thusawi chu ka ngaihven lem lo thung. Pa Maruata te in kawt kan thlen chuan ka chhuka ka bag chu U Mama'n min lo pe a ka ban nghal vat, " ka pa in a zawh che chuan Ephraim-a a thlah kawi ti mai rawh aw ka rei lo ang, " U Mama bawk chuan a ti leha an tlan chhuak zui nghal bawk.















EPHRAIM POV :




" Vawin chu i chawl em ni, "? Jona'n a rawn tih chuan ka bu nghal zeuh, vawin chu ka student te ho nen kan picnic a ka chau tak zet, " nichina in in bula kan dah kha in chhungte em ni"? Tiin Jona chu ka melha ka zawhna chhan pawh restaurant a ka bula thu hmeichhia kha a nih vang a ni. " Um, nikum lama kanin bul lawka awm thin Ropuia nupui a nia, ka pa hi pa zawnah a nei ve a, " a tih chuan ka bu deuh nghut, restaurent-a kan chawlh tuma lo hruai chhuaktu kha a sawina a nih ngei ka ring, " tunlai hi i rawn lang khat riau mai, Melody pawn ' U Ephraim-a chu a in duh sawt lutuk, ' a ti ziah che a nia, " arawn tih leh chuan ka nui deuh suk.
















" Hun hi ka nei lo ve thin em a, remchangah ka lo leng ang, " ka ti a min chhang zui tawh lo, kan in kawt kan thlen chuan ka chhuk nghal vat, " thingpui lo in la, " Jona melh paha ka tih chuan lu thin pahin, " kan buai deuha Thanthani te kha an nupa anin thena a bungrua vel lak angai dawn a ni awm e, zan dangah a nimai, " a ti nghal zung zunga keipawh chuan ka ti lui bik lo. A in khalh chhuah hnu chuan keipawh chu inchhungah ka lut a sitting room-a ka nu leh pa tv en a lo thute chu ka pan phei nghal vat. " In va en tui ve, " ti sup in an thutna ep chiah a couch ah chuan ka thu thla ve nghal zat. " Rin aiin i va tlai ve, " ka nu in a lo tih chuan ka motor a chhiat thu vel chu ka hrilha ka nu chu a hlauthawng leh nghal der.












" Na te i nei em ? Chak deuhin i khalh leh a niang chu, tlan chak thin suh ka tih ziah tawh che kha, "? A rawn ti nghal bawrh bawrha min ngaihtuah thin lutuk hian ka nuih a ti za deuh thin, " ka accident a tih loh kha ' ka motor a chhia, ' a tia nih kha lo phu hlut zel suh, " ka pa chuan a lo ti ve thunga ka nu erawh a la ang char char thung, " ka hre ve reng, na a neih leh neih loh ka zawt a nimai, " a ti deuh hlara ka pa chuan a chhang zui lem lo, " ka hanin ti fai ange, Dinga ka phone anga ka Car pawh chu va buaipui se atha ang, " ti lehin ka tho kanga ka room lamah chuan ka chho tlang nghal.







💜💙( TI ZAWNG HI NI RAWH SE, COMMENT IN TAM DAN A ZIRIN KAN REGU ANG AW )💜💙


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2023, 4:56 pm

NUTHLAWI NAUPANGTEI
CHAPTER-4
STORY OF LALNUNNGHETI TETEI




THANTHANI POV :





Inchhunga ka luh chuan nu Mapuii leh Pa Maruata chuan min lo pan nghal vata ka bag khai lai chu min lo laksak nghal bawk, " Melo i u Thani bag hi i room-ah va dah rawh, naktuk lamah room pakhat saw kan siam that tir dawn nia chumi hma chu room in tawm rih mai ru, " pa Maruata chuan a ti a ka lo hnial ve nghal vat, " zanin bak ka riak dawn chuang lo a sitting room lamah pawh ka mu thei reng alawm, " inthlahrung tak chuan ka ti a an lo remti lo nasa khawp mai, pa Maruata bawk chuan Melody chu a ko a ka bag chu inchung lamah a dah chhoh tir nghal. " Ti rawh sitting room lamah thu phei ang, " tiin nu Mapuii chuan min kai a keipawh chuan ka zui ve mai bawk.
















" Chawte i ei tawh em, "? Ka thut thlak ruala nu Mapuii'n a lo tih chuan ka ei tawh thu in ka lo chhang ve nghal, " chanchin kan lo hre tlai deuha a zia lo khawp mai, nangpawh midang pan lo in keimahni min lo pan hmasat ber awm a nia, " pa Maruata'n a tih chuan ka inthiam lo ru viau mai, pa a ka zawn a nih miau avangin hetiang thil hi chu hrilh hmasa ber tur ka ni tih ka hria, mahse keimah ah hian inthlahrun rukna hi a awm lo thei lo a ni. " Eng pawh ni se tihian kan bulah hian han awm ve phawt la, naktuk lamah Ropuia te inlamah pawh chuan va lenphei angai a ni, " Pa Maruata bawkin a ti leha kei leh Nu Mapuii erawh kan ngawi kar thung.
















" I chau tawh ang Melody room-ah han mu rawh, " Nu Mapuii'n a lo tih chuan ka chauh loh thu in ka lo chhang ve nghal vat, mahse min tilui tlat thung, " Melo i U Thanthani hi i room lamah han hruai chho rawh, " Melody rawn chhuk thla chu melh pahin nu Mapuii chuan a lo ti a Melody chuan min lo pan nghal vat, " lo kal rawh keipawh mut hma ka duh, mu daih ang, " ti pah chuan min pawt tho a ka hnial zui lem lo, a room-a kanin zui luh hnu chuan a ti ti siam siama keiin ka lo ngaithla kar thung, a ni hi Pa Maruata a fate zinga naupang ber a nia, U Mama nau chiah tihna a nih chu. Unau hi pali an nia a upa ber hi hmeichhia ni in pasal a nei tawha Kolasib-ah an awm a, a dawt leh hi mipa a nia a ni pawn nupui a nei tawha tunah hian Lungleiah an awm ve mek bawk.













U Mama leh Melody chiah hi hetah an cheng tawh bawka pa Maruata leh Nu Mapuii te pawn an duat thin viau, U Mama hi chu a upa ve tawha kum 35 vel awr chu a ni tawh ang, Melody erawh an unau zinga naupang ber a ni bawka kum 21 vel awr bak ala ni lo, an unau hi melody tih loh chu kum khat zel in anin thlau nghe nghe. " Intifai hmasa duh em, "? Melo-in a lo tih chuan ka bu nghal nghat, " a nih chuan va intifai la blanket ka va lak belh lawk ang, " ti lehin room atang chuan a chhuaka keipawh chuan ka bag chu hawngin ka thawmhnaw hak thlak tur leh towel chu ka la chhuaka bathroom lamah chuan ka lut zui ve nghal.












Bathroom darthlalanga ka in en chiah chu ka in hai dawn dawn mai, ka hmai chu ka tahna avangin a mar vek a ka sam pawh a thur deuh niai bawk, heti hian inhnuaiah khan ka thu ve reng chu a nisia ka zak zawk hial mai. Intifai zung zungin bathroom atang chuan ka chhuaka Melody chuan mutna a lo siam vel mek thung, " intifai chu i lang thar sar mai, " ka lam rawn hawi paha a lo tih chuan ka nui tawp, nichina ka lan dan nena tehkhin chuan tuna ka landan hi chu pangngai ve tak tur chu a ni. " Lo mu la, " a tih chuan ka towel leh ka thawmhnaw hak balh sa chu ka bag ah bawk ka khung leha khumah chuan ka lawn kai zui nghal.
















Mut hmunah chuan Melody chu a ti ti ser ser a kei erawh ka tawng lo thung, a thusawi chu ngawirengin ka ngaithla tawpa ka rilruah erawh thil dang hlir a awm thung. Melody a mutthilh hnu pawh chuan la muhil ve thei lo in ka meng renga vawin lama thil thlengte chu ka mumang ni se ka ti rum rum mai. Kan mutna luchung lam chu ka hawia arsi tam zet ka hmuh te chuan ka lung a ti chhe dawn dawn. U Puia nena kan hun hman dun tawhte ka ngaihtuah let a ka lung chu a chhe thar tak zet, min chan hlau em em thintu khan rei lo te chhungin a nun atang min paih chhuaka, chungte ka ngaihtuah ngat phei chuan tah hawm hawm mai ka chak thin.













Ka hun hman dan zawng zawng chu ka mitthla ah nimin lawka thleng ang maia chiangin a lo in lara ka tah a chhuak zual tak zet, ka tun hi hrelawk ni ngat ila chuan U Puia ka tawn loh nan hian eng pawh ka ti duh ngei ang. Ngaihtuah chhunzawm duh lo in ka mit chu ka chhinga muthilh erawh a har talh tawh. Ka mutthilh meuh chuan zing lam dar 2 vel a ni tawh. Alarm ri avang chuan luna burin ka mengchhuaka ka bula mu pawh chu a phun nghal bui bui, " LalMama hi ka alarm a lo set leh tawh animaw, " tiin alarm chu a offa a tho mai dawn emaw ka tih laiin a mutdan chu a siamrema a mit a chhing zui leh nghal daih,

ka phone sana ka en chuan zinglam dar 7 a lo ni der tawh mai, khum atang chuan tho kangin bathroom lamah intifai turin ka luta ka zawh hnu chuan inhnuai lamah ka chhuk nghal vat.















Inhnuaia ka chhuk thlak chuan Pa Maruata leh Nu Mapuii te sitting room lama thingpui no dawm chunga lo thu chu ka hmu a ka pan ve nghal, " Thante iva tho hma ve, i mutui bawk em, " nu Mapuii zawk chuan a lo ti a ka muttui thu in ka lo chhang ve nghal, " i muttui theih chuan alawm awm e, Melo-i hi a muchhe thina zan hnar te aching bawk nen i mut that theih loh kan lo hlau ru viau a, " ti pahin Pa Maruata chu a nui hawk hawka nu Mapuii nen pawh chuan kan nui ve nghal, " vawin lam chu Ropuia te inlam ah chuan kan va leng phei ange, " Pa Maruata chuan thu tak deuh zawkin a lo ti a ka ngawi kar thung.












" Eng pawh thlengse lungngai reng reng suh aw, inthen hlen dawn a nih pawn keini chu i nu leh pa ang tak takin min en reng tho la, i lo in la mihrang mai mai ange, khatiang kha ka duh dawn hauh lo, " pa Maruata bawkin a ti leh charh charha ka lo bu liam ve mai thung, mahse U Puia nen kanin then fel hnua tlawh pawh reng chu ka duh chuang lo, ka chungah tha in fel viau mahse keimah hian inthlahrun na chin ka nei tlat, chu bakah mi pawn min sawi duh dawn lutuk. " Thingpui i in duh em, "? Nu Mapuii chuan a lo ti a ka duh loh thu in ka chhang ve nghal, thu dang dang sawia kan ti ti lai chuan U Mama chu arawn langa a kan bulah chuan a lo thu thla ve nghal.











" Melody ala tho na nge, "? Thum duta a tih chuan nu Mapuii chuan athawh loh thu in a lo chhang nghal vat, " Mama vawin chu office inchawl bawka Ropuia te inlamah chuan min thlah dawn nia, " pa Maruata'n U Mama melh pahin a ti a a ni pawh a lo bu ve nghut. Rei lo ah Melody pawh chu ham bai bai chungin arawn chhuk thla a " kan nula pawh arawn thawh ve leh chiah hi, " tiin nu Mapuii chu a nuia keipawh ka nui ve hak, " Pa U Mama hi alarm a lo set leh tawh a nia, " kan awmna lama rawn phei pah hian a lo ti a a lungawi loh hmel viau bawk, " thawh i hre lo em a nih kha, " pakhat lah chuan a lo timai a anin hnial chu a ni nghal mai.











" In mak thin em mai, inhnial rual pawh in ni tawh lo. Melo nangpawh pa te bula zualko zut zut rual i ni lo, thawh hma te hi tum ve thin rawh, i thawh hriat loh vang a nih kha i U pawn alarm a set sak ziah che, " nu Mapuii chuan Melo-i melh pah chuan a ti deuh hlaka Melo-i chu a lo ner nasa ngang mai, " Mama pawh a thiam bik lo, i nau hi mut a duh tih i hria i tibuai ziah hrim hrim, a hun ah chuan kan kai tho ve ziah tho alawm, hostel-ah an awmlai in a mutha mang ngai si lo a heta a awm hnu hi chuan murei deuh mahse hrethiam ve rawh u, " tiin Pa Maruata chuan Melody thlavang chu a lo hauh sak ve a tumah chu an tawng chhunzawm tawh lo. An chhungkua ka en hi chuan ka hlim rual rualin ka lung a chhe thin, ka nu leh pa te kha ladam ni se tun hunah te hian ka lam an tang ve ngei ang.












«««««««««««ZAWMNA»»»»»»»»»»








" Mama tun sunday chu Ehphraim-a chuan chaw rawn ei rawhse lo hrilh rawh aw, kan hnunga ka sawm tum khan a hman si lo a tuntum chu a hman thei tawh em ang chu, " nu Mapuii'n a tih chuan U Mama chu a lo bu deuh nghut, a ni hi chu mipa tawngtam lo ve tak a nia, mahse fiamthu a duh em em thung. " Vawinah keimah ka phei dawn tho a ka lo hrilh ang, " Melody chuan a lo ti a Nu Mapuii chuan a melh nghal vat, " eng nge tih i tum leh a, "? Nu Mapuii chuan a ti deuh hlak a " Nunui lehkhabu ka hawh dawn, vawin chu chawlh a ni tho sia U Ephraim-a pawh a awm ang ka lo hrilh nghal dawn nia, "

Melody bawk chuan a lo ti leh zung zunga a phur hmel viau mai, " kan awm dawn bawk si lo a i U Thanthani hi lo awmpui mai mai rawh, chhuah daw daw kha a tul lo, " nu Mapuii'n a tih leh chuan a ner nasa ngang mai.














" U Thanthani chu ka rualin kal ve mai rawhse scooty in ka kal dawn, kan rei lo ang, " a kal loh hlau chuan a ti leha Nu Mapuii chuan a chhang zui tawh lo. Dar 8 bawr velah chaw kan ei a kan eikham hnu chuan Melody nen chaweina vel kan ti fel a Pa Maruta leh nu Mapuii chu chhuak turin anin siam thung, " vawin chu min kalpui ve la kan rei lo ang, " Melody chuan a rawn ti ru sar sara ka lu ka thin khum nghal vat, " keimaha kal chu a nu hian a phal leh dawn si lo a lehkhabu lah chu hawh ngei ngei ka ngai sia, " a ti deuh niah niaha a sawi danah chuan a pawimawh viau a nih ka ring.













" A nih reilo ang aw, " ka tih takah chuan nuisangin a bu nghal nghat nghat a keipawh chu ka nui ve tawp, " Melody i U Thanthani kha khawiah mah lo chhuahsan suh ang che, kan rei lo ang kei ni pawh, " nu Mapuii insiam zo an room atanga rawn chhuak chuan a lo ti deuh lang langa Melody chuan a chhang lem lo, ka chhuahpui tur thu ka sawi tawh vang kha a niang a ngaih athat hmel tawh khawp mai. Pa Maruata te an chhuah fel hnu chuan Melody chuan a room lamah min kai chho a, " insiam ila kal chhuak ve nghal ang, " room chhunga kan luhrual chuan a ti a ka hnial bik lo, ka bag chu hawngin ka thawmhnaw hak tur chu ka la chhuaka ka in thawlh nghal zat.













" T-shirt eng kha in hmeh a nih kha, " Melody chuan min en vang vang pahin a ti a ka nui nghal hak, jocker pants dum chu phawrh chhuakin ka ha leha ka sam chu ka tawn sang vah bawk. " I hman mi, "? a tih chuan aw tih nan ka lu ka bu a a room atang chuan kanin zui chhuak nghal. Pawna kan chhuah hnu chuan a scooty chu a ti nunga kan tlan chhuak zui nghal, " tun ang hunah chuan kan venglam ai U Ephraim-a te venglam hi a dai nuam daih zawka, keipawh hi ka leng deuh reng mai, " a scooty khalh pah chuan a ti a ka chhang zui lem lo. Anin leh kan kalna tur chu ka rinai a in hlat hran lo, keini pawh rei lo ah kan thlenga in pakhat lian pangngai ve tak kawttah hian a scooty chu a ti dinga keipawh chu ka chhuk ve nghal vat.














" Lut ila, " Melody chuan min kal pel pahin a ti a keipawh chuan ka zui ve nghal. Door bell pawh hmet lem lo chuan melody chu a lut nghal maia keipawh chuan a hnungah ka zui ve zel bawk. Inchhung kan lut chiah chu ka hawi kual nghal ruai mai, pawn lam atang ringawt paw'n a lian pangngai viaua chhunglam atang phei chuan zau nuam tak a ni, inchhung khur bungrua reng reng chu a fai sar a hmuh a nuam tak zet. " In awm em, "? Melody chuan a ti lut a tuma'n an lo chhang lo thung. Inchhung chu a reh thuapa tumah an awm lo a nih hmel, " khawiah nge maw an awm le, " ti pah chuan Melo-i chu sitting room lamah a pheia kei erawh ka dinna ngaiah ka la ding reng thung.


Melody tawngri chu ka hre pha a ka va pawh mai duh lo thung, " U Thanthan sitting room lamah hian lo thu la Nunui ka va ko lawk ang, " tih leh inchung lamah chhoh a ruala chutia mahni chauha awm chu ka inthlahrung ve deuh.














Sitting room lamah chuan tim dai hian ka phei a sofa sei a mipakhat lo mu zuar chu ka hmu nghal zat, tawnzau var leh kekawr bul dum a ha a lehkhabu in a hmai chu a khuh tlat thung. Single sofa lo awmah chuan ka thu thla a ka hawi kual ruai bawk, ka bula mupa lah chu a muhil a ni maithei a ni mi pawh a rawn en lo hrim hrim. Melody pawh chu rei ka ti viau mai, keimah chuan ka hawi ka hawia a nuam lo duh khawp mai, chutih rualin ka rilru ah thildang daih a awma, Pa Maruata te chuan an va sawifel thei angem ? Tih chu ka ngaihtuahna luah tu a ni. Mahse chutia han sawifel loh mai nachhan tur chu a awmin ka hre bawk si lo, achhan pawh U Puia zawkin inthen a rawt hmasa miau a, a thiam lo zawk pawh amah tho a ni.










Ka hawichhuak leh chiah chu ka phu nasa kher mai, mipa mu kha a rawn tho chhuaka min melh run bawk, a palianin a mitmeng a fiahtha bawksi chutia han hmuh thut chu ka hlau dawn dawn mai. " Tu nge i nih a, "? âw thum zeta a rawn tih te chuan ka phu deuh zuk, a palen ang angin a âw pawh a lian. " Ah...Melody ka rawn zui a, " zawi sep hian ka ti a min chhang zui lem lo in athutna atang chuan a tho a dawhkan a tui bottle chu a ban nghal zat bawk. Tui chu a in khawlh khawlha kei erawhin hmundang ka hawisawn daih thung, Melody chu rei ka ti tak zet. " An lo va chhuk har ve mawle, " min bia pawh ni chiah si lo chuan a ti hmuka kei erawhin amah chu ka melh deuh ran thung, U Mama'n a phurh zan lo ah khan hmuh tawhna ka nei tlatin ka hria, chu erawh ka ngaihtuah chhuak thei lo thung.











" Nunui ka kai tho zo lo, U Ephraim a thawh hunah lo hrilh mai rawh aw a lehkhabu ka hawh a nia, " Melody rawn lut chuan a lo ti nghal bawrh bawrha U Ephraim a tih pa chu a lo bu nghal nghut, " Nutei hi dawrah a kal em ni, "? Melo-i bawk chuan a ti leh a sofa pakhat-ah chuan a thu thla ve nghal bawk. " Um, vawin chu eng mah i ti na nge, " pakhata chuan a lo ti ve a, a lehkhabu ken lai chu dawhkan ah dahthla in a mutna lamah bawk chu a thu thla ve leh nghal a, " ti lo, tih tur avang em alawm, " Melo-i bawkin a ti ve leha an pahnih chuan an ti ti zui nghal bawrh bawrha kei chu awm ve lo ang mai ka ni.














" Tun Sunday chu a nu in chaw lo ei rawh a ti che a nia, tun tum chu chhuanlam siam tawh miah suh, " Melodyi'n a tih chuan U Ephraim-a chu a nui deuh suka, a nuihzawnga a biangsum lang te chu a inhmeh phian. " Ka lo tum dawn nia, minsawm hun hi a fuh lo thin em a, " nui pahin a ti a Melody chu a lo ner nasa ngang mai, " a fuh reng alawm, nangmah zawk hi i hman lo thei em a nih kha. Kan phei phawt ang Nunui chu i lo hrilh dawn nia, " ti leh zung zungin Melody chu a tho chhuaka keipawh ka ding ve nghal.












" I U Mama kha lo hrilh la zanah chuan ka lo kal ang, " kan chhuah dawn chuan a lo ti leha Melo-i chu in herin a bu nghal nghat, pawnah chuan inzui chhuakin a scooty awmna lam chu kan pana, ka hawi let leh chuan tukverh atang U Ehpraim-a khan min lo en renga chutia ka va hawilet min hmuh chuan a kiai deuh suk a ka hawisawn nghal, " U Ephraim-a kha eng nge ang i tih, a chhe lo tiraw, "? Melody chuan a lo ti a ka chhang lem lo na chu a pang ngai viau chuan ka hria, " a hmel en kha chuan kum 40 tling tep hmel pawh apu lo a a sin, mahse tunah kum 38 chu a ni ve mek tawh sia, " a ti leh siam siama keipawn ka awi lo dawn dawn mai.












A hmel en thuak kha chuan kum 30 awr a nih ka ring kha a nia, ka ringsual ve chiang khawp mai, thingtlangah chuan awm ni ta se khawtlangin ' pu ' ti a kan koh tawh tur ang vel a ni, " nupui a la nei lo em ni, "? ka tih chuan a bu nghata a scooty-,ah chuan a thu nghal zat bawk, " U Mama nen hian anin ang chiah, tlangval senior uai ve tawhsi hi nupui neih pawh an la tum lo, hmeichhia hi an ngaihsak lo a nimah zawk ang chu, " a ti a a hnungah chuan ka lawn ve nghal vat. Kan tlan chhuah hnu pawh chuan a U leh U Ephraim-a chung chang ngawt chu a sawia keiin uluk takin ka lo ngaithla thung. " Bialnu hi chu nei ve thin tal se a tha tur a nia,













ti hian an lengtar thak mai ang, an hmel hi a chhe zawk zawk lo nen duh tu pawh an ngah viaua mahse an mahni hian an ngaihsak lo tawp thung, U Ephraim-a ngat phei hi chu bialnu pakhat chiah a la nei, chupawh college a kal lai atanga a duh a nia, mahse vanduaithlak takin thisen cancer avangin a thihsan a, U Ehpraim- a hi ka khawngaih a sin aw ! Khatih hunlai kha chuan a tuar na ve thlawt alawm, anin duh bawk sia khata tang khan bialnu dang vawikhatmah a nei leh tawh lo, " U Ephraim-a chanin chu kawngtluanin kan sawi a ni ber ang chu, a bialnu in a thihsan thu a sawi chuan ka hmelhriat ni lo mahse ka khawngaih tak zet, hmangaihte chan nat zia hre tawh tute chuan kanin hriatthiam pui vekin ka ring.











In kan thlen hma deuh lawk chuan dawr pakhat bulah a scooty chu a ti dinga ka hawi chhuah chuan thingpui dawr hi a lo ni, " a hmeh lei ila inah thingpui nen kanin dawn nia, " a tih chuan ka chhuka ani pawh chu a lo chhuk ve nghal, dawr chhungah chuan lutin chhang chi hrang hrang chu kan lei a kan duh ang kan lei zawh chuan inlam panin kanin khalh chhuak lehnghal. In kan thlen chuan room-ah kanin thlak leh te te a, chumi hnuah inhnuaiah kan chhuka amah zawk chuan gas-ah thingpui chu a chhuang nghal a. Awmpui chu nei ve tho mahse a zawng zawngah an ring lo a an theihna zawnah chuan an puih vek thin tho. " Tukin zing ka mut ka kham tha lo bawk nen ka lu chu a na bur mai, " ti niah niahin thingpui chu min lo pe a ka lo ban nghal vat.














" Vawinah anu te'n in chungchang vel chu antifel thei mai anga engtia awm zel nge i rilruk deuh, " ti pahin ka hmaah chuan a thingpui no keng pahin a lo thu a ka lo melh nghal chat, " kan khaw lamah ka haw mai a niang chu, tih tur dang ka nei hleinem, " ka ti zang vaha ka rilru erawh a hah ru hle thung, " U Puia hi chu amak e, mahse a mak leh vak lo, " a ti a athusawi chu ka hrethiam chiah lo thung, " ka sawi awm zia chu, hetia a then tawp mai che hi amak chu ka ti deuh, mahae lehlam takah chuan a then chhan che U Ruatdiki a ni hi amak vak lo bawk, achhan pawh kan hrechianga anin ngaihzawnlaia aninnduh zia keini nen phei chuan inthenawm reng kan ni bawk nen, anu leh apa pawh hian anin neih vat an rin thu an sawireng zel,












mahse i lo langa engkim a danglam ta vek a, khatia in innei mai te kha kei ngei pawh hian mak ka ti, " a ti leha a thusawi awmzia chu ka hrethiam ve ta deuh, Ruatdiki leh U Puia hi tleirawl chhuah tirh atanga inngaizawng an nia mi pawn an sawi fo a anin ngaihzawn lai pawn anin duh thin lutuk ti in, anin thenlai vel khan U Puia nen hian kanin tawnga kum khat em pawh kanin zui lo ang tih ah kanin nei ta mai kha a nia, ka ngaihtuah thin, khatih hunlai khan lo innei mai lo ta ila kanin then vat tho ang, U Puia tan kha chuan Ruatdiki nen anin thenlai vela a khawhar hnemtu lek bak ka ni lo ang, ka dinhmun kha chhe hle lo se chu kei ngeipawh hian ka nei bik kherin ka ring lo.












💜💙( CHAPTER THAR KA TYPE DUH SIA HETI ZAWNG HI NI PHAWT RAWH SE, ZANINAH CHUAN A THAR KA RAWN DAH HMAN KHER LO MAITHEI AW )💜💙


Chuan chapter hi a tir lam chauh a nia a changtupa hi ala langtam lutuk thei lo a in lo hrethiam rih dawn nia, nangni paw'n in chhiara in hriat vek tho kha, a changtunu hi pasal then hlim chauh a ni sia, mipa dang kan biak that tir nghal lutuk chuan a ler hmel zo vek dawn😂🥀💜COMMENT VEK RU AW🥀💙


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2023, 4:56 pm

NUTHLAWI NAUPANGTEI
( CHAPTER-5 )
LALNUNNGHETI TETEI





Tlai lam dar 2 velah pa Maruata leh nu Mapuii te chu an lo thlenga, an sawidanah chuan Ruatdiki chuan a luhkhung nghal ni awm tak a ni, kanin neih lai reng pawha anin kawp avangin kei chuan mak ka ti hran lo, nu Mapuii erawhin mak a ti in a thinrim em em a chutiangin pa Maruata pawh, an fanu ang tak taka min en avangin ka thlavang pawh an hauh na ve viau mai, hetiang taka min ngaihsaktu tawn hi lehlam zawng tak chuan nuam ka ti. Ka bungrua vel pawh an lo hawn vek a, ka sawitawh ang khan thuam chhawm mumal pawh nei lo in ka lawi luta kha vang tak khan ka nu pawh khan min huat phah reng kha a nia, mahse, lehlam takah chuan a lo tha zawk a nih hi kanin then hnu hian lakchhuah tur em em a awm lo a, a buaithlak lo zawk daih.

















Ka inhnemna ho lutuk avang chuan keimahin ka nui hak a, mi in min hmu se zawng mi â emaw minti ta ve ang, ka thawmhnaw ho zawng chu Melo-i room-ah kan daha a bak chu inhnuaia store room an siamah kan dah thung, Pa Maruata chuan ka pi te hrilh ve hrim hrim athat thu sawiin a be mek a kei, Melo-i leh nu Mapuii chuan ka thawmhnaw vel kan dah fel thung. " Nu U Ropuia chuan engtin nge a lo tih, "? Melo-i chuan a lo ti pek a a ni la naupang deuh na na na chuan a hre chak hle a niang, " eng tin vak nge lo ti se i tih ? "pawisa a duh zat sawise ka pe mai ang, a in luah tur pawh ka tum vek ang " tih bak chu sawitur pawh a hre lo, a sawilai phei kha chuan i pa khan mindang lo se ka beng duh hial ang, " a ti hlak hlaka keipawh chu ka lo inseh ruh nasa viau mai.














" A zak lo e, pawisa hmanga engkim chin fel hi a tuma a tenawm e a, " Melody pawhin a lo ti ve a kei erawhin eng mah ka sawi lo thung, chu zawng aia ka rilru luahtu leh minti na tu chu U Puia min ngaihdan hi a ni, vawikhat pawh ngaihdam min dil lo a pawisa hma theh ah hmangin engkim chin fel a tum a, hetiang khawpa mipa laktlak lo a ni ang tih hi ka ring pha ngai lo. " I Pa pawhin i pu te chu a be zo tawh ang chhuk ang u, " nu Mapuii'n a tih chuan Meloi nen chuan kan bu nghal nghata, kan pathum chuan inhnuaiah kanin zui thla a, Pa Maruata chuan phone chu a lo hmang zo tawh ngeia sitting room sofa-ah chuan a lo thu run tawh.














" Mama- pa eng nge chanchin, "? Sitting room lama phei pahin nu Mapuii chuan a ti a kei leh Melody pawh chu kan phei ve vat, " tawng pawh a tawng tha hleithei lo, chanchin ka han sawi kha a hnuk a ulh niawm tak a ni, mahse ' lo ngaihtuah duh su, hetah kan bulah hian awmse kha lama awm ngawt ai chuan atha zawk ang, ' ka tih kha chuan a thla amuang ve sawt a niang, lawmthu te min hrilh luama, helama a awm pawh hi pawi a ti hran lo a nih hmel, " Pa Maruata chuan a ti dam dap a chutia ka Pu nena anin biakna a sawi tak ah chuan kei tak pawh ka hnuk a ulh ve deuh, tap chhuak lo turin ka insum nasa viau thung.

Ka pu in he lama ka awm hi pawi a tih lohna chhan ka hrechianga chu chuan keipawh haw minti chak lo zo vek, " Thante nang eng nge i ngaihdan ni ve ? He lamah chuan awm zawk mai la itan pawh a tha zawk lo ang maw, "? Nu Mapuii chuan a lo ti a Pa Maruata pawh chu a lo bu ve nghut.















" Hetia awm ngawt chu ka tan pawh a nuam bik lo, in lakah chuan zep tur a awm lo a min hrechiang bertu in ni bawk nen, kan khaw lama haw chu ka duh rualin ka Pute-a te nupa nen kanin kar a tha vak si lo a, ka pu paw'n ka haw loh pawi a tih loh chhan kha a nia, mahse heta pawh awm ringawt dawn ila ka tan bawk hian a nuam lo, " ka ti dap dap a an ni pawh chuan minhrethiam takin an lo bu nghat nghat, " he ta awm chu nangman i duh phawt chuan a rem lohna a awm lo a, i nu leh pa kan nia i harsat ni a tanpui tur che kan ni bawk, chutih rualin nangman nuam lo iti a nih chuan kha chu i thu thu a nimai,

duh leh hna te i zawng anga mahnia inchawm thei inih hunah inhrang pawh i chang mai anga, chumi hma zawng kan bulah i awm thung anga, " Pa Maruata bawkin a tih leh chuan ka in ngaihtuah nasa viau.










A thusawi hnuhnung ber " hna te i zawng anga mahnia inchawm thei inih hunah in hrang i chang anga chumi hma zawng chu kan bulah i awm anga, " a tih mawlh chu ka ngaihtuaha a tha dawna ka hriat rual in, ' hna chu lo hmu lo ta ila, ' tih ka ngaihtuah tel leh bawksia ka rilru a buai nuai tawh mai, " i duh dawn phawt chuan kan veng piah ah hian private school an hawng thara chutah chuan zirtirtu anin daih lo hle a ni awma, nangmah in huam te a nih chuan ka biaksak ang che, " a tih leh takah chuan keipawn tihchhin ve chu pawi ka ti lo viau mai, hna ka hmu te a nih chuan keimahin in ka luah hrang ve thei anga. Tin, chu bakah ka pu te pawh pawisa ka thawn zeuh zeuh thei bawk ang.












" Chutia a theih dawn chuan tihchhin ve pawh chu pawi ka ti miah lo, amaherawhchu ka zirsang lo a keini ang te chu min la duh dawn emaw ni le, "? ka ti leh te te a, Pa Maruata chuan lungngai lo turin leh, a theih mai tur thu min hrilha tlem chuan ka thla amuang ve deuh. Inchungah chuan ka inbual tur thu hrilhin ka chho a Awmi ka be duh pah bawk, ka phone chu phawrh chhuakin ka call a a lak lawk loh danah a buai lai vel a nih ka ring, call chu a ring tawp dawn lamah a rawn chhang ve hram, " i buai em, "?ka han ti hmasa te te a a buai loh thu a minchhan takah chuan pa Maruata thu min hrilh te leh ka chanchin zawng zawng chu hmaih awm miah lo in ka hrilh ve veka a lo thinrim ve khawp mai.

" Ruat hmelchhenu-i chu ava han tenawm ve, nimin lawkah i chhuaka chuan a ni a lutnghal a nia a hmelchhiat ang ang hian a zak thei lo a, an tluang bik chuang lo a, " a rawn ti nghal hlak hlaka thaw chham miah lo a a sawi thei chu keiin mak ka lo ti thung.













" Chuan hna chung chang chu atha ka ti, dil ngei ngei rawh, " amah bawkin a rawn ti leha keipawn tha ka tih ve thu in ka lo chhang let ve nghal, " chutia i pa in a tihsak dawn che chu atha tawp, Pu Maruata te chu thil a tithei alawm, tuna i school sawi pawh kha a hawngtu ber nen hian thian tha lutuk an nia, a ni berin a sawipui che chuan i tlingsa a nimai, " a rawn ti a, a ngaihsam lutuk hi a awhawm zawk hial thin, " keipawh hian hna chu hmu ve hlauh ila ka ti, heta awm reng pawhhi a in thlahrun awm ve a, mahnia inluah hrang thei lah ka la ni si lo, " ka ti ve leh a a ni pawh chuan min lo hrethiam viau bawk. Kanin biakna kan tihtawp hnu chuan bathroom lamah lutin ka inbual nghala ka zawh chuan ka dai deuh sawng sawng mai.











Inhnuai lama ka chhuk thlak chuan Pa Maruata leh Nu Mapuii te chu sitting room-ah an lo la thu a an ti ti pah bawk, choka lamah chuan ka lut pheia an awmpui chhawr te kha a lo che leh rak rak tawh, " ka lo puih ang che, tihtur eng nge awm, "? a hnunglam atang ka tih chuan a lo imher vut a min hmuh chuan a lo nui nghal sang mai, a hmelah chuan keini ai a naupang daih dawn tih a hriat. " Eng mah tih tur a awm tawh lo, rawng ka bawl zo tawha va awm mai mai rawh, thingpui te i duh zawk em, "? A rawn ti zung zunga a tawngkam chu a fel reuh thlap bawk nen ka ngaina nghal viau, " duh lo e, khawi i siam zawh tawh chuan keiman ka va pe ang, " tih leh a thingpui siam lai chu lak ka ruala,


ti lo turin min hrilh nasa viau na a tihtur dang a awm chuang lo nen ka ti lui ve ta tho a, a ni pawh chuan min en deuh tawp. Tray chuan thingpui chu ka chawichhuaka sitting room-a dawhkan tê ah chuan ka hunga Nu Mapuii chuan a lo ban nghal zat, " nangman a nimaw siam, " thingpui ka pek lai chuan pa Maruata chuan a lo ti a no chu a lo ban nghal zat bawk, "















" Ni lo e, a siamsa ka lo chawichhuak ringawt a nih hi, " ti pah chuan ka nui sen sena an bulah chuan ka thu thla ve a, thil dang dang sawia kan ti ti lai chuan U Mapuia a rawn lut ve hlawla thingpui a duh leh duh loh chu an awmpui te khan a lo zawt nghala a duh loh thu in U Mama erawh chuan a lo chhang thung. " Khawi lamah nge i pen kawi leh a, " nu Mapuii chuan a thingpui lem khawlh pah chuan a ti a, " Hruaii te inah, ka lo haw tur kha min chelh ding leh tlat a, " U Mama chuan a ti bul bula nu Mapuii a lo chek hlak thung, " Hruaii hi i ti deuh ziah maia kawm tam lo turin ka tih che kha, a bumthlu ve der mai ang che,

" a tih deuh hlak chuan U Mama a lo ner deuh sak, " ka inbual dawn, chawei hma ang u inkhawm ka duh, " tih leh thawh a ruala inchung lamah chuan a chho zui nghal.









" I fapa hi thunun tum lutuk thin suh, ama tana tha tur chu hrethiam rual a ni ve tawh, " pa Maruata chuan a lo ti a nu Mapuii chuan a thaw deuh halh, " ka hria alawm, mahse tumah hian kan hma hun kan hre lo Lalhruaii te chu nangpawn i hrechiang a nilawmni,? Sawtiang mipa duh lutuk saw ka fapa kawp atan ka phal lo, " tih leh thawh a ruala Pa Maruata chu a tawng chhunzawm tawh lo. Dar 5 bawr velah chuung inkhawm te hmangin chaw kan ei a, chawei lai te chuan kan ti ti pah siam siama a nuam reuh tak zet,

U Puia nen kanin neih lai kha ka hrechhuak lo thei lo, aninah kha chuan a tu amah kha kanin be tam lo a tumah kha kanin pawh lo reng bawk. Hetah ve thung chuan anin nel in anin duhsak tawna an bula awm anuam tak zet.















Chawei kham chuan Sawmtei ( an awmpui ) kei leh Melody chuan chaweina vel kan tifel a thleng sil ka tum chuan Sawmtei chuan a lo phal lo nasa, ka tih luih ngial hnu ah pawh min la hnial tlat avang chuan ka tilui duh bik lo, zing lam pangah chuan sil chhawk tho chu ka tum. Gas vel chu ka hrufaia Melody chuan hmun a phiat thung, " U Thanthan inkhawm ve ila, " Melody'in a lo tih chuan keipawh chuan ka hnial bik lo, inkhawm hi mahni infakna vang ni lo se ka tet te atang ka thulh ngai lo a chuvang ania tuna min sawmna pawh hi ka hnar loh, eina vel kan sengfel zawh chuan insiam turin room lamah kan chho a ka sunday kawr simple deuh pakhat chu ka la chhuaka puan ah pawh a zeh ka bih leh tawp a ka zo a ni nghal der.













Inhnuaia kanin zui thlak lai chuan kawngkhar bul thutna a lo thu chu ka melh nghal chat, a nipawh chuan min lo melh ve chiah bawk, " U Ephraim ivan hma ve, " Melody chuan a ti a a lo nui deuh suk, " kal ila, " U Mama lo pheiin a tih chuan a thutna atang a lo ding chhuak vuta min la melh ngur thung, " Thanthan kan rualin lo kal ve ula, " U Mama'n a tih chuan Melody zawk chuan a lo aw vat a, keipawh chuan biakin khata inkhawm tur tho kan ni bawk nen ka aw ve tawp. Kan pali chuan kanin zui chhuaka biakin a hnai tho bawk nen ke in biakin lampan chuan kan kala Melody chu a tawng leh char char tawh, U Ephraim-a chuan a zawhna chu a rul tawk lek lekin a chhanga kei leh U Mama chu kan ngawi reng thung.














Biakin kan thlen chuan a chhung lamah kan lut nghala, U Ephraim-a leh U Mama chu a tlar hnunglamah an thu a kei leh Melody chu a hma lamah kan thu thung, ka in ngaihbel vang nge min en duh hlawm viau in ka hria, chu chuan tlemin nuam lo mintih tir ve deuh, hla kan sak ho lai chuan ka rilruah thildang hlir a awma mahni insit na in ka khat bawka nuam lo duh tak chu a ni, keimah anga pasal then ve tawh ho chuan ka awmdan tur chu in hrethiam mai in ka ring, thingtlang ang chu ni phei se khawlaia chhuah zahthlak khawp khan min sawi leh ngei anga, a thiam lo zawk ni lo mah ila hmeichhia zawk ka nih na avangin a hmingchhe zawk chu ka ni dawn tho tho.
















Ka ngaihtuah thin, eng vanga hmeichhia te dinhmun hi hniam bik em em nge a nih tih hi, kan pasal te'n ngaihzawng nei in min rinawm loh sanah chutah pawh a hmingchhe zawk chu a tuartu zawk kan nia, hmeichhe pakhatin mi pasal ngaizawng se a hmeichhia zawk chauh dem a ni thin bawk, Ruatdiki ka tan vang ni lo in tuna kan buaina ah pawh hian U Puia hi a thiam bik miah lo, mahse an dem nasat zawk chu a hmeichhia zawk a ni leh daih. A mipa zawk pawh hian mi pasal a ni tih hi inhria in hlat tlat ta se hetiang in uire sanna hi a thleng tho angem? Kei chuan a thlen ka ring lo, mipa rilru nghet tak tak chu tu hmeichhia mahin an rinawm loh tir thei lo, chu chu ka ngaihdan a ni.
















Ka ngaihtuahna ka kawm melh melh lai chuan Speaker a lo ding chhuaka ' Rinawmna ' tih thupui hmangin Pathian thu chah a rawn sawia, ka ngaithla ngun viau. Ka thinlunga thu awm ka vei rengte chu arawn puang chhuak ka ti mai. In khawm banah chuan Melody nen thingpui kan dawha, U Puia nen kanin neih tirh khan hemi vengah hian awmin tuna kanin khawmna kohhran ah ngei hian kan lawi bawka min hretu pawh an lo la awm nawk mai, then khatin U Puia nena kanin then chu pawi antih thu an sawia, athenin kanin then tih pawh an lo hre lo thung. Melody chuan a thiante ina a penkawi tur thu sawiin min kalsana U Mama leh U Ephraim-a te nen bawk chuan kanin zui haw leh.












" Ka theihnghilh chiang lutuk kan group kha inhmuh khawm kan tia, Ephraim Thanthani hi va thlah la kanin atang khan min lo nghak nghal mai dawn nia, kan rei lo ang, " tih leh U Mama chu kalsawn aruala U Ephraim-a chu ka melh zawka a ni erawh chuan U Mama ngawt chu a thlir thung, " tih tur i neih chuan keimah pawn ka haw ngam tho a nia, " hma leh a en ngur avang chuan a buai a nih ringin ka ti chhuak sep a, chutah lo in her vutin a lu chu a thing a, " tih tur ka nei lo, lo kal rawh, " tih leh kal aruala keipawh chuan ka zui ve vat.


" Mama khan, kan veng lama private school an hawn thar turah i thawk ve dawn ni in a sawia, " a rawn ti dut a amah chu ka melh nghal zawk, " thawk dawn tih ah, thuchiang a la awm lo, " ka ti let ve a, U Mama chuan eng tik khan nge maw a lo hrilh leh hman ni.













" Zirtirtu nih hi i tum ngai hrim hrim em, "? A tih leh chuan mak ka ti viau, a chhan pawh tawngtlem tak anga lang si in min be reng tho bawk sia, " tum chiah lo, mahse zirtirtu nih chu ka chak ve thin, " ka ti let ve leh sep, " naupangte han zirtir vel hi chu eng tin emaw tak hian a nuam ve a nia, " a tih leh chuan ka um ve ringawta chhan let dan tur ka hre tawh lo. Inchhung ah chuan kanin zui luta Pa Maruata leh nu Mapuii chuan sitting room lamah tv an lo en mek thung, " e...Thante in bang tawh maw ? Khawiah nge i unaute pahnih chu, "? Nu Mapuii'n a lo ti nghal zung zunga keipawh chuan U Ephraim-a leh Melody thil tih chu ka hrilh ve nghal, " U Ephraim ti khan lo thu la ka inthlak lawk ange thingpui kanin dawn nia, " U Ephraim-a lam hawi chuan ka ti a a ni pawh a lo bu ve deuh nghut.













Inchung lamah chuan chho in ka inthlaka ka zawh chuan inhnuai lamah ka chhuk nghal vat. Sitting room lamah chuan U Ephraim-a pawh chu a lo thu phei tawha Pa Maruata nen chuan an ti ti mek a ka va pawh ve vat, " thingpui chu a hangin nge athumin in duh, "? ka va tih chuam U Ephraim-a chuan min lo melh a " kei chu a hang, " a ti thum dut a Pa Maruata leh Nu Mapuii chuan a thlum an duh thung, thingpui lum tur chuan choka lamah ka pheia gas-ah chuan ka chhuang nghal zat, thingpui ka chawh mawlh mawlh lai chuan U Mama pawh a lo haw a, ka siam kep ve lehnghal.














" Kha le, " ti in U Ephraim-a hmaah chuan ka tray chawi lai chu ka va dah hnaia min melh zawkin a lo ban ve nghal a, thingpui ka pek zawh hnu chuan nu Mapuii bulah ka thu thla a nu Mapuii chuan, " nangni thiandun hi zanin chu khawi lamah nge in len dawn, " a ti a U MaMa chu a lo nui nghal hawk, " Hruaii te inah lo.hmundang ah, " a ti deuh khera U Ephraim-a pawh a lo nui ve suk suk, " a tha a nih chu, ti hian nula lengin zantin inchhuaka nupui tur inhmu zo chuang lo, " nu Mapuii chuan a ti zui leh hlaka, U Mama te thiandun chuan huat a hnekin an nuih a ti za zawk a nih hmel an nui suk suk mai.

" Ephraim nanghi zui lai te i nei em, "? Nu Mapuii bawkin a lo ti leha U Mama chu a lo nui uar sauh thung, " nei lem nang, ngaihzawng neih hi ka peih chiah lo, " a lo timai a chutia ngaihzawng chung chang ansawi takah chuan Melodyi'n a bialnu a thih tawh thu asawi kha ka hrechhuak thuta amah chu ka melh deuh vang vang.














" In thalaipui ho zawng zawng pawn nangni thiandun hi chu an ' Pu ' vek tawh ang che u, " nu Mapuii'n a tih leh pawh chuan an nuih liam mai mai thung, an hmel en tawp chuan mipa nelawm loh tak angin an langa, mahse kawm nela han belhchian tak tak chuan an bula awm a nuam zek. Dar 8 rik dawn tep ah an thiandun chuan anin zui chhuaka Melody pawh a lo thleng ve chiah bawk, " i U Mama te thiandun hi chu an upat tawh tehreng nen anla uang a nia, i nu lah hian akhik khak peih sia mahse an haw ngai lem lo thung, " Pa Maruata chuan a ti dam thluama kei ka nui sak thung,







" ka khik khak peih pawh a ni lo, thu tha hi han sawi ila an ngaithla liam puat puata kha vang alawm ka hauh leh fo thin, " nu Mapuii chuan a ti zui leh hlaka Pa Maruata erawh nui hawkin an pindan lamah a lut daih thung, " Thante ka hnung ana em mai ka mu tawh mai dawn a sin, nangpawh i duh chuan han chho tawh mai rawh, " Nu Mapuii chuan ti sep in a tho kanga keipawh ka tho ve nghal uai, " aw anih muttui le, keipawh ka mu nghal ang, " ka ti let ve a an room lama a luh hnu chuan keipawh inchung lamah ka chho zui ve nghal.














🥀💜( ZANIN ATAN CHUAN DUH TAWK LEH PHAWT ANG....A CHANGTUPA MIZIA TIR HI KA LA HRETHIAM CHIAH LO AW, ADS CLICK LEH COMMENT KHA MIN LO TIHSAK VE ULA....)🥀💙


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2023, 4:56 pm

NUTHLAWI NAUPANGTEI
( CHAPTER-6 )
STORY OF LALNUNNGHETI TETEI






Ni pawh a liam ve zel Pa Maruata'n hna min sawipui pawh kha ka hmu ve bawk, ka thawhna pawh a rei ve leh tawh bawka thian thar pawh ka nei ve nual tawh. Pa Maruata in atang pawh kumthar atang ka chhuak tawh dawna kan lo cheng ho rei bawk nen ka lung aleng sa tak zet, Ruatdiki paw'n thla thar mai hian nau a nei tawh dawna an ni nen pawh kanin hmu ngai mang lo, U Puia nen hian bazarah kanin hmu zeuh zeuh thina kanin be ngai lo thung, inbiak chhan tur kan nei tawh lo miau alawm. Staff room-ah ka thiante ho nen chuan thu in kan ti ti laih laiha a nuam ve khawp mai, " Thanthan Class i nei tawh lo tiraw,

"? Ka thawhpui Rebeccai chuan a lo ti a, a ni hi heta ka thawh hnu a ka kawmngeih deuh ber a ni, a ni pawh hian min ngaina a kanin zui chawt thin, " aw chawhma lamah chuan ka nei tawh lo, " amah melh pah chuan ka ti a a lo bu nghal nghat.













" Vawin chu chawhnu principal-in kan chawl ang a tih kha, " Zuala chuan a lo ti e Rebec-i nen chuan kanin melh nghal chat, " a sawi ka hre ve lo, " Rebec-i chuan a ti a keipawn ka lo tuihnih ve nghal, " hrilh mai tur che u khan mintia ka lo theihnghilh tunah ka hrilh che u a nih chu, " nui hawk chungin Zuala bawk chuan a lo ti leha keini pawh chu kan lo nui ve dar dar, " athat hlauh chu, Thanthan bazar-ah min kalpui teh aw vawin hi ka nau fapa birthday a nia gift ka lei sak duh, mahni chuan lei tur ka hre leh dawn si lo a, " Rebecca-in a lo ti a, " ka hman lo maithei, ka inluah tur vel kha en fel ka duh deuha,


" ka tih chuan a lo lungawi lo nasa mai, " i nep em mai, kan rei lo ang min kalpui la chuan in iluah hunah insawn ka puih ang che, " a rawn tih chuan ka nui nghal hak, " aw le a tha lawm, " ka tih tak ah chuan a lo lawm ngang mai.
















School ban hnu chuan Rebec-i scooty chuan bazar lamah kan tlana nu Mapuii chu bazar lama kan kal thu phone in ka hrilh tawh bawk. Kum tawp lam a ni tawh bawk nen ni a sat vur paw'n khua chu a vawt lam mah a ni, scooty-a chuan phei chu a hreawm lek lek. Bazar kan thlen chuan a scooty chu a rem laiah a park tha a, chutia a scooty park tha ka nghah lai chuan kan piah deuh lawkah U Ephraim-a ka hmu a, koh tuma ka ang zuau tawh chu a bulah kal hmeichhe pakhatin a banah a lo chelh a vang chuan ka tawp deuh chat. U Ephraim-a pawh hi Pa Maruata te inah a lo chuang kai tam avangin kan in pawh tawh viaua khawlaia min hmuh paw'n min be ve ziah thin.















An lam chu ka hawi renga a bula kal hmeichhia chu tawng pahin a nui leh hak hak thina a bialnu a nih ka ring nghal ringawt. " Saw chu kan proffessor Ephraim Vanrammawia a nih saw, " Rebec-i chuan a lo ti sap a ka hawina lam chu a hawi ve bawk, " i hria maw, "? Ka tih chuan bu deuh nghat pahin, " hria ang chu a lar alawm, amah hi chu a senior ve tawha mahse ala hmeltha reng, a zirlaite hian an atchilh rawn a nia aw, " a ti deuh vang vanga keipawh chu U Ephraim-a leh hmeichhe pakhat dinna lam chu ka hawia dawra anin zui luh lai tak chu ka hmu hman,


" a bialnu a niang a, avan mak reuh khatiang khan hmeichhe bulah a awm ngai si lo a, " a ti leha alamah chuan ka in her nghal vut, " mipa a nia ngaihzawng te chu a nei ve bawk ang chu, ahma leh tun a in ang reng thei lo, " ka tih chuan a bu ve nghat nghat mai, Melody paw'n hmuse mak a tih ve tho ka ring.













Toys zawrhna dawr lamah chuan kanin zui phei zela a sawi ang tak takin leitur a hre thlawt lo. Dawr nghaktu te'n " hei hi tunlai naupang ho in an lawm ber a nia, " an tih pawhin, " khatiang chu a hlau ang, " a ti deuh tlata ka ning lek lek thin, motor lem leisak turah ka tih lah chuan , " a ngah lutuk, " a ti bawksia Ramsa lem leisak ngei a tuma a hlauh a ring tho bawksia a hahthlak tak zet. Dawr pakhatah chuan kanin zui lut leha thlan tur a hriat ngang loh a vang chuan ka thlan sak ta ringawt, Sai lem lian ve tawk tak chu ka thlan sak a amah lah chuan,

" hetiang tur hian alawm ka hruai che, a tir atang khan nangmah ngawtin thlan tur alawm, " ala ti tak deuh deuh, ka thlansak a piang a duh loh thu a sawi zel vang a ni reng sia. Dawr atang chuan kanin zui chhuaka chhun thil kan la ei loh avangin restaurant pakhatah chuan inzui lutin kan thu thla nghal hnawk.














" Hetiang te chuan fa neih ka peih lo reng reng, kei chu a puitlingsa a hrinchhuah te ka duh rum rum, " a tih chuan ka nui nghal hak hak, ei tur chu kan order-a khaw vawt pawh kan hrechang tawh lo chiang khawp mai, kan vak kual nasa bawka a lum tawh zawk. " Thani, " tu emaw in min koh chuan ka hawichhuaka khawvela ka mi hmuh duh loh ber a lo ni, min lo be ngam pawh chu a mak zawk. " Um, " ka lo ti ringawta kan bulah U Puia chu a lo thu thla ve nghal zat, " in hmuh ava khat ve, i dam thin maw, "? a tih chuan ka dam that thu in ka lo chhang ve vat, min lo biak hmasat miau avangin han chhan loh ngawt kha chu a dikin ka hre lo.

















" Tunlai eng nge i tih thin, " amah bawkin a lo ti leha kalsawn mai a tum loh hmel khawp mai, " Private school-ah ka thawk ve a, " pang ngai tak chuan ka ti a min melh vung vungin a bu deuh nghut, Rebec-i ka melh chuan a mitmeiin tu nge a nih min zawta ka lu ka thing deuh tawp, " ka pasal hlui, " tih deuh tawp mai ka duha mahse ka sawi bik em lo. Kan eitur order a lo thlen chuan U Puia pawh ngaihsak lo in kan ei mial miala kan bulah a la thu ve reng bawk nen ka thil ei pawh a tui lo zo vek, " Ropui ka zawng char char che alawm, " lo titu chu hrilhnawn ngai lo in Ruatdiki tih ka hre nghal, kan bulah chuan a lo kal hnaia U Puia chuan vawikhat pawh a melh eih lo.

















A dul chu a kawh luah tawha amah tak pawh a langthau viau mai, " Ehe...Thani nangmah elaw ? Kanin hmu ve hlawl chu a van mak, " ti deuh hluai in U Puia chu hnunglam a tang a lo chelha min tih thik ala tum emaw tih tur a ni, " nia, i pum pawh chu a lian ve tawh khawp mai, " ka ti let ve a chutia ka be let ve chu mak minti deuh nge min en deuh hu mai, " thla leh hian kan nei ve tawh dawn alawm, a pian hunah kawr thar te i lei ve ang chu, " nui har har hian a ti leha keipawh ka lo nui ve hak, " tehreng mai, " nuisang pahin ka ti let leha U Puia chu a lo tho nghal hluaia ka melh chho nghal vat.

















" Kal ang, " tih leh kalsawn a ruala Ruatdiki pawh chuan azui ve nghal vat, chutia an kalsawn takah chuan ka thaw deuh huai mai. " Tu te nge, " Rebec-i chuan a lo nghal heu a a hrechak viau a nih hmel, " ka pasal hlui leh a nupui, " nui lui saka tiin ka eitur chu ka ei chhunzawma Rebec-i chuan min en reng tih pawh ka hria mahse ka ngaihsak lo. " Pasal i then tawh tih chu ka hre tho a, khatia tha taka in be thei mai kha mak ka ti, a nupui lah khan a be tha bawk che sia, " restaurant atang kanin zui chhuah hnu chuan a ti leh a, ka chhang buai peih lo, sawi thar leh hi ka peih tawh thlawt lo a ni ber mai ang chu.


















A scooty dahna lam pangah chuan kan pheia kan sir lam ka hawi zeuh chuan U Ephraim-a leh a hmeichhe hruai kha an dawrpakhat atang an lo inzui chhuaka, U Ephraim-a chu a hawi kual vuta chutah kan lam chu a lo hawia kan mit a in tawng nghal chat, min nuih sukin a hmeichhe kalpui bulah chuan a phun deuh sup a chutah kan lampan chuan a lo kal a a hmeichhe hruai erawh a kalsawn daih thung, " eng nge in tih a, " a rawn ti thum duta kan bul a lo thlen lai reng ka hre lo, " ka thiannu hi ka bazar pui lawka, nangzawk eng nge i tih, " ka ti let ve nghal vat, " keipawh ka thiannu ka bazar pui a, " a tih leh chuan ka bu deuh nghat.















" In haw nghal dawn em ni, "? Ti pah chuan a kekawr ipte a zen tat a a ding mar vut bawk, " aw haw nghal ang, " amah melh chho kar pah chuan ka ti a, a sang tha in a palian tak zet, kan din dun takah phei chuan ka têt hmel zo vek. " Um, zanah ka lo kal ang, " a ti leh a ka lo bu leh ringawt, Rebec-i ahman hnu chuan a hnungah ka chuanga ka hawilet leh pawh chuan U Ephraim-a chuan min lo la melh renga a ban a lo vai zeuh bawk. Kan tlan chhuah hnu chuan Rebec-i chuan " inva in pawh hmel em em, " a ti a scooty khalh lai a ni bawk nan a au hian a au a ni zawk mah, " U Mama nen anin kawm thin avang hian a lo leng deuh reng thin a, chutia mi mal taka inpawh em em pawh kan ni chuang lo," ka ti let ve a min zawh chhunzawm tawh bik lo.



















>>>>>>>>>>>ZAWMNA>>>>>>>>>>





Kanin kawtah chuan min daha leng lut tura ka sawm chuan a tlai tawh thu sawiin a haw mai zawk tur thu chu a sawia keipawn ka tilui duh ta bik lo. A tlan liam hnu chuan inchhung lamah ka luta nu Mapuii awmna lam chu ka pan phei nghal vat, " i lo va haw hma leh si ve, " min hmuh rual chuan a lo ti a a nui sang bawk, " toys leitur ringawtin kan kal a, Rebeci duh khirh viau lo se chu kan lo haw daih tawh zawk ang, " ka ti a a ni pawh a lo nui ve hak, Pa Maruata leh U Mama office kal an lo la haw lo bawk nen nu Mapuii nen chuan Tv en pahin kan ti ti a, Melody erawh a thiante nen an bazar thung. " I inluah tur chu i duhthusam a ni em, "? A ti a, " aw, mi pakhat chauh luahtur atan chuan a lian mah mah zawk, " ka ti let ve a lo bu nghal nghat.












" Chawlhlehkar lamah ka tihfel pui ang che, luah lut dawn rih lo mah la i luh hun hunah fel fai taka a awmsa kha a tha, furniture pawh i duhthusam ang thlap lei rawh pawisa lam kha chu ngaihtuah lo la, " a ti leh dap dap a ka tan anin phal zia leh min ngaihsak zia ka hriat hian ka lawma ka hnuk a ulh thin bawk, an bula ka awm hnu hian nu leh pa ka nei loh tih ka inhre chang ngai lo. An fate nen min endan a dang lo a, a tul chuan min hau a min zilh ve fo bawk. " Furniture chu ka la leikim chiah lo, christmas discount ka chang pah deuha, " ka tih leh chuan min en deuh vang vang a.

















" I duh zawng i hmu a nih chuan lei tawp mai rawh, christmas discount i chan chhungin i duh ang te chu a lo zo vek thei a, christmas dawn lai vel hian bungrua a zo chaka a lo thleng har tawh thin, " a ti leha keipawn dik chu ka ti viau, mahse inren taka chet a ngai bawksia bungraw tha pangngai pawh ka lei ngam chiah lo. " A nih ka va intifai lawk ange, " ka ti a ka tho zui nghal bawk, mikhual pindan an siamtha tawh bawka tunah chuan Melo-i nen pawh room kanin tawm tawh lo. Room ah chuan lutin ka thawmhnaw dahna lam chu ka pana towel leh ka inthlakna tur chu la in bathroom lamah chuan ka lut a, khua a vawt tha tawh bawk nen tui vawt pawh hmang lo chuan tuilum in ka inbuala ka hahdam sawng sawng mai.


















Tlai lam dar 4:30 bawr velah pa Maruata leh U Mama office kal pawh an lo haw a anin bual leh te te hnu ah chaw kan ei nghal a, chawei lai te chuan ka inluah tur chu ka duh zawng a nih leh nih loh Pa Maruata chuan min zawt ve leha, ka duh ang zan a nih thu a ka chhan chuan a ngaih a that hmel khawp mai. In luah tur ka zawn tirh khan ka hrilh hre mai lo a, ka duh ang ka hmuh hnuah chiah ka hrilha Pa Maruata pawh a lungawi lo viau, an duh dan kha chuan an bula awm reng turin min ti a mahse ka tan a nawm vak loh avangin ka hnial ve tlat a, nu Mapuii chuan minhrethiamin Pa Maruata pawh a hrilh fiaha chumi hnuah chiah chuan pa Maruata pawh a lungawi.


















Chaw kan eikham eina vel kan sengfel hnu dar 6 bawr velah U Ephraim-a chu a rawn lang a chhun lamah khan " zanah ka lo kal ang, " kha a tia U Mama nen tihtur an nei leh a nih ka ring. Sitting room lamah chuan Pa Maruata te nen anin kawm khawma keiin chaweikham thingpui hang ka chhuang thung. " U Ephraim-a tunlai chu a lo kal zing ve reuh e, ahma kha chuan a lo leng lut ngai meuh si lo a, " Sawmtei chuan a lo ti niah niaha alam ka hawi chuan sitting room lam chu a lo thlir deuh vung vung, " chutia mi, heta ka awm hma paw'n a lo kal reng turah a sin ka ngaih, " ka ti ve a ka ngaihdan dik tak a ni bawk, a rawn leng reng thina rei erawh a leng ngai lo thung, " i lo awm hma te kha chuan U Mama zawk hian a pan reng zel, " a ti leha ka nui ta ringawt.
















Thingpui chu ka chawipheia U Ephraim-a ka pek lai chuan min lo nuih deuh suka keipawn ka nuih let ve sen sen bawk. Pa maruata te nen an ti ti lai te chuan ka en deuh vang vanga val senior hmel chu a pu mawlh lo, a hmeltha in a taksa a nalha hmeichhe tam tak duhrawn a ni pawh hi a awm lo ka ti hran lo, " U Ephraim vawin khan Lucy nen in bazar em ni, "? Melo-i chuan a ti a nu Mapuii te chu thingpui in zawh khan an room lamah an lut nghal daih thung. " Um, min hmu mi, "? U Ephraim-a chuan a ti thum duta vawina a hmeichhe kalpui chung chang kha an sawi ni in ka hria, " Ruatsangi'n a hmu che u a niang a sawi a, tunlai chu inzui tam riau a ti, nangni hi in ni ve deuh a ni lo maw, "? Ti pah chuan a mit a ti kang deuh ak a ka nui deuh hak.
















" Kanin zui tam vak pawh ka hre lo, " U Ephraim-a chuan a lo ti thung, " Lucy te chu i student a ni lo mi, "? U Mama'n a lo tih ve chuan U Ephraim-a chu a lo bu deuh nghuta min lo melh pah bawk. " Mahni student te em chu i ngaizawng lo ang tiraw, "? U Mama chuan a ti leha a nuih danah a fiam pah deuh a nih hmel, " tunlai ah te chuan a thiang vek alawm, " Melo-i chuan nui tet tet pahin a lo ti ve leha U Ephraim-a chu a nui deuh suk ringawt. " Eng tik nge picnic chu kan tih dawn, " U Mama chuan a lo ti leha " Ka kal ve duh kar leh lamah ti ang u, " Melo-i chuan a lo ti ve nghal thung. " Ka hre bik lo, a thuhrimin kei chu picnic vel hi ka tui hlawl lo ka kum nen pawh a in mil lo, " U Ephraima'n a tih nuah nuah chuan ka tum loh deuhin ka nui chhuak.













A tawngdan vel chu naupangchhia ka ti zawk tlat, a kum a tam thu a sawi te hlei hlei chuan ka nuih a ti za deuh, mit ti zim suna min lo en takah chuan ka nui tawp nghal riai riai. " I ho em mai, Hruaii te pawh an kal ve duh dawna, " U Mama chuan a lo ti ve thung, Valsenior in chutiang mai mai an sawi chu ho ka ti ru viau mai, an hmel chu la upa vak lo mahse an kum ka hriatchian vangin ka ngai ho zo vek. " Thanthan kal ve la, " U Mama bawkin a lo ti leha U Ephraim-a pawn min lo melh ve leh chiah bawk, " kei chu engtin nge ka hman anga, nitin school kal angaih hi, " ka ti a dik a ti leh si nge a bu deuh nghut. " Saturday-ah kan ti dawn tho alawm, keipawh saturday chiah ka hman, " U Ephaima'n a lo ti ve thunga min melh pah reng bawk.














" Ka lo tum dawn nia, mahse ka hman kher angem ka sawi chiang thei lo, " ka tih takah chuan U Ephraim-a chu a lo thaw deuh hawk, picnic tih vel hi ka peih chi a ni lo hrim hrim bawk nen kal ve pawh chu ka chak hran lo, bakah ka hmelhriat dang an mahni tih loh an kal ve loh phei chuan a nuam lo duh awm em mai. " Kar leh saturday pawh chu atha reng alawm, kan hman tlan hun kha a nimai, " U Mama pawh chuan a lo ti ve leha ti ti dang a sawi nghal daih bawk. Dar 9 bawr vel ah chuan U Ephraim-a chu a ding deuh hluaia a kuta a sana bun chu a bih pah bawk, " ka duhai ka lengrei ka haw phei phawt ang, "



a ti sup a U Mama chuan leng rih turin la sawm ve bawk mahse kawngkhar lampan chuan a phei tual tual tho, " zan dangah ka lo leng leh zawk dawn nia, " kawngka bul a tang chuan a ti a, ka inleng bik chauh ni lo mahse a mah thlah tur chuan ka tho chhuaka ka zui ve nghal.
















" Min thlah dawn a mi, "? A bul ka thlen ruala a tih chuan nuisak in ka bu deuh nghata a ni pawh alo nui ve suk mai, Melody chu inchung lamah achho nghala U Mama erawhin Tv a la en thung. Pawna kanin zui chhuah hnu chuan a ding dat a keipawh chu ka ding ve nghal, " saturday chu kal ve la, " keimah pawh min en chuang lo in hmalam chu a en daiha kei in ka melh kar thung, " picnic vel hi nuam ka tih chi a ni vak lo a kan kum alo tam ve tawh bawk nen, " ka ti deuh ngeia a lo nui chhuak nghal hawk, " kum 30 em pawh i la tlin loh chuan i upa hleinem, keini hi lawm upa tawh chu kan kum ang rualah hi chuan tam takin tu an nei tawh hial ang, " a ti ve leha kan pahnih chuan kan nui dun kar kar mai.














" A hun lo thleng phawtse ka thei turah ngai ang, " ka ti ve ta nge nge a, nichin mai kha chuan kal ka chak loh tehreng nen hetia min han sawm leh takah chuan ka phur thar ve tlat, " um tha lawm, " a ti tawi taka chhan zui dan tur chu vang tawh tak a ni, " lut tawh rawh khua avawt tawh si i hritlang a nge, " amah bawkin a tih leh tak ah chuan bu deuh nghat pahin, " aw le, muttui phawt chuan fimkhur la, " ka ti let ve a " aw le, " ti leh dutin a kalsawn nghala keipawh chu ka lut zui ve nghal. " U Mam i la mu dawn lo em ni, "? U Mama tv en a lo thu reng chu ka bia a min lo melh zawkin tv chu a en leh a, " mu dawn e nang i mu nghal dawn a mi, " a lo ti let ve a aw ka lo pawh ve nghal.





" Thanthan i U Ephraim-a hi i bula a awm dan hi mak ka ti riau mai, " inchung lamah chhoh tuma ka inher lai in U Mama chuan a lo ti a chho leh ta mai lo chuan alam chu ka hawi leh rih, " eng tia mak in maw, "? Ka ti deuh hu a a thusawi awmzia chu ka hre tlat lo, " ka hrethiam chiah bik lo, midang bula a awm dan leh i bula a awmdan hi a hrang hlakin ka hria, " nuisang hian a lo ti leha kei ka lo nersak thung, " i hriat vang mai mai a nih chu, chutiang eng mah a awm lo, " ka tih chuan a lo nui nghal hawk a keiin ka ner khum nasa viau thung, " ok, ka fiam mai mai che a nih kha muttui le, " ti pahin tv chu a off a a room lamah aphei zui nghal bawk.






🥀💙( ZAWMNA CHAUH A NIA A THUI THEI LO AW, COMMENT KHA UAR HLE ULA KAN REGU A NIMAI😂 )🥀💜


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)