UMAPUIA BY Sammy (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: UMAPUIA BY Sammy (Completed)

Unread post by Ngaia » May 21st, 2023, 3:13 pm

UMAPUIA
by Sammy 🦋







Ch >< 13









"Kum thar lamah chuan helai hi puar ve ak hman turin" tiin ka dul chu a rawn tawk zeuh a, ka lo lai sen deuh tan tan.








"I ninawm! Min ti lai thei lutuk!" tiin a malah chuan ka chum taih a, nui ngawr dawtin min pawt hnai a, ka kawng chelhin ka nak nem chu a tham deuh salh.








"Apa hei hi ka ti thiam lo" tiin a robot pakhat keng chuan Khitea chuan kan lam a rawn pan vut a, "Ka'n lo en chhin ange" tiin ka lo ban a, a robot ban chu a ti thlawn hi a lo ni. Ka thiam dan ang chuan kan vuah tha ve a, lungawi deuh chuan a khalh zawm mai bawk a.








"A za nia..." ka ti deuh sa sa a, ka kawr chhung a zenin ka dul leh nak nem lai chu a tham leh salh thin. Naupang an awm ve tho si nen nuam ka ti lova, a kut chu ka vawn sak ta ngawt.








"Min en teh" a tih chuan ka en duh lawk lova, a kut ka vawnna chu amah chuan a rawn hum let vang vang a, "Min en teh" a tih leh chuan ka en a, mahse a hmel pawh ka hmuh chian hma chuan rawn kun hniamin ka hmuiah chuan a rawn fawp deuh ngawng ngawng.








A inlakhran chuan ka thaw hak a, a rang teh thut lutuk a inrin na hun pawh ka nei lo. Bakah naupang an awm a, khatianga a chet kha ka ring lo hrim hrim bawk.








"UMapui" ka ti hman chauh tiin min rawn fawp leh a, tun tumah erawh a dam dap a, a lei chuan ka hmui chu nawr kauvin ka kâ chhung chu a rawn hawl a, zei zet a a mi fawhna chu ka chhang let a. Chutia ka tih veleh lah chuan a phur sauh emaw tih tur a ni a, ka kut a vawnna chuan ka kawng dawmin min pawt hnai sauh sauh a, keimahniah chuan phurna, inhip tawnna nasa tak a awm tih chu hai rual a ni lo.








Mahse kan thil tihna hmun chu leh hun chu a dik hlawl lo, rilru fim put tum chuan UMapuia darah chuan ka nam hlek a, a inlahrang hlek nain kan hmui chu a insi thuak tho.








Ka thaw halh a, min rawn fawh leh a tum chuan a darah bawk chuan namin a hla deuh dawrh a, naupang lam chu ka melh zawk.








Hriat tham loh chuan a phun sup a, a hrawk a thian deuh kharh.








"Thingpui lum la" a ti lai rut a, ka lu bu nghatin engmah sawi loin choka lam ka pan nalh a, ka thaw deuh hawk hawk.








Gas a thingpui ka chhuan kai lai chuan UMapuia chu a rawn lut ve a, dawhkanah chuan thuin a kut a kuangkuah vei hlun.








"Thingpui hi i in duh tak tak em ?" ka tih chuan a lu a thing a, gas chu ka off lehnghal.








"Lo kal teh" tiin ka banah chuan min pawt a, a kap karah chuan min din tirin ka kawng hnung lamah a kut chu a suih a, min thlek vung vung.








"I hmel ang hi kan fate'n pu ta ang se" tiin a thle deuh bak a, a âwmah chuan ka chum taih. Ka tum loh pawh hian a thu sawi thin te avang hian ka lai lo thei thin lo.








"Achang chuan ka nawr mah mah chein ka inhre thin a. Mahse min dem lutuk suh, ka duhna che vanga ka lo tisual anih pawhin tha takin min hrilh zawk dawn nia" tiin ka kut chu a la a, a pahnih chuan ka mitah tak chuan min en kar.






"Kum 20 zeta kei aia nau lakah hian heti tak hian ka luangliam ang tih tunge ring pha bik ang ni ?" a thusawi muang ban charh leh mitmeng a, min thlakhlelhna, min duhna lang chhuak chu hmuh a nuam takzet. Ka nui seih a, min pawt hnai leh deuhin ka kut a vawn chu a biangah dahin amah chuan a vawn hnan bawk a, chutia a biang ka khuapna kut chu thlakhleh hmel takin a lo nul deuh thuak thuak a, ka awm hnaih sauh sauh bawk.









A duh dan eng ang pawhin chet la mah se min nawr ka ti thei hauh lo ang, min duh ang zat hian he pa hi ka duhin ka vei ve tet tet bawk si a.








Min kuah betin ka âwmah chuan a bei ve ta hnup a, a tihdan ngai bawkin ka kawr hnunglam chu zen chhoin a chul deuh hauh hauh.









Ka nghawng zawnah rawn thaw lum hakin dim tein a fawp a, a hniam thei ang bera a thut tak avang chuan min enin a rawn dak chho deuh ha bawk a, "Hahh..." thaw deuh hawkin min pawt hnai leh a, kan insi deuh chât tawh. A pangtilum chu ka feel thei a, ka hnung zang a chulna kut pawh chu a lum thur thur viau mai.









A chil lem zawnga a hrawk bawk che kal rulh chu ka en uluk hle a, a awmdanin a zir bawk a, a lang chiang viau mai lehnghal.









"I duh em ni ?" a tih chuan a hrawk bawk atang chuan ka mit ka la sawn a, a mit meng de sawr sawr a min lo melh chu kan mit a intawng chiang hle a, a mitmeng atang chuan a ngaihtuahna zawng zawng chu ka hmu vek hial maithei a ni!









"UMapui...." a kut hlei zet avanga ka danglamna thup tum tak chuan ka ti a, ka âw erawh chuan ka thil tum ang chu a hre ve hauh lo nge a khur deuh ti tih.









A nui suk a, kei erawh chu a kut zungpui pahnihin ka hnute pang hnuai ve ve a nul kual vel avang chuan ka thaw hak. Hetiang hi inngaizawng te inkara thleng tur a ni em ka hre lova, mipa dang ka la kawp ngai miah loh avangin ka vawikhat tawn na a ni a, midang leh UMapuia tan ngei pawh hian ho viau mah se ka tan erawh chuan thil thar hlak a, ka awm ti nuam em emtu a ni lawi si.








"UMapui....." ka âw ah chuan hlauhthawnna a tel tawh, hetianga awm vel hi nuam viau mah se a tak ram thlen erawh chu ka duh hauh lo.








"Hahdam rawh...." UMapuia chuan ka awm dan hriatthiam hmel tak hian a ti dam diai a, ka âwmah chuan bei hle hlu hluin a hel a hel chu a hum lum ta vung vung.








A tukkum samah chu ka khal a ni ber a, thil tamtak a ti lo chung pawha ka taksa a danglamna a siam tam lutuk chu a awihawm loh zawk. Ka la tawn ngai loh vangah puh ringawt mah ila ka bialpa hi! Ni e, ka bialpa amah UMapuia hian chet lak dan a hre mah mah a ni!








"UMapui..." a hming ka lam ngun ta malh malh khawp mai.








"Umm" a ti thum dut a, a awm mek danah hian a lungawi hmel hlu hlu khawp mai.









Sawi tur ka hre leh si lo chu ka ngawi ran a, UMapuia chu rawn hawi chhuakin min en chho ha a, "I ke a kham leh tawh em ni ?" a tih chuan ka nui a, ka ke chu kham lo mah se ka lu chu ka bu nghat a, "Naupang te saw kan ngaihven dawn em ni ?" ka ti let a.







"Ka fawp phawt ang che chu....." a tih chuan nuih seihin a fawh rem tur chuan ka kun hniam a, a lehpek awm tawh lo tur ang mai chuan kan infawp, kan lei chu a insual bian bian a ni ber.







Mahse chutia am taka kan infawh lai chuan naupang tap ri a rawn awm ta tlat a, "Apaaaa..." tih riin a zawm bawk.








UMapuia chu inlahrangin a phun hluk a, "Naupang nena nula rim chu a buaithlak tan dawn tlat!" a tih chuan ka nui hak a, "Va ngaihven teh ang" tiin min kuahna atang chuan ka talchhuak a, Khitea chu choka lamah tap chungin a rawn phei.








"Tinge aaa ?" tiin ka lo pawm kang vat a, "Ka kut...." ti ngawtin a kut chu min hmuh a, tlem te hi a lo pilh. Puitling tan ho viau mah se naupang, naupangah pawh a pain duat leh keh thei dawma a dawm a ni a, a la ngang ngang khawp mai.








"Aaaa bang daih rawh. Mipa chu hetiangah an tap ngai lo, bang rawh le...." tiin a kut pilh lai chu ka'n chhem a, a mut a chhuak deuh tawh hrim hrim chhuak lo tih hriat takin ka ngawnga min kuah pah chuan a tap leh a, thutthlengah chuan ka thut thlak pui a, rei lo ah a tap muhil ta nge nge.








"A muhil leh ngawt a ?" UMapui an a tih chuan, "Imm... A mut chhuah a hun tawh lutuk alawm" ka lo ti vat a, ka bulah chuan a rawn thu thla ve dat a ka ni te pawh an rawn let veleh chiah.








An lenna chung chang an rawn sawi a, an len lai lai a chhungkua an buai thu leh nuam lo an tih thu te an sawi luam a, ka niin Sangtea chu Pa Hriatrenga bula a riah phal thu a sawi chuan Sangtea chu a phur hle a, an pafa chuan thu rei tawh lovin an haw zui vat.









Ka ni mut luh hma deuhin ka pa zan mu thangharh a rawn tho chhuak veleh a, sana ka en lah chuan dar 9 chauh a ni a, ka chhungte hi eng an ti bik nge ni?








UMapuia pawh chu thu rei tawh lovin Khitea chu a haw pui a, a haw hnuah textin naktuk Aizawl a kal tur thu a rawn sawi a, a theihnghilh daih thu leh thupha chawi nan kawr mawi tawk ka rawn hawn ang che a'n tih ve chuan ka nui var var mai.







><><><><><><><><><><







"Aw mipa a?.... Mipa a nei anih chu Mate..." ka niin a pindan lam atanga a rawn tih chuan, "Vah (nephew) ka nei ve ta!" tiin ka khek nghal chul a, kan Lawmtawngtheii chuan mipa a hring anih chu!







"Pi tupa thar i nei aw...." tiin ka pi chu ring leng lawngin ka hrilh a, ka pi chuan min nuih a, "A hmingah enge kan sak ang?" tiin ka pa thutthleng a thu lo nui ve suk suk chu ka pi chuan muang ban charh hian a han rawn veleh a.







"Nangmah phuah la ka nu" ka pa chuan a lo ti sam et a, "Anih chuan Malsawmzuala i ti ang u hmiang....." ka piin a rawn tih chuan, "A mawi lutuk pi..." tiin ka kut zungpui pahnih chu a lamah chuan ka ti pir va a, nui suk sukin a kut zungpui pakhat chu a rawn ti pir ve va.








"Ni ka piin Malsawmzuala tiin a duh aw...." ka ni pindan lutin ka sawi a, "A sawi chu in hria em? Malsawmzuala ka nuin a ti anih chu...." ka ni chuan a ti a, lehlam atanga an sawi chu ka hre ve thei lo nain ka ni a nuih hak hak avang chuan a hlimawm turah ka ngai a, ka lo nui ve tawp.








Ka û thlalak min lo thawn chu ka en vang vang a, ka û fa a ni tih hi hai rual a ni lo, mahse a hming chu mawi ka ti ta miah lo. Eddie Malsawmzuala nu hi ka ti lutuk a, mahse ka û sawi danin Lawmin nalh a ti a ni awm a, aaa ka thu lo ve em a, lungawi vak lo mah ila ka sawi buai lem lo. Mahse an fapa hian nakinah an hming phuah sak hi nalh lo a la ti ve tho ang.








Ka status a, ka status satliah pawh a ni lo ka status chuai chuai a ni ber. An rawn haw hun chu ka nghakhlel kher mai.



.
.
.
.


"I û te chu engtikah maw an rawn haw dawn ?" ban khur laih paha rawn ti dut dut tu chu ring leng lawng hian, "Kar thar lamah rawn haw chu an tum a, mahse a chiang lo" tiin ka chhang a, "Kan neih ve hunah mawi i tih tak i phuah dawn nia" a rawn tih leh dut chuan ka nui hak a, an hming phuah mawi ka tih vak loh thu ka hrilh ve a, engtin nge maw a rawn sawi leh khauh theih zawk ni.








"URuatpui tui a la awm em ?" UMapuian ban khur laia a chhawr Siamkima kei aia nau ve leh deuh chuan a ban khur laih mek khur atang chuan a rawn ti lauh lauh.








"Aw awm e...." ka tih lai chuan, "Keiman ka pe ang...." tiin Khitea chuan tuium chu a la a, a tlan pui nghal tarh a, mahse a inchhuih tlu khut.








"Apaaa....." tiin a tap zui a, UMapuia chu a ban khur laih atang chuan a rawn hawi chho heu a, a fapa ka ngaihsak hun chu a nghak tih ka hria.







Ka thutna atanga tho chhuakin ka va kaitho a, a tlu na lo aniang a bang veleh mai bawk a. Tui chu inhnit faih faih chung chuan a zuk pe ta tho a, UMapuia chuan lungawi hmel deuhin hian min lo thlek dauh dauh.








A ram lei takah khan in sak tumin ban khur a lai mek a ni a, a hmanrua engkim ka tellova Aizawl vawi thum a kal hnuah a inla kim fel a, fur anih tak tak hmain a ban tal phun fel hman a tum viau a, muangchanga amah anga nghet charha sak a tum thu a sawi nasa viau.








"Siamkimate in chau em ?" tiin a au zui lauh a, "Chau lo e.... UMapui ban khurh laih chauh lo pawh kan chawrh theih ania aw" Siamkima chuan a rawn ti veleh lauh a, "Ni e, kan thawk zel ang chu" UMapuia chuan a ti let mai a, ka lo nui sen sen.








Siamkimate hi fel ka ti viau a, keimahni anga unau pahnih ve tehtlawng mai an ni a, khaw thenawmah college kal mekin chawlhah te hian inhlawhna awm awmah te an inhlawh thin a, bakah an nungchang a mawiin an bul a awm a nuam a, entawn tlak nun an nei chu chu ka sawifiah thiam dan ber a ni e.








Tlaiah chuan kan haw ho dial a, ban khur an lai zo a, naktukah cement in hna an chhum zawm anga, UMapuia tawngkam takin insak buai zual vel chu zo se inneih chu tha takin kan sawi ho tawh ang.








"I nu a awm lo a, i inthlah zalen e riau" ka niin a tih chuan ka nui ringawt a, "Nui ringawt chu, dan khatna in la pha em ?" a tih chuan ka ni chu ka melh phawk vak a, "Nii!" ka ti vak.








"Enge ?..... In fawh te, in kuah te hi chu thleng tur a ni a, mahse a aia kal thui loh tur. Hmeichhia hi chu fimkhur hle tur...." ka ni chuan a ti dap dap a.








"Ni... Min ngaihtuah suh, UMapuia chu chutiang mi a ni lo" ka tih chuan, "Ka hria, ka ring thlap che u. Mahse mipa leh hmeichhia in ni a, awm dun tur a duan, inmil thlap a duan in nia. Palh hi a awm thei. Lo rai ta pawh ni la Mapuia hian a nei dawn che tih ka chiang lutuk, mahse Mate kan hlim ni ber tura biakin dar ri a tel loh chuan a kim lo riau dawn asin. Kan zahawmna hi mipa in min ngaihhlut leh hlut loh lamah aiin keimahni'n ka ngaihhlut a, kan inhlut hi angai" a ti leh dap dap a, ka lu ka lo bu nghat nghat.








"Imm... ka hre reng ang" ka ti ve ta a.
.
.
.
.


Lawmi te an rawn haw a, rin aiin nau a awlsam a, a harh chi a ni hrim hrim bawk nen chet te chu a harsat loh vaih vaih lutuk. Mahse kan naute duat nu kha a ni ve a ni ve tawh a, duat takin a chet te chu kan han phal lo ve a, a naute a ber pawh chu a chang mang lo.









Keini chhung nau nawi vak tawh lo chuan chutia chhungkaw member thar kan neih chu kan lawm hle a, keini chhung chang ni lovin Lawmi chhungte pawh chu an rawn lang zut a, a hmeltha perh ve zek bawk si nen a biang hi an rawn piai liam liam a, tah an rawn zirtir hi a ni ber.







><><><><><><><><><







School chawlh a ni tawh a, naute chu ka duh em a, thil dang ka tih san hleithei lo, Lawmi nen chuan kan inchuh hi a ni ber thin.








"Aizawl kal chu i chak ta vak lo em ni ?" ka bula ti thum dut duttu lam chu ka hawi a, an pafain min tih tauh khum a, Khitea chu ka thlem lungawi thei tawh a, an tih tauh chhan pawh 'min ngaihsak lo' an lo ti ve reuh a, hahthlak hian!








"Kal chak e, min hruai duh bawk si lova" ka tih chuan, "Naute ringawt i buaipui a" a ti nghut a, a va han cute ber ber reuh tak.








"Nursery students ang lekin i awm ania" ka tih chuan a hawisawn hmak reuh a, ka va han duh bir ber tak!







"Ti tau lo la, i pa len len nen. Kohhran upa ni rual tawh si han tih tauh bur bur" ka tih chuan a rawn nui su dawt a, a thlen lai hriat hman loh khawpa rangin min kuah bet leh reng tawh.







"Ka leng rei hman lo ania..." ka tih chuan, "Palai rawn tirh tawh mai ka duh" a tih chuan, "Rawn tir la..." en chhoh ha pah chuan ka ti a. Min duh a, ka duh a, amah ring turin min duh a, ka duh bawk a nghah leh beisei chhuah tur dang a awm tawh chuang lo. Inneih bak hmasak kan ni lo, kan inthlahlel tawn a, kan tan chuan inneih chu thil tha ber a ni zawk maithei a ni.








🦋Tunlai chu ka hahin ka chau thei lutuk a, ka rawn dah lawk thei lova. Mahse in mi hriatthiam thin naah ka lawm viau e.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2023, 3:13 pm

UMAPUIA
by Sammy 🦋






Ch >< 14








Min en deuh vung vung a, "I pa hnenah han sawi thawi la, keipawhin i pa chu ka be hrim hrim bawk ang" a ti nghet churh a, "Chuan kan inneih tak tak anga !?" ka tih chuan a mit ko min san khum ak a, ka lai leh ringawt.







"Ka sawi ngam dawn ami ?" Naupangchhia taka ka tih chuan kiai suk a, ka ti tak tak. Ka pa hnenah pasal ka neih duh thu sawi tawp chu engtin nge nia nga, ka thei lovang.








"Min nei tur chuan i la inring lo deuhah ka ngai mai nge" a tih chuan a mitah tak chuan ka en a, a thinrim nge enge a ngaihtuah ang ka hrethiam lo.








"Aihh.... Mahse ka sawi thiam lo alawm..." ka ti leh a, ka awm dan chu naupangchhia lutuk leh zahpuiawm zawk hial a ni.








"Mate, i chhungte hnena min neih duh thu i sawi anih loh chuan i chhungte ngaihdanah ka nawr lui ta viau chein a lang thei a, chumai bakah keimah ngaihdanah pawh ka nawr lui che emaw intihna ka nei dawn bawk. Ka nghak thei che a, i la naupang a, chuvangin i duhdan ka zah sak chein nawr luih che ka tum lo ania" a ti dap dap a, ka inngaihtuah buai ta kher mai.








UMapuia hian min nawr lui hauh lova, neih ngei ka duh. Mahse ka la inpeih chiah loh vang em ni ang ka pa hnena sawi ka hreh viau nachhan. Nge nia nga UMapuia ka ring lutuk hian ka tel ve ngai hauh lova thil a tihfel leh ka ring zawk ni?








><><><><><><><><><







Lawmi nau hrai lai chu ka thutchilh a, "Lawm ka û nen in inneih dawn vel khan engtin nge i chhungte hnenah palai kan rawn tirh dawn vel khan i sawi ?" ka ti a, "Nang pui hi, pasal neih i tum ringawt elaw? Neih a la ngai lo, nau a len deuh hma hi chu i chhuah ka phal lo nia" a lo ti hlar a, a nau hrai pawh chu a rawn te deuh that that.








"Ka uang lo!" ka tih chuan, "Ka hre tawh lo. I sawi duh chuan sawi tawp rawh. A thu hrimah inneih in tum ve ngawt ami a ?" a tih chuan ka lu ka bu nghat.









"Lalruatpui!" chiang fiah tak ngek ngawk chuan a rawn ti a, "Enge!" hniam fahran chuan ka ti ve let a, min en vung vung. A nau hrai chu en in a thaw hawk a, a rawn thu chhuak hlawl.








"Tinge inneih chu in duh a, in la inzui rei si lo" a tih chuan, "Nula leh tlangval kan nia, inneih kan duh chu amak em ni? Bakah nangni pawh ka û nen in inzui rei hauh loh kha ?" ka ti a, enge min zawh nachhan hi ka hre map lo. "Chutiang lam sawi ka tum lo, tunah hian lo rai ta lo ila i û nen hian kan la inneih lo ang" a tih chuan a zawhna awmzia tak chu ka man chiang viau.








"Nge maw ka rai chu in rin zel le, ka rai lo!" ka ti a, UMapuia nena mipat hmeichhiatna kawnga kan la fihlim thlap thu leh ka ni thu min chah ang te chu ka han sawi chhawng leh thlap.








"Immm a tha.... Mahse Mate thil dang leh..... Inneih ta ula, fa nei la, fa i neih hunah Khitea saw i fa ang takin i en thei dawn em ni ?" a tih chuan ka rum deuh hawk.








"Ka inngaihtuah vek tawh, tunah pawh hian UMapuia tello sawn awm dawn ta ila kan awm thei ang. Chutiang khawp chuan Khitea nen sawn kan inngaina tawn a, nau ka lo neih tak vangin ka en hrang ngawt dawn lo!" chiang zet chuan ka ti a. Chu chu ka rilru tak tak pawh a ni. Hun kal zel tur ka hre lova, ka fate anga ka lo hmangaih thei dawn lo anih pawhin ka chhia leh tha hriatna avang tal pawh hian ka en hrang hauh lo ang. Chu chu keimah ka intiamna a ni a, midang hriat ve erawh chu a thiang lo.








"Pasal neih hi tih namai a ni lo ania...." Lawmin a tih leh chuan, "Anih nang engtin vak nge i tih a ?" ka tih chuan Lawmi chuan min en vung vung a, a rawn nui ta vak vak.








"I mawl sia, a hreawm" a tih chuan ka kek bu lawp.








"Tak takin, chhungkaw sum dinhmun te hre phawt la, nu leh pa tan hian a hautak thin si a...." a tih chuan, "Ka pasal neihna man tur chu ka intuak ngah vek tawh. Hman atang tawhin nula senior hausa, ka vahte tana ni fel nih ka tum ngar ngar tih chu i hriat kha. Mahse ka senior hmain UMapuia hi a rawn lang leh rauh sia, ka vahte aiah ka fate tana nu fel nih ka tum mai ang. Sum lamah chuan harsatna awm lo..." ka ti vei zat zat a..."Engmaw i sawi ?" ka ni chuan Lawmite mut pindan pawn lam atang chuan a rawn ti a.








"Pasal neih ka duh ka tia nih chu !" ka ti let a, "Chu i fanu thusawi chu i hria em? Pasal neih a duh nih chu aw" ka niin a tih chuan ka va han phawk tak, ka pa nui ri chu ka hre zawm zat a, Lawmi chu ka melh kawk kawk ringawt a ni ber.








"Engtin nge i tih dawn? Fa naupang zawk pawn pasal neih a duh veleh tlat..." ka niin nuih za tih hriat taka a tih leh chuan ka pa chuan nui chung hian, "A duh te chuan kan neih tir poh aniang chu. Mahse nangmah anga a rawn tlan haw leh dawn loh chauhin kan phal ang" ka ni chhaih zeuh pah chuan a ti a, ka ni chuan enge a sawi ka hre lova, pindan chhungah chuan ka zak em em ringawt.







"Chance tha lutuk anih hi, va chhuak la va sawi rawh. Ka pa tawngkam atang khan a chian tawh kha, mahse va insawi nawi nuai lo la" Lawmi chuan a ti sa sa a, min nawr chhuak a ni mah.








"Hei kan nula atanga 'pi' tia koh duh tawh chu a rawn kal alawm...." ka ni chuan tiin choka lamah rawngbawlin min luh san leh daih a, kei, ka pa leh ka pi te chauh chu kan awm ran.







Ka pi bulah chuan thu thlain ka pa chu ka melh zeuh zeuh a, nichin an thusawi te kha hria ang pawhin a lang lo, "Pa...." a hre phak dawn em ni aw tih tur hial khawpa zawi chuan ka ti a. Mahse a hre phak a ni chek ang chu, "Immm" tiin a rawn hawi chhuak.








"Aaa ih.... pa... Eng lo" ka ti nawi nuai a, ka zam lutuk mai chu a ngaihna awm lo, ka âw te chu a khur deuh ti tih a, ka thin a phu dup dup a, ka hnungzang te chu a sa thla puat puat mai.







Ka pi chuan ka kut chu lain a hum vang vang a, "Rema i fa tê zawk pawn in leng a neih tur thu hrilh che a tum anih hi.... Engah nge i beng i chhut ngawn tlat" ka pi chuan a ti muang ban chap a, chutia ka pi a tawng tak vang chuan nge ka thaw deuh huai mai.







Ka pa chuan a hriat daih tawh chu ka ring, a chhan pawh UMapuia nen khun khan zetin an ti ti tawh tlat a. Mahse UMapuian keima ngeia hrilh turin min tih vang bakah khan keimah ngeiin zanina an rawn len tur thu sawi ka duh hrim hrim bawk avangin ngam leh ngam lova sawi tum pawh ka ni.







La puitling tawk lo chu ka inti ve viau mai, mahse hun inher dan zelin mihring chuan nun kan zir thin an tih kha.....









"Rawn leng se la.....An hmelthat nge tha lo te pawh kan lo en anga...." ka pa chuan zangkhai vah hian a ti a, "Pa zaninah....." ka ti hman chauh tih chuan...."Immm hetah hian lo thu teh" tiin a thutna bul chu a beng thuk thuk a, ka thu phei vat.








"Ka fanu duat ngawih ngawih inih hi i inhria tiraw ?" tiin ka darah chuan a rawn kuah a, ka lu ka bu nghat.








"I û ai pawha ka duat zawk i ni a, naupang en a kan en lai chein pasal neih duh hial na rilru te i lo pu ta a.... Inchhung hreawm i tih vang anih chu ka ring lo a...." a tih chuan uar zetin ka lu ka thing a.








"Ni lo pa..... Nuam ka ti lutuk. Theih se chuan ka damchhungin in bula awm ka duh. Mahse hmeichhia ka nia, engtikah emaw chuan ka chhuahsan che u a la ngai dawn tho tho a, bakah ka pasal tur pawh UMapuia ni tho a, in inkawm thin tho a...." ka tih chuan ka hmui chu ka chip hmak a, chil ka lem ri khawlh.








Ka pa chu ka en a, nuihza tih hriat takin uluk deuhin ka thusawi lai chu min en a, ka tawngsual chiang lutuk chu ka inngei zawk a ni.








"Pa...." ka ti leh ngawt a, sawi tur chu ka hre tawh thlawt lo, Lawmi chu nise sawi tur a hre ngei ang, mahse Lawmi ka ni miau lova sawi tur ka hre lo.








Ka pa chu a rawn nui ta hawk hawk a, za lo tawk chuan ka then ve tha tho.


.
.
.
.


Sawi lawk ang ngeiin palai hmel chu kan hmu ta a, mahse ka beisei tel miah lohin inneih hun vel chu an ruat fel nghal vek mai.







Thu lawmawm tak chu a ni a, mahse an rel awlsam lutuk chu a hamhaih thlak zawk hial mai.







UMapuia duhdanin thlasik khaw vah tak tak hma September thla tawp lamah a ni a, tunah July a ni tawh a, thla hnih chiah inbuatsaih nan hun a awm tihna anih chu.







"Tinge thlasik anih tak tak hmaa inneih chu i duh kher a ?" tia UMapuia ka zawh chuan, "Thlasik huna kuah lum tur te, nilum ai pui tur te ka mamawh tawh alawm" a ti mauh mai.







A thil ngaihdan naupangchhia lutuk chu ka nuih a za lek lek zawk a, mahse a chhan dik tak erawh anih ka ring hauh lo.







><><><><><><><







Hun a kal chak viau a, August kan kai leh der tawh. Chawlh ka dil a, mahse chu pawh indaih lohna a nat em avangin kan inneih hma kar khat leh kan inneih hnu kar khat bak ka chawl thei dawn lo.







UMapuia chu a reh thin viau a, in a sa bawk nen, thil dang lo ngaihtuah ngai bawk nen kan in ah phei chuan a rawn lang khat khawp mai.








Aizawl lama a putea te nupa an rawn kal a, palaiah pawh khan a putea chu a rawn tang nghe nghe.







Ka nu chuan awmdan tur te, mahni in anga pasal ka neih hunah chuan ka awm mai mai theih tawh loh tur thu te, thil tam tak, nu in a fa a hrilh tur ang zawng zawng chu min hrilh vek. A thusawi thenkhat chu zawm a mual mual ka nei ngei anga, mahse a tam zawk chu ka zawm loh tur an ni.

.
.
.
.



UMapuia nen Aizawl kan zin dawn a, aaa ti ila Khitea nen kan pathumin a nih ber zawk chu.







Kan inneih thlen nan kar thum chiah a awm tawh a, mo kawr en turin kan kal ve dawn chauh.







Ka phur khawp mai a, Aizawl ka vawikhat kalnaah ka mo kawr en turin kan kal nghal teh tlawng dawn ania, a zia tho e.







Aizawl kan thlen chhoh chuan ka phur en aiin nuam ka ti ta hauh lo mai. UMapuia chuan an resort lamah min innghah pui a, khawpui chhung anih loh avangin nuam tak a ni.







Zan lama a nau te nupa an rawn kal tur thu a sawi avang chuan chauh pawh sawi lovin kan intifai zung zung a, zanriah kan ei ve dawn meuh chuan khua a thim vek tawh.







UMapuia nau chu ka hmu chak viau a, eng ang hmel nge a put anga, hetiang em em a mahni û te ertu chu ka hmu chak a ni tawp.








Mahse zanah chuan an rawn lang hauh lova, kan motor chuannaah kan lo chau ve tho bawk nen Khitea nen chuan dar kua velah kan muhil bawrh bawrh tawh.







Zing ka harh chuan khua a lo hnim ruih mai a, khum thawhsan lo chung pawhin ruah chu a sur dawn tih ka chiang lutuk tlat.








"Anu" tia ka sir atanga min lo kuahtu chu ka en a, hetia min koh hian nuam ka ti tawh zawk khawp mai.








"Good morning" ka en veleh chuan a ti nui ver ver a, ka nui ve saih.








"Good morning chu eng tihna nge ?" ka tih chuan, "Ka hre bik lo" a rawn ti heu a, a hmelah chuan a hre lo tak tak tih a hriat bawk.








"Apain Good Morning atia ka ti ve tawp" a tih leh chuan nui pahin ka tho chhuak a, mahse khaw awmdan vang nge boruak chu a vawt vur mai.








"Nizan i mumangah enge i hmuh le ?" ka tih chuan, a ngaihtuah niawm hian a ngawi vang vang a, "Mumang ka nei lo" a rawn ti leh a, a muttui lutukin a mumang a hre lo tih chu ka hre mai a, nui chungin khum atang chuan ka thawh chhuah pui.







UMapuia hi khawnge a mut ka hre miah lova, a tho tawh nge tho tawh lo pawh ka hre lo.








Khitea nen chuan kan intifai a, kan intifai zo pawn a kan chhuak tur chu UMapuia tray chawiin kan tawk.








"Nula tlangval te chu an muttui em ?" a rawn ti hlut a, "Apa tlangval ka ni tawh ami ?" Khitea chuan a lo zawt let vat.








"Aw tlangval i nih tawh kha, zingah pawh i tah tawh loh kha" UMapuia chuan a ti a, "Anu bula ka mut vang alawm" Khitea chuan a ti reuh a, UMapuia chu a nui hawk hawk.







Thingpui kan in lai chuan ruah chu a rawn sur ta ngei a, sur rei lo mah se a sur hnem viau thung.







Tukthuan ei zawh lamah intifaiin kan chhuak leh a, Aizawl boruak chu ka kal chak ang aiin nuam ka ti miah lo.







Motor tam lutuk te chu a hahdam loh thlak ka ti a, midang ngaihdanah erawh ka hre chuang lo nain leh Aizawl a cheng ka ni lo nachungin ka lo ningin a boruak hi a nuam hlawl lo.







Mo kawr kan en na dawr neitunu nen chuan UMapuia chu an inhre ngang mai a, UMapuian nupui a nei tur chu mak a tih thute a sawi vel luam a, a nelawm khawp mai.








Mo kawr chu ka ha chhin nual a, ka duh ka thlan tawh hnuah ka thian tur ber chu a rawn thlen veleh chauh bawk.








Lawmi a thei tawh bawk si lova, thian tur dang ka neih loh avangin UMapuia putea fanu chu thianah ka hmang dawn a, kan rualin kan khaw lamah pawh a rawn chhuk ve nghal bawk ang.








UMapuia nena kan hak chhinna ve ve thlalak chu ka status a, Lawmi bawkin a rawn comment a, mahse ka reply lo.








Tlai lamah a chhungte in min tlawh kual pui a, rin aiin chhungte an lo nei zek a, an bul ve viau ni a ka hriat kha an lo bul awzawng lo. An chhungte ho lah chu khawsa thei deuh tak tak vek an ni a, an felin an nelawm em em hlawm lehnghal a, engtin nge hetianga chhungte nei fela nei tha hle si hi Aizawl a awm lova kan khuaa a rawn pem duh zawk ni?








Tlai kan haw chuan kan intifai leh nghal vat a, ka nu te biain chanchin ka hrilh bawk a, ka mu deuh ar ar.


.
.
.
.

Kar khat chiahin min dang ta a, keini chhung leh UMapuite lam chuan inneihni chiah chu kan nghak tawh.








Mahse mi hriatpui miah lohvin ka rilru hi a hah khawp mai, period tur intham ang hian ka awm a, tun thla ka la period miah lo bawk si a. Kan inneih kar vel hian ka period ang tih ka hlau ang reng khawp mai.







Man inhlanni chuan ka hlauh ang ngeiin ka period ta ngei a, nuam ka ti ve hleithei lo. Tumah chu hrilh chi niin ka hre bawk si lova, tih ngaihna pawh ka hre lo.








Zanah chuan UMapuia ka va text a, ka period thu ka va sawi chuan a rawn reh vung vung a, *Chuan ?* tihzawng hian min rawn reply a, ka va han duhkawp lo thin tak.








A call a rawn lut a, ka la nghal vat nangin engmah ka sawi lo.








"Mate..." a rawn tih chuan, "Ummm" ka ti tawi tak a, nuam ka ti miah lo. Ka lai sen awp awp chung pawhin kan inneih zan a nghahhlelh viau thu a sawi fo a ni a, tunah lem hun lo lutuk a ka tla tin bi a rawn chhuak bawk si.








"Ihh... UMapui engli.... Ka period sia..." ka ti bah nak a, "Chuan ?" a rawn ti leh.








"Aaa eng lo..... Zanah a buaithlak, ka sawi thiam lo inneih zanah....." ka tih chuan a rawn ri hak a, "I inngaihtuah buai anih kha, thil ngaihtuah ngaihtuah vak vak lo la, mut hahdam i mamawh kha aw" a rawn tih chuan ka thaw deuh hawk. Ka mangang ruk na ber a hre tur berin a hre ta bawk a, a zia e.








Biakin dar a ri ral ral a, pasal ka nei tur chu keimah pawhin ka awih lo zawk dawn dawn a ni.








Ka ni sawi dan takin kan ni pawimawh ber a biakin dar ri a tel chuan a ti mawiin a ti famkim bik hliah hliah hian ka hria.








Kan biakin lian lo tak chu a khat hmur mai a, chhung mikhual kan ngah lo vei nen heti zat khaw mipui min lawmpui tura an rawn tel thei te hian a ti hlu zual viau bawk.








Ka pa chuan min kai lutin ka kut chu a hum vang vang a, UMapuia chuan lungawi tih hriat zet hian min lo en bawk.








Inneih hun serh hman chhung zawng deuhthaw chuan UMapuia chuan ka kut chu a chelh a, min thlah lo hrim hrim.








Biakin lama hun hman a zawh chuan in lamah kan lut leh a, kan thawmhnaw chu kan thlak bawk.








UMapuia te ina ka lawi meuh chuan chawhmeh suah a luh zawk thin nen khan chuan a dan a dang ta zar mai.








Thawm a tha thin ham ham viau a, UMapuia chhungte lam Aizawl atanga rawn kal, UMapuia ang tak mai hi rawn ding chhuakin keini nupa chu duhsakna te min hlan a. UMapuia chu tu mahin nupui a neih hi an rin ngai reng reng loh thu leh hetiang lam hi a hawi leh pawh an rin ngai loh thu te a sawi a, UMapuia chanchin, chet fall ve deuh na te sawiin kan nui leh dar dar thin.
.
.
.
.



Tlai ruai theh a hun chuan a tam zawk chu ruaithehna lamah an liam a, keini nupa erawh mut pindanah inthlakin kan la bang thung.








Pheikawk sang nen hun kan hmang rei ve zek a, ka period bawk nen ka kawng leh tai vel chu a na in a kham em em a, ka chawn te pawh a na.








"Hetah lo awm a, chaw chu ka rawn lak ang che..." a tih chuan a ngaih loh thuin ka chhang a, mut pindan kan chhuak tur chu Lawmi rawn luh tum chiah hi kan tawk a. Min hmu chu a meng phawk kher mai. Bawng thi niawm tak dar hi a khai a, "Enge aaa ? ka tih chuan za lo tih hriat takin a then tha.







🦋Ka regu theih loh luatah Prolouge ang pawhin ka ziak tawh lo🤣

Story kan chhiar paha ads kan click zeuh hian writer ten hlawh an lo nei ve zel a, kan writer te tan ads i lo click ve thin dawn nia



Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2023, 3:13 pm

UMAPUIA
by Sammy🦋







Ch >< 15









"Hetah lo awm a, chaw chu ka rawn lak ang che..." a tih chuan a ngaih loh thuin ka chhang a, mut pindan kan chhuak tur chu Lawmi rawn luh tum chiah hi kan tawk a. Min hmu chu a meng phawk kher mai. Bawng thi niawm tak dar hi a khai a, "Enge aaa ? ka tih chuan za lo tih hriat takin a then tha.








"Engmah ni lo, rawn koh cheu ka tum a" awihawmloh fahran hian a ti a, UMapui lo nui suk suk chu ka en a, Lawmi nen chuan an in man hmel khawp mai.







"Enge zep in nei mi a ?" ka tih chuan, UMapuia chuan, "I thiannu nghal lutuk hian kan khum hnuai a dar rawn khai a tum anih hi" a tih chuan hrethiam lo deuhin ka melh a.







"I ril a tam tawh ang" tiin UMapuia chuan min kalpui mai a tum a, "Min hmu bawk sia ka khai leh lo mai ang" Lawmi chuan a ti a, min zui.







Sitting room-ah chuan inneih hmanga UMapuiate chhung rawn kal upa ve deuh ho chu an thu khat hnur a, ruai thehna hmun tak chu kawmthlang lamah daih ni mah se helaiah pawh an ri cheh chuah tho mai.







"Enga tan nge rawn khai i tum reng reng a ?" khum hnuaia dar rawn khai chu a tulna ka hriat loh em avangin ka zawt a, UMapuia chuan ka darah a rawn kuah a, "Eng sa nge i ei duh ?" a rawn ti daih.








"Ka hre lo....." ka tih chuan a bu nghut nghut a, Lawmi chu ka en leh a, UMapuia chu a lo nuih rah rah.








"Engeeee ?" ka ti a, an awmdan chu zep nei te pawh an ang zawk.









"Bawngsa ei mai rawh ...." tiin UMapuia chuan min kuah kal mai a tum a, "Zep in nei chiang" tia ka ding lui tlat chu, "Kan khum hnuaiah dar hi a khai chuan khum a chet hunah khan a ri bengcheng dawn a" UMapuia chuan a ti dut a, "Hrethiam em? Eng emaw tih hunah te khan..." Lawmin a tih chuan khum hnuai a dar khai chu ka man chiang lutuk tlat.








Lawmi chu ka melh nghal rawm a, kan thusawi vel chu midangin lo hre lo se ka ti hle bawk. Lawmi chu ka en a, ka ngei bawk sia, UMapuia lakah zahthlak ka ti viau bawk. Thiannu â uchuak lutuk ka nei a, ka zak reng mai dawn nih hi!









"Kal teh ang ...." UMapuian a tih leh chun i-he loin ka kal nghal a, Lawmi ka melh leh chu a lo nui rah rah a, beng chawrh mai nia ka duh ni.

.
.
.
.




Zan kan mut chuan Khitea chu midang bula a awm duh tlat loh avangin ka bulah a mu tlat a, UMapuia pawhin a lakhran theihloh avangin kan pahnih chuan kan mu ral.








Ngaihtuah loh ka tum pawhin ka ngaihtuah lo thei lova, UMapuia lakah nuam ka ti lo viau bawk.









Khuma a rawn mut ka hnunglam atangin min rawn kuah a, hahdam hmel zet hian a thaw chhuak suai suai.








"UMapuia ka tihpalh aw" ka ti sep a, nuam ka ti hlawl lo. Tupawhin inneih tharte'n a an tih tur chu kan chiang vek a, ka pasal a ni tawh a. Ka pasal duh ang tih theih loh nghal pang chu awm a nuam hlawl lo.









"Engah chuan maw ?" a ti dut a, ka darah a khabe a rawn nghah avangin a thaw lum chu ka feel thei.








Chhan mai dan tur ka hriat loh avang chuan ka ngawi a, ka khap fuk fuk ringawt.








"Thil ngaihtuah vak vak lovin hahdam rawh aw. I nuam lo tih nachhan kha awm nawm lohna tham a ni lo ania. A bo dawn hleinem tiraw ?" a tawp lam chu amah pawh a nui deuh a, keipawh chu a thu rawn sawi avang chuan ka nui lo thei lo.








Ni hnih a liam meuh chuan thil chu a pangngai chho leh tan viau a, UMapuia chhungte lam pawh haw leh hlawm tawhin mak ka tih erawh a nau chu a rawn kal ve miah lo chu a ni.








Unau inngeih tak pawh lo ni lo mah se unau an nih angin intawiawm tur chu an ni a, mahse chutiang lam reng reng, a thawm reng reng pawh hriat tur a awm lo.









Mahse UMapuia chu a chhungkaw thar tih loh chu ngaihtuah dang nei lo awmin a awm a, a tawngkam leh che zia zawng zawngah chuan min ngaihtuah hle tih leh keh thei dawmin min dawm tih chu hai rual a ni lo.








Pasal a ka nei chu a tir atangin ka inchhir lova, a mitmeng min duatna leh duhnaa khat a min en phei chuan khawvela vanneih ber ka nih hial ka ring!








A hnathawk haw chu thingpui ka lo pe a, a ipte chu ka ruak nghal bawk a, pads ka hmu erawh chu mak ka ti.







"Heihi enga tan nge ?" tia ka lek va chuan en pawh min rawn en lovin, "Tukinah khan a bawm ruak i paih kha ka hmu a....." a tih chuan ka nuih a za ang reng a, pads ka nei tawh lo anga hriaiin min rawn lei ve ngei anih dawn chu! Awww ka pasal hi chu a va han che sial thin tak!








"Angai hleinem.... ka zo tawh a, mahse pawi lo thla thar atan nimai......" ka ti a, "I zo tawh zawk maw ?" UMapuian hahdam hmel zeta a rawn tih chuan, "Aw...." ka lo ti vat a, a nui suk chu ka hmu a, a ngaihtuahna chu ka hre maithei a ni.







><><><><><><><><><><








"Inpa chuan a duat che em ?" Miss Apuiin a tih chuan ka lu ka bu deuh nghat a, nui seihin hmalam chu a thlir zui vung vung.








UMapuia nen kan inneih atangin kar hnaih lai a liam leh tawh a, school-ah pawh ka kal leh tawh.








Miss Apuiin mimal thil lutuk a rawn sawi nawlh chu mak ka ti deuh a, amah chu ka thlek vung vung. Innel lutuk kan ni lova, school khata kan thawh avang hian kan inbe ve lo thei lova, school pawnah phei chuan kan inbe ngai lo, hmuh pawh kan inhmu ngai lo hrim hrim.









"A fel hmel dem dem reuh lutuk a inpa hi....." a ti leh a, eng emaw ngaihtuah niawm hian a nui hak a, "Nia... A landan ang ai hian a fel ania" ka lo ti a, za lo tak chuan ka nui ve hak.









"Nangpawh.... A hun tawh viau hi" ka tih chuan, "Aaa..... Ti hian ka awm laklawh tawh a, mipa lam pawh rilruah hian a awm tawh lo" a ti a, a thusawi dan ki chu pasal neih a tum loh bur ni hian ka hria.








Sawi tur ka hre tawh lo chu ka ngawi a, kan thut ngawih reng lai chuan "Anu..." tiin Khitea chuan ka mal a rawn bawh tharh a, "Heite pawh hian a pa a chhun anih hi...." tia Miss Apuiin a biang a piai chu a rawn tap ta vak.








Miss Apuii chuan tih ngaihna hriat loh hmel takin min en a, "Tunlai chu a damtha lova, a inti naute zual a ....." tiin Khitea chu ka pawm a, Miss Apuii chu inthiamlo deuhin a kalsan.








In kan haw chuan UMapuia chu a lo awm tawh a, kekawr bul tehtlawng hain chaw chhum a lo siam dawn mek a, Khitea pui reuh chuan vawiin thil thleng a hrilh nghal zat zat reuh a, Miss Apuiin a piai tap te thleng chuan a sawi vek.








"I chau em ?" UMapuia chuan ka lam rawn hawi pahin a ti thum dut a, cooker chu chhin in gas-ah chuan a chhuan kai nghal zat a, an pafa chuan an rawn inkai phei.







"Chau lo e.... I chau viau zawk ang a i duh leh mu hahdam la...." ka ti a, keimah chu hahdam fahran hian ka thu ar ar.








Ka thutna bulah chuan rawn thu thlain Khitea school form chu a phelh sak mawlh mawlh a.








"Naktuk hian Aizawl kal leh ka ngai dawn a..." zawi fahran hian a rawn ti a, "Eng tiin ?" ka lo tih chuan, "V.c motor khalhin street light siamna tur vel load angai a" min rawn thlek pah chuan a ti a, a sawi dan chu Aizawl a kal tur thu min hrilh aiin min dil a ang mah zawk.








"Imm.... Tu nen nge in kal dawn a? Motor i khalh ringawt dawn nge hmanrua vel chu i han load ve dawn ?" chîk tak chuan ka ti a, midang hruai lova amah a hna zawng zawng a han khawih kha ka hlau a ni.








"Tlangval pahnihin min zui dawn a..... Khaw thenawma electric department lam ten min tawiawm dawn bawk a" a ti dam thluam a, a ban chu thutthleng nghen chhanah chuan a kham zuah a, bawp phut hlarh hlarhin min en ha.








"Ni engzat nge in cham ang ?" amah thut hnaih deuh paha ka tih chuan min lo kuah vat a, "Ni thum vel a ni ang..." a ti a, ka dar chu a chul deuh zauh a.








"Immm.... Lunglen vangin kan lo thi hman lo ang chu....." ka tih chuan a nui hak a, "In pahnih chauha awm in hlauh chuan i pa te hnenah in lo awm rih anga" a ti dam leh dap a, a mitmenga min ngaihtuahna lang chu ka hmu thei.







"I nupui mah ni ila 'The man' ka nih hi" ka tih chuan a rawn nui hawk a, keipawh ka thusawi avang chuan ka nui tho a, Lawmi sawi a mawi lek a ni.








"The Man nupuiah ka lo nei reng a!" tiin a mit ko a kan ak a, ka nui hak hak a hmu chu a nui veleh suk.








"Khua a vawt ve tan tawh si a, inthuam lum tha rawh aw. Aizawl phei chu a vawt an ti nia" tiin a thawmhnaw ken tur chu ka khung tha mawlh mawlh a. Khuma thu thluang duaiin a fapa chu a pawm mu zawi nghiai a, ka che vel chu ngawi rengin min lo thlir reng.









"Thusawi te hi i ngaithla meuh em? Mi hi i en vung vung a" tiin a hmai zawnah chuan kut ka vai a, "Ka ngaithla reng che lawm" a lo ti sup.








"Rilru hahna i nei em ni ?" a thawmhnaw ka pack zo khuma lawn kai ve pah chuan ka ti a, Khitea chu pawmin ka sirah chuan ka mut tha a.








Min chhang mai lovin a ban chu ka tana kham rem turin a rawn dah a, alamah min pawt hnai sauh sauhin amah si chet chuan min kuah bet a, a thaw hawk.








"Ka ngaihtuah a, Bawihtea hi Aizawl lamah kan awm tir mai dawn em ni ka ti deuh a" a tih chuan a hmel chu ka en a, rilru ipik deuh hmel a pu.








"Engvangin? Hetah nu leh pa kan awm reng a" ka tih chuan a ngawi reng a, chik zeta ka en pawhin a ngaihtuah tur awm ang chu ka hre lo.









"Nakinah i rai anga, kan thil tih ngaihtuah chuan i ruak lo har tawh lo hauh lo ang" a tih chuan ka lai deuh a, mahse lai ang chuan ka awm duh miah lo.








"Nupa kan nia, ka rai hun te chu ala thleng ang chu. Fa neih te chu nupaa kan insiam chhan pakhat ania. Chutah chuan Bawihtea nena inzawmna thil a awm em ni ?" tiin ka en ha a, a thaw leh hawk.








"Awm lo e.... Mahse thil tamtak ka ngaihtuah ve thin a..." a tih lai chuan a âwmah chuan ka chul a, "Hahdam rawh, thil tam tak i ngaihtuah a i buai anih kha" ti nem diaiin a darah chuan ka lu ka nghat a, "Nu ka awm ve tawh hi, fate enkawl kawngah chuan min ring la, nu in a tih theih chin a pelh fe hnuah chauh i lo inrawlh ve thin dawn nia. Keimah min venthawn avanga Bawihtea awmbo tir i duh anih chuan kha ngaihdan kha dahthat a hun viau ang aw" tiin a âwm chu ka beng dat dat.








A ngawih reng tak avang chuan ka lu chu kan in a âwm a innemkhalh deuh si chuan ka en a, mit meng de sawr sawr hian min lo melh a, a mitmeng chuan lawmthu min hrilh nimai te hian ka hria.








"He khuaa ka rawn insawn dawn khan ngaihthatthlak loh zawk khawpin ka rawn insawn chak a, eng thil emaw tak hian min aikhaih a ni ber hian ka hria a, chu min aikhaih tu chu i zûn lek hi a lo nih dawn reuh hi" kiai suk chuan a ti a, ka tukkhumah chuan rawn dawmin, "Ka hmangaih che" a ti bul hmuk a, min hmangaih thu sawi mah ni se dawn a va nuam lo tak.








"I tawng bung nghut nghut a" titau âw deuh chuan tiin a âwmah chuan ka bei thla leh a, a taksa che lawihin a nui ngawr dat a.









"Ka tawng bung nghut nghut chung hian engtianga min duh nge maw i nih reuh le ?" a rawn tih chuan, "Ninawm, chutiang an inzawt ngai lo. Kan inhmangaih a nupaah kan insiam tawh hi" ka ti a, "Chuan naute siam kan la hmabak a" tiin ka nak nem lai chu a rawn hmer salh a.






><><><><><><><><







UMapuia Aizawl kal chu a khawharthlak kher mai. Kan inchhung lian lem lo tak chu a ruak hiau ni hian a hriat a, a tawng tam em em lo chung pawha thutthleng a lo thu khat ve hnuk tur a awm lo chu a hreawm.








Ka ngai lutuk chu a awihawmloh hial zawk a, zanah lo biak ka tum lah hian an buai ve ringin ka inthlahrung ve bawk si a, pasal ka neih hnu lama ka lungleng ber tum a ni ang.







Thil tihfel sa a lo nih loh avangin nithum aia rei an cham dawn lehnghal a, zan mutnaa a pangti deh tur awm lo ringawt te chuan ka tah te zuk ti chhuak thei a!








'In inneih tir a, a hlimchhawn hi chuan inngaih te hi a na bik alawm' a ti a, a dik chu ka ding ve deuh bawk.








Tlai ka rawng bawl chu ka uak deuh that that a, Nu Mamuani lo leng khaini hmuam rim ka hip fu lutuk a, ka ngaihtuah let zawng pawhin ka uak that that reng thei. Chaw ei tui lo pumpui that loh lai lai lehnghalin, a rawn leng ve ziah lehnghal a, a fanu tan ka pasal hi a la it deuh emaw ni. Lo it pawh ni se an chang chuang der si lo.









Ka uak that that lai chuan Khitean ka phone a rik thu a rawn sawi a, "Apaaa...." a ti zawm zat a, "Anu chu a uak vak vak a" tiin choka lamah chuan ke lawngin a rawn tlan phei tar tar.








"Hello Mate, i dam lo em ni ?" mangan hmel zeta UMapuia ti ri chu ka hria a, ka uak leh that that a, Khitea chuan ka hnungah a rawn chul ve reuh a.









"Apa anu chu a uak a, mahse a luak lo" Khitean ring leng lawng hian a ti let a, ka ziaawm deuh hnu chuan phone chu ka la a, "I nuam sam lo em ni ?" lehlam ami chuan rawn ti nghal zatin ka that thu chuan ka chhang a, a âw a min ngaihtuahna ri tel chu ka hre thei a. Ngai viau mah ila min ngaihtuah avanga awm nuam lo tur khawp khawpa siam ka duh lo hrim hrim.









"Ka rawn haw hma chu i pa te inah lo va phei mai rawh u" a rawn tih chuan, "Kan ngaihtuah awm lo" ka ti vat a, a thaw hawk ri chu ka hre pha.









"Mate..." a rawn sawi belh hma chuan, "Vawiin i chau em? Aizawl chu a vawt dawn si a inthuam lum tha la...." ka ti zung zung a, a ngawih vang vang hnuah, "Aw le" a rawn ti.








Rei tawk fang kan inbiak hnuah kan dah hram a, Khitea chu Sangtean in-sai lemah a rawn sawm a, nidanga leng chhuak duh ngai miah lo kha a rawn sawm chhuak ve tehmial a, mak tak zawk a ni.








Kan fapa te reuh hi naupang harhvang rual lek si hi school bana han len te hi a ching ve ngai lova, a nu leh pa ka awm lohna hian nuam ti taka a kal tak pawh hi ka hre lo. A mize zawiawi chi ve rengah ka ngai a, han lian leh deuh a a zia ve deuh turah ka ngai.

.
.
.
.


Ka luak chhuak leh hlui thin chu tih ngaihna ka hre vak lova, zan lamah chuan khawsikin min zui ziah lehnghal.







UMapuia rawn haw zanah pawh chuan ka lo hmuak peih lova, ka pa te in a lo awm rih ka hnial avang chuan min hau a, kan nufaa kan awm avanga dam lo turah min ngai ngawt.








Mahse engtinmah ka chhang buai lova, a zin rawn haw chauh dawn vei nen in lama awm zawk ngaihtuah ngaiin ka lo awm leh hleuh si a, nuam lo chu ka ti ve reng.








An rawn thlen a intihfai hnuah damdawi lei turin min chhuahsan leh a, khum bet khawpa ka nih loh bakah zan lamah chauh ka khua sik thin avang chuan a ngaih loh thuin ka chhang a, ka thusawi hre lo ang hmakin a chhuak zui nulh.








"Anu ka len hunah Doctor ka ni a, motor ka nei bawk anga, apa nen in dam lo hunah damdawiin ka hruai cheu anga damdawi ka pe thin ang cheu" Khitea chuan ka kut chul heuh heuh pah chuan a ti a, "Ni e, i pa anga lian pui inih hunah motor te i nei ve anga...." ka tih lai chuan, "Mahse JCB chu ka duh lo, hetiang hi ka nei dawn" tiin a toys zinga car pakhat Lamborghini ang chu a rawn lek lang, ka nui hak ringawt. A rawn lian anga, khawvel hi duhthusam ram aia hla daiha a awm zia a hre rawn zawm ve ngei ang.









UMapuia rawn let leh chuan ka lo muhil lek lek tawh a, "Mate...." tiin ka kut vuana muhil Khitea chu a pawm a, khumah va mutin a rawn chhuak leh.








A damdawi lei niawm tak sarang chu a zen a, "Hei hi rai leh rai loh test na an tia...." a tih chuan "Chuan...." ka lo ti tawi tak a, a hmel a phurna rawn lang chu tih hnualtu nih a chakawm lo khawp mai. "Kan test ve chhin dawn em ni ang" a tih chuan ka tim deuh a.








"Lo rai lo ta ila" ka tih zawi sep a, "I rai ngei ngei ang ka ti lova, mahse inhre miah lova rei deuh kan lo awm loh nan in-test ve reng reng ila" a rawn ti dam dap.








Engmah sawi lovin test kit chu ka la a, bathroom ka luh pui.








Keimah chuan en pawh an ngam lovin bathroom atang chuan ka chhuahpui leh a, UMapuia chuan test kit kawr chu a lo en chiang.








"Kha ...." tiin test kit chu ka pe a, "Ka la en lo" ka tih chuan min en reng a, ka darah rawn kuahin a tuai vut vut.







"Engpawh ni se a tha vek ania" tiin ka chalah chuan a rawn fawp vang vang a, kan pahnih a hmaah chuan test kit chu a lek kang ta.








"UMapui!" tiin ka en chho ha a, hetih laia a hmel hi ka damchhunga ka theihnghilh leh tawh ka inring lo.








A rawn nui chhuak hawk a, a nui ri te chu hlimna avang a ni tih hi a hriat ngawih ngawih a, a âwmah chuan nghet zetin min kuah bet a, "Lalpa..... Ka lawm e" tiin ka chhipah chuan a fawp a. Min nawr hla hlekin chiang fahran hian min en a, "Ka lawm e......" a ti zawi ruih a, ka nui hak chu hlimna vang bawk.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2023, 3:13 pm

UMAPUIA
by Sammy 🦋







Ch><16









A tuka chhungte dangin an hriat chuan an lawm ve hlawm hle a, amah UMapuia tak pawh che a chezia reng atang chuan a hlim tih a hriat. A! Engah nge a hlim loh ang ni? Tu pa nge mahni nupui te raia hlim lo awm ang ni?








Khitea pui chu a buaithlak ta reuh a, nau a nei dawn tih kan hrilh chuan nau a neih duh loh tur thu sawiin a tap vak a, midang reng rengin 'nau i nei tawh dawn sia, i nu te chuan naute thar an duat daih anga' tih ang vela an fiam phei chuan tawngkam vin leh kut thawh ngai miah lovin a tap bai bai thin.








Duat loh nih a hlauh lutuk vangah ka ngai a, dam taka ka pai tluang anih chuan nau ka neih hunah a duh lo viau bik lo ang.








Vanduaithlak ka ti dawn nge rai no thil huat ka ngah hle a, zinglama ka ei duh reng te kha tlai lamah chuan ka ei thei lova, ka pum chhung ami te reuh chuan a khawlhkham zawng hlirin min khawsak tir ka ti mai.








UMapuia lah chuan min duat mai bawk si a, chhungkaw thahnem taka mo chu ni ngat ila hreawm ka ti thin viau ang.







Ka nau pai kan hriat atanga thlakhat vel a liam dawnah chauh in check up turin kan kal a, chutah Aizawla in check up tura kan kal chuan UMapuia nau chu a vawikhat nan ka hmu ve a, mahse ka hmuh tum dan nen erawh chuan inperhsan tak a ni.








Kan kal hmasak ang bawkin an resort-ah kan thleng leh a, kan thlen tlai chuan a nau te nupa chuan chaw ei-ah min sawm ve ngei a, keini nupa pawh chu kan kal ngei bawk.








Thil danglam tehchiam a awm lova, mahse a nau min en dan mitmeng chu mi mawl ber tan pawh a hai theih loh. A mitmeng hrim hrim nge ka hre hauh lo nain mi hurherh mitmeng ang hi a pu a, min en run run phei chuan UMapuia chu ka hnaih deuh chawt chawt thin.








A tuka check up tura kan chhuah hmain resort-ah chuan a nau chu a rawn kal a, UMapuia chu eng lehkha emaw hi a rawn sign tir a, a hnua UMapuia sawi leh danin Resort neitu pumhlum nihna lehkha a ni awm a, chulam erawh ka hriat thui pui lem lo.








Kan in check up tir chuan naute nena kan hrisel pangngai that viau thu doctor in a sawi a, UMapuia hnena min duat tura a tih chuan ka nuih a za zawk.








Resort kan let leh hnuah chuan hahdam deuhin kan awm a, UMapuia a intihfai lai takin a nau chu a rawn lang veleh hlawl a, ka hlau deuh nen ka lo dawngsawng tha vak lo.








Naute chungchang min zawh erawh chuan tha takin ka chhang a, mahse naute chanchin kara a thu rawn zeh tel thin erawh chu ka ngaithei thak lo.








"Hetah Aizawlah awm la chuan tunai hian i nalh zual ang mawle" tih velin bul a tan a, UMapuia inbual rai ka tih ber tum a ni ang.








"Thingtlangpa nih thlang zawk mai mai ai chuan min nei la, min neih duh phawt chuan kan nu hi ka then ang ...." a tih tak zelah phei chuan ka insum thei lo chuan ka au khum chiam a, ka au thawmah lah chuan UMapuia chu a rawn chhuak rang ngang mai.








"Engthil nge ni ?" a rawn ti chang bawl a, a hnung leh lu velah chuan sahbawn phuan a la kai nuai.








"Eng a ni lo, in nu hian chukchu a hmu a, a hlau anih kha" a nau chuan nui sawng hian a ti a, UMapuia rawn tawng hman lo se chuan ka tawngkhum hrep ngei ang.








UMapuia chu a ngaih a tha zan lo a ni ang a nau chu engtin tin emaw a hnar chhuak a, kawngka chu a kalh hmak bawk.








Engmah sawi chuang lovin bathroom-ah a lut zui veleh mai a, keipawh chu khumah chuan ka mu veleh mai bawk.








Kan haw hmain a nau hian vawikhat min rawn tlawh leh a, chumi tum pawh chuan amah nei tur tein min thlem a, zaktheilo ka tih dan chu nasa tak a ni. Mahse hemi tum hian ka ankhum chiam a, 'itsiktu i nih kha' ka ti chu a haw hle aniang thinrim takin min chhuahsan nal nal.







Kan haw hnuah pawh UMapuia hnenah a thawi pawhin ka sawi lova, a nauin a min tawngkhum dan zawng zawng hre ngat se zawng thi ṭep khawpa a nau a sawisak ka ring.







><><><><><><><><><







Ka nau pai a hram chho telh telh a, thla nga hmel a hmuh chuan ka dul a lian viau a, Umapuia tih loh zawng chuan mipa ka neih an ring vek a, kei tak pawh chuan UMapuia ang deuh mipa ka neih chu ka inring viau bawk.









Mahse amah hian 'hmeichhia a ni dawn' inringtawk tak hian zuk ti tlat pek thin a, kan zan mut hmunah hian mihring dam ve ang maiin ka pum chhung ami chu a bia a, Khitea pawhin a tir lam ai ngawt chuan a hrethiam tawh khawp mai. Naute a lo chet deuh changte hian an pafa chuan hre ve hman lo nih hlauin ka dul hi an rawn dawm thin a, Khitea pui lah hian a chet leh chet loh hrethiam vak silovin zawhna mak deuh deuh min zawt thin a, kan chhungkaw naute chu a rawn pian hma atangin kan hlimpui dar dar thin viau mai.

.
.
.
.



Tlai kan pa hna hawin fridge bula ka mittui ka lo hru fuap fuap chu mak a rawn ti viau a, a chhan min zawh lah chuan ka chhang tha duh lova, enge keimah pawh chuan ka tah chhan ber pawh ka hre lo.








"Sawi la tlaiah leh naktuk zingah keiman rawng ka bawl vek ang" min thlem deuh ti tih chuan ka tah nui a, ka kawng ka dawm al si nen ka chhe reuh viau ang.








"Ka tap ve tawp" ka tih lah chuan a awih der si lova, a tawpah erawh a beidawng ta aniang, "Lo thu la rawng hi keiman ka'n bawl ang" tiin min thut tir a, amah chu a che zawm mawlh mawlh.








Chaw a chhuang enge ka siam ang tih pahin fridge chu a hawng a, "Mate enge ka siam ang ?" a rawn tih chuan, "Chu chu lawm keipawn ka hriat loh a ka tah" ka lo ti hlar a, "Chawhmeh siam tur i hriat loh avang khan i tap a ?" awih lo hmel lam lek lek a a tih chuan ka tah a chhuak zual.








"Enteh UMapuia...." ka ti hliai a, ka thusawi leh tur chu a lo ngaichâng ran.








"Sawi la" ka ngawih leh tak vung vung si vang chuan nge a ti a, "Grape ka ei chak a mahse a awm bawk si lo" ka ti a, ka tah a chhuak leh ringawt tawh.








"Tap lo la bazar ...." a sawi zawh hma chuan, "A awm lo, aizawl-ah pawh Lawmin a vang lutuk a ti" ka ti leh a, ka mittui rawn tla ringawt chu ka hru leh.








"Kei min hrilh hmain i lo zawng chiam tawh a...?"a tih chuan ka bu nghat a, "A pawi lo e...." tiin a phone a lek vut a, tu emaw a be dawn a ni ang choka atang chuana chhuak nghal vut.








A rawn let leh chuan ka chalah fawp deuh vang vangin, "Eichak emaw duh i neih chuan min hrilh zel rawh, mahnia inbuaipui i tum zel zawngin pasal ka nih nam a awm dawn hlek lo ania" a ti charh charh a, keipawh chuan thuawih takin ka lu ka bu nghat nghat.








"Le... A tlai tak tak hmain i fapa leng va zawng la, keiin rawng ka lo bawl dawn nia" tiin ka chalah chuan a rawn fawp leh zauh a, nui var varin in chu ka chhuahsan.








Ka pa te in lamah Khitea chu a leng a, ka va koh chuan ka nu'n dil sangha rep min lo pe teuh a, sangha rep kan thak bak chu ka rilruah a leng tawh lo. Nau pai lai chuan kan vir an tih kha a dik ka ti khawp mai keimahah hian.








"I û te naktukah an rawn haw dawn a, tlai lamah hetah chaw in rawn ei phei dawn nia" ka nu chuan a ti bawk a, "Anu Au Sangtean chaw lo ei rawh a tia i phal em ?" tiin Khitea chuan ka nu nen kan inbiak lai chuan min rawn zawt a, thuawih hmel fahran hian an unau chuan ka bul chetah hian an lo ding zum zut.







"Enge chaw eiah i sawm ve ngawt a, rawngbawltu pawh i ni si lo" Sangtea en paha ka tih chuan, "Mahse keiman sa hmeh ang u ka tia kan hmeh dawn lawm. Lo ei ve mai rawh se mawh uu..." tiin Khitea tan chuan min dil zawm a.








"Aw mahse haw a inbual fai phawt angai....." ka tih chuan, "A inbualfai naah chuan ka lo kal ve ?" a ti leh a, "Angai lo, nangpawh intihfai i ngai. I nau kh va inbual fai se la a rawn kal leh dawn lawm" ka ni chuan a lo ti ve bawk a.








Khitea nen chuan haw in UMapuia chuan rawng a lo bawl turh turh a, keini nufa chu bathroom lamah kan tlang nghal.









Ka pa te in lamah Khitea chu ka va thlah leh thlap a, ka haw leh hnuah zanriah kan kil der.









"Nau neih chawlh a lak theih dawn em ?" UMapuian a tih chuan a theih mai ka ring thuin ka chhang a, "Nau kan neih hunah phei chuan bang daih mah la pawi lo mawle...." a rawn ti dam thluam a, a thusawi dan chu thinrima lak theih pawh a ni lo.









"Nia mahse indaihlo hi a na si a....." ka ti veleh mai a, ai kal la mai turte chuan min rawn a, nau neih chawlh ka nei rei lovang tih mawlh chu a hlau hle ni.








Ka pa te in lamah chuan kan inzui phei ve a, tunah chuan street light te pawh a ding ve fur tawh a, zan len vel pawh a nuam ta khawp mai.








"Christmas lai vel khan chhang kan turah kan buai kan buai a, dahthat kan lo la nei reng sia" tiin ka nu chuan buhban her tur a neih thu vel chu a sawi a, a khat tawkin Lawmi te an ngaihawm thu a sawi zauh zel bawk a, an in awmloh san dawnah chuan ka nu pawh a lung leng ve a ni ang.








Ka pa thung chuan in sak chungchang chu UMapuia a zawt a, UMapuia pawh chuan tha takin a chhang ve mai zel bawk a, ka pa chuan no dawm puiah sawm mah se min ngaihtuah avang chuan a hnar tang tang thung.









In kan haw leh hnuah UMapuia chuan in Check up a hun leh tawh thu vel chu a sawi a, zawi te tein hun a kal chak thu vel chu a sawi ve sup sup.








A ni tak a, nimin emaw kan tih chhungin kumkhat dawn a lo liam leh reng a, a duh ang ngeiin Christmas laia kuahlum tur te pawh a nei bawk a!









"Min duat dan hi min duat lo" ka tih chuan, "Hmm... Thu awmze nei lo" a ti deuh hman a, ka pumah chuan a kut a nghat deuh ran.









Min enkawl danah hian sawi leh sel tur a awm lova, ka pasalin pasal leh pa nihna a tlin lutuk hi a awihawm loh zawk a ni.









"Naute kan neih hunah min la duat tho angem ?" ka tih chuan, "Duat ang, a chhang tur siam te pawhin ka duat fo ang che" a tih chuan a darah chuan ka beng taih a, a rawn nui hawk. Hetiang lam a sawi hian a inhmeh lo ka tih bakah a zahthlâk ka ti deuh thin.






><><><><><><><><><







Thui tak kal ka harsat tan em avang chuan school lamah pawh ka kal ngai ta lova, UMapuia sawi angin ai kal ka la ta tawp a, mahse ka duh tui ve thak thak khawp mai.








Kan in leh a bul vel tih lohah chuan ka chhuak mang lova, UMapuia pawh in ka awm tam vang nge a chhuak ngai mang bik lo. Kan tlangvaltea ber chu a leng reng mai a, mahse a pa chuan ka rin ai takin a hrethiam a, heivang te pawh aniang thu awih loh a neih pawh hi ka hre ngai lo.








"Vawiin i lo chau em ?" khuma rawn lawn kai pahin a ti a, a chauh sawi hmasak leh hahdam pawh tum hmasa lovin kei ngawt min ngaihtuah a, ka rilru no chhuak chuan kan pa chu ka khawngaih tlat pek.








"Lo mu ve mai mai teh" ka tih chuan ka dul puar luah chu a kut pahnih chuan a rawn dawm a, "Zanin chu a chet hun changin ka tlaivar dawn" tiin ka dul chu a tuai a, "A rawn chhuah hunah i duh leh ball pet te, thingkung lawnte i zirtir dawn ania. Mahse rawn mu phawt rawh" tiin a kutah chuan ka chelh a, khum lu lamah chuan ka pawt chho a, a nui var var.








"Thla a thar chuan Aizawlah kan chhoh daih angai tawh dawn sia" tiin a rawn mu rem chu ka lo ngheng chial a, "Bawihtea hi engtin nge a lo awm ang ?" ka tih chuan, "School chawlh hun a ni tawh dawn alawm" tiin ka puan sin chu min rawn sin that tir sauh sauh a, "Thil ngaihtuah vak vak suh, hahdam la" tiin ka chalah a rawn fawp.








"Tinge UMapui min duat em em a ?" ka ti a, ka tah a chhuak ringawt. Diktak chuan min duat lutuk hian ka rilru te hi a ti no zualin min ti pangchang zual.








"Chutiang an sawi ngai lo" ti thum dutin nghet zetin min kuah a, ka darah chuan beng thek thekin ka sam chu a hui mam bawk.








Ka pasal kiangah hian ka hahdam a, ka thlamuanpuiin khawvel hlimna zawng zawng hi min pe ti ila dawt sawi ka ni hauh lo ang le.







><><><><><><><><><







"Han vei ve tak tak la maw, nau harsat chi i nih phei chuan kar khat dawn te i vei maithei a...." Lawmin a tih zat zat chuan, "I tawngthei", ka lo ti hluk a, ka pum rawn na deuh riai riai chu ka ner sak.









Aizawla ka û te in luahah kan thu vang tawh a, Doctor in a sawi danin nei maithei dinhmunah ka ding reng tawh a, inring penpawn tawh tak kan ni.









Zanah chuan ka pum a nat riai riai tan thu ka sawi a, ka hlauh ang ngeiin UMapuia chuan damdawiin min luhpui nghal rum rum.







Na lutuk anih loh avang chuan tui takin zan chu ka la mu tluan thei a, a tukah pawh chuan nileng chuan ka la tha leh luau tho.








Mahse le kan tlai chaw ei lai chuan ka pum chhung ami te chuan ro a rawn rel tan ta alawm.








Mihring tawnga sawifiah theih loh khawpin a rawn na a, ka pum chhung ami chuan, 'ka chhuak duh tawh' tia thinrim taka rawn chhuah tum niawm hrim hian a na.








A rang a rangin nau neihna roomah min nawr lut a, darkar tam fe thi chhawng lek lek a vei hnuah nausen tap ngak ngak thawm chu ka hre ta.








Zawi zeta ka mu chu min rawn pawm tir a, ka hmuh chiah chuan ka na te zawng zawng kha a theihnghilh vek!








UMapuia lo rin lawk ang ngeiin hmeichhia a ni a, ka han khawih chuan a tal ve deuh a, ka nui hak. Kan nun ti famkim lehzual tur a rawn piang a ni a, kan chhungkua leh kan engkim ni turin.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2023, 3:13 pm

UMAPUIA
by Sammy🦋







Ch>< 17








Damdawiin a karkhat zet kan awm hnu chuan kan khaw lamah kan haw nghal a, UMapuian ka chet vak a phal miau loh avangin ka mu deuh tawp reng mai a, naute a tah pawhin hnute ka pe tih lohah chuan UMapuian a buaipui vek mai.








Ahma kan sawi ang tak khan naute kan han nei chiah chu Bawihtea chu a lawm lawmah a tang a, pawm te chu a tum ve phet thin a, a pa nen hian an inchuh ti tih ber thin.








Kan fanu chu a hmingah a pa duhdan takin Lalduhawmi kan ti a, mahse a pa chuan a hming pawha ko phal lo nghalin "Ka notei" a ti ngat zel.








Zan dar 11 velah Notei chu a rawn te deuh a, ka chet ve hmain kan pa chu a lo harh fel leh hman vek tawh.








"A zung anih hi" tiin a thlak nghal sawk sawk a, a awi mut leh thlap hnuah a rawn mutpui leh a, kei ka lo harh kar tawh.








"I muhil thei lo em ni ?" a rawn ti dut a, a fanu chu a kut lianpui chuan a kuah deuh run bawk.








"Imm... Ka hnute hi a ṭang na vek" ka ti a, kan vanduai reuh nge hnute tui a chhuak tha thei lova, ka hnute hi a ṭang na ṭung ṭhin.








"Engtin nge kan tih reh ang? Malis chi a ni awm der si lo" a ti dut a, ka nui hak.








"A reh veleh vat mai ang muthilh tum la...." tiin a chhip sam chu na lo te te hian ka ṭham a.








"Dam ṭha la chuan min malis la ka ti sin...." tiin a chhing duar duar a, a chau a ni tih chu a ṭawng aṭang chuan a hriat viau a. Chhun lamah in sakna lamah keimahni min ngaihtuah reng chungin a vir buai viau zel a, in lamah lah ka chet ve hlau reng rengin a phili leh ṭhin bawk a, min ngaihtuah lutuk ṭhin hi a chauhpui a ni ber.








"Naktukah ka malis ang che aw..." tiin a biang ki leh khabe ruh kual vel chu ka chul kual vel a, hahdam tih hriat taka rawn thaw suai suaiin, "Notei hi a tlei hma tiraw ?" a rawn ti sap.








"Imm... 'a pa a hah emai fel deuhin ka awm dawn' a tia..." ka tih chuan meng chuang miah lovin a rawn kiai suk a, "A chhun che anih hi. I naupan lai pawh khan...." a tih chuan a khabe hmul chu ka pawt a, a rawn si sap.








"Ka naupan lai sawi ziah suh" ka tih chuan meng diar diarin a nui suk suk a, "Ka nupui i ni te hi a awihawm lo ka ti hnuhnawh" a tih chuan keipawh ka nui sak.








A rawn insawn tirh te kha chuan hetiang hian kan awm ang tih rin chu sawi loh, ka ngaina hlawl lo kha a ni a. Hma hun hi chu kan lo va hre lo tak.








"Muhil rawh le.... Naute a rawn harh leh vaih chuan mut na hun i nei dawn lo nia" tiin ka chalah a rawn fawp a, ka hnung chu a chul hauh hauh a.








Zing ka harh chuan UMapuia chu a lo tho leh der tawh a, Notei chu a la mutui sak sak khawp mai.








Tih harh hlau tak chuan ka tho ṭhem ṭhem a, ham bai baiin ka sam chu ka chul mam a, pindan aṭanga ka chhuah chuan Bawihtea chhuata bawk a lehkha lo zir chu ka hmu nghal a, a nau a la mut ve vang nge chhiar ring hlau awm takin spell chawp chuan a phun ve sap sap a.









"Bawihte i van tho hma ve" ka tih chuan min lo en vut a, "Shhh.... Apa in Notei a mut chuan bengchhen loh tur a ti" a rawn ti a, ka nui sak.








"Anu Notei bulah ka mu dawn" tiin a lehkha zir lai chu a rawn thawh san nghal a, "Ti harh lovin mut tur aw" ka tih chuan a lu a bu nghat nghat a, thawm dim takin dindihlip ak akin pindanah chuan a lut zui a.









Chokaah chuan UMapuia a awm mai ka rin nen a awm hauh lova, bathroom-ah pawh awm chuang lo.








Chutia ka hmu lo chu ka hrilhhai lek lek mai.








Mahse kawngkâ-ah chuan tui ṭin kawtin a rawn lut a, "I lo tho tawh a" amah chuan min be hmasa zawk leh zat bawk.








"Tui kan neih reng pawh hian chawi ziah suh" a tui ṭin nghat thla lo kuah pah chuan ka ti a, ṭullo a a intihah vak vak ṭhin hi ka ngei tlat ṭhin.









"Min lo ngai hman em ni ?" tia thaw hakin min kuah let a, "Ka hmu mai lo che kha ka hrilhhai hman alawm" tiin a awm-ah chuan hmai ka phum a, ka thaw hak.









"Aaaa... Fanu pathum nei ang char char ka ni mai a" a tih chuan ner nangin ka en chho a, "Khatin sawi ve ziah suh" ka ti leh hlak a, a nui hawk.








In la hrangin a tui ṭhin chawi chu a hung ṭha a, "I thingpui lum ka in khat ta riau mai" a tih chuan thingpui chu gas-ah ka chhuang kai nghal vat a.









"Vawiin chu vah harh ka duh, nau ka neih hnu hian pawn ka chhuah awm pawh ka la hre lo" ka tih chuan ṭullo tih hmel fe in min en a, "I la dam ṭha lo. In thar kan luah theih hma chu in ah hian awm reng la ka duh. I chhuah i chhuah khan eng thil ṭha mah a rawn thlen belh dawn chuang lo a" a rawn ti duah a, a lungawi loh hmel lutuk chu nuam lo ka ti vek.








"Nang chu..." ka han ti ngawt a, sawi belh tur ka hre lo.








"Min hnial chak viau mah la ka thusawi kha dik i ti bawk sia" tiin a kiai sak a, a kawng dawm atin min melh vung vung.








"Ninawm...." ti hlukin ka thingpui chhuan rawn so chu ka off a, ka siam nghal sawk sawk.








"Naute a upat tak tak hmain in kan luah anga, room pathum ngawt ka siam a, bathroom pawh i duh dan ang takin a zau ṭha viau dawn ania" tiin ka thingpui pek chu a dawt ri khulh a, "Kan fate an puitlin hunah room hrangah te an awm ve duh awm sia" uang lam maha a rawn tih chuan za lo fe hian ka nui a, "I thlir thui lutuk, Bawihtei pawh thlakhat a tling awrh anih hi" ka tih chuan, "Awww.... Hun te chu mit khap kar lekin a ral zung zung alawm. I rai na te kha la rei loh nen tunah a rawn chhuak der tawh ania" a ti a, ka lu ka buk khum nghat ringawt.








Chhun lamah ka nu leh pa an rawn leng a, ka pa pui chuan Notei bawlh chu a chuh tlat pek a, ka nu nen chuan an inkhak an inkhak mai.








"Pa a len hunah i duh tawkin i la lawm dawn nia" ka tih chuan, "Min lo khak min lo khak suh u..." ka pa lah chuan a ti chauh zel a, a tunu en chuan a khi var var reng mai.









"I pi pawhin ka hmu leh chak a ti a tia, rawn len hi in tum mang si lova" ka nu chuan a ti a, "Nia chhuah hi ka la peih vak lova, mahse ka piin a hmuh chak chuan rawn len angai anih chu" ka ti ṭha mai a, ka hnute ṭang na lutuk chu ka ner sak sak.








UMapuia rawn haw hnu rei loah ka nu te chu an haw a, UMapuia pui pawh chu ka pa ang chiahin a khi vur vur reng mai.








"Naute kan neih leh hunah chuan mipa ni ve tawh thung se" tiin a fanu chu lungawi tih hriat zet hian a pawm a, a melh deuh vung vung reng.








"Awm ngaihna hi i hre lo ṭan riau, Bawihtea school bang va hruai rawh" ka lo ti chu hmel nur nangin rawn en a.








"Kan chhungkuain Bawihtei û school bang chu va hruai ang u hmiang" min nuih tlawn deuh pah chuan a ti a, Bawihtei lah chuan a pa chu a en kuau mai bawk si.








"Khatia min nuih tlawn vel kha i fanu pawn inhmeh lo a ti che anih kha" ka ti a, a nau pawn lai chu en in nui vur vur chuan a chhaih a, a nau chhaih lah chuan en kuai bak tih theih a nei der si lova nuih a va ti za vur vur tak.








"Bawitea school bang chu va hruai ang u, kan kal har lutuk chuan a lo hrilhhai ang" ka tih chuan, insiam sawk sawkin UMapuia chuan Bawihtei chu a pua a, school lam pan chuan kan inzui chhuak ta a.







><><><><><><><><><







Upa in ṭawngṭai a hlan thlapin in chu kan luah lut ve ta rawih a, UMapuia chu a inpuahchah nasa bawk a, luah hnu hnuah buaipui ngai vak a awm hauh lo.








Nitin mai chuan ka pasal chu pa rintlak leh innghahna tlak anih zia ka hre thar zel a, ka pasal kutah ka innghat pumhlum tawp a ni mai.







In kan luah aṭanga thla hnih a liam leh meuh chuan kan zia chho viau a, Bawihtei phei chu a changkang chak lutuk.







A nui duhin a ṭap ngai mang lo tih theih a ni a, ṭhenawm khawvengte lawm a hlawh a, ka chang ngai mang meuh lo.







A pa ber mai chuan a atchilh hi a ni hawt a, nitinin thla a lak sak a, thla li pawh tling awrh vel chauhin photo album pahnih ngawt a nei tawh!







Lawmite an rawn haw zeuh zeuh a, mahse ka û lungleng hian a chah chho leh thuai ṭhin.








An naute kum khat tlin lawm naah chuan khawtlangin ka pa in ruai a buatsaih a, a hlimawm dar dar viau mai.







Kan khaw lama kan lawm bakah ka û thawhpui ten an lo lawm sak bawk a, Lawmi chuan nuam a tih zia leh an ṭhiante chu fel a tih hlawm zia te a rawn sawi a, Aizawl a a awm chu min rawn intihtheih khum hi a ni hawt ṭhin zawk a, mahse kei hian ka awt bik der si lo.








Ni e, ka pasal, ka fate pa hi amah UMapuia anih chhung hi chuan tumah hi ka awt ngai lovang.


.
.
.
.



"Tutu te emaw rilru sukthlek chu i ti buai ve dawn a ni" tiin a fanu muhil thaw sak sak biang chu a nal nul thuak thuak a, "Bawihtei ruala tlangval ṭhat leh mai ka duh!" a rawn ti teh thlawt.








Ka lo nui hak a, min rawn enin, "Ka lawm e" a ti sap a, a mitmeng aṭang chuan a sawi satliah mai lo a ni tih ka hre thei.








Ka hmuiah a rawn fawp zeuh a, a fanu chu melh zawkin, "Lalapa thil tih kha lo hmu lo der rawh aw" tiin a hnar chu a tawk zeuh a, Bawihtei lah chu a rawn ṭe deuh ṭhat lehnghal.








Kan muthilh hlana kan delh palh vel a hlauh avangin Bawihtei mutna chin chu lukhamin a dang leh thlap a, kan nupa chuan inkuah rialin kan mu ve ta.








Kan pa sawi dan takin hun chu mit khap kar lekin a liam zung zung mai.








Bawihtei hmanni lawkah a rawn piang emaw kan tih laiin kum khat a tling veleh der tawh a, a hunlaia a pa in photo album a siam sak te chu kum tamtak liamta ami ang maiin kan en kan en tawh mai.









Lawmi pawhin a pahnih nan a pai leh ṭan mek a, a neih dawn hma chu Aizawl lama chho tawh rih lo turin an nufain an rawn haw a, ka ni chuan a fiam a fiam ṭhin.









Keini chhungkua pawh kan hlim tlang viau a, kan tlangvaltea erawh chu inti nau nei em emin a inti tlangval sawt riau a, naupang harhvang rual lek ni si in ti upa tawk hian a che vel ṭhin a, ṭawng te thleng hian a inthlak danglam vek.








Mahse a buaithlak lai ber erawh a nau harh ve tawh si hian a robot hi a lo bual sak leh ṭhin a, engtinmaha hau leh ti duh bik si lo hian amah hi a ṭap tawp ṭhin.








Hei tak hi Bawihtei lah hian a hre ve kar a, a û leh a pa hian an duat tih hi a inhre ve kar reuh va, han pangchang kual vel dan chu a thiam lutuk tlat. Keimah ber hian a chang hian ka vin leh hluk ṭhin a, ṭawngkam vin hre ṭhang lo tih takah a ṭap vak zel ṭhin. A ṭap lah hi a pa leh a û mai ni lo, a pu thleng hian an lo ṭahpui fai vek lo chauh ṭhin a, a nu meuh pawh hian ka hau ngam der lo chu a ni ber.


.
.
.
.


Chokaah rawng ka bawl a, sitting room lamah an pafa hovin an ṭhu bawk a, an ri leh hak ṭhin.







Mahse rei loah ṭap thawm ka hria a, UMapuia nui ri ka hre bawk.







"Nui lo khan i faten khan enge an tih en rawh" choka aṭang chuan ka ti hluk a, a la rawn nui huah huah.







"Amak eee" ti hlukin ka chhuak phei a, Bawihtei chu a pa bulah chuan a ti fel then a, a û chu a lo ṭap leh bai bai tawh.








Chhuat huh leh tuium let nuai aṭang chuan a û robot a lo bual leh tawh a ni tih ka hre mai a, ka chek hlak.








"Amak e, i û thil hi khawihpui ṭhin suh. Hmeichhia i nih kha" ka ti a, Bawihtei chala ka pen kawrh chu a pa chuan, "Hau kher suh" tiin min lo melh nghal run a, "Nang lah hi, lo ṭhu tawp zel mai" ti leh hlukin choka lam chu ka pan leh a, thawm ngaithla chuan ka ding vang vang.








Kan pa chuan a fate chu thlemin unau inngaih taka awm ṭhat zia leh chutiang a awm tur chuan thu ṭha a hrilh nghal mawlh mawlh a, kei chu ka awm hmunah chuan ka lo nui deuh sak bawk.







A TAWP TA E.......







Tlem.......







Han sawi ṭan dan tur ka bangbo viau mai. Mahse he story nen hian a inkungkaih deuh tlat bawk sia...






Mi duh deuh mai hi ka nei ve rauh va, ka mi duh lah chu UMapuia ang tak hi a la ni zui!





Chu mi chu midang aia a ṭhat bikna a awm hauh lova, midang aia a ṭhatna ka hmuh awm chhun chu ka lung a dum em em mai hi a ni. A tlin lohna lai zawng zawng nia ka hriat ka han ngaihtuah a, a chanchin chhe lam ngawt ka han chhui pawhin ka hmu mam zel a, ka mitah ṭhat lohna tak tak a nei thei der lo!
Upa zawk tena hmangaihna in sawi ang hi a nih ka rin rualin chutiang em ni tur chuan ka la ring ngam lova, he mi hi ka duh hle tih loh chu hmangaihna a ni em ka hre lo. Mahse he mi nen hian hriat reng tlak inzawmna siam ka duh a, engtianga thui nge kan kal anga, thawnthu ngaihnawm tak kan ziak dun thei angem ka hre lo. Mahse he thu hi, kan kawng zawh hran hunah pawh amah ka hriatreng nan leh ka nun a mi pawimawh zingah a tel ve ṭhin tih hriat nan lo awm ve reng rawh se


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)