UMAPUIA BY Sammy (Completed)

[Ngaia]

UMAPUIA
by Sammy







Ch >< 7








Dik chu a nui vur vur a, "Teh thut a!" a ti lai rat.







"I duh lo em ni ?" nelawm fahran lo chuan ka ti a, "I thutak em tih ka ngaihtuah zawk anih hi" a tih chuan, "Inkawp i duh loh chuan midang pawh an awm" ka ti leh vat a, "Ruatpui!" Lawmi chuan a lo ti chang fak mai.







"Abak engmah sawi angai lo" ka ti hmak a, pawnah ka chhuak nghal daih a, Cici-i nu Mamuani ka la hmu zui a!







Kawmthlangpa pa Hmuna te in lamah ka chhuk a, a kawt zawla naupang infiam chu an ri nak nak a, an in chhungah chuan ka lut rawih.







"A ve tehhlawl che chuan" Pa Hmuna nupui Nu Thai chuan min lo ti a.







"Ka rawn leng ve anih hi" ka ti let bui bui a, "Ni e lo leng teh, inhnaih te a awm ti lo hian i lo leng duh ngai reng reng lo mai" Nu Thain a tih leh chuan, "Ka buai thin em lawm" ka lo ti hluk a.








"I pa in 'tunlai chu matei a thinchhe lutuk a' a rawn ti thin hi a dik dawn anih hi" tiin a nui hak hak a, ka hmui ka lo pawrh.







"Ka pa chuan dawt bak a sawi lo a! A thusawi lo awih tawh reng reng suh u" ka ti a, Nu Thai chu a hma ai za in a nui.







Kan inthenawmna a rei ve tawh ngang ngang bawk a, kan inhrechiang chhungkua ka ti mai, kei pek hi ka thinchhiat leh zaidam hi a inchhawk a, thinrimna ka neih phei chuan ka thup ve tit tet thiam lo nen ka thinchhiat avang hian Nu Thai pawh hian min hau fo mai.







"Tak taka Mate nula nih chuan thinchhiat hlur reng loh tur, mahse i period dawn aniang ka ring thla tir a ni bawk si" a ti a, awww... Keipawn tikhan ka thinchhiat nachhan ka inhre chiah!







Tun thla ka la period lo tak! Ka lo period dawn vang a ni ang Cici-i pawh ka lo huat em em ni.








"Rawng i bawl tawh em ni ?" a tih chuan, "Bawl lo, monu kan nei lawm" ka ti a, "Eee i tih dan chu(h)!" tia a nui chu ka nuih pui ve lo thei lo.








"Ka thianni nih vangin mo en in ka en loh phah dawn lo reng reng" ka tih chuan, "Eee nakinah Lawmi ka hrilh a, fuihpawrh pahin ka inhauh tir dawn che u" Nu Thai chuan a ti a, ka nui hak hak. Eng ang pawhin Lawmi chu lo han fuih pawrh mah se kan inhau dawn lo ve chiang a, kan pahnih a thu inhmu thlawt lo anih ngawt loh zawngin kan inhau teuh lo.








Nu Thai rawngbawlnaah chuan ka awm ve reng a, Dika rawn leng pawh kha a hamhaih viau ang. A rawn lut hlim hlawt a kan inkawp thu ka lo hrilh nghal tawp a, ka la chhuahsan nal nal zui. Aa... Ani ka care nachhan tur ka hre lo e, ka thusawi te a lo la thutak anih leh kan inkawp zawm anga, UMapuia ka duh loh zia Lawmi bulah ka fiah khawp ang.








Nu Thapui rawngbawlna tawlh tawlh ta chuan chawhmeh pawh ka hlawh chhuak ta nge nge a, lawm zetin thingfanghma tawtani nen chuan kan in ka pan chho leh a, ka pa leh pa Hmuna rawn inzui thla nen kan intawk.








"Pa leng rei suh aw chaw kan ei tep ania" ka han ti ngawt a, "A awihawm loh lutuk!" tiin engmah dang a sawi lova, min kalpel daih.








Kan in kawt zawl chu ka thleng chho a, chaw ut rim ka hria. In ka han lut phei chu chaw ut rim hlir!








"Tunge chaw chhum ut ?" ka tih chuan, "Keimah keimah! Lo kal teh, lo chhum tha leh teh" tiin Lawmi chu choka lam atangin a rawn rak chel chul a.








Nui pat pata ka lut chu a lo buai lutuk... Dawkanah a chaw chhum ut chu chawhtawlh lian lutuk lova(h) hian a lo hung tlang lurh a, ei luih pawh tum dawn ila a chaw chhum uh(ut) chu a ut chiang em a, a hmel ringawt pawh chu a beidawnthlak.








"Mo thar che chhia an tih ang khan i awm a ni maw ?" ngeiawm zeta ka va tih chuan min lo melh ram ram a, "Lalruatpui ka hnuk hrep mai ang che aw, i û ka nih tawh hi chaw chhum rawn siam rawh" a tih chuan ka nui der vel a, "Awi ka hlau lutuk che hi ka khur chur chur mai" tiin ka khur der.








"Hmeli!" tia buhtlai a min khawn a tum chu, nui uar uarin ka tlan chhia a, "Rawn chhum teh, ka nuin min hau ang tih ka hlau teh nia" a tih takah chuan ka va siam ta hram.








"Chaw ut hi tihdan ngaihtuah teh, i nu in a hmuh chuan min hau nasa viau ang" a ti a, "I hlau lo ni lawm niii ?" ka lo tih leh chuan min melh rawm rawm a, "Ka va han sawisa chak tak che em !" a ti hluk chu ka nuih pui hak.








Lawmi chaw chhum uh(ut) chu Pa Hmuna te chaw nawiah ka zuk bun vek a, Nu Thai pawh a lo nui nasa ngang mai. Lawmi chu chhaih zui miah lo turin min ti a, ka chhaih zui dawn nasa bawk mai sia a!








Zanriah ei lai chuan Lawmi chu ka melh rulh rulh a, a ngeiawm tawk lek hian ka nui leh thin bawk si nen min melh no lo ve thei khawp mai.








Zanah chuan naupang chin zawng in ah min dah leh a, a puitling chin zawng an leng leh vek tawh.







Vaihlo pho ro tur nuaiin thutthleng nghenin chhuatah chuan ka thu thluang duai a, ka û te nupa chu in si chaihin an thu!







"In ina pasal nei hi keimah ni lovin nangmah ni la ka ti" Lawmi chuan a rawn ti a, ka lo nui mai a, "Nui suh, ka thin hi rim nia" a rawn ti leh hlak hlak a.








"Ve hlak hlak a" ka û in a lo ti chu, "I nau hi pasal neih tir vat ang u" Lawmi a tih chuan ka û chuan engmah a sawi zui lova, a nui tawp ringawt.







"Vawiinah chaw a chhum ut a, amah thinrim daih" ka tih chuan, "Hey! Ka nu'n a hriat vaih chuan a pawi viau ang aw. Ka pa pawh nang ang em em hian a tawnthei lo, chhun ve rawh tawngthei lutuk mai" min ti zek a, chhan dan tur hre lo chuan ka û chu ka en a, kan unau chuan kan nui ta hak hak.








Chutia kan lo awm lai vel chuan Dika a rawn lut leh nawlh.







Zan dang zawng aia phur tih hriat hian a rawn lut a, ka thutthleng nghenah chuan a rawn thu chat.







"Zuala vawiin enge i thawh a ?" a ti ve luam a, ka û pawh chuan a lo chhang tha mai.







"Nang enge i thawh ?" Lawmi chuan a lo ti leh hmanhmawh a, "Chawhma lamin ar in ka sa a, chawhnu lam chu ka awl ta mai" Dika chuan a ti a, Lawmi chuan zawhna eng eng emaw a zawt sek.







"Va leng ve ru in nupa khan" ka tih chuan, "Kan leng hman lo UMapuia rawn leng dawn" Lawmin a lo tih chuan ka melh vak a, ka lung chu chawp leh chilhin a phu rang a. He mihring vanga a phu rang zawih zawih thin hi ka hrethiam thei thak lo!







"I pa vaihlo tur em ni ?" Dika chuan a ti a, ka û te nupa erawh chu min ngaihsak ang pawhin an awm tawh lo.








"Imm a heh ve sia hetia tih reng hi angai" ka lo ti tha mai a, zan dang angin zu rim a rawn nam lo ve teh khiah a, "Zu i nghei em ni ?" ka tih chuan, "Ka tum a" tiin min nuih var var.








"Nia, zu chu a tha lo lawm...." tiin nghei hmak tur chuan ka hrilh zawm malh malh a, ka beng bul a rawn kun hnaiin, "Highschool kan kal lai ang khan kan awm leh tak tak dawn em ?" a rawn ti su su a, tlai lamah ka thusawi te a lo la thutak vek lo tih ka hriat chuan ka lawm rilru phian.








"I awmdan ten a zir viau chuan le" ka ti ve ta nge nge.








"I mipa duhzawng ang a ka chhuak ta miah lo hi ka indem" a tih chuan ka en a, a taksa vel a lo thlek kual ka hmuh chuan ka nui hak a, mahse ka la ngei tho!








Highschool kan kal laia kan inkawp ve lai khan mipa chu cher ria lam ka duh thu ka sawi thin a, a ni erawh thau ni si lovin a muk talh a, ka mipa duhzawng pian kha chu a pu lo phawt.







"Anih cher kher lo mah ila ka min duh thei tho ngem ?" a tih chuan ka nui hak a, "Hun in a hril ang chu" ka lo ti ringawt.








"Thanzual" tudang ni lovin UMapuia âw a ni.








Ka en a, ka û hming lam reng siin kei min en daih a, kan mit chu intawng fu leh chat chat viau a, a mitmeng erawh chu ka hrethiam tawh lo. A nelawm loh lo a, a hlauhawm hek lo.







A taksa lam chu ka en thla a, a ni pawh hian ka mipa duh pian ang kha chu a pu lo ve kher mai.







"Aw lo thu rawh" ka û chuan a ti sawk sawk a, ka û te thut naah chuan min hmachhawn zawngin a thu a, "Anute Mate" tiin Khitea chu chhuatah a rawn thu thla ve zat.







UMapuia chu ka en reng a, Dika chu en in min rawn en leh a, a mitmeng chu a nelawm loh hlawm tawp tawh. Lungawi lohna nei niawm tak hian a rum nghut a, a hawisawn ta hmak.








"Anute Mate hei hi enge ?" tiin ka vaihlo nuai lai chu a rawn khawih a, "Vaihlo anih hi" ka tih chuan, "Lehkha nena zial chi kha mi ?" a ti leh a, "Imm nakinah a zial dan ka zirtir ang che" ka tih chuan, "Aih.... kawi min pe zawk la" a ti.








"Het! Mipa in kawi an hmang ngai lo" Dika chuan a lo ti ve a, Khitea chuan hmu ngai lo a inti deuh nge a melh phawk hra mai.







Min thut hnaih talh talh a, "Anute Mate 123 ka thiam vek tawh 20 thleng" a ti a, "Awii! I van thiam em em. Han sawi teh" ka tih chuan a kut zungtang nen meuh a sawi a, a kut zungtang sawm chauh a ni si a, "Anute Mate i kut ka lo hawh lawk" tiin ka kut chu min pharh tir bawk a, engtin nge 'hawh' tih tawngkam te chu a hriat zawk ni.








Ka û thusawi chu engmah ka hre lova, Khitea chuan min ti hlim em em mai ni.








"Anute Mate min lo thlah leh la" an haw dawn chuan a ti reuh a, ka thlah hian a muhil ziah sia, engtin nge a hriat thin ni.








"Thlah kan ngai lo" UMapuia lah chuan a ti chang bawl a, Khitea chu a rawn tap ringawt.








"Mate va thlah lawk mai rawh, Khitea khian a ngai ve che anih hi" ka û chuan a lo ti a, phur lo zetin ka thutna atang chuan ka tho chhuak a, Khitea chuan min lo ban nghal.








"Anute i bula ka lo riak" tap chung chuan a ti leh ta reuh a, UMapuia chu ka en a, min melh tur khai mai bawk si.








"Tlangval an tap ngai bang rawh le" tiin ka thlem a, a hma ai uar chuan a la tap sauh sauh.







Chutia min ngen a a tap ta ringawt chu ka hamhaih lek lek zawk a, zirtirtu ni e tilo hian naupang hi ka chhawn chhaih lo ve hle a, Sangtea tak ngial pawh hian min la ngen ngai hek lo.








UMapuia chu ka melh ngawt a, beidawn hmel zetin a fapa chu a en.








"Mate a ngai che aniang" ka û chuan a lo ti a, "Ni e a awm tirh atanga a duh ber kha i ni bawk si a" Lawmin a rawn ti veleh bawk a, Khitea hnungah chuan ka chul hauh hauh.








"Pawn velah va chhuahpui teh a bang mai ang" Lawmi bawkin a tih chuan ka chhuak nghal a, UMapuia chu kawngka bula ding ranin min en reng.








Ka nghawnga a kut pahniha min kuahin chhuak zet chuan a la tap hliam hliam reng a, "A bang duh miah lo nia!" tiin UMapuia chu ka en leh.








"A tap muhil dawn anih kha" a ti a, bang tura thlem ta lo chuan nau awih ang chuan ka awi ta zawk a, reiloah chuan mut chhuak âw tih hriat takin a rawn tap ta a, a tawpah phei chuan a hriatchhuah changin a rawn tap niberin ka hre tawh.








Khitea pawm a ka awih mek lai chuan Dika chu a rawn chhuak a, "Ka haw phei phawt teh ang" a tih chuan, "La leng rawh" te chu ka lo ti mawi ve a.








"Naktukah zin ka tum si a mut hma angai" a tih chuan, "Imm... Anih chuan va mu hma mai rawh" ka ti a, "Muttui aw" tiin a kal liam nghal.








Zanin a rawn pangngai phian chu a lawmawm letling, chuti ni lo se zawng tlai lamah ka thinrim thil sawi kha a rawn sawi chhuak a, duh loh dan deuhin kan awm ang tih nia ka hlau leh hnuhnawh ni.








Ka nau pawm chu muhil nghet tawh ni a ka hriat chuan in chhungah chuan ka lut leh a, an lo thu ngawi thap.







"A mu thei hram e" ka tih chuan UMapuia chuan lo ban mai a tum a, Khitea chu a te leh dawn si avang chuan la lo mai tur chuan ka lo ti.







"Rei lo te ka'n pawm leh nga a mu nghet tha tawh ang" tiin ka thutpui a, ka la insawi pui tho.








Khitea hmel chu ka en a, ka âwm a bei hnapin a hnara thawk chu duhtawk lo tih hriat takin a kâ chuan a thaw leh hak thin a, a hmui chu a rawn tep leh thin a, a biang piai nasat lutuk vang nge tih pawh hriat lova rawn rah fual par chu a taksa ria theng nen chuan a inrem lo hle a, mahse a hmeltha ka ti tho tho.








Ka ni sawi dan takin a pa hi a chhun anih ngat zawngin a tlangval hunah chuan pan puam lian tak neiin a mitmeng a la dam ve dup ang.








"Nufa te pawh in an kha" Lawmi chuan a ti a, ka en zawk. Ka vaihlo nuai kha a lo nuai zawm a, min la rawn en duh thak lo zui.








"Mateiin a lo awmpui theih dawn tho hi a Khitea chu" ka û chuan a ti a, "Ve thla ngawt a, kan inhmuh khat deuh vangin min duh ve mai mai anih hi" ka lo ti a, "Ni e, Khitea chuan nû tur thar deuh a nei tawh an kawmthlang a mi, tiraw UMapui" Lawmi chuan a rawn ti leh a, UMapuia hmel awmdan chu ka lo enchiang ngang mai. Thle sawn chungin a nui suk a, thu dang erawh engmah a sawi lo. A awmdan chuan Cici-i chu a iai vak bik lo tih a ti chiang khawp mai.








Ka hrawk ka thian kharh a, "A tha dawn khawp alawm, Cici-i chu a fel a" ka lo ti ve a, ka bek vel chu a phu mur mur a, ka mit sir chuan UMapuian min en a ni tih ka hre thei.








UMapuia te chu ka thlah a, a hma ang bawkin kawngka bulah min lo nghak leh ran mai.








"Ka thlah ang che" a tih chuan ka hnial duh lova, mahse kan kan rual miah lo, a hmaah ka kal a, ka hnungah thawm nei miah lovin a rawn kal.








"Helai thleng hi nimai UMapui" tiin ka hawi let a, kekawr ipte zenin min lo melh run mai.








"Zanin a tlangval nen khan in inkawp em ni ?" a tih chuan pangngai thei ang ber a, lan ka tum nain ka pangngai lo!








A hma a mi uap na churh ang khan boruak hi a awm a, ka zam chhe vek.








Chhanna beisei tih hriat takin a mit ko a kan ak a, "Kawp lo" ka ti ri chang chang ngam chauh.








"Aw le.... Kal rawh ka lo en ang che" a tih chuan, "Maw !?" ka ti a, ka zawhna mawl zia hre chhuak chawpchilh nghalin "E aw muttui" tiin ka inher a, ka kal nal nal.







Min hmu phak tawh lo tura ka ngaihah chuan ka ding a, ka awm dawmin ka hawi let a, ka thaw hak.







Eng hi nge maw dik lo a, kan fuh hleihtheih miah loh ni? Kan awmdan ve veah hian kan in lawm vak lo tih a hriat viauin ka hria.



.
.
.
.



School-ah Sir Jacob-a thlahna hun kan hmang a, kum laklawh ah an sawn a, khawpui lama a awm tawh tur phur zawk awm tak hi a ni a mahse a peih lo lutuk chu a nui hleithei lo a ni ber.







Kan khua hi nuam a ti a, kum khat mai ni lo kum eng emaw zat nuam ti taka a lo awm ve tawh na a ni a, a han chhuahsan ngawt tur chu a ngaithiam lo ve te pawh a ni mahna.







Programme a zawh chuan haw tum tawhin ka dawhkan chu ka dah fel zung zung a, Sir Jacob-a rawn lut ve chiah chu tlai chaw eiah ka lo sawm a, "Min sawisa duhtu hi an lo awm ve nge aw" a tih chuan ka nui hak.







Dika nen kan chungchang a hre ve a, Dika nen khan inkawp ta lo mah ila a nu khan min lo sawi nasa a, heivang hian kan inkawp turah an ngai vek.








"A awm hla veu veu mai sia i ngai awm" a tih chuan, "Ninawm" ka lo ti hluk a.







"Tak tak a, tlaiah sa min hmeh pui dawn loh chuan ka rawn ei dawn lo ania" nui huah huah chung chuan a ti a, heipawh hi tunlai Lawmi nen an inkawm tam riau a a tawngthei tlat.








"Rawn kal hma la Lawmi nen ka nu ar tui lai in talh dawn nia" ka tih chuan, "Arsa ka hmeh phah dawn te chuan...." a ti fan raih.







"Haw turin ka inpeih tawh e, khawnge ka naute hruai haw tur kha" tiin Sir Jacob-a chu ka chhuahsan ta daih a, "Min lo nghak rawh kan haw rual dawn nia" min au zui a, ka chhang tawh lem lo.







Khitea chu an class-ah ka va en a, fel thenin a lo la thu.







Min hmuh rual chuan a rawn kal ve nghal tharh a, nitin inhmu ang kan ni a, a pa ai chuan ka ngainain amah pawhin min ngaina fe zawk.








"Anute Mate ka lo leng duh e" a ti nghal a, "I pain a phal chuan i lo leng dawn nia" ka tih chuan, "Apa chuan a phal leh dawn lova, Anute Cici-i te in ah ka leng daih zel" a tih chuan ka tang nghal teuh a, UMapuia chuan kan in a rawn len tir ringawt pawh a phal lo maw?








"I pa chu kan hau dawn nia, kan in a rawn len te phal loh reng reng" tiin kan inkai chhuak a, "Nangmah pawh lo leng la" a tih chuan, "Khawiah ?" ka lo ti vat a, "Keimahni in ah, kawm tur pawh ka nei lo" tiin ka kut chu a then kual a, ka khawngaih reuh.








A harh ve zek zawk si lova, an rawn len chang a Sangtea a kawm tih loh hi school-ah pawh hian thian dang vak a kawm hi ka hre lova. Tun atang hian apa angin intih nelawm loh hi a zir nghal ngawt zawk nge, chutiang anih chuan a chi loh viau ang.








"In vengah thian i nei lo em ni ?" ka tih chuan, "Ka nei ve a, mahse kan in bul a ka awm hlek pawn Anute Cici-in lo haw rawh a ti zel a" a ti leh reuh a, ka thaw hak.








Cici-in chutianga ti ngam tur khawp chuan a tlangnelin UMapuia pawhin a fapa chungah thuneihna a pe tihna ania nga. Hahh.... Ka tan nelawma a awm theih mang loh laiin Cici-i tan erawh a inhuam/phal hnem hmel viau chu le.









"Miss Ruatpui" Sir Jacob-an min auh lang lang na lam chu kan hawi a, Sir Jacob-a bulah chuan Cici-i lo ding ve reng.








Ka thaw hak a, an lam pan chuan Khitea chu ka kai phei.








"Hei a lo hruai dawn a" Sir Jacob-a chuan a lo ti var a, ka hnar ka tum dat.







"Hma deuha rawn kal ta che" ka tih chuan, "UMapuian tui a chawi daih sia, hruai a ngai tih a sawi lawk si lova ka rawn hma thei lo anih hi" a tih chuan ka ner nang a. Ka ten lutuk, a pasal ang mai a a'n sawi vel chu le.








"Nia ka rual hlirin a haw thin a" ka ti ve nghat a, "Imm, mahse vawiin chu ka lo hruai haw mai ang, a tello a ka haw chuan UMapuia thinrim palh ang" a ti a, ka ten lutuk. Uak thui thui thui!








"Va inhruai haw teh u, Sir Jacob kan kal dawn mi ?" tiin Sir Jacob-a lam chu ka hawi ta daih a, "Anute Mate ka lo leng ang aw" Khitea chuan a la rawn ti tawk tawk a, ka chhang ta chuang lo.







A rawn hruai tunu saw ka ngei em a, ka nui hleithei tawh lo. Tuna ka awm dan hi ka tah te a chhuak, ka thinrim bawk si. UMapuia chuan kei ai pawhin Cici-i chu a ring tawh zawk ania!








"Nula hmeltha an thinrim bur bur ngai lo" Sir Jacob-an a rawn tih chuan, "Ka ngei alawm!" ka lo ti nghut a, za zetin min nuih.








Sir Jacob-a nen chuan kan inzui haw a, ani a in lam panin a kal hran tawh hnuah chuan ding meuhin ka ngaihtuah neuh neuh a, khati khawpa rawn leng chak Cici-i vang mai mai a rawn leng lo tur kha ka ngei tlat.








UMapuia te in lam pan chuan ka pen thauh thauh a, kik pawh kik hmasa lovin an kawngkhar chu ka va hawng thuai a, cham zet hian ka dak lut.







UMapuia chu thutthlengtea thuin silai hi a lo en vel mek a, Khitea pindan atangin a rawn chhuak chiah a, choka lamah Cici-i rawngbawl pawh chu ka hmu.








An awmdan chhungkua ang tak tak lutuk chuan ka thin a ti rim hlur a, UMapuia pawh chu ka melh rawm rawm tawh.








"UMapui" ka tih chuan amah che lawih khawp hian, "Umm" a rawn ti thum chhar a, hlau ang chuan ka lang tawh dawn bik miah lo. Cici-i mah heti khawpa ngampaa a awm ngam chuan ka theih loh bik nachhan tur ka hre lo reng reng.








"Enge ni ?" ka ngawih tak reng si vang chuan nge min rawn en pah chuan a ti a, a mit meng chu a dam dup a, ka tah a la ti chhuak em em zui.







Ka hrawk ka thian kharh a, "Khitea lo leng rawh se" ka ti ngawt. Ka thu sawi chu duh khawp lo niawm tak hian chal chuar nangin min en a.







"Amah pawh a lo leng duh" ka tih leh chuan, "Tinge ?" tiin a ma biang chu a kawk a, "Engmaw...?" tia ka biang ka khawih chu a lo hnawm chap.







"Tinge in inchung hi a far a mi ?" tiin ka dak chho a, "Ruah a sur lo" UMapuia chuan a rawn ti dut a, "I mittui anih kha" amah bawk chuan a ti leh a, ka tap maw? Ka tah lai ka hre lo reng reng.







"Ka tap lo" tih pahin ka inhru hul a, ka mit atangin mittui chu a rawn chhuak ngei bawk si a, ka tap bawk si lo.








"Apa misualpa" ti a tap chungin Khitea chuan a pa chu chapalin a lo vawm a, "Tinge i pa i vawm ?" Cici-i chuan a rawn ti.






Khitea chuan UMapuia a vawmna chapal chu lain ka lamah chuan a rawn tlan phei lehnghal a, "Anute Matei bulah ka leng duh" tap chung chuan a ti bui bui.







UMapuia chuan keimah min enin a thaw hak a, "Chaw ei dawnah ka rawn hruai ang che, harh lutuk lo la" a ti ta nge nge a, Khitea lah chu a tap bang hmak.







"Kal ang le" ka ti a, Khitea chu phur zetin a chhuak a, kei chu ka chhuak mai thei ta tlat lo.







Ka hawi let a, pakhatin silai a khawih mawlh mawlh a, pakhatin rawng a bawl mawlh mawlh. Chutia an pahniha kalsan chu ka thei ta tlat lo!








"Anute Mate" Khitea chuan pawn atangin a rawn ti lang lang a, hreh takin ka chhuak ta hram.






Enge ka awmzia ni a, ka thlahfal hreh lutuk chu ka hrethiam tawh lo.





In ah chuan Lawmin rawn a lo bawl dawn mek a, Sir Jacob-an chaw a rawn ei tur thu chu ka hrilh.





Lawmi bulah chuan ka awmdan vel chu ka hrilh a, "Mate i mak e!" min ti thlawt.





"UMapuia hi i duh anih hi..." a tih chuan, "Duh ni ila chuan...." min lo pawt chat a, "I awmdan hi ka sawithiam dan chuan i lu bur ami leh i thinlung duhdan kha a inkalh. UMapuia hi nelawmloh i tih vang leh amah hian a nel lo che a i hriat avangin duh anga lan kha i hreh anih kha" a tih chuan ka ngawi rauh rauh a, chutiang chuan a ni thei dawn em ni.








"Duh kan neih te chuan an hmel hmuh te kan chak a, kan ngai ve thin tur a ni lawm ni ?" ka ti a, "Umm.... Chuan kan thikthu hi a chhe hle bawk" a tih chuan chal chuar tapin ka en a, Cici-i hi ka thik tih sawi a tum deuh emaw ni.








"Khawvel hi a! In inhmuh thiam sak loh hi ka lo hmu thiam ve ve sia, ka mit chawngkawr hian" a ti hluai ringawt a, ka hnar ka tum dat.








"Engmah i rawn tlak loh, rawng kha lo bawl rawh ti khan" tiin pindanah ka lut a, ka inthlak zui mawlh mawlh.








Khitea chu Sangtea toys khalhin a tlai viau a, a bulah chuan ka thu thla ve dat.








"Anute Mate a tha sin" tiin car robot anga siam leh theih chu min hmuh a, ka lo fak sak ve luam. Ka ngaihtuahna tak tak erawh chu UMapuiate in ah khan a awm daih a, engtin nge an lo awm tak ang?







An inkawp tak tak em ni? Nge nia nga.... Aaaa an inkawp rinna bak engmah ngaihtuah tur dang ka hre lo.







Ka phone chu ka la a, UMapuia chu ka call. Enge sawi tur ka hre lova, mahse call hrim hrim a ngai a ni tawp.







"Hello!" lehlam atang chuan a rawn ti thum dut a, "UMapui" ka ti leh ngawt a, "Umm" a rawn ti veleh ngawt tho.








"UMapui aaa eng lo..." ka ti deuh niah niah a, sawi tur ka hre lo.








"Cici-i nen khan in inkawp em ni ?" ka ti ta a, ka thin chu a phu dup dup a, min chhan hun chu ka nghak ran.








"Kawp lo" a hma ka chhan dan ang chuan a ti a, thu sei tak ni lo mah se mak tak maiin min ti thawl, min ti hahdam tlat.








"Imm" ka ti ringawt a, sawi tur ka hriat tawh loh avang chuan ka dah nghal daih bawk.








"Mate ar talh ang itia mi ?" Lawmi chuan a rawn ti nghal lawng lawng a, "Ka man thei lo man rawh" a ti ri ka hre zawm zat.







Nui var var chung chuan choka lamah ka lut phei veleh a, Lawmi leh Sir Jacob-a chu chokaa ar an rawn um luh man tum chuan an lo buai nasa.








"Kha kha kha.... Ka chawhmeh siam!" Lawmi chuan a ti chul a, ar lah chu man hlauin a thlawk kual a, man tum tu te chuan man an tum ruh mai bawk si.







"In zei lo dun ve sia e" tiin paikawng chu ka la a, ar veh den denin ka va khuh thak.








"Miss Ruatpui chu zei loh pawh i nei lo nih hi a" tiin Sir Jacob-a chuan a kut zungpui a rawn ti pir va a, "I over lutuk a, khawi puah ang u" tiin ar chu ka man a, "Mahse ka talh ngam miah lo nia" ka ti zawm zat chu, "Keipawn" Sir Jacob-a chuan a rawn ti nghal.








"Ar hi i talh ngam lo amaw ?" Lawmi chuan uar fahran hian a ti a, "Mi fel ka nih hi, tual ka that ngai lo" Sir Jacob-an a tih chuan, "Awi awi awi, ar pawh talh ngam lo mipa! Mipa pawh i ni lo.... Kei te chuan ka talh ngam asin" Lawmi chuan a ti leh a, "Anih chuan talh la" Sir Jacob-an a tih chuan, "Nau ka pai a ka talh thei hleinem maw le" Lawmi chuan a ti a, Sir Jacob-a chu a ngaihnep hmel viau.








"Keiman ka'n talh ang" tiin ar chu ka khai chhuak a, Sir Jacob-an chempui nen min zui chhuak.







Khitea chuan hmuh loh hlau niawm takin min zui chhuak ve bawk a, kan ar talh tur chu pui tak a ni.







"A lu ah hian lo man la keiin a ke leh thla ah hian ka lo man ang" ka tih chuan, "I kut pahnih i hmanin engtin nge chem i hum ang ?" Sir Jacob-a chuan a ti a, "Taka!" tiin ka kut lehlam chuan chem chu ka hum a, ka pa ar ka talh pui hian a thla leh ke man tura ka tan ngun lutuk avangin man talh ka lo tum hi ni.








"A lu ah hian ka lo man zawk mai ang" ka ti a, kan han man rem sauh sauh a, chem chuan ka tin uai uai tawh.








"Ka ngam leh lo deuh e" tiin Sir Jacob-a chu ka en a, a lo ner nung.









"Mipa ve si ar pawh talh ngam lo" Lawmi chuan kawngkhar bul atang chuan a la rawn ti a, "Anute Mate a khawngaihthlak e" Khitea chuan a lo ti ve bawk.









"Sat tawp rawh nang chu i huai em kha" Sir Jacob-a chuan a ti a, ka han sat dawn zet a, ka ngam leh ngam lo.







"Sat rawhhh" Lawmi lah chuan a la rawn ti ve chhen a, amah saw ka sat sawk zawk dawn emaw ni.








"Hmeh lo mai ang u talh...." ka tih lai chuan ka hnunglam atang chuan taksa lian pui hian min rawn uap a, a rim pawh chu ka hre thei.








Ka chem hum chu a rawn hum hnan a, ar ka manna lam pawh chu rawn hum hnanin ka lu chungah chuan a thaw lum hawk a, ka mur chhuak vek.








A taksa lumna chu ka hre thei a, eng rimtui nge a hman ka hre lo mahse a rimtui lutuk ringawt.








"Kha a changtupa kha lo tih tir rawh u" Lawmi chuan a rawn ti a, ar nghawng chu a zai chhum nghal sawk bawk.







Ar tal tur chu hnehsawh zetin a khai sawn nghal a, a kalsawn rual chuan reh hawk hian ka hria.








"Kha tah hian rawn dah rawh, ar pawh talh ngam lo" Lawmi chuan tiin Sir Jacob-a ar lu ken chu chawhtawlh dawhin a lo dil a, "I tawngthei sia e" Sir Jacob-a pawh chuan a ti hluk.








UMapuia chu ka en a, ar chu a khai va a, silai a khawih a khawih kha a ak bawk. A pa lian si a, a lang nelawm loh lehzual kher mai.








"Ar talh te i tum reng reng a i va huai ve ?" min rawn enin a ti a, "Nia..." ka ti tawi tak.








"A changtupa nge nge" Lawmi chuan a lo ti leh hmanhmawh tawh a, UMapuia chuan nui sukin a ar ken chu Lawmi chawhtawlhah chuan a dah a, "I û hi a awm em ?" tia a kut lianpui chu beng thuk thukin min en.








"Keimah maw ?" ka lo ti haw a, kei hi ka dik ta hauh lo.








"Aw nangmah...." a tih chuan, "K û maw ?" ka ti leh he haw.








"Aw i û awm leh awm loh ka zawt che" a tih leh takah chuan, "E aww... awm lo" ka ti bah leh nak a, "I dam lo em ni ?" UMapuia chuan ka awmdan mak tih hmel tak chuan a ti a.








"Dam ... Dam e..." tia a mita ka en chu ka lai ringawt a, ka hawisawn vat a, "Ka dam, ka û chu ka nu leh pa rualin a feh ve a" ka ti a, ka thaw hak. Ahma ang chiah khan a bula ka awm hian ka danglam vek.


Show post links
Top

[Ngaia]

UMAPUIA
by Sammy







Ch><8










"An rawn haw hunah 'zanin chu UMapuian thulh mai ang a ti' lo ti ta che...." a tih chuan, "Enge in tih dawn ?" ka lo ti vat a.








"Sa chan kan tum a, mahse silai hi a dik chiah lova" a ti veleh mai.








"Aw anih chu ka lo hrilh dawn nia...." ka tih leh chuan a lu bu nghut.







"Bawihte ka rualin i lo haw nghal dawn em ni ?" tiin Khitea lam chu a hawi a, "Aih, anute Matei te in ah chaw ka ei dawn" Khitea chuan a lo ti vat a, UMapuia chuan min rawn melh vut.







"Hhaa... Nia lo ei rawh se" ka lo ti a, ka nui chu a za lo tih a hriat lutuk nge UMapuia chu a rawn nui ve hawk a, "Aw le mahse zanah ka rawn hruai hman dawn lo ania" a tih chuan, "Enge i tih dawn ?" ka lo ti leh vat a, eng emaw thil ka zawh chîk tak em em ni.







A fapa aia dah pawimawh a neih ka ring lova, Cici-i a rim dawn tihna em ni? Ni lo, kan inkawp lo a tih tak kha. Aaa.... inkawp lo mah se a duh lo tihna a ni chuang lo.








"Matei pawh hian a rawn thlah thei reng alawm. I tih tur va ti rawh" Lawmi chuan a lo ti a, UMapuia chu inher vutin Khitea sam chu a tuai thur a, "Ninhlei lutuk suh aw" ti supin a kal liam thleng chu ka thlir.








A kal tur chu engtin emaw tak chelh ka duh a, in ah Cici-i kha la awm chuan a pasal ang maiin a lo cheibawl leh emaw ania nga, UMapuia lah khan thu sawi a neih hmel vak si loh, ka ngaihtuah zawng hian ka kawchungah hian min vilh tlat tun a awm.








"Enge maw khatia hmu tawh lo tur ang maia i thlir vawng vawng le, a hmul hi min rawn pawh(pawt) pui rawh" Lawmi chuan a ti a, phur lo zetin ar hmul pawt tur chuan ka thu thla ve a.








"Lawm ka dik miah lo" ka tih chuan, "Engti dik loh in maw ?" Lawmi chuan a ti a, "UMapuia hi..." ka ti teh ngawt.








"A kal chiah kha" Lawmi chuan a ti a. Ar hmul chu a pawt hlawk hlawk.








"Ka û nen in inngaihzawn tirh hian engtin nge i awm ?" ka ti ta zawk a, a rawn nui nghal har har.








"E le keite chu min hriat kha. Ka duh deuh chu a bem pawp zel, mahse i û hi chu ka bem miah lo" a rawn ti a, "Engtin nge i awm ka tia lawm. A ni lo sawi kual duah suh..." tiin ar chu ka let kual a.








"Ka za vek!" nui paha a tih chuan thaw hakin ka melh ram ram a, "Tak tak a, ka awmdan kha amak a ni tawp.... I chungchangah hian min rawn be ve zeuh zeuh thin a, Aizawl a a bialnu pawh kha keimah vangin a then asin" a rawn tih chuan ka phawk viau a. Ka û khan Aizawlah bialnu a nei ve thin tak! Hei vang hi nia ka û nena an inruk tirh pawh khan mak ka tih zual viau nachhan.







"Chu mi inkarah i tla zep a ?" ka tih chuan, "Aw chutiang pawh chuan i ngai thei. Mahse then turin ka ti miah lo. Keimah vangin a then tih pawh hi a hnu feah ka hria. I û ka duhna hi chu thuhran ania, amah i û hian min duh alawm. Kan inhauh deuh te hian tap chungin ngaidam min dil hmasatuah a tang thin" a tih chuan mak ka van ti tak. Ka û chu ka rin ang a lo ni hauh lo.








"Mate UMapuia ka duhpui nachhan che hi chu maw a rintlak zia hi ka hmuthiam tlat a, i û pawh hian a fak asin" a tih leh chuan ka lai leh ringawt pek a.







Henu hian min chhaih duh anih ber tawh hi! Ka duh lo ka han tang nasat vei nen a hming sawi ringawt pawhin tum lo deuhin ka lai ringawt zel tawh anih hi!








"Mahse.... Ka bei i ti dawng" Lawmi chuan a rawn ti leh hap a, ar chu khaiin chawhtawlh a tui chu a paih.







"Ehe! Ka hrechhuak, ar hi kan talh ringawt a ka nuin a phal ami ?" a ti leh hlut a, "A phal turah ka ngai" ka ti sam et chu, "I thuin kan talh a min hau em lo ang chu" tiin chawhtawlhah chuan a dah leh.








"Lawm UMapuia hian min la duh hmel em ?" ka zawhna chu ka va han mawl hmel tak. Mahse inngaihzawnna lamah hriat ka nei lova, nei pawh ni ila ka thiantha ber chu ka rawn tur a ni tho tho.







"Duh che pawh ni se a beidawng ang" a tih chuan, "Engvangin ?" ka ti a.








"I awmdan hian a hnar chiang e, a tan i beiseiawm thlawt lo" a tih chuan ka down vek.








"Anih keimah hian lo duh ta si ila" ka tih leh chuan, "Anih chuan hma la rawh" a ti a, "Hmeichhia zawkin chutia tih a mawi lo e...." ka ti a.







"A mawi lohna a awm lo... I len tar ai chuan...." chimawm zet hian a rawn ti leh a, ka thaw hak.








Ar hmul kan pawh fai hnu ah Sir Jacob-an a rawh(hem) nana a mei chhemah chuan kan rawh(hem) leh a, kan rawh(hem) lai chuan ka nu te feh pawh an rawn haw a, a ar kan lo talh chu vanneihthlak takin min hau lo hlauh.








Zanriah kil lai chuan UMapuia thu min chah chu hrechhuakin ka û chu ka hrilh a, a pawi loh thu a sawi ve mai.








Sir Jacob-a chu zanriah ei zawh lamah chuan a awm rei lova, ka nu leh ka pa pawh an leng chhuak leh daih tawh.








Khitea chu mut chhuakin a ham bai bai a, UMapuia rawn lan hun chu ka nghak deuh a, mahse a rawn hruai dawn lo tak tak nge a rawn lang mai hauh lo.








Ka ni leh Sangtea chu lehkha an inzirtir a, ka pi chu a muhil tawh thung.








"Mate paw mai rawh a mut a chhuak emai" ka û in a tih chuan Khitea chu ka pua a, rei loah a muhil nghal.








"UMapuia hi a buai tak tak ami le" ka tih chuan, "A buai ang, kawng leih(lai) na tur JCB vel buaipui a ngai a" ka û in a tih chuan a thusawi chu ka hre ve lo viau a, mahse ka zawt chiang duh lem lo.








"Anih chuan ka va dan lawk mai ang" tiin ka phone nen chuan ka chhuak nghal.








UMapuia te in ka thlen chuan chaw a lo ei mek a, "I van ei tlai em em" ka ti lut a, Cici-i lo awm veleh kur tawh.








Engmah an sawi lova, keipawh engmah sawi loin Khitea paw chung chuan thutthlengah chuan ka thu a, kan inkawp lo ti mah se an inkawp ka ring bur tawh.








"Khawi ka lo la dawn em ni ?" Cici-in a rawn tih chuan, "A ngai lo" ka lo ti hmuk a, a haw hma chu awm ve dan ka zawng dawn a ni tawp.








Enge ka ngaihtuah ber pawh hi ka hrethiam tawh lo, UMapuia hi ka duh em? Ka hrechiang lo, mahse Cici-i chu ka haw ngawih ngawih. UMapuia nen an inhnaih lutuk te hi ka thin a rim.








UMapuia chu rei lo ah ka bulah chuan a rawn thu a, ka nau puak rawn lak a tum chuan, "A la mu nghet lovang" tiin ka hnial veleh tang.








Cici-i chu a haw a, ka thaw deuh huai.








"Ka lo la tawh dawn em ni ?" UMapuian a tih chuan ka melh rawm a, "In inkawp lo takzet amaw ?" ka tih chuan chiang zet hian min en a, "A hmeltha i ti ve em ?" a ti daih.







"Zawhna ka zawt hmasa che..." ka tih chuan, "Kawp lo" a ti leh a, a mitmeng chu a dam dap a, a nelawm hliah hliah. Hetiang mitmeng hian Cici-i kha a melh reng chu a ni awm sia.







"A hmeltha i ti em ?" nui chunga a tih leh chuan ka chhung lamah hian na zawk hi a awm. Cici-i chu a hmela chhe miah lo, mahse ka hua. UMapuia pawh hian tha a ti tihna ania.








"A mu nghet tawh ang ka'n mut ange" tiin an pindanah chuan ka lut a, ka mut zawh hnuah engmah sawi lovin ka chhuak leh nal nal.








"Muttui" a ti ri chu ka hria a, ka chhang lo thung.



.
.
.



Sir Jacob-a haw tur chu kan thlah a, school chawlh leh huna a rawn zin tur thu a sawi nasa.







Sir Jacob-a kan vai liam hnuah school lam panin kan kal leh sang sang hlawm a, nitin kan tih dan angin class kan la leh mawp mawp.







Sir Jacob-a ai awhtu tur a la awm rih loh avangin kan buai zual hle a, ka rilruah UMapuia leh Cici-i lo lang ve sek nen ka thinrim nileng hi a ni ngawt.







Lawmi leh ka ni hnenah ka awmdan vel chu ka sawi a, an ni pahnih lah chuan UMapuia ka duh vanh bakah min puh leh lo. Mahse tun tumah chuan ka pawm ta thlap, Cici-i ka huat vang ngawr ngawr a ni lo tih hi ka hre tlat.








Inngaihzawnna kawngah nau viau mah ila UMapuia bula ka danglam thin dan ka chîk hian ka duh tih hi ka inhrethiam ve tawh. Hei vang tak hian a ni Cici-i pawh huat piah lamah ka thîk tel tak ni.







Tlaiah UMapuiate in ah ka dak de de a, UMapuia thutthlengsei a thu chuan min lo en kar mai.







Za lo tak chuan ka then sak a, "UMapui..." tiin ka lut.








"Enge ni ?" a ti dut a, Cici-i a awm leh awm loh en in ka hawi kual.








"Ka rawn leng mai mai" tiin naupang fel ang mai chuan ka kut hnung ka suih tat a, a nihna takah chuan Cici-in rawng a lo bawl sak leh sak loh en tur a kal ka ni mah.







"Khawnge Khitea hi ?" ka ti a, "Cici-ite in ah a leng" a ti dut.








"Aww ka ngai a ka rawn leng ve a, mahse pawi lo ka haw leh mai ang" tia ka inher chu, "Lo awm rawh ka zuk hruai ang" a ti a, min rawn kal pel nghal fuain a kawngka chu hawng zauin a chhuak nulh.








Ka nui var var a, eng a chhan ka hre lo, mahse ka hlim tawp.








Thutthlengseiah chuan ka thu vang a, UMapuia phone chu a rawn ri. Ka la lo ang ka ti zet nain vawithum ngawt a rawn call hnuah pawh UMapuia chu a la rawn let loh avangin vawi li naah chuan ka la ta chauh.







Caller id ka en chuan *Mama* tih hi a ni a, "Aw Hello" tiin thawveng tak chuan ka chhang a.








"Tunge aw ?" a rawn ti, "UMapuia phone ania mahse amah a awm lova" ka tih chuan, "A awm hunah min rawn call tir ta che" a ti a, ka chhan leh hma chuan a dah daih.







"Anute Matei nen lehkha kan zir dawn" ti ri ah chuan ka phone ken lai chu dahin ka ding a.







Khitea chu a rawn tlan lut a, a hnungah UMapuian a rawn zui bawk. Awww... Pafa hi chu an va han ang lo chiang tak!







"UMapuia miin an rawn call a" tiin a phone chu ka pe a, chîk zeta min en na chuan ka tiril a ti mur chhuak leh vek tawh.






Ka kut a phone a rawn lak chu en vutin, "Lo awm rawh u" tiin a chhuahpui nghal daih.







A rawn luh leh hnu chuan a hmel a dur deuh khap a, Khitea nena Abc kan ziahna bulah chuan rawn thuin rilru hah hmel zetin a thaw hawk.







"Tinge a ?" ka ti a, a pawh theih ang ber tura awm chu ka tum tawp.







"Eng a ni lo" a ti ringawt a, a sawi duh lo anih ka ring mai.







"I pa hi a awm em le ?" a tih chuan a awm thuin ka chhang a, "I awm tho a i pa chu ka va be lawk ange" tiin a chhuak leh nulh.







"Khite i pa hi a dam lo em ?" a hriatthiam theih dan tur ber chuan ka zawt a, a awmdan kha a mak tlat.







"Aih a dam lutuk.... Anute Mate 'Bawihte' min ti ve la" a tih chuan ka mit ko ka kan ak a. Ka beisei loh deuh a rawn sawi chhuak nulh.








"Bawihte tih chu i duh em ni ?" ka tih chuan, "Imm... Apa pawn min ko tho a" a ti a, ka nui hak. A pa koh dan ang kher a koh chu a lo phût ve anih chu.







"Bawihte ka ti tawh dawn che nia, mahse ka thu i awih viau angai ang" ka tih chuan a lu a bu nghat nghat a.







"Imm... Apa thu pawh ka awih" a lo ti vat.







UMapuia chu ka rin aiin a rei ta viau a. Ka pa hmuh nghal a duh rum rumna tur khawp chu eng thil tak hria ni ang maw.


.
.
.
.


UMapuiate in ah chuan ka leng ta zeuh zeuh a, ahma ai ngawt chuan UMapuia nen pawh kan innel leh ta deuh a, biak pawh ka be nui leh thei tawh.







Mitmeng thip zet zet a min en kha a ching tawh lova, a changin ka che chhe thin lutuk erawh a buaithlak thin.







Ka duh hi ka zep thei lo lek lek thin a, ka beidawng thin viau bawk. A awmdan hi nau angin min enin ka hre ber a, nula angin min en lovin ka hre ber.







A duhtu zawka ka tan tak vang nge a che zia zawng zawng chu ka chîk a, min hneh em em vek tawh. Ka theih tawpin Khitea pawh ka ngaihsak a, ka thiam dan ang ang chuan amah chu ka buaipui ve tawp. Chutihrual erawhin Cici-i ka hmuh changin ka hnual phah thin khawp mai.







UMapuian hmeltha a ti kha a ni a, ka tan chuan thik a, hnual phah loh chi a ni lo.







Tlai khat ka pa nen zu an in dun leh pek a, chumi zan chuan a rui ve khawp a, mahse a rui chung pawh chuan tawng duh tak a ni chuang miah lo.







Khitea ka puak mut hnuah ka khumah chuan ka mut a, UMapuia rui lutuk chu ka thin a rim hlur mai. Ka pa lah buaipui ngai bawkin a rui a, ka nuin a mutpui nghal hmak.








"Mate i UMapuia hi hetah riak mai rawh se..." ka ni chuan a ti a, thinrim lutukin thutthleng a ban kham zuah chunga min en tu fhu ka en a, ka thaw hak.







"In mut duh chuan mu rawh u, ka lo buaipui mai ang" ka ti a, "Nia, keipawh ka mu dawn ka mit hian chhin a mamawh tawh" tiin Lawmi chu an pindan lamah a lut nghal hmak.








"UMapui" ka tih chuan a rawn rum nghut a, "Mate mutna siam sak mai ang aw" ka niin a tih chuan, "Imm... Hetah riak mai rawh se, a awmdan phelh phulh hi mahni inveng zo awm pawhin a awm lo" ka ti a, ka ni chu nui pat patin pindanah a lut a, puan phah tur a rawn la.







"Thutthleng kha chu atan a te ang, chhuatah hian phah ila mu rawh se" ka ni chuan a ti a, a mut bu rawn ken chhuah ho chu ka phah pui sawk sawk.







"Nu..anu..." pindan lam atangin Sangtean a rawn ti a, ka ni chu a tlan lut nghal.







"UMapui i harh em ?" tiin a biangah chuan ka beng thek thek a, a mit meng miah chuang lovin ka kut chu a rawn man a, a hum lum deuh vung vung.








A mit a rawn meng a, kan inmelh chiang ngang ngang khawp mai.







A zu in vang chuan nge a mitmeng chu sen deuh ramin a chiang lo ruau a, a mit chu chhing lehin a khi sak.








"Rei lo te chauh..." ti sapin ka inring hma chuan ka kawngah a rawn chelh a, a mal chungah chuan min thut tirin a awmah chuan min bei fel tir then mai.







Ka meng kar a, ka lung a in thumrawn tluk tluk bawk.







A kut lehlamin ka kawngah nghet zetin a kuah a, a lehlamin a âwm a min bei tir nan ka bek a dawm bawk. Amah lah chu engmah thleng lo anga hahdamin a thaw deuh siai siai a, a thaw lum te chu ka feel thei vek.








"UMapui...." ka tih chuan a rum nghut a, "Hahdam rawh" a rawn ti leh sap a, kan awmdan hi nuam pawh ka ti lo.







Ka chhungte tu amah kha an la muhil dawn der si lova, min kuahtu avang hian ka tang tung bawk si nen a nuam lo vel vek.








"UMapui..." a tih leh chuan a rawn thaw lum leh hak a, Ka kawnga a kuahna chu thlahin ka kawngah vek chelhin min nawr hla hlek a, ka beka a dawmna chu a la thlah lo.








"Tinge hetia i awm a ?" ka ti sep a, ka sawi viau nain ka âw khur chu a hre tel tho nge a nui leh sak a, "I rui anih hi" ka tih chuan ka biang chu a rawn nul thuak a.








"Tu ber hi nge ka dem ang? Chunglam nge keimah hi indem tur ka hre lo" tiin ka kawnga dawmna chu ka hnungzangah a sawn chho va, tak ngula min en na chu ka en let tha ngam lo.








"Nang lo ngaituah tur ka ngah nen nang kher hian ka ngaihtuahna i luah leh thin a" tiin ka biang chu a rawn nul leh thuak a, kei chu ka taksa pumin ka sa chhuak vek a, sawi tur pawh ka hre lo.







"I pa thianpa ka nih hi i hria em ?" a tih chuan ka lu ka bu nghat nghat a, "I nungchang hi ka hai miah lo sin" a tih leh chuan a mitah tak chuan ka melh kawk.


Show post links
Top

[Ngaia]

UMAPUIA
by Sammy






Ch >< 9










"I pa thianpa ka nih hi i hria em ?" a tih chuan ka lu ka bu nghat nghat a, "I nungchang hi ka hai miah lo sin" a tih leh chuan a mitah tak chuan ka melh kawk.







A mitmeng ringawt atang chuan enge a ngaihtuah ang ka hrethiam lova, "Ka..." a bak engmah sawi theih ka nei lo, hetiang teh thlawt a a rawn tawng chhuah hi ka rin loh lutuk vang a ni mah na.







Ka nungchanga amah ka duhna ka lo lantir viau chu a lawm lo em ni ang? A thianpa fanu ka nih vang chuan min duh loh phah tihna em ni? Ka va han ngaihtuah nasa tak!








Ka bek a dawm reng chung chuan a kutzungpuiin ka khabe leh hmui bawr chu a rawn tuai a. A mitah chiang zetin ka en reng a, awm dan tur ka thiam lo a ni ber e.








"UMapui..." ti leh sepin ka bekna dawnna lam ban chu ka vuan a, min en in a kiai suk.








Ka hmui chu en in a kutzungpui chuan a nul leh thuak a, a rawn hnai hrut.







"Ka duh ta che hi min dem lutuk bik suh aw" ka hmui bulah chuan a rawn ti lum hak a, tang tungin ka mit ka chhing a, min fawp ngei dawn!







Mahse ka beisei ang chuan a ti ta hauh lo, ka hmui sir te ah chuan dam zetin a rawn fawp a, hrilhhai taka ka en chuan a nui hak.







A hmelah chuan min fiam a ni tih ka hre thei a, thu sawi duah lo mah ila kan rilru put hmang chu kan inhriat sak tawn ta khawp mai.







Ka sam chu chulin mitmeng a min duhna hriat lutuk chuan min en a, ahmain he a mitmeng hi ka la hmu ngai lo.







"Khatiang khan min en suh" lai zet chuan ka ti a, nichin leh tun thleng hian eng thil danglam mah a thleng hauh lo, mahse amah UMapuia anih vang hrim hrim hian a mi melhna pawh chu ka laih (lai) tawk a tling em em.







Nui che dawtin a âwmah chuan min kuah bei leh thlawp a, a pangtilum zawng zawng chu ka feel thei. A awihawm loh zawk kan awmdan hi.







Ka ngaihtuah thin dan ai daihin a hahdamthlak a, a ban lian pui a min kuah a, a kut phah hlai hlup chuan min awih mut tum niawm takin ka hnung chu a beng dat dat a, a âwmah chuan hmai phumin ka bei hle hle.








A rawn thaw hawk a, ka bek a a rawn fawp thaw hak.








"Chuan engtin ?" tiin dak vahin ka en a, "Engtin ?" tiin a mit ko a san ak.







"Zu in thin ka duh miah lo" ka tih chuan a kiai sak a, "A tha lawm" tiin min kuah nghet sawt a, kan taksa chu a insi chât a, mahse nuam ka ti ru veng veng mai.








"Cici-i ve thung kha ..?" ka tih leh chuan, "Thik thu kan pe chhe nghal viau dawn a ni maw ?" a rawn ti a, ka nui ve hak.








Ngaihzawnna lam hawi a ka duh em em, mahse ngaihzawng atana ka suangtuah tak tak ngai miah lo nen inhuatna nei miah lovin kan awm mek a ni a, ka hlim a, mak tihna in ka khat a, keimah chu a rukin ka insik thul. Mahse mumang chu a ni si lo, nichin maia rui nawi tak ka buaipui kha tunah chuan a taksa nghengin hahdam takin ka awm siai siai a nih hi a!



.
.
.
.




Kan inkawtah Lawmi nen kan thu a, naupang infiam chu ngawi rengin kan thlir.








A nau pai thla sarih lai a ni tawh a, mahse a tawngtheih ngaiin a la tawngthei reng.








"Inpa chuan eng maw a tih ?" Lawmin a tih chuan, "In pa ti ve ziah suh..." ka lo ti tum bar.








UMapuia nen kan inkawp thu amah leh ka niin an hria a, min chhaih peih lutuk hi ka pa te pawh hian an hriat a ni ka rin ni.








"Enge.... Pasal nei hun vel chiah i nia inhruai ve tawh mai ula" a tih chuan ka melh ram ram a, min ning niawm ang mai hian a tawng ve ziah lehnghal a, mo sual lutuk!









"Inngaihzawnna hi a ho reuh e" ka tih chuan, "Inneih ula ka ti reng alawm" Lawmi chuan a rawn ti vat a, "Kar thum bak kan la inkawp lo" ka tih hmuk chuan a nui hak hak a.







"Inneih i duh tawh sia, inneih tur em chuan in la inzui rei lo i ti bawk sia..." a tih chuan ka melh leh ram ram a, inneih lam ka rilruah la lang lo hrim hrim. Engtik lai pawha UMapuia ka hmu reng chak, ka ngai em em mai ber hi ni ka buai na. Ani pui lah hian phone hmang emaw te a min rawn biak hi a tum ngai bawk si lo.








Tunah pawh Aizawl-ah kal a, vawiin chauh va kal ni mah se a thlen tawh leh tawh loh te min rawn hrilh ve awm ania, engmah a rawn sawi lo. A kal dawn pawhin sumo a an chuan dawn tak teah min rawn hrilh hram a, chu zawng chu a rawn sawi ania.






"Huizzz.... Tlangval senior lutuk ngaihzawn hi a buaithlak dawn riauin ka hria...." thawk hak pah a ka tih chuan Lawmi chuan min lo ei lo khawp.








"A khanglang a, bialpa i nei ve dek dek a chutiang te a i'n tawng le..." tiin a chek hluk a, ka lo nui thung.








"Anute Mate zanah AuSangtea nen kan mu dawn...?" tiin Sangtea leh Khitea kan hmaah fel zet hian an rawn ding a, "Aw inmu dun dawn nia, va infiam leh tawh r'u" tiin Lawmi chuan a lo hnawt sawn lehnghal.








"UMapuia tetlai leh Khitea an in ang tih hi chu awih har ka ti..." khabe dawm meuh a Khitea thlek vung vung chuan ka ti a, "Keichu ka awih, UMapuia pawh hi sek tung siin a hlauh hmel em che hi" Lawmin a tih leh chuan ka melh leh ram ram a, engmah hi a thutak pui theih loh.








"Kal rawh, rawng va bawl rawh, tawngthei bawk si..." ka ti hluk.








Ka phone chu hmet engin ka en a, UMapuia phone call emaw message pawh a awm lo. Whatsaap-ah ka lut a, a last seen pawh yesterday vah! Phone te hi a nei ve a, ngatan nge a hman ni?








Ka phone chu thinrim deuhin ka hmet vak a, bialpa neih hi zawngchang chi pawh a ni lo. A buaithlak, ngaihtuah ve an lo ngai a, kan ngaihtuah anga min ngaihtuah ve loh phei hi chuan a thinrim thlak, tunah pawh hian
nasa takin ka lungawi lo!








"Nimbu ka sawh(bawl) lo ei r'u Mate" ka ni chuan a rawn ti lang lang a, Lawmi chu a phei nghal.








Kei chu ka thut ngai chuan ka thu a, naupang infiam chu thlir zawmin UMapuia bawk chu ka ngaihtuah leh rauh rauh.







A mizia hi ka hrethiam thlawt lo, kan awmdun hi chuan min duh ngawih ngawih hmel hian a awm a, a chezia zawng zawng leh tawngkam atang pawhin a hriat lutuk, mahse kan han inhmuh loh te hian min biak te a tum ngai lo reng reng. A biak phût leh beisei tawkin zan mut hmunah te hian ka phone te hi ka han en a, mahse a ni lah hi a reh vung vung zel. A senior tawh lutuk hi hetiang tih nachang a hre lo zawk nge maw ni dawn ni?



.
.
.
.



Ka chair a ka thut chuan ka thaw hak a, tui chu ka in nghal khawlh khawlh. Sir Jacob-a ai awh tur an la awm mai bawk si loh avangin Sir Jacob-a subject chu class te te in zirtirtuho in kan kawp hlawm a, kum dang aia zirlai kan thahnem kum a lo ni kher nen a hahthlak in hrawk a thip duh thin khawp mai.







"Sawrkar lam pawh hian an rawn dah leh vat dawn loh chuan Sir Jacob-a te kha sawn loh mai tur ania..." Madam Mamawii chuan a ti a, lehkha pan zet hian a inzap hliau hliau.








A hahthlak alawm.... Sawrkar school a ni a, zirtirtu pathum chauh kan awm a, nursery atanga class 4 thleng kan awm ve si avang hian subject kawp chu kan nei lo thei lo a, chuvang tak chuan a hahthlak zual a ni tawp.







"Nichin khan i phone a ri a, mahse ka lo la lem lova" Sir Hriatan a rawn ti ve thung a.







"Tun angah company lam bak phone tu tur ka nei lo, vai tawng hian eng eng emaw hi an rawn sawi a, rawn call sek ka ning ania...." ka ti zui hlak a, nichinah naupang zirtirin ka au nasa bawk nen ka hrawk thip deuh chu tui ka in leh.







"Vawi thum ngawt rawn call kha chu company a ni lo ang....." Sir Hriata bawkin a tih leh chuan tu tak ni ang maw ti rilru chung chuan ka phone chu ka en a, ka beisei loh tawpin UMapuia call a lo ni reng.







Nui deuh sakin ka chair atang chuan ka tho chhuak a, "Company lam loh deuh chu a ni chiang a" Sir Hriatan a tih chuan ka nui a, phone chu office pawn lamah ka chhuahpui nghal.







Minute 6 liam ta ami chauh a ni a, a text pawh dawn khat naklaia vawi thum ngawt min rawn phone chu a awihawm loh zawk lawm le..







Ka call let a, vawihnih a ring naah a rawn la.







"Mate...." a rawn ti thum chhak a, awww ka ngaih zia hi!







"Min rawn call em ni ?" ka van â tak, min rawn call tih ka hriat avanga call let ka ni reng a, mahse....min rawn call thu sawi a min ngaih thu sawi tur chuan ka beisei em em.








"Imm, kan rawn haw dawn.... I û nen.." a ti zawi sup a, "Ka rawn biak vat loh che vangin tihpalh" a rawn tih zawm a, ka nui hak. Nizanah keiman ka phone a, tawng na hun pawh siam lovin ka thinrim khum chiam kha ania, ka thinrim khum chiam avanga ka inthiamloh ve tho rualin hetia a awm vel hi nuam ka ti.







"I theihnghilh tawh lo tala a zia e..." ka tih chuan a nui ri chu ka hria a, "Ka ngai che" a tih chuan, "Keipawn..." ka ti vat a, mahse ring leng lawng hian, "Ka hre pha vek!" ka û âw ngei mai chuan a rawn ti a, ka biang hi a sa nghal pap pap thei.







"UMapui tinge ka û kha...." ka ti lai rat a, ka zak lutuk ringawt. Eng ang pawhin inpawh mah ila khatiang kher a lo tih.








"Tinge ka û awm laiin min lo biak a ?" ka tih leh chuan, "I û ania lawm...." a ti mai a, a âw-ah chuan a nui tih a hriat theih.








"Aw lo haw vat rawh ka...." ka tih leh lai chuan, "Keipawh ka rawn haw dawn tih i theihnghilh a va ang ve...." ka û bawk chuan a rawn ti a, "UMapuiiii..." ka ti chul ringawt a, an nui hawk hawk ri chu ka hre thei. Ka û pawh hi Lawmi a chhun zo tawh, tawngthei lutuk.








"UMapui kalsawn tal teh.." ka tih chuan a kalsan ta aniang a reh duk.







"UMapui...?"






"Umm.."





"Tinge i ngawih daih a...?"






"Ka hmuh che hi chuan sawi tur ka haihchham thin a..."







"Enga!... In lo haw tawh em ni?"







"School naupang infiam ri le lu karah lai zeta i ding kha ka hmu che nia..." a tih chuan ka hawi kual a, "Khawnge i awm? Ka hmu lo che nia..." tiin ka hawi kual nasa mai.







A rawn nui hawk hawk a, "Khatia i hawi kual vak vak khan naupang ho nen khan in danglam miah lo" a rawn ti. Ka awmdan a rawn hriat chat chat danah min hmu chu a ni phawt a, ka zawn kual viau pawhin keiin ka hmu ve der bawk si lo.







"Min fiam reng suh aw ka hmu chak teh mai che nia..." intipangchang taka ka tih chuan, "Keipawhin ka ngai chein ka hmu chak che, kan rawn thleng har lo ang. Dar a rik kha lut tawh rawh" tiin phone a dah nghal a, ka phone chu ka thlek vung vung. Ka awmdan a rawn sawi thei vek a, kan rawn thleng har lovang ti leh daih bawk si. Lawmi ka call a, ka û te an rawn thlen tawh leh tawh loh ka zawt a, an la rawn thlen loh thuin min lo chhang si, aaaa UMapuia khan a rawn ring dik vel mai mai anih dawn kha.


.
.



"I pa te rawn thlen har tawh dan hi...." tiin Khitea chu ka awi a, ka nau awih lah chu mutui tawh nasa.








Tunah dar 7 a ri tawh dawn a, an la rawn thleng lo. Ka pa in JCB in an rawn haw atia, khawia JCB in nge maw an rawn haw ni. Sumo a service ve reng a, chuta te chuan rawn haw awm ania, Sumo phei chu khaw thim hma khan a rawn thleng daih tawh a, phone an la thei der ai lo ngaih a tha lo khawp mai.








"Mate chaw i ei dawn lo maw ?" ka ni chuan kawngkâ atang chuan a rawn ti a, ka lu ka bu zauh ringawt. Lawmin 'keipawn i û chaw ei ah ka nghak dawn tho a UMapuia chu nghak ve la a lawm dawn asin' a tih vangin nupui fel tak pasal te hnathawk haw tlai chaw ei leh tih vel a lo nghak thlap ang kha ka ni.








"An rawn thleng har tawh reuh hle mai a" tiin Lawmi chu ka bulah kawng dawm kawh luah a ha kher pah chuan a rawn ding a.
"Nia ka lo ngaihtuah mek a tawhsual an tawk emaw ni ?" ka tih chuan, "Tawk lo ang, JCB chu a tlan chak lo ve e lawm..." a tih chuan ka thaw nghal huai. Ka lo ngaihtuah miah lova, JCB chu a tlan chak thei nain an rawn fimkhur awm si a chak deuh deuhin an rawn tlan teuh lo. Mi dam(zaidam) pahnihin an rawn haw pui ngat bawk si a, an rawn thleng har pawh chu awm ka ti ta viau zawk.









Dar sarih pelh hretah chuan ri hum humin an rawn haw a, JCB chu hnehsawh zeta ti dingin UMapuia chu a rawn chhuk a, a ke velah chuan naupang thenkhat chu an lo lawn nghal sap sap a, khaw thim mup karah JCB eng ring chuan UMapuia chu ka hmu thei. A bata slipper bawk chu a bun a, cargo dum hain tawnzau var a ha bawk a, a landan chu inchei leh a thawmhnaw hak te chu man to tak a ni hauh lo. Mahse mipa tam takin an lan nalh pui ve loh tur anih bakah UMapuia inthuam dan sawn inthuam ve ngat se an lan pa(man) pui ve dawn hauh lo.








Ka lam rucksack chu a dar lehlamah akin ka lam chu a rawn pan nui vur vur a, keiin mit tla lo chauhin ka lo en kar.








"Bawihtea chu a muhil em ni ?" tiin Khitea a rawn bih duk duk a, rawn hawi chhuah leh pah chuan ka biangah a rawn fawp zauh.







Ka nui seih a, kan hnung lamah ka pa thawm a rawn lian hle.







"Ka ngai che" ri si lova hmui phun chuan a ti a, a landan pa tak nen chuan inrem lo lek lek hial thei nia!








"Keipawn" hmui phun vek chuan ka ti let a, midang hriat si loh chuan kan innuih var var.








"I rawn thleng har lutuk a Matei a lo mangang hman lutuk a" ka pain a rawn tih chuan ka tang hra a, a tawngkam chu hriat anei tih ka hrethiam nghal.








"Lut teh ang u...." tiin ka pa chu in lamah a lut leh nghal daih a, ka û te nupa pawh chu inngeih zetin an inkuah lut a, UMapuia chuan ka kut a rawn hum lum vawng vawng.








Kan in en a, sawi tur hre lo ve vein kan innuih hak a, "Ka duatnu va lut ula ka rawn lut dawn nia" tiin ka bekah bawk a rawn fawp leh a, nui var varin in ah ka luhsan.









Khitea chu ka khumah ka mut a, ka niin ka pi mut tir a tum ve mek bawk.








"Nuam ti fal tur hi chu kan awm a ni..." Lawmin chaw ei siam paha a ti leh thin chu ka va ngei tak, pindan atang chuan ka chhuak a, Lawmi chaw ei siam chu ka va tihpui a, ka sawi nawk nawk.








"I tawngtheih lutuk vangin ka pa pawhin a hria nia...." ka tih chuan, "Mate tak tak ami? Engtin nge a hriat?" a ti chul a, Lawmi hian ka nu leh pa'n an hriat hi a hlau lutuk a. A ngaihdan chuan ka nu leh ka pain an hria anih chuan kan inkawp an phal loh a hlau a, ka nu hi mi ngeng, mi ti kher kher a lo ni nen ani'n UMapuia min duhpui ropui bawk si a. Heivang hian ka nu leh pa hriat hi a hlau tawp. Kei erawh chu chhan dang daih avangin an hriat hi ka hlau, ka pa hi UMapuia thianpa a ni si a, UMapuia tan a nawmloh ka rin avang leh ka pa laka inthiamlohna a neih loh nana hrilh lo mai mai ka ni a. Mahse.... ka pa kha chuan a hria tih ka chiang a, nu leh pa nge nge kan che zia zawng zawng lo chîktu an ni bawk a, a inthup rei theih thin lo anih ngat hi.









Chaw kan ei kham kan thut lai chuan ka û chuan Lawmi chu a chhoh leh huna zui ve turin a ti a, Lawmi chuan a hnial nasa.








"Aww.... Pasal ten min thlahlel anih chuan lawm zawk awm tak che nia, zui ve rawh...." ka nu chuan a lo ti a, Lawmi pek chuan, "Ehe! Min ning tihna mi a? Min ning reng reng suh u, fapa pakhat chauh in neih hi. Aizawlah ka awmpui anga, ka fuihpawrh a ka tihsual vaih chuan in fapa in chan a ni mai" a ti a, an nui nghal dar dar. UMapuia meuh pawh a nui ve hawk hawk a, Lawmi zet zawng a tawngtheih ang ang hian a tawng hi nuihna tur a tam a ni.







"Bawihtea chu min va khaihthawh sak la..." UMapuian a tih chuan, "A la mutui ang" ka ti vat a.








"Zanin chu hetah riak mai rawh se...." ka tih chuan ka pa chuan min pawm pui zetin, "Ni e muttui tawh hnua khaihthawh chu a khawngaihthlak" a ti a, UMapuia chuan a hnial duh ta bik lo aniang a thaw hawk.








"Anih chuan i kutah ka dah ang aw, intihfai te ka la duh si a ka va phei ange...." tia a din uai chuan chelh ka duh, ka la kham lo a bula awm. Mahse inchelh tung na chi a ni tawh bawk si lo. Lunghnur deuh chuan ka melh a, ka pa pui chuan a lo hrethiam nge ni, "Mate i UMapuia kha va thlah rawh..." a ti a, ka pa chu ka melh zak zak. Ka lawm deuh bawk si, ka zak deuh bawk si, ka chhungte chuan an hre thu bawk sia, a zahthlak kan awmdan vel chu.








"Va thlah rawh va thlah rawh...." ka pain a tih leh chuan ka phone chu ka ban vat a, "Kawng zatve ka thlah ang che..." ka ti a, kan inzui chhuak nghal.








Ngawi renga pen sawm vel kan kal hnuah ka kut a rawn vuan a, pen ti buai lek lek khawpa inhnaih chuan kan kal a.









"Min ngai lo lutuk! Ka bula awmdan pawh i ngaihtuah ve lo" min dinpui a, kan dinna lai chu a thim zual lai tak a ni a, keimahni pawh chu kan inhnaih em avang chauhin kan inhmu thei mai mai a, midang tan phei chuan hmuh kan har viau ang.








"Ka ngai lutuk che hi min ngaidam zawk teh..." tiin ka biang a rawn dawm a, a banah chuan ka lo vuan ve vat.








"Biak pawh mi rawn be lo" intipangchang tak chuan ka ti a, "Ka tihpalh ka tih tawh kha..." tiin a chek hluk a, "Tihpalh tih ngawt a tawk lo" ka tih chuan, "Anih hei hi..." tiin min rawn fawp nghal siah.





Comment leh ads click kha aw


Show post links
Top

[Ngaia]

UMAPUIA
by Sammy








Ch >< 10








Duhthawh leh zei taka min fawh chuan ka thiam ang tawkin ka chhang let a, ka chhan let tak vang chuan nge a rum nghut.








A kut pakhat chuan ka kawng chelhin alamah min pawt hnai a, ahma ai duhthawh chuan min fawp a, ka thiam ang tawk chuan ka lo chhang let ve zel bawk.







A lung phu rang lutuk chu ka feel thei a, ani pawhin ka lung phu rang lutuk chu a hriat theih ka ring. Ka thisen zam zawng zawng hian a hna thawh tur ang a thawk pawhin ka hre lo!








Ka kawng a chelh lohna lam chuan ka khabeah rawn hmer a, a inla hrang vut. Hrilhhai lek lek a ka en chuan a tih thin dang angin ka hmui sirah chuan a rawn fawp a, ka khabe hmer reng chungin a kutzungpui chuan ka hmui chu a nul thuak a, a rawn nui lum hak.








A awmah chuan min kuah bei nghal thlap a, ngaihngam takin kei ka bei hle hle. A lung phu ri chu ka ngaithla kar a, ka darah a kut chu a nghat lum vung vung.







He mihring hi ka thlahlelin ka duh ngawih ngawih, min chhang bung nghut nghut fo mah se ka bula a tawng tam ve thin lutuk te hi min duhna a tihlan ve danah ka ngai hmak mai.








"UMapui ka ke a kham e..." sawi chhuah loh ka tum viau nain a kham tawh em a, kan ding rei tawh bawk si ka sawi lo thei lo.








"Aw! Thil dang ka lo ngaihtuah miah lo a" tiin a inlahrang a, "I ke chu a mu chuah chuah tawh ang a ?" nui suka a tih chuan a âwmah chuan ka chum taih a, "Kawng zatve a ni tawh, nangmahin va haw tawh rawh..." ka ti deuh bar.








"Hmm...... Min ngai lo tu chu a hriat mai alawm" a ti a, a va han ngeiawm ve chiang tak.








"Ka ngai che ka tia i awih lo tihna mi? I va sual ve, pa lian pui si rilru te deuh nei suh aw" ka ti nang nang a, a rawn nui hawk hawk.








"Lalpa leh! Let tawh rawh ka lo en ang che. I kal vat lo anih chuan pu nawlh chein ka tlanbopui dawn che nia" nui chung chuan a rawn ti a, a nui nasa lutuk chu ka nui ve tawp.








"Ka sawi tawh kha zanah min lo be tawh rawh aw, fai tawkin va inbual la i mu hahdam suai suai dawn nia..." tiin a awm chu ka kut zungtang chuan ka thai kual a, ka en chho ha.








"Imm.. zanah chuan min lo be ngei ngei rawh aw...." tiin ka nuih saih.








"Tehreng e, kal vat teh..." a tih chuan, "Min ning tihna mi a ?" ka ti vak a, "Shhh.... I kal vat loh chuan ka kal tir thei lo mai che ka hlau alawm" a tih chuan, "Anih chuan ka kal dawn" tiin ka tal hrang vut.








"Muttui aw..." tia kal ka tum chu min pawt lehin ka hmuiah chuan duhthawh zet hian a rawn fawp leh a, inlahrangin ka chal chu a rawn tauh ri bap. In kalsan chu kan inphal tak tak lo a ni ber.








Ka nui hak a, "Kan in thleng min thlah leh law law rawh" ka tih chuan a rawn nui lum hak a, ka hnar kawn chu a kutzungchalin a rawn tuai zeuh.








"Kal rawh, ka lo en dawn che nia" tiin lehin min thlah a, kan inlam pan chuan ka pen ta hna hna.








In ka thlen chuan Lawmi a lo meng leh zawk zawk tawh a, chhe hre hraw lutuk.








"Pa engtih nan ber nge JBC saw ?" tiin ka pa bulah chuan ka thu nghal that a, Lawmin min chhaih anih vaih chuan a pawi dawn tlat, sawi hreh mang hi a nei lo ve bawk sia.








"Kawng laih that na tur anih saw. Kan khaw feh kawng hi furah a hreawm thei em a, JCB sawn kan hai tha anga lung kan rem vek dawn" ka pa chuan a ti dap dap a, ka lu ka bu nghat nghat.








"Anih JCB chu tunge khalh dawn ?" ka tih leh chuan, "Ele! I UMapuia.... Mapuia hian thiam a ngah lawm..." a tih chuan, "Mistiri a ni sia..." ka lo ti sep a.








"Nia, ahma chuan JCB operator pawh a ni thin. I UMapuia hi chu thiam loh tak tak pawh a nei lo" ka pa chu mahni fate chanchin chhuang taka sawi ang mai hi a ni.








"Euuu...Makpa thiam thil ngah deuh kan nei dawn a ni maw ?" Lawmi chuan a rawn ti a, ka melh rum leh ngang ngang viau. Sawi tur hi hre chat chat leh lutuk mai.








"Ka duhlai kan mu dawn em ni ang...?" ka pa chuan ka nu chu a sawm a, "Lo va mu rawh ka rawn mu ang" ka nu'n a tih chuan, "Pasal te awmpui duh lo tiin Lawmi i'n hau ve bawk a, nangpawn pasal te mutpui pawh i duh hlek loh kha!" ka pa chuan a ti a, ka nuih a lo za viau.








"Anih chuan kal rawh, va mu ang. Teh kher kher che hian..." ka nu pawh chuan nui chungin a ti a, mu turin an pindan lamah an inzui lut.








Ka nu leh pa an lut fel tihah chuan Lawmi chu ka sawi nawk nawk, "Tawngthei thin lutuk suh!" ka ti a, ani lah chu min hlauh loh hmel tak hian a nui vak vak zui.









"Ka mut san dawn che u..." tiin ka û chu an pindan lamah a lut veleh nalh a, a chau ve deuh a niang.








"Mate i û kawr min rawn hawn hi a mawi tawp...." Lawmin a tih chuan, "Tawngtheinu thu dang sawi tum hlek suh...." ka ti a, ani lah chu min runluih emaw tih turin a nui mai mai bawk si, a va han chimawm tak!








"Khawnge ka ni hi..?" ka tih chuan, "Pa Hriatrenga rawn leng a an inzui kha ania" a ti a, "Aw anih chu va mu rawh, inpa khan a lo nghakhlel tawh ang che" ka ti a, ka phone chu ka en nghal daih bawk.








"Muttui aw Mapuia naute" ka beng bulah rawn ti sar sarin pindan a lut zui hmak a, henu tawngthei chimawm lutuk hi chu ka û bulah Aizawlah chuan awm ve hmak se a tha ang.








Ka phone rawn ri tlang chu chal la chuar tapin ka en a, ka khi nghal var var.









*In ka thleng chiah aw* tih a rawn thawn a, *Rawn sawi kher angai lo* tia ka reply chu a in double tick rualin a seen nghal nia!









*Min rawn be rawh i ti sia abak rawn sawi tur ka hre si lova* a rawn ti leh a, ka kâ hupin ka chik ka ti mai.









Hlim vanga ang pam chung hian, *Ka ngai che tih ang reng vel te* tiin meng kual rulh sticker ka thawn tel a, *Phone atanga ka sawi hian a reh phah dawn si lova* a rawn ti chu ka phone chu ka melh vung vung a, min chhan dan tur a va hre tak.








*Kuah pah che a 'ka ngai che' tih kha nuam i ti zawk lo em ni ?* amah chuan a rawn ti leh chu ka phone chu humin ka thing vak a, ka hmel chu siam chhe vakin ka nuam ti lutuk chu awmdan tur ka hre lo a ni ber.







*Aaaa... Inbual phawt teh* tia ka reply chu, *Ka intifai hreh deuh i rim ka la nam sia* a rawn ti leh. Lalpa.... A nung chungin min la teh, val senior min biak nachang hre lo ti tein ka lo vui ve a, min han biak tak tak chuan chhan ngaihna ka hre lo anih der hi!








*A ninawmmmm* tiin ka reply a, awmdun ila chuan ka chhan dan avang chuan a nui leh suk suk tawhin ka ring.








*Anih ka'n intifai nge aw ka duatnu* tiin mit siai emoji hi a rawn dah tel a, ka reply nghak lovin whatsapp atangin a chhuak nghal tih hriat takin a last seen a lang nghal kulh.








A message en chuan ka nui var var a, bialpa neih hi a zawngchhang tlak loh nain ka bialpa ang neih hi chu a zawngchhang tlak!








Hmeichhia zawk tih a mawi lo khawpin ka ngaih anga min ngai ve turin ka phût em em a, ka duh em em avang hian min ngaihnep hlau viau mah ila ka zep hleithei si lo. Mahse mipa diktak a ni a, kei angin tawng ve zuap zuap lo mah se a mize nghet churh hian min duhna mitmeng tih loh hian min en dawn lo tih hi ka chiang tlat.







Status ka up a, Daduhi hla Min dem lul su tih chu a thunawn lai te video tawi ka neih chu caption a feel lutuk avanga mittui tla pura dahin ka hmang a. Play pahin keimah chuan ka zai pui al al...







Min dem lul su, lenrual te u
Tiang reng a lungdumtu hi
Ka tawng lo'ng vangkhua'n
Lungmawlin ka tawng tlai e
Sakhmeltha chungchuang a...






><><><><><><><><><><






Inrinni a ni a, school chawlh tiin mut rei ka han tum ve deuh nain pawn lamah naupang thawm a na ham ham lutuk a a mut lui theih thlawt lo.







Ka pindan atanga chhuakin pawnah chuan ka chhuak tlang a, JCB keah te chuan naupang chu an bet vur a, an ri chuah chuah hi ni ber.








UMapuia JCB chhung a thu kur chu ka hmu a, min rawn nuih vur vur.








Naupang thenkhat chu a kut hma lamah chuan lawnin UMapuia chuan a ti kang a, a lawn a te leh a lo en tute chu an in au teng tung.








"Haw darh vek rawh u... Zingah mut theih reng reng loh!" ka ti vak a, ka tawng te lah chu JCB leh naupang au thawm chuan a hliah vek.








UMapuia chuan ka hmel atang chuan ka lawm lo tih chu a hrethiam nge ni JCB chu a off a, naupang ho chu a hnawt kiang.








"Miss Ruatpui chaw ei tui aw... Apa Mapui nangpawh" tiin naupang chu an kal darh sang sang a, vawiin kawng laihna a an kal ve tur thu an sawi nasa hlawm mai.








"Zing kar karah hetah enge i tih a? Rawng bawl i ngai lo em ni ?" ka ti khur khur a, hepa ka ngam ta lutuk hi mak ka inti hial tawh zawk.








A tukkhum tuai neuh neuhin a kut leh lamin a kawng a dawm al a, "Cici-in a bawl a" a rawn ti.








"Bawl tir ziah suhhhh" ka tih chuan, "Ka bawl tir pawh a ni lo" a rawn ti pha dui a, a mitmeng chu a dam dup a, thik leh ringawt tawh lo turin min duh tih chu a hmel atang pawhin a hriat.








"Ka thik lo mai ang. Mahse ka lawm miah lo nia" ka ti ta a, thaw huai hmel a pu.









"Anih thingpui in ah min sawm la" a tih chuan ka nui a, "Lo kal rawh keipawh ka tho chiah a kan in dun dawn nia" ka ti a, kan inzui lut veleh nghal.








"I len chuan Khitea hi hruai ve zel rawh" tiin thingpui chu ka chawk ri rawk rawk a, "Thla hnih khat in han inkawp ve dawn dek dek a thu neih tum nghal viau suh, UMapui a tukkhumah hian beng bu lawp thin rawh naupang te te si" Lawmi chuan a lo ti a, a tawngthei lutuk hi chu awww.....








"Pasal i neih tawh vang khan lo indah upa viau suh tunlai chu ka ning che nia i tawngthei si...." ka ti let a, biscuit bawm chu ka hawng nghal rak rak.








"Ve che hian Aizawl ka awm san hunah che chuan i lung leng viau mai tur asin.." Lawmi bawk chuan a ti leh a, ka chhang duh ta lo. Ka chhang zel anih chuan a tawngthei bawk sia, keimah ka inti thinrim leh mai mai.








UMapuia chu thingpui ka pe a, a dawt ri nghal khulh.








"Mate vawiin chu rawn feh ve la tha ang, i ni hian i pi lo awmpui thung se" tiin ka nu chu thlangra a antam chi nen a rawn lut a.








"Immm feh ve chu ka duh" ka lo ti vat.









"Mapui vawiinah kawng i lai leh dawn tiraw ?" Ka nu'n a tih chuan UMapuia chu a lu a bu nghut a, "Anih chuan vawk chaw chhum thing tur hi min load haw sak hman angem ?" ka nu'n a tih leh chuan, "Hman ang, vawiin chu inrinni te ania haw tlai pawh ka tum lo" tiin mi rawn melh ralh a, Lawmi lah chuan a lo hmu veleh pek nge ka nakah a rawn sik.








Ka nu rual chuan ka feh ve a, tukin lama an sawi ang takin UMapuia kawng lai tawiawm naupang chu an thahnem khawp mai.








Chhun chaw fak hma deuh chuan rawngbawl turin thlamah ka nu chu ka chhoh san a, mei chhem hi ka zei lo ve a, alh mang si lovin ka chhem khu hluai a, chhem alh ka tum na lamah ka mittui tla phungin ka lu a hai vek thei.








Ka nu auh mai ka tum lai chuan, "A va khu nasa ve.." UMapuia rawn tawng thawm chu ka hria a, mei khu kar atang chuan meng mang lovin ka lo en.








"Enge i lo tih a....?" ka ti haw a, a kawng laihna hmun atang kha kan thlam hi a hlat lutuk vanga sawi ka ni.








"Ka rawn thu thlan dai dawn, kha mei pawh i chhem hlei thei meuh nange..." a tih chuan, "Chhem thei, a alh duh lo nih hi" ka lo ti then.








Tapchhakah chuan a rawn thu thla ve a, inzahna tana a lak changel hnah chuan a zap hluau hluau.








"Khatia i tih khan a alh dawn ami ?" ka tih chuan, "Imm... Ka zap ling deuh anga a alh mai ang" tiin ka bel chhuan chu a chhuang tha a, "Bel i chhuang kawi ka ti, pathlawi i nei dawn a ni ngat mai" a tih chuan ka ngei lutuk. Mit thip bawk si, mei khu avanga mittui tla deuh reng chung chuan ka melh rawm rawm.








"Pathlawi i lo ni maw a chu ?" ka tih chuan min en a, a nui suk ringawt.







A zap hluau hluau chu tawpin vawihnih vel a thuk bula zuk kunin hmui kum ti phû phûtin a chhem a, a rawn alh hluah.








"Aa, i va chhem alh thei em em" ka ti hluai a, chhem alh tuma ka beih fe pawhin ka chhem alh thei lo ania, ani'n vawihnih vel a chhem a rawn alh leh hluah sia, amak tawp.








"Tunlai thangtharte ai chuan ka lak tlak deuh" a ti a, ka ner nang. Enge chutia a rawn sawi kher chhan chu ka hre love.








UMapuia mei chhem alh hluah sirah chuan mau bur vaipaden tur vawksa rep ka thun sa vek tawh chu hun ka tum a, "I hnawh phui lohin a dik nang" UMapuia chuan a changel hnaha inzah pah chuan a lo ti a, "Hnawh phui loh hian a hmin thei lo ami ?" ka tih chuan, "Hmin thei e, mahse a tui lo duh" tiin a tho a, va chhuakin thlam bula changel hnah chawr no deuh chu a va thuai chhum hmawk a, rawn lut lehin ka vaipaden bur chu min chuh a, tawt tha tih hriat tak hian a hnawh ta vek.








"I lo kal chu a tih zia ngei mai, ka zei lo ve sia..." tiin ka nuih tlawn ti tih a, ka nui chu min enin a kiai sak.








Ka maian hih(hik) zawh loh chu ka hih(hik) zawm a, UMapuia chu ka bulah chuan bawp thluang duaiin a thu a, a khat tawkin min lo zap leh thin.









"A hlat nen i lo va kal peih ve" ka tih chuan, "Hah laia ka hmuh che chuan ka hahdam deuh ka ring a" a ti a, amah ena ka hawi chhuah chhuan a malte a a kiu nghatin a khabe a dawm a, a pa lian si a, duhawm deuha thu hnuk chuan min lo en reng anih chu!








Ka nui a, sawi mai tur ka hre lo.








"Palai hi ka rawn tir thut mai dawn em ni ?" thutak zeta a ti chuan ka nui tawp chat a, "I bula ka awm tam pauh leh ka thlakhlelhna che a zual zel bawk si.." amah vek chuan min en vung vung chungin a ti leh.









Maian hih paha biahthu inhlan chu a dan a dang zar mai


Show post links
Top

[Ngaia]

UMAPUIA
by Sammy








Ch>< 11








"UMapui" ka âw atang chuan a thu rawn sawi ka chu ka beisei loh lam daih a ni tih a hriat viau.






A rawn nui hawk hawk a, "Ka fiam che anih kha!" rawn ti thum dut.






"Infiamna chi a nih loh kha..." tiin ka tum nghal bar a, ka awm a ti nuam lo vek tawh.







"I nulat a la tawi lulai lutuk, mahse nula nih hlutna pel thak khawp chuan ka nulat rei tir dawn hauh lo che...." a rawn ti leh dut a, "Ka pa hnena min dil anih ngat chuan duh lo mah ila a rem nghal vek...." ka sawi lai chuan, "Chutiang chuan ngaihtuah suh, nawrh luih che ka tum lo. Pasal atana i duh tak pawh ka ni lo maithei a, mahse kei chuan neih che ka tum ruh viau. Ka tum a ruh vang hian ka nghak thei lo che tihna a ni lo ania..." a mit meng min duhna leh thlakhlelhnaa khat chuan min en a, ka lungawi leh ta hliah hliah mai.








"Ka lo zap leh ang che hih zawm rawh" nui chung a tih leh takah chuan ka nui ve hak a, maian chu ka hih zawm mawlh mawlh.








Chaw te kan fak zawh hnuah UMapuia chu a kal leh a, keini nufa paw'n thlai ka nu kui tiah tawh te chu kan phun darh leh hlawm a, thil pahnih khat lek kan tih chhungin haw hun a ni der.







Kan haw kawngah chuan UMapuia kawng lai kan tawk tawh lova, a haw tawh a ni ang.







In kan thlen chuan Lawmin tui min lo lum sak thu a sawi a, ka nu chua intifai nghal a, kei erawhin a lum nen tui lum kher chu ka hmang peih ta lo.








Zanriah kil lai chuan kan ngawi thep thawp hlawm a, a tawngthei ber Lawmi pawh a ngawi ve dak mai.







Pa Hriatrenga rawn leng a, kei erawh chu ka chau thu sawiin pindan lamah ka lut nghal hmak a, an titi ka hriat phak reng vang chuan ka nui veleh thin.







UMapuia chu a chauh viau ka ring a, leng tur pawhin ka sawm duh lo. Bakah inchhung hna zawng zawng a khawih leh a ngai bawk thin si a, a chau viau ngei ang.







Dar 9 velah ka va bia a, online miah si lovin a rawn seen nghal a, a online chhunzawm nghal.







*Naktuk i inkhawm dawn em ?* ka va tih chuan, *Min ngaih thu aiin min rawn zawt hmasa zawk a?* rawn ti, ka phone en chuan ka nui vur vur a, a hmel landan ang lo pui hian tawngkam hman tur te hi a hre ang zul a.








*Aw ka ngai che lawm, naktuk i inkhawm dawn em ?* ka va ti leh, *Ka tum lo, sual vang ni lovin* a rawn ti tel kher.







*Anih inhmu ila, tleirawlho a ruka inhmuh ang hian...* nui pat pat chung chuan ka message chu ka va thawn a, a seen nghal. A rawn chhan dan tur chu ka hre chak lutuk.







Voice a rawn thawn a, ka puan chuan inlukhupin ka ngaithla, *Ka kum ngaihtuahin chutiang ti rual ka ni tawh lo* a rawn ti bul bul a, ka nui a, ka puan sin hnuaiah chuan ka ke te ka leng vak vak. Awm dun ngat ila chuan thutak run khan min en leh nga, awii a bula ka awm chak zia hi.







*Kum engzat nge i nih tawh a ?* tiin mittui tla tep emoji hi ka va thawn tel a, *40 leh a bak thup* a rawn tih chuan ka nui leh hak a, ka rin aiin a upa phian!








*Ka hmu chak che e* ka va tih leh chuan, *Keipawn* tih zawngin min rawn reply.








*Inhmu ang....* ka tih chuan *Zan tlai taka hmeichhe chhuah a tha lo* a rawn ti a, *Chu min hmu chak lo tihna a ni maw* ka va tih chuan, *Kawng zatve rawn kal la, kawng zatve ka rawn kal ang* a rawn ti veleh. Ka phone en chuan ka nui vur vur a, mahse ka chhungte bulah chuan ka chhuah chhuanlamah enge ka sawi ang. Ka ngaihtuah ngial pawn ka hre lo mahse pindan atang chuan ka chhuak ta tho a.








"I muhil tawh maw tia..." Lawmin a lo tih chuan, "Muhil lo" tiin a bulah chuan ka thu thla a, thu dun reng siin phone atang chuan ka va text.







A nui put put a, *Ka ni te room-ah tukverh chhuahna awlsam a awm, kawngka chu ka lo kalh lo ang* tih rawn thawn let.







*A awm ami ?* ringhlel tak chuan ka ti hram a, hei lei chen he in ah hian ka awm tawh a, chutiang a awm awm ka la hre lo reng reng.







*Awm awm awm, rawn rai haw lo la nimai. Keipawh hetia ka chhuah ziah vang ania ka rai* a tih chuan ka va han melh rum mai mai. *In rilru thianghlim loh vang, keini te chuan vur anga varin rilru thianghlim kan pu* tiin ka tho a, ka ni te pindan chu ka pan nalh.







Tukverh atanga chhuah tum chuan ka ke chu ka'n dah chhuak a, rah chhan chu ka rap thei mai. Tukverh hi a sang vak lo nain tlak sual palh a hlauhawm ve a, ka fimkhur viau.







Mahse mawww.... Fimkhur lam a ni lo, Lawmtawngtheii khan awlsan deuh a ti ve a, a awlsam awzawng lo.







Tukverh atang chuan ka inkhai thla zuar a, rah chhan ka hmu mai tawh lo. Ka ban a kham hrep lehnghal a, ka sa pup pup a, ka biang te chu a sen vek tawhin ka ring.








Chutia ran chhan tur ka zawn lai chuan vanneih thlak takin ka hmu hlauh a, him pial chuan ka chhuak thei ta hram.








Ka phone chu ka en a, message a awm lo. UMapuia te in lam pan chuan thawm dim takin a thim zual lai laiah ka kal a, miin min hmuh thut pawn min hre nghal lovin min hai dawn a a thim laia kal hi a ngai tlat..... Awwww..... Miin tleirawl at laia an tih hi keinin puitlin hnuah kan buaipui ve chauh ania.... Hmangaihna hi chu a lo mak a ni!








Thawm dim taka ka pen thauh thauh lai chuan ka kawngah tu emawin a rawn man thut a, ka te nghal that.








"Shh" tia a âwm a min pawt bei thlaptu chu a banah ka sik a, "Min ti phu lawm" tawng ring hlau tak chuan ka ti a, ka nghawng zawnah chuan rawn nui lum hakin a fawp zauh.








"I pa nen in intawk em ?" a tih chuan, "Engaa...?" ka ti vak.








Dak vahin UMapuia chu ka en a, a hmel chu ka hmu chiang ngang ngang khawp mai. A ha var rual tha zet lang chuan a nui a, ka kawnga a kuah lohna lam chuan ka nghawng rawn dawm chatin ka khabe chu a rawn dawn chho va, a kut zungpuiin ka hmui a rawn tuai.








"I pa nen kan rawn kal rual a" a tih chuan ka meng kawk a, he mihring hi engtin nge ka tih dawn le?








"Ka pa chu...." ka tih lai chuan rawn kun hniamin ka hmuiah chuan dam zetin a rawn fawp a, ka lo thaw hawk.







Inlahrang lehin min en a, amah hmachhawn zawng chuan ka inher a, a âwmah chuan ka ban pahnih chu ka nghat vei thlap.








Ka dak vah a, ka hmui chu a fawh rem tur takin ka dawh a ni mah zawk.








Ka beisei ang ngeiin ka khabe a vuanin a rawn fawp vawng vawng a, min fawh pah reng chuan a rawn nui hak.








Ka kut chu lain thiam takin a nghawng a ka kuah theih nan a dah chho a, a kut pahnih a ka kawng chelhin zo zetin min chawi a, a kawngah ka lo kherh ve vat.








A dar a bei pahin a nghawngah chuan nghet lehzualin ka kuah a, ka nui hak.








"Rawlthar a ruk a sual tum ve tlat kan ang i ti ve lo maw ?" tiin ka hnung chu a beng thek thek a.








"Tleirawl sual zir tan mek alawm kan nih" tiin a darah chuan vuanin ka innam hla hlek a, a hmel chu chiang zetin ka en.








"UMapui kei lo hi ngaihzawng engzat nge i neih tawh ?" ka tih chuan a beisei lo lutuk nge a mit lehlem ko chu a san ak.








Min pawm chung chuan a thu hniam thla dat a, amah chiah ka lo en a kan bulah thuthleng a awm tih pawh ka lo hre miah lo.








Kan awmdan ngai chuan awm rengin a âwmah chuan ka bei a, ka zawhna chu a chhan duhzawng a ni chiah lo aniang. Min chhang lo mah se pawi ka ti lo, kei ang hian a ngaihzawng zawng zawngte a lo duat ve vek anga, tinge hmanah daih khan kan lo inkawp tawh zawk lo nih.








Ka kawr hnung chu hlimin a rawn zen chho a, ka hnungzang chu ka a kut phah lian zet chuan a tuai lum vung vung.








A hrawk a thian kharh a, "I sawi duh loh chuan sawi angai lo" tiin thlamuang zetin a âwmah chuan ka la bei hle hle a, ka chalah chuan a rawn fawp.








"Nang tih lohah chuan khanu chiah kha ka la kawp" a rawn ti thum chhak a, mak ka ti takzet. Hmeichhe pakhat chiah a la kawp chuan nupui a neih a tum hial kha a ni anga, a hmangaih viau thin ngei ang.








"Anih khanu i hmangaih ang khan min hmangaih ve em ?" ka tih chuan ka mit ka chhing a, engtin nge min chhan ang ka hre lo.








"Teuh lo...!" a tih chuan ka meng kawk a, "UMapui!" tiin amah tang chuan ka awm hla nghal a, "Khanu ka hmangaih ve ngai loh ang khan ka hmangaih zawk che..." a rawn ti dam leh dap.








"Ka zawhna kha i hrechiang em ?" ka ti a, 'Teuh lo!' a tih vang khan ka mittui a parawl teuh hman tawh nia!








"Ka hrechiang e, tu nen mah ka tehkhin hek lo che. Ka tawngkam leh che zia hian ka duhna che a tifiah zo thin lova mahse ka duh loh leh hmangaih loh vang che ni lovin ka tawngkam leh che zia hian i laka ka rilru put hmang a hrilhfiah zawh loh vang a nih min hriat sak dawn nia" ka mit taka min en in a ti dap dap a.








"Imm..." tihpahin ka lu ka bu nghat nghat a, he mipa hi ka duh, ka duh ngawih ngawih. Vawikhat pian mana hetiang mipa ka tawng leh min hmangaihtu ka nei hi 'vannei' chu kei hi ka ni mai lo em ni?









A âwmah chuan ka bei leh hlu hlu a, "Anih sawi teh, tinge khanu nen khan in inneih lo ?" a tih chuan a taksa pum che lawih khawpin a thaw chhuak hawk.









"Khawvel hi kan duhdan ang hian a lo kal theih hauh lo mai a, mahse kan duh dan anga lo kal ni zawk ta se chuan ka tawng kher lo mai thei che sin....." a rawn tih chuan ka ngawi reng a, a sawi duh lo a ni tih ka hriat chian em avang chuan engmah ka zawt tawh lo.







><><><><><><><><><><><><







Rawng bawl pahin ka zai rat rat a, "Mate hman zana i status kha han sa teh...." Lawmin a tih chuan, "Eng ka status ?" ka ti haw.








"Nizan lam a nuam bawk aniang i mood a va fu par par ve" a rawn ti daih chu ka kut tum chu ka hmuh a, "Ka niin a hria nia, a hau dawn che" a tih chuan, "Min hau daih tawh" ka ti a, ka tum zawm hmuk mai.








Ka niin zing lutuk tak mai a min kaithoin a rukin min lo hau fel diam tawh. Zana hmeichhe chhuah a mawi loh thu te, a zahawm loh thu te mipa in min ngaihnep tur ang zawnga awm lo tur tein min hrilh a, ka thinrim lova, tha takin ka tih tawh loh tur thu ka sawi a, a tha veleh vek mai.








"Mate sarep kha bai ula khanghu kha bawl teh u, siam hnem deuh hlek ula i UMapuiate suah ve turin" ka nu chuan pawn atangin a rawn ti lawng lawng a, Lawmi pek chuan a mitko a lo san euh euh.








"I ninawm, khanghu hi lo thian rawh" tiin khanghu chu a lamah ka theh phei a, nui sawng chungin a lo thian zawm mai bawk.








"Ni ka zawt ang che ka ti reng, mak ka tih chu ka pa hian hetah chhungte a nei si lova engtin nge kan ni i inih daih theih....?" tuk thuan kil a kan thut ngawih thap lai chuan Lawmin a rawn ti a, "A thui lutuk, nakinah" ka ni chuan a lo ti liam mai mai.








Ka nu inkhawm turin a insiam a, Lawmin puan a pho a, keiin thleng ka sil thung.








"Inkhawm i tum lo em ni a ?" ka nuin a tih chuan, "Tum lo mai..." ka ti a, midang pawh chuan an lo tum lo ve vek.








Ka nu inkhawm kal tur chu a phun chhuak hlak hlak a, ka pain a hnungah leng turin a zui chhuak ve bawk.








Hmeichhe pathum chu kan thu thap a, ka ni chuan dawr siam a rilruk deuh thu te a sawi mawlh mawlh.









"Aaa... I buai mai mai ang, duh leh nau ka neih zawh lamah i siam dawn nia" Lawmin a tih chuan, "I zak lo e a" ka lo ti hmanhmawh pek a, "Enge nau ka neih hunah min buaipui hman loh ka hlau alawm, ka nu ai chuan ka ni hi ka duh fe" Lawmin a ti a, ka ni chu a nui hak hak.







"Engtik nge i neih dawn tak kha ?" ka niin a tih chuan, "Thlaleh tawp lam khi ka inchhiar dan chu a ni 27, 28 vel khi ka inchhiar dan chu ania" Lawmin a tih chuan, "A va hnai tawh ve, kar thar velah Aizawl-ah chho tawh la tha ang" ka ni chuan a lo ti ve a.









"Nau neih lam chu eng pawh nise engtin maw han sawi tawh teh kan ni i lo nih dan chu" Lawmi chuan a ti leh.








"Sawi vak tur pawh a awm lo, Matei nu nen hian kan inkawmngeih thin khawp a, tunlai tawngkam takin bestfriend kan nia. Chuan Matei pa sawi tawh thin angin Matei nu hi Matei pa chhungte hian an duh si lova, Matei Pa hian Matei nu hi a duh bawk si a, chhungkua kha an inphek sual ta vel a..." ka ni chuan over zet hian a ti a, "Sawi tha tehhhh" Lawmi chuan a lo ti vak.









"Matei pa hi a chhungte hian an tuithlar ta a, chuan ka pa hi pa angin a rawn bel ta a, unau ka neih loh avangin Matei pa nen pawh hian kan inti unau khawp a, a rei deuh hnuah Matei nu nen hian an inneih ta a, chutiang vel chu....." ka ni chuan a ti a, "Matei nu, nu sual deuh nen hian bestfriend in ni thin a? Matei nen kan inkawm ang hian ?" Lawmin over deuha a tih chuan ka lo ner leh nawng. Hmel pek chhiat hi chu ka thiam thil ve reng aniag ka rang thei emai!








"Imm.... Matei nu hi a sual lo nia, nangmah nen hian in in ang chiah" tiin ka ni chu a nui hak hak a, "Kan in ang lo e a!" Lawmi chuan a ti hmuk.








"In in ang alawm, nufa ang tak tak in ni. In tawng phawng phawng a, in tawngkam te hi a hriam ang zek lehnghal a. Matei nu hi a nulat lai chuan nangmah ang hi a ni mai" ka niin a tih leh chuan, "Chuvang anih dawn chu fapa fel deuh a hrin chhuah ni, keipawn fapa hmeltha deuh ka nei ve dawn lawm" Lawmi chuan a ti a, ka ni nen kan nui chuan in enin kan nui hak hak.










"Anih leh ni pasal i va nei har ve ?" ka tih chuan, "Nia, fanu nih kha a nuam em a pasal neih nachang kha ka lo hre mai lo a..." ka ni chuan a ti a, thil kal tawhte ngaihtuah let niawm takin a en ngai chu a en vang vang.








"Anih leh pasal i neih rual vel khan UMapuia khan nupui kha a nei ve dawn khan ka hre sia tinge a neih leh loh le...?" ka tih chuan, "Chutiang te engtin nge i hriat a ?" Lawmi chuan min lo ti a.









"Nang angin ka thep kual ve mai mai lova thil ka hre lawm" ka tih chuan min va han ngei hmel tak.









"Mapuia kha maw a khawngaihthlak asin. Diktak chuan hemi khaw chhuak hi an nia...." ka niin a tih chuan, "Unau a nei em ?" Lawmin a lo ti leh hmanhmawh.







"Nei e, mipa pahnih an nia... Kei ai chuan a nau hlek a, mahse a naupang zawk zawk tawh lo khawp mai. Matei te kum 7 vel an nih hian Aizawlah a putea te kiangah an pem daih a, mahse tunah chuan hetah bawk an rawn awm leh tawh hi" ka niin a tih chuan, "Niiii ..... Tinge nupui chu a neih leh loh sawi teh ?" Lawmi chuan hriat chak hmel zetin a lo ti a, keipawhin chu chu ni ka hriat chak ni.








"Mapuia hian resort a nei a, khawlaiah nge erawh ka hre lo. Nupui a neih dawn hnaihah khan a resort-ah chuan naute a chhar a...." a tih lai chuan, "Khitea hi mi ?" ka lo ti a, ka ni chu a lu bu nghat.









"Chuan naute chu court-ah te kalpuiin fa atan a la ta, mahse a nupui tur khan a lo duh lo lutuk a, an inthen phah ta hial a" ka niin a tih chuan sawi tur ka hre lo. Mak ka ti a ni tawp mai ni.








"Anih chuan a nupui tur nena an inkarah chuan hmangaihna a awm miah lo aniang maw ?" Lawmin a tih chuan ka en a, "Ngaihtuah ve ula, UMapuian a nupui tur chu naute a hriat ngai loh vang mai maiin a then thei a, a nupui tur then loin naute kha fahrah in ah te pawh a dah theih. Bakah a hmeichhia pawh chuan naute vang mai maiin a pasal tur chu a kalsan thei ania, naute neih te chu a nawm zawk dawn tehlul nen hmangaihna a awm lo chiang lutuk" Lawmin a tih chuan nizan lama UMapuia thusawi te chu ka hre fiah nawn uar uar mai.








'Khanu ka hmangaih ve ngaih loh ang zawk khan ka hmangaih che' a ti nih kha, chhungrilah hlimna a rawn awm a, khawvela pa tha tawpkhawk nen inlaichinna kan nei reng a lo nih hi!









"Resort a neih tho te chuan tinge helaiah kut hnathawk mai mai tura a rawn awm le ?" Lawmi chuan ngaihtuah thui hmel fe hian a rawn ti a, "Resort chu a ta ni tawh hleinem. A putea te ina an awm hnu reilote ah an unauin an awm hrang a, Mapuia hian a nau chu a enkawl a, Computer Engineer a nia. Mahse nupui a nei a, a nupui kha a fu lo deuh a, Mapuiate ngaithei ta vak lova, Mapuia pawh a rawn insawn phah reng a, a resort pawh chu a nau hmingin, a nau kutah a dah vek tawh dawn a an ti fel tawh nge tawh lo erawh ka hre lo" ka ni chuan a rawn ti leh dap dap a, UMapuia chan lo harsat tur zia chu ka hrethiam uar uar mai.









"Hmeichhia hi chu aww kan sual a ni, a nau pawh chuan a nupui thu a awih mah mah anih chu. Awm ila chuan ka kek hrep zel ang maw le. Eeee.... Resort hi hotel nen a in ang reng tiraw ?" Lawmi chuan rawn ti leh hram pek.


Show post links
Top

[Ngaia]

UMAPUIA
by Sammy







Ch >< 12










"Hmeichhia hi chu aww kan sual a ni, a nau pawh chuan a nupui thu a awih mah mah anih chu. Awm ila chuan ka kek hrep zel ang maw le. Eeee.... Resort hi hotel nen a in ang reng tiraw ?" Lawmi chuan rawn ti leh hram pek.








"Aw in ang reng e, mahse hotel pangngai ho ai hian resort hi a nuam zawk" ka ni chuan nui rah rah chungin a ti a, kei chuan engmah ka sawi zawm tawh lo thung.








Thutthleng a ka mut der der laiin UMapuian min rawn call a, ka la vat. Mahse ka beisei loh lutukin, "Anu...!" Khitea chuan a rawn ti a, second 5 vel chu ka lung hi a phu lovin ka hria.








"Anu lo leng la...?" a rawn ti leh a, "Aa aww... Khite" ka ti ngawt, a mi koh dan avang chuan ka lai hu ringawt anih chu.







"Ka inkhawm bang tawh a, apa in len a phal lova" a rawn ti sa sa a, "Khite i pa chu ka lo bia ang" ka tih chuan, "A muhil" a rawn ti leh sa sa a, ka chal ka chuar tap.








UMapuia a muhil anih chuan engtin nge naupang mai mai hian min rawn call a 'anu' min rawn tih nachang ahriat ni.








"Umm anih chuan ka lo kal anga kan pahnihin kan leng dawn nia" ka ti a, "Aw mahse apa hriat lohin" rawn ti leh sa sa in phone chu kan dah.








UMapuia te in lam pan chuan ka kal a, ka va thlen chuan Khitea sawi ang tak takin UMapuia chu thutthlengseiah a lo muhil bam mai.








A chau hle anih ka ring thiam mai a, inchhung leh hna dang zawng zawng ama kut vek a ni bawk si a, a chau viau tur reng pawh a ni.








Khitea chuan, "Anute Mate kan leng dawn em ?" tiin thawm dim taka dingdihlip ak akin min rawn pan a, "Khite leng lo mai ang aw, i pa amah chauh a kan kalsan chuan a lo thawh hunah min hmu si lo anga a tap mai ang" ka tih chuan Khitea chu thawm chhuah rin hlau takin hmui hup chuan a nui vei kar kar a, ka rilruah chuan thil dang daih a rawn lut.








UMapuia muhil chu ka en a, Khitea chu ka en leh. Ka ni thusawi zawng zawng te kha a dik vek nih ngai chuan UMapuia chu ka ngaisangin amah chhuan ruk veng veng na nei. Tunlai khawvelah mahni fate pawh hmangaih thei lova thi kalsan tawp te, fahrah in ah te an dah bakah an fate, an ril a rah ngei chu an hralh thei hial bawk a. Chutih laiin helaiah a unau fa pawh ni lo, amah nena inzawmna pakhatmah nei lo chu fa atan lain kum heti chen a tulpui a ni a, amak ka ti dawn nge a ropui ka ti dawn zawk pawh ka hre lo.








"Anih chuan nu waiwai chhum ang, tam tawk kan nei" Khitea chuan a rawn ti leh reuh a.








"Imm kan chhum dawn nia, mahse Khite anute Mate min ti thin sia..." ka han tih chuan naupang tih takah, "Anu pawh ka ti thei tho che Anute Lawmin a ti a, apu nangma pa pawh khan a ti lawm" a tih chuan ka thaw hak a, ama thu a min koh kha chu ka ring lo reng a. Mahse ka ngaihtuahna vang chuan ka nui sak a, chutih rualin ka zak reuh viau bawk.








Ka pain kan inkar a hria a, UMapuia chu makpa atan a iai lo lutuk tihna ania, UMapuia mu chu ka en leh a, ka biang a sa hat hat. UMapuia kher lo hi kawp ta ila ka pa in hre bawk se hetiang em em hian ka zak tet tawt thin bik lo ang maw le... Amah UMapuia kher hi chu a danglam a ni.









Khitea chuan waiwai an dahna chu min hrilh a, belbawm chung chhuar sangah an lo dah teuh mai. Waiwai ni lo pawh kamram chi a tam khawp a, UMapuia hian a lei lawk thin anih ka ring.









"Bengchheng miah lo in awm ang aw, i pa a harh chuan a tap mai ang ka tih tawh kha" ka tih chuan "shhh" tiin a hmuiah chuan a kut zungchal a dah a, dawhkana a lawm tum thawm chu a duh aiin a ring leh si aniang min nuih tlawn vel.









Waiwai chhum chu Khitea nen tui ti tawkin kan hawp a, kan eitur chauh kan ngaihtuah a ta langin thawm dang reng reng kan lo hre lo.










"Tute emaw chuan min thlim chiang a" rawn ti ri ah chuan ka hawi chhuak a, UMapuia chu thutthleng nghen chhan chu hnungchhawn zawng a nghengin a kut a kuangkuah a, tho phang tih hriat lutukin min lo thlir reng.









Keini chokaa awmin ani living room a awm ni mah se choka bn pindan na chu khup chen vel lek a ni a, tawnzau var tehtlawng a ha bawk nen a kut kuangkuah avanga a ban puam lang lian zual sauh chu ka duh aiin ka hmu chiang mah mah.









A âwm bawr chu a ban puam te nena chip chaiin a khat deuh tlat ka ti mai, a sam chu a pawr deuh a, a mut thawh chiah vang nge a mit chu bui deuh mah se a hmeltha tho.








A hmui chhah deuh tap chu a liak zeuh a, ka thil ei chu ka khuh kharh kharh.








Engtik laiin nge kan bul a rawn thlen ka hre lo tui bottle chu ka hnunga chul pahin min rawn pe a, ka lo in nghal khawlh khawlh.









"Tibuai tu che an awm em ni?" chimawm zeta a hmui hnuai peh leh zeuh pah chuan a ti a, ka bul a stool chu pawt dawkin a rawn thu nghal bawk.









"I harh te chuan rawn tho vat ta che ei tur i chang ve hman lo" ka ti a, "Tak tak ?" tiin ka kawngah chuan a rawn chelh a, ka mit meiin ka lo khap nghal.









"Apa ka ei tam thei i ti em, hetiang zat hi keimah in ka ei zo tawh" tiin a plate lian vak lova ka suah hran sak chu a hmuh a, "E! Kan naute hi a lo tlangval tawh anih dawn hi tiraw Anu, a ei teuh teuh mai" UMapuian a tih chuan ka lung hi a phu nghal zawih zawih a, UMapuia chu ka en a, ani lah chuan a fapa ngawt chu a en.









"UMapui" ka tih chuan min en zawk a, Khitean a lo biak avang chuan a hawisawn leh nghal nain a mitmenga hmangaihna leh hlimna lang kha ka hmu hman. Ka mittui rawn tla ringawt chu rang zetin ka hru a, hetiang em em hlim hi ka damchhung hian ka la nei ngai lo. Keimah chu ka inlawmpuiin ka inhlimpui a, Khitea chu ka lawmpuiin kan pahnih chuan UMapuia ang kan tawng hi ka hlim a ni.









Khitea chu a muhil a, current awm loh avangin a lum ti chu a thlan deuh bat a, a khat tawkin ka zap leh thin.









"Engtia lo awm nawlh nge i nih ?" UMapuian a tih chuan, "In in a ka awm chu i lawm lo a va ang ve ?" ka ti let a, a rawn nui hawk.









"Hrawk thian hmasa zet lova tawng hian ka duh aiin a lo bung leh thin....." ka zawhna chhang ni hauh si lo chuan a insawifel der.









"I fapa hian duh aiin thil a thiam chak anih hi, 'apa in a ngai che lo leng rawh' tiin min rawn phone alawm" ka tih chuan awih lo tih hriat takin a rawn nui a, "Thil tha lo a zir dawn anih chuan lo hau ta che, pa te thu aiin nu thu an awih zawk e an tih kha" a rawn tih chuan chhan dan tur ka hre lova, "I ninawm!" lai zet chuan ka ti ringawt.










"Ka bulah hian rawn thu ve la, Bawihtea ringawt i ngaihtuah a" UMapuian a rawn tih leh dut chuan ka nui a, "Nu hmangaihna anih hi i hrethiam ve lovang" ka ti chu, "Takzet che hian!" tiin a nui hawk hawk a, ka en chuan a kut lehlama a mit hupin vanvadak meuh hian a lo nui zu nia.









"Enge nuihzatthlak vak a ?" ka tih chuan, "Ka hrethiam thei thlawt lo che" tiin nuihza tih hriat lutuk hmel hian min en a, "Anih chu a...!" ka ti deuh hmak chu ka kawnga chelhin min chawi nawlh a, a malchungah ka thu fel der.








"Amak... a lum si insi lovang..." tia tal hran ka tum chu ka kut chu a pahnih a manin min hnungkhirh a, a kut pakhat chuan hneh zetin a man tlat.








"Amakkkk! A lummm" ka tih khum vak a, "Hmm" tiin a thle bak.








"UMapui a lum si" ka ti leh a, ka ti tak tak. A lum si, kan taksa insikna lai lah chu lum satliah pawh ni lovin a sa hat hat mai bawk si a, a hreawm.








"A tha lawm...." tiin min thlah mai a, a thinrim emaw ni.








"I thinrim lo tiraw ?" ka ti nem diai a, "Thinrim lo e" a ti nui deuh suk a, mahse a lungawi hmel mawlh lo.







A malpui chu a beng ri thuk thuk a, dingin zawi muang chuan a zi mar al al a, "I awm tho a Kawmthlangah ka zuk leng mai mai teh ang" a tih chuan ka melh no lo nasa mai.








"Len angai lo" ka ti nghal hmuk a, "Aww i awm tho a, tunlai chu ka leng khat riau a ka zuk lang lawk ang" a tih leh pawh chuan, "Len angai lo! Keipawh kan kawmthlangte in ah ka leng ngai lo, bakah inleng nei i nih hi" ka ti a, current chu a rawn awm chiah.








"Ka rei lo ang...." tia kal talh a tum chu ka ding a, "Leng rawh, i kal khât vang pawh a ni lo Cici-i i hmuh chak vang anih kha. Min rawn be tawh hlek suh ang che" tia kal ka pum chu min pawt letin a âwmah chuan nghet zetin min kuah bet a, "Thikthu chhenu" tiin a nui zui bawk a, ka ngei lutuk.








"Min thlah teh, i leng duh ni lawm ni? Zuk leng ta che, i duh leh ru haw nghal rawh" ka tih chuan a la rawn nui hawk hawk a.








Ka ngei lutuk, "Min thlah rawh!" ka ti tuau a, a nui chu tawp hmakin ka khabe a rawn vuanin amah en tur chuan min kuai dak.








"Tinge tah i tum? Ka fiam che anih kha" a tih chuan, "Khatianga fiam ka duh lo, ka thik tih i hre reng" ka ti a, "Ka tihpalh, heti takin i lak nat ka ring lo a" tiin min a âwmah chuan min kuah bei thlap a, a âw ah chuan a inthiamlo takzet a ni tih ka hre thei. Mahse ka ngei tho, Cici-i ka thik satliah pawh ni lovin ka haw ngawih ngawih tih a hre reng a, khatia min fiam kher kha a tulna ka hre lo.









"Tap suh aw, tap miah suh" ka tah chhunzawm hlau tak chuan a ti a, ka mittui rawn luang thla hram chu ka hru a, "Ka tap lo" ka ti hmuk a, a âwmah chuan namin awm hlat ka tum a, mahse thah kan inngah hleih em a ka awm hla thei meuh lo.








"Min kuah lo teh!" ka tih chuan, "I lungawi hma chu ka kuah dawn che" tiin min kuah nghet sauh a, a âwmah beiin ka thaw tawk tawk hi a ni ber.









Runluih ka tum ve ngat ngat nain kan din rei viau hnuah ka ke chu a rawn kham leh ta a, ka ke kham thu ka sawi chuan a ni lah chuan min pawmin thutthlengah chuan min thutpui leh nawlh mai bawk si.









"Min thlah tawh rawhh!" ka tih chuan, "Aih" a ti deuh hmuk a, tih ngaihna ka hre ta der lo.









"Ka lungawi tawh, min thlah tawh rawh, ka thinrim tawh lo" ka tih chuan min thlah dul ve ta deuh a, a âwm a namin awm hlat ka tum chu chal ti chuar tapin min en a.









"Enge ?" ka ti leh hlar. Min chhang lovin min pawt hnaia ka hmuiah chuan a rawn fawp zauh va, a rei lo lutuk chu ka lo hamhaih lehling zawk.









Ka sam chu ka benga zep zetin ka tukkhumah a dawm a, "Ka tihpalh takzet. Min hnar hian ka lawm lo thin a, runluih deuh che ka tum mai ania" a ti dam dap a, a mitmenga min duatna leh thlakhlelhnaa khat chuan min en a, a nui suk.









"Runluih ka ngai lo, ka ngaihtuahna mai mai pawh thik thei ka ni hi. Vawikhatmah ti tawh suh" ka tih chuan naupang fel ang maiin a lu a bu nghut nghut a, "Kan tha em ?" tiin a rawn nui leh suk.









"Kan tha lo em ni ?" ka mit ko san akin ka zawt let a, thaw hawkin a âwmah bawk chuan min kuah bei leh hle hle.







><><><><><><><><><><><><








Thla thar kan chuan kai leh meuh chuan boruak lum lutuk chu tlemin a zia a, ruah a tla zeuh zeuh a, mahse chupawh kan khaw tan chuan a nuam chuang lo. Namen lovin kawng a diak kawi a, street light kan la nei si lo nen zan chhuah phei hi peihawmloh thin tak a ni.








Lawmi Aizawl-ah a chho a, nau neih a hnaih tawh bakah ka û in a ngai em a, a chho ve ta ngei a. Ka nuin a zui bawk a, ka kal ve chak lutuk chu ka tap lo chauh.








Aizawl kal chak nih chu zahah pawh ka la lo, bakah kan khuaah hian keimah chauh ni lo kal chak an tam tih ka hre kar. Ka kal chak lutuk chu UMapuian school chawlh huna kalpuiah min tiam a, Lawmi lahin min rawn intihtheih khum reng a, awm dun ngat ila chuan ka beng hrep zel ang.


.
.
.
.



"Thla tawp lamah chuan zirtirtu thar kan nei dawn a a zia khawp ang" Sir Hriata chuan a rawn ti a, "Nia, pahnih vel ngawt nei ila a tha hlei hlei tur ania" ka lo tih ve chuan, "Nula senior ngat a ni dawn ania...." Sir Hriata bawk chuan a rawn ti leh.








"A tha hlei hlei ang chu, nula senior chu an ri deuh thak thak zel an tih kha. Ee! Rawn thleng tak teh se, Sir Hriata nen hian kan sawirem dawn ania" Madam Mamawii chuan a ti a, Sir Hriata chuan a duh loh zia a sawi nghal chiam a, ka lo nui rah rah.








"Ni e hmanhmawh suh, Ruatpui pawn a la neih bik loh hi" Madam Mamawiin a tih leh chuan, "Engmah hi in hre lo, kan ti deuh thut dawn" ka lo ti vat a.









"In pa saw i dawh ngam dawn ami!?" Madam Mamawii chuan a rawn ti heu mai, ka ip deuh chawi a, a thusawi awmzia ka hre lutuk chu ka zak zawk.









"Hmeichhe te chuan a lian lian an duh" Sir Hriatan a rawn tih tel ve ngat phei chuan ka lo ip chawih chawih, an ni lah chu an zah hmel ve si loh. Kei an thusawi avang chuan ka lo zak bawk si, ka sa chhuak vek.









"Tak tak a, Mapuia saw chu a pa a chhun anih saw, a pa pawh pa lian pui mai dam dup hi ania. A nau kha hmuh a chakawm ve ngawt mai" Madam Mamawiin a rawn tih chuan tlemin awm a nuam deuh.








"Ka û pawh hian a sawi ve thin asin, Mapuia nu saw nu lian vak lo kawlh deuh mai a ti thin. Ruatpuii chu keini min hmuh kanin i thlang nalh a, mahse i thlang thiam khawp mai" Sir Hriata chuan a ti a, "A hmuh kan che chu a awm lutuk, duh leh miss nula senior rawn thlen hunah i lo chhai ve vel dawn nia" Madam Mamawii chuan a ti a, ka lo nui hak hak.








School bang in a ka haw chu ka pa leh UMapuia hi khunkhan zetin an lo titi a, lehkha an inchhawp nuai bawk.








"Thil thleng a awm mi ?" ka ni ka zawh chuan, "Aaa Mapuia pui hian ram lei a tum a, i pa a rawn ráwn ve anih hi" ka ni chuan a lo ti mai a.








"Ram lei a? Khawi ram, hetah em ni ?" ka tih leh chuan, "I pa Hriatrenga ram maw le, Mapuia duh lai tak kha i pa hriatrenga ram ania, a dil a" ka ni chuan a ti leh a, ka ngawi vang vang. UMapuia chu ram te a la lei deuh deuh a, helaia inbenbel hi a tum tak tak emaw ni.








Zanah an pafa chuan an lo leng a, Pa Hriatrenga pawh chu a rawn leng bawk. Naupang pahnih chu an infiam a, an toys neih ang ang chu an khal ve malh malh.








Ka ni leh Pa Hriatrenga chu an inzui chhuak leh a, ka pi pawh muhil leh tawhin ka pa pawh zanin chu a mu hma viau.









"Ram lei i tum em ni ?" Midang an awm loh takah chuan UMapuia chu ka zawt a, "Ka lei tawh zawk" a ti awlsam then.








"Heta awm hlen hi i tum tak tak em ni ?" ka tih chuan, "Tum loh nachhan tur a awm hleinem. Nang leh naupang te nen kan awm anga..." tiin ka kut chu a rawn chelh a, "Min ring tawp la, engkim ka kutah dah tawp rawh. Nang chuan pasal nei turin i rilru lo puahchah rawh..." a ti a, chhang lova ka en kal chu kiai sukin min thut hnaih a, a taksa lumna chu ka feel pha.








"Mi in a mo tur ang ni lovin leh, mipa nupui mamawh tak nupui ni tur ang ni lovin, pasal nih tlak tawh zawk nei turin i buatsaih tawp rawh" a ti nghet charh a, a thusawi zawng zawng chu ngun takin ka ngaithla a, tunah hian inneih ang pawh tise ka hnial dawn lo nasa lutuk.








"Kum thar lamah chuan helai hi puar ve ak hman turin" tiin ka dul chu a rawn tawk zeuh a, ka lo lai sen deuh tan tan.







Lawm chawp nun kan inzirtirna khawvelah hian lawmna famkim kan zawng thin a, a kawngah chuan kan cham bang leh daih si thin a.....


Show post links
Top