Me and My Date BY Tluangpuii Cck (Completed)

[Ngaia]

CHAPTER :. 1





" May me coming sir" tih ri ka hriatna lamah chuan ka hawi vat a , lecture pek lai a intihbuai leh hun vawndik loh hi ka thil huat ber te zing ami ani.



Ka luh tir ta tho a,he hmun ah hian ka thawhna ala reilo a ti ila mizoramah hian ka awm khat viau .He college principal hi ka pa ania mahse chu thil chu mi tlemte chauh in an hre thung a , Mizoram a awm tur a min duh tawh avangin he hmun a ka thawh theih nan hian theihtawp a chhuah ani ber a ,amah chauh pawh nilo professor Janeti nen hian .




Lecture ka pek zawm leh nghal mai a mahse vawin chu a fuh theilo thinrim zet chuan " tun a lo nui te kha ding ru, class hi fiamthu thawhna hmun tur em ni?" Tiin tlar hnung lam pan chuan ka kal zui a .



Ka hma a mi pathum ding chu chiang zet hian ka en a ,an hmeichhia ber te chu a lo hmeltha zek a .Chutiang ngaihtuah hman ka nilo" lecture in ngaihthla dawn nge in chhuak dawn " ka ti rum ul a .Midang lo in hrilh ru sep2 pawh chu ka hrereng a mahse ka ngai pawimawh hauhlo.


"Zete,chhuak mai ang u ka riltam tawh lutuk" pakhat chuan a ti ru sar2 a,ka hre phak lo turah a ngai ani ngei ang ..Ka chhuah tir vang2 zawk dawn amaw ni ." Sorry sir" an zing a hmeichhia ber chuan a rawn ti sap a . Hmeichhia ber ti ila pakhat pawh hi hmeichhia a ni chuan ka hria mahse a landan chuan hmeichhia a pawl thlawtlo ani.



Tih vak ngaihna awm heklo le naupang ang a hrem ngawt rual lah an ni tawh bawk silo nen ka thut tir leh ta ringawt a.Lecture pek lai a bengchhen te ,hun vawndik loh ka duhloh zia te sawi luam in ka chhuahsan zui a.




Corridor ah chuan ka kal phei mawp2 a Janeti ka hmu vat bawk ." Ka riltam tawh zia hi, kalo nghak char2 che lom" tih leh ka ban a kuah a rual nghal a .He hmeichhia hian kawng engkim ah min puih thin a ,ka chhugte pawn an ngaina viau .Ka nu phei chuan a mo nu ang riakin ani a cheibawl thin hei vang te pawh hi a niang ka lakah Janeti hi a tlangnel viau mahse hetiang hmun ual au a in pawh hmel tak a in kuah vel hi ka duh hauhlo .


Ka melh zawk chuan hrethiam takin a kut a ka thla zal2 a " sorry" a ti sap a ,ka khawngaih ang reng mahse khawgaihna tihlan chu ka tum hranlo.Cafetaria lam pan chuan kan kal dun a staff thenkhat leh students te pawh anlo awm nual a",kan college ah hi chuan staff leh students te pawn cafeteria in tawmin kan ei ho mai thin a "Janeti chuan ka hriatthiam loh hlau in min hrilh mawlh2 a.


Kan ei zawh dawn tep ah chuan class ami samkiri te thian ho kha an rawn lang ve hlawl a kan awmna atang chuan an lang chiang viau a ,an ni chuan min hmu velo anih hmel." Nu Din,Lalthua'n pawisa a dah sa em" samkir te khan a ti zat2 a ,rei ngial an din chilh hnu chuan an eitur chawiin kan bul chiah dawhkanah chuan an thu a min hmu chu an tim ve deuhin ka hria .




Thil ei tur a kal ve dangte chuan an duhzawng order in min lo pek hun kan nghak mai a mahse ani chu choka ah lutin tlangnel takin ei siamtu kha an bia a ,an eitur an mahni in anin lak thlap chu mak ka ti angreng.



Kan bul lawk a thu an nih avang chuan kalo chik ru viau a; Zetei an tih chuan tshirt dum lian lampang leh kekawr a pian tilang chiang zet chu ha in sneakers a bun leh tawp a ,hmuh hmaih rualloh in a sam a kir chiat bawk a a mitmeng pawh chu lian kelkawl tak ani. A vun nung ser vang nge maw ni a tshirt dum hak chu a in hmeh viau a mahse a hming chuan ka nuih a ti za tlat pek a .Nula pui tawh hming atana Zetei han tih tlat chu.




A thiante chu engtin nge a kawm peih ka ti rilru pakhat chu a tawng hlawi2 reng a chhang ta nge pawh an ti chuaglo a .



Ka ngaihtuahna atang chuan in thing harhin" I puar tawh chuan kan kal mai dawn mi"? Ka tih chuan ka bul a mi chu alo tho thuai a " minlo nghak leh lawk mai , bathroom kan hmang lawk " tih leh kalsawn a rual a ,ka bul a mite bawk chu ka en zui leh a .




An dawhkan lampan chuan mipa pakhat a rawn kal a , Senior most ni in ka hria an bul a thlen rual chuan" I ei man tur chu ka pek tawh kha aw" samkiri lam hawi chuan a ti nghal a." Ka thiante pawh hian thil an ei ve tho a ,chuan pawisa an nei biklo a" mit ko san ralh pahin samkiri chuan a ti zui a ,avan zaklo reuh e.



" Ei thei si pawisa nei silo" tih pahin chupa chuan samkiri thiante pahnih chu a melh khui a " Lalthu,thulo pa kan ril a tam alom. Rinpuia pawn a bialnu thiante thlengin a treat vek zel " an tuai chuan a ti zat2 a ,ka en ta reng a .


Janetin kal tawh ila a rawn tih chuan ka hawi sawn vat a ,alo chhuah lai pawh ka hre hauhlo .Thildang sawi tawhlo in kanin zui chhuak nghal a, students lo awm ve te chuan min en duh riau hian ka hria a ka ngaihtuahna hria ni awm takin Janeti chuan" naupang ho ah hian i tla na dawn riau mai" nui chung hian ati a ka nui ve suk rigawt a.




Class ka neih tawhloh vang chuan haw hmat mai ka rilruk a Janeti pawh hrilh lo chuan garage lam panin ka kal zui a ,ka motor chhuahna dal chuan scooty pakhat alo ding vang a ka hmanhmawh ru viau tawh a sin mawle. Nawr sawn sak mai ka rilruk deuh tut2 a mahse samkiri te thian ho bawk chu anlo lang leh nawlh a kalo en reng chu min hmu ang pawn an awm hauhlo lenghal a .



Samkiri chuan vin zet hian " Lalrd ,ka phurh i duh loh chuan tlai ah bus in rawn haw ang che" a ti hlar a .

Pakhat lah chuan "Awii..Lalzemawi ,misualnu ka duhlo ka tihloh kha I tlanchak ka ti rigawt anih kha " a ti ang hlawi2 a.

A hming pum chu a nalh reuh phian lehghal a.


Ka motor hma a scooty ngei chu khalhin an in phur chhuak zui a ,an tlan liam thleng chuan ka en zui reng a.






End of chapter 1


Show post links
Top

[Ngaia]

CHAPTER : 2




College atanga ka in khalh chhuah hnu chuan in lam pan mai lo a ka ni dawr a kal kawi ka rilruk a .Dawr ka thlen chuan Sangsangi alo awm a min hmuh rual chuan " khawge uJaneti" alo ti vat a .A awmlo hranlo Janeti hian a ti lungawi thiam a ,anin ngaina dun viau mai .

Sangsangi hi ka ni fanu ania kei aiin Kum 4 vel zetin a upa bawk a mahse heti chung hian ka bula tah pur2 chang a ngah viau.
"Dominic" dawr ah hian lo awm lawk la ,ka thiannu te inneihna ah kal ve duh sia ka sam kankhawih lawk dawn a" kalo kal hi remchang ah la in chhuahna tur hi zawng ziah suh ,duh leh dawr ah hian lo kal se an pawisa hmuhna tur ania an lawm viau zawk ang chu ka ti duah a.



"Dom,ka sam hi tihkir ila ka inhmeh viau ang tiraw?" A tih lai chuan ka ngaihtuahna ah kha samkiri kha alo lang nghal zat a ,a vun nung sar te a mit meng lian lampang leh a samkir chiat te kha a in hmeh viau anih kha .A thian kawmte ka ngaihtuah chhuah chuan ka ner sawk thung a kha mipa tawng hlawi2 reng kha engtin nge a kawm reng peih zawk chu le?


" Ner ve khanglang lo mai teh,samkir te chu mi ngo ho in hmeh chi ania ka hang hleinem tiraw? Bakah mi pawn Sangsangi chu a hmeltha ka thiante bulah pawh an ti vek " a tih chuan kalo nui suk a." I awi loh chuan duhleh Ruatpuii pawh zawt rawh" ala ti tan2 a.


" Ruatpuii saw in bawl tir fo suh ka tih thin kha " ka tih leh lai chuan a tum lian viau tawh.

Haw tum a ka din hluai chuan ka hma ah lo ding vatin thil ei na tur min dil zat a pekloh theih pawh ani thinlo .



In kan thlen chuan ka nu chauh alo awm a thingpui ka duh em tih minlo zawt vat a ka duhloh thu a ka chhan hnu a inchung lam ah ka chho nghal a khua a lum bawk nen in bual vat ka duh ani.

In hnuai a ka chhuk leh hnu chuan ka nu chu alo la buai viau a enge a tih ka zawh chuan " i nite chhungin chaw anlo ei dawn a " tiin a phur viau a,dawrah kalo Peng kawi a Sangsangi khan engmah a sawi silo a ka tih chuan nui pah hian " I u ve saw zawng a ngaihna a awmlo ani,hriat pawh a hre leh tawp nag " a ti a .


Sangsangi vei neilo leh thawveng lutuk hi tihngaihna tak pawh avang ani.A pa phei chuan " a vannei zawk ngawt alom" a ti mai thin.



Dar 4 velah ka ni te chhugkua anlo thleng a ,ka ni leh ka nu in hmu chu an ri chel chul a kum tam tak in hmu tawhlo ang mai hian an khawsa ve ziah.

Chaw te kan ei kham fel hnu chuan thut khawmba pindan lamah chuan thu in kan titi nak2 a.Sangsangi chuan samkir a in hmeh tur zia mawlh chu ka nu a hrilh a ka nu chuan alo phur pui leh viau tawh ." Samkir te chu tunlai ah an uar a ka in hmeh loh leh tih ngil leh a har lo e tiraw" tih pahin a pa a melh deuh ralh2 a .



"Umam,Kan thenawm ami Tluanga kha I hria em? A tih chuan a lam kan hawi thap a .Ka pa chuan a hriat thu alo hrilh ve mai bawk a ,ka ni chuan sawi zawm leh in "fanu nula alo nei reng alom , a hmel pawh a tha reuh khawp mai .A nu bulah a awm thin a tunkum atang khan a pa a rawn bel an a" a tih chuan kan ngawi thap a .
" A nih pawh a sam akir" Sangsangi chuan a pa melh ralh pahin alo ti leh hman hram a .



Samkir sawi chuan kha nu Lalzemawii te kha mitthla ah alo lang ve ziah.


Ka pa chuan" ngawi teh Tluanga chu kanin kawm vak tawhloh hnu khan veng dangah fa a nei tih thawm chu ka hre zui a ,kha kha an innei ta lo niin ka hria mahse tun a a fanu nu chu mizoram ah a awmlo anih chuan hmundang ah pawh fa dang alo nei reng tihna emaw ni le?" A ti charh2 a.



Ka ni pasal pawh chuan " Tluanga hi chu nupui a nei har hrim2 a,tun a a fanu pawh chu kum 19 emaw 20 vel bak a nih ka ringlo .A tlangval lai daih tawh a mi aniang tuna a fate an la naupang emai " alo ti ve bawk a .


" Ni e ,Tluanga hi chu kanin kawm ho ve lai pawh khan kei ni aiin a naupang daih a ,fa chu a nei upa theilo hrim2 " a ti leh a.


Dar 8 dawnah chuan ka nite chhung chu an haw a keipawh ka room lamah ka chho zui ta nghal a .



Nitin college ah ka kal a Janeti nen pawh kanin hmu zing mawlh2 viau a ..Dem fiam tu pawh kan tawng nasa viau a chu thil chu ka duh vaklo mahse Janeti ber hian a pha ngai hauhlo .



Samkiri te kha class ah ka hmu ngai hauhlo a,canteen ah chuan alo awm ve ziah thung .Zirlai a ngaihsaklo lutuk chu ka bei a lo dawng ru viau zel.A thianpa tuai nen khan anin zui cham chi a a khat tawkin Lalthua a tih kha alo tel zauh2 thin bawk.

Ka class ah phei chuan a awm mang ngailo a ,a lo kal ve chhun lahin a tlai ziah a a mah chauh pawh nilo a thianpa no deuh nen khan.


Nidang ang tho in janetin thil ei turin minlo nghak leh a ,canteen lam pan chuan kanin zui leh a.Vawin chu mi an tlem ang reng a ,kil khatah chuan samkiri te thian dun leh Lalthua kha anlo thu leh vang tawh a .An dawhkan bul chiah a thut chu ka rawt a ,Janeti pawh chuan min hnial lemlo a .


" Rempui,nula hi I hrethei riau mai" nui chung a Janetin a tih chuan a hawina lamah chuan ka hawi ve vat a Lalthua an tih kha alo nui suk2 a,a ni te hi Chu Lalthua an ti a maw ka tia.


" Miss hmelthat na kan zuar teuh mai,en ve la" kha tuai khan alo ti zat2 a ,min thil ei lai2 a.



Janeti chuan eng lampang nge in zawrh a alo ti vat a ; phur deuh hian an make up zawrh ho chu an lo hmuh a ala tam em2 zui ." Miss I duh chuan I ba dawn nia senior most tihloh chu bat kan phal vek most ho chu a man min pe lawk duhlo a dil ila 2nd semester te2 nghal lutuk min ti daih zel" kha tuai khan ati leh zat2 tawh a kalo ning viau tawh.



Samkiri te kha chu a ngawi reng a a tawpah phei chuan a kalsawn ta daih a. Rei vaklo hnu ah chuan eitur chawi chungin alo let ve leh mai bawk a .Ngati nge hetiang te in zawrh reng2 a tiin Janeti chuan a zawt zui a " zin kan tum a " samkiri te khan alo ti ve khauh a.



" Nia,Zetei hian kan zinna tur in tuak ang a ti tlat a,mawhh miss pakhat tal chu lei ve teh kan discount duai ang che " a lo ti leh a.

A en kual dan2 hnu ah chuan Janeti chuan pathum vel lai a la ta in ka hria enge an nih pawh ka hre hlawmlo .Janetin pawisa a pek chuan " miss pawisa nawi kan neilo a " an ti leh ang lawi a an va hahthlak tak.


" A pawilo naktukah min pe mai dawn nia" Janeti chuan ti a kal mai kan tum lai chuan students thenkhat lo lutin Janeti chu hmeichhe pakhat hian a be leh rih a .Ning viau mahila ka nghak ta reng tho a anin biak mawlh2 lai Chuan kan sir a thu te chu an ri deuh hlut a ,ka va hawi phei lai chuan make up chu kengin samkiri kha alo tawng bawrh2 a ." Hei aia tlawm chu in hmu lo ang,a original vek anih hi aw" a thianpa tuai khan alo ti ve zat2 bawk a .



" Kan kal dawn mi?" Janetin a rawn tih chuan tho vat in kanin zui chhuak nghal a." Hman lai ka nei teuh tho a mahse an khawngaih thlak reuh em a" a ti zui sap a.An peih mai2 kalo ti hluk a .



"Zetei leh Rodingliana hi mize in ang lo ltk an nei chung hian anin kawm thei phian lehghal a ,Ct.Rempuia lah hian a zui duan2 reng mai a ,keini ho takngial pawh hi min zah zo lo" tiin a nui zui hak2 a ..



Tunge Ct.Rempuia ti in kalo zawt vat a " Lalthua kha mawle? Kan college ah hi chuan a senior tawh ngawt mai Kum 5 vel chu a kal tawh ang ka ring tlat, zirlai ho pawn Lalthua an ti vek zel alom" a ti zui leh charh2 a.Ka nuih chu a za ve viau mai.



Janeti class la tur a a kal hnu pawh chuan ka rilru ah canteen a mite ngawt kha an la awm a , hmeichhia in beiseina siamsak lo se mipa tan zui reng nachhan tur awm in ka hrelo ani.Kalo ngaihtuah ve tur anilo na chu ka ngaihtuah ngut2 thung a .


Last period 2nd semester ah ka neih avangin Janeti pawh chu min haw san maiturin ka hrilh a ,a hreh hmel viau lehghal a .Min nghak turin ti ngat ila chuan min hnial hauhlo ang.


Class la tur chuan ka kal zui nghal a class ka thlen chuan rinloh tak maiin samkiri te thian dun kha a hmasa berah anlo thu vang a ,ka nuih a za angreng.Khati khawp khan class kal an thatchhia a tunah a hmasa berah an thu leh a engmah an nih phah hi ka ring lo hulhual ani.



Lecture ka pek lai pawh chuan min en kar reng a kanin thut hnaih angreng sia ka zam ru deuh tlat a,zawhna ka zawh lahin minlo chhang vat zel a zirlai ngaihsak tak angin langlo mahse a hre viau ang lawi a.


Show post links
Top

[Ngaia]

CHAPTER : 3


Class atang a ka chhuah leh chuan Janeti chu a haw tawh ani ngei ang ka hmu zui tawh lo a ,keipoh tihtur dang awm tawh heklo le haw tum chuan ka motor dahna lam ka pan zui nghal a .Ka motor a ka lut tur chiah chu sir tih ri avang chuan ding datin ka hawi leh nghal thuai a .Samkiri hmanhmawh deuh a ka lam pan a alo tlan chu ka hmu nghal a


" Miss Janeti kha ka hmu tawh silo a ,pawisa hi minlo peksak mai la" a tih chuan pawisa chu kalo la ve vat a ,kal mai a tum chu I hming ka tih chuan hawi let meuh hian min en a .


A aia chiang zawk hian engtin nge I hming kalo hrilh ang ka ti leh a ,chutah rawn nui sakin " Lalzemawii" a rawn ti a .A nui hmel mawlh chu ni, khatiag khawp a nui hmel mawi a nei anih si chuan nuih reng awm asin mawle .


In her vutin ka motor ah chuan lutin ka tlanchhuak zui nghal a.Kawngtluanin ka rilru ah a awm reuh lehghal a enge maw a awmzia ni dawn ni?

In ka thlen chuan rinloh deuhin Sangsangi alo awm a ,a hmel ka hmuh hma hauhin a nui thawm ring zet chu ka hre nghal a,he hmeichhe vei neilo lutuk hi a mak zawk ani.


Ka room a ka chho tur chu rang deuh hian min rawn zui nghal a ,ege ilo tih dawn? Inthlak ka duh asin ka tih chuan " a ho emai, Dominic zahna tur a awm ami" a ti tan2 a .Phun hluk chung chuan ka chho nghal a ,rang lutukin min rawn umzui leh nghal zat a.


Ka inthlak lai chuan khumah bawkin a ti ti zat2 a ,"Hmingthansang" ka tih rual chuan lukham in min rawn vawm nghal thuai a ," khatiag a i koh rual kha ka nia mi" rum deuh a min melh chung chuan a ti a,kalo nui mai thung a nih leh usangsang ka tih chuan a hma aiin a meng rum zual sauh a .



Thutak deuh zawk hian " tleirawlte ngaizawng ila ka in hmeh lo viau angem?" Ka tia ka zawh chuan a hmelah phurna ka hmu nghal a ..." Tunge sawi teh,mawh ....Minlo hrilh ve" a ti leh sek tawh a ,ka lo sawi kher2 ani.



"Mahse Janeti hi " a rawn tih leh chuan ka bialnu anilo kalo ti chang bawl a ."Beiseina I siamsak tho alom" a tih chuan ka melh rum viau a ,beiseina ka siamsak lai ka hre tlat lo ani.


Chaw I ei dawn em? Tia ka zawh chuan ei lo ang tiin min chhang ve mai a .Room atang a ka chhuak dawn chiah tih ah chuan " minlo thlah " a rawn ti leh hram a ,chhan pawh chhang lo chuan ka chhuahsan nghal a" I van sual tak min thlah tho ang " ti chungin ka hnung ah chuan min rawn zui leh dat2 tawh a.



A tawpah chuan kanin thlah leh ta nge2 a , kawng tluanin a titi ka ngaithla a ka ning tawh angreng.
Kan thlen rual chuan a chhuk nghal tharh a ,a hnung ah chuan ka zui ve nghal mawi bawk a . A bul ka thlen rual chuan thenawm te inlam chu min kawhhmuhin " Pa Tluanga fanu Khan pangpar a ngai na viau aniang alo awm atang khan pangpar an ngah tawh lutuk, in hnunglamah pawh chuktuah huan a nei asin " a tih chuan thenawm te inlam chu ka en ve vat a .



Sangsangi sawi ang tak2 in pangpar a lo tam viau a enkawl uluk tih a hriat viau bawk,ka nu in hmu sela a sawi leh nasa viau ang chu pangpar tawh phawt hi Chu nalh a ti vek maiin ka hria.

" A fel reuh sia maw,Gracyi pawn a ngaina lutuk..Hman ni ah pawh a huan ami tomato minlo pe a,mahse ka hmai ah ka hnawih vek " tiin a nui zui hak a.



Pawnah kanla din reng lai chuan pu Tluanga nupui nu Muani chuan min lo hmu ni ngei tur ani " ilo va leng phei duh tawhlo ve," alo ti lang2 a.Tun hma kha Chuan ka ni te in lamah hian ka tal tam em a an thenawm te hi chuan min hre deuh vekin ka ring.



Inchhung ah chuan kanin zui lut a ka ni in min hmuh rual chuan chaw ei ve nghal rawh aw alo ti vat a nidangah ni mai rawh ka ti in ka lo chhang thung a.


" Tluanga khan biak duhna ka nei a ti che a ,nag lah chu ilo kal khat bawk sia..Kalo hrilh theihghilh zel che a" ka ni in a tih chuan aw phone ah te lo sawi mai se ka ti liam puat a " phone a han sawi tham em em chu anilo " a ti leh ang lawi a.



Haw mai tum a motor lam ka pan lai chuan ka ni thilsawi kha hrechhuak in pa Tluanga te inlam pan chuan ka kal zui leh ta zawk a.


Kawngkhar ka kik chuan tuman min chhang hauhlo a ,kik buai tawhlo in kawngkhar chu hawngin ka lut zui a . Naupang infiam te chel chul thawm chu ka hre zui a tumah lah chu ka hmu chuag silo a,chhuah leh mai tur a maw ni aw ka tih rilruk lai chuan lo leng rawh ti a ka lam pan a lo kal thawm chu ka hre zui a

Rei pawh ka ding hmanlo ka hma ah chuan kha samkiri ngei mai kha a rawn lang hlawl a ,ka lo beisei loh lutuk vang nge ka hamhaih angreng.Ani pawh chuan min beisei lawk bik lo ani tih hriat tak hian min en ha mai


A thawmhnaw hak mawlh chu ni t-shirt lian hnek hnawk haiin kekawr bul a ha tawp a ,a ke lam ka en chuan kelawngin a awm tih ka hmu nghal bawk a,ka nui suk mai.



" Enge ilo tih dawn?" A ti bah deuh nak a chhan tum a ka an leh zuau lai chuan engthil a maw ni hian ka lu ah a rawn fuh nghal sawk a ." Awh...Bawihte,inleng neih lai chuan ninhlei loh tur " tiin ka hma a min rawn vawm na ni awm tak ball te lo let ngat chu a chhar zui a .Ball te chu lah pah hian " sorry" Gracyi chuan a rawn ti ve sap a .Room atang a nu Muani lo chhuak chuan min rawn hmu ve nghal zat a



" Dominic,ilo leng ani maw? Nge in din reng thu ta che u" a rawn ti nghal bawrh2 a.


"Pa Tluanga a awm em? Biak ka duh deuh a " tiin ka zawt zui a ." Awm e ,lehkha chhiarna room lamah a awm kha lo va kal mai rawh ,thingpui kalo pe dawn che u " a ti a ...Pa Tluanga lehkha chhiarna room ka hriat tho avang chuan ka kal zui a.




Room kawngkhar ka kik dat2 chuan chhung lam atagin minlo chhang thuai a ,pa Tluanga'n ka hmel a hmuh rual chuan " lo thu rawh,kan va inhmu khat ve " alo ti thuai a .


A hma ah chuan thu in min biak duhna i nei em ni? Ka ni in min hrilh a ,ka tih zawm zat a .


" Chutiang a han pawimawh tehchiam chu anilo a" a ti leh tete in

" I lo hriat tawh tho chu ka ring a hei ka fanu hi a nu bulah chengin a nu in pa tel miahlo in a chawi lian a,tunah ka bulah apa belin a rawn awm ve tawh dawn a," a ngawi zui dat a .


" A college kalna hmunah i thawk dawn tih ka hriat tirh khan biak che ka tum tawh a mahse hun hi a awmlo ve thei lutuk a " a ti zui leh a nia mawle ka lo ti ve vat a .


" College lamah te lo ngaihsak deuh la ,a nundan tha lo leh mawilo deuhte a awm anih chuan i farnu ang a lo zilh ngam turin ka duh che ni " a tih chuan ka hrethiamlo deuh ani.A fanu hi a ring lo tihna nge a rintlakloh em vang a hetiang hi sawi a nih ang ka lo ti rilru a .





" Midang ngaih ah chuan thil ho deuh angin alang a mahse fa te hi chu ngaihtuah an na a,ka fanu phei hi chu harsa takin a nu in a enkawl a rualawhna te rilru lamah harsatna sawichhuah thiam siloh te pawh a neih ka ring a ,hetiang taka fahrah a siamtu a pa min haw miahlo a min rawn pan leh duh mai te kei chauh nilo ka nupui pawh nu ang tak2 in a en a ,a naute lah a hmagaih em2 bawk a hei vang rigawt pawh hian tun hma a ka tihsak theihloh zawng2 tihsak ka duh a , mal tak leh hreawm ti tak a a awm phei chu ka phallo hulhual ani.



Hei vang tak hian ania ka biak duh che ni, college lamah te mize dang deuh leh uchuak tak ang a a lang anih chuan min hrilh zel turin ka duh che a,nu leh pa kar a seilian a nilo bawk nen a kalsual ang tih hi ka hlau ber ani" a ti zui leh dap2 a .




"Ka lo beisei ai daihin ka nupui nen pawh anin pawh a ,nufa tak2 ang maiin an khawsa a ,a tu te mah min en hrang lo a kan bul a a khawsa ka hmuh te hian ka inthiamlo zual thin.


Tunah chuan ka mawhphurhna a ni tawh a ,a hmalam hun zawng2 hi ka kut ah a in nghat tawh a,nitin a a hun hman na tam ber chu college hi a nih avang ania nag kher kan ti tih che " a tih leh chuan ka hrethiam kuar tawh .



" Mi hrang kan ni lo bawk a ,ka thusawi chu I hrethiam em ang chu maw?" A tih chuan kalo bu nghat a .



Ka haw lamah chuan kawng tluanin ka ngaihtuah a, Sangsangi'n samkir a tih pawh khan Zemawii a ni ang tih rin ngaihna reng2 ka hrelo .. Lalzemawii chu ka ngaihsak viau reng a mahse Pa Tluanga'n ngaihsak tur a min duh dan leh ka ngaihsak dan chu a dang hlak thung si ani.





End of chapter : 3


Show post links
Top

[Ngaia]

CHAPTER : 4




Lalzemawii pov



Rda nen kanin kawm chawt a class kan bunk zeuh2 bawk a ,test dawn leh exam dawn hi chuan class kallo mahila ka zir nasa viau zel a ka fail ngailo.Thianpa Rda hi ka ngaihtuah zawk a ka bul hnaih ah a thut loh hi chuan test zawh rual hian "awii...Lalzete, ka chhe vek " a ti deuh hnap thin a .



Kan sir thar kha a chhelo e an tia canteen a an sawi sap2 chuan Rda nen kanin melh haw rigawt a sir thar kan nei tih pawh kan hre ve leh miahlo .Zin kan tum ve bawk nen sum dawn ngawt Rda hian angaihtuah vang vek." Lalzete ,kha maw sumdawn ngawt i ngaihtuah a engmah pawh kan hriat ve loh hi" min ti zek a.


" Awiii...Lalzete,peihlo mahla keichu polsc class ah ka present dawn,kan sir hmeltha leh chhelo zet chu ka hmu ve duh.Awii...Pa bawk si" a tih chuan ka lo ner nasa mai hmuh pawh ala hmu tawp silo a.Bakah a class awm peihlo hian ka lu ana ka chumi kha mi chu a na a ti ziah a keipawh kalo awm peih vak bik silo nen chhuanlam ah a mah ka buaipui thin a ni reng sia.




Rda phur em vang chuan tlai deuh tawh mahse tiin class room lam kan pan dun a ,class kan thlen chuan luh kan dil a min luhtir ve mai a mahse kan sir thar chuan min zilh zek a


"Awiii ...Zete chhelo e hmeltha bawk si ..Si hlir ni mai pa bawk si " a ti cheng a ,kalo nui hak thung.A dream chhunzawm ang zut2 a ,"keichu min duh dawnlo chiangsa a ka tihpui ang che awii chhuah miah Suh aw" a ti zui leh zat2 a ,a tawpah phei chuan kan nui leh hak2 a mahse kha sir bawk khan min hau leh a a mood kan tichhia tih hriat takin a chhuak zui nghal daih a.


" Keichu polsc class ka kal regular tawh viau ang" Rda chuan a ti leh zuah2 a .Keipawn sir kha a hmeltha chu ka ti ve reng mahse sawi chi pawh nilo Rda hian min tizak zing leh dawn lutuk a .


Mi thenkhat ngaihdan ah chuan Rda tuai mai2 ni mahse ka tan chuan ka best friend a ni ve tlat, engkim ka hrilh thin a a ni pawn min ring viau mahse a buaithlak ta ber chu kan star zawng hi a in ang zel a.


A hma deuh kanin hriat tirh deuh hlek pawhin Selena Gomez hi kanin chuh chiam tawh a chumi tum phei chuan ni 2 vel kanin be duhlo a mahse a hnu a ka ngaihtuah chian chuan kan nuih a za leh viau lawi a eng ang pawn duh mah ila kan chang dawnlo tih hriat reng bakah kei hmeichhe ka nia Rda lah mipa pa lo chi ania kanin chuh ber lah chu hmeichhia ala ni zui .




Canteen a Kan awmlai hian miss Janeti leh kan sir chu anlo kal ve ziah a ,ka en chian pauh leh a hmeltha ka ti zual telh2 mai.." Rd,sir hi a hmeltha e" ka tih chuan " awii...A hmeltha I ti tih ka hria alom,hahdam roh ka chuhpui tawh miahlo ang che ani hi Chu i ta tur diktak ani" a ti siam2 a .Ka nuih a za angreng min chuhpui pawh nise a tu a mah mahin kan chang leh dawnlo tih lah chiang reng.



Kan dawhkan bulah miss Janeti nen anlo thu a ,min siai zeuh pah hian Rda chuan kan make up zawrh ho chu miss Janeti a entir mawlh2 a,ngawi rengin kalo thu ve ran a. A khat tawk chuan sir chu ka melh leh zauh thin a a hmeltha ka van ti tak.


Miss Janeti leh Rda pawh chu anin dawr fuh viau aniang pathum vel chu a leitur ta in ka hria ,ka bula mi vang chuan ka lai tlat pek a ka ngawi kar reng mai.Miss Janeti pawisa min pek pawh chu kir tur kan nei leh chuanglo a sumdawng ve si pawisa kirtur pawh kan neilo chu ka zak ru viau a mahse kan bul a mipa hi Chu awmlo se ka zak vak pawhin ka ring leh chuanglo.


Boruak ngam leh zahna in hnehtir duhlo mi kalo nihsa bakah zahna hi khawge a awm tih pawh hrelo lek khawp a mi ngaihdan care lo Rda nen ber kher kanin tawng fuh ve bawk nen college hi kan pahnih tan chuan a nuam ani tawp mai.



Hetiang mizia hi nei mahila chapo leh mi pawisawi zawng a awm erawh ka hlau viau a ,tu pawi mah kan sawi ka hre ngailo.




Senior most ho in ba min pe hlauh a miss Janeti kir tur pawh kan nei thuai a nilengin Kan melh kual a mahse miss Janeti kan hmu hauhlo a ,tlai ban dawnah Rda ka nghah laiin sir Doma ka hmu a ka be chak tho bawk nen miss Janeti pawisa chu chhuanlamah hmangin ka be ta nge2 a.



Ka hming min zawh chuan ka nuih lui ngial a mahse a hmelah danglamna ka hmulo reng2..Miss Janeti hi a hmeltha ka ti viau a mahse sir Doma hi Chu a phulo ka ti ve tlat a chhan pawh ka hre chuaglo.


Rda lo let leh hnu chuan chanchin kalo hrilh nghal vat a " awiii...Mawli hmeichhia chu in duh ve tur ,mipa I duh deuh lakah pawh nise hawi san vag zel tur an tih kha ...Nui tawh miah suh,in duh ve tawg ang che " min ti zek a .



Tum hmuk ila a dik dawn chuag silo a ka ti niah2 a" lunggai suh help mizo channel yt ah kan en dawn nia" a rawn tih chuan a in rin hma chuan ka chum nghal zawt a .


Mi thutak nak lai a help mizo atang a inzir tir tum te chu a .



Tlai ah Kan inah alo kal teh nawlh a mak ka ti lutuk mahse ka nu sawidan chuan " I nu Diki saw a ni ania,tun hma deuh phei kha chuan alo kal zing viau a kan inah te pawh hian alo leng lut reng2 thin alom" a ti a.



Rda ka hrilh chuan a awilo ngag mai min ringlo leh lutuk chu ka thin te a rim a ..Rda lah chuan min dem suh " kan sir ania I star bawk a in inah alo kal tihte chu thudik pawh nise ka tan a rin a har tur zia chu ngaihtuah ve ta che" ala ti hram a ..


Huii ...Thudik tih a hriat te chuan han awi ve mai awm hi ania.





End of chapter 4


Show post links
Top

[Ngaia]

CHAPTER : 5




Dominic pov


Nitin college ah kalin Lalzemawii chu ka ngaihsak tan ta viau mai thian dang a kawm ngailo a a thianpa no deuh tih loh kha chu.


Class ah alo kal ziah tawh a mahse ka duh ai chuan min en nasa thin deuh ani.Min en chungin a thianpa nen khan anin hrilh ru a ,an nui leh tet2 thin a chu chuan min ti zam ve deuh thin a.Test a hnaih tawh avangin class kan la regular vak tawhlo a , semester khat ah hian test 2 an nei thin tihte chu ka hriat belh ve zel bawk a.



Lalzemawii chu test na ah a tihthat loh mawlh ka hlau a amah ka hmuhdan chu thuhran nise a pa khan a lakah beisei anei sang em ani.




Thil ei tur a Janeti nen kal kan tum lai chuan principal in Janeti a hmuh duh thu a sawi class ka la neih dawn avangin ka kalsan ta a.Canteen ka thlen rual chuan dawhkan dil ber ah Zemawii te thian dun lo thu lam chu ka pan nghal a.An dawhkan ka kilpui ve chu nuam ti vaklo hmel a pu in ka hria.



" Thil in ei tawh em?" Ka tih chuan " eilo e" a ti tha ve mai a .Enge in ei duh ka tih chuan min rawn melh dun ha a ," sir min treat dawn mi"a thianpa te khan a rawn ti a Zemawii chuan a mitmengin alo khap vat thung a.



Kalo treat ang che u in duh2 ei rawh u ka tih chuan anin en leh hrek2 a mahse nitin chowmein an ei ka hmuh ziah avangin ka chahsak a ,ka ei tur pawn ka chah tel ve bawk a .



Kan ei mawlh2 lai chuan " sir, coffee emaw alu chop emaw hi ka ei thei angem?" A thianpa chuan thil ei tawl tawl pah chuan a rawn ti a" umm" kalo ti nghut a.



Coffee la tur a a thianpa kal tur chiah chu " coffee leh alu chop ka duh ve ania" a ti lang2 a ,min rawn melh leh zeuhin a man peksak kher kan ngailo a ti nghat a .



"Awii..Lalzete,ngawi mai2 rawh tunlai chu inren kan ngaih em hi " a thianpa chuan a rawn ti a ,ka bula mi chu mengrum tak hi ani ringawt.



A nui emaw a mengrum pawh nise tha ka ti laklawh a sawiselna tur reng2 ka hrelo.



" Sir ,ka pa nen khan ka chungchang in sawilo tiraw" ti a min zawh chuan ka en zawk a , ka chhang lemlo a chungchang kan sawi tih a hriat chuan nuamlo a tih ka hlau a,bul tan nan a dawt in hrilh lah chu a dikin ka hre silo ani.


A thianpa lo let leh chuan coffee no 3 thei leh theilo in a rawn keng phei a " sir ,I duh ve ka ring a kalo lak kep che anih hi" a ti zat2 a ,ka chhan hma hauhin a kalsawn zui leh daih reilo ah chuan alu chop tam zet keng chung hian alo let leh a nga tan em2 nge maw a tih ni.



Thil kan ei mawlh2 lai chuan Lalthua kha a rawn lang nawlh a Zetei chair bulah chuan dingin a darah a kuah ,thil minlo ei san daih a pawisa i nei em i ei mantur ka lo dah dawn mi a rawn ti a.Kei chuan a kut dahna mawlh chu kalo en a ,hepa nen hian eng inzawm na nge maw an neih ni.


" Tlai ah I scooty Rda khalh haw tir la ,bazarah min kalpui lawk rawh" a ti leh a awm ve miahlo ang a min ngai chu ka lawm vak lo ani.

" Awiii....Duh miah suh Zete, Rempuia hi Chu a ler a si, Hruaizeli te ho an zaklo si ..Hman ni ah pawh Hruaizeli'n Zeti alo bia aw ig ah chuvag chuan kan kawm tawh dawnlo che" a ti zuah2 anih chu mawle.



Dawhkanah pawisa dahin ka ding vut a" sir ava tam ve " alo ti hliai a ,a kir chu nakinah min pe mai dawn nia tiin ka kalsawn zui nghal daih a." Kha in tawng vak2 zel a " a tih ri pawh chu ka hrereng.



Tlai a ka haw tur garage lam ka pan lai chuan Rda kha amah chauhin ka hmu a " khawnge i thiannu kha" ka tih chuan thil tih lawk tur a nei a ka hawsan dawn anih hi alo ti tha ve mai a .


A no minlo pe teh ka tih chuan " mawh tumaw keimah maw," a tih chuan a hamhaih ve hle tih a hmelah a lang thei a .Zemawii kha ka tih chuan a hma ai mahin a meng phar nasa zawk.



A phone phawrh a no a sawi chuan ka phone ah kalo save thuai a .Tawng leh a tum lai chuan ka kalsan zui daih a .


Gate a ka tlan chhuah dawn lai chuan ka hma ah Zemawii leh kha mipa kha an in phur lai ka va hmu a ka sa deuh zak mai.An tlanchak em2 mai lehnghal a .




Zemawii chu bia ila a lo induh viau a nih pawn ka beidawng hauhlo ang a tul anih chuan a thianpa tuai pawh kha ka be tha mai ang .Mahse chutiang tur em chu a ni pawn ka hre silo ani.




Vawin atangin test pawh kan tan a ,kan duty ni a nih loh chuan kan kal ve kher ngai lemlo a .Zemawii pawh ka hmukhat angreng ,a no pawh kha kala save ve reng a test zawh lam a biak ah ka khek deuh ani.

Chhuanlam ho te2 siamin ka ni te in lamah ka leng phei fo a mahse Zemawii hmel ka hmu ngai hauhlo thung a . Sangsangi hrilh mai ka tum ut2 a mahse ani hi zawng Janeti pawl ngang ania thil a kal sual ka hlau leh deuh bawk si .



Sangsangi chu thawveng deuh ang hian lang mahse a rilru hi hriat a har ve riau a Janeti lam a tang hlur ang hian lang mahse a unaupa tak2 zawk hi Chu min tan leh ang viau lawi a hei vang tak hian ania a rilru tur ka hriatthiam loh ni.A rilru nghet lo lutuk ber hi ani buaithlak chu.



Test Kan zawh chuan class pangaiin kan kal leh nghal mawp2 a,vawinah test results kan tar dawn bawk nen kan buai hlawm viau a .Class lak loh ngawt kha a chi bawk silo a buai deuh chung chuan ka chhuahsan a .



Class lam ka pan mek lai chuan Rda leh Zemawii lo in zuithla chu ka tawk a,an tlanbo leh dawn anih ka ring . Chhuanlam siam viau mahse ka hruai chho lui ve tlat a phur lo deuh chuan an thian dunin min zui dat2 a


" Class in tlanbo reng te chuan in attandance a chhe lutuk dawn asin ,class kal tur in in atang in rawn chhuak ani lawm ni" ka tih leh chuan anin melh hrek2 rigawt tawh.



Test na ah in fail chuan ka hrem ngei2 ang che u ka tih chuan chiang fek fawk hian" a ti tha ber ka ni ang" Zemawii chuan a rawn ti chang fak a ,ka nuih a za angreng a mizia ho tak leh a class kal thatchhiat zia hi ka hrelo amaw a ti a ni ngei ang .



Class a kan luh chuan lo awm ve dangte chuan minlo en duh viau a ,ka rual lut ve te pahnih lah chu hawi sang vah hian an thutna an pan a ka lo en reng a.



A hnung ber thutna zawnah chuan an ding zat a ,a lo thu sa hmeichhe pahnih chu an in sawn vat a ngawi rengin an thu thla ve nghal zat a..



Kha thil kha enge ni? Lalzemawii te thian dun khawsak dan teh hrep chuh midang an hnuaichhiah viau thin a em ni..He class room a awm ve dangte hian Lalzemawii leh he a thianpa no zet hi an hlau amaw ni le ?.



Class kan nei zo ka chhuah leh lai chuan results an lo tar tawh a , students ho chuan an lo bawr laih a.Zemawii te thian dun chu results pawh ngaihsak lemlo chuan class room ah thu in an la ti ti vel mek a . Results hriat chakin midang an phu suau2 a hemi te thiandun hi chu midang an awm ve tih pawh hrelo ang maiin an khawsa reuh a .



Anlo chhuah hun chu ka nghak ta reng a ,anlo chhuah ve meuh chuan results en pawh anlo awm tawh mang lo a. An thian dun chuan ka en reng a "Lalzete, results en ve lawk ang" a thianpa chuan a ti a " results en kher angai mi,kan college result te chu kan hriatsa vek alom" a lo ti sam mai a.



" En ve hrim2 ang " tih in a thianpa chuan a banah a pawt dawr2 a ,an hnung ah kalin an thil en lai chu ka va en ve a min hmuh chuan timna em2 pawh neilo hian ka sawi vek tawh kha ti sakin min melh kalh a ka chhan hma hauh chuan a kal zui nal2 a .



Rang deuh a result ka en ve chuan a chung ber ah Lalzemawii hming chu alo lang kalh tak2 a,engtin nge maw hetiang mize nei chung hian a thiam ber anih theih?.




Miss Janeti hnen ah chuan ho lam deuh ang a lang thei tur chuan Zemawii chungchang ka zawt zeuh a " Zemawii te chu kan college tan chuan a tangkai lutuk alom, zirna ah pawh kan beisei san ber ania " a tih chuan ka awilo hial mai.


A mizia ka hmuhdan leh a chanchin a sawidan hi chu a in persan em ani.



" Ct.Rempuia lah hian a zui duan2 reng bawk sia" a nui hak a an in ngaizawng lo em ni? Ka tih chuan ngaizawng nang Zemawii hi Chu mipa abuai pui lo in ka hria ka lo chik ve chinah hi chuan Rodingliana bak hi thian a kawm ngai pawh ka hrelo a ti zui a.



" College ai awh a kan tirh chhuah zin ber leh kan rin ber ania lom, English a thiam a amah hi a lo in zir mi viau bawk nen....Enge maw naupang chungchang te chuti tak a kan sawi ni" a tih zawm zat a .



He hmeichhia te hi hriatthiam a har takzet ani.







End of chapter : 5


Show post links
Top

[Ngaia]

CHAPTER : 6





Tlai khat ka hna bang ka haw chu rinloh deuhin kanin ah chuan Janeti a lo awm a ,ka nun nen choka dawhkan kilin anlo ti ti mek a .Min haw san tur thu a sawi khan an in ah a haw mai dawn amaw ka tia mahse hei kan inah minlo thlen khalh leh der tawh a.



Ka nu chuan minlo be luam a hetia Janeti kanin ah alo kal hi chuan ka nu in zan lamah in neih lampang min sawi pui leh ngei ang ..Inthlak ka duhthu sawiin ka kalsawn nghal a ,ka room ah chho in ka inthlak zui mawlh2 a . Kawngkhar ri rak thawm ka hriat rualin Janeti alo lut a,ka lo melh zawk rigawt a a thu ve mai dawn amaw ka tih laiin ka hnung lam atang a min rawn kuahin ka dul zawnah a kut zungtang sei thlar chuan a rawn rin riak2 a ,kawr kala ha lo bawk nen a thil tih chuan min ti danglam nghal a.Chu thil chu duhlo in ka che hrut a a hmel en tur a ka inher rual chuan rang lutukin ka hmui ah a rawn fawp zui a ,a uar in a duhthawh thiam leh khawp mai.



In la hrang vutin ka kalsawn thuai a " kei min hnar tur hian eng chhuanlam nge I neih" a rawn ti tuar a,a hmel ah chuan thinrimna leh natna nasa tak a lang chhuak hialin ka hria .



Ka hma ah chuan rawn ding lehin chiang zet hian min en a ,a mit ah chuan mittui a tling pam bawk a.A hmel ka hmuh rual chuan keimah ah inthiamlohna alo awm nghal a .Ni e he hmeichhia hi ka hmangaih lo anih chuan beisei na siamsak hauhlo tur ka nia sin, chu thil chu hrereng chungin ka chakna phuhruk nan ka hmang a anin ka mamawh tak min pe ang ah a in ngai bawk a .Ka hmangaih lo hmeichhia hi nawmchen nan a hmang hauhlo tur ka ni .Janeti nen a kanin kar hi chu ka thiamlo hulhual ani.




" Ka hmangaih che" a rawn ti leh a ,he hmeichhia hian min hmangaih turin engthil mah ka tih ka hre hauh silo .Hmangaih tu pawh hmangaih let ve theih loh chu a suahsual thlak viau na a ka thinglung hian Janeti hi chu a pawm theih tlat lo a chu chu keimah ngei pawh hian a chhan ka hre hauhlo .


" Min mamawh tih ka hria lom" nui sak pah hian a rawn ti leh a .Ka chhan hma hauh chuan min rawn fawp leh nghal zat a ,ka kut chu la in a awmbawr kawh lah min tawhtir chiah chuan ka danglam tawh lutuk tlat chu thil chu a hriat chuan a nui sak a ,a dawt leh tur chu a hrechiag viau tawh ani.



He hmeichhia hian ka nawr luih ngai miahlo in chet a la a , hmeichhe hmeltha leh nalh zet ani tih ka hre bawk a hetiang hmeichhe hmeltha leh nalh lutuk te hi Chu mipa tam tak te duhthusam pawh ani ngei ang chu.



Rum nghutin ka pawm kang nawlh a khum ah chuan muangchangin ka mut tir a,a chet dan chu thuhran he a mitmeng da va zet pawh hi mipa thisen lum lai tan chuan tawrh har tak tur ani ve hrim2.


Ka duhtawk a ka chet hnu chuan khumah chuan ka mu thla nghal thawk a ,ka bul ami chu ala pangai lo tih hriat takin a thaw ham2 a saisir zawng a rawnin letin ka awm ang chuan min kuah bet chial a .Kan thil tih zawh chiah ngaihtuah chuan ka nui suk a ,thil hreawm ti a sawi tur zawng ani hauhlo.


Khumah chuan thu in Janeti in ha tha mawlh2 chu ka en reng a ,hetiang a hmeichhe hmeltha leh miten zahawm tia an sawi thin kei in nawmchen nan kalo hmang thin tih hi hria se mi hian engtin nge min ngaih ang? Lalzemawii khan engtin nge a ngaih ve ang ka ngaihtuah na a Zemawii a lo lan rual chuan inthiamlohna ka nei chawpchilh nghal a .




In hnuai a kanin zui thlak leh hnu chuan choka ah lut zuiin ka nu ava mangtha ni in ka hria alo chhuah leh hnu chuan pawnah kanin zui chhuak nghal a ,helai thleng thleng alo kal tawh a thlah kha chu a pawina a awm in ka hrelo a ni .



Motor a kan chuan laite chuan danglamna awm hauhlo hian min bia a ,keiin a ruk tawk in kalo chhang mai a . He hmeichhia nen a tisa taka kanin zawmna ti chhutchah ka duh tawh viau a,mahse a harsa lam hret ani.



Nupui atana ka duh hauhloh hmeichhia hi ka chelh reng anih chuan a hma lam hun ka tih chhiatsak vek thei tlat.Janeti hi kei aiin Kum 5 vel laiin a upa a Sangsangi pawn uJaneti tiin a sawi mai thin Chutiang chu ni mahse a hmeltha a tleirawl tamtak pawn an tluk lo ang tih tur khawp a nalh ani. .An chhungkua an hausak bakah mahni inchawm thei tur khawp in hna tha anei a duh ni ngat se chuan officer hausa tak2 leh kei a siam nuam thei zawk tur a hmu teuh dawn tih lah chiang reng.




Kan khawsak dun dan chu thuhran lo nise he hmeichhia a tir te atang a ka lak a engmah ui a neilo leh ka mamawh hun a ka tan a a awm reng thei hi mak ka ti ani.



Janeti ka thlah zo ka let leh lai chuan kawngsir a Zemawii ni awm tak leh hmeichhe naupang lo ding dun ka hmuh chuan ka en reng a ,va pan hnaih mai ka duh a mahse mi tam na lai anih avang leh motor dahna tur remchang a awm mailoh avag chuan ka tlansan ta zawk a .



Haw tlang mai lo chuan ka ni dawr lam ka pan a,dawr a ka luh rual chuan Sangsangi alo te chel chul a nula pui tawh si hi a hahthlak thin ania.

"Dom,ka nu bulah dawr nghak tur hmeichhia pakhat lak belh rawh lo ti ve teh,ka sawi zing tawh a mahse ka sawi chu eng ah mah a ngailo a" alo ti nghal zat a.


A tulna a awm hleinem dawr nghah rigawt te chu i ti thei ve lutuk ka lo tih hluk chuan a tum nghal bur a"mahni chauh chuan a khawhar thlak ve alom" a ti niah2 a.



Coffee ka in mawlh2 lai chuan dawr kawt ah chuan dawr lam hawi hian Zemawii leh hmeichhe naupang bawk kha anlo ding reng a dawr chhung chu an en ni in ka hria .


Ka enreng lai chuan naupang te hma ah chuan Zemawii chu thu hniam in thil a hrilh zui mawlh2 a hmeichhe naupang chuan a lu alo thing ve nar2 bawk a. Rei ngial ka en hnu chuan ka chhuak zui a,an bul ka thlen pawh chuan min hmu angin a awm hauhlo a .



An bul ka thlen rual chiah chuan a hmeichhe naupang hruai chu a nau Gracyi a ni tih ka hre ve chiah.Min hmuh rual chuan a meng phawk deuhin ka hria a nau chu melh leh thuai in " Bawihte,kal tawh ang naktukah college ka kal banah kalo hawn ang che" a tih zawm a ,a nau chuan men tiau chung hian" au,mi in an la daih ang" a ti ve tang2 a.



"Bawihte,pawisa kalo ken theihghilh daih a" dam thlap hian ati leh a . College a a mizia nen chuan a danglam ka ti viau.


" Inah haw phawt ila kan kal leh dawn nia aw promise" tiin a nui var a ,a nau pawh chu mittui tling piau chung chuan alo bu ve nghat2 a.


A kalsawn mai dawn a ka hriat vang chuan Grace enge i duh a ? Tiin nelawm theih ang ber tur chuan ka nuih a phur lutuk hian " saw saw" tih pahin sangsangi dawr chhung a naute lem pink colour chu a kawk va a .


Lo kal rawh tih pahin a banah ka chelh a phur lutuk chuan min zui nghal a ,a bula mi lo thaw hak ri pawh chu ka hrereng a ka ngai pawimawh duh lemlo .



Dawr chhung a kan luh rual chuan Sangsangi alo meng phawk viau a ," Gracy ilo kal alaw ? Tiin alo be vat a" Zemawii pawh chu alo lut ve nghal mai bawk a .



Naute lem chu ka pek chuan lawm tih hriat em2 hian alo nui var2 a, Sangsangi chuan engmah sawilo hian minlo en reng a ." Au,a pink hi a mawi ber tiraw" tih pah a Zemawii lam a va hawi chuan,a nau chu chiang zet a en chung hian "ai" alo ti hmuk a ,nichin lawk te kha chuan dawhthei tak khan a bia a ni sia.



" Naktukah i pawisa chu ka rul dawn che nia" a rawn ti deuh hmuk a ,a ngai lo ka leisak a nih kha ka tih chuan min chhang tawhlo in a nau chu a en a " Bawihte,lawmthu hrilh rawh " tih pahin a in her vut a.


Gracyi kai chung chuan ka zui chhuak nghal a ,a bul kan thlen ve chuan helmet alo khum fel der tawh a.

I lawmlo em ni? Tia ka zawh chuan " lawm e ,Gracyi thil I leisak vang pawh khan Kan lawm e" tiin scooty ah a chuang zui daih a .


Gracyi phur chung a a tlan liam chu ka en ta reng rigawt a ,a pawi ka sawi awm ka hre hauh silo .



Dawr a ka luh leh rual chuan" Dominic,Zetei kha I duh anih chuan sawi mai ta che " alo ti hlut a,ka chhang buai peihlo.


" Enge maw chu in in karah hian a awm chiang alom,hman ni a alo len tum pawhin i chungchang a sawi a lo hrethiam tur ka nia engtin nge ka hriatloh thei zawk le " a ti zui zat2 a.



Eng thu nge a bulah chuan i sawi ka ti chang deuh bawl a " aw, bialnu nghet I neih thu leh Janeti nen college in kal lai atang a in in zui tawh thu leh i chhungte nen pawh an in pawh viau a,in in neih tep tawh ka rin thu vel mai2 " a ti zui ham2 a .


Ka lawmlo viau a" ka chungchang engmah lo sawi tawh Suh" thinrim zet a ka tih leh chuan kei ai mah a thinrim hian" I unau nu ka nia,I duh thu sawi la chu khatiag thu kha ka sawi bik lo ang" minlo ti let zek a ka ngawi ta rigawt a .



Rei fe kan ngawih vang2 hnu chuan tak2 in " Dominic uJaneti ai chuan ka duhpui zawk che , uJaneti hi chu a senior ka ti tlat " a rawn ti leh hram a ,chhan pawh ka chhan hma chuan " mahse Zetei hi chu la naupang mah2 bawk sia I rualpui hi ngaizawng ve teh" a ti leh hluai a.



Hetiang reng hi ania tu lamah zawk nge a tan pawh hriat a har ti chung hian engkim hrilh hi a beisei ve tlat zel bàwk si.






End of chapter : 6


Show post links
Top