MAGNETIC by Zualikhiangte_zii95 (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MAGNETIC by Zualikhiangte_zii95 (Completed)

Unread post by Ngaia » May 28th, 2023, 5:14 pm

Sana in a ban vei a chawl lo ang bawk in,hun pawh hi eng emaw nek nek chhung in a lo liam ve zung zung mai.

kum thum hmalam a thil thleng te chu ka ngaihtuah a, za lo tak in ka nui hak. Ni e,kum thum lai a liam ve ta reng mai, tun ah chuan keipawh in college ka rap ve dawn der a nia,hun hi a kalchak khawp mai,kan chhungkua pawh a ngai te in kan la chengho vek a,maherawh chu khang kum thum chhung khan thil tam tak a danglam a, ka nu nen kan inkar a that viau lai in ka pa nen kan inkar erawh chuan hma a sawn lo a ,a hnungtawlh hek lo, ngai kan la awh a nih ber chu,Sawmzeli nen pawh a ngai te te in kan la in ngaihlo tluang zel a ni ber.


Van thiang kuk mai chu ka room balcony atang ka thlir vang vang a,khang hun kalta zawng chhung khan vawi khat mah min rawn be lo,ni e ka u kha,ka innghah na neihchhun ni a ka ngaih khan final exam kan neih zawh veleh ramdang ah lehkha zir tur in min awmbo san daih a nihkha,a kal kha ka phallo, mahse dang turin huaisen na ka neilo.



Ka lak ah a lungawi lo tih ka hria, a rilru tur pawh ka hriatthiampui, ka lak atang a inthiar fihlim chu ka dem hauh lo,mahse ka rilru tur hrethiam lo leh min ngaihtuahna nei miah lo ang mai a min kalbosan thei kha ka haw takzet ,ngai viau mah ila vawi khat mah min rawn biak tum lo tu chu biak tum na ka nei bik lo,mahse maw ka ngai takzet tih hi ka pha lo.





Ka nun dan tam tak a inthlak thleng a ,mi fel tak ti a sawitur lah ka ni hek lo,ka nu ngaihtuah viau lo phei ila chuan he in hi ka chhuahsan vang vang tawh hial ang,ka nu vang chauh a he in a la awm ve hi ka ni. Kum thum chhung khan rilru lam ah harsatna tam tak ka tawk a ,khatih hun lai khan ka u kha ka mamawh a,vawi tam a hming ka lam thin,mahse a ni chuan vawikhat te mah ka chanchin ngaihven tur pawn min rawn be ngailo..



Hun harsa tak ka paltlang a,kum khat chhung tal tawp kha chu ruihhlo nen ka nun a in chiahpiah a ka nun hahthlak leh thawveng lo tak kha tlanbosan ka chak thin,mahse ka nu diktak tawrh na kha ka hriatthiam pui a ,a fa neihchhun khatiang a ka awm kha a tuar thiamlo takzet, chu mi a vang chauh chuan ka nun a ka dai sual thil chu kalsan tum ka ni ,tun ah chuan hma ka sawn ve viau tawh in ka hre bawk .




Ka phone ri ka hriat chuan, ka ngaihtuah na atang harh zawk in ka room chhung ah chuan ka lut nghal a ,khum a ka phone dah chu a lo eng va va mai,ka phone ka lak chuan caller id ka en nghal thuai nui suk chung in phone chu ka pick a.


"Morning Bawihpui i tho nuam maw?" zang vah a tiin ka nui sang bawk.


Lehlam ah ve thung naupang harhvang tak mai chuan, "vawiin ka birthday a nia, apa nen min lenchhuah pui in tiam tawh kha aw," a ti lang lang a ka nui hak mai.


"Tehreng mai ka la hrereng a lawm,hmun nuam deuh ah kan kal dawn nia", ka tih chuan phur tih hriat tak hian a rak nghal chul a, ni e kum thum chhung khan bawihpuia pa nen hian kan inbe reng ,in ngaizawng chu kan ni hauh lo, mah erawh chu kan in haw lem lo tih chu tu ve ve pawn kan hailo, tun thleng a kan la in ngaihzawn loh chhan hi keipawn ka hre lo ..


Dawngzual chuan vawitam inngaihzawn a duh thu a sawi tawh a, mahse kei mah ah hian enge diklo awm ka hrelo tun thleng in inzawmna ka la siampui thei lo chu a nih hi.


"Khawi le,phone kha ka lo la leh tawh a nge" tih ri ka hriat chuan ka nui hak hak a,apa in phone laksak a tum a ni ngei ang an in ti rak nasa leh teng tung tawh viau.

"Hello Dawng," tih ri ka hriat chuan ka nui seih a .


"Chuan vawiin chu" a ti nghal zat bawk.


"Chuan enge,min rawn hruai rawh" ka lo tih chuan a nui hak a ,rei ve tawk tak kan in biak hnu ah kan inbiak na chu kan ti tawp thei hram.


Chhuak tur a ka insiam mawlh mawlh lai in ka room kawngka an rawn kik kauh kauh a,"lo lut rawh' tiin ka chhang thuai ,Sawmzeli chu a rawn lut a,


"I chhuak dawn a mi" a rawn tih chuan ka lo bu nghat ringawt.


"Vawiin ah ka u a lo haw dawn tih i hria em?," a tih chuan ka thil tih lai ka chawl dat,lu thing nak in ka insiam zawm leh malh malh.



"In inbe ngai miah lo tih hi ka awih thei lo" Sqwmzeli chuan a ti leh hap,ni e keipawh hian kan inbe ngai miah lo hi awih har ka ti .



"Tah chuan buaina i nei em ni?' A lam a inher pah chuan ka ti hmuk a, Sawmzeli chu a nui sawng mai.


"Nei hran lo,mak ka ti deuh mai mai mawle,nuam deuh in aw,i bialpa pawh a lo thleng tawh chumi rawn hrilh tur che chuan ka lo kal" tiin a chhuak leh nghal, a chhuah hnu chuan keima hriat tham lek in,


"Bialpa" ka ti chhuak sep,ka chhungte hian Dawngzual hi ka bialpa ang riak ah an ngai tawh a, an be tha in bawihpuia pawh an duatpui viau..Sawmzeli takngial pawn bawihpuia chu a duat in,naupang a lo ngaina ve phian a ,chumi thil ah ro ro chuan Sawmzeli lak ah ka lawm ve khawp mai,thildang erawh sawikai lo mai ila.




Inhnuai ka chhuk chuan sofa ah Dawngzuala te pafa chuan min lo nghak reng tawh.

Sawmzeli leh bawihpuia chu an in inchhaih nui hawk hawk a ,Dawngzual an min hmuh ve leh nui suk in a thutna atang a ding hluai a,



"I nalh hle mai" a bul ka thlen chuan kan pahnih hriattham lek in a lo ti sup, keipawh ka nui ve tawp ,"kan kal mai dawn em ni" ka tih chuan a bu nghat a.



"Bawihpui kan kal thei e" a ti nghal zat bawk.



"Bawihte,vawiin ah i u a rawn haw dawn kha rawn tlai suh aw," kawngka ka pen chhuah hma chiah a ka nu thusawi vang chuan ka ding dat,ka nu leh pa hian ka u nen kan inbe ngailo tih hi an hrelo,hrilh hriat kher a tulna pawh ka hrelo ,"imm" tih ngawt a chhang in ka chhuak nghal daih.



Ka u a rawn haw dawn tih ka hriat vang nge ka awm a nuam thei meuh lo,ka huphurh rual in,hmuh ka chak em em lawi si ,a chang leh a rawn haw tur thu midang zawng a hrilh lai a kei chauh min hrilh lo chu ka ngei thar em em bawk, "sual lutuk" ti a phun sep in ka lam pan a lo kal mek te lam chu ka hawi a, ice cream keng in Bawihpuia te pafa pawh ka bul an rawn thleng thuai.

"Ka hna lam ah buaina ka nei a,Bawihpuia hi in in lam ah i lo hruai haw lawk thei a ngem, ka rei chu ka ring lo na a,mahni chauh a naupang in a awm tir kha dik in ka hre bawk silo a," in thlahrun hmel tak in Dawngzual chuan a ti a .


"A ho lutuk ,bawhpuia chuan kan in nuam a tia lawm,ti raw bawihpui" ti in bawhpuia chu ka en a ,a ni pawn a lu a lo bu ve nghauh nghauh,tichuan chaw hnu her hret ah Dawgzuala chuan kan in lam ah bawihpuia nen chuan min va dah a,inchhung kan lut tur chu kawngka bul ah ka ding chawt,inchhung lam thawm ri dar dar vang chuan ka thinphu chu a phut dan tur pangai aia rang in a phu nghal dawt dawt bawk,zawimuang in ka pen lut a ,min hnungchhawn zawng a thu mipa chu tunge a nih tih ka hai mawlh lo .





"Bawihte i lo thleng tawh a ni maw,e bawihpuia pawh" ka nu in a tih tak ah chuan ka in thing harh zawk ,ka u tawnglai pawh a tawp chat mai.



"Dawngzual an hna lam ah buaina a nei a,ka lo hruai haw a nih hi" tiin an lo thut khawm na lam chu ka pan a , pangai tak ang a lan chu tum nasa tak ka ni ,vawikhat mah ka u chu ka melh lo,mahse a bul chiah a nula chhelo tak thu chu ka en chiang hle thung.

"Marem hei hi Dawngzeli a nih hi Remsanga nau chiah" ka nu chuan a lo ti nghal thuai,chu nu Maremi pawh chuan min lo nuih nghal sang mai ,bawihpuia chu ka malchung ah ka thut tir a, midang hmel a hmu chu a zum zuk ve deuh nge a ngawi kar mai,chutia in hmatawn a thu ta reng chu a in en loh theih loh.



Ka u chu ka va melh leh zeuh thin,ka va en a piang chuan a ni pawn chiang zet in min lo en ve kar reng zel a,ka awm a nuam thei miah lo lehnghal,bawihpuia chu a en uluk bik riau tih ka hre bawk .





"Remsang,haw tawh mai ka duh a rem chuan,kan in pawh ka la thleng silo a " Maremi chuan ka u bul ah chuan a ti a ,a tawng zawng a ka u ban a vawn na chu ka lo melh chat.


"Awle,ka va thlah ang che" tih pah a ka u in Maremi kut a vawn sak lai chuan engtin emaw ni tak a chhan hriat hauh siloh vang chuan ka thin zawn hi a na vawng vawng mai, Bawihpuia chu pawm in ka tho nalh a, "ka han in thlak a nge" tiin ka room lam ah ka chho nghal nal nal.



Room ka lut fel chiah tih ah Sawmzel in min rawn zui lut nghal a.



"U Maremi kha ka u bialnu a nia, college an kal dun a,kar thar ah khian a pa birthday an lawm dawn a chumi vang chuan an rawn haw a nihkha", a rawn ti zat zat a,ka zawt pawh ni tawp silo .



"Chu chu eng vang a ka hnen a rawn sawi nge i nih" a mit ah tak en chung in ka lo ti let ve salh ,a nui sak a ,"i la hriat loh tak in ka tia ka hrilh che" a dar chhin ak pah chuan a ti a ,ka rilru na vawng vawng mai chu tih reh dan ka hrelo, engvang in nge kei chauh hi ka u chungchang hrelo tu ka nih bik, heti khawp hian em ni a ni hian min lo huat ni.





"Min hrilh tawh bawk a min lo va chhuahsan mai ta che,i hmuh ang hian inthlak ka duh," tiin kawngka lam ah chuan ka thle bak a .



"I hnaih a mi te hi an hla zel a nih hi,mi hnuaihnung" ti a ner zui sawk in room atang chuan a chhuak a,chhanlet ve hrep chak viau mah ila,a mitmu tliang han a min lo melh ve kiau tu a vang chuan ka insum hram hram a ni .




Zanriah ei zawh ah bawihpuia chu a pa in a rawn hruai a,keimah nin 'zanriah ei ve nghal law law rawh se' kan tih tlat vang a rawn hruai har a ni,ka u pawh tlai lam a Maremi a thlah kha tun thleng in a lo la haw lo,ka nu sawi dan in Maremi te in ah chaw a ei nghal ni awm tak a ni,a rawn haw zan a kan in a chaw a eilo chu ka pa ngaihdan pawh a nih hmel tehchiam loh,engmah erawh a sawi hran lo thung .





Bawihpuia te pafa ka thlah zo chu pawn a thutna kan dah ah chuan ka thu a,earphone in hla ka ngaithla mai mai,mit chhing vang vang chung a hla ka ngaihthlak lai chuan,


"Ti nge pawn ah i awm a?" ti tu avang chuan ka mit chu ka meng a,hla ka ngaithla ringlo bawk a a tawng chu hrechiang tak ka ni ,muangchang in ka earphone vuah lai chu ka la thla a ,ka bul ah ka u chu a lo ding reng ,melh zawk in ka tho nalh a ,inchhung luh mai ka tum chu a thusawi avang chuan ka ding leh dat .





"I danglam tawh hle mai" a rawn tih nawn leh sup chuan ,a lam hawi a inher in ka nui lui sak a.


"Mihring kan nih chhung chuan a ngai reng in a nun theih hleihnem," dar chhin ak pah a ka tih chuan, a mithmul ti chuar tap chung a min en in ," i lo puitling ve tawh a nih dawn hi" a ti leh sup ,a thusawi engkim chuan ka tah an tichhuak ,tun a kan awmdan hi unau pawh kan ang tawh lo mihrang daih inbia kan ang .






"Rinchhan tur neih loh chin ah chuan puitlin lam kawng zawh hi a lo harsa lo khawp mai" nui hak chung a ka tih chuan inthiam lo hmel a pu in ka hria.




"Enteh princess,"




"Ka lawmpui a che mo fel tak ka neih ngei ka beisei a nia" tiin a tawng tum leh chu ka lo pawtchat thuai a,in thiamloh na awka emaw,insawifiahna tih ang kha ka ngaithla duh lo,chutah thaw hak in a nui suk a .




"I danglam tawh tak tak a nih hi" a ti leh sup,ka chhang lo, a ni pawn thudang a sawi zawm tawh bik lo.



"Sawitur i neih tawh loh chuan ka luhsan ang che" tiin ka luhsan daih ,min enzui reng tih ka tukhum za mer mer atang chuan ka hrethei.,ka room ka lut chiah chu ka thaw hawk thei nia,a bul ah khan ka lo insar mar nasa hman viau a ni ngei mai.



Ka nun a hahdam ve dawn ta emaw ka ti a,mahse tun ah hi chuan hahdam na lam chu hla tak a thehbo ang vang vang a ni leh tawh in ka hria,ka thawk a ipik takzet, a chhan erawh chiang tak a sawitur ka hre chuang bawk silo.



Ni e,a ni chuan ngaihzawng a nei tawh,ka lak a a rilru puthmang te pawh a danglam ve tawh mahna,lawm tur ka ni,mahse tinge ka lak a a rilru put hmang te danglam tawh tur ang a ka ngaihtuah hian ka chhungril hi a nat em em ni,ka awm zawn chu chum dat dat in,


"Hun harsa ber i tawh lai a kalsan tu che,i innghah na awm chhun a ni tih in hre reng chung a nangmah chauh a harsatna paltlang tur a hnutchhiah tu che a nihkha,a ni vang khan helai hi tina duh reng reng suh,a lo let hma a i nun dan ang khan nung reng rawh, " tiin keimah leh keimah chu ka in fuih mawlh mawlh.





Zing nichhuak in ka hmai ah tak a rawn chhun avang chuan ner nang nang in ka tho chhuak ve hram, colege kan la tan chiah loh avangin hun awl ka neih chuan ka nu nen hun hmandun tam ka duh avangin nitin deuh thaw ka chhuak thin,a chang in Sen in min zui ve zeuh zeuh bawk .




"Bawihte vawiin pawh i nu i hmu leh dawn em?" ka nu in a tih chuan bu nghat in fridge ka hawng a, tui bottle la chhuak in ka in nghal khawlh khawlh.




"Vawiin chu ka lo haw tlai maithei zanriah ei nghal ka tum deuh a" ka tih chuan ka nu a lo bu nghat a.





"Duh aiin i nu in lam ah i kal tam mah mah lo maw," ka pa chuan choka lam a lo kal pah chuan a ti a,ka chhang lo .




"Mi ngaihdan tur pawh dawn ve tur,i nu in lam a i tam lutuk chuan mi in kan chhungkua ah boruak thalo a awm emaw an ti ang tih pawh a hlauhawm" a ti leh dap dap a.



"Boruak that lai kan nei em ni" ka lo ti zauh ,ka pa chuan min rawn melh nghal hraw mai, "han zilh che ila,a nilo zawng hian i la kawi ziah mai" ti deuh hluk in chair a pawlh tawlh a ,chair a thut pah a "tun atang chuan kar khat ah vawi hnih bak hmu tawh lo la a tha ang," a ti leh chuan ka tah a tichhuak nghal tun thei .





"Kar leh atang college kan tan tawh dawn ,hmu duh pawh ni ila ka hmu reng thei tawh dawn lo,chuvang chuan college tan hma chu nitin ka hmu dawn, zanin pawh ka riak nghal ang" ka lo ti hmak,ka nu a ngaihmawh deuh tlat na hian ka rilru a ti na ,chuvang a nia ka tum loh deuh a ka chhan ni,riah tum sa pawh ka nilo ka pa runluih ka chak ve hrim hrim.






"Riah a tul kher lo e,in lam ah engmah pawh i ti hman ngai lo", chair a thut pah in Sawmzeli chuan a ti a,khawi lai atang khan nge kan tawng a lo hriat leh hman tawh ni ,in rawlh chikimi a nih hi,a ni pawn inlam ah engmah a ti ngai der silo,nileng in ka nu inlam ah tal mah ila ka haw veleh ka nu hi ka pui leh nghal char char zawk thin.





"Lo buai suh" ti nghat in bottle chu fridge ah ka dah a ,sitting room lam ah ka phei nghal daih,he in chhung ah hian hahdam tak in thawk ka la thei mawlh lo chu a ni, sofa ah thu in news paper chu ka chhiar a,ka chhiar ti ila ka thlek kual a ni mah zawk, ka ngaihven zawng chi pakhat mah inziak a awm lo.





"Aw vawiin te chu hahdam nan hman ka duh alawm,nangmah in kal mai la," ti lung lung tu chu ka u a ni,inchung chhoh na step chu ka melh zeuh a phone a hmang tih ka hmu thei,Maremi a bia a nih ngei pawh ka ring ,"aw a nih ka lo lam ang che insiam la" a ti leh hluk a,min hmu miah lo ang mai in choka lam ah a kaltlang nghal daih bawk.



Choka lam a an rik tak nak nak ah chuan ka thaw chhuak halh, ka lo in sangmar leh viau tawh a nih hmel. Tho vut in ka room lam ka pan nghal a,in siam nghal sawk sawk in ka in ak chhuak lehnghal .






"Nu ka kal a nia aw" tiin ka nu chu ka au a, "aw i va hmanhmawh ve,chaw pawh kan la ei loh hi" ka nu in a lo ti veleh ,"sawtah ka ei mai ang" ka tih chuan ka nu chu a phun deuh hlak, sofa a ka u lo thu pawh chu en duhlo in pawn ah ka chhuak tlang nghal daih, taxi la in ka nu inlam ka pan nghal nal nal,eng vang a hetia awm ta nge ka nih pawh ka hrethiam tawh lo,ka hriat awm chhun chu Maremi hi ka thik a ni,mahse engvang a thik nge ka nih ka hre chuang lo,ka awm zawn rawn tawt up up chuan ka thawk a ti sak vek thei, seat hnung chu tauh deuh chawrh in ka chhing zui vang vang.




"Hahdam rawh Dawngzel" ti sep sep in thawk ka la ham ham bawk,ka awm zawn tawt lutuk pawh a zia huai huai in ka hria.





Ka nu in ka thlen chuan a chawhmeh zawrh tur vel a lo dah fel mek a, ka pui nghal char char,chaw kan eikham hnu ah bazar lun lai deuh deuh ah chung chawhmeh ho zuar tur chuan kan inzui chhuak leh,hei hi ka nu nitin hna a ni a , nitin deuh thaw in ka pui thin,hetia kawngsir a chawhmeh zawrh hi ka zak lo a ka nu nen kan awmdun theih avang in nuam ka ti em em zawk, ka nu hi kawngsir a chawhmeh zuar mai mai mah ni sela ka zahpui lo a,sawrkar hna tha tak tak thawk chung a ei ru teuh teuh thin te ai in ,thianghlim tak a sum a la lut hi ka ngaisang in ka zah em em zawk.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2023, 5:14 pm

Kan dan ngai te a chawhmeh kan zawrh lai chuan kawngpui leh lam a mi pahnih inkai rial a kal te chuan ka mit an la fuh tlat,in ngaih hmel tak a an nui hmel te chuan ka awm zawn hi a ti na vawng vawng thei ,an kalliam thleng chuan ka enzui reng.




"Enteh i thil man hi nichin atang tawh khan ka zawt tawh che a" ti tu a vang chuan a harh deuh zawk ,engtik lai in nge ka kut ka lo hum ruh vak pawh ka hrelo, "maw..ah ih sawmnga man a nih kha " ka ti bah nghal nawk,ka hma a mi chu a ner nang a, "pakhat kha min lo pack sak ta che" a tih chuan polithyne la in ka pack sak nghal thuai,ka awm chu a nuan thei tawh meuh lo,ka tah te hi a chhuak tun thei nia mawle.



"Nu ka lo va haw hmasa mai ang aw" in thlahrung ang reng tak in ka nu bul ah chuan ka ti a , "tinge i damlo em ni" min ngaihtuah zet in a lo ti nghal vat ,"aih chutiang a nilo,vawiin chu ka chau ve deuh mai a nia" ka lo ti
thung,diktak chuan ka u te pahnih vang khan ka nguai nghal vek .




ka nu in lam ah ka lo va haw hmasa a,rawng ka lo bawl thlap bawk,rei tak chhung ka inngaihtuah a ka awmdan chu ka hrethiam tawh,ni e ka u hi ka duh a ni,engtin nge chu chu a nih theih zawk a ni chu ka u a ni si a,ka rilru a buai takzet .







"Dawngzel khatiang rilru kha pu suh ,a ni chuan mal tak in a kalsan che tun ah chuan kawppui tha tak a nei tawh a theihnghilh tawh che" tiin ka infuih a, mahse ka mittui lo chhuak tur chu ka dang zo chuang lo, tinge ka nun ah a vawikhat nan duh ka nei ve a mahse kawng a thim em em bawk si ka hah hluah hluah a ni .






Ka sawilawk ang in ka nu in ah zan chu riah ka tum a,in lam a haw kha ka peih rih lo ka u hmel ka hmu duh rih lo bawk,a hmel ka hmuh chuan thik na leh huatna a ka khah leh thuai ka rin vang a ni pakhat,ka nu hmuh ah chuan pangai thei ang ber in ka lang lui hram hram ,tun a ka awmdan hi chu lemchang ang mai a ni ,tv a inlan kher lo pawh hian actress chu a lo nih theih a nih hi,mahse he ka role chanlai mek hian ka thawk a ti pik hluah hluah thung.



ka nu nen tv en in kan ti ti dun melh melh a,ka nu kiang ah hi chuan ka thla a muang thin,chutih lai chuan ka phone chu a rawn ri a ,ka en nak chuan ka thinphu a rang nghal zawih zawih thei,engvang in nge ka u hian min rawn phone.



Call chu chhanglo in ka reject a ,ka aktha nghal daih, mahse reilote ah a rawn ri leh a thaw hak in ka la ta nge nge .




"Khawnge i awm?" ka lak veleh chuan a rawn ti nghal ,"ka nu in ah" tiin tha tak in ka lo chhang ve mai ,




"I va awm rei ve rawn haw nghal rawh" a rawn ti a nih chu,a thinrim ringawt emaw ni lehnghal " ka riak nghal dawn" ka tih chuan ,,



"A tullo" bung vut hian a ti nghal thuai a nihchu,ka phone chu hmalam ah keng in ka en vung vung,e nge a hriat a hepa hian "enge i hriat a" ka ti deuh hlar, " riah a tullo ka tih chuan riak lo la a ni mai" a rawn ti leh nghut nghut a nih chu,hepa hian a thuhnuai a awm ang ah min ngai a maw ni,zaklo reuh lutuk.


"I thu lo" ti ngat in phone chu ka hmet tawp hmak ,ka nu chuan min lo en reng tih ka hre nghal thuai bawk .




"Ka u a nia" ka ti nghal halh " a rawn haw i ti tak maw kha,nang pawh tun ang zan ah chuan riah chhuahsan loh tur che a nia,in inhmu khat si a ngaih te pawh a ngai ve ang che" a tih chuan,

"Min ngai teuh lo e mai a " ka rilru in ka lo ti,Maremi a nei a keite chu a tan engmah ka ni tawh lo,min rawn phone nawn tawh miah loh dan ah ka ngaihdan chu a dik thawkhat viau in ka hria,mahse ka phone chu ka tuailet ka tuailet tho, min rawn phone leh ka beisei te pawh a ni mahna. Darkar chanve dawn lai ka nu nen tv kan en leh hnu chuan mut tum in ka room, ti ila ka nu nen kan room intawm ni mah zawk ah chuan luh ka tum a ,ka phone ri avang chuan ka phu deuh zawk thei.






"Aw enge ni leh tawh" ka ti nghal hlar.




"Pawn ah ka awm rawn chhuak rawh" ka u in a tih chuan ka meng phawk nghal vak,engtin nge tun ang ah te a rawn kal ,"i mawl a mi haw leh rawh,ka riak dawn ka tih mawlh mawlh kha" ka nu hriat hlau deuh bawk si tawng ring ngam lo chuan ka ti chang deuh rat a.



"Rawn chhuak la a ni mai" lehlam a mi lah chuan a ti nghut mai bawk si, a va han hahthlak thin tak "i a tawh a nih kha " ka ti chhuak halh ringawt.




"I rawn chhuak dawn lo maw" a tih chuan "dawn lo" ka lo ti ve hmak,a thu thu a awm tur ka nilo ve chiang e mai .




"tha lawm" tih leh line cut chu a rual a,kawngka in kik thawm in a zui nghal zat "tunge va hawnsak ta che" ka nu chuan a lo ti nghal a, "tu mah an nilo ang,zan a rei tawh si a ho emai" ka lo ti daih,rawn lut lo se ka duh .





"Aw tehtlat a,tun ang hun a kawngka rawn kik te chu a pawimawh pawh a ni thei a " ka nu chuan a lo ti leh, chumi rual chuan a man kawngka hawn tum chuan thawh a rual nghal a.


kawngka kalh na hawn a tum chiah chuan "nu hawng suh!!" Ka lo ti nghal vak ,mak min tih hmel deuh in ka nu chuan min en haw a ,"e nge maw i hriat reuh le" a tih chuan ka sawitur hre leh si lo chuan ,

"Ih englo a nia,tun ang zanrei a mi in kik te chu misual pawh an lo ni thei a" ti in ka nu chu kawngka hawng lo tur chuan ka hrilh a ,"misual chu an nilo ang hlauthawng suh" tih leh kawngka hawn chu a rual nghal a,ka lo ner nghal nang mai.




"E,Remsang nang maw,lo lut rawh" ka nu chuan a ti nghal hluai a, "i nau hian misual ,mi kawngka kik emaw a ti che a,hawnglo tur in min lo ti char char a " nui hawk hawk pah in ka nu chuan a ti leh a,kan boruak hre velo ka nu chu a hlim hmel hle,ka u chuan min rawn melh zawk a,misual nilo in a mah a ni tih ka hriat vanga hawnglo tur a ti ka ni tih a hrethiam nghal vek ang ,ka hmui ti pawrh zeuh in sofa ah ka thu nghal daih.



"Tun ang zan ah te e nge i rawh tih a ?" tiin ka nu chuan ka uchu a bia a, "Dawngzeli hi rawn hruai ka tum deuh a" ka u pawn a lo ti tha ve mai,ka riak dawn ka ti mawlh mawlh a, hepa hi e nge maw a hriat tak tak reuh ni .




"Bawihte i chhungte heta i riah tur thu i hrilh lo em ni" tiin ka nu chuan zawhna mitmeng nen min rawn en nghal ,"hrilh e,ka sawi lai khan ka u hi a awm velo a" ka lo ti vat,rum deuh in ka u chu ka melh pah bawk ,a ni lah chu a nui suk duh chauh lehnghal,a lather jaket hak lah chu in hmeh tak a ni, a tilang pa hliah hliah ni mai in ka hria,nilo tinge ka danglam chak em em a kei hi ngaihtuah loh tur pui pui ka ngaihtuah chu le,in thing harh thuai in.


"Hetah ka riak dawn a,nang chu haw leh mai rawh" ka tih lai mek chuan kawl a rawn phe zawr zawr a ,ruah a sur chu a ni nghal der,nachin a tang khan sur chak in a dur khuih khuih tawh reng a ni.




"A sur kha ka ring reng a ni,a sur tam em em lehnghal ,Remsang riak ve mai ta che tun a i haw chuan ruah hian a nan huh vek ang che,naktuk zing ah i nau nen in haw mai dawn nia" ka nu in a tih chuan tullo hi ka va han ti tak.






Ka u sin tur rizai chu room atang pawmchhuak in thuthleng ah chuan ka dah a .




"Hei bak sin tur a awm lo" ti in room a luh leh mai ka tum chu.

"Min la haw reng em ni" a tih sup vang chuan ka ding dat , hawilet chuang lo in ka nui deuh hak a.




"Engtiklai pawn" ka ti sap ,thawchhuak halh ri ka hriat rual chuan ka lam pan a ke pen ri ka hre nghal zat, rang deuh a room a luh ka tum chu a lam ah min pawtlet dawrh in a hnungzawng chuan min kuah bet nghal hlu hlu,ka dar ah a khabe rawn nghat in ,




"Ka tihpalh" a ti deuh sup bawk,engkim hi tihpalh tih hian siamtha thei se ka ti ngawt mai,mahse 'tihpalh' tih ringawt avang hian ka lo natna tawh zawng zawng kha a reh phah dawn lo .






"Tihpalh tih a ngailo thleng tur chu a thleng vek tawh,mu tawh rawh," ti hmak in min kuah na atang in lakhran tum a ka tal deuh nak chu min kuah nghet sauh. Ka nu lo chhuah thut ka hlau bawk si chu ka mangang lek lek tawh, "min thlah teh ka nu a lo chhuak a nge" tawng ring ngam lutuk silo sehchilh deuh nak chuan ka ti a ,a ni lah chuan a lu a lo thing nghut mai bawk si ka thaw hawk ringawt .







"Kum thum kalta khan i nau ang a min en loh thu i sawi tiraw" ka tih chuan min chhanglo ,ka mit chu chhing sawk in "a nih chuan kan pahnih hian in mihran zawk mai ang,i nau ka ni thei lo a nih chuan ka u i ni thei biklo hmelhriat loh ang in kan awm tawh dawn nia," ka tih chuan zawimuang in min kuah na a thlahthawl riai riai,chu chu remchang ah la in ka lo in la hrang nghal vat thung.





"I uang tiraw" awih lo tak a a tih chuan lu ka lo thing mat mat ,tun ah hian ka in sangmar viau bawk ka tan he thu hi sawi awlsam tak a ni bik lo,mahse a ni chuan ngaihzawng a nei a bak ah remloh na tam tak a awm miau a,kei tal in aw ka pawh loh hi kan pahnih tan a tha zawk .





"Engtik ah mah kan in mihran thei dawn lo tih i hria" ka mit ah tak en in chang deuh fak chuan a ti a, ka thaw chhuak hak ka mittui a tlak mai loh nan ka hmui hnuai ka pet fan fan bawk.


"Kum thim,kum thum a liam tawh i tan ka lo let a sin,kum thum chhung khan min ngaihtuah ngai miah lo em ni?" Rilru nat hmel lutuk a a tih chuan ka taksa chhung hi a na zawk zawk thei in ka hria,kum thum chhung a min ngaihtuah miah lo tu chu a mah zawk hi a ni reng si a ,za lo tak a nui chhuak hak in ,



"Ngaihtuah ngai in i awm em ni,i nun ah khan i hlim viau lo em ni,mal tak in min kalsan a,vawikhat pawh min rawn bia em,teuh lo,min rawn be lo,i rawn haw dawn tih pawh a hre hnuhnung ber ka ni ,chupawh Sawmzeli min hrih vang chauh a hria ka ni,chuan i rawn haw a hah..engtin nge khatiang kha i sawi ngam zawk i rawn haw a enge i rawn hawn tel hi,ka tan i rawn haw i ti maw nilo,ka tan a nilo i bialnu pa birthday vang a ni lawm ni" ka ti ta tuarh ,ka insum thei tawh ngang lo,ka mittui ka lo dan ve tang tang pawh an rawn hnam nghal tiam tiam,a ni chu a ngawi reng a min en tlawk tlawk ringawt,engtin nge tun pawh ah dawt min la hrilh ngam zawk .






"E nge ni vak vak a in rawl a va ring ve" room atang ka nu in a rawn tih chuan ka mittui tla pur chu hru zauh in "engmah nilo nu,in lam atang ka u hi an lo phone a buaina a awm a niang haw tur in an tia" a mit a en reng chung chuan ka ti a, a ni erawh chuan ngawireng in min la en reng,a tawng miah loh avang pawh chuan ka thinrim em em ringawt.



"Aw tun ang hun ah,a va buaithlak awm ve" ka nu chuan a ti bal bal a, a rawn thawh chhuah lem loh vang chuan ka thaw huai thei "princess" ka u chuan a ti zawi ruih a .

"Kal phawt rawh ,tun ah chuan ka hmu duh rih lo che" ka ti hmak,ngawireng in thuthleng a a lather jaket chu a la a ,kawngka ah chuan a chhuak ve mai bawk,bike thawm ka hriat chuan ka tah a chhuak ut ut thei,tun ang ruahsur nasa ah engtin nge chhuak tur in ka tih theih zawk .



"Nu,ka u kha ka zui ve nghal mai ang buaina liantham te a nih tak in" tiin pawn lam a tlanchhuah chu ka rual ve nghal . Ka nu rawn au zui lawng lawng pawh enge a sawi ka hre hman tawh lo,ka u ka ngaihtuah luat ah nihliap kenchhuah nachang pawh ka hrelo, ruah lah chu a sur tam bawk si a minute tam lo ah ka huh zawr nghal vek ,kawngpui ah chuan ka kal zel a, ka huh vek bawk nen vawt tih vangin ka khur beuh beuh tawh, zanrei lam a nih avang in vei vak an khat pharh tawh bawk si a ,kawngpui reh lutuk a mahni a kal chu ka hlau lek lek a ni .




Ka mittui a tla par a,engvang a atthlak tak a che ta mai nge ka nih pawh ka in hre lo,keimah ngei in chhuak tur in ka hrilh a ,rei a rial hma in ka umzui leh chu a ni si a,chutia mahni a ka kal lai chuan kawngpui sir leh lam a tawng ri bual bual thawm ka hriat vang chuan ka kal chak sauh, an tawng dan ah zu rui an ni ngei ang.




,"Hey nangkha" zu rui aw tih hriat lutuk in a rawn tih phei chuan ka phu dawrh theih ,ka lam an rawn pan tih ka hriat veleh vawt pawh sawi theilo in chak zet in ka hma zawn ah chuan ka tlan a,hlau hlawp a tlan ka ni bawk a zu rui mai mai chuan min umpha bik lo,ka hah lutuk chu ka khup dawm meuh a ding in ka thaw deuh hlawi hlawi ,ka dinhmun ka inkhawngaih lutuk chu ka tah a chhuak tun tawh,ka hnunglam chu ka hawilet a min um zui peih tawh lo a ni chek ang chu tumah ka hmu tawh lo ka thaw huai thei.






"Vanlaldawngzel i a lutuk,a kal tawh chuan umzui kha a ngai hleinem enge i hriat a i mawl em em" tichhuak tiau in keimah leh keimah chu ka inhau mawlh mawlh, ka dinna hmun ah chuan thu hniam kun chung chuan ka tap nghal char char .



chhuak tak a ka tah mek lai chuan tu emaw hian hnunglam atang min rawn kuah thut a ,ka rak nghal that ,"shhh!! A tha vek,keimah ka ni" tih ri ka hriat chuan ka thaw huai thei mahse ka tah chu a hma ai in a chhuak emaw tih tur in aw rawl chhuah meuh in ka tap nghal hawk hawk, tunge tun ah hian ka bul ah awm tih ka hriat chian em vang a ni.



Ka hma lam ah rawn kal in ka zawn ah chuan a rawn thu hniam a ,"ka tihpalh,ka lo kir leh khan i haw thu i nu in min lo hrilh a ka rawn zawn hmuh vat loh che avang in min ngaidam rawh," inthiamloh hmel zet chuan a ti a, keilah ka lo tap uar sauh thung ,chutah a awm ah chuan min kuah bei in ka hnung ah a chul zui hauh hauh a.




"Ka awm tawh a lawm,hlauh tur eng mah a awm tawh lo" a ti sep sep bawk.




"i sual lutuk Zoremreng ,i sual lutuk" tiin ka la tap hliam hliam,duat tak in min kuah a,la tap nasa viau mah ila ka him tawh tih ka hriat na chuan min ti hahdam em em thung. Reife kan awmdan ngai a kan awm hnu ah kan bul lawk a waiting shed ah chuan kan thu a vawt ka tih vang in ka khur deuh beuh beuh reng, "tinge min umzui a?" a tih sup chuan tlawm hi ka va in ti tak .



"Ka umzui lo che" ti ve bawk mah ila a awihloh zia ka hmu thiam ve vek.




"Min duh tih hi engtik ah nge i pawm ve dawn" a rawn tih tak ah chuan ka u chu ka en haw, a ni pawn min rawn en ve chiah,kan mit a intawng chat mai ,thuk zet in min en a, chhanna a beisei tih ka hmuthiam bawk ,mahse ka ngawi reng thung ,ka pawm ang nge pawm lo ang tih ah ka rilru a insual buai a ni ,ka pawm duh na leh duhloh na a in zat vel ang .



"I hriat sual a nih dawn chu ka duh reng reng lo che" lehlam hawi chung in ka ti ta zawk,mahse ka kut a rawn pawhsawk vang chuan ka u chu ka en ha ,"hah..dawt sawi thiamlo lutuk,tette atang ka hre tawh che dawt i sawi a piang a i kut tang i tih kawkalh pawh hi ka theihnghilh lo," tih pah in ka kuttang suih kawkalh chu a en reng a, kei erawh in ka kut chu ka lo lasawn vat thung,sawi leh mai tur ka van ta viau bawk .





"Min en rawh" tiin a lam hawi chuan min kuai a, "min ring rawh,ka thlahthlam ngailo ang che,keimah ah rinna nghat tawp la engkim ka chingfel ang" a tih chuan ka lo bu ta nghat, ni e ka nun ah a vawikhat nan duh ka nei ve a,eng vang in nge ka kalliam tir mai ang unau piang hmun pawh kan ni hleinem ,kum thum chhung na tak in ka lo awm tawh a, tun atang chuan a tawk tawh e,a ni tello a hringnun khirh tak hmachhawn leh kha ka duh tawh lo,Zoremsanga chuan min kuah vang vang a keipawn tun ah chuan ka kuah let ve thei ta,a ang chhung ah hian ka him tih ka hria, chu chuan hahdamna min thlen a ni.






Zawimuang a kan inkuah na atang in lahrang in kan mit ah tak kan in en a ka zam lek lek, "ka fawp thei che em" a tih sup chuan lai lutuk in ka lo bu nghat ,chutah rang fahran in a hmui chuan ka hmui a rawn si nghal zat ,zawimuang in a hmui chu a ti che a keipawn ka thiam ang tawk in ka lo chhang ve zel bawk,ka awm chhung chu a hma a ka la neih ngai miah loh ang in a awm ka sawithiam lo,phurna leh zamna in pawlh a ni ngei ang ka lungphu ri te chu kawngpui leh lam a mi pawn an hrethei ang tih khawp a rang leh ring in a phu dup dup bawk,kan hmui kan laksawn meuh chuan ka zak lutuk chu khawvawt kar ah hian ka sa thei.





"A va zia ve" a rawn tih sup phei chuan ka zak lutuk chu ka ding uai a, "ka..ka haw dawn" ti bah nawk in khawilam nge ka pan tih pawh ngaihtuah lo lek in ka kal nghal nul nul ,ka hnung mai a nui ri hawk hawk ka hriat leh lek phei chuan ka zah na chuan van a chen lo chauh hial ang.




"Princess khalam kha kan inkawng a nilo a nia" a rawn tih chuan ka ding dat a inher leh in "e a nihchu" tiin ka nui heu ringawt,nuihza insum tak in ka u chuan min rawn panhnai a .


"Duhawm lutuk" ti sup in min kuah nghal vawng vawng "zak suh,kan la infawp dawn chauh,ka fawp reng duh dawn che a i zah zel chuan i inti hreawm mai mai," ka beng bul a a rawn tih sup chuan a dar ah ka lo beng tawlh,chumi rual chuan hriatchhuah thut ka nei ,a mi kuahna tang in la hrang in ka u chu ka en ran a



"Maremi kha" ka tih chuan ka u chuan thil hrechhuak zawk ang mai in min en a ,a tukhum thak lo pui chu tuai in "ka lo theihnghilh daih bialnu ka nei tak e" a tih chuan rum lutuk in ka lo melh nghek.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2023, 5:15 pm

Nichin mai a mittui nen in chiahpiah nuai kha, tun ah chuan ka tah chhan hnung ah bei in a kawng ah nghet tak in ka kuah a, zan khawvawt hnuai ah a bike in kan inphur leh reng chu a ni si a.



Khawilai emaw ah ka u chuan bike chu a tiding a ,bike atang chhuk a ka han hawi deuh chuan motel kawt ah kan ding tih ka hre thuai ka u chu en thuai in. "tinge tah kan kal a ,hei chu kan in a nih loh hi" ka ti deuh ha ,a ni chu a nui suk a, ka dar a rawn kuah thuk pah hian,


"Kan haw dawn hleinem ,tah hian kan riak dawn" a tih chuan a mi kuah na kut chu laksawn dawrh pah in, "eng a!! Eng vang in ,ngawt a che!!" Ka ti nghal vak ,a ni hian thil nilo pui pui a ngaihtuah a nih vaih chuan a chaklo khawp ang.




Chutah ka u chu a rawn nui chhuak hawk a,sexy zet a min rawn melh pah chuan, "nangte hi i ngaihtuahna a hmul deuh em ni?" A rawn ti chu. Ka chil ka hak tep ka khuh nghal khak khak, mai mai chuan a, a tawngkam hman te mai mai chu, hepa bul ah hian ka him chiah em pawh ka hre tawh lo e ,"a...a teuh lo mai a. I zakthei lo!!" Ka lo ti deuh hlar ,chutah min rawn hnaih hret in kei ka lo pen hnung ve thung, mahse ka kawng ah kut tha chak zet in a rawn manbeh chuan ka hnungtawlh lai pawh ka ding chawt mai,ka hmai bul set a min rawn en in,



"A nih chuan he hotel ah hian zan kan riah theih loh chhan tur a awm em?" zawi ruih in a rawn ti a, mit khap fek fek chung in chil ka lem deuh khawlh ,sawitur hrelo in ka dang ti tih deuh der emaw ni lehnghal ,ka hnar a rawn piai zeuh pah in, "duhawm lutuk" a ti zui sup a,chu veleh harhchhuak thut in ka nemsawn dawrh, "i..in ah kan haw loh ten.." ka ti bah nghal nak ,a mit ah tak pawh ka en ngam tawh lo ka lai chhe lutuk tlat.



A ni chu a thaw hak a, thu tak deuh zawk hian ,"kan haw thei hleinem zanin chu " a rawn ti, "eng vangin maw?" Ka lo ti thuai , "i nu in a riak tur ang in i insawi a,kei ka thiante in ah riak tur ang in ka insawi thung a, tun ang tlai tawh lutuk a kan haw dun a nih chuan ,e nge thleng ang,engtin nge kan chhungten ngaihdan an neih ang ,chhaw loh tur aw helai a mi hi hman tur" tiin ka lu ah chuan a kut zungchal in a rawn nem det det a, ka va han ngei tak ,a kut chu lo vei sawn thuai in, "ninawm,ka hre ve reng!"" Ka lo ti hlak.



"I hriat chuan lut ang le,lungngai suh engtin mah ka ti dawn lo che" nui ruh ruh chung a a tih chuan keipawn a thu chu ka zawm ve mai, ka hre chiang a engtin mah min tih ka ringlo bawk .



A tuk zing ah kan pahnih chuan kan haw a ,college tan a hun ve dawn hnai tawh a ,keipawh tlem tlem in ka inbuatsaih ve tan tawh .

Vawiin chu khawi ah mah chhuak lo in in ah kan awm a,ka nu leh pa erawh an hna lam ah an kal thung, ka nu hian thawmhnaw dawr a hawng thar a tah chuan nitin tunlai chu a kal ve thin ,mahse a awm rei lutuk ngailo thung ,chawhma lek te a va awm ve lawk a hnathawk rinawm tak a nei a, ngaihtha tak in chawhnu lam chu a rawn hawsan mai thin,inchhung lam chet a duh vang a ni pakhat ,in a ka awm chang chuan ka theih ang ang ah chuan ka che ve thin tak na in ka nu hi chu mi ti thlip thlep mi a ni a ,a mah tih ngei hi a duh thin.




Ka u room zawn ah chuan ka vei tawn sek a ,ka lut mai hreh ve deuh, unau ang a kan awm lai kha chuan han zahpah tit tet kha ka nei vak lo a, tun ah ka zak ta viau e tih na nilo in ,a hma aiin ka zam ve deuh tih mai a ni,chutia a room pawn ka ka vei tawn sek lai chuan ka phone hum lai chu a rawn ri phut a ka phu nasa viau lehnghal,thil ka lo ngaihtuah nasa lutuk deuh a ni.



"Aw Dawngzual"

"maw!! Ah ka hrelo,vawiin hi ka hman a ngem", ka ti bah deuh nak,ka u biak ngei ngei ka ngai bawk si,, Dawngzuala chuan lenchhuah pui ah min rawn sawm hi a ni ,a sawmna ka pawm dawn nge ka u ka be dawn. Ka rilru a buai ve nak.

"Dawngi ka tawng i hria em,lunch chu ka leisak thei che em?" a rawn tih leh chuan ka harhchhuak deuh zawk.



"Aaa, vawiin chu ka van hman lo" ka ti fan deuh raih.



Chutih lai chuan room kawngka chu a rawn in hawng thut a, kawngka bul mai a ding ka ni bawk nen ka phu nasa lutuk tlat ,ka awm zawn ka dawm nghal vat ,"hey Zoremsang kawngka rawn kik ta che i mawl mi!!" Ka ti deuh vak ,a hmui a ti pawrh zeuh a ,"tunge chhunglam atang kawngka kik ngai ,Vanlaldawnngzel fing rawh" a rawn ti a nihchu, a room kawngka pawn ah ka awm tih ka hrechhuak leh hnuhnawh, mahse 'fing rawh' min ti khan ka hria, "nang hi!" Melh nghek chung a ka tih sehchilh nak lai chuan,

"Dawngi" ti a min au ri ka hria a phone hmanglai ka ni tih ka in hre chawpchilh lehnghal a zialo thin .

"Aw Dawngzual,ka tihpalh ka u a nia" ka ti nghal thuai ,ka u chu ka melh zeuh a , a kawng dawm chung meuh in min lo melh deuh khui mai,chu chuan min in ti thlahrung deuh ,ka taksa chu hersawn hret in,



"Nakin ah ka lo be leh ang che aw" tiin phone chu ka dah zui a, ka u lam ka hawi leh chuan rum deuh nghat in a room ah a lut nghal daih,ka zuilut ve nghal thuai a ,"u" ka tih veleh a khum ah chuan a mu pharh nghal duai a, min rawn melh zeuh in a hawisawn leh daih,a awm dan hi ka hrethiam Maremi chungchang sawipui ka tum lai a a mah zawk a ti tau daih chu a va han buaithlak thin tak .







"U thil sawidun ang" a bul a thutthlak pah chuan ka ti sep a, "i bialpa chungchang maw" a rawn ti chang bawl mai, ka melh nghal zawk , ka mit ah min lo en ve chat bawk ,"i a mi ,ka bialpa a nilo" ti hliai in "Maremi nen in la inkawp a" ka ti leh halh ,a mitmeng chu rawn danglam in a rawn thuchhuak hluai a.




"Keichuan ke chingfel thei nang in engtin nge chinfel ve i tum" a tih chuan, "chinfel tur a awmlo ka bialpa a nilo tih i hre reng" ka lo ti hlak, "a nihchuan vawiin atang 'u' min ti tawh suh" a tih chuan a tider emaw tiin ka nui hak a ,mahse a hmel thu tak ran ka hmuh chuan ka nui tawp leh riai riai .






"A har awm e" zawi sap chuan ka ti a ,chatah ka dar pahnih a a kut nghat in ,"har lo ang,i inzir dawn alawm tunge mahni kawppui te 'u' ti ngai" ti a a mit ko a san ak chuan ka lai leh ti tih der tawh.


"I chhe e mai a" ka ti hlak.


Ti chuan nileng in kan inkawm a ,Maremi nen an inkar chu engtin nge chinfel a tum ka hrelo ,mahse a mah ah rinna ka nghat tawp,Maremi a hmangaih lo tih leh ka lak atang a rilru lak pen a tum na mai mai tih ka hriat khan ngaihzawng a neih vang a ka hreawm na zawng zawng kha bo vek lo mahse ,ka awm nuamlo lutuk kha chu a zia deuh,mah erawh chu an inthen fel hma chu in ngaizawng ang tak tak a kan inkar hi kalpui ka la duh rih lo,inthen fel phawt se kan inkar chu kan la ngaihtuah tha leh ang,mahni hmasial pawh min ti maithei,mahse ka u hian Maremi a hmangaih lo a, hmangaih lo tu chelh reng pawh Maremi ka khawngaih zawk ,a hun tam tak hmangaih ve lo tu vang a khawhral a ngai dawn si a,chuvang chuan a tan na dawn mahse thil tha ti ang ah in ngai in mahni leh mahni thiam ka in chan chawp a ni ber.





"Dawngzel rawn chhuk rawh chaw ei a hun" room kawngka rawn beng dawt dawt in Sawmzeli chuan a ti a,a mah ka ngei vang hrim hrim nge ka u room kawngkhar a ben aiin ka room kawngkhar chu a beng na bik tlat in ka hria, "ka rawn chhuak khatin beng vak vak suh" ka lo ti kha kha .




"Room a tawmsen reng lo khan inhnuai lam ah rawn chhuk ve vat la chuan heti vak rawn ben a ngailo ang,ka rawn ko peih vak bik lo che"
tlawm duh ngailo-i chuan a lo ti leh erh , "chhuk rawh,ka lo chhuk " ka ti deuh hmuk,a chang hi chuan keipawh hi ka sualthiam ve thin hrim hrim ,inhnuai ah ka chhuk chuan an lo awmkim thap tawh.





Chaw eilai chuan ka pa in "in unau hi in khak reng suh u,in ngaihlo leh lutuk mai,Dawngzel nang pawh hi i thin i tichhe thei leh lutuk ,eng emaw hlek ah i bakhlar zel mai zaidam i zir hret a ngai," a tih chuan ngawi reng in ka chaw eilai ka ei zawm ngar ngar ,sawidik na chen a nei a hnial zui tum na ka neilo.





"Mi in unau in ngaihlo lutuk ti a an sawi huai huai hma cheu hian ,insiam that in ngai,eng emaw hlek ah in inhnial fo mai a hetiang hi unau awmdan tur pawh a nilo,Dawngzeli pawh Sawmzeli hi kan chhungkaw mi ang a i ngaihloh zia i tilang mah mah thin,kan fanu ve tho a ni a, nang ang bawk in kan hmangaih chuvang chuan nangpawn ngaih tum ang che" a tih leh chuan ka thil eilai ka ei zawm thei tawh ngang lo, mittui tling pam in ka pa chu ka en a ,ka dikloh na ah chuan min zilh rawh se ka pawi tilo, ka haw lo bawk,mahse Sawmzeli nen buaina kan neih a piang a mawhphurtu leh sual bik viau ang a min chhuah thin hi chu tawrh har ka ti.



Sawmzeli thlavang a hauh lutuk thin pawh hian ka rilru a tina ve lutuk tlat … chutah Remsanga chuan dawhkan ah a fian hum lai chu a dah ri bawl a .

"Malsawmzel,nangpawh kha Dawngzeli hi i unau ang in i enthei hlawl lo em ni,i en thin dan leh i hmusit thin dan hi hrelo ka ni lo a nia,a ni hi nang a hmuhsit phak a nilo tih hria la ,vawi khat pawh a tan harsatna siamsak tawh suh ang che" a rawn ti ve fak a, mahse "Zoremsang ngawi hmak rawh" ka pa thinrim aw in a tih chu kan hre zawm nghal zat.



Ka mittui pawh a rawn luangthla nghal pap mai,ni e ka pa hi chuan engtiklai pawn Sawmzeli thlavang hi a hauh ziah alawm ,tun ah pawh a mi tih ang chiah in Rwmsang an a ti let ve a a lo huatpui leh tawh hi.


Chutah Zoremsanga chu a ding hluai a ,za lo tak a nui lui hak in kapa chu chiang tak in a en bawk ,"hah,pafa ni awm reng pawh inlo nih hi,i fanu thlavang chu hauh zel la Dawngzeli tawrh na ve te hi chu hmuh kan zel rawh i lo tih thin tawh ang khan, Dawngzelu hi i enkawl theilo a nihchuan keiman ka enkawl mai ang " a ti deuh tuarh a, a kut ah ka lo chelh vat.



Ka pa chu a thinrim tawh tak zet tih a mitmeng atang leh a kut khur deuh hlak hlak atang chuan ka hrethei ," engtik lai mah in ka enkawl theih loh thu ka la sawi lo" ka pa chuan a rawn ti chang ve bawl a ,Remsanga erawh a lo ner sawk thung.





"U,ka pa hi ngaihdam dil rawh,i duh chuan keichu min hau la,ka pa thiamloh a nih loh kha" mifel ber ang mai in Sawmzeli chuan a lo ti a,ka pa lak ah a mark a tha leh sawt bawk ang ,Sawmzeli kawk va chung in Remsanga chuan, "nangkha lo ngawi rawh,tuman kan be lo che" a lo ti chang fak, Sawmzeli chu ngawi chiang tak a ni ,chawh lutuk ,ka pa mit hmuh a lan that a tum luat ah a unaupa ngei pawn a mil thei lo chu a nih hi.


"Zoremsang mi va zah lo ve..hei hi hre rawh ka chawm seilen i nihkha, khatiang khan mi tawngkhum hlek suh" ka pa chuan a ti leh khur khur a ,Rwmsanga lah la ngawi mai duh bik lo "i fanu diktak i hmuh atang a i mize danglam ta lutuk te hi hre i hre ve em harhchhuak ve rawh ,Dawngzeli hmangaihna i nei tawh miah lo em ni," thinrim lutuk in a ti leh tuarh, ka pa chu a ding ta hluai a ka nu pawh a ding ve nghal vat ,thlaphan hmel lutuk in min lo en a a hmel a min lainat a lo lang chhuak chu ka hmuh hmaih lo ka mittui chu dan sen loh in a luang zung zung tawh.







"Duh tawk ru,a tawk,kei hi ka hnawksak a nihchuan ka chhuak mai ang " tap pur chung a tiin inchung lam ah ka tlan chho nghal hlawk hlawk.




,"Dawngzel bawihte " tiin ka nu chuan min lo umzui nghal vat,ka nu rilru mangan tur zia ka hria, keipawn hreawm ka ti ve tho mahse keimah vanga inchhung a buaina a awm reng ai chuan he in hi chhuahsan ila ,hlim tak a an awm tlan theih zawk na pawh a ni mah na ,room ka luh veleh kawngka ka lock a ka laugage la thla sawk sawk in ka tawmhnaw ka rem nghal mawlh mawlh bawk .




" Bawihte,khawi ah mah i kal ka phallo a nia,ka naute i nihkha i tello in i nu hi ka awmthei lo tih i hriat kha bawihte kawngka hi lo hawng teh" ti in ka nu chuan room kawngkhar chu a beng vak vak a, a aw a thlaphan na leh hlauhthawn na inpawlh chu ka hriat hmaih lo, "princess kawngka hi hawng la inbia ang,sawitha ang aw,hetia tih rum rum hi thil dik ber a ni lo a na" Remsanga chuan a rawn ti veleh ,mahse ka insiam zawm reng tho .






Kawngka chu tihchhiat tum tih hriat tak in a ri bur bur a, vawi li vawi nga lai hnu ah kawngka chu ri rawp in Remsanga a lo lang nghal zat,ka laugage a hmuh chuan ka thawmhnaw dah sa te chu a rawn phawrh chhuak leh vek a .


"Engthil nge maw i tih le,dah rawh " ka lo ti pur thung ,a ban ka vawn na chu a paih per lawp a chiang lutuk in min rawn en bawk.




"Khawi ah mah i kal ka rem tilo,i kal a nihchuan kan pahnih in kan kal ang" a rawn ti chang bawl,ka thlavang hauh a tihnat zia ka hria ka tah a chhuak zual sawt a,Remsanga chu ka kuah thlawp,rang lutuk in minlo kuah let ve vat a ka insut zui nghal hlawp hlawp, ka chhip ah chuan a fawp vang vang a harsa tih hmel zet in thawk a la zui hrawih bawk.


Min kuah na a thlah hnu chuan,ka nu lam hawiin ,"kan vah harh pui lawk a nge, in tih thawven a mamawh" ti sup in ka room atang chuan min kaichhuak a, inhnuai ah chuan tu hmel mah ka hmulo,ka pa chuan ka tha em tih pawh min rawn ngaihven ve hauh lo, chu chuan min tina zual hle bawk.


Ngawireng in kan inphur chhuak a,kan in atang hla ve tawk tak , hmun fal reh deuh hlek ah min chawlhpui a, a ni pawn kei ang tho in hreawm a ti tih ka hre thei.




Rei tawk fe ngawi reng a kan thut hnu chuan, "i tha deuh tawh em" Remsanga chuan a rawn ti sup a,a mah pawh en chuang lo in lu ka lo bu nghat ringawt .


Chutah a ka atang a thawchhuak ham ham in kan thutna hnung lam a in bengkhalh in van a arsi lang pe uarh lam chu a thlir a,a hmel hmu lo mah ila inhnaih tak a awm kan nih avang in a awm dan engkim chu ka hre vek thei .






"Engkim a tha leh vek ang ti in hnem che ka tum lo,a chhan chu engkim hi a tha leh vek a ngem ka hre bik lo,mah erawh chu ka thlahthlam ngai lo ang che ,i hnen atang a ka beisei awm chhun chu i mi rinngam na chauh a ni," ti tu lam chu ka hawi a, uluk fe hian min lo en reng tawh, he mipa hi ka ring ngam tur a ni, a ni lo hi in nghah na tur dang ka nei chuang lo tiin keimah chu ka in hrilh a.






"Min ring ang tiraw" a ti nawn leh sup,ka rinna chu a ngen in a ngen ni mai in ka hria ,a tih tak zia leh a mah ringngam tur a min duh zia ka hmuh chuan a mah ah hian hahdam na ka hmu thei tih ka hre nghal .






Bu nghat a "ka ring che ,engtik lai pawn" ka tih ve tak sep ah chuan ka chhanna nghak a min en reng tu hmel chu hahdam ta sawt ni hian ka hria , chutah nui seih in a hmai chu ka ban de de a, a biang dai thler ah chuan ka kut pahnih a dawm in ,





"Nang ang u fel ka nei hi ka lawm" ka tih chuan lawm vak lo hmel pu hian min lo melh run a,nui suk in "bialpa ka thlavang hauh na tak ka nei bawk che a" ka tih leh chuan a nui ri deuh suk keipawh ka nui ve tho.




"Ka zawng zawng in nangmah ah ka in nghat dawn a ,chuvang chuan min tih nat loh hram i tum dawn nia,chu chu i lak a ka beisei ve a nihchu" ka tih chuan a mit a khap fak a ,chutah ka kut pahnih chu a kut a rawn hum hnan in ,ka kut chu a fawp a ,ka mit a chiang tak a min en in .








"Ka tiam thei lo che,e nge kan hmachhawn dawn ka hre silo,mahse ka tum ang i rinngam tur in awm ngei pawh ka tum ang" nghet churh a a tih chuan a thusawi hlen ngei a tum dawn tih ka hria ,ka ring bawk.






A chetdan ka lo en kiau lai chuan nui ri suk in "lo kal teh' tih leh a lam a min pawh hnaih chu a rual a, ka lo in ring lo bawk nen a awm ah chuan ka bei deuh rawk rawk , in lakhran tum a ka che deuh chu .





'Ti khan awm rawh,a vawt a nia" ti sup in a jacket hak chuan min rawn khuh a keipawh che lo in a tih ang ang chuan ka lo awm tawp.





"Reilote la awm ila haw ang aw" a rawn tih sup chuan kan inchhung boruak ka hrechhuak a ka hnual nghal rawih thei.





"Ka haw tawh lo thei em?" ka tih chuan,





"No..i haw ang,a awmzia chu kan haw ang" atih chuan a awm zawn atang ka lo ner nawng .





"Tuar hram la, a rei tawh lo ang ,ka enkawl theih hun ah che kan awm hrang daih dawn nia" a rawn tih leh chuan ka thaw halh,chu mi hma chu a ni hian a hlat a min awm tir a phal dawn lo tih ka chiang lutuk tlat.






(Boring in ti em, kan kal duai duai chuan plot a buai vek dawn nia, lo nghak hram hram ula, Dawngzeli a hlim ve tep tawh a nia ).


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2023, 5:15 pm

Zing a lo nih chuan ka room ah college kal tur in ka insiam leh mawlh mawlh tawh, kan chaw ei boruak tang ru zet avang khan ka thaw a sak deuh tlat ,ka phone ri ral ral chu ban vat in caller id a hming lo lang chu en chuan ka nei nghal nang.




" Aw enge ni ,thawmhnaw hak tur ah i buai leh ta em ni?" eng mah a sawi hma in ka lo ti nghal a , Seni chuan min run leh khawp ang le .




.
"Aw ,ngawi hmak rawh enge i hak dawn" a rawn ti deuh hlak ,a hahthlak thin ania thawmhnaw hak tur te kan han in hrilh leh lawp lawp hnu chuan,keipawh inhnuai lam ah ka chhuk a ,



"Ka lo thlah ang che" lo ti tu lam chu ka hawi vat .


"A ngai hleinem u, tih tur i neilo a mi" ka tih chuan min melh nghal run mai ,sawi dik loh ka neih awm ka hre silo , ka thawmhnaw hak te chu ka en kual thuak thuak a ,a dik vek bawk si mahse ka hma a mi chuan min melh run a a ngaihna min ti hrelo takzet tawh .

Chutah ka chal ah min rawn nem dark awrh in ,

"Mi mawlnu leh,vawikhat mah 'u' min ti tawh suh " a rawn tih tak hluk ah chuan a lungawi loh chhan ka hre chiah .


"Ahhh eng lo a nia,kha kha chu,' ti bah nawk in ka riat nawi kual vel ta mai mai, u tiin ka ko thang lutuk a,a hming a koh thut harsa ka la ti deuh.



Kan college thleng min va thlah a ,a ni erawh Maremi hmu tur in a kal thung, vawiin ah engkim a chinfel tur thu min hrilh a ka ring bawk .








"Chuan i kal tir a maw" ka thian tha ber engkim tak meuh ka hrilh thin chuan a ti deuh vak .



"Bengchheng suh midang in an hria nge" kei in ka lo ti deuh sar sar,tun ah hian class ah kan awm a ,mi erawh kan la tam hran lo Seni hian ka u nen kan chanchin a hre vek a,a bul a chiah hian kan chanchin ka sawi ngam bawk .






"Phone atang pawh a sawi theih reng a ,tinge hmuh a tum kher a" Seni chuan a la ti deuh hram ,a sawi dik reng phone atang pawn a chinfel theih ,mahse hmaichhan ngei a chinfel tluk a awm lo .







"Remsanga hi ka ring ka tih kha engkim a tha vek ang" ka tih chuan Seni chu a lo thaw hak ,a ni hi chu mi han rin nghal mai harsat chi a ni ve hrim hrim a.





"A nih Rampawn lam a a zirna hi engtia tih nge a tum,insawi dun tawh em", a tih leh chuan chumi thil kher chu kan la sawidun miah lo tih ka hrechhuak, kan chhungkaw buai teh nuai lutuk vang khan han sawidun na hun kan la neih loh bak ah ka lo mangnghilh ve hrim hrim bawk.





"Chu chu kan la sawidun miah lo
" ka tih chuan ,




"Sawi dun vat rawh u tun a chuan u Remsanga pawh a mah chuah a in ngaihtuah thei tawh dawn lo a,eng thil pawh ti dawn se a ngaihtuah tel zel che a ngai tawh" a tih chuan ka lo bu nghat ,keichuan ramdang a awm tawh lo tur in ka duh a,hei chu a rang lam a kan sawidun ngei a ngai ang.



College ban ah Remsanga chuan min rawn lam leh a,bike a ngaina si , a bike ang hnung sang lutuk a chuan hi ngai ah ka la nei thei meuh lo chu a ni,ka kawng a kham deuh urh bak ah,kawng chhuk ve deuh a kan tlan lai hian ka mawng hi hmalam ah a tawlh hret hret zel a duh aiin Remsanga ka va hnaih leh mah mah thin ,bike ah chuan ka in vuan deuh tung a ,ka va kuah chawt hreh deuh bawk si kawng tluan in hahdam tak in ka thu mawlh lo ,in kan thlen chuan Sawmzeli a lo la haw lo a,


Chaw kan ei thleng pawn a lo la haw chuang lo,tun ang chen chen a la haw loh chu leh.



"Dawngte,Sawmzeli hi tinge a lo va haw har bik ve" ti a ka nu in min zawh chuan ,




"Ka hre bik lo,college chu kan bang hma tho bawk sia" ka lo ti a,ka nu hmel chiai deuh dan atang chuan Sawmzeli a ngaihtuah hle tih ka hria,keipawn tlem chuan ka ngaihtuah ve deuh, hetiang a tlai ah a la haw ngai miau lo a, "nu ka u nen hian kan va zawng dawn ami" ka tih chuan ka nu chuan min lo en rang hle,chutia ka sawi chu a ring lo pawh a ni maithei .



"Pawn a vawt si a,zawn in inhuam ro ro chuan inthuam lum ru aw" ka nu chuan a lo ti nghal thuai,a fanu a ni a a ngaihtuah hi ka dem lo .


Remsanga ko tur a kal ka tum chu, "vawiin ah in rawn haw rua lo em ni?" Tiin ka pa in min lo zawt ve leh a, ka ding dat.


"Haw rual ila chuan zawn a ngai nang" ka lo ti hmak. Ka pa hi chu ka la be tha vak peih lo.


"Aw ,va zawng phawt teh u,tun ang chen chen pawh a lo la haw loh,hauh a ngai a ni" tiin ka pa chu a phun bul bul a,lo haw chiah se chuan a hau phal leh awm tawp silo .




Ngaihsak zawm peih lo in Remsanga room ah chuan ka lut a ,khum ah a lo mu pharh leh duai tawh .



"Tho la Sawmzelu zawng ang, a lo la haw lo a ka nu a mangang tawh" ka tih chuan,



"Ka peih lo" a lo ti deuh hmuk a nihchu hepa tak hi chu.




"Peih lo tilo khan tho la,zawng ang" ka tih leh chuan a rawn thu chhuak a, "tun ang chen chen a len khawtlai te chu a a vawt ropui si" tiin a phun nuah nuah a ,chhuak tur in a insiam tho sia,a sir ah ka lo nuih tet tet.


"Nui suh ka hmu reng che nia,kan haw hun ah min kuahlum thei" a tih leh bul bul chuan nui hak in ,



"Lo kal mai mai teh a" ti in chhuak hmasa ah chuan ka tang a.



"Zawn ngaihna vak pawh ka hre tawh lo keichu" tiin Remsanga chu ka en a ,a ni pawn Sawmzeli chu a ngaihtuah tih a hmel landan ah ka hria, a nau ani miau a a ngaihtuah chu ka hrethiam lutuk.





"A thian te kan be kim tawh tiraw" a tih chuan bu nghat in "kim chuan ka hria" ka lo ti a,chutah Remsanga chu thaw hawk in,





"A thian te bul ah pawh a awm siloh chuan khawi ah tak awm ang maw" a ti deuh halh,a mangan ve zia ka hmuh chuan ka khawngaih reuh khawp mai, "a chung ah eng mah a thleng lo ang,zawng tha leh ila khawi emaw lai ah chuan ka hmu mai ang, in lam ah pawh a lo haw thaw pawh a ni thei a ka nu te bia ila" ka tih chuan Remsanga chuan a phone a keng lo a niang ka phone chu a rawn ban vut a, ka lo pe ve mai bawk.






"Nu ,Sawmzeli a lo haw tawh em,haw lo maw ,awle kan han zawng tha leh a nge lo mangang lo ula" tiin phone chu a dah leh a, "a la haw lo anih chu,ti rawh saw lam ah sawn va zawng leh teh ang" tiin kawngpui leh lam chu min kaipui a .






A hming a au chung in kan zawng kual a ,a kal na tur ang a kan rin chu kan en deuh vek tawh, "kan college lam ah va en ila " ka tih chuan a bu nghat a, kan college lam chu kan pan leh. College kan thlen chuan a lo thim thiap a ,mahse volleyball court la eng deuh pap chu ka va hmu .




"Volleyball court lam ah sawn awm an awm a niang, a eng in ka hria" ka tih chuan in her vut in chulam chu a pan nghal nul nul a, keipawn a hnung ah chuan ka zui ve dat dat.




Volleyball court kan va thleng kan thil va hmuh vang chuan ka va han meng lian chiang tak.




"Zawng ho ,in thi dawn!!" Ti tuarh in Remsanga chu a che phut a,sual tum tih hriat lutuk a Sawmzeli lo chelhbet mek tu te pathum lam chu pan in Sawmmzeli chung a lo bawk mek chu a phih tho lawp a, a hmai ah tak a hnek nghal siah siah,chupa thian te ni awm tak chuan Remsanga chu lo chelh an tum a mahse chung ho pawh chu a vei tlu pawp pawp,a thinrim lutuk chu ramsa ang mai in a che ni ber in ka hria,Sawmzeli chu a tap hliam hliam a,a kawr tet deuh hrup tawh chuan a theih ang tawk in a taksa chu khuh a tum ve bawk,ka kawr chung hak lai chu hlip sawk sawk in a taksa chu ka khuh vat a ,

"Rawn let rawh u,hmel ho in chak lo ang" tiin Sawmzeli sual tum tute tlanchhe ta chu Remsanga chuan a au zui tuarh tuarh ,a thinrim hmel chu en inthlahrun awm zawk khawp a ni ,chutah kan lam chu lo hawi in Sawmzeli chu a rawn pan a ,




"Ka tihpalh u nih ka tling lo ani,tun atang chuan ka venghim tawh ang che" tiin Sawmzeli chu a kuah a ,a aw khur dar dar atang chuan a thinrim ala reh fel lo tih ka hre thei.





"U,ih,ka ka bialpa te an nia,mahse…" a sawi zawm theih lo a tap hliam hliam a,Remsanga chuan a chhip ah fawp tawk in,



"I him tawh ,i u ka awm tawh hi a tha vek eng tin mah an ti dawn lo che,i chung ah eng thil thalo mah ka thlen tir lo ang" a ti mawlh mawlh ,in sut hlap hlap in Sawmzeli chuan Remsanga chu a kuah a,a thil tawn rapthla zet vang chuan ka khawngaih takzet..mahse a ni lo lan ve hma atang tawh a thikthu chhe tak he ka thinlung hian ka pa ngaihsak na chauh pawh ni lo ,tun ah Remsanga ngaihsak na a dawng ta chu ka thik lo ka tih chuan dawt ka sawi ngei ang.






Sawmzeli thlaphang zualpui a reh hnu ah in lam pan in kan haw chauh a,a thil tawn a la hlimchhawn em avangin thil thlen dan kim chang pawh engmah kan la zawt lo, Remsanga ban ah chuan a vuan chawt a ,thik chi ah ngailo mah ila Remsanga ban a chelh na chu ka en ngun viau thung.







In kan thlen meuh chuan a lo tlai duai tawh . ka nu leh pa te pawh an lo la meng a,an hmel a hlauhthawn na la chambang chuan an mahni min khawngaih tir chumi rual in ka chung ah Sawmzeli chung a thleng ang chiah hi thleng ve se engtin nge an awm ve ang tih ka lo ngaihthuah kai leh hmanhmawh tawh.





Ka chhungte pa li chu an awmkhawm laih a,Sawmzeli chuan hliam a neih leh neih loh an endik a ni mah zawk,an che vel en in an sir ah ka ding a, za lo deuh hian ka nui suk bawk,mi chuang ni a ka in hriat na chuan an bul a awm nuam tih loh na min siam a,ka room lam ka pan daih ,ka in thlak zawh vek hnu ah Remsanga a rawn lut a,ka lo nuih seih .






"I mu nghal dawn lo em ni" ka lo ti a,ani chuan min en deuh vung vung a, engmah erawh a sawi chuang hran lo a.






"Tinge min en reng a?" ti a nui deuh sap chung in ka dressing table a body lotion in hnung chu ka ban a .






"I lungawi lo tiraw" a rawn tih dut ah chuan ka lotion in chulh lai chawl dat in,





"Eng vang chuan" tiin lotion chu ka in chulh leh nghal,a sawi awmzia ka hrereng na in hria ka hrelo der lui mai mai .


"I awm dan ah a hriat vek a lawm " a rawn ti leh deuh halh,lotion chu a in hun na ngai ah dah in ,






"Engtin vak nge ka lo awm a" tih pah in Remsanga lam hawi chuan ka inher a ,ka mitko ka san pah ak bawk ,ani chuan ka thluak chhung a awm leh ka rilru zawng zawng hriat vek tum ni awm fahran a uluk hian min lo en a nih chu.






"Ka nau a nia i hriat kha,a lak ah ka hel reng thei dawn lo tih chu " hmel landan pangai deuh zawk a a rawn tih chuan ka lo nui seih, "ka hrethiam a lawm, chutah chuan lungawi loh na tur a awm lo, i nau i thisen zawm a ni a i ngaihsak tur a lawm,mahse kei aia i ngaihsak erawh chuan rei tak ka be lo vang che" ka tih chuan hahdam ta huai hmel a pu,ka rilru dik tak ka sawi bawk,kei aia ngaihsak a neih ka rem tilo bur .







Chutah ka lam ah rawn hnai hret in,
"i thu vek alawm boss," ti sup in min rawn hnaih leh hret a, kei ka lo awm hnung hret thung,ka kawng ah a rawn chelh thut a,hnai fahran ah min rawn en a nihchu, kan hmai a in si lo chauh , "nang aia ngaih pawimawh ka nei a nih phawt chuan chu thil chu engpawh ni se ka nun atang ka paihchhuak ang ,a chhan chu ka nun ah hian nang aia pawimawh an awm ka rem ti ngai dawn lo" thuk ruih a a tih chuan ka taksa chhung zawng zawng hi a aw ri leh a thusawi chuan mi fan chhuak nghal vek ni mai in ka hria.





Tawng na chang pawh hrelo in ka en reng ringawt ,a nui suk ka hmuh rual chuan harh chhuak thut in "a..a tha nih chu" ti bah deuh nak a kalsawn nghal mai ka tum chu ka ban ah lo vuan in bang ah min nawrbet rawk a,ka te deuh that nghe nghe, "engthil nge i" ka sawi zo hman lo,a hmui chuan ka hmui a rawn khar hnan hmiah ,a tir ah chhan mai nachang hrelo mah ila ngel ngawl leh chhan loh theih loh a min fawh leh tak zel ah chuan ka thiam ang ang in ka chhang let ve a,kan hmui a in sik tawh loh meuh chuan ka hmui hi a ro deuh halh a,thaw a chham thei mai dawn a lawm.







"Hmui tui tak i nei tih hi ka hrilh tawh che em?," ka hmui bul chet a thaw ham ham chung a a tih chuan ka zak lutuk chu ka lu te hi a hai muai muai in ka hria,, "i ninawm kal teh" ti a nawrsawn ka tum chu a lo tang ve deuh tlat pek, "i zak em ni" nui ruh ruh chung a a tih leh lek phei chuan ka melh deuh hrawk tawh.





"Nghal suh kal teh" ti leh hlak in ka nam deuh dawrh a,a ni pawh a tang lutuk ta bik lo, nui deuh huk chung in a awm sawn ve hram .




Zing ka thawh chuan an lo tho kim deuh vek tawh Sawmzeli chiah a lo la tho lo .





"Sawmzeli chu ka han ko a nge" ti a in chung lam pan leh ka tum chu ,





"Kai tho lo ang,nizan a thil tawn nen la hahdam rih rawh se,nangpawn engkim ah lo chhawk rih ang che" ka pa chuan a rawn ti deuh duah a, 'hahdam rih raw se' tih thleng pawh kha sawi se a tawk tek tawk viau nen, tawngkam chuangtlai lutuk a hmang kher leh keimah min ti bik kher chu ka run lehpek viau,mahse inchhung a buaina siam ka duh loh vang in ngawih ka chuh ta zawk a, rilru erawh a dam zan lo deuh chu a ni.






College kal tur a ka insiam mawlh mawlh lai in ka room ah ka nu a lo lut a, "in hnuai ah Dawngzual an a nghak che a nia rawn hman hmawh deuh la" a rawn tih chuan a ngaih na ka hrelo viau,min rawn be miah bawk silo .






Inhnuai lam ah hman hmawh ru ang reng deuh in ka chhuk a,Dawngzuala chu sofa ah a lo thu ran mai,min rawn hmu chiah chu ngainat awm tak in min lo nuih seih a, keipawn za vak lo in ka nuih let ve seih .







"Tinge i lo kal a,ka sawi awmzia chu min rawn be si lo a" a bul hnai a kal pah a ka tih chuan, "ka birthday i theihnghilh tih chu sawi miah suh" lungawilo hmel pu deuh chung chuan a ti a , ka hrechhuak chiah vawiin hi Dawngzuala birthday a ni a,nileng a chhuahpui ka intiam tak a nih kha .






"Awii tunlai kan buai deuh a ka lo theihnghilh daih ,ka tihpalh lutuk,theihnghilh ka tum miah lo sin" in thiamlo lutuk in ka ti nghal mawlh mawlh .






Dawngzuala chu a nui hak hak a, " a pawilo a ho lutuk in thiamlo duh suh,mahse vawiin chu i in tiam tawh ang in min len chhuahpui ngei chu a ngai ang" a tih chuan ka lo bu nghat nghat .




"Lutuk tlat khawnge kan kal ang" ka tih chuan Remsanga ka hrechhuak zawk,ka hawikual nghal vut a, choka lam atang a rawn chhuak chu ka hmu nghal zat bawk,glass no ah eng emaw ni hi a keng a juice a ni maithei,rum deuh a min melh chung in a thil ken lai chu a tlak pawp a, inchung lam ah a chho nghal nul nul,a ruk tak chuan ka in thiamlo ve lutuk tlat ,Remsang an Dawngzuala a thik zia pawh ka hria,mahse ka lo tiam ve laklawh tawh si a,thulhsan ngawt dawn pawn helai thleng thleng a lo kal tawh bawk si,Remsanga lak a inthiamlo ru deuh chung in Dawngzuala nen chuan kan in zui chuak a.


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2023, 5:15 pm

Dawngzuala car lam pan a kan inzui phei chu Remsanga chuan min rawn kalpel deuh puat in a bike ah a lawn nghal zat a ,lather jacket a ha a jeans kekawr a ha leh tawp bawk a landan erawh pa tak a ni , Dawngzuala car dah na kan thlen chuan kawngkhar min hawksak nghal vat a,thut luh ka tum lai tak in bike rest nasa tak ri vangin car chhung ah pawh thu lut lo chuan Remsanga lam chu ka hawi a ,min en run chung in a bike chu a rest vak vak a nihchu,a rilru put hmang tur awm chu ka hria, chu chuan a lak a ka inthlahrun na a ti zual sawt bawk .



Chu tia ka en reng lai chuan, rawn dawk chhuak phut in min rawn tlanpel deuh puat a,a tlanchak em em mai bawk si nen ka ngaihtuah ru viau mai.



"A va mak vuk vuk ve ,tiang kha chuan a chesual ang tih pawh a hlauhawm a lawm" Dawngzual an a ti ri chu hre mah ila ka ngaihtuah na ah Remsanga chauh a awm avangin mumal in a thusawi ka hre lo.


Nileng in ka awm a nuam thei lo ,kan chhuah dawn a a hmel kha ka mitthla ah a cham reng a ,Dawngzuala pawh hma ve tak ah chhuanlam siam in ka in thlah tir ta tawp,bak ah kan buai a ta lang in Remsanga nen inbiak fal na hun kan nei thei meuh lo a ,kan neihchhun ah lah engmah kan sawi ta silo a,a college zawm zel dan tur pawh kan la sawidun miah lo .



In ka thlen chuan a lo reh thiap a ,inchung ah ka chho tlang nghal .Remsanga room lam chu ka hawi deuh vung vung a ,a reh em avangin a awm lo a nih ring in ka room ah luh tlang mai ka tum,mahse Sawmzeli room lam atang a thawm awm vang chuan ka ding dat a,Remsanga a awm tih ka hria ,a tawng ri ka hre tlat a ni,Sawmzeli room lam chu ka pan a,kawngka ka kik deuh karh karh hnu ah chhunglam atang lut tur a min lo tih chuan, muangchang in kawngka chu ka hawng a,Sawmzeli chu khum ah lo thu in a bul ah a mah hmachhawn zawng in Remsanga a lo thu bawk,eitur eng eng emaw ni an lo inchhawp deuh niai a,Remsang an a lei a ni mai thei an lo nui dun deuh hak hak bawk .





"Vawiin hun i lo hmang nuam em?" tiin mawi hnai ah Sawmzeli chu ka bia a ,Remsanga erawh room ka luh rual in a nui hmel hmuh tur a awm lo nghal hmiah.


Sawmzeli chuan min melh deuh vung vung hnu ah nui hak in, "tehreng ka u a awm a,hei eitur te min lo lei a " a tih chuan Remsanga ka melh zawk a ,a ni ve thung chuan ka awm ve a ni tih pawh hrelo ang hmak in thil a lo ei daih a nih chu, ka rilru chu a na ve deuh,mahse thiam lo zawk ni a ka in hriat na chuan insum theih na min pe rih ni mai in ka hria.




Sawmzeli khum bul ah chuan ka ding a, "u naktuk hian min chhuahpui la,kawr haktur ka nei mumal leh tawh miah lo a nia" pangchang tak a Sawmzel in a tih chuan Remsanga chu nui suk in, "tehreng mai i duhna a piang ah ka hruai ang che" tih pah in a biang ah chuan a piai sak zeuh a ,kei erawh ka awm ve tih hrelo ang hmak in min melh duh eih lo. Sawmzeli hmel a hnehtu in tih na leh min elhsen zel a min melh leh deuh ralh thin te chu a hmu thiam ve vek awm tho si a,ka rilru na bawk si sawi mai tur hre bawk silo chu in her vut in room atang chuan ka chhuak ta nal nal.


Dawngzuala ka chhuahpui va.g ringawt a heti khawp a a kalthui chu ka haw hlur mai,keipawn a lak ah hian thik nei ngailo ka nilo, mahse a ni ang em em hian ka awm ngai lo,ka thinrim lutuk leh rilru na bawk si chu ka tah a chhuak tun thei nia.

Ka phone phawrh sawk sawk in Remsanga number ka hmet chhuak a.

"A tha,chuti khawp a Dawngzuala ka chhuahpui i hua a nih chuan,keichuan ka peih tawh lo ti hian kan tawp ni rawh se" tih ka thawn nghal hmiah,, a seen atang a minute khat pawh a liam hman dawn em ni tih ah ka room kawngkhar a rawn ri nghal dawt dawt a,tu nge a nih tih ka hriatchian lutuk avang in kawngkhar ka hawng duh thak lo,tunge induh thiam zawk kan hria nga ni mai .


"Dawngzel kawngkhar lo hawng teh" Remsanga aw ngei mai in a rawn tih chuan kawngka lam rum deuh a melh hrawk in ka rizai in ka in lukhup nghal hmak.


"Ka tawng i hria tih ka hria a nia ,kawngkhar hi rawn hawng vat rawh!!" Remsanga chuan a ti leh tuarh .



"Kalsawn vat mai teh" kei in ka lo ti hmak thung ,chutah kawngkhar rawn chum bur pah in "kawngkhar ka tihchhiat i duh loh chuan tun ah rawn hawng nghal rawh " rum ul a a tih chuan kawngka chu rum zet in ka melh ngawt ngawt , "time ka count dawn a ,i la rawn hawng lo fo a nih chuan ka sawinawn tawh lo ang" a tih leh phei chuan ngei tak ka ni .


"Khat,hnih,thum" tih in time chu a count tak tak a nihchu hmela chuan, kawngkhar a tihchhiat ka hlau ve tho bawk nen lungawi lo deuh chung in khum atang ka tho a .



"E nge i duh?" Kawngkhar ka hawn veleh ka ti deuh hmak,a hmel ka en duhlo lui ngat bawk,chhunglam ah min nawrlut nghal dawt dawt in kawngkhar na zet in a khar bur a,ka phu deuh zawk thei,mahse hlau ang a lan ka duh loh vang in a mah ah chuan attention ka pe duhlo lui nghat tho.



"E nge i hriat a" ti deuh hrawk in ka dar leh lam leh lam ah chelh in min sawi dawt bawk. A kut. ka dar a a chelh na chu thingthla pawp in thinrim lutuk in ka melh hrawk ,"e nge ka hriat maw,hah,e nge i hriat zawk a!!" Ka ti let ve tuarh,ka zahpah vak peih lo a duh ang ang a awm tur ka nih loh zia hre ve rawh se.


Chutah za lo tih hriat zet a nui hak in,rum zet in min melh leh nghal run, a phone phawrh in ka hmai zawn ah a lekkang a, "eng vang a hei hi sawi nge i nih" a ti sehchilh deuh nak ,phone screen chu en zawk in ka inkuangkuah deuh hmak a ,ngeng zet in ka nui lui ve hak, "i hria a lawm" tih leh ngaih pawimawh loh hmel zet a inher nghal mai ka tum chu min pawtlet dawrh in hnai zet ah min din chilh a,a bek a thisen zam pawng tawlh tawlh atang chuan a thinrim insum nasat zia ka hre thei .




"Min thlah rawh" ti deuh fak in ka tal deuh laih a ,min chelh na a ti nghet sauh thung,rum zet a ka melh lai in Remsanga hmel erawh a in thlak hlawk a ,a hmel a hreawm tih na leh in thiamloh na lo langchhuak chu ka hmuh sak thei .

"Min ngai thla teh" ngen ngawl zet a a tih chuan chawp leh chilh in ka thinrim na te kha an bo duak in ka hria,he ti khawp hian Zoremsanga hian min thunun thei ang tih hi ka ring pha ngailo .



Chutah a kut lehlam chu ka beng zawn ah zenlut in a chal in ka chal a tauh dat a, a mit a chhing hmiah bawk .


"Ka tihpalh" ril ruih a a tih chuan,sawinawn lo mahse ka nem nghal vek thei ,thawk la deuh halh in a hmai ah ka ban de a ,ka nui seih bawk "ka ngaidam che" ka tih sep chuan a mit a rawn meng a,a mit meng chu a de nghal sar sar thei in ka hria .


"Tak tak em?" Ti a min zawh leh chuan nui seih chung in ka bu nghat a ,chuta a lawm hmel chuan keipawh min ti hlim ve veng veng thei,ka in rin hma in ka hmui ah a rawn fawp tawk a,a nui zui hak bawk.

"Ka lawm e" nui var var a a tih chuan ka nui ve tawp .

Dawngzula kha a thik tih ka hria, a thikthu chhiat lutuk vang a a thil tih atthlak zet khan ka rilru a awm ngai miah lo min tih tir a ,mahse tun ah chuan kan kar a tha leh ta bawk a ka hlim leh veng veng mai.



……


Zing ka thawh veleh ka inbual nghal sawk sawk a,Seni nen class kal hma a pen kawi na tur kan neih avang in ka hman hmawh ru viau bawk.



Ka insiam zawh veleh inhnuai ah chhuk in dawhkan a apple in chhawp chu pakhat la in ka keih hmarh a,in atang chhuah nghal mai ka tum ,

"Bawihte" ti a kawngka ka chhuak tur chiah min lo koh avang chuan ding in ka inher a, ka pa in min lo en reng .



"Chaw i ei dawn lo em ni?" Ti a min zawh chuan ..chhang mai lo in ka pa chu ka en reng,a chhan pawh Sawmzeli rawn lan hnu ah hian chaw ka ei dawn leh dawn loh min zawt ngai miau lo a .





"I kal hma in chaw i ei phawt dawn lo em ni?" A tih leh chuan in thing harh zawk in ,"ahh,englo Senu nen kalna tur kan nei a ka ei hman lo class kal a ngai leh bawk sia",ka tih chuan a bu nghat a, kal leh nghal mai tum a ka inher chu ,"la ding lawk teh" a tih vang chuan ka ding leh rih , ka pa chu an room lan ah kal in a rawn chhuah leh chuan ka kut ah pawisa min rawn hmehbel chawt a "chaw i eilo a nih pawn ,pawnlam ah eng emaw tal ei ang che kaw ruak lutuk a awm loh tur" a tih chuan ka tah a chhuak nghal teuh thei, ka pa in min ngaihsak na a tih lan avang chuan mi vannei tak ang ah ka in ngai, ka hnuk ulh avang in tawng pawh ka tawng tha thei lo hial mai.


"Awle pa" ka ti tiau,ka dar ah beng thek thek in ,"kal tawh rawh le thian te an in nghah tir reng ngailo" dam thlup a a tih chuan ka pa chu ka kuah thlawp,a ni pawn min lo kuah let ve in ka hnung a beng thak thak a.




"Tunlai chu ka ngaihsak tha hman lo che tih ka hria,mahse i pa ka ni a ka hmangaih che tih hre reng ang che" a tih chuan ,bu nghat nghat in,

"keipawn ka hmangaih che pa" ka ti leh tiau, "kal tawh rawh le" a tih chuan nui var var in pawn ah ka chhuak a,ka pa nen kan inkar a that vang nge ka mood chu nidang zawng aiin tha tak a ni ,ka zang deuh hawk thei .








"Mood fuh deuh kan awm a nih hmel" rawn ti tu lam chu zang vah in ka hawi a .


"Awm chiang e"

"A chhan ka hriat ve te a rem em" tiin a mitko a san deuh ak ,in ngaihtuah ni awm tak a ngawi deuh vang vang in.

"Rem lo ni mai rawh se" nui sang a ka tih chuan a mah pawh a nui ve tho,ka pa nen kan in biak na kha a hre vek tih a awm dan atang hian ka hria .


"Lo kal rawh ka thlah ang che" a tih chuan phur deuh in keipawn ka zui ve mai,a bike hnung sang zet ka hmuh rual erawh in ka ner nghal nawng,Remsanga pawh ka hmel a hmuh chuan a nui hawk a, "i chuang ziah dawn sia,in zir i ngai" a tih chuan hmui ti pawrh vak in "car lei mai rawh" ka tih chuan nuih za in sum fe a min en in ,

"A lei na tur min pe la" a ti nihchu.

"Aw..ka ning kal vat teh ang,thu leh auh ila ni mai,ka tla awm bik lo emai a" ka tih chuan za deuh in a nui hawk hawk. Bike hnung sang an siamchhuak hi chu ka haw ngawt mai chuang thiamlo lutuk chu ka nilo na in ka confi hleithei thlawt lo .



"I zirlai hi engtia tih nge i tum rampawn lam a let leh i tum em" ka tih chuan in ngaihtuah hmel a pu ,kan la sawidun lo ka tih tawh kha tun hi sawidun nan hun tha ni in ka hria .






" I kalbo leh dawn a nih pawn ka sawi buai lo ang,mahse hetah ka bul ah awm la ka ti" ka tih chuan ," kal phawt ila nakin lam ah kan sawi tha leh dawn nia" a tih chuan ka bu nghat ringawt, ngawi reng in bike ah ka lawn a,side glass atang min rawn en tih ka hmuh chuan ka lo nui seih, ka ngaihtuah na erawh a buai ve det, rampawn a a let leh a nih chuan keimah bawk in ka ni leh a nga, tun ah phei chuan a tello a nun hman chu ngaihtuah pawh ka ngaihtuah ngam rih lo,kal tawh lo tur in duh viau mah ila a thu tluk na chu eng pawh nise ka zah sak ang tih chu ka thu tluk na a ni.




Seni te in kan thlen chuan ngawi reng in bike atang ka chhuk a,kal nghal mai ka tum chu ka ban ah Remsanga chuan a lo chelh vat 'e nge' tih melh in ka melh nghal haw ,"nichin a kan sawi kha,keipawn ka lo ngaihtuah tawh a in transfer dan ka lo ngaihtuah dawn nia,mahse ka nu leh pa thu ka lak ve phawt a ngai dawn a,i hriat ang in tun ah rih chuan thawhchhuah neilo nu leh pa chawm mai ka la nia," in thlahrun hmel tak a a tih chuan ka khawngaih zawk, ka awmdan in a awm alo ti nuam lo viau ani maithei,a kut chu ka hum sak a, ka kutzungpui in ka tuai hauh huah bawk.



"A pawi lo ka hrethiam alawm,a harsat chuan ti lui duh suh,i kal leh a nih pawn hun rei a ni tawh kher nang hun te chu a liam zung zung alawm ," ka tih chuan hahdam deuh sawt hmel a pu .

"I tha ber" a tih sup chuan,

"A dawt ah nang" ka lo ti zeuh a, a ri meuh in a nui leh hawk hawk tawh keipawh ka nui ve tho .


"Awi khawvel hi nuam ti lutuk lo teh u" rawn ti tu chu tudang ni lo in Seni ani, engtik lai in nge kan bul a lo thlen ka hre miah lo .



"Min thik a nih kha" ti a Remsang an a lo fiam chuan a ner nasa ngang mai.

"Engtik lai mah in nang ni kha ka la thik chhin ngai lo che u,in chhe dun emai a" a ti leh deuh hlak, Remsanga lah chuan Seni chu fiam nuam a ti mai sia ,,nui vur vur chung in,

"Hlimpuia ka lo hruai ve lo chu a pawi hle mai" a tih chuan ,Seni a ner nawng mai.


"Ti ve ziah i hneawm" ti in a ner nawng a,Seni hian u Hlimpuia a star tih a hria a ,a fiam leh zuk zel,Seni lah hi a zak ngai der silo .

"Mate,kal ang u Remsanga bul a ka awm rei chuan ka thin a rim dawn tlat zel," ti in a mah chu a kal hmak a , ka nui zui hak hak,kal ve mai ka tum chu ka kut ah Remsanga chuan alo chelh a, a lam ah min hnuk hnai hret in ka kawng ah a chelh nghal hmiah, "hey! i mawl a mi pawn ah kan awm hi mi in min hmu a nge" ti sar sar in hlauthawng ru tak in ka hawikual nghal zak zak, "vawi khat fawh i ba" a tih sup chuan ka ner nghal nawng.

"Chhe suh,eng mah ka ba lo" ka ti nang nang, chutah ka inrin hma in ka hmui ah a fawp thut a in la hrang leh vat in,


"Ti khan min fawh let ve i ba" a tih chuan phakar ti zet in ka melh hraw .


"I van phakar tak" ka tih nang nang lai chuan ,
"Vat min fawp rawh,ba chu ba,ba rul duh lo chu mi rinawm lo tih dan" a ti leh zel a nihchu a van over chiang tak .

"Awiii!! In tenawm ee,Vanlaldawngzel rawn kal vat rawh " ring leng lawng a Sen in a rawn tih chuan Remsanga lak atang in lahrang vat in .

"Ka duh vang a ba nei ka ni silo a rulh kher ngai lo tur ah ngai ang,nih phawt" ka tih chuan naupang lawm lo ang mai in Remsanga chu a ner nawng nawng mai,a awm dan naupang chhia zet chu ka lo nuih rah rah thung .




"A fair lo hle mai" a tih nuah nuah lai tak chuan ka fawp zeuh a, in lahrang leh nghal in, "bye,ka kal" ka ti liam puat ,a nui suk lai chu hmu hman in keipawh ka nui ve tho.





Nileng in class boring tak nei mah ila, zing lam a ka pa nen kan inkar boruak a that em avang in class boring tak ah pawh phunnawi miah lo in ka tlingtla ve zak thei.






Ban veleh Remsang an min lo nghah na lam ah chuan ka kal nghal vat a ,a bike ngheng a ding chung in min lo nuih var var,a seat sang lutuk chu a beng zauh a, keipawh a bul ka thleng chawpchilh ve nghal mai ,"bazar kawi lawk teh ang" a tih chuan ka en deuh ha.





"Sawmzeli mamawh lamkawi lawk kan ngai, vawiin ah kan lei kim lo a" a tih chuan vawiin ah bazar dun an tum tih ka hrechhuak leh hnuhnawh ,lu bu nghat in "kal ila" ka ti sep ,Sawmzeli hi ka ngaih theih loh vang pawh ni lo in, ka ngaina lo ve hrim hrim ,kan inkar boruak tha tak a awm khat vang te pawh a maithei mahse kan unau zing a mi ve tho a nih na ah ka en hrang lem chuang lo ,a mah hian min ngaina theih se chuan keipawn ka ngainat ve thuai theih mai ka ring .






Sawmzeli thil tur eng eng maw kan lei teuh a,bike a chuang chung in ka pawn a ka confi lo leh zual, ka thu deuh auh reng mai, in thlen hma in vawi eng zat nge ka mawng ka hun rem hman pawh ka hre seng tawh lo e .







"Kha i thil " ti in Sawmzeli room ah chuan ka lut a ,"ka u ka chah sia" min melh deuh ralh pah chuan a ti sep a,a thil chah Remsanga ni lo a keimah zawk in ka pe ta daih chu a lawm vak lo a nih hmel,nui lui ve deuh sak in,

"ka thlan vek a nihkha ,a tui tui ka rawn leisak che a nia" ka ti ve deuh ngat, tum bur in ka thil khai lai chu a rawn pawtthla deuh hmak a kei ka lo nui deuh hak.



"U hetiang hi ka ei duh hleinem " Remsanga rawn lut a hmuh veleh a lo ti nghal nang nang a,tah chhuak hmel te pawh a pu deuh nia mawle, ka ei thlawt lo, "a tui viau a sin ,i duh lo maw" Remsanga chuan a lo ti a.



Pakhat lah chuan alu bu nghat in "a rimchhia" tiin a polythyne khai lai chu a melh zeuh a, ka ngei lutuk chu ka insum leh thei lo pek .





"Khawi rawn la rawh keiman ka ei mai ang" ti in a polythyne khai lai chu ka chhuhsak hmak a,min melh rum teh a sin ,ka thil lei zawng zawng hi a ei duh zawng tih ka hria, a hma pawn a ei fo a tun a tak a ei duh loh,ka lei a nih avang in a ei duh lo mai mai tih ka hria ,chu vang chuan ei tawp suh se ,a duh lo a nih chuan keiman ka ei vek mai ang .





"A hran kan lei leh dawn nia,i ei duh zawng ka hriat loh vang a nia,sorry" tiin Remsanga chuan Sawmzeli chu a thlem a, a ni ve thung chu lungawi lo tih hriat zet in khum ah a mu nghal hmak, Remsanga chu thaw hak in min rawn melh zauh a, eng mah sawi lo in ka chhuak nghal daih,Vanlaldawngzeli hi Malsawmzeli lungawi lo thlem tur a piang ka nilo e.


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2023, 5:15 pm

Ka nu leh pa hnathawk an lo la haw loh vang in keiman rawng ka bawl a,ka thil kan ka chawh mawlh mawlh lai chuan ka hnunglam atang ka hriat than em em kut tha chak zet in ka kawng ah min rawn kuah in,ka dar ah a khabe a nghat a ,"a va tui dawn ve" ka beng bul ah a rawn ti sup bawk.







"Kal teh,Sawmzeli a rawn chhuk thut a nge,ka nu te pawh an lo haw thut thei" tiin ka kiu in ka nghawk zeuh a,a ni ve thung chuan min kuah na a ti nghet sauh thung.







"ka ngai che"




A rawn ti thum dut a, kan thusawi in perhsan lutuk avang chuan ka nui chhuak hak, a mah pawh a nui che ve dawt tho , "a in tu ha lo e mai a " ka tih deuh hlak chuan ,






"In tu ha lo a awm lo,ka ngai che a ni ve mai a" a ti deuh nang nang,a ban ah chuan ka sik sawk a, phun hluk chung in a in la hrang ve ta hram .







"Kut hi min thlak ve ziah lehnghal" a ban ka sih na lai tuai vut vut chung chuan a ti nui nui a.





"Van over tak kut ka thlak ngai reng reng lo che" ka lo ti deuh hlar,min nuih tlawn deuh pah hian ,"i thinrim hian i hmeltha" a ti a, a ban ka sih na lai sen tul atang chuan a na ve thawkhat tih ka hre thei tho, "ka thinrim chauh in maw" ka lo tih chuan nui lui deuh var var chung hian ,
"engtiklai pawn" a ti deuh sup. A ruk tak chuan ka nuih a za viau tho,mahse eng rim emaw ni ka hria ,thil kang rim a ni Lalpa leh ka thil chhuan lai ka theihnghilh daih .






"Awi Zoremsang ka thil chhuan lai ka theihnghilh" tih leh hmanhmawh lutuk in ka thil chhuan chu ka chawk nghal rawk rawk, gas ka off vat bawk,min tih buai peih lutuk vang in ka chawhmeh kan a ut vek ,rum lutuk in Remsanga chu ka melh hrawk a ,a ni lah chu inchung lam melh rulh rulh chung in a kalsawn daih a nihchu ,ka va han ngei tak .









Tlai chaw ei lai thleng chuan Sawmzeli chu a la tum bur a, ka eng ah mah a thawk eih lo a peih chen chen titau rawh se .







"Helam ah ka zirna zawm ka duh tawh a in transfer mai ka duh," tiin Remsanga chuan a thuphung in a zir na chhunzawm a duh dan chu a sawi a , "nga ti teh thut nge i zo teuh viau tawh si a" ka nu chuan a lo ti thuai .








"Teh thut pawh a nilo,in transfer ka duh na chu a rei tawh a, hun remchang ka la nei lo mai mai zawk", Remsanga bawk chuan a lo ti leh, ka pa chu a bu nghat nghat a ,a hnial ang tih chu ka hlau ru viau .







Mahse ka pa chuan, "kha kha chu i duhthlan na ni rawh se ,chhungkua awm hran reng pawh thil tha ber a ni lo,in transfer dan chu keiman ka lo ngaihtuah dawn nia" a ti hlauh a,ka lawm zia chu, dawhkan hnuai atang Remsanga ke ka zuk pet zeuh ringawt ,a ni pawh a nui ve ruh ruh tho .








"Ka u in helam a zirna a zawm tawh chuan kan unau in college pawh kan kal dun thei tawh a nga, a nuam ngawt ang" phur sarh in Sawmzeli chuan a ti a,ka lo ner ru zeuh thung.





Remsanga bike ah hian tun atang chuan midang tu mah an chuang ve tawh tur a ni lo,ka ta hauh chu pe na ve deuh mai ka nia Sawmzeli ani emaw, midang pawh hi rawh se Zoremsanga bike hnung sang vah confi tak a ka chuan theih ngai miah loh na saw keima seat liau liau a ni tawh.








Zan dar 11 a ri tawh a, midang chu an mu vek tawh a ni mai thei an reh thiap tawh mai, kei erawh phone hmang in ka room balcony ah ka la ding thung , bawihpui an min biak duh tlat avang in inthlahrung deuh chung in Dawngzual an min lo phone a, rin ai in kan inbe rei phian lehnghal,nui hak hak chung in kan inbiak na kan ti tawp a ,room luh tum a ka inher chiah chu tak deuh ngul a min lo en reng tu avang chuan ka phu deuh zawk .





"Awi min ti phu nasa lutuk,i rawn luh te chuan thawm nei ve ta che" tiin Remsanga chu ka hau nghal.








"I va hlim awm ve ka rawn luh lai pawh hre lo khawp a phone lo hman chu " a lo ti daih thung ,a nui miah lo lehnghal 'Dawngzuala a nia' ti a ka hrilh chuan a thinrim leh ka hlau bawk si .






"Eng lo bawihpuia a nia min ngai ve a" ka tih chuan a mitko a lo san euh, "tu nge chu chu?" a ti leh deuh sup, "eng lo Dawngzual fapa a nia,i hmuh tawh kha naupang mai a la nia ,a awmzia chu naupang rilru thianghlim ,pawisawi lo tih na,min ngai ve a i hriat kha min ngaina tih chu" ti deuh duah in ka in sawifiah nghal zung zung,a ni chu a nui hak a, chutah thu tak deuh zawk hian .








"Ka hrethiam alawm ,a ni chu naupang a la nia, mahse a pa erawh naupang a ni tawh lo,be suh chu ka ti lo mahse biak dan tawk thiam rawh,naupang pawisawi lo kan tih lai hian naupang vang hian apa nen in buai phah thei,beisei tur awm miah lo ah naupang beiseina in siamsak a nga ,naupang a khawngaih thlak mai mai", a ti deuh duah,a sawi dik chiah bawk ,bawihpuia hian a pa nen inkawp tur ah min ngai a ,beisei na kan siam a nih chuan nakin ah a rilru kan la ti na ngei ang chuvang chuan Remsanga chu hnial tum na ka nei lo .






"Ka hrethiam alawm ka lo fimkhur tawh dawn nia" ka ti deuh sap .







"Ka huat vang a ni lo tih i hria tiraw,awmze nei lo a naupang rilru tih nat ka hlauh vang zawk a nia," a tih chuan ,




"I sawidik chiah alawm ka hrethiam lutuk"ka lo ti vat ,a nui suk a, ka sam ah a rawn tuai zeuh pah in,



"Lo kal teh" tiin ka ban ah min pawt a, khum lam min panpui in min nam thut te te hnu ah min kuah hlu hlu anih chu.

."Hey, e nge i hriat a " ti a nemsawn ka tum chuan ,





"Che suh ka ngai che" a ti zawi ruih, engtik lai deuh thaw in kan inhmu a ti chung chuan min ngai em em reng tho,mahse keipawh hian ka ngai em em reng ve tho a kan van over dun tak .






Min kuah nghet tak sauh sauh chuan keipawn ka kuah let ve ta nge nge,a rim pa hrak chu ka hip vang vang a, hetiang hian kan awm ang tih reng ka ring pha ngai hauh lo,unau atang unau piah lam hmagaihna khur ah kan zuanglut dun a, eng harsat na nge kan la hmachhawn dawn hrelo mah ila tun ah chuan a tello a awm harsa ka tih tawh zia a ni tel in ka hriat belh zel chu a ni sia ,kan hmabak ko tak mai ka ngaihtuah chang phei chuan hreawm ka tiin ka mittui pawh a tla fo, mahse thlah leh tur chuan kan thinlung hi a in zawm thuk tawh lutuk tlat.







Chutia ka rilru ka kawm lai chuan
ka nghawng ah a rawn fawp zauh a ,ka chhing sawk thei,zan rei ah hetiang a in hnaih hian kan la awm ngai miah lo, boruak chu lum ni miah silo hian a uap churh a, a vawi hnih nan a ka nghawng a rawn fawh leh lek phei chuan oxigen hip tur tlachham ang mai hian ka awm in ka hria .





"Min en teh" tiin a mah en tur in min ti a ,kan in en chiah chu a mitmeng de sawr sawr atang chuan e nge a duh ka hre thei, ka chil ka lem khawlh a,chutah duhthawh leh uar zet in ka hmui ah a fawp nghal nawk nawk, keipawh ka bang bik lo ,a kut lah chu a nghal sawt viau lehnghal ,ka kawr chhung a a kut a zenluh chiah chuan ka ip chawih thei,a kut chu kawr chhan a chuan ka vuan bet a ,ngen ngawl zet a min melh chiah chu insum a van har tak.





"Remsang" ka ti sep a.





"Vawi khat chiah,ka thlah thlam hauh lo ang che" a ni chuan a ti khur dar dar ,a mitmeng chak na a khat chu mi a lo chuan ka hai bik lo,keipawh hi ka bang bik hauh chuang lo na in, ka thil la tih ngaih miah loh a nih avang in engtia lo dawnsawn tur nge ka hre lo.





"Princess,ka hmagaih che" a tih leh sup rual chuan ka insum thei lo, kuah thlawp in ka fawp ve hmiah,chutah phur zet in ka kawr chhung ah a kut chu a chetkual tir a,ka thawk a chham mai dawn in ka hria ,zawimuang in khum ah min bawhthlu riai riai a, ka la dai ngai miah loh leh ka tem ve ang tih ka lo rin ngai miah loh ram chu min dai pui a.








Hun hi rin aiin a kal chak khawp mai,Remsanga college luh hun tur pawh ka pa in a tifel vek tawh, kan inkar ah midang in rawlh an awm lo a, muan khat in thlamuang mahse kei mah ah hlauhthawn na eng emaw tak a awm reng a ,a chang chuan mahni in ngaihtuah na ka lo kawm leh veng veng thin. Ka awm dan hi ka hrethiam lo fianrial ka ngaina telh telh a, Remsanga ka ngai em em reng bawk ,a kiang a ka awm reng lai pawn ka thlahlel em em reng tho a nihchu.









"Bawihi vawiin chaw hma lam ah class i nei lo i ti tiraw" chaw eilai in ka nu in a ti a ka bu nghat .










"A that hlauh chu hospital ah min kalpui lawk rawh aw,tunlai chu in sawisel na neuh neuh ka nei reng a in checkup tir hrim hrim ka duh" a ti a.






"Nu, vawiin chu ka nuam vak lo a sin Sawmzeli hi in kalpui tir mai la" ka tih chuan ,




"Min phut ve ziah,tih tur ka nei a lawm ka kalpui hman lo" min melh rawm rawm pah in Sawmzeli chuan a lo ti deuh hmarh hmarh .






"A rei dawn loh chuan kalpui ve mai la,ka nuamsam lo em a vawiin chu " tha tak in ka ti nawn leh,ka nuam lo tak tak reng bawk ka pum lam hi a diklo a niang ni hnih thum vel chu ka thil ei pawh a tui tawh lo.






"Ka hman lo ti tia, i kalpui peih loh chhuanlam mai mai bak a ni lo ang" ti in Sawmzeli chu a kham hmak, ka thaw hak ringawt .






"Engtin nge i nawm loh a,i khua a sik em?" ka nu in a tih chuan, "ka khua chu a sik lo ,ka sawithiam lo ka awm dan hi" ti in ka hma a eitur awm chu ka chawk pah neuh neuh, "in entir ve nghal la a tha lo maw,tunlai chu thil te hi i ei tlem hrim hrim" ka nu in a tih leh chuan lu ka lo thing vat,



"A ngai lo nu,ka tha, ka chau satliah ve mai mai a nih hi,hospital ah chuan ka kalpui ang che" ka ti nghal thuai ,ka in entir chuan min lo jection ang tih ka hlau hriau ka hlau ve ropui si a, "i nawm loh chuan hruai kher pawh ka ngai lo a nia " ka nu in a tih chuan ka khawngaih ve deuh,min ngaihtuah ve si a, "a pawilo nu kei chu ka tha,i hriselna kha a pawimawh ber a lawm" tiin ka nu chu ka hrilh a, Remsanga lam ka hawi chu min lo en uluk hle ,min ngaihtuah hle dawn tih ka hria… ka nui seih a, ka thil ei lai ka eizawm leh nghal daih.





"Engtik atang maw i nawm loh a " room ka lut chiah , min zuilut ve nghal, "a la rei lo ,ka tha ,awm nuamlo satliah mai mai alawm" ka tih pawn min melh ngur a ,min endik a ni mah zawk in ka hria .






"Tikhan min en lo teh ka tha ka tih chu" ka ti kha kha ,min kal hnaih in min kuah thut a, "damlo suh aw" zawi lutuk in a ti sup a,ka nui hak, min ngaihtuah zia a tih lan hian nuam ka ti .







"Imm,ka damlo dawn hleinem min ngaihtuah suh" tiin a hnung ah ka beng thak thak a, "khawi maw min thlah la insiam ka ngai a nia" ka tih chuan min thlah ve mai a ,ka insiam lai min lo en reng .






"Chhuak la inthlak ka duh a nia" ka tih chuan ka khum ah thu awn duai in mitko a san euh a, "ka hmu vek tawh tho e nge zahpui tur la awm a" a ti a nihchu, rapthlak lutuk hian a, "chhuak vat mai teh" ti hlar in ka thawmhnaw ken lai in ka vawm nghal pawp, nui hawk hawk chung in a chhuak ve hram,a duh hi chuan a nghal thei a nia aw .






………

Hospital a ka nu ka hruai zawh ah class ka neih avang in ka kaltlang nghal a, ban ah pawh leng kawi lo in in lam ka pan nghal nal nal ,nawm loh ve deuh chuan lenkawi a peih awm loh .






Inchhung ka lut chiah chu ka pa in min lo ko nghal a ,sitting room ka luh chuan an lo awmkim thap mai.





"Tinge a thep thawp cheu chuan" tih pah in ka chhungte chu ka enkual a.






"Lo thu phawt teh sawiho tur a awm" ka pa chuan a lo ti deuh hmuk ,ngawi kar in Remsanga bul ah ka thu thla a ,mak deuh in hlauhthawn na in ka tiril a tham nghal a ,ka pa thusawi tur chu kan vai in kan ngaichang ran .







"Ka thu hriat hi diklo se ka ti khawp mai,chu ka thu hriat a dik leh dik loh hre tur chuan Remsanga leh Dawnhzeli te" tiin ka pa chuan Remsanga nen kan pahnih in min melh tawn ralh a, ka thinphu a rang nghal dawt dawt thei. Ka pa hian kan inkar a hrechhuak a nih ka ring nghal hmiah .






Ka chil ka lem khawlh a, ka kut sofa tlang ka hmer ngat ngat tawh, "nangni pahnih in inngaizawng tih hi a dik em" a rawn tih chuan ka rin sa tho rawn sawi mah se ka hlauh na chu a nep phah miah lo ,ka pa hmel rum ul chu en pawh en rei ngam lo in ka kun nghal daih .






"Sawi rawh u ,mi thusawi ka hriat hi thudik nge dawt!!" Ti a ka pa a au tuarh chuan ka taksa chhung zawng zawng hi a nghawr dawt thei in ka hria , "Dawngzel ,Zoremsang ka zawhna chu in hria em?" Thinrim lutuk in ka pa chuan a ti leh a,ka tah a chhuak tun tawh ,sawitur ber pawh ka hrelo,hlauthawng leh mittui tling pam chung in ka pa chu ka en a, a hmai sen tawn tawn dan ah a thinrim hle tih ka hretiam nghal,a thinrim na ah hian ka dem hauh lo keipawh ni ila ka thinrim ve tho ang.





"Ih..englo pa" bah deuh nawk a ka tih chuan ka sawi tur ngaichang tih hriat deuh in min lo en ran a ,ka khur dar dar thei.





"Eng lo a nia"
Ka tih lai mek in Remsanga zawk chuan ka kut a rawn chelh a, ka lo en deuh haw ,ka kut laksawn ka tum chu chelh nghet sauh in ,





"Aw i thu hriat kha thudik a ni,kei leh Dawngzeli te hi kan inngaizawng" Remsanga thusawi vang chuan ka nu leh Sawmzeli chu an mengphawk hle ,engtik lai in nge ka pa in kan bul a rawn thlen hman ka hre lo,Remsanga hmai chu a ri thlawp a ,






"He tiang tur hian ka enkawl cheu em ni,zahna pawh hi in nei ve miah lo a mi" thinrim lutuk in ka pa chuan a ti khur khur a,ka mittui a far nghal zawih zawih,Remsanga biang chu a sen tawlh tawlh a ,khawih a, a biang chu chul sak a chem sak heuh heuh ka duh mahse chet takngial pawh ka che ngam lo.







"Unau in nih tih hre ta che u,engtin nge tiang rilru hi in put theih ,khawtlang in engtin nge min sawi ang," ka pa in a tih leh chuan ,





"Unau kan nilo,unau kan ni ang khan sawi tawh suh ,khawtlang ngaihdan ah kan buai lo kan in hmangaih chuan a tawk" Remsanga chuan a ti ve tlat a, ka pa'n kut a thlak leh mai ang tih chu ka lo hlau hle.







"Zoremang eng maw i sawi kha,han sawi nawn leh teh" ka pa aw chu a khur dat dat tawh .






Ka pa mit ah tak en in a ni chuan "Dawngzeli nen hian kan inthen dawn lo" a ti nghet charh a , ka pa chuan kutthlak leh tum in a tin uai a mahse ka nu in a lo dang hman hram .






"Thu tam ka sawi lo ang inthen fel vat ang che u,zah pawh hi in zaklo unau lutuk in inthen lo a nih chuan eng thu tluk na pawh siam ila sawibuai theih in nei lo ang" ti hmak in ka pa chu an room lam ah a lut nghal nal nal.




Remsanga pawh a ngawi ngal a, tumah kan tawng lo Sawmzeli takngial pawh eng mah sawi lo in a room ah a lut.




"A pawi e mai,tinge tiang rilru hi in put mai le,i pa thinrim chuan engmah tih hreh a nei dawn silo" tiin ka nu chu a tap ti tih nghal der ,a fate min hmangaih zia ka hria ,tumah hi min chan a duh dawn lo ka nu lak a ka in thiamloh na chu nasa tak a ni.







"Ka tihpalh nu ,min ngaidam rawh kan tum a ni biklo" ka ti chhuak tiau, ngaihdam dilna bak sawitur ka hrelo .







"Tinge, tiang hi kan chhungkaw chung ah a thlen bik,nga ti nge in lo in ngaihzawn kher kher" tiin ka nu in ka dar ah min chum dawt dawt a, Remsanga pawh a chum ve tho,ka nu hi ka hrethiam ,a na dawn lutuk mahse Remsanga hi ka thlah thei tawh bik silo, kan inchhung boruak chu nuam lo tih pawh hian a sawifiah zo lo.








"Inthen ngei ngei ang che u,lo in ngaihtuah ula a hma ang a kan chhungkaw hlim na neih let leh in duh chuan" tiin ka nu chuan an room ah min luh san a,Remsanga nen chauh sitting room ah kan thu tawh kan ngawi reng a sawi mai tur ka hre lo .










"Inthen i ngaihtuah lo tih min hrilh rawh," rei ve fe kan thut ngawih reng hnu ah Remsanga cawk chuan a ti chhuak halh a,a lam ka hawi chu lainat hmel zet in min lo en reng tawh. A hmel ka hmuh zawng ringawt pawh hian ka tah a chhuak nghal ,ka mittui lo baw zawih pawh chu hruhul lo in a hmai ,ka pa in a ben na lai chu ka khawihsak a .





"A na em?" ka ti sep bawk,ka kut chu lo vawn hnan in a fawp zeuh a,, "min kalsan lo ang tih min tiam rawh eng pawh thleng dawn se,min ring ngam ang ti raw" a tih chuan ka melh tlawk tlawk,a hmel ah chuan kalsan a hlauh zia a langchhuak thei hial ,lu ka bu zeuh a,, ka insut nghal hraih bawk ,zawimuang in ka mittui chu min tuaihul sak a ,,"ka lak a rinna i nghah chhung chu rintlak ka ni ngei ang "ti sup in ka mit pahnih ah chuan a fawp a,, "ka hmangaih che princess" ti sup in min kuah nghal vawng vawng.
Keipawn lo kuah let ve in ka insut hlap hlap a, duat zet in ka lu ah a lo chul heuh heuh thung .






"Kan hun tawn harsa zet hi engtik ah emaw chuan kan la paltlang dun ngei ang" ti sup in ka chhip ah a fawp leb vang vang a.







………


Zing ka tho chu ka lu a na bur thei zankhua deuh thaw in ka tap char char,kan hma hun chu a thim telh telh ni mai in ka hria,choka ah ka lut a tumah an la tho lo a niang ka chhungte chu an la reh thiap mai, fridge hawng in bawnghnute ka la chhuak a thingpui ka lum nghal,chutia mahni a ka awm lai chuan ka hnunglam atang ka hriat than zet hian min lo kuah thut a, ka phu nasa lutuk ringawt.


"I mawl a mi min thlah rawh midang an lo tho ang,min hmu dun a nih chuan kan nasa lo dun khawp ang" ka ti nghal mawlh mawlh ,a ni ve thung chuan min kuah nghet sauh in ka hnung ah a bei ang hle hle a,tu emaw ber an rawn kal thut ang tih chu hlau tak ka ni .






"Vat min thlah teh" ti a ka tal nak nak tak ah chuan min thlah ve ta hram.





"Min fawp thei" min thlah rual a a tih chuan ka melhrum ngang mai .






"Vat midang lo kal hma in" tiin a mit
A chhing a, fawh rem tur in ka lam alo hawi bawk "i a tawh a nihkha" ka tih chuan a lo meng a, "ti vat rawh" a ti hmuk a nihchu,phun nuah nuah chung a fawh ka tum lai tak chuan ,





"Bawihi" ti a choka lam pan a ka nu au chu ka hre thut a , rang lutuk in Remsanga hlat ah ka awm nghal vat,Remsanga chu a phun hluk a, ka nu pawh choka a rawn lut ve nghal chiah.






"Min lo siam ve nghal la" a tih chuan ka che nghal vat a,Remsanga nen min hmu dun mahse engmah a sawi lo a,chu chuan ka nu lak a ka inthiamloh na a tih zual bak ah ka in thlahrung tel bawk,ngawi reng in a thingpui in tur ka thlit sak tawp.


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)