MAGNETIC by Zualikhiangte_zii95 (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MAGNETIC by Zualikhiangte_zii95 (Completed)

Unread post by Ngaia » May 28th, 2023, 5:17 pm

Inchhung kan luh chuan ka nu pawh a lo awm tawh a, Sawmzeli a hmu chiah chu thil awmzia min lo zawt vat , thil awmzia kan hrilh chuan ka nu chu a thinrim khawp mai, "palai tirh ngei ngei tur, a duh hun hun a kut a thlak theih a nilo, thenawmpa hi palai ah chuan han tang rawh se" ka nu chuan a ti hmarh hmarh a, a lungawilo ve hle a nih hmel.






"Bawhte apa nen khan lo va in tifai ula, a ni damdawi kan hnawihsak a nge aw" ka tih chuan Remsanga zawk chuan min lo melh zeuh a, keipawn ka melh ve zeuh na in kan mit kan lasawn rang viau thung,a hma ang a in pawh tak a in biak kan la harsat ka tih tawh kha.







Bawihtei leh apa chu an in silfai ta a niang bathroom ah an bengchheng dun ngang mai, sawmzeli kiu chu nasa vak lo in a pilh bawk a, thip chu a thip ve khawp ang, a man ti thei tho mahse damdawi chu ka hnawihsak ta tho, zan ah kanu chu palai a han tir ta ngei a, palai lo let leh hun kan lo nghak ran thung, "Sawmtei pawh Aizawl lam ah chhuk mai la a tha ang,heta i awm reng a nih chuan Muansanga khian a duh hun hun ah khawih che a tum a nga,kan duh loh thil a thleng ang tih pawh a hlauhawm" ka nu chuan a ti dap dap a, Sawmzeli pawn ka nu thusawi chu a hnial ngam chiah lo na in Aizawl lam a chhuk chu a hreh tih ka hria, "tunkar chauh ka awm leh a nga, kar thar ah ka chhuk mai ang, kum tam liam hnu ah kan in hmu leh chauh a awmhran nghal ka duh rih lo" a lo ti ta chiah a, ka nu pawn a pawi ti ta bik lo a nih hmel. Mahse chutia kan thutkhawm lai chuan kanu chu a rawn khuh kharh kharh a, "tui kan in lawk a nge" ti a a thochhuak tur chu a thu leh hnawk a,thuthleng ah chuan a bawksawk a ni deuh nghal mai.








"Nu i tha em tinge a?" tiin kan buaipui nghal vat a,mahse ka nu chuan a mit a meng miah lo,hlauhthawnna in min tuam nghal a,ka tha te chu an khur ti tih nghal der, "nu i mit meng teh,enge awmzia" tiin Sawmzeli chuan ka nu chu a sawi dat dat a, chutah ka nu kut chu a rawn lekkang a, "u,ka..ka nu hi a tha miah lo a kut a hi thisen a kai a nia" Sawmzeli chuan a rawn ti ta mai,a mah pawh chu a tap ti tih nghal der, chiang zawk in kanu chu kan han en a ,a kamsir a thisen tlem lo kai chu kan hmu, nichin a a khuh khan thisen a khuh chhuak a ni ngat mai.









"Hospital ah hruai vat ang" tih leh Remsanga chuan ka nu pawm chu a rual nghal a, keiin bawihtei ka pawm a, car a kan luh fel hnu ah hospital lam pan in kan tlan zui nghal,palai lo let leh hun pawh kan nghak lo, kan hmanhmawh bawk a kan tlanchak ngang mai, ka nu chu kan au char char a mahse a harh thei chuang lo.









Damdawiin kan thlen chuan min lo buaipui nghal vat in doctor leh nurse an che nghal zung zung mai, "doctor e nge ka nu chung ah hian thleng ,thisen a a khuh hnu lawk ah ti hian biak theih loh in a awm nghal tawp a" thlaphang ru tak a ka tih chuan ,doctor chuan , "naktuk ah test hrang hrang kan nei a nga,thu chiang zawk chu a hriat theih chauh ang, tun ah chuan damdawi in kan chiu rih a, a ngaihtuahawm tawh lo e, mahse kan admit cheu erawh a ngai ang" tiin doctor chuan min chhang a, "a nih chuan keiman ka awmpui a nge" Sawmzeli chuan a lo ti vat.










"Ka lo awmpui zawk dawn em ni" ka tih chuan,"ngailo,keiman kan awmpui a nge, bak ah ka u nen inbiak na hun ah hmang ru, kan awm ve reng a hun thawl pawh in la nei lo,in in hriatthiam loh tawn na kha sawidun ula,siamtha rawh u,kar ah fa in nei tawh a, in mihran reng pawh thil tha ber a nilo" Sawmzeli chuan a ti vei duah a a dik ve reng mai, "a nih chuan kan let leh a nga,rizai vel kan lo dah leh dawn nia" ka tih chuan,"zanin ah chuan lo dah duh rihlo mai ru,damdawiin puan ka dil a nga, kan awmdan a zir in naktuk ah in lo keng zawk dawn nia" a ni chuan a lo ti thung.








Ka nu lo harh veleh a min lo hrilh nghal tur a in ti in kan inthlah ta a, kan haw kawng ah chuan a tlai ve tawh bawk nen,bawihtei chu a muhil a thaw ri leh sak sak tawh, a hma ah ngawireng in kan inpawm a, Remsanga pawn motor chu ngawireng in a khalh a, in biak duh si in be ngam chiah silo hi kan ang ka ti ber,kan mitsir in kan in melh leh ralh ralh thin.








A tawp a tawp ah a mipa zawk na na na chuan aw then kharh pah in, "i nu chu ngaihtuah duh suh Sawmzeli a awm a,a enkawl thei em em ang" a rawn ti sup a, "nia ka ring a lawm" ka lo ti ve sap, kan awmdan leh inbiak dan chu mihrang daih te pawh kan ang a lawm.










Sawitur dang a hre tawh lo nge, kan han ngawi dun leh vang vang a, a hnu deuh ah, "englo" kan ti rual ve ve, kan nui ta tawp, "sawi hmasa la" ka tih chuan, "sawi hmasa zawk rawh" a nin a lo ti thung, "aih sawi hmasa zawk rawh,i thusawi a zir in ka thusawi ka thlak leh duh maithei a" a tih chuan tawite in a nui a,a biang ruh ki lai a langchiang viau mai.






Chutah car chu a ti ding a,ka lo en haw lai chuan ka lam rawn hawi in, "ka tihpalh" a ti sup a,
"eng ah chuan maw" ka lo ti thung, "ka venhim theih loh che vangin leh hun harsa i tawh lai a i kiang a ka awm loh avangin" a tih leh chuan, ,"i thiam loh a ni hleinem" ka lo ti thung, "a ni a lawm ka venghim ang che tiin ka tiam a,ka thutiam ka hlen thei lo kha ka thiamloh a lawm" a ti a, ka mit ah pawh en lo en kan hmalam chu a melh ngur a, steering a hum nghet viau bawk,mahni inthiamloh na in a khat tih hai lo,mahse eng ah mah khan thiamloh na a nei miah lo,engkim kha keimah vang a ni a keimah vanga tun dinhmun thleng hi kan ni.









A inthiamlo lutuk chu ka khawngaih, tlem in ka awm hnaih deuh a, a kut steering a vawn loh na lam zawk chu vawn sak in , "mahni inthiamloh na kha nei tawh suh,keimah vang a lawm,nangchun engkim hmachhawn i huam a,keimah kha a nia huam lo zawk chu,engmah sawilo in ka kalbo a,mahni indem tawh suh" ka tih chuan a thaw hak a, min rawn en chuan ke lo nuih seih, ka kut chu a mah zawk chuan a hum ta a,lakang in a fawp zeuh, "tun atang chhungkua din tha leh ang,chhungkaw din tur in a la tlai lo e" a tih chuan ka lo bu nghat a,mahse thil hriatchhuah zawk ka nei,ka kut a hum lai chu ka lasawn rang viau bawk.








Mak tih hmel deuh a min en lai chuan, "Maremi nen in inzui leh tih thawm ka hria" ka ti a, a mah chu ka melh kak bawk,a nui hawk a,chu ringawt pawh chu ka run taw a tling viau mai, "bialnu nei reng chungin bul tan that pui ah min sawm a maw,teuh lo, bul tan that ka duh lo" ka ti ta hmak, "aww..a va buaithlak, chutiang te engtin nge i lo hriat a " a tih chuan Maremi nen chuan an inkawp leh ngei a hmel a pha miah lo, ka rilru chu a na a,ka tah mai hlau in ka hmalam chu ka en a, "naktuk ah haw ang che, bul tan that i sawi kha i sawilo ang ah ka ngai ang" ka ti hmak a. Mahse ka kut bawk chu a rawn vuan leh a, laksawn tum a ka beih ngial pawn a vuan nghet telh telh a ka lasawn thei der lo.









Thinrim deuh chung a a lam chu hawi in, "Zoremsang ka kut kha thlah rawh , i tenawm lutuk" ka ti leh a,ka tah a chhuah tawh em a vangin ka aw pawh a chhuak tha thei lo,tah ka insum na lam ah ka hrawk pawh a na vek tawh .








"I a thei emai,min ngaithla ve phawt la" nui put put chung a a tih chuan ka thinrim telh telh,ka tap tep tawh tih a hmu reng a a la nui thei chu a nia. "e nge ngaihthlak tur awm,a hma pawn bialnu nei chungin min kawp a,tun ah pawh chutiang tho chuan tih i tum a mi" ka ti leh a,bawihtei tih harh ka hlau ve tho bawk nen ka tawngring vak ngam lo, "min ngaithla rawh Maremi nen kan inkar ah engmah a awm lo, a bialpa in harsatna a tawk a ka tanpui mai chauh a ni,a chiang em, tu hmeichhe dang mah ka la melh chhin lo" tawngrin hlau tak in a rawn ti hrawk a, ka ngawi ta kar mai, "tu hnen atang a i hriat nge ni hrep a,thu chianglo i hriat avangin thinrim nghal chiam thin suh,nangmah i in ti hreawm mai mai" a tih leh chuan, "a nihchu" ka lo ti nghat ringawt,sawi leh tur chuang ka hrelo a tin ni.









"Min ring tiraw,kan inkar hi siamthat ka duh takzet a nia" a hma aia aw zawi zawk a a tih chuan,ka lo bu nghat ringawt, Seni chu ka hau khawp ang,a hriatchian loh min hrilh a Remsanga hma ah ka in tih zah phah, "min a nih chuan a hma ang in min kalsan tawh suh ang che, kan pahnih in engkim kan hmachhawn dun tawh tur a ni" a ti nghet charh a, chutiang na na na keipawn a kut ka vawn hi thlah leh ka tum tawh lo,vawikhat ka thlah tawh a,a tello a awm hreawm zia ka hre tawh bawk,chuvang chuan hreawm tak a hringnun hman leh ai chuan a ni nen a harsatna hmachhawn dun hi ka duh tawh zawk.










In kan thlen meuh chuan zanlai a pel duai tawh, pangai tak in thu kan sawidun ta bawk a kan boruak pawh a zang deuh vah ni in ka hria, bawihtei pawm chung a kan room lam ka pan chuan min rawn zui ve zel a,room kawngkhar bul ah ding in, "tinge min zui zel a, mu ta che" ka tih chuan ,"ka lo riak ve dawn,in bul ah" a lo ti awlsam et a nih chu, a ti awm ang lo thei, "teuh lo, i mutna tur ah va mu rawh,kan room ah chuan a theih loh" keiin ka lo ti bur thung,in ngai in in thlahlel viau mah ila nupa kan la nilo a, kan zalen e tih vang a khum khat a lo mutdun nghak ngawt kha ka duh lo,vawikhat kan tisuak tawh a tihsual nawn leh ka duh lo bawk.









"Aw a ho in nufa bul ah ka mu ve duh a lawm" tih pah a,room a luh mai a tum chu ka lo dang a, "va mu rawh" ka ti khar khar a,ka mengrum lui viau bawk, a nui hawk a,ka hmui a rawn fawh zeuh pah in, "muttui u" a ti sup a,bawihtei lu ah fawp leh in a kalsawn a, a chetdan in min thawn em avangin ka dinna ngai ah ka la ding reng,zawimuang in ka hmui ka khawih a, tawite a nui in room ah ka lut ve ta a.






Zing ah Sawmzel in min lo phone a, ka nu a harh tawh a ni awm e, "nizan in haw atang darkar khat hnu vel khan a lo harh a ,in mut tawh ka ring deuh a ka lo hrilh duh ta lo cheu a nihkha,tukin pawh hei a tho nuam khawp a ngaihtuah a ngailo a nia" a rawn ti zung zung a,hah a dam huai huai mai, "vawiin ah in mamawh vel kan rawn keng dawn nia" ka tih chuan ken tur a lo sawi zung zung a, keini pawh in peihfel hma in bawihtei pawh school kan kaltir lo ta tawp, damdawiin lam a keini kan kal chuan bawihtei lo lam tur an awm dawn lo a,kan ngaihtuah ve tho bawk a tin ni.








Damdawiin kan thlen chuan test hrang hrang chu an lo ti tawh a,result erawh kan nghah ve hret a ngai dawn a nih hmel, ka rin ai daih in ka nu chu hmuh a nuam a, lu na erawh a nei reng thung a nih hmel. Chawhnu her bawih ah doctor in min ko a Remsanga nen doctor room a kan luh chuan, "a pawi khawp mai in rawn kal tlai deuh a ni" doctor chuan a ti a,a sawitur la hre rih lo mah ila,ka thinphu chu a su dup dup a,hlauhthawnna in ka khat nghal vek,thu lawmawm lam a sawi ka ringlo nghal bawk.







"E nge i sawi awmzia doctor,chiang deuh zawk in i sawi thei em?" Tiin Remsanga chuan doctor chu a zawt a, "in nu hian pumpui cancer a vei a, stage 4 lai a ni tawh "doctor in a tih chuan ka bing nghal mup ni mai in ka hria,doctor chu ka hmu phe nghal ruai a,ka nu hian pumpui cancer a vei ang maw,a theih loh chutiang thil ni thei a nilo.








"Doctor,i chiang chiah maw,ka nu hian pumpui cancer a vei thei lo ang, ka nu te chu nu hrisel tak ania,nimin lawk ah pawh a leipui ah a la kal a lawm" khur dar dar chung a tiin dawt a nih beisei in doctor chu ka en a,mahse doctor lah chuan dawtsawi hmel a pu silo. "Remsang,he doctor hian engthu nge a sawi hi,dawt a sawi tiraw" tiin Remsanga kawrban ah ka pawt a. Remsanga hmel a beidawnna ka hmuh chuan ka zawi hnawk thei.






"In hriat loh in a lo tuar nasa viau tawh in ka ring,a mah hi a chhel em a nih hi, eng treatment pawh dawng se tun ah chuan a that pui tawh lo ang, reitak a daih tawh lo maithei a,chuvang chuan a hun neihchhun hu am tak in in hmanpui dawn nia" doctor in a tih chuan, "a tawk ,sawi tawh suh,ka nu hian pumpui cancer a vei lo" ti tiau in doctor room atang chuan ka chhuak zui daih,doctor leh Remsanga chu an inbe zui tih ka hria,mahse enge an sawi erawh ka hre tawh lo,ka mittui vangin ka khaw hmuh a phe ruai a, ka tha an zawi vek bawk, ka awih theih lo,ka nu hu a thi vat ang maw.












"I tha em?" Tiin doctor room pawn a ka awm chu Remsanga chuan min rawn bia a, ka chhang lo,tun ah hian ka tha miah lo a tin ni. Remsanga chu ka e a,min lainat hmel zet a min lo en chuan ka hnuk ti ulh zual in ka tap chhuak hawk, "doctor khan dawt a sawi tiraw,ka nu hi a thi vat dawn a tia,kha doctor khan min fiam mai mai tiraw ka nu te chu a dam tha lutuk a lawm" ka ti a,Remsanga chuan a awm ah min kuah bei thlawp in, "pawm thiam tum rawh,i mittui tla i nu in a hmuh chuan thlamuang tak in a kalsan thei lo ang che" a ti sup a,chu chuan doctor thusawi ka hresual lo tih leh ka nu hun tawp a hnai tawh a ni tih chu min hriat fiah tir hle.








Ward lam ah inzui phei in ka kut ah Remsanga chuan a chelh tlat a,hla ve deuh atang ka nu te chu ka en a, ka nu khum ah bawihtei chu a thu ve a,Sawmzeli nen infiam in an nui leh hak hak thin, doctor thusawi an hriat ve hun ah an nui hmel saw lungngaihna in a thlak a nga,chu hun ah chuan tun a ka nat ang chiah hian an na ve ang,chung thil ka ngaihtuah chuan ka hnuk a ulh leh a,ka tahchhuah mai loh nan ka insum tang tang.






Sawmzeli te bul kan thlen chuan chhuanlam siam in ka ko hrang a,"doctor chuan e nge a lo sawi a" a ti nghal vat,a ni pawh ka awmdan avangin a ngaih a tha chiah lo a nih hmel, "englo" ka ti a ka hnuk a ulh leh tawh, in sut hraih chungin, "ka nu hian min dampui rei tawh dawn pumpui cancer a vei a stage 4 a kai tawh," tiin ka insut a, Sawmzeli chu a ngawi reng, chutah sawi zawm leh in, "doctor chuan in enkawl in awmzia a awm tawh lo a ti" tiin ka tapchhuak ta hawk, "nilo, dawt a nihchu,doctor chuan a fiam mai mai cheu a nih dawn chu, en ta che ka nu te chu a dam that em saw, chutiang natna vei thei a nilo,a pum pawh a na ngailo" tiin a nui hawk a, a nuih erawh a zat loh zia ka hai lo, ka thusawi chu ka hriattirh ang bawk khan awih harsa a ti ve a ni.








"Kan hriatloh in na a lo tuar reng thin a,a sawi duh lo thin" ka ti leh, tinge ka nun ah hian hun harsa leh hreawm ka tawh reng bik le, ka hlim ve dawn chauh a natna dang min tlakbuak leh a Pathian hian kan hlim ve hi a phallo a niang ti te hial in ka ngaihtuah.










Chutia Sawmzeli nen kan din dun lai chuan, "in tha em?" Ti thawm kan hria a,mittui kar atang Remsanga hmel chu ka va hmu phe ruai mai. Sawmzel in Remsanga a hmu chiah chu a tap chhuak hawk a, " u, Dawngzeli hian dawt hlir a sawi a nia,ka nu in pumpui cancer a vei tiin a sawi,hau rawh ,u, Dawngzeli hi hau rawh dawt min hrilh char char a nia" tiin a tap a, Remsanga chuan Sawmzeli chu a kuah a,keipawh min rawn kuah bawk Sawmzeli nen kan pahnih in Remsanga dar rinchhan chuan kan tap hlawp hlawp a,in hnem vak ngaihna a awm lo, a ruk a ka nu in na a lo tawrh nasat tur zia ka ngaihtuah hian ka natna a ti zual a kanu hreawm ti hmel ka lo hmuhkan thin kha nep hi ka in ti ngawih ngawih bawk.







(Ka edit hman lo a,diklo a awm pawn min lo hrethiam hram dawn nia aw).


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2023, 5:17 pm

Ka nu tan kan in tih chak hram hram a ngai tih hria in kan in bengdai thei hram a ni, ka nu chu a natna hrilh hriat loh chu a tha rih ber ni a kan hriat avangin zep rih chu kan ti tlu ta a, ward lam a kan let leh chuan bawihtei nen thil an lo ei a, ka lo chik ngai lo a,hetia a chanchin kan hre ta chu ka ngaihbel nge ni ka nu chu a hma aiin a cher riau in ka hria a, a hmel pawh a dang bel mai, doctor in in enkawl vak ngaihna a awm lo a ti bawk a, a na a chhuah chang a nachhawk na tur min chawh tawp a damdawiin atang kan chhuak ta tawp, a hun hnuhnung hi damdawiin a hmangral lo a kan kiang a hman tir ka duh ni, thenkhat chuan treatment kan la lo chu min dem viau maithei,mahse tih theih a awm tawh chuang lo a nih chuan mahni in lum ngei a awm chu ka nu pawn a duh zawk ka ring.








"Bawihte i pi kha bawh chung chung suh hreawm a ti ang" tiin ka fanu in a pi malchung a thut tum a a pawt cheng cheng chu ka lo hau a, ka nu chu a chau ve deuh a niang bawihtei pawh a buaipui peih meuh lo.






"Doctor chuan engtin maw min lo tih, min hrilh duh mang bawk silo a, result a tha vak lo em ni?" Tiin ka nu chuan min zawt a, "result chu a tha reng, mahse i thawkrim deuh ni in a sawi a, damdawi a chawh che hi i ei that chuan i dam leh thuai tur thu a sawi a" ka tih chuan a bu nghat a,ka thusawi chu a awih nge awih lo ka hre lo,a chang chuan an that zawk nan thudik hrilh loh hi a tha zawk fo,a chhan chu kan natna kan han hriat chiah hian natna in min bawih na ai mah chuan kan rilru damloh tel na khan beisei leh tum aia hma in taksa a ei chhe tel ta thin a, chu vanga ka nu pawh thudik hrilh duh lo kan ni, eng natna pawh vei ila kan rilru in kan taksa a control tel ve vek si a.





"Anu futi a in chak" tiin ka ban ah bawihtei'n min sawi na na a, "kha hei la la,i ni nen dawr ah han kal ru" ti a pawisa ka pek chuan a phur ngang mai. "Ani min paw rawh" tiin bawihtei chun Sawmzeli chu a pan a, "awi i phakar thei e min paw rawh i ti zel a nangmah in kal ve mai la,dawr a hla hleinem" Sawmzeli'n a tih chuan,bawihtei chuan, "aih ka hah ang" a lo ti deuh tlat, step a kal hi a peih thlawt lo a phakar theih na ang ang ah hi chuan naupang mah nise a phakar thiam ve a nia.







An ni vah a an chhuah hnu chuan ka nu pawh room lam ah kan mut phei tir a,Remsanga nen kan inkar engmah min zawt lo na in kan tha leh tawh a ni tih chu a hriatthiam tho ka ring.



Rawng ka bawl lai chuan ka bul ah Remsanga chu a tawlh hrut hrut reng, sawiduh nei sawi hreh si ang ka ti ber, nui pat pat chungin a awmdan chu ka hrelo der tlat, bawihtei te ni vah tak pawh chu an rei phei mai. "Sawiduh i nei em ni?" Min zui kawi peih em avang chuan ka ti ta nge nge, "nei e" a lo ti dut a ka nui tawp, "sawi la" ka tih chuan, "englo a nia,i hriat ang in hna nei ve tho ka nia, heta ka awm reng hi a rem lo maithei a, chuvang chuan kan inkar pawh kan chhungte bul ah sawi ila,tun ah chuan fanu kan nei tawh kan inkar pawh an pawm tawh ka beisei a, nu leh pa kar lo a seilian tur in ka fanu hi ka phallo" thu tak deuh a a tih chuan keipawn a thusawi chu dik ti viau mah ila, kapa ber ka hmu hreh, ka chung a a thil tih zawng zawng ah khan ka ngaidam thei a ngem ka hrelo a, chu mai bak ah a pian hma pawh a a duh loh chu a pian hnu ah pawh a duh ka ring chuang lo.






"I nu dinhmun hetiang hi a ni a,i nu damlai ngei a nupui a neih che ka duh " a tih leh chuan rilru siamthiam har ka ti,ka nu in ka tan a ni pawimawh ber min hmanpui chu duh viau mah ila, kan chhungte hmachhawn tur in ka inpeih chiah em ka hrelo a ni.



Ka ngaihtuahna hria ni awm tak in Remsanga chuan ka kut a rawn vuan a, "hlau suh,i kiang ah ka awm tlat ang,nang leh ka fanu hi ka venghim dawn cheu ka tiam che" ti a ka kut lakang in a fawp zeuh a, a thusawi chuan min ti thlamuang huai huai mai, ni e engtik ah emaw chuan kan la hmachhawn ngei a ngai dawn a tun atang a kan lo in puahchah pawh hi a sual chuang miah lo, "a tha a lawm, mahse reilote min nghak la ka inpeih ve leh ka hrilh dawn che nia,hun rei nghah ka ngai lo ang" ka ti ve ta nge nge Remsanga pawh a thaw huai in ka hria, chutia kut in vuan a kan lo din dun lai chuan khuh kharh thawm kan hria a,thawm kan hriatna lam kan han hawi chu bawihtei leh Sawmzeli an lo ding reng, Sawmzeli chuan bawihtei mit a lo hup sak a,mahse bawihtei chuan a ni kuttang keukau in keini chu a ni kuttang kar atang chuan min lo en ve kiau reuh a, Remsanga nen pawh kan nui tawp.






"In sawi zawh tawh chuan mi kan lo hruai haw a"tiin Sawmzeli chu a nui sang a, eng tak niang maw,keini pawh inthlah in, "eng maw in lo hawn" ka tih chuan, nui sang chung in Sawmzeli chuan pawnlam chu a hawi a, "lo lut ru" a ti a, chuta rawn lut te hmel ka hmu chu ka phul hlut lo chauh, "e hee!! Dawngzual nangmaw, hetah daih te kan in hmuh a" tiin Dawngzuala te bul chu ka pan thuai a, kan in chibai nghal vat, "hei hi bawihpuia em ni, a va lian tawh ve a,a chen tep tawh che a nih hi" ti leh in a bul chiah a mipa naupang rawlthar ve lek lek tawh chu ka nuihsang a, "bawihpui hei hi ila hria em,i nu Dawngzeli, i tetlai pawn a duat theih em che kha" tiin Dawngzuala chuan bawihpuia chu min hmelhriat tir a, a lo lian tawh in a mah a ngo vuk reuh a , kum 10 pel ve tawh a, a pa a chhun a a hmeltha phian lehnghal.








Bawhpuia chu a la ngawi reng a,a zak ve deuh a ni maithei inhmuh loh na a rei ve leh tawh bawk em a ni,
"bawihpuia chu i tetlai a i tawngduh nen i lian a i zia i thlak ta deuh a ni maw" nui chungin Sawmzeli chuan a ti a, "bawihpui i nu Dawngzeli kha chibai ta che" Dawngzuala'n a tih chuan bawihpuia chuan muangchang in a kut ka lam ah a rawn phar a, "nu" a ti sep bawk, kan enchian deuh chuan a mittui a tling pam tih ka hmu, bawihpuia chu ka kuah a , "i lo lian tawh hle mai, i thang tha lutuk" ka tih chuan, "nu, ka ngai thei lutuk che" a ti a, a tap ni in ka hria, kan inkuah na kan thlah hnu chuan ,"i tap em ni,tlangval an tap ngailo,keipawn ka ngai thei lutuk che a lawm" tiin ka fiam pah zeuh bawk.








"Nangma nu a ni velo,keima nu a lawm" tiin bawihtei chuan in ti neitu tak in ka ke ah min lo kuah a,bawihpuia a melh ran bawk,kan zavai in ka nui tawp, kan chanchin tlangpui chu Dawngzuala pawn a lo hre thawi tawh a,a zawng zawng erawh chuan a hrelo, an ni pawh kan khua ah chhungte an nei a chumi te tlawh a lo kal chu an lo ni, chanchin tlangpui kan in hrilh a,Dawngzuala nen kan inbiak bawrh bawrh lai chuan Remsanga chu ka va melh zeuh a, Dawngzuala ngawt chu a lo melh run a,hepa hian a thik leh tawh tih na em ni,a va hahthlak thin tak.







"Remsanga chu hmuh loh kar in patling tak tak i ang ve tawh khawp a lawm" pangai tak a Dawngzuala'n a tih chuan, "patling tak tak ka ni tawh a lawm,fanu pawh ka nei tawh,kha i fapa bul a kha a thut kha" ti in a lo chhang a nihchu, mitmei in va khap mah ila awmzia a awm lo,min hmulo der hmak.





Dawngzuala chu a nui mai a,Remsanga zia a hre tawh a,a thusawi chu eng ah vak a ngai dawn lo tih hre tho mah ila keimah ka lo inthlahrung zawk, "bawihte O bawihpuia hi 'a u' ti a koh tur aw" ka tih chuan bawihtei chuan lu a bu nghat a, bawihpuia hian 'nu' ti a min koh mai thin vang khan in koh dan thlak thut harsa a ti ve a ni maithei,pawi ka ti lem lo,bawihtei khan a thik deuh dawn na in tha tak a hrilh chuan a pawm thiam ve mai a, bawihtei ai mah chuan a pa zawk hi a ni buaithla ta chu Dawngzuala a thik na hi a ti reh thei lo.




Dawngzuala te haw tum chhuak tur chu, Remsanga chuan Dawngzuala kal na tur ah a ke a lo kham a,Dawngzuala erawh in a kan daih si, Remsanga chu a hawi lawl lawl mai,a in pal ngei a ring ni tur a ni,a chetdan naupang chhia lutuk chu ka nuih pat pat reng a, Dawngzuala pawn, "i va naupang chhia e aw" a ti sup reng a,a nui tel bawk, "naupang chhiat vang a nilo,ka bawp hi a sei ve hrim hrim a" phatmawi tum tak in Remsanga chuan a ti nang nang a,a chetdan naupangchhia viau mahse naupangchhia tih chu a duh leh miah chuang lo.









Ka nu pawh a ni tel in a chau telh telh a,bei a van dawng duh thin tak, a pum na a rawn chhuah tawh hi chuan a vial ngawt ngawt a, biak pawn nin chhang peih ngailo,a damdawi pawn a chhawk mawh tawh khawp mai,tih theih vak kan nei bawk silo a,a rawn tho chhuak peih a nih hi chuan a lawmawm hle ah kan ngai tawp tawh,rilru in pawmthiam har ti viau mah ila kan hun la tawn tur a nih avangin mihring lam tak pawh a kan lo inpuahchah lawk a ngai ve bawk nen,a chang chuan in tihpachan a har ve thin khawp mai.







Zan dar 10 a ri tawh a, ka nu in an room lam a min koh a vangin Remsanga ne ka nu room lam ah kan inzui lut a, ka nu chu khum ah a lo thu mu deuh a, a khum bul thutna ah thu tur in min lo ti nghal zat, Sawmzeli erawh bawihtei a la muthilh loh avangin an lo in awm thung.




"Nu e nge sawi duh i nei em ni? tun ang hun tawh ah" ti a ka nu ka zawh chuan, "eng lo a nia mambawih, ka natna hi min hrilh lo mah ula,ka lo hre ru daih tawh a,chuvang chuan ka thih hma ngei hian thil pakhat min tihsak tur in ka duh cheu a ni" ka nu in a tih chuan, "nu" tiin ka lo phun sep.







Ka nu chu tawite in a nui a,"in rilru ti hreawm lutuk suh u,keipawn tawrh dan ka thiam lutuk a nia, tun ah chuan ka duhthusam min puitlinsak ula tichuan hahdam deuh in ka kal thei ang" a tih chuan,a kut ah ka chelh sak a,"e nge ti tur in min duh, eng pawh ,i sawi apiang ka ti zel ang" ka ti tuai, ka kut chu a rawn chul hauh hauh a,"reilote ah keichu ka rawpral mai dawn a,chuvang chuan ka awm loh hnu ah in nufa hian in nghah na tur in mamawh, Remsanga nen hian ka boral hma ngei in innei ula ka duh a ni, Remsanga nu leh pa pawh be rang ila, keichuan ka awmloh san thuai dawn cheu a,nangmahni chauh a ka kalsan cheu chuan thlamuang in ka kal thei lo ang,chu chu in ti thei ang tiraw" ka nu chuan a ti a, aw ti a ka chhan beiseina nen min en reng.






"Nu" tiin ka im sut ri hraih a, "Dawngzeli te nufa chu ngaihtuah miah suh ,ka awm a ka venghim dawn a lawm, chuan i duh ang ngei in inneih na pawh a rang lam in kan buatsaih dawn nia" thildang ka sawi leh hma in nghet charh in Remsanga chuan a ti a,ka nu pawh a hahdam hmel sawt in ka hria. Ka nu duh dan anih phawt chuan kan zawm ngei ang, ka pa hmachhawn leh pawh ngai dawn se huaisen tak in ka hmachhawn tawh ang,tun ah chuan hman a mi ang kha ka ni tawh lo ,nutling tak tak ka ni ve tawh a,ka chhungkua chu ka huikhawm leh ngei tur a ni..










Ka nu room atang kan chhuah chuan bawihtei ani in a lo ti mu tawh a, khum a ka mut fel hnu ah Remsanga nen inbe tur in bathlar tlanglam ah ka chhuak a, Sawmzeli pawn hun thawl mipe in kanu nen an room lam ah min luhsan a, "i rilru ah e nge awm" a bul a ka din veleh a lo ti nghal, thaw ham ham in van a arsi pe tuarh lam chu ka hawi a, "arsi te khi an mawi tiraw, hla tak atang kan hmuh a vangin tetakte ang in kan hmu a,mahse a hnai ah chuan a lian lutuk an ti asin" ka lo ti daih thung, a nui ri suk a, che hrut in hnunglam atang min rawn kuah a, a taksa chuan min khuap hneh kher mai, a taksa lumna in kawr chhan ah min ur ham ham bawk,ka mit ka chhing a, tun a kan awmdan ah hian ka lung a awi hliah hliah,ka nun ah Remsanga lo mipa dang an la awm ngailo a, awm tur pawn ka duhlo bawk.







"E nge i ngaihtuah?" Ti a ka dar a a khabe a rawn nghah rual chuan, "Aw,ka nei ang che, ka pa hmachhawn tur in ka in peih tawh" ka ti a, tlem in a awm hla hret a, a lam hawi a min kuaiher in, "tun ah khan eng maw i sawi,i rilru tak tak i sawi tiraw, i uanglo tiraw?" A ti duah a, a hmel a phurna langchhuak chu zan thla eng leh inchhung atang a light eng rawn chhuak in a kah en hnuai ah chuan hmu chiang tak ka ni . Tawite a nui in a kawng ah ka kut khinghnih in ka chelh a,
"ka uang lo,ka ti tak tak,ka nei ang che" ka tih chuan,engdang mah sawi lo in ka hmui ah min fawp tawk a, "ka hria alawm,min nei dawn tih hi" ti mawlh mawlh chungin nghet zet in a awm ah min kuah bei a, thla a van muang hliah hliah tak em,hreawm a ka awm lai pawn Lalpa chuan ka tan vantirhkoh minpe tho a nih hi. Ka Vantirhkoh Zoremsanga.










A tuk ah chuan Remsanga chuan ka nu leh pa chu a be ta ngei a,thinphu dep dep in ka lo ngaichang thung, "e nge an sawi?" An inbiak zawh veleh ka lo ti nghal a, "naktuk ah an rawn chho dawn a nihchu" a ti nghat a, a tawngdan atang diklo a awm tih ka hrethiam nghal, "diklo a awm em ni,sawi vek rawh" rilru nuam lo deuh a ka tih chuan , thuthleng ah a thu thla a, ka ding lai chu a lam ah min pawthnai in min kuah hle hle a, ka zawhna a la chhan loh avang chuan ka ngaih a tha tawh lo, "engkim a tha em?" Ti a ka zawh leh chuan, "ka venghim ang cheu ka tih kha, min ring tiraw" a lo ti daih a, "aw ka ring che a lawm,e nge diklo,min hrilh teh" ka tih leh chuan, "ka nu chuan thil hi a nih ang ang in a pawm thiam ang,ka pa ber hi a nia" a ti hniam ruih a, a rilru a hah ve tih ka hria, kapa hi chuan hman atang tawh kan inkar hi a rem ti lo hrim hrim a,tun a tak a a rem tih chhan tur kha ka hrelo reng a ni.





Remsanga zawn ah chuan thuhniam in ka kut khing hnih in biang ah ka dawm a,a mit ah tak ka en bawk,tawi te a nui pah in, "hey, engkim a tha dawn a lawm, eng pawh hmachhawn dawn ila ka phatsan tawh lo ang che, i kut ka chelh tawh a thlah ka tum tawh hleinem" ka tih chuan a ni pawh tawite in a nui ve a, ka kut pahnih chu la in a fawp vang vang, "he kut hi ka thlah leh tawh lo ang" a ti sup a,kan in hmagaihna avang hian eng pawh hmachhawn kan huam,ka nu duhthusam pawh tih hlawhtlin ngei kan tum bawk.


Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2023, 5:17 pm

Ni hnih khat a liam leh a,ka nu pawn chakloh lam a pan zel bawk, vawiin ah ka nu leh pa an lo chho dawn a,an rawn thlen tep tawh pawh ka ring, ka huphurh viau nghe nghe bawk, a khat tawk in thawk ka la leh halh halh thin.





"U, ka nu te an lo thleng a,ka han hruai a nge kan awm na an hrelo ang" tiin phur deuh in Sawmzeli a chhuak a,kei erawh ka thinphu a rang zaih zaih hle thung, "hahdam rawh engkim a tha dawn a lawm, in ti huaisen la ,i kiang ah ka awm tlat ang" a tih chuan buk nghat pah in, "ka pa ber hi a nia" ka ti halh. Chutia kan lo din dun lai chuan ka nu leh Sawmzeli an rawn in zui lut a, ka nu in min hmu chiah chu, "bawihte" tiin min rawn kuah nghal thlawp,keipawn ka nu chu lo kuahlet ve in ,,"nu" ka ti sep, ka nu hnuk chu a ulh hial mai,min ngai hle a ni tih ka hre thei, a mitmeng ah hman a min hmangaihna thin ang chiah kha ka hmu a,a la danglam miah lo.





"Min ti mangang lutuk,i reh rei emai" tiin min hau leh rih thin, kan ri hlut a, kan tah nuih a ni ber,ka nu nen chuan kan in lawm viau na in ka hawikual a ka pa ka hmu ve miah lo, ka pa kha ka haw hle in ka hria a,mahse a hmel ka hmu ve ta lo chu ka hnual rawih tho ,ni e a hma kha chuan ka nu aiin min hmangaih zawk niin ka hre thin, kha leh chen duat tak a lo in kuah tawh ta chu ka tan pawh huat reng chu thil harsa ve tak a ni.






"Nu khawnge ka pa hi" ti a ka zawh chuan nuam lo ti hmel a pu deuh, "i pa Hmaa te in ah a in nghat ta a nihkha,keipawh ka chho ve ang ,zan ah ka rawn chhuk leh dawn nia" ka nu chuan a ti a, ka pa chuan kum tam tak hnu ah pawh min la hua in min hmu duh chuanglo tih na a ni maw, kan in pawh pan lo a Sawmzeli pazawn te in a pan tak ni, ka awm zawn chu a na leh ngut ngut tawh a ,ka tah pawh a chhuak tun thei. Chutia kan lo inbiak ho lai chuan room atang bawihtei a rawn chhuak a, "a nu ka ril a tam " a rawn ti niah niah, zawi ngiai in ka malchung ah a rawn bawk zui nghal zat bawk.





"Hei hi em ni Cte-i" ka nu in a tih chuan ,a nih thu kan lo hrilh vat, "bawihte hetah lo kal teh,api ka nih hi" ka nu chuan a ti a,bawihtei chuan min rawn en hmasa leh kiau tawh, ka buk nghat hnu ah ka nu lam chu a pan chauh a,"ka naute i van hmeltha em, i nu leh pa tetlai i chhun kawp hle mai," tiin a hmai vel ah a fawp mawlh mawlh,ka nu in bawihtei a lawm zia ka hmuh chuan keipawh ka lo hahdam sawt mai, ka nu chuan room a damlo mu hlawm reng tawh ka nu pawh chu eng eng emaw a sawipui a, keini eraw in enge an sawi tak erawh kan hre ve lem lo room a luh an phal ve miau loh vang a ni, ka nu hi a chak lo ve tawh viau na in , biak hi chu a la nuam khawp thung.





"Zan ah i pa pawh rawn hruai thlak ka tum a nga, ro kan rel dawn nia, in rilru lo ti hah lutuk lo ula, in lak la lungawi chiah lo mahse a ruk tak chuan a ngaihtuah lutuk tho cheu a nia, chuvang chuan nangni pawn i pa hi in huat lutuk loh hram ka beisei a nia" a chhuah dawn ah kanu chuan a ti a,kapa kan huat chu a hlau hle bawk.





Zan ah ka nu leh pa chu an rawn chhuk ta ngei a, ka pa rawn penlut chu ka lo nuih var var a ,mahse ka beisei ang chanletna erawh ka dawng lo chiang hle, "thu rawh u" a ti nghut a,ka nui lai pawh tawp chiang tak ka ni, ka pa ho a kan thutkhawm hnu chuan kan ngawi kar hlawm a , ka zam em avangin ka kut pawh a hum thlan dap tawh, ka pa chuan aw rawn thian kharh in, "engkim hi ka duh lo dan vek in a thleng zel a nih hi maw" a ti nghat a, a thusawi chuan min tibeidawng hneh ngei mai,kan inkar hi a pawm tak tak thei dawn lo a nihhi.





"Ka pa" Remsanga'n a lo tih chuan, a kut phar chhuak meuh in ka pa chuan, "ka tawng lai in tumah lo tawng su" a lo ti hmak,Remsanga pawn a sawitum a thulh leh ta nge nge, thil pakhat min tina deuh tu chu kapa hian a rawn luh tirh atang bawihtei vawikhat mah a la be lo a, melh pawh a melh tha duh miah lo ,a tunu ngei pawh a ngaihsak duh miah lo chuan min tina a ni.


"Ka duh dan in engmah a thleng lo a ni tih chu a chiang reng a, keichuan in inkar hi pawm har ka la ti reng,mah erawh chu kan dinhmun hetiang a nih tak si ah leh Dawngzeli nu dinhmun hetiang a nih avang hian a rang lam a inneihna buatsaih a ngai dawn a nihhi, ropui tak a inneih kha chu beisei lo ula ,in tlan hruai ang lek in kan ti ang" a tih chuan ka lo thaw sawng sawng thei,inneih a phal dawn lo emaw tiin ka lo hlauthawng hman lutuk a.




"Pa" ti sep in kapa chu ka en a, a ni erawh chu ka kohna bengkhawn lo zet in a thutna atang a tho a, "chho ila, pu Hmaa te pawh an zahawm ve alawm, reitak kan chhuah chuan" tiin ka nu a bia a,min ngaipawimawh miah lo ang a a lan na chuan min tina takzet.



"Kan han haw chho phawt a nge,naktuk ah kan rawn kal leh dawn nia" tiin ka nu chuan min melh zeuh a, min khawngaih hmel viau bawk in ka hria, nuamlo a tih lutuk ka hlauh avang in tawite in ka lo nui lui seih a.








"Ka hahdam ta huai mai kapa khan a phallo ang tih ka lo hlau lutuk a" Sawmzeli chuan a ti hliai a,kan lo nui hak, ka pa thutlukna chuan min ti lawm hlawm viau a nih hmel e, "naktuk ah chuan a hun leh ni te tifel vek nghal ila a tha ang, hun rei nghah pawh a ngailo, kan dinhmun nen rei nghak thei pawh kan nih loh hi" Remsanga chuan a lo ti ve thung,ni e a dik, ka nu dinhmun a zir hian kan inneih hun pawh thlan a ngai ang. Chutia thu kan sawiho lai chuan Sawmzeli phone a lo ri a, phone screen a en chuan Remsanga nen kan pahnih a min rawn melh zak zak pah hian a tho zui zal zal.




"Tu nge,hetah lo kal teh,kan hriat ve loh tur thil chu e nge" Remsanga chuan a lo ti a, Sawmzeli chu fiam a chak ve ni in ka hria,
"tu mah a nilo,a ho lutuk" tiin Sawmzeli chu a nui phadui a, Remsanga lah chuan , "tumah chu khawimaw ka lo be ve a nge" tiin Sawmzeli chu a pan a, "i mak ve ee ka u hi, i hriat tur chi a nihchuan ka hrilh mai dawn che a lawm" Sawmzeli'n a lo ti nang nang thung, "i u ka nia engkim ka hriat ve a ngai" tih leh a phone kenlai chhuhsak chu a rual a, phone screen a en chuan a ngawi vung vung ,Sawmzeli lah a inthlahrun hmel viah mai lehnghal , "e nge a?" Tih pah a ka va en ve chu keipawh ka ngawi nghal hmak,Sawmzeli chu ka en a,a lo nui phadui mai.









"Engtik atang khan nge?" Remsanga chuan a rawn ti ta nghut a,a thinrim deuh emaw ni, "englo a nia u, a la reilo,mahse keichuan ka duhna a rei tawh Dawngzeli nen an inkawm thin lai pawh khan a ruk in ka duh tawh" nuamlo tih hmel deuh in Sawmzeli chuan a ti a, ka lo en hu ringawt Dawngzuala a duhna a lo va rei tawh awm em em ve le, Remsanga chu a ngawireng a engmah a sawi tawh dawnlo emaw kan tih hnu ah a rawn nui chhuak huk huk a, a thinrim emaw kan tihlai a chutia a rawn nui ta phut chuan min ti hrilhhai lek lek zawk a lawm.








"E nge i hriat a?" Ka tih chuan, "ka lawm mawle, tun ah chuan ka mipa thik ber in ka nau a nei hmak dawn a, ka hlim em a ni,ka buaina pakhat sutkian in a awm, ka lawm e ka nau Dawngzuala nen chuan hlim rawh u mitha a ni tih ka hria a lawm" tiin Sawmzeli a kuah a, a nui var var reng bawk . Remsanga ber in Dawngzuala leh Sawmzeli inkawp a rem ti ta chu kan hlim var var hle.











Hun a kal ve bek bek a, kan inneih ni tur a kan tih pawh a lo thleng ve der ta mai, intlan hruai ang lek a kan tih dawn avangin engmah hautak tham a awm lo a, kan thiantha te leh chhungkhat hnai bak in min telpui lo, "vawiin chu i mawi hle mai,mahse ka mawi zawk in ka hria" tiin Seni a nui hak hak reng a, thian ah ka hmang a 'ka mawi zawk' a ti reng mai.





Ka in hlui ka lo chen ve tawh thin ngei na inchhung ah chuan ka penlut leh ta a, tun ah erawh ka penluh dan a dang ta, a hma kha chuan he inchhung a fanu mal kha ka ni thin a,tun ah erawh an fa-mo ang in ke ka penlut tawh thung, inneih na tluang tak in kan zo a, hun pawh kan hmang nuam khawp mai,bawihtei pawh ani leh bawihpuia te bul ah a tap chawt a,min tibuai lo reng reng.






Inleng neuh neuh haw meuh chuan a tlai duai tawh, ka room ni thin ah khan kan nupa room a awm tawh a,ka room hi a lian ber reng bawk a ni, ka room ngai kan luah thei chu nuam ka ti viau bawk,danglam tam tak awm tawh mahse ka room a la ni reng a, ka awmloh hnu ah tuman an luah lo tih ka hre leh zel, kapa in midang luah a phallo a ni awm e, tun ah kan inkar tha ang in lang rihlo mahse min lo ngaihtuah ve thin a ni tih ka hriat chuan min tilawm takzet, kan pafa inkar pawn ngai a awh leh thuai ka beisei a ni.








"Zanin chu bawihtei ani bul ah a mu tho a" tiin ka dul zawn ah a ban rawn kham a, "mu ang ka mut a chhuak" nui pat pat chungin ka lo ti, a chek hluk a, "chhuak suh se, zanin chu i mu hman dawn lo" tih leh ka chung a rawn lawn a rual nghal a, "i rit a nia" tiin a awm ah ka lo nam, ka nam na kut chu lo manbet in , ka hmui ah a rawn fawp tawk a, "ka ngai che' a ti sup bawk,keipawn nui var var in a hmui ah ka han fawp zauh a, chu chuan a ti phur nasa ngang mai, ka kawr chhung ah a kut a rawn zenlut hman chiah tih ah kan room kawngkhar chu an rawn kik ri karh karh a, "aw! zanin ang ah te tunge in tibuai ngai' tiin Remsanga chu a phunhluk.






"Awmsawn teh bawihtei te an ni maithei" tiin ka namsawn a, khum ah a mu pharh duai mai, kawngkhar ka va hawn chuan rin ang ngei in bawihtei leh Sawmzeli te an lo inpawm a,bawihtei chu a tap niin ka hria, "a rawn harh a, in bul ah a lo mu silo a,ka rawn hruai tawp" inthlahrun hmel deuh in Sawmzeli chuan a ti a,bawihtei chuan min ban in a la insut hlap hlap mai, "a pawilo, kan lo mutpui a nge" tiin bawihtei chu ka la a, khum lam a kan inpawm phei lai pawh chuan Remsanga chu a la mu pharh duai mai.






"Mu tha teh" tiin bawihtei khum ah ka nghat a, la mu tha chuang lo in min rawn en a, a thaw hak mai, a ruk in ka nuih erawh a za viau mai suangtuahna a lo neih natsat hman nen, ka nui pat pat reng mai, "khatin nui pat pat suh, bawihtei timu vat ang" tiin a in siamtha a a lai ah bawihtei muttir in a kuah hlu hlu bawk, "muhil vat rawh ,anu leh apa hi an tih tur kan la nei a nia" tiin bawihtei chu a melh run a,a fanu chu hnawk a ti tih ka hre reng, "mahse apa a mut a suak lo a lawm" tiin bawihtei chuan apa a melh kiau a,a khap fak fak bawk, Remsanga chuan thawk a la hluai a, "naute neih belh tawh rihlo ila a that dawn hi" a ti ta ringawt.





Bawihtei a muthilh mai loh avangin rei deuh kan meng a,zawhna a ngah si,a zawhna zawng zawng chhang kim vek dawn ila chuan zan thim in min daih kher lo ang, engtiklai in nge ka lo muthilh tak ka hre lo,ka harh leh meuh chuan khua a lo var uarh tawh a,ka bul a mu te pahnih erawh an la thaw sak sak mai,an mutui hle a ni. An pafa muhil lai chu en in ka nui seih a,lawm a kim khawp mai .








Rawngbawl turin inhnuai ah ka chhuk a, kanu pawh Sawmzeli'n sofa ah alo thutpui a,tunlai tak chu tlem in a zia deuh ni in ka hria, choka ah luttlang nghal in ka nu,Remsanga nu rawngbawl chu ka pui nghal mawlh mawlh, "inpa te an la tho lo em ni?" Ti a min zawh chuan, "imm nizan ah bawihtei a harh laklawh a,kan muhil lawk lo a" ka tih chuan kanu chu a nui hak hak a, chutia ka nu nen kan lo ti ti mawlh mawlh lai chuan ka pa choka ah a rawn lut a , thingpui kan thlit sa chu la in a chhuak leh nghal daih, "nu nangmah in lo ti lawk mai,kapa saw ka va ti ti pui a nge" tiin ka pa chu ka zui a.





Pawn a thutna kan siam ah chanchinbu chhiar a a thut lai chuan a bul ah ka va thu ve a, "pa inbia ila"ka tih chuan min melh zawk a, mahse a chanchinbu ngawt chu a melh leh nghal daih, "a tha a lawm, keichuan hman a kan awm ang a awm leh kha ka duh a, mahse i duh ve silo, a pawilo e ka be tawh bik lo ang che" ti nghat in ka tho a, kan inkar siamthat ka duh chuan hman ang a ngamtlak tak a ka tih a ngai tih ka hria, inchhung lam ka pan san a, inchhung ka lut fel chiah chu ka au that, "a na lutuk" ka ti tuarh a, "e nge, e nge thleng engtin nge i awm?" Tiin ka pa pawn atang a rawn tlanlut nghal vat, ka lo nui min hmuh chuan ngei hmel deuh in min en a.







"Min ngaihsak lo ang deuh in i awm a,mahse a ruk chuan min ngaihsak reng, tha deuh in awm ve tawh rawh,i naupang chhia e mai" tiin ka lo nuih a, a ner nawng mai , "i in tipalh emaw tia, vawikhat mah min tihder tawh suh" ka pa chuan a ti hluk a, mahse a inrin loh lai chuan ka va kuah thut,min namsawn tum mahse ka kuahnghet sauh sauh.




"Ka ngai che pa, ka tihpalh engkim vangin,min ngaidam rawh fanu tha tak ka nihloh avangin,mahse hetia ka lak atang a i in lakhran hian nuam ka tilo" ka tih chuan a ni pawh a in thlahdul ta a, "ka tihpalh zawk a lawm,pa in an fate tihsual ah an ngaidam tur a nih laiin keichuan ka do cheu a ,engkim ka thiamloh a ni e" tiin ka dar ah kapa chuan a beng thak thak,kapa min chhan na chuan min ti lawm a, ka pa tan pawh a hreawm tur zia ka hriatthiam pui , "ka fanu i ni a,ka hmangaih lo che emaw i tih lai pawh khan ka hmangaih chen, kan thil tawn avang khan tih at in ka awm lawk mai chauh a ni,i pa hi min ngaidam dawn nia" a ti leh dap dap a, ka pa chu ka kuah vawng vawng ,hetiang a ka pa ka kuah loh na hi a rei tawh a,ka ngai takzet a ni.








Remsanga leh bawihtei te inchung atang a an rawn in pawmthla lai chu kan lo en thap a, "thep thawp a cheu" Remsanga chuan a ti nghat, kan lo awmkhawm deuh thap chu mak a ti deuh a ni maithei, "hawh u inleng awm hma in tihtur ti thuai thuai ang u,chhun lam ah chuan inleng an awm dawn a nia" ka nu in a rawn tih chuan kan che nghal sang sang, a khat tawk in Remsanga nen in en in kan nui leh var var thin, kan hun liam tawh ah khan hreawm tam tak kan tuar a,natna tam tak kan paltlang bawk,mahse a tawp ah erawh ka chhungkua ka neilet leh a, tu chhungkua mah ka awt bik lo.





Ka u ni thin,tun a ka pasal lo ni ta rawngbawl lai chu lungawi hliah hliah in ka lo en a, a in rinloh laiin a kawng ah ka va kuah thut,a phu deuh zawk na in a in siamtha leh thuai a, "chemte ka keng a nia" nui chung a a tih chuan,"a pawilo' ka lo ti thung, "tukin chu i mood a fuh hle mai" a tih leh chuan, "a dik a lawm ka hlim em a ni,ka lo suangtuah fo thin chhungkua ka nei a hlim lo thei ka nilo" ka tih chuan,a chemte kenlai dahin ka lam ah a rawn inher a ,ka hmui ah a fawp zeuh.





"Ka hmangaih hle mai che" a ti sup a ,ka lo nui var var, "keipawn ka hmangaih khawp mai che Zoremsang,chhungkua min pek avangin ka lawm e" ti sep in a kawng ah kuah chung ah a awm pharh hlai tha zet ah chuan kaa bei vang vang a.







A tawp ta.


Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)