MAGNETIC by Zualikhiangte_zii95 (Completed)

[Ngaia]

Ngawi rengin thingpui chu ka nu ka pe a, dawhkan kil in ka thu ve nghal bawk, Remsanga a rawn thut ve rual chuan ka nu chuan,


"Thutluk na in siamfel tawh em?" Tiin keini pahnih chu min zawt a, chhan mai dan tur keichuan ka hrelo, "nu" ka zawi sep ringawt, chutah Remsanga zawk chuan ka kut lehlam chu a rawn hum a,ka lo phu deuh zawk thei, ka nu ka melh zawk a, kan kut chu a lo en reng tih ka hmuh leh lek phei chuan nuamlo ka tiin ,ka nu chu ka zah takzet.




"Kan inthen dawn lo,nizan ah pawh ka sawichian viau kha", Remsanga chuan a ti nghet charh a, nuamlo ka van ti tak, ka nu chuan thawk a la hluai a, "Imm, keichuan in inkar ah inrawlh ka tum lo a, ni e, thisen zawm in nilo a, hetiang thil thleng pawh hi a awm lo hran lem lo , mah erawh chu tette atang a seilian dun in ni a, kan beisei loh tawp thil lo thleng hi pawmthiam har kan ti a, kei ai mah chuan i pa hian a pawm thiam dawn lo a, hetiang in nih tak si ah chuan keipawn ka fanu pasal nei tur ka thlah a ngai dawn lo tih na a ni mai a, min kalsan lo in kan kiang ah a awm reng thei a nga, a tha lam ah ngai phawt mai ang, mahse i pa hian a pawm dawn lo a, khawtlang leh veng chhung ah mualpho pawh kan mualpho khawp ang,mahse in inhmangaih miau chuan keipawn i pa ka lo sawipui dawn nia", a tih chuan ka lawm lutuk chu ka tah a chhuak thei nia, ka nu hi chuan a pawm thiam kha ka ring reng a ni.





A sawi ang khan vengchhung leh khawtlang ah chuan kan mualpho khawp ang, min hrethiam tu leh min dem tu pawh an inpawlh nuk dawn, mahse chu chu khawvel kalphung pakhat ve a ni a,engpawh thleng se,eng pawh ti ila, side A lam leh B lam hi chu an awm ngei ngei,chung zawng zawng hresa chuan a nia heng dinhmun hi kan thlen,chuvang chuan tawrh pawh kan huam tur a ni. Mahse keimahni pahnih ai chuan ka nu leh pa hi ka ngaihtuah ber zawk chu an ni, tun ah ka nu hian kan inkar hi pawm mahse hmachhawn tur leh paltlang tur kan la ngah lutuk tlat, ka nu chung ah ka lawm rual in ka inthlahrun na a zual sawt bawk.






"Ka nu in min pawmpui chu ka hahdam huai mai", choka atang ka nu chhuah veleh tiin ka awm chu ka dawm a,ka thaw zui nghal ham ham.



"I lawm hle a ni maw" nui chung a a rawn tih chuan ,lu lo buk nghat nghat pah in,




"Tehreng e,lawm loh na chi a ni hleinem" tiin ka nui var var.





"Mahse hmachhawn tur kan la ngah khawp mai,ka pa hian engtik ah mah min pawmpui ve thei awm silo",tih zawm leh zat in ka thusawi avang chuan ka hnual nghal rawih thei.




"Khatin hnual nghal mai lo la, tun ah ka nu'n min pawm a nih chuan ka pa pawn min pawm ve thuai mai ang, kan dawhtheih deuh erawh a ngai maithei, eng pawh hmachhawn dawn ila i rilru thlak lo la a ni mai",a tih chuan a thu tak hmel viau.





"Min ring tiraw?" Ti a min zawh chuan lu ka lo bu nghat a.





"A nih chuan min tiam rawh,eng pawh hmachhawn ila ka kiang ah i ding tlat ang tih hi", a tih chuan, "imm ,ka tiam e eng pawh thleng se kan hmachhawn dun ang", ka tih chuan a hahdam hmel sawt in ka hria.





"A nih chuan han nui teh le, princess chuan a mite hmuh ah lungngai hmel a pu reng tur a ni lo", a tih chuan ka nui hak a, "ti khan ti ve ziah suh, princess ka nilo" ka tih chuan a mitko a lo san euh.




"I tetlai pawn 'princess ka ni' i tih ziah kha,chuan kei i rawngbawltu" a tih leh chuan, "kha chu naupanlai thil a nih kha,tun ah chuan kan puitling tawh a, princess nih ka duh hleinem" ka ti hliai.





"Tinge princess nih chu i duh tawh loh, ka tan chuan ka Lalfanu a duh apiang ka tihsak thin kha i la ni reng", a tih chuan a mit ah tak ka en a, "Lalfanu te chuan an duhzawng tak mipa pasal atan an thlang ve ngai hleinem,a mipa duh miah loh pawh nise Lalfapa bawk pasal atan an thlansak thin, chu vang chuan keichuan Lalfanu nih ka duh tawh lo, Lalfanu nih ai chuan ,chhiahhlawh,a duh tak mipa pasal a nei thei tur nih pawh ka duh tawh zawk" ka tih chuan nui suk chung in ka kut chu a kut pahnih in a rawn hum a , a kut sa chuan ka kut chu a ur ham ham mai.









"Chutiang i suangtuahna a Lalfanu ang chu ka nih tir ve dawn lo che, nang Lalfanu i ni a nga,kei i Lalfapa ka ni bawk ang, tu man tihluih na in midang an neihtir lo che a nga,chuan i Lalfapa hi nangmah venghimtu, i knight ka ni bawk ang,ka venghim tlat ang che", tiin ka chal ah a rawn fawp a, he mipa hun rei tak chhung ka unaupa ang a ka lo en thin zun ah hian ka van uai hneh tak em,tun ka dinhmun ah hi chuan ka him na awmchhun leh ka mipa hmangaih awmchhun a ni a, thlah ka tum lo bur.









Ka pa chuan min hmu duh lo a ni ngei ang tukpum in kan hmuh theih ah a rawn inlan miah lo, keini pawh college lam pan in kan inphur chhuak leh tawh a, eng pawh hmachhawn huam a inzui kan ni a,kan chhungte ber in kan inkar an hre tawh bawk a tiin college ah pawh kan inthup vak tawh lo, maherawh chu a tu teh ual in min chik ngai lo a, kan awmdan ngai kan paih em em lo bawk nen min ringhlel awm ang hmel hmuh tur an awm lo.






"Enteh u, vawiin ah u Puia ka hmu a, kan college ah hian a rawn insawn ve dawn a niang, keichu nuam ka ti e" tiin Seni chu a nui har har reng a, u Hlimpuia hi highschool kan kallai atang daih tawh a star tawh a, a hlim viau pawh hi a awm lo hran lem lo e.




"U Remsang i lo hre tawh em?, e..nangchu a thiantha ber i nia nangber in i hriat loh ten tiraw" tiin a zawhna chu a mah bawk in a chang leh zung zung a, a nui har har reng bawk si nen, canteen a chawl ve dang ho pawn min rawn melh leh zeuh zeuh thin hlawm in ka hria. "I thil eitur kha ei hmasa phawt la, nakin ah Hlimpuia chanchin chu i sawi leh dawn nia" tiin Remsanga chuan a lo hrilh a, "nia, mahse thil ei lam pawh a lang thei lo,tinge kum laklawh ah a rawn insawn thut dawn le, a mak e, keimah hi min rawn insawn chhan a niang ti dawn ila,a ni dawn lo ropui sia" a ti leh barh barh a, Remsanga nen chuan kan in melh ralh ringawt tawh, Hlimpuia chanchin a sawi hi chuan a sawi tawp maithei tawh lo thin a, sawipui loh hi a fuh ber.






Seni'n u Puia chungchang ngawt sawi a a pawt zat zat lai chuan ka message tone a lo ri tleng a, ka en chuan Remsanga a lo ni,kan inthut hnaih viau si a,tinge hmun leh hmun ah message min lo thawn le ti a ngaihtuah chungin Remsanga chu ka melh ralh a, a mitmei in message en tur chuan min lo ti, hrethiam lo zet a message ka en chuan,




"Henu hian tawp chin tih a nei thei leh dawn lo, chhuanlam siam in kalsan ang,ka beng a kham tawh lutuk" tih hi a lo ni. A mah chu ka en a Seni ka en leh, ka nuih chu a za khawp mai, Remsanga chuan min rawn mitmei leh zauh thin a.



"A chiloh,tumah kawm tur a neih bik loh hi" ti a ka chhanlet chuan a meng nur nasa ngang mai, a sawi ngai a sawinawn ngun bawk nen Seni thusawi ngaihthlak chu a ninawm ve tawh bawk em a ni, mahse kalsan daih kha a chi ngawt bik silo a.






"A mah Hlimpuia kan ko mai dawn nia, ka beng hi a ri mum mum a, Seni tawng hlir in a khat tawh" ti a Remsanga message rawn thawn ka chhiar chu ka tum loh deuh in ka nui chhuak hawk, Seni chu a ning ngang ni tur a ni.



"Nangni pahnih kha, enge in sawi a,nichin atang tawh in message a in rik chhawk char char tawh,hrelo emaw min tia nge ka hrelo der mai mai a nihkha,ka hre vek" a rawn tih chuan ka nui tawp chiang hle. "Chutiang a nilo,englo a nia" ti a phat ka tum lai chuan,Seni bawk chuan,




"Chhuanlam siam a ngai lo,ka hrethiam vek,helai ah in bul mai ah ka awm a, min ngaipawimawh miah lo in hmun leh hmun ah message in inthawn chu a nia, zahna in thlachham dun khawp mai,ka thil ei pawh in ti tui tawh lo, in hneawm e mai" ti hlak in a tho hluai a,a kal nghal nal nal . Hrilhhai deuh a Seni chuak ta ka enlai chuan Remsanga erawh hahdam ta huai hmel a pu.




"Seni kha a lungawi lo tak tak em maw ni le, nangmah vang ve hmun leh hmun ah min rawn text a" ka tih chuan,


"A lungawilo pawh a nih loh kha,a thil eilai a zawh tawh vang zawk a nihkha, he nu hi chuan a thluak hi chu a vawrhvir ve a lawm, a eitur la zo lo se chuan a la tho teuh lo e mai" Remsanga chuan a lo ti hluk, Seni thil eina plate ka en chuan a sawi ang tak tak in a lo ei fai leng tawh, ka nui tawp,u Puia a sawi changin ninawm viau thin mahse Seni hi chuan Remsanga sawi ang khan a thluak hi chu a vawrhvir ve chiang a lawm,tun ah pawh chance minpe tih ka hrethiam mai.







College bang in a kan haw chuan rinloh deuh in kapa a lo haw reng tawh,sitting room ah a lo thu a, inchung lam pan mai kan tun chu min lo ko ding in , "rawn thu lawk ru" a ti a,keini pawh ka pa ep chiah sofa ah kan thuthla ve a, ka pa hmel chu a thu tak hle a,thu lawmawm lam min fah a tum lo a nih ka ring nghal ngawt bawk. Chutah ka pa chuan keini pahnih chu min en in, "thutluk na chu insiam tawh em?" Tiin zawh bik pawh neilo in kan pahnih chuan min zawt a,ka insang mar leh nghal teuh tawh, ka zam em em bawk.





"Nizan ah ka sawi tawh kha" Remsanga chuan a lo ti a, ka pa chu a lo bu nghat nghat a, thinrim hmel a put loh avang chuan tlem in ka awm pawh a nuam deuh, "imm,a tha e, i nu hnen atang in thutlukna pawh ka lo hre tawh a,ka zawtnawn leh duh hrim hrim cheu a" a tih chuan, ka nu in ka pa rilru chu hmin a lo tum ngei ni tur a ni,keipawn ka pa chuan kan inkar chu min pawmpui ve mai dawn emaw tiin ka lo hahdam hman tep tih ah, a office ipte atang eng emaw ni lehkha hi a rawn lachhuak a,






"En rawh" tiin Remsanga hma zawn ah chuan a rawn dah.




"Kha kha rampawn lam a i zir zawm na tur transfer lehkha a nihkha, helam ah insawn chiah mahla, i luhna ngai ah i luh leh a ngai ang, chuan hei hi i flight ticket tur" tih pah in thlawhna ticket a rawn dah tel bawk. Keichu ka ngawi reng hetiang khawp hian ka pa hi a kalthui ka ring miah lo kha a nia,mahse ka lo ringsual hle mai,kapa hian engtik ah mah kan inkar hi a pawm dawn lo ni in a lang.





Remsanga chu a ding hluai a, "pa" a ti hman chauh,ka pa chuan, "thu rawh" a lo ti fiah fak mai. Remsanga pawh engmah sawilo chuan a thu ve leh mai a, a lawm lo a ni tih erawh a hriat hle thung.




Chutah kapa bawk chuan, "in duh dan in thutlukna insiam a,keipawn ka duh dan in ka siam ve a nihkha,in zawm ngei bawk tur a ni" a ti nghet charh a,a thutlukna chu sawh sawn a tum loh hmel viau, Remsanga chu a in hum ruh ngat ngat tawh a, a thinrim a chet leh buan buan mai ka hlau ru khawp mai.



"Pa i kalthui mah mah lo maw" thinrim insum deuh chung a Remsanga'n a tih chuan kapa chuan chiang zet in a ni chu a lo en a.





"Kalthui mah mah lo e, ka pawh then theih na tur cheu a nih phawt chuan eng pawh ka ti mai ang,ka fate in ni a, in pahnih hian chan cheu ka duh lo, ka hmangaih ve ve cheu a,chuvang chuan in tan a tha zawk tur in ka then hrang dawn cheu" kapa in a tih leh charh charh lai chuan Remsanga a ding leh hluai.





"Hmangaih " ti a phun sup in a nui zui hak, kapa chuan a melh no lo tawh khawp mai. "Zoremsang thu rawh, ka la sawi zo lo" kapa chuan a lo ti chang leh fak a. Mahse kapa thusawi chu hrelo ang mai in a ni chu a awm.




"Hmangaih tih tawngkam kha i hmang in ka hria,a nuihzatthlak hle mai, tun a i lan dan ah hi chuan keini min hmangaih na ai chuan hmingchhiat i hlauh na kha a nasa zawk a nihkha" Remsanga chuan a ti chang ve fak mai. Kapa pawh a ding ve ta hluai a,ka lungphu a lo rang nghal phat mai, sofa tlang ka hmer ngawt ngawt tawh.







"Zoremsang i pa ka nih hi,min zahna i va tlachham ve" a ti hluk a, Remsanga erawh a lo nui leh hak thung. "nilo e pa,ka zah lutuk thin che,mahse i fate min hmangaih ang kha chuan sawi tawh suh,keichu thuhran ah in dah ta ila, Dawngzeli hi i enhran na a rei tawh, hrethiam lo tur khawp a naupang chhia kan ni tawh lo, nang ngei pawn i hrechiang khawp ang chu, engtiklai pawn Sawmzeli i ti huam a, Dawngzeli dikna i hmuh kan a,a dik loh na ah pawh Sawmzeli chu i tan tlat thung,hei hi maw hmangaihna ti a i chhal chu,a nih chuan i hmangaihna chuan thlei bik a nei a nih dawn chu" a ti a.



Kapa thinrim insum zo lo chuan Remsanga hmai ah chuan a beng ri sawk mai, ka lo au deuh that a,ka nu pawh a lo lang ve thuai , ka thlabar hmel a hmuh chuan ka bul ah a lo ding thuai a, "pa-a i ti mah mah lo maw, ngaihtuah chiang ve rawh" ka nu chuan a ti a. Kapa chuan kanu chu a melhrum ngang mai.




"Lo ngawi rawh,i tan tih an hriat vang a nih hi an huaisar em em , he inchhung a pa ber hi ka ni a, ka thutluk na eng pawh nangni chuan in pawm mai tur a ni,tuman insawi buai thei lo" kapa chuan a ti vin leh hluk a, kanu chuan a chhang ngam tawh lo, kapa thinrim hlauhawm zia hretu te vek kan nia,kanu hi ka dem hauh lo,keimahni vangin kut a tuar ve mai ang tih chu ka hlau bawk.






"Ka nu kha vin miah suh!" Remsanga chuan a rawn ti vin ve hluk a, a biang a ri leh nghal sawk mai, "tawngkam vin in i pa hi min be hlek suh, thutluk na ka siam tawh a, ka sawhsawn dawn lo bawk, in vaiin hre rawh u, he in a roreltu ka nih hi" a ti leh khur khur a, ka pa a thinrim em avang chuan ka tha a khur ti tih tawh.







"Inchhung a roreltu ti ve ziah suh,i rorelna hnuai ah hian i nupui fanau te hi kan hlim em tih ah buai zawk rawh. I fa pakhat chauh i ngaihsak lai khan i fa dang te hi engtiang in nge kan awm tih i ngaihtuah ve ngai em? inchhung a roreltu ni tlak ah i la inngai cheu a maw,thlei bik nei a he inchhung a ro i rel chhung chuan kan chhungkua hi ka hlim ngai lo ang. Ih maw pa, a hma kha chuan ka zah lutuk thin che,pa fing fel leh fate ngaihsak mi i nih thin avang khan ka chhuang thin che,mahse Sawmzeli lo lan atang a i mize inthlak chak zia hi i hre ve em? kan chhungkaw hlim loh chhan hi i thiamloh a nih hi" insum kar na nei map lo in Remsanga chuan a ti piap piap a, kapa thin thawk chuan a sir lawk a pangpar khawina vase chu la lawk in Remsanga chu a vaw ta pawp mai,ka nu nen kan lo au chel chul a, a ban in Remsanga chu lo indang hman hlauh mahse ,vase keh chuan a ban chu a hliam hman ta tho ni ngei tur a ni,a ban chu a rawn thi tiam tiam a.







Kapa thinrim chu a thaw halh halh a,kapa chu rapthlak ka van ti tak, Remsanga hmel a natna lo lang chu tuman kan hmuh hmaih in ka ringlo.






Remsanga chu a nui a, "kha kha maw i hmangaihna chu, min lo hmangaih khawp a nih tak hi" ti nghat in inchung lam ah a chho nghal nal nal.




Rapthlak ti zet in kapa chu ka en reng a,ka nu thlaphang pawh a mittui a tla phung tawh. "In inthen lo a nih chuan eng mah tih hreh ka neilo tih hria ang che u, i u in a duh lo a nih pawn, nang tal chuan i u hi then tum ang che",keimah min en in kapa chuan a ti fak fak, ka ngawi reng ka tha khur a la reh thei lo.





"Ka sawi i hria tih ka hria, ka thu zawm ula in tan pawn a tha ang, inthen ngei ngei ang che u" a tih leh chuan rum zet in kapa chu ka melh a,ka in hum ruh pah ngat ngat bawk.




"Ih maw pa, eng pawh hmachhawn huam in bul kan tan, i duh phawt chuan min pawh then tum rawh,i thei a ngem kan en dawn nia" ti ve ngat in inchung lam ah ka chho ve nghal daih. Kapa chuan min au zui a mahse hria ang pawn ka lang duh lo, hawilet miah lo in step ah ka chho mawp mawp.




Inchung ka thlen chuan ka room ah lut lo in Remsanga room ah zawk ka lut a,mahse a lo awm miah lo, ka room ah zawk a awm a nih ring in ka room ah ka lut leh a, a lo awm ngei mai , khum ah a lo thu a, in ngaihtuah hmel a pu.





"I tha em?" Tiin a bul ah ka va thu a.




A ban thi chu ka hmu, "lo nghak lawk, ka tuam sak ang che" tiin a ban tuam na tur hmanrua vel ka la a, ka tuam sak lai te chuan ka mittui a far fap fap reng mai.





"A na em?" Ka ti chhuak tiak a, a ni chuan min rawn en in,eng dang mah sawi lo chuan min kuah thlawp a ,ka tap chhuak nghal hawk mai,ka hnungzang ah a chul hliau hliau a, "ka kiang a i awm chhung chuan ka tha a ni mai, kan thutiam ah dingnghet tlat ang aw" a tih chuan ka kuahlet a, "ka phatsan dawn lo che" ka ti leh tiau.






(Comment theuh tum ang u aw).


Show post links
Top

[Ngaia]

Ni sa in ka hmai a rawn chhun tak siar siar ah chuan mit nuai niah niah pah in ka meng a, ka lu chu a nat em avangin mit chhing chung meuh in ka bek zawn ah ka kut pahnih in ka dawm leh vang vang phawt, nizan Remsanga chhuah hnu khan ka in ngaihtuah nasa a,a khat tawk in ka tap leh thin a, ka muhil mai thei bawk silo kha, ka mengrei phian a ,chuvang chu a nih ka ring.



Rei tawk fe ka chhin leh vang vang hnu ah,peihlo deuh chungin ka tho chhuak a , khawsik in min tham er er ni in ka hria. Damdawi ka hmawm ta ringawt.


Chaw eilai pawn ka pa chu a lo chhuak lo a, Sawmzeli chuan min melh leh hrek hrek zel na in eng mah erawh a sawi ngai lem lo. Remsanga a hlauh vang pawh a ni maithei.


College kal tum a kan inzui chhuak tur chu an room atang ka pa a rawn chhuak a,keini pahnih min hmu dun chu a lawm hmel teh chiam loh, ka pa a hmuh rual in Remsanga chuan ka kut ah a rawn vuan a, "kal ang" a ti sup bawk,chutia chhuah mai kan tum lai chuan,ka pa chuan, "Zoremsang khawnge kal i tum ve?" A rawn ti a.



"College ka kal dawn" tiin a lo chhang ve mai, "saw college ah sawn tih tur eng mah i nei tawh lo, naktuk ah i zirna zawm tur in i kal dawn,ka thu hnial in luhlul chhuah suh, in tan a tha tur a nih hi" ka pa bawk chuan a ti leh charh charh a, Remsanga che hrut chu a kut ka lo hmer vak, ka pa hi chhanglet tawh lo se ka duh, a ngaihdan a sawhsawn dawn chuang lo tih ka chiang a,chhanlet vak in awmzia a neilo.


"Kan kal a nge" ka pa chhang tawh lo chuan a ti a, pawn kan chhuak fel tawh, "ding rawh u" ka pa aw fiak thak in a rawn tih leh chuan ding chiang tak kan ni, kan hawilet chuan ka pa chu kan lam pan in a rawn kal a, a kut ah eng emaw ni a keng bawk . "Thu zawm tum na reng reng nei lo, zahpuiawm dun lutuk" a tih hluk hnu ah, "hei hi la rawh i ticket tur a nih hi, naktuk zingkar ah i thlawkchhuak dawn" a ti leh nghat a, Remsanga chu a nui hawk mai, a nuih chhan ka hriat loh em avang erawh chuan ka hrilhhai deuh .

Ka kut a vawn na chu a thlah a, ka pa lam chu a pan, hlauthawng dep dep in kei ka lo awm thung, ka pa bul a thlen chuan flight ticket chu a la a, engtin nge tih a tum ti a ka ngaihtuah laiin ka pa hmazawn ah tak chuan ticket chu a pawtthler ta vek mai, ka pa thinrim chu a khur det det thei tawh , ticket chu a pawt nawi vek a, ka pa elhsen zet a nuih sak pah in a ticket pawh nawi chu ka pa hma ah chuan a vawrh darh leh vek, a chetdan chu ka rinloh lam lutuk a nih avangin ka dinna hmun atang ngawireng in a chezia chu ka lo en tawp. "Ti kha chuan eng ticket mah a awm tawh lo, ka kallo thei tih na a nih chu" a tih rual in a biang a ri sawk a,ka pa chuan a beng leh tawh a ni. Nuisang chungin Remsanga chuan ka pa chu a en a, "vawi li, kut min thlak zat ka lo chhinchhiah zel ang, nakin ah i tu te la hrilh chhawn a tan" a ti leh ngat.


A mize ngeiawm leh ngeng ngalh chuan ka pa thin a ti rim lutuk tlat, "Pa te zahna chhete mah nei lo, hre rawh u, ka then hrang dawn tho tho che u" ka pa chuan a ti leh khur khur, "min pawhthen chu i tum ngar ngar hle mai maw, mahse i thei chiah em kan en a nga,kan la hria ang, i mi hmangaih na der kha i kal a piang ah i lo awmpui dawn nia,keini chuan kan mamawh lo ve" ti leh nghat in,Remsanga chu rawn inher in min kalsawn pui nal nal.


Kawng tluan in kan ngawi reng kan inbe miah lo, ka pa hi ka hrethiam lo a ni lo,mahse a kalthui mah mah a ni, kan duh vang a nulat tlangval kawng a in hmangaih ta kan nilo,khuanu hian kan tan kawng a duang a, khuanu kawng duan sa chu keini chuan kan zawh mai chauh a ni,thisen zawm kan nilo a, kan in hmangaihna hi sual leh thianglo lah a ni hek lo,hman a ka pa kha ka ngai a,kan chhungkua kha ka ngai thin,kan in ngaih a,kan hlim a,kan nui tlang dar dar thin,tun ah chuan chhungkua a tv en ho takngial pawh kan nei tawh ngailo.




"Kan thleng a nia" tih thawm ah chuan ka harh zawk a,ngaihtuahna ka lo kawm nasa deuh a ni ngei ang,college kan thlen lai ka hre miah lo. "Engtik lai in nge kan thlen a" ka tih chuan , "minute khat vel chu a ni tawh ang, e nge i ngaihtuah a," a tih chuan lu ka thing nak, "engmah a nilo" ka ti ta daih.


"Lo kal rawh lut ang,minute 10 kan la nei" a tih chuan bike atang ka chhuk a, class kal pawh ka chak lo zingkar atang khan ka awm a nuam thei meuh lo ka pum hi a ni but but reng a, ka sawithiam lo khawsik mi tham lah a reh thei bawk silo nen class lak chu phurlo tak ka ni.

Remsanga hnen a ka sawi chuan min ngaihtuah ka hlauh avangin engmah sawi lo in class ah ka luhsan a, Seni pawh a lo thu vang tawh,a bul ka thlen rual chuan dawhkan ah ka bawk nghal thlawp a,ka chhing nghal vang vang, "ti nge a i nuamsam lo em ni?" Tiin Seni chuan min zawt thuai a, "ka ni nghulh mai,khawsik in min tham er er bawk " ka tih chuan Seni chuan ka pang a rawn dek thuai a, a kut chu a lasawn leh rang hle.





"I pang a sa lutuk,damdawi i ei em ,tiang chung chung chuan rawn kal loh tur alawm" a ti a, lu thin mat mat pah in , " in a awm saw nuam ka ti lo" ka lo ti sep, "damdawi ka va la lawk a nge," a tih chuan ka chhang tawh lo,Seni chu a tho a, a rawn let leh chuan damdawi min eitir a, dawhkan ah ka bawk leh nghal . U Remsanga ka ko dawn em ni,i awmdan hi a dik miah lo,principal hnen ah haw dil mai rawh tiin min ngaihtuah hle, lu ka lo thing ringawt, haw dil emaw Remsanga tihbuai pawh a eng zawk pawh nise ka duh lo ve ve.



Class kan lak lai te chuan ka meng lui hram hram a ni ber,ka mit a thial urh bak ah a sa huam huam a,ka thawk pawh a sa vek , ka damdawi ei khan min chhawk lo tih a chiang khawp mai.




"Sen,ka chau lutuk" ka tih rual in dawhkan ah ka bawk thlawp a,ka khaw hmuh a fiah lo ruai bawk, "mate,hey! i tha em?" tih ri chu hla tak a mi ang mai in ka hre ruai ruai chauh a ni, a thim mup a ka harh leh meuh chuan damdawiin ah ka lo awm reng tawh, ka sir ah Seni leh Remsanga an awm a, ka harh tih an hriat veleh min rawn hnaih in , "i tha em?" Seni chuan a ti thuai a, Remsanga erawh a ngawi reng ka mit ka khap fak fak a, ka lu na chu tawrh nuam zawk zawk a nilo,khawsik erawh ka nei tawh lem lo a nih hmel.


"Engtin nge hetah ka awm theih?" Ti a ka zawh chuan, "class a kan awmlai in nikhaw hrelo in i awm a, professor leh u Remsanga te hi ka hrilh a, u Remsanga kan class ah lo kal in kan hruaichhuak che a lawm," a ti a, ka chhing sawk.


Chutih lai chuan doctor a rawn kal a, "e nge chanchin,damloh na lian tham deuh a nei em lo tiraw?" Tiin Remsanga chuan a lo zawt vat, doctor chu a bu nghat a, "natna lian tham chu neilo e" tiin a ngawi dat a, "nau a pai tih hi i in hre miah lo em ni?" Tiin doctor chuan keichu min zawt ta mai, ka meng bial nghal kawk thei, Seni pawh chuti tho, Remsanga chu ka melh vat a, a ni pawn mak a tih hmel khawp mai, "naute a" ka ti bah nawk,doctor chu a bu nghat a.




"Thla khat leh a chanve a ni tawh a,rilru hah na i nei nasa thin a ni maithei ,nau i pai bawk nen chu chuan i taksa a ti chak lo a nih hi, vaitamin ka chawh che a, chu chu lo ei tha la, chaw pawh i theih chuan ei luih hram i tum dawn nia, rilru hah a awm loh i tan a tha ber aw," doctor chuan a ti a, a thusawi te chu hre vek mah ila 'naute' tih thumal avang khan ka vai riai tawh. Chutah Remsanga chu en in , "damlo hi in enkawl tha dawn nia,naute insiam lai a ni a, hahdam a mamawh a taksa hi a chaklo bawk si a" tiin a kalsawn a, kan vai chuan kan ngawi reng.



"In be ru aw" tiin Seni chuan hun thawl minpe a, a ni chu a lo va chhuak thung, mittui tling pam in Remsanga chu ka en a,
"engtin nge kan tih ang" ka ti chhuak tiau, a thaw halh a,ka bul ah lo thu hniam in ka kut chu a hum a, lakang in a fawp leh vang vang.



"A tha vek,engkim a tha a nia,ka awm hi min ring tiraw?" A tih chuan lu ka lo bu nghat, "min rin chuan a tha, i duh a nih chuan naute hi kan nei tlang ang, kan fa a ni a kan mawhphurhna a ni" a ti nghet charh a, Remsanga ka nei hi ka van lawm tak em.


"Ka pa ka hlau, hre ta se min vawhlum duh maithei" ka ti a, a hria a nih ngat chuan min vuakhlum loh pawn a teuh viau maithei a ni. Ka ngaihtuah zawng ringawt pawn ka khur thei.




"Hlauthawng suh,ka venghim tlat dawn cheu kan naute nen hian" Remsanga chuan a ti a, ka ring thlap, ka hnen a a thutiam hlen loh a nei ngailo.



"Ka pa te hrilh rih lo ang aw, min tih tlak tir duh mai ang,ka naute hi chan ka duhlo" tiin ka tap chhuak hak a, ka mittui rawn hruk pah in. "I duh dan in kan awm dawn nia,tlan dun ang i tih pawn ka hnial lo che, kan pahnih a kan awmdun theih na tur a nih phawt chuan khawi hmun ah pawh awm ila ka pawi tilo" a ti leh charh charh a, ngaihtuahna a van kalthui duh tak em, kan in kalsan a tlan dun chu duh viau mah ila, theih loh na chhan tur tam tak kan nei,maherawh chu kan dinhmun a zir in tlan dun kan la ngai lo ang tih pawh a sawi theih tawh lo.




In a kan haw chuan tu mah an lo awm lo hlauh ,khum ah min muttir a, doctor damdawi min chawh thenkhat chu min eitir nghal bawk, "kan naute hian a lo pian hun ah hlim na tam tak min thlen mawlh rawh se" tiin ka kawr chhan ah ka pum chu a fawp a, ka lo ip chawih thei, a mitmeng a phur na leh lawm na langchhuak chuan keipawh min tihlim a,min tichak sawt ni in ka hria, kan chhungte dang in kan naute hi pawm lo mahse, keini a nu leh pa te hian kan hmangaih a, engpawh huam in kan venghim tlat ang ,Remsanga sawi ang khan hlim na min thlen tu ber a rawn la nih ka beisei.




Tlai lam ah chuan ka beisei aiin ka awm a nuam ta deuh a, chhungte kiang a dawhkan kil huphurh viau mah ila, ka kil lui ve hram hram, kan chaw hmeh rim erawh in ka luak a pawt deuh tlat a, midang awm lai a uak kha chu ni thei in ka hre silo, a van hreawm tak. "Khatin i hmel siam vak vak suh, ka rawngbawl ve a nih hi,tui lo ti mah la ti langchhuak kher lo la" lawm lo hmel pu deuh in Sawmzeli chuan a ti a, a rawngbawl tui lo ka tih vang a ni maih silo, a rawngbawl chu ka rinai daih in a tui zawk keimah lam ka dikloh vang mai mai zawk a ni.





"Chutiang a nilo,a tuilo miah lo a nia" ka ti a,tlem chuan nuam lo ka ti ve deuh, Sawmzeli chu a tum bar a, "mahse tuilo i tih hmel tho a lawm" a ti leh hram tho, "i damlo em ni,i hmel a va diklo ve?" Ka pa chuan a lo ti teh mial a, min hriatchhuah ka hlauh em avangin ka lungphu a rang leh vek tawh.




"Eng lo,ih,ka nuamsam vak lo a" ka ti bah niai. "Damdawi i ei em?" Tiin min zawt leh a, ka nu pawn min ngaihven viau mai , "imm ei tawh e" ka tih chuan a bu nghat a, "in enkawl tha ang che" a ti nghat a, Sawmzeli lam hawi in , "i chaw eikham ah damdawi i va lei belh sak dawn nia,vaitamin lam ei tel se a tha ang" tiin a tho zui hmak a,ka pa a ni a, min ngaihsak huam ang in lang lo mahse a thinlung ah hmun ka la chang ve a ni tih ka hriat na ringawt pawh chuan min ti lawm a,ka chaw bar lai te chuan ka mittui a tla thei takngial dawn,ka ei luih theih tawh ngang loh avangin ka tho a, room ah ka lut ta daih.



Rei vak lo ah Sawmzeli a rawn lut a ka khum ah damdawi dah in,a mah pawh a rawn thu ve nghal a, "hetiang em em hian in inkar in lak serious ka ring lo a" a tih chuan,ka thu chhuak ve ta nge nge, "e nge a awmzia?" Ka tih chuan,min rawn en a,ka hmusual nge min lainat hmel deuh in min en in ka hria.




"Ka u nen hian tawp tawh mai ru, ka pa hian a pawmpui ngai dawn lo cheu tih in hriat ve tho kha, luhlul in chhuah reng chuan ka pa lak atang in hrang telh telh dawn a nia" a tih chuan ka thaw halh, "ka hria a lawm,tun ah pawh ka pa nen kan inkar hi mihrang daih nen danglam na a awm tawh lo, bak ah Remsanga nen kan inkar hi tawp san leh mai thei a ni tawh lo" ka ti a, Sawmzeli pawh a lo thaw ve hak mai.




"A nih chuan in enkawl tha ang che, i damloh chuan inhauh pui tur ka neilo,a reh lutuk , ka lak a hneh tu nih i duh chuan i dam that a ngai a nia" ti a nui sak chung in min chhuahsan a, nidang ang chu nise a tawngkam vang khan ka thinrim leh ngei ang,mahse tun tum chu ka thinrim miah lo,a ni pawn ngeiawm zawng a sawi a nilo tih ka chiang ve tlat, tunlai chu a mizia a dang deuh a, a hma ang khan engkim ah a inrawlh tawh lo a, min be tha ngai lo a,min be chhe ngai hek lo, tlem chuan kan boruak pawh a zia deuh.






Khum a ka lo thut mut deuh lai chuan Remsanga a rawn lut a, eitur eng emaw ni hi a rawn keng a, "e nge a?" Ka lo ti vat .




"Thil i ei tlem sia, eitur ka lo ken che,thei lam te hi ei tam la a tha ang" a tih chuan ka lo nui var var, "ka rai rih i hriat hnu hian min ngaihtuah sawt in ka hria,a nuam" ka tih chua tawite in a nui suk a,a mawi em em mai lehnghal.


"Kan naute hi a hrisel a ngai a lawm" a ti a, apple zailep sa chu min rawn barh pah zeuh, keichuan phone ka en pah a, naupang lu kawlh lil lel hang deuh mai hi a zai a, a zaithiam reuh em avangin video chu ka ennawn tlut tlut mai.



"Tinge i va en ngun ve?" Ti a min zawh pah in ka phone chu a rawn bih zui ve nghal zat a, ka thil en a hmu chiah chu phone chu min laksak daih a, "e nge a?" Ka lo ti haw,phone ka ban chuan a lo kengsawn zel a, ka van ngei tak. "E ngei hriat a rawn la vat teh" ka tih chuan phone chu a hmet mual mual a, "kha hei hi en zawk rawh, an hmeltha zawk, i enlai kha chu a hmelchhe lulai emai,kan naute in a hmuh zin chuan a copy a nga, a rawn hmelchhe vek palh ang, hetiang naupang hmeltha deuh deuh hi en zawk rawh" a ti vei duah, "reuh che hian a" ka ti nuah nuah a ,ka nui pah ruh ruh bawk ,a ni lah chu a thu tak ropui bawk sia.



Ka room kawngka chu a va kalh tha te te a ,chumi hnu ah khum ah chuan a rawn in thawlh ve a,ka sawi buai lem lo, tun ah tak hi chuan ka ngai a, a bul a awm reng ka duh. "Tlan dun daih chu i duh lo em ni?" Tiin min zawt leh a, in hma tawn in kan mu a, ka kawng ah kuah in keiin a bek sam ka khal niap niap thung,chiang zet in kan mit ah kan in en a,a thaw lum ham ham pawh ka feel thei.



"Tlan dun ringawt ila engtin nge kan khawsak ang, naute kan nei a nga kan hautak dawn chauh,hnathawh kan la neilo ve ve bawk nen, i zirlai i zo tep tawh a,kei leh i fate tan theih tawp chhuah tang tang phawt rawh, a loh theih loh chin a thleng a nih erawh chuan khawi hmun ah pawh nise ka zui ang che" ka tih chuan a thaw huai a, a nui zuk suk bawk.


"Tlan pui daih che ka hreh lo a sin le" a tih chuan, a beng ah ka pawt zeuh a , "sawi tawh rih suh,i zirlai zo phawt rawh ka tih kha" ka tih chuan a nui chhuak hawk.



"Kan tetlai atang tawh keimah ah hian thu i nei ber" a ti a a nui pah hak,keipawh ka nui ve hak tho.


"Mu tawh rawh le,kan naute hian mut tam a mamawh a nia," a tih chuan, "kan naute hian apa zai ka ngaithla chak a ti a nia,engtin nge kan tih ang" a mah en kiau chung a ka tih chuan ,ka hnar a piai zeuh pah in a nui a, "phakar reuh lutuk mai" a ti a,"ehemz" tiin a aw a thian hmasa kharh, "kan naute leh anu tan tun ah apa in hla a lo sa ang,anu hian a mit chhing tawh rawh se le" a tih chuan nui pat pat chungin ka mit ka chhung a, ka hnunga ben thek thek pah in Remsanga chu a zai rut rut a, a kiang ah chuan ka thla a muang hliah hliah, reilo ah mutchhuak in min zem a, Remsanga zai ri pawh a hla ta tial tial.





(Story hi ka type zawh veleh edit miah loh in ka rawn dah nghal thin a, spelling mistake a awm a nih pawn min lo hrethiam hram dawn nia).


Show post links
Top

[Ngaia]

Zing a ka harh ve meuh chuan a lo tlai duai tawh , Remsanga pawh a lo awm tawh lo, zi mar tiah tiah in ka tho chhuak a,ka inbual hmasa leh te te ,ka harh sawt in ka hre bawk.




"I tho tawh em?" Tih ri ka hriat rual in ka room kawngka pawh a in kik pah karh karh a,kapa a ni.



"Lo lut rawh" ka tih hnu ah a ni pawh a rawn lut a, khum a thut pah chuan, "lo thu lawk teh" tiin a thut na bul chiah awllai chu a beng zui thak thak bawk. Ngawireng in keipawh ka thu ve mai a, mahse ka pa bul ah chuan ka awmdan a khawr tut tawh a, kan rilru in hlat tawh zia ka hriat in ka na thar riau bawk, a hma kha chuan ka nu ai mah khan min duat zawk thin a nia, hetiang khawp a a danglam ta pawh hi na ka ti.




Ngawireng a kan thut dun lai chuan ka kut a rawn hum a,ka phu zawk thei ,ka pa chu ka en vat bawk,a ni chuan min en ve lem lo in,ka kut a chul hauh hauh na lai chu a en a, "bawihte ka rilru hi in tibuai unau takzet a ni" a ti hnual raih a, keipawn nuam ka ti chiah bik lo, kapa rilru nawm loh dan tur hrethiam tu ve tho ka nih avangin kapa lak ah chuan ka inthlahrung viau.






"Pa" ka ti chhuak sep a, ka pa chu a thaw halh ,thildang ka sawi leh hma in ka pa bawk chuan,






"Bawihte i u hi i thlah thei ngang lo em ni?"a tih chuan ngawireng in ka kun ta daih,kapa hmel a beidawnna langchhuak chu ka hmuh hmaih miau loh avangin a hmel chu ka en rei ngam ngang lo. "In thinlung hi ka hrethiam lo a nilo, in pa ka ni a, kei aia hmangaih leh tur chuang cheu an awm hek lo, thisen zawm nilo mah ula unau in nihna a bo lo a, kohhran leh khawtlang ah mi zahkai chhungkua kan ni a, kan zahawmna heti mai a a chhiat hi i phal dawn em ni? I pa zahawmna miten a an rahbeh hi i phal dawn em ni?" Zawt ti tih deuh a ka pa in a tih chuan, ka in sut hraih a,ka mittui a tlak mai loh nan ka insum tang tang bawk.








"Ngaihtuah chiang la i pa hi min hmangaih ve tak tak a nih chuan,i u hi thlah rawh aw, nangmah zawk hian rampawn lam ah i zir na chu zawm la, boruak a daih hun ah i rawn haw leh dawn nia,chumi hma chu tuar tang tang la, ka naute i ni a, ka hmangaih che tih hre reng la, tun a ka thil tih pawh hi i tan vek a ni" a tih chuan ngaihtuahna a kalthui kher mai,a thusawi hi diklo pakhat mah a awm lo, tawngka vin leh tharum thawh na lam a in nawr ai ngawt chuan a thawh dan pawh a dang deuh , kapa hmel chu ka en a, beiseina nen min en reng avang chuan , 'aih' ti a hnial ka hreh takzet, mahse ka pum ka dawm a,he naute hi engtin nge a awm ve tak ang.






"Pa ka thei lo" ka ti chhuak tiau a, ka tap zui hlap hlap bawk, ka pa chu a thawchhuak halh a, min kuah a ka pa dar rinchhan chuan ka tap hliam hliam , duat deuh in ka hnungzang ah a chul hliau hliau a, "engkim a tha vek dawn a lawm bawihte, a tir ah chuan a harsa ang ka hrethiam lutuk,mahse in tan a tha tur zawk a ni,min ring rawh ka naute" a ti leh dap dap a.







"Aih pa, engmah a tha lo ka rai" ka tih chuan min kuah na atang kapa chu a in lahrang a, "eng maw i sawi kha" a tih chuan, "ka rai,pa,ka pum chhung ah hian Remsanga nen kan fa a awm" ka tih chuan ,boruak chu a reh duk a, ka tap hlawp hlawp thawm bak hriat tur a awm lo.









Minute sawm dawn kapa a ngawih reng hnu chuan,a ding hluai a, hlauthawng zet a ka melh lai chuan , "ding rawh" a ti dam thluam a, "pa" ka lo ti sep ringawt.




"Ding la,min zui rawh" a tih leh chuan ka ding a, "i u in naute i pai tih kha a hre tawh em?" A ti chuan ka lu ka lo bu nghat a, a thaw hawk mai, engtia min tih nge a tum ti a ka ngaihtuah lai chuan, "hospital ah kal ila naute chu a len tak tak hma in kan ti tla dawn nia, i u bul ah chuan chhuanlam kan siam mai a niang chu" ti a ka pa in a sawi lai chuan rapthlak ti zet in ka pa chu ka en a, engtin nge chutiang chu a sawi theih zawk, he ka pum chhung a naute hi a thisen zawm ve tho a ni a, engtin nge pawisawilo naute chung ah hetiang hi thlen tir a tum theih.





"Aih ka duh lo" ka tih chuan, "eng maw!" Tiin ka mit ah chiang zet in min en a, ka chhanna chuan a ti thinur a ni tih ka hria,mahse naute tih tlak chu ka duh lo, "ka duh lo,ka naute hi ka ti tla duh lo" ka tih chuan ,min ben tum in ka pa chuan a kut a lek chhuak uai a,mahse a insum leh thei hram, "min zui ringawt mai rawh, duh lo eng ang mah la,kha naute kha a rawn pian chhuah ka phal dawn chuang lo" a ti khur khur a, ka pa thinrim chu hlau in ka tha a khur tawh,mahse ka theihtawp in ka naute hi ka venghim dawn.







"A hnuh a hnuh thlen thak ngai dawn mahla,ka hnuk thleng thak mai ang che" ka pa in a tih leh khur khur chuan ,ri meuh in ka tap chhuak tawh, "aih pa, khawngaih in " ka ti tiau a, thildang ka sawi zawm thei lo, "min zui ringawt rawh" tih pah in ka ban ah min kai a room pawn ah min hnuak chhuak dawt dawt, ka tha tawp in tang ve mah ila ka pa tha chu ka hneh silo,ka van mangang tak em!.






"Pa khawngaih in,naute hi ka hring duh, i thisen zawm ve tho a nih hi" ka ti lawm lawm chung pawn ka pa chuan min ngaithla duh lo, inchung pan na step tawp thleng chuan min hnuk phei tawh a, step vawn tlang ah chuan ka in vuan tang hram hram, "pa khawngaih in" ka ti awl lo a, kapa chet duh dan chuan min tina takzet.





Chutah ka pa chuan min rawn en a,
"ka duh dan a i awm lo a,ka thu i zawm dawn lo a nih chuan, i u hi ka tuithlar ang, a chiang em? Kan chhungkua atang hian i u hi ka thaibo ang, ka thu i zawm dawn lo a nih chuan ka ti ngei bawk ang" khauh zet in ka pa chuan a ti a,ka zawi hnawk thei, min pawh then a duh luat ah a fapa a thisen zawm ngei pawh tuithlar a pawi tilo a maw, ka pa chu rapthlak ti zet in ka melh tlawk tlawk ringawt.








"I u ka tuithlar chu i duh em?" Ti a min zawh chuan ,lu ka lo thing nak nak a, "a nih chuan ka thu zawm ang che" a ti leh nghut a, "zan,zankhat chauh hun minpe la, zanin chauh,tichuan i duh ang chuan ka awm ang, zanin chauh Remsanga nen kan awmdun min phalsak la,ti chuan rampawn ah chuan ka kal ang" harsa ti zet in chu thu chu ka sawi a, ka hun tawn khirh zet chuan min ti chau a ni.







Kapa pawn min chelh na chu a thlah a, chutih lai tak chuan step ah mangan hmel zet in Remsanga a rawn tlanchho zawt zawt a, a hnung ah ka nu leh Sawmzel in an rawn zui bawk, step tawp a ka thu niai min hmuh rual chuan Remsanga chuan min pan vat a, kapa chu ka melh zawk a, 'eng mah sawi suh' tih melh in min lo melh.








"Pa , engthil ngei tih?" Remsanga chuan a ti chang fak a, awka vin hman loh chu a tum hram hram tih ka hria, ka pa chu a ngawi kur a, Remsanga dawhtheih na chuan a tlin leh ta lo, "engthil nge i lo tih ka tih chu?" A ti vin leh tuarh, kapa chu a chek tlak tlak a, "zakthei lo" ti hluk in inhnuai lam ah a chhuk nghal daih,ka pa hnunglam chu ka enzui reng a,ka na a ni, ka na thlawt, kapa min hmangaih na zawng zawng kha an bo ta vek ni in ka hria, "nu lo buaipui lawk ru aw" tiin Remsanga chuan ka pa chu a zui a,ka nu leh Sawmzeli chuan min rawn pan a, "bawihte ta hi ka awm e" tiin ka nu in min kuah a,ka insum zo leh ta lo,ka tap chhuak leh hawk, Sawmzeli pawn ka hnung ah a lo chul ve hauh hauh a, ka dinhmun hetiang a nih tak avang hian ka lak ah rilru chhia put reng harsa a ti ve pawh a ni mahna.







Room ah min kuah lut in khum ah min mut tir a,rei vak lo ah Remsanga a rawn lut ve leh, ka nu leh Sawmzeli chu an chhuak a, "tui ka lo lak ang che" ti a Remsanga kalsawn tum chu a kut ah ka lo chelh a, "kal suh" ka ti tham tiak, a ni pawn min hrethiam tak in ka khum ah chuan a rawn lawn ve ta zawk a.







A awm ah min kuahbei in ka bek sam hnawk niai te chu a hui kiang a, a khat tawk in ka chal ah a fawp zeuh zeuh bawk.






"Hlau miah suh,engkim a tha vek ang" tiin min hnem mahse ka thu hriat ang a hre miau lo a, ka hahdam thei lo, a awm zawn ah ngawireng in ka khap fak fak a, rilru leh ngaihtuah na a chawl meuh lo, ka pum chu ka dawm rauh rauh a,ka tah a chhuak takzet,hetiang em em hian ka pa hi a nunrawng ang tih ka ring phak ngailo,ka ring phallo bawk, ka pa in Remsanga a tuithlar chu ka duh bawk silo, kapa hi a thusawi a ding nghet mi a ni a, 'ka ti ang' a tih chu a ti ngei ngei thin, a tih theih loh tur thu a tiam ve mai mai ngai lo bawk,hei tak hi a nia Remsanga nen an inchhun na,an thutiam a ding nghet leh mi sehhel ve ve an ni, thutluk na an siam tawh a nih chuan tuma sawh sawn tir theih an ni tawh ngai lo.










Ka thinlung chu na in a rum vawng vawng a, lanchhuah tir erawh ka tum lo,thutluk na ka siam dawn a nih chuan Remsanga ka kalsan ngei a ngai dawn, ka hun neihchhun tlem te hi a kiang ah am tak a hman ka duh a, a kut ka chelh theih chhung chu chelh ka duh,ka hun neih a tlem si a. College pawh kal ta lo chuan nileng in kan in awm a, ka thinlung chhung tak atang hian ka ngai vawng vawng,rei tak chhung hmu lo tur ang a ka in suangtuah phei chuan hreawm ka van ti tak,a ruk in ka mittui ka hru hru ringawt.







"Ice cream ka ei chak e" ka tih chuan a ner nang nang a, ka lo nui hak, vawiin nileng in thil chi hrang hrang ka tih tir a, eitur ka lam reng bawk nen a ning tawh tih ka hre reng,mahse kan hun neih a tlem tih ka hriat avangin kan hun neihchhun chu a hlimawm thei ang ber a hman ka duh,ka pa pawn eng mah a sawi buai lo a,a room ah a tap chawt. "Tun ah maw, zan a rei dawn naktuk ah i ei mai dawn nia" a tih nui nui chuan ka tum bur a,ka dul chul hauh hauh pah in, "naute apa in ice cream ei a phallo a nihchu,i ei chak nen aw,tihpalh aw naute a nu hi min ngaidam dawn nia" ka tih chuan a chek hluk a, "i over mah mah aw, ka kal, naute anu hi actress a nih hi" ti a ka pum rawn fawh zeuh pah in a chhuak nui vur vur a.







Vur nen a lo let leh hnu chuan khum ah bawk kan awm leh a, ka kuah chial reng mai, "e nge vawiin hi i hriat a" ka awm dan mak a ti deuh a ni mai thei min en chik hle.









"E nge ka hriat vak a nga,ka ngai thei lo che em ni?" Ka tih chuan ka chal a rawn dek ringawt a, "i khua a sik bawk silo" a ti bul bul mai, "ka ngai che ka tih chu ,chuvang mai mai" tiin nui chung in a kut chu ka vai kian sak a, nghet zet in a kawng ah ka kuah a,kalsan ka van hreh ngawih ngawih tak em, zanin hi ral thei lo se, emaw , zanin hian khawvel hi tawp daih mai se ti ten ka ngaihtuah rauh rauh.







Zing ah hma deuh in ka tho a, a tawp nan Remsanga muhil hmel chu ka en a, ka hmui ah zawimuang in ka fawp, he hmui hi engtik ah mah ka fawp thei tawh awm silo, a taksa lum nuam tak te, a engkim hi ka ngai dawn takzet a ni.





Thawm dim zet in ka thawmhnaw ka siam a , ka in siam zawh hnu in inhnuai lam ah ka chhuk thla a ,ka pa in min lo nghak reng tawh , nimin lam khan ticket a lo la vek a, a thil tih dan chu a rang vut vut lutuk a ka rilru nat na a zual.





"Hospital ah kan kal hmasa a nga, chawhnu lam ah daih i flight chu a ni dawn a, hreawm deuh mahse i tuar hram dawn nia, i awm na tur i thlen thlak hun a,enkawl tur che in nurse ka ruai a nga i in enkawl mai dawn nia" a ti charh charh a, he in ah hian let tawh lo tur in min duh tih chu hrilh hranpa ngai lo in a chiang viau, ka pa chuan min hnawl a,min pet chhuak ang riak ah ka ngai, chutiang ka nih loh na chu a tlem viau in ka ring bawk.




"I nu leh i unau ten chanchin engmah an hrelo a, i awm na tur lam i pan hun ah keiman ka lo hrilh mai ang" a ti leh a,ka chhang lo, ngawi reng in kan inzui chhuak a, hospital a kan awm lai te chuan mi a ang mai ni in ka in hria, ka pa chuan ka kut ah a chelh a, "ka fanu tuar chhel i nihkha, ka chhuang lutuk che a nia" a ti sup sup a, ka nui chhuak hak,a zat vang erawh a ni hauh lo thung, a tu ,a thisen ngei ka ti tla tur chu min chhung a nihchu,rapthlak hian,kapa ka huatna chu a nasa telh telh .







Doctor in ka hming a rawn lam a,nau tih tlak hi doctor ten duh lo mahse ka pa hi mi thil ti thei ngang a ni bawk a,engtin tin e maw doctor te nen an inbe rem thei ta tho, ka pum dawm chungin room pakhat ah doctor nen kan in zui lut a, na ka van ti tak,ka mittui ka biang ah a lum thla pap a,heti mai hian ka naute nunna hi a tawp ang maw, a nu leh pa te hian kan hmangaih a sin.









Room atang ka chhuah leh chuan mi a ang mai ka ni, ka pa in min lo buaipui vat a,mahse a mi dawm na kut chu ka thingthla nawk, he mihring tawh hi ka duh lo, huat tak te in he mihring hi ka hua, ngawireng in ka hmazawn ah la kal chhet chhet a,boruak te hi an uap churh a,ka bing mup mup ni mai in ka hria, Remsanga hmel ka mitthla ah a lo lang a,heng zawng zawng hi hre ve ta se a ni pawn na a van ti dawn tak em , ka chaw mawlh vek a,ka mittui in a luan huh nasat em avangin ka hmai pawh an ban chap tawh.








Ngawireng in airport lam kan pan a, chutih lai chuan Remsanga call ka dawng, phone screen a a hming in ziak ka hmu chiah chu, in sum hman lo in ka mittui a baw leh ta zawih mai, tun ah te hian min hmuh loh avangin a mangang tawh viau ang, a theihna zawng zawng ah min zawng kim leh vek tawh maithei bawk a ni. "Remsang ka tihpalh aw, keimah avang a tuithlar i nih ka phallo a ni,min ngaidam rawh" ka rilru chuan ka ti mawlh mawlh, vawi tam min biak tum in min lo call a,mahse vawikhat mah ka chhang lo, ka chhang a nih chuan insum thei lo in a hnen a let leh ka duh ngei dawn a,ka pa in a tuithlar bawk ang,chutiang chu thleng tur in ka duh lo.







Airport kan thlen chuan ka bungrua vel ka pa in min khai pui a, ka thlawhchhuah pawh a hun ruai chu a ni tawh,ka kal tur meuh chu ka pa pawn min lainat ve deuh tih ka hria, mahse a mah ka huat na chuan min hneh em a, vawi khat mah ka hawilet lo,a duh ang in thil a kalpui a, tun atang chuan keipawh mi chaklo tak Vanlaldawngzeli kha ka ni tawh bik lo ang, tun hi ka tlawm tawp na ber ni rawh se, tun atang chuan a ni nen a kan in zawm na zawng zawng thaichhiat in a awm a nga,a tan chuan mihrang hlak ka ni tawh ang , a mi enkawl na tello pawn ka dam khawchhuak ang, ti a mahni leh mahni infuih sauh sauh chungin a chhunglam ah chuan ka lut ta a.












(Comment hnutchhiah leh theuh tum ang u aw).


Show post links
Top

[Ngaia]

"Nu heng chawhmeh zo zai hi khawi a mi nge a?" Tiin ka nu lo haw chu ka lo zawt nghal.



"Thenawm te feh in min lo hawn a nihkha, kha an rawn hawn hnem ang reng sia a lawmawm rual in a inthlahrun awm lek lek zawk" ti a ka nu in min chhan chuan, "a tam em tak a nih hi,an hah ngawt ang thenawm te chu" ka lo ti ve luam. Chutia ka nu nen kan lo rik bawrh bawrh lai chuan bawihtei tap pur chungin a rawn lut a, "tinge i tah a?" Tiin ka nu nen kan lo chiau au nghal vat, pawm chungin thuthleng ah ka thutpui a, a la tap hliam hliam reng a tawng pawh a la tawng thei meuh lo, ka awm ah ka kuah bei a,a hnungzang ah ka chul pah hliau hliau bawk.






A lungchhe zualpui a reh hnu ah a tah chhan ka zawt nawn leh a, chuta bawihtei min chhanna chuan ka thinlung hi a vilh ngut ngut ni mai in ka hria, ka in hum ruh teuh mai.



"Nu, apa in min duh lo tak tak a mi" mittui la parawl kiang chungin ka fanu chuan a ti a, a hmel ka en a,ka van lainat tak em , "nilo e bawihte, i pa chuan a duh lutuk che a lawm,ka pai che tih a hriat hlim phei chuan a lawm lutuk ringawt i lo pian hun a nghakhleh lutuk zawk mawle" tiin a biang a mittui la chambang chu ka hruk sak pah a.






"Nang chu pa pawh i nei ve lo,i pa in i nu nen a duh lo cheu" bawihtei bul ah a thian te chuan an lo ti a nih chu, an inkhualtelem na a tel tir ve an phalloh vang mai mai lehnghal in, hetia ti tu te hi kan kawmchhak mai a awm an ni a, an ni naupang mai mai chuan an irawm chhuak in chutia tawngchhuah nachang an hre kher lo ang , an inchhung a puitling ho thusawi an hre fuh tih na a ni mai.






"A nih anu tinge apa hi kan bul ah a awm ve loh?" Ka mit a min en kiau chungin ka fanu chuan a ti leh a, chhanna pek harsa ka van ti tak , tawite a nui lui seih in , "apa chu a hna vangin a buai lutuk a,kan bul ah a awm ve thei lo a lawm" ka ti ta ringawt,ka fanu bul ah hian 'i pa chu a thi tawh' tih vel a sawi ka tum lo,a pa in a hmangaih zia hre tu ka ni a,tun ah te hian Remsanga chuan hmu nise kehthei dawm tak meuh in a dawm ngei dawn tih ka chiang.






Ni e,khatia nau ti tla tur a ka pa in min hruai khan tih tlak chu ka tum ngei,mahse ka pum a naute kha ka hmangaih a, a lo pianchhuah hma hauh a a nunna tih tawp sak kha ka ngam ngang lo , doctor hnen ah nasa tak in ka ngen a kapa hrilh lo tur in,tichuan nau ti tla ang khan ka awm a,ka pa pawn min ringhlel miah lo,airport ah khan a ruk in ka pa haw hnu ah ka chhuak leh a,ka nu tak bul ah kal in ,lungchhe zet in engkim ka hrilh, ka nu chuan min lainat in min khawngaih a, ka pa dem na thu chhak chhuak lo mahse a lawm bik lo a ni tih ka hai lo.







Ka nu in ah chuan ka him tih ka hria ka chhung ten ka nu hi an ngaihven ngai miau lo a, mahse ka pa chuan Aizawl ka chhuahsan lo tih a hre thuai a, ka nu in lam ah ka kal leh kal loh pawh a rawn zawt ngei,mahse ka nu chuan eng mah a sawi lo,ka dul pawh a lian chho ve zel a,Remsanga ka ngaih theih zia kha aw, engtiang in nge ka pa in ka chungchang a sawi ang ka hre hauh lo ,mahse Remsanga chuan min zawng nasa dawn tih ka hria,ka nu in ah pawh vawi nga lai a lo kal a,mahse ka awm loh lai a nih loh pawn ,ka bihruk san zel, ral khat atang erawh a beidawng hmel ka thlir fo a, a lam a tlan a kuah vawng vawng kha ka van chak thei tak, ti chuan hun a kal zel a,ka dul pawh a lian ve zel a,nau ka neih lai te hlei hlei khan a sin ka tah nasat ni, ka kiang ah awm a, ka kut chelh tur khan a ni kha ka mamawh a,mahse a ni leh kei chu a rem lo a ni.






Bawihtei kum khat a tlin hnu ah ka nu chuan lehkha zir zawm leh tur in min ti a,duhlo viau mah ila ka nu in min nawr nasat em avangin ka zir zawm leh, tun ah chuan kum 6 lai a liam tawh a,bawihtei pawn a kum nga na a pum tep tawh , ka zirna ka zawm kha ka inchhir lo khawp mai,medical lam ah kal chho in tun ah hian thingtlang khaw lian vak lo Sihfa khua ah health worker in ka awm mek a, quater kan luah a, in bul hnai ah ka nu in leipui a siam ve a,ka hlawh nen kan ei khawp chu kan thawkchhuak ve.







Zanriah eikham ah kawmchhak te in ah chuan ka han kal a, min lo be tha khawp mai , "nu Sang vawiin ah in faten ka fanu hi ,'pa neilo,i nu nen hian i pa in a duh lo cheu' an lo ti a ni awm a,tap chungin bawihtei pawh a rawn haw phah a,ka lawm lo khawp mai" pehhel nei miah lo in ka ti dap dap a,ka thinrim na erawh ka la chelh hram hram thung,min chhan na a zir erawh in ka puak chhuak maithei.






"Awi,chutiang a ni dawn em ni, Cte-i chuan a hresual a ni zawk lo maw,naupang in chutiang thu puhchhuah chu a ni thei dawn em ni?" Awih lo lek lek in nu Sangi chuan a ti a, "ni e,chu tak chu a nia , naupang mai in chutiang thu an phuhchhuak thei chu mak ka lo tih, in inchhung ah hian eng emaw sawi innei thin a ni lo maw?" chhuahchhal ti tih a ka tih chuan,nu Sangi pawh chu a lawm ta bik chiah lo tih ka hria.





"Chu in chungchang sawi thin ang ah min puh deuh tih na em ni?" A ti chiah reng a,ka pehhel kual peih lo, "sawi thin lo ula,i sawi ang khan naupang mai chuan an rilru puakchhuak in sawi nachang an hre hauh lo ang,tun atang chuan kan chanchin hi lo sawi tawh suh u, engmah hriat in neih loh kha,kan hriatchian loh thil ah chuan ngawih a tha ber" ka ti ve hmak, "ehe he,naupang te te si kan inchhung ah ka chhuahchhal e te min rawn tih, in chhungkaw chanchin hi engmah kan hrelo a,sawi pawh kan sawi peih lo, i fanu chuan dawt a sawi a nihchu" nu Sangi chuan a ti tawn tawn a, a ni nu Sangi pawh hi khaw mi ten 'nu nasa' ti a an sawi hat kha a ni ve a, a insum rei ka lo ti tawh zawk ngawt a.









"Nu Sang ka fanu hian dawt a sawi ngai lo asin, i fate chu va ko la tlai a Cte-i an lo tih dan leh khawi atang nge chutiang tawngkam te chu an hriat tih kan zawt dawn nia" ka ti ve leh hmak, tun ah tak hi chuan nasa nih ka pawi ti miah lo,ka fanu rilru an ti na a,naupang chu khin tur an nih loh rual in,naupang mai mai pawn midang rilru na tak in an hliam ve thei tho tlat a ni,ka fani tan chuan ka ding zel dawn.






"I la naupan tehreng nen i nasa reuh hle mai, haw nal nal rawh ka fate hnaih ah nang ang hmeichhia hi awm tir ka phal reng reng lo" nu Sangi chuan a ti leh hlak hlak a,ka ding hluai , "a nih chuan i fate hi rawn len tir tawh suh ang che, Cte-i pawh rawn kawm tum tawh suh se" ti hmak in ka chhuahsan a, kan in ka thlen dawn thleng pawn nu Sangi ang hlak hlak thawm chu ka la hre reng,a duhtawk in ang rawh se kan thiamloh a ni lo miau a ,tlawm ka tum miah lo,ka chanchin an sawi a ka fanu rilru an ti na bawk ,midang pawn ka fanu mittui hetiang zawng hian ti tla rawh se,ka fanu hma ah hian ka ding zel dawn.














In ka thlen chuan bawihtei a lo muhil tawh, ka fanu muhil thaw sak sak chu ka en reng a, a hming hi apa hming chawiin Lalremruati tih ka phuah a, mahse Cte kan ti ta vek kan koh duat na ve a ni mai ang chu, bawihtei chu a ngo veng a,thingtlang ah awm mah ila vun ro a nei ngai lo a,a no chek reng mai, a sam hi a dum hlap lo a,nasa deuh ni silo hian a buang thang reuh a a inhmeh phian bawk, Remsanga'n a fanu a tap a ni tih hria se ,engtiang in nge a ngaih ang,a thian ten an tawngkhum dan hre ngat phei se chuan naupang pawh sawi lo in kut a thlak duh maithei a ni, ka ngaihtuah na te vang chuan Remsanga ka ngai thar em em a,ka mittui tla pawh dan buai tum na ka neilo, tun thleng in a mah ka hmangaihna a la reh lo a,ka mittui a la tla fo mai.









Vawiin chu innei tur an awm a,keini pawh min sawm ve avangin inkhawm hman ngei tum in kan in buatsaih a, bawihtei pawh kawrfual puk senno ka hak tir a a sam ka tawn kawh sak vah bawk nen a mah a ngo in a hmeltha bawk a ,a dress chu in hmeh tak a ni.




Mopa te in hi kan in atang a hla vak lo a , an mahni hi thingtlang ah chuan a khawsa thei pawh chu an ni ve,in leh lo pawh an nei tha , a chhungte pawh an sual hran lo a mah ber hi ruih a ching ve a, sual tak a ni em tih erawh ka hrelo Aizawl lam ah a khawsak tam zawk vang a ni pakhat,a nupui tur pawh hi Aizawl lam mi a nih hmel,tu tak nge tih erawh ka hre bik lo.







Kan nufa ho in biakin chhung ah chuan ka thu ve khar a, bawihtei pawh a thu fel ve at a,biakin chhung nungchang kan inhrilh nasa thin bawk a, naupang harh rual mah nise biakin chhung ah na na na hi chuan a fel ve thin khawp mai, chutia kan nufa a kan thut lai chuan monu chu an rawn kailut a, chuta mo leh lo kailut tu hmel ka hmu chu ka dang nghal sawp sawp thei in ka hria, tudang an nilo Sawmzeli leh ka pa ngei an ni.





Min hmuh hlau deuh in ka hawisawn vat a, ka nu pawn a lo hmuchiang bawk a ka kut ah a lo chelh vat, biakin atang a chhuah daih mai chu ka tum, bawihtei kai chungin biakin atang bawihtei kai chung chuan ka chhuak a,pawn ah pawh mi awm an lo awm nual mai, kan veng nu pakhat chuan min lo bia a, rilru hmanhmawh tawh nen ka ngei ru viau mai. Kan inbiak zawh a kal mai ka tum chuan bawihtei ka hmu ta tlat lo,ka hawi kual a khawge a lo kal hman ka hre miah lo,ka mangang nghal der.





"Bawihtei kha khawnge a lo kal hman i hria em?" tiin ka bul a mi chu ka zawt a.






"A awm reng emaw ka tia,khwnge a lo kal hman a" a ni pawn a lo ti ve . Bawihtei zawng chuan biakin leh a vel ah chuan ka kalkual a,mahse ka hmu miah lo, ka mangang tawh takzet .




Chutia bawihtei zawng a ka hawikual ruai lai chuan dawr atang a bawihtei lo chhuak hlawk chu ka hmu a,va pan tum a ke ka pen lai tak chuan ka ding chawt, "khawi ah nge i nu chu a awm a?" Tiin a hnung a mipa lo chhuak chuan a zawt a, bawihtei chuan, "biakin ah" tiin a lo chhang fel et.



Remsanga chuan bawihtei chu a pawm nawlh a, "biakin ah chuan anu chu va zawng ang aw, naupang mahni a tai mai mai loh tur a nia" tih pah in ka lam chu an rawn pan dawn ta mai, hmahmawh lutuk in ka sir a in ah chuan ka tlanlut rawk rawk a,min hmuh hman loh hram ka beisei.







Min kalpelh hnu ah in atang chuan ka chhuak a, Sawmzeli te pawn hunserh an hmang zo tawh tih hriat tak in biakin pawn ah thla an la a, bawihtei leh Remsanga te pawh an la in pawm reng, a fa a ni tih hre miah lo a bawihtei a pawm chuan ka hnuk an ti ulh, ka phone pawrh in an pafa inpawm lai chu thla ka la ru a, ka mittui lo far mai tur chu ka rawmawl in ka hru zeuh.





"Tu fa nge i lo pawn rikngawk hi?" Tiin Sawmzeli chuan a lo zawt a. Min rawn hmu ang tih ka hlau viau.





"Ka hrelo, a mah in a tai nulh nulh a, min zui zel sia ka rawn pawm ve tawp,hetah a nu a awm e a tia, nakin ah kan zawng dawn nia" tiin Remsanga chuan a lo chhang.






"Awi a hmeltha reuh e, khawpui ah awm phei se chuan a hmeltha zual ngawt ang" Sawmzeli pawn a lo ti ve hluai a,midang ho chuan ka hming an sawirik ka lo hlau ru ang reng,mahse an sawi ri lo chu a ni chek a niang chu danglam hmuh tur a awm lo.







Chutia Remsang an bawihtei a pawm chu kan thenawmnu chuan a lo laksak a,ka thaw huai thei, ralkhat atang Remsanga chu ka thlir reng a, tlem chuan a lo cher deuh tawh na in a hma aiin a hmeltha zual sauh thung, ka nu pawh ka hmu a ,ka ngai a,kuah vawng vawng ka van chak tak , kapa erawh huatna in ka la khat a,a hmel ka hmuh ringawt pawh chuan ka thin a rim thei.






Bawhtei chu a pi nen an rawn haw a,ruai pawh kan theh ve ta lo ,ka nu nen tu emaw zawk zawk min hmu palh a nih chuan kan buai leh nuai ka hlau a ni.










Mut hmun ah pawh ngaihtuahna a kalthui duh khawp mai,ka nu chuan engmah a sawi zui lo na in ,min ngaihtuah tih ka hria,chuvang chuan pangai tak ang a lan ka tum hram hram. Engtik thleng nge Remsanga te chu an cham dawn ka hrelo ,mahse Sawmzeli te erawh helam a awm tur an ni a ka pehhel reng thei dawn lo tih ka hria,ka rilru a hah lawk hle nghe nghe.






A tuk bawihtei school kal hruai tur a ka kal chu ka duh loh deuh thil ka hmu leh ta, Remsanga leh bawihtei chu school bul ah an lo inpawm leh tawh,an bul ah Sawmzeli pawh a lo awm ve, ka biru leh vat a,mahse an ni chu ka enthla ta tho.







"U,he naute nen hian in in ang reuh tiraw?" Sawmzeli chuan a ti siam siam a,bawihtei pawh ani leh apa bul ah chuan a nui ve sen sen reng mai.






"Nia keipawn kan in ang ka ti,nimin atang khan ka rilru ah a awm reng mai" Remsanga chuan a lo ti ve a, "hmu tur hrim hrim a kal i rawt pawh hi mak ka ti lo,in in ang ve em a ni" Sawmzel in a tih chuan ka kawr hmawr ka hmer ngat ngat, bawihtei hmu tur in maw school ah an kal, pa leh fa inzawm na hi tiang khawp hian a chak ang tih ka ringpha ngai hauh lo, vawikhat in hmuh na ah pawh danglam a awm chu a nia,min hriatchhuah erawh ka hlau viau thung. "Ka ngaihtuah ang hi i ngaihtuah ve em, Dawngzeli kha" Sawmzeli'n a tih lai chuan Remsanga chuan a thusawi chu a lo pawtchat a, ka lo ip chawih mai.








"A ni chuan kan kawng khirh tak kha paltlang zo lo in,kan naute a duh lo a a ti tla a lawm,min kalsan bawk" a ti nghat a, ka nghing dawt thei, chutiang chuan maw kapa in ka chhungte bul ah a lo sawi, na ka van ti tak. Remsanga pawn min haw viau in ka ring.



"Mahse u, Dawngzel in chutiang chu a ti duh dawn em ni" a lo tih chuan, "sawi tawh lo ang" Remsanga chuan a lo ti hmak, min haw hle a ni ngei ang Sawmzeli thusawi pawh a ngaithla duh miah lo.







Bawihtei chu a nghat a, "i nu a lo kal tep tawh ang, fel deuh in lo awm rawh aw,ka lo kal leh hun ah thil ka lo ken ang che,he lai a ka bul a mi hi hetah a awm ve tawh dawn a, min.lo be thin dawn nia aw" tiin Remsanga chuan bawihtei lu ah chuan a tuai zeuh a,bawihtei pawh a bu ve nghauh nghauh mai, chutia ka en reng lai chuan bawihtei chuan," anu" a rawn ti lauh a,rang lutuk in ka tlansawn thuai a,ka hnunglam atang ringawt chuan min hriat ka ring lo, "anu min lo nghak" tiin bawihtei chuan min rawn um a, Remsanga te chuan min hria ag tih ka hlau takzet an magni lang thei lo chin ah chuan ding in bawihtei chu ka lo nghak a.





"Ka hah latuk,anu chu tinge i tlan daih a,ka au vak vak che kha" thaw halh halh chungin bawihtei chuan a rawn ti a, ka lo kuah thlawp ringawt, ka lo kuah nghet deuh a ni maithei, "anu a na,ka thaw theilo" a lo ti tawk tawk a,ka kuah na ka thlah thawl vat .




"Anu fel deuh pahnih an lo kal a,kan sikul ah " bawihtei chuan a ti siam siam a,Remsanga eitur leisak polithyne ah a khai teuh bawk, "a ni maw" tih ringawt in ka chhang,kawng tluan in bawihtei chuan Remsanga te chanchin ngawt a sawi a ,a polithyne ken ka kensak tak a vangin a ban a then leuh leuh reng bawk, a thusawi chu ngawireng in ka ngaithla a,rilru erawh a kalthui hle thung.







"Anu tam deuh ka sawi tawh sia,mahse i ngawi reng a" bawihtei chuan a ti a, min lo en kiau mai, "chu mi te pahnih chu an fel hle mai tiraw bawihte" tiin ka nui var var a,a thusawi ka zawmpui loh avang in bawihtei chu a lawm loh hmel viau mai.






"Tu tak tu alawm a sawi" tiin min en chungin a thaw vei halh reuh a, ka nui chhuak hawk, a la tawngfiah bawk silo a, a thumal lamchhuak thenkhat hian a chang chuan min ti nui fo mai.









In kan thleng a,homework an neih ang ang ka tihpui nghal zung zung, bawihtei hian apa a chhun a lehkha a thiam thei reuh a,zirlai pakhat hi rei kan ennawn ngai meuh lo. Remsanga te vawiin ah an haw dawn tih erawh chuan rilru a luah rauh rauh reng mai. Vawikhat hmuh na a bawihte in an ni pahnih a ngaina nghal em em pawh kha mak ka ti lo,thisen hi chu a chak a nia nge, bawihtei hian hmel hriatloh a ngaina mai mai ngailo a,hmel hriatloh biak loh tur tiin kan in hrilh nasa bawk,mahse Remsanga te erawh a vawikhat hmuh na atang a ngaina nghal em em a, lawm tur nge lawm loh tur pawh ka hre lo.









Sawmzeli te inneih atang ni tam a liam ve leh tawh a, mahse ka la pehhel thei hram zel, ka nu erawh in Sawmzeli chu hmuh a chak tih ka hre reng, ni e,a hmu chak ang kum kha leh chen a fa tak ang in a lo enkawl tawh a,kei min hmangaihna aiin Sawmzeli a hmangaihna a nep bik dawn lo tih ka hria,ka nu chu ka khawngaih viau thin bawk.


Show post links
Top

[Ngaia]

Vawiin chu naute kum 2 chin hnuailam vaccine pek tur a ni a,zingkar atang ka buai ngar ngar hle.


Min pui tu pakhat nen vaccine chu kan pe a, rin ai daih in naute kum 2 chin hnuailam an lo tam reuh a,chawhma lam a zo vek thei tur a in ngai kha,chawhnu her bawih ah kan zo thei hram. Ka nu in thingpui a lo lum a,kan hna kan zawh hnu in inlam ah kan chhuk thla a, thingpui kan in lai chuan min puitu chuan Sawmzeli te chung chang a sawi a, ka nu beng verh zawng tak a ni bawk nen ,kan bul ah a thu ve vat.




"Engtin maw i tih, a pasal chuan a sawisa thin a maw!" phawk deuh tak in ka nu chuan a ti a, "aw ni e, Muansanga te chu a rawn rawlthar chhuak hlim pawh kha sual than in khawtlang ah a thang tawh a,an nu khi keini ho chuan a kan lo ti khawp a,a rawn nei mai duh te kha kan lo khawngaih hlawm a sin a ruk chuan, kar khat vel chu buaina an neilo,mahse a kar hnih na atang khan eng emaw hlek ah kut a tuar reng mai,a mah Sawmtei khi misual a ni bawk silo,in thenawm hnai ta chu ka khawngaih thei a nia aw, kan in ah pawh thlabar in a rawn tlu lut ngun a lawm" a tih hlak hlak chuan,ka nu chu ka melh zawk a,a kut a lo hum ruh ngat ngat tawh. A thu hriat chuan a thawng in, a ti thinur hle dawn tih ka hria.







"An pa chuan zu a in nitin nge?" Ti in ka lo zawt a, "nitin chuan a in lo in ka hria, maherawh chu a in lo kan tih pawh khian a nam chu a nam ther ther reng tho ang, a zia khi a thup thiam ve a, a hmel a chhe lo a a pian lah a hleitling bawk nen,a mah hrechiang lo tu tan chuan hnar mi a nilo ve bawk em a lawm" a ni chuan a lo ti leh barh barh, Sawmzeli a khawngaih thu a sawi cham chi a, an pa sual a tih zia nen, Sawmzeli chu ka khawngaih khawp mai, henglai ah tumah ngam tlak leh belh ngam tak tak a nei dawn silo,a pazawn te in ah lut ringawt dawn pawh nise, a tan chuan mithar an ni dawn a, ngampa tak in a awm thei miah dawn lo.







Zan lam ah pawh ka nu nen chuan kan inbe tlem hle, Sawmzeli kan ngaihtuah ve ve tih chu sawi lo mah ila a hriat vek, ni e, kha leh chen ka lo chenpui tawh a, ka chung ah that chhuah ngailo mahse ka unaunu neihchhun a nih na a bo lo a, ka thinlung tak in tun a a dinhmun chu ka lainat takzet.



Sawmzeli chungchang ngaihtuah a ka lo thut rauh rauh lai chuan Seni call ka dawng hlawl , "hello" ka tih rual in, "i va reh thei ngar ngar ve a" a rawn ti nghal , ka nui tawp, "ka buai ve a lawm,thingtlang ah te chuan buai a na ve a" ka tih chuan a lo chek hlak.






"Khawi khua ber ah nge i awm tih lah i sawi duh bawk silo, i thiantha ah min ngailo tawp a nihhi" tiin a vui hmui a pe lian viau mai, Seni nen hian kan in be pawp reng na in ,kan awm na khua tak hi ka hrilh duh lo a,a chhan pawh eng dang vang a nilo Remsanga'n ka awm na a zawh ka hlauh vang a ni, Seni ka ringlo tih na nilo in phurrit siamsak ka duh loh mai bak ah, Remsanga leh Seni te in ngainat zia ka hria a, nau ang chiah in Remsanga pawn a en, chuvang tak chuan Seni hian Remsanga a khawngaih vang pawn ka awm na a sawilo ang tih a hriat miah loh, mahse tun thleng in ka number erawh a la pe lo phawt chu a nia.




"Ka hrilh loh chhan che i hriat kha" ka tih chuan, "a tha a lawm, enteh ih maw u Remsanga hi tunlai chu Maremi nen khan ka hmu dun leh zeuh zeuh tawh,an inzui tha leh emaw ni ka tia" a tih chuan ka awm zawn hi a na zawk in ka hria, kum tam liam tawh mahse midang ta ni tur chuan ka la phalloh zia hrechiang tak ka ni, "ka thusawi chu i hria em?" Seni'n a tih chuan, "imm" tih ringawt in ka chhang, Seni chu a thaw hak a, "engtik thleng nge biruk i tum,i biruk san reng thei dawn lo a nia, nangmah leh nangmah i in hrem mai mai a ni"a tih chuan dik ti viau mah ila, a hnen a kir thei ka ni tawh lo tih ka hria.










"Ka let thei tawh lo a lawm,i hriat kha" ka ti chhuak halh a,ka mittui tla mai tur chu ka hru pah zeuh ,ka aw thian kharh in , "ka dah phawt dawn bawihtei a lo harh palh ang" tiin thildang a sawi leh hma in phone chu ka dah ta daih,kan inbiak rei pauh leh Remsanga chanchin kan sawi nasa dawn a,chu chu ka duh lo.





Bawihtei muhil thaw sak sak lu ah chuan ka fawp zauh a,ka neihchhun tak meuh a nih hi. Dar zat en a mut mai ka tum lai chuan bawihtei nen kan room kawngka chu ka nu in a rawn beng dawt dawt a, min au pah bawk, "nu e nge a?" Ti a kawngkhar ka va hawn chuan ,a hmel chu a chiai deuh in ka hria, "bawihtei kha, thenawm te in ah dah ila,kawn lam ah kal lawk teh ang" a ti a,a hmanhmawh hmel viau bawk, "tinge a,tun ah dar 11 a rik tawh dawn hi" ngaih thalo ang reng tak a ka tih chuan, "Sawmtei an pa in a sawisa leh tawh a ni awm e, han chho ve vat teh ang" a ti a, a tawng pawh chu a ni hlawk hlawk mai.








"Maw!! Engtin nge i hriat a?" Tih pah in ka kawrlum ka ban a, "vawiin khan Maziki bul ah khan an pa in kut a thlak leh a nih chuan rang deuh in min lo hrilh dawn nia ka ti a" tiin min lo chhang,ka nu thlaphang hmel ka hmuh chuan muangchan na chi ah ngailo in keipawn bawihtei chu ka pawm nawlh a ,thenawm te kaitho in an in ah chuan kan dah rih,thil awmzia min zawt na in sawifiah na hun kan neilo, hmanhmawh deuh in Sawmzeli te in lam kan pan a , a hla vak lo bawk nen kan thleng har lo.





Sawmzeli te in ah chuan an lo ri laih laih a, inchhung kan va lut chu ka nu a sa ngang mai, Sawmzeli chu an pa in a chhipsam ah tham in chhuatlai ah a hnuk hi a lo ni, a chhungte ho lah chuan engtin an ti ngam lo nge a sir atang an fapa in an famo kut a thlak lai chu an lo en tawp a,chu chuan ka thin a tirim takzet.





"Thlah vat rawh, i kut hmawr pawn khawih tawh suh!!" Thinrim zet in ka nu chuan a ti tuarh a, dan tum na ka neilo , ka nu rilru nat dan tur ka hriatthiampui miau a ni.



"Tunge maw i nih a,kan inchhung ah awrawl i rawn tih rin ngam le" pawr zet in Sawmzeli pasal chuan a ti a,a rui hle nghe nghe bawk. "Tun ah khan thlah vat la a ni mai" ka lo ti vin ve tuarh, tur zet in Muansanga chuan min melh a, "kan health worker te nufa maw, kan in ah hian tih tur engmah in nei lo e,chhuak nghal rawh u" ti leh khur khur in Sawmzeli chhip a la tham reng chung chuan a hnuk leh a, "ka thu zawm tum na neilo" a ti pah khur khur bawk, ka nu dawhtheihna in a tlin tawh ngang lo ni tur a ni, "hmela engtin nge ka fanu kut i thlak ngam zawk,thlah vat rawh" tiin Muansanga ban chu a va pawt nawk nawk a, Muansanga chuan ka nu chu a lo nam per lawp mai, ka thin a sa phat a, Muansanga bul ah chuan kalhnai in eng sawi set set lo chuan , a kap ah ka theih tawp a na in ka pet pawp, na a ti ngang ni tur a ni Sawmzeli a tham na a thlah a,chhuat ah a vial ngawt ngawt mai.





Chuta Sawmzeli rawn hawichhuak in kanu a hmu chiah chu a tum miah lo a hmu a ni tih hriat zet in a meng bial kawk a, "nu!" Ti a tap chhuak hawk in ka nu chu a pan vat a,ka nu nen chuan an in kuah vawng vawng mai, "ka fanu, i van tuar nasa em" tiin ka nu chu a tap a, "nu,tinge engmah sawi lo a min kalsan, ka ngai thei lutuk che" tiin Sawmzeli pawh a tap ve hliam hliam mai.




Sawmzeli hmai duk leh a taksa lang thei chin a kutthlak na tam lutuk chuan ka thin a tirim zual a, Muansanga a kap hup a la mu tawm chal hnungzang ah chuan ka chhir leh zawt.





"Dawngte a va mak bawrh bawrh ve,kan inchhung ah em chuan kan fapa kut rawn thlak suh, bak ah i eng pawi nge a sawi a" nu ber chuan a rawn ti a, Sawmzeli an fapa in kut a thlak lai zawng a engmah sawi silo,a fapa in na a tawrh veleh a a rawn tawngchhuak chuan mi run kher mai. "Nu Dik, in fapa in ,in famo kut a thlak a, engtin nge ngawi reng a in en tlawk tlawk theih zawk a" ka ti a, ka awki pawh a zawi hran lo, aia upa mah nise ka zahpah peih lo. "Kan inchhung a thil thleng a nia, dan te chu kan dang ve a lawm" nu Diki bawk chuan a lo ti leh, "dang ni ula Sawmzeli hian kut a tuar miah lo ang" ka tih leh chuan,







"Eng a pawh chu nise Dawngte engtia kan chhungkaw buaina a rawn inrawlh ve ngawt nge maw in nih le" pa ber thung chuan a rawn ti dam vei thluam a,ka melh hrawk.






"Pa Luai aia upa in nihna ah chuan ka zah lutuk cheu,mahse mi fanu te hi in inchhung ah kut tuar tur a rawn lut an ni bik lo a nia, an mahni in ah chuan duat tak a enkawl ve tho an ni, in fapa in a nawm a mak a,a duh hun hun a kut a thlak tur a rawn lut a nilo, bak ah i awm lai ngei in i fapa in i monu kut a thlak a,engtin mah i ti ngam lo hi e nge awmzia. Sawmzeli hi kan hruai haw dawn, naktuk ah police hmel hmu tur in lo in ring ang cheu ka laizawnnu in fapa in kut a thlak hi kan enliam mai mai dawn lo" ka ti hmak a, pa Luaia te hmel chu a danglam zawk mai.




"In in ah a awm ve ngawt chhan tur a awm lo,a duh leh a pazawn te in ah awm rawh se" nu ber chuan a lo ti leh hlak hlak a,ka ngei reuh ngei mai.



"Ka fanu hi ka in lo midang in ah chuan a awm lo ang,ka hruai haw dawn" ka nu chuan a lo ti ve hmak.



"Fanu a!" an nu chuan an ti he haw a,sawifiah vak a tulna ka hrelo, Sawmzeli chu kan kuah haw a, an pa khan a lo sawisak nasat hman deuh avangin kal a harsat deuh nghe nghe, a insut feih feih reng a,ka nu ban a chelh na chu vawikhat mah a la thlah lo bawk.






In kan thleng a,a lungchhe zualpui a reh hnu chuan ,"nu, hetah daih in lo awm a,kan zawng nasa cheu a sin,min ngaihtuah ve miah lo em ni, ka,ka sual thin tih ka hria,mahse nu min kalsan duh tur khawp in rilru i pu ang tih ka ring pha lo a" tiin a tap tha leh.


"Nilo bawihte, loh theihloh na vangin kan kalbo a ngai a lawm, ka ngai thei lutuk che asin,engtik lai mah in ka theihnghilh ngailo che" tiin ka nu chuan Sawmzeli mittui chu a hruk sak a, an inkuah a an tap bang thei meuh lo,keipawh ka bang bik lo, ka mittui a ruk in ka hru ve zauh zauh mai.



Rei tawk fe hnu ah kan lungchhe zual te a reh a, thil awmzia kan hrilh chuan Sawmzeli pawn min hrethiam a,ka lak a a khawsak thin dan ah a in chhir zia a sawi bawk, chutia kan nufa ho a thu khawchang kan sawiho lai chuan bawihtei kan la lo tih hrechhuak in, thenawm te in lam ah ka kal a, inthlahrung ru deuh chungin bawihtei chu ka va la a, bawihtei pawm chung a inchhung ka lut chu Sawmzeli chuan mak a lo ti ngang mai.



"He naute hi" tiin min en haw a, engmah zep tul a ka hriat loh avangin kapa in ka chung a a thil tih dan zawng zawng kimchang tak in ka hrilh ta vek, Sawmzeli chu a thinrim hle a, mahse Remsanga bul ah engmah sawilo tur in ka ngen,a ni chuan a hrethiam lo hle .




"Ka u chuan naute i ti tla emaw tiin a haw viau che a sin , thudik a hriat chuan a lawm dawn lutuk, i mal tan tawh dawn hleinem tun ah chuan kei ka awm a, ka pa'n engpawh sawi se i lam ka tang dawn alawm" a tih pawn engmah sawilo tur chuan ka ti ta tho, ka thusawi chu a zawm a ngem ka hrelo na in,tun ah chuan a tlai tawh tiin mut kan rawt ta phawt, Sawmzeli chu ka nu bul ah a mu a, kan mut hnu thleng pawh chuan ka in ngaihtuah nasa viau mai, tun ah chuan puitling tak tak ni in ka in hre ve tawh na a, kum tam tak liam hnu a Remsanga leh ka chhungte hmachhawn tur chuan ka inhuam chiah em ka hrelo, ka pa hian bawihtei a duh dawn lo tih ka hre bawk, tun atan chuan la awm bo rih hi thil tha ber ni in ka hria.








Zing ka thawh chuan ka nu leh Sawmzeli te an lo la tho lo a,kaihthawh ka tum lem lo,an in ngai ve a,nizan pawh khan an muhil nghal mai dawn lo tih ka hria, in phihfai a rawng ka bawl lai in Sawmzeli a lo tho ve a, "i mu tui em?" Tiin ka lo zawt vat,thingpui ka siamsak nghal bawk.




"Imm mutui a ni mai" a tih chuan a mah chu ka en a,ka lainat tlat, a hmel a ngui nghiai a, a duk thleh thluah bawk nen a hma a a ti no leh vun nung sarh kha hmuh tur a awm lo,reilote chhung pawn a tuar nasa dawn tih a hriat ngawih ngawih.






"Min hua em?" Ti a min zawh chuan,nui chungin "haw lo e, hman ah ka pa in step atang min hnuhthlak a tum lai a, min lo puih khan ka huatna che ka paih bo daih tawh" ka tih chuan a lo bu nghat a, "ka u nen in chanchin ka hriat tirh kha chuan ka la haw lutuk che a,mahse kapa chetdan thin atang khan ka khawngaih che a, nangmah chauh a i room a i tah lai te khan i room pawn ah ka ding reng zel, that chhuah hmasa tu nih kha ka hreh a, ka chapo na khan tlawm min hreh tir niin ka hria" a tih chuan dawt a sawilo tih ka hre thei, hun reitak a ta min haw tawh lo a ni tih ka hriat chuan min tilawm a ni.





"Keipawh ka thiam bik lo a,hun kal tawh chu dahtha ila, tun atang chuan in ngaih tak in kan awm tawh dawn nia,ka laizawnnu i nia lawm" ka tih chuan a ni pawh a lo nui ve var var.




"Ti daih ila,engtia awm nge i tum, ka sawi awmzia chu i pasal te in ah let leh i tum tawh lo tiraw" ka tih chuan a nui hmel a ral tial tial a, a thinlung nat zia chu a langchhuak thei hial.



"Let a tul tawh lo,khi inchhung khi bungraw la bak chuan tuman rah tawh loh tur, vawiin ah i nu leh pa bia la,engkim hrilh ang che, sum kan chhuah hmak tur a ni" ka nu chuan a rawn ti hmak a, a rawn thawh chhuah lai kan lo hre miah lo, ka nu lungawi loh em avang chuan a tu a ve ve mah chuan kan hnial ngam lo.








Bawihtei rawn tho in Sawmzeli a hmu thut chu mak a ti ve deuh a niang, room kawngka bul ah a ding dat a, keimah min rawn en leh in zawhna mitmeng hian min melh ve kiau reuh a, a mitmeng hi apa mitmeg nen a in an em avang hian a chang chuan ka fanu mah nise,min melh hi chuan ka zam lek lek thin.





"Bawihte hei hi i ni a nih hi" ka tih chuan a mit a khap fek fek a,a hrethiam lo deuh tih ka hria, nakin ah chiang zawk in kan la inhrilh a niang chu.



"Bawihte hetah lo kal teh, i ni ka nih hi" Sawmzeli'n a tih chuan bawihtei chuan a pan ve mai a, Sawmzeli chuan a lo kuah vat, "i pa nen in in ang takzet, ka hria alawm,inzawmna eng emaw tak kan nei tih hi,kan inhmuh tirh khan ka hre thei" Sawmzeli chuan a ti mawlh mawlh.





Bawihtei pawn a ngainat sa a nih avangin Sawmzeli lak ah a in kiltawih reilo a, 'ani' tiin kan koh tir nghal bawk, naupang ngang a ni a, ti rawh, ti suh ,kan tih apiang a la zawm zel theih na chuan thil tam tak ah insawifiah na tur kan neih te kan la pumpelh thei mai mai chauh a,a rawn len deuh hun ah chuan zawhna a la rawn ngah viau ang tih ka hria.







Sawmzeli chuan ka nu leh pa te chu a be ngei a, ka chanchin erawh sawilo tur a ka tih nasat em avangin a sawi lang ta lo,a pazawn te in a tlan lo a,midang daih in a a tlan chu zawhna an ngah viau mai, Sawmzeli pawn chhan ngaihna tak a hriat loh avangin a riat nawi kual vel mai mai. Sawmzeli pazawn te pawh kan in lam ah an rawn leng a, "ka nu leh pa chu an lo kal thei dawn lo a, mahse ka u a lo kal ang" tih pah in min rawn melh zeuh a,ka lungphut dan diklo chu kei tluk a hrechiang an awm lo ang, hetah Remsanga a rawn kal a nih ngat chuan ka biru reng thei dawn lo, kan in hmachhawn ngei a ngai ang.





"Thupha chawiin palai te rawn tir ve phawt sela, tha thar in kan ngaihtuah tha leh dawn nia,chumi hma chu nangpawh i haw rih lo ang, bungraw lak a ngai a nih leh kan la mai tur a ni, inneih na la reilo tih kha zah ah nangpawn la lo a, in inneih na la reilo mahse kut i tuar hnem tawh a,rawn ko che pawh nise keini lam chuan i haw leh kan rem ti rih lo ni rawh se" Sawmzeli pazawn pa Hmaa chuan a ti charh charh a,a ni pawh Sawmzeli pasal leh a chhungte lak ah chuan a lungawi loh hmel viau mai. Tukthuan ei dawn ah an ni chu an haw a.



"Bawihi, nangpawh in i rilru siamfel ang che,tun a kan nun ang hian kan nung reng thei dawn lo a, Remsanga nen pawh in in hmachhawn ngei dawn,chu vangin chak tak in awm ang che, a harsa ang tih ka hria,mahse loh theih loh na in min nang ta a nih hi, vawiin ah a ni chu a lo chho dawn a, chu vangin nangpawn lo dawnsawn dan thiam i tum dawn nia" ka kut chelh pah in ka nu chuan a ti dap dap a,ngawireng in ka bu nghat ringawt.







Chhun ah Sawmzeli nen eng eng emaw tiin kan buai dun hle a, ka thawmhnaw thenkhat a hak theih tur kan hai bawk, laizawnnu neih nawm zia vawiin ni hian ka hre chiah bawk a ni.


Tlai lam a nih chuan ka awm a nuam thei tawh lo,Remsanga lo tlen a hun tep tawh vang a ni pakhat, ka huphurh nge ka helhhawlh pawh ka hrelo, ka ek te chu a chhuak hial in ka hria, ka normal lo a ni ber, Sawmzeli phone a rik te chuan ka lo phu zawk thei, "aw kawnghnuai ah khan lo tlan zel a,health care center tih in ziak i hmuh hma chu lo tlan zel tawp rawh, kawng ah ka lo ding ang" tiin Sawmzeli chu a phur hle a, a biak chu tunge tih ka hrechiang hle bawk.



Reilote ah motor thawm a rawn awm a, "a lo thleng a nihchu ka han chho a nge, nangpawh i hmai lo va hnawih tha rawh" tiin a nui hak hak a,a phur viau mai,kei erawh ka phur ve hauh lo, Remsanga hmuh chu ka hreh thlawt, biruk theih ni tawh silo Remsanga leh Sawmzeli te chu an rawn inzui lut a,chuta Remsanga'n ka hmel a hmu chiah chu a ding chawt a,ngawi reng in min en ta reng, a hmel atang ringawt chuan e nge a ngaihtuah tih hriat har tak a ni, chutia kan in hma tawn reng lai chuan,


"Anu, ani, fanghmir mawngthur ka man a, ka liak dawn aw,a mawng chu maw a lian rap mai" tiin bawihtei inchhung ah a rawn tlanlut a, fanghmir lian chi mawngthur kan tih mai thin ang chu kan hmuh theih tur in a rawn kenglang bawk.







(Zanin chu zan dang aiin a thui, a boring deuh maithei na in a tikim tu ah a ngai ve bawk sia).


Show post links
Top

[Ngaia]

Tu man kan chhan loh vang in bawihtei chu a hrilhhai deuh tih ka hria, uluk zet in Remsanga chuan bawihtei chu a en a,a hnu ah kei min lo en leh, a mitmeng a zawhna tam tak vang ringawt pawh chuan ka lo ip ru chawih thei.



"Bawihte,khawilai ah nge fanghmir mawng thur chu i hmuh a, kan pahnih in han en leh chhin ang" Tiin Sawmzeli chuan bawihtei chu a kaichhuak a, hun thawl min pek a tun tih ka hria, ka nu a awm loh avangin Remsanga nen chauh chuan kan ni ta tlawng, a tawng lo a,keipawh ka tawng bik lo,ngawireng in kan in hma tawn ringawt. Minute thum dawn hnu ah, "fanu i nei maw" ti in ka mit ah chiang zet in min en a, ka bu nghat ringawt, "tu fa nge?" A tih leh chuan sawi mai tur ka hrelo, a fa lo tu fa nge nise a tih ni.




"Remsang" ti a tawng ka tum lai chuan,min lo pawtchat in , "ka hnen atang i kalbo a , tun ah ka hma ah i rawn inlan leh thut a, fanu i nei bawk a" tiin a nui hak a,a nuihzat vang erawh a ni hauh lo, "ka fa ang chuan puh i tum em lo ang chu tiraw?" A tih chuan ka tah a chhuak, "ka sawifiah thei" ti a ka chhan chuan , "in sawifiah a ngai lo e,khawnge naute pa chu,min hmelhriat tir ve dawn lo em ni?" Tiin a hawikual a,pangai ang tak a lan tum mahse a pangai lo tih ka hria. "Remsang ka fanu pa hi i ni asin" ka tih chuan a hawikual lai chu tawp in min rawn en a, a meng buai deuh tih ka hria, nia mak a ti ang,kapa khan naute ti tla ang in min sawi miau a lawm.






"Chu chu thil theih a nilo" a ti thum dut a, lu thing nar nar pah in , "a ni a lawm, bawihtei hi i fanu a ni" ti a panhnaih ka tum chu a lo tawlhhnung hret a,keipawh ka ke pen ka tawp chiang hle, ka na zawk ni mai in ka hria, a dinhmun chu hriatthiampui tho mah ila, ka insawifiah na a ngaihthlak ka beisei a ni.






"I ti tla a lawm" harsa tih hmel zet a a tih chuan, "aih,ka ti tla lo insawifiahna hun minpe rawh" tiin a kut ah ka va chelh a, min rawn en a, awih harsa a ti a ni tih ka hria, "eng tin nge a nih theih" a ti leh a, "thu phawt ila,ka sawifiah thei" tiin thuthleng ah ka thutpui a, a tang buai miah lo chuan tlem in beiseina minpe a, ka thusawi a rin ngei ka beisei bawk, "naute kha ka ti tla leh lo a lawm, ka thei thlawt lo a ni" ka ti a, uluk zet in a ni chuan min lo en thung, "a nih chuan tinge min kalsan?" Chu zawhna chu chhan harsa ka ti a ni, ka pa vang tih sawi ta ila,ka pa a haw ngei dawn a, an pahnih inkar tihchhiat ka duh bawk silo,ka ngawi ta reng.




"Sawi rawh eng vang a min kalsan nge i nih?" A ti vin hluk a, ka dar pahnih ah min sawi tel dat bawk, a chetdan teh thut avang chuan ka phu zawk thei, mitmeng thip zet in min melh a,ka kalsan kha na a ti hle tih a mitmeng atang chuan ka hrethei.






"Sawi ta che e nge i ngawih reng, sawi rawh eng vang a min kalsan nge i nih" a ti leh vak a, lu ka thing mat mat ringawt, na zet in min dawm na a thlah a, "tun thleng in ka la nghak che asin" a hma aia awki hniam zawk a a tih chuan ka mittui a tling pam tawh. "Thudik min hrilh ka beisei a" a ti leh a, "ka pa vang a lawm,u, ka pa vang vek keiman engkim ka hrilh ang che" kawngka a rawn pen luh pah in Sawmzeli chuan a rawn ti a,bawihtei a tello a,khawnge a dah ka hre lo.







"Aih, engmah sawi suh" ka lo tih chuan Remsanga chuan min rawn melh hrawk, "lo ngawi rawh" ti hmak in Sawmzeli lam bawk a hawi leh a, "sawi rawh,engkim sawi vek rawh,dik tak in" a ti a, "in inkar chhiat chhan leh in inthen chhan hi ka pa vang a lawm" tiin Sawmzeli chuan engkim ,ka pa thil tih dan zawng zawng chu a sawi ta vek a, a bek a thisen zam te chu an pawng tawlh tawlh mai, a thinrim chuan ka pa a tawng mai ang tih ka lo hlau ru ang reng khawp mai,ka pa haw viau mah ila a thisen zawm a fapa nen an inkar a chhiat chu ka duh chuang miah lo , an inkar chhiat ka duh loh vang a kalsan ka ni reng bawk.




Min rawn en a, a hma a min en dan leh tun a min en dan chu a dang daih,a hma kha chuan huatna ka hmu tel a,tun ah erawh khawngaihna leh hmangaihna mitmeng in a ni min en tawh ni,mahse engmah dang kan sawi hma in ka nu leh bawihtei an rawn in pawm lut a, Remsang an bawihtei a hmu chiah chu hmangaihna mitmeng in a en nghal ka ti mai, chhuat ah bawihtei chu ka nu chuan a nghat a, bawihtei chuan min rawn pan vat, Remsanga chu a la hre ve deuh ni ngei tur a ni, a khat tawk in a melh leh zeuh zeuh thin.








Ka nu pawh kan ep chiah thuthleng ah a rawn thu thla a, "i rawn thleng tluang thei a maw" tiin Remsanga chu a bia a, Remsanga pawn a tluan thu in a lo chhang a.






"Engkim i hriat vek tawh ka ring a, ngaihdan i siam dawn a nihpawn uluk deuh in i ngaihtuah hmasa dawn nia" ka nu chuan a ti dam dap a, Remsanga pawn ngawireng in ka nu thusawi chu a ngaithla a,a khat tawk in keini nufa inpawm chu min en leh zeuh zeuh thin .









"Mihrang kan ni chuang lo bawk a Remsanga pawh hmun dang a thlen a ngailo a nia, i tan pawn i nu ve tho ka ni a, in thlahrun na tur a awm lo, kan hun tawn apiang hi a tha lam zawng a kan her rem thiam a ngai a nia" tiin a room lam ah a lut daih a, Remsanga nen kan inkar chu tha leh se a ti a ni ngat mai.










"Bawihte apa i hmu chak em?" Room a ka nu luh tawh hnu ah chuan ka ti a, ka fanu chu a lo bu nghat mai. "Aw anu,apa chu ka hmu chak a lawm,vawiin ah pawh Remremi ten 'pa pawh i nei ve lo' min ti leh a" tiin a meng hnual raih a,hetiang a ka fanu an ti fo hi naupang mah nise ka ngei khawp mai. "Bawihte ngun deuh in ka thusawi hi ngaithla rawh aw" nui sap chung a ka tih chuan a bu nghat a, "tun a i bul a awm mek kha,i pa chu a nia" ka tih chuan,chiang zet in ka fanu chuan min en kiau a, a pa mitmeng a chhun a a mi en a na ka tih tawh kha,min en zam leh lek lek tawh.







Remsanga chuan muangchang in bawihtei chu a lam ah a pawthnai a,bawihtei chu a la tawng leh miah lo, eng mah sawilo in Remsanga chuan bawihtei hmai ah a chul a ,nghet zet in a awm ah a kuah bei a, a mittui far chu ka hmuh hmaih lo,keipawh ka hnuk a ulh ve tho .





An inkuahna a thlah thawl hnu ah Remsanga chuan, "i hmeltha hle mai" a ti sup a, bawihtei erawh chuan a mit a en kiau chung in ,"tinge kan bul ah i awm ngai loh a?" Tih zawh na chu Remsanga a zawt a, chutiang zawhna chu a zawh ka ring miah lo asin,kan kiang a apa awm lo chuan a rilru a lo luah ve ngang a nih ka ring, "englo" tiin Remsanga chuan min rawn melh a,chhan ngaihna a hrelo tih ka hria, "ka sawi tawh kha,hna vangin apa chu a buai lutuk a" ka lo tih chuan bawihtei chu a nui ta var var a, apa chu a mah zawk chuan a kuah a, "apa,anu nen kan bul ah awm reng tawh rawh aw, ka thian ten min hauh pawn min lo chhan a nga" a ti nghal siam siam a,ka fanu in apa a lo mamawh zia tun ah hian ka chiang thar hle a ni.







Bawihtei chuan apa chu a hlat phal meuh lo,khawi kip ah pawh a zui reng mai, kei leh Remsanga erawh kan in pehhel ve ve tih chu a tu ve ve pawn kan hai lo ang, kan kar ah chuan in hriatthiam tawn na awm mahse, a hma ang kha a ni thei tawh lo a ,bang hlai pui in min kar dan ang mai ni in ka hria, chu bak ah zan lam a Seni thusawi, 'Maremi nen an inzui leh emaw ni ka tia' a tih khan ka rilru a luah reng a, chu chuan biak hmasak pawh min ti hreh zo a, a hma ang a in pawh tak a awm kha kan harsat rih a ni ber .










Zan lam ah Muansanga te palai hmel pawh kan hmu ta ngei a, Sawmzeli pazawn te pawh an rawn kal a, "kan naua hi zawng a buaithlak a ni,a thinrim hian khua a hmu lo thin a,kut thawh mai te hi a ching a,tun hnu ah chuan thleng nawn tawh lo tur ah ngai ila,tun tum chauh chu min hrethiam hram thei lo em ni" Muansanga palai chuan a ti dap dap a.






"Chu in nau chuan a thinrim apiang in a mit a chhing ziah thin em ni? i sawi dan ah a thinrim in khua a hmu lo thin i tia, chutiang a nih chuan ka nau hi an inchhung ah kan lawi luh tir leh ngam dawn em ni? tun hi a vawi khat na a ni tawh lo tih te ka lo hria a,engmah a rawn sawi ngai lo a, a vawi khat na atang khan min hrilh hria nise chuan keimah ngei in ka rawn la chhuak tawh ang" Remsanga chuan a ti a, Muansanga palai te chu an hawi hai hle. Chhanna duhawm zawk an beisei a ni chek ang chu.










"Aaa..eng pawh chu nise,kan nau in Sawmtei chung a a thil tih hi a diklo hul hual a,chuvang chuan a ai awh pawn ngaihdam kan dil nise , in khawngaih na kan rawn dil a ni" Palai chuan a ti leh a,sawi vak tur a hriat loh hmel viau lehnghal.







"A pasal chu sawi loh, a chhungte takngial pawn a thlavang an hauh ngam loh na in ah khian awlsam tak in ka fanu hi ka luh tir tawh dawn lo" ka nu pawn a rawn ti ve a,Sawmzeli nen erawh kan ngawi reng,a ni pawn haw leh chu a duh bik lo.





"Kan thu tlukna chu a chiang viau in ka hria, maherawh chu a mah Sawmtei hian eng rilru nge a put tih pawh hre ve ila" Sawmzeli pazawn chuan a lo ti ve a. "Keichu bungraw lak ka duh ka awm thei tawh lo" Sawmzeli chuan a lo ti a.





"A nih chuan chu, rawn let leh chu a rem lo ni mai rawh se, naktuk zing ah bungrua pawh kan rawn la dawn nia,sawibelh tur a awm tawh pawn ka hrelo,kan thu chu a chiang viau in ka hria" tiin pa Hmaa chuan thu a pawtchat hmiah a,Muansanga palai te pawn sawitur an hre tawh lo nge ni an ngawi reng ringawt tawh,an hlawhchham chiang ve bawk em a ni.







A tuk zing ah bungrua chu an han la ta ngei a,kei erawh ka kal ve lo, an rawn haw hnu a kanu te sawi dan ah, nu ber chu a tawng nasa viau a ni awm e, kan let tir lo pawh kan tisual lo chiang khawp mai, mitha chhungkua ti a kan lo hriat thin kha an ni a, mo an han nei chiah chu an zia a lang khawp mai. Vawi khat mah nu ber chuan ui der na aw ka a chhak chhuak lo a ni awm e, pa ber erawh chuan an ui der dawn viau na in,an nu in Sawmzeli a hmusit em a ui beh theih a nilo.









Aizawl lam pawn a tuk a chhuk nghal tur in an rawn chah na in Sawmzeli chuan heta la cham rih a duh thu a sawi a,ka nu leh pa te ngaihdan pawh a ni lo viau mai, pasal hlui te khua a cham reng kha tul ber a an hriat loh vang a ni,dik pawh dik na chen a awm ve tho, kan chung chang hi eng mah an hrelo a, hria ni ngat se chuan ka pa hian eng thil nge a tih leh ang tih a hriat loh,chuvang a nia kan chungchang kan sawilan duh rih loh.








Dan ngai te in ka nu chu kan inbul mai a a leipui zau vak lo siam ah chuan a bur leh chawt tawh a, Sawmzeli nen rawng kan bawl a, kan rawngbawlna bul ah bawihtei te pafa in lehkha an in zirtir bawk. An pafa chuan ka melh leh zeuh zeuh thin a, kan inkar tha pangai tak la nilo mahse chhungkaw kim a kan han awm chu engtin emaw tak ka thla a muang a,nuam ka ti ru veng veng bawk. Ka awmdan chu Sawmzeli chuan a hrethiam a ni chek ang chu nui rah rah chungin a mitko a san ak a, ka nui tawp.







"Apa chu, lemziah i thiam lo ee, i milem ziah hian hnar pawh a neilo" bawihtei chuan a ti nang nang a, "hei a hnar te chu a awm reng hi" Remsanga chuan a ti dut mai, "hnar a nilo, full stop a nih hi" uar zet in bawihtei chuan a ti leh a,an pafa inbia chu kan lo ngaithla reng a nuih a za duh viau mai,Remsanga hian milem a ziah reng reng in an hnar hi a ziakthiam ngailo a, lian vak lo in an hnar lai hi a chhu hang tawp thin ,chu chu bawihtei chuan full stop emaw a ti ni ngei tur a ni.












Rei vak lo an inhnial leh bap bap hnu chuan, "kan zirtirtu ten hei hi lo sipel thiam vek ru an ti" bawihtei chuan a ti a, lehkhabu chu a keu zui thak bawk, "ka sawi zawh ah zel i lo sawi dawn nia aw" tiin Remsanga chuan, "r,u,l..rul, le sawi ve rawh le" Remsanga chuan a ti a, bawihtei chuan, "r,u,l" tiin a han ngawi vang vang a, "r,u,l utawk" a rawn ti ta, an pafa lam chu kan hawi chiang hle, khawi ah mah 'r,u,l utawk' tih a awm ngai lo e, a va buaithlak, Remsanga pawh a nui ve hawk mai,bawihtei lah chuan uluk zet in a lehkhabu chu a en a,a sawi sual tih pawh a in hre miah lo, a dik zawk an han in hrilh leh hnu chuan, "n,o lukhum" Remsanga zawk chuan a rawn ti, apa zawk pawh chu a va hahthlak tak,ner nang chung a ka hawilet chuan bawihtei lehkhabu chu uluk zet in a lo bih a, "n,o lukhum a awm ngailo,no a niang chu" Ka tih chuan min rawn en vut a, "hei a milem ah chuan lukhum a lang a lawm" tiin lehkhabu chu ka hmuh theih tur in a kenglang a,ka ner nasa mai,hetiang hi chuan an ni pafa hi an in zirtir fing lo ang, "lukhum a nih loh kha, no kha a hun na nen an ziak lang a nihkha,a vawn fawng neilo chi" ka ti hlak, a hresual chiang lutuk chu a ni pawh a nui ve ruh ruh tho.









"Awi,soda kan nei tawh lo,ka nu in maian bai a ei chak a, ka han lei lawk teh ang" Sawmzeli chuan a ti a,bawihte in a lo ngen avangin bawihtei pawh a hruai ve a,kan pahnih chauh a kan awm chu boruak a ni leh churh mai, ka rawngbawl lai ngawireng in ka chhunzawm mawlh mawlh a,Remsanga pawn bawihtei zirlaibu a bih ngur ngur tho, inbiak chu kan hreh hmel ve ve lutuk ringawt, a khat tawk erawh in kan in melh ru zeuh zeuh thung,chutia nuam ti chiah lo a kan lo awm lai chuan,thenawmnu mangang zet in a rawn tlanlut a, kan lo hawi phawk hle nghe nghe.










"Kawngpui ah Sawmtei an pa in a sawisa nasa a nia,han chho vat rawh u" a tih chuan dan hman lek lo a chak in Remsanga chu a tlanchhuak a,a hnung ah keiin ka umzui ve bawk,thenawmnu tak a pawh chu kan ngaihsak hman lo, kawngpui ka han thlen chhoh ve meuh chuan Remsanga chuan Muansanga chu a lo hnek siah siah tawh, Sawmzeli sam chu a pawr phung a ,a hnar a thi bawk, a sir ah bawihtei a lo tap bai bai bawk a, thil thleng chuan a ti hlau a ni ngei ang, bawihtei chu ka kuah vat a nghet zet in min lo kuahlet ve bawk , "hlau suh bawihte anu ka awm e" tiin a hnung ah ka chul sak a,a la tap nasa ngang mai, Sawmzeli chu ka buaipui pah a,a ni pawh a tap par mai, kan hnai vai a mi ho pawh an rawng lang ve ta hlawm a, Remsanga te chu thelh in Sawmzeli pawh an rawn buaipui a, Remsanga chu pa thenkhat in an chelhbet a,a thinrim chu a la thaw hulh hulh mai.






"Hmela, kut te min rawn thlak ve chu le, i farnu hi ka nupui, hey Malsawmzel tukin khan engtin maw i tih, 'he in ah hian ka awm thei tawh lo' te kha i ti tiraw, kan that law law teng che,tenawmnu" tiin Muangsanga chu a au pawr hle, a rui viau bawk,an nupa inthen na chu a ruih chilh ni ngei tur a ni,ka ban lehlam in bawihtei ka pawm a,lehlam in Sawmzeli ka kuah tlat bawk, Muangsanga tawngkam chu Remsanga chuan a pai dai thei ngang lo ni tur a ni, pa ho in an chelhna atang chuan a tal phut a, "eng maw i sawi kha sawinawn leh teh,ka farnu hu i nupui a ni tawh lo" tih pah in a va khawih leh,pa ho bawk in an lo chelh leh a.










"Muansang haw rawh,i zaklo emai, khawlai ah lehnghal haw nal nal rawh" pa pakhat chuan a ti a, tlem a Remsanga a in thlah dul deuh hnu chuan a ni pawh an thlah a, "hre rawh,ka farnu hi i kut hmawr pawh a i lo khawih leh a nih chuan ka en lian mai mai dawn lo che a nia,jail bang i zut lo a nih pawn tun aia nasa hian ka kut i tuar leh ang,ka farnu hma ah hian vawikhat mah rawn inlan tawh suh ang che" chiang fek fawk in Remsanga chuan a ti a, Muansanga chhanlet na erawh a khinglet duh tawh lo,warning a pe tawh a,a thleng nawn leh a nih chuan a thusawi ang chu a ti ngei ang tih ka chiang.







"I tha em?" Tiin Sawmzeli a bia a,a ni a lo bu nghat, bawihtei ka pawm lai chu min laksak a,bawihtei thlabar pawh a reh tan tawh , "a tha vek e, apa ka insual tawh lo aw, tap bang tawh rawh le,haw ang u aw" Remsanga chuan a ti dam thlup a,bawihtei hnung ah a beng thek thek bawk,a thinrim viau emaw tih lai pawn,a fanu bul ah erawh a dam thlup a chu chuan bawihtei a hmangaih zia a ti chiang hle in ka hria.


Show post links
Top