MAGNETIC by Zualikhiangte_zii95 (Completed)

[Ngaia]

Unau kar a in hip tawn na lampang tun tum chu i hrut dawn ang u aw , in chhiar duhzawng a ni a ngem aw.
Prologue
"Ka u a nia" ka ti nghal halh, " a rawn haw i ti tak maw kha,nang pawh tun ang zan ah chuan riah chhuahsan loh tur che a nia,in inhmu khat si a, ngaih te pawh a ngai ve ang che" a tih chuan
" min ngai teuh lo e mai a " ka rilru in ka lo ti sep,Nunui a nei a keite chu a tan engmah ka ni tawh lo,
min rawn phone nawn tawh miah loh dan ah ka ngaihdan chu a dik thawkhat viau in ka hria,mahse, ka phone chu ka tuailet ka tuailet tho, min rawn phone leh ka beisei te pawh a ni mahna,darkar chanve dawn lai ka nu nen tv kan en leh hnu chuan,mut tum in ka room ,ti ila ka nu nen kan room intawm ni mah zawk ah chuan luh ka tum a ,ka phone ri avang chuan ka phu deuh zawk thei,
"Aw enge ni leh tawh" ka ti nghal thawr
"Pawn ah ka awm rawn chhuak rawh" ka u in a tih chuan ka meng phawk nghal vak,engtin nge tun ang hun ah te a rawn kal
"i mawl a mi haw leh rawh,ka riak dawn ka tih mawlh mawlh kha" ka nu hriat hlau deuh bawk si tawng ring ngam lo chuan ka ti chang deuh rat a
"rawn chhuak la a ni mai" lehlam a mi lah chuan a ti nghut mai bawk si, a va han hahthlak thin tak
"i a tawh a nih kha " ka ti chhuak halh ringawt
"I rawn chhuak dawn lo maw" a tih chuan "dawn lo" ka lo ti nghat "tha a lawm" tih leh line cut chu a rual a,kawngka in kik thawm in a zui nghal zat
"tunge ni va hawnsak ta che" ka nu chuan a lo ti nghal vat "tu mah an nilo ang,zan a rei tawh si a ho emai" ka lo ti daih,rawn lut lo se ka duh
"Aw tehtlat a,tun ang hun a kawngka rawn kik te chu a pawimawh pawh a ni thei a " ka nu chuan a lo ti leh, chumi rual chuan a man kawngka hawn tum chuan thawh a rual nghal a
kawngka kalh na hawn a tum chiah chuan "nu hawng suh!!" Ka lo ti nghal thawt ,mak min tih hmel deuh in ka nu chuan min en haw a
"e nge maw i hriat reuh le" a tih chuan ka sawitur hre leh si lo chuan " ih englo a nia,tun ang zanrei a mi in kik te chu misual pawh an lo ni thei a" ti in ka nu chu kawngka hawng lo tur chuan ka hrilh a
"misual chu an nilo ang hlauthawng suh" tih leh kawngka hawn chu a rual nghal a,ka lo ner nghal nang mai
"E, Remsang nang maw,lo lut rawh" ka nu chuan a ti nghal hluai a "i nau hian misual mi kawngka kik thin emaw a ti che a,hawnglo tur in min lo ti char char a " nui hawk hawk pah in ka nu chuan a ti leh,ka u chuan min rawn melh zawk a,misual nilo in, a mah a ni tih ka hriat vanga hawnglo tur a ti ka ni tih a hrethiam nghal vek ang ,ka hmui ti pawrh zeuh in sofa ah ka thu nghal daih.



A hmasa in he story hi ka serial duh leh ngainat em em, 2000 kum daih tawh a tihchhuah 'Autumn in my heart' tih serial plot hmang a ka ziah a ni a, mah erawh chu plot zawng zawng erawh a in ang vek dawn lo a, a tir lam chauh hi a in ang tih min lo hriat sak dawn nia.








Zing ni chhuak chuan ka hmai a lo chhun ser ser a ,ka harh rual chuan ka tho tlai leh tawh tih ka hre nghal, mahse ka khum nuam tak hi ka la thawhsan phal ngang chuang lo,in lukhup tha leh sauh sauh chung a mut that leh ka tum chu ka puan sin lai chu pawt hlim tu an awm leh ta ,chiau hlut chungin "nuuu!!" Ka ti tiau.

"Tho vat rawh, i u a insiam peih vek tawh school kal i ngai tih i theihnghilh leh tawh em ni" ,tih hlak hlak pah chuan ka puan sin chu a thlep fel mawlh mawlh.

"Monday hi ka hua", khum a thu chhuak bur chung in ka ti deuh hmuk.

"Awi tho vat mai teh ka vuak hma che hian". ka nu bawk chuan a rawn ti leh hlak,ka nu hi chu a thinchhe ve hlak hlak a nia.



"Nu monday ka skip a nga naktuk atang ka kal mai ang aw", pangchang tak a ka tih chuan ka dar ah a beng thlawrh, an na em em khawp leh nghal, ka teuh nghal hlar .

"Nge min ben monday hi ka ning alawm", ka ti ve leh hlak. A ni reng a, monday hi chu ka ning weekend kan hmang te te a ,weekend a zo a ni sakei, monday school kal a lo ngai leh a hei vang hi lawm monday ka nin em em chhan ,school kal tan ni a nia,friday erawh weekend hma a school kal tawp ber ni a nih vang in nuam ka ti leh em em thung.




Mit nuai chat chat chungin bathroom lam ka pan a, ka hmai te phih in ha te ka nawt leh te te a, ka zai rut rut bawk, ha nawh pah a zai chu a rem teh tun lo viau lehnghal.

Inhnuai lam ah insiam peih sa thlap in ka chhuk thla a, sitting room a ka pa news paper lo chhiar bul ah chuan kal in ka tih ziah dan ang in a biang ka va fawp zeuh a , "kha i lo tho ve thei tawh maw mang chhawng sarih i nei tih a hriat miah loh," tiin min lo fiam nghal zat, ka pa hi chu a nghal ve a nia,choka lam pan phei hnak hnak pah in.

"Ngawi mai teh Ramlian" thatchhe aw zet chuan ka ti a, ka pa a nui hawk hawk mai, choka ka lut chu chair pawt tawlh hrawih in ka thu thla hnak a,ka u apple eilai mek chu laksak in ka keih nghal hmarh hmarh bawk, ka u chu a nui ri hak a .

"Kan naute chu monday mood off a nei leh tawh ni maw", a lo tih chuan ka tum bar.

"U vawiin chu ka kalpeih lo e ,school kal lo in cicle in ride ila", beisei nei deuh chung a melh pah chuan ka ti a ,a ni ve thung chuan a mit tizim sun chung a min en in ," a theih loh " ,a lo ti hmuk a nih chu, ka hnual nghal rawih thei , a mah lah chu a la nui ang ruh ruh lehnghal .

" Ka van ning tak monday hi awm ve lo se ", ka ti leh hluai ka u chu nui leh hawk in , "monday awm lo mahse weekend zawh a school kal chu a la ngai tho dawn alawm," a tih chuan a sawidik ropui lehnghal,naaa!!! tinge mihring te hi inzir chawp tur a duan kan lo nih bik kher le, Pathian hian engkim thiamsa te hian min lo siam se tha mai tur.




Peihlo deuh chungin ka cicle ka la chhuak a, monday tuk hi chuan ka ner nawng nawng reng mai a ni.

"Le tlan hmasa la i hnung ah ka lo tlan ang",ka u in a rawn tih chuan cicle ah chuan lawn in ka tlan hmasa a ,ka u chu ka hnung ah a lo tlan bawk,nau zawk ka nih ang in ka u hian min duat em em a ,a lak ah pangchan chintawk ka hrelo fo thin ,a ni pawh u zawk a nih ang in a chanvo a hlen tha em em a, ka tan chuan khawvel a u tha ber a ni piangnawn leh dawn pawh ni ila Zoremsanga lo hi u dang neih ka duh lo ang,a ni pawn 'khawvel a nau tha ber i ni' min ti ve fo tho.





School kan thlen chuan ka thiantha ber Seni chuan class pawn ah min lo nghak leh ran tawh, "Seni" tiin nui sang chung chuan ka au lauh lauh a,mahse Seni chu a hlauhthawn hmel tlat in ka hria a bul ka thlen veleh, "chhipruaka homework min pek ka ti miah lo a nia,engtin nge ka tih ang" a lo ti nghal chung,ka meng deuh kawk, mai mai chuan keipawn ka tibik reng reng lo, "keipawn ka tibik lo,tinge tun ah i sawi chauh a " ka lo ti let vak, ka dar ah Seni chuan min beng tawlh a.


"Engtin nge i tilo tih ka hriat bik ang, weekend ah kan in hmu reng reng hleinem phone ah takngial pawh kan inbe lo" a lo ti let ve hlar,kan teacher te ah chhipruaka hi a hlauhawm ber midang subject chu nise hetiang em em in ka hlau lo ang,mahse hei chu midang nilo chhipruaka a ni tlat ,a lu hi a kawlh ropui si a sam pakhat mah zuk awmlo a mawle ,a mah a ngo vak bawk silo nen a sang in a palian bawk si a, a landan atang ringawt pawh a hlauhawm sa nen a la sualthiam thei em em zui kan class chuan kan hlau vek.





Class chhung ah Seni nen chuan inzui lut in ka bag ka dah tha sawk sawk a,ka note book ka phawrh nghal bawk .

"Lo kal rawh ka u tih tir mai ang, darkar chanve lai a la awm" ,ka tih chuan Seni chuan,

"U Remsanga te chu higher an ni tawh a second floor lam ah daih alawm an awm, higher ho floor ah highschool naupang kal an phal vak lo asin" a lo tih chuan ka melh nghal hraw.

" A nih chuan tihdan tur i thiam chuang a mi,heng i classmate phakar zik zek lutuk ho zing ah hian tuman an note copy tir che an phal teuh lo ,a phal ber tur kei lah in ka ti bawk silo" ka lo ti khar khar,hlauthawng tak in a kuttin a sik neuh neuh a.

" Anih midang lo kal tam hma in u Remsanga chu tih tir vat ang" ,a rawn tih ve tak ah chuan hmanhmawh bakleng in ka u te class lam chu kan pan a,darkar chanve chiah kan nei tawh bawk nen hah pawh sawi lo in step ah te chuan kan tlan chho zawt zawt ,step lah chu a thui hrep lehnghal ,ka u te class zawn kan thlen chuan thaw hlawp hlawp chungin kan ding dat a ,chutah class ah chuan kan lut ve thawr chutia highschool naupang pahnih class a kan lut hlawl chu mak tih hmel deuh in min lo en heu hlawm a,kei erawh ka u zawng in ka hawikual vut vut thung ,tlar hnung ber ah a thian pakhat nen an lo thu a min hmu miah lo,chulam chu pan in a dawhkan ah chuan ka note book ka dah thawr a Seni'n kan textbook a rawn dah ve leh nghal zat.


Ka u chuan min rawn en in chutia an class a min hmu ta chu mak a ti deuh a niang reilote a ngawih hnu in ,"hetah enge i tih,Seni nangpawh' a ti hu a , "u,chhipruaka homework min pek kan ti lo a min lo tihsak teh," ka ti nghal thuai,Seni nen chuan min entawn deuh zak zak in, " a mak thin ,homework chu in a tih tur a lawm school ah nilo in,homework na na na school a tih tum tlat" ,ti in a phun nuah nuah a ,ka note book a keu du du tho ,a nau duat hi teacher ten min hrem a phal dawnlo tih hi ka chiang ve e mai.

"Phun phun lo laa...Weekend te chuan
'min bazar pui rawh' i tia ka bazar pui daih che kha" ,,ka lo ti let nang nang thung. A ner sawk a, "nangmah ni in ti ula in thlen veleh khan in zo daih tawh ang", a la ti hram a nih chu.

"Kan thiam hleinem mawlee!! thiam ila kan rawn zawt nang che", tap tep chung in ka lo ti tiau hlar .

" Awle awle,ka ti dawn lo thu ru" tiin a hma zawn a midang thutna ruak chu min kawh hmuh zeuh a, Seni nen chuan thu tharh in ka u in kan homework min tihsak lai chu kan nghak ran, chutih lai chuan ka u te class a mi ho chuan min fiam leh zuk zuk thin, an fel hmel hlawm tawp mahse hmeichhe pakhat eiloh deuh ka nei kan in ah pawh a lo kal ve zeuh zeuh ,chunu chuan ka u hi a ngaizawng a ,ka u ve thung chuan eng ah mah a tilo ngaihzawng a buaipui lo hrim hrim .









"Dawngte i homework i tilo lehpek a ni maw, i u hi i pan ziah mai a", nui sang chung in a rawn ti no hlawi a ,ka va han ten mai mai tak .

"Nia a nih,a nilo pan tur chuang ka nei silo a", ka lo ti ve hmak,ka u bul ah chuan a rawn thu a, ka u bul a thu a thianpa kha engtik lai in nge a thawh ka hre miah lo .

"Remsang tlai ah min thlah la" no fahran chuan a ti a ,Seni nen inmelh ralh in a rilo in kan lo uak der vak.

"Kha ka zo kal tawh ru minute 10 in la nei " ,ka u in a rawn tih chuan kan lehkhabu ve ve chu ni nen chuan kan la vat a , "mawh Remsang min thlah la ka tih chu",Muanpuii chuan a lo ti leh hlawi a, Seni nen in melh ralh in kan nui hak a.

"Enge nangni khan inla tih", ka u in a rawn tih chuan, " kan kal" ka lo ti vat, Seni ban ah pawt in class atang chuan kan chhuak a , kan chhuah hma chiah a ka u in, "ka hman lo ka nau a mah in a haw a ngai dawn sia", ti a Muanpuii a chhan na chu ka hre hman ,ka rilru chuan, 'chawh e' ka lo ti hman leh pek,diktak chuan ka u a nih na ang in Zoremsanga hi ka hmangaih a,ka thikthu pawh a chhia, midang in u en a an en ve pawh ka duhlo,Seni erawh ka thiantha ber a nia ka hrethiam,chuan ka u hian bialnu nei tur in ka duhlo, bialnu a neih chuan a nau hi min hlamchhiah mai ka hlau a ni, ka u ah chauh pawh nilo Seni leh ka nu leh pa lak ah pawh ka thikthu a chhia in ka la naupang chhia viau, ka hnaih a awm engkim hi ka ta chauh nise tih hi ka duhdan a ni, a tu nen mah engmah intawm ka duh ngailo.





Step a kan chhukthla tur chiah chu ka hming a min ko ri avang chuan ding leh rih in kan hawilet a, kan lampan in ka u chu a lo tlan a ,kan bul a lo thlen chuan, "tlai ah in pahnih khan min lo nghak ula thil ka lei ang cheu", a tih chuan Swnu nen in en in kan nui var var a.

"Chuan aia upa te chung ah mawilo tak a awm loh tur nichin khan ka hmu reng cheu a nia chin tam tawh loh tur aw",a tih chuan lei ka chhuah tet , kan uak der vel kha a sawi tih ka hria,min lo hmu ru reng a ni maw "awle u" tiin ka nui sang a,ka u pawh a nui suk a, "lee ...Chhuk tawh ru le ka nau fel i nihkha tumah in tihbuai pui loh tur aw" ,tiin ka sam a tuai thur deuh a ka lo teu leh hlar tawh,nui hak hak in, "kal ru" min tih leh hnu chuan keini pawh kan class lam pan in step ah chuan kan pen
thla leh zawt zawt a.






Tlai ah ka u chuan ice cream min lei a, kan unau in kan haw rual bawk ,in ka thlen veleh ka room ah ka tlanlut nghal thuai a ,ka pheikhawk tlawhphelh nghal vat vat in khum ah pharh duai in ka mu nghal thlawp bawk,school boring lutuk ka nin tawh dan kha chu pui tak a ni.


Chutia ka mut pharh duai lai chuan ka room kawngka rawn ri rak in ,' a lo awm leh phengphung tawh e,in tlawhphelh phengphung zel suh" ,ka nu in a rawn ti nghal barh barh,ka chhang lemlo ka diklo zawk miau a.



Ka mu zal mai mai kha ka lo muhil a ni ngei ang ka harh meuh chuan alo tlai duai tawh ,uniform nen ka mu tih ka hre hnuhnawh leh bawk,hmanhmawh lem lo in ka inthlak a ,ka inphih harh leh hmasak te te hnu ah inhnuai lam ah ka chhuak chauh,inhnuai ka chhuk chuan ka u leh ka pa in TV an lo en a,ka u bul zawk ah chuan thu in sofa ah ka ke ka hlangkang a ,a sir zawng deuh in ka u chu ka ngheng ar ar bawk,ka u pawh insiam rem ve sut sut in ka tan nghen rem tur deuh chuan a awm zui a.


"Nanglah hi i u kha ngheng chial reng suh a lum si thaw in tipik" ,rawn ti hluk tu chu ka pa a ni ,kei erawh in hmui ka lo tipawrh zeuh a, ka pa thusawi chu ka ngaipawimawh lem lo.

"Khua lum mahse a u bul a awm chu a nuam tho,nang ang in min hau ve kuk kuk ngailo a", ka lo ti let zat zat,ka u nui ri suk chu ka hria ,mahse a hmel erawh ka en lem lo , ka pa chu a chek tlak tlak a ," khawvel ah u i nei ber" min tih leh hluk chuan nui chhuak hak hak in ka pa lam hawi chuan ka insiamrem nghal sawt sawt .


"Aww!! u nei velo an tam a kei in ka nei a, ngah nge ka rinchhan loh ang hetia ka awm loh ten u neih man a awm nang tiraw u" ,tiin ka u chu ka melh zauh a ,nui chung in ka chal ah min lo nem dak awrh a nihchu,ka mengrum nghal al al mai ,ka pa lo nui hawk hawk chu melh hrawk in.

"In tang rual,ka u hi engtin nge i lo thlem hman a,' ka ti nghal hlar.


" A leh ringawt a che", ka pa in a ti chuan ka u chu ka melh leh vut a, "mengrum ve il el reuh lutuk,tho la ka nu va pui rawh" ,min tih chuan tum bur in sofa atang ka tho chhuak a.


"Zoremsang,nangpawh pa, in pahnih khan inla hria ang", tih pah in choka lam ah ka phei tau nghawng nghawng .

"Kal tha mai mai teh" , ka u chuan nui chung in a rawn ti a ,a hmuh loh ah hmel ka lo siamchhe vak ringawt.



Zanriah eilai in ka u nen fel tak a awm tur in ka nu leh pa chuan min zilh malh malh a,tawngthei in harhvang viau mah ila ka nu leh pa in thu tha min hrilh lai kher hi chuan ka ngawi ve ran zel,an thusawi chu ka theih ang chin ah zawm ve hram hram ka tum thin bawk.


Zanriah eizawh ah kan eina vel ka nu nen kan tifel a, ka u erawh a room lam ah a awm leh tawh a niang,hmun ka tihfel zawh veleh ka u room lam ah ka tlan nghal lut nghal in ,a ni chu khum ah a lo mu duai a ,a bul ah chuan a ban kham thei tur in ka mu thla ve nghal tharh,ka mut rual chuan min rawn en zawk in ,"thit thet reuh che hian ", a ti nui nui mai,nui var var in ka u chu ka en a, "u kan unau hi tuman min then hrang lo ang tiraw,eng vang mah in kan unau inkar hi a chhe lo ang tiraw" ,ka tih chuan mit tizim sun chung in a ni chuan min en a ,keilah ka thu tak ve bawk nen ka biang ah rawn piai zauh in,

" E nge maw i ngaihtuah leh thin le, tu nge kan unau min then hrang thei awm ang,nang te chu ka nau neihchhun ka duat em em i nia,tuman kan unau in hmangaih na hi an tichhe dawn hleinem, i u ka nia ka venghim tlat dawn che a lawm,thil tullo pui pui ngaihtuah lo khan i zirlai ngaihsak zawk rawh ", dam thlup a a tih chuan ka lo bu nghat a, nui var var in ka u awm zawn ah ka ban dah in ka hnaih nghal sawt sawt bawk,a ni pawn a ban ka kham lam chuan ka dar ah a lo beng ve thek thek a.




Ka u nen eng eng emaw sawi a kan ti ti luam hnu ah, keipawh ka room ah riak lo in ka u room ah ka mu leh ngawt tawh, a tukzing ah chuan hma tawk ah ka tho ve ngei, a chhan pawh ka room ah nilo in ka u room ah ka mu miau a, a ni chu hma tawk ah tho in keipawh min kaitho hma ziah.

'Nangmah a i mut in zingkar hmel i hmu hman lo ,ka bul a i mut chang tal chuan zingkar hmel hmu ve rawh,zing boruak tha i hip khat emai
", a tih tlat vang a ni pakhat. A sawidik ve reng bawk zingkar ni chhuak lai te hi ka hmu khat a nia aw.

School kal tur in ka nu ho chuan kan in vai chhuak leh lawp lawp a, "u min lo um la" ,tiin ka cycle ka khalh chhuak a ,ka u pawh nui var var chungin a bu nghat a .


"Nang aia ka thlen hmasak chuan tlai ah nangmah in rawng i bawl ang " ka hnunglam atang a rawn ti lauh lauh a , nui hak hak chungin ka tlanchak sauh,,ka u chuan cycle in ka hnung ah min lo um ve zel a ,ka tlan hmasa bawk a min umpha mai bik lo, rei vak lo ah ka u chuan a speed rawn san thut in min rawn tlanpel a ,hnunglam rawn hawi in hnehtu ka ni inti fahran
chuan a nui sang bawk,kei in ka lo melh rum vak thung .

Chutia ka lam hawi a rawn nuih sang lai chuan kawngkawi atang truck a rawn lang thut a ,"u hmalam en rawh" ti a ka au tuarh rual chuan a ri bur a, ka u chu a per nawlh nimai in ka hria, keipawh kawngsir ah ka let tawp a ,truck chuan min su velo mah se,ka mithmuh a ka u truck in a sut khan ka vai nghal ruai a, ka cycle khalhlai ah ka rilru pek theih tawh loh avangin keipawh kawngsir lam ah ka tlu ve thuai.











A ngaihnawm hmel a ngem,chhunzawm zel tlak a ni em,tih kha comment lam ah sawi leh ang u aw.


Show post links
Top

[Ngaia]

Muang chang in ka u ,thisen nen in chiahpiah nuai a a tluk hlawm reng na lam chu ka pan chhet chhet a,truck driver pawh chu ding in ka u bul ah chuan mangang tih hriat tak in a ding ve bawk,mipui pawh an rawn pungkhawm tan a kan awmna lai tak hi mi tam na a nilo lehzel nen, mi lo pungkhawm pawh tam tak an ni lo.

Ka u bul ka thlen chuan a bul ah ka thu thla hnawk a, a chal atang thisen a chhuak tiam tiam a, ban de de in ,chutah ring tak in ka tap chhuak nghal hawm hawm,ka u na tuar lai hmel hmuh chu hreawm tak a ni. A hmai chu thisen in a bual khat vek ti ila ka sawisual lo ang, a school kamis ban ah chuan thisen a rawn luangchhuak ngiai ngiai bawk.


"U,u,i tha em,u harh..harh teh mi..min hrethei tiraw" ,ti tiau in ka u chu ka sawi dat dat a ,ka hlauhthawn luat ah ka aw thleng in a khur vek bawk .

Zawi muang in ka u chu a rawn meng diar diar a, ka lo thaw hawk thei " u " ka ti leh tiau, mahse a ni chuan a mit a chhing leh nghal a, "u harh teh " ti a ka sawi ngial pawn a harh thei tawh lo, ring tak in ka tap a, kan kiang a tangkai na nei miah lo a enge thleng tih hriat chak vang ringawt a lo ding thup ho te chu ka haw hlur tawh ,chutah hawikual in "Ambulance call ta che u" ka ti tuarh, ka u kuah chung chuan ka tap char char bawk .

Ambulance lah chu a lo thleng har hrep lehnghal, chutih lai chuan car pakhat hi a rawn tlan a ,min pel vel chiah ang tih ah chuan ding in tu emaw hi kan lampan in a rawn tlan hlawk hlawk a.

"Remsang, ehee! Dawngte enge thleng" rawn ti tu chu ka en vat, U Puia a lo ni ka u te class a mi a thiantha ber, "u Pui, ka u hi truck in a su a ,chuan Ambulance an call a mahse.." ka sawi zo thei lo ka hrawk hi a inhnawh tup tup a, ka tah a chhuak em em ringawt, chutah u Puia chuan ka u chu zo leh zo lo in a pawm a ,"lo kal rawh taxi tah sawn a awm ", a tih chuan ka zui ve vat ,taxi a kan luh veleh driver hnen ah hospital hnai ber pan tur in a hrilh nghal zat ,kei erawh ka la tap bang theilo, ka u kut ah chuan nghet tak in ka chelh reng a, hospital kawng tluan chuan vawikhat mah ka thlah lo.

Hospital kan thlen chuan enmergency room ah nawr luh nghal a ni a,ka nu leh pa pawh reilote ah an rawn thleng thuai bawk ,u Puia khan a lo call a ni tih a hnu ah ka hre leh chauh .

Ka nu mangang tak a ka lam pan a lo tlanphei chu ka lo kuah thlawp a, ka tap nghal hlawp hlawp ," ka naute a pawi emai," tiin ka nu pawh tap ve nghal in a insum thei bik lo.

"Nu,ka u kha truck khan a su ka,ka hmu chiang lutuk ", ka ti tiau a ka insut hlap hlap reng bawk ,ka nu chuan min kuah nghet sauh in ,"ka naute i hlauthawng dawn lutuk a ni tiraw,i u chu a tha leh em em ang lungngai lo la", a tih chuan ka nu min kuah na tang in lahrang hlek in ka nu chu mittui kar atang ka hmu phe ruai.

"Ka u hi a thi dawn lo tiraw nu,khawi ah mah min kalsan dawnlo tiraw" ka tih chuan ka nu in min kuah leh vat.

"Bawihte i u chu a thi dawn reng reng hleinem,a nau duat leh a nu leh pa hi min kalsan in khawi ah mah a kal dawn lo, engkim atha vek ang", ti mahse a thusawi chu min hnem na mai chauh a ni tih ka hria,ka u thi tur ang a ka dah chuan ka thaw tha theilo, ka khawchhung zawng zawng hi puak darh vek tur ang mai a ni,ka u tello a nun hman chu ngaihtuah pawh ka la mgaihtuah chhin ngai hauh lo.

Chutia mangang leh thlabar tak a kan awm lai chuan, nurse pakhat hi enmergency room atang chuan a rawn tlanchhuak a ,kan lo hawi hra hlawm nghal mai ,eng vang in nge oporation neih lai in nurse hi a rawn tlanchhuah, nilo nilo,ka u chung ah thil thalo a thleng tur a nilo.

Enmergency room kawngka chu ka chum dat dat a, ka mittui chu dan sen pawh a nilo,u Puia chuan min rawn manbet in ka nu leh pa bul ah min dinpui a.

"Damlo hian thisen a hlauh hnem lutuk a ,chu vangin thisen kan pek thuai loh chuan a nun na hi kan chan thei a ni,damlo blood group ang chiah hi thisen kan mamawh a ,unit hnih vel oporation neih chhung atan chuan a tawk rih mai ang, a dang chu tluangtak a in zai a nihchuan ward a kan dah hnu ah kan pekbelh thei ang", a tih chuan ka bing chuk chuk nimai in ka hria .

"Thisen pe thei chu in awm em,damlo hian a mamawh tawh takzet a nia", nurse bawk in a rawn tih leh chuan nurse chu panhnai in, "keiman ka pe ang,a nau ka nia ka u tan chuan ka thisen pawh hi a tul phawt chuan la zo vek mai rawh", ka tih chuan ka nu in ka ban ah min lo vuan vat a,nurse chu bu nghat in thisen lak na tur hmanrua chu a buaipui nghal vat vat bawk.




Ka biang a mittui luang thla ngiai ngiai chu pawn lam atang min ko ri avang in ka tuai hul nghal vat a,chutah ka room kawngka chu rawn ri rak in ka u chu a rawn lut a.

"Chaw ei a hun, lo chhuk la", tih pah in min rawn pan a, ka lo bu nghat ringawt, ka u chuan min en deuh vung vung in ,

"tunlai hi i hlim lo riau in ka hria,harsatna i nei em ni ,i neih chuan sawi hreh lo in min hrilh rawh ka thei a nih phawt chuan ka chinfel sak ang che",tiin min ngaihtuahna mitmeng a khat in min en a,ka bul a rawn thut thlak a rual bawk .

Reilote ka u chu ka melh zawk a, mahse ka en rei ngamlo min ngaihtuahna mitmeng chuan ka hnuk no a ko chhuak a nga ,insum thei lo a ka tah chhuah mai ka hlau a ni .


Ka ngawi reng a hnuailam ka bih ngar bawk ,ni e ka u hi ka u a nilo,keihi ka nu leh pa fa dik tak ka ni ve lo tihna a nih chu ,hethu ka hriat tirh khan thih nghal daih mai ka duh, tun a ka chhungte ka chenpui te hi ka thisen zawm an nilo tih hian ka thinlung a dennat dan chu tuman min hriatthiampui kher lo ang .


Ni e khami ni ka u accident ni a thisen pek ka tum tum khan kan thisen a lo inmil hauh lo ,kei chang nilo in ka nu leh pa thleng khan mak kan ti tlang in kan hrilhhai tlang hle. Ka u chu ka pa zawk in thisen a pe ta a, kei erawh ka mang vek a, ka ngaihtuahna chu a nghilh dup ni mai in ka hria,khami ni khan chawpchilh deuh in DNA test kan ti nghal rum rum a, result erawh ka nunpum sawinghing lawih thei khawp a thu dengkhawng a ni ta si a,ka na a, engtin nge a nih theih tih ka ngaihtuah thiam lo ,ka chhungte hi ka chhungte nireng tur in ka duh a, chhungte dang ka duh lo,u dang ka duh lo a, nu leh pa dang ka duh hek lo,mahse eng ang pawn duhlo mah ila chu chu a thleng mek si, kei hian chhungkaw dang ka nei si a.

Ka pianna hospital ka pa in a be pawp nghal a ,an ni chuan ka pian ni a piang vetho nen khan tihpalh thil thu in min lo thleng a nihchu ,ka pa thinrim lutuk chuan hospital chu khin ngei a tum thu a sawi bawk, khami ni atang khan a hma a Vanlaldawngzeli mi hlim thei tak kha a bo a , ka lungngai a ,hreawm ka ti in ka nui hmel phen ah natna thuk tak a inphum ru a ,mahni a ka awm tawh chuan koh loh mittui bawk in ka hmai tliang han chu a rawn luan huh leh thin.





"Princess, engmah min hrilh ngai tawh bawk silo damdawiin ka awm atang min be tlem em em bawk si, ka accident kha i thiamloh a ni reng reng lo a nia,mahni inti hreawm reng suh ," ka u chuan a ti a, princess tih hi ka u min koh thin dan a ni a,kan tetlai a kan infiam chang apiang in princess lem a ka chan ziah thin vang a ni,tunthleng in princess ti in min la ko ta reng a nih hi .

Ka dak chhuak a, min ngaihtuah zet a min en tu chu ka kuah thlawp ,ka insut zui nghal hlap hlap bawk. ni e ka u hian engmah a hre ve lo miau a, hetia ka nun nguai ta thut pawh hi a accident kha keimah vang ah ngai a, ka inthiam loh hle vang ah a ngai a ,mahse chu chu thil nihdan a ni silo,a nau diktak ka nilo tih hrilh tur hian ka huaisen tawk lo a, ka u hi ka chan mai ang tih leh min hlat phah daih ang tih ka hlau em a ni,chuvang a nia ka nu leh pa bul ah pawh ka u hi engmah hrilh rih lo tur a ka tih,engtin nge ka u hian hethu hi a lo dawnsawn dawn ka hre miau silo a.


"A tha a tha vek ,hei ka dam tawh a lawm ,nangpawh in tilungngai reng suh i hlim loh chuan i u hi ka hlim thei biklo tih i hriat kha " , ti sup in min nawr hla hret a,a kutzungpui a ka mittui tuaihul pah in, "ka princess hi tun ah chuan han nui teh se ,a nui hmel ka hmuh na chin pawh a rei ta", tiin a mah chu a nui suk a ,keipawh harsa ti tak in ka u ngaihthat nan chuan ka nui lui ve seih a.


"That's my girl" ti sup in ka biang leh lam leh lam a dawm in ka chal ah chuan a fawp zeuh a.




…



Vawiin chu ka chauh deuh avangin school pawh ka kal peih ta lo ,ka chhungte pawn min hrethiam khawp mai,ka u chu a mah in school a kal a ,a rual a kal chu chak hle mah ila mizing a hlim der a nuih der vel kha ka peih lo a tin ni.

Chhunlai a ni a, ka room atang chhuak inhnuai chhuk ka tum chu ka pa aw ka hriat chuan mak ka ti deuh,office a kal emaw ka ti a chhunlai ah in ah enge a tih ,chhuk tum a ke ka pen lai tak a ka pa thusawi vang chuan ka penlai ka tawp leh chawt ,an fanu diktak chu an hmu tawh maw,

"Ka fanu chu a la dam maw! Lalpa ka va lawm em", lungchhe aw tak, hlim bawk si in ka nu chuan a ti chul a,ni e an thisen zawm an fanu dik tak an hmuh chuan hlim tur an ni, ka dem hauh lo,mahse an hlim na hian engtiang chiah a rilru na in nge min siam an hre silo.

Inhnuai ah pawh chhuk ta lo chuan ka room lam ah ka lut leh ta daih a, khum ah mu in ka ngaihtuahna ka kawm ta vel mai mai ,ka mu chu ka lo muhil a ni ngei ang ka harh leh meuh chuan tlai lam a lo ni der tawh, ka u pawh a lo thleng tep tawh ang.

Inhnuai lam ah ka chhuk a ,choka ah lut in tui vawt kek kawk mai chu ka in khawlh khawlh a, ka taksa chhung lum huam chu a ti vawt thla huai huai thei,fridge ka khar leh chiah tih chuan choka ah ka nu a lo lut ve chiah.

"I lo chhukthla peih tawh a ni maw,vawiin chu ipa pawh chhun ah khan a lo haw a,kan fanu chu hospital record atang an chhui chhuak a ni awm e ,a lawmawm ngawt mai," a ti nghal siam siam a,ka lo nui tawi tak ringawt .

Ka nu hlim na chu tawmpui tur ka nih laiin ka thei der lo, ka taksa chhung hi min vilh ngawt ngawt ni mai in ka hria ,ka ngawih reng tak ah chuan ka awmdan tur ka nu chuan a hrethiam a ni ngei ang ,ka bul ah chuan lo kalhnai in ka kut lehlam chu a kut nel thep chuan a chelh a ,a kut lehlam a chul hliau hliau pah in ,

"Rilru nawm loh phah nan hmang lo la, i thisen kan ni emaw nilo emaw,keini hi i chhungte kan ni a, kan fanu i ni reng bawk ang,kan tan chuan kan fanu i nih na hi a danglam ngai dawn lo a ,nangpawh in kan lak a i rilru put hmang hi thlak danglam lo la a hma ang reng khan awm la ka duh ,kan naute neihchhun kan hmangaih em em kha i ni reng ang," a tih chuan ka mittui a lo luang leh ngiai ngiai tawh .

Ka hreawm tihna chu ka nu awka chhuak nelawm tak chuan a la kiang a,ka phutrit tak min laksak ang hial in ka ngai ,ka nu chu kuah thlawp in, "nu ka,ka hmangaih che in vaiin ka hmangaih cheu ", ka tichhuak tiau ,ka hnung ah ka nu chuan a beng thek thek a ,nu angchhuang ah nge nge chuan thlamuanna a lo awm biak hliah hliah a nih hi,kan inkuah na atang ka inla hrang chiah tih chuan choka kawngka bul a phawk tak a lo ding ka hmuh chuan ka che dawt thei.

Ka u chuan ka nu nen chuan min lo en ngar a nih chu ,"u..u i lo thlenna a rei tawh em?" ,ka ti chhuak thei hram, ka nu nen kan thusawi kha a lo hre hman em lo ang chu.

Ka nu pawh chuan ka u lam chu hawi ve vat in, a ni pawh a hamhaih deuh in ka hria, "in thusawi kha enge awm zia", ka nu nen a min melh dun ralh in ka u chuan a ti chang fak a ,a aw chu ring tak nilo mahse a fiah em em thung.


"Eng,engmah a nilo u " ka ti bah nak.


"kan thisen i ni velo tih chu enge awm zia ..nang hi," tihpah in ka u chuan min rawn hnaih nghal ruak a,ka taksa chu hlauhthawn na vangin a khur nghal dat dat thei, ka u hian engkim ka nu nen kan tawng kha a lo hre vek tih na,ka u hi ka chan mai ang tih ka hlauhna chuan ka tah a tichhuak tun thei , "u" ka tichhuak tiau a, ka biang ah mittui a lo lum thla pap bawk.

"Bawiha ,in bengdai phawt teh,tha zai in i sawi teh ang u", ka nu chuan a lo ti ve bawk a, mahse ka u erawh chuan ka nu thusawi chu hria awm pawn a langlo ,kei chu min melh ngur a,a hmel atang a thu hriat zawh tak kha a lem nise a tih zia a hmuh theih.

"Sawi rawh nang hi ka nau i ni em", ka mit ah tak en chung a a rawn tih nghut chuan ka insum thei tawh lo, tap chhuak hak in ka lu chu ka thing mat mat a, hnuailam ka bih ngar bawk. Harsa ti lutuk a thaw chhuak hawk ka hriat rual in ka taksa chu ka u awm ah a bei nghal thlawp ,nghet lutuk a min kuah in a ka atang a thaw chhuak ham ham a.

"Vawikhat mah ka nau i nilo tih kha sawi tawh suh,ka nau i ni a thisen zawm kan ni emaw,nilo emaw ka nau i ni reng dawn", nghet charh a a tih tak ah chuan tap hlawp hlawp in ka u chu ka kuah let a, ka chhip ah a hmui a nawr vang vang in, "ka nau i nilo tih kha sawi tawh ngai suh ang che ,min tiam rawh ka nau i ni reng ang tih hi" a tih chuan ka bu nghat nghat a
,kan sir ah ka nu pawh in a mittui a lo hru ve zeuh zeuh reng bawk.



Ni e keini hi unau inhmangaih tak leh in ngaih tak kan ni a, ka u bul ah hian glue ang mai in ka bet chawt reng thin a ni si a,ka u lo dawnsawn dan chu ka rin phak bak a nih avangin ka phurrit zawng zawng chu a bo vek ni mai in ka hria. Ka lawm a,ka hlim bawk,.Chutih lai chuan ka pa office bang pawh rawn thleng in kan awm dan a rawn hmuh chuan ka u in engkim a hre tawh tih a hrethiam nghal a ni mahna,


"Sitting room lam ah thukhawm lawk ang u", a rawn tih chuan ngawi reng in kan nufa thum chuan ka pa chu kan zui dial a.

Kan vai a sofa a kan thut tak thap hnu chuan ka pa chuan aw a han thian hmasa deuh kharh a.

" awle bawiha pawn engkim i hriat tawh ka ring a ,hriat fiah loh i la neih chuan nakin ah inzawhna hun a la awm tur ah ngai ila ,tun ah chuan i nau diktak chanchin ka hriat ang te leh ka thu tlukna sawi phawt ka duh a ni." A tih chuan, 'nau diktak' tih chuan engtin emaw in min deng dawt in ka hria,mahse ka awmdan ah erawh ka tilang lem lo thung.


Chutah ka pa bawk chuan, "tun ah hian kan fanu Sawmzeli chu, Aizawl ah a awm mek a ,an khawsak a harsa ve hle ni in a lang,chuvang chuan kan fanu a nihna ang in hetah ,a thisen zawm diktak te bul ah hian rawn cheng ve se ka duh a ni,tun a a mah enkawl tu pawh hi mi tha tak a ni a, a ni pawh kan theih ang ang a kan chhawm dawl a ngai ang,ka thu tluk na ah chuan tuman harsatna kan neih ka ringlo", tiin ka pa chuan a thu tluk na chu a sawi a.

A tawngka chhuak atang chuan an fanu diktak chu kan inchhung a lakluh ngei a tum zia a hriat theih.

Pawi tihna ka nei hran lo bawk,keipawn diktak chuan ka nu diktak chu hmuh ve ka chak a,mahse ka nu leh pa ka hrilh ngam silo, "a room tur kan siam chhungin Dawngtei room ah hian awm ve mai se..", ti a ka pa in a sawilai chuan,

"A theih loh" ka u chuan a lo ti chhuak mauh mai,a ni chu kan vai chuan kan en ang he haw hlawm a,


"Zoremsang tun ah khan eng maw i sawi kha ", ka pa chuan a tichang ta fak mai ,a aw ri ah chuan ka u thusawi zawh chiah vang khan a lawm zawk zawk lo tih a hriattheih.

"A theih loh hetah hian rawn awm suh se " ka u bawk chuan a rawn ti leh a, ka pa mitmeng chu a nelawm zawk zawk tawh loh kher mai ,keimah chu ka lo tang tung a ,ka lo in humruh ve nghek ringawt.


"Ngawi rawh,i nau a ni a ,kan thisen a ni bawk ,he in ah hian thu neitu ka nih ang in i nau chu ka la lut khawp ang, i rem tihna ka mamawh lo ,piang nawn leh pawh nila a nilo nau i nei tawh dawn chuanglo," thinrim tak in ka pa chuan a ti chhuak that a, ka pa thusawi thu mal khat chuan min vit sawk nimai in ka hria .

Ni e, ka u hian Sawmzeli chiah nau a nei miau a ,mahse ka pa thusawi dan chuan min tina takzet ,ka pa pawh chuan a thusawi chu a hrechhuak zawk a ni mahna inthiamlo hmel tak in min rawn melh zawk a ,ka lo nui lui seih ringawt mahse ka thinlung erawh a va dam silo em .

Ka pa thusawi vang chuan ka u chu a nui suk a, muangchang a a thutna atang tho in,

"Ni e nau pakhat chiah ka nei chu chu Vanlaldawngzeli a ni,a nilo nau ka nei lo a ,nau dang ka duh lo bawk ,ti hian chhungkua kan kim a, chhungkaw member dang ka mamawh lo e," nghet charh a a tih chuan ka ilo ip chawih thei .

A ruk tak chuan ka u ngaihdan vang hian ka lawm a, mahse ka nu leh pa lak ah ka inthlahrun phah in nuamlo ka tih phah bawk ,"Zoremsang nang hi" seh chilh deuh nak in ka pa chuan a ti a, ka nu in a lo chelh vat .

"Nau pakhat chiah ka nei tih hre reng rawh u Vanlaldawngzeli lo chu tumah ka pawm lo," ti nghat in a room lam ah a chho nghal daih a ,kan boruak chu a rit takzet ,chutah ka nu leh pa lam hawi in,

"Lo lungngai su, ka u chu keiman ka lo hrilhfiah ang" ti sep in ,inchung lam ah ka chho ve nghal a.


"Pa a kan naute awmlai hi chuan i tawngkam fimkhur rawh a rilru nat dan tur kan hriat kha", ka nu in a tih ri chu ka hre reng ,in petruh fan fan chungin ka u room lam chu ka pan a .


Show post links
Top

[Ngaia]

Ka u room kawngka chu muangchang in ka hawng a ,room chhung ah chuan dak de de in ka mit ka lenkual a, mahse ka hmu miah lo ,room chhung ah chuan ka lut a chutih lai chuan ka u chu bathroom atang a rawn chhuak chiah ,"englo u" ka lo ti nghal vat.

Min melh zawk bak chu ka awm ve tih pawh hrelo ang mai in a thawmhnaw bawm a hai nghal mual mual a, "u thil sawidun ang", a bul ah kalhnai in ka ti sap a,a thawmhnaw hai lai chu chawl det in ,min rawn melh leh zawk a, engmah sawilo in a thawmhnaw a hai zawm leh nghal mual mual .

Ka thaw hak a, ka u ban ah chuan vuan in, " u ka pa chung ah i lungawi lo a nihpawn ka chung ah hi chuan i lungawi lohna tilang lo teh,hetia ka lak a i awm hian nuam ka tilo a nia,bak..bak ah nangmah lo chu tumah neih ka neih loh hi", ka tawng tawp lam chu ka hnuk a ulh deuh avangin a ri chhuak chang chang chauh.

Ka u chu a thaw hak a, chutah a awm ah chuan min kuahbet in ka hnung a chul hliau hliau a , ka mittui lo hnai tiam tiam chu thunun zo lo in a rawn luang thla ngiai ngiai tawh ka tap chhuak hak bawk.

"U ka chhungkua in nih na a bo dawn lo a,chu vangin Sawmzeli pawh hetah lo awm mai rawh se,in bul a awm ka duh tawh loh vang nilo in keipawn ka nu chu vawikhat tal hmuh ve ka duh",ka ti chhuak tiau a, ka insut zui leh hraih bawk,ka u chuan min kuahna chu thlah thawl in tlem in min nawr hla deuh a.

"A tha e, i thutluk na ang chu ka pawm ang ,nangmah vang chauh in " a ti sup a ka mittui a tuaihul pah bawk.

"Ka nu leh pa rilru tur pawh dawn ve la,Sawmzeli lo awm ve vangin kei min hmangaihna a bo phah dawn hleinem", ka ti leh sep a,ka u pawh a bu ta nghat.

Sawmzeli chu engtia lo dawnsawn tur nge ka hrelo a ,eng ang mize pu nge a nih lah ka hre hek lo,mi tha tak a nih beisei phawt ang.

Kar thar law law ah Sawmzeli chu kan in ah a rawn insuanlut dawn a ,ka room pawh kan singsa nasa viau mai ,room chep lutuk ka ngainat loh avang in ka room hi a lian ber a, bathroom hi ka u nen room ah kan nei hrang bawk,Sawmzeli nen pawh awm ila kan la thawl dawn lutuk tho. Ka room ah chuan khum pakhat kan dah belh a Sawmzeli thawmhnaw dah na tur pawh kan siamtir nghal vek bawk ,kar thar kan chuankai meuh chuan kan inpeih thawkhat tawh hle. Sawmzeli room tur pawh muangchang in kan khawih bek bek a,bathroom a nei hrang ve dawn lo thung,inhnuai lam bathroom a hman mai a ngai
ang thla tam ka room chu min tawm ka ring lemlo bawk..

Vawiin ah Sawmzeli a rawn insuanlut dawn a ka nu leh ka pa an phur tawh hle,keipawh a ruk tak chuan ka nu diktak ka hmuh theih dawn avangin ka phur ru hle ..School ban veleh khawi ah mah pengkawi lo in inlam ah ka tlang nghal a, in ka thlen chuan pawn ah motor lian vak lo pakhat hi a lo ding a kan motor a nilo tih ka hria ,a awmzia chu Sawmzeli a lo thleng tawh tih na ,a nihchuan ka nu diktak pawh kan inchhung ah a awm mek tihna.

phur ru tak a inchhung ka luh chuan min hnungchhawn zawng hian hmeichhe pahnih hi an lo thu a,ka nu leh Sawmzeli tih ka hre mai.

"Bawihte i lo thleng tawh maw hei i nau leh aaa..i nu an nih hi",ka nu chuan a lo ti thuai a ,chu veleh min hnungchhawn a thu hmeichhe pahnih chu an rawn hawi nghal vat, ka lai lek lek nghe nghe,ka nu diktak hmel chu a dam thlap a ,a mgilneih hmel ngawih ngawih,muangchang in an thutna lam chu ka pan a ka nu leh pa bul ah ka thu nghal.

"Bawihte hei hi i nu chu a nih hi chibai buk la", a tih chuan ka nu lam chu hawi in, "chibai le,n..n..nu" ka ti sep a,hmangaihna mitmeng a min entu chu kuah vawng vawng chakna in ka khat,vawikhat hmuhna ah ka nu diktak hi hetiang em em hian ka thinlung ah a tlak nat ka ringlo kha nia ,mahse thisen chu a lo chak a nia nge,a mitmeng pawisawi lo tak sawn min hneh ngawih ngawih,chutia kan lo thutkhawm laih lai chu ka u pawh a rawn lut ve hlawl.

"Bawiha hetah hian lo thu teh", ka pa chuan a lo ti vat a,ka u pawh ngawireng in kan bul ah chuan a lo thu ve mai bawk.

"Hei hi i nau Sawmzeli a nih hi, chuan hei a nu pi Rinawmi", ka pa in a tih chuan ka u chuan ka nu chu a chibai nghal thuai a, Sawmzeli nen pawh an in chibai bawk.

"Princess ka chho dawn a, i lo chho ve nghal dawn em ,thil ka lo hawn che a nia i duh ngawt ang", Sawmzeli nen an in chibai zawh veleh ka u chuan a ti nghal a, a hmel a hlim hmel sarh bawk, ka u hlim hmel chuan min ti lawm veng veng mai .

"Ih.. pa englo engtin nge a ni hi ka koh dawn," inthlahrun hmel ang reng tak in Sawmzeli chuan a ti sep a, "i u a nia, i u loh ten le ," ngainatawm tak in ka pa chuan a lo ti thuai a,Sawmzeli pawh veng hawk hmel a pu deuh ka u lah chu Sawmzeli tawng veleh a tum hmuk si a ,Sawmzeli tan a nuam duhlo viau in ka ring .

"A nih chuan u homework ka ngah deuh a naktuk a submit ngei ngei tur a ni sia min tihpui hman a ngem," Sawmzeli chuan a ti sep a.

"Hman lo" ka u chuan a lo ti hmuk a nihchu,a tawng dan lah a nelawm loh mai sia Sawmzeli chu ka melh zawk a, rilru nat hmel deuh in ka u chu a lo melh kar a, a hmui a pet fan fan bawk, ka khawngaih reuh ngei mai,nakin ah ka u hi ka hau ngei ngei ang ,a nau a nia a be tha tur a ni tawp mai .

Chutah ka u chuan min en in a nui leh ang sang lawi a, " ka lo han chho hmasa a nge lo chho vat rawh aw," dam thlap chuan a ti a, Sawmzeli a biak dan leh min biak dan aw ri chu a dang hlak.


ka u chhoh hnu chuan muangchang in keipawh ka thutna atang ka tho a ,kal mai a tum chu ka nu chuan,

"Tikhan i u lehkha han in zirpui tir rawh eitur ka lo pe ang cheu,," a lo ti a,, ka bu nghat,Sawmzeli ka va en leh chu lo en lo ila ka ti zawk ngawt mai,a mitmeng chu min thikna hlir in a khat a ,min huatna ka hmu tel tlat bawk in ka hria, thil hi ka duhdan leh ka lo beisei dan ang ngawt chuan a thleng dawn lo a nih hmel .


.......

Kan in ah Sawmzeli pawh kar khat lai a awm ve tawh, a tir chuan a inthlahrung in kan lak ah a inkiltawih deuh na in ,tu man kan biak chhiat ngai loh vang leh kan ngaihtuah tlan em avang in a in kiltawih rei bik lo, ka u nen erawh an la inbe tha thei meuh lo a ,Sawmzeli chuan a ngaina tih ka hria,ka u zawk hian a betha lo a ni mah zawk, vawitam ka hau a mahse awmzia a awm lo 'nau pakhat chiah ka nei' tih chauh in min chhang mauh mai zel a a buaithlak lam hret thin.


Zankhat ka inbual zo bathroom atang ka chhuak chiah chu ka ding chawt, "E nge i tih kha" ,ka ti fiah fak ,ka thawmhnaw bawm atang Sawmzeli chuan ka thawmhnaw a lo la chhuak mawlh mawlh a nihchu.

" Ka thawmhnaw hi a leng tawh lo a i thawmhnaw bawm hi ka lo hawh lawk a nge ka room an la peih silo a, " Sawmzeli chuan a lo ti a,chutia ka thawmhnaw a duh dan dan a a lo ti kual chu ka lawm tehchiam lo ,a thawmhnaw bawm hi a te zawk a ni a, hetah a lo awm atang hian thawmhnaw thar a ngah chak a chuvang chuan a thawmhnaw bawm ah a lenglo a ni maithei .

"Ka thawmhaw i khawih dawn a nih chuan min dil hmasa tur i nia sin,min dil in min hrilh hmasa nila phal loh tur thu a awm miah lo a, keichuan thawmhnaw pawh nang aiin ka nei tlem zawk a mahse i duh dan dan a ka thawmhnaw lo sawnkawi ngawt tur i nilo a nia." Khum lam pan chung chuan ka ti hmak hmak a ,khum a ka thawmhnaw let rum ho chu ka la khawm nghal mawlh mawlh bawk.

Ni e, ka zep lo Sawmzeli hi ka ngaina hlawl lo, ni hnih kal ta atang khan kan boruak hi langsar tak nisi lo hian a alh hlep hlep tawh ,min ngaithei lo tih ka hria a, ka lak a ka chhungte awmdan ah a lungawi lo a min thik a nih ber chu.

"Opps.. a lehpek ah chuan ka dil tawh ang che," a rawn tih leh chuan ka thawmhnaw pawm lai chu ka dahthla hnawk a , ka melh nghal hrawk bawk.

"I duh leh ka thawmhnaw bawm chu nei rawh i awt viau a nihchuan", ka ti hmak a, ka thawmhnaw ka khawih zawm leh nghal.

"Ka nu leh pa hian nuamsa takin an enkawl rei tawh che a tun ah chuan ka hun a thleng ve tawh ,hospital ah khan min lo thleng lo se chuan nang hi rethei bakberh tak in i seilian ang", min tih chuan ka thil tih lai ka chawl leh dat a,a tawng sehchilh dan ah chuan a thinrim tih a hriat theih keipawh ka thinrim ve tho .

"Mahse kei nilo in nang alawm rethei tak a seilian chu, " a mit ah tak en chung in ka ti let ve sak,a mitmeng ling hlar a min en in, "nang..mi rethei fa kha i nu rethei tak hnen ah let leh rawh ,mi rethei fa chu mi rethei in ah a khawsa tur a ni ," a rawn ti fak fak a, ka kut ka hum ruh tawh hle.

"Khatin nangmah enkawl seilian tu che hmusit tak in sawi suh,hetiang chen thleng tur hian tha tak in a enkawl che ," ka ti fiah fak a . Sawmzeli chu a nui ro halh,

"Mi hnuaihnung nufa" a tih leh sak lai chuan, "tumaw mi hnuaihnung chu," rawn ti chang fak tu lam chu kan hawi rual nghal thawt.

Ka u chu kawngka bul ah a lo ding a,a mitmeng ah chuan a lawm lo tih a hriat theih ,"ih,u englo a nia" ,Sawmzeli chuan a ti bah nak a.


"A tawk, eng mah sawi suh,i ka atang khan engthu mah a chhuak tawh tur a nilo,nangmah enkawl seilian tu che pawh zahna i nei miah lo hi zak ngawih ngawih rawh," ka u chuan a ti chang ta fak .

"Hmusit tak a Dawngtei i tawngkhum leh tih ka hria a nihchuan i chaklo khawp ang,he in a mikhual chu a ni nilo in nangmah i ni,i hming tawp a kan hnam hming a awm ve tak vang ringawt khan hemi chhungkua a mi ah hian i lo in ngai a nge ,he chhungkua a naupang ber chu Vanlaldawngzeli a ni, thu neitu pawh Vanlaldawngzeli tho, nangchuan he in ah hian thu neih na leh chanvo pakhat mah i neilo tih hria ang che," ka u chuan a ti leh fak fak a. Sawmzeli in petruh nasa lutuk chu a mittui a tling par tawh ,ka u chu keipawn duh aiin a tawngna hret ka ti ve tho.

" u a tawk" ka tih lai mek chuan, "Zoremsang tun a i thusawi zawh chiah han sawi nawn leh teh,Sawmzeli hi he in ah hian eng maw a nih a ,,naupang zaktheilo lutuk," ka pa chuan a rawn ti khur khur a ,room pawn ah ka pa hi a lo awm reng tihna a ni maw,

" I nau kha ngaihdam dil nghal rawh" ka pa chuan a ti vin leh that a,ka u erawh a ding ngawi ngul thung.

Chutah Sawmzeli chu a rawn tap ri feih feih a, "pa he in ah hian ka leng velo a nih hi", a rawn ti tiau,ka u chu a nui ro halh a, ka pa in Sawmzeli kuah tum a a pan lai
chuan,

"I fanu ka thutha hrilh rawh" ka u bawk chuan lo ti leh fak a.

"Zoremsang ngawi hmak rawh" ka pa in a lo ti ve thung,ka pa chuan Sawmzei chu a kuah a,ka u erawh a thinrim em avangin room atang chuan a chhuak daih,a insum zawh loh a hlau te pawh a ni maithei.



"Bawihte enge awmzia enge thleng" damthlup in ka pa chuan a ti a.

"Eng lo nia pa,ka thawmhnaw hi a bawm ah a leng tawh lo a chuvang in Dawngi thawmhnaw bawm ah hian ka thawmhnaw ho hi ka lo dah a, ka lo hrilh theihnghilh daih bawk nen a lungawi lo a chuan,min ankhum ta a ,kan inhauh lai khan ka u kha a lo lut a tikhan min rawn ti ringawt a, engmah a hrechiang tawp silo a." tap hlian hliam chung chuan a ti a,

A lu ah duat hmel tak in ka pa in a chul hliau hliau bawk ,"pa ka u hian a nau ang in min pawm thei miah lo a ni tiraw," a ti leh tiau a, a tir atang engmah hrelo tan chuan khawngaihthlak tak tur a ni,mahse kei erawh in a lemchan thiam zia chu mak ka lo ti viau zawk.

"Nilo e chutiang a nilo,i u khan hun a la mamawh deuh a nih kha i hriat ang in engkim hi a tleng zung zung si a, " ka pa chuan a ti dap dap a, chutah kei chu min rawn en in ,

"Thawmhnaw dahna mai mai chu eng ah nge maw i ui viau le,nangchuan thawmhnaw pawh i nei tlem zawk a nakin lawk ah i nau pawh a room ah a awm mai dawn a a zialo thin emai," ti a ka pa in min dem na awka a chhahchhuah lai chuan ka awm zawn hi a na vawng vawng mai.

Kei ai in a darkar chauh in Sawmzeli hi naupang mahse ka nu leh pa chuan 'i nau' an ti tho ,engmah hrechiang lo in ka pa chuan min dem nghal ringawt tihna a nia, ka mittui lo far fep chu hru zauh in,

"Engmah i hrelo, ka thawmhnaw bawm hi ka uilo nei vek rawh se," ti chhuak tiau in khum atang ka chhuk a, room chu ka chhuahsan hmak .

"Aww!! a mak thin ,Dawngzel, bawihte,"ti a ka pa in min ko ri chu hrelo ang hmak in inhnuai lam ah ka penthla hmawk hmawk a,tun nihnih chhung khan ka pa hian engmah hrechiang lo a Sawmzeli vanga min hauh a ching a ,keimah chiah min dem thin chu chuan min tina takzet ka pa hi ka pa diktak ni ve se ka ti ngawih ngawih bawk.



inhnuai ka thlen thlak chuan ka u pawnlam a chhuak tur chiah chu ka va hmu hman, "u khawnge i kal dawn" ti in ka be nghal vat a.

" Ka chhuak lawk dawn," tih pah in a bike chahbi ken lai chu a vai vir pap a.

"Ka lo kal ve dawn, " ka ti nghal thuai, min en vung vung hnu ah "nih, lo kal rawh kan let leh thuai dawn nia," ti sup in a chhuak nghal a, keipawh in ngawi reng in ka zuichhuak ve nghal ,a bullet chu ti nung vut vut in a hnung a chuang tur a min tih pah chuan a lu a thle bak a, keipawh a hnung ah chuan ka lawn nghal thuai ,khawpui atang a hla ve tak phul hmun nuam deuh ah min hruai a,kan unau in phul hmun ah chuan thu in ka u chuan a kut khinghnih in a hnunglam a innem khalh a, a hmazawn chu a en vung vung bawk ,a tawng loh avang chuan sawi mai tur pawh min ti hrelo,keipawh in kan hmalam chu ka thlir ve ta reng ringawt,chutah ka u chuan ,


"Unau thisen zawm kan ni lo hi i lawm em," a rawn tih sup chuan ka u lam chu ka hawi nghal vat.



A ni erawh in a hmalam chu bing tak in a lo la en ngar a ,a ngaihtuah tam hmel viau bawk ,"e nge i sawi awm zia?,ka hrelo diktak chuan lawm tur nge lawm loh tur ka hrelo,ka u ni reng la tun a kan awmdan hian awm reng thei ila ka ti,," ka tih sep chuan a nui ri suk a,mitmeng hriatthiam har zet a min rawn melh in,,


"I duh ang chuan awm reng thei ila ka ti," a ti sup a,a mitmeng tak ngal leh a thusawi duh dan chuan eng emaw kawng zawng tak in ngaih that loh na lian tak min neihtir tlat,midang tan chuan chhanna pangai tak ang in lang mahse tette atang a a mah hretu leh, englai deuh thaw a a kiang a awm reng thin tan chuan a thusawi zawng a a hmel tak ngal leh a awmdan danglam lutuk chu ngaihthat pui na chi ni in ka hre velo.

"U diklo a awm em ni," ka ti ta ringawt, ka hlauthawng ani,ka u pawh hian ka pa ang tho a a ni tel a min hlat ve ka hlau chutah a nui suk a ka sam chu rawn thuai thuak pah in,

"Diklo awm lo e ka nau i ni hi ka lawm,ka kiang ah awm reng ang che", a tih tak ah chuan ngaih la tha zan lo mahse tlem chuan ka hlauhthawn ruk na a kiam deuh.

"U nang chuan min kalsan ve miah suh aw,ih,englo ka pa ang in ka thiamloh pawh nilo ah min hau lo la ,ka thiamloh na ah pawh nise min tan zel rawh aw," ka ti niah niah a ka u chu a nui chhuak huk .


"khai!! i thiamloh na ah pawh ka tan zel che chuan ka duatsual mai ang che tih pawh a hlauhawm dawn a nihchu," nuihza insum tak a a tih chuan ka melh nghal ram ram.

"Min tan lo vaih teh i chaklo ang," tih hlak pah in ka kuttum chu ka hmuh a.

"Ok ok,ka hria e ka tan ziah ang che," tih pah in ka kut chu a la kiang a ,a nui zui hak hak, keipawh ka awmdan naupang chhia zet vang chuan ka nui ve hak a, "haw tawh ang a tlai tawh" tih leh thawh a rual nghal a ,a kut min rawn pek chuan ka lo ban vat ,zanlam boruak a ni tawh bawk nen chhum awm tan tawh in boruak ah chuan a paw chiai a,bike a khalh chak vangin thli leh chhum lei vak paw chiai te chu kan tawn tlang pawp pawp ni mai in ka hria, ka tah a chhuah em vang pawh ni lo thlithaw in ka mit a chhem vang zawk in ka mittui a rawn hnam leh tiam tiam thin ,boruak lah chu a vawt vur mai bawk si a ka khur beuh beuh tawh.


Show post links
Top

[Ngaia]

Ka u chuan eng emaw hi a rawn sawi lung lung a, mahse kan tlanchak bawk nen a thusawi chu eng mah ka hrelo.

"Eng maw i sawi" ring lenglawng chuan ka ti let ve a ,ka u chuan tlem in bike chu a khalh muang deuh a, "ka jaket chhung ah hian zenlut la min rawn kuah rawh" ring lenglawng chuan a ti a ,keipawh in vawt ka tih tawh em avang chuan a lather jaket hak lai chhung ah ka kut pahnih chu zenlut in, a kawng ah chuan ka kut chu a suihzawm a.

"Min rawn ngheng rawh," a ti leh lung lung a,keipawh thuawih takin a hnung ah chuan ka bei ta hle hle, reivak lo ah ka nghen na lai leh a kawng a ka kuahna lai chu a rawn lum ham ham a, a hma ai thawt chuan ka awm pawh a nuam tawh zawk,ka mit chu ka chhing vang vang a, a hnung a ka bei hnu rei vaklo ah bike chu a khalhchak sauh a, tun a ka awmdan hi ka hahdam pui in ka thla a muang hliah hliah ni mai in ka hria.


"Princess,i harh em," ti a tawng thawm ka hriat chuan ka mit ka meng diar diar, kan in kawt ah kan lo ding reng tawh chu ni in,ka u kawng ah chuan ka la kuah reng a a hnung ah pawh ka la bei reng.

"I lo muhil hman em ni" min rawn thlek zauh pah a a tih chuan ,"a niang,kan thlen lai ka hre miah lo" ka lo ti sep, bike atang chuan ka chhuk a ka u bike hung tha lai pawh chu inchhung a luhsan mai lo chuan ka lo nghak a.

Inchhung kan luh veleh, "khawnge in kal" sofa a thu chung in ka pa chuan a lo ti nghal nghut.

"Kan hawi thawveng lawk" tiin ka u chuan a ti tha ve mai a, kei erawh tawng chakna ka neih loh vangin ka ngawi kar thung,ka pa chu ka be chaklo a ni mah zawk, "ka ngaihtuah lutuk cheu alawm engmah in sawi silo a ,a hran ve ve in inchhuak emaw kan ti a kan mang ang hman alawm", ka nu zawk chuan a lo ti ve thuai.

"Tihpalh" ka lo ti sep ,ka nu chu a thaw hak a,

"Han in thlak ula chaw ei ka lo siam ang che u" ka nu bawk chuan a ti leh a, bu nghat in inchung lam ka pan nghal.


ka room kawngka bul ah chuan ka ding det a, room kawngkhar chu ka melh ngar , he room hi ka ngaina thin,mahse tun ah tak hi chuan luh chakna ka nei miah lo ,ka room ngainat em em Sawmzeli nen kan inkhei tawn reng na room a a chang ta mai hi ka rilru a na deuh tlat bawk ,thaw hak in kawngkhar chu ka hawng a, ka rin ang ngei in Sawmzeli chu thatchhe zet in a khum ah a lo mu zawi leh nguai tawh, hmeichhia ve si inchhung ah hian tihtur a hre hlawl lo , ka nu puih a tum bawk silo hahthlak tak a ni ,a ni chu hmu reng mah ila ka be lo biak chak na ka nei hek lo.



Ka inthlak zawh veleh inhnuai lam ah chhuk in chaw ka ei a,ka u erawh in a ei dawn lo a niang choka lam ah a rawn lang lo. Keipawh ka eina ka tihfel zawh veleh room ah lut leh nghal in ka lukham ka la a room atang chuan ka chhuak leh nghal daih ,ka u room ah chuan lut in,

"U zanin chu i bul ah ka lo mu" ka tih chuan a hmel buai deuh nak chu ka hmu nghal ,"Sawmzeli nen room khat a mut ka peih rihlo" tih leh khum a ka lukham vawmkai chu ka rual nghal a, ka u pawh a lo in siamrem ve nghal mai ,a puan sin lai chu ka tawm a ka awm chin a puan chu pawtchho in ka awm zawn ah ka kut chu ka dah a, inchung celling chu ka en reng,ka u erawh games khel in a la thu ut thung.


"U naktuk chu ka nu min hmuhpui la,ka sawi awmzia chu min hring tunu ka tihna", celling lam en reng chung chuan ka ti a, ka u chuan a game khelh lai chawl meuh in min en tih ka hria.

"Tinge i nu chu hmuh i duh teh thut a" hrethiam lo tih hriat tak a a rawn tih chuan ,," ka duh thut pawh a ni hran lo,ka hmuh chak na chu a rei tawh ka nu leh pa hmai ka zah vang in ka sawi lo mai mai" ka tih leh chuan,


"Princess nang hian kan chhungkua hi kalsan i tum chu a ni em lo maw" a rawn tih chuan ka u chu ka en nghal vat, a ni chuan hriatthiam loh hmel tak in min lo en reng .

"Aih ,teuh lo mai,kalsan cheu ka tum hleinem,ka nu ka hmuh duh chhan chu ka nu a nih ang a hriatchian ka duh vang a nia,a mit a min thlakhlelh na ka hmuh khan kuah vawng vawng ka chak ,tuisik ai ngawt chuan thisen chu a lo chak tak tak a niang," ti in ka nui sap a ,ka u chu a thawchhuak nghal ham ham mai, hahdam ta sawt hmel a pu bawk ,chutah a hma aia thu tak zawk chuan,

"Kan chhungkaw lak atang a in lakhran lam kha chu ngaihtuah hauh suh ang che,ka pa chu thuhran ah dah ila ka nu ber hi i tello chuan a awm thei dawn hauh lo a nia ,hre reng ang che keipawh i tello chuan ka awm thei dawn lo a nia," a tih chuan ka lo bu nghat nghat,ni e ka nu chu ka tello in a awm thei hauh lo ang, ka pa chu tun ah hi chuan ka chiang ngam tawh lo, ka nu erawh in min endan a la ngai reng a, a ni tel in min hmangaih zual zel in ka hre bawk,chuvang chuan ka nu tan chuan ka theih chin chin ah fa sawisel bo nih ka tum tlat bawk.





School kal tur a ka insiam peih vek hnu ah inhnuai lam ah ka chhuk ve chauh, "vawiin atang Sawmzeli hi in school ah a rawn lut ve tawh dawn a , in class a in an dawn a vang in i lo ngaihven deuh dawn nia,hmelhriat a la nei dawn bawk silo" ka pa chuan a ti chuar chuar a, kei erawh ka chaw ei a tuilo nghal vek ,Sawmzeli nen a school khat a luh ho maw,class in ang ah kan la awm dawn lehnghal ,ka va han peihlo kher em,chu loh ah vawiin chu ka u nen school kal lo a ka nu hmuh kan tum lehnghal,Sawmzeli kan school ah a lo kal ve dawn a nihchuan kan school kalloh a hre ngei a nga min hek nan a hmang leh ngei ang,naa... kan school a rawn zawm dawn a nih pawn tinge vawiin ah kher, naktuk ah te rawn zawm zawk mai tur a nia.


"Ka sawi chu i hria maw," ka pa in a tih leh chuan ka pa ka melh nghal vat, tawng nachang hrelo in ka lo hawi veng veng a nihhmel,chaw ei thulh meuh in ka pa chuan min lo melh reng tawh.


"Aw ka hria" ka ti nghat a " i hriat chuan ilo ngaihven dawn nia" tiin ka pa chuan chaw chu a ei zawm leh a, kei erawh ka mood a inthlak leh vek tawh,ka sual pawh min ti maithei mahse Sawmzeli lak a sual nihchu ka pawi ti miah lo.



Ka bag hrui a pahnih a vuan chungin ka u bike la chhuak lai chu kawt ah ka lo nghak a,a cycle a chhiat atang khan bike a keng ziah tawh a,a remchang bawk a kan in phur ta ziah.

"School ah bike ken an phal em ni" ka bul a rawn din pah in Sawmzeli chuan a ti a, "phal e" a mah pawh en lo chuan ka lo ti liampuat.

"Kal ila min kalpui loh chuan chinchang ka hre bawk silo" thawven hmel tak chuan a la ti ham ham zui , a rual kher chuan ka va han kal awm lo tak, "a u nen kan kal dawn nangmah in lo va kal rawh" ka lo ti ve hmak ,Sawmzeli chu a chek hlak a, "bike chuan nuam i va ti awm ve " a rawn tih leh chuan ka melh nghal nghek ,chimawm lutuk in a nui sak a,

"Kan in ah hian awm lo la chu bike i chuang khat ve ngawt ang " a tih leh kher bawk, ka va han ngei mai mai tak,mahse ka insum rih,a mi tihdan apiang ka khinlet zel chuan ka pa hian min hlamchhiah telh telh dawn tih ka hria ,chutia Sawmzeli nen kawt a kan dinlai chuan ka u pawh a bullet rum hlut hlut chuan kan hma ah a rawn ding a, a hnung a lawnkai mai ka tum lai chuan ,

"Bawihte, awi in kal hman ka hlau lutuk i tiffin tur ka lo siam a chaw kha i ei tlem si a nakin ah i riltam hun ah tiffin hi i ei dawn nia ," ti in ka nu chuan ka tiffin tur min siamsak chu min pe a ,Sawmzeli lam ka va en chuan min lo melh run teh asin. A mitmeng a thik na nasa lutuk chu ka hmuh hmaih lo bawk ,ka nui sak a ,chimawm chu ka chhuah ve thiam tho alawm.

"Nu Sawmzeli ta tur i siam ve lo em ni a ni, pawn chaw kha a eitlem riau in ka hria" ngaihtuah ni awm tak chuan ka ti a, ka ngaihtuah tak tak miah lo.


"Awi ,ni dawn tak Sawmtei a awm ve tih ka lo theihnghilh a, bawihte i tiffin tur chu ka va siamsak ve nghal ang che aw min lo nghak lawk la", inthiam lo tak in ka nu chuan a ti nghal chul, Sawmzeli chu a nui tawi tak mai ,chawh reuh lutuk.

"Ngailo mai nu school canteen ah ka in eipuar thei a lawm" tiin a nui lui sap a , "nih nu kan kal mai aw Sawmzel kan hnung ah zel lo tlan mah rawh aw" nelawm tak a ti leh in bike ah chuan ka lawnkai a,

"Ni e Sawmte cycle khan i u te hnung ah zel hian tlan mai rawh va fimkhur ula" ka nu chuan a lo ti nghal thuai a,phur lo tak in Sawmzeli chuan cycle chu a la chhuak a, ka u chu a lo nui hak thung.

"Chimawm thiam si" a ti sup bawk .

"I hriat kha,Vanlaldawngzeli ka nih hi" hawi vah chungin kei in ka lo ti thung .


Sawmzeli chu kan hnung ah zel a tlan a ,kawngkual lai kan thlen veleh chak deuh a tlan in Sawmzeli chu kan tlansan daih,nileng in ka nu bul ah kan awm a, ka nu in min lo thlakhlelh zia ka hrechiang lehzual nu leh fa nge nge chu kan inpawh nghal thuai bawk,tlai school ban hun vel ah kham lo tak chung in kan inthlah a, hmu tur a ka kal leh vat tur thu ka tiam bawk.



In kan thlen chuan Sawmzeli chuan a cycle a lo dahtha mek a, "vawiin ah school in kallo" a lo ti nghal chat,a sawi ngai lo in keini pawn kan hria.

"tah chuan buaina i nei e.m ni" ka lo tilet ve ngat ,a nui hak a ,

"ka pa te ka hrilh khawp ang" a tih chuan ,

"Hrilhpui te i ngai em?" Ka lo ti leh,min melh rum tha leh tawh khawp mak chutih lai chuan ka u bike dahfel pawh kan bul ah lo phei tawh in pawn ah kan pathum chuan kan ding a .


"Unau diktak in nilo tih inhriat tak ah chuan nula leh tlangval inngaizawng ang mai in in fawr kual ta chu a nia,nang ni hi inlo in ngaizawng reng a nilo maw", ti a kan pahnih a min melh ralh chuan ka inhum ruh nghek,tawng tum a ka ka an dawn lai tak chuan Sawmzeli biang chu a ri sawk a ,

"I ka bawlhhlawh atang khan engthu mah phuhchhuak tawh suh" a kutzungchal hmuh meuh in ka u chuan a ti chang fak a, Sawmzeli chuan a biang ka u in a ben na lai chu dawm in muttui tling piau in ka u chu a en a.

"I nau ka nih hi engtin nge kut minthlak theih" tih leh inchhung lam a tlanluh chu a rual nghal.

"U,kutthlak kher kha a tullo a sin" ka ti nghal vat, "a ho emai lut ang" ti nghut in inchhung lam chu a pan nghal daih,thaw hak in keipawn ka u chu ka zui ve nghal a,inchhung kan luh rual a ka pa mitmeng dur khup kawngka bul a kan tawh chuan kan ding chawt.

"Zoremsang i nau i beng em ni?" thinrim tih hriat lutuk in ka pa chuan a ti a, a hnung ah Sawmzeli a ding bawk.


"Beng lo" ka u chuan a lo ti ve thung .

"Dawt sawi suh Sawmzeli hmai a i beng lai kha tukverh atang sawn ka hmu che" ka pa chuan a ti leh khur khur hetiang em em a ka pa thinrim hmel ka a hmuh loh avang in ka lo hlauthawng ru hle .


"Aw,Sawmzeli chu ka beng ka nau erawh ka beng lo,keichuan nau pakhat chiah ka nei Vanlaldawngzeli chiah nau ka nei" chiang kel kawl a ka pa en chung in ka u chuan a ti a , ka u biang chu a ri nghal sawk mai,ka ka chu ka lo hup nghal vat a, "pa a!!" Ka nu in a lo ti chul bawk .

"Hre rawh Sawmzeli chiah nau i nei, a ni lo chu nau i nei lo tih hria ang che, " thinrim aw khur dat dat a ka pa in a tih chuan ka thin hnun ah hian chemte hriam tak in min chhun nimai in ka hria, awihlo leh rilru na lutuk in ka pa chu ka melh ngawt ngawt, Sawmzeli chauh hi ka u tan nau maw lo ti tawh, chu chu ka pa chuan a sawi ngei si, ka mittui lo baw zawih chu hru tawk in inchung lam ah ka tlan chho nghal hlawk hlawk.

"bawihte,Dawngte a pawi emai,pa a engtin nge khatiang thu kha i sawi theih zawk i ti mak lutuk" ka nu chuan a ti chul a ,kei erawh inchung pan na step ah mittui luang chungin ka tlanchho zawt zawt .


Ka u thinrim lutuk in hrosa ri leh ka pa thinrim ang thawm chu ka hre pha vek,room ka luh veleh ka kalh nghal hmak a, ka thaw a pik ngawih ngawih, "bawihte,Dawngte kawngkhar hi lo hawng teh,i pa thusawi kha chu eng ah mah ngai suh aw,i u lak a a thinrim in a sawi chhuak palh a nihkha ,bawihte kawngkhar hi lo hawng teh" tiin ka nu chuan pawnlam atang min au a,, kawngkhar a chum dawt dawt bawk,ka nu chuan 'a thinrim vang' ti a ka pa thusawi sawifiah a tum na chu ka awih hauhlo,eng ang pawn thinrim se an chhungkaw mi ah min la ngai a nihchuan kha thu kha a sawichhuak hauh lo ang,min hrilhfiah tum eng ang mahse ka thinlung chu a nat dan tur ang in a na vek tawh,kawngkhar ngheng chuan chhuat ah ka thu tung a, ka u leh ka pa inhau thawm leh ka nu min ko thawm te chuan ka thawk a ti pik hluah hluah ,ka beng chu ka hup tlat a ka mittui chu a luang zung zung bawk, eng ang pawn ka beng hup mah ila thawm chu ka la hre vek tho si,Sawmzeli kan in a a lo awm ve atang hian kan chhungkaw hlim loh zia tumah hrilh chawp kan ngailo.



Rei tawk fe kawngkhar bul a ka thut hnu ah zawimuang in ka khum lam ka pan a ,ka nu au thawm pawh hriat tur a awm tawh lo ,inhnuai lam ah erawh an la ri bur bur thung ,kan chhungkaw hlim na he ti teh thut a a chhe ta mai hi hriatthiam har ka ti in kan chhungkaw nundan thar chu pawmthiam harsa ka ti takzet.


Khum ah chuan zawimuang in ka mu thla a ka mittui pawh a la luang ngiai ngiai reng,rizai nghet tak in ka chelh a ka awmzawn na lutuk vang chuan ka thaw a chham mai dawn in ka hria,ka pa thusawi chu ka beng ah a ri nawn tluk tluk a ,engtin nge khatiang thu kha awlsam tak a a sawi mai theih zawk,ka thawk rawn sak talh talh vang chuan tah pawh ka tap hleithei lo. Ka awm zawn chu ka chum dat dat a minute thum dawn hnu ah ka thawk sak lutuk pawh a rawn zia ve ta chauh.



Ka lo tap muhil a ni ngei ang ka harh leh meuh chuan khua a lo thim vek tawh,ka phone ka ban vat a zan dar 8 a lo ri daih tawh ,muangchang a tho in ka uniform ka thlak a ,Sawmzeli thil ka hmuh ringawt pawn ka thinrim lutuk chu ka tah a chhuak tun thei,ka inthlak zawh veleh ka mu leh nghal hmak .



Zan khua in room kawngka ka kalh a, khawnge Sawmzeli a riah tih lam ka ngaihven peih lo, zankhat chauh pawh a tello a ka room a hun hman chu ka thlahlel a ni.

School kal tur a ka insiam mawlh mawlh lai in Sawmzeli chu a rawn lut a.



"Zankhua in room i kalh a sofa ah ka mut phah" tiin a rawn phun lut nghal hlak hlak ,ka ngaihven peih lo a duh chen chen phun rawh se, "final exam a hnaih tawh tehreng nen engmah pawh a zir theilo nangmah vang vek"a tih leh hlak hlak chuan ka nui chhuak hak,ka nuih zat vang a ni hauh lo tih erawh kan pahnih chuan kan hre ve ve .




"Keimah vang a lehkha i lo zirthei lo chu pawi khawp mai,keichuan nangmah vang mai mai a ka zirlai zir theih loh ka tum ve lo tlat" ka lo ti hmak ,min melh rum leh tawh ngang mai .


A tawng leh hma in room atang ka chhuahsan hmak a,inhnuai ka chhuk chuan sofa ah ka pa a lo thu a. min hmuh veleh min lo ko nghal,ngawireng in a bul ah chuan ka va ding a.

"Nizan a ka thusawi te kha ka tum vang reng a sawi ka nilo tih i hria tiraw,ka sawitum a ni miah lo a nia", inthiamlo tak a a tih chuan hnuailam en ran in ka ngawi reng ,a tum vang reng a sawichhuak nilo mah se a rilru put hmang a langchiang tawh viau ah keichuan ka ngai hmiah tawh,mahse ka chhanglet duh chuang lo boruak a chhiat leh zual ka hlau a ni .



"Bawihte,i pa hi min ngaidam tiraw" a tih chuan a zawhna pawh chhang lo in,

"Ka kal a nge" tiin ka pa chu ka kalsan daih, min thlir zui vung vung na in min ko let lo ,min kohlet tum pawh nise ka let kher lo ang , pawn ah ka u chuan min lo nghak reng tawh,min hmuh veleh min lo nuih lui suk a keipawn tawite in ka lo nuih let ve ,a bul ka thlen chuan,

"Nizan khan ka tibuai duh ta lo che a nihkha,hunthawl i mamawh ka ring a" a lo ti nghal sup,tawng ka a chhang lo in ka bu nghat ringawt ,chutih lai chuan Sawmzeli pawh a rawn chhuak ve chiah.


"U vawiin chu lunch break ah kan class ah i lo kal lawk thei a ngem ,ka thian ten chhelo an ti lutuk che a " zan lam a thil thleng hre tawh lo ang mai chuan a rawn ti a ,ka lo ner nak .



"Ka hman lo,bak ah i thian te an nia ka thian te nilo in" ka u chuan a lo ti hmak.


"Mahse u an star che a lawm" Sawmzeli chuan a la ti hram ,bike a lawnkai pah in ka u chuan ,

"Ka buaina a nih loh chu" a lo ti leh hmak,nui rah rah chung in bike ah chuan ka lawn a kan tlanchhuak nghal daih.


Show post links
Top

[Ngaia]

"Sen,keichu engkim hi ka ning vek",dawhkan bawh chung in ka hmazawn chu ka melh ngar a ,thil awmzia hre ve riai ruai ka thiannu chuan min khawngaih hmel tak in min en tih ka hria.



Ni e,Seni bul ah hi chuan engkim ka sawi ngam a ka tan thian mai bak ah ka unau ang chiah a ni.

"Kan in atang sawn chhuah daih mai ka duh" ka tih leh sep chuan,


"I mawl a mi,chhuak ta la khawnge i kal ang" Seni chuan a rawn ti nghal vat ,"ka hrelo,ka nu dik tak bul ah pawh ka kal thei a,emaw tu ma awm ve loh na hmun ah pawh" ti a ka chhan chuan ,



"Chutiang ngaihtuah tawh suh,i tello chuan i nu,ka sawi awmzia chu u Remsanga nu hi a awm thei dawn lo,bak ah a thim zawng hlir in thil ngaihtuah lo la,ti hian tha tak in i zirna chhunzawm la nakin ah hna tha tak i la nei a nga nangmah a i in enkawl theih hun ah i duh leh i chhuak zawk dawn nia,tun ah chuan i zirlai chiah ngaihtuah rawh" tiin Seni chuan min fuih mawlh mawlh a,mahse tun a ka dinhmun ah hi chuan ka zirlai chah ngaihtuah chu thil har tak a ni ,kan in a haw ka chak hlawl loh bak ah ka pa hmel hmuh chu ka peih lo.

A hmel ka hmuh hian ka na thar leh thin,bak ah engtik ah nge Sawmzeli vang a min hauh leh ang tih ngaichang reng reng in ka awm a, hahdam tak in kan inchhung ah sawn ka awm thei tawh lo.


"Ni e,ka zirlai ah chiah insawrbing ka tum ang,ka hlawhtling ngei tur a ni" ka ti ve ta tho a, Seni chuan ka hnung ah chul heuh heuh in, "a eng zawng a thlir tum rawh hetiang hi a ni reng lo ang," a tih leh chuan ka lo bu nghat.



Ka u te aia kan ban hmasak avangin school chu ka chhuahsan hmasa a,mahni a inlam pan ka hreh em avang in ka nu in lam chu ka pan ta zawk. Ka nu in ka thlen chuan pawn ah ka ding reng a ,ka lut ang nge lut lo ang tiin ka rilru a insual buai viau,chutih lai chuan kawngka chu a rawn inhawng ri rak a ,min hmu thut chu a hamhaih deuh a ni ngei ang,


"Dawngzel,bawihte nang ,hetah,hawh lo lut la" a ti bah nak a,keipawh ngawireng in inchhung ah chuan ka lut a,a inluah chu a lian hran lo mahse a tawk reuh phian, a fel fai em em a engkim mai chu a thianghlim em em vek.



"In va bang hma ve ,i ril a tam em?" Tiin ka ril tam leh tam loh min zawt nghal vat ,sofa sei pakhat a hun ve ah chuan thu thla in "tlem chuan ka ril a tam" ka ti sep a ,nui hak in, "min lo nghak lawk la,eitur ka va ti lum a nge " tih leh thawh chu a rual nghal a,rei vak lo ah eitur nen a rawn let leh .


"A sat lai khan ei la a tui duh bik," a tih chuan bu nghat in ka nu thil siam chu ka ei a,midang siam ei fo tawh mah ila ka nu rawngbawl chu a tui bik riau in ka hre bawk,hlim hmel sarh in ka thil eilai chu min en a,tui ka tih leh tih loh min zawt leh zauh thin bawk .



"I tetlai hun hlimawm ka hmanpui theilo che hi hreawm ka ti,mahse engkim hi kan tan a tha tur ah ngai thiam ila,chhungkaw tha tak ah i seilian a, ka hnen ah seilian nila tun a i chhungten an pek theih ang che hi keichuan ka pe ve thei dawn lo che a," a tih lai chuan ka mittui a lo hnam tiam tiam, ka thil eilai pawh ka dah tawp. Ni e chhungkaw tha tak atang ka seilian ngei alawm,mahse tun ah chuan ka chhungkua ti a ka lo sawi ve thin ah sawn ka leng tawh lo tan der a ni tih ka hrethiam.



"Bawihte i tap em ni" ka mittui tla hmu in ka nu chuan a ti a ,ka thut na atang tho in ka nu chu ka kuah tawp, rang tak in min kuahlet a, a ngaih erawh a thalo tih ka hria.

"Nu i bul ah hian ka lo awm ve " ka ti ta tawp, ka lu ah ka nu chuan a chul hliau hliau a.

"Bawihte tun ah rih chuan ka dinhmun a chhe rih e mai,chhungkaw tha tak i nei a an kiang ah chuan i hlim zawk ang keini chu tihian kan inhmu reng thei alawm" a tih chuan ka tap chhuak hak, 'ka hlim lo saw in ah sawn ka hlim hlawl lo' ti a au chhuah nghek ka chak, mahse ka nu rilru tih hah ka duhlo rei tak hnu ah kan in hmu ve chauh a ni si a rilru hahna siam sak nghal ka duh lo.


"I chung ah thil tha lo a thleng em ni,i unaunu in buai na a thlen che em ni", min ngaihtuah tih hriat zet a ka nu in a tih chuan lu ka lo thing nar nar.

"Aih engmah thleng a awm lo,ka hmu che hi ka lawm lutuk a,nakin ah hna tha tak ka neih hun ah ka enkawl ang che" ka ti tiau,engkim hrilh chu ka duh biklo min ngaihtuah mai mai dawn tih ka hria ,duat tak in ka lu ah a chul a, ka nu kiang ah chuan ka hahdam bik hliah hliah in ka hria ,rei tak chhung hetiang a hahdam na hi kan inchhung ah sawm ka hmu tawh lo.




…


"Vawiin ah i nu in lam ah i kal em ni?" Zanriah ei lai in ka pa chuan a ti a,ka lo bu nghat, "tun atang chuan kan thu la hmasa lo chuan hmu tawh lo la,i hmu duh a nih chuan min dil hmasa tawh dawn nia" ka pa chuan a ti charh charh a,kei erawh kapa thusawi vang chuan ka thil eilai ka chawl tawp ,ka pa chu ka en ang he haw a ,


"Ka nu a nia ,tinge phalna lak chauh a ka hmuh kher ang" ka ti ve ngat ,ka pa thil kalpui dan hi a mah mah tawh a ni.



"I hrethiam lo a nihkha bawihte,i nu saw i hriat ang in sawtiang ve mai saw a ni rih si a hmu tam lo la ka duh," a tih chuan ka pa chu ka melh ngawt ngawt, hetiang rilru hi ka pa hian a pu thei ang tih ka ring ngailo,a tir kha chuan 'kan theih ang tawk a kan chhawmdawl a ngai' a ti kha a nia,engtin nge a rilru a danglam thut theih,chutia ka ngaihtuah lai chuan,



"Keipawh kut min thlak nasa thei lutuk,nangpawh a bul a i awm tam chuan kut a thlak ve mai ang che" Sawmzeli chuan chaw thial tuam tuam pah chuan a lo ti zat zat a,thil awmzia ka hre ta chiah engtin emaw tak henu hian ka pa bul ah ka nu chu a lo hek a ni ngei ang, a tette atang a lo enkawl seilian tu chung a a rilru put hmang chu mak ka ti takzet .





"Chutiang in ka nu in a tilo ang" ka lo ti vat.


"Bawihte kan la hrechiang silo a i pa sawi ang khan tun ah rih chuan hnaih tam lo la,kan in hrechiang zel a nga inpawh na hun chu a la tam a lawm" dam thlap in ka nu chuan a lo ti a ,min hring tunu chung a ka nu leh pa rilru put hmang zet chuan ka rilru a ti na takzet,ka mittui chu a lo hnam leh tiam tiam a.




"Ka nu saw chutiang mi a nilo" ka la ti ve fan.


"Enla,hei hi min vuak na vang a ser a nih hi " tih pah in a banrek a ser chu min hmuh a,"ka unaunu i nia i nu nunrawn zia saw hrelo a i lo hnaih ka hlau a lawm,keimah ang hian a ti hreawm ang che tih ka hlau" min ngaihtuah ni awm fahran a Sawmzeli'n a tih chuan rum lutuk in ka melh nghal hrawk,reilote chhung lek in ka nu pawh ti duh lo in 'i nu' a ti nghal a nia he mihring rilru chhiat zia hi.



"Ngawi hmak rawh,i dawt thu phuahchawp kha keichuan ka awih ve lo,reilote chauh la in hre mah ila i sawi ang mi a nilo tih chu min hringtunu a nia ka hrechiang,nu leh fa inzawm na hi nang ni tih chhiat theih a nilo" ka ti ta nghek, ka mittui a luang zung zung bawk .



"Vanlaldawngzel ngawi rawh!!" ka pa chuan a rawn ti vin hluk, mittui tla phung in ka pa chu ka en a, "i nu mizia saw i hrechiang lo,chuvang in i unaunu thusawi chu awih mai rawh ,kan ngaihtuah vang zawk che a nih hi i tan a tha kan sawi a thinrim zawk ah i la tang za mah te kha zak ta che", ka pa chuan a ti ta hrep mai,tawng ngaih na pawh ka hre tawh lo dan sen loh khawp in ka mittui chu a luang zung zung tawh.



"Pa a,khatia vin vak kha a tul ber lo ,awka zaidam in a chinfel theih" tiin ka nu chu a lo in rawlh vat a, "lo tan ziah suh hei vang hi a lawm a luhlul sawt em em,i lo tan hlur zel mai" tiin ka pa chuan ka nu chu a vin leh khur khur a ,ka nu hmeichhia ah pawh derthawng ve tak chuan ka pa awka vin chu a chhanglet ngam tawh lo hrim hrim.


"Saw hmeichhe kiang ah sawi i kal tawh tur a nilo,i hrechiang em" ka pa chuan a ti leh a, chhanlet ka duh mahse ka tawngchhuak theilo ka hrawk chu a na ngut ngut a ka thawk a sak leh vek tawh.



"A tawk!!" Dawhkan a a kut nghat ri bur in ka u chuan a ti vin thawt a ,

"In ti mah mah ,a tawk tawh lutuk Dawngi hreawmna hi belhchhah tawh suh u,a nu a nia a duh chuan a hmu ang" ka u chuan a ti hmak a,



"Zoremsang naupang inrawlh na awm leh awmlo hre rawh in tan a tha tur leh tha lo tur chu nu leh pa in kan hria ,kan thu chu zawm mai rawh u" tiin ka pa chu a vin let khur khur .



"Hah..i fanu dawheh tak chauh hi ngaihtuah rawh" ti hmak in ka u chu a ding hluai a ,"kal ang" ti hmuk in ka ban ah a chelh a min pawt tho in pawnlam ah min kaichhuak nghal dawt dawt ,mittui la parawl kuang in ka u chu ka zui ve dat dat a ,inchhung lam a ka pa in hrosa thawm chu hrelo ang mai in ka hma a mipa chu a pen pawk pawk.




Kan in atang hla ve tawk tak kan kal hnu ah ka kut a vawn na chu thlah in kan hmazawn a street light eng ut lam chu a thlir vung vung a,a khat tawk in ka in sut ri leh hraih thin.




"ka pa hian a ti mah mah a ni" ka u chuan a rawn ti chhuak halh a ,ka lam lo hawi in, "i hua em" a rawn ti leh sup ,lu ka thing nak rual chuan,


"Aih ka pa thiamloh a ni hleinem" ka ti tiau,ka u chu a thaw hak a "i duh phawt chuan i nu chu i hmu reng dawn nia tu thu mah lak a ngailo ,zalen tak in i nun hmang la ka duh" a ti leh sup.




"U..diktak chuan ka pa hi ka hua,mahse a thiamloh vek a nilo tih ka hria,Sawmzeli khan ka nu kha a hek nasa lutuk a " ka ti a, tawng pawh ka tawng tha thei lo, ka hnuk ulh thar leh in ka in sut ri leh hlap hlap ,ka u chuan a awm pharh tha zet ah chuan min kuahbei nghal vat in ka lu ah a chul hliau hliau a,



"In sum suh,i duh phawt chuan tap rawh,i rinchhan tur in i kiang ah ka awm reng ang' a ti sup sup bawk .


"U ka pa hi ka hua,tinge Sawmzeli thusawi hi a awih nghal vek bik zel,a hma a ka pa kha ka duh let leh,tun a mi hi chu mi hran daih a ang tawh lutuk, tun a ka pa hi ka duh lo" ti tiau in ka la tap zui hlap hlap.





Rei tawk fe ka tah hnu ah chuan ka zia ta deuh, ka rilru natna chu thinrim na in a rawn thlak a ,ka pa leh Sawmzeli chu ka ngei hlur ,"ka nu in ah ka kal dawn" ka tih chuan ka u chuan min en nghal vut.



"Ka lo let tawh lo ang ka thawmhnaw pawh tha thar in ka lo la leh mai ang", ka tih chuan ka u chuan "a theih loh" a ti bung nghut.


"U, min dang suh saw in lawm ka nih loh na in ah sawn ka awm reng thei tawh lo,ka nu leh nang in min pawm mah ula inchhung a rorel tu ber in chhungkaw zing a min chhiar ve tawh lo a nih chuan ka tan a nat tur zia i hrethiam lo em ni." Ka thusawi tawp lam ah phei chuan ka mittui a hnam leh tiam tiam tawh,kan khawsak harsa deuh dawn mahse ka nu bul a rilru thlamuang tak a awm ka chak takzet.





"A tullo,haw ang kan hlat a awm chu ngaihtuah pawh ngaihtuah suh" tih leh ka kut rawn vawn chu a rual a ,chutia min dan tlat avang chuan ka thin chu a thawk deuh thut ka ti mai a kut chu lo vai thla nawk in ,"ka haw duh tawh lo ka tih mawlh mawlh chu!! ,eng ah nge i hriatthiam duh miah loh ,saw inchhung ah sawn penluh leh ka duh tawh lo" ka ti ta nghek ,ka u mitmeng pawh a sen ram tawh, ka awmdan vang in a thinrim a insum nasat zia chu ka hmu thiam..mahse saw in a let leh saw ka duh lo takzet a ni.






"I nau ang a min ngai tak tak a nih chuan khawngaih in min dang suh,min kaltir rawh" ti leh in ka inher a penkhat ka pen hman tawk ang tih ah chuan na zet a min pawtlet in ka u chuan min fawp a nih chu,ka hamhaih lutuk leh mak ti lutuk chu ka meng bial nghal kaw kaw thei hial,ka ding khawng reng ringawt eng vangin nge ka u hian min fawh ,ka tukhum ah a kut zenlut in zawimuang in a in lahrang a,




ka hmai zawn ah chuan thaw lum ham ham bawk ."Min kalsan suh,ka hlat a awm tur in ka duh lo che" thuk ruih a a tih chuan ka tek sawk thei hial in ka hria, ka chhang lo a ngawireng in ka ding reng ringawt, ka hriat na te hi tih at in an awm ta vek ni hial in ka hria.


"Khawngaihin princess ,in ah haw ang" a tih leh sup chuan,zawimuang in ka u chu ka en a, kei aia a san zawk avang in ka hmai zawn ah chuan a rawn kunhniam deuh ,"ti nge tiang khan i tih?" a zawh na pawh chhanglo chuan ka ti sep.




Ka u chu a in la hrang a, "i lak a ka rilru put hmang danglam ta hi ka tum a ni bik lo,mahse ka duhloh dan pawh a ni chuang lo,ka hrethiam lo, ka duh che chu zawng chu ka hria ka nau ang ni lo in" a tih chuan ka nghing dawt thei in ka hria,ka unaupa nausen kan nihlai atang a ka seilen pui hian kei hi a nau ang nilo in ngaihzawng ang in min en a maw,mak ka ti lutuk leh ka awih lo lutuk chu tawng nachang pawh ka hrelo.




"Princess englo.." ti a min rawn hnaih hret rual chuan ka lo tawlh hnung nghal dat ,hei hi thil nih dan tur a nilo keini chu unau a lawm kan nih,pen khat in a rawn pen hnai leh a,pen khat in kei ka lo tawlh hnung veleh thung,a ke pen chu a tawp a, rilru nat hmel lutuk a min melh chu haider in ka inher san a ,ka hmazawn ah chuan ka pen chhat chhat,ka pa leh Sawmzeli vang in harsatna ka tawk a,tun ah ka u a ni leh a,ka nun hi tinge hetiang a nih bik, tinge ka vanduai bik em em le,a ngai te in ka mittui bawk in ka biang chu a rawn luan huh leh a,he nun hi ka duh lo ,mi hlim thei tak Dawngzeli kha eng vangin nge mi lungngai ka lo nih tak.






Ka u chuan ka hnung ah ngawireng in min zui tih ka hria,mahse ka hawilet miah lo,tun ah chuan ka him na leh thlamuan na ber ni a ka lo ngaih hnen ah pawh ka thla a muang thei tawh lo chu a ni a,tinge he hringnun hi ka neih bik ka hlim na te khan khawnge min tlanbo san tak daih hlawm le, kan inkawt kan thlen chuan kawngka ah chuan ka penlut a,ka haw tawh lo ang ka ti kha a nia,mahse ka let leh ta tho a nia eng vang a let leh nge ka nih pawh ka hrelo e.






Inchhung ka lut chiah chu mangang lutuk in ka nu in min lo kuah nghal vat, "bawihte i tha em,kan thiam lo a ni i nu leh pa hian kan ti diklo a ni" a ti nghal mawlh mawlh bawk.




"I room ah han mu rawh Sawmzeli room pawh an paihfel tawh a nangmah in zanin atang i room i hmang tawh dawn nia.." ka pa in a lo ti ve bawk,ka pa lam chu ka hawi a,a mitmeng ah chuan min ngaihtuah na ka hmu,a thusawi a ding nghet mi a ni a chu vang a ka lak a nem ta ang a lan a duh lo tih ka hrethiam.





Keipawh ka room lam pan chuan ka chho hnak hnak a ,ka u chuan min zui zel tih ka hnung mai a pen thawm vang chuan ka hria,room kawngka ka hawng a luh ka tum chuan ka u chu rawn luh a tum ve a,mahse ka lo dang vat .





"Tiang hi a nih dan tur a nilo,i nau ang chiah in min en rawh" ti sep in a mah pawh en lo chuan kawngka chu ka khar nghal daih, hetiang teh hrep a ka nun ka hman hi ka la ring pha ngai hauh lo,hringnun in herkual dan tur mihring ten a kan lo hriatloh zia tichiang tu ni mai in ka hria , ka khum bul chhuat ah chuan thu in khum chu ka nghen chhan a,ka khup tawm in ka kut ka suih kawkalh hnan leh bawk, naupang te ni chung a hetiang buaina teh nuai ka tawk hi hreawm ka ti in engtia hmachhawn tur nge ka hrelo ,ka a zo mai dawn in ka hria ka hahdam hlawl lo,ka awm zawn chu thawhah ni silo in engtin emaw hian a awm a, ka sawithiam lo ,ka tah a chhuak em em a ,a chang in ka thin a rim leh em em bawk,ka chung a thil thleng ah mawhpuh tur ka zawng a ka pa leh Sawmzeli ka rilru ah an lang hmasa ber,a chang leh kan tetlai khan eng vangin nge hospital lam khan Sawmzeli nen hian min lo thleng.


Hospital lam in tisual lo se tun a ka chhung te hi ka hrelo a nga ka nun hman mek hi ka hmanglo mai tur,hospital lam te chu kan mawhpuh leh rum rum thin ,ka rilru chu a vakkual chiam a,tawp na tur ber ka hre chuang bawk silo,ka room pawn lam a ka pa leh ka u in hau thawm chuan min ti thawpik in min ti hah hluah hluah ,ka lukham chu la in ka beng hup nan ka hmang a,awmzia a awm lo.




A tawp ah phei chuan tho lawk in drower a sleeping pills bur chu ka la a, ka ka khat vek chuan ka bar ta hmiah, tui in ka hrawk a tang ho chu ka tleng thla leh a ,ka awmdan hi ka hrethiam lo,ka chhungril hi a hah hluah hluah a ni ber ,mahni in khawngaih na in ka khat bawk,awm dan tur ber pawh hrelo in mittui nen chhuatlai ah chuan ka vei tawn sek a, ka pills ei chu thawk har ka ti takzet bawk,ka tah na a vangin ka hnar te chu a ping vek tawh ka mit pawh a bui chuk tawh ang,ka taksa hi a lum pup pup ni mai in ka hria,ka tha za zek zek chu tih reh dan ka hrelo..



Khum ah lawn in ka khup ka tawm a,ka tha za lutuk vang chuan ka kuttang te hi an na vek thei hial in ka hria,thawk leh khat ah tho lawk in ka khum bul side table a bottle in hung chu ka la a,ka vaw keh ta ngawt, ka ban chu lek kang in bottle chu ka ban ah ka chuktuah a ,chutih lai chuan ka room kawngkhar chu a rawn ri dawt dawt a,ka u aw ngei ka hre nghal zat bawk .


Show post links
Top

[Ngaia]

"Dawngi,e nge thleng ,enge keh kha" a rawn ti nghal chul.


"Bawihte kawngkhar hi lo hawng teh" ka nu in a ti ve bawk ,chung au thawm te chuan ka thawk an tipik zual hliah hliah in ka hria .

"Dawngzel kawngkhar hi rawn hawng vat rawh" ka pa in a rawn ti vin hlur bawk ,"eng mah a thleng lo ang in ngaihtuah mah mah a nihkha" ti tu chu Sawmzeli a ni.

"Nangkha lo awmsawn vat mai rawh" ka u in a lo ti hrawk ,an inhnial thawm chu ngaithla duh lo in ka kut pahnih chuan ka beng ka hup a bottle keh pawh kha ka la keng reng,ka thawpik bawk si tih ngaihna hrelo chu ka au ta chiam ringawt,vawi leh khat ah ka ban chu ka zai ta hrawih a a thip nghal vawng vawng bawk, chhuatlai ah ka thisen chu a far nghal kauh kauh a,ka pa hi vawikhat tal keimah vang hian mangang se,in thiam lo tak in awm ve se tih chu ka duh ber a ni,ka hrawk ah ka thawk a rawn inhnawh a namen lo in ka mut a rawn chhuak nghal bawk, ka damdawi ei in hna a thawk tih ka hria, ka khaw hmuh chu a thim tial tial a ,ka chhungten kawngkhar an ti chhia tih chu ka hriat hnuhnun ber a ni .
















Ka mit chu ka meng diar diar a,ka hma zawn eng pup vang chuan ka mit a vai ruai thei ,chhing leh in ka men leh chuan ka khaw hmuh pawh a fiah ta deuh,damdawiin khum ah ka mu tih ka hre nghal mai bawk,ka thaw hak a tinge ka la dam .


"Bawihte,doctor a lo harh a nia,bawihte ka naute min va ti mangang em em ve tiang khan vawikhat mah ti tawh suh" ka harh tih a hriat veleh ka nu chuan a ti nghal chuk,ka nu thlaphang hmel ka hmuh chuan tlem in ka inthiam lo ve deuh,ka u leh ka pa pawh ka nu hnung ah ngawi reng in an ding a ,rilru nat hmel deuh in ka u chuan min en reng,ka pa hmel ah erawh a rilru puthmang ka chhiarthiam hauh lo, chunglam hawi in ka mit ka khap fak fak a,harhchhuah tawh loh a thih daih mai kha ka duh asin.



Ka nu leh pa chu ngaihtuahawm ka nih tawh loh vangin in lam ah an haw a Sawmzeli a mah chauh in a awm a nih hmel ,keipawh a tuk mai ah ka chhuak nghal ang ,ka u nen chauh a awm chu huphurh hle mah ila tih theih ka nei silo, ngawireng in ka mut na bul ah a thu a a khat tawk in kan piah a thu ten an rawn be leh zauh thin, a hma ang chu nise tun ah te hian ngawi reng lo in kan duh zawng zawng sawi in kan tawng leh bawrh bawrh tawh ang tih vel mai mai chu ka ngaihtuah .


Tun ah erawh kan in be tlem khwp mai,bill vel a tihfel chhung in counter bul ah ka lo nghak a,chutia ka thut lai chuan ka bul ah naupang a rawn tlan terh terh a ka hma zawn ah a rawn ding chawt, "ih ka ball i lo hmu em?' A rawn ti ngawt a nihchu ka lo hamhaih viau .

"Hmu miah lo " tiin ka lo chhang a,chu naupang te chuan min en reng avang chuan a ngaihna a hrelo viau, "hetah hian a lo lirhphei kha" a tih leh chuan ka awmna bul vel chu ka hawikual vat a, ka ke hnung deuh ah chuan ball mum te tak te hi a lo awm ngat a chu chu chhar in naupang hma ah chuan ka lekkang a,

"Hei hi a ni em?" ka tih chuan nui ver ver in a bu ta ngauh ngauh a,keipawh ka lo nui ve sen sen, a ngo in a hmeltha reuh em em lehnghal.

"Naupangte e nge i hming?" Ti a ka zawh chuan ,

"Bawihpuia" ka nia a ti fel et a a tawngkam fel reuh lutuk te chu ka lawm riau.

"Bawihpui,hetah hian i lo awm a ka zawng nasa che alawm" rawn ti tu lam chu ka hawi vat a,mipa pakhat la upat hmel vak loh hi kan awmna lam pan chuan a rawn pen phei hlawk hlawk a ,chu naupang in chupa a hmuh veleh chuan "apa" tiin a lo nuih var var.




Chupa in kan bul a rawn thlen veleh a bul ah Bawihpuia pawh hnaih pah in,

" Ka fapa hian buaina a lo thlen che em?" Tiin min zawt nghal vat a polite phian mai, "thlen lo e,a ball a rawn zawng ringawt a lawm" ti a chhang in Bawihpuia lam hawi chuan ka nui var var.

"Naupang fel tak a ni" ti leh in bawihpuia lu ah chuan ka tuaisak a, "khawnge a nu hi,"ti a tlangnel tum tak a ka tih chuan "kum kalta khan min boralsan tawh a" bawihpuia pa chuan a rawn ti ta mai,ka zawt sual a ni tih ka inhriat chuan ka inthlahrung takzet ,"ka..ka tihpalh lutuk ka lo hrelo a " inthiamlo tak a ka tih chuan ,



"A pawilo a ho lutuk,"nui chung chuan ti mah se a mitmeng hnual deuh raih chu ka hmuh thei a nupui chu a hmangaih hle a ni ngei ang.

"Kei hi ka hming sawina chang pawh ka lo hre miah lo a ,Dawngzuala ka nia" kan topic thlak in bawihpuia pa chuan a rawn ti a .


"ohh!! Kan hming a in ang teuh hle mai,Dawngzeli ka nia " nui sang chuan ka ti a,a ni pawh chu a nui ve hak mai, "kan hming chu a in ang teuh hle tak tak a nihchu ,chhinchhiah i awl dawn khawp mai " nui hak hak chung a a tih chuan ka lai deuh ngawt in ka hria, a hmel landan ah chuan a la upa lo tih a hriat kei aiin kum 7 vel erawh chuan a upat ka ring,chutia Dawngzuala nen kan lo inbiak lai chuan ka u pawh kan lam pan in a rawn kal ve mek,ka bul a mipa dang an awm chu a lawm hmel zawk zawk loh viau bawk.

A mitmeng chu a thim ruih a ,bing tak in kan lam pan in a rawn pen pawk pawk bawk,mak tak in a mitmeng vang ngawt pawh chuan ka lo tim sung sung thei a nihchu.




"Kal ang" kan bul a rawn thlen veleh a ti hmuk a, "Dawngzel hei hi i u em ni" tiin ka bul a mi chuan min zawt vat, "imm a nih hi, kan kal phawt a nge kan la in hmu leh dawn nia,,Bawihpui bye bye aw' tiin bawihpuia zawk chu ka bye bye nghal bawk.


Ka hma ah a pen pawk pawk a, a um in ka um a ni ber,a bul ka thlen ve chuan a bike bul ah a ding run tawh,a hmel a tak ngul a biak chakawm loh tak a ni , ngawi reng a bike a lawn mai ka tum chu min pawtlet nawk a nihchu, ka te deuh that nghe nghe.



"Tunge khapa kha" a ti nghat a,ka hawihai hman teuh viau ,mahse Dawngzuala a sawina tih erawh ka hre leh nghal thuai ,"Dawngzuala a nihkha naupang te pa kha" pangai tak chuan ka ti ve mai, "eng vang in nge khalai hmun ah khan in lo dindun" a rawn ti leh zel,ka thaw hak a a awmdan hi ka hrethiam,hrethiam ang a lan ka duh lo mai zawk a ni.


"Naupang khan a ball a ti lum a,ka bul ah a rawn lir a chuan a pa khan a rawn zawng a nihkha,a tawk em" ti deuh nghat in bike ah chuan lawn mai ka han tum chu, "tu mipa bul hnai ah mah awm suh" tih ri avang chuan bike lawn ka tum tawh pawh chu thulh leh in ka u lam chu ka hawi ha ,"u enge i hriat a,tinge hetiang hian i awm tlat a?" ka ti ta thlawt, tun a kan awmdan hi ka duh dan a ni lo.



Chutah a ni chuan min rawn din hnaih thut in ka hmai si deuh thaw a min en chung chuan ," a chhan i hria" a ti chang fak ,ka thaw a ipik leh nghal tun tawh ka kut pahnih a nawrsawn pah chuan, "tiang hian awm suh ,a hma ang khan awm leh rawh ,unau kan nih hi" ka ti deuh vak ,kan bulhnai a awm thenkhat chuan min en hrek hrek tawh tih ka hria mite hmuh a ennawm siam hi ka duhdan a ni bik lo.


"Unau,unau tih kha sawi ve sek suh unau kan nilo i u ka nilo!!" ka u chuan a rawn ti vak a nihchu,a meng sen deuh rum mai bawk si nen ka lo phu zawk thei ,chutah a kut pahnih a a hmai tuai puat in bike ah chuan a lawntkai vut a, "rawn chuang rawh" a ti deuh nghut bawk,kei erawh ka din na ngai ah ka la ding reng,ka u hian awka vin a min la biak ngai miah loh vang nge chutia khawlai a min vin ta vak mai chu ka la na tlat pek,'unau kan nilo' a ti kher bawk nen ka mittui a rawn far fep fep , "rawn chuang rawh ka tihchu" khauh lutuk a a rawn tih leh chuan keipawh lungawi lo deuh chung chuan bike ah chuan ka lawnkai ve ta nge nge a .



"Ka kawng ah kuah rawh ka tlanchak dawn a nia" a rawn tih pawh chu hrelo der tlat in a hnunglam ah ka in vuan lui ngat a , chutah thawk leh khat ah bike chu a dawk chhuak zawk a ka eu nghal awrh mai,thinrim lutuk in a tukhum lam chu ka melh nghek ,kawng kawi lai ah chuan kan tlanchak lutuk lo bawk a vawn pawh ka invuan tawh lo.


"Ka kawng ah vuan rawh ka tih chu," ka u bawk chuan a rawn ti leh,kei a la lungawi bawk silo chuan "i thu lo ber!" Ka lo ti deuh hlak chutah ka inrin hma in bike chu a tiding thut a a bullet kha a thianpa nen bike hnungsang chi nen an inthleng bawk si, hma lam ah bu dawrh in a helmet ah tak ka chal ka va tauh chawrh a nihchu,ka chal tuai nghal vut vut chung chuan "i mawl deuh a mi!!" Ka ti nghal hlar a ni lah chu a nui huk duh chauh leh nghal ,ngei tak ka ni.


"Min vuan rawh" a rawn ti leh eng ah nge maw a mah vuan tur pawh chuan min tih sek ni ,"ka vuan awm lo che e mai a" ti ngat in ka thutdan chu ka siamrem nghal sat sat a ,"tha a lawm" ti nghut in bike chu a start leh a ,a tlanchhuak chiah mai chu ka eu leh dawrh a kawng ah vuan nghal vat lo ila chuan ka tla hrim hrim, a taksa che dawt khawp a a nuih dan ah a tilui tih ka hria a hnung ah chuan ka chum tawlh, "mawl a!!" Ka ti vak bawk,a kawng a ka vawn na ka thlah dawn veleh a hma ang bawk in a tlanchak leh thut thin a, ka eu leh awrh awrh thin a ,tawp ah phei chuan lungawilo teuh chung in a kawng ah chuan ka vuan ta reng,a ni lah chu a lungawi ta tih hriat lutuk in a tlan par par tawh a ,ka ngei ru viau .




In kan thlen veleh bike atang ka chhuk nghal vat,inchhung ah lut in tumah be lo chuan ka room lam ka pan ding nghal nalh bawk, ka u chuan min zui tih ka hria,hawi let in "min rawn zui suh misual i nihkha" tiin ka room ah ka luhsan nghal daih,ka khum ah lawn in keimah leh keimah chu ka insawh tau nghawng nghawng ringawt.





Chaw ei hun ah ka nu in min rawn ko a,phur fahran lo in ka chhuk, ngawireng in ka thut na thin ah ka thu a ka pa leh Sawmzeli mawlh chu melh pawh ka melh peih lo,chutah ka pa chuan aw a rawn thian kharh kharh a.


"Nizan ang kha chuan awm tawh suh ang che,i chhungte min ti mangang hman lutuk,keini pawn tihsual kan nei ang maherawh chu khatiang khawp kha chuan chet lak a ngailo,kan hmangaih vang che leh i hma kan ngaih vang chauh a nihkha" ka pa chuan a ti dap dap a, ngawireng in a thusawi chu ka ngaithla mawl tawp,chhanlet tum na ka nei hran lo.



"Ni e bawihte,khatiang kha chu ti tawh miah suh a atthlak emai i nu tal hi min ngaihtuah la khatiang rilru kha chu paihbo vang vang ang che" tiin ka nu chuan ka pa thusawi chu a rawn zawm ve nghal zat ,ka lo bu nghat nghat ringawt.




"A reng reng in zilhna pawh chu i van lo la na awm em em ve" Sawmzeli chuan a rawn ti veleh kher,ka chaw ei lai ka chawl ta dat henu hi ka hne engkim ah inrawlh ve sek mai,"Sawmmzel…" ka u in a rawn ti hman chiah.

"I tawngkam kha fimkhur rawh ,Dawngzeli hi i unaunu a ni a zah tak in bia ang che" tiin ka rinloh lutuk in ka pa chuan ka u chu a rawn tawng khalh a,ka pa chu ka melh reng ringawt ka hnuk a ulh lek lek thei hial,Sawmzeli lo awm atang a vawi khat nan ka pa in ka thlavang a hauh ve a nihchu,ka tan chuan chu chu a hlu lutuk tlat.





Kan chaw eikham chu ka thawl hawk thei in ka hria,vawikhat chauh pawh ka pa ka atang a min tan na awka ka hriat khan heti khawp hian ka rilru hah na a lakiang thei a nia ,ka pa in min la ngaihtuah tih ka hriat na chuan min tihlim takzet,lehkha zir hma phone khawih in ka online zawk a, whatsapp a ka lut chiah chu chat chung ber ah number hriat loh hi a lo awm va a ,ka chhang lem lo.


"Hii,Dawngzuala ka nia Bawihpuia pa kha" tih hi number lawng atang bawk chuan a rawn thleng leh,ni dawn tak vawiin khan ka number min dil a ka pe tak e,rang tak in message chu ka open a.

"Hii.." tih ngawt in ka reply, chhan dan tur ka hre ngang lo, ka message chu a lo chang reng emaw tih tur khawp a rang in a seen nghal a typing a in ti nghal zat bawk,e nge a chhan pawh ka hrelo ka zam em em ringawt mai a nihchu, enge a rawn sawi dawn tih ngawt ka ngaihtuah bawk .




"vawiin kan haw hnu khan Bawihpuia hian a sawi reng mai che a fel a ti viau che a niang" Dawngzuala chuan a ti a,message chu ka open leh nghal vat,"bawihpuia pawh kha naupang fel tak a nih ka ring" ka ti let ve a,enge ka hriat pek ni ka message type te reng reng chu ka phur sarh a ka nui pah ver ver bawk ,


"I hmel atang khan i la upa lo tih chu a hriat mai a,high school i la kal em?" tih hi Dawngzual chuan a rawn thawn leh, "Kal tawh mai mai lo,college ka kal daih tawh" ka ti ngawt pek ,eng vang a dawt sawi ngawt nge maw ka nih lah ka in hre hauh lo lehnghal,chutia nui ver ver chung a phone ka khawih lai chuan ka room kawngka chu an rawn kik dat dat a,hawichhuak lem lo in "lo lut rawh" ka ti liam puat.



"In be lawk ang" thum bal in ka u chuan a rawn ti a "imm" ka lo ti liam leh puat ,phone chu ka hmet melh melh reng a,tawng thawm ka hriat leh tak siloh ah chuan,ka hawichhuak chu ka phu zuk thei ,lungawi loh hnel fahran in a ni chuan min lo melh run a nih chu.


"Enge khatia mi melh vak a" ka ti ta ringawt ,kan unau buaina kha ka hre tawh lo a nilo,ka u a ni a biak chhiat reng ka duh loh vang a pangai tak a bia ka ni .






"Tunge i biak a" a mit chung ti chuar tap chung chuan a ti a, "i hriat ve a tul kher lo e a" ka lo ti thung.

"Khawi maw i phone kha" tih leh ka phone chu rawn ban a rual a ,lo dah hla ve sa teh mah ila ka kut atang chuan min laksak ta tho ,"khawi min lo pe rawh ka phone a nihkha" ti in khum ah chuan ka ding a,a ni lah chuan ka phone chu keng hla deuh in ka hmai ah a kut lehlam in min nawr a, ka theih tawp in ka phone laksak tum chuan ka ban ve tak ang tawk tawk a,awmzia a nei tam lo hle.


Chutah thawk lehkhat ah a in thlahdul thut a khum atang ka tla nghal tawp "i va han mawl chhah tak!" Ti hlak hlak in ka tho tuah tuah .

"Kha" ti hmuk in ka phone chu khum ah a paih thla a,a tum bur bawk Dawngzuala nen kan in text na a chhiar tih ka hre mai,eng tin vak inbe lo mah ila kan ding dun mai mai pawh a thik a nihchuan kan in text na ho lam tak pawh chu a thik dawn tih a mah hrechiang tu ka nih ang in ka hrechiang viau,hmui ti pawrh zeuh in ka phone chu ka la vat a .


Khum ah bawk ka thu thluang leh zar . A ni chu ngai pawimawh lo zet in ka phone bawk ka bih leh ngur ngur tawh,ka bul mai a ngawi ngul a a din ve reng vang chuan ka awm erawh a nuam zan lo ,thaw hak in phone chu ka dah a "u i room ah i kal tawh dawn lo em ni?" Ka ti ta ringawt.




"Khapa kha i duh tiraw?" Ka zawhna pawh chhang ta lo chuan a rawn ti daih .


a thil mi zawh thut vang chuan ka ham haih deuh
"hah..awih,awihawm loh lutuk eng vang in nge ka duh ngawt a nga,i mawl a nihkha," ti in ka riat nawi nghal nawk ,a ni chu za lo fe in a nui hul hak a "lehkha zir tawh rawh " ti a chhuah mai a tum chu,engtin emaw tak keimah ah in thiamloh na a awm tlat ,khawi kip a inzui thin kha kan ni a hetia kan inkar a zau ta hi hreawm ka ti .




"U' ka tih sep chuan a ni pawh a ding dat a .




"A hma ang khan awm leh ang,hetiang chuan a hreawm emai,nanglo chu in nghah na tur ka neilo tih pawh i hriat ve vek kha" ka ti leh sep,muangchang in ka u chu ka lam a rawn hawi a.

"Khawngaih in u,kan inkar hi a zau tawh emai" ka ti leh sep ,ka tah rawn chhuak leh nghal teuh vang chuan tawng pawh ka tawng tha thei leh tawh lo,a ni chu a thaw hak a eng rilru nge a put chu hrelo mah ila tun a kan awmdan hi hreawm a ti ve tho tih chu ka hria,chutah khum atang tho in a lam chu ka pan a ka va kuah ta tawp.





"ka ngai che, u a hma ang khan awm leh ang imm," ngen ngawl tak chuan ka ti a ,mahse ka u chuan min nawr hla deuh in ka mit ah chiang tak in min en bawk .



"ka tihpalh, hman ang kha chuan kan awm thei tawh lo ang,ka thinlung ah hian ka thunun theih phak bak in i lian tawh tlat" tiin room atang a chhuak nghal daih,ka room kawngka chu en reng in ka mittui a lo far fep a,engtia tih tur nge ka hrelo,ka ngai tak zet tih chu ka hria,mahse engtin nge ngaihzawng ang in ka en ve theih ang,kha chen unau ang in kan lo khawsa tawh si a.







(Dawngzeli chan a chhe deuh kan lo ti maithei a, a chhe rei tawh lo maithei a nia , lo nghak hram hram ru aw, chuan comment theuh kan tum dawn nia aw)


Show post links
Top