In a min thlah leh lai chuan kan tawng tawhlo ve ve a ,kanin zawn kan thlen chuan kal mai ka tum a min chelh in uluk takin min thlek vung vung a . " Min neih i duhlo takzet em ni? A zawhna chhan na chu keimah ah hian a chiang em em a ,he mipa hi chan hlen ka hlau a ni. Chhang mai lo a ka ngawih reng vang chuan a mah bawk chuan" I thu thu in kan awm dawn nia, sawi hreh suh.. Ka kiangah hlim lo tur a i in ngai anih chuan "
" Chutiang pawh anilo " ka ti nawi deuh nuai a chhan mai dan tur ka hrelo a ,awlsam tak a lungawi leh mai kha ka tlawm la ve bawk nen ka dinhmun chu a laklawh zo vek tawh. " Ka kal a nge " a tih chuan kalo chelh vat a ,sawi tur ber pawh hre chuanglo chuan a mah chu ka melh mawl tawp a , tun ah hian ka kaltir anih chuan a kal hlen mai ka hlau ani.Kal lo tur a hrilh ka duh a mahse sawi tan mai dantur ka hrelo ani .
" Kal Suh" ka tum ai awlsam a ka sawichhuak thei chu ka lawm kher mai. " Ih... In then ka duh lo, ka lungawilo ve deuh rigawt alawm" ka zak chem chem mai. Ka lo in vau lawk nasat tawh nen heti tak a ka nem leh ta mai chu zia lo ka ti viau ani. Min melh run a vang chuan ka hawisawn thuai a ,sawi leh mai tur pawh ka hrelo. " Ngaihzawng nei kual mai mai rual ka ni tawhlo a " a thilsawi chu a tihtak zia pawh a hmelah a lang thei vek. " Keipawh" chu thil chu engvang a sawi ve ngawt nge maw ka nih le ?.
" Palai ka lo tir ang aw" a aw chu a ring hranlo a mahse ka hrechiang viau a ,hnar tumna ka nei tawhlo bawk. " Ummm" ti a ka buk nghat rual chuan a nui suk a,rawn kun hniamin ka chalah a tauh dat a, a chetdan ka lo thlir reng lai chuan " min nei duhlo ang te khan I awm kual vel a " a ti deuh kher a ,tum deuh bar pah a ka inher hmak chu ka mawngah rawn ben pahin" zanah kalo bia ang che " tiin a kal zui nghal daih a. A kal liam tur chu ka thlir reng a tunah pawh khan ka titau ve a,min thlem a tum leh chuang miahlo.
Palai hmel ka hmuh zanah chuan awmdan tur pawh ka thiamlo hle a. Ka zak angreng viau bawk a ,ka chhugte pawh chuan engmah sawi buailo in anlo rem nghal a ,mi tihdan ang lo takin vawikhat len na ah a ni tur nen lam kan ruat nghal vek a ,ka pa dinhmun thlir chungin a hma thei ang ber ah July ni 14 chu kan tin zawn ta a . Palai te haw velah Marcus ka be nghal a chanchin ka hrilh chuan ani pawh a hlim ve viau chuan ka hria .
Hriatpuii'n kan chanchin a hriat ve chuan a phur viau a ,lawmthu min hrilh sek bawk a ,a u mahni chauh a awm kha a ngaihtuah thin em bawk ani. Hriatpuii'n min dinpui a chak viau na in a fanu a harh lutuk a a zuam chiah bawk silo nen Lilyin min dinpui dawn a , Marcus pawn Mesaka thianah a hmang dawn bawk a ,kanin buatsaih nasa ve viau tawh a chutih rualin ka pa ka ngaichang pah reng bawk a ,tunah rih chuan ka pa dinhmun pawh a tha rih viau a kan dinhmun chu a tluang ve purh a ,mahse ka chhugte kalsan hrehna ka nei lian leh thut thin bawk.
Kan bazar ni te chuan min fiam leh laih laih thin a Lily pawn nuam a ti viau in ka hria , Mesaka nen chuan an in ngainat hmel viau a ,kan haw hnu a Mesaka ngaizawng lo tur a ka hrilh thawr chuan a ner nasa viau a,a duhloh thu leh an in karah engmah a awmloh thu a sawi uar viau a . Mesaka chu a fel a mahse a risky ka ti ani, Marcus puih fo tu leh silai pawh pe tu kha nia a bulah hian Lily a himlo ang tih ka hlau ani.
Ka pa pawn damlo chaklo tak chungin min fuih ve nasa viau a , a mah bawk hi ani ka khawngaih a ka ngaihtuahna luahkhat tu chu. A hun a hnai telh telh a keichu ka phur nge ka huphurh pawh ka hre thiam chiah tawhlo. Ka pa hriselna pawh rin ai tak chuan a tha a thla a muang deuh,mahse engtik ni ah emaw min kalsan hun ala awm ngei dawn tih ka hriatna chuan min vilh leh ngut ngut thin.
Hun leh ni hi kan chelh din theih ni heklo le , huphurh ru viau mahila a her chhuak ta . Ni e.. Lunggai tur ka nilo, hmeichhia zawng a vannei ber ka ni . Ka mipa hmangaihna ber leh khawvel a mipa tha ber Marcus ka nei dawn a hlim tur ka nia , hmeichhe vannei tlem te zing a mi ka ni.
Marcus chu a hmeltha zual takzet, a suit hak chu a in hmeh em em a khawvel a mipa hmeltha ber ani. Ka tan chuan khawvel a mipa tha ber ani ..
" Hreawm lai leh bawrhsawm lai pawhin"
Thu kan tiam dun lai leh zungbun kanin bun tir laite he hun rangkachak hi ka damchhung zawngin ka theihghilh leh thei tawh ngailo ang .
" Ka hmangaih che"
Ka beng bul a a rawn phun sup chuan ka lo nghawk zauh a ,ka zam lutuk chu ka sa pup pup thei hial a ka kut pawh ka hum thlan dap tawh. Inkhawm ban a thla kan lak laite chuan ka nui sang a ,a der tel hauhlo in ka nui ani. Ka chhugte ka chhungkaw hlim hmel mawlh mai chu ni ! Khawvel a thil hmuhnawm ber zawng a tling ani.
Mo hruai hun a lo thlen phei chuan chinchang kan hrelo lutuk chu an nui leh dar dar zel a ka sa pap pap thei,khuk ral chem chem theih se khuk ral daih ka duh ngei ang. Hmeichhe dang ang a pasal chhungte hrawn tur ka nei ve dawnlo a Marcus nen chauh kan awm dawn a ,a khawhar thlak viau in ka ring mahse chutih rual chuan midang tumah ka mamawh bikin ka ringlo ka bulah Marcus a awm chhung chuan.
Marcus nen a kanin neihna pawh thla a vei ve hial tawh a ,kanin lamah pawh kan awm thei meuhlo. Kanin lamah kan tal tam zawk mah a Marcus pawn tlawmah a la biklo. Ka pa dinhmun a ngaihtuah awm chang phei chuan kan riak nghal mai thin a rin ai tak chuan ka nun chu a nuamin a tluang a , Pathian hnenah lawmthu ka sawi mawlh mawlh zel.
Kumkhat tha zen zawn kanin enkawl hnu ah ka pa chuan min peihloh san ta nge nge a ,ka tuar lo ka tih chuan dawt ka sawi ngei ang. Ka pa neihchhun he khawvel a rual awt hauhlo a min siamtu, kan unau tan a engpawh min tihsak hrehlo tu ka pa ka chan a , chu chuan na takin min deng a tawrh zawhloh mai hlauh chang ka nei thin. Heng hunlai hlei hlei hian ka pasal hi ka fak thin, min ngaihtuahin min ngaihsak em em a ka hreawm a hlau takzet.
Ka nu leh Lily pawh hnem duh viau mahila hnem thei chuang ka awmlo , ka pa kha kan la mamawh em asin. Nau ka lo keng ve bawk nen lusun khawhar pawh sawi theilo khawp a min buaipui chang lah an ngah chu chuan an hreawm lutuk tur pawh a chhawk ve thin ni in ka hria a ,ka khap duh lemlo.
Ka nu khawhar chu hnem dan vak kan thiamlo a bakah hnem zawh rual a ni lo ang,kawppui te chan chu dar veilam sah thlak ang vek ani an tih fo kha a dik ngeiin ka ring bawk. " Nu... I la naupang a pasal pawh nei leh mahla ka dem miahlo che "
" Bawihi I ti ang lo emai, I pa bak hi hmangaih ka nei tawhlo ang" tiin min chhang mai zel a ,chu chuan min tihlim takzet a ka pa thlarau pawh a thlamuan phah viau in ka ring. Ka pa theihghilh a midang a pawm mai kha ka hlau ru teuh zel a , Lily a la awm ve bawk nen mihrang chenpui tur chuan ka ngaihtuah deuh ani.
Tunah chuan Lily pawh a thil zirlai a zir zo tawh a ,nau ka nei ve tawh bawk nen kan fanu awm turin nitin a lo kal a ,Marcus hnathawk a chhuah a ngai thin bawk nen Lily leh ka nu chuan min vil deuh chawt reng mai.
Hriatpuii chu a chhangchhe tluang zel a ,a ruak lo tih a sawi lai phei chuan a in thlahrun hmel em em a Jeroma lah a nui suk duh chauh a . " Han nei zel phawt mai teh u" ka pasalin a tih chuan Lily nuih a za em em lenghal a ,sawi hmaih theih loh nu Sangpuii fanu Zualtei kha an awmpui a school kalin an rawn len phei ve ni te hian Zualtei chuan an chhugkaw chanchin leh an naute harh zia nui hawk hawk pahin min hrilh thin a ka nuih pui ve nasa thin.
" Duattei chu a muhil tawh ami?" Ka pasal in a tih thum dut chuan kalo bu nghat a ,rang zetin khumah a rawn inthawlh zui a min kuah nghet leh viau tawh. Ka awmbawr veilam chu khawih pahin " hei ka ta lehlam hi Duattei " a ti fahran a ka nuih chuan " nui Suh a hma chuan chuhpui tu pawh ka neilo a tunah lem ka chang mang tawh lo" tiin a phun nuah nuah a ,ka nuih a za telh telh .
Ka pasal hi nitin hnathawkin a chhuak a mahse chau hmel leh hah hmel a pu ngailo,a hlim in min thlahlel ber angin a awm reng thin . Kan fanu Dorothy pawh a hming pawh a ko phal lo in ' Duattei" tih ngatin a sawi thin . Ka hun tawn zawg zawng ka ngaihtuah let phei chuan he mipa hi ka chanpual liau liau ani tiin ka in hrilh thin.
" Marcus ka hmagaih che"... A hmel chu a nui sar a hei ngei hi ani ka Marcus nihna diktak chu.
" Keipawn ka hmangaih che duattei nu....:Zanin chu ka nghei tawh dawnlo" nui ruh ruh a a tih chuan ka lo nghawk zauh a ,a tawngkam hman dan hi a mak thei em ani.
Min rawn hnaih zual sauh a min kuah nghet sauh bawk a , ka awmbawr a dap rak rak lai chuan Duattei tap ri kan hre zawm nghal zat a ,ka pasal chu rum nghutin a tho chhuak hluai a " Rochamawii em em hi chuh" ti a kal tau sawk sawk chungin bathroom a pan nghal daih a, keipawh chuan Duattei chu ka ngaihsak nghal thuai a .
Kan fanu neihchhun hian min ti hlim a kan hmangaih a ,kan nupa nun tihlim zualtu leh kanin kar tinghet zual tu ani.
End of chapter.
( Ti hian kan story dark album chu kan complete ta a ,duhthu a van sam leh dawnlo tak em..
Ka regular lo tih ka hria pawi ka ti ... Sawi ka tumlo viau a mahse ka hrilh mai ang che u , kar hmasa vel atang khan online shopping ka siam ve a chuvang vek chu lawm
.Mahse hei hi ka va hrechhuak a nagmah ni ho hian minlo hmangaih ber anih hi ( vanpianga aw phawiin chhiar tur
)Lo hlim ula ,lo dam ula next story ah kanin hmu leh theuh dawn nia .. In zavai chungah hian lawmthu ka sawi mawlh mawlh e
" Ka lawm lutuk e "..
Show post links
Top