DARK ALBUM BY Tluangpuii Cck (Completed)

[Ngaia]

CHAPTER : 1




Kan chuanna sumo din dat rual chuan ka hawichhuak vat a ,Aizawl thlen hma in vawi engzat nge kan din tawh pawh ka hre senglo.Ka pa in min hruai tur a driver rawn tirh a tum lai a ka lo hnial kha ka inchhir viau tawh, hetiang tak a zinkawng ka nin pawh hi ka hre ngailo.



" Jail tang tlanchhuak tih reng mai a ninawm ,mipui min ti ralkhel...Dik chiah an tihsual man te hi chu tuar ngam ve mai tur ania", ka hma a mite ti ti chu ka ngaithla a zawm ve tumna erawh ka nei hranlo.Kei ngei pawh hian kan Mizoram ralmuang ta lo lutuk hi chu ka kham ve ngawt mai.Kan tlanchhuah leh hnu chuan seat nghengin ka mit ka chhing zui ta daih a .



Rei pawh kan tlan hma chuan kan ding leh a ka rilru hmanhmawh nen ka huntawn mek chu ka ngaihtuah a ,ka thin a rim hlur mai. Kan dinchhan ngaihven tur pawn ka hawichhuak peih tawhlo a , ka mit pawh men ka tum hranlo . Hahdam zet a mit chhing chungin kan tlanchhuah leh hun ka nghak mawl tawp a , hmalam a mi te an thawm hak rual chuan ka meng chhuak zawk a an lo chiai nasa mai.Enge thleng tih hre tur pawn seat hnungber ka chang bawk nen ka chhuak thei mai lo, thei leh thei lo a ka hawichhuah rual chuan silai a rawn puak zui nghal thuai anih chu!





Thawm a reh zui nghal duk a tumah thawm chhuah ngam pawh kan awm lo ,enge thleng tih pawh hrethiam lo chuan ka awm ngai in ka awm zui ta reng a .Mipa aw fiah zet hian kan thutna hmun theuh a thu turin thu min rawn pe zui a ,tuman hnial ngam heklo ngaihngam zan tawhlo chuan kan thutna ngai ah kan thu thla leh nghal sap sap a .Kan hma a mi te an thut fel hnu chuan kan chuan na sumo chhung a mipa pathum hmai tuam a silai keng lo ding far chu ka hmu zui ve ta a .Ka lung a phu zui nghal dawt dawt mai, suam kan tawk tihna ani thei mai angem?.




Kan phone min chhuhsak vek hnu chuan kan pawisa kawl ang ang an khawm leh vek a ,an hlauhawm in an landan rorum lutuk chu ka tim uar
uar thei. An tawng ring in an vin leh khur khur thin a chu chu kan hma a naupang te chuan a hlau ani ngei ang a nu awm ah bei chungin a tap zui chiam a,a tap ring bawk nen kan misual ho pawh chuan an en zui thap mai. An zing a pakhat chuan naupang pawisawilo chu silai a tin chungin a vo zui nghal a nih chu ! A va han rapthlak tak.





" Naupang mai anih hi khawgaihin hrethiam rawh", a nu chuan tap chungin khawgaih a dil zui mawlh mawlh a , naupang te lah chu engmah hrethiam heklo a tap uar sauh sauh mai si a lung a zing takzet. " Hun kan ngah lo" pakhat chuan ti supin naupang chu a tin zui leh a ka hmu thei tawh ngang lo. " Ti suh,naupang pawisawilo anih kha " tih pahin an lam ka pan rawk rawk a , midang ho chu an lo ri leh hak tawh a ." Ngawi rawh u" tih thawt pahin silai a puak zui leh nghal thuai a,mangang zetin ka hawi kual nghal thuak a ,silai mu in pawi a khawih lo tih ka hriat rual chuan ka hahdam huai mai.





" Atthlak tak a chet tum hauh suh ang che u ,min beihlet in tum a nih vaih chuan kan that vek ang che u" min vo zui reng bawk a . Motor dang lo tlan an awm miahlo leh min tanpui tu tur hmel reng reng lo lang lo chu mak ka ti ni. Ka rilru chuan ka pa leh a thiltihtheiha te ka ngaihtuah chhuak zut zut a, ka pa hausakna chapo pui ka duh ngai hauhlo mahse tun tumah chuan ka pa ka mamawh takzet.



" Naupang leh kum upa lam hi kaltir rawh u" a hma lam a hmeichhia chuan a rawn ti ve khauh a ,chu aw an hria chu an lawmloh zia pawh a hriat theih . " In nu leh pa chan ah dah ula an kum upatna tal hi zah ta che u" chu hmeichhia chu a au in a au ani ber tawh a ,mahse a sawi zawh rual chuan a biang a ri nghal sawk mai.A hmui a tang a thisen lo luang thla zui nghal pawh chu ka hmu thei a,kei chauh ni lo midang pawh hian an hmu ve vek ka ring. " Jerome hun kan ngah tawhlo , hmeichhia kha hruai rawh u" pakhat chuan a ti leh sup a chu velah an zing a pakhat chuan ka samah rawn thamin min hnuk zui nghal sawk anih chu!.





Midang lo chiai bengchheng chu silai hmangin an vo zui leh nghal hmiah bawk a ,kei min hruai lui chu ka hrethiam lo a chu ai mah chuan nichin a hmeichhe lo tawng ve kha an hruai tel ve chu mak ka ti zawk. Motor ah chuan tih luihna tak meuhin min nawr lut a, tang ve sa teh mahila awmzia a nei tamlo. A hnung ber a kal chuan sumo ke chu a a kap zui nghal a , midang lo chiai bengchheng thawm pawh chu a ring viau. Hmeichhia chu a mit an tuam sak a ,keipawh chu dimlo fe in ka mit a tuam zui a kan pan lam pawh hrelo chuan min tlanpui zui ta ani.





In lam a minlo nghak tu ka chhugte leh ka thiante ka ngaihtuah a ,ka lung a chhe takzet. Ka hun tawn mek hi hria se min lainat in ka tawrh ai tawrh pawh an hreh miahlo ang mawle .Sumo chhung a kan buai kha alo berah minute 5 atang a minute 10 vel a nih ka ring a ,kha mi chhung zawng a eng motor mah lo tlan lo kha mak ka la ti ani. Tumah tawng tawhlo in kan ngawi zui thap a ,kan tlan na lam pawh hre heklo mangan ngaihna pawh ka hre twhlo.






Rei fe kan tlan hnu chuan motor chu a ding ve ta hram a ,kan mit tuamna phelhin motor atang chuan min hnukchhuak ani ber a min dim lo lutuk mawlh chu tawrh har ka ti. Kan awmna hmun chu ka en kual nghal thuak thuak a in pakhat mah hmuh tur a awm lo a ,ramhnuai ah kanlo awm daih tawh.Hmeichhia an hruai tel ve pawh kha a hawikual nasa viau a min rawn en in min nuih a nih chu ! Tun ang hun a a nui thei chu mak ka ti ani.A hmel chu chiang lehzual in ka en a a hmelthat bakah a ngaihnat awm riau a hriatna ka nei bawk a .




Dinglam pang kawng peng chu zawhin min kalpui zel a ,ka thla amuang hlawllo ani.Min that dawn anih ka ring nghet hmiah tawh a ,mahse engmah ka sawi ngam tawhlo hrim hrim chutiang bawkin hmeichhia pawh khan engmah a sawilo a ngawi rengin a kal ve hnak hnak a ,a tui a hal ve viau tawhin ka ring .


( Zawmna)


Thui fe kan kal leh hnu chuan min chawlh pui ve ta hram a ,tui min pek chu ka in nghal khawlh khawlh a ka hahdam sawng sawng thei. Min man tu te chu an in bek bawr leh sar sar thin a,ka bul a hmeichhia chu ka mitmei ru leh zauh thin a mak deuh mai in a thlamuan hmel ka ti tlat pek. Chung mipa pathum te chu an thu a in hmu vaklo ni in ka hria kan hriatthiam theih loh tur si chuan enge maw sawiin an ri leh hlut thin a ,ka ngaihthlak chian chuan pakhat chuan " vawikhat nawmchen nan a ka hmang chu a pawina ka hrelo " a ti nghut a , a thusawi chu ka in ngaihbel bawk nen ka thisen chu a lum pup pup thei hial in ka hria .





Kan kut pawh an phuar lo chu mak ka ti , pakhat chu kan bulah lo kalin kan hma zawnah chuan a ding zui a ka melh peih twwk ani. " Tunge i nih?" Ka bul a hmeichhia chu en in a phun sup a , " Hriatpuii" ka bul a hmeichhia chuan alo ti sap a hlauhthawng hmel ka hmu tel hauhlo. Chutah ka lam a rawn hawi leh a hlauthawng lutuk in " Vi ... Viviani" ka lo ti sawk sawk a ,ka rin loh deuhin a rawn nui chhuak hawk a " ka hria che" a ti zui a .Ka insum hmanlo " engtin nge min hriat theih?" Ka ti he hu a " Lalsanglura Sailo fanu upa zawk I ni lawm ni?" Min melh chiang kek kawk viau a ,ka bul a hmeichhia chu a lo meng phar deuh awk in ka hria .





" Khawgaihin min kaltir rawh" ka tih chuan min thlek vung vung a , " kaltir ta che ila kan plan a fail dawn asin" ka nui zui leh suk a . " Ka chhungten min ngaihtuah tawh ngawt ang" ka phun sep chu uluk ve a min thlek vung vung in " an ngaihtuah loh mawlh che kan hlau" zat hmel vak loh a nui chungin a ti leh sup a .



" Hmela kan ruahmanna ang in kan kal ang.. Mihring laktlak loh lutuk" thawm lo awm na lam ka hawi phei chuan mipa pakhat chuan a thianpa inring lo lai chu a lo hnek sawk sawk a nih chu ! ." Duh tawk teh , engthil nge thleng? .. Jerome he mihring hian kan ruahmanna a ti chhe vek ,dam a phu lo that law law ang" a au tawn tawn a a thianpa lei a mu hlawm reng chu dimna tel hauhlo in a sawisa zui leh nghal hmiah a. A rapthlak takzet.




A sawisak pa chu chet pawh a che zui lo a ,a thih a nih ka ring hmiah. " Engvang a min man nge in nih?" Tia ka zawh chuan Jeroma an tih khan " pawisa vangin" a ti nghut a , " pawisa ka nei hleinem" ka tih chuan rum zet a min melh khui chung hian " I pa chuan pawisa hman senloh a nei alawm...Ka pa I hria em ni?" Ka lo chhang rang lutuk chu min melh tur leh khai a ,min chhang zui tawhlo chuan a tho chhuak vut a ." Ka thiannu hi kal tir ta che u, ka pa pawisa in duh vang a ani in hruai tel ve hi a tul em ni" ka tih chuan " ngawi tawh teh" a ti hmuk a .



Lei a mu reng an thianpa chu kaitho in a sawi zui nawk nawk a ,a la thi lo ani phawt mai.Tui te a intir hnu chuan a thut rem tir te te a , " eng buaina mah ka duhlo" ti chang rut in an thianpa hliam tuar lo zawk chu a melh rum viau a .Ka ban a sana chu ka en zawk a dar 4 alo ri tawh ,ka ril pawh a tam viau tawh . Ka kut a min rawn vuantu vang chuan ka hawichhuak vat bawk a , " Vivian" ti a nuisangin Hriatpuii chuan min en lo kar anih chu !. Ka lu ka buk nghat chuan min thut hnaih lehzual in ka kutah a kai zui a ,chu ringawt pawh chuan nasa takin min thlamuan thei .Dinhmun in ang rengah nun na derthawng ve ve a kan awm lai pawhin a mitmeng ah zamna ka hmu ve lo.





" Hmeichhe pahnih te hi pawi sawilo an nih tih ka hre vek, tlan na sum kan hmuh rualin an zalen tur ani" Jeroma chuan ti bul bul in a thianpa kawr awmah chuan a tham zui a ,hel pawl in lungrual lo tak chu ani. " Jerome i ti mah mah, heng hmeichhia te hi zalen se kan chan tur chu i hrechiag alawm" pakhat chuan a ti let ve khur khur bawk a . " Nawmchen nan ka kut ah min pe la ,ka dahtha zui mai ang" a thilsawi leh vang chuan ka lo tang teuh a, a thilsawi chuan Jeroma pawh a ti lawmlo hle tih a hriat theih a .





" Pu Sanglura hnen atang a pawisa kan hmuh rualin kan zalen tir ang,pawisa ani lawm ni kan duh?" Jerome a tawng chu chhang lo in an ngawi dun vang vang a , " Pu Sanglura hausak zia leh Mizoram sawrhkar a a tlaktlum tur zia i hria em? Pakhat chuan a ti ve khauh a mahse chu pawh chuan chhang tu a nei ta chuanglo a .An thil tih duh dan chu ka man thiam ruak mai.






" Ka pa chu ka biaksak thei ang che u" ka lam an lo hawi thap a ,ka chil lem khalhin " ka pa hnen atang chuan pawisa in hmu maithei mahse sawrhkar atang chuan cheng khat mah in hmu lo ang" ka sawi zawh rual chuan pakhat chuan min rawn pan hnai vutin ka samah min kek dak nghal lawp a,ka lo te thawt a. " Nang hmeichhia hian engmah I hrelo" a ti khur khur a luhlul chhuah lui in a mit ah tak ka melh ve ran a , " kan ram ralmuan loh zia chu nang pawn I hria ,nitin mi bo in that boruak tha lo tak tak kan hmachhawn fo kan sawrhkar hian enge tih theih a neih? Nun na sang tam tak chhan tur an awm an chhan vek senglo " ka sawi zawh rual chuan ka biang a ri nghal sawk a " I lei kha tan sak i duhloh chuan ngawi rawh" ti in min phih leh nghal sawk a , Hriatpuii chuan min lo kuah vatin tawngkam chhe tak takin a an khum nghal bawrh bawrh a . Chu pa chu thaw hrawk in a rum nghut a " pawisa kan hmuh rual in kan that nghal ang che u" tiin a kalsawn zui a


Show post links
Top

[Ngaia]

CHAPTER : 2





Hun remchang ka melh ru ran a kan thi dawn tho tho anih chuan he mi te kut a thi lo a theihtawp chhuah phawt ka duh ani. Nakin deuhah chuan pakhat chu kalsawn zui in kan kal tawhna kawng lampang ah chuan a let zui ni in ka hria . Pakhat chuan chem te hian enge maw a siam mawlh mawlh a , a thilsiam lah chu a ho ka ti angreng chemte chuan hmawlh a suih zum mai mai ni in ka hria .





" Farm house chu ka zu enchiang ang ,zanin kan riah theih ka ring" tih pahin Jeroma chu a tho vut a ,a thianpa pawh chuan ngaihthat lohna pawh neilo hian kal turin a hrilh zui ve mai bawk a .Jeroma a kal liam hnu chuan hei bak hun tha a awmlo tih hria in bawhpelh ka tumlo bur. An thianpa kal chhuak kha alo lang mai lo bawk nen a tihzia ka ti viau a , Hriatpuii chu mitmei zauhin a in rinloh lai a ke ah ka rah sak a ,ka rap na hranlo na chu alo te ring viau a .Min veng tu pa pawh chu a lo phei thuai a , Hriatpuii ke ensak tur a a kun rual chuan ka theihtawp a na in kalo tlawh pawp a , Hriatpuii pawh a rawn che chhuak ve vat a . Thing bung chuan a hlap nghal thuai a ,chu thing bung chu ka lo hmu ve hauhlo.




Hmanhmawh fe in chemte chu ka la zui a ,a lu dawm chung a lo dingchhuak chiah chu remlo zet hian ka chemte ken chuan kalo vai nghal pawp a, a ban a tang chuan thisen a rawn luang nghal zaih zaih a ,kan thawm a ring ta viau bawk.Hun kan ngahlo tih hria in Hriatpuii nen chuan kan theih ang a chakin kan tlanchhuak zui nghal a , let lehna lam kawng chu kan hria mahse kha pa kha alo let leh nen khan kanin tawn fuh ka hlauh avangin ram lamah chuan ka tlanpui ta ngawt a.





Thui fe kan tlan hnu chuan " ding lawk ang" a tih avang chuan kan ding a ,kan thaw zui hlawp hlawp a ka chau takzet tawh . Khua a thim ruai tawh bawk nen kal ngaihna pawh kan hre tawhlo ani ber a ,min rawn umzui em ti in hnunglam kanin hawi chhawk sek bawk a ,min rawn um tu te hmel erawh kan hmu hauhlo.Engmah ei lo leh in lo kan nih avangin kan chau tawh hle a ,hma lam pan chuan kan kal dun leh hnak hnak a ka hun tawn chu ka suangtuah phakbak ani,ka ngaihtuah chian chuan vanduai ka in ti a ka mittui a luang zung zung a .Tun hunah hian inngaihtuah lungpuam tur ka nilo theihtawp chhuahin ka dam khawchhuah theih nan nilo kan dam khawchhuah theih nan kan beih a tul ani.




" Tah hian thu ila khua a thim tawh bawk sia ,kan kal zel chuan thawm kan chhuah mai mai zawk ang" min rawn pah deuh a Hriatpuii'n a tih chuan ka lo pawmpui thlap a ,thim thamah chuan thawm chhuah ngam silo in ingheng chialin kan thu dun ta rigawt a . Vawikhat mah ka la hmuh ngailoh leh hriat pawh ka hriat ngailoh hmeichhia nen chutiang tak a in pawh a zan hun kan hmang chuan ka ngaihtuahna a ti kal thui viau a. Ka unaunu Lily ang riak ah ka chan a ka ngaina ru takzet,tun hunah chuan ka neihchhun ani bawk.




" Hriatpuii unaunu I nei ve em?" Tia ka zawh chuan min hnaih sauh sauh a " unaupa chauh" tiin min chhang vat a . " I chhungten an ngaihtuah ngawt ang che " ka sawi zawh rual chuan ka mitthla ah ka chhugte an rawn lang zut zut a ,ka mittui a hnam nghal tiam tiam bawk . " Ka u chuan min ngaihtuah ngawt ang" tiin a phun sep a , dinhmun in ang rengah ding mahila ka khawngaih ve leh chhawng ani.



" Jail tang tlanchhuak i hlau em?" Teh daih chuan ngaihtuahna thar ka nei tlat." Min man tu te kha an ni hrim hrim ang" ka ti hluai a . Lu alo thing vat a " nilo an ni chu an nilo" a ti leh a " mahse engtin nge i hriat" a hriatchian hmel em em lenghal a. " An zingah chuan ka u a awm ve loh kha" ka chil ka lem khalh a sawitur pawh ka hre twhlo. " I u chu Jail tang tlanchhuak maw?" Ka zawt phawng a ,min hrilh duhlo mahse ka dem hauhlo. " Umm mahse ka u chu ka hrechiang misual anilo" a ngawi zui daih a ,a insut faih a a tap ni in ka hria .




" Kan vanduai ngawt mai ka u chu him hram se ... Ka tan theihtawp chhuah a a beih laiin kei lah helai hmunah thih leh dam karah tak meuh ka awm chu ni sia" a thaw zui hak a ,hnem dan tur pawh ka hrelo. " Min ngaihtuah lo se chuan a tlanchhuak miahlo ang mawle " a ti zui leh vang vang a ,a chanchin chu ka hrechiang chak kher mai. " Kei Chuan ngaihtuah tu tur nu leh pa ka nei lo a,ka neihchhun ka u ni se khawnge a awm pawh ka hre silo a ,nang chu I chhugten an ngaihtuah viau ang che " ti in a phun zui sap sap a . " Helai hmun atang a kan haw hunah kan inah ilo haw ve dawn nia ,Lily nen pawh in inkawm ngeih viau ang " alo nui hak a.K thilsawi ka ngaihtuah chian chuan keipawh ka nui ve tho ,ka hnemna naupang chhia lutuk chu a engah mah a thawk pawhin ka ringlo.





A kum zat ka zawh chuan tha deuhin min hrilh ve mai bawk a ,kanin rual chiah lenghal. " Vivian ..A hma chuan kan chhungkua hi kan hlim ve thei lutuk" a sawi lai chuan a hnuk a ulh deuhin ka hria . A kutah ka lo chelh vat a ka darah a lu nghatin a thaw zui ham ham a , " ka nu dam lai chuan kan hlim a mahse ka nu boral kha ka pa khan a hrethiam lo lutuk a ,zu leh sa a tlan nasa a rei pawh min dampui lo reng a fahrah unau kan lo ni ta a " ngaihtuah let ni awm takin a ngawi vang vang a .




" Ngati nge I u chu Jail ah a tan?" Ka zawhna chu min chhang vat se ka duh . " Ka nu damlai chuan ka u hi Aizawl ah schoo kal in a awm thin a, lehkha a thiam thei a college a kal thleng khan nu leh pa ti hmingchhe zawng a a awm ka hre ngai maihlo. Ka nu boral hnu khan lehkha zir zawm twhlo in kan khua ah a awm ve reng a ,min ngaihtuah vang ani mah zawk a tikhan reilo ah ka pa in min boral san zui leh bawk nen ka u nen chuan Aizawl ah in luahin kan khawsa ve a, kan hlim ve thei lutuk " a nui sak a mahse a zat hmel loh takzet.






" Mite angin pawisa duh duh hun a hman tur kan neilo a ,eitur tui tak ei na kan nei ve lo mahse kanin hmangaih a tu chhugkua mah kan awt ngai biklo. Khatih lai a ka u thawhrim zia leh a hah theih zia kha ka mitthla ah a cham reng thin , mahse hreawm a tihloh thu min hrilh ziah. Tlai khat a chhuak alo haw leh chuan kan khaw lamah haw tur leh ka nutei bulah awm turin min hrilh a ,mahse ka lo hnial a a bulah ka awm duh thu ka sawi ve tang tang a ,nakinah ka lo hruai leh ang che tiin min tiam a mahse, a chanchin ka hriat leh hmasak berah chuan ka u chu kum 25 ngawt tang tur a a chungthu rel sak ania ,damdawi no 4 vangin. Ka kehchhe hneh kher asin, a chanchin ka hriat hnu ah kan turin jail ah ka kal fo a mahse in enkawl tha turin min la hrilh tang tang zel ,khati khawp a bawrchhawr leh chaklo zawk khan.Min ngaihtuah tiraw?" A zawhna chu chhang mai lo in ka lo bu nghat rigawt a.





" Kan hun tawn hi ka duhthusam nilo mahse ka rilru natna zawng zawng ka sawichhuak a , thiantha tak ka chhar bawk che a hun tha lo zawk zawk chu anilo in ka hria " tun hun hi malsawmna ang hial in a ngai thei chu ka fak takzet. Zan a rei telh telh a thawm a tam tulh tulh a,ramsa hlauhawm tawn fuh mawlh ka hlau a mahse Hriatpuii tih chiai ka duhloh vangin engmah ka sawichhuak duh lemlo a , sava leh rannung hram mak sak tak tak an tam bawk nen nghet deuh a inkai in kanin kuah chial a .






Zing a ka harh chuan khua alo eng uar tawh a, nizan kha chuan ka muthilh theih pawh ka ring lo kha nia mahse ka mutui phian mai. Ka pum chu a ri raih raih a ,ka ril a tam tawh lutuk tlat.Hriatpuii pawh chu tal sat satin a rawn harh zui a ,min hmuh rual chuan a nuisang a a hawikual nghal thuak thuak bawk a ."Bag kha an chhuhsak lo che law?" Tiin la zawt vat a ,kha chen kanin zui tawh a tunah chiah a bag te ah chu ka hmu a ." Umm pawisa leh phone ka pe tho a hei chu min chhuhsak miahlo mak tiraw?" Tiin min zawt let hlauh a ,ka lo nui ringawt a .







" Kal tawh ang " a tih chuan ka ding ve vat a mahse pan lam tur pawh ka hre chuang lo . Kawngpui kan pawh theihna tur lam ni a kan rin na lamah chuan kan kal dun ta rigawt a,a ngai te in hnunglam kan hawi leh sek tawh a thla amuang leh tawhlo hle mai. Kawngsir ah chuan eng thei emaw hi a lo rah sen tiar a ,a rah chu a te viau a chu rigawt pawh chuan ka chil a ti put thei.Ka lawh laite chuan hling alo ngah bawk nen ka kut chu a thip leh zawk thin a, hmanhmawh leh hlauhthawng chung a lo ka ni bawk nen ka thlauh leh thin a ,ka thin a rim hlur tawh.





Ka ban chin ka lawh zawh chuan Hriatpuii pek ve tumin a lam ka hawi thuai a mahse a kut khat tlat a lo keng in" ilo muang lutuk a " tiin min pek belh ta zawk a.Riltam tawngkhawng a ei ka ni bawk nen ka khamlo viau a mahse ei tur dang awm tawh heklo le ngawi reng chuan ka kal zui a,tha pawh ka nei tawhlo ka zawi tawh takzet ani. " Vivian" Hriatpuii'n min koh chuan ka ding dat a " tlan rawh" tih leh min nam a rual nghal a ,thil awmzia hrethiam nghalin theihtawp chhuahin ka tlanzui nghal a Hriatpuii pawh ka hnungah a rawn tlan zui bawk a .






Ka hawi let thuak chuan min rawn um tu te nen chuan kanin hlat lutuk tawhlo tih ka hmu thei a ,ka hlauthawng leh viau tawh. Hriatpuii te thawt thawm ka hriat chuan ka ding vat a , karei leh! Thisen maw? Hriatpuii chu a tlu hnawk a ,a mal atang chuan thisen a rawn luang nghal pap pap a ,a kekawr hak chu a rawng a lar bawk nen a thisen chu a lang chiang viau a , ka thu hniam nghal thuai a min um zuitu te reng reng ka ngaihtuah thei tawhlo. " Vivian tlan rawh" hetiang dinhmunah ka kalsan thei teuhlo mai.Ka rilru hria ni awm takin a bag chu min hmehbel chawt chawt a " Vivian tlan rawh,kei chuan damchhan tur ka neilo nang chuan chhungkua I nei , hmanhmawh rawh" min vin tuar tuar a ,a mitmeng chuan tlan tur a min duhzia a tilang hialin ka hria . " Ka mawhphurna min hlensak a ngai hmanhmawh ta che " ti in a au leh tuar a ,hreh tak chung chuan mahni hmasialin hmalam ka pan in ka tlan zui nghal a ,ka thiltih chuan min vilh ngut ngut bawk a .





Ka hawilet chuan Hriatpuii chu Jeroma khan alo thutchilh a ,mipa pakhat chuan min umzui bawk a theihtawp chhuah ve mahila ka thei ngang lo , Hriatpuii ka kalsan thei lo ang ka ngaihtuah vang a ka din rual chuan ka hnunglam atangin min rawn bawh tlu nghak tawp a ,kan tlan thui tawh bawk nen Hriatpuii te chuan kan thawm an hre pha tawh awm silo a ka thih ngei ka ring.Kei chauh nilo Hriatpuii phei kha chu Jeroma kutah khan a thi tawh zawk ngei ang , pialral ah tal in tawng leh ila aw .






" Zawngi,min va tihah teh hrep ve .. Ka duhtawkin nawmchen nan ka hmang che nga ka that ang che " tawngkam chhe pui pui chu a chhak chhuak zut zut a , theihtawp in sual let ve mahila ka hneh ngang lo a ka kawr chu a pawt thler kawk kawk a ,kalo tal ve chu ngaitheilo zetin min beng leh thuai zel a ka rilru a na takzet.Tih theih ka neihloh zia hria in ka tang buai peih tawhlo a Pathian pawh beisei ngaihna reng ka hre twhlo,ka thi ngei dawn anih hi rapthlak thei ang berin .




Silai puak thawm ka hriat rual chuan ka chung a mipa chu ka awmah a rawn bawk nghal thlawp a , tihngaihna hrelo leh hlauthawng zet a ka hawichhuah chuan mipa pakhat hian min rawn pan hlawk hlawk a ,ka tim sung sung thei helai ramhnuai ah hian tumah ka ring theilo .Min man tu te zing a mi kha ani lo tih ka hria heng lai hmum daih daih a mahni chauh a lo awm chu mihring pawh va ni suh.




" Nula I tha em?" Min bia nia mawle ! Chhan pawh chhang lo chuan ka en mawl tawp a. " A ti na che em?" A tawng leh sup chuan " aaa..awww ka tha" ka ti bah nawk nawk a .








End of chapter : 2


Show post links
Top

[Ngaia]

CHAPTER : 3






Chu palian zet chu ka en a, he mipa pawh hi ka ring thei dawn em ni? Silai a a kah pa lah chu thisen nen a in chiahpiah nuai a,a ka atangin thisen a baw leh hawk hawk thin a a thi nge a dam pawh ka hrethiam hauhlo.Chutiang dinhmun a a ding chung chuan ka khawngaih hauhlo mahse rapthlak ka ti takzet. " Midang an la awm em?" Min biak leh takah chuan tim deuh takin ka en a, " umm" tih pahin ka lu ka bu nghat a .




" Nih chuan kan hmanhmawh a ngai ania" ti vutin a in her zui nghal a , enge a sawi kha amah zui turin min sawm tihna emaw ni le? .Dik tak chuan ka zui hreh a he mipa hi ka tan a mi hlauhawm tak lo ni ta se,ramhnuai pil ril chhantu tur ka neilohna hmunah hian min that in ka ruang hi a dah bo zui duh mai lo ang maw ? Min man tu te zing a mi anilo tih ka hrechiang a chu chuan ka awm a ti nuam deuh mahse ,heng lai ramhnuai a chet tla thin a nih ngat chuan ka tan mi tha anih ka beisei ngam teuhlo mai.





" Min zui dawn em?" He mipa hi zui duhlo ta ila ka chantur ka hrechiang.Hriatpuii zawng turin let leh ta ila Jeroma khan min that ve ngei ang , he mipa zui lo hian let leh thlang ngat ila chuan lu zuar nen enge kan danglamna awm ang? .Ka beiseina neih chhun chu chhem alh ve fan fan in ka hma a mipa chu ka pan ta a ,ka thlangsual a nih chuan ka tawpna tur ani tawh ngei ang.A harsa zawngin engmah ka ngaihtuah tur anilo ,he mipa vang hian ka damkhaw chhuak ang chu rin na ka neih tlat chhan chu ka hrethiam lo.







Ni a sa bawk nen ka riltam leh tui hal lutuk chu kal pawh ka kal tha thei tawhlo , ka hma a mipa chuan min kalsan daih hlauhin ka um ve tang tang a mahse a harsa lam hret ani.Thui fe kan kal hnu chuan kawrte kan thleng nawlh a tui pawh a luang,tui luang ri leh a boruak dai sawng sawng ka hriatrual chuan ka hahdam huai in ka hria .Ka ngaihtuahna ah Hriatpuii alo lang zawk a ,a mal atang a thisen luang zaih zaih chung a tlan tur a min hrilh tawk tawk lai te ,damkhaw chhuak tur a min duhzia ka hria mahse chu chuan min ti na vawng vawng mai .Ka hmelhriat ngai leh ka thian pawh nilo nimin mai a ka tawn vawin a ka chan leh tak ka thiannu khan ka tan a nun a hlan ani.






Tui chu ka in zui khawlh khawlh a ka hmai pawh ka phih nghal bawk a , ka bul a mipa pawh chu a in sil ve ni in ka hria ka en chiang ngamlo. He hmunah te hian he pa nilo hian Hriatpuii nen zawk ni thei ila, tuihal leh riltam tak a kan tlanchhiat lai te ,kan dam dun theih nan khan theihtawp kan chhuah dun ve asin.He hmunah hian Hriatpuii kha awm ve se chuan tui te hi in ve in a hahdam ve sawt ngei ang , keimah ang chiah khan .Riltam leh tui hal em em in ni sen sa hnuai ah a nun humhim turin a bei a mahse khang ho mihring pawh nilo ramhnuai ho khan hriatthiam sak duhlo in a nun na an laksak lui anih kha . He hmun atang hian ka damkhaw chhuak anih chuan khang ramhuai pathum te kha keimah ngei hian ka that vek ang , Hriatpuii chung a an tih ang chiah hian .An thlah te leh an thlahtu te thleng pawn ka ngaidam ngailo ang.






" Kan kal dawn mi?" Tih ri ka hriat chuan ka tho vat a,minlo en reng tih ka hriat chuan ka zam leh deuh a ka kawr lah chu a tet deuh hnuang bawk sia ,hreawm ka ti ngawih ngawih.Kawr chu kan zawh chho zel a tui chu a luang reng na in a tam lo thung a ,rin ai tak chuan ka kal thei . Kham ko deuhah chuan ka hma a mipa chu a lawn kai zui a ,buaina ka nei ta tlat kham ko chu a sang hranlo mahse kei hmeichhia zawng lai a nep ber mai hian engtin nge ka lawnkai ve tak ang? .Tum chhin chu a thiang a lom ti a infuih sauh sauhin ka lawn zui ve ta a mahse a har takzet, ka kut chuan in vawnna tur ka dap ruai a ka ke pawh a kham takzet ka tlak ka hlau bawk nen ka rilru chu a mangang ani.





" Ka kut hi vuan rawh" tiin a kut a rawn phar chhuak a rang takin ka lo vuan zui a ,a tha pek ana bawk nen harsa lo tak chuan min kai chho zui a ka thaw huai mai... Awii karei! Kham ko ka lawnchhuak chiah chu ka hawikual ruai mai chu lai hmun chu a nuam takzet.A kal a harsat tehlul nen a hmun chu duhthusam ani ,a zawl duai a a boruak a thiang nuam em em a a hnim hauhlo bawk mahse tuman an tlawhpawh ka ring lo ,mihring emaw thildang engpawh chet tlatna hnu hma hmuh tur a awmloh danah.






Ka kalpui pa thut thlak rual chuan ka thu ve vat a a dai nuam em em lenghal. A bag ah chu a hawng zui mual mual a a bag atang chuan oreo biscuit pack hnih hi rawn la chhuakin min pe zui a ,ka riltam tawh lutuk chuan ka chil ka lem khawlh mai. " Ei rawh," a tih chuan zah pawh ka sawi theilo ka hawng zui rak rak a , pakhat chu la in ka ei zui nghal a . Lilyin biscuit a ngaina a thingpui hmeh ah a hmang fo a ,ei ve tur a min tih chang apiangin " a ai a tui ei tur a tam emai" ka lo ti liam puat zel a , chuti tak a biscuit mai mai pawh ka thlahlel chuan ka rilru a ti na takzet .Lily ka ngai takzet bawk ani pawn min ngai viau ang ,ka haw tur thu a hriat pawh khan a hlim viau anih kha.






" Hei hi in rawh" tih pahin frooti min rawn pe leh a chu te hlei hlei chuan ka lung a ti chhe zual ,kan inah chuan ei leh intur tui ber ber chi duh thlan tur tam tak a awm a ka duhtui viau thin bawk anih kha.Frooti te kha chu in en ah pawh ka en ngailo kha nia mahse tunah chuan ka tan chuan hei tluk a hlu hi a awm kherlo ang.Ka harh zawk a ka bul a mi chuan a ei ve lo reng reng ,minlo en char char a ka chezia chu a mawilo hle mai ." Ei ve rawh" tim dai a ka tih chuan a lu a thing mai a mahse a ril a tam ve dawn tih ka hria ,in ti huaisen lui in " ei ve rawh ,i ril a tam ang " tih pahin biscuit pakhat chu a ka zawnah ka lek vah a engmah sawi tawhlo chuan a ei zui ve mai a, frooti ka intir leh lai pawh chuan engmah sawilo in min en char char a .






He mipa nen hian straw pakhat kanin hman tawm anih chu ! ..Ka tenchiat na zawng zawng chu a bo duak ni maiin ka hria , he ramhnuai ah hian in ngaihlu thei ka awmlo em ani ,ka pum puarna tur takngial pawh ka in ngaihtuah theih loh lai a lo in lak strict vel kha mi pangai tan chuan thil tih chi pawh ni nghal lo chuan.





" Tunge i hming" a zawhna chu tha deuhin ka chhang ve mai a ." Viviani" ka hming lam chuan a phun zui sup a , " engtin nge ka koh ve ang che " ka tih chuan " Marcus" a ti hmuk a ,engmah sawi zui tawhlo chuan a ngawi daih a biak zawm leh pawh a chakawm tawhloh .A ngaihnat awm viau dawn emaw ka lo ti hman a mahse ka ringsual nghal der ni in ka hria.





" Kan kal dawn mi?" A tih chuan hreh ru deuhin ka tho a , helai hmun nuam leh hahdam zet chu kalsan ka hreh ru riau a mahse helai hmun ah hian awm reng thei hekloh le kanin zui leh hnak hnak a . Kawngsir a thei rah chu a lo leh zauh thin a kei chuan lawh tur ka hmu ve lo reng reng.Khua pawh a chawhnu leh deuh ruih tawh a,ka ril a tam lutuk tawhlo bawk nen ka chau chhe hranlo.Kawng a kan kal laklawh lai chuan ding datin a rawn in her a " I kut dawh teh" a tih chuan ka lo dawh vat a , " thei rah sen Hriatpuii nen a kan ei ang ngei mai kha ka ka kutah a rawn bun rui a ,ka kutah chuan a khat hneh viau mai.






" Tiang thei hi a tui lutuk " ka lo tih hluai chuan min en zawkin " I ei tawh ami?" A ti sup a , " umm ka thiannu nen " tiin ka lo chhang vat a , Hriatpuii ka ngai nghal veng veng mai. " Kan naupan laiin ka nau nen pawh kan lo thin" tiin za lo tih hriat takin a nui ro hawk a ,a chezia chu mak tiin ka lo en reng a chutiang thil min hrilh chuan min ti hamhaih bawk.Ka hamhaih hmel a hmuh chuan in her vutin a kal zui nghal a ,a hnungah chuan ka zui ve nghal a " eng thei nge i hria em" a tih chuan " ai " kalo ti vat a " siali nu hmm a nih kha" a nuichhuah hawk rual chuan " eng a ,a hming a van mak em em " ka ti hluai a a ai uar chuan a nui zui bawk a .







Hnim pik deuh kan tawn leh zauh thin avang chuan ka hmai leh ban vel te chu a thip hlur tawh a,Marcus ve chu hreawm ti ang pawhin a awmlo.Hriatpuii bag te kha ka la ak ve zel bawk nen ,ka talbuai chu ka pai leh khat thin a mahse Marcus chuan minlo puih thuai zel a kanin hmuh tirh ai daih kha chuan min ngaina ve tawh ni in ka hria . Keipawn a bul a awm chu hreawm tihna ka nei tawh miahlo a,misual a nih ka ring chhin eih tawhlo bawk.









End of chapter : 3


Link:
BBcode:
HTML:
Top

[Ngaia]

CHAPTER : 4






Khua a thim ruai tawh a kawng pangai ani lo bawk nen kal chu a har viau tawh a ,chuti chung chuan kan lui ve zel a .Thui pawh kan kal leh hma chuan " tah hian chawl ang" Marcus chuan a tih vangin kan thu dun leh rih a , khua a thim tawh bawk nen ka awm chu a nuam chiah lo. "Tah hian kan riah mai a ngai nih hi" a tih chuan a mah chu ka en vat a " kal char char zawk ila muhil lo in ,in kan thlen hunah kan mu mai dawn alom" ka lo ti vat a.He lai hmun ah hian kan pahnih chauh a riah ka duh teuhlo mai, khawthim karah pawh kal zel a in thlen vat chu ka duh ber ani.





" Vivian, ngaithla rwwh.. Zanah chuan kal zelna chi a nilo ,hahdam phawt kan mamawh.Kawng kan bo tih hria la Aizawl chu kan hlat viau in ka ring,mahse hlauthawng suh i damkhaw chhuak ngei ngei ang" a thilsawi chuan ka bei a van tidawng tak . Engtik ah nge he ramhnuai chhuahsan hian ka chhungkaw bulah hlim takin ka nuih leh ang le?.



" Lo kal hnai rawh" a tih chuan a bul chetah ka thu zui a, a mah hlat a awm kha chu ka thlamuang thlawtlo ani. Hnaih hreh bawk si hlat ngam chuang bawk silo dinhmun laklawh deuh chuan ka thu ngawi ran a ,rannung hram ri mai mai te chuan min ti phu leh dawr zel." Hahdam tum rawh ,hlauh tur a awm lo nia tumah pawn an umzui tawhloh che hi" a ti ve sup a min hnem a tumna ani tih ka hria .




" I hlau em?" Ka tih chuan " ai" tih zawngin min chhang a , mahse ka awm a nawm phah deuh huai mai." I hlau ami?" A tih chuan ka hlauh thu sawi mai ka duh a mahse a tan harsatna thlen tu nih ka hlau ,a mah vang chauh a la dam ka ni tih ka hrechiang bawk." Hlau lo e , mahse maw ka thiannu nen chauh kan awm khan thawm mak deuh deuh a tam lutuk a" tiin ka hrilh zui duah a ." Enge I sawi awmzia? Khawge I thiannu chu? Min zawt let vat a .Sumo kan chuan atang a thil thlen dan ka sawi chuan a ngaithla uluk viauin ka hria, Hriatpuii nen a kan inthen hran dan ka sawi lai chuan ka mitthla ah Hriatpuii lo langin ka mittui a hnam tiam tiam a ,insum theilo in tap zui a .





" Ka thiannu rual khan lo thi ve daih zawk ila tha tur ania. Thildang dang ka ngaihtuah kual zel a ,ka nu leh pa kan chhugkua ka unau nu neihchhun Lily ka ngai takzet. Ka ngaihtuahna kal thui lutuk a vang chuan in sum thei leklo in ka tap zui a , Marcus chuan engmah sawilo in a awmah min bei tirin min kuah zui a ,a zetdan chu mak ka ti mahse ka thlamuan phah viau lawi a ." Lily chuan min ngai viau ang ,zanah pawh ka tello chuan a mu tha theilo a. Lilyin hreawm ti hmel tur ka ngaihtuah a ka rilru hi a na takzet, Marcus awmah chuan bei in ka in sut zui hlawp hlawp a.Ani chuan engmah sawilo in min kuah nghet sauh sauh a , ka samah chuan a chul hliau hliau a ka chhip zawnah chuan athaw lum leh hak thin a , tawngkamin min hnem thiam lo mahse a chezia chuan thlamuan na nasa tak min pe thung a.




Sava leh rannung hram nauh nauh thawmah chuan ka harh zawk a , ka hawikual ruai bawk a Marcus awmah bei chungin tui takin kalo muhil daih a nih dawn hi. Marcus muhil hmel chu ka en reng a, a hmui hmul leh khabe hmul chuan a ti lang upa deuh a mahse en chian chuan a hmel chu a tha lutuk.Engtin nge maw a hmeltha zet hi ka lo hmuh kan daih theih chu le? A hmai a pem leh hliam thenkhatte chuan a tilang pa lehzual in ka hria .Ka en reng lai chuan a rawn meng chhuak zawk a, kanin melh chiang dun lutuk chu a lai ve deuhin ka hria, ka hmuhsual pawh ani maithei.





Hawihhawm chhuahin a mutui em tih ka zawt a , a muttui thu a sawi ve mai bawk a ." Nang chu i mutui tiraw?" A tih chuan kalo bu nghat a , " aniang i hnar ring emai" a ti hmuk a ." Fiamthu i thawh ve mi?" Ka ti he haw a, chek tlak pah hian " kal tawh ang" a ti hmuk a a kal zui a .Ka zui ve chuan a ding leh ang lawi a , zawhna mitmeng a ka melh chuan " kal hmasa rawh,i hnungah ka lo kal ang" tiin min nam kal nghal dat dat a ,a mak lutuk hepa hi ka ngaina ru riau anih chu.




Nimin lam a kan kalna ang em em kha chuan kal a hreawm hran lo a ,kan kal sawt viau a mahse ka riltam bawk chu ka buaina ani.Ka riltam thu ka sawi ngam teuh silo te chu a hreawm hlei hlei. Ni sa lutuk chuan ka luak a tichhuak leh bur tawh a,ka tha te pawh a thum leh zo tawh.



Daihhlim kan thlen chuan dingin thaw ka la vang vang a , ka bul a Marcus a rawn faifuk rual chuan thli fim in min rawn chhem zui ham ham a , mak ti deuh a Marcus ka melh chuan" faifukin thli ka kohsak che anih kha" a ti mauh mai. " Tah hian thu ang " a tih chuan ka thu vat a ,ka chau tawh em ani. Ka bulah chuan thu zui ve nghal in a bag chu a hai zawm nghal mual mual a ,a thil ah chu a bun rui a silai te , lighter leh thildang pawh a ak nual a mahse chu zawng ai chuan oreo biscuit cheng 10 man lek chuan ka mit a la fe zawk.





Ka thil ngaihtuah chu hria ni awm takin biscuit chu ka lamah a rwwn theh phei a ,ka lo chhar vat a . Biscuit ka ei rual chuan ka riltam zia ka hrechiang lehzual, hnuk ulh ru teuh chung chuan ka ei mial mial a.Ka biscuit ei lai Marcus ka va barh ve chuan alo ei ve mai bawk a ,ani pawh hi a ril atam viau ang.." I chau em?" A tih chuan ka chauhloh thu ka sawi a min ngaihtuah ve takzet in ka hria .





" Min man tu te khan tinge min zui tawhloh le?" Ti a ka zawh chuan min en vung vungin ," min zui tho maithei" a ti sup a ka thla a ti muang lo lehvek tawh." Jail tang tlanchhuak i hlau em" a zawhna teh daih chu a , min tih thaih a tum emaw ni . " Engtin nge Jail tang tlanchhuak an awm tih i hriat" ka tih chuan min melh ngur in, "Marcus Hmingduhawma i hria em , Central Jail atang a tlanchhuak" a sawi zawh hma chuan ka ban kalo vai thuak a ,ka lung a phu zaih zaih mai .Jail atang a tlanchhuak ani tih min hrilh a tum em ni?.




" I ni theilo ang?" Ka tih chuan a rum hawk a , " min hlau em?" A tih chuan ka melh tlawk tlawk a , hlauhna ka nei miahlo chu mak ka ti , hlauh a hnekin ka khawngaih a chu chuan keimah ah sawithiam siloh hian danglamna nasa tak min thlen ani.Kei hian reilote chauh ka la hriat mipa hi ka ngaizawng tan tihna emaw ni?. Ka tan theihtawp in that a chhuah a , a mah vang chauh a tun thleng a la dam ka ni bawk. Pawi khawih vang a Jail tang chu a ni meuh mai,mahse ka tan chuan a sual lo asin.




Mizo mipui te hlauh tur zawngin Jail atang a tlanchhuak a mahse tumah a ti ralkhel lo, a mahin a damkhaw chhuah theih nan helai ramhnuai ah hian theihtawp a chhuah ve mai chauh ani .A duh chuan khawchhung ah lutin pawi nasa zawk a khawih theih ,mahse chutiang a ti lo chuan helai hmunah mahni chauhin a nunna atan a bei ve tawk tawk a , bakah Jail atang a tlanchhuak duh tur khawp a siamtu tha tak a nei a ni ngei ang.





" Ka ti na dawnlo che,him dam takin in ah I haw ang" a tih leh chuan amah chu ka en reng a , " engtin nge I awm ve ang" ka tih chuan a chil a lem khalh a ,a hrawk bawk che ralh thleng chuan ka hmu vek. " Ka farnu in min nghak a " a ti sup a ,a farnu a hmangaih zia chu a mitmeng ah a lang vek thei hialin ka hria . " He hmun atang a kan haw hnu hian kanin hmu leh thin a ngem?" Chu zawhna chu engvang a zawt ngawt nge ka nih pawh ka hrelo. " Ka hrelo" tih zawngin min chhang a ,a mitmeng atang chuan a hrelo tak tak tih pawh a chiang reng.





Chutia inthlahna thu kan sawi nghal ti tih chuan ka awm a tinuamlo , a mah kalsan ka hreh a hmu twhlo tur ang a ka ngaihtuah chuan ka phal thei tlat lo nia mawle. " Kawng hi kan zawh chho zel ang a , kawngpui kan chhuah theih ka ring.Kawngpui kan thlen chuan i tan chuan in a haw a harsa tawh lo ang" ti in min hrilh zui a .Kei hi in ah him dam takin thleng ila ani hi engtin nge a awm ve ang? ." Kal kal dun zel dawn lo ami?" Ka tih leh chuan a rum deuh hawk a, " ka nihna I hriat tawh kha,nang nen chuan kan danglam " a ngawi zui leh daih a.





" Hei leh chen kan kal dun tawh a , i him ngei ani tih ka hriatloh chuan engtin nge thlamuang deuhin ka awm theih ang?" Ka tih chuan a nui suk a ." Min ngaihtuah em ni?" A ti daih a , " umm" ka tih chuan min nuih suk a ka lo enchiang bawk nen a hmeltha leh kher mai. " Min ngaihtuah suh ka in humhim thei em em ang ,mipa ka nia lawm" a sawi zawh hma chuan " engtin nge himdam takin i farnu bul i thleng tih ka hriat ang" ka ti zui hram a , " hmu tur che in kalo kal dawn nia " a thilsawi chuan min deng dawt in ka hria , feelings mak tak ka neih phah bawk.He mipa hi ka ngaina a , ka duh takzet tawh a dinhmun leh a nihna ka hria a mahse chu thil pawh chuan a lak atangin min la hrang thei hauhlo nia.






" Min lo tlawh ngei ngei ang che, zarkawt ah Kan awm a ka pa chu Lalsanglura Sailo " min melh deuh ngur a , " Sailo enterprises nei tu kha" ka tih leh chuan a meng rum sawt in ka hria . " Vivian Malsawmzuali" .


" Umm, aw aaa engtin nge ka hmingpum I hriat?" Min chhang twhlo in a tho zui daih a , engtin nge ka hmingpum kha a hriat theih zawk le ?. " Kal ang " ti hmukin a kal zui nghal a ,tho chhuak vatin ka zui ve nghal a ka biak pawh chuan a rul bakin min chhang tawh lo.A mizia danglam thut thut thin hi engvang nge pawh ka hrethiam lo .





Kan kal rei deuh hnu chuan van lam en pah hian " khua a dur anih hi" a ti sup a , ka en ve chuan alo dur khuih tak tak a ruah a sur chu ka hlau viau mai . Chutia kan din dun lai a thawm danglam ka hriat chuan ka phu zawk a , Marcus chu phu ve ang pawn a awm lo .


Show post links
Top

[Ngaia]

CHAPTER : 5





Thawm chu ka ngaihthla chiang deuh a ,sava emaw rannung hram thawm ni in ka hria." Lo awm lawk rawh" tih leh Marcus chu kalsawn a rual a, hnial hmanna hun pawh a awmlo hrim hrim .Marcus kalsawn lai chuan hlauhthawng deuh takin ka awm ngaiin ka awm reng a , harsatna enge maw tawkin a lo let twhlo ang tih mawlh chu ka hlau ani.



Thawm a rawn neih takah chuan ka hawi vat a,sava lian angreng tak hi a rawn khai va a min hmuh rualin a nui suk bawk a , a nui hmel leh chezia ah hian zep rual loh in ka tuiral mek zel in ka hria . " Ka bag ah hian chemte lo zawng la " a tih chuan ka che zui ve mai a ,chemte lian vaklo chu ka hmu ve mai bawk a. Sava chu a hmul a pawt zui mawlh mawlh a kei in a che vel chu ka lo thlir reng a , " hetiang ho hi jail atang a i ruk chhuah ami" ka tih chuan hriatthiam loh hmel deuhin min melh a , " aa ihh,chemte te, silai te thildang pawh hi" ka tih chuan min la melh ngur a " engmah ka ru ngailo" a ti hmuk a , ka thinlung min ruksak mek tih mai chu ka nap rum rum.





" Nih leh jail ah hetiang hi ken luh an phal ami?" Ka tih chuan a nui chhuak hawk hawk a , " ka thianpa hnen atang a ka neih anih hi" tiin min hrilh zui a ,ka ngaihtuahna mawl mang lutuk chu keipawh ka nuih a za ve tho. Hriat belh zel ka duh a mahse zawhna zawh teuh kha a dik in ka hre silo a ka ngawi zui ta zawk a . " Kan bul hnai vel a thing chu a la khawm zung zung a reilo ah chuan mei chhemin sava chu a hem zui a,a che vel chu kalo thlir reng a kan mit a in tawng fuh leh zauh thin a ka mit ah tak chuan min en rei ngam biklo ni in ka hria .






A bul a ka thut hnaih rual chuan a thil hem hmin sa chu minlo pe vat a , " a lawng chuan lem a har deuh mai thei ania, chip deuhin thial rawh aw" tiin min hrilh zui a . Thil kan ei dun mawlh mawlh lai chuan min en leh vung vung zel a ka awm a tinuamlo lek lek , " i hmeltha ka ti" a rawn ti deuh tawl a a sawidan teh tawp chuan min ti hamhaih a chhan mai dantur pawh ka hrelo. " Ka lawm e " ka tih chuan a kiai suk duh chauh a , hmeltha ka tihzia ka hrilh ve tawp mai dawn maw ni? Zaktheilo min ti ngawt ang.






Thil kan ei zawh chuan kan puar tawh bawk a kan kal zui leh a , Marcus kiangah chuan ka thla a muang em a kan thil tum ber pawh ka lo hrechang lo leh thin .Hetiang dinhmun a mipa ka duhzawng ngawt lo ngaihtuah chu a dik ber lo tih ka hria mahse ka hmuh phak ah ka ban phak mai ah a awm a , a awm nghengin tui takin ka muhil bawk a ngaihtuah loh chu har ve tak ani.




Khua a dur telh telh a ruah a sur chu ka hlau takzet, ka ngaihtuahna hria ni awm takin " vawinah chuan a sur lo ang" a ti sup a ." Kawngpui kan pawh tep tawh a ngem?" Ka tih chuan min en zawk a , " zeploh chuan ai" a ti leh hmuk a , ramhnuai pil ril a zan riah leh chu ka hreh ngawih ngawih tawh ani.




Chutia kan inbial mawlh mawlh lai chuan tlang kawngah kan chhuak hlawl mai , " aa hei kawng" ka ti hluai a a lo nui ve suk mai. Kawng chu a zau hranlo a mihring kalna tawk chang chang vel chauh ani a ,a hnim hran lo na in a fai em em lo bawk a mihring kal kawng ani tih chu a hriat theih a mahse an kal khat deuh ka ring. " Chul kawng a nih dawn hi, zawh chho zel ila kawngpui pawh a hla tawh lo ang ka ring" a tih chuan ka phur zual sauh a ,ka kal chak sauh sauh bawk.





Rilru hmanhmawh viau mahse duh angin hma kan sawn chak theilo a , dar zat en tum a ka sana ka bih chuan ka sana chu a kal tawh miahlo tunah chuan dar zat en na tur takngial pawh kan nei ta lo. Ka ke hnuai te chu a na in a kham thum tawh a ,ka tui pawh a hal leh viau tawh ." Kan chawl dawn mi?" A tih pawh chuan thahnem ngai deuh a kal tang tang ka la thlang ve fan a mahse ka chau tawh lutuk.





Kawng chho zet kan kal chhuah chuan kawng chu a chhuk leh put a ,chauh bawk nen ka kal peih twhlo lutuk chu ka ding hmak a ngawi rengin ka thaw ham ham a . " Kal vat vat rawh,khu lai ruamah khuan tui a awm ka ring" a tih pawh chuan phurna reng reng nei twhlo in ka tum zui hmuk a ,chet sawn tumna pawh ka nei tawhlo ka tha a zo vek tawh. Ka inrin loh lai chuan ka kang lawp a , ka te that rual chuan a nui ri suk a " min dah thla rawh , kawng a chhuk si kan lum ang" tiin ka rak chul a .Ka thusawi hrelo ang hmak chuan min pawm kang reng chung chuan a kal zui mawp mawp a , tan pawh ka tang buai peih tawh lo.




Kawr ruam kan hnaih chuan boruak a dai duk a, hepa hian a sawi dik tak tak tui luang ri pawh ka hre zawm nghal zat. Min dinpui rual chuan rang lutukin ka tal thla nghal a ,ka tui hal lutuk chuan tui chu ka in zui nghal khawlh khawlh a . Tui in a ka kun mek lai chuan Marcus chuan tui in min rawn theh thawt a, thinrim deuh a ka hawi chhuah chuan a lo nui suk a infiam a duh anih ringin tui chuan ka theh zui ve zat a . Naupang chhia zetin tui chuan kanin theh rak chel chul a kan thawmhnaw pawh a huh hneh viau tawh.





" Hei lo en teh" a tih chuan rang deuhin ka pan thuai a ka en ve chuan chakai te tak te hi a hmawlh hian a lo hawlh bet ran a , chutiang tiat lek chakai chu ka la hmu ngailo reng reng." Man ta che " ka tih chuan " aaa " a ti deuh sup a , " e he Marcus" ka tih hluai chuan phawk fe hian min en a " chakai khawrh ang" ka tih chuan " ka duh teuhlo mai" a ti hluk a , " mawhh" ka tih leh chuan " ka man ngamlo" a ti hlur a , " van pa lo tak" ka tih leh hram chuan min melh rum nasa mai .




In her pah a kalsawn mai ka tum chuan ka ke chhep sualin ka sir a tui lo inkhuap ah chuan ka tlu lut nghal bawr a , Marcus chuan rang deuhin min rawn kaitho zui a ka sam pawh a huh vek .Ka tlu chiang bawk nen tui pawh ka lem nual mai, ka sam ah tuai thuak in min dinpui zui a a chezia ngawi reng a kalo en mawl tawp lai chuan ka biang ah a rawn fawp zeuh a .A chetdan chu mak ka ti a mahse ka thinrim a rim miahlo nia , a chetdan vang chuan a in thiamloh a ni ngei ang " kal tawh ang" tiin a kalsawn zui daih a , kan piah deuh a ka bag ka dah chu la in ka umzui ve nghal vat a.




Kawng chu a chho leh tawh viau a mahse kawi kan chhuak chho leh chiah chu mi lo ni awm tak hi kan chuang chhuak hlawl mai. Ka thlir chhauh chuan thlam pawh alo awm va bawk a ,mak tih hmel deuh a Marcus ka melh chuan " chul an la rauhsan loh ani ang, thlam ah khian chho ang aw" a tih lai chuan " mahse midang lo awm ta se" ka ti vat a ." An awm ka ringlo,chul ah chuan an riak tawh ngailo .Thlai leh bungrua enge maw la chuan an la kal ve zauh thin a,bakah lo awm pawh ni se an sual lo ang" a ti sam et a mahse kei chuan Marcus nihna leh a dinhmun derthawn zia ka hrechiang a ka thla a muang lo ani.





Thlam lam pan a kan kal lai chuan tawng pawh ka tawng ngam tawhlo a,enge kan hmachhawn ang tih ngaihtuah reng reng chuan ka rilru a buai a ka hlauthawng ani. Thlam kawt kan thlen chuan kawngka chu a lo in khar thap a , vanneih thlak takin tumah an awmlo bawk . Thlam chhung a kan luh chuan ka hawi kual thuak a ,chhuar an siam ah chuan bel ung ve tawh tak pakhat leh thleng vel chu alo awm nuai a, a hnawk angreng.Kil khatah chuan puan hlap ti ila puan kawp pahnih vel hi alo awm bawk a ,chu pawh chu thleh that pawh nilo hian a in vawm hlawm deuh tawp a .Tap vel chu an siam tha viau thung a ,rap ah chuan thing tlem a zawng a awm bawk.





Chhuat ah chuan ka thu thla vat a , Marcus pawh chu ka bul chetah a rawn thu zui a . " Lo awm lawk rawh,ka reilo ang" tiin a tho vut a ,hnial hman hauhloh in a chhuak zui leh daih a . Mahni chauh a ka awm chiah chu ka hawi kual leh hrek hrek tawh a, rilru tih thawven nan tiin Hriatpuii bag min pek kha ka hawng a min pek tirh atang khan ka la hawng miahlo a ,a chhung ah chuan enge awm pawh ka hre lo.





A chhung ah chuan lehkhabu te kutphah tiat vel lek tur hi a lo awm a , ka la chhuak vat a . Thildang ka phawrh chhuah leh chuan ka nuih a za viau a ,nail cutter leh tooth pick tih angreng a lo awm nual a . Lehkhabu te ka lak kan rual chuan a kar atang hian enge maw ni a rawn tla chhuak a , ka en chian chuan thlalak te vel ren rawn hi alo ni a , tu te nge an nih ka en chian chuan mak ka ti hle mai. " Marcus leh Hriatpuii inkuah chial a an nui dun lai thlalak ka hmuh chuan ka sa pup pup mai, an lang naupang deuh a hlim hmel pu sangin an nui dun a an hmeltha dun reuh lutuk.





Hriatpuii leh Marcus hi an inkawp thin em ni? Chutiang a ni thei dawn mi le ? Ka ngaihtuah chian chuan Hriatpuii thusawi kha ka hrechhuak a , hlauhthawnna in min rawn manin ka khur chhuak thei hialin ka hria .Ka ngaihtuah dan hi a dik chiah in ka ring , Hriatpuii hi Marcus farnu neihchhun a damchhan leh a engkim chu ani. Marcus thawm ka hriat rual chuan ka thil ken lai chu bag ah ka thun leh nghal rawk rawk a .




Marcus chuan bawkbawn rah leh eng eng emaw hi a kawr ah a rawn fun lut rui a,engmah sawilo chuan mei chhem zuiin ei tur a siam zui mawlh mawlh a, pawn ah bur chuan tui a lo chawi pah a ni ngei ngei ang.Tlai rah te chu chanin a buai viau a keipawh ka ngaihtuahna kawmin ka buai viau a ," Marcus i unaunu kha tunge a hming" ka tih chuan phur hmel zet a min en in " Hriatpuii" min chhan na vang chuan ka lungphu a chawl lo chauh , ka tha te chu a khur ru der der mai.





Danglamna awm hauhlo in Marcus chuan min be leh sup thin a kei chu ka lo phu leh dawr zel a ,ka awmdan vang chuan Marcus pawh a ngaih a tha chiah tawhlo in ka hria .In thunun ka duh a mahse a harsa takzet, Marcus hian hre ta se kei hi min chhanhim a duh tawhin ka ringlo.





Marcus ka en chuan minlo melh ngur a " enge I ngaihtuah" a ti hmuk a , chhan vak ngaihna pawh hrelo chuan ka riat nawi kual vel a a mah hnungchhawn zawng chuan ka in her ta rigawt a . " Vivian" min ko thawm ka hriat chuan a mah chu ka en vat a ,ka hma ah chuan lo thu hniam in " I tha em?" A ti sup a ka buk nghat rual chuan a thaw hawk a . " Ka chetdan vang khan i lungawilo ami?" A tih leh chuan tah vak vak ka chak ,engtin nge ka hrilhfiah ang ?.





" Ka ti lawmlo che anih chuan min hrethiam dawn nia" , a tih lai a min melh dan chu ka hrethiam lo. " Ka thinrim hleinem " ka ti chhuak thei hram a , min la melh ngur chung chuan " i thinrimlo maw " a ti leh ngat a " umm" . Ka biang ah rawn vuanin kanin hnaih viau tawh a ,a tawng zawng a a thaw lum ham ham pawh ka hrethei. " Ka khawih che hian i thinrim lo maw, i biang a ka fawh vang khan min haw lo tiraw" chhan mai ngaihna pawh ka hre tawhlo. Ka en reng lai chuan min hnaih sauh in muangchangin a rawn Kun hniam a ,ka hmuiah dim te in a rawn fawp zui a dan tumna ka neilo.





Nui sukin a in la hrang leh thuai a, mahse ka insum thei ngang lo chuan a nghawng ah kuahin ka fawp zui hmiah a ,ka chetdan a hriat rual chuan duhthawh leh uar fahran hian min rawn fawp nghal bawrh bawrh a ,min thlahlel leh min mamawh ngawih ngawih hi a ang ka ti ber . Min fawh dan chu thlakin a lei tih chet dan leh hman tangkai dan chu a hre kher mai, in fawh chu a zei takzet. Kan duhthawh dun bawk nen kanin lak hran rual chuan ka ruak nghal huaiin ka hria , tawngkamin sawilo mahse he mipa hian ka feelings ang tho hi a nei tih ka hre thei.





A thilsiam chu tui ti deuhin ka ei a ka rin ai daih chuan ei siam a thiam a ,a hun leh a hmunin zir phei se chuan eirawngbawl thiam tak ani ngei ngei ang. Ka thil ei laite chuan lungawi hmel fe hian min en leh vung vung zel a ,kei kalo lai chhe thei em em thung a ka zak tih a hriat chuan min nuih ve leh thul kan pahnih chauh pawh chuan kan hlim ani.




" Khua a dur a a vawt I ti ang" tih pahin a kawrchung hak lai chu min haktir sawk sawk a,ka hnial viau pawh a ngaithla duh der lo. Min ngaihsak zia ka hmuh chuan ka lung a chhe dawn dawn a , hetiang mipa ka tawng hi ka vannei ka ti ni.





Zanah chuan khua a vawt deuh vur a , ruah pawh a sur ka ring. Puan pahnih chauh a awm avang chuan loh theihlohin kan mu dun a , inthlahrung viau mahila ka thlamuang heklo Marcus chu nghet deuhin ka kuah bet tlat a ,engmah sawi tawh biklo chuan duat deuhin min kuah zui ta hle hle a , a lungphu ri dup dup chu ka ngaithla a he lung hi ka tan chauh phu se ka duh ani.






Zing a ka harh chuan khua pawh ala var chiang manglo a, Marcus chuan min lo en leh reng tawh a muhil ve miahlo emaw ni ?. A la hma tho a boruak a vawt deuh bawk nen puan ka sin tha sauh sauh a , Marcus chuan duat deuh a min kuahin ka samah a chul hauh hauh a . Ruah a tla cherh cherh bawk nen thawhchhuah a peihawmloh em a ,kan mu ta reng a.





Kalo muhil leh ani ngei ang thawm ri deuh sat sat ah chuan ka harh zawk a ,ka men rual chuan Marcus mei tuah tha mawlh mawlh lai ka hmu zui a,a thawh lai leh mei a chhem lai awm pawh ka hrelo reng reng .Ka thawhchhuah rual chuan minlo be vat a , a thilsiam ka en chuan bel ah thlai rah vel ni in ka hria " i eichhin duh em?" A tih chuan ka lo bu nghat a ,ka ei turin a suak zui nghal a.





Ka rin ai daihin a tui chi awm phei se la chuan a tui lehzual ang.Thil kan ei laite chuan ruah a sur buan buan a ,kan awmna thlam chung chu a far thei ang tih mawlh ka hlau ani. " Ruah a sur reng chuan kan kal theilo ang a" a tih chuan keipawh ka ngaihtuahna a buai deuh. " Heta kan awm reng chuan mi lo kal ta se" tiin ka lo chhang vat a , " ruah a sur reng chuan tumah an lo kal ka ringlo" a thilsawi chuan ka awm a tinuam deuh.Hlauh ang tak takin thlam chhuat ah chuan ruahtui a far leh zauh thin a , kil khatah chuan kan thu dun a a vawh deuh avangin puan kan sin hlun bawk.






" Muhil rawh ,ruahsur ban hunah ka kaitho ang che" a tih avang chuan Marcus ngheng chialin ka thu a , muthilh kher erawh ka tumlo. Ka thilsawi ngaithla in a nui ve suk suk a , Lily nen a kan thil tih dun thin te, ka nu chanchin ka sawi laite chuan uluk deuhin a ngaithla a kei erawh ka lung a chhe leh viau tawh. " Ka pa chu hna vangin a buai thin lutuk a, kan awmdun tam vaklo" ka tih chuan a ner deuh sakin ka hria , ka pa chungchang ka sawi hian a hmel a danglam ziah mahse a chhan ka hrelo.






Ka muhil ka harh chuan Marcus ka bulah a lo awm twhlo a keimahin thlam ban nghengin ka lo thu a , muthilh ka sam lutuk chu mak ka in ti zawk. Ka hawichhuah rual chuan Marcus mitmeng sen rum leh lungawiloh hmel zet a lo ding chu ka hmu nghal zat a , min huat hmel ngawih ngawih . Engvang a chutiang a awm chu nge anih ? Ka enchian chuan ka bag leh lehkhabu kha a keng tih ka hmu nghal zat a , " Lalpa" ... Ka ngaihtuah ang thil hi thleng lul suh se .






A mit ah tak ka en rual chuan " hethil hi enge ? Sawifiah rawh " tih pahin ka bag chuan min rawn vawm zui nghal thuai a nih chu! ..Chhan pawh ka chhan hma chuan min rawn hnaih ruakin " khawnge ka nau" a zawhna chu chhan har ka ti. " A thi tawh" ka chhan na avang a thinrim zet chuan ka hrawkah a rawn rek zui a , " khawge Hriatpuii? Min rehna chu a na lutuk a tawng pawh ka tawng thei twhlo. " Nang hian Hriatpuii thi turin i kalsan a , ka farnu kha nagma thah ani" a au tuar tuar a chhan pawh ka chhang theilo.






A unaunu lak a ka thiltih vang hian min thah hial duh mahse ka dem hauhlo ang ,mahse thih ka hlau em ani. " Kan unau nun tihchhiat bak thiam in neilo, saw I pa Sanglura pawh saw ka kut ngei hian ka that ang" ka pa hming a lam tel chhan ka hre hauhlo. Ka nghawng a rehna kut chu ka vuan tawk tawk a , " ka thah loh chhan tur che sawi rawh" a zawhna chhan na chu ka neilo.






Min that dawn tho a ka hriat vang chuan ka tang buai peih tawhlo. " Bumtu" tih pahin min paih thlu nghal thuai a , ka hrawk chu dawmin ka khuh zui nghal bawrh bawrh a ka mittui pawh a luang zung zung mai. Ka hma ah rawn thu hniamin ka tukhum samah min kek dak awr a ,ka lo te thawt chuan a khi suk a . " Ngaithla rawh, saw drug dealer Sanglura vang sawn ka nun a chhe vek a , a fanu vangin ka farnu ka chan bawk . He ka kut ngei hian a nun na saw ka la laksak khawp ang" a thinrim em vang chuan a kut pawh a khur deuh .






Eng vangin nge ka pa kha drug dealer ti in a sawi? " He ramhnuai ah hian thi la, i ruang pawh ramsa pawt sawm vek mahse ka ngaidam lo ang che u" rapthlak ti zetin a thilsawi chu ka ngaithla ,ka rilru a na vawng vawng mai.






" I pa fanu chu I ni ngei e" tih pahin min phih deuh thawt a ,ka bul a ban ah chuan ka in tauh nghak thuai a ka lu a hai nghal chem chem mai. A thutna atang a tho chhuakin a kal vut a ,ka lu hai leh thisen chhuak deuh ngiai ngiai pawh chu ka ngaihven theilo ,rang deuhin ka umzui vat a .Thlam kawt ka thlen rual chuan ka theihtawp a ringin ka au zui a ,ka aw a hriat rual chuan a ding ve chawt mai. Hetiang rigawt chuan ka kaltir thei dawn em ni? A him tih ka chiang ngei anih loh chuan engtin nge thlamuang takin ka awm theih ang?.






A lo din na lamah chuan hmanhmawh zetin ka tlan phei zui nghal a ,a bul ka thlen thleng chuan engmah sawilo in min melh ngur a a meng sen rum bawk nen tun a a mah hi chu ka ngaina lo takzet.







( In beisei a pha lo tih ka hria ,chuan a tawi bawk..Next hi Marcus pov anih tawh dawn avangin tawi deuh laklawh deuhin ka ti tawp mai )







End of chapter ; 5


Link:
BBcode:
HTML:
Top

[Ngaia]

CHAPTER : 6




Marcus Pov:




" Marcus" ti a min koh zui tuar chuan ka ding chawt a , ka in her rual chuan ka lamah hmanhmawh zetin a rawn kal phei hlawk hlawk a , chet mai ngaihna pawh hrelo chuan ka thlir mawl tawp a.Ka lam a rawn pan mek lai chuan ka mitthla ah a hlim hmel te, a nui hmel te a rawn in lar chhawk zawk zawk a.Ka hma ah a rawn din rual chuan a mit ah natna leh hlauhna , aaa inthiamlohna ani zawk ang . " Marcus" ,a mittui tling pam leh a chal sir a thisen thisen tharlam tak luang zui tiam tiam chu ka hmu zui bawk a.






A landan chu engtiang pawh lo nise khawgaih tur ka nilo, he hmeichhia hian ka farnu neihchhun kha thi turin a tlansan thu a sawi anih kha . Ka hma ah dingin min en vang vang a ,sawi duh tam tak a neih ka ring. " Ruah a sur sia vawt I ti ang" tih pahin a kawrlum hak chu a phelh zui mawlh mawlh a , min rawn hak tir lai pawh chuan engmah sawilo in ka lo in hum ruh teuh a .





" Kal tawh rawh; ngaihtuah ka ngailo ania" a sawi zawh rual chuan a biangah mittui a rawn luang zui a, a duhlo tih hriat zetin a hru nghal thuai bawk a ." Zinkawng zawh nuam le" tih pah chuan in herin min hlat zawng a kal zuiin thlam lam bawk chu a pan leh a . Min hlat telh telh tu chu ka thlir reng a , vawikhat mah a rawn hawi let hauhlo nia , kha ni hmeichhe hmeltha zet thlaphang mitmeng phelh phang a ka hmuh hmasak ber ni te , tun a min hlat zawng a kal mek hmeichhia hmmm lo in tawng lo tawp tur kan nia sin.





Thinrimna vang a rilru bing mup chungin chak zetin ka kal zui a , kha hmeichhia kha ngaihtuah loh ka duh.Kha hmunah khan amah chauhin a awm ang a , khua alo thim ang a ruah te a sur a nga , chung hunah chuan engtin nge a awm ang ? Hlau in ka hming lam ta se , nilooo.... Ka farnu thichhawng a let reng kha ngaihtuahna nei hauhlo in a kalsan a nih kha , ka ngaidam tur anilo. Heti tak a kan unau min sawp rethei tu te pafa lak a phuba la tur hian ka damkhaw chhuak ngei ngei ang.





Ka farnu kha ka neihchhun tak meuh meuh ania sin,chu ngaihtuahna ka neih rual chuan ka ngaihtuahna ah Viviani alo lang zui a , ngaihtuah tur ka nilo ani kha chu ka thil neihte zingah ka chhiar tel theilo ang. Ka ngaihtuahna insual buai nuai nuai leh ka taksa chauh lutuk avang a rum hawk chungin ka thu hnawk a , ka thawchhuak hawk a .




Viviani hi ka hriatna a rei tawh a, mahse hetiang zawng a ka nunah a lo luh hi beisei ngai lo. Engvang a haw thei miahlo nge maw ka nih? Huat ka duh a chu mai nilo tihchhiat vek ka duh mahse chu thil chu ka ti thei hauh silo. Ni e.. Kum hnih hmalamah khan Malsawmzuali hi ka hre tawh, ka hnaih phak leh ka beisei phak ah ka ruat ngailo mahse tunah ka nun ah alo lut a amah erawh chu hun diklo leh hmun dikloh ah kanin tawng hi a pawi ta ber chu ni.





Kha tih lai khan kan unau tan nun a hahthlak a ,nu leh pa kan neih tawhlohna khan kan nun a nghawng nat tawh tehlul nen , mahni a engkim kan ngaihtuah a ngai a khang hunlai a ka rilru hah theih zia kha aw. Nitin hah takin hna ka thawk a , Hriatpuii'n in lamah thil tul ang ang alo ti a , kan unau a kan khawsak dun rek rek lai khan ka nun kha a hlim thin . Hun a kal a ka nau rualawhna te , a hmel a mi te ang a khawsak a chak ve zia te ka hmuh hmaih ngailo , a u tan hian khang thil te kha hmuh a hreawm thin ngawt mai.






Hriatpuii tan ti in theihtawp ka chhuah a, lehkha a zir leh theih nan leh rual a pawl ve nan rim leh zualin ka thawk bawk a . Chutiang tak chuan thawk mah ila neih tih tak tak a awm theilo a , kartawp a hlawh ka lak rual hian kan mamawh lei tur ka ngaihtuah chhuak nghal zut zut zel. Nikhat chu ka thianpa ka college kalpui nen inhmu in kanin be luam a , ani chuan ka dinhmun harsat zia a hmuh khan min lainat nge pawh ka hrelo , hna awlsam si hlawh tha si min sawipui ta a.A tirah chuan ka hreh mahse ka ngaihtuah chiang a ,ka farnu in zirna a chhunzawm thei ang a , a awh leh duh zawng a neih ve theih phah ang a , ka farnu neihchhun hlimna tluk a ka tan a thil hmuhnawm kha a awm chuanglo.






Ka thianpa chuan an hnahthawhna a an boss te inah chuan min hruai a , minlo be tha viau a tunlai an in daih vakloh thu leh ka hna tur te min hrilh zui mawlh mawlh a .Chutia kanin hrilh chian hnu chuan kan hna thianghlim loh zia leh kan nunna derthawn zia ka hrechiang ,mahse nge ka tih theih chuan ka farnu enkawl nan sum ka mamawh takzet.





Ka thianpa chuan kan boss fanu hmelthat thu a sawi ru leh zauh thin a hmuh ve ka chak thin khawp mai. Ka hmuh ve takah chuan alo hmeltha viau tak tak a ,ka thianpa hnen a a hming ka zawh chuan " Vivian Malsawmzuali" tiin min chhang anih kha. Hmeltha in duhawm viau mahse ka ngaisanglo ru takzet , a pa ni se Mizoram a drug dealer lian ber pawl ani a ,a sumdawnna tenawm zet thup nan dawr lian zet a nei bawk a ,a sum tenawm zet hmangin dawr lian tak a nei a, in leh lo tha pui pui a din bawk a ,heng a fanu te pawh hi sum thianghlim lo hmang a rualawt hauhlo a seilian an ni ngei ang.





Kan hna chu thianghlim lo mahse hlawh a tha a ,kan hahdam phian bawk nen ngai ah ka neih thuai reng a , mahse Hriatpuii bul a dawt sawi reng ngai leh keimah aa rinna a nghah nasat zia ngaihtuah khan mahni inthiamlohna ka ngah thin. Zankhat chu thil a kal fuh tawklo a , kan damdawi khawchhak lam atang a lo lut chu report tu an awm ta tlat a ,kan talbuai chu a ni zui mai a . Kan Boss Lalsanglura Sailo kha pa mihring pawh nilo khan damdawi zawng zawng cheng nuai 30 man hu vel kha ka ta ang a sawi turin min hrilh a , mahse ka lo hnial thung a .






" I tang reilo ang , keimah ka tan chuan in sum hmuhna a tawp nghal dawn asin .Ka rawn la chhuak nghal ang che ,pawisa hian thil a tih theih zia i hriatchian kha" ti a min thlem ngial hnu pawh a ka duhloh avang chuan thinrim zetin ka farnu hmangin min vo ta a . Ka farnu vang a min vo tak ah chuan tihtheih ka neihloh zia bawk a lang leh ta , ka farnu him nan chuan ka tih a tul tlat,ka tilo anih chuan ka farnu nun na lak pawh an hreh hauhlo tih ka chiang.





Ka farnu mitmeng a natna leh a hamhaih hmel mawlh te kha aw ..Ka tihsual a nih a ringlo bur a , ni e kei a u hi min hrechiang miau alom. Jail a min rawn tlawh tum pawhin ka hmu tha duh lo thin , a hmel a natna leh min khawgaihna kha ka hmu thei thlawtlo ani.Kum khat ka tan hnu pawhin kan boss chuan engmah a tilo a chu mai nilo in ka farnu pawh a ngaihsak zui hauhlo, ka hnen a ka farnu enkawl vek tur a intiam tu khan ka farnu chu a la dam ve tih pawh a hre zui hauhlo ang.





Ka farnu ka ngaihtuah em vang in ka tanpui thenkhat te rualin ka tlanchhuak ve a , mizoram mipui ti ralkhel tu leh sawrhkar pawisawi tu lian tak ka lo nih phah ta a . A tirah chuan Duhsanga nen kanin zui a ,midang pathum te chu an kal hrang nghal a . Duhsanga chuan Myanmar lam pan a himna zawn a duh a ,keipawh him dam tak a thlen pui min tiam bawk mahse ka thei ve lo ka farnu kalsan in khawiah mah ka kal theilo.




Ka dinhmun in a zirloh vangin Duhsanga nen pawh kanin then hrang leh a, ramhnuai ah kal zelin Aizawl khawchhung ah ka lut ang a, Lalsanglura Sailo hmu tur a kal ka rilruk mek laiin kha hmeichhe hmeltha zet thlaphang hmel kha ka hmu zui a , ka ruahman na lo siam tawh sa pawh ti puitling theilo in tun dinhmun kan thleng ta kha nia .





Vivianin a thiannu chanchin a sawi khan Hriatpuii a ni ang tih rinna ka neilo hrim hrim.Khang lai hmun daih ah Hriatpuii kha a awm ka ringlo,ramhnuai a Viviani lo awm pawh mak ka tih em kha .Khua a tlai lam ruih tawh a , Viviani kha engtin nge a awm ang? Kha hmeichhia bawk kha ka ngaihtuah leh ta . Zan alo ni ang a ruah a sur leh ang a, chung hunah chuan mahni chauhin a mu lum zo angem? A ril a tam tawh viau ang. Khua a thim hunah hlauhin a muhil ngam miahlo ang.





Hriatpuii vang chauh a jail atang a tlanchhuak ka ni a , mahse Viviani ka tawn hnu hian kha thil ka tih vang khan ka inchhir.Kan awmdun thei ngai dawn silo a ,hun diklo ah kanin tawng a tin ni.Hriatpuii chu a awm twhlo, a dinhmun chuan zir se Viviani hian a kalsan bik tawp lo ang , hmeichhe sual a nilo a kha chen kan awmdun a a mizia chu ka hrechiang ve thawkhat.





Hriatpuii nen kan unau a kan damkhawchhuah theih nan tumah min hriat lohna hmunah awm ka duh a ,mahse Hriatpuii a awm tawhlo.Ni e .... Hriatpuii a awm tawhlo, Viviani hi ka neihchhun tak meuh meuh ani tawh. Viviani hi ka hmangaih a nih chuan him takin ka hruai haw tur ani, mahse Viviani a him dawn chuan kan awm dun thei lo ang ,a pa khan min hmuh rualin harsatna min siam dawn hrim hrim. Jail tang tlanchhuak ka nih vangin tu tan pawh tisual nei lo hi ka hlauhawm tawh hrim hrim, tih theih pakhat bak ka neilo.






Viviani nen kan haw dun ang mahse kei chu police hnenah in pe in ka tan hun tur ka tang zo ang . Viviani tan pawh mi te ngaih a misual Jail atanga a tlanchhuak hi ka tha tawk lo ani. Engtin nge kha hmeichhia kha mahni chauh a awm turin ka kalsan theih zawk ?Tunah te hian min mamawh ngawt ang ,hlauin a tap ang a .Nilo, a tap lo ang hmeichhe huaisen tak ania lom ,khang hun chhung zawng pawh khan a mittui farkhat pawh a tla ngailo kei in ka tihnat hma zawng kha chuan.






Thaw hawkin ka tho chhuak a hmanhmawh zetin ka kal hlawk hlawk a ,ka lo thleng thui hrep tawh lehnghal. Khua a thin ruai tawh a , khua a dur bawk nen khawhawi pawh a tawi tuk mai. Ruah pawh a sur leh dawn tih hriat takin a si leh sep sep thin a , khawpui ri leh dar dar thin te chuan min tur hmanhmawh viau a, ka rilru hmanhmawh ang hu a ka kal sawt lo chu ka lungawilo hlur tawh.





Thlam ka hmuh theih rual chuan ka thaw huai a,a hma ai a hmanhmawh zawkin ka kal zui nghal a.Thlam kawt ka thlen chuan ka ding dat a ,thawm ka ngaithla zui nghal a eng thawm mah hriat tur awmlo in a reh vung vung a .Engtin maw lo awm ta se ,a chungah thil tha lo thleng ta se ka in thiam thei tawh ngailo ang.





Thlam chhung ka luh chuan a reh thuap a ,a thim viau tawh bawk . Hlauhthawnna in min rawn nghal a mangang zetin " Vivian" ti in ka au zui a ,a reh thiap mai.' Malsawmzual' ka tih leh tuar pawh chuan a reh vung vung mai , hmanhmawh deuhin mei ka chhem ka chhem en takah chuan thlam chhung chu a lang thei uar a , thlam kilkhat atang chuan engmah sawilo in Malsawmzuali chuan minlo melh reng bawk a .Ni e ka luhtirh atang khan a awm tih ka hre tawh.





Ka pan phei thuai a a chal a ka deh chuan a sa vur a,a taksa pawh a khur deuh dat dat a tihngaihna hrelo zetin ka en reng a , " min that dawn mi?" A zawhna vang chuan ka na vawng vawng mai , a hmel landan thleng chuan tawrh har ka ti .Engmah sawilo chuan ka kuah ta ringawt a,engtin nge he hmeichhia hi a mah chauh a awm tur a ka kalsan theih zawk chu le ? Ka ti na tawh ngai hauhlo ang.





End of chapter : 6


Show post links
Top