DARK ALBUM BY Tluangpuii Cck (Completed)

[Ngaia]

CHAPTER : 7





Vivian Pov:



"Malsawmzual" ti a min kohna chu chhan tumna pawh ka neilo,mi that tur a lo kir leh a nih ngei ka ring. Mei eng a a hmel ka hmuh rual ka tim sung sung thei ,sawi mai tur pawh ka hrelo.Khawngaih dilin ka nunna zuah turin ka ngen tawp mai dawn em ni?




Thil hrang hrang ngaihtuah a ka rilru a insual buai mek lai chuan engmah sawilo in min rawn kuah zui a ,a chetdan chu mak ka tih em avangin engmah pawh ka sawi chhuak theilo .Ka khua a sik er er a vawt ka ti bawk nen min kuahna chuan awmzia a nei leh tawh kher mai.Marcus hnen a hahdamna ka hmuh thin ang chiah kha tunah pawh ka tawng leh ni mai in ka hria .





" Vivian," ka mitah en reng chung chuan a phun sup a, mit meng da va zet a min en chungin a thawchhuak hawk a ." I tha em?" Tih leh ka biangah dawm a rual a , a meng aaa ruai in ka hria . " He lai hi a na em?" Tiin ka chalah a kut a sawn chho leh a ,ka chhang miahlo chung pawn a thil tih chu a thulh phah hauhlo. " Thisen,ka ti na che ...Ka tihpalh ka tihpalh takzet, min hua em ? A na tiraw ? I chal hi a na em ? A tawng bah deuh nawk nawk a .





" Ka tha lawm" a rum nghut a ," ai ai ka ti na che , he lai hi a na em " kut khur dar dar chungin ka nghawng a rehna hnu bawk chu a khawih zui leh a .Engvang a hetiang a khawsa nge maw a nih le ? "Mali, ka ti hlau che ..Engthil nge ka tih ? Ti na tur che ka nilo ka hmangaih lutuk che sin" min hmangaih theilo ang , hun reilote chauh kan awmdun a tunah phei chuan a farnu neihchhun a chan na chhan ka ni tawh lenghal.





Engmah sawilo a ka ngawih reng vang chuan a mah a inthiamloh zual a a che buai telh telh ni maiin ka hria . " Min hua mi" huat chhan tur ka nei hauhlo a sin mawle , " ka haw lo che" ka sawi zawh chuan a phai a tuai puat a " anih chuan min hlau ami? Malsawmzual, aaa ihhh..Bawihte, tinge? Khatiang mitmeng khan min en suh". Ka hmai bul chetah a phun sup sup a .




" Tinge I lo kir a ?" Ka zawhna a vang chuan a in seh ruh viau a ,a thinrim leh mai ka hlau. " I tello in ka awm theilo, min hnar I tum ami? Hetiang hian awmlo la , immm.... Ka duat theih em che kha , Malsawmzual ka tina tawh dawn hleinem che " a tal buai lutuk chu mak ka ti . Tih ngaihna hrelo zetin ka awm ngaiin ka awm reng a, ka hriatloh karin ka mittui alo luang zung zung bawk a .





" Bawihte ,i tap ami? Mawhh .. Tinge? I ril a tam ami? A na ami ? Helai hi a la na mi?" Ka chal kak lai chu a chul a , " he lai hi ana em ? Sawi rawh." Ka nghawng a rehna hnu chu a fawp zauh a ,a awmah min kuah bei thlawp bawk a . " Ka tihpalh aw ,ka tina tawh miahlo ang che. Ihh aa ka duat viau ang che , ka tina tawh lo ang che" a tawng bah nuai leh a chezia mumal lo lutuk chu tihngaihna hrelo zetin ka en reng a ,mei eng chauh ring kan ni bawk nen a hmel landan chu ka hmu chiang theilo.





" Ka bulah I awm duh tiraw?" Ka lu ka bu nghat a ,a lo thaw huai in ka hria . " Min hlau suh aw, tinge i tah a ka tina tawh dawnlo che ka tih kha" ka hmai zawnah a tawng lum ham ham a , " ka ngai tawh lutuk che a" ka sawi zawh rual chuan nghet zetin min kuah a ,ka kal bo san daih hlau ni awm takin a awmah min pawm bet tlat a .




Rei fe chutia kan awm hnu chuan nam sawn deuhin a awm zawnah ka kut ka dah a " hahdam rawh" tiin ka hrilh zui a . " I ril a tam em?" Tiin min zawt a ,ka lu ka lo thing vat a , " i hlau em?" A tih leh chuan ka lu ka bu nghat thung a . " Ka bulah I awm tawh a engmah hlauh tur a awm twhlo,ka venghim tlat ang che tuman an ti na lo ang che " tiin a phun zui sup sup a .





Min kalsan hlen kha ka hlau takzet a ,he lai hmun thimah hian keimah chuan ka hlau a ka thlabar takzet bawk .Hun reilo te mah nise Marcus ka ngai a ,ka thlahlel viau bawk anih kha . He lai hmunah thi tur a min kalsan kha ka dem hauhlo mahse na ka ti viau a , min phatsan ni tlat a hriatna ka nei bawk.Thi tur ang ruakah ka inchan a ,Marcus erawh dam khawchhuak turin ka duh viau . Marcus lo let leh tih ka hriat rual a keimah a hlimna phurna, hlauhna khawgaihna khang zozai kha hmangaihna chu a ni angem? .





Marcus khan ka hmangaih che min ti a nih kha, rinhlelh na ka nei miahlo bawk .Min hmangaih thu a sawi khan hlimna tam tak min thlen a ,chutiang rilru chiah chu a lakah ka pu ve ni a ka hriatna khan nasa takin min ti chak bawk. Min kuah chungin a phun sap sap a ,ka chhip ah a hmui a nghat leh vang vang thin bawk a ,a pangtilum in min ur leh ham ham takah chuan ka thla a muang leh viau tawh .





Zing a ka harh chuan ruah pawh alo sur tawh lo a , sava hram ri nak nak thawm te pawh ka hria .Marcus chu a la muttui hmel viau a , a muhil thaw sak sak chu ka en a ,a hmeltha ka ti lutuk .Keimah chauh pawh nilo midang pawn hmeltha an tih ve tho ka ring ,a hmui leh khabe velah chuan hmul a to ve siar siar a , a hrawk bawk mawlh mai chuan min a la .A hmai chu ni sa a tawrh nasat vang a niang a uk ve deuh kharh a , a hmelthatna erawh a hliah zo hauhlo.





Ka en reng lai chuan a rawn meng chhuak hlawl a, min nuih nghal suk a thawh phan nei ve ang pawn a awmlo." I mutui em Bawihte?" Min koh dan ve ziah chuh.Min koh dan vang a lai zet chuan ka bu nghat ringawt a ,a hrethiam ani ngei ang uang fe in " Bawihte" a ti zui leh ngat a . " Kan kal tawh mai dawn mi? Ruah a sur tawhloh chuan" a tih chuan ka lo aw ve tak na in kal chu ka hreh viau a ,kan kal chhuah dawn lai a " hetah hian awm hlen daih ka chak,kan pahnih chauhin" ka tih chuan min thlek vung vung a.




" Lily i hmu thei dawnlo asin" a tih chuan ka rilru a phir leh deuh a mahse a bul a awm hi ka la duh zawk tho." I bul a awm ka duh zawk" ka tih chuan a nui suk a , " I bulah ka awm reng dawn alom" tiin min kuah a ,min fawp zui nghal bawk a ka lo chhang leh ve vat bawk a .






Kawng chu kan zawh chho zel a ,kan kal thui deuh hnu ah phei chuan kawng chu a bel han a,an kal thang viau anih ka ring.Mihring hnu hma te pawh hmuh tur a awm nawk a, khawi khua nge kan thlen ang tih ngaihtuah chungin kan kal dun sauh sauh a.Kawng chho kan kal zawh chuan zawlah kan chhuak hlawl a , nu pakhat thing lo tan mek kan hmuh chuan ka hlauthawng nghal a ,ka awmdan chu a hrethiam aniang Marcus chuan ka kutah a rawn chelh zui vat a .





" Ka pi", Marcus kohna vang chuan a rawn hawi vat a min hmuh chuan a phawk kher mai.A bulah chuan a thingphur tur a tan sa leh a em leh hnam a awm bawk a , thildang zawng ai chuan tui in tur a inchhawp mawlh chu ni. A hamhaih angreng bawk nen Marcus biakna pawh chu chhang lawk lo in min melh dun reng a ,a hnu deuhah chuan in ngaihtuah harh in " ka hmu thut che u a ka hamhaih deuh a lom, lo kal ru . Tun ang zingkarah te enge in tih a? Tiin min be nghal sawk sawk a .A lam a min kaih phei pah chuan Marcus chuan " kawng kan bo a , khawchhung lam ni a kan rin lamah kan kal tawp anih hi" ti a Marcus in a chhan chuan,kan hma a nutling mitmeng chu ka hrethiamlo.





" Khawi atang a lo kal nge maw in nih le? " Tiin min en dun vang vang a , " Aizawl, kanin ru a kan tlanbo na lamah kawng kan bo alawm mawle " Marcus chhandan avang chuan min khawgaih hmel deuhin ka hria ." Vala , tunlaiah te an tlan dun tawh ngai em ni?" A zawhna avang chuan kalo nui a , Marcus chhan leh hma chuan " ka chhugte hian kanin kawp an duhlo a ,kalna maitur kan hre bawk silo a kan tlanbo ve tawp" ka tih chuan min en vang vang a , chutiang tur em ni ? Amaherawh chu duhber te hi chu an lo hlu em asin , in huaisen hle mai heng lai hmun thleng thleng in in hmangaihna in rawn hum tang tang ania " tiin a nui zui var var a , rin tur a ni em ti a Marcus ka en chuan a lo bu nghat a .




" Min nghak rawh u, ka thingphur tur hi kan tan zo lawk ang a kan haw dawn nia" a tih chuan Marcus chuan " khawi ka lo tan ang" tiin chem chu a kalsak vat a ,a lo hnial ve viau na in Marcus chuan a tan tui mawlh mawlh tho. "Sangpuii ka nia,nu Sangpui min ti mai ru" tiin a nui var var a, " ka fate pahnih nen chauh kan awm a ,kan harsa ve angreng a mahse inthlahrung hauhlo in kan in ah in awm thei ang.Kan harsa ka tih vang khan nuamlo ti lo ula ,nagmahni ka ngaihtuah vang zawk che u ania,kan khawsak ang a khawsak kha hreawm in tih ka hlau deuh a" a ti zui duah a .





Marcus chuan ama thingput tur a tan lai chuan ni sangpuii chuan alo khap vat a ,mahse Marcus chuan a tan lui tho a .Chutiang tih nachang a hria chu ka lo chhuang ru viau a ,a mah chu ka nuih zui var var a .In lam pan chuan kanin chhawm haw ve nak nak a, khawchhung kan thlen chuan a la reh viau a naupang khawilai leng kan tawh te chuan minlo en vung vung zel a , a la hma deuh bawk nen thalai hmel awm ka hmu miahlo.




Nu Sangpuii te in chu kawng tang thui lo te pen hlek a ngai a , compound a nei hrang ve thlap a ,an in erawh a lian lem lo viau thung .A thingphur te a keuh fel hnu chuan in ah kanin zui lut a ,mipa naupang hian lehkha a lo zir mek a , hmeichhe tleirawl te chuan eirawng alo bawl mek bawk a ,an inchhung chu a felfai thlap a chhungkaw pangai ve tak an nih ka ring.Bangah chuan an chhungkaw thlalak ni awm tak an tar a ,an bang lehlamah chuan lian deuhin thlalak an tar bawk a " Roluahpuia " a pian kum leh a thih kum an tar kalh bawk a ,a hnuai deuh ah chuan " Lei arsi lian an her liam ta " tih chu hawrawp nalh zetin a in ziak bawk a .





Marcusan min nghawk deuh salh ah chuan ka harh deuh zawk a ,nu Sangpuii zawk chuan min nuih var var in " kan pa anih kha,nikum hmasa khan min boral san a " alo ti vat a ,pa tello a chhugkua han enkawl chu a hautak dawn hle in ka hria . " Bawihte, thingpui lo siam la" tiin a fanu chu a hrilh zui a , kan thutna bulah chuan lo thu zui in " ka fanu hi Zualtei a nia,a nau hi Muanpuia " tiin a sawi zui a .


" Aww...kei hi in hming zawhna chang che u pawh kalo hre pek lo ani maw?" Tiin a phul hlut a Marcus chuan " Hmingmawia ka nia ,hei ka thiannu hi Sawmtei" tiin dawt a hrilh a kalo in thiamloh deuh ,duhsakna leh hriatthiam na tinreng a minlo dawngsawng tu dawt hlir han hrilh ngawt mai chu." Ka nupui pawh ti la a sual vak chuang hleinem" tiin Marcus chu a fiam zui a , Marcus pawh a nui ve suk suk mai.




Chutia kanlo ti ti mawlh mawlh lai chuan a fanu khan thingpui a rawn chhawp zui a ,a sat leh satloh pawh ngaihtuah lo in ka in nghal khawlh a ,ka duh aiin alo sa bawk nen chhak chi ni tawh heklo ka lem zui khawlh a ka lei a aa mup mai . Marcus chuan minlo nuih vur vur lehghal .







End of chapter : 7


Show post links
Top

[Ngaia]

CHAPTER : 8






Nu Sangpuii chu a tawng bawrh bawrh a ,an chhugkaw khawsak harsatna chu hre ranin hreawm kan tih a hlau viau a ,ka in thlahrung ru ngawih ngawih zawk.Heti tak hian min dawngsawng tha in min ngai pawina a ,keini lah chuan dawt hlir kan hrilh mawlh mawlh mai chu nia .




" Sawmte," tia min koh chang chuan ka lo phu leh deuh zawk thin a chhan mai nachang pawh ka hrelo. Nu Sangpuii fa te chuan min melh leh zak zak thin a, min nel lutuk lo ni in ka hria . Nu Sangpuii chhuah zawk lai chuan Marcus nen kan awmdan tur kan sawi dun a , hetah hian kan him reng theihlo maithei ; chuvang chuan kan tan chuan Aizawl thlen vat kha a tha ber in kan hria .





Chaw ei hma in a theih ang ang in ka inbual ve a,uluk tak a ka inbual lohna a rei tawh bawk nen ka hahdam sawng sawng mai. Ka inbual zawh chuan ka thawmhnaw hak leh chu ka hreh viau a , nu Sangpuii bawk chuan a thawmhnaw thenkhat ka hak turin minlo chhawp lawk diam a. A thawmhnaw te lampang ho chu ka ha thei ve mai bawk a , thawmhnaw fai hak a inbual fai bawk chuan rilru pawh a veng sawt sawt mai.





Marcus tan chuan a pasal thawmhnaw thenkhat a la kawl that te chu a phawrh chhuak bawk a , nu Sangpuii bulah hian lawmthu sawi senloh kan ba ani.Inbual fai a ka sam te ka khuih takah chuan naupang ho pawh chu ka bulah an tap chawt a , an zirlai thlengin ka sawipui a min ngaina ve viau chuan ka hria .




In leng an rawn chuang Kai miahlo chu ka lawm ru viau a , inleng neih chuan dawt tam zawk sawi leh a ngai ang a mahni inthiamlohna kan ngah mai mai dawn a .Chaw kan ei lai chuan hreh deuh takin nu Sangpuii bulah chuan " Nu Sangpuii,sumo service vel a awm em?" Kan chhuahna a rei ve tawh angreng sia,kan chhugte kan be pawp thei silo a min ngaihtuah kan hlau deuh a" pehhel deuh tak a ka tih chuan min hrethiam viau a .





" Zanin chauh chu riak thei ula tha tur ania " a ti niah niah a , " sumo chu a la chhuaklo deuh ang , dar 10 velah hian an chhuak tlangpui a ; pakhat tan pawh 500 lai a ni ve a " tiin a sawi zui a .Buaina kan nei ta tlat mai, pawisa cheng khat mah kan neilo kan chhungte kan be theilo bawk. Nu Sangpuii te chhugkaw dinhmun lah kan hrechiag a , cheng 1000 lek pawh an tan chuan thawhchhuah a harsa dawn takzet.





Chaw kan eikham chuan dar 9 a ri tawh a ka rilru a buai takzet.Marcus ka va melh chuan kei ai mahin a rilru a buai hmel zawk ,tih vak ngaihna ka hriatloh vang chuan tho in nu Sangpuii thleng sil tum chu ka chuh ta rigawt a . " Anih chuan Sawmte tikhan lo sil mai la, ka va chhuak lawk ang a sumo te chu ka va be chhin ang e .E takin; Thantei ka thlai man min pek zawhloh te ka va lam pag ang , pawisa in mamawh dawn si" tih pahin a chhuak zui a . Chutia ka sawi ngai miahlo a nachang a hria chu ka lawm takzet, mahse a pawisa chu ka rul leh ngei ngei ang






Zualtei te unau chu school kal turin an chhuak tawh bawk nen Marcus nen chauh chuan kan awmdun a,chutia kan awmdun takah chuan haw ka hreh ru viau a dik tak chuan Marcus hlat a awm leh chu ka hreh ru deuh tlat a.


" Marcus"... " Umm" min chhang tawi thei tek tawk sia maw. " Kei chu kan inah ka haw ang a mahse engtin nge i awm ve ang?" In thlahrung deuh tak chuan ka zawt a,dik tak chuan haw na tur a neihloh zia ka hria a . Min chhan mai loh avang chuan a mah chu ka en vat a ,min lo melh ve chiah bawk a .

" Haw lo in kan pahnih in awmdun mai ila ,i duh em?" Ka zawhna avang chuan a nui suk a ." Min ngaihtuah suh" a ti sup a .Engtin nge a mah hi ka ngaihtuah loh theih ang ni. A thutna atang a tho chhuakin ka kawngah min rawn kuah zui a ,ka darah a khabe a nghat bawk a a za ka ti . " Marcus, Hriatpuii vang khan min ngaidam tak tak em? Rilru damlo chung a ka kiangah I awm reng chuan"



" Shuuttt....ka ngaidam I ngai em ni? I tihsual a awmlo , sawi tawh suh" . hmm,,


" Nih ka pa chungchang hi" ......." Kha pawh sawi lo ang" engmah min sawipui duhloh vang hian ka lungawilo hle ani. " Thil tamtak i thluak te reuhte hian i ngaihtuah kual ve a, kha khan a tihbuai che anih hi" tiin ka lu ah a kut tangin a chhu kauh kauh a. " Kal teh, lo va thu mai mai rawh. Ka sil zawh tep hi" ka tih chuan ngai pawimawh lo zetin ka nghawng ah a rawn fawp zui a , pawn lamah thawm a awm zui a ka kiu in ka nghawk nghal sawk a .Ka chetdan chu a lo rin lawklo bawk nen a then ve sawk mai ,chumi rual chiah chuan ni Sangpuii a rawn lut zui ve chiah bawk a .






In hnaih tak a kan ding a hmuh chuan a nui tet tet a , Marcus chu rum lutuk in ka melh a ani lah chu a lo nui ruh ruh duh chauh a . " An lo nghak dawn che u anih chu ,in siam nghal mai rawh u" a ti zui a , insiam tur vak pawh kan neilo.Engvang nge ni haw chu ka hreh ru tlat a . " Nu Sangpui, i phone no min pe la " ka tih chuan paper ah a ziak in min pe thlap a,bo lo turin uluk takin ka ak zui hmiah bawk a ." Sawmte,nang hmeichhia zawk ah hei hi kawl rawh " tiin pawisa min hmehbel chawt chawt a , engzat nge anih pawh ka hrelo.




" Ka lawm e aw" ka lung a chhe dawn dawn anih chu. " Kan lawm e" Marcus chuan a ti nawn ve sup a,nu Sangpuii chuan min en dun vang vangin " ka fate u, kan dam ang a kanin hmu leh thei em ang chu " tiin a mittui a hru ta mai a , tih ngaihna ka hrelo mahse mak tak mai in keipawh chu ka tah a chhuak ve tho mai. " I kal ang u ,kan tlai mai dawn " tih pahin a chhuak zui sawk sawk a , Marcus nen chuan ngawi rengin a hnungah kan zui chhuak a .Nu Sangpuii'n kawngka a kalh laite chuan ka rilru dik takah chuan heta awm hi ka la duh zawk mah a ,mahni in thlen chakna reng ka neilo chu mak ka in ti a , Marcus ka ngaihtuah vang ah ka puh ta ringawt a .





An khawlai chu a nuam angreng viau a kawng chho ulh lutuk a awm lo a ,a fai in a thiang nuam reuh em em mai lehghal. " Kha ,Sangpuii khawilam mikhual nge I neih a?" Tiin nu pakhat hian nu Sangpuii chu a rawn au lang lang a , " Aizawl lam a kan naute an nih hi,min rawn tlawh a " tiin a chhang liam ve mai a. Sumo counter kan thlen chuan sumo pawh alo rum vung vung tawh a, passenger dangte pawh an lo awm nual a a then sumo ah an thu lut tawh a ,a then chu a pawnah an la ding far bawk a .





" Pu Ro, hei ka naute chu an nia lo ngaihsak ve deuh la aw" ti in nu Sangpuii chuan driver ni awm tak kuhva ei sen buah buah pah a ,lo tawng mawlh mawlh pa bulah chuan a ti a , a biak pa lah chuan ngaihsam hmel fe hian " nang berin I tihte chuan kan hnial ngam nang" tiin a nui zui huah huah a . Ka bulah a ding reng emaw tih laiin Marcus chu kan piah deuh dawr te ah chuan alo thu a , rei vaklo hnu ah chuan a lo let ve mai bawk a ,ka bul alo thlen rual chuan mask min pe in " i mamawh ang" a ti a .






Sumo a kan luh dawn tak tak ah chuan ni Sangpuii chuan Marcus nen min kuah dunin " mangtha u" tiin a phun sap a , a puan bah lai chuan ka lu a khuh zui a . Sumo a kan luh chuan a hnung ber seat ah Kan thudun a , kan tlanchhuah dawn thleng chuan " tluang takin aw ,dam takin le " tiin nu Sangpuii chuan min la rawn au zui tak tawk tawk a. Kan kan theih chhung zawng chu a ban a vai lauh lauh bawk a .





Kan tlan thui telh telh a ka rilru lah chu a mang telh telh mai bawk a, Marcus darah chuan bei thlamin a kutah ka chelh a ani pawh chuan nghet takin ka kut ah a chelh zui a . Hetiang hian a kut hi ka vuan reng thei tawhlo maithei, tun hi a tawpna ni ta se ..Ni lo, he kut hi ka thlah leh ai chuan ka neih zawng zawng pawh chan ka huam mai ang ,ka chhungkua thleng pawhin.




Sumo ka chuan leh takah chuan rilru in hun kaltawh a chhui kir a , Hriatpuii bawk ani ka ngaihtuah leh tak ni. Kha ni ah khan sumo pakhat ah chuang dunin harsatna thuhmun kan tawk a ,mahse tunah chuan a tuar tu tan a fair lo zetin keimah chauh nung damin ka haw ta thung a . Fahrah unau lainat awm zet leh hmangaihna ngah tak ka tawng a , a hmasa zawkah Hriatpuii nungrawng na vang a laksak ka ni a ,tunah a u zawk Marcus. Marcus pawh hi ka chanpual a ni chiah em ka hrelo, Marcus lehzel laksak a ka awm anih chuan ka ngaihtuah zawm ngam lo.






" Vivian ...Vivian" Marcus chuan min sawi dat dat a,kei hi kalo muhil leh daih a ni maw . Ka men chhuah chuan sumo pawh alo ding tawh a , " thingpui in ang aw" tiin minlo nuih sang a .Sumo a Chuang ve dangte pawh an chhuk sap sap a , " khawi lai nge kan thlen" ka tih chuan kan awmna hmun chu min hrilh ve mai bawk a . Nu Sangpuii pawisa min pek chu phawrhin a zat ka en a , cheng 1500 lai alo nia .Hemi hian an chhungkaw mamawh tam zawk a phu hru thei ngei ang , mahse phal takin min pe a khatiang tak a midang tan a in pe zo kha an awm thei tawh pawhin ka ringlo.






Sumo atang a kan chhuah dawn chuan Marcus chuan mask a vuah zui a ,keipawh chuan a tih ang chuan ka vuah ve a motor atang chuan kan chhuak ta a . Kan thawmhnaw kan thlak tawh a,kanin cheina a zahpui awm lutuk lo bawk a mi pangai kan ang ve tho in ka ring .Ni e ..Mi pangai kan nia lawm.




Thingpui dawr lampan a kan kal lai chuan Marcus banah ka vuan bet tung a , chutia midang zing a ka awm leh chu ka ni deuh hui hian ka hria. Thingpui dawrah chuan chow , rice ,thingpui ,chana tih angreng an lo nei nual a ,a vawikhat na atan thingpui dawrah chow chu ka lam ve ta a . Ka rin ai daihin kan thil ei chu a tui a , chow chu plate hnih ngawt ka ei a , Marcusa'n a plate ami min barh zauh zauh bawk nen ka puar viau mai.





Thil kan ei zo sumo a kan chuan leh dawn lai tak chuan driver chuan " Sawmte ,in rui em?" Tiin minlo zawt khauh a ," ruilo e ,ka muhil deuh char char" tiin ka chhang vat a . " In ruih loh chuan a that chu , harsatna in neih chuan sawi bawrh bawrh ru aw" tiin min hrilh zui luam a , kuhva bawk a lo ei sen leh huam tawh a kuhva chu a duh ve viau in ka ring. Marcus chuan meizial a lo dil khauh a , driver pawh chuan zozial ngei mai a lo theh a ,a lighter chu hmansak nghalin Marcus chuan kan piah deuh ah chuan a zu khi hlat hlat a .





Sumo a kan chuan luh leh hnu chuan Marcus hnen ah " meizial i zu ve ngawt a " ti in ka melh kar a , " kan thil ei kha ka a ti tuilo " a ti liam puat a ,a hma ang tho in ka kutah chelhin a darah min bei tir zui a ,rei pawh ding twhlo in kan tlanchhuak zui nghal a .Muthilh leh mai ka tum a mahse hmalam atang chuan driver in tumah muhil lo ang,thalai vek kan ni bawk a tiin polite lo zetin hla a play zui a ,a la ring em em zui .Ka rin ai takin passenger dangte chuan an ngaithei a ,a tawpah phei chuan an zai pui dual dual a , rilru ti harh nan ti in ka zai pui ve ta chiam a a nuam letling phian a .





Tun lai hla rap leh hla maksak tak tak a in play fuh apiang ngaithla duhlo in driver chuan a next hmak hmak a , Rebecca Lallawmsangi " Aw i hlui lo" tih a play duh chuan kan zaipui nasa zual sauh a ,kanin sawi nasa bawk nen ka thlan deuh hliam a Marcus chuan minlo nuih suk suk in ka hmai a rawn piai zauh a. Zai ve tur a ka tih chuan a ner nasa ngag mai.






Chawhnu herah chuan Aizawl kan lut a , chutia Aizawl ka hmu leh chu lawm na ka neih phah em em pawh ka hrelo . Dik tak chuan ka haw duhlo a , Marcus hian amah zui turin min sawm duhlo mai pawh a .Sumo stand kan thleng a sumo a din rual chuan kan chhuk sap sap a, Marcus chu ka vuan tung tawh a , chuan man kanin pek fel lai te chuan ka dawm nghet sauh sauh a.




" Ka thlah theilo che a " ka hlauh ang ngei nge in,hepa hian in lak hran a tum chiang lutuk. Ka pa pawn a hre tawh awm tawp silo,bakah tunge a belh ve ang .Ka lo haw pui chu ka inchhir chawp nghal a ,ka tum zui nghal hmuk a .Ka hmel a hmuh chuan thaw hawkin a hmai a tuai puat a , " Vivian, hmeichhe huaisen tak i nih kha , taxi hmang la in lam pan rawn. Ka lo kal ve a rem lo ,zanah hmu tur che in ka lo kal ang", a thilsawi chu hnial rual ni in ka hre lo a amaherawh chu ka pawm thei nganglo ani.




" Ka duhlo" ka tih chuan min en vung vung ah ka chal ah rawn tauh datin " nih ,lo kal rawh" tiin min kai zui a ,taxi lo tlan hmasa ber chu phar in min chuan pui a , driver hnenah chuan kan veng hming a sawi nghal a ,min haw tir chu a tum ve hle mai. Kanin zawn kan thlen chuan " kal rawh, zanah ka lo hmu ang che" tih pahin ka mask leh ka lu khuhna chu a siamtha mawlh mawlh a. Ka haw duhlo tih hi a hrethiam lo ami le? Ka haw duhlo tak tak, Marcus bulah hian ka awm duh alom.




Kanin lam chu a thlir a " en teh saw , Lily pawn a hmuh che chuan a lawm viau ang " tih pahin gate lamah a thle buk a . Hla deuh hlek a Lily leh a ui roxer a lo inchhaih chu ka hmu zui a , Lily chu ka ngai ngei mahse Marcus bulah awm ka la duh zawk tho. Marcus chu taxi atang a chhuk a ,ka thutna lamah lo phei in ka chhuah theihna turin kawngka min hawn sak zui a , min kaih chhuah a tum lai chuan ka lo tang hrak a rum nghatin" Vivian" a ti sup a ,thil hi harsa tu nih ka duh biklo mahse a bulah hian ka awm duh alom.





Taxi atang a ka chhuk chuan min kuah vat a ,tu mah ka zah buai peihlo" I bulah ka awm duh" tiin ka in sut zui a ." Nula khwwlaiah an tap ngailo " tiin ka hnung ah a chul hauh hauh a , ka chalah a fawp leh zauh a " kal tawh rawh, zanah kalo kal ang" a tih leh chuan ka la kal duh mai lo ,zanah lo kal pawh ni se engtin nge alo kal tih ka hriat theih ang. " Kalo kal ngei ngei ang" tiin min nam zui dat dat a , chutiang tak a min hnar tu chu ka zui biklo ang tiin ka chapo lui a, in her hmakin gate lam ka pan zui nal nal a , Marcus chuan min en zui reng in ka ring mahse ka hawi kir hauhlo ang.





Gate ka luh chuan kanin leh a compound chu a hma ang bawkin a fai in pangpar pawh a par nalh leh viau tawh a , mahse ka nun ah chuan an chul ruap mai. Hreh deuh chungin kawngpui lam ka hawi leh hram a , Marcus chuan a ban alo vai lauh a . Ka hma lam ah ka kal zui a , Lily leh roxer in fiam chuan min hmu mai lo ,ka hnaih takah chuan ding vang vangin ka hmai tuamna leh ka lu tuamna ka phelh a " Lily" tiin ka au lauh a .



Lily rawnin her rual chuan kalo nui sak a min hmuh rual chuan Lily chu a ka hau a ,engmah sawilo in min en reng a " phung hmu ang mai" ti hluk pah a ka kal hnaih chuan " eheeee! ...I ni tak tak ,a van mak U Vivian" tiin min rawn kuah nghal chuk chuk a, ka hmaiah chelhin chiang zetin min en a " Lalpa ka lawm e , I lo haw leh ka ring reng ah . Nu...Nu, Au Viviani " tiin a au nghal tuar tuar a. " Enge ni?" Tih pah a ka nu leh kan nula te rawn thlanchhuakin min hmuh chuan Lily ang tho in an ka hau mai.





" Nu, au Viviani alo haw leh dawn ka tih reng kha" Lily chuan alo ti zat zat a ,ka nu chuan min rawn pan hnai in min en vang vang a ,a kut rawn phar chhuakin a hmaiah a chul a a kut a khur dar dar a " ka fanu" tiin min kuah zui a ,a tap chhuak hawm hawm a " Lalpa ka lawm e ....Ka fanu min va ti mangang ve ,dam takin ilo haw leh a . Bawihte,na I nei em ? I ril a tam em, enge I ei chak" min thlek kual nghal thuak thuak a ,na ka neilo tih a hmuh chuan a thla a muan hmel deuh.





" Khawge ka pa?" Ka tih chuan" hna a thawk a , a lo haw tep ang ... Ti teh u lut phawt ang " tiin min kai zui a inchhung ah kanin zui lut thuai a .









End of chapter : 7


Show post links
Top

[Ngaia]

CHAPTER : 9







Inchhung ka luh rual chuan ka hawi kual ruai a ,engmah danglam ti a sawitur ka hmu lo, ka nu leh ka unau nu te kan nula te thleng pawh chuan , inchhung furniture leh a mi chengte thleng chuan an la danglam hauhlo , danglam awmchhun chu keimah chauh hi ka ni ngei ang.Mahni in thleng a hahdam huai tur ka nih laiin kimlo riau a in hriatna ka nei a ,ka ruak huai in ka hria . Marcus chu ka ngai nghal vawng vawng a a tello chuan ka khua a har a , ka nun hi a ruak a chu mai nilo in ka ip pik ru tun bawk a he thil hi hmangaihna vang a nih ngei pawh ka ring.






" Lo haw vat teh, hmanhmawh rawh" ka nu phone hmang tawng bawrh bawrh chuan ka ngaihtuahna atangin min ti harh zawk a ,kan nula te chu ei tur min siamsak turin a tir zui a .Lily chuan ka banah chelh tlatin min be seuh seuh a , ka rilru a mang duk bawk nen a rul tawk bakin ka chhang thei mang derlo. " U Vivian, engtin nge I lo haw theih a? Ka mumangah chuan ka hmu ziah che a mahse ka harh chuan I bo daih zel a" ti a Lilyin min hrilh chuan nuih lui sak pah hian " nakinah ka hrilh ang che" ka ti a , " umm...Zanah i bulah ka mu ang aw" ti in a nui var var a .






Ka nu chuan engmah sawilo in min en leh vang vang thin a , lehlam hawi chuan a mittui a hru leh zauh thin pawh chu ka hmu reng a,ka haw leh chu a thinlung takin a lawm in ka hria .Ka nu chu inthup tum viau mahse a chezia atang chuan a chiai ve hle tih a hriat theih a , a vei deuh sek a a chang leh choka ah lut in " Lawmi, i va siam rei ve Bawihtei ril a tam tawh ang" a ti a , a chang chuan pawn lam thlir in " i pa chu a va rei ve" a ti leh ngawt thin a .Ka pa sumdawnna engkim hi hre ve sela chuan heti tak hian ka pa hi a thlahlel lo tawp ang , mahse engtin nge ka tih chuan ang ka pa vang a tun dinhmun hi thleng thei kan nia ,kan naupan tet atang a min enkawl seilian tu khawvel a kan pa neihchhun kha ani miau a.





" Bawihte, inbualna ka siam ang che ...Inbual fai I duh em?" Ka nu in a tih chuan " ai ,thil ei hmasak ka duh " tiin kalo chhang vat a ka ril a tam tawh em ani.Din hluai pah hian " nu , chiai vak suh dam takin hei kalo haw leh alom" tiin choka lam ka pan zui a , Lily leh ka nu chuan min zui nghal thuai a ." U Lawmte, chaw ka ei chak zawk" ka tih chuan kan nula u Lawmtei chuan " lo thu rawh," tih pahin dawhkanah chuan chaw ei min siamsak zui mawlh mawlh a .





Ar sa, vawk sa , alu , chawhmeh chu hriat pawh ka hre senglo. Ngawi reng chuan ka ei zui mawlh mawlh a , Marcus khan hetiang chaw leh chawhmeh tui lutuk hi a ei ve angem ? Kei chuan hmuak tu leh thlahlel tu chhungkua ka nei a , Marcus chuan a nei ve hauhlo. Tunah te hian khawilai hmunah emaw riltam takin a awm mek a ngem? Kan in ah hian let leh lo in a bulah kal turin min sawm ni ngat se chuan he kan inchhung leh ka Chhungkaw bul a let ai pawhin a kiang a awm kha ka thlang ngei ang, mahse chutiang chuan a ti hauh silo a , engthil pawh thleng se Marcus hi ka thlang ber a a ni pawn min lo hmuh tur thu a sawi a Marcus hi ka ring a ,a chungah ka rin na zawng zawng ka nghat bawk ani.







" Ei teuh rawh, i ril a tam viau ang ..I cher bawk si , I thu bawk si...Kei chu ka lung a awi thei ngang lo ani, en teh Lily i u hi ka lainat emai" tiin ka nu chu a in hru leh mawlh mawlh a , " nu Siamte , Viviani awm te I ti nuamlo ang, hei Pathian zarah dam takin a lo let leh alawm" tiin u Lawmtei chuan a lo hnem ve vat a , chutia kan lo inhnem lai chuan pawnah motor thawm lo awm zuiin reilo ah kan kawngkhar chu a rawn ri zui a ,ka pa aw ngei mai chuan " enge maw ni thin rum rum le Siami" tiin a tawng thum bul bul a,chu velah ka nu chu rang takin a tho a ka pa lama kal phei dawr dawr pahin , " I va rei ve , en teh kan chung a Lalpa that zia hi " tih pahin ka pa chu a rawn kai phei dawr dawr a .








" Enge maw ni le? Ti bul bul pahin ka pa pawh chu choka ah a lo lut ve mai a , chuta ka hmel a hmu chiah chu a ding dawt a engmah sawilo chuan min en vang vang a ," Bawihte" tiin minlo sup a ,chhan ngaihna pawh hrelo chuan ka lo bu nghat a ," kei zawng Bawihtei pa awm ngaihna pawh ka hrelo" tiin ka nu chu a tap chhuak hawk a ,ka pa a hmuh chuan a rilru a no thar leh ni mai in ka hria .Kei pawh kan boruak a nih deuh nuai vang chuan chaw pawh chu ka ei zawm thei mai bik lo a , ka pa hmel mawlh mai chu ni. " Ka fanu, Bawihte" tih pahin ka pa chuan min kuah zui vang vang a , Lily a lo nuihsang laiin ka nu chu a lo tap leh pur tawh a , u Lawmtei lam ka va hawi chuan nui ruh ruh pahin a mitko minlo san khum zeuh zeuh a , he nu mai mai hi chu a mizia a lo la thlak miahlo a nih dawn hi .






Zanriah kan ei lai chuan ka chhugte chuan min ngaihsak em em a , chawhmeh te chu min suah sak thlap a , an chezia chuan min inti thlahrung viau a mahse min ngaih zia leh min hmangaih zia an lantir ve na ni mai in ka hria .





Kan bo tirh atang a vawin ni thleng a ka hun tawn ka sawi chuan mak an ti tih an hmel ah a lang reng a , Hriatpuii an lainat zia pawh ka nu leh Lily chuan an sawi chamchi a ,keipawh Hriatpuii ka sawichhuah leh takah chuan ka mittui a hnai leh kuar tawh. Lily chuan ka bulah mut a tum ruh viau a ,mu tur a min sawm ngial pawhin ka lo hnial tlat a , Marcus alo kal ka ring a ka hmel a hmuh loh chuan hreawm a tih ka hlau ani. Chutia rei ngial ka nghah hnu pawh chuan Marcus alo lang thei hauhlo a , a tlai ve deuh tawh a ka chau bawk nen Lily nen chuan ka room lam panin kanin zui chho a , ka room chu a rimtui in a lo fel thlap a Lily ka melh chuan nui sangin " ka lo tihfel sak ziah che a" ti in min hrilh zui a .





Mut hmunah chuan Lily nen kan kut kanin chelh tawn tlat a ,a mitmengah chuan zawhna tam tak a nei in ka hria . " U nghah nei I ang e " a tih chuan amah chu ka en vat a , zawhna mitmengin minlo melh ve kar bawk a , Lily bulah hi chuan engmah zep a tul in ka hrelo. " Marcus a lo kal ka ring a "




" U Vivian, I duh ami ?" ...... " Umm....A ni pawn min hmangaih" .



"I chhungkua nilo hmangaih I nei theih I rin ngailoh kha " ka nui chhuak hak a, Lily hian a sawi dik.


" Kha chu Marcus ka tawn hma a nia , ih maw ...Lily, Marcus hian ka nun na min chhan sak a , amah vang chauh in dam takin kanin hmu leh thei a ,riltam a ka awm in eitur min pe a ,hnem ka ngaihin min hnem a ,ka tah apiang in ka mittui min hruk sak a ,ka hreawm chuan a lo na ve thin .....I hrethiam lo maithei, a tello chuan ka kimlo a , ka khua a har a ka ngai em em a ,a bulah awm ka chak reng thin bawk tun ang hian" ka ti duah a Lily chuan min melh vang vang in " chu vang chuan ami i hmangaih" a ti khauh a ,ka hre hauhlo .






" Ai ...En teh ,hmangaihna hi a zawn in ka zawng a , mihring ah ka en a ka lungdumtu ka tawng ngailo. Hmelthatna leh hausakna te hian hmangaihna a chhawm lo a , hmangaihna chu kan chezia leh mizia te ,kan nunphung te leh thildang tam tak hian a hlawh chhuak thin in ka hria. ..Aaa , ka sawifiah thiamlo, i tawn hunah i hrethiam ve mai in ka ring " ka tih chuan a ner nang nang a , " kei chu i tawn ang hi tawng ve ngat ila chuan, romantic mood ai chuan hlauhna nasa lutuk vangin ka damchhuak miahlo ang " tiin a nui vur vur a . Lily chu a la tawng tui viau a , ka chau bawk nen a thilsawi chu mumang nen ka hriat pawlh deuh nawkin ka hria ,a tawpah phei chuan a tawng ri chu ka hre zui tawhlo.






Zing a ka thawh chuan ka mutna bul chu a lo ruak hiang tawh a Lily thawh lai ka hre hauhloh. In phih fai sawk sawk in in hnuai lamah ka chhuk thla zui a , sitting room ka thlen rual chuan ka nu leh pa in in leng an lo kawm mawlh mawlh a ,min hmuh rual chuan ka nu chuan " Bawihte,lo kal lawk teh" tiin minlo ko zui a ,chhang lem lo chuan an lam chu ka pan phei nghal a. An bul ka thlen rual chuan ka pa zawk chuan " hei lo kawm lawk che an duh a , minister lo tirh an nih hi" tiin minlo hmelhriat tir zui a,nelawm thei ang ber a nui chungin an sirah chuan ka thu ve nghal zat a .







Reporter ho bulah chuan Marcus nihna leh a hming ka sawi lang hauhlo a , Thudik zat ve thu tak ang thei tur berin ka remkhawm ta vel ni maiin ka hria, Marcus ka hum theihna awmchhun a nih ka rin vang ani. Kanin kawm zawh chuan min chibai leh te te a kal mai an tum lai chuan " minlo hrethiamlo lawk, ka thil tawn vang a zangnadawmna leh tanpuina awm thei ang chi kha ka duhlo ania" tiin kalo in sawi khalh zung zung a ,an ni pawh chu an bu ve nghat nghat a .






Ni hnih ngawt a liam leh hnu pawhin Marcus chu a reh vung vung a pawng zawn mai te ka nap rum rum hial lah a tam , khawi lai hmunah emaw tu ma hriatloh hian alo ar te thih mai a ni ang tih mawlh chuan ka ngaihtuahna a luah a ,min vilh leh ngut ngut thin.A rilru thlakin kei hi min thlauhthla a nga ,ka tel lo a nun bul tan turin ka hriat lohna hmunah mithar ang maiin nunthar bul a tan dawn tihna em ni? Ni lul suh se,a tello chuan ka dam zo lo ang.,ka hmangaih pawh kha ka kiangah lo chuan khawi hmunah mah hlimna tluantling a hmu bik in ka ring lo ,ka ring phal ngai bawk lo ang.






Thenawm khawvengah takngial pawh ka chhuak ngailo a ,ka chanchin hria a rawn lenglut thenrual tha te pawh chu ka kham lek lek fo mai , ka sawi ngei hre chak a min zawn leh bawl bawl thin lah bo lo. Ka chhehvel boruak ning viau si in ka khua a har ru em em thung a , lunglenna chuan min zem leh chiai chiai thin. Marcus ngaihtuah loh lai ka nei ngailo a ,ka tello in hlimna a zawng a nih ka ring hmiah tawh . Ni hnih lek chhung ka hmuhloh pawn ka ngai em em a , ka ngaih ang hian min ngai ve lo anih pawhin a kiangah awm chu ka la duh fan tho ani.




Ni hnih emaw ni thum emaw , karkhat pawh nise chu mai pawh nilo kum hial vei mahse min hmangaih thu leh min kalsan ngailo tur a min tiamtu kha Marcus ani miau a, chu chuan beiseina thar min pe leh thin. Phone ka khawih loh chuan in ah ka thu mawl tawp a,a chang leh social media platform tinah Marcus ka zawng leh chuk chuk thin a mahse enge ka chan hi beidawn na chauh ani ka hlawhchhuah thin .




Zantlai leh chhun pachang pawh sawilo hian ka Marcus ka mipa hmangaih kha zawngin kawtthler tin hi ka suar tluan mai dawn em ni? Khawi hmunah emaw chuan ka tawng leh mial mahna mahse ani chuan min kalsan a ,ka lak a a thutiam rinawm tak a ka lo vawn ve kha a sut a ,min kalsan a .Ni e , kei hi bum ka ni ..Ni lo, min phatsan zawk ani.




Karkhat a liam leh pawn Marcus chu a la reh vawng vawng a ,a thawm takngial pawh hriat tur a awmlo. Ka ngai a ,ka hmu chak viau bawk , min ngai ve miahlo anih pawhin thlahna thu sawitur tal pawhin ka hmel hi a hmu ve chaklo em ni?. Kei min thlauhthla in a hlimna min pan san a ,mahni chauh a hnuchiah ka ni .A mah vangin chaw ka ei theilo a,zanah ka muhil theilo bawk a a mah ngai a tah chang lah ka ngah .





Ka hmangaihna pawh in a chelh din zawh loh ka hmangaih kha ka ngai a ,ka mamawh bawk ani .Kei ai a a thlan zawk thil chu thil tha tak ni se ka duh a , hlim se dam se ka duhpui bawk .Rilru in duhsakna hlan mahse thinlung chuan pawm har a ti a , " eng a ti nge ? Engvang nge? Zawhna tamtak ka nei a chhan na hmuh tur awm hauh silo .





Ka chhugten theihtawp min chhuah pui a ka nu phei chuan ei tur tha leh vitamin tinreng min leisak a mahse ka harsatna hi damdawi leh eitur tui hnai tak tak hmang a chinfel rual ani silo ani. Tun hunah min phatsan mahse khuarei ah kei min ngaih vang a inchhir hian ka hming a lam chhuak ve ngei in ka ring, mahse ni e , hmalam hun dawn thei ka nilo tun a ka dinhmun ah pawh hian ka chau a ,harsa ka ti a ka beidawng em em ani.




'Marcus, phatsan tu ...Hmingduhawm ka ngai lutuk che" phatsan ka nihna hi pawmthiam harsa ka ti a ,hun leh ni tam vei mahse ka pawm thiam thei kher in ka ringlo.





Ni lo ...Min phatsan hauhlo a ,min hmangaih thu sawi tu leh min kalsan ngailo tur a tiam tu kha mipa dang nilo in ka Marcus ani.Ka hmangaih kha chu a danglam ve ngailo ang,a nun kha a harsa em a fuih tu leh hnem tu tur a nei lo a ,he khawvel ah hian a mal em asin.A dinhmun khan zir se zawng kei hi min thlauhthla ngai hauhlo a , ka hmangaih ang hian min hmangaih ve tih ka hria mahse chu chuan hlimna nilo in natna chauh a pe thung a . Marcus hi dem thei ka nilo ,a kiang a ka awm chuan harsatna chauh ka thlen thin a ,kei min tawn hma pawh khan a nun kha a hreawm dawn vei nen .





Marcus chuan duhtlang turin dikna a nei a ,duh a thlang a hnawl leh phatsan ka ni. He hmunah hi chuan a mal em a ,a neihchhun kei lah chuan harsatna bak ka thlen thei silo , a hlimna tur pan chuan kal mawlh rawh se .Hlimna tam tak chhiar sen loh hial khawp a tam nei se la ,ka pek theih loh hlimna zawng zawng nei mawlh rawh se , mahse Lalpa hei chauh hi ka dil ang che Marcus Hmingduhawma kha dam se hlimna tam tak tawng se ka hmangaih ani tih hi theihghilh ngai suh se .




( Next hi Marcus pov a nih dawn vangin laklawh tawkin a tawp leh nih hi)



End of chapter : 9




( Harsatna eng emaw ka neih avangin tunlai chu ka regular lo lutuk a ,ka story minlo ngaihhlut sak a minlo chhiarsak thin tu zawng zawngte in mi hriatthiamna ka ngen che u . Dam chuan kan regular leh thei tawh tur ah ngai ang aw )


Show post links
Top

[Ngaia]

CHAPTER : 10



Marcus Pov :



Ka rilru hah lutuk chu hui pap pahin ka hmai ka tuai puat a , inchhung dungah chuan ka vei leh thuak thuak thin bawk a ." A fanu chu ruksak mai ta che" he ka thianpa thawveng zet lah hian thurawn teng hneng tak tak hi min pe ve a , ka rilru hah na hi min hriatthiam pui tih ka hria mahse tun ah kher hi chuan hei ai a thurawn tha zawk min pek tur a neilo a ni mahna.





" Ka inpek mai angai ang ,chu ai a duhthlan tur tha ka nei chuanglo" ka tih chuan min en zawk a , " Viviani venghim I duh thu i sawi a ni lawm ni" tiin min chhang ve zat bawk a .Ni e ...Viviani venghim chu ka duh , chutiang tur pawh chuan theihtawp ka chhuah ngei a mahse ka tih theih bak thil leh ka ven sen loh thil tam tak hi ka thunun seng biklo ani.




Karkhat liam ta a Viviani nen kanin then hran khan ka thianpa Mesaka hi ka pan ding nghal chat a , Mesaka lo hi belh tur dang ka neilo reng ani. Jail chhung a ka awm lai pawh khan Mesaka hian min rawn tlawh fo a , amah vang hian hahdam tak a awm chang pawh ka ngah ve thin . Jail atang a ka tlanchhuak dawn pawh khan amah hian min puih nasa ber a , hmanraw tam zawk ka neih theihna chhan pawh ani reng ani.





Viviani hmu tur a kal ka duh a mahse fimkhur ka ngaih zia ka hrechiang a a hma ah ka in lan theilo thung a . Zantin an in bul ah dingin ka veng a , minute khat pawh thin thi in ka awm bo san theilo ani, saw inchhung ah sawn a him ngei em tih pawh ka chiang tawhlo a mahse engtin nge ka tih chuan ang kei a mipa hmangaih leh a rin ber kiangah pawh hian a him mawlh silo ani. He hmeichhe khawgaihthlak nen hian lo in tawng lo ila , hringnun duhawm leh awhawm ber neitu hmeichhia a ni mai tur ania .






Mesak phei chu a lungawilo fo a ka hmelma pa fanu ka hmangaih a , hmangaihna vang a zawl dawh viau a phupa pawh lak theih tak tlatloh mai kha dawizep thlak a ti a ,chu chuan Viviani thlengin a ngaihtheihloh tir fo mai mahse Viviani a hriatchian loh vang ah ka ngaihsak mai thin. Viviani ka kalsan dawn lai a a hmel mawlh kha , ka kiangah awm a thlakhlehna mitmeng kha ka hriatchuah apiangin mipa e tilo hian ka rum pui leh kawk thin. Belh tur chhugkua pawh neilo, a hmangaih pawh venghim theilo tu mipa lak a a thlamuang hmel leh a hlim hmelh te khan min vilh ngut ngut a , ka awm zawn hi a na leh vawng vawng thin. Hun diklo ah kanin tawng ka ti leh thin ang, ni e ...Viviani min tawntir a nih pawhin hetiang lo deuh hian ni se ti a ngaihtuah chang ka nei fo mai.







Ni hnih liam ta khan Sanglura hnen atangin amah hmu tur a kohna ka dawng a , a mak pawh ka tilo .A hma ah in lan lo mahila he khawpuiah hian ka awm a ,a fanu him dam tak a hruai haw tu ka ni tih pawh a hre daih tawh ang tih ka ring hmiah. Mesaka hnen ah ka awm tih pawh a uisa thiam rual te hnen atang khan a hre leh vek tawh ang, a fanu hian min hmangaih a keipawhin ka hmangaihna mahse chu thil chu kan ramhuai pa thil duhloh ber ani thung ang. A mah hmu tur chuan ka kal ngei a mahse hlauhna leh zamna ka nei tawhlo,a chaklohna ber a fanu thinlung neitu ka ni miau ani. Viviani infiam nan a hman chu ka duhlo viau a mahse tih theih dang ka neilo a ,kan misualpa chiai hmel vel hmuh ve kha ka chak ani.






A hma a ka thut thlak rual chuan minlo nuih nghal sawng a , a lu um dark vek khawp ah kah thuai hi ka chak takzet .Awmze nei tak a min melh kual leh ralh phei chuan ka kut ngei a pawhsawn vek hi ka chak takzet, mahse pa sun tawh nu leh pa tello a seilian ka ni a a hreawm ka ti thin takzet ,ka tawn ang kha Viviani leh Lily tawn ve atan ka duhlo ani . Hetiang dinhmunah pawh ka hmelma pa fanu te tan a a tha ber ka la duh fo chu mak ka ti a , chaklo ka inti viau bawk . " Ka farnu min enkawl sak tur chauhin ka dil che " ka tih chuan a meng kual ralh a " chutiang chu ka bat a ni em ni?" Tiin min zawt let khauh a , thinrim lutuk insum theilo chuan dawhkan chu ka chum bur a ,ka silai pairuk chu phawrhin a chalah tak ka tin siah bawk a ,a chiai hmel hmuh ka duh mahse a la nui cheu nia .





" Ka fanu chuan a pa ang tho in mipa tha a hria a nih dawn ni" tiin a phun sup a. " Ka tan thawk leh rawh"



." Nang nen a thawhdun leh ai chuan thih ka thlang zawk" a lo nui hawk a , " hetiang mizia I neih vang hian alawm ka ngaihnat viau che " a hmelah thinrimna a lang chhuak lo a ,mahse luhlulna a khat mitmeng in min melh ran a . " Ka fanu nupui ah I nei thei bawk ang , ka fanu khan a zem a hneh viau che ani lawm ni" a duh a neih theih nan a fanu pawh hmatheh theitu mihring hian dam a phu lo , that hial ka duh mahse chunglam leh Vivian hian min ngaihdam tawh ngailoh ang.




" Damdawi hmanga sum thianghlim lo lakluh a chhungkua chawm ai chuan" ka ngawi dat a ,ner sawk pahin " mi chaklo zia ani, mahni sumdawnna vawng him theilo leh midang hmatheh ching.Hetiang mihring chuan dam in phu lo ,mahni tihsual pawh tuar ngamlo mipa leh lek phei chuan thih tha a thih pawh hi I phu lo"




" Naupang i tawngkam kha fimkhur rawh,ka pawisa vang a tun thleng a damkhawchhuak I nih kha hre rawh, tu mah hriatloh pawh hian ka dah bo hmak thei che" a thusawi chu a sehchilh deuh nak a,a thinrim viau aniang a thisen zam pawh a pawng tawlh tawlh thei. " I pawisa a thlawnin ka hmang lo, i hnuaiah hah takin ka thawk a ,i hmingchhhiat ai zawng zawng ka hmingchhia a , keichuan hah takin ka ei tur ka thawk chhuak thin ,min chhawr tu pa sum hmuhna kha a tenawm viau tihloh chu .. I chhungkaw chawmna leh I inlak len na sum tenawm lutuk keimah vang a a lo phai then ve hlek kha chu la na duh suh. Kanin tawn hma zawng zawng pawh he sumdawnna tenawm te hi chu i khawih tan na a rei tawh lutuk, i thisenin a than hnan bawk, i dawizep a i chaklo reng a , hlauthawnna in a tuam vel che a ka kut a thih chiah hi I hmabak bawk" ..Thinrum lutukin a au tuar a ,kei in ka lo nuih suk thung a .





" Mi mawlpa ...Ka thurawn i pawm duhlo anih chuan i damchhug hun chu kha jail chhung tawp leh rimchhe tak ah khan hmang leh ang che" ni e , a hnuai a thawh leh ai chuan jail a luh leh pawh ka thlang zawk mahse engtin nge Viviani hi alo awm ang kei ngei pawh hi a hmel hmulo chuan ka awm theilo ang. " Ka fanu hmang a min vo chu tum buai duh suh, inngaihtuahna hun ka pe ang che min rawn hmu leh thuai dawn tih ka hre bawk ...Kal tawh rawh" tih pahin a tho a a chhuak zui nghal a, thinrim lutukin dawhkan a thil awm chu ka vai thla buan buan a ,au chhuah nghek ka chak takzet.






" Thil ei phawt teh ang" Mesaka tawng thawm ah chuan ka hwwichhuak vat a zing atangin engmah kan la eilo tih ka hrechhuak ve chiah ,ka rilru mang lutuk zarah thil ei pawh ka theihghilh fo mai ." Viviani hmu turin ka kal ang a ,chumi hnu ah jail ah ka let ang"




"Eng a " .... Ka thianpa chuan ka thilsawi chu a hriatthiam loh hmel kher mai.. Ni e , kawng dang ka neilo , Viviani pa hnuai a thawh leh a damdawi hmang a sumdawn leh ai chuan Viviani pwwn a duh zawk ngei ang . He pa hi report eng ang pawh ni ila jail ah a tang dawnlo a thil tih zatve pawh ka ti theilo a nih lai a a sumdawnna lo do chu thil tih chi pawh anilo , mahse hun hian ka tan thil tha hrechhuak se kan unau phuba chu ka la mawlh ang. Ka tan hun chhung ka tan zawh meuh chuan Viviani pawh pasal fanau nei in a chhangchhe tawh viau ang ,harsat viau dawn mahse hmangaihte hlim hmel chu ralkhat atangin kan thlir a ni mai ang chu.






Ni e ,ka rilru ka sawh sawn tawh tur anilo .. kan misualpa hnen ah ka thuthlukna ka hrilh chuan a thinrim zia pawh ka hrethei mahse hlau ang chuan ka awm duh bik lo . Keimah ngei ka in pe ang mahse chumi hma chuan Viviani ka hmuh min phalsak turin ka dil a , ka rinloh takin a remti ve mai bawk a ka damchhan ka neihchhun hmuh leh pawh chu hreh tak te in ka hreh a ,ka tlawm lutuk leh innghah nan ka tlak loh lutuk chu ka tha a na a Viviani hmachhawn leh pawh ka hreh tawh takzet .




Mipa laktlak loh lutuk min tawng hi he hmeichhe pawisawilo hi ka la khawgaih fo dawn anih hi.




End of chapter : 10





( A va tawi ve ........ Next hi pov dang a ni dawn sia , a laklawh lo zawk ang) .


Show post links
Top

[Ngaia]

CHAPTER : 11




Viviani pov :


Ka message dawn chu ka chhiar nawn leh thin a no lawng chauh ani bawk nen tunge tih rin ngaihna ka hrelo, min hmuh duh chhan tur ka hre lo hle bawk a mahse min hmu duh anih chuan ka hmu ngei ang . Bumna tawkin thah tum a beih ka tawk leh mai ang tih chu ka hlau a mahse enge maw hian mawlh tlat a ,hlauh a hnekin message min rawn thawn tu chu hmuh ngei ka duh ani.





Zan dar 8 a rik chuan chhuanlam enge maw siamin in atangin ka scooty chuan ka in khalh chhuak a , hotel lian zet hma ah chuan dingin ka thlir vang vang a.Engvang a tun ang hmunah hotel ah kher min hmuh a duh ang tih chu ka hrethiamlo telh telh, hun ka ngah lo tih hria hi ka hmalam chu ka pan thuai a , room no 125 na hma ah chuan dingin ka per leh dat dat thin a ,room chhungah chuan engthil nge ka hmachhawn ang tih ngaihtuah reng reng chuan ka tawi khawmuang reng a ,a tak tak thlen a ralah chuan kei hmeichhe awmnem hi ka zam chhe ti tih der chu nia .



Kawngkhar ka kik karh karh chuan chhang tu ka neilo,ka beng dawh a ka ngaihthlak ngial hnu pawh chuan a reh vung vung a ngaihtha zanlo chung chuan room chhungah chuan ka pen lut ta tho a . Room chhung a ka luh rual chuan ka hawikual ruai a, enge maw tak hmuh ka beisei a mahse ka beisei ang thil chu ka hmu hranlo. Khum a ka thut thlak rual chuan kan piah a bathroom kawngkhar chu a rawn ri khap a , mipa perfume rim pa hrak ka hip fuh nghal chat bawk a. Rang lutuk a ka hawi phei rual chuan Marcus nen kanin hmachhawn nghal chat a,ka mit ka la sawn theilo khawdang ka hawisan theilo hrim hrim.




" Marcus" hamhaih zetin a lamah chuan ka phei nghal rawk rawk a ,a hma ah chuan dingin ka thlek vang vang a ,a mah ngei ani.A biang leh hmui velah chuan hmul a to siar siar a ,a mitko thuk lam hret leh a taksa cher tak te chu ka en kual diat diat a,a lang bawrchhawr in a derdep hmel takzet mahse ka Marcus ngei kha ani. Ni e , ka chiang ka Marcus ngei kha ania lawm ,a hmel dam dap te a landan phen a a mize ngainat awm zet te , " ummm" tun lawk a a nui hmeltha zet thleng khan ka Marcus nihna dik tak vek ani.





" Marcus nagmah i ni tak tak" ka tap chhuak hawk a , Marcus chuan "ummm" tih zawngin min chhang a he mihring hian min ngaihna leh min thlakhlehna chhete mah a neilo , mahse saw a mitmeng a min hmangaihna saw chu a pha thei biklo ang. " Hmingduhawm" tap pur chung a ka tih chuan min kuah vat a , lungchhe em em a a mah ka ngaihthu leh ka huat thu ka sawi laite chuan ka samah duat deuhin minlo chul sak hauh hauh a,a chezia leh a mize dam thlup te chu ka ngai lutuk.





Min kalsan emaw tiin ka hua a , mahse tunah ka hma ah ka hmuhtheih leh ka kuah phakah a awm leh meuh chuan ka lungawiloh rukna te kha vawmbo ang duak an ni leh tawh a , ka thlahlel em em a min kalsan nawn leh hlauhna chuan min tuam hlup hlup a , ka theihtawp a nghet chuan ka kuah sauh sauh bawk a .





" Vivian, lo ngaihthla teh hun ka ngah lo" ..Ka biangah dawm chungin min en vang vang a , enge a sawi awmzia kha ka bul a awm tawh turin a lo let emaw ka tia sin. " Ai...I bulah ka awm tawh dawn , i tello chuan khawiah mah ka kal duh lo" tiin ka lo chhang vat a . " Ngaithla teh Bawihte, police in min man leh dawn a " .


" Ai...I bulah ka awm duh ,kan pahnih hian tlanbo daih mai ang ..Mawwhh...I bulah lo chuan ka awm duh tawhlo" a kut a vuan nghet sauh sauh pah chuan ka melh kar bawk a , thaw chhuak hawkin " ka nihna I hriat kha misual" misual ani lo tih ka hria sin.." misual I nilo tih ka hria ,ka pa thiltih ani tiraw ?" Min en vung vungin " kawngdang ka nei nganglo ani, nagmah vang chauh pawh hian duhthlan tur neih ve ka chak" a ti zuai raih a .




" Duhthlan tur min neih hi, min hmangaih lo ami? Ka hmangaih che a ,I bulah awm ka duh bawk " ka thusawi hi hrethiam se ka duh takzet ani. " Kawngdang a awmlo, min ngaidam rawh aw ... Hmangaih tlak ka nilo, ka phulo che ani " ka thinlung zawng zawng min ruksak hnu ah min phu loh thu a sawi leh chu nia , hmeichhe vanduai tak ka ni.




" Vanduai in ti lo la" ..




" Ka lo nghak ang che , kumkhat pawh nise engtiang a rei pawh ni rawh se .Ka nghak chhuak em em ang che mahse chu hunah chuan min hnar tawh suh aw, " hetiang tak hian mipa vangin ka la tlawm ngailo mahse tlawm ka hreh lo he mipa hian min hnar leh mawlh ka hlau a ,ka chhugte kalsan ngai pawh nise a kiangah hian ka awm duh a ,a tello chuan nun hian awmzia a nei in ka ringlo.




" Vivian, a rei lutuk"... A pawilo ka nghak mai ang , " ka nghak ang che , kum 10 pawh ni rawh se ka nghak chhuak em em ang che. Khawgaihin chu chu min phalsak rawh" a chil a lem khalh a ,a hrawk bawk che ralh thleng chuan ka hmu thei.. " kum 25 , hmeichhia vanduai tak i ni, kei kher min tawng hi khuanu duan sual te zing a mi a ni ngei ang .... Ngaihtuah teh, kum 25 a liam leh meuh chuan pitar I ni tawh ang" a nui chhuak hawk a. Phawk lutuk a ka lo en lai chuan " pasal tha tak nei in chhungkua I din a nga , chhangchhe nu I nih hunah meuh chuan min ngaihtuahna hun pawh I nei tawhlo hrim hrim ang" .






" Pasal ka nei dawnlo thlahna thu sawi suh,he khawvel ah leh khawvel piah lam thleng pawh hian nang lo chu ka ti fan ang" heti tak a ngenngawl leh zahtheih loh ka chhuah chung pawh hian min la hnar cheu ania . " Pasal nei a chhungkaw duhawm tak i din ni ah chuan i kiangah i hlimna tawmpui tur che in ka awm ve tawhlo ang,mahse hreawm ti suh.



" Tinge min hnar tlat a , Marcus min hmangaih lo takzet ami?" Ka zawhna vang chuan a mitmeng a danglam ve zawk a . " Ka hmangaih lutuk che , mahse hmangaih tu mawhphurna la thei dinhmunah ka ding lo ani" . Tah chhuah hawm hawm mai ka van chak tak em, Lalpa leh! Ka theihtawp ka chhuah chung pawn keimah chauh a kalsan ka ni leh ngei dawn a hriatna ka nei lian hle ani.





" Bawihte, a tawp nan tak tak enge ka tihsak theih ang che ,I duh duh min dil rawh?" A tawp nan maw .

" I tan fa duhawm tak hrinsak che ka duh, min kalsan hnu pawh a min phatsan ve ngailo tu tur i thisen kai ngei ,kan pahnih a kan fa kan in hmangaihna nem nghet tu tur ka duh" engthil nge ka sawi pawh ka hre lo ,ka ka atangin a ri chhuak ve phawng mai. " Ka theilo ang, i pasal tan a i thuamchhawm ropui ber chu i thianghlimna kha a nia sin, ka hmangaih na hmang tangkai a ka laksak che anih chuan i pasal tan thilpek hlu tak pek tur I nei lo ang" he mihring pa hi ,a thilsawi te hian min khei fek fek a a tawpah na lua awmlo in min chhun leh sawk sawk ni mai in ka hria ,engpawh sawi se pasal ka neilo khawp ang.Ka thianghlimna hmatheh a a hmeichhia zawkin zahtheih loh chhuah a tisa chakna a ka thlem chung pawn min la hnar cheu a ,a tan hian eng chiah nge maw ka nih le ? .






" Vivian Malsawmzual ka hmagaih che ,chu thil chu engmahin ti danglam suh se . In hmangaih tak lendun thei silo te hringnun chu tah hian tawp se, hmalam pan la i hlimna chuan par chhuang mawlh rawh se . Min tawn avang a inchhir hian chung lam khi dem ngailo la , khuanu ruat pawm thiam turin i chak tawk tih ka hria .





Pasal fanau nei a chhungkua I din ni chuan a lawmpui ber tu te zing ami ka ni ngei ang , i chhangchhiat na chu i mawipui viau in ka ring. Chu hun chu kei leh nag hian tawn dun ila tiin ka ngaihtuah fo mai, i chhugkaw tan theihtawp chhuah la min ngaiin tap ngai miah suh, I fate pa tan a na dawn em asin.






Hmangaihna kawng hi a tluang purh lo a ,bi boh leh pen kawi chang pawh a ngah ve thin . Mal leh khawhar riau ah in ngai lo la , hmangaihtu i nei tih in hrilh nawn fo rawh . Hun pui leh ni pawimawh bik ah min hriatchuah tum fo lo la , lo hlim la lo dam la , ruah sur apiang a lunghlui mu hnu hril thar leh a chi viau loh ang aw " a nui pah suk anih chu ,ka mittui luang kar atang chuan a hmel chu ka hmu phe ruai a ,a thutak leh tawh lutuk.





" Thinlung kilkhat luah kumkhua tawh tur hi chu an awm ve thei tlat, chutiang ah chuan min ngai rawh" .



" Marcus min kalsan suh,I bulah ka awm ve duh i tello chuan ka awm theilo" ka sawi zawh rual chuan pawnlamah thawm lo awm in kawngkhar chu an rawn beng ri dawt dawt a , chet mai ngaihna pawh ka hrelo Marcus ka va en chuan hahdam rawh min ti ni mai hian ka hria . Kawngkhar kan hawn mailoh avang chuan a rawn ri leh dawt thin a,vawi lehkhatah kawngkhar chu rawnin hawng thuai in police uniform ha pathum hi silai kengin a rawnin zui lut nghal a , Marcus chu an tin thap bawk a .




Marcus ka en chuan hlau hmel leh zam hmel a pu lo,ka chiai hmel a hmuh chuan a mitmeng in hahdam turin min hrilh ang tawk tawk a .










End of chapter : 11


Show post links
Top

[Ngaia]

CHAPTER : 12





Marcus hmel chu ka en leh thin a, hlauhna emaw zam hmel ka hmulo,keimah zawk chu ka chiai a ni ber a . " Eng emaw hriatsual in nei a ni ang" tiin police officer lo ding chu ka pan vat a ,mahse Marcus zawk chuan minlo khap thuai a . A tir atang engmah tihsual a nei lo chung pawh a thiamthu a sawi ve duh hauhlo hi ka hua a, tunah tak phei hi chuan min ti mangang takzet ani. " Marcus enge maw tal sawi ta che ....I tihsual anih loh kha" ti a au chungin ka va melh tawk tawk a , a mitmeng sen rum ah chuan enge a ngaihtuah ka hrethiam lo.





" Nula ...Min hrethiam la ,kan hna min thawh tir rawh" ti nghutin Marcus chu kawl an buntir mawlh mawlh a . Engvang a ngawi reng nge anih? Kan Lal Isua ang ah a in chan zawk emaw ni chu le ? ..." Hmingduhawm i thiamthu pawh sawi theilo khawp a bawhbuai tu che engthil nge awm a ? .Ka rilru natna chu thinrimna leh huatna in a rawn thlak chawp chilh a. Marcus thiamthu sawi duhloh vangin ka thinrim a ,ka pa thiltih vangin ka pa chu huat na men lohin ka haw mek bawk .





Marcus an hruai dawn tak tak ah meuh chuan awm ngaihna ka hrelo ani. Ka chiai a nasa takin ka mangang bawk a, Marcus hming lamin ka vai ruai bawk a Marcus chu ka kaltir phal tawh ngang lo ani. Rem leh remlo in ka kuah bet a ,theihtawp chhuahin minlo hnar tang tang thung a ,chungte hlei hlei chuan min ti na ." Marcus kal suh....Ka pu ,ka ni lo, aa ... Marcusa hian tihsual a neilo khawgaihin" ka sawi zo hmanlo kawngkhar chu a rawn in theh hawng thuai a. Ka pa ....Ni e , ka pa ngei chu a rawn lang zui a " Malsawmzual zah I van hrelo em em ve ," tih pahin min phih thuai a ,a chetdan chu ka lo ring lawk lo bawk nen ka petek ve dawr mai.




" Marcus hian tihsual a neilo, nang pawn I hrechiag ani lawm ni?" Ka pa chu ka melh ngar a. A zah hmel tawh takzet . " Marcus hi zalen tir rawh, khawgaihin" ka hmai chu a ri nghal sawk a ,ka pa thinrim mitmeng sen rum chu ka hmu zui nghal a .A thinrim viau aniang a thaw sek sek a, a kut pawh chu a khur der der mai. Marcus chuan min rawn hnaih nghal ruak a ,police awm ve te pawh chuan min thlir deuh tawp tawh a , chutia ennawm kan chhuah mai chu zia lo ka ti a mahse ka pawisa teuhlo ,ka mipa hmangaih tan a ka bei lo anih chuan ka inchhir kumkhua tawh zawk ang.




" Viviani hi I kut hmawr pawn dek tawh suh", Marcus tawng chu a vin hranlo a mahse a nghet charh thung a. Ka thlavang a hauh chu mak ka ti a kalo beisei phak bak ani ,ka pa pawh chuan chhang mai lo in a melh tlawk tlawk a ,a mitah chuan huatna leh vervekna chauh ka hmu ni mai in ka hria . " Viviani hi I kut hmawr pawn dek lo la,hreawm in i siamtur anilo" ti leh hmukin a in her a vawikhat pawh min melh lo chuan a mah mantu te chu a zui chhuak ta a ..Ka theihtawp chhuahin ka au a ,ka pa chuan minlo dawm vat a ,ka tal chiam a tawngkam chhe pui in ka pa chu ka an khum a .Ka tha neih zawng zawngin ka tang a ,ka awrawl tawpin Marcus chu ka au a , corridor phei a a kal lai te chuan ka theihtawp a ringin ka au a ka tap bawk a mahse vawikhat te mah rawn hawi let tawhlo in ,ka hmuh lai reng chuan a liam ta .





Chhuatah chuan thu thla hnawkin ka tap hawm hawm a. Ka mittui kar atangin thil ka hmu phe ruai a,hotel staff thenkhat leh hotel a lo awm ve dangte chuan min thlir thup a ,ka sir kilkhat a lo phun sap sap thawm te pawh ka hria. Lungchhe em em in ka tap a , he hmunah hian hlimna ka tawn mial beisei in ka kal a ,ka neihchhun ka Marcus bawk kha laksakin ka awm leh ta .. Ka hmangaih mahni thiamthu pawh sawi theilo,ka Marcus kha . Hringnun hi a van fair lo tak em ! Ka hmangaih kal liam chu ka thlir a , ni e ...Kum 25 hnu ah chauh a zalen tawh dawn .A rei dawn mang e , neih neilo vanneihna pawhin a en san beidawnna leh huatna te thian ,ka Marcus ka van lainat tak em!



( Thla hnih hnu ah)



" Hetiang ringawt zawng mi pangai nundan tur ani ngailo, Lilyi te hi en ta che thian mamawh ngawih ngawih in a awm a , a ngai em em reng che a . Nang lah room ah I tawm tlawk tlawk a ,thil I ei tha duh bawk silo ,mi hriatah pawh a zahthlak zozai . I rilru tur hi ka hrethiam mahse Marcus"



" Nu ,ka hria Marcus hming sawi lan kher a ngailo" a thusawi lai kalo pawh chah vang chuan a thawhak a . " I pasal em pawh anilo a, I nundan hi chu in ngaihtuah chiang rawh" ti leh thawh a rual a ,a chhuak zui ta hmak a . Ni e ..Ka nu khan a sawi diklo hranlo mahse keimah ah hian dal tu enge maw tak hi a awm tlat a ,thian kawm a lenchhuah te chu ka hreh a ka thil ei a tui lo bawk nen ka ritna pawh a tla hniam nasak tawh. Kha leh chen thla hnih chuang zaidam tak leh dawhthei takin min hrilh a ,a thusawi ka ngai pawimawh lo a tunah thinrim a thil min hrilh ta fo pawh hi ka dem hran lo.




Ka room ka tihfel na lamah nu Sangpuii phone no lehkha te a ka ziah ka dahthat chu ka hmu chhuak hlawl a ,kan haw hlim khan ka dahtha a kan buai zawm bawk nen ka lo theihghilh tlang daih a lawm le . Chhungkaw khawsak harsa ve tak ni chung khan pawisa min hmantir a , kan tan a a thatna kha rul senglo mahila a pawisa tal chu rulh hram ka duh ani. Ngaihtuahna thar ka nei a ,nu Sangpuii ba rulh pah a an chhugkaw tlawh mai mai ka rilruk a ,ka chhugte hian an phal dawnlo tih ka hria mahse ka tum chu ka ti tlang tho ang. Hetia ka awm tlawk tlawk chuan ka aa thei mai ang , in tei harh pawh ka mamawh hrim hrim. Ka ngaihtuahna avang chuan nui vur vurin ka insiam a ,nu Sangpuii te thil mamawh tur leh Zualtei te unau hawn tur thil lei tumin ka room ka chhuahsan zui a .




Inhnuai a ka chhuk chuan ka nu in minlo be vat a , " ka tei harh dawn" ka tih chuan min ngaihtuah hmel viau a mahse chutia ka chhuak harh tur chu a lawm hmel takzet . Min kalpui te a duh rum rum a mahse ka lo hnial a ,mahni chauh a kal kha ka duh zawk ani. Tlaiah ka haw a,nu Sangpuii te thil tur leh ka mamawh tur pawh ka lei nual a , Lilyi tan pawh eng eng emaw chu ka lei nual tho mai . Naktuk a chhuah nghal rum rum ka duh bawk nen ka thawmhnaw chu ka siam fel leh te te a ,ka phur ru angrneg viau tawh.




Zanriah kan ei lai chuan ka zinchhuah tur thu ka sawi a ka nu chuan " khawiah maw?" Alo ti vat a , " thingtlang ah ka zin harh dawn" ka ti liam puat a ,sawi kual duah kha ka peihlo. " Ka driver hruai ang che" ka pa chuan a lo ti vat bawk a ,chhan pawh ka chhang peihlo .Ka pa hi Marcus awmloh atangin ka be hmasa tawh ngailo hrim hrim, hnial viau pawh ni ila min thlithlai tur midang a dah leh dawn tho tih ka hriat vangin ka hnia duh hranlo. Lilyin kal ve a chak thu a sawi chuan " class kal I ngai" ka lo ti hmak a ,a ngawi dak mai. Lily lak a ka mizia hi chu hreawm ka ti ve thin ,ka nau ka hmangaih em em ka lak a a zum ta dak hi ka thiamloh vek ani.




Tukthuan eikhamah muangchang tawhlo in ka pa driver pu Thanga nen kan chhuak zui nghal a. Ka nu chuan fimkhur turin min chah uluk viau a ,ka pa tak phei chu ka hmu zui tawhlo. Mipa vang mai a hringtu pa huat chu a zia lo ka ti viau a ,mahse ka ngaidam theilo ani. Marcus jail a a luh leh tirh khan ka pa bulah theihtawp chhuah in a tanpuina ka dil a,ka chapo na zawng zawng dahtha in a hma ah ka tlawm a , Marcus tan ukil tha tak rawih sak turin ka ngen a mahse ka thusawi kha a beng rawngah a thun duhlo anih kha .




Thla thar apiangin Marcus hmuh tumin jail lam ka pan a mahse min hmuh duhloh thu bak ka dawng ngailo,a tirah phei chuan ka pa a inrawlh leh a nih ka ring nghet hmak a , chuti chung chuan ka kal ka thulh ngailo . Duty te pawn kal buai tawhlo mai tur a min hrilh chang, mahse a dam tha em tih tal hriat ka duh a ,a hmel ka hmu duh ani. Ka hmangaih thu te hrilh thar leh ka duh a ,engtiang a rei pawh nise ka nghah tlat tur thu hrilh ka duh a ,a mah chauh a mal tak ang a a in hriat chuan a lo beidawng mai ang tih ka hlau ani .




" Min hmu turin lo kal tawh suh se ...Ka dam tha a ngaihtuah ka ngailo, tumah ka hmu duhlo" tiin duty te bulah a lo sawi mahse ka kal ka thulh phah lo. Ka kal zing bawk a minlo be ve zauh tu pawh an awm ve nawk taawh a ,mahse zak thei ka nilo Marcus ka hmu duh em a ni. A kal atang a vawin thlengin a hmel ka hmu leh tawhlo a hreawm ka ti takzet, Marcus hian min ngai ve ngailo a nih ka ring a mahni inhnem nan chuan a tuarchhel em ani ka ti leh ngawt thin.




" Khawilam ah nge " pa Thangan a ti sup ah chuan mengchhuakin ka hawi kual vat a , khua kanlo lut der tawh a , sumo counter dawr lun ve laiah kha kanlo thleng tawh a . Kalna lam tur ka kawhhmuh zui nghal a , henglai hmun leh hun pawh hi ka tan chuan sulhnu vek. Marcus bawk kha awm ve se chuan henglaiah te hian sulhnu chhui lo in hlim takin ka nui ve mai tur . Kan thlahtu te atang Pathian pawi liantak sawi in keini am thlah kal zelte hian kan tuar ta bik mai em ni? Ti a ngaihtuah rum rum chang ka ngah viau thin.



" Tah khan ding rawh" ka tih rual chuan motor chu a ding dat a ,chhuk mai lo chuan ni Sangpuii te in chu ka thlir reng a .He hmunah hian Marcus nen bawk hlim takin kan nui dun a ,he hmunah hian mahni chauh a kan sulhnu ka chhuikir ka ring ngailo. Kan hlimna khan a vawrtawp a thleng chho mek ni a ka hriat laiin vawi leh khatah hlimna zawng zawng laksakin mal tak a mahni chauh a kalsan ka ni zui a,khawvel hi duh ai chuan a hreawm ka ti mah mah thin.




Nu Sangpuii te in lamah chuan muangchangin ka kal zui a ,pa Thanga chu motor ah a lo thu thung a . In chu a lo in hawng sa a tumah ka hmu mailo, thawm a awm deuh tho avang chuan ka lut zui a , " nu Sangpui", tiin ka ko zui lang lang a , room lam atangin thawm alo awm a nu Sangpuii alo lang zui a. Min hmuh chuan a phawk deuhin ka hria " sawmte," tiin min en tlawk tlawk a . A hrilhhai ve viau in ka hria ,kei tak pawh ka dinhmun chu a lai deuh tut a . " Ba ka lo rul dawn che a " ka ti ta rigawt a , nu Sangpuii chuan min chek khum tlak tlak pahin " Sawmte, ka pawisa ka puk tirlo che u ka pe che u a nih kha" a ti sap a .







Thingpui in pahin kan ti ti siam siam a tlaiah ka haw leh tur thu ka hrilh chuan a ngaihdan anilo hle a , keipawn riah pawh pawi ka tilo a, nu Sangpuii'n min sawm takah chuan hnial pawh ka tum buai lo ,kanin chhuahsan ve lawk ka duh ani. Riak tur chuan ka rilru ka siam fel hmak tawh, duh leh pa Thanga chu amahin let mai rawh se ka pa leh a thuih hruaite hi ka ngaihven chiam peihlo.





Zualtei te unau lo haw chuan min nel leh nghal em em a mak ka ti angreng,kanin hmuh lohna a rei tawh tehreng nen. Chaw kan ei laite chuan kan ti ti mawlh mawlh a ,pa Thanga pawh ka pa in haw a remtih lo aniang kan bulah a awm ve ta reng a . Zanah chuan Marcus nen a kan mutna ah khan keimahin ka mu a ,ka rilru chuan Marcus bawk a ngaihtuah leh tawh a tunah hunah te hian a muhil ve tawh angem? Kei chuan Marcus chauh ani ka ngaihtuah em em reng ni.





Ka muthilh dawnah chuan ni Sangpuii chu ka bulah a lo kal a , " i muhil tawh a maw ka tia" tiin kalo be vat a , minlo nuih var var a . Ka kutah chelhin " Sawmte, thudik sawi a hun tawhlo maw" tiin min melh vang vang a , ni e keipawn dawt a nun hman hi ka kham tawh takzet. " I hre vek em ni? " Ka tia ka zawh let chuan " hrevek lo e mahse thudik i sawilo tih chu ka hria" tiin min chhang zui a .






" Sawmtei ka nilo" alo nui hak a , " i pasal pawh anilo tiraw?" .... " Umm, Marcus a nih kha . Keichu Viviani mahse kan in hmangaih " a thaw zui hak a . " Chanchintharah ka lo hmu a " ni e a hmu ve tak ang chu Mizoram boruak kal mekah chuan keini chanchin tluk a midang beng verh a awm hleinem. " Misual ani miahlo, thil hriatsual vang chauh ani" ka ti nghal mawlh mawlh a ,nu Sangpuii chuan min hriatthiam hmel takin a lo bu nghat nghat a .




Tawng leh ka tum mek laiin ka phone alo ri zui a , nu Sangpuii chuan zai zirin chhang turin min hrilh a, " naktukah kan sawizawm leh dawn nia" tiin a chhuak zui nghal a . Phone ka chhan rual chuan " u i thleng tluang em ,chanchin engmah i rawn sawilo a " tiin Lily a rawn tawng zui lang lang a . " Thil pawimawh a awm ami?" Ka tih chuan a phun nang nang a " tlaiah i thiannu alo kal a , hmuh ngei ngei che a ngaihthu a sawi bawk a " a tih chuan tu ka thiannu nge kalo zawt vat a .




" Ka hrelo, a hmeltha lutuk...A hming ka zawh theihghilh daih " a ti liam puat a. Lily nen kanin biakna kan tihtawp hnu pawh chuan tu ka thiannu nge ni ang tih ka ngaihtuah zui a , Lilyi hriat ve loh thian ka neih awm pawh ka hrelo. Tunlaiah te chuan phone kan nei fur tawh a ,phone hmang pawh a minlo biak mai awm ania . Ka ngaihtuah ngial pawn min hmuh ngei ngei ngai awm thian ka neih ka hrelo.




End of chapter : 12


Show post links
Top